Jesús shina causashunchij huillashunchij tandanacuipi imalla ruranata ricuchij pꞌanga nishca tandanacuipaj ayudacuna
4-10 DE MARZO
BIBLIAPI TIYAJ VALISHCA YUYAICUNA | ROMANOS 12-14
“¿Jesús shina cꞌuyangapajca imatataj rurana canchij?”
it-1 pág. 429
Llaquina
1Diospaj pueblo ucupi cajcunaca tucuicunami quiquin huauquindij, panindij shina caishuj chaishuj cꞌuyanacuna canchij (cai fi·la·del·fí·a,nishca griego shimica, “huauquita cꞌuyana” ninmi). (Ro 12:10; Heb 13:1; cai 1Pe 3:8-tapish ricui). Shinaca congregación ucupica shuj familia ucupi layallatajmi tucuicuna cꞌuyajcuna, llaquijcuna, caishuj chaishujhuan apanacujcuna cana canchij. Congregacionpi chai laya cꞌuyaita ña ricuchicushpapish, ashtahuan ashtahuanmi tucui shunguhuan cꞌuyana canchij (1Te 4:9, 10).
Cai fi·ló·stor·gos nishca griego shimica, “shungumanta llaquij” nisha ninmi. Caitaca shuj persona paipaj amigohuan alajata apanacuj, ishquimanta alli amistadta charijta ningapajmi utilizan. Shinallataj fi·ló·stor·gos nishca griego shimica ishqui shimicunamantami shamun. Shujca stér·gō, shimimi can. Cai shimitaca familia ucupi tiyaj cꞌuyaimanta parlangapajmi cutin cutin utilizashca. Apóstol Pablopish Jesusta catijcunataca huauquindijcuna shina caishuj chaishuj cꞌuyanacuichij nircami (Ro 12:10). Shinallataj tucuri punllacunapi ‘llaquij cana illaj’ gentecuna tiyana cashcatami huillarca (chaitaca griegopica á·stor·goi ninmi). Paicuna chashna cashcamantami huañungacuna (2Ti 3:3; Ro 1:31, 32).
w09 15/10 pág. 8 párr. 3
“Tucuicunahuan sumajta causaichij”
3 (Romanos 12:17-ta liyipai). Apóstol Pabloca: “Cancunata pi llaquichijpipish, ama chashnallataj llaquichinguichijchu” nircami. Cai consejoca Diosta mana sirvij cusa o huarmita charijcunapajmi ashtahuan importante can. Diosta sirvijca paipaj cusa o huarmi maipish cachun rimajpi, ajajpipish mana chashnallataj tigra rimangapaj, rurangapajmi controlarina can. Paipish tigra llaquichishpaca chai problemata mana allichi tucungachu. Ashtahuanpish ashtahuanmi llaquicuna tiyai tucun.
w07 1/7 pág. 24 párrs. 12, 13
“Cancunata pi llaquichijpipish, ama chashnallataj llaquichinguichijchu”
12 Apóstol Pabloca crij cajpi, mana crij cajpipish tucuicunatami alli tratachun animarca. Paica: “Cancunata pi llaquichijpipish, ama chashnallataj llaquichinguichijchu” nircami. Cai consejota pajtachinaca, “millaitaca pꞌiñaichij” nishca consejota pajtachijpimi jahualla canga. Shinaca, “ñucaca millaitaca pꞌiñanimi” nishpapish pero pi colerachijpica tigra chashnallataj llaquichishpaca mana allitami rurashun. Chashna cashpaca ñucanchij cꞌuyaica “nij tucushpalla” mana shungumanta cashcami ricuringa. Pablo nishca catij consejoca: “Tucuicunapaj ñaupajpi allita rurana yuyailla caichij” ninmi (Romanos 12:9, 17). ¿Cai shimicunaca imatataj nisha nin?
13 Chai tiempopajca apóstol Pabloca Corinto congregacionman cartacunata ñami quillcashca carca. Pai quillcashcapica, ‘¡cai pachapaj, angelcunapaj, gentecunapajpish ricunami tucushcanchij! [...]. Llaqui tucunman nijcunatapish paicunapish llaqui tucushca canman mana ninchijchu. Ñucanchijta catirashpa llaquichijpipish, apanchijllami. Ñucanchijta millaita rimajpipish, cꞌuyaihuanmi cutichinchij’ ninmi (1 Corintios 4:9-13). Jesusta alli catijcunataca cunan punllacunapipish cai mundopaj gentecunaca ricuracuncunami. Huaquinpica ñucanchijta mana alli tratajpipish allita rurashpa catijta ricushpami, gentecunaca Diosmanta alli huillaicunata uyashcacuna (1 Pedro 2:12).
w12 15/11 pág. 29 párr. 13
Caishuj chaishuj shungumanta perdonanacushunchij
13 Huaquinpica ñucanchijta llaquichij persona Dios mandashcacunata cꞌuyai callarichunmi ayudai tucunchij. Chaimantami Pabloca: “Canta pꞌiñaj yaricaihuan cajpica carailla, yacunaihuan cajpica, ubyachun cuilla. Chashna rurajpica, paillataj ñahui pucayashpa pingaringallami. Millai mishashca ama caichu, ashtahuanpish millaitaca allihuan mishai” nirca (Rom. 12:20, 21). Shinaca sumaj shimicunahuan alli tratajpica, yallitaj coleracujcunapish tranquilomi sintiri tucun. Shinallataj chai persona allicunata rurachunmi ayudai tucun. Chaimanta canta pꞌiñashpa llaquichijpipish can paicunata intindishpa, llaquishpa, alli tratashpaca chai persona Diospaj Shimita yachachunmi ayudai tucungui. Ima shina cajpipish, ñucanchijta llaquichijcunata alli, sumajta tratajpica paicunata respetohuan tratashcata cuentata cuchunmi ayudanchij (1 Ped. 2:12; 3:16).
Bibliapi curita mashcaj shina mashcashunchij
¿Ima laya diversioncunatataj agllana canchij?
5 Imata rurashpapish Jehová Diosta adorangapajmi rurana canchij. Chaimantami apóstol Pabloca: ‘Cancunapaj cuerpocunataca, ima jucha illajllata, causaj sacrificiota cucuj laya Diosman cuichij’ nirca (Romanos 12:1). Shinallataj Jesuspish: “Taita Diostaca tucui shunguhuan, tucui almahuan, tucui yuyaihuan, tucui fuerzahuan cꞌuyangui” nircami (Marcos 12:30). Imata ruracushpapish Diospaj ruracushca layami tucui shunguhuan rurana canchij. Israelitacunaca Jehovaman sacrificiota rurangapajca shuj sano animaltami cuna carca. Paicuna mana sano animalta cujpica Yayitu Diosca mana chasquijchu carca (Levítico 22:18-20). Mana allicunata rurajpica Diosca ñucanchij adorashcatapish mana chasquingachu.
6 Diosca: “Ñucaca ima jucha illajmi cani, cancunapish ima jucha illajlla caichij” ninmi (1 Pedro 1:14-16; 2 Pedro 3:11). Jehová Diosca mapa cosascunata rurachun, shujtajcunata llaquichichun, Diablopaj cosascunata rurachunca mana munanchu. Caicunata rurashpaca Diospaj ñaupajpica mana alli ricurishunchu (Deuteronomio 15:21; Romanos 6:12-14; 8:13). Pero, chai juchacunata mana rurashpapish televisionpi, Internetpi, radiopi mapa cosascunata ricujpi o uyajpica Diosca mana cushicungachu. Paihuanpish mana apanacui tucushunchu. Paita adorangapaj imata rurajpipish yanga shinami ricuringa.
w08 15/6 pág. 31 párr. 4
Romanos libromanta alli yuyaicuna
13:1. ¿Diosmi autoridadcunataca churashca nishpaca imatataj nisha nin? Caica autoridadcuna mandachunca Dios saquishcatami nicun. Huaquin mandajcuna manaraj huacharijpimi paicuna mandana cashcataca Jehová Diosca ña huillarca. Shinaca mandajcunaca Dios churashcamantami tiyan. Shinallataj paicuna cana cashcapimi churashca cancuna.
Bibliata rezashunchij
11-17 DE MARZO
BIBLIAPI TIYAJ VALISHCA YUYAICUNA | ROMANOS 15, 16
“Jehová Dios cushicuita cuchun mañashunchij”
“Huacajcunahuanca huacaichij”
11 Lázaro huañujpi Jesús ima shina sintirishcata leyishpaca tranquilomi sintirinchij. Shinallataj shujtaj versocunatapishmi leyi tucunchij. ‘Ñaupaman Quillcachishcacunaca, ñucanchijta yachachingapajmi quillcashca carca. Mana pꞌiñarishpalla, cushilla, shuyana yuyailla canata yachachingapajmi Diosca quillcachirca’ (Romanos 15:4). Cambaj familia o amigo huañushca cajpica cai versocunatami leyi tucungui. Chashnami aliviarishca sintiringui:
▪ “Mandaj Diosca shungupi llaquilla cajcunapaj cꞌuchullapimi. Espiritupi llaquilla cajcunata quishpichinmi” (Salmo 34:18, 19).
▪ “Llaquicunahuan ñuca musparicujpipish, canmari cushichishpa ñuca almata samachihuarcangui” (Salmo 94:19, QC, 1989).
▪ “Ñucanchij Apunchij Jesucristollatajpish, ñucanchij Yaya Diospishmi jatunta cꞌuyashpa, ñucanchijmanca huiñaita cushi canatapish, pai yuyailla canatapish curca. Shinallataj cancunata cushichichun, imata rimangapajpish, imata rurangapajpish alli yuyaita cuchun ninchijmi” (2 Tesalonicenses 2:16, 17, QC, 1989).
w16.04 pág. 14 párr. 5
“Chashna alli shungu cashca ricuringapajca alli caichij”
5 Jehová Diosta fuerzata cuchun mañana. Jehová Diosca, “mana pꞌiñarinata, cushicuita cuj” Diosmi can (Rom. 15:5). Paillami ñucanchij problemacuna ima laya llaquichijtaca yachan. Shinallataj ñucanchij ima laya huiñashcata, shunguta, yuyaita, cuerpo ucupi tiyaj genescunatapish intindin. Chaimantami ñucanchij llaquicunata ahuantashpa catichunca Yaya Dioslla ayudai tucun. Bibliapica Diosca paita manchajcuna tucui imalla minishtishcacunata charichunmi ricuracun, ‘paicuna mañashcatapish uyangami, quishpichingami’ ninmi (Sal. 145:19). Pero llaquicunata ahuantangapaj fuerzata cuchun mañajpica, Diosca ¿ima shinataj ñucanchij mañashcata cutichin?
w14 15/6 pág. 14 párr. 11
“Cambaj Mandaj Taita Diosta cꞌuyangui”
11 Jehová Diosmi paipi crijcunamanca cushi canata, sumaj causaita cusha nin (Rom. 15:13). Huiñai causaita shuyanami llaquicunata ahuantangapaj ayudan. Diosta alli sirvij ungidocuna huañushpaca, “causaita ricuchij coronatami” jahua pachapi chasquingacuna (Apo. 2:10). Diosta alli sirvijmanta caishujcunaca cai Allpa shuj paraíso cajpimi huiñai huiñaita cushilla causangacuna (Luc. 23:43, Traducción del Nuevo Mundo de las Santas Escrituras). ¿Caita yachashpaca ima shinataj sintirinchij?¿Manachu tucui alli charinacunata, allita ruranata cuj Diosta tucui shunguhuan cꞌuyachun, cushilla, tranquilo cachunpish ayudan? (Sant. 1:17).
Bibliapi curita mashcaj shina mashcashunchij
w89 1/12 pág. 24 párr. 3
‘Tucui shunguhuan cancuna cꞌuyashcata ricuchinguichij’
Jerusalén llajtamantami tucui llajtacunaman, mana judiocunamanpish alli huillaicunata huillarcacuna. Shinaca mana judiocunaca judiocunahuan dibicujcuna shinami tucurcacuna. Chaimantami judiocuna llaquicunahuan cashcata yachashpaca mana judiocunaca ayudanata munashcangacuna. Apóstol Pabloca: “Mana judiocunaca, judiocunamanta Diospaj allicunata japijcunami tucurcacuna. Chaimantami paicunapish judiocunamanca, cai pachapi charishcacunahuan ayudanataj carcacuna” nircami (Romanos 15:27).
it-1 pág. 670 párr. 11
Dibiyana, dibij
Shujtaj dibicuna. Bibliapi “dibi” y “dibij” nishca shimicunaca mana prestamollatachu nicun, shujtaj obligacioncunata ruranataj cashcata ningapajpishmi quillcashcacuna. Por ejemplo, shuj trabajajman paganataj cashcataca “cuna cashcamantatajmi cun” o “dibimi” ninmi (Rom 4:4). Pi shujtajcunata llaquichishpaca paicunapaj “dibijcunami” tucun. Chaimantami paipaj perdonta mashcana can. Shinallataj ñucanchij “dibicunata” Jehová perdonachunca ñucanchijrajmi shujtajcunapaj dibicunata perdonana canchij (Mt 6:12, 14, 15, NM; Lu 13:4, NM). Apóstol Pabloca ‘alli huillaicunata’ huillagrinataj cashcata parlashpaca, gentecunaman “debimi cani” nircami (Ro 1:14, 15). Mana judiocunaca, judiocunamanta Diospaj allicunata japijcunami tucurcacuna. Chashnami Jerusalenpi causaj judío crijcunaman dibiyaj shina carcacuna. Chaimanta paicunapaj huajcha judío huauquicuna ima minishtishcacunata cushpaca ayudanataj cashcallatami curcacuna (Ro 15:26, 27).
it-2 pág. 708 párr. 5
Ima tucunata yachana
Bibliapi, ‘huarmipaj huahua huahuacunapuramantami’ shamunga nishpaca Mesías o Cristomantami parlacun. Paimantami Diosca cai Allpapi causaj tucui alli gentecunata bendicianga (Gál 3:8, 14). Cai profeciataca puntaca jardín de Edenpi jucha callarishca qꞌuipa, Abel manaraj huacharijpimi Jehová Diosca nirca (Gé 3:15). Shinallataj, ‘pi mana yachaipaj pacalla’ tiyacuj ‘huarmipaj huahua huahuapuramanta’ shamuj, Jesús cashcataca cuatro mil huatacuna yalli illajpirajmi Jehová Diosca huillashca carca. Cai profeciaca callari pachamantami achca huatacunata pacalla tiyacurca (Ro 16:25-27; Ef 1:8-10; 3:4-11).
Bibliata rezashunchij
18-24 DE MARZO
BIBLIAPI TIYAJ VALISHCA YUYAICUNA | 1 CORINTIOS 1-3
“¿Diospaj munaita rurashpachu causangui?”
Diospaj espirituta charijcuna cashunchij
4 Aicha munaillata ruraj runaca paillapimi yuyan. Aicha munaillata ruranamanta parlashpaca Pabloca: ‘Chai espiritumi mana cazujcunata millaita rurachicun’ nircami (Efesios 2:2). Chai mana alli espíritu pandachijpimi achcacunaca cai pachapi gentecuna rurashca shinallataj rurasha nincuna. Chaimantami Diospaj mandashcacunata mana cazuncuna, paicuna munashcallata rurancuna. Aicha munaillata rurajpajca cullquita charina, pailla alli canami ashtahuan importante can.
5 Diospaj espirituta mana charij runaca ‘aichapaj ruraicunallatami’ ruran (Gálatas 5:19-21). Paicunamanta parlashpami Judas 18, 19-pica: “Diospaj espiritutaca mana charincunachu” nin. Corintocunaman punta cartata quillcashpaca Pabloca aicha munaillata rurajcuna ima shina cashcatami ashtahuan huillarca. Chai gentecunaca shujtajcunapaj pꞌiñanacuipimi satirincuna, chꞌicanyachincuna, mana cazuncuna, paicuna purallatajmi juezcunapajman apancuna, autoridadcunatapish mana cazuncunachu, micuna, ubyanallapimi yuyancuna. Shinallataj ima tentacioncuna ricurijpipish mana jarcarincunachu (Proverbios 7:21, 22).
Diospaj espirituta charijcuna cashunchij
6 Diospaj espirituta charijca Dioshuan alli apanacungapaj, pai shina cꞌuyaj, llaquij cangapajmi esforzarin (Efesios 5:1). Diospaj espirituta charijpajca Diosca paipaj ladopi cashcata shinami can. Chaimantami Dios mandashcacunataca siempre cazun, pai yuyashca shina yuyangapaj esforzarin (Salmo 119:33; 143:10). Aicha munaillata ruranapaj randica Gálatas 5:22, 23-pi parlashca ‘espiritupaj granota’ ricuchingapajmi esforzarin. Yuyashun, pi musicallamanta parlajpica paitaca musicatami munan ninchijmi. Shinallataj Diospajllata ruranata munajpica Diospaj espiritutami charin ninchijmi.
Diospaj espirituta charijcuna cashunchij
15 ¿Ima shinataj Jesuspaj ejemplota cati tucunchij? 1 Corintios 2:16-pica “Cristopaj yuyaitami” charina canchij ninmi. Shinallataj Bibliapica “Cristo Jesús yuyashca shinallataj yuyaichij” ninmi (Filipenses 2:5, QC, 1989). Jesús shina cangapajca pai ima shina yuyashcata, imata rurashcatami alli yachana canchij. Jesuspajca paipaj Yayahuan alli apanacunami ashtahuan importante carca. Jesús shina cashpaca Diospajmanmi ashtahuan cꞌuchuyashun. Chaimantami Jesús shina yuyangapaj esforzarina canchij.
Bibliapi curita mashcaj shina mashcashunchij
it-2 pág. 886 párr. 5
Yachai
Cai pachapaj gentecunaca paicunapaj yachaihuanmi, Yaya Dios cushca Jesuspaj sacrificiotaca imapaj mana valijta laya pꞌiñarcacuna. Gobiernocuna alli mandanata yachajcuna cashpapish, “sumaj achij nicujmanta” caj Apunchijtaca caspipi huarcushpami huañuchircacuna (1Co 1:18, NM; 2:7, 8, NM). Pero Jehová Diosca paipaj munaita pajtachingapajca cai pacha pꞌiñashca “imapish mana caj”, “imata mana yachajmi” nishcacunatami agllarca. Chashnami cai mundopaj yachaicunaca yangalla cashcata ricuchirca. Shinallataj cai mundopi yachaj tucushca gentecunatami pingachirca (1Co 1:19-28). Apóstol Pabloca gentecunapaj yachaitaca mana huillarcachu, Diospaj Shimitami huillarca. Chaimantami corintios crijcunamanca: ‘Cai pachapaj yachanacuna, cai pachata mandajcunapaj yachanacunaca [...] chingarijllacunami’ nirca (1Co 2:6, 13). Colosas llajtapi causaj crijcunatapish Pabloca: “Riquichij yanga yachaicunahuan, ñaupamanta runacuna apamushca chushaj yuyaicunahuan, manapish Cristopaj caj, cai pacha yuyaicunahuanca pipish cancunataca ama umachun” nishpami advertirca [fi·lo·so·fí·as nishpaca, “yachaita cꞌuyana” nisha ninmi] (Col 2:8 versotaca, 20-23 versocunahuan comparai).
w08 15/7 pág. 27 párr. 6
Corintiocunaman quillcashca cartacunamanta alli yuyaicuna
2:3-5. Apóstol Pabloca Corinto llajtapi huillanaman rishpaca, chaipi causaj gentecuna chꞌican chꞌican costumbrecunata charishcata, panda yachachishcacunata caticushcatami ricurca. Chaita ricushpami Pabloca, ¿paicunaca Diosmanta yachasha ningacunachu? nishpa tapurishcanga. Paica manchaita charishpapish manchai mishachunca mana saquircachu. Ashtahuanpish Jehová Dios mingashcatami pajtachirca. Ñucanchijpish llaquicunata charishpaca chai llaquicuna mishachunca mana saquinachu canchij. Ashtahuanpish Dios mingashcata pajtachingapajmi paipaj ayudata mañana canchij. Chashnami Diospaj Gobiernomantaca huillashpa catishun.
Bibliata rezashunchij
25-31 DE MARZO
BIBLIAPI TIYAJ VALISHCA YUYAICUNA | 1 CORINTIOS 4-6
“Ashalla levaduraca tucui masatami pꞌunguichin”
it-2 pág. 212
Levadura
Apóstol Pablopish Corinto congregacionmanta huainayaj runata llujshichichun mandashpaca cai chꞌimbapuraitami churarca. Paica: “Ashalla levadura tucui masata pꞌunguillichij cashcataca yachanguichijllatajmi. Mushuj masa tucungapajca, ismushca levadurataca tucui pꞌichaichij. Ñucanchij Pascua, Cristo ñucanchijmanta ña sacrificashca cashcamantami, levadura illaj masa shina tucushcanguichij” nircami. Qꞌuipaca “levadura” imata nisha nishcata intindichingapajmi, “fiestataca, ama ismushca levadurahuan, ama millai yuyaihuan, ama ima mapa levadurahuan rurashunchij. Ashtahuanpish levadura illajlla tandahuan, mana nij tucushpalla, chuya shunguhuan rurashunchij” nirca (1Co 5:6-8). Judiocunaca Pascua fiestata rurashca qꞌuipaca levadura illajlla tandata rurana fiestatami rurajcuna carca. Chai fiesta punllacunapica levadurataca paicunapaj huasipi mana charinachu carcacuna. Chashnallatajmi Corinto congregacionpi caj millaita ruraj runataca llujshichina carcacuna. Ima shinami ashalla levadura tucui masata pꞌunguichin, chashnallatajmi juchata rurashpa mana arrepintirijta congregacionmanta mana llujchijpica tucuicuna Diospaj ñaupajpica mapa ricuri tucurcacuna. Apóstol Pabloca chaita alli intindichunmi cai versopica levaduramanta parlarca.
it-2 pág. 972
Satanás
“Paipaj aichata jatunta llaquichichun Satanasman cuichij” nishpaca ¿imatataj nisha nin?
Apóstol Pablo Corinto congregacionman cartata quillcashpaca, congregación ucupi caj runa paipaj yayapaj huarmihuan huainayashpa, millaita rurashpa causacujpica: “Chashna rurajtaca, paipaj aichata jatunta llaquichichun Satanasman cuichij” nircami (1Co 5:5). Caica shuj runata congregacionmanta llujchishpa, paihuan ña mana tandanacuna nishca shuj mandatomi can (1Co 5:13). Chai runata Satanasman cuichij nishpaca, congregacionman chai runa ña mana pertenecij cashcatami nicun. Cunanca Satanás mandacun mundopimi pailla cagrirca. Chai runaca tucui masapi o congregacionpi ashalla levadura shinami carca. Shinaca Diosta alli sirvijcunaca cai juchayuj personata congregacionmanta llujshichishpaca chai juchatami chingachin (1Co 5:6, 7). Shinallataj Himeneo, Alejandro runacunaca imata yachacushcata, alli concienciatapish mana valichishpami paicunapaj feta chingachircacuna. Chaimi apóstol Pabloca, “paicunataca Satanasman curcani” nirca (1Ti 1:20).
lvs pág. 241, nota
Congregacionmanta llujshichishcacunamanta
Maijancunaca juchata rurashcamanta mana arrepintirincunachu. Chashna rurashpaca Dios mandashca shina mana causasha nishcatami ricuchincuna. Chaimantami ancianocunaca congregacionmanta llujshichina can. Chashnami Diospaj shutipish, congregacionpish limpio catinga (1 Corintios 5:6). Shinallataj juchata ruraj arrepintirishpa cutin Jehovaman tigrachunmi congregacionmanta llujshichina minishtirin (Lucas 15:17). Congregacionmanta llujshichishcacunahuanca mana apanacunachu canchij, paicunahuan parlanatapish saquinami canchij (1 Corintios 5:11; 2 Juan 9-11).
▸ Capítulo 3, párrafo 19
Bibliapi curita mashcaj shina mashcashunchij
w09 15/5 pág. 24 párr. 16
Angelcunaca ‘Diospajta ruraj espiritucunami’
16 Bibliapica llaquicunahuan caj Diosta sirvijcunaca angelcunapaj ‘ricunami tucushcanchij’ ninmi (1 Cor. 4:9, NM). Paicunaca ñucanchij ruraicunata ricushpa, Diosta tucuipi cazujta ricushpaca achcatami cushicuncuna. Chashnallataj shuj juchayuj runa arrepintirishpa Jehová Diosman cutirijpica, achcatami contentarincuna (Luc. 15:10). Bibliaca: “Huarmica, cusa mandaj cashcata ricuchij señalta paipaj umapi charina. Angelcunamantapishmi umata taparina” can ninmi. Angelcunaca Diosta sirvij huarmicuna cai shimicunata pajtachichunmi ricuracun (1 Cor. 11:3, 10). Shinaca Diosta sirvij huarmicuna, cꞌaricunapish Jehová Diospaj organizacionpi churashca huauquicunata respetashpa, cazushpaca angelcunapajca alli ejemplomi cashun.
it-2 pág. 216
Ley
Angelcunaman cushca leycuna. Angelcunaca runacunata yallimi can. Paicunaca Diospaj mandashcacunata, leycunatami cazuncuna (Heb 1:7, 14; Sl 104:4). Jehová Diosca paipaj contra Satanastaca ordentami curca. Maicamalla rurai tucushcata nishpami mandarca (Job 1:12; 2:6). Angelcunata jatun mandaj o arcángel Miguelpish, Jatun Mandaj Jehová Diosta apoyashpa, respetashpami Diablohuan rimanacucushpaca: “Jatun Diosmi cantaca llaquichinga” nirca (Jud 9 versotaca Zac 3:2, NM versohuan comparai). Yaya Diosca Jesucristo tucui angelcunata mandachunmi churashca (Heb 1:6; 1Pe 3:22; Mt 13:41; 25:31; Flp 2:9-11). Jesús cachajpimi shuj angelca Juanman mensajeta huillanaman shamurca (Apo 1:1). Shinallataj 1 Corintios 6:3-pica apóstol Pabloca Jesucristopaj huauquicuna o ungidocunami angelcunataca juzganga nircami. Caica millai espiritucunata juzganapi paicuna participana cashcatami nicun.
Bibliata rezashunchij