iTuvatuva ni Soqoni ni Cakacaka

Macawa me Tekivu Ena 10 Julai

Sere 7

12 min: Veika me kacivaki kei na kena e digitaki mai na Noda Cakacaka Vakaitalatala ni Matanitu. Tukuna na itukutuku ni cakacaka vakavunau ni vula o Epereli e Viti, vaka kina ena ivavakoso. Me veivosakitaki tale ga na kato “Raica na iOtioti ni Taqana,” qai vakatasuasuataki e dua vei ira na iwalewale ni vunau e vakaturi ena yaga ena yalava.

15 min: “E Sega ni Rawa Meda Sega ni Tusanaka.” Me kua ni sivia na dua na miniti na ikau ni vosa, veitarotarogi sara. Vakabibitaka e so na vuna eda sega ni taura kina vakamamada na noda ilesilesi ni vunau. Me okati tale ga e so na tikina e veiganiti mai Na Vale ni Vakatawa, 15 Janueri, 1997, taqana 23-4.

18 min: “Me Caka na Ka Kecega Mo Dou Vakatataki Kina.” Me rau veivosakitaka na ulutaga oqo e rua na qase. Me wiliki na parakaravu yadua kei na tikinivolatabu kece era toqai kina. Me kau cake mai na ivakavuvuli e koto ena veitikinivolatabu. Me rau vakabibitaka ni gadrevi na yalomatua ena veika e vauca na cicivaki ni sasaga vakabisinisi, se kena vakailavotaki. Me veivosakitaki tale ga na ivakasala ena Vale ni Vakatawa, 15 Maji, 1997, taqana 18-​19, 22.

Sere 15 kei na masu.

Macawa me Tekivu Ena 17 Julai

Sere 23

5 min: Veika me kacivaki. Ripote ni akaude.

10 min: “Porokaramu Vou ni Soqo ni Tabacakacaka.” Veitarotarogi.

15 min: “Soqo ni Tikina ni iVakadinadina i Jiova ni 2000​—‘Muria na Vosa ni Kalou.’” Me taura na vunivola na veitarotarogitaki ni ulutaga oqo. Vakabibitaka ni dodonu meda dui tuvana rawa vakamatau e liu na noda gauna ni gade me rawa nida na tiko ena siga yadua ni soqo ni tikina, okati kina na Vakaraubuka. Vakavinavinakataki ira na mataveitacini ena nodra tokona na ituvatuva ni iSoqosoqo.

15 min: Mo Vakadamurimuri Cei? Me vuli iVolatabu e dua na tama kei na dua se rua na luvena itabagone. Ena dua na gauna wale tiko ga oqo e rogoca kina o tamadrau ni ulutaga ga ni nodrau veitalanoa o ira na dau qito, o ira na dau vakaraitaki ena iyaloyalo, o ira na dau laurai ena retioyaloyalo kei ira na dau lagasere. Me tukuna na nona leqataka na nodrau taleitaka na veika vaka oqo ni laurai kina na yalo ni vuravura. Me ratou veitalanoataka na Awake!, 22 Me, 1998, taqana 12-​14. Erau raica rawa na itabagone ni veivakaleqai na vakabekabei ira na tamata ni vuravura, rau vakadinata tale ga ni rogo vakavuravura e sega na betena vua na lotu Vakarisito. Me ratou veivosakitaka na kena yaga nira vakadamurimuri o ira na itubutubu, o ira na qase, o ira na ivakaraitaki vinaka ena ivavakoso, qai vakauasivi o Jisu Karisito.

Sere 34 kei na masu.

Macawa me Tekivu Ena 24 Julai

Sere 45

5 min: Veika me kacivaki.

10 min: Tukuni Keda Nida iTalatala ni Kalou. Me rau veivosakitaka e rua na dauveiqaravi vakaitalatala na veivakadreti vakaivolatabu ena Vale ni Vakatawa, 15 Tiseba, 1998, taqana 19-​20. Erau kila ni gadrevi me rau yacova tiko ga na ivakatagedegede e vinakati vua e dua na dauveiqaravi vakaitalatala, rau veivosakitaka tale ga se cava me rau cakava me vakaraitaka ni rau sa vakayacora tiko na nodrau itavi. Erau raica tale ga ni bibi me rau ivakaraitaki vinaka ena cakacaka vakaitalatala, rau veivosakitaka tale ga na sala e rawa ni rau vukei iratou kina na qase ena nodra vukei e so. Rau duavata ni dodonu me rau veivuke ina ivavakoso ena kena levu erau rawata mera kauaitaka vakalevu kina na mataveitacini na lekaleka ni gauna sa vo, mera tubu ra qai bulabula vakayalo.

20 min: Me vosa e dua na qase ena vica na ulutaga e baleta tiko na soqo ni tikina: “O Doka Beka na Veika Tabu?,” “Vakatudaliga Ina Vosa ni Kalou,” kei na “Me Vinaka na Noda iVakarau me Vakalagilagia na Kalou.” Ra vakaitavi tale ga na vakarorogo ena so na tikina.

10 min: Me Laulau na Nomu iTekitekivu ni Vosa. Me digitaki e rua se tolu na itekitekivu ni vosa mai na ivola lailai Na Sala me Tekivu Qai Tomani Kina na Veivosaki Ena iVolatabu, taqana 2-​7, veivosakitaka na sala e rawa ni laulau kina na kena vakayagataki ena yalava. Tarogi ira na vakarorogo, “O dau tekivuna vakacava na nomu vosa ni o sotava e dua ena salatu, se ni o vunau tawalokuci, se ena basoga ni vunau cava ga?” Me vakatasuasuataki e dua se rua na itekitekivu ni vosa ke vo na gauna.

Sere 54 kei na masu.

Macawa me Tekivu Ena 31 Julai

Sere 66

15 min: Veika me kacivaki. Vakadreti ira kece mera solia na nodra ivolatukutuku ni cakacaka vakavunau ni vula o Julai. Sureti ira na vakarorogo mera tukuna e so na ka era a sotava ena lomanivula oqo nira veisoliyaka na brochure.

12 min: Veika e gadrevi ena ivavakoso.

18 min: “O Vakavinavinakataka Beka na Yalovosovoso i Jiova?” Veitarotarogi. Me tukuni e so na tikina veiganiti me baleta na nona vosota vakadede o Jiova.​—Raica na Insight, Volume 2, taqana 263-4.

Sere 75 kei na masu.

Macawa me Tekivu Ena 7 Okosita

Sere 88

10 min: Veika me kacivaki.

17 min: “O Dau Mamadua Beka?” Veitarotarogi. Me okati tale ga e dua na vakasavuirogorogo veivakauqeti mai na 1997 Yearbook, taqana 43-4.

18 min: Mo Vuku me Baleta na Nomu Bula Mai Muri. Me vosa e dua na qase. Era namaka na itabagone mera na marautaka vata na nodra bula mai muri kei ira era lomana. Sa dodonu ga me vaka kina, ia mera muria na ivakasala vakalou ke ra vinakata mera tini vinaka. (Vkai. 19:20) Na nodrau veivinakati na tagane kei na yalewa e dau rui kaukaua sara ena gauna ni itabagone. Ke sega nida lewai keda vinaka, ena rawa ni yaco na leqa. Ena so na gauna era dau veiwedevi na itabagone, lai tini sara ena veivinakati kei na veibuku, e ka vakayalomatua beka oqo? Veivosakitaka na veivakadreti ena ivola na Young People Ask, taqana 231-5. Me kau cake tale ga mai e so na tikina bibi ena Vale ni Vakatawa, 15 Noveba, 1999, taqana 18-​23, e vakaraitaka ni tiko tale ga na nodra itavi na itabagone vua na Kalou, e bibi mera vakayacora taucoko oqo. Uqeti ira na itabagone mera vakasamataka na ivakasala oqo, ra veivosakitaka kei ira na nodra itubutubu ke so na ka era via taroga.

Sere 101 kei na masu.