Misangano Yebasa yaNovember
Vhiki Inotanga naNovember 7
10 min: Zviziviso zvomunzvimbomo neZviziviso zvakasarudzwa zvomuUshumiri Hwedu hwoUmambo. Dudzai pfundo rimwe rokutaura kana kuti maviri ari muchimwe nechimwe chemagazini azvino ayo anogona kushandiswa mukuagovera.
18 min: “Shoko raMwari Rine Simba.” Mibvunzo nemhinduro. Batanidzai tsinhiro pamusoro poukoshi hwokurava Bhaibheri kwenguva dzose dzakavakirwa pamashoko okutanga aKunzvera Magwaro Zuva Nezuva—1994.
17 min: “Bhaibheri—Manyuko Enyaradzo Netariro Munyika Inotambudzika.” Kurukurai navateereri. Rongai mienzaniso miviri inoratidza nzira yokushandisa nayo mharidzo dzakakarakadzwa.
Rwiyo 24 nomunyengetero wokugumisa.
Vhiki Inotanga naNovember 14
10 min: Zviziviso zvomunzvimbomo. Ravai mushumo weakaunzi nokubvumwa kwemipiro kupi nokupi. Hwirudzurai gadziriro dzomubato wakafutunurwa webasa romumunda mukati menhambo yezororo renyika mwedzi unotevera.
17 min: “Unoratidza Rudzii Rwomudzimu?” Hurukuro. Batanidzai tsinhiro dzinobva muchinyorwa chaJune 15, 1977, cheNharireyomurindi yechiNgezi, peji 369, ndima 4 ne 5.
18 min: “Nzira Dzokuvandudza Nadzo Kuparidza Kwedu Umambo.” Mibvunzo nemhinduro. Kumbirai vateereri kurondedzera zvakaitika zvinoratidza kuti zvikarakadzo zvinopiwa muUshumiri Hwedu hwoUmambo zvakashandiswa sei nemigumisiro yakanaka.
Rwiyo 37 nomunyengetero wokugumisa.
Vhiki Inotanga naNovember 21
12 min: Zviziviso zvomunzvimbomo. Bhokisi Remibvunzo. Hurukuro. Itai kushandiswa kwomunzvimbomo kwamashoko acho.
15 min: Zvinodikanwa zvomunzvimbomo. Kana kuti hurukuro inokurukurwa nomukuru yakavakirwa pa“Onga Basa Rako Rinoyera” iri muchinyorwa chaSeptember 1, 1994, cheNharireyomurindi, peji 29.
18 min: “Vabetsere Ku‘nzwazve.’” Kurukurai navateereri. Ivai nemienzaniso miviri yakasanogadzirirwa inoratidza kuti Bhaibheri ringashandiswa sei pakutanga fundo.
Rwiyo 52 nomunyengetero wokugumisa.
Vhiki Inotanga naNovember 28
10 min: Zviziviso zvomunzvimbomo. Enzanisirai nzira dzokusuma nadzo magazini azvino.
17 min: “Zvikomborero Zvinobva Mukushanda Navamwe.” Mibvunzo nemhinduro. Kurudzirai vose kutsigira misangano yebasa romumunda inorongwa neungano panzvimbo pokuita nguva dzose gadziriro dzomunhu oga dzokubuda vari voga. Kushanda neboka kunoguma nezvikomborero zvomuraudzo, basa rinobudirira zvikuru, uye kukurudzirana.
18 min: Kugovera Bhuku raMunhu Mukurusa Mukati maDecember. Kune kudikanwa kukuru kweiri bhuku. Mazana amamiriyoni avanhu anotaura kuti vateveri vaJesu uye vanotaura kuti vanodavira zvaakadzidzisa. Vanhu vanofanira kuziva zvakamutsauranisa navamwe vanhu vose—ruponeso rwavo runotsamira pakuri. Bhuku raMunhu Mukurusa, ganhuro 133, rinoti: “Mwoyo yedu inosundwa apo tinorangarira ushingi hwake hwakaisvonaka noutsungi, uchenjeri hwake husingaenzaniswi, mano ake akaisvonaka somudzidzisi, utungamiriri hwake hwokusatya, uye tsitsi dzake huru nokunzwira ngoni.” Bhaibheri rinomuzivisa nenzira yakajeka se(1) Chapupu (Joh. 18:37), (2) Muponesi (Mabasa 4:12), uye (3) Mambo (Zvak. 11:15). Itai kuti muparidzi anokwanisa aenzanisire mharidzo achishandisa mamwe eaya mapfundo. Kurudzirai vose kugoverana mukuparadzira iri bhuku mukati maDecember.
Rwiyo 61 nomunyengetero wokugumisa.