Iintlanganiso Zenkonzo KaJanuwari
Iveki Eqala NgoJanuwari 3
10 imiz: Izaziso zasekuhlaleni neeNdaba Ezingokobuthixo. Ngokufutshane balaselisa iingongoma ezithile ezikumaphephancwadi akutshanje eziya kuba nomtsalane kubantu abakwintsimi yasekuhlaleni.
15 imiz: Liyintoni Ikamva Lomhlaba? Isekelwe kwincwadi Ukuqiqa, iphepha 191-5. (5 imiz.) Intetho egubungela iingongoma eziqala kwiphepha 191 nele-192, iwugubungela lo mbandela kuse kwisiqendu sokuqala sephepha 193. (7 imiz.) Umvakalisi osemtsha nomvakalisi oqolileyo onamava baxubusha inkcazelo ekwiphepha 192-5. Izalamane zehlabathi zalo mvakalisi usemtsha zithe iBhayibhile ibonisa ukuba umhlaba uza kutshatyalaliswa. Lo mvakalisi usemtsha ucela lo mvakalisi unamava ukuba amncede aqonde iindinyana zeBhayibhile ezixubusha ngomhlaba. (3 imiz.) Ukuqukumbela, xubusha umbuzo okwiphepha 195 othi “Ngabantu abaluhlobo luni abaya kubabalwa nguThixo ngobomi obungenasiphelo emhlabeni?” Khuthaza bonke bazibhokoxe ukuze bafanelekele ukusikelelwa ngelo lungelo.
20 imiz: “Ukunceda Abanye Baqonde Ukuxabiseka Kweempapasho Zethu.” Xubusha eli nqaku nebandla. Yazisa abavakalisi ngeempapasho ezinamaphepha ali-192 ibandla elinazo esitokhweni.
Ingoma 116 nomthandazo wokuqukumbela.
Iveki Eqala NgoJanuwari 10
10 imiz: Izaziso zasekuhlaleni neZaziso ezifanelekileyo kuBulungiseleli Bethu BoBukumkani.
20 imiz: “Ukubuyela Ukuze Sakhe Uxabiso.” Ingxubusho nabaphulaphuli. Ukuba abavakalisi basebenzisa iimpapasho ezindala, bonisa indlela ibuyelo elinokwenziwa ngayo kumntu obethabathe enye yezo ncwadi.
15 imiz: Nceda Abantwana Bakho Balungele Unyaka Wesikolo Omtsha. Intetho enikelwa ngumdala esekelwe kwincwadana enemifanekiso ethi Isikolo, kwiphepha 3, 30 nelama-31. Nceda abazali baqonde imfuneko yokunceda abantwana babo balungele ucelomngeni abaza kudibana nalo esikolweni. Bonisa indlela ekubaluleke ngayo ukuba abazali baqhelane nabafundisi-ntsapho babantwana babo. Kukho ingxelo yokuba abanye abazali abakhange bayibone imfuneko yokucela ukuba abantwana babo bangaqukwa kwizifundo zonqulo, xa oku kulilungiselelo elingokwasemthethweni. Xa kunjalo, kubalulekile ukuba utyelele inqununu ngokobuqu uze uye nesicelo esibhaliweyo sokuba umntwana wakho angaqukwa. Yiba nomboniso omfutshane olungiselelwe kakuhle womzali exubusha iphepha 3 lencwadana enemifanekiso ethi Isikolo nomfundisi-ntsapho. Umzali uqukumbela ngokunika umfundisi-ntsapho umbhalo wencwadana enemifanekiso ethi Isikolo.
Ingoma 154 nomthandazo wokuqukumbela.
Iveki Eqala NgoJanuwari 17
10 imiz: Izaziso zasekuhlaleni nengxelo yemali. Quka nezaziso zokufunyanwa kweminikelo. Vakalisa uxabiso ngokuxhasa kwabavakalisi ngemali imisebenzi yoMbutho kunye neyebandla.
20 imiz: “Ukusebenza Intsimi Egutyungelwa Ngokufuthi.” Mayigutyungelwe ngemibuzo neempendulo ngumveleli wenkonzo. Kumabandla anentsimi egutyungelwa ngokufuthi, makwenziwe umboniso wenye yeentshayelelo ezikwincwadi Ukuqiqa ekubhekiselwe kuzo kwisiqendu 4 nesesi-5 kunye nenye intshayelelo ethatyathwe kwisiqendu 6 nesesi-7 okanye elungiselelwe ngokukhethekileyo intsimi yasekuhlaleni. Kumabandla angayigubungeli ngokufuthi intsimi yawo, kule miboniso kufanele kubalaseliswe ezinye iintshayelelo ezifanelekileyo ezikwincwadi Ukuqiqa. Imiboniso ifanele ilungiselelwe kakuhle.
15 imiz: Ngaba Ukulungele Ukujamelana Nemeko Yezonyango Elucelomngeni Elukholweni? Intetho eshukumisayo enikelwa ngumdala onobuchule ukuze kuncedwe abazalwana baqonde ukuxabiseka okukhuselayo kweqweqwe iAdvance Medical Directive/Release, esebenzisa iingongoma ezikwisiqendu 1-3 sesihlomelo soBulungiseleli Bethu BoBukumkani bukaJuni 1992. Yalela ukuba kudluliswe amaqweqwe amatsha kubavakalisi ababhaptiziweyo kuphela, wandule ke uqwalasele ileta kaOktobha 15, 1992, enikela ulwalathiso ngendlela yokuzalisa la maqweqwe. Yazisa abazalwana ukuba BANGAWAZALISI la maqweqwe ngokuhlwanje kodwa mabagoduke nawo, baze bayicinge ngomthandazo imfuneko yawo, bandule ke bawazalise. Kodwa MABANGAWATYOBELI la maqweqwe kwangoko. Mabeze namaqweqwe azalisiweyo kwiSifundo Sencwadi Sebandla, apho abadala baya kuncedisa ekuqinisekiseni ukuba amaqweqwe atyotyelwe, amagama amangqina akho, yaye anawo umhla. Umqhubi weSifundo Sencwadi Sebandla uya kusebenzisa uludwe lwamagama olusexesheni ukuqinisekisa ukuba bonke abakwiqela lakhe bawafumene. (Abazali ababhaptiziweyo banokuncedwa ekuzaliseni ii-Identity Card zabantwana babo.) Nawuphi na ongekhoyo esifundweni sencwadi unokuncedwa ngabaqhubi besifundo sencwadi okanye ngabadala kwiNtlanganiso yeNkonzo elandelayo de bonke abavakalisi ababhaptiziweyo bawazalise baze bawatyobele kakuhle amaqweqwe abo. Abadala bafanele babe noludwe lwabo nabaphi na abangekezi kubo namaqweqwe baze bazame ukuwazalisa onke amaqweqwe ngokukhawuleza kangangoko kunokwenzeka.
Ingoma 176 nomthandazo wokuqukumbela.
Iveki Eqala NgoJanuwari 24
5 imiz: Izaziso zasekuhlaleni. Khuthaza bonke babe nesabelo kwinkonzo yasentsimini kule veki. Yenza isaziso ngamalungiselelo ebandla enkonzo yasentsimini. Khumbuza nabaphi na abangekawazalisi amaqweqwe abo eAdvance Medical Directive/Release bakwenze oko ngokuhlwanje ngokuthi baye kubaqhubi babo beSifundo Sencwadi Sebandla okanye omnye wabadala.
15 imiz: Umsebenzi Wasentsimini Webandla. Umveleli wenkonzo nomnye umdala bahlola umsebenzi webandla weenyanga ezine ezidluleyo. Sekudlule iinyanga ezine uqalile unyaka wenkonzo (Septemba-Disemba). Liqhuba njani ibandla? Lincome ngokunyanisekileyo ibandla kwiinkalo eliqhuba kakuhle kuzo. Kwakhona khankanya iinkalo ekufuneka ibandla liphucule kuzo, uze unikele amacebiso asebenzisekayo. Quka amava amafutshane akhuthazayo omntu omnye okanye ababini abawafumene kwinkonzo yasentsimini kwiinyanga zokuqala ezine zonyaka wenkonzo. Qukumbela ngamagqabaza akhuthazayo nawakhayo. UYesu wafumana uvuyo ngokuqhubeka nobulungiseleli bakhe. Nathi siya kufumana uvuyo olukhulu ngokuqhubeka sixakekile kumsebenzi kaYehova asinike wona.—Yoh. 4:34; 1 Kor. 15:58.
25 imiz: Ingxubusho yenqaku elithi “Ukubawa Kunokubulala” elikwiMboniselo kaJulayi 15, 1985, iphepha 24-8. Ngenxa yeemeko ezinzima zezoqoqosho kweli lizwe, kukho umgibe wokufuna ukuzibandakanya kumacebo okutyeba msinya, nowokufuna ukubandakanya abazalwana bethu abangamaKristu. Bhekisela kwimizekelo exutyushwa kwiphepha 27 nelama-28 ngokuphathelele ukuthengisa ngokwamabakala, imigalelo neenkqubo zeinshorensi zokuthengisa ngokwamabakala. Nangona inkoliso yala macebo isenokuba semthethweni, kufuneka sizibuze oku: Ngaba siqalisa ishishini kuba silindele ukuba abazalwana bethu abangamaKristu abasithembileyo baza kuba ngabona bathenga kakhulu? Ngaba sinikela inkonzo okanye imveliso eyimfuneko ngokuthi sibulaleke, okanye senza imali ngokuxhaphaza abazalwana bethu? (Bona IMboniselo ka-Agasti 1, 1993, iphepha 12, isiqendu 11.) Babongoze abazalwana usebenzisa izibhalo ezibonisiweyo baphaphe ukuze bangaweli kulo mgibe unyebelezayo wokubawela imali.
Ingoma 179 nomthandazo wokuqukumbela.
Iveki Eqala NgoJanuwari 31
5 imiz: Izaziso zasekuhlaleni. Khuthaza bonke baqale kuselithuba entsimini ngokuba nenxaxheba kule mpela-veki. Usenokunikela amacebiso aluncedo ngendlela yokuhambisa amaphephancwadi akutshanje.
10 imiz: Hambisa incwadi Unokuphila Ngonaphakade KwiParadisi Esemhlabeni Kwindlu Ngendlu. Intetho emfutshane enikelwa ngehlombe ebonisa indlela engqineke ixabiseke ngayo le ncwadi ekuncedeni abantu ukuba bamazi baze bamnqule uYehova. Yenza umboniso ngendlela umvakalisi asenokuwasebenzisa ngayo amacebiso akule nkupho yoBulungiseleli Bethu BoBukumkani ukulungiselela ukusebenzisa le ncwadi kwinkonzo yasentsimini.
20 imiz: “Ukubakho Kwiintlanganiso—Imbopheleleko Enzulu.” Mayigutyungelwe ngemibuzo neempendulo. Kwisiqendu 2, dlan’ indlebe nabavakalisi aboyise imiqobo ukuze babekho kwiintlanganiso rhoqo.
10 imiz: Iimfuno zasekuhlaleni. Okanye umdala anikele intetho ethi “Yiba Nembono Elungileyo Ngenceba KaThixo,” esekelwe kwiMboniselo, kaOktobha 1, 1993, iphepha 22-5.
Ingoma 188 nomthandazo wokuqukumbela.