MGA AWIT

1 Maligaya ang taong hindi sumusunod sa payo ng masasama

At hindi tumatayo sa daan ng mga makasalanan+

At hindi umuupo sa upuan ng mga nangungutya.+

 2 Sa halip, nalulugod siya sa kautusan ni Jehova,+

At ang kautusan Niya ay binabasa niya nang pabulong* araw at gabi.+

 3 Magiging gaya siya ng isang puno na nakatanim sa tabi ng daluyan ng tubig,

Isang puno na namumunga sa panahon nito,

Na ang mga dahon ay hindi nalalanta.

 4 Ang masasama ay hindi ganiyan;

Gaya sila ng ipa na tinatangay ng hangin.

 5 Kaya ang masasama ay hindi mananatiling nakatayo kapag hinatulan sila;+

At ang mga makasalanan ay hindi mananatiling nakatayo kasama ng nagkakatipong mga matuwid.+

 6 Dahil alam ni Jehova ang daan ng mga matuwid,+

Pero ang daan ng masasama ay maglalaho.+

2 Bakit nagkakagulo ang mga bansa

At ang mga bayan ay nagbubulong-bulungan* tungkol sa walang-katuturang bagay?+

 2 Ang mga hari sa lupa ay tumindig

At ang matataas na opisyal ay nagkaisa*+

Laban kay Jehova at sa kaniyang pinili.*+

 3 Sinasabi nila: “Lagutin natin ang mga ikinadena nila sa atin

At itapon ang mga panali nila!”

 4 Ang nakaupo sa trono sa langit ay matatawa;

Pagtatawanan sila ni Jehova.

 5 Sa tindi ng galit niya ay magsasalita siya sa kanila sa panahong iyon,

At sisindakin niya sila ng kaniyang nag-aapoy na galit.

 6 Sasabihin niya: “Ako mismo ang nagluklok sa aking hari+

Sa Sion,+ na aking banal na bundok.”

 7 Ipahahayag ko ang sinabi ni Jehova;

Sinabi niya sa akin: “Ikaw ang anak ko;+

Ngayon, ako ay naging iyong ama.+

 8 Hilingin mo sa akin, at ibibigay ko ang mga bansa bilang iyong mana

At ang buong lupa bilang iyong pag-aari.+

 9 Babaliin mo sila gamit ang isang setrong bakal,+

At dudurugin mo silang gaya ng isang palayok.”+

10 Kaya ngayon, kayong mga hari, magpakatalino kayo;

Tumanggap kayo ng pagtutuwid,* kayong mga hukom sa lupa.

11 Maglingkod kayo kay Jehova nang may takot,

At magsaya kayo nang may panginginig.

12 Parangalan* ninyo ang anak;+ kung hindi ay magagalit ang Diyos*

At malilipol kayo,+

Dahil ang galit Niya ay biglang sumisiklab.

 3 Pero ikaw, O Jehova, ay isang kalasag sa palibot ko,+

Ang kaluwalhatian ko+ at ang nagtataas ng aking ulo.+

 4 Tatawag ako nang malakas kay Jehova,

At sasagutin niya ako mula sa kaniyang banal na bundok.+ (Selah)

 5 Hihiga ako at matutulog;

At gigising ako nang panatag,

Dahil patuloy akong tinutulungan ni Jehova.+

 6 Hindi ako natatakot sa sampu-sampung libo

Na nakaabang laban sa akin sa lahat ng panig.+

Susuntukin mo sa panga ang lahat ng kaaway ko;

Babasagin mo ang mga ngipin ng masasama.+

 3 Tandaan ninyo na espesyal* ang pagtrato ni Jehova sa tapat sa kaniya;

Pakikinggan ako ni Jehova kapag tumawag ako sa kaniya.

 5 Maghandog kayo nang may matuwid na puso,

At magtiwala kayo kay Jehova.+

 7 Pinuno mo ang puso ko ng kagalakan

Na nakahihigit sa kagalakan ng mga taong may saganang ani ng butil at bagong alak.

 8 Mahihiga ako at matutulog nang payapa,+

Dahil ikaw lang, O Jehova, ang nagbibigay sa akin ng kapanatagan.+

5 Pakinggan mo ako, O Jehova;+

Pansinin mo ang pagbubuntonghininga ko.

 2 Pakinggan mo ang paghingi ko ng tulong,

O aking Hari at aking Diyos, dahil nananalangin ako sa iyo.

 3 O Jehova, maririnig mo ang tinig ko sa umaga;+

Sa umaga ay sasabihin ko sa iyo ang niloloob ko+ at sabik akong maghihintay.

 4 Dahil ikaw ay Diyos na hindi nalulugod sa kasamaan;+

Walang sinumang masama ang mananatiling kasama mo.+

Napopoot ka sa lahat ng gumagawa ng masama;+

 6 Pupuksain mo ang mga nagsisinungaling.+

 7 Pero pupunta ako sa bahay mo+ dahil sa iyong dakila at tapat na pag-ibig;+

Yuyukod ako sa iyong banal na templo* dahil sa paggalang at takot sa iyo.+

 8 O Jehova, akayin mo ako sa matuwid mong daan dahil napapalibutan ako ng mga kaaway;

Alisin mo ang mga hadlang sa paglakad ko sa iyong daan.+

 9 Dahil lahat ng sinasabi nila ay hindi mapagkakatiwalaan;

Laging masama ang intensiyon nila;

Ang lalamunan nila ay bukás na libingan;

Ginagamit nila ang dila nila sa pambobola.+

10 Pero hahatulan sila ng Diyos;

Ipapahamak sila ng sarili nilang pakana.+

Itaboy mo nawa sila sa dami ng kasalanan nila,

Dahil nagrebelde sila sa iyo.

11 Pero ang lahat ng nanganganlong sa iyo ay magsasaya;+

Lagi silang hihiyaw nang may kagalakan.

Haharangan mo ang mga gustong manakit sa kanila,

At ang mga umiibig sa pangalan mo ay magiging masaya.

12 Pagpapalain mo ang sinumang matuwid, O Jehova;

Gaya ng isang malaking kalasag, poprotektahan mo ang mga kinalulugdan mo.+

6 O Jehova, huwag mo akong sawayin nang galit ka,

At huwag mo akong ituwid nang nagngangalit ka.+

 3 Naghihirap ang kalooban ko,+

At gusto kong malaman, O Jehova—hanggang kailan?+

 4 Bumalik ka, O Jehova, at sagipin mo ako;+

Iligtas mo ako dahil sa iyong tapat na pag-ibig.+

 5 Dahil sa kamatayan, hindi ka na babanggitin,*

Sa Libingan,* sino ang pupuri sa iyo?+

 6 Nanghihina na ako sa kalungkutan;+

Sa buong magdamag, basang-basa ng luha ang higaan ko;*

Bumabaha ng luha sa kama ko.+

 7 Pagod na ang mga mata ko sa pagdadalamhati,+

Nanlabo* ito dahil sa lahat ng kaaway ko.

 8 Lumayo kayo sa akin, lahat kayong gumagawa ng masama,

Dahil maririnig ni Jehova ang pag-iyak ko.+

 9 Pakikinggan ni Jehova ang paghingi ko ng tulong;+

Tatanggapin ni Jehova ang panalangin ko.

10 Mapapahiya at panghihinaan ng loob ang lahat ng kaaway ko;

Bigla silang uurong dahil sa kahihiyan.+

 2 Kung hindi, lulurayin nila ako gaya ng ginagawa ng leon;+

Tatangayin nila ako at walang magliligtas sa akin.

 3 O Jehova na aking Diyos, kung ako ang nagkamali,

Kung may inagrabyado ako,

 4 Kung ginawan ko ng masama ang gumagawa ng mabuti sa akin,+

O kung sinamsaman ko ang kaaway ko* nang walang dahilan,

 5 Habulin nawa ako at maabutan ng kaaway,

Hayaan mong tapak-tapakan niya ako sa lupa hanggang sa mamatay

At maglaho sa alabok ang kaluwalhatian ko. (Selah)

 6 Bumangon ka sa iyong galit, O Jehova;

Harapin mo ang poot ng mga kaaway ko;+

Gumising ka para sa akin, at iutos mong ilapat ang katarungan.+

 7 Palibutan ka nawa ng mga bansa;

At lalabanan mo sila mula sa kaitaasan.

Hatulan mo ako, O Jehova, ayon sa matuwid kong mga gawa

At ayon sa katapatan ko.+

 9 Pakisuyo, wakasan mo nawa ang ginagawa ng masasama,

Pero patatagin mo ang mga taong matuwid,+

Dahil ikaw ang matuwid na Diyos+ na sumusuri sa puso+ at sa kaibuturan ng damdamin.*+

11 Ang Diyos ay isang matuwid na Hukom,+

At inihahayag ng Diyos ang mga hatol niya* araw-araw.

12 Kapag ang sinuman ay hindi nagsisisi,+ pinatatalas ng Diyos ang kaniyang espada;+

Binabaluktot niya ang kaniyang búsog at inihahanda ito.+

13 Inihahanda niya ang kaniyang nakamamatay na mga sandata;

Inihahanda niya ang nagliliyab niyang mga palaso.+

14 Tingnan mo ang isa na nagdadala ng kasamaan sa kaniyang sinapupunan;

Naglilihi siya ng gulo at nagsisilang ng kasinungalingan.+

15 Gumagawa siya ng hukay at pinalalalim pa iyon,

Pero nahuhulog siya sa mismong hukay na ginawa niya.+

16 Ang kaguluhang ginawa niya ay babalik sa sarili niyang ulo,+

Ang karahasan niya ay babagsak sa tuktok ng kaniyang ulo.

17 Pupurihin ko si Jehova dahil sa kaniyang katarungan,+

Aawit ako ng mga papuri* sa pangalan ni Jehova,+ ang Kataas-taasan.+

8 O Jehova na Panginoon namin, napakadakila ng pangalan mo sa buong lupa;

Ginawa mong mas mataas pa kaysa sa langit ang kaluwalhatian mo!*+

 2 Mula sa bibig ng mga bata at sanggol,+

Ipinakita mo ang lakas mo sa mga kalaban mo,

Para patahimikin ang kaaway at ang naghihiganti.

 3 Kapag tinitingnan ko ang iyong langit, ang mga gawa ng iyong kamay,*

Ang buwan at ang mga bituin na inihanda mo,+

 4 Ano ang hamak na tao para alalahanin mo,

At ang anak ng tao para pangalagaan mo?+

 5 Ginawa mo siyang mas mababa nang kaunti sa mga tulad-diyos,*

At kinoronahan mo siya ng kaluwalhatian at karangalan.

 6 Pinamahala mo siya sa mga gawa ng iyong kamay;+

Inilagay mo ang lahat ng bagay sa ilalim ng mga paa niya:

 7 Ang lahat ng kawan at mga baka,

Pati na ang mga hayop sa parang,+

 8 Ang mga ibon sa langit at ang mga isda sa dagat,

Anumang lumalangoy sa karagatan.

9 Pupurihin kita, O Jehova, nang buong puso ko;

Sasabihin ko ang tungkol sa lahat ng iyong kamangha-manghang gawa.+

 2 Magagalak ako at magsasaya dahil sa iyo;

Aawit ako ng papuri* sa pangalan mo, O Kataas-taasan.+

 3 Kapag umurong ang mga kaaway ko,+

Madadapa sila at mawawala sa harap mo.

 4 Dahil ipinagtanggol mo ako at binigyan ng katarungan;

Nakaupo ka sa iyong trono at humahatol nang matuwid.+

 5 Sinaway mo ang mga bansa+ at pinuksa ang masasama;

Binura mo ang pangalan nila magpakailanman.

 6 Ang kaaway ay lubusan nang nalipol;

Binunot mo ang mga lunsod nila,

At hindi na sila maaalaala pa.+

 7 Pero si Jehova ay mananatili sa trono niya magpakailanman;+

Itinatag niya nang matibay ang trono niya para sa katarungan.+

 8 Hahatulan niya ang mundo* ayon sa katuwiran;+

Maglalapat siya ng matuwid na hatol sa mga bansa.+

 9 Si Jehova ay magiging ligtas na kanlungan* para sa mga inaapi,+

Isang ligtas na kanlungan sa panahon ng pagdurusa.+

10 Ang mga nakaaalam sa pangalan mo ay magtitiwala sa iyo;+

Hindi mo kailanman iiwan ang mga humahanap sa iyo, O Jehova.+

11 Umawit kayo ng papuri kay Jehova, na naninirahan sa Sion;

Ipaalám ninyo sa mga bansa ang mga ginawa niya.+

12 Dahil naaalaala niya sila at ipaghihiganti niya ang dugo nila;+

Hindi niya kalilimutan ang daing ng mga nagdurusa.+

13 Maawa ka sa akin, O Jehova; tingnan mo ang kalupitan ng mga napopoot sa akin,

Ikaw na nag-aahon sa akin mula sa mga pinto ng kamatayan,+

14 Para maihayag ko sa pintuang-daan ng anak na babae ng Sion+ ang kapuri-puri mong mga gawa,

At para magsaya ako dahil sa pagliligtas mo.+

15 Nahulog ang mga bansa sa hukay na ginawa nila;

Nahuli ang sarili nilang paa sa bitag* na iniumang nila.+

17 Ang masasama ay uurong papunta sa Libingan,*

Ang lahat ng bansang lumilimot sa Diyos.

18 Pero ang mga dukha ay hindi tuluyang malilimutan;+

At hindi maglalaho ang pag-asa ng maaamo.+

20 Sindakin mo sila, O Jehova,+

Ipaalám mo sa mga bansa na sila ay mga tao lang. (Selah)

 2 Buong kayabangang tinutugis ng masama ang walang kalaban-laban,+

Pero mapapahamak siya sa sarili niyang pakana.+

 3 Dahil ipinagmamalaki ng masama ang makasarili niyang mga pagnanasa+

At pinupuri niya ang sakim;*

נ [Nun]

Hindi niya iginagalang si Jehova.

 4 Dahil sa kayabangan, ang masama ay hindi nagsusuri;

Buong-buo sa isip niya: “Walang Diyos.”+

 5 Nagtatagumpay ang mga ginagawa niya,+

Pero hindi niya naiintindihan ang mga pasiya mo;+

Hinahamak niya ang lahat ng kaaway niya.

 6 Sinasabi niya sa sarili: “Hindi ako matitinag;*

Lumipas man ang maraming henerasyon,

Hindi ako mapapahamak.”+

 7 Ang bibig niya ay punô ng sumpa, kasinungalingan, at banta;+

Ang nasa dila niya ay gulo at pinsala.+

 8 Nag-aabang siya malapit sa mga pamayanan;

Mula sa taguan niya ay pumapatay siya ng inosente.+

10 Ang biktima ay dinudurog at ibinababa;

Ang mahihina ay nahuhulog sa mga kamay niya.*

Sa iyo lumalapit ang kawawang biktima;+

Ikaw ang tumutulong sa batang walang ama.*+

15 Baliin mo ang braso ng masama,+

Para kapag hinanap mo ang kasamaan niya,

Wala ka nang makikita.

18 Bibigyan mo ng katarungan ang mga walang ama at ang mga inaapi,+

Para hindi na sila takutin pa ng mga hamak na tao sa lupa.+

 2 Inihahanda ng masasama ang búsog;

Inilalagay nila sa bagting ang kanilang palaso

Para panain mula sa kadiliman ang mga tapat ang puso.

 3 Kapag nagiba ang mga pundasyon,*

Ano ang magagawa ng matuwid?”

 5 Sinusuri ni Jehova ang matuwid pati ang masama;+

Napopoot siya sa sinumang mahilig sa karahasan.+

 6 Magpapaulan siya ng bitag* sa masasama;

Apoy at asupre*+ at nakapapasong hangin ang ilalagay sa kopa nila.

12 Iligtas mo ako, O Jehova, dahil ang mga tapat ay wala na;

Naglaho na ang mga tapat sa sangkatauhan.

 2 Nagsisinungaling sila sa isa’t isa;

Nambobola sila* at nagsasalita nang may mapandayang puso.*+

 3 Puputulin ni Jehova ang dilang nagyayabang

At ang mga labing nambobola.+

 4 Pupuksain niya ang mga nagsasabi: “Magtatagumpay kami sa pamamagitan ng mga dila namin.

 5 “Dahil inaapi ang mahihina,

Dahil nagbubuntonghininga ang mga dukha,+

Kikilos ako,” ang sabi ni Jehova.

 6 Ang mga salita ni Jehova ay dalisay;+

Gaya ito ng pilak na dinalisay sa hurnong luwad,* nilinis nang pitong ulit.

 7 Babantayan mo sila, O Jehova;+

Poprotektahan mo ang bawat isa sa kanila magpakailanman mula sa henerasyong ito.

 8 Ang masasama ay malayang gumagala

Dahil itinataguyod ng mga anak ng tao ang kasamaan.+

 2 Hanggang kailan ako mababahala

At malulungkot araw-araw?

Bigyan mo ng liwanag ang mga mata ko, para hindi ako matulog sa kamatayan,

 4 Para hindi sabihin ng kaaway ko: “Natalo ko siya!”

 5 Nagtitiwala ako sa iyong tapat na pag-ibig;+

Magsasaya ang puso ko dahil sa iyong pagliligtas.+

Ang mga ginagawa nila ay napakasama at kasuklam-suklam;

Walang gumagawa ng mabuti.+

 2 Pero tinitingnan ni Jehova mula sa langit ang mga anak ng tao

Para makita kung may sinumang may kaunawaan, kung may sinumang humahanap kay Jehova.+

 3 Lahat sila ay lumihis;+

Lahat sila ay masasama.

Walang gumagawa ng mabuti,

Wala kahit isa.

 5 Pero mababalot sila ng matinding takot,+

Dahil si Jehova ay kasama ng henerasyon ng mga matuwid.

 6 Kayong masasama, hinahadlangan ninyo ang mga plano ng dukha,

Pero si Jehova ang kanlungan niya.+

Kapag tinipong muli ni Jehova ang kaniyang bayan na binihag,

Magalak nawa ang Jacob, magsaya nawa ang Israel.

 2 Ang taong may malinis na pamumuhay,*+

Gumagawa ng tama,+

At nagsasabi ng totoo sa puso niya.+

 3 Hindi siya naninirang-puri,+

Hindi siya gumagawa ng masama sa kapuwa niya,+

At hindi niya sinisiraan* ang mga kaibigan niya.+

 4 Itinatakwil niya ang sinumang kasuklam-suklam,+

Pero pinararangalan niya ang mga natatakot kay Jehova.

 5 Hindi siya nagpapautang nang may patubo,+

At hindi siya tumatanggap ng suhol laban sa walang kasalanan.+

 3 At ang mga banal sa lupa,

Ang mararangal, ay nagpapasaya sa akin.”+

Hindi ako magbubuhos ng dugo bilang handog na inumin para sa kanila,

At hindi ko babanggitin ang pangalan nila.+

Sa presensiya* mo ay may lubos na kagalakan;+

May kaligayahan sa iyong kanang kamay magpakailanman.

17 Dinggin mo ang paghingi ko ng katarungan, O Jehova;

Bigyang-pansin mo ang paghingi ko ng tulong;

Pakinggan mo ang panalangin kong walang pagkukunwari.+

 2 Magbigay ka nawa ng makatarungang hatol alang-alang sa akin;+

Makita nawa ng iyong mata ang tama.

 3 Sinuri mo ang puso ko, sinuri mo ako sa gabi;+

Dinalisay mo ako;+

Makikita mong hindi ako nagplano ng anumang masama,

At ang bibig ko ay hindi nagkasala.

 4 Di-gaya ng ginagawa ng iba,

Hindi ko tinutularan ang mga magnanakaw, dahil sa iyong salita.+

 5 Manatili nawa sa iyong mga daan ang mga paa ko

Para hindi ako matalisod.+

 7 Ipakita mo ang iyong tapat na pag-ibig sa kamangha-manghang paraan,+

O Tagapagligtas ng mga tumatakas sa mga nagrerebelde sa iyo

At nanganganlong sa iyong kanang kamay.

 8 Ingatan mo akong gaya ng itim ng iyong mata;+

Itago mo ako sa lilim ng iyong mga pakpak.+

10 Naging manhid sila;*

Nagsasalita sila nang may kayabangan;

11 Ngayon ay sinusukol nila kami;+

Humahanap sila ng pagkakataong pabagsakin kami.

12 Ang kaaway ay gaya ng leon na sabik manlapa ng biktima,

Gaya ng leon na nakatago at nag-aabang.

13 O Jehova, harapin mo siya+ at pabagsakin;

Iligtas mo ako sa masama gamit ang iyong espada;

14 O Jehova, iligtas mo ako sa pamamagitan ng iyong kamay

Mula sa mga tao sa mundong* ito, na nabubuhay lang para sa kasalukuyan,*+

Na binubusog mo ng mabubuting bagay+

At nag-iiwan ng mana sa marami nilang anak.

15 Pero ako, makikita ko ang iyong mukha dahil ginagawa ko ang tama;

Kontento akong magising na kasama ka.*+

Ang aking Diyos ang aking bato;+ sa kaniya ako nanganganlong,

Ang aking kalasag at aking sungay* ng kaligtasan,* ang aking ligtas na kanlungan.*+

 3 Tumatawag ako kay Jehova, na karapat-dapat purihin,

At ililigtas niya ako sa mga kaaway ko.+

 4 Tinalian ako ng mga lubid ng kamatayan;+

At natakot ako sa pagbaha ng walang-kuwentang mga tao.+

 5 Ang mga lubid ng Libingan* ay pumulupot sa akin;

Ang mga bitag ng kamatayan ay sumalubong sa akin.+

 6 Sa kagipitan ay tumawag ako kay Jehova,

Patuloy akong humihingi ng tulong sa aking Diyos.

Mula sa kaniyang templo ay narinig niya ang tinig ko,+

At narinig niya ang paghingi ko sa kaniya ng tulong.+

 7 Pagkatapos, nayanig ang lupa at umuga;+

Ang mga pundasyon ng kabundukan ay nayanig

At umuga dahil ginalit siya.+

 8 Umusok ang ilong niya,

At lumabas sa bibig niya ang tumutupok na apoy;+

Lumagablab ang nagniningas na mga baga mula sa kaniya.

 9 Pinayuko niya ang langit nang bumaba siya;+

Makapal at maitim na ulap ang tinutuntungan niya.+

11 Pagkatapos, itinago niya ang sarili niya sa kadiliman,+

Sa maiitim at makakapal na ulap,

Na nakapalibot sa kaniya na parang tolda.+

12 Mula sa liwanag sa harap niya

Ay bumagsak ang mga tipak ng yelo* at nagniningas na mga baga mula sa mga ulap.

13 At nagpakulog si Jehova sa langit;+

Ipinarinig ng Kataas-taasan ang kaniyang tinig+

At bumagsak ang mga yelo at nagniningas na mga baga.

14 Nagpakawala siya ng mga palaso, at nagkawatak-watak ang mga kaaway;+

Nagpakidlat siya, at nalito sila.+

15 Lumitaw ang sahig ng mga ilog;*+

Nalantad ang mga pundasyon ng lupain dahil sa pagsaway mo, O Jehova,

Dahil sa buga ng hangin mula sa iyong ilong.+

16 Mula sa kaitaasan ay inabot niya ako;

Hinawakan niya ako at iniahon mula sa malalim na tubig.+

17 Iniligtas niya ako mula sa malakas kong kaaway,+

Mula sa mga napopoot sa akin na mas malakas kaysa sa akin.+

18 Sinalakay nila ako sa araw ng aking kagipitan,+

Pero tinulungan ako ni Jehova.

19 Inilabas niya ako papunta sa isang ligtas* na lugar;

Iniligtas niya ako dahil nalulugod siya sa akin.+

20 Ginagantihan ni Jehova ang paggawa ko ng tama;+

Ginagantimpalaan niya ako dahil malinis* ang aking mga kamay.+

21 Dahil sinunod ko ang mga daan ni Jehova,

At hindi ako gumawa ng masama, hindi ko iniwan ang aking Diyos.

22 Ang lahat ng kahatulan* niya ay nasa harap ko;

Hindi ko babale-walain ang kaniyang mga kautusan.

23 Mananatili akong malinis* sa harap niya,+

At lalayo ako sa kasalanan.+

24 Gantihan nawa ni Jehova ang paggawa ko ng tama,+

Ang kalinisan ng mga kamay* ko sa harap niya.+

25 Magiging tapat ka sa mga tapat;+

Hindi mo pababayaan ang mga walang kapintasan;+

26 Sa mga taong dalisay ay ipinapakita mong dalisay ka,+

Pero sa masasama ay ipinapakita mong matalino ka.+

27 Dahil inililigtas mo ang mga hamak,*+

Pero ibinababa mo ang mga mapagmataas.*+

28 Dahil ikaw ang nagsisindi ng aking lampara, O Jehova,

Ang aking Diyos na nagbibigay ng liwanag sa kadiliman ko.+

29 Sa tulong mo ay malalabanan ko ang grupo ng mga mandarambong;+

Sa tulong ng kapangyarihan ng Diyos ay makaaakyat ako sa pader.+

30 Ang daan ng tunay na Diyos ay perpekto;+

Ang salita ni Jehova ay dalisay.+

32 Ang tunay na Diyos ang nagbibigay* sa akin ng lakas,+

At gagawin niyang perpekto ang aking daan.+

33 Ang mga paa ko ay ginagawa niyang gaya ng sa usa;

Pinatatayo niya ako sa matataas na lugar.+

34 Sinasanay niya ang mga kamay ko sa pakikipagdigma;

Nababaluktot ng mga bisig ko ang tansong pana.

35 Ibinibigay mo sa akin ang iyong kalasag ng kaligtasan,+

Inaalalayan ako ng iyong kanang kamay,

At nagiging dakila ako dahil sa iyong kapakumbabaan.+

36 Pinalalapad mo ang nilalakaran ko;

Hindi madudulas ang aking mga paa.+

37 Hahabulin ko at aabutan ang mga kaaway ko;

Hindi ako babalik hangga’t hindi sila nauubos.

38 Dudurugin ko sila para hindi na sila makabangon;+

Babagsak sila sa paanan ko.

39 Bibigyan mo ako ng lakas para sa pakikipagdigma;

Pababagsakin mo sa harap ko ang aking mga kalaban.+

40 Pauurungin mo ang mga kaaway ko,*

At pupuksain* ko ang mga napopoot sa akin.+

41 Humihingi sila ng tulong, pero walang nagliligtas sa kanila;

Tumatawag pa nga sila kay Jehova, pero hindi niya sila sinasagot.

42 Dudurugin ko sila nang pino na gaya ng alabok sa hangin;

Itatapon ko sila na gaya ng putik sa lansangan.

44 Dahil lang sa isang balita, susunod sila sa akin;

Nakayukong lalapit sa akin ang mga dayuhan.+

45 Panghihinaan ng loob* ang mga dayuhan;

Lalabas silang nanginginig mula sa kanilang mga kuta.

47 Ang tunay na Diyos ang tagapaghiganti ko;+

Isinusuko niya sa akin ang mga bayan.

48 Inililigtas niya ako sa galit kong mga kaaway.

Itinataas mo ako mula sa mga sumasalakay sa akin;+

Sinasagip mo ako mula sa taong marahas.

49 Kaya luluwalhatiin kita sa gitna ng mga bansa, O Jehova,+

At aawitan ko ng mga papuri ang* iyong pangalan.+

50 Kamangha-mangha ang mga pagliligtas niya* sa kaniyang hari;+

Nagpapakita siya ng tapat na pag-ibig sa kaniyang pinili,*+

Kay David at sa mga supling* niya magpakailanman.+

19 Ang langit ay naghahayag ng kaluwalhatian ng Diyos;+

Inihahayag ng kalawakan ang gawa ng mga kamay niya.+

 2 Araw-araw ay nagsasalita sila,

Gabi-gabi ay nagsisiwalat sila ng kaalaman.

 3 Walang pangungusap o mga salita;

Hindi maririnig ang tinig nila.

 4 Pero nakarating sa buong lupa ang tunog* nila,

At sa mga dulo ng lupa* ang mensahe nila.+

Sa langit ay nagtayo siya ng tolda para sa araw;

 5 Para itong bagong-kasal na lalaki na lumalabas sa silid niya;

Nagsasaya itong gaya ng isang malakas na lalaking tumatakbo sa takbuhan.

 6 Lumalabas ito mula sa isang dulo ng langit,

At umiikot ito hanggang sa kabilang dulo;+

At walang makapagtatago sa init nito.

 8 Ang mga utos ni Jehova ay matuwid, nagpapasaya ng puso;+

Ang batas ni Jehova ay malinis, nagbibigay ng liwanag sa mga mata.+

10 Mas kanais-nais ang mga iyon kaysa sa ginto,

Kaysa sa maraming purong* ginto,+

At mas matamis kaysa sa pulot-pukyutan+ na tumutulo mula sa bahay-pukyutan.

11 Nagbibigay ang mga iyon ng babala sa lingkod mo;+

Sa pagsunod sa mga iyon ay may malaking gantimpala.+

13 At pigilan mo ang lingkod mo sa paggawa ng kapangahasan;+

Huwag mo itong hayaang manaig sa akin,+

Para ako ay maging walang kapintasan+

At inosente sa malulubhang* kasalanan.

14 Ang pananalita ko at ang pagbubulay-bulay ng puso ko

Ay maging kalugod-lugod nawa sa iyo,+ O Jehova na aking Bato+ at aking Manunubos.+

 2 Padalhan ka nawa niya ng tulong mula sa banal na lugar+

At alalayan ka mula sa Sion.+

 3 Alalahanin niya nawa ang lahat ng iyong handog na kaloob

At malugod na tanggapin* ang iyong handog na sinusunog. (Selah)

 4 Ibigay niya nawa sa iyo ang mga gusto ng puso mo+

At pagtagumpayin ang lahat ng plano mo.

 5 Masaya kaming hihiyaw dahil sa pagliligtas mo;+

Itataas namin ang aming bandera sa pangalan ng aming Diyos.+

Sinasagot niya ito mula sa kaniyang banal na langit

Sa pamamagitan ng dakilang pagliligtas* ng kaniyang kanang kamay.+

 7 Ang ilan ay nagtitiwala sa mga karwahe,* at ang iba ay sa mga kabayo,+

Pero kami ay tumatawag sa pangalan ni Jehova na aming Diyos.+

 8 Natalo sila at nabuwal,

Pero kami ay bumangon at tumayo.+

21 O Jehova, nagsasaya ang hari dahil sa iyong lakas;+

Lubos siyang nagsasaya dahil sa iyong pagliligtas!+

 2 Ibinigay mo sa kaniya ang gusto ng puso niya,+

At hindi mo ipinagkait ang kahilingan ng mga labi niya. (Selah)

 3 Dahil sagana mo siyang pinagpala;

Nilagyan mo ang ulo niya ng koronang yari sa purong* ginto.+

 4 Humingi siya sa iyo ng buhay, at ibinigay mo iyon sa kaniya,+

Isang mahabang buhay, walang-hanggang buhay.

 6 Pagpapalain mo siya magpakailanman;+

Pinasasaya mo siya dahil sa iyong presensiya.*+

 7 Ang hari ay nagtitiwala kay Jehova;+

Dahil sa tapat na pag-ibig ng Kataas-taasan, hindi siya matitinag.*+

 8 Mahuhuli ng kamay mo ang lahat ng kaaway mo;

Mahuhuli ng kanang kamay mo ang mga napopoot sa iyo.

10 Pupuksain mo ang mga inapo* nila sa lupa,

At ang mga supling nila mula sa mga anak ng tao.

11 Dahil gusto ka nilang gawan ng masama;+

Gumawa sila ng mga pakanang hindi magtatagumpay.+

12 Dahil mapauurong mo sila+

Kapag itinutok mo sa kanila* ang iyong pana.*

Bakit hindi ka dumarating para iligtas ako?

Bakit hindi mo naririnig ang pagdaing ko?+

 2 Diyos ko, patuloy akong tumatawag kung araw, pero hindi ka sumasagot;+

At sa gabi ay hindi ako nananahimik.

 3 Pero ikaw ay banal,+

Pinupuri ka ng buong Israel.

 4 Sa iyo nagtiwala ang aming mga ama;+

Nagtiwala sila, at lagi mo silang inililigtas.+

 5 Sa iyo sila dumaing, at nakaligtas sila;

Nagtiwala sila sa iyo, at hindi sila nabigo.*+

 6 Pero ako ay isang uod at hindi tao,

Iniinsulto at hinahamak ng mga tao.+

 7 Pinagtatawanan ako ng lahat ng nakakakita sa akin;+

Pailing-iling sila at nilalait ako:+

 9 Ikaw ang naglabas sa akin mula sa sinapupunan,+

Ang nagpadama sa akin ng kapanatagan habang nasa dibdib ako ng aking ina.

10 Ipinagkatiwala* ako sa iyo mula nang isilang ako;

Mula pa sa sinapupunan ng aking ina, ikaw na ang aking Diyos.

11 Huwag kang manatiling malayo sa akin, dahil narito na ang kapahamakan+

At walang ibang tutulong sa akin.+

12 Pinalibutan ako ng maraming batang toro;+

Pinaligiran ako ng malalakas na toro ng Basan.+

13 Nakabuka nang malaki ang bibig nila laban sa akin,+

Gaya ng umuungal na leong lumalapa sa nahuli nito.+

14 Ibinuhos akong parang tubig;

Nalinsad ang lahat ng buto ko.

Ang puso ko ay naging parang pagkit;*+

Natunaw ito sa loob ko.+

15 Ang lakas ko ay natuyong gaya ng piraso ng basag na palayok;+

Dumikit na ang dila ko sa aking gilagid;+

Ibinababa mo ako sa alabok ng kamatayan.+

16 Pinapalibutan ako ng mga aso;+

Sinusukol ako ng pangkat ng masasamang tao.+

Kinakagat nila ang kamay at paa ko na gaya ng leon.+

18 Pinaghahati-hatian nila ang damit ko,

At pinagpapalabunutan nila ang kasuotan ko.+

20 Iligtas mo ako mula sa espada,

Ang mahalaga kong buhay* mula sa pangalmot* ng mga aso;+

21 Iligtas mo ako mula sa bibig ng leon+ at sa sungay ng mga torong-gubat;

Dinggin mo ako at iligtas.

22 Ipahahayag ko ang pangalan mo sa mga kapatid ko;+

Sa gitna ng kongregasyon ay pupurihin kita.+

24 Dahil hindi niya hinahamak o binabale-wala ang pagdurusa ng naaapi;+

Hindi niya itinatago ang mukha niya rito.+

25 Pupurihin kita sa malaking kongregasyon;+

Tutuparin ko ang mga panata ko sa harap ng mga natatakot sa iyo.

26 Ang maaamo ay kakain at mabubusog;+

Ang mga humahanap kay Jehova ay pupuri sa kaniya.+

28 Dahil ang paghahari ay kay Jehova;+

Namamahala siya sa mga bansa.

29 Ang lahat ng mayayaman* sa mundo ay kakain at yuyukod;

Ang lahat ng bumababa sa alabok ay luluhod sa harap niya;

Walang sinuman sa kanila ang makapagliligtas ng kaniyang buhay.*

30 Maglilingkod sa kaniya ang kanilang mga inapo;*

Ibabalita sa darating na henerasyon ang tungkol kay Jehova.

 2 Pinahihiga niya ako sa madamong mga pastulan;

Inaakay niya ako sa mga pahingahan na may saganang tubig.*+

 4 Kahit na lumalakad ako sa napakadilim na lambak,+

Hindi ako natatakot+

Dahil kasama kita;+

Panatag ang loob ko dahil sa iyong pamalo at tungkod.

Nilagyan* mo ng langis ang aking ulo;+

Punong-puno ang aking kopa.+

 6 Sa buong buhay ko, madarama ko ang kabutihan mo at tapat na pag-ibig,+

At maninirahan ako sa bahay ni Jehova habang nabubuhay ako.+

24 Kay Jehova ang lupa at ang lahat ng narito,+

Ang mabungang lupain at ang mga naninirahan dito.

 2 Dahil ginawa niya ito nang matibay sa mga dagat+

At itinayo itong matatag sa mga ilog.

 3 Sino ang makaaakyat sa bundok ni Jehova,+

At sino ang makatatayo sa kaniyang banal na lugar?

 4 Ang sinumang walang-sala* at may dalisay na puso,+

Na hindi nanunumpa ng kasinungalingan sa Aking pangalan*

O nananata nang may panlilinlang.+

 5 Tatanggap siya ng mga pagpapala mula kay Jehova+

At ituturing na matuwid ng* kaniyang Diyos ng kaligtasan.+

 6 Ito ang henerasyon ng mga humahanap sa kaniya,

Ng mga humahanap sa iyong mukha, O Diyos ni Jacob. (Selah)

 7 Iangat ninyo ang inyong ulo, mga pintuang-daan;+

Bumukas* kayo, mga lumang pasukan,

Para makapasok ang maluwalhating Hari!+

Si Jehova na malakas at makapangyarihan,+

Si Jehova na hindi matatalo sa digmaan.+

 9 Iangat ninyo ang inyong ulo, mga pintuang-daan;+

Bumukas kayo, mga lumang pasukan,

Para makapasok ang maluwalhating Hari!

 2 Diyos ko, nagtitiwala ako sa iyo;+

Huwag mong hayaang mapahiya ako.+

 3 Walang sinumang nagtitiwala sa iyo ang mapapahiya,+

Pero mapapahiya ang mga nagtataksil nang walang dahilan.+

 4 Ipaalám mo sa akin ang iyong mga daan, O Jehova;+

Ituro mo sa akin ang iyong mga landas.+

 5 Tulungan mo akong lumakad sa iyong daan ng katotohanan at turuan mo ako,+

Dahil ikaw ang aking Diyos ng kaligtasan.

 6 Alalahanin mo ang iyong awa, O Jehova, at ang iyong tapat na pag-ibig,+

Na lagi mong ipinapakita.*+

Alalahanin mo ako ayon sa iyong tapat na pag-ibig,+

Dahil ikaw ay mabuti, O Jehova.+

 9 Gagabayan niya ang maaamo para magawa nila ang tama,+

At ituturo niya sa maaamo ang kaniyang daan.+

10 Makikita sa lahat ng daan ni Jehova ang tapat na pag-ibig at katapatan niya

Sa mga tumutupad sa kaniyang tipan+ at mga paalaala.+

11 Alang-alang sa iyong pangalan, O Jehova,+

Patawarin mo ang pagkakamali ko, kahit na mabigat iyon.

13 Mapapabuti siya,+

At mamanahin ng mga inapo* niya ang lupa.+

14 Ang mga natatakot kay Jehova ang nagiging matalik niyang kaibigan,+

At ipinaaalam niya sa kanila ang kaniyang tipan.+

15 Ang mga mata ko ay laging nakatingin kay Jehova,+

Dahil aalisin niya ang mga paa ko sa bitag.*+

16 Tingnan mo ako at kaawaan

Dahil nag-iisa ako at mahina.

17 Dumami ang ikinababahala ng puso ko;+

Palayain mo ako sa pagdurusa ko.

18 Tingnan mo ang mga problema at paghihirap ko,+

At patawarin mo ang lahat ng kasalanan ko.+

19 Tingnan mo kung gaano karami ang mga kaaway ko

At kung gaano katindi ang galit nila sa akin.

21 Ingatan nawa ako ng aking katapatan at pagiging matuwid,+

Dahil sa iyo ako umaasa.+

26 Hatulan mo ako, O Jehova, dahil lumakad* ako nang tapat;+

Laging buo ang tiwala ko kay Jehova.+

 2 O Jehova, suriin mo ako at subukin;

Dalisayin mo ang kaloob-looban ng aking isip* at ang aking puso.+

 3 Dahil ang iyong tapat na pag-ibig ay laging nasa harap ko,

At lumalakad ako sa iyong daan ng katotohanan.+

 4 Hindi ako sumasama sa* mga taong mapanlinlang,+

At iniiwasan ko ang mga mapagkunwari.

 5 Napopoot ako sa masasama,+

At hindi ako nakikihalubilo sa kanila.*+

 6 Huhugasan ko ang mga kamay ko dahil wala akong kasalanan,

At lalakad ako sa palibot ng iyong altar, O Jehova,

 7 Para iparinig ang pasasalamat ko+

At ihayag ang lahat ng iyong kamangha-manghang gawa.

 8 Jehova, iniibig ko ang bahay na iyong tinitirhan,+

Ang lugar kung saan naroon ang iyong kaluwalhatian.+

 9 Huwag mo akong puksain kasama ng mga makasalanan,+

At huwag mong kunin ang buhay ko kasama ng mga taong mararahas.*

10 Ang mga kamay nila ay gumagawa ng kahiya-hiyang mga bagay,

At ang kanang kamay nila ay punô ng suhol.

12 Nakatayo ako sa patag na lugar;+

Sa malaking kongregasyon,* pupurihin ko si Jehova.+

 2 Nang salakayin ako ng masasamang tao para lamunin,+

Ang mga kalaban at kaaway ko ang natisod at nabuwal.

 3 Kahit na magkampo ang isang hukbo para salakayin ako,

Hindi ako matatakot.*+

Kahit na may makipagdigma sa akin,

Mananatiling buo ang loob ko.

 4 Isang bagay ang hinihiling ko kay Jehova

—Iyon ang inaasam ko—

Na makapanirahan ako sa bahay ni Jehova habang nabubuhay ako,+

Para masdan ang karilagan ni Jehova

At tingnan nang may pagpapahalaga* ang kaniyang templo.*+

 5 Dahil itatago niya ako sa kaniyang kanlungan sa araw ng kapahamakan;+

Itatago niya ako sa lihim na lugar, sa tolda niya;+

Ilalagay niya ako sa ibabaw ng isang mataas na bato.+

 6 Kaya magtatagumpay ako sa* mga kaaway ko na nakapalibot sa akin;

Maghahandog ako sa tolda niya habang humihiyaw sa kagalakan;

Aawit ako ng mga papuri* kay Jehova.

 7 Pakinggan mo ako, O Jehova, kapag tumatawag ako sa iyo;+

Kaawaan mo ako at sagutin mo ako.+

Ikaw ang tumutulong sa akin;+

Huwag mo akong pabayaan o iwan, aking Diyos ng kaligtasan.

10 Kahit na iwan ako ng aking ama at ina,+

Si Jehova mismo ang kukupkop sa akin.+

11 O Jehova, ituro mo sa akin ang iyong daan,+

Akayin mo ako sa matuwid mong landas para protektahan ako sa mga kaaway.

12 Huwag mo akong ibigay sa mga kalaban ko,+

Dahil inaakusahan ako ng sinungaling na mga testigo,+

At nagbabanta silang saktan ako.

13 Nasaan na ako ngayon kung wala akong pananampalataya

Na makikita ko ang kabutihan ni Jehova sa lupain ng mga buháy?*+

14 Umasa ka kay Jehova;+

Lakasan mo ang loob mo at magpakatatag ka.+

28 Patuloy akong tumatawag sa iyo, O Jehova na aking Bato;+

Pakinggan mo ako.

Kung mananahimik ka,

Magiging gaya ako ng mga bumababa sa hukay.*+

 2 Pakinggan mo ang paghingi ko sa iyo ng tulong

Habang itinataas ko ang mga kamay ko nang nakaharap sa kaloob-loobang silid ng iyong santuwaryo.+

 3 Huwag mo akong kaladkaring kasama ng masasama, ng mga gumagawa ng nakapipinsala,+

Ng mga mabait makipag-usap* sa kapuwa pero masama ang nasa puso.+

 4 Pagbayarin mo sila sa ginagawa nila,+

Sa kasamaan nila.

Singilin mo sila sa ginagawa ng kanilang kamay;

Gantihan mo sila sa mga gawa nila.+

 5 Dahil hindi nila binibigyang-pansin ang mga ginagawa ni Jehova+

At ang mga gawa ng mga kamay niya.+

 6 Purihin nawa si Jehova,

Dahil dininig niya ang paghingi ko ng tulong.

 7 Si Jehova ang aking lakas+ at aking kalasag;+

Sa kaniya nagtitiwala ang puso ko.+

Tinulungan niya ako, at nagsasaya ang puso ko,

Kaya pupurihin ko siya ng aking awit.

 8 Si Jehova ang lakas ng bayan niya;

Siya ay isang moog na nagliligtas sa kaniyang pinili.*+

29 Ibigay ninyo kay Jehova ang nararapat sa kaniya, kayong mga anak ng malalakas,

Ibigay ninyo kay Jehova ang nararapat sa kaniya dahil sa kaniyang kaluwalhatian at lakas.+

 3 Ang tinig ni Jehova ay naririnig mula sa ibabaw ng mga tubig;

Ang tinig ng maluwalhating Diyos ay gaya ng kulog.+

 4 Ang tinig ni Jehova ay makapangyarihan;+

Ang tinig ni Jehova ay marilag.

 5 Ang tinig ni Jehova ay bumabali ng mga sedro;

Oo, dinudurog ni Jehova ang mga sedro ng Lebanon.+

 6 Pinalulukso niya ang Lebanon* na parang guya,*

At ang Sirion+ na gaya ng batang torong-gubat.

 7 Ang tinig ni Jehova ay humahampas na may mga liyab ng apoy;+

 8 Pinanginginig ng tinig ni Jehova ang ilang;+

Pinanginginig ni Jehova ang ilang ng Kades.+

 9 Dahil sa tinig ni Jehova, ang mga usa ay nanginginig at napapaanak,

At nakakalbo ang kagubatan.+

10 Nakaupo si Jehova sa kaniyang trono sa ibabaw ng delubyo;*+

Nakaluklok si Jehova bilang Hari magpakailanman.+

30 Dadakilain kita, O Jehova, dahil iniahon mo ako;

Hindi mo hinayaang pagtawanan ako ng mga kaaway ko.+

 4 Umawit kayo ng papuri* kay Jehova, kayong tapat sa kaniya,+

Magpasalamat kayo sa kaniyang banal na pangalan;*+

 5 Dahil ang mapasailalim sa galit niya ay panandalian,+

Pero ang maranasan ang kabaitan* niya ay panghabambuhay.+

 8 O Jehova, patuloy akong tumawag sa iyo;+

Patuloy akong nagmakaawa kay Jehova.

11 Pinalitan mo ng pagsasayaw ang pagdadalamhati ko;

Inalis mo ang aking telang-sako, at binihisan mo ako ng pagsasaya,

12 Para ako* ay makaawit sa iyo ng papuri at hindi manatiling tahimik.

Maging bundok na kanlungan ka para sa akin,

Isang tanggulan na magliligtas sa akin.+

 3 Dahil ikaw ang aking malaking bato at ang aking moog;+

Alang-alang sa pangalan mo,+ aakayin mo ako at gagabayan.+

 4 Palalayain mo ako mula sa lambat na ipinambitag nila sa akin,+

Dahil ikaw ang aking tanggulan.+

 6 Napopoot ako sa mga sumasamba sa walang-silbing mga idolo,

Pero ako, kay Jehova ako nagtitiwala.

 7 Lubos akong magsasaya dahil sa iyong tapat na pag-ibig,

Dahil nakita mo ang pagdurusa ko;+

Alam mo ang paghihirap ng kalooban ko.

 8 Hindi mo ako ibinigay sa kaaway,

Pinatayo mo ako sa ligtas* na lugar.

10 Ang buhay ko ay punô ng pamimighati,+

At nauubos sa pagdaing ang mga taon ko.+

Nauubos ang lakas ko dahil sa pagkakamali ko;

Nanghihina ang mga buto ko.+

11 Hinahamak ako ng lahat ng kalaban ko,+

Lalo na ng mga kapitbahay ko.

At natatakot sa akin ang mga kakilala ko;

Kapag nakikita nila ako sa labas, agad nila akong nilalayuan.+

12 Inalis nila ako sa puso* nila at kinalimutan na para bang patay na ako;

Para akong basag na banga.

13 Marami akong naririnig na paninirang-puri;

Nakapangingilabot ang buong paligid.+

Kapag nagsasama-sama sila laban sa akin,

Nagpapakana silang patayin ako.+

Mapahiya nawa ang masasama;+

Manahimik nawa sila sa Libingan.*+

18 Matahimik nawa ang mga labing sinungaling,+

Ang mga labing nagmamataas at nanghahamak sa mga matuwid.

Inilalaan mo iyon sa mga may takot sa iyo,+

At ipinakita mo iyon sa mga nanganganlong sa iyo, sa harap ng lahat ng tao.+

20 Itatago mo sila sa lihim na lugar ng iyong presensiya+

Mula sa masamang plano ng mga tao;

Itatago mo sila sa iyong kanlungan

Mula sa mga nagsasalita ng nakasasakit.*+

21 Purihin nawa si Jehova,

Dahil ipinakita niya sa akin ang kaniyang kamangha-mangha at tapat na pag-ibig+ sa isang lunsod na sinasalakay.+

Iniingatan ni Jehova ang mga tapat,+

Pero pinagbabayad niya nang malaki ang sinumang nagmamataas.+

24 Lakasan ninyo ang inyong loob, at maging matatag nawa ang inyong puso,+

Lahat kayo na naghihintay kay Jehova.+

 2 Maligaya ang taong sa paningin ni Jehova ay hindi nagkasala+

At hindi mapanlinlang.

 5 Sa wakas ay ipinagtapat ko sa iyo ang kasalanan ko;

Hindi ko itinago ang pagkakamali ko.+

 6 Kaya bawat tapat ay mananalangin sa iyo+

Habang matatagpuan ka pa.+

 7 Ikaw ay isang lugar na mapagtataguan ko;

Poprotektahan mo ako sa kagipitan.+

 9 Huwag kayong maging gaya ng kabayo o mula,* na hindi nakakaintindi,+

Na ang sigla ay kailangang kontrolin ng renda o panali

Bago ito lumapit sa iyo.”

10 Dumaranas ng maraming kirot ang masama;

Pero ang nagtitiwala kay Jehova ay napapalibutan ng Kaniyang tapat na pag-ibig.+

11 Magsaya kayo dahil kay Jehova at magalak, kayong mga matuwid;

Humiyaw kayo sa kagalakan, lahat kayo na tapat ang puso.

 2 Magpasalamat kayo kay Jehova gamit ang alpa;

Umawit kayo ng mga papuri* sa kaniya gamit ang instrumentong may 10 kuwerdas.

 3 Umawit kayo sa kaniya ng bagong awit;+

Pagbutihin ninyo ang pagtugtog sa mga kuwerdas, kasabay ng mga hiyaw ng kagalakan.

 4 Dahil ang salita ni Jehova ay matuwid,+

At ang lahat ng ginagawa niya ay maaasahan.

 6 Sa pamamagitan ng salita ni Jehova ay nalikha ang langit,+

At sa pamamagitan ng espiritu* ng kaniyang bibig ay nalikha ang lahat ng naroon.*

 7 Tinitipon niya ang tubig ng dagat na parang nasa dam;+

Inilalagay niya ang dumadaluyong na tubig sa mga imbakan.

 9 Dahil nagsalita siya, at nangyari iyon;+

Nag-utos siya, at natupad iyon.+

10 Binigo ni Jehova ang mga pakana* ng mga bansa;+

Sinira niya ang mga plano* ng mga bayan.+

11 Pero ang mga pasiya ni Jehova ay hindi mabibigo kailanman;+

Ang kaisipan* niya ay mananatili gaano man karaming henerasyon ang lumipas.

12 Maligaya ang bansa na ang Diyos ay si Jehova,+

Ang bayang pinili niya bilang pag-aari niya.+

13 Tumitingin si Jehova mula sa langit;

Nakikita niya ang lahat ng anak ng tao.+

14 Mula sa tirahan niya,

Pinagmamasdan niya ang mga nakatira sa lupa.

15 Siya ang humuhubog sa puso ng lahat;

Sinusuri niya ang lahat ng ginagawa nila.+

16 Ang isang hari ay hindi maililigtas ng malaking hukbo;+

Ang isang malakas na lalaki ay hindi maililigtas ng sarili niyang lakas.+

17 Ang kabayo ay hindi maaasahang tagapagligtas;*+

Malakas man ito, hindi ito siguradong makasasagip.

18 Ang mata ni Jehova ay nagbabantay sa mga may takot sa kaniya,+

Sa mga naghihintay sa kaniyang tapat na pag-ibig,

19 Para iligtas sila mula sa kamatayan

At panatilihing buháy sa panahon ng taggutom.+

21 Nagsasaya ang puso natin dahil sa kaniya,

Dahil nagtitiwala tayo sa kaniyang banal na pangalan.+

22 Mapasaamin nawa ang iyong tapat na pag-ibig, O Jehova,+

Habang patuloy kaming naghihintay sa iyo.+

34 Pupurihin ko si Jehova sa lahat ng panahon;

Lagi siyang pupurihin ng mga labi ko.

 2 Ipagmamalaki ko si Jehova;+

Maririnig ito ng maaamo at magsasaya sila.

 3 Dakilain natin si Jehova;+

Sama-sama nating luwalhatiin ang pangalan niya.

 5 Maligaya ang mga nagtitiwala sa kaniya;

Hindi sila mapapahiya.

 7 Ang anghel ni Jehova ay nagkakampo sa palibot ng mga natatakot sa Kaniya,+

At inililigtas niya sila.+

 8 Subukin ninyo si Jehova at makikita ninyong mabuti siya;*+

Maligaya ang taong nanganganlong sa kaniya.

 9 Matakot kayo kay Jehova, kayong lahat na mga banal niya,

Dahil ang mga natatakot sa kaniya ay hindi nagkukulang ng anuman.+

10 Kahit ang malalakas na leon ay nagugutom;

Pero ang mga humahanap kay Jehova ay hindi magkukulang ng anumang mabuti.+

11 Halikayo, mga anak ko, makinig kayo sa akin;

Ituturo ko sa inyo ang pagkatakot kay Jehova.+

12 Kung nasisiyahan ka sa buhay

At gusto mong magkaroon ng maraming maliligayang araw,+

13 Pigilan mo ang dila mo sa pagsasalita ng masama,+

Ang mga labi mo sa pagsasalita ng panlilinlang.+

14 Talikuran mo ang masama at gawin ang mabuti;+

Hanapin mo ang kapayapaan at itaguyod iyon.+

15 Ang mga mata ni Jehova ay nakatingin sa mga matuwid,+

At ang mga tainga niya ay nakikinig sa paghingi nila ng tulong.+

16 Pero si Jehova* ay laban sa mga gumagawa ng masama;

Buburahin niya ang lahat ng alaala sa kanila sa lupa.+

17 Dumaing sila, at nakinig si Jehova;+

Iniligtas niya sila sa lahat ng kanilang paghihirap.+

18 Si Jehova ay malapit sa mga may pusong nasasaktan;+

Inililigtas niya ang mga nasisiraan ng loob.*+

19 Maraming paghihirap* ang matuwid,+

Pero inililigtas siya ni Jehova sa lahat ng ito.+

20 Binabantayan niya ang lahat ng kaniyang buto;

Walang isa man sa mga iyon ang nabali.+

21 Mamamatay sa kapahamakan ang masasama;

Ang mga napopoot sa matuwid ay hahatulang nagkasala.

22 Tinutubos ni Jehova ang buhay ng mga lingkod niya;

Walang sinumang nanganganlong sa kaniya ang hahatulang nagkasala.+

35 O Jehova, ipagtanggol mo ang kaso ko laban sa mga kaaway ko;+

Makipaglaban ka sa mga nakikipaglaban sa akin.+

 2 Kunin mo ang iyong pansalag* at malaking kalasag,+

At ipagtanggol mo ako.+

 5 Maging gaya nawa sila ng ipa sa hangin;

Itaboy nawa sila ng anghel ni Jehova.+

 6 Maging madilim nawa at madulas ang kanilang daan

Habang tinutugis sila ng anghel ni Jehova.

 7 Dahil nag-umang sila ng lambat para hulihin ako nang walang dahilan;

Gumawa sila ng hukay para sa akin nang walang dahilan.

 8 Bigla nawang dumating ang kapahamakan sa kaaway;

Mahuli nawa siya sa lambat na iniumang niya;

Mahulog nawa siya roon at mapuksa.+

 9 Pero magsasaya ako dahil kay Jehova;

Magagalak ako dahil sa pagliligtas niya.

Inililigtas mo ang walang kalaban-laban mula sa mga mas malakas sa kaniya,+

Ang mga walang kalaban-laban at ang mahihirap mula sa nagnanakaw sa kanila.”+

11 Humaharap ang masasamang testigo+

At nagtatanong sa akin ng mga bagay na hindi ko alam.

12 Masama ang iginaganti nila sa kabutihan ko,+

Kaya nagdadalamhati ako.

13 Pero nang magkasakit sila, nagsuot ako ng telang-sako;

Nagpakababa ako* at nag-ayuno,*

At nang hindi sinasagot* ang panalangin ko,

14 Naglakad ako na parang nagdadalamhati sa isang kaibigan o kapatid;

Nakayuko ako sa lungkot, na parang nagdadalamhati sa isang ina.

15 Pero nang matisod ako, nagsaya sila at nagsama-sama;

Nagtipon sila at inabangan ako para pabagsakin;

Niluray nila ako at hindi sila nanahimik.

16 Tinutuya ako ng mga di-makadiyos,*

Nagngangalit ang mga ngipin nila laban sa akin.+

Iligtas mo ako sa mga pagsalakay nila,+

Ang mahalaga kong buhay* mula sa mga leon.+

18 At pasasalamatan kita sa malaking kongregasyon;+

Pupurihin kita sa gitna ng maraming tao.

19 Huwag nawang magsaya sa pagdurusa ko ang mga umaaway sa akin nang walang dahilan;

Huwag mong hayaang kumindat nang may pang-iinsulto+ ang mga napopoot sa akin nang walang dahilan.+

20 Dahil hindi sila bumibigkas ng mga salita ng kapayapaan,

Kundi nanlilinlang at nagpaplano ng masama laban sa mapayapang mga tao sa lupain.+

21 Ibinubuka nila nang malaki ang bibig nila at inaakusahan ako;

Sinasabi nila: “Aha! Aha! Nakita namin iyon.”

23 Gumising ka at ipagtanggol mo ako,

O Diyos ko, Jehova, ipagtanggol mo ako sa kaso ko.

24 Hatulan mo ako ayon sa iyong katuwiran,+ O Jehova na aking Diyos;

Huwag mo silang hayaang magsaya sa pagdurusa ko.

26 Mapahiya nawa at mawalan ng dangal

Ang lahat ng nagsasaya sa kapahamakan ko.

27 Pero humiyaw nawa sa kagalakan ang mga nalulugod sa pagiging matuwid ko;

Lagi nawa nilang sabihin:

28 Ang aking dila naman ay maghahayag* ng iyong katuwiran+

At pupuri sa iyo buong araw.+

36 Ang pagsuway ay nakikipag-usap sa masama mula sa kaloob-looban ng puso niya;

Hindi siya natatakot sa Diyos.+

 2 Labis ang paghanga niya sa sarili,

Kaya hindi niya nakikita at hindi niya kinapopootan ang pagkakamali niya.+

 3 Ang mga salita ng bibig niya ay nakasasakit at mapandaya;

Wala siyang kaunawaan para gawin ang mabuti.

Desidido siyang tumahak sa landas na hindi mabuti;

Hindi niya itinatakwil ang kasamaan.

 5 O Jehova, ang iyong tapat na pag-ibig ay umaabot sa langit,+

Ang katapatan mo ay hanggang sa mga ulap.

 6 Ang katuwiran mo ay tulad ng mariringal na bundok;*+

Ang mga kahatulan mo ay gaya ng malawak at malalim na karagatan.+

 8 Nabubusog sila sa saganang pagkain sa* bahay mo,+

At pinaiinom mo sila sa iyong ilog ng kasiyahan.+

 9 Nasa iyo ang bukal ng buhay;+

Sa pamamagitan ng liwanag mo ay nakakakita kami ng liwanag.+

10 Patuloy mong ipakita ang iyong tapat na pag-ibig sa mga nakakakilala sa iyo,+

At ang iyong katuwiran sa mga matuwid ang puso.+

11 Huwag mong hayaang tapakan ako ng paa ng mapagmataas

O itaboy ng kamay ng masasama.

12 Bumagsak ang mga gumagawa ng masama;

Pinabagsak sila at hindi na makabangon.+

37 Huwag kang magalit* dahil sa masasamang tao

O mainggit sa mga gumagawa ng masama.+

 2 Mabilis silang matutuyot na gaya ng damo+

At mangunguluntoy na gaya ng berdeng damo.

 3 Magtiwala ka kay Jehova at gawin mo ang mabuti;+

Tumira ka sa lupa* at maging tapat.+

 4 Magkaroon ka ng masidhing kasiyahan kay Jehova,

At ibibigay niya sa iyo ang mga kahilingan ng puso mo.

 5 Ipagkatiwala* mo kay Jehova ang landasin mo;+

Manalig ka sa kaniya, at siya ang kikilos para sa iyo.+

 6 Pasisinagin niya ang iyong katuwiran na gaya ng bukang-liwayway,

At ang iyong katarungan na gaya ng araw sa tanghaling-tapat.

 7 Manatili kang tahimik sa harap ni Jehova+

At hintayin mo siya nang may pananabik.*

Huwag kang magalit sa taong

Nagtatagumpay sa mga pakana niya.+

 8 Alisin mo ang galit at huwag ka nang magngalit;+

Huwag kang mayamot at gumawa ng masama.*

 9 Dahil ang masasama ay lilipulin,+

Pero ang mga umaasa kay Jehova ang magmamay-ari ng lupa.+

10 Kaunting panahon na lang at ang masasama ay mawawala na;+

Titingnan mo ang dati nilang kinaroroonan,

Pero hindi mo sila makikita roon.+

11 Pero ang maaamo ang magmamay-ari ng lupa,+

At mag-uumapaw ang kanilang kaligayahan dahil sa lubos na kapayapaan.+

12 Ang masama ay nagpapakana laban sa matuwid;+

Nagngangalit ang mga ngipin niya rito.

13 Pero pagtatawanan siya ni Jehova,

Dahil alam Niyang darating ang araw niya.+

14 Hinuhugot ng masasama ang mga espada nila at binabaluktot* ang mga pana nila

Para pabagsakin ang mga naaapi at ang mga dukha,

Para patayin ang mga namumuhay nang matuwid.

15 Pero ang sarili nilang espada ang tatarak sa puso nila;+

Mababali ang mga pana nila.

16 Mas mabuti ang kaunti ng taong matuwid

Kaysa sa kasaganaan ng maraming masasama.+

17 Dahil ang mga bisig ng masasama ay mababali,

Pero aalalayan ni Jehova ang mga matuwid.

18 Alam ni Jehova ang pinagdadaanan* ng mga walang pagkukulang,

At ang mana nila ay mananatili magpakailanman.+

19 Hindi sila mapapahiya sa panahon ng kapahamakan;

Marami silang makakain sa panahon ng taggutom.

20 Pero ang masasama ay malilipol;+

Ang mga kaaway ni Jehova ay maglalahong gaya ng kagandahan ng mga pastulan;

Maglalaho silang gaya ng usok.

21 Ang masama ay nanghihiram at hindi nagbabayad,

Pero ang matuwid ay bukas-palad* at mapagbigay.+

22 Ang mga pinagpapala Niya ang magmamay-ari ng lupa,

Pero ang mga isinusumpa Niya ay lilipulin.+

23 Ginagabayan* ni Jehova ang mga hakbang ng isang tao+

Kapag nalulugod siya sa landasin nito.+

24 Mabuwal man siya, hindi siya susubsob,+

Dahil inaalalayan siya ni Jehova sa kamay.*+

25 Bata ako noon, at ngayon ay matanda na,

Pero wala pa akong nakitang matuwid na pinabayaan,+

At wala akong nakitang anak niya na namamalimos ng tinapay.*+

26 Lagi siyang nagpapahiram nang maluwag sa loob,+

At pagpapalain ang mga anak niya.

27 Talikuran mo ang masama at gawin mo ang mabuti,+

At maninirahan ka sa lupa magpakailanman.

28 Dahil iniibig ni Jehova ang katarungan,

At hindi niya iiwan ang mga tapat sa kaniya.+

Palagi silang babantayan;+

Pero ang mga inapo ng masasama ay lilipulin.+

29 Ang mga matuwid ang magmamay-ari ng lupa,+

At titira sila roon magpakailanman.+

30 Ang bibig ng matuwid ay nagbibigay ng karunungan,*

At ang dila niya ay nagsasalita tungkol sa katarungan.+

31 Ang kautusan ng kaniyang Diyos ay nasa puso niya;+

Hindi siya madudupilas.+

32 Inaabangan ng masama ang matuwid

Dahil gusto niya itong patayin.

33 Pero hindi hahayaan ni Jehova na mahulog ang matuwid sa kamay niya,+

At hindi Niya ito hahatulang nagkasala kapag dinala ito sa hukuman.+

34 Umasa ka kay Jehova at lumakad ka sa kaniyang daan,

At itataas ka niya at mamanahin mo ang lupa.

35 Nakakita ako ng malupit at masamang tao

Na gaya ng isang mayabong na puno sa lupang tinubuan nito.+

36 Pero bigla siyang pumanaw, at wala na siya;+

Hinanap ko siya nang hinanap, pero hindi ko siya nakita.+

37 Masdan mo ang walang kapintasan,*

At tingnan mo ang matuwid,+

Dahil ang kinabukasan ng taong iyon ay magiging payapa.+

38 Pero ang lahat ng masuwayin* ay pupuksain;

Walang kinabukasan ang masasamang tao.+

39 Si Jehova ang nagliligtas sa mga matuwid;+

Siya ang tanggulan nila sa panahon ng pagdurusa.+

Ililigtas niya sila mula sa masasama at sasagipin sila,

Dahil nanganganlong sila sa kaniya.+

38 O Jehova, huwag mo akong sawayin nang galit ka

O ituwid nang napopoot ka.+

 2 Dahil ang mga palaso mo ay bumaon nang malalim sa akin,

At hinampas mo ako ng kamay mo.+

 4 Lampas-ulo na ang mga pagkakamali ko;+

Gaya ng mabigat na pasan, hindi ko na kayang dalhin ang mga ito.

 5 Ang mga sugat ko ay mabaho at nagnanaknak

Dahil sa kamangmangan ko.

 6 Naghihirap ang kalooban ko at lumong-lumo ako;

Buong araw akong naglalakad na malungkot.

 7 Napakainit ng pakiramdam ko;*

Nanghihina ang buong katawan ko.+

 8 Namanhid ako at lubos na nadurog;

Napaungol ako nang malakas* dahil sa paghihirap ng puso ko.

 9 O Jehova, alam mo ang lahat ng gusto ko,

At hindi lingid sa iyo ang pagbubuntonghininga ko.

10 Mabilis ang tibok ng puso ko, nawalan na ako ng lakas,

At lumabo na ang paningin ko.*+

11 Iniiwasan ako ng mga kaibigan at kasama ko dahil sa salot na dinaranas ko,

At lumalayo sa akin ang malalapít kong kakilala.

12 Ang mga gustong pumatay sa akin ay nag-uumang ng mga bitag;

Ang mga gustong manakit sa akin ay nag-uusap-usap para ipahamak ako;+

Buong araw nilang pinag-iisipan ang panlilinlang.

13 Pero gaya ng bingi, hindi ako nakikinig;+

At gaya ng pipi, hindi ko ibinubuka ang bibig ko.+

14 Ako ay naging gaya ng isang taong hindi makarinig,

Na ang bibig ay walang masabi para ipagtanggol ang sarili.

15 Dahil naghintay ako sa iyo, O Jehova,+

At sinagot mo ako, O Jehova na aking Diyos.+

16 Dahil sinabi ko: “Huwag nawa silang magsaya sa pagdurusa ko

O magmataas sa akin kung madulas ako.”

17 Dahil malapit na akong mabuwal,

At lagi akong dumaranas ng kirot.+

18 Ipinagtapat ko ang pagkakamali ko;+

Nababagabag ako dahil sa kasalanan ko.+

19 Pero ang mga kaaway ko ay masigla* at malakas,*

Ang mga napopoot sa akin nang walang dahilan ay dumami.

20 Masama ang iginanti nila sa kabutihan ko;

Nilalabanan nila ako dahil sinisikap kong gawin ang mabuti.

22 Magmadali ka at tulungan mo ako,

O Jehova, na aking kaligtasan.+

39 Sinabi ko: “Mag-iingat ako sa mga hakbang ko

Para hindi ako magkasala dahil sa aking dila.+

Lalagyan ko ng busal ang aking bibig+

Hangga’t may masasamang tao sa paligid ko.”

 2 Nanahimik ako at hindi kumibo;+

Nanatili akong tahimik kahit sa mga bagay na mabuti,

Pero matindi* ang nadarama kong kirot.

 4 “O Jehova, tulungan mo akong malaman ang magiging wakas ko,

At ang bilang ng mga araw ko,+

Para malaman ko kung gaano kaikli ang buhay ko.*

 5 Ginawa mong kaunti lang ang mga araw ko;+

At napakaikli ng buhay ko sa paningin mo.+

 9 Nanatili akong walang imik;

Hindi ko maibuka ang bibig ko,+

Dahil ikaw ang may gawa ng lahat ng ito.+

11 Pinaparusahan mo ang tao para ituwid siya sa pagkakamali niya;+

Inuubos mo ang mga bagay na mahalaga sa kaniya gaya ng ginagawa ng isang insekto.*

12 Dinggin mo ang panalangin ko, O Jehova,

Pakinggan mo ang paghingi ko ng tulong.+

Dahil sa paningin mo, isa lang akong dayuhang nakikipanirahan,+

Isang manlalakbay na dumadaan,* gaya ng lahat ng ninuno ko.+

13 Alisin mo sa akin ang matalim mong tingin para sumaya ako

Bago ako mamatay at maglaho.”

40 May pananabik akong umasa* kay Jehova,

At pinakinggan niya ako* at dininig ang paghingi ko ng tulong.+

 2 Iniahon niya ako mula sa umuugong na hukay,

Mula sa lusak.

At pinatuntong niya ako sa malaking bato;

Pinatatag niya ang pagkakatayo ko.

 3 Pagkatapos, naglagay siya sa bibig ko ng isang bagong awit,+

Isang papuri sa ating Diyos.

Marami ang makakakita nito at mamamangha,

At magtitiwala sila kay Jehova.

 4 Maligaya ang taong nagtitiwala kay Jehova

At hindi umaasa sa mga mapaghimagsik o sinungaling.

 5 Napakarami mong ginawa,

O Jehova na aking Diyos,

Ang iyong kamangha-manghang mga gawa at ang mga iniisip mo para sa amin.+

Walang maikukumpara sa iyo;+

Subukan ko mang sabihin ang tungkol sa mga iyon,

Hindi ko mababanggit ang lahat ng iyon dahil sa dami!+

 6 Ang hain at handog ay hindi mo ninais,*+

Pero binuksan mo ang mga tainga ko para makarinig.+

 8 O aking Diyos, kaligayahan* kong gawin ang kalooban mo,+

At ang kautusan mo ay nasa puso ko.+

Hindi ko pinipigilan ang mga labi ko,+

Gaya ng alam mo, O Jehova.

Natabunan na ako ng mga pagkakamali ko at hindi ko na makita ang dadaanan ko;+

Mas marami pa ang mga iyon kaysa sa mga buhok sa ulo ko,

At pinanghinaan na ako ng loob.

14 Mapahiya nawa at mawalan ng dangal

Ang lahat ng nagtatangka sa buhay ko.

Umurong nawa sa kahihiyan

Ang mga gustong mapahamak ako.

16 Pero magalak nawa at magsaya+

Ang mga humahanap sa iyo.+

17 Pero ako ay walang kalaban-laban at dukha;

Bigyang-pansin nawa ako ni Jehova.

Ikaw ang tumutulong at nagliligtas sa akin;+

O Diyos ko, huwag kang magtagal.+

41 Maligaya ang sinumang tumutulong sa dukha;*+

Ililigtas siya ni Jehova sa araw ng kapahamakan.

Ipahahayag siyang maligaya sa lupa;+

Hindi mo siya kailanman ibibigay sa kamay ng mga kaaway niya.+

 3 Aalalayan siya ni Jehova sa banig ng karamdaman;+

Sa panahong may sakit siya, papalitan mo ang buong higaan niya.

Naghahanap ito ng masasamang bagay na masasabi tungkol sa akin;

Pagkatapos ay umaalis ito at ipinagkakalat iyon.

 7 Nagbubulong-bulungan ang lahat ng napopoot sa akin;

Nagpaplano sila ng masama laban sa akin, at sinasabi nila:

 8 “May masamang nangyari sa kaniya;

Ngayong bumagsak na siya, hindi na siya makababangon pa.”+

 9 Maging ang taong malapít sa akin, na pinagtitiwalaan ko,+

Na dating kumakaing kasama ko, ay kumalaban sa akin.*+

10 Pero ikaw, O Jehova, maawa ka sa akin at ibangon mo ako,

Para magantihan ko sila.

12 Tinulungan mo ako dahil sa katapatan ko;+

Pananatilihin mo ako sa harap mo magpakailanman.+

13 Purihin nawa si Jehova, ang Diyos ng Israel,

Magpakailanman.*+

42 Gaya ng usa na nananabik sa mga batis,

Gayon ako nananabik sa iyo, O Diyos.

 3 Ang mga luha ko ang naging pagkain ko araw at gabi;

Buong araw akong tinutuya ng mga tao: “Nasaan ang Diyos mo?”+

 4 Ibinubuhos ko ang laman ng puso ko kapag naaalaala ko ang mga bagay na ito:

Lumalakad ako noon na kasama ng karamihan;

Taimtim* akong lumalakad sa unahan nila papunta sa bahay ng Diyos,

At maririnig ang pagsasaya at pagpapasalamat

Ng maraming taong nagdiriwang ng kapistahan.+

Maghihintay ako sa Diyos,+

Dahil pupurihin ko pa siya bilang aking Dakilang Tagapagligtas.+

Kaya inaalaala kita,+

Mula sa lupain ng Jordan at sa mga tuktok ng Hermon,

Mula sa Bundok Mizar.*

 7 Sa lagaslas ng iyong mga talon

Ay tumatawag ang malalim na katubigan sa malalim na katubigan.

 8 Sa araw ay ipapakita sa akin ni Jehova ang kaniyang tapat na pag-ibig,

At sa gabi ay aawit ako tungkol sa kaniya—isang panalangin sa Diyos ng aking buhay.+

10 Tinutuya ako ng mga kaaway ko nang may matinding pagkapoot;*

Buong araw nila akong tinutuya: “Nasaan ang Diyos mo?”+

Maghihintay ako sa Diyos,+

Dahil pupurihin ko pa siya bilang aking Dakilang Tagapagligtas at aking Diyos.+

43 Hatulan mo ako, O Diyos,+

Ipagtanggol mo ang kaso ko+ laban sa bansang hindi tapat.

Akayin nawa ako ng mga ito;+

Gabayan nawa ako ng mga ito papunta sa iyong banal na bundok at sa iyong maringal na tabernakulo.+

 4 At pupunta ako sa altar ng Diyos,+

Sa Diyos, na labis na nagpapasaya sa akin.

Maghihintay ako sa Diyos,+

Dahil pupurihin ko pa siya bilang aking Dakilang Tagapagligtas at aking Diyos.+

44 O Diyos, narinig ng sarili naming mga tainga,

Ikinuwento sa amin ng mga ninuno namin,+

Ang mga ginawa mo noong panahon nila,

Noong unang panahon.

 2 Sa pamamagitan ng iyong kamay ay itinaboy mo ang mga bansa+

At pinatira mo roon ang mga ninuno namin.+

 3 Nakuha nila ang lupain hindi dahil sa sarili nilang espada,+

At nagtagumpay sila hindi dahil sa sarili nilang bisig,+

Kundi dahil sa iyong kanang kamay at sa iyong bisig+ at sa liwanag ng iyong mukha,

Dahil kinalugdan mo sila.+

 4 Ikaw ang aking Hari, O Diyos;+

Magbigay* ka ng malaking tagumpay* sa Jacob.

 5 Sa pamamagitan ng kapangyarihan mo ay pauurungin namin ang aming mga kalaban;+

Sa pangalan mo ay tatapakan namin ang mga lumalaban sa amin.+

 6 Dahil hindi ako nagtitiwala sa aking pana,

At hindi ako maililigtas ng aking espada.+

 7 Ikaw ang nagligtas sa amin mula sa mga kaaway namin;+

Ikaw ang nagpahiya sa mga napopoot sa amin.

 8 Buong araw kaming maghahandog ng papuri sa Diyos,

At pasasalamatan namin ang pangalan mo magpakailanman. (Selah)

 9 Pero ngayon ay itinakwil mo kami at hiniya,

At hindi ka sumasama sa aming mga hukbo.

10 Lagi mo kaming pinauurong mula sa kalaban namin;+

Kinukuha ng mga napopoot sa amin ang anumang gusto nila.

11 Ibinigay mo kami sa kaaway para lamuning gaya ng tupa;

Pinangalat mo kami sa mga bansa.+

12 Ipinagbili mo ang bayan mo sa napakaliit na halaga;+

Hindi ka kumita ng anuman.*

13 Hinayaan mo kaming dustain ng kalapít na mga bansa,

Tuyain at insultuhin ng mga nakapalibot sa amin.

14 Ginawa mo kaming tampulan ng panghahamak* ng mga bansa,+

At pailing-iling silang nangungutya sa amin.

15 Hiyang-hiya ako buong araw,

At wala na akong mukhang maiharap,

16 Dahil sa naririnig kong panunuya at pang-iinsulto nila,

Dahil sa kaaway naming naghihiganti.

17 Nangyari sa amin ang lahat ng ito, pero hindi ka namin kinalimutan,

At hindi namin sinira ang iyong tipan.+

18 Ang puso namin ay hindi lumihis;

Ang mga paa namin ay hindi umalis sa iyong landas.

19 Pero dinurog mo kami sa tinitirhan ng mga chakal;

Tinakpan mo kami ng matinding kadiliman.

20 Kung kinalimutan namin ang pangalan ng aming Diyos

O kung itinaas namin ang aming mga kamay para manalangin sa diyos ng mga banyaga,

21 Hindi ba ito malalaman ng Diyos?

22 Dahil sa iyo ay pinapatay kami buong araw;

Para kaming mga tupang papatayin.+

25 Dahil ibinaba kami sa alabok;

Ang katawan namin ay nakahandusay sa lupa.+

 3 Isukbit mo sa tagiliran mo ang iyong espada,+ O makapangyarihan,+

Taglay ang iyong dangal at karilagan.+

 4 At sa karilagan mo ay humayo ka at magtagumpay;+

Sakay ng iyong kabayo ay ipakipaglaban mo ang katotohanan at kapakumbabaan at katuwiran,+

At ang kanang kamay mo ay makagagawa* ng kamangha-manghang mga bagay.

 5 Ang mga palaso mo ay matutulis at nagpapabagsak sa mga nasa harapan mo;+

Tumatagos ang mga ito sa puso ng mga kaaway ng hari.+

 6 Ang Diyos ang trono mo magpakailanman;+

Ang setro ng iyong kaharian ay setro ng katuwiran.*+

 8 Ang lahat ng damit mo ay pinabanguhan ng mira at aloe at kasia;

Pinasasaya ka ng mga instrumentong de-kuwerdas mula sa maringal na palasyong garing.*

10 Dinggin mo, O anak na babae, magbigay-pansin ka at makinig;

Kalimutan mo ang bayan mo at ang sambahayan ng iyong ama.

11 At ang hari ay mananabik sa kagandahan mo.

Siya ang panginoon mo,

Kaya yumukod ka sa kaniya.

12 Darating ang anak na babae ng Tiro na may dalang regalo;

Susuyuin ka* ng pinakamayayamang tao.

13 Sa loob ng palasyo,* ang anak na babae ng hari ay napakaganda;

Ang damit niya ay napapalamutian ng ginto.

15 Ihahatid sila nang may pagsasaya at kagalakan;

Papasok sila sa palasyo ng hari.

46 Ang Diyos ang ating kanlungan at lakas,+

Handa siyang tumulong kapag may mga problema.+

 2 Kaya hindi tayo matatakot, kahit may pagbabagong mangyari sa lupa,

Kahit na gumuho ang mga bundok at lumubog sa pusod ng dagat,+

 3 Kahit na ang tubig nito ay umugong at umalimbukay,+

Kahit na umuga ang mga bundok dahil sa pagdaluyong nito. (Selah)

 4 May sanga-sangang ilog na nagpapasaya sa lunsod ng Diyos,+

Sa banal at maringal na tabernakulo ng Kataas-taasan.

 6 Ang mga bansa ay nagkagulo, ang mga kaharian ay bumagsak;

Inilakas niya ang tinig niya, at ang lupa ay natunaw.+

 7 Si Jehova ng mga hukbo ay kasama natin;+

Ang Diyos ni Jacob ang ating ligtas na kanlungan.* (Selah)

 8 Halikayo at masdan ninyo ang mga ginagawa ni Jehova,

Ang kamangha-manghang mga bagay na ginagawa niya sa lupa.

Binabali niya ang pana at dinudurog ang sibat;

Sinusunog niya ang mga karwaheng pangmilitar.*

Dadakilain ako sa gitna ng mga bansa;+

Dadakilain ako sa lupa.”+

11 Si Jehova ng mga hukbo ay kasama natin;+

Ang Diyos ni Jacob ang ating ligtas na kanlungan.+ (Selah)

 2 Dahil si Jehova na Kataas-taasan ay kamangha-mangha;+

Siya ang dakilang Hari sa buong lupa.+

 3 Ipinasasakop niya sa atin ang mga bayan;

Inilalagay niya ang mga bansa sa ilalim ng mga paa natin.+

 4 Siya ang pumipili ng mana para sa atin,+

Ang ipinagmamalaki ng Jacob, na iniibig niya.+ (Selah)

 5 Umakyat ang Diyos habang masayang nagsisigawan ang mga tao;

Umakyat si Jehova kasabay ng tunog ng tambuli.*

 7 Dahil ang Diyos ay Hari ng buong lupa;+

Umawit kayo ng mga papuri, at magpakita ng kaunawaan.

 9 Ang mga pinuno ng mga bayan ay nagtipon-tipon

Kasama ng bayan ng Diyos ni Abraham.

48 Si Jehova ay dakila at pinakakarapat-dapat sa papuri

Sa lunsod ng Diyos natin, sa kaniyang banal na bundok.

 2 Ang Bundok Sion sa malayong hilaga,

Ang lunsod ng Dakilang Hari,+

Ay maganda at matayog at kagalakan ng buong lupa.+

 3 Sa kaniyang matitibay na tore,

Ipinaalám ng Diyos na siya ay isang ligtas na kanlungan.*+

 4 Nagtipon-tipon* ang mga hari;

Sama-sama silang umabante.

 6 Nanginig sila roon,

Naghirap na gaya ng babaeng nanganganak.

 8 Ang nabalitaan namin noon, nakikita na namin ngayon

Sa lunsod ni Jehova ng mga hukbo, sa lunsod ng aming Diyos.

 9 Binubulay-bulay namin ang iyong tapat na pag-ibig, O Diyos,+

Sa loob ng iyong templo.

10 Gaya ng pangalan mo, O Diyos,

Ang papuri sa iyo ay umaabot sa mga dulo ng lupa.+

11 Magsaya nawa ang Bundok Sion,+

Magalak nawa ang mga bayan* ng Juda, dahil sa mga hatol mo.+

12 Maglakad kayo sa palibot ng Sion; ikutin ninyo ito;

Bilangin ninyo ang mga tore nito.+

Suriin ninyo ang matitibay na tore nito,

Para maikuwento ninyo ito sa susunod na mga henerasyon.

Magbigay-pansin kayo, kayong mga nakatira sa lupa,*

 2 Ang nakabababa at ang nakatataas,*

Ang mayayaman at ang mahihirap.

 3 Magsasalita ako tungkol sa karunungan,

At magbubulay-bulay ang puso ko+ tungkol sa kaunawaan.

 4 Magbibigay-pansin ako sa isang kasabihan;

Ipapaliwanag ko ang bugtong ko sa pamamagitan ng alpa.

 5 Bakit ako matatakot kapag may mga problema,+

Kapag napapalibutan ako ng kasamaan* ng mga nagsisikap magpabagsak sa akin?

 6 Ang mga nagtitiwala sa mga pag-aari nila+

At nagyayabang tungkol sa kanilang malaking kayamanan,+

 7 Walang isa man sa kanila ang makatutubos sa kapatid niya

O makapagbibigay sa Diyos ng pantubos para sa kaniya,+

 8 (Ang halaga ng pantubos para sa buhay nila ay napakamahal,

Kaya hindi nila ito kailanman maibibigay);

 9 Para mabuhay siya magpakailanman at hindi mapunta sa hukay.*+

10 Nakikita niya na kahit ang marurunong ay namamatay;

Magkasamang namamatay ang mangmang at ang walang unawa,+

At iiwan nila sa iba ang yaman nila.+

11 Gusto nilang tumagal magpakailanman ang mga bahay nila,

Ang mga tolda nila sa sunod-sunod na henerasyon.

12 Pero ang tao, kahit may karangalan, ay hindi makapananatiling buháy;+

Hindi siya nakahihigit sa mga hayop na namamatay.+

13 Ganiyan ang nangyayari sa mga mangmang+

At sa mga sumusunod sa kanila, na nasisiyahan sa kanilang walang-saysay na pananalita. (Selah)

Kamatayan ang magpapastol sa kanila;

Ang matuwid ang magpupuno sa kanila+ sa umaga.

Walang bakas nila ang maiiwan;+

Ang Libingan*+ ang magiging tahanan nila sa halip na isang palasyo.+

15 Pero tutubusin ako* ng Diyos mula sa kapangyarihan* ng Libingan,*+

Kukunin niya ako at ililigtas. (Selah)

16 Huwag kang matakot kapag yumayaman ang isang tao,

Kapag lalong nagiging marangya ang bahay niya,

17 Dahil kapag namatay siya, wala siyang madadalang anuman;+

Ang karangyaan niya ay hindi bababang kasama niya.+

20 Ang taong hindi nakakaintindi nito, kahit may karangalan,+

Ay hindi nakahihigit sa mga hayop na namamatay.

50 Ang Diyos ng mga diyos,* si Jehova,+ ay nagsalita;

Tinatawag niya ang buong lupa

Mula sa pagsikat ng araw hanggang sa paglubog nito.*

Sa harap niya ay may lumalamong apoy,+

At isang malakas na bagyo ang nananalanta sa palibot niya.+

 4 Tinatawag niya ang langit at ang lupa+

Para hatulan ang bayan niya:+

 5 “Tipunin ninyo sa harap ko ang mga tapat sa akin,

Ang mga nakikipagtipan sa akin sa pamamagitan ng handog.”+

 6 Ang langit ay naghahayag ng katuwiran niya,

Dahil ang Diyos mismo ay Hukom.+ (Selah)

 7 “Makinig ka, O bayan ko, at magsasalita ako;

Israel, tetestigo ako laban sa iyo.+

 8 Hindi kita sinasaway dahil sa mga handog mo,

O dahil sa iyong mga buong handog na sinusunog na laging nasa harap ko.+

 9 Hindi ko kailangang kumuha ng toro mula sa sambahayan mo,

O ng mga kambing* mula sa mga kulungan mo.+

10 Dahil sa akin ang bawat hayop sa kagubatan,+

Kahit ang mga hayop sa sanlibong bundok.

11 Alam ko ang lahat ng ibon sa kabundukan;+

Ang di-mabilang na hayop sa parang ay akin.

12 Kung gutom ako, hindi ko sasabihin sa iyo,

Dahil ang mabungang lupain at ang lahat ng naroon ay akin.+

13 Kakainin ko ba ang karne ng mga toro

At iinumin ang dugo ng mga kambing?+

14 Maghandog ka ng pasasalamat sa Diyos,+

At tuparin mo ang mga panata mo sa Kataas-taasan;+

15 Tumawag ka sa akin sa panahon ng kagipitan.+

“Ano ang karapatan mong magsalita tungkol sa mga tuntunin ko+

O tungkol sa tipan ko?+

17 Napopoot ka sa disiplina,*

At lagi mong binabale-wala* ang mga salita ko.+

18 Kapag nakita mo ang isang magnanakaw, natutuwa* ka sa kaniya,+

At sumasama ka sa mga mangangalunya.

19 Ginagamit mo ang bibig mo para magkalat ng masama,

At nakakabit sa dila mo ang panlilinlang.+

20 Umuupo ka at nagsasalita laban sa sarili mong kapatid;+

Ibinubunyag mo ang mga pagkakamali ng* anak ng sarili mong ina.

21 Nang gawin mo ang mga ito, nanahimik ako,

Kaya inakala mong ako ay magiging gaya mo.

Pero sasawayin kita ngayon,

At sasabihin ko ang mga pagkakamali mo.+

22 Pakisuyong pag-isipan ninyo ito, kayong mga lumilimot sa Diyos,+

Para hindi ko kayo luray-lurayin at walang makapagligtas sa inyo.

23 Ang naghahandog ng pasasalamat bilang hain ay lumuluwalhati sa akin,+

At sa patuloy na lumalakad sa tamang daan,

Ipapakita ko sa kaniya ang pagliligtas ng Diyos.”+

 2 Lubusan mo akong hugasan sa pagkakamali ko,+

At linisin mo ako sa kasalanan ko.+

 3 Dahil alam na alam ko ang mga pagkakamali ko,

At ang kasalanan ko ay laging nasa harap* ko.+

 4 Laban sa iyo—higit sa lahat⁠*— ay nagkasala ako;+

Ginawa ko ang masama sa paningin mo.+

Kaya kapag nagsasalita ka, matuwid ka;

Tama ang hatol mo.+

 5 Ipinanganak akong makasalanan;

Makasalanan na ako mula pa nang ipaglihi ng aking ina.+

 6 Nalulugod ka sa katapatan ng puso;+

Turuan mo ang puso ko ng tunay na karunungan.

 7 Dalisayin mo ako mula sa kasalanan ko sa pamamagitan ng isopo, para maging malinis ako;+

Hugasan mo ako, para maging mas maputi ako kaysa sa niyebe.+

 8 Iparinig mo sa akin ang hiyaw ng kagalakan at pagsasaya,

Para magsaya ang mga butong dinurog mo.+

 9 Huwag mong tingnan ang mga kasalanan ko,+

At pawiin* mo ang lahat ng pagkakamali ko.+

10 Dalisayin mo ang puso ko, O Diyos,+

At bigyan mo ako ng bagong saloobin*+ na magpapatatag sa akin.

11 Huwag mo akong itaboy mula sa harap mo;

At huwag mong alisin sa akin ang iyong banal na espiritu.

12 Ibalik mo sa akin ang kagalakang nadama ko nang iligtas mo ako;+

Bigyan mo ako ng pagnanais na sundin ka.*

13 Ituturo ko sa mga masuwayin ang mga daan mo,+

Para manumbalik sa iyo ang mga makasalanan.

14 Iligtas mo ako mula sa pagkakasala sa dugo,+ O Diyos, ang Diyos na aking tagapagligtas,+

Para maihayag ko nang may kagalakan ang katuwiran mo.+

15 O Jehova, buksan mo ang mga labi ko,

Para maihayag ko ang mga papuri sa iyo.+

16 Dahil hindi handog ang gusto mo—ibinigay ko na sana iyon sa iyo kung gusto mo;+

Hindi ka nasisiyahan sa buong handog na sinusunog.+

17 Ang handog na nakalulugod sa Diyos ay isang bagbag na puso;*

Ang pusong wasak at durog, O Diyos, ay hindi mo itatakwil.*+

18 Sa iyong kabutihang-loob ay gawin mo ang mabuti sa Sion;

Patibayin mo ang mga pader ng Jerusalem.

19 Sa gayon ay malulugod ka sa handog ng mga matuwid,

Sa mga haing sinusunog at mga buong handog;

At mga toro ang ihahandog sa altar mo.+

 2 Ang dila mong kasintalas ng labaha+

Ay nagpapakana ng kapahamakan at nanlilinlang.+

 3 Mas mahal mo ang kasamaan kaysa sa kabutihan,

Ang pagsisinungaling kaysa sa pagsasabi ng totoo. (Selah)

 4 Iniibig mo ang bawat salitang nagpapahamak,

O ikaw na dilang mapanlinlang!

 5 Kaya ibabagsak ka ng Diyos at hindi ka na makababangon;+

Kukunin ka niya at kakaladkarin palayo sa tolda mo;+

Bubunutin ka niya mula sa lupain ng mga buháy.+ (Selah)

 6 Makikita iyon ng mga matuwid at mamamangha sila,+

At pagtatawanan nila siya.+

 7 “Narito ang isang lalaki na hindi nanganlong sa* Diyos,+

Kundi nagtiwala sa dami ng kayamanan niya+

At umasa* sa sarili niyang masasamang pakana.”*

 8 Pero ako ay magiging gaya ng mayabong na punong olibo sa bahay ng Diyos;

Magtitiwala ako sa tapat na pag-ibig+ ng Diyos magpakailanman.

 9 Pupurihin kita magpakailanman dahil sa ginawa mo;+

Sa harap ng mga tapat sa iyo,

Aasa ako sa pangalan mo,+ dahil ito ay mabuti.

Ang mga ginagawa nilang di-matuwid ay napakasama at kasuklam-suklam;

Walang gumagawa ng mabuti.+

 2 Pero tinitingnan ng Diyos mula sa langit ang mga anak ng tao+

Para makita kung may sinumang may kaunawaan, kung may sinumang humahanap kay Jehova.+

 3 Lahat sila ay tumalikod;

Lahat sila ay masasama.

Walang gumagawa ng mabuti,

Wala kahit isa.+

 5 Pero mababalot sila ng matinding takot,

Takot na hindi pa nila kailanman naramdaman,*

Dahil ikakalat ng Diyos ang mga buto ng mga sumasalakay* sa iyo.

Kapag tinipong muli ni Jehova ang kaniyang bayan na binihag,

Magalak nawa ang Jacob, magsaya nawa ang Israel.

54 O Diyos, iligtas mo ako sa pamamagitan ng pangalan mo,+

At ipagtanggol mo ako*+ sa pamamagitan ng kapangyarihan mo.

 2 O Diyos, dinggin mo ang panalangin ko;+

Pakinggan mo ang pananalita ng aking bibig.

 3 Dahil sinasalakay ako ng mga estranghero,

At gusto akong patayin ng mga taong malulupit.+

 4 Ang Diyos ang tumutulong sa akin;+

Si Jehova ay kasama ng mga sumusuporta sa akin.

 5 Ibabalik niya sa mga kalaban ko+ ang sarili nilang kasamaan;

Alang-alang sa iyong katapatan, lipulin* mo sila.+

 7 Dahil inililigtas niya ako mula sa bawat pagdurusa,+

At pagmamasdan ko ang pagkatalo ng mga kaaway ko.+

55 Pakinggan mo ang panalangin ko, O Diyos,+

At huwag mong bale-walain ang pagmamakaawa ko.*+

Hindi ako mapalagay dahil sa ikinababahala ko,+

At hindi ako matahimik

 3 Dahil sa sinasabi ng kaaway

At sa panggigipit ng masama.

Patuloy nila akong pinahihirapan,

At dahil sa galit nila ay malupit sila sa akin.+

 4 Naghihirap ang puso ko,+

At takot na takot ako sa kamatayan.+

 5 Natatakot ako at nanginginig,

At hindi ko mapigil ang pangangatog ko.

 8 Magmamadali ako papunta sa isang kanlungan,

Malayo sa malakas na hangin, malayo sa bagyo.”

 9 Lituhin mo sila, O Jehova, at biguin mo ang mga plano nila,*+

Dahil nakita ko ang karahasan at pag-aaway sa lunsod.

10 Araw at gabi ay naglalakad sila sa ibabaw ng pader;

Sa loob nito ay may poot at kaguluhan.+

11 Ang kapahamakan ay nasa loob nito;

Laging may pang-aapi at panlilinlang sa mga liwasan* nito.+

12 Dahil hindi isang kaaway ang humahamak sa akin;+

Kung kaaway siya, mapagtitiisan ko sana.

Hindi isang kalaban ang sumasalakay sa akin;

Kung kalaban siya, makapagtatago sana ako mula sa kaniya.

13 Kundi ikaw, isang taong kagaya* ko,+

Ang kasama ko mismo na kilalang-kilala ko.+

14 Dati tayong matalik na magkaibigan;

Dati tayong lumalakad kasama ng karamihan papunta sa bahay ng Diyos.

Bumaba sana silang buháy sa Libingan;*

Dahil ang kasamaan ay nasa gitna nila at nasa puso nila.

16 Pero ako, tatawag ako sa Diyos,

At ililigtas ako ni Jehova.+

17 Sa umaga, tanghali, at gabi ay nababahala ako at dumaraing,*+

At naririnig niya ang tinig ko.+

18 Ililigtas* niya ako sa mga kaaway ko at bibigyan ng kapayapaan,

Dahil maraming sumasalakay sa akin.+

19 Maririnig sila ng Diyos at kikilos siya laban sa kanila,+

Siya na nakaupo sa trono mula pa noong unang panahon.+ (Selah)

Hindi sila magbabago,

Sila na hindi natatakot sa Diyos.+

20 Sinalakay niya* ang mga hindi niya kaaway;+

Sinira niya ang kaniyang tipan.+

21 Ang mga salita niya ay mas madulas pa sa mantikilya,+

Pero pakikipaglaban ang nasa puso niya.

Ang mga salita niya ay mas nakagiginhawa* kaysa sa langis,

Pero ang mga iyon ay matatalim na espada.+

22 Ihagis mo kay Jehova ang pasanin mo,+

At aalalayan ka niya.+

 2 Buong araw akong sinasalakay* ng mga kaaway ko;

Maraming nakikipaglaban sa akin nang may kayabangan.

 4 Sa Diyos—na ang salita ay pinupuri ko—

Sa Diyos ako nagtitiwala; hindi ako natatakot.

 5 Buong araw nila akong pinahihirapan;

Wala na silang inisip kundi ang saktan ako.+

 6 Nagtatago sila para sumalakay;

Binabantayan nila ang bawat hakbang ko,+

At gusto nila akong patayin.+

10 Sa Diyos—na ang salita ay pinupuri ko—

Kay Jehova—na ang salita ay pinupuri ko—

11 Sa Diyos ako nagtitiwala; hindi ako natatakot.+

12 May mga panata ako sa iyo na dapat kong tuparin, O Diyos;+

Maghahandog ako ng pasasalamat sa iyo.+

13 Dahil iniligtas mo ako sa kamatayan+

At hindi mo hinayaang matisod ang mga paa ko,+

Para makalakad ako sa harap ng Diyos nang nasisinagan ng liwanag ng buhay.+

57 Kaawaan mo ako, O Diyos, kaawaan mo ako,

Dahil sa iyo ako nanganganlong,+

At nanganganlong ako sa lilim ng mga pakpak mo hanggang sa lumipas ang kapighatian.+

 2 Tumatawag ako sa Diyos na Kataas-taasan,

Sa tunay na Diyos, na tatapos sa lahat ng ito para sa akin.

 4 Napapalibutan ako ng mga leon;+

Nakahiga akong kasama ng mga taong gustong lumamon sa akin,

Na ang mga ngipin ay mga sibat at mga palaso

At ang dila ay matalas na espada.+

 5 Maging dakila ka nawa sa langit, O Diyos;

Maging maluwalhati ka nawa sa buong lupa.+

 6 Naghanda sila ng lambat para bitagin ang mga paa ko;+

Naghihirap ang kalooban ko.+

Gumawa sila ng hukay sa harap ko,

Pero sila mismo ang nahulog doon.+ (Selah)

 7 Matatag ang puso ko, O Diyos,+

Matatag ang puso ko.

 9 Pupurihin kita sa gitna ng mga bayan, O Jehova;+

Aawit ako ng mga papuri* sa iyo sa gitna ng mga bansa.+

10 Dahil ang iyong tapat na pag-ibig ay dakila, kasintaas ng langit,+

At ang iyong katapatan ay hanggang sa kalangitan.

11 Maging dakila ka nawa sa langit, O Diyos;

Maging maluwalhati ka nawa sa buong lupa.+

 2 Hindi, dahil nagpapakana kayo ng kasamaan sa puso ninyo,+

At ang mga kamay ninyo ay nagpapalaganap ng karahasan sa lupain.+

 3 Ang masasama ay lumilihis na ng landas* mula pa nang ipanganak;*

Sinungaling na sila at matigas ang ulo mula pa nang isilang.

 4 Ang kamandag nila ay gaya ng kamandag ng ahas;+

Bingi sila na gaya ng kobra na nagsasara ng tainga.

 5 Hindi ito makikinig sa tinig ng mga engkantador,

Gaano man kahusay ang mahika nila.

 8 Maging gaya nawa sila ng susô na natutunaw habang umuusad;

Gaya ng sanggol na ipinanganak na patay na hindi makakakita ng araw.

 9 Bago maramdaman ng mga lutuan ninyo ang init ng panggatong,*

Ang sariwa at ang nasusunog na sanga ay tatangayin niya, gaya ng hangin ng bagyo.+

10 Ang matuwid ay magsasaya dahil nakita niya ang paghihiganti;+

Ang mga paa niya ay mababasâ ng dugo ng masasama.+

59 Iligtas mo ako sa mga kaaway ko, O Diyos ko;+

Protektahan mo ako sa mga sumasalakay sa akin.+

 2 Sagipin mo ako mula sa masasama,

At iligtas mo ako mula sa mararahas.*

 3 Nag-aabang sila para saktan ako;+

Sinasalakay ako ng malalakas na tao,

Pero hindi dahil nagrebelde ako o nagkasala,+ O Jehova.

 6 Bumabalik sila tuwing gabi;+

Umaangil* silang gaya ng aso+ at lumilibot sa lunsod.+

 7 Tingnan mo kung ano ang lumalabas* sa mga bibig nila;

Ang mga labi nila ay gaya ng espada,+

Dahil sinasabi nila: “Sino ang nakikinig?”+

 8 Pero pagtatawanan mo sila, O Jehova;+

Hahamakin mo ang lahat ng bansa.+

 9 O aking Kalakasan, maghihintay ako sa iyo;+

Dahil ang Diyos ang aking ligtas na kanlungan.*+

10 Ang Diyos na nagpapakita sa akin ng tapat na pag-ibig ang tutulong sa akin;+

Ipapakita sa akin ng Diyos ang pagbagsak ng mga kalaban ko.+

Sa pamamagitan ng kapangyarihan mo ay pagala-galain mo sila;

Pabagsakin mo sila, O Jehova, ang aming sanggalang.+

12 Dahil sa kasalanan ng bibig nila, sa pananalita ng mga labi nila,

Mabitag nawa sila ng pagmamataas nila,+

Dahil sa pagsumpa nila at pagsisinungaling.

13 Sa galit mo ay lipulin mo sila;+

Lipulin mo sila para mawala na sila;

Ipaalám mo sa kanila na ang Diyos ay namamahala sa Jacob at hanggang sa mga dulo ng lupa.+ (Selah)

14 Bumalik nawa sila sa gabi;

Umangil* nawa silang gaya ng aso at lumibot sa lunsod.+

15 Magpagala-gala nawa sila para humanap ng makakain;+

Huwag nawa silang mabusog o makahanap ng matutuluyan.

16 Pero ako, aawit ako tungkol sa iyong kalakasan;+

Sa umaga ay masaya kong sasabihin ang tungkol sa iyong tapat na pag-ibig.

Dahil ikaw ang aking ligtas na kanlungan+

At lugar na matatakbuhan sa panahon ng paghihirap.+

17 O aking Kalakasan, sa iyo ay aawit ako ng mga papuri,*+

Dahil ang Diyos ang aking ligtas na kanlungan, ang Diyos na nagpapakita sa akin ng tapat na pag-ibig.+

 4 Bigyan* mo ng hudyat ang mga may takot sa iyo

Para makatakas at makailag sa pana. (Selah)

 5 Para masagip ang mga minamahal mo,

Iligtas mo kami sa pamamagitan ng iyong kanang kamay at dinggin mo kami.+

“Magsasaya ako, ibibigay ko ang Sikem bilang mana,+

At susukatin ko ang Lambak* ng Sucot.+

 7 Sa akin ang Gilead, pati ang Manases,+

At ang Efraim ang helmet* para sa ulo ko;

Ang Juda ang aking baston ng kumandante.+

10 Hindi ba ikaw, O Diyos, na nagtakwil sa amin,

Ang Diyos namin na hindi na sumasama sa aming mga hukbo?+

11 Tulungan mo kami sa pagdurusa namin,

Dahil walang saysay na umasa sa pagliligtas ng tao.+

12 Bibigyan kami ng Diyos ng lakas,+

At tatapakan niya ang mga kaaway namin.+

 2 Mula sa dulo ng lupa ay tatawag ako sa iyo

Kapag nagdurusa* ang puso ko.+

 3 Dahil ikaw ang kanlungan ko,

Isang matibay na tore na poprotekta sa akin mula sa kaaway.+

 4 Ako ay magiging panauhin sa iyong tolda magpakailanman;+

Manganganlong ako sa lilim ng iyong mga pakpak.+ (Selah)

 6 Pahahabain mo ang buhay* ng hari,+

At aabot ng maraming henerasyon ang mga taon ng buhay niya.

 7 Mananatili siya sa kaniyang trono* magpakailanman sa harap ng Diyos;+

Ingatan nawa siya ng iyong tapat na pag-ibig at katapatan.+

 8 At aawit ako ng mga papuri* sa pangalan mo magpakailanman+

Habang tinutupad ko ang mga panata ko araw-araw.+

 2 Siya ang aking bato at tagapagligtas, ang aking ligtas na kanlungan;*+

Hindi ako susuray at babagsak.+

 4 Dahil magkakasama silang nagpaplano para pabagsakin siya sa mataas niyang posisyon;

Natutuwa silang magsinungaling.

 5 Tahimik akong naghihintay sa Diyos+

Dahil siya ang nagbibigay sa akin ng pag-asa.+

 6 Siya ang aking bato at tagapagligtas, ang aking ligtas na kanlungan;

Hindi ako susuray.+

 9 Ang mga anak ng tao ay parang hininga lang,

Ang mga anak ng sangkatauhan ay isang ilusyon.+

10 Huwag kayong magtiwala sa pangingikil

O umasa sa pagnanakaw.

11 Dalawang beses kong narinig ang sinabi ng Diyos,

Na ang kalakasan ay sa Diyos.+

12 At nagpapakita ka ng tapat na pag-ibig, O Jehova,+

Dahil ginagantihan mo ang bawat isa ayon sa mga ginagawa niya.+

Nanghihina ako* sa pananabik sa iyo

Sa isang lupaing tuyo at walang tubig.+

 2 Kaya pinagmasdan kita sa banal na lugar;

Nakita ko ang iyong lakas at kaluwalhatian.+

 3 Dahil ang iyong tapat na pag-ibig ay mas mabuti kaysa sa buhay,+

Luluwalhatiin ka ng mga labi ko.+

 4 Pupurihin kita habang nabubuhay ako;

Sa pangalan mo ay itataas ko ang mga kamay ko.

 6 Inaalaala kita sa higaan ko;

Iniisip-isip* kita sa buong magdamag.*+

 7 Dahil ikaw ang tumutulong sa akin,+

At humihiyaw ako nang may kagalakan sa lilim ng iyong mga pakpak.+

 8 Nakakapit ako sa iyo;

Mahigpit na nakahawak sa akin ang kanang kamay mo.+

 9 Pero ang mga nagtatangkang pumatay sa akin

Ay bababa sa kailaliman ng lupa.

10 Ibibigay sila sa kapangyarihan ng espada;

Magiging pagkain sila ng mga chakal.*

Ang bawat isang nananata sa pamamagitan Niya ay magagalak,*

Dahil ititikom ang bibig ng mga nagsisinungaling.

 2 Ingatan mo ako mula sa lihim na mga pakana ng masasamang tao,+

Mula sa mga gumagawa ng masama.

 3 Pinatatalas nilang gaya ng espada ang dila nila;

Iniaasinta nilang gaya ng palaso ang kanilang masasakit na salita,

 4 Para panain mula sa kanilang taguan ang walang-sala;

Bigla nila siyang pinapana nang hindi natatakot.

 5 Desidido sila sa masamang plano nila;*

Pinag-uusapan nila kung paano itatago ang kanilang mga bitag.

 6 Nag-iisip sila ng mga bagong paraan para gumawa ng masama;

Palihim silang gumagawa ng tusong mga pakana;+

Hindi maarok ang laman ng puso nila.

 7 Pero papanain sila ng Diyos;+

Bigla silang tatamaan ng palaso.

 8 Ang sarili nilang dila ang magpapabagsak sa kanila;+

Mapapailing ang lahat ng makakakita nito.

 9 Ang lahat ng tao ay matatakot,

At ihahayag nila ang ginawa ng Diyos,

10 Ang matuwid ay magsasaya dahil kay Jehova at manganganlong sa kaniya;+

Ang lahat ng may matuwid na puso ay magagalak.*

65 Papuri ang naghihintay sa iyo sa Sion, O Diyos;+

Tutuparin namin ang mga panata namin sa iyo.+

 3 Natabunan na ako ng mga pagkakamali ko,+

Pero pinatatawad mo ang mga kasalanan namin.+

 4 Maligaya ang pinipili at pinalalapit mo

Para tumira sa iyong mga looban.+

Masisiyahan kami sa mabubuting bagay sa iyong bahay,+

Ang iyong banal na templo.*+