Zabbuli
94 Ai Yakuwa, Katonda awoolera eggwanga,+
Ai Katonda awoolera eggwanga, yakaayakana!
2 Yimuka, Ai ggwe Omulamuzi w’ensi.+
Sasula ab’amalala ekibagwanira.+
3 Ai Yakuwa, ababi balituusa wa,
Ababi balituusa wa okweyagala?+
4 Bamala googera era baduula;
Abakozi b’ebibi bonna beewaana.
5 Babetenta abantu bo, Ai Yakuwa,+
Era babonyaabonya obusika bwo.
6 Batta nnamwandu n’omugwira,
Era batemula abaana abatalina bakitaabwe.
8 Mumanye kino mmwe abatategeera;
Mmwe abasirusiru, muliba ddi n’amagezi?+
9 Oyo eyakola* okutu, tasobola kuwulira?
Oyo eyakola eriiso, tasobola kulaba?+
10 Oyo agolola amawanga, tasobola kukangavvula?+
Oyo y’awa abantu amagezi!+
11 Yakuwa amanyi abantu bye balowooza;
Akimanyi nti bye balowooza mukka bukka.+
12 Ai Ya, alina essanyu omuntu gw’ogolola,+
Oyo gw’oyigiriza ng’okozesa amateeka go,+
13 Okumuwa emirembe mu biseera ebizibu,
Okutuusa ababi lwe basimirwa ekinnya.+
15 Ensala y’emisango eriddamu okuba ey’obutuukirivu,
Era abo bonna abalina omutima omugolokofu baligoberera ensala eyo.
16 Ani anantaasa ababi?
Ani anamponya abakozi b’ebibi?
18 Bwe nnagamba nti: “Ekigere kyange kiseerera,”
Okwagala kwo okutajjulukuka kwampanirira, Ai Yakuwa.+
22 Naye Yakuwa ajja kuba kiddukiro kyange,
Katonda wange lwe lwazi lwange mwe nzirukira.+
23 Ajja kuleetera ebikolwa byabwe ebibi okubaddira.+
Ajja kubazikiriza* ng’akozesa ebintu ebibi bye bakola.