Tiokratik Haroro Sikuli Ena Henanadai

Tiokratik Haroro Sikuli ena henanadai May 6 ia lao August 19, 2002, edia wiki herevadia dekenai. Henanadai negana lalonai henanadai edia haere be ma pepa ta dekenai oi torea.

[Itaia: Henanadai negana lalonai, Baibel sibona oi gaukaralaia haere oi tahua totona. Henanadai murinai ai torea stadi gaudia be oi sibona emu stadi karaia totona. Gima Kohorona edia amo ai abia hereva haida edia rau bona paragraf namba ai torea lasi.]

Henuna hereva oi gwauraia Momokani eiava Koikoi:

1. Ieremia 18:​1-6 ia hahedinaraia Iehova ese taunimanima ia doridia idia ura lasi karadia do idia karaia totona. [1, Wiki ta ta ena Baibel duahiduahi; w99 4/1 rau 22 par. 3-4 itaia.] Koikoi. Iehova ese ena siahu bada amo taunimanima ia doridia lasi idia ura lasi karadia do idia karaia totona; danu taunimanima edia dika be iena maduna lasi, ena be uro karaia tauna be mai ena maduna bema uro ta ia dika; Iehova ese ia hadibaia toho taudia be dika idia davaria bema ena hakaua dalana idia dadaraia. (Deu. 32:4)

2. Peroveta koikoi taudia be Dirava ena hereva ena siahu bona ena anina idia henaoa, badina idia be taunimanima idia veridia Dirava ena sisiba momokanina idia kamonai henia lasi totona, bona idia veridia koikoi herevadia idia kamonai henia totona. (Ier. 23:30) [2, Wiki ta ta ena Baibel duahiduahi; w92 2/1 rau 4 par. 3 itaia.] Momokani.

3. Ieremia 25:15, 16 ai, badu “uaina kapusi” dainai “basileia ibounai do . . . idia kavakava,” anina be tomadiho koikoi hamahutaia karana. [3, Wiki ta ta ena Baibel duahiduahi; w94 3/1 rau 20 par. 13 itaia.] Koikoi. “Inai kapusi” ese Iehova ena ura tanobada besedia dekenai, iena badu do idia inua urana, ia laulaulaia. Ieremia 25:17-26 ese bese ladadia ia gwauraia, hari inai negai idia noho besedia idia laulaulaia besedia unai.

4. Mataio ese Ieremia ena peroveta herevana ia gwauraia dalana amo ia hahedinaraia “dagedage henia taudia edia tano” ena anina korikori be mase tanona, Heroda Badana be idia kerere lasi maragidia hamasea karana amo unuseniai ia siaidia, to toreisi lou karana amo do idia giroa mai. (Ier. 31:15, 16; Mat. 2:​17, 18) [4, Wiki ta ta ena Baibel duahiduahi; w80 4/1 rau 12 par. 13 itaia.] Momokani.

5. Ieremia 37:21 ese ita ia hagoadaia, mauri durua gaudia abia be auka neganai, Iehova ese ena abidadama hesiai taudia ia naria diba. [6, Wiki ta ta ena Baibel duahiduahi; w97 9/15 rau 3 par. 4–​rau 4 par. 2 itaia.] Momokani.

6. Lalohisihisi ena Ane bukana ese lagani 607 B.C.E. ai, Babulonia ena king Nebukanesa ese Ierusalema ia hadikaia neganai, ia vara taitai karana ia herevalaia. [10, bsi02-1 Lalohisihisi ena Ane par. 1] Momokani.

7. Lalohisihisi ena Ane 5:7 ia hahedinaraia goevagoeva, Iehova ese tama sina edia kerere dainai edia natudia ia panisia. [11, Wiki ta ta ena Baibel duahiduahi; w88-E 9/1 rau 27 mauana itaia.] Koikoi. Ena be kara dika dainai gabeai do idia vara uru ese dika idia mamia diba, to ta ta ese ena kara ena badina be Dirava vairanai do ia gwauraia hedinarai. (Ier. 31:29, 30; Roma 14:12)

8. Esekiela 9:4 ese ia gwauraia baguna ena maka ena anina be diba sibona ese tau ta do ia hamauria. [13, Wiki ta ta ena Baibel duahiduahi; w88 12/1 rau 10 par. 18 itaia.] Koikoi. Ia hamomokania maka idia abia taudia be gwauhamata bona bapatiso idia abia vadaeni Keristani taudia, bona edia kara be Keriso ena hegeregerena.

9. Efeso 4:8 ia gwauraia “harihari gaudia taunimanima dekenai” ena anina be Keristani elda taudia, lauma helaga ese idia ia abia hidi bona siahu idia abia edia tadikaka edia namo be lauma dalanai idia naria totona. (Kara 20:28) [15, w00 8/1 rau 6 par. 3] Momokani.

10. Hari inai negai, Esekiela karoa 23 ia gwauraia Oholiba be Protestan tomadiho ida ita hahegeregerea diba bona Roman Katolik tomadiho be iena kakana Ohola ida ita hahegeregerea diba. [16, Wiki ta ta ena Baibel duahiduahi; w88 12/1 rau 17 par. 22 itaia.] Momokani.

Henuna henanadai oi haerelaidia:

11. Nega dikadia ai, lagani 617 B.C.E. amo ela bona Ierusalema idia hadikaia negana 607 B.C.E. lalonai, edena peroveta taudia toi be mai edia ladana badana? [12, bsi02-1 Esekiela par. 2] Idia be Ieremia, Daniela, bona Esekiela.

12. Luka 9:​23 ena boiboi herevana dainai, edena bamona ita hahedinaraia Keriso ia henia mauri davalaia boubouna ita laloa bada? [1, w00 3/15 rau 8 par. 1] Unai mauri davalaia boubouna ita laloa bada neganai, iseda lalohadai, tahua gaudia, bona mauri dalana ia haidaua. Ita ura Keriso bona ena lalokau Tamana ita dibaia momokani; danu, iseda abidadama ia goada ia lao, Dirava ena taravatu ita badinaia, bona ‘kara namodia ita karaia.’ (Tito 2:​13, 14; Ioa. 17:3) (Unai bamona hereva ia hegeregere)

13. Edena dala ai Iehova ese Ieremia ia “koia”? (Ier. 20:7) [2, Wiki ta ta ena Baibel duahiduahi; w89-E 5/1 rau 31 par. 6 itaia.] Ieremia ia laloa iena goada be hegeregere lasi, to Dirava ese Ieremia ia “koia” ena anina be Ia ese unai goevadae lasi tauna ia gaukaralaia, bona unai peroveta tauna ese ena goada amo ia karaia diba lasi gaukarana ia karaia diba.

14. Iesu ia gwau lauma helaga “ese gau ibounai do ia hadibaia umui dekenai. Hereva ibounai lau henia vadaeni umui dekenai, be ia ese umui emui lalona dekenai do ia hedinaraia lou.” Ena hereva ena anina be dahaka? (Ioa. 14:26) [4, w00 4/1 rau 8 par. 7-8] Dirava ena lauma helaga be heduru ia henia, guna gaudia idia laloatao totona, bona lalo-parara ia henia, hahediba taudia ia durua Iesu dekena amo guna idia kamonai to idia lalo-pararalaia lasi gaudia idia laloa lou totona.

15. Ieremia 35:18, 19 ena hereva hegeregerena, hari inai negai Rekaba besena bamona taudia dekenai ia gwauraia helarona be dahaka? [5, Wiki ta ta ena Baibel duahiduahi; su rau 131 par. 7 itaia.] Lagani 607 B.C.E. ai, Ierusalema idia hadikaia neganai, idaunegai Rekaba besena idia roho mauri danu. Idia be “mamoe idaudia” idia laulaulaia, bona Iehova ese Kerisendom bona iena lohia siahuna idia dadaraia bona sibodia edia ura idia badinaia taudia oredia iboudiai ia hadikaia ore neganai, do idia roho mauri. (Ioa. 10:16) (Unai bamona hereva ia hegeregere)

16. Edena dala ai Nefilim be “goada taudia mai ladana”? (Gen. 6:4) [6, w00 4/15 rau 27 par. 9] Kara badadia, dagedage bona rara bada bubua karadia, idia karaia dainai, gwau-edeede anerudia edia natudia badadia ese ladana bada mai garina idia abia bona toana be do idia lusi lasi. (Gen. 6:​11, 13)

17. Baruku ese lauma dalanai laloa maoromaoro karana be edena bamona ia haboioa, bona iena haheitalai amo dahaka ita dibaia? (Ier. 45:​1-5) [7, Wiki ta ta ena Baibel duahiduahi; w97 8/15 rau 21 par. 14-​16 itaia.] Baruku ese ‘gau namo herea be ia sibona totona ia tahua’ matamaia, reana kohu, ladana bada, eiava tauanina dalanai noho namona, to ia ese Iehova ena sisiba ia abia dae bona ia roho mauri; namona be ita laloa inai nega ena dokona be kahirakahira do ia ore dainai, unai bamona gaudia ita tahua lasi.

18. Ieremia 50:38 ena peroveta herevana be edena negai bona edena dala ai ia guguru? [9, Wiki ta ta ena Baibel duahiduahi; dp rau 150 par. 2-3 itaia.] Lagani 539 B.C.E. ai unai ia guguru, unai negai Parasa tauna Kurese ese Euperate Sinavaina ena ranu ia aru dalana ia haidaua, bena ena tuari taudia be sinavai amo Babulonia ai idia vareai bona idia abia.

19. Esekiela 21:26 ai, inai hereva “Oiemu kwarana kumia dabua do oi ruhaia, bona oiemu korona do oi kokia” ena anina be dahaka? [16, Wiki ta ta ena Baibel duahiduahi; w88 12/1 rau 16 par. 16 itaia.] King ese Ierusalema ai Dirava ena basileia gabuna ai idia lohia, “korona” bona “kumia dabua” ese unai idia laulaulaia, to ia ore; “idau bese edia nega” ia matamaia. (Luka 21:24)

Henuna herevadia dekenai idia torea lasi herevadia oi torea:

20. Manau tauna be kara namo ena hetoana ia hanaia lasi bona ia diba ia hegeregere lasi gau iboudiai ia karaia bona gau haida ia karaia lasi be namo. (Mika 6:8) [2, w00 3/15 rau 21 par. 1-2]

21. Reana lauma helaga ese hetoho eiava dibagani do ia kokia lasi, to lauma helaga ese ita do ia durua diba ita haheaukalaia totona. (1 Kor. 10:13; 2 Kor. 4:7) [4, w00 4/1 rau 11 par. 6]

22. Peroveta tauna Daniela be Ieremia ena toretoredia amo ia davaria Ierusalema be lagani 70 do ia noho kava; Iehova ena hereva ia guguru goevagoeva ese Iehova ena peroveta siahuna dekenai iseda abidadama ia hagoadaia. (Ier. 25:12; Dan. 9:2) [9, bsi02-1 Ieremia par. 37]

23. Namona be Lalohisihisi ena Ane bukana ese kamonai karana bona lalo-maoromaoro karana be tomadiho taudia momokanidia edia lalona ai ia havaraia bona Iehova Dirava idia laloa bada lasi taudia ia sisiba henia danu. [11, bsi02-1 Lalohisihisi ena Ane par. 13]

24. Aberahamo ena haheitalai, mai ena lalo-manau ida hepapahuahu ia hamaoromaoroa, ese ita ia hagoadaia sibona eda ura eiava hekokoroku dainai iseda tadikaka ida ita moalelaia hebamo namona do ita hadikaia lasi. (Gen. 13:​5-​12) [16, w00 8/15 rau 24 par. 3-4]

Henuna herevadia dekenai haere maorona oi abia hidi:

25. Iobu ese Iehova ena (diba; hebogahisi; hahemaoro) ia laloa bada bona mai ena (lalo-parara; hebogahisi; diba maoromaoro) ida ena hesiai taudia ia kara henia. (Iobu 31:13, 14) [3, w00 3/15 rau 26 par. 1]

26. Ieremia 16:​2-4 ai, peroveta tauna be oda ta ia abia do ia headava lasi, bona (do ia hahedinaraia sibona ena ura ia dadaraia; Mesia do ia headava lasi karana ia laulaulaia; ia hamomokania Iehova ena hereva, Ierusalema do idia hadikaia ore herevana, do ia vara momokani). [1, Wiki ta ta ena Baibel duahiduahi; w78-E 4/15 rau 31 par. 2 itaia.]

27. Aonega Herevadia 4:7 ai, aonega ena anina be (gau momokanidia edia toana ita diba; hereva ta ese ma hereva ta ia durua dalana do ita lalo-pararalaia diba; diba bona laloa kehoa ita gaukaralaia). [7, w00 5/15 rau 21 par. 1]

28. Esekiela karoa 1 ese ia gwauraia Dirava ena kariota ese (Dirava ena Mesia Basileiana; Iehova ena lauma anerudia oreana; Iehova ese orena taudia dekenai diba ia henia karana) ia laulaulaia. [12, Wiki ta ta ena Baibel duahiduahi; w88 12/1 rau 6 par. 5 itaia.]

Henuna herevadia dekenai siri maorona oi abia hidi:

Deu. 7:​25, 26; Aon. 4:​18; 5:​21; Ier. 46:28; Roma 15:4

29. Inai oda ese Iehova ena taunimanima ia hadibaia, guna idia tomadiho henia laulaudia be edena bamona do idia laloa be namo. [Deu. 7:​25, 26] [1, rs rau 228 par. 5]

30. Iehova ena lalona hagoadaia dalana ta be iena Hereva amo, vaira negana ena helaro namona ia henia. [Roma 15:4] [5, w00 4/15 rau 5 par. 4]

31. Namona be tama sina ese edia natudia idia matahakani henia neganai, ta ena kerere ena davana ia hanaia karana idia karaia lasi, to idia karaia edia kara dika hamaoromaoroa bona idia hadibaia totona. [Ier. 46:28] [8, Wiki ta ta ena Baibel duahiduahi; kl rau 148 par. 20 itaia.]

32. Iehova ese ena hesiai taudia edia diba iena ura dekenai ia habadaia lao ela bona idia lalo-pararalaia momokani dainai, ta ena diba ia bada ia lao neganai, nega haida ena anina be ena lalohadai ia haidaua danu be namo. [Aon. 4:​18] [10, rs rau 205 par. 3]

33. Herevana hehuni dalanai idia karaia, to Dirava ena matana dekena amo matabodaga karana ta idia hunia diba lasi. [Aon. 5:​21] [14, w00 7/15 rau 31 par. 3]