Liu Fakamanatu he Aoga Fekafekau Fakateokarasi
Liu fakamanatu e tau tohi kua fita he taute he tau kotofaaga he Aoga Fekafekau Fakateokarasi he fahi tapu ha Sepetema 7 ke he Tesemo 21, 1998. Fakaaoga e laupepa kehe ke tohi e tau tali he tau huhu loga kua maeke ia koe ke tohi hifo he magaaho kua fakaata.
[Mailoga: Ke he liu fakamanatu, ko e Tohi Tapu ni kua maeke ke fakaaoga. Ko e tau fakamoliaga talitua mai he tau huhu ko e kumikumi fakatagata hau ni a ia. Ko e tau numera he lau mo e paratafa kua nakai kitia oti ai ke he tau fakamoliaga ke he Kolo Toko.]
Tali e tau talahauaga takitaha i lalo Moli po ke Nakai Moli:
1. Ia 2 Timoteo 1:6, ko e “mena fakaalofa” kua hagaao ke he lotomatala he vagahau ke he tau vagahau kehekehe ne age ki a Timoteo puhala he gahuahua he agaga tapu he Atua. [Totouaga he Tohi Tapu fakafahi tapu; kikite w85 5/1 lau 16 para. 15.]
2. Ko e Kerisiano motua ‘ko ia ni kua mahani he ako ke mailoga e tau mena mitaki mo e tau mena kelea’ he fakamahani ke fakaaoga e iloilo he Kupu he Atua kua ha ha ia ia. (Hepe. 5:14) [Totouaga he Tohi Tapu fakafahi tapu; kikite w86 1/15 lau 8 para. 7.]
3. Pete ni kua liga tohi fakamau e Tau Fakamoli a Iehova mo e tau fakatufono ko e fakalatahaaga fakalotu, ko e pule ke taute e tapuakiaga moli kua maaliali kua nakai mai he ha tagata po ke ha fakatufono. [jv lau 696 para. 1]
4. Ko e tohia Tohi Tapu ko Iakopo ko ia taha ia ni ne vagahau ma e “tau aposetolo mo e tau patu” he magahala he fifiliaga he peritome. (Gahua 15:6, 13; Iako. 1:1) [si lau 248 para. 2-3]
5. Pete ni he talahau he 1 Peteru 5:13 ko Peteru i Papelonia he tohi e ia e tohi fakamua hana, kua fakakite he fakamoliaga ko e higoa Papelonia ko e fakamoliaga galo ki a Roma. [si lau 251 para. 4]
6. Ko e talahauaga “ha ne hau e anetikeriso” he 1 Ioane 2:18 kua hagaao ke he tagata tokotaha. [Totouaga he Tohi Tapu fakafahi tapu; kikite rs lau 32 para. 3.]
7. Ko e veha ne tupu ha ko e fua he tau logonaaga a Paulo ki a Mareko, ne fakakite mai ia Gahua 15:36-41, ne nakai maulu. [it-2 lau 320 para. 4]
8. Ko e tohi Fakakiteaga ne fakahiku aki he Tohi Tapu ha kua tohi fakahiku ai he aposetolo ko Ioane. [si lau 263 para. 1]
9. Ne fakakite fakahako mai he Fakakiteaga 13:11-15 e puhala ne pule okooko mo e foaki moui e Pule Malolo Lalolagi a Igilani-Amerika ke he Kautaha he Tau Motu mo e hukui ko e Tau Motu Kaufakalataha. [Totouaga he Tohi Tapu fakafahi tapu; kikite w88 12/15 lau 19 para. 3.]
10. Ko e poakiaga ke feofanaki, ne talahau he Ioane 13:34, ko e “poaki fou” ha kua fou lahi ke he Fakatufono faka-Mose. [jv lau 711 para. 3]
Tali e tau huhu i lalo:
11. Ko e heigoa e kakano kua nakai lata e leveki ke “nakai latau”? (Tito 1:7) [Totouaga he Tohi Tapu fakafahi tapu; kikite w90 9/1 lau 31 para. 21.]
12. Iloa fefe e tautolu ne fakaako tokoua e Loi mo Eunike a Timoteo mai he tau Tohiaga Tapu? [it-2 lau 262 para. 9]
13. Ko e heigoa e kakano a Iesu he talahau a ia, “Ko e tau poa tamate mo e tau poa, kua nakai finagalo a koe ki ai”? (Hepe. 10:5) [Totouaga he Tohi Tapu fakafahi tapu; kikite w96 7/1 lau 21 para. 3.]
14. Maeke fefe e tau Kerisiano ke “kautu ai ke he lalolagi”? (1 Ioane 5:3, 4) [si lau 258 para. 12]
15. Ko e heigoa kua lauia ai e talahauaga a Peteru he ‘foli atu kia hoko mai e aho a Iehova’? (2 Pete. 3:12) [Totouaga he Tohi Tapu fakafahi tapu; kikite w97 9/1 lau 28 para. 2.]
16. Ko e heigoa kua putoia e mea he agaga, ti lagomatai fefe he mena nei ke laulautaki e magafaoa he taha? (2 Kori. 7:1) [fy lau 46 para. 14]
17. Lagotatai ke he Fakakiteaga 1:7, kitia fefe e lautolu ne hoka a Iesu kua “haele mai a ia mo e tau aolagi”? [Totouaga he Tohi Tapu fakafahi tapu; kikite w93 5/1 lau 28 para. 7.]
18. Mata tuamu fefe e tau Kerisiano ki a ‘lautolu ni ke mataala’? (Luka 21:34, 36) [jv lau 714 para. 4]
19. Hokotia fefe a lautolu he vaha nei ko e fakatokatokaaga Kerisiano moli ke he maamaaga hako he Kupu he Atua? [jv lau 708 para. 3]
20. Ko e heigoa e tau tutuaga faka-Tohiaga Tapu ka hokotia ki ai e fakatokatokaaga Kerisiano moli he tau vaha fakamui nei? [jv lau 706 para. 3]
Tohi e (tau) kupu po ke talahauaga ne lata ke fakaoti aki e tau talahauaga takitaha i lalo:
21. Ko e tane mo e hoana kua lata ke ․․․․․․․․ , mo e tokaloto ai ․․․․․․․․ kua aoga lahi ke he kitiaaga i fafo. [fy lau 26 puha fakamanatu]
22. Ko e tohi a Paulo ke he tau Heperu kua fakakite e tau fahi kehekehe he ․․․․․․․․ ne taute he Atua he tuhi atu ke he tau mena lalahi ka hohoko mai, kua fakakatoatoa e tau mena oti ki a ․․․․․․․․, ko e fakamoliaga he Fakatufono. [si lau 247 para. 23]
23. Ia 2 Peteru 1:5-8, kua fakamalolo e Peteru e ․․․․․․․․ ke ati hake e tau fua mahani Atua ka puipui a tautolu mai he ․․․․․․․․ po ke ․․․․․․․․. [si lau 255 para. 9]
24. Ka fematutakiaki e tau tane mo e tau hoana, ko e ․․․․․․․․ mo e ․․․․․․․․ kua aoga lahi. [fy lau 36 para. 21]
25. Ko Maria ko e matua fifine a Iesu ko e magafaoa ha ․․․․․․․․ mo e ohi a Tavita; mai ia ia, ko e ․․․․․․․․ a Iesu a ia ke hoko ke he “nofoaiki a Tavita hana matua.” (Luka 1:32) [it-2 lau 346 para. 4]
Fifili e tali hako he tau talahauaga takitaha i lalo:
26. Ke he tuku fakamua a Paulo he fale pouli i Roma, ko (Oneseforo; Onesemo; Onani), ko e fekafekau ne hola mai he kaina ha (Filipo; Feso; Filemoni), kua fakalataha mo lautolu ne fanogonogo ke he hana fakamatala. [si lau 241 para. 2]
27. Ne kakano e (Fakaalofa; Fakalilifu; Fakamokoi) ko e “manamanatu atu ke he falu, fakalilifu ki a lautolu.” [fy lau 30 para. 7]
28. Ia Luka 14:28, kua tutala a Iesu hagaao ke he (fakatokatoka tuai; nakai moumou tupe; ua ole tupe). [fy lau 40 para. 4]
29. Ko e “tau Iki” ne talahau he Iuta 8 kua hagaao ke he (tuaga a Iesu; pule katoatoa a Iehova; pule foaki he Atua i loto he fakapotopotoaga Kerisiano). [si lau 263 para. 9]
30. Ia Fakakiteaga 11:11, ko e “tolu a aho mo e maga he aho ne vevehe ua,” ne kitia a lautolu ne fakauku ne toe ko e tau gati tino mamate ke he fofoga he tau fi ha lautolu, kua hagaao ke he (tolu mo e hafa e tau; vaha ku ni; tolu mo e hafa e mahina). [Totouaga he Tohi Tapu fakafahi tapu; kikite re lau 167 para. 21.]
Tuku e tau kupu tohi i lalo ke he tau talahauaga ne tohi i kelekele:
Fakatai 8:30; Mata. 19:13-15; Hepe. 2:1; Iako. 4:15; 1 Pete. 3:4
31. Ke maeke ke tanumia e fakaohoohoaga he tau fakaakoaga tumau ne kua fakatapakupaku ki a tautolu mai he lalolagi nei, kua lata ia tautolu “ke au atu ai he manamanatu” ke he Kupu he Atua he tau puhala fakaako mitaki mo e fakatumau e fakaholoaga mitaki he totou Tohi Tapu. [Totouaga he Tohi Tapu fakafahi tapu; kikite w98 1/1 lau 21 para. 9.]
32. Kaeke ke taute pulega a tautolu ma e vaha anoiha, kua lata ia tautolu ke manamanatu he liogi ke he puhala ka lautatai mo e finagalo he Atua. [Totouaga he Tohi Tapu fakafahi tapu; kikite w97 12/1 lau 18 para. 10-11.]
33. “Ko e loto mahani molu mo e mafola” he hoana mo e matua fifine Kerisiano kua nakai ni fakafiafia hana tane ka e mua atu ha kua fakafiafia e Atua. [Totouaga he Tohi Tapu fakafahi tapu; kikite w89 4/15 lau 19 para. 12.]
34. Muitua ke he fakafifitakiaga a Iehova, ko e matua tane mitaki kua taute e ia e fakafetuiaga mafana mo e fakaalofa mo e hana a tama mai ni he kamataaga he moui he tama. [fy lau 53 para. 7]
35. He nakai fili a Iesu ke fakamonuina e tau tama ikiiki, kua nakai lata taha ke kitia kua mua hake e tau tama tane ke he tau tama fifine. [fy lau 52 para. 4]