സങ്കീർത്ത​നം

9 യഹോവേ, മുഴു​ഹൃ​ദയാ ഞാൻ അങ്ങയെ സ്‌തു​തി​ക്കും.

അങ്ങയുടെ എല്ലാ മഹനീ​യ​പ്ര​വൃ​ത്തി​ക​ളെ​ക്കു​റി​ച്ചും ഞാൻ വർണി​ക്കും.+

 2 ഞാൻ അങ്ങയിൽ സന്തോ​ഷി​ച്ചു​ല്ല​സി​ക്കും.

അത്യു​ന്ന​ത​നേ, ഞാൻ അങ്ങയുടെ പേരിനു സ്‌തുതി പാടും.*+

 3 എന്റെ ശത്രുക്കൾ പിന്മാറുമ്പോൾ+

അവർ അങ്ങയുടെ മുന്നിൽ ഇടറി​വീണ്‌ നശിക്കും.

 4 കാരണം, എനിക്കു ന്യായം നടത്തി​ത്ത​രാൻ അങ്ങുണ്ട​ല്ലോ;

സിംഹാ​സ​ന​ത്തിൽ ഇരുന്ന്‌ അങ്ങ്‌ നീതി​യോ​ടെ വിധി​ക്കു​ന്നു.+

 5 അങ്ങ്‌ ജനതകളെ ശകാരി​ച്ചു;+ ദുഷ്ടന്മാ​രെ സംഹരി​ച്ചു;

എന്നു​മെ​ന്നേ​ക്കു​മാ​യി അവരുടെ പേര്‌ തുടച്ചു​നീ​ക്കി.

 6 ശത്രു എന്നേക്കു​മാ​യി നശിച്ചി​രി​ക്കു​ന്നു.

അവരുടെ നഗരങ്ങളെ അങ്ങ്‌ പിഴു​തെ​റി​ഞ്ഞു.

 7 എന്നാൽ, യഹോവ എന്നേക്കു​മാ​യി സിംഹാ​സ​ന​സ്ഥ​നാ​യി​രി​ക്കു​ന്നു,+

ന്യായം നടത്താൻ തന്റെ സിംഹാ​സനം സുസ്ഥി​ര​മാ​യി സ്ഥാപി​ച്ചി​രി​ക്കു​ന്നു.+

 8 നിവസിതഭൂമിയെ ദൈവം ന്യായ​ത്തോ​ടെ വിധി​ക്കും;+

ജനതകളെ നീതി​യോ​ടെ ന്യായം വിധി​ക്കും.+

 9 മർദിതർക്ക്‌ യഹോവ ഒരു അഭയസ​ങ്കേതം,+

കഷ്ടകാ​ല​ത്തെ ഒരു അഭയസ​ങ്കേതം.+

10 അങ്ങയുടെ പേര്‌ അറിയു​ന്നവർ അങ്ങയിൽ ആശ്രയ​മർപ്പി​ക്കും.+

യഹോവേ, അങ്ങയെ തേടി വരുന്ന​വരെ അങ്ങ്‌ ഒരിക്ക​ലും ഉപേക്ഷി​ക്കി​ല്ല​ല്ലോ.+

11 സീയോനിൽ വസിക്കുന്ന യഹോ​വ​യ്‌ക്കു സ്‌തുതി പാടു​വിൻ!

ദൈവ​ത്തി​ന്റെ പ്രവൃ​ത്തി​കൾ ജനതകളെ അറിയി​പ്പിൻ!+

12 കാരണം, അവരുടെ രക്തത്തിനു പകരം ചോദി​ക്കു​ന്നവൻ അവരെ ഓർക്കു​ന്നു.+

ക്ലേശി​ത​ന്റെ നിലവി​ളി ദൈവം മറന്നു​ക​ള​യില്ല.+

13 യഹോവേ, എന്നോടു പ്രീതി തോ​ന്നേ​ണമേ.

എന്നെ മരണക​വാ​ട​ങ്ങ​ളിൽനിന്ന്‌ ഉയർത്തു​ന്ന​വനേ,+ എന്നെ വെറു​ക്കു​ന്നവർ എന്നെ കഷ്ടപ്പെ​ടു​ത്തു​ന്നതു കണ്ടാലും.

14 അങ്ങനെ ഞാൻ, സീയോൻപു​ത്രി​യു​ടെ കവാട​ങ്ങ​ളിൽ

അങ്ങയുടെ സ്‌തു​ത്യർഹ​മായ പ്രവൃ​ത്തി​കൾ ഘോഷി​ക്കട്ടെ,+ അങ്ങയുടെ രക്ഷാ​പ്ര​വൃ​ത്തി​ക​ളിൽ ആനന്ദി​ക്കട്ടെ.+

15 ജനതകൾ കുഴിച്ച കുഴി​യിൽ അവർതന്നെ ആണ്ടു​പോ​യി​രി​ക്കു​ന്നു.

അവർ ഒളിച്ചു​വെച്ച വലയിൽ അവരുടെ കാൽതന്നെ കുടു​ങ്ങി​യി​രി​ക്കു​ന്നു.+

17 ദുഷ്ടന്മാരും ദൈവത്തെ മറക്കുന്ന സകല ജനതക​ളും

ശവക്കുഴിയിലേക്കു* പോകും.

18 എന്നാൽ, ദരി​ദ്രരെ എന്നേക്കു​മാ​യി മറന്നു​ക​ള​യില്ല,+

സൗമ്യ​രു​ടെ പ്രത്യാശ അറ്റു​പോ​കില്ല.+

20 യഹോവേ, അവർക്കു ഭയം വരു​ത്തേ​ണമേ.+

നശിച്ചു​പോ​കു​ന്ന വെറും മനുഷ്യ​രാ​ണു തങ്ങളെന്നു ജനതകൾ അറിയട്ടെ. (സേലാ)