Misangano Yebasa yaFebruary
Vhiki Inotanga naFebruary 6
10 min: Zviziviso zvomunzvimbomo. Zviziviso zvakasarudzwa zvomuUshumiri Hwedu hwoUmambo. Enzanisirai nzira iyo nyaya dziri mumagazini azvino uno dzinogona kusimbiswa nayo mubasa rapasuo nesuo.
17 min: “Kuparidza—Ropafadzo Inokudzwa.” Mibvunzo nemhinduro. Itai tsinhiro dzokuwedzera dzakavakirwa paNharireyomurindi, July 15, 1990, peji 19, ndima 13-16.
18 min: “Kusuma Nenzira Inobudirira Bhuku raKurarama Nokusingaperi.” Hwirudzurai mapfundo makuru navateereri, kubatanidza tsinhiro dzomuBhuku rinoTungamirira reChikoro, mapeji 46-7, ndima 9-12. Kurukurai rudzi rwesumo ingava inobudirira mundima yenyu. Itai kuti mharidzo imwe kana kuti mbiri dzienzanisirwe.
Rwiyo 82 nomunyengetero wokugumisa.
Vhiki Inotanga naFebruary 13
5 min: Zviziviso zvomunzvimbomo. Mushumo weakaunzi. Dudzai kubvuma kweSosaiti mipiro ingave yakagamuchirwa.
10 min: Zvinodikanwa zvomunzvimbomo. Kana kuti hurukuro panyaya inoti “Kutaurirei Pamusoro paMwari?” iri muna Mukai! yaOctober 8, 1994, mapeji 13-15.
15 min: “Shoko roUmambo—Kuwana Mufungo Waro.” Mibvunzo nemhinduro. Itai kuti vanhu vaviri kana kuti vatatu varondedzere kuti vanoronga kuita fundo yavo yomunhu oga kana kuti hwirudzuro yorugwaro rwezuva sei uye rini.
15 min: “Ratidza Kurangarira Vamwe—Rutivi 2.” Hurukuro nekurukurirano zvinoitwa nomukuru. Onesai zvinetso zvipi nezvipi zvakacherekedzwa munzvimbomo, uye ipai zano rakakodzera.
Rwiyo 109 nomunyengetero wokugumisa.
Vhiki Inotanga naFebruary 20
12 min: Zviziviso zvomunzvimbomo. Onesai nyaya dzomumagazini azvino uno dzakakodzera ndima yomunzvimbomo. Enzanisirai mharidzo.
15 min: “Kuita Chinodikanwa Chikuru Chomunhu Kupfurikidza Nokuonga.” Hurukuro inokurukurwa nomukuru, achiita kushandisa kwomunzvimbomo. (Onai Nharireyomurindi, December 1, 1994, mapeji 28-30.)
18 min: “Tevera Fariro Yawakawana.” Kurukurai navateereri. Rondedzerai tsinhiro dzinoratidza kuonga kugamuchira bhuku raKurarama Nokusingaperi. Ivai nomuenzaniso mumwe kana kuti miviri mipfupi inoratidza nzira iyo mharidzo dzakakarakadzwa dzinogona kushandiswa nayo. Kurudzirai vose kuedza kutanga fundo navanhu vanofarira.
Rwiyo 147 nomunyengetero wokugumisa.
Vhiki Inotanga naFebruary 27
10 min: Zviziviso zvomunzvimbomo. Kurukurai inoti “Kubetserwa Nehurukuro Dzavose Dzakahwirudzurwa.”
20 min: “Ndoupi Uri Mugariro Wavakafa?” Hurukuro inokurukurwa nomukuru nokushandiswa kwomunzvimbomo. Betserai vose kusununguka padzidziso dzinopesana naMagwaro. (Onai Nharireyomurindi, October 15, 1994, mapeji 4-7.)
15 min: Kugovera bhuku raMibvunzo Inobvunza Vechiduku mukati maMarch. Kurudzirai munhu ari wose kuva nembavarira pamusoro pokurigovera. Hwirudzurai zvikonzero zvokubudiswa kwaro, sezvakarondedzerwa mubhuku racho papeji 2. Hwirudzurai uye nokupfupikisa enzanisirai mharidzo inovamba nomubvunzo unoti, “Wakambonzwa nezvevanhu vaduku vanodzongonyedza dzidzo yavo nenhumbu dzisina kukodzera nguva here?” Nongedzerai kuganhuro ripi neripi riri pasi pechikamu pamusoro pe“Kuronga Misi Yokuvhakacha, Rudo uye Vemitezo Yakasiyana.” Ratidzai kuti tsika dzakanaka dzinobetsera sei vanhu kuchengeta kuzviremekedza uko kunoparira vamwe kuvaremekedzawo. Chinokosha zvikuru, kunobetsera munhu kuchengeta chimiro chinotenderwa pamberi paMwari. Yeuchidzai vose kutora makopi okushandisa mubasa kupera kuno kwevhiki.
Rwiyo 207 nomunyengetero wokugumisa.