Sɔɔmɔ Kpee He Gbɛjianɔtoo
Otsi ni Jeɔ Shishi January 8
Min. 15: Asafoŋ adafitswai. Wó mɔ fɛɛ mɔ hewalɛ koni ekwɛ vidio ni ji No Blood—Medicine Meets the Challenge lɛ, ni ekɛsaa ehe kɛha emli sanegbaa ni baaya nɔ yɛ Sɔɔmɔ Kpee ni abaafee yɛ January 22 otsi lɛ mli lɛ. Nyɛsusua “Gbi Kome Kpee Krɛdɛɛ He Gbɛjianɔtoo Hee” lɛ he. Tsɔɔmɔ be ni akɛbaaya gbi kome kpee krɛdɛɛ lɛ kɛji akɛ ole. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ January 1 Buu-Mɔɔ aha, loo gbɛ ni abaatsɔ nɔ akɛ January Awake! lɛ he klɛŋklɛŋ shiɛmɔ wiemɔ lɛ atsu nii. Yɛ nɔkwɛmɔnɔ lɛ mli lɛ, ha shiɛlɔ lɛ afee gbɛ ni aaatsɔ nɔ akɛ mɔ ko ni tsĩɔ sanegbaa naa kɛtsɔ kɛɛmɔ ni ekɛɔ akɛ, “I’m busy” (Mibɛ dekã) lɛ agba sane he nɔkwɛmɔnɔ.—Kwɛmɔ Reasoning wolo lɛ bf. 19-20 lɛ.
Min. 15: “He-kɛ-afɔleshaa Su Haa Anáa Jɔɔmɔi.” Bi shiɛlɔ kome loo shiɛlɔi enyɔ ni ale amɛ akɛ amɛyɛ he-kɛ-afɔleshaa su lɛ saji. Mɛni amɛfee kɛtsɔɔ akɛ amɛyɛ he-kɛ-afɔleshaa su? Mɛɛ tsakemɔi ehe bahia ni amɛfee, ni mɛni ha amɛnyɛ amɛfee tsakemɔi nɛɛ? Mɛɛ jɔɔmɔi no feemɔ eha amɛná?
Min. 15: Shiɛmɔ Sanekpakpa lɛ Otsɔɔ Mɛi Fɛɛ. Wiemɔ kɛ toibolɔi ni akɛaagba sane ni damɔ Ato Wɔhe Gbɛjianɔ Koni Wɔfee Yehowa Suɔmɔnaa Nii wolo lɛ baafa 92 lɛ kɛyashi saneyitso bibioo ni yɔɔ baafa 102 lɛ nɔ.
Lala 165 kɛ naagbee sɔlemɔ.
Otsi ni Jeɔ Shishi January 15
Min. 10: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli. Nyɛsusua “Kpokpaa nɔ Kpee He Gbɛjianɔtoo Hee” lɛ he ni otsɔɔ be ni akɛbaaya kpokpaa nɔ kpee lɛ kɛji akɛ ole.
Min. 15: Nɔ Gbɔmɔ ni Mi Ji Nɛ! Wiemɔ kɛ toibolɔi ni akɛaagba sane. Oblahii kɛ Oblayei komɛi shashaoɔ shi akɛ amɛaaha mɛi ale akɛ Yehowa Odasefoi ji amɛ, ejaakɛ amɛsusuɔ akɛ ekolɛ amɛnanemɛi lɛ baaye amɛhe fɛo. Kɛlɛ, yiŋtoi kpakpai yɛ nɔ hewɔ ni esa akɛ oha ana nɔ gbɔmɔ ni oji lɛ he. Bei pii lɛ, kɛ́ oha otsɔɔlɔi lɛ le ohemɔkɛyelii lɛ amɛbaanu bo shishi, ni amɛnyɛŋ onɔ doo akɛ okɛ ohe awo nifeemɔ ko ni esaaa lɛ mli. Ebaawa akɛ oblahii kɛ oblayei ni bɛ jeŋba aaafɔ̃ bo nine koni ofata amɛhe kɛyafee nɔ fɔŋ. Mɛi krokomɛi hu baanu oyiŋ ni okpɛ yɛ saji tamɔ nuu kɛ yoo kpojee, loo he ni akɛwoɔ skul kpɔiaŋgbɔlemɔ akaŋshii kɛ nibii ni afeɔ ni fataaa skul nikasemɔ he lɛ mli lɛ shishi. Ehaŋ oshe gbeyei akɛ okɛ oklasnyo ko baakpe beni oshiɛɔ yɛ nyɛshikpɔŋkuku lɛ mli lɛ, ni ehaŋ oshe gbeyei hu akɛ oooye odase yɛ skul. (g02 3/22 bf. 12) Bi shiɛlɔi ni amɛtsɔɔ bɔ ni amɛhe shi ni amɛjie yɛ skul ákɛ Yehowa Odasefoi lɛ he ba sɛɛnamɔ kɛha amɛ. Abaanyɛ aha amɛteŋ mɔ kome loo mɛi enyɔ ale enɛ kɛtsɔ hiɛ.
Min. 20: “Mibɛ He Miishɛɛ.” Kɛ́ nyɛmiisusu kuku 4 lɛ he lɛ, bi toibolɔi lɛ ní amɛtsɔɔ nibii ni mɛi ni yɔɔ nyɛshikpɔŋkuku lɛ mli lɛ yeɔ he ŋkɔmɔ. Ha afee nɔkwɛmɔnii kukuji enyɔ ní tsɔɔ bɔ ni aaafee akɛ mɔ ko ni tsĩɔ sanegbaa naa kɛtsɔ kɛɛmɔ ni ekɛɔ akɛ, “I’m not interested” (Mibɛ he miishɛɛ) lɛ agba sane.—Kwɛmɔ Reasoning wolo lɛ bf. 16.
Lala 135 kɛ naagbee sɔlemɔ.
Otsi ni Jeɔ Shishi January 22
Min. 10: Asafoŋ adafitswai. Kanemɔ shika he akɔntaabuu lɛ ni otsĩ shika ni akɛke ni nitsumɔhe nine lɛ etsɔɔ akɛ enine eshɛ nɔ lɛ tã otsɔɔ. Ha akɛ gbɛtsɔɔmɔi ni yɔɔ baafa 8 lɛ loo shiɛmɔ wiemɔi krokomɛi ni baahi aha nyɛshikpɔŋkuku lɛ atsu nii ni akɛfee nɔkwɛmɔnɔ ni tsɔɔ bɔ ni abaafee akɛ January 15 Buu-Mɔɔ aha kɛ gbɛ ni abaatsɔ nɔ akɛ January Awake! lɛ he shiɛmɔ wiemɔ ni ji enyɔ lɛ atsu nii. Ha nɔkwɛmɔnii lɛ ekome afee sɛɛkuu-kɛsaramɔ ní atee yɛ mɔ ko ni ahaa lɛ woji tɛtrɛbii lɛ daa lɛ ŋɔɔ.
Min. 15: “Ani Osaa Ohe Oto Adebɔɔ Naa Oshara?” Onukpa ko baatsu he nii. Okɛ November 2005 Wɔ Maŋtsɛyeli Sɔɔmɔ lɛ baafa 3 lɛ mli wiemɔi afata he.
Min. 20: “Mɛni Ji Helatsamɔ Gbɛ ni Hi Fe Fɛɛ?” Onukpa ko baatsu he nii. Okɛ sanebimɔi ni akala yɛ sane ni nyɛsusuɔ he lɛ mli lɛ atsu nii ni okɛ toibolɔi lɛ aje No Blood vidio lɛ he sanegbaa shishi amrɔ nɔŋŋ. Kanemɔ naagbee kuku lɛ ni owo mɛi fɛɛ hewalɛ koni amɛkane Buu-Mɔɔ lɛ mli saji ni atsɛ yisɛɛ lɛ jogbaŋŋ, ni okɛmu naa.
Lala 188 kɛ naagbee sɔlemɔ.
Otsi ni Jeɔ Shishi January 29
Min. 7: Asafoŋ adafitswai. Kaimɔ shiɛlɔi koni amɛkɛ shiɛmɔyaa he akɔntaabui kɛha January lɛ aha. Tsɔɔmɔ wolo ni akɛbaaha yɛ February.
Min. 12: Kɛ́ Owo Shi Kɛha Sɛɛkuu-kɛsaramɔ lɛ, Ye Oshiwoo lɛ Nɔ. Wiemɔ kɛ toibolɔi ni akɛaagba sane ni damɔ September 15, 1999 Buu-Mɔɔ lɛ baafa 11 lɛ nɔ. Ha toibolɔi lɛ agba niiashikpamɔi ni tsɔɔ sɛɛnamɔi ni ejɛ amɛsɛɛ ni amɛku kɛyasara mɛi yɛ bei ni amɛtsɔɔ lɛ naa lɛ mli kɛba lɛ amɛtsɔɔ.
Min. 26: “Dii Toiŋjɔlɛ ni Nyɔŋmɔ Kɛhaa lɛ Sɛɛ yɛ Weku Shihilɛ Mli” Onukpa ni feɔ nɔkwɛmɔnɔ kpakpa yɛ enɛ gbɛfaŋ baatsu he nii. Halamɔ kukuji lɛ ekomɛi ni okane ní otsɔɔ bɔ ni abaanyɛ akɛ Ŋmalɛi ni kɔɔ sane lɛ he waa lɛ atsu nii aha lɛ mli bɔ ni be baaŋmɛ gbɛ.
Lala 37 kɛ naagbee sɔlemɔ.
Otsi ni Jeɔ Shishi February 5
Min. 10: Asafoŋ adafitswai. Tĩi Sanebimɔ He lɛ mli.
Min. 17: Asafoŋ Hiamɔ Nii. Asafoi ni etĩko kpokpaa wulu nɔ kpeei ni amɛtee lɛ mli lolo lɛ baanyɛ amɛkɛ fã nɛɛ atĩ kpee lɛ mli taakɛ atsɔɔ mli yɛ November 2006 Wɔ Maŋtsɛyeli Sɔɔmɔ lɛ baafa 2 lɛ.
Min. 18: “Suɔmɔ Ji Nɔ̃ Titri ni Haa Sɔɔmɔ Nitsumɔ lɛ Woɔ Yibii.” Okɛ wiemɔi ni yɔɔ February 1, 2003 Buu-Mɔɔ lɛ baafa 23, kuku 16-17 lɛ afata he.
Lala 83 kɛ naagbee sɔlemɔ.
[Shishigbɛ niŋmai]
Okɛ nɔ ni shɛɛɛ miniti kome akpa wiemɔ lɛ hiɛ, koni no sɛɛ lɛ, okɛ toibolɔi lɛ agba sane kɛtsɔ sanebimɔ kɛ hetoo nɔ.