NGAAHI SAAME
TOHI ʻULUAKI
(Saame 1-41)
1 Fiefia ē ka ko e tangata ʻoku ʻikai te ne ʻaʻeva ʻo fakatatau ki he faleʻi ʻa e kau fulikivanú
Pea ʻoku ʻikai te ne tuʻu ʻi he hala ʻo e kau angahalá+
Pea ʻoku ʻikai te ne nofo ʻi he nofoʻanga ʻo e kau manukí.+
3 Te ne hangē ha fuʻu ʻakau ʻoku tō ʻi ha veʻe vaitafé,
Ha fuʻu ʻakau ʻoku fua ʻi hono faʻahitaʻú,
Ko hono laú ʻoku ʻikai mae.
Pea ko e meʻa kotoa pē ʻokú ne faí ʻe lavameʻa.+
4 ʻOku ʻikai ke pehē ʻa e kau fulikivanú ia;
ʻOku nau hangē ko e kafukafu ʻoku puhiʻi atu ʻe he matangí.
5 Ko e ʻuhinga ia ʻe ʻikai ke kei tuʻu ai ʻa e kau fulikivanú ʻi he fakamāú;+
Pe kei tuʻu ʻa e kau angahalá ʻi he fakataha ʻa e kau māʻoniʻoní.+
6 He ʻoku ʻafioʻi ʻe Sihova ʻa e ʻalunga ʻo e māʻoniʻoní,+
Ka ko e ʻalunga ʻo e kau fulikivanú ʻe ʻauha.+
2 Ko e hā ʻoku hohaʻatuʻu ai ʻa e ngaahi puleʻangá
3 ʻOku nau pehē: “Tau motuhi ʻa ʻena ngaahi haʻí
Pea lī ʻa ʻena ngaahi maeá!”
4 Ko e Tokotaha ʻokú ne ʻi he taloni ʻi he langí te ne kata;
ʻE manukiʻi kinautolu ʻe Sihova.
5 ʻI he taimi ko iá te ne folofola kiate kinautolu ʻi heʻene houhaú
Pea fakamanavaheeʻi kinautolu ʻi heʻene houhau kakahá,
6 ʻO ne folofola: “Ko au kuó u fokotuʻu ʻa ʻeku tuʻí+
ʻI Saione,+ ko hoku moʻunga tapú.”
7 Tuku ke u fanongonongo ʻa e tuʻutuʻuni ʻa Sihová;
Naʻá ne folofola mai kiate au: “Ko koe ʻa hoku ʻaló;+
Kuó u hoko ʻi he ʻahó ni ko hoʻo tamai.+
8 Kole mai kiate au, pea te u ʻoatu ʻa e ngaahi puleʻangá ko ho tofiʻa
Pea mo e ngaahi ngataʻanga ʻo e māmaní ko ho ʻinasi.+
10 Ko ia ai, ʻa kimoutolu ngaahi tuʻi, mou fakahāhā ʻa e ʻiloʻilo;
Tali ʻa e fakatonutonú,* ʻa kimoutolu kau fakamaau ʻo e māmaní.
11 Tauhi kia Sihova ʻi he manavahē,
Pea fiefia fakataha mo e tetetete.
12 Fakalāngilangiʻi ʻa e* ʻaló,+ telia naʻa houhau ʻa e ʻOtuá
Pea te mou ʻauha ʻi he halá,+
He ʻoku vave ʻa e ʻalu hake ʻa ʻEne houhaú.
Fiefia ē ka ko e faʻahinga kotoa ʻoku hūfanga kiate Iá.
Ko e hiva ʻa Tēvita ʻi he taimi naʻá ne hola ai mei hono foha ko ʻApisalomé.+
3 ʻE Sihova, ko e hā kuo fuʻu tokolahi pehē fau+ ai ʻa hoku ngaahi filí?
Ko e hā ʻoku tuʻu mai ai kiate au+ ʻa e fuʻu tokolahí?
2 Ko e tokolahi ʻoku nau lea ʻo fekauʻaki mo au:
“ʻE ʻikai ke fakahaofi ia ʻe he ʻOtuá.”+ (Sila)*
3 Ka ko koe, ʻe Sihova, ko ha pā takatakai kiate au,+
Ko hoku lāngilangi+ pea ko e Tokotaha ʻokú ne hiki hake ʻa hoku ʻulú.+
5 Te u tokoto hifo ʻo mohe;
Te u ʻā hake ʻi he malu,
He ko Sihova ʻoku hokohoko atu ʻene poupou kiate aú.+
7 Tuʻu hake, ʻe Sihova! Fakahaofi au,+ ʻe hoku ʻOtua!
He te ke taaʻi ʻa e kaungao ʻo hoku ngaahi filí kotoa;
Te ke maumauʻi ʻa e nifo ʻo e kau fulikivanú.+
8 ʻOku ʻa Sihova ʻa e fakamoʻuí.+
Ko hoʻo tāpuakí ʻoku ʻi ho kakaí. (Sila)
Ki he pule hivá; ke ngāueʻaki ʻa e ngaahi meʻalea filo. Ko e hiva ʻa Tēvita.
4 ʻI he taimi ʻo ʻeku uí, tali mai muʻa kiate au, ʻe hoku ʻOtua māʻoniʻoni.+
Tofa* ha hala ke u hao ai ʻi heʻeku mamahí.
Fakahā hoʻo hōifuá kiate au pea fanongo mai ki heʻeku lotú.
2 ʻA kimoutolu ngaahi foha ʻo e tangatá, ko e hā hono fuoloa hoʻomou liliu ʻa hoku lāngilangí ki he tuʻunga fakamaá?
Ko e hā hono fuoloa hoʻomou ʻofa ki he koto taʻeʻaongá pea kumi ki he loí? (Sila)
3 Mou ʻiloʻi ko Sihová te ne tōʻongafai ki heʻene tokotaha mateakí ʻi ha founga makehe;*
ʻE fanongo mai ʻa Sihova ʻi he taimi te u ui ai kiate iá.
4 ʻI hoʻomou hohaʻatuʻú, ʻoua ʻe faiangahala.+
Talanoa pē mo homou lotó, ʻi homou mohengá, pea fakalongo pē. (Sila)
6 ʻOku pehē ʻe he tokolahi: “Ko hai te ne fakahā mai ha meʻa ʻoku lelei kiate kitautolu?”
Tuku ke huhulu mai ʻa e maama ho fofongá kiate kimautolu, ʻe Sihova.+
7 Kuó ke fakafonu hoku lotó ʻaki ha fiefia ʻo lahi ange
ʻI he faʻahinga ʻoku lahi ʻenau utu-taʻu uité mo e uaine foʻoú.
Ki he pule hiva ʻo e Nehilotí.* Ko e hiva ʻa Tēvita.
5 Fanongo muʻa ki heʻeku leá, ʻe Sihova;+
Tokanga ki heʻeku māpuhoí.
2 Tokanga muʻa ki heʻeku tangi ki ha tokoní,
ʻE hoku Tuʻi mo hoku ʻOtua, koeʻuhí ko koe ʻoku ou lotu atu ki aí.
3 ʻE Sihova, te ke fanongo ki hoku leʻó ʻi he pongipongí;+
ʻI he pongipongí te u fakahaaʻi ʻa ʻeku hohaʻá kiate koe+ pea te u tatali atu mo e ʻamanaki.
4 He ʻoku ʻikai ko ha ʻOtua koe ʻokú ke leleiʻia ʻi he fulikivanú;+
ʻE ʻikai ke nofo mo koe+ ha taha ʻoku kovi.
5 Heʻikai ke tuʻu ha taha hīkisia ʻi ho ʻaó.
ʻOkú ke fehiʻa ki he faʻahinga kotoa ʻoku anga-fulikivanú;+
6 Te ke fakaʻauha ʻa e faʻahinga ʻoku lea loí.+
ʻOku fakaliliʻa ʻa Sihova ʻi he kakai fakamālohi mo kākaá.*+
7 Ka te u hū ki ho falé+ koeʻuhí ko e lahi ʻa hoʻo ʻofa mateakí;+
Te u punou ʻo hanga ki ho temipale tapú* ʻi he manavahē anga-ʻapasia kiate koe.+
8 ʻE Sihova, taki muʻa au ʻi hoʻo māʻoniʻoní koeʻuhí ko hoku ngaahi filí;
ʻAi ke ʻatā ho halá kiate au.+
9 He ʻoku ʻikai ha meʻa ʻoku nau leaʻaki ʻe fai ha falala ki ai;
ʻIate kinautolú ʻoku ʻikai ha toe meʻa ka ko e loto-kovi pē;
Ko honau mongá ko ha faʻitoka ʻoku fakamanga;
10 Ka ʻe fakahā ʻe he ʻOtuá ʻoku nau halaia;
ʻE ʻai kinautolu ʻe heʻenau ngaahi faʻufaʻú ke nau tō.+
Fakatauange ke kapusi kinautolu koeʻuhí ko e lahi ʻo ʻenau laka halá,
He kuo nau angatuʻu kiate koe.
11 Ka ʻe fiefia ʻa e faʻahinga kotoa ʻoku hūfanga kiate koé;+
Te nau kalanga fiefia maʻu pē.
Te ke taʻofi ʻa e faʻahinga ʻoku nau loto ke fai ha kovi kiate kinautolú,
Pea ko e faʻahinga ʻoku ʻofa ki ho huafá te nau fiefia ʻiate koe.
12 He te ke tāpuakiʻi ha taha pē ʻoku māʻoniʻoni ʻe Sihova;
Te ke takatakaiʻi kinautolu ʻaki ʻa e hōifua ʻo hangē ʻoku fai ʻaki ha fuʻu paá.+
Ki he pule hivá; ke ngāueʻaki ʻa e ngaahi meʻalea filo kuo fakatonutonu ki he Seminití.* Ko e hiva ʻa Tēvita.
6 ʻE Sihova, ʻoua muʻa naʻá ke valokiʻi au ʻi hoʻo houhaú,
Pea ʻoua naʻá ke fakatonutonu au ʻi hoʻo houhau kakahá.+
2 Fakahaaʻi mai kiate au ʻa e hōifua,* ʻe Sihova, he ʻoku fakaʻaʻau ke u vaivai.
Fakamoʻui au, ʻe Sihova,+ he ʻoku tete ʻa hoku ngaahi huí.
6 Kuó u hoko ʻo ongosia ʻi heʻeku māpuhoí;+
ʻI he poó kotoa ʻoku ngaunu ai ʻa hoku mohengá ʻi hoku loʻimatá;*
ʻOku tāfea ʻa hoku tokotoʻangá ʻi heʻeku tangí.+
7 ʻOku vaivai hoku matá tupu mei heʻeku mamahí;+
Kuo nenefu* ia koeʻuhi ko e faʻahinga kotoa ʻoku nau fakahohaʻasi aú.
8 Mavahe meiate au, ʻa kimoutolu kotoa ʻoku anga-fulikivanú,
He ʻe fanongo mai ʻa Sihova ki he ongo atu ʻa ʻeku tangí.+
9 ʻE fanongo ʻa Sihova ki heʻeku tautapa ki ha hōifuá;+
ʻE tali ʻe Sihova ʻa ʻeku lotú.
10 Ko hoku ngaahi filí kotoa te nau mā mo loto-siʻi;
Te nau holomui fakafokifā ʻi he mā.+
Ko e taʻanga tangi* ʻa Tēvita ʻa ia naʻá ne hivaʻi kia Sihova ʻo fekauʻaki mo e ngaahi lea ʻa Kusa ko e tangata Penisimaní.
7 ʻE Sihova ko hoku ʻOtua, ko koe kuó u hūfanga ki aí.+
Fakamoʻui au mei he faʻahinga kotoa ʻoku nau fakatangaʻi aú, pea fakahaofi au.+
2 He ka ʻikai, te nau hae kongokonga au ʻo hangē ko ia ʻoku fai ʻe ha laioné,+
ʻO ʻave au taʻeʻiai ha taha ke ne fakahaofi au.
3 ʻE Sihova ko hoku ʻOtua, kapau kuó u faihala ʻi he meʻá ni,
Kapau kuó u taʻefaitotonu,
4 Kapau kuó u faihala ki he tokotaha ʻoku failelei mai kiate aú,+
Pe kapau kuó u faʻao fakamālohi ʻa e koloa ʻa hoku filí taʻeʻiai ha ʻuhinga,*
5 Pea tuku ke tuli au ʻe ha fili ʻo ne maʻu;
Tuku ke ne tāmalaki ʻa ʻeku moʻuí ʻi he kelekelé
Pea ʻai ʻa hoku lāngilangí ke ʻauha ʻi he efú. (Sila)
6 Ke ke tuʻu hake ʻi hoʻo houhaú, ʻe Sihova;
Tuʻu hake ki he ʻita ʻa hoku ngaahi filí;+
Ke ke ʻā mai ʻo tokoniʻi au, pea kounaʻi ke fai ha fakamaau totonu.+
7 Tuku ke takatakaiʻi koe ʻe he ngaahi puleʻangá;
Pea te ke ngāue mai kiate kinautolu mei ʻolunga.
8 ʻE hilifaki ʻe Sihova ʻa e tautea ki he ngaahi kakaí.+
Fakamāuʻi au, ʻe Sihova, ʻo fakatatau ki heʻeku māʻoniʻoní
Pea fakatatau ki heʻeku anga-tonú.+
9 Fakangata ange muʻa ʻa e ngaahi ngāue kovi ʻa e kau fulikivanú.
Kae fokotuʻu maʻu ʻa e māʻoniʻoní,+
Koeʻuhí ko koe ʻa e ʻOtua māʻoniʻoni+ ʻa ia ʻokú ke sivi ʻa e lotó+ mo e ngaahi ongoʻi lolotó.*+
10 Ko e ʻOtuá ko hoku pā,+ ko e Fakamoʻui ʻo e faʻahinga ʻoku loto-totonú.+
11 Ko e ʻOtuá ko ha Fakamaau māʻoniʻoni,+
Pea ʻoku hanga ʻe he ʻOtuá ʻo fanongonongo ʻene ngaahi fakamāú* ʻi he ʻaho kotoa pē.
12 Kapau ʻe ʻikai ke fakatomala ha taha,+ ʻokú Ne fakamata ʻa ʻene heletaá;+
ʻOkú ne fusiʻi ʻa ʻene kaufaná pea ʻai ia ke tuʻu mateuteu.+
13 ʻOkú ne teuteu ʻa ʻene ngaahi meʻatau fakatupu maté;
ʻOkú ne ʻai ke tuʻu mateuteu ʻa ʻene ngaahi ngahau ulouló.+
14 Vakai atu ki he tokotaha ʻokú ne feitamaʻi ʻa e fulikivanú;
ʻOkú ne tuʻituʻiaʻi ʻa e faingataʻá peá ne fanauʻi ʻa e loí.+
15 ʻOkú ne vaku hake ha luo peá ne keli ia ke loloto,
Ka ʻokú ne tō ʻi he luo pē ko ia naʻá ne kelí.+
16 Ko e faingataʻa ʻokú ne fakatupungá ʻe toe foki mai ia ki hono tumuʻakí;+
Ko ʻene fakamālohí ʻe tō ia ki hono tumuʻakí.
17 Te u fakahīkihikiʻi ʻa Sihova ʻi heʻene fakamaau totonú;+
Te u hiva fakahīkihiki* ki he huafa ʻo Sihova+ ko e Fungani Māʻolungá.+
Ki he pule hivá; fekauʻaki mo e Kititá.* Ko e hiva ʻa Tēvita.
8 ʻE Sihova ko homau ʻEiki, he fakangeingeia ē ko ho huafá ʻi he kotoa ʻo e māmaní;
Kuó ke fokotuʻu ho lāngilangí ʻo toe māʻolunga ange ia ʻi he ngaahi langí!*+
2 Kuó ke fakahā ho mālohí ʻi he ngutu ʻo e fānaú mo e kau valevalé+
Koeʻuhi ko ho ngaahi filí,
Ke fakasīlongoʻi ʻa e filí mo e tokotaha faisāuní.
3 ʻI heʻeku vakai ki ho ngaahi langí, ʻa e ngaahi ngāue ʻa ho louhiʻinimá,
ʻA e māhiná mo e ngaahi fetuʻu ʻa ia kuó ke teuteú,+
4 Ko e hā ʻa e tangata ko e meʻa noa peé ke ke manatu ai kiate ia,
Mo e foha ʻo e tangatá ke ke tokanga ai kiate ia?+
5 Naʻá ke ʻai ia ke kiʻi māʻulalo ange ʻi he faʻahinga hangē ha ʻotuá,*
Pea naʻá ke fakakalauni ia ʻaki ʻa e ngeia mo e lāngilangi.
6 Naʻá ke ʻoange ke ne pule ki he ngaahi ngāue ʻa ho nimá;+
Kuó ke tuku ʻa e meʻa kotoa pē ki hono lalo vaʻé:
7 ʻA e fanga sipi mo e fanga pulu kotoa pē,
Pehē foki ki he fanga manu kaivaó,*+
8 ʻA e fanga manupuna ʻo e langí mo e ika ʻo e tahí,
Ha meʻa pē ʻoku ʻalu atu ʻi he tahí.
9 ʻE Sihova ko homau ʻEiki, he fakangeingeia ē ko ho huafá ʻi he kotoa ʻo e māmaní!
Ki he pule hivá; fekauʻaki mo e Muti-lapení.* Ko e hiva ʻa Tēvita.
א [ʻAlefi]
9 Te u fakahīkihikiʻi koe, ʻe Sihova, ʻaki ʻa e kotoa ʻo hoku lotó;
Te u fakamatala ʻo fekauʻaki mo hoʻo ngaahi ngāue fakaofó kotoa.+
2 Te u fiefia mo nēkeneka ʻiate koe;
Te u hiva fakahīkihiki* ki ho huafá, ʻe ʻOtua Fungani Māʻolunga.+
ב [Peta]
3 ʻI he holomui ʻa hoku ngaahi filí,+
Te nau humu mo ʻauha ʻi ho ʻaó.
4 He ʻokú ke taukapoʻi ʻa ʻeku totonú;
ʻOkú ke ʻafio ʻi ho taloní ʻo faifakamaau ʻi he māʻoniʻoni.+
ג [Kimela]
5 Kuó ke valokiʻi ʻa e ngaahi puleʻangá+ mo fakaʻauha ʻa e tokotaha fulikivanú,
Pea tāmateʻi honau hingoá ʻo taʻengata pea taʻengata.
6 Kuo ʻauha ʻo taʻengata ʻa e filí;
Kuó ke taʻaki honau ngaahi koló,
Pea ʻe ʻikai ʻaupito toe manatua kinautolu.+
ה [Hē]
7 Ka ko Sihova ʻoku ʻafio ʻi he taloní ʻo taʻengata;+
Kuó ne fokotuʻu maʻu ʻa hono taloní ki he fakamaau totonú.+
8 Te ne fakamaau ʻa e māmani kuo nofoʻí* ʻi he māʻoniʻoni;+
Te ne fakahoko ʻa e ngaahi tuʻutuʻuni fakalao māʻoniʻoni ki he ngaahi puleʻangá.+
ו [Vau]
9 ʻE hoko ʻa Sihova ko ha hūfangaʻanga malu* ki he tokotaha kuo ngaohikoviá,+
Ko ha hūfangaʻanga malu ʻi he ngaahi taimi faingataʻá.+
10 Ko e faʻahinga ʻoku nau ʻilo ho huafá te nau falala kiate koe;+
ʻE ʻikai ʻaupito te ke liʻaki ʻa e faʻahinga ʻoku kumi kiate koé, ʻe Sihova.+
ז [Saini]
11 Hiva fakahīkihiki kia Sihova, ʻa ia ʻokú ne ʻafio ʻi Saioné;
ʻAi ke ʻiloa ʻene ngaahi ngāué ʻi he lotolotonga ʻo e ngaahi kakaí.+
12 He ko e Tokotaha ʻokú ne sāuni honau totó ʻokú ne manatuʻi kinautolu;+
ʻE ʻikai ngalo ʻiate ia ʻa e tangi ʻa e faingataʻaʻiá.+
ח [Keta]
13 Ke ke hōifua mai, ʻe Sihova; vakai mai ki hoku ngaohikovia ʻe he faʻahinga ʻoku fehiʻa kiate aú,
ʻA koe ʻokú ke fokotuʻu hake au mei he ngaahi matapā ʻo maté,+
14 Koeʻuhi ke u talaki ʻa hoʻo ngaahi ngāue ʻoku taau ke fakahīkihikiʻí ʻi he ngaahi matapā ʻo e ʻofefine ʻo Saioné,+
Peá u fiefia ʻi hoʻo ngaahi fakamoʻuí.+
ט [Teta]
15 Kuo ngoto hifo ʻa e ngaahi puleʻangá ʻi he luo naʻa nau kelí;
Ko honau vaʻé tonu kuo fihia ʻi he kupenga naʻa nau fufuú.+
16 ʻOku ʻiloa ʻa Sihova ʻi heʻene fakahoko fakamāú.+
Ko e tokotaha fulikivanú kuo fihia ʻi he ngāue ʻa hono nima ʻoʻoná.+
Hikaione.* (Sila)
י [Iota]
17 Ko e kau fulikivanú te nau foki ki he Faʻitoká,*
ʻA e ngaahi puleʻanga kotoa ʻoku ngalo ʻiate kinautolu ʻa e ʻOtuá.
18 Ka ko e masivá ʻe ʻikai ke ngalo maʻu ai pē;+
Pea ko e ʻamanaki ʻa e anga-vaivaí ʻe ʻikai ʻaupito ke mole.+
כ [Kafa]
19 Tuʻu hake, ʻe Sihova! ʻOua naʻa tuku ʻa e tangata ko e meʻa noa peé ke ikuna.
ʻOfa ke fakamāuʻi ʻa e ngaahi puleʻangá ʻi ho ʻaó.+
20 Taaʻi kinautolu ʻaki ʻa e manavaheé, ʻe Sihova,+
Tuku ke ʻilo ʻe he ngaahi puleʻangá ko e kau tangata pē kinautolu ʻa ia ko e meʻa noa pē. (Sila)
ל [Lameta]
10 ʻE Sihova, ko e hā ʻokú ke tuʻu ai mei he mamaʻó?
Ko e hā ʻokú ke toi ai ʻi he ngaahi taimi ʻo e faingataʻá?+
2 ʻOku tuli loto-hīkisia ʻe he tokotaha fulikivanú ʻa e tokotaha ʻoku ʻikai hano tokoní,+
Ka te ne fihia pē ʻi he ngaahi filioʻi ʻokú ne faʻufaʻú.+
3 He ko e tokotaha fulikivanú ʻokú ne pōlepole fekauʻaki mo ʻene ngaahi holi siokitá+
Peá ne tāpuakiʻi ʻa e tokotaha mānumanú;*
נ [Nuna]
ʻOkú ne taʻetokaʻi ʻa Sihova.
4 ʻI heʻene hīkisiá, ko e tangata fulikivanú ʻoku ʻikai te ne kumi kiate ia;
Ko ʻene fakakaukaú kotoa: “ʻOku ʻikai ha ʻOtua.”+
5 ʻOku lakalakaimonū+ ai pē ʻa hono ngaahi ʻalungá,
Ka ko hoʻo ngaahi fakamāú ʻoku mahulu atu ia ʻi heʻene mahinó;+
ʻOkú ne manuki* ki he kotoa ʻo hono ngaahi filí.
6 ʻOkú ne pehē ʻi hono lotó: “ʻE ʻikai ʻaupito ke u ngaue;*
ʻI he toʻutangata ki he toʻutangata
ʻE ʻikai ʻaupito te u sio ʻi he tuʻutāmakí.”+
פ [Pē]
7 Ko hono ngutú ʻoku fonu ʻi he talatuki, loi, mo e fakamanamana;+
ʻOku ʻi hono lalo ʻeleló ʻa e laukovi mo e maumau.+
8 ʻOkú ne toka malumu ʻo ofi ki he ngaahi nofoʻangá;
ʻOkú ne haʻu mei hono toitoiʻangá ʻo tāmateʻi ha tokotaha tonuhia.+
ע [ʻAini]
ʻOku fakasio ʻe hono matá ha tokotaha maʻukovia.+
9 ʻOkú ne tatali ʻi hono toitoiʻangá hangē ha laione ʻi hono ʻaná.*+
ʻOkú ne tatali ke ne pō ʻa e tokotaha ʻoku ʻikai hano tokoní.
ʻOkú ne puke ʻa e tokotaha ʻoku ʻikai hano tokoní ʻi heʻene maʻu ia ʻi hono kupengá.+
10 ʻOku laiki ʻa e tokotaha maʻukoviá ʻo lī ki lalo;
ʻOkú ne maʻunimā* ʻa e faʻahinga ʻoku tuʻutāmakí.
11 ʻOkú ne pehē ʻi hono lotó: “Kuo ngalo ʻi he ʻOtuá.+
Kuó ne hanga kehe.
Heʻikai ʻaupito te ne fakatokangaʻi.”+
ק [Kofi]
12 Tuʻu hake, ʻe Sihova.+ ʻE ʻOtua, hiki hake ho nimá.+
ʻOua ʻe ngalo siʻi faʻahinga ʻoku ʻikai hanau tokoní.+
13 Ko e hā kuo taʻetokaʻi ai ʻe he tokotaha fulikivanú ʻa e ʻOtuá?
ʻOkú ne pehē ʻi hono lotó: “ʻE ʻikai te ke fiemaʻu mai ke u fai atu ha fakamatala.”
ר [Lesa]
14 Ka ʻokú ke ʻafioʻi ʻa e faingataʻá mo e mamahí.
ʻOkú ke vakai ki ai ʻo ke fai ha meʻa fekauʻaki mo ia.+
ש [Sini]
15 Fesiʻi ʻa e nima ʻo e tangata fulikivanu mo koví,+
Koeʻuhi ʻi haʻo fakatotolo ki heʻene anga-fulikivanú,
Heʻikai te ke toe maʻu ia.
16 Ko e Tuʻi ʻa Sihova ʻo taʻengata pea taʻengata.+
Kuo ʻauha ʻa e ngaahi puleʻangá mei he māmaní.+
ת [Tau]
17 Ka te ke fanongo ki he tautapa ʻa e anga-vaivaí, ʻe Sihova.+
Te ke ʻai honau lotó ke mālohi+ pea te ke mātuʻaki tokanga kiate kinautolu.+
18 Te ke fakahoko ʻa e fakamaau totonu ki he tamai-maté pea ki he faʻahinga kuo laikí,+
Koeʻuhi ke ʻoua naʻa kei ʻai kinautolu ʻe he tangata ko e meʻa noa pē ʻi he māmaní ke nau ilifia.+
Ki he pule hivá. Saame ʻa Tēvita.
11 Ko Sihova kuó u hūfanga ki aí.+
Ko ia ʻe lava fēfē ke mou pehē mai kiate au:
“Hola ʻo hangē ha manupuná ki ho moʻungá!
2 Sio ki he anga hono fusiʻi ʻe he kau fulikivanú ʻa e kaufaná;
ʻOku nau fokotuʻu ʻenau ngahaú ʻi he afo ʻo e kaufaná,
Ke fana mei he fakapoʻulí ki he faʻahinga ʻoku loto-totonú.
4 Ko Sihova ʻoku ʻi hono temipale tapú.+
Ko e taloni ʻo Sihová ʻoku ʻi he langí.+
ʻOku ʻafioʻi ʻe hono fofongá, ko hono fofonga ʻiloʻiló* ʻokú ne sivi ʻa e ngaahi foha ʻo e tangatá.+
5 Ko Sihova ʻokú ne sivi ʻa e tokotaha māʻoniʻoní pea pehē ki he tokotaha fulikivanú;+
ʻOkú ne fehiʻa ʻi ha taha pē ʻoku ʻofa ki he fakamālohí.+
6 Te ne fakaʻuha hifo ʻa e ngaahi tauhele* ki he kau fulikivanú;
ʻE hoko ʻa e afi mo e sūlifa+ mo ha matangi vela ko e ʻinasi ia ʻo ʻenau ipú.
7 He ko Sihová ʻoku māʻoniʻoni;+ ʻokú ne ʻofa ki he ngaahi ngāue māʻoniʻoní.+
Ko e faitotonú te ne sio ki hono fofongá.*+
Ki he pule hivá; fakatonutonu ki he Seminití.* Ko e hiva ʻa Tēvita.
12 Fakahaofi au, ʻe Sihova, he ʻoku ʻikai ha tokotaha mateaki ʻe toe;
Kuo mole atu ʻa e kakai faitōnungá mei he lotolotonga ʻo e faʻahinga ʻo e tangatá.
3 ʻE tuʻusi ʻe Sihova ʻa e loungutu fakahekeheke kotoa pē
Mo e ʻelelo ʻokú ne fai ha fuʻu pōlepolé,+
4 ʻA e faʻahinga ʻoku nau pehē: “Te mau ikuna ʻaki homau ʻeleló.
Te mau ngāueʻaki homau loungutú ki ha meʻa ʻoku mau loto ki ai;
Ko hai ia ʻe pule mai kiate kimautolú?”+
5 “Koeʻuhi ko hono lōmekina ʻa e faingataʻaʻiá,
Koeʻuhi ko e māpuhoi ʻa e masivá,+
Te u tuʻu hake ʻo fai ha meʻa,” ko e folofola ia ʻa Sihová.
“Te u fakahaofi kinautolu mei he faʻahinga ʻoku nau tōʻongafai taʻetokaʻi kiate kinautolú.”*
6 Ko e folofola ʻa Sihová ʻoku haohaoa;+
ʻOku hangē ia ha siliva kuo sivi ʻi ha fōnise ʻumeá,* ʻo sivi tuʻo fitu ke maʻa.
7 Te ke maluʻi kinautolu, ʻe Sihova;+
Te ke maluʻi ʻa e tokotaha taki taha ʻo kinautolu mei he toʻutangata ko ení ʻo taʻengata.
8 Ko e kau fulikivanú ʻoku takai holo ʻo ʻikai taʻofia
Koeʻuhi ko e ngaahi foha ʻo e tangatá ʻoku nau pouaki ʻa e tōʻonga fakalieliá.+
Ki he pule hivá. Ko e hiva ʻa Tēvita.
13 ʻE Sihova, ko e hā hono fuoloa hoʻo fakangalongaloʻi aú? ʻE taʻengata?
Ko e hā hono fuoloa ʻo hoʻo fufū ho fofongá meiate aú?+
2 Ko e hā hono fuoloa ʻa ʻeku hohaʻa ʻi he loto-moʻuá,
Fakataha mo e mamahi ʻi hoku lotó ʻi he ʻaho taki taha?
Ko e hā hono fuoloa ʻa hono ikunaʻi au ʻe hoku filí?+
3 Hanga mai kiate au pea fai mai ha tali, ʻe Sihova ko hoku ʻOtua.
Fakamaama ʻa hoku matá, koeʻuhí ke ʻoua naʻá ku mohe ʻi he maté,
4 Ke ʻoua naʻa pehē ʻe hoku filí: “Kuó u ikunaʻi ia!”
ʻOua naʻa tuku ke fiefia ʻa hoku kau fakafepakí ʻi heʻeku toó.+
6 Te u hiva kia Sihova, he kuó ne fakapaleʻi lahi au.*+
Ki he pule hivá. Saame ʻa Tēvita.
14 Ko e tokotaha valé* ʻokú ne pehē ʻi hono lotó:
“ʻOku ʻikai ha Sihova.”+
Ko ʻenau ngaahi ngāué ko e koto kākā, pea ko ʻenau ngaahi fakafeangaí ko e koto fakalielia;
ʻOku ʻikai ha taha ʻe failelei.+
2 Ka ʻoku ʻafio hifo ʻa Sihova mei hēvani ki he ngaahi foha ʻo e tangatá
Ke vakai pe ʻoku ʻi ai ha taha ʻokú ne maʻu ha vavanga fakaefakakaukau, pe ʻoku ʻi ai ha taha ʻoku kumi kia Sihova.+
3 Kuo nau afe kotoa;+
ʻOku nau tatau kotoa pē ʻi he kākaá.
ʻOku ʻikai ha taha ʻe failelei,
Naʻa mo ha foʻi toko taha.
4 ʻOku ʻikai koā ha taha ia ʻo e kau faihalá te ne maʻu ʻa e mahinó?
ʻOku nau keina ʻa hoku kakaí ʻo hangē haʻanau kai maá.
ʻOku ʻikai te nau ui kia Sihova.
5 Ka te nau fonu ʻi he manavahē lahi,+
He ko Sihová ʻokú ne kau mo e toʻutangata māʻoniʻoní.
6 Ko kimoutolu ʻa e kau faihalá ʻoku mou feinga ke veuki ʻa e ngaahi palani ʻa e tokotaha māʻulaló,
Ka ko Sihova ʻa hono hūfangaʻangá.+
7 Fakatauange ke hoko mai ʻa e fakamoʻui ʻo ʻIsilelí mei Saione!+
ʻI hono toe fakatahatahaʻi ʻe Sihova ʻa ʻene kakai nofo pōpulá,
Tuku ke fiefia ʻa Sēkope, tuku ke mavava ʻa ʻIsileli.
Ko e hiva ʻa Tēvita.
15 ʻE Sihova, ko hai nai ʻe hoko ko ha tokotaha fakaafe ʻi ho tēnití?
Ko hai nai ʻe nofo ʻi ho moʻunga tapú?+
2 Ko e tokotaha ʻoku ʻaʻeva taʻemelé,*+
ʻO fai ʻa e meʻa ʻoku totonú+
Pea leaʻaki ʻa e moʻoni ʻoku ʻi hono lotó.+
3 ʻOku ʻikai te ne lauʻikovi loi ʻaki hono ʻeleló,+
ʻOku ʻikai te ne fai ha kovi ki hono kaungāʻapí,+
Pea ʻoku ʻikai te ne fakaongoongokoviʻi* ʻa hono ngaahi kaumeʻá.+
4 ʻOkú ne talitekeʻi ha taha pē ʻoku anga-palakū,+
Ka ʻokú ne fakaʻapaʻapaʻi ʻa e faʻahinga ʻoku nau manavahē kia Sihová.
ʻOku ʻikai te ne fakafoki ʻa ʻene palōmesí,* neongo kapau ʻe kovi kiate ia.+
5 ʻOku ʻikai te ne tuku ke nō atu ʻene paʻangá ki ha tupu,+
Pea ʻoku ʻikai te ne tali ha totongi fufū ke tukuakiʻi loi ai ʻa e tonuhiá.+
ʻIlonga ʻa ia ʻokú ne fai ʻa e ngaahi meʻa ko ení ʻe ʻikai ʻaupito ke ueʻia.*+
Ko e mikitami* ʻa Tēvita.
16 Maluʻi au, ʻe ʻOtua, he kuó u hūfanga atu kiate koe.+
2 Kuó u pehē kia Sihova: “Ko Sihova koe, ko e Matavai ʻo e leleí kiate au.
3 Pea ko e kau māʻoniʻoni ʻi he māmaní,
ʻA e faʻahinga fakangeingeiá, ʻoku nau ʻai au ke u fiefia lahi.”+
4 Ko e faʻahinga ʻoku tuli ki he ngaahi ʻotua kehé ʻoku nau fakalahi ai ʻenau mamahí.+
ʻE ʻikai ʻaupito te u lilingi atu ʻenau ngaahi feilaulau inu ʻo e totó,
Pea ʻe ʻikai ke leaʻaki ʻe hoku loungutú ʻa honau hingoá.+
5 Ko Sihova ʻa hoku ʻinasí, ʻa hoku ʻinasi kuo vaheʻi maí,+ pea ʻokú ne fakafonu ʻa ʻeku ipú.+
ʻOkú ke maluʻi ʻa hoku tofiʻá.
6 Kuo fua ʻo ʻomi kiate au ʻa e ngaahi feituʻu lelei.
ʻIo, ʻoku ou fiemālie ʻi hoku tofiʻá.+
7 Te u fakahīkihikiʻi ʻa Sihova, ʻa ia kuó ne ʻomi kiate au ʻa e faleʻí.+
Naʻa mo e ʻi he lolotonga ʻa e poʻulí, ʻoku fakatonutonu+ ai au ʻe heʻeku ngaahi fakakaukau lolotó.*
8 ʻOku ou ʻai ʻa Sihova ke ʻi muʻa ʻiate au maʻu ai pē.+
Koeʻuhi ʻokú ne ʻi hoku nima toʻomataʻú, ʻe ʻikai ʻaupito ke u ngaue.*+
9 Ko ia ai ʻoku fiefia ʻa hoku lotó, ʻa ʻeku moʻuí* kotoa ʻoku fiefia.
Pea ʻoku ou nofo* ʻi he malu.
10 Koeʻuhi heʻikai te ke tuku* au ʻi he Faʻitoká.*+
ʻE ʻikai te ke tuku ʻa hoʻo tokotaha mateakí ke sio ki he luó.*+
11 Kuó ke ʻai ke u ʻilo ʻa e hala ʻo e moʻuí.+
Ko e lotu ʻa Tēvita.
17 Ke ke ongoʻi muʻa ʻa ʻeku kole ki ha fakamaau totonú, ʻe Sihova;
Tokanga mai ki heʻeku tangi ki ha tokoní;
Fanongo mai ki heʻeku lotu ʻoku ou leaʻaki ʻo ʻikai ʻi he kākaá.+
2 Fakatauange ke ke fai ha fakamaau totonu maʻaku;+
Fakatauange ke vakai mai ho fofongá ki he meʻa ʻoku totonú.
3 Kuó ke vakaiʻi ʻa hoku lotó, kuó ke ʻaʻahi au ʻi he poʻulí;+
Kuó ke siviʻi au;+
Te ke ʻilo ai kuo ʻikai te u faʻufaʻu ha kovi,
Pea ʻe ʻikai te u angahala ʻi he meʻa ʻoku ou leaʻakí.
4 Ko e meʻa ki he ngaahi ngāue ʻa e tangatá,
ʻI he fehoanaki mo e folofola ʻoku haʻu mei ho fofongá, ʻoku ou fakaʻehiʻehi ai mei he ʻalunga ʻo e kaihaʻá.+
6 ʻOku ou tautapa atu kiate koe, koeʻuhí he te ke fai mai ha tali kiate au,+ ʻe ʻOtua.
Fokotuʻu telinga* mai muʻa kiate au. Fanongo ki heʻeku ngaahi leá.+
7 Fakahaaʻi ʻa hoʻo ʻofa mateakí ʻi ha founga fakaofo,+
ʻA koe ko e Fakamoʻui ʻo e faʻahinga ʻoku kumi hūfanga ki ho nima toʻomataʻú
Mei he faʻahinga ʻoku angatuʻu kiate koé.
9 Leʻohi au mei he kau fulikivanu ʻoku nau ʻohofi aú,
Mei hoku ngaahi fili matengofua ʻoku nau takatakaiʻi aú.+
10 Kuo nau hoko ʻo ongongataʻa;*
ʻOku nau lea pōlepole ʻaki honau ngutú;
11 Pea ʻoku nau kāpui kimautolu;+
ʻOku nau fakasio ha faingamālie ke fakatupunga ai haʻamau tō.*
12 ʻOkú ne hangē ha laione ʻoku vēkeveke ke haehae ʻa e manu kuó ne poó,
Hangē ha laione mui ʻokú ne tokoto ʻo tatali mai ʻi ha ngaahi potu fufuú.
13 Tuʻu hake, ʻe Sihova, ke fakafetaulakiʻi ia+ pea lī ia ki lalo;
Fakahaofi au mei he tokotaha anga-fulikivanú ʻaki hoʻo heletaá;
14 Fakahaofi au ʻaki ho nimá, ʻe Sihova,
Mei he kau tangata ʻo e māmani* ko ení, ʻa ia ko honau ʻinasí ʻoku ʻi he moʻui pē ko ení,+
ʻA e faʻahinga ʻa ia ʻokú ke fakafonu ʻaki ʻa e ngaahi meʻa lelei ʻokú ke tokonakí+
Pea ʻoku nau tuku atu ha tofiʻa ki honau ngaahi fohá.
Ki he pule hivá. Mei he sevāniti ʻa Sihova ko Tēvitá, ʻa ia naʻá ne fai ʻa e ngaahi lea ʻo e hivá ni kia Sihova ʻi he ʻaho ko ia naʻe fakahaofi ai ia ʻe Sihova mei he nima ʻo e kotoa ʻo hono ngaahi filí pea mei he nima ʻo Saulá. Naʻá ne pehē:+
18 ʻOku ou ʻofa atu kiate koe, ʻe Sihova, ko hoku mālohingá.+
2 Ko Sihova ʻa hoku maka hūfangaʻangá mo hoku maluʻangá pea ko e Tokotaha ia ʻokú ne fakahaofi aú.+
Ko hoku ʻOtuá ko hoku makatuʻu,+ ʻa ia ʻoku ou hūfanga ki ai,
Ko ʻeku pā mo ʻeku meʻatui* ʻo e fakamoʻuí,* ko hoku hūfangaʻanga malu.*+
3 ʻOku ou ui kia Sihova, ʻa ia ʻoku taau ke fakahīkihikiʻí,
Pea te u hao ai mei hoku ngaahi filí.+
4 Ko e ngaahi kafa ʻo maté naʻe takatakai ʻiate au;+
Ko e haʻulu mai ʻa e vai-fā ko e kau tangata koto taʻeʻaongá ne u manavahē ai.+
5 Ko e ngaahi kafa ʻo Faʻitoká* naʻe takatakai ʻiate au;
Ko e ngaahi tauhele ʻa maté naʻe fehangahangai mo au.+
6 ʻI heʻeku faingataʻaʻiá naʻá ku ui kia Sihova,
Naʻá ku hanganaki tangi ki hoku ʻOtuá ki ha tokoni.
Naʻá ne fanongo ki hoku leʻó+ mei hono temipalé,
Pea ko ʻeku tangi kiate ia ki ha tokoní naʻe aʻu ki hono telingá.+
7 Pea naʻe kamata ke ngalulu mo sēlue ʻa e māmaní;+
Naʻe ngatupe ʻa e tefito ʻo e ngaahi moʻungá
Pea naʻe ngalulu koeʻuhí naʻe fakahouhauʻi ia.+
8 Naʻe ʻalu hake ha kohu mei hono ihú,
Pea naʻe haʻu ha afi faifakaʻauha mei hono ngutú;+
Naʻe puho ha ngaahi malala uloulo meiate ia.
9 Naʻá ne ʻai ke ngaofe ʻa e langí ʻi heʻene hāʻele hifó,+
Pea naʻe ʻi hono lalo vaʻé+ ha poʻuli matolu.
10 Naʻá ne heka ʻi ha selupimi ʻo ne puna mai.+
Naʻá ne lolofa hifo ʻi he kapakau ʻo ha laumālie.*+
11 Naʻá ne ʻai leva ʻa e fakapoʻulí ke ne ʻufiʻufi ia,+
ʻO takatakai kiate ia hangē ha palepalé,
ʻA e ngaahi vai fakapoʻulí mo e ngaahi konga ʻao matolú.+
12 Mei he maama ʻi hono ʻaó
Naʻe hū mai ai ʻi he ngaahi konga ʻaó ha ʻuha-ʻaisi* mo ha ngaahi malalaʻi afi.
13 Naʻe kamata leva ke mana ʻa Sihova ʻi he langí;+
Naʻe ʻai ʻe he Fungani Māʻolungá ke fanongoa hono leʻó+
ʻAki ʻa e ngaahi ʻuha-ʻaisi mo e ngaahi malalaʻi afi.
14 Naʻá ne fanaʻi ʻene ngaahi foʻi ngahaú ʻo fakamovetevete kinautolu;+
Naʻá ne ʻai ke tapa mai ʻa ʻene ʻuhilá ʻo fakapuputuʻuʻi ai kinautolu.+
15 Naʻe hā mai ʻa e takele ʻo e ngaahi vaitafé;*+
Naʻe fakaeʻa ʻa e ngaahi tuʻunga ʻo e fonuá ʻi hoʻo valokí, ʻe Sihova,
ʻI he ʻuʻulu mai ʻa e mānava mei ho ihú.+
16 Naʻá ne kakapa hifo mei he māʻolungá;
Naʻá ne puke au ʻo ne fusi hake mei he ngaahi vai lolotó.+
17 Naʻá ne fakahaofi au mei hoku fili mālohí,+
Mei he faʻahinga ʻoku fehiʻa kiate aú, ʻa kinautolu naʻe mālohi ange ʻiate aú.+
18 Naʻa nau fehangahangai mo au ʻi he ʻaho ʻo ʻeku tuʻutāmakí,+
Ka naʻe hoko ʻa Sihova ko hoku poupou.
20 ʻOku fakapaleʻi au ʻe Sihova ʻo fakatatau ki heʻeku māʻoniʻoní;+
ʻOkú ne totongi fakafoki kiate au ʻo fakatatau ki he taʻehalaia* ʻa hoku nimá.+
21 He kuó u tauhi ʻa e ngaahi founga ʻa Sihová,
Pea kuo ʻikai te u anga-fulikivanu ʻo liʻaki ʻa hoku ʻOtuá.
22 Ko ʻene ngaahi fakamāú kotoa ʻoku ʻi hoku ʻaó;
ʻE ʻikai te u taʻetokaʻi ʻa ʻene ngaahi laó.
24 ʻOfa ke totongi fakafoki mai ʻe Sihova kiate au ʻo fakatatau ki heʻeku māʻoniʻoní,+
ʻO fakatatau ki he taʻehalaia ʻa hoku nimá ʻi hono ʻaó.+
25 Ki he tokotaha ʻoku mateakí ʻokú ke faimateaki ki ai;+
Ki he tangata taʻemelé ʻokú ke fakafeangai taʻemele ki ai;+
26 Kiate ia ʻoku maʻá ʻokú ke fakafeangai ki ai ʻi he maʻa,+
Ka kiate ia ʻoku anga-pikopikó ʻokú ke fakafeangai ki ai ʻi he ʻiloʻilo.+
28 He ko koe ʻokú ke ʻai ke ulo ʻa ʻeku māmá, ʻe Sihova,
ʻOku fakamaama ʻe hoku ʻOtuá ʻa e fakapoʻuli ʻoku ʻiate aú.+
29 ʻI hoʻo tokoní ʻoku lava ai ke u ʻohofi ha kau kaihaʻa fakamālohi;+
ʻI he mālohi ʻo e ʻOtuá ʻoku lava ai ke u kaka ʻi ha ʻā.+
Ko ha pā ia ki he faʻahinga kotoa ʻoku hūfanga kiate iá.+
31 He ko hai ia ha ʻOtua tuku kehe ʻa Sihova?+
Pea ko hai ia ha makatuʻu tuku kehe hotau ʻOtuá?+
32 Ko e ʻOtua moʻoní ʻa e tokotaha ʻokú ne fakakofu au ʻaki ʻa e mālohí,+
Pea te ne ʻai hoku ʻalungá ke haohaoa.+
33 ʻOkú ne ʻai hoku vaʻé ke hangē ko e vaʻe ʻo ha tiá;
ʻOkú ne ʻai au ke u tuʻu ʻi he ngaahi potu māʻolungá.+
34 ʻOkú ne akoʻi hoku nimá ki he taú;
Ko hoku nimá ʻe lava ke ne ofeʻi ha kaufana kopa.
35 ʻOkú ke ʻomai kiate au hoʻo pā ʻo e fakamoʻuí,+
ʻOku poupouʻi* au ʻe ho nima toʻomataʻú,
Pea ko hoʻo anga-fakatōkilaló ʻokú ne ʻai au ke u hoko ko e lahi.+
37 Te u tuli ki hoku ngaahi filí ʻo maʻu kinautolu;
ʻE ʻikai te u foki mai kae ʻoua kuo tafiʻi atu kinautolu.
38 Te u laiki kinautolu koeʻuhí ke ʻoua naʻa nau mālanga hake;+
Te nau tō ki hoku lalo vaʻé.
39 Te ke teuʻi au ʻaki ʻa e mālohi ki he taú;
Te ke ʻai hoku ngaahi filí ke nau holofa hifo ki lalo ʻiate au.+
40 Te ke ʻai hoku ngaahi filí ke nau holomui meiate au,*
Pea te u fakangata* ʻa e faʻahinga ʻoku nau fehiʻa kiate aú.+
41 ʻOku nau tangi ki ha tokoni, ka ʻoku ʻikai ha taha ke ne fakahaofi kinautolu;
ʻOku aʻu ʻo nau tangi kia Sihova, ka ʻoku ʻikai te ne fai mai ha tali kiate kinautolu.
42 Te u momosi kinautolu ke efuefu hangē ko e efu ʻi he matangí;
Te u lī kinautolu ki tuʻa hangē ko e pelepela ʻi he ngaahi halá.
43 Te ke fakahaofi au mei he kakai ʻoku nau fakasio haʻaku halá.+
Te ke fakanofo au ke u hoko ko e ʻulu ʻo e ngaahi puleʻangá.+
ʻE tauhi kiate au+ ha kakai kuo teʻeki te u ʻiloa.
44 ʻI heʻenau fanongo pē ʻi ha fakamatala fekauʻaki mo au te nau talangofua mai;
Ko e kau mulí te nau momou ʻi hoku ʻaó.+
45 Ko e kau mulí ʻe mole* ʻa ʻenau loto-toʻá;
Te nau haʻu tetetete mei honau ngaahi toitoiʻangá.
46 Ko Sihová ʻoku moʻui! Ke fakahīkihikiʻi ʻa hoku Makatuʻú!+
Ke hakeakiʻi+ ʻa e ʻOtua ko hoku fakamoʻuí.
47 Ko e ʻOtua moʻoní ʻokú ne faisāuni maʻaku;+
ʻOkú ne fakamoʻulaloaʻi ʻa e ngaahi kakaí kiate au.
48 ʻOkú ne fakahaofi au mei hoku ngaahi fili ʻiteʻitá;
ʻOkú ke hiki hake au ʻo māʻolunga ʻi he faʻahinga ko ia ʻoku nau ʻohofi aú;+
ʻOkú ke fakahaofi au mei he tangata fakamālohí.
49 Ko e ʻuhinga ia te u fakalāngilangiʻi ai koe, ʻe Sihova,+ ʻi he lotolotonga ʻo e ngaahi puleʻangá,
50 ʻOkú ne fakahoko ha ngaahi ngāue maʻongoʻonga ʻo e fakamoʻui* maʻa hono tuʻí;+
ʻOkú ne fakahāhaaʻi ʻa e ʻofa mateaki ki heʻene tokotaha paní,+
Kia Tēvita mo hono hakó ʻo taʻengata.+
Ki he pule hivá. Ko e hiva ʻa Tēvita.
19 ʻOku fakahā ʻe he langí ʻa e lāngilangi ʻo e ʻOtuá;+
Ko e ʻataá ʻokú ne talaki ʻa e ngāue ʻa hono nimá.+
2 ʻOku nau lea mai ʻi he ʻaho ki he ʻaho,
Pea ʻi he pō ki he pō ʻoku nau fakahaaʻi mai ʻa e ʻilo.
3 ʻOku ʻikai ha lea, pea ʻoku ʻikai ha ngaahi foʻi lea;
ʻOku ʻikai ke fanongoa ʻa honau leʻó.
4 Ka naʻe aʻu atu honau leʻó* ki he kotoa ʻo e māmaní,
Pea mo ʻenau pōpoakí ki he ngaahi ngataʻanga ʻo e māmani kuo nofoʻí.*+
Kuó ne fokotuʻu ʻi he langí ha tēniti ki he laʻaá;
5 ʻOku hangē ia ko ha tangata mali ʻoku hū mai mei hono lokí;
ʻOku fiefia ia ʻo hangē ko ha tangata toʻa ʻokú ne lele ʻi he lová.
6 ʻOku ʻasi mai ia mei he ngataʻanga ʻe taha ʻo e langí,
Pea ʻalu takai ki hono ngataʻanga ʻe tahá;+
Pea ʻoku ʻikai hao ha meʻa mei heʻene velá.
7 Ko e lao ʻa Sihová ʻoku haohaoa,+ ʻokú ne fakafoki mai ʻa e mālohí.+
Ko e fakamanatu ʻa Sihová ʻoku falalaʻanga,+ ʻokú ne ʻai ke poto ʻa e tokotaha taʻetaukeí.+
8 Ko e ngaahi tuʻutuʻuni meia Sihová ʻoku māʻoniʻoni, ʻokú ne ʻai ʻa e lotó ke fiefia;+
Ko e fekau ʻa Sihová ʻoku maʻa, ʻokú ne fakamaama ʻa e matá.+
9 Ko e manavahē kia Sihová+ ʻoku maʻa, ʻo tolonga taʻengata.
Ko e ngaahi fakamaau ʻa Sihová ʻoku moʻoni, ʻo māʻoniʻoni hono kotoa.+
10 ʻOku manakoa ange ia ʻi he koulá,
ʻI ha koula lahi ʻoku leleí,*+
Pea melie ange ia ʻi he honé,+ ʻa e hone ʻoku toʻi mei ha taunga honé.
11 Kuo fai ʻaki ia ha fakatokanga ki hoʻo sevānití;+
ʻI hono tauhi iá, ʻoku ʻi ai hano fuʻu totongi.+
12 Ko hai ʻoku lava ke ne ʻilo ʻa e ngaahi fehālaakí?+
Fakahaaʻi ʻoku ou tonuhia mei heʻeku ngaahi angahala ʻoku ʻikai te u ʻilo ki aí.
14 ʻOfa ke hoko ʻa e ngaahi lea ʻa hoku ngutú mo ʻeku fakalaulaulotó
ʻO fakahōifua kiate koe,+ ʻe Sihova, ko hoku Makatuʻu+ mo hoku Huhuʻi.+
Ki he pule hivá. Ko e hiva ʻa Tēvita.
20 ʻOfa ke fai atu ʻe Sihova ha tali kiate koe ʻi he ʻaho ʻo e mamahí.
ʻOfa ke maluʻi koe+ ʻe he huafa ʻo e ʻOtua ʻo Sēkopé.
3 ʻOfa ke ne manatuʻi ʻa hoʻo ngaahi feilaulau meʻaʻofá kotoa;
ʻOfa ke ne tali ʻi he hōifua* ʻa hoʻo feilaulau tutú. (Sila)
5 Te mau kaila fiefia ʻi hoʻo ngaahi ngāue ʻo e fakamoʻuí;+
Te mau hiki hake ʻemau ngaahi fakaʻilongá ʻi he huafa ʻo homau ʻOtuá.+
ʻOfa ke fakalato ʻe Sihova ʻa hoʻo ngaahi kolé kotoa.
6 Ko eni ʻoku ou ʻiloʻi ʻoku fakamoʻui ʻe Sihova ʻa ʻene tokotaha paní.+
ʻOkú ne fai ha tali kiate ia mei hono potu toputapu ʻi he langí
ʻI heʻene fai ha fuʻu fakamoʻui* ʻaki hono nima toʻomataʻú.+
7 ʻOku falala ʻa e niʻihi ki he ngaahi salioté pea ko e niʻihi ki he fanga hōsí,+
Ka ʻoku mau ui ki he huafa ʻo Sihova ko homau ʻOtuá.+
8 Kuo nau holafa ʻo tō,
Ka kuo mau mālanga hake ʻo tuʻu hangatonu.+
9 ʻE Sihova, fakahaofi ʻa e tuʻí!+
Te ne fai mai ha tali kiate kimautolu ʻi he ʻaho ʻo ʻemau ui ki ha tokoní.+
Ki he pule hivá. Ko e hiva ʻa Tēvita.
21 ʻE Sihova, ko ho mālohí ʻoku fiefia ai ʻa e tuʻí;+
He lahi ē ko ʻene fiefiá ʻi hoʻo ngaahi fakamoʻuí!+
2 Kuó ke ʻoange kiate ia ʻa e holi ʻa hono lotó,+
Pea kuo ʻikai te ke taʻofi ʻa e kole ʻoku haʻu mei hono loungutú. (Sila)
3 He ʻokú ke fakafetaulaki kiate ia mo e ngaahi tāpuaki lahi;
ʻOkú ke fokotuʻu ʻi hono ʻulú+ ha kalauni ʻo e koula lelei.*
4 Naʻá ne kole kiate koe ʻa e moʻuí, pea naʻá ke foaki ia kiate ia,+
Ko ha moʻui fuoloa,* ʻo taʻengata pea taʻengata.
5 Ko hoʻo ngaahi fakamoʻuí ʻoku ʻomi ai kiate ia ʻa e lāngilangi lahi.+
ʻOkú ke tuku kiate ia ʻa e ngeia mo e fakaʻofoʻofa.
7 He ʻoku falala ʻa e tuʻí kia Sihova;+
Koeʻuhi ko e ʻofa mateaki ʻa e Fungani Māʻolungá, heʻikai ʻaupito ke ueʻia ia.*+
8 ʻE maʻu ʻe ho nimá ʻa ho ngaahi filí kotoa;
ʻE maʻu ʻe ho nima toʻomataʻú ʻa e faʻahinga ʻoku nau fehiʻa kiate koé.
9 Te ke ʻai kinautolu ke nau hangē ha fōnise afi ʻi he taimi kotofa ʻa ia te ke fakahanga ai hoʻo tokangá kiate kinautolú.
ʻE folofua kinautolu ʻe Sihova ʻi heʻene houhaú, pea ʻe keina kinautolu ʻe he afí.+
10 Te ke fakaʻauha honau hakó* mei he māmaní,
Pea mo ʻenau fānaú mei he ngaahi foha ʻo e tangatá.
11 He naʻa nau fakataumuʻa ke fai ʻa e meʻa ʻoku koví kiate koe;+
Kuo nau fai ha ngaahi faʻufaʻu ʻa ia ʻe ʻikai ke lavameʻa.+
13 Tuʻu hake, ʻe Sihova, ʻi ho iví.
Te mau hiva fakahīkihiki* ki ho fuʻu mālohí.
Ki he pule hivá; fakatonutonu ki he “Tia Fefine ʻo e Mafoa ʻa e Atá.”* Ko e hiva ʻa Tēvita.
22 ʻE hoku ʻOtua, ʻe hoku ʻOtua, ko e hā kuó ke liʻaki ai aú?+
Ko e hā ʻokú ke mamaʻo ai mei hono fakahaofi aú,
ʻO mamaʻo mei heʻeku ngaahi tangi ʻi he mamahí?+
2 ʻE hoku ʻOtua, ʻoku ou hanganaki ui ʻi he ʻahó, pea ʻoku ʻikai te ke fai mai ha tali;+
Pea ʻi he poʻulí ʻoku ʻikai te u fakalongolongo.
4 Naʻe tuku atu ʻa e falala ʻa ʻemau ngaahi tamaí kiate koe;+
Naʻa nau falala atu, pea naʻá ke toutou fakahaofi kinautolu.+
5 Naʻa nau tangi atu kiate koe, pea naʻe fakahaofi kinautolu;
Naʻa nau falala atu kiate koe, pea naʻe ʻikai siva ʻenau ʻamanakí.*+
6 Ka ko ha kelemutu au ʻo ʻikai ko ha tangata,
Naʻe lumaʻi ʻe he* kau tangatá pea fehiʻanekinaʻi ʻe he kakaí.+
7 Ko e faʻahinga kotoa ʻoku sio kiate aú ʻoku nau manukiʻi au;+
ʻOku nau taukae mo kalokalo honau ʻulú ʻi he fakaʻaluma:+
8 “ʻOkú ne tuku atu ia kia Sihova. Tuku ke Ne fakahaofi ia!
Tuku ke Ne fakamoʻui ia, he ʻokú ne fuʻu mahuʻinga kiate Ia!”+
9 Ko koe ʻa e Tokotaha naʻá ke ʻomi au ki tuʻa mei he manavá,+
Ko e Tokotaha naʻá ne ʻai au ke u ongoʻi malu ʻi he huhu ʻo ʻeku faʻeé.
10 Kuo tuku atu au ke ke tokangaʻi* talu mei hoku fanauʻí;
Talu ʻeku ʻi he manava ʻo ʻeku faʻeé mo hoʻo hoko ko hoku ʻOtua.
11 ʻOua naʻá ke fakamamaʻo meiate au, he ʻoku ofi mai ʻa e faingataʻá+
Pea ʻoku ʻikai ha toe taha ke ne tokoniʻi au.+
12 ʻOku takatakaiʻi au ʻe he fanga kiʻi pulu tangata tokolahi;+
Ko e fanga pulu mālohi ʻo Pēsaní ʻoku nau takatakaiʻi au.+
13 ʻOku nau mātuʻaki fakamanga mai kiate au,+
Hangē ha laione ngungulu ʻokú ne haehae ʻa e manu ʻokú ne poó.+
14 ʻOku lilingi atu au ʻo hangē ha vaí;
Kuo fehomokaki kotoa ʻa hoku ngaahi huí.
15 Kuo maha hoku iví hangē ha mapakipakiʻi meʻa ʻumeá;+
ʻOku pipiki ʻa hoku ʻeleló ki hoku teʻenifó;+
ʻOkú ke ʻohifo au ki he efu ʻo e maté.+
16 He ʻoku takatakaiʻi au ʻe he fanga kulií;+
ʻOku nau haʻo au hangē ha kau faikoví,+
ʻI he hangē ha laioné ʻoku nau uʻu ʻa hoku nimá mo e vaʻé.+
17 ʻE lava ke u lau ʻa hoku ngaahi huí kotoa.+
ʻOku nau hanga mai mo sio fakamamaʻu kiate au.
19 Ka ko koe, ʻe Sihova, ʻoua te ke fakamamaʻo ai pē.+
Ko koe ʻa hoku mālohí; fakavave mai ʻo tokoniʻi au.+
20 Fakahaofi au mei he heletaá,
ʻA ʻeku moʻui maʻongoʻongá* mei he pesipesi* ʻo e fanga kulií;+
21 Fakahaofi au mei he ngutu ʻo e laioné+ mo e ngaahi meʻatui ʻo e fanga pulu kaivaó;
Fai mai ha tali pea fakahaofi au.
22 Te u talaki ho huafá ki hoku fanga tokouá;+
ʻI he lotolotonga ʻo e fakatahaʻangá te u fakahīkihikiʻi ai koe.+
23 Ko kimoutolu ʻoku manavahē kia Sihová, mou fakahīkihikiʻi ia!
ʻA kimoutolu kotoa ko e hako ʻo Sēkopé, mou fakalāngilangiʻi ia!+
Mou tuʻu ʻi he manavahē kiate ia, ʻa kimoutolu kotoa ko e hako ʻo ʻIsilelí.
24 He kuo ʻikai te ne fehiʻa pe fakaliliʻa ki he faingataʻaʻia ʻa e tokotaha kuo lōmekiná;+
Kuo ʻikai te ne fufū hono fofongá meiate ia.+
ʻI heʻene tangi kiate ia ki ha tokoní, naʻá ne fanongoa.+
25 Te u fakahīkihikiʻi koe ʻi he fuʻu fakatahaʻangá;+
Te u fakahoko ʻeku ngaahi fuakavá ʻi he ʻao ʻo e faʻahinga ʻoku manavahē kiate iá.
26 ʻE kai ʻa e anga-vaivaí pea mākona;+
Ko e faʻahinga ʻoku kumi kia Sihová te nau fakahīkihikiʻi ia.+
ʻOfa ke ke fiefia ʻi he moʻuí* ʻo taʻengata.
27 Ko e ngatangataʻanga kotoa ʻo e māmaní te nau manatua pea tafoki kia Sihova.
Ko e ngaahi fāmili kotoa ʻo e ngaahi puleʻangá te nau punou ʻi ho ʻaó.+
28 He ʻoku ʻa Sihova+ ʻa e tuʻunga-tuʻí;
ʻOkú ne pule ki he ngaahi puleʻangá.
29 Ko e faʻahinga tuʻumālie* kotoa ʻo e māmaní te nau kai pea punou;
Ko e faʻahinga kotoa ʻoku ʻalu hifo ki he efú te nau tūʻulutui ʻi hono ʻaó;
ʻOku ʻikai ha taha ʻiate kinautolu ʻe lava ke ne fakatolonga ʻa ʻenau moʻuí.
30 Ko honau hakó te nau tauhi kiate ia;
Ko e toʻutangata ka hokó ʻe fakamatala kiate kinautolu ʻo fekauʻaki mo Sihova.
31 Te nau haʻu ʻo tala ʻa ʻene māʻoniʻoní.
Te nau tala ki he kakai ʻoku teʻeki fanauʻí ʻa e meʻa kuó ne faí.
Ko e hiva ʻa Tēvita.
23 Ko hoku Tauhi-Sipí+ ʻa Sihova.
ʻE ʻikai te u masiva ʻi ha meʻa.+
2 ʻOkú ne fakatokoto au ʻi he ngaahi kaikaiʻanga musieʻia;
ʻOkú ne taki au ʻi he ngaahi hala* ʻo e māʻoniʻoní koeʻuhí ko hono huafá.+
4 Neongo ʻeku ʻaʻeva ʻi he teleʻa ʻoku fakapoʻuli matolú,+
ʻOku ʻikai te u manavahē ki ha kovi,+
He ʻokú ke ʻiate au;+
Ko ho tokotokó mo hoʻo vaʻakaú ʻokú na fakalotolahiʻi au.*
5 ʻOkú ke teuteu ha tēpile maʻaku ʻi he ʻao ʻo hoku ngaahi filí.+
6 Ko e moʻoni ʻe tulimui ʻiate au ʻa e leleí mo e ʻofa mateakí ʻi he ngaahi ʻaho kotoa ʻo ʻeku moʻuí,+
Pea te u nofo ʻi he fale ʻo Sihová ʻi hoku ngaahi ʻahó kotoa.+
Saame ʻa Tēvita. Ko ha hiva.
24 ʻOku ʻa Sihova ʻa e māmaní mo e meʻa kotoa ʻoku ʻi aí,+
ʻA e fonua mahú mo e faʻahinga ʻoku nofo ʻi aí.
2 He kuó ne fakamaʻu ia ki he ngaahi tahí+
Pea fokotuʻu maʻu ia ʻi he ngaahi vaitafé.
3 Ko hai ʻe lava ke ʻalu hake ki he moʻunga ʻo Sihová,+
Pea ko hai ʻe lava ke tuʻu hake ʻi hono feituʻu toputapú?
4 Ko ha taha pē ʻoku taʻehalaia mo loto-maʻa,+
Kuo ʻikai te ne fai ha fakapapau loi ʻi Heʻeku moʻuí,
Pe fai ha fuakava kākā.+
6 Ko e toʻutangata eni ʻo e faʻahinga ʻoku kumi kiate iá,
ʻA e faʻahinga ʻoku kumi ki ho fofongá, ʻe ʻOtua ʻo Sēkope. (Sila)
7 Hiki hake homou ʻulú, ʻa kimoutolu ngaahi matapā;+
Fakaava hake,* ʻa kimoutolu ngaahi hūʻanga ʻo e kuonga muʻá,
Kae lava ke hū atu ʻa e Tuʻi lāngilangiʻiá!+
8 Ko hai ʻa e Tuʻi lāngilangiʻia ko ení?
9 Hiki hake homou ʻulú, ʻa kimoutolu ngaahi matapā;+
Fakaava hake, ʻa kimoutolu ngaahi hūʻanga ʻo e kuonga muʻá,
Kae lava ke hū atu ʻa e Tuʻi lāngilangiʻiá!
10 Ko hai ia, ʻa e Tuʻi lāngilangiʻia ko ení?
Ko Sihova ʻo e ngaahi kau tau—ko ia ʻa e Tuʻi lāngilangiʻiá.+ (Sila)
Saame ʻa Tēvita.
א [ʻAlefi]
25 Ko koe ʻe Sihova, ʻoku ou hanga atu ki aí.
ב [Peta]
ʻOua naʻa tuku ʻa hoku ngaahi filí ke nau fiefia ʻi heʻeku mamahí.+
ג [Kimela]
3 Ko e moʻoni ʻe ʻikai fakamaaʻi ha taha ʻoku tuʻu ʻene ʻamanakí ʻiate koe,+
Ka ʻoku tatali mai ʻa e fakamā ki he faʻahinga ʻoku kākā tuʻungaʻa peé.+
ד [Tāleta]
ה [Hē]
ʻOku tuʻu ʻeku ʻamanakí ʻiate koe ʻi he ʻahó kotoa.
ז [Saini]
ח [Keta]
7 ʻOua naʻá ke manatu ki he ngaahi angahala ʻi heʻeku kei talavoú mo ʻeku ngaahi laka halá.
ט [Teta]
8 ʻOku lelei mo faitotonu ʻa Sihova.+
Ko e ʻuhinga ia ʻokú ne fakahinohinoʻi ai ʻa e kau angahalá ki he founga ke moʻui aí.+
י [Iota]
9 Te ne tataki ʻa e anga-vaivaí ʻi he meʻa ʻoku totonú,*+
Pea te ne akoʻi ʻa e kau anga-vaivaí ki heʻene foungá.+
כ [Kafa]
10 ʻOku ʻi he ʻalunga kotoa ʻo Sihová ʻa e ʻofa mateaki mo e faitōnunga
Ki he faʻahinga ʻoku nau tauhi ʻa ʻene fuakavá+ mo ʻene ngaahi fakamanatú.+
ל [Lameta]
11 Koeʻuhi ko ho huafá, ʻe Sihova,+
Fakamolemoleʻi ʻa ʻeku faihalá, neongo ʻa ʻene lahí.
מ [Mema]
12 Ko hai ʻa e tangata ʻoku manavahē kia Sihová?+
Te ne fakahinohinoʻi ia ki he hala ʻoku totonu ke ne filí.+
נ [Nuna]
ס [Sameha]
14 Ko e kaumeʻa ofi mo Sihová ʻoku ʻa e faʻahinga ia ʻoku manavahē kiate iá,+
Pea ʻokú ne fakaʻilo ʻa ʻene fuakavá kiate kinautolu.+
ע [ʻAini]
פ [Pē]
16 Hanga mai muʻa kiate au ʻo ke fakahaaʻi mai ʻa e hōifua,
He ʻoku ou toko taha pē pea ʻikai haku tokoni.
צ [Sati]
17 Kuo liuliunga ʻa e ngaahi mamahi ʻi hoku lotó;+
Fakatauʻatāinaʻi ange au mei heʻeku mamahí.
ר [Lesa]
18 Vakai mai ki hoku ngaohikoviá mo ʻeku faingataʻaʻiá,+
Pea fakamolemoleʻi ange ʻa ʻeku ngaahi angahalá kotoa.+
19 Vakai mai ki he tokolahi ʻa hoku ngaahi filí
Pea mo ʻenau fehiʻa anga-fakamālohi mai kiate aú.
ש [Sini]
20 Leʻohi ʻa ʻeku moʻuí pea fakahaofi au.+
ʻOua naʻa tuku ke fakamaaʻi au, he kuó u hūfanga atu kiate koe.
ת [Tau]
22 ʻE ʻOtua, fakahaofi* ʻa ʻIsileli mei heʻene ngaahi mamahí kotoa.
Saame ʻa Tēvita.
26 Fakamāuʻi au, ʻe Sihova, he kuó u ʻaʻeva ʻi heʻeku anga-tonú;+
Kuó u falala kia Sihova ʻo ʻikai toe ueʻia.+
4 ʻOku ʻikai te u feohi* mo e kau tangata kākaá,+
Pea ʻoku ou fakaʻehiʻehi mei he faʻahinga ʻoku nau fufū honau tuʻunga totonú.*
6 Te u fanofano ʻi he taʻehalaia,
Pea te u laka takai ʻi ho ʻōlitá, ʻe Sihova,
7 Ke ʻai ʻa e leʻo ʻo e fakamāloó ke fanongoa+
Pea ke talaki ʻa e kotoa ʻo hoʻo ngaahi ngāue fakaofó.
9 ʻOua naʻá ke tafiʻi au fakataha mo e kau angahalá+
Pe toʻo ʻeku moʻuí fakataha mo e kau tangata fakamālohí,*
10 ʻOku fai ʻe honau nimá ʻa e tōʻonga fakamā,
Pea ko honau nima toʻomataʻú ʻoku fonu ʻi he totongi fufū.
11 Ka ko au, te u ʻaʻeva ʻi heʻeku anga-tonú.
Fakahaofi ange* au pea fakahaaʻi mai ʻa e hōifua.
12 ʻOku tuʻu hoku vaʻé ʻi he kelekele tokalelei;+
ʻI he fuʻu fakatahaʻangá,* te u fakahīkihikiʻi ai ʻa Sihova.+
Saame ʻa Tēvita.
27 Ko Sihova ʻa ʻeku māmá+ mo hoku fakamoʻuí.
Ko hai te u manavahē ki aí?+
Ko Sihova ʻa e maluʻanga ʻo ʻeku moʻuí.+
Ko hai te u ilifia ki aí?
2 ʻI hono ʻohofi au ʻe he kau tangata koví ke keina ʻa hoku kakanó,+
Ko kinautolu ia ʻa hoku kau fakafepakí mo hoku ngaahi filí ʻa e faʻahinga naʻe humu mo toó.
Neongo ʻa e faitau mo aú,
Naʻa mo e taimi ko iá te u kei loto-maʻu pē.
4 Ko e meʻa ʻe taha kuó u kole meia Sihová
—Ko e meʻa ia ʻoku ou holi ki aí—
Ke u nofo ʻi he fale ʻo Sihová ʻi he ngaahi ʻaho kotoa ʻo ʻeku moʻuí,+
Ke siofi ʻa e fakaʻofoʻofa ʻo Sihová
5 He te ne fufū au ʻi hono nofoʻanga malú ʻi he ʻaho ʻo e faingataʻá;+
Te ne fufū au ʻi he potu lilo ʻo hono tēnití;+
Te ne tuku au ʻi ha funga maka māʻolunga.+
6 Ko eni ʻoku māʻolunga hake ʻa hoku ʻulú ʻi hoku ngaahi fili ʻoku nau takatakaiʻi aú;
Te u fai ha ngaahi feilaulau ʻi hono tēnití ʻaki ʻa e kaila fiefia;
Te u hiva fakahīkihiki* kia Sihova.
7 Fanongo mai kiate au, ʻe Sihova ʻi he taimi ʻoku ou tangi atu aí;+
Fakahaaʻi mai ʻa hoʻo hōifuá pea fai mai ha tali kiate au.+
8 Kuo leaʻaki ʻe hoku lotó ʻa hoʻo fekaú:
“Kumi ke ʻilo ʻa hoku fofongá.”
Ko ho fofongá, ʻe Sihova, te u kumi ke ʻiló.+
9 ʻOua naʻá ke fufū ho fofongá meiate au.+
ʻOua naʻá ke fakasītuʻaʻi ʻa hoʻo sevānití ʻi hoʻo houhaú.
Ko koe ʻa hoku tokoní;+
ʻOua naʻá ke liʻaki pe tuku ange au, ʻe hoku ʻOtua faifakamoʻui.
11 Fakahinohino au ki hoʻo foungá, ʻe Sihova,+
Tataki au ʻi he hala ʻo e anga-tonú koeʻuhí ko hoku ngaahi filí.
12 ʻOua naʻa tuku au ki hoku ngaahi filí,+
He kuo tuʻu hake ha kau fakamoʻoni loi kiate au,+
Pea ʻoku nau fakamanamanaʻi au ʻaki ʻa e fakamālohi.
13 Ko fē naʻá ku mei ʻi aí kapau naʻe ʻikai te u tui
Te u sio ki he lelei ʻo Sihová ʻi he fonua ʻo e kau moʻuí?*+
ʻIo, ʻamanaki kia Sihova.
Saame ʻa Tēvita.
28 ʻOku ou ui ai pē kiate koe, ʻe Sihova ko hoku Makatuʻu;+
ʻOua naʻá ke taʻefiefanongo kiate au.
2 Fanongo mai muʻa ki heʻeku tautapá ʻi heʻeku tangi atu kiate koe ki ha tokoní
ʻI heʻeku hiki hake hoku nimá ki he loki taupotu taha ki loto ʻi ho feituʻu toputapú.+
3 ʻOua naʻá ke toho atu au fakataha mo e kau fulikivanú, ʻa kinautolu ʻoku nau fai ʻa e meʻa ʻoku fakalotomamahí,+
ʻA kinautolu ʻoku nau leaʻaki ʻa e lea fakamelino ki he niʻihi kehé lolotonga ia ʻoku kovi ʻa honau lotó.+
4 Totongi fakafoki kiate kinautolu ʻa ʻenau ngaahi ngāué,+
ʻO fakatatau ki heʻenau ngaahi faikoví.
Totongi kiate kinautolu ʻa e ngāue ʻa honau nimá,
ʻO fakatatau ki he meʻa kuo nau faí.+
Te ne lī kinautolu ki lalo ʻo ʻikai ke fokotuʻu hake.
6 ʻOfa ke fakahīkihikiʻi ʻa Sihova,
He kuó ne fanongo ki heʻeku tautapa ki ha tokoní.
Kuó u maʻu ʻa ʻene tokoní, pea ʻoku fiefia ʻa hoku lotó,
Ko ia te u fakahīkihikiʻi ia ʻaki ʻeku hiva.
8 Ko Sihová ko ha mālohi ki hono kakaí;
Ko ha maluʻanga ia, ʻokú ne ʻomai ha fuʻu fakamoʻui ki heʻene tokotaha paní.+
9 Fakahaofi ho kakaí, pea tāpuakiʻi ho tofiʻá.+
Hoko ko honau tauhi-sipi pea fua kinautolu ʻi ho nimá ʻo taʻengata.+
Ko e hiva ʻa Tēvita.
29 ʻOange kia Sihova ʻa e meʻa ʻoku tuha mo iá, ʻa kimoutolu ʻa e faʻahinga mālohí,
ʻOange kia Sihova ʻa e meʻa ʻoku tuha mo iá koeʻuhi ko hono lāngilangí mo hono mālohí.+
2 ʻOange kia Sihova ʻa e lāngilangi ʻoku tuha mo hono huafá.
Punou* kia Sihova ʻi he teunga toputapu.*
3 Ko e leʻo ʻo Sihová ʻoku ongona ʻi he fukahi vaí;
Ko e ʻOtua lāngilangiʻiá ʻoku mana mai.+
Ko Sihova ʻoku ʻi ʻolunga ʻi he ngaahi vai lahi.+
4 Ko e leʻo ʻo Sihová ʻoku mālohi;+
Ko e leʻo ʻo Sihová ʻoku fakangeingeia.
5 Ko e leʻo ʻo Sihová ʻokú ne laiki ʻa e ʻulu sitá;
ʻIo, ko Sihova ʻokú ne haveki ʻa e ʻulu sita ʻo Lepanoní.+
6 ʻOkú ne ʻai ʻa Lepanoni* ke hopohopo ʻo hangē ha ʻuhikiʻi pulú,
Pea mo Silioni+ ke hangē ha kiʻi pulu kaivaó.
7 Ko e leʻo ʻo Sihová ʻoku haʻaki mai fakataha mo e uloʻi afi;+
8 Ko e leʻo ʻo Sihová ʻokú ne ʻai ke ngalulu ʻa e toafá;+
ʻOku ʻai ʻe Sihova ke ngalulu ʻa e toafa Kētesí.+
9 Ko e leʻo ʻo Sihová ʻokú ne ʻai ke tete ʻa e tiá ʻo ne fāʻele ai
Pea fakatekelei ʻa e ngaahi vaotaá.+
Pea ko e faʻahinga kotoa ʻi hono temipalé ʻoku nau pehē: “Ke ke lāngilangiʻia!”
10 ʻOku ʻafio ʻa Sihova ʻi he taloni ʻi ʻolunga ʻi he fuʻu vai lōmakí;*+
ʻOku ʻafio ʻa Sihova ʻi he taloní ko e Tuʻi ʻo taʻengata.+
11 ʻE foaki ʻe Sihova ʻa e mālohi ki hono kakaí.+
ʻE tāpuakiʻi ʻe Sihova ʻa hono kakaí ʻaki ʻa e melino.+
Ko ha hiva ʻo e fakatapui ʻo e falé. Saame ʻa Tēvita.
30 Te u hakeakiʻi koe, ʻe Sihova, he kuó ke hiki* hake au;
Naʻe ʻikai te ke tuku ʻa hoku ngaahi filí ke nau fiefia ʻiate au.+
2 ʻE Sihova ko hoku ʻOtua, naʻá ku tangi kiate koe ki ha tokoni, pea naʻá ke fakamoʻui au.+
3 ʻE Sihova, kuó ke hiki hake au mei he Faʻitoká.*+
Kuó ke tauhi au ke u moʻui; kuó ke fakahaofi au mei heʻeku ʻalu hifo ki he luó.*+
4 Hiva fakahīkihiki* kia Sihova, ʻa kimoutolu ko ʻene kau mateakí,+
Fai ha fakamālō ki hono huafa* māʻoniʻoní;+
5 Koeʻuhi ko hono hokosia ʻa ʻene houhaú ʻoku lau mōmeniti pē,+
Ka ko hono hokosia ʻa ʻene hōifuá ʻoku aʻu ia ki he ngataʻanga ʻo ʻete moʻuí.+
ʻE hoko mai nai ʻa e tangi ʻi he efiafí, ka ʻi he pongipongí, ʻoku ʻi ai ha kalanga fiefia.+
6 ʻI he taimi naʻe ʻikai ai te u faingataʻaʻiá, naʻá ku pehē:
“ʻE ʻikai ʻaupito ke ueʻia au.”*
7 ʻE Sihova, ʻi he lolotonga ʻa ʻeku maʻu hoʻo hōifuá, naʻá ke ʻai au ke u mālohi hangē ha moʻungá.+
Ka ʻi he taimi naʻá ke fufū ai ho fofongá, naʻá ku hoko ai ʻo mate he ilifiá.+
8 Naʻá ku hanganaki ui+ kiate koe, ʻe Sihova;
Pea naʻá ku hanganaki kōlenga kia Sihova ki ha hōifua.
9 Ko e hā ha tupu ʻe maʻu ʻi heʻeku maté,* ʻi heʻeku ʻalu hifo ki he luó?*+
ʻE fakahīkihikiʻi koe ʻe he efú?+ Te ne fakahaaʻi ʻa hoʻo faitōnungá?+
10 Fanongo mai, ʻe Sihova, pea fakahaaʻi mai hoʻo hōifuá.+
ʻE Sihova, hoko muʻa ko hoku tokoni.+
11 Kuó ke liliu ʻeku mamahí ki he meʻe;
Kuó ke toʻo atu ʻa hoku tauangaʻá, peá ke fakakofu au ʻaki ʻa e fiefia,
12 Koeʻuhí ke u* hivaʻaki ho fakahīkihikí ʻo ʻikai te u fakalongolongo ai pē.
ʻE Sihova ko hoku ʻOtua, te u fakahīkihikiʻi koe ʻo taʻengata.
Ki he pule hivá. Ko e hiva ʻa Tēvita.
31 Ko koe, ʻe Sihova, kuó u hūfanga ki aí.+
ʻOfa ke ʻoua ʻaupito naʻa fakamaaʻi au.+
Fakahaofi au koeʻuhi ko hoʻo māʻoniʻoní.+
2 Fokotuʻu telinga* mai muʻa kiate au.
Haʻu vave ʻo fakahaofi au.+
Ke ke hoko ko ha moʻunga fakaū kiate au,
Ko ha feituʻu fakakolotau ke fakahaofi ai au.+
3 He ko koe ʻa hoku makatuʻú mo hoku toitoiʻangá;+
4 Te ke fakavetevete au mei he kupenga kuo nau fakatoka fakafufū kiate aú,+
He ko koe ʻa hoku kolotaú.+
5 ʻOku ou tuku atu hoku laumālié ki ho toʻukupú.+
Kuó ke huhuʻi au, ʻe Sihova, ko e ʻOtua ʻo e moʻoní.*+
6 ʻOku ou fehiʻa ʻi he faʻahinga ʻoku nau līʻoa ki he ngaahi ʻaitoli taʻemahuʻinga mo muná,
Ka ko e meʻa kiate aú, ʻoku ou falala kia Sihova.
7 Te u mātuʻaki fiefia ʻi hoʻo ʻofa mateakí,
He kuó ke ʻafioʻi ʻa ʻeku tuʻutāmakí;+
ʻOkú ke lāuʻilo ki heʻeku fuʻu mamahí.
8 Kuo ʻikai te ke tuku atu au ki he filí,
Ka ʻokú ke ʻai au ke u tuʻu ʻi ha feituʻu malu.*
9 Fakahaaʻi mai kiate au hoʻo hōifuá, ʻe Sihova, he ʻoku ou faingataʻaʻia.
Kuo ʻai ʻe he mamahí ʻa hoku matá ke vaivai,+ pea pehē ki hoku sinó kotoa.+
ʻOku hōloa ʻa hoku iví koeʻuhi ko ʻeku fehālaakí;
ʻOku hoko ʻo vaivai ʻa hoku ngaahi huí.+
11 ʻOku lumaʻi au ʻe he kotoa ʻo hoku ngaahi filí,+
Tautefito ki hoku ngaahi kaungāʻapí.
Pea ʻoku ilifiaʻi au ʻe hoku ngaahi mahení;
ʻOku nau hola meiate au,+ ʻi heʻenau sio kiate au ʻi he feituʻu kakaí.
12 ʻOku ʻikai te u toe ʻi honau lotó* pea kuo ngalo au, ʻo hangē kuó u maté;
ʻOku ou hangē ko ha siā kuo mafoá.
13 Kuó u fanongo ʻi he ngaahi talanoa sasala lahi ʻoku kovi;
ʻOku kāpui au ʻe he manavaheé.+
ʻI heʻenau fakatahataha ke fai ha meʻa kiate aú,
ʻOku nau faʻufaʻu ke toʻo ʻa ʻeku moʻuí.+
14 Ka ko aú ʻoku ou falala kiate koe, ʻe Sihova.+
ʻOku ou talaki: “Ko koe ʻa hoku ʻOtuá.”+
15 Ko hoku ngaahi ʻahó* ʻoku ʻi ho nimá.
Fakahaofi au mei he nima ʻo hoku ngaahi filí pea mei he faʻahinga ʻoku nau fakatangaʻi aú.+
16 ʻAi muʻa ke ulo mai ho fofongá ki hoʻo sevānití.+
Fakahaofi au ʻaki hoʻo ʻofa mateakí.
17 ʻE Sihova, ʻofa ke ʻoua naʻa fakamaaʻi au ʻi heʻeku ui kiate koé.+
18 ʻOfa ke hoko ʻo noa ʻa e ngaahi loungutu loí,+
ʻA e ngaahi loungutu ʻoku lea pōlepole ki he māʻoniʻoní, ʻi he hīkisia mo e taʻetokaʻí.
19 He lahi moʻoni ē ko hoʻo leleí!+
Kuó ke tuku tauhi ia maʻá e faʻahinga ʻoku manavahē kiate koé,+
Pea kuó ke fakahaaʻi ia ʻi he ʻao ʻo e kau tangata kotoa, maʻá e faʻahinga ʻoku hūfanga kiate koé.+
20 Te ke fufū kinautolu ʻi he potu lilo ʻi ho ʻaó+
Mei he ngaahi faʻufaʻu ʻa e kau tangatá;
Te ke fufū kinautolu ʻi ho nofoʻanga malú
21 ʻOfa ke fakahīkihikiʻi ʻa Sihova,
He ʻi ha founga fakaofo, kuó ne fakahaaʻi ai ʻa ʻene ʻofa mateakí kiate au+ ʻi ha kolo kuo ʻākoloʻi.+
22 Ko e meʻa kiate aú, naʻá ku manavasiʻi peá u pehē;
“Te u ʻauha ʻi ho ʻaó.”+
Ka naʻá ke fanongo ki heʻeku tautapa ki ha tokoni ʻi he taimi naʻá ku tangi atu ai kiate koé.+
23 ʻOfa kia Sihova, ʻa kimoutolu kotoa ʻoku mateaki kiate iá!+
ʻOku maluʻi ʻe Sihova ʻa e faitōnungá,+
Ka ʻokú ne totongi fakafoki ʻo hulu fau ki ha taha pē ʻokú ne fakahāhā ʻa e hīkisiá.+
Saame ʻa Tēvita. Masikili.*
32 Fiefia ē ko e tokotaha ʻoku fakamolemoleʻi ʻa ʻene laka halá, ʻa ia ʻoku ʻufiʻufi* ʻa ʻene angahalá.+
2 Fiefia ē ko e tangata ʻoku ʻikai tukuakiʻi ki ai ha hia+ ʻe Sihová,
ʻA ia ko hono laumālié ʻoku ʻikai ha kākā.
3 ʻI heʻeku hanganaki fakalongolongó, ʻoku ʻauʻaunga ʻa hoku ngaahi huí koeʻuhi ko ʻeku toʻe ʻi he ʻahó kotoa.+
4 Naʻe mamafa ho nimá* kiate au+ ʻi he ʻaho mo e pō.
Ko hoku iví naʻe mole atu* ʻo hangē ha vai ʻi he vela ʻo e faʻahitaʻu māfana pakukaá. (Sila)
Naʻá ku pehē: “Te u vete ʻa ʻeku ngaahi laka halá kia Sihova.”+
Pea naʻá ke fakamolemoleʻi ʻa ʻeku faihalá mo ʻeku ngaahi angahalá.+ (Sila)
6 Ko e ʻuhinga ia ʻe lotu atu ai kiate koe+ ʻa e tokotaha mateaki kotoa pē
Lolotonga ʻa e kei lava ke maʻu koé.+
Pea naʻa mo e haʻaki mai ʻa ha ngaahi vai lahi ʻe ʻikai aʻu kiate ia.
Te ke takatakaiʻi au ʻaki ʻa e kaikaila fiefia ʻo e fakahaofí.+ (Sila)
8 “Te u ʻoatu kiate koe ʻa e fakamaama pea fakahinohino koe ʻi he hala ʻoku totonu ke ke fou aí.+
Te u ʻoatu kiate koe ʻa e faleʻi pea ʻe ʻiate koe+ ʻa hoku fofongá.
9 ʻOua ʻe hoko ʻo hangē ha hoosi pe ko ha miulí, ʻo ʻikai maʻu ʻa e mahinó,+
ʻA ia ko ʻene hehengí kuo pau ke puleʻi ʻaki ia ha piti pe ko ha fakaniupāpua
Ki muʻa ke ne haʻu ʻo ofi kiate koé.”
10 ʻOku lahi ʻa e mamahi ʻa e tokotaha fulikivanú;
Ka ko e tokotaha ʻoku falala kia Sihová ʻoku takatakaiʻi ia ʻe Heʻene ʻofa mateakí.+
11 Fiefia ʻia Sihova pea nēkeneka, ʻa kimoutolu ʻa e faʻahinga māʻoniʻoní;
Kaila fiefia, ʻa kimoutolu kotoa ʻoku loto-totonú.
33 Mou kaila fiefia, ʻa kimoutolu kau māʻoniʻoní, koeʻuhi ko Sihova.+
ʻOku taau mo e kau faitotonú ke nau fakahīkihikiʻi ia.
2 ʻOatu ha fakamālō kia Sihova ʻaki ʻa e haʻapé;
Hiva fakahīkihiki* kiate ia ʻaki ha meʻalea filo hongofulu.
3 Hiva kiate ia ha hiva foʻou;+
Tā fakafoʻifilo ke mālie, fakataha mo e kaila fiefia.
4 He ko e folofola ʻa Sihová ʻoku totonu,+
Pea ko e meʻa kotoa pē ʻokú ne faí ʻoku falalaʻanga.
5 ʻOkú ne manako ki he māʻoniʻoní mo e fakamaau totonú.+
ʻOku fonu ʻa e māmaní ʻi he ʻofa mateaki ʻa Sihová.+
6 Fakafou ʻi he folofola ʻa Sihová naʻe ngaohi ai ʻa e langí,+
Pea fakafou ʻi he laumālie* ʻo hono fofongá naʻe ngaohi ai ʻa e meʻa kotoa ʻi aí.*
7 ʻOkú ne fakatahatahaʻi ʻa e ngaahi vai ʻo e tahí ʻo hangē ha pā maka tānakiʻanga vaí;+
ʻOkú ne tuku ʻa e ngaahi vai ʻoku āké ʻi ha ngaahi feleoko.
8 Tuku ke manavahē ʻa e māmaní kotoa kia Sihova.+
Tuku ki he faʻahinga ʻoku nau nofoʻi ʻa e fonuá ke nau manavahē kiate ia.
11 Ka ko e ngaahi tuʻutuʻuni* ʻa Sihová ʻe tuʻu ʻo taʻengata;+
Ko e ngaahi fakakaukau ʻo hono lotó ʻoku mei he toʻutangata ki he toʻutangata.
12 Fiefia ē ko e puleʻanga ʻa ia ko honau ʻOtuá ʻa Sihová,+
ʻA e kakai kuó ne fili ko ʻene meʻa ʻaʻaná.+
13 ʻOku ʻafio hifo ʻa Sihova mei he langí;
ʻOkú ne sio ki he ngaahi foha kotoa ʻo e tangatá.+
14 Mei he feituʻu ko hono ʻafioʻangá,
ʻOkú ne siofi mei ai ʻa e kakai ʻoku nofo ʻi he māmaní.
15 Ko ia ʻa e tokotaha ʻokú ne ngaohi ʻa e loto ʻo e faʻahinga kotoa pē;
ʻOkú ne siviʻi ʻa e kotoa ʻo ʻenau ngāué.+
16 ʻOku ʻikai fakahaofi ha tuʻi ʻe ha fuʻu kau tau tokolahi;+
ʻOku ʻikai fakahaofi ha tangata toʻa ʻe hono fuʻu mālohí.+
17 Ko e hōsí ko ha ʻamanaki loi ia ki he fakamoʻuí;*+
Ko hono fuʻu mālohí ʻoku ʻikai te ne fakapapauʻi mai ha hao.
18 Vakai! Ko e fofonga ʻo Sihová ʻokú ne siofi ʻa e faʻahinga ʻoku manavahē kiate iá,+
ʻA e faʻahinga ʻoku nau tatali ki heʻene ʻofa mateakí,
19 Ke fakahaofi kinautolu mei he maté
Pea ke ʻai kinautolu ke nau kei moʻui lolotonga ʻa e hongé.+
20 ʻOku tau nofo ʻamanaki kia Sihova.
Ko ia ʻa hotau tokoní mo hotau paá.+
21 ʻOku fiefia hotau lotó ʻiate ia,
He ʻoku tau falala ki hono huafa māʻoniʻoní.+
22 Tuku ke nofo ʻiate kimautolu ʻa hoʻo ʻofa mateakí, ʻe Sihova,+
Lolotonga ia ʻemau nofoʻaki tatali kiate koé.+
Ko e saame ʻa Tēvita, ʻi he taimi naʻá ne fakangalingali ai ʻokú ne fakasesele+ ʻi he ʻao ʻo ʻApimelekí, ʻa ia naʻá ne kapusi ia, pea naʻá ne mavahe.
א [ʻAlefi]
34 Te u fakahīkihikiʻi ʻa Sihova ʻi he taimi kotoa pē;
Ko hono fakahīkihikiʻí ʻe ʻi hoku loungutú maʻu ai pē.
ב [Peta]
ג [Kimela]
ד [Tāleta]
4 Naʻá ku kumi kia Sihova, pea naʻá ne fai mai ha tali kiate au.+
Naʻá ne fakahaofi au mei heʻeku ngaahi manavaheé kotoa.+
ה [Hē]
5 Ko e faʻahinga naʻe hanga kiate iá naʻa nau fofonga fiefia;
ʻE ʻikai lava ke nau mā.
ז [Saini]
6 Naʻe ui ʻa e tokotaha māʻulaló ni, pea naʻe ongoʻi ʻe Sihova.
Naʻá ne fakahaofi ia mei hono ngaahi mamahí kotoa.+
ח [Keta]
7 ʻOku ʻapitanga takatakai ʻa e ʻāngelo ʻa Sihová ki he faʻahinga ʻoku manavahē kiate Iá,+
Pea ʻokú ne fakahaofi kinautolu.+
ט [Teta]
י [Iota]
9 Manavahē kia Sihova, ʻa kimoutolu kotoa ko ʻene kau māʻoniʻoní,
He ko e faʻahinga ʻoku manavahē kiate iá ʻoku ʻikai te nau masiva ʻi ha meʻa.+
כ [Kafa]
10 Naʻa mo e fanga laione mui ʻoku mālohí kuo nau hoko ʻo fiekaia,
Ka ko e faʻahinga ʻoku kumi kia Sihová ʻe ʻikai te nau masiva ʻi ha meʻa ʻoku lelei.+
ל [Lameta]
מ [Mema]
12 Ko hai ʻiate kimoutolu ʻoku leleiʻia ʻi he moʻuí
Pea te ne saiʻia ke ne mātā ha ngaahi ʻaho lahi mo lelei?+
נ [Nuna]
ס [Sameha]
ע [ʻAini]
15 Ko e fofonga ʻo Sihová ʻoku ʻi he kau māʻoniʻoní,+
Pea ʻoku fanongo hono telingá ki heʻenau tangi ki ha tokoní.+
פ [Pē]
16 Ka ʻoku siʻaki ʻe he fofonga ʻo Sihová ʻa e faʻahinga ʻoku nau fai ʻa e meʻa ʻoku koví,
Ke tāmateʻi ʻa e manatu kotoa pē kiate kinautolu mei he māmaní.+
צ [Sati]
17 Naʻa nau tangi hake, pea naʻe ongoʻi ʻe Sihova;+
Naʻá ne fakahaofi kinautolu mei heʻenau ngaahi mamahí kotoa.+
ק [Kofi]
ר [Lesa]
19 ʻOku lahi ʻa e faingataʻaʻia* ʻa e tokotaha māʻoniʻoní,+
Ka ʻoku fakahaofi ia ʻe Sihova mei ai kotoa.+
ש [Sini]
ת [Tau]
21 ʻE tāmateʻi ʻe he fakatamakí ʻa e tokotaha fulikivanú;
Ko e faʻahinga ʻoku fehiʻa ʻi he māʻoniʻoní ʻe fakahalaiaʻi.
22 ʻOku huhuʻi ʻe Sihova ʻa e moʻui ʻa ʻene kau sevānití;
ʻE ʻikai fakahalaiaʻi+ ʻa e faʻahinga ʻoku hūfanga kiate iá.
Saame ʻa Tēvita.
35 ʻE Sihova, taukapoʻi ange muʻa au ʻi heʻeku fehangahangai mo hoku kau fakafepakí;+
Ke ke faitau mo e faʻahinga ʻoku nau tauʻi aú.+
3 Hiki hake ʻa hoʻo taó mo hoʻo toki ki he taú* ki he faʻahinga ʻoku nau tuli aú.+
Lea mai muʻa kiate au: “Ko au ho fakamoʻuí.”+
4 ʻOfa ke fakamaaʻi mo ʻai ke matahoa+ ʻa e faʻahinga ʻoku nau kumi ki heʻeku moʻuí.
ʻOfa ke holomui ʻi he ngalivale ʻa e faʻahinga ʻoku nau faʻufaʻu ke fakaʻauha aú.
5 ʻOfa ke nau hoko ʻo hangē ko e kafukafu ʻi he matangí;
ʻOfa ke kapusi kinautolu ʻe he ʻāngelo ʻa Sihová.+
6 ʻOfa ke fakapoʻuli mo hekeheke ʻa honau halá
ʻI hono tuli kinautolu ʻe he ʻāngelo ʻa Sihová.
7 He kuo nau fufū taʻeʻuhinga ha kupenga ke tauheleʻi ʻaki au;
Kuo nau keli taʻeʻuhinga pē ha luo kiate au.
8 ʻOfa ke hoko fakafokifā kiate ia ha fakatamaki;
ʻOfa ke maʻukovia ia ʻi he kupenga naʻá ne fufuú;
ʻOfa ke ne tō ki ai pea ʻauha ai.+
9 Ka te u fiefia ʻia Sihova;
Te u nēkeneka ʻi heʻene ngaahi faifakamoʻuí.
10 ʻE pehē ʻe hoku ngaahi huí kotoa:
“ʻE Sihova, ko hai ʻoku tatau mo koé?
ʻOkú ke fakahaofi ʻa e tokotaha ʻoku ʻikai hano tokoní mei he faʻahinga ko ia ʻoku mālohi angé,+
ʻA e tokotaha ʻoku ʻikai hano tokoní pea mo e masivá mei he faʻahinga ko ia ʻoku kaihaʻa meiate kinautolú.”+
11 ʻOku haʻu ki muʻa ʻa e kau fakamoʻoni loto-koví,+
ʻO ʻeke mai ʻa e ngaahi meʻa ʻoku halaʻatā haʻaku ʻilo ki ai.
12 Ko ʻeku leleí ʻoku nau totongi mai ʻaki kiate au ʻa e kovi,+
ʻO ʻai ke u ongoʻi kuo fakamasivaʻi au.
13 Ka ʻi he taimi naʻa nau puke aí, naʻá ku ʻai tauangaʻa;
Naʻá ku fakamamahiʻi au ʻaki ʻeku ʻaukai,
Pea ʻi he taimi naʻe foki mai ai ʻo ʻikai tali* ʻa ʻeku lotú,
14 Naʻá ku ʻalu holo ʻi he tengihia ʻo hangē ko haʻaku fai ki haku kaumeʻa pe ko haku tokouá;
Naʻá ku punou ʻi he mamahi, ʻo hangē ko ha taha ʻokú ne tengihia ʻa ʻene faʻeé.
15 Ka ʻi he taimi naʻá ku humu aí, naʻa nau fiefia ʻo nau fakatahataha;
Naʻa nau fakatahataha ʻo malumu ke taaʻi au;
Naʻe ʻikai ke nau sīlongo ʻi heʻenau lauʻikoviʻi aú.
17 ʻE Sihova, ko e hā hono fuoloa ʻo hoʻo ʻafio mai pē ki aí?+
18 Pea te u fai atu ʻa e fakamālō kiate koe ʻi he fuʻu fakatahaʻangá;+
Te u fakahīkihikiʻi koe ʻi he lotolotonga ʻo e fuʻu kakaí.
19 ʻOua naʻa tuku ʻa e faʻahinga ʻoku nau hoko taʻeʻuhinga pē ko hoku ngaahi filí ke nau fiefia ʻi heʻeku mamahí;
ʻOua naʻa tuku ʻa e faʻahinga ʻoku nau fehiʻa taʻeʻuhinga+ mai kiate aú ke nau fakakuitaha ʻi he loto-kovi.+
20 He ʻoku ʻikai te nau leaʻaki ha ngaahi lea fakamelino,
Ka ʻoku nau faʻufaʻu kākā ki he kau fakamelino ʻi he fonuá.+
21 ʻOku nau mātuʻaki fakamanga honau ngutú ke tukuakiʻi au,
ʻO nau pehē: “Sai ē! Sai ē! Kuo sio ki ai hotau matá.”
22 Kuó ke ʻafioʻi ʻa e meʻá ni, ʻe Sihova. ʻOua muʻa naʻá ke fakalongolongo ai pē.+
ʻE Sihova, ʻoua naʻá ke fakamamaʻo meiate au.+
23 ʻĀ hake pea tuʻu ʻo taukapoʻi au,
ʻE Sihova ko hoku ʻOtua, taukapoʻi ange muʻa au ʻi hoku fakamāuʻí.
24 Fakamāuʻi au ʻo fakatatau ki hoʻo māʻoniʻoní,+ ʻe Sihova ko hoku ʻOtua;
ʻOua naʻa tuku ke nau fiefia ʻi heʻeku mamahí.
25 ʻOfa ke ʻoua ʻaupito naʻa nau pehē pē ʻiate kinautolu: “Sai ē! Kuo lava ʻa e meʻa naʻa tau loto ki aí.”
ʻOfa ke ʻoua ʻaupito naʻa nau pehē: “Kuo tau folofua ia.”+
26 Tuku ke fakamaaʻi mo fakangalivaleʻi kinautolu hono kotoa,
ʻA kinautolu ʻoku kata ʻi heʻeku mamahí.
Tuku ke fakateunga ʻa kinautolu ʻoku nau fakamāhiki mai kiate aú ʻaki ʻa e mā mo e matahoa.
27 Kae tuku ke kaila fiefia ʻa e faʻahinga ʻoku nau leleiʻia ʻi heʻeku māʻoniʻoní;
ʻOfa ke nau lea maʻu pē:
“Fakatauange ke fakavīkivikiʻi ʻa Sihova, ʻa ia ʻokú ne hōhōʻia ʻi he maʻu ʻe heʻene sevānití ʻa e melinó.”+
28 Pea ko hoku ʻeleló leva te ne fakalau ʻa* hoʻo māʻoniʻoní+
Pea fakahīkihikiʻi koe ʻi he ʻahó kotoa.+
Ki he pule hivá. Ko e saame ʻa Tēvita ko e sevāniti ʻa Sihova.
36 Ko e maumau-laó ʻokú ne lea ki he loto ʻo e tokotaha fulikivanú;
ʻOku ʻikai ha manavahē ki he ʻOtuá ʻi heʻene vakaí.+
2 He ʻi heʻene vakaí ʻokú ne fuʻu mahuʻinga ʻaupito
Ke ne fakatokangaʻi pea fehiʻa ki heʻene halá.+
3 Ko e ngaahi lea ʻa hono ngutú ʻoku fakalotomamahi mo kākā;
ʻOku ʻikai te ne fakahāhā ha vavanga fakaefakakaukau ke fai ʻa e meʻa ʻoku leleí.
4 Naʻa mo ʻene ʻi hono mohengá ʻokú ne faʻufaʻu ha ngaahi meʻa fakalotomamahi.
ʻOkú ne tuʻu ʻi he hala ʻoku ʻikai leleí;
ʻOku ʻikai te ne talitekeʻi ʻa e meʻa ʻoku koví.
5 ʻE Sihova, ʻoku aʻu hake hoʻo ʻofa mateakí ki he langí,+
Ko hoʻo faitōnungá ʻoku aʻu hake ki he ngaahi ʻaó.
6 Ko hoʻo māʻoniʻoní ʻoku hangē ha ngaahi moʻunga fakangeingeiá;*+
Ko hoʻo ngaahi fakamāú ʻoku hangē ko e ngaahi vai lahi mo lolotó.+
ʻOkú ke tauhi* ʻa e tangatá mo e fanga manú, ʻe Sihova.+
7 Hono ʻikai mahuʻinga hoʻo ʻofa mateakí, ʻe ʻOtua!+
ʻI he malumalu ʻo ho kapakaú, ʻoku hūfanga+ ki ai ʻa e ngaahi foha ʻo e tangatá.
8 ʻOku nau inu ʻo fiu ʻi he koloa mahu* ʻo ho falé,+
Pea ʻokú ke ʻai kinautolu ke nau inu ʻi he vaitafe ʻo hoʻo fiefiá.+
10 Hokohoko atu hoʻo fakahāhā ʻa hoʻo ʻofa mateakí ki he faʻahinga ʻoku nau ʻiloʻi koé,+
Pea mo hoʻo māʻoniʻoní ki he loto-totonú.+
11 ʻOua naʻa tuku ʻa e vaʻe ʻo e hīkisiá ke ne tāmalaki au
Pe ko e nima ʻo e kau fulikivanú ke nau kapusi au.
12 Kuo tō ai ʻa e kau faihalá;
Kuo nau haʻulu ki lalo pea ʻikai lava ke tuʻu hake.+
Saame ʻa Tēvita.
א [ʻAlefi]
ב [Peta]
ג [Kimela]
6 Te ne ʻai ʻa hoʻo māʻoniʻoní ke ulo ʻo hangē ko e maʻa hake ʻa e ʻahó,
Mo hoʻo totonú ke hangē ko e laʻā ʻi he hoʻatā mālié.
ד [Tāleta]
ʻOua te ke loto-mamahi koeʻuhí ko e tangata
ʻOku lavameʻa ʻi hono fakahoko ʻa ʻene ngaahi faʻufaʻú.+
ה [Hē]
8 Tuku ange ʻa e ʻitá pea liʻaki ʻa e lilí;+
ʻOua ʻe hoko ʻo loto-mamahi peá ke tafoki ʻo fai ʻa e meʻa ʻoku koví.*
9 He ko e kau faikoví ʻe toʻo atu ia,+
Ka ko e faʻahinga ʻoku ʻamanaki kia Sihová te nau maʻu ʻa e māmaní.+
ו [Vau]
10 ʻOku toe siʻi pē, pea ʻe ʻikai toe ʻi ai ʻa e kau fulikivanú;+
Te ke fakasio ʻa e feituʻu naʻa nau ʻi aí,
Ka ʻe ʻikai te nau ʻi ai.+
11 Ka ko e anga-vaivaí te nau maʻu ʻa e māmaní,+
Pea te nau maʻu ʻa e fiefia lahi ʻi he melino hulu fau.+
ז [Saini]
12 ʻOku faʻufaʻu ʻe he tangata fulikivanú ha kovi ki he māʻoniʻoní;+
ʻOkú ne ʻūʻūnifo kiate ia.
13 Ka ʻe katakataʻi ia ʻe Sihova,
He ʻokú Ne ʻafioʻi ʻe ʻi ai pē hono ʻaho.+
ח [Keta]
14 ʻOku unuhi ʻe he kau fulikivanú ʻa ʻenau heletaá pea fusiʻi ʻenau kaufaná
Ke lī ki lalo ʻa e kau lōmekiná mo e kau masivá,
Ke tāmateʻi ʻa e faʻahinga ʻoku totonu ʻa honau halá.
15 Ka ʻe tuʻu pē ʻa ʻenau heletaá ʻi honau mafú;+
Ko ʻenau kaufaná ʻe motu.
ט [Teta]
16 ʻOku lelei ange ʻa e momoʻi meʻa ʻa e tokotaha māʻoniʻoní
ʻI he mohu meʻa ʻa e kau fulikivanu tokolahi.+
17 He ko e nima ʻo e kau fulikivanú ʻe mafesi,
Ka ʻe tokoniʻi ʻe Sihova ʻa e māʻoniʻoní.
י [Iota]
18 ʻOku ʻafioʻi ʻe Sihova ʻa e meʻa ʻoku foua ʻe he faʻahinga taʻemelé,*
Pea ko honau tofiʻá ʻe tuʻu ʻo taʻengata.+
19 ʻE ʻikai ke fakamaaʻi kinautolu ʻi he taimi ʻo e fakatamakí;
ʻI he taimi ʻo e hongé ʻe lahi ʻa e meʻa te nau maʻú.
כ [Kafa]
20 Ka ko e kau fulikivanú te nau ʻauha;+
Ko e ngaahi fili ʻo Sihová te nau mole atu ʻo hangē ko e ngaahi kaikaiʻanga fakaʻofoʻofá;
Te nau mole atu ʻo hangē ha ʻahú.
ל [Lameta]
21 ʻOku nō ʻa e tokotaha fulikivanú ʻo ʻikai te ne totongi fakafoki,
22 Ko e faʻahinga ʻokú Ne faitāpuekiná te nau maʻu ʻa e māmaní,
Ka ko e faʻahinga ʻokú Ne talatukiʻí ʻe toʻo atu ia.+
מ [Mema]
נ [Nuna]
25 Naʻá ku talavou pea ko eni kuó u motuʻa,
Ka kuo teʻeki ke u sio ki ha taha māʻoniʻoni kuo liʻaki,+
26 ʻOkú ne vēkeveke maʻu pē ke foaki,+
Pea ko ʻene fānaú te nau maʻu ha tāpuaki.
ס [Sameha]
27 Tafoki mei he koví pea fai ʻa e meʻa ʻoku leleí,+
Pea te ke nofo maʻu ʻo taʻengata.
28 He ʻoku manako ʻa Sihova ki he fakamaau totonú,
Pea ʻe ʻikai te ne liʻaki ʻa ʻene faʻahinga mateakí.+
ע [ʻAini]
פ [Pē]
30 Ko e ngutu ʻo e tokotaha māʻoniʻoní ʻokú ne tuku mai ha poto,*
Pea ko hono ʻeleló ʻoku lea ʻo fekauʻaki mo e fakamaau totonú.+
צ [Sati]
32 ʻOku siofi ʻe he tokotaha fulikivanú ʻa e māʻoniʻoní,
ʻO ne kumi ke tāmateʻi ia.
33 Ka ʻe ʻikai tuku ange ia ʻe Sihova ki he nima ʻo e tokotaha ko iá+
Pe fakahalaiaʻi ia ʻi hono fakamāuʻí.+
ק [Kofi]
34 ʻAmanaki kia Sihova pea muimui ʻi hono halá,
Pea te ne hakeakiʻi koe ke ke maʻu ʻa e māmaní.
ʻI he taimi ʻe toʻo atu ai ʻa e kau fulikivanú,+ te ke mātā ia.+
ר [Lesa]
35 Kuó u mamata ki he tangata kovi mo anga-fakamamahí
ʻOku mafola atu ʻo hangē ha fuʻu ʻakau tupu ʻāfaʻafa ʻi he kelekele naʻe tupu hake aí.+
36 Ka naʻe fakafokifā pē ʻene puli atú ʻo ʻikai toe ʻi ai;+
Naʻá ku hanganaki kumi kiate ia, ka naʻe ʻikai ke maʻu.+
ש [Sini]
37 Fakatokangaʻi ʻa e tokotaha taʻemelé,*
Pea hanganaki vakai ki he tokotaha faitotonú,+
He ko e kahaʻu ʻo e tangata ko iá ko e melino.+
38 Ka ko e kotoa ʻo e kau faihalá ʻe fakaʻauha;
Ko e kahaʻu ʻo e kakai fulikivanú ʻe tuʻusi atu.+
ת [Tau]
39 Ko e fakamoʻui ʻo e māʻoniʻoní ʻoku meia Sihova;+
Ko ia ʻa honau kolotaú ʻi he taimi ʻo e faingataʻá.+
40 ʻE tokoniʻi mo fakahaofi kinautolu ʻe Sihova.+
Te ne fakahaofi kinautolu mei he kau fulikivanú mo fakamoʻui kinautolu,
Koeʻuhí he ʻoku nau hūfanga kiate ia.+
Ko e hiva ʻa Tēvita, ke hoko ko ha fakamanatu.
38 ʻE Sihova, ʻoua naʻá ke valokiʻi au ʻi hoʻo houhaú,
Pe fakatonutonu au ʻi hoʻo houhau kakahá.+
2 He kuo loloto ʻa e tuʻu ʻa hoʻo ngaahi ngahaú ʻiate aú,
Pea ko ho nimá ʻokú ne lolomi hifo au.+
3 ʻOku puke ʻa hoku sinó kotoa* koeʻuhí ko hoʻo houhaú.
ʻOku ʻikai ha nonga ʻi hoku ngaahi huí koeʻuhí ko ʻeku angahalá.+
4 He ko ʻeku ngaahi faihalá ʻoku maluʻaki mai ki hoku ʻulú;+
ʻO hangē ha kavenga mamafa, ʻoku fuʻu lahi kiate au ke u fuá.
5 Ko hoku ngaahi laveá ʻoku namukū mo fakapela
Koeʻuhí ko ʻeku valé.
6 ʻOku ou faingataʻaʻia mo loto-mafasia lahi;
ʻOku ou ʻalu takai holo ʻi he mamahi ʻi he ʻahó kotoa.
7 ʻOku hoko ha vela ʻi loto ʻiate au;
ʻOku puke ʻa hoku sinó kotoa.+
8 Kuó u hoko ʻo mamate peá u havehave fakaʻaufuli;
ʻOku ʻai au ʻe heʻeku loto-mamahí ke u toʻe leʻo-lahi.*
9 ʻE Sihova, ʻokú ke ʻafioʻi ʻa e kotoa ʻo ʻeku ngaahi holí,
Pea ʻoku ʻikai puli meiate koe ʻa ʻeku māpuhoí.
10 ʻOku tatū ʻa hoku mafú, kuo mole ʻa hoku iví,
Pea kuo mole ʻa e maama ʻi hoku matá.+
11 Ko hoku ngaahi kaumeʻá mo hoku ngaahi takangá ʻoku nau fakaʻehiʻehi meiate au koeʻuhí ko e mahaki ʻoku ou maʻú,
Pea ko hoku ngaahi maheni fekoekoeʻí ʻoku nau fakamamaʻo ai pē meiate au.
12 Ko e faʻahinga ʻoku kumi ki heʻeku moʻuí ʻoku nau fokotuʻu tauhele mai;
Ko e faʻahinga ʻoku feinga ke fai ha kovi kiate aú ʻoku nau lea fakafepaki mai;+
ʻOku nau muhumuhu ʻaki ʻa e kākā ʻi he ʻahó kotoa.
13 Ka ʻi he hangē ha taha ʻoku tulí, ʻe ʻikai te u fanongo;+
ʻI he hangē ha taha ʻoku noá, ʻe ʻikai ava ʻa hoku ngutú.+
14 Kuó u hoko ʻo hangē ha tangata ʻoku ʻikai lava ke fanongó,
ʻA ia ʻoku ʻikai ha meʻa ʻi hono ngutú ke ne leaʻaki ʻi he taukapo.
15 He ko koe, ʻe Sihova, naʻá ku tatali ki aí,+
Pea naʻá ke fai mai ha tali kiate au, ʻe Sihova ko hoku ʻOtua.+
16 He naʻá ku pehē: “ʻOfa ke ʻoua naʻa nau fiefia ʻi heʻeku mamahí
Pe fakamāhiki mai kiate au ʻo ka hekea ʻa hoku vaʻé.”
17 He naʻá ku meimei hinga,
Pea naʻá ku feʻao maʻu pē mo hoku mamahí.+
19 Ka ko hoku ngaahi filí ʻoku nau longomoʻui* mo mālohi,*
Ko kinautolu ʻoku nau fehiʻa taʻeʻuhinga mai kiate aú kuo nau hoko ʻo tokolahi.
20 Ko ʻeku leleí kuo nau totongi mai ʻaki kiate au ʻa e kovi;
Naʻa nau talitekeʻi au ʻi heʻeku tuli ki he leleí.
21 ʻOua naʻá ke liʻaki au, ʻe Sihova.
ʻE ʻOtua, ʻoua naʻá ke fakamamaʻo ai pē meiate au.+
22 Fakavave muʻa ʻo tokoni mai,
ʻE Sihova, ko hoku fakamoʻuí.+
Ki he pule hivá; Situtuni.*+ Ko e hiva ʻa Tēvita.
2 Naʻá ku noa mo sīlongo;+
Naʻá ku hanganaki fakalongolongo naʻa mo e ʻi he fekauʻaki mo e meʻa ʻoku leleí,
Ka naʻe lahi* ʻa hoku mamahí.
3 Naʻe kohutuʻu* ʻa hoku lotó.
ʻI heʻeku fakalaulaulotó,* naʻá ku vela hangē ha afí.
Pea naʻe lea leva ʻa hoku ʻeleló:
4 “ʻE Sihova, tokoniʻi au ke u ʻilo ʻa hoku ikuʻangá,
Pea mo e lahi ʻo hoku ngaahi ʻahó,+
Ke u ʻilo ai ʻa e fuonounou ʻa ʻeku moʻuí.*
5 Ko e moʻoni, kuó ke ʻai ʻa hoku ngaahi ʻahó ke siʻi pē;*+
Pea ko e lōloa ʻo ʻeku moʻuí ʻoku hangē pē ha foʻi noá ʻi ho ʻaó.+
Ko e moʻoni ko e tangata kotoa pē, neongo ʻene hā ngali malú, ko ha koto mānava pē.+ (Sila)
6 Ko e moʻoni ʻoku ʻalu takai holo ʻa e tangata kotoa pē ʻo hangē ha ʻatá.
ʻOkú ne fakavave* noaʻia holo.
ʻOkú ne fokotuʻu koloa, ʻo ʻikai ʻilo pe ko hai te ne maʻu iá.+
7 Ko e hā leva te u ʻamanaki ki aí, ʻe Sihova?
Ko koe pē taha ʻa hoku ʻamanakiʻangá.
8 Fakahaofi au mei heʻeku ngaahi faihalá kotoa.+
ʻOua naʻa tuku ʻa e valé ke ne ʻai au ko ha meʻa ke taʻetokaʻi.
9 Naʻá ku hanganaki fakalongo pē;
Naʻe ʻikai lava ke u fakaava ʻa hoku ngutú,+
Koeʻuhí ko koe naʻá ke fai ʻa e meʻá ni.+
10 Toʻo ʻa hoʻo tauteá meiate au.
Kuó u ongosia koeʻuhí ko hoʻo taaʻi aú.
11 ʻOkú ke fakatonutonu ʻa e tangatá ʻaki ʻa e tautea ki heʻene faihalá;+
ʻOkú ke keina ʻa e ngaahi meʻa ʻokú ne koloaʻakí ʻo hangē ko ia ʻoku fai ʻe he ané.
Ko e moʻoni ko e tangata kotoa pē ko ha koto mānava pē.+ (Sila)
12 Fakaongo mai muʻa ki heʻeku lotú, ʻe Sihova,
Fanongo mai ki heʻeku tangi ki ha tokoní.+
ʻOua naʻá ke tukunoaʻi ʻa hoku loʻimatá.
He ko aú ko ha muli pē kiate koe,+
Ko ha tokotaha ʻoku fononga mai,* ʻo hangē pē ko e kotoa ʻo ʻeku fanga kuí.+
13 Hanga kehe meiate au ʻi hoʻo houhaú kae lava ke u fiefia
ʻI he teʻeki ke u mate peá u mole atú.”
Ki he pule hivá. Saame ʻa Tēvita. Ko ha hiva.
40 Naʻá ku vēkeveke ʻamanaki* kia Sihova,
Pea naʻá ne fokotuʻu telinga* mai kiate au ʻo fanongo ki heʻeku tangi ki ha tokoní.+
2 Naʻá ne ʻohake au mei ha luo ʻoku ʻuʻulu longoaʻa,
Mei he pelepela hekeheké.
Pea naʻá ne fokotuʻu hoku vaʻé ʻi ha funga maka;
Pea naʻá ne ʻai ke maʻu ʻeku tuʻú.
3 Pea naʻá ne ʻai ha hiva foʻou ki hoku ngutú,+
Ke fakahīkihikiʻi hotau ʻOtuá.
ʻE sio ki ai ʻa e tokolahi ʻi he ʻapasia
Pea tuku ʻenau falalá ʻia Sihova.
4 Fiefia ē ko e tangata ʻoku falala kia Sihová
Pea ʻoku ʻikai te ne hanga ki he kau fakafetaú pe ki he faʻahinga ʻoku loí.
5 He lahi fau ē ko e ngaahi meʻa kuó ke faí,
ʻE Sihova ko hoku ʻOtua,
ʻA hoʻo ngaahi ngāue fakaofó mo hoʻo ngaahi fakakaukau kiate kimautolú.+
ʻOku halaʻatā ha meʻa ʻe lava ke fakahoa atu kiate koe;+
Kapau te u feinga ke talanoa pe lea ʻo fekauʻaki mo ia,
ʻE fuʻu lahi fau ia ke u fakalau!+
6 Ko e feilaulaú mo e foakí naʻe ʻikai ke ke fiemaʻu,*+
Ka naʻá ke fakaava ʻa hoku telingá ke u fanongo.+
Naʻe ʻikai te ke kounaʻi ha ngaahi feilaulau tutu mo ha ngaahi feilaulau angahala.+
7 Pea naʻá ku pehē: “Vakai, kuó u haʻu.
ʻI he takainga tohi* kuo hiki fekauʻaki mo aú.+
9 ʻOku ou fanongonongo ʻa e ongoongo lelei ʻo e māʻoniʻoní ʻi he fuʻu fakatahaʻangá.+
Vakai! ʻOku ʻikai te u taʻofi ʻa hoku loungutú,+
ʻE Sihova, hangē ko ia ʻokú ke ʻafioʻi leleí.
10 ʻOku ʻikai te u ʻufiʻufi ʻa hoʻo māʻoniʻoní ʻi hoku lotó.
ʻOku ou talaki ʻa hoʻo faitōnungá mo hoʻo fakamoʻuí.
ʻOku ʻikai te u fufū ʻa hoʻo ʻofa mateakí mo hoʻo moʻoní mei he fuʻu fakatahaʻangá.”+
11 ʻE Sihova, ʻoua muʻa naʻá ke taʻofi ʻa hoʻo mēsí meiate au.
ʻOfa ke maluʻi maʻu pē au+ ʻe hoʻo ʻofa mateakí mo hoʻo moʻoní.
12 Ko e ngaahi faingataʻa ʻoku nau takatakaiʻi aú ʻoku fuʻu lahi fau ke lau.+
ʻOku lōmekina au ʻe he lahi fau ʻo ʻeku faihalá ʻo ʻikai lava ai ke u sio ki hoku halá;+
ʻOku nau lahi mamaʻo ange ʻi hoku fulufuluʻiʻulú,
Pea kuó u loto-siʻi.
13 Ke ke finangalo lelei muʻa ʻe Sihova, ke fakahaofi au.+
ʻE Sihova, fakavave mai muʻa ʻo tokoniʻi au.+
14 ʻOfa ke hoko ʻa e faʻahinga kotoa ʻoku nau kumi ke toʻo ʻa ʻeku moʻuí
ʻO mā mo ngalivale.
ʻOfa ke hoko ʻa e faʻahinga ʻoku nau fiefia ʻi heʻeku faingataʻaʻiá
ʻO holomui ʻi he matahoa.
15 ʻOfa ke hoko ʻa e faʻahinga ʻoku nau pehē mai kiate au: “Sai ē! Sai ē!”
ʻO fakalilifuʻia ʻi he mā ʻe hoko kiate kinautolú.
ʻOfa ke pehē maʻu pē ʻe he faʻahinga ʻoku nau saiʻia ʻi hoʻo faifakamoʻuí:
“Fakatauange ke fakavīkivikiʻi ʻa Sihova.”+
17 Ka ʻoku ʻikai haku tokoni pea ʻoku ou masiva;
ʻOfa ke tokanga mai ʻa Sihova kiate au.
Ki he pule hivá. Ko e hiva ʻa Tēvita.
41 Fiefia ē ko ha taha ʻokú ne fakahāhā ʻa e fakaʻatuʻi ki he tokotaha māʻulaló;+
ʻE fakahaofi ia ʻe Sihova ʻi he ʻaho ʻo e faingataʻá.
2 ʻE leʻohi ia ʻe Sihova pea tauhi ia ke ne moʻui.
ʻE fakahaaʻi ia ko ha tokotaha fiefia ʻi he māmaní;+
ʻE ʻikai ʻaupito te ke tuku atu ia ke faʻiteliha ai* ʻa hono ngaahi filí.+
3 ʻE tokoniʻi ia ʻe Sihova ʻi heʻene ʻi he mohenga ʻo e mamahí;+
Lolotonga ʻene puké te ke mātuʻaki fetongi ʻa hono mohengá.
4 He naʻá ku pehē: “ʻE Sihova, ke ke hōifua mai.+
Fakamoʻui au,+ he kuó u faiangahala kiate koe.”+
5 Ka ko hoku ngaahi filí ʻoku nau lea kovi ʻo fekauʻaki mo au:
“Ko ʻafē te ne mate ai pea mole atu ʻa hono hingoá?”
6 Kapau ʻe haʻu ha taha ʻo kinautolu ke ʻaʻahi mai kiate au, ʻokú ne leaʻaki ʻa e loi ʻa ia ʻoku ʻi hono lotó.
ʻOkú ne tātānaki ha meʻa fakatupu maumau ke leaʻaki;
Pea ʻokú ne ʻalu atu leva ʻo fakamafola holo ia.
7 Ko e faʻahinga kotoa ʻoku fehiʻa kiate aú ʻoku nau fefanafanahi;
ʻOku nau faʻufaʻu ha kovi ke fai mai kiate au:
9 Naʻa mo e tangata ʻa ia ko hoku kaumeʻa mamaé, ʻa e tokotaha naʻá ku falala ki aí,+
ʻA ia naʻá ne kai ʻi heʻeku maá, kuó ne hiki hono muivaʻé kiate au.*+
10 Ka ko koe, ʻe Sihova, ke ke hōifua mai peá ke fokotuʻu hake au,
Koeʻuhí ke u fai ha sāuni kiate kinautolu.
11 Ko e meʻá ni te u ʻilo ai ʻokú ke hōifua mai kiate au:
ʻA e ʻikai kalanga fiefia ʻa hoku filí kiate au+ ʻi haʻanau ikuna.
ʻĒmeni pea ʻĒmeni.
TOHI HONO UA
(Saame 42-72)
Ki he pule hivá. Masikili* ʻa e ngaahi foha ʻo Kolá.+
42 ʻI he hangē ha tia ʻoku holi ki he ngaahi tafengavaí,
ʻOku pehē ʻa ʻeku holi kiate koé, ʻe ʻOtua.
2 ʻOku ou fieinua ki he ʻOtuá, ki he ʻOtua moʻuí.+
Ko ʻafē nai te u ʻalu atu ai ʻo hā ʻi he ʻao ʻo e ʻOtuá?+
3 ʻI he ʻaho mo e pō ko ʻeku meʻakaí ʻa hoku loʻimatá;
ʻI he ʻahó kotoa ʻoku manukiʻi au ʻe he kakaí: “Ko fē ho ʻOtuá?”+
4 ʻOku ou manatuʻi ʻa e ngaahi meʻá ni, pea ʻoku ou huaʻi atu ʻa hoku lotó,
He naʻe ʻi ai ʻa e taimi naʻá ku luelue fakataha ai mo ha fuʻu tokolahi;
Naʻá ku faʻa luelue anga-molumalu* ʻi muʻa ʻiate kinautolu ki he fale ʻo e ʻOtuá,
Fakataha mo e leʻo ʻo e fiefia mo e fakafetaʻi,
ʻA ha fuʻu kakai ʻoku nau fakafiefiaʻi ha kātoanga.+
5 Ko e hā ʻoku tōnoa ai ʻa ʻeku ʻamanakí?+
Ko e hā ʻoku hoko ai ʻa e hohaʻatuʻu ko eni ʻi loto ʻiate aú?
6 ʻE hoku ʻOtua, ʻoku tōnoa ʻa ʻeku ʻamanakí.+
Ko e ʻuhinga ia ʻoku ou manatuʻi ai koé,+
Mei he fonua ko Sioataní mo e tumutumu ʻo Heamoní,
Mei he Moʻunga Maisá.*
7 ʻOku ui ʻa e vai loloto ki he vai loloto
ʻI he ongo mai ʻa hoʻo vaitoó.
Kuo lōmekina au ʻe he kotoa ʻo hoʻo ngaahi fuʻu peaú.+
8 ʻI he ʻahó ʻe tuku mai ai ʻe Sihova kiate au ʻa ʻene ʻofa mateakí,
Pea ʻi he poʻulí te u feʻao ai mo ʻene hivá—ko ha lotu ki he ʻOtua ʻo ʻeku moʻuí.+
9 Te u pehē ki he ʻOtua ko hoku makatuʻú:
“Ko e hā kuó ke fakangaloʻi ai aú?+
Ko e hā ke u ʻalu takai holo ai ʻi he mamahi koeʻuhi ko e fakafeʻātungiaʻi au ʻe hoku filí?”+
10 ʻOku manukiʻi au ʻe hoku ngaahi filí ʻaki ʻa e fakafili anga-fakapō;*
ʻI he ʻahó kotoa ʻoku nau manukiʻi au: “Ko fē ho ʻOtuá?”+
11 Ko e hā ʻoku tōnoa ai ʻa ʻeku ʻamanakí?
Ko e hā ʻoku hoko ai ʻa e hohaʻatuʻu ko eni ʻi loto ʻiate aú?
Fakahaofi au mei he tangata kākā mo taʻemāʻoniʻoní.
2 He ko koe ʻa hoku ʻOtuá, ʻa hoku kolotaú.+
Ko e hā kuó ke liʻaki ai aú?
Ko e hā ke u ʻalu takai holo ai ʻi he mamahi koeʻuhi ko e fakafeʻātungiaʻi au ʻe hoku filí?+
3 Tuku mai ʻa hoʻo māmá mo hoʻo moʻoní.+
ʻOfa ke na tataki au;+
ʻOfa ke na fakahinohinoʻi au ki ho moʻunga tapú pea ki ho tāpanekale fisifisimuʻá.+
4 Pea te u ʻalu ki he ʻōlita ʻo e ʻOtuá,+
Ki he ʻOtuá, ʻa hoku fiefiaʻanga taupotu tahá.
Pea te u fakahīkihikiʻi koe ʻaki ʻa e haʻape,+ ʻe ʻOtua, ʻa hoku ʻOtua.
5 Ko e hā ʻoku tōnoa ai ʻa ʻeku ʻamanakí?
Ko e hā ʻoku hoko ai ʻa e hohaʻatuʻu ko eni ʻi loto ʻiate aú?
Ki he pule hivá. Ko ha saame ʻa e ngaahi foha ʻo Kolá.+ Masikili.*
44 ʻE ʻOtua, kuo mau fanongo ʻaki homau telingá tonu,
Kuo fakamatala mai ʻe heʻemau fanga kuí kiate kimautolu,+
ʻA e ngaahi ngāue naʻá ke fakahoko ʻi honau ngaahi ʻahó,
ʻI he ngaahi ʻaho ʻo e kuohilí.
Naʻá ke laiki ha ngaahi puleʻanga pea kapusi kinautolu.+
3 Naʻe ʻikai tupu mei heʻenau heletaá tonu ʻa ʻenau maʻu ʻa e fonuá,+
Pea naʻe ʻikai ʻomi ʻe honau nimá kiate kinautolu ʻa e ikuná.+
Ka naʻe faiʻaki ia ho nima toʻomataʻú mo ho mālohí+ pea mo e maama ʻo ho fofongá,
He naʻá ke leleiʻia ʻiate kinautolu.+
5 ʻI ho mālohí te mau seʻe atu ai homau ngaahi filí;+
ʻI ho huafá te mau tāmoloki ai ʻa e faʻahinga ʻoku nau mālanga hake ʻo fakafepaki maí.+
6 He ʻoku ʻikai te u falala ki heʻeku kaufaná,
Pea heʻikai lava ke fakahaofi au ʻe heʻeku heletaá.+
7 Ko koe ia naʻá ke fakahaofi kimautolu mei homau ngaahi filí,+
Ko koe kuó ke fakamaaʻi ʻa e faʻahinga ʻoku fehiʻa ʻiate kimautolú.
8 Te mau ʻoatu ʻa e fakahīkihiki ki he ʻOtuá ʻi he ʻahó kotoa,
Pea te mau ʻoatu ʻa e fakamālō ki ho huafá ʻo taʻengata. (Sila)
9 Ka ko eni kuó ke siʻaki kimautolu mo fakamaaʻi,
Pea ʻoku ʻikai te ke ʻalu atu mo ʻemau kau taú.
10 ʻOkú ke hanganaki ʻai kimautolu ke mau holomui mei homau filí;+
Ko e faʻahinga ʻoku nau fehiʻa ʻiate kimautolú ʻoku nau ʻave ha meʻa pē ʻoku nau fiemaʻú.
11 ʻOkú ke tuku atu kimautolu ke keina hangē ha fanga sipí;
Kuó ke fakamovetevete atu kimautolu ki he ngaahi puleʻangá.+
12 ʻOkú ke fakatau atu ho kakaí ki ha kiʻi totongi siʻisiʻi pē;+
ʻOku ʻikai te ke ʻai ke maʻu ha tupu mei hono fakatau atú.*
13 ʻOkú ke ʻai kimautolu ko ha meʻa fakamā ki homau ngaahi kaungāʻapí,
Ko ha manukiaʻanga mo ha fakakataʻanga ʻo e faʻahinga kotoa ʻoku takatakai kiate kimautolú.
14 ʻOkú ke ʻai kimautolu ko ha lumaʻanga* ʻi he lotolotonga ʻo e ngaahi puleʻangá,+
Ko ha meʻa ke kalokalo ʻulu ki ai ʻa e ngaahi kakaí.
15 ʻOku ou ongoʻi fakamāʻia ʻi he ʻahó kotoa,
Pea ʻoku lōmekina au ʻe heʻeku maá,
16 Koeʻuhi ko e ongo mai ʻa ʻenau lumá mo e laukoví,
Koeʻuhi ko e faisāuni mai ʻa homau filí.
17 Ko e kotoa ʻo e meʻá ni kuo hoko mai ia kiate kimautolu, ka kuo ʻikai te mau fakangaloʻi koe,
Pea kuo ʻikai te mau maumauʻi hoʻo fuakavá.+
18 Kuo ʻikai afe ʻa homau lotó;
ʻOku ʻikai hē ʻa ʻemau ngaahi laká mei ho halá.
19 Ka kuó ke laiki kimautolu ʻi he potu ʻoku nofo ai ʻa e fanga siakalí;*
Kuó ke ʻufiʻufi kimautolu ʻaki ha poʻuli matolu.
20 Kapau kuo mau fakangaloʻi ʻa e huafa ʻo homau ʻOtuá
Pe kapau ʻoku mau fola nima atu ʻi he lotu ki ha ʻotua muli,
21 ʻIkai ʻe ʻafioʻi eni ʻe he ʻOtuá?
He ʻokú ne lāuʻilo ki he ngaahi meʻa fakapulipuli ʻo e lotó.+
22 Koeʻuhi ko e ʻAfioná kuo tāmateʻi ai kimautolu ʻi he ʻahó kotoa;
Kuo lau kimautolu ko e fanga sipi ke tāmateʻi.+
23 Ofo hake ā. Ko e hā ʻokú ke kei mohe aí, ʻe Sihova?+
ʻĀ hake! ʻOua te ke hanganaki siʻaki kimautolu ʻo taʻengata.+
24 Ko e hā ʻokú ke fufū ai ho fofongá?
Ko e hā ʻokú ke fakangaloʻi ai ʻemau faingataʻaʻiá mo homau fakafeʻātungiá?
25 He kuo ʻohifo kimautolu ki he efú;
ʻOku lolomi hifo homau sinó ki he kelekelé.+
26 Mālanga hake ʻo hoko ko homau tokoni!+
Fakahaofi* kimautolu koeʻuhi ko hoʻo ʻofa mateakí.+
Ki he pule hivá; fakatonutonu ki he “Ngaahi Lilé.”* Ko ha saame ʻa e ngaahi foha ʻo Kolá.+ Masikili.* Ko ha hiva ʻo e ʻofa.
45 ʻOku ueʻi hoku lotó ʻe ha meʻa lelei.
ʻOku ou pehē: “Ko ʻeku foʻi hivá* ʻoku fekauʻaki mo ha tuʻi.”+
ʻOfa ke hangē ʻa hoku ʻeleló ko e peni+ ʻa ha tokotaha hiki-tatau* pōtoʻí.+
2 Ko koe ʻa e talavou taha ʻi he ngaahi foha ʻo e tangatá.
ʻOku tafe mai mei ho loungutú ha lea lelei.+
Ko e ʻuhinga ia kuo tāpuakiʻi ai koe ʻe he ʻOtuá ʻo taʻengatá.+
3 Haʻi hoʻo heletaá+ ʻi ho tafaʻakí, ʻa koe ko e tokotaha mālohí,+
Fakataha mo ho ngeiá mo ho lāngilangí.+
4 Peá ke hāʻele atu ʻi ho lāngilangí ʻo ikuna;*+
Heka atu ʻi hoʻo hōsí koeʻuhi ko e moʻoní mo e anga-fakatōkilaló mo e māʻoniʻoní,+
Pea ko ho nima toʻomataʻú te ne fakahoko* ha ngaahi meʻa fakamanavahē.
5 Ko hoʻo ngaahi ngahaú ʻoku māsila, ʻokú ne ʻai ʻa e ngaahi kakaí ke nau tō ʻi ho ʻaó;+
ʻOku ʻasi atu ia ʻi he mafu ʻo e ngaahi fili ʻo e tuʻí.+
7 Naʻá ke ʻofa ʻi he māʻoniʻoní,+ peá ke fehiʻa ʻi he fulikivanú.+
Ko e ʻuhinga ia ne hanga ai ʻe he ʻOtuá, ʻa ho ʻOtuá, ʻo pani koe+ ʻaki ʻa e lolo ʻo e fiefia+ ʻo lahi ange ia ʻi ho ngaahi takangá.
8 Ko ho ngaahi kofú kotoa ʻoku ʻalaha ai ʻa e mula mo e ʻaloe* mo e kasia;*
ʻOkú ke fiefia ʻi he ongo mai ʻa e ngaahi meʻalea filó mei he fuʻu palasi leí.
9 Ko e ngaahi ʻofefine ʻo e ngaahi tuʻí ʻoku nau kau ʻi hoʻo kau fefine fakalāngilangí.
Ko e uaifi ʻo e tuʻí* kuó ne tuʻu ʻi ho toʻomataʻú, kuó ne teuʻaki ʻa e koula ʻo ʻŌfelí.+
10 Fanongo, ʻe hoku ʻofefine, tokanga pea fokotuʻu telinga mai;
Fakangaloʻi ho kakaí mo e fale ʻo hoʻo tamaí.
12 ʻE haʻu ʻa e ʻofefine ʻo Tāiá mo ha meʻaʻofa;
Ko e kau tangata tuʻumālie tahá te nau feinga ke maʻu ʻa hoʻo leleiʻiá.*
13 ʻOku fakangeingeia moʻoni ʻa e ʻofefine ʻo e tuʻí ʻi loto palasi;
Ko hono kofú ʻoku teuteuʻi* ʻaki ʻa e koulá.
14 ʻE ʻomi ia ki he tuʻí ʻokú ne tui ʻa e ngaahi kofu kuo lalanga lelei.*
Ko e kau fefine kei nofo anga-maʻa ʻa ia ko hono kau fakafeʻaó ʻoku ʻomi kinautolu ki ho ʻaó.
15 ʻE ʻomi kinautolu ʻi he fiefia mo e mavava;
Te nau hū atu ki he palasi ʻo e tuʻí.
16 Ko ho ngaahi fohá te nau fetongi ʻa hoʻo fanga kuí.
Te ke fakanofo kinautolu ko e ngaahi ʻeiki ʻi he kotoa ʻo e māmaní.+
17 Te u ʻai ke ʻiloa ho huafá ʻi he ngaahi toʻutangata kotoa ka hoko maí.+
Ko e ʻuhinga ia ʻe fakahīkihikiʻi ai koe ʻe he ngaahi kakaí ʻo taʻengata pea taʻengatá.
Ki he pule hivá. Ko ha saame ʻa e ngaahi foha ʻo Kolá.+ Fakatatau ki he ʻAlamotí.* Ko ha hiva.
46 Ko e ʻOtuá ko hotau hūfangaʻanga mo hotau mālohi,+
Ko ha tokoni ʻa ia ʻoku faingofua hono maʻú ʻi he taimi ʻo e faingataʻá.+
2 Ko e ʻuhinga ia ʻe ʻikai ai te tau manavahē, neongo ʻa e liliu ʻoku hoko ki he māmaní,
Neongo ʻa e holo ʻa e ngaahi moʻungá ki he loloto ʻo e tahí,+
3 Neongo ʻa e ʻuʻulu hono ngaahi vaí pea fakakoa maí,+
Neongo ʻa e ngalulu ʻa e ngaahi moʻungá koeʻuhi ko ʻene taʻemanongá. (Sila)
4 ʻOku ʻi ai ha vaitafe ʻa ia ko hono ngaahi matavaí ʻokú ne ʻai ke fiefia ʻa e kolo ʻo e ʻOtuá,+
ʻA e tāpanekale toputapu fisifisimuʻa ʻo e Fungani Māʻolungá.
5 Ko e ʻOtuá ʻokú ne ʻi he koló;+ ʻe ʻikai lava ke liua ia.
Ko e ʻOtuá te ne hāʻele mai ʻi he mafoa ʻa e atá+ ke tokoniʻi ia.
6 Naʻe uatau ʻa e ngaahi kakaí, naʻe liua ʻa e ngaahi puleʻangá;
Naʻá ne hiki hake hono leʻó, pea naʻe vaia ʻa e māmaní.+
7 Ko Sihova ʻo e ngaahi kau taú ʻokú ne kau mo kitautolu;+
Ko e ʻOtua ʻo Sēkopé ʻa hotau hūfangaʻanga malú.* (Sila)
8 Haʻu ʻo sio tonu ʻi he ngaahi ngāue ʻa Sihová,
ʻA e anga ʻo ʻene fai ʻa e ngaahi meʻa fakaofo ʻi he māmaní.
9 ʻOkú ne fakangata ʻa e ngaahi taú ʻi he māmaní kotoa.+
ʻOkú ne fesiʻi ʻa e kaufaná peá ne tutuʻu ʻa e taó;
ʻOkú ne tutu ʻa e ngaahi saliote taú* ʻaki ʻa e afi.
10 “Fakamoʻulaloa pea ʻiloʻi ko au ʻa e ʻOtuá.
11 Ko Sihova ʻo e ngaahi kau taú ʻokú ne kau mo kitautolu;+
Ko e ʻOtua ʻo Sēkopé ko ha hūfangaʻanga malu ia kiate kitautolu.+ (Sila)
Ki he pule hivá. Ko ha saame ʻa e ngaahi foha ʻo Kolá.+ Ko ha hiva.
47 ʻA kimoutolu kotoa ko e ngaahi kakaí, mou pasipasi.
Kailaʻaki ʻa e kaila fiefia ʻo e ikuna ki he ʻOtuá.
3 ʻOkú ne fakavaivaiʻi ʻa e ngaahi kakaí kiate kitautolu;
ʻOkú ne tuku ʻa e ngaahi puleʻangá ki hotau lalo vaʻé.+
4 ʻOkú ne fili maʻatautolu ʻa hotau tofiʻá,+
ʻA e pōlepoleʻanga ʻo Sēkopé, ʻa ia ʻokú ne ʻofa aí.+ (Sila)
5 Kuo hāʻele hake ʻa e ʻOtuá lolotonga ʻa e kaila fiefiá;
ʻA Sihova, lolotonga ʻa e ongo mai ʻa e leʻo ʻo e meʻaifí.*
6 Hiva fakahīkihiki* ki he ʻOtuá, hiva fakahīkihiki.
Hiva fakahīkihiki ki hotau Tuʻí, hiva fakahīkihiki.
7 He ko e ʻOtuá ʻa e Tuʻi ʻo e māmaní kotoa;+
Hiva fakahīkihiki, pea fakahāhā ʻa e vavanga fakaefakakaukau.
8 Kuo hoko ʻa e ʻOtuá ko e Tuʻi ki he ngaahi puleʻangá.+
ʻOku ʻafio ʻa e ʻOtuá ʻi hono taloni toputapú.
9 Kuo fakatahataha mai ʻa e kau taki ʻo e ngaahi kakaí
Fakataha mo e kakai ʻa e ʻOtua ʻo ʻĒpalahamé.
He ko e kau pule* ʻo e māmaní ʻoku ʻa e ʻOtuá kinautolu.
ʻOku hakeakiʻi māʻolunga ia.+
Ko ha saame. Ko e hiva ʻa e ngaahi foha ʻo Kolá.+
48 ʻOku lahi ʻa Sihova pea ʻoku taau lahi taha ke fakahīkihikiʻi
ʻI he kolo ʻo hotau ʻOtuá, ʻi hono moʻunga tapú.
2 ʻOku fakaʻofoʻofa ʻi heʻene māʻolungá, ko e fiefiaʻanga ʻo e māmaní kotoa,+
ʻA Moʻunga Saione ʻi he tokelau mamaʻó,
ʻA e kolo ʻo e Tuʻi Lahí.+
4 He vakai, kuo fakatahataha* ʻa e ngaahi tuʻí;
Kuo nau laka fakataha atu.
5 ʻI heʻenau vakai ki aí, naʻa nau ofoofo.
Naʻa nau hohaʻatuʻu pea hola ʻi he manavahē.
6 Naʻe maʻu ʻe he teteteté kinautolu ʻi ai,
Mo e mamahí ʻo hangē ko ha fefine fāʻelé.
7 ʻOkú ke haveki ʻaki ha matangi hahake ʻa e ngaahi vaka Tāsisí.
8 Ko e meʻa kuo mau fanongo ki aí, kuo mau mātā ia he taimí ni
ʻI he kolo ʻo Sihova ʻo e ngaahi kau taú, ʻi he kolo ʻo homau ʻOtuá.
ʻE fokotuʻu maʻu ia ʻe he ʻOtuá ʻo taʻengata.+ (Sila)
9 ʻOku mau fakalaulauloto ki hoʻo ʻofa mateakí, ʻe ʻOtua,+
ʻI loto ʻi ho temipalé.
10 Hangē ko ho huafá, ʻe ʻOtua, ko ho fakahīkihikí
ʻOku aʻu ki he ngatangataʻanga ʻo e māmaní.+
Ko ho nima toʻomataʻú ʻoku fonu ʻi he māʻoniʻoní.+
11 ʻOfa ke fiefia ʻa Moʻunga Saione,+
ʻOfa ke mavava ʻa e ngaahi kolo* ʻo Siutá, koeʻuhí ko hoʻo ngaahi fakamāú.+
13 Fokotuʻu maʻu homou lotó ʻi hono ngaahi ʻā mālohí.*+
Siviʻi ʻa hono ngaahi taua fakakolotaú,
Koeʻuhí ke mou talanoa fekauʻaki mo ia ki he ngaahi toʻutangata ʻi he kahaʻú.
14 He ko e ʻOtua ko ení ko hotau ʻOtuá ia+ ʻo taʻengata pea taʻengata.
Te ne tataki kitautolu ʻo lauikuonga.*+
Ki he pule hivá. Ko ha saame ʻa e ngaahi foha ʻo Kolá.+ Ko ha hiva.
49 Fanongo ki he meʻá ni, ʻa kimoutolu kotoa ʻa e ngaahi kakaí.
Mou tokanga, ʻa kimoutolu kotoa ʻoku nofo ʻi he māmaní,*
2 Fakatouʻosi ʻa e iiki mo e lalahi,*
Pea tatau pē ki he koloaʻia mo e masiva.
3 ʻE leaʻaki ʻe hoku ngutú ʻa e poto,
Pea ko e fakalaulauloto ʻa hoku lotó+ ʻe fakahā ai ʻa e mahinó.
4 Te u tokanga ki ha palōveepi;
Te u fakamatala ʻa ʻeku tupuʻá fakataha mo e tā haʻape.
5 Ko e hā ke u manavahē ai lolotonga ʻa e ngaahi taimi faingataʻá,+
ʻI hono takatakaiʻi au ʻe he kovi* ʻa e faʻahinga ʻoku nau feinga ke ikunaʻi aú?
6 Ko e faʻahinga ʻoku falala ki heʻenau tuʻumālié+
Pea pōlepole ʻo fekauʻaki mo e lahi ʻo ʻenau koloá,+
7 ʻOku ʻikai ha taha ʻo kinautolu ʻe faifai ange pea lava ke ne huhuʻi hono tokouá
Pe ʻoange ki he ʻOtuá ha totongi huhuʻi maʻana,+
8 (Ko e totongi huhuʻi ki heʻenau moʻuí ʻoku mātuʻaki mahuʻinga
ʻA ia ʻoku mahulu atu maʻu pē ia ʻi heʻenau malavá);
9 Ke ne moʻui ai ʻo taʻengata ʻo ʻikai te ne sio ʻi he luó.*+
10 ʻOkú ne sio ʻoku mate naʻa mo e kakai potó;
ʻOku ʻauha fakataha ʻa e valé mo e taʻeʻatamaí,+
Pea kuo pau ke nau tuku atu ʻenau koloá ki he niʻihi kehé.+
11 Ko ʻenau fakaʻamu lotó ke tolonga ʻo taʻengata ʻa honau ngaahi falé,
ʻA honau ngaahi tēnití mei he toʻutangata ki he toʻutangata.
Kuo nau uiʻaki honau hingoá ʻa honau ngaahi tofiʻá.
12 Ka ko e tangatá ʻe ʻikai tolonga,+ neongo ʻa ʻene lāngilangiʻiá;
ʻOku ʻikai te ne lelei ange ʻi he fanga manu ʻoku ʻauhá.+
13 Ko e ʻalunga eni ʻo e kau valé+
Pea mo e faʻahinga ʻoku muimui ʻiate kinautolu, ʻa ia ʻoku nau leleiʻia ʻi heʻenau ngaahi lea ko e koto ngeʻesí. (Sila)
14 ʻOku vaheʻi kinautolu ʻo hangē ha sipi ki he Faʻitoká.*
Ko mate te ne tauhi fakatauhisipi kinautolu;
Ko e faitotonú ʻe pule kiate kinautolu+ ʻi he pongipongí.
Ko e mingimingiʻi meʻa kotoa pē fekauʻaki mo kinautolú ʻe mole atu;+
Ko e Faʻitoká*+ kae ʻikai ko ha palasi ʻe hoko ko honau ʻapí.+
16 ʻOua ʻe ilifia koeʻuhí ko e hoko ha tangata ʻo tuʻumālié,
Koeʻuhí ko e fakautuutu ʻa e fakaʻofoʻofa ʻo hono falé,
17 He ʻi heʻene maté ʻe ʻikai lava ke ne ʻalu mo ha meʻa;+
Ko hono lāngilangí ʻe ʻikai ʻalu hifo fakataha mo ia.+
18 He ʻi he lolotonga ʻa ʻene moʻuí ʻokú ne fakavīkivikiʻi pē ia.+
(ʻOku fakahīkihikiʻi koe ʻe he kakaí ʻi hoʻo lakalakaimonuú.)+
19 Ka ʻe faifai atu pē ʻo ne kau atu ki he toʻutangata ʻo ʻene fanga kuí.
ʻE ʻikai ʻaupito te nau toe sio ʻi he māmá.
20 Ko ha tangata ʻoku ʻikai te ne mahinoʻi ʻa e meʻá ni, neongo ʻene lāngilangiʻiá,+
ʻOku ʻikai te ne lelei ange ʻi he fanga manu ʻoku ʻauhá.
Ko e hiva ʻa ʻĒsafe.+
50 Ko e ʻOtua ʻoku māʻolunga ʻi he ngaahi ʻotua kehé kotoa, ʻa Sihova,*+ kuó ne folofola;
ʻOkú ne ui ʻa e māmaní
Mei he hopo ʻa e laʻaá ki heʻene toó.*
2 Mei Saione, ʻa e fungani ʻi he fakaʻofoʻofá,+ ʻoku ulo atu mei ai ʻa e ʻOtuá.
3 ʻE hāʻele mai ʻa hotau ʻOtuá pea heʻikai te ne fakalongo ai pē.+
5 “Fakatahataha mai kiate au ʻa kimoutolu ʻa ʻeku kau mateakí,
ʻA kimoutolu ʻoku mou fai ha fuakava mo au fakafou ʻi ha feilaulaú.”+
6 ʻOku talaki ʻe he langí ʻa ʻene māʻoniʻoní,
He ko e ʻOtuá tonu ʻa e Fakamāú.+ (Sila)
7 “Fanongo mai, ʻe hoku kakai, pea te u lea atu;
ʻE ʻIsileli, te u fai ha fakamoʻoni kiate koe.+
Ko au ʻa e ʻOtuá, ʻa ho ʻOtuá.+
8 ʻOku ʻikai te u valokiʻi koe koeʻuhi ko hoʻo ngaahi feilaulaú,
Pe koeʻuhí ko hoʻo ngaahi feilaulau tutu kakato ʻoku fai maʻu pē ʻi hoku ʻaó.+
10 He ko e manu kaivao kotoa pē ʻo e vaotaá ʻoku ʻaʻaku ia,+
Naʻa mo e fanga manu ʻoku ʻi he moʻunga kotoa pē.
11 ʻOku ou ʻilo ʻa e manupuna kotoa pē ʻo e ngaahi moʻungá;+
Ko e fanga manu taʻefaʻalaua ʻo e fonuá ʻoku ʻaʻaku ia.
12 Kapau naʻá ku fiekaia, heʻikai te u tala atu kiate koe,
He ko e fonua mahú mo e meʻa kotoa pē ʻoku ʻi aí ʻoku ʻaʻaku ia.+
13 Te u kai koā ʻa e kakano ʻo ha fanga pulu
Mo inu ʻa e toto ʻo e fanga kosí?+
14 Fai ʻa e fakafetaʻi ko hoʻo feilaulau ia ki he ʻOtuá,+
Pea fakahoko hoʻo ngaahi fuakava ki he Fungani Māʻolungá;+
15 Ui kiate au ʻi he taimi ʻo e faingataʻá.+
Te u fakahaofi koe, pea te ke fakalāngilangiʻi au.”+
16 Ka ʻe folofola ʻa e ʻOtuá ki he tokotaha fulikivanú:
“Ko e hā hoʻo totonu ke ke fakamatala ai ʻa ʻeku ngaahi tuʻutuʻuní+
Pe lea ʻo fekauʻaki mo ʻeku fuakavá?+
19 ʻOkú ke ngāueʻaki ho ngutú ke fakamafola ʻa e meʻa ʻoku koví,
Pea ʻoku pipiki ʻa e kākaá ki ho ʻeleló.+
20 ʻOkú ke nofo ʻo laukovi ki ho tokouá;+
ʻOkú ke fakahaaʻi ʻa e ngaahi hala* ʻa e tama pē ʻa hoʻo faʻeé.
21 ʻI hoʻo fai ʻa e ngaahi meʻá ni, naʻá ku fakalongo pē,
Naʻá ke fakakaukau ai te u hangē pē ko koé.
Ka ko eni te u valokiʻi koe,
Pea te u fakahaaʻi atu ʻa hoʻo faihalá.+
22 Fakakaukau ange muʻa ki he meʻá ni, ʻa kimoutolu ʻoku mou fakangalongaloʻi ʻa e ʻOtuá,+
Koeʻuhi ke ʻoua naʻá ku haehae kimoutolu ʻo ʻikai ha taha ke ne fai hamou fakahaofi.
23 Ko e tokotaha ʻokú ne fai ʻa e fakafetaʻí ko ʻene feilaulaú ʻokú ne fakalāngilangiʻi au,+
Pea ko e tokotaha ʻokú ne muimui ʻi ha ʻalunga kuo fakapapauʻí,
Te u ʻai ia ke ne mātā ʻa e fakamoʻui ʻoku fai ʻe he ʻOtuá.”+
Ki he pule hivá. Ko e hiva ʻa Tēvita, ʻi he taimi naʻe ʻalu atu ai ʻa Nētane ko e palōfitá kiate ia ʻi he hili ʻa e mohe* ʻa Tēvita mo Pāti-sepá.+
51 Fakahaaʻi mai ʻa hoʻo hōifuá kiate au, ʻe ʻOtua, ʻo fakatatau ki hoʻo ʻofa mateakí.+
Tāmateʻi ange muʻa ʻa ʻeku ngaahi faihalá ʻo fakatatau ki hoʻo fuʻu mēsí.+
4 Ko koe—tautefito kiate koe*—kuó u faiangahala ki aí;+
Ko e meʻa ʻoku kovi ʻi ho fofongá ʻa ia kuó u faí.+
Ko ia ai, ʻokú ke māʻoniʻoni ʻo ka ke ka folofola,
ʻOku totonu ʻa hoʻo fakamāú.+
6 Vakai! ʻOkú ke leleiʻia ʻi he moʻoni ʻoku ʻi he loto ʻo ha tokotaha;+
Akoʻi mai muʻa ki hoku lotó* ʻa e poto moʻoní.
7 Fakamaʻa au mei heʻeku angahalá ʻaki ʻa e ʻīsope, koeʻuhí ke u hoko ai ʻo maʻa;+
Fufulu au koeʻuhí ke u hoko ai ʻo hinehina ange ʻi he sinoú.+
8 Tuku ke u fanongo ki he leʻo ʻo e fiefia mo e mavava,
Koeʻuhí ke u fiefia neongo kuó ke laiki ʻa hoku ngaahi huí.+
10 ʻE ʻOtua, fakatupu ʻiate au ha loto-maʻa,+
Pea ʻai kiate au ha laumālie foʻou,+ ha laumālie ʻoku tuʻu maʻu.
11 ʻOua naʻá ke siʻaki au mei ho ʻaó;
Pea ʻoua naʻá ke toʻo meiate au ho laumālie māʻoniʻoní.
12 Fakafoki mai kiate au ʻa e fiefia ʻi hoʻo fakamoʻuí;+
Langaʻi ʻiate au ha loto-lelei ke talangofua kiate koe.*
13 Te u akoʻi ki he kau faihalá ʻa hoʻo ngaahi foungá,+
Koeʻuhí ke foki atu kiate koe ʻa e kau angahalá.
14 Fakahaofi au mei he halaia ʻi he totó,+ ʻe ʻOtua, ʻa e ʻOtua ko hoku fakamoʻuí,+
Koeʻuhí ke talaki fiefia ai ʻe hoku ʻeleló ʻa hoʻo māʻoniʻoní.+
15 ʻE Sihova, ke ke fakaava ange muʻa ʻa hoku loungutú,
Koeʻuhí ke talaki ai ʻe hoku ngutú ho fakahīkihikí.+
16 He ʻoku ʻikai te ke fiemaʻu ha feilaulau—he ka ne pehē naʻá ku mei foaki atu ia;+
ʻOku ʻikai te ke hōhōʻia ʻi ha feilaulau tutu kakato.+
17 Ko e ngaahi feilaulau ʻoku fakahōifua ki he ʻOtuá ko ha laumālie mafesi;
Ko ha loto-mafesi mo lavea, ʻe ʻOtua, ʻe ʻikai te ke talitekeʻi.*+
18 ʻI hoʻo hōifuá, ke ke fai ʻa e meʻa ʻoku leleí ki Saione;
Ke ke langa ʻa e ngaahi ʻā ʻo Selusalemá.
19 Pea te ke toki hōhōʻia ai ʻi he ngaahi feilaulau māʻoniʻoní,
ʻA e ngaahi feilaulau tutú mo e ngaahi feilaulau kakató;
Pea ʻe feilaulauʻaki ʻa e fanga pulu ʻi ho ʻōlitá.+
Ki he pule hivá. Masikili.* Ko e saame ʻa Tēvita ʻi he ʻalu ʻa Toeki ko e tangata ʻĪtomí ʻo tala kia Saula ko Tēvita ē kuó ne haʻu ki he fale ʻo ʻAhimelekí.+
52 Ko e hā ʻokú ke pōlepole ai ʻi hoʻo ngaahi ngāue koví, ʻa koe ko e tangata toʻá?+
Ko e ʻofa mateaki ʻa e ʻOtuá ʻoku tolonga ʻi he ʻahó kotoa.+
3 ʻOkú ke ʻofa lahi ange ʻi he koví ʻi he meʻa ʻoku leleí,
Mo e loí ʻi he leaʻaki ʻa e meʻa ʻoku totonú. (Sila)
4 ʻOkú ke ʻofa ʻi he lea fakatupu maumau kotoa pē,
ʻA koe ʻelelo kākā!
5 Ko e ʻuhinga ia ʻe tā-tuʻo-taha+ ai pē hono fusiʻi hifo koe ʻe he ʻOtuá;
Te ne hamu koe ʻo toho mei ho tēnití;+
Te ne taʻaki koe mei he fonua ʻo e kau moʻuí.+ (Sila)
7 “Ko eni ia ʻa e tangata naʻe ʻikai te ne ʻai ʻa e ʻOtuá ko hono hūfangaʻangá,*+
Ka naʻe tuku ʻene falalá ki he lahi ʻo ʻene koloá+
8 Ka ko au te u hangē ha fuʻu ʻōlive tupu ʻāfaʻafa ʻi he fale ʻo e ʻOtuá;
Ko ʻeku falalá ʻoku ʻi he ʻofa mateaki+ ʻa e ʻOtuá, ʻo taʻengata pea taʻengata.
9 Te u fakahīkihikiʻi koe ʻo taʻengata koeʻuhi ko e ngaahi ngāue kuó ke faí;+
ʻI he ʻao ʻo hoʻo kau mateakí,
Te u ʻamanaki ki ho huafá,+ he ʻoku lelei ia.
Ki he pule hivá; fakatatau ki he Mahalatí.* Masikili.* Saame ʻa Tēvita.
53 Ko e tokotaha valé* ʻokú ne pehē ʻi hono lotó:
“ʻOku ʻikai ha Sihova.”+
Ko ʻenau ngaahi ngāue taʻemāʻoniʻoní ko e koto kākā mo e koto fakalielia;
ʻOku ʻikai ha taha ʻe failelei.+
2 Ka ʻoku ʻafio hifo ʻa e ʻOtuá mei hēvani ki he ngaahi foha ʻo e tangatá+
Ke vakai pe ʻoku ʻi ai ha taha ʻokú ne maʻu ha vavanga fakaefakakaukau, pe ʻoku ʻi ai ha taha ʻoku kumi kia Sihova.+
3 Kuo nau afe kotoa;
ʻOku nau tatau kotoa pē ʻi he kākaá.
ʻOku ʻikai ha taha ʻe failelei,
Naʻa mo ha foʻi toko taha.+
4 ʻOku ʻikai koā ha taha ia ʻo e kau faihalá te ne maʻu ʻa e mahinó?
ʻOku nau keina ʻa hoku kakaí ʻo hangē haʻanau kai maá.
ʻOku ʻikai te nau ui kia Sihova.+
5 Ka te nau fonu ʻi he manavahē lahi,
ʻI he manavahē kuo ʻikai ʻaupito te nau ongoʻi ki muʻa,*
He ko e ʻOtuá te ne veteki ʻa e ngaahi hui ʻo e faʻahinga ʻoku nau ʻohofi koé.*
Te ke ʻai ke nau mā, he kuo siʻaki kinautolu ʻe Sihova.
6 Fakatauange ke hoko mai ʻa e fakamoʻui ʻo ʻIsilelí mei Saione!+
ʻI hono toe fakatahatahaʻi ʻe Sihova ʻa ʻene kakai nofo pōpulá,
Tuku ke fiefia ʻa Sēkope, tuku ke mavava ʻa ʻIsileli.
Ki he pule hivá; ke ngāueʻaki ʻa e ngaahi meʻalea filo. Masikili.* Ko e saame ʻa Tēvita ʻi he taimi naʻe ʻalu atu ai ʻa e kau Sifiá ʻo pehē kia Saula: “Ko Tēvita ē ʻoku toi ʻi homau lotolotongá.”+
2 ʻE ʻOtua, fanongo mai muʻa ki heʻeku lotú;+
Tokanga mai ki he ngaahi lea ʻa hoku ngutú.
3 He ʻoku tuʻu mai kiate au ʻa e kau solá,
Pea ko e kau tangata anga-koví ʻoku nau kumi ki heʻeku moʻuí.+
ʻOku ʻikai te nau tokaʻi ʻa e ʻOtuá.*+ (Sila)
4 Vakai! Ko e ʻOtuá ʻa hoku tokoní;+
ʻOku kau ʻa Sihova mo e faʻahinga ʻoku nau poupou kiate aú.
5 Te ne totongi fakafoki ki hoku ngaahi filí+ ʻaki ʻa ʻenau koví;
6 Te u faifeilaulau atu kiate koe+ ʻi he loto-lelei.
Te u fakahīkihikiʻi ho huafá, ʻe Sihova, he ʻoku lelei ia.+
7 He ʻokú ne fakahaofi au mei he faingataʻa kotoa,+
Pea te u vakai atu ki he tō ʻa hoku ngaahi filí.+
Ki he pule hivá; ke ngāueʻaki ʻa e ngaahi meʻalea filo. Masikili.* Saame ʻa Tēvita.
2 Ke ke tokanga mai kiate au pea fai mai ha tali.+
Ko ʻeku hohaʻá ʻokú ne ʻai au ke u taʻemanonga,+
Pea ʻoku ou puputuʻu
3 Koeʻuhi ko e meʻa ʻoku leaʻaki ʻe he filí
Pea mo e tenge mei he tokotaha fulikivanú.
He ʻoku nau nafuiʻaki au ʻa e faingataʻá,
Pea ʻi heʻenau ʻitá ʻoku nau tukulotoa mai kiate au ʻa e tāufehiʻá.+
5 ʻOku hoko mai ʻa e manavahē mo e tetetete kiate au,
Pea ko e tetekí ʻokú ne maʻunimā au.
6 ʻOku ou hanganaki pehē: “Taumaiā naʻá ku maʻu ha kapakau ʻo hangē ha lupé!
Te u puna ʻo nofo ʻi he malú.
7 Vakai! Te u hola ki he mamaʻó.+
Te u nofo ʻi he toafá.+ (Sila)
8 Te u fakavave ki ha feituʻu malu
ʻO mamaʻo mei he matangi mālohí, pea mamaʻo mei he afaá.”
9 ʻAi ke nau puputuʻu, ʻe Sihova, pea veuki ʻa ʻenau ngaahi palaní,*+
He kuó u sio ki he fakamālohí mo e fekeʻikeʻí ʻi he koló.
10 ʻOkú na takatakai ʻi he ʻaho mo e pō ʻi hono ngaahi ʻaá;
ʻOku ʻi loto ai ʻa e loto-kovi mo e faingataʻa.+
11 Ko e maumaú ʻoku ʻi hono lotolotongá;
Ko e fakafeʻātungiá mo e kākaá ʻoku ʻikai ʻaupito mavahe mei hono malaʻe fakakoló.*+
ʻOku ʻikai ko ha fili ʻokú ne tuʻu mai kiate aú;
Ka ne pehē, naʻe mei lava ke u toitoi meiate ia.
14 Naʻá ta faʻa fiefia fakataha ko ha kaungāmeʻa māfana;
Naʻá ta faʻa luelue fakataha mo e fuʻu kakaí ki he fale ʻo e ʻOtuá.
15 ʻOfa ke maʻu kinautolu ʻe he ʻauhá!+
Tuku ke nau ʻalu hifo moʻui ki he Faʻitoká;*
He ʻoku nofo ʻa e koví ʻi honau lotolotongá pea ʻiate kinautolu.
16 Ka kiate au, te u ui ki he ʻOtuá,
Pea ʻe fakahaofi au ʻe Sihova.+
17 ʻI he efiafí mo e pongipongí mo e hoʻataá, ʻoku ou faingataʻaʻia mo toʻe,*+
Pea ʻokú ne fanongo mai ki hoku leʻó.+
18 Te ne fakahaofi* au pea ʻomi kiate au ʻa e nonga mei he faʻahinga ʻoku nau faitau kiate aú,
He ʻoku fakafepaki ʻa e fuʻu tokolahi kiate au.+
19 ʻE fanongo mai ʻa e ʻOtuá peá ne fai ha meʻa kiate kinautolu,+
ʻA e tokotaha ʻokú ne ʻafio ʻi he taloní talu mei muʻá.+ (Sila)
Te nau fakafisi ke liliu,
ʻA e faʻahinga kuo ʻikai te nau manavahē ki he ʻOtuá.+
21 Ko ʻene leá ʻoku molū ange ia ʻi he patá,+
Ka ʻoku ʻi hono lotó ʻa e fekeʻikeʻi.
Ko ʻene leá ʻoku momole ange ia ʻi he loló,
Ka ko e ngaahi heletā ia kuo unuhi.+
ʻE ʻikai ʻaupito te ne tuku ʻa e tokotaha māʻoniʻoní ke ne tō.*+
23 Ka ko koe, ʻe ʻOtua, te ke ʻohifo kinautolu ki he luo loloto tahá.+
Ko e kau tangata halaia ʻi he toto mo kākā ko iá ʻe ʻikai te nau moʻui ʻo aʻu ki he vaeua ʻo honau ngaahi ʻahó.+
Ka kiate au, te u falala kiate koe.
Ki he pule hivá; fakatonutonu ki he “Lupe Sīlongo ʻOku ʻi he Mamaʻó.” Saame ʻa Tēvita. Mikitami.* ʻI hono puke ia ʻe he kau Filisitiá ʻi Katí.+
56 Fakahaaʻi mai ʻa hoʻo hōifuá kiate au, ʻe ʻOtua, koeʻuhí ko e tangata ko e meʻa noa peé ʻokú ne ʻohofi* au.
ʻI he ʻahó kotoa ʻoku nau faitau mai ai pē mo fakafeʻātungiaʻi au.
2 Ko hoku ngaahi filí ʻoku nau fakamanga mai ai pē ke uʻu au he ʻahó kotoa;
ʻOku tokolahi ʻa e faʻahinga ʻoku nau faitau loto-pōlepole kiate aú.
3 ʻI heʻeku manavaheé,+ ʻoku tuku ʻeku falalá ʻiate koe.+
4 ʻI he ʻOtuá—ʻa ia ko ʻene folofolá ē ʻoku ou fakahīkihikiʻí—
ʻI he ʻOtuá ʻoku tuku ai ʻeku falalá; ʻoku ʻikai te u manavahē.
Ko e hā ʻe lava ke fai ʻe he tangata ko e meʻa vaivaí* kiate au?+
5 ʻI he ʻahó kotoa ʻoku nau fai ha ngaahi meʻa ke fakamamahiʻi au;
Ko ʻenau fakakaukaú pē ke fai ha kovi kiate au.+
6 ʻOku nau toitoi ke ʻohofi au;
ʻOku nau siofi ʻeku laka kotoa pē,+
ʻO nau ʻamanaki ke toʻo atu ʻa ʻeku moʻuí.+
7 Siʻaki kinautolu koeʻuhi ko ʻenau anga-fulikivanú.
Tuku hifo ʻa e ngaahi puleʻangá ʻi hoʻo houhaú, ʻe ʻOtua.+
8 ʻOkú ke muimuiʻi ʻa ʻeku ʻalu fano holó.+
Tānaki muʻa ʻa hoku loʻimatá ʻi hoʻo hina kiliʻimanú.+
ʻIkai ʻoku hiki ia ʻi hoʻo tohí?+
9 ʻE holomui ʻa hoku ngaahi filí ʻi he ʻaho ʻo ʻeku ui tokoní.+
ʻOku ou falala pau ki he meʻá ni: Ko e ʻOtuá ʻoku ʻi hoku tafaʻakí.+
10 ʻI he ʻOtuá—ko ʻene folofolá ē ʻoku ou fakahīkihikiʻí—
ʻIa Sihova—ko ʻene folofolá ē ʻoku ou fakahīkihikiʻí—
11 ʻI he ʻOtuá ʻoku tuku ai ʻeku falalá; ʻoku ʻikai te u manavahē.+
Ko e hā ʻe lava ke fai ʻe he tangata ko e meʻa vaivaí kiate au?+
12 ʻOku haʻi au ʻe heʻeku ngaahi fuakavá kiate koe, ʻe ʻOtua;+
Te u ʻoatu kiate koe ʻa e ngaahi fakahāhā ʻo e fakamālō.+
13 He kuó ke fakahaofi au mei he maté+
Pea taʻofi ʻa hoku vaʻé mei heʻene humú,+
Koeʻuhi ke hokohoko atu ʻa ʻeku moʻuí peá u ʻaʻeva ʻi he ʻao ʻo e ʻOtuá.+
Ki he pule hivá; fakatonutonu ki he “ʻOua ʻe Fakaʻauhá.” Saame ʻa Tēvita. Mikitami.* ʻI he taimi naʻá ne hola ai meia Saula ki he ʻaná.+
57 Fakahaaʻi mai ʻa hoʻo hōifuá, ʻe ʻOtua, fakahaaʻi mai ʻa hoʻo hōifuá,
He ʻoku ou hūfanga atu kiate koe,+
Pea ʻoku ou hūfanga atu ki he malu ʻo ho kapakaú kae ʻoua ke fakalaka atu ʻa e faingataʻá.+
2 ʻOku ou ui ki he ʻOtua ko e Fungani Māʻolungá,
Ki he ʻOtua moʻoní, ʻa ia ʻokú ne fakangata ʻa e faingataʻá koeʻuhi ko au.
3 Te ne tuku mai ha tokoni mei langi pea fakahaofi au.+
Te ne fakafaingataʻaʻiaʻi ʻa e tokotaha ʻoku fakamanga mai ke uʻu aú. (Sila)
ʻE tuku mai ʻe he ʻOtuá ʻa ʻene ʻofa mateakí mo ʻene faitōnungá.+
4 ʻOku takatakaiʻi au ʻe he fanga laione;+
Kuo pau ke u tokoto hifo ʻi he lotolotonga ʻo e kau tangata ʻoku nau loto ke keina au,
ʻA ia ko honau nifó ko e tao mo e ngahau
Pea ko honau ʻeleló ko ha heletā māsila.+
5 Ke hakeakiʻi koe ke māʻolunga ʻi he langí, ʻe ʻOtua;
ʻOfa ke hoko ho lāngilangí ʻo māʻolunga ʻi he kotoa ʻo e māmaní.+
Kuo nau keli ha luo ʻi muʻa ʻiate au,
Ka ko kinautolu pē naʻe tō aí.+ (Sila)
7 ʻOku tuʻu maʻu ʻa hoku lotó, ʻe ʻOtua,+
ʻOku tuʻu maʻu ʻa hoku lotó.
Te u hiva mo tā fasi atu.
8 ʻĀ hake, ʻa hoku lāngilangi.
ʻĀ hake, ʻa e meʻalea filó; mo koe foki, ʻe haʻape.
Te u fafangu ʻa e mafoa ʻa e atá.+
9 Te u fakahīkihikiʻi koe ʻi he lotolotonga ʻo e ngaahi kakaí, ʻe Sihova;+
Te u hiva fakahīkihiki* kiate koe ʻi he lotolotonga ʻo e ngaahi puleʻangá.+
10 He ko hoʻo ʻofa mateakí ʻoku lahi, ʻo māʻolunga hangē ko e langí,+
Pea ko hoʻo faitōnungá ʻoku aʻu hake ki he ʻataá.
11 Ke hakeakiʻi koe ke māʻolunga ʻi he langí, ʻe ʻOtua;
ʻOfa ke hoko ho lāngilangí ʻo māʻolunga ʻi he kotoa ʻo e māmaní.+
Ki he pule hivá; fakatonutonu ki he “ʻOua ʻe Fakaʻauhá.” Saame ʻa Tēvita. Mikitami.*
58 ʻE lava ke mou lea ʻo fekauʻaki mo e māʻoniʻoní lolotonga ia ʻoku mou fakalongolongó?+
ʻE lava ke mou fakamaau ʻi he anga-tonu, ʻa kimoutolu ngaahi foha ʻo e tangatá?+
2 ʻI hono kehé, ʻoku mou faʻufaʻu ʻa e taʻemāʻoniʻoní ʻi homou lotó,+
Pea ʻoku tuku ange atu ʻe homou nimá ʻa e fakamālohi ʻi he fonuá.+
3 ʻOku ʻalu hē* ʻa e kau fulikivanú talu mei honau fanauʻí;
ʻOku nau talangataʻa, ko e kau loi talu mei he taimi ʻo honau fanauʻí.*
4 Ko ʻenau leá ʻoku hangē ko e kona mei he ngata huhu koná;+
ʻOku nau tuli ʻo hangē ko e ngata ʻokú ne tāpuni ʻa hono telingá.
5 Pea ʻe ʻikai te ne fanongo ki he leʻo ʻo e kau fakalouʻakaú,
Neongo ʻa e pōtoʻi ʻa ʻenau ngaahi faimaná.
6 ʻE ʻOtua, taʻaki ange ʻa honau nifó!
Maumauʻi ʻa e kaungao ʻo e fanga laioné ni, ʻe Sihova!
7 ʻOfa ke nau puli ʻo hangē ko e vai ʻoku tafe atú.
ʻOfa ke Ne fusiʻi ʻa ʻene kaufaná pea ʻai kinautolu ke nau tō ʻi heʻene ngaahi foʻi ngahaú.
8 ʻOfa ke nau hangē ha ʻelili-vao ʻoku fakaʻaʻau ke mate* lolotonga ʻene totoló;
Hangē ha tama ʻa ha fefine ʻoku fanauʻi mai kuo mate ʻa ia ʻoku ʻikai ʻaupito te ne sio ki he laʻaá.
9 Ki muʻa ke ongoʻi ʻe hoʻomou ngaahi kulo feimeʻatokoní ʻa e vela hake ʻa e ʻakau talatalá,
Te ne tafiʻi atu fakatouʻosi ʻa e vaʻakau hauhau mo velá, hangē ko ia ʻoku hoko ʻi ha matangi mālohí.+
10 Ko e tokotaha māʻoniʻoní te ne fiefia koeʻuhí kuó ne mātā ʻa e faisāuní;+
ʻE ngaunu ʻa hono vaʻé ʻi he toto ʻo e tokotaha fulikivanú.+
11 ʻE pehē leva ʻe he kau tangatá: “Tā ʻoku ʻi ai ha totongi ki he māʻoniʻoní.+
Ko e moʻoni ʻoku ʻi ai ha ʻOtua ʻoku faifakamaau ʻi he māmaní.”+
Ki he pule hivá; fakatonutonu ki he “ʻOua ʻe Fakaʻauhá.” Saame ʻa Tēvita. Mikitami.* ʻI he fekauʻi ʻe Saula ʻa e kau tangata ke nau siofi ʻa e fale ʻo Tēvitá ke tāmateʻi ia.+
59 Fakahaofi muʻa au mei hoku ngaahi filí, ʻe hoku ʻOtua;+
Maluʻi au mei he faʻahinga ʻoku nau tuʻu mai kiate aú.+
2 Fakahaofi au mei he faʻahinga ʻoku nau fai ʻa e tōʻonga fulikivanú,
Pea fakamoʻui au mei he kau tangata fakamālohí.*
3 Vakai! ʻOku nau tatali ʻo toka malumu mai kiate au;+
ʻOku ʻohofi au ʻe he kau tangata mālohí
Ka naʻe ʻikai koeʻuhí ko haʻaku angatuʻu pe faiangahala,+ ʻe Sihova.
4 Neongo naʻe ʻikai te u fai ha hala, ʻoku nau lele mai ʻo teuteu ke ʻohofi au.
Ke ke tuʻu hake muʻa ʻi heʻeku uí ʻo vakai ki ai.
5 He ko koe, ʻe Sihova ko e ʻOtua ʻo e ngaahi kau tau, ʻa e ʻOtua ʻo ʻIsilelí.+
ʻĀ hake pea fakahanga hoʻo tokangá ki he ngaahi puleʻangá kotoa.
ʻOua naʻá ke fakahāhā ha meesi ki ha faʻahinga pē ʻoku nau lavaki fakalotokovi.+ (Sila)
6 ʻOku nau foki mai ʻi he efiafi taki taha;+
ʻOku nau ngungulu* ʻo hangē ha fanga kulií+ pea totolo takai holo ʻi he koló.+
7 Vakai ki he meʻa ʻoku mahua mai mei honau ngutú;
Ko honau loungutú ʻoku hangē ha ngaahi heletaá,+
He ʻoku nau pehē: “Ko hai ia ʻoku fanongo mai?”+
10 Ko e ʻOtua ʻokú ne fakahāhā ʻa e ʻofa mateaki kiate aú te ne hāʻele mai ʻo tokoniʻi au;+
ʻE ʻai au ʻe he ʻOtuá ke u vakai atu ki he tō ʻa hoku ngaahi filí.+
11 ʻOua naʻá ke tāmateʻi kinautolu, koeʻuhí ke ʻoua naʻa ngalo ʻi hoku kakaí.
ʻAi kinautolu ʻi ho mālohí ke nau ʻalu fano takai holo;
ʻAi ke nau tō, ʻe Sihova, ko homau pā.+
12 Koeʻuhi ko e angahala ʻa honau ngutú, ʻa e lea ʻa honau loungutú,
ʻOfa ke nau fihia ʻi heʻenau pōlepolé,+
Koeʻuhi ko e talatuki mo e kākā ʻoku nau leaʻakí.
13 Fakaʻauha kinautolu ʻi hoʻo houhaú;+
Fakaʻauha kinautolu, koeʻuhí ke ʻoua naʻa nau toe ʻi ai;
ʻAi ke nau ʻiloʻi ʻoku pule ʻa e ʻOtuá kia Sēkope pea ki he ngaahi ngataʻanga ʻo e māmaní.+ (Sila)
14 Tuku ke nau foki mai ʻi he efiafí;
Tuku ke nau ngungulu* ʻo hangē ha fanga kulií pea totolo takai holo ʻi he koló.+
15 Tuku ke nau ʻalu fano holo ʻo kumi ha meʻa ke kai;+
ʻOua naʻa tuku ke nau mākona pe maʻu hanau nofoʻanga.
16 Ka ko e meʻa kiate aú, te u hiva ʻo fekauʻaki mo ho mālohí;+
ʻI he pongipongí te u talanoa fiefia ʻo fekauʻaki mo hoʻo ʻofa mateakí;
He ko koe ʻa hoku hūfangaʻanga malú+
Pea ko ha feituʻu ke u hola ki ai ʻi he taimi ʻo ʻeku mamahí.+
17 ʻE hoku Mālohinga, te u hiva fakahīkihiki* kiate koe,+
He ko e ʻOtuá ʻa hoku hūfangaʻanga malú, ʻa e ʻOtua ʻa ia ʻokú ne fakahāhā ʻa e ʻofa mateaki kiate aú.+
Ki he pule hivá; fakatonutonu ki he “Lile ʻo e Fakamanatú.” Mikitami.* Saame ʻa Tēvita. Ke faiʻaki ʻa e faiako. ʻI heʻene tau mo ʻĒlama-nahalaimi mo ʻĒlama-Sopa, pea naʻe foki ʻa Sioape ʻo taaʻi ʻa e kau ʻĪtomi ʻe toko 12,000 ʻi he Teleʻa Māsimá.+
60 ʻE ʻOtua, naʻá ke siʻaki kimautolu; naʻá ke avangi ʻemau ngaahi laine taú.+
Naʻá ke houhau ʻiate kimautolu; ka ko eni ke ke toe tali muʻa kimautolu!
2 Naʻá ke ʻai ʻa e māmaní ke ngalulu; pea fakamavaeua ia.
Monomono muʻa ʻa hono ngaahi maumaú, he ʻoku holofa ia.
3 Naʻá ke ʻai ho kakaí ke nau faingataʻaʻia.
Naʻá ke ʻai ke mau inu uaine ʻo ʻai ai kimautolu ke mau tāsipa.+
4 ʻOatu* ha fakaʻilonga ki he faʻahinga ʻoku manavahē kiate koé
Ke nau hola pea kalofi ʻa e kaufaná. (Sila)
5 Koeʻuhi ke fakahaofi ai ʻa e faʻahinga ʻokú ke ʻofa aí,
Fakamoʻui kimautolu ʻaki ho nima toʻomataʻú pea fai mai ha tali kiate kimautolu.+
6 Kuo folofola ʻa e ʻOtuá ʻi heʻene māʻoniʻoní:*
“Te u fiefia, pea te u ʻoatu ʻa Sīkemi ko ha tofiʻa,+
7 ʻOku ʻaʻaku ʻa Kiliati, pehē foki mo Manase,+
Pea ko ʻIfalemi ʻa e tatā* ki hoku ʻulú;
Ko Siuta ʻa ʻeku tokotoko pulé.+
8 Ko Mōape ʻa ʻeku pēsoni fanofanó.+
Te u lī ʻa hoku senitoló ki ʻĪtomi.+
Te u kaila ʻi he ikuna ki Filisitia.”+
9 Ko hai te ne ʻave au ki he kolo kuo ʻākoloʻí?*
Ko hai te ne taki au ʻo aʻu ki ʻĪtomí?+
10 ʻIkai ko koe ia, ʻe ʻOtua, kuó ke siʻaki kimautolú,
ʻA homau ʻOtuá, ʻa ia ʻoku ʻikai te ke kei hāʻele atu mo ʻemau kau taú?+
11 Tokoniʻi kimautolu ʻi heʻemau faingataʻaʻiá,
He ko e fakamoʻui ʻoku fai ʻe he tangatá ko e koto muna pē.+
Ki he pule hivá; ke ngāueʻaki ʻa e ngaahi meʻalea filo. Saame ʻa Tēvita.
61 Fanongo mai, ʻe ʻOtua, ki heʻeku tangi ki ha tokoní.
Tokanga mai ki heʻeku lotú.+
2 Te u tangi atu kiate koe mei he ngaahi ngataʻanga ʻo e māmaní
Taki au ki ha funga maka ʻa ia ʻoku māʻolunga ange ʻiate aú.+
3 He ko koe ʻa hoku hūfangaʻangá,
Ko ha taua mālohi ʻokú ne maluʻi au mei he filí.+
4 Te u hoko ko ha tokotaha fakaafe ʻi ho tēnití ʻo taʻengata;+
Te u hūfanga ki he malu ʻo ho kapakaú.+ (Sila)
5 He ko koe, ʻe ʻOtua, kuó ke fanongo mai ki heʻeku ngaahi fuakavá,
Kuó ke foaki kiate au ʻa e tofiʻa ʻo e faʻahinga ʻoku manavahē ki ho huafá.+
6 Te ke fakalahi ʻa e ngaahi ʻaho ki he moʻui ʻa e* tuʻí,+
Pea ko hono ngaahi taʻú ʻe laui toʻutangata.
7 Te ne nofo taloni ʻo taʻengata ʻi he ʻao ʻo e ʻOtuá;+
Foaki* kiate ia ʻa e ʻofa mateaki mo e faitōnunga, koeʻuhí ke na leʻohi ia.+
8 Pea te u toki hiva fakahīkihiki* ki ho huafá ʻo taʻengata+
ʻI heʻeku fakahoko ʻeku ngaahi fuakavá ʻi he ʻaho ki he ʻaho.+
Ki he pule hivá; Situtuni.* Ko e hiva ʻa Tēvita.
62 Ko e moʻoni, ʻoku ou tatali fakalongolongo ki he ʻOtuá.
Ko hoku fakamoʻuí ʻoku haʻu meiate ia.+
2 Ko e moʻoni, ko ia ʻa hoku makatuʻú mo hoku fakamoʻuí, ko hoku hūfangaʻanga malu;*+
ʻE ʻikai ʻaupito ke ueʻia au ʻo u tō.+
3 Ko e hā hono fuoloa hoʻomou ʻohofi ha tangata ke fakapoongi iá?+
Ko kimoutolu kotoa ʻoku mou fakatuʻutāmaki ʻo hangē ha ʻā ʻoku tuʻu fakaheiheí, ha ʻā maka ʻoku teu ke holofá.
4 He ʻoku nau alēlea ke tuku hifo ia mei hono tuʻunga māʻolungá;*
ʻOku nau manako ki he loí.
ʻOku nau fai ha tāpuaki ʻaki honau ngutú, ka ʻi lotó ʻoku nau fai ʻa e talatuki.+ (Sila)
5 Ko e moʻoni, ʻoku ou tatali fakalongolongo ki he ʻOtuá+
Koeʻuhi ko ʻeku ʻamanakí ʻoku haʻu meiate ia.+
6 Ko e moʻoni, ko ia ʻa hoku makatuʻú mo hoku fakamoʻuí, ko hoku hūfangaʻanga malu;
ʻE ʻikai ʻaupito ke ueʻia au ʻo u tō.+
7 ʻOku fakatuʻunga ʻi he ʻOtuá ʻa hoku fakamoʻuí mo hoku lāngilangí.
Ko hoku makatuʻu mālohi, ko hoku hūfangaʻanga ʻa e ʻOtuá.+
8 ʻA kimoutolu kakai, mou falala kiate ia ʻi he taimi kotoa pē.
Huaʻi atu homou lotó ʻi hono ʻaó.+
Ko e ʻOtuá ko ha hūfangaʻanga kiate kitautolu.+ (Sila)
9 Ko e ngaahi foha ʻo e tangatá ko ha foʻi mānava pē,
Ko e ngaahi foha ʻo e tangatá ko ha ʻata pē.+
ʻI hono fokotuʻu fakataha kinautolu ʻi he meʻafuá, ʻoku nau maʻamaʻa ange ʻi ha foʻi mānava pē.+
10 ʻOua ʻe falala ki he koloa ʻoku maʻu fakamālohí
Pe tuku ha ngaahi ʻamanaki loi ʻi he meʻa kaihaʻá.
Kapau ʻoku fakautuutu ʻa hoʻomou koloá, ʻoua ʻe tuku ai homou lotó.+
11 Kuo tuʻo taha ʻa e folofola ʻa e ʻOtuá, kuo tuʻo ua ʻeku fanongo ki he meʻá ni:
Ko e mālohí ʻoku ʻa e ʻOtuá.+
12 ʻOku ʻaʻau foki mo e ʻofa mateakí, ʻe Sihova,+
He ʻokú ke totongi ki he tokotaha taki taha ʻo fakatatau ki heʻene ngaahi ngāué.+
Ko e hiva ʻa Tēvita ʻi he taimi naʻá ne ʻi he toafa ai ʻo Siutá.+
63 ʻE ʻOtua, ko koe ʻa hoku ʻOtuá, ʻoku ou hanganaki kumi kiate koe.+
ʻOku ou fakaʻamu atu kiate koe.*+
2 Ko ia kuó u hanga atu kiate koe ʻi he feituʻu toputapú;
Kuó u mātā ho mālohí mo ho lāngilangí.+
3 Koeʻuhi ko e lelei ange hoʻo ʻofa mateakí ʻi he moʻuí,+
Ko hoku loungutú tonu te ne fakalāngilangiʻi koe.+
4 Ko ia te u fakahīkihikiʻi koe ʻi he kotoa ʻo ʻeku moʻuí;
ʻI ho huafá te u hiki hake ai hoku nimá.
5 ʻOku ou mākona ʻi he ʻinasi lelei tahá mo fungani tahá,*
Ko ia ʻe hiva ʻa hoku loungutú, ʻe fakahīkihikiʻi koe ʻe hoku ngutú.+
6 ʻOku ou manatuʻi koe ʻi he lolotonga ʻeku ʻi hoku mohengá;
ʻOku ou fakalaulauloto kiate koe lolotonga ʻa e ngaahi houa leʻo ʻo e poʻulí.*+
8 ʻOku ou pīkitai kiate koe;
Ko ho nima toʻomataʻú ʻokú ne puke maʻu au.+
9 Ka ko e faʻahinga ʻoku nau feinga ke fakaʻauha ʻa ʻeku moʻuí
Te nau ʻalu hifo ki he ngaahi luo ʻo e maté.
10 ʻE tuku atu kinautolu ki he mālohi ʻo e heletaá;
Te nau hoko ko e meʻakai ʻa e fanga siakalí.*
11 Ka ʻe fiefia ʻa e tuʻí ʻi he ʻOtuá.
Ko e tokotaha kotoa pē ʻoku fuakava ʻiate Iá ʻe fiefia,*
He ko e ngutu ʻo e faʻahinga ʻoku lea loí ʻe fakasīlongoʻi.
Ki he pule hivá. Ko e hiva ʻa Tēvita.
64 Fanongo mai ki hoku leʻó, ʻe ʻOtua, ʻi heʻeku tautapa atú.+
Maluʻi ʻa ʻeku moʻuí mei he fakamanavahē ʻa e filí.
2 Maluʻi au mei he ngaahi faʻufaʻu fakafufū ʻa e kau tangata fulikivanú,+
Mei he fuʻu kakai faihalá.
3 ʻOku nau fakamata ʻa honau ʻeleló ʻo hangē ha heletaá;
ʻOku nau fakahanga mai ʻenau ngaahi lea kakahá ʻo hangē ha ngaahi foʻi ngahaú,
4 Ke fana mei honau toitoiʻangá ki he tonuhiá;
ʻOku nau fana fakafokifā kiate ia, ʻo ʻikai ha manavahē.
5 ʻOku nau piki maʻu ki heʻenau taumuʻa koví;*
ʻOku nau talanoaʻi ʻa e founga ke fufū ai ʻenau ngaahi tauhelé.
ʻOku nau pehē: “Ko hai ʻe sio ki ai?”+
6 ʻOku nau kumi ki ha ngaahi founga foʻou ʻo e faihalá;
ʻOku nau faʻufaʻu fakafufū ʻenau palani olopotó;+
Ko e fakakaukau ʻi he loto ʻo e tokotaha taki taha ʻoku ʻikai ala makupusi.
7 Ka ʻe fana kiate kinautolu ʻa e ʻOtuá;+
Te nau lavea fakafokifā ʻi ha ngahau.
8 Te nau tō pē ʻi he ngāue ʻa honau ʻeleló;+
Ko e faʻahinga kotoa ʻoku sio ki aí ʻe kalokalo honau ʻulú.
9 Pea ʻe ilifia leva ʻa e kau tangata kotoa,
Pea te nau talaki ʻa e meʻa kuo fai ʻe he ʻOtuá,
Pea te nau maʻu ha vavanga fakaefakakaukau ki heʻene ngaahi ngāué.+
10 ʻE fiefia ʻa e tokotaha māʻoniʻoní ʻia Sihova pea te ne hūfanga kiate ia;+
ʻE fiefia* ʻa e faʻahinga kotoa pē ʻoku loto-totonú.
Ki he pule hivá. Saame ʻa Tēvita. Ko ha hiva.
65 ʻE ʻOtua, ʻoku fakatatali atu ʻa e fakahīkihikí kiate koe, ʻi Saione.+
Te mau fakahoko ʻemau ngaahi fuakavá kiate koe.+
2 ʻA koe ko e Tokotaha-Fanongo ki he lotú, ʻe ʻalu atu kiate koe ʻa e ngaahi faʻahinga kakai* kotoa.+
4 Fiefia ē ko e tokotaha ʻokú ke fili peá ke ʻomi ke ofi
Ke nofo ʻi ho ongo lotoʻaá.+
5 Te ke fai mai ʻa e tali kiate kimautolu ʻaki ʻa e ngaahi ngāue fakaofo+ ʻo e māʻoniʻoní,
ʻE ʻOtua ko homau fakamoʻuí;
Ko koe ʻa e Falalaʻanga ʻo e ngaahi ngataʻanga kotoa ʻo e māmaní,+
Pea mo e faʻahinga ʻoku mamaʻo ʻi he ngaahi feituʻu ʻo e tahí.
7 ʻOkú ke* fakanonga ʻa e ʻuʻulu ʻa e ngaahi tahí,+
ʻA e haʻahaʻaki ʻa honau ngaahi peaú mo e hohaʻatuʻu ʻa e ngaahi puleʻangá.+
8 Ko e kakai ʻo e ngaahi feituʻu mamaʻó te nau manavahē ʻi hoʻo ngaahi fakaʻilongá;+
Te ke ʻai ʻa e faʻahinga mei he hopoʻanga laʻaá ki he tōʻanga laʻaá ke nau kaikaila fiefia.
Ko e vaitafe mei he ʻOtuá ʻoku fonu ʻi he vaí;
ʻOkú ke tokonaki ʻa e uite maʻanautolu,+
He ko e founga ia ʻo hoʻo teuteu ʻa e māmaní.
10 ʻOkú ke fakaviviku ʻa hono ngaahi ʻotú pea fakatokalelei ʻa hono kelekele kuo palaú;
ʻOkú ke fakamolū ia ʻaki ʻa e ʻuhá; ʻokú ke tāpuakiʻi ʻa ʻene tupú.+
11 ʻOkú ke fakateunga ʻa e taʻú ʻaki hoʻo leleí;
12 Ko e ngaahi kaikaiʻanga ʻo e toafá ʻe fonu mahuohua* ai pē,+
Pea ko e ngaahi foʻi māʻolungá ʻoku fakakofuʻaki ʻa e fiefia.+
13 Ko e ngaahi kaikaiʻangá ʻoku ʻufiʻufi ʻe he ngaahi tākangá,
ʻOku nau kaila ʻi he ikuna, ʻio, ʻoku nau hiva.+
Ki he pule hivá. Ko ha saame. Ko ha hiva.
66 Kaila ʻi he ikuna ki he ʻOtuá, ʻa e kotoa ʻo e māmaní.+
2 Hiva fakahīkihiki* ki hono huafa lāngilangiʻiá.
ʻAi hono fakahīkihikí ke lāngilangiʻia.+
3 Lea ki he ʻOtuá: “He fakaofo ē ko hoʻo ngaahi ngāué!+
Koeʻuhi ko e lahi ho iví,
ʻE momou ho ngaahi filí ʻi ho ʻaó.+
4 Ko e kotoa ʻo e māmaní te nau punou kiate koe;+
Te nau hiva fakahīkihiki kiate koe;
Te nau hiva fakahīkihiki ki ho huafá.”+ (Sila)
5 Haʻu ʻo sio ki he ngaahi ngāue ʻa e ʻOtuá.
Ko ʻene ngaahi ngāue ki he ngaahi foha ʻo e tangatá ʻoku fakaofo.+
Naʻa nau fiefia ai ʻiate ia.+
7 ʻOkú ne pule ʻo taʻengata+ ʻaki hono mālohí.
ʻOku hanganaki siofi ʻe hono fofongá ʻa e ngaahi puleʻangá.+
Ko e faʻahinga ʻoku anga-fefeká ʻoku ʻikai totonu ke nau hakeakiʻi kinautolu.+ (Sila)
8 Fakahīkihikiʻi hotau ʻOtuá, ʻe kimoutolu ngaahi kakai,+
Pea tuku ke ongona ʻa e leʻo ʻo hono fakahīkihikiʻí.
10 He kuó ke sivisiviʻi kimautolu, ʻe ʻOtua;+
Hangē ko hono sivi ʻo e silivá, kuo pehē hoʻo sivi kimautolú.
11 Naʻá ke ʻomi kimautolu ki ha kupenga tulimanu;
Naʻá ke hilifaki ha kavenga mamafa kiate kimautolu.*
12 Naʻá ke fakaʻatā ʻa e tangata ko e meʻa noa peé ke ne heka ʻi ʻolunga ʻiate kimautolu;*
Naʻa mau fou mai ʻi he afi mo e vai;
Pea naʻá ke ʻomi leva kimautolu ki ha feituʻu nonga.
13 Te u hū ki ho falé mo e ngaahi feilaulau tutu kakato;+
Te u fakahoko ʻeku ngaahi fuakava kiate koé+
14 ʻA ia naʻe talaʻofaʻaki ʻe hoku loungutú+
Pea naʻe leaʻaki ʻe hoku ngutú ʻi heʻeku mamahí.
15 Te u ʻoatu ʻa e ngaahi feilaulau tutu ʻo e fanga manu sisino kiate koe
Fakataha mo e kohu ʻo e feilaulau ʻo e fanga sipi tangatá.
Te u feilaulauʻaki ʻa e fanga pulu fakataha mo e fanga kosi tangata. (Sila)
16 Haʻu ʻo fanongo, ʻa kimoutolu kotoa ʻoku manavahē ki he ʻOtuá,
Pea te u tala atu ʻa e meʻa kuó ne fai maʻakú.+
17 Naʻá ku ui kiate ia ʻaki hoku ngutú
Pea fakalāngilangiʻi ia ʻaki hoku ʻeleló.
18 Kapau naʻá ku tukulotoa ha meʻa fakalotomamahi pē ʻi hoku lotó,
Naʻe ʻikai mei fanongo mai ʻa Sihova kiate au.+
20 Fakafetaʻi ki he ʻOtuá, ʻa ia naʻe ʻikai te ne siʻaki ʻa ʻeku lotú
Pe taʻofi ʻene ʻofa mateakí meiate au.
Ki he pule hivá; ke ngāueʻaki ʻa e ngaahi meʻalea filo. Ko ha hiva. Ko ha saame.
67 ʻE fakahaaʻi ʻe he ʻOtuá kiate kitautolu ʻa ʻene hōifuá pea tāpuakiʻi kitautolu;
Te ne ʻai ke ulo mai ʻa hono fofongá kiate kitautolu+ (Sila)
2 Koeʻuhi ke ʻiloʻi hoʻo foungá ʻi he māmaní kotoa,+
ʻA hoʻo ngaahi faifakamoʻuí ʻi he lotolotonga ʻo e ngaahi puleʻangá.+
3 Tuku ke fakahīkihikiʻi koe ʻe he ngaahi kakaí, ʻe ʻOtua;
Tuku ke fakahīkihikiʻi koe ʻe he ngaahi kakaí kotoa.
4 Tuku ke fiefia ʻa e ngaahi puleʻangá pea nau kaila ʻi he mavava,+
He te ke fai ʻa e fakamaau totonu ki he ngaahi kakaí.+
Te ke tataki ʻa e ngaahi puleʻanga ʻo e māmaní. (Sila)
5 Tuku ke fakahīkihikiʻi koe ʻe he ngaahi kakaí, ʻe ʻOtua;
Tuku ke fakahīkihikiʻi koe ʻe he ngaahi kakaí kotoa.
7 Ko e ʻOtuá te ne tāpuakiʻi kitautolu,
Pea ko e ngaahi ngataʻanga kotoa ʻo e māmaní te nau manavahē kiate ia.*+
Ki he pule hivá. Saame ʻa Tēvita. Ko ha hiva.
68 Tuku ke tuʻu hake ʻa e ʻOtuá, tuku ke movete ʻa hono ngaahi filí,
Pea tuku ke hola mei hono ʻaó ʻa e faʻahinga ʻoku fehiʻa kiate iá.+
2 ʻOfa ke ke ʻave atu kinautolu, hangē ko hono ʻave ʻe he matangí ʻa e kohú,
Hangē ko e vaia ʻa e ngakó ʻi he afí,
Ke pehē ʻa e tuku ke ʻauha ʻa e kau fulikivanú ʻi he ʻao ʻo e ʻOtuá.+
3 Kae tuku ke fiefia ʻa e māʻoniʻoní;+
ʻOfa ke nau fiefia lahi ʻi he ʻao ʻo e ʻOtuá;
ʻOfa ke nau tomeʻe ʻi he fiefia.
4 Mou hiva ki he ʻOtuá; hiva fakahīkihiki* ki hono huafá.+
Hiva ki he Tokotaha ʻoku heka atu ʻi he toafa tokaleleí.*
Ko Iā* ʻa hono huafá!+ Fiefia ʻi hono ʻaó!
5 Ko ha tamai ia ʻa e tamai-maté pea ko ha tokotaha maluʻi* ʻo e kau uitoú+
ʻA e ʻOtuá ʻi hono ʻafioʻanga māʻoniʻoní.+
6 ʻOku foaki ʻe he ʻOtuá ki he faʻahinga ʻoku tuēnoá ha ʻapi ke nau nofo ai;+
ʻOkú ne taki ʻa e kau pōpulá ki he lakalakaimonū.+
Ka ko e anga-fefeká* kuo pau ke nofo ʻi ha fonua pakukā.+
8 Naʻe ngalulu ʻa e māmaní;+
Naʻe tō* hifo mei he langí ʻa e ʻuha koeʻuhi ko e ʻOtuá;
Ko Sainai ko ení naʻe ngalulu koeʻuhi ko e ʻOtuá, ʻa e ʻOtua ʻo ʻIsilelí.+
9 Naʻá ke ʻai ke ʻuha lahi, ʻe ʻOtua;
Naʻá ke ʻai ke longomoʻui ho kakai ongosiá.*
10 Naʻa nau nofo ʻi ho ʻapitanga tēnití;+
ʻI hoʻo leleí, naʻá ke tokonaki maʻá e masivá, ʻe ʻOtua.
11 ʻOku faituʻutuʻuni ʻa Sihova;
Ko e kakai fefine ʻoku nau fanongonongo ʻa e ongoongo leleí ko ha fuʻu kau tau tokolahi.+
12 Ko e ngaahi tuʻi ʻo e kau taú ʻoku nau hola,+ ʻoku nau hola!
Ko e fefine ʻoku toe ʻi ʻapí ʻokú ne ʻinasi ʻi he koloa veté.*+
13 Neongo ko kimoutolu kau tangatá naʻa mou tākoto ʻi he veʻe afi ʻi tuʻá,*
Te mou ʻave ha foʻi lupe ʻoku kapakau siliva,
Mo fulufulu koula lelei.*
14 ʻI hono fakamovetevete ʻe he Tokotaha Māfimafi-Aoniú ʻa hono ngaahi tuʻí,+
Naʻe tō ʻa e sinoú ʻi Salimona.*
15 Ko e moʻunga ʻo Pēsaní+ ko ha moʻunga ʻo e ʻOtuá;*
Ko e moʻunga ʻo Pēsaní ko ha moʻunga ia mo hono ngaahi tumutumu.
16 Ko e hā ʻoku mou sio meheka ai, ʻa kimoutolu ngaahi tumutumu ʻo e moʻungá,
Ki he moʻunga kuo fili ʻe he* ʻOtuá ke hoko ko hono ʻafioʻangá?+
Ko e moʻoni, ʻe ʻafio ai ʻa Sihova ʻo taʻengata.+
17 Ko e ngaahi saliote tau ʻa e ʻOtuá ʻoku laui mano, ʻo laulaui mano.+
Kuo hāʻele mai ʻa Sihova mei Sainai ki he potu toputapú.+
18 Naʻá ke hāʻele hake ki ʻolunga;+
Naʻá ke ʻave ha kau pōpula;
Naʻá ke ʻave ʻa e ngaahi meʻaʻofa ko e kau tangata,+
ʻIo, naʻa mo e faʻahinga loto-fefeká,+ ke ke ʻafio ʻi honau lotolotongá, ʻe Iā ko e ʻOtuá.
19 ʻOfa ke fakahīkihikiʻi ʻa Sihova, ʻa ia ʻokú ne fua fakaʻaho ʻa ʻetau kavengá,+
ʻA e ʻOtua moʻoni ko hotau fakamoʻuí. (Sila)
20 Ko e ʻOtua moʻoní ko ha ʻOtua ia ʻo e fakamoʻui kiate kitautolu;+
Pea ko Sihova ko e ʻEiki Haú ʻokú ne tokonaki mai ʻa e haoʻanga mei he maté.+
21 ʻIo, ko e ʻOtuá te ne laiki ʻa e ʻulu ʻo hono ngaahi filí,
ʻA e tumuʻaki ʻo ha taha pē ʻoku hokohoko atu* ʻi heʻene hiá.+
22 Kuo folofola ʻa Sihova: “Te u fakafoki mai kinautolu mei Pēsani;+
Te u fakafoki mai kinautolu mei he ngaahi loloto ʻo e tahí,
23 Koeʻuhí ke ngaunu ho vaʻé ʻi he totó+
Pea ke ʻemo ʻe he ʻelelo ʻo hoʻo fanga kulií ʻa e toto ʻo e ngaahi filí.”
24 ʻOku nau sio ki hoʻo hāʻele atú, ʻe ʻOtua,
ʻA e hāʻele atu ʻa hoku ʻOtuá, ʻa hoku Tuʻí ki he potu toputapú.+
25 Ko e kau hivá ʻoku nau lue ʻi muʻa, pea hoko atu ai ʻa e kau tāmeʻa ʻoku nau tā ʻa e ngaahi meʻalea filó;+
ʻOku ʻi hona vahaʻá ʻa e kau finemui ʻoku nau tā ʻa e ngaahi nafa.+
26 ʻI he fuʻu kakai ʻoku fakatahatahá,* fakahīkihikiʻi ʻa e ʻOtuá;
Fakahīkihikiʻi ʻa Sihova, ʻa kimoutolu mei he Matavai ʻo ʻIsilelí.+
27 Ko Penisimani,+ ʻa e siʻi tahá, ʻokú ne ʻi ai ʻo fakavaivaiʻi kinautolu,
Pehē foki ki he kau houʻeiki ʻo Siutá mo ʻenau fuʻu kakai longoaʻá,
ʻA e kau houʻeiki ʻo Sepuloní, ʻa e kau houʻeiki ʻo Nafitalaí.
28 Kuo tuʻutuʻuni ho ʻOtuá te ke hoko ʻo mālohi.
Fakahaaʻi ho mālohí, ʻe ʻOtua, ʻa koe kuó ke ngāue maʻamautolú.+
30 Valokiʻi ʻa e fanga manu kaivao ʻo e ʻulu kahó,
ʻA e fakatahataha ʻo e fanga pulú+ mo honau ʻuhikí,
Kae ʻoua kuo punou ʻa e ngaahi kakai ʻoku nau ʻomi* ʻa e ngaahi konga silivá.
Ka ʻokú ne fakamovetevete ʻa e ngaahi kakai ʻoku manako ʻi he taú.
31 ʻE ʻomi ʻa e ngaahi meʻa polonise* mei ʻIsipite;+
ʻE fakavave ʻa Kusa ke foaki ʻa e ngaahi meʻaʻofa ki he ʻOtuá.
33 Ki he tokotaha ʻoku heka ʻi he ngaahi langi ʻo e kuonga muʻá.+
Vakai! ʻOkú ne mana mai ʻaki hono leʻó, ʻa hono leʻo mālohí.
34 Fakahaaʻi ʻa e mālohi ʻo e ʻOtuá.+
Ko hono ngeiá ʻoku ʻi ʻIsileli ia,
Pea ko hono mālohí ʻoku ʻi he ʻataá.*
35 Ko e ʻOtuá ʻoku fakamanavahē mei hono* feituʻu toputapu maʻongoʻongá.+
Ko ia ʻa e ʻOtua ʻo ʻIsilelí,
ʻA ia ʻokú ne foaki ʻa e mālohi mo e ivi ki he kakaí.+
Ke fakahīkihikiʻi ʻa e ʻOtuá.
Ki he pule hivá; fakatonutonu ki he “Ngaahi Lilé.” Saame ʻa Tēvita.
69 Fakahaofi muʻa au, ʻe ʻOtua, he ʻoku fakamanamana ʻa e ngaahi vaí ki heʻeku moʻuí.+
2 Kuó u ngoto hifo ʻi he pelepela lolotó, ʻa ia ʻoku ʻikai ke ʻi ai ha kelekele fefeka.+
Kuó u haʻu ki he ngaahi vai lolotó,
Pea kuo tafiʻi au ʻe he vai ʻoku tafe mālohí.+
3 ʻOku ou ongosia ʻi he ui atú;+
Kuo fā ʻa hoku leʻó.
Kuo vaivai ʻa ʻeku sió lolotonga ʻa ʻeku tatali ki hoku ʻOtuá.+
4 Ko e faʻahinga ʻoku nau fehiʻa taʻeʻuhinga+ mai kiate aú
ʻOku nau tokolahi ange ʻi hoku fulufuluʻiʻulú.
Ko e faʻahinga te nau tāmateʻi aú,
ʻA hoku ngaahi fili anga-lavakí,* kuo nau hoko ʻo tokolahi.
Naʻe fakamālohiʻi au ke ʻoange ʻa e meʻa naʻe ʻikai te u kaihaʻasi.
5 ʻE ʻOtua, ʻokú ke ʻafioʻi ʻa ʻeku valé,
Pea ʻoku ʻikai puli meiate koe ʻa ʻeku halaiá.
6 ʻOfa ke ʻoua naʻa fakamaaʻi ʻa e faʻahinga ʻoku nau ʻamanaki kiate koé koeʻuhí ko au,
ʻE ʻEiki Hau, ʻe Sihova ʻo e ngaahi kau tau.
ʻOfa ke ʻoua naʻa fakahāeaʻi ʻa e faʻahinga ʻoku nau kumi kiate koé koeʻuhí ko au,
ʻE ʻOtua ʻo ʻIsileli.
8 Kuó u hoko ko ha sola ki hoku fanga tokouá,
Ko ha muli ki he fānau ʻa ʻeku faʻeé.+
9 Ko e mamahiʻi ʻo ho falé kuó ne keina au,+
Pea ko e luma ʻa e faʻahinga ʻoku nau lumaʻi koé kuo tō mai ia kiate au.+
10 ʻI heʻeku fakavaivaiʻi au ʻaki ʻa e ʻaukaí,*
Naʻe lumaʻi ai au.
11 ʻI heʻeku tui tauangaʻá,
Naʻá ku hoko ai ko ha lumaʻanga* kiate kinautolu.
12 ʻOku talanoaʻi au ʻe he faʻahinga ʻoku nau tangutu ʻi he matapā ʻo e koló,
Pea ʻoku hivaʻaki au ʻe he kau konaá.
13 Kae ʻofa ke aʻu atu ʻeku lotú kiate koe,
ʻE Sihova, ʻi ha taimi fakahōifua.+
ʻI he lahi hoʻo ʻofa mateakí, ʻe ʻOtua,
Ke ke fai mai ha tali kiate au ʻaki hoʻo faifakamoʻui moʻoní.+
14 Fakahaofi au mei he pelepelá;
ʻOua naʻa tuku ke u ngoto hifo.
Fakahaofi au mei he faʻahinga ʻoku nau fehiʻa ʻiate aú
Pea mei he ngaahi vai lolotó.+
15 ʻOua naʻa tuku ʻa e lōmaki vai ʻoku vave ʻene tafé ke ne tafiʻi au,+
Pe tuku ke folofua au ʻe he lolotó,
16 Fai mai ha tali kiate au, ʻe Sihova, he ʻoku lelei ʻa hoʻo ʻofa mateakí.+
Fai mai muʻa ha tali vave kiate au, he ʻoku ou faingataʻaʻia.+
18 Ke ke hāʻele mai ke ofi ʻo fakahaofi au;
Huhuʻi au telia ʻa hoku ngaahi filí.
19 ʻOkú ke ʻafioʻi ʻa hoku lumaʻí mo hoku fakamāʻí pea mo hoku fakahāeaʻí.+
ʻOkú ke vakai mai ki he kotoa ʻo hoku ngaahi filí.
20 Kuo fakalaveaʻi hoku lotó ʻe he lumá, pea ko e kafó ʻoku ʻikai ala faitoʻo.*
Naʻá ku ʻamanaki ki ha kaungāongoʻi, ka naʻe halaʻatā,+
Pea ki ha kau fakafiemālie, ka naʻe ʻikai te u maʻu ha taha.+
21 Ka ko e meʻakai naʻa nau ʻomai kiate aú ko e meʻa kona,*+
Pea ʻi heʻeku fieinuá naʻa nau ʻomi kiate au ʻa e uaine mahi ke u inu.+
22 Tuku ke hoko ʻenau tēpilé ko ha tauhele puna kiate kinautolu,
Pea ko ʻenau tuʻumālié, ko ha tauhele.+
23 Tuku ke hoko honau matá ʻo fakapoʻuli ke ʻoua te nau lava ʻo sio,
Pea ʻai ke tete maʻu pē ʻa honau alangá.
24 Huaʻi kiate kinautolu ʻa hoʻo houhaú,
Pea ʻofa ke maʻu kinautolu ʻe hoʻo houhau kakahá.+
26 He ʻoku nau tuli ki he tokotaha naʻá ke tāʻí,
Pea ʻoku nau hanganaki fakalau ʻa e ngaahi mamahi ʻa e faʻahinga naʻá ke fakalaveaʻí.
27 Tuku ke hoko mai kiate kinautolu ʻa e tautea kakato ki heʻenau halaiá,
Pea ʻofa ke ʻoua naʻa nau maʻu ʻinasi ʻi hoʻo māʻoniʻoní.
28 Tuku ke tāmateʻi kinautolu mei he tohi ʻo e kau moʻuí,*+
Pea ʻofa ke ʻoua naʻa fakakau kinautolu ʻi he haʻohaʻonga ʻo e māʻoniʻoní.+
29 Ka ko aú ʻoku ou faingataʻaʻia mo mamahi.+
ʻOfa ke maluʻi au ʻe ho mālohi faifakahaofí, ʻe ʻOtua.
30 Te u hiva fakahīkihiki ki he huafa ʻo e ʻOtuá,
Pea te u fakavīkivikiʻi ia ʻaki ʻa e fakafetaʻi.
31 ʻE fakahōifuaʻi ʻe he meʻá ni ʻa Sihova ʻo laka ange ia ʻi ha pulu tangata,
ʻO laka ange ia ʻi ha kiʻi pulu tangata ʻoku meʻatui mo topuvaʻe.+
32 ʻE sio ki ai ʻa e anga-vaivaí peá ne fiefia.
Ko kimoutolu ʻoku kumi ki he ʻOtuá, ʻofa ke fakaivimālohiʻi homou lotó.
34 Tuku ke fakahīkihikiʻi ia ʻe he langí mo e māmaní,+
ʻA e tahí mo e meʻa kotoa ʻoku ngaue ʻi aí.
35 He ko e ʻOtuá te ne fakahaofi ʻa Saione+
Pea te ne toe langa ʻa e ngaahi kolo ʻo Siutá,
Pea te nau nofo ai pea maʻu ia.*
36 Ko e hako ʻo ʻene kau sevānití te nau maʻu ia,+
Pea ko e faʻahinga ʻoku ʻofa ki hono huafá+ te nau nofo ai.
Ki he pule hivá. Ko e saame ʻa Tēvita, ke hoko ko ha fakamanatu.
70 ʻE ʻOtua, fakahaofi au;
ʻE Sihova, fakavave mai muʻa ʻo tokoniʻi au.+
2 ʻOfa ke hoko ʻa e faʻahinga ʻoku nau kumi ke toʻo ʻa ʻeku moʻuí
ʻO mā mo ngalivale.
ʻOfa ke hoko ʻa e faʻahinga ʻoku nau fiefia ʻi heʻeku faingataʻaʻiá
ʻO holomui ʻi he matahoa.
3 ʻOfa ke hoko ʻa e faʻahinga ʻoku nau pehē mai: “Sai ē! Sai ē!”
ʻO holomui ʻi he mā.
4 Kae tuku ʻa e faʻahinga ʻoku nau kumi kiate koé
Ke nau hākailangitau mo fiefia ʻiate koe.+
ʻOfa ke pehē maʻu pē ʻe he faʻahinga ʻoku nau saiʻia ʻi hoʻo faifakamoʻuí:
“Fakatauange ke fakavīkivikiʻi ʻa e ʻOtuá!”
71 Ko koe, ʻe Sihova, kuó u hūfanga ki aí.
ʻOfa ke ʻoua ʻaupito naʻa fakamaaʻi au.+
2 Ke ke fakamoʻui mo fakahaofi au ʻi hoʻo māʻoniʻoní.
Fokotuʻu telinga* mai muʻa pea fakahaofi au.+
3 Ke ke hoko ko ha fuʻu maka fakakolotau kiate au
ʻA ia ʻe lava maʻu pē ke u hū ki ai.
ʻOatu ha tuʻutuʻuni ke fakahaofi au,
He ko koe ʻa hoku makatuʻu mo hoku toitoiʻangá.+
4 ʻE hoku ʻOtua, fakahaofi muʻa au mei he nima ʻo e tokotaha fulikivanú,+
Mei hono puke ʻe he tokotaha fakafeʻātungia taʻefaitotonú.
5 He ko koe ʻa hoku ʻamanakiʻangá, ʻe ʻEiki Hau Sihova;
6 Kuó u fakafalala kiate koe talu mei hoku fanauʻí;
Ko koe ia naʻá ke toʻo au mei he manava ʻo ʻeku faʻeé.+
ʻOku ou fakahīkihikiʻi maʻu ai pē koe.
7 Kuó u hoko ʻo hangē ko ha maná ki he tokolahi,
Ka ko koe ʻa hoku hūfangaʻanga mālohí.
8 ʻOku fonu ʻa hoku ngutú ʻi ho fakahīkihikí;+
ʻOku ou talanoa ʻi he ʻahó kotoa ʻo fekauʻaki mo ho ngeiá.
10 ʻOku lea fakafepaki ʻa hoku ngaahi filí kiate au,
Pea ko e faʻahinga ʻoku nau feinga ke toʻo ʻa ʻeku moʻuí ʻoku nau faʻufaʻufono fakataha,+
11 ʻO nau pehē: “Kuo liʻaki ia ʻe he ʻOtuá.
Tulimui kiate ia ʻo puke ia, he ʻoku ʻikai ha taha ke ne fakahaofi ia.”+
12 ʻE ʻOtua, ʻoua naʻá ke fakamamaʻo ai pē meiate au.
ʻE hoku ʻOtua, fakavave mai muʻa ʻo tokoniʻi au.+
13 ʻOfa ke hoko ʻa e faʻahinga ʻoku nau talitekeʻi aú
ʻO mā mo ʻauha.+
ʻOfa ke hoko ʻa e faʻahinga ʻoku feinga ke fakamamahiʻi aú
ʻO ʻufiʻufi ʻe he maá mo e matahoá.+
14 Ka ko e meʻa kiate aú, te u hokohoko tatali atu;
Te u fakalahi ho fakahīkihikiʻí.
15 ʻE fakalau ʻe hoku ngutú ʻa hoʻo māʻoniʻoní,+
ʻA hoʻo faifakamoʻuí ʻi he ʻahó kotoa,
16 Te u ʻalu ʻo talanoa fekauʻaki mo hoʻo ngaahi fuʻu ngāué,
ʻE ʻEiki Hau Sihova;
Te u lave ki hoʻo māʻoniʻoní, ʻaʻaú pē toko taha.
17 ʻE ʻOtua, kuó ke akoʻi au talu mei heʻeku talavoú,+
Pea ʻoku ou talaki ai pē ʻo aʻu mai ki he taimí ni ʻa hoʻo ngaahi ngāue fakaofó.+
18 Naʻa mo e taimi ʻo ʻeku motuʻa mo ʻulu hinaá, ʻe ʻOtua, ʻoua naʻá ke liʻaki au.+
Tuku ke u talanoa ki he toʻutangata hoko maí ʻo fekauʻaki mo ho mālohí*
Pea fekauʻaki mo ho māfimafí ki he faʻahinga kotoa ka hoko maí.+
19 Ko hoʻo māʻoniʻoní, ʻe ʻOtua, ʻoku aʻu ki he taukakapá;+
Kuó ke fai ʻa e ngaahi meʻa kāfakafa;
ʻE ʻOtua, ko hai ia ʻoku tatau mo koé?+
20 Neongo kuó ke ʻai ke u hokosia ʻa e mamahi mo e faingataʻaʻia lahi,+
Toe fakaake muʻa au;
21 ʻOfa ke ke fakalahi ʻa hoku ngeiá
Pea maluʻi mo fakafiemālieʻi au.
22 Pea te u fakahīkihikiʻi koe ʻaki ha meʻalea filo
Koeʻuhi ko hoʻo faitōnungá, ʻe hoku ʻOtua.+
Te u hiva fakahīkihikiʻi koe* ʻaki ʻa e haʻapé,
ʻA e Tokotaha Māʻoniʻoni ʻo ʻIsilelí.
23 ʻE kaila fiefia ʻa hoku loungutú ʻi heʻeku hiva fakahīkihiki kiate koé,+
24 ʻE lea* ʻa hoku ʻeleló ʻo fekauʻaki mo hoʻo māʻoniʻoní ʻi he ʻahó kotoa,+
He ko e faʻahinga ʻoku feinga ke fakaʻauha aú te nau mā mo ngalivale.+
Ko ha saame fekauʻaki mo Solomone.
72 ʻE ʻOtua, tuku ki he tuʻí ʻa hoʻo ngaahi fakamāú,
Pea fakakoloa ʻa e ʻalo ʻo e tuʻí ʻaki hoʻo māʻoniʻoní.+
2 ʻOfa ke ne taukapoʻi ho kakaí ʻaki ʻa e māʻoniʻoní,
Pea mo hoʻo faʻahinga māʻulaló ʻaki ʻa e fakamaau totonú.+
3 ʻOfa ke ʻomi ʻe he ngaahi moʻungá ʻa e melino ki he kakaí,
Pea ʻofa ke ʻomi ʻe he ngaahi foʻi māʻolungá ʻa e māʻoniʻoní.
4 Tuku ke ne taukapoʻi* ʻa e māʻulalo ʻi he haʻohaʻonga ʻo e kakaí,
Tuku ke ne fakahaofi ʻa e ngaahi foha ʻo e masivá,
Pea tuku ke ne laiki ʻa e tokotaha kākaá.+
5 Te nau manavahē kiate koe lolotonga ʻa e kei tuʻu ʻa e laʻaá
Pea lolotonga ʻa e kei ʻi ai ʻa e māhiná,
ʻI he toʻutangata ki he toʻutangata.+
6 Te ne hangē ko e ʻuha ʻoku tō ki he musie kuo tutuʻú,
Hangē ko e ʻuha ʻokú ne fakaviviku ʻa e māmaní.+
7 ʻI hono ngaahi ʻahó ʻe tupu ʻāfaʻafa* ai ʻa e māʻoniʻoní,+
Pea ko e melinó ʻe hulu fau+ kae ʻoua kuo ʻikai ke toe ʻi ai ʻa e māhiná.
8 ʻE ʻi ai ʻa e faʻahinga te ne pule ki ai mei he tahi ki he tahi
10 Ko e ngaahi tuʻi ʻo Tāsisí pea mo e ngaahi motú te nau totongi tukuhau.+
Ko e ngaahi tuʻi ʻo Sipa mo Sapá te nau foaki meʻaʻofa.+
11 Ko e ngaahi tuʻí kotoa te nau punou ʻi hono ʻaó,
Pea ko e ngaahi puleʻangá kotoa te nau tauhi kiate ia.
12 He te ne fakahaofi ʻa e masiva ʻoku tangi ki ha tokoní,
Pehē foki ki he tokotaha māʻulaló mo ha taha pē ʻoku ʻikai hano tokoní.
13 Te ne fakaʻofaʻia ʻi he māʻulaló mo e masivá,
Pea ko e moʻui ʻa e kau masivá te ne fakahaofi.
14 Te ne fakahaofi* kinautolu mei he fakafeʻātungiá pea mei he fakamālohí,
Pea ko honau totó ʻe mahuʻinga ia ʻi heʻene vakaí.
15 ʻOfa ke ne moʻui pea ke foaki kiate ia ʻa e koula ʻo Sipá.+
ʻOfa ke fai maʻu ai pē ha ngaahi lotu maʻana,
Pea ʻofa ke faitāpuekina ia ʻi he ʻahó kotoa.
Ko e fua ʻo ʻene ngoué ʻe lahi ʻaupito hangē ko ia ʻi Lepanoní,+
Pea ʻi he ngaahi koló ʻe hoko ʻo tokolahi ai ʻa e kakaí ʻo hangē ko e musie ʻo e māmaní.+
17 ʻOfa ke tuʻuloa ʻa hono huafá ʻo taʻengata,+
Pea ʻofa ke lakalakaimonū ia lolotonga ʻa e kei tuʻu ʻa e laʻaá.
ʻOfa ke maʻu ʻe he kakaí ha tāpuaki fakafou ʻiate ia;+
ʻOfa ke talaki ʻe he ngaahi puleʻangá ʻa ʻene fiefiá.
18 ʻOfa ke fakahīkihikiʻi ʻa Sihova ko e ʻOtuá, ʻa e ʻOtua ʻo ʻIsilelí,+
Ko ia toko taha pē ʻokú ne fai ʻa e ngaahi meʻa fakaofó.+
19 ʻOfa ke fakahīkihikiʻi ʻa hono huafa lāngilangiʻiá ʻo taʻengata,+
Pea ʻofa ke fakafonu ʻe hono lāngilangí ʻa e māmaní kotoa.+
ʻĒmeni pea ʻĒmeni.
20 Ko e kakato eni ʻo e ngaahi lotu ʻa Tēvita, ko e foha ʻo Sesé.+
TOHI HONO TOLU
(Saame 73-89)
Ko e hiva ʻa ʻĒsafe.+
73 ʻOku lelei moʻoni ʻa e ʻOtuá ki ʻIsileli, ki he faʻahinga ʻoku loto-maʻá.+
2 Ka ko e meʻa kiate aú, naʻe meimei hē ʻa hoku vaʻé;
Naʻe meimei hekea ʻa ʻeku ngaahi laká.+
3 He naʻá ku hoko ʻo meheka ki he kau pōlepolé*
ʻI he taimi naʻá ku sio ai ki he lakalakaimonū ʻa e kau fulikivanú.+
5 ʻOku ʻikai te nau faingataʻaʻia ʻo hangē ko e faʻahinga kehe ʻo e tangatá,+
Pea ʻoku ʻikai te nau mamahi ʻo hangē ko e kau tangata kehé.+
6 Ko ia ai, ko e hīkisiá ʻa honau kahoá;+
ʻOku fakatui ʻiate kinautolu ʻa e fakamālohí ʻo hangē ha kofú.
7 Ko ʻenau lakalakaimonuú* ʻokú ne ʻai ke nau mata sino;
Ko e meʻa kuo nau maʻú naʻe lahi ange ia ʻi he meʻa naʻa nau fakakaukauloto atu ki aí.
8 ʻOku nau manuki mo leaʻaki ʻa e ngaahi meʻa ʻoku kovi.+
ʻOku nau fakamanamana ʻi he pōlepole ke fai ha fakafeʻātungia.+
9 ʻOku nau lea ʻo hangē ia kuo nau māʻolunga tatau mo e langí,
Pea ʻoku nau ʻalu takai ʻi he māmaní mo lea pōlepole ʻaki honau ʻeleló.
10 Ko ia ʻoku tafoki ʻa hono kakaí kiate kinautolu,
Pea nau inu mei he lahi ʻo ʻenau vaí.
11 ʻOku nau pehē: “ʻOku anga-fēfē hono ʻiloʻi ʻe he ʻOtuá?+
ʻOku ʻi ai moʻoni koā ha ʻilo ʻi he Fungani Māʻolungá?”
12 ʻIo, ko e kau fulikivanu eni, ʻoku nau fakafiefiemālie maʻu pē.+
ʻOku nau hanganaki fakalahi ʻa ʻenau koloá.+
13 Ko e moʻoni ko e koto kulanoa ʻa ʻeku tauhi ke maʻa ʻa hoku lotó
Mo e fanofano ʻa hoku nimá ʻi he taʻehalaiá.+
16 ʻI heʻeku feinga ke mahinoʻi iá,
Naʻá ne fakahohaʻasi au
17 Kae ʻoua kuó u toki hū ki he feituʻu toputapu maʻongoʻonga ʻo e ʻOtuá
Pea naʻá ku ʻiloʻi ai ʻa honau kahaʻú.
18 Ko e moʻoni ʻokú ke fokotuʻu kinautolu ʻi ha kelekele hekeheke.+
ʻOkú ke ʻai ke nau tō ʻo ʻauha.+
19 He fakaʻohovale moʻoni ē ko ʻenau ʻauhá!+
He fakafokifā moʻoni ē ko honau ngataʻangá ʻi heʻenau hoko ki ha ikuʻanga fakalilifú!
20 ʻI he hangē ko ha misi ʻa ia ʻoku ngalo ʻi heʻete ʻā haké, ʻe Sihova,
ʻI hoʻo ʻā haké, te ke toʻo mei hoʻo fakakaukaú* ʻa honau ʻīmisí.
22 Naʻá ku taʻefakakaukau pea naʻe ʻikai te u maʻu ha mahino;
Naʻá ku hangē ko ha manu taʻeʻatamai ʻi ho ʻaó.
25 Ko hai ia ha toe taha ʻoku ou maʻu ʻi he langí?
Pea tuku kehe koe ʻoku ʻikai te u holi ki ha meʻa ʻe taha ʻi he māmaní.+
26 Ko hoku sinó mo hoku lotó ʻe lava nai ke vaivai,
Ka ko e ʻOtuá ʻa e makatuʻu ʻi hoku lotó pea ko hoku ʻinasí ia ʻo taʻengata.+
27 Ko e moʻoni, ko e faʻahinga ʻoku hanganaki fakamamaʻo meiate koé te nau ʻauha.
Te ke fakangata* ʻa e tokotaha kotoa ʻokú ne liʻaki koe+ ʻi he ʻulungaanga taʻetāú.*
28 Ka ko e meʻa kiate aú, ko e fakaofiofi ki he ʻOtuá ʻoku lelei ia kiate au.+
Kuó u ʻai ʻa e ʻEiki Hau ko Sihová ko hoku hūfangaʻanga,
Ke u talaki ai ʻa hoʻo ngaahi ngāué kotoa.+
74 ʻE ʻOtua, ko e hā kuó ke siʻaki ai kimautolu ʻo taʻengatá?+
Ko e hā ʻoku kakaha* ai hoʻo houhaú ki he tākanga ʻi hoʻo kaikaiʻangá?+
2 Manatu ki he kakai* naʻá ke maʻu ʻi he kuonga muʻá,+
ʻA e matakali naʻá ke huhuʻi ke hoko ko ho tofiʻá.+
Manatu ki Moʻunga Saione, ʻa ē kuó ke ʻafio aí.+
3 Fakahanga hoʻo laká ki he ngaahi feituʻu kuo maumau tuʻuloá.+
Kuo fakaʻauha ʻe he filí ʻa e meʻa kotoa ʻi he potu toputapú.+
4 Naʻe kaikaila ho ngaahi filí ʻi loto ʻi ho feituʻu faiʻanga fakatahá.*+
Kuo nau fokotuʻu ʻenau ngaahi fakaʻilonga ke hoko ko e ngaahi fakaʻilonga ʻi ai.
5 Naʻa nau hangē ko e kau tangata ʻoku nau ngāueʻaki ʻenau tokí ki ha fuʻu vaotā fihí.
6 Naʻa nau haveki ʻa hono ngaahi tā-tongitongí kotoa+ ʻaki ʻa e ngaahi toki mo e ngaahi meʻangāue ukamea.
7 Naʻa nau tutu ho feituʻu toputapú.+
Naʻa nau ʻuliʻi ʻa e tāpanekale ʻoku uiʻaki ho huafá, pea laku ia ki he kelekelé.
8 Ko kinautolu mo ʻenau fānaú kuo nau pehē ʻi honau lotó:
“Ko e ngaahi feituʻu faiʻanga fakataha kotoa ʻa e ʻOtuá* ʻi he fonuá kuo pau ke tutu ia.”
9 ʻOku ʻikai ha ngaahi fakaʻilonga ke tau sio ki ai;
ʻOku ʻikai ke kei ʻi ai ha palōfita,
Pea ʻoku ʻikai ha taha ʻi hotau haʻohaʻongá te ne ʻilo pe ko e hā hono fuoloa ʻo e hokohoko atu ʻa e meʻá ni.
10 ʻE ʻOtua, ko e hā hono fuoloa ʻo e hanganaki luma ʻa e filí?+
ʻE taʻefakaʻapaʻapa ʻa e filí ki ho huafá ʻo taʻengata?+
11 Ko e hā ʻokú ke taʻofi ai ho nimá, ʻa ho nima toʻomataʻú?+
Toʻo ia mei ho fatafatá* pea fakangata kinautolu.
12 Ka ko e ʻOtuá ʻa hoku Tuʻí talu mei he kuonga muʻá,
ʻA e tokotaha ʻoku faifakamoʻui ʻi he māmaní.+
13 Naʻá ke ueʻi ʻa e tahí ʻaki ho mālohí;+
Naʻá ke haveki ʻa e ʻulu ʻo e fanga fuʻu manu ʻo e tahí ʻi he ngaahi vaí.
14 Naʻá ke laiki ʻa e ʻulu ʻo Levaiataní;*
Naʻá ke foaki ia ko e meʻakai ki he kakaí, ki he faʻahinga ʻoku nau nofoʻi ʻa e ngaahi toafá.
15 Naʻá ke foa ʻa e ngaahi matavaí mo e ngaahi vaitafé;+
Naʻá ke fakamātuʻu ʻa e ngaahi vaitafe ʻoku tafetafe maʻu peé.+
16 ʻOku ʻaʻau ʻa e ʻahó, pea pehē foki ki he poó.
Naʻá ke ngaohi ʻa e māmá* pea mo e laʻaá.+
17 Naʻá ke fokotuʻu ʻa e ngatangataʻanga kotoa ʻo e māmaní;+
Naʻá ke ngaohi ʻa e faʻahitaʻu māfaná mo e faʻahitaʻu momokó.+
18 Manatu ki he luma ʻa e filí, ʻe Sihova,
ʻA e tōʻongafai taʻefakaʻapaʻapa ʻa ha kakai vale ki ho huafá.+
19 ʻOua naʻá ke tuku ʻa e moʻui ʻa hoʻo foʻi kulukulú ki he fanga manu kaivaó.
ʻOua naʻá ke fakangaloʻi ʻa e moʻui ʻa ho kakai faingataʻaʻiá ʻo taʻengata.
20 Manatu ki he fuakavá,
He ko e ngaahi potu fakapoʻuli ʻo e māmaní kuo fonu ʻi he ngaahi nofoʻanga ʻo e fakamālohí.
21 ʻOfa ke ʻoua naʻa sītuʻa ʻa e tokotaha kuo laikí ʻoku siva ʻene ʻamanakí;+
ʻOfa ke fakahīkihikiʻi ʻe he māʻulaló mo e masivá ʻa ho huafá.+
22 Ke ke tuʻu hake ʻe ʻOtua, ʻo taukapoʻi koe.
Manatu ki hono lumaʻi koe ʻi he ʻahó kotoa ʻe he valé.+
23 ʻOua naʻa ngalo ʻa e meʻa ʻoku leaʻaki ʻe ho ngaahi filí.
Ko e uatau ʻa e faʻahinga ʻoku fakafetau kiate koé ʻoku ongo hake maʻu pē.
Ki he pule hivá. Fakatonutonu ki he “ʻOua ʻe Fakaʻauhá.” Saame ʻa ʻĒsafe.+ Ko ha hiva.
75 ʻOku mau ʻoatu ʻa e fakamālō kiate koe, ʻe ʻOtua, ʻoku mau ʻoatu ʻa e fakamālō kiate koe;
Ko ho huafá ʻoku ofi mai,+
Pea ʻoku talaki ʻe he kakaí hoʻo ngaahi ngāue fakaofó.
2 ʻOkú ke folofola: “ʻI heʻeku fokotuʻu ha taimí,
ʻOku ou fakamaau ʻi he totonu.
3 ʻI he movete ʻa e māmaní mo e kotoa ʻo hono kau nofo aí,
Ko au ia naʻá ku ʻai ke tuʻu maʻu ʻa hono ngaahi poú.” (Sila)
4 ʻOku ou lea ki he kau hīkisiá, “ʻOua ʻe hīkisia,”
Pea ki he kau fulikivanú, “ʻOua ʻe hakeakiʻi homou mālohí.*
6 He ʻoku ʻikai ke haʻu ʻa e hakeakiʻí
Mei he hahaké pe ko e hihifó pe ko e tongá.
7 He ko e ʻOtuá ʻa e Fakamāú.+
ʻOkú ne tuku hifo ha tangata ʻe taha, pea hakeakiʻi ha tangata ʻe taha.+
8 He ʻoku ʻi he nima ʻo Sihová ha ipu;+
Ko e uaine ʻoku koa pea ʻoku ʻosi huʻi kakato.
Ko e moʻoni te ne lilingi ia,
Pea ko e kau fulikivanu kotoa ʻi he māmaní te nau inu ia, ʻo aʻu ki he takelé.”+
9 Ka ko e meʻa kiate aú, te u fanongonongo ia ʻo taʻengata;
Te u hiva fakahīkihiki* ki he ʻOtua ʻo Sēkopé.
10 He ʻokú ne folofola: “Te u tuʻusi ʻa e mālohi* kotoa ʻo e kau fulikivanú,
Ka ko e mālohi* ʻo e māʻoniʻoní ʻe hakeakiʻi.”
Ki he pule hivá; ke ngāueʻaki ʻa e ngaahi meʻalea filo. Saame ʻa ʻĒsafe.+ Ko ha hiva.
3 Naʻá ne fesiʻi ai ʻa e ngaahi ngahau vela ʻo e kaufaná,
ʻA e paá mo e heletaá pea mo e ngaahi meʻatau ki he taú.+ (Sila)
5 Ko e kau loto-toʻá kuo faʻao fakamālohi ʻenau koloá.+
Kuo nau māʻumohe;
Ko e kau tangata taú kotoa naʻe ʻikai hanau tokoni.+
6 ʻI hoʻo valokí, ʻe ʻOtua ʻo Sēkope,
Kuo māʻumohe fakatouʻosi ai ʻa e tokotaha angi salioté pea mo e hōsí.+
7 Ko koe toko taha pē ʻa e manavahēʻiá.+
Ko hai ʻe lava ke ne matuʻuaki ʻa e lahi ʻo hoʻo houhaú?+
8 Naʻá ke fakahaaʻi ʻa e fakamaau mei langi;+
Naʻe ilifia ʻa e māmaní pea naʻe sīlongo+
9 ʻI he mālanga hake ʻa e ʻOtuá ke fakahoko ʻene fakamāú,
Ke fakahaofi ʻa e anga-vaivai kotoa ʻo e māmaní.+ (Sila)
10 He ko e ʻita ʻa e tangatá ʻe hoko ai ʻo fakahīkihikiʻi koe;+
Ko e toenga ʻo ʻenau ʻitá te ke fakateungaʻaki koe.
11 Fai haʻo ngaahi fuakava kia Sihova ko ho ʻOtuá pea fakahoko ia,+
Tuku ke ʻomi ʻe he faʻahinga kotoa ʻoku takatakai ʻiate iá ʻa ʻenau meʻaʻofá ʻi he manavahē.+
12 Te ne fakavaivaiʻi ʻa e pōlepole ʻa e* kau takí;
ʻOkú ne langaʻi ʻa e manavahē ʻi he ngaahi tuʻi ʻo e māmaní.
Ki he pule hivá; fekauʻaki mo e Situtuní.* Saame ʻa ʻĒsafe.+ Ko ha hiva.
77 Te u tangi ki he ʻOtuá ʻaki hoku leʻó;
Te u tangi ki he ʻOtuá, pea te ne fanongo mai kiate au.+
2 ʻI he ʻaho ʻo ʻeku mamahí ʻoku ou kumi kia Sihova.+
ʻI he poó ʻoku hiki hake ʻa hoku nimá kiate ia ʻo ʻikai tuku.*
ʻOku ʻikai lava ke fakafiemālieʻi au.
3 ʻI heʻeku manatu ki he ʻOtuá, ʻoku ou toʻe;+
4 ʻOku ʻikai te ke tuku ke kuikui ʻa hoku matá;
ʻOku ou hohaʻatuʻu pea ʻikai ke u lava ʻo lea.
5 ʻOku foki ʻeku fakakaukaú ki he ngaahi ʻaho ʻo e kuonga muʻá,+
ʻA e ngaahi taʻu ʻo e kuohili mamaʻo atú.
6 ʻI he lolotonga ʻa e poó ʻoku ou manatu ki heʻeku foʻi hivá;*+
ʻOku ou fakalaulauloto;+
ʻOku ou fai* ha fekumi tōtōivi.
7 ʻE liʻaki koā ʻe Sihova kitautolu ʻo taʻengata?+
ʻE ʻikai ʻaupito koā ke ne toe fakahaaʻi mai ʻa ʻene hōifuá?+
8 Kuo ngata koā ʻa ʻene ʻofa mateakí ʻo taʻengata?
ʻE taʻeʻaonga koā ʻa ʻene talaʻofa ki he kotoa ʻo e ngaahi toʻutangatá?
9 Kuo ngalo koā ʻi he ʻOtuá ke fakahaaʻi ʻa ʻene hōifuá,+
Pe kuo ʻai koā ʻe heʻene houhaú ke ngata ʻa ʻene mēsí? (Sila)
10 Kuo pau koā ke u hanganaki pehē: “Ko e meʻa eni ʻokú ne fakalotomamahiʻi* aú:+
Kuo liliu koā ʻe he Fungani Māʻolungá ʻa ʻene tuʻungá* kiate kitautolu”?
11 Te u manatu ki he ngaahi ngāue ʻa Iaá;
Te u manatu ki hoʻo ngaahi ngāue fakaofo ʻi he kuonga muʻá.
13 ʻE ʻOtua, ko hoʻo ngaahi foungá ʻoku māʻoniʻoni.
Ko hai ha ʻotua ʻe lahi ʻo hangē ko koé, ʻe ʻOtua?+
14 Ko koe ʻa e ʻOtua moʻoní, ʻa ia ʻokú ke fai ʻa e ngaahi meʻa fakaofó.+
Kuó ke fakaeʻa ho mālohí ki he ngaahi kakaí.+
16 Naʻe sio atu ʻa e ngaahi vaí kiate koe, ʻe ʻOtua;
Naʻe sio atu ʻa e ngaahi vaí pea nau hohaʻa.+
Pea naʻe hoko ʻa e ngaahi vai lolotó ʻo houtuʻu.
17 Naʻe tuku hifo ʻe he ngaahi ʻaó ʻa e vai.
Naʻe mana ʻa e langi ʻaoʻaofiá,
Pea naʻe puna ʻa hoʻo ngaahi ngahaú ki hē mo ē.+
18 Ko e leʻo ʻo hoʻo maná+ naʻe hangē ha ngaahi vaʻe ʻo ha salioté;
Ko e tapa ʻa e ʻuhilá naʻá ne fakamaama ʻa e māmani* kuo nofoʻí;+
Naʻe tete mo ngalulu ʻa e māmaní.+
19 Ko ho halá naʻe fou atu ʻi he tahí,+
Ko ho ʻalungá naʻe fou atu ʻi he ngaahi vai lahi;
Ka ko ho topuvaʻé naʻe ʻikai lava ke fakatotoloa.
78 ʻE hoku kakai, mou fanongo mai ki heʻeku laó;*
Fokotuʻu telinga mai ki he ngaahi lea ʻa hoku ngutú.
2 Te u fakaava ʻa hoku ngutú ʻo leaʻaki ha palōveepi.
Te u ʻoatu ʻa e ngaahi tupuʻa ʻo e kuonga muʻá.+
3 ʻA e ngaahi meʻa kuo tau fanongo ai mo ʻiloʻí,
ʻA ia kuo fakamatalaʻi mai ʻe heʻetau ngaahi tamaí kiate kitautolú,+
4 ʻE ʻikai te tau fufū ia mei hotau ngaahi fohá;
Te tau fakamatalaʻi ia ki he toʻutangata ka hoko maí+
ʻA e ngaahi ngāue ʻa Sihova ʻoku taau ke fakahīkihikiʻí mo hono mālohí,+
ʻA e ngaahi meʻa fakaofo kuó ne faí.+
5 Naʻá ne fokotuʻu ha fakamanatu ʻia Sēkope
Pea fokotuʻu ha lao ʻi ʻIsileli;
Naʻá ne fekauʻi ʻa ʻetau fanga kuí
Ke nau ʻai ʻa e ngaahi meʻá ni ke ʻilo ʻe heʻenau fānaú,+
6 Koeʻuhí ko e toʻutangata hono hokó,
ʻA e fānau ʻe toki fanauʻí, ke nau ʻiloʻi ia.+
Ko kinautolu leva te nau fakamatalaʻi ia ki heʻenau fānaú.+
7 ʻE falala leva ʻa e faʻahingá ni ki he ʻOtuá.
8 ʻE ʻikai leva ai ke nau hangē ko ʻenau fanga kuí,
Ko ha toʻutangata loto-fefeka mo angatuʻu,+
Ko ha toʻutangata naʻe ʻikai tuʻu maʻu* ʻa honau lotó+
Pea naʻe ʻikai faitōnunga ʻa honau laumālié ki he ʻOtuá.
9 Ko e kau ʻIfalemí naʻa nau toʻo kaufana,
Ka naʻa nau holomui ʻi he ʻaho ʻo e taú.
11 Naʻe ngalo foki ʻiate kinautolu ʻa e meʻa naʻá ne faí,+
ʻA e ngaahi ngāue fakaofo naʻá ne fakahāhā kiate kinautolú.+
12 Naʻá ne fai ʻa e ngaahi meʻa fakaofo ʻo mamata ki ai ʻa ʻenau fanga kuí,+
ʻI he fonua ko ʻIsipité, ʻa e vahefonua ko Soaní.+
13 Naʻá ne fakamavaeua ʻa e tahí ke nau fou atu ai,
Pea naʻá ne ʻai ʻa e ngaahi vaí ke tuʻu ʻo hangē ha holisi taʻofiʻanga vaí.*+
14 Naʻá ne taki kinautolu ʻaki ha ʻao ʻi he ʻahó
Pea ʻaki ʻa e maama ʻo ha afi ʻi he poó kotoa.+
15 Naʻá ne foa ʻa e ngaahi maka ʻi he toafá,
Naʻá ne tuku ke nau inu ʻo fiu ʻo hangē ko haʻanau inu mei ha ngaahi vai lolotó.+
16 Naʻá ne ʻai ʻa e vaí ke tafe mai mei he makatuʻú
Pea ʻai ʻa e ngaahi vaí ke tafe hifo ʻo hangē ha ngaahi vaitafé.+
17 Ka naʻe hokohoko atu ʻenau faiangahala kiate iá
ʻAki ʻenau angatuʻu ki he Fungani Māʻolungá ʻi he toafá;+
18 Naʻa nau poleʻi* ʻa e ʻOtuá ʻi honau lotó+
ʻAki hono kounaʻi ʻa e meʻakai naʻa nau hoholi ki aí.
19 Ko ia naʻa nau lea fakafepaki ki he ʻOtuá,
ʻO pehē: “ʻE lava koā ke fokotuʻu ʻe he ʻOtuá ha tēpile ʻi he toafá?”+
20 Vakai! Naʻá ne taaʻi ha maka
Ko ia naʻe tafe mai ai ʻa e vaí pea naʻe tāfea ʻa e ngaahi vaitafé.+
“ʻE lava koā ke ne toe ʻomai ha mā maʻatautolu,
Pe ʻe lava koā ke ne ʻomi ha kakanoʻi-manu maʻa hono kakaí?”+
21 ʻI he fanongo ʻa Sihova kiate kinautolú, naʻá ne hoko ai ʻo houhau lahi;+
Naʻe ʻalu hifo ha afi+ kia Sēkope,
Pea naʻe kakaha ʻa ʻene houhaú ki ʻIsileli+
22 Koeʻuhí naʻe ʻikai te nau tui ki he ʻOtuá;+
Naʻe ʻikai te nau falala ki heʻene malava ke fakahaofi kinautolú.
23 Ko ia naʻá ne faituʻutuʻuni ki he ngaahi langi ʻaoʻaofia ʻi ʻolungá,
Pea naʻá ne fakaava ʻa e ngaahi matapā ʻo e langí.
24 Naʻá ne hanganaki fakaʻuha hifo ʻa e mana maʻanautolu ke nau kai;
Naʻá ne ʻoange kiate kinautolu ʻa e uite ʻo e langí.+
25 Naʻe kai ʻe he kau tangatá ʻa e mā ʻa e faʻahinga mālohí;*+
Naʻá ne tokonaki mai ʻa e meʻa feʻunga ke nau mākona ai.+
26 Naʻá ne ueʻi ʻa e matangi hahaké ʻi he langí
Peá ne ʻai ke angi ʻa e matangi tongá ʻaki hono māfimafí.+
27 Pea naʻá ne fakaʻuha hifo kiate kinautolu ʻa e kakanoʻi-manu ʻo hangē ko e efú,
ʻA e fanga manupuná ʻo hangē ko e ʻoneʻone ʻo e matātahí.
28 Naʻá ne ʻai ke nau tō hifo ʻi he lotolotonga ʻo hono ʻapitangá,
ʻO takatakai ʻi hono ngaahi tēnití.
29 Pea naʻa nau kai ʻo fatufāʻia;
Naʻá ne ʻoange kiate kinautolu ʻa e meʻa naʻa nau holi ki aí.+
30 Ka ki muʻa ke nau fakatōliʻa kakato ʻa ʻenau holí,
Lolotonga naʻe kei ʻi honau ngutú ʻa e meʻakaí,
31 Naʻe kakaha ʻa e houhau ʻa e ʻOtuá kiate kinautolu.+
Naʻá ne tāmateʻi ʻa ʻenau kau tangata mālohi tahá;+
Naʻá ne tuku hifo ʻa e kau talavou ʻo ʻIsilelí.
32 Neongo ʻa e meʻá ni naʻa nau faiangahala ʻo toe lahi ange+
Pea naʻe ʻikai te nau tui ki heʻene ngaahi ngāue fakaofó.+
33 Ko ia naʻá ne fakangata ʻa honau ngaahi ʻahó ʻo hangē ko ha foʻi mānava peé,+
Mo honau ngaahi taʻú ʻaki ʻa e ngaahi meʻa fakalilifu fakafokifā.
34 Ka ʻi heʻene tāmateʻi ha niʻihi ʻo kinautolú, naʻa nau kumi leva kiate ia;+
Naʻa nau toe foki ʻo kumi ki he ʻOtuá,
35 ʻI heʻenau manatu ko e ʻOtuá ʻa honau Makatuʻú+
36 Ka naʻa nau feinga ke kākaaʻi ia ʻaki honau ngutú
Pea loi kiate ia ʻaki honau ʻeleló.
37 Naʻe ʻikai ke tuʻu maʻu ʻa honau lotó ʻiate ia;+
Pea naʻe ʻikai te nau faitōnunga ki heʻene fuakavá.+
Naʻá ne faʻa taʻotaʻofi ʻa ʻene houhaú+
ʻO ʻikai ke ne langaʻi hake ʻa e kotoa ʻo ʻene houhaú.
39 He naʻá ne manatuʻi ko e kakano pē kinautolu,+
Ko ha matangi ʻoku fakalaka hake pea ʻikai ke toe foki mai.*
40 He tuʻo lahi ē ko ʻenau angatuʻu kiate ia ʻi he potu lalá+
Pea ʻai ia ke ne ongoʻi mamahi ʻi he toafá!+
41 Naʻa nau toutou ʻahiʻahiʻi ʻa e ʻOtuá,+
Pea naʻa nau fakalotomamahiʻi ʻa e Tokotaha Māʻoniʻoni ʻo ʻIsilelí.
42 Naʻe ʻikai te nau manatu ki hono iví,*
ʻA e ʻaho naʻá ne fakahaofi* ai kinautolu mei he filí,+
43 ʻA e anga ʻo ʻene fakahāhā ʻa ʻene ngaahi fakaʻilongá ʻi ʻIsipité+
Mo ʻene ngaahi mana ʻi he vahefonua ko Soaní,
44 Mo e anga ʻo ʻene liliu ko e toto ʻa e ngaahi mangaʻivai ʻo e Vaitafe Nailá+
Ko ia naʻe ʻikai lava ai ke nau inu mei honau ngaahi vaitafé.
45 Naʻá ne tuku atu ha ngaahi fuʻu pupunga lango ke nau fakamamahiʻi kinautolu+
Mo e fanga poto ke fakaʻauha honau fonuá.+
46 Naʻá ne tuku atu ʻa ʻenau ngaahi ngoué ki he fanga heʻe maumau,
ʻA e fua ʻo ʻenau ngāue mālohí ki he ngaahi pupunga heʻe.+
47 Naʻá ne fakaʻauha ʻa ʻenau ʻulu kālepí ʻaki ʻa e ʻuha-ʻaisi+
Mo ʻenau ʻulu sukaminó ʻaki ʻa e ngaahi ʻuha-ʻaisi.
48 Naʻá ne tuku atu ʻenau fanga monumanu ngāué ki he ʻuha-ʻaisí+
Mo ʻenau fanga manú ki he tapa ʻa e ʻuhilá.*
49 Naʻá ne taaʻi kinautolu ʻaki ʻene houhau kakahá,
ʻA e houhau lahí mo e tuputāmakí mo e faingataʻaʻiá,
Naʻá ne fekauʻi mai ʻa e kau ʻāngelo ke nau ʻomi ʻa e mala.
50 Naʻá ne fakaʻataʻatā ha hala ki heʻene houhaú.
Naʻe ʻikai te ne fakahaofi kinautolu mei he maté;
Pea naʻá ne tuku atu kinautolu* ki he mahaki fakaʻauhá.
51 Fakaʻosí naʻá ne taaʻi ʻa e ʻuluaki foha kotoa pē ʻi ʻIsipité,+
ʻA e kamataʻanga ʻo honau ivi fakafanaú ʻi he ngaahi tēniti ʻo Hamí.
52 Pea naʻá ne ʻomi leva ʻa hono kakaí hangē ha tākangá+
Pea tataki kinautolu hangē ha fuʻu tākanga ʻi he toafá.
53 Naʻá ne tataki kinautolu ʻi he malu,
Pea naʻe ʻikai te nau ongoʻi manavahē;+
Naʻe lōmekina ʻe he tahí ʻa honau ngaahi filí.+
54 Pea naʻá ne ʻave kinautolu ki hono feituʻu toputapú,+
ʻA e feituʻu moʻungaʻia ko eni naʻe maʻu ʻe hono nima toʻomataʻú.+
55 Naʻá ne kapusi ʻa e ngaahi puleʻangá mei honau ʻaó;+
Naʻá ne vaheʻi kiate kinautolu ha tofiʻa ʻaki ʻa e afo fua;+
Naʻá ne fakanofonofo ʻa e ngaahi matakali ʻo ʻIsilelí ʻi honau ngaahi ʻapí.+
56 Ka naʻa nau hanganaki poleʻi* ʻa e ʻOtua Fungani Māʻolungá, pea angatuʻu kiate ia;+
Naʻe ʻikai te nau tokanga ki heʻene ngaahi fakamanatú.+
57 Naʻa nau toe tafoki pea naʻa nau kākā ʻo hangē ko ʻenau fanga kuí.+
Naʻa nau taʻefalalaʻanga ʻo hangē ko ha kaufana naʻe ngalokú.+
58 Naʻa nau hanganaki fakahouhauʻi ia ʻaki ʻenau ngaahi potu māʻolungá,+
Pea naʻa nau langaʻi ia ke ne houhau* ʻaki ʻenau ngaahi ʻīmisi kuo tongí.+
59 Naʻe fanongo mai ʻa e ʻOtuá peá ne hoko ʻo houhau lahi,+
Ko ia naʻá ne mātuʻaki siʻaki ʻa ʻIsileli.
60 Naʻe faifai pē peá ne liʻaki ʻa e tāpanekale ʻo Sailó,+
ʻA e tēniti ʻa ia naʻá ne ʻafio ai ʻi he lotolotonga ʻo e tangatá.+
61 Naʻá ne tuku ʻa e fakaʻilonga ʻo hono mālohí ke taki pōpula;
ʻA hono ngeiá ki he nima ʻo e filí.+
62 Naʻá ne tuku ʻa hono kakaí ki he heletaá+
Peá ne hoko ʻo houhau lahi ki hono tofiʻá.
63 Naʻe keina ʻe he afí ʻa ʻene kau talavoú,
Pea naʻe ʻikai ke hivaʻi ki heʻene kau finemuí* ʻa e ngaahi hiva malí.
64 Ko ʻene kau taulaʻeikí naʻa nau tō ʻi he heletaá,+
Pea ko honau kau uitoú naʻe ʻikai te nau tangi.+
65 Naʻe ofo hake leva ʻa Sihova ʻo hangē naʻá ne mohé,+
Hangē ha tangata toʻa+ naʻá ne ʻā hake hili ʻene inu uainé.
66 Pea naʻá ne kapusi ʻa hono ngaahi filí mei honau tuʻá;+
Naʻá ne ʻai kinautolu ke nau ngalivale tuʻuloa.
67 Naʻá ne siʻaki ʻa e tēniti ʻo Siosifá;
Naʻe ʻikai te ne fili ʻa e matakali ʻo ʻIfalemí.
69 Naʻá ne ʻai ʻa hono feituʻu toputapú ke tolonga ʻo hangē ko e langí,*+
ʻO hangē ko e māmaní ʻa ia kuó ne fokotuʻu ʻo taʻengatá.+
70 Naʻá ne fili ʻa Tēvita+ ko ʻene sevāniti
Pea toʻo ia mei he ngaahi ʻā sipí,+
71 Mei hono tokangaʻi ʻo e fanga sipi fefiné;
Naʻá ne ʻai ia ko e tauhi-sipi kia Sēkope, ko hono kakaí,+
Pea ki ʻIsileli, ko hono tofiʻá.+
72 Naʻá ne tauhi kinautolu ʻaki ʻa e anga-tonu ʻi hono lotó,+
Pea naʻá ne tataki kinautolu ʻaki ʻa e nima pōtoʻi.+
Ko e hiva ʻa ʻĒsafe.+
79 ʻE ʻOtua, kuo ʻohofi ʻe he ngaahi puleʻangá ho tofiʻá;+
Kuo nau ʻuliʻi ho temipale tapú;+
Kuo nau liliu ʻa Selusalema ko ha fokotuʻunga maumau.+
2 Kuo nau ʻoatu ʻa e ngaahi sino kuo mate ʻa hoʻo kau sevānití ko e meʻakai ʻa e fanga manupuna ʻo e langí
Pea mo e kakano ʻo hoʻo faʻahinga mateakí ki he fanga manu fekai ʻo e māmaní.+
3 Kuo nau lilingi honau totó ʻo hangē ko e vaí takatakai ʻi Selusalema,
Pea ʻoku ʻikai ha taha ʻe toe ke ne tanu kinautolu.+
4 Kuo mau hoko ko e lumaʻanga ki homau ngaahi kaungāʻapí;+
Ko e faʻahinga takatakai ʻiate kimautolú ʻoku nau manukiʻi mo katakataʻi kimautolu.
5 Ko e hā hono fuoloa ʻe Sihova, ʻa hoʻo houhau kakahá? ʻE taʻengata?+
Ko e hā hono fuoloa ʻo e vela ʻa hoʻo houhaú ʻo hangē ha afí?+
6 Lilingi atu ʻa hoʻo houhaú ki he ngaahi puleʻanga ʻoku ʻikai te nau ʻiloʻi koé
Pea ki he ngaahi puleʻanga ʻoku ʻikai te nau ui ki ho huafá.+
7 He kuo nau keina ʻa Sēkope
Pea kuo nau ʻai ke maomaonganoa ʻa hono fonuá.+
8 ʻOua naʻá ke kounaʻi ke mau fai ha fakamatala koeʻuhi ko e ngaahi faihala ʻa ʻemau fanga kuí.+
Fakahaaʻi vave mai muʻa kiate kimautolu ʻa hoʻo mēsí,+
He kuo mātuʻaki fakamāʻulaloʻi kimautolu.
9 Tokoniʻi kimautolu, ʻe ʻOtua ko homau fakamoʻuí,+
Koeʻuhi ko ho huafa lāngilangiʻiá,
Fakahaofi kimautolu pea fakamolemoleʻi* ʻemau ngaahi angahalá koeʻuhi ko ho huafá.+
10 Ko e hā ke lea ai ʻa e ngaahi puleʻangá: “Ko fē ʻa honau ʻOtuá?”+
Tuku ke mau sio ʻi he taimi ʻe ʻai ai ke ʻiloa ʻa e sāuni ʻo e toto+ ʻo hoʻo kau sevānití ʻa ia kuo lilingí
ʻI he lotolotonga ʻo e ngaahi puleʻangá.
11 ʻOfa ke ke fanongo ki he māpuhoi ʻa e pōpulá.+
Ngāueʻaki ho fuʻu iví* ke fakahaofi* ʻa e faʻahinga kuo tautea maté.*+
12 Totongi fakafoki ke liunga fitu ki homau ngaahi kaungāʻapí+
Koeʻuhi ko e luma kuo nau fakahanga atu kiate koé, ʻe Sihova.+
13 Pea ko kimautolu, ʻa ho kakaí pea ko e tākanga ʻi hoʻo kaikaiʻangá,+
Te mau fakamālō atu kiate koe ʻo taʻengata;
Pea te mau talaki ho fakahīkihikí mei he toʻutangata ki he toʻutangata.+
Ki he pule hivá; fakatonutonu ki he “Ngaahi Lilé.” Ko ha fakamanatu. Saame ʻa ʻĒsafe.+ Ko ha hiva.
80 ʻA e Tauhi-Sipi ʻo ʻIsileli, fanongo mai muʻa,
ʻA koe ʻokú ke tataki ʻa Siosifa ʻo hangē ha tākangá.+
2 ʻI he ʻao ʻo ʻIfalemi mo Penisimani pea mo Manasé,
Ke ke fakahāhā ho mālohí;+
Hāʻele mai ʻo fakahaofi kimautolu.+
3 ʻE ʻOtua, ke ke fakafoki kimautolu;+
Tuku ke ulo mai ho fofongá kiate kimautolu, koeʻuhí ke mau hao ai.+
4 ʻE Sihova ko e ʻOtua ʻo e ngaahi kau tau, ko e hā hono fuoloa hoʻo fakafili* ki he lotu ʻa ho kakaí?+
5 ʻOkú ke fafangaʻaki kinautolu ʻa e loʻimatá ko ʻenau mā,
Pea ʻokú ke ʻai ke nau inu ʻa e loʻimata lahi ʻaupito.
6 ʻOkú ke tuku ke kē ʻiate kimautolu ʻa homau ngaahi kaungāʻapí;
ʻOku hanganaki manukiʻi kimautolu ʻe homau ngaahi filí ʻo fai pē ki heʻenau faʻitelihá.+
7 ʻE ʻOtua ʻo e ngaahi kau tau, ke ke fakafoki kimautolu;
Tuku ke ulo mai ho fofongá kiate kimautolu, koeʻuhí ke mau hao ai.+
8 Naʻá ke ʻai ke mavahe ha fuʻu kālepi+ mei ʻIsipite.
Naʻá ke kapusi ʻa e ngaahi puleʻangá peá ke tō ia.+
9 Naʻá ke fakaʻataʻatā ha feituʻu ki ai,
Pea naʻe faiaka ia ʻo ne kāpui ʻa e fonuá.+
10 Ko e ngaahi moʻungá naʻe fakamalumalu ʻe hono ʻatá,
Pea mo e ʻulu sita ʻa e ʻOtuá ʻe hono ngaahi vaʻá.
12 Ko e hā kuó ke holoki ai ʻa e ngaahi ʻā maka ʻo e ngoue kālepí,+
Koeʻuhi ke toli ʻa hono fuá+ ʻe he faʻahinga kotoa ʻoku fou atu aí?
13 Ko e fanga puaka kaivao ʻo e vaotaá ʻoku nau fakaʻauha ia,
Pea ʻoku kai mei ai ʻa e fanga manu kaivao ʻi ʻutá.+
14 ʻE ʻOtua ʻo e ngaahi kau tau, foki mai muʻa.
Ke ke hāngaifofonga hifo mei langi ʻo vakai!
Ke ke tokangaʻi ʻa e fuʻu kālepi ko ení,+
15 ʻA e vaʻa* kuo tō ʻe ho nima toʻomataʻú,+
Pea hāngaifofonga hifo ki he foha* ʻa ia naʻá ke ʻai ke mālohi maʻaú.+
16 ʻOku tutu ia ʻaki ʻa e afi,+ pea tā hifo.
ʻOku nau ʻauha ʻi hoʻo valokí.*
17 ʻOfa ke poupou ho nimá ki he tangata ʻi ho nima toʻomataʻú,
Ki he foha ʻo e tangata naʻá ke ʻai ke mālohi maʻaú.+
18 Pea ʻe ʻikai te mau tafoki meiate koe.
Fakahaofi moʻui kimautolu, koeʻuhi ke mau ui ki ho huafá.
19 ʻE Sihova ko e ʻOtua ʻo e ngaahi kau tau, fakafoki kimautolu;
Tuku ke ulo mai ho fofongá kiate kimautolu, koeʻuhí ke mau hao ai.+
Ki he pule hivá; fekauʻaki mo e Kititá.* Saame ʻa ʻĒsafe.+
81 Kaila fiefia ki he ʻOtua ko hotau mālohingá.+
Kaila ʻi he ikuna ki he ʻOtua ʻo Sēkopé.
2 Kamata ʻa e fasí pea toʻo ha nafa,
Mo e haʻape ongo mālié fakataha mo e meʻalea filó.
4 He ko ha fekau ia ki ʻIsileli,
Ko ha tuʻutuʻuni ʻa e ʻOtua ʻo Sēkopé.+
Naʻá ku fanongo ki ha leʻo* naʻe ʻikai te u ʻiloʻi:
6 “Naʻá ku hiki ʻa e kavengá mei hono umá;+
Naʻe fakaʻataʻatā ʻa hono nimá mei he kató.
7 ʻI hoʻo mamahí naʻá ke ui, pea naʻá ku fakahaofi koe;+
Naʻá ku ʻahiʻahiʻi koe ʻi he vai ʻo Mēlipá.*+ (Sila)
8 Fanongo mai ʻa hoku kakai, pea te u fai ha fakatokanga kiate kimoutolu.
ʻE ʻIsileli, taumaiā naʻá ke fanongo mai kiate au.+
9 ʻI ho lotolotongá, ʻe ʻikai ke ʻi ai ha ʻotua kehe,
Pea ʻe ʻikai te ke punou ki ha ʻotua muli.+
10 Ko au Sihova ko ho ʻOtuá,
ʻA e tokotaha naʻá ne ʻomi koe mei he fonua ko ʻIsipité.+
Fakamanga lahi ho ngutú, pea te u fakafonu ia.+
11 Ka ko hoku kakaí naʻe ʻikai te nau fanongo ki hoku leʻó;
Naʻe ʻikai ke fakamoʻulaloa ʻa ʻIsileli kiate au.+
12 Ko ia naʻá ku tuku ai ke nau muimui ʻi honau ngaahi loto-fefeká;
13 Taumaiā naʻe fanongo mai ʻa hoku kakaí kiate au,+
Taumaiā naʻe ʻaʻeva ʻa ʻIsileli ʻi hoku ngaahi ʻalungá!+
14 Te u fakavaivaiʻi vave ʻa honau ngaahi filí;
Te u ʻohofi ʻa honau ngaahi filí.+
15 Ko e faʻahinga ʻoku fehiʻa kia Sihová te nau momou ʻi hono ʻaó,
Pea ko honau ikuʻangá* ʻe taʻengata.
16 Ka te ne fafanga koe* ʻaki ʻa e uite lelei tahá*+
Pea fakamākona koe ʻaki ʻa e hone mei he fuʻu maká.”+
Ko e hiva ʻa ʻĒsafe.+
2 “Ko e hā hono fuoloa ʻo e hokohoko atu hoʻomou fakamaau taʻetotonú+
Pea fakahāhā ʻa e filifilimānako ki he kau fulikivanú?+ (Sila)
3 Taukapoʻi* ʻa e māʻulaló pea mo e tamai-maté.+
Fakahoko ʻa e fakamaau totonu ki he tokotaha ʻoku ʻikai hano tokoní mo e liʻekiná.+
4 Fakahaofi ʻa e māʻulaló mo e masivá;
Fakahaofi kinautolu mei he nima ʻo e kau fulikivanú.”
5 ʻOku ʻikai te nau ʻiloʻi, pea ʻoku ʻikai te nau mahinoʻi;+
ʻOku nau ʻalu holo ʻi he fakapoʻulí;
Ko e ngaahi makatuʻunga kotoa ʻo e māmaní ʻoku ngalulu.+
6 “Kuó u pehē, ‘Ko e ngaahi ʻotua* kimoutolu,+
Ko kimoutolú kotoa ko e ngaahi foha ʻo e Fungani Māʻolungá.
8 Ke ke mālanga hake, ʻe ʻOtua, ʻo fakamāuʻi ʻa e māmaní,+
He ʻoku ʻaʻau ʻa e ngaahi puleʻangá kotoa.
Ko ha saame. Ko e hiva ʻa ʻĒsafe.+
83 ʻE ʻOtua, ʻoua muʻa naʻá ke fakalongolongo;+
ʻOua naʻá ke hanganaki sīlongo* pe fakalongo, ʻe ʻOtua.
2 He vakai, ʻoku vālautuʻu ho ngaahi filí;+
Ko e faʻahinga ʻoku nau fehiʻa kiate koé ʻoku nau fakamāhiki.*
3 ʻOku nau faʻufaʻu fakapulipuli kākā ki ho kakaí;
ʻOku nau faʻufaʻufono ki he faʻahinga ʻokú ke koloaʻakí.*
4 ʻOku nau pehē: “Haʻu, ke tau fakaʻauha ʻosi kinautolu ʻi he tuʻunga ko ha puleʻangá,+
Koeʻuhí ke ʻoua naʻa toe manatua ʻa e hingoa ʻo ʻIsilelí.”
5 ʻOku nau faʻufaʻu ha palani loto-taha;*
Kuo nau fai ha aleapau* ke fakafepakiʻi koe+—
6 ʻA e ngaahi tēniti ʻo ʻĪtomi mo e kau ʻIsimeʻelí, mo Mōape+ pea mo e kau Hekaʻaá,+
9 Fai kiate kinautolu ʻo hangē ko e meʻa naʻá ke fai ki Mitianí,+
Hangē ko ia naʻá ke fai kia Sīsela mo Siapini ʻi he vaitafe* Kīsoní.+
10 Naʻe fakaʻauha ʻosi kinautolu ʻi ʻEni-toa;+
Naʻa nau hoko ko e kinohaʻa ki he kelekelé.
11 ʻAi honau houʻeikí ke hangē ko ʻŌlepi mo Sīpí+
Pea mo honau kau māʻolungá* ke hangē ko Sepa mo Salamuná,+
12 He naʻa nau pehē: “Tuku ke tau maʻu ʻa e fonua ʻa ia ʻoku ʻafio ai ʻa e ʻOtuá.”
13 ʻE hoku ʻOtua, ʻai kinautolu ke nau hangē ko ha takainga talatalaʻāmoa ʻoku puhiʻí,+
Hangē ha tukeʻi uite ʻoku puhi takai ʻe he matangí.
14 Hangē ko ha afi ʻokú ne tutu ʻa e vaotaá,
Hangē ha uloʻi afi ʻoku māngia ai ʻa e ngaahi moʻungá,+
15 Ko ia ʻofa ke ke tuli kinautolu ʻaki hoʻo matangi mālohí+
Pea fakailifiaʻi kinautolu ʻaki hoʻo afaá.+
17 ʻOfa ke fakamaaʻi kinautolu pea ke nau ilifia ʻo taʻengata;
ʻOfa ke nau ngalivale pea ʻauha;
18 ʻOfa ke ʻilo ʻe he kakaí ko koe, ʻa ia ko ho huafá ko Sihova,+
Ko koe pē toko taha ʻa e Fungani Māʻolunga ʻi he māmaní kotoa.+
Ki he pule hivá; fekauʻaki mo e Kititá.* Saame ʻa e ngaahi foha ʻo Kolá.+ Ko ha hiva.
ʻOku kaila fiefia ʻa hoku lotó mo hoku kakanó ki he ʻOtua moʻuí.
3 Naʻa mo e manupuná ʻokú ne maʻu ha nofoʻanga ʻi ai
Pea mo e pekepeká ha pununga ʻi ai,
ʻA ia ʻokú ne tokangaʻi ai hono ʻuhikí
ʻO ofi ki ho ʻōlita maʻongoʻongá, ʻe Sihova ʻo e ngaahi kau tau,
Ko hoku Tuʻi mo hoku ʻOtua!
4 Fiefia ē ko e faʻahinga ʻoku nofo ʻi ho falé!+
ʻOku hokohoko atu ʻenau fakahīkihikiʻi koé.+ (Sila)
5 Fiefia ē ka ko e kau tangata ʻoku nau maʻu honau mālohí meiate koé,+
ʻOku holi honau lotó ke nau ʻi he ngaahi hala ki ho falé.
6 ʻI heʻenau fou atu ʻi he Teleʻa Pakahá,*
ʻOku nau ngaohi ia ko ha feituʻu ʻo e ngaahi matavai;
Pea ko e ʻuha tokamuʻá ʻokú ne fakakofuʻaki ia* ʻa e ngaahi tāpuaki.
7 Te nau laka atu ʻi he mālohi ki he mālohi;+
ʻOku hā ʻa e tokotaha taki taha ʻi he ʻao ʻo e ʻOtuá ʻi Saione.
8 ʻE Sihova ko e ʻOtua ʻo e ngaahi kau tau, fanongo mai ki heʻeku lotú;
Fanongo mai, ʻe ʻOtua ʻo Sēkope. (Sila)
10 He ko ha ʻaho ʻe taha ʻi ho ongo lotoʻaá ʻoku lelei ange ia ʻi ha ʻaho ʻe taha afe ʻi ha feituʻu kehe pē!+
ʻOku ou fili ke u tuʻu ʻi he hūʻanga ʻo e fale ʻo hoku ʻOtuá
ʻI haʻaku nofo ʻi he ngaahi tēniti ʻo e fulikivanú.
ʻE ʻikai ke taʻofi ʻe Sihova ha meʻa lelei ʻe taha
Mei he faʻahinga ʻoku ʻaʻeva ʻi he anga-tonú.+
Ki he pule hivá. Saame ʻa e ngaahi foha ʻo Kolá.+ Ko ha hiva.
85 ʻE Sihova, kuó ke fakahaaʻi ʻa e hōifua ki ho fonuá;+
Kuó ke fakafoki mai ʻa e faʻahinga ʻo Sēkope naʻe taki pōpulá.+
2 Kuó ke fakamolemoleʻi ʻa e faihala ʻa ho kakaí;
3 Naʻá ke taʻofi ʻa hoʻo tōlilí kotoa;
Naʻá ke tafoki mei hoʻo houhau kakahá.+
4 Fakafoki kimautolu,* ʻe ʻOtua ko homau fakamoʻuí,
Pea tuku ki tafaʻaki ʻa hoʻo taʻefiemālie ʻiate kimautolú.+
5 Te ke houhau koā ʻiate kimautolu ʻo taʻengata?+
Te ke fakatolonga ʻa hoʻo tuputāmakí mei he toʻutangata ki he toʻutangata?
6 ʻE ʻikai koā te ke toe fakaake kimautolu
Koeʻuhí ke fiefia ho kakaí ʻiate koe?+
7 Fakahaaʻi mai hoʻo ʻofa mateakí, ʻe Sihova,+
Pea foaki mai hoʻo fakamoʻuí kiate kimautolu.
8 Te u fanongo ki he meʻa ʻoku folofolaʻaki ʻe he ʻOtua moʻoni ko Sihová,
He te ne folofolaʻaki ʻa e melino ki hono kakaí,+ ki heʻene kau mateakí,
Kae ʻoua naʻa tuku ke nau toe foki ʻo falala tōtuʻa.+
9 Ko e moʻoni ʻoku ofi ʻa ʻene fakamoʻuí ki he faʻahinga ʻoku manavahē kiate iá,+
Koeʻuhí ke nofo ʻa hono lāngilangí ʻi hotau fonuá.
10 Ko ʻofa mateaki mo faitōnunga te na feʻiloaki;
Ko māʻoniʻoni mo melino te na fekita.+
11 Ko faitōnunga ʻe tupu hake ʻi he māmaní,
Pea ko māʻoniʻoni te ne sio hifo mei he langí.+
13 Ko māʻoniʻoni ʻe ʻalu muʻomuʻa ʻiate ia+
ʻO ne tofa ha hala ki heʻene ngaahi laká.
Ko ha lotu ʻa Tēvita.
86 Fokotuʻu telinga* mai muʻa, ʻe Sihova, pea fai mai ha tali kiate au,
He ʻoku ou faingataʻaʻia mo masiva.+
2 Leʻohi ʻa ʻeku moʻuí, he ʻoku ou mateaki.+
Fakahaofi hoʻo sevānití ʻa ia ʻoku falala atu kiate koé,
He ko koe ʻa hoku ʻOtuá.+
4 ʻAi hoʻo sevānití ke fiefia,
He ʻoku ou hanga atu kiate koe, ʻe Sihova.
5 He ko koe, ʻe Sihova, ʻokú ke lelei+ mo mateuteu ke fakamolemole;+
ʻOkú ke mohu ʻi he ʻofa mateaki ki he faʻahinga kotoa ʻoku ui atu kiate koé.+
8 ʻOku ʻikai ha taha ʻe tatau mo koe ʻi he lotolotonga ʻo e ngaahi ʻotuá, ʻe Sihova,+
ʻOku ʻikai ha ngāue ʻe tatau mo hoʻo ngaahi ngāué.+
9 Ko e puleʻanga kotoa pē naʻá ke ngaohi
Te nau omi ʻo punou ʻi ho ʻaó, ʻe Sihova,+
Pea te nau ʻoatu ʻa e lāngilangi ki ho huafá.+
10 He ʻokú ke lahi pea ʻokú ke fai ʻa e ngaahi meʻa fakaofo;+
Ko koe ʻa e ʻOtuá, ko koe pē toko taha.+
11 Fakahinohinoʻi au, ʻe Sihova, ʻo fekauʻaki mo ho halá.+
Te u ʻaʻeva ʻi hoʻo moʻoní.+
Fakafāʻūtahaʻi ʻa hoku lotó* ke u manavahē ki ho huafá.+
12 ʻOku ou fakahīkihikiʻi koe, ʻe Sihova ko hoku ʻOtua, ʻaki hoku lotó kotoa,+
Pea te u fakalāngilangiʻi ho huafá ʻo taʻengata,
13 He ko hoʻo ʻofa mateaki kiate aú ʻoku lahi,
Pea kuó ke fakahaofi ʻeku moʻuí mei he takele ʻo e Faʻitoká.*+
14 ʻE ʻOtua, ko e kau tangata ʻafungí ʻoku nau tuʻu ʻo fakafepaki mai kiate au;+
Ko ha kau tangata anga-kovi ʻoku nau feinga ke toʻo ʻeku moʻuí,
15 Ka ko koe, ʻe Sihova, ko ha ʻOtua mohu meesi mo manavaʻofa,*
Tuai ki he houhau pea fonu ʻi he ʻofa mateaki mo e faitōnunga.*+
16 Tafoki mai muʻa pea fakahaaʻi kiate au ʻa e hōifuá.+
Foaki mai ho iví ki hoʻo sevānití,+
Pea fakahaofi ʻa e tama ʻa hoʻo kaunangá.
17 Fakahaaʻi kiate au ha fakaʻilonga* ʻo hoʻo leleí,
Koeʻuhi ke sio ki ai ʻa e faʻahinga ʻoku fehiʻa kiate aú pea nau hoko ʻo mā.
He ko koe, ʻe Sihova, ʻa hoku tokoní mo hoku fakafiemālié.
Saame ʻa e ngaahi foha ʻo Kolá.+ Ko ha hiva.
87 Ko e makatuʻunga ʻo e kolo ʻo e ʻOtuá ʻoku ʻi he ngaahi moʻunga tapú.+
2 ʻOku ʻofa ʻa Sihova ʻi he ngaahi matapā ʻo Saioné+
ʻO laka ange ia ʻi he ngaahi tēniti kotoa ʻo Sēkopé.
3 ʻOku leaʻaki ʻa e ngaahi meʻa lāngilangiʻia ʻo fekauʻaki mo koe, ʻa e kolo ʻo e ʻOtua moʻoní.+ (Sila)
4 Te u lau ʻa Lēhapi*+ mo Pāpilone ʻi he lotolotonga ʻo e faʻahinga ʻoku nau ʻiloʻi* aú;
Ko eni ʻa Filisitia mo Tāia fakataha mo Kusa.
ʻE leaʻaki ʻo pehē: “Ko e tokotaha eni naʻe fanauʻi ai.”
5 Pea ʻe leaʻaki ʻo fekauʻaki mo Saione:
“Ko e tokotaha kotoa pē naʻe fanauʻi ʻi ai.”
Pea ko e Fungani Māʻolungá te ne fokotuʻu maʻu ia.
6 ʻE talaki ʻe Sihova, ʻi heʻene tohi ʻa e ngaahi kakaí:
“Ko e tokotaha eni naʻe fanauʻi ai.” (Sila)
7 Ko e kau hivá+ mo kinautolu ʻoku nau hula takatakaí+ te nau pehē:
“Ko hoku ngaahi matavaí kotoa ʻoku ʻiate koe.”*+
Ko ha saame. Ko e hiva ʻa e ngaahi foha ʻo Kolá.+ Ki he pule hivá; fakatatau ki he Mahalatí,* ke hiva fetāliaki. Masikili* ʻa Hēmani+ ko e hako ʻo Salá.
88 ʻE Sihova, ko e ʻOtua ko hoku fakamoʻuí,+
ʻI he ʻahó ʻoku ou tangi atu,
Pea ʻi he poó ʻoku ou ʻalu atu ai ki ho ʻaó.+
2 Tuku muʻa ke aʻu atu ʻa ʻeku lotú kiate koe,+
Fokotuʻu telinga* mai muʻa ki heʻeku tangi atu ki ha tokoní.+
4 Kuo ʻosi lau au ʻi he lotolotonga ʻo e faʻahinga ʻoku ʻalu hifo ki he luó;*+
Kuó u hoko ko ha tangata ʻoku ʻikai hano tokoni,*+
5 Kuo liʻaki ʻi he lotolotonga ʻo e kau maté
Hangē ko e ʻangaʻanga ʻoku tokoto ʻi ha faʻitoká,
ʻA ia ʻoku ʻikai ke ke toe manatu ki ai
Pea kuo fakamavaheʻi mei hoʻo tokangá.*
6 Kuó ke tuku au ʻi he luo māʻulalo tahá,
ʻI he ngaahi feituʻu fakapoʻuli, ʻi ha fuʻu luo loloto.
7 Ko hoʻo houhaú ʻoku mamafa fau kiate au,+
Pea ʻokú ke lōmekina au ʻaki hoʻo ngaahi peau taá. (Sila)
8 Kuó ke tuli hoku ngaahi mahení ʻo mamaʻo meiate au;+
Kuó ke ʻai au ko e meʻa fakalielia kiate kinautolu.
ʻOku ou fihia ʻo ʻikai lava ke u mavahe mei ai.
9 Ko hoku matá ʻoku vaivai koeʻuhi ko ʻeku faingataʻaʻiá.+
ʻOku ou ui kiate koe, ʻe Sihova, ʻi he ʻahó kotoa;+
Ko koe ʻoku ou fola nima hake ki aí.
10 Te ke fakahoko ha ngaahi meʻa fakaofo ki he kau maté?
ʻE malava ke tuʻu hake ʻa e faʻahinga kuo mole honau mālohí ʻi he maté ʻo fakahīkihikiʻi koe?+ (Sila)
11 ʻE talaki ʻa hoʻo ʻofa mateakí ʻi he faʻitoká,
ʻA hoʻo faitōnungá ʻi he feituʻu ʻo e ʻauhá?*
12 ʻE ʻilo ʻa hoʻo ngaahi meʻa fakaofó ʻi he fakapoʻulí
Pe ko hoʻo māʻoniʻoní ʻi he fonua ʻo e faʻahinga kuo ngalo atú?+
13 Ka ʻoku ou kei tangi kiate koe ki ha tokoni, ʻe Sihova,+
ʻI he pongipongi taki taha ʻoku ʻalu atu ki ho ʻaó ʻa ʻeku lotú.+
14 Ko e hā ʻokú ke siʻaki ai aú, ʻe Sihova?+
Ko e hā ʻokú ke fufū ai ho fofongá meiate aú?+
15 Talu mei heʻeku talavou,
Kuo fakamamahiʻi au ʻo u meimei mate;+
ʻOku ou mamate ʻi he ngaahi meʻa fakamanavahē ʻokú ke tuku ke u tofanga aí.
16 Ko hoʻo houhau kakahá ʻokú ne lōmekina au;+
Ko hoʻo ngaahi meʻa fakamanavaheé ʻokú ne fakaʻauha au.
17 ʻOku nau takatakaiʻi au ʻo hangē ko e ngaahi vaí ʻi he ʻahó kotoa;
ʻOku nau kāpui au mei he ngaahi tafaʻakí kotoa.*
18 Kuó ke tuli hoku ngaahi kaumeʻá mo hoku ngaahi takangá ʻo mamaʻo meiate au;+
Kuo hoko ʻa e fakapoʻulí ko hoku takanga.
Ko ha masikili* ʻa ʻĒtani+ ko e hako ʻo Salá.
89 Te u hiva ʻo fekauʻaki mo e fakahāhā ʻe Sihova ʻa e ʻofa mateakí ʻo taʻengata.
Te u fakaʻilo atu ʻaki ʻa hoku ngutú ʻa hoʻo faitōnungá ki he ngaahi toʻutangata kotoa.
2 He kuó u pehē: “Ko e ʻofa mateakí ʻe langa* ia ʻo taʻengata,+
Pea kuó ke fokotuʻu maʻu ʻa hoʻo faitōnungá ʻi he langí.”
3 “Kuó u fai ha fuakava mo e tokotaha kuó u filí;+
Kuó u fai ha fakapapau kia Tēvita ko ʻeku sevānití:+
5 ʻOku fakahīkihikiʻi ʻe he langí ʻa hoʻo ngaahi ngāue fakaofó, ʻe Sihova,
ʻIo, ʻa hoʻo faitōnungá ʻi he fakatahaʻanga ʻo e kau māʻoniʻoní.
6 He ko hai ia ʻi he langí ʻe lava ke fakatatau kia Sihova?+
Ko hai ʻi he haʻohaʻonga ʻo e ngaahi foha ʻo e ʻOtuá+ ʻe hangē ko Sihová?
7 ʻOku manavahēʻiaʻi ʻa e ʻOtuá ʻi he fuʻu fakataha ʻa e kau māʻoniʻoní;+
ʻOkú ne lahi mo fakamanavahē ki he faʻahinga kotoa ʻoku takatakai ʻiate iá.+
8 ʻE Sihova ko e ʻOtua ʻo e ngaahi kau tau,
Ko hai ia ʻoku māfimafi ʻo hangē ko koé, ʻe Iā?+
Ko hoʻo faitōnungá ʻokú ne takatakaiʻi koe.+
10 Kuó ke laiki ʻa Lēhapi*+ ʻo hangē ha taha kuo tāmateʻí.+
Kuó ke fakamovetevete ho ngaahi filí ʻaki ho nima mālohí.+
11 ʻOku ʻaʻau ʻa e langí, pea ʻoku ʻaʻau ʻa e māmaní;+
Ko e fonua mahú mo e meʻa ʻokú ne fakafonu iá+—kuó ke fokotuʻu ia.
12 Ko e tokelaú mo e tongá—naʻá ke ngaohi kinaua;
Ko Tēpoa+ mo Heamoni+ ʻokú na fakahīkihikiʻi fiefia ho huafá.
14 Ko e māʻoniʻoní mo e fakamaau totonú ʻa e fakavaʻe ʻo ho taloní;+
Ko e ʻofa mateakí mo e faitōnungá ʻokú na tuʻu ʻi ho ʻaó.+
15 Fiefia ē ko e kakai ʻoku nau ʻilo ʻa e kaila fiefiá.+
ʻE Sihova, ʻoku nau ʻaʻeva ʻi he maama ʻo ho fofongá.
16 ʻOku nau fiefia ʻi ho huafá ʻi he ʻahó kotoa,
Pea ʻi hoʻo māʻoniʻoní ʻoku hakeakiʻi ai kinautolu.
18 He ko homau paá ʻoku ʻa Sihova ia,
Ko homau tuʻí ʻoku ʻa e Tokotaha Māʻoniʻoni ia ʻo ʻIsilelí.+
19 ʻI he taimi ko iá naʻá ke folofola ai ʻi ha vīsone ki hoʻo kau mateakí ʻo pehē:
“Kuó u foaki ha mālohi ki ha toʻa;+
Kuó u hakeakiʻi ha tokotaha kuo fili mei he lotolotonga ʻo e kakaí.+
21 ʻE poupouʻi ia ʻe hoku nimá,+
Pea ʻe fakaivimālohiʻi ia ʻe hoku nimá.
22 ʻE ʻikai ha fili te ne kounaʻi ha tukuhau meiate ia,
Pea ʻe ʻikai ha tangata taʻemāʻoniʻoni te ne lōmekina ia.+
23 Te u laiki ke lailai ʻa hono ngaahi filí mei hono ʻaó+
Pea taaʻi ʻa kinautolu ʻoku fehiʻa kiate iá.+
24 Ko ʻeku faitōnungá mo ʻeku ʻofa mateakí ʻoku ʻiate ia,+
Pea ʻe hakeakiʻi ʻa hono mālohí* ʻi hoku hingoá.
26 Te ne tautapa mai kiate au: ‘Ko koe ʻa ʻeku Tamaí,
Ko hoku ʻOtua mo e Makatuʻu ʻo hoku fakamoʻuí.’+
28 Te u tauhi ʻa ʻeku ʻofa mateakí kiate ia ʻo taʻengata,+
Pea ko ʻeku fuakava mo iá ʻe ʻikai ʻaupito ke taʻefakahoko.+
30 Kapau ʻe liʻaki ʻe hono ngaahi fohá ʻa ʻeku laó
Pea ʻikai ʻaʻeva ʻo fakatatau ki heʻeku ngaahi tuʻutuʻuní,*
31 Kapau te nau maumauʻi ʻa ʻeku ngaahi tuʻutuʻuní
Pea ʻikai tauhi ʻeku ngaahi fekaú,
32 Te u tauteaʻi leva ʻenau talangataʻá* ʻaki ha vaʻakau+
Pea mo ʻenau faihalá ʻaki ʻa e haha.
33 Ka ʻe ʻikai ʻaupito te u liʻaki ʻeku ʻofa mateaki kiate iá+
Pe te u taʻefakahoko ʻa ʻeku talaʻofá.*
35 Kuó u fuakava ʻi heʻeku māʻoniʻoní ʻo tā-tuʻo-taha;
ʻE ʻikai te u loi kia Tēvita.+
36 Ko hono hakó ʻe tolonga ʻo taʻengata;+
Ko hono taloní ʻe tuʻuloa ʻo hangē ko e laʻaá ʻi hoku ʻaó.+
37 ʻI he hangē ko e māhiná, ʻe fokotuʻu maʻu ia ʻo taʻengata
Ke hoko ko ha fakamoʻoni faitōnunga ʻi he langí.” (Sila)
38 Ka kuó ke siʻaki mo talitekeʻi ia;+
Kuó ke houhau ʻi hoʻo tokotaha paní.
39 Kuó ke fakataʻeʻaongaʻi ʻa e fuakava mo hoʻo sevānití;
Kuó ke taʻefakaʻapaʻapaʻi ʻa hono kalauní ʻi hoʻo lī ia ki he kelekelé.
40 Kuó ke holoki ʻa hono ngaahi ʻā maká kotoa;
Kuó ke fakaʻauha ʻa hono ngaahi kolotaú.
41 Ko e faʻahinga kotoa ʻoku nau ʻalu haké kuo nau kaihaʻa fakamālohi meiate ia;
Ko ha lumaʻanga ia ki hono ngaahi kaungāʻapí.+
42 Kuó ke ʻai ke ikuna ʻa hono ngaahi filí;*+
Kuó ke fakatupunga ke fiefia ʻa hono ngaahi filí kotoa.
43 Kuó ke fakafepakiʻi foki ʻa ʻene heletaá,
Pea kuó ke ʻai ia ke ne taʻelavameʻa ʻi he taú.
44 Kuó ke fakangata ʻa hono ngeiá
Pea lī hono taloní ki he kelekelé.
45 Kuó ke fakanounou ʻa e ngaahi ʻaho ʻo ʻene talavoú;
Kuó ke fakakofu ia ʻaki ʻa e mā. (Sila)
46 Ko e hā hono fuoloa, ʻe Sihova, ʻa hoʻo toí? ʻE fai ia ʻo taʻengata?+
ʻE hokohoko atu ʻa e kakaha ʻa hoʻo houhaú ʻo hangē ha afí?
47 Manatuʻi muʻa ʻa e fuonounou ʻa ʻeku moʻuí!+
Naʻá ke fakatupu koā ʻa e faʻahinga kotoa ʻo e tangatá ʻo ʻikai hano taumuʻa?
48 Ko hai ia ha tangata ʻe lava ke moʻui ʻo ʻikai ʻaupito te ne sio ʻi he maté?+
ʻE lava ke ne fakahaofi ia mei he mālohi ʻo e Faʻitoká?* (Sila)
49 Ko fē ʻa hoʻo ʻofa mateaki ki muʻá, ʻe Sihova,
ʻA ia naʻá ke fai ai ha fakapapau kia Tēvita ʻi hoʻo faitōnungá?+
50 Manatuʻi muʻa, ʻe Sihova, ʻa e ngaahi luma naʻe fai ki hoʻo kau sevānití;
ʻA e pau ke u fua* ʻa e ngaahi luma ʻa e ngaahi kakaí kotoa;
51 ʻA hono fai ʻe ho ngaahi filí ʻa e laukoví, ʻe Sihova;
ʻA ʻenau laukovi ki he laka kotoa pē ʻa hoʻo tokotaha paní.
52 ʻOfa ke fakahīkihikiʻi ʻa Sihova ʻo taʻengata. ʻĒmeni pea ʻĒmeni.+
TOHI HONO FĀ
(Saame 90-106)
Ko ha lotu ʻa Mōsese, ko e tangata ʻa e ʻOtua moʻoní.+
90 ʻE Sihova, kuó ke hoko ko homau nofoʻanga*+ ʻi he ngaahi toʻutangatá kotoa.
3 ʻOkú ke ʻai ʻa e tangata ko e meʻa noa peé ke foki ki he efú;
ʻOkú ke pehē: “Mou foki, ʻa kimoutolu ngaahi foha ʻo e tangatá.”+
4 He ko ha taʻu ʻe taha afe ʻi hoʻo vakaí ʻoku hangē pē ia ko e ʻaneafí ʻa ʻene mahili atú,+
Hangē pē ko ha leʻo ʻi he lolotonga ʻa e poʻulí.
5 ʻOkú ke tafiʻi atu kinautolu;+ ʻoku nau hoko ʻo hangē ha mohe peé;
ʻI he pongipongí ʻoku nau hangē ko e musie ʻoku tupu haké.+
8 ʻOkú ke fokotuʻu ʻemau faihalá ʻi muʻa ʻiate koe;*+
ʻOku fakaeʻa ʻe he maama ʻo ho fofongá+ ʻemau ngaahi meʻa fakapulipulí.
9 Ko homau ngaahi ʻahó* ʻoku mole atu koeʻuhi ko hoʻo houhaú;
Pea ko homau ngaahi taʻú ʻoku ngata ʻo hangē ha fafaná.*
Ka ʻoku fonu ia ʻi he faingataʻa mo e mamahi;
ʻOku puli vave ia, pea ʻoku mau puna atu.+
11 Ko hai ia ʻe lava ke ne ʻiloʻi ʻa e mālohi ʻo hoʻo houhaú?
Ko hoʻo tuputāmakí ʻoku lahi tatau ia mo e manavahēʻia ʻoku tuha mo koé.+
12 Akoʻi kimautolu ki he founga ke mau lau ai homau ngaahi ʻahó+
Koeʻuhí ke mau maʻu ai ha loto-poto.
13 Foki mai, ʻe Sihova!+ Ko e hā hono fuoloa ʻo e meʻá ni?+
Manavaʻofa mai muʻa ki hoʻo kau sevānití.+
14 Fakafiemālieʻi kimautolu ʻaki hoʻo ʻofa mateakí+ ʻi he pongipongí,
Koeʻuhí ke mau kaila fiefia mo hākailangitau+ ʻi he lolotonga homau ngaahi ʻahó kotoa.
15 ʻAi ke mau fiefia ʻo fehoanaki mo e ngaahi ʻaho kuó ke ʻai ai ke mau faingataʻaʻiá,+
Ke tatau mo e ngaahi taʻu kuo mau hokosia ai ʻa e faingataʻá.+
16 ʻOfa ke sio ʻa hoʻo kau sevānití ki hoʻo ngāué,
Pea ʻofa ke sio ʻa honau ngaahi fohá ki ho lāngilangí.+
17 ʻOfa ke ʻiate kimautolu ʻa e hōifua ʻa Sihova ko homau ʻOtuá;
ʻOfa ke ke ʻai ke lakalakaimonū* ʻa e ngāue ʻa homau nimá.
ʻIo, ke lakalakaimonū* ʻa e ngāue ʻa homau nimá.+
91 Ko ha taha pē ʻoku nofo ʻi he potu lilo ʻo e Fungani Māʻolungá+
Te ne nofo ʻi he malumalu ʻo e Māfimafi-Aoniú.+
2 Te u pehē kia Sihova: “Ko koe ʻa hoku hūfangaʻangá mo hoku maluʻangá,+
Ko hoku ʻOtua ʻa ia ʻoku ou falala ki ai.”+
3 He te ne fakahaofi koe mei he tauhele ʻa e tokotaha pō manupuná,
Mei he mahaki fakalilifu fakatupu ʻauhá.
Ko ʻene faitōnungá+ ʻe hoko ia ko ha fuʻu pā+ mo ha ʻā maluʻi.
5 ʻE ʻikai te ke manavahē ki he ngaahi meʻa fakailifia ʻi he poʻulí,+
Pe ko e ngahau ʻoku puna ʻi he ʻahó,+
6 Pe ko e mahaki fakalilifu ʻoku ʻalu holo ʻi he fakapoʻulí,
Pe ko e fakaʻauha ʻoku hoko ʻi he hoʻatā mālié.
7 ʻE tō ha toko taha afe ʻi ho tafaʻakí
Mo e toko taha mano ʻi ho nima toʻomataʻú,
Ka ʻe ʻikai ke ofi mai ia kiate koe.+
9 Koeʻuhí naʻá ke pehē: “Ko Sihova ʻa hoku hūfangaʻangá,”
Kuó ke ʻai ʻa e Fungani Māʻolungá ko ho nofoʻanga;*+
10 ʻE ʻikai ke tō ha fakatamaki kiate koe,+
Pea ʻe ʻikai ke ofi mai ha mala ki ho tēnití.
11 He te ne tuku atu ha fekau ki heʻene kau ʻāngeló+ koeʻuhiā ko koe,
Ke nau leʻohi koe ʻi ho hala fua pē.+
13 Te ke malaki ʻa e laione muí pea mo e ngatá;
Te ke tāmalaki ʻi ho lalo vaʻé ʻa e laioné mo e fuʻu ngatá.+
14 Naʻe folofola ʻa e ʻOtuá: “Koeʻuhi ko ʻene ʻofa kiate aú,* te u fakahaofi ia.+
Te u maluʻi ia koeʻuhi ko ʻene ʻiloʻi* ʻa hoku huafá.+
15 Te ne ui kiate au, pea te u fai ha tali kiate ia.+
Te u ʻiate ia ʻi heʻene mamahí.+
Te u fakahaofi ia pea fakalāngilangiʻi ia.
Ko ha saame. Ko ha hiva ki he ʻaho Sāpaté.
92 ʻOku lelei ke fakamālō kia Sihova+
Pea mo hiva fakahīkihiki* ki ho huafá, ʻa e Fungani Māʻolungá,
2 Ke talaki ʻa hoʻo ʻofa mateakí+ ʻi he pongipongí
Mo hoʻo faitōnungá ʻi he lolotonga ʻa e poʻulí,
3 Fakataha mo ha meʻalea filo hongofulu mo ha liute,*
Mo ha leʻo mālie ʻo ha haʻape.+
4 He kuó ke ʻai au ke u fiefia, ʻe Sihova, koeʻuhí ko hoʻo ngaahi ngāué;
Koeʻuhi ko e ngaahi ngāue ʻa ho nimá ʻoku ou kaila fiefia.
5 He kāfakafa moʻoni ē ko hoʻo ngaahi ngāué, ʻe Sihova!+
He mātuʻaki loloto ē ko hoʻo ngaahi fakakaukaú!+
6 ʻOku ʻikai ha tangata taʻeʻatamai ʻe lava ke ne ʻiloʻi ia;
Pea ʻoku ʻikai ha tokotaha vale ʻe lava ke ne mahinoʻi eni:+
7 ʻI he tupu ʻa e kau fulikivanú ʻo hangē ko e vaó*
Pea tupu ʻāfaʻafa ʻa e kotoa ʻo e kau faihalá,
Ko e meʻa ia ʻe fakaʻauha ʻosi ai kinautolu ʻo taʻengatá.+
8 Ka ʻoku hakeakiʻi koe ʻo taʻengata, ʻe Sihova.
9 Ko e moʻoni, vakai atu ki he tō ʻa ho ngaahi filí, ʻe Sihova,
Vakai atu ki he founga ʻe ʻauha ai ho ngaahi filí;
Ko e kotoa ʻo e kau faihalá ʻe fakamovetevete.+
10 Ka te ke hakeakiʻi hoku mālohí* ke hangē ko e mālohi ʻo ha pulu kaivaó;
Te u milimili hoku kilí ʻaki ʻa e lolo foʻou.+
11 ʻE vakai atu ʻa hoku matá ki he tō ʻa hoku ngaahi filí;+
ʻE fanongo hoku telingá ʻo fekauʻaki mo e tō ʻa e kau tangata kovi ʻoku nau ʻohofi aú.
12 Ka ko e māʻoniʻoní ʻe tupu ʻāfaʻafa ʻo hangē ha fuʻu pāmé
Pea tupu ʻo fuʻu lahi ʻo hangē ha sita ʻi Lepanoní.+
13 ʻOku tō kinautolu ʻi he fale ʻo Sihová;
ʻOku nau tupu ʻāfaʻafa ʻi he ongo lotoʻā ʻo hotau ʻOtuá.+
14 Naʻa mo ʻenau taʻumotuʻá* te nau kei lakalakaimonū ai pē;+
Te nau kei iviivi* ai pē mo moʻui lelei,+
15 ʻI hono talaki ko Sihova ʻoku faitotonú.
Ko ia ʻa hoku Makatuʻú,+ ʻa ia ʻoku ʻikai ʻiate ia ha taʻemāʻoniʻoni.
93 Kuo hoko ʻa Sihova ko e Tuʻi!+
ʻOkú ne kofuʻaki ʻa e lāngilangi;
ʻOku kofuʻaki ʻe Sihova ʻa e mālohi;
ʻOkú ne tui ia ʻo hangē ha letá.
3 Kuo haʻaki mai ʻa e ngaahi vaitafé, ʻe Sihova,
Kuo haʻaki mo ʻuʻulu mai ʻa e ngaahi vaitafé;
ʻOku hanganaki haʻaki mo haʻulu mai ʻa e ngaahi vaitafé.
4 Mahulu hake ʻi he leʻo ʻo e ngaahi vai lahí,
Pea mālohi ange ʻi he fasi ʻa e peau ʻo e tahí,+
Ko Sihova ia ʻoku fakangeingeia ʻi he taukakapá.+
5 Ko hoʻo ngaahi fakamanatú ʻoku mātuʻaki alafalalaʻanga,+
ʻE Sihova, ko e māʻoniʻoní ʻoku teuʻaki maʻu ai pē ho* falé.+
94 ʻE ʻOtua ʻo e faisāuni, ʻe Sihova,+
ʻE ʻOtua ʻo e faisāuni, ke ke ulo mai!
2 Tuʻu hake, ʻa e Fakamaau ʻo e māmaní.+
Totongi ki he kau hīkisiá ʻa e meʻa ʻoku nau tuha mo iá.+
3 Ko e hā hono fuoloa ʻo e kau fulikivanú, ʻe Sihova,
Ko e hā hono fuoloa ʻo e hokohoko atu ʻa e fiefia ʻa e kau fulikivanú?+
4 ʻOku nau valelau mo lea pōlepole;
Ko e kotoa ʻo e kau faihalá ʻoku nau fakamafutofuta ʻo fekauʻaki mo kinautolu.
5 ʻOku nau laiki ho kakaí, ʻe Sihova,+
Pea fakafeʻātungiaʻi ho tofiʻá.
6 ʻOku nau tāmateʻi ʻa e uitoú mo e mulí,
Pea ʻoku nau fakapoongi ʻa e fānau tamai-maté.
7 ʻOku nau pehē: “ʻOku ʻikai ke sio mai ʻa Iā;+
ʻOku ʻikai ke fakatokangaʻi ia ʻe he ʻOtua ʻo Sēkopé.”+
8 Mou mahinoʻi eni, ʻa kimoutolu taʻeʻatamaí;
Ko kimoutolu ʻa e kau valé, ko ʻafē ʻe faifai ange pea mou fakahaaʻi ai ʻa e vavanga fakaefakakaukaú?+
9 Ko e Tokotaha naʻá ne ngaohi* ʻa e telingá, ʻe ʻikai koā te ne fanongo?
Ko e Tokotaha naʻá ne faʻu ʻa e matá, ʻe ʻikai koā te ne sio?+
10 Ko e Tokotaha ʻokú ne fakatonutonu ʻa e ngaahi puleʻangá, ʻe ʻikai koā te ne fai ha valoki?+
Ko ia ʻa e Tokotaha ʻokú ne ʻoatu ʻa e ʻiló ki he kakaí!+
11 ʻOku ʻafioʻi ʻe Sihova ʻa e ngaahi fakakaukau ʻa e tangatá,
Ko ha koto mānava pē ia.+
12 ʻE Iā,+ he fiefia ē ko e tangata ʻokú ke fakatonutonú,
ʻA ia ʻokú ke akoʻi ʻaki hoʻo laó,+
13 Ke ʻoange kiate ia ʻa e nonga lolotonga ʻa e ngaahi ʻaho ʻo e faingataʻá,
Kae ʻoua kuo keli ha luo ki he tokotaha fulikivanú.+
15 He ʻe toe fai ha fakamaau māʻoniʻoni,
Pea ko e kau loto-totonú kotoa te nau muimui ai.
16 Ko hai ʻe tuʻu hake maʻaku ki he fulikivanú?
Ko hai ʻe tuʻu maʻaku ki he kau faihalá?
18 ʻI heʻeku pehē: “ʻOku hekea hoku vaʻé,”
Ko hoʻo ʻofa mateakí, ʻe Sihova, naʻá ne hanganaki poupouʻi aú.+
20 ʻE lava ke kau mo koe ha taloni* ʻo e kākaá
21 ʻOku nau ʻohofi anga-fakamamahi ʻa e tokotaha māʻoniʻoní+
22 Ka ʻe hoko ʻa Sihova ko ha hūfangaʻanga malu* kiate au,
Ko hoku ʻOtuá ʻa hoku makatuʻu hūfangaʻangá.+
23 Te ne ʻai ʻenau ngaahi ngāue fulikivanú ke foki pē kiate kinautolu.+
Te ne tāmateʻi* kinautolu ʻaki ʻenau kovi pē ʻanautolú.
Ko Sihova ko hotau ʻOtuá te ne tāmateʻi* kinautolu.+
95 Mou haʻu ke tau kaila fiefia kia Sihova!
Ke tau kaila ʻi he ikuna ki hotau Makatuʻu ʻo e fakamoʻuí.+
3 He ko Sihová ko ha ʻOtua lahi,
Ko ha Tuʻi lahi ʻi he kotoa ʻo e ngaahi ʻotua kehé.+
4 ʻOku ʻi hono nimá ʻa e ngaahi loloto ʻo e māmaní;
ʻOku ʻaʻana ʻa e tumutumu ʻo e ngaahi moʻungá.+
6 Mou haʻu ke tau lotu mo punou kiate ia;
Ke tau tūʻulutui ʻi he ʻao ʻo Sihova ko hotau Tokotaha-Ngaohí.+
7 He ko hotau ʻOtuá ia,
Pea ko kitautolú ko e kakai ʻo ʻene kaikaiʻangá,
ʻI he ʻahó ni kapau te mou fanongo ki hono leʻó,+
8 ʻOua ʻe fakafefeka homou lotó hangē ko ia ʻi Mēlipá,*+
Hangē ko ia ʻi he ʻaho ʻo Masa* ʻi he toafá,+
9 ʻI hono ʻahiʻahiʻi au+ ʻe hoʻomou fanga kuí;
Naʻa nau poleʻi au, neongo naʻa nau mamata ʻi heʻeku ngaahi ngāué.+
10 ʻI he taʻu ʻe 40 naʻá ku ongoʻi fakaliliʻa ai ki he toʻutangata ko iá, pea naʻá ku pehē:
“Ko ha kakai kinautolu ʻoku nau ʻalu hē maʻu pē ʻi honau lotó;
Kuo ʻikai te nau hoko ʻo ʻiloʻi ʻa hoku ngaahi ʻalungá.”
11 Ko ia naʻá ku fai ai ha fakapapau ʻi heʻeku houhaú:
“ʻE ʻikai te nau hū ki hoku mālōlōʻangá.”+
96 Hiva kia Sihova ha hiva foʻou.+
Hiva kia Sihova, ʻa māmani kotoa!+
2 Hiva kia Sihova; fakahīkihikiʻi hono huafá.
Fanongonongo ʻa e ongoongo lelei ʻo ʻene fakamoʻuí ʻi he ʻaho ki he ʻaho!+
3 Talaki hono lāngilangí ʻi he lotolotonga ʻo e ngaahi puleʻangá,
ʻEne ngaahi ngāue fakaofó ʻi he lotolotonga ʻo e ngaahi kakaí kotoa.+
4 Ko Sihová ʻoku lahi mo taau lahi taha ke fakahīkihikiʻí.
ʻOkú ne fakamanavahē lahi ange ʻi he ngaahi ʻotua kehe kotoa pē.
5 Ko e ngaahi ʻotua kotoa ʻo e ngaahi kakaí ko e ngaahi ʻotua taʻeʻaonga,+
Ka ko Sihova ia naʻá ne ngaohi ʻa e langí.+
6 ʻOku ʻi hono ʻaó ʻa e lāngilangi* mo e nāunauʻia;+
ʻOku ʻi hono feituʻu toputapú ʻa e mālohi mo e fakaʻofoʻofa.+
7 ʻOange kia Sihova ʻa e meʻa ʻoku tuha mo iá, ʻa kimoutolu ngaahi fāmili ʻo e ngaahi kakaí,
ʻOange kia Sihova ʻa e meʻa ʻoku tuha mo iá koeʻuhi ko hono lāngilangí mo hono mālohí.+
8 ʻOange kia Sihova ʻa e lāngilangi ʻoku tuha mo hono huafá;+
ʻOmi ha meʻaʻofa pea hū ki hono ongo lotoʻaá.
9 Punou hifo* kia Sihova ʻi he teunga toputapu.*
Ke tetetete ʻi hono ʻaó, ʻa e kotoa ʻo māmaní!
10 Talaki ʻi he lotolotonga ʻo e ngaahi puleʻangá: “Kuo Tuʻi ʻa Sihova!+
Ko e māmaní* kuo fokotuʻu maʻu, heʻikai malava ke toe ueʻi.*
Te ne fakamaau totonu* ʻa e ngaahi kakaí.”+
11 Tuku ke fiefia ʻa e langí, pea tuku ke tomeʻe ʻa e māmaní;
Tuku ke ʻuʻulu ʻa e tahí mo e meʻa kotoa ʻokú ne fakafonu iá;+
12 Tuku ke fiefia ʻa e ngaahi ngoué mo e meʻa kotoa ʻoku ʻi aí.+
ʻI he taimi tatau tuku ke kalanga fiefia ʻa e ʻuluʻakau kotoa ʻo e vaotaá+
13 ʻI he ʻao ʻo Sihová, he ʻokú ne* hāʻele mai,
ʻOkú ne hāʻele mai ke fakamaau ʻa e māmaní.
97 Kuo Tuʻi ʻa Sihova!+
Tuku ke fiefia ʻa e māmaní.+
Tuku ke mavava ʻa e ngaahi ʻotu motú.+
2 ʻOku takatakai kiate ia ʻa e ngaahi ʻaó mo e poʻuli matolú;+
Ko e māʻoniʻoní mo e fakamaau totonú ʻa e fakavaʻe ʻo hono taloní.+
4 Ko e tapa ʻa ʻene ʻuhilá ʻokú ne fakamaama ʻa e fonuá;
ʻOku sio ki ai ʻa e māmaní pea tetetete.+
5 Ko e ngaahi moʻungá ʻoku nau vaia ʻo hangē ha ngakó ʻi he ʻao ʻo Sihová,+
ʻI he ʻao ʻo e ʻEiki ʻo māmani kātoá.
6 Ko e langí ʻokú ne fanongonongo ʻa ʻene māʻoniʻoní,
Pea ko e ngaahi kakaí kotoa ʻoku nau sio ki hono lāngilangí.+
7 Tuku ke hoko ʻo mā ʻa e faʻahinga kotoa ʻoku tauhi ki ha ʻīmisi pē kuo tongi,+
ʻA e faʻahinga ʻoku pōlepole ʻaki honau ngaahi ʻotua taʻeʻaongá.+
Punou* kiate ia, ʻa kimoutolu kotoa ngaahi ʻotuá.+
8 ʻOku fanongo ʻa Saione pea fiefia;+
ʻOku mavava ʻa e ngaahi kolo* ʻo Siutá
Koeʻuhí ko hoʻo ngaahi fakamāú, ʻe Sihova.+
9 He ko koe, ʻe Sihova, ʻa e Fungani Māʻolunga ʻi he māmaní kotoa;
ʻOku hakeakiʻi koe ʻo ke māʻolunga mamaʻo ange ʻi he ngaahi ʻotua kehé kotoa.+
10 Ko kimoutolu ʻoku ʻofa kia Sihová, mou fehiʻa ʻi he meʻa ʻoku koví.+
ʻOkú ne leʻohi ʻa e moʻui ʻa ʻene faʻahinga mateakí;+
ʻOkú ne fakahaofi kinautolu mei he nima* ʻo e kau fulikivanú.+
12 Fiefia ʻia Sihova, ʻa kimoutolu kau māʻoniʻoní,
Pea fakamālō ki hono huafa* māʻoniʻoní.
Ko ha hiva.
Ko hono nima toʻomataʻú, ʻa hono nima māʻoniʻoní, kuó ne ʻomi ʻa e fakamoʻui.*+
2 Kuo ʻai ʻe Sihova ke ʻiloa ʻa ʻene fakamoʻuí;+
Kuó ne fakahaaʻi ʻa ʻene māʻoniʻoní ʻi he ʻao ʻo e ngaahi puleʻangá.+
3 Kuó ne manatua ʻa ʻene ʻofa mateaki mo ʻene faitōnunga ki he fale ʻo ʻIsilelí.+
Ko e ngaahi ngataʻanga kotoa ʻo e māmaní kuo nau mātā ʻa e fakamoʻui ʻa hotau ʻOtuá.*+
4 Kaila ʻi he ikuna kia Sihova, ʻa e kotoa ʻo e māmaní.
Ke nēkeneka mo kaila fiefia pea mo hiva fakahīkihiki.*+
5 Hiva fakahīkihiki* kia Sihova ʻaki ʻa e haʻapé,
ʻAki ʻa e haʻapé mo e hiva mālie.
6 ʻAki ʻa e ngaahi talupite pea mo e ongo ʻo e meʻaifi,+
Kaila ʻi he ikuna ʻi he ʻao ʻo e Tuʻí, ʻa Sihova.
7 Tuku ke ʻuʻulu ʻa e tahí mo e meʻa kotoa ʻokú ne fakafonu iá,
ʻA e māmaní* mo e faʻahinga ʻoku nofo aí.
8 Tuku ke pasipasi ʻa e ngaahi vaitafé;
Tuku ke kaila fiefia fakataha ʻa e ngaahi moʻungá+
9 ʻI he ʻao ʻo Sihová, he ʻokú ne* hāʻele mai ke fakamaau ʻa e māmaní.
99 Kuo Tuʻi ʻa Sihova.+ Tuku ke tetetete ʻa e ngaahi kakaí.
ʻOkú ne ʻafio ʻi he taloni ʻi ʻolunga ʻi he* ongo selupimí.+ Tuku ke ngalulu ʻa e māmaní.
2 ʻOku lahi ʻa Sihova ʻi Saione,
Pea ʻokú ne māʻolunga ʻi he ngaahi kakaí kotoa.+
3 Tuku ke nau fakahīkihikiʻi ho huafa lahí,+
He ʻoku lāngilangiʻia ia mo māʻoniʻoni.
4 Ko ha tuʻi māfimafi ia ʻokú ne ʻofa ʻi he fakamaau totonú.+
Kuó ke fokotuʻu maʻu ʻa e faitotonú.
Kuó ke ʻomi ʻa e fakamaau totonu mo e māʻoniʻoni+ kia Sēkope.
6 Ko Mōsese mo ʻĒlone naʻá na kau ʻi heʻene kau taulaʻeikí,+
Pea ko Sāmiuela naʻe kau ʻi he faʻahinga naʻe ui ki hono huafá.+
Naʻa nau ui kia Sihova,
Pea naʻá ne fai mai ha tali kiate kinautolu.+
7 Naʻá ne folofola kiate kinautolu mei he pou ʻaó.+
Naʻa nau tauhi ʻa ʻene ngaahi fakamanatú pea mo e tuʻutuʻuni naʻá ne ʻoange kiate kinautolú.+
8 ʻE Sihova ko homau ʻOtua, naʻá ke fai ha tali kiate kinautolu.+
Ko ha ʻOtua koe naʻá ke fakamolemoleʻi kinautolu,+
Ka naʻá ke tauteaʻi* kinautolu ʻi heʻenau ngaahi faiangahalá.+
9 Hakeakiʻi ʻa Sihova ko hotau ʻOtuá+
Pea punou* ʻi muʻa ʻi hono moʻunga tapú,+
He ko Sihova ko hotau ʻOtuá ʻoku māʻoniʻoni ia.+
Ko ha hiva fakafetaʻi.
100 Kaila ʻi he ikuna kia Sihova, ʻa e māmaní kotoa.+
2 Tauhi kia Sihova ʻi he nēkeneka.+
Hū ki hono ʻaó mo e kaila fiefia.
3 Mou ʻilo* ko Sihova pē ʻa e ʻOtuá.+
Ko ia ʻa e tokotaha naʻá ne ngaohi kitautolú, pea ʻoku ʻaʻana kitautolu.*+
Ko e kakai kitautolu ʻaʻana mo e fanga sipi ʻo ʻene kaikaiʻangá.+
ʻOatu ʻa e fakamālō kiate ia; fakahīkihikiʻi ʻa hono huafá.+
Ko ʻene ʻofa mateakí ʻoku tolonga ʻo taʻengata,
Pea mo ʻene faitōnungá ʻi he ngaahi toʻutangatá kotoa.+
Saame ʻa Tēvita. Ko ha hiva.
101 Te u hiva fekauʻaki mo e ʻofa mateakí mo e fakamaau totonú.
ʻE Sihova, te u hiva fakahīkihiki* kiate koe.
2 Te u ngāue ʻi he fakapotopoto pea ʻi he taʻemele.*
Ko ʻafē te ke tokoni mai ai kiate aú?
Te u ʻaʻeva ʻi he anga-tonu ʻo hoku lotó+ ʻi hoku loto falé.
3 ʻE ʻikai te u fokotuʻu ha meʻa taʻeʻaonga ʻe taha ʻi muʻa ʻiate au.
ʻOku ou fehiʻa ʻi he ngaahi ngāue ʻa e faʻahinga ʻoku nau afe mei he meʻa ʻoku totonú;+
ʻE ʻikai haʻaku kaunga ʻe taha kiate kinautolu.*
4 Ko ha loto-kākā ʻoku mamaʻo ia meiate au;
ʻE ʻikai te u tali* ʻa e meʻa ʻoku koví.
Ko ha taha pē ʻoku sio fakamāhiki mo loto-pōlepole,
ʻE ʻikai te u kātakiʻi.
6 Te u hanga ki he faʻahinga faitōnunga ʻo e māmaní,
Koeʻuhí ke nau nofo mo au.
Ko e tokotaha ʻoku ʻaʻeva taʻemelé* te ne tauhi kiate au.
7 ʻE ʻikai nofo ha tokotaha kākā ʻi hoku falé,
Pea ʻe ʻikai tuʻu ha tokotaha loi ʻi hoku ʻaó.*
8 ʻI he pongipongi kotoa pē te u fakasīlongoʻi* ai ʻa e kau fulikivanu kotoa pē ʻo e māmaní,
Ke tuʻusi ʻa e kau faihala kotoa pē mei he kolo ʻo Sihová.+
Ko ha lotu ʻa e tokotaha lōmekiná ʻi he siva ʻa ʻene ʻamanakí* ʻo ne lilingi atu ʻa ʻene loto-hohaʻá ʻi he ʻao ʻo Sihová.+
102 ʻE Sihova, fanongo mai muʻa ki heʻeku lotú;+
Tuku ke aʻu atu kiate koe ʻa ʻeku tangi ki ha tokoní.+
2 ʻOua naʻá ke fufū ho fofongá meiate au ʻi he taimi ʻo ʻeku mamahí.+
3 He ʻoku mole atu ʻa hoku ngaahi ʻahó ʻo hangē ha ʻahú,
Pea ko hoku ngaahi huí ʻoku vela ʻo hangē ha tafuʻanga afí.+
4 Ko hoku lotó ʻoku hangē ha mohuku kuo taaʻi ʻe he laʻaá pea maé,+
He ʻoku ngalo ʻiate au ke u kai ʻa ʻeku meʻakaí.
6 ʻOku ou tatau mo e pelikani ʻo e toafá;
ʻOku ou hangē ha kiʻi foʻi lulu ʻi ha potu kuo ʻauhá.
8 ʻOku luma kiate au ʻa hoku ngaahi filí ʻi he ʻahó kotoa.+
Ko e faʻahinga ʻoku nau manukiʻi aú* ʻoku nau ngāueʻaki hoku hingoá ko ha talatuki.
9 He ʻoku ou kai ʻa e efuefú ko ʻeku maá ia,+
Pea ko hoku inú ʻoku huʻi ʻaki ʻa e loʻimatá,+
10 Koeʻuhi ko hoʻo houhaú mo hoʻo tuputāmakí,
He naʻá ke hiki hake pē aú ke lī ki he tafaʻakí.
12 Ka ko koé ʻokú ke ʻi ai ai pē ʻo taʻengata, ʻe Sihova,+
Pea ko ho ongoongó* ʻe tuʻuloa ʻi he ngaahi toʻutangatá kotoa.+
13 Ko e moʻoni te ke tuʻu hake ʻo fakahaaʻi ʻa hoʻo mēsí ki Saione,+
He kuo taimi ke fakahaaʻi kiate ia ʻa hoʻo hōifuá;+
Kuo hoko mai ʻa e taimi kotofá.+
14 He ko hoʻo kau sevānití ʻoku nau leleiʻia ʻi hono ngaahi maká+
Pea ʻoku aʻu ʻo nau ʻofa ki hono efú.+
15 Ko e ngaahi puleʻangá te nau manavahē ki he huafa ʻo Sihová,
Pea ko e kotoa ʻo e ngaahi tuʻi ʻo e māmaní ki ho lāngilangí.+
18 ʻOku hiki eni ki he toʻutangata ʻi he kahaʻú,+
Koeʻuhí ke fakahīkihikiʻi ʻa Iā ʻe ha kakai kuo teʻeki ke fanauʻi.*
19 He ʻokú ne vakai hifo mei hono feituʻu māʻolunga toputapú,+
ʻOku vakai mai ʻa Sihova mei he langí ki he māmaní,
20 Ke fanongo ki he māpuhoi ʻa e pōpulá,+
Ke tuku ange ʻa e faʻahinga kuo tautea maté,+
21 Koeʻuhí ke talaki ʻa e huafa ʻo Sihová ʻi Saione+
Pea mo hono fakahīkihikí ʻi Selusalema,
22 ʻI he taimi ʻe fakatahataha ai ʻa e ngaahi kakaí mo e ngaahi puleʻangá
Ke nau tauhi kia Sihová.+
23 Naʻá ne kaihaʻasi teʻeki taimi meiate au ʻa hoku mālohí;
Naʻá ne fakanounou ʻa hoku ngaahi ʻahó.
24 Naʻá ku pehē: “ʻE hoku ʻOtua,
ʻOua naʻá ke fakaʻauha au ʻi he vaeua ʻa ʻeku moʻuí,
ʻA koe ʻa ia ko ho ngaahi taʻú ʻoku tolonga ʻi he ngaahi toʻutangatá kotoa.+
25 ʻI he kuohilí naʻá ke fakatoka ai ʻa e ngaahi makatuʻunga ʻo e māmaní,
Pea ko e ngaahi langí ko e ngāue ia ʻa ho nimá.+
26 Te nau ʻauha, ka ko koe te ke kei ʻi ai ai pē;
ʻI he hangē tofu pē ko ha kofú te nau hoko kotoa ʻo popo.
Te ke fetongi kinautolu ʻo hangē ko ha valá, pea te nau mole atu.
27 Ka ko koé ʻokú ke tatau ai pē, pea ko ho ngaahi taʻú ʻe ʻikai ʻaupito ke ngata.+
28 Ko e fānau ʻa hoʻo kau sevānití te nau nofo malu,
Pea ko honau hakó ʻe fokotuʻu maʻu ʻi ho ʻaó.”+
Saame ʻa Tēvita.
103 Tuku ke u fakahīkihikiʻi ʻa Sihova;
Tuku ke fakahīkihikiʻi ʻe hoku ngaahi kupú kotoa ʻa hono huafa māʻoniʻoní.
2 Tuku ke u fakahīkihikiʻi ʻa Sihova;
ʻOfa ke ʻoua ʻaupito naʻa ngalo ʻiate au ʻa e meʻa kotoa kuó ne faí.+
3 ʻOkú ne fakamolemoleʻi ʻa hoʻo ngaahi faihalá kotoa+
Pea fakamoʻui ho ngaahi mahakí kotoa;+
4 ʻOkú ne fakafoki mai ʻa hoʻo moʻuí mei he luó*+
Pea fakakalauni koe ʻaki ʻene ʻofa mateakí mo ʻene mēsí.+
5 ʻOkú ne fakafiemālieʻi koe ʻaki ʻa e ngaahi meʻa lelei+ ʻi he kotoa ʻo hoʻo moʻuí,
Ko ia ʻoku toe fakafoʻou ai ho tuʻunga talavoú ʻo hangē ko ha ʻīkalé.+
10 Kuo ʻikai te ne fai kiate kitautolu ʻo fakatatau ki heʻetau ngaahi angahalá,+
Pe totongi kiate kitautolu ʻa e meʻa ʻoku tuha mo ʻetau ngaahi faihalá.+
11 He ʻi he hangē ko e māʻolunga ange ʻa e langí ʻi he māmaní,
ʻOku pehē ʻa e lahi ʻo ʻene ʻofa mateaki ki he faʻahinga ʻoku manavahē kiate iá.+
12 Hangē ko e mamaʻo ʻa e hopoʻanga laʻaá mei he tōʻanga laʻaá,
ʻOku pehē ʻa e mamaʻo ʻo ʻene ʻave meiate kitautolu ʻa ʻetau laka halá.+
13 Hangē ko hono fakahāhā ʻe ha tamai ʻa e mēsí ki hono ngaahi fohá,
Kuo fakahāhā ʻe Sihova ʻa e mēsí ki he faʻahinga ʻoku manavahē kiate iá.+
15 Ko e meʻa ki he tangata ko e meʻa noa peé, ko hono ngaahi ʻahó ʻoku hangē ko e musié;+
ʻOkú ne matala ʻo hangē ha matalaʻiʻakau ʻo e ngoué.+
16 Ka ʻi he puhi atu ʻa e matangí, ʻoku ʻikai ke ne toe ʻi ai,
ʻO hangē ia naʻe ʻikai ʻaupito pē ke ʻi ai iá.*
17 Ka ko e ʻofa mateaki ʻa Sihová ʻe ʻi he kotoa ʻo ʻitānití*
Ki he faʻahinga ʻoku manavahē kiate iá,+
Pea ko ʻene māʻoniʻoní ʻe ʻi he fānau ʻa ʻenau fānaú,+
18 Ki he faʻahinga ʻoku nau fai ki heʻene fuakavá+
Mo e faʻahinga ʻoku nau tokanga ke tauhi ʻa ʻene ngaahi tuʻutuʻuní.
19 Kuo fokotuʻu maʻu ʻe Sihova ʻa hono taloní ʻi he langí;+
Pea ʻoku pule ʻa hono tuʻunga-tuʻí ki he meʻa kotoa.+
20 Fakahīkihikiʻi ʻa Sihova, ʻa kimoutolu kotoa ko ʻene kau ʻāngeló,+ ʻoku mou kaukaua ʻi he mālohí,
ʻOku mou fai ki heʻene folofolá,+ ʻo talangofua ki hono leʻó.*
21 Fakahīkihikiʻi ʻa Sihova, ʻa ʻene ngaahi kongakaú kotoa,+
ʻA ʻene kau talafekau ʻoku nau fai ʻa hono finangaló.+
22 Fakahīkihikiʻi ʻa Sihova, ʻa ʻene ngaahi ngāué kotoa,
ʻI he feituʻu kotoa ʻokú ne pule ki aí.
Tuku ke fakahīkihikiʻi ʻe heʻeku moʻuí ʻa Sihova.
104 Tuku ke u fakahīkihikiʻi ʻa Sihova.+
ʻE Sihova ko hoku ʻOtua, ʻokú ke lahi ʻaupito.+
ʻOku fakakofuʻaki koe ʻa e lāngilangi* pea mo e fakaʻofoʻofa.+
2 ʻOku takatakaiʻi koe ʻe he māmá+ ʻo hangē ha kofú;
ʻOkú ke folahi atu ʻa e langí ʻo hangē ha tupenu tēnití.+
3 ʻOkú ne fakatoka ʻa e pimi ʻo hono ngaahi loki ʻi ʻolungá ʻi he ngaahi vai ʻi he ʻataá,*+
ʻOkú ne ʻai ʻa e ngaahi ʻaó ko ʻene saliote,+
ʻOkú ne hāʻele ʻi he ngaahi kapakau ʻo e matangí.+
4 ʻOkú ne ʻai ʻene kau ʻāngeló ko e ngaahi laumālie,
Ko ʻene kau talafekaú ko ha afi faifakaʻauha.+
5 Kuó ne fokotuʻu ʻa e māmaní ʻi hono makatuʻungá;+
ʻE ʻikai ke ueʻi ia mei hono tuʻuʻangá* ʻo taʻengata pea taʻengata.+
6 Naʻá ke ʻufiʻufi ia ʻaki ʻa e ngaahi vai loloto ʻo hangē ko ha kofú.+
Naʻe māʻolunga ʻa e ngaahi vaí ʻi he ngaahi moʻungá.
7 ʻI hoʻo valokí naʻa nau hola;+
ʻI he ongo mai hoʻo maná naʻa nau lele ʻi he ilifia
8 —Naʻe ʻalu hake ʻa e ngaahi moʻungá+ pea ʻalu hifo ʻa e ngaahi teleʻá—
Ki he feituʻu naʻá ke fokotuʻu moʻonautolú.
9 Naʻá ke fokotuʻu ha kauʻā ke ʻoua naʻa nau fakalaka atu ai,+
Ke ʻoua ʻaupito naʻa nau toe ʻufiʻufi ʻa e māmaní.
10 Naʻá ne ʻoatu ha ngaahi matavai ki he ngaahi teleʻá;*
ʻOku nau tafe ʻi he vahaʻa ʻo e ngaahi moʻungá.
11 ʻOku nau tokonaki ʻa e vai ki he fanga manu fekai kotoa ʻo e vaó;
Ko e fanga ʻasi kaivaó ʻoku fakanonga ai ʻenau fieinuá.
12 ʻOku nofo ʻi ʻolunga ai ʻa e fanga manupuna ʻo e ʻataá;
ʻOku nau hiva ʻi he ngaahi vaʻa ʻo e ʻuluʻakau lau maʻuiʻuí.
13 ʻOkú ne fuʻifuʻi ʻa e ngaahi moʻungá mei hono ngaahi loki ʻi ʻolungá.+
ʻI he fua ʻo hoʻo ngaahi ngāué ʻoku fiemālie ai ʻa e māmaní.+
14 ʻOkú ne ʻai ke tupu ʻa e musié maʻá e fanga pulú
Pea mo e mohukú ke ngāueʻaki ʻe he faʻahinga ʻo e tangatá,+
Ke tupu ha meʻakai mei he kelekelé
15 Mo e uaine ʻa ia ʻokú ne ʻai ke fiefia ʻa e loto ʻo e tangatá,+
Mo e lolo ʻa ia ʻokú ne ʻai ke ngingila ʻa e matá,
Mo e mā ʻa ia ʻokú ne ʻai ke mālohi ʻa e loto ʻo e tangata ko e meʻa noa peé.+
16 ʻOku fiemālie ʻa e ʻuluʻakau ʻa Sihová ʻi he lahi ʻo e vaí,
ʻA e ʻulu sita ʻo Lepanoni ʻa ia naʻá ne toó,
17 ʻA ia ʻoku ngaohi ai ʻe he fanga manupuná ʻa honau punungá.
Ko e nofoʻanga ʻo e sitoaké+ ʻoku ʻi he ʻulu siunipá.
18 Ko e ngaahi moʻunga māʻolungá ʻoku maʻá e fanga kosi nofo moʻungá;+
Ko e ngaahi makatuʻú ko ha hūfangaʻanga ia ki he fanga safaná.*+
19 Kuó ne ngaohi ʻa e māhiná ke ne fakaʻilongaʻi ʻa e ngaahi taimi kotofá;
ʻOku ʻiloʻi lelei ʻe he laʻaá ʻa e taimi ke ne tō aí.+
20 ʻOkú ke ʻomi ʻa e fakapoʻulí, pea ʻoku poʻuli,+
ʻA e taimi ʻoku ʻalu fano holo ai ʻa e fanga manu kaivao kotoa ʻo e vaotaá.
21 Ko e fanga laione muí ʻoku nau ngungulu ʻi heʻenau kumi kaí+
Pea kumi ʻenau meʻakaí mei he ʻOtuá.+
22 ʻI he hopo ʻa e laʻaá,
ʻOku nau mavahe ʻo tākoto ʻi honau ngaahi ʻaná.
23 ʻOku ʻalu ʻa e tangatá ki heʻene ngāué,
Pea ʻokú ne ngāue mālohi ʻo aʻu ki he efiafí.
24 He lahi moʻoni ē ko hoʻo ngaahi ngāué, ʻe Sihova!+
Kuó ke ngaohi kotoa kinautolu ʻi ho potó.+
ʻOku fonu ʻa e māmaní ʻi he meʻa kuó ke ngaohí.
25 Ko ena ʻa e tahí, ʻoku mātuʻaki lahi mo fālahi,
ʻOku ngaeve ʻi he ngaahi meʻamoʻui taʻefaʻalaua, fakatouʻosi ʻi he iiki mo e lalahi.+
27 Ko kinautolu kotoa ʻoku nau tatali atu kiate koe
Ke ʻoange ʻa ʻenau meʻakaí ʻi hono taimi totonu.+
28 Ko e meʻa ʻokú ke ʻoange kiate kinautolú, ʻoku nau tānaki.+
ʻI hoʻo folahi ho nimá, ʻoku nau fiemālie ai ʻi he ngaahi meʻa lelei.+
29 ʻI hoʻo fufū ho fofongá, ʻoku nau hohaʻa.
Kapau te ke toʻo ʻenau mānavá,* ʻoku nau mate pea foki ki he efú.+
30 Kapau te ke fekauʻi atu ho laumālié, ʻoku fakatupu ai kinautolu,+
Pea ʻokú ke fakafoʻou ʻa e funga kelekelé.
31 Ko e lāngilangi ʻo Sihová ʻe tolonga ʻo taʻengata.
ʻE fiefia ʻa Sihova ʻi heʻene ngaahi ngāué.+
32 ʻOkú ne hanga ki he māmaní, pea ʻoku tetetete;
ʻOkú ne ala ki he ngaahi moʻungá, pea ʻoku nau kohutuʻu.+
33 Te u hiva kia Sihova+ ʻi he kotoa ʻo ʻeku moʻuí;
Te u hiva fakahīkihiki* ki hoku ʻOtuá ʻi he lolotonga ʻeku kei moʻuí.+
34 Tuku ke fakahōifua kiate ia ʻa ʻeku ngaahi fakakaukaú.*
Te u fiefia ʻia Sihova.
35 ʻE mole atu ʻa e kau angahalá mei he māmaní,
Pea ʻe ʻikai ke kei ʻi ai ʻa e fulikivanú.+
Tuku ke u fakahīkihikiʻi ʻa Sihova. Mou fakahīkihikiʻi ʻa Iā!*
105 Fakamālō kia Sihova,+ ui ki hono huafá,
ʻAi ke ʻiloa ʻa ʻene ngaahi ngāué ʻi he lotolotonga ʻo e ngaahi kakaí!+
2 Hiva kiate ia, hiva fakahīkihiki* kiate ia,
3 Pōlepole ʻi hono huafa māʻoniʻoní.+
Tuku ke fiefia ʻa e loto ʻo e faʻahinga ʻoku kumi kia Sihová.+
4 Kumi kia Sihova+ mo hono mālohí.
Kumi ki hono fofongá* maʻu ai pē.
5 Manatua ʻa e ngaahi ngāue fakaofo kuó ne fakahokó,
ʻA ʻene ngaahi maná mo e ngaahi fakamaau kuó ne fakahaá,+
6 ʻA kimoutolu ko e hako ʻo ʻĒpalahame ko ʻene sevānití,+
ʻA kimoutolu ngaahi foha ʻo Sēkope, ko ʻene faʻahinga kuo filí.+
7 Ko Sihova ia ko hotau ʻOtuá.+
Ko ʻene ngaahi fakamāú ʻoku ʻi he māmaní kotoa.+
8 ʻOkú ne manatua ʻene fuakavá ʻo taʻengata,+
ʻA e talaʻofa naʻá ne fai,* ki ha afeʻi toʻutangata,+
9 ʻA e fuakava naʻá ne fai mo ʻĒpalahamé,+
Pea mo e fuakava naʻá ne fai ʻaki ha fakapapau kia ʻAisaké,+
10 ʻA ia naʻá ne fokotuʻu ko ha tuʻutuʻuni kia Sēkopé
Pea ko ha fuakava taʻengata ki ʻIsileli,
11 ʻO pehē, “Te u ʻoatu moʻou ʻa e fonua ko Kēnaní+
Ke hoko ko homou tofiʻa kuo vaheʻi.”+
12 Naʻe fai eni ʻi he taimi naʻa nau tokosiʻi aí,+
ʻIo, ʻo tokosiʻi ʻaupito, pea naʻa nau hoko ko e kau muli ʻi he fonuá.+
13 Naʻa nau ʻalu fano mei he fonua ki he fonua,
Mei he puleʻanga ʻe taha ki he puleʻanga ʻe taha.+
14 Naʻe ʻikai te ne fakaʻatā ha tangata ke ne ngaohikoviʻi kinautolu,+
Ka naʻá ne valokiʻi ʻa e ngaahi tuʻí koeʻuhí ko kinautolu,+
15 ʻO pehē, “ʻOua naʻa mou ala ki heʻeku kau paní,
Pea ki heʻeku kau palōfitá, ʻoua naʻa fai ki ai ha kovi.”+
17 Naʻá ne fekau ke muʻomuʻa ʻiate kinautolu ha tangata
ʻA ia naʻe fakatau atu ke hoko ko ha pōpula, ko Siosifa.+
18 Naʻa nau haʻi* hono vaʻé ʻaki ʻa e meʻa-haʻi,+
Naʻe fakamaʻu hono kiá ki he ukamea;
19 ʻO aʻu ki he taimi naʻe hoko moʻoni ai ʻa ʻene folofolá,+
Ko e folofola ʻa Sihová ʻa e meʻa naʻá ne sivi iá.
20 Naʻe fekau ʻe he tuʻí ke tuku ange ia,+
Naʻe fakatauʻatāinaʻi ia ʻe he pule ʻo e ngaahi kakaí.
21 Naʻá ne ʻai ia ke ne pule ki hono falé,
Ke pule ki he kotoa ʻo ʻene koloá,+
22 Ke ne pule ki heʻene* kau houʻeikí ʻi heʻene faʻitelihá*
Pea ke akoʻi ki heʻene kau mātuʻá ʻa e potó.+
23 Pea naʻe hū ʻa ʻIsileli ki ʻIsipite,+
Pea naʻe nofo ʻa Sēkope ko ha muli ʻi he fonua ʻo Hamí.
24 Naʻe ʻai ʻe he ʻOtuá ʻa hono kakaí ke nau mātuʻaki tokolahi;+
Naʻá ne ʻai kinautolu ke nau mālohi ange ʻi honau ngaahi filí,+
25 ʻA ia ko honau lotó naʻá ne tuku ke liliu ʻo fehiʻa ki hono kakaí,
Ke nau faʻufaʻu ha kovi ki heʻene kau sevānití.+
27 Naʻá na fakahoko ʻa ʻene ngaahi fakaʻilongá ʻi honau lotolotongá,
ʻA ʻene ngaahi maná ʻi he fonua ʻo Hamí.+
28 Naʻá ne tuku atu ʻa e fakapoʻuli pea naʻe hoko ʻa e fonuá ʻo fakapoʻulituʻu;+
Naʻe ʻikai te nau angatuʻu ki heʻene folofolá.
29 Naʻá ne liliu ʻa ʻenau ngaahi vaí ko e toto
Pea tāmateʻi ʻa ʻenau fanga iká.+
30 Ko honau fonuá naʻe ngaeve ai ʻa e fanga potó,+
Naʻa mo e ʻi he ngaahi loki fakatuʻí.
31 Naʻá ne tuʻutuʻuni ki he fanga langó ke nau ʻohofi ia
Mo e fanga namú ke ʻi honau ngaahi feituʻú kotoa.+
33 Naʻá ne tāmateʻi ʻenau ʻulu kālepí mo ʻenau ʻulu fikí
Pea haveki ʻa e ʻuluʻakau ʻi honau feituʻú.
34 Naʻá ne folofola ke ʻohofi ʻe he fanga heʻé,
ʻE he fanga heʻe iiki taʻefaʻalaua.+
35 Naʻa nau keina ʻa e mohuku kotoa ʻi he fonuá,
Pea naʻa nau keina ʻa e fua ʻo e kelekelé.
36 Pea naʻá ne taaʻi ʻa e ʻuluaki foha kotoa pē ʻi honau fonuá,+
ʻA e kamataʻanga ʻo honau ivi fakafanaú.
37 Naʻá ne ʻomi ki tuʻa ʻa hono kakaí fakataha mo e siliva pea mo e koula;+
Pea naʻe ʻikai ke tūkia ha taha ʻi he lotolotonga ʻo e ngaahi matakali ʻaʻaná.
38 Naʻe fiefia ʻa ʻIsipite ʻi heʻenau mavahé,
39 Naʻá ne folahi atu ʻa e ʻaó ke ne maluʻi kinautolu+
Pea mo e afi ke ne ʻomi ʻa e maama ʻi he poʻulí.+
40 Naʻa nau kole, pea naʻá ne ʻomi ʻa e kueili;+
Naʻá ne hanganaki fakamākona kinautolu ʻaki ʻa e mā mei he langí.+
41 Naʻá ne avangi ha maka, pea naʻe tafe mei ai ha ngaahi vai;+
Naʻe tafe atu ia ʻi he toafá ʻo hangē ha vaitafé.+
42 He naʻá ne manatu ki he talaʻofa toputapu naʻá ne fai kia ʻĒpalahame ko ʻene sevānití.+
43 Ko ia naʻá ne ʻomi ki tuʻa ʻa hono kakaí fakataha mo e fuʻu mavava,+
ʻA ʻene faʻahinga kuo filí fakataha mo ha kaikaila fiefia.
44 Naʻá ne foaki kiate kinautolu ʻa e ngaahi fonua ʻo e ngaahi puleʻangá;+
Naʻa nau maʻu ʻa e meʻa naʻe ngāue mālohi ʻa e ngaahi kakai kehé ke maʻú,+
45 Koeʻuhí ke nau fai ki heʻene ngaahi tuʻutuʻuní+
Pea tauhi ʻene ngaahi laó.
Mou fakahīkihikiʻi ʻa Iā!*
106 Mou fakahīkihikiʻi ʻa Iā!*
2 Ko hai ʻe lava ke ne talaki kakato ʻa e fuʻu ngāue ʻa Sihová
Pe fanongonongo ʻa ʻene ngaahi ngāue kotoa ʻoku taau ke fakahīkihikí?+
3 Fiefia ē ko e faʻahinga ʻoku nau ngāueʻaki ʻa e fakamaau totonú,
ʻA ia ʻoku nau fai maʻu pē ʻa e meʻa ʻoku totonú.+
4 Ke ke manatua muʻa au, ʻe Sihova, ʻi hoʻo fakahāhā ʻa e hōifua ki ho kakaí.+
Tokangaʻi au ʻaki hoʻo ngaahi faifakamoʻuí,
5 Koeʻuhí ke u fiefia ai ʻi he lelei ʻokú ke fakahāhā ki hoʻo faʻahinga kuo filí,+
Ke u fiefia fakataha ai mo ho kakaí,
Ke u laukau* ai ʻi hono fakahīkihikiʻi koe fakataha mo ho tofiʻá.
6 Kuo mau faiangahala ʻo hangē tofu pē ko ia naʻe fai ʻe heʻemau fanga kuí;+
Kuo mau faihala; kuo mau fai ʻa e tōʻonga fulikivanu.+
7 Ko ʻemau fanga kuí ʻi ʻIsipite naʻe ʻikai te nau mahinoʻi* hoʻo ngaahi ngāue fakaofó.
Naʻe ʻikai te nau manatu ki he lahi fau ʻa hoʻo ʻofa mateakí,
Ka naʻa nau angatuʻu ʻi he tahí, ʻi he veʻe Tahi Kulokulá.+
9 Naʻá ne lea mālohi ki he* Tahi Kulokulá, pea naʻe mōmoa;
Naʻá ne taki atu kinautolu ʻi hono lolotó ʻo hangē ko haʻane taki atu ʻi ha toafá;*+
10 Naʻá ne fakahaofi kinautolu mei he nima ʻo honau filí+
Pea toe maʻu mai kinautolu mei he nima ʻo e filí.+
13 Ka naʻe vave ʻenau fakangaloʻi ʻa e meʻa naʻá ne faí;+
Naʻe ʻikai te nau tatali ki heʻene akonakí.
14 Naʻa nau fai ki heʻenau ngaahi holi siokita ʻi he toafá;+
Naʻa nau ʻahiʻahiʻi ʻa e ʻOtuá ʻi he potu lalá.+
15 Naʻá ne ʻoange kiate kinautolu ʻa e meʻa naʻa nau kolé,
Ka naʻá ne toe taaʻi kinautolu ʻaki ha mahaki ʻa ia naʻá ne ʻai ke nau fakaʻauʻausino.+
16 ʻI he ʻapitangá naʻe kamata ke nau meheka ai kia Mōsese,
17 Naʻe fakamanga hake leva ʻa e kelekelé ʻo folo ʻa Tētani
Pea ʻufiʻufi ʻa e faʻahinga naʻe fakatahataha mo ʻApilamí.+
18 Naʻe puho mai ha afi ki he lotolotonga ʻo e kulupu ʻanautolú;
Naʻe keina ʻe ha uloʻi afi ʻa e kau fulikivanú.+
19 Naʻa nau ngaohi ha ʻuhikiʻi pulu ʻi Hōlepi
Pea punou ki ha ʻīmisi mētale;*+
20 Naʻa nau fakafetongi ʻa hoku lāngilangí
Ke fakafofongaʻi ʻe ha pulu kai musie.+
21 Naʻe ngalo ʻiate kinautolu ʻa e ʻOtua+ ko honau Fakamoʻuí,
ʻA ia naʻá ne fai ʻa e ngaahi meʻa fakaofo ʻi ʻIsipité,+
22 ʻA e ngaahi ngāue fakaofo ʻi he fonua ʻo Hamí,+
ʻA e ngaahi ngāue fakamanavahē ʻi he Tahi Kulokulá.+
23 Naʻe teu ke ne ʻoatu ʻa e tuʻutuʻuni ki honau fakaʻauha ʻosí,
Ka ko Mōsese ʻa e tokotaha kuó ne filí naʻá ne kōlenga kiate ia*
Ke taʻofi ʻa ʻene houhau fakaefakaʻauhá.+
25 Naʻa nau ngulungulu ai pē ʻi honau ngaahi tēnití;+
Naʻe ʻikai te nau fanongo ki he leʻo ʻo Sihová.+
26 Ko ia naʻá ne hiki hake hono nimá ʻi ha fuakava fekauʻaki mo kinautolu
Te ne ʻai kinautolu ke nau tō ʻi he toafá;+
27 Te ne ʻai honau hakó ke nau tō ʻi he lotolotonga ʻo e ngaahi puleʻangá,
Pea te ne fakamovetevete kinautolu ʻi he ngaahi fonuá kotoa.+
28 Pea naʻa nau kau ʻi he lotu* kia Pēali ʻo Peolí,+
Pea nau kai ʻa e ngaahi feilaulau naʻe fai ki he kau maté.*
30 Ka ʻi he tuʻu hake ʻa Fineasi ʻo fai ha meʻa ki aí,
Naʻe tuʻu ʻa e malá.+
31 Pea naʻe lau ai ia ʻokú ne māʻoniʻoni
ʻI he kotoa ʻo e ngaahi toʻutangatá ʻo taʻengata.+
32 Naʻa nau fakahouhauʻi Ia ʻi he vai ʻo Mēlipá,*
Pea naʻe hoko ai ha kovi kia Mōsese koeʻuhí ko kinautolu.+
34 Naʻe ʻikai te nau fakaʻauha ʻosi ʻa e ngaahi kakaí,+
ʻO hangē ko ia naʻe tuʻutuʻuni ʻe Sihova kiate kinautolú.+
36 Naʻa nau hanganaki tauhi ʻenau ngaahi ʻaitolí,+
Pea naʻe hoko ʻa e ngaahi meʻá ni ko ha tauhele kiate kinautolu.+
37 Naʻa nau feilaulauʻaki honau ngaahi fohá
Pea mo honau ngaahi ʻofefiné ki he fanga tēmenioó.+
38 Naʻa nau hanganaki lilingi ʻa e toto taʻehalaiá,+
ʻA e toto ʻo honau ngaahi fohá mo honau ngaahi ʻofefiné
ʻA ia naʻa nau feilaulauʻaki ki he ngaahi ʻaitoli ʻo Kēnaní;+
Pea naʻe ʻuliʻi ʻa e fonuá ʻi he lingitotó.
39 Naʻa nau hoko ʻo taʻemaʻa ʻi heʻenau ngaahi ngāué;
Naʻa nau fakahoko ʻa e feʻauaki fakalaumālie ʻi heʻenau ngaahi ngāué.+
40 Ko ia naʻe kakaha ai ʻa e houhau ʻa Sihová ki hono kakaí,
Pea naʻá ne hoko ʻo fakaliliʻa ʻi hono tofiʻá.
41 Naʻá ne toutou tuku atu kinautolu ki he ngaahi puleʻangá,+
Koeʻuhí ke puleʻi kinautolu ʻe he faʻahinga naʻe fehiʻa kiate kinautolú.+
42 Naʻe lōmekina kinautolu ʻe honau ngaahi filí,
Pea naʻa nau moʻulaloa ki honau mafaí.*
43 Naʻe tuʻo lahi ʻene fakahaofi kinautolú,+
Ka naʻa nau angatuʻu mo talangataʻa,+
Pea naʻe fakamāʻulaloʻi kinautolu koeʻuhi ko ʻenau faihalá.+
45 Naʻá ne manatu ki heʻene fuakavá koeʻuhi ko kinautolu,
Pea naʻá ne ongoʻi fakaʻofaʻia,* ʻi hono ueʻi ʻe he lahi* ʻo ʻene ʻofa mateakí.+
46 Naʻá ne ʻai ke fakaʻofaʻia ʻiate kinautolu
ʻA e faʻahinga kotoa naʻa nau puke pōpula kinautolú.+
47 Fakahaofi kimautolu, ʻe Sihova ko homau ʻOtua,+
Pea fakatahatahaʻi kimautolu mei he ngaahi puleʻangá+
Koeʻuhi ke mau ʻoatu ʻa e fakamālō ki ho huafa māʻoniʻoní
Pea tuku ke pehē ʻe he kakai kotoa pē, “ʻĒmeni!”*
Mou fakahīkihikiʻi ʻa Iā!*
TOHI HONO NIMA
(Saame 107-150)
2 Tuku ke leaʻaki ʻa e meʻá ni ʻe he faʻahinga naʻe toe fakafoki mai* ʻe Sihová,
ʻA e faʻahinga naʻe toe fakafoki mai mei he nima* ʻo e filí,+
3 ʻA ia naʻá ne tānaki mai mei he ngaahi fonuá,+
Mei he hahaké pea mei he hihifó,*
Mei he tokelaú pea mei he tongá.+
4 Naʻa nau hē holo ʻi he potu lalá, ʻi he toafá;
Naʻe ʻikai te nau ʻilo ha hala ki ha kolo ʻa ia ʻe lava ke nau nofo ai.
5 Naʻa nau fiekaia mo fieinua;
Naʻa nau pongia ʻi he ongosiá.
6 Naʻa nau hanganaki tangi kia Sihova ʻi heʻenau mamahí;+
Naʻá ne fakahaofi kinautolu mei heʻenau tuʻutāmakí.+
7 Naʻá ne ʻai kinautolu ke nau ō ʻi he hala totonú+
Ke nau aʻu ki ha kolo ʻa ia ʻe lava ke nau nofo ai.+
8 Tuku ke fakamālō ʻa e kakaí kia Sihova+ ʻi heʻene ʻofa mateakí
Pea ʻi heʻene ngaahi ngāue fakaofo maʻá e ngaahi foha ʻo e tangatá.+
9 He kuó ne fakanonga ʻa e fieinuá
Pea fakamākona ʻa e fiekaiá ʻaki ʻa e ngaahi meʻa lelei.+
10 Naʻe nofo ʻa e niʻihi ʻi he fakapoʻulilōloó,
Ko e kau pōpula naʻe faingataʻaʻia pea haʻiʻaki ʻa e ukamea.
11 He naʻa nau angatuʻu ki he folofola ʻa e ʻOtuá;
Naʻa nau taʻefakaʻapaʻapa ki he akonaki ʻa e Fungani Māʻolungá.+
12 Ko ia naʻá ne fakavaivaiʻi ʻa honau lotó fakafou ʻi he faingataʻa;+
Naʻa nau humu, pea naʻe ʻikai ha taha ke ne tokoniʻi kinautolu.
13 Naʻa nau ui kia Sihova ki ha tokoni ʻi heʻenau mamahí;
Naʻá ne fakahaofi kinautolu mei heʻenau tuʻutāmakí.
14 Naʻá ne ʻomi kinautolu ki tuʻa mei he fakapoʻulilōloó,
Peá ne motuhi ʻa honau ngaahi haʻí.+
15 Tuku ke fakamālō ʻa e kakaí kia Sihova ʻi heʻene ʻofa mateakí+
Pea ʻi heʻene ngaahi ngāue fakaofo maʻá e ngaahi foha ʻo e tangatá.
16 He kuó ne maumauʻi ʻa e ngaahi matapā kopá
Pea tutuʻu ʻa e ngaahi pā ukameá.+
18 Naʻe mole honau uʻa fie kai* ki he meʻakaí kotoa;
Naʻa nau ʻunuʻunu ofi ki he ngaahi matapā ʻo maté.
19 Naʻa nau ui kia Sihova ki ha tokoni ʻi heʻenau mamahí;
Naʻá ne fakahaofi kinautolu mei heʻenau tuʻutāmakí.
20 Naʻá ne folofola atu pea nau moʻui ai+
Pea fakahaofi kinautolu mei he ngaahi luo naʻa nau fihia aí.
21 Tuku ke fakamālō ʻa e kakaí kia Sihova ʻi heʻene ʻofa mateakí
Pea ʻi heʻene ngaahi ngāue fakaofo maʻá e ngaahi foha ʻo e tangatá.
22 Tuku ke nau ʻoatu ʻa e ngaahi feilaulau fakafetaʻi+
Pea talaki ʻene ngaahi ngāué ʻaki ha kaila fiefia.
23 Ko e faʻahinga ʻoku folau tahi ʻi he ngaahi vaká,
ʻA ia ʻoku nau fai ʻenau fefakatauʻakí ʻi he ngaahi vai lahí,+
24 Kuo nau mamata ʻi he ngaahi ngāue ʻa Sihová
Mo ʻene ngaahi ngāue fakaofo ʻi he lolotó;+
25 ʻA e anga hono langaʻi ʻe heʻene folofolá ha fuʻu matangí,+
Pea mahiki hake ai ʻa e ngaahi peau ʻo e tahí.
26 ʻOku nau mahiki hake ai ki he ʻataá;
ʻOku nau tūʻulu hifo ai ki he ngaahi lolotó.
ʻOku mōlia atu ʻenau loto-toʻá koeʻuhi ko e tuʻunuku mai ʻa e faingataʻá.
27 ʻOku nau sifā holo mo tāsipa hangē ha tangata konaá,
Pea ʻoku hoko ai ʻo taʻeʻaonga ʻa ʻenau pōtoʻí kotoa.+
28 ʻOku nau ui leva kia Sihova ʻi heʻenau mamahí;+
Pea ʻokú ne fakahaofi kinautolu mei heʻenau tuʻutāmakí.
29 ʻOkú ne fakanonga ʻa e fuʻu matangí;
ʻOku hoko ʻo sīlongo ai ʻa e ngaahi peau ʻo e tahí.+
30 ʻOku nau fiefia ʻi he hoko ko eni ʻo nongá,
Pea ʻokú ne tataki kinautolu ki he taulanga naʻa nau holi ki aí.
31 Tuku ke fakamālō ʻa e kakaí kia Sihova ʻi heʻene ʻofa mateakí
Pea ʻi heʻene ngaahi ngāue fakaofo maʻá e ngaahi foha ʻo e tangatá.+
32 Tuku ke nau hakeakiʻi ia ʻi he fakatahaʻanga ʻo e kakaí,+
Pea tuku ke nau fakahīkihikiʻi ia ʻi he fakataha ʻa e* kau mātuʻá.
33 ʻOkú ne liliu ʻa e ngaahi vaitafé ko ha toafa
Mo e ngaahi matavaí ko ha kelekele pakukā,+
34 ʻA e fonua fua lahí ko ha toafa,+
Koeʻuhi ko e fulikivanu ʻa e faʻahinga ʻoku nofo aí.
35 ʻOkú ne liliu ʻa e toafá ko ha ngaahi anovai kahoʻia,
Mo e fonua mōmoá ko ha ngaahi matavai.+
36 ʻOkú ne ʻai ke nofo ai ʻa e fiekaiá,+
Koeʻuhí ke nau fokotuʻu ai ha kolo ʻa ia ʻe lava ke nau nofo ai.+
37 ʻOku nau tūtuuʻi ʻa e tenga ʻi he ngaahi ngoué pea tō ʻa e ngaahi ngoue kālepi+
ʻOku maʻu ai ʻa e fua lahi.+
38 ʻOkú ne tāpuakiʻi kinautolu pea ʻoku nau tupu ʻo tokolahi;
ʻOku ʻikai te ne tuku ke fakaʻaʻau ʻo ʻosi ʻa ʻenau fanga pulú.+
39 Ka ʻoku nau toe hoko ʻo tokosiʻi pea nau mā
Koeʻuhi ko e fakafeʻātungiá, faingataʻá, pea mo e mamahí.
40 ʻOkú ne huaʻi ki he kau houʻeikí ʻa e taʻetokaʻi
Pea ʻai ke nau hē holo ʻi he ngaahi toafa ʻoku ʻikai ʻi ai hano hala.+
41 Ka ʻokú ne maluʻi* ʻa e masivá mei he fakafeʻātungiá+
Pea ʻai honau ngaahi fāmilí ke lahi ʻo hangē ha tākangá.
42 ʻOku sio ki he meʻá ni ʻa e faitotonú pea fiefia;+
Ka ko e kau taʻemāʻoniʻoní kotoa ʻoku tāpuni honau ngutú.+
43 ʻIlonga ʻa ia ʻoku potó te ne siofi ʻa e ngaahi meʻá ni+
Pea fakakaukau fakalelei ki he ngaahi ʻofa mateaki ʻa Sihová.+
Ko ha saame. Ko e hiva ʻa Tēvita.
2 ʻĀ hake, ʻa e meʻalea filó; mo koe foki, ʻe haʻape.+
Te u fafangu ʻa e mafoa ʻa e atá.
3 Te u fakahīkihikiʻi koe ʻi he lotolotonga ʻo e ngaahi kakaí, ʻe Sihova;
Pea te u hiva fakahīkihiki* kiate koe ʻi he lotolotonga ʻo e ngaahi puleʻangá.
4 He ko hoʻo ʻofa mateakí ʻoku lahi, ʻo māʻolunga hangē ko e langí,+
Pea ko hoʻo faitōnungá ʻoku aʻu hake ki he ʻataá.
5 Ke hakeakiʻi koe ke māʻolunga ʻi he langí, ʻe ʻOtua;
ʻOfa ke hoko ho lāngilangí ʻo māʻolunga ʻi he kotoa ʻo e māmaní.+
6 Koeʻuhi ke fakahaofi ai ʻa e faʻahinga ʻokú ke ʻofa aí,
Fakamoʻui kimautolu ʻaki ho nima toʻomataʻú pea fai mai ha tali kiate au.+
7 Kuo folofola ʻa e ʻOtuá ʻi heʻene māʻoniʻoní:*
“Te u fiefia, pea te u ʻoatu ʻa Sīkemi+ ko ha tofiʻa,
8 ʻOku ʻaʻaku ʻa Kiliati,+ pehē foki mo Manase,
Pea ko ʻIfalemi ʻa e tatā* ki hoku ʻulú;+
Ko Siuta ʻa ʻeku tokotoko pulé.+
9 Ko Mōape ʻa ʻeku pēsoni fanofanó.+
Te u lī ʻa hoku senitoló ki ʻĪtomi.+
Te u kaila ʻi he ikuna ki Filisitia.”+
10 Ko hai te ne ʻave au ki he kolo fakakolotaú?
Ko hai te ne taki au ʻo aʻu ki ʻĪtomí?+
11 ʻIkai ko koe ia, ʻe ʻOtua, kuó ke siʻaki kimautolú,
ʻA homau ʻOtuá, ʻa ia ʻoku ʻikai te ke kei hāʻele atu mo ʻemau kau taú?+
12 Tokoniʻi kimautolu ʻi heʻemau faingataʻaʻiá,+
He ko e fakamoʻui ʻoku fai ʻe he tangatá ko e koto muna pē.+
Ki he pule hivá. Saame ʻa Tēvita. Ko ha hiva.
109 ʻE ʻOtua ʻa ia ʻoku ou fakahīkihikiʻí,+ ʻoua te ke kei fakalongolongo ai pē.
2 He ko e kau fulikivanú mo e kau kākaá ʻoku ava mai honau ngutú kiate au.
ʻOku nau leaʻaki ʻa e ngaahi ʻelelo loi fekauʻaki mo au;+
3 ʻOku nau kāpui au ʻaki ʻa e ngaahi lea tāufehiʻa,
Pea ʻoku nau ʻohofi taʻeʻuhinga au.+
4 Ko ʻenau tali ki heʻeku ʻofá ko ʻenau fakafepakiʻi au;+
Ka ʻoku hokohoko atu pē ʻeku lotú.
6 Fakanofo ke pule kiate ia ha tangata fulikivanu;
ʻOfa ke tuʻu ʻi hono toʻomataʻú ha tokotaha fakafepaki.*
7 ʻI hono fakamāuʻi iá, ʻofa ke lau ia ʻokú ne halaia;*
Naʻa mo ʻene lotú, ʻofa ke lau ia ko e angahala.+
9 Tuku ke hoko ʻo tamai-mate ʻa ʻene fānaú,*
Mo hono uaifí ke hoko ko ha uitou.
10 ʻOfa ke hoko ʻa ʻene fānaú* ko e kau kolekole ʻoku nau hē holo,
ʻO kumi meʻakai mei honau ngaahi ʻapi kuo maumaú.
11 ʻOfa ke puke ʻe he tokotaha ʻokú ne moʻua ki aí ʻa e meʻa kotoa ʻokú ne maʻú,
Pea ʻofa ke faʻao fakamālohi ʻe he kau solá ʻa ʻene ngaahi koloá.
12 ʻOfa ke ʻoua naʻa fakaaʻu atu ʻe ha taha ha anga-ʻofa* kiate ia,
Pea ʻofa ke ʻoua naʻa ʻofeina ʻe ha taha ʻa ʻene fānau tamai-maté.
14 Tuku ke manatuʻi ʻe Sihova ʻa e faihala ʻa ʻene fanga kuí,+
Pea ʻofa ke ʻoua naʻa tāmateʻi ʻa e angahala ʻa ʻene faʻeé.
15 ʻOfa ke lāuʻilo maʻu pē ʻa Sihova ki he meʻa kuo nau faí;
Pea ʻofa ke ne tuʻusi atu ʻa e manatu kiate kinautolú mei he māmaní.+
16 He naʻe ʻikai te ne manatuʻi ke fakahaaʻi ʻa e anga-ʻofá,*+
Ka naʻá ne hanganaki tuli ki he tangata kuo lōmekina,+ masiva mo loto-mamahí
Ke tāmateʻi ia.+
17 Naʻá ne manako ke fai ha talatuki, ko ia naʻe hoko mai ʻa e talatukí kiate ia;
Naʻe ʻikai te ne loto ke fai ha tāpuaki, ko ia naʻe ʻikai te ne maʻu ha tāpuaki.
18 Naʻá ne kofuʻaki ʻa e talatukí ko hono teunga.
Pea naʻe malingi atu ia ki hono sinó ʻo hangē ha vaí,
Ki hono ngaahi huí ʻo hangē ha loló.
19 ʻOfa ke hoko ʻene talatukí ʻo hangē ko e teunga ʻokú ne takatakai ʻaki iá+
Pea hangē ha leta ʻokú ne noʻo maʻu peé.
20 Ko e totongi eni ʻoku fai ʻe Sihova ki he tokotaha ʻokú ne talitekeʻi aú+
Pea ki he faʻahinga ʻoku nau leaʻaki ha kovi kiate aú.
21 Ka ko koe, ʻe Sihova ko e ʻEiki Hau,
Fai mai ha meʻa maʻaku koeʻuhi ko ho huafá.+
Fakahaofi au, koeʻuhí he ʻoku lelei ʻa hoʻo ʻofa mateakí.+
23 ʻOku ou tāutuku atu ʻo hangē ha ʻata ʻoku mōlia atú;
Kuo tupeʻi au ʻo hangē ha heʻé.
24 Ko hoku ongo tuí kuo fehipakaki tupu mei he ʻaukaí;
ʻOku pakau hoku sinó, pea ʻoku ou fakaʻauʻausino.*
25 Kuó u hoko ko e meʻa ke nau lumaʻaki.+
ʻI heʻenau sio mai kiate aú, ʻoku nau kalokalo honau ʻulú.+
26 Tokoniʻi au, ʻe Sihova ko hoku ʻOtua;
Fakahaofi au ʻaki hoʻo ʻofa mateakí.
27 ʻOfa ke nau ʻilo ko ho nimá kuó ne fai ʻa e meʻá ni;
Ko koe ia, ʻe Sihova, kuó ke fai iá.
28 Tuku ke nau fai ha talatuki, kae ʻofa ke ke foaki mai ʻe koe ha tāpuaki.
ʻI heʻenau tuʻu mai kiate aú, tuku ke fakamaaʻi kinautolu,
Kae tuku ke fiefia ʻa hoʻo sevānití.
29 Tuku ke kofuʻaki ʻe he faʻahinga ʻoku nau talitekeʻi aú ʻa e fakamā;
ʻOfa ke takatakaiʻi kinautolu ʻe heʻenau maá ʻo hangē ha pulupulú.*+
30 Ko hoku ngutú te ne fakahīkihikiʻi faivelenga ʻa Sihova;
Te u fakahīkihikiʻi ia ʻi muʻa ʻi he fuʻu kakai tokolahi.+
31 He te ne tuʻu ʻi he toʻomataʻu ʻo e masivá
Ke fakahaofi ia mei he faʻahinga ʻoku nau fakahalaiaʻi iá.
Saame ʻa Tēvita. Ko ha hiva.
110 Naʻe folofola ʻa Sihova ki hoku ʻEikí:
“Nofo hifo ʻi hoku nima toʻomataʻú+
Kae ʻoua kuó u tuku ho ngaahi filí ke nau hoko ko ho tuʻunga-vaʻe.”+
2 ʻE mafao atu ʻe Sihova ʻa e sēpita ʻo ho mālohí mei Saione, ʻo pehē:
“ʻAlu atu ʻo pule ʻi he lotolotonga ʻo ho ngaahi filí.”+
3 Ko ho kakaí te nau foaki loto-lelei atu kinautolu ʻi he ʻaho te ke taki atu ai ʻa hoʻo kau taú ki he taú.*
Ko e kulupu ʻo hoʻo kau talavoú ʻoku nau hangē ko e hahau ʻoku tō hifo ʻi he mafoa ʻa e atá.
Ko ʻenau hā maí ʻoku fakangeingeia mo māʻoniʻoni.
4 Kuo fai ʻe Sihova ha fuakava, pea ʻe ʻikai te ne liliu ʻa ʻene fakakaukaú:*
6 Te ne fakahoko ʻa e fakamaau ki he* ngaahi puleʻangá;+
Te ne fakafonu ʻa e fonuá ʻaki ʻa e ngaahi sino kuo mate.+
Te ne laiki ʻa e takimuʻa* ʻo ha fuʻu fonua lahi.*
7 Te ne* inu mei he vaitafe ʻi he halá.
Ko ia ai, te ne hiki hake hono ʻulú ke māʻolunga.
א [ʻAlefi]
Te u fakahīkihikiʻi ʻa Sihova ʻaki ʻa e kotoa ʻo hoku lotó+
ב [Peta]
ʻI he fakatahataha ʻa e kulupu ʻo e kau faitotonú pea ʻi he fakatahaʻangá.
ג [Kimela]
2 Ko e ngaahi ngāue ʻa Sihová ʻoku kāfakafa;+
ד [Tāleta]
ʻOku ako ki ai ʻa e faʻahinga kotoa ʻoku nau saiʻia aí.+
ה [Hē]
3 Ko ʻene ngāué ʻoku lāngilangiʻia mo fakaʻofoʻofa,
ו [Vau]
Pea ko ʻene māʻoniʻoní ʻoku tolonga ʻo taʻengata.+
ז [Saini]
4 ʻOkú ne ʻai ʻa ʻene ngaahi ngāue fakaofó ke manatua.+
ח [Keta]
ʻOku manavaʻofa* mo mohu meesi+ ʻa Sihova.
ט [Teta]
5 ʻOkú ne foaki ʻa e meʻakai ki he faʻahinga ʻoku manavahē kiate iá.+
י [Iota]
ʻOkú ne manatua ʻene fuakavá ʻo taʻengata.+
כ [Kafa]
6 Kuó ne fakahaaʻi ki heʻene kakaí ʻa ʻene ngaahi ngāue mālohí
ל [Lameta]
ʻAki ʻene foaki kiate kinautolu ʻa e tofiʻa ʻo e ngaahi puleʻangá.+
מ [Mema]
7 Ko e ngaahi ngāue ʻa hono nimá ʻoku moʻoni mo totonu;+
נ [Nuna]
ʻOku falalaʻanga ʻa ʻene ngaahi tuʻutuʻuní kotoa.+
ס [Sameha]
8 ʻOku falalaʻanga* maʻu pē ia, ʻi he taimí ni pea taʻengata;
ע [ʻAini]
Kuo faʻu ia ʻi he moʻoni mo e māʻoniʻoni.+
פ [Pē]
9 Kuó ne foaki ʻa e huhuʻi ki hono kakaí.+
צ [Sati]
Naʻá ne tuʻutuʻuni ke tolonga ʻo taʻengata ʻa ʻene fuakavá.
ק [Kofi]
Ko hono huafá ʻoku māʻoniʻoni mo lāngilangiʻia.+
ר [Lesa]
10 Ko e manavahē kia Sihová ko e kamataʻanga ia ʻo e potó.+
ש [Sini]
Ko e faʻahinga kotoa ʻoku nau tauhi ʻa ʻene ngaahi tuʻutuʻuní* ʻoku nau fakahaaʻi ʻa e vavanga fakaefakakaukau lelei.+
ת [Tau]
Ko hono fakahīkihikiʻí ʻoku tolonga ʻo taʻengata.
112 Mou fakahīkihikiʻi ʻa Iā!*+
א [ʻAlefi]
Fiefia ē ko e tangata ʻoku manavahē kia Sihová,+
ב [Peta]
ʻA ia ʻoku fiefia lahi ʻi heʻene ngaahi fekaú.+
ג [Kimela]
2 Ko hono hakó te nau mālohi ʻi he māmaní,
ד [Tāleta]
Pea ko e toʻutangata ʻo e faitotonú ʻe faitāpuekina.+
ה [Hē]
3 Ko e tuʻumālié mo e koloá ʻoku ʻi hono falé,
ו [Vau]
Pea ko ʻene māʻoniʻoní ʻe hokohoko atu ia ʻo taʻengata.
ז [Saini]
4 ʻOkú ne ulo ki he faitotonú ʻo hangē ha maama ʻi he fakapoʻulí.+
ח [Keta]
ʻOkú ne manavaʻofa* mo mohu meesi+ pea mo māʻoniʻoni.
ט [Teta]
5 ʻOku lakalakaimonū ʻa e tangata ʻoku foaki nima-homó.*+
י [Iota]
ʻOkú ne fakahoko ʻene ngaahi meʻá ʻi he fakamaau totonu.
כ [Kafa]
6 ʻE ʻikai ʻaupito ke ueʻi ia.+
ל [Lameta]
Ko e māʻoniʻoní ʻe manatua ʻo taʻengata.+
מ [Mema]
7 ʻE ʻikai te ne manavahē ki he ngaahi ongoongo koví.+
נ [Nuna]
Ko hono lotó ʻoku tuʻu maʻu, ʻo falala kia Sihova.+
ס [Sameha]
8 Ko hono lotó ʻoku ʻikai ueʻia;* ʻoku ʻikai te ne ilifia;+
ע [ʻAini]
ʻI he ikuʻangá te ne vakai atu ki he tō ʻa hono ngaahi filí.+
פ [Pē]
9 Kuó ne tufa ʻo lahi ʻaupito;* kuó ne foaki ki he masivá.+
צ [Sati]
Ko ʻene māʻoniʻoní ʻoku hokohoko atu ia ʻo taʻengata.+
ק [Kofi]
Ko hono mālohí* tonu ʻe hakeakiʻi ʻaki ʻa e lāngilangi.
ר [Lesa]
10 Ko e tokotaha fulikivanú ʻe sio pea te ne mamahi.
ש [Sini]
Te ne ʻūʻūnifo pea mole atu.
ת [Tau]
Ko e ngaahi holi ʻa e kau fulikivanú ʻe ʻauha.+
113 Mou fakahīkihikiʻi ʻa Iā!*
Fai ha fakahīkihiki, ʻa kimoutolu ʻa e kau sevāniti ʻa Sihová,
Fakahīkihikiʻi ʻa e huafa ʻo Sihová.
4 ʻOku māʻolunga ʻa Sihova ʻi he ngaahi puleʻangá kotoa;+
Ko hono lāngilangí ʻoku māʻolunga ʻi he langí.+
ʻOkú ne fokotuʻu hake ʻa e masivá mei he fokotuʻunga efuefú*+
8 Koeʻuhí ke ʻai ia ke ne nofo fakataha mo e kau houʻeikí,
Fakataha mo e kau houʻeiki ʻo hono kakaí.
Mou fakahīkihikiʻi ʻa Iā!*
114 ʻI he ʻalu atu ʻa ʻIsileli mei ʻIsipité,+
ʻA e fale ʻo Sēkopé mei ha kakai ʻoku nau lea ʻi ha lea mulí,
2 Naʻe hoko ʻa Siuta ko Hono feituʻu toputapu,
Pea ko ʻIsileli ko Hono puleʻanga.+
4 Naʻe tohopo ʻa e ngaahi moʻungá ʻo hangē ha fanga sipi tangatá,+
Pea ko e ngaahi tafungofungá, ʻo hangē ha fanga lamí.
5 Ko e hā naʻá ne ʻai koe ke ke holá, ʻe tahi?+
Ko e hā naʻá ke foki aí, ʻe Sioatani?+
6 ʻE ngaahi moʻunga, ko e hā naʻa mou tohopo ai hangē ha fanga sipi tangatá,
Hangē ha fanga lamí, ʻe ngaahi tafungofunga?
7 ʻE māmani, ke ke tetetete, koeʻuhí ko e ʻEikí,
Koeʻuhí ko e ʻOtua ʻo Sēkopé,+
8 ʻA ia ʻokú ne liliu ʻa e maká ko ha anovai kahoʻia,
ʻA e maka fefeká ko e ngaahi matavai.+
115 ʻOku ʻikai ʻamautolu, ʻe Sihova, ʻoku ʻikai ʻamautolu,*
Ka ko ho huafá ʻe ʻoatu ki ai ʻa e lāngilangí+
Koeʻuhi ko hoʻo ʻofa mateakí mo hoʻo faitōnungá.+
2 Ko e hā ke pehē ai ʻe he ngaahi puleʻangá:
“Ko fē ʻa honau ʻOtuá?”+
3 Ko homau ʻOtuá ʻoku ʻi he langí;
ʻOkú ne fai ha meʻa pē ʻokú ne finangalo ki ai.
4 Ko honau ngaahi ʻaitolí ko e siliva mo e koula,
Ko e ngāue ʻa e nima ʻo e tangatá.+
5 ʻOku ʻi ai honau ngutu, ka ʻoku ʻikai lava ke nau lea;+
Ko e mata, ka ʻoku ʻikai lava ke nau sio;
6 ʻOku ʻi ai honau telinga, ka ʻoku ʻikai lava ke nau fanongo;
Ko ha ihu, ka ʻoku ʻikai lava ke nau nāmuʻi ha meʻa;
7 ʻOku ʻi ai honau nima, ka ʻoku ʻikai lava ke nau puke ha meʻa;
Ko e vaʻe, ka ʻoku ʻikai lava ke nau lue;+
ʻOku ʻikai ha leʻo ʻe ongo mai ʻi honau mongá.+
8 Ko e kakai ʻoku nau ngaohi kinautolú te nau hoko ʻo hangē tofu pē ko kinautolú,+
Pea ʻe pehē pē mo e faʻahinga kotoa ʻoku falala kiate kinautolú.+
10 ʻE fale ʻo ʻĒlone,+ falala kia Sihova
—Ko ia ʻa honau tokoní mo ʻenau paá.
12 ʻOku manatua kitautolu ʻe Sihova pea te ne tāpuakiʻi;
Te ne tāpuakiʻi ʻa e fale ʻo ʻIsilelí;+
Te ne tāpuakiʻi ʻa e fale ʻo ʻĒloné.
13 Te ne tāpuakiʻi ʻa kinautolu ʻoku manavahē kia Sihová,
ʻA e iiki pea pehē ki he lalahi.
17 ʻOku ʻikai ke fakahīkihikiʻi ʻe he kau maté ʻa Iā;+
Pe ko ha taha pē ʻoku ʻalu hifo ki he fakalongo pē ʻa maté.*+
18 Ka te mau fakahīkihikiʻi ʻa Iā
Mei he taimí ni ʻo taʻengata.
Mou fakahīkihikiʻi ʻa Iā!*
2 He ʻokú ne fokotuʻu telinga* mai kiate au,+
Pea te u ui kiate ia ʻi he lolotonga ʻa ʻeku kei moʻuí.*
Naʻe ikunaʻi au ʻe he faingataʻá pea mo e mamahí.+
4 Ka naʻá ku ui ki he huafa ʻo Sihová:+
“ʻE Sihova, fakahaofi au!”
6 ʻOku maluʻi ʻe Sihova ʻa e taʻetaukeí.+
Naʻe fakamāʻulaloʻi au, pea naʻá ne fakahaofi au.
7 Tuku ke toe mālōlō ʻa ʻeku moʻuí,
He ko Sihová kuó ne anga-lelei kiate au.
8 Kuó ke fakahaofi au mei he maté,
Ko hoku matá mei he tangí, mo hoku vaʻé mei he humú.+
9 Te u ʻaʻeva ʻi he ʻao ʻo Sihová ʻi he fonua ʻo e kau moʻuí.
10 Naʻá ku maʻu ʻa e tuí, he naʻá ku lea;+
Naʻá ku faingataʻaʻia lahi.
11 Ko e meʻa kiate aú, naʻá ku manavasiʻi peá u pehē:
“Ko e tangata kotoa pē ʻoku loi.”+
12 Ko e hā te u totongi kia Sihova
Ki he lelei kotoa kuó ne fai maʻakú?
13 Te u toʻo hake ʻa e ipu ʻo e fakamoʻuí,*
Pea te u ui ki he huafa ʻo Sihová.
16 ʻOku ou kōlenga kiate koe, ʻe Sihova,
He ko hoʻo sevāniti au.
Ko hoʻo sevāniti au, ko e tama ʻa hoʻo kaunangá.
Kuó ke vete ange au mei hoku ngaahi haʻí.+
17 Te u ʻoatu kiate koe ʻa e feilaulau fakafetaʻi;+
Te u ui ki he huafa ʻo Sihová.
18 Te u fakahoko ʻa ʻeku ngaahi fuakava kia Sihová+
ʻI he ʻao ʻo hono kakaí kotoa,+
19 ʻI he ongo lotoʻā ʻo e fale ʻo Sihová,+
ʻI ho lotolotongá, ʻe Selusalema.
117 Fakahīkihikiʻi ʻa Sihova, ʻe kimoutolu kotoa ngaahi puleʻanga;+
2 He ko ʻene ʻofa mateaki kiate kitautolú ʻoku lahi;+
118 Fakamālō kia Sihova, he ʻoku lelei ia;+
Ko ʻene ʻofa mateakí ʻoku tolonga ʻo taʻengata.
2 Tuku ke pehē ʻe ʻIsileli he taimí ni:
“Ko ʻene ʻofa mateakí ʻoku tolonga ʻo taʻengata.”
3 Tuku ke pehē ʻe he faʻahinga ʻo e fale ʻo ʻĒloné he taimí ni:
“Ko ʻene ʻofa mateakí ʻoku tolonga ʻo taʻengata.”
4 Tuku ke pehē ʻe he faʻahinga ʻoku manavahē kia Sihová he taimí ni:
“Ko ʻene ʻofa mateakí ʻoku tolonga ʻo taʻengata.”
5 Naʻá ku ui kia Iā* ʻi heʻeku mamahí:
Naʻe fai mai ʻe Iā ha tali pea ʻomi au ki ha feituʻu malu.*+
6 ʻOku kau mo au ʻa Sihova; ʻe ʻikai te u ilifia.+
Ko e hā ʻe lava ke fai mai ʻe he tangatá kiate au?+
7 ʻOku kau mo au ʻa Sihova ko hoku tokoni;*+
Te u vakai atu ki he tō ʻa e faʻahinga ʻoku fehiʻa mai kiate aú.+
8 ʻOku lelei ange ke hūfanga kia Sihova
ʻI he falala ki he tangatá.+
9 ʻOku lelei ange ke hūfanga kia Sihova
ʻI he falala ki he kau houʻeikí.+
10 Naʻe takatakaiʻi au ʻe he ngaahi puleʻangá kotoa,
Ka ʻi he huafa ʻo Sihová,
Naʻá ku taʻofituʻu kinautolu.+
11 Naʻa nau takatakaiʻi au, ʻio, naʻa nau takatakaiʻi fakaʻaufuli au,
Ka ʻi he huafa ʻo Sihová,
Naʻá ku taʻofituʻu kinautolu.
12 Naʻa nau kāpui au ʻo hangē ha fanga honé,
Ka naʻe vave hono fakaʻauha kinautolú ʻo hangē ko ha afi ʻi ha lotolotonga ʻo ha ʻakau talatalá.
ʻI he huafa ʻo Sihová,
Naʻá ku taʻofituʻu kinautolu.+
13 Naʻe tekeʻi mālohi au* koeʻuhí ke u tō,
Ka naʻe tokoniʻi au ʻe Sihova.
14 Ko Iā ʻa hoku maluʻangá mo hoku mālohingá,
Pea kuó ne hoko ko hoku fakamoʻui.+
15 Ko e leʻo ʻo e fiefia mo e fakamoʻui*
ʻOku ʻi he ngaahi tēniti ʻo e kau māʻoniʻoní.
Ko e nima toʻomataʻu ʻo Sihová ʻokú ne fakahāhā ʻa hono mālohí.+
16 Ko e nima toʻomataʻu ʻo Sihová ʻoku hiki māʻolunga hake ʻi he ikuna;
Ko e nima toʻomataʻu ʻo Sihová ʻokú ne fakahāhā ʻa hono mālohí.+
17 ʻE ʻikai te u mate, ʻe ʻikai, ka te u moʻui,
Koeʻuhí ke talaki ʻa e ngaahi ngāue ʻa Iaá.+
19 Fakaava kiate au ʻa e ngaahi matapā ʻo e māʻoniʻoní;+
Te u hū atu ai ʻo fakahīkihikiʻi ʻa Iā.
20 Ko e matapā eni ʻa Sihová.
ʻE hū atu ai ʻa e māʻoniʻoní.+
21 Te u fakahīkihikiʻi koe, he naʻá ke fai mai ha tali kiate au+
Pea naʻá ke hoko ko hoku fakamoʻui.
24 Ko e ʻaho eni kuo ngaohi ʻe Sihova;
Te tau fiefia pea nēkeneka ai.
25 ʻE Sihova, fakahaofi muʻa kimautolu, ʻoku mau kōlenga atu!
ʻE Sihova, tuku mai muʻa ke mau ikuna!
26 Ke faitāpuekina ʻa e tokotaha ʻoku haʻu ʻi he huafa ʻo Sihová;+
ʻOku mau faitāpuekina kimoutolu mei he fale ʻo Sihová.
27 Ko Sihova ʻa e ʻOtuá;
ʻOkú ne ʻomai kiate kitautolu ʻa e maama.+
Kau ʻi he laka ʻo e kātoangá mo e ngaahi vaʻa ʻi homou nimá,+
ʻO aʻu ki he ngaahi meʻatui ʻo e ʻōlitá.+
28 Ko koe ʻa hoku ʻOtuá, pea te u fakahīkihikiʻi koe;
ʻE hoku ʻOtua, te u hakeakiʻi koe.+
א [ʻAlefi]
2 Fiefia ē ko kinautolu ʻoku nau tauhi ʻa ʻene ngaahi fakamanatú,+
ʻA ia ʻoku nau kumi kiate ia ʻaki ʻa e kotoa ʻo honau lotó.+
3 ʻOku ʻikai te nau fai ha tōʻonga taʻemāʻoniʻoni;
ʻOku nau ʻaʻeva ʻi hono ngaahi ʻalungá.+
4 Kuó ke fekau mai
Ke mātuʻaki tauhi ʻa hoʻo ngaahi tuʻutuʻuní.+
6 ʻE ʻikai leva ai ke fakamaaʻi au+
ʻI heʻeku fakakaukau ki he kotoa ʻo hoʻo ngaahi fekaú.
7 Te u fakahīkihikiʻi koe ʻaki ha loto-totonu
ʻI heʻeku ako ʻa hoʻo ngaahi fakamaau māʻoniʻoní.
8 Te u tauhi ʻa hoʻo ngaahi tuʻutuʻuní.
ʻOfa ke ʻoua ʻaupito naʻá ke mātuʻaki liʻaki au.
ב [Peta]
9 ʻE lava fēfē ke tauhi ʻe ha talavou ke maʻa ʻa hono halá?
ʻAki ʻene hanganaki leʻohi ia ʻo fakatatau ki hoʻo folofolá.+
10 ʻOku ou kumi kiate koe ʻaki ʻa e kotoa ʻo hoku lotó.
ʻOua naʻa tuku ke u hē mei hoʻo ngaahi fekaú.+
12 ʻOfa ke fakahīkihikiʻi koe, ʻe Sihova;
Akoʻi mai kiate au ʻa hoʻo ngaahi tuʻutuʻuní.
13 ʻOku ou talaki ʻaki hoku loungutú
ʻA e ngaahi fakamaau kotoa kuó ke folofolaʻakí.
14 ʻOku ou fiefia ʻi hoʻo ngaahi fakamanatú+
ʻO laka ange ia ʻi he ngaahi meʻa mahuʻinga kehé kotoa.+
16 ʻOku ou ʻofa ʻi hoʻo ngaahi laó.
ʻE ʻikai ngalo ʻiate au ʻa hoʻo folofolá.+
ג [Kimela]
17 Ke ke failelei muʻa ki hoʻo sevānití,
Koeʻuhí ke u moʻui ai ʻo tauhi ki hoʻo folofolá.+
18 Fakaʻā ange muʻa ʻa hoku matá koeʻuhí ke u lava ʻo sio lelei
Ki he ngaahi meʻa fakaofo ʻi hoʻo laó.
19 Ko aú ko ha muli pē ʻi he fonuá.+
ʻOua naʻá ke fufū meiate au ʻa hoʻo ngaahi fekaú.
20 ʻOku lōmekina au ʻe he holi
Ki hoʻo ngaahi fakamāú ʻi he taimi kotoa pē.
21 ʻOkú ke valokiʻi ʻa e ʻafungí,
ʻA e faʻahinga malaʻia ʻoku nau hē mei hoʻo ngaahi fekaú.+
22 Toʻo ange muʻa meiate au* ʻa e lumá mo e taʻetokaʻí,
He kuó u tauhi ʻa hoʻo ngaahi fakamanatú.
23 Naʻa mo e taimi ʻoku nofo fakataha ai ʻa e kau houʻeikí ʻo lea fakafepaki mai kiate aú,
ʻOku fakalaulauloto* ʻa hoʻo sevānití ki hoʻo ngaahi tuʻutuʻuní.
ד [Tāleta]
25 ʻOku ou tokoto foʻohifo ʻi he efú.+
Tauhi au ke u moʻui ʻo fakatatau ki hoʻo folofolá.+
26 Naʻá ku fakahā atu ʻa hoku ngaahi ʻalungá, pea naʻá ke fai mai ha tali kiate au;
Akoʻi mai kiate au ʻa hoʻo ngaahi tuʻutuʻuní.+
27 ʻAi ange muʻa ke mahino kiate au ʻa e ʻuhinga* ʻo hoʻo ngaahi tuʻutuʻuní,
28 Kuó u taʻemamohe koeʻuhi ko e mamahí.
Fakaivimālohiʻi ange au ʻo fakatatau ki hoʻo folofolá.
29 Toʻo ange meiate au ʻa e ʻalunga ʻo e kākaá,+
Pea fakahaaʻi mai ʻa e hōifua ʻi hono akoʻi kiate au hoʻo laó.
30 Kuó u fili ʻa e ʻalunga ʻo e faitōnungá.+
ʻOku ou ʻiloʻi ko hoʻo ngaahi fakamāú ʻoku totonu.
31 ʻOku ou pipiki ki hoʻo ngaahi fakamanatú.+
ʻE Sihova, ʻoua naʻa tuku ke siva ʻa ʻeku ʻamanakí.*+
32 Te u tuli vēkeveke* ki he ʻalunga ʻo hoʻo ngaahi fekaú
Koeʻuhí ʻokú ke fakaʻatā ia ke ʻi hoku lotó.*
ה [Hē]
33 Akoʻi kiate au, ʻe Sihova,+ ʻa e ʻalunga ʻo hoʻo ngaahi tuʻutuʻuní,
Pea te u muimui ai ʻo aʻu ki he ngataʻangá.+
34 ʻOmai kiate au ʻa e mahinó,
Koeʻuhí ke u fai ki hoʻo laó
Pea tauhi ia ʻaki ʻa e kotoa ʻo hoku lotó.
37 Leʻei ange ʻa hoku matá ke ʻoua ʻe sio ki he meʻa ʻoku taʻeʻaongá;+
Tauhi au ke u moʻui ʻi ho ʻalungá.
39 Toʻo ange ʻa e fakamā ʻoku ou manavasiʻi ki aí,
He ʻoku lelei ʻa hoʻo ngaahi fakamāú.+
40 Vakai ki heʻeku holi ki hoʻo ngaahi tuʻutuʻuní.
Tauhi au ke u moʻui ʻi hoʻo māʻoniʻoní.
ו [Vau]
41 ʻOfa ke u hokosia ʻa hoʻo ʻofa mateakí, ʻe Sihova,+
ʻA hoʻo fakamoʻuí ʻo fehoanaki mo hoʻo talaʻofá;*+
42 Te u fai leva ai ha tali ki he tokotaha ʻoku luma kiate aú,
He ʻoku ou falala ki hoʻo folofolá.
43 ʻOua naʻa toʻo fakaʻaufuli ʻa e folofola ʻo e moʻoní mei hoku ngutú,
He kuó u ʻamanaki* ki hoʻo fakamāú.
44 Te u tauhi ki hoʻo laó maʻu ai pē,
ʻO taʻengata pea taʻengata.+
47 ʻOku ou manako ʻi hoʻo ngaahi fekaú,
ʻIo, ʻoku ou ʻofa ai.+
ז [Saini]
50 Ko hoku fiemālieʻanga eni ʻi heʻeku faingataʻaʻiá,+
He ko hoʻo leá kuó ne tauhi au ke u moʻui.
52 ʻOku ou manatu ki hoʻo ngaahi fakamaau ʻi he kuohilí,+ ʻe Sihova,
Pea ʻoku ou maʻu ai ʻa e fiemālie.+
53 ʻOku pukenimā au ʻe he ʻita lahi koeʻuhi ko e kau fulikivanú,
ʻA ia ʻoku nau liʻaki ʻa hoʻo laó.+
54 Ko hoʻo ngaahi tuʻutuʻuní ko ha ngaahi hiva ia kiate au
ʻI ha feituʻu pē ʻoku ou nofo ai.*
55 ʻI he lolotonga ʻa e poʻulí ʻoku ou manatu ai ki ho huafá, ʻe Sihova,+
Koeʻuhí ke u tauhi ʻa hoʻo laó.
56 Ko e meʻa eni kuó u faí
Koeʻuhí kuó u tauhi ʻa hoʻo ngaahi tuʻutuʻuní.
ח [Keta]
58 ʻOku ou tautapa atu kiate koe* ʻaki ʻa e kotoa ʻo hoku lotó;+
Fakahaaʻi kiate au ʻa e hōifua+ ʻo fakatatau ki hoʻo talaʻofá.*
59 Kuó u sivi ʻa hoku ngaahi ʻalungá,
Koeʻuhí ke fakafoki ʻa hoku vaʻé ki hoʻo ngaahi fakamanatú.+
60 ʻOku ou fakavave ʻo ʻikai te u tautoloi
Ke tauhi ʻa hoʻo ngaahi fekaú.+
61 ʻOku takatakai ʻiate au ʻa e maea ʻa e kau fulikivanú,
Ka ko hoʻo laó ʻoku ʻikai ke ngalo ʻiate au.+
62 ʻOku ou tuʻu hake ʻi he tuʻapoó ke ʻoatu kiate koe ʻa e fakamālō+
ʻI hoʻo ngaahi fakamaau māʻoniʻoní.
63 Ko ha kaumeʻa au ʻo e faʻahinga kotoa ʻoku manavahē kiate koé
Mo e faʻahinga ʻoku nau tauhi ki hoʻo ngaahi tuʻutuʻuní.+
64 Ko hoʻo ʻofa mateakí, ʻe Sihova, ʻokú ne fakafonu ʻa e māmaní;+
Akoʻi mai kiate au ʻa hoʻo ngaahi tuʻutuʻuní.
ט [Teta]
65 Kuó ke failelei ki hoʻo sevānití,
ʻE Sihova, ʻo fakatatau ki hoʻo folofolá.
68 ʻOkú ke lelei+ pea ʻoku lelei ʻa hoʻo ngaahi ngāué.
Akoʻi mai kiate au ʻa hoʻo ngaahi tuʻutuʻuní.+
69 Ko e ʻafungí ʻokú ne fakamafola ʻa e ngaahi loi fekauʻaki mo au,
Ka ʻoku ou tauhi ʻa hoʻo ngaahi tuʻutuʻuní ʻaki ʻa e kotoa ʻo hoku lotó.
72 Ko e lao kuó ke fanongonongó ʻoku lelei kiate au,+
ʻO laka ange ia ʻi ha ngaahi afeʻi konga koula mo e siliva.+
י [Iota]
73 Naʻe ngaohi au mo faʻu au ʻe ho nimá.
ʻOmai kiate au ʻa e mahino,
Koeʻuhí ke u ako ai ʻa hoʻo ngaahi fekaú.+
74 Ko kinautolu ʻoku manavahē kiate koé ʻoku nau sio mai kiate au pea nau fiefia,
75 ʻOku ou ʻiloʻi, ʻe Sihova, ko hoʻo ngaahi fakamāú ʻoku māʻoniʻoni+
Pea kuó ke ʻai au ke u faingataʻaʻia ʻi hoʻo faitōnungá.+
76 ʻOfa ke fakafiemālieʻi muʻa au ʻe hoʻo ʻofa mateakí,+
ʻO fakatatau ki he talaʻofa* naʻá ke fai ki hoʻo sevānití.
Ka te u fakalaulauloto* ki hoʻo ngaahi tuʻutuʻuní.+
79 Tuku ke foki mai kiate au ʻa kinautolu ʻoku manavahē kiate koé,
ʻA kinautolu ʻoku nau ʻiloʻi ʻa hoʻo ngaahi fakamanatú.
80 ʻOfa ke taʻemele ʻa hoku lotó ʻi he muimui ki hoʻo ngaahi tuʻutuʻuní,+
Koeʻuhí ke ʻoua naʻa fakamaaʻi au.+
כ [Kafa]
82 ʻOku holi ʻa hoku matá ki hoʻo leá+
Lolotonga ia ʻa ʻeku pehē: “Ko ʻafē te ke fakafiemālieʻi ai aú?”+
83 He ʻoku ou hangē ha hina kiliʻimanu ʻoku mōmoa ʻi he ʻahú,
Ka ʻoku ʻikai ngalo ʻiate au ʻa hoʻo ngaahi tuʻutuʻuní.+
84 Ko e ngaahi ʻaho ʻe fiha kuo pau ke tatali ai ʻa hoʻo sevānití?
Ko ʻafē te ke fakamāuʻi ai ʻa e faʻahinga ʻoku nau fakatangaʻi aú?+
85 ʻOku keli ʻe he kau ʻafungí ʻa e ngaahi luo kiate au,
ʻA kinautolu ʻoku nau fakafetau ki hoʻo laó.
86 Ko hoʻo ngaahi fekaú kotoa ʻoku alafalalaʻanga.
ʻOku fakatangaʻi taʻeʻuhinga au ʻe he kau tangatá; tokoni mai muʻa kiate au!+
87 Naʻa nau meimei fakaʻauha ʻosi au mei he māmaní,
Ka naʻe ʻikai te u liʻaki ʻa hoʻo ngaahi tuʻutuʻuní.
88 Tauhi au ke u moʻui koeʻuhi ko hoʻo ʻofa mateakí,
Koeʻuhí ke u tauhi ai ʻa e ngaahi fakamanatu kuó ke folofolaʻakí.
ל [Lameta]
90 Ko hoʻo faitōnungá ʻoku fai ki he ngaahi toʻutangata kotoa.+
Kuó ke fokotuʻu maʻu ʻa e māmaní, ko ia ʻoku kei tuʻu ai pē ia.+
91 ʻI hoʻo ngaahi fakamāú ʻoku nau* ʻi ai ai pē ʻo aʻu mai ki he ʻahó ni,
He ko kinautolú kotoa ko hoʻo kau sevāniti.
93 ʻE ʻikai ʻaupito ngalo ʻiate au ʻa hoʻo ngaahi tuʻutuʻuní,
Koeʻuhí fakafou ʻi ai, kuó ke tauhi au ke u moʻui.+
95 ʻOku tatali ʻa e fulikivanú ke fakaʻauha au,
Ka ʻoku ou mātuʻaki tokanga ki hoʻo ngaahi fakamanatú.
96 Kuó u sio ʻoku ʻi ai ha ngataʻanga ʻo e haohaoa kotoa pē,
Ka ko hoʻo fekaú ʻoku ʻikai hano ngataʻanga.*
מ [Mema]
97 He ʻofa moʻoni ē ko au ki hoʻo laó!+
ʻOku ou fakalaulauloto ki ai* ʻi he ʻahó kotoa.+
98 Ko hoʻo fekaú ʻokú ne ʻai au ke u poto ange ʻi hoku ngaahi filí,+
Koeʻuhí he ʻoku ʻiate au ia ʻo taʻengata.
99 ʻOku lahi ange ʻeku vavanga fakaefakakaukaú ʻi he kotoa ʻo ʻeku kau faiakó,+
Koeʻuhí ʻoku ou fakalaulauloto* ki hoʻo ngaahi fakamanatú.
100 ʻOku ou ngāue fakataha mo e mahino lahi ange ʻi he kau tangata taʻumotuʻá,
Koeʻuhí ʻoku ou tauhi ʻa hoʻo ngaahi tuʻutuʻuní.
101 ʻOku ou fakafisi ke ʻaʻeva ʻi ha hala kovi pē,+
Koeʻuhí ke u tauhi ʻa hoʻo folofolá.
102 ʻOku ʻikai te u afe mei hoʻo ngaahi fakamāú,
He kuó ke fakahinohinoʻi au.
103 He melie moʻoni ē ko hoʻo ngaahi leá ki hoku ʻaoʻingutú,
ʻO laka ange ia ʻi ha hone ʻi hoku ngutú!+
104 ʻI hoʻo ngaahi tuʻutuʻuní ʻoku ou ngāue ai fakataha mo e mahino.+
Ko e ʻuhinga ia ʻoku ou fehiʻa ai ʻi he ʻalunga loi kotoa pē.+
נ [Nuna]
106 Kuó u fai ha fuakava, pea te u fakahoko ia,
Ke tauhi ʻa hoʻo ngaahi fakamaau māʻoniʻoní.
107 Kuó u faingataʻaʻia lahi.+
ʻE Sihova, tauhi au ke u moʻui ʻo fakatatau ki hoʻo folofolá.+
108 Ke ke leleiʻia muʻa ʻi heʻeku ngaahi feilaulau loto-lelei ʻo e fakahīkihikí,*+ ʻe Sihova,
Pea akoʻi mai kiate au ʻa hoʻo ngaahi fakamāú.+
109 ʻOku ʻi he tuʻunga fakatuʻutāmaki maʻu pē ʻa ʻeku moʻuí,
Ka kuo ʻikai ngalo ʻiate au ʻa hoʻo laó.+
111 ʻOku ou toʻo hoʻo ngaahi fakamanatú ko ʻeku koloa tuʻuloa,*
He ko e fiefiaʻanga ia ʻo hoku lotó.+
112 Kuó u fakapapau* ke talangofua ki hoʻo ngaahi tuʻutuʻuní
ʻI he taimi kotoa pē, ʻo aʻu ki he ikuʻangá.
ס [Sameha]
115 Fakamamaʻo meiate au, ʻa kimoutolu kau tangata kovi,+
Koeʻuhí ke u tauhi ʻa e ngaahi fekau ʻa hoku ʻOtuá.
118 ʻOkú ke siʻaki ʻa kinautolu kotoa ʻoku hē mei hoʻo ngaahi tuʻutuʻuní,+
He ʻoku nau loi mo kākā.
119 ʻOkú ke liʻaki ʻa e kau fulikivanu kotoa ʻo e māmaní ʻo nau hangē ko ha veve taʻeʻaongá.+
Ko e ʻuhinga ia ʻoku ou ʻofa ai ʻi hoʻo ngaahi fakamanatú.
120 Ko e ilifia kiate koé ʻokú ne ʻai ʻa hoku sinó* ke tetetete;
ʻOku ou manavahē ki hoʻo ngaahi fakamāú.
ע [ʻAini]
121 Kuó u fai ʻa e meʻa ʻoku totonu mo māʻoniʻoní.
ʻOua naʻa tuku atu au ki hoku kau fakafeʻātungiá!
122 Fakapapauʻi muʻa ʻa e lelei ki hoʻo sevānití;
ʻOfa ke ʻoua naʻa fakafeʻātungiaʻi au ʻe he kau ʻafungí.
124 Fakahaaʻi ʻa hoʻo ʻofa mateakí ki hoʻo sevānití,+
Pea akoʻi mai kiate au ʻa hoʻo ngaahi tuʻutuʻuní.+
125 Ko hoʻo sevāniti au; ʻomai muʻa kiate au ha mahino,+
Koeʻuhí ke u ʻiloʻi ai ʻa hoʻo ngaahi fakamanatú.
126 ʻE Sihova kuo hoko mai ʻa e taimi ke ke fai ai ha meʻa,+
He kuo nau maumauʻi ʻa hoʻo laó.
127 Ko e ʻuhinga ia ʻoku ou ʻofa ai ʻi hoʻo ngaahi fekaú
128 Ko ia ai, ʻoku ou lau ʻoku totonu ʻa e fakahinohino* kotoa pē meiate koé;+
ʻOku ou fehiʻa ʻi he ʻalunga loi kotoa pē.+
פ [Pē]
129 Ko hoʻo ngaahi fakamanatú ʻoku fakaofo.
Ko e ʻuhinga ia ʻoku ou tauhi ai iá.
130 Ko e fakaeʻa ʻo hoʻo folofolá ʻoku ʻomai ai ʻa e maama,+
ʻO ʻoange ai ʻa e mahino ki he taʻetaukeí.+
132 Hanga mai muʻa kiate au ʻo fakahaaʻi mai hoʻo hōifuá,+
ʻO fakatatau ki hoʻo fakamaau ki he faʻahinga ʻoku nau ʻofa ki ho huafá.+
133 Tataki muʻa ke malu ʻa ʻeku ngaahi laká* ʻaki hoʻo leá;
ʻOfa ke ʻoua naʻa puleʻi au+ ʻe ha meʻa pē ʻoku fulikivanu.
134 Fakahaofi* au mei he kau tangata fakafeʻātungiá,
Pea te u tauhi ʻa hoʻo ngaahi tuʻutuʻuní.
136 ʻOku lele hifo ʻa e loʻimatá mei hoku matá
Koeʻuhí ko e ʻikai ke tauhi ʻe he kakaí ʻa hoʻo laó.+
צ [Sati]
138 Ko e ngaahi fakamanatu ʻokú ke ʻomí ʻoku māʻoniʻoni
Pea alafalalaʻanga fakaʻaufuli.
139 ʻOku keina au ʻi heʻeku mamahiʻi koé,+
Koeʻuhí kuo ngalo ʻi hoku ngaahi filí ʻa hoʻo folofolá.
141 ʻOku ʻikai haku mahuʻinga pea ʻoku taʻetokaʻi au;+
Neongo ia, kuo ʻikai ngalo ʻiate au ʻa hoʻo ngaahi tuʻutuʻuní.
143 Neongo ʻoku hoko mai kiate au ʻa e mamahi mo e faingataʻa,
ʻOku ou kei ʻofa pē ʻi hoʻo ngaahi fekaú.
144 Ko e māʻoniʻoni ʻa hoʻo ngaahi fakamanatú ʻoku taʻengata.
ʻOmai kiate au ʻa e mahino,+ koeʻuhí ke hokohoko atu ai ʻa ʻeku moʻuí.
ק [Kofi]
145 ʻOku ou ui ʻaki ʻa e kotoa ʻo hoku lotó. Fai mai ha tali kiate au, ʻe Sihova.
Te u tauhi ʻa hoʻo ngaahi tuʻutuʻuní.
146 ʻOku ou ui atu kiate koe; fakahaofi ange au!
Te u tauhi ʻa hoʻo ngaahi fakamanatú.
147 Kuó u ʻā hake ki muʻa ʻi he mafoa ʻa e atá* ke tangi ki ha tokoni,+
He ko hoʻo folofolá ʻa hoku ʻamanakiʻangá.*
148 ʻOku ʻā hoku matá ki muʻa ʻi he ngaahi houa leʻo ʻo e poʻulí,
149 Ke ke fanongo mai ki hoku leʻó koeʻuhí ko hoʻo ʻofa mateakí.+
ʻE Sihova, tauhi au ke u moʻui ʻo fakatatau ki hoʻo fakamaau totonú.
150 Ko kinautolu ʻoku kau ʻi he tōʻonga fakamaá* ʻoku nau ʻunu ofi mai;
ʻOku nau mamaʻo ʻaupito mei hoʻo laó.
152 Naʻá ku ako ʻi he kuohilí ʻo fekauʻaki mo hoʻo ngaahi fakamanatú,
ʻA ia kuó ke fokotuʻu ia ke tolonga ʻo taʻengata.+
ר [Lesa]
153 Vakai mai ki heʻeku faingataʻaʻiá pea fakahaofi au,+
He kuo ʻikai ke ngalo ʻiate au ʻa hoʻo laó.
155 ʻOku mamaʻo ʻaupito ʻa e fakamoʻuí mei he fulikivanú,
He kuo ʻikai te nau kumi ki hoʻo ngaahi tuʻutuʻuní.+
156 ʻOku lahi ʻa hoʻo mēsí, ʻe Sihova.+
Tauhi au ke u moʻui ʻo fehoanaki mo hoʻo fakamaau totonú.
157 ʻOku tokolahi ʻa hoku kau fakatangá mo hoku ngaahi filí;+
Ka kuo ʻikai te u afe mei hoʻo ngaahi fakamanatú.
158 ʻOku ou sio ʻo fakaliliʻa ki he kau lavakí,
Koeʻuhí ʻoku ʻikai te nau tauhi ʻa hoʻo leá.+
159 Vakai he ʻofa moʻoni ē ko au ki hoʻo ngaahi tuʻutuʻuní!
ʻE Sihova, tauhi au ke u moʻui koeʻuhí ko hoʻo ʻofa mateakí.+
160 Ko e uho tonu ʻo hoʻo folofolá ʻoku moʻoni,+
Pea ko hoʻo ngaahi fakamaau māʻoniʻoní kotoa ʻoku tolonga ʻo taʻengata.
ש [Sini]
162 ʻOku ou fiefia ʻi hoʻo leá+
Hangē ha taha ʻokú ne maʻu ha fuʻu koloa veté.
164 ʻOku tuʻo fitu ʻi he ʻaho ʻa ʻeku fakahīkihikiʻi koé
Koeʻuhi ko hoʻo ngaahi fakamaau māʻoniʻoní.
165 ʻOku maʻu ʻa e melino lahi ʻe he faʻahinga ʻoku nau ʻofa ki hoʻo laó;+
ʻOku ʻikai ha meʻa ʻe lava ke ne ʻai kinautolu ke nau tūkia.*
166 ʻOku ou ʻamanaki ki hoʻo faifakamoʻuí, ʻe Sihova,
Pea ʻoku ou tauhi ʻa hoʻo ngaahi fekaú.
168 ʻOku ou tauhi hoʻo ngaahi tuʻutuʻuní mo hoʻo ngaahi fakamanatú,
He ʻokú ke ʻafioʻi ʻa e meʻa kotoa ʻoku ou faí.+
ת [Tau]
169 ʻOfa ke aʻu atu kiate koe ʻa ʻeku tangi ki ha tokoní, ʻe Sihova.+
Fakatatau ki hoʻo folofolá, ʻai au ke u maʻu ʻa e mahinó.+
170 ʻOfa ke aʻu atu ki ho ʻaó ʻa ʻeku kole ki hoʻo hōifuá.
Fakahaofi ange au, ʻo hangē ko ia kuó ke talaʻofá.*
171 ʻOfa ke fonu mahuohua ʻa hoku loungutú ʻi he fakahīkihikí,+
He ʻokú ke akoʻi mai kiate au ʻa hoʻo ngaahi tuʻutuʻuní.
172 ʻOfa ke hiva ʻa hoku ʻeleló ʻo fekauʻaki mo hoʻo leá,+
He ko hoʻo ngaahi fekaú kotoa ʻoku māʻoniʻoni.
173 ʻOfa ke mateuteu ho nimá ke tokoniʻi au,+
Koeʻuhí ʻoku ou fili ke talangofua ki hoʻo ngaahi tuʻutuʻuní.+
174 ʻOku ou holi ki hoʻo fakamoʻuí, ʻe Sihova,
Pea ʻoku ou ʻofa ʻi hoʻo laó.+
175 Tuku ke u moʻui koeʻuhí ke u fakahīkihikiʻi koe;+
ʻOfa ke hoko hoʻo ngaahi fakamāú ko hoku tokoni.
176 Kuó u hē ʻo hangē ha sipi molé.+ Kumi ki hoʻo sevānití,
He kuo ʻikai ngalo ʻiate au ʻa hoʻo ngaahi fekaú.+
Ko ha Hiva ʻo e ʻAlu Haké.*
2 ʻE Sihova, fakahaofi au mei he ngaahi loungutu loí
Pea mei he ʻelelo kākaá.
5 ʻOiauē kita, he kuó u nofo ko ha muli ʻi Mēseke!+
Kuó u nofo ʻi he lotolotonga ʻo e ngaahi tēniti ʻo Ketá.+
6 Kuó u nofo ʻo fuʻu fuoloa
Mo e faʻahinga ʻoku fehiʻa ʻi he melinó.+
7 ʻOku ou loto ke hoko ha melino, ka ʻi heʻeku lea atú,
ʻOku nau loto ke fai ha tau.
Ko ha Hiva ʻo e ʻAlu Haké.
121 ʻOku ou hanga hake ki he ngaahi moʻungá.+
ʻE haʻu mei fē ʻa hoku tokoní?
3 ʻE ʻikai ʻaupito te ne fakaʻatā ho vaʻé ke hekea.*+
Ko e Tokotaha ʻokú ne leʻohi koé ʻe ʻikai ʻaupito te ne tulemohe.
5 Ko Sihova ʻokú ne leʻohi koé.
Ko Sihova ʻa e fakamalumalu+ ʻi ho nima toʻomataʻú.+
7 ʻE leʻohi koe ʻe Sihova mei he kovi kotoa pē.+
Te ne leʻohi ʻa hoʻo moʻuí.+
Ko ha Hiva ʻo e ʻAlu Haké. Saame ʻa Tēvita.
122 Naʻá ku fiefia ʻi heʻenau pehē mai kiate au:
“Tau ō ki he fale ʻo Sihová.”+
2 Pea ko eni ʻoku tuʻu homau vaʻé
ʻI loto ʻi ho ngaahi matapaá, ʻe Selusalema.+
4 Kuo ʻalu hake ki ai ʻa e ngaahi matakalí,
ʻA e ngaahi matakali ʻa Iaá,*
ʻO fakatatau ki he fakamanatu kuo fai ki ʻIsilelí,
Ke fai ha fakamālō ki he huafa ʻo Sihová.+
6 Kole ki ha melino ʻi Selusalema.+
Ko e faʻahinga ʻoku ʻofa ʻiate koé, te nau nofo malu.
7 ʻOfa ke toka ai pē ʻa e melinó ʻi ho ngaahi lotoʻā kuo fakakolotaú,
Mo e malu ʻi loto ʻi ho ngaahi taua fakakolotaú.
8 Koeʻuhi ko hoku fanga tokouá mo hoku ngaahi kaungāmeʻá te u pehē:
“ʻOfa ke ʻiate koe ʻa e melinó.”
9 Koeʻuhi ko e fale ʻo Sihova ko hotau ʻOtuá,+
Te u kumi ki ha lelei maʻau.
Ko ha Hiva ʻo e ʻAlu Haké.
123 ʻOku ou hanga hake kiate koe,+
ʻA koe ʻokú ke ʻafio ʻi he taloni ʻi he langí.
2 Hangē ko e hanga ʻa e mata ʻo e kau sevānití ki he nima ʻo honau ʻeikí,
Pea mo e hanga ʻa e taʻahine sevānití ki he nima ʻo hono pulé,
ʻOku pehē ʻa e hanga hotau matá kia Sihova ko hotau ʻOtuá+
Kae ʻoua kuó ne fakahaaʻi mai kiate kitautolu ʻa ʻene hōifuá.+
3 Fakahaaʻi mai kiate kimautolu ʻa e hōifuá, ʻe Sihova, fakahaaʻi mai ʻa e hōifuá,
He kuo hulu fau homau taʻetokaʻí.+
4 Kuo hulu fau homau manukiʻi mei he faʻahinga ʻoku falala pē kiate kinautolú
Pea mo e taʻetokaʻi mei he kau hīkisiá.
Ko ha Hiva ʻo e ʻAlu Haké. Saame ʻa Tēvita.
124 “Kapau naʻe ʻikai kau ʻa Sihova mo kitautolu”+
—Tuku ke leaʻaki eni ʻe ʻIsileli—
2 “Kapau naʻe ʻikai kau ʻa Sihova mo kitautolu+
ʻI he tuʻu hake ʻa e kau tangatá ke ʻohofi kitautolú,+
3 Naʻe mei pehē haʻanau folofua moʻui kitautolu+
ʻI heʻenau ʻita lahi kiate kitautolú.+
4 Naʻe mei pehē hano tafiʻi atu kitautolu ʻe he ngaahi vaí,
Naʻe mei pehē hano kāpui kitautolu ʻe ha fuʻu tāfea.+
5 Ko e ngaahi vai mālohí naʻá ne mei lōmekina kitautolu.
6 ʻOfa ke fakahīkihikiʻi ʻa Sihova,
He kuo ʻikai te ne tuku atu kitautolu ko ha meʻakai ki honau nifó.
7 ʻOku tau hangē ha manupuna naʻe hola ʻo hao
Mei he tauhele ʻa e tokotaha tulimanú;+
Naʻe maumau ʻa e tauhelé,
Pea naʻa tau hao ai.+
8 Ko hotau tokoní ʻoku ʻi he huafa ʻo Sihová,+
ʻA e Tokotaha-Ngaohi ʻo e langí mo e māmaní.”
Ko ha Hiva ʻo e ʻAlu Haké.
125 Ko e faʻahinga ʻoku falala kia Sihová+
ʻOku nau hangē ko Moʻunga Saioné, ʻa ia ʻe ʻikai lava ke ngaue
Ka ʻoku tuʻu ia ʻo taʻengata.+
2 ʻI he hangē pē ko hono takatakaiʻi ʻe he ngaahi moʻungá ʻa Selusalemá,+
ʻOku pehē hono takatakaiʻi ʻe Sihova ʻa hono kakaí+
Mei he taimí ni ʻo taʻengata.
3 Ko e sēpita ʻo e fulikivanú ʻe ʻikai ke kei ʻi he fonua kuo vaheʻi ki he māʻoniʻoní,+
Koeʻuhí ke ʻoua naʻa tafoki ʻa e māʻoniʻoní ʻo fai ʻa e* meʻa ʻoku koví.+
5 Ka ki he faʻahinga ʻoku afe ki honau ngaahi ʻalunga pikopikó,
ʻE toʻo kinautolu ʻe Sihova fakataha mo e kau faihalá.+
ʻOfa ke toka ʻa e melinó ʻi ʻIsileli.
Ko ha Hiva ʻo e ʻAlu Haké.
126 ʻI hono toe fakatahatahaʻi ʻe Sihova ʻa e kau pōpula ʻo Saioné,+
Naʻa tau fakakaukau ko haʻatau misi.
2 ʻI he taimi ko iá naʻe fonu hotau ngutú ʻi he katá
Mo hotau ʻeleló ʻi he kaila fiefia.+
ʻI he taimi ko iá naʻe fepehēʻaki ʻe he ngaahi puleʻangá:
“Kuo fai ʻe Sihova ʻa e ngaahi meʻa fakaofo maʻanautolu.”+
3 Kuo fai ʻe Sihova ʻa e ngaahi meʻa fakaofo maʻatautolu,+
Pea ʻoku tau fiefia lahi ʻaupito.
4 ʻE Sihova, ke ke toe fakatahatahaʻi* ʻemau kau pōpulá,
Hangē ko e ngaahi vaitafe ʻi he feituʻu Nīkepí.*
5 Ko e faʻahinga ʻoku tūtuuʻi ʻi he loʻimatá
Te nau utu ʻi he kaila fiefia.
6 Ko e tokotaha ʻoku ʻalu atu pē mo tangí,
ʻO ne fua ʻene tangai tengaʻi ʻakaú,
Ko e moʻoni te ne foki mai mo e kaila fiefia,+
ʻOkú ne fua mai ʻene utu-taʻú.+
Ko ha Hiva ʻo e ʻAlu Haké. Saame ʻa Solomone.
127 Ka ʻikai kau ʻa Sihova ʻi he langa ʻo e falé,
Ko e kulanoa pē ʻa e ngāue mālohi ki ai ʻa hono kau langá.+
Ka ʻikai leʻohi ʻe Sihova ʻa e koló,+
Ko e kulanoa pē ʻa e ʻā ʻa e tangata leʻó.
2 Ko e kulanoa ʻa hoʻomou tuʻu pongipongia haké,
ʻA hoʻomou ngāue ʻo poʻuliá,
ʻA hoʻomou fakaongosia ke maʻu hoʻomou meʻakaí,
Koeʻuhí ʻokú ne tokonaki ki he faʻahinga ʻokú ne ʻofa aí lolotonga ia ʻene tuku ke nau mohé.+
4 Hangē ko e ngaahi foʻi ngahau ʻi he nima ʻo ha tangata toʻá,
ʻOku pehē ʻa e ngaahi foha ʻo ha taha kei talavou.+
5 Fiefia ē ko e tangata ʻokú ne fakafonuʻaki ia ʻene faʻoʻanga ngahaú.+
ʻE ʻikai ke fakamaaʻi kinautolu,
He te nau talanoa mo e ngaahi filí ʻi he matapā ʻo e koló.
Ko ha Hiva ʻo e ʻAlu Haké.
128 Fiefia ē ko e tokotaha kotoa pē ʻoku manavahē kia Sihová,+
ʻA ia ʻoku ʻaʻeva ʻi Hono ngaahi ʻalungá.+
2 Te ke kai ʻa e meʻa ʻa ia naʻe ngāue mālohi ho nimá ke maʻú.
Te ke fiefia mo lakalakaimonū.+
3 Ko ho uaifí te ne hangē ha fuʻu kālepi fua lahi ʻi ho loto falé;+
Ko ho ngaahi fohá te nau hangē ha ngaahi huliʻi ʻōlive ʻoku takatakai ʻi hoʻo tēpilé.
4 Vakai! ʻE pehē ʻa hono faitāpuekina+ ʻa e tangata
ʻOku manavahē kia Sihová.
5 ʻE faitāpuekina koe ʻe Sihova mei Saione.
ʻOfa ke ke sio ʻoku lakalakaimonū ʻa Selusalema ʻi he ngaahi ʻaho kotoa ʻo hoʻo moʻuí+
6 Pea sio ki he ngaahi foha ʻo ho ngaahi fohá.
ʻOfa ke toka ʻa e melinó ʻi ʻIsileli.
Ko ha Hiva ʻo e ʻAlu Haké.
129 “Talu ʻeku kei talavou mo ʻenau ʻohofi maʻu pē au”+
—Tuku ke leaʻaki eni ʻe ʻIsileli—
2 “Talu ʻeku kei talavou mo ʻenau ʻohofi maʻu pē au;+
Ka kuo ʻikai te nau ikunaʻi au.+
3 Kuo palau mai ʻe he kau palaú ʻa hoku tuʻá;+
Kuo nau fakalōloa ʻa ʻenau ngaahi ʻotú.”
5 ʻE fakamaaʻi kinautolu pea te nau holomui ʻi he ngalivale,
ʻA e faʻahinga kotoa ʻoku fehiʻa ki Saioné.+
6 Te nau hangē ha mohuku ʻi he funga falé
ʻA ia ʻoku mae ki muʻa ke taʻakí,
7 ʻA ia ʻe ʻikai fonu ai ʻa e nima ʻo e tokotaha tuʻusí
Pe ko e nima ʻo e tokotaha ʻokú ne tānaki ʻa e ngaahi haʻinga uité.
8 Ko e faʻahinga ʻoku ʻalu hake aí ʻe ʻikai te nau pehē:
“ʻOfa ke ʻiate kimoutolu ʻa e tāpuaki ʻa Sihová;
ʻOku mau faitāpuekina kimoutolu ʻi he huafa ʻo Sihová.”
Ko ha Hiva ʻo e ʻAlu Haké.
130 ʻOku ou ui kiate koe mei he lolotó, ʻe Sihova.+
2 ʻE Sihova, fanongo mai ki hoku leʻó.
ʻOfa ke ke fanongo tokanga mai ki heʻeku tautapa ki ha tokoní.
5 ʻOku ou ʻamanaki kia Sihova, ko ʻeku moʻuí kotoa ʻoku ʻamanaki kiate ia;
ʻOku ou tatali ki heʻene folofolá.
6 ʻOku ou tatali vēkeveke kia Sihova,+
ʻO laka ange ia ʻi he tatali ʻa e kau tangata leʻó ke aʻu ki he pongipongí,+
ʻIo, ʻo laka ange ia ʻi he tatali ʻa e kau tangata leʻó ke aʻu ki he pongipongí.
7 Tuku ke hanganaki tatali ʻa ʻIsileli kia Sihova,
He ko Sihová ʻoku mateaki ʻa ʻene ʻofá,+
Pea ʻokú ne maʻu ha mālohi lahi ke fai ha huhuʻi.
8 Te ne huhuʻi ʻa ʻIsileli mei heʻenau ngaahi faihalá kotoa.
Ko ha Hiva ʻo e ʻAlu Haké. Saame ʻa Tēvita.
131 ʻE Sihova, ʻoku ʻikai ke hīkisia ʻa hoku lotó,
Pea ʻoku ʻikai ke fakamāhiki+ ʻa hoku matá;
Pea ʻoku ʻikai te u holi ki ha ngaahi tuʻunga māʻolunga,+
Pe ki he ngaahi meʻa ʻoku ʻikai lava ke u maʻú.
2 ʻIkai, ka kuó u ʻai ke fiemālie mo nonga ʻa ʻeku moʻuí+
Hangē ha kiʻi tama kuo mavaeʻi ʻoku ʻi heʻene faʻeé;
ʻOku ou nonga ʻo hangē ha kiʻi tama kuo mavaeʻí.
3 Tuku ke tatali ʻa ʻIsileli kia Sihova+
Mei he taimí ni ʻo taʻengata.
Ko ha Hiva ʻo e ʻAlu Haké.
132 ʻE Sihova, manatu kia Tēvita
Mo e kotoa ʻo ʻene faingataʻaʻiá;+
2 ʻA ʻene fakapapau kia Sihová,
ʻA ʻene fuakava ki he Tokotaha Mālohi ʻo Sēkopé:+
3 “Heʻikai te u hū ki hoku tēnití, ki hoku ʻapí.+
Heʻikai te u tokoto ʻi hoku tokotoʻangá, ʻi hoku mohengá;
4 Heʻikai te u tuku ke mohe ʻa hoku matá,
Pe tulemohe ʻa hoku laumatá
5 Kae ʻoua kuó u maʻu ha feituʻu moʻo Sihova,
8 Tuʻu hake, ʻe Sihova, ʻo hāʻele mai ki ho mālōlōʻangá,+
ʻA koe mo e ʻAʻake ʻoku fakahāhā ai ho mālohí.+
9 ʻOfa ke fakateungaʻaki hoʻo kau taulaʻeikí ʻa e māʻoniʻoní,
Pea ʻofa ke kaila fiefia ʻa hoʻo kau mateakí.
11 Kuo fuakava ʻa Sihova kia Tēvita;
Ko e moʻoni heʻikai te ne taʻefakahoko ʻene folofolá:
12 Kapau ʻe tauhi ʻe ho ngaahi fohá ʻeku fuakavá
Pea mo ʻeku ngaahi fakamanatu ʻoku ou akoʻi kiate kinautolú,+
Ko honau ngaahi fohá foki
Te nau nofo ʻi ho taloní ʻo taʻengata.”+
14 “Ko hoku mālōlōʻangá eni ʻo taʻengata;
Ko ia te u nofo aí,+ he ko e meʻa eni naʻá ku holi ki aí.
15 Te u tāpuakiʻi lahi ia ʻaki ʻa e meʻakai;
Te u fakamākona ʻa hono kau masivá ʻaki ʻa e mā.+
16 Te u fakateunga ʻa hono kau taulaʻeikí ʻaki ʻa e fakamoʻui,+
Pea ʻe kaila fiefia+ ʻa ʻene kau mateakí.
17 Te u ʻai ʻa e mālohi* ʻo Tēvitá ke tupu ʻi ai.
Kuó u teuteu ha maama maʻa ʻeku tokotaha paní.+
18 Te u fakateunga ʻa hono ngaahi filí ʻaki ʻa e meʻa fakamā,
Ka ko e kalauni ʻo hono ʻulú ʻe ngingila.”+
Ko ha Hiva ʻo e ʻAlu Haké. Saame ʻa Tēvita.
133 Vakai! Hono ʻikai lelei pea hono ʻikai fakaʻofoʻofa
Ke nofo fakataha ʻa e fanga tokouá ʻo fāʻūtaha!+
2 ʻOku hangē ia ko e lolo lelei naʻe lilingi ʻi he ʻulú+
ʻA ia ʻoku tafe hifo ʻi he kavá,
ʻA e kava ʻo ʻĒloné,+
Pea tafe hifo ki he kola ʻo hono ngaahi kofú.
Ko e feituʻu ia naʻe tuʻutuʻuni ai ʻe Sihova ʻa ʻene tāpuakí
—Ko e moʻui taʻengata.
Ko ha Hiva ʻo e ʻAlu Haké.
134 Fakahīkihikiʻi ʻa Sihova,
ʻA kimoutolu kotoa kau sevāniti ʻa Sihová,+
ʻA kimoutolu ʻoku tuʻu ʻi he fale ʻo Sihová ʻi he lolotonga ʻa e poʻulí.+
3 ʻOfa ke hanga ʻe Sihova, ʻa e Tokotaha-Ngaohi ʻo e langí mo e māmaní,
ʻO tāpuakiʻi koe mei Saione.
135 Mou fakahīkihikiʻi ʻa Iā!*
Mou fakahīkihikiʻi ʻa e huafa ʻo Sihová;
ʻOatu ha fakahīkihiki, ʻa kimoutolu kau sevāniti ʻa Sihová,+
2 ʻA kimoutolu ʻoku tuʻu ʻi he fale ʻo Sihová,
ʻI he ongo lotoʻā ʻo e fale ʻo hotau ʻOtuá.+
3 Fakahīkihikiʻi ʻa Iā, he ʻoku lelei+ ʻa Sihova.
Hiva fakahīkihiki* ki hono huafá, he ʻoku fakaʻofoʻofa ia.
5 He ʻoku ou ʻiloʻi lelei ʻoku lahi ʻa Sihova;
Ko hotau ʻEikí ʻoku lahi ange ia ʻi he ngaahi ʻotua kehé kotoa.+
6 ʻOku fai ʻe Sihova ʻa e meʻa kotoa pē ʻokú ne leleiʻia ke faí+
ʻI he langí pea ʻi he māmaní, ʻi he ngaahi tahí mo e kotoa ʻo e ngaahi lolotó.
7 ʻOkú ne ʻai ʻa e ngaahi ʻaó* ke ʻalu hake mei he ngaahi ngataʻanga ʻo e māmaní;
ʻOkú ne ʻai ʻa e ʻuhila* ki he ʻuhá;
ʻOkú ne ʻomi ki tuʻa ʻa e matangí mei hono ngaahi feleokó.+
8 Naʻá ne taaʻi ʻa e ʻuluaki foha ʻo ʻIsipité,
Fakatouʻosi ʻa e tangata mo e manu.+
9 Naʻá ne ʻoatu ʻa e ngaahi fakaʻilonga mo e ngaahi mana ki ho lotolotongá, ʻe ʻIsipite,+
Kia Felo mo ʻene kau sevānití kotoa.+
10 Naʻá ne taaʻi ʻa e ngaahi puleʻanga lahi+
Pea tāmateʻi ʻa e ngaahi tuʻi mālohi+
11 —ʻA Sīhoni ko e tuʻi ʻo e kau ʻĀmolí,+
ʻA ʻOki ko e tuʻi ʻo Pēsaní,+
Mo e ngaahi puleʻanga kotoa ʻo Kēnaní.
12 Naʻá ne foaki honau fonuá ke hoko ko ha tofiʻa,
Ko ha tofiʻa ki ʻIsileli ko hono kakaí.+
13 ʻE Sihova, ko ho huafá ʻoku tolonga ʻo taʻengata.
ʻE Sihova, ko ho ongoongó* ʻoku tolonga ʻi he toʻutangata kotoa.+
14 He ko Sihová te ne taukapoʻi ʻa hono kakaí,+
15 Ko e ngaahi ʻaitoli ʻa e ngaahi puleʻangá ko e siliva mo e koula,
Ko e ngāue ʻa e nima ʻo e tangatá.+
16 ʻOku ʻi ai honau ngutu, ka ʻoku ʻikai lava ke nau lea;+
Ko e mata, ka ʻoku ʻikai lava ke nau sio;
17 ʻOku ʻi ai honau telinga, ka ʻoku ʻikai lava ke nau fanongo.
ʻOku ʻikai ha mānava ʻi honau avaʻi ihú.+
18 Ko e kakai ʻoku nau ngaohi kinautolú te nau hoko ʻo hangē tofu pē ko kinautolú,+
Pea ʻe pehē pē mo e faʻahinga kotoa ʻoku falala kiate kinautolú.+
19 ʻE fale ʻo ʻIsileli, mou fakahīkihikiʻi ʻa Sihova.
ʻE fale ʻo ʻĒlone, mou fakahīkihikiʻi ʻa Sihova.
20 ʻE fale ʻo Līvai, mou fakahīkihikiʻi ʻa Sihova.+
ʻA kimoutolu ʻoku manavahē kia Sihová, mou fakahīkihikiʻi ʻa Sihova.
Mou fakahīkihikiʻi ʻa Iā!+
3 Fakamālō ki he ʻEiki ʻo e ngaahi ʻeikí,
He ko ʻene ʻofa mateakí ʻoku tolonga ʻo taʻengata.
4 Ko ia pē toko taha ʻokú ne fai ʻa e ngaahi meʻa fakaofó,+
He ko ʻene ʻofa mateakí ʻoku tolonga ʻo taʻengata.+
6 ʻOkú ne folahi atu ʻa e māmaní ʻi he fukahi vaí,+
He ko ʻene ʻofa mateakí ʻoku tolonga ʻo taʻengata.
7 Naʻá ne ngaohi ʻa e ngaahi maama lalahi,+
He ko ʻene ʻofa mateakí ʻoku tolonga ʻo taʻengata,
8 ʻA e laʻaá ke pule ʻi he ʻahó,+
He ko ʻene ʻofa mateakí ʻoku tolonga ʻo taʻengata,
9 ʻA e māhiná mo e ngaahi fetuʻú ke pule ʻi he poʻulí,+
He ko ʻene ʻofa mateakí ʻoku tolonga ʻo taʻengata.
10 Naʻá ne taaʻi ʻa e ʻuluaki foha ʻo ʻIsipité,+
He ko ʻene ʻofa mateakí ʻoku tolonga ʻo taʻengata.
11 Naʻá ne ʻomi ʻa ʻIsileli mei honau lotolotongá,+
He ko ʻene ʻofa mateakí ʻoku tolonga ʻo taʻengata,
12 ʻAki ha nima mālohi+ mo ha nima kuo mafao atu,
He ko ʻene ʻofa mateakí ʻoku tolonga ʻo taʻengata.
13 Naʻá ne fakamavaeuaʻi ʻa e Tahi Kulokulá,+
He ko ʻene ʻofa mateakí ʻoku tolonga ʻo taʻengata.
14 Naʻá ne ʻai ʻa ʻIsileli ke nau fou atu ʻi loto ai,+
He ko ʻene ʻofa mateakí ʻoku tolonga ʻo taʻengata.
15 Naʻá ne tupeʻi ʻa Felo mo ʻene kau taú ki he Tahi Kulokulá,+
He ko ʻene ʻofa mateakí ʻoku tolonga ʻo taʻengata.
16 Naʻá ne taki atu hono kakaí ʻi he toafá,+
He ko ʻene ʻofa mateakí ʻoku tolonga ʻo taʻengata.
17 Naʻá ne taaʻi ʻa e ngaahi tuʻi māʻolunga,+
He ko ʻene ʻofa mateakí ʻoku tolonga ʻo taʻengata.
18 Naʻá ne tāmateʻi ʻa e ngaahi tuʻi mālohi,
He ko ʻene ʻofa mateakí ʻoku tolonga ʻo taʻengata,
19 ʻA Sīhoni+ ko e tuʻi ʻo e kau ʻĀmolí,
He ko ʻene ʻofa mateakí ʻoku tolonga ʻo taʻengata,
20 Mo ʻOki+ ko e tuʻi ʻo Pēsaní,
He ko ʻene ʻofa mateakí ʻoku tolonga ʻo taʻengata.
21 Naʻá ne foaki honau fonuá ke hoko ko ha tofiʻa,+
He ko ʻene ʻofa mateakí ʻoku tolonga ʻo taʻengata,
22 Ko ha tofiʻa ki ʻIsileli ko ʻene sevānití,
He ko ʻene ʻofa mateakí ʻoku tolonga ʻo taʻengata.
23 Naʻá ne manatua kitautolu ʻi heʻetau ʻi he tuʻunga ololaló,+
He ko ʻene ʻofa mateakí ʻoku tolonga ʻo taʻengata.+
24 Naʻá ne toutou fakahaofi kitautolu mei hotau ngaahi filí,+
He ko ʻene ʻofa mateakí ʻoku tolonga ʻo taʻengata.
25 ʻOkú ne foaki meʻakai ki he meʻamoʻui*+ kotoa pē,
He ko ʻene ʻofa mateakí ʻoku tolonga ʻo taʻengata.
26 ʻOatu ʻa e fakamālō ki he ʻOtua ʻo e langí,
He ko ʻene ʻofa mateakí ʻoku tolonga ʻo taʻengata.
137 Naʻa mau tangutu hifo ʻi he ngaahi veʻe vaitafe ʻo Pāpiloné.+
Naʻa mau tangi ʻi heʻemau manatu ki Saioné.+
3 He naʻe kole mai ʻi ai ʻe homau kau fakapōpulá ke mau fai ha hiva,+
Ko e faʻahinga ʻoku nau manuki maí naʻa nau loto ke mau fai ange ha kiʻi fakafiefia:
“Hivaʻi mai kiate kimautolu ʻa e taha ʻo e ngaahi hiva ʻo Saioné.”
4 ʻE lava fēfē ke mau hivaʻi ʻa e hiva ʻa Sihová
ʻI he fonua mulí?
5 Kapau ʻe ngalo koe ʻiate au, ʻe Selusalema,
6 Tuku ke pipiki ʻa hoku ʻeleló ki hoku ʻaoʻingutú
Kapau ʻe ʻikai te u manatuʻi koe,
Kapau ʻe ʻikai te u ʻai ʻa Selusalema ke mahulu hake ia
ʻI he ngaahi meʻa lahi taha ʻokú ne ʻai au ke u fiefiá.+
7 Manatuʻi, ʻe Sihova,
ʻA e lea ʻa e kau ʻĪtomí ʻi he ʻaho naʻe tō ai ʻa Selusalemá:
“Holoki ia! Holoki ia ʻo aʻu ki hono ngaahi fakavaʻé!”+
8 ʻE taʻahine Pāpilone, ʻa ia ʻoku vavé ni ke ʻauhá,+
Fiefia ē ko e tokotaha te ne totongi kiate koe
ʻAki ʻa e meʻa naʻá ke fai mai kiate kimautolú.+
9 Fiefia ē ko e tokotaha te ne puke ʻa hoʻo fānaú
ʻO laiki kinautolu ʻi he ngaahi maká.+
Saame ʻa Tēvita.
138 Te u fakahīkihikiʻi koe ʻaki hoku lotó kotoa.+
ʻI he ʻao ʻo e ngaahi ʻotua kehé,
Te u hiva fakahīkihiki.*
2 Te u punou ʻo hanga ki ho temipale tapú,*+
Pea te u fakahīkihikiʻi ho huafá+
Koeʻuhi ko hoʻo ʻofa mateakí mo hoʻo faitōnungá.
He kuó ke ʻai ke māʻolunga hoʻo folofolá mo ho huafá ʻi he meʻa kehé kotoa.*
3 ʻI he ʻaho naʻá ku ui aí, naʻá ke fai mai ha tali kiate au;+
Naʻá ke ʻai au ke u loto-toʻa mo mālohi.+
4 Ko e ngaahi tuʻi kotoa ʻo e māmaní te nau fakahīkihikiʻi koe, ʻe Sihova,+
He te nau fanongo ʻi he ngaahi talaʻofa kuó ke leaʻakí.
5 Te nau hiva ʻo fekauʻaki mo e ngaahi founga ʻa Sihová,
He ko e lāngilangi ʻo Sihová ʻoku lahi.+
6 Neongo ʻoku māʻolunga ʻa Sihova, ʻokú ne tokaʻi ʻa e tokotaha anga-fakatōkilaló,+
Ka ko e tokotaha hīkisiá ʻokú ne ʻilo pē ia mei he mamaʻó.+
7 Neongo ʻeku ʻaʻeva ʻi he lotolotonga ʻo e faingataʻá, te ke tauhi au ke u moʻui.+
ʻOku mafao atu ho nimá ki he ʻita ʻa hoku ngaahi filí;
Ko ho nima toʻomataʻú te ne fakahaofi au.
8 ʻE fakahoko ʻe Sihova ʻa e ngaahi meʻa kotoa koeʻuhí ko au.
ʻE Sihova, ko hoʻo ʻofa mateakí ʻoku tolonga ʻo taʻengata;+
ʻOua naʻá ke liʻaki ʻa e ngaahi ngāue ʻa ho nimá.+
Ki he pule hivá. Saame ʻa Tēvita. Ko ha hiva.
139 ʻE Sihova, kuó ke sivisiviʻi au, pea ʻokú ke ʻilo au.+
2 ʻOkú ke ʻilo ʻa ʻeku tangutu hifó mo ʻeku tuʻu haké.+
ʻOkú ke ʻiloʻi ʻa ʻeku ngaahi fakakaukaú mei he mamaʻó.+
3 ʻOkú ke siofi* au ʻi heʻeku fonongá mo ʻeku tokoto hifó;
ʻOkú ke maheni mo hoku ngaahi ʻalungá kotoa.+
5 ʻOkú ke takatakaiʻi au, ʻi muʻa pea ʻi mui;
Pea ʻokú ke hili ho nimá ʻiate au.
6 Ko e ʻilo peheé ʻoku ʻikai malava ke u makupusi.*
ʻOku fuʻu māʻolunga ia ke u aʻu ki ai.*+
8 Kapau te u ʻalu hake ki he langí, te ke ʻi ai,
Pea kapau te u ngaohi hoku mohengá ʻi he Faʻitoká,* vakai, te ke ʻi ai.+
9 Kapau te u puna atu ʻi he kapakau ʻo e mafoa ʻa e atá
Ke u nofo ʻi he feituʻu mamaʻo taha ʻo e tahí,
10 Naʻa mo e feituʻu ko iá ko ho nimá te ne taki aú
Pea ko ho nima toʻomataʻú te ne pukepuke au.+
11 Kapau te u pehē: “ʻE ʻufiʻufi moʻoni au ʻe he fakapoʻulí!”
ʻE hoko leva ʻa e poʻuli ʻokú ne takatakaiʻi aú ʻo maama.
12 Naʻa mo e fakapoʻulí ʻe ʻikai ke fuʻu fakapoʻuli ia kiate koe,
Ka ko e poʻulí ʻe maama ia ʻo hangē ko e ʻahó;+
Ko e fakapoʻulí ʻoku tatau pē ia mo e māmá kiate koe.+
14 ʻOku ou fakahīkihikiʻi koe koeʻuhí ko e fakamanavahē ʻa e founga fakaofo ʻo hono ngaohi aú.+
ʻOku fakaofo hoʻo ngaahi ngāué,+
ʻOku ou ʻiloʻi lelei ia.
15 Ko hoku ngaahi huí naʻe ʻikai puli ia meiate koe
ʻI hono ngaohi au ʻi he liló,
ʻI hono lalanga au ʻi he ngaahi loloto ʻo e māmaní.+
16 Naʻe aʻu ʻo vakai mai ho fofongá kiate au ʻi heʻeku kei hoko ko e konga toto pē;
Ko hoku ngaahi kupú kotoa naʻe hiki ia ʻi hoʻo tohí
ʻO fekauʻaki mo e ngaahi ʻaho naʻe faʻu ai kinautolú,
Ki muʻa ke ʻi ai ha taha ʻo kinautolú.
17 Ko ia, he mahuʻinga ē ko hoʻo ngaahi fakakaukaú kiate au!+
ʻE ʻOtua, he kāfakafa ē ko hono fakakātoa ʻo kinautolú!+
18 Kapau te u feinga ke lau kinautolu, te nau lahi mamaʻo ange ʻi he ʻoneʻoné.+
ʻI heʻeku ʻā haké, ʻoku ou kei feʻao pē mo koe.*+
19 ʻE ʻOtua, kapau pē ā naʻá ke tāmateʻi ʻa e kau fulikivanú!+
Naʻe mei mavahe leva ʻa e kau tangata fakamālohí* meiate au,
20 ʻA e faʻahinga ʻoku nau fai ha ngaahi lea kovi kiate koe ʻi he taumuʻa koví;*
Ko ho ngaahi fili kinautolu ʻoku nau ngāuehalaʻaki ho huafá.+
21 ʻIkai ʻoku ou fehiʻa ʻi he faʻahinga ʻoku nau fehiʻa kiate koé, ʻe Sihova,+
Mo fakaliliʻa ʻi he faʻahinga ʻoku nau angatuʻu kiate koé?+
23 Sivisiviʻi au, ʻe ʻOtua, pea ʻilo hoku lotó.+
Vakaiʻi au, pea ʻilo ʻa e hohaʻatuʻu ʻa ʻeku ngaahi fakakaukaú.+
Ki he pule hivá. Ko e hiva ʻa Tēvita.
140 Fakahaofi ange au, ʻe Sihova, mei he kau tangata koví;
Maluʻi ange au mei he kau tangata fakamālohí,+
2 ʻA kinautolu ʻoku nau faʻufaʻu ʻa e kovi ʻi honau lotó+
Pea fakalanga kē ʻi he ʻahó kotoa.
3 ʻOku nau fakamāsila honau ʻeleló ʻo hangē ko e ʻelelo ʻo ha ngatá;+
Ko ʻenau leá ʻoku fakatupu maumau ʻo hangē ko e kona mei ha ngatá.+ (Sila)
4 Maluʻi au, ʻe Sihova, mei he nima ʻo e kau fulikivanú;+
Leʻohi au mei he kau tangata fakamālohí,
ʻA kinautolu ʻoku nau faʻufaʻu ke ʻai au ke u humú.
5 ʻOku fufū ʻe he kau hīkisiá ha tauhele kiate au;
ʻOku nau fusi ha kupenga ʻaki ha maea ʻi he veʻehalá+
ʻOku nau tau ha ngaahi tauhele kiate au.+ (Sila)
6 ʻOku ou pehē kia Sihova: “Ko koe ʻa hoku ʻOtuá.
Fanongo mai, ʻe Sihova, ki heʻeku tautapa ki ha tokoní.”+
7 ʻE Sihova ko e ʻEiki Hau, ʻa hoku Fakamoʻui mālohí,
ʻOkú ke maluʻi ʻa hoku ʻulú ʻi he ʻaho ʻo e taú.+
8 ʻOua naʻá ke ʻoange, ʻe Sihova, ʻa e ngaahi holi ʻa e kau fulikivanú.
ʻOua naʻa tuku ke lavameʻa ʻenau ngaahi faʻufaʻú, koeʻuhí ke ʻoua naʻa hakeakiʻi ai kinautolu.+ (Sila)
9 ʻOfa ke hoko ʻa e ʻulu ʻo kinautolu ʻoku nau takatakaiʻi aú
ʻO ʻufiʻufi ʻe he kovi ʻoku leaʻaki ʻe honau loungutú.+
10 ʻOfa ke ʻuha hifo ʻa e ngaahi malala uloulo kiate kinautolu.+
11 ʻOfa ke ʻoua naʻa maʻu ʻe he tokotaha laukovi loí hano ʻapi ʻi he māmaní.*+
ʻOfa ke tuli ʻe he koví ʻa e kau tangata fakamālohí ʻo taaʻi kinautolu.
12 ʻOku ou ʻiloʻi ʻe taukapoʻi ʻe Sihova ʻa e māʻulaló
Pea fai ʻa e fakamaau totonu ki he masivá.+
13 Ko e moʻoni ʻe ʻoatu ʻe he māʻoniʻoní ʻa e fakamālō ki ho huafá;
Ko e hiva ʻa Tēvita.
141 ʻE Sihova, ʻoku ou ui atu kiate koe.+
Fakavave mai muʻa ʻo tokoniʻi au.+
Ke ke tokanga mai ʻi he taimi ʻoku ou ui atu aí.+
2 ʻOfa ke hoko ʻa ʻeku lotú ʻo hangē ha ʻinisēnisi+ kuo teuteu ʻi ho ʻaó,+
Mo hoku nima kuo hiki haké ke hangē ko e feilaulau meʻakai* ʻi he efiafí.+
3 Ke ke fokotuʻu muʻa ha kaʻate ki hoku ngutú, ʻe Sihova,
Ke ke fokotuʻu ha leʻo ʻi he matapā ʻo hoku loungutú.+
4 ʻOua naʻa tuku ke hehema ʻa hoku lotó ki ha meʻa pē ʻoku kovi,+
Ke kau fakataha mo e kau tangata koví ʻi he ngaahi ngāue fakalieliá;
ʻOfa ke ʻoua ʻaupito naʻá ku kai ʻi heʻenau ngaahi meʻakai vovó.
5 Kapau ʻe taaʻi au ʻe he tokotaha māʻoniʻoní, ʻe hoko ia ko hano fakahaaʻi ʻo e ʻofa mateakí;+
Kapau te ne valokiʻi au, ʻe hangē ia ko ha lolo ʻi hoku ʻulú,+
ʻA ia ʻe ʻikai ʻaupito ke fakafisingaʻi ʻe hoku ʻulú.+
Te u kei lotu pē naʻa mo e lolotonga ʻenau ngaahi mamahí.
6 Neongo ʻe lī hifo ʻenau kau fakamāú mei he lilifá,
ʻE tokanga ʻa e kakaí ki heʻeku leá, he ʻoku lelei ia.
7 Hangē pē ko hano palau ʻe ha taha ʻo fakamovetevete ʻa e kelekelé,
ʻOku pehē ʻa e movete ʻa hotau ngaahi huí ʻi he ngutuluo ʻo e Faʻitoká.*
8 Ka ʻoku hanga atu ʻa hoku matá kiate koe, ʻe ʻEiki Hau Sihova.+
Ko koe kuó u hūfanga ki aí.
ʻOua muʻa naʻá ke toʻo ʻa ʻeku moʻuí.
9 Maluʻi au mei hono maʻu ʻe he tauhele kuo nau fakatoka kiate aú,
Mei he ngaahi tauhele ʻa e kau faikoví.
10 Ko e kau fulikivanú te nau tō kotoa ki he ngaahi kupenga pē ʻanautolú+
Lolotonga ia ʻeku laka atu pē au ʻo haó.
Masikili.* Ko e saame ʻa Tēvita ʻi heʻene ʻi he ʻaná.+ Ko ha lotu.
142 ʻOku ou ui kia Sihova ʻaki hoku leʻó ki ha tokoni;+
ʻOku ou tautapa kia Sihova ʻaki hoku leʻó ki ha hōifua.
2 ʻOku ou huaʻi atu ʻeku loto-hohaʻá ʻi hono ʻaó;
ʻOku ou lea fekauʻaki mo ʻeku mamahí ʻi hono ʻaó+
3 ʻI he vaivai ʻa hoku laumālié* ʻi loto ʻiate aú.
ʻOkú ke siofi leva ʻa hoku ʻalungá.+
ʻI he hala ʻoku ou ʻalu aí,
ʻOku nau fufū ai ha tauhele kiate au.
ʻOku ʻikai ha feituʻu ʻe lava ke u hola ki ai;+
ʻOku ʻikai ha taha ʻe hohaʻa mai.
5 ʻOku ou ui atu kiate koe, ʻe Sihova, ki ha tokoni.
ʻOku ou pehē: “Ko koe ʻa hoku hūfangaʻangá,+
ʻA e kotoa ʻo e meʻa ʻoku ou maʻu* ʻi he fonua ʻo e kau moʻuí.”
6 Tokanga mai ki heʻeku tangi ki ha tokoní,
He kuo mātuʻaki fakamāʻulaloʻi au.
Fakahaofi au mei hoku kau fakatangá,+
He ʻoku nau mālohi ange ʻiate au.
7 Toʻo au mei he loki fakapōpulá
Ke u fakahīkihikiʻi ho huafá.
ʻOfa ke fakataha takatakai ʻiate au ʻa e kau māʻoniʻoní
Koeʻuhí ʻokú ke failelei kiate au.
Ko e hiva ʻa Tēvita.
ʻI hoʻo faitōnungá pea ʻi hoʻo māʻoniʻoní, fai mai muʻa ha tali kiate au.
2 ʻOua naʻá ke fakahoko ha fakamaau ki hoʻo sevānití,
He ʻi ho ʻaó ʻoku ʻikai lava ke māʻoniʻoni ai ha taha moʻui.+
3 He ʻoku tuli au ʻe he filí;
Kuó ne laiki ʻa ʻeku moʻuí ki he kelekelé.
Kuó ne ʻai au ke u nofo ʻi he fakapoʻulí ʻo hangē ko kinautolu kuo fuoloa ʻenau maté.
5 ʻOku ou manatu ki he ngaahi ʻaho he kuohilí;
ʻOku ou fakalaulauloto ki hoʻo ngāué kotoa;+
ʻOku ou fakakaukauloto vēkeveke* ki he ngāue ʻa ho nimá.
8 Tuku ke u fanongo ki hoʻo ʻofa mateakí ʻi he pongipongí,
He ʻoku ou falala atu kiate koe.
Fakaʻilo mai kiate au ʻa e hala ʻoku totonu ke u fou aí,+
He ʻoku ou hanga atu kiate koe.
9 Fakahaofi au mei hoku ngaahi filí, ʻe Sihova.
ʻOku ou kumi ki hoʻo maluʻí.+
Ko ho laumālié ʻoku lelei;
ʻOfa ke ne taki au ʻi he kelekele tokaleleí.*
11 Koeʻuhi ko ho huafá, ʻe Sihova, tauhi muʻa au ke u moʻui.
ʻI hoʻo māʻoniʻoní, fakahaofi ange au mei he faingataʻá.+
12 ʻI hoʻo ʻofa mateakí, fakangata* muʻa ʻa hoku ngaahi filí;+
Fakaʻauha ʻa kinautolu kotoa ʻoku nau fakahohaʻasi aú,+
He ko hoʻo sevāniti au.+
Saame ʻa Tēvita.
144 ʻOfa ke fakahīkihikiʻi ʻa Sihova, ko hoku Makatuʻú,+
ʻA ia ʻokú ne akoʻi ʻa hoku nimá ki he fepakí,
ʻA hoku louhiʻinimá ki he taú.+
2 Ko ia ʻokú ne fakahaaʻi mai ʻa e ʻofa mateakí pea ko hoku maluʻangá ia,
Ko hoku hūfangaʻanga malu* mo hoku faifakahaofi,
Ko ʻeku pā pea ko e Tokotaha ʻa ia ʻoku ou fakaū ki aí,+
Ko e Tokotaha ʻokú ne fakamoʻulaloaʻi ʻa e ngaahi kakaí ʻi hoku malumalú.+
3 ʻE Sihova, ko e hā ʻa e tangatá ke ke fakatokangaʻi ai ia,
ʻA e foha ʻo e tangata ko e meʻa noa peé ke ke tokanga ai kiate ia?+
4 ʻOku hangē ʻa e tangatá ko ha koto mānava pē;+
Ko hono ngaahi ʻahó ʻoku hangē ko ha ʻata+ ʻoku fakaʻaʻau ke molé.
5 ʻE Sihova, tuku* hifo ʻa e langí peá ke hāʻele mai;+
Ala atu ki he ngaahi moʻungá pea ʻai ke nau kohu.+
6 ʻAi ke tapa ʻa e ʻuhilá pea fakamovete ʻa e filí;+
Fanaʻi hoʻo ngaahi ngahaú pea ʻai kinautolu ke nau puputuʻu.+
7 Mafao hifo ho nimá mei ʻolunga;
Fakahaofi au pea fakamoʻui au mei he ngaahi vai ʻoku āké,
8 ʻA ia ʻoku leaʻaki ʻe honau ngutú ʻa e loí
Pea ʻoku nau hiki honau nima toʻomataʻú ke fai ha fakapapau ki he loí.*
9 ʻE ʻOtua, te u hiva kiate koe ha hiva foʻou.+
Te u hiva fakahīkihiki* kiate koe, fakataha mo ha meʻalea filo hongofulu,
10 Ki he Tokotaha ʻokú ne ʻoange ʻa e ikuna* ki he ngaahi tuʻí,+
ʻA e Tokotaha ʻokú ne fakahaofi ʻa ʻene sevāniti ko Tēvitá mei he heletā fakatupu maté.+
11 Fakahaofi au pea fakamoʻui au mei he nima ʻo e kau mulí,
ʻA ia ʻoku leaʻaki ʻe honau ngutú ʻa e loí
Pea ʻoku nau hiki ʻa honau nima toʻomataʻú ke fai ha fakapapau ki he loí.
12 Pea ʻe hangē homau ngaahi fohá ko ha fanga kiʻi ʻakau ʻoku tupu vave haké,
Ko homau ngaahi ʻofefiné ʻe hangē ha ngaahi pou tuliki kuo tongi ki ha palasí.
13 Ko homau ngaahi feleokó ʻe fonu mahuohua ʻi he fua kehekehe;
Ko ʻemau ngaahi tākanga ʻi heʻemau ngaahi ngoué ʻe tokolahi ʻo laui afe, mo laui mano.
14 Ko ʻemau fanga pulú, ʻi heʻenau feitamá, ʻe ʻikai te nau tō ki ha fakatamaki pe tamatō;
ʻE ʻikai ke ʻi ai ha tangi mamahi ʻi homau ngaahi malaʻe fakakoló.*
15 Fiefia ē ko e kakai ʻa ia ʻoku hoko ki ai ʻa e meʻá ni!
Fiefia ē ko e kakai ʻa ia ko honau ʻOtuá ʻa Sihová!+
Ko ha hiva fakahīkihiki, ko ha saame ʻa Tēvita.
א [ʻAlefi]
145 Te u hakeakiʻi koe, ʻe hoku ʻOtua ko e Tuʻí,+
Te u fakahīkihikiʻi ho huafá ʻo taʻengata pea taʻengata.+
ב [Peta]
2 ʻI he ʻahó kotoa te u fakahīkihikiʻi koe;+
Te u fakahīkihikiʻi ho huafá ʻo taʻengata pea taʻengata.+
ג [Kimela]
ד [Tāleta]
4 Ko e toʻutangata ki he toʻutangata te nau fakahīkihikiʻi ʻa hoʻo ngaahi ngāué;
Te nau talanoa ʻo fekauʻaki mo hoʻo ngaahi fuʻu ngāué.+
ה [Hē]
5 Te nau leaʻaki ʻa e fakaʻofoʻofa lāngilangiʻia ʻo ho ngeiá+
Pea ko hoʻo ngaahi ngāue fakaofó te u fakalaulauloto ki ai.
ו [Vau]
ז [Saini]
7 Te nau toutou leaʻaki hoʻo lelei lahí+ ʻi heʻenau manatu ki aí,
Pea te nau kalanga fiefia koeʻuhí ko hoʻo māʻoniʻoní.+
ח [Keta]
ט [Teta]
9 ʻOku anga-lelei ʻa Sihova ki he tokotaha kotoa,+
Pea ko ʻene mēsí ʻoku hā mahino ia ʻi he kotoa ʻo ʻene ngaahi ngāué.
י [Iota]
10 ʻE fakalāngilangiʻi koe ʻe hoʻo ngaahi ngāué kotoa, ʻe Sihova,+
Pea ʻe fakahīkihikiʻi koe ʻe hoʻo kau mateakí.+
כ [Kafa]
11 Te nau fanongonongo ʻa e lāngilangi ʻo ho tuʻunga-tuʻí+
Pea lea ʻo fekauʻaki mo ho fuʻu mālohí,+
ל [Lameta]
12 Ke ʻai ke ʻilo ʻe he tangatá ʻa hoʻo ngaahi fuʻu ngāué+
Mo e fakaʻofoʻofa lāngilangiʻia ʻo ho tuʻunga-tuʻí.+
מ [Mema]
13 Ko ho tuʻunga-tuʻí ko ha tuʻunga-tuʻi taʻengata,
Pea ko hoʻo pulé ʻe tuʻuloa ʻi he ngaahi toʻutangatá kotoa.+
ס [Sameha]
14 ʻOku tokoniʻi ʻe Sihova ʻa e faʻahinga kotoa ʻoku toó+
Pea langaʻi hake ʻa e faʻahinga kotoa ʻoku punoú.+
ע [ʻAini]
15 Ko e ngaahi mata kotoa ʻoku nau hanga kiate koe ʻi he ʻamanaki;
ʻOkú ke ʻoange kiate kinautolu ʻenau meʻakaí ʻi hono faʻahitaʻú.+
פ [Pē]
צ [Sati]
17 ʻOku māʻoniʻoni ʻa Sihova ʻi heʻene ngaahi foungá kotoa+
Mo mateaki ʻi he meʻa kotoa ʻokú ne faí.+
ק [Kofi]
ר [Lesa]
19 ʻOkú ne fakatōliʻa ʻa e holi ʻa e faʻahinga ʻoku manavahē kiate iá;+
ʻOkú ne fanongo ki heʻenau tangi ki ha tokoní, peá ne fakahaofi kinautolu.+
ש [Sini]
20 ʻOku leʻohi ʻe Sihova ʻa e faʻahinga kotoa ʻoku ʻofa kiate iá,+
Ka ko e kau fulikivanú kotoa te ne fakaʻauha ʻosi.+
ת [Tau]
21 ʻE talaki ʻe hoku ngutú ʻa e fakahīkihiki ʻo Sihová;+
Tuku ke fakahīkihikiʻi ʻe he meʻamoʻui kotoa* ʻa hono huafa māʻoniʻoní ʻo taʻengata pea taʻengata.+
146 Mou fakahīkihikiʻi ʻa Iā!*+
Tuku ke fakahīkihikiʻi ʻe heʻeku moʻuí kotoa ʻa Sihova.+
2 Te u fakahīkihikiʻi ʻa Sihova ʻi he kotoa ʻo ʻeku moʻuí.
Te u hiva fakahīkihiki* ki hoku ʻOtuá ʻi he lolotonga ʻeku kei moʻuí.
3 ʻOua naʻa tuku hoʻomou falalá ʻi he kau houʻeikí*
Pe ʻi he foha ʻo e tangatá, ʻa ia ʻoku ʻikai lava ke ne ʻomi ha fakamoʻuí.+
4 ʻOku mole atu hono laumālié,* ʻokú ne foki ki he kelekelé;+
ʻI he ʻaho pē ko iá ʻoku mole ai ʻene ngaahi fakakaukaú.+
5 Fiefia ē ko e tokotaha ʻokú ne maʻu ʻa e ʻOtua ʻo Sēkopé ko hono tokoní,+
ʻA ia ko ʻene ʻamanakí ʻoku ʻia Sihova ko hono ʻOtuá,+
6 ʻA e Tokotaha-Ngaohi ʻo e langí mo e māmaní,
ʻO e tahí, mo e meʻa kotoa ʻoku ʻi aí,+
ʻA e Tokotaha ʻoku faitōnunga maʻu ai peé,+
7 ʻA e Tokotaha ʻokú ne fakapapauʻi ke fai ʻa e fakamaau totonu ki he faʻahinga ʻoku kākāʻí,
ʻA e Tokotaha ʻokú ne foaki ʻa e mā ki he fiekaiá.+
ʻOku tuku ange ʻe Sihova ʻa e kau pōpulá.*+
8 ʻOku fakaʻā ʻe Sihova ʻa e mata ʻo e kuí;+
ʻOku langaʻi hake ʻe Sihova ʻa e faʻahinga ʻoku punoú;+
ʻOku ʻofa ʻa Sihova ʻi he māʻoniʻoní.
9 ʻOku maluʻi ʻe Sihova ʻa e kau mulí;
ʻOkú ne tokoniʻi ʻa e kiʻi tama tamai-maté mo e uitoú,+
Ka ʻokú ne fakafehālaakiʻi ʻa e ngaahi palani ʻa e kau fulikivanú.*+
10 ʻE Tuʻi ʻa Sihova ʻo taʻengata,+
ʻA ho ʻOtuá, ʻe Saione, ʻi he toʻutangata ki he toʻutangata.
Mou fakahīkihikiʻi ʻa Iā!*
147 Mou fakahīkihikiʻi ʻa Iā!*
ʻOku lelei ke hiva fakahīkihiki* ki hotau ʻOtuá;
Hono ʻikai lelei mo feʻungamālie ke fakahīkihikiʻi ia!+
2 ʻOku langa ʻe Sihova ʻa Selusalema;+
ʻOkú ne tānaki fakataha mai ʻa e faʻahinga ʻo ʻIsileli kuo moveteveté.+
3 ʻOkú ne fakamoʻui ʻa e faʻahinga ʻoku loto-laveá;
ʻOkú ne haʻihaʻi ʻa honau laveá.
5 ʻOku lahi ʻa hotau ʻEikí pea ʻokú ne māfimafi ʻi he mālohí;+
Ko ʻene mahinó ʻoku taʻehanongataʻanga.+
7 Hiva kia Sihova mo e fakafetaʻi;
Hiva fakahīkihiki ki hotau ʻOtuá, fakataha mo e haʻapé,
8 ʻA e Tokotaha ʻokú ne ʻufiʻufi ʻa e langí ʻaki ʻa e ngaahi ʻaó,
ʻA e Tokotaha ʻokú ne tokonaki mai ʻa e ʻuha ki he māmaní,+
ʻA e Tokotaha ʻokú ne ʻai ke tupu ʻa e musié+ ʻi he ngaahi moʻungá.
10 ʻOku ʻikai te ne leleiʻia ʻi he mālohi ʻo e hōsí;+
Pea ʻoku ʻikai maongo kiate ia ʻa e ongo vaʻe mālohi ʻo ha tangata.+
11 ʻOku leleiʻia ʻa Sihova ʻi he faʻahinga ʻoku manavahē kiate iá,+
ʻI he faʻahinga ʻoku nau tatali ki heʻene ʻofa mateakí.+
12 Fakalāngilangiʻi ʻa Sihova, ʻe Selusalema.
Fakahīkihikiʻi ho ʻOtuá, ʻe Saione.
13 ʻOkú ne ʻai ʻa e ngaahi meʻa fakamaʻu ʻo e ngaahi matapā ʻo ho koló ke mālohi;
ʻOkú ne tāpuakiʻi ho ngaahi foha ʻoku ʻiate koé.
15 ʻOkú ne tuku atu ʻene fekaú ki he māmaní;
ʻOku lele vave ʻaupito ʻa ʻene folofolá.
16 ʻOkú ne tuku atu ʻa e sinoú hangē ha fulufuluʻisipí;+
ʻOkú ne fakamovete atu ʻa e hahau ʻaisí ʻo hangē tofu pē ko e efuefú.+
17 ʻOkú ne laku hifo ʻene ʻuha-ʻaisí* hangē ha momomomoʻi maá.+
Ko hai ʻe lava ke ne matuʻuaki ʻa e momokó?+
18 ʻOkú ne tuku atu ʻene folofolá, pea ʻoku nau vaia ai.
ʻOkú ne ʻai ke angi ʻa ʻene matangí,+ pea ʻoku tafe ai ʻa e ngaahi vaí.
19 ʻOkú ne fakahaaʻi ʻa ʻene folofolá kia Sēkope,
ʻA ʻene ngaahi tuʻutuʻuní mo e fakamāú ki ʻIsileli.+
20 Kuo teʻeki ai te ne fai pehē ki ha toe puleʻanga kehe;+
ʻOku ʻikai te nau ʻilo ha meʻa ʻo fekauʻaki mo ʻene ngaahi fakamāú.
148 Mou fakahīkihikiʻi ʻa Iā!*
Fakahīkihikiʻi ʻa Sihova mei he langí;+
Fakahīkihikiʻi ia ʻi he taukakapá.
2 Fakahīkihikiʻi ia, ʻe kimoutolu ʻene kau ʻāngeló kotoa.+
Fakahīkihikiʻi ia, ʻe kimoutolu ʻene ngaahi kongakaú kotoa.+
3 Fakahīkihikiʻi ia, ʻe kimoua laʻā mo māhina.
Fakahīkihikiʻi ia, ʻe kimoutolu ngaahi fetuʻu ngingilá kotoa.+
4 Fakahīkihikiʻi ia, ʻe kimoutolu ngaahi langi māʻolunga tahá*
Mo e ngaahi vai ʻi ʻolunga ʻi he langí.
5 Tuku ke nau fakahīkihikiʻi ʻa e huafa ʻo Sihová,
He naʻá ne fekau atu, pea naʻe fakatupu ai kinautolu.+
6 ʻOkú ne fokotuʻu maʻu ai pē kinautolu ʻo taʻengata pea taʻengata;+
Kuó ne ʻoatu ha tuʻutuʻuni ʻa ia ʻe ʻikai ke mole.+
7 Fakahīkihikiʻi ʻa Sihova mei he māmaní,
ʻA kimoutolu ngaahi meʻamoʻui lalahi ʻo e tahí mo e ngaahi vai lolotó kotoa,
8 ʻA kimoutolu ʻuhila mo e ʻuha-ʻaisi, sinou mo e ngaahi ʻao matolu,
ʻA koe matangi mālohi, ʻokú ke fakahoko ʻa ʻene folofolá,+
9 ʻA kimoutolu ngaahi moʻunga, mo kimoutolu kotoa ngaahi foʻi māʻolunga,+
ʻA kimoutolu ngaahi ʻuluʻakau fua mo kimoutolu kotoa ngaahi ʻulu sita,+
10 ʻA kimoutolu fanga manu kaivao+ mo kimoutolu kotoa fanga manu lalata,
ʻA kimoutolu ʻa e fanga manu ʻoku totolo mo ngaolo mo e fanga manupuna,
11 ʻA kimoutolu ngaahi tuʻi ʻo e māmaní mo kimoutolu kotoa ngaahi puleʻangá,
ʻA kimoutolu kau houʻeiki mo kimoutolu kotoa kau fakamaau ʻo e māmaní,+
12 ʻA kimoutolu kau talavou mo e kau finemui,*
Kau tangata taʻumotuʻa mo e kei siʻi fakatouʻosi.
13 Tuku ke nau fakahīkihikiʻi ʻa e huafa ʻo Sihová,
He ko hono huafá pē taha ʻoku māʻolunga ʻo ʻikai ala aʻu ki aí.+
Ko hono ngeiá ʻoku māʻolunga ia ʻi he māmaní mo e langí.+
14 Te ne hakeakiʻi ʻa e mālohi* ʻo hono kakaí,
Ki he fakahīkihikiʻi ʻo ʻene kau mateakí kotoa,
ʻA e kau ʻIsilelí, ʻa e kakai ʻoku ofi kiate iá.
Mou fakahīkihikiʻi ʻa Iā!*
149 Mou fakahīkihikiʻi ʻa Iā!*
2 Tuku ke fiefia ʻa ʻIsileli ʻi hono Tokotaha-Ngaohi Maʻongoʻongá;+
Tuku ke fiefia ʻa e ngaahi foha ʻo Saioné ʻi honau Tuʻí.
3 Tuku ke nau fakahīkihikiʻi ʻa hono huafá ʻaki ʻa e tauʻolunga+
Mo hiva fakahīkihiki* kiate ia, fakataha mo e nafa pea mo e haʻape.+
4 He ʻoku leleiʻia ʻa Sihova ʻi hono kakaí.+
ʻOkú ne teuʻi ʻa e anga-vaivaí ʻaki ʻa e fakamoʻuí.+
5 Tuku ke hākailangitau ʻi he lāngilangi ʻa e kau mateakí;
Tuku ke nau kaila ʻi he fiefia ʻi honau mohengá.+
6 Tuku ke ʻi honau ngutú ʻa e ngaahi hiva fakahīkihiki ki he ʻOtuá,
Pea mo ha heletā fakatoumata ke ʻi honau nimá,
7 Ke fai ha sāuni ki he ngaahi puleʻangá
Mo tautea ʻa e ngaahi kakaí,
8 Ke haʻi sēini ʻa honau ngaahi tuʻí
Mo ʻenau kau houʻeikí ʻaki ʻa e ngaahi meʻa-haʻi ukamea,
9 Ke fakahoko ʻa e fakamaau kuo hiki ʻo fekauʻaki mo kinautolú.+
Ko e lāngilangi ko ení ʻoku ʻa ʻene kau mateakí kotoa.
Mou fakahīkihikiʻi ʻa Iā!*
150 Mou fakahīkihikiʻi ʻa Iā!*+
Fakahīkihikiʻi ʻa e ʻOtuá ʻi hono temipale tapú.+
Fakahīkihikiʻi ia ʻi he ʻataá ʻa ia ʻoku fakamoʻoni ki hono mālohí.+
2 Fakahīkihikiʻi ia ʻi heʻene ngaahi fuʻu ngāué.+
Fakahīkihikiʻi ia ʻi hono lahi kāfakafá.+
3 Fakahīkihikiʻi ia ʻaki ʻa e leʻo ʻo e meʻaifí.+
Fakahīkihikiʻi ia ʻaki ʻa e meʻalea filo mo e haʻape.+
4 Fakahīkihikiʻi ia ʻaki ʻa e nafa+ mo e hula takatakai.
Fakahīkihikiʻi ia ʻaki ʻa e ngaahi meʻalea filo+ mo e fuluta.+
5 Fakahīkihikiʻi ia ʻaki ʻa e ngaahi simipale tatangi.
Fakahīkihikiʻi ia ʻaki ʻa e ngaahi simipale pakihi.+
6 Ko e meʻa kotoa pē ʻoku mānava—tuku ke ne fakahīkihikiʻi ʻa Iā.
Pe “ʻokú ne fakalaulauloto ki Heʻene laó.”
Pe “fakalaulauloto.”
Pe “alealea.”
Pe “ʻene Kalaisí.”
Pe “Fanongo ki he fakatokangá.”
Fakafoʻilea, “ʻUma ki he.”
Sio ki he Lea mo Hono ʻUhinga.
Fakafoʻilea, “ʻAi ke ʻatā.”
Pe “fakaʻilongaʻi ʻa ʻene tokotaha mateakí; fakamavaheʻi maʻana ʻa ʻene tokotaha mateakí.”
Sio ki he Lea mo Hono ʻUhinga.
Pe “ʻi ha tangata lingitoto mo kākā.”
Pe “feituʻu toputapú.”
Pe “ʻOku nau ngāueʻaki ha lea momoleʻolunga.”
Sio ki he Lea mo Hono ʻUhinga.
Pe “meesi.”
Pe “manatua.”
Pe “ʻI Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Fakafoʻilea, “ʻoku ou ʻai ke tētē ʻa hoku mohengá.”
Pe “fakaʻaʻau ke motuʻa.”
Pe “hiva ʻo e tengihia.”
Pe ngalingali, “Lolotonga ia naʻá ku fakahaofi ʻa e tokotaha ʻoku fakafepaki kiate aú taʻeʻiai ha ʻuhinga.”
Pe “siviʻi ʻa e mafú mo e kofuuá.”
Pe “ʻo fai ha talatalaaki mālohi.”
Pe “tā fasi.”
Sio ki he Lea mo Hono ʻUhinga.
Pe ngalingali, “ʻA koe ʻa ia ko ho lāngilangí ʻoku fakamatalaʻi ia ʻi ʻolunga ʻi he ngaahi langí!”
Pe “ʻi he kau ʻāngeló.”
Fakafoʻilea, “fanga manu ʻo e vaó.”
Sio ki he Lea mo Hono ʻUhinga.
Pe “tā fasi.”
Pe “ʻa e fonua mahú.”
Pe “feituʻu malu māʻolunga.”
Sio ki he Lea mo Hono ʻUhinga.
Pe “ki Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe ngalingali, “Ko e tokotaha mānumanú ʻokú ne tāpuakiʻi pē ia.”
Pe “fakapupū.”
Pe “tāsipa (sēlue).”
Pe “ʻi he vao ʻakaú.”
Pe “ʻOku tō ki hono pesipesi mālohí.”
Pe “ki he paeá.”
Pe “ngaahi makatuʻunga ʻo e fakamaau totonú.”
Pe “ulouló.”
Pe ngalingali, “ngaahi malala uloulo.”
Pe “hokosia ʻa ʻene hōifuá.”
Sio ki he Lea mo Hono ʻUhinga.
Fakafoʻilea, “leaʻaki ha loungutu momoleʻolunga.”
Fakafoʻilea, “ʻaki ha loto mo ha toe loto.”
Pe “fakapupū kiate kinautolú.”
Pe ngalingali, “fōnise hakaʻanga meʻa ʻoku fokotuʻu ʻi he kelekelé.”
Pe “kuó ne fai ha meʻa ke fakapaleʻi au.”
Pe “taʻeʻatamaí.”
Pe “ʻi he anga-tonú.”
Pe “fakamaaʻi.”
Fakafoʻilea, “fuakavá.”
Pe “tāsipa (sēlue).”
Sio ki he Lea mo Hono ʻUhinga.
Pe “ngaahi ongoʻi lolotó.” Fakafoʻilea, “hoku kofuuá.”
Pe “tāsipa (sēlue).”
Fakafoʻilea, “hoku lāngilangí.”
Pe “nofo ʻa hoku kakanó.”
Pe “liʻaki.”
Pe “ʻi Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe ngalingali, “ki he ʻauhá.”
Pe “mavava.”
Pe “Punou hifo ʻo fanongo.”
Pe “ʻOku kāpui kinautolu ʻe honau ngakó.”
Pe “lī ai kimautolu ki lalo ki he kelekelé.”
Pe “fokotuʻutuʻu.”
Pe “ke u sio ki ho fōtungá.”
Sio ki he Lea mo Hono ʻUhinga.
Pe “ko hoku tokotaha faifakahaofi māfimafí.”
Pe “feituʻu malu māʻolunga.”
Pe “ʻo Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe “matangi.”
Pe “ʻuha-maka.”
Pe “ngaahi tafengavaí.”
Pe “ki ha feituʻu ʻataʻatā.”
Fakafoʻilea, “ki he maʻa.”
Pe “faingataʻaʻiá.”
Fakafoʻilea, “mata hīkisiá.”
Pe “tokoniʻi.”
Pe “tungaʻivaʻé.”
Pe “Te ke tuku kiate au ʻa e tuʻa ʻo hoku ngaahi filí.”
Fakafoʻilea, “fakasīlongoʻi.”
Pe “hōloa.”
Pe “tā fasi.”
Pe “ngaahi fuʻu ikuna.”
Pe ngalingali, “ʻa e afo fuá.”
Pe “ʻo e fonua mahú.”
Pe “koula kuo siví.”
Pe “laka hala lahí.”
Fakafoʻilea, “vakai ʻoku ngako.”
Pe “taumuʻá.”
Pe “ngaahi ikuna.”
Pe “kuo sivi.”
Fakafoʻilea, “ngaahi ʻaho lōloa.”
Fakafoʻilea, “fofongá.”
Pe “ke ne tāsipa (sēlue).”
Fakafoʻilea, “fuá.”
Fakafoʻilea, “ngaahi afo kaufaná.”
Fakafoʻilea, “ki honau matá.”
Fakafoʻilea, “hiva mo tā fasi.”
Ngalingali ko ha fasi pe ko ha founga fakamūsika.
Pe “nofo taloni ʻi he lotolotonga (funga) ʻo e.”
Pe “naʻe ʻikai ke fakamaaʻi kinautolu.”
Pe “Ko ha fakamāʻanga ki he.”
Fakafoʻilea, “lī atu au kiate koe.”
Fakafoʻilea, “ʻA ʻeku meʻa pē tahá,” ʻo ʻuhingá ki heʻene moʻuí.
Fakafoʻilea, “nima.”
Fakafoʻilea, “ʻOfa ke moʻui ho lotó.”
Fakafoʻilea, “faʻahinga sisino.”
Pe ngalingali, “ki he ngaahi vai ʻoku nonga.”
Fakafoʻilea, “ʻaluʻanga.”
Pe “fakafiemālieʻi au.”
Pe “fakamaau totonu.”
Pe “Tuʻu hake.”
Pe “ʻA ia ʻoku talu mei muʻá.”
Fakafoʻilea, “ʻi he fakamāú.”
Fakafoʻilea, “huhuʻi.”
Pe “ngaahi ongoʻi lolotó.” Fakafoʻilea, “hoku kofuuá.”
Fakafoʻilea, “tangutu.”
Pe “ʻOku ʻikai te u feʻao mo e kau mālualoí.”
Fakafoʻilea, “tangutu.”
Pe “kau tangata lingitotó.”
Fakafoʻilea, “Huhuʻi.”
Fakafoʻilea, “ʻI he ngaahi fuʻu fakatahá.”
Pe “sio ʻo fakalaulauloto.”
Pe “feituʻu toputapú.”
Pe “tā fasi.”
Pe ngalingali, “Ko e moʻoni ʻoku ou mātuʻaki tui te u sio ki he lelei ʻo Sihová ʻi he fonua ʻo e kau moʻuí.”
Pe “faʻitoká.”
Pe “Lotu.”
Pe ngalingali, “koeʻuhi ko e nāunauʻia hono tuʻunga māʻoniʻoní.”
ʻOku hā mahino ko e ʻotu moʻunga Lepanoní.
Pe “vai ʻo e langí.”
Pe “fusi.”
Pe “mei Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe “faʻitoká.”
Pe “Tā fasi.”
Fakafoʻilea, “fakamanatu.”
Pe “ke u tāsipa (sēlue).”
Fakafoʻilea, “ʻi hoku totó.”
Pe “faʻitoká.”
Pe “ko hoku lāngilangí te ne.”
Pe “Punou hifo ʻo fanongo.”
Pe “ʻOtua faitōnungá.”
Pe “feituʻu ʻataʻatā.”
Pe “ʻatamaí.”
Fakafoʻilea, “taimí.”
Pe “ʻi Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Fakafoʻilea, “Mei he ngaahi ʻelelo fakakikihí.”
Sio ki he Lea mo Hono ʻUhinga.
Pe “fakamolemoleʻi.”
Pe “Naʻá ke tuputāmaki.”
Pe “Naʻe liliu ʻa e hauhau ʻo ʻeku moʻuí.”
Pe “Tā fasi.”
Pe “mānava.”
Fakafoʻilea, “ʻa honau kongakaú kotoa.”
Pe “taumuʻa.”
Pe “fakakaukau.”
Pe “taumuʻa.”
Pe “ikuná.”
Pe “loto-siʻí.”
Pe “tuʻutāmaki.”
Ko ha kiʻi pā naʻe faʻa toʻo ʻe he kau fana ngahaú.
Pe “toki mata-uá.”
Pe “foki mai ai ki hoku fatafatá.”
Pe ngalingali, “Naʻe manuki ʻa e kau anga-taʻefakaʻotuá ke maʻu ai ha foʻi keke.”
Fakafoʻilea, “ʻA ʻeku meʻa pē tahá,” ʻo ʻuhingá ki heʻene moʻuí.
Pe “fakalaulauloto ki.”
Fakafoʻilea, “hangē ko e ngaahi moʻunga ʻo e ʻOtuá.”
Pe “fakahaofi.”
Fakafoʻilea, “ngako.”
Pe “fakahāhā ʻokú ke ʻita.”
Pe “fonuá.”
Pe “Maʻu hoʻo fiefia lahi tahá.”
Fakafoʻilea, “Tekaki ho halá.”
Pe “tatali anga-kātaki.”
Pe ngalingali, “ʻOua ʻe hoko ʻo loto-mamahi, he ʻe iku pē ia ki he kovi.”
Fakafoʻilea, “ʻa e ngaahi ʻaho ʻo e faʻahinga taʻemelé.”
Pe “ʻokú ne fakahāhā ʻa e ʻofa.”
Pe “ʻai ke tuʻu maʻu.”
Pe “ʻaki ʻa Hono nimá.”
Pe “meʻakai.”
Pe “lea leʻo-siʻi ʻaki ʻa e potó.”
Pe “ʻoku tauhi anga-tonú.”
Fakafoʻilea, “ʻOku ʻikai ha konga ʻe sai ʻi hoku kakanó.”
Pe “tolongulu.”
Fakafoʻilea, “moʻui.”
Pe ngalingali, “Ka ko hoku ngaahi filí ʻoku taʻeʻuhinga ʻa ʻenau tokolahí.”
Sio ki he Lea mo Hono ʻUhinga.
Pe “meʻa taʻofi-uʻu.”
Pe “lāngaʻia.”
Fakafoʻilea, “vela.”
Pe “māpuhoí.”
Pe “ʻa e ʻikai ke u tolongá.”
Fakafoʻilea, “ko e fua lauʻinima.”
Fakafoʻilea, “longoaʻa.”
Pe “nofo hili mai.”
Pe “tatali anga-kātaki.”
Pe “punou hifo ʻo fanongo.”
Pe “hōhōʻia ai.”
Fakafoʻilea, “takainga ʻo e tohi.”
Pe “ʻeku holí ia.”
Pe “fai ki ai ʻa e loto.”
Pe “tafoki ʻo fakafepaki kiate au.”
Pe “Mei ʻitāniti ki ʻitāniti.”
Sio ki he Lea mo Hono ʻUhinga.
Pe “māmālie.”
Pe “kiʻi moʻunga siʻisiʻí.”
Pe ngalingali, “hangē hano laiki ʻa hoku ngaahi huí.”
Sio ki he Lea mo Hono ʻUhinga.
Pe “Foaki.”
Pe “fuʻu fakamoʻui.”
Pe “ʻi honau totongí.”
Fakafoʻilea, “ko ha palōveepi.”
Ko ha faʻahinga kulī kaivao.
Fakafoʻilea, “Huhuʻi.”
Ngalingali ko e ʻuhingá ki ha meʻalea filo, ko ha founga fakamūsika, pe ko e fasi ʻo ha hiva, ka ko hono ʻuhinga totonú ʻoku ʻikai ʻiloʻi.
Sio ki he Lea mo Hono ʻUhinga.
Fakafoʻilea, “Ko ʻeku ngaahi ngāué.”
Pe “sikalaipe.”
Pe “lavameʻa.”
Fakafoʻilea, “akoʻi kiate koe.”
Pe “fakamaau totonu.”
Sio ki he fakamatala ʻi lalo ʻi he Nōm 24:6.
Sio ki he fakamatala ʻi lalo ʻi he ʻEk 30:24.
Pe “Ko e kuiní.”
Pe “fakamokomoko ho fofongá.”
Fakafoʻilea, “tui-teuteu.”
Pe ngalingali, “ngaahi kofu tōtōlofa kuo tui-teuteu.”
Sio ki he Lea mo Hono ʻUhinga.
Pe “feituʻu malu māʻolungá.”
Pe ngalingali, “ngaahi paá.”
Pe “meʻatui ʻo e sipi tangatá; talupité.”
Pe “Tā fasi.”
Fakafoʻilea, “ngaahi pā.”
Pe “feituʻu malu māʻolungá.”
Pe “fakataha fakafou ʻi ha alea.”
Fakafoʻilea, “ngaahi ʻofefine.”
Pe “ngaahi ʻā fakakolotaú.”
Pe ngalingali, “ʻo aʻu ki heʻetau maté.”
Pe “fokotuʻutuʻu ko ení.”
Fakafoʻilea, “fakatouʻosi ʻa e ngaahi foha ʻo e faʻahinga ʻo e tangatá pea pehē ki he ngaahi foha ʻo e tangatá.”
Fakafoʻilea, “faihala.”
Pe “faʻitoká.”
Pe “ki Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe “Ko Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Fakafoʻilea, “nima.”
Pe “ʻo Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe “Ko e Tokotaha ʻOtua, ʻa e ʻOtuá, ʻa Sihova.”
Pe “Mei he hahaké ki he hihifó.”
Fakafoʻilea, “fanga kosi tangata.”
Pe “fakahinohinó.”
Fakafoʻilea, “lī ʻa ʻeku ngaahi leá ki ho tuʻá.”
Pe ngalingali, “kau mo ia.”
Pe “fakaongoongokoviʻi.”
Pe “fehokotaki fakasino.”
Pe “ʻoku ʻi hoku ʻatamaí maʻu pē.”
Fakafoʻilea, “ko koe pē toko taha.”
Pe “Peá u angahalaʻia ʻi he mōmeniti naʻe tuʻituʻia ai ʻa ʻeku faʻeé ʻiate aú.”
Pe “ki he tangata fufū ʻo hoku lotó.”
Pe “Fufū ho fofongá.”
Pe “tāmateʻi.”
Fakafoʻilea, “ʻOfa ke ke tokoniʻi au ʻaki ha laumālie loto-lelei.”
Pe “taʻetokaʻi.”
Sio ki he Lea mo Hono ʻUhinga.
Pe “kolotaú.”
Pe “fakaū.”
Fakafoʻilea, “ki he ngaahi faingataʻa naʻá ne fakatupungá.”
Sio ki he Lea mo Hono ʻUhinga.
Sio ki he Lea mo Hono ʻUhinga.
Pe “taʻeʻatamaí.”
Pe ngalingali, “ʻO manavahē lolotonga ia ʻoku ʻikai ha meʻa ke manavahē ki ai.”
Fakafoʻilea, “ʻapitanga ke tauʻi koé.”
Sio ki he Lea mo Hono ʻUhinga.
Pe “ʻOku ʻikai te nau tauhi ʻa e ʻOtuá ʻi honau ʻaó.”
Fakafoʻilea, “fakasīlongoʻi.”
Sio ki he Lea mo Hono ʻUhinga.
Pe “Pea ʻoua naʻá ke toitoi ʻi heʻeku lotu atu ki ha tokoní.”
Fakafoʻilea, “fakamavahevaheʻi ʻa honau ʻeleló.”
ʻA ia, ko ha feituʻu faiʻanga meʻa tefito ia ʻo e koló ki he kakaí.
Pe “ko ha tangata, ko hoku tatau.”
Pe “ki Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe “taʻemanonga.”
Fakafoʻilea, “huhuʻi.”
ʻA ia, ko e kaungāmeʻa ki muʻa naʻe lave ki ai ʻi he veesi 13 mo e 14.
Pe “tāsipa; sēlue.”
Sio ki he Lea mo Hono ʻUhinga.
Pe “uʻu.”
Fakafoʻilea, “kakanó.”
Sio ki he Lea mo Hono ʻUhinga.
Pe “tā fasi.”
Sio ki he Lea mo Hono ʻUhinga.
Pe “kākā.”
Fakafoʻilea, “mei heʻenau ʻi manavá.”
Fakafoʻilea, “ʻoku vaia.”
Sio ki he Lea mo Hono ʻUhinga.
Pe “loto-fakapoó.”
Pe “kālou.”
Pe “feituʻu malu māʻolungá.”
Pe “kālou.”
Pe “tā fasi.”
Sio ki he Lea mo Hono ʻUhinga.
Pe ngalingali, “Kuó ke ʻoatu.”
Pe ngalingali, “ʻi hono potu toputapú.”
Pe “Talalo.”
Fakafoʻilea, “kolo malu.”
Pe ngalingali, “fakakolotaú.”
Pe “fakaʻau ke vaivai.”
Fakafoʻilea, “ngaahi ʻaho ʻo e.”
Pe “Vaheʻi.”
Pe “tā fasi.”
Sio ki he Lea mo Hono ʻUhinga.
Pe “feituʻu malu māʻolunga.”
Pe “ngeiá.”
Pe “ʻOku ou fieinua atu kiate koe.”
Fakafoʻilea, “Ko hoku kakanó ʻoku.”
Fakafoʻilea, “ʻi he ngakó mo e momoná.”
ʻI he taimi ʻo Tuʻi Tēvitá, naʻe maʻu ʻe he kau ʻIsilelí ha ngaahi houa leʻo ʻe tolu ʻi he poʻulí. Ko e ʻuluakí naʻe lele ia mei he 6 efiafi ki he 10 poʻuli, ko hono uá mei he 10 poʻuli ki he 2 hengihengi, pea ko hono tolú mei he 2 hengihengi ki he 6 pongipongi.
Pe “fanga fōkisí.”
Pe “pōlepole.”
Pe “ʻOku nau fefakaʻaiʻaiʻaki ke fai ha kovi.”
Pe “pōlepole.”
Fakafoʻilea, “kakano.”
Pe “feituʻu toputapú.”
Fakafoʻilea, “Naʻá ne.”
Fakafoʻilea, “ʻOkú ne.”
Fakafoʻilea, “ʻOkú ne.”
Fakafoʻilea, “fonu mahuohua.”
Fakafoʻilea, “tafetafe ʻa e ngako.”
Fakafoʻilea, “tafetafe.”
Pe “ngaahi talaló.”
Pe “Tā fasi.”
Pe “tāsipa; sēlue.”
Fakafoʻilea, “ki homau kongalotó.”
Fakafoʻilea, “ʻi homau ʻulú.”
Pe “fakalāngilangiʻi ia.”
Pe “tā fasi.”
Pe ngalingali, “ʻi he ngaahi ʻaó.”
Ko e “Iā” ko ha faʻunga fakanounou ia ʻo e huafa Sihová.
Fakafoʻilea, “fakamaau.”
Pe “angatuʻú.”
Fakafoʻilea, “hāʻele atu ʻi muʻa ʻi.”
Fakafoʻilea, “tulutā.”
Fakafoʻilea, “tofiʻá.”
Sio ki he Lea mo Hono ʻUhinga.
Pe ngalingali, “ʻi he ngaahi lotoʻā sipí.”
Pe “engeenga fio lanu mata.”
Pe “Naʻe hangē ia naʻe sinou ʻi Salimoná.”
Pe “ko ha moʻunga fakangeingeia.”
Pe “holi ki ai ʻa e.”
Pe “ʻalu takai holo.”
Fakafoʻilea, “ʻI he ngaahi fuʻu fakatahá.”
Pe ngalingali, “ʻo nau tāmalaki.”
Pe ngalingali, “ʻE haʻu ʻa e kau ʻamipasitoa.”
Pe “Tā fasi.”
Fakafoʻilea, “ngaahi ʻaó.”
Fakafoʻilea, “mei ho.”
Pe “ngaahi fili taʻeʻuhingá.”
Pe ngalingali, “ʻI heʻeku tangi mo ʻaukaí.”
Fakafoʻilea, “ko ha palōveepi.”
ʻOku hā ngali ko e ʻuhinga eni ki he faʻitoká.
Pe “pea ʻoku ou aʻu ki he tuʻunga ko e ʻamanaki-tōnoa.”
Pe “ko ha ʻakau kona.”
Pe “ʻapitanga ʻāʻí.”
Pe “tohi ʻo e moʻuí.”
ʻA ia, ko e fonuá.
Pe “Punou hifo ʻo fanongo.”
Pe “Ko koe ʻa hoku falalaʻangá.”
Pe “lau.”
Fakafoʻilea, “nimá.”
Pe “vai loloto.”
Pe “tā fasi kiate koe.”
Pe “huhuʻi ʻa ʻeku moʻuí.”
Pe “fakalaulauloto.”
Fakafoʻilea, “fakamāuʻi.”
Fakafoʻilea, “talamuka.”
ʻA ia, ko e Vaitafe ʻIufaletesí.
Pe “huhuʻi.”
Pe “kau hīkisiá.”
Pe “ʻOku fōlahi ʻa honau keté.”
Fakafoʻilea, “sinó.”
Fakafoʻilea, “ʻa e toʻutangata ʻo ho ngaahi fohá.”
Fakafoʻilea, “taʻetokaʻi.”
Fakafoʻilea, “ʻi hoku kofuuá.”
Fakafoʻilea, “fakasīlongoʻi.”
Pe “taʻefaitōnungá.”
Sio ki he Lea mo Hono ʻUhinga.
Fakafoʻilea, “kohu.”
Fakafoʻilea, “fuʻu fakataha.”
Pe “faiʻanga ʻo hoʻo fuʻu fakatahá.”
Pe “Ko e ngaahi feituʻu kotoa ʻoku fai ai ʻa e lotu ki he ʻOtuá.”
Pe “mei he ngaahi pelu ʻo ho kofú.”
Sio ki he Lea mo Hono ʻUhinga.
Pe “maamaʻangá.”
Fakafoʻilea, “meʻatuí.”
Fakafoʻilea, “meʻatuí.”
Pe “tā fasi.”
Fakafoʻilea, “ngaahi meʻatui.”
Fakafoʻilea, “ngaahi meʻatui.”
Pe “ʻOku takatakaiʻi koe ʻe he māmá.”
Fakafoʻilea, “laumālie ʻo e.”
Sio ki he Lea mo Hono ʻUhinga.
Fakafoʻilea, “mamate.”
Fakafoʻilea, “pongia ʻa hoku laumālié.”
Pe “fasi tāmeʻaleá.”
Fakafoʻilea, “ʻOku fai ʻe hoku laumālié.”
Pe “hokohokaʻi.”
Fakafoʻilea, “hono nima toʻomataʻú.”
Fakafoʻilea, “huhuʻi.”
Fakafoʻilea, “nimá.”
Pe “fonua mahu.”
Fakafoʻilea, “ʻI he nima ʻo.”
Sio ki he Lea mo Hono ʻUhinga.
Pe “fakahinohinó.”
Fakafoʻilea, “taʻemateuteu.”
Pe “ʻaá.”
Fakafoʻilea, “ʻahiʻahiʻi.”
Pe “kau ʻāngeló.”
Pe “Tokotaha Faisāuní.”
Fakafoʻilea, “ʻufiʻufi.”
Pe ngalingali, “Ko e laumālié ʻoku ʻalu atu pea ʻikai ke toe foki mai.”
Fakafoʻilea, “nimá.”
Fakafoʻilea, “huhuʻi.”
Pe ngalingali, “mofi lahi.”
Fakafoʻilea, “ʻenau moʻuí.”
Fakafoʻilea, “ʻahiʻahiʻi.”
Pe “fuaʻa.”
Fakafoʻilea, “Pea ko ʻene kau finemuí naʻe ʻikai ke fakahīkihikiʻi ʻaki.”
Fakafoʻilea, “Naʻá ne langa hono feituʻu toputapú ʻo hangē ko e taukakapá.”
Fakafoʻilea, “ʻufiʻufi.”
Fakafoʻilea, “nimá.”
Pe ngalingali, “fakatauʻatāinaʻi.”
Fakafoʻilea, “ngaahi foha ʻo maté.”
Pe ngalingali, “ʻi he vahaʻa ʻo e.”
Pe “Fakaeʻa ho hueló.”
Fakafoʻilea, “kohu.”
ʻA ia, ko e Vaitafe ʻIufaletesí.
Pe “sino tefito ʻo e fuʻu kālepí.”
Pe “vaʻa.”
Fakafoʻilea, “ʻi he valoki ʻa ho fofongá.”
Sio ki he Lea mo Hono ʻUhinga.
Pe “lea.”
Fakafoʻilea, “toitoiʻanga ʻo e maná.”
ʻOku ʻuhingá ko e “Fakakē.”
Fakafoʻilea, “Naʻa nau ʻaʻeva ʻi heʻenau ngaahi faleʻí.”
Fakafoʻilea, “taimí.”
Fakafoʻilea, “ia” ʻa ia, ko e kakai ʻa e ʻOtuá.
Fakafoʻilea, “ngakó.”
Pe “faʻahinga hangē ha ʻotuá.”
Pe “Fakamāuʻi.”
Pe “faʻahinga hangē ha ʻotuá.”
Pe “moʻulongoa.”
Pe “hiki hake honau ʻulú.”
Fakafoʻilea, “faʻahinga ʻokú ke fufuú.”
Fakafoʻilea, “ʻOku nau fai ha alealea ʻi honau lotó.”
Pe “fuakava.”
Fakafoʻilea, “hoko ko e nima.”
Pe “teleʻa.” Sio ki he Lea mo Hono ʻUhinga.
Pe “kau takí.”
Fakafoʻilea, “Fakafonu.”
Sio ki he Lea mo Hono ʻUhinga.
Pe “ʻofa loloto.”
Pe “teleʻa ʻo e vao pakahá.”
Pe ngalingali, “Pea ko e tokotaha faiakó ʻokú ne takatakaiʻi ʻaki ʻa ia tonu.”
Pe ngalingali, “Vakai mai ki heʻemau paá, ʻe ʻOtua.”
Fakafoʻilea, “ʻufiʻufi.”
Pe “Toe fakatahatahaʻi kimautolu.”
Pe “lakalakaimonū.”
Pe “Punou hifo ʻo fanongo.”
Pe “Foaki mai kiate au ha loto kakato.”
Pe “ʻo Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe “ʻikai te nau fokotuʻu koe ʻi muʻa ʻiate kinautolu.”
Pe “anga-ʻofa.”
Pe “moʻoni.”
Pe “fakamoʻoni.”
Ngalingali ko e ʻuhingá ki ʻIsipite.
Pe “fakahaaʻi.”
Pe “Kiate aú, ko koe ʻa e matavai ʻo e meʻa kotoa pē.”
Sio ki he Lea mo Hono ʻUhinga.
Sio ki he Lea mo Hono ʻUhinga.
Pe “Punou hifo ʻo fanongo.”
Pe “ʻo Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe “faʻitoká.”
Pe “ʻo hangē ha tangata ʻoku ʻikai hano mālohí.”
Fakafoʻilea, “mei ho nimá.”
Pe “ʻi ʻApatoni.”
Pe ngalingali, “fakaʻangataha.”
Sio ki he Lea mo Hono ʻUhinga.
Pe “tolonga.”
Ngalingali ko e ʻuhingá ki ʻIsipite pe ko hono kau Feló.
Fakafoʻilea, “meʻatuí.”
Fakafoʻilea, “meʻatuí.”
Pe “mafaí.”
Pe “fakamāú.”
Pe “angatuʻú.”
Fakafoʻilea, “Pe te u loi ʻi he fekauʻaki mo ʻeku faitōnungá.”
Fakafoʻilea, “hiki ʻa e nima toʻomataʻu ʻo hono ngaahi filí.”
Fakafoʻilea, “nima ʻo Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Fakafoʻilea, “fua ʻi hoku fatafatá.”
Pe ngalingali, “ko homau hūfangaʻanga.”
Pe “ʻomai ʻo hangē ʻi ha langā.”
Pe “Mei ʻitāniti ki ʻitāniti.”
Pe “ʻOkú ke lāuʻilo ki heʻemau faihalá.”
Pe “Ko ʻemau moʻuí.”
Pe “māpuhoí.”
Pe “koeʻuhi ko ha mālohi makehe.”
Pe “fokotuʻu maʻu.”
Pe “fokotuʻu maʻu.”
Pe “taʻofi ha fakaofiofi atu kiate.”
Fakafoʻilea, “totongi.”
Pe ngalingali, “kolotau; hūfangaʻanga.”
Fakafoʻilea, “kuó ne kau mo au.”
Pe “fakamoʻoniʻi.”
Pe “sio ki he fakamoʻui meiate aú.”
Pe “tā fasi.”
Ko ha faʻahinga meʻalea filo.
Pe “musié.”
Fakafoʻilea, “meʻatuí.”
Pe “mo e lolotonga ʻenau ʻulu hinaá.”
Fakafoʻilea, “sino.”
Pe “fonua mahú.”
Pe “ʻai ke ngaue.”
Pe “tuha maʻu ai pē mo ho.”
Fakafoʻilea, “tō.”
Fakafoʻilea, “nofo fakalongolongo.”
Pe “ʻI heʻene lahi ʻiate au ʻa e.”
Pe “ngaahi fakakaukau fakahohaʻá.”
Pe “kau pule; kau fakamaau.”
Pe “tuʻutuʻuní.”
Fakafoʻilea, “Pea ko e toto ʻo e tonuhiá ʻoku nau talaki ʻoku halaia (fulikivanu).”
Pe “feituʻu malu māʻolunga.”
Fakafoʻilea, “fakasīlongoʻi.”
Fakafoʻilea, “fakasīlongoʻi.”
Fakafoʻilea, “ki hono fofongá.”
Fakafoʻilea, “ʻoku ʻi hono nimá.”
ʻOku ʻuhingá ko e “Fakakē.”
ʻOku ʻuhingá ko e “Siviʻi; ʻAhiʻahi.”
Pe “ngeia.”
Pe “Lotu.”
Pe ngalingali, “koeʻuhi ko e nāunauʻia hono tuʻunga māʻoniʻoní.”
Pe “fonua mahú.”
Pe “ʻai ke ngaue.”
Pe “taukapoʻi.”
Pe “kuó ne.”
Pe “fonua mahú.”
Pe “Lotu.”
Fakafoʻilea, “ngaahi ʻofefine.”
Pe “mafai.”
Fakafoʻilea, “fakamanatu.”
Pe “fakahoko maʻana ha ikuna.”
Pe “ʻa e ikuna ʻa hotau ʻOtuá.”
Pe “tā fasi.”
Pe “Tā fasi.”
Pe “fonua mahú.”
Pe “kuó ne.”
Pe “fonua mahú.”
Pe ngalingali, “ʻi he vahaʻa ʻo e.”
Pe “lotu.”
Fakafoʻilea, “fakahoko ʻa e sāuni kiate.”
Pe “lotu.”
Pe “fakamoʻoniʻi.”
Pe ngalingali, “ʻo ʻikai ko kitautolu.”
Pe “tā fasi.”
Pe “anga-tonu.”
Pe “Ko ʻenau ngaahi ngāué ʻoku ʻikai haʻane pīkinga kiate au.”
Fakafoʻilea, “ʻilo.”
Pe “fakaʻauha.”
Pe “ʻi he anga-tonú.”
Fakafoʻilea, “ʻi muʻa ʻi hoku matá.”
Pe “fakaʻauha.”
Pe “ʻi heʻene hoko ʻo vaivaí.”
Pe “Punou hifo ʻo fanongo.”
Pe ngalingali, “ʻOku ou tutue.”
Pe “fakakataʻaki aú.”
Pe “ha ʻata ʻoku lōloá.”
Pe “huafá.” Fakafoʻilea, “fakamanatú.”
Fakafoʻilea, “fakatupu.”
Pe “faʻitoká.”
Pe “anga-ʻofa.”
Pe “ʻaloʻofa.”
Fakafoʻilea, “Pea ʻoku ʻikai kei ʻiloʻi ia ʻi hono feituʻú.”
Pe “ʻe mei ʻitāniti ki ʻitāniti.”
Fakafoʻilea, “fanongo ki he leʻo (ongo) ʻo ʻene folofolá.”
Pe “ngeia.”
Fakafoʻilea, “ʻi he ngaahi vaí.”
Pe “ʻe ʻikai ke sēlue.”
Sio ki he Lea mo Hono ʻUhinga.
Ko ha manu hangē ha lāpisí ʻoku nofo ʻi he ngaahi feituʻu makamaká.
Sio ki he Lea mo Hono ʻUhinga.
Pe “honau laumālié.”
Pe “tā fasi.”
Pe ngalingali, “Tuku ke fakahōifua ʻa ʻeku fakalaulauloto kiate iá.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “tā fasi.”
Pe ngalingali, “Lea fekauʻaki mo e.”
Pe “ʻaó.”
Fakafoʻilea, “ʻA e lea naʻá ne tuʻutuʻuni.”
Fakafoʻilea, “maumauʻi ʻa e vaʻakau kotoa ki he maá.” Ngalingali ko e ʻuhingá ki he ngaahi vaʻakau naʻe tautau ai ʻa e maá.
Fakafoʻilea, “fakamamahiʻi.”
Fakafoʻilea, “Ke ne haʻi ʻa ʻene.”
Pe “ʻo fakatatau ki hono lotó.”
Pe “ngaahi uloʻi afi.”
Fakafoʻilea, “kiate kinautolu.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “pōlepole.”
Pe “maʻu ʻa e ʻuhinga ʻo.”
Fakafoʻilea, “valokiʻi ʻa e.”
Pe “potu lalá.”
Pe “toe.”
Pe “ʻīmisi mētale kuo haka.”
Fakafoʻilea, “tuʻu ʻi he foʻi ʻatā ʻi hono ʻaó.”
Pe “fakafepikitaki kinautolu.”
ʻA ia, ko e ngaahi feilaulau naʻe fai ki he kakai maté pe ki he ngaahi ʻotua ʻikai moʻuí.
ʻOku ʻuhingá ko e “Fakakē.”
Pe “ako.”
Fakafoʻilea, “nimá.”
Pe “ongoʻi fakaʻiseʻisa.”
Pe “hulu fau.”
Pe “hākahaka ʻi ho fakahīkihikiʻí.”
Pe “Mei ʻitāniti ki ʻitāniti.”
Pe “Ke hoko ʻo pehē!”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “toe fakatau mai.”
Pe “mālohi.”
Pe “Mei he hopoʻanga laʻaá pea mei he tōʻanga laʻaá.”
Pe “Naʻe fakaliliʻa ʻenau moʻuí.”
Fakafoʻilea, “nofoʻanga ʻo e.”
Pe “tuku ki ʻolunga,” ʻa ia, ʻoku ʻikai ke fai ha aʻu ki ai.
Fakafoʻilea, “naʻa mo hoku lāngilangí.”
Pe “tā fasi.”
Pe ngalingali, “ʻi hono potu toputapú.”
Pe “Talalo.”
Fakafoʻilea, “kolo malu.”
Pe “tokotaha talatalaaki.”
Pe “fulikivanu.”
Fakafoʻilea, “hono ngaahi fohá.”
Fakafoʻilea, “hono ngaahi fohá.”
Pe “ʻofa mateaki.”
Pe “kakai ʻi he kahaʻú.”
Pe “ʻofa mateakí.”
Fakafoʻilea, “Kuo tutue hoku kakanó, ʻo ʻikai ha ngako (lolo).”
Pe “kofu taʻenimá.”
Pe “ʻi he ʻaho ʻe fakatahataha atu ai ʻa hoʻo kau taú.”
Pe “ʻe ʻikai te ne ongoʻi fakaʻiseʻisa.”
Pe “ʻi he lotolotonga ʻo e.”
Fakafoʻilea, “ʻulu.”
Pe “ʻo e māmaní kotoa.”
ʻOku ʻuhinga ki he “hoku ʻEikí” ʻi he veesi 1.
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “anga-ʻofa.”
Pe “tuʻu maʻu.”
Fakafoʻilea, “iá.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “anga-ʻofa.”
Pe “anga-ʻofá.”
Pe “ʻoku pau; tuʻu maʻu.”
Pe “loto-fiefoaki.”
Fakafoʻilea, “meʻatuí.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “ʻafio ʻi he taloni.”
Pe ngalingali, “lingiʻanga vevé.”
Fakafoʻilea, “hano ngaahi foha.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “ʻOku ʻikai te mau tuha mo ha meʻa, ʻe Sihova, ʻoku ʻikai te mau tuha mo ha meʻa.”
Fakafoʻilea, “homou ngaahi fohá.”
Fakafoʻilea, “fakalongo peé.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe ngalingali, “ʻOku ou ʻofá koeʻuhí he ʻoku fanongo mai ʻa Sihova.”
Pe “punou hifo ʻo fanongo.”
Fakafoʻilea, “hoku ngaahi ʻahó.”
Fakafoʻilea, “Ko e ngaahi faingataʻa ʻo Seolí naʻá ne maʻu au.”
Pe “anga-ʻofa.”
Pe “fuʻu fakamoʻuí.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “ngaahi haʻa.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “ki ha feituʻu ʻataʻatā.”
Pe ngalingali, “fakataha mo e faʻahinga ʻoku nau tokoniʻi aú.”
Pe ngalingali, “Naʻá ke tekeʻi mālohi au.”
Pe “ikuna.”
Fakafoʻilea, “ko e ʻulu ʻo e maka-tulikí.”
Pe “tauhi anga-tonu ʻi.”
Fakafoʻilea, “Taumaiā naʻe fokotuʻu maʻu ʻa hoku ngaahi ʻalungá.”
Pe “ako ʻa.”
Fakafoʻilea, “Tekaki meiate au.”
Pe “ako.”
Fakafoʻilea, “ʻalunga.”
Pe “ako.”
Pe “fakamaaʻi au.”
Fakafoʻilea, “lele.”
Pe ngalingali, “ʻokú ke ʻai ke tuipau ʻa hoku lotó.”
Pe “ʻAi au ke u ʻaʻeva.”
Pe “ki he ngaahi tupu.”
Pe “lea.”
Pe ngalingali, “ʻA ia ʻoku fai ki he faʻahinga ʻoku manavahē kiate koé.”
Pe “leá.”
Pe “ʻOku ou tatali.”
Pe “feituʻu ʻataʻatā.”
Pe “ako.”
Pe “talaʻofa.”
Pe “ʻA ia naʻá ke ʻai ke u tatali ki aí.”
Pe “ʻI he fale ʻoku ou nofo ai ko ha mulí.”
Pe “ʻOku ou fakamokomoko (kumi ki he malimali) ʻa ho fofongá.”
Pe “leá.”
Pe “naʻá ku faiangahala ko ha fehālaaki.”
Fakafoʻilea, “ongonoa, hangē ha ngakó.”
Pe “ʻOku ou tatali ki hoʻo folofolá.”
Pe “lea.”
Pe ngalingali, “ʻaki ʻa e ngaahi loi.”
Pe “ako.”
Pe “ʻOku ou tatali ki hoʻo folofolá.”
ʻA ia, ko ʻene ngaahi ngāue fakaefakatupú kotoa.
Fakafoʻilea, “ʻoku mātuʻaki laulahi.”
Pe “ako ia.”
Pe “ako.”
Fakafoʻilea, “ʻi he ngaahi feilaulau loto-lelei ʻa hoku ngutú.”
Pe “ke hoko ko hoku tofiʻa taʻengata.”
Fakafoʻilea, “ofeʻi ʻa hoku lotó.”
Pe “kau tangata loto māvahevahé.”
Pe “ʻOku ou tatali ki hoʻo folofolá.”
Pe “ʻo fakatatau ki hoʻo leá.”
Pe “ke u mā ʻi heʻeku.”
Fakafoʻilea, “kakanó.”
Pe “lea.”
Pe “kuo siví.”
Pe “tuʻutuʻuni.”
Fakafoʻilea, “hōhō.”
Pe “ʻAi ke tuʻu maʻu ʻa ʻeku ngaahi laká.”
Fakafoʻilea, “Huhuʻi.”
Pe “malimali.”
Pe “ʻi he hengihengi ʻahó.”
Pe “ʻOku ou tatali ki hoʻo folofolá.”
Pe “ako.”
Pe “tōʻonga fakalieliá.”
Pe “Kau maʻaku.”
Pe “leá.”
Pe “ʻOku ʻikai ha tūkiaʻanga kiate kinautolu.”
Pe “ʻo fakatatau ki hoʻo leá.”
Sio ki he Lea mo Hono ʻUhinga.
Fakafoʻilea, “pea ko e hā te Ne fakalahi atu kiate koé?”
Pe “fehapekaki.”
Fakafoʻilea, “ʻi hoʻo ʻalu atú mo hoʻo haʻú.”
Ko e “Iaá” ko ha faʻunga fakanounou ia ʻo e huafa Sihová.
Pe “ala honau nimá ki he.”
Pe “toe fakafoki.”
Pe “ko e ngaahi teleʻa ʻi he tongá.” Sio ki he teleʻa ʻi he Lea mo Hono ʻUhinga.
Pe “fānaú.”
Pe “muimuiʻí.”
Ko e “Iā” ko ha faʻunga fakanounou ia ʻo e huafa Sihová.
Fakafoʻilea, “manavahē.”
Pe “Ha tāpanekale fisifisimuʻa.”
Pe “tāpanekale fisifisimuʻá.”
Fakafoʻilea, “fakasītuʻaʻi.”
Fakafoʻilea, “ʻi he fua ʻo ho manavá.”
Fakafoʻilea, “meʻatui.”
Pe ngalingali, “feituʻu toputapú.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “Tā fasi.”
Pe “mataʻikoloa.”
Pe “maó.”
Pe ngalingali, “ngaohi ʻa e ngaahi matapā.”
Pe “huafá.” Fakafoʻilea, “fakamanatú.”
Pe “ongoʻi fakaʻofaʻia ʻi heʻene.”
Pe “ngaohi fakataha mo e mahino.”
Fakafoʻilea, “kakano.”
ʻOku ʻiloa ko e uilou ʻo ʻIufaletesi.
ʻOku ʻuhingá ki Pāpilone.
Pe ngalingali, “vaivai.”
Pe ngalingali, “ʻI he fakafetau ki he ngaahi ʻotua kehé, te u tā fasi kiate koe.”
Pe “potu toputapú.”
Pe ngalingali, “kuó ke ʻai ke māʻolunga hoʻo folofolá ʻi ho huafá.”
Fakafoʻilea, “fua.”
Pe “ʻoku fuʻu fakaofo ia kiate au.”
Pe “fuʻu lahi ia kiate au ke u mahinoʻi.”
Pe “ʻi Seoli,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Pe ngalingali, “lalanga fakataha au.”
Pe ngalingali, “te u kei lau pē kinautolu.”
Pe “halaia ʻi he totó.”
Pe “fakatatau ki heʻenau fakakaukaú.”
Pe “Ki ha ngaahi luo vai.”
Pe “ʻi he fonuá.”
Pe “ʻi ho ʻaó.”
Pe “feilaulau uite.” Sio ki he fakamatala ʻi lalo ʻi he Liv 2:1.
Pe “ʻo Seolí,” ʻa ia, ko e faʻitoka anga-maheni ʻo e faʻahinga ʻo e tangatá. Sio ki he Lea mo Hono ʻUhinga.
Sio ki he Lea mo Hono ʻUhinga.
Pe “mālohí.”
Fakafoʻilea, “te ne ʻiloʻi.”
Fakafoʻilea, “Ko hoku ʻinasi.”
Pe “mālohí.”
Pe “ako.”
Fakafoʻilea, “laumālié.”
Pe “faʻitoká.”
Pe “ʻi he fonua ʻo e faitotonú.”
Fakafoʻilea, “fakasīlongoʻi.”
Pe “feituʻu malu māʻolunga.”
Pe “ofeʻi.”
Pe “Mei hono puke ʻe he.”
Fakafoʻilea, “Pea ko honau nima toʻomataʻú ko ha nima toʻomataʻu ʻo e loí.”
Pe “tā fasi.”
Pe “fakamoʻui.”
ʻA ia, ko ha feituʻu faiʻanga meʻa tefito ia ʻo e koló ki he kakaí.
Pe “ʻoku mahulu atu ʻi hono mahinoʻí.”
Pe “mo ho mālohí.”
Pe “anga-ʻofa.”
Pe “loto-moʻoní.”
Fakafoʻilea, “kakano kotoa.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “tā fasi.”
Pe “kau māʻolungá.”
Pe “ʻene mānavá.”
Fakafoʻilea, “faʻahinga ʻoku haʻisiá.”
Pe “ʻai ke pikopiko ʻa e hala ʻo e fulikivanú.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “tā fasi.”
Fakafoʻilea, “ngakó.”
Pe “ʻaisí.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Fakafoʻilea, “langi ʻo e ngaahi langí.”
Fakafoʻilea, “kau fefine kei nofo anga-maʻa.”
Fakafoʻilea, “meʻatui.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “tā fasi.”
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.
Pe “Haleluia!” Ko e “Iā” ko ha faʻunga fakanounou ia ʻo e huafa Sihová.