JUE MUN
FLUWA’N KUN
(Jue mun 1-41)
1 Sran ng’ɔ nantiman klunwifuɛ’m be afɔtuɛ’n su’n,
m’ɔ faman sa tɛ yofuɛ’m be atin’n su’n,+
m’ɔ nin be nga be yo ninnge kwlaa nga be ti kpa’n be finfin’n be tranman likawlɛ’n,+ i liɛ su ti ye.
2 I like liɛ ng’ɔ klo i’n yɛle Zoova i mmla’n,+
yɛ ɔ kɛn i nɛn’n i ase kɛnngɛn i mmla’n nun* wia nun nin kɔnguɛ.+
3 Sran sɔ’n yó kɛ waka mɔ be tɛli i nzue ba’m be nuan’n sa,
waka sɔ’n, kɛ i blɛ’n ju’n ɔ su mma,
i nɲa’m be glɔglɔman.
Yɛ like kwlaa nga sran sɔ’n yo’n ɔ́ yó ye.+
4 Klunwifuɛ’m be liɛ’n be timan sɔ.
Be ti kɛ ble wla mɔ aunmuan’n fitɛ i kɔ’n sa.
5 I sɔ’n ti yɛ klunwifuɛ’n su ɲanman jranwlɛ jɔlɛ dilɛ cɛn’n nun’n niɔn.+
Sa tɛ yofuɛ’m be kusu be su kwlá jranman sran kpa’m be afiɛn.+
2 ?Ngue ti yɛ nvlenvle’m be keje-ɔ?
?Yɛ ngue ti yɛ sran’m be bu like ng’ɔ timan like fi’n i su akunndan-ɔn?+
3 Be waan: “Maan e kpɛkpɛ be jrɔkɔ’m be nun
yɛ e yi be ɲanman mun e gua be lɔ!”
4 Sran ng’ɔ ti famiɛn bia’n su ɲanmiɛn su lɔ’n ɔ́ srí,
Zoova yó be finfin.
5 Blɛ sɔ’n nun’n, ɔ́ kán ndɛ ya su klé be,
yɛ i ya dan’n ti’n srɛ kún be.
6 Ɔ́ sé kɛ: “N bɔbɔ m’an sie min famiɛn’n+
Siɔn+ oka m’ɔ ti min liɛ klonglo’n su.”
7 Maan n bo ndɛ nga Zoova kannin’n i jɔ.
Ɔ seli min kɛ: “A ti min wa.+
Andɛ m’an kaci ɔ si.+
10 Siɛn’n, famiɛn mun, amun yo akunndanfuɛ.
Asiɛ’n su jɔlɛ difuɛ mun, fɔ nga be tu amun’n, maan amun sɔ nun.
11 Amun su Zoova aɲinyiɛ su,
amun di aklunjɔɛ yɛ amun usu i ɲrun.
afin i ya’n ɔ jue ndɛndɛ.
Be kwlaa nga be fiɛ i sin’n, be liɛ su ti ye.
Kɛ Davidi wánndi i wa Absalɔmun+ i ɲrun’n, jue ng’ɔ toli’n.
3 ?Ee Zoova, ngue ti yɛ min ɲrun tanndanfuɛ’m b’a sɔn sɔ-ɔ?+
?Ngue ti yɛ sran kpanngban be jaso min wun sɔ-ɔ?+
2 Sran kpanngban be kan min ndɛ be se kɛ: “Ɲanmiɛn su demɛn i.”+ (Sela)*
3 Sanngɛ wɔ, Zoova, a ti ɲrɛn kun m’ɔ o min bue kwlaa su-ɔ,+
min aɲrunɲan’n+ yɛle wɔ, wɔ yɛ a yo maan n kwla man min ti’n su-ɔ.+
6 Srɛ su kunman min sran akpi kpanngban
mɔ b’a jaso min wun min bue kwlaa su’n be wun.+
7 Ee Zoova, jaso! Min Ɲanmiɛn, de min!+
Á fín min kpɔfuɛ’m be aoje’n su,
á búbú klunwifuɛ’m be je’n.+
Ɔ suyralɛ’n wo ɔ sran’m be su. (Sela)
Ɔ ti jue tofuɛ’m be su kpɛn’n i liɛ.
Kɛ bé tó’n, maan be bo miziki bolɛ ninnge nga be le ɲanman’n. Davidi i jue’m be nun kun-ɔn.
4 Ee, min Ɲanmiɛn, wɔ mɔ a yo sa i nuan su sɛsɛ’n, kɛ n flɛ wɔ’n, tɛ min su.+
Blɛ mɔ ɲrɛnnɛn o min su’n, yo maan n fin nun n fite.
Si min aunnvɔɛ, yɛ tie min srɛlɛ’n.
2 ?Klɔ sran’m be mma mun, cɛn benin yɛ amún yáci min aɲrunɲan’n i finfin yolɛ-ɔ?
?Cɛn benin yɛ amún yáci ninnge ngbɛnngbɛn’m be klolɛ, ɔ nin ato ninnge’m be kunndɛlɛ-ɔ? (Sela)
3 Maan amun si kɛ Zoova níɛn i sufuɛ kpa’n i lika kpa.
Sɛ n kpan flɛ Zoova’n, ɔ́ tí.
4 Sɛ amun fa ya’n, nán amun yo sa tɛ.+
Kɛ amun o amun bɛ’n su’n, amun kan ndɛ amun klun lɔ, yɛ amun muan amun nuan. (Sela)
6 Sran kpanngban be se kɛ: “?Wan yɛ maan é kwlá wún like kpa-ɔ?”
Ee Zoova, maan ɔ ɲrun’n i ɲanɲan m’ɔ ti’n ɔ kpaja e su.+
7 A yoli maan min aklunjɔɛ’n yoli dan
trali be nga be kpɛ ninnge kpanngban be fie’m be su’n, mɔ be le duvɛn lɔflɛ kpanngban’n be liɛ’n.
8 Ń lá ń láfi, yɛ srɛ su kunman min,+
afin Zoova, ɔ kunngba cɛ ɔ dunman nun yɛ maan n kwla tran fɔun-ɔn.+
Ɔ ti jue tofuɛ’m be su kpɛn’n i liɛ. Neilɔtu* su. Davidi i jue’m be
nun kun-ɔn.
5 Ee Zoova, tie ndɛ mɔ n kan’n,+
fa ɔ ɲin sie i kplinlɛ mɔ n kplin’n su.
2 Ee, min Famiɛn nin min Ɲanmiɛn,
fa ɔ ɲin sie i kpanlɛ mɔ n kpan n kunndɛ ukalɛ’n su, afin wɔ yɛ n srɛ wɔ-ɔ.
3 Ee Zoova, á tí min nɛn’n nglɛmun.+
Nglɛmun’n, ń kán sa ng’ɔ o min su’n i ndɛ ń klé wɔ,+ yɛ ń trán ń mínndɛ.
5 Wun tufuɛ’m be kwlá jranman ɔ ɲrun.
A kpɔ be kwlaa nga be yo klunwi sa mun’n.+
6 Á wá núnnún be nga be kan ato ndɛ mun’n.+
Zoova i ɲin ci nzaje sa yofuɛ mun, ɔ nin sran lakafuɛ mun.*+
7 Sanngɛ min liɛ’n, ɔ sran klolɛ dan’n+ ti’n, ń má wlú ɔ sua’n+ nun lɔ.
Ń kóto ɔ sua m’ɔ ti ɔ liɛ klonglo’n i ndɛnman su ń klé kɛ min ɲin yi wɔ dan.+
8 Ee Zoova, wɔ mɔ a yo sa i nuan su sɛsɛ’n, kle min atin min kpɔfuɛ’m be ti.
Yo wɔ atin’n i weiin man min.+
9 Afin be kwlá lafiman ndɛ nga be kan’n i wie fi su.
Akunndan tɛtɛ yɛ ɔ o be klun-ɔn,
be nuan’n ti kɛ ndia mɔ b’a tike su’n sa,
be fa be nuan nun fɛ’n be fa laka sran mun.+
10 Sanngɛ Ɲanmiɛn wá bú be fɔ.
Sa nga be cicili’n, ɔ́ yí be bɔbɔ be ase.+
Be fɔnlɛ kpanngban’m be ti’n, maan be kan be bo,
afin be yoli ɲin kekle ɔ su.
11 Sanngɛ be kwlaa nga be fia ɔ sin’n, be klun jɔ́,+
bé kpán aklunjɔɛ kpanlɛ titi.
Á sásá be,
yɛ be nga be klo ɔ dunman’n, be klun jɔ́.
12 Afin, Zoova, á yrá sran kpa’m be su.
Ɔ klun m’ɔ jɔ be wun’n, ɔ́ yó kɛ ɲrɛn dan wie m’ɔ sasa be bue kwlaa su’n sa.+
Ɔ ti jue tofuɛ’m be su kpɛn’n i liɛ. Kɛ bé tó’n, maan be bo miziki bolɛ ninnge nga be le ɲanman’n. Seminiti* su. Davidi i jue-ɔ.
6 Ee Zoova, nán fa ya tu min fɔ,
nán fa ya dan man min afɔtuɛ.+
2 Ee Zoova, si min aunnvɔɛ, afin min wunmiɛn’n su wie.
Ee Zoova, yo min juejue,+ afin min owie’m be kejekeje.
3 Nanwlɛ, min akunndan’n w’a sanngan dan.+
Ee Zoova, n usa wɔ kɛ: ?Ɔ́ yó sɔ lele cɛn benin?+
4 Ee Zoova, sa ɔ sin naan de min.+
De min, ɔ sran klolɛ
dan’n ti.+
5 Be nga be wuli’n be kanman ɔ ndɛ kun.*
?Wan yɛ ɔ kwla manman wɔ Ndia’n* nun lɔ-ɔ?+
6 M’an kplin lele m’an fɛ.+
Kɔnguɛ wunmuan’n nun’n, min ɲinmuɛn nzue’n lua min bɛ’n.
M’an sun lele min bɛ’n w’a lua sa pɔtɔɔ.+
7 Min awlabɔɛ dan’n ti’n, min ɲinma’n wunman ase
kpa kun.+
W’a fɛ dan,* be nga be kle min yalɛ’n be ti.
8 Amun mɔ amun yo klunwi sa mun’n, amun jaso min wun lɛ,
afin Zoova tí min sunlɛ’n.+
9 Srɛlɛ nga n srɛ Zoova kɛ ɔ si min aunnvɔɛ’n, ɔ́ tí.+
Zoova wá sɔ́ min srɛlɛ’n nun.
10 Min kpɔfuɛ’m be kwlaa be ɲin gúa ase, yɛ be wawɛ tɔ́ blo.
Bé kɔ́ siɛn, ɲannzuɛn ká lɛ kún be.+
Davidi i ngwlɛ yilɛ jue. Ɔ to kleli Zoova, ndɛ nga Kisi m’ɔ ti Bɛnzamɛnfuɛ’n ɔ kannin’n ti.
7 Ee Zoova, min Ɲanmiɛn, ɔ sin yɛ n fiali-ɔ.+
De min be nga be kle min yalɛ’n be sa nun, yɛ yo maan n ɲan min ti.+
2 Sɛ w’a yoman sɔ’n, bé títí min nun, kɛ asɔmɔli’n fa yo’n sa,+
bé fá min kɔ́, yɛ sran fi su deman min.
3 Ee Zoova, min Ɲanmiɛn, sɛ n yoli sa tɛ’n,
sɛ n yoli sa m’ɔ timan su’n,
4 sɛ n yoli sran ng’ɔ yoli min kpa’n i tɛ’n,+
annzɛ sɛ n fɛnnin min kpɔfuɛ’n i bo ninnge mun ngbɛn’n,*
5 maan min kpɔfuɛ’n ɔ fuan min naan ɔ tra min,
maan ɔ yi min ase yɛ ɔ tiatia min su,*
yɛ maan ɔ yo naan min aɲrunɲan’n ɔ wie ndutre’n nun. (Sela)
6 Ee Zoova, jaso ya su,
jaso jran min kpɔfuɛ’m be ya dan’n i ɲrun,+
min dunman nun’n tinnge, se kɛ maan be yo sa i nuan su sɛsɛ.+
7 Maan nvlenvle’m be bo sin yia wɔ,
kɛ a o nglo lɔ’n, a nin be yía nun.
8 Zoova wá dí nvlefuɛ’m be jɔlɛ.+
Ee Zoova, nian sa kpa nga n yoli’n,
ɔ nin min seiin nantilɛ’n su di min jɔlɛ.+
9 Yaci, yo maan klunwifuɛ’m be sa tɛtɛ’m be wie.
Sanngɛ yo maan sran kpa’n ɔ ɲan jranwlɛ kpa,+
afin a ti Ɲanmiɛn kun m’ɔ ti kpa-ɔ,+ a niannian sran’m be awlɛn’n nun,+ yɛ a si be klun lɔ akunndan’n.+
10 Ɲanmiɛn yɛ ɔ ti min ɲrɛn’n niɔn,+ ɔ ti be nga be awlɛn’n ti kpa’n be Defuɛ.+
11 Ɲanmiɛn ti Jɔlɛ difuɛ kpa,+
cɛn kwlakwla’n, Ɲanmiɛn kɛn i jɔlɛ m’ɔ di be’n be ndɛ.
13 Ɔ siesie i alɛ ninnge mɔ be kun tɛ kpa’n,
ɔ siesie i ta mma mɔ be jue’n.+
14 Amun nian sran mɔ sa tɛ’n i kuɛ o i wun’n,
ɔ wunnzɛ ɲrɛnnɛn’n, yɛ ɔ wu ato’n.+
15 Ɔ kpɛ kunman kun, ɔ fu i kploun kpa,
sanngɛ ɔ tɔ kunman mɔ i bɔbɔ kpɛli’n nun.+
16 Ɲrɛnnɛn ng’ɔ kpɛli i ba’n, ɔ́ tɔ́ i bɔbɔ i ti su,+
i nzaje sa’n ɔ́ tɔ́ i bɔbɔ i ti sɛ’n su.
17 Ń mánmán Zoova, i sa nuan su sɛsɛ yolɛ’n ti,+
ń tó jue* ń mánmán Zoova m’ɔ o Like Kwlaa Ti Su’n+ i dunman’n.+
Ɔ ti jue tofuɛ’m be su kpɛn’n i liɛ. Gititi* su. Davidi i jue’m be nun kun-ɔn.
8 Ee Zoova, e Min, nanwlɛ, ɔ dunman’n ti dan asiɛ wunmuan’n su,
a fali ɔ aɲrunɲan’n sieli i ɲanmiɛn m’ɔ la nglo lɔ plaii’n i ti su nglo!*+
2 A yoli maan ba kanngan mun nin ba nɔnman mun+ be fa be nuan’n be yi ɔ tinmin’n i nglo
ɔ ɲrun tanndanfuɛ’m be ti,
naan ɔ kpɔfuɛ’n nin klunngbɔ tufuɛ’n b’a ɲanman ndɛ b’a kanman.
4 n usa min wun kɛ: ?Wan yɛle klɔ sran mɔ i ti yɛ a bu i akunndan-ɔn?
?Yɛ wan yɛle klɔ sran mɔ i ti yɛ a niɛn i lika-ɔ?+
5 A yoli maan anzi’m be kpa trɛli i kan,
a yoli maan ɔ ɲannin ɲrun, yɛ ɔ yo ɲɛnmɛn.
6 A fɛli i sieli ninnge nga a yili be’n be su,+
a fali like kwlaa sieli i ja bo:
7 Bua nin boli nin nannin’m be kwlaa,
ɔ nin blo nnɛn mun,+
8 ɲanmiɛn su lɔ anunman mun nin jenvie’n nun jue mun,
ɔ nin ninnge kwlaa nga be sinsin jenvie’m be nun atin’m be su’n.
9 Ee Zoova, e Min, nanwlɛ, ɔ dunman’n ti dan asiɛ wunmuan’n su!
Ɔ ti jue tofuɛ’m be su kpɛn’n i liɛ. Muti-labɛnin* su. Davidi i jue’m
be nun kun-ɔn.
א [Alɛfu]
9 Ee Zoova, ń tú min klun ń mánmán wɔ.
Ń kán ɔ abonuan sa’m be ndɛ.+
2 Ɔ dunman nun ti’n, min klun jɔ́, yɛ min wun kpája min.
Wɔ mɔ a o Like Kwlaa Ti Su’n, ń tó jue* ń mánmán ɔ dunman’n.+
ב [Bɛti]
3 Kɛ min kpɔfuɛ’m bé káci be sin bé kɔ́’n,+
be ja kplá, yɛ bé wú ɔ ɲrun lɛ.
4 Afin a kan min ti ndɛ, yɛ a bu min ndɛ’n klanman.
A tran ɔ famiɛn bia’n su, yɛ a di jɔlɛ mun nanwlɛ su.+
ג [Gimɛli]
5 A tuli nvlenvle’m be fɔ,+ yɛ a kunnin klunwifuɛ mun.
A nunnunnin be dunman’n mlɔnmlɔnmlɔn.
ה [E]
7 Sanngɛ Zoova o i famiɛn bia’n su tititi.+
W’a tɛkɛ i famiɛn bia’n i kpa naan ɔ́ dí jɔlɛ mun
nanwlɛ su.+
ו [Vavu]
10 Be nga be si ɔ dunman’n, bé fá be wla gúa ɔ su.+
Ee Zoova, be nga be kunndɛ wɔ’n, a su yiman be
ase le.+
ז [Zayin]
11 Amun to jue be manman Zoova m’ɔ tran Siɔn’n.
Amun kan ninnge ng’ɔ yoli be’n be ndɛ nvlefuɛ’m be afiɛn.+
I wla su fiman kpanlɛ nga be kpan’n su.+
ח [Ɛti]
13 Ee Zoova, si min aunnvɔɛ, nian ɲrɛnnɛn nga min kpɔfuɛ’m be kle min’n,
wɔ mɔ a man min su wie’n i anuan’m be nun’n,+
14 naan n kan ɔ sa dandan nga a yoli be’n be ndɛ Siɔn i wa bla’n i anuan’m be nun,+
naan min klun jɔ, delɛ mɔ a deli min’n ti.+
ט [Teti]
15 Nvlenvle’m b’a tɔ kunman nga be fuli’n nun.
Aya* nga be fa fiali’n w’a tra be bɔbɔ be ja’n.+
16 Jɔlɛ nga Zoova di be’n yɛ be fa si i-ɔ.+
Like nga klunwifuɛ’n yoli’n w’a kaci kɛ aya sa w’a trɛ i bɔbɔ.+
Igayɔn* su. (Sela)
י [Yɔdu]
17 Klunwifuɛ’m bé cúɛn be wun bé kɔ́ Ndia’n* i wun lɔ,
lɔ yɛ nvlenvle kwlaa nga be wla fi Ɲanmiɛn’n bé kɔ́-ɔ.
18 Sanngɛ Ɲanmiɛn i wla su fiman yalɛfuɛ’n su.+
Yɛ like nga wɛtɛɛfuɛ’n i wla o su kɛ ɔ́ ɲɛ́n i’n, ɔ su mlinman le.+
כ [Kafu]
19 Ee Zoova, jaso! Nán yaci klɔ sran’n i lɛ maan ɔ kwla.
Di nvlenvle’m be jɔlɛ.+
20 Ee Zoova, yo maan srɛ kun be.+
Yo maan nvlenvle’m be wun i wlɛ kɛ klɔ sran ngbɛn yɛle be. (Sela)
ל [Lamɛdi]
10 ?Ee Zoova, ngue ti yɛ a jran mmua lɔ sɔ-ɔ?
?Ngue ti yɛ a fia ɲrɛnnɛn blɛ’n nun-ɔn?+
2 Klunwifuɛ’n i wun tulɛ’n ti’n, ɔ fuan sran m’ɔ leman wie’n,+
sanngɛ like ng’ɔ sunnzun’n, ɔ́ tɔ́ i bɔbɔ i su.+
3 Klunwifuɛ’n fa ninnge nga i konvi sɔ be’n di i nuan,+
yɛ ɔ bo muae man sran mɔ i ɲin yiman like’n.*
נ [Nunnun]
I ɲin yiman Zoova.
4 Klunwifuɛ’n i wun tulɛ’n ti’n, ɔ kunndɛman sa’m be bo.
I klun akunndan’n i ngba’n yɛle kɛ: “Ɲanmiɛn nunman lɛ.”+
Ɔ yo i kpɔfuɛ’m be finfin.
6 Ɔ se i klun lɔ kɛ: “Min liɛ’n, n su usuman le.*
Afin n su wunman ɲrɛnnɛn le,+
ɔ́ yó sɔ blɛ kwlaa nun.”
פ [Pe]
7 Sannzan bolɛ’n nin gblɛ kpɛlɛ’n nin sran srɛ wlalɛ’n b’a yi i nuan’n piɛ.+
Ɲrɛnnɛn nin sa yaya ngunmin yɛ be o i taaman’n i bo-ɔ.+
8 Ɔ bu sa klɔ’m be wun ɔ minndɛ.
Ɔ o i fiawlɛ’n nun lɔ, ɔ kun sran mɔ w’a yoman sa’n.+
ע [Ayinin]
Ɔ niannian kunndɛ sran kun m’ɔ kwla yo i like yaya’n.+
9 Ɔ o i fiawlɛ’n nun lɔ minndɛ kɛ asɔmɔli m’ɔ o i fiawlɛ’n nun’n sa.+
Ɔ o lɔ mínndɛ naan ɔ́ trá ɲrɛnnɛnfuɛ’n.
Kɛ ɔ cuɛn i tɛ’n,* ɔ tra ɲrɛnnɛnfuɛ’n.+
10 Ɔ kpɔtɔ like ng’ɔ trɛ i’n, yɛ ɔ yi i ase.
Ɲrɛnnɛnfuɛ’m be tɔ i sa nun.*
11 Ɔ se i klun lɔ kɛ: “Ɲanmiɛn i wla w’a fi su.+
W’a kpɛ i ɲin lika uflɛ.
Ɔ fɛmɛn i ɲin sieman su le.”+
ק [Kɔfu]
12 Ee Zoova, Jaso.+ Ee Ɲanmiɛn, man ɔ sa’n su.+
Nán ɔ wla fi ɲrɛnnɛnfuɛ’m be su.+
13 ?Ngue ti yɛ klunwifuɛ’n i ɲin yiman Ɲanmiɛn-ɔn?
Ɔ se i klun lɔ kɛ: “A su buman min fɔ.”
ר [Rɛsi]
14 Sanngɛ a wun ɲrɛnnɛn’n nin afɛ’n.
A fa ɔ ɲin sie su, yɛ a fa ajalɛ.+
ש [Sinin]
15 Bu klunwifuɛ m’ɔ ti sa tɛ yofuɛ’n i sa’n,+
i liɛ’n, kɛ á wá kúnndɛ i klunwi sa m’ɔ yo’n,
a su wunmɛn i kun.
16 Zoova ti Famiɛn tititi.+
Nvlenvle’m b’a nunnun asiɛ’n su.+
ת [Tau]
17 Sanngɛ Zoova, á wá tíe wɛtɛɛfuɛ’m be srɛlɛ’n.+
Á wá yó maan bé trá be awlɛn,+ yɛ á fá ɔ ɲin síe be su kpa.+
18 Á wá dí be nga be leman si’n nin be nga b’a kpɔtɔ’n, be ndɛ’n klanman.+
I liɛ’n, klɔ sran mɔ fa yɛ be fa yili i’n, ɔ su wlanwlanman be kun.+
Ɔ ti jue tofuɛ’m be su kpɛn’n i liɛ. Davidi i jue-ɔ.
11 Zoova sin yɛ n fiali-ɔ.+
?Ɔ maan ngue ti yɛ amun kwla se min kɛ:
“Wanndi kɔ ɔ oka’n su lɔ kɛ anunman wie sa-ɔ?
2 Nian kɛ klunwifuɛ’m b’a cuɛn be ta’n nun-ɔn.
Be fa be ta mma’n be sie i be ta ɲanman’n su,
Naan bé fía aosin’n nun bé fá tó sran nga be awlɛn ti kpa’n be wun.
3 ?Kɛ sran’m be buman sa kpa yolɛ’n i like fi kun’n,
ngue yɛ sran kpa’m be kwla yo-ɔ?”
4 Zoova o i sua m’ɔ ti i liɛ klonglo’n nun lɔ.+
Zoova i famiɛn bia’n wo ɲanmiɛn su lɔ.+
I bɔbɔ i ɲinma ta like kwlakwla, i ɲinma m’ɔ sie sa nzɔliɛ kpa’n,* ɔ niannian klɔ sran mun.+
5 Zoova fɛ i ɲin sie i sran kpa’n, ɔ nin klunwifuɛ’n be su.+
Ɔ kpɔ sran kwlaa ng’ɔ klo nzaje sa mun’n.+
6 Ɔ́ súa klunwifuɛ’m be wun aya.*
Sin nin sufru,+ ɔ nin aunmuan kun m’ɔ lo klakla kpa’n yɛ bé trán be klowa’n nun-ɔn.
7 Afin Zoova yo sa nuan su sɛsɛ.+ Ɔ klo sa nuan su sɛsɛ yolɛ’n.+
Ɔ ti jue tofuɛ’m be su kpɛn’n i liɛ. Seminiti* su. Davidi i jue’m be nun kun-ɔn.
12 Ee Zoova, de min, afin ɔ sufuɛ kpa wie fi nunman lɛ kun.
Nanwlɛfuɛ’m be nunman sran’m be afiɛn kun.
2 Be kan ato ndɛ’m be kle be wiengu.
Be nuan nun’n ti nɛnkɛnnɛnkɛn, yɛ be kan ndɛ be fa laka sran mun.*+
3 Zoova wá núnnún be nga be fa be nuan nun fɛ’n be laka sran mun’n,
ɔ nin be nga be di be nuan’n,+
4 be nga be se kɛ: “É fá e nuan’n é kwlá.
E fa e nuan’n e yo like kwlaa nga e klo’n.
?Wan cɛ yɛ ɔ́ kwlá síe e-ɔ?”+
5 Zoova waan: “Ɲrɛnnɛnfuɛ nga be kle be yalɛ’n,
ɔ nin yalɛfuɛ’m be fɛfɛlɛ’n ti’n,+
ń má jáso ń fá ajalɛ.
Ń má dé be be nga be yo be finfin’n be sa nun.”
6 Fiɛn kaan sa nunman Zoova i ndɛ’m be sin.+
Be ti kɛ sika mɔ b’a tɔn i fa fuu nun* b’a yi i nun fiɛn’n sa, be yili i nun fiɛn’n kpɛ nso.
7 Zoova, á nían be su,+
á sásá be tinuntinun, sran akpasua sɔ’m be lika blɛ kwlaa nun.
8 Klunwifuɛ’m be wlan sin, like fi tanndanman be ɲrun,
afin sran’m be blɔ sa sukusuku yolɛ’n.+
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
13 ?Ee Zoova, ɔ wla fí min su lele cɛn benin? ?Ɔ́ yó sɔ tititi?
?Á fá ɔ ɲrun’n fía min wun lele cɛn benin?+
2 ?Ń kókó lele cɛn benin?
?Min wla bó min wun sa cɛn kwlakwla?
?Min kpɔfuɛ’n kwlá min sa tititi?+
3 Ee Zoova, min Ɲanmiɛn, fa ɔ ɲin sie min su, yɛ tɛ min su.
Yo maan min ɲinma’m be kpaja, naan m’an wuman,
4 naan min kpɔfuɛ’n w’a seman kɛ: “M’an kwlɛ i!”
Nán yaci min kpɔfuɛ’n i lɛ naan ɔ di aklunjɔɛ tɔlɛ mɔ n tɔli’n ti.+
5 Min liɛ’n, n fa min wla n gua ɔ sran klolɛ dan’n su.+
Min klun jɔ́, ɔ sran delɛ’n ti.+
6 Ń tó jue ń mánmán Zoova, afin ɔ yrali min su dan.*+
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
14 Sinnglinfuɛ’m be se be klun lɔ kɛ:
“Zoova nunman lɛ.”+
Sa nga be yo’n timan kpa, yɛ be ayeliɛ’n ti tɛ.
Be nun wie fi yoman sa kpa.+
2 Sanngɛ kɛ Zoova o nglo lɔ’n, ɔ nian klɔ sran mun
naan ɔ́ nían sɛ be nun kun ti akunndanfuɛ-o, sɛ be nun kun kunndɛ Zoova-o.+
3 Be kwlaa b’a fa atin uflɛ,+
be kwlaa b’a saci,
be nun wie fi yoman sa kpa,
ɔ leman be nun kun sa m’ɔ yo sa kpa-ɔ.
4 ?Be nga be yo sa tɛ’n, be nun kun sa wunman sa wlɛ?
Be di min nvle’n nunfuɛ’m be lufle kɛ aliɛ wie yɛ be su di sa.
Be kpan flɛman Zoova.
5 Sanngɛ srɛ dan kpa wá kún be,+
afin Zoova o sran kpa’m be sin.
6 Amun mɔ amun ti sa tɛ yofuɛ’n, amun kunndɛ kɛ amún yó naan like nga sran ng’ɔ leman wie’n sunnzun’n ɔ kpi ase,
sanngɛ Zoova yɛ ɔ ti i fiawlɛ-ɔ.+
7 Ee, maan Izraɛli i delɛ’n fin Siɔn!+
Kɛ Zoova ko fɛ i nvle’n nunfuɛ nga be trali be ɔli’n ko ba’n,
maan Zakɔbu i klun jɔ, maan Izraɛli di aklunjɔɛ.
Davidi i jue’m be nun kun-ɔn.
15 ?Ee Zoova, wan yɛ ɔ́ kwlá trán ɔ tannin sua’n nun lɔ-ɔ?
?Wan yɛ ɔ́ kwlá trán oka m’ɔ ti ɔ liɛ klonglo’n su lɔ-ɔ?+
Kɛ ɔ ta nda’n ɔ kacimɛn i, kannzɛ bɔbɔ ɔ wa miɛn i sa’n ɔ kacimɛn i.+
5 Kɛ ɔ man sran sika’n ɔ seman kɛ ɔ su i bo.+
Yɛ sɛ be wlɛ i sa bo kɛ ɔ bu ndɛ yi sran mɔ w’a yoman sa’n i su’n, ɔ sɔman nun.+
Sran ng’ɔ yo sa sɔ mun’n, ɔ kwlá tɔman le.*+
Miktamun,* ɔ fin Davidi.
16 Ee, min Ɲanmiɛn, sasa min, afin ɔ sin yɛ n fia-ɔ.+
2 N seli Zoova kɛ: “A ti Zoova, like kpa kwlaa nga n le i’n, ɔ fin wɔ.
3 Yɛ be nga be ti ɔ liɛ klonglo’n, mɔ be o asiɛ’n su’n,
be nga be le ɲrun’n, be yo maan min klun jɔ dan.”+
4 Be nga be su ɲanmiɛn uflɛ’n, be awlabɔɛ’n yo dan.+
Mmoja nga be guɛ i ase man be lɛ’n, min sa su tranman nun wie,
yɛ be dunman su tɛman min nuan nun le.+
5 Zoova yɛ ɔ ti min like liɛ nga n le i’n niɔn, i yɛ ɔ ti min like liɛ nga be fa mannin min’n niɔn,+ ɔ ti min klowa.+
A sasa min aja like’n.
6 Lika nga be sunnzun mannin min’n, be ti kpa.
Nanwlɛ, min klun jɔ min aja like’n su.+
7 Ń mánmán Zoova m’ɔ mannin min afɔtuɛ’n.+
Kɔnguɛ bɔbɔ’n, min klun akunndan’n bu min fɔ.*+
8 N fa Zoova n sie min ɲrun titi.+
Kɛ m’ɔ o min sa fama su’n ti’n, n su usuman le.*+
9 Ɔ maan min klun jɔ, n bɔbɔ ba’n* n di aklunjɔɛ.
I sɔ’n ti’n, n tran fɔuun.
10 Afin a su yaciman min Ndia’n* nun lɔ.+
A su kplinman su kɛ ɔ sufuɛ kpa’n ɔ wun kunman’n.*+
11 A yo maan n si nguan’n i atin’n.+
Lika nga a o lɛ’n, aklunjɔɛ’n ti dan.+
Aklunjɔɛ o ɔ sa fama su tititi.
Davidi i Ɲanmiɛn srɛlɛ’n kun-ɔn.
17 Ee Zoova, sie ɔ su tie min srɛlɛ mɔ n srɛ wɔ kɛ a di min ndɛ’n i klanman’n.
Fa ɔ ɲin sie i kpanlɛ mɔ n kpan kunndɛ ukalɛ’n su.
Tie min srɛlɛ mɔ gblɛ nunman nun’n.+
2 Di min ndɛ’n i kpa man min.+
Maan ɔ ɲinma’m be wun sa ng’ɔ ti kpa’n.
A wunnin kɛ sa tɛ fi nunman min nun,
yɛ min nuan’n w’a fɔnman.
4 Kannzɛ sa nga sran’m be yo’n ti sɛ ti sɛ’n,
kɛ nga a fa kannin’n sa’n, n faman awiefuɛ’m be atin’n su.+
5 Maan min ja’m be ka wɔ atin’m be su,
i liɛ’n, min ja su kplaman.+
6 Ee Ɲanmiɛn, n kpan flɛ wɔ, afin n si kɛ á tɛ́ min su.+
Sie ɔ su min nuan bo.* Tie ndɛ nga n kan’n.+
7 Ee, wɔ mɔ a de be nga be kunndɛ fiawlɛ ɔ sa fama su’n,
mɔ a de be be nga be yo ɲin kekle ɔ su’n be sa nun’n,
yo abonuan sa wie mun fa yi ɔ sran klolɛ dan’n i nglo.+
9 De min klunwifuɛ nga be tɔ min su’n be sa nun,
sasa min min kpɔfuɛ nga be bo sin yia min’n, mɔ be kunndɛ kɛ bé kún min’n be lika.+
10 Be awlɛn’n w’a kete,
be nuan nun ndɛ’n ti dandan.
11 Siɛn’n, b’a bo b’a sin b’a yia e.+
Be su kunndɛ blɛ mɔ be kwla yi e ase’n.
12 Klunwifuɛ’n ti kɛ asɔmɔli kun m’ɔ kunndɛ kpa kɛ ɔ́ trá nnɛn naan ɔ́ títí i nun’n sa.
Ɔ ti kɛ asɔmɔli gbanflɛn mɔ w’a bu w’a sa’n sa.
13 Ee Zoova, jaso naan a nin i be yia nun,+ naan yi i ase.
Fa ɔ tokofi’n de min klunwifuɛ’n i sa nun.
14 Ee Zoova, fa ɔ sa’n de min,
de min mɛn nga nunfuɛ mɔ be mɛn liɛ nga be ko di’n i ngba yɛle nga’n,+ be sa nun.
Ninnge kpakpa nga a man’n, a yo maan ɔ bobo sran sɔ’m be su,+
yɛ be yaci aja like man be mma kpanngban mun.
15 Sanngɛ min liɛ’n, kɛ mɔ n yoli sa kpa’n ti’n, ń wún ɔ ɲrun’n.
Kɛ n tinnge ɔ ɲrun lɛ’n, min klun jɔ dan.+
Ɔ ti jue tofuɛ’m be su kpɛn’n i liɛ. Zoova i sufuɛ Davidi yɛ ɔ toli-ɔ. I nun mɔ Zoova deli i i kpɔfuɛ’m be kwlaa ɔ nin Saili be sa nun’n, yɛ ɔ toli jue sɔ’n manmannin Zoova-ɔ. Ɔ seli kɛ:+
18 Ee Zoova, n klo wɔ, wɔ yɛ a man min wunmiɛn-ɔn.+
2 Zoova ti min yɔbuɛ, ɔ ti min fiawlɛ, yɛ ɔ ti min defuɛ.+
Min Ɲanmiɛn’n ti min yɔbuɛ,+ i nun yɛ n fia-ɔ,
ɔ ti min ɲrɛn, nin min wɛ* ng’ɔ de min’n,* nin min fiawlɛ kpa.+
3 N bo flɛ Zoova m’ɔ nin manmanlɛ fata’n,
yɛ ɔ́ dé min min kpɔfuɛ’m be sa nun.+
4 Wie’n i ɲanman mun b’a to b’a bla min.+
Finfinfuɛ wie mɔ be sɔnnin kpa kɛ nzue dan wie sa’n, be kunnin min srɛ dan.+
6 Kɛ ń wún ɲrɛnnɛn’n, n kpan flɛli Zoova,
m’an yaciman min Ɲanmiɛn’n i flɛlɛ kɛ ɔ uka min.
I kusu, kɛ ɔ o i sua’n nun lɔ’n, ɔ tili min nɛn’n,+
kpanlɛ nga n kpan flɛli i kɛ ɔ uka min’n, ɔ guɛli i su nun.+
7 Asiɛ’n kejeli dan kpa,+
oka’m be takatakawlɛ’m be kejeli,
be keje kɔ wa, be keje kɔ wa, ya dan mɔ Ɲanmiɛn fali’n ti.+
8 Sin wunsrɛn’n fin i bue’n nun fiteli,
sin m’ɔ yra like kɔlikɔli’n fin i nuan’n nun fiteli.+
Sɛnmlɛn ɲannglaan fin i wun lɔ fiteli.
9 Kɛ ɔ́ jrá’n, ɔ kannin ɲanmiɛn m’ɔ la nglo lɔ plaii’n i ase.+
Like wie kɛ ɲanmiɛn ble tritritri kpa sa’n wo i ja bo.+
10 Ɔ fuli seribɛn kun su, ɔ tu bali.+
Ɔ o aolia nun sran kun* i ndɛwa’m be su, yɛ ɔ jra ndɛndɛ.+
11 Ɔ fali aosin’n fa kɛtɛli i wun,+
ɔ fali nzue mɔ w’a mlan tritritri’n, ɔ nin ɲanmiɛn ble tuun’n
fa kɛtɛli i wun kɛ tannin sua wie sa.+
12 I ɲrun lɛ lika m’ɔ kpaja wauun’n nun’n,
nzraama mɔ kɛ nzue tɔ́’n be gua’n, nin sɛnmlɛn ɲannglaan, be fin ɲanmiɛn ble’n i afiɛn fite.
13 I sin’n, Zoova kpannin kplannankplannan ɲanmiɛn su lɔ.+
Kɛ Ɲanmiɛn m’ɔ o Like Kwlaa Ti Su’n yoli maan be tili i nɛn’n,+
nzraama mɔ kɛ nzue tɔ́’n be gua’n, nin sɛnmlɛn ɲannglaan be guali.
14 Ɔ toli i ta mma mun, kpɛkun be bo sanndili.+
Ɔ yoli maan ɲanmiɛn’n kpali sin, yɛ ɔ sanngannin be nun.+
15 Be wunnin nzue ba’m* be bo lɔ’n.+
Ee Zoova, fɔ mɔ a tuli be kekle’n ti’n, aunmuan ng’ɔ fin ɔ bue’n nun fiteli’n ti’n,
asiɛ’n i takawlɛ’m be fiteli su weiin.+
16 Kɛ ɔ o nglo lɔ’n, ɔ toli i sa’n.
Ɔ trali min naan w’a yi min nzue bunman’n nun w’a fite.+
17 Ɔ deli min min kpɔfuɛ m’ɔ le wunmiɛn’n i sa nun,+
ɔ deli min be nga be kpɔ min mɔ be wunmiɛn’n tra min liɛ’n, be sa nun.+
18 Kɛ ɲrɛnnɛn tɔli min su’n, be bali min su,+
sanngɛ Zoova suannin min bo.
19 Ɔ fali min ɔli lika kun mɔ sa fi su ɲanman min lɔ’n* nun.
Ɔ klo min sa ti yɛ ɔ deli min-ɔn.+
20 Sa nuan su sɛsɛ mɔ n yo’n i nuan like yɛ Zoova fa man min-ɔn.+
Sa tɛ mɔ n yoman’n i nuan like yɛ ɔ fa man min-ɔn.+
21 Afin n nantili Zoova i atin’n su titi,
yɛ m’an kpɔciman Ɲanmiɛn, afin i sɔ’n ti klunwi ayeliɛ.
22 I mmla’m be kwlaa be o min klun.
N su kpalomɛn i mmla mun.
24 Maan Zoova nian sa nuan su sɛsɛ mɔ n yo’n su ɔ tua min kalɛ,+
maan ɔ nian sa tɛ mɔ n yomɛn i ɲrun’n su ɔ tua min kalɛ.+
25 Sran ng’ɔ nin wɔ be nanti klanman’n, a nin i be nanti klanman.+
Sran ng’ɔ nanti seiin’n, ɔ kusu a kle i kɛ a nanti seiin.+
26 Sran ng’ɔ ti sanwun’n, a kle i kɛ a ti sanwun,+
sanngɛ sran ng’ɔ ti gblɛfuɛ’n, a kle i kɛ a si ngwlɛlɛ.+
27 Afin a de be nga be leman ɲrun’n,*+
sanngɛ a kan wun tufuɛ’m be ase.+
28 Afin Zoova, wɔ yɛ a sɔ min kannin’n i nuan-ɔn.
Min Ɲanmiɛn, a yo maan aosin tritri nga n wo nun’n, ɔ kpaja.+
29 Ɔ fanngan nun’n, n kwla fuan awiefuɛ mun.+
Ɲanmiɛn i fanngan nun’n, n kwla fu klɔ’n i wun talɛ’n su n jra lɔ.+
30 Ɲanmiɛn Kpli i atin’n ti kpa lelele.+
Ndɛ nga Zoova kan’n, fiɛn kaan sa nunmɛn i sin.+
Be kwlaa nga be fiɛ i sin’n, ɔ sasa be kɛ ɲrɛn sa.+
31 ?Sɛ nán Zoova kunngba cɛ’n, wan yɛ ɔ ti Ɲanmiɛn ekun-ɔn?+
?Sɛ w’a yoman kɛ e Ɲanmiɛn’n sa’n, yɔbuɛ uflɛ o lɛ?+
32 Ɲanmiɛn Kpli yɛ ɔ man min wunmiɛn-ɔn.+
Ɔ́ yó maan min ɲrun atin’n yó seiin.+
33 Ɔ yo maan min ja nun bli kɛ flete sa.
Ɔ fa min jran lika nga be ti nglonglo kpa’n be su.+
34 Ɔ kle min alɛ kunlɛ,
n kwla cuɛn ta nga be fali aaba be yoli’n nun.
35 A fa ɔ ɲrɛn’n man min naan ɔ sasa min,+
ɔ sa fama’n suan min bo,
ɔ wun ase mɔ a kan’n ti’n, n ɲan ɲrun.+
36 A trɛli atin’n nun mannin min,
ɔ maan min ja’m be su seliman.+
37 Ń fúan min kpɔfuɛ mun lele ń kwlá be.
Sɛ be nin-a nunnunman sekeseke’n, nn n nin-a saman min sin.
38 Ń núnkun be, ɔ maan be su kwlá jasoman kun,+
ń tíatía be su.
39 Á mán min wunmiɛn naan m’an kwla kun alɛ,
á yó maan min ɲrun tanndanfuɛ’m bé tɔ́ min bo lɛ.+
40 Á yó maan min kpɔfuɛ’m bé wánndi min bo.*
Yɛ ń núnnún be nga be kpɔ min’n.*+
41 Be kpan kunndɛ ukalɛ, sanngɛ sran fi nunman lɛ naan w’a de be.
I kpa bɔbɔ’n be kpan flɛ Zoova, sanngɛ ɔ tɛman be su.
42 Ń núnkun be, bé yó kɛ ndutre mɔ aunmuan’n fɛ i kɔ’n sa.
Ń gúa be blo kɛ nnɔtiɛ mɔ be guɛ i blo akpɔ su’n sa.
43 Á dé min nvle’n nunfuɛ mɔ be kan min wun ndɛ’n be sa nun.+
44 Ndɛ ngbɛn mɔ bé tí i sa’n ti’n, be ɲin yí min.
Aofuɛ’m bé bá bé wá kóto min bo.+
45 Aofuɛ’m be sa sin búbú be.*
Kɛ bé fín be fiawlɛ’m be nun bé fíte’n, bé úsu sa tututu.
46 Zoova lafiman! Maan be yi min Yɔbuɛ’n i ayɛ!+
Maan manmanlɛ’n yo Ɲanmiɛn m’ɔ de min’n i liɛ.+
47 Ɲanmiɛn Kpli yɛ ɔ tu min klunngbɔ-ɔ.+
Ɔ yo maan nvlenvle’m be lo be wun man min.
48 Ɔ de min min kpɔfuɛ mɔ be yo wlɛ’n be sa nun.
A fa min sie be nga be nin min kun’n be ti su nglo kpa.+
A de min sran wlɛfuɛ’n i sa nun.
50 Ɔ yo sa dandan mun fa de i famiɛn’n.+
Ɔ kle sran ng’ɔ kpɛli i’n kɛ ɔ klo i dan,+
ɔ kle Davidi nin i osu’n nunfuɛ’m be kɛ ɔ su yaciman be klolɛ le.+
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
19 Ɲanmiɛn m’ɔ la nglo lɔ plaii’n yi Ɲanmiɛn i aɲrunɲan’n i nglo.+
Ɲanmiɛn m’ɔ la nglo lɔ plaii’n, ɔ yi Ɲanmiɛn i sa nuan ninnge’m be nglo.+
2 Cɛn kwlakwla’n be kan ndɛ,
kɔnguɛ kwlakwla be kle e like.
3 Be ijɔman, yɛ ndɛ fi finman be nuan fiteman,
be timan be nɛn.
4 Sanngɛ be ti be ngan asiɛ’n i lika kwlaa,
Ɔ kplannin tannin sua kun ɲanmiɛn su lɔ mannin wia’n.
5 Wia’n ti kɛ gbanflɛn wie mɔ w’a ja bla uflɛuflɛ m’ɔ su fin i atɔnvlɛ sua’n nun fite’n sa.
Ɔ di aklunjɔɛ kɛ safuɲrɛn wie m’ɔ su wanndi kɔ’n sa.
Yɛ ɔ leman like kun mɔ wia’n bomɛn i su-ɔ.
7 Fiɛn kaan sa nunman Zoova i mmla’n i sin.+ Kɛ sran’n i wunmiɛn’n wie i nun’n ɔ mɛn i uflɛ.+
Zoova i like ng’ɔ kle’n be kwla lafi su,+ ɔ yo maan sran ng’ɔ siman sa’n ɔ yo ngwlɛlɛfuɛ.+
8 Like nga Zoova se kɛ be yo be’n be ti su, be yo maan sran klun jɔ.+
Zoova i mmla’n ti sanwun, ɔ yo maan sran’n i ɲinma’n kpaja.+
9 Zoova i srolɛ’n+ ti kpa, ɔ sinman le.
Jɔlɛ nga Zoova di be’n be ti nanwlɛ, be kwlaa be ti kpa.+
10 Be le ɲrun tra sika ɔkwlɛ,
be le ɲrun tra sika ɔkwlɛ jrɛiin’n.*+
Be yo fɛ tra awɛma nzue,+ be yo fɛ kɛ awɛma nzue ng’ɔ fin awɛma’m be sua’n nun sonji’n sa.
11 Be fa tuli ɔ sufuɛ’n i fɔ.+
Sran ng’ɔ fa be su’n, ɔ ɲan su ye dan.+
12 ?Wan yɛ ɔ kwla si i bɔbɔ i fɔnlɛ mun-ɔn?+
Sa tɛ nga n yoli mɔ n siman sɔ’n, yaci cɛ min.
14 Ee Zoova, wɔ mɔ a ti min Yɔbuɛ+ nin min Ti Kpɔfuɛ’n,+
yo maan ndɛ ng’ɔ fin min nuan fite’n, ɔ nin like nga n bu su akunndan’n, be jɔ ɔ klun.+
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
20 Ɲrɛnnɛn blɛ nun’n, maan Zoova tɛ ɔ srɛlɛ’n su.
Maan Zakɔbu i Ɲanmiɛn’n i dunman’n sasa wɔ.+
2 Kɛ ɔ o lika m’ɔ ti i liɛ klonglo’n nun lɔ’n, maan ɔ uka wɔ,+
yɛ kɛ ɔ o Siɔn lɔ’n, maan ɔ suan ɔ bo.+
3 Maan i wla kpɛn like kwlaa nga a fa mɛn i’n su.
Maan ɔ sɔ tɛ nga kɛ bé yí’n be yra nnɛn’n i kɔlikɔli’n mɔ a yi mɛn i’n i nun klanman. (Sela)
5 Sa nga a yo be fa de e’n ti’n, é kpán aklunjɔɛ kpanlɛ.+
É mán e flanga’m be su e Ɲanmiɛn’n i dunman nun.+
Maan Zoova yo like kwlaa nga a srɛ i’n man wɔ.
6 Siɛn’n, n si kɛ Zoova de i sran m’ɔ kpɛli i’n.+
Ɔ o ɲanmiɛn m’ɔ ti i liɛ klonglo’n su lɔ ɔ tɛ i srɛlɛ’n su,
ɔ fɛ i sa fama’n fa yo sa dandan wie mun fa de i.+
7 Wie’m be lafi kakaklolo’m be su, wie’m be kusu be lafi nnɛn kpanngɔ’m be su,+
sanngɛ e liɛ’n, e bo e Ɲanmiɛn Zoova i dunman.+
8 Be glɔli, yɛ be tɔli,
sanngɛ e liɛ’n, e jasoli, yɛ e ɲannin wunmiɛn ekun.+
9 Ee Zoova, de famiɛn’n!+
Cɛn nga e kpan flɛ i kɛ ɔ uka e’n, ɔ́ tɛ́ e su.+
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
21 Ee Zoova, ɔ wunmiɛn’n ti’n, famiɛn’n i klun jɔ.+
Sa nga a yo fa de i’n ti’n, i klun jɔ dan!+
2 A fɛli i awlɛn su like’n mɛnnin i.+
W’a seman kɛ a faman like ng’ɔ srɛli’n mɛnmɛn i. (Sela)
4 Ɔ srɛli wɔ nguan, yɛ a fa mɛnnin i.+
A mɛnnin i nguan tɛnndɛn, nguan sɔ’n leman awieliɛ.
5 Sa nga a yo fa de i’n ti’n, ɔ ɲan ɲrun dan.+
A mɛn i aɲrunɲan, yɛ ɔ yo ɲɛnmɛn.
7 Afin famiɛn’n fɛ i wla’n gua Zoova su.+
Ɲanmiɛn m’ɔ o Like Kwlaa Ti Su’n i sran klolɛ dan’n ti’n, ɔ su usuman le.*+
8 Ɔ sa’n ɔ́ kán ɔ kpɔfuɛ’m be kwlaa.
Ɔ sa fama’n ɔ́ kán be nga be kpɔ wɔ’n.
9 Kɛ i blɛ wá jú mɔ á wá kpɛ́ ɔ ɲin be su’n, á yó maan bé júe kɛ sin dan wie sa.
Zoova i ya dan’n ti’n, ɔ́ núnnún be, yɛ sin dí be.+
10 Á núnnún be mma mun asiɛ’n su.
Á núnnún be osu’n nunfuɛ mun sran’m be afiɛn.
11 Afin b’a gugu kɛ bé yó ɔ tɛ.+
Sa nga be guguli kɛ bé yó’n, bé kpí ase.+
13 Ee Zoova, jaso, yi ɔ wunmiɛn’n i nglo.
É tó jue é mánmán wɔ,* ɔ kwlalɛ dan’n ti.
Ɔ ti jue tofuɛ’m be su kpɛn’n i liɛ. “Njɛnniɛn su flete.”* Davidi i jue’m
be nun kun-ɔn.
22 ?Min Ɲanmiɛn, min Ɲanmiɛn, ngue ti yɛ a yili min ase-ɔ?+
?Ngue ti yɛ a o mmua lɔ mɔ a deman min-ɔn?
?Ngue ti yɛ a o mmua lɔ mɔ a timan min awlabɔɛ kpanlɛ’n niɔn?+
2 Min Ɲanmiɛn, wia nun’n n kpan flɛ wɔ, sanngɛ a tɛman min su.+
Kɔnguɛ kusu’n, n muanman min nuan.
3 Sanngɛ a ti sanwun,+
manmanlɛ nga Izraɛlifuɛ’m be manman wɔ’n, ɔ sin yia wɔ.
4 Ɔ su yɛ e si’m be fali be wla’n guali-ɔ.+
Be fali be wla’n guali ɔ su, yɛ a deli be.+
5 Be kpan flɛli wɔ, yɛ a deli be.
Be fali be wla’n guali ɔ su, yɛ w’a yoman ngbɛn.*+
6 Sanngɛ min liɛ’n, srɛ yɛle min, n timan sran,
sran’m be buman min wie,* yɛ nvle’n nunfuɛ’m be yo min finfin.+
7 Be kwlaa nga be wun min’n, be yo min finfin.+
Be sri min, yɛ be keje be ti’n be fa kle kɛ n timan like fi.+ Be se kɛ:
8 “Ɔ fɛli i wun wlali Zoova sa nun. Maan ɔ de i-e!
Maan ɔ de i, afin ɔ ti i sran kpa!”+
9 Wɔ yɛ a fali min min nin i ku sɛ nun fiteli-ɔ,+
wɔ yɛ a yoli maan kɛ n wo min nin i wunflɛn’n su’n, srɛ w’a kunman min-ɔn.
10 Kɛ be wuli min’n, be fali min wlali ɔ sa nun kɛ a nian min lika.*
Kɛ n wo min nin i ku sɛ’n nun bɔbɔ’n, a ti min Ɲanmiɛn.
12 Nannin gbanflɛn’m b’a bo b’a sin b’a yia min.+
Basan lɔ nannin tola’m b’a sin b’a yia min.+
14 N ti kɛ nzue mɔ w’a utu’n sa.
Min owie’m be kwlaa b’a kpɔnzɔkpɔnzɔ.
15 Min wunmiɛn’n w’a wie, m’an yo kɛ talie bue wie sa,+
min taaman’n w’a mantan min je sin’n,+
a fa min jra wie’n i ndutre’n nun.+
16 Afin alua’m b’a sin b’a yia min.+
B’a sin b’a yia min kɛ sa tɛ yofuɛ kpanngban sa,+
be ti kɛ asɔmɔli wie sa, be lele min sa nin min ja’m be nun.+
17 N kwla ka min owie’m be kwlaa.+
Be nian min, yɛ be nian min siin.
19 Sanngɛ Zoova, nán ka mmua lɔ.+
Wɔ yɛ a ti min wunmiɛn’n niɔn, bla ndɛndɛ wa de min.+
21 De min asɔmɔli’n i nuan’n nun,+ yɛ de min blo nannin’m* be wɛ’m be nuan.
Tɛ min su, yɛ de min.
22 Ń bó ɔ dunman ń klé min niaan mun.+
Kɛ n wo ɔ sran mɔ b’a yia’n be afiɛn’n, ń mánmán wɔ.+
23 Amun mɔ amun sro Zoova’n, maan amun mɛnmɛn i!
Zakɔbu i osu’n nunfuɛ mun,* maan amun kwlaa amun yi i ayɛ!+
Izraɛli i osu’n nunfuɛ mun,* maan amun kwlaa amun ɲin yi i kpa.
24 Afin kɛ ɲrɛnnɛnfuɛ’n wún i ɲrun’n, i sɔ’n w’a yomɛn i tɛ, yɛ w’a yomɛn i finfin.+
W’a fɛmɛn i ɲrun’n w’a fiɛmɛn i wun.+
Kɛ ɔ kpan flɛli i kɛ ɔ ukɛ i’n, ɔ tili.+
25 Ń mánmán wɔ nzra dan’n nun.+
Ń yía nda nga n tali’n i nuan be nga be sro i’n be ɲrun.
26 Wɛtɛɛfuɛ’n dí like, yɛ i ku yí.+
Be nga be kunndɛ Zoova’n bé mɛ́nmɛ́n i.+
Maan amun ka nguan nun* tititi.
27 Asiɛ wunmuan’n sufuɛ’m be wla kpɛ́n Zoova su, yɛ bé kpɛ́ be ɲin i wun lɔ.
Nvlenvle’m be nun awlobo’m be kwlaa bé kóto ɔ bo.+
28 Afin famiɛn dilɛ’n ti Zoova liɛ.+
Ɔ sie nvlenvle mun.
29 Asiɛ’n su aɲanbeunfuɛ’m be kwlaa bé dí like, yɛ bé kóto.
Be kwlaa nga be jra ndutre’n nun’n, bé kóto i bo.
Be nun wie fi kwlá yoman naan b’a ka nguan nun.
30 Be mma’m bé sú i.
Be nga bé wá jáso su’n, bé wá kán Zoova i ndɛ klé be.
31 Bé bá, yɛ bé kɛ́n i sa nuan su sɛsɛ yolɛ’n i ndɛ.
Bé kán like ng’ɔ yoli’n i ndɛ bé klé be nga bé wá wú be’n.
Davidi i jue’m be nun kun-ɔn.
23 Zoova nian min lika kɛ nga bua sunianfuɛʼn fa niɛn i buaʼn i likaʼn sa.+
Min sa su mianman like fi wun.+
2 Ɔ yo maan n la nnɛn didiwlɛ nga ijre o lɔ kpa’n be nun.
Ɔ fa min kɔ nzue’m be nuan lɔ wunmiɛn lolɛ lika’m be nun.*+
3 Ɔ yo maan n ɲan wunmiɛn ekun.+
Ɔ fa min sin sa nuan su sɛsɛ yolɛ’n i atin’m be su, i dunman’n ti.+
Ɔ waka’n nin ɔ kpɔnman’n be ti’n, min wla gua ase.*
5 A siesie tabli kun man min min kpɔfuɛ’m be ɲrun.+
A gua min ti su ngo maan n ɲan wunmiɛn.+
Min klowa’n w’a yi piɛ.+
6 Nanwlɛ, kɛ min ɲin te o su’n, á yí ɔ klun ufue’n nin ɔ sran klolɛ dan’n i nglo min lika tititi.+
Yɛ blɛ mɔ min ɲin te o su’n, ń trán Zoova i sua’n nun tititi.+
Davidi i jue’m be nun kun-ɔn.
24 Asiɛ’n, ɔ nin i su ninnge’n kwlaa be ti Zoova liɛ,+
asiɛ’n m’ɔ yo like ye’n nin be nga be tran su’n be ti i liɛ.
2 Afin ɔ tɛkɛli i kpa jenvie’m be su,+
yɛ ɔ tɛkɛli i kpa nzue ba’m be su.
3 ?Wan yɛ ɔ kwla fu Zoova i oka’n su lɔ-ɔ?+
?Wan yɛ ɔ kwla jran lika m’ɔ ti i liɛ klonglo’n nun-ɔn?
4 Sran nga i sa nunman sa tɛ nun’n, mɔ i awlɛn’n ti sanwun’n,+
mɔ w’a faman min dunman’n* w’a taman ato nda’n,
annzɛ w’a taman nda w’a lakaman sran mun’n niɔn.+
6 Be nga be kunndɛ i’n be akpasua’n yɛ ɔ o lɛ-ɔ.
Ee Zakɔbu i Ɲanmiɛn, be nga be kunndɛ ɔ ɲrun’n, be yɛ be o lɛ-ɔ. (Sela)
7 Anuan mun, amun man amun ti’m be su.+
Laa anuan mun, amun tike*
naan Famiɛn m’ɔ le ɲrun’n, ɔ wlu!+
8 ?Wan yɛle Famiɛn sɔ m’ɔ le ɲrun’n?
9 Anuan mun, amun man amun ti’m be su.+
Laa anuan mun, amun tike
naan Famiɛn m’ɔ le ɲrun’n, ɔ wlu!
10 ?Wan yɛle Famiɛn sɔ m’ɔ le ɲrun’n?
Zoova m’ɔ ti sonja’m be su kpɛn’n niɔn, i yɛ ɔ ti Famiɛn m’ɔ le ɲrun’n niɔn.+ (Sela)
Davidi i jue-ɔ.
א [Alɛfu]
25 Ee Zoova, ɔ wun lɔ yɛ n kpɛ min ɲin-ɔn.
ב [Bɛti]
Nán yaci min kpɔfuɛ’m be lɛ naan be sri min.+
ג [Gimɛli]
3 Be nga be fa be wla gua ɔ su’n, ɲannzuɛn su kunman be nun wie fi.+
Sanngɛ be nga be kpɛ be wiengu bo waka’n, bé wún ɲannzuɛn.+
ד [Dalɛti]
ה [E]
5 Yo maan n nanti ɔ nanwlɛ atin’n su, yɛ kle min like.+
Afin wɔ yɛ a ti min Ɲanmiɛn m’ɔ de min’n niɔn.
ו [Vavu]
Aliɛ ba kwlaa nun’n, n fa min wla n gua ɔ su.
ז [Zayin]
6 Ee Zoova, maan ɔ wla kpɛn ɔ sran aunnvɔɛ silɛ’n, nin ɔ sran klolɛ dan+
mɔ a yi be nglo tititiʼn*
be su.+
ח [Ɛti]
7 Nán ɔ wla kpɛn sa tɛ nga n yoli be min gbanflɛn nun’n, ɔ nin min fɔnlɛ’m be su.
ט [Teti]
8 Zoova ti kpa, yɛ ɔ ti seiin.+
I sɔ’n ti yɛ ɔ kle sa tɛ yofuɛ’m be nguan atin’n niɔn.+
י [Yɔdu]
כ [Kafu]
10 Be nga be di Zoova i aenguɛ’n+ nin i afɔtuɛ’m+ be su’n, be liɛ’n,
i atin’m be kwlaa be kle kɛ ɔ klo sran dan yɛ ɔ ti nanwlɛfuɛ.
ל [Lamed]
11 Ee Zoova, ɔ dunman’n ti’n,+
yaci min fɔnlɛ’n cɛ min, kannzɛ bɔbɔ ɔ ti dan’n yaci cɛ min.
מ [Memun]
12 ?Wan yɛ ɔ sro Zoova-ɔ?+
Ɔ́ klé i atin ng’ɔ fata kɛ ɔ fa’n.+
נ [Nunnun]
13 Sran sɔ’n i liɛ yó ye.+
Yɛ asiɛ’n yó i mma’m be liɛ.+
ס [Samɛki]
ע [Ayin]
15 Zoova i wun lɔ yɛ n kpɛ min ɲin titi-ɔ.+
Afin ɔ́ wá yí min ja’n tɛ’n* nun fíte.+
פ [Pe]
16 Kpɛ ɔ ɲin min su wa, yɛ si min aunnvɔɛ.
Min ngunmin yɛ m’an ka-ɔ, n leman ukafuɛ.
צ [Sade]
17 Min awlabɔɛ’n w’a yo dan,+
yi min awlabɔɛ’n nun fite.
ר [Resi]
19 Nian kɛ min kpɔfuɛ’m b’a sɔn-ɔn,
nian kɛ be kpɔ min dan-ɔn.
ש [Sinin]
20 Sasa min nguan’n, yɛ de min.+
Nán yaci min lɛ naan ɲannzuɛn kun min, afin n fiali ɔ sin.
ת [Taun]
21 Maan seiin nantilɛ’n nin ndɛnman su nantilɛ’n, be sasa min,+
afin ɔ su yɛ n fa min wla’n n gua-ɔ.+
22 Ee Ɲanmiɛn, de Izraɛli* i ɲrɛnnɛn’n kwlaa nun.
Davidi i jue-ɔ.
26 Ee Zoova, di min jɔlɛ, afin n nantili seiin.+
Zoova su yɛ n fali min wla’n n guali-ɔ, m’an usuman.+
2 Ee Zoova, niannian min, yɛ sa min nian.
Yo maan min klun lɔ akunndan’n,* ɔ nin min awlɛn’n be yo sanwun.+
4 E nin be nga be laka sran mun’n e sanman nun.*+
Yɛ n wanndi be nga be fia sran wafa nga be ti’n su’n.*
5 N kloman kɛ min nin sran tɛ mun é sán nun.+
Yɛ n kplinman su kɛ e nin klunwifuɛ mun é sán nun.*+
6 Ń wúnnzin min sa nun ń klé kɛ m’an yoman sa.
Ee Zoova, ń nánti ń sín yía ɔ tɛ yiwlɛ’n,
9 Nán nunnun min nin sa tɛ yofuɛ mun likawlɛ.+
Nán fa min nguan’n nin nzaje sa yofuɛ’m* be liɛ’n likawlɛ,
10 sran sɔ’m be sa o ɲannzuɛn sa’m be nun,
yɛ adi ninnge’m b’a yi be sa fama’n.
11 Sanngɛ min liɛ’n, ń nánti seiin.
De min,* yɛ si min aunnvɔɛ.
12 Min ja’n jin lika kpa nun.+
Ń mánmán Zoova nzra dan’n nun.+
Davidi i jue-ɔ.
27 Zoova ti min kannin+ nin min defuɛ.
?Wan yɛ n te sro i ekun-ɔn?+
Zoova ti kɛ fiawlɛ kun m’ɔ sasa min nguan’n sa.+
?Wan wun yɛ srɛ kún min ekun-ɔn?
2 Kɛ sa tɛ yofuɛ’m be tɔli min su kɛ bé dí min nnɛn’n,+
min ɲrun tanndanfuɛ mun, nin min kpɔfuɛ mun yɛ be ja kplali yɛ be tɔli-ɔ.
Kannzɛ bɔbɔ be fa alɛ be wla min sin’n,
min wun su usuman min.
4 N srɛli Zoova i like kun,
like sɔ’n yɛ ń kúnndɛ-ɔ.
Yɛle kɛ blɛ mɔ min ɲin o su’n, ń trán Zoova i sua’n nun titi,+
naan ń nían Zoova m’ɔ yo ɲɛnmɛn’n,
naan ń níɛn i sua’n aklunjɔɛ su.+
5 Afin ɲrɛnnɛn blɛ’n nun’n, ɔ́ fá min fía i lika’n nun.+
Ɔ́ fá min fía i tannin sua m’ɔ ti fiawa kpa’n nun.+
Ɔ́ fá min síe yɔbuɛ kun su nglo.+
6 Siɛn’n, min ti’n wo min kpɔfuɛ mɔ be bo sin yia min’n be ti su nglo,
ń yí tɛ i tannin sua’n nun lɔ, yɛ ń kpán aklunjɔɛ kpanlɛ.
Ń tó jue* ń mánmán Zoova.
7 Ee Zoova, kɛ n kpan flɛ wɔ’n, tie.+
Si min aunnvɔɛ yɛ tɛ min su.+
8 Min awlɛn’n nun lɔ’n, min wla kpɛnnin su kɛ a seli kɛ:
“Amun kunndɛ min ɲrun’n.”
Ee Zoova, ɔ ɲrun’n yɛ ń kúnndɛ-ɔ.+
9 Nán fa ɔ ɲrun’n fia min wun.+
Nán fa ya fuan ɔ sufuɛ’n.
Wɔ yɛ a ti min ukafuɛ’n niɔn.+
Min Ɲanmiɛn, wɔ mɔ a ti min defuɛ’n, nán yi min ase, nán yaci min.
12 Nán fa min wla min kpɔfuɛ’m be sa nun,+
afin lalofuɛ atofuɛ wie’m b’a jaso min wun,+
yɛ be kan ndɛ ya su be fa wlanwlan min.
Ɛɛn-ɛn, fa ɔ wla’n gua Zoova su.
Davidi i jue-ɔ.
28 Ee Zoova, min Yɔbuɛ, n kpan n flɛ wɔ titi.+
Nán tannin ɔ su’n.
2 Kɛ n man min sa’m be su ɔ sua’n nun lɔ sua ba ngunmin kun’n i ndɛnman’n,
mɔ n kpan flɛ wɔ kɛ a uka min’n, tie min srɛlɛ’n.+
3 Nán fa min nin klunwifuɛ mun kɔ, nán fa min nin be mɔ be yo sa tɛ’n kɔ.+
Be mɔ be kan fɔundi ndɛ kle be wiengu mɔ sanngɛ sa tɛ’n yɛ ɔ o be awlɛn’n nun’n, nán fa min nin be kɔ.+
4 Yi sa nga be yo’n i wunsu man be,+
nian sa tɛtɛ nga be yo’n su yi man be.
yi like nga be fa be sa mun be yo’n i wunsu man be,
nian sa nga be yo’n su yi man be.+
5 Afin be faman be ɲin sieman ninnge nga Zoova yo be’n be su,+
be faman be ɲin siemɛn i i sa nuan ninnge’m be su.+
I sɔ’n ti’n, ɔ́ yó maan bé tɔ́ yɛ ɔ su manman be su kun.
6 Maan manmanlɛ’n yo Zoova liɛ,
afin ɔ tili srɛlɛ mɔ n srɛli i kɛ ɔ uka min’n.
Ɔ ukali min, ɔ maan min klun jɔ,
i sɔ’n ti’n, ń tó jue ń mɛ́nmɛ́n i.
8 Zoova ti i nvlefuɛ’m be wunmiɛn.
Ɔ ti fiawlɛ, ɔ de i sran m’ɔ kpɛli i’n.+
9 De ɔ nvlefuɛ mun, yra ɔ aja like’n su.+
Nian be lika kɛ ɔ bua mun sa, yɛ fa be ɔ sa su tititi.+
Davidi i jue’m be nun kun-ɔn.
29 Safuɲrɛn’m be mma mun, amun fa like ng’ɔ ti Zoova liɛ’n be mɛn i,
amun fa like ng’ɔ ti Zoova liɛ’n be mɛn i, afin ɔ le ɲrun yɛ ɔ le tinmin.+
2 Amun manman Zoova kɛ ɔ nin i fata’n sa, i dunman dan’n ti.
Amun koto Zoova bo,* ɔ nin amun wun Ɲanmiɛn sulɛ tralɛ mun.*
3 Be ti Zoova i nɛn’n nzue’m be su,
Ɲanmiɛn m’ɔ le ɲrun’n, i nɛn’n tɛ kɛ angblannan sa.+
Zoova o nzue kpanngban su.+
4 Zoova i nɛn’n yo sro.+
Zoova i nɛn’n yo ɲɛnmɛn.
5 Zoova i nɛn’n bubu sɛdri waka mun.
Nanwlɛ, Zoova bubu Liban lɔ sɛdri waka’m be nun.+
7 Kɛ Zoova i nɛn’n tɛ’n ɲanmiɛn’n kpa sin.+
9 Zoova i nɛn’n yo maan flete’m be usu yɛ be wu ba,
i nɛn’n yo maan bo’n nun waka’m be nɲa’m be gua.+
Be kwlaa nga be o i sua’n nun lɔ’n, be se kɛ: “Maan manmanlɛ’n yo Ɲanmiɛn liɛ!”
10 Zoova ti i famiɛn bia’n su nzue dandan’m be ti su nglo,*+
Zoova ti i famiɛn bia’n su, ɔ́ dí Famiɛn tititi.+
11 Zoova wá mɛ́n i nvlefuɛ’m be wunmiɛn.+
Zoova wá yrɛ́ i nvlefuɛ’m be su naan be wun jɔ be fɔuun.+
Davidi i jue’m be nun kun-ɔn. Sua’n i nglo yilɛ jue-ɔ.
30 Ee Zoova, ń mánmán wɔ, afin a mannin min su.
W’a yaciman min kpɔfuɛ’m be lɛ naan be sri min.+
2 Ee Zoova, min Ɲanmiɛn, n kpan flɛli wɔ kɛ a uka min, yɛ a yoli min juejue.+
3 Ee Zoova, a yili min Ndia’n* nun fiteli.+
A yacili min nguan nun. A yoli maan m’an jraman kunman’n nun.*+
4 Amun to jue* be manman Zoova, amun mɔ amun ti i sufuɛ kpa’n.+
Amun mɛnmɛn i dunman m’ɔ ti sanwun’n.+
5 Afin kɛ ɔ fa ya sran kun wun’n, ɔ cɛman.+
Sanngɛ kɛ i klun jɔ sran kun wun’n,* ɔ ka sɔ tititi.+
Sran kun kwla sun nnɔsua nun, sanngɛ nglɛmun nun’n, ɔ kpan aklunjɔɛ kpanlɛ.+
6 I nun mɔ ɲrɛnnɛn nunman min su’n, n seli kɛ:
“N su usuman le.”*
7 Ee Zoova, i nun mɔ ɔ klun jɔ min wun’n, a yoli maan n ɲannin wunmiɛn kɛ oka sa.+
Sanngɛ kɛ a fali ɔ ɲrun’n fiali’n, srɛ kunnin min dan.+
8 Ee Zoova, n kpan flɛ wɔ titi.+
Zoova, n srɛ wɔ titi kɛ a si min aunnvɔɛ.
9 ?Sɛ n wu’n* ɔ́ yó ngue ye? ?Sɛ n jra kunman’n* nun lɔ’n,+ ɔ́ yó ngue ye?
?Ndutre’n kwla manman wɔ?+ ?Ɔ kwla kan nanwlɛ mɔ a di’n i ndɛ?+
10 Ee Zoova, tie naan si min aunnvɔɛ.+
Ee Zoova, yo min ukafuɛ.+
11 A yoli maan min sunlɛ’n kacili able silɛ.
A yili min bajɛ tralɛ’n guali, kpɛkun a fali aklunjɔɛ’n wlali min wun,
12 naan n to jue n manman wɔ,* naan m’an muanman min nuan.
Ee Zoova, min Ɲanmiɛn, ń mánmán wɔ tititi.
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
31 Ee Zoova, ɔ sin yɛ n fia-ɔ.+
Nán maan ɲannzuɛn kun min le.+
Ɔ sa nuan su sɛsɛ yolɛ’n ti’n, de min.+
2 Sie ɔ su min nuan bo.*
Bla ndɛndɛ wa de min.+
Kaci kɛ oka sa naan yo min fiawlɛ.
Kaci fiawlɛ kpa kun naan de min.+
3 Afin a ti min yɔbuɛ yɛ a ti min fiawlɛ.+
5 Ń fá min nguan’n ń wlá ɔ sa nun.+
Ee Zoova, Ɲanmiɛn m’ɔ di nanwlɛ’n,* a kpɔli min ti.+
6 Be nga be fa be wun man amuin mɔ be timan like fi mɔ be leman ɲrun’n, n kpɔ be.
Min liɛ’n, n fa min wla’n n gua Zoova su.
7 Ɔ sran klolɛ dan’n ti’n, min klun jɔ́ lele trátrá su,
afin a wunnin min su ɲrɛnnɛn’n,+
a wun awlabɔɛ dan m’ɔ o min su’n.
8 W’a yiman min w’a wlaman min kpɔfuɛ’m be sa nun,
sanngɛ a yoli maan n jrannin lika kun mɔ sa fi su ɲanman min lɔ’n* nun.
9 Ee Zoova, si min aunnvɔɛ, afin n wo ɲrɛnnɛn nun.
Awlabɔɛ’n ti’n, min ɲinma’m b’a fɛ,+ min wunnɛn wunmuan’n w’a fɛ wie.+
Min fɔnlɛ’m be ti’n, min wunmiɛn’n su wie,
wunmiɛn nunman min owie’m be nun kun.+
11 Min ɲrun tanndanfuɛ’m be kwlaa be yo min finfin.+
I li min mantanfuɛ mun yɛ be yo sɔ kpa’n niɔn.
Kɛ min sifuɛ’m be wun min’n, srɛ kun be.
Kɛ be wun min nzra nun’n, be wanndi min.+
12 N nunman be awlɛn’n* nun kun, be wla w’a fi min su, ɔ ti kɛ m’an wu sa.
M’an kaci kɛ sɛ mɔ w’a bo’n sa.
13 N tili min su ndɛ tɛtɛ kpanngban,
be wla min srɛ min bue’n kwlaa su.+
Kɛ be ti yia mɔ be bo yo kun min wun’n,
be cici min wun ndɛ naan bé kún min.+
14 Sanngɛ Zoova, n lafi ɔ su.+
N se kɛ: “A ti min Ɲanmiɛn.”+
15 Min cɛn’m be o ɔ sa nun.
De min min kpɔfuɛ mun nin be nga be kle min yalɛ’n be sa nun.+
16 Yo naan ɔ ɲrun’n kpaja ɔ sufuɛ’n i su.+
Ɔ sran klolɛ dan’n ti’n, de min.
17 Ee Zoova, kɛ n kpan flɛ wɔ’n, nán maan ɲannzuɛn kun min.+
18 Nán ato buafuɛ’m be ɲan nuan be ijɔ kun.+
Be nga be tu be wun mɔ be kan ndɛ tɛtɛ be kle sran kpa mun’n, mɔ be yo be wun dandan be su’n, mɔ be yo be finfin’n, nán be ɲan nuan be ijɔ kun.
A fa sieli be nga be sro wɔ’n,+
a yili i nglo be nga be fia ɔ sin’n be lika, sran’m be kwlaa be ɲrun.+
20 Á fá be fía ɔ ɲrun lɛ fiawlɛ’n nun,+
á fá be fía be nga be cici be wun ndɛ’n be wun.
Á fá be fía ɔ tannin sua’n nun,
á fá be fía be nga be kunndɛ be ndɛnngan’n be wun.+
21 Maan manmanlɛ’n yo Zoova liɛ,
afin i nun mɔ be bo sin yiali klɔ kun+ mɔ n wo nun’n, wafa ng’ɔ kleli kɛ ɔ klo min dan’n,+ ɔ yo ɲɛnmɛn.
22 Min liɛ’n, srɛ kunnin min yɛ n seli kɛ:
“Ń wú ɔ ɲrun lɛ.”+
Sanngɛ kɛ n kpan flɛli wɔ kɛ a uka min’n, a tili min srɛlɛ’n.+
23 Maan amun klo Zoova, amun mɔ amun nin i nanti klanman’n.+
Davidi i jue-ɔ. Maskili* su.
3 Kɛ n muannin min nuan’n, min owie’m be sacili, kplinlɛ mɔ n kplin aliɛ ba kwlaa nun’n ti.+
4 Afin wia nun nin kɔnguɛ’n, ɔ sa’n* tin min su.+
Min wunmiɛn’n wieli min nun kɛ nzue m’ɔ wie nun wawa blɛ’n nun’n sa. (Sela)
5 I agualiɛ su’n n dili min sa tɛ’n i nanwlɛ n kleli wɔ.
M’an fiaman min
fɔnlɛ’n su.+
N seli kɛ: “Ń má dí min sa tɛ’m be nanwlɛ ń klé Zoova.”+
Kpɛkun a yacili min fɔnlɛ’n nin min sa tɛ mun cɛli min.+ (Sela)
6 I sɔ’n ti’n, be kwlaa nga be nanti seiin’n bé srɛ́ wɔ+
blɛ mɔ be kwla fa be wun mantan wɔ’n nun.+
Ɔ maan nzue m’ɔ di lika’n bɔbɔ’n ɔ su toman be.
7 A ti min fiawlɛ.
Á wá sásá min naan ɲrɛnnɛn w’a tɔman min su.+
Á wá yó maan aklunjɔɛ kpanlɛ’n, ɔ́ sín yía min, delɛ mɔ a de min’n ti.+ (Sela)
8 “Ń má mán wɔ ngwlɛlɛ, yɛ ń klé wɔ atin ng’ɔ fata kɛ a fa su’n.+
Ń má mán ɔ afɔtuɛ, ń nían wɔ su.+
9 Nán kaci kɛ nnɛn kpanngɔ annzɛ milɛ m’ɔ siman ngwlɛlɛ’n sa,+
m’ɔ fata kɛ be wlɛ i nuan nun blalɛ, annzɛ be fa ɲanman be cici i nuan’n be fa kle i atin
ka naan w’a mantan ɔ lɔ’n sa.”
10 Klunwifuɛ’n i su afɛ’n sɔnnin,
sanngɛ sran ng’ɔ fɛ i wla gua Zoova su’n, ɔ* yi i sran klolɛ dan’n i nglo i lika.+
11 Maan amun di aklunjɔɛ Zoova i dunman nun, maan amun klun jɔ, amun mɔ amun ti sran kpa’n,
amun kpan aklunjɔɛ kpanlɛ, amun kwlaa mɔ amun awlɛn ti kpa’n.
33 Amun mɔ amun ti sran kpa’n, amun kpan aklunjɔɛ kpanlɛ Zoova dunman nun.+
Sɛ nanwlɛfuɛ’m be mɛnmɛn i’n ɔ ti su.
2 Amun bo jru be la Zoova i ase.
Amun to jue* be mɛnmɛn i yɛ amun bo miziki bolɛ like m’ɔ le ɲanman blu’n.
3 Amun to jue uflɛuflɛ kun be mɛnmɛn i.+
Amun bo miziki bolɛ ninnge’m be kpa, yɛ amun kpan aklunjɔɛ su.
4 Afin Zoova i ndɛ’n ti nanwlɛ,+
like kwlaa ng’ɔ yo’n be kwla lafi su.
5 Ɔ klo sa kpa’n nin sa nuan su sɛsɛ yolɛ’n.+
Zoova i klun ufue’n w’a yi asiɛ’n.+
6 Zoova i nuan ndɛ’n yɛ ɔ fa yili ɲanmiɛn m’ɔ la nglo lɔ plaii’n niɔn,+
aunmuan* ng’ɔ fin i nuan nun fite’n yɛ maan ɔ yili ɲanmiɛn su lɔ ninnge’m be kwlaa-ɔ.
7 Ɔ tiantian jenvie’n nun nzue’m be nuan maan be yo kɛ talɛ wie sa.+
Ɔ fa nzue dandan mun sie i ninnge siewlɛ’m be nun.
8 Maan asiɛ’n sufuɛ’m be kwlaa be sro Zoova.+
Maan be nga be tran asiɛ m’ɔ yo like ye’n su’n be ɲin yi i kpa.
9 Afin ɔ kannin ndɛ kun, kpɛkun ɔ kpɛnnin su.+
Ɔ seli kɛ maan ɔ yo, kpɛkun ɔ jrannin cinnjinnjin.+
10 Zoova yoli maan like nga nvlenvle’m be cicili kɛ bé yó’n,* ɔ kpili ase.+
Ɔ tanndannin like nga nvlefuɛ’m be sunnzunnin kɛ bé yó’n i ɲrun.*+
11 Sanngɛ ndɛ nga Zoova kan’n,* ɔ́ ká lɛ tititi.+
Like ng’ɔ bu i akunndan i awlɛn’n nun lɔ’n, ɔ́ ká lɛ tititi.
12 Nvle nga i Ɲanmiɛn’n yɛle Zoova’n, i liɛ su ti ye.+
Nvle ng’ɔ kpɛli i fa yoli i liɛ’n, i liɛ su ti ye.+
13 Kɛ Zoova o ɲanmiɛn su lɔ’n, ɔ nian wa,
ɔ wun sran’m be kwlaa.+
14 Kɛ ɔ o i tranwlɛ’n nun lɔ’n,
ɔ fɛ i ɲin sie i be nga be o asiɛ’n su’n be su.
15 I yɛ ɔ yili be kwlaa be awlɛn’n niɔn,
ɔ niannian like nga be yo’n i kwlaa.+
16 Sonja kpanngban’m be kwlá deman famiɛn wie fi.+
Nán safuɲrɛn’n i wunmiɛn dan’n ti yɛ ɔ ɲɛn i ti-ɔ.+
17 Sran ng’ɔ fɛ i wla’n gua nnɛn kpanngɔ su kɛ ɔ de i’n, ɔ su kle i wun yalɛ ngbɛn.+
Nán wunmiɛn dan m’ɔ le i’n ti yɛ maan be fite nun-ɔn.
18 Nian! Zoova i ɲin o be nga be sro i’n be su,+
be nga be minndɛ kɛ ɔ yi i sran klolɛ dan’n i nglo be lika’n, i ɲin o be su
20 E liɛ’n, Zoova yɛ e su minndɛ i-ɔ.
Ɔ ti e ukafuɛ nin e ɲrɛn.+
21 I dunman nun’n, e klun jɔ,
afin e lafi i dunman m’ɔ ti sanwun’n su.+
22 Ee Zoova, yi ɔ sran klolɛ dan’n i nglo e lika.+
Afin e su minndɛ wɔ.+
Davidi i jue-ɔ, blɛ sɔ’n nun’n, ɔ yoli i wun kɛ ɔ kpɛnman su sa+ Abimelɛki i ɲrun. Ɔ maan Abimelɛki fuɛnnin i,
yɛ i kusu ɔli-ɔ.
א [Alɛfu]
34 Ń mánmán Zoova blɛ kwlaa nun.
Ń fá min nuan’n ń mɛ́nmɛ́n i tititi.
ב [Bɛti]
Wɛtɛɛfuɛʼn tíe yɛ i klun jɔ́.
ג [Gimɛli]
3 Maan amun uka min naan e manman Zoova.+
Maan e mɛnmɛn i dunman’n likawlɛ.
ד [Dalɛti]
4 N srɛli Zoova, yɛ ɔ tɛli min su.+
Ɔ deli min ninnge kwlaa nga be kun min srɛ’n be nun.+
ה [E]
5 Be nga be kpɛli be ɲin i wun lɔ’n, be klun jɔli dan kpa,
be ɲin kwlá guaman ase.
ז [Zayin]
6 Sran ng’ɔ leman wie’n kpan flɛ Zoova, yɛ ɔ tie.
Ɔ de i i ɲrɛnnɛn’n kwlaa nun.+
ח [Ɛti]
ט [Teti]
8 Amun sa Zoova be nian naan amun wun kɛ ɔ ti kpa.+
Be nga be fiɛ i sin’n be liɛ su ti ye.
י [Yɔdu]
9 Amun sro Zoova, amun mɔ amun ti i sran mun’n.
Afin be nga be sro i’n, be mianman like fi wun.+
כ [Kafu]
10 Asɔmɔli gbanflɛn* mɔ be le wunmiɛn kpa bɔbɔ’n, awe kunnin be,
sanngɛ be nga be kunndɛ Zoova’n, be su mianman like kpa fi wun.+
ל [Lamɛdi]
11 Min mma mun, amun bla, amun tie ndɛ nga n kan’n.
Ń má klé amun Zoova i srolɛ.+
מ [Memun]
12 ?Amun nun onin yɛ ɔ klo nguan’n niɔn?
?Wan yɛ ɔ klo kɛ ɔ́ cɛ́ nguan nun naan ɔ́ dí aklunjɔɛ-ɔ?+
נ [Nunnun]
ס [Samɛki]
ע [Ayin]
פ [Pe]
צ [Sade]
ק [Kɔfu]
ר [Rɛsi]
ש [Sinin]
ת [Tavu]
21 Sa kekle nga bé tɔ́ klunwifuɛ’n su’n bé kún i,
be nga be kpɔ sran kpa mun’n, bé bú be fɔ.
Davidi i jue-ɔ.
3 Ɔ cua’n nin ɔ alɛ kunlɛ kpɛliɛ’n, man be su be nga be fuan min’n be wun.+
Se min kɛ: “N ti ɔ defuɛ.”+
4 Maan be nga be kunndɛ kɛ bé kún min’n, be ɲin gua ase naan be wun ɲannzuɛn.+
Maan be nga be cici kɛ bé kún min’n, be fa be ɲrun ɲannzuɛn’n be su wɔ siɛn.
5 Maan be kaci kɛ ble wla mɔ aunmuan’n fɛ i kɔ’n sa.
Maan Zoova i anzi’n fuan be.+
6 Kɛ Zoova i anzi’n fúan be’n,
maan be atin’n su lu tuun, yɛ maan i su yo ndrɔn.
7 Afin m’an yoman sa, kpɛkun b’a fa tɛ* kun b’a fia naan ɔ tra min.
M’an yoman sa, kpɛkun b’a fu min bo kunman.
9 Sanngɛ min liɛ’n, ń dí aklunjɔɛ Zoova dunman nun.
Delɛ m’ɔ de min’n ti’n, min klun jɔ́.
10 Min owie’m be kwlaa bé sé kɛ:
“?Ee Zoova, wan cɛ yɛ ɔ ti kɛ wɔ sa-ɔ?
A de ɲrɛnnɛnfuɛ’n be nga be le wunmiɛn’n be sa nun,+
a de ɲrɛnnɛnfuɛ’n nin yalɛfuɛ’n be nga be wua be bo ninnge mun’n be sa nun.”+
12 Kɛ n yo be kpa’n, be yo min tɛ.+
I sɔ’n yo maan min wla bo min wun dan.
13 Sanngɛ kɛ be wunnɛn yo be ya’n, n wla bajɛ tralɛ.
N ci nglɛmun naan ń yó min wun aunnvɔɛfuɛ.
Sanngɛ kɛ n wun kɛ min srɛlɛ’n ti ngbɛn’n,
14 n nanti n sin kɛ sran wie mɔ i janvuɛ annzɛ i niaan wie w’a wu’n sa.
Awlabɔɛ’n ti’n, n koto kɛ sran wie mɔ i nin w’a wu m’ɔ su sun’n sa.
15 Sanngɛ kɛ n tɔli’n, be dili aklunjɔɛ yɛ be ti yiali likawlɛ.
Be ti yiali likawlɛ naan bé sá min ɲrun bé kún min.
Be titili min nun, yɛ b’a muanman be nuan.
17 ?Ee Zoova, á trán lɛ nían be sa tititi?+
18 Ń mánmán wɔ nzra dan’n nun,+
Ń mánmán wɔ nzrafuɛ’m be afiɛn.
19 Nán yaci be nga be kpɔ min sa ngbɛn’n be lɛ naan be sri min.
Nán yaci be mɔ be kpɔ min sa ngbɛn’n+ be lɛ naan be kpɛ min kannglɛ.+
20 Afin be kanman ndɛ amanniɛn su,
sanngɛ be fa gblɛ be cici mɛn’n nun wɛtɛɛfuɛ’m be wun ndɛ.+
21 Be trɛ be nuan nun gbawun be tɔn min suɛn,
be se kɛ: “Ɛn-ɛɛn! Ɛn-ɛɛn! E bɔbɔ e ɲinma wunnin i.”
22 Ee Zoova, ɔ bɔbɔ a wunnin sa sɔ’n. Nán muan ɔ nuan.+
Ee Zoova, nán ka mmua lɔ.+
23 Tinnge yɛ jaso kpli min ti,
Zoova, min Ɲanmiɛn, kpli min ti min jɔlɛ dilɛ’n nun.
24 Ee Zoova, min Ɲanmiɛn, wɔ mɔ a yo sa i nuan su sɛsɛ’n, di min jɔlɛ,+
Nán yaci be lɛ naan be sri min.
25 Nán maan be se be wun le kɛ: “Ɛn-ɛɛn! Y’a ɲan like nga e kunndɛ’n.”
Nán maan be se le kɛ: “Y’a mɛn i gla.”+
26 Be nga be sri min min ɲrɛnnɛn blɛ’n nun’n,
maan be kwlaa be ɲin gua ase yɛ be wun ɲannzuɛn.
Be nga be yo be wun dandan min su’n, maan be ɲin gua ase yɛ be wun ɲannzuɛn.
27 Sanngɛ be nga kɛ n yo sa kpa’n ɔ yo be fɛ’n, maan be kpan aklunjɔɛ kpanlɛ.
Maan be se titi kɛ:
“Maan manmanlɛ’n yo Zoova liɛ. Kɛ i sufuɛ’n di alaje’n ɔ yo i fɛ.”+
28 I liɛ’n, ń kán sa kpakpa nga a yo be’n be ndɛ,*+
Kpɛkun ń mánmán wɔ aliɛ ba kwlaa nun.+
Ɔ ti jue tofuɛ’m be su kpɛn’n i liɛ. Ɔ fin Zoova i sufuɛ Davidi.
36 Sa tɛ’n kan ndɛ kle klunwifuɛ’n i awlɛn’n.
Ɔ sroman Ɲanmiɛn mlɔnmlɔn.+
2 Afin ɔ bu i bɔbɔ i wun sran dan ti’n,
ɔ wunmɛn i sa tɛ mun naan w’a kpɔ be.+
3 I nuan ndɛ’m be saci sran, be laka sran.
Ɔ siman sa kpa yolɛ’n i wun ngwlɛlɛ.
4 Kɛ ɔ o i bɛ’n su bɔbɔ’n, ɔ bu sa tɛ yolɛ’n i akunndan.
Ɔ o atin ng’ɔ timan kpa’n su,
ɔ kpaloman sa ng’ɔ ti tɛ’n.
5 Ee Zoova, ɔ sran klolɛ dan’n ɔ fu lele ju ɲanmiɛn su lɔ,+
nanwlɛfuɛ mɔ a ti’n, ɔ ju ɲanmiɛn ble’n su lɔ.
6 Ɔ sa nuan su sɛsɛ yolɛ’n ti kɛ oka mɔ be yo ɲɛnmɛn’n sa.*+
Jɔlɛ nga a di be’n, be ti kɛ nzue dandan mɔ be bo ti kploun’n sa.+
Ee Zoova, a yo maan sran nin nnɛn’m be ka nguan nun.*+
7 Ee Ɲanmiɛn, ɔ sran klolɛ dan’n ti kpa dan!+
Klɔ sran’m be fia ɔ ndɛwa’m be fɔnvɔ’n i bo.+
8 Be nɔn ɔ sua’n nun lɔ ninnge kpakpa mun lele be ku yi.+
A yo maan be nɔn ɔ ninnge kpakpa kpanngban mɔ be sonji kɛ nzue ba wie sa’n.+
10 Yi ɔ sran klolɛ dan’n i nglo be nga be si wɔ’n be lika titi,+
yɛ yi ɔ sa nuan su sɛsɛ yolɛ’n i nglo be nga be awlɛn ti kpa’n be lika titi.+
11 Nán maan wun tufuɛ’n fɛ i ja tiatia min su,
nán maan klunwifuɛ’n fɛ i sa’n fuan min.
12 Lɛ yɛ sa tɛ yofuɛ’m be tɔli-ɔ.
Be yili be ase, yɛ be kwlá jasoman kun.+
Davidi i jue-ɔ.
א [Alɛfu]
ב [Bɛti]
3 Fa ɔ wla’n gua Zoova su, yɛ yo sa ng’ɔ ti kpa’n.+
Tran asiɛ’n su, yɛ nanti nanwlɛ su.+
4 Maan aklunjɔɛ’n i dan kpafuɛ nga á dí’n, ɔ yo Zoova dunman nun,
yɛ ɔ́ fá ɔ awlɛn su ninnge mun mán wɔ.
ג [Gimɛli]
5 Yaci Zoova lɛ maan ɔ kle wɔ atin.+
Fa ɔ wla’n guɛ i su, yɛ ɔ́ yó ng’ɔ nin ɔ fata’n mán wɔ.+
6 Ɔ́ wá yó maan sa kpa nga a yo’n, ɔ́ kpája kɛ nglɛmun nun lika m’ɔ titi’n sa,
yɛ ɔ sa nuan su sɛsɛ yolɛ’n, ɔ́ yó kɛ mindi su wia’n sa.
ד [Dalɛti]
Sran ng’ɔ sunnzun sa tɛ’n, m’ɔ yo ye’n,
nán fɛ i wun ya.+
ה [E]
8 Gua ɔ ya’n i ase, yɛ kpalo ya ble’n.+
Nán fa ya naan yo sa tɛ.*
ו [Vavu]
Á wá nían kan be o lɛ’n,
yɛ á wá wún kɛ be nunman lɛ kun.+
ז [Zayin]
12 Klunwifuɛ’n cici sran kpa’n i wun ndɛ,+
ɔ di i je’n kle i.
13 Sanngɛ Zoova srí i,
afin ɔ si kɛ saan i cɛn’n jú.+
ח [Ɛti]
14 Klunwifuɛ’m be yi be tokofi’n yɛ be cuɛn be ta’n nun,
naan bé yí ɲrɛnnɛnfuɛ’n nin yalɛfuɛ’n be ase,
naan bé kún be nga be nanti seiin’n.
15 Sanngɛ be tokofi’n ɔ́ wɔ́ be bɔbɔ be awlɛn ba’n.+
Bé búbú be ta’m be nun.
ט [Teti]
16 Sran kpa’n i like kan ng’ɔ le i’n,
i kpa tra klunwifuɛ kpanngban be bo ninnge kaka’n.+
17 Afin klunwifuɛ’m be sa’m bé búbú,
sanngɛ Zoova súan sran kpa’n i bo.
י [Yɔdu]
18 Zoova si sa ng’ɔ o be nga be yoman sa tɛ’n be su’n,
yɛ be aja like’n ká lɛ tititi.+
19 Ɲrɛnnɛn blɛ nun’n, be ɲin su guaman ase,
awe blɛ nun’n, bé ɲán ninnge kpanngban.
כ [Kafu]
20 Sanngɛ klunwifuɛ’m bé wú.+
Zoova i kpɔfuɛ’m bé núnnún kɛ nnɛn’m be didiwlɛ’n nun ijre klanman’n sa.
Bé wíe kɛ sin wunsrɛn sa.
ל [Lamɛdi]
21 Klunwifuɛ’n srɛ sran sa nun like-ɔ, ɔ yiman.
22 Be nga Ɲanmiɛn yra be su’n, asiɛ’n yó be liɛ,
sanngɛ be ng’ɔ bo be sannzan’n, bé núnnún be.+
מ [Memun]
נ [Nunnun]
26 Be srɛ like i sa nun-ɔn, ɔ fa man klun ufue su titi.+
Yɛ i mma’m be kwla lafi su kɛ be liɛ yó ye.
ס [Samɛki]
27 Kaci ɔ sin si sa tɛ’n yɛ yo sa ng’ɔ ti kpa’n,+
i liɛ’n, á ká nguan nun tititi.
ע [Ayin]
Ɔ́ sásá be titi.+
Sanngɛ bé núnnún klunwifuɛ’m be mma mun.+
פ [Pe]
30 Ngwlɛlɛ ndɛ’n yɛ ɔ fite sran kpa’n i nuan-ɔn,
yɛ i taaman’n kan sa nuan su sɛsɛ yolɛ’n i ndɛ.+
צ [Sade]
32 Klunwifuɛ’n sasa sran kpa’n,
ɔ kunndɛ kɛ ɔ́ kún i.
ק [Kɔfu]
34 Fa ɔ wla’n gua Zoova su, yɛ fɛ i atin’n su,
i liɛ’n, ɔ́ dí ɔ nɛnnɛn, asiɛ’n káci ɔ liɛ.
Kɛ bé wá núnnún klunwifuɛ mun’n,+ ɔ́ yó ɔ ɲrun.+
ר [Rɛsi]
35 N wunnin klunwifuɛ m’ɔ siman aunnvɔɛ’n,
w’a taka zia kɛ waka wie mɔ nɲa kpanngban o su, m’ɔ taka asiɛ kpa su’n sa.+
36 Sanngɛ ɔ ka lɛ mlinnin, yɛ b’a wunmɛn i kun.+
N kunndɛli i lele, sanngɛ m’an kwlá wunmɛn i.+
ש [Sinnin]
37 Fa ɔ ɲin sie i sran mɔ sa tɛ kaan sa nunmɛn i wun’n* i su,
fa ɔ ɲin sie i sran m’ɔ nanti seiin’n i su titi,+
afin sran sɔ’n, ɔ́ wá trán fɔun nun.+
38 Sanngɛ bé núnnún sa tɛ yofuɛ’m be kwlaa,
bé núnnún klunwifuɛ mun.+
ת [Tavu]
40 Zoova úka be yɛ ɔ́ dé be.+
Ɔ́ dé be klunwifuɛ’m be sa nun yɛ bé ɲán be ti,
afin i sin yɛ be fia-ɔ.+
Davidi i jue’m be nun kun-ɔn. Ɔ ti be wla kpɛnlɛ like.
38 Ee Zoova, nán fa ya tu min fɔ,
nán fa ya dan man min afɔtuɛ.+
2 Afin ɔ ta mma’m b’a wluwlu min nun,
yɛ ɔ sa’n tin min su.+
3 Ɔ klun m’ɔ jɔman min wun’n ti’n, min wunnɛn wunmuan’n yo min ya.
Min sa tɛ’n ti’n, min owie’n nun timan fɔun.+
4 Min fɔnlɛ’m be tra
min ti’n su,+
be ti kɛ trɔ nɔnnin wie sa, be yo nɔnnin dan ti’n, n kwlá suaman be.
5 Min kannin’m be bɔn yɛ be bu nzue,
min sinnzin’n ti.
6 Awlabɔɛ’n w’a kun min kpo, yɛ min akunndan’n w’a sanngan dan.
Aliɛ ba kwlaa nun’n, n nanti sa zuɛɛnzuɛɛn.
7 Sin o min klun lɔ,
min wunnɛn wunmuan’n yo min ya.+
8 N wunman min wun fɛ kaan sa, m’an bubu mlɔnmlɔn.
Awlabɔɛ ng’ɔ o min awlɛn’n nun’n ti’n, n kplin kekle kpa.
9 Ee Zoova, a si ninnge nga n kunndɛ be’n be kwlaa,
yɛ kplinlɛ nga n kplin’n a ti.
10 Min awlɛn’n si kpukpukpu, min wunmiɛn’n w’a wie,
yɛ min ɲinma’m be kpajaman kun.+
11 Ɲrɛnnɛn ng’ɔ o min su’n ti’n, min janvuɛ mun nin be nga e nin be e san nun’n be wanndi min,
yɛ min janvuɛ kpa’m be jran mmua lɔ.
12 Be nga be kunndɛ kɛ bé kún min’n, be sua min bo aya.
Be nga be kunndɛ kɛ bé yó min like yaya’n, be kan min kunlɛ ndɛ.+
Be ijɔ be konviabo be kan sran lakalɛ ndɛ aliɛ ba kwlaa nun.
13 Sanngɛ kɛ sutrefuɛ sa’n, n sieman min su n tieman,+
kɛ sran m’ɔ kwlá ijɔman sa’n, n ukeman min nuan.+
14 M’an kaci kɛ sran m’ɔ timan sa’n sa,
m’an yo kɛ sran m’ɔ kwlá ukemɛn i nuan kplimɛn i ti’n sa.
16 Afin n seli kɛ: “Nán maan be sri min,
sɛ min ja seli’n, nán maan i sɔ’n ti’n be klun jɔ.”
17 Afin m’an wie tɔ,
yɛ afɛ’n wo min su blɛ kwlaa nun.+
19 Sanngɛ min kpɔfuɛ’m be ti juejue kpa, yɛ be le wunmiɛn,
be nga be kpɔ min ngbɛn’n b’a sɔn kpa.*
20 Kɛ n yo be kpa’n, tɛ yɛ be fa tua min kalɛ-ɔ.
Sa kpa mɔ n mian min ɲin n yo’n ti’n, be tanndan min ɲrun.
22 Ee Zoova, wɔ mɔ a ti min defuɛ’n,
bla ndɛndɛ wa uka min.+
Kɛ klunwifuɛ’n wo lɛ’n,
ń fá like ń káta min nuan’n su.”+
2 M’an ijɔman yɛ n trannin diin.+
M’an ukeman min nuan m’an kanman sa ng’ɔ ti kpa bɔbɔ’n i ndɛ,
sanngɛ min afɛ’n yoli dan.
3 Min awlɛn’n beli* min klun.
Kɛ ń bú akunndan’n,* nn sin’n júe.
Kpɛkun min taaman’n seli kɛ:
4 “Ee Zoova, uka min naan n si min agualiɛ,
ɔ nin min cɛn’m be nuan,+
naan n wun kɛ min nguan ɲanman’n ti tika.*
Nanwlɛ, maan klɔ sran kun tran fɔun nun sɛ, ɔ timan like fi, sanngɛ ɔ ti aunmuan ngbɛn.+ (Sela)
6 Nanwlɛ, klɔ sran’n wlanwlan kɛ fɔnvɔ sa.
Ɔ wanndiwanndi ngbɛn.
Ɔ tiantian aɲanbeun ninnge’m be nuan, sanngɛ ɔ siman sran ng’ɔ́ wá dí su’n.+
7 ?Ee Zoova, siɛn’n, ngue su yɛ n kwla fa min wla’n n gua-ɔ?
Ɔ kunngba cɛ ɔ su yɛ n fa min wla’n n gua-ɔ.
8 De min min fɔnlɛ’m be kwlaa be nun.+
Nán yaci sinnglinfuɛ’n i lɛ naan ɔ yo min finfin.
10 Yi ɲrɛnnɛn nga a fa yili min su’n.
M’an fɛ, afin ɔ sa’n su ti min.
11 Sran ng’ɔ fɔn’n, a tu i fɔ fa tinngɛ i,+
a saci ninnge nga i awlɛn wo su’n, kɛ siwlisawla’n* fa yo’n sa.
Nanwlɛ, klɔ sran’n ti aunmuan ngbɛn.+ (Sela)
12 Ee Zoova, tie min srɛlɛ’n,
sie ɔ su tie kpanlɛ mɔ n kpan flɛ wɔ kɛ a uka min’n.+
Nán ɔ ɲin kpa min ɲinmuɛn nzue’n su.
13 Yaci min kannglɛ kpɛlɛ naan n ɲan wunmiɛn ekun,
ka naan m’an wu naan b’a wunman min osu kun.”
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
40 N fali min wla’n n guali Zoova su kpa,*
yɛ ɔ sieli i su min nuan bo,* kpɛkun ɔ tili kpanlɛ mɔ n kpan flɛli i kɛ ɔ uka min’n.+
2 Ɔ yili min kunman mɔ i nun nzue’n sonji kpuu’n nun fiteli,
ɔ yili min nnɔtiɛ m’ɔ seli’n nun fiteli.
Yɛ ɔ fali min ja mun sieli i yɔbuɛ kun su.
Ɔ yoli maan min ja’m be takali kpa.
3 Kpɛkun ɔ fali jue uflɛuflɛ kun wlali min nuan.+
E Ɲanmiɛn’n i manmanlɛ jue-ɔ.
Sran kpanngban bé nían, yɛ ɔ́ bó be nuan,
kpɛkun bé fá be wla gúa Zoova su.
4 Sran ng’ɔ fɛ i wla gua Zoova su’n,
m’ɔ kpɛmɛn i ɲin ɲin keklefuɛ mun nin gblɛfuɛ’m* be wun lɔ’n, i liɛ su ti ye.
5 Ee min Ɲanmiɛn Zoova,
ninnge nga a yoli be’n be sɔnnin,
ɔ abonuan sa mun, ɔ nin e wun akunndan nga a bu’n be sɔnnin.+
Sran fi kwlá fɛmɛn i wun sunnzunman wɔ.+
Sɛ min waan ń bó sa sɔ’m be su naan ń kán be ndɛ’n,
n su kwlá kanman be kwlaa be ndɛ, afin be sɔnnin dan!+
W’a seman kɛ be yi tɛ nga kɛ bé yí’n be yra nnɛn’n i kɔlikɔli’n, annzɛ sa tɛ’n i ti tɛ be man wɔ.+
7 Ɔ maan n seli kɛ: “Nian, n bali.
Be klɛli min su ndɛ fluwa’n nun.+
9 N kan ɔ sa nuan su sɛsɛ yolɛ’n i jasin fɛ’n i ndɛ nzra dan’n nun.+
Nian! N muanman min nuan,+
ee Zoova, ɔ bɔbɔ a si sɔ kpa.
10 N fiaman ɔ sa nuan su sɛsɛ yolɛ’n su min awlɛn’n nun lɔ.
Ɔ kpa mɔ a ti’n nin delɛ mɔ a de sran’n, n bo be jɔ.
N fiaman ɔ sran klolɛ dan’n, nin nanwlɛ mɔ a di’n be su nzra dan’n nun.”+
11 Ee Zoova, nán se kɛ a siman min aunnvɔɛ.
Maan ɔ sran klolɛ dan’n, nin nanwlɛ mɔ a di’n be sasa min titi.+
12 Ɲrɛnnɛn nga b’a sin b’a yia min’n be sɔnnin dan, n kwlá kaman be.+
Min fɔnlɛ kpanngban’m b’a kata min su, n kwlá wunman min atin’n.+
Be sɔnnin tra min ti ndrɛ’n,
ɔ maan min sa sin w’a bubu min.
13 Ee Zoova, yaci, de min.+
Ee Zoova, kan ɔ wun de min.+
14 Maan be kwlaa nga be kunndɛ kɛ bé kún min’n,
be wun ɲannzuɛn, yɛ be ɲin gua ase.
Be nga kɛ sa kekle tɔ min su’n be klun jɔ’n,
maan be fa be ɲrun ɲannzuɛn’n be cuɛn be wun.
15 Be nga be se min kɛ: “Ɛn-ɛɛn! Ɛn-ɛɛn!”
maan srɛ dan kpa kun be, ɲannzuɛn mɔ bé wún i’n ti.
Maan be nga be klo sa nga a yo fa de sran mun’n, be se titi kɛ:
“Maan manmanlɛ’n yo Zoova liɛ.”+
17 Sanngɛ n leman sran ukaman min, yɛ n ti yalɛfuɛ.
Maan Zoova fɛ i ɲin sie min su.
A ti min ukafuɛ nin min defuɛ.+
Min Ɲanmiɛn, nán cuɛncuɛn ɔ ja ase.+
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
41 Sran ng’ɔ bu sran ng’ɔ leman wie’n i akunndan’n, i liɛ su ti ye.+
Zoova dé i ɲrɛnnɛn blɛ’n nun.
A su fɛmɛn i wlaman i kpɔfuɛ’m be sa nun le.+
3 Sɛ ɔ kpinndinman m’ɔ lɛ i bɛ’n su lɛ’n, Zoova súɛn i bo.+
I tukpacɛ blɛ’n nun’n, á káci i bɛ’n mlɔnmlɔn.
4 Afin n seli kɛ: “Ee Zoova, si min aunnvɔɛ.+
Yo min juejue,+ afin n fɔnnin ɔ wun.”+
5 Sanngɛ min kpɔfuɛ’m be kan min wun ndɛ tɛtɛ, be se kɛ:
“?Cɛn benin yɛ ɔ́ wú-ɔ? ?Yɛ cɛn benin yɛ i dunman’n núnnún-ɔn?”
6 Kɛ be nun kun ba min osu nianlɛ’n, ɔ* kan ato
ndɛ mun.
Ɔ kunndɛ min wun ndɛ tɛ wie sie naan ɔ́ kó kán.
Kpɛkun ɔ fite gua su lɔ, ɔ ko kan sin.
7 Be kwlaa nga be kpɔ min’n, be tu be wiengu aswre,
be sunnzun kɛ bé yó min like tɛ. Be se kɛ:
10 Sanngɛ Zoova, ɔ liɛ’n, si min aunnvɔɛ yɛ yo maan n jaso,
naan n yi man be.
11 Sɛ a yo sa nga man min’n, ń sí kɛ ɔ klun jɔ min wun:
Nán maan min kpɔfuɛ’n kwla min naan i klun jɔ.+
12 Sanngɛ min liɛ’n, a suan min bo, afin n nanti seiin.+
Á yó maan ń ká ɔ ɲrun lɛ tititi.+
13 Maan be manman Zoova m’ɔ ti Izraɛli Ɲanmiɛn’n,
maan be mɛnmɛn i tititi.+
Maan ɔ yo sɔ, maan ɔ yo sɔ.
FLUWA NƝƆN SU
(Jue Mun 42-72)
Ɔ ti jue tofuɛ’m be su kpɛn’n i liɛ. Maskili* su. Ɔ fin Kore i mma mun.+
42 Ee Ɲanmiɛn, n fɛfɛ n kunndɛ wɔ
kɛ flete m’ɔ fɛfɛ kunndɛ nzue ba mun’n sa.
2 Min wla lo Ɲanmiɛn, min wla lo Ɲanmiɛn m’ɔ lafiman’n i dan, kɛ nzuewe yɛ ɔ kun min sa.+
?Cɛn benin yɛ ń kwlá bá naan m’an jran Ɲanmiɛn i ɲrun-ɔn?+
3 Min ɲinmuɛn nzue’n yɛ ɔ ti min aliɛ wia nun nin kɔnguɛ-ɔ.
Cɛn kwlakwla’n, sran’m be yo min finfin, be se kɛ: “?Ɔ Ɲanmiɛn’n wo nin?”+
4 Min wla kpɛn sa sɔ’m be su, kpɛkun min awlɛn’n kpɔtɔ min klun,
afin laa’n, e nin sran kpanngban yɛ e nanti-ɔ.
N nanti be ɲrun blɛblɛblɛ n kɔ Ɲanmiɛn i sua’n nun lɔ,
ɔ nin aklunjɔɛ kpanlɛ nin asenna
kɛ sran kpanngban mɔ be su di cɛn mɔ be bo
sro’n sa.+
5 ?Ngue ti yɛ min wla w’a bo min wun-ɔn?+
?Ngue ti yɛ n fɛfɛ sɔ-ɔ?
6 Min Ɲanmiɛn, min wla w’a bo min wun.+
I sɔ’n ti yɛ kɛ n wo Zurdɛn lika’n nun lɔ’n, nin Ɛrmɔn oka’m be ti su nglonglo kpa lɔ’n,
yɛ kɛ n wo Mizaa Oka’n* su lɔ’n,
min wla kpɛn ɔ su’n niɔn.+
7 Kɛ ɔ nzue nga be sonji gua’n, bé tɛ́’n,
nzue dandan’m be flɛ nzue dandan mun.
Ɔ nzue mɔ be bo’n, be katali min su.+
8 Wia nun’n, Zoova klé min kɛ ɔ klo min dan.
Yɛ kɔnguɛ’n, ń tó jue ń mɛ́nmɛ́n i, ń srɛ́ Ɲanmiɛn m’ɔ man min nguan’n.+
9 Ń sé Ɲanmiɛn m’ɔ ti min yɔbuɛ’n kɛ:
“?Ngue ti yɛ ɔ wla fili min su-ɔ?+
?Ngue ti yɛ yalɛ nga min kpɔfuɛ’m be kle min’n ti’n, ń nánti awlabɔɛ nun-ɔn?”+
10 Min kpɔfuɛ’m be yo min finfin tɛtɛ kpa.*
Cɛn kwlakwla’n, be yo min finfin, be se kɛ: “?Ɔ Ɲanmiɛn’n wo nin?”+
11 ?Ngue ti yɛ min wla w’a bo min wun-ɔn?
?Ngue ti yɛ n fɛfɛ sɔ-ɔ?
Ń mínndɛ Ɲanmiɛn.+
Kɛ m’ɔ ti min Defuɛ Dan’n nin min Ɲanmiɛn’n ti’n, ń mɛ́nmɛ́n i.+
43 Ee Ɲanmiɛn, di min jɔlɛ,+
kpli min ti+ afin ndɛ o e nin nvle ng’ɔ nin wɔ nantiman klanman’n e afiɛn.
De min sran m’ɔ ti gblɛfuɛ’n, m’ɔ yoman sa i nuan su’n i sa nun.
2 Afin a ti min Ɲanmiɛn, a ti min fiawlɛ.+
?Ngue ti yɛ a yili min blo-ɔ?
?Ngue ti yɛ yalɛ nga min kpɔfuɛ’m be kle min’n ti’n, ń nánti awlabɔɛ nun-ɔn?+
3 Sunman ɔ kannin’n nin ɔ nanwlɛ’n,+
naan be kle min atin,+
naan be fa min wɔ oka m’ɔ ti ɔ liɛ klonglo’n su lɔ, ɔ nin ɔ tannin sua dan’n nun lɔ.+
4 I liɛ’n, ń kɔ́ Ɲanmiɛn i tɛ yiwlɛ’n i wun lɔ.+
Ń kɔ́ Ɲanmiɛn m’ɔ man min aklunjɔɛ dan’n i wun lɔ.
Ee Ɲanmiɛn, min Ɲanmiɛn, ń fá jru ń mánmán wɔ.+
5 ?Ngue ti yɛ min sa sin bubu min-ɔn?
?Ngue ti yɛ n fɛfɛ sɔ-ɔ?
Ɔ ti jue tofuɛ’m be su kpɛn’n i liɛ. Ɔ fin Kore i mma mun.+ Maskili* su.
44 Ee Ɲanmiɛn, e bɔbɔ e su’m be tili.
A kpɔtɔli nvlenvle mun, yɛ a fuannin be.+
3 Nán be bɔbɔ be tokofi’n ti yɛ maan be fali mɛn’n niɔn,+
nán be bɔbɔ be sa’n yɛ ɔ mannin be kwlalɛ-ɔ,+
sanngɛ ɔ sa fama’n, nin ɔ tinmin’n,+ ɔ nin ɔ ɲrun’n i kpajalɛ’n ti yɛ be kwla yoli sɔ-ɔ.
Afin ɔ klun jɔli be wun.+
4 Ee Ɲanmiɛn, a ti min Famiɛn.+
Se kɛ maan Zakɔbu ɲan* kwlalɛ mlɔnmlɔn.*
5 Á fá ɔ tinmin’n á fúan e ɲrun tanndanfuɛ mun.+
Ɔ dunman nun’n, é wá tíatía be nga be jaso e wun’n be su.+
6 Afin n lafiman min ta’n su,
yɛ min tokofi’n kwlá deman min.+
7 Wɔ yɛ a deli e e ɲrun tanndanfuɛ’m be sa nun-ɔn,+
wɔ yɛ a guali be nga be kpɔ e’n be ɲin ase-ɔ.
8 É mánmán Ɲanmiɛn aliɛ ba kwlaa nun,
é mánmán ɔ dunman’n tititi. (Sela)
9 Sanngɛ siɛn’n, w’a yi e blo yɛ w’a gua e ɲin ase,
yɛ w’a ko sunmanman e sonja mun.
10 A yo maan e wanndi e ɲrun tanndanfuɛ’m be bo.+
Be nga be kpɔ e’n be fa like kwlaa nga be klo’n.
11 A fa e wla be sa nun naan be kun e kɛ bua mun sa.
A yoli maan e bo sanndili nvlenvle’m be nun.+
12 Ɔ sran mɔ a yo be atɛ’n be gua’n ti kaan dan.+
Like nga a yo i atɛ’n, a ɲanman su.
13 A yoli maan e wunnin ɲannzuɛn e mantanfuɛ’m be ɲrun.
Be nga be o e wun lɛ’n be sri e, yɛ be yo e finfin.
14 A yo maan nvlenvle’m be buman e like fi.*+
E dunman nun’n, be keje be ti’n sɛkɛsɛkɛ.
15 Aliɛ ba kwlaa nun’n, n wun ɲannzuɛn.
Min ɲrun ɲannzuɛn’n ti dan,
16 srilɛ mɔ be sri min’n nin nzowa mɔ be kpɛ min m’ɔ gua min su nun’n be ti,
ɔ nin e kpɔfuɛ m’ɔ su tu i klunngbɔ’n ti.
17 Sa kwlaa sɔ’m be tɔli e su, sanngɛ e wla w’a fiman ɔ su,
yɛ y’a yaciman ɔ aenguɛ’n su dilɛ.+
18 E awlɛn’n w’a ɔman like uflɛ su,
e ja’m b’a yaciman ɔ atin’n.
19 Sanngɛ a kpɔtɔli e kan blo alua’m be tran lɛ’n.
A fali aosin tritri kpa katali e su.
20 ?Sɛ e wla fili e Ɲanmiɛn’n i dunman’n,
annzɛ sɛ e mannin e sa’m be su e srɛli nvle uflɛ i ɲanmiɛn’n,
21 Ɲanmiɛn bɔbɔ su siman nun?
Ɔ si e klun lɔ sa’m be kwlaa.+
22 Sulɛ mɔ e su wɔ’n ti’n, be kun e aliɛ ba kwlaa nun.
Be nian e kɛ bua mɔ be su kɔ be kunlɛ’n sa.+
23 Jaso. ?Ee Zoova, ngue ti yɛ a te lafi-ɔ?+
Tinnge! Nán yi e blo mlɔnmlɔnmlɔn.+
24 ?Ngue ti yɛ a fa ɔ ɲrun’n fia-ɔ?
?Ngue ti yɛ ɔ wla fi e afɛ’n nin e ɲrɛnnɛn’n su-ɔ?
25 Afin be yili e ase ndutre’n nun.
E la asiɛ wun.+
26 Jaso, a ti e ukafuɛ!+
De e,* ɔ sran klolɛ dan’n ti.+
Ɔ ti jue tofuɛ’m be su kpɛn’n i liɛ. “Lisi su.” Ɔ fin Kore i mma mun.+ Maskili* su. Klolɛ jue-ɔ.
45 Like kpa kun ti’n, min klun ti jɔwa.
N se kɛ: “Min jue’n kan famiɛn kun i ndɛ.”+
Maan min taaman’n yo kɛ fluwa klɛfuɛ+ kpa kun i like ng’ɔ fa klɛ i fluwa’n*+ sa.
2 Wɔ yɛ a ti sran’m be nun klanman kpafuɛ’n niɔn.
Ndɛ fɛfɛ kpanngban be fin ɔ nuan fite.+
I sɔ’n ti yɛ Ɲanmiɛn yrali ɔ su mlɔnmlɔnmlɔn’n niɔn.+
3 Ee, wɔ mɔ a ti safuɲrɛn’n,+ fa ɔ tokofi’n+ san ɔ nvɛnwun.
A le ɲrun, yɛ a ti klanman.+
4 Yɛ fa ɔ aɲrunɲan’n kɔ naan ko kwla.+
Fu ɔ nnɛn kpanngɔ’n su naan kɔ ko kpli nanwlɛ’n, nin wun ase kanlɛ’n, ɔ nin sa nuan su sɛsɛ yolɛ’n be ti,+
yɛ ɔ sa fama’n yó* abonuan sa mun.
5 Ɔ ta mma’m be ti pienbie, be yo maan sran’m be tɔ ɔ ɲrun.+
Be fiti famiɛn’n i kpɔfuɛ’m be awlɛn’n.+
6 Ɲanmiɛn yɛ ɔ ti ɔ famiɛn bia tititi-ɔ.+
Ɔ famiɛn dilɛ kpɔnman’n ti sa kpa yolɛ* kpɔnman.+
7 A kloli sa nuan su sɛsɛ yolɛ’n,+ yɛ a kpɔli klunwi yolɛ’n.+
I sɔ’n ti’n, Ɲanmiɛn m’ɔ ti ɔ Ɲanmiɛn’n, ɔ guali ɔ ti su ngo,+ kpɛkun ɔ yoli maan ɔ klun jɔli kpa+ trali ɔ wiengu mun.
8 Miri,* nin aloɛsi waka, nin kasi* be bɔn fannin ɔ tralɛ’m be kwlaa be nun.
Miziki bolɛ ninnge nga be le ɲanman’n be tɛlɛ’n, m’ɔ fin famiɛn sua dan mɔ be fali sui je be yoli’n nun lɔ’n, be yo maan ɔ klun jɔ.
9 Famiɛn’m be mma bla’m be o bla nga be o ɔ awlo lɔ’n be nun.
Famiɛn’n i yi’n* ti ɔ sa fama su, ɔ wlali Ofii lɔ sika ɔkwlɛ.+
10 Ee Talua, tie, fa ɔ ɲin sie su, yɛ sie ɔ su tie.
Maan ɔ wla fi ɔ nvlefuɛ mun, ɔ nin ɔ si i awlo lɔ sran’m be su.
12 Tir lɔ talua’n fá like bá.
Aɲanbeunfuɛ kpa’m bé kúnndɛ kɛ ɔ klun jɔ be wun.
13 Famiɛn sua’n nun lɔ’n, famiɛn’n i wa bla’n ti klanman dan.
I wun tralɛ’n i nun ti sika ɔkwlɛ.
14 Bé fɛ́ i bé blɛ́ famiɛn’n, ɔ nin i wun tralɛ nglanman mun.*
Be fɛli i wiengu nga be nin-a siman bian’n, mɔ be su i su’n be ɔli ɔ ɲrun lɔ.
15 Bé fá be bá aklunjɔɛ su yɛ bé bó sró.
Bé wlú famiɛn’n i sua’n nun lɔ.
16 Ɔ mma’m bé wá sín ɔ nannan’m be osu.
Á wá síe be wlengbi, asiɛ wunmuan’n su.+
17 Ń má yó maan blɛ kwlaa nun’n, be nga bé jáso su’n bé sí ɔ dunman’n.+
I sɔ’n ti yɛ sran’m bé mánmán wɔ tititi’n niɔn.Ɔ ti jue tofuɛ’m be su kpɛn’n i liɛ. Kore i mma’m+ be jue’m be nun kun-ɔn. Alamɔtu* su yɛ be nian-ɔn.
2 I sɔ’n ti yɛ kannzɛ bɔbɔ asiɛ’n kaci’n,
kannzɛ oka’m be tɔ jenvie’n i bo mmua lɔ’n, srɛ su kunman e’n niɔn.+
3 Kannzɛ i nun nzue’n keje naan ɔ bo nglo’n,+
kannzɛ i kejelɛ’n ti’n,
oka’m be keje’n, srɛ su kunman e. (Sela)
4 Nzue ba kun o lɛ’n, i sama’m be yo maan Ɲanmiɛn i klɔ’n di aklunjɔɛ,+
Ɲanmiɛn m’ɔ o Like Kwlaa Ti Su’n i tannin sua dan m’ɔ ti sanwun’n niɔn.
5 Ɲanmiɛn o klɔ’n nun,+ be kwlá utumɛn i.
Aliɛ njɛnniɛn su’n, Ɲanmiɛn wá dé i.+
6 Nvlenvle’m be kejeli, be utuli famiɛn diwlɛ mun.
Kɛ ɔ mɛnnin i nɛn’n su’n, asiɛ’n kloli.+
7 Zoova m’ɔ ti sonja’m be su kpɛn’n wo e sin.+
Zakɔbu i Ɲanmiɛn’n ti e fiawlɛ kpa. (Sela)
8 Amun bla naan amun nian sa nga Zoova yo be’n,
amun nian abonuan ninnge ng’ɔ yo be asiɛ’n su’n.
9 Ɔ yo maan alɛ kunlɛ’n wie asiɛ wunmuan’n su.+
Ɔ bubu ta’n nin cua’n be nun.
Ɔ yra alɛ kunlɛ kakaklolo mun* sin nun.
10 “Maan amun lo amun wun, yɛ maan amun si kɛ n ti Ɲanmiɛn.
Bé mánmán min nvlenvle’m be nun.+
Bé mánmán min asiɛ’n su.”+
11 Zoova m’ɔ ti sonja’m be su kpɛn’n wo e sin.+
Zakɔbu i Ɲanmiɛn’n ti e fiawlɛ kpa.+ (Sela)
Ɔ ti jue tofuɛ’m be su kpɛn’n i liɛ. Kore i mma’m+ be jue’m be nun kun-ɔn.
47 Nvlenvle’m be nunfuɛ mun, amun kwlaa amun bo ndɛ.
Amun kpan kwlalɛ kpanlɛ, yɛ amun manman Ɲanmiɛn aklunjɔɛ su.
2 Afin Zoova m’ɔ o Like Kwlaa Ti Su’n, ɔ yo sro.+
I yɛ ɔ ti Famiɛn dan’n asiɛ wunmuan’n su-ɔ.+
3 Ɔ yo maan e kwla nvlenvle mun.
Ɔ fa nvlenvle mun sie e ja bo.+
5 Kɛ Ɲanmiɛn fú kɔ́’n, nn bé kpán aklunjɔɛ kpanlɛ.
Kɛ Zoova fú kɔ́’n, nn bé bó awɛ’n.*
6 An to jue* be manman Ɲanmiɛn, an to manmanlɛ jue.
An to jue be manman e Famiɛn’n, an to manmanlɛ jue.
7 Afin Ɲanmiɛn ti Famiɛn asiɛ wunmuan’n su.+
Maan amun to manmanlɛ jue, yɛ amun kle kɛ amun ti ngwlɛlɛfuɛ.
8 Ɲanmiɛn w’a kaci Famiɛn nvlenvle’m be su.+
Ɲanmiɛn ti i famiɛn bia m’ɔ ti i liɛ klonglo’n su.
9 Nvlenvle’m be su kpɛn’m be ti yiali,
be nin Abraamun i Ɲanmiɛn’n i sran mun.
Afin asiɛ’n su siefuɛ’m* be ti Ɲanmiɛn liɛ.
Ɔ le ɲrun dan.+
Kore i mma’m be jue’m be nun kun-ɔn.+
48 Zoova ti dan, yɛ ɔ fata kɛ be yi i ayɛ kpa
e Ɲanmiɛn’n i klɔ’n nun, i oka m’ɔ ti i liɛ klonglo’n su.
2 Siɔn Oka m’ɔ o nglo lɔ lika’n i mmua lɔ’n,
ɔ yo ɲɛnmɛn nglo lɔ, ɔ ti asiɛ wunmuan’n i aklunjɔɛ like,+
ɔ ti Famiɛn Dan’n i klɔ.+
3 I sua fleiin’m be nun’n,
Ɲanmiɛn yoli maan be si kɛ ɔ ti fiawlɛ kpa.+
4 Afin amun nian, famiɛn’m be ti yiali,
be ɔli likawlɛ.
5 Kɛ be wunnin i’n, be nuan boli be wun.
Be klun titili be, yɛ srɛ m’ɔ kunnin be dan’n ti’n, be wanndili.
6 Lɛ’n, be boli usulɛ bo,
ɲrɛnnɛn tɔli be su kɛ bla wie m’ɔ su wu ba’n sa.
7 A fali aunmuan m’ɔ fin wia afiliɛ lɔ’n fa sacili Taasisi mmeli mun.
8 Ndɛ nga e tili be’n, siɛn’n e bɔbɔ y’a wun be
Zoova m’ɔ ti sonja’m be su kpɛn’n i klɔ’n nun, e Ɲanmiɛn’n i klɔ’n nun.
Ɲanmiɛn wá yó maan klɔ sɔ’n táka kpa tititi.+ (Sela)
9 Ee Ɲanmiɛn, e bu ɔ sran klolɛ dan’n i su akunndan kpa,+
ɔ tannin sua’n nun lɔ.
10 Ee Ɲanmiɛn, ɔ manmanlɛ’n
ju asiɛ’n i lika kwlakwla kɛ ɔ dunman’n sa.+
Sa nuan su sɛsɛ yolɛ’n w’a yi ɔ sa fama’n.+
12 Maan amun nanti bo sin yia Siɔn, maan amun bo sin yiɛ i.
Maan amun kɛ i sua fleiin mun.+
13 Amun fa amun ɲin sie i i talɛ dandan’m be su kpa.+
Maan amun niɛnniɛn i sua fleiin’m be kpa,
naan amun kɛn i ndɛ kle be nga bé wá jáso su’n.
14 Afin Ɲanmiɛn nga ti e Ɲanmiɛn tititi.+
Ɔ ti jue tofuɛ’m be su kpɛn’n i liɛ. Kore i mma’m+ be jue’m be nun kun-ɔn.
49 Sran mun, maan amun kwlakwla amun tie ndɛ nga,
mɛn’n nunfuɛ mun, maan amun kwlakwla amun fa amun ɲin sie su.
2 I sran ng’ɔ leman ɲrun-o, i sran ng’ɔ le ɲrun-o,
i aɲanbeunfuɛ-o, i yalɛfuɛ-o, amun fa amun ɲin sie su.
3 Min bɔbɔ min nuan’n kán ngwlɛlɛ ndɛ,
yɛ akunndan nga n bu i min klun lɔ’n+ ɔ́ klé kɛ n wun sa wlɛ.
4 Ń má fá min ɲin ń síe i ɲanndra kun su.
Ń má bó jru ń tú min ɲanndra’n i bo.
5 ?Ngue ti yɛ srɛ kún min ɲrɛnnɛn blɛ’n nun-ɔn?+
?Kɛ be nga be kunndɛ kɛ bé tɔ́ min su’n be sa tɛtɛ’m* be bo sin yia min’n, ngue ti yɛ srɛ kún min-ɔn?
6 Be nga be fa be wla gua be aɲanbeun ninnge’m be su’n,+
mɔ be fa ninnge kpanngban mɔ be le be’n be di be nuan’n,+
7 be nun wie fi kwlá kpɔmɛn i niaan kun i ti,
annzɛ ɔ kwlá manman Ɲanmiɛn i like fa kpɔmɛn i niaan’n i ti+
8 (like ng’ɔ fata kɛ be man naan be fa kpɔ be nguan’n i ti’n ɔ cɛnnin dan,
ɔ maan be sa su juman su le),
9 naan w’a kwla tran nguan nun titi naan w’a wunman kunman’n.*+
10 Ɔ wun kɛ ngwlɛlɛfuɛ’m be bɔbɔ be wu.
Sinnglinfuɛ’n nin sran ng’ɔ wunman sa wlɛ’n be kwlaa be wu,+
yɛ be yaci be aɲanbeun ninnge mun sran uflɛ sa nun.+
11 Like nga be kunndɛ’n yɛle kɛ be sua’m be ka lɛ tititi,
be kunndɛ kɛ be tannin sua’m be ka lɛ tititi.
Be fa be dunman sie be ninnge’m be su.
12 Sanngɛ klɔ sran’n, kannzɛ bɔbɔ ɔ le ɲrun’n, ɔ su kaman lɛ.+
I kpa traman nnɛn mɔ be wu’n.+
13 Sinnglinfuɛ mun nin be nga be su be su mɔ be klo ndɛ ngbɛnngbɛn nga be kan’n,
be agualiɛ’n yɛ ɔ o lɛ-ɔ.+ (Sela)
14 Be sieli be mannin Ndia’n* kɛ bua mun sa.
Wie’n kánkán be.
Be nga be yo sa kpa’n bé síe be+ nglɛmun nun.
Be su wunman be osu kun.+
Nán famiɛn sua’n yɛ ɔ́ yó be sua-ɔ, Ndia’n*+ yɛ ɔ́ yó be sua-ɔ.+
16 Sɛ sran kun kaci aɲanbeunfuɛ’n, nán ɔ klun titi wɔ.
Sɛ i sua’n yo klanman tra laa’n, nán ɔ klun titi wɔ,
17 Afin kɛ ɔ wu’n, ɔ kwlá faman like fi kɔman.+
Ɔ su fɛmɛn i aɲrunɲan’n kɔman.+
18 Afin i nun m’ɔ o nguan nun’n, ɔ yili i bɔbɔ i wun ayɛ.+
(Kɛ a ɲan ɔ wun’n, sran’m be manman wɔ.)+
19 Sanngɛ i agualiɛ su’n, ɔ wu wie, kɛ i nannan’m be sa.
Be su wunman kannin’n kun.
20 Sran ng’ɔ wunmɛn i sɔ liɛ’n i wlɛ’n, kannzɛ bɔbɔ ɔ le ɲrun’n,+
i kpa traman nnɛn mɔ be wu’n.
Azafu i jue’m be nun kun-ɔn.+
50 Zoova m’ɔ ti ɲanmiɛn’m be Ɲanmiɛn’n kannin ndɛ.+
Kɛ ɔ fɛ i wia afiliɛ lɔ lele m’ɔ́ fá jú wia atɔliɛ lɔ’n,
ɔ yia asiɛ’n sufuɛ’m be kwlaa.
2 Siɔn mɔ i klanman’n leman wunsu’n,+ i su lɔ yɛ Ɲanmiɛn kpaja-ɔ.
3 E Ɲanmiɛn’n wá bá, yɛ ɔ su kwlá muɛnmɛn i nuan.+
5 “Amun yia min sufuɛ kpa mun min wun wa,
be mɔ be yi tɛ naan be nin min trá aenguɛ’n.”+
6 Ɲanmiɛn su lɔ’n kle weiin kɛ ɔ yo sa i nuan su sɛsɛ,
afin Ɲanmiɛn bɔbɔ ti Jɔlɛ Difuɛ.+ (Sela)
7 “Min sran mun, amun tie, ń má íjɔ.
Izraɛli, ɔ ninnge tɛtɛ nga a yoli be’n, ń má kán be ndɛ.+
N ti Ɲanmiɛn, n ti ɔ Ɲanmiɛn.+
8 Nán tɛ nga a yi be’n be ti yɛ n tu ɔ fɔ-ɔ.
Nán tɛ nga kɛ bé yí’n be yra nnɛn’n i kɔlikɔli’n mɔ a yi be min ɲrun titi’n, be ti yɛ n tu ɔ fɔ-ɔ.+
10 Afin blo nnɛn nga be o bo’n nun lɔ’n be kwlaa be ti min liɛ.+
Nnɛn nga be o oka akpi (1.000) su bɔbɔ’n be ti min liɛ.
11 Anunman nga be o oka’m be su’n, be kwlaa be ti min liɛ.+
Nnɛn nga be o blo lɔ mɔ be kwlá kaman be’n, be ti min liɛ.
12 Sɛ awe kun min’n, n su kan kleman wɔ,
afin asiɛ m’ɔ yo like ye’n nin i su ninnge’m be kwlaa be ti min liɛ.+
13 ?Naan ń má dí nannin tola’m be nnɛn’n?
?Yɛ ń nɔ́n boli’m be mmoja’n?+
14 Tɛ ng’ɔ fata kɛ a yi man Ɲanmiɛn’n, yɛle i ye silɛ.+
Yɛ nda nga a tali Ɲanmiɛn m’ɔ o Like Kwlaa Ti Su’n, yiɛ i nuan.+
15 Flɛ min ɲrɛnnɛn blɛ’n nun.+
Ń má dé wɔ, yɛ á mánmán min.”+
16 Sanngɛ Ɲanmiɛn wá sé klunwifuɛ’n kɛ:
“?Wan yɛ ɔ mannin wɔ atin kɛ a kan min mmla’m be ndɛ-ɔ?+
?Annzɛ wan yɛ ɔ mannin wɔ atin kɛ a kan min aenguɛ’n i ndɛ-ɔ?+
17 Afin a kpɔ fɔ tulɛ’n,*
yɛ a kaci ɔ sin si min nuan ndɛ mun.*+
18 Kɛ a wun awiefuɛ’n, ɔ klun jɔ i wun,*+
kpɛkun a nin be nga be kunndɛ bla be yi bo annzɛ bian be wun bo’n yɛ amun nanti-ɔ.
19 A fa ɔ nuan’n kan ndɛ tɛtɛ mun sin,
yɛ ato’n wo ɔ nuan nun.+
20 A tran ase, kpɛkun a kan ɔ bɔbɔ ɔ niaan’n i wun ndɛ tɛtɛ.+
A kan ɔ bɔbɔ ɔ nin’n i wa’n i fɔnlɛ’m be ndɛ.*
21 Kɛ á yó ninnge sɔ mun’n, m’an kanman ndɛ,
ɔ maan a buli i kɛ n ti kɛ wɔ sa.
Sanngɛ siɛn’n, ń má tú ɔ fɔ,
yɛ ń má kán ɔ wun ndɛ ng’ɔ o min klun’n.+
22 Amun mɔ amun wla fi Ɲanmiɛn’n, amun yaci, an bu ndɛ nga i akunndan.+
Sɛ amun a yoman sɔ’n, kɛ ń má títí amun nun’n, sran fi su kwlá deman amun.
23 Sran nga tɛ ng’ɔ yi’n yɛle min ase lalɛ’n, ɔ manman min,+
yɛ sran nga w’a fua kpa kɛ ɔ́ yó sa kpa’n,
ń má yó maan ɔ́ wún Ɲanmiɛn i sran delɛ’n.”+
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn. Kɛ Davidi nin Bati-Seba be lali+ mɔ Ɲanmiɛn nuan ijɔfuɛ Natan ko wunnin i wun’n, yɛ ɔ kpɛli jue sɔ’n niɔn.
51 Ee Ɲanmiɛn, ɔ sran klolɛ dan’n ti’n, si min aunnvɔɛ.+
Ɔ sran aunnvɔɛ silɛ dan’n ti’n, nunnun min sa tɛ mun.+
2 Wunnzin min kpa naan min fɔnlɛ’n wie.+
Yɛ yo min sanwun naan min sa tɛ’n wie.+
4 Ɔ bɔbɔ ɔ wun yɛ n dun mmua n fɔnnin-ɔn.*+
Sa ng’ɔ ti tɛ ɔ ɲrun’n yɛ n yoli-ɔ.+
Kɛ a ijɔ’n, be wun kɛ a ti nanwlɛfuɛ
yɛ a di jɔlɛ nanwlɛ su.+
5 Nian! Kɛ bé wú min’n, n ti sa tɛ yofuɛ,
yɛ min nin wunnzɛli min sa tɛ’n nun.+
6 Nian! Like nga a klo kpa kɛ ɔ tran sran nun’n, yɛle nanwlɛ’n.+
Kle min like naan ngwlɛlɛ kpafuɛ’n tran min awlɛn’n nun.
7 Fa izɔpu yo min sanwun naan min sa tɛ’n wie, i liɛ’n ń yó sanwun.+
Wunnzin min, naan n fɛn fuaii n tra laglasi m’ɔ fin nglo lɔ gua munkɛnmunkɛn’n.+
8 Yo maan n ti aklunjɔɛ kpanlɛ,
naan owie nga a fufuli be’n be di aklunjɔɛ.+
9 To ɔ ɲin blo* naan w’a wunman min sa tɛ mun.+
Yɛ nunnun min fɔnlɛ’m be kwlaa.+
10 Ee Ɲanmiɛn, man min awlɛn kun m’ɔ ti sanwun’n,+
yɛ fa akunndan uflɛ wla min nun,+ akunndan ng’ɔ timan nɲɔnnɲɔn’n.
11 Nán fuan min ɔ ɲrun lɛ.
Nán yi ɔ wawɛ’n min su.
12 Yo maan n di delɛ mɔ a de min’n i su aklunjɔɛ ekun.+
Yo maan min ɲin yi wɔ min klun klo su.*
13 Ń fá ɔ atin mun ń klé sa tɛ yofuɛ mun.+
I liɛ’n, sa tɛ yofuɛ’m bé sá be sin ɔ wun.
14 Ee Ɲanmiɛn, wɔ mɔ a ti min defuɛ’n,+ sran mɔ n kunnin i’n ti’n, de min+
naan min taaman’n kan sa kpakpa nga a yo be’n be ndɛ aklunjɔɛ su.+
15 Ee Zoova, tike min nuan’n su,
naan n fa min nuan’n n manman wɔ.+
16 Afin a kunndɛman kɛ be yi tɛ be man wɔ, sɛ ɔ timɛn i ti’n nn ń yí wie ń mán wɔ.+
A kloman kɛ be yi tɛ nga kɛ bé yí’n be yra nnɛn’n i kɔlikɔli’n, be man wɔ.+
17 Be wla m’ɔ bo be wun’n, yɛ ɔ ti tɛ mɔ Ɲanmiɛn i klun jɔ su’n niɔn.
Ee Ɲanmiɛn, sran nga i awlɛn w’a kpɔtɔ i klun’n, mɔ i akunndan w’a sanngan’n, a su yimɛn i blo.*+
18 Yo like ng’ɔ ti kpa’n man Siɔn klun ufue su.
Kplan Zerizalɛmun klɔ’n i wun talɛ mun.
19 I liɛ’n, sa kpa yolɛ’n i ti tɛ’n,
ɔ nin tɛ nga kɛ bé yí’n be yra nnɛn’n i kɔlikɔli’n, ɔ nin like nga be fɛ i wunmuan’n be man’n, ɔ klun jɔ́ be su.
I liɛ’n, bé fá nannin tola mun bé yí tɛ ɔ tɛ
yiwlɛ’n su.+
Ɔ ti jue tofuɛ’m be su kpɛn’n i liɛ. Maskili* su. Kɛ Doɛgi m’ɔ ti Edɔmunfuɛ’n, ɔ ko seli Saili kɛ Davidi ɔli Aimelɛki+ i sua’n nun lɔ’n, yɛ Davidi kpɛli jue sɔ’n niɔn.
52 ?Safuɲrɛn, ngue ti yɛ a fa sa tɛ nga a yo be’n fa di ɔ nuan-ɔn?+
Ɲanmiɛn i sran klolɛ dan’n ɔ́ ká lɛ tititi.+
3 A klo sa tɛ’n tra sa kpa’n,
a klo ato bualɛ’n tra ndɛ kpa kanlɛ’n. (Sela)
4 Wɔ mɔ ɔ taaman’n bua ato’n,
a klo ndɛ kwlaa ng’ɔ kpɛ saɛ ba’n!
5 I sɔ’n ti’n, Ɲanmiɛn wá núnnún wɔ mlɔnmlɔn.+
Ɔ́ trá wɔ yɛ ɔ́ cúɛn wɔ ɔ tannin sua’n nun fíte.+
Ɔ́ tú ɔ bo be nga be o nguan nun’n be nun.+ (Sela)
7 “Sran ng’ɔ faman Ɲanmiɛn yomɛn i fiawlɛ’n,+
mɔ sanngɛ ɔ lafi i aɲanbeun ninnge kpanngban’m be su’n,+
m’ɔ fɛ i wla gua i bɔbɔ i sa tɛ m’ɔ sunnzun kɛ ɔ́ yó’n be su’n,* yɛ ɔ o yɛ.”
8 Sanngɛ min liɛ’n, ń yó kɛ olivie waka wie m’ɔ le nɲa kpanngban’n sa Ɲanmiɛn i sua’n nun lɔ.
Ń fá min wla ń gúa Ɲanmiɛn i sran klolɛ dan’n+ su tititi.
9 Ń mánmán wɔ tititi, afin a fali ajalɛ.+
Ɔ sufuɛ kpa’m be ɲrun’n,
ń fá min wla ń gúa ɔ dunman’n su,+ afin i sɔ yolɛ’n ti kpa.
Ɔ ti jue tofuɛ’m be su kpɛn’n i liɛ. Maalati* su. Maskili* su. Davidi i jue-ɔ.
53 Sinnglinfuɛ’n se i klun lɔ kɛ:
“Zoova nunman lɛ.”+
Sa nga be yo’n be timan kpa, yɛ be ayeliɛ’n ti tɛ.
Be nun wie fi yoman sa kpa.+
2 Sanngɛ kɛ Ɲanmiɛn o nglo lɔ’n, ɔ nian klɔ sran mun+
naan ɔ́ nían sɛ be nun kun ti akunndanfuɛ-o, sɛ be nun kun kunndɛ Zoova-o.+
3 Be kwlaa b’a fa atin uflɛ,
be kwlaa b’a saci,
be nun wie fi yoman sa kpa,
ɔ leman be nun kun sa m’ɔ yo sa kpa-ɔ.+
4 ?Be nga be yo sa tɛ’n, be nun kun sa wunman sa wlɛ?
Be di min nvle’n nunfuɛ’m be lufle kɛ aliɛ wie yɛ be su di sa.
Be kpan flɛman Zoova.+
5 Sanngɛ srɛ dan kpa wá kún be,
srɛ dan kɛ ngalɛ’n sa’n nin-a kunman be le.*
Afin Ɲanmiɛn wá trú be nga be fa alɛ wla ɔ sin’n be owie’m be nun.
Á wá gúa be ɲin ase, afin Zoova w’a yi be blo.
6 Ee, maan Izraɛli i delɛ’n fin Siɔn!+
Kɛ Zoova ko fɛ i nvle’n nunfuɛ nga be trali be ɔli’n ko ba’n,
maan Zakɔbu i klun jɔ, maan Izraɛli di aklunjɔɛ.
Ɔ ti jue tofuɛ’m be su kpɛn’n i liɛ. Kɛ bé tó’n, maan be bo miziki bolɛ ninnge nga be le ɲanman’n. Maskili* su. Zififuɛ’m be bali be wa seli Saili kɛ: “Davidi fia e afiɛn.”+ Blɛ sɔ nun yɛ Davidi kpɛli jue sɔ’n niɔn.
2 Ee Ɲanmiɛn, tie min srɛlɛ’n.+
Sie ɔ su min nuan bo.
3 Afin aofuɛ’m be jaso min wun,
sran mɔ be siman aunnvɔɛ’n be kunndɛ kɛ bé kún min.+
Be buman Ɲanmiɛn like fi.*+ (Sela)
4 Amun nian! Ɲanmiɛn ti min ukafuɛ.+
Zoova o be nga be suan min bo’n be sin.
5 Sa tɛ nga min kpɔfuɛ’m be yo’n, ɔ́ wá yí i nuan like mán be.+
Kɛ mɔ a ti nanwlɛfuɛ’n ti’n, nunnun be.+
6 Ń má yí tɛ ń mán wɔ+ n klun klo su.
Ee Zoova, ń mánmán ɔ dunman’n, afin i sɔ yolɛ’n ti kpa.+
Ɔ ti jue tofuɛ’m be su kpɛn’n i liɛ. Kɛ bé tó’n, maan be bo miziki bolɛ ninnge nga be le ɲanman’n. Maskili* su. Davidi i jue-ɔ.
2 Sie ɔ su, yɛ tɛ min su.+
Sa ng’ɔ o min su’n ti’n, n ɲanman wunmiɛn lowlɛ,+
yɛ min wla w’a tɔ blo,
3 ndɛ nga min kpɔfuɛ’n kan’n,
ɔ nin yalɛ nga klunwifuɛ’n kle min’n ti.
Afin be yo maan ɲrɛnnɛn tɔ min su,
yɛ be fa min wun ya, yɛ be kpɔ min.+
4 Min klun titi min.+
Yɛ wie’n i wun srɛ w’a kun min kpo.+
5 Srɛ’n w’a kun min kpo, n usu sa tututu,
yɛ ayrɛ w’a gua min wun.
6 N se titi kɛ: “Sɛ ɔ ti kɛ n le ndɛwa kɛ auble sa’n,
nn ń tú ń kɔ́ mmua, yɛ ń kó trán lika kun mɔ sa su ɲanman min lɔ’n nun,
8 nn ń kɔ́ fiawlɛ kun nun ndɛndɛ,
ń kɔ́ aunmuan m’ɔ fita kekle kpa’n ɔ nin nzue m’ɔ tu aunmuan’n, be wun mmua.”
9 Ee Zoova, sanngan be nun, yɛ yo maan like nga be sunnzun’n ɔ kpi ase,*+
afin n wunnin nzaje sa nin ndɛnngan klɔ’n nun.
10 Be wlanwlan klɔ’n i talɛ’m be su wia nun nin kɔnguɛ.
Klɔ’n nun ti klunwi nin ɲrɛnnɛn ngunmin.+
11 Ɲrɛnnɛn’n wo klɔ’n i lika kwlaa.
Sran yalɛ klelɛ’n ɔ nin sran lakalɛ’n be jasoman klɔ’n i gua’n su.+
12 Afin nán min kpɔfuɛ wie yɛ ɔ yo min finfin-ɔn,+
sɛ ɔ ti sɔ’n, nn ń kwlá jrán kekle.
Nán min ɲrun tanndanfuɛ wie yɛ ɔ jasoli min wun-ɔn,
sɛ ɔ ti sɔ’n, nn ń kwlá fíɛ i ɲrun.
14 E nin wɔ e ti janvuɛ kpa,
e nin wɔ e nanti e kɔ Ɲanmiɛn i sua’n nun, e nin sran kpanngban yɛ e kɔ-ɔ.
15 Maan ɲrɛnnɛn tɔ be su,+
blɛ mɔ be o nguan nun’n, maan be jra Ndia’n* nun lɔ,
afin sa tɛ’n o be afiɛn yɛ ɔ o be nun.
16 Sanngɛ min liɛ’n, ń kpán flɛ́ Ɲanmiɛn,
yɛ Zoova dé min.+
17 Nnɔsua, nin nglɛmun, nin mindi su’n, min akunndan’n ti sannganwa yɛ n kplin,*+
kpɛkun ɔ ti min nɛn’n.+
18 Ɔ́ wá dé min,* kpɛkun ɔ́ yó maan ń ɲán min ti be nga be nin min kun’n be sa nun,
afin sran kpanngban be su ba min su tɔlɛ.+
19 Ɲanmiɛn wá tí, yɛ ɔ nin be wá kán.+
Kɛ ɔ fɛ i laa lele’n, i yɛ ɔ ti famiɛn bia’n su-ɔ.+ (Sela)
Be nga be sroman Ɲanmiɛn’n,+
be su kplinman su kɛ bé káci.
21 I nuan nun ndɛ’m be ti wɛtɛɛ tra bɛli,+
sanngɛ ndɛnngan’n wo i awlɛn’n nun.
I nuan nun ndɛ’m be ti mɔntɔɔn tra ngo,
sanngɛ be ti kɛ tokofi mɔ b’a yi i floko’n nun’n sa.+
Ɔ su kplinman su le kɛ sran kpa’n ɔ tɔ.*+
23 Sanngɛ Ɲanmiɛn, á wá yó maan bé jrá kunman dan kpafuɛ’n nun.+
Sran kunfuɛ nin sran lakafuɛ’n, be su juman be nguan ɲanman’n i afiɛn bɔbɔ.+
Sanngɛ min liɛ’n, ń fá min wla ń gúa ɔ su.
Ɔ ti jue tofuɛ’m be su kpɛn’n i liɛ. “Auble m’ɔ ti diin m’ɔ o mmua lɔ’n.” Davidi i jue-ɔ. Miktamun* su. Kɛ ɔ́ yó sɔ’n, nn Filistifuɛ’m b’a trɛ i Gati lɔ.+
56 Ee Ɲanmiɛn, si min aunnvɔɛ, afin klɔ sran’m be fa alɛ be wla min sin.*
Aliɛ ba kwlaa nun’n be nin min kun, yɛ be kle min yalɛ.
2 Aliɛ ba kwlaa nun’n, min kpɔfuɛ’m be kunndɛ kɛ bé trá min.
Sran kpanngban be nin min kun, yɛ be tu be wun.
3 Kɛ srɛ kun min’n,+ n fa min wla n gua ɔ su.+
4 N fa min wla n gua Ɲanmiɛn su, n mɛnmɛn i i ndɛ’n ti.
N fa min wla n gua Ɲanmiɛn su, srɛ kunman min.
?Ngue yɛ klɔ sran ngbɛn sa’n kwla yo min-ɔn?+
5 Aliɛ ba kwlaa nun’n, be yo maan n wun ɲrɛnnɛn.
Min tɛ yolɛ akunndan yɛ ɔ o be klun-ɔn.+
6 Be fia naan bé tɔ́ min su.
7 Be klunwi’n ti’n, yi be blo.
Ee Ɲanmiɛn, tu nvlenvle’m be fɔ ya su.+
8 A fa ɔ ɲin sie i wlanwlanlɛ mɔ n wlanwlan’n su.+
Fa ɔ nzue kplo’n sɔ min ɲinmuɛn nzue’n.+
?Be timan klɛwa ɔ fluwa’n nun?+
9 Cɛn nga ń kpán ń kúnndɛ ukalɛ’n, min kpɔfuɛ’m bé cúɛn be wun bé kɔ́ siɛn.+
N lafi ndɛ yɛ’n su: Ɲanmiɛn o min sin.+
10 N fa min wla n gua Ɲanmiɛn su, n mɛnmɛn i i ndɛ’n ti.
N fa min wla n gua Zoova su, n mɛnmɛn i i ndɛ’n ti.
11 N fa min wla n gua Ɲanmiɛn su, srɛ kunman min.+
?Ngue yɛ klɔ sran ngbɛn sa’n kwla yo min-ɔn?+
12 Ee Ɲanmiɛn, nda nga n tali wɔ’n, ɔ fata kɛ n yiɛ i nuan.+
Ń má lá wɔ ase.+
Ɔ maan n kwla nanti Ɲanmiɛn ɲrun, yɛ nguan’n i kannin’n kpaja min su.+
Ɔ ti jue tofuɛ’m be su kpɛn’n i liɛ. “Nán saci like.” Davidi i jue-ɔ. Miktamun* su. Kɛ ɔ wanndili Saili i ɲrun m’ɔ ko fiali yɔbuɛ buɛ’n nun’n, yɛ ɔ toli jue sɔ’n niɔn.+
57 Ee Ɲanmiɛn, si min aunnvɔɛ, si min aunnvɔɛ,
afin ɔ sin yɛ n fia-ɔ,+
yɛ n fia ɔ ndɛwa’m be fɔnvɔ’n i bo lele saan ɲrɛnnɛn’n w’a wie.+
2 N kpan flɛ Ɲanmiɛn m’ɔ o Like Kwlaa Ti Su’n.
N kpan flɛ Ɲanmiɛn Kpli m’ɔ yo maan min ɲrɛnnɛn’n wie’n.
3 Kɛ ɔ o ɲanmiɛn su lɔ’n, ɔ́ úka min yɛ ɔ́ dé min.+
Ɔ́ wá yó maan sran ng’ɔ sunnzun kɛ ɔ́ trá min’n, ɔ su kwlá traman min. (Sela)
Ɲanmiɛn wá yí i sran klolɛ dan’n ɔ nin nanwlɛ m’ɔ di’n be nglo.+
4 Asɔmɔli’m b’a sin b’a yia min.+
N la be mɔ be kunndɛ kɛ bé dí min’n be afiɛn.
Be je’m be ti cua nin ta mma,
yɛ be taaman’n ti tokofi m’ɔ la kpa’n.+
5 Ee Ɲanmiɛn, yo maan be manman wɔ ɲanmiɛn su lɔ.
Maan ɔ aɲrunɲan’n tran asiɛ wunmuan’n su.+
6 Be sieli tɛ* kun naan min ja’m be tɔ nun.+
Afɛ m’ɔ o min su’n ti’n, m’an klu.+
Be kpɛli kunman kun min atin’n su,
sanngɛ be bɔbɔ yɛ be tɔli nun-ɔn.+ (Sela)
7 Ee Ɲanmiɛn, min awlɛn’n timan nɲɔnnɲɔn,+
min awlɛn’n timan nɲɔnnɲɔn.
Ń tó jue, yɛ ń bó miziki.
8 Min aɲrunɲan, jaso.
Miziki bolɛ like m’ɔ le ɲanman’n, jaso. Jru, ɔ kusu, jaso.
Ń tínnge aliɛ njɛnniɛn’n.+
9 Ee Zoova, ń mánmán wɔ sran’m be afiɛn.+
Ń tó jue* ń mánmán wɔ nvlenvle’m be nun.+
10 Afin ɔ sran kolɛ’n ti dan lele kpe nun, ɔ ti nglonglo kɛ ɲanmiɛn’n sa.+
Nanwlɛ mɔ a di’n, ɔ ju ɲanmiɛn ble’n nun lɔ.
11 Ee Ɲanmiɛn, yo maan be manman wɔ ɲanmiɛn su lɔ.
Maan ɔ aɲrunɲan’n tran asiɛ wunmuan’n su.+
Ɔ ti jue tofuɛ’m be su kpɛn’n i liɛ. “Nán saci like.” Davidi i jue-ɔ. Miktamun* su.
58 ?Sɛ amun muan amun nuan’n su’n, amun kwla kan sa kpa yolɛ’n i ndɛ?+
?Klɔ sran mun, amun kwla di jɔlɛ nanwlɛ su?+
2 I kpa bɔbɔ’n, amun sunnzun sa tɛ yolɛ’n amun awlɛn’n nun lɔ,+
yɛ amun sa’m be fa nzaje sa yolɛ’n be tru mɛn’n nun.+
3 Klunwifuɛ’m be nin be klunwi’n fin be nin klun,
be ɲin su ti kekle, kɛ bé wú be’n be ti ato buafuɛ.
5 Ɔ su siemɛn i su wuo ɲrun ngowa kanfuɛ’m be nuan bo,
kannzɛ bɔbɔ be si be bae ninnge sɔ’m be yo sɛ’n, ɔ su nianman be lɔ.
6 Ee Ɲanmiɛn, bubu be je mun be nuan’n nun.
Ee Zoova, bubu asɔmɔli* sɔ’m be aoje mun!
7 Maan be wie kɛ nzue m’ɔ sonji kɔ’n sa.
Maan Ɲanmiɛn cuɛn i ta’n nun naan i ta mma’m be yi be ase.
8 Maan be yo kɛ buke kanngan nga kɛ bé kɔ́’n nn bé kló’n sa.
Maan be yo kɛ ba mɔ kɛ bé wú i’n nn w’a wu, m’ɔ su wunman wia’n le’n sa.
9 Ka naan waka m’ɔ ti owieowie’n i nun sin’n, w’a lo amun like tɔnlɛ sɛ mun’n,
ɔ́ wá fá waka sama kanngan nga be ti mɔnnɛn’n, ɔ nin nga be nuan ti sɔwa’n, ɔ́ kɔ́ kɛ aunmuan dan wie sa.+
10 Sran kpa’n i klun wá jɔ́, afin ɔ́ wún kɛ b’a tu i klunngbɔ.+
I ja’m bé tíatía klunwifuɛ’m be mmoja’n nun.+
11 Sran’m bé sé kɛ: “Nanwlɛ, sran kpa’n ɔ ɲɛn i sa kpa’n i nuan like.+
Ɲanmiɛn kun o lɛ sakpa m’ɔ di asiɛ’n i jɔlɛ-ɔ.”+
Ɔ ti jue tofuɛ’m be su kpɛn’n i liɛ. “Nán saci like.” Davidi i jue-ɔ. Miktamun* su. Kɛ Saili sunmannin sran mun kɛ be ko sa Davidi i sua’n i wun lɛ naan be kun i’n,+ yɛ ɔ toli jue sɔ’n niɔn.
59 Ee min Ɲanmiɛn, de min min kpɔfuɛ’m be sa nun.+
Sasa min be nga be jaso min wun’n be lika.+
2 De min be nga be yo klunwi sa mun’n be sa nun,
de min be nga be yo nzaje sa mun’n* be sa nun.
3 Nian! B’a bu b’a sa min ɲrun.+
Sran mɔ be le wunmiɛn’n be nin min kun,
sanngɛ Zoova, nán kɛ n yoli ɲin kekle ti-ɔ, nán kɛ n yoli sa tɛ ti-ɔ.+
4 Kannzɛ m’an yoman sa tɛ fi’n, be wanndi be ko siesie be wun naan bé tɔ́ min su.
Sɛ n flɛ wɔ’n, jaso naan nian.
5 Afin Ɲanmiɛn Zoova, wɔ mɔ a ti sonja’m be su kpɛn’n, a ti Izraɛli Ɲanmiɛn.+
Tinnge naan kpɛ ɔ ɲin nvlenvle’m be kwlaa be su.
Nán si be mɔ be kpɛ be wiengu bo waka’n be nun wie fi i aunnvɔɛ.+ (Sela)
7 Nian like ng’ɔ fin* be nuan nun gua’n.
8 Sanngɛ wɔ, Zoova, á wá
srí be.+
Á wá yó nvlenvle’m be kwlaa be finfin.+
9 Ee, wɔ mɔ a ti min wunmiɛn’n, min ɲin tá wɔ ɲrun titi.+
Afin Ɲanmiɛn ti min fiawlɛ kpa.+
10 Ɲanmiɛn m’ɔ yi i sran klolɛ dan’n i nglo min lika’n, ɔ́ wá bá min ukalɛ.+
Ɲanmiɛn wá yó maan kɛ min kpɔfuɛ’m bé tɔ́’n, ń nían be.+
11 Nán kun be, i liɛ’n min sran’m be wla su fiman su.
Fa ɔ tinmin’n yo maan be wlan daan.
Ee Zoova, wɔ mɔ a ti e ɲrɛn’n, yo maan be tɔ.+
12 Sa tɛ nga be nuan’n yo’n, ndɛ ng’ɔ fin be nuan fite’n ti’n,
maan be tutre’n tra be kɛ aya wie sa,+
Afin be bo sannzan, yɛ be laka sran.
13 Fa ya nunnun be,+
nunnun be naan b’a tranman lɛ kun.
Yo maan be si kɛ Ɲanmiɛn sie Zakɔbu lɔ lele fa ju asiɛ’n i tiwa lɔ.+ (Sela)
14 Maan be sa be sin nnɔsua.
Maan be bo kɛ alua mun sa, yɛ maan be bo sin yia klɔ’n.+
15 Maan be wlan daan be kunndɛ like be di.+
Nán maan be ku yi, yɛ nán maan be ɲan lawlɛ.
16 Sanngɛ min liɛ’n, ń tó jue ń kán ɔ wunmiɛn’n i ndɛ.+
Nglɛmun nun’n, ń kán ɔ sran klolɛ dan’n i ndɛ aklunjɔɛ su.
17 Ee, wɔ mɔ a ti min wunmiɛn’n, ń tó jue* ń mánmán wɔ,+
afin Ɲanmiɛn ti min fiawlɛ kpa, Ɲanmiɛn m’ɔ yi i sran klolɛ dan’n i nglo min lika’n.+
Ɔ ti jue tofuɛ’m be su kpɛn’n i liɛ. “Be wla kpɛnlɛ Lisi.” Miktamun* su. Davidi i jue-ɔ. Ɔ ti like klelɛ liɛ. Kɛ ɔ nin Aramun-Naaraimun nin Aramun-Zoba be kunnin alɛ, mɔ Zoabu sɛli i sin ko kunnin Edɔmunfuɛ akpiakpi blu-nin-nɲɔn (12.000) Njin Kongo’n nun lɔ’n,+ yɛ ɔ kpɛli jue sɔ’n niɔn.
60 Ee Ɲanmiɛn, a yili e blo. A sanngannin e
nun.+
A fali ya e wun, sanngɛ siɛn’n w’a sɔ e nun ekun!
2 A yoli maan asiɛ’n kejeli. A kpacili nun.
Tannintannin i nun toklo mun, afin ɔ su bubu.
3 A yoli maan sa kekle tɔli ɔ sran’m be su.
A yoli maan e nɔnnin duvɛn kun m’ɔ yo maan e bo tanngan’n.+
4 Kle* be nga be sro wɔ’n be nzɔliɛ kun
naan be wanndi naan ta’n to fuan be. (Sela)
5 Fa ɔ sa fama’n de e yɛ tɛ e su,
naan ɔ sran mɔ a klo be’n, be ɲan be ti.+
6 Ɲanmiɛn m’ɔ ti sanwun’n* seli kɛ:
Zida ti min kpɛn dilɛ kpɔnman.+
Ń má kpán kwlalɛ kpanlɛ Filisti su.”+
9 ?Wan yɛ ɔ́ fá min kɔ́ klɔ mɔ sonja’m be bo sin yiɛli i’n* su lɔ-ɔ?
?Wan yɛ ɔ́ fá min kɔ́ lele jú Edɔmun lɔ-ɔ?+
10 ?Ee Ɲanmiɛn, nán wɔ yɛ a yili e blo’n niɔn?
?E Ɲanmiɛn, nán wɔ yɛ a nin e sonja mun fiteman kun’n niɔn?+
11 E ɲrɛnnɛn blɛ’n nun’n uka e,
Afin delɛ ng’ɔ fin klɔ sran mun’n ɔ timan like fi.+
Ɔ ti jue tofuɛ’m be su kpɛn’n i liɛ. Kɛ bé tó’n, maan be bo miziki bolɛ ninnge nga be le ɲanman’n. Davidi i jue-ɔ.
61 Ee Ɲanmiɛn, tie min kpanlɛ mɔ n kpan n kunndɛ ukalɛ’n.
Fa ɔ ɲin sie i min srɛlɛ’n su.+
2 Blɛ mɔ min wla bo min wun’n,*
kɛ n wo asiɛ’n i tiwa lɔ’n, ń kpán ń flɛ́ wɔ.+
Fa min kɔ yɔbuɛ kun mɔ i nglonglo su’n tra min su’n i su lɔ.+
3 Afin a ti min fiawlɛ,
a ti fiawlɛ sua fleiin kun m’ɔ sasa min min kpɔfuɛ’m be lika-ɔ.+
4 Ń yó ɔ tannin sua’n i nun lɔ aofuɛ tititi.+
Ń fía ɔ ndɛwa’m be fɔnvɔ’n i bo.+ (Sela)
5 Afin Ɲanmiɛn, a tili nda nga n tali be’n.
A fali aja like m’ɔ ti be nga be sro ɔ dunman’n be liɛ’n mannin min.+
6 Á wá úka famiɛn’n i nguan ɲanman’n su,*+
yɛ ɔ́ trán nguan nun afuɛ kpanngban.
7 Ɔ́ trán famiɛn bia’n su* Ɲanmiɛn ɲrun tititi.+
Yi ɔ sran klolɛ dan’n nin ɔ nanwlɛ dilɛ’n be nglo i lika naan be sɛsɛ i.+
Ɔ ti jue tofuɛ’m be su kpɛn’n i liɛ. Zeditɛn* su. Davidi i jue’m
be nun kun-ɔn.
62 Nanwlɛ, ń trán diin ń mínndɛ Ɲanmiɛn.
Min delɛ’n fin i.+
2 Nanwlɛ, ɔ ti min yɔbuɛ nin min defuɛ, ɔ ti min fiawlɛ kpa.+
N su finman ase dan le.+
3 ?Cɛn onin ko naan amun a yaci sran su tɔlɛ kɛ amún kún i?+
Amun kwlaa amun kun srɛ kɛ talɛ kun mɔ w’a cia’n sa, amun ti kɛ yɔbuɛ talɛ m’ɔ su wa bu’n sa.*
4 Be ti be wun aniɛn naan bé yí i ase naan w’a ɲanman ɲrun kun.
Ato bualɛ’n yo be fɛ.
Be fa be nuan’n be bo muae, sanngɛ be klun lɔ’n be bo sannzan.+ (Sela)
6 Nanwlɛ, ɔ ti min yɔbuɛ nin min defuɛ, ɔ ti min fiawlɛ kpa.
N su finman ase le.+
7 Min delɛ’n nin min aɲrunɲan’n be o Ɲanmiɛn sa nun.
Ɲanmiɛn yɛ ɔ ti min yɔbuɛ kekleke’n niɔn, i yɛ ɔ ti min fiawlɛ’n niɔn.+
8 Klɔ sran mun, maan amun fa amun wla guɛ i su blɛ kwlaa nun.
Maan amun kan ndɛ ng’ɔ o amun awlɛn’n nun’n i kwlaa kle i.+
Ɲanmiɛn ti e fiawlɛ.+ (Sela)
9 Klɔ sran’m be ti aunmuan ngbɛn,
be kwlá faman be wla guaman klɔ sran’m be su.+
Kɛ be sie be kwlaa toe su’n, aunmuan ngbɛn bɔbɔ’n ɔ yo nɔnnin tra be.+
10 Nán amun fa amun wla gua like mɔ be de i be wue kekle su’n i su.
Nán amun laka amun wun se kɛ amún fá amun wla gúa awie wualɛ’n su.
Sɛ amun aɲanbeun ninnge’m be sɔn’n, nán amun fa amun awlɛn sie be su.+
11 Ɲanmiɛn kannin ndɛ kpɛ kunngba, n tili i kpɛ nɲɔn kɛ:
Wunmiɛn’n fin Ɲanmiɛn.+
12 Ee Zoova, klolɛ dan’n kusu fin wɔ.+
Afin a fa like nga sran kun yo’n i nuan like mɛn i.+
Kɛ Davidi o Zida aawlɛ flɛnnɛn’n nun lɔ’n+ yɛ ɔ toli jue nga-ɔ.
63 Ee Ɲanmiɛn, a ti min Ɲanmiɛn, n kunndɛ wɔ titi.+
Min wla lo wɔ kɛ nzuewe yɛ ɔ kun min sa.+
M’an yo fakafaka afin min ɲin o ɔ sin dan
asiɛ kee kun mɔ like yoman ye’n su, mɔ be ɲanman nzue lɔ’n su.+
2 I sɔ’n ti’n, n niannin wɔ ɔ lika m’ɔ ti ɔ liɛ klonglo’n nun lɔ.
N wunnin ɔ wunmiɛn’n nin ɔ aɲrunɲan’n.+
4 Ɔ maan blɛ mɔ n te o nguan nun’n, ń mánmán wɔ,
ń mán min sa’m be su ɔ dunman nun.
5 Min klun ti jɔwa, afin like nga a mannin min’n ɔ ti kpa dan, ɔ leman wunsu,
ɔ maan ń fá min nuan’n ń mánmán wɔ, aklunjɔɛ o min nuan.+
6 Kɛ n wo min bɛ’n su’n, min wla kpɛn ɔ su.
Kɔnguɛ wunmuan’n nun’n, n bu ɔ su akunndan.+
8 E nin wɔ e afiɛn mantan kpa,
ɔ sa fama’n tra min nun kpa titi.+
9 Sanngɛ be nga be kunndɛ kɛ bé kún min’n,
bé jrá asiɛ’n i bo mmua lɔ kpa.
10 Bé fá tokofi bé kún be,
bé káci blo alua’m be aliɛ.
11 Sanngɛ Ɲanmiɛn i dunman nun’n famiɛn’n i klun jɔ́.
Sran kwlaa ng’ɔ ta nda ɔ dunman nun’n, ɔ́ dí aklunjɔɛ,*
afin be nga be kan ato ndɛ mun’n be nuan múan.
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
64 Ee Ɲanmiɛn, kɛ n srɛ wɔ tankaan’n, tie min nɛn’n.+
Sasa min nguan’n min kpɔfuɛ m’ɔ yo sro kpa’n i lika.
2 Sasa min sa nga klunwifuɛ’m be cici be min wun nvialiɛ nun’n be lika,+
Sasa min sa tɛ yofuɛ mɔ be sɔnnin kpa’n be lika.
3 Be si be taaman’n kɛ tokofi sa.
Be nuan nun ndɛ’m be yo ya kɛ ta mma sa,
4 Kɛ be o be fiawlɛ’n nun lɔ’n, be fa to sran mɔ w’a yoman like fi’n i wun.
Be ka lɛ be fa to i wun, srɛ kunman be.
5 Be yaciman be akunndan tɛ’n.*
Be koko wafa nga be ko fa be aya mun ko fia’n i su yalɛ.
Be se kɛ: “?Wan yɛ ɔ́ wún be-ɔ?”+
6 Be bu sa tɛ uflɛ wie’m be yolɛ akunndan.
Be bu like nga be ko yo’n i akunndan kpa nvialiɛ nun be sie.+
Sran fi siman akunndan ng’ɔ o be tinuntinun be klun’n.
7 Sanngɛ Ɲanmiɛn wá tó be wun ta.+
Ta mma kun ká lɛ wɔ́ be.
8 Be bɔbɔ be taaman’n yó maan bé tɔ́.+
Be kwlaa nga bé wún sa sɔ’n, bé kéje be ti’n.
9 Ɔ maan srɛ kún sran’m be kwlaa,
bé kán like nga Ɲanmiɛn yoli’n i ndɛ,
yɛ bé wún sa ng’ɔ yo be’n be wlɛ.+
10 Sran kpa’n dí aklunjɔɛ Zoova dunman nun, yɛ ɔ́ fíɛ i sin.+
Be kwlaa nga be awlɛn ti kpa’n bé dí aklunjɔɛ.*
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
65 Ee Ɲanmiɛn, manmanlɛ’n minndɛ wɔ Siɔn lɔ.+
É wá yía nda nga e tali wɔ’n i nuan.+
2 Ee, wɔ mɔ a tie srɛlɛ’n, sran wafawafa kwlaa bé wá bá ɔ sin.+
4 Sran nga a kpɛ i mɔ a fɛ i mantan ɔ wun
kɛ ɔ tran ɔ awlo’n nun’n,+ i liɛ su ti ye.
5 Ee Ɲanmiɛn, wɔ mɔ a ti e defuɛ’n,
á wá yó abonuan sa kpakpa mun+ á fá tɛ́ e su.
Asiɛ wunmuan’n sufuɛ mun,
ɔ nin be nga be tran mmua lɔ’n, jenvie’n i bue kun lɔ’n be kwlaa be fa be wla gua ɔ su.+
6 A fali ɔ tinmin’n takali oka mun cinnjin kpa.
A le tinmin dan.+
7 A yo maan jenvie mɔ be bo dan’n be jran diin,+
a yo maan be bolɛ’n nin nvlenvle’m be kejelɛ’n be kan ase.+
8 Kɛ be nga be tran mmuammua kpa’n bé wá wún sa nga a yo be’n, ɔ́ bó be nuan.+
Á wá yó maan kɛ ɔ fɛ i wia afiliɛ lɔ m’ɔ́ fá jú wia atɔliɛ lɔ’n, sran’m bé kpán aklunjɔɛ kpanlɛ.
9 A nian asiɛ’n i lika,
a yo maan i su ninnge’m be yo ye, yɛ ɔ ti kpa dan.+
10 A gua lika nga be fufuli be trele ɔli’n be nun nzue kpanngban kpa, yɛ a siesie kacɛ nga be tuli’n* i sɛsɛsɛ,
a yo maan nzue’n lualua asiɛ’n pɔtɔɔ, a yra ninnge nga be fifi su’n be su.+
11 A fa ɔ ninnge kpakpa mun fa yia afuɛ’n i nuan klanman.
Be diman ninnge kpakpa’m be yalɛ ɔ atin’m be su.+
12 Aawlɛ flɛnnɛn’n nun lɔ’n, ijre kpanngban o nnɛn didiwlɛ’m be nun titi.+
Kpɔlɛ’m be di aklunjɔɛ be bue kwlaa su.+
13 Be diman nnɛn’m be yalɛ lika nga be didi lɛ’n be nun,
yɛ be diman aliɛ yalɛ kongo’m be nun.+
Be kpan kwlalɛ kpanlɛ, ɛɛn, be to jue.+
Ɔ ti jue tofuɛ’m be su kpɛn’n i liɛ. Jue kun-ɔn.
66 Asiɛ’n sufuɛ mun, maan amun kwlaa amun kpan kwlalɛ kpanlɛ Ɲanmiɛn ɲrun.+
2 Amun to jue* be mɛnmɛn i dunman m’ɔ ti dan’n.
Amun yo maan i manmanlɛ’n yo dan.+
3 Amun se Ɲanmiɛn kɛ: “Ninnge nga a yo be’n be ti abonuan dan!+
Ɔ tinmin dan’n ti’n,
ɔ kpɔfuɛ’m bé úsu ɔ ɲrun.+
4 Asiɛ’n sufuɛ’m be kwlaa bé kóto ɔ bo.+
Bé tó jue bé mánmán wɔ.
Bé tó jue bé mánmán ɔ dunman’n.”+ (Sela)
5 An bla be wa nian ninnge nga Ɲanmiɛn yo be’n.
Ninnge ng’ɔ yo be man klɔ sran mun’n, be ti abonuan.+
6 Ɔ yoli maan jenvie’n kacili asiɛ kee.+
Be nantili be ja be kpɛli nzue’n.+
E dili aklunjɔɛ lɛ i dunman nun.+
7 Ɔ́ dí famiɛn tititi,+ i kwlalɛ’n ti.
I ɲinma’m be nian nvlenvle’m be su titi.+
Ɔ fataman kɛ be nga be ɲin su ti kekle’n be tu be wun.+ (Sela)
8 Sran mun, maan amun manman e Ɲanmiɛn’n,+
yɛ maan be ti i manmanlɛ’n i ngan.
9 Ɔ yo maan e ka nguan nun.+
Ɔ su kplinman su kɛ e ja kpla.*+
10 Afin Ɲanmiɛn, a nianniannin e.+
A yili e nun fiɛn’n kɛ be fa yi sika’n i nun fiɛn’n sa.
11 A yoli maan e tɔli tɛ nga be fa di koniɛn’n i nun.
A fali trɔ kun m’ɔ yo nɔnnin kpa’n fa jinnin e ti su.
12 A mannin klɔ sran’m be atin kɛ be tiatia e su.*
E sinnin sin nun nin nzue nun.
Kpɛkun a fa e ɔli wunmiɛn lolɛ lika kun nun.
13 Ń wlú ɔ sua’n nun ń kó yí tɛ nga kɛ bé yí’n be yra nnɛn’n i kɔlikɔli’n.+
Ń yía nda nga n tali wɔ’n be nuan,+
14 nda nga min nuan’n tali’n,+
i nun mɔ n wo ɲrɛnnɛn nun’n, ndɛ ng’ɔ fin min nuan fiteli’n, ń yíɛ i nuan.
15 Ń fá nnɛn nga b’a lo kpa’n ń yí tɛ nga kɛ bé yí’n be yra nnɛn’n i kɔlikɔli’n ń mán wɔ,
ń yrá bua ɲin mun naan be wunsrɛn’n fite.
Ń fá nannin tola mun nin boli yasua mun ń mán wɔ. (Sela)
16 Amun kwlaa mɔ amun sro Ɲanmiɛn’n, amun bla be wa tie,
ń má kán like ng’ɔ yo mannin min’n i ndɛ ń klé amun.+
17 N fali min nuan’n n flɛli i,
yɛ n fali min taaman’n n yili i ayɛ.
18 Sɛ ɔ ti kɛ n buli sa tɛ wie i akunndan min awlɛn’n nun lɔ’n,
nn Zoova w’a siemɛn i su min nuan bo.+
20 Maan manmanlɛ’n yo Ɲanmiɛn liɛ! W’a kpaloman min srɛlɛ’n,
yɛ w’a seman kɛ ɔ yimɛn i sran klolɛ dan’n i nglo min lika.
Ɔ ti jue tofuɛ’m be su kpɛn’n i liɛ. Kɛ bé tó’n maan be bo miziki bolɛ ninnge nga be le ɲanman’n. Jue kun-ɔn.
67 Ɲanmiɛn wá sí e aunnvɔɛ, yɛ ɔ́ yrá e su.
Ɔ́ wá yó maan i ɲrun’n kpája e su.+ (Sela)
3 Ee Ɲanmiɛn, maan sran’m be manman wɔ,
maan sran’m be kwlaa be manman wɔ.
Á wá klé nvlenvle nga be o asiɛ’n su’n be atin. (Sela)
5 Ee Ɲanmiɛn, maan sran’m be manman wɔ,
maan sran’m be kwlaa be manman wɔ.
Ɔ ti jue tofuɛ’m be su kpɛn’n i liɛ. Davidi i jue’m be nun kun-ɔn.
68 Maan Ɲanmiɛn jaso, maan i kpɔfuɛ’m be bo sanndi,
maan be nga be kpɔ i’n be wanndi i ɲrun.+
2 Fuan be kɔ mmua, kɛ wunsrɛn mɔ aunmuan’n fɛ i kɔ’n sa’n.
Maan klunwifuɛ’m be wie Ɲanmiɛn i ɲrun lɛ,+
kɛ awɛma sua mɔ kɛ sin kɛn i’n ɔ klo’n sa.
3 Sanngɛ maan sran kpa’m be di aklunjɔɛ.+
Maan be aklunjɔɛ’n yo dan Ɲanmiɛn ɲrun.
Maan be tu kpɛn aklunjɔɛ su.
4 Amun to jue be manman Ɲanmiɛn, amun to jue* be mɛnmɛn i dunman’n.+
Amun to jue be manman Sran m’ɔ fu nnɛn kpanngɔ su aawlɛ flɛnnɛn’n nun lɔ’n.*
I dunman’n yɛle Ya!*+ Amun di aklunjɔɛ i ɲrun!
5 Ɔ ti be nga be leman si’n be si, yɛ ɔ ti angbeti bla’m be sasafuɛ.*+
Kɛ Ɲanmiɛn m’ɔ o i tranwlɛ m’ɔ ti i liɛ klonglo’n i nun lɔ’n,+ ɔ ti sɔ-ɔ.
6 Ɲanmiɛn man be nga be ngunmin be o’n be sua naan be tran nun.+
Ɔ yi bisuafuɛ mun fite, yɛ ɔ yo maan be liɛ yo ye.+
Sanngɛ ɲin keklefuɛ’m bé trán asiɛ kee’n su.+
7 Ee Ɲanmiɛn, kɛ a kleli ɔ nvlefuɛ’m be atin’n,*+
kɛ a nantili aawlɛ flɛnnɛn’n nun lɔ’n, (Sela)
8 asiɛ’n kejeli.+
Ɲanmiɛn dunman nun’n ɲanmiɛn su lɔ nzue’n tɔli dan kpa.
Ɲanmiɛn dunman nun’n, Izraɛli Ɲanmiɛn’n i dunman nun’n, Sinai nga kejeli.+
9 Ee Ɲanmiɛn, a yoli maan nzue’n tɔli dan kpa.
A mannin ɔ nvlefuɛ* mɔ b’a fɛ kpa’n be wunmiɛn ekun.
10 Be trannin ɔ nanmue’n nun.+
Ee Ɲanmiɛn, ɔ klun ufue’n ti’n, a mannin yalɛfuɛ’m be like.
12 Sonja’m be famiɛn’m be wanndi,+ be wanndi!
Bla ng’ɔ kali awlo lɔ’n, ɔ ɲannin alɛ’n nun ninnge’n wie.+
13 Yasua mun, kannzɛ bɔbɔ amun lala nanmue’n nun sin’m be wun’n,*
sanngɛ amún ɲán auble ndɛwa mɔ sika kata be wun’n,
amún ɲán auble ndɛwa ti mɔ sika ɔkwlɛ jrɛiin kata be wun’n.
14 Kɛ Sran m’ɔ Kwla Like Kwlaa Yo’n sanngannin mɛn sɔ’n i famiɛn’m be nun’n,+
laglasi m’ɔ fin nglo lɔ gua munkɛnmunkɛn’n, ɔ guali Zalmɔn lɔ.*
15 Basan oka’n+ ti Ɲanmiɛn i oka.*
Basan oka’n ti oka kun mɔ i ti’m be sɔnnin-ɔn.
16 ?Oka mɔ amun ti’m be sɔnnin’n, ngue ti yɛ amun ɲin blo
oka mɔ Ɲanmiɛn kpɛli i* kɛ ɔ yo i tranwlɛ’n i wun-ɔn?+
Nanwlɛ, Zoova trán lɔ tititi.+
17 Ɲanmiɛn i alɛ kunlɛ kakaklolo’m be ti akpiakpi kpanngban, be kwlá kaman be.+
Zoova fin Sinai bali lika m’ɔ ti i liɛ klonglo’n nun.+
A fali sran wie mɔ be trali be’n ɔli.
A fali sran wie mun mannin.+
Nanwlɛ, Ɲanmiɛn Ya, a fali ɲin keklefuɛ wie mun+ bɔbɔ ɔli naan be ko tran be afiɛn.
19 Maan manmanlɛ’n yo Zoova m’ɔ sua e trɔ mun+ cɛn kwlakwla’n i liɛ,
Ɲanmiɛn Kpli m’ɔ de e’n. (Sela)
20 Ɲanmiɛn Kpli yɛ ɔ ti Ɲanmiɛn m’ɔ de e’n niɔn.+
Yɛ Zoova m’ɔ ti e Min m’ɔ Sie Like Kwlakwla’n, ɔ yo maan e ɲan e ti wie’n i sa nun.+
21 Nanwlɛ, Ɲanmiɛn wá fúfú i kpɔfuɛ’m be ti’n,
ɔ́ wá fúfú sran ng’ɔ yaciman sa tɛ yolɛ’n i ti sɛ mɔ ndrɛ o su’n.+
22 Zoova seli kɛ: “Ń fá be Basan lɔ ń bá.+
Ń fá be jenvie’n i bo mmua kpa lɔ ń bá.
23 I liɛ’n, ɔ ja’n tíatía mmoja nun,+
yɛ ɔ alua’m be taaman’m bé ɲán be like liɛ ɔ kpɔfuɛ’m be afiɛn.”
24 Ee Ɲanmiɛn, be wun ɔ sran mɔ be nanti kɔ’n,
be wun min Ɲanmiɛn’n, min Famiɛn’n i sran mɔ be nanti kɔ lika m’ɔ ti i liɛ klonglo’n nun lɔ’n.+
25 Jue tofuɛ’m be dun mmua be ɲrun, be nga be bo miziki bolɛ ninnge nga be le ɲanman’n be su be su.+
Kpɛkun talua’m be o be afiɛn, be bo klɛn.+
26 Amun manman Ɲanmiɛn nzra dan’n nun.
Amun manman Zoova, amun mɔ amun fin Izraɛli Nzue ti’n nun’n.+
27 Bɛnzamɛn+ m’ɔ ti be nun kaan’n, ɔ kwla be,
Zida lɔ sran dandan mun nin be sran kpanngban mɔ be talo’n, be kwla be
yɛ Zabilɔn lɔ sran dandan mun, ɔ nin Nɛftali lɔ sran dandan’m be kwla be wie.
28 Ɔ Ɲanmiɛn’n seli kɛ á wá ɲán wunmiɛn.
Ee Ɲanmiɛn, wɔ mɔ a yoli e ye’n, yi ɔ wunmiɛn’n i nglo.+
30 Tu blo nnɛn mɔ be o ndɛ mma’m be afiɛn lɔ’n be fɔ,
tu nannin tola akpasua’n+ nin be bo mma mun be fɔ,
lele maan sran’m be koto be fa sika be bla.*
Sanngɛ ɔ sanngan be nga be klo alɛ kunlɛ’n be nun.
31 Bé fá filiɛ* ninnge mun Ezipti lɔ bé bá.*+
Kisi wá fá like blɛ́ Ɲanmiɛn ndɛndɛ.
33 amun to jue be manman sran m’ɔ fu nnɛn kpanngɔ su sin ɲanmiɛn m’ɔ o nglo mmua kpa lɔ w’a cɛ’n, i su lɔ’n.+
Amun nian! Ɔ kpan kekle kpa, i nɛn’n yo sro.
34 Maan amun wun i wlɛ kɛ Ɲanmiɛn le tinmin.+
I aɲrunɲan’n wo Izraɛli su.
I wunmiɛn’n wo ɲanmiɛn* su lɔ.
35 Kɛ Ɲanmiɛn o i sua* m’ɔ ti dan’n nun lɔ’n, ɔ yo sro.+
Ɔ ti Izraɛli Ɲanmiɛn,
i yɛ ɔ man sran’m be wunmiɛn nin kwlalɛ-ɔ.+
Amun manman Ɲanmiɛn.
Ɔ ti jue tofuɛ’m be su kpɛn’n i liɛ. “Lisi su.” Davidi i jue-ɔ.
69 Ee Ɲanmiɛn, de min, afin nzue’n su wa di min.+
2 M’an mlɔn nnɔtiɛ mɔ i bo ti kploun’n nun, kan asiɛ kee nunman lɛ’n.+
M’an tɔ nzue mɔ i bo ti kploun’n nun.
Nzue m’ɔ sonji ndɛndɛ’n w’a fa min w’a wɔ.+
3 M’an kpan m’an flɛ Ɲanmiɛn lele m’an fɛ,+
min alowa’n yo min ya,
m’an minndɛ Ɲanmiɛn lele min ɲinma’m b’a fɛ.+
Be nga be kunndɛ kɛ bé kún min’n,
mɔ be ti min kpɔfuɛ tɛ kpa’n* b’a sɔn kpa.
Be miannin min kɛ n yi like mɔ m’an wuaman’n n fa man.
5 Ee Ɲanmiɛn, a si sinnzin nga n dili’n,
yɛ sa tɛ nga n yoli’n ɔ timan fiawa ɔ ɲrun.
6 Min Min, wɔ mɔ a Sie Like Kwlakwla’n, Zoova, wɔ mɔ a ti sonja’m be su kpɛn’n,
nán maan be nga be fa be wla gua ɔ su’n be wun ɲannzuɛn min dunman nun.
Ee Izraɛli Ɲanmiɛn,
nán maan be nga be kunndɛ wɔ’n be wun ɲannzuɛn min dunman nun.
8 M’an kaci aofuɛ min niaan’m be ɲrun,
m’an kaci aofuɛ min nin’n i mma’m be ɲrun.+
9 Ɔ sua’n i klolɛ’n yrayra min klun lɔ kɛ sin sa.+
Nzowa nga be nga be yo ɔ finfin’n be kpɛ wɔ’n, ɔ tɔli min su wa.+
10 Kɛ n cili nglɛmun n fa yoli min wun aunnvɔɛfuɛ’n,*
be kpɛli min nzowa.
11 Kɛ n wlali bajɛ tralɛ’n,
be yoli min finfin.*
12 Be nga be tran klɔ’n i anuan’n nun’n, min ndɛ yɛ be kan-ɔn,
yɛ nzanbɔɛfuɛ’m be fa min kpɛ jue.
13 Sanngɛ Zoova, blɛ ng’ɔ nin i fata’n nun’n,
maan min srɛlɛ’n to wɔ lɔ.+
Ɔ sran klolɛ dan’n ti’n,
yo sa nga a yo fa de sran titi’n fa tɛ min su.+
14 Yi min nnɔtiɛ’n nun fite,
nán yaci min lɛ naan n mlɔn.
De min be nga be kpɔ min’n be sa nun,
yi min nzue mɔ i bo ti kploun’n nun fite.+
15 Nán yaci min lɛ naan nzue dan m’ɔ sonji ndɛndɛ’n fa min wɔ.+
Nán yaci min lɛ naan nzue bunman’n* mɛn min.
Yɛ nán yaci min lɛ naan gbo’n i nuan’n muan min su.+
16 Ee Zoova, tɛ min su, afin ɔ sran klolɛ dan’n ti kpa.+
Ɔ sran aunnvɔɛ silɛ dan’n ti’n, kpɛ ɔ ɲin min su wa,+
17 yɛ nán fa ɔ ɲrun’n fia ɔ sufuɛ’n i wun.+
Tɛ min su ndɛndɛ, afin n wo ɲrɛnnɛn nun.+
18 Wunnge min wun wa naan de min.
Kpɔ min ti, min kpɔfuɛ’m be ti.
19 A si kɛ be kpɛ min nzowa, n wun ɲannzuɛn yɛ min ɲin gua ase.+
A wun min kpɔfuɛ’m be kwlaa.
20 Nzowa’n ti’n min awlɛn’n w’a kpɔtɔ, yɛ kannin’n kwlá wieman.*
N kunndɛ kɛ be si min aunnvɔɛ, sanngɛ sran fi nianman min lɔ.+
N kunndɛ fɔnvɔfuɛ, sanngɛ n ɲanman sran.+
21 Kɛ ɔ yo naan be man min aliɛ’n, like ng’ɔ kun’n* yɛ be fa mannin min-ɔn.+
Yɛ kɛ nzuewe kunnin min’n, be mannin min vinɛgli kɛ n nɔn.+
22 Maan be tabli’n kaci kɛ aya sa naan ɔ tra be.
Maan be aɲanbeun’n kaci kɛ lala sa.+
23 Maan be ɲin su lu be naan b’a wunman ase.
Yo maan be afiɛn’n usu titi.
24 Yi ɔ ya dan’n i nglo be lika.
Yɛ maan ɔ ya m’ɔ jue kɛ sin sa’n ɔ di be mlɔnmlɔn.+
25 Maan be nanmue’m* be tɔ srolo.
Nán maan sran tran be tannin sua’m be nun kun.+
26 Afin be wanndi fuan sran nga a finnin i like’n,
yɛ be yaciman be nga a yoli be like yaya’n be su afɛ’n i ndɛ kanlɛ.
27 Yo maan be akunndan’n bu be fɔ tra laa’n,
yɛ nán bu be sran kpa.
28 Maan be nunnun be dunman’n be nga be o nguan nun’n be fluwa’n nun.*+
Yɛ nán maan be klɛ be dunman sran kpa’m be nun.+
29 Sanngɛ min wla w’a bo min wun yɛ n wo afɛ nun.+
Ee Ɲanmiɛn, maan delɛ mɔ a de sran’n ɔ sasa min.
30 Ń tó jue ń mánmán Ɲanmiɛn i dunman’n,
yɛ ń lɛ́ i ase ń fá yí i ayɛ.
31 I sɔ’n jɔ́ Zoova i klun trá nannin tola mɔ be fa mɛn i’n.
Ɔ́ jɔ́ i klun trá nannin gbanflɛn m’ɔ le wɛ nin ja bui mɔ be fa mɛn i’n.+
32 Wɛtɛɛfuɛʼm bé wún i sɔ’n yɛ be klun jɔ́.
Amun mɔ amun kunndɛ Ɲanmiɛn’n, maan amun wla gua ase.
33 Afin Zoova fɛ i su sie i yalɛfuɛ’m be nuan bo,+
yɛ i ɲin su kpaman i sran mɔ be trali be ɔli’n be su.+
34 Maan ɲanmiɛn’n nin asiɛ’n be mɛnmɛn i,+
maan jenvie’n ɔ nin i nun ninnge’m be kwlaa be mɛnmɛn i.
35 Afin Ɲanmiɛn wá dé Siɔn,+
yɛ ɔ́ kplán Zida klɔ’m be uflɛ,
kpɛkun i nvle’n nunfuɛ’m bé trán lɛ, yɛ ɔ́* káci be liɛ.
Ɔ ti jue tofuɛ’m be su kpɛn’n i liɛ. Davidi i jue-ɔ. Ɔ ti be wla kpɛnlɛ like.
70 Ee Ɲanmiɛn, de min.
Ee Zoova, kan ɔ wun de min.+
2 Maan be nga be kunndɛ kɛ bé kún min’n,
be wun ɲannzuɛn, yɛ be ɲin gua ase.
Be nga kɛ sa kekle tɔ min su’n be klun jɔ’n,
maan be fa be ɲrun ɲannzuɛn’n be cuɛn be wun.
3 Be nga be se kɛ: “Ɛn-ɛɛn! Ɛn-ɛɛn!”
maan be fa be ɲrun ɲannzuɛn’n be sa be sin.
4 Sanngɛ maan be nga be kunndɛ wɔ’n,
be tu kpɛn, yɛ be di aklunjɔɛ, ɔ dunman nun.+
Maan be nga be klo sa nga a yo fa de sran mun’n, be se titi kɛ:
“Maan manmanlɛ’n yo Ɲanmiɛn liɛ!”
5 Sanngɛ n leman sran ukaman min, yɛ n ti yalɛfuɛ.+
Ee Ɲanmiɛn, yo min ye ndɛndɛ.+
A ti min ukafuɛ nin min defuɛ.+
Ee Zoova, nán cuɛncuɛn ɔ ja ase.+
71 Ee Zoova, ɔ sin yɛ n fia-ɔ.
Nán maan n wun ɲannzuɛn le.+
2 Ɔ sa nuan su sɛsɛ yolɛ’n ti’n, de min, yɛ yo maan n ɲan min ti.
Sie ɔ su min nuan bo* yɛ de min.+
3 Kaci min yɔbuɛ mɔ n kwla fia nun’n,
mɔ n kwla kɔ lɔ titi’n.
Se kɛ be de min,
afin a ti min yɔbuɛ yɛ a ti min fiawlɛ kpa.+
4 Ee, min Ɲanmiɛn, de min klunwifuɛ’n i sa nun,+
de min yalɛ klefuɛ m’ɔ yoman sa i nuan su’n i sa nun.
5 Ee Zoova, min Min m’ɔ Sie Like Kwlakwla’n, ɔ su yɛ n fa min wla n gua-ɔ.
Kɛ ɔ fɛ i min kaan nun lele’n, ɔ su yɛ n fa min wla n gua-ɔ.+
6 Kɛ be wuli min lele’n, ɔ su yɛ n kisa-ɔ.
Wɔ yɛ a fali min min nin i ku sɛ’n nun lɔ fiteli-ɔ.+
Ń mánmán wɔ titi.
7 M’an kaci kɛ abonuan like wie sa sran kpanngban ɲrun.
Sanngɛ a ti min fiawlɛ kpa.
8 Ɔ manmanlɛ’n w’a yi min nuan’n piɛ.+
Aliɛ ba kwlaa nun’n, n kan ɔ aɲrunɲan’n i ndɛ.
9 Min kpɛnngbɛn blɛ nun’n, nán yi min blo.+
Kɛ min wunmiɛn’n wie’n, nán yi min ase.+
10 Min kpɔfuɛ’m be kan min wun ndɛ,
yɛ be nga be kunndɛ kɛ bé kún min’n, be bo yo kun be cici min wun ndɛ.+
11 Be se kɛ: “Ɲanmiɛn w’a yi i ase.
Amun fuɛn i naan amun trɛ i, afin sran fi nunman lɛ naan w’a de i.”+
12 Ee Ɲanmiɛn, nán ka mmua lɔ.
Ee min Ɲanmiɛn, uka min ndɛndɛ.+
13 Maan be nga be tanndan min ɲrun’n,
be wun ɲannzuɛn, yɛ be nunnun.+
Maan be nga be kunndɛ kɛ sa ɲan min’n,
be wun ɲannzuɛn, yɛ be ɲin gua ase.+
14 Sanngɛ min liɛ’n, ń mínndɛ titi.
Ń úka ɔ manmanlɛ’n su.
15 Min nuan’n kán ɔ sa nuan su sɛsɛ yolɛ’n i ndɛ,+
aliɛ ba kwlaa nun’n, ń kán sa nga a yo be fa de sran’n i ndɛ,
kannzɛ bɔbɔ be sɔnnin dan naan n kwlá wunman be wlɛ’n,* ń kán be ndɛ.+
16 Ń bá kpɛkun ń kán sa dandan nga a yo be’n be ndɛ.
Ee, min Min Zoova, wɔ mɔ a Sie Like Kwlakwla’n,
ń kán ɔ sa nuan su sɛsɛ yolɛ’n i ndɛ, ɔ liɛ’n i kunngba cɛ i ndɛ yɛ ń kán-ɔn.
17 Ee Ɲanmiɛn, kɛ ɔ fɛ i min kaan nun’n, a kleli min like,+
yɛ lele nin andɛ’n, n te kan ɔ abonuan sa’m be ndɛ.+
18 Ee Ɲanmiɛn, kannzɛ bɔbɔ m’an yo kpɛnngbɛn naan min ti w’a bo je’n, nán yi min ase.+
Maan n kan ɔ kwlalɛ’n* i ndɛ n kle be nga bé wá jáso su’n,
Maan n kan ɔ tinmin’n i ndɛ n kle be kwlaa nga bé wá wú be’n.+
19 Ee Ɲanmiɛn, ɔ sa nuan su sɛsɛ yolɛ’n ju nglo mmua lɔ.+
A yoli sa dandan mun.
?Ee Ɲanmiɛn, wan cɛ yɛ ɔ ti kɛ wɔ sa-ɔ?+
20 Kannzɛ bɔbɔ a yoli maan n wunnin afɛ nin ɲrɛnnɛn kpanngban’n,+
man min wunmiɛn ekun.
21 Yo maan n ɲan ɲrun tra laa’n,
sasa min, yɛ fɔnvɔ min.
22 Ee min Ɲanmiɛn, ɔ nanwlɛ dilɛ’n ti’n,+
ń fá miziki bolɛ ninnge nga be le ɲanman’n ń mánmán wɔ.
Ee Izraɛli Ɲanmiɛn, wɔ mɔ a ti Sanwun’n,
ń fá jru ń tó jue* ń mánmán wɔ.
24 Min taaman’n kán ɔ sa nuan su sɛsɛ yolɛ’n i ndɛ aliɛ ba kwlaa nun,+
afin be nga be kunndɛ kɛ bé kún min’n, bé wún ɲannzuɛn yɛ be ɲin gúa ase.+
Ɔ kan Salomɔn i ndɛ.
72 Ee Ɲanmiɛn, yo maan famiɛn’n nian jɔlɛ nga a di’n su fa di jɔlɛ,
yɛ yo maan ɔ yo sa i nuan su sɛsɛ kɛ wɔ sa.+
2 Maan ɔ kpli ɔ nvlefuɛ’m be ti nanwlɛ su,
yɛ maan ɔ kpli ɔ sran mɔ be leman wie’n be ti kɛ ɔ nin i fata’n sa.+
3 Maan oka’m be yo naan nvlefuɛ’m be di fɔundi,
yɛ maan kpɔlɛ’m be fa sa nuan su sɛsɛ yolɛ’n be bla.
4 Maan ɔ kpli nvlefuɛ’m be nun sran nga be leman wie’n be ti,*
maan ɔ de yalɛfuɛ’m be mma mun,
yɛ maan ɔ nunkun ndrunmun difuɛ’n.+
5 Kɛ wia’n te o lɛ’n saan bé sró wɔ.
Kɛ anglo’n te o lɛ’n saan bé sró wɔ,
bé sró wɔ tititi.+
7 I blɛ su’n, sran kpa’m bé bó nɲrɛ* kɛ waka sa,+
yɛ fɔundi’n yó dan+ lele saan anglo’n nunman lɛ kun.
8 Sran ng’ɔ́ síe be’n bé fɛ́ i jenvie’n i bue kun su lele fá jú i bue kun’n su lɔ,
10 Taasisi nin be nga be tran nzue afiɛn’n be famiɛn’m bé sú lapo.+
Saba nin Seba famiɛn’m bé fá like bé bá.+
11 Famiɛn’m be kwlaa bé kóto i bo,
yɛ nvlenvle’m be kwlaa bé sú i.
12 Afin ɔ́ dé yalɛfuɛ m’ɔ kpan kunndɛ ukalɛ’n,
ɔ nin sran ng’ɔ leman wie’n nin sran ng’ɔ leman ukafuɛ’n.
13 Ɔ́ sí sran ng’ɔ leman wie’n nin yalɛfuɛ’n be aunnvɔɛ,
yɛ ɔ́ dé yalɛfuɛ mun.
14 Ɔ́ dé be be nga be kle be yalɛ’n nin nzaje sa yofuɛ’m be sa nun,
yɛ be mmoja’n ɔ́ yó cinnjin i ɲrun.
15 Maan ɔ tran nguan nun, yɛ maan be fa Saba lɔ sika ɔkwlɛ be blɛ i.+
Maan be srɛ Ɲanmiɛn be mɛn i titi,
yɛ maan ɔ ɲan suyralɛ aliɛ ba kwlaa nun.
I asiɛ’n su ninnge’m bé yó kpa kɛ Liban lɔ liɛ’n sa,+
yɛ klɔ’m be su’n nvlefuɛ’m bé bó nɲrɛ kɛ asiɛ’n su waka mun sa.+
Maan nvlefuɛ’m be ɲan suyralɛ i dunman nun.+
Maan nvlenvle’m be kwlaa be se kɛ i liɛ su ti ye.
18 Maan manmanlɛ’n yo Ɲanmiɛn Zoova m’ɔ ti Izraɛli Ɲanmiɛn’n i liɛ.+
I kunngba cɛ yɛ ɔ yo abonuan sa mun-ɔn.+
Maan ɔ yo sɔ, maan ɔ yo sɔ.
20 Zese i wa Davidi+ i srɛlɛ’n i awieliɛ’n yɛ ɔ o lɛ-ɔ.
FLUWA NSAN SU
(Jue Mun 73-89)
Azafu i jue-ɔ.+
73 Ɲanmiɛn ti kpa man Izraɛli, ɔ ti kpa man be nga be awlɛn’n nun ti sanwun’n.+
2 Min liɛ’n, ɔ ka kan naan min ja’m b’a fa atin tɛ su.
Ɔ ka kan naan min ja’m b’a seli.+
4 Afin kɛ bé wú’n be fɛman.
Be wunnɛn’n wo be wun.+
6 I sɔ’n ti’n, wun tulɛ’n ti be kɔmin ɲanman.+
Nzaje sa yolɛ’n wla be wun kɛ tralɛ sa.
7 Be aɲanbeun ninnge’m be ti’n be ɲinma’m b’a fite cɔlɔcɔlɔɔ.
Ninnge nga b’a ɲɛn i’n ɔ tra nga be sunnzunnin i be awlɛn’n nun lɔ’n lelele.
8 Be yo sran’m be finfin, yɛ be kan ndɛ tɛtɛ.+
Be yo be wun dandan, be se sran’m be kɛ bé klé be ɲrɛnnɛn.+
9 Be ijɔ kɛ be ti’n to ɲanmiɛn’n sa.
Yɛ be taaman’n ɲinmɛnɲinmɛn i wun asiɛ’n su.
10 Ɔ maan Ɲanmiɛn i sran’m be kpɛli be ɲin be su lɔ,
yɛ be nɔnnin be nzue kpanngban’n wie.
11 Be se kɛ: “?Ɲanmiɛn yo sɛ yɛ ɔ si nun-ɔn?+
?Ɲanmiɛn m’ɔ o Like Kwlaa Ti Su’n ɔ si nun?”
12 Nanwlɛ, kɛ klunwifuɛ mɔ like fi kleman be yalɛ’n be ti sɔ-ɔ.+
Yɛ be aɲanbeun’n yo dan kɔ i ɲrun titi.+
13 Kannzu min ɲin mɔ n miannin naan min awlɛn’n yo sanwun’n,
ɔ nin min sa mɔ n wunnzinnin nun n fa kleli kɛ n yoman sa tɛ’n ɔ ti ngbɛn.+
15 Sanngɛ sɛ ɔ ti kɛ n kannin ndɛ sɔ mun’n,
nn ɔ ti kɛ m’an kpɛ ɔ nvlefuɛ’m be bo waka sa.
16 Kɛ n kunndɛli kɛ ń wún sa sɔ’n i wlɛ’n,
ɔ sanngannin min akunndan’n
17 lele saan kɛ n wluli Ɲanmiɛn i sua’n nun lɔ’n,
yɛ n wunnin sa ng’ɔ́ wá jú be su’n niɔn.
18 Nanwlɛ, w’a fa be w’a sie i lika kun m’ɔ yo ndrɔn’n nun.+
A yo maan be liɛ wie mlɔnmlɔn.+
19 Bé ká lɛ bé núnnún kpɛ kunngba!+
Be su mantan be awieliɛ m’ɔ́ wíe be tɛ’n, m’ɔ́ ká lɛ tɔ́ be su kpɛ kunngba’n!
20 Ee Zoova, kɛ á wá tinnge’n, á kpálo be,*
kɛ sran kun w’a cɛn laliɛ w’a wie naan w’a tinnge sa.
22 N dili sinnzin, m’an yoman ngwlɛlɛfuɛ.
N yoli kɛ nnɛn mɔ be siman ngwlɛlɛ’n sa ɔ ɲrun.
25 ?Wan yɛ n le i ekun ɲanmiɛn su lɔ-ɔ?
Yɛ kɛ mɔ e nin wɔ e o nun’n ti’n, n kunndɛman like fi asiɛ’n su.+
26 Min wunnɛn’n nin min awlɛn’n be kwla fɛ,
Sanngɛ Ɲanmiɛn ti min awlɛn’n i yɔbuɛ, i yɛ ɔ ti min like liɛ nga n le i’n tititi-ɔ.+
27 Nanwlɛ, be nga be nin wɔ be afiɛn ti nun’n, be liɛ wíe.
Be kwlaa nga be nin wɔ nantiman klanman’n,* á wá núnnún be.*+
28 Sanngɛ min liɛ’n, min wun mɔ n fa mantan Ɲanmiɛn’n ɔ ti kpa man min.+
N fali Zoova m’ɔ ti min Min m’ɔ Sie Like Kwlakwla’n n fa yoli min fiawlɛ,
naan ń kán ninnge ng’ɔ yo be’n be ndɛ.+
74 ?Ee Ɲanmiɛn, ngue ti yɛ a yili e blo mlɔnmlɔnmlɔn-ɔn?+
?Ngue ti yɛ w’a fa ya dan nnɛn nga be o ɔ nnɛn didiwlɛ’n nun’n be wun-ɔn?+
2 Maan ɔ wla kpɛn nvle nga a fa yoli ɔ liɛ w’a cɛ’n i su,+
maan ɔ wla kpɛn nvle nga a kpɔli i ti fa yoli ɔ aja like’n i su.+
Maan ɔ wla kpɛn Siɔn Oka’n mɔ a trannin su lɔ’n i su.+
3 Kɔ lika m’ɔ sacili mlɔnmlɔn’n nun lɔ.+
Ɔ kpɔfuɛ’n sacili lika m’ɔ ti ɔ liɛ klonglo’n i nun ninnge’m be kwlaa.+
4 Ɔ ɲrun tanndanfuɛ’m be kpannin kekle kpa ɔ aɲia lika’n nun lɔ.+
Be siesieli be nzɔliɛ ninnge mun lɔ.
5 Be ti kɛ yasua wie mɔ b’a fa kpɛliɛ b’a kpɛn bo ble nun’n sa.
6 Be fali kpɛliɛ nin blalɛ be sacili i nun desɛn’m be kwlaa.+
7 Be wɔli ɔ sua’n nun.+
Be yoli tannin sua mɔ ɔ dunman’n wo su’n i finfin, be bubuli i.
8 Be nin be mma mun be seli be klun lɔ kɛ:
“Maan e wɔ Ɲanmiɛn i aɲia lika* nga be o nvle’n nun’n be kwlaa be nun.”
9 E wunman nzɔliɛ fi.
Ɲanmiɛn nuan ijɔfuɛ wie fi nunman lɛ,
yɛ e nun wie fi siman blɛ nga i sɔ sa’n wíe’n.
10 ?Ee Ɲanmiɛn, cɛn benin ko naan ɔ ɲrun tanndanfuɛ’n w’a yaci nzowa kpɛlɛ?+
?Ɔ kpɔfuɛ’n yó ɔ dunman’n i finfin sa tititi?+
11 ?Ngue ti yɛ ɔ sa’n yoman like fi-ɔ? ?Ngue ti yɛ ɔ sa fama’n yoman like fi-ɔ?+
Yi ɔ sa’n ɔ tralɛ’n i bo* naan nunnun be.
12 Kɛ ɔ fɛ i laa lele’n, Ɲanmiɛn ti min Famiɛn,
i yɛ ɔ yo sa fa de sran asiɛ’n su-ɔ.+
13 A fali ɔ wunmiɛn’n mannin jenvie’n su.+
A kpɔtɔli nnɛn sroesroe nga be o jenvie’n nun’n be ti mun nzue’n nun.
14 A kpɔtɔli Leviatan* i ti mun.
A fɛ i mannin nvlefuɛ mun naan ɔ yo be aliɛ, a fɛ i mannin be nga be tran aawlɛ flɛnnɛn’m be nun’n.
15 A kpɛli nzue ti mun nin nzue ba’m be atin.+
A yoli maan nzue ba nga be wieman nun le’n be wieli nun.+
16 Wia’n nun’n ti ɔ liɛ, yɛ kɔnguɛ’n ti ɔ liɛ wie.
A yili lika m’ɔ kpaja’n* nin wia’n.+
17 A jajali asiɛ’n i awɛ’m be kwlaa.+
A sieli munngun’n nin wawa’n.+
18 Ee Zoova, maan ɔ wla kpɛn nzowa nga ɔ kpɔfuɛ’n kpɛ’n su,
maan ɔ wla kpɛn su kɛ sinnglinfuɛ’n yo ɔ dunman’n i finfin.+
19 Nán fa ɔ auble’n i nguan’n wla blo nnɛn’m be sa nun.
Nán ɔ wla fi ɔ sran mɔ ɲrɛnnɛn o be su’n be nguan’n su sa titi.
20 Maan ɔ wla kpɛn aenguɛ’n su,
afin nzaje sa yofuɛ’m be lika’m b’a yi asiɛ’n su lika tuun mun.
21 Nán maan sran nga be kle i ɲrɛnnɛn’n ɔ fɛ i ɲrun ɲannzuɛn’n sɛ i sin.+
Maan sran ng’ɔ leman wie’n nin yalɛfuɛ’n be manman ɔ dunman’n.+
22 Ee Ɲanmiɛn, jaso naan kpli ɔ ti.
Maan ɔ wla kpɛn su kɛ sinnglinfuɛ’n kpɛ ɔ nzowa aliɛ ba kwlaa nun.+
23 Nán ɔ wla fi ndɛ nga ɔ ɲrun tanndanfuɛ’m be kan’n su.
Be nga be yo ɲin kekle ɔ su’n be kpankpanlɛ’n, ɔ fu kɔ nglo titi.
Ɔ ti jue tofuɛ’m be su kpɛn’n i liɛ. “Nán saci like.” Azafu i jue-ɔ.+
75 Ee Ɲanmiɛn, é lá wɔ ase, é lá wɔ ase.
Ɔ dunman’n wo koko,+
yɛ sran’m be kan ɔ abonuan sa’m be ndɛ.
2 A se kɛ: “N sieli blɛ kun,
n di jɔlɛ nanwlɛ su.
3 Kɛ asiɛ’n nin i sufuɛ’m be kwlaa be nunnunnin’n,
min yɛ n yoli maan i ja’m be jrannin cinnjin-ɔn.” (Sela)
4 N se sran ng’ɔ di i nuan’n kɛ: “Nán di ɔ nuan,”
yɛ n se klunwifuɛ’n kɛ: “Nán di ɔ nuan se kɛ ɔ wunmiɛn’n ti dan.*
5 Nán di ɔ nuan dan sɔ se kɛ ɔ wunmiɛn’n ti dan,
yɛ nán ijɔ dandan.
6 Afin aɲrunɲan’n ɔ finman
wia afiliɛ lɔ, annzɛ wia atɔliɛ lɔ, annzɛ ja ngua lɔ.
7 Afin Ɲanmiɛn ti Jɔlɛ Difuɛ.+
Ɔ kan sran kun ase, yɛ ɔ man sran uflɛ su.+
8 Klowa kun o Zoova i sa nun,+
duvɛn’n bo nglo yɛ be sanngannin nun kpa.
Saan ɔ́ sú duvɛn’n,
yɛ klunwifuɛ’m be kwlaa bé nɔ́n, bé nɔ́n i lele bé nɔ́n i bo’n.”+
9 Sanngɛ min liɛ’n, ń kán sa sɔ’n i ndɛ tititi,
ń tó jue* ń mánmán Zakɔbu i Ɲanmiɛn’n.
10 Afin ɔ se kɛ: “Ń má yó maan klunwifuɛ’m be wunmiɛn’n wíe,*
sanngɛ sran kpa’m be ɲán wunmiɛn.”*
Ɔ ti jue tofuɛ’m be su kpɛn’n i liɛ. Kɛ bé tó’n, maan be bo miziki bolɛ ninnge nga be le ɲanman’n. Azafu i jue-ɔ.+
3 Ɔ bubuli ta mma nga be sɔ be nuan’n be nun lɛ.
Ɔ bubuli ɲrɛn’n, nin tokofi’n, nin alɛ kunlɛ ninnge’m be nun.+ (Sela)
4 A kpaja kpa,
a le ɲrun tra oka nga nnɛn nga be di be wun koniɛn’n, be o su’n.
5 Be fɛnnin be nga be le awlɛn’n be bo ninnge mun.+
Be lafili.
Safuɲrɛn’m be nun wie fi w’a kwlá kplimɛn i ti.+
6 Ee, Zakɔbu i Ɲanmiɛn, kɛ a kpannin’n,
i kakaklolo su fufuɛ-o, i nnɛn kpanngɔ-o, be lafili sa pɔɔ.+
7 Ɔ ngunmin cɛ yɛ a yo sro-ɔ.+
?Wan yɛ ɔ kwla jran ɔ ya dan’n i ɲrun-ɔn?+
8 Kɛ a o ɲanmiɛn su lɔ’n, a dili jɔlɛ.+
Srɛ kunnin asiɛ’n yɛ ɔ muɛnnin i nuan.+
9 Afin Ɲanmiɛn jasoli kɛ ɔ́ tú klunwifuɛ’m be fɔ,
naan ɔ́ dé asiɛ’n su wɛtɛɛfuɛ’m be kwlaa.+ (Sela)
10 Klɔ sran’n i ya m’ɔ fa’n ɔ́ yó maan bé mánmán wɔ.+
Á wá fá be ya’n i onga’n á wlá ɔ wun.
11 Amun ta amun Ɲanmiɛn Zoova i nda, yɛ amun yiɛ i nuan.+
Maan be kwlaa nga be bo sin yiɛ i’n, be usu be fa like be bla.+
12 Ɔ́ wá yó maan kpɛn’m be wun tulɛ’n ɔ́ kán ase.
I dunman nun’n, srɛ wá kún asiɛ’n su famiɛn mun.
Ɔ ti jue tofuɛ’m be su kpɛn’n i liɛ. Zeditɛn* su. Azafu i jue-ɔ.+
77 Ń fá min nɛn’n ń kpán flɛ́ Ɲanmiɛn.
Ń kpán flɛ́ Ɲanmiɛn, yɛ ɔ́ tí.+
2 Min ɲrɛnnɛn blɛ’n nun’n, n kunndɛ Zoova.+
Kɔnguɛ’n, n tinngɛ min sa’n nun i wun lɔ sa trilili.
Like fi kwlá fɔnvɔman min.
3 Kɛ min wla kpɛn Ɲanmiɛn su’n, n kplin.+
Min wla bo min wun, yɛ min wunmiɛn’n wie.+ (Sela)
4 A uke min ɲinma bui mun.
Min akunndan’n w’a sanngan yɛ n kwlá ijɔman.
5 Min ɲin kpɛn laa sa’m be su.+
Min ɲin kpɛn afuɛ nga be sinnin w’a cɛ kpa’n be su.
N bo min ɲin ase n kunndɛ sa sɔ’m be su like kpa.
7 ?Naan Zoova yí e blo sa tititi?+
?Ɔ su siman e aunnvɔɛ kun?+
8 ?I sran klolɛ dan’n w’a wie mlɔnmlɔn?
?I nda ng’ɔ tali’n i nuan su yiaman le?
9 ?Ɲanmiɛn i wla w’a fi i sran ye yolɛ’n su?+
?Annzɛ i ya’n ti’n i sran aunnvɔɛ silɛ’n w’a wie? (Sela)
10 ?Ń sé titi kɛ: “Like ng’ɔ bo min wla’n yɛ:+
Ɲanmiɛn m’ɔ o Like Kwlaa Ti Su’n w’a kaci wafa ng’ɔ nin e nanti’n?”
11 Min wla kpɛ́n ninnge nga Ya yo be’n be su.
Min wla kpɛ́n ɔ abonuan sa nga a yoli be laa’n be su.
12 Yɛ ń bú like nga a yo’n i kwlaa su akunndan.
Yɛ ń bú wafa nga a yo ninnge mun’n i akunndan.+
13 Ee Ɲanmiɛn, ɔ atin’m be ti sanwun.
?Ee Ɲanmiɛn, ɲanmiɛn benin yɛ ɔ ti dan kɛ wɔ sa-ɔ?+
14 A ti Ɲanmiɛn Kpli, wɔ yɛ a yoli abonuan ninnge mun-ɔn.+
A yili ɔ tinmin’n i nglo kleli nvlefuɛ mun.+
15 A fali ɔ tinmin’n* fa deli ɔ nvlefuɛ mun,*+
a deli Zakɔbu i mma mun nin Zozɛfu i mma mun. (Sela)
16 Ee Ɲanmiɛn, nzue’m be wunnin wɔ.
Nzue’m be wunnin wɔ yɛ be kejeli.+
Yɛ nzue mɔ be bo ti kploun’n be kejeli.
17 Ɲanmiɛn ble’n guali nzue dan kpa ase.
Ɲanmiɛn m’ɔ lu tritritri’n kplali,
yɛ ɔ ta mma’m be kɔ wa kɔ wa.+
18 Ɔ angblannan’n+ tɛ kɛ kakaklolo’m be ja’n sa.
Kɛ ɲanmiɛn’n kpali sin piapia’n, asiɛ’n su kpajali.+
Asiɛ’n usuli yɛ ɔ kejeli.+
19 Ɔ atin’n sin jenvie’n nun.+
Ɔ atin’n sin nzue kpanngban nun.
Sanngɛ be kwlá wunman ɔ ja osu.
20 A kleli ɔ nvlefuɛ’m be atin kɛ nga be fa kle bua’m be atin’n sa.+
Moizi nin Aarɔn be niannin be lika.+
78 Min nvlefuɛ mun, amun tie min mmla’n,*
amun fa amun su sie min nuan ndɛ’n i bo.
2 Ń má úke min nuan’n ń bú ɲanndra.
Ń má kán ndɛ nga be wlɛ wunlɛ ti kekle’n.+
3 Ndɛ nga e tili be mɔ e si be’n,
mɔ e si’m be kan kleli e’n,+
4 e su fa fiaman be mma’m be wun.
Sa dandan nga Zoova yoli’n, ɔ nin i wunmiɛn’n,+
abonuan sa ng’ɔ yoli be’n,+
é kán be ndɛ é klé be nga bé wá jáso su’n.+
5 Ɔ mannin Zakɔbu i mmla kun,*
yɛ ɔ kpɛli mmla kun Izraɛli lɔ.
Ɔ seli e nannan’m be kɛ
be kan ninnge sɔ’m be ndɛ kle be mma mun.+
6 I liɛ’n, be nga bé wá jáso su’n,
ba nga bé wá wú be’n, bé sí be.+
Yɛ be kusu bé kán be ndɛ klé be mma liɛ mun.+
7 Ɔ maan ba sɔ’m bé fá be wla gúa Ɲanmiɛn su.
8 I liɛ’n, be su yoman kɛ be nannan’m be sa.
Be nannan’m be keteli, yɛ be yoli ɲin kekle,+
be awlɛn’n yoli nɲɔnnɲɔn,+
yɛ be nin Ɲanmiɛn b’a nantiman klanman.
9 Ta o Efraimunfuɛ’m be sa nun,
sanngɛ alɛ kunlɛ cɛn’n nun’n, be wanndili.
11 Asa ekun’n, be wla fili like ng’ɔ yoli’n su,+
be wla fili abonuan sa ng’ɔ yoli be fa kleli be’n be su.+
13 Ɔ kpacili jenvie’n nun naan be sin,
yɛ ɔ yoli maan nzue’n sili ce kɛ talɛ wie sa.+
14 Wia nun’n, ɔ fali ɲanmiɛn ble kun kleli be atin,
yɛ kɔnguɛ wunmuan’n nun’n, ɔ fali sin kun i kpajalɛ’n kleli be atin.+
15 Ɔ kpacili yɔbuɛ’m be nun aawlɛ flɛnnɛn’n nun lɔ.
Ɔ yoli maan be nɔnnin nzue be ku yili, kɛ nzue dan
wie i nun nzue yɛ be nɔnnin sa.+
16 Ɔ yoli maan nzue fin yɔbuɛ kun nun fiteli.
Ɔ yoli maan nzue’n sonjili kɛ nzue ba wie sa.+
17 Be yoli sa tɛ i ɲrun titi,
be yoli ɲin kekle Ɲanmiɛn m’ɔ o Like Kwlaa Ti Su’n i su, aawlɛ flɛnnɛn’n nun lɔ.+
18 Be sali Ɲanmiɛn be awlɛn’n nun lɔ niannin.+
Be seli i kɛ ɔ man be aliɛ nga be konvi sɔ i’n.
19 Ɔ maan be kannin Ɲanmiɛn i wun ndɛ tɛtɛ.
Be seli kɛ: “?Ɲanmiɛn kwla siesie tabli kun aawlɛ flɛnnɛn nga nun wa man e?”+
20 Amun nian! Ɔ finnin yɔbuɛ kun su
naan nzue fite, naan nzue kpanngban kpa sonji.+
“?Sanngɛ ɔ kwla man e kpanwun wie?
?Annzɛ ɔ kwla mɛn i nvlefuɛ’m be nnɛn?”+
21 Kɛ Zoova tili ndɛ nga be kannin’n, ɔ fali ya dan kpa.+
22 Afin b’a lafiman Ɲanmiɛn su.+
B’a lafiman su kɛ ɔ kwla de be.
23 Ɔ maan ɔ kannin ndɛ kleli ɲanmiɛn ble m’ɔ o nglo lɔ’n,
yɛ ɔ tikeli ɲanmiɛn su lɔ anuan mun.
24 Ɔ yoli maan manin’n guali titi naan be di.
Ɔ mannin be like mma m’ɔ fin ɲanmiɛn su’n.+
25 Be dili safuɲrɛn’m* be kpanwun’n.+
Ɔ mannin be kaka kpa naan be ku yi.+
26 Ɔ yoli maan wia afiliɛ lɔ aunmuan’n fitali ɲanmiɛn su lɔ,
yɛ ɔ fɛli i tinmin’n yoli maan aunmuan kun fin ngua lɔ fitali.+
27 Yɛ ɔ yoli maan nnɛn fin nglo lɔ guali be su kɛ ndutre sa,
anunman’m be guali be su kɛ jenvie nuan aunɲan’n sa.
28 Ɔ yoli maan be guɛli i nanmue’n i afiɛn,
be guɛli i tannin sua’m be wun.
29 Be dili, be dili i lelele.
Ɔ mannin be like nga be konvi o su’n.+
30 Sanngɛ ka naan be konvi’n w’a kan ase’n,
kɛ aliɛ’n te o be nuan nun bɔbɔ’n,
31 Ɲanmiɛn fali be wun ya.+
Ɔ kunnin be nun yasua nga be le wunmiɛn kpa’n.+
Ɔ kunnin Izraɛli gbanflɛn mun.
32 Ɔ nin i sɔ ngba’n, be yoli sa tɛ trali laa liɛ’n,+
yɛ b’a lafiman abonuan sa ng’ɔ yoli be’n be su.+
33 Ɔ yoli maan be cɛn’m be sinnin kɛ aunmuan wie sa.+
Ɔ fali ɲrɛnnɛn yili be su kpɛ kunngba, ɔ maan be afuɛ’m be wieli.
34 Sanngɛ blɛ kwlaa ng’ɔ kun be’n, be kunndɛ i.+
Be sa be sin, yɛ be kunndɛ Ɲanmiɛn,
35 be wla kpɛn su kɛ Ɲanmiɛn ti be Yɔbuɛ,+
yɛ be wla kpɛn su kɛ Ɲanmiɛn m’ɔ o Like Kwlaa Ti Su’n, ɔ ti be Ti Kpɔfuɛ.*+
36 Sanngɛ be kunndɛli kɛ bé fá be nuan’n bé lɛ́kɛ i,
yɛ be fali be taaman’n be buali ato kleli i.
37 Be awlɛn’n w’a trɛnmɛn i su kpa.+
Yɛ b’a dimɛn i aenguɛ’n su nanwlɛ su.+
38 Sanngɛ ɔ ti aunnvɔɛ sifuɛ.+
Ɔ yaci be fɔnlɛ’n cɛ be,* yɛ ɔ nunnunman be.+
Blɛ sunman’n, ɔ guɛ i ya’n i ase,+
ɔ yimɛn i ya’n kwlaa nglo.
40 Be yoli ɲin kekle i su wie pɛ aawlɛ flɛnnɛn’n nun lɔ,+
yɛ be kpɔtɔli i awlɛn’n aawlɛ flɛnnɛn’n nun lɔ.+
42 Be wla w’a kpɛnmɛn i tinmin*
m’ɔ fa deli be* be kpɔfuɛ’n i sa nun’n, i su.+
43 Be wla w’a kpɛnman su kɛ ɔ yoli abonuan sa mun Ezipti lɔ,+
yɛ be wla w’a kpɛnman su kɛ ɔ yoli abonuan sa mun Zoan asa’n su lɔ.
44 Ɔ yoli maan Nili nzue’n i sama’m be kacili mmoja,+
yɛ b’a kwlá nɔnman be nzue ba mun.
46 Ɔ fali be fie’m be su ninnge nga be kpɛli’n ɔ fa mannin lalo mɔ be saci like’n.
Ɔ fali junman nga be dili’n i nuan like’n fa mannin lalo mɔ be tu likawlɛ’n.+
47 Ɔ fali nzraama mɔ kɛ nzue tɔ́’n ɔ gua’n, ɔ fa sacili be viɲin mun,+
ɔ nin be sikomɔɔ waka mun.
48 Ɔ yili be nnɛn nga be fa sua be trɔ mun’n mannin nzraama mɔ kɛ nzue tɔ́’n ɔ gua’n,+
yɛ ɔ yili be nnɛn mun mannin angblannan’n.*
49 Ɔ yoli maan i ya’n jueli be su,
ya dan nin ya ble nin ɲrɛnnɛn jueli be su.
Ɔ sunmannin anzi kpanngban naan be fa ɲrɛnnɛn be bla.
50 Ɔ yili i ya’n i nglo.
W’a deman be wie’n i sa nun.
Yɛ ɔ yili be mannin tukpacɛ m’ɔ sa ndɛndɛ’n.
51 I agualiɛ su’n, ɔ kunnin Ezipti lɔ ba klikli’m be kwlaa.+
Ɔ kunnin be wa klikli mun Kamun lɔ tannin sua’m be nun.
52 Kɛ ɔ yoli sɔ’n, ɔ fɛli i nvlefuɛ mun fiteli kɛ bua mun sa,+
yɛ ɔ kleli be atin kɛ nnɛn akpasua kun sa aawlɛ flɛnnɛn’n nun lɔ.
53 Ɔ fali be ɔli, like fi w’a yoman be,
yɛ srɛ w’a kunman be.+
Jenvie’n katali be kpɔfuɛ’m be su.+
54 Ɔ fali be ɔli i lika m’ɔ ti i liɛ klonglo’n nun lɔ,+
Okaoka lika m’ɔ fɛli i sa fama’n fali’n nun lɔ.+
55 Ɔ fuannin nvlenvle mun be ɲrun.+
Ɔ fali like sunnzunlɛ ɲanman’n sunnzunnin aja like kun mannin be.+
Ɔ fali Izraɛli akpasua mun trannin be sua’m be nun.+
56 Sanngɛ be klɔklɔli Ɲanmiɛn m’ɔ o Like Kwlaa Ti Su’n sa trilili, yɛ be yoli ɲin kekle i su.+
B’a faman be ɲin b’a siemɛn i i afɔtuɛ’m be su.+
57 Asa ekun’n, be fali atin uflɛ, yɛ be yoli gblɛfuɛ kɛ be nannan mun sa.+
Be kwlá lafiman be su, be ti kɛ ta mɔ b’a cuɛnmɛn i ɲanman’n nun kpa’n sa.+
58 Be fali be amuin sɔwlɛ mun be fa fɔkɔli i awlɛn titi,+
yɛ be fali be amuin ba mɔ be sɛ be’n klɔklɔli i ya’n.+
59 Ɲanmiɛn tili, yɛ ɔ fali ya dan,+
ɔ maan ɔ yili Izraɛli i blo mlɔnmlɔn.
60 I agualiɛ su’n, ɔ jasoli Silo lɔ Ɲanmiɛn i tannin sua’n nun,+
tannin sua m’ɔ trannin nun sran’m be afiɛn’n.+
61 Ɔ yacili i wunmiɛn’n i nzɔliɛ’n i lɛ maan be fa ɔli.
Ɔ fɛli i aɲrunɲan’n wlali i kpɔfuɛ’n i sa nun.+
62 Ɔ yili i nvlefuɛ mun mannin tokofi’n,+
yɛ ɔ fali ya dan kpa i aja like’n i wun.
63 Sin yrɛli i gbanflɛn mun kɔlikɔli,
yɛ b’a toman atɔnvlɛ falɛ jue b’a mɛnmɛn i talua mɔ be nin-a siman bian’n.*
65 Ɔ maan Zoova jasoli kɛ sran m’ɔ su lafi mɔ w’a jaso’n sa,+
ɔ jasoli kɛ safuɲrɛn+ wie mɔ duvɛn’n w’a titi i ɲin su’n sa.
66 Ɔ yoli maan i kpɔfuɛ’m be cuɛnnin be wun.+
Ɔ fali ɲannzuɛn’n yili be su mlɔnmlɔnmlɔn.
67 Ɔ yili Zozɛfu i tannin sua’n i blo.
W’a faman Efraimun akpasua’n.
69 Ɔ kplɛnnin i sua’n naan ɔ ka lɛ tititi kɛ ɲanmiɛn’n sa,+
kɛ asiɛ m’ɔ yili i naan ɔ ka lɛ tititi’n sa.+
71 ɔ fɛli i kan ɔ nian bua nga be te man be mma’m be wunflɛn’n be lika lɔ’n.
Ɔ fɛ i sieli i Zakɔbu su, yɛle kɛ i nvle’n i su,+ naan ɔ niɛn i lika kɛ bua sunianfuɛ’n fa niɛn i bua’m be lika’n sa.
Ɔ fɛ i sieli Izraɛli m’ɔ ti i aja like’n i su.+
Azafu i jue-ɔ.+
B’a yo maan Zerizalɛmun klɔ’n w’a kaci yɔbuɛ kwle.+
2 Be fali ɔ sufuɛ’m be fuɛn mun be mannin anunman nga be tu sin nglo lɔ’n, naan ɔ yo be aliɛ.
Be fali ɔ sufuɛ kpa mun be nnɛn’n mannin asiɛ’n su blo nnɛn mun.+
3 Be guali be mmoja’n i ase kɛ nzue sa, Zerizalɛmun klɔ’n i wun,
yɛ sran fi nunman lɛ kun naan w’a sie be.+
4 Y’a kaci finfinfuɛ e mantanfuɛ’m be ɲrun,+
be nga be o e wun lɛ’n be sri e, yɛ be yo e finfin.
5 ?Ee Zoova, á fá ya lele jú cɛn benin? ?Á fá ya sa tititi?+
?Ɔ ya’n júe kɛ sin sa lele cɛn benin?+
6 Fa ɔ ya’n guɛ i nvle nga be siman wɔ’n,
ɔ nin famiɛn diwlɛ nga be boman ɔ dunman’n be su.+
7 Afin be nunkunnin Zakɔbu,
yɛ be nunnunnin i nvle’n mlɔnmlɔnmlɔn.+
De e, yɛ yaci e sa tɛ mun cɛ e,* ɔ dunman’n ti.+
10 I liɛ’n, nvlenvle’m be su seman kɛ: “?Be Ɲanmiɛn’n wo nin?”+
E ɲin bo lɛ’n, maan nvlenvle’m be si kɛ
a tuli ɔ sufuɛ nga be kunnin be’n be klunngbɔ.+
12 Yi sa nga e mantanfuɛ’m be yoli’n i wunsu kpɛ nso man be.+
Afin Zoova, be kpɛli ɔ nzowa.+
13 I liɛ’n, e mɔ e ti ɔ sran mun’n, mɔ e ti ɔ nnɛn didiwlɛ nun nnɛn’n,+
é lá wɔ ase tititi.
Yɛ é mánmán wɔ blɛ kwlaa nun.+
Ɔ ti jue tofuɛ’m be su kpɛn’n i liɛ. “Lisi su.” Ɔ ti be wla kpɛnlɛ like.
Azafu i jue-ɔ.+
80 Ee, wɔ mɔ a nian Izraɛli i lika kɛ bua sunianfuɛ’n fa niɛn i bua’m be lika’n sa’n, tie.
Wɔ mɔ a kle Zozɛfu i atin kɛ be fa kle bua fa kun i atin sa’n, tie.+
2 Yi ɔ tinmin’n i nglo+
Efraimun nin Bɛnzamɛn, ɔ nin Manase be ɲrun.
Bla wa de e.+
3 Ee Ɲanmiɛn, yo maan e sin e osu’n nun ekun.+
Maan ɔ ɲrun’n kpaja e su naan e fite nun.+
4 ?Ɲanmiɛn Zoova, wɔ mɔ a ti sonja’m be su kpɛn’n, cɛn benin ko naan ɔ nvlefuɛ’m be srɛlɛ’n w’a yoman ɔ tɛ kun?+
5 A fa be ɲinmuɛn nzue’n man be naan be di i kɛ kpanwun sa.
Yɛ a yo maan be nɔn be ɲinmuɛn nzue kpanngban kpa.
6 A yaci e mantanfuɛ’m be lɛ maan be kan ndɛnngan e dunman nun.
E kpɔfuɛ’m be yo e finfin kɛ be fa klo’n sa.+
7 Ee Ɲanmiɛn, wɔ mɔ a ti sonja’m be su kpɛn’n, yo maan e sin e osu’n nun ekun.
Maan ɔ ɲrun’n kpaja e su naan e fite nun.+
9 A yoli lika kun weiin mɛnnin i,
kpɛkun ɔ trali ndin yɛ ɔ yili asiɛ’n.+
10 I fɔnvɔ’n katali oka’m be su,
yɛ i sama’m be katali Ɲanmiɛn i sɛdri waka’m be su.
11 I sama’m be ɔli lele be juli jenvie’n su lɔ,
yɛ i ng’ɔ fɛfɛli i wun’n, ɔ ɔli lele juli Nzue ba’n* su lɔ.+
12 ?Ngue ti yɛ a bubuli viɲin’n i wun yɔbuɛ talɛ’n+
naan be kwlaa nga be sin i wun lɛ’n be titi i su mma’n niɔn?+
13 Blo kɔkɔti’m be saci i,
yɛ blo nnɛn’m be di.+
14 Ee Ɲanmiɛn, wɔ mɔ a ti sonja’m be su kpɛn’n, yaci, sa ɔ sin.
Kɛ a o ɲanmiɛn su lɔ’n, kpɛ ɔ ɲin asiɛ’n su wa naan nian!
Nian viɲin sɔ’n i lika.+
15 Nian waka* mɔ a fali ɔ sa fama’n tali’n i lika.+
Yɛ nian ba yasua* nga a mɛnnin i wunmiɛn naan ɔ yo ɔ liɛ’n.+
16 Be wɔli nun,+ be kpɛli i bo.
Kɛ a kpannin’n, be nunnunnin.
17 Maan ɔ sa’n suan sran m’ɔ o ɔ sa fama su’n i bo,
maan ɔ suan sran mɔ a mɛnnin i wunmiɛn naan ɔ yo ɔ liɛ’n i bo.+
18 I liɛ’n, e su kaciman e sin e siman wɔ.
Yaci e nguan nun maan e bo wɔ dunman’n.
19 Ee Ɲanmiɛn Zoova, wɔ mɔ a ti sonja’m be su kpɛn’n, yo maan e sin e osu’n nun ekun,
Maan ɔ ɲrun’n kpaja e su naan e fite nun.+
Ɔ ti jue tofuɛ’m be su kpɛn’n i liɛ. Gititi* su. Azafu i jue-ɔ.+
81 Amun kpan aklunjɔɛ kpanlɛ e Ɲanmiɛn m’ɔ ti e wunmiɛn’n i ɲrun.+
Amun kpan kwlalɛ kpanlɛ Zakɔbu i Ɲanmiɛn’n i ɲrun.
2 Amun bo miziki yɛ amun fa klɛn,
ɔ nin jru mɔ i nɛn yo fɛ’n, nin miziki bolɛ like ng’ɔ le ɲanman’n.
4 Afin ɔ ti Izraɛli i mmla kun,
ɔ ti Zakɔbu i Ɲanmiɛn’n i mmla kun.+
N tili sran kun nɛn’n,* sanngɛ n siman sran ng’ɔ kan ndɛ’n:
6 “N yili i wati su trɔ’n,+
i sa’m be yacili gbogbo’n nun tralɛ.
7 Ɔ ɲrɛnnɛn blɛ nun’n, a flɛli min, yɛ n deli wɔ.+
N tɛli ɔ su ɲanmiɛn ble m’ɔ kpla’n nun.*+
N sali wɔ Meriba* lɔ nzue’m be nuan lɔ n niannin.+ (Sela)
8 Min nvlefuɛ mun, amun tie, ń má kán sa nga amun yo’n i ndɛ.
Ee Izraɛli, amun waan amun tieman min aniɛn’n.+
9 Nán ɲanmiɛn uflɛ fi tran amun afiɛn,
yɛ nán amun koto ɲanmiɛn uflɛ bo.+
10 Min Zoova, n ti amun Ɲanmiɛn.
Min yɛ n fali amun Ezipti mɛn’n nun lɔ n fiteli-ɔ.+
Amun trɛ amun nuan’n nun kpa, yɛ ń gúa nun like lele ɔ́ yí.+
11 Sanngɛ min nvlefuɛ’m b’a tieman min aniɛn’n.
Izraɛli w’a kplinman su kɛ ɔ́ ló i wun mán min.+
12 Ɔ maan n yacili be lɛ be yoli like ng’ɔ o be awlɛn mɔ w’a kete’n nun’n.
Be yoli like nga be bu i kɛ ɔ ti kpa’n.*+
14 nn n guali be kpɔfuɛ’m be ɲin ase,
nn n tuli be ɲrun tanndanfuɛ’m be fɔ.+
15 Be nga be kpɔ Zoova’n bé úsu i ɲrun sa tututu,
yɛ be agualiɛ’n* ká sɔ tititi.
16 Sanngɛ ɔ́ fá ble kpafuɛ’n ɔ́ fá tá wɔ,*+
yɛ ɔ́ mán wɔ yɔbuɛ nun awɛma nzue lele ɔ ku yí.”+
Azafu i jue-ɔ.+
2 “?Cɛn onin ko yɛ amún yáci ndɛ kwlɛ bulɛ-ɔ?+
?Yɛ cɛn onin ko yɛ amún yáci klunwifuɛ’m be ndɛ fɛ manlɛ-ɔ?+ (Sela)
3 Maan amun kpli sran ng’ɔ leman wie’n, ɔ nin sran ng’ɔ leman si’n be ti.*+
Maan amun di sran m’ɔ leman ukafuɛ’n, ɔ nin sran m’ɔ leman like fi’n be ndɛ mun nanwlɛ su.+
4 Maan amun de sran m’ɔ leman wie’n, ɔ nin yalɛfuɛ’n.
Amun de be klunwifuɛ’m be sa nun.”
5 Be siman sa fi, yɛ be wunman sa fi wlɛ.+
Be wlan sa daan aosin’n nun.
Asiɛ’n i bo’n kwlaa kejeli.+
6 “N seli kɛ: ‘Amun ti ɲanmiɛn,*+
amun kwlaa amun ti Ɲanmiɛn m’ɔ o Like Kwlaa Ti Su’n i mma mun.
7 Sanngɛ amún wá wú kɛ sran mun sa.+
Yɛ amún wá tɔ́ kɛ wlengbi onga mun sa!’”+
8 Ee Ɲanmiɛn, jaso naan di asiɛ’n i jɔlɛ,+
afin nvlenvle’m be kwlaa be ti ɔ liɛ.
Azafu i jue-ɔ.+
83 Ee Ɲanmiɛn, nán tran lɛ bliin.+
Ee Ɲanmiɛn, nán muan ɔ nuan’n su, nán tran lɛ diin.
2 Afin nian! Ɔ kpɔfuɛ’m be kejeman aɔwi.+
Be nga be kpɔ wɔ’n be tu be wun.*
3 Be fa gblɛ be cici ɔ nvlefuɛ’m be wun ndɛ nvialiɛ nun.
Be cici be nga be ndɛ ti ɔ cinnjin’n* be wun ndɛ.
4 Be se kɛ: “Amun bla maan e nunnun be nvle’n.+
I liɛ’n, sran’m be wla su kpɛnman Izraɛli dunman’n su kun.”
5 Be bo yo kun be bu like nga bé wá yó’n i akunndan.
B’a ti be wun aniɛn* naan bé jáso ɔ wun:+
6 Edɔmun tannin sua mun, ɔ nin Ismaɛlifuɛ mun, Moabu+ nin Agaafuɛ mun,+
8 Asiri+ kusu fɛli i wun wlali be nun.
Be suan Lɔtu i mma’m be bo.*+ (Sela)
9 Like nga a fa yoli Madian’n, fa yo be wie.+
Like nga a fa yoli Sizera nin Zabɛn Kisɔn nzue’n i nuan lɔ’n,+ fa yo be wie.
10 Be wuli An-Dɔɔ lɔ.+
Be kacili kɛ nnɛn wakasu sa asiɛ’n su.
11 Yo be sran dandan’m be kɛ a fa yoli Orɛbu nin Zeɛbu sa,+
12 Afin be se kɛ: “Maan e fa mɛn nga Ɲanmiɛn tran nun’n e yo e liɛ.”
13 Ee, min Ɲanmiɛn, yo maan be yo kɛ ijre wie mɔ seke’n su fɛ i kɔ’n sa,+
kɛ ijre kee wie mɔ aunmuan’n su fɛ i kɔ’n sa.
14 Kɛ sin m’ɔ yra bo’n sa’n,
kɛ sin taaman m’ɔ yra oka’m be sa’n,+
16 Ee Zoova, gua be ɲin ase.
I liɛ’n, bé kúnndɛ ɔ dunman’n.
17 Maan ɲannzuɛn kun be tititi, yɛ maan srɛ kun be tititi.
Maan be wun ɲannzuɛn, yɛ maan be nunnun.
18 Maan sran’m be si kɛ wɔ mɔ ɔ dunman’n yɛle Zoova’n,+
ɔ kunngba cɛ yɛ a o Like Kwlaa Ti Su asiɛ wunmuan’n su-ɔ.+
Ɔ ti jue tofuɛ’m be su kpɛn’n i liɛ. Gititi* su. Kore i mma’m be jue-ɔ.+
Min awlɛn’n nin min wunnɛn’n be kpan aklunjɔɛ kpanlɛ Ɲanmiɛn m’ɔ lafiman’n i ɲrun.
3 Ee Zoova, wɔ mɔ a ti sonja’m be su kpɛn’n,
min Famiɛn nin min Ɲanmiɛn,
anunman’n bɔbɔ ɲan lawlɛ lɔ,
yɛ alialia’n yo i sua lɔ, ɔ niɛn i wa’n i lika
ɔ tɛ yiwlɛ dan’n i wun lɛ.
4 Be nga be tran ɔ sua’n nun lɔ’n be liɛ su ti ye!+
Be manman wɔ tititi.+ (Sela)
5 Be nga ɔ dunman nun’n be ɲan wunmiɛn’n,+
mɔ be awlɛn’n o atin dandan’m be su’n, be liɛ su ti ye.
6 Kɛ be sin Baka Kongo’n nun’n,
be yo maan ɔ kaci nzue ti,
yɛ nzue klikli’n yo maan ninnge kpakpa’m be yi i.*
7 Kɛ bé nánti kɔ́’n, nn be wunmiɛn’n úka su kɔ́ i ɲrun.+
Be tinuntinun be kɔ Ɲanmiɛn ɲrun Siɔn lɔ.
8 Ee Ɲanmiɛn Zoova, wɔ mɔ a ti sonja’m be su kpɛn’n, tie min srɛlɛ’n.
Ee Zakɔbu i Ɲanmiɛn, sie ɔ su tie. (Sela)
9 E ɲrɛn nin e Ɲanmiɛn, nian,*+
nian ɔ sran mɔ a kpɛli i’n i ɲrun.+
10 Afin sɛ be tran ɔ awlo klun’m be nun lɔ cɛn ba kun bɔbɔ’n, ɔ ti kpa tra kɛ b’a di afuɛ akpi (1.000) lika uflɛ!+
M’an tranman klunwi tannin sua’m be nun,
sanngɛ n fali ajalɛ kɛ ń jrán min Ɲanmiɛn’n i sua’n i anuan’n i ɲrun lɛ.
Be nga be nanti seiin’n,+
Zoova fá like kwlaa ng’ɔ ti kpa’n mán be.
12 Ee Zoova, wɔ mɔ a ti sonja’m be su kpɛn’n,
sran ng’ɔ fɛ i wla gua ɔ su’n i liɛ su ti ye.+
Ɔ ti jue tofuɛ’m be su kpɛn’n i liɛ. Kore i mma’m be jue-ɔ.+
85 Ee Zoova, a yoli ɔ mɛn’n i ye.+
A fali Zakɔbu i sran nga be trali be ɔli’n bali.+
2 A yacili ɔ sran’m be fɔnlɛ’n cɛli be.
A yacili be sa tɛ’n i kwlaa cɛli be.*+ (Sela)
3 A guali ɔ ya dan’n kwlaa i ase.
A yacili ɔ ya dan m’ɔ lo kɛ sin sa’n.+
4 Ee Ɲanmiɛn, wɔ mɔ a ti e defuɛ’n, yo maan e sin* e osu laa’n nun,
yɛ e wun ya nga a fali’n, yaci cɛ e.+
5 ?Á fá e wun ya ble sa trilili?+
?Á fá e wun ya sa tititi?
6 ?A su manman e wunmiɛn ekun
naan ɔ dunman nun’n, ɔ sran’m be di aklunjɔɛ?+
7 Ee Zoova, kle kɛ a klo e dan,+
yɛ de e.
8 Ń síe min su ń tíe ndɛ nga Ɲanmiɛn Kpli Zoova kan’n,
afin ɔ́ wá kán fɔundi ndɛ klé i sran mun,+ ɔ́ kán klé i sran kpa mun,
sanngɛ nán maan be sa be sin be lafi be wun su dan ekun.+
9 Be nga be sro i’n, be kwla ɲan delɛ i sa nun,+
kɛ ɔ ko yo naan i aɲrunɲan’n w’a tran e mɛn’n nun’n ti.
10 Klolɛ dan’n nin nanwlɛ dilɛ’n bé yía.
Sa kpa yolɛ’n nin fɔundi’n bé tɔ́ be wiengu nun.*+
11 Nanwlɛ dilɛ’n fífí asiɛ’n su,
yɛ kɛ sa kpa yolɛ’n wo ɲanmiɛn su lɔ’n ɔ́ nían ngua wa.+
13 Sa kpa yolɛ’n ɔ́ dún mmua i ɲrun,+
yɛ ɔ́ yí atin kun naan i ja’m be sin su.
Davidi i Ɲanmiɛn srɛlɛ.
86 Ee Zoova, sie ɔ su min nuan bo,* yɛ tɛ min su.
Afin afɛ o min su, yɛ n ti yalɛfuɛ.+
2 Sasa min nguan’n, afin n nanti seiin.+
De ɔ sufuɛ m’ɔ fɛ i wla gua ɔ su’n,
afin a ti min Ɲanmiɛn.+
4 Yo maan ɔ sufuɛ’n i klun jɔ,
afin Zoova, ɔ su lɔ yɛ n kpɛ min ɲin-ɔn.
5 Afin wɔ Zoova, a ti kpa,+ yɛ a klo kpa kɛ á yáci sa cɛ́.+
Be kwlaa nga be kpan flɛ wɔ’n, a kle kɛ a klo be dan.+
9 Ee Zoova, nvlenvle mɔ a yili be’n be kwlaa
11 Ee Zoova, kle min ɔ atin’n.+
Ń nánti ɔ nanwlɛ atin’n su.+
Yo naan min awlɛn’n tran like kunngba su* naan n sro ɔ dunman’n.+
12 Ee Zoova, min Ɲanmiɛn, n fa min awlɛn’n kwlaa n manman wɔ,+
yɛ ń mánmán ɔ dunman’n tititi.
13 Afin klolɛ nga a yi i nglo min lika’n ɔ ti dan,
14 Ee Ɲanmiɛn, wun tufuɛ’m be jaso min wun.+
Be nga be siman aunnvɔɛ’n be kunndɛ kɛ bé kún min,
yɛ be buman wɔ like fi.+
15 Sanngɛ Zoova, a ti Ɲanmiɛn kun m’ɔ yaci sa cɛ-ɔ, yɛ a si aunnvɔɛ.*
A faman ya ndɛndɛ, a klo sran dan, yɛ a ti nanwlɛfuɛ.+
16 Kpɛ ɔ ɲin min su wa naan si min aunnvɔɛ.+
Fa ɔ wunmiɛn’n man ɔ sufuɛ’n,+
yɛ de ɔ kanga bla’n i wa’n.
17 Kle min ɔ klun ufue’n i nzɔliɛ,
i liɛ’n, be nga be kpɔ min’n bé wún i, kpɛkun be ɲin gúa ase.
Afin Zoova, a ti min ukafuɛ nin min fɔnvɔfuɛ.
Kore i mma’m be jue-ɔ.+
87 Oka mɔ be ti Ɲanmiɛn liɛ klonglo’n be su yɛ be wlali Ɲanmiɛn i klɔ’n i bo ase-ɔ.+
2 Zoova klo Siɔn i anuan mun+
tra Zakɔbu i tannin sua’m be kwlaa.
3 Ee, Ɲanmiɛn Kpli i klɔ,+ be kan ɔ wun ndɛ kpakpa mun. (Sela)
4 Ń má ká Raabu+ nin Babilɔnin ń wlá be nga be si min’n be nun.
Filisti nin Tir yɛ be o yɛ, ɔ nin Kisi.
Bé wá sé kɛ: “Be wuli nga lɔ.”
5 Yɛ bé wá kán Siɔn i ndɛ bé sé kɛ:
“Be wuli be kwlaa lɛ.”
Yɛ Ɲanmiɛn m’ɔ o Like Kwlaa Ti Su’n ɔ́ wá yó maan ɔ́ táka kpa.
6 Kɛ Zoova wá klɛ́ nvlefuɛ’m be dunman’n, ɔ́ sé kɛ:
“Be wuli nga wa.” (Sela)
7 Jue tofuɛ mun+ nin be kwlaa nga be si able be bo sin yia nun’n+ bé sé kɛ:
“Ninnge kpakpa kwlaa nga e ɲan be’n be fin wɔ.”*+
Kore i mma’m be jue-ɔ.+ Ɔ ti jue tofuɛ’m be su kpɛn’n i liɛ. Maan be nian Maalati* su. Kɛ wie’m bé tó’n, nn wie’m bé sɔ́ su. Eman+ m’ɔ ti Ezrafuɛ’n i Maskili’n* su.
2 Maan min srɛlɛ’n to wɔ lɔ.+
4 Be ka min be wla be nga be jra kunman’n* nun lɔ’n be nun.+
M’an kaci sran m’ɔ leman ukafuɛ-ɔ.*+
5 M’an ka be nga be wuli’n be afiɛn.
N ti kɛ be nga be kunnin be mɔ be lala ndia kun nun’n be sa.
Ɔ wla kpɛnman be su kun,
yɛ a nianman be lika kun.*
6 A fali min yili kunman mɔ i bo ti kploun kpa’n nun.
A fali min yili lika kun m’ɔ lu tuun’n nun, kunman dan kpa kun nun.
7 Ɔ ya dan’n tin min su dan ngboko.+
W’a fa ɔ nzue m’ɔ bo kpa’n w’a fa kata min su kplu. (Sela)
8 A fuannin min sifuɛ mun ɔli min wun mmua.+
A yoli maan m’an kaci like kain be ɲrun.
M’an tɔ aya nun, yɛ n kwlá finman nun n fiteman.
9 Min wla mɔ w’a bo min wun dan’n ti’n, min ɲinma’n w’a fɛ.+
Ee Zoova, n kpan n flɛ wɔ aliɛ ba kwlaa nun.+
N man min sa’m be su ɔ ɲrun.
10 ?Á wá yó abonuan sa mun mán be nga be wuli’n?
?Be nga be wuli mɔ be kwlá yoman like fi kun’n, be kwla jaso be manman wɔ?+ (Sela)
11 ?Ndia’n nun lɔ’n, be kwla kan ɔ sran klolɛ dan’n i ndɛ?
?Like sacilɛ lika’n* nun lɔ’n, be kwla kan nanwlɛfuɛ mɔ a ti’n i ndɛ?
12 ?Aosin tuun’n nun lɔ’n, be kwla si ɔ abonuan sa mun?
?Awlafiɛ mɛn’n nun lɔ’n, be kwla si ɔ sa nuan su sɛsɛ yolɛ’n?+
13 Sanngɛ Zoova, n kpan flɛ wɔ titi kɛ a uka min.+
Nglɛmun kwlaa’n, min srɛlɛ’n wo ɔ ɲrun.+
14 ?Ee Zoova, ngue ti yɛ a yi min blo-ɔ?+
?Ngue ti yɛ a fa ɔ ɲrun’n fia min wun-ɔn?+
15 Kɛ ɔ fɛ i min kaan nun’n,
n wun ɲrɛnnɛn, yɛ n wo wie’n i wun koko.+
Sa kekleekle nga a kplin su mɔ be tɔ min su’n be ti’n, min akunndan’n w’a sanngan.
16 Ɔ ya m’ɔ jue kɛ sin sa’n w’a kata min su.+
Ɔ sa sroesroe’m be su kun min.
17 Be bo sin yia min kɛ nzue sa aliɛ ba kwlaa nun.
Be kata min su bue kwlaa su.*
18 Min janvuɛ mun nin be nga e nin be e san nun’n, a fuannin be ɔli min wun mmua.+
Aosin’n w’a kaci min janvuɛ.
Maskili* su. Etan+ m’ɔ ti Ezrafuɛ’n i liɛ’n niɔn.
89 Ń má tó jue ń kán Zoova i sran klolɛ dan m’ɔ yi i nglo tititi’n i ndɛ.
Ń má fá min nuan’n ń kán nanwlɛfuɛ mɔ a ti’n, i ndɛ ń klé be nga bé wá jáso su’n be kwlaa.
2 Afin n seli kɛ: “Sran klolɛ dan’n ɔ́ ká lɛ tititi,+
yɛ a wlali nanwlɛfuɛ mɔ a ti’n i bo ase kpa ɲanmiɛn su lɔ.”
5 Ee Zoova, ɲanmiɛn su lɔ’n yi ɔ abonuan ninnge’m be ayɛ,
nanwlɛ, ɔ yi nanwlɛfuɛ mɔ a ti’n i nglo sran mɔ be ti ɔ liɛ klonglo’n be afiɛn.
6 ?Afin ɲanmiɛn su lɔ’n, wan yɛ be kwla fɛ i sunnzun Zoova-ɔ?+
?Ɲanmiɛn i mma’m be nun’n,+ wan yɛ ɔ ti kɛ Zoova sa-ɔ?
7 Ɲanmiɛn i sran’m be afiɛn’n be ɲin yi Ɲanmiɛn kpa,+
ɔ ti dan yɛ ɔ yo sro be kwlaa nga be o i wun lɛ’n be ɲrun.+
8 ?Ee Ɲanmiɛn Zoova, wɔ mɔ a ti sonja’m be su kpɛn’n,
ee Ya, wan yɛ ɔ le tinmin kɛ wɔ sa-ɔ?+
Sa kwlaa nun’n a kle kɛ a ti nanwlɛfuɛ.+
10 A kpɔtɔli Raabu,+ ɔ kacili kɛ sran mɔ b’a kun i’n sa.+
A fali ɔ sa mɔ wunmiɛn o nun kpa’n yoli maan ɔ kpɔfuɛ’m be bo sanndili.+
11 Ɲanmiɛn su lɔ’n ti ɔ liɛ, yɛ asiɛ’n ti ɔ liɛ.+
Asiɛ m’ɔ yo like ye’n nin i su ninnge’n kwlaa’n,+ wɔ yɛ a yili be-ɔ.
12 Nglo lɔ lika’n nin ngua lɔ lika’n, wɔ yɛ a yili be-ɔ.
Tabɔɔ+ nin Ɛrmɔn+ be manman ɔ dunman’n aklunjɔɛ su.
13 Tinmin o ɔ sa’n nun.+
Wunmiɛn o ɔ sa’n nun.+
Ɔ sa fama’n wo nglo.+
14 Ɔ famiɛn bia’n taka sa kpa yolɛ’n nin sa nuan su sɛsɛ yolɛ’n su.+
Sran klolɛ dan’n nin nanwlɛ dilɛ’n be o ɔ ɲrun.+
15 Nvle ng’ɔ kpan aklunjɔɛ kpanlɛ’n, i liɛ su ti ye.+
Ee Zoova, nvle sɔ’n i nunfuɛ’m be nanti ɔ ɲrun’n i kpajalɛ’n nun.
16 Be di aklunjɔɛ ɔ dunman nun aliɛ ba kwlaa nun,
yɛ ɔ sa nuan su sɛsɛ yolɛ’n ti’n, be ɲan ɲrun.
17 Afin a yo maan be ɲan wunmiɛn yɛ be le ɲrun,+
18 Afin e ɲrɛn’n ti Zoova liɛ,
e famiɛn’n ti Izraɛli Ɲanmiɛn m’ɔ ti Sanwun’n i liɛ.+
19 Blɛ sɔ’n nun’n, a seli ɔ sufuɛ kpa mun aolia nun kɛ:
“N mannin safuɲrɛn kun i wunmiɛn,+
n yoli maan sran kun mɔ n kpɛli i nvlefuɛ’m be nun’n, ɔ ɲannin ɲrun.+
21 Min sa’n ɔ́ súɛn i bo,+
yɛ min sa’n ɔ́ mɛ́n i wunmiɛn.
22 I kpɔfuɛ fi su semɛn i kɛ ɔ su lapo,
yɛ sa tɛ yofuɛ fi su klemɛn i yalɛ.+
24 Ń yí nanwlɛfuɛ mɔ n ti’n nin min sran klolɛ dan’n i nglo i lika,+
yɛ min dunman nun’n, i wunmiɛn’n* i su úka.
25 Ń fɛ́ i sa’n ń síe i jenvie’n su,
yɛ ń fɛ́ i sa fama’n ń síe i nzue ba’m be su.+
26 Ɔ́ kpán flɛ́ min, ɔ́ sé kɛ: ‘Min Si,
min Ɲanmiɛn nin Yɔbuɛ m’ɔ de min’n yɛle wɔ.’+
28 Ń yí min sran klolɛ dan’n i nglo i lika tititi,+
yɛ aenguɛ nga e nin i e trali’n, ɔ su saciman le.+
29 Ń yó maan i osu’n ká lɛ tititi,
yɛ ń má yó maan i famiɛn bia’n ká lɛ tititi kɛ ɲanmiɛn m’ɔ la nglo lɔ plaii’n sa.+
30 Sɛ i mma’m be yaci min mmla’n
naan be nantiman ndɛ nga n kan’n su’n,
31 sɛ be diman ndɛ nga n kan’n su’n,
yɛ sɛ be nantiman min mmla’m be su’n,
32 ń fá kpɔnman ń tú be fɔ be ɲin kekle’n ti,+
yɛ ń fá ngble ń tú be fɔ be fɔnlɛ’n ti.
33 Sanngɛ n su yaciman min sran klolɛ dan’n i nglo yilɛ i lika le,+
yɛ ń yía nda nga n tali’n i nuan tititi.
35 Min mɔ n ti nanwlɛfuɛ’n n tali nda, n su kacimɛn i.
N su buaman ato n kleman Davidi.+
37 Ɔ́ táka kpa tititi, kɛ anglo ba
m’ɔ ti lalofuɛ nanwlɛfuɛ ɲanmiɛn su lɔ’n sa.” (Sela)
38 Sanngɛ ɔ bɔbɔ a kpaloli i yili i blo.+
W’a fa ya dan sran mɔ a kpɛli i’n i wun.
39 A kpaloli aenguɛ nga a nin ɔ sufuɛ’n be trali’n.
A yoli i famiɛn kle’n i finfin, a yili i ase.
40 A bubuli i yɔbuɛ talɛ’m be kwlaa,
a yoli maan i fiawlɛ lika mun b’a kaci yɔbuɛ kwle.
41 Be kwlaa nga be sinnin lɛ’n be fɛnnin i bo ninnge mun.
I mantanfuɛ’m be yoli i finfin.+
42 A yoli maan i ɲrun tanndanfuɛ’m be kwlali.*+
A yoli maan i kpɔfuɛ’m be kwlaa be klun jɔli.
43 A yoli maan i tokofi’n ɔli siɛn,
yɛ w’a jrɛnmɛn i sin alɛ’n i kunlɛ nun.
44 A yoli maan i aɲrunɲan’n wieli,
yɛ a suli i famiɛn bia’n i bo yili i ase.
45 A kpɛli i gbanflɛn blɛ’n i sin.
A fali ɲannzuɛn’n wlɛli i wun kɛ tralɛ sa. (Sela)
46 ?Ee Zoova, cɛn onin ko yɛ á yáci fialɛ-ɔ? ?Á fía sɔ tititi?+
?Ɔ ya dan’n ɔ́ júe kɛ sin sa tititi?
47 Maan ɔ wla kpɛn su kɛ min nguan ɲanman’n ti tika!+
?A yili klɔ sran mun sa ngbɛn?
48 ?Klɔ sran benin yɛ ɔ kwla tran nguan nun sa tititi m’ɔ wuman-ɔn?+
?Ɔ kwla de i bɔbɔ i wun Ndia’n* i sa nun? (Sela)
49 ?Ee Zoova, ɔ sa nga a yo be fa yili ɔ sran klolɛ dan’n i nglo laa’n,
mɔ nanwlɛ mɔ a di’n ti’n, a tali Davidi i nda’n be o nin?+
50 Ee Zoova, maan ɔ wla kpɛn nzowa nga be kpɛ ɔ sufuɛ mun’n be su.
Maan ɔ wla kpɛn su kɛ ɔ fata kɛ n sua nzowa nga be kpɛ ɔ sufuɛ’m be kwlaa’n.
51 Ee Zoova, maan ɔ wla kpɛn nzowa nga ɔ kpɔfuɛ’m be kpɛ’n be su.
Maan ɔ wla kpɛn su kɛ sran mɔ a kpɛli i’n, i ja kwlaa ng’ɔ tu’n nun’n be kpɛ i nzowa.
52 Maan manmanlɛ’n yo Zoova liɛ tititi. Maan ɔ yo sɔ, maan ɔ yo sɔ.+
FLUWA NNAN SU
(Jue Mun 90-106)
Moizi m’ɔ ti Ɲanmiɛn Kpli
i sran’n i srɛlɛ.+
90 Ee Zoova, a yoli e tranwlɛ*+ blɛ kwlaa nun.
2 Ka naan b’a wu oka mun’n,
annzɛ ka naan w’a yi asiɛ’n nin asiɛ m’ɔ yo like ye’n,+
kɛ ɔ fɛ i laa lele’n, a ti Ɲanmiɛn tititi.+
3 A yo maan klɔ sran’n sɛ i sin ndutre’n nun.
A se kɛ: “Klɔ sran mun, amun sa amun sin.”+
4 Afuɛ akpi kun (1.000) ti ɔ ɲrun kɛ anunman cɛn ba m’ɔ sinnin’n sa,+
ɔ ti kɛ kɔnguɛ blɛ kan wie sa.
5 A fa be kɔ,+ be kaci kɛ lafilɛ ngbɛn sa.
Nglɛmun’n, be ti kɛ ijre m’ɔ fifi’n sa.+
6 Nglɛmun’n ɔ bo nɲrɛ, kpɛkun ɔ bo mɔnnɛn,
Sanngɛ nnɔsua’n, ɔ glɔ kpɛkun ɔ wu kee.+
7 Afin ɔ ya’n nunnun e,+
yɛ ɔ ya dan’n ti’n, srɛ kun e dan.
8 A fa e fɔnlɛ mun sie ɔ ɲrun.*+
Ɔ ɲrun’n i kpajalɛ’n yi e nvialiɛ nun sa’m be nglo.+
9 Ɔ ya dan’n ti’n e cɛn’m be wie blɛblɛblɛ.*
Yɛ e afuɛ’m be wie kɛ aswre tulɛ sa.*
10 Afuɛ nga e di’n ti afuɛ ableso (70),
yɛ sran ng’ɔ le wunmiɛn kpa’n, ɔ di afuɛ ablaɔcuɛ (80).+
Sanngɛ be ti ɲrɛnnɛn nin awlabɔɛ ngunmin.
Be sin ndɛndɛ, yɛ be tu kɔ.+
11 ?Wan yɛ ɔ kwla si wafa nga ɔ ya’n i dan’n fa ti’n niɔn?
Ɔ ya’n ti dan kɛ srolɛ m’ɔ fata kɛ be sro wɔ’n sa.+
13 Ee Zoova, sa ɔ sin!+ ?Sa sɔ’n cɛ́ lele jú cɛn benin?+
Si ɔ sufuɛ’m be aunnvɔɛ.+
14 Nglɛmun’n, yi ɔ sran klolɛ dan’n+ i nglo e lika,
kɛ ɔ ko yo naan y’a kwla kpan aklunjɔɛ kpanlɛ, naan y’a di aklunjɔɛ+ blɛ mɔ e o nguan nun’n ti.
15 Yo maan blɛ nga a kleli e ɲrɛnnɛn’n, ɔ nin e aklunjɔɛ dilɛ blɛ’n be sɛ.+
Yo maan afuɛ nga sa kekle tɔli e su’n, ɔ nin e aklunjɔɛ dilɛ afuɛ’m be sɛ.+
16 Maan ɔ sufuɛ’m be wun sa nga a yo’n,
yɛ maan be mma’m be wun ɔ aɲrunɲan’n.+
17 Maan e Ɲanmiɛn Zoova i klun jɔ e wun.
Yo maan e sa nuan ninnge’m be yo ye,
ɛɛn-ɛn, yo maan e sa nuan ninnge’m be yo ye.+
91 Sran kwlaa ng’ɔ tran Ɲanmiɛn m’ɔ o Like Kwlaa Ti Su’n i fiawlɛ’n nun lɔ’n,+
ɔ́ trán Sran m’ɔ Kwla Like Kwlaa Yo’n i fɔnvɔ’n i bo.+
2 Ń má sé Zoova kɛ: “A ti min fiawlɛ, a ti min fiawlɛ sua,+
Ɲanmiɛn nga n fa min wla n guɛ i su’n yɛle wɔ.”+
3 Afin ɔ́ wá dé wɔ anunman trafuɛ’n i aya’n nun.
Ɔ́ dé wɔ tukpacɛ m’ɔ sa ndɛndɛ’n m’ɔ kun tɛ kpa’n i sa nun.
4 Ɔ́ fɛ́ i ndrɛ’n káta ɔ su,
yɛ á fíɛ i ndɛwa’m be bo.+
I nanwlɛ dilɛ’n+ yó kɛ ɲrɛn dan wie sa,+ ɔ́ yó kɛ talɛ wie m’ɔ sasa sran’n sa.
6 A su sroman tukpacɛ m’ɔ sa ndɛndɛ’n m’ɔ wlanwlan aosin’n nun’n,
yɛ a su sroman like ng’ɔ saci like mindi su’n.
7 Sran akpi (1.000) bé tɔ́ ɔ wun lɛ,
yɛ sran akpiakpi blu (10.000) bé tɔ́ ɔ sa fama su,
sanngɛ ɔ liɛ’n, ɔ su mantanman ɔ koko.+
8 Kɛ bé tú klunwifuɛ’m be fɔ mɔ á wún nun’n,
ɔ ɲinma yɛ á fá nían sa sɔ’n niɔn.
9 Afin a seli kɛ: “Zoova ti min fiawlɛ,”
a fali Ɲanmiɛn m’ɔ o Like Kwlaa Ti Su’n yoli ɔ tranwlɛ.*+
10 Sa tɛ wie fi su tɔman ɔ su,+
yɛ ɲrɛnnɛn wie fi su mantanman ɔ tannin sua’n i koko.
13 Á nánti asɔmɔli gbanflɛn’n nin kpangbanzrɛlɛ’n be su,
yɛ á tíatía asɔmɔli nga i kɔmin nun ndrɛ’n ti vɔɔ’n nin wuo dan’n be su.+
15 Ɔ́ flɛ́ min, yɛ ń tɛ́ i su.+
Ń súɛn i bo ɲrɛnnɛn blɛ’n nun,+
ń dé i, yɛ ń yó maan ɔ́ ɲán ɲrun.
Wunmiɛn-lolɛ-cɛn’n nun jue kun-ɔn.
92 Kɛ be la Zoova i ase’n ɔ ti kpa.+
Ee Ɲanmiɛn m’ɔ o Like Kwlaa Ti Su’n, kɛ be to jue* be manman ɔ dunman’n ɔ ti kpa.
2 Kɛ be kan ɔ sran klolɛ dan’n+ i ndɛ nglɛmun’n ɔ ti kpa.
Yɛ kɛ be kan ɔ nanwlɛ dilɛ’n i ndɛ kɔnguɛ’n ɔ ti kpa.
3 Kɛ bé yó sɔ mɔ bé bó miziki bolɛ like m’ɔ le ɲanman blu’n nin sanngo’n,
ɔ nin jru mɔ i nɛn yo fɛ’n, ɔ ti kpa.+
4 Ee Zoova, sa nga a yo be’n be ti’n, min klun jɔ.
Ɔ sa nuan ninnge’m be ti’n, n kpan aklunjɔɛ kpanlɛ.
5 Ee Zoova, ninnge nga a yo be’n be ti abonuan-o!+
Ɔ akunndan’n i bo ti kploun-o!+
6 Sran ng’ɔ wunman sa wlɛ’n ɔ kwlá siman be,
yɛ sinnglinfuɛ’n kwlá wunman sa ng’ɔ o yɛ’n i wlɛ:+
7 Kɛ klunwifuɛ’m be fifi kɛ ijre sa’n,
yɛ kɛ sa tɛ yofuɛ’m be bo nɲrɛ’n,
i sɔ’n kle kɛ bé wá núnnún be mlɔnmlɔnmlɔn.+
8 Sanngɛ Zoova, ɔ liɛ’n bé mánmán wɔ tititi.
9 Ee Zoova, nian ɔ kpɔfuɛ’m be tɔlɛ’n,
nian wafa nga ɔ kpɔfuɛ’m bé núnnún’n.
Sa tɛ yofuɛ’m be kwlaa bé bó sánndi.+
10 Sanngɛ á wá mán min wunmiɛn* kɛ blo nannin* sa.
Ń má fá ngo uflɛuflɛ ń gúa min kplo’n su.+
11 Ń fá min ɲinma ń nían min kpɔfuɛ’m be tɔlɛ’n.+
Min su’n tí sa tɛ yofuɛ nga be tɔ min su’n, be tɔlɛ’n i su ndɛ.
13 Be tali be Zoova i sua’n nun,
be bo nɲrɛ e Ɲanmiɛn’n i awlo’n nun.+
14 Be kpɛnngbɛn blɛ nun bɔbɔ’n be liɛ yó ye titi.+
Bé ɲán wunmiɛn titi, yɛ bé yó mlanmlan titi.+
15 Bé sé kɛ Zoova ti kpa.
Ɔ ti min yɔbuɛ,+ ɔ yoman sa m’ɔ timan su’n.
93 Zoova w’a kaci Famiɛn!+
Aɲrunɲan’n kɛtɛ i wun kɛ kondro sa.
Wunmiɛn’n kata Zoova wun kɛ kondro sa.
Ɔ fa ci i bo kɛ kplo sa.
Asiɛ’n* ti takawa kpa.
Be kwlá tumɛn i bo.*
2 Kɛ ɔ fɛ i laa lele’n, ɔ famiɛn bia’n ti takawa kpa.+
Kɛ ɔ fɛ i laa lele’n, a o lɛ.+
3 Ee Zoova, nzue ba’m be sonji sa kpuu.
Nzue ba’m be sonji sa kpuu, yɛ be tɛ kekle kpa.
Nzue ba’m be sonji kpuu titi, yɛ be tɛ kekle kpa.
4 Zoova ti dan nglo lɔ.+
I dan tra nzue kpanngban be tɛlɛ’n.+
I tinmin’n tra jenvie’n m’ɔ bo dan’n.
5 Be kwla lafi ɔ afɔtuɛ’m be su kpa.+
Ee Zoova, ɔ sua’n ti klanman yɛ ɔ ti sanwun+ blɛ kwlaa nun.
94 Ee Ɲanmiɛn Zoova, wɔ mɔ a tu klunngbɔ’n,+
ee Ɲanmiɛn, wɔ mɔ a tu klunngbɔ’n, kpaja!
2 Ee, wɔ mɔ a ti asiɛ’n i jɔlɛ difuɛ’n, jaso.+
Sa nga wun tufuɛ’m be yo’n, fɛ i ti akatua’n
man be.+
3 ?Ee Zoova, cɛn benin ko naan klunwifuɛ mun,
cɛn benin ko naan klunwifuɛ’m b’a yaci aklunjɔɛ dilɛ?+
4 Be ijɔ fiaii, yɛ be ijɔ dandan.
Sa tɛ yofuɛ’m be kwlaa be di be nuan.
5 Ee Zoova, be tin ɔ sran’m be su,+
yɛ be mianmian ɔ aja like’n.
6 Be kun angbeti bla’n ɔ nin aofuɛ’n,
yɛ be kun ba nga be leman si’n.
7 Be se kɛ: “Ya wunmɛn i.+
Zakɔbu i Ɲanmiɛn’n ɔ sieman sa sɔ’n i nzɔliɛ.”+
8 Amun mɔ amun wunman sa wlɛ’n, maan amun wun ndɛ nga i wlɛ.
?Amun mɔ amun ti sinnglinfuɛ’n, cɛn benin yɛ amún yó akunndanfuɛ-ɔ?+
9 ?Sran ng’ɔ yili be sukpɔ’n, ɔ kwlá timan sa?
?Yɛ sran ng’ɔ yili be ɲinma’n ɔ kwlá wunman ase?+
10 ?Sran m’ɔ tu nvlenvle’m be fɔ’n, ɔ kwlá ijɔman sran?+
I yɛ ɔ yo maan nvlenvle’m be si sa-ɔ!+
11 Zoova si klɔ sran’m be klun akunndan’n.
Ɔ si kɛ be ti aunmuan ngbɛn.+
12 Ee Ya, sran mɔ a tu i fɔ’n i liɛ su ti ye.+
A fa ɔ mmla’n kle i like,+
13 naan ɲrɛnnɛn blɛ nun’n i wla w’a gua ase fɔuun,
lele naan klunwifuɛ’m b’a tɔ kunman kun nun.+
15 Afin jɔlɛ dilɛ nanwlɛ su’n ɔ́ táka ekun,
yɛ be kwlaa nga be awlɛn ti kpa’n, bé nían su bé nánti.
16 ?Wan yɛ ɔ́ jáso klunwifuɛ’m be wun mán min-ɔn?
?Wan yɛ ɔ́ jrán sa tɛ yofuɛ’m be ɲrun mán min-ɔn?
17 Sɛ ɔ ti kɛ Zoova w’a ukaman min’n,
nn n wuli w’a cɛ.+
18 Kɛ n seli kɛ: “Min ja’n su seli’n,”
Zoova, ɔ sran klolɛ dan’n suannin min bo titi.+
20 ?Siefuɛ* nga be di ndrunmun mɔ be jran mmla’n su be fa ɲrɛnnɛn yi i sran’m be su’n,
a nin be amun nuan kwla sɛ?+
22 Sanngɛ Zoova káci min fiawlɛ kpa,
min Ɲanmiɛn’n ti min fiawlɛ yɔbuɛ.+
23 Ɔ́ yó maan sa tɛ nga bé yó’n, ɔ́ tɔ́ be bɔbɔ be su.+
Be bɔbɔ be sa tɛ nga be yo’n yɛ ɔ́ fá núnnún be-ɔ.
E Ɲanmiɛn Zoova wá núnnún be.+
95 Amun bla maan e kpan aklunjɔɛ kpanlɛ e manman Zoova!
Maan e kpan kwlalɛ kpanlɛ e manman e Yɔbuɛ m’ɔ ti e defuɛ’n.+
2 Maan e wɔ i ɲrun lɔ naan e lɛ i ase.+
Maan e to jue yɛ e kpan kwlalɛ kpanlɛ e mɛnmɛn i.
3 Afin Zoova ti Ɲanmiɛn kun m’ɔ ti dan-ɔn.
Ɔ ti Famiɛn dan kun ɲanmiɛn’m be kwlaa be su.+
4 Asiɛ’n i bo mmua kpa’n, ɔ o i sa nun.
Oka’m be ti mun be ti i liɛ.+
6 Amun bla maan e su Ɲanmiɛn yɛ e koto i bo.
Maan e koto Zoova m’ɔ ti e Yifuɛ’n i ɲrun.+
7 Afin ɔ ti e Ɲanmiɛn,
yɛ e ti i sran, e o i nnɛn didiwlɛ’n nun.
E ti kɛ bua sa, i yɛ ɔ nian e su-ɔ.*+
Andɛ’n, sɛ amun ti i nɛn’n,+
8 nán amun kete amun awlɛn’n kɛ Meriba* lɔ’n sa,+
kɛ Masa* lɔ aawlɛ flɛnnɛn’n nun lɔ+
9 mɔ amun nannan’m be sali min niannin’n sa.+
Be klɔklɔli min, kusu nn be wunnin ninnge nga n yoli be’n.+
10 Min ɲin tuli be su lele afuɛ ablanan (40), yɛ n seli kɛ:
“Be ti sran mɔ be awlɛn’n fa atin tɛ su titi-ɔ.
B’a siman min atin mun.”
11 I sɔ’n ti’n kɛ n fali ya’n, n tali nda kɛ:
“Be su wluman min wunmiɛn lolɛ lika’n nun.”+
96 Maan amun to jue uflɛuflɛ kun be manman Zoova.+
Asiɛ’n sufuɛ’m be kwlaa, amun to jue be manman Zoova!+
2 Asiɛ’n sufuɛ mun, amun kwlaa amun to jue be manman Zoova!
Amun kan delɛ m’ɔ de sran’n i jasin fɛ’n i ndɛ cɛn kwlakwla.+
3 Amun kɛn i aɲrunɲan’n i ndɛ nvlenvle’m be nun.
Amun kɛn i abonuan sa’m be ndɛ kle sran kwlakwla.+
4 Zoova ti dan, ɔ nin manmanlɛ’n fata lelele.
Ɔ yo sro tra ɲanmiɛn onga’m be kwlaa.
5 Nvlenvle’m be ɲanmiɛn’m be kwlaa be timan like fi,+
sanngɛ Zoova liɛ’n, i yɛ ɔ yili ɲanmiɛn m’ɔ la nglo lɔ plaii’n niɔn.+
6 Kan ɔ o lɛ’n, aɲrunɲan o lɛ, yɛ lɛ’n ti klanman kpa.+
Wunmiɛn nin klanman’n be o i sua’n nun lɔ.+
7 Asiɛ’n su awlobo mun, amun fa like ng’ɔ ti Zoova liɛ’n be mɛn i,
amun fa like ng’ɔ ti Zoova liɛ’n be mɛn i, afin ɔ le ɲrun yɛ ɔ le tinmin.+
8 Amun manman Zoova kɛ ɔ nin i fata’n sa, i dunman dan’n ti.+
Amun fa like be cɛ i, yɛ amun blɛ i awlo klun’m be nun.
9 Amun koto Zoova bo,* ɔ nin amun wun Ɲanmiɛn sulɛ tralɛ mun.*
Asiɛ’n sufuɛ’m be kwlaa, amun usu i ɲrun!
10 Amun bo i jɔ nvlenvle’m be nun kɛ: “Zoova w’a kaci Famiɛn!+
Asiɛ’n* i bo’n wlali ase kpa, be kwlá kejemɛn i.*
Ɔ́ dí nvlefuɛ’m be jɔlɛ* nanwlɛ su.”+
11 Maan ɲanmiɛn su lɔfuɛ’m be di aklunjɔɛ, yɛ maan asiɛ’n sufuɛ’m be klun jɔ.
Maan jenvie’n tɛ kekle kpa, ɔ nin i nun ninnge’m be kwlaa.+
12 Maan blo lɔ’n nin ninnge kwlaa nga be o lɔ’n be klun jɔ.+
Yɛ maan bo’n nun waka’m be kwlaa be kpan aklunjɔɛ kpanlɛ+
13 Zoova ɲrun, afin ɔ su ba,
ɔ su ba asiɛ’n i jɔlɛ dilɛ.
97 Zoova w’a kaci Famiɛn!+
Maan asiɛ’n sufuɛ’m be klun jɔ.+
Maan lika nga nzue bo sin yia be’n be nunfuɛ’m be kwlaa be di aklunjɔɛ.+
2 Ɲanmiɛn ble’n nin aosin tuun’n be bo sin yiɛ i.+
I famiɛn bia’n taka sa kpa yolɛ’n nin sa nuan su sɛsɛ yolɛ’n su.+
4 I ɲanmiɛn m’ɔ kpa sin’n ɔ kpaja mɛn’n nun.
Asiɛ’n wun i, yɛ ɔ usu.+
5 Oka’m be klo kɛ awɛma’m be sua sa Zoova ɲrun,+
asiɛ wunmuan’n i Min’n i ɲrun.
6 Ɲanmiɛn m’ɔ la nglo lɔ plaii’n yi i sa nuan su sɛsɛ yolɛ’n i nglo,
yɛ sran’m be kwlaa be wun i aɲrunɲan’n.+
7 Maan be kwlaa nga be sɔ ninnge nga be sɛ be’n be ɲin gua ase.+
Maan be nga be fa be ɲanmiɛn mɔ be timan like fi’n be di be nuan’n, be ɲin gua ase.+
Ɲanmiɛn mun, maan amun kwlaa amun koto i bo.*+
8 Siɔn, tie naan di aklunjɔɛ.+
9 Afin Zoova, wɔ mɔ a o Like Kwlaa Ti Su’n, a sie asiɛ wunmuan’n.
A o ɲanmiɛn onga’m be kwlaa be ti su.+
10 Amun mɔ amun klo Zoova’n, maan amun kpɔ sa tɛ’n.+
Ɔ sɛsɛ i sufuɛ kpa’m be nguan’n.+
Ɔ de be klunwifuɛ’m be sa nun.+
11 Kannin’n kpajali sran kpa’m be ɲrun,+
yɛ aklunjɔɛ’n ti be nga be awlɛn’n ti kpa’n be liɛ.
12 Sran kpa mun, maan amun di aklunjɔɛ Zoova dunman nun,
yɛ amun mɛnmɛn i dunman m’ɔ ti sanwun’n.
Jue kun-ɔn.
98 Amun to jue uflɛuflɛ kun be manman Zoova.+
Afin ɔ yoli abonuan sa mun.+
I sa fama’n, i sa m’ɔ ti sanwun’n yoli maan ɔ kwlali.*+
2 Zoova kleli kɛ ɔ ti sran defuɛ.+
Ɔ yili i sa nuan su sɛsɛ yolɛ’n i nglo kleli nvlenvle mun.+
3 I wla kpɛnnin klolɛ dan m’ɔ fa kloli Izraɛlifuɛ mun’n, ɔ nin nantilɛ m’ɔ nin be nantili klanman’n su.+
Asiɛ’n sufuɛ’m be kwlaa be wunnin delɛ mɔ e Ɲanmiɛn’n deli e’n.*+
4 Asiɛ’n sufuɛ mun, maan amun kwlaa amun kpan kwlalɛ kpanlɛ be manman Zoova.
Maan amun klun jɔ, amun kpan aklunjɔɛ kpanlɛ, yɛ amun to manmanlɛ jue.*+
5 Amun fa jru’n yɛ amun to jue* be manman Zoova.
Amun fa jru’n, yɛ amun to jue fɛfɛ.
6 Amun bo awɛ mun, yɛ amun fita nnɛn wɛ’n nun.+
Amun kpan kwlalɛ kpanlɛ Zoova m’ɔ ti Famiɛn’n i ɲrun.
7 Maan jenvie’n nin i nun ninnge’m be kwlaa be tɛ kekle kpa.
Maan asiɛ’n* nin be nga be tran su’n be kpan aklunjɔɛ kpanlɛ.
8 Maan nzue ba’m be bo ndɛ.
Maan oka’m be kpan aklunjɔɛ kpanlɛ likawlɛ+
9 Zoova ɲrun, afin ɔ su ba* asiɛ’n i jɔlɛ dilɛ.
99 Zoova w’a kaci Famiɛn.+ Maan nvle’m be usu.
Ɔ ti famiɛn bia’n su seribɛn’m be ti su nglo.*+ Maan asiɛ’n keje.
2 Zoova ti dan Siɔn lɔ,
yɛ ɔ o nvle’m be kwlaa be su.+
3 Maan be manman ɔ dunman m’ɔ ti dan’n,+
afin ɔ yo sro yɛ ɔ ti sanwun.
4 Ɔ ti famiɛn kun m’ɔ le kwlalɛ-ɔ, ɔ klo sa nuan su sɛsɛ yolɛ’n.+
A yoli maan sa kpa yolɛ’n takali kpa.
A yoli maan sa nuan su sɛsɛ yolɛ’n, nin sa kpa yolɛ’n+ be trannin Zakɔbu lɔ.
5 Amun manman e Ɲanmiɛn Zoova,+ yɛ amun koto* i ja takatakawlɛ’n i bo lɛ.+
Ɔ ti sanwun.+
Be kpan flɛli Zoova,
yɛ ɔ tɛli be su.+
7 Ɔ o ɲanmiɛn ble’n nun lɔ yɛ ɔ kannin ndɛ kleli be-ɔ.+
Be fɛli i afɔtuɛ mun nin mmla ng’ɔ fa mannin be’n be su.+
8 Ee, e Ɲanmiɛn Zoova, a tɛli be su.+
9 Amun manman e Ɲanmiɛn Zoova,+
yɛ amun koto* i oka m’ɔ ti i liɛ klonglo’n i ɲrun lɛ,+
afin e Ɲanmiɛn Zoova ti sanwun.+
Asenna jue.
100 Asiɛ’n sufuɛ mun, maan amun kwlaa amun kpan kekle kpa be manman Zoova.+
2 Maan amun su Zoova aklunjɔɛ su.+
Kɛ amún bɛ́ i ɲrun’n, maan amun kpan aklunjɔɛ kpanlɛ.
3 Maan amun si kɛ Zoova ti Ɲanmiɛn.+
I yɛ ɔ yili e-ɔ, yɛ e ti i liɛ.*+
E ti i sran, yɛ e ti i nnɛn didiwlɛ nun bua mun.+
4 Kɛ amún wlú i anuan’m be nun’n, amun lɛ i ase.+
Kɛ amún wlú i awlo klun’m be nun’n, amun mɛnmɛn i.+
Amun lɛ i ase, amun mɛnmɛn i dunman’n.+
5 Afin Zoova ti kpa.+
I sran klolɛ dan’n wieman le,
yɛ nanwlɛ m’ɔ di’n ɔ́ ká lɛ blɛ kwlaa nun.+
Davidi i jue-ɔ.
101 Ń tó jue ń kán ɔ sran klolɛ dan’n, ɔ nin ɔ sa nuan su sɛsɛ yolɛ’n be ndɛ.
Ee Zoova, ń tó jue* ń mánmán wɔ.
2 Ń yó sa ngwlɛlɛ su, yɛ sa tɛ kaan sa su tranman min wun.
?Cɛn benin yɛ á bá min wun wa-ɔ?
Ń tú min klun ń nánti seiin+ min sua’n nun lɔ.
3 N su faman ninnge ngbɛnngbɛn wie fi n sieman min ɲrun.
Be nga be yaci sa kpa’n i atin’n, n kpɔ sa nga be yo’n.+
N su faman min wun n mantanman be mlɔnmlɔn.
4 Sran nga sa tɛ yolɛ’n wo i awlɛn’n nun’n, e nin i e afiɛn’n ti nun.
N su faman min wun n wlaman sa tɛ yolɛ’n nun.*
5 Sran kwlaa ng’ɔ tɔn i wiengu suɛn nvialiɛ nun’n,+
ń má yó maan ɔ́ múɛn i nuan.
Sran kwlaa ng’ɔ tu i wun, m’ɔ yo i wun dandan’n,
n su yacimɛn i lɛ sa ngbɛn.
6 Ń má fá min ɲin ń síe i asiɛ’n su sran kpa’m be su
naan be nin min tran.
Sran nga i nantilɛ nun’n be kwlá sacimɛn i wun kaan sa’n,* ɔ́ wá sú min.
7 Gblɛfuɛ wie fi su tranman min sua’n nun,
yɛ ato buafuɛ wie fi su tranman min ɲrun.*
8 Nglɛmun kwlakwla’n, ń yó maan asiɛ’n su klunwifuɛ’m be kwlaa bé múan be nuan
naan sa tɛ yofuɛ’m be wie Zoova i klɔ’n nun.+
Ɲrɛnnɛnfuɛ kun mɔ i wla w’a bo’n, m’ɔ kan sa kwlaa ng’ɔ o i su’n i ndɛ kle Zoova’n i srɛlɛ’n.+
2 Min ɲrɛnnɛn blɛ’n nun’n, nán fa ɔ ɲrun’n fia min wun.+
Sie ɔ su min nuan bo.*
Kɛ n flɛ wɔ’n tɛ min su ndɛndɛ.+
3 Afin min cɛn’m be wie kɛ sin wunsrɛn sa,
yɛ min owie’m b’a lu tuun kɛ sin trɔwlɛ wie sa.+
4 Min awlɛn’n w’a yo kɛ ijre mɔ w’a glɔ mɔ w’a wu kee’n sa.+
Afin min wla fili min aliɛ’n i dilɛ’n su.
6 M’an yo kɛ aawlɛ flɛnnɛn’n nun lɔ pelikan’n* sa.
M’an yo kɛ klɔ nvuɛn su akpatue kan wie sa.
m’an yo kɛ anunman kun mɔ i ngunmin wo sua kun i ti su’n sa.+
8 Aliɛ ba kwlaa nun’n, min kpɔfuɛ’m be yo min finfin.+
Be nga be sri min’n, be fa min dunman’n be bo sannzan.
10 ɔ ya’n nin ɔ ya dan’n be ti.
Afin a mannin min su naan á yí min blo.
Blɛ ng’ɔ ti i su’n w’a ju.+
15 Nvlenvle’m bé sró Zoova i dunman’n,
yɛ asiɛ’n su famiɛn’m be kwlaa bé wún kɛ a le ɲrun dan.+
17 Ɔ́ síe i su tíe be nga be leman wie’n be srɛlɛ’n.+
Ɔ su kpaloman be srɛlɛ’n.+
18 Be nga bé wá jáso su’n be ti yɛ be klɛli ndɛ nga-ɔ,+
kɛ ɔ ko yo naan nvle kun m’ɔ́ wá jáso su’n* w’a manman Ya’n ti.
19 Afin kɛ ɔ o ɲanmiɛn m’ɔ ti i liɛ klonglo’n su lɔ’n, ɔ nian ngua wa.+
Kɛ Zoova o ɲanmiɛn su lɔ’n, ɔ fɛ i ɲin sie i asiɛ’n su,
21 I liɛ’n, bé bó Zoova i dunman’n Siɔn lɔ,+
yɛ bé mɛ́nmɛ́n i Zerizalɛmun lɔ
22 blɛ mɔ nvlefuɛ mun nin famiɛn diwlɛ mun
bé yía likawlɛ bé sú Zoova’n.+
23 Ɔ yoli maan min wunmiɛn’n wieli ndɛ nun,
ɔ kpɛli min cɛn’m be sin.
24 N seli kɛ: “Ee, min Ɲanmiɛn,
blɛ mɔ n wo min nguan’n i afiɛn’n nán kun min.
Ɔ liɛ’n, ɔ afuɛ’m be o lɛ blɛ kwlaa nun.+
25 A wlali asiɛ’n i bo ase w’a cɛ kpa,
yɛ ɲanmiɛn m’ɔ la nglo lɔ plaii’n ti ɔ sa nuan like.+
26 Bé núnnún, sanngɛ ɔ liɛ’n, á ká lɛ.
Bé yó nvuɛn kɛ nga tralɛ fa yo nvuɛn’n sa.
Á wá káci be kɛ tralɛ wie sa, yɛ bé núnnún.
27 Sanngɛ ɔ liɛ’n, a kaciman le, yɛ ɔ afuɛ’m be su wieman le.+
28 Ɔ sufuɛ’m be mma’m bé trán fɔuun,
yɛ be osu’n táka kpa ɔ ɲrun.”+
Davidi i jue-ɔ.
103 Ń mánmán Zoova.
Maan min wunnɛn wunmuan’n mɛnmɛn i dunman m’ɔ ti sanwun’n.
2 Ń mánmán Zoova.
Min wla su fiman like kwlaa ng’ɔ yoli’n su le.+
3 Ɔ yaci ɔ fɔnlɛ’m be kwlaa cɛ wɔ,+
yɛ ɔ yo maan sa yaya kwlaa nga be o ɔ su’n be wie.+
yɛ ɔ fɛ i sran klolɛ dan’n nin i aunnvɔɛ silɛ’n, ɔ fa wla ɔ ti kɛ famiɛn kle sa.+
5 Ɔ man wɔ ninnge kpakpa+ ɔ nguan blɛ’n kwlaa nun,
ɔ maan a ka gbanflɛn titi, yɛ a ɲan wunmiɛn titi kɛ anunman ɲin sa.+
8 Zoova yaci sa cɛ, yɛ ɔ si aunnvɔɛ,*+
ɔ faman ya ndɛndɛ, yɛ ɔ klo sran dan.+
11 Afin klolɛ ng’ɔ yi i nglo be nga be sro i’n be lika’n, ɔ ti dan.
Ɔ ti kɛ ɲanmiɛn m’ɔ la nglo lɔ plaii’n fa o asiɛ’n i ti su nglonglo mmua lɔ’n sa.+
12 Ɔ yo maan e nin e sa tɛ mun e afiɛn’n ti nun
kɛ wia afiliɛ’n nin wia atɔliɛ’n be afiɛn’n ti nun ju’n sa.+
16 Sanngɛ kɛ aunmuan’n fita’n, kpɛkun be wunmɛn i kun,
ɔ ti kɛ ɔ nunman lɛ laa sa.
17 Sanngɛ Zoova yi i sran klolɛ dan’n i nglo tititi
18 ɔ yi i nglo be nga be di i aenguɛ’n su’n be lika,+
yɛ ɔ yi i nglo be nga be nian nun be nanti i ndɛ’m be su’n be lika.
19 Zoova tɛkɛli i famiɛn bia’n i kpa ɲanmiɛn su lɔ.+
Ɔ sie like kwlakwla.+
20 Amun mɔ amun ti Zoova i anzi mun’n, mɔ amun le wunmiɛn kpa’n, mɔ amun yo maan i ndɛ’n kpɛn su’n, mɔ amun tie i ndɛ mɔ amun fa su’n, amun kwlaa amun mɛnmɛn i.
21 Maan amun kwlaa amun manman Zoova, amun mɔ amun ti i sonja mun’n,+
amun mɔ amun ti i sufuɛ mɔ amun yo i klun sa’n.+
22 Maan amun kwlaa amun manman Zoova, amun mɔ amun ti i sa nuan ninnge’n,
lika kwlaa ng’ɔ sie be’n be nun.
Maan min wunnɛn wunmuan’n manman Zoova.
Ee, min Ɲanmiɛn Zoova, a ti dan-o!+
Aɲrunɲan’n nin klanman’n be wla ɔ wun kɛ tralɛ sa.+
3 Ɔ fa i nglo sua ba’m be waka mun siesie i nzue nga be o nglo lɔ’n be nun,+
ɔ fa ɲanmiɛn ble’n yo i kakaklolo,+
ɔ o aunmuan’n i ndɛwa’m be su yɛ ɔ kɔ-ɔ.+
6 Ɔ fali nzue mɔ be bo ti kploun’n fa kɛtɛli i wun kɛ kondro sa.+
Nzue’m be kali oka’m be ti su nglo.
7 Kɛ a tuli be fɔ’n be wanndili.+
Kɛ ɔ angblannan’n tɛli’n be bo sanndili.
8 (Oka’m be fuli nglo+ yɛ kongo’m be jrali.)
Be ɔli lika nga a sie mannin be’n be nun.
9 A kleli be awɛ m’ɔ fataman kɛ be tu trɛ i’n,+
Naan b’a saman be sin b’a kataman asiɛ’n su ekun.
10 Ɔ sunman nzue ti mun kongo’m be nun,
be sonji oka’m be afiɛn.
11 Be ti’n, blo nnɛn’m be kwlaa be ɲan nzue be nɔn,
kɛ nzuewe kun blo aflunmun mun’n be nɔn wie.
12 Anunman mɔ be tu sin nglo lɔ’n be o i ti su nglo,
be to jue nɲa’m be afiɛn.
13 Kɛ ɔ o i sua ba mɔ be o nglo lɔ’n be nun’n, ɔ gua oka’m be su nzue.+
Ɔ sa nuan ninnge’m b’a yi asiɛ’n.+
14 Ɔ yo maan ijre’n fifi naan nannin’m be di,
yɛ nɲanɲa’m be fifi naan klɔ sran’m be fa yo be wun sa ye,+
naan be ɲan aliɛ asiɛ’n su,
15 Kpɛkun be ɲan duvɛn m’ɔ man aklunjɔɛ’n,+
ɔ nin ngo m’ɔ yo be ɲrun’n mlanmlan’n,
ɔ nin kpanwun m’ɔ man klɔ sran’n i aklunjɔɛ’n.+
16 Zoova i waka’m be ku yi.
Liban lɔ sɛdri waka m’ɔ tali be’n be ku yi.
17 Be nun yɛ anunman’m be yo be sua mun-ɔn.
Anunman ɔngɔ’n i sua’n+ wo zenevrie waka’m be nun.
18 Oka fleiin’m be ti blo boli nga be o oka’m be su’n be liɛ,+
yɛ yɔbuɛyɔbuɛ lika’m be ti oya’m be fiawlɛ.+
19 Ɔ yili anglo ba’n naan ɔ́ fá síe blɛ ng’ɔ sieli be’n be nzɔliɛ.
Wia’n si blɛ ng’ɔ fata kɛ ɔ tɔ’n.+
20 Ɔ fa aosin’n ba, yɛ lika’n san.+
Kɛ ɔ ko yo sɔ’n, nn blo nnɛn nga be o bo’n nun lɔ’n be kwlaa be su wlanwlan.
22 Kɛ wia’n fite’n,
be cuɛn be wun, yɛ be ko la be lawlɛ’m be nun.
23 Klɔ sran’m be kɔ be junman’m be su,
yɛ be di junman lele nnɔsua.
24 Ee Zoova, ninnge nga a yoli be’n be sɔnnin-o!+
A yoli be kwlaa ngwlɛlɛ su.+
Ɔ sa nuan ninnge’m b’a yi asiɛ’n piɛ.
25 I wie yɛle jenvie m’ɔ ti dan’n, m’ɔ la plaii’n,
be dimɛn i nun ninnge nga nguan o be nun’n be yalɛ, wie’m be ti kanngan, yɛ wie’m be ti dandan.+
27 Be kwlaa be ɲin ta ɔ ɲrun,
naan a man be aliɛ blɛ ng’ɔ ti su’n i nun.+
28 Ninnge nga a fa man be’n, be tiɛn i nuan.+
Kɛ a trɛ ɔ sa’n nun’n, be ɲan ninnge kpakpa mun, ɔ maan be klun jɔ.+
29 Kɛ a fa ɔ ɲrun’n fia’n, be akunndan’n sanngan.
Kɛ a yi wunmiɛn ng’ɔ o be nun’n, be wu yɛ be sa be sin be kaci fa.+
30 Sɛ a sunman ɔ wawɛ’n, be ɲan nguan,+
yɛ a bo asiɛ’n i mɔnnɛn ekun.
31 Zoova i aɲrunɲan’n ɔ́ ká lɛ tititi.
Zoova dí ninnge ng’ɔ yo be’n be su aklunjɔɛ.+
32 Kɛ ɔ nian asiɛ’n, asiɛ’n keje.
Kɛ ɔ kan oka mun’n, wunsrɛn fin be nun fite.+
34 Maan i klun jɔ akunndan nga n bu’n su.*
Ń dí aklunjɔɛ Zoova dunman nun.
35 Sa tɛ yofuɛ’m bé núnnún asiɛ’n su,
yɛ klunwifuɛ’m be su tranman asiɛ’n su kun.+
Ń mánmán Zoova. An manman Ya.*
105 Amun la Zoova i ase,+ amun bo i dunman’n.
Amun kan sa ng’ɔ yoli be’n be ndɛ kle sran mun!+
2 Amun to jue be bo flɛ i, amun to jue* be mɛnmɛn i,
3 Amun fɛ i dunman m’ɔ ti sanwun’n be di be nuan.+
Maan be nga be kunndɛ Zoova’n be klun jɔ.+
4 Amun kunndɛ Zoova,+ amun kunndɛ i tinmin’n.
Maan amun ɲin tɛ i ɲrun titi.
5 Nán amun wla fi sa dandan ng’ɔ yoli be’n be su.
Nán amun wla fi abonuan sa nin jɔlɛ ng’ɔ dili be’n be su.+
6 amun mɔ amun ti i sufuɛ Abraamun i osu’n nunfuɛ’n,*+
amun mɔ amun ti Zakɔbu i mma mun’n, m’ɔ kpali amun’n.+
7 I yɛ ɔ ti e Ɲanmiɛn Zoova’n niɔn.+
Ɔ di asiɛ’n sufuɛ’m be kwlaa be jɔlɛ.+
8 I wla kpɛn i aenguɛ’n su tititi,+
i wla kpɛn nda ng’ɔ tali’n su, lele fa ju amun osu’n nunfuɛ’m be akpasua akpi (1.000) su’n su.+
10 ɔ fa yoli mmla kpɛkun ɔ fa mannin Zakɔbu.
Yɛ ɔ ti aenguɛ kun m’ɔ o i bɔbɔ nin Izraɛli be afiɛn tititi-ɔ.
13 Be fɛ i nvle kun nun be nanti kɔ nvle uflɛ nun,
be fɛ i famiɛn diwlɛ kun nun be nanti kɔ nvle uflɛ nun.+
17 Ɔ sunmannin sran kun be ɲrun,
be yoli i atɛ kɛ kanga sa, sran sɔ’n yɛle Zozɛfu.+
18 Be fali jrɔkɔ cili i ja mun,+
be wlɛli i kɔmin blalɛ.
19 Lele naan i ndɛ’n w’a kpɛn su’n,
Zoova i ndɛ’n yɛ ɔ yoli i sanwun-ɔn.+
20 Famiɛn’n seli kɛ be yaci i nun,+
nvlefuɛ’m be siefuɛ’n yacili i nun.
21 Ɔ fɛ i sieli i i awlo’n su kpɛn,
ɔ fɛ i sieli i ninnge’m be kwlaa be su,+
22 naan ɔ sie i sran dandan mun kɛ ɔ fa klo’n sa,
naan ɔ kle kpɛnngbɛn’m be ngwlɛlɛ.+
23 Ɔ maan Izraɛli ɔli Ezipti lɔ,+
Zakɔbu kacili aofuɛ Kamun mɛn’n nun.
24 Ɲanmiɛn yoli maan i nvlefuɛ’m be wuli ba kpanngban kpa.+
Ɔ yoli maan be ɲannin wunmiɛn trali be kpɔfuɛ mun,+
25 ɔ yacili be lɛ naan be awlɛn’n kaci naan be kpɔ i nvlefuɛ mun,
naan be cici i sufuɛ’m be wun ndɛ.+
26 Ɔ sunmɛnnin i sufuɛ Moizi+
ɔ nin Aarɔn+ m’ɔ kpali be’n.
27 Be yoli i sa dandan mun be ɲrun,
be yoli i abonuan sa mun Kamun mɛn’n nun lɔ.+
28 Ɔ sunmannin aosin’n, yɛ mɛn’n nun luli tuun.+
B’a kpalomɛn i nuan ndɛ’n.
29 Ɔ yoli maan be nzue’m be kacili mmoja,
yɛ ɔ kunnin be jue mun.+
30 Klɛ’m be yili be mɛn’n,+
be wluli be famiɛn’n i sua ba’m be nun bɔbɔ.
31 Ɔ seli tuin mun
nin wɛntɛnwɛntɛn mun naan be tru be mɛn’n i lika kwlaa nun.+
32 Ɔ yoli maan be nzue ng’ɔ ko tɔ’n, ɔ kacili nzraama mɔ kɛ nzue tɔ́’n ɔ gua’n,
33 Ɔ sacili be viɲin mun nin be figie waka mun,
yɛ ɔ bubuli be mɛn’n nun waka mun.
34 Ɔ seli kɛ maan lalo mun,
lalo kanngan wie mɔ be siman be nuan’n be de lika.+
35 Be dili be mɛn’n nun nɲanɲa’m be kwlaa,
yɛ be dili asiɛ’n su ninnge mun.
36 kpɛkun ɔ kunnin be mɛn’n nun ba klikli’m be kwlaa,+
ɔ kunnin be mma klikli mun.
37 Ɔ yoli maan kɛ i nvlefuɛ’m bé fíte’n be fali sika nin sika ɔkwlɛ,+
yɛ i sran mɔ be ti akpasuaakpasua’n be nun wie fi i ja w’a kplaman.
38 Kɛ be ɔli’n, Eziptifuɛ’m be klun jɔli,
afin Izraɛlifuɛ’m be ti’n srɛ kunnin be dan.+
40 Be srɛli nnɛn, yɛ ɔ mannin be aoko mun.+
Ɔ mannin be ɲanmiɛn su lɔ kpanwun titi, ɔ maan be ku yili.+
41 Ɔ kpacili yɔbuɛ kun nun, kpɛkun nzue fin nun fiteli,+
ɔ sonjili aawlɛ flɛnnɛn’n nun kɛ nzue ba sa.+
42 Afin i wla kpɛnnin nda ngunmin kun m’ɔ tɛli i sufuɛ Abraamun’n su.+
43 Ɔ maan kɛ ɔ́ fɛ́ i nvlefuɛ mun fíte’n be klun jɔli dan.+
Kɛ ɔ́ fɛ́ i sran m’ɔ kpali be’n fíte’n, be kpannin aklunjɔɛ kpanlɛ.
44 Ɔ fali nvlenvle’m be asiɛ mun mannin be,+
junman kekle nga nvle uflɛ nunfuɛ’m be dili’n i nuan like’n kacili be liɛ,+
45 naan be di ndɛ ng’ɔ kan’n su,+
yɛ be fɛ i mmla’m be su.
An manman Ya!*
106 An manman Ya!*
2 ?Wan yɛ ɔ kwla kan sa dandan nga Zoova yo be’n be ndɛ guɛ i ti nin i bo-ɔ?
?Sa ng’ɔ yo be’n, mɔ be ti’n ɔ nin manmanlɛ fata’n, wan yɛ ɔ kwla kan be kwlaa be ndɛ-ɔ?+
3 Be nga be yo sa i nuan su sɛsɛ’n,
mɔ be yo sa kpa blɛ kwlaa nun’n, be liɛ su ti ye.+
4 Ee Zoova, kɛ á yó ɔ sran’m be ye’n,* maan ɔ wla kpɛn min su.+
Fa sa nga a yo fa de sran’n fa nian min lika.
5 I liɛ’n, ye nga a yo ɔ sran mɔ a kpali be’n ń ɲán wie,+
yɛ e nin ɔ nvle’n nunfuɛ mun é dí aklunjɔɛ likawlɛ,
kpɛkun e nin ɔ aja like’n é mánmán wɔ kpa liɛ su.*
7 Ezipti lɔ’n, e nannan’m b’a siman abonuan sa nga a yo mannin be’n be su ye.*
Be wla w’a kpɛnman ɔ sran klolɛ dan’n su,
sanngɛ be yoli ɲin kekle jenvie’n i nuan lɔ, Jenvie Ɔkwlɛ’n i nuan lɔ.+
9 Ɔ ijɔli Jenvie Ɔkwlɛ’n, kpɛkun ɔ wieli nun.
Ɔ fali be sinnin jenvie’n i bo lɔ aunɲan’n su kɛ aawlɛ flɛnnɛn wie nun sa.+
11 Nzue’n katali be kpɔfuɛ’m be su.
Be nun wie fi w’a kaman nguan nun.*+
12 Kɛ ɔ yoli sɔ’n, be lafili nda ng’ɔ tali’n su.+
Be toli jue be mɛnmɛnnin i.+
13 Sanngɛ be wla fili like ng’ɔ yoli’n su ndɛndɛ.+
B’a minndɛman kɛ ɔ kle be ajalɛ.
14 Aawlɛ flɛnnɛn’n nun lɔ’n, like nga be konvi sɔ i’n yɛ be yoli-ɔ.+
Be sali Ɲanmiɛn aawlɛ flɛnnɛn’n nun lɔ niannin.+
15 Ɔ mannin be like nga be srɛli i’n,
sanngɛ ɔ fali tukpacɛ kun yili be su, ɔ maan be yoli kokloo.+
16 Nanmue’n nun lɔ’n, be fali be ɲin cili Moizi
nin Aarɔn+ m’ɔ ti Zoova liɛ klonglo’n.+
17 Kɛ ɔ yoli sɔ’n, asiɛ’n nun kpacili, kpɛkun ɔ mɛnnin Datan,
yɛ ɔ katali be nga be yiali Abiramun i wun lɛ’n be su.+
18 Sin jueli be afiɛn.
Sin taaman kun kunnin klunwifuɛ mun.+
19 Be yoli nannin ba kun Orɛbu lɔ,
yɛ be kotoli amuin kun mɔ be kloli like be yoli’n i bo.+
20 Be fali min aɲrunɲan’n
be mannin nannin m’ɔ di ijre’n i nzɔliɛ’n.+
23 I waan ɔ́ sé kɛ be nunnun be,
sanngɛ Moizi m’ɔ kpɛli i’n, ɔ kpatali be ti
naan ɔ guɛ i ya’n i ase naan w’a nunnunman be.+
24 I sin’n, be wa kpɔli mɛn ng’ɔ ti klanman’n.+
B’a lafiman nda ng’ɔ tali’n su.+
26 Ɔ maan be dunman nun’n, ɔ mɛnnin i sa’n su tali nda
kɛ ɔ́ wá yó naan be tɔ aawlɛ flɛnnɛn’n nun lɔ,+
27 ɔ́ wá yó naan be mma’m be tɔ nvlenvle’m be nun,
yɛ ɔ́ wá yó naan be bo sanndi mɛnmɛn’m be nun.+
28 I sin’n, be sɔli Baali ng’ɔ o Peɔɔ’n wie,+
yɛ be dili nnɛn nga be fa yi tɛ be man be nga be wuli’n.*
30 Sanngɛ Fineasi jasoli, yɛ ɔ yoli like kun,
kpɛkun ɲrɛnnɛn’n wieli.+
31 I sɔ’n ti’n, Ɲanmiɛn buli i sran kpa
be osuosu’m be kwlaa be nun.+
33 Be beli i awlɛn.
Ɔ maan ɔ́ íjɔ-ɔ, w’a bumɛn i sin.+
34 B’a nunnunman nvlenvle mun+
kusu nn Zoova seli be kɛ be yo sɔ.+
37 Be fali be mma yasua mun
nin be mma bla mun be yili tɛ be mannin mmusu mun.+
38 Be guali sran mɔ b’a yoman sa’n be mmoja’n i ase,+
be guali be mma yasua mun nin be mma bla’m be mmoja’n i ase,
be fa be yili tɛ mannin Kanaan amuin mun.+
Mmoja nga be guɛli i ase’n ti’n, mɛn’n yoli fiɛn.
39 Be ayeliɛ’n ti’n, be yoli fiɛn.
Like nga be yoli’n ti’n, be sɔli amuin.*+
40 Ɔ maan Zoova i ya’n jueli i nvlefuɛ’m be su,
kpɛkun ɔ wa kpɔli i aja like’n.
42 Be kpɔfuɛ’m be kleli be yalɛ,
yɛ be tinnin be su.
43 Ɔ deli be kpɛ sunman,+
sanngɛ be yoli ɲin kekle, be ɲin w’a yimɛn i,+
yɛ be fɔnlɛ’n ti’n, be ɲin guali ase.+
46 Ɔ yoli maan be nga be trali be ɔli’n,
be kwlaa be sili be aunnvɔɛ.+
47 Ee, e Ɲanmiɛn Zoova, de e,+
yi e nvlenvle’m be nun fite naan e ti yia.+
I liɛ’n, é kwlá mánmán ɔ dunman m’ɔ ti sanwun’n,
yɛ é mánmán wɔ aklunjɔɛ su.+
48 Maan be manman Zoova m’ɔ ti Izraɛli Ɲanmiɛn’n,
maan be mɛnmɛn i tititi.+
Maan nvlefuɛ’m be kwlaa be tɛ su kɛ: “Maan
ɔ yo sɔ!”
An manman Ya!*
FLUWA NNUN SU
(Jue Mun 107-150)
107 Amun la Zoova i ase, afin ɔ ti kpa.+
I sran klolɛ dan’n
wieman le.+
2 Maan be nga Zoova kpɔli be ti’n be kan ndɛ sɔ’n,
maan be ng’ɔ kpɔli be ti i ɲrun tanndanfuɛ’n i sa nun’n be kan ndɛ sɔ’n,+
3 be ng’ɔ fali be mɛnmɛn’m be nun bali’n,+
m’ɔ fali be wia afiliɛ nin wia atɔliɛ lɔ’n,
m’ɔ fali be nglo lɔ lika’n nun nin ja ngua lɔ lika’n nun bali’n.+
4 Be wlanwlannin aawlɛ flɛnnɛn m’ɔ ti srolo’n
nun lɔ.
B’a wunman atin kun mɔ bé fá naan b’a ju klɔ kun mɔ be kwla tran su’n i su’n.
5 Awe kunnin be, yɛ nzuewe kunnin be.
Fɛlɛ mɔ be fɛli dan’n ti’n, ɔ ka kan naan be ɲrun
w’a blu.
8 Maan nvlefuɛ’m be manman Zoova,+ i sran klolɛ dan’n ti,
ɔ nin i abonuan sa ng’ɔ yo man klɔ sran mun’n ti.+
9 Afin sran nga nzuewe kunnin i’n, ɔ mɛnnin i nzue,
yɛ sran nga awe kunnin i’n, ɔ mɛnnin i ninnge kpakpa mun lele i ku yili.+
10 Sran wie’m be trannin aosin tuun kpa’n nun,
be yoli bisuafuɛ, be wunnin ɲrɛnnɛn, yɛ be cili be nin jrɔkɔ.
11 Afin b’a faman Ɲanmiɛn nuan ndɛ’n su,
b’a buman Ɲanmiɛn m’ɔ o Like Kwlaa Ti Su’n i afɔtuɛ’n i like fi.+
12 Ɔ maan ɔ fali sa kekle
yili be su naan be kan be wun ase,+
be tɔli, yɛ b’a ɲanman sran naan w’a uka be.
13 Blɛ mɔ be o ɲrɛnnɛn nun’n, be kpan flɛli Zoova kɛ ɔ uka be,
ɔ deli be blɛ kekle sɔ’n nun.
14 Ɔ fali be aosin tuun kpa’n nun fiteli,
ɔ kpɛkpɛli be jrɔkɔ’m be nun.+
15 Maan nvlefuɛ’m be
manman Zoova, i sran klolɛ dan’n ti,+
ɔ nin i abonuan sa ng’ɔ yo man klɔ sran mun’n ti.
16 Afin ɔ bubuli aaba anuan mun,
yɛ ɔ bubuli blalɛ floloflolo’m be nun.+
18 Be konvi tuli aliɛ wafa kwlaa su,
be mantannin wie’n i anuan’n i wun koko.
19 Blɛ mɔ be o ɲrɛnnɛn nun’n, be kpan flɛli Zoova kɛ ɔ uka be,
ɔ deli be blɛ kekle sɔ’n nun.
20 Ɔ kannin ndɛ yɛ ɔ yoli be juejue,+
ɔ yili be kunman mɔ be tɔli be nun’n, be nun fiteli.
21 Maan nvlefuɛ’m be manman Zoova, i sran klolɛ dan’n ti
ɔ nin i abonuan sa ng’ɔ yo man klɔ sran mun’n ti.
22 Maan be yi asenna tɛ,+
yɛ maan be kpan aklunjɔɛ su be kan sa ng’ɔ yo be’n be ndɛ.
23 Be nga be fa mmeli be sin jenvie’n su be kɔ likalika’m be nun’n,
mɔ be di be junman’n nzue dandan’m be su’n,+
24 be wunnin ninnge nga Zoova yoli be’n,
ɔ nin i abonuan ninnge mɔ be o jenvie’n nun’n.+
25 Be wunnin wafa nga kɛ ɔ kan ndɛ kun’n aunmuan’n fita kekle kpa’n,+
m’ɔ yo maan jenvie’n mɛn i wun su’n.
26 Be fu lele ju ɲanmiɛn su lɔ,
be jra nzue’n i bo lɔ.
Srɛ dan kpa kun be, sa kekle m’ɔ su wa tɔ be su’n ti.
27 Be ɲin su kpɛ be, yɛ be bo tanngan kɛ sran mɔ w’a nɔn nzan w’a bo’n sa,
like kwlaa nga be si i yo’n w’a yo ngbɛn.+
28 Blɛ mɔ be o ɲrɛnnɛn nun’n, be kpan flɛli Zoova,+
ɔ deli be blɛ kekle sɔ’n nun.
29 Ɔ yo maan aunmuan m’ɔ fita kekle kpa’n ɔ kan ase,
jenvie m’ɔ bo’n ɔ jran diin.+
30 Kɛ ɔ ko yo sɔ’n, be klun jɔ,
yɛ ɔ yo maan be ju lika nga be su kɔ’n nun klanman.
31 Maan nvlefuɛ’m be manman Zoova, i sran klolɛ dan’n ti,
ɔ nin i abonuan sa ng’ɔ yo man klɔ sran mun’n ti.+
32 Maan be mɛnmɛn i nvlefuɛ mɔ b’a yia’n be afiɛn,+
maan be mɛnmɛn i kpɛnngbɛn mɔ b’a yia’n be afiɛn.
33 Ɔ yo maan nzue ba’m be kaci aawlɛ flɛnnɛn
yɛ nzue ti’m be kaci asiɛ kee.+
34 Ɔ yo maan asiɛ m’ɔ yo like ye’n ɔ kaci njin lika,+
be nga be tran su’n be klunwi’n ti.
35 Ɔ yo maan aawlɛ flɛnnɛn’n kaci nzue lika m’ɔ ti ndɛma ngunmin’n,
yɛ asiɛ kee’n kaci nzue ti.+
37 Be di fie, yɛ be ta viɲin+
mɔ be su mma kpanngban kpa’n.+
38 Ɔ yrali be su, ɔ maan be wa sɔnnin kpa,
w’a yaciman be nnɛn’m be lɛ naan be nuan’n i su kpɛ.+
39 Sanngɛ yalɛ klelɛ’n nin sa kekle’n ɔ nin ɲrɛnnɛn’n
be ti’n,
be wa yoli kaan ekun, yɛ be ɲin guali ase.
40 Ɔ yo maan sran dandan mun be wun ɲannzuɛn,
yɛ ɔ yo maan be wlan aawlɛ flɛnnɛn mɔ atin nunman nun’n i nun sa daan.+
41 Sanngɛ ɔ sasali yalɛfuɛ mun* naan b’a kleman be yalɛ,+
yɛ ɔ yoli maan be awlobo’m be nunfuɛ mun be wa trɛli kpa kɛ nnɛn mun sa.
43 Sran kwlaa ng’ɔ ti ngwlɛlɛfuɛ’n ɔ́ fɛ́ i ɲin síe i sa sɔ’m be su,+
yɛ ɔ́ bú sa nga Zoova yo be mɔ be kle kɛ ɔ klo sran dan’n be su akunndan kpa.+
Davidi i jue-ɔ.
2 Miziki bolɛ like m’ɔ le ɲanman’n, jaso. Jru, ɔ kusu, jaso.+
Ń tínnge aliɛ njɛnniɛn’n.
3 Ee Zoova, ń má mánmán wɔ sran’m be afiɛn.
Ń tó jue* ń mánmán wɔ nvlenvle’m be nun.
4 Afin ɔ sran klolɛ’n ti dan lele kpe nun, ɔ ti nglonglo kɛ ɲanmiɛn’n sa,+
nanwlɛ mɔ a di’n, ɔ ju ɲanmiɛn ble’n nun lɔ.
5 Ee Ɲanmiɛn, yo maan be manman wɔ ɲanmiɛn su lɔ.
Maan ɔ aɲrunɲan’n tran asiɛ wunmuan’n su.+
6 Fa ɔ sa fama’n de e yɛ tɛ min su,
naan ɔ sran mɔ a klo be’n, be ɲan be ti.+
7 Ɲanmiɛn m’ɔ ti sanwun’n* seli kɛ:
Zida ti min kpɛn dilɛ kpɔnman.+
Ń má kpán kwlalɛ kpanlɛ Filisti su.”+
10 ?Wan yɛ ɔ́ fá min kɔ́ klɔ mɔ be sisili i wun’n i su lɔ-ɔ?
?Wan yɛ ɔ́ fá min kɔ́ lele jú Edɔmun lɔ-ɔ?+
11 ?Ee Ɲanmiɛn, nán wɔ yɛ a yili e blo’n niɔn?
?E Ɲanmiɛn, nán wɔ yɛ a nin e sonja mun fiteman kun’n niɔn?+
Ɔ ti jue tofuɛ’m be su kpɛn’n i liɛ. Davidi i jue-ɔ.
109 Ee Ɲanmiɛn, wɔ mɔ n manman wɔ’n,+ nán tran lɛ sa ngbɛn.
2 Afin klunwifuɛ mun nin gblɛfuɛ’m be kan min
wun ndɛ.
Be fa be taaman m’ɔ bua ato’n be kan min ndɛ.+
3 Be bo sin yia min, kpɛkun be kan min ndɛ tɛtɛ,
yɛ be tɔ min su, kusu nn m’an yoman like fi.+
4 Kɛ n kle be kɛ n klo be’n, be kan min wun ndɛ tɛtɛ.+
Sanngɛ n srɛ Ɲanmiɛn titi.
6 Yo maan klunwifuɛ kun sie min kpɔfuɛ’n.*
Maan ɲrun tanndanfuɛ* kun jrɛn i sa fama su.
7 Kɛ bé dí i jɔlɛ’n, maan be se kɛ ɔ yoli sa tɛ.*
Maan i srɛlɛ’n bɔbɔ kaci
sa tɛ.+
9 Maan i mma’m be ka aika,
yɛ maan i yi’n kaci angbeti.
10 Maan i mma’m* be wlanwlan be srɛsrɛ like,
maan be ko kunndɛ aliɛ be sua nvuɛnnvuɛn’m be wun mmua.
11 Maan sran nga i kalɛ o i su’n, ɔ fɛ i ninnge’m be kwlaa,
yɛ maan aofuɛ’m be fɛn i bo ninnge mun.
12 Nán maan sran fi yo i ye,*
yɛ nán maan sran fi si i aika mma’m be aunnvɔɛ.
13 Maan be nunnun i mma mun,+
maan be dunman’n nunnun be nga bé wá jáso su’n be afiɛn.
14 Maan Zoova i wla kpɛn i nannan’m be fɔnlɛ’n su,+
yɛ nán maan be nunnun i nin’n i sa tɛ’n.
15 Maan Zoova fɛ i ɲin sie i sa nga be yo’n su titi.
Yɛ nán maan be wla kpɛn be su kun asiɛ’n su.+
16 Afin i wla w’a kpɛnman aklunye yolɛ’n su,*+
sanngɛ ɔ suli ɲrɛnnɛnfuɛ’n,+ m’ɔ ti yalɛfuɛ’n, mɔ i awlɛn w’a kpɔtɔ i klun’n i su titi
naan ɔ́ kún i.+
17 Ɔ kloli sannzan bolɛ, ɔ maan ɔ tɔli i bɔbɔ su,
w’a kunndɛman kɛ ɔ́ bó muae mán sran, ɔ maan w’a ɲanman muae.
18 Ɔ fali sannzan wlɛli i wun kɛ tralɛ sa.
Yɛ ɔ wluwluli i wunnɛn’n nun kɛ nzue sa,
ɔ wluwluli i owie’m be nun kɛ ngo sa.
19 Maan i sannzan’n yo kɛ kondro m’ɔ fa kɛtɛ i
wun’n sa,+
yɛ maan ɔ yo kɛ kplo m’ɔ fa ci i bo titi’n sa.
20 Like nga Zoova wá fá yó sran ng’ɔ tanndan min ɲrun’n,+
ɔ nin sran ng’ɔ kan min wun ndɛ tɛtɛ’n yɛ ɔ o lɛ-ɔ.
21 Sanngɛ Zoova, wɔ mɔ a ti min Min mɔ a Sie Like Kwlakwla’n,
yo min ye, ɔ dunman’n ti.+
De min, afin ɔ sran klolɛ dan’n ti kpa.+
23 N sin n kɔ kɛ fɔnvɔ m’ɔ sin’n sa,
b’a finndin min b’a yi i lɔ kɛ lalo sa.
24 Nglɛmun cilɛ’n ti’n, min ja nannglunman’m b’a glɔglɔ.
M’an wiewie, yɛ n su yo kokloo.*
25 M’an kaci finfinfuɛ be ɲrun.+
Kɛ be wun min’n, be keje be ti’n.+
26 Ee Zoova, min Ɲanmiɛn, uka min.
De min ɔ sran klolɛ dan’n ti.
27 Maan be wun i wlɛ kɛ ɔ sa’n yɛ ɔ yoli sa sɔ’n niɔn.
Ee Zoova, maan be wun i wlɛ kɛ wɔ yɛ a yoli-ɔ.
28 Maan i li be bo sannzan, sanngɛ ɔ liɛ’n yra min su.
Sɛ be jaso min wun’n, maan be ɲin gua ase,
sanngɛ maan ɔ sufuɛ’n di aklunjɔɛ.
29 Be nga be tanndan min ɲrun’n, maan be ɲrun ɲannzuɛn’n yo kɛ tralɛ mɔ b’a wla’n sa.
30 Ń fá min nuan’n ń mánmán Zoova juejue su.
Ń mɛ́nmɛ́n i sran kpanngban ɲrun.+
31 Afin ɔ́ jrán yalɛfuɛ’n i sa fama su,
naan ɔ́ dé i be nga be bu i fɔ’n be sa nun.
Davidi i jue-ɔ.
110 Zoova seli min Min’n kɛ:
2 Zoova wá yó maan ɔ sielɛ’n* ɔ́ fɛ́ i Siɔn lɔ lele jú lika uflɛ, ɔ́ sé kɛ:
“Kɔ ɔ kpɔfuɛ’m be afiɛn naan sie be.”+
3 Cɛn nga á yíayía ɔ sonja’m be nuan’n, ɔ nvlefuɛ’m be klun klo su bé fá be wun mán.
Ɔ gbanflɛn akpasua mɔ be ti klanman’n, mɔ be ti sanwun’n,
bé bá njɛnniɛn su kɛ bɔlɛ sa.
4 Zoova tali nda kun, ɔ su kaciman akunndan:*
“A ti Ɲanmiɛn ɲrun jranfuɛ tititi+
kɛ Mɛlkisedɛki sa!”+
5 Zoova wá jrán ɔ sa fama su.+
Ɔ́ wá núnkun famiɛn mun i ya cɛn’n nun.+
6 Ɔ́ wá dí nvlenvle’m be jɔlɛ.*+
Ɔ́ wá yó maan fuɛn’m bé yí asiɛ’n.+
Ɔ́ wá núnkun nvle dan kun* i siefuɛ’n.*
7 Kɛ ɔ* o atin’n su’n, ɔ́ nɔ́n nzue ba’n wie.
Ɔ maan kɛ ɔ́ nánti’n, i ti’n jin su.
א [Alɛfu]
Ń tú min klun ń mánmán Zoova,+
ב [Bɛti]
ń mɛ́nmɛ́n i sran kpa mɔ b’a yia’n be afiɛn ɔ nin nzra dan’n nun.
ג [Gimɛli]
2 Sa nga Zoova yo be’n be ti dandan,+
ד [Dalɛti]
be nga be klo ninnge sɔ mun’n, be suan be su like.+
ה [E]
3 Sa ng’ɔ yo’n ti abonuan, yɛ ɔ yo ɲɛnmɛn.
ו [Vavu]
I sa nuan su sɛsɛ yolɛ’n ká lɛ tititi.+
ז [Zayin]
4 Ɔ yo maan be wla kpɛn i abonuan sa ng’ɔ yo be’n be su,+
ח [Ɛti]
Zoova si aunnvɔɛ* yɛ ɔ yaci sa cɛ.+
ט [Teti]
5 Ɔ man be nga be sro i’n be aliɛ.+
י [Yɔdu]
I wla kpɛn i aenguɛ’n su tititi.+
כ [Kafu]
6 Ɔ fali sa dandan ng’ɔ yo be’n kleli i nvlefuɛ mun,
ל [Lamɛdi]
yɛle kɛ ɔ fali nvlenvle’m be aja like’n mannin be.+
מ [Memun]
7 I sa nuan ninnge’m be ti nanwlɛ, yɛ ɔ yo be i nuan su sɛsɛ.+
נ [Nunnun]
Be kwla lafi like kwlaa ng’ɔ se kɛ be yo’n su.+
ס [Samɛki]
8 Be kwla lafi be su blɛ kwlaa nun.
ע [Ayin]
Be taka nanwlɛ dilɛ’n nin sa nuan su sɛsɛ yolɛ’n su.+
פ [Pe]
צ [Sade]
Ɔ seli kɛ maan i aenguɛ’n ka lɛ tititi.
ק [Kɔfu]
I dunman’n ti sanwun yɛ ɔ yo sro.+
ר [Rɛsi]
10 Zoova i srolɛ’n ti ngwlɛlɛ’n i bo bolɛ.+
ש [Sinin]
Be kwlaa nga be nanti ndɛ ng’ɔ kan’n su’n, be kle kɛ be ti akunndanfuɛ dan.+
ת [Tavu]
I manmanlɛ’n ɔ́ ká lɛ tititi.
א [Alɛfu]
Sran ng’ɔ sro Zoova’n,+
ב [Bɛti]
m’ɔ klo i mmla mun’n, i liɛ su ti ye.+
ג [Gimɛli]
2 I mma’m bé ɲán kwlalɛ asiɛ’n su,
ד [Dalɛti]
yɛ sran kpa’m be liɛ yó ye.+
ה [E]
3 Aɲanbeun ninnge mun nin sika’n be o i sua’n nun,
ו [Vavu]
yɛ sa kpa ng’ɔ yo’n ɔ́ ká lɛ tititi.
ז [Zayin]
4 Sran kpa’m be liɛ’n, ɔ ti kɛ kannin kun m’ɔ kpaja aosin nun’n sa.+
ח [Ɛti]
Ɔ si aunnvɔɛ,* ɔ yaci sa cɛ,+ yɛ ɔ yo sa i nuan su sɛsɛ.
ט [Teti]
5 Sran ng’ɔ man sran like klun ufue su’n, i liɛ yo ye.+
י [Yɔdu]
Ɔ yo i ninnge mun i nuan
su sɛsɛ.
כ [Kafu]
ל [Lamɛdi]
Be wla su fiman sran kpa’n i su le.+
מ [Memun]
נ [Nunun]
I awlɛn’n timan nɲɔnnɲɔn, ɔ lafi Zoova su.+
ס [Samɛki]
8 I awlɛn’n su simɛn i klun,* srɛ su kunmɛn i.+
ע [Ayin]
I agualiɛ su’n, kɛ i kpɔfuɛ’m bé tɔ́’n ɔ́ nían be.+
פ [Pe]
9 Ɔ cɛli sran’m be like klun ufue su. Ɔ mannin yalɛfuɛ’n i like.+
צ [Sade]
Sa kpa ng’ɔ yo’n ɔ́ ká lɛ tititi.+
ק [Kɔfu]
I wunmiɛn’n* i su úka yɛ ɔ́ ɲán ɲrun.
ר [Rɛsi]
10 Klunwifuɛ’n wún i yɛ ɔ́ yó i ya.
ש [Sinin]
Ɔ́ dí i je’n yɛ ɔ́ kló.
ת [Tavu]
Sa nga klunwifuɛ’n sunnzun’n ɔ́ kpí ase.+
113 An manman Ya!*
Amun mɔ amun ti Zoova i sufuɛ’n, amun mɛnmɛn i,
amun manman Zoova i dunman’n.
2 Maan be manman Zoova i dunman’n.
Kɛ ɔ fɛ i andɛ’n maan be mɛnmɛn i, yɛ maan be yo sɔ tititi.+
4 Zoova o nvlenvle’m be kwlaa be ti su.+
I aɲrunɲan’n wo ɲanmiɛn’n i ti su nglo.+
5 ?Wan yɛ ɔ ti kɛ e Ɲanmiɛn Zoova+
m’ɔ tran* nglo lɔ’n sa-ɔ?
6 Ɔ klu nian ɲanmiɛn’n nin asiɛ’n,+
7 yɛ ɔ man sran ng’ɔ leman wie’n i su ndutre’n nun.
Ɔ man yalɛfuɛ’n i su nzuɛn kwle’n* nun+
8 naan ɔ nin sran dandan mun be tran,
naan ɔ nin i nvlefuɛ’m be nun sran dandan mun be tran.
An manman Ya!*
114 Kɛ Izraɛli fin Ezipti fiteli’n,+
kɛ Zakɔbu i awlo’n fin nvle kun mɔ i nunfuɛ’m be kan aniɛn uflɛ’n i nun fiteli’n,
2 Zida kacili i sua,*
Izraɛli kacili i lika.+
4 Oka’m be tu kpɛnnin kɛ bua ɲin mun sa,+
kpɔlɛ’m be tu kpɛnnin kɛ bua ba mun sa.
5 ?Jenvie, ngue ti yɛ a wanndili-ɔ?+
?Zurdɛn, ngue ti yɛ a sali ɔ sin-ɔn?+
6 ?Oka mun, ngue ti yɛ amun tu kpɛnnin kɛ bua ɲin mun sa-ɔ?
?Kpɔlɛ mun, ngue ti yɛ amun tu kpɛnnin kɛ bua ba mun sa-ɔ?
7 Asiɛ, keje, e Min’n ti,
Zakɔbu i Ɲanmiɛn’n ti.+
8 I yɛ ɔ yo maan yɔbuɛ’n kaci nzue lika ng’ɔ ti ndɛma ngunmin’n niɔn,
ɔ yo maan yɔbuɛ kekleke’n kaci nzue ti.+
115 Ee Zoova, e nin like fi fataman, e nin like fi fataman,
sanngɛ yo maan ɔ
dunman’n fu,+
ɔ sran klolɛ dan’n, ɔ nin nanwlɛ mɔ a di’n ti.+
2 Nán maan nvlenvle’m be se kɛ:
“?Be Ɲanmiɛn’n wo nin?”+
3 E Ɲanmiɛn’n wo ɲanmiɛn su lɔ,
ɔ yo like kwlaa ng’ɔ klo’n.
4 Nvlenvle’m be amuin mun’n, sika nin sika ɔkwlɛ yɛ be fa yoli be-ɔ,
be ti klɔ sran sa nuan like.+
5 Be le nuan, sanngɛ be ijɔman.+
Be le ɲinma, sanngɛ be wunman ase.
6 Be le su, sanngɛ be timan sa.
Be le bue, sanngɛ be timan nvan.
7 Be le sa, sanngɛ be kwlá fa kanman like.
Be le ja, sanngɛ be kwlá nantiman.+
Nɛn fi finman be alowa’n nun fiteman.+
9 Ee Izraɛli, fa ɔ wla gua
Zoova su.+
Ɔ ti ɔ ukafuɛ nin ɔ ɲrɛn.+
10 Ee Aarɔn i awlo nunfuɛ mun,+ amun fa amun wla gua Zoova su.
Ɔ ti amun ukafuɛ nin amun ɲrɛn.
11 Amun mɔ an sro Zoova’n, amun fa amun wla gua Zoova su.+
Ɔ ti amun ukafuɛ nin amun ɲrɛn.+
13 Ɔ́ yrá be nga be sro Zoova’n be su,
ɔ́ yrá be nga be leman ɲrun’n, ɔ nin be nga be le ɲrun’n* be su.
17 Be nga b’a wu’n be manmanman Ya.+
be nga be jra ndia’n nun lɔ’n be kwlá yoman sɔ.+
18 Sanngɛ é mánmán Ya.
kɛ ɔ fɛ i andɛ’n é mɛ́nmɛ́n i, yɛ é yó sɔ tititi.
An manman Ya!*
116 N klo Zoova,
afin ɔ ti min nɛn’n, ɔ ti srɛlɛ mɔ n srɛ i kɛ ɔ uka min’n.+
kɛ n te o nguan nun’n, ń kpán flɛ́ i titi.
3 Wie’n i ɲanman’m b’a to b’a bla min.
Ndia’n w’a tra min.+
Ɲrɛnnɛn’n nin awlabɔɛ’n be su kun min kpo.+
4 Sanngɛ n boli Zoova i dunman,+ n seli kɛ:
“Ee Zoova, de min!”
5 Zoova si aunnvɔɛ* yɛ ɔ yo sa i nuan su sɛsɛ.+
E Ɲanmiɛn’n yaci sa cɛ.+
6 Zoova nian be nga be siman sa’n be su.+
Min wla boli min wun dan, yɛ ɔ deli min.
7 Maan min wla gua ase ekun,
afin Zoova yoli min ye dan.
8 A deli min wie’n i nuan nun,
a nunnunnin min ɲinmuɛn’n, a yoli maan min ja w’a kplaman.+
9 Blɛ mɔ n te o nguan nun’n, ń nánti Zoova ɲrun.
10 N lafili Ɲanmiɛn su, ɔ maan n ijɔli.+
Min wla boli min wun dan.
11 Min akunndan’n sanngannin, yɛ n seli kɛ:
“Sran kwlaa ti ato buafuɛ.”+
12 ?Naan ninnge kpakpa kwlaa nga Zoova w’a yo w’a man min yɛ’n,
ngue yɛ ń fá lɛ́ i ase-ɔ?
13 Ń má mán be ti ɲanlɛ klowa’n su,
yɛ ń mánmán Zoova i dunman’n.
15 Zoova i sufuɛ kpa’m be wie’n
16 Ee Zoova, ń srɛ́ wɔ,
afin n ti ɔ sufuɛ.
N ti ɔ sufuɛ, n ti ɔ kanga bla’n i wa.
A kpɛkpɛli min wun ɲanman’m be nun.+
17 Ń yí asenna tɛ ń mán wɔ.+
Ń mánmán Zoova i dunman’n.
19 Wɔ, Zerizalɛmun, ɔ afiɛn yɛ ń yó sɔ-ɔ,
Zoova i awlo klun’m be nun.+
117 Nvlenvle mun, maan amun kwlakwla an manman Zoova.+
Nvlefuɛ* mun, maan amun kwlakwla an yi i ayɛ.+
2 Afin ɔ klo e dan.+
Zoova i nanwlɛ m’ɔ di’n+ ɔ́ ká lɛ tititi.+
118 Amun la Zoova i ase, afin ɔ ti kpa.+
I sran klolɛ dan’n wieman le.
2 Siɛn’n, maan Izraɛli se kɛ:
“I sran klolɛ dan’n ɔ́ ká lɛ tititi.”
3 Siɛn’n, maan Aarɔn i awlo’n nunfuɛ’m be se kɛ:
“I sran klolɛ dan’n ɔ́ ká lɛ tititi.”
4 Siɛn’n, maan be nga be sro Zoova’n be se kɛ:
“I sran klolɛ dan’n ɔ́ ká lɛ tititi.”
5 Blɛ mɔ n wo ɲrɛnnɛn nun’n, n kpan flɛli Ya,*
Ya tɛli min su, yɛ ɔ fa min ɔli lika kun mɔ sa fi su ɲanman min lɔ’n* nun.+
6 Zoova o min sin, srɛ su kunman min.+
?Ngue yɛ klɔ sran kwla yo min-ɔn?+
7 Zoova o min sin, ɔ ti min ukafuɛ.*+
Kɛ be nga be kpɔ min’n bé tɔ́’n, ń nían be.+
8 Sɛ sran kun fia Zoova sin’n,
ɔ ti kpa tra kɛ ɔ fɛ i wla gua klɔ sran’m be su’n.+
9 Sɛ sran kun fia Zoova sin’n,
ɔ ti kpa tra kɛ ɔ fɛ i wla gua sran dandan’m be su’n.+
10 Nvlenvle’m be kwlaa be bo sin yiali min,
sanngɛ Zoova dunman nun’n,
n kpaloli be n yili be lɔ.+
11 Be bo sin yiali min, be bo sin yiali min sakpa,
sanngɛ Zoova dunman nun’n,
n kpaloli be n yili be lɔ.
12 Be bo sin yiali min kɛ awɛma mun sa,
sanngɛ be wieli ndɛndɛ kpa kɛ owieowie susrɛ nun sin sa.
Zoova i dunman nun’n,
n kpaloli be n yili be lɔ.+
13 Be suli min bo kekle kpa* naan n tɔ,
sanngɛ Zoova ukali min.
14 Ya ti min fiawlɛ nin min wunmiɛn,
yɛ ɔ kacili min defuɛ.+
15 Aklunjɔɛ kpanlɛ’n nin ti ɲanlɛ kpanlɛ’n
be o sran kpa’m be tannin sua’m be nun.
Zoova i sa fama’n su yi tinmin ng’ɔ le i’n i nglo.+
16 Zoova i sa fama’n su mɛnmɛn i bɔbɔ wun,
Zoova i sa fama’n su yi tinmin ng’ɔ le i’n i nglo.+
19 Tike sa kpa yolɛ’n i anuan mun man min,+
ń má sín be nun, kpɛkun ń mánmán Ya.
20 Zoova i anuan’n yɛ.
Sran kpa’m bé sín nun.+
22 Yɔbuɛ nga sua kplanfuɛ’m be yili i blo’n
w’a kaci sua’n i cɔnjɔ su yɔbuɛ cinnjin kpafuɛ’n.+
24 Cɛn nga Zoova sieli’n yɛ.
Cɛn sɔ’n nun’n, e klun jɔ́, yɛ é dí aklunjɔɛ.
25 Zoova, yaci, é srɛ́ wɔ kpa, de e!
Zoova, yaci, yo maan e ɲan kwlalɛ!
Kɛ e o Zoova i sua’n nun lɔ’n, e bo muae e man amun.
27 Zoova ti Ɲanmiɛn,
ɔ man e kannin.+
Maan amun fa waka sama mun naan amun nin be nga be su di cɛn’n be wɔ likawlɛ,+
lele amun ju tɛ yiwlɛ’n i nnɛn wɛ’m be su lɔ.+
28 A ti min Ɲanmiɛn, yɛ ń mánmán wɔ.
Min Ɲanmiɛn, ń yí wɔ ayɛ.+
29 Amun la Zoova i ase,+ afin ɔ ti kpa.
I sran klolɛ dan’n ɔ́ ká lɛ tititi.+
א [Alɛfu]
3 Be yoman sa m’ɔ timan su’n,
be nanti i atin’m be su.+
4 A seli kɛ
maan be nian nun kpa be nanti ndɛ nga á kán’n su.+
5 Ń srɛ́ kɛ n jran kekle,+
naan m’an kwla di ɔ mmla’m be su!
6 I liɛ’n, kɛ ń bú ɔ mmla’m be kwlaa be su akunndan’n,
ɲannzuɛn su kunman min.+
7 Kɛ n ko suan jɔlɛ nga a di be nanwlɛ su’n be su like’n,
ń tú min klun ń mánmán wɔ.
8 Ń nánti ɔ mmla’m be su.
nán yi min ase le.
ב [Bɛti]
9 ?Wafa sɛ yɛ gbanflɛn kun kwla yo naan i atin’n w’a yo sanwun titi-ɔ?
Sɛ ɔ nian ɔ ndɛ’n su nanti’n yɛ ɔ kwla yo sɔ-ɔ.+
10 N tuli min klun n kunndɛli wɔ.
Nán yaci min lɛ naan n yaci ɔ mmla mun n ko fa atin uflɛ.+
11 N fa ɔ ndɛ’n n sie min klun*+
naan m’an fɔnman ɔ wun.+
12 Ee Zoova, maan manmanlɛ’n yo ɔ liɛ.
Kle min ɔ mmla mun.
13 N fa min nuan bui’n n kan
jɔlɛ nga a dili be’n be kwlaa be ndɛ.
14 N di ɔ afɔtuɛ’m be su aklunjɔɛ+
n tra ninnge kpakpa kwlaa.+
15 Ń bú ndɛ nga á kán’n be su akunndan kpa,*+
yɛ ń fá min ɲin ń síe i ɔ atin’m be su.+
16 N klo ɔ mmla mun.
Min wla su fiman
ɔ ndɛ’n su.+
ג [Gimɛli]
17 Yo ɔ sufuɛ’n i ye,
i liɛ’n, ń ká nguan nun yɛ ń nánti ɔ ndɛ’n su.+
18 Tike min ɲin naan n wun
ɔ mmla’n nun ninnge kpakpa’m be wlɛ weiin.
19 N ti aofuɛ ngbɛn mɛn’n nun.+
Nán fa ɔ mmla mun fia min wun.
20 Min ɲin o
jɔlɛ nga a di be’n be sin kpa blɛ kwlaa nun.
21 Wun tufuɛ mɔ be boli be sannzan mɔ be yaci ɔ mmla mun be fa atin uflɛ’n,
a tu be fɔ.+
22 Yo maan be yaci min srilɛ nin min finfin yolɛ,
afin n nanti ɔ afɔtuɛ’m be su.
23 Kannzɛ sran dandan’m be tran ase likawlɛ be kan min wun ndɛ bɔbɔ’n,
ɔ sufuɛ’n bu ɔ mmla’m be su akunndan.*
Be ti min afɔtuɛ manfuɛ.+
ד [Dalɛti]
25 N la ndutre’n nun.+
Yo maan n ka nguan nun kɛ nga a fa kannin’n sa.+
26 N kannin min atin’m be ndɛ n kleli wɔ, yɛ a tɛli min su.
Kle min ɔ mmla mun.+
28 Awlabɔɛ’n ti’n, n kwlá lafiman.
Man min wunmiɛn kɛ nga a fa kannin’n sa.
29 Yo naan m’an faman ato atin’n su,+
yɛ fa ɔ mmla’n yo min ye.
30 N fali nanwlɛ atin’n su.+
N wun i wlɛ kɛ jɔlɛ nga a di’n be ti su.
31 N klo ɔ afɔtuɛ mun.+
Ee Zoova, nán yaci min lɛ naan min wla bo min wun.*+
ה [E]
34 Man min ngwlɛlɛ,
naan n fa ɔ mmla’n su,
naan n tu n klun n nanti su.
36 Yo maan min awlɛn’n tran ɔ afɔtuɛ’m be su,
nán maan ɔ tran aɲinkpli yolɛ’n su.+
37 Yo naan min ɲin w’a tranman ninnge ngbɛnngbɛn’m be su.+
Yo maan n ka nguan nun ɔ atin’n su.
39 Yo naan m’an wunman ɲannzuɛn mɔ n sro i’n,
afin jɔlɛ nga a di’n be ti kpa.+
40 Nian kɛ n klo like nga a se kɛ be yo’n niɔn.
Yaci min nguan nun, sa nuan su sɛsɛ m’ɔ a yo’n ti.
ו [Vavu]
42 I liɛ’n, ń tɛ́ sran ng’ɔ kpɛ min nzowa’n i su,
afin n fa min wla n gua ndɛ nga a kan’n su.
43 Nán yi ndɛ nanwlɛ’n min nuan nun mlɔnmlɔn,
afin n fa min wla’n n gua jɔlɛ nga a di’n su.*
44 Ń nían ɔ mmla’n su ń nánti tititi,
blɛ kwlaa nun.+
47 N klo ɔ mmla mun,
nanwlɛ, n klo be.+
ז [Zayin]
49 Maan ɔ wla kpɛn ndɛ nga a kan kleli* ɔ sufuɛ’n su,
ɔ ndɛ sɔ’n yo maan min wla o like kpa su.
50 I yɛ maan min wla gua ase min ɲrɛnnɛn blɛ’n nun-ɔn,+
afin ɔ ndɛ’n yoli maan n te o nguan nun.
53 Klunwifuɛ’m be ti’n, m’an fa ya dan,
be yaci ɔ mmla mun.+
54 Kan kwlaa nga n tran lɛ’n,*
ɔ mmla’m be ti min jue.
56 I sɔ yɛ n yo i titi-ɔ,
afin n yo like nga a se kɛ be yo’n.
ח [Ɛti]
57 Zoova yɛ ɔ ti min like liɛ nga n le i’n niɔn.+
N tali nda kɛ ń nánti ɔ ndɛ’m be su.+
58 N tu min klun n srɛ wɔ kpa.+
Si min aunnvɔɛ+ kɛ nga a fa tali min nda’n sa.*
59 N fali min ɲin n sieli i min atin’m be su,
kɛ ɔ ko yo naan m’an sa min sin m’an fa ɔ afɔtuɛ’m be su’n ti.+
60 N kpli, yɛ n sisiman min bo
naan m’an nian ɔ mmla’m be su m’an nanti.+
61 Klunwifuɛ’m be ɲanman’m b’a blabla min wun,
sanngɛ min wla fiman ɔ mmla’n su.+
62 Kɔnguɛ afiɛn’n, n jaso n la wɔ ase,+
jɔlɛ mɔ a di be nanwlɛ su’n ti.
63 N ti be kwlaa nga be sro wɔ’n be janvuɛ,
yɛ n ti be nga be yo like nga a se kɛ be yo’n be janvuɛ.+
64 Ee Zoova, ɔ sran klolɛ dan’n w’a yi asiɛ’n,+
kle min ɔ mmla mun.
ט [Teti]
65 Ee Zoova, kɛ nga a fa kannin’n sa’n,
a yoli ɔ sufuɛ’n i ye.
66 Kle min sa ng’ɔ ti su’n, yɛ yo maan n si sa,+
afin n fa min wla’n n gua ɔ mmla’m be su.
67 Ka naan m’an wun min ɲrun’n, n fa atin uflɛ su,
sanngɛ siɛn’n, n nanti ndɛ nga a kan’n su.+
68 A ti kpa,+ yɛ sa nga a yo’n be ti kpa.
Kle min ɔ mmla mun.+
69 Wun tufuɛ’m be bua min su ato,
sanngɛ n tu min klun n yo like nga a se kɛ be yo’n.
י [Yɔdu]
73 Ɔ sa mun be yili min, yɛ be kleli min like.
Man min ngwlɛlɛ,
naan n suan ɔ mmla mun.+
Sanngɛ min liɛ’n, ń bú like nga a se kɛ be yo’n be su akunndan.*+
79 Maan be mɔ be sro wɔ’n, mɔ be si ɔ afɔtuɛ mun’n,
be sa be sin min wun.
80 Nán maan min awlɛn’n yo nɲɔnnɲɔn ɔ mmla’m be su falɛ’n nun,+
kɛ ɔ ko yo naan m’an wunman ɲannzuɛn’n ti.+
כ [Kafu]
83 Afin m’an yo kɛ nzue kplo wie mɔ wunsrɛn’n ti’n w’a wu kee’n sa,
sanngɛ min wla fiman ɔ mmla’m be su.+
84 ?Ɔ sufuɛ’n mínndɛ lele cɛn benin?
?Cɛn benin yɛ á dí be nga be kle min yalɛ’n be jɔlɛ-ɔ?+
85 Wun tufuɛ mun, be mɔ be diman ɔ mmla’n su’n,
be fu min bo kunman.
86 Be kwla lafi ɔ mmla’m be kwlaa be su.
Sran’m be kle min yalɛ kusu nn m’an yoman sa, uka min!+
87 Ɔ ka kan naan b’a nunnun min asiɛ’n su,
sanngɛ m’an yaciman like nga a se kɛ be yo’n be yolɛ.
88 Yo maan n ka nguan nun, ɔ sran klolɛ dan’n ti.
I liɛ’n, ń nánti ɔ afɔtuɛ nga a mannin be’n be su.
ל [Lamɛdi]
90 Nanwlɛ mɔ a di’n, ɔ wo lɛ blɛ kwlaa nun.+
A takali asiɛ’n i kpa, ɔ maan kɛ ɔ o lɛ’n yɛ ɔ o-ɔ.+
91 Ɔ jɔlɛ nga a di’n ti’n, be o lɛ lele andɛ,*
afin be kwlaa be ti ɔ sufuɛ.
93 Min wla su fiman like nga a se kɛ be yo’n su le,
afin be dunman nun’n, a yoli maan n kali nguan nun.+
95 Klunwifuɛ’m be kunndɛ kɛ bé núnnún min,
sanngɛ n fa min ɲin n sie i ɔ mmla’n su kpa.
96 Like kwlaa ng’ɔ ti kpa’n, ɔ le i nuan su,
sanngɛ ɔ mmla’n i liɛ’n, ɔ lemɛn i nuan su.*
[ Memun]
N bu su akunndan* aliɛ ba kwlaa nun.+
98 Ɔ mmla’n yo maan n si ngwlɛlɛ n tra min kpɔfuɛ mun,+
afin n kpɔcimɛn i le.
99 N si ngwlɛlɛ n tra be nga be kle min like’n be kwlaa.+
Afin n bu ɔ afɔtuɛ’m be su akunndan kpa.*
100 N yo ninnge mun ngwlɛlɛ su n tra kpɛnngbɛn mun,
afin n yo like nga a se kɛ
be yo’n.
101 N kplinman su kɛ ń sín atin tɛ wie fi su,+
kɛ ɔ ko yo naan m’an nian ɔ ndɛ’n su m’an nanti’n ti.
102 N kaciman min sin n siman jɔlɛ nga a di be’n,
afin a kleli min like.
104 Like nga a se kɛ be yo’n be ti’n, n yo ninnge mun ngwlɛlɛ su.+
I sɔ’n ti yɛ n kpɔ atin kwlaa ng’ɔ ti tɛ’n niɔn.+
נ [Nunnun]
106 N tali nda kun, yɛ ń yíɛ i nuan,
naan ń fá ɔ jɔlɛ mɔ a di be nanwlɛ su’n be su.
107 Min wla w’a bo min wun dan.+
Ee Zoova, yo maan n ka nguan nun kɛ nga a fa kannin’n sa.+
108 Ee Zoova, maan min klunklo like nga n man n fa manman wɔ’n+ ɔ jɔ ɔ klun,
yɛ kle min ɔ jɔlɛ nga a di’n.+
109 Min nguan’n wo wie nuan titi,
sanngɛ min wla fiman ɔ mmla’n su.+
110 Klunwifuɛ’m b’a sua min wun aya,
sanngɛ n yaciman like nga a se kɛ be yo’n be lɛ n ko faman atin uflɛ.+
111 N fa ɔ afɔtuɛ mun n fa yo min liɛ titi,*
afin be yo maan min
klun jɔ.+
112 M’an fua kpa kɛ ń nánti ɔ mmla’m be su
blɛ kwlaa nun, lele ń gúɛ i ti nin i bo.
ס [Samɛki]
115 Klunwifuɛ mun, nán amun fa amun wun mantan min,+
kɛ ɔ ko yo naan m’an nanti min Ɲanmiɛn’n i mmla’m be su’n ti.
116 Suan min bo kɛ nga a fa tali nda’n sa.*+
I liɛ’n, ń ká nguan nun.
Nán maan like mɔ min wla o su’n ɔ kaci awlabɔɛ.*+
117 Suan min bo naan n fite nun.+
I liɛ’n, ń fá min ɲin ń síe i ɔ mmla’m be su kpa.+
118 A kpalo be kwlaa nga be yaci ɔ mmla mun’n, mɔ be fa atin uflɛ’n,+
afin be ti gblɛfuɛ nin sran lakafuɛ.
119 A kpalo klunwifuɛ mun asiɛ’n su kɛ wla sa.+
I sɔ’n ti yɛ n klo ɔ afɔtuɛ mun’n niɔn.
120 Srɛ m’ɔ kun min ɔ wun’n ti’n, n usu,
n sro ɔ jɔlɛ nga a di’n.
ע [Ayin]
121 N yoli sa kpa, ɔ nin sa ng’ɔ ti i nuan su’n.
Nán yaci min be mɔ be kle min yalɛ’n be sa nun!
122 Ta nda kɛ á úka ɔ sufuɛ’n.
Nán maan wun tufuɛ’m be kle min yalɛ.
125 N ti ɔ sufuɛ, man min ngwlɛlɛ,+
naan n si ɔ afɔtuɛ mun.
126 Blɛ’n w’a ju kɛ Zoova yo like kun,+
afin be fɔnnin ɔ mmla’n.
127 I sɔ’n ti yɛ n klo ɔ mmla mun’n niɔn,
n klo be n tra sika ɔkwlɛ, n klo be n tra sika ɔkwlɛ jrɛiin’n* bɔbɔ.+
128 Ɔ maan like kwlaa nga a se kɛ be yo’n, n bu be like kpa.+
N kpɔ atin kwlaa ng’ɔ ti tɛ’n.+
פ [Pe]
129 Ɔ afɔtuɛ’m be yo ɲɛnmɛn.
I sɔ’n ti yɛ n nian be su n nanti’n niɔn.
131 N trɛ min nuan’n nun kpa yɛ n fɛfɛ,
afin min ɲin o ɔ mmla’m be sin kpa.+
134 De min* be nga be mianmian min’n be
sa nun.
I liɛ’n, ń yó like nga a se kɛ be yo’n.
135 Yo maan ɔ ɲrun’n kpaja ɔ sufuɛ’n i su,+
yɛ kle min ɔ mmla mun.
136 Min ɲinmuɛn nzue’n bu,
afin nvlefuɛ’m be nantiman ɔ mmla’n su.+
צ [Sade]
138 Afɔtuɛ nga a man’n be ti kpa,
yɛ be kwla lafi be su.
139 Min wun yrayra min,+
afin min kpɔfuɛ’m be wla w’a fi ɔ ndɛ’m be su.
141 N timan like fi yɛ min wla w’a bo min wun.+
Ɔ nin i sɔ’n ngba’n, min wla w’a fiman like nga a se kɛ be yo’n i su.
143 Ɲrɛnnɛn nin sa kekle’m be tɔ min su,
sanngɛ n klo ɔ mmla mun titi.
144 Ɔ afɔtuɛ’m be ti kpa, yɛ bé ká sɔ tititi.
Man min ngwlɛlɛ,+ naan n ka nguan nun.
ק [Kɔfu]
145 N tu min klun n kpan flɛ wɔ. Ee Zoova, tɛ min su.
N kunndɛ kɛ ń nánti ɔ mmla’m be su.
146 N kpan flɛ wɔ, de min!
Ń fá ɔ afɔtuɛ’m be su.
147 N jasoli ka naan aliɛ w’a cɛn, naan ń kpán flɛ́ wɔ kɛ a uka min,+
afin ɔ ndɛ’m be su yɛ n fa min wla’n n gua-ɔ.*
149 Tie min nɛn’n, ɔ sran klolɛ dan’n ti.+
Ee Zoova, yo maan n ka nguan nun, ɔ sa nuan su sɛsɛ yolɛ’n ti.
150 Be nga be yo ɲannzuɛn sa’n b’a mantan koko.
Be nin ɔ mmla’n be afiɛn’n ti nun.
152 N si ɔ afɔtuɛ’m be su ndɛ w’a cɛ,
n si kɛ a siesieli be naan be ka lɛ tititi.+
ר [Rɛsi]
153 Nian ɲrɛnnɛn ng’ɔ o min su’n naan de min,+
afin min wla w’a fiman ɔ mmla’n su.
155 Delɛ’n wo klunwifuɛ’m be wun mmua,
afin b’a kunndɛman ɔ mmla mun.+
156 Ee Zoova, ɔ sa yaci cɛlɛ’n ti dan.+
Yo maan n ka nguan nun, ɔ sa nuan su sɛsɛ yolɛ’n ti.
157 Min yalɛ klefuɛ mun nin min kpɔfuɛ’m be sɔnnin.+
Sanngɛ m’an yaciman ɔ afɔtuɛ mun m’an faman atin uflɛ.
159 Nian kɛ n klo like nga a se kɛ be yo’n niɔn!
Ee Zoova, yo maan n ka nguan nun, ɔ sran klolɛ dan’n ti.+
ש [Sin] annzɛ [Sinnin]
162 N di ɔ ndɛ’n i su aklunjɔɛ+
kɛ sran wie mɔ w’a ɲan like dan alɛ kunlɛ nun’n sa.
163 N kpɔ ato bualɛ’n, n kpɔ i.+
N klo ɔ mmla’n.+
164 Aliɛ ba kun nun’n, n manman wɔ kpɛ nso,
ɔ jɔlɛ mɔ a di be nanwlɛ su’n ti.
165 Be nga be klo ɔ mmla’n, be wun jɔ́ be kpa fɔuun.+
Be ja su kplaman like fi su.
166 Ee Zoova, n fa min wla’n n gua sa nga a yo be fa de sran’n su,
yɛ n nanti ɔ mmla’m be su.
167 N fa ɔ afɔtuɛ’m be su,
yɛ n klo be kpa.+
168 N yo like nga a se kɛ be yo’n, yɛ n fa ɔ afɔtuɛ’m be su,
afin a si like kwlaa nga n yo’n.+
ת [Tavu]
169 Ee Zoova, maan kpanlɛ mɔ n kpan flɛ wɔ kɛ a uka min’n ɔ to wɔ lɔ.+
Maan ɔ ndɛ’n uka min naan n wun i wlɛ.+
170 Maan srɛlɛ mɔ n srɛ wɔ kɛ a si min aunnvɔɛ’n, ɔ to wɔ lɔ.
De min, kɛ nga a fa tali nda’n sa.*
171 Maan ɔ manmanlɛ’n ɔ yi min nuan’n lele ɔ bu gua,+
afin a kle min ɔ mmla mun.
172 Maan min taaman’n to ɔ ndɛ’n i su jue,+
afin ɔ mmla’m be kwlaa be ti kpa.
174 Ee Zoova, min ɲin o delɛ m’ɔ fin wɔ’n i sin,
yɛ n klo ɔ mmla’n.+
175 Yaci min nguan nun naan n manman wɔ.+
Maan ɔ jɔlɛ nga a di be’n be uka min.
176 N wlanwlan kɛ bua wie mɔ w’a mlin’n sa.+ Kunndɛ ɔ sufuɛ’n,
afin min wla w’a fiman ɔ mmla’m be su.+
Be nga be su fu kɔ’n be jue-ɔ.*
2 Ee Zoova, de min be nga be fa be nuan bui’m be bua ato’n,
ɔ nin be nga be fa be taaman’n be laka sran’n be sa nun.
3 ?Wɔ mɔ a fa ɔ taaman’n a laka sran’n, ngue yɛ Ɲanmiɛn wá fá yó wɔ-ɔ?
?Yɛ wafa sɛ yɛ ɔ́ wá tú ɔ fɔ-ɔ?*+
5 Min yako, afin n tran Mesɛki+ lɔ kɛ aofuɛ sa!
N tran Kedaa+ tannin sua’m be afiɛn.
6 N tran be nga be kpɔ fɔundi’n
be afiɛn w’a cɛ dan.+
7 Fɔundi yɛ n kunndɛ-ɔ, sanngɛ kɛ n kan ndɛ’n,
alɛ’n yɛ be kunndɛ-ɔ.
Be nga be su fu kɔ’n be jue-ɔ.
121 N man min ɲin su n nian oka mun.+
?Min ukalɛ’n ɔ́ fín nin yɛ ɔ́ bá-ɔ?
3 Ɔ su kplinman su le kɛ ɔ ja seli.*+
I m’ɔ nian ɔ su’n, lafilɛ su kunmɛn i le.
5 Zoova nian ɔ su.
Zoova ti fɔnvɔ,+ ɔ o ɔ sa fama su.+
7 Zoova sásá wɔ naan sa fi w’a ɲanman wɔ.+
Ɔ́ sásá ɔ nguan’n.+
8 Zoova nían ɔ su sa kwlaa nga á yó’n nun,*
kɛ ɔ fɛ i andɛ’n ɔ́ yó sɔ, yɛ ɔ́ yó sɔ tititi.
Be nga be su fu kɔ’n be jue-ɔ.
Davidi i jue-ɔ.
122 Kɛ be seli min kɛ:
“Maan e wɔ Zoova i sua’n nun lɔ’n,” min klun jɔli.+
2 Ee Zerizalɛmun, siɛn’n e ja’m b’a kpɛn
ɔ anuan’m be nun.+
3 Zerizalɛmun klɔ’n nun sua mun
be mantanmantan su kɛ sua kunngba sa.+
4 Akpasuaakpasua’m be fu ɔli lɔ,
Ya* i akpasua mun,
kɛ nga be kan kleli Izraɛli’n sa,
naan bé kó mánmán Zoova i dunman’n.+
5 Afin lɔ yɛ famiɛn bia nga be tran su be di jɔlɛ’n be taka-ɔ,+
Lɔ yɛ Davidi i sua’n nun famiɛn bia’m+ be taka-ɔ.
6 Maan amun srɛ kɛ fɔundi’n tran Zerizalɛmun klɔ’n nun.+
Ee klɔ, be nga be klo wɔ’n bé trán fɔuun.
7 Maan fɔundi’n tran ɔ wun talɛ’m be klun lɔ titi,
Maan alaje’n tran ɔ sua fleiin’m be nun.
8 Min niaan mun nin min janvuɛ’m be ti’n, ń sé kɛ:
“Maan fɔundi’n tran ɔ nun.”
9 E Ɲanmiɛn Zoova i sua’n ti’n,+
n kunndɛ kɛ ɔ liɛ yo ye.
Be nga be su fu kɔ’n be jue-ɔ.
123 N man min ɲin su n nian ɔ lɔ,+
wɔ mɔ a ti famiɛn bia’n su ɲanmiɛn su lɔ’n.
2 Kɛ junman difuɛ mɔ i ɲin tɛ i min’n i sa’n sa’n,
annzɛ kɛ junman difuɛ bla mɔ i ɲin tɛ i min bla’n i sa’n sa’n,
e kusu e ɲin wo e Ɲanmiɛn Zoova su,+
lele ɔ si e aunnvɔɛ.+
3 Ee Zoova, si e aunnvɔɛ, si e aunnvɔɛ,
afin b’a yo e finfin wie pɛ.+
4 Be nga be di be nuan’n b’a yo e finfin wie pɛ,
wun tufuɛ’m b’a yo e finfin wie pɛ.
Be nga be su fu kɔ’n be jue-ɔ.
Davidi i jue-ɔ.
124 “Sɛ ɔ ti kɛ Zoova nin e nunman nun sa’n,”+
maan Izraɛli se kɛ:
4 nn nzue’n fali e ɔli,
nn nzue m’ɔ sonji dan’n katali e su,+
5 nn nzue m’ɔ bo dan’n katali e su.
6 Maan manmanlɛ’n yo
Zoova liɛ,
afin w’a yiman e w’a manman be naan y’a kaci kɛ nnɛn sa be je nun.
7 E ti kɛ anunman mɔ w’a flo
anunman trafuɛ’n i aya’n nun’n sa.+
Aya’m be bubuli,
yɛ e floli.+
8 E ti ɲanlɛ’n fin Zoova i dunman’n,+
i m’ɔ ti ɲanmiɛn m’ɔ la nglo lɔ plaii’n nin asiɛ’n be Yifuɛ’n.”
Be nga be su fu kɔ’n be jue-ɔ.
2 Kɛ nga oka’m be bo sin yia Zerizalɛmun klɔ’n sa’n,+
i kunngba’n, Zoova kusu bo sin yiɛ i nvlefuɛ mun,+
kɛ ɔ fɛ i andɛ’n ɔ́ yó sɔ, yɛ ɔ́ yó sɔ tititi.
3 Klunwi yolɛ kpɔnman’n su kaman asiɛ nga be fa mannin sran kpa
mun’n su,+
kɛ ɔ ko yo naan sran kpa mun b’a saman be sin b’a yoman sa tɛ’n ti.+
5 Be nga be fa gblɛ atin’m be su’n,
Zoova wá fúan be nin sa tɛ yofuɛ mun.+
Maan Izraɛli di fɔundi.
Be nga be su fu kɔ’n be jue-ɔ.
126 Kɛ Zoova fali be nga be trali be Siɔn ɔli’n sali be sin’n,+
ɔ yoli e kɛ laliɛ nun sa.
2 Blɛ sɔ’n nun’n, srilɛ’n yili e nuan’n piɛ,
yɛ e taaman’n kpannin aklunjɔɛ kpanlɛ.+
Blɛ sɔ’n nun’n, nvlenvle’m be seli kɛ:
“Zoova w’a yo sa dandan mun w’a man be.”+
3 Zoova w’a yo sa dandan mun w’a man e,+
yɛ aklunjɔɛ’n w’a kun e kpo.
4 Ee Zoova, fa e sran mɔ be trali be ɔli’n sa be sin
kɛ Negɛbu lɔ nzue ba mun sa.
5 Be nga kɛ bé lúa like’n nn bé sún’n,
kɛ bé wá kpɛ́ like nga be luali’n, bé kpán aklunjɔɛ kpanlɛ.
6 Sran ng’ɔ fite’n, m’ɔ fɛ i pata mɔ like ng’ɔ ko lua’n wo nun’n,
kannzɛ bɔbɔ kɛ ɔ́ kɔ́’n nn ɔ́ sún’n,
kɛ ɔ́ wá sɛ́ i sin’n, saan ɔ́ kpán aklunjɔɛ kpanlɛ,+
ɔ nin i sa nun ninnge ng’ɔ kpɛli’n be sɔlɛ mun.+
Be nga be su fu kɔ’n be jue-ɔ.
Salomɔn i jue-ɔ.
127 Sɛ Zoova w’a kplanman sua’n,
be nga be mian be ɲin kpa be kplan’n be kle be wun yalɛ ngbɛn.+
Sɛ Zoova w’a sasaman klɔ’n,+
be nga be lafiman mɔ be sasa klɔ’n, be kle be wun yalɛ ngbɛn.
2 Jasolɛ nga amun jaso ndɛ nun’n ɔ ti ngbɛn,
lalɛ mɔ amun laman ndɛ’n ɔ ti ngbɛn,
amun ɲin nga amun mian be kunndɛ aliɛ’n ɔ ti ngbɛn,
afin ɔ nian be nga ɔ klo be’n be lika, yɛ ɔ yo maan be lafi.+
3 Amun nian! Ba’m* be ti aja like m’ɔ fin Zoova-ɔ.+
Like nga Ɲanmiɛn fa cɛ sran kun’n yɛle be klun ba’n.+
5 Sran ng’ɔ fa wie guɛ i i ta mma pata’n nun lele naan ɔ yi piɛ’n, i liɛ su ti ye.+
Be nga be su fu kɔ’n be jue-ɔ.
2 Junman nga a miannin ɔ ɲin dili’n, á ɲɛ́n i nuan like dí.
Á dí aklunjɔɛ yɛ á ɲán ɔ wun.+
3 Ɔ yi’n yó kɛ viɲin m’ɔ su mma kpanngban’n sa ɔ sua’n nun,+
ɔ mma’m bé yó kɛ olivie waka kanngan mun sa ɔ tabli’n i wun.
4 Amun nian! Sran ng’ɔ sro Zoova’n,
kɛ bé wá yrɛ́ i su sɔ-ɔ.+
5 Kɛ Zoova o Siɔn lɔ’n, maan ɔ yra ɔ su.
Ɔ nguan blɛ’n kwlaa nun’n, maan Zerizalɛmun
i liɛ yo ye,+
6 Yɛ maan a wun ɔ mma’m be mma liɛ mun.
Maan fɔundi tran Izraɛli su.
Be nga be su fu kɔ’n be jue-ɔ.
129 “Kɛ ɔ fɛ i min kaan nun’n be tɔ min su titi.”+
Maan Izraɛli se kɛ:
3 Kacɛ tufuɛ’m be tuli kacɛ min wiasin,+
be yili be kloko tɛnndɛnndɛn mun.”
4 Sanngɛ Zoova ti kpa.+
Ɔ kpɛkpɛli klunwifuɛ’m be ɲanman’m be nun.+
5 Be kwlaa nga be kpɔ Siɔn’n,
be ɲin gúa ase yɛ bé fá be ɲrun ɲannzuɛn’n bé cúɛn be wun.+
6 Bé yó kɛ sua ti su ijre
mɔ kɛ bé sé kɛ bé tútú’n nn w’a dun mmua w’a wu kee’n sa.
7 Ɔ kwlá yiman sran ng’ɔ tutu’n i sa buɛ’n,
annzɛ sran ng’ɔ tiɛntiɛn i sɔlɛ’m be nuan’n i sa’n.
8 Be nga bé sín’n be su seman kɛ:
“Maan Zoova yra amun su.
Zoova dunman nun’n, maan amun liɛ yo ye.”
Be nga be su fu kɔ’n be jue-ɔ.
130 Ee Zoova, kɛ n wo kunman’n i bo mmua kpa lɔ’n, n kpan flɛli wɔ.+
2 Ee Zoova, tie min nɛn’n.
Fa ɔ su sie i srɛlɛ tankaan mɔ n srɛ ɔ kɛ a uka min’n i bo.
3 ?Ee Ya,* sɛ ɔ ti kɛ e fɔnlɛ’m be su yɛ a fa ɔ ɲin sie sa’n,
nn Zoova, wan yɛ ɔ kwla jran ɔ ɲrun-ɔn?+
5 N fa min wla’n n gua Zoova su, min bɔbɔ ba wunmuan’n n fa min wla n guɛ i su.
N minndɛ i ndɛ’n.
6 N minndɛ Zoova kpa.+
N minndɛ i kpa tra gladi difuɛ mɔ be minndɛ kpa kɛ aliɛ’n cɛn’n.+
Nanwlɛ, n minndɛ i kpa tra gladi difuɛ mɔ be minndɛ kpa kɛ aliɛ’n cɛn’n.
7 Maan Izraɛli minndɛ Zoova,
afin Zoova klo sran guɛ i ti nin i bo,+
yɛ i tinmin m’ɔ fa kpɔ sran ti’n, ɔ ti dan.
8 Ɔ́ wá kpɔ́ Izraɛli i ti i fɔnlɛ’m be kwlaa be nun.
Be nga be su fu kɔ’n be jue-ɔ.
131 Ee Zoova, n tuman
min wun,
yɛ n yoman min wun dandan,+
yɛ n kunndɛman ninnge dandan mun,+
annzɛ ninnge nga be dan tra min’n.
2 Cɛcɛ, m’an yoman sɔ, sanngɛ n guali min wla ase yɛ n trannin diin+
kɛ bakan wie mɔ b’a kpɛ i wunflɛn m’ɔ o i nin sa nun’n sa.
Min klun ti jɔwa kɛ bakan mɔ b’a kpɛ i wunflɛn’n sa.
3 Maan Izraɛli minndɛ Zoova,+
kɛ ɔ fin andɛ’n maan ɔ yo sɔ, yɛ ɔ yo sɔ tititi.
Be nga be su fu kɔ’n be jue-ɔ.
132 Ee Zoova, maan ɔ wla kpɛn Davidi su,
maan ɔ wla kpɛn i su afɛ’n i kwlaa su.+
2 Maan ɔ wla kpɛn su kɛ ɔ tali Zoova i nda.
Ɔ tali Zakɔbu i Ɲanmiɛn m’ɔ le tinmin kpa’n i nda,
ɔ seli kɛ:+
3 “N su wluman min tannin sua’n nun, n su wluman min sua’n nun.+
N su laman min bia tɛnndɛn’n nun, n su laman min bɛ’n su.
4 N su kplinman su kɛ ń láfi,
yɛ n su muanmuanman min ɲinma mun bɔbɔ,
5 lele saan m’an ɲan lika kun m’an man Zoova,
lele saan m’an ɲan sua kpa kun* m’an man Zakɔbu i Ɲanmiɛn m’ɔ le tinmin kpa’n.”+
6 An nian! E tili i su ndɛ
Efrata lɔ.+
E wunnin i bo’n nun lɔ fie’m be nun.+
7 Maan e wlu i sua’n* nun lɔ.+
Maan e koto i ja takatakawlɛ’n i bo lɛ.+
8 Ee Zoova, jaso naan bla ɔ wunmiɛn lolɛ lika’n nun,+
a nin ɔ Alaka mɔ a fa yi ɔ wunmiɛn’n i nglo’n.+
9 Maan ɔ ɲrun jranfuɛ’m be wla sa kpa yolɛ’n kɛ tralɛ sa.
Yɛ maan ɔ sufuɛ kpa mun be kpan aklunjɔɛ kpanlɛ.
11 Zoova tali Davidi i nda.
Ɔ su kaciman ndɛ ng’ɔ kannin’n mlɔnmlɔn:
“Ń fá ɔ mma’m be nun kun,
ń síe i ɔ famiɛn bia’n su.+
12 Sɛ ɔ mma’m be di min aenguɛ’n su’n,
sɛ be nanti min mmla nga n fa kle be’n* be su’n,+
be mma liɛ’m be kusu
bé trán ɔ famiɛn bia’n su tititi.”+
13 Afin Zoova kpali Siɔn.+
Ɔ kloli kpa kɛ ɔ́ fá yó i tranwlɛ:+
14 “Lika nga ń ló wunmiɛn nun tititi’n yɛ.
Wa yɛ ń trán-ɔn,+ afin i sɔ yɛ n kunndɛ-ɔ.
16 Ń fá delɛ’n ń wlá lɔ Ɲanmiɛn ɲrun jranfuɛ’m be wun kɛ tralɛ sa,+
yɛ min sufuɛ kpa nga be o lɔ’n bé kpán aklunjɔɛ kpanlɛ.+
17 Ń má yó maan Davidi i wunmiɛn’n* yó dan lɔ.
N siesieli kannin kun n mannin min sran mɔ n kpɛli i’n.+
18 Ń má fá ɲannzuɛn’n ń wlɛ́ i i kpɔfuɛ’m be wun
kɛ tralɛ sa,
sanngɛ famiɛn kle ng’ɔ o i ti’n, ɔ́ bó nɲrɛ.”+
Be nga be su fu kɔ’n be jue-ɔ.
Davidi i jue-ɔ.
2 Ɔ ti kɛ ngo kpa mɔ b’a fa gua be ti su’n sa,+
ɔ sonji lele ju be akanza’n nun,
Aarɔn i akanza’n nun.+
Kpɛkun ɔ sonji lele ɔ ju i tralɛ’n i kɔmin nun.
m’ɔ gua Siɔn lɔ oka’m be su’n sa.+
Lɔ yɛ Zoova tali nda kɛ i muae’n trán-ɔn,
nguan m’ɔ leman awieliɛ’n.
Be nga be su fu kɔ’n be jue-ɔ.
134 Amun kwlaa mɔ amun ti Zoova i sufuɛ’n,+
amun mɔ amun jran Zoova i sua’n nun lɔ kɔnguɛ’n,+
maan amun manman Zoova.
2 Kɛ amún mán amun sa’m be su’n,+ maan amun yo sanwun,*
yɛ amun manman Zoova.
3 Maan Zoova m’ɔ ti nglo’n nin asiɛ’n be Yifuɛ’n,
m’ɔ o Siɔn lɔ’n, ɔ yra ɔ su.
135 An manman Ya!*
An manman Zoova i dunman’n.
Amun mɛnmɛn i, amun mɔ amun ti Zoova i sufuɛ’n,+
2 amun mɔ amun jran Zoova i sua’n nun lɔ’n,
mɔ amun o e Ɲanmiɛn’n i sua’n i awlo klun’m be nun’n.+
3 An manman Ya, afin Zoova ti kpa.+
An to jue* be mɛnmɛn i dunman’n, afin i sɔ’n yo ɲɛnmɛn.
4 Afin Ya fali Zakɔbu yoli i liɛ,
ɔ fali Izraɛli yoli i liɛ klonglo.+
6 Zoova yo like kwlaa ng’ɔ klo’n+
ɲanmiɛn su lɔ nin asiɛ su wa, ɔ nin jenvie’m be nun, nin bunman dandan’m be kwlaa be nun.
7 Ɔ fa ɲanmiɛn ble’n* asiɛ’n i tiwatiwa’m be su fa
fu nglo.
Ɔ yo maan kɛ nzue’n tɔ́’n ɲanmiɛn’n kpa sin piapia,*
ɔ fa aunmuan’n i tanngannin’m be nun fite.+
8 Ɔ kunnin Ezipti lɔ ba klikli mun,
i sran-o, i nnɛn-o.+
9 Ɔ yoli nzɔliɛ ninnge wie mun ɔ nin abonuan sa wie mun Ezipti lɔ,+
Ɔ yoli sɔ fa tuli Faraɔn nin i sufuɛ’m be kwlaa be fɔ.+
11 Be yɛle Siɔn m’ɔ ti Amɔɔfuɛ’m be famiɛn’n,+
nin Ɔgu m’ɔ ti Basan famiɛn’n,+
ɔ nin Kanaan lɔ famiɛn diwlɛ’m be kwlaa.
12 Ɔ fali be lika’n mannin naan ɔ yo aja like,
naan ɔ yo Izraɛli m’ɔ ti i nvle’n i aja like.+
13 Ee Zoova, ɔ dunman’n ká lɛ tititi,
ee Zoova, ɔ dunman’n ká lɛ blɛ kwlaa nun.+
15 Nvlenvle’m be amuin mun’n, sika nin sika ɔkwlɛ yɛ be fa yoli be-ɔ,
be ti klɔ sran sa nuan like.+
16 Be le nuan, sanngɛ be ijɔman.+
Be le ɲinma, sanngɛ be wunman ase.
17 Be le su, sanngɛ be timan sa.
Aunmuan fi finman be nuan nun fiteman.+
19 Ee Izraɛlifuɛ mun, an manman Zoova,
ee Aarɔn i awlo’n nunfuɛ mun, an manman Zoova.
20 Ee Levi i awlo’n nunfuɛ mun, an manman Zoova,+
amun mɔ amun sro Zoova’n, an manman Zoova.
An manman Ya!+
3 An la miɛn’m be Miɛn’n i ase,
afin i sran klolɛ dan’n wieman le.
5 Ɔ fali ngwlɛlɛ yili ɲanmiɛn su lɔ’n,+
afin i sran klolɛ dan’n wieman le.
6 Ɔ trɛli asiɛ’n nun nzue’n su,+
afin i sran klolɛ dan’n wieman le.
7 Ɔ yili ninnge dandan mɔ be kpaja’n,+
afin i sran klolɛ dan’n wieman le.
8 Ɔ yili wia’n naan ɔ kpaja wia’n nun,+
afin i sran klolɛ dan’n wieman le.
9 Ɔ yili anglo’n nin nzraama mun naan be kpaja kɔnguɛ,+
afin i sran klolɛ dan’n wieman le.
10 Ɔ kunnin Ezipti lɔ ba klikli mun,+
afin i sran klolɛ dan’n wieman le.
11 Ɔ yili Izraɛlifuɛ mun be afiɛn fiteli,+
afin i sran klolɛ dan’n wieman le,
12 Ɔ fɛli i sa mɔ wunmiɛn o nun’n,+ i sa m’ɔ tinngɛli nun’n yɛ ɔ fa yoli sɔ-ɔ,
afin i sran klolɛ dan’n wieman le.
13 Ɔ kpacili Jenvie Ɔkwlɛ’n nun nɲɔn,+
afin i sran klolɛ dan’n wieman le.
14 Ɔ yoli maan Izraɛlifuɛ’m be sinnin i afiɛn,+
afin i sran klolɛ dan’n wieman le.
15 Ɔ toli Faraɔn nin i sonja mun yili i Jenvie Ɔkwlɛ’n nun,+
afin i sran klolɛ dan’n wieman le.
16 Ɔ kleli i sran mun be atin aawlɛ flɛnnɛn’n nun lɔ,+
afin i sran klolɛ dan’n wieman le.
17 Ɔ kunnin famiɛn dandan mun,+
afin i sran klolɛ dan’n wieman le.
18 Ɔ kunnin famiɛn mɔ be le kwlalɛ’n,
afin i sran klolɛ dan’n wieman le,
19 Ɔ kunnin Siɔn+ m’ɔ ti Amɔɔfuɛ’m be famiɛn’n,
afin i sran klolɛ dan’n wieman le.
20 Ɔ kunnin Ɔgu+ m’ɔ ti Basan famiɛn’n,
afin i sran klolɛ dan’n wieman le.
21 Ɔ fali be lika’n mannin naan ɔ yo aja like,+
afin i sran klolɛ dan’n wieman le.
22 Ɔ fa mannin Izraɛli m’ɔ ti i sufuɛ’n naan ɔ yo i aja like,
afin i sran klolɛ dan’n wieman le.
25 Ɔ man ninnge kwlaa nga be o nguan nun’n be aliɛ,+
afin i sran klolɛ dan’n wieman le.
26 An la Ɲanmiɛn m’ɔ o nglo lɔ’n i ase,
afin i sran klolɛ dan’n wieman le.
137 E trannin ase Babilɔnin nzue ba’m be nuan lɛ.+
Kɛ e wla kpɛnnin Siɔn su’n, e sunnin.+
2 E sendeli e jru mun+
peplie waka nga be o i* afiɛn’n be su.
3 Afin lɛ’n, be nga be trali e’n be seli e kɛ e to jue kun,+
be nga be sri e’n, be kunndɛli kɛ bé yíyí be ɲin su. Be seli kɛ:
“Amun to Siɔn lɔ jue kun kle e.”
4 ?Ngue ti yɛ é kó tó Zoova i jue’n
mɛn uflɛ nun yɛ?
6 Sɛ m’an faman Zerizalɛmun m’an siemɛn i
ninnge cinnjin nga be man min aklunjɔɛ’n be ti su’n,+
sɛ min wla fi wɔ’n,
maan min taaman’n mantan min lalolalo’n nun.
7 Ee Zoova, maan ɔ wla kpɛn
ndɛ nga kɛ Zerizalɛmun tɔli’n Edɔmufuɛ’m be kannin’n su. Be seli kɛ:
“An bubu i! An bubu i lele be to i bo nga be wlɛli i ase’n!”+
8 Ee Babilɔnin talua, wɔ m’ɔ ka kan bé núnnún wɔ’n,+
sran ng’ɔ fa sa nga a fa yoli e’n
fa yo wɔ wie’n, i liɛ su ti ye.+
9 Sran ng’ɔ tra ɔ mma mun
m’ɔ wɛtɛ be yɔbuɛ’m be su’n,+ i liɛ su ti ye.
Davidi i jue-ɔ.
138 Ń tú min klun ń mánmán wɔ.+
Ń tó jue* ń mánmán wɔ
ɲanmiɛn onga’m be ɲrun.
2 Ń kóto ɔ sua m’ɔ ti ɔ liɛ klonglo’n i ndɛnman,+
yɛ ń mánmán ɔ dunman’n,+
ɔ sran klolɛ dan nin nanwlɛ mɔ a di’n ti.
Afin a yoli maan ɔ ndɛ’n nin ɔ dunman’n be le ɲrun tra like kwlaa.*
3 Cɛn nga n flɛli wɔ’n, a tɛli min su.+
A wlali min yakpa, yɛ a mannin min wunmiɛn.+
4 Ee Zoova, asiɛ’n su famiɛn’m be kwlaa bé mánmán wɔ,+
afin bé tí nda nga a tali’n.
5 Bé tó jue bé kán Zoova i atin’m be ndɛ,
afin Zoova i aɲrunɲan’n ti dan.+
6 Kannzɛ Zoova ti dan’n, ɔ fɛ i ɲin sie i wun ase kanfuɛ’m be su,+
sanngɛ be nga be tu be wun’n be liɛ’n, ɔ o mmua lɔ yɛ ɔ nian be-ɔ.+
7 Sɛ n nanti ninnge sroesroe’m be afiɛn bɔbɔ’n, á yó maan ń ká nguan nun.+
A tinngɛ ɔ sa’n min kpɔfuɛ mɔ b’a fa ya’n be su.
Ɔ sa fama’n ɔ́ dé min.
8 Zoova yía like kwlaa nuan mán min.
Ee Zoova, ɔ sran klolɛ dan’n wieman le.+
Nán yi ɔ sa nuan like’n i ase.+
Ɔ ti jue tofuɛ’m be su kpɛn’n i liɛ. Davidi i jue-ɔ.
139 Ee Zoova, a niannian min, yɛ a si min.+
2 Kɛ n tran ase’n a si nun, yɛ kɛ n jaso’n a si nun.+
Kɛ a o mmua lɔ’n, a si akunndan nga n bu’n.+
3 Kɛ n tu ajalɛ’n, yɛ kɛ n la’n, a fa ɔ ɲin sie min su.
5 A o min sin nin min ɲrun, a bo sin yia min.
Yɛ a fa ɔ sa’n sie min su.
6 Silɛ mɔ a si min’n, n kwlá wunmɛn i wlɛ mlɔnmlɔn.*
7 ?Nin yɛ n kwla wanndi ɔ wawɛ’n n kɔ-ɔ?
?Nin yɛ n kwla wanndi ɔ ɲrun n kɔ-ɔ?+
9 Sɛ n fa aliɛ njɛnniɛn’n i ndɛwa mun n tu
n ko tran jenvie m’ɔ o mmua kpa lɔ’n i nuan’n,
10 lɔ bɔbɔ’n, ɔ sa’n klé min atin,
yɛ ɔ sa fama’n trá min nun.+
11 Sɛ n se kɛ: “Saan aosin tuun’n káta min su!”
Kpɛkun aosin m’ɔ bo sin yia min’n w’a kpaja.
12 Aosin tuun’n bɔbɔ’n, ɔ su yoman tuun dan ɔ ɲrun,
sanngɛ kɔnguɛ’n kpája kɛ wia nun’n sa.+
Aosin tuun’n nin lika m’ɔ kpaja’n be ti kun ɔ ɲrun.+
13 Afin wɔ yɛ a yili min aklɛnzia mun-ɔn.
A fali min fiali* min nin i ku sɛ’n nun.+
14 Ń mánmán wɔ, afin wafa nga a yili min’n, ɔ yo ɲɛnmɛn yɛ ɔ ti abonuan.+
Sa nga a yo be’n be ti abonuan,+
n si sɔ kpa.
15 Kɛ a yili min nvialiɛ nun’n,
mɔ a wuli min kɛ tannin sa asiɛ’n i bo mmua kpa lɔ’n,
min owie wie fi timan fiawa ɔ ɲrun.+
16 I nun mɔ n te yo mmoja min nin i ku sɛ’n nun bɔbɔ’n, ɔ ɲinma’m be wunnin min.
Min likalika’m be kwlaa be su ndɛ’n ti klɛwa ɔ fluwa’n nun,
cɛn nga a yili be’n,
ɔ nin kɛ be nin-a fiteman bɔbɔ’n, be su ndɛ’n ti klɛwa ɔ fluwa’n nun.
17 Ɔ maan min ɲrun’n, ɔ akunndan’m be ti cinnjin kpa!+
Ee Ɲanmiɛn, kɛ be kan be kwlaa be bo nun’n be sɔnnin kpa!+
18 Sɛ min waan ń ká be’n, bé sɔ́n dan trá aunɲan’n.+
Kɛ n tinnge’n, e nin wɔ e o nun titi.*+
19 Ee Ɲanmiɛn, yaci, kun klunwifuɛ mun!+
I liɛ’n, nzaje sa yofuɛ’m* bé kɔ́ min wun mmua.
20 Sran’m be kan ɔ wun ndɛ naan bé yó ɔ tɛ.
Be ti ɔ kpɔfuɛ, be yo ɔ dunman’n i finfin.+
21 ?Ee Zoova, n kpɔman be nga be kpɔ wɔ’n?+
?Yɛ min ɲin ciman be nga be yo ɲin kekle ɔ su’n?+
22 Kpɔlɛ bɔɔ cɛ yɛ n kpɔ be-ɔ.+
B’a kaci min kpɔfuɛ mlɔnmlɔn.
23 Ee Ɲanmiɛn, niannian min, naan si min awlɛn’n.+
Niannian min, naan si sa m’ɔ sanngan min akunndan’n.+
Ɔ ti jue tofuɛ’m be su kpɛn’n i liɛ. Davidi i jue-ɔ.
140 Ee Zoova, de min sa tɛ yofuɛ’m be sa nun.
Sasa min nzaje sa yofuɛ’m be lika,+
2 be mɔ be cici sa tɛ yolɛ’n be awlɛn’n nun lɔ be sie’n,+
mɔ be kpɛ utre ba aliɛ ba kwlaa nun’n.
3 Be si be taaman’n kɛ wuo’m be liɛ’n sa.+
Ɔnda bɔyre o be nuan nun.+ (Sela)
4 Ee Zoova, sasa min naan klunwifuɛ’m be sa w’a kanman min.+
Sasa min nzaje sa yofuɛ’m be lika,
be mɔ b’a cici kɛ bé yí min ase’n, sasa min be lika.
5 Wun tufuɛ’m be fa aya kun be fiɛ i min bo.
Be fa ɲanman mun be to tɛ atin’n i nuan.+
Be sua min bo aya mun.+ (Sela)
6 N se Zoova kɛ: “A ti min Ɲanmiɛn.
Ee Zoova, tie srɛlɛ mɔ n srɛ wɔ kɛ a uka min’n.”+
7 Ee Zoova, min Min, wɔ mɔ a Sie Like Kwlakwla’n, min Defuɛ m’ɔ le wunmiɛn’n,
alɛ kunlɛ cɛn’n nun’n, a sasa min ti’n.+
8 Ee Zoova, nán fa like nga klunwifuɛ’m be kunndɛ’n man be.
Nán kplin su kɛ sa nga be cici’n ɔ kpɛn su, kɛ ɔ́ yó naan b’a diman be nuan’n ti. (Sela)+
9 Maan sa tɛ ng’ɔ fin be nga be bo sin yia min’n be nuan fite’n,
ɔ tɔ be bɔbɔ be ti’n su.+
10 Maan sɛnmlɛn gua be su kɛ nzue yɛ ɔ su tɔ sa.+
Maan be to be gua be sin’n nun,
maan be to be gua be kunman mɔ be ti kploun kpa’n* be nun,+ nán maan be jaso kun le.
11 Nán maan suɛn tɔnfuɛ’n ɲan tranwlɛ asiɛ’n su.+
Maan ɲrɛnnɛn’n su nzaje sa yofuɛ’m be su naan ɔ kun be.
12 N si kɛ Zoova kplí sran ng’ɔ leman wie’n i ti,
yɛ ɔ́ dí yalɛfuɛ’n i ndɛ’n klanman.+
13 Saan sran kpa’m bé mánmán ɔ dunman’n.
Yɛ sran nga be nanti seiin’n bé trán ɔ ɲrun lɛ.+
Davidi i jue-ɔ.
141 Ee Zoova, n kpan
n flɛ wɔ.+
Bla ndɛndɛ wa uka min.+
Kɛ n flɛ wɔ’n sie ɔ su tie.+
2 Maan min srɛlɛ’n yo kɛ ansan+ sa ɔ ɲrun.+
Maan min sa mɔ n man be su’n be yo kɛ ble annzɛ i wunsu like mɔ be fa man wɔ nnɔsua nun’n sa.+
3 Ee Zoova, sie gladi difuɛ kun naan ɔ nian min nuan’n su.
Sie gladi difuɛ kun min nuan bui’m be anuan’n nun.+
4 Nán yaci min awlɛn’n i lɛ naan ɔ kunman wɔ sa tɛ wie su,+
naan n yo ninnge tɛtɛ nga sa tɛ yofuɛ’m be yo’n wie.
Nán maan n di be aliɛ kpakpa’m be wie le.
5 Sɛ sran kpa’n bo min’n, i sɔ’n kle kɛ ɔ klo min dan.+
Blɛ m’ɔ o ɲrɛnnɛn nun bɔbɔ’n, ń srɛ́ ń mɛ́n i titi.
6 Kannzɛ bɔbɔ be su be jɔlɛ difuɛ’m be bo lika nglonglo’n su be gua be lɔ’n,
sanngɛ nvlefuɛ’m bé síe be su ndɛ nga n kan’n i bo, afin be yo fɛ.
7 Wafa nga sran kun tú kacɛ m’ɔ futufutu asiɛ’n nun’n,
i wafa kunngba’n, b’a tru e owie mun Ndia’n* i nuan’n su.
8 Ee, min Min Zoova, wɔ mɔ a Sie Like Kwlakwla’n, n kpɛ min ɲin ɔ su lɔ,+
ɔ sin yɛ n fia-ɔ.
Nán fa min nguan’n.
9 Sasa min naan m’an tɔman aya nga be suɛli i min bo’n i je’n nun,
sasa min sa tɛ yofuɛ’m be aya’m be lika.
10 Klunwifuɛ’m be kwlaa bé tɔ́ be bɔbɔ be tɛ* mun be nun,+
sanngɛ min liɛ’n, ń sín kɔ́, like fi su yoman min.
Maskili* su. Davidi i srɛlɛ’n kun-ɔn. Kɛ ɔ́ yó sɔ’n, nn ɔ o yɔbuɛ buɛ’n nun.+
142 N kpan flɛ Zoova kɛ ɔ uka min,+
n srɛ Zoova kɛ ɔ si min aunnvɔɛ.
2 I ɲrun lɛ’n, n kan min su sa’n i ndɛ.
I ɲrun lɛ’n, n kan ɲrɛnnɛn ng’ɔ o min su’n i ndɛ+
3 blɛ mɔ min sa sin bubu min mɔ n leman wunmiɛn’n nun.
Ɔ maan a si atin nga n wo su’n.+
Atin nga n sin su’n i su’n,
be fa aya kun be fia min bo.
N leman lika fi mɔ n kwla wanndi n kɔ lɔ-ɔ,+
min ndɛ loman sran fi.
5 Ee Zoova, n kpan flɛ wɔ kɛ a uka min.
N se kɛ: “A ti min fiawlɛ,”+
like ngba nga n le i mɛn’n nun’n yɛle wɔ.
6 Kɛ n kpan flɛ wɔ kɛ a uka min’n sie ɔ su tie,
afin min wla w’a bo dan.
De min be nga be kle min yalɛ’n be sa nun,+
afin be le wunmiɛn tra min.
7 Yi min bisua’n nun lɔ sua ba kaan’n nun fite
naan n manman ɔ dunman’n.
Maan sran kpa’m be bo sin yia min,
afin a nian min lika kpa.
Davidi i jue-ɔ.
143 Ee Zoova, tie min srɛlɛ’n.+
Tie srɛlɛ mɔ n srɛ wɔ kɛ a uka min’n.
Nanwlɛ mɔ a di’n nin ɔ sa nuan su sɛsɛ yolɛ’n ti’n, tɛ min su.
2 Nán fa ɔ sufuɛ’n kɔ ɔ jɔlɛ dilɛ bia’n i ɲrun,
afin sran fi kwlá yoman sran kpa ɔ ɲrun.+
3 Min kpɔfuɛ’n fuan min.
Ɔ yi min ase, yɛ ɔ tiatia
min su.*
Ɔ yo maan n tran aosin tuun’n nun kɛ be nga be wuli w’a cɛ’n sa.
4 Min sa sin w’a bubu min, yɛ n leman wunmiɛn kun mlɔnmlɔn.+
Min awlɛn’n w’a glɔ min klun lɔ.+
5 Min wla kpɛn min laa nun.
N bu sa nga a yo be’n be kwlaa be su akunndan.+
N bu ɔ sa nuan ninnge’m be su akunndan kpa.*
6 N trɛ min sa’m be nun n kle wɔ,
n le wɔ awuliɛ kpa kɛ asiɛ kee m’ɔ su srɛ nzue’n sa.+ (Sela)
8 Maan n ti ɔ sran klolɛ dan’n i su ndɛ nglɛmun nun,
afin n lafi ɔ su.
Kle min atin ng’ɔ fata kɛ n fa su’n,+
afin ɔ wun lɔ yɛ n kpɛ min ɲin-ɔn.
9 Ee Zoova, de min min kpɔfuɛ’m be sa nun.
N kunndɛ kɛ a sasa min.+
10 Kle min ɔ klun sa’n i yolɛ,+
afin a ti min Ɲanmiɛn.
Ɔ wawɛ’n ti kpa,
maan ɔ fa min wɔ lika kpɛtɛkplɛɛ kun nun.*
11 Ee Zoova, ɔ dunman’n ti’n, yo maan n ka nguan nun.
Ɔ sa nuan su sɛsɛ yolɛ’n ti’n, de min ɲrɛnnɛn’n nun.+
12 Ɔ sran klolɛ dan’n ti’n, nunnun min kpɔfuɛ mun.*+
Davidi i jue-ɔ.
144 Maan manmanlɛ’n yo Zoova m’ɔ ti min Yɔbuɛ’n+ i liɛ,
i yɛ ɔ kle min sa’m be alɛ kunlɛ-ɔ,
ɔ kle min sa mma’m be alɛ kunlɛ.+
2 Ɔ kle kɛ ɔ klo min dan yɛ ɔ ti min fiawlɛ,
ɔ ti min fiawlɛ kpa nin min defuɛ,
ɔ ti min ɲrɛn, i sin yɛ n fia-ɔ,+
i yɛ ɔ yo maan nvlefuɛ’m be lo be wun be man min-ɔn.+
3 ?Ee Zoova, wan yɛle klɔ sran mɔ maan a fa ɔ ɲin sie i su-ɔ?
?Wan yɛle klɔ sran mɔ maan a bu i akunndan-ɔn?+
5 Ee Zoova, kan ɔ ɲanmiɛn m’ɔ la nglo lɔ plaii’n i ase yɛ jra.+
Kan oka mun, yɛ yo maan wunsrɛn fin be nun fite.+
6 Yo maan ɲanmiɛn’n kpa sin, yɛ yo maan min kpɔfuɛ’m be bo sanndi.+
To ɔ ta mma mun naan sanngan be nun.+
7 Kɛ a o nglo lɔ’n tinngɛ ɔ sa’m be nun.
De min, yi min nzue m’ɔ bo dan’n i nun fite,
de min aofuɛ’m be sa nun,+
8 be mɔ be nuan’n bua ato’n,
mɔ be man be sa fama’n su be ta ato nda’n.*
9 Ee Ɲanmiɛn, ń tó jue uflɛuflɛ kun ń mánmán wɔ.+
Ń fá miziki bolɛ like kun m’ɔ le ɲanman blu’n ń tó jue* ń mánmán wɔ,
10 wɔ mɔ a man famiɛn’m be kwlalɛ’n,*+
wɔ mɔ a de ɔ sufuɛ Davidi tokofi m’ɔ kun tɛ kpa’n i nuan’n.+
11 De min, de min aofuɛ’m be sa nun,
be mɔ be nuan’n bua ato’n,
mɔ be man be sa fama’n su be ta ato nda’n.
12 I liɛ’n, e mma yasua’m bé yó kɛ waka kanngan mɔ be ɲin ndɛndɛ’n sa,
e mma bla’m bé yó kɛ famiɛn sua kun i ja mlomlo mɔ be sɛli be klanman mɔ be o i cɔnjɔ’n su’n sa.
13 Ninnge wafawafa kwlaa bé yí e tanngannin mun lele bé bú gúa.
E nnɛn nga be o e fie’m be su’n bé sɔ́n, bé jú akpiakpi, bé jú akpiakpi kpanngban.
14 Sa fi su ɲanman e nannin nga kuɛ o be wun’n, yɛ be su kpɔman ba.
Be su timan awuyomo bolɛ e klɔ’n i gua’m be su.
15 Nvle ng’ɔ le i sɔ ninnge mun’n, i liɛ su ti ye!
Nvle nga i Ɲanmiɛn’n yɛle Zoova’n, i liɛ su ti ye!+
Davidi i Ɲanmiɛn manmanlɛ jue-ɔ.
א [Alɛfu]
ב [Bɛti]
2 Aliɛ ba kwlaa nun’n, ń mánmán wɔ.+
Ń mánmán ɔ dunman’n tititi.+
ג [Gimɛli]
3 Zoova ti dan, yɛ ɔ nin manmanlɛ fata.+
Be kwlá wunmɛn i dan m’ɔ ti’n i wlɛ mlɔnmlɔn.*+
ד [Dalɛti]
4 Be nga bé wá jáso su’n, bé yí ɔ sa nuan ninnge’m be ayɛ.
Bé kán sa dandan nga a yo be’n be ndɛ.+
ה [E]
ו [Vavu]
ז [Zayin]
7 Kɛ be wla kpɛ́n ɔ klun ufue dan’n su’n, bé mánmán wɔ lelele,+
yɛ bé kpán aklunjɔɛ kpanlɛ, ɔ sa nuan su sɛsɛ
yolɛ’n ti.+
ח [Ɛti]
ט [Tɛti]
9 Zoova ti kpa man ninnge ng’ɔ yili be’n be kwlaa,+
yɛ i aunnvɔɛ silɛ’n i ɲin fite like kwlaa ng’ɔ yo’n nun.
י [Yɔdu]
כ [Kafu]
ל [Lamɛdi]
12 naan sran’m be si sa dandan nga a yo be’n,+
naan be si ɔ famiɛn dilɛ’n i aɲrunɲan m’ɔ yo ɲɛnmɛn’n.+
מ [Mɛmun]
13 Ɔ famiɛn dilɛ’n, ɔ ti famiɛn dilɛ kun m’ɔ o lɛ tititi-ɔ,
yɛ ɔ sielɛ’n o lɛ blɛ kwlaa nun.+
ס [Samɛki]
ע [Ayin]
פ [Pe]
צ [Sade]
ק [Kɔfu]
18 Zoova o be kwlaa nga be kpan flɛ i’n be wun koko,+
ɔ o be kwlaa nga be kpan flɛ i nanwlɛ su’n be wun koko.+
ר [Rɛsi]
19 Ɔ man be nga be sro i’n be like ng’ɔ ju be’n.+
Ɔ ti kpanlɛ mɔ be kpan flɛ i kɛ ɔ uka be’n, yɛ ɔ de be.+
ש [Sinin]
ת [Tavu]
21 Ń fá min nuan’n ń mánmán Zoova.+
Maan ninnge nga be o nguan nun’n, be mɛnmɛn i dunman m’ɔ ti sanwun’n tititi.+
Maan min wunnɛn wunmuan’n manman Zoova.+
2 Ń mánmán Zoova min nguan blɛ’n i kwlaa nun.
Blɛ mɔ n te o nguan nun’n, ń tó jue* ń mánmán min Ɲanmiɛn’n.
3 Nán amun fa amun wla gua sran dandan’m be su,
nán amun fa amun wla gua klɔ sran m’ɔ kwlá deman sran’n i su.+
5 Sran nga Zakɔbu i Ɲanmiɛn’n yɛ ɔ ti i ukafuɛ’n,+
m’ɔ fɛ i wla gua Zoova m’ɔ ti i Ɲanmiɛn’n i su’n, i liɛ su ti ye,+
6 I yɛ ɔ ti nglo’n nin asiɛ’n,
ɔ nin jenvie’n, ɔ nin be nun ninnge’m be kwlaa be Yifuɛ’n niɔn.+
Ɔ di nanwlɛ titi.+
7 I yɛ ɔ di be nga be di be lufle’n be ndɛ’n i klanman-ɔn,
ɔ man be nga awe kun be’n be kpanwun.+
8 Zoova tike aɲinsifuɛ’m be ɲinma.+
Zoova man be nga afɛ’n ti’n b’a klu’n be su.+
Zoova klo sran kpa mun.
9 Zoova sasa aofuɛ mun.
Ɔ suan ba ng’ɔ leman si’n, ɔ nin angbeti bla’n be bo,+
sanngɛ ɔ yo maan like nga klunwifuɛ’m be sunnzun’n ɔ kpi ase.+
10 Zoova yó Famiɛn tititi,+
ee Siɔn, ɔ Ɲanmiɛn’n ɔ́ ká sɔ blɛ kwlaa nun.
An manman Ya!*
Kɛ e to jue* e manman e Ɲanmiɛn’n, ɔ ti kpa.
I manmanlɛ’n yo fɛ, yɛ ɔ nin i sɔ’n fata kpa!+
2 Zoova su kplan Zerizalɛmun klɔ’n.+
Ɔ yia Izraɛlifuɛ nga be bo sanndili’n likawlɛ.+
3 Ɔ yo be nga be awlɛn’n w’a kpɔtɔ be klun’n be juejue.
Ɔ cici be kannin’m be su.
4 Ɔ ka nzraama mun.
Ɔ fa be tinuntinun be dunman’n fa flɛ be.+
5 E Min’n ti dan, yɛ i tinmin’n cɛnnin.+
I ngwlɛlɛ’n leman awieliɛ.+
7 An to jue be la Zoova i ase.
An fa jru’n naan amun to jue be manman e Ɲanmiɛn’n,
8 i yɛ ɔ yo maan ɲanmiɛn ble’n kata ɲanmiɛn’n su-ɔ,
i yɛ ɔ yo maan nzue tɔ
asiɛ’n su-ɔ,+
i yɛ ɔ yo maan ijre fifi+ oka’m be su-ɔ.
10 Nnɛn kpanngɔ’n i wunmiɛn’n, ɔ timan like fi i ɲrun.+
Sɛ wunmiɛn o klɔ sran’n i ja’m be nun’n, ɔ bumɛn i sɔ’n i like fi.+
11 Zoova klo be nga be sro i’n,+
be nga be minndɛ kɛ ɔ yi i sran klolɛ dan’n i nglo be lika’n, ɔ klo be.+
12 Ee Zerizalɛmun, yi Zoova
i ayɛ.
Ee Siɔn, manman ɔ Ɲanmiɛn’n.
13 Ɔ yo maan ɔ klɔ’n i anuan’m be sin jajalɛ ninnge’m be jran kekleke kpa.
Ɔ yra ɔ mma mɔ be o ɔ nun’n be su.
14 Ɔ yo maan ɔ mɛn’n i nun tɔ fɔuun.+
Ɔ man wɔ ble m’ɔ ti kpa’n lele ɔ ku yi.+
15 Ɔ kan ndɛ kle asiɛ’n.
I ndɛ’n wanndi ndɛndɛ kpa.
16 Ɔ sunman laglasi’n kɛ bua ndrɛ wie sa.+
Ɔ tru laglasi m’ɔ fin nglo lɔ gua munkɛnmunkɛn’n nun kɛ nzuɛn sa.+
17 Ɔ yo maan i nzraama mɔ kɛ nzue tɔ́’n be gua’n,* be gua kɛ kpanwun buebue wie mun sa.+
?Wan yɛ ɔ kwla jrɛn i ayrɛ’n i ɲrun-ɔn?+
18 Ɔ sunmɛn i ndɛ’n, kpɛkun be klo.
Ɔ yo maan i aunmuan’n fita,+ kpɛkun nzue’m be sonji.
20 W’a yoman sɔ nvle uflɛ fi i lika.+
Be simɛn i jɔlɛ ng’ɔ di be’n be su ndɛ fi.
148 An manman Ya!*
An manman Zoova ɲanmiɛn su lɔ.+
An mɛnmɛn i nglo lɔ.
2 Amun mɔ amun ti i anzi mun’n, amun kwlaa an mɛnmɛn i.+
Amun mɔ amun ti i sonja mun’n,+ amun kwlaa an mɛnmɛn i.
3 Wia nin anglo’n, an mɛnmɛn i.
Nzraama mun, amun mɔ amun kpaja’n, amun kwlaa an mɛnmɛn i.+
4 Ee ɲanmiɛn m’ɔ la nglo mmua kpa lɔ plaii’n, mɛnmɛn i,
nzue mun, amun mɔ amun o ɲanmiɛn’n i ti su nglo lɔ’n, an mɛnmɛn i.
5 Maan be manman Zoova i dunman’n,
afin ɔ kannin ndɛ, kpɛkun ɔ yili be.+
6 Ɔ sieli be kɛ be ka lɛ tititi.+
Ɔ kpɛli mmla kun m’ɔ su sinman le-ɔ.+
7 An manman Zoova asiɛ’n su,
jenvie’n nun nnɛn dandan mun, ɔ nin nzue mɔ be bo ti kploun’n be kwlaa,
8 ɲanmiɛn m’ɔ kpa sin’n, ɔ nin nzraama mɔ kɛ nzue tɔ́’n be gua’n, nin laglasi m’ɔ fin nglo lɔ gua munkɛnmunkɛn’n, ɔ nin ɲanmiɛn ble tuun’n,
aunmuan dan, amun mɔ amun di i ndɛ’n su’n,+
11 asiɛ’n su famiɛn mun nin nvlenvle’m be kwlaa,
sran dandan mun nin asiɛ’n su jɔlɛ difuɛ’m be kwlaa,+
12 gbanflɛn mun nin talua mun,*
kpɛnngbɛn mun, ɔ nin ba kanngan mun.
I aɲrunɲan’n wo asiɛ’n nin ɲanmiɛn m’ɔ la nglo lɔ plaii’n be ti su nglo.+
14 Ɔ́ úka i nvlefuɛ’m be wunmiɛn’n* su,
naan i sufuɛ kpa’m be kwlaa be ɲan ɲrun,
naan Izraɛlifuɛ mɔ be nin i mantan’n, be ɲan ɲrun.
An manman Ya!*
149 An manman Ya!*
An to jue uflɛuflɛ kun be manman Zoova.+
Amun mɛnmɛn i i sran kpa’m be nzra dan’n nun.+
2 Maan Izraɛlifuɛ’m be klun jɔ be Yifuɛ Dan’n+ i dunman nun,
maan Siɔn i mma’m be klun jɔ be Famiɛn’n i dunman nun.
Ɔ de wun ase kanfuɛ mun naan be ɲan ɲrun.+
5 Maan sran kpa’m be bo sro afin be ɲannin ɲrun dan.
Maan be kpan aklunjɔɛ kpanlɛ be bɛ’m be su.+
6 Maan Ɲanmiɛn manmanlɛ jue’m be tran be alowa’n nun.
Yɛ maan tokofi kun m’ɔ lɛ i ɲrun lɛ i sin’n, ɔ tran be sa nun,
7 naan be fa tu klunngbɔ nvlenvle’m be su,
naan be fa tu nvlenvle’m be nunfuɛ’m be fɔ,
8 naan be fa jrɔkɔ be fa ci be famiɛn mun,
naan be fa blalɛ be bo be sran dandan’m be kpanwun,
9 naan be fa fɔ nga be klɛli i kɛ bé fá tú be’n be tu be.+
I sufuɛ kpa’m be kwlaa yɛ bé ɲɛ́n i sɔ aɲrunɲan liɛ’n niɔn.
An manman Ya!*
An manman Ɲanmiɛn, i lika m’ɔ ti i liɛ klonglo’n nun.+
An mɛnmɛn i, lika m’ɔ la plaii’n m’ɔ yi i tinmin’n i nglo’n i nun.+
2 An mɛnmɛn i, sa dandan ng’ɔ yo be’n be ti.+
An mɛnmɛn i, i kwlalɛ
dan’n ti.+
3 An bo awɛ be mɛnmɛn i.+
An fa miziki bolɛ like m’ɔ le ɲanman’n, ɔ nin jru’n be mɛnmɛn i.+
4 An bo klɛn,+ yɛ an si able be bo sin yia nun be mɛnmɛn i.
An bo miziki bolɛ like mɔ be le ɲanman’n,+ ɔ nin blo be fa mɛnmɛn i.+
5 An bo sɛnbali mɔ be nɛn’n yo fɛ kpa’n be mɛnmɛn i.
An bo sɛnbali mɔ be tɛ kekle kpa’n+ be mɛnmɛn i.
6 Maan ninnge kwlaa nga be lo wunmiɛn’n be manman Ya.
Annzɛ “ɔ bu i mmla’n su akunndan kpa.”
Annzɛ “i Klisi’n.”
Annzɛ “amún wú atin’n i wun mmua,” yɛle kɛ, sa nuan su sɛsɛ yolɛ’n i atin’n.
Nian Ndɛ’m be bo tulɛ lika’n nun lɔ.
Nian Ndɛ’m be bo tulɛ lika’n nun lɔ.
Annzɛ “sran m’ɔ gua mmoja ase’n, m’ɔ laka sran mun’n.”
Nian Ndɛ’m be bo tulɛ lika’n nun lɔ.
Annzɛ “be wla kpɛnman ɔ su kun.”
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Annzɛ “W’a yo kpɛnngbɛn.”
Be kwla se ekun kɛ “sɛ n yacili sran ng’ɔ tanndan min ɲrun ngbɛn’n i lɛ’n.”
Ebr., “maan ɔ tiatia min nguan’n su asiɛ wun.”
Annzɛ “ń bó miziki.”
Nian Ndɛ’m be bo tulɛ lika’n nun lɔ.
Be kwla se ekun kɛ “wɔ mɔ be kan ɔ aɲrunɲan’n i ndɛ ɲanmiɛn’n i ti su nglo lɔ’n.”
Nian Ndɛ’m be bo tulɛ lika’n nun lɔ.
Annzɛ “ń bó miziki.”
Annzɛ “asiɛ m’ɔ yo like ye’n.”
Ebr., “tu be mmoja’n i klunngbɔ’n.”
Ebr., “Tɛ.”
Nian Ndɛ’m be bo tulɛ lika’n nun lɔ.
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Be kwla se ekun kɛ “sran nga i ɲin yiman like’n ɔ bo muae mɛn i bɔbɔ wun.”
Annzɛ “n su boman tanngan le.”
Annzɛ “lala’n.”
Annzɛ “be tɔ i sa bui glaunglaun’n nun.”
Annzɛ “aika ba’n.”
Annzɛ “i ɲinma m’ɔ kpaja kpa’n.”
Ebr., “Ɔ́ yó maan aya’m bé gúa be su kɛ nzue yɛ ɔ su tɔ sa.” Be kwla se ekun kɛ “Ɔ́ yó maan sɛnmlɛn ɲanɲan’n ɔ́ gúa be su kɛ nzue yɛ ɔ su tɔ sa.”
Annzɛ “I klun jɔ́ be wun.”
Nian Ndɛ’m be bo tulɛ lika’n nun lɔ.
Annzɛ “be awlɛn’n ti nɲɔnnɲɔn.”
Be kwla se ekun kɛ “like klolɛ fuu m’ɔ taka asiɛ wun mɔ.”
Annzɛ “e nin i e nantilɛ nun’n, ɔ kleli kɛ ɔ ti Ɲanmiɛn kun m’ɔ yo sran mo-ɔ.”
Annzɛ “ɔ guɛmɛn i janvuɛ’m be ɲin ase.”
Annzɛ “ɔ su boman tanngan le.”
Nian Ndɛ’m be bo tulɛ lika’n nun lɔ.
Ebr., “min aklɛnzia’m be tu min fɔ.”
Annzɛ “n su boman tanngan le.”
Ebr., “min aɲrunɲan’n.”
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Be kwla se ekun kɛ “ɔ kplɔ.”
Annzɛ “Klu naan tie.”
Nian Ndɛ’m be bo tulɛ lika’n nun lɔ.
Annzɛ “min defuɛ m’ɔ le wunmiɛn kpa’n.”
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Annzɛ “aunmuan’n.”
Annzɛ “nzue sama mun.”
Annzɛ “lika gbawun kun.”
Annzɛ “ɲrɛnnɛnfuɛ mun.”
Annzɛ “Á fá min kpɔfuɛ’m be wiasin’n mán min.”
Ebr., “ń yó maan bé múan be nuan.”
Annzɛ “be wunmiɛn’n wíe.”
Annzɛ “ń bó miziki.”
Annzɛ “asiɛ m’ɔ yo like ye’n.”
Annzɛ “mɔ be yili i nun fiɛn’n.”
Annzɛ “sa tɛ kpanngban.”
Annzɛ “ɔ afɔtuɛ’n.”
Annzɛ “mɔ be yili i nun fiɛn’n.”
Annzɛ “ɔ su boman tanngan le.”
Ebr., “ta ɲanman’n.”
Ebr., “é tó jue yɛ é bó miziki.”
Atrɛkpa’n, miziki wafa kun-ɔn.
Annzɛ “be ɲin w’a guaman ase.”
Annzɛ “sran’m be kan min ndɛ tɛtɛ.”
Ebr., “be fali min yili ɔ su.”
“Nnɛn sɔ’n ti kɛ awɛ sa.”
Ebr., “mma mun.”
Ebr., “mma mun.”
Ebr., “Maan amun awlɛn’n ka nguan nun.”
Be kwla se ekun kɛ “Ɔ fa min kɔ nzue nga be ti diin’n be nuan.”
Annzɛ “be gua min awlɛn su nzue.”
Annzɛ “min nguan’n,” Zoova i nguan mɔ sran kun fa ta nda’n i ndɛ yɛ be kan-ɔn.
Annzɛ “ɔ́ di i jɔlɛ nanwlɛ su.”
Annzɛ “amun jaso.”
Annzɛ “mɔ be o lɛ wʼa cɛ kpaʼn.”
Ebr., “jɔlɛ dilɛ.”
Annzɛ “lala’n.”
Ebr., “kpɔ i ti.”
Ebr., “aklɛnzia mun.”
Ebr., “e tranman.”
Annzɛ “n faman min wun n wlaman gblɛfuɛ’m be nun.”
Ebr., “é trán.”
Annzɛ “sran mɔ be gua mmoja ase’n.”
Ebr., “Kpɔ min ti.”
Annzɛ “Ń bó miziki.”
Be kwla se ekun kɛ “N si kpa kɛ saan ń wún Zoova i klun ufue’n mɛn’n nun.”
Annzɛ “ndia’n.”
Annzɛ “amun su i.”
Be kwla se ekun kɛ “afin i sanwun m’ɔ ti’n, ɔ yo ɲɛnmɛn.”
Ɔ ti weiin kɛ okaoka lika ng’ɔ o Liban lɔ’n i ndɛ yɛ be kan-ɔn.
Nnɛn sɔ’n ti kɛ awɛ sa.
Annzɛ “ɲanmiɛn su lɔ jenvie’n su.”
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Annzɛ “ndia’n nun.”
Annzɛ “amun bo miziki.”
Annzɛ “i klun ufue’n.”
Annzɛ “N su boman tanngan le.”
Ebr., “min mmoja’n.”
Annzɛ “ndia’n.”
Annzɛ “min aɲrunɲan’n tó jue mánmán wɔ.”
Annzɛ “Klu naan tie.”
Annzɛ “lala.”
Annzɛ “Ɲanmiɛn nanwlɛfuɛ.”
Annzɛ “lika gbawun kun.”
Annzɛ “akunndan’n.”
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Nian Ndɛ’m be bo tulɛ lika’n nun lɔ.
Annzɛ “be yaci i sa tɛ’n be cɛ i’n.”
Annzɛ “ɔ klun m’ɔ jɔman min wun’n.”
Annzɛ “Ɲanmiɛn.”
Annzɛ “Amun bo miziki.”
Annzɛ “wawɛ.”
Annzɛ “be afɔtuɛ’n.”
Annzɛ “Ɔ tanndannin be akunndan’n i ɲrun.”
Annzɛ “i afɔtuɛ’n.”
Annzɛ “asɔmɔli gbanflɛn mɔ be kɔmin nun ndrɛ’n ti vɔɔ’n.”
Annzɛ “be nga be sa sin w’a bubu be’n.”
Kpɛ sunman’n, be nga be to ta’n yɛ be tra nun-ɔn.
Annzɛ “lala.”
Annzɛ “lala.”
Be kwla se ekun kɛ “be sri min gato kun ti.”
Annzɛ “asɔmɔli gbanflɛn mɔ be kɔmin nun ndrɛ’n ti vɔɔ’n.”
Annzɛ “ń bú sa kpakpa nga a yo be’n be su akunndan.”
Ebr., “ɔ ti kɛ Ɲanmiɛn i oka mun sa.”
Annzɛ “a de be.”
Be kwla se ekun kɛ “Nán fa ya, afin sɛ a yo sɔ’n saan i bo gúa tɛ.”
Annzɛ “ɔ si aunnvɔɛ.”
Annzɛ “ɔ yo maan ɔ ɲan jranwlɛ kpa.”
Annzɛ “fɛ i sa’n trɛ i.”
Ebr. “kpanwun.”
Annzɛ “m’ɔ nanti seiin’n.”
Be kwla se ekun kɛ “m’an wunman sa ti’n, sanngɛ min kpɔfuɛ’m b’a sɔn.”
Nian Ndɛ’m be bo tulɛ lika’n nun lɔ.
Ebr., “loli fiaan.”
Annzɛ “Kɛ ń fɛ́fɛ́’n.”
Annzɛ “naan n wun kɛ n cɛman.”
Kakaa kun-ɔn. Ɔ ti kɛ abɛbɛ sa, yɛ ɔ saci ninnge mun.
Annzɛ “N trali min awlɛn n minndɛli.”
Annzɛ “ɔ kluli yɛ ɔ tieli.”
Annzɛ “ato buafuɛ mun.”
Ebr., “i awlɛn’n.”
Annzɛ “w’a kaci i sin w’a si min.”
Nian Ndɛ’m be bo tulɛ lika’n nun lɔ.
Annzɛ “oka kaan’n.”
Be kwla se ekun kɛ “Ɔ ti kɛ be su fufu min owie mun sa.”
Nian Ndɛ’m be bo tulɛ lika’n nun lɔ.
Annzɛ “Man Zakɔbu.”
Annzɛ “delɛ dan.”
Ebr., “be fa e kpɛ flɛn.”
Ebr., “Kpɔ e ti.”
Nian Ndɛ’m be bo tulɛ lika’n nun lɔ.
Annzɛ “biki’n.”
Ebr., “ɔ́ klé wɔ.”
Annzɛ “sa nuan su sɛsɛ yolɛ.”
Nian Ndɛ’m be bo tulɛ lika’n nun lɔ.
Nian Ndɛ’m be bo tulɛ lika’n nun lɔ.
Ebr., “Famiɛn Bla’n.”
Be kwla se ekun kɛ “tralɛ mɔ be yili be nun desɛn’n.”
Nian Ndɛ’m be bo tulɛ lika’n nun lɔ.
Be kwla se ekun kɛ “ɲrɛn mun.”
Annzɛ “bua ɲin’n i wɛ’n.”
Annzɛ “Amun bo miziki.”
Ebr., “asiɛ’n su ɲrɛn mun.”
Ebr., “ba bla mun.”
Be kwla se ekun kɛ “lele é fá wú.”
Ebr., “be fɔnlɛ mun.”
Annzɛ “ndia’n.”
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Ebr., “boli yasua mun.”
Annzɛ “afɔtuɛ’n.”
Ebr., “a to min ndɛ’n yi i ɔ sin lɔ.”
Be kwla se ekun kɛ “a su i su.”
Annzɛ “A saci ɔ bɔbɔ ɔ nin’n i wa’n i wun.”
Annzɛ “ɔ o min akunndan’n nun.”
Ebr., “ɔ kunngba cɛ ɔ wun yɛ n fɔnnin-ɔn.”
Annzɛ “Fia ɔ ɲrun’n.”
Ebr., “Suan min bo ɔ klunklo su.”
Annzɛ “a su yomɛn i finfin.”
Nian Ndɛ’m be bo tulɛ lika’n nun lɔ.
Annzɛ “m’ɔ fia be sin’n.”
Nian Ndɛ’m be bo tulɛ lika’n nun lɔ.
Nian Ndɛ’m be bo tulɛ lika’n nun lɔ.
Be kwla se ekun kɛ “srɛ kun be kusu nn like fi nunman lɛ m’ɔ kun srɛ-ɔ.”
Nian Ndɛ’m be bo tulɛ lika’n nun lɔ.
Annzɛ “Be faman Ɲanmiɛn sieman be ɲrun.”
Nian Ndɛ’m be bo tulɛ lika’n nun lɔ.
Annzɛ “kɛ n srɛ wɔ kɛ a wa uka min’n, nán fia.”
Ebr., “sanngan be aniɛn’n.”
Annzɛ “e nin wɔ e ti kun’n.”
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Annzɛ “n kwlá tranman diin.”
Ebr., “Ɔ́ wá kpɔ́ min ti.”
I janvuɛ m’ɔ kɛnnin i ndɛ ndɛ mma 13 nin 14 nun’n niɔn.
Annzɛ “ɔ bo tanngan.”
Nian Ndɛ’m be bo tulɛ lika’n nun lɔ.
Annzɛ “be kunndɛ kɛ bé trá min.”
Nian Ndɛ’m be bo tulɛ lika’n nun lɔ.
Annzɛ “lala.”
Annzɛ “Ń bó miziki.”
Nian Ndɛ’m be bo tulɛ lika’n nun lɔ.
Annzɛ “asɔmɔli gbanflɛn mɔ be kɔmin nun ndrɛ’n ti vɔɔ’n.”
Nian Ndɛ’m be bo tulɛ lika’n nun lɔ.
Annzɛ “be nga be kunndɛ kɛ bé gúa sran mmoja ase’n.”
Annzɛ “like ng’ɔ ɲrɛn.”
Annzɛ “ń bó miziki.”
Nian Ndɛ’m be bo tulɛ lika’n nun lɔ.
Be kwla se ekun kɛ “A kleli.”
Be kwla se ekun kɛ “Ɲanmiɛn m’ɔ o lika mɔ ti i liɛ klonglo’n nun lɔ’n.”
Ebr., “min ti’n i fiawlɛ.”
Be kwla se ekun kɛ “klɔ mɔ be sisili i wun’n.”
Annzɛ “Blɛ mɔ min wunmiɛn’n wie’n.”
Ebr., “i cɛn mun.”
Annzɛ “Ɔ́ trán.”
Annzɛ “ń bó miziki.”
Nian Ndɛ’m be bo tulɛ lika’n nun lɔ.
Be kwla se ekun kɛ “Amun kwlakwla amun tɔ i su, kɛ wienun-ɔn ɔ ti kɛ talɛ mɔ w’a cia’n sa, kɛ yɔbuɛ talɛ m’ɔ su wa bu’n sa.”
Annzɛ “ɔ́ dí i nuan.”
Annzɛ “Be wla be wiengu fanngan naan be yo sa tɛ.”
Annzɛ “bé dí be nuan.”
Annzɛ “i lika ng’ɔ ti kendengleiin’n.”
Annzɛ “Amun bo miziki.”
Annzɛ “e bo tanngan.”
Ebr., “e ti’n su.”
Annzɛ “bé yí i ayɛ.”
Annzɛ “amun bo miziki.”
Be kwla se ekun kɛ “ɲanmiɛn ble’n su’n.”
“Ya” ti Zoova i dunman’n i flɛlɛ kpe’n.
Ebr., “be jɔlɛ difuɛ.”
Ebr., “a dunnin mmua be ɲrun’n.”
Ebr., “ɔ aja like’n.”
Be kwla se ekun kɛ “bua tui’m be afiɛn’n.”
Annzɛ “ɔ ti kɛ laglasi guali Zalmɔn lɔ sa.”
Annzɛ “oka dan kun.”
Annzɛ “Ɲanmiɛn klo.”
Be kwla se ekun kɛ “be tiatia sika’n su.”
Ɔ ti kɛ aaba sa. Ajuin difuɛ’m be fa yi be ninnge mun.
Be kwla se ekun kɛ “be janunfuɛ’m bé bá.”
Annzɛ “amun bo miziki.”
Ebr., “ɲanmiɛn ble’n.”
Ebr., “ɔ sua.”
Annzɛ “be nga be kpɔ min ngbɛn’n.”
Be kwla se ekun kɛ “Kɛ n sunnin mɔ n cili nglɛmun’n.”
Ebr., “be fa min kpɛli flɛn.”
Annzɛ “kunman’n.”
Annzɛ “min wla w’a wie bo.”
Annzɛ “nɲa m’ɔ kwla kun sran’n.”
Annzɛ “nanmue mɔ be wun ti siwa’n.”
Annzɛ “nguan fluwa’n nun.”
Yɛle kɛ, asiɛ’n.
Annzɛ “Klu naan tie.”
Annzɛ “kaman be’n.”
Ebr., “ɔ sa’n.”
Annzɛ “nzue mɔ i bo ti kploun’n.”
Annzɛ “ń bó miziki.”
Ebr., “Maan ɔ di be jɔlɛ.”
Ebr., “bé ɲrɛ́n.”
Yɛle kɛ, Efrati’n.
Annzɛ “nuan difuɛ mun.”
Ebr., “á wá yó be wawɛ’n i finfin.”
Ebr., “min aklɛnzia’n nun lɔ’n.”
Annzɛ “be bo tekle’n.”
Ebr., “á wá káta be nuan’n su.”
Nian Ndɛ’m be bo tulɛ lika’n nun lɔ.
Annzɛ “lika kwlaa nga be su Ɲanmiɛn lɛ’n.”
Ebr., “ɔ wue’n nun.”
Nian Ndɛ’m be bo tulɛ lika’n nun lɔ.
Annzɛ “ninnge nga be o nglo lɔ mɔ be kpaja’n.”
Ebr., “Nán man ɔ wɛ’n su.”
Annzɛ “ń bó miziki.”
Ebr., “Ń kpɛ́ be wɛ mun.”
Ebr., “ń mán be wɛ’m be su.”
Nian Ndɛ’m be bo tulɛ lika’n nun lɔ.
Ebr., “ɔ sa’n.”
Ebr., “a fa kpɔli be ti.”
Nian Ndɛ’m be bo tulɛ lika’n nun lɔ.
Annzɛ “like nga n kle amun’n.”
Annzɛ “wla kpɛnlɛ like kun.”
Annzɛ “anzi mun.”
Annzɛ “Klunngbɔ Tufuɛ.”
Ebr., “Ɔ kata be fɔnlɛ’n su.”
Be kwla se ekun kɛ “nguan’n fite yɛ ɔ sɛmɛn i sin.”
Ebr., “i sa.”
Ebr., “m’ɔ kpɔli be ti.”
Be kwla se ekun kɛ “ayrɛ dan guali be wun.”
Ebr., “b’a yimɛn i talua mɔ be nin-a siman bian’n be ayɛ.”
Ebr., “kata e sa tɛ’m be su.”
Ebr., “ɔ sa’n.”
Be kwla se ekun kɛ “fa de.”
Be kwla se ekun kɛ “seribɛn’m be afiɛn’n.”
Annzɛ “yi ɔ kpajalɛ’n i nglo.”
Yɛle kɛ, Efrati’n.
Annzɛ “viɲin waka ng’ɔ fɛfɛli i wun’n.”
Annzɛ “i sama.”
Nian Ndɛ’m be bo tulɛ lika’n nun lɔ.
Yɛle kɛ, Ɲanmiɛn.
Annzɛ “i aniɛn’n.”
Ebr., “angblannan’n i fiawlɛ’n nun.”
I bo’n yɛ: “Utre Kunndɛlɛ.”
Ebr., “Be nantili be bɔbɔ be afɔtuɛ’m be su.”
Ebr., “be blɛ’n.”
Ebr., “i,” Yɛle kɛ, Ɲanmiɛn i nvle’n.
Annzɛ “be nga be ti kɛ Ɲanmiɛn sa’n.”
Annzɛ “Maan amun di be jɔlɛ.”
Annzɛ “Amun ti kɛ Ɲanmiɛn sa.”
Annzɛ “be man be ti’n su.”
Ebr., “mɔ a fiali be’n.”
Annzɛ “tra aenguɛ kun.”
Ebr., “Be ti Lɔtu i mma’m be sa.”
Annzɛ “siefuɛ mun.”
Nian Ndɛ’m be bo tulɛ lika’n nun lɔ.
Annzɛ “be klo i kpa-o.”
Be kwla se ekun kɛ “yɛ like klefuɛ’n fa ninnge kpakpa mun kɛtɛ i wun.”
Be kwla se ekun kɛ “Ee Ɲanmiɛn, nian e ɲrɛn’n.”
Ebr., “A katali be sa tɛ’m be su.”
Annzɛ “e sa e sin.”
Ebr., “bé fá be nuan bó be wiengu i fuka’n su.”
Annzɛ “aɲanbeun’n.”
Annzɛ “klu naan tie.”
Annzɛ “Yo naan min awlɛn’n w’a yoman nɲɔnnɲɔn.”
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Annzɛ “a yo sran’m be cɛcɛ.”
Annzɛ “Afin min ɲrun’n, like kwlaa fin wɔ.”
Nian Ndɛ’m be bo tulɛ lika’n nun lɔ.
Nian Ndɛ’m be bo tulɛ lika’n nun lɔ.
Annzɛ “Klu naan tie.”
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Annzɛ “ndia’n.”
Annzɛ “kɛ sran wie m’ɔ leman wunmiɛn’n sa.”
Ebr., “ɔ sa nunman be su kun.”
Annzɛ “Abadɔn’n.”
Be kwla se ekun kɛ “Be kwlaa be kata min su kpɛ kunngba.”
Nian Ndɛ’m be bo tulɛ lika’n nun lɔ.
Ebr., “be wɛ’n.”
Ebr., “i wɛ’n.”
Ebr., “A mɛnnin i ɲrun tanndanfuɛ’m be sa fama’n su nglo.”
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Be kwla se ekun kɛ “e fiawlɛ.”
Annzɛ “A si e fɔnlɛ mun.”
Annzɛ “e nguan’n wie blɛblɛblɛ.”
Annzɛ “kɛ wunmiɛn mɔ be lo i kpɛ kunngba’n sa.”
Be kwla se ekun kɛ “fiawlɛ sua”, “fiawlɛ.”
Annzɛ “delɛ m’ɔ fin min’n.”
Annzɛ “be bo miziki.”
Ebr., “min wɛ’n su.”
Nnɛn sɔ’n ti kɛ awɛ sa.
Annzɛ “Asiɛ m’ɔ yo like ye’n.”
Annzɛ “Be kwlá kejemɛn i.”
Annzɛ “Jɔlɛ difuɛ.” Ebr., “Famiɛn bia.”
Ebr., “E ti i sa nun bua.”
I bo’n yɛ: “Utre Kunndɛlɛ.”
I bo’n yɛ: “Sa Nianlɛ”, “Yalɛ Klelɛ.”
Annzɛ “Amun su i.”
Be kwla se ekun kɛ “afin i sanwun m’ɔ ti’n, ɔ yo ɲɛnmɛn.”
Annzɛ “Asiɛ m’ɔ yo like ye’n.”
Annzɛ “be kwlá sumɛn i bo”, “be kwlá totomɛn i.”
Annzɛ “Ɔ́ kplí be ti.”
Annzɛ “asiɛ m’ɔ yo like ye’n i.”
Annzɛ “amun su i.”
Ebr., “talua mun.”
Ebr., “ɔ fali delɛ’n bali.”
Annzɛ “kwlalɛ mɔ e Ɲanmiɛn’n kwlali’n.”
Annzɛ “amun bo miziki.”
Annzɛ “amun bo miziki.”
Annzɛ “asiɛ m’ɔ yo like ye’n.”
Annzɛ “ɔ bali.”
Annzɛ “asiɛ m’ɔ yo like ye’n i.”
Be kwla se ekun kɛ “seribɛn’m be afiɛn.”
Ebr., “amun su i.”
Ebr., “a tuli ɔ klunngbɔ be su.”
Annzɛ “amun su i.”
Be kwla se ekun kɛ “nán e bɔbɔ yɛ e yili e wun-ɔn.”
Annzɛ “ń bó miziki.”
Ebr., “N su siman sa tɛ’n.”
Annzɛ “sran ng’ɔ nanti seiin’n.”
Annzɛ “min ɲin bo lɛ.”
Annzɛ “Klu naan tie.”
Nzue su anunman kun-ɔn.
Be kwla se ekun kɛ “M’an yo owie ngunmin.”
Ebr., “mɔ be nin a yimɛn i’n.”
Annzɛ “ndia’n.”
Annzɛ “ɔ yo sran’m be cɛcɛ.”
Ebr., “Ɔ yoli i anzi mun aolia nun sran.”
Annzɛ “Asɔmɔli gbanflɛn mɔ be kɔmin nun ndrɛ’n ti vɔɔ’n.”
Nian Ndɛ’m be bo tulɛ lika’n nun lɔ.
Annzɛ “ń bó miziki.”
Be kwla se ekun kɛ “Maan i su akunndan nga n bu’n ɔ yo kpa.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “amun bo miziki.”
Be kwla se ekun kɛ “amun kan be ndɛ.”
Annzɛ “i mma mun’n.”
Ebr., “ɔ bubuli kpanwun waka mun.” Atrɛkpa’n waka mɔ be fa kpanwun be wlawla su be sie’n i ndɛ yɛ be kan-ɔn.
Annzɛ “sin taaman mun.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “kɛ á yí ɔ klun ufue’n i nglo’n.”
Annzɛ “é fá wɔ é dí e nuan.”
Annzɛ “b’a wunman be wlɛ.”
Annzɛ “w’a kaman lɛ.”
Yɛle kɛ, tɛ nga be yi be man be nga be wuli’n, annzɛ amuin mun’n.
I bo’n yɛ: “Utre Kunndɛlɛ.”
Annzɛ “be nin amuin mun boli tekle.”
Annzɛ “ɔ yoli i nsisɔ.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “ɔ fɛ i sieli i nglo,” yɛle kɛ, ɔ sieli i lika kun mɔ be kwlá ɲɛnmɛn i’n nun.
Ebr., “min aɲrunɲan’n bɔbɔ.”
Annzɛ “Ń bó miziki.”
Be kwla se ekun kɛ “Ɲanmiɛn m’ɔ o lika m’ɔ ti i liɛ klonglo’n nun lɔ’n.”
Ebr., “min ti’n i fiawlɛ.”
Ebr., “sie i.”
Annzɛ “suɛn tɔnfuɛ.”
Annzɛ “ɔ ti klunwifuɛ.”
Ebr., “i mma yasua mun.”
Annzɛ “Nán maan sran fi yi sran klolɛ dan’n i nglo i lika.”
Annzɛ “sran klolɛ dan’n i nglo yilɛ’n su.”
Ebr., “Min nnɛn ba’n w’a yo kaan, lui (ngo) nunman nun.”
Annzɛ “tralɛ tɛnndɛn m’ɔ leman sa’n.”
Ebr., “ɔ kpɔnman’n i tinmin’n.”
Annzɛ “ɔ su yomɛn i nsisɔ.”
Annzɛ “Ɔ́ wá dí jɔlɛ nvlenvle’m be afiɛn.”
Annzɛ “asiɛ wunmuan’n.”
Ebr., “i ti’n.”
“min Min” nga be kɛnnin i ndɛ ndɛ mma klikli’n nun’n i ndɛ yɛ be kan-ɔn.
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “yo sran’m be cɛcɛ.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “Ɔ yo sran’m be cɛcɛ.”
Annzɛ “su yoman nɲɔnnɲɔn.”
Ebr., “I wɛ’n.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “m’ɔ ti famiɛn bia’n su.”
Be kwla se ekun kɛ “wla guawlɛ’n.”
Ebr., “ba yasua mun.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “lika m’ɔ ti i liɛ klonglo’n.”
Annzɛ “be nga b’a sɔnman’n nin be nga be sɔnnin’n.”
Ebr., “amun mma yasua mun.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “ɔ klu tie.”
Annzɛ “yo sran’m be cɛcɛ.”
Ebr., “ɔ ti i cinnjin dan.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “Akpasua.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
“Ya” ti Zoova i dunman’n i flɛlɛ kpeʼn.
Annzɛ “lika gbawun kun.”
Be kwla se ekun kɛ “ɔ o be nga be uka min’n be sin.”
Be kwla se ekun kɛ “A suli min bo kekle kpa.”
Ebr., “awlɛn’n nun.”
Annzɛ “Ń súan be su like.”
Annzɛ “ɔ suan be su like.”
Annzɛ “n suan be su like.”
Annzɛ “naan n wun ɲannzuɛn.”
Ebr., “wánndi.”
Be kwla se ekun kɛ “a yo maan min wla gua ase.”
Annzɛ “Yo maan n nanti.”
Annzɛ “ndɛ nga a kan kleli.”
Be kwla se ekun kɛ “Yia nda nga a tali be nga be sro wɔ’n i nuan.”
Annzɛ “kɛ nga a fa kannin’n sa.”
Annzɛ “n minndɛ jɔlɛ nga a di’n.”
Annzɛ “lika gbawun kun.”
Annzɛ “ń súan be su like.”
Annzɛ “nda nga a tali.”
Annzɛ “Sua nga n tran nun kɛ aofuɛ sa’n i nun’n.”
Annzɛ “a fa kannin’n sa.”
Annzɛ “n minndɛ ɔ ndɛ’n.”
Annzɛ “kɛ nga a kan kleli ɔ sufuɛ’n sa.”
Be kwla se ekun kɛ “be bua ato be fa yo min tɛ.”
Annzɛ “ń súan be su like.”
Annzɛ “ɔ ndɛ’n yɛ n minndɛ i-ɔ.”
Yɛle kɛ, ninnge ng’ɔ yili be’n be kwlaa.
Ebr., “ɔ la plaii.”
Annzɛ “N suɛn i su like.”
Annzɛ “n suan be su like.”
Annzɛ “n fa yo min aja like titi.”
Annzɛ “n minndɛ ɔ ndɛ’n.”
Annzɛ “kɛ nga a fa kannin’n sa.”
Annzɛ “ɲannzuɛn.”
Annzɛ “ndɛ nga a kannin’n.”
Annzɛ “sika ɔkwlɛ mɔ be yili i nun fiɛn’n.”
Ebr., “Kpɔ min ti.”
Annzɛ “n minndɛ ɔ ndɛ mun.”
Annzɛ “naan m’an suan be su like’n ti.”
Annzɛ “kɛ nga a fa kannin’n sa.”
Annzɛ “kɛ nga a fa kannin’n sa.”
Nian Ndɛ’m be bo tulɛ lika’n nun lɔ.
Ebr., “?Yɛ ngue yɛ ɔ́ wá fá úka su-ɔ?”
Annzɛ “kɛ a bo tanngan.”
Ebr., “kɛ á fíte’n nin kɛ á wlú’n.”
“Ya” ti Zoova i dunman’n i flɛlɛ kpeʼn.
Ebr., “ba yasua mun.”
Atrɛkpa’n siɛ mun-ɔn.
Atrɛkpa’n ba mun-ɔn.
“Ya” ti Zoova i dunman’n i flɛlɛ kpeʼn.
Ebr., “naan b’a sro wɔ’n ti.”
Annzɛ “tannin sua dan kun.”
Annzɛ “i tannin sua dan’n.”
Annzɛ “min afɔtuɛ mun.”
Ebr., “i wɛ’n.”
Be kwla se ekun kɛ “yo i Ɲanmiɛn sua’n nun lɔ.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “An bo miziki.”
Annzɛ “kpukpuwa’n.”
Be kwla se ekun kɛ “ɔ tike nzue’n i anuan mun.”
Babilɔnin ndɛ yɛ be kan-ɔn.
Be kwla se ekun kɛ “ɔ wu min wun.”
Annzɛ “Ń bó miziki.”
Be kwla se ekun kɛ “a yoli maan ɔ ndɛ’n i dan tra ɔ dunman wunmuan’n.”
Ebr., “A si min atin’m be kwlaa.”
Annzɛ “ɔ ti abonuan dan.”
Annzɛ “Ɔ tra nga n kwla wun i wlɛ’n.”
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Be kwla se ekun kɛ “A wuli min.”
Be kwla se ekun kɛ “Kɛ ń tínnge’n, nn n te ka be.”
Annzɛ “mmoja ase guafuɛ mun.”
Annzɛ “nzue bunman mun.”
Annzɛ “Seɔlu’n.” Nian Ndɛ’m be bo tulɛ lika’n nun lɔ.
Annzɛ “lala.”
Nian Ndɛ’m be bo tulɛ lika’n nun lɔ.
Ebr., “sran fi wunman min wlɛ.”
Ebr., “ɔ tiatia min nguan’n su asiɛ wun.”
Annzɛ “N suan ɔ sa nuan ninnge’m be su like.”
Annzɛ “ndia’n.”
Annzɛ “sa kpa yolɛ mɛn’n nun.”
Annzɛ “yo maan be muan be nuan.”
Ebr., “be sa fama’n ti ato bualɛ sa fama’n.”
Annzɛ “ń bó miziki.”
Annzɛ “a de be’n.”
Annzɛ “I dan m’ɔ ti’n, ɔ tra e kpɛn.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “ń bó miziki.”
Ebr., “be nga be cili be’n.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “e bo miziki.”
Annzɛ “laglasi’n.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “Aleluya.” “Ya” ti Zoova i dunman’n i flɛlɛ kpeʼn.
Ebr., “talua mɔ be nin-a siman bian’n.”
Ebr., “be wɛ’n.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “be bo miziki.”
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “Aleluya.” “Ya” ti Zoova i dunman’n i flɛlɛ kpeʼn.
Annzɛ “Aleluya.” “Ya” ti Zoova i dunman’n i flɛlɛ kpeʼn.