નીતિવચનો

 ૨ અમીર અને ગરીબમાં એક વાત સામાન્ય છે,*

એ બંનેના સર્જનહાર યહોવા છે.+

 ૩ શાણો માણસ મુસીબત આવતી જોઈને સંતાઈ જાય છે,

પણ ભોળો* માણસ આગળ ચાલ્યો જાય છે અને એનાં પરિણામો* ભોગવે છે.

 ૪ નમ્ર બનવાથી અને યહોવાનો ડર* રાખવાથી

ધન, આદર અને જીવન મળે છે.+

 ૫ કપટી માણસનો રસ્તો કાંટા અને ફાંદાથી ભરેલો છે,

પણ જેને પોતાનો જીવ વહાલો છે, તે એનાથી દૂર રહે છે.+

 ૬ બાળકે* જે માર્ગમાં ચાલવું જોઈએ, એ માર્ગમાં ચાલવાનું તેને શીખવ,*+

એટલે તે વૃદ્ધ થશે ત્યારે પણ એ માર્ગ છોડશે નહિ.+

 ૭ અમીર માણસ ગરીબ પર હુકમ ચલાવે છે

અને ઉધાર લેનાર ઉધાર આપનારનો ચાકર છે.+

 ૮ અન્યાયનું બી વાવનાર આફત લણશે+

અને તેના ક્રોધની સોટી ભાંગી નાખવામાં આવશે.+

 ૯ ઉદાર માણસ પર આશીર્વાદ વરસશે,

કેમ કે તે પોતાના ખોરાકમાંથી ગરીબને આપે છે.+

૧૦ બીજાને ઉતારી પાડનાર* માણસને કાઢી મૂક,

એટલે ઝઘડો શમી જશે,

અને તકરાર* તથા અપમાનનો અંત આવશે.

૧૧ જેનું હૃદય સાફ છે અને જેના શબ્દો માયાળુ છે,

તે રાજાનો મિત્ર બનશે.+

૧૨ યહોવાની આંખો જ્ઞાનીનું* રક્ષણ કરે છે,

પણ તે કપટી માણસની વાતોને ખોટી સાબિત કરે છે.+

૧૫ બાળકના* દિલમાં મૂર્ખાઈ વસે છે,+

પણ કડક ઠપકો* તેની મૂર્ખાઈ દૂર કરશે.+

અને જે માણસ અમીરને ભેટ-સોગાદો આપે છે,

એ બંને કંગાળ થઈ જશે.

૧૭ બુદ્ધિમાનની વાતો પર કાન ધર અને એને ધ્યાનથી સાંભળ,+

જેથી તું પૂરા દિલથી મારું જ્ઞાન સ્વીકારી શકે.+

૧૯ મેં આજે તને આ વાતો જણાવી છે,

જેથી તારો ભરોસો યહોવા પર રહે.

અને જ્ઞાનની વાતો લખીને આપી હતી,

૨૧ જેથી તું સાચી અને ભરોસાપાત્ર વાતો જાણે

અને તને મોકલનાર પાસે સચોટ માહિતી લઈ આવે.

૨૨ ગરીબ માણસને ગરીબ જાણીને લૂંટી ન લે+

અને દીન-દુખિયાને શહેરના દરવાજે* કચડી ન નાખ.+

૨૩ કેમ કે યહોવા પોતે તેઓનો મુકદ્દમો લડશે+

અને જે તેઓને છેતરે છે, તેને જીવતો નહિ છોડે.

૨૪ ગરમ મિજાજના માણસ સાથે દોસ્તી ન કર

અને વાતે વાતે ગુસ્સે થનાર સાથે સંગત ન રાખ,

૨૫ નહિતર તું તેના પગલે ચાલવા લાગીશ

અને ફાંદામાં ફસાઈ જઈશ.+

૨૬ તું એવા માણસ જેવો ન બન,

જે હાથ મિલાવીને બીજાનું દેવું ચૂકવવા જામીન બને છે.*+

૨૭ જો તારી પાસે એ દેવું ચૂકવવા પૈસા નહિ હોય,

તો તેઓ તારી નીચેથી બિછાનું પણ ખેંચી જશે!

૨૮ વર્ષો પહેલાં તારા બાપદાદાઓએ જે હદની નિશાની મૂકી હતી,

એને તું ખસેડીશ નહિ.+

તે સામાન્ય માણસો આગળ નહિ,

પણ રાજા-મહારાજાઓ આગળ ઊભો રહેશે.+