Abụ Ọma
Abụ Devid, nke e ji echeta ihe.
3 Ahụ́ niile na-egbu m mgbu n’ihi iwe gị.
Obi anaghị ezu m ike* n’ihi mmehie m.+
4 N’ihi na mmehie ndị m mere erikpuola isi m.+
Ha dị ka ibu na-anyị arọ. Agaghị m ebuli ha.
5 Ọnyá ndị dị m n’ahụ́ na-esi ísì, na-abasakwa abasa
N’ihi nzuzu m.
6 M na-echegbu onwe m, obi dakwara m mbà.
Iwe juru m obi malite n’ụtụtụ ruo n’abalị.
7 Ime ahụ́ na-ere m ọkụ.
Ahụ́ niile na-egbu m mgbu.+
8 Ahụ́ akụnwụọla m, ike ụwa agwụkwala m.
M na-asụsi ude ike n’ihi otú iwe si ju m obi.
9 Jehova, ị ma ihe niile m chọrọ,
Ị na-anụkwa ọsụ m na-ama.
11 Ndị enyi m na ndị mụ na ha na-akpa na-agbara m ọsọ n’ihi ọrịa m,
Ndị mụ na ha dị n’ezigbo mma anaghịkwa abịa m nso.
12 Ndị na-achọ igbu m* na-esiri m ọnyà.
Ndị na-achọ imerụ m ahụ́ na-akpa otú ha ga-esi laa m n’iyi.+
Ihe ha na-ekwu malite n’ụtụtụ ruo n’abalị bụ aghụghọ ha ga-aghọ.
13 Ma m na-eme ka onye ntị chiri. Anaghị m ege ihe ha na-ekwu.+
M na-eme ka onye ogbi. Anaghị m ekwu ihe ọ bụla.+
14 M dịzi ka onye na-anaghị anụ ihe,
Ka onye na-enweghị ihe ọ ga-ekwu iji zara ọnụ ya.
16 N’ihi na m sịrị: “Ekwela ka ha ṅụrịa ọṅụ n’ihi ihe mere m,
Ekwekwala ka ha maliwe elu ma ụkwụ m mịchapụ.”
17 N’ihi na ọ fọrọ obere ka m daruo ala.
Ahụ́ na-egbu m mgbu mgbe niile.+
18 M kwupụtara ihe ọjọọ m mere.+
Mmehie m nọ na-ewute m.+
19 Ma ndị iro m siri ike,* bụrụkwa ndị dike.
Ndị kpọrọ m asị n’enweghị ihe m mere ha dịzi ọtụtụ.
20 Ha ji ihe ọjọọ kwụọ m ụgwọ ihe ọma.
Ha nọ na-enye m nsogbu maka na ha achọghị ka m na-eme ihe dị mma.
21 Jehova, biko, ahapụla m.
Chineke m, biko, anọla m n’ebe dị anya.+