Sɔɔmɔ Kpee He Gbɛjianɔtoo
Otsi ni Jeɔ Shishi June 14
Lala 168
Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Ha afee nɔkwɛmɔnii ni tsɔɔ bɔ ni abaafee akɛ June 1 Buu-Mɔɔ kɛ June 8 Awake! lɛ aha. Ha shiɛmɔ wiemɔ lɛ eko fɛɛ eko afee nɔ ni mɔ ko ni yɔɔ jamɔ ko ni yɔɔ nyɛkutso lɛ mli lɛ baanya he.
Min. 15: “Yehowa Yeɔ Ebuaa Mɛi ni Kɛ Amɛhiɛ Fɔ̃ɔ Enɔ Lɛ.” Kɛ́ aasusu kuku 4 lɛ he lɛ, okɛ saji ni yɔɔ June 2000 Wɔ Maŋtsɛyeli Sɔɔmɔ lɛ baafa 4, kuku 12-13, kɛ Sɔɔmɔ Skul wolo lɛ baafa 67, kuku 2 lɛ mli lɛ afata he.
Min. 20: “Afi 2004 ‘Okɛ Nyɔŋmɔ Anyiɛ’ Yehowa Odasefoi a-Kpokpaa Wulu nɔ Kpee.” Asafoŋ woloŋmalɔ lɛ baatsu enɛ he nii. Wo mɛi fɛɛ hewalɛ koni amɛbɔi gbɛjianɔtoo amrɔ nɔŋŋ kɛha kpokpaa nɔ kpee lɛ.
Lala 7 kɛ naagbee sɔlemɔ.
Otsi ni Jeɔ Shishi June 21
Lala 29
Min. 10: Asafoŋ adafitswai.
Min. 15: “Ŋwɛi Bɔfoi lɛ Miiye Amɛmiibua Wɔ.” Ha toibolɔi lɛ awie ŋmalɛi ni atsɛ yisɛɛ shi aŋmalako amɛmli wiemɔi lɛ ahe bɔ ni be baaŋmɛ gbɛ.
Min. 20: Nilee ni Jɛ Ŋwɛi lɛ Hiɛ Kã Shi. (Yak. 3:17) Wiemɔ kɛ toibolɔi ni akɛaagba sane ni damɔ Sɔɔmɔ Skul wolo lɛ baafa 251-252 lɛ nɔ. Ákɛ hiɛ akã shi lɛ tsɔɔ mɛni? Mɛni hewɔ ekɛ nitsumɔ he hiaa yɛ wɔsɔɔmɔ nitsumɔ lɛ mli? Mɛni wɔbaanyɛ wɔkase kɛjɛ bɔfo Paulo nɔkwɛmɔnɔ lɛ mli? Shiɛlɔi baanyɛ asusu shihilɛi amli ni mɛi ni yɔɔ amɛshikpɔŋkuku lɛ mli lɛ jɛ lɛ ahe yɛ mɛɛ gbɛ nɔ? Mɛɛ gbɛ nɔ wɔɔtsɔ wɔye wɔbua Biblia mli nikaselɔi lɛ koni amɛjie hiɛshikamɔ kpo? Tsɔ hiɛ oto gbɛjianɔ koni mɔ kome loo mɛi enyɔ agba niiashikpamɔi ni tsɔɔ sɛɛnamɔi ni yɔɔ hiɛshikamɔ kɛ nitsumɔ mli lɛ he.
Lala 53 kɛ naagbee sɔlemɔ.
Otsi ni Jeɔ Shishi June 28
Lala 139
Min. 12: Asafoŋ adafitswai. Shika he akɔntaabuu. Kaimɔ shiɛlɔi koni amɛkɛ amɛshiɛmɔyaa he akɔntaabuu kɛha June aha. Ha akɛ gbɛtsɔɔmɔi ni yɔɔ baafa 8 lɛ atsu nii (kɛ́ ehi ha nyɛ asafo lɛ shikpɔŋkuku lɛ) ni akɛfee nɔkwɛmɔnii ni tsɔɔ bɔ ni abaafee akɛ June 15 Buu-Mɔɔ kɛ June 22 Awake! lɛ aha. Ha nɔkwɛmɔnii lɛ ekome akɔ shiɛlɔ ko ni miiye odase yɛ shikpɔŋ kuku ko ni nitsumɔhei yɔɔ mli lɛ he. Abaanyɛ akɛ shiɛmɔ wiemɔi krokomɛi ni kɔɔ shihilɛi diɛŋtsɛ ni akɛkpeɔ lɛ he lɛ atsu nii.
Min. 15: Mɛni Hewɔ Esa akɛ Okwa Tsofai ni Akɛtsuɔ Nii yɛ Gbɛ Fɔŋ Nɔ Lɛ? Toibolɔi kɛ sanegbaa ni damɔ Reasoning wolo lɛ, baafa 106-109 lɛ nɔ. Tsofai ni akɛtsuɔ nii kɛha “hiɛtserɛjiemɔ” lɛ ebu. Mɛi babaoo maa nɔ mi akɛ tsofai ni akɛtsuɔ nii yɛ nɛkɛ gbɛ nɔ lɛ yeee awui; mɛi komɛi po woɔ enɛ he hewalɛ koni akɛwo mla shishi. Tsɔɔmɔ gbɛ nɔ ni wɔbaanyɛ wɔtsɔ wɔkɛ mɛi ni tamɔ nakai lɛ asusu saji ahe. Okɛ saji ni yɔɔ akrabatsa ni yɔɔ November 8, 1999, Awake! lɛ baafa 10 lɛ mli lɛ afata he.
Min. 18: “Asafo Woloŋ Nikasemɔ Lɛ—Nɔ Hewɔ ni Ehe Hiaa Wɔ.” Okɛ sanebimɔi ni akɛha lɛ atsu nii. Okɛ sane ni yitso ji “Ye Obua Nyɛ Asafo Woloŋ Nikasemɔ Nɔkwɛlɔ Lɛ” ni je kpo yɛ November 2002 Wɔ Maŋtsɛyeli Sɔɔmɔ lɛ baafa 1 lɛ mli lɛ mli saji afata he.
Lala 20 kɛ naagbee sɔlemɔ.
Otsi ni Jeɔ Shishi July 5
Lala 3
Min. 10: Asafoŋ adafitswai.
Min. 15: Mɛni Obaakɛɛ? Wiemɔ kɛ toibolɔi ni akɛaagba sane. Yɛ July kɛ August mli lɛ, wɔkɛ woji bibii lɛ baaha. Mɛɛ woji bibii shiɛlɔi ena akɛ amɛkɛ nitsumɔ mɔɔ shi yɛ nyɛ shikpɔŋkuku lɛ mli? Tĩi shiɛmɔ wiemɔi ni akɛha yɛ July 1998 Wɔ Maŋtsɛyeli Sɔɔmɔ lɛ baafa 8 lɛ, loo nɔ ni yɔɔ ekrokomɛi ni eho lɛ amli lɛ mli. Maa nɔ mi akɛ shiɛmɔ wiemɔi lɛ ateŋ eko fɛɛ eko hiɛ (1) sanebimɔ, (2) ŋmalɛ, kɛ (3) sane ko ni abaasusu he kɛjɛ wolo lɛ mli. Ha afee shiɛmɔ wiemɔi lɛ ateŋ ekome loo enyɔ he nɔkwɛmɔnɔ. Wó mɛi fɛɛ hewalɛ koni amɛkɛ Biblia lɛ atsu nii kɛ́ amɛmiishiɛ sanekpakpa lɛ.
Min. 20: Nɔ ni He Hiaa Gbekɛbii Kɛjɛɔ Amɛfɔlɔi Adɛŋ. Wiemɔ kɛ toibolɔi ni akɛaagba sane ni damɔ Kasemɔ Nii Kɛjɛ Tsɔɔlɔ Kpele lɛ Ŋɔɔ, baafa 6-7 lɛ nɔ. Ehe miihia ni gbekɛbii akase Biblia shishitoo mlai ni kudɔɔ anɔkwa jamɔ ni amɛnu gbɛfaŋnɔ ni he hiaa waa ni fɔlɔi tsuɔ he nii yɛ tsɔsemɔ gbɛjianɔtoo lɛ mli lɛ shishi. Okɛ toibolɔi asusu ŋaawoi ni akɛha yɛ wolo lɛ kasemɔ mli lɛ ahe. Bi fɔlɔi ni amɛtsɔɔ bɔ ni amɛkɛ nikasemɔ wolo nɛɛ etsu nii amɛha. Ha gbekɛbii lɛ ateŋ mɔ kome loo mɛi enyɔ atsɔɔ nɔ hewɔ ni amɛnyaa wolo nɛɛ he lɛ.
Lala 65 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, ni okɛ sanebimɔ kɛ hetoo he sanegbaa anyiɛ sɛɛ.