MASALMO
BUKHU YAKUTOMA
(Masalmo 1-41)
1 Wakutsandzaya ndi munthu anakhonda kufamba munjira za anyakuipa,
Wakuti nkhabe kufamba munjira za anyakudawa,+
Pontho nkhabe kukhala na nsoka wa anyakusingirira.+
2 Mbwenye iye asakomerwa na mwambo wa Yahova,+
Pontho iye asaleri mwambo Wace mwakukhonda galuza* masiku na masikati.+
3 Iye anadzakhala ninga muti wakutcekwa nʼkhundu-nʼkhundu mwa madzi,
Muti wakuti usabala misapo ndzidzi wace ungafika,
Masamba ace nkhabe bunyala.
Pontho pinthu pyonsene pinacita iye pinadzanfambira mwadidi.+
4 Mbwenye anthu anacita pyakuipa nee ali tenepo;
Iwo akhala ninga mapwepwa a tirigu anamburuka na mphepo.
5 Na thangwi ineyi, anthu anacita pyakuipa anadzatongwa;+
Pontho anyakudawa nee anadzagumanika pakati pa anthu akulungama.+
6 Thangwi Yahova asadziwa njira za anthu akulungama,+
Mbwenye njira za anthu anacita pyakuipa nee zinadzaonekabve.+
2 Thangwi yanji anthu a madzindza anango asaipirwa
Pontho thangwi yanji anthu asanyerezera pinthu pyakusowa basa?+
3 Iwo asalonga: “Tendeni tisudzule nkhambala zidatimanga na iwo
Pontho tendeni titaye nkhambala zawo kutali na ife!”
4 Ule anakhala pa mpando wace waumambo kudzulu anadzaaseka;
Yahova anadzaasingirira.
5 Mu ndzidzi unoyu iye anadzalonga nawo mwakuipirwa
Pontho anadzaagopesa na ukali wace ukulu,
6 Mbalonga: “Ndakhazikisa mambo wanga,+
Pontho iye akutonga ku Sioni,+ phiri yanga yakucena.”
7 Ine ndinadzadziwisa pidalonga Yahova;
Iye alonga kuna ine: “Iwe ndiwe mwananga;+
Lero ine ndadzakhala babako.+
8 Iwe ungandiphemba, ine ndinadzakupasa madzindza ninga unthaka wako,
Pontho ndinadzakupasa dziko yonsene toera ikhale yako.+
10 Cincino imwe amambo, citani pinthu mwandzeru;
Imwe anyakutonga miseru a pa dziko yapantsi, tawirani kusandikwa.*
11 Gopani Yahova mbamuntumikira,
Pontho nʼgopeni mwakutsandzaya.
12 Lemedzani* mwana+ toera Mulungu* akhonde kuipirwa
Pontho toera mukhonde kufa,+
Thangwi Iye nkhabe nentsa kuipirwa.
Anyakutsandzaya ndi onsene anathawira kuna Iye.
Nyimbo ya Dhavidhi idaimba iye mu ndzidzi ukhathawa iye mwanace Abhisaloni.+
3 Yahova, thangwi yanji anyamalwa anga ndi akunjipa kakamwe?+
Thangwi yanji ananditcinga ndi azinji?+
2 Azinji asalonga tenepa thangwi ya ine:
“Mulungu nkhabe kudzampulumusa.”+ (Sela)*
3 Mbwenye imwe Yahova, ndimwe xango inanditsidzikiza mʼmakhundu onsene,+
4 Ine ndinadzacemera Yahova mwakugaluza,
Pontho iye anadzanditawira kubulukira paphiri yace yakucena.+ (Sela)
5 Ine ndinadzagona mbandiphatwa na citulo;
Mbwenye ndinadzalamuka mwakutsidzikizika,
Thangwi Yahova asapitiriza kunditsidzikiza.+
6 Ine nkhabe kugopa pikwi na pikwi pya anthu
Akuti andizungulira mʼmakhundu onsene.+
7 Lamukani Yahova! Ndipulumuseni,+ imwe Mulungu wanga!
Thangwi imwe munadzamenya anyamalwa anga onsene pa cidebvu;
Imwe munadzakhuca mano a anthu anacita pyakuipa.+
8 Cipulumuso cisabuluka kuna Yahova.+
Nkhombo zanu mbazikhale kuna mbumba yanu. (Sela)
Kuna nyakutsogolera nyimbo. Yakuimbwa na pyakuimba napyo pya nkhambala. Nyimbo ya Dhavidhi.
4 Ndingakucemerani, nditawireni imwe Mulungu wanga wakulungama.+
Ndifungulireni njira toera ndibuluke mu nyatwa zanga.
Ndibvereni ntsisi, pontho bveserani phembero yanga.
2 Imwe anthu,* kodi munapitiriza kukhonda kundilemedza mpaka lini?
Mpaka lini munapitiriza kufuna pinthu pyakusowa basa mbamusaka pinthu pyauthambi? (Sela)
3 Dziwani kuti Yahova asatsalakana munjira yakupambulika* anthu akukhulupirika kuna iye;
Yahova anandibvesera ndingancemera.
4 Mungaipirwa, lekani kudawa.+
Longani muntima mwanu, patalimba panu, pontho matamani. (Sela)
5 Perekani ntsembe zaulungami,
Pontho nyindirani Yahova.+
6 Azinji asalonga: “Mbani anafuna kudzatipangiza pinthu pyadidi?”
Yahova, timwanikireni na ceza ca nkhope yanu.+
7 Mwacitisa ntima wanga kukhala wakukomerwa kakamwe
Kupiringana kukomerwa kwa ale anabvuna pyakudya pizinji na vinyu ipswa izinji.
8 Ndinagona, pontho ndinaphatwa mwadidi na citulo,+
Thangwi imwe basi Yahova, ndimwe anandicitisa kukhala wakutsidzikizika.+
Kuna nyakutsogolera nyimbo; aphatisira Neiloti* toera kuiimba. Nyimbo ya Dhavidhi.
5 Imwe Yahova, bveserani mafala anga;+
Bvesesani kutsukwala kwanga.
2 Bveserani nʼkhuwo wanga wakuphemba ciphedzo,
Imwe Mambo wanga na Mulungu wanga, thangwi ndisacita phembero kuna imwe.
3 Yahova, namacibese munadzabva fala yanga;+
Namacibese ndinadzakupangani pinandidzudzumisa+ mbandidikhira ciphedzo canu.
4 Thangwi imwe ndimwe Mulungu wakuti nkhabe komerwa na pyakuipa;+
Imwe nkhabe kukhala na munthu anacita pyakuipa.+
5 Anthu onsene akudzikuza nkhabe kudzalimira pamaso panu.
Yahova asaida anthu auphanga na anthu ananyengeza andzawo.*+
7 Mbwenye ine ndinapita nʼnyumba mwanu+ thangwi ya ufuni wanu wakukhonda mala;+
Ine ndinadzagodama mbindiyangʼana ku templo yanu yakucena toera kupangiza kuti ndisakulemedzani kakamwe.+
8 Yahova, nditsogolereni mu ulungami wanu, thangwi anyamalwa anga andizungulira;
Ndiphedzeni toera ndifambe mwadidi munjira zanu.+
9 Pyonsene pinalonga iwo nkhabe nyindirika;
Mʼmitima mwawo asanyerezera pyakuipa basi;
Makholongo awo ndi ninga nthumbi zakufunguka;
Iwo asasimba mwaciphamaso na lirimi yawo.+
10 Mbwenye imwe Mulungu munadzaatonga;
Iwo anadzafa thangwi ya pinthu pyakuipa pinanyerezera iwo kucita.+
Ndaphata miyendo, athamangiseni thangwi yakunjipa kwa madawo awo,
Pontho iwo akusandukirani.
11 Mbwenye onsene anathawira kuna imwe anadzakhala akutsandzaya;+
Ndzidzi onsene iwo anadzakhuwa mwakukomerwa.
Imwe munadzaatsidzikiza,
Pontho ale anafuna dzina yanu anadzatsandzaya thangwi ya imwe.
12 Imwe Yahova munadzapasa nkhombo anthu akulungama;
Kukomerwa nawo kwanu kunadzakhala ninga xango ikulu yacitsidzikizo kuna iwo.+
Kuna nyakutsogolera nyimbo. Yakuimbwa na pyakuimba napyo pya nkhambala mbabulusa fala ya Seminiti.* Nyimbo ya Dhavidhi.
6 Yahova, lekani kundisandika mungaipirwa,
Pontho lekani kundilanga mungaipirwa.+
2 Ndibvereni ntsisi Yahova, thangwi mphambvu zanga zikumala.
Ndipaseni mphambvu Yahova,+ thangwi magogodo anga akudzadzamira.
3 Inde, ndiri wakutsukwala kakamwe,+
Pontho ndiri na mbvundzo kuna imwe Yahova: Nyatwa zanga zinapitiriza mpaka lini?+
6 Ndaneta kakamwe na nyatwa ziri na ine;+
Ndisaphuphudza mbandikatotesa talimba yanga na misozi;*
Talimba yanga isadzala na misozi.+
7 Maso anga nkhabe kuona mwadidi thangwi yakutsukwala kwanga;+
Maso anga akuona cidima* thangwi ya onsene ale anandithabusa.
8 Bulukani pana ine, imwe monsene munacita pyakuipa,
Thangwi Yahova anadzabva fala yakulira kwanga.+
9 Yahova anadzabva kudembetera kwanga;+
Yahova anadzatawira phembero yanga.
10 Anyamalwa anga onsene anadzapaswa manyadzo, pontho anadzatsukwala;
Mwakukhonda dikhira iwo anakhala na manyadzo mbabwerera.+
Nyimbo yaciliro ya Dhavidhi idaimba iye kuna Yahova thangwi ya mafala a Kusi wa dzindza ya Bhenjamini.
7 Yahova Mulungu wanga, ine ndisathawira kuna imwe.+
Ndipulumuseni kuna onsene ale ananditcinga.+
2 Mungakhonda kucita pyenepi, iwo anandikhwedzula ninga pinacita nkhalamu,+
Anandiphata mbandisowa munthu wakundipulumusa.
3 Yahova Mulungu wanga, khala ndacita cinthu cakuipa,
Khala ndacita pinthu mwakusowa ulungami,
4 Khala ndacita pyakuipa kuna ule adandicitira pyadidi,+
Peno khala mwakusowa mathangwi ndatapata pinthu pya nyamalwa wanga,*
5 Khala ndi tenepo, nyamalwa mbanditowerere mpaka kundiphata;*
Mbandigwise pantsi, pontho mbandipondeponde mpaka kufa,
Mbacitise mbiri yanga kuzambazika mu pfumbi. (Sela)
6 Lamukani mu ukali wanu Yahova;
Malisani kuipirwa kwa anyamalwa anga;+
Lamukani toera mundiphedze, pontho citisani kuti paoneke ulungami.+
7 Citisani kuti madzindza abwere nʼkhundu mwanu,
Mbamuatcunyusa kubulukira kudzulu.
8 Yahova anadzatonga madzindza.+
Imwe Yahova, nditongeni mwakubverana na ulungami wanga,
Pontho mwakubverana na kukhulupirika kwanga.+
9 Ndaphata miyendo, malisani pinthu pinacita anthu akuipa.
Mbwenye citisani kuti pinthu pifambe mwadidi kuna anthu akulungama.+
Thangwi imwe ndimwe Mulungu wakulungama,+ pontho musadinga ntima+ na mabvero ankati kakamwe.*+
10 Mulungu ndi xango yanga,+ pontho ndi Mpulumusi kuna ale ali na ntima wakulungama.+
11 Mulungu ndi Ntongi* wakulungama,+
Pontho ntsiku zonsene Mulungu asadziwisa anyakuipa pya kutonga kwace.
13 Iye anadzaphatisira pida pyace pyamphambvu;
Iye anadzaphatisira mapswimo ace a moto.+
14 Yangʼanani! Alipo anatomesa pinthu pyakuipa;
Iye asabala nyatwa na uthambi.+
15 Iye asakumba djenje mbaizikisa,
Mbwenye iye asagwera nʼdjenje idakumba iye.+
16 Nyatwa zidatomesa iye zinanʼgwera pontho pa nsolo pace;+
Makhaliro ace auphanga anabwera pontho kuna iye.
17 Ine ndinadzasimba Yahova thangwi yaulungami wace;+
Ndinadzaimba nyimbo toera kusimba dzina ya Yahova,+ Mulungu Wakudzulu Kakamwe.+
Kuna nyakutsogolera nyimbo; inalonga pya Jitite.* Nyimbo ya Dhavidhi.
8 Mbuyathu Yahova, dzina yanu ndi ikulu kakamwe pa dziko yonsene yapantsi;
Imwe mwacitisa mbiri yanu kukhala yakudzumisa kakamwe kupiringana kudzulu!*+
2 Thangwi ya anyamalwa anu,
Imwe mwacitisa kuti nkanwa mwa anangʼono na mwa akhombwani+ mukhale na mphambvu
Toera kumatamisa anthu anacita pyakuipa na ale anakutcingani.
3 Ndingayangʼana kudzulu, mbandiona mabasa a manja anu,*
Mwezi na nyenyezi zidacita imwe,+
4 Kodi munthu mbani toera munkumbuke,
Pontho mbani mwana wa munthu toera muntsalakane?+
5 Imwe mwancepesa pangʼono kupiringana aanju;
Imwe mwampasa mbiri na cilemedzo.
6 Imwe mwampasa mphambvu toera atonge mabasa a manja anu;+
Imwe mwaikha pyonsene pantsi pa manyalo ace:
7 Mabira onsene, mbuzi zonsene na ngʼombe zonsene,
Kuphatanizambo pinyama pya ntsanga,+
8 Mbalame zakudzulu na nyama za mʼbara,
Kuphatanizambo pyonsene pinafamba mʼbara.
9 Mbuyathu Yahova, dzina yanu ndi ikulu kakamwe pa dziko yonsene yapantsi!
Kuna nyakutsogolera nyimbo; inalonga pya Muti-Labheni.* Nyimbo ya Dhavidhi.
א [Alefi]
9 Yahova, ine ndinadzakusimbani na ntima wanga onsene;
Ndinadzadziwisa mabasa anu onsene akudzumisa.+
2 Ndinadzatsandzaya, mbandikomerwa thangwi ya imwe;
Ndinadzaimba toera kusimba dzina yanu, imwe Mulungu Wakudzulu Kakamwe.+
ב [Bheti]
3 Anyamalwa anga angabwerera nduli,+
Iwo anadzagwegweduka mbazambazika pamaso panu.
4 Thangwi imwe musanditsidzikiza na kundicitira ulungami;
Imwe mwakhala pa mpando wanu waumambo, mbamutonga mwaulungami.+
ג [Gimeli]
5 Imwe mwasandika madzindza+ mbamufudza anthu anacita pyakuipa,
Mbamufudza madzina awo kwenda na kwenda.
6 Anyamalwa amaliratu kufudzwa,
Imwe mwafudza mizinda yawo,
Pontho nkhabe anafuna longa pontho thangwi ya iwo.+
ה [He]
7 Mbwenye Yahova ali pa mpando wace waumambo kwenda na kwenda;+
Iye akhala pa mpando wace waumambo toera kukhazikisa ulungami.+
8 Iye anadzatonga dziko yonsene yapantsi mwaulungami;+
Iye anadzatonga madzindza mwakubverana na ulungami.+
ו [Vau]
9 Yahova anadzakhala mbuto yakuthawira yakutsidzikizika* kuna ale anapondererwa,+
Mbuto yakutsidzikizika toera kuthawira mʼmidzidzi ya nyatwa.+
ז [Zaine]
11 Imbani nyimbo zakusimba Yahova, ule anakhala ku Sioni;
Dziwisani mabasace kuna madzindza a anthu.+
12 Mulungu nkhabe kuduwala anthu adathabuswa, pontho iye anadzatcunyusa ale adaapha;+
Iye anadzakumbuka kulira kwawo.+
ח [Heti]
13 Ndibvereni ntsisi Yahova; onani nyatwa zinandibweresera ale anandiida,
Imwe wakuti mwandilamusa mʼmisuwo yakufa,+
14 Toera ine ndidziwise mabasa anu akuti athema kusimbwa mʼmisuwo mikulu ya nzinda* wa Sioni,+
Pontho toera nditsandzaye na mabasa anu acipulumuso.+
ט [Tete]
15 Madzindza agwera nʼdjenje idakumba iwo;
Miyendo yawo yamangika na nsampha udateya iwo.+
16 Yahova asadziwika na kutonga kwace.+
Anthu anacita pyakuipa amangika na mabasa a manja awo.+
Higayoni.* (Sela)
י [Yodhe]
17 Anyakudawa anadzabwerera, mbaenda Munthumbi,*
Madzindza onsene adaduwala Mulungu.
18 Mbwenye Mulungu nkhabe kudzaduwala anyakutcerenga;+
Pontho cidikhiro ca anthu akucepeseka cinadzakhala candimomwene.+
כ [Kafe]
19 Lamukani Yahova! Lekani kutawirisa kuti munthu akukundeni.
Tongani madzindza mwakubverana na pinacita iwo.+
20 Imwe Yahova, acitiseni kuti akhale akugopa,+
Pontho citisani madzindza toera adziwe kuti iwo ndi anthu akusowa basa. (Sela)
ל [Lamedhi]
10 Yahova, thangwi yanji imwe muli kutali kakamwe?
Thangwi yanji imwe musabisala mʼmidzidzi ya nyatwa?+
2 Nyakucita pyakuipa asatcinga anthu akusowa citsidzikizo thangwi yakudzikuza kwace,+
Mbwenye iye anadzaphatwa na misampha inanyerezera iye.+
3 Thangwi nyakucita pyakuipa asagaya na pifuno pyace+
Pontho asapasa nkhombo ule anafuna pyonsene;*
נ [Nuni]
Iye nkhabe lemedza Yahova.
4 Thangwi yakudzikuza kwace, ule anacita pyakuipa nkhabe kusaka Mulungu;
Ndzidzi onsene iye asalonga: “Nkhabeko Mulungu.”+
5 Pyonsene pinacita iye pisanfambira mwadidi,+
Iye nkhabe kubvesesa matongero anu thangwi ali padzulu kakamwe;+
Iye asasingirira anyamalwa ace onsene.
פ [Pe]
7 Nkanwa mwace mwadzala na mafala akuipa, authambi na akuthusa;+
Iye asaphatisira lirimi yace toera kulonga mafala akutikana na akupasa dzedze.+
8 Iye asabisalira anthu dhuzi na mamidzi;
Pa mbuto ineyi iye asapha anthu akusowa mulando.+
ע [Ayine]
Maso ace asasaka munthu wakusowa citsidzikizo.+
9 Iye asadikhira pa mbuto yace yakubisalira ninga pinacita nkhalamu.+
Iye asadikhira toera kuphata nyakusowa ciphedzo.
Pa nsampha wace iye asaphata nyakusowa ciphedzo.+
10 Ule anaphatwa asathabuswa mbagwiswa pantsi;
Anyakusowa citsidzikizo asagwera mʼmisampha yace.
11 Iye asalonga muntima mwace: “Mulungu nee asapikumbukabve.+
Iye azungunusa nkhope yace.
Nkhabe cinaona iye.”+
ק [Kofe]
12 Lamukani Yahova.+ Mulungu wanga, pangizani mphambvu zanu.+
Lekani kuduwala anthu akusowa ciphedzo.+
13 Thangwi yanji nyakucita pyakuipa nkhabe lemedza Mulungu?
Iye asalonga muntima mwace: “Imwe nkhabe kudzanditonga.”
ר [Rexi]
14 Imwe musaona ale anacitisa anthu kuthabuka na kutamba nyatwa.
Imwe musaona mbamucita pinthu thangwi ya pyenepi.+
ש [Xini]
15 Khumulani nkono wa nyakucita pyakuipa na wa nsumankha,+
Mungasaka pinthu pyakuipa pinacita iye,
Nee munadzapionabve.
16 Yahova ndi Mambo wakwenda na kwenda.+
Madzindza a anthu azambazika pa dziko yapantsi.+
ת [Tau]
17 Mbwenye imwe Yahova, munadzabva phembo ya anthu akucepeseka.+
Imwe munadzakhunganya mitima yawo,+ pontho munadzaatsalakana mwadidi.+
18 Imwe munadzapangiza ulungami kuna ana aumphawi na ale anathabuswa,+
Toera akhonde pontho kugopeswa na anthu adacitwa na pfumbi.+
Kuna nyakutsogolera nyimbo. Nyimbo ya Dhavidhi.
11 Ine ndathawira kuna Yahova.+
Mphapo thangwi yanji musandipanga kuti:
“Thawira kuphiri ninga pinacita mbalame!
2 Onani anyakuipa asakhunganya mauta awo;
Iwo asaikha mapswimo pa nkhambala za mauta,
Toera mu ndzidzi unakhala iwo pa cidima alase anthu akulungama.
3 Ungasoweka ulungami, pontho anthu angakhonda kulemedza miyambo,
Kodi munthu wakulungama anacitanji?”
4 Yahova ali mu templo yace yakucena.+
Mpando waumambo wa Yahova uli kudzulu.+
Maso ace asaona, maso ace asadinga mwadidi ana a anthu.+
6 Kuna anyakuipa, iye anaabvumbisira misampha;*
Moto, enxofre+ na mphepo yakupisa inadzakhala khundu inafuna iwo kutambira.
7 Yahova ndi wakulungama,+ iye asafuna pinthu pyakulungama.+
Anthu akulungama anadzakhala akutawirika kuna iye.*+
Kuna nyakutsogolera nyimbo. Yakuimbwa na fala ya Seminiti.* Nyimbo ya Dhavidhi.
12 Ndipulumuseni Yahova, thangwi nkhabepobve munthu wakukhulupirika;
Anyakukhulupirika azambazika pakati pa anthu.
2 Asalonga uthambi kuna unango na ndzace;
Iwo asasimba mwaciphamaso na milomo yawo, pontho asacita pinthu mwaumpfakafaka.*+
3 Yahova anadzagwanda milomo yonsene inasimba mwaciphamaso
Na lirimi inalonga mwakudzikuza,+
4 Ale analonga: “Tinawina thangwi ya malirimi athu.
Tinalonga na milomo yathu ninga munafunira ife; Mbani anafuna kutitonga?”+
5 Yahova alonga: “Thangwi yakupondererwa kwa anthu anatamba nyatwa,
Thangwi ya kulira kwa anthu akutcerenga,+
Ndinalamuka toera kucita pinthu.
Ndinadzaapulumusa mʼmanja mwa ale anaatsalakana mwakuipa.”
6 Mafala a Yahova ndi akucena;+
Ndi ninga parata idanyunguluswa mu forno* ya dongo mbiceneswa kanomwe.
7 Yahova, imwe munaakoya;+
Imwe munatsidzikiza mʼbodzi na mʼbodzi wa iwo kutomera ubalwi uyu mpaka kwenda na kwenda.
8 Anthu anacita pyakuipa asafamba mʼmbuto zonsene mwaufulu
Thangwi ana a anthu asaphedzera pinthu pyakuipa.+
Kuna nyakutsogolera nyimbo. Nyimbo ya Dhavidhi.
13 Yahova, mpaka lini imwe munadzandiduwala? Kwenda na kwenda?
Munadzandibisira nkhope yanu mpaka lini?+
2 Ndinadzudzumika na nyatwa zanga mpaka lini,
Mbanditsukwala muntima mwanga ntsiku zonsene?
Nyamalwa wanga anapitiriza kundikunda mpaka lini?+
3 Ndiyangʼaneni, pontho nditawireni imwe Yahova Mulungu wanga.
Mwanikirani maso anga toera ndikhonde kufa,*
4 Toera nyamalwa wanga akhonde kulonga: “Ndankunda!”
Lekani kutawirisa anyamalwa anga atsandzaye pakukundwa kwanga.+
5 Mbwenye ine ndisanyindira ufuni wanu wakukhonda mala;+
Ntima wanga unadzatsandzaya mungandipulumusa.+
6 Ndinaimbira Yahova thangwi ya udidi unandicitira iye.*+
Kuna nyakutsogolera nyimbo. Nyimbo ya Dhavidhi.
14 Anthu akusowa ndzeru* asalonga mʼmitima mwawo:
“Yahova nee alipo.”+
Pinacita iwo ndi pyakuipa, pontho makhaliro awo ndi akunyanyasa;
Nee mʼbodzi wa iwo asacita pinthu pyadidi.+
2 Mbwenye kubulukira kudzulu, Yahova asayangʼana anthu pa dziko yapantsi
Toera kuona khala alipo munthu wakubvesesa, khala alipo munthu anasaka Yahova.+
3 Onsene asiya kucita pinthu pyadidi;+
Onsene nkhabe kunyindirika.
Nkhabepo anacita pinthu pyadidi,
Nee mʼbodzi.
4 Kodi mwa ale anacita pinthu pyakuipa, nkhabe anabvesesa?
Iwo asafudza mbumba ya Mulungu mwakukhonda nentsa ninga pinacita iwo angadya nkate.
Iwo nee asacemera Yahova.
6 Imwe anyakuipa, musayesera kupingiza pinanyerezera munthu wakucepeseka toera kucita,
Mbwenye Yahova ndi pakuthawira pace.+
7 Cipulumuso ca Izraeli mbacibwere buluka ku Sioni!+
Yahova angabweresa mbumba yace buluka ku ubitcu,
Yakobe mbakomerwe, Izraeli mbatsandzaye.
Nyimbo ya Dhavidhi.
15 Yahova, mbani anafuna khala mulendo panyumba* panu?
Mbani anafuna kukhala paphiri yanu yakucena?+
2 Ndi ule anafamba mwakukhulupirika,*+
Wakuti asacita pinthu pyadidi+
Pontho asalonga undimomwene muntima mwace.+
3 Iye nkhabe longa psweda na lirimi yace,+
Iye nkhabe kucitira ndzace pyakuipa,+
Pontho iye nkhabe kulonga mwakuipa axamwali ace.+
Iye asakwanirisa mapikiro ace, maseze mapikiro anewa amʼbweresere nyatwa.+
5 Iye nkhabe kubwerekesa kobiri yace toera abwezerwe na juru,+
Pontho iye nkhabe kudyekerwa toera kukonesa munthu wakusowa mulando.+
Iye nkhabe kudzudzumika* mu pyonsene pinacita iye.+
Nyimbo* ya Dhavidhi.
16 Nditsidzikizeni Mulungu, thangwi ine ndathawira kuna imwe.+
2 Ine ndapanga Yahova: “Mu umaso wanga, pinthu pyonsene pyadidi pisabuluka kuna imwe Yahova.
4 Ale anasaka alungu anango asathimizira nyatwa zawo.+
5 Yahova ndi khundu ya unthaka wanga+ na khomitco yanga.+
Imwe musakoya mwadidi unthaka wanga.
6 Pidandipimira imwe toera kundipasa ninga unthaka wanga ndi pyakutsandzayisa.
Inde, ine ndiri wakukomerwa na unthaka wanga.+
7 Ndinadzasimba Yahova wakuti asandipasa uphungu.+
Ngakhale namasiku manyerezero anga* asandisandika.+
8 Ndzidzi onsene ndisaikha Yahova patsogolo panga.+
Thangwi iye ali kunkono wanga wamadyo, ine cipo ndinagwa.*+
9 Na thangwi ineyi, ntima wanga ukutsandzaya, pontho ine ndiri wakutsandzaya kakamwe.*
Ine ndisakhala mwakutsidzikizika.
10 Thangwi imwe nee munadzandisiya* Munthumbi.*+
Imwe nee munadzatawirisa kuti ntumiki wanu wakukhulupirika aone djenje.*+
11 Imwe mwandidziwisa njira inatsogolera ku umaso.+
Ule anakhala pamaso panu, asakhala wakutsandzaya kakamwe;+
Ule ali kunkono wanu wamadyo asakhala wakutsandzaya kwenda na kwenda.
Phembero ya Dhavidhi.
17 Yahova, bveserani kudembetera kwanga toera kuphemba ulungami;
Bveserani nʼkhuwo wanga wakuphemba ciphedzo;
Bveserani phembero yanga yakubulukira pantsi pantima.+
2 Citani cisankhulo cadidi toera kundiphedza;+
Maso anu mbaone pinthu pyadidi.
3 Imwe musadinga ntima wanga, ngakhale namasiku;+
Imwe mwandicenesa;+
Imwe munadzaona kuti nee ndanyerezera kucita cinthu cakuipa,
Pontho mulomo wanga nee wadawa.
4 Ine nkhabe kutowezera njira za ale anacita pyauphanga ninga pinacita azinji,+
Thangwi ndabvera mafala adalonga imwe.
5 Ndiphedzeni toera ndipitirize kufamba munjira zanu
Toera miyendo yanga ikhonde kugwegweduka.+
6 Ndisakucemerani imwe Mulungu, thangwi ndisadziwa kuti munanditawira.+
Kotamani* toera mundibvesere. Bveserani mafala anga.+
7 Pangizani ufuni wanu wakukhonda mala munjira yakudzumisa,+
Imwe Mpulumusi wa ale anathawira kunkono wanu wamadyo
Kubuluka kuna ale adakusandukirani.
9 Ndipulumuseni kuna nyakucita pyakuipa anafuna kundimenya,
Kuna anyamalwa anga adandizungulira toera kundipha.+
10 Iwo nkhabe kubvera ntsisi;
Iwo asalonga mwakudzikuza na milomo yawo;
11 Cincino iwo asatizungulira;+
Iwo asasaka njira toera kutigwisa.*
12 Iye akhala ninga nkhalamu yakuti isafuna kakamwe kudya nyama idaphata iyo,
Ninga nkhalamu ingʼono idabisalira cinthu.
13 Lamukani Yahova, ndokoni kuna iye+ toera munfudze;
Ndipulumuseni na supada yanu kuna nyakucita pyakuipa;
14 Yahova, ndipulumuseni na djanja yanu,
Kwa anthu a dziko ino,* akuti unthaka wawo ndi wa umaso uno basi,+
Ale akuti musaapasa pinthu pizinji pyadidi,+
Pontho ale anasiya unthaka kuna anawo azinji.
15 Mbwenye ine ndisacita pinthu pyadidi; na thangwi ineyi, ndine wakutawirika kuna imwe;
Ine ndisatsandzaya ndingalamuka mbandidziwa kuti imwe muli na ine.+
Kuna nyakutsogolera nyimbo. Nyimbo ya Dhavidhi wakuti ndi ntumiki wa Yahova, ule adaimbira Yahova mafala a nyimbo ino pa ntsiku idapulumuswa iye na Yahova mʼmanja mwa anyamalwa ace onsene na mʼmanja mwa Sauli. Iye alonga:+
18 Ine ndisakufunani, imwe Yahova, mphambvu yanga.+
2 Yahova ndi mwala wanga, citsidzikizo canga na mpulumusi wanga.+
Mulungu ndi mwala wanga,+ kule kunathawira ine;
Iye ndi xango yanga na mpulumusi wanga wamphambvu,* pakuthawira panga pakutsidzikizika.*+
3 Ndiri kucemera Yahova, wakuti athema kusimbwa,
Pontho ine ndinadzapulumuswa mʼmanja mwa anyamalwa anga.+
4 Nkhambala zinabweresa kufa zandizungulira;+
Amuna akuipa ninga nkulo wakudzala na madzi andithusa.+
6 Mu nyatwa zanga ine ndacemera Yahova,
Ndapitiriza kuphemba ciphedzo kuna Mulungu wanga.
Iye abva fala yanga kubulukira mu templo yace,+
Pontho makutu ace abva nʼkhuwo wanga wakuphemba ciphedzo.+
7 Buluka penepo, dziko yapantsi yatoma kutekenyeka mbitetemera;+
Pinthu pinalikhisa mapiri pyatekenyeka
Pontho pyasukusika thangwi iye akhadaipirwa.+
8 Mʼmphuno mwace mwabuluka utci,
Pontho nkanwa mwace mwabuluka moto wakufudza;+
Mwa iye mwabuluka makala a moto.
10 Iye akwira kerubhi mbabwera nakumburuka.+
Iye abwera mwakucimbiza kakamwe mʼmaphapido a anju.*+
11 Buluka penepo iye aphimbirika na cidima,+
Mbacikhala ninga nsasa nʼkhundu mwace monsene,
Pakhali madzi a cidima na makole akupswipa.+
12 Pa ceza cikhali patsogolo pace
Pabuluka matalala na makala a moto mʼmakole.
13 Buluka penepo Yahova atoma kudhima kudzulu;+
Mulungu Wankulu Kakamwe acitisa kuti fala yace ibveke.+
Na miyala mikulu ya matalala na makala a moto.
15 Mule munapita na madzi mwaoneka pakweca;+
Padatoma dziko yapantsi paoneka thangwi ya kusandika kwanu, imwe Yahova,
Pontho thangwi ya mphambvu ya muya unabuluka mʼmphuno mwanu.+
16 Iye afuthula djanja yace bulukira kudzulu;
Iye andiphata mbandibulusa mʼmadzi akuzika.+
17 Iye andipulumusa mʼmanja mwa nyamalwa wanga wamphambvu,+
Andipulumusa kuna ale akhandiida, akuti akhali amphambvu kupiringana ine.+
18 Iwo abwera kuna ine pa ntsiku ya nyatwa zanga,+
Mbwenye Yahova andiphedza.
20 Yahova asandipasa nkhombo mwakubverana na ulungami wanga;+
21 Thangwi ine ndisapitiriza kufamba munjira za Yahova,
Pontho ine nee ndacita cinthu cakuipa, cakuti ndi kusiya Mulungu wanga.
22 Matongero ace onsene ali mʼmanyerezero mwanga;
Ine nee ndinapwaza mitemo yace.
24 Yahova mbandipase nkhombo mwakubverana na ulungami wanga,+
Pontho mwakubverana na kusowa kwanga mulando pamaso pace.+
25 Kuna munthu wakukhulupirika, imwe musacita pinthu mwakukhulupirika;+
Kuna munthu wakusowa mulando, imwe musantsalakana mwakusowa mulando;+
26 Kuna anthu akucena, musapangiza kuti ndimwe wakucena,+
Mbwenye kuna anyakunyengeza, imwe nkhabe nyengezwa.+
28 Thangwi ndimwe Yahova anandigasira nyale yanga;
Mulungu wanga asandimwanikira ndingakhala ncidima.+
29 Na ciphedzo canu, ine ndinakwanisa kumenyana na nsoka wa anyakutapata;+
Na mphambvu za Mulungu, ine ndinakwanisa kukwira mpanda.+
Iye ndi xango kuna onsene anathawira kuna iye.+
31 Mbani Mulungu kusiyapo Yahova?+
Pontho mbani mwala kusiyapo Mulungu wathu?+
33 Iye asacitisa miyendo yanga kukhala ninga ya mbawala;
Iye asandicitisa kulimira mʼmbuto za padzulu.+
34 Iye asapfundzisa manja anga toera kumenya nkhondo;
Mikono yanga inakwanisa kukunga uta wa nkuwa.
35 Imwe musandipasa xango yanu yacipulumuso,+
Djanja yanu yamadyo isandiphedza,*
Pontho kucepeseka kwanu kusandikuza.+
37 Ndinadzatowera anyamalwa anga mpaka kuagumana;
Ine nee ndinadzabwerera mpaka kuapha onsene.
38 Ine ndinadzaanyedza toera iwo akhonde kulamuka;+
Iwo anadzagwa pantsi mbandiaponda.
39 Imwe munadzandipasa mphambvu toera kumenya nkhondo;
Munadzagwisa anyamalwa anga pamaso panga.+
41 Iwo asaphemba ciphedzo, mbwenye nkhabepo anafuna kuapulumusa;
Asaphemba Yahova, mbwenye iye nkhabe kuatawira.
42 Ine ndinadzaapeya mpaka kukhala ninga pfumbi inamburuswa na mphepo;
Ndinadzaataya ninga matope a mʼmiseu.
43 Imwe munadzandipulumusa mʼmanja mwa anthu a mbumba yanga angandipambizira.+
Munadzandikhazikisa toera ndikhale ntsogoleri wa madzindza;+
Ndinadzatumikirwa na mbumba inakhonda ine kudziwa.+
44 Basi ene angabva pya ine, iwo anandibvera.
Anthu a dziko inango anadzandigodamira thangwi yakugopa.+
45 Anthu a dziko inango anadzaluza cipapo;*
Iwo anadzabwera mbakatetemera buluka mʼmbuto zawo za citsidzikizo.
46 Yahova ali mʼmaso! Mbusimbwe Mwala wanga!+
Mbakuzwe Mulungu wacipulumuso canga.+
47 Mulungu wandimomwene asabwezera pyakuipa anyamalwa anga;+
Iye asacitisa kuti anthu akhale pantsi pa manyalo anga.
48 Iye asandipulumusa mʼmanja mwa anyamalwa anga akuipirwa.
Imwe musandiikha padzulu pa ale anamenyana na ine;+
Musandipulumusa mʼmanja mwa munthu wakuipa.
49 Na thangwi ineyi, ine ndinadzakupasani mbiri imwe Yahova pakati pa madzindza,+
Pontho ine ndinaimba nyimbo zakusimba dzina yanu.+
50 Iye asacita pinthu pizinji toera kupulumusa mambo wace;+
Iye asapangiza ufuni wakukhonda mala kuna nyakudzodzwa wace,+
Kuna nyakutsogolera nyimbo. Nyimbo ya Dhavidhi.
2 Ntsiku na ntsiku kudzulu kusabuluka mafala,
Pontho ntsiku zonsene namasiku kusapangiza udziwisi.
3 Kudzulu nkhabe longa, pontho nkhabeko mafala;
Kudzulu nkhabe kubveka fala.
4 Mbwenye kudzulu kusapereka umboni* pa dziko yonsene yapantsi,
Pontho mphangwa zakudzulu zafika mʼmbuto zakutali kakamwe za pa dziko yapantsi.+
Kudzulu iye acita nsasa toera dzuwa ikhalemo;
5 Iyo isakhala ninga mankhadzi wakuti amala kwene kumanga banja akubuluka nkwartu;
Iyo isakomerwa ninga mamuna wamphambvu anathamanga mu nseu.
6 Dzuwa isabuluka kunkhomo ibodzi yakudzulu,
Pontho isazungulira mpaka kunkhomo inango;+
Nkhabe mbuto inakhonda kufika kupisa kwayo.
7 Mwambo wa Yahova ndi waungwiro,+ usacitisa munthu kukhala pontho na mphambvu.+
Mitemo ya Yahova ndi yakunyindirika,+ isacitisa munthu wakusowa maluso kukhala waudziwisi.+
8 Matongero a Yahova ndi akulungama, asacitisa ntima kukhala wakutsandzaya;+
Pitsogolero pya Yahova ndi pyakucena, pisacitisa maso kuyetimira.+
9 Kugopa Yahova ndi kwadidi,+ kusakhala kwenda na kwenda.
Njira zinaphatisira Yahova toera kutonga ndi zandimomwene, zakulungama mʼmakhundu onsene.+
10 Njira zace zakutonga ndi zadidi kakamwe kupiringana ouro,+
Kupiringana ouro yadidi kakamwe;
Zisatapira kakamwe kupiringana uci,+ ule unadjodja mʼmakhana.
12 Mbani anakwanisa kudzindikira madodo ace?+
Ndilekerereni madawo adacita ine mwakukhonda dziwa.
13 Lekani kunditawirisa kucita pinthu mwakudzikuza;+
Lekani kutawirisa kuti pinthu pyenepi pindikunde.+
Penepo ndinadzakhala wakusowa mulando,+
Pontho ndinadzakhala wakusowa madawo mazinji.
14 Mafala anabuluka pamulomo panga na pinanyerezera ntima wanga
Mbapikhale pyakutsandzayisa kuna imwe+ Yahova, Mwala wanga+ na Mpulumusi wanga.+
Kuna nyakutsogolera nyimbo. Nyimbo ya Dhavidhi.
20 Yahova mbatawire maphembero anu mʼmidzidzi ya nyatwa.
Dzina ya Mulungu wa Yakobe mbikutsidzikizeni.+
3 Iye mbakumbuke ntsembe zonsene zidapereka imwe;
Pontho mbatambire mwakukomerwa* ntsembe zanu zakupiswa. (Sela)
4 Iye mbakupaseni pinthu pinafuna ntima wanu+
Pontho iye mbacitise kuti pyonsene pinanyerezera imwe pifambe* mwadidi.
5 Ife tinadzakhuwa mwakukomerwa thangwi imwe mwatipulumusa;+
Ife tinadzalamusa pidzindikiro toera kulemedza dzina ya Mulungu wathu.+
Yahova mbatawire pyonsene pinamʼphemba imwe.
6 Cincino ndisadziwa kuti Yahova asapulumusa nyakudzodzwa wace.+
Iye asantawira kubulukira kudzulu ku mbuto yace yakucena
Pontho iye asampulumusa* na djanja yace yamphambvu ya nkono wamadyo.+
7 Anango asanyindira ngolo za nkhondo, anango makavalo,+
Mbwenye ife tisanyindira dzina ya Yahova Mulungu wathu.+
8 Iwo agwegweduka mbagwa,
Mbwenye ife talamuka mbitikhala dzololo.+
9 Yahova, pulumusani mambo!+
Iye anadzatitawira pa ntsiku inafuna ife ciphedzo.+
Kuna nyakutsogolera nyimbo. Nyimbo ya Dhavidhi.
21 Yahova, mambo asatsandzaya thangwi ya mphambvu zanu;+
Pontho iye asatsandzaya kakamwe thangwi ya cipulumuso canu!+
2 Imwe mwampasa pinafuna ntima wace,+
Pontho nee mwanʼkhondera phembo idacita iye na mulomo wace. (Sela)
3 Imwe mwaenda kuna iye mbamumpasa nkhombo zizinji;
Mwambvazika munsolo mwace nthimba ya ouro yadidi kakamwe.+
4 Iye akuphembani umaso, pontho imwe mwampasa,+
Umaso wa ndzidzi uzinji,* wakwenda na kwenda, na wakukhonda mala.
5 Mbiri yace ndi ikulu thangwi imwe mwampulumusa,+
Imwe mwampasa cilemedzo na mbiri.
6 Imwe mwancitisa kuti apaswe nkhombo kwenda na kwenda;+
7 Thangwi mambo asanyindira Yahova;+
Thangwi ya ufuni wakukhonda mala wa Mulungu Wakudzulu Kakamwe, iye cipo anadzagwa.*+
8 Djanja yanu inadzaphata anyamalwa anu onsene;
Djanja yanu yamadyo inadzaphata onsene anakuidani.
9 Pa ndzidzi wakuonekera kwanu, imwe munadzaafudza ninga munafudzika pinthu pidaponywa pa moto.
Yahova angaipirwa anadzaameza, pontho moto unadzaapisa.+
10 Imwe munadzafudza dzindza* yawo pa dziko yapantsi,
Pabodzi na anawo pakati pa ana a anthu.
11 Thangwi iwo ayesera kukucitirani pyakuipa;+
Iwo abverana kucita pinthu pyakuti nee pinafamba mwadidi.+
13 Lamukani Yahova, pontho pangizani mphambvu zanu.
Thangwi ya mphambvu zanu, ife tinadzaimba nyimbo za kukusimbani.
Kuna nyakutsogolera nyimbo; inalonga pya “Mbawala Ikazi ya Mʼbambakuca.”* Nyimbo ya Dhavidhi.
22 Mulungu wanga, Mulungu wanga, thangwi yanji mwandisiya?+
Thangwi yanji nee mwabwera kudzandipulumusa,
Thangwi yanji nee mwabva nʼkhuwo wa kubulira kwanga?+
2 Mulungu wanga, ine ndisakucemerani namasikati, mbwenye imwe nkhabe kunditawira;+
Ngakhale namasiku, ine ndisapitiriza kukucemerani.
5 Iwo akhakhuwa kuna imwe, pontho akhapulumuswa;
8 “Iye aperekeka kuna Yahova. Natenepa Iye mbampulumuse!
Nakuti Mulungu akomerwa naye, Iye mbampulumuse!”+
9 Ndimwe adandibulusa mʼmimba mwa mai wanga,+
Imwe mwanditsidzikiza mu ndzidzi ukhandiyamwisa mai wanga.
10 Kutomera ntsiku idabalwa ine, ndaperekwa mʼmanja mwanu toera munditsalakane;
Imwe ndimwe Mulungu wanga kutomera ndzidzi ukhali ine mʼmimba mwa mai wanga.
11 Lekani kukhala kutali na ine, thangwi nyatwa ziri dhuzi+
Pontho nkhabe munthu unango toera kundiphedza.+
13 Izo zisafungula milomo yazo toera kundidya,+
Ninga nkhalamu yakulira yakuti isakhwedzula nyama idaphata iyo.+
14 Ine ndathirirwa pantsi ninga madzi;
Magogodo anga onsene amala lekana-lekana.
15 Ine nkhabebve mphambvu, basi ene ndasala ninga dzinga;+
Lirimi yanga yaphatirira nkanwa mwanga;+
Imwe mwandibweresa nʼdjenje toera ndife.+
16 Thangwi anambwa andizungulira;+
Iwo andizungulira ninga pinacita nsoka wa mapanga,+
Ninga nkhalamu, iwo akuluma manja anga na manyalo anga.+
17 Ine ndinakwanisa kulengesa magogodo anga onsene.+
Anyamalwa anga asandiona, mbapitiriza kundiyangʼana.
19 Mbwenye imwe Yahova, lekani kukhala kutali na ine.+
Imwe ndimwe mphambvu yanga, bwerani mudzandiphedze mwakucimbiza.+
20 Ndipulumuseni toera ndikhonde kuphiwa na supada,
Pulumusani umaso wanga wakufunika kakamwe* mʼmanyalo* mwa anambwa;+
21 Ndipulumuseni nkanwa mwa nkhalamu,+ pontho toera ndikhonde kulaswa na nyanga za nyati;
Nditawireni, pontho ndipulumuseni.
23 Imwe anagopa Yahova, nsimbeni!
Imwe monsene a dzindza* ya Yakobe, mpaseni mbiri!+
Mulemedzeni imwe monsene a dzindza* ya Izraeli.
24 Iye nee afunga maso ace toera akhonde kuona kuthabuka kwa munthu anapondererwa;+
Iye nee amʼbisira nkhope yace.+
Pidakhuwa iye toera kuphemba ciphedzo, iye amubva.+
25 Ndinakusimbani mu mpingo ukulu;+
Ndinadzakwanirisa mapikiro anga pamaso pa ale anakugopani.
Khalani na umaso* kwenda na kwenda.
27 Anthu onsene pa dziko yonsene yapantsi anadzakumbuka Yahova mbabwerera kuna iye.
Misoka yonsene ya madzindza inadzagodama pamaso panu.+
28 Yahova ndi Mambo;+
Iye asatonga madzindza onsene.
29 Anthu onsene akupfuma* pa dziko yapantsi anadzadya mbanʼgodamira;
Onsene ale anaenda kupfumbi anadzagodama pamaso pace;
Nee mʼbodzi wa iwo anakwanisa kupulumusa umaso wace.
30 Dzindza* yawo inadzantumikira;
Ubalwi wantsogolo unadzapangwa pya Yahova.
31 Iwo anadzalonga pya mabasace akulungama.
Iwo anadzalonga pinthu pinacita iye kuna anthu anafuna kubalwa.
Nyimbo ya Dhavidhi.
23 Yahova ndi Nkumbizi wanga.+
Nee ndinasowa cinthu.+
2 Iye asandiendesa ku mbuto yakuti iri na thongwe* yadidi;
Asanditsogolera toera kuenda kapuma ku mbuto yakuti iri na madzi.*+
Asanditsogolera munjira zaulungami thangwi ya dzina yace.+
4 Maseze ndifambe nʼgowa ya cidima cikulu,+
Nee ndinagopa cinthu,+
Thangwi imwe muli na ine;+
Mpswimbo yanu na ndodo yanu pisanditsidzikiza.*
5 Musandikhunganyira phwando pamaso pa anyamalwa anga.+
6 Mwandimomwene, udidi wanu na ufuni wanu unakhala na ine ntsiku zonsene za umaso wanga,+
Pontho ine ndinadzakhala nʼnyumba mwa Yahova mu umaso wanga onsene.+
Nyimbo ya Dhavidhi.
24 Dziko na pinthu pyonsene piri mwenemu ndi pya Yahova,+
Mataka pabodzi na pyonsene pinakhala penepo ndi pyace.
2 Iye alikhisa mwadidi dziko yapantsi padzulu pa bara,+
Pontho aikhazikisa mwakuwanga padzulu pa mikulo.
3 Mbani anafuna kukwira paphiri ya Yahova,+
Pontho mbani anafuna kulimira pa mbuto yace yakucena?
4 Ndi munthu ule wakuti nkhabe kucita pyakuipa, pontho ntima wace ndi wakucena,+
Ule wakuti nee adumbira mwauthambi mu dzina Yanga,*
Peno kucita dumbiro toera kunyengeza.+
5 Iye anadzapaswa nkhombo na Yahova+
Pontho anadzaoniwa ninga munthu wakulungama* na Mulungu mpulumusi wathu.+
6 Unoyu ndi ubalwi wa ale anansaka,
Ale anawangisira toera kukhala akutawirika kuna Mulungu wa Yakobe. (Sela)
7 Imwe misuwo mikulu, lamusani misolo yanu;+
Imwe misuwo yakale, fungukani,*
Toera Mambo wa mbiri apite!+
8 Mbani Mambo unoyu wa mbiri?
9 Imwe misuwo mikulu, lamusani misolo yanu;+
Imwe misuwo yakale, fungukani,
Toera Mambo wa mbiri apite!
10 Iye mbani, mbani Mambo unoyu wa mbiri?
Yahova wa anyankhondo ndi mambo wa mbiri.+ (Sela)
Nyimbo ya Dhavidhi.
א [Alefi]
25 Ine ndaperekeka kuna imwe Yahova.
ב [Bheti]
Lekani kutawirisa kuti anyamalwa anga atsandzaye thangwi ya kutsukwala kwanga.+
ג [Gimeli]
3 Mwandimomwene, onsene anakunyindirani nee anadzapaswa manyadzo,+
Mbwenye ale anasandukira andzawo anadzapaswa manyadzo.+
ד [Dhaleti]
ה [He]
5 Ndicitiseni kufamba mu undimomwene wanu, pontho ndipfundziseni,+
Thangwi imwe ndimwe Mulungu, mpulumusi wanga.
ו [Vau]
Ndzidzi onsene ine ndisadikhira imwe.
ז [Zaine]
6 Yahova, kumbukani kuti imwe ndimwe Mulungu wantsisi,+
Pontho ndzidzi onsene* musapangiza ufuni wanu wakukhonda mala kuna mbumba yanu.+
ח [Heti]
7 Lekani kukumbuka madawo na madodo adacita ine pikhali ine mʼphale.
ט [Tete]
8 Yahova ndi wadidi na wakulungama.+
Na thangwi ineyi, iye asapfundzisa anyakudawa njira inafunika iwo kufamba.+
י [Yodhe]
כ [Kafe]
10 Anthu angacita pinapangwa iwo+ na Mulungu mbakoya cibverano cace,+
Ndzidzi onsene Yahova anacita pinthu toera kupangiza kuti asaafuna, pontho kuti iye ndi wakukhulupirika kuna iwo.
ל [Lamedhi]
11 Yahova, thangwi ya dzina yanu,+
Ndilekerereni madodo anga, maseze akhale makulu.
מ [Memi]
12 Munthu angagopa Yahova,+
Iye anampfundzisa njira inafunika iye kutoweza.+
נ [Nuni]
13 Iye anadzatsandzaya na pinthu pyadidi,+
Pontho anthu a dzindza yace anadzakhala pa dziko yonsene yapantsi.+
ס [Sameki]
14 Anthu anagopa Yahova asakhala na uxamwali wakuwanga na iye,+
Pontho iye asaapanga cibverano cace.+
ע [Ayine]
15 Ndzidzi onsene maso anga asayangʼana kuna Yahova,+
Thangwi iye anadzasudzula manyalo anga pa nsampha.+
פ [Pe]
16 Ndiyangʼaneni, pontho ndibvereni ntsisi,
Thangwi ndiri ndekha, pontho ndiri wakusowa ciphedzo.
צ [Tsadhe]
17 Nyatwa zathimizirika kakamwe muntima mwanga;+
Ndipulumuseni mu nyatwa zanga.
ר [Rexi]
19 Onani kunjipa kwa anyamalwa anga
Pontho onani kuti iwo asanditcinga kakamwe.
ש [Xini]
20 Tsidzikizani umaso wanga, pontho ndipulumuseni.+
Lekani kutawirisa kuti ndipaswe manyadzo, thangwi ine ndisathawira kuna imwe.
ת [Tau]
22 Mulungu wanga, pulumusani* Izraeli mu nyatwa zace zonsene.
Nyimbo ya Dhavidhi.
26 Yahova, nditongeni munjira yadidi thangwi ine ndisacita pinthu mwakukhulupirika;+
Ine ndisakunyindirani Yahova na ntima wanga onsene.+
3 Thangwi ndzidzi onsene ndisaona ufuni wanu wakukhonda mala,
Pontho ndisafamba mu undimomwene wanu.+
6 Ndinadzasamba manja anga toera kupangiza kuti ndine wakusowa mulando,
Pontho ine ndinadzafamba nʼkhundu-nʼkhundu mwa guwa yanu Yahova.
7 Toera fala yanga yakupereka takhuta ibveke kakamwe+
Pontho toera kudziwisa mabasa anu onsene akudzumisa.
8 Yahova, ine ndisafuna kakamwe nyumba inakhala imwe,+
Mbuto yakuti anthu asakwanisa kuona kuti imwe ndimwe wankulu kakamwe.+
9 Lekani kundifudza pabodzi na anyakudawa+
Nee kundipha pabodzi na anthu ausumankha,*
10 Akuti manja awo asacita pinthu pyakupasa manyadzo,
Pontho iwo asafuna kakamwe kudyekerwa.*
11 Mbwenye ine ndinapitiriza kukhala wakukhulupirika.
Ndipulumuseni,* pontho ndibvereni ntsisi.
Nyimbo ya Dhavidhi.
27 Yahova ndi ceza canga+ na mpulumusi wanga.
Mbani pontho anafuna ine kugopa?+
Yahova ndi mbuto yanga yakubisalira.+
Mbani anafuna ine kugopa kakamwe?
2 Anyakuipa akuti ndi anyamalwa anga angabwera toera kundifudza,+
Iwo ndiwo anafuna kugwegweduka mbagwa.
3 Maseze nsoka wa anyankhondo umange misasa yawo toera kumenyana na ine,
Ntima wanga nkhabe kudzagopa.+
Maseze atomese nkhondo toera kumenyana na ine,
Ngakhale tenepo, ndinapitiriza kunyindira Mulungu.
4 Ine ndaphemba cinthu cibodzi kuna Yahova
Cinthu ceneci ndi cinafuna ine,
Kukhala panyumba ya Yahova ntsiku zonsene za umaso wanga,+
Toera ndione udidi wa Yahova
5 Thangwi pa ntsiku ya nyatwa, iye anadzandibisa pa mbuto yace yakutsidzikizika;+
Iye anadzandikoya mu nsasa wace;+
Iye anadzandiikha padzulu pamwala.+
6 Cincino ine ndakunda anyamalwa anga adandizungulira;
Ine ndinadzapereka ntsembe mu nsasa wace, mbandikhuwa mwakukomerwa;
Ndinadzaimba nyimbo zakusimba Yahova.
8 Ntima wanga usandikumbusa matongero anu:
“Sakani nkhope yanga.”
Yahova, ine ndinasaka nkhope yanu toera ndiigumane.+
9 Lekani kundibisira nkhope yanu.+
Mungaipirwa, lekani kukhonda ntumiki wanu.
Imwe ndimwe mʼphedzi wanga;+
Lekani kundithawa peno kundisiya, imwe Mulungu mpulumusi wanga.
11 Ndipfundziseni njira zanu Yahova,+
Nditsogolereni munjira yaulungami toera nditsidzikizike kuna anyamalwa anga.
12 Lekani kundipereka mʼmanja mwa anyamalwa anga,+
Thangwi anthu asandicitira umboni wauthambi,+
Pontho iwo asanditsalakana mwausumankha.
13 Mbandidakhonda kukhala na cikhulupiro cakuti ndinaona udidi wa Yahova mu dziko ya anthu ali mʼmaso,*+
Ine nee mbandidakwanisa kupirira.
Inde, dikhirani Yahova.
Nyimbo ya Dhavidhi.
28 Ndzidzi onsene ine ndisacemera imwe Yahova, Mwala wanga;+
Lekani kusiya kundibvesera.
2 Bveserani kudembetera kwanga ndingakuphembani ciphedzo
Ndingalamusa manja anga mbandiyangʼana mbuto Yakucena Kakamwe ya templo yanu.+
3 Lekani kunditcunyusa pabodzi na anthu anacita pyakuipa, pabodzi na anthu auphanga,+
Ale analonga mafala antendere na andzawo, mbwenye mʼmitima mwawo mwadzala na pyakuipa.+
4 Atcunyuseni mwakubverana na macitiro awo,+
Mwakubverana na makhaliro awo akuipa.
Atcunyuseni mwakubverana na mabasa a manja awo,
Mwakubverana na pinacita iwo.+
Iye anadzaagwisa, pontho nee anadzapasa nkhombo kuwangisira kwawo.
6 Mbasimbwe Yahova,
Thangwi iye abva kudembetera kwanga toera kuphemba ciphedzo.
Ine ndatambira ciphedzo cace, pontho ntima wanga watsandzaya,
Natenepa ndinansimba na nyimbo yanga.
8 Yahova ndi mphambvu kuna mbumba yace;
Iye ndi mbuto yakubisalira toera kupulumusa nyakudzodzwa wace.+
9 Pulumusani mbumba yanu, pontho pasani nkhombo anthu anu.+
Atsalakaneni mwadidi ninga mabira, pontho akwateni mʼmanja mwanu kwenda na kwenda.+
Nyimbo ya Dhavidhi.
29 Pasani Yahova pidathema iye, imwe ana a anthu amphambvu,
Pasani Yahova pidathema iye thangwi ya mbiri yace na mphambvu zace.+
2 Pasani mbiri dzina yakuthema ya Yahova.
Bvalani nguwo zakusowa midonthi* mbamugodamira Yahova.*
3 Fala ya Yahova isabveka padzulu pa madzi;
Mbiri ya Mulungu isadhima ninga njazi.+
Yahova ali padzulu pa madzi mazinji.+
4 Fala ya Yahova ndi yamphambvu kakamwe;+
Fala ya Yahova ndi ya mbiri.
5 Fala ya Yahova isagwisa miti ya sedhro;
Inde, Yahova asagwanda-gwanda miti ya sedhro ya ku Libhano.+
7 Fala ya Yahova isabulusa malirimi a moto;+
8 Fala ya Yahova isacitisa thando kutetemera;+
Yahova asacitisa thando ya Kadhesi kutetemera.+
9 Fala ya Yahova isacitisa mbawala kutetemera, mbazibala*
Onsene ali mu templo yace asalonga: “Mbiri kuna Mulungu!”
10 Yahova ali pa mpando wace waumambo padzulu pa madzi akudzala;+
Yahova ali pa mpando wace waumambo ninga Mambo kwenda na kwenda.+
11 Yahova anadzapasa mphambvu mbumba yace.+
Yahova anadzapasa nkhombo anthu ace toera akhale muntendere.+
Nyimbo idaimbwa pakupereka nyumba. Nyimbo ya Dhavidhi.
30 Ine ndinakusimbani imwe Yahova, thangwi imwe mwandilamusa;
Imwe nee mwatawirisa kuti anyamalwa anga atsandzaye thangwi ya nyatwa zanga.+
2 Yahova Mulungu wanga, ine ndakhuwa toera kuphemba ciphedzo kuna imwe, pontho imwe mwandiwangisa.+
3 Yahova, imwe mwandibulusa Munthumbi.*+
Mwandicitisa kuti ndipitirize kukhala mʼmaso; mwandicitisa kuti ndikhonde kuenda nʼdjenje.*+
4 Imbani nyimbo zakusimba Yahova, imwe anthu ace akukhulupirika,+
Simbani dzina yace yakucena;*+
5 Thangwi kuipirwa kwace na munthu ndi kwa ndzidzi wakucepa,+
Mbwenye udidi wace* kuna munthu wakutawirika kuna iye ndi wakwenda na kwenda.+
Panango munthu asalira munadoka dzuwa, mbwenye namacibese asakhuwa mwakukomerwa.+
6 Pikhali ine wakutsidzikizika ndalonga:
“Ine cipo ndinagwa.”*
7 Yahova, pikhali ine wakutawirika kuna imwe, mukhandicitisa kukhala wakuwanga ninga phiri.+
Mbwenye pidandibisira imwe nkhope yanu, ndatoma kugopa.+
8 Ine ndikhakucemerani imwe Yahova;+
Pontho ine ndikhakudembeterani imwe Yahova toera mundibvere ntsisi.
9 Munawinanji ine ndingafa,* ndingaenda nʼdjenje?*+
Kodi pfumbi inakusimbani?+ Iyo inalonga thangwi ya kukhulupirika kwanu?+
10 Ndibvesereni Yahova, pontho ndibvereni ntsisi.+
Yahova, ndiphedzeni.+
11 Imwe mwandicitisa kubvina mwakutsandzaya mʼmbuto mwa kutsukwala;
Imwe mwandidulisa sakha ikhadabvala ine, mbamundibvazika kutsandzaya,
12 Toera ine ndiimbe nyimbo zakukusimbani, mbandikhonda kumatama.
Yahova Mulungu wanga, ine ndinakusimbani kwenda na kwenda.
Kuna nyakutsogolera nyimbo. Nyimbo ya Dhavidhi.
31 Ine ndisathawira kuna imwe Yahova.+
Lekani tawirisa kuti ndipaswe manyadzo.+
Ndipulumuseni thangwi ya ulungami wanu.+
2 Kotamani* toera mundibvesere.
Bwerani mwakucimbiza toera mudzandipulumuse.+
Khalani phiri yanga yakuthawira,
Mbuto yakutsidzikizika toera kundipulumusa.+
3 Thangwi ndimwe mwala wanga na citsidzikizo canga;+
Thangwi ya dzina yanu,+ imwe munandipangiza njira mbamunditsogolera.+
4 Imwe munadzandisudzula pa nsampha udanditeyera iwo mwacibisobiso,+
Thangwi ndimwe pakuthawira panga.+
5 Ine ndapereka umaso* wanga mʼmanja mwanu.+
Yahova, Mulungu analonga undimomwene,* imwe mwandiombola.+
6 Ine ndisaida ale analambira madzimunthu akusowa basa,
Mbwenye ndisanyindira Yahova.
7 Ine ndinadzatsandzaya kakamwe thangwi ya ufuni wanu wakukhonda mala,
Thangwi imwe musaona kuthabuka kwanga;+
Pontho musadziwa kunjipa kwa nyatwa zanga.*
8 Imwe nee mwandipereka mʼmanja mwa nyamalwa,
Mbwenye imwe mwandiikha pa mbuto yakutsidzikizika.*
9 Ndibvereni ntsisi Yahova, thangwi ndiri kuthabuka.
Nyatwa zacitisa kuti maso anga akhonde kuona mwadidi,+ pontho manungo anga* akhonde kukhala na mphambvu.+
10 Umaso wanga uli wakutsukwala kakamwe+
Thangwi yakutsukwala, pyaka pya umaso wanga pikumala na kubulira.+
Mphambvu zanga zikumala thangwi ya madodo anga;
Magogodo anga nkhabebve mphambvu.+
11 Anyamalwa anga onsene asandisingirira,+
Makamaka ale anakhala dhuzi na ine.
Pontho anthu anandidziwa asandigopa;
Angandiona pakweca asandithawa.+
12 Iwo andibulusa mʼmitima mwawo, mbandiduwala ninga ndafa;
Ndiri ninga nkhali yakusweka.
13 Ndabva pinthu pizinji pyakuipa pinalongwa na anthu;
Ndikugopa thangwi ndisathuswa mʼmbuto zonsene.+
Iwo asagumanyikana
Mbabverana toera kundipha.+
14 Mbwenye ine ndisanyindira imwe Yahova.+
Ine ndisalonga: “Imwe ndimwe Mulungu wanga.”+
15 Umaso wanga uli mʼmanja mwanu.
Ndipulumuseni mʼmanja mwa anyamalwa anga na mʼmanja mwa ale ananditcinga.+
16 Bverani ntsisi ntumiki wanu.+
Ndipulumuseni thangwi ya ufuni wanu wakukhonda mala.
17 Yahova, lekani kutawirisa kuti ndipaswe manyadzo ndingakucemerani.+
18 Citisani kuti milomo inalonga uthambi ikhonde kulonga,+
Milomo yakuti isapwaza, pontho isalonga mwakudzikuza thangwi ya munthu wakulungama.
19 Udidi wanu ndi ukulu kakamwe.+
Imwe mwaukoyera ale anakugopani,+
Pontho imwe mwaupangiza kuna anthu onsene, toera kuphedza ale anathawira kuna imwe.+
20 Imwe munadzaakoya pa mbuto yanu yakubisika kakamwe dhuzi na imwe+
Toera kuatsidzikiza ku pyakuipa pinanyerezera anthu toera kucita;
Imwe munaabisa pa mbuto yanu yacitsidzikizo
21 Mbasimbwe Yahova,
Thangwi iye apangiza ufuni wace wakukhonda mala kuna ine+ munjira yakudzumisa pikhali ine pa nyatwa.+
22 Ine ndasowa cakucita mbandilonga:
“Ndinafudzwa pamaso panu.”+
Mbwenye imwe mwabva kudembetera kudacita ine kuna imwe toera kuphemba ciphedzo.+
23 Funani Yahova, imwe monsene anthu akukhulupirika kuna iye!+
Nyimbo ya Dhavidhi. Masikili.*
32 Nyakutsandzaya ndi ule adalekererwa madodo ace, pontho madawo ace afudzwa.*+
3 Pikhali ine wakumatama ndadzakhala wakusowa mphambvu thangwi ndzidzi onsene ndikhabulira.+
4 Thangwi djanja yanu ikhandilemera* masiku na masikati.+
Mphambvu zanga zamala kupwa ninga madzi mu ndzidzi wa malimwe. (Sela)
Ine ndalonga: “Ndinabweka madawo anga kuna Yahova.”+
Pontho imwe mwandilekerera madodo anga na madawo anga.+ (Sela)
6 Na thangwi ineyi, anthu onsene akukhulupirika anadzacita phembero kuna imwe+
Mu ndzidzi wakuti ife tinakwanisa kukufendedzerani.+
Ngakhale nyatwa zakulandana na madzi makulu nee zinaakhuya.
Munandicitisa kukhala pakati pa anthu akutsandzaya thangwi yacipulumuso canu.+ (Sela)
8 “Ndinadzakupasa udziwisi mbandikupfundzisa njira inafunika iwe kufamba.+
Ndinakuonera toera ukhale wakutsidzikizika, mbandikupasa uphungu.+
9 Lekani kukhala akusowa luso yakubvesesa pinthu ninga kavalo peno buru,+
Yakuti isafunika kumangwa nkhambala pamulomo na munsolo,
Toera ikwanise kukubverani.”
10 Anthu anacita pyakuipa asathabuka kakamwe;
Mbwenye ale ananyindira Yahova asatsidzikizwa na ufuni Wace wakukhonda mala.+
11 Tsandzayani thangwi ya pinacita Yahova, imwe anthu akulungama;
Imwe anthu a mitima yadidi, khuwani mwakukomerwa.
33 Imwe anthu akulungama, khuwani mwakukomerwa thangwi ya pinacita Yahova.+
Anthu akulungama athema kunsimba.
2 Phatisirani arpa toera kupereka takhuta kuna Yahova;
Imbani nyimbo toera kunsimba na cakuimba naco ca nkhambala khumi.
3 Muimbireni nyimbo ipswa;+
Muimbireni mwadidi kakamwe, pontho khuwani mwakukomerwa.
4 Thangwi mafala a Yahova ndi andimomwene,+
Ife tinakwanisa kunyindira pyonsene pinacita iye.
5 Iye asafuna ulungami, pontho asatonga mwakusowa tsankhulo.+
Dziko yapantsi yadzala na ufuni wakukhonda mala wa Yahova.+
6 Mafala a Yahova acitisa kuti kudzulu kucitwe,+
Pontho pinthu pyonsene pyakudzulu* pyacitwa na muya udabuluka pamulomo pace.
7 Iye asacitisa madzi a mʼbara kukhala pabodzi ninga afungirwa na mpanda;+
Iye asaikha madzi a mabimbi nʼnyumba yakukoyera pinthu.
8 Anthu onsene pa dziko yapantsi mbagope Yahova.+
Anthu onsene pa dziko yapantsi mbamulemedze.
11 Mbwenye uphungu* wa Yahova usaphata basa kwenda na kwenda;+
Pinanyerezera ntima wace nkhabe cinja mu ubalwi na ubalwi.
12 Yakutsandzaya ndi dzindza yakuti Mulungu wawo ndi Yahova,+
Mbumba idasankhula iye ninga unthaka wace.+
13 Yahova asayangʼana pantsi kubulukira kudzulu;
Iye asaona ana onsene a anthu.+
14 Kubulukira pa mbuto inakhala iye,
Asaona anthu anakhala pa dziko yapantsi.
15 Ndiye anacita mitima yonsene;
Iye asadinga mabasa awo onsene.+
16 Nkhabe mambo anapulumuka thangwi yakukhala na anyankhondo azinji;+
Nyankhondo nkhabe kupulumuka thangwi yakukhala na mphambvu zizinji.+
17 Lekani kunyindira kavalo toera kukupulumusani,* thangwi inakuphatisani mwala;+
Maseze ikhale yamphambvu kakamwe, iyo nkhabe kukupulumusani.
18 Onani! Maso a Yahova asayangʼanira ale ananʼgopa,+
Ale anadikhira ufuni wace wakukhonda mala,
19 Toera aapulumuse angafuna kuphiwa
Pontho toera kuapulumusa mu ndzidzi wa njala.+
20 Ife tisadikhira Yahova toera atiphedze.
Iye ndi mʼphedzi wathu na xango yathu.+
21 Mitima yathu isakomerwa na iye,
Thangwi ife tisanyindira dzina yace yakucena.+
22 Yahova, ufuni wanu wakukhonda mala mbukhale na ife,+
Mu ndzidzi unapitiriza ife kukudikhirani toera kutiphedza.+
Nyimbo ya Dhavidhi, mu ndzidzi udacita iye pinthu ninga nyansala+ pamaso pa Abhimeleki, penepo iye anʼthamangisa mbabuluka.
א [Alefi]
34 Ndzidzi onsene ndinasimba Yahova;
Ndinansimba na mulomo wanga kwenda na kwenda.
ב [Bheti]
ג [Gimeli]
3 Lemedzani Yahova pabodzi na ine;+
Tendeni tonsene tipase mbiri dzina yace.
ד [Dhaleti]
4 Ine ndacita phembero kuna Yahova, pontho iye anditawira.+
Iye andipulumusa ku pinthu pyonsene pikhagopa ine.+
ה [He]
5 Anyakutsandzaya ndi ale ananʼnyindira;
Pontho iwo nee anadzapaswa manyadzo.
ז [Zaine]
6 Munthu uyu wakucepeseka acemera, pontho Yahova amubva.
Iye ampulumusa mu nyatwa zace zonsene.+
ח [Heti]
ט [Tete]
י [Yodhe]
כ [Kafe]
10 Ngakhale nkhalamu zingʼono zakuwanga zisabvambo njala,
Mbwenye ale anasaka Yahova nkhabe kusowa nee cinthu cibodzi cadidi.+
ל [Lamedhi]
11 Ananga, bwerani, ndibvesereni;
Ndinakupfundzisani kugopa Yahova.+
מ [Memi]
נ [Nuni]
13 Khala ndi tenepo, tsidzikizani lirimi yanu ku pinthu pyakuipa,+
Pontho milomo yanu ikhonde kulonga uthambi.+
ס [Sameki]
14 Calirani pinthu pyakuipa, mbamucita pinthu pyadidi;+
Sakani ntendere, pontho pitirizani kukhala nawo.+
ע [Ayine]
15 Maso a Yahova asayangʼana anthu akulungama,+
Pontho makutu ace asabvesera nʼkhuwo wawo wakuphemba ciphedzo.+
פ [Pe]
16 Mbwenye Yahova asapasira nkhodolo ale anacita pinthu pyakuipa,
Iye anadzaafudza pa dziko yapantsi, pontho nkhabe anafuna kuakumbukira.+
צ [Tsadhe]
ק [Kofi]
ר [Rexi]
ש [Xini]
ת [Tau]
21 Cidengwa cinadzapha munthu anacita pyakuipa;
Ale anaida anthu akulungama anadzakhala na mulando.
Nyimbo ya Dhavidhi.
3 Kwatani dipa yanu na macado wanu toera muende kuna ale ananditowerera.+
Ndaphata miyendo, ndipangeni kuti: “Ine ndine mpulumusi wako.”+
4 Ale anafuna kundipha* mbapwazwe, pontho mbapaswe manyadzo.+
Ale anafuna kundipha mbabwerere nduli na manyadzo.
5 Mbakhale ninga mapwepwa a tirigu anamburuka na mphepo;
Pontho anju wa Yahova mbaathamangise.+
6 Njira yawo mbikhale yacidima na yakuphuruza
Mu ndzidzi unaathamangisa anju wa Yahova.
7 Maseze nee ndaasosa, iwo anditeyera nsampha toera kundimanga;
Pontho iwo andikumbira djenje toera ndigwere mwenemo.
8 Mbagwerwe na cidengwa mwakututumusa;
Mbamangwe na nsampha udateya iwo;
Iwo mbagwe pa nsampha unoyu, pontho mbafe.+
9 Mbwenye ine ndinakomerwa thangwi ya Yahova;
Ndinakomerwa thangwi ya pinthu pinacita iye toera kundipulumusa.
10 Ndikulonga na ntima wanga onsene:
“Yahova, mbani unango ninga na imwe?
Imwe musapulumusa munthu wakusowa mphambvu mʼmanja mwa anthu amphambvu,+
Munthu wakusowa ciphedzo na wakutcerenga mʼmanja mwa ale anaabera.”+
11 Anthu abwera toera kudzapereka umboni wauthambi,+
Iwo andibvundza pinthu pyakuti ine nkhabe kupidziwa.
12 Iwo asandibwezera pyakuipa thangwi ya pyadidi pidaacitira ine,+
Mbandicitisa kukhala wakutsukwala ninga ndaferwa.
13 Mbwenye pikhabva iwo kupha, ine ndabvala sakha;
Ndapangiza kutsukwala kwanga mukucita jejuu,
Pontho phembero yanga pikhakhonda iyo kutawirwa,
14 Ndikhalira ninga anabva kupha ndi xamwali wanga peno mʼbale wanga;
Ndikhakotama mwakutsukwala ninga munthu analira mai wace adafa.
15 Mbwenye mu ndzidzi ukhathabuka ine, iwo atsandzaya mbagumanyikana;
Iwo agumanyikana mbandibisalira toera kundipha,
Iwo andikhwedzula-khwedzula, pontho iwo alonga pidacita iwo.
17 Imwe Yahova, munapitiriza kuyangʼana pyenepi mpaka lini?+
Ndipulumuseni toera iwo akhonde kundipha,+
18 Penepo ine ndinadzapereka takhuta kuna imwe pa mpingo ukulu;+
Ndinadzakusimbani pakati pa misoka mikulu ya anthu.
19 Lekani kutawirisa kuti ale anakhala anyamalwa anga mwakusowa mathangwi atsandzaye thangwi ya nyatwa zanga;
Lekani kutawirisa maso a anthu anandiida mwakusowa mathangwi+ andizulule.+
20 Thangwi iwo nkhabe longa mafala a ntendere,
Mbwenye iwo asalonga uthambi toera kucitira makunje anthu antendere pa dziko yapantsi.+
21 Iwo asafungula kakamwe milomo yawo toera kundipambizira,
Mbalonga: “Ehe! Ehe! Ife taona pyenepi na maso athu.”
22 Yahova, imwe mwaona pyenepi, lekani kumatama.+
Imwe Yahova, lekani kukhala kutali na ine.+
23 Lamukani toera munditsidzikize,
Yahova Mulungu wanga, ndiphedzeni pa nseru wanga.
24 Nditongeni mwakubverana na ulungami wanu,+ imwe Yahova Mulungu wanga;
Lekani kuatawirisa toera atsandzaye na nyatwa zanga.
25 Ndaphata miyendo, lekani kuatawirisa alonge: “Ehe! Takwanisa pikhafuna ife.”
Iwo nkhabe funika kulonga: “Ife tamʼmeza.”+
26 Onsene ale anatsandzaya na nyatwa zanga,
Mbapwazwe, pontho mbapaswe manyadzo,
Mbapwazwe, pontho mbapaswe manyadzo ale ananditsalakana mwakudzikuza.
27 Mbakhuwe mwakutsandzaya ale anakomerwa na ulungami wanga;
Ndzidzi onsene iwo mbalonge:
“Mbakuzwe Yahova, ule wakuti asakomerwa angaona ntumiki wace mbakhala muntendere.”+
Kuna nyakutsogolera nyimbo. Nyimbo ya Dhavidhi ntumiki wa Yahova.
36 Uipi usatsogolera ntima wa munthu anacita pyakuipa;
Iye nkhabe kugopa Mulungu.+
2 Iye asaoneka ekhene ninga wakufunika kakamwe
Na thangwi ineyi, iye nkhabe kudzindikira, nee kuida madodo ace.+
3 Mafala anabuluka pamulomo pace ndi akudzidzida na akunyengeza;
Iye nkhabe ndzeru zakucita pinthu pyadidi.
4 Maseze ali patalimba pace, iye asanyerezera kucita pinthu pyakuipa.
Iye asankhula kupita na njira yakuti nee ndi yadidi;
Iye nee asacalira pinthu pyakuipa.
5 Yahova, ufuni wanu wakukhonda mala wafika mpaka kudzulu,+
Kukhulupirika kwanu kwafika mpaka mʼmakole.
6 Ulungami wanu ndi ninga mapiri makulu kakamwe;*+
Kutonga kwanu kwakhala ninga madzi mazinji akuzika kakamwe.+
Yahova, imwe musapulumusa anthu na pinyama.+
7 Mulungu, ufuni wanu wakukhonda mala ndi wakufunika kakamwe.+
Ana a anthu asathawira+
Mu nʼthundzi wa maphapido anu.
8 Iwo asadya mbakhuta na pinthu pizinji piri nʼnyumba mwanu,+
Pontho, imwe musaapasa pinthu pizinji pyadidi ninga mukuacitisa kumwa madzi a mu nkulo wakuti uli na madzi mazinji.+
10 Pitirizani kupangiza ufuni wanu wakukhonda mala kuna ale anakudziwani,+
Pontho pangizani ulungami wanu kuna ale ali na ntima wakulungama.+
11 Lekani kutawirisa kuti miyendo ya anthu akudzikuza indiponde
Peno kutawirisa kuti anthu anacita pyakuipa andithamangise.
12 Onani, anyakucita pyakuipa amala kugwa;
Iwo agwa, pontho nkhabe kwanisa kulamuka.+
Nyimbo ya Dhavidhi.
א [Alefi]
2 Iwo anadzauma mwakucimbiza ninga tsanga+
Pontho anabunyala ninga thongwe.
ב [Bheti]
4 Tsandzaya kakamwe pakulambira Yahova,
Iye anadzakupasa pinafuna ntima wako.
ג [Gimeli]
6 Iye anadzacitisa kuti ulungami wako uyetimire ninga ceza,
Pontho kulungama kwako ninga ceza ca dzuwa namasikati.
ד [Dhaleti]
7 Dikhira Yahova mwakupirira+
Dikhira toera uone pinafuna iye kucita.
Leka kuipirwa na munthu
Wakuti asakwanisa kucita pyakuipa pinanyerezera iye.+
ה [He]
9 Ale anacita pinthu pyakuipa anadzafudzwa,+
Mbwenye ale anadikhira Yahova anadzapaswa dziko yapantsi.+
ו [Vau]
11 Mbwenye anthu akukhurudzika anadzapaswa dziko yapantsi,+
Pontho iwo anadzatsandzaya kakamwe na kunjipa kwa ntendere.+
ז [Zaine]
12 Nyakucita pyakuipa asacitira munthu wadidi pinthu pyakuipa;+
Iye asaipirwa kakamwe* angaona munthu wadidi.
13 Mbwenye Yahova asaseka nyakuipa,
Thangwi Iye asadziwa kuti inadzafika ntsiku yace yakuphiwa.+
ח [Heti]
14 Anyakuipa asasolola masupada awo mbakunga* mauta awo
Toera kugwisa anthu akupondererwa na akutcerenga,
Toera kupha anthu anafamba munjira yakulungama.
15 Mbwenye masupada awo anadzalasa mitima yawo;+
Mauta awo anadzakhumulwa.
ט [Tete]
16 Mphyadidi kukhala na anthu pangʼono akulungama,
Kupiringana kukhala na anthu azinji anacita pinthu pyakuipa.+
17 Thangwi mikono ya anyakuipa inadzakhumulwa,
Mbwenye Yahova anadzaphedza anthu akulungama.
י [Yodhe]
18 Yahova asadziwa nyatwa zinatamba anthu akusowa mulando,*
Pontho unthaka wawo unadzakhala kwenda na kwenda.+
19 Iwo nee anadzapaswa manyadzo pa ndzidzi wa nyatwa;
Mu ndzidzi wa njala iwo anadzakhala na pyakudya pizinji.
כ [Kafe]
20 Mbwenye ale anacita pinthu pyakuipa anadzaphiwa;+
Anyamalwa a Yahova anadzazambazika ninga kubalika kwa thongwe;
Iwo anadzazambazika ninga utci.
ל [Lamedhi]
21 Nyakucita pyakuipa asafiyari, mbakhonda kubweza,
Mbwenye munthu wakulungama asapasa mwakudzala manja.+
22 Ale anapaswa nkhombo na Mulungu anadzapaswa dziko yapantsi,
Mbwenye ale anapaswa dzedze na Mulungu anadzaphiwa.+
מ [Memi]
נ [Nuni]
26 Ndzidzi onsene iye asabwerekesa anthu pyonsene pinafuna iwo,+
Pontho anace anadzapaswa nkhombo.
ס [Sameki]
27 Siya pyakuipa, mbucita pinthu pyadidi,+
Ungacita pyenepi, unadzakhala kwenda na kwenda pa dziko yapantsi.
28 Thangwi Yahova asafuna ulungami,
Pontho iye nkhabe kudzasiya anthu ace akukhulupirika.+
ע [Ayine]
Iwo anadzatsidzikizwa ndzidzi onsene;+
Mbwenye dzindza ya anthu anacita pinthu pyakuipa, inadzafudzwa.+
פ [Pe]
30 Mulomo wa munthu wakulungama, usalonga pinthu pyandzeru,*
צ [Tsadhe]
32 Nyakucita pyakuipa asayangʼana munthu wakulungama,
Mbasaka njira toera kumupha.
33 Mbwenye Yahova nee anadzampereka mʼmanja mwa munthu unoyu,+
Peno kumpasa mulando mu ndzidzi unatongwa iye.+
ק [Kofe]
34 Dikhira Yahova mbutoweza njira zace,
Iye anadzakupasa mbiri, mbakucitisa kutambira dziko yapantsi ninga unthaka.
Ale anacita pinthu pyakuipa angafudzwa,+ iwe unadzaona pyenepi.+
ר [Rexi]
35 Ine ndaona munthu wakuipa na wausumankha
Mbakathambaruka ninga pinacita muti wa masamba akubithimira pa mbuto idamera iwo.+
ש [Xini]
37 Ona munthu wakusowa mulando,*
Pontho yangʼana munthu wakulungama,+
Thangwi tsogolo ya munthu unoyu inadzakhala yantendere.+
38 Mbwenye anthu onsene anacita madawo anadzafudzwa;
Tsogolo ya anthu akuipa inadzakhala kuphiwa.+
ת [Tau]
39 Cipulumuso ca anthu akulungama cisabuluka kuna Yahova;+
Iye ndi mbuto yawo yakuthawira mʼmidzidzi ya nyatwa.+
40 Yahova anadzaaphedza mbaapulumusa.
Iye anadzaaombola kuna ale anacita pinthu pyakuipa, mbaapulumusa,+
Thangwi iwo athawira kuna iye.+
Nyimbo ya Dhavidhi toera anthu akumbukire.
38 Yahova lekani kundisandika uku mwaipirwa,
Pontho lekani kundilanga uku mwaipirwa.+
2 Thangwi mapswimo anu andilasa nkati kakamwe,
Pontho djanja yanu ikundilemera kakamwe.+
3 Manungo anga onsene akupha thangwi yakuipirwa kwanu.
Mʼmagogodo mwanga nkhabemo ntendere thangwi ya madawo anga.+
4 Thangwi madodo anga anjipa mpaka padzulu pa nsolo wanga;+
Ninga ntolo wakulemera, ine ndisacimwana kuathukula thangwi ndi mazinji kakamwe.
5 Pironda pyanga pisanunkha, pontho pisabuluka utosi*
Thangwi ya udzemwa wanga.
6 Ndiri wakudzudzumika na wakutsukwala kakamwe;
Ntsiku yonsene ndisafamba wakutsukwala.
8 Ine ndaneta kakamwe, pontho mphambvu zanga zamaliratu;
Ntima wanga wakutsukwala wandicitisa kubulira* kakamwe.
9 Yahova, imwe musadziwa pyonsene pinafuna ine,
Pontho imwe musadziwa kubulira kwanga.
11 Axamwali anga na andzanga asandicalira thangwi ya utenda wanga,
Pontho axamwali anga apantima ali kutali na ine.
12 Ale anasaka umaso wanga anditeyera misampha;
Ale anafuna kundicita pyakuipa, asalonga pyakundifudza;+
Ntsiku yonsene iwo asacita masasanyiro toera kundinyengeza.
14 Ndadzakhala ninga munthu wakuti nkhabe kubva,
Wakuti mulomo wace nkhabe kulonga cinthu toera kutsidzikizika.
16 Ine ndalonga: “Iwo mbaleke kutsandzaya thangwi ya ine
Peno kupasika mbiri manyalo anga angatherezeka.”
17 Thangwi ndikhadasala pangʼono toera kugwa,
Pontho ndzidzi onsene ndikhabva kupha.+
19 Mbwenye anyamalwa anga ndi akuwanga* na amphambvu,*
Ale anandiida mwakusowa mathangwi adzakhala azinji kakamwe.
20 Ndingacita pyadidi iwo akhandibwezera pyakuipa;
Iwo andipingiza pikhawangisira ine kucita pinthu pyadidi.
21 Yahova, lekani kundisiya.
Mulungu, lekani kukhala kutali na ine.+
22 Ndiphedzeni mwakucimbiza,
Imwe Yahova mpulumusi wanga.+
Kuna nyakutsogolera nyimbo; maimbiro a Yedhutuni.*+ Nyimbo ya Dhavidhi.
39 Ine ndalonga: “Ndinaonera njira zanga
Toera ndikhonde kudawa na lirimi yanga.+
Ndinafunga mulomo wanga toera kuuonera+
Khala pana ine pana munthu wakuipa.”
2 Ine ndamatama, mbandikhonda kulonga cinthu;+
Ngakhale cinthu cikhale cadidi ine ndapitiriza kumatama,
Mbwenye kupha kukhabva ine kukhali kukulu kakamwe.
3 Ntima wanga ukhapisa kakamwe.
Ndzidzi ukhanyerezera ine, moto ukhapitiriza kugaka.
Natenepa ine ndalonga:
4 “Yahova ndiphedzeni toera ndidziwe kuti mamalisiro anga anakhala api,
Pontho ndidziwe kuti ntsiku zanga ndi zingasi,+
Toera ndidzindikire kuti umaso wanga ndi wa ndzidzi wakucepa.
5 Mwandimomwene, ntsiku zidandipasa imwe ndi zakucepa;+
Pontho pamaso panu, ntsiku za umaso wanga si pinthu tayu.+
Maseze munthu mʼbodzi na mʼbodzi aoneke ninga ndi wakutsidzikizika, iye basi ene ndi ninga muya.+ (Sela)
6 Mwandimomwene, umaso wa munthu wakhala ninga nʼthundzi.
Iye asathamanga-thamanga papezi.
Asagumanya mpfuma mbakhonda dziwa kuti mbani anafuna kuiphatisira.+
7 Imwe Yahova, ninji pontho cinafunika ine kudikhira?
Cidikhiro canga ndimwe basi.
8 Ndiomboleni mʼmadawo anga onsene.+
Lekani kutawirisa kuti ndipwazwe na munthu wakusowa ndzeru.
10 Bulusani kuna ine nyatwa zinandithabusa na imwe.
Ine nkhabebve mphambvu thangwi yakuthabuswa na djanja yanu.
11 Imwe musasandika munthu mbamuntcunyusa thangwi ya madodo ace;+
Imwe musafudza pinthu pinalemedza iye ninga pinacita berethe.
Mwandimomwene anthu onsene ndi ninga muya.+ (Sela)
12 Yahova, bveserani phembero yanga,
Bveserani nʼkhuwo wanga wakuphemba ciphedzo.+
Lekani kupwaza misozi yanga.
Thangwi ine ndine mulendo kuna imwe,+
Munthu anapita pyace na njira* ninga pidacita ambuyanga onsene.+
13 Lekani kundiyangʼana mwakuipirwa toera ine ndikomerwe
Mbandidzati kufa.”
Kuna nyakutsogolera nyimbo. Nyimbo ya Dhavidhi.
40 Ine ndinadikhira Yahova na ntima onsene,
Pontho iye akotama* toera kundibvesera, mbabva nʼkhuwo wanga wakuphemba ciphedzo.+
2 Iye andibulusa mu ncera wa madzi akukuka,
Andibulusa nʼdjenje ya matope,
Pontho aikha miyendo yanga pamwala;
Iye andicitisa kufamba pantunda.
3 Buluka penepo, iye aikha nyimbo ipswa nkanwa mwanga,+
Nyimbo yakusimba Mulungu wathu.
Azinji anaona pyenepi mbadzumatirwa,
Pontho anatoma kunyindira Yahova.
4 Nyakutsandzaya ndi ule ananyindira Yahova,
Pontho ule wakuti nkhabe kukhala na anthu akukhonda kubvera, peno ale akuti nkhabe kukhulupira pinthu pyauthambi.*
5 Yahova Mulungu wanga,
Imwe mwacita pinthu pizinji kakamwe,
Mabasa anu akudzumisa ndi mazinji, pontho pinanyerezera imwe kuna ife ndi pizinji.+
Nkhabepo unango ninga imwe;+
Ndikhafuna kulonga peno kufokotoza mabasa anu onsene,
Mbwenye ndi mazinji kakamwe toera kualonga!+
Imwe nee mwaphemba ntsembe zakupiswa na ntsembe zinaperekwa thangwi ya madawo.+
7 Buluka penepo, ine ndalonga: “Onani! Ine ndabwera.
Mʼbukhu* mwalembwa mphangwa zinalonga pya ine.+
9 Ndisamwaza mphangwa zadidi zaulungami mu mpingo ukulu.+
Yahova, imwe musadziwa mwadidi
Kuti ine nee ndisafunga mulomo wanga.+
10 Ine nkhabe kubisa ulungami wanu muntima mwanga.
Ndisalonga pya kukhulupirika kwanu na kupulumusa kwanu.
Mu mpingo ukulu, ine nkhabe kubisa ufuni wanu wakukhonda mala na undimomwene wanu.”+
11 Imwe Yahova, lekani kundikhondera ntsisi zanu.
Ufuni wanu wakukhonda mala na undimomwene wanu mbunditsidzikize kwenda na kwenda.+
12 Nyatwa zidandizungulira nkhabe lengeseka thangwi ndi zizinji kakamwe.+
Madodo anga ndi mazinji kakamwe kwakuti nkhabe kuona kunaenda ine;+
Iwo ndi mazinji kakamwe kupiringana tsisi ya munsolo mwanga,
Pyenepi pisanditsukwalisa.
13 Yahova, ndibvereni ntsisi, pontho ndipulumuseni.+
Yahova, ndiphedzeni mwakucimbiza.+
14 Onsene ale anafuna kundipha
Mbapwazwe, pontho mbapaswe manyadzo.
Onsene ale anatsandzaya na nyatwa zanga
Anapasika manyadzo mbabwerera nduli.
15 Ale anandisingirira mbalonga kuti: “Ehe! Ehe!”
Anadzakhala na manyadzo mbasowa cakulonga.
Ale anakomerwa na cipulumuso canu, ndzidzi onsene mbalonge:
“Mbasimbwe Yahova.”+
17 Mbwenye ine ndine wakusowa ciphedzo na wakutcerenga;
Yahova nditsalakaneni.
Kuna nyakutsogolera nyimbo. Nyimbo ya Dhavidhi.
41 Nyakutsandzaya ndi ule anapangiza citsalakano kuna munthu wakutcerenga;+
Yahova anadzampulumusa pa ntsiku ya nyatwa.
2 Yahova anadzantsidzikiza, mbankoya na umaso.
Iye anadzacemerwa munthu wakutsandzaya pa dziko yapantsi;+
Pontho iye nkhabe kudzaperekwa kuna anyamalwa ace.+
3 Yahova nkhabe kunʼduwala angakhala patalimba thangwi yakubva kupha;+
Imwe munadzantsalakana mu ndzidzi unabva iye kupha.
4 Ine ndalonga: “Yahova, ndibvereni ntsisi.+
Ndiwangiseni,+ thangwi ine ndakudawirani.”+
5 Mbwenye anyamalwa anga asalonga pinthu pyakuipa thangwi ya ine, iwo asalonga:
“Iye anafa lini toera dzina yace iduwalike?”
6 Mʼbodzi wa iwo angabwera kudzandiona, asalonga pyauthambi.
Iye asasaka mphangwa zakunditsukwalisa;
Angamala, asabuluka mbaenda kazimwaza.
7 Onsene anandiida asalonga ciwerewere kuna unango na ndzace;
Iwo asanyerezera kucita pinthu pyakuipa kuna ine, mbalonga:
8 “Iye agwerwa na nyatwa;
Nakuti cincino iye agwa, nee analamukabve.”+
9 Ngakhale xamwali wanga wapantima, wakuti ndikhanʼnyindira,+
10 Mbwenye imwe Yahova, ndibvereni ntsisi mbamundilamusa,
Toera ndiatcunyuse thangwi ya pidacita iwo.
11 Ine ndinadziwa kuti imwe musakomerwa na ine,
Anyamalwa anga angakhonda kundikunda.+
Ameni! Ameni!
BUKHU YACIWIRI
(Masalmo 42-72)
Kuna nyakutsogolera nyimbo. Nyimbo ya ana a Kora.+ Masikili.*
42 Ninga mbawala yakuti isafuna kakamwe madzi,
Ine ndisakufunani kakamwe Mulungu.
2 Ndiri na nyota ya Mulungu, Mulungu wandimomwene.+
Ndinaenda lini kunyumba ya Mulungu?*+
3 Masiku na masikati ndisalira nee kudya;
Anthu asandisingirira ntsiku yonsene mbalonga: “Ali kupi Mulungu wako?”+
4 Ine ndisakumbuka pinthu ipi mbandifungula ntima wanga kuna imwe,
Kale ine ndikhafamba na mwinji;
Ine ndikhaenda pangʼono-pangʼono patsogolo pawo mpaka panyumba ya Mulungu,
Na nʼkhuwo wakutsandzaya na wakupereka takhuta
Wa mwinji wakuti ukhacita phwando.+
5 Thangwi yanji ndiri wakusowa cidikhiro?+
Thangwi yanji ntima wanga usadzudzumika kakamwe?
6 Mulungu wanga ndiri wakusowa cidikhiro.+
Na thangwi ineyi, ine ndakukumbukirani,+
Pikhali ine ku dziko ya Yordani na padzulu pa mapiri a Ermoni,
Pontho pikhali ine Paphiri ya Mizari.*
7 Madzi akuzika acemera madzi akuzika
Thangwi yakukukuma kwa madzi anabuluka paphiri.
Mabimbi anu onsene makulu andikunda.+
8 Namasikati, Yahova anapangiza ufuni wace wandimomwene kuna ine,
Pontho namasiku, ndinadzaimba nyimbo thangwi ya iye, yakuti ndi phembero kuna Mulungu adandipasa umaso.+
9 Ndinapanga Mulungu wakuti ndi mwala wanga:
“Thangwi yanji mwandiduwala?+
Thangwi yanji ndisafamba wakutsukwala thangwi yakupondererwa na nyamalwa wanga?”+
10 Anyamalwa anga asanditikana mwakuipirwa kakamwe,
Iwo asandisingirira ntsiku yonsene mbalonga: “Ali kupi Mulungu wako?”+
11 Thangwi yanji ndiri wakusowa cidikhiro?
Thangwi yanji ntima wanga usadzudzumika kakamwe?
Ndinadikhira Mulungu,+
Thangwi ndinapitiriza kunsimba ninga Mpulumusi wanga Wankulu na Mulungu wanga.+
Ndipulumuseni mʼmanja mwa anthu analonga uthambi na anyakusowa ulungami.
2 Thangwi imwe ndimwe Mulungu wanga, mbuto yanga yacitsidzikizo.+
Thangwi yanji mwandisiya?
Thangwi yanji ndisafamba wakutsukwala thangwi yakupondererwa na nyamalwa wanga?+
3 Tumizani ceza canu na undimomwene wanu,+
4 Buluka penepo, ndinadzaenda pa guwa ya Mulungu,+
Kuna Mulungu wakuti asandicitisa kukhala wakutsandzaya.
Pontho ine ndinadzakusimbani na arpa+ imwe Mulungu, Mulungu wanga.
5 Thangwi yanji ndiri wakusowa cidikhiro?
Thangwi yanji ntima wanga usadzudzumika kakamwe?
Ndinadikhira Mulungu,+
Thangwi ndinapitiriza kunsimba ninga Mpulumusi wanga Wankulu na Mulungu wanga.+
Kuna nyakutsogolera nyimbo. Nyimbo ya ana a Kora.+ Masikili.*
44 Mulungu, ife tabva na makutu athu,
Ambuyathu atipanga+
Pinthu pidacita imwe mu ntsiku zawo,
Mu ntsiku zakale kakamwe.
Imwe mwakunda madzindza mbamuathamangisa.+
3 Ambuyathu nee akwata dziko ineyi thangwi ya masupada awo,+
Pontho iwo nee awina nkhondo thangwi ya mphambvu zawo.+
Mbwenye iwo apulumuswa thangwi ya djanja yanu yamadyo,+ nkono wanu na ceza ca nkhope yanu,
Perekani cipulumuso cikulu kuna Yakobe.
5 Na mphambvu zanu, ife tinathamangisa anyamalwa athu;+
Mu dzina yanu, ife tinakunda ale anatisandukira.+
6 Thangwi ine nkhabe kunyindira uta wanga,
Pontho supada yanga nkhabe kundipulumusa.+
7 Ndimwe adatipulumusa mʼmanja mwa anyamalwa athu,+
Ndimwe adapasa manyadzo ale akhatiida.
8 Imwe Mulungu, ife tinakusimbani ntsiku yonsene,
Pontho tinadzasimba dzina yanu kwenda na kwenda. (Sela)
9 Mbwenye cincino imwe mwatikhonda mbamutipasa manyadzo,
Pontho nee musaenda pabodzi na anyankhondo athu.
10 Imwe musaticitisa kuthawa anyamalwa athu;+
Ale anatiida asatikwatira pyonsene pinafuna iwo.
11 Imwe mwatipereka kuna anyamalwa athu toera tiphiwe ninga mabira;
Imwe mwatimwaza pakati pa madzindza anango.+
13 Imwe mwacitisa kuti anthu anakhala dhuzi na ife atipwaze,
Pontho toera tisingirirwe na kusekwa na onsene anatizungulira.
14 Mwaticitisa kukhala ninga madzemwa* pakati pa madzindza,+
Anthu angationa asatiseka mbasukusa misolo yawo.
15 Ndisakhala na manyadzo ntsiku yamumphu,
Pontho ndakundwa na manyadzo anga,
16 Thangwi ya mafala awo akutikana na akusowa cilemedzo,
Pontho thangwi ya nyamalwa wathu wakuti ali kutibwezera pyakuipa.
17 Pyenepi pyonsene pyacitika kuna ife, ngakhale tenepo nee takuduwalani,
Pontho ife nee tafudza cibverano cidacita imwe na ife.+
18 Mitima yathu nee yakusiyani;
Pontho ife nee tasiya kufamba munjira yanu.
19 Imwe mwasiya toera tikundwe pa mbuto inagumanyikana mibindzi;*
Mwatiphimbira na cidima cakuti bwerani mudzaone.
20 Khala ife taduwala dzina ya Mulungu wathu
Peno talamusa manja athu mbaticita phembero kuna mulungu unango,
21 Kodi Mulungu nee mbadadziwa pyenepi?
Iye asadziwa pinthu pidabisika muntima.+
22 Thangwi ya imwe, ndzidzi onsene iwo asafuna kutipha;
Pontho asationa ninga mabira anadikhira kuphiwa.+
23 Yahova, thangwi yanji musakhala ninga mukugona?+
Lamukani toera mutiphedze. Lekani kutisiya kwenda na kwenda.+
24 Thangwi yanji musabisa nkhope yanu?
Thangwi yanji mwaduwala nyatwa zathu na kupondererwa kwathu?
25 Thangwi ife tagwiswa pantsi;
Mimba zathu zapfinyirirwa pantsi.+
26 Lamukani toera mutiphedze!+
Tipulumuseni* thangwi ya ufuni wanu wakukhonda mala.+
Kuna nyakutsogolera nyimbo; inalonga pya “Maluwa.” Nyimbo ya ana a Kora.+ Masikili.* Nyimbo ya ufuni.
45 Muntima mwanga mwadzala na pinthu pyadidi.
Ine ndalonga: “Nyimbo yanga isalonga* pya mambo.”+
Lirimi yanga mbikhale ninga cakulemba naco+ ca nyakulemba* waluso.+
2 Imwe mambo, ndimwe wakubalika kakamwe pakati pa ana a anthu.
Nkanwa mwanu musabuluka mafala adidi.+
Na thangwi ineyi, Mulungu anadzakupasani nkhombo kwenda na kwenda.+
4 Na ukulu wanu ndokoni kakunda* anyamalwa anu;+
Kwirani kavalo yanu mbamumenya nkhondo thangwi ya anthu akucepeseka, undimomwene na ulungami.+
Djanja yanu yamadyo inadzacita* pinthu pyakudzumisa.
5 Mambo, mapswimo anu ndi akutwa, asacitisa anthu kugwa pamaso panu;+
Iwo asalasa mitima ya anyamalwa a mambo.+
6 Mulungu ndiye anakupasani mphambvu* toera mutonge kwenda na kwenda;+
Ndodo ya umambo wanu ndi yaulungami.+
7 Imwe mwafuna ulungami,+ mbamuida pyakuipa.+
Na thangwi ineyi, Mulungu akudzodzani+ na mafuta, mbakucitisani kukhala wakutsandzaya+ kakamwe kupiringana andzanu.
8 Nguwo zanu zisanunkhira mafuta a mira, alowe na kasiya;
Kubulukira panyumba yanu ikulu yakubalikiswa na nyanga za ndzou, nyimbo zisakucitisani* kukhala wakutsandzaya.
9 Ana akazi a amambo ali pakati pa akazi analemedza imwe.
Nyanyi alimira kunkono wanu wamadyo uku abalikiswa na ouro ya Ofire.+
10 Iwe mwananga wankazi, bvesera mbubvesesa mafala anga;
Duwala mbumba yako na nyumba ya babako.
11 Mambo anadzakufuna kakamwe thangwi ya kubalika kwako,
Thangwi iye ndi mbuyako,
Natenepa godama pamaso pace.
12 Mwana wankazi wa ku Tiro anabwera na muoni;
Anthu akupfuma kakamwe anadzakusaka toera uaphedze.
13 Mwana wankazi wa mambo ali na cidzo cikulu nʼnyumba mwa mambo;*
Nguwo zace zabalikiswa na ouro.
14 Iye anaendeswa kuna mambo uku adabvala nguwo zakubalika kakamwe.
Amiyali akhamperekera akuti ndi andzace anaendeswambo kuna iye.*
15 Iwo anadzaendeswa mwakutsandzaya na mwakukomerwa;
Iwo anadzapita nʼnyumba mwa mambo.
16 Ananu anadzakhala pa mbuto za ambuyanu.
Imwe munadzaakhazikisa ninga atsogoleri pa dziko yonsene yapantsi.+
17 Ndinadzadziwisa dzina yanu kwenda na kwenda.+
Na thangwi ineyi, anthu anadzakusimbani kwenda na kwenda.
Kuna nyakutsogolera nyimbo. Nyimbo ya ana a Kora.+ Mwakubverana na maimbiro a Alamoti.* Nyimbo.
46 Mulungu ndi pakuthawira pathu na mphambvu yathu,+
Ndzidzi onsene iye ali dzololo toera kutiphedza tingakhala pa nyatwa.+
2 Na thangwi ineyi, ife nkhabe kugopa, maseze dziko icinje,
Ngakhale mapiri agwe mʼbara yakuzika,+
3 Maseze madzi ace akuke mbakhala na mapobvu,+
Maseze mapiri atekenyeke thangwi ya kukuka kwawo. (Sela)
4 Pana nkulo wakuti wagawika mbukhala na mikulo inango mingʼono yakuti isacitisa anthu anakhala mu nzinda wa Mulungu kutsandzaya,+
Wakuti ndi tabhernakulo ikulu yakucena ya Mulungu Wakudzulu Kakamwe.
5 Mulungu ali mu nzinda,+ na thangwi ineyi nzinda unoyu nkhabe kufudzwa.
Mulungu anabwera kudzauphedza mʼbambakuca.+
6 Mbumba zikucita uviyaviya, maumambo afudzika;
Iye akhuwa, dziko yapantsi mbinyunguluka.+
7 Yahova wa anyankhondo ali na ife;+
Mulungu wa Yakobe ndi mbuto yathu yakuthawira yakutsidzikizika.* (Sela)
8 Bwerani mudzaone pinthu pidacita Yahova,
Onani pinthu pyakudzumisa pinacita iye pa dziko yapantsi.
9 Iye asamalisa nkhondo pa dziko yonsene yapantsi.+
Iye asakhumula mauta mbagwanda-gwanda madipa;
Iye asapisa pa moto ngolo za nkhondo.*
10 “Perekekani, pontho dziwani kuti ine ndine Mulungu.
11 Yahova wa anyankhondo ali na ife;+
Kuna ife, Mulungu wa Yakobe ndi mbuto yakuthawira yakutsidzikizika.+ (Sela)
Kuna nyakutsogolera nyimbo. Nyimbo ya ana a Kora.+
47 Imwe mbumba zonsene, menyani manja anu.
Khuwani mwakutsandzaya kuna Mulungu thangwi mwawina.
2 Thangwi Yahova Mulungu Wakudzulu Kakamwe asafunika kugopiwa;+
Iye ndi Mambo wankulu pa dziko yonsene yapantsi.+
3 Iye akunda madzindza toera ife tiatonge;
Iye acitisa madzindza kukhala pantsi pa manyalo athu.+
5 Mulungu akwira mu ndzidzi wakuti anthu akakhuwa mwakukomerwa;
Yahova akwira mu ndzidzi wakuti anthu akhaliza nyanga.*
6 Imbani nyimbo toera kusimba Mulungu, imbani nyimbo zakusimba.
Imbani nyimbo toera kusimba Mambo wathu, imbani nyimbo zakusimba.
7 Thangwi Mulungu ndi Mambo pa dziko yonsene yapantsi;+
Imbani nyimbo zakusimba mbamupangiza luso yakubvesesa.
8 Mulungu adzakhala Mambo wa madzindza.+
Mulungu akhala pa mpando wace waumambo wakulemedzeka.
9 Atsogoleri a mbumba agumanyikana
Na mbumba ya Mulungu wa Abhrahamu.
Thangwi atongi* a pa dziko yapantsi ndi a Mulungu.
Iye ali pa mbuto yapadzulu kakamwe.+
Nyimbo ya ana a Kora.+
48 Yahova ndi wankulu, pontho athema kakamwe kusimbwa
Mu nzinda wa Mulungu wathu, paphiri yace yakucena.
2 Phiri ya Sioni yakuti iri kucisa cakutali ca kunkwiriro,
Ndi yakubalika thangwi yakulapha kwayo na yakutsandzayisa pa dziko yonsene yapantsi,+
Pontho ndi nzinda wa Mambo Wankulu.+
3 Mulungu apangizika kuti iye ndi mbuto yakuthawira yakutsidzikizika*
Kuna nyumba za ndzulu za mu nzinda unoyu zakuzungulirwa na mipanda yakuwanga.+
4 Onani! Amambo agumanyikana;*
Iwo abwera pabodzi pene.
5 Pidaona iwo nzinda unoyu, iwo adzumatirwa.
Iwo asowa cakucita mbathawa thangwi yakugopa.
6 Kweneko iwo atoma kudzadzamira,
Iwo akhabva kupha ninga nkazi wakuti ali kubala.
7 Na mphepo yakumabulukiro a dzuwa, imwe mwafudza mabote a ku Tarsi.
8 Pinthu pidabva ife mbapilongwa, tapiona na maso athu
Mu nzinda wa Yahova wa anyankhondo, mu nzinda wa Mulungu wathu.
Mulungu analikhisa nzinda unoyu kwenda na kwenda.+ (Sela)
9 Imwe Mulungu, ife tisanyerezera pya ufuni wanu wakukhonda mala,+
Mu templo yanu.
10 Ninga dzina yanu, imwe Mulungu, mbiri yanu
Yafika mpaka kunkhomo kwa dziko yapantsi.+
Djanja yanu yamadyo yadzala na ulungami.+
13 Nyerezerani mwadidi mipanda yace yakuwanga.+
Onani mwadidi nyumba za ndzulu za nzinda unoyu,
Toera mudzalonge pyenepi kuna madzindza antsogolo.
14 Thangwi Mulungu adacita pinthu pyenepi ndi Mulungu wathu+ kwenda na kwenda.
Iye anatitsogolera kwenda na kwenda.*+
Kuna nyakutsogolera nyimbo. Nyimbo ya ana a Kora.+
49 Imwe mbumba zonsene, bveserani mafala awa.
Imwe monsene munakhala pa dziko,* bveserani mwadidi,
2 Anthu akulemedzwa na akukhonda kulemedzwa,*
Akupfuma na akutcerenga.
3 Ine ndinadzalonga pinthu pyandzeru,
Pontho pinafuna kunyerezera ntima wanga+ pinapangiza luso yakubvesesa pinthu.
4 Ndinabvesera nsangani ungalongwa;
Ndinaphatisira arpa toera kufokotoza nsangani wanga.
5 Thangwi yanji ndisafunika kugopa mʼmidzidzi ya nyatwa,+
Ndingazungulirwa na pinthu pyakuipa pya* anthu anafuna kundigwisa?
6 Ale ananyindira mpfuma zawo+
Na ale anagaya thangwi yakunjipa kwa mpfuma zawo,+
7 Nee mʼbodzi wa iwo anakwanisa kupulumusa ndzace
Peno kupereka cinthu kuna Mulungu toera kumuombola,+
8 (Ntengo toera kuombola* umaso wawo ndi ukulu kakamwe
Wakuti cipo iwo anakwanisa kuulipa);
9 Toera iye akhale na umaso wakwenda na kwenda mbakhonda kuona nthumbi.+
10 Iye asaona kuti ngakhale anthu andzeru asafa;
Dzemwa na munthu wakusowa ndzeru onsene asafa,+
Anango mbasala na mpfuma zawo.+
11 Iwo asafuna mʼmitima mwawo kuti nyumba zawo zikhale kwenda na kwenda,
Pontho kuti misasa yawo ikhale mu ubalwi na ubalwi.
Mbuto zawo azipasa madzina awo.
12 Mbwenye munthu, maseze akhale pyace na mbiri, nkhabe kukhala kwenda na kwenda;+
Iye ndi sawasawa na pinyama pyakuti pisafa.+
13 Pyenepi ndipyo pinacitika kuna madzemwa+
Na kuna ale anaatowezera, akuti asakomerwa na mafala awo akusowa basa. (Sela)
14 Iwo anadzaphiwa ninga mabira, mbaendeswa Munthumbi.*
Kufa ndi ninga nkumbizi anafuna kuatsogolera;
Kunja kungaca, anyakulungama anadzaatonga.+
Manungo awo anadzafudzikiratu;+
Mʼmbuto mwakukhala nʼnyumba zawo zakubalika,+ iwo anadzakhala Munthumbi.*+
16 Leka kunentseka munthu angapfuma,
Peno mbiri ya nyumba yace ingathimizirika,
17 Thangwi iye angafa nkhabepo cinafuna kukwata iye;+
Mbiri yace nee anaenda nayo munthumbi.+
18 Thangwi pikhali iye mʼmaso akhapasika mbiri ekhene.+
(Anthu asakusimba ungapfuma.)+
19 Mbwenye pakumalisa, iye anadzafa ninga pidacita ambuyace.
Iwo cipo anadzaona pontho ceza.
20 Munthu anakhonda kubvesesa pinthu pyenepi, maseze apaswe pyace mbiri,+
Iye ndi sawasawa na pinyama pyakuti pisafa.
Nyimbo ya Azafe.+
50 Mulungu wa alungu wakuti ndi Yahova+ alonga;
Iye asacemeresa anthu onsene anakhala pa dziko yapantsi
Kutomera kumabulukiro a dzuwa mpaka kumadokero a dzuwa.
2 Mulungu asatumiza ceza cace bulukira ku Sioni, nzinda wakubalika kakamwe.+
3 Mulungu wathu anadzabwera, pontho nee anapitiriza kukhala wakumatama.+
4 Iye agumanya ale anakhala kudzulu na ale anakhala pa dziko yapantsi,+
Toera kutonga mbumba yace. Iye alonga:+
5 “Cemeresani anthu anga akukhulupirika toera abwere kuna ine,
Ale adapereka ntsembe kuna ine toera kucita cibverano.”+
6 Kudzulu kusadziwisa ulungami wace,
Thangwi Mulungu ndi Ntongi.+ (Sela)
7 Bveserani imwe mbumba yanga, thangwi ine ndisafuna kulonga;
Imwe Aizraeli, ine ndinadzalonga madodo anu.+
Ine ndine Mulungu, ndine Mulungu wanu.+
8 Ine nee ndiri kukusandikani thangwi ya ntsembe zanu,
Peno thangwi ya ntsembe zonsene zakupiswa zinapereka imwe mwakukhonda phonya kuna ine.+
10 Thangwi pinyama pyonsene pya ntsanga ndi pyanga,+
Ngakhale pinyama piri mʼmapiri onsene.
11 Ndisadziwa mbalame zonsene ziri mʼmapiri;+
Pinyama pyakukhonda lengeseka pya ntsanga ndi pyanga.
12 Ine mbandidakhala na njala nee mbandidapanga imwe,
Thangwi mataka a ndimu na pinthu pyonsene piri mwenemu ndi pyanga.+
13 Kodi ine ndisadya nyama ya ngʼombe imuna
Mbandimwa ciropa ca mbuzi?+
14 Perekani miyoni yanu yakupereka takhuta ninga ntsembe kuna Mulungu,+
Pontho citani pidadumbira imwe kuna Mulungu Wakudzulu Kakamwe;+
15 Ndicemereni mʼmidzidzi ya nyatwa.+
Ine ndinadzakupulumusani, pontho imwe munadzandisimba.”+
16 Mbwenye Mulungu anadzapanga nyakucita pyakuipa:
19 Iwe usaphatisira mulomo wako toera kumwaza pinthu pyakuipa,
Pontho usaphatisira lirimi yako toera kulonga uthambi.+
21 Pidacita iwe pyenepi, ine ndamatama pyanga,
Natenepa iwe wanyerezera kuti ine ndinakhala ninga iwe.
Mbwenye cincino ndinakusandika,
Pontho ine ndinakupangiza madodo ako.+
22 Ndaphata miyendo, nyerezerani pyenepi imwe adaduwala Mulungu,+
Toera ndikhonde kukufudzani* mbasoweka munthu wakukupulumusani.
23 Ule anapereka miyoni yakupereka takhuta asandipasa mbiri,+
Pontho ule anafamba munjira yadidi na cinyindiro consene,
Ndinadzancitisa kuona cipulumuso ca Mulungu.”+
Kuna nyakutsogolera nyimbo. Nyimbo ya Dhavidhi idaimba iye mu ndzidzi udaenda mprofeta Natani kalonga na Dhavidhi pidamala iye kupita mʼmabonde na Bhatisebha.+
51 Mulungu, ndibvereni ntsisi thangwi ya ufuni wanu wakukhonda mala.+
Fudzani madawo anga thangwi ya ntsisi zanu zikulu.+
Natenepa, pinalonga imwe ndi pyakulungama,
Njira yanu yakutonga ndi yadidi.+
5 Onani! Ine ndabalwa na mulando wa madawo,
Pontho ndine nyakudawa kutomera mu ndzidzi udamita mai wanga mimba yanga.+
6 Mwandimomwene, imwe musakomerwa mungaona undimomwene muntima mwa munthu;+
Ndiphedzeni toera ndikhale na ntima waudziwisi.
7 Tsukani madawo anga na isopo toera ine ndikhale wakucena;+
Ndisambiseni toera ndikhale wakucena kakamwe ninga matalala.+
8 Ndicitiseni kukhala wakukomerwa na wakutsandzaya,
Toera atsandzaye magogodo adaswa imwe.+
9 Lekani kuyangʼana* madawo anga,+
Pontho fudzani* madodo anga onsene.+
11 Lekani kundithamangisa pamaso panu;
Pontho lekani kubulusa nzimu wanu wakucena kuna ine.
12 Ndipaseni pontho kutsandzaya kukhali na ine mu ndzidzi udandipulumusa imwe;+
Ndicitiseni kukhala na cifuno* cakukubverani.
13 Ndinadzapfundzisa njira zanu ale anaswa mitemo yanu,+
Toera anyakudawa abwerere kuna imwe.
14 Imwe Mulungu, Mulungu wacipulumuso canga,+ ndipulumuseni ku mulando wa ciropa,+
Toera lirimi yanga ilonge ulungami wanu mwakutsandzaya.+
15 Yahova, fungulani mulomo wanga,
Toera ndikwanise kukusimbani.+
16 Thangwi imwe nkhabe kufuna ntsembe, mbidakhala tenepo, ine mbidaipereka kuna imwe;+
Imwe nkhabe kukomerwa na ntsembe zakupiswa.+
17 Mulungu asatawira ntsembe za ntima wakusandikika;
Mulungu, imwe nkhabe kukhonda* ntima wakutcunyuka na wakutsukwala.+
18 Citani pinthu pyadidi kuna Sioni;
Mangani pontho mipanda ya Yerusalemu.
19 Penepo imwe munadzakomerwa na ntsembe za anthu akulungama,
Ntsembe zakupiswa na ntsembe zamumphu;
Buluka penepo, ngʼombe zimuna zinadzaperekwa ninga ntsembe pa guwa yanu.+
Kuna nyakutsogolera nyimbo. Masikili.* Nyimbo ya Dhavidhi, mu ndzidzi udafika Dhoegi wa ku Edhomi mbapanga Sauli kuti Dhavidhi aenda kunyumba ya Aimeleki.+
52 Iwe wamphambvu, thangwi yanji usagaya thangwi ya pinthu pyakuipa pinacita iwe?+
Ufuni wakukhonda mala wa Mulungu usakhala ndzidzi onsene.+
3 Iwe usakomerwa kakamwe na pyakuipa kupiringana pyadidi,
Usakomerwa kakamwe na kulonga uthambi kupiringana kulonga pinthu pyandimomwene. (Sela)
4 Iwe usakomerwa na mafala onsene akuipa,
Iwe wakuti lirimi yako isalonga uthambi!
5 Na thangwi ineyi, Mulungu anadzakugwisa pantsi mbukhonda kulamuka pontho;+
Iye anadzakukwata, mbakuponya kutali na nsasa wako;+
Iye anadzakubulusa mu dziko ya anthu ali mʼmaso.+ (Sela)
7 “Onani munthu wakuti nee aikha Mulungu ninga pakuthawira pace,*+
Mbwenye iye anyindira mpfuma zace zizinji+
8 Mbwenye ine ndinadzakhala ninga muti wa mulivera wa masamba akubithimira nʼnyumba mwa Mulungu;
Ine ndinanyindira ufuni wakukhonda mala wa Mulungu,+ kwenda na kwenda.
9 Ine ndinakusimbani kwenda na kwenda thangwi imwe mwacita pinthu;+
Pamaso pa anthu anu akukhulupirika,
Ine ndinadzadikhira dzina yanu,+ thangwi pyenepi mphyadidi.
Kuna nyakutsogolera nyimbo; maimbiro a Maalati.* Masikili.* Nyimbo ya Dhavidhi.
53 Anthu akusowa ndzeru* asalonga mʼmitima mwawo:
“Yahova nee alipo.”+
Pinacita iwo ndi pyakukhonda kulungama, pontho makhaliro awo ndi akunyanyasa;
Nee mʼbodzi wa iwo asacita pinthu pyadidi.+
2 Mbwenye kubulukira kudzulu, Mulungu asayangʼana anthu pa dziko yapantsi+
Toera kuona khala alipo munthu wakubvesesa, khala alipo munthu anasaka Yahova.+
3 Onsene asiya kucita pinthu pyadidi;
Onsene nkhabe kunyindirika.
Nkhabepo anacita pinthu pyadidi,
Nee mʼbodzi.+
4 Kodi mwa ale anacita pinthu pyakuipa, nkhabepo anabvesesa?
Iwo asafudza mbumba ya Mulungu mwakukhonda nentsa ninga pinacita iwo angadya nkate.
Iwo nee asacemera Yahova.+
5 Mbwenye iwo anadzagopa kakamwe,
Kugopa kwakuti cipo akhala nako kale,*
Thangwi Mulungu anadzamwaza magogodo a ale anafuna kumenyana na iwe.*
Nakuti iwo akhondiwa na Yahova, iwe unadzaapasa manyadzo.
6 Cipulumuso ca Izraeli mbacibwere kubulukira ku Sioni!+
Yahova angabweresa mbumba yace kubuluka ku ubitcu,
Yakobe mbakomerwe, Izraeli mbatsandzaye.
Kuna nyakutsogolera nyimbo; toera iimbwe na pyakuimba napyo pya nkhambala. Masikili.* Nyimbo ya Dhavidhi idaimba iye mu ndzidzi udaenda amuna a ku Zifi kuna Sauli mbampanga: “Dhavidhi abisala dhuzi na ife.”+
2 Mulungu, bveserani phembero yanga;+
Bveserani mwadidi mafala anabuluka pamulomo panga.
3 Thangwi anyamalwa alamuka toera kumenyana na ine,
Pontho anthu akuipa asasaka umaso wanga.+
Iwo nee asanyerezera Mulungu.*+ (Sela)
4 Onani! Mulungu ndi mʼphedzi wanga;+
Yahova ali pabodzi na ale anandiphedza.
5 Iye anadzabwezera anyamalwa anga+ pyakuipa pinacitira iwo andzawo;
6 Mwakufuna kwanga, ine ndinadzapereka ntsembe kuna imwe.+
Yahova, ine ndinadzasimba dzina yanu, thangwi pyenepi mphyadidi.+
Kuna nyakutsogolera nyimbo; toera iimbwe na pyakuimba napyo pya nkhambala. Masikili.* Nyimbo ya Dhavidhi.
2 Ndibvesereni mwadidi, pontho nditawireni.+
Nyatwa zanga zisandidzudzumisa.+
Ine nkhabe dziwa cakucita,
3 Thangwi ya pinthu pinalonga nyamalwa wanga,
Pontho thangwi yakuthuswa na anyakuipa.
Iwo asandibweresera nyatwa zizinji kakamwe,
Iwo aipirwa na ine, pontho akundiida kakamwe.+
5 Ine ndiri kutetemera na kugopa,
Pontho ndiri kudzadzamira.
6 Ine ndisalonga: “Mbindidakhala na maphapido ninga nkhangaiwa!
Mbidamburuka mbandienda kutali kakhala pa mbuto yakutsidzikizika.
7 Onani! Ine mbandidathawira kutali kakamwe.+
Ine mbandidaenda kakhala nʼthando.+ (Sela)
8 Mwakucimbiza ine mbandidaenda pa mbuto yacitsidzikizo,
Ine mbandidathawa nyatwa zakuti ndi ninga mphepo ikulu na condzi.”
9 Yahova, balalisani manyerezero awo, pontho pingizani masasanyiro awo,+
Thangwi ine ndisaona uphanga na uviyaviya mu nzinda.
10 Iwo asazungulira mpanda wa nzinda unoyu masiku na masikati;
Nkati mwa nzinda unoyu muna uipi na nyatwa.+
11 Nyatwa ziri konsene kwene mu nzinda unoyu;
Pa mbuto inagumanyikana anthu a mu nzinda unoyu, ndzidzi onsene pasaoneka kupondererana na kuphatisana mwala.+
12 Thangwi ananditikana si nyamalwa tayu;+
Mbadakhala ndi nyamalwa, ine mbindidapirira.
Anandisandukira si nyamalwa tayu;
Mbadakhala ndi nyamalwa, ine mbidamʼbisalira.
14 Ife tikhali axamwali a ponda ndipondembo;
Tikhaenda pabodzi na mwinji mpaka kunyumba ya Mulungu.
15 Mbafudzwe anyamalwa anga!+
Mbaende Munthumbi* mbali mʼmaso;
Thangwi uipi uli mʼmitima mwawo na mʼmbuto zinakhala iwo.
16 Mbwenye ine ndinacemera Yahova Mulungu,
Pontho iye anandipulumusa.+
17 Ine ndisathabuka, pontho ndisabulira kutomera macibese mpaka maulo,+
Pontho iye asabva fala yanga.+
18 Iye anadzandipulumusa* mʼmanja mwa ale anamenyana na ine, pontho anandipasa ntendere,
Thangwi ndi azinji anabwera kudzamenyana na ine.+
19 Mulungu anadzabva, mbaatawira,+
Inde, ule adakhala pa mpando waumambo kutomera kale kakamwe.+ (Sela)
Ale akuti nkhabe kugopa Mulungu,
Anadzakhonda kucinja.+
21 Mafalace ndi akufewa kupiringana mantega,+
Mbwenye muntima mwace muli na uipi.
Mafalace ndi akuphuruza kupiringana mafuta,
Mbwenye iwo ndi ninga masupada akutwa.+
Iye nkhabe kudzatawirisa kuti munthu wakulungama agwe.*+
23 Mbwenye imwe Mulungu, munadzaponya anyakuipa munthumbi.+
Ale ali na mulando wa ciropa na ale analonga uthambi anadzafa mwakucimbiza.+
Mbwenye ine, ndinanyindira imwe.
Kuna nyakutsogolera nyimbo; inalonga pya “Nkhangaiwa Yakumatama Yakuti Iri Kutali Kakamwe.” Nyimbo* ya Dhavidhi. Mu ndzidzi udaphatwa iye na Afilisti ku Gati.+
56 Ndibvereni ntsisi Mulungu, thangwi anthu ali kuthimbana na ine.*
Iwo asamenyana na ine, pontho asandiponderera ntsiku zonsene.
2 Anyamalwa anga asanditowerera ntsiku zonsene;
Mwakudzikuza, azinji asamenyana na ine.
3 Ndingagopa+ ndisanyindira imwe.+
4 Nakuti ndisanyindira Mulungu, ndinasimba mafalace,
Nakuti ndisanyindira Mulungu, nee ndisagopa.
Kodi munthu anandicitanji?+
5 Ntsiku zonsene iwo asapitiriza kumenyana na ine na kundiponderera;
Pinanyerezera iwo ndi kundicitira pyakuipa basi.+
6 Iwo asandibisalira toera kundicita pyakuipa;
Ndzidzi onsene iwo asaonesesa kunaenda ine,+
Mbadikhira toera kubulusa umaso wanga.+
7 Akhondeni thangwi ya pinthu pyakuipa pinacita iwo.
Mulungu, tcunyusani anthu thangwi yakuipirwa kwanu.+
8 Mbuto zonsene zinafamba ine, imwe musazidziwa.+
Ikhani misozi yanga mʼbudu yanu ya nthembe.+
Kodi iyo nee yalembwa mʼbukhu mwanu?+
9 Anyamalwa anga anadzabwerera nduli pa ntsiku inakuphembani ine ciphedzo.+
Ine ndiri na cinyindiro cakuti Mulungu ali na ine.+
10 Nakuti ndisanyindira Mulungu, ndinasimba mafalace,
Nakuti ndisanyindira Yahova, ndinasimba mafalace,
11 Ine ndisanyindira Mulungu; nee ndinagopa.+
Kodi munthu anandicitanji?+
12 Ndinacita pidadumbira ine kuna imwe Mulungu wanga;+
Ndinadzapereka ntsembe zakupereka takhuta kuna imwe.+
13 Imwe mwandipulumusa toera ndikhonde kuphiwa,+
Pontho mwatsidzikiza miyendo yanga toera ikhonde kugwegweduka,+
Toera ndipitirize kukhala mʼmaso mbandifamba pamaso pa Mulungu.+
Kuna nyakutsogolera nyimbo; inalonga pya “Lekani Kundifudza.” Nyimbo* ya Dhavidhi idaimba iye mu ndzidzi udathawa iye Sauli mbapita mʼmphako.+
57 Ndibvereni ntsisi, Mulungu, ndibvereni ntsisi,
Thangwi ine ndisathawira kuna imwe,+
Pontho ndinabisala mʼmaphapido mwanu mpaka nyatwa zanga zimale.+
2 Ndinacemera Mulungu Wakudzulu Kakamwe,
Mulungu wandimomwene, wakuti asandipulumusa mu nyatwa zanga.
3 Iye anadzatumiza ciphedzo bulukira kudzulu mbandipulumusa.+
Iye anadzapingiza ale ananditowerera. (Sela)
Mulungu anadzapangiza ufuni wace wakukhonda mala na kukhulupirika kwace.+
4 Ine ndazungulirwa na nkhalamu;+
Ndisakakamizika toera kugona pakati pa anthu akuti asafuna kundidya,
Akuti mano awo ndi ninga madipa na mapswimo,
Pontho malirimi awo ndi ninga supada yakutwa.+
5 Mulungu, pangizani ukulu wanu kudzulu kakamwe;
Mbiri yanu mbikhale pa dziko yonsene yapantsi.+
Iwo akumba djenje kutsogolo kwanga,
Mbwenye adagweramo ndiwo ene.+ (Sela)
7 Ntima wanga ndi wakukhulupirika kuna imwe Mulungu,+
Ntima wanga ndi wakukhulupirika kuna imwe.
Ndinadzaimba nyimbo toera kukusimbani.
8 Ntima wanga, lamuka.
Iwe cakuimba naco ca nkhambala, lamuka; iwembo arpa, lamuka.
Ine ndinadzabesera kakamwe.+
9 Imwe Yahova, ine ndinadzakusimbani pakati pa mbumba;+
Ine ndinadzaimba nyimbo toera kukusimbani pakati pa madzindza.+
10 Thangwi ufuni wanu wakukhonda mala ndi ukulu kakamwe ninga kudzulu,+
Pontho kukhulupirika kwanu kwafika mpaka kuthambo.
11 Mulungu, pangizani ukulu wanu kudzulu kakamwe;
Mbiri yanu mbikhale pa dziko yonsene yapantsi.+
Kuna nyakutsogolera nyimbo; inalonga pya “Lekani Kundifudza.” Nyimbo* ya Dhavidhi.
58 Kodi imwe munakwanisa kulonga pyakulungama uku muli akumatama?+
Imwe ana a anthu, kodi imwe munakwanisa kutonga mwakulungama?+
2 Thangwi imwe musanyerezera pinthu pyakuipa muntima mwanu,+
Pontho musakhunganya manja anu toera mucite pinthu pyauphanga mu dziko.+
3 Ale anacita pyakuipa asatayika kubulukira pa ntsiku idabalwa iwo;*
Iwo asatowera njira yakuipa bulukira pidabalwa iwo, pontho asalonga uthambi.
4 Mafala awo authambi ndi ninga nyongo ya nyoka,+
Iwo ndi madhrodhro ninga mbadza yakuti yafunga makutu.
5 Iyo nee inadzabva fala ya anyakuombedza,
Mwakukhonda tsalakana maluso awo akuombedza.
6 Mulungu, khutcani mano ali nkanwa mwawo!
Yahova, gwandani ntsaya za nkhalamu izi!
7 Iwo mbazambazike ninga madzi akuti ali kuuma.
Mbakunge uta Wace toera aagwise na mapswimo ace.
8 Mbakhale ninga nkhobvu yakuti isabulusa nʼthemba wakuti usanyunguluka mu ndzidzi unafamba iyo;
Mbakhale ninga mwana anabalwa wakufa wakuti cipo anadzaona dzuwa.
9 Pikalango pyanu mbapidzati kupisa na moto wa nkhuni za minga,
Mulungu anadzamburusa na mphepo ya condzi nthawi ziwisi na zire zinagaka.+
10 Nyakulungama anadzakomerwa thangwi yakuona kutcunyuswa kwa anyakuipa;+
Miyendo yace inadzasamba ciropa ca anyakuipa.+
11 Penepo anthu anadzalonga: “Mwandimomwene anthu akulungama asapaswa nkhombo.+
Alipodi Mulungu anatonga dziko yapantsi.”+
Kuna nyakutsogolera nyimbo; inalonga pya “Lekani Kundifudza.” Nyimbo* ya Dhavidhi idaimba iye mu ndzidzi udatuma Sauli amuna kuti aende kaonera nyumba ya Dhavidhi toera amuphe.+
59 Mulungu wanga, ndipulumuseni mʼmanja mwa anyamalwa anga;+
Nditsidzikizeni kuna anthu anabwera toera kumenyana na ine.+
2 Ndipulumuseni mʼmanja mwa anthu anacita pyakuipa,
Pontho ndipulumuseni kuna mapanga.*
3 Onani, iwo asandibisalira;+
Yahova, anthu amphambvu asafuna kundicita pyakuipa,
Mbwenye, tayu thangwi ine ndacita madawo peno kusandukira.+
4 Maseze nee ndacita madawo, iwo athamanga mbakhunganyika toera kundicita pyakuipa.
Ndingakuphembani ciphedzo, lamukani toera mundiphedze, mbamuona pinacita iwo.
5 Thangwi imwe, Yahova Mulungu wa anyankhondo, ndimwe Mulungu wa Izraeli.+
Lamukani toera mudinge madzindza onsene.
Lekani kubvera ntsisi anyakusandukira onsene.+ (Sela)
7 Onani mafala akuipa anabuluka nkanwa mwawo;
Milomo yawo ndi ninga masupada,+
Thangwi iwo asalonga: “Mbani anafuna dziwa kuti ndife adalonga pyenepi?”+
8 Mbwenye imwe Yahova munadzaaseka;+
Imwe munadzasingirira madzindza onsene.+
9 Imwe Mphambvu yanga, ine ndinapitiriza kudikhira imwe;+
Thangwi Mulungu ndi mbuto yanga yakuthawira yakutsidzikizika.*+
10 Mulungu wakuti asapangiza ufuni wakukhonda mala kuna ine anabwera kudzandiphedza;+
Mulungu anadzandicitisa kuona kufudzwa kwa anyamalwa anga.+
11 Lekani kuapha, toera mbumba yanga ikhonde kuduwala pinthu pidacita imwe.
Phatisirani mphambvu zanu toera muacitise kundzendza-ndzendza;
Imwe Yahova xango yathu, citisani kuti iwo akundwe.+
12 Nakuti iwo asadawa na mafala awo,
Kudzikuza kwawo mbakukhale nsampha kuna iwo,+
Thangwi iwo asapasa anthu dzedze mbalonga uthambi.
13 Afudzeni na ukali wanu;+
Afudzeni toera akhondebve kuoneka;
Acitiseni kudziwa kuti Mulungu ndiye anatonga pakati pa Yakobe, pontho ndiye anatonga mpaka kunkhomo kwa dziko yapantsi.+ (Sela)
14 Mbabwerere ncidodo;
Mbaute ninga anambwa, pontho mbazungulire nzinda.+
15 Mbandzendze-ndzendze toera kusaka cakudya;+
Mbaleke kukhuta peno kugumana mbuto toera kugona.
16 Mbwenye kwa ine, ndinadzaimba pya mphambvu zanu;+
Namacibese, ine ndinadzalonga mwakutsandzaya pya ufuni wanu wakukhonda mala.
Thangwi ndimwe mbuto yanga yakuthawira yakutsidzikizika,+
Pontho ndimwe mbuto yanga yakuthawira mʼmidzidzi ya nyatwa.+
17 Imwe Mphambvu yanga, ine ndinadzaimba nyimbo toera kukusimbani,+
Thangwi Mulungu ndi mbuto yanga yakuthawira yakutsidzikizika, Mulungu wakuti asapangiza ufuni wakukhonda mala kuna ine.+
Kuna nyakutsogolera nyimbo; inalonga pya “Maluwa Akuti Asapereka Umboni.” Nyimbo* ya Dhavidhi. Toera kupfundzisa. Pidamenyana iye na Aramu-Naraimu na Aramu-Zobha, pontho pidabwerera Yoabhe mbapha Aedhomi akukwana 12.000 ku Gowa ya Munyu.+
60 Mulungu, imwe mwatikhonda; mwagudjula pinthu pikhatitsidzikiza.+
Imwe mukhadaipirwa na ife, mbwenye cincino titawireni pontho!
2 Imwe mwatekenyesa dziko yapantsi; imwe mwaipandula.
Fungani minyandza yace thangwi iyo iri kufudzika.
3 Mwacitisa mbumba yanu kutamba nyatwa.
Mwatimwesa vinyu yakuti isatidzedzeresa.+
4 Pangizani* cidzindikiro kuna ale anakugopani
Toera athawe mbambzwenga mapswimo. (Sela)
5 Toera ale anafuna imwe apulumuswe,
Titawireni, pontho tipulumuseni na djanja yanu yamadyo.+
6 Mulungu wakuti ndi Wakucena alonga:*
7 Jiliyadhi ndi wanga, pontho Manase ndi wanga;+
Efraimu ndi capeu* canga;
Yuda ndi ndodo yanga yakutonga nayo.+
8 Moabhe ndi basiya inatsukira ine miyendo yanga.+
Masandalya anga ndinadzaaponya padzulu pa Edhomi.+
Ndinadzakhuwa mwakutsandzaya ndingafudza Filistiya.”+
9 Mbani anafuna kundiperekera toera kuenda kakunda nzinda udazungulirwa* na anyamalwa?
Mbani anafuna kundiperekera mpaka ku Edhomi?+
10 Imwe Mulungu wathu, kodi simwe tayu adatikhonda,
Mulungu wathu wakuti nee musaendabve pabodzi na anyankhondo athu?+
11 Tiphedzeni mu nyatwa zathu,
Thangwi kupulumuswa na anthu nkhabe phedza.+
Kuna nyakutsogolera nyimbo; toera iimbwe na pyakuimba napyo pya nkhambala. Nyimbo ya Dhavidhi.
61 Mulungu, bveserani nʼkhuwo wanga wakuphemba ciphedzo.
Bveserani phembero yanga.+
2 Ntima wanga ungakhala wakusowa cidikhiro,*
Ine ndinadzakhuwa kuna imwe kubulukira kunkhomo kwa dziko.+
Nditsogolereni mbamundikwiza pamwala wakulapha kakamwe kupiringana ine.+
3 Thangwi imwe ndimwe pakuthawira panga,
Nyumba yakuwanga yandzulu yakuti isanditsidzikiza kuna anyamalwa.+
4 Ine ndinadzakhala mulendo panyumba yanu kwenda na kwenda;+
Ndinadzathawira mu nʼthundzi wa maphapido anu.+ (Sela)
5 Thangwi imwe Mulungu mwabva mapikiro adacita ine.
Mwandipasa unthaka udakoyera imwe ale analemedza dzina yanu.+
6 Imwe munadzathimizira ntsiku za umaso wa mambo,+
Pontho pyaka pyace pinadzakhala pizinji ninga madzindza na madzindza.
7 Iye anadzakhala pa mpando waumambo dhuzi na Mulungu kwenda na kwenda;+
Iye mbatsidzikizwe na ufuni wanu na kukhulupirika kwanu.+
8 Natenepa ndinadzaimba nyimbo toera kusimba dzina yanu kwenda na kwenda+
Mu ndzidzi unakwanirisa ine mapikiro anga ntsiku na ntsiku.+
Kuna nyakutsogolera nyimbo; maimbiro a Yedhutuni.* Nyimbo ya Dhavidhi.
62 Ndiri kudikhira Mulungu mwakupirira.
Cipulumuso canga cisabuluka kuna iye.+
2 Iye ndi mwala wanga na cipulumuso canga, mbuto yanga yakuthawira yakutsidzikizika;*+
Ine nkhabe kudzagwegweduswa mbandigwa.+
3 Mpaka lini imwe munayesera kupha munthu anaida imwe?+
Imwe monsene ndimwe akugopswa ninga pfufu yakupendama, pfufu yakucitwa na miyala yakuti yasala pangʼono toera kugwa.*
4 Thangwi iwo asabverana toera kumʼbulusa pa cidzo cace cikulu;*
Iwo asakomerwa na kulonga uthambi.
Iwo asapasa nkhombo na milomo yawo, mbwenye muntima mwawo asapasa dzedze.+ (Sela)
6 Iye ndi mwala wanga na cipulumuso canga, mbuto yanga yakuthawira yakutsidzikizika;
Ine nkhabe kudzagwegweduswa mbandigwa.+
7 Cipulumuso canga cisabuluka kuna Mulungu, pontho mbiri yanga isabuluka kuna iye.
Mulungu ndi mwala wanga wakuwanga, mbuto yanga yakuthawira.+
8 Ndzidzi onsene nyindirani iye, imwe mbumba yanga.
Fungulani mitima yanu kuna iye.+
Mulungu ndi pakuthawira pathu.+ (Sela)
9 Ana a anthu akhala ninga muya,
Anthu ndi mbuto yakuthawira yakukhonda kunyindirika.+
Onsene angapimwa, asalulupa kakamwe kupiringana muya.+
10 Lekani kunyindira kupokosera anthu pinthu
Pontho lekani kunyindira pinafuna imwe kuba.
Mpfuma yanu ingathimizirika, lekani kuikha ntima wanu pa mpfuma ineyi.+
11 Mulungu alonga kabodzi, mbwenye ine ndabva kawiri:
Mphambvu ndi za Mulungu.+
12 Pontho ufuni wakukhonda mala ndi wanu, imwe Yahova,+
Thangwi imwe musabwezera munthu mwakubverana na pinacita iye.+
Nyimbo ya Dhavidhi, idaimba iye mu ndzidzi ukhali iye kuthando ya Yuda.+
63 Mulungu, imwe ndimwe Mulungu wanga, ine ndisapitiriza kukusakani.+
Ndiri na nyota ya imwe.+
Ine ndiri wakusowa* mphambvu thangwi ndisakufunani kakamwe
Mu dziko yakuuma na ya mataka akusowa ndimu, yakuti nee iri na madzi.+
2 Natenepa ndakuonani pa mbuto yakucena;
Ndaona mphambvu yanu na mbiri yanu.+
3 Nakuti ufuni wanu wakukhonda mala ndi wakufunika kakamwe kupiringana umaso,+
Mulomo wanga unadzakusimbani.+
4 Natenepa ndinadzakusimbani mu umaso wanga onsene;
Ndinadzalamusa manja anga mbandicemera dzina yanu mu phembero.
5 Imwe musandikhutisa thangwi musandipasa pinthu pyadidi kakamwe,
Natenepa mulomo wanga unadzakusimbani na fala yakutsandzaya kakamwe.+
6 Ine ndisakukumbukani mu ndzidzi unagona ine patalimba panga;
7 Thangwi imwe ndimwe mʼphedzi wanga,+
Pontho ndisakhuwa mwakutsandzaya mu nʼthundzi wa maphapido anu.+
8 Ine ndinakukakamirani;
Djanja yanu yamadyo yandiphata mwamphambvu.+
9 Mbwenye ale anafuna kundipha
Anadzaenda pantsi kakamwe pa mataka.
10 Iwo anadzaphiwa na supada;
Iwo anadzakhala cakudya ca anambwa a ntsanga.
11 Mbwenye mambo anadzakomerwa na pinafuna kuncitira Mulungu.
Munthu anafuna kudumbira mu dzina Yace anadzatsandzaya,
Thangwi milomo ya anthu analonga uthambi inadzamatamiswa.
Kuna nyakutsogolera nyimbo. Nyimbo ya Dhavidhi.
64 Mulungu, ine ndingadembetera, bveserani fala yanga.+
Tsidzikizani umaso wanga toera ukhonde kugopa nyamalwa.
2 Nditsidzikizeni ku makunje a anthu akuipa,+
Kuna mwinji wa anyakucita pyakuipa.
3 Iwo asanoza malirimi awo ninga supada;
Iwo asalondeza mafala awo akuipa ninga mapswimo,
4 Iwo asalasa munthu wakusowa mulando kubulukira mʼmbuto zawo zakubisalira;
Mwakukhonda dikhira iwo asamulasa nee kugopa.
5 Iwo asawangisira toera kucita pinthu pyakuipa pinafuna iwo;*
Asabverana kuti anabisa tani misampha yawo.
Iwo asalonga: “Mbani anafuna kuiona?”+
6 Iwo asasaka njira zipswa toera kucita pinthu pyakuipa;
Iwo asacita masasanyiro anewa akuipa mwacibisobiso;+
Pinanyerezera ntima wa mʼbodzi na mʼbodzi wa iwo nkhabe dziwika.
7 Mulungu anadzaalasa;+
Mwakukhonda dikhira iwo anadzalaswa na pswimo.
8 Pinalonga iwo ndipyo pinafuna kuacitisa kufudzwa;+
Onsene anafuna kuona pyenepi anadzasukusa misolo yawo.
9 Penepo, anthu onsene anadzagopa,
Iwo anadzadziwisa pidacita Mulungu,
Pontho iwo anadzabvesesa pinthu pidacita iye.+
10 Anyakulungama anadzakomerwa thangwi ya Yahova, pontho iwo anadzathawira kuna iye;+
Onsene ale ali na mitima yadidi anadzatsandzaya.
Kuna nyakutsogolera nyimbo. Nyimbo ya Dhavidhi.
2 Imwe Nyakubva phembero, anthu a mitundu yonsene anadzabwera kuna imwe.+
5 Imwe munadzatitawira na mabasa anu akudzumisa+ aulungami,
Imwe Mulungu mpulumusi wathu;
Ndimwe Cinyindiro ca anthu onsene pa dziko yapantsi+
Na ca ale anakhala ku ntsuwa zakutali kakamwe.
7 Imwe musangothesa* ukali wa mabara,+
Kukapira mwamphambvu kwa mabimbi awo na uviyaviya wa madzindza.+
8 Anthu anakhala mbuto zakutali anadzadzumatirwa thangwi ya pinthu pyakudzumisa pinacita imwe;+
Imwe munadzacitisa kuti anthu anakhala kumabulukiro a dzuwa mpaka a kumadokero a dzuwa akhuwe mwakutsandzaya.
Imwe mwadzadza mikulo na madzi;
Imwe mwapereka pyakudya kuna anthu,+
Thangwi ineyi ndi njira idakhunganya imwe dziko yapantsi.
10 Imwe musatotesa minda ya pa dziko mbamucitisa mataka adalimwa kuzwerera;
Musafewesa mataka na madzi akubvumba; mbamupasa nkhombo misapo yace.+
13 Thongwe yadzala na mikumbi,
Pontho mʼmagowa mwadzala na tirigu.+
Pantsi ponsene pasakhuwa mwakukomerwa, inde, pasaimba.+
Kuna nyakutsogolera nyimbo. Nyimbo.
66 Imwe anthu a pa dziko yonsene, khuwani mwakukomerwa mbamusimba Mulungu.+
2 Imbani nyimbo toera kusimba dzina yace ikulu.
Mpaseni mbiri mbamunsimba.+
3 Pangani Mulungu: “Mabasa anu ndi akudzumisa kakamwe!+
Thangwi ya mphambvu zanu zikulu,
Anyamalwa anu anadzabunyala thangwi yakukugopani.+
4 Anthu onsene a pa dziko yapantsi anadzakugodamirani;+
Iwo anadzaimba mbakusimbani;
Anadzaimba nyimbo toera kusimba dzina yanu.”+ (Sela)
5 Bwerani, pontho onani mabasa a Mulungu.
Pinthu pinacitira iye ana a anthu ndi pyakudzumisa.+
Penepo ife takomerwa thangwi ya pinthu pidaticitira iye.+
7 Iye asatonga kwenda na kwenda+ thangwi ya mphambvu zace.
Maso ace asaona pinacita madzindza.+
Anthu akuti nkhabe funa kucinja mbaleke kulemedzeka okhene.+ (Sela)
8 Imwe mbumba, simbani Mulungu wathu,+
Pontho nsimbeni mwakugaluza.
10 Mulungu, imwe mwatidinga;+
Imwe mwaticenesa ninga munaceneswa parata ingaikhwa pa moto.
12 Imwe mwatawirisa anthu toera kutiponda-ponda;
Nyatwa zidatamba ife zakhala ninga tapitiswa pa moto na mʼmadzi;
Buluka penepo mwatiendesa pa mbuto yakupuma.
13 Ndinadzapita nʼnyumba mwanu na ntsembe zakupiswa;+
Ndinadzakwanirisa mapikiro adacita ine kuna imwe+
14 Adacita ine na mulomo wanga+
Mbandialonga mu ndzidzi ukhali ine pa nyatwa.
15 Ndinadzapereka kuna imwe ntsembe za pinyama pyakununa
Ndinadzapereka mabira kuna imwe.
Ndinadzapereka ngʼombe zimuna na mabokho. (Sela)
16 Bwerani, pontho bveserani imwe monsene munagopa Mulungu,
Ine ndinadzakupangani pinthu pinandicitira iye.+
17 Ine ndancemera na mulomo wanga
Mbandinsimba na lirimi yanga.
18 Mbandidanyerezera cinthu cakuipa muntima mwanga,
Yahova nee mbadandibvesera.+
20 Mbasimbwe Mulungu wakuti nee akhonda kubvesera phembero yanga,
Peno wakuti nee akhonda kupangiza ufuni wace wakukhonda mala kuna ine.
Kuna nyakutsogolera nyimbo; toera iimbwe na pyakuimba napyo pya nkhambala. Nyimbo.
67 Mulungu anatibvera ntsisi, mbatipasa nkhombo;
Iye anadzapangiza udidi wace kuna ife+ (Sela)
2 Toera dziko yonsene yapantsi idziwe njira zanu,+
Pontho toera madzindza onsene adziwe kuti ndimwe Mpulumusi.+
3 Mulungu, anthu mbakusimbeni;
Anthu onsene mbakusimbeni.
4 Mbatsandzaye madzindza, pontho mbakhuwe mwakukomerwa,+
Thangwi imwe munadzatonga anthu mwaulungami.+
Imwe munadzatsogolera madzindza a pa dziko yapantsi. (Sela)
5 Mulungu, anthu mbakusimbeni;
Anthu onsene mbakusimbeni.
Kuna nyakutsogolera nyimbo. Nyimbo ya Dhavidhi. Nyimbo.
68 Mulungu mbalamuke, pontho anyamalwa ace mbabalalike,
Onsene anamuida mbathaw pamaso pace.+
2 Athamangiseni ninga munamburuswa utci na mphepo;
Ninga upula wakuti usanyunguluka ungakhala dhuzi na moto,
Mbaphiwe anyakuipa pamaso pa Mulungu.+
3 Mbwenye anyakulungama mbatsandzaye;+
Iwo mbatsandzaye kakamwe pamaso pa Mulungu;
Iwo mbakomerwe kakamwe na kutsandzaya.
4 Imbirani Mulungu; imbani nyimbo toera kusimba dzina yace.+
Imbirani Ule anapita na nʼthando yakuzwerera.*
Dzina yace ndi Yahova!*+ Komerwani pamaso pace!
5 Baba wa ana aumphawi* na ntsidzikizi* wa akazi azice+
Ndi Mulungu, ule anakhala pa mbuto yace yakucena.+
6 Kuna anthu adasowa ciphedzo, Mulungu asaapasa nyumba toera akhale;+
Asasudzula anyakaidi mbaaphedza toera pinthu piafambire mwadidi.+
Mbwenye anthu akukhonda bvera* anakhala mu dziko yakupiswa na dzuwa.+
8 Dziko yapantsi yatekenyeka;+
Madzi abvumba* buluka kudzulu thangwi ya imwe Mulungu;
Phiri ya Sinai yatekenyeka thangwi ya imwe Mulungu, Mulungu wa Izraeli.+
9 Mulungu, imwe mwacitisa kuti madzi abvumbe kakamwe;
Imwe mwapasa pontho mphambvu mbumba* yanu yakuti ikhadaneta.
10 Iwo akakhala mʼmisasa yanu;+
Mulungu, thangwi ya udidi wanu, imwe mwapasa anyakutcerenga pikhafuna iwo.
12 Amambo na anyankhondo awo asathawa,+ iwo asathawa!
Nkazi anakhala panyumba asapaswambo unthaka.+
13 Maseze imwe mukhagona nʼkhundu mwa moto pa misasa,*
Imwe munadzatambira nkhangaiwa yakuti maphapido ace akhwazwa parata,
Pontho manthenga ace ndi a ouro yadidi kakamwe.
16 Imwe mapiri a ntsonga zizinji, thangwi yanji musayangʼana mwabibvu
Inde, Yahova anadzakhala penepo kwenda na kwenda.+
17 Ngolo za nkhondo za Mulungu ndi pikwi pizinji kakamwe.+
Yahova abuluka kuphiri ya Sinai mbapita mʼmbuto yakucena.+
18 Imwe mwakwira kudzulu;+
Imwe mwakwata mabitcu;
Mwakwata amuna ninga miyoni,+
Inde, imwe Yahova* Mulungu mwakwata ngakhale anthu akukhonda bvera+ toera mukhale pakati pawo.
19 Mbasimbwe Yahova wakuti ntsiku zonsene asathukula mitolo yathu,+
Mulungu wandimomwene wakuti ndi mpulumusi wathu. (Sela)
20 Mulungu wandimomwene ndi Mulungu anatipulumusa;+
Yahova Mbuya Wankulu Kakamwe asapereka njira yakupulumukira pakuthimbana na kufa.+
21 Inde, Mulungu anadzanyedza misolo ya anyamalwa ace,
Misolo ya anthu onsene anapitiriza kufamba mʼmadawo awo.+
22 Yahova alonga: “Ine ndinadzaabulusa ku Bhasani;+
Ine ndinadzaabulusa mʼbara yakuzika kakamwe,
23 Toera ubvike manyalo ako mu ciropa ca anyamalwa,+
Pontho toera malirimi a anambwa ako anyangute ciropa ca anyamalwa.”
24 Mulungu, anthu anadzaona kufamba kwa misoka yanu yakuwina,
Misoka yakuwina ya Mulungu wanga na Mambo wanga, mbikaenda ku mbuto yakucena.+
25 Anyakuimba ali patsogolo, nduli mwawo muna anyakuimba pyakuimba napyo pya nkhambala;+
Pakati pawo pana atsikana akuti akuimba mapandero.+
27 Kweneko iwo akukundwa na dzindza ingʼono ya Bhenjamini,+
Pontho atsogoleri a Yuda na mwinji wawo wakuti ukakhuwa mwakutsandzaya,
Atsogoleri a Zebhuloni na atsogoleri a Nafitali.
28 Mulungu wako alonga kuti unadzakhala wamphambvu.
Imwe Mulungu, pangizani mphambvu zanu, imwe wakuti musatiphedza.+
30 Sandikani pikala pinakhala mʼmitete,
Sandikani nkumbi wa ngʼombe+ na anawo,
Mpaka madzindza agodame mbabweresa* pinthu pya parata.
Mbwenye iye asabalalisa mbumba zinakomerwa na nkhondo.
31 Pinthu pya nkuwa* pinadzabwereswa* bulukira ku Ejitu;+
Kusi anadzaenda mwakucimbiza toera kapereka miyoni kuna Mulungu.
32 Imwe amambo a pa dziko yapantsi, imbirani Mulungu,+
Imbani nyimbo toera kusimba Yahova, (Sela)
33 Imbirani ule wakuti asafamba kudzulu kakamwe, kwakuti kulipo kutomera kale kakamwe.+
Bveserani! Iye asadhima na fala yace, fala yace yamphambvu.
34 Dzindikirani mphambvu za Mulungu.+
Utongi wace ukulu uli kuna Izraeli,
Pontho mphambvu zace ziri kuthambo.*
35 Anthu asafunika kugopa na kulemedza Mulungu wakuti ali pa mbuto yace yakucena.+
Iye ndi Mulungu wa Izraeli,
Ule anapereka ciwangiso na mphambvu kuna mbumba yace.+
Simbani Mulungu.
Kuna nyakutsogolera nyimbo; inalonga pya “Maluwa.” Nyimbo ya Dhavidhi.
69 Ndipulumuseni Mulungu, thangwi madzi asafuna kundipha.+
2 Ine ndalirima mʼmatope akuzika akuti nkhabemo mataka akuuma.+
Ndabira mʼmadzi akuzika,
Pontho ndakwekwetwa na madzi akuthamanga.+
3 Ine ndaneta na kukhuwa;+
Fala yanga yafa.
Maso anga aneta mu ndzidzi unadikhira ine Mulungu wanga.+
4 Ale anandiida mwakusowa mathangwi,+
Ndi azinji kakamwe kupiringana tsisi ya munsolo mwanga.
Ale anafuna kundipha,
Anyamalwa adandisandukira,* adzakhala azinji kakamwe.
Ndisakakamizwa toera kubweza pinthu pidakhonda ine kuba.
5 Mulungu, imwe musadziwa udzemwa wanga,
Pontho mulando wanga nee wabisika kuna imwe.
6 Ale anakudikhirani, mbaleke kupaswa manyadzo thangwi ya ine,
Imwe Mbuya Wankulu Kakamwe, Yahova wa anyankhondo.
Ale anakusakani, mbaleke kupwazwa thangwi ya ine,
Imwe Mulungu wa Izraeli.
8 Ndadzakhala wakusiyana kakamwe na abale anga,
Ndadzakhala ninga munthu wa dziko inango kuna ana a mai wanga.+
9 Phinga iri na ine thangwi ya nyumba yanu ndi ninga moto wakugaka muntima mwanga,+
Kutikana kwa ale anakutikanani, kwagwera ine.+
10 Pidapwazika ine mbandicita jejuu,*
Ndatikanwa thangwi ya pyenepi.
11 Pidabvala ine sakha,
Ndadzakhala ninga cinthu cakusekesa* kuna iwo.
12 Anthu anakhala pansuwo ukulu wa nzinda asalonga pya ine,
Nyimbo za anyakuledzera zisalonga pya ine basi.
13 Mbwenye phembero yanga mbifike kuna imwe
Yahova, pa ndzidzi wakuthema.+
Imwe Mulungu, thangwi yakunjipa kwa ufuni wanu wakukhonda mala,
Nditawireni mbamupangiza kuti ndimwe mpulumusi wandimomwene.+
14 Ndibuluseni mʼmatope;
Lekani kundisiya toera ndilirime.
Ndipulumuseni kuna ale anandiida
Pontho ndibuluseni mʼmadzi akuzika.+
15 Lekani kutawirisa kuti madzi akuthamanga andikwekwete,+
Peno ndibizwe na madzi akuzika,
16 Nditawireni Yahova, thangwi ufuni wanu wakukhonda mala ndi wadidi.+
Nditawireni mwakucimbiza thangwi ndiri pa nyatwa.+
18 Bwerani dhuzi na ine, pontho ndipulumuseni;
Ndiomboleni thangwi ya anyamalwa anga.
19 Imwe musadziwa kuti ndisapwazwa, ndisathabuswa, pontho ndisapaswa manyadzo.+
Imwe musaona anyamalwa anga onsene.
20 Ntima wanga waphekeka thangwi yakupwazwa, pontho cironda cace nkhabe kuwanga.*
Ndikhadikhira kubverwa ntsisi, mbwenye nee mʼbodzi andibvera ntsisi,+
Ndikhadikhira kubalangazwa, mbwenye nee mʼbodzi andibalangaza.+
21 Mʼmbuto mwakundipasa cakudya, iwo andipasa venenu,*+
Toera kumalisa nyota yanga, iwo andipasa vinyu yakudjamuka toera ndimwe.+
22 Meza yawo mbikhale nsampha kuna iwo,
Pontho kuthambaruka kwawo kukhale nsampha.+
23 Maso awo mbakhale na cidima toera akhonde kuona,
Pontho citisani kuti ndzidzi onsene miyendo yawo itetemere.
24 Pangizani kuipirwa kwanu kuna iwo,
Pontho mbagwerwe na ukali wanu ukulu.+
26 Iwo asatcinga munthu adatcunyusa imwe,
Pontho iwo asapitiriza kulonga pya anthu adatcunyusa imwe.
27 Pa milando yawo, thimizirani milando inango,
Pontho lekani kuaona ninga akulungama.
28 Mbafudzwe madzina awo mʼbukhu ya anthu ali mʼmaso,*+
Pontho madzina awo mbaleke kulembwa pabodzi na anthu akulungama.+
29 Ndikunentseka, pontho ndikubva kupha.+
Imwe Mulungu, nditsidzikizeni na mphambvu zanu zakupulumusa.
30 Ndinaimba nyimbo toera kusimba dzina ya Mulungu,
Ndinakusimbani, pontho ndinapereka takhuta kuna imwe.
31 Yahova anakomerwa kakamwe na pyenepi kupiringana kumpasa ngʼombe imuna,
Kupiringana ngʼombe imuna ingʼono yakuti iri na nyanga na nyondo.+
32 Anthu akupfulika anadzaona pyenepi mbakomerwa.
Imwe munasaka Mulungu, mitima yanu mbitsandzaye.
33 Thangwi Yahova asabvesera anthu akutcerenga,+
Pontho iye nee anadzapwaza mbumba yace yakuti iri ku ubitcu.+
34 Kudzulu na dziko yapantsi mbapisimbe iye,+
Mabara na pinthu pyonsene pinakhala mwenemo.
35 Thangwi Mulungu anadzapulumusa Sioni+
Iye anadzamanga pontho mizinda ya ku Yuda,
Pontho iwo anadzakhala mwenemo mbikhala yawo.*
36 Ana a atumiki ace anadzaitambira ninga unthaka,+
Pontho ale anakomerwa na dzina yace+ anadzakhala mwenemo.
Kuna nyakutsogolera nyimbo. Nyimbo ya Dhavidhi toera anthu akumbukire.
70 Mulungu, ndipulumuseni;
Yahova, ndiphedzeni mwakucimbiza.+
2 Ale anafuna kundipha
Mbapwazwe, pontho mbapaswe manyadzo.
Onsene anatsandzaya na nyatwa zanga
Anapasika manyadzo mbabwerera nduli.
3 Ale anandisingirira mbalonga: “Ehe! Ehe!”
Mbabwerere nduli thangwi ya manyadzo.
4 Mbwenye ale anakusakani
Anatsandzaya mbakomerwa thangwi ya imwe.+
Ale anakomerwa na cipulumuso canu, ndzidzi onsene mbalonge:
“Mbasimbwe Mulungu.”
71 Yahova, ine ndathawira kuna imwe.
Mbandileke kupaswa manyadzo.+
2 Ndipulumuseni, pontho ndiomboleni thangwi ndimwe wakulungama.
Kotamani* toera mundibvesere, pontho ndipulumuseni.+
3 Khalani mwala wakuthawira kuna ine
Mbuto yakuti ndinakwanisa kuipita ndzidzi onsene.
Perekani ntemo toera ndipulumuswe,
Thangwi imwe ndimwe mwala wanga na citsidzikizo canga.+
4 Imwe Mulungu wanga, ndipulumuseni mʼmanja mwa anyakuipa,+
Ndipulumuseni mʼmanja mwa ale anandiponderera mwakusowa ulungami.
5 Yahova Mbuya Wankulu Kakamwe, imwe ndimwe cidikhiro canga;
6 Ine ndisanyindira imwe kutomera ndzidzi udabalwa ine;
Ndimwe adandibulusa mʼmimba mwa mai wanga.+
Ine ndisakusimbani ndzidzi onsene.
7 Ine ndakhala ninga cirengo kuna anthu azinji,
Mbwenye imwe ndimwe mbuto yanga yakuthawira.
8 Mulomo wanga wadzala na mafala akukusimbani;+
Ntsiku zonsene ine ndisalonga pya mbiri yanu.
10 Anyamalwa anga asandilonga mwakuipa,
Pontho ale anafuna kundipha,* asabverana,+
11 Mbalonga: “Mulungu ansiya.
Tendeni tinʼthamangise mbatimʼphata, thangwi nkhabe anafuna kumpulumusa.”+
12 Mulungu, lekani kukhala kutali na ine.
Mulungu wanga, cimbizani toera mundiphedze.+
13 Ale ananditcinga
Mbapaswe manyadzo, pontho mbaphiwe.+
Ale anandibweresera nyatwa
Mbapwazwe, pontho mbapaswe manyadzo.+
14 Mbwenye ine ndinapitiriza kukudikhirani;
Ine ndinathimizira kukusimbani.
15 Mulomo wanga unadzalonga pya ulungami wanu,+
Ntsiku zonsene unadzalonga pya mabasa anu akupulumusa,
Maseze ndi mazinji kakamwe akuti ine ndisacimwana kualengesa.+
16 Ndinadzaenda mbandilonga pya mabasa anu amphambvu,
Imwe Yahova Mbuya Wankulu Kakamwe;
Ine ndinadzalonga basi ene pya ulungami wanu.
17 Mulungu, imwe mwandipfundzisa kutomera mu uwana wanga,+
Pontho mpaka lero, ine ndisapitiriza kulonga pya mabasa anu akudzumisa.+
18 Mulungu, ngakhale ndikalambe, mbandikhala na imbvi, lekani kundisiya,+
Toera ndidzapange ubalwi unafuna kudza pya mphambvu zanu,*
Pontho ndidzalonge pya mphambvu zanu kuna onsene anafuna kudza.+
19 Mulungu, ulungami wanu ndi ukulu kakamwe;+
Imwe mwacita pinthu pyakudzumisa kakamwe;
Mulungu, mbani adalandana na imwe?+
20 Maseze mwatawirisa kuti ndithimbane na pinentso pizinji na nyatwa,+
Ndipaseni pontho mphambvu;
Ndibuluseni mʼmbuto yakuzika* kakamwe ya pa dziko yapantsi.+
21 Thimizirani ukulu wanga,
Nditsidzikizeni, pontho ndibalangazeni.
22 Penepo ine ndinadzakusimbani na cakuimba naco ca nkhambala
Thangwi ya kukhulupirika kwanu, imwe Mulungu wanga.+
Ndinaimba nyimbo na arpa toera kukusimbani,
Imwe Wakucena wa Izraeli.
23 Mulomo wanga unadzakhuwa mwakutsandzaya mu ndzidzi unaimba ine toera kukusimbani,+
24 Ntsiku zonsene lirimi yanga inadzalonga* pya ulungami wanu,+
Thangwi ale anafuna kuti ine ndiphiwe, anadzapasika manyadzo, pontho anadzapwazika.+
Nyimbo inalonga pya Salomoni.
72 Mulungu, pasani mambo matongero anu,
Pontho pasani mwana wa mambo ulungami wanu.+
2 Mbatsidzikize mwadidi mbumba yanu pakutonga miseru,
Pontho mbatsidzikize mwaulungami anthu anu akucepeseka.+
3 Mapiri mbabwerese ntendere kuna anthu,
Pontho nthunda mbazibwerese ulungami.
4 Iye mbatsidzikize* anthu akucepeseka pakati pa mbumba,
Mbapulumuse ana a anyakutcerenga,
Pontho mbanyedze ale anafuna kuaponderera.+
5 Iwo anadzakugopani dzuwa ingapitiriza kugaka,
Pontho mwezi ungapitiriza kuoneka,
Mu ubalwi na ubalwi.+
6 Iye anadzakhala ninga madzi anabvumba pa cimbanjiri cakugwandwa,
Ninga madzi mazinji anatotesa pantsi.+
7 Mu ntsiku zace, anyakulungama anadzaphukira,*+
Pontho ntendere unadzanjipa+ mpaka mwezi ukhonde kuonekabve.
8 Iye anadzatonga kutomera kukhundu ibodzi ya bara mpaka khundu inango,
Pontho kutomera kukhundu ibodzi ya Nkulo* mpaka kunkhomo kwa dziko yapantsi.+
9 Anthu anakhala nʼthando anadzagodama pamaso pace,
Pontho anyamalwa ace anadzanyanguta pfumbi.+
10 Amambo a ku Tarsi na a ku ntsuwa anadzalipa nsonkho.+
Amambo a ku Sabha na a ku Sebha anadzabweresa miyoni.+
11 Amambo onsene anadzagodama pamaso pace,
Pontho madzindza onsene anadzantumikira.
12 Iye anadzaombola nyakutcerenga anaphemba ciphedzo,
Anadzaombolambo anthu akucepeseka na onsene akusowa mʼphedzi.
13 Iye anadzabvera ntsisi anthu akucepeseka na akutcerenga,
Pontho anadzapulumusa umaso wa anyakutcerenga.
14 Iye anadzaapulumusa* mʼmanja mwa ale anaaponderera na ale anaacita pyakuipa,
Pontho ciropa cawo cinadzakhala cakufunika kakamwe pamaso pace.
15 Mambo mbakhale na umaso mu ntsiku zizinji, pontho mbatambire ouro ya ku Sabha.+
Anthu mbapitirize kucita maphembero thangwi ya iye,
Pontho mbapaswe nkhombo ntsiku zonsene.
16 Panadzakhala cakudya cakunjipa pa dziko yapantsi;+
Pontho padzulu pa mapiri panadzabuluka cakudya cizinji kakamwe.
Misapo ya mambo inadzakula ninga ya ku Libhano+
Pontho mʼmizinda anthu anadzaphukira ninga pinamera pa dziko yapantsi.+
17 Dzina yace mbikhale kwenda na kwenda,+
Mu ndzidzi onsene unagaka dzuwa, dzina yace mbipitirize kubvekera.
Anthu mbakhale na nkhombo kubulukira kuna iye;+
Madzindza onsene mbamuone kuti ndi wakutsandzaya.
19 Dzina yace yakubvekera mbisimbwe kwenda na kwenda,+
Pontho mbiri yace mbibvekere pa dziko yonsene yapantsi.+
Ameni! Ameni!
20 Maphembero a Dhavidhi mwana wa Yese amalira pano.+
BUKHU YACITATU
(Masalmo 73-89)
Nyimbo ya Azafe.+
73 Mwandimomwene Mulungu ndi wadidi kuna Izraeli, kuna ale ali na ntima wadidi.+
2 Mbwenye ine ndikhadasala pangʼono toera kutayika;
Ndikhadasala pangʼono toera kugwa.+
3 Thangwi ine ndikhali na bibvu na anthu akudzikuza
Pikhaona ine ntendere wa anyakucita pyakuipa.+
6 Natenepa, kudzikuza kwakhala ninga nkufu kuna iwo;+
Iwo abvala uphanga ninga nguwo.
7 Maso awo atuzuka thangwi ya kukhuma;
Iwo ali na pizinji kupiringana pire pikhanyerezera iwo mʼmitima mwawo.
8 Iwo asasingirira anango mbalonga pinthu pyakuipa.+
Mwakudzikuza, iwo asathusa kuti anaponderera anango.+
9 Iwo asalonga ninga ali padzulu kakamwe,
Pontho iwo asafamba pa dziko yapantsi mbalonga na lirimi yawo pyonsene pinafuna iwo.
10 Natenepa mbumba ya Mulungu isaenda kuna iwo,
Pontho iyo isamwa madzi awo mazinji.
11 Iwo asalonga: “Kodi Mulungu anapidziwa tani?+
Mulungu Wakudzulu Kakamwe asadziwadi pyonsene?”
12 Inde, anewa ndi anyakucita pyakuipa, akuti ndzidzi onsene nkhabe dzudzumika.+
Iwo asapitiriza kuthimizira mpfuma yawo.+
13 Mwandimomwene, kuwangisira kwanga toera kukhala na ntima wakucena kukhali kwapezi,
Pontho kusamba manja kudacita ine toera ndikhale wakusowa mulando kukhali kwakusowa basa.+
15 Mbwenye ine mbandidalonga pinthu pyenepi,
Mbandidasandukira mbumba yanu.*
16 Pikhawangisira ine toera kubvesesa pyenepi,
Ndzeru zanga zabalalika
17 Mpaka mu ndzidzi udapita ine mʼmbuto yakucena ya Mulungu,
Mbandidzindikira pinafuna kucitikira anthu akuipa.
18 Mwandimomwene imwe mwaaikha pa mataka akuphuruza,+
Toera iwo agwe mbafudzwa.+
19 Iwo anadzafudzwa mwakukhonda dikhira!+
Kufudzwa kwawo ndi kwakututumusa na kwakugopswa kakamwe!
20 Ninga ndoto yakuti isaduwalika munthu angalamuka,
Pyenepi ndipyo pinafuna kuacitikira, thangwi imwe Yahova mungalamuka, munaaduwala.
22 Ine nee ndikhanyerezera mwadidi, pontho nee ndikhabvesesa pinthu;
Ndikhali ninga cinyama cakusowa ndzeru pamaso panu.
23 Mbwenye cincino, ndzidzi onsene ine ndiri na imwe;
Imwe mwaphata nkono wanga wamadyo.+
24 Imwe mwanditsogolera na uphungu wanu,+
Buluka penepo munadzandicitisa kuti ndikhale wakutawirika kuna imwe.+
25 Mbani unango kudzulu anafuna kundiphedza kusiyapo imwe?
Pontho kusiyapo imwe, nkhabepo cinango cinafuna ine pa dziko yapantsi.+
26 Manungo anga na ntima wanga pinakwanisa kufewa,
Mbwenye Mulungu ndi mwala wa ntima wanga; iye ndi wanga kwenda na kwenda.+
27 Mwandimomwene, ale anakhala kutali na imwe anadzafa.
Imwe munadzapha anthu onsene akuti nee ndi akukhulupirika* kuna imwe.+
28 Mbwenye kwa ine, kufendedzera Mulungu ndi cinthu cadidi kakamwe.+
Ine ndacita Yahova Mbuya Wankulu Kakamwe ninga pakuthawira panga,
Toera kudziwisa mabasace onsene.+
74 Mulungu, thangwi yanji imwe mwatisiya kwenda na kwenda?+
Thangwi yanji imwe mwaipirwa kakamwe na nkumbi wa mabira anakumbiza imwe?+
2 Kumbukani mbumba idasankhula* imwe kale kakamwe,+
Dzindza idaombola imwe ninga unthaka wanu.+
Kumbukani Phiri ya Sioni, ire ikakhala imwe.+
3 Ndokoni ku mbuto zakuti zamaliratu kufudzwa.+
Nyamalwa amala kufudza pyonsene pa mbuto yakucena.+
4 Anyamalwa anu akhuwa nkati mwa mbuto yanu yaulambiri.+
Iwo aikha mwenemu pidzindikiro pyawo pya nkhondo.
5 Iwo akhali ninga amuna anagwisa miti mu nsitu ukulu na macado.
6 Iwo aphatisira macado na ndodo za utale toera kugudjula pyakubalikisa pyonsene pya mʼmbuto yaulambiri.+
7 Iwo apisa na moto mbuto yanu yakucena.+
Iwo apswipisa, mbagwisa tabhernakulo yakuti isadziwika na dzina yanu.
8 Iwo pabodzi na anawo alonga mʼmitima mwawo:
“Mbuto zonsene zinalambirwa Mulungu mu dziko ino zisafunika kupiswa.”
9 Nkhabebve pidzindikiro toera ife tipione;
Nkhabebve mprofeta,
Pontho nee mʼbodzi mwa ife asadziwa kuti pyenepi pinacitika mpaka lini.
10 Mulungu, mpaka lini nyamalwa anapitiriza kukutikanani?+
Kodi nyamalwa anatsalakana mwakusowa cilemedzo dzina yanu kwenda na kwenda?+
11 Thangwi yanji mwabweza djanja yanu, djanja yanu yamadyo?+
Ibuluseni panthimandzi panu* mbamuapha.
12 Mbwenye Mulungu ndi Mambo wanga kutomera kale kakamwe,
Iye ndi mpulumusi wankulu pa dziko yapantsi.+
13 Imwe mwabvundula bara na mphambvu zanu;+
Mwanyedza misolo ya pinyama pikulu pya mʼbara.
14 Imwe mwanyedza misolo ya Leviatani;*
Mwaipereka ninga cakudya kuna anthu, kuna ale anakhala nʼthando.
15 Imwe mwafungula mphuno za madzi, madzi mazinji mbakuka mʼmikulo;+
Imwe mwaumisa mikulo yakuti ndzidzi onsene ikhali na madzi.+
16 Masiku ndi anu, pontho masikati ndi anu.
17 Ndimwe adaikha madire a dziko yonsene yapantsi;+
18 Yahova, kumbukani kutikana kunakucitani nyamalwa,
Kumbukani kuti mapswiru asatsalakana dzina yanu mwakusowa cilemedzo.+
19 Lekani kupereka umaso wa djiwa yanu kuna pinyama pya ntsanga.
Ndzidzi onsene lekani kuduwala umaso wa mbumba yanu yakuthabuka.
20 Lekani kuduwala cibverano cidacita imwe na ife,
Thangwi mbuto zonsene zacidima za dziko yapantsi zadzala na mapanga.
21 Nyakupondererwa mbaleke kubwerera mwakutsukwala;+
Nyakucepeseka na nyakutcerenga mbasimbe dzina yanu.+
22 Lamukani Mulungu, pontho citisani kuti paoneke ulungami.
Kumbukani kuti ntsiku zonsene munthu wakusowa ndzeru asakutikanani.+
23 Lekani kuduwala pinalonga anyamalwa anu.
Mikhuwo ya ale anakusandukirani isabveka kudzulu ndzidzi onsene.
Kuna nyakutsogolera nyimbo. Inalonga pya “Lekani Kundifudza.” Nyimbo ya Azafe.+
75 Tisapereka takhuta kuna imwe Mulungu, tisapereka takhuta kuna imwe;
Dzina yanu iri dhuzi,+
Pontho anthu asadziwisa mabasa anu akudzumisa.
2 Imwe musalonga: “Ndingakhazikisa ndzidzi,
Ndisatonga mwaulungami.
3 Pidatetemera dziko yapantsi na onsene anakhala mwenemo,
Ndine adalikhisa mizati yace.” (Sela)
4 Ine ndapanga anthu akudzikuza: “Lekani kugaya,”
Ndapangambo anthu anacita pyakuipa: “Lekani kukhala na nthuku thangwi ya mphambvu* zanu.
5 Lekani kukhala na nthuku ikulu thangwi ya mphambvu* zanu
Peno kulonga mwakudzikuza.
6 Thangwi kulemedzwa kwa munthu
Nkhabe kubuluka kumabulukiro a dzuwa, kumadokero a dzuwa peno kunterero.
7 Mulungu ndi Ntongi.+
Iye asacepesa mʼbodzi mbakuza unango.+
8 Thangwi mʼmanja mwa Yahova muli na khomitco;+
Vinyu yabvungazwa, pontho ikubuluka mapobvu.
Mwandimomwene iye anadzaikhuthula,
Pontho anthu onsene anacita pyakuipa pa dziko yapantsi anadzaimwa yonsene mpaka thotho yakumalisa.”+
9 Mbwenye ine ndinadzadziwisa pinthu pyenepi kwenda na kwenda;
Ndinaimba nyimbo zakusimba Mulungu wa Yakobe.
10 Thangwi iye asalonga: “Ndinadzamalisa mphambvu* zonsene za anyakucita pyakuipa,
Mbwenye mphambvu* za anyakulungama zinadzathimizirika.”
Kuna nyakutsogolera nyimbo. Yakuimbwa na pyakuimba napyo pya nkhambala. Nyimbo ya Azafe.+
3 Kweneko iye agwanda mapswimo akugaka moto a uta,
Xango, supada na pida pya nkhondo.+ (Sela)
4 Mulungu, imwe musayetimira kakamwe;*
Ndimwe wankulu kakamwe kupiringana mapiri anakhala pikala.
5 Anthu acipapo apokoserwa pinthu pyawo.+
Iwo aphatwa na citulo mbagona;
Anyankhondo onsene akhali akusowa citsidzikizo.+
7 Wakudzumisa ndimwe basi.+
Mbani anakwanisa kukhala dzololo imwe mungaipirwa kakamwe?+
8 Imwe mwalonga kutonga kwanu kubulukira kudzulu;+
Dziko yapantsi yagopa mbimatamiratu+
9 Pidalamuka Mulungu toera kutonga,
Toera kupulumusa anthu onsene akupfulika pa dziko yapantsi.+ (Sela)
10 Thangwi kuipirwa kwa anthu kunadzacitisa kuti imwe mupaswe mbiri;+
Kuipirwa kwawo kwakumalisa kunadzakhala cinthu cakubalikisa kuna imwe.
11 Citani mapikiro anu kuna Yahova Mulungu wanu mbamuakwanirisa,+
Onsene adanzungulira, mbabwerese miyoni yawo mwakugopa.+
12 Iye anadzacepesa atsogoleri akudzikuza;
Iye asagopiwa na amambo a pa dziko yapantsi.
Kuna nyakutsogolera nyimbo; maimbiro a Yedhutuni.* Nyimbo ya Azafe.+
77 Ine ndinacemera Mulungu na fala yanga;
Ndinacemera Mulungu, pontho iye anandibvesera.+
2 Ndingakhala pa nyatwa, ndisasaka Yahova.+
Namasiku, ine nkhabe gwisa manja anga ndingaathukula kuna iye.
Anthu nkhabe kwanisa kundibalangaza.
4 Imwe musacitisa kuti maso anga akhonde kufungika;
Ndiri wakudzudzumika, pontho nkhabe kwanisa kulonga.
5 Ine ndisakumbuka pinthu pyakale kakamwe,+
Ndisanyerezera pyaka pya nduli kakamwe.
6 Namasiku, ine ndisakumbuka nyimbo yanga;+
Ndisanyerezera pizinji muntima mwanga;+
Ine ndisabvundzika muntima mwanga:
7 Kodi Yahova anatikhonderatu kwenda na kwenda?+
Kodi iye nkhabe kutibvera pontho ntsisi?+
8 Kodi ufuni wace wakukhonda mala, wamala kwenda na kwenda?
Kodi nkhabe ubalwi unafuna kuona kukwanirisika kwa pikiro yace?
9 Kodi Mulungu aduwala kutibvera ntsisi,+
Peno ntsisi zace zamala thangwi yakuipirwa kwace? (Sela)
10 Kodi ndinapitiriza kulonga kuti: “Pinandithabusa* ndi pyakuti,+
Mulungu Wakudzulu Kakamwe asiya kutiphedza”?
11 Ndinakumbuka mabasa a Yahova;*
Ndinakumbuka mabasa akudzumisa adacita imwe kale kakamwe.
12 Ndinanyerezera mwadidi mabasa anu onsene
Na pyonsene pinacita imwe.+
13 Imwe Mulungu, njira zanu ndi zakucena.
Mbani mulungu wankulu kakamwe kupiringana Imwe?+
14 Imwe ndimwe Mulungu wandimomwene, ule anacita pinthu pyakudzumisa.+
Mwapangiza mphambvu zanu kuna mbumba za anthu.+
16 Madzi akuonani imwe Mulungu;
Madzi akuonani mbadzudzumika.+
Pontho madzi akuzika kakamwe abvunduka.
17 Makole akhuthula madzi.
Mitambo yakupswipa kakamwe yadhima,
Pontho njazi zanu zisacetuma mʼmbuto zonsene ninga mapswimo.+
18 Mititi ya njazi zanu+ ikhali ninga ya maroda a ngolo za nkhondo;
Kucetuma kwa njazi kwamwanikira dziko yonsene yapantsi;+
Dziko yapantsi yatetemera mbitekenyeka.+
19 Njira yanu yapita na mʼbara,+
Njira yanu yapita na pa madzi akuzika kakamwe;
Mbwenye nkhabe anakwanisa kuona cidzindikiro ca manyalo anu.
78 Bveserani ntemo wanga,* imwe mbumba yanga;
Bveserani mwadidi* mafala a pamulomo panga.
2 Ndinadzafungula mulomo wanga toera kulonga nsangani.
Ndinadzalonga misangani ya ndzidzi wakale kakamwe.+
3 Pinthu pidabva ife na pinadziwa ife,
Pire pidatipanga ababathu,+
4 Ife nee tinapibisira anawo;
Ife tinapanga ubalwi unafuna kudza+
Pinthu pyakuthema kusimbwa pidacita Yahova, mphambvu zace+
Na pinthu pyakudzumisa pinacita iye.+
5 Iye apereka cenjezo pakati pa ana a Yakobe
Mbakhazikisa ntemo mu Izraeli;
Iye apanga ambuyathu
Kuti adziwise anawo pinthu pyenepi,+
6 Toera ubalwi unafuna kudza,
Ana anafuna kubalwa, adziwe pyenepi.+
Toera iwo adzapangembo anawo pinthu pyenepi.+
7 Natenepa iwo anadzanyindira Mulungu.
8 Penepo iwo nee anadzakhala ninga ambuyawo,
Ubalwi wakuuma ntima na wakukhonda bvera,+
Ubalwi wakuti mitima yawo nee ikhali yakukhunganyika,+
Pontho wakuti nee ukhali wakukhulupirika kuna Mulungu.
9 Aefraimu akhadakwata mauta ninga pida pya nkhondo,
Mbwenye athawa pa ntsiku ya nkhondo.
14 Namasikati iye akhaatsogolera na khole,
Pontho namasiku onsene iye akhaatsogolera na ceza ca moto.+
15 Iye aswa miyala nʼthando,
Pontho iye aapasa madzi akumwa mbakwana nawo, ninga madzi akuti akhabuluka mʼbara yakuzika kakamwe.+
16 Iye abulusa madzi mazinji pamwala,
Pontho acitisa madzi kuwewa ninga mikulo.+
17 Mbwenye iwo apitiriza kunʼdawira
Pidasandukira iwo Mulungu Wakudzulu Kakamwe nʼthando;+
18 Iwo ayesera Mulungu mʼmitima mwawo+
Pidaphemba iwo cakudya cikhafuna iwo kakamwe.
19 Natenepa iwo adungunyira Mulungu,
Mbalonga: “Kodi Mulungu anakwanisa kutipasa cakudya* nʼthando?”+
20 Onani! Ndiye adamenya mwala
Toera madzi abuluke, mbabuluka mazinji kakamwe.+
“Kodi iye anakwanisa kutipasa cakudya,
Peno kupasa mbumba yace nyama?”+
21 Yahova pidabva iye pyenepi, aipirwa kakamwe;+
Iye atumiza moto+ kuna ana a Yakobe,
Pontho ukali wace wagwera Izraeli+
22 Thangwi iwo nee akhulupira Mulungu;+
Iwo nee anyindira mphambvu zace toera kuapulumusa.
23 Natenepa iye apereka ntemo kuna makole kudzulu,
Pontho iye afungula misuwo yakudzulu.
24 Iye aagwisira mana toera adye;
Iye aapasa cakudya cakubuluka kudzulu.+
26 Iye acitisa mphepo yakumabulukiro a dzuwa kudzulu,
Pontho na mphambvu zace acitisa kuti mphepo yakunterero ipepese.+
27 Iye agwisa nyama kuna iwo ninga pfumbi ya mataka,
Agwisa mbalame ninga tcetca ya nʼkhundu mwa bara.
28 Iye azigwisa pakati pa nsasa wace,
Nʼkhundu mwa misasa yace.
29 Iwo adya mbakhuta;
Iye aapasa pikhafuna iwo.+
30 Mbwenye mbadzati kukhuta kakamwe,
Cakudya mbaciri nkanwa mwawo,
31 Iwo agwerwa na ukali wa Mulungu.+
Iye apha anthu awo amphambvu kakamwe;+
Iye apha aphale a Izraeli.
32 Mwakukhonda tsalakana pyenepi, iwo athimiza kunʼdawira,+
Pontho iwo nee anʼkhulupira, maseze aona mabasace akudzumisa.+
33 Natenepa iye amalisa ntsiku za umaso wawo mwakucimbiza ninga muya,+
Pontho mwakukhonda dikhira, iye aabweresera nyatwa mbafa.
34 Mbwenye ndzidzi onsene ukhatoma iye kuapha, iwo akhansaka;+
Iwo akhabwerera, pontho akhasaka Mulungu,
35 Mbakumbuka kuti Mulungu akhali Mwala wawo,+
Pontho kuti Mulungu Wakudzulu Kakamwe akhali Muomboli wawo.+
36 Mbwenye iwo ayesera kunʼnyengeza na milomo yawo,
Pontho alonga uthambi kuna iye na malirimi awo.
37 Mitima yawo nee ikhali yakukhulupirika kuna iye;+
Pontho iwo nee akhali akukhulupirika ku cibverano cace.+
Kazinji kene iye akhabweza kuipirwa kwace+
Mʼmbuto mwakupangiza ukali wace onsene.
42 Iwo nee akumbuka mphambvu zace,*
Nee akumbuka ntsiku idaapulumusa* iye kuna anyamalwa awo,+
43 Kuti apangiza tani pidzindikiro pyace ku Ejitu+
Na pirengo pyace mucisa ca Zoani,
44 Pontho kuti acinja tani madzi a mikulo ya Nilo kudza ciropa,+
Iwo mbacimwana kumwa madzi awo ene.
46 Pidabvuna iwo, iye apipereka kuna anyadzombe,
Misapo ya basa yawo yakuwanga iye aipereka kuna nthete zizinji.+
49 Iye akhuthula ukali wace ukulu kuna iwo,
Kuipirwa, pontho nyatwa,
Atumiza misoka ya aanju kuna iwo toera iathabuse.
50 Iye afungulira njira ukali wace.
Iye nee acalira kuapha;
Pontho iye aapha na muliri.
51 Pakumalisa, iye apha ana onsene autombo a ku Ejitu,+
Ana akutoma adabalwa mʼmisasa ya Kamu.
52 Buluka penepo, iye abulusa mbumba yace ninga nkumbi+
Mbaitsogolera nʼthando ninga mabira.
55 Iye athamangisa anthu a madzindza anango pakati pawo;+
Iye aphatisira nkhambala yakupima nayo toera kuagawira unthaka;+
Iye acitisa kuti madzindza a Izraeli akhale mʼmanyumba mwawo.+
56 Mbwenye iwo apitiriza kuyesera Mulungu Wakudzulu Kakamwe, mbansandukira;+
Iwo nee abvera macenjezo ace.+
57 Iwo abwerera nduli mbacita pinthu mwaciphamaso ninga pikhacita ambuyawo.+
Iwo nee akhali akunyindirika, mbwenye akhali ninga uta wakudhemba.*+
58 Iwo akhantsukwalisa thangwi ya mbuto zawo za padzulu,+
Pontho ancitisa kuipirwa* kakamwe thangwi ya madzimunthu awo akusemwa.+
59 Mulungu aona pyenepi mbaipirwa kakamwe,+
Natenepa iye anyanyasirwa kakamwe na Izraeli.
61 Iye atawirisa kuti cidzindikiro ca mphambvu Zace ciende ku ubitcu;
Atawirisa kuti mbiri Yace iende mʼmanja mwa nyamalwa.+
62 Iye atawirisa kuti mbumba yace iphiwe na supada,+
Pontho aipirwa kakamwe na unthaka wace.
63 Aphale ace aphiwa na moto,
Pontho amiyali ace nee akhaimbirwabve nyimbo zakumanga banja.*
65 Penepo Yahova alamuka ninga munthu wakuti akhagona,+
Alamuka ninga nyankhondo wamphambvu+ wakuti akhadaledzera na vinyu.
66 Iye athamangisa anyamalwa ace;+
Iye aacitisa kuti akhale na manyadzo kwenda na kwenda.
67 Iye akhonda dzindza ya Zuze;
Iye nee asankhula dzindza ya Efraimu.
69 Iye acitisa mbuto yace yakucena kukhala ya kwenda na kwenda ninga kudzulu,*+
Ninga dziko yapantsi, idakhazikisa iye toera ikhale kwenda na kwenda.+
70 Iye asankhula ntumiki wace Dhavidhi,+
Mbamʼbulusa pakati pa mathanga a mabira,+
71 Kubulukira pakutsalakana mabira akuyamwisa;
Iye ancitisa kukhala nkumbizi wa Yakobe, mbumba yace,+
Na wa Izraeli, unthaka wace.+
Nyimbo ya Azafe.+
79 Mulungu, madzindza a anthu akutira unthaka wanu;+
Iwo apswipisa templo yanu yakucena;+
Iwo acinja Yerusalemu kudza nkuku wa madembe.+
2 Iwo apha atumiki anu mbapereka manungo awo ninga cakudya kuna mbalame.
Iwo apha atumiki anu akukhulupirika mbapereka manungo awo kuna pinyama pya ntsanga.+
3 Iwo akhuthula ciropa cawo ninga madzi kuzungulira Yerusalemu onsene,
Pontho nee mʼbodzi adasala toera kuaikha.+
4 Ife tadzakhala cinthu cakusekesa kuna anthu anakhala dhuzi na ife;+
Ale adatizungulira asatipwaza mbatisingirira.
5 Yahova, munakhala wakuipirwa mpaka lini? Kwenda na kwenda?+
Ukali wanu unagaka ninga moto mpaka lini?+
6 Khuthulani ukali wanu kuna madzindza akuti nkhabe kukudziwani
Na kuna amambo akuti nkhabe kucemera dzina yanu.+
8 Lekani kutithabusa thangwi ya madodo a ambuyathu.+
Tibvereni ntsisi mwakucimbiza,+
Thangwi ife tapwazwa kakamwe.
9 Tiphedzeni imwe Mulungu mpulumusi wathu,+
Thangwi ya dzina yanu ya mbiri;
Tiomboleni, pontho tilekerereni* madawo athu thangwi ya dzina yanu.+
10 Thangwi yanji munatawirisa anthu a madzindza anango alonge: “Ali kupi Mulungu wawo?”+
Madzindza onsene mbadzindikire pamaso pathu,
Kuti mwabwezera ciropa cidacuciswa ca atumiki anu.+
11 Bveserani kubulira kwa anyakaidi.+
Phatisirani mphambvu zanu* zikulu toera kutsidzikiza* ale adatongwa kuphiwa.*+
12 Atcunyuseni anthu anakhala dhuzi na ife mʼmaulendo akupiringana manomwe+
Thangwi yakutikana kudakucitani iwo, imwe Yahova.+
13 Buluka penepo, ife mbumba yanu, pontho nkumbi wa mabira unakumbiza imwe,+
Tinadzapereka takhuta kuna imwe kwenda na kwenda;
Pontho tinadzabvekesa mbiri yanu kuna ubalwi na ubalwi.+
Kuna nyakutsogolera nyimbo; inalonga pya “Maluwa.” Toera anthu akumbukire. Nyimbo ya Azafe.+
80 Imwe Nkumbizi wa Izraeli, bveserani,
Imwe munatsogolera Zuze ninga nkumbi wa mabira.+
3 Imwe Mulungu, tibvereni pontho ntsisi;+
Citisani kuti nkhope yanu iyetimire kuna ife toera tipulumuswe.+
4 Yahova Mulungu wa anyankhondo, mpaka lini imwe munaipirwa mbamukhonda kubvesera maphembero a mbumba yanu?+
5 Imwe mwacitisa misozi yawo kukhala ninga cakudya kuna iwo,
Pontho mwaacitisa kumwa misozi ninga madzi.
6 Imwe mwatawirisa kuti anthu anakhala dhuzi na ife amenyane unango na ndzace toera kutikunda;
Anyamalwa athu asapitiriza kutisingirira ninga munafunira iwo.+
7 Imwe Mulungu wa anyankhondo, tibvereni pontho ntsisi;
Citisani kuti nkhope yanu iyetimire kuna ife toera tipulumuswe.+
8 Imwe mwacitisa kuti muti wa mauva+ ubuluke ku Ejitu.
Mwathamangisa anthu a madzindza anango mbamuutceka.+
9 Mwalima mbuto toera kuutceka,
Pontho iwo wamera mitcitci mbudzadza dziko.+
10 Mapiri aphimbirwa na nʼthundzi wa muti unoyu,
Pontho nthawi zace zaphimbira miti ya sedhro idatcekwa na Mulungu.
12 Thangwi yanji mwafudza mpanda wa miyala wa muti wa mauva,+
Toera anthu onsene anapita na penepo atcode misapo yace?+
13 Njiri zisausakaza,
Pontho pinyama pinango pya ntsanga pisaudya.+
14 Mulungu wa anyankhondo, taphata miyendo bwererani.
Yangʼanani pantsi kubulukira kudzulu mbamuona!
Tsalakanani muti uyu wa mauva,+
15 Muti udatceka imwe na djanja yanu yamadyo,+
Pontho yangʼanani mwana adapasa* imwe mphambvu toera mupaswe mbiri.+
16 Muti wa mauva wagwandwa mbupiswa na moto.+
Iwo asafa thangwi ya kusandika kwanu.*
17 Djanja yanu mbiphedze munthu ali kukhundu yanu yamadyo,
Mwana wa munthu adapasa imwe mphambvu toera mupaswe mbiri.+
18 Penepo ife nee tinadzakuthawani.
Tikoyeni na umaso, toera ife ticemere dzina yanu.
19 Imwe Yahova Mulungu wa anyankhondo, tibvereni pontho ntsisi;
Citisani kuti nkhope yanu iyetimire kuna ife toera tipulumuswe.+
Kuna nyakutsogolera nyimbo; inalonga pya Jitite.* Nyimbo ya Azafe.+
81 Khuwani mwakutsandzaya kuna Mulungu wakuti ndi mphambvu yathu.+
Khuwani mwakukomerwa kuna Mulungu wa Yakobe.
2 Tomani kuimba nyimbo, pontho kwatani pandero,
Arpa yakuti isaimba nyimbo zadidi na pyakuimba napyo pya nkhambala.
3 Lizani nyanga pa ntsiku yakubalwa kwa mwezi,+
Lizani nyanga pa ntsiku inaoneka mwezi wakudzala, thangwi ndi ntsiku ya phwando yathu.+
4 Thangwi unoyu ndi ntemo udapaswa Aizraeli,
Ndi ntemo wa Mulungu wa Yakobe.+
5 Iye akhazikisa ntemo unoyu ninga cenjezo kuna Zuze+
Mu ndzidzi ukhaenda iye kamenyana na dziko ya Ejitu.+
Ine ndabva fala* yakuti nee ndaidzindikira:
6 “Ine ndabulusa ntolo paphewa pace;+
Ndakwata citundu cikhali mʼmanja mwace.
Ndakuyesera pa mbuto iri na madzi a ku Meribha.*+ (Sela)
8 Mbumba yanga ndibvesereni, pontho ine ndinakupangani pinanyerezera ine thangwi ya imwe.
Imwe Aizraeli, mbamudandibvera mbapidakhala mwadidi kakamwe.+
9 Pakati panu nee pasafunika kukhala mulungu wakukhonda dziwika,
Pontho nee musafunika kulambira mulungu wa dziko inango.+
10 Ine Yahova, ndine Mulungu wanu,
Ule adakubulusani mu dziko ya Ejitu.+
Fungulani mwadidi mulomo wanu toera ine ndikudyeseni mpaka kukhuta.+
11 Mbwenye mbumba yanga nee yabvera fala yanga;
Aizraeli akhonda kundibvera.+
12 Natenepa, ine ndaasiya toera atowezere kuuma kwawo mitima;
14 Ine mbandidakunda anyamalwa awo mwakucimbiza;
Mbandidabweza djanja yanga toera kumenyana na anyamalwa awo.+
15 Ale anaida Yahova anadzabunyala pamaso pace thangwi yakugopa,
Pontho, kufudzwa kwawo* kunadzakhala kwa kwenda na kwenda.
16 Mbwenye ine ndinadzakudyesa* tirigu yadidi kakamwe,*+
Pontho ndinadzakukhutisa na uci wa pamwala.”+
Nyimbo ya Azafe.+
3 Tsidzikizani anthu akucepeseka na ana aumphawi.*+
Tongani mwaulungami anthu akusowa ciphedzo na akupwazika.+
4 Pulumusani nyakucepeseka na nyakutcerenga;
Apulumuseni mʼmanja mwa anyakucita pyakuipa.”
5 Nkhabe cinadziwa iwo, pontho nkhabe cinabvesesa iwo;+
Asafamba ncidima;
Pinthu pyonsene pinalikhisa dziko yapantsi pikutekenyeka.+
6 “Ine ndalonga: ‘Imwe ndimwe alungu,+
Imwe monsene ndimwe ana a Mulungu Wakudzulu Kakamwe.
8 Imwe Mulungu, lamukani, pontho tongani dziko yapantsi,+
Thangwi madzindza onsene ndi anu.
Nyimbo ya Azafe.+
3 Mwakucenjera, iwo asacita masasanyiro mwacibisobiso toera acite pinthu pyakuipa kuna mbumba yanu;
Iwo asabverana toera acite pinthu pyakuipa kuna ale anafuna imwe kakamwe.*
4 Iwo asalonga: “Bwerani, tendeni tifudze dzindza ya Izraeli,+
Toera iyo iduwalike kwenda na kwenda.”
5 Iwo asacita masasanyiro pabodzi pene;*
Iwo acita cibverano toera kumenyana na imwe.+
6 Misasa ya Aedhomi na ya Aijimaeli, Amoabhe+ na Aagarite,+
7 Ajebhali, Aamoni,+ Aamaleki,
9 Citani kuna iwo ninga pidacita imwe kuna Amidhiyani,+
Ninga pidacita imwe kuna Sizera na Yabhini ku nkulo* wa Kisoni.+
10 Iwo aphiwa ku Eni-Dhori;+
Mbacitisa mataka kukhala na ndimu.
11 Citani kuna akadamu awo ninga pidacita imwe kuna Orebhi na Zebhi,+
Pontho citani kuna atsogoleri awo ninga pidacita imwe kuna Zebha na Zalmuna,+
12 Iwo alonga: “Tendeni tikakwate dziko inakhala Mulungu toera ikhale yathu.”
13 Imwe Mulungu wanga, acitiseni kukhala ninga masamba akuuma akuti asamburuswa na mphepo,+
Ninga mapesi anamburuswa na mphepo.
14 Ninga moto wakuti usapisa nsitu,
Ninga malirimi a moto akuti asabvula mapiri,+
15 Natenepa, athamangiseni na mphepo yanu ikulu,+
Pontho athuseni na condzi canu.+
16 Afambiseni tsuli-tsuli na manyadzo,
Toera iwo asake dzina yanu, imwe Yahova.
17 Mbapaswe manyadzo, pontho mbathuswe kwenda na kwenda;
Iwo mbapwazwe, pontho mbafudzwe;
18 Anthu mbadziwe kuti imwe dzina yanu ndi Yahova,+
Ndimwe basi Wankulu Kakamwe pa dziko yonsene yapantsi.+
Kuna nyakutsogolera nyimbo; inalonga pya Jitite.* Nyimbo ya ana a Kora.+
84 Imwe Yahova wa anyankhondo,+
Ine ndisafuna kakamwe tabhernakulo yanu ikulu!
Ndakhuwa mwakutsandzaya kuna Mulungu wa mʼmaso na ntima wanga onsene, pontho na mphambvu zanga zonsene.
3 Ngakhale mbalame zisagumana mbuto mwenemo toera kukhala,
Pontho nyantandamibvi* asamanga ntsandza yace,
Toera kuikhamo anace
Dhuzi na guwa yanu ikulu ya ntsembe, imwe Yahova wa anyankhondo,
Mambo wanga na Mulungu wanga!
4 Anyakutsandzaya ndi ale anakhala panyumba yanu!+
Iwo asapitiriza kukusimbani.+ (Sela)
5 Anyakutsandzaya ndi ale anapaswa mphambvu na imwe,+
Ale akuti mitima yawo isafuna kakamwe kuenda kunyumba yanu.
6 Iwo angapita na pa Gowa ya Bhaka,*
Asaicitisa kukhala na madzi;
Pontho madzi akutoma kubvumba apasa nkhombo gowa ineyi.*
7 Mu ndzidzi unafamba iwo mphambvu zawo zisathimizirika;+
Mʼbodzi na mʼbodzi asafika pamaso pa Mulungu ku Sioni.
8 Imwe Yahova Mulungu wa anyankhondo, bveserani phembero yanga;
Ndibvesereni, imwe Mulungu wa Yakobe. (Sela)
10 Kukhala ntsiku ibodzi panyumba panu ndi kwadidi kakamwe kupiringana ntsiku 1.000 ku mbuto inango!+
Ndasankhula kulimira pansuwo wa nyumba ya Mulungu wanga
Mʼmbuto mwakukhala mʼmisasa ya anyakucita pyakuipa.
11 Thangwi Yahova Mulungu ndi ninga dzuwa kuna ife,+ pontho asatitsidzikiza ninga xango;+
Iye asatikomera ntima, pontho asatipasa mbiri.
Yahova nkhabe kukhondera pinthu pyadidi
Ale anafamba mwakukhulupirika.+
12 Yahova wa anyankhondo,
Nyakutsandzaya ndi ule anakunyindirani.+
Kuna nyakutsogolera nyimbo. Nyimbo ya ana a Kora.+
85 Yahova, imwe mwabvera ntsisi dziko yanu;+
Imwe mwabweresa ana a Yakobe akuti akhadaendeswa ku ubitcu.+
3 Imwe mwabweza ukali wanu onsene;
Nee mwapangiza ukali wanu ukulu.+
5 Kodi munaipirwa na ife kwenda na kwenda?+
Munapitiriza kupangiza ukali wanu kuna ubalwi na ubalwi?
6 Kodi nee munatipasa pontho mphambvu
Toera mbumba yanu ikomerwe thangwi ya imwe?+
7 Yahova, tipangizeni ufuni wanu wakukhonda mala,+
Pontho tipulumuseni.
8 Ine ndinabvesera pinafuna kulonga Mulungu wandimomwene Yahova,
Thangwi iye anadzalonga pya ntendere kuna mbumba yace,+ kuna anthu ace akukhulupirika,
Mbwenye iwo nee asafunika kunyindira mphambvu zawo ninga kale.+
9 Iye ali dzololo toera kupulumusa ale ananʼgopa,+
Toera mbiri yace ikhale mu dziko yathu.
10 Ufuni wakukhonda mala na kukhulupirika pinadzagumanikana;
Ulungami na ntendere pinadzampswompswonana.+
11 Kukhulupirika kunaphukira pa dziko yapantsi,
Pontho ulungami unadzabwera kubulukira kudzulu.+
13 Ulungami unafamba patsogolo pace,+
Pontho unasasanya njira toera miyendo yace ifambe mwenemu.
Phembero ya Dhavidhi.
86 Imwe Yahova, ndibvesereni, pontho tawirani phembero yanga,
Thangwi ndatsukwala, pontho ndatcerenga.+
2 Tsidzikizani umaso wanga, thangwi ndine wakukhulupirika.+
Pulumusani ntumiki wanu wakuti asakunyindirani,
Thangwi imwe ndimwe Mulungu wanga.+
4 Citisani ntumiki wanu* kukhala wakutsandzaya,
Thangwi ine ndisathawira kuna imwe Yahova.
5 Thangwi imwe Yahova ndimwe wadidi,+ pontho muli dzololo toera kulekerera;+
Ufuni wanu wakukhonda mala ndi ukulu kuna onsene anakucemerani.+
8 Pakati pa alungu, nkhabepo unango ninga imwe Yahova,+
Nkhabepo unango adacita pinthu ninga pidacita imwe.+
9 Madzindza onsene adacita imwe
Anadzabwera mbagodama pamaso panu Yahova,+
Pontho iwo anadzapasa mbiri dzina yanu.+
11 Yahova, ndipfundziseni njira zanu.+
Ndinadzafamba mu undimomwene wanu.+
Ndicitiseni kugopa dzina yanu na ntima onsene.*+
12 Yahova Mulungu wanga, ine ndisakusimbani na ntima wanga onsene,+
Pontho ndinadzapasa mbiri dzina yanu kwenda na kwenda,
13 Thangwi ufuni wanu wakukhonda mala ndi ukulu kuna ine,
15 Mbwenye imwe Yahova, ndimwe Mulungu wantsisi na wakukoma ntima,*
16 Ndiyangʼaneni mbamundibvera ntsisi.+
Pasani mphambvu ntumiki wanu,+
Pontho pulumusani mwana wa ntumiki wanu wankazi.
17 Ndipangizeni cidzindikiro ca udidi wanu,
Toera ale anandiida aone pyenepi mbapasika manyadzo.
Thangwi imwe Yahova ndimwe mʼphedzi wanga na mʼbalangazi wanga.
Nyimbo ya ana a Kora.+
87 Mulungu amanga nzinda wace pa mapiri akucena.+
2 Yahova asafuna kakamwe misuwo mikulu ya Sioni+
Kupiringana misasa yonsene ya Yakobe.
3 Anthu asalonga thangwi ya pinthu pyako pyakudzumisa, iwe nzinda wa Mulungu wandimomwene.+ (Sela)
4 Ine ndinalengesa Raabhe*+ na Bhabhilonya pakati pa ale anandidziwa;
Pano pana Filistiya, Tiro pabodzi na Kusi.
Iwo anadzalonga: “Uyu abalwa kweneko.”
5 Thangwi ya Sioni iwo anadzalonga:
“Onsene abalwa na iye.”
Pontho Mulungu Wamphambvu Zonsene anadzacitisa Sioni kukhala wakuwanga.
6 Pakulengesa anthu, Yahova anadzalonga:
“Uyu abalwa kweneko.” (Sela)
7 Anyakuimba+ na anyakubvina+ anadzalonga:
“Pinthu pyonsene pyadidi piri na ife pisabuluka kuna iwe.”+
Nyimbo ya ana a Kora.+ Kuna nyakutsogolera nyimbo; maimbiro a Maalati,* toera iimbwe mwakupitisirana. Masikili* a Emani+ wa mʼbanja ya Zera.
88 Yahova Mulungu, imwe ndimwe mpulumusi wanga,+
Namasikati ndisakucemerani,
Pontho namasiku ndisabwera pamaso panu.+
4 Ine ndisaoniwa ninga ndiri pakati pa ale anaenda kafikirwa nʼdjenje;*+
Ndadzakhala munthu wakusowa ciphedzo,*+
5 Ndasiyiwa pakati pa anthu akufa;
Ndakhala ninga anthu akufa adaikhwa munthumbi,
Ale akuti nee musaakumbukabve
Pontho akuti nee musaatsalakanabve.*
6 Mwandiponya nʼdjenje yakuzika kakamwe,
Mbuto yacidima, nʼdjenje ikulu kakamwe.
7 Ukali wanu usandilemera kakamwe,+
Pontho mukundithabusa na mabimbi anu amphambvu. (Sela)
8 Imwe mwakwata anthu anadziwana na ine mbamuenda nawo kutali na ine;+
Imwe mwandicitisa kukhala cinthu cakunyanyasa kuna iwo.
Ine ndafungirika, pontho nkhabe kwanisa kubuluka.
9 Maso anga nkhabebve kwanisa kuona mwadidi thangwi ya nyatwa.+
Yahova, ine ndisakucemerani ntsiku zonsene;+
Pakucita phembero, ine ndisathukula manja anga kuna imwe.
10 Kodi imwe munacita pirengo kuna ale adafa?
Kodi ale adafa analamuka muli akufa toera kukusimbani?+ (Sela)
11 Ufuni wanu wakukhonda mala unadzalongwa munthumbi?
Kodi kukhulupirika kwanu kunalongwa mʼmbuto yakufudza?*
12 Kodi pirengo pyanu pinadziwika ncidima?
Peno ulungami wanu unadziwika mu dziko ya anthu adaduwalwa?+
13 Mbwenye ndisapitiriza kukhuwa kuna imwe Yahova toera kuphemba ciphedzo,+
Ntsiku zonsene namacibese phembero yanga isafika kuna imwe.+
14 Thangwi yanji imwe Yahova musandikhonda?+
Thangwi yanji imwe musandibisira nkhope yanu?+
15 Kutomera uwana wanga,
Ndisatamba nyatwa zizinji, pontho ndasala pangʼono toera kufa;+
Mphambvu zanga zamala thangwi ya pinthu pyakugopswa pinatawirisa imwe kuti ndithimbane napyo.
16 Ukali wanu wakugaka moto usandikunda;+
Pinthu pyakugopswa pinabuluka kuna imwe pisandifudza.
17 Ntsiku zonsene pisandizungulira ninga madzi;
Pisandizungulira mʼmakhundu onsene.*
18 Imwe mwakwata axamwali anga na andzanga mbamuaendesa kutali na ine;+
Ndzanga adzakhala cidima.
Masikili* a Etani+ wa mʼbanja ya Zera.
89 Ndinadzaimba nyimbo inalonga pya ufuni wakukhonda mala wa Yahova kwenda na kwenda.
Na mulomo wanga ndinadzadziwisa kukhulupirika kwanu kuna ubalwi na ubalwi.
2 Thangwi ine ndalonga: “Ufuni wakukhonda mala unadzakhala wakuwanga kwenda na kwenda,+
Pontho imwe mwakhazikisa kukhulupirika kwanu kudzulu.”
3 Imwe mwalonga: “Ndacita cibverano na munthu adasankhula ine;+
Ine ndadumbira kuna ntumiki wanga Dhavidhi:+
4 ‘Ndinadzakhazikisa mwanako*+ mbakhala kwenda na kwenda,
Pontho ndinadzawangisa mpando wako waumambo kuna ubalwi na ubalwi.’”+ (Sela)
5 Yahova, kudzulu kusasimba mabasa anu akudzumisa,
Inde, nsoka wa anthu anu akucena usasimba mwakugaluza kukhulupirika kwanu.
6 Mbani anakwanisa kulandaniswa na Yahova kudzulu?+
Pakati pa ana a Mulungu,+ mbani adalandana na Yahova?
7 Mulungu asafunika kugopiwa pakati pa nsoka* wace wa anyakucena;+
Kuna onsene ali nʼkhundu mwace, iye ndi wankulu kakamwe, pontho asagopesa.+
Ndimwe wakukhulupirika mu pinthu pyonsene.+
10 Imwe mwanyedza Raabhe,*+ mbamunsiya ninga munthu wakufa.+
Mwabalalisa anyamalwa anu na nkono wanu wamphambvu.+
11 Kudzulu ndi kwanu, pontho dziko yapantsi ndi yanu;+
Mataka na pinthu pyonsene piri mwenemu,+ adapicita ndimwe.
12 Imwe mwacita kunterero na kunkwiriro;
Phiri ya Tabhori+ na ya Ermoni+ isasimba dzina yanu mwakutsandzaya.
14 Udidi na ulungami walikhisa mpando wanu waumambo;+
Ufuni wakukhonda mala na kukhulupirika piri pamaso panu.+
15 Yakutsandzaya ndi mbumba inadziwa kukhuwa mwakutsandzaya.+
Iyo isafamba na ceza ca nkhope yanu, imwe Yahova.
16 Ntsiku zonsene iyo isatsandzaya thangwi ya dzina yanu,
Pontho isakuzwa thangwi ya ulungami wanu.
17 Thangwi imwe musaicitisa kukhala ya mphambvu na ya mbiri,+
Pontho tingakhala akutawirika kuna imwe, mphambvu* zathu zisathimizirika.+
18 Xango yathu isabuluka kuna Yahova,
Pontho mambo wathu abuluka kuna Wakucena wa Izraeli.+
19 Pa ndzidzi unoyu imwe mwalonga mʼmasomphenya kuna anthu anu akukhulupirika kuti:
“Ndinapereka ciphedzo kuna nyankhondo wamphambvu;+
Ine ndapasa cidzo munthu adasankhula ine pakati pa mbumba.+
21 Ine ndinadzamʼphedza na djanja yanga,+
Pontho ndinadzamuwangisa na nkono wanga.
22 Nkhabepo nyamalwa anafuna kunkakamiza toera kuendesa miyoni,
Pontho nee munthu mʼbodzi wakusowa ulungami anafuna kumponderera.+
24 Ndinadzampangiza kukhulupirika kwanga na ufuni wanga wakukhonda mala,+
Ine ndinadzathimizira mphambvu* zace thangwi ya dzina yanga.
25 Ndinadzaikha djanja yace* padzulu pa bara,
Pontho ndinadzaikha djanja yace yamadyo padzulu pa mikulo.+
26 Iye anadzandicemera mbalonga: ‘Imwe ndimwe Babanga,
Mulungu wanga na Mwala wanga wakupulumukira.’+
27 Ine ndinadzancitisa kukhala ninga mwana wakutoma kubalwa,+
Wankulu kakamwe kupiringana amambo a pa dziko yapantsi.+
28 Kwenda na kwenda ine ndinadzampangiza ufuni wanga wakukhonda mala,+
Pontho cibverano cidacita ine na iye nkhabe kudzafudzika.+
29 Ndinadzalikhisa mwanace* kwenda na kwenda,
Pontho ndinadzacitisa kuti mpando wace waumambo ukhale wakuwanga kakamwe ninga kudzulu.+
30 Anace angasiya mwambo wanga,
Mbakhonda kufamba mwakubverana na mitemo yanga,*
31 Iwo angapwaza pitsogolero pyanga,
Mbakhonda kutoweza matongero anga,
32 Penepo ine ndinadzaatcunyusa na ntcamu thangwi yakukhonda kwawo bvera,+
Pontho ndinadzaatcunyusa na mitcamu thangwi ya madawo awo.
33 Mbwenye cipo ndinadzasiya kupangiza ufuni wanga wakukhonda mala kuna iye,+
Pontho nee ndinasiya kukwanirisa pikiro yanga.*
35 Ninga Wakucena, ine ndadumbira kabodzi basi;
Nee ndinadzalonga uthambi kuna Dhavidhi.+
36 Mwanace* anadzakhala kwenda na kwenda;+
Mpando wace waumambo unadzakhala ninga dzuwa patsogolo panga.+
37 Mpando wace waumambo unadzalikhiswa mbukhala kwenda na kwenda
Ninga mwezi wakuti ndzidzi onsene usaoneka* mʼmakole.” (Sela)
38 Mbwenye imwe mwanʼkhonda mbamunsiya;+
Imwe mwaipirwa kakamwe na nyakudzodzwa wanu.
39 Imwe mwakhonda cibverano cidacita imwe na ntumiki wanu;
Mwapswipisa nthimba yace pidaiponya imwe pantsi.
40 Imwe mwagwisa mipanda yace ya miyala;*
Mwacitisa mbuto zace zakutsidzikizika kukhala madembe.
41 Onsene anapita na njira asatapata pinthu pyace;
Anthu anakhala dhuzi na iye asanserusa.+
43 Imwe mwafondola supada yace,
Pontho mwancitisa kuti akhonde kuwina kunkhondo.
44 Imwe mwamalisa mbiri ikhali na iye,
Pontho mwaponya pantsi mpando wace waumambo.
45 Imwe mwacepesa ntsiku za uphale wace;
Mbamuncitisa kukhala na manyadzo. (Sela)
46 Imwe Yahova, munabisala mpaka lini? Mpaka kwenda na kwenda?+
Kuipirwa kwanu kunapitiriza kugaka ninga moto?
47 Kumbukani kuti umaso wanga ndi wa ndzidzi wakucepa!+
Pidacita imwe anthu onsene nee mukhali na cifuniro?
48 Ndi munthu upi wakuti anakwanisa kukhala mʼmaso mbakhonda kufa?+
Kodi alipo anakwanisa kupulumusika ku mphambvu ya Nthumbi?* (Sela)
49 Yahova, ali kupi mabasa anu akale anapangiza ufuni wanu wakukhonda mala,
Akuti mwadumbira kuna Dhavidhi thangwi ya kukhulupirika kwanu?+
50 Yahova, kumbukani kutikanwa kunacitwa atumiki anu;
Pontho ndisapirira* kutikanwa kunacitwa ine na mbumba yonsene;
51 Yahova, kumbukani kuti anyamalwa anu asatikana kakamwe;
Iwo asatikana nyakudzodzwa wanu mʼmbuto zonsene zinaenda iye.
52 Yahova mbapaswe mbiri kwenda na kwenda. Ameni! Ameni!+
BUKHU YACINAI
(Masalmo 90-106)
Phembero ya Mose, ntumiki wa Mulungu wandimomwene.+
90 Yahova, imwe ndimwe pakuthawira*+ pathu kwenda na kwenda.
2 Mapiri mbadzati kucitwa
Peno mbamudzati kucita dziko yapantsi na mataka,+
Imwe ndimwe Mulungu wakwenda na kwenda.+
3 Imwe musacitisa munthu wakuti asafa kubwerera kupfumbi;
Imwe musalonga: “Imwe ana a anthu, bwererani kupfumbi.”+
6 Namacibese isabulusa maluwa mbikhala ipswa,
Mbwenye namaulo isabunyala mbiuma.+
7 Ife tisafudzwa na ukali wanu+
Pontho tisathuswa na kuipirwa kwanu.
8 Imwe mwaikha madodo athu patsogolo panu;*+
Pinthu pidabisa ife piri pakweca thangwi ya ceza ca nkhope yanu.+
9 Ntsiku zathu zisazambazika* thangwi yakuipirwa kwanu;
Pyaka pyathu pisafika kunkhomo ninga muya wa mʼmphuno.
10 Pyaka pya umaso wathu ndi 70,
Peno 80+ kuna ale ali na mphambvu kakamwe.
Mbwenye ipyo pyadzala na nyatwa na kutsukwala;
Ipyo pisamala mwakucimbiza, ife mbatizambazika.+
11 Mbani anakwanisa kudziwa mphambvu ya ukali wanu?
Kuipirwa kwanu ndi kukulu ninga cilemedzo cinafunika imwe kupaswa.+
12 Tipfundziseni kulengesa ntsiku zathu+
Toera tikhale na ntima wandzeru.
13 Bwererani Yahova!+ Pyenepi pinacitika mpaka lini?+
Bverani ntsisi atumiki anu.+
14 Namacibese tidzadzeni na ufuni wanu wakukhonda mala,+
Toera tikhuwe mwakukomerwa na mwakutsandzaya+ mu ntsiku zathu zonsene.
15 Ticitiseni kutsandzaya mwakubverana na ntsiku zidatithabusa imwe,+
Mwakubverana na pyaka pizinji pidatamba ife nyatwa.+
16 Atumiki anu mbaone pinthu pyadidi pinacita imwe,
Pontho anawo mbaone mphambvu zanu zikulu.+
17 Imwe Yahova Mulungu wathu, tipaseni nkhombo;
Citisani kuti mabasa a manja athu afambe mwadidi.
Inde, citisani kuti mabasa a manja athu afambe mwadidi.+
91 Ule anakhala pa mbuto yakutsidzikizika ya Wakudzulu Kakamwe+
Anadzakhala mu nʼthundzi wa Mulungu Wamphambvu Zonsene.+
2 Ine ndinalonga kuna Yahova: “Imwe ndimwe pakuthawira panga na citsidzikizo canga,+
Pontho Mulungu wanga wakuti ndisanʼnyindira.”+
3 Thangwi iye anadzakupulumusa mu nsampha wa anyakusaka mbalame,
Anadzakupulumusa ku muliri wakupha.
4 Iye anadzakutsidzikiza na maphapido ace,
Pontho iwe unadzathawira pantsi pa maphapido ace.+
Kukhulupirika kwace+ kunadzakhala ninga xango ikulu+ na mpanda wacitsidzikizo.
5 Iwe nkhabe kudzagopa pinthu pyakugopswa pinacitika namasiku,+
Nkhabe kudzagopa mapswimo anaponywa namasikati,+
6 Nkhabe kudzagopa muliri unazungulira ncidima,
Nee kufudzwa kunacitika namasikati.
7 Anthu 1.000 anadzagwa nʼkhundu mwako
Pontho anthu 10.000 anadzagwa kukhundu yako yamadyo,
Mbwenye pyakuipa pyenepi nee pinadzacitika kuna iwe.+
8 Basi ene unadzaona pyenepi na maso ako
Mu ndzidzi unacitira iwe umboni kutcunyuswa* kwa anyakucita pyakuipa.
9 Nakuti iwe walonga: “Yahova ndi pakuthawira panga,”
Wacita Wakudzulu Kakamwe kukhala mbuto yako yakutsidzikizika;+
10 Nkhabe cakuipa cinafuna kukugwera,+
Pontho nkhabe muliri unafuna fika dhuzi na nsasa wako.
13 Unadzaponda nkhalamu ingʼono na mbadza;
Iwe unadzaponda-ponda nkhalamu yamphambvu na nyoka ikulu.+
14 Mulungu alonga: “Nakuti iye asandifuna kakamwe,* ine ndinadzampulumusa.+
Ine ndinadzantsidzikiza thangwi iye asadziwa* dzina yanga.+
15 Iye anadzandicemera, pontho ine ndinadzantawira.+
Ine ndinadzakhala na iye mʼmidzidzi ya nyatwa.+
Ine ndinadzampulumusa na kumpasa mbiri.
16 Ine ndinadzancitisa kukhala na umaso mu ntsiku zizinji,+
Pontho ndinadzancitisa kuona mphambvu zanga zakupulumusa.”*+
Nyimbo ya ntsiku ya Sabudu.
92 Mphyadidi kupereka takhuta kuna Yahova,+
Pontho kuimba nyimbo zakusimba dzina yanu, imwe Wakudzulu Kakamwe,
2 Toera kudziwisa ufuni wanu wakukhonda mala+ namacibese,
Pontho toera kudziwisa kukhulupirika kwanu namasiku,
3 Na cakuimba naco ca nkhambala khumi,
Pabodzi na arpa yakulira mwadidi.+
4 Thangwi imwe Yahova mwandicitisa kutsandzaya na mabasa anacita imwe;
Ine ndisakhuwa mwakukomerwa thangwi ya mabasa a manja anu.
5 Yahova, mabasa anu ndi akudzumisa kakamwe.+
Udziwisi wanu ndi ukulu kakamwe.+
6 Munthu wakusowa ndzeru nkhabe dziwa mabasa anu na udziwisi wanu;
Pontho nkhabe dzemwa anakwanisa kubvesesa ipi:+
7 Anthu akuipa angamera ninga tsanga
Pontho anyakucita pyakuipa onsene angathambaruka,
Ndi toera afudzwe kwenda na kwenda.+
8 Yahova, kwenda na kwenda imwe muli padzulu kakamwe kupiringana onsene.
9 Yahova, onani anyamalwa anu,
Mwandimomwene, anyamalwa anu anadzafudzwa;
Anyakucita pyakuipa onsene anadzabalalika.+
10 Mbwenye imwe munadzathimizira mphambvu* zanga mbazikhala ninga za nyati;
Ndinadzadzola mafuta toera khanda yanga ifewe.+
11 Maso anga anadzaona kukundwa kwa anyamalwa anga;+
Makutu anga anadzabva pya kukundwa kwa anyakucita pyakuipa anandisandukira.
12 Mbwenye anthu akulungama anadzakula mwadidi ninga muti wa ncindu,
Pontho anadzakula kakamwe ninga muti wa sedhro wa ku Libhano.+
13 Iwo ndi ninga miti idatcekwa panyumba ya Yahova;
Asakula pa kintalo ya nyumba ya Mulungu wathu.+
14 Maseze iwo akalambe,* anapitiriza kubala misapo;+
Iwo anadzapitiriza kukhala amphambvu* na aungumi wadidi,+
15 Mbadziwisa kuti Yahova ndi wakulungama.
Iye ndi Mwala wanga,+ pontho iye nkhabe kucita pinthu pyakusowa ulungami.
93 Yahova adzakhala Mambo!+
Abvala mbiri yace ninga nguwo;
Yahova abvala mphambvu ninga nguwo;
Iye azibvala ninga sintu.
Dziko yapantsi* yalikhiswa mwadidi;
Nee inatekenyeka.
3 Yahova, mikulo iri kukuka,
Mikulo iri kukuka mbibveka;
Mikulo ikupitiriza kukuka mbititima.
4 Mbwenye imwe Yahova wakuti muli kudzulu,
Ndimwe wamphambvu kakamwe kupiringana kutitima kwa madzi mazinji,+
Ndimwe wamphambvu kakamwe kupiringana kutitima kwa mabimbi a mʼbara.+
5 Macenjezo anu ndi akunyindirika kakamwe.+
Yahova, makhaliro akucena asabalikisa* nyumba yanu+ ndzidzi onsene.
94 Yahova Mulungu, imwe wakuti musabwezera pyakuipa kuna anyakucita pyakuipa,+
Mulungu wakuti musabwezera pyakuipa kuna anyakucita pyakuipa, pangizani mbiri yanu.
2 Lamukani, imwe Ntongi wa dziko yapantsi.+
Tcunyusani anthu akudzikuza thangwi ya pidacita iwo.+
3 Yahova, mpaka lini,
Mpaka lini anyakucita pyakuipa anapitiriza kutsandzaya?+
4 Iwo nkhabe nyerezera angafuna longa, pontho asalonga mwakudzikuza;
Anyakucita pyakuipa onsene asagaya.
5 Yahova, iwo asanyedza mbumba yanu,+
Pontho asathabusa unthaka wanu.
6 Iwo asapha akazi adaferwa na amunawo na anthu a dziko inango,
Pontho asapha ana aumphawi.*
8 Imwe anthu akusowa ndzeru, bvesesani ipi;
Imwe madzemwa, munakhala lini na udziwisi?+
9 Kodi Ule adacita* makutu, nkhabe kwanisa kubva?
Ule adacita maso, nkhabe kwanisa kuona?+
10 Ule anasumula madzindza, anacimwana kusandika?+
Ndiye anapasa anthu udziwisi.+
11 Yahova asadziwa manyerezero a anthu,
Iye asadziwa kuti manyerezero awo ndi ninga muya.+
12 Yahova,* nyakutsandzaya ndi munthu anasandikwa na imwe,+
Ule anapfundzisa imwe mwambo wanu,+
13 Toera iye akhonde kudzudzumika mu ntsiku za nyatwa,
Mpaka anyakucita pyakuipa akumbirwe djenje.+
15 Anthu anadzatongwa pontho mwaulungami,
Anthu onsene a mitima yadidi anadzaphedzera ulungami.
16 Mbani anafuna kunditsidzikiza kuna anthu akuipa?
Mbani anafuna kundiphedza toera kukunda anyakucita pyakuipa?
17 Yahova mbadakhonda kukhala mʼphedzi wanga,
Ine mbidafa mwakucimbiza.+
18 Pidalonga ine kuti: “Miyendo yanga ikutherezeka,”
Imwe Yahova mwanditsidzikiza na ufuni wanu wakukhonda mala.+
20 Imwe cipo munatonga pabodzi na atongi* anacita pyakuipa,
Thangwi iwo asaphatisira mwambo toera kubweresa nyatwa.+
22 Mbwenye Yahova anadzakhala mbuto yanga yakuthawira yakutsidzikizika,*
Mulungu wanga ndi mwala wanga wakuthawira.+
23 Iye anacitisa kuti pinthu pyawo pyakuipa piadzere.+
Iye anaphatisira pyakuipa pinacita iwo toera kuafudza.*
Yahova Mulungu wathu anadzaafudza.*+
95 Bwerani, tendeni tikhuwe mwakutsandzaya kuna Yahova!
Tendeni tikhuwe mwakukomerwa kuna Mwala wacipulumuso cathu.+
3 Thangwi Yahova ndi Mulungu wankulu,
Ndi Mambo wankulu kupiringana alungu anango onsene.+
4 Mbuto zakuzika kakamwe za dziko yapantsi ziri mʼmanja mwace;
Ntsonga za mapiri ndi zace.+
6 Bwerani, tendeni tigodame mbatimulambira;
Tendeni tigodame pamaso pa Yahova Nciti wathu.+
7 Thangwi iye ndi Mulungu wathu,
Pontho ife ndife mbumba inakumbiza iye,
Lero, imwe mungabvesera fala yace,+
8 Lekani kuumisa mitima yanu ninga pidacita ambuyanu ku Meribha,*+
Ninga pidacita iwo pa ntsiku ire ku Masa,* nʼthando,+
9 Mu ndzidzi udandiyesera iwo;+
Iwo andipenula, maseze iwo aona pinthu pidacita ine.+
10 Thangwi mu pyaka 40 ine ndaipirwa na ubalwi unoyu, mbandilonga:
“Iwo ndi mbumba yakuti ndzidzi onsene isatowera pinafuna mitima yawo;*
Iwo nee afika pakudziwa njira zanga.”
11 Natenepa, ine ndadumbira mu ukali wanga kuti:
“Iwo nkhabe kudzapita mʼmbuto idakhunganya ine toera kupuma.”+
96 Imbirani Yahova nyimbo ipswa.+
Imbirani Yahova imwe monsene muli pa dziko yapantsi!+
2 Imbirani Yahova; simbani dzina yace.
Dziwisani mphangwa zadidi za cipulumuso cace ntsiku zonsene.+
3 Dziwisani mbiri yace pakati pa anthu a madzindza anango,
Dziwisani mabasace akudzumisa pakati pa mbumba zonsene.+
4 Yahova ndi wankulu, pontho athema kusimbwa kakamwe.
Iye athema kugopiwa kupiringana alungu onsene.
6 Nʼkhundu mwace, iye azungulirwa na mbiri na kubalika;+
Mphambvu na kubalika piri pa mbuto yace yakucena.+
7 Pasani Yahova pidathema iye, imwe mabanja pakati pa mbumba,
Pasani Yahova pidathema iye thangwi ya mbiri yace na mphambvu zace.+
8 Pasani mbiri dzina yakuthema ya Yahova;+
Bweresani muoni, pontho pitani pa kintalo ya nyumba yace.
9 Bvalani nguwo zakusowa midonthi mbamugodamira* Yahova.*
Tetemerani pamaso pace, imwe monsene munakhala pa dziko yapantsi!
10 Longani pakati pa mbumba zinango kuti: “Yahova adzakhala Mambo!+
Dziko yapantsi* yakhazikika mwadidi; iyo nkhabe kubuluswa pa mbuto payo.*
Iye anadzatonga* anthu mwaulungami.”+
11 Sekerani imwe muli kudzulu, komerwani imwe muli pa dziko yapantsi;
Mbititime bara na pinthu pyonsene piri mwenemo;+
12 Mbusekere ntunda na pinthu pyonsene piri penepo.+
Mu ndzidzi ubodzi ene, miti yonsene ya ntsanga mbikhuwe mwakutsandzaya+
13 Pamaso pa Yahova, thangwi iye ali kubwera,*
Iye ali kubwera toera kutonga dziko.
97 Yahova adzakhala Mambo!+
Dziko yapantsi mbitsandzaye.+
Ntsuwa zonsene mbizikomerwe.+
2 Iye azungulirwa na mitambo, pontho na cidima cikulu kakamwe;+
Udidi na ulungami walikhisa mpando wace waumambo.+
4 Njazi zace zisamwanikira dziko yapantsi;
Dziko isaona pyenepi mbitetemera.+
6 Kudzulu kusadziwisa ulungami wace,
Pontho mbumba zonsene zisaona mbiri yace.+
7 Mbapaswe manyadzo onsene anatumikira madzimunthu akusemwa,+
Ale akuti asagaya thangwi ya alungu awo akusowa basa.+
Imwe alungu, monsene godamani* pamaso pace.+
8 Sioni abva pyenepi mbatsandzaya;+
Mizinda ya* Yuda iri kutsandzaya
Thangwi imwe Yahova mwatonga mwaulungami.+
9 Thangwi imwe Yahova ndimwe Wankulu Kakamwe pa dziko yonsene yapantsi;
Imwe muli padzulu kakamwe kupiringana alungu anango onsene.+
10 Imwe anafuna Yahova, idani pinthu pyakuipa.+
Iye asatsidzikiza umaso wa anthu ace akukhulupirika;+
11 Ceza camwanikira anthu akulungama,+
Pontho ale ali na mitima yadidi atsandzaya.
12 Imwe anthu akulungama, tsandzayani thangwi ya Yahova,
Pontho simbani dzina yace yakucena.
Nyimbo.
Iye atipulumusa na djanja yace yamadyo, yakuti ndi nkono wace wakucena.+
3 Iye akumbuka ufuni wace wakukhonda mala na kukhulupirika kudapangiza iye dzindza ya Izraeli.+
Dziko yonsene yapantsi yaona cipulumuso ca Mulungu wathu.*+
4 Imwe anthu a pa dziko yonsene yapantsi, khuwani mwakutsandzaya mbamusimba Yahova.
Komerwani, pontho khuwani mwakutsandzaya mbamuimba nyimbo zakusimba Mulungu.+
5 Imbani nyimbo na arpa toera kusimba Yahova,
Nsimbeni na arpa, pontho na nyimbo zadidi kakamwe.
6 Khuwani mwakutsandzaya pamaso pa Mambo Yahova+
Na matuluka, pontho na kulira kwa nyanga.
7 Mbititime bara na pinthu pyonsene piri mwenemo,
Dziko yapantsi na onsene anakhala mwenemu.
8 Mikulo mbiimbe manja awo;
Mapiri mbakhuwe pabodzi mwakutsandzaya+
9 Pamaso pa Yahova, thangwi iye akubwera* kudzatonga dziko yapantsi.
99 Yahova adzakhala Mambo.+ Mbumba mbazitetemere.
Iye akhala pa mpando wace waumambo padzulu* pa akerubhi.+ Dziko mbitekenyeke.
2 Yahova ndi wankulu ku Sioni,
Pontho iye ali padzulu kakamwe pakati pa mbumba zonsene za anthu.+
3 Iwo mbasimbe dzina yanu ikulu,+
Thangwi iyo ndi yakudzumisa na yakucena.
4 Imwe ndimwe mambo wamphambvu wakuti musafuna ulungami.+
Imwe mwakhazikisa mitemo ya pinthu pyadidi.
Imwe mwakhazikisa ulungami na pinthu pyadidi+ kuna Yakobe.
6 Mose na Aroni akhali pakati pa anyantsembe ace,+
Pontho Samweli akhali pakati pa ale akhacemera dzina yace.+
Iwo akhacemera Yahova,
Pontho iye akhaatawira.+
7 Iye akhalonga nawo kubulukira mu khole.+
Iwo akhabvera macenjezo na mitemo ikhapereka iye kuna iwo.+
8 Yahova Mulungu wathu, imwe mwaatawira.+
9 Simbani Yahova Mulungu wathu,+
Pontho godamani* paphiri yace yakucena,+
Thangwi Yahova Mulungu wathu ndi wakucena.+
Nyimbo yakupereka takhuta.
100 Imwe anthu a pa dziko yonsene yapantsi, khuwani mwakutsandzaya mbamusimba Yahova.+
2 Tumikirani Yahova mwakutsandzaya.+
Bwerani kuna iye na mikhuwo yakutsandzaya.
3 Dziwani* kuti Yahova ndi Mulungu.+
Ndiye adaticita, pontho ife ndife anthu ace.*+
Ife ndife mbumba yace, pontho ndife mabira anakumbiza iye.+
4 Pitani na pa misuwo yace mikulu mbamupereka takhuta,+
Pitani na pa kintalo yace na nyimbo zakusimba.+
Perekani takhuta kuna iye; simbani dzina yace.+
5 Thangwi Yahova ndi wadidi;+
Ufuni wace wakukhonda mala ndi wakwenda na kwenda,*
Pontho iye asapangiza kukhulupirika kwace kuna ubalwi na ubalwi.+
Nyimbo ya Dhavidhi.
101 Ine ndinadzaimba thangwi ya ufuni wakukhonda mala na ulungami.
Yahova, ine ndinadzaimba nyimbo toera kukusimbani.
2 Ndinacita pinthu mwandzeru, pontho mwakusowa mulando.*
Munabwera lini kudzandiphedza?
Ine ndinakubverani na ntima wanga onsene+ nkati mwa nyumba yanga.
3 Ine nkhabe kudzayangʼana na maso anga pinthu pyakusowa basa.
Ine ndisaida pinacita ale anasiya kucita pinthu pyadidi;+
Nee ndinafendedzera pyakuipa pinacita iwo.
4 Ine ndisakhala kutali na munthu ali na ntima wakuipa;
Ine nkhabe kutawira* kucita pyakuipa.
Munthu wakugaya na wakudzikuza,
Ine nee ndinadzapirira pinacita iye.
6 Ine ndinadzayangʼana anthu akukhulupirika a pa dziko yapantsi,
Toera iwo adzakhale pabodzi na ine.
Munthu wakusowa mulando* anadzanditumikira.
7 Nee munthu mʼbodzi ananyengeza andzace anadzakhala panyumba panga,
Pontho nee munthu mʼbodzi analonga uthambi anadzalimira pamaso panga.*
8 Ntsiku zonsene namacibese ndinadzapha* anthu akuipa pa dziko yapantsi,
Toera kumalisa anyakucita pyakuipa onsene mu nzinda wa Yahova.+
Phembero ya munthu wakupondererwa mu ndzidzi unasowa iye cidikhiro,* pontho akupanga Yahova pyonsene pinandzudzumisa.+
102 Yahova, bveserani phembero yanga;+
Tawirisani kuti nʼkhuwo wanga wakuphemba ciphedzo ufike kuna imwe.+
Nditawireni mwakucimbiza ndingakucemerani.+
3 Thangwi ntsiku za umaso wanga ziri kuzambazika ninga utci,
Pontho magogodo anga akupisa ninga ali pa moto.+
4 Ntima wanga wauma ninga maudzu akugwandwa,+
Thangwi ndaluza cifuno cakudya.
5 Thangwi yakunjipa kwa nyatwa zanga, ine ndisabulira,+
Pontho manungo anga asala magogodo okha-okha.+
6 Ine ndakhala ninga cidokowe ya nʼthando;
Ndakhala ninga dzidzi ingʼono mʼmadembe.
8 Ntsiku zonsene anyamalwa anga asanditikana.+
Ale anandisingirira* asaphatisira dzina yanga pakupasa anango dzedze.
9 Cakudya canga ndi dotha,+
Pontho madzi anamwa ine abvungazika na misozi,+
10 Pyenepi pyacitika thangwi ya ukali wanu na kuipirwa kwanu,
Thangwi imwe mwandithukula basi ene toera kunditaya.
12 Mbwenye imwe Yahova, musakhala kwenda na kwenda,+
Pontho mbiri yanu inadzakhala kuna ubalwi na ubalwi.+
13 Mwandimomwene imwe munadzalamuka toera kubvera ntsisi Sioni,+
Thangwi ndi ndzidzi wakumbvera ntsisi;+
Wafika ndzidzi udakhazikiswa.+
15 Madzindza anadzagopa dzina ya Yahova,
Pontho amambo onsene a pa dziko yapantsi anadzagopa mbiri yanu.+
19 Thangwi iye asayangʼana pantsi kubulukira pa mbuto yace yapadzulu yakuti ndi yakucena,+
Yahova asayangʼana pa dziko yapantsi kubulukira kudzulu,
20 Toera kubva kubulira kwa anyakaidi,+
Na kupulumusa ale adatongwa kuphiwa,+
21 Toera dzina ya Yahova idzadziwiswe mu Sioni,+
Pontho mbiri yace inadzabveka mu Yerusalemu,
22 Mbumba na maumambo
Angagumanyikana pabodzi toera kutumikira Yahova.+
23 Iye andikwatira mphambvu zanga ndzidzi mbudzati kwana;
Iye abweza ntsiku za umaso wanga.
24 Ine ndalonga: “Mulungu wanga,
Imwe wakuti musakhala kwenda na kwenda,
Lekani kundipha mbandidzati kukalamba.+
25 Kale kakamwe imwe mwacita matomero a dziko yapantsi,
Pontho kudzulu ndi basa ya manja anu.+
26 Pyenepi* pinadzamala, mbwenye imwe munadzapitiriza;
Ipyo pinadzasakala ninga nguwo.
Imwe munadzapicinja ninga nguwo, pontho ipyo pinadzamala.
27 Mbwenye imwe nee munadzacinja, pontho pyaka pya umaso wanu, cipo pinadzamala.+
28 Ana a atumiki anu anadzakhala mwakutsidzikizika,
Pontho anawo anadzakhazikika mwadidi pamaso panu.”+
Nyimbo ya Dhavidhi.
103 Umaso wanga mbusimbe Yahova;
Makhundu onsene a manungo anga mbasimbe dzina yace yakucena.
2 Umaso wanga mbusimbe Yahova;
Ine nkhabe kufunika kuduwala pyonsene pidacita iye.+
3 Iye asalekerera madawo ako onsene,+
Pontho asawangisa utenda wako onsene;+
4 Iye asaombola umaso wako nʼdjenje+
Pontho iye asakupangiza ufuni wakukhonda mala na ntsisi.+
5 Mu umaso wako onsene iye asakupasa pinthu pyadidi,+
Natenepa unapitiriza kukhala mʼphale na wamphambvu ninga capungu.+
10 Iye nee asatitsalakana mwakubverana na madawo athu,+
Peno kutitcunyusa mwakubverana na madodo athu.+
11 Thangwi ninga kudzulu ndi kutali kakamwe na dziko yapantsi,
Munjira ibodzi ene, ufuni wace ndi ukulu kakamwe kuna ale ananʼgopa.+
12 Ninga kumabulukiro a dzuwa ndi kutali kakamwe na kumadokero a dzuwa,
Munjira ibodzi ene, iye asaikha madawo athu kutali kakamwe na ife.+
16 Mphepo ingapepesa, iwo asazambazika,
Mbakhonda kuoneka pontho pa mbuto ikhali iwo.*
17 Mbwenye ufuni wakukhonda mala wa Yahova usakhala kwenda na kwenda
Kuna ale ananʼgopa,+
Pontho ulungami wace usakhala kwenda na kwenda kuna ana a anawo,+
18 Kuna ale anakoya cibverano cace+
Na kuna ale anawangisira toera kubvera matongero ace.
19 Yahova akhazikisa mwakuwanga mpando wace waumambo kudzulu;+
Pontho umambo wace usatonga pinthu pyonsene.+
22 Simbani Yahova, imwe mabasace onsene,
Mʼmbuto zonsene zinatonga iye.*
Umaso wanga onsene mbusimbe Yahova.
104 Umaso wanga mbusimbe Yahova.+
Yahova Mulungu wanga, imwe ndimwe wankulu kakamwe.+
Imwe mwabvala mbiri* na kubalika.+
3 Imwe mwamanga mbuto inakhala imwe padzulu pa makole,+
Imwe mwacitisa makole kukhala ngolo yanu ya nkhondo,+
Mbamufamba mʼmaphapido a mphepo.+
4 Imwe mwacitisa aanju anu kukhala amphambvu,*
Pontho mwacitisa atumiki anu kukhala ninga moto wakufudza.+
5 Imwe mwalikhisa dziko yapantsi pa mbuto yayo;+
6 Imwe mwaigudumira na madzi akuzika ninga mwaigudumira na nguwo.+
Madzi abiza mapiri.
7 Pidasandika imwe, madzi athawa;+
Madzi pidabva iwo kulira kwa njazi, athamanga mwakusowa cidikhiro
8 Mbaenda pa mbuto idasasanya imwe toera iwo akhalepo.
Mapiri aruthuka,+ magowa mbaterera.
9 Imwe mwaikha madire toera iwo akhonde kuapiringana,+
Toera iwo akhonde kubiza pontho dziko.
10 Imwe mwafungula mphuno za madzi nʼgowa;*
Pontho iwo asawewa pakati pa mapiri.
11 Pinyama pyonsene pya ntsanga pisamwa madzi anewa;
Maburu a ntsanga asamalisa nyota yawo na madzi anewa.
12 Mbalame zisamanga ntsandza zawo mʼmiti iri nʼkhundu mwa madzi;
Izo zisalira pakati pa masamba akupata a miti ineyi.
13 Imwe musathirira mapiri kubulukira pa mbuto inakhala imwe.+
Dziko yapantsi yadzala na misapo ya mabasa anu.+
14 Imwe musameresa tsanga toera pinyama pidye
Pontho imwe musameresa pinthu toera anthu apiphatisire,+
Toera mʼmataka mumere cakudya:
15 Vinyu yakuti isatsandzayisa ntima wa munthu,+
Mafuta akuti asafewesa nkhope,
16 Miti ya Yahova isathirirwa mwadidi,
Miti ya sedhro ya ku Libhano idatceka iye,
17 Yakuti mbalame zisamangamo ntsandza zawo.
Miti ya junipero ndi nyumba ya soliri.+
19 Imwe mwacita mwezi toera upangize midzidzi;
Dzuwa isadziwa mwadidi ndzidzi unafunika iyo kudoka.+
20 Imwe musabweresa cidima kunja mbakukhala masiku,+
Ndzidzi wakuti pinyama pyonsene pya ntsanga pisabuluka.
21 Nkhalamu zingʼono zisalira mu ndzidzi unasodza izo,+
Pontho zisadikhira cakudya cinafuna kupaswa izo na Mulungu.+
22 Dzuwa ingabuluka,
Izo zisaenda kagona mʼmadzimba mwazo.
23 Munthu asaenda kaphata basa yace,
Pontho iye asaphata basa mpaka dzuwa kudoka.
24 Yahova, mabasa anu ndi mazinji kakamwe!+
Imwe mwacita mabasa anu onsene mwaudziwisi.+
Dziko yapantsi yadzala na pinthu pidacita imwe.
25 Yangʼanani bara, ndi yakuzika, pontho ndi ikulu kakamwe,
Iyo yadzala na pinthu pyakukhonda kulengeseka pya umaso, pikulu na pingʼono pyene.+
27 Pinthu pyenepi pyonsene pisanyindira imwe
Toera mupipase pyakudya pa ndzidzi wakuthema.+
28 Ipyo pisadya pinapipasa imwe.+
Mungafungula djanja yanu, ipyo pisakhuta na pinthu pyadidi.+
29 Mungabisa nkhope yanu, ipyo pisadzudzumika.
Mungabulusa mphambvu yawo ya umaso, ipyo pisafa mbapibwerera ku pfumbi.+
30 Mungatumiza nzimu wanu wakucena, ipyo pisacitwa,+
Imwe musapereka umaso upswa pa dziko yapantsi.
31 Mbiri ya Yahova inakhala kwenda na kwenda.
Yahova anatsandzaya na mabasace.+
32 Iye asayangʼana dziko yapantsi, iyo mbitetemera;
Iye asakhuya mapiri, iwo mbabuluka utci.+
33 Ndinadzaimbira Yahova+ mu umaso wanga onsene;
Ndinadzaimba nyimbo toera kusimba Mulungu wanga mu ndzidzi unakhala ine mʼmaso.+
34 Manyerezero anga mbakhale akutsandzayisa kuna iye.
Ine ndinakomerwa thangwi ya Yahova.
35 Anyakudawa anadzazambazika pa dziko yapantsi,
Pontho anyakucita pyakuipa nee anadzaonekabve.+
Umaso wanga mbusimbe Yahova. Simbani Yahova.*
3 Gayani thangwi yakusimba dzina yace yakucena.+
Mbitsandzaye mitima ya ale anasaka Yahova.+
4 Sakani Yahova+ na mphambvu zace.
Sakani nkhope yace* ndzidzi onsene.
5 Kumbukani pinthu pyakudzumisa pidacita iye,
Pirengo pyace na kutonga kudacita iye,+
6 Imwe dzindza ya* Abhrahamu ntumiki Wace,+
Imwe ana a Yakobe, anthu Ace adasankhula iye.+
7 Iye ndi Yahova Mulungu wathu.+
Kutonga kwace kusaoneka pa dziko yonsene.+
8 Iye asakumbuka cibverano cace cakukhonda mala,*+
Pikiro idacita iye* mpaka ubalwi 1.000,+
9 Cibverano cidacita iye kuna Abhrahamu,+
Na dumbiro idacita iye kuna Izaki,+
10 Pikiro idacita iye ninga ntemo kuna Yakobe,
Ninga cibverano cakukhonda mala kuna Izraeli,
11 Mbalonga: “Ndinadzakupasa dziko ya Kanani,+
Toera ikhale unthaka wako.”+
12 Pa ndzidzi unoyu iwo akhali pangʼono basi,+
Inde, iwo akhali akucepa kakamwe, pontho akhali alendo mu dziko ineyi.+
13 Iwo afamba pakati pa anthu a madzindza akusiyana-siyana,
Buluka mu umambo uyu, kuenda mu umambo unango.+
14 Iye nee atawirisa kuti munthu unango aathabuse,+
Mbwenye thangwi ya iwo, iye asandika amambo,+
15 Mbalonga: “Lekani kukhuya anthu anga akudzodzwa,
Lekani kucita pinthu pyakuipa kuna aprofeta anga.”+
17 Iye atumiza patsogolo pawo mamuna mʼbodzi
Wakuti ndi Zuze, adaguliswa ninga bitcu.+
18 Iwo amanga* miyendo yace na unyolo,+
Iwo aikha utale nʼkhosi mwace;*
19 Mpaka mu ndzidzi udakwanirisika mafalace,+
Pidancitisa kukhala wakucena ndi mafala adalonga Yahova.
20 Mambo apereka ntemo toera iye asudzulwe,+
Inde, ntongi unoyu wa mbumba amʼbulusa nkaidi.
21 Iye anʼkhazikisa ninga muyangʼaniri wa panyumba pace,
Ntongi wa pinthu pyace pyonsene,+
22 Toera atonge* atsogoleri a mambo ninga mukhafunira iye,
Pontho toera kupfundzisa udziwisi kuna akulu a mambo.+
23 Buluka penepo Izraeli apita mu Ejitu,+
Yakobe akhala ninga mulendo mu dziko ya Kamu.
24 Mulungu acitisa anthu ace* kunjipa kakamwe;+
Iye aacitisa kukhala amphambvu kakamwe kupiringana anyamalwa awo,+
25 Akuti iye aatawirisa kuida mbumba yace,
Toera kucitira pyakuipa atumiki ace.+
27 Iwo acita pidzindikiro pakati pawo,
Pontho acita pirengo pyace mu dziko ya Kamu.+
28 Mulungu atumiza cidima mu dziko ya Ejitu;+
Iwo akhabvera mafalace.
30 Dziko yawo yadzala na matesi+
Ngakhale mʼmakwartu a amambo awo.
31 Iye acitisa kuti ntcentce
Na imbu zipite mupisa pyawo pyonsene.+
33 Iye apha miti yawo ya mauva na ya misambvu,
Pontho agwisa miti ya mu dziko mwawo.
34 Iye atonga kuti anyadzombe apite mʼmbuto zonsene,
Anyadzombe angʼono akukhonda lengeseka.+
35 Iwo adya pinthu pyonsene pidamera mu dziko ineyi,
Pontho iwo adya pinthu pidamera mʼminda.
36 Buluka penepo iye apha ana onsene autombo a mu dziko yawo,+
Akuti ndi kutoma kwa mphambvu yawo yakubala.
37 Iye acitisa kuti mbumba yace ibuluke na parata na ouro;+
Pontho nkhabepo munthu adagwegweduka pakati pa madzindza ace.
38 Aejitu atsandzaya pidabuluka Aizraeli,
Thangwi iwo akhaagopa kakamwe.+
39 Iye aikha khole toera kuatsidzikiza,+
Pontho namasiku akhaamwanikira na moto.+
40 Iwo aphemba nyama, iye mbaapasa makwerekwece;+
Iye akhapitiriza kuapasa cakudya cikhabuluka kudzulu.+
41 Iye afungula mwala, madzi mbabuluka;+
Madzi anewa akhafamba nʼthando ninga nkulo.+
42 Thangwi iye akumbuka pikiro yakucena idacita iye kuna ntumiki wace Abhrahamu.+
43 Natenepa iye abulusa mbumba yace.+
Mbumba yatsandzaya, pontho ale adasankhula iye akhuwa mwakukomerwa.
44 Iye aapasa madziko a anthu a madzindza anango;+
Iwo atambira ninga unthaka pinthu pyakuti anango apiphatira basa mwaphinga,+
45 Toera iwo akoye matongero ace,+
Mbabvera mitemo yace.
Simbani Yahova!*
106 Simbani Yahova!*
2 Mbani anakwanisa kulonga mabasa onsene makulu adacita Yahova
Peno kudziwisa mabasace onsene akuti athema kusimbwa?+
3 Anyakutsandzaya ndi ale anacita pinthu mwakulungama,
Akuti ndzidzi onsene asacita pinthu pyadidi.+
4 Ndikumbukeni Yahova mu ndzidzi unabvera imwe ntsisi* mbumba yanu.+
Nditsalakaneni, pontho ndipulumuseni,
5 Toera nditsandzaye na udidi unapangiza imwe kuna anthu adasankhula imwe,+
Toera ine nditsandzaye pabodzi na mbumba yanu,
Pontho toera ndikusimbeni mwakutsandzaya* pabodzi na unthaka wanu.
7 Ambuyathu nee abvesesa pinthu pyakudzumisa pidacita imwe ku Ejitu.
Iwo nee akumbuka ufuni wanu wakukhonda mala,
Mbwenye iwo akusandukirani pa bara, pa Bara Yakufuira.+
9 Iye asandika Bara Yakufuira, iyo mbiuma;
Iye aapitisa pa mbuto yakuzika ya bara ninga akupita na nʼthando;+
10 Iye aapulumusa mʼmanja mwa ale akhaaida+
Pontho aaombola mʼmanja mwa anyamalwa.+
13 Mbwenye mwakucimbiza iwo aduwala pinthu pidacita iye;+
Iwo nee adikhira citsogolero cace.
15 Iye aapasa pikhaphemba iwo,
Mbwenye aathabusa na utenda wakugopswa kakamwe mbuacitisa kukhala akusowa mphambvu mbafa.+
17 Natenepa mataka afunguka mbameza Dhatani
Pontho afikira ale akhali pabodzi na Abhironi.+
18 Moto wagaka pakati pa nsoka wawo;
Malirimi a moto apisa anyakucita pyakuipa.+
19 Iwo acita dzimunthu ya mwanangʼombe ku Orebhi
Mbagodamira dzimunthu ineyi ya utale;*+
20 Iwo atoma kulambira dzimunthu ya ngʼombe yakuti isadya tsanga
Mʼmbuto mwakundipasa mbiri yakuthema.+
21 Iwo aduwala Mulungu+ wakuti ndi Mpulumusi wawo,
Ule adacita pinthu pikulu ku Ejitu,+
22 Pinthu pyakudzumisa mu dziko ya Kamu,+
Na pinthu pyakudzumatirisa pa Bara Yakufuira.+
23 Iye akhadasala pangʼono toera kupereka ntemo kuti iwo aphiwe,
Mbwenye Mose, ule adasankhula iye, adembetera kuna iye*
Toera kukhurudza ukali wace wakufudza.+
26 Natenepa, iye alamusa djanja yace mbadumbira kuna iwo
Kuti iye anadzaapha nʼthando;+
27 Iye anadzacitisa anawo kuphiwa pakati pa madzindza,
Pontho iye anadzaamwaza mʼmadziko anango.+
28 Buluka penepo, iwo atoma kulambira* Bhaale wa ku Peori,+
Pontho adya ntsembe zikhaperekwa kuna anyakufa.*
30 Mbwenye Fineya pidalamuka iye mbacita pinthu,
Muliri wamala.+
31 Pontho pyenepi pyancitisa kuoniwa ninga munthu wakulungama
Mʼmadzindza onsene, kwenda na kwenda.+
36 Iwo akhalambira madzimunthu a madzindza anewa,+
Pontho madzimunthu anewa adzakhala nsampha kuna iwo.+
37 Iwo akhapereka anawo amuna
Na anawo akazi ninga ntsembe kuna madimonyo.+
38 Iwo akhacucisa ciropa ca anthu akusowa mulando,+
Ciropa ca anawo amuna na akazi
Akhapereka iwo ninga ntsembe kuna madzimunthu a ku Kanani;+
Natenepa dziko yapswipiswa thangwi yakucucisa ciropa.
39 Iwo adzakhala akupswipa thangwi ya pinthu pikhacita iwo;
Iwo acita ulukwali na alungu anango* thangwi ya macitiro awo.+
40 Natenepa Yahova aipirwa kakamwe na mbumba yace,
Iye anyanyasirwa kakamwe na unthaka wace.
41 Kazinji kene iye akhaapereka mʼmanja mwa anthu a madzindza anango,+
Toera iwo atongwe na ale akuti akhaaida.+
42 Anyamalwa awo akhaaponderera,
Pontho iwo akhali pantsi pa utongi wawo.*
43 Kazinji kene iye akhaaombola,+
Mbwenye iwo akhansandukira mbakhonda kumbvera,+
Pontho iwo akhapwazwa thangwi ya madodo awo.+
45 Thangwi ya iwo, iye akhakumbuka cibverano cace,
Pontho iye akhaabvera ntsisi thangwi yakukulumizwa na ufuni wace wakukhonda mala.+
46 Iye akhacitisa kuti ale akhaakwata mbaaendesa ku ubitcu+
Aabvere ntsisi.
47 Tipulumuseni, imwe Yahova Mulungu wathu,+
Pontho tibuluseni mʼmanja mwa anthu a madzindza anango mbamutigumanya,+
Toera tikwanise kusimba dzina yanu yakucena,
Pontho toera tikomerwe kakamwe na kukupasani mbiri.+
48 Mbasimbwe Yahova Mulungu wa Izraeli
Ndzidzi onsene, kwenda na kwenda.+
Pontho mbumba yonsene isafunika kutawira: “Ameni!”*
Simbani Yahova!*
BUKHU YACIXANU
(Masalmo 107-150)
2 Mbalonge pyenepi ale adaombolwa na Yahova,
Ale adaombola iye mʼmanja mwa nyamalwa,+
3 Ale adagumanya iye mʼmadziko,+
Kutomera kumabulukiro a dzuwa mpaka kumadokero a dzuwa,
Kutomera kunkwiriro mpaka kunterero.+
4 Iwo akhandzendza-ndzendza nʼthando, mbuto yakusowa anthu;
Iwo nee agumana njira toera kuenda mu nzinda ukhafunika iwo kukhala.
5 Iwo akhali na njala na nyota;
Iwo akhadasala pangʼono toera kufa thangwi yakuneta.
8 Anthu mbapereke takhuta kuna Yahova+ thangwi ya ufuni wace wakukhonda mala,
Pontho thangwi ya mabasace akudzumisa adacitira iye anthu.+
9 Iye apasa madzi munthu wakuti akhali na nyota,
Pontho apasa pinthu pyadidi munthu akhali na njala.+
10 Anango akhali ncidima cikulu kakamwe,
Anyakaidi akuti akhathabuka, pontho akhadamangwa na maunyolo.
11 Thangwi iwo nee abvera mafala a Mulungu;
Iwo nee abvera uphungu wa Mulungu Wakudzulu Kakamwe.+
12 Iye aapasa manyadzo pidatawirisa iye kuti atambe nyatwa;+
Iwo agwegweduka, mbwenye nee pakhali na munthu toera kuaphedza.
13 Mu ndzidzi ukhanentseka iwo, acemera Yahova toera kuaphedza;
Iye aapulumusa mu nyatwa zawo.
14 Iye aabulusa ncidima cikulu kakamwe,
Pontho asudzula maunyolo akhadamangwa na iwo.+
15 Anthu mbapereke takhuta kuna Yahova thangwi ya ufuni wace wakukhonda mala,+
Pontho thangwi ya mabasace akudzumisa adacitira iye anthu.
18 Iwo aluza cifuno cakudya* ntundu onsene wa cakudya;
Iwo akhali dhuzi na misuwo mikulu yakufa.
19 Mu ndzidzi ukhanentseka iwo, akhacemera Yahova toera kuaphedza;
Iye akhaapulumusa mu nyatwa zawo.
20 Iye akhatumiza mafalace, iwo mbawanga,+
Pontho aabulusa nʼdjenje ikhadagwera iwo.
21 Anthu mbapereke takhuta kuna Yahova thangwi ya ufuni wace wakukhonda mala,
Pontho thangwi ya mabasace akudzumisa adacitira iye anthu.
22 Perekani ntsembe zakupereka takhuta,+
Pontho dziwisani mabasace na nʼkhuwo wakutsandzaya.
23 Ale anacita ulendo mʼbara na mabote,
Ale anacita malonda mʼmadzi mazinji,+
24 Iwo asaona mabasa a Yahova,
Pontho asaona mabasace akudzumisa mʼbara;+
25 Na fala yace basi, condzi cisatoma,+
Mbicicitisa mabimbi mʼbara.
26 Iwo asakwizwa ndzulu;
Buluka penepo asatcitiswa pantsi kakamwe.
Cipapo cawo cisamala thangwi yakuona ngozwi iri patsogolo pawo.
27 Iwo asadzedzereka ninga munthu wakuledzera,
Pontho maluso awo onsene asakhala akusowa basa.+
28 Buluka penepo, mu ndzidzi unanentseka iwo, asacemera Yahova toera kuaphedza;+
Pontho iye asaapulumusa mu nyatwa zawo.
29 Iye asamalisa condzi;
Mbacitisa mabimbi a bara kupfulika.+
30 Iwo asakomerwa condzi cingamala,
Pontho iye asaatsogolera mpaka kugombe ikhafuna iwo kuenda.
31 Anthu mbapereke takhuta kuna Yahova thangwi ya ufuni wace wakukhonda mala,
Pontho thangwi ya mabasace akudzumisa adacitira iye anthu.+
33 Iye asacinja mikulo kudza thando,
Pontho mbuto zinabuluka madzi kudza mataka akusowa madzi,+
34 Mataka a ndimu kudza mataka a munyu,+
Thangwi ya pyakuipa pinacita anthu anakhala mʼmbuto zenezi.
35 Iye asacinja thando kudza mathawala a madzi,
Pontho asacinja mbuto yakusowa madzi kudza ya madzi.+
36 Iye asacitisa anthu anjala kukhala mwenemo,+
Toera amange nzinda wakuti iwo anakwanisa kukhalamo.+
38 Iye asaapasa nkhombo, iwo mbathimizirika kakamwe;
Iye nkhabe tawirisa kuti pifuyo pyawo pipunguke.+
39 Mbwenye iwo asakhala pontho akucepa, mbapaswa manyadzo
Thangwi yakupondererwa, nyatwa na kutsukwala.
40 Iye asapwaza atongi,
Mbaacitisa kuti andzendze nʼthando yakusowa njira.+
41 Mbwenye iye asatsidzikiza atcerengi akuti asapondererwa+
Pontho asacitisa kuti mabanja awo akule ninga mikumbi ya pinyama.
42 Anthu akulungama asaona pyenepi mbatsandzaya;+
Mbwenye anthu onsene akusowa ulungami asafunga milomo yawo.+
43 Munthu wandzeru anadzanyerezera pinthu pyenepi,+
Pontho anadzanyerezera mwadidi mabasa a ufuni wakukhonda mala wa Yahova.+
Nyimbo ya Dhavidhi.
108 Ntima wanga ndi wakukhulupirika kuna imwe Mulungu.
Ndinadzaimba nyimbo na ntima wanga onsene* toera kukusimbani.+
2 Iwe cakuimba naco ca nkhambala, lamuka; iwembo arpa, lamuka.+
Ine ndinadzabesera kakamwe.
3 Imwe Yahova, ine ndinadzakusimbani pakati pa mbumba,
Pontho ndinadzaimba nyimbo toera kukusimbani pakati pa madzindza.
4 Thangwi ufuni wanu wakukhonda mala ndi ukulu kakamwe ninga kudzulu,+
Pontho kukhulupirika kwanu kwafika mpaka kuthambo.
5 Mulungu, pangizani ukulu wanu kudzulu kakamwe;
Mbiri yanu mbikhale pa dziko yonsene yapantsi.+
7 Mulungu wakuti ndi Wakucena alonga:*
9 Moabhe ndi basiya inatsukira ine miyendo yanga.+
Masandalya anga ndinadzaaponya padzulu pa Edhomi.+
Ndinadzakhuwa mwakutsandzaya ndingafudza Filistiya.”+
10 Mbani anafuna kundiperekera toera kuenda kakunda nzinda wakutsidzikizwa?
Mbani anafuna kundiperekera mpaka ku Edhomi?+
11 Imwe Mulungu wathu, kodi simwe tayu adatikhonda,
Mulungu wathu wakuti nee musaendabve pabodzi na anyankhondo athu?+
Kuna nyakutsogolera nyimbo. Nyimbo ya Dhavidhi.
109 Imwe Mulungu anasimba ine,+ lekani kumatama.
2 Anyakucita pyakuipa na anyakunyengeza asafungula milomo yawo toera kundilonga mwakuipa.
Iwo asalonga uthambi thangwi ya ine;+
3 Iwo asandizungulira na mafala akuipa,
Iwo asandilonga mwakuipa mwakusowa mathangwi.+
4 Ine ndingapangiza ufuni, iwo asanditcinga;+
Mbwenye ine ndisapitiriza kucita phembero.
5 Ine ndisacita pyadidi, mbwenye iwo asandibwezera pyakuipa,+
Ine ndisapangiza ufuni, mbwenye iwo asandiida.+
6 Mbatongwe na munthu wakucita pyakuipa;
Mpingizi mbakhale kunkono wace wamadyo.
7 Iye angatongwa mbakhale na mulando;
Ngakhale phembero inacita iye mbioniwe ninga madawo.+
10 Anace* mbandzendze ninga anyakuphemba-phemba,
Mbabuluke mʼmadembe munakhala iwo toera aende kasaka cakudya.
11 Ule adanfiyarisi mbankwatire* pinthu pyace pyonsene,
Pontho anthu anakhonda iye dziwa mbatapate pinthu pyace.
12 Mbakhonde kuoneka munthu toera kuntsalakana mwadidi,*
Pontho mbakhonde kuoneka munthu toera kubvera ntsisi anace aumphawi.*
13 Adzukulu ace mbaphiwe;+
Madzina awo mbaduwaliwe na ubalwi upswa.
14 Yahova mbakumbuke madodo a ambuyace,+
Pontho mbaleke kufudzwa madawo a mai wace.
15 Yahova mbapitirize kunyerezera pinthu pidacita iwo;
Pontho madzina awo mbaduwalike pa dziko yapantsi.+
16 Thangwi mamuna unoyu aduwala kupangiza udidi,*+
Mbwenye iye akhatcinga nyakupondererwa,+ nyakutcerenga na nyakutsukwala
Toera kuapha.+
17 Iye akhakomerwa kupasa anango dzedze, mbwenye dzedze yadzera iye;
Iye nee akhafuna kupasa anango nkhombo, natenepa iye nee apaswa nkhombo.
18 Iye akhabvala madzedze ninga nguwo.
Madzedze anewa adzapita mʼmanungo mwace ninga madzi,
Iwo apita mʼmagogodo mwace ninga mafuta.
20 Pyenepi ndipyo pinafuna kucita Yahova toera kutcunyusa ale ananditcinga+
Na ale anandilonga mwakuipa.
21 Mbwenye imwe Yahova Mbuya Wankulu Kakamwe,
Ndiphedzeni thangwi ya dzina yanu.+
Ndipulumuseni, thangwi ufuni wanu wakukhonda mala ndi wadidi.+
23 Ndiri kuzambazika ninga nʼthundzi wakumaulo;
Mbandiponywa kutali ninga nyadzombe.
24 Mabondo anga agoboka thangwi yakukhonda kudya;
Ndaonda, pontho manungo anga akumala.*
25 Ine ndadzakhala munthu anasingirira iwo.+
Iwo angandiona asasukusa misolo yawo.+
26 Ndiphedzeni imwe Yahova Mulungu wanga;
Ndipulumuseni thangwi ya ufuni wanu wakukhonda mala.
27 Iwo asafunika kudziwa kuti mwacita pyenepi na manja anu;
Asafunika kudziwa kuti adacita pyenepi ndimwe Yahova.
28 Asiyeni andipase dzedze, mbwenye imwe ndipaseni nkhombo.
Iwo angafuna kumenyana na ine, apaseni manyadzo,
Mbwenye citisani kuti ntumiki wanu atsandzaye.
30 Mulomo wanga unadzasimba kakamwe Yahova;
Ine ndinadzansimba pakati pa anthu azinji.+
31 Iye anadzakhala kunkono wamadyo wa nyakutcerenga
Toera kumpulumusa mʼmanja mwa ale anankonesa.
Nyimbo ya Dhavidhi.
110 Yahova alonga kuna Mbuyanga:
2 Yahova anadzathonya kubulukira ku Sioni na ndodo ya umambo wa utongi wako,* mbalonga:
“Pita pakati pa anyamalwa ako mbuakunda.”+
3 Mbumba yanu inadzaperekeka yokhene pa ntsiku inafuna imwe kutsogolera anyankhondo anu toera kuenda kunkhondo.
Nsoka wanu wa aphale ndi ninga bume inagwa namacibese,
Iwo asayetimira, pontho ndi akucena.
4 Yahova adumbira, pontho iye nkhabe kudzacinja manyerezero ace:*
6 Iye anadzatonga mbatcunyusa madzindza;+
Iye anadzacitisa kuti manungo a anthu akufa agumanike mʼmbuto zonsene.+
Iye anadzanyedza ntsogoleri* wa dziko ikulu.*
7 Nʼnjira, iye* anadzamwa madzi akuwewa.
Buluka penepo analamusa nsolo wace, thangwi akupibva mwadidi.
א [Alefi]
Ndinadzasimba Yahova na ntima wanga onsene+
ב [Bheti]
Pakati pa anthu akulungama adagumanyikana mu mpingo.
ג [Gimeli]
ה [He]
3 Mabasace ndi akubalika, pontho asapangiza mphambvu zace,
ו [Vau]
Pontho ulungami wace ndi wakwenda na kwenda.+
ז [Zaine]
4 Iye asacitisa kuti anthu akhonde kuduwala mabasace akudzumisa.+
ח [Heti]
Yahova ndi wantsisi na wakukoma ntima.*+
ט [Tete]
5 Iye asapasa cakudya ale ananʼgopa.+
י [Yodhe]
Kwenda na kwenda iye asakumbuka cibverano cace.+
כ [Kafe]
מ [Memi]
ס [Sameki]
8 Iyo ndi yakunyindirika cincino na kwenda na kwenda;
ע [Ayine]
Iyo yacitwa mwakubverana na undimomwene na ulungami.+
פ [Pe]
9 Iye aombola mbumba yace.+
צ [Tsadhe]
Iye apereka ntemo toera cibverano cace cikhale kwenda na kwenda.
ק [Kofe]
Dzina yace ndi yakucena, pontho isafunika kugopiwa.+
ר [Rexi]
10 Kugopa Yahova ndi kutoma kwa udziwisi.+
ש [Xini]
Ale anabvera mitemo yace asapangiza kuti ali na udziwisi wadidi.+
ת [Tau]
Iye anasimbwa kwenda na kwenda.
א [Alefi]
ג [Gimeli]
2 Anace anadzakhala amphambvu pa dziko yapantsi,
ד [Dhaleti]
Pontho dzindza ya anthu akulungama inadzapaswa nkhombo.+
ה [He]
3 Iye ali na mpfuma na pinthu pizinji panyumba pace,
ו [Vau]
Pontho ulungami wace ndi wakwenda na kwenda.
ז [Zaine]
4 Kuna anthu akulungama, iye asayetimira ninga ceza pacidima.+
ח [Heti]
Iye ndi wantsisi, wakukoma ntima*+ na wakulungama.
ט [Tete]
5 Nyakutsandzaya ndi ule anabwerekesa na ntima onsene.+
י [Yodhe]
Iye asacita pinthu pyace mwaulungami.
כ [Kafe]
6 Iye cipo anadzagwa.+
ל [Lamedhi]
Munthu wakulungama nkhabe kudzaduwaliwa kwenda na kwenda.+
מ [Memi]
7 Iye nkhabe gopa mphangwa zakuipa.+
נ [Nuni]
Ntima wace ndi wakukhulupirika, pontho asanyindira Yahova.+
ס [Sameki]
8 Ntima wace ndi wakukhurudzika; iye nkhabe gopa;+
ע [Ayine]
Pakumalisira, iye anadzaona kukundwa kwa anyamalwa ace.+
פ [Pe]
9 Iye asagawiza mwakudzala manja;* iye asapasa anyakutcerenga.+
צ [Tsadhe]
Ulungami wace unapitiriza kwenda na kwenda.+
ק [Kofe]
Mphambvu zace zinadzathimizirika na mbiri.
ר [Rexi]
10 Nyakucita pyakuipa anadzaona pyenepi mbaipirwa.
ש [Xini]
Iye anadzakukuta* mano ace mbazambazika.
ת [Tau]
Pifuno pya anyakucita pyakuipa pinadzamala.+
113 Simbani Yahova!*
Imwe atumiki ace, simbani Yahova,
Simbani dzina ya Yahova.
2 Mbisimbwe dzina ya Yahova
Kutomera cincino mpaka kwenda na kwenda.+
3 Kutomera kumabulukiro a dzuwa mpaka kumadokero a dzuwa
Mbisimbwe dzina ya Yahova.+
6 Iye asakotama toera kuona kudzulu na dziko yapantsi,+
7 Asabulusa pa pfumbi munthu wakusowa ciphedzo.
9 Iye asacitisa nkazi wakuti nkhabe kubala
Kukhala mama wakutsandzaya panyumba pace pabodzi na anace.*+
Simbani Yahova!*
114 Pidabuluka Izraeli ku Ejitu,+
Pidabuluka nyumba ya Yakobe pakati pa mbumba inalonga cilongero cinango,
2 Yuda adzakhala mbuto yace yakucena,
Izraeli adzakhala dziko inatonga iye.+
4 Mapiri anumpha ninga mabira,+
Nthunda zanumpha ninga anamabira.
5 Iwe bara, ninji cidakucitisa kuthawa?+
Iwe Yordani, thangwi yanji wabwerera nduli?+
6 Imwe mapiri, thangwi yanji mwanumpha ninga mabira?
Imwe nthunda, thangwi yanji mwanumpha ninga anamabira?
7 Iwe dziko yapantsi, tekenyeka thangwi ya Mbuya,
Tekenyeka thangwi ya Mulungu wa Yakobe,+
8 Wakuti asacinja mwala kudza mathawala a madzi,
Asacinja mwala wakuwanga kudza ncera wa madzi.+
115 Tayu kuna ife, imwe Yahova, tayu kuna ife,*
Mbwenye mbiri mbiende kuna dzina yanu+
Thangwi ya ufuni wanu wakukhonda mala na kukhulupirika kwanu.+
2 Thangwi yanji madzindza asafunika kulonga:
“Ali kupi Mulungu wawo?”+
3 Mulungu wathu ali kudzulu;
Iye asacita pyonsene pinafuna iye.
5 Iwo ali na mulomo, mbwenye nkhabe kwanisa kulonga;+
Ali na maso, mbwenye nkhabe kwanisa kuona;
6 Iwo ali na makutu, mbwenye nkhabe kwanisa kubva;
Iwo ali na mphuno, mbwenye nkhabe kwanisa kubva khwema;
7 Iwo ali na manja, mbwenye nkhabe kwanisa kuphata cinthu;
Iwo ali na miyendo, mbwenye nkhabe kwanisa kufamba;+
Iwo nkhabe kubulusa fala na kholongo yawo.+
10 Imwe dzindza ya Aroni,+ nyindirani Yahova;
Iye ndi mʼphedzi wanu na xango yanu.
12 Yahova asatikumbuka, pontho anadzatipasa nkhombo;
Iye anadzapasa nkhombo dzindza ya Izraeli;+
Iye anadzapasa nkhombo dzindza ya Aroni.
13 Yahova anadzapasa nkhombo ale ananʼgopa,
Akulu na ana ene.
18 Mbwenye ife tinasimba Yahova*
Kutomera cincino mpaka kwenda na kwenda.
Simbani Yahova!*
116 Ine ndisafuna Yahova
Thangwi iye asabva* fala yanga na kudembetera kunacita ine toera kuphemba ciphedzo.+
2 Thangwi iye asakotama* toera kundibvesera,+
Pontho ndinadzancemera mu ndzidzi unakhala ine mʼmaso.*
Ine ndakundwa na nyatwa, pontho na kutsukwala.+
4 Natenepa ndacemera dzina ya Yahova:+
“Imwe Yahova, ndipulumuseni!”
6 Yahova asatsidzikiza anyakusowa maluso.+
Ndikhali wakusowa mphambvu, mbwenye iye andipulumusa.
7 Umaso wanga mbupume pontho,
Thangwi Yahova anditsalakana munjira yadidi.
8 Imwe mwandipulumusa toera ndikhonde kuphiwa,
Mwatsidzikiza maso anga toera akhonde buluka misozi, manyalo anga toera akhonde kugwegweduka.+
9 Ine ndinadzafamba pamaso pa Yahova mu dziko ya anthu ali mʼmaso.
10 Ndikhali na cikhulupiro, na thangwi ineyi, ine ndalonga;+
Ine ndikhali wakutsukwala kakamwe.
11 Ine ndasowa cakucita mbandilonga:
“Anthu onsene asalonga uthambi.”+
12 Ninji pinafuna ine kupasa Yahova
Thangwi ya pinthu pyonsene pyadidi pinandicitira iye?
13 Ndinadzathukula khomitco ya cipulumuso,*
Pontho ndinadzacemera dzina ya Yahova.
14 Ndinadzakwanirisa mapikiro anga kuna Yahova
Pamaso pa mbumba yace yonsene.+
16 Ndisakudembeterani imwe Yahova,
Thangwi ine ndine ntumiki wanu.
Ndine ntumiki wanu, mwana wa bitcu wanu wankazi.
Mwasudzula maunyolo adamangwa na ine.+
17 Ine ndinadzapereka kuna imwe ntsembe yakupereka takhuta;+
Ndinadzacemera dzina ya Yahova.
18 Ndinadzakwanirisa mapikiro anga kuna Yahova+
Pamaso pa mbumba yace yonsene,+
19 Pa kintalo ya nyumba ya Yahova,+
Mu nzinda wa Yerusalemu.
2 Thangwi ufuni wakukhonda mala unapangiza iye kuna ife ndi ukulu;+
118 Perekani takhuta kuna Yahova, thangwi iye ndi wadidi;+
Ufuni wace wakukhonda mala ndi wakwenda na kwenda.
2 Izraeli mbalonge:
“Ufuni wace ndi wakukhonda mala.”
3 Anthu a dzindza ya Aroni mbalonge:
“Ufuni wace ukulu ndi wakwenda na kwenda.”
4 Ale anagopa Yahova mbalonge:
“Ufuni wace ukulu ndi wakwenda na kwenda.”
5 Mu nyatwa zanga ine ndacemera Yahova;*
Yahova* anditawira mbandiendesa pa mbuto yakutsidzikizika.*+
6 Yahova ali kukhundu yanga; nee ndinadzagopa.+
Kodi munthu anandicitanji?+
8 Mphyadidi kuthawira kuna Yahova
Mʼmbuto mwakunyindira anthu.+
9 Mphyadidi kuthawira kuna Yahova
Mʼmbuto mwakunyindira atsogoleri.+
11 Iwo andizungulira, inde, iwo akhadandizungulira mʼmakhundu onsene;
Mbwenye mu dzina ya Yahova,
Ine ndaacitisa kuti athawe.
12 Iwo andizungulira ninga nyuci,
Mbwenye iwo azambazika mwakucimbiza ninga minga inapiswa na moto.
Mu dzina ya Yahova,
Ine ndaacitisa kuti athawe.+
13 Ine ndagwinywa mwamphambvu toera kugwiswa,
Mbwenye Yahova andiphedza.
15 Nʼkhuwo wakutsandzaya na wacipulumuso*
Usabveka mʼmisasa ya anthu akulungama.
Djanja yamadyo ya Yahova ikucita pinthu pyamphambvu.+
16 Djanja yamadyo ya Yahova yapasika mbiri;
Djanja yamadyo ya Yahova ikucita pinthu pyamphambvu.+
19 Ndifungulireni misuwo mikulu ya ulungami;+
Ine ndinadzapita na pa misuwo ineyi mbandisimba Yahova.*
20 Uyu ndi nsuwo ukulu wa Yahova.
Munthu wakulungama anapita na pansuwo unoyu.+
21 Ine ndinakusimbani thangwi imwe mwanditawira,+
Pontho mwadzakhala mpulumusi wanga.
24 Iyi ndi ntsiku idacitwa na Yahova;
Ife tinatsandzaya mbatikomerwa pa ntsiku ineyi.
25 Taphata miyendo Yahova, tisakudembeterani toera mutipulumuse!
Taphata miyendo Yahova, tiphedzeni toera tiwine!
26 Mbapaswe nkhombo ule anabwera mu dzina ya Yahova;+
Ife tisakupasani nkhombo kubulukira panyumba ya Yahova.
27 Yahova ndi Mulungu;
Iye asatipasa ceza.+
Kwatani nthawi za micindu toera kubalikisa mbuto inafuna kucitirwa phwando,+
Citani pyenepi mpaka pa nyanga za guwa ya ntsembe.+
28 Imwe ndimwe Mulungu wanga, pontho ine ndinakusimbani;
Mulungu wanga, ine ndinakupasani mbiri.+
א [Alefi]
3 Iwo nkhabe kucita pinthu pyakuipa;
Iwo asafamba munjira zace.+
4 Imwe mwatipanga toera
Tibvere mwadidi mitemo yanu.+
6 Penepo nee ndinadzakhala na manyadzo+
Pakudinga matongero anu onsene.
7 Ndingadziwa matongero anu akulungama
Ndinadzakusimbani na ntima wadidi.
8 Ndinadzabvera matongero anu.
Natenepa lekani kundisiya ndekhene.
ב [Bheti]
9 Mʼphale peno ntsikana anakwanisa tani kupitiriza na makhaliro akucena?
Anacita pyenepi angakhala mʼmaso mwakubverana na mafala anu.+
10 Ine ndisakusakani na ntima wanga onsene.
Lekani tawirisa kuti ndisiye kubvera matongero anu.+
12 Adathema kusimbwa ndimwe Yahova;
Ndipfundziseni matongero anu.
13 Na mulomo wanga ndisadziwisa
Matongero onsene adalonga imwe.
16 Ndisafuna kakamwe mitemo yanu.
Ine nkhabe kudzaduwala mafala anu.+
ג [Gimeli]
17 Tsalakanani mwadidi ntumiki wanu,
Toera ine ndikhale mʼmaso, pontho ndibvere mafala anu.+
18 Fungulani maso anga toera ndione mwadidi
Pinthu pyakudzumisa pinagumanika mu mwambo wanu.
19 Ndine mulendo mu dziko ino.+
Lekani kundibisira matongero anu.
20 Ndzidzi onsene ndisanentseka
Thangwi yakufuna kakamwe matongero anu.
21 Imwe musasandika anthu akudzikuza,
Ale adapaswa dzedze thangwi yakukhonda kubvera matongero anu.+
22 Acitiseni toera asiye kundisingirira na kundipwaza,
Thangwi ndisabvera matongero anu.
23 Maseze atsogoleri akhale pabodzi mbandilonga mwakuipa,
Ine ntumiki wanu ndinanyerezera mwadidi* matongero anu.
ד [Dhaleti]
25 Ine ndagodama pa pfumbi.+
Ndikoyeni na umaso mwakubverana na pidalonga imwe.+
26 Ine ndakupangani njira zanga, imwe mbamunditawira;
Ndipfundziseni matongero anu.+
27 Ndiphedzeni toera ndidziwe mabvekero a* mitemo yanu,
28 Nee ndisakwanisa kugona thangwi yakutsukwala.
Ndipaseni mphambvu mwakubverana na pidalonga imwe.
29 Citisani kuti uthambi ukhale kutali na ine,+
Pontho ndibvereni ntsisi mbamundipfundzisa mwambo wanu.
30 Ndasankhula kukhala wakukhulupirika kuna imwe.+
Ine ndadzindikira kuti musatonga mwakulungama.
31 Ndisaphatisira mwadidi matongero anu.+
Yahova, lekani kutawirisa kuti ndiphatiswe mwala.*+
32 Ine ndinadzatowezera matongero anu na ntima onsene
Thangwi imwe musathimizira kubvesesa kwanga.*
ה [He]
33 Imwe Yahova, ndipfundziseni+ toera ndifambe mwakubverana na matongero anu,
Pontho ndinadzaatowezera mu umaso wanga onsene.+
34 Ndipaseni ndzeru,
Toera ine ndibvere mwambo wanu
Mbandiukoya na ntima wanga onsene.
37 Peusani maso anga toera akhonde kuona pinthu pyakusowa basa;+
Ndicitiseni kufamba munjira zanu toera ndipitirize kukhala mʼmaso.
39 Bulusani pinthu pyakupasa manyadzo pinagopa ine,
Thangwi matongero anu ndi adidi.+
40 Onani kuti ndisafuna kakamwe matongero anu.
Ndikoyeni na umaso mwakubverana na ulungami wanu.
ו [Vau]
41 Yahova, ndipangizeni ufuni wanu wakukhonda mala,+
Ndipulumuseni mwakubverana na pikiro yanu;*+
42 Natenepa ndinakwanisa kutawira ule anandisingirira,
Thangwi ndisanyindira mafala anu.
43 Lekani kubulusa mafala a undimomwene pamulomo panga,
Thangwi ndisadikhira kutonga kwanu.
44 Ine ndinapitiriza kukoya mwambo wanu,
Kwenda na kwenda.+
45 Pontho ine ndinafamba mʼmbuto zakutsidzikizika,+
Thangwi ndisapfundza mitemo yanu toera kuibvera.
46 Ine ndinadzalonga thangwi ya macenjezo anu kuna amambo,
Pontho nee ndinakhala na manyadzo.+
47 Ine ndisakomerwa kakamwe na matongero anu
Inde, ine ndisaafuna kakamwe.+
48 Ine ndinathukula manja anga kuna imwe pakucita phembero thangwi ndisafuna kakamwe matongero anu,+
ז [Zaine]
49 Kumbukani mafala adalonga* imwe kuna ine ntumiki wanu,
Akuti asandicitisa kukhala na cidikhiro.
50 Pyenepi ndipyo pinandibalangaza mu ndzidzi unatamba ine nyatwa,+
Thangwi mafala anu asandicitisa kukhala na umaso.
51 Anthu akudzikuza asandisingirira kakamwe,
Mbwenye ine nkhabe siya kubvera mwambo wanu.+
53 Ine ndaipirwa kakamwe thangwi ya anyakucita pyakuipa
Akuti asasiya kubvera mwambo wanu.+
54 Matongero anu ndi nyimbo kuna ine
Mʼmbuto zonsene zinakhala ine.*
55 Yahova, ine ndisakumbuka dzina yanu namasiku,+
Toera ndikwanise kukoya mwambo wanu.
56 Pyenepi ndipyo pinacita ine
Thangwi ndisabvera matongero anu.
ח [Heti]
59 Ine ndanyerezera mwadidi njira zanga
Toera ndibwerere mbandibvera macenjezo anu.+
60 Ine ndisacimbiza, pontho nkhabe dembuka
Na kubvera matongero anu.+
61 Nkhambala za anyakucita pyakuipa zandizungulira,
Mbwenye mwambo wanu, ine nkhabe kuuduwala.+
62 Tcititciti ine ndisalamuka toera kupereka takhuta+
Thangwi yakutonga kwanu kwakulungama.
63 Ine ndine xamwali wa onsene anakugopani,
Pontho wa ale anabvera matongero anu.+
64 Yahova, ufuni wanu wakukhonda mala usaoneka pa dziko yonsene yapantsi;+
Ndipfundziseni matongero anu.
ט [Tete]
65 Yahova, imwe mwatsalakana mwadidi ntumiki wanu,
Mwakubverana na pidalonga imwe.
66 Ndipfundziseni toera ndikhale na ndzeru zadidi na udziwisi,+
Thangwi ndisanyindira matongero anu.
67 Kale ndikhacita pyakuipa mwakukhonda funa,
Mbwenye cincino ndisabvera mafala anu.+
68 Imwe ndimwe wadidi,+ pontho mabasa anu ndi adidi.
Ndipfundziseni matongero anu.+
69 Anthu akudzikuza asalonga uthambi toera kupswipisa makhaliro anga,
Mbwenye ine ndisabvera matongero anu na ntima wanga onsene.
71 Nyatwa zidatamba ine zandiphedza+
Toera ine ndikwanise kupfundza matongero anu.
י [Yodhe]
73 Ine ndaumbwa, pontho ndacitwa na manja anu.
Ndipaseni luso yakubvesesa,
Toera ine ndipfundze matongero anu.+
75 Yahova, ine ndisadziwa kuti imwe musatonga mwaulungami,+
Pontho ndisadziwa kuti imwe mwanditcunyusa thangwi yakukhulupirika kwanu.+
76 Ndaphata miyendo, ndibalangazeni na ufuni wanu wakukhonda mala,+
Mwakubverana na pikiro idacita* imwe kuna ntumiki wanu.
77 Ndibvereni ntsisi toera ine ndipitirize kukhala mʼmaso,+
Thangwi ine ndisafuna kakamwe mwambo wanu.+
78 Mbapaswe manyadzo anthu akudzikuza,
Thangwi iwo asandicitira pyakuipa mwakusowa mathangwi.*
Mbwenye ine ndinanyerezera* mwadidi mitemo yanu.+
79 Ale anakugopani mbabwerere kuna ine,
Ale akuti asadziwa macenjezo anu.
80 Ntima wanga mbuleke kukhala na mulando mu ndzidzi unatowezera ine matongero anu,+
Toera ndikhonde kupasika manyadzo.+
כ [Kafe]
83 Thangwi ine ndine ninga budu ya nthembe yakuumiswa na utci,
Mbwenye ine nkhabe duwala matongero anu.+
84 Kodi ine ntumiki wanu ndisafunika kudikhira ntsiku zingasi?
Munabwera lini kudzatonga ale ananditcinga?+
85 Anthu akudzikuza, akuti asapwaza mwambo wanu
Asandikumbira madjenje.
86 Matongero anu onsene ndi akunyindirika.
Anthu asanditcinga mwakusowa mathangwi; ndiphedzeni!+
87 Iwo akhadasala pangʼono toera kundifudza pa dziko yapantsi,
Mbwenye ine ndapitiriza kubvera mitemo yanu.
88 Ndikoyeni na umaso thangwi ya ufuni wanu wakukhonda mala,
Toera ndikoye macenjezo adalonga imwe.
ל [Lamedhi]
89 Yahova, kwenda na kwenda
Mafala anu anadzapitiriza kudzulu.+
90 Kukhulupirika kwanu kusapangizika mu ubalwi na ubalwi.+
Imwe mwalikhisa dziko yapantsi toera iyo ipitirize kukhala yakukhazikika.+
91 Thangwi ya matongero anu, pyonsene* piripo mpaka lero,
Thangwi pyonsene pisakutumikirani.
92 Mbidakhonda kukomerwa na mwambo wanu,
Ine mbandidafa mu ndzidzi ukhatamba ine nyatwa.+
93 Ine cipo ndinaduwala mitemo yanu,
Thangwi imwe mwandipulumusa na mitemo ineyi.+
95 Anyakucita pyakuipa asandidikhira toera kundipha,
Mbwenye ine ndisanyerezera kakamwe pya macenjezo anu.
96 Ine ndaona kuti pinthu pyonsene pyadidi piri na madire
Mbwenye matongero anu nkhabe madire.*
מ [Memi]
97 Ine ndisakomerwa kakamwe na mwambo wanu!+
Ntsiku zonsene ndisaunyerezera.*+
98 Ntemo wanu usandicitisa kukhala wandzeru kupiringana anyamalwa anga,+
Thangwi iwo uli na ine kwenda na kwenda.
99 Ine ndiri na udziwisi kakamwe kupiringana apfundzisi anga onsene,+
Thangwi ndisanyerezera* mwadidi macenjezo anu.
100 Ine ndisacita pinthu mwandzeru kakamwe kupiringana anthu akugwesera,
Thangwi ndisabvera mitemo yanu.
101 Ine ndisakhonda kufamba munjira zakuipa,+
Toera ndibvere mafala anu.
102 Ine nkhabe kusiya matongero anu,
Thangwi adandipfundzisa ndimwe.
103 Mafala anu asatapira kakamwe pa lirimi panga,
Iwo asatapira kakamwe nkanwa mwanga kupiringana uci!+
104 Ine ndisacita pinthu mwandzeru thangwi ya mitemo yanu.+
Na thangwi ineyi, ine ndisaida njira zonsene zakuipa.+
נ [Nuni]
106 Ine ndacita pikiro, pontho ndinaikwanirisa,
Toera kubvera matongero anu akulungama.
107 Ine ndathabuka kakamwe.+
Yahova, ndikoyeni na umaso mwakubverana na pidalonga imwe.+
108 Ndaphata miyendo Yahova, tawirani ntsembe zinapereka ine mwakufuna kwanga toera kukusimbani,*+
Pontho ndipfundziseni matongero anu.+
110 Anyakucita pyakuipa asanditeyera nsampha,
Mbwenye ine nkhabe kusiya mitemo yanu.+
111 Ine ndisaona macenjezo anu ninga unthaka wanga wakwenda na kwenda,
Thangwi iwo asacitisa ntima wanga kukhala wakutsandzaya.+
112 Ine ndatonga* kubvera mitemo yanu
Mʼmidzidzi yonsene mpaka kunkhomo.
ס [Sameki]
115 Imwe anyakucita pyakuipa, khalani kutali na ine,+
Toera ine ndibvere matongero a Mulungu wanga.
116 Mulungu, ndiphedzeni ninga mudapikira imwe,*+
Toera ndipitirize kukhala mʼmaso;
Lekani tawirisa kuti cidikhiro canga cikhale cakusowa basa.*+
118 Imwe musakhonda onsene anasiya mitemo yanu,+
Thangwi iwo ndi authambi, pontho asanyengeza.
119 Imwe musataya ninga pirombo anthu onsene anacita pyakuipa pa dziko yapantsi.+
Na thangwi ineyi, ine ndisafuna kakamwe macenjezo anu.
120 Manungo anga asatetemera thangwi yakugopa imwe;
Ine ndisagopa kutonga kwanu miseru.
ע [Ayine]
121 Ine ndisacita pinthu pyadidi na pyakulungama.
Lekani kundisiya mʼmanja mwa anthu anandiponderera!
122 Pikirani kuti imwe munaphedza ntumiki wanu;
Anthu akudzikuza mbaleke kundithabusa.
123 Maso anga aneta thangwi yakudikhira kupulumuswa na imwe,+
Pontho thangwi yakudikhira kukwanirisika kwa pikiro yanu yakulungama.+
125 Ndine ntumiki wanu; ndipaseni udziwisi+
Toera ndikwanise kubvesesa macenjezo anu.
126 Wafika ndzidzi toera Yahova acite pinthu,+
Thangwi iwo nee abvera mwambo wanu.
127 Na thangwi ineyi, ine ndisafuna kakamwe matongero anu,
Ndisaafuna kakamwe kupiringana ouro, ngakhale ouro yadidi kakamwe.+
128 Natenepa, kuna ine, pitsogolero pyonsene pinabuluka* kuna imwe ndi pyadidi;+
Ine ndisaida njira zonsene zakuipa.+
פ [Pe]
129 Macenjezo anu ndi adidi kakamwe.
Na thangwi ineyi, ine ndisaabvera.
132 Ndiyangʼaneni, pontho ndibvereni ntsisi,+
Mwakubverana na pidatonga imwe kucita kuna ale anafuna dzina yanu.+
133 Nditsogolereni na mafala anu toera ndifambe mwakutsidzikizika;
Pontho lekani tawirisa kuti ndikundwe na pinthu pyakuipa.+
134 Ndipulumuseni* mʼmanja mwa ale anandiponderera,
Pontho ine ndinadzabvera mitemo yanu.
135 Citisani nkhope yanu kuyetimira* kuna ntumiki wanu,+
Pontho ndipfundziseni mitemo yanu.
136 Misozi ikubuluka mʼmaso mwanga
Thangwi mbumba nee yabvera mwambo wanu.+
צ [Tsadhe]
138 Macenjezo anapereka imwe ndi akulungama,
Pontho ndi akunyindirika kakamwe.
139 Phinga yanga kuna imwe ndi ninga moto wakugaka muntima mwanga,+
Thangwi anyamalwa anga aduwala mafala anu.
141 Kuna anango ndine wakusowa basa na wakupwazika;+
Ngakhale tenepo, ine nee ndaduwala mitemo yanu.
143 Maseze nditambe nyatwa, pontho ndithimbane na pinentso,
Ine ndisapitiriza kukomerwa kakamwe na mitemo yanu.
144 Ulungami wa macenjezo anu ndi wakwenda na kwenda.
Ndipaseni udziwisi+ toera ndipitirize kukhala mʼmaso.
ק [Kofe]
145 Ine ndisacemera na ntima wanga onsene. Nditawireni Yahova.
Ine ndinadzabvera matongero anu.
146 Ine ndisakucemerani; ndipulumuseni!
Ine ndinadzabvera macenjezo anu.
149 Bveserani fala yanga thangwi ya ufuni wanu wakukhonda mala.+
Yahova, ndikoyeni na umaso thangwi yaulungami wanu.
150 Ale anacita pinthu pyakupasa manyadzo* afika dhuzi na ine;
Iwo ali kutali kakamwe na mwambo wanu.
152 Ine ndadzindikira kale kakamwe kuti macenjezo anu
Mwaakhazikisa toera akhale kwenda na kwenda.+
ר [Rexi]
153 Onani nyatwa zanga, pontho ndipulumuseni,+
Thangwi ine nee ndaduwala mwambo wanu.
155 Cipulumuso ciri kutali na anyakucita pyakuipa,
Thangwi iwo nee apfundza mitemo yanu.+
156 Yahova, ntsisi zanu ndi zikulu.+
Ndikoyeni na umaso mwakubverana na ulungami wanu.
157 Anyakunditcinga na anyamalwa anga ndi azinji;+
Mbwenye ine nkhabe kusiya mitemo yanu.
158 Ndisaipirwa kakamwe na anthu anacita pinthu mwaciphamaso,
Thangwi iwo nkhabe kubvera mafala anu.+
159 Onani, ine ndisafuna kakamwe mitemo yanu!
Yahova, ndikoyeni na umaso thangwi ya ufuni wanu wakukhonda mala.+
160 Mafala anu onsene ndi undimomwene,+
Pontho matongero anu onsene akulungama ndi a kwenda na kwenda.
ש [Sini] peno [Xini]
162 Ine ndisakomerwa na mafala anu+
Ninga munthu wakuti agumana mpfuma zizinji kakamwe.
164 Ine ndisakusimbani kanomwe pa ntsiku
Thangwi ya kutonga kwanu kwa ulungami.
165 Ale anafuna mwambo wanu asakhala na ntendere uzinji kakamwe;+
Nkhabe cinthu cinafuna kuagwegwedusa.*
166 Yahova, ine ndisadikhira kupulumuswa na imwe,
Pontho ndisabvera matongero anu.
168 Ine ndisabvera mitemo yanu na macenjezo anu,
Thangwi imwe musadziwa pyonsene pinacita ine.+
ת [Tau]
169 Yahova, mbufike kuna imwe nʼkhuwo wanga wakuphemba ciphedzo.+
Ndipaseni udziwisi mwakubverana na mafala anu.+
170 Phembo yanga toera kubverwa ntsisi mbifike kuna imwe.
Ndipulumuseni ninga mudapikira imwe.*
171 Ndinakusimbani ndzidzi onsene,+
Thangwi imwe musandipfundzisa mitemo yanu.
172 Ndinadzaimba nyimbo zinalonga pya mafala anu+
Thangwi matongero anu onsene ndi akulungama.
174 Ndisadikhira kupulumuswa na imwe Yahova,
Pontho ndisafuna kakamwe mwambo wanu.+
175 Pitirizani kundikoya na umaso toera ine ndikwanise kukusimbani;+
Ndiphedzeni na matongero anu.
176 Ine ndapeuka ninga bira yakutayika.+ Sakani ntumiki wanu,
Thangwi ine nee ndaduwala matongero anu.+
Nyimbo Yakukwira Nayo ku Nzinda.*
2 Yahova, ndipulumuseni* kuna ale analonga uthambi na milomo yawo
Na kuna ale ananyengeza na malirimi awo.
3 Iwe wakuti usalonga pinthu toera kunyengeza anango, Mulungu anadzacitanji kuna iwe,
5 Dzedze kuna ine thangwi ndakhala ninga mulendo pakati pa anthu a ku Mezeki!+
Ndisakhala pakati pa misasa ya Kedhari.+
6 Ine ndisakhala kutali kakamwe
Na ale anaida ntendere.+
7 Ine ndisafuna ntendere, mbwenye ndingalonga,
Iwo asafuna nkhondo.
Nyimbo Yakukwira Nayo ku Nzinda.
121 Ndayangʼana ku mapiri mbandilonga:+
Mbani anafuna kundiphedza?
2 Ciphedzo canga cisabuluka kuna Yahova,+
Ule adacita kudzulu na dziko yapantsi.
3 Iye nkhabe kudzatawirisa kuti mwendo wako ugwegweduke.*+
Ule anakuyangʼanira cipo anadzaodzira.
4 Onani, ule anayangʼanira Izraeli,
Cipo anadzaodzira peno kuphatwa na citulo.+
5 Yahova ndiye anakuyangʼanira.
Yahova ndi nʼthundzi wako,+ pontho iye ali kunkono wako wamadyo.+
7 Yahova anadzakutsidzikiza ku pinthu pyonsene pyakuipa.+
Iye anadzatsidzikiza umaso wako.+
8 Yahova anadzakutsidzikiza ku pinthu pyonsene pinacita iwe*
Kutomera cincino mpaka kwenda na kwenda.
Nyimbo Yakukwira Nayo ku Nzinda. Nyimbo ya Dhavidhi.
122 Ine ndatsandzaya pidandipanga iwo kuti:
“Tendeni kunyumba ya Yahova.”+
2 Yerusalemu, cincino miyendo yathu
Yalimira pamisuwo yako mikulu.+
4 Madzindza asakwira pa nzinda unoyu,
Madzindza a Yahova,*
Asakwira pa nzinda unoyu mwakubverana na ntemo udapaswa Izraeli,
Toera kuenda kasimba dzina ya Yahova.+
5 Thangwi mipando yaumambo yakutongera miseru yakhazikiswa kweneko,+
Mipando yaumambo ya ana a Dhavidhi.+
6 Citani maphembero toera Yerusalemu akhale muntendere.+
Iwe nzinda, ale anakufuna anadzakhala mwakutsidzikizika.
7 Ntendere mbukhale mu nzinda unoyu,*
Anthu onsene anakhala nʼnyumba zako za ndzulu mbakhale akutsidzikizika.
8 Thangwi ya abale anga na axamwali anga, ine ndinadzalonga:
“Ntendere mbukhale na iwe nzinda.”
9 Thangwi ya nyumba ya Yahova Mulungu wathu,+
Ine ndinadzapitiriza kuphembera toera pinthu pikufambire mwadidi.
Nyimbo Yakukwira Nayo ku Nzinda.
123 Maso anga asayangʼana kuna imwe,+
Imwe mudakhala pa mpando waumambo kudzulu.
2 Ninga maso a anyabasa asayangʼana djanja ya mbuyawo,
Pontho ninga maso a anyabasa akazi asayangʼana djanja ya mbuyawo wankazi,
Munjira ibodzi ene, maso athu asayangʼana kuna Yahova Mulungu wathu,+
Mpaka iye atibvere ntsisi.+
3 Tibvereni ntsisi Yahova, tibvereni ntsisi,
Thangwi ife taneta kakamwe na kupwazwa.+
4 Ife taneta kakamwe* kusingirirwa na anthu ananyindira maluso awo,
Pontho taneta kakamwe kupwazwa na anthu akudzikuza.
Nyimbo Yakukwira Nayo ku Nzinda. Nyimbo ya Dhavidhi.
124 “Yahova mbadakhonda kukhala na ife”+
Aizraeli mbabwerezere mafala awa:
2 “Yahova mbadakhonda kukhala na ife+
Mu ndzidzi udalamuka anyamalwa toera kumenyana na ife,+
3 Iwo mbadatikhudyula mbatiri mʼmaso+
Mu ndzidzi udaipirwa iwo kakamwe na ife.+
4 Penepo ife mbatidakukululwa na madzi,
Nkulo mbudatibiza.+
5 Madzi a mphambvu mbadatibiza.
6 Mbasimbwe Yahova,
Thangwi iye atitsidzikiza kuna anyamalwa athu akuti akhali ninga pikala pyakugopswa.
7 Ife ndife ninga mbalame idapulumuka
Pa nsampha wa nyakusodza;+
Nsampha wakhumuka,
Ife mbatipulumuka.+
8 Ife tisaphedzwa mu dzina ya Yahova,+
Ule adacita kudzulu na dziko yapantsi.”
Nyimbo Yakukwira Nayo ku Nzinda.
125 Ale ananyindira Yahova+
Akhala ninga Phiri ya Sioni, yakuti nkhabe kutekenyeka,
Mbwenye isakhala kwenda na kwenda.+
2 Ninga Yerusalemu wakuti azungulirwa na mapiri,+
Yahova alimbo nʼkhundu mwa mbumba yace,+
Kutomera cincino mpaka kwenda na kwenda.
3 Ndodo ya uipi nee inapitiriza pa dziko idapaswa anthu akulungama,+
Toera anthu akulungama akhonde kucinja mbacita pinthu pyakuipa.+
4 Yahova, citani pinthu pyadidi kuna ale akuti ndi adidi,+
Citani pinthu pyadidi kuna ale akuti ntima wawo ndi wadidi.+
5 Kuna ale anapeuka mbatowezera njira zawo zakuipa,
Yahova anadzaafudza pabodzi na anyakucita pyakuipa.+
Izraeli mbakhale muntendere.
Nyimbo Yakukwira Nayo ku Nzinda.
126 Yahova pidabulusa iye anthu ku ubitcu mbaabweresa pontho ku Sioni,+
Ife tikhaona ninga tikulota.
2 Pa ndzidzi unoyu ife takomerwa kakamwe
Malirimi athu mbakhuwa mwakutsandzaya.+
Pa ndzidzi unoyu, anthu a madzindza anango akhalonga:
“Yahova acita pinthu pyakudzumisa kuna iwo.”+
3 Yahova acita pinthu pyakudzumisa kuna ife,+
Pontho ife tiri akutsandzaya kakamwe.
4 Yahova bweresani pontho anthu athu adaendeswa ku ubitcu,
Ninga madzi anabwerera mʼmikulo ya ku Nejebhu.*
5 Ale anabzwala mbakalira
Anadzabvuna na mikhuwo yakutsandzaya.
6 Ule anaenda kumunda, maseze ali kulira
Uku athukula budu yace ya mbeu,
Mwandimomwene, anadzabwerera na mikhuwo yakutsandzaya+
Uku mbadathuka pidabvuna iye.+
Nyimbo Yakukwira Nayo ku Nzinda. Nyimbo ya Salomoni.
127 Yahova angakhonda kumanga nyumba,
Ale anaimanga mwaphinga akuimanga papezi.+
Yahova angakhonda kuonera nzinda,+
Anyakuuonera akuonera papezi.
2 Kubesera kunacita imwe nkhwapezi,
Kugona mwakudembuka kunacita imwe nkhwapezi,
Kuphata basa mwaphinga kunacita imwe toera kugumana cakudya nkhwapezi,
Thangwi Mulungu asatsalakana ale anafuna iye, pontho asaapasa ndzidzi toera kugona.+
5 Anyakutsandzaya ndi ale anadzadza mabudu awo na mapswimo anewa.+
Iwo nee anadzapasika manyadzo,
Thangwi iwo anadzalonga na anyamalwa pansuwo ukulu wa nzinda.
Nyimbo Yakukwira Nayo ku Nzinda.
2 Unadzadya pinthu pidaphatira iwe basa na manja ako.
Unadzakhala wakutsandzaya, pontho pinthu pinadzakufambira mwadidi.+
3 Nkazako anadzakhala ninga muti wa mauva wakuti usabala misapo nʼnyumba mwako;+
Ana ako anadzakhala ninga nthawi za muti wa mulivera nʼkhundu mwa meza yako.
4 Onani! Munthu anagopa Yahova
Anadzapaswa nkhombo munjira ineyi.+
5 Yahova anadzakupasa nkhombo kubulukira ku Sioni.
Unaona kuthambaruka kwa Yerusalemu mu ntsiku zonsene za umaso wako,+
6 Pontho unadzaona ana a anako.
Izraeli mbakhale muntendere.
Nyimbo Yakukwira Nayo ku Nzinda.
129 “Anyamalwa anga athimbana na ine kutomera mu uphale wanga”+
Aizraeli mbabwerezere mafala awa:
2 “Anyamalwa anga athimbana na ine kutomera mu uphale wanga;+
Mbwenye iwo acimwana kundikunda.+
5 Anthu onsene anaida Sioni,+
Anadzapaswa manyadzo mbabwerera mwakutsukwala.
6 Iwo anadzakhala ninga tsanga inamera pantsoi
Yakuti isauma mbidzati kuduliwa,
7 Yakuti nkhabe dzala nʼdjanja ya nyakubvuna
Pontho nkhabe dzadza mikono ya ule anaigumanya mʼmisumbu.
8 Ale anapita na penepo nee anadzalonga:
“Nkhombo za Yahova mbazikhale na imwe;
Ife tisakupasani nkhombo mu dzina ya Yahova.”
Nyimbo Yakukwira Nayo ku Nzinda.
130 Mu ndzidzi unakhala ine wakusowa cidikhiro, ndisacemera imwe Yahova.+
2 Yahova, bveserani fala yanga.
Makutu anu mbabvesere mwadidi kudembetera kwanga kwakuphemba ciphedzo.
5 Ndisadikhira Yahova, umaso wanga onsene usadikhira iye;
Ine ndisadikhira mafalace.
6 Ine ndisadikhira kakamwe Yahova+
Kupiringana nyakuonera anadikhira kuti kunja kuce,+
Inde, kupiringana nyakuonera anadikhira kuti kunja kuce.
7 Izraeli mbapitirize kudikhira Yahova,
Thangwi ufuni wa Yahova ndi wakukhonda mala,+
Pontho iye ali na mphambvu zizinji toera kuombola.
8 Iye anadzalekerera* madodo onsene a Izraeli.
Nyimbo Yakukwira Nayo ku Nzinda. Nyimbo ya Dhavidhi.
131 Yahova, ntima wanga nee ndi wakudzikuza,
Pontho maso anga nee ndi akudzikuza;+
Ine nee ndisafuna pinthu pikulu kakamwe,+
Peno pinthu pyakuti pisapiringana mphambvu zanga.
2 Mbwenye ine ndakhurudzika mbandimatamisa ntima wanga+
Ninga mwana adasiya kuyamwa wakuti ali na mai wace;
Ndiri wakutsandzaya ninga mwana adasiya kuyamwa.
3 Izraeli mbadikhire Yahova,+
Kutomera cincino mpaka kwenda na kwenda.
Nyimbo Yakukwira Nayo ku Nzinda.
132 Yahova, kumbukani Dhavidhi
Na nyatwa zace zonsene;+
2 Yahova kumbukani kudumbira kudacita iye kuna imwe,
Imwe ndimwe Wamphambvu wa Yakobe.+ Dhavidhi adumbira kuna imwe:
3 “Nee ndinapita nʼnyumba mwanga.+
Ine nee ndinaenda kagona patalimba panga;
4 Ine nkhabe kuenda kagona
Peno kufunga maso anga
5 Mpaka ndigumanire mbuto Yahova,
8 Lamukani Yahova, toera mubwere pa mbuto inafunika imwe kukhala,+
Imwe pabodzi na Bokosi inaphatisira imwe toera kupangiza mphambvu zanu.+
9 Anyantsembe anu mbabvale ulungami,
Pontho anthu anu akukhulupirika mbakhuwe mwakutsandzaya.
11 Yahova adumbira kuna Dhavidhi;
Mwandimomwene iye anadzakwanirisa mafalace:
12 Anako angakoya cibverano canga,
Mbabvera matongero anaapfundzisa ine,+
Anawombo
Anadzakhala pa mpando wako waumambo kwenda na kwenda.”+
13 Thangwi Yahova asankhula Sioni;+
Iye akomerwa naye toera akhale mbuto yace yakukhala. Iye alonga:+
14 “Iyi ndi mbuto inafuna kukhala ine kwenda na kwenda;
Ndinakhala pano,+ thangwi pyenepi ndipyo pinafuna ine.
15 Ndinadzapasa nkhombo nzinda uyu na pinthu pizinji;
Ndinadzapasa cakudya anthu akutcerenga a mu nzinda unoyu.+
16 Anyantsembe a mu nzinda unoyu ndinadzaabvazika cipulumuso,+
Pontho anthu akukhulupirika a mu nzinda unoyu anadzakhuwa mwakutsandzaya.+
17 Kweneko ndinadzathimizira mphambvu* za Dhavidhi.
Ndakhunganyira nyale nyakudzodzwa wanga.+
18 Ndinadzabvazika manyadzo anyamalwa ace,
Mbwenye umambo wace unadzathambaruka.”+
Nyimbo Yakukwira Nayo ku Nzinda. Nyimbo ya Dhavidhi.
2 Pyakhala ninga mafuta adidi anatsanulirwa munsolo+
Anayerera mpaka mu ndebvu,
Ndebvu za Aroni,+
Pontho asayerera mpaka pa nguwo idabvala iye.
Ineyi ndi mbuto idapikira Yahova kuti inadzakhala na nkhombo zace:
Umaso wakukhonda mala.
Nyimbo Yakukwira Nayo ku Nzinda.
3 Yahova, Ule adacita kudzulu na dziko yapantsi,
Mbakupase nkhombo bulukira ku Sioni.
135 Simbani Yahova!*
Simbani dzina ya Yahova;
Imwe atumiki a Yahova, nsimbeni,+
2 Imwe anatumikira panyumba ya Yahova,
Pa kintalo ya nyumba ya Mulungu wathu.+
3 Simbani Yahova, thangwi Yahova ndi wadidi.+
Imbani nyimbo toera kusimba dzina yace, thangwi pyenepi ndi pyadidi.
4 Thangwi Yahova asankhula Yakobe toera akhale ntumiki wace,
5 Thangwi ine ndisadziwa mwadidi kuti Yahova ndi wankulu;
Mbuyathu ndi wankulu kakamwe kupiringana alungu anango onsene.+
6 Yahova asacita pyonsene pinafuna iye+
Kudzulu na pa dziko yapantsi, mʼmabara na mʼmbuto zonsene zakuzika.
7 Iye asacitisa makole kukwira kudzulu kubulukira kunkhomo kwa dziko yapantsi;
Iye asacitisa kucetuma mu ndzidzi unabvumba madzi;
Iye asacitisa mphepo kubuluka pa mbuto inaikoya iye.+
8 Iye apha ana autombo a ku Ejitu,
Ana a anthu na a pinyama.+
9 Iye apangiza pidzindikiro, pontho acita pirengo ku Ejitu,+
Iye acita pyenepi kuna Farau na kuna atumiki ace onsene.+
10 Iye akunda madzindza mazinji+
Pontho apha amambo amphambvu:+
11 Sihoni mambo wa Aamori,+
Ogi mambo wa ku Bhasani,+
Pontho akunda maumambo onsene a ku Kanani.
12 Iye apereka dziko yawo ninga unthaka,
Aipereka ninga unthaka kuna mbumba yace Izraeli.+
13 Yahova, dzina yanu ndi ya kwenda na kwenda.
Yahova, mbiri yanu* inadzakhala kwenda na kwenda.+
16 Iwo ali na mulomo, mbwenye nkhabe kwanisa kulonga;+
Ali na maso, mbwenye nkhabe kwanisa kuona;
17 Iwo ali na makutu, mbwenye nkhabe kwanisa kubva.
Nkanwa mwawo nkhabemo muya.+
19 Mbumba ya Izraeli, simbani Yahova.
Dzindza ya Aroni, simbani Yahova.
20 Dzindza ya Levi, simbani Yahova.+
Imwe munagopa Yahova, simbani Yahova.
3 Perekani takhuta kuna Mbuya wa ambuya,
Thangwi ufuni wace ndi wakukhonda mala.
6 Iye asandzika dziko yapantsi padzulu pa madzi,+
Thangwi ufuni wace ndi wakukhonda mala.
7 Iye acita pyakumwanikira pikulu,+
Thangwi ufuni wace ndi wakukhonda mala,
8 Acita dzuwa toera itonge namasikati,+
Thangwi ufuni wace ndi wakukhonda mala,
9 Acita mwezi na nyenyezi toera pitonge namasiku,+
Thangwi ufuni wace ndi wakukhonda mala.
11 Iye abulusa Aizraeli ku Ejitu,+
Thangwi ufuni wace ndi wakukhonda mala,
12 Na mphambvu ya djanja yace,+ pontho na nkono wace wamphambvu,
Thangwi ufuni wace ndi wakukhonda mala.
14 Iye acitisa Aizraeli kupita na pakati pa Bara ineyi,+
Thangwi ufuni wace ndi wakukhonda mala.
15 Iye abiza Farau na nsoka wace wa anyankhondo mʼBara Yakufuira,+
Thangwi ufuni wace ndi wakukhonda mala.
16 Iye atsogolera mbumba yace nʼthando,+
Thangwi ufuni wace ndi wakukhonda mala.
17 Iye akunda amambo amphambvu,+
Thangwi ufuni wace ndi wakukhonda mala.
18 Iye apha amambo amphambvu,
Thangwi ufuni wace ndi wakukhonda mala,
19 Sihoni+ mambo wa Aamori,
Thangwi ufuni wace ndi wakukhonda mala,
20 Na Ogi+ mambo wa ku Bhasani,
Thangwi ufuni wace ndi wakukhonda mala.
21 Iye apereka dziko yawo ninga unthaka,+
Thangwi ufuni wace ndi wakukhonda mala,
22 Aipereka ninga unthaka kuna Izraeli ntumiki wace,
Thangwi ufuni wace ndi wakukhonda mala.
24 Iye apitiriza kutipulumusa kuna anyamalwa athu,+
Thangwi ufuni wace ndi wakukhonda mala.
25 Iye asapasa cakudya pinthu pyonsene pya umaso,+
Thangwi ufuni wace ndi wakukhonda mala.
26 Perekani takhuta kuna Mulungu wakudzulu,
Thangwi ufuni wace ndi wakukhonda mala.
137 Ife tikhali nawa dhuzi na mikulo ya ku Bhabhilonya.+
Talira pidakumbuka ife Sioni.+
3 Kweneko, ale adatiendesa ku ubitcu atiphemba toera tiaimbire nyimbo,+
Ale akhatisingirira akhafuna kuti tiasekese:
“Tiimbireni ibodzi mwa nyimbo za ku Sioni.”
4 Tinakwanisa tani kuimba nyimbo ya Yahova
Mu dziko yacilendo?
6 Ine ndingakhonda kukukumbuka,
Ine ndingakhonda kuona Yerusalemu ninga wakufunika kakamwe
Kupiringana pinthu pinakomerwa na ine,+
Lirimi yanga mbiphatane na mulomo wanga.
7 Yahova, kumbukani
Pidalonga Aedhomi pa ntsiku idagwa Yerusalemu:
“Ufudzeni! Ufudzeni mpaka padatoma iwo kumangwa!”+
8 Iwe mwana wankazi wa Bhabhilonya, wakuti wasala pangʼono toera kufudzwa,+
Nyakutsandzaya ndi ule anafuna kukucitira
Pinthu pibodzi pyene pidacita iwe kuna ife.+
9 Nyakutsandzaya ndi ule anafuna kuphata anako
Mbaapeyera pa miyala.+
Nyimbo ya Dhavidhi.
138 Ine ndinakusimbani na ntima wanga onsene.+
Pamaso pa alungu anango,
Ine ndinaimba nyimbo toera kukusimbani.*
2 Ine ndinadzagodama mbandiyangʼana kuna templo* yanu yakucena,+
Pontho ndinadzasimba dzina yanu+
Thangwi ya ufuni wanu wakukhonda mala na kukhulupirika kwanu.
Imwe mwacitisa kuti mapikiro anu na dzina yanu pikhale na mbiri kakamwe kupiringana pinthu pinango.*
4 Amambo onsene a pa dziko yapantsi anadzakusimbani, imwe Yahova,+
Thangwi iwo anadzabva mapikiro onsene adalonga imwe.
5 Iwo anadzaimba pya njira za Yahova,
Thangwi mbiri ya Yahova ndi ikulu.+
6 Maseze Yahova ali kudzulu, iye asaona munthu wakucepeseka,+
Mbwenye munthu wakudzikuza iye nkhabe kunfendedzera.+
7 Ndingafamba pakati pa pinthu pyakugopswa, imwe munadzandikoya na umaso.+
Munafuthula djanja yanu thangwi ya ukali wa anyamalwa anga;
Djanja yanu yamadyo inadzandipulumusa.
8 Yahova anadzacita pinthu pyonsene thangwi ya ine.
Kuna nyakutsogolera nyimbo. Nyimbo ya Dhavidhi.
139 Yahova, imwe musandidinga, pontho musandidziwa.+
2 Imwe musadziwa ndingakhala pantsi, pontho ndingalamuka.+
Nakutali, imwe musadziwa pinanyerezera ine.+
3 Imwe musandiona ndingafamba, pontho ndingagona;
Imwe musadziwa mwadidi njira zanga zonsene.+
5 Imwe mwandizungulira mʼmakhundu onsene, kutsogolo kwanga na nduli mwanga;
Pontho imwe mwandiphata na djanja yanu.
6 Mphyakunentsa kakamwe kwa ine kudziwa pinthu pyenepi pyonsene.
Nakuti mphyakudzumisa kakamwe, ine nkhabe kwanisa kupibvesesa.+
7 Ndinenda kupi ine toera kuthawa nzimu wanu,
Pontho ndinenda kupi ine toera ndithawe nkhope yanu?+
8 Ndingaenda kudzulu, imwe munadzakhala kweneko,
9 Ndingamburuka mbandipita mu ceza cinaoneka kunja kungaca
Toera kuenda kakhala kunkhomo kwa bara,
10 Ngakhale kweneko djanja yanu inanditsogolera,
Pontho imwe munanditsidzikiza na djanja yanu yamadyo.+
11 Ine ndingalonga: “Cidima cinandibisa!”
Penepo cidima ciri nʼkhundu mwanga cinadzakhala ceza.
12 Cidima nee cinadzakhala cakupswipa kakamwe kuna imwe,
Mbwenye cidima cinadzakhala cakucena ninga ceza ca masikati;+
Kuna imwe, cidima ndi sawasawa na ceza.+
14 Ine ndisakusimbani thangwi mwandicita mwadidi kakamwe, munjira yakudzumisa.+
Mabasa anu ndi akudzumisa,+
Ine ndisadziwa mwadidi pyenepi.
15 Magogodo anga nee akhali akubisika kuna imwe
Mu ndzidzi udacitwa ine ncibisobiso,
16 Maso anu andiona mʼmimba mwa mai wanga mbandidzati kubalwa;
Makhundu anga onsene alembwa mʼbukhu mwanu
Thangwi ya ntsiku zidacitwa iwo,
Iwo alembwa ngakhale mbadzati kucitwa.
17 Pinthu pinanyerezera imwe ndi pyakufunika kakamwe kuna ine!+
Mulungu, pinanyerezera imwe ndi pizinji kakamwe!+
18 Ndingayesera kupilengesa, ipyo ndi pizinji kakamwe kupiringana matcetca.+
Ndingalamuka ndisapitiriza na imwe.*+
19 Mulungu, ndaphata miyendo, phani anthu akuipa!+
Penepo, mapanga* anakhala kutali na ine.
20 Iwo asalonga pinthu pyakuipa thangwi ya imwe na cifuno cakuipa;*
Iwo ndi anyamalwa anu akuti asaphatisira dzina yanu mwapezi.+
21 Yahova, kodi ine nee ndisaida ale anakuidani?+
Kodi ine nee ndisanyanyasirwa na ale anakusandukirani?+
22 Ine ndisaida kakamwe anthu anewa;+
Kuna ine, iwo adzakhala anyamalwa andimomwene.
23 Mulungu, ndidingeni, pontho dziwani ntima wanga.+
Ndidingeni, pontho dziwani pinandidzudzumisa.*+
Kuna nyakutsogolera nyimbo. Nyimbo ya Dhavidhi.
140 Yahova, ndipulumuseni kuna anthu anacita pyakuipa;
Nditsidzikizeni kuna anthu anacita pyauphanga,+
2 Nditsidzikizeni kuna ale anacita masasanyiro akuipa mʼmitima mwawo,+
Pontho akuti ntsiku zonsene asasosa nthonga.
3 Iwo asanoza malirimi awo mbakhala ninga a nyoka;+
Pamulomo pawo pana venenu ninga ya nyoka.+ (Sela)
4 Yahova, nditsidzikizeni mʼmanja mwa ale anacita pyakuipa;+
Nditsidzikizeni kuna ale anacita pyauphanga,
Kuna ale ananditeyera nsampha toera ndigwe.
5 Anthu akudzikuza asandibisira nsampha;
Iwo asakwata nkhambala mbanditeyera ukonde* nʼkhundu mwa njira.+
Iwo asanditeyera misampha.+ (Sela)
6 Ine ndalonga kuna Yahova: “Imwe ndimwe Mulungu wanga.
Yahova, bveserani kudembetera kwanga toera kuphemba ciphedzo.”+
7 Imwe Yahova, Mbuya Wankulu Kakamwe, Mpulumusi wanga wamphambvu,
8 Yahova, lekani tawirisa kuti anyakucita pyakuipa acite pinafuna iwo.
Lekani tawirisa kuti pyakuipa pinanyerezera iwo piafambire mwadidi, toera iwo akhonde kudzikuza.+ (Sela)
9 Pinthu pyakuipa pinalonga ale adandizungulira
Mbapigwere pa misolo pawo.+
10 Mbabvumbirwe na makala akugaka moto.+
11 Nyapsweda mbaleke kugumana mbuto pa dziko yapantsi.+
Uipi mbutowerere ale anacita pyauphanga toera kuafudza.
12 Ine ndisadziwa kuti Yahova anadzatsidzikiza anthu akucepeseka,
Pontho anadzacitira ulungami anthu akutcerenga.+
Nyimbo ya Dhavidhi.
141 Yahova, ine ndisakucemerani.+
Bwerani mwakucimbiza toera mudzandiphedze.+
Ndibvesereni ndingakucemerani.+
3 Yahova, ikhani nyakuonera pamulomo panga,
Lekani tawirisa kuti pinthu pyakuipa pibuluke pamulomo panga.+
4 Lekani tawirisa kuti ntima wanga ufune pinthu pyakuipa,+
Lekani kuutawirisa kucita pyakuipa pabodzi na anyakucita pyakuipa;
Cipo ndisafunika kugumanika mʼmaphwando awo.
5 Munthu wakulungama angandimenya, kuna ine ndi cipangizo ca ufuni wakukhonda mala;+
Iye angandisandika, pinakhala ninga akutsanula mafuta munsolo mwanga,+
Akuti ine nee ndinaakhonda.+
Ine ndinapitiriza kucita phembero ngakhale mu ndzidzi wa nyatwa zawo.
6 Maseze anyakutonga miseru awo aponywe pantsi kubulukira pankhomole,
Mbumba inadzabvesera mafala anga, thangwi iwo ndi adidi kakamwe.
7 Ninga mataka anamwazika mu ndzidzi unalima munthu,
Magogodo athu amwazikambo pa Nthumbi.*
8 Mbwenye maso anga asayangʼana kuna imwe Yahova Mbuya Wankulu Kakamwe.+
Ine ndisathawira kuna imwe.
Lekani tawirisa kuti ndiphiwe.
9 Nditsidzikizeni ku nsampha udanditeyera iwo,
Nditsidzikizeni mʼmisampha ya anyakucita pyakuipa.
10 Anyakucita pyakuipa anadzamangika na misampha idateya iwo,+
Mu ndzidzi wakuti ine ndinadzapita mwakutsidzikizika.
Masikili.* Phembero idacita Dhavidhi pikhali iye mʼmphako.+
142 Na fala yanga ndisakhuwira Yahova toera andiphedze;+
Na fala yanga ndisadembetera Yahova toera andibvere ntsisi.
2 Ine ndisalonga kuna iye pinthu pinandidzudzumisa;
Ine ndisalonga nyatwa zanga kuna iye,+
3 Ndingakhala wakusowa mphambvu.
Imwe musaonera njira zanga.+
Mʼmbuto zinafamba ine,
Iwo asanditeyera nsampha toera kundimanga.
5 Ine ndisakucemerani Yahova toera kuphemba ciphedzo.
Ine ndalonga: “Imwe ndimwe pakuthawira panga,+
Ndimwe pinthu pyonsene piri na ine mu umaso wanga.”
6 Bveserani nʼkhuwo wanga wakuphemba ciphedzo,
Thangwi ndiri kutamba nyatwa zizinji.
Ndipulumuseni kuna ale ananditcinga,+
Thangwi iwo ndi amphambvu kakamwe kupiringana ine.
7 Ndibuluseni nkaidi
Toera ndisimbe dzina yanu.
Anyakulungama mbagumanyikane nʼkhundu mwanga
Thangwi imwe musanditsalakana mwadidi.
Nyimbo ya Dhavidhi.
143 Yahova, bveserani phembero yanga;+
Bveserani kudembetera kwanga toera kuphemba ciphedzo.
Nditawireni mwakubverana na kukhulupirika kwanu na ulungami wanu.
2 Lekani kutonga ntumiki wanu,
Thangwi mwa ale ali mʼmaso nkhabepo wakulungama pamaso panu.+
3 Thangwi nyamalwa akunditcinga;
Iye atingʼindira pantsi umaso wanga.
Iye andicitisa kukhala ncidima ninga ale adafa kale kakamwe.
5 Ine ndisakumbuka ntsiku zakale;
Ine ndisanyerezera mabasa anu onsene;+
Ndisanyerezera* mwadidi pya mabasa a manja anu.
6 Ine ndalamusa manja anga kuna imwe mbandicita phembero;
Ine ndisadikhira imwe ninga mataka akuuma anadikhira madzi toera abvumbe.+ (Sela)
8 Ndicitiseni kuti ndibve pya ufuni wanu wakukhonda mala namacibese,
Thangwi ine ndisanyindira imwe.
Ndipangizeni njira inafunika ine kufamba,+
Thangwi umaso wanga uli mʼmanja mwanu.
9 Yahova, ndipulumuseni mʼmanja mwa anyamalwa anga.
Ine ndisanyindira citsidzikizo canu.+
10 Ndipfundziseni toera ndicite cifuno canu,+
Thangwi imwe ndimwe Mulungu wanga.
Nzimu wanu ndi wadidi,
Iwo mbunditsogolere mu dziko yaulungami.
11 Yahova, ndikoyeni na umaso thangwi ya dzina yanu.
Ndipulumuseni* mu nyatwa, mwakubverana na ulungami wanu.+
12 Thangwi ya ufuni wanu wakukhonda mala, fudzani* anyamalwa anga;+
Fudzani onsene ananditcinga,*+
Thangwi ine ndine ntumiki wanu.+
Nyimbo ya Dhavidhi.
144 Mbasimbwe Yahova, Mwala wanga,+
Ule anapfundzisa manja anga toera kumenya nkhondo,
Pontho asapfundzisa pyala pyanga toera kumenyana na anyamalwa anga.+
2 Iye ndi citsidzikizo canga, pontho asapangiza ufuni wace wakukhonda mala kuna ine,
Iye ndi mbuto yanga yakuthawira yakutsidzikizika* na mpulumusi wanga,
Iye ndi xango yanga, pontho ine ndisathawira kuna Iye,+
Iye asacitisa anthu kukundwa mbakhala mʼmanja mwanga.+
3 Yahova, kodi munthu mbani toera muntsalakane,
Mbani mwana wa munthu toera mumbvesere?+
6 Citisani njazi kucetuma toera anyamalwa abalalike;+
Ponyani mapswimo anu toera anyamalwa akhale pa uviyaviya.+
7 Futhulani manja anu bulukira kudzulu;
Ndiomboleni, pontho ndipulumuseni mʼmadzi akuzika,
Mʼmanja mwa* anthu anakhonda ine dziwa,+
8 Akuti asalonga uthambi na milomo yawo
Na ale akuti asalamusa manja awo a madyo toera kudumbira pinthu pyauthambi.*
9 Mulungu, ine ndinakuimbirani nyimbo ipswa.+
Ndinadzaphatisira cakuimba naco ca nkhambala khumi toera kuimba nyimbo zakukusimbani,
Imwe mwacitisa kuti ntumiki wanu Dhavidhi akhonde kuphiwa na supada.+
11 Ndiomboleni, pontho ndipulumuseni mʼmanja mwa anthu anakhonda ine dziwa,
Akuti asalonga uthambi na milomo yawo
Na ale akuti asalamusa manja awo a madyo toera kudumbira pinthu pyauthambi.
12 Penepo anathu amuna anadzakhala ninga miti mingʼono yakuti isakula mwakucimbiza,
Anathu akazi anadzakhala ninga mizati inabalikisa nkhomo za nyumba ya mambo.
13 Mbuto zinakoyera ife pyakudya zinadzala na pyakudya pya mitundu yonsene;
Mʼminda mwathu, mabira athu anadzathimizirika mbakhala pikwi pizinji kakamwe.
14 Ngʼombe zathu zakubindula nee zinadzagwerwa na cidengwa peno kupoloza;*
Mʼmbuto zathu zonsene zapakweca, nee munadzaoneka kulira thangwi ya nyatwa.
15 Yakutsandzaya ndi mbumba yakuti pinthu piri tenepo kuna iwo!
Yakutsandzaya ndi mbumba yakuti Mulungu wawo ndi Yahova!+
Nyimbo yakusimba ya Dhavidhi.
א [Alefi]
145 Mulungu wanga Mambo, ine ndinadzakupasani mbiri,+
Ine ndinadzasimba dzina yanu kwenda na kwenda.+
ב [Bheti]
ג [Gimeli]
ד [Dhaleti]
4 Ubalwi na ubalwi unadzasimba pidacita imwe;
Iwo anadzalonga pya mabasa anu amphambvu.+
ה [He]
5 Iwo anadzalonga pya kukula kwa mphambvu zanu zakudzumisa,+
Pontho ine ndinanyerezera mabasa anu akudzumisa.
ו [Vau]
6 Iwo anadzalonga pya mabasa anu akudzumisa,*
Pontho ine ndinadzalonga pya ukulu wanu.
ז [Zaine]
7 Iwo anadzalonga mwakukomerwa kakamwe angakumbuka udidi wanu ukulu,+
Pontho anadzakhuwa mwakukomerwa thangwi ya ulungami wanu.+
ח [Heti]
ט [Tete]
9 Yahova ndi wadidi kuna onsene,+
Pontho mabasace onsene asapangiza ntsisi zace.
י [Yodhe]
10 Yahova, mabasa anu onsene anadzakupasani mbiri,+
Pontho anthu akukhulupirika kuna imwe anadzakusimbani.+
כ [Kafe]
מ [Memi]
13 Umambo wanu ndi umambo wakukhonda mala,
Pontho utongi wanu unadzakhala kwenda na kwenda.+
ס [Sameki]
ע [Ayine]
15 Anthu onsene asadikhira ciphedzo canu;
Imwe musaapasa cakudya pa ndzidzi wakuthema.+
פ [Pe]
צ [Tsadhe]
17 Yahova ndi wakulungama munjira zace zonsene,+
Pontho ndi wakukhulupirika mu pinthu pyonsene pinacita iye.+
ק [Kofe]
ר [Rexi]
19 Iye asakwanirisa pinafuna ale ananʼgopa;+
Iye asabva nʼkhuwo wawo wakuphemba ciphedzo, pontho iye asaapulumusa.+
ש [Xini]
20 Yahova asatsidzikiza onsene ale ananfuna,+
Mbwenye iye anadzafudza anthu onsene anacita pyakuipa.+
ת [Tau]
21 Mulomo wanga unadzasimba Yahova;+
Pinthu pyonsene pya umaso mbapisimbe dzina yace yakucena kwenda na kwenda.+
Umaso wanga onsene mbusimbe Yahova.+
2 Ine ndinadzasimba Yahova mu umaso wanga onsene.
Ndinadzaimba nyimbo zakusimba Mulungu wanga mu ndzidzi unakhala ine mʼmaso.
4 Mphambvu yace ya umaso isabuluka,* iye mbabwerera kumataka;+
Pa ntsiku ineyi, manyerezero ace onsene asamala.+
5 Nyakutsandzaya ndi ule wakuti mʼphedzi wace ndi Mulungu wa Yakobe,+
Ule wakuti asadikhira Yahova Mulungu wace,+
6 Ule adacita kudzulu na dziko yapantsi,
Bara na pinthu pyonsene piri mwenemo,+
Ule wakuti ndi wakukhulupirika ndzidzi onsene,+
7 Ule anacitira ulungami anyakupondererwa,
Ule anapasa cakudya ale anabva njala.+
Yahova asabulusa ale ali nkaidi.*+
8 Yahova asafungula maso a maboliboli;+
Yahova asalamusa ale adakotama;+
Yahova asafuna anthu akulungama.
10 Yahova anadzakhala Mambo kwenda na kwenda,+
Iwe Sioni, Mulungu wako anadzatonga mu ubalwi na ubalwi.
Simbani Yahova!*
Ndi pyadidi kuimba nyimbo toera kusimba Mulungu wathu;
Ndi pyakutsandzayisa kakamwe, pontho iye athema kusimbwa.+
3 Iye asawangisa anthu akusweka ntima;
Iye asamanga pironda pyawo.
7 Imbirani Yahova nyimbo zakupereka takhuta;
Phatisirani arpa toera kuimba nyimbo zakusimba Mulungu wathu,
8 Ule anaphimbira kudzulu na makole,
Ule anabvumbisa madzi pa dziko yapantsi,+
Ule anameresa tsanga+ mʼmapiri.
9 Iye asapasa cakudya pinyama,+
Pontho asapasa cakudya ana a makhungubwe akuti asalira thangwi ya njala.+
10 Iye nkhabe kudzumatirwa na mphambvu ya makavalo;+
Pontho iye nkhabe kudzumatirwa na kuthamanga mwakucimbiza kwa miyendo ya munthu.+
12 Iwe Yerusalemu, pasa mbiri Yahova.
Iwe Sioni, simba Mulungu wako.
13 Iye asacitisa mipiringanyo ya misuwo mikulu ya nzinda wako kukhala yakuwanga;
Iye asapasa nkhombo anako.
15 Iye asapereka ntemo pa dziko yapantsi;
Mafalace asathamanga mwakucimbiza.
17 Iye asagwisa matalala* ninga manyedzwa a nkate.+
Mbani anakwanisa kupirira kuthondola kwace?+
18 Iye asatumiza mafalace, iwo mbanyunguluka.
Iye asacitisa mphepo yace kupepesa,+ madzi mbafamba.
20 Iye nee acita pinthu pyenepi kuna madzindza anango;+
Iwo nkhabe cinadziwa iwo thangwi ya matongero ace.
148 Simbani Yahova!*
Imwe munakhala kudzulu, simbani Yahova;+
Nsimbeni imwe anakhala kudzulu kakamwe.
2 Imwe aanju ace onsene, nsimbeni.+
Imwe anyankhondo ace onsene, nsimbeni.+
3 Dzuwa na mwezi, nsimbeni.
Nyenyezi zonsene zakuyetima, nsimbeni.+
4 Kudzulu kakamwe, nsimbeni,
Pontho imwe makole kudzulu.
5 Iwo mbasimbe dzina ya Yahova,
Thangwi iye apereka ntemo, iwo mbacitwa.+
7 Imwe munakhala pa dziko yapantsi, simbani Yahova,
Pinyama pikulu pya mʼmadzi na madzi onsene akuzika,
8 Njazi na neve,* matalala na makole akupswipa,
Condzi, cinacita pinalonga iye,+
9 Mapiri na nthunda zonsene,+
Miti inabala misapo na miti yonsene ya sedhro,+
10 Pinyama pya mʼmudzi na pinyama pyonsene pya ntsanga,+
Pinyama pinafamba na mimba na mbalame,
11 Imwe amambo a pa dziko yapantsi na imwe madzindza onsene,
Imwe atsogoleri na anyakutonga miseru onsene a pa dziko yapantsi,+
Ankhalamba na anangʼono, nsimbeni pabodzi pene.*
Ukulu wace ndi wapadzulu kakamwe kupiringana dziko yapantsi na kudzulu.+
14 Iye anadzacitisa mbumba yace kukhala yamphambvu* kakamwe,
Toera asimbwe anthu ace onsene akukhulupirika,
Aizraeli akuti ndi mbumba yakuti iri dhuzi na iye.
Simbani Yahova!*
149 Simbani Yahova!*
3 Iwo mbasimbe dzina yace uku mbakabvina,+
Pontho mbaphatisire pandero na arpa toera kuimba nyimbo zakunsimba.+
4 Thangwi Yahova asakomerwa na mbumba yace.+
Iye asapulumusa anthu akupfulika.*+
5 Anthu akukhulupirika mbatsandzaye thangwi ya mbiri yawo;
Mbakhuwe mwakutsandzaya mʼmatalimba mwawo.+
6 Pamulomo pawo mbapabuluke nyimbo zakusimba Mulungu,
Pontho mbaphatire mʼmanja mwawo supada yakuceka uku na uku,
7 Toera kubwezera anthu a madzindza anango
Na kutcunyusa mbumba,
8 Toera kumanga amambo awo na maunyolo,
Pontho toera kumanga anthu awo akulemedzeka na matandadza a utale,
9 Toera kuatonga mwakubverana na pidalembwa thangwi ya iwo.+
Mbiri ineyi ndi ya anthu ace onsene akukhulupirika.
Simbani Yahova!*
Simbani Mulungu pa mbuto yace yakucena.+
Nsimbeni pantsi pa thambo yakuti isapereka umboni wamphambvu zace.+
2 Nsimbeni thangwi ya mabasace amphambvu.+
Nsimbeni thangwi ya ukulu wace wakusowa madire.+
3 Lizani nyanga toera kunsimba.+
Nsimbeni na cakuimba naco ca nkhambala na arpa.+
4 Nsimbeni na pandero+ pabodzi na kubvina mwakuzungulira.
Nsimbeni na pyakuimba napyo pya nkhambala+ na citoliro.+
5 Lizani pyakuimba napyo pya utale toera kunsimba.
Lizani mwakugaluza pyakuimba napyo pya utale toera kunsimba.+
6 Pinthu pyonsene pya umaso, mbapisimbe Yahova.*
Peno: “mwacidikhodikho.”
Peno: “apasana uphungu.”
Peno: “Kristu wace.”
Peno: “kucenjezwa.”
Fala na Fala: “Mpswompswonani.”
Fala na Fala: “iye.”
Onani Mabvekero a Mafala Anango.
Fala na Fala: “Imwe ana a anthu.”
Peno: “asadzindikira anthu ace akukhulupirika; anasankhula anthu akukhulupirika toera akhale ace.”
Onani Mabvekero a Mafala Anango.
Peno: “munthu anapha ndzace na nyauthambi.”
Onani Mabvekero a Mafala Anango.
Peno: “kukumbuka.”
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Fala na Fala: “ndisacitisa talimba yanga kusambirira.”
Peno: “akalamba.”
Munjira inango: “Mu ndzidzi ukhawandzira ine ale ananditcinga mwakusowa mathangwi.”
Peno: “kuphata umaso wanga.”
Peno: “asaona ntima na mpswiyo.”
Peno: “Nyakutonga miseru.”
Onani Mabvekero a Mafala Anango.
Munjira inango: “Imwe wakuti mbiri yanu isalongwa kuntsi kwa thambo.”
Fala na Fala: “pyala pyanu.”
Onani Mabvekero a Mafala Anango.
Peno: “mbuto yakuthawira ya pa nthunda.”
Fala na Fala: “mwana wankazi.”
Onani Mabvekero a Mafala Anango.
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Munjira inango: “Munthu anafuna pyonsene asapasika nkhombo ekhene.”
Peno: “mwana adaferwa na pai wace.”
Munjira inango: “makala a moto.”
Fala na Fala: “anadzaona nkhope yace.”
Onani Mabvekero a Mafala Anango.
Peno: “kukhala na mitima miwiri.”
Munjira inango: “forno yapantsi yakunyungulisira pinthu.”
Fala na Fala: “kugona mu kufa.”
Peno: “iye asanditsalakana munjira yadidi.”
Peno: “Madzemwa.”
Fala na Fala: “ubalwi wa anthu akulungama.”
Fala na Fala: “nsasa.”
Peno: “wakusowa mulando.”
Peno: “cipo anadzedzereka.”
Mucihebheri ndi mikh·tam′. Panango isabveka “pyakulembwa.”
Pyenepi pisabveka madzina a alungu authambi.
Peno: “manyerezero a nkati kakamwe.” Fala na Fala: “mpswiyo.”
Peno: “cipo ndinadzedzereka.”
Fala na Fala: “mbiri yanga iri yakutsandzaya.”
Peno: “nee munadzasiya umaso wanga.”
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Munjira inango: “wakukhulupirika abvunde.”
Peno: “Pendamisani khutu yanu.”
Peno: “ninga mboni ya diso.”
Peno: “toera kutiponya pantsi.”
Peno: “makhaliro ano a pinthu.”
Fala na Fala: “nyanga yanga yacipumuluso.” Onani Mabvekero a Mafala Anango, “Nyanga.”
Peno: “mbuto yakuthawira ya pa nthunda.”
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Peno: “maphapido a mphepo.”
Peno: “pa mbuto ikulu.”
Fala na Fala: “thangwi manja anga ndi akucena.”
Peno: “ale anathabuka.”
Fala na Fala: “maso akudzikuza.”
Peno: “isanditsidzikiza.”
Peno: “mphundupundu.”
Peno: “Imwe munadzandipasa misana ya anyamalwa anga.”
Fala na Fala: “ndinadzamatamisa.”
Peno: “anadzathowa.”
Fala na Fala: “mbeu.”
Munjira inango: “nkhambala yakupima nayo.”
Fala na Fala: “azione ninga mafuta.”
Peno: “uphungu wanu ufambe.”
Peno: “asancitisa kuwina kukulu.”
Fala na Fala: “ntsiku zizinji.”
Fala na Fala: “nkhope.”
Peno: “anadzedzereka.”
Fala na Fala: “nsapo.”
Fala na Fala: “nkhope zawo.”
Fala na Fala: “nkhambala za uta.”
Panango ndi ntundu unango wa maimbiro.
Peno: “mwakhazikiswa pa mpando waumambo pakati pa Aizraeli.”
Peno: “nee akhapaswa manyadzo.”
Peno: “asandipasa manyadzo.”
Panango unoyu ndi upula unacitwa na nyuci toera kukoya uci. Upula unoyu nkhabe nentsa kunyunguluka.
Fala na Fala: “wakupambulika,” akhalonga pya umaso wace.
Fala na Fala: “mʼmanja.”
Fala na Fala: “mbeu.”
Fala na Fala: “mbeu.”
Peno: “akukhurudzika; akupfulika; akumatama.”
Fala na Fala: “ntima wanu mbukhale mʼmaso.”
Fala na Fala: “akukhuma.”
Fala na Fala: “mbeu.”
Peno: “tsanga iwisi.”
Munjira inango: “madzi akupfulika.”
Peno: “asabalangaza umaso wanga.”
Peno: “pisandibalangaza.”
Peno: “umaso Wanga,” unalongwa ndi umaso wa Yahova, unaphatisira munthu pakucita dumbiro.
Peno: “wadidi.”
Peno: “lamukani.”
Peno: “Kutomera midzidzi yakale.”
Peno: “akukhurudzika; akupfulika; akumatama.”
Peno: “akukhurudzika; akupfulika; akumatama.”
Fala na Fala: “ombolani.”
Peno: “manyerezero a nkati kakamwe.” Fala na Fala: “mpswiyo.”
Fala na Fala: “nee ndisakhala.”
Fala na Fala: “kukhala pantsi.”
Peno: “anthu akuti ali na mulando wa ciropa.”
Peno: “asafuna kakamwe kudyekera anango.”
Fala na Fala: “Ndiomboleni.”
Fala na Fala: “mʼmisonkhano.”
Peno: “mwadidi.”
Peno: “mbuto yace yakucena.”
Munjira inango: “Ine ndiri na cikhulupiro cakuti ndinaona udidi wa Yahova mu dziko ya anthu ali mʼmaso.”
Peno: “mitima yanu mbikhale yakuwanga.”
Peno: “munthumbi.”
Peno: “zakucena.”
Munjira inango: “Godamirani Yahova thangwi yakucena kwace.”
Panango ndi mapiri a ku Libhano.
Peno: “mwanangʼombe wantsanga.”
Peno: “mbaziteya.”
Fala na Fala: “Asadulisa miti ya mʼmisitu.”
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Peno: “munthumbi.”
Fala na Fala: “toera kukumbuka dzina yace yakucena.”
Peno: “kukoma kwace ntima.”
Peno: “cipo ndinadzedzereka.”
Fala na Fala: “Munawinanji na ciropa canga.”
Peno: “munthumbi.”
Peno: “Pendamisani khutu yanu.”
Peno: “mphambvu ya umaso.”
Peno: “Mulungu wakukhulupirika.”
Peno: “kutsukwala kwanga.”
Peno: “pa mbuto ikulu.”
Peno: “umaso wanga na mʼmimba mwanga.”
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Fala na Fala: “kuna malirimi anthonga.”
Peno: “mitima yanu mbikhale yakuwanga.”
Onani Mabvekero a Mafala Anango.
Peno: “alekererwa.”
Peno: “kuipirwa kwanu kukhandilemera.”
Fala na Fala: “anyankhondo onsene akudzulu.”
Peno: “uphungu wa.”
Peno: “pisankhulo pyace pisaphata basa.”
Peno: “kuwina.”
Peno: “imwe adasankhulwa toera kuphata basa yace.”
Peno: “zakutsandzayisa.”
Peno: “ale adafewa manungo.”
Xango ingʼono yakuti kazinji kene ikhaphatisirwa na anyamauta.
Peno: “Ale anasaka umaso wanga.”
Munjira inango: “Anyakucita pyakuipa akhandisingirira toera kugumana nkate.”
Peno: “akhakikiriza.”
Fala na Fala: “umaso wanga ene,” pyenepi pisabveka mphambvu yace ya umaso.
Fala na Fala: “ninga mapiri a Mulungu.”
Peno: “Leka kupindira.”
Munjira inango: “Leka kuipirwa, thangwi kuipirwa basi ene kunabweresa nyatwa.”
Fala na Fala: “Iye asakukuta mano ace.”
Peno: “mbatamula.”
Fala na Fala: “asadziwa ntsiku za anthu akusowa mulando.”
Peno: “asacitisa kukhala akuwanga.”
Peno: “nkate.”
Peno: “usalonga pyandzeru mwakukhonda galuza.”
Peno: “pyakulungama.”
Peno: “munthu anapitiriza kukhala wakukhulupirika.”
Peno: “ondza.”
Fala na Fala: “Ncuno mwanga mukupisa kakamwe.”
Peno: “kukhuwa.”
Fala na Fala: “Ceza ca maso anga cathawa.”
Fala na Fala: “ali mʼmaso.”
Munjira inango: “Mbwenye anyamalwa anandiida mwakusowa mathangwi ndi azinji.”
Onani -Mabvekero a Mafala Anango.
Peno: “Nyakudza.”
Peno: “apendamisa khutu yace.”
Peno: “anyakulonga uthambi.”
Fala na Fala: “Mu mpukutu.”
Peno: “ndisafuna.”
Fala na Fala: “adalamusa citende cace mbandisandukira.”
Peno: “Kutomera kale mpaka kwenda na kwenda.”
Onani Mabvekero a Mafala Anango.
Fala na Fala: “Ndinaenda lini kaonekera pamaso pa Mulungu?”
Peno: “phiri ingʼono.”
Onani Mabvekero a Mafala Anango.
Peno: “na ntengo wawo.”
Fala na Fala: “nsangani.”
Peno: “anambwa a ntsanga.”
Fala na Fala: “Tiomboleni.”
Onani Mabvekero a Mafala Anango.
Fala na Fala: “Mabasa anga asalonga.”
Peno: “mulembi.”
Peno: “kawina.”
Fala na Fala: “inadzakupfundzisani.”
Fala na Fala: “Mulungu ndi mpando wako waumambo.”
Peno: “pyakuimba napyo pya nkhambala pisakucitisani.”
Fala na Fala: “nkati.”
Fala na Fala: “imwe.”
Onani Mabvekero a Mafala Anango.
Peno: “mbuto yakuthawira ya pa nthunda.”
Munjira inango: “maxango.”
Peno: “nyanga ya bira; tuluka.”
Fala na Fala: “maxango.”
Peno: “mbuto yakuthawira ya pa nthunda.”
Peno: “abverana mbagumanyikana.”
Fala na Fala: “Ana akazi a.”
Munjira inango: “mpaka kufa kwathu.”
Peno: “makhaliro a dziko.”
Fala na Fala: “imwe ntundu wa anthu na imwe ana a anthu.”
Fala na Fala: “madodo a.”
Peno: “kusudzula.”
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Fala na Fala: “mʼmanja mwa.”
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Fala na Fala: “mabokho.”
Peno: “kupfundziswa.”
Fala na Fala: “mafala anga usaaponya nduli mwako.”
Munjira inango: “usakhala pabodzi na iye.”
Peno: “usapwazisa.”
Peno: “kukugwanda-gwandani.”
Peno: “ndisakumbuka.”
Fala na Fala: “bisani nkhope yanu ku.”
Peno: “thimisani.”
Fala na Fala: “Ndiphedzeni toera ndikhale na cifuno.”
Peno: “kupwaza.”
Onani Mabvekero a Mafala Anango.
Peno: “mbuto yace yacitsidzikizo.”
Peno: “athawira ku.”
Fala na Fala: “nyatwa zikhasosa iye.”
Onani Mabvekero a Mafala Anango.
Onani Mabvekero a Mafala Anango.
Peno: “Madzemwa.”
Munjira inango: “Anadzagopa maseze nkhabepo cinthu cakugopswa.”
Fala na Fala: “anazungulira toera kumenyana na iwe.”
Onani Mabvekero a Mafala Anango.
Peno: “ndibvunulireni.”
Peno: “Iwo nkhabe kuikha Mulungu patsogolo pawo.”
Fala na Fala: “Amaliseni.”
Onani Mabvekero a Mafala Anango.
Peno: “Lekani kubisala ndingacita phembero yakuphemba ciphedzo.”
Peno: “munthu, wakulandana na ine.”
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Fala na Fala: “anadzandiombola.”
Unoyu ndi xamwali wace wakale analongwa pa vesi 13 na 14.
eno: “mitolo yanu yonsene.”
Peno: “adzedzereke.”
Mucihebheri ndi mikh·tam′. Panango isabveka “pyakulembwa.”
Peno: “asayesera kundifudza.”
Mucihebheri ndi mikh·tam′. Panango isabveka “pyakulembwa.”
Mucihebheri ndi mikh·tam′. Panango isabveka “pyakulembwa.”
Fala na Fala: “kubulukira mʼmimba.”
Mucihebheri ndi mikh·tam′. Panango isabveka “pyakulembwa.”
Peno: “kuna anthu ali na nyota ya ciropa.”
Peno: “mbuto yakuthawira ya pa nthunda.”
Mucihebheri ndi mikh·tam′. Panango isabveka “pyakulembwa.”
Munjira inango: “Mwapasa.”
Munjira inango: “Mulungu alonga pa mbuto yace yakucena.”
Fala na Fala: “citsidzikizo.”
Munjira inango: “wakutsidzikizwa.”
Peno: “wakufewa kakamwe.”
Onani Mabvekero a Mafala Anango.
Peno: “mbuto yakuthawira ya pa nthunda.”
Munjira inango: “Imwe monsene musacita pyenepi kuna iye ninga iye ndi pfufu yakupendama, pfufu yakucitwa na miyala yakuti yasala pangʼono toera kugwa.”
Peno: “ukulu wace.”
Fala na Fala: “Manungo anga nkhabe.”
Peno: “mwacidikhodikho.”
Peno: “Iwo asawangisana unango na ndzace toera kucita pinthu pyakuipa.”
Peno: “mbuto.”
Fala na Fala: “Iye.”
Fala na Fala: “Iye ndi.”
Fala na Fala: “Iye asangothesa.”
Fala na Fala: “mbitaikira.”
Fala na Fala: “zisadjodja mafuta.”
Fala na Fala: “ikudjodja.”
Peno: “tidzedzereke; tigwegweduke.”
Peno: “mʼmalitcera akusodza nawo ntsanga.”
Fala na Fala: “Mwaikha ncunu mwathu.”
Peno: “anadzamulemedza.”
Munjira inango: “mʼmakole.”
Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “ana adaferwa na pai.”
Fala na Fala: “ntongi.”
Peno: “anthu akupanduka.”
Fala na Fala: “pidaenda imwe patsogolo pa.”
Fala na Fala: “adjodja.”
Fala na Fala: “unthaka.”
Munjira inango: “mʼmathanga a mabira.”
Fala na Fala: “amambo ace.”
Peno: “Pikhali ninga matalala agwa mu Zalmoni.”
Peno: “phiri ikulu kakamwe.”
Peno: “idakomerwa na.”
Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “Tsinde.”
Munjira inango: “mbaponda.”
Peno: “bhronzi.”
Munjira inango: “Aimiriri anadzabwera.”
Fala na Fala: “mʼmakole.”
Peno: “anandiida mwakusowa mathangwi.”
Munjira inango: “Pidalira ine mbandicita jejuu.”
Fala na Fala: “ninga nsangani.”
Peno: “ncera.”
Peno: “ndiri wakusowa cidikhiro.”
Peno: “muti wa venenu.”
Peno: “Nyumba zawo za mu mpanda.”
Peno: “bukhu ya umaso.”
Pyenepi pisabveka kukwata dziko mbikhala yawo.
Peno: “Pendamisani khutu yanu.”
Peno: “Ndimwe cinyindiro canga.”
Peno: “ale anasaka umaso wanga.”
Fala na Fala: “nkono wanu.”
Peno: “mʼmadzi akuzika.”
Peno: “mwaombola.”
Peno: “inadzanyerezera mwadidi.”
Fala na Fala: “mbatonge.”
Fala na Fala: “anadzaphweta.”
Unoyu ndi Nkulo wa Eufrate.
Peno: “anadzaaombola.”
Peno: “mimba zawo ndi zikulu.”
Fala na Fala: “ubalwi wa ananu.”
Fala na Fala: “mpswiyo.”
Peno: “ale anacita pinthu mwaulukwali.”
Onani Mabvekero a Mafala Anango.
Fala na Fala: “mwinji udasankhula.”
Peno: “nʼkhandzwa mwanu.”
Peno: “Ngʼona.” Onani Mabvekero a Mafala Anango.
Peno: “cakumwanikira.”
Peno: “mwacita malimwe na khoni.”
Fala na Fala: “nyanga.”
Fala na Fala: “nyanga.”
Fala na Fala: “nyanga.”
Fala na Fala: “nyanga.”
Peno: “imwe mwazungulirwa na ceza.”
Fala na Fala: “aphatwa na citulo mbagona.”
Onani Mabvekero a Mafala Anango.
Peno: “Pinandidzidzida.”
Fala na Fala: “Yah.” Yah ndi dzina ya Yahova ingalembwa mwacigwagwa.
Fala na Fala: “nkono wanu.”
Fala na Fala: “mwaombola.”
Fala na Fala: “Mʼmanja mwa.”
Onani Mabvekero a Mafala Anango.
Peno: “pitsogolero pyanga.”
Fala na Fala: “Pendamisani makutu anu kuna.”
Peno: “bharaje.”
Fala na Fala: “meza.”
Peno: “aanju.”
Fala na Fala: “akhaphimbira.”
Fala na Fala: “nyama.”
Munjira inango: “Umaso wakuti usaenda mbukhonda kubwerera pontho.”
Fala na Fala: “djanja yace.”
Fala na Fala: “idaaombola.”
Ntundu unango wa muti wa nsambvu.
Munjira inango: “kuferuka kakamwe.”
Peno: “wakudhamba.”
Peno: “ntcanje.”
Fala na Fala: “Pontho amiyali ace nee akhasimbwa.”
Fala na Fala: “Iye amanga mbuto yace yakucena ninga nthunda.”
Unoyu ndi Dhavidhi.
Fala na Fala: “apha Yakobe.”
Fala na Fala: “phimbirani.”
Fala na Fala: “nkono wanu.”
Munjira inango: “kusudzula.”
Fala na Fala: “ana akufa.”
Munjira inango: “pakati.”
Peno: “Pangizani kuyetima kwanu.”
Unoyu ndi nkulo wa Eufrate.
Peno: “nthawi idapasa.”
Fala na Fala: “thangwi ya kusumulwa na nkhope yanu.”
Onani Mabvekero a Mafala Anango.
Peno “cilongero.”
Fala na Fala: “mbuto inabisala njazi.”
Dzina ineyi isabveka “Kulongezana.”
Fala na Fala: “Iwo akhacita pinthu mwakubverana na ndzeru zawo.”
Fala na Fala: “ndzidzi wawo.”
Fala na Fala: “ndinadzanʼdyesa,” pyenepi pisabveka, mbumba ya Mulungu.
Fala na Fala: “mafuta a tirigu.”
Peno: “ana adaferwa na pai.”
Peno: “kupitiriza kukhonda longa cinthu.”
Peno: “asalamusa misolo yawo.”
Fala na Fala: “kuna ale anatsidzikiza imwe.”
Fala na Fala: “Pabodzi pene, iwo asabverana na ntima ubodzi.”
Fala na Fala: “adzakhala nkono wa.”
“Ana a Loti,” ndi Amoabhe na Aamoni adalongwa pa vesi 6 na 7.
Peno: “uwadhi.”
Onani Mabvekero a Mafala Anango.
Mbalame ineyi anango asaicemera “nyanzeze,” peno “nfukagombe.”
Peno “gowa ya mathendere a bhaka.”
Munjira inango: “Pontho mpfundzisi afinika.”
Munjira inango: “Yangʼanani xango yathu, imwe Mulungu.”
Fala na Fala: “mwaphimbira.”
Peno: “tigumanyeni pontho.”
Peno: “pizinji.”
Peno: “ntima wa ntumiki wanu.”
Peno: “Ndipaseni ntima wakukhonda gawika.”
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Peno: “usasaka umaso wanga.”
Peno: “iwo nee akuikhani patsogolo pawo.”
Peno: “wadidi.”
Peno: “Wakukhonda cimbiza kuipirwa.”
Peno: “wandimomwene.”
Pisaoneka kuti “Raabhe” unoyu ndi Ejitu.
Onani Mabvekero a Mafala Anango.
Onani Mabvekero a Mafala Anango.
Peno: “Pendamisani khutu yanu.”
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Peno: “munthumbi.”
Peno: “ninga munthu wakusowa mphambvu.”
Fala na Fala: “nee ali mʼmanja mwanu.”
Peno: “mu Abhadhoni.” Onani Mabvekero a Mafala Anango.
Munjira Mabvekero a Mafala Anango inango: “kabodzi kene.”
Onani .
Fala na Fala: “mbeu yako.”
Peno: “kugopiwa pa nsonkhano.”
Fala na Fala: “Yah.” Yah ndi dzina ya Yahova ingalembwa mwacigwagwa.
Pisapangiza kuti “Raabhe” unoyu ndi Ejitu peno Farau.
Fala na Fala: “nyanga yathu isakula.”
Fala na Fala: “nyanga.”
Peno: “utongi wace.”
Fala na Fala: “mbeu yace.”
Peno: “mantongero anga.”
Fala na Fala: “Nee ndinadzasiya kukhulupirika kwanga.”
Fala na Fala: “Mbeu yace.”
Fala na Fala: “wakuti ndi mboni wakukhulupirika.”
Peno: “mathanga ace a miyala.”
Fala na Fala: “mwalamusa nkono wamadyo wa anyamalwa ace.”
Fala na Fala: “mʼmanja mwa Seoli,” ndi kumasiye kunaikhwa anthu onsene. Onani Mabvekero a Mafala Anango.
Fala na Fala: “ndisakoya ncifuwa mwanga.”
Peno: “mbuto yathu yakukhala.”
Peno: “ndzidzi ubodzi wakuonera.” Ndzidzi ubodzi wakuonera namasiku ukhali wa midzidzi minai.
Peno: “Imwe musadziwa madodo athu.”
Peno: “Umaso wathu usazambazika.”
Fala na Fala: “kubwezerwa.”
Fala na Fala: “iye abwera ekhene kuna ine.”
Peno: “asatawira.”
Peno: “ndinadzamuonesa cipulumuso canga.”
Fala na Fala: “nyanga.”
Peno: “abuluke imbvi.”
Fala na Fala: “akukhuma.”
Peno: “mataka.”
Peno: “asathemesa.”
Peno: “ana adaferwa na pai.”
Fala na Fala: “Yah.” Yah ndi dzina ya Yahova ingalembwa mwacigwagwa.
Fala na Fala: “adasasanya.”
Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “Pikhapitiriza.”
Peno: “kubalalika kwa manyerezero.”
Peno: “cibalangazo canu cakhurudza ntima wanga.”
Peno: “anyakutonga miseru.” Fala na Fala: “mpando waumambo.”
Peno: “umaso wa munthu wakulungama.”
Fala na Fala: “Pontho asapasa mulando ciropa ca munthu wakusowa mulando.”
Peno: “mbuto yakuthawira ya pa nthunda.”
Fala na Fala: “kuamatamisa.”
Fala na Fala: “anadzaamatamisa.”
Fala na Fala: “pamaso pace.”
Fala na Fala: “akuti ali mʼmanja mwace.”
Dzina ineyi isabveka “Kulongezana.”
Dzina ineyi isabveka “Kuyesera.”
Fala na Fala: “asatayika mʼmitima mwawo.”
Peno: “mbamulambira.”
Munjira inango: “Godamirani Yahova thangwi yakucena kwace.”
Peno: “mataka.”
Peno: “nkhabe kutekenyeswa.”
Peno: “anadzatsidzikiza.”
Peno: “iye afika.”
Peno: “ninga vela.”
Peno: “lambirani.”
Fala na Fala: “ana akazi a.”
Peno: “mu mphambvu ya.”
Peno: “kuwina kwa Mulungu wathu.”
Peno: “afika.”
Munjira inango: “pakati.”
Peno: “lambirani.”
Peno: “lambirani.”
Peno: “Dzindikirani.”
Munjira inango: “ife nee tacitika tekhene.”
Peno: “wakwenda na kwenda.”
Peno: “mwakukhulupirika.”
Fala na Fala: “kudziwa.”
Peno: “ndinadzanfudza.”
Peno: “Munthu wakukhulupirika.”
Fala na Fala: “anadzalimira patsogolo pamaso anga.”
Peno: “ndinadzafudza.”
Peno: “mu ndzidzi unakhala iye wakusowa mphambvu.”
Peno: “Pendamisani khutu yanu.”
Munjira inango: “Ndaonda kakamwe.”
Peno: “anandiona ninga dzemwa.”
Fala na Fala: “kucitwa.”
Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “Kudzulu na dziko yapantsi.”
Peno: “wadidi.”
Peno: “wakukhonda cimbiza kuipirwa.”
Peno: “wakudzala na ufuni; waufuni wakukhonda mala.”
Fala na Fala: “pontho mbuto yace nkhabe dziwikabve.”
Fala na Fala: “mbamubvesera fala ya mafalace.”
Peno: “mʼmbuto zinakuzwa iye.”
Peno: “cilemedzo.”
Peno: “nsasa.”
Peno: “mizimu yamphambvu.”
Peno: “kudzatekenyeka.”
Peno: “uwadhi.”
Fala na Fala: “ntima wa munthu.”
Ndi cinyama cakulandana na sulo cakuti cisakhala mʼmiyala.
Peno: “Ngʼona.” Onani Mabvekero a Mafala Anango.
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Munjira inango: “Longani.”
Peno: “Sakani kukhala pamaso pace.”
Fala na Fala: “mbeu ya.”
Peno: “cakwenda na kwenda.”
Fala na Fala: “Mafala adalonga iye.”
Fala na Fala: “Akhumula ndodo zonsene zakuikhira mikate.” Panango zenezi ndi ndodo zikhamanikira iwo mikate.
Fala na Fala: “athabusa.”
Peno: “umaso wace ukhali mu utale.”
Fala na Fala: “Toera amange.”
Peno: “mbumba yace.”
Peno: “nyama zawo za mʼmadzi.”
Peno: “malirimi a moto.”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “wakwenda na kwenda.”
Peno: “mu ndzidzi unacitira imwe udidi.”
Peno: “toera ndigaye pakukusimbani.”
Peno: “asala.”
Peno: “dzimunthu yakunyunguluswa.”
Fala na Fala: “alimira pakati pamaso pace.”
Peno: “kucita cibverano na.”
Zenezi ndi ntsembe zikhaperekwa kuna anthu akufa peno alungu akusowa umaso.
Dzina ineyi isabveka “Kulongezana.”
Peno: “Mbapfundza.”
Pyenepi pisabveka, alambira alungu anango.
Fala na Fala: “mʼmanja mwawo.”
Peno: “Mbapicitike!”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “wakwenda na kwenda.”
Peno: “fero.”
Peno: “Umaso wawo ukhaida.”
Fala na Fala: “mʼmipando ya akulu.”
Fala na Fala: “ngakhale na mbiri yanga.”
Fala na Fala: “Nditawireni.”
Munjira inango: “Mulungu alonga pa mbuto yace yakucena.”
Fala na Fala: “citsidzikizo.”
Fala na Fala: “Anace amuna.”
Peno: “akusowa baba.”
Fala na Fala: “Anace amuna.”
Peno: “Nyakufiyarisi mbanteyere misampha toera ankwatire.”
Peno: “kumpangiza ufuni ukulu.”
Peno: “akusowa baba.”
Peno: “ufuni wakukhonda mala.”
Peno: “bhande.”
Fala na Fala: “Manungo anga aonda, nee ndakhumabve.”
Peno: “tunika yakusowa mikono.”
Peno: “ninga cakuikhirapo manyalo.”
Peno: “mphambvu yako.”
Peno: “nee anadzatsumbikika.”
Fala na Fala: “nkadamu.”
Peno: “dziko yonsene.”
Unoyu ndi “Mbuyanga” adalongwa pa vesi 1.
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “wadidi.”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “wadidi.”
Peno: “mwakukwana.”
Peno: “anadzakikiriza.”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “ali pa mpando wace waumambo.”
Munjira inango: “pakhuku.”
Fala na Fala: “anace amuna.”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “Ife nee tathema cinthu, imwe Yahova, ife nee tathema cinthu.”
Fala na Fala: “Madzimunthu.”
Fala na Fala: “ananu ene amuna.”
Fala na Fala: “Yah.” Yah ndi dzina ya Yahova ingalembwa mwacigwagwa.
Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Munjira inango: “Ine ndisafuna thangwi Yahova asabva.”
Peno: “asafungula makutu ace.”
Fala na Fala: “mu ntsiku za umaso wanga.”
Fala na Fala: “Nyatwa zinabwereswa na nthumbi zandigumana.”
Peno: “wadidi.”
Peno: “cipulumuso cikulu.”
Fala na Fala: “Ndi nkhani ikulu kuna Yahova.”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “madzindza onsene.”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Fala na Fala: “Yah.” Yah ndi dzina ya Yahova ingalembwa mwacigwagwa.
Fala na Fala: “Yah.” Yah ndi dzina ya Yahova ingalembwa mwacigwagwa.
Fala na Fala: “mbuto ikulu.”
Munjira inango: “ninga mʼbodzi wa ale anandiphedza.”
Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “wakuwina.”
Fala na Fala: “Yah.” Yah ndi dzina ya Yahova ingalembwa mwacigwagwa.
Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “asapitiriza kukhala akukhulupirika.”
Fala na Fala: “Ndisafuna kakamwe toera njira zanga zikhale zakulikha.”
Peno: “Ndinadzapfundza.”
Peno: “ndinapfundza.”
Fala na Fala: “njira za.”
Peno: “ndipfundze.”
Peno: “ndipaswe manyadzo.”
Munjira inango: “musacitisa ntima wanga kukhala na cinyindiro.”
Peno: “Ndicitiseni kufamba munjira ya.”
Peno: “kuwina pinthu mwakusowa ulungami.”
Peno: “mafala adalonga.”
Munjira inango: “Pinacita ale anakugopani.”
Peno: “mafala anu.”
Peno: “ndinadzapfundza.”
Peno: “pikiro idalonga.”
Peno: “Panyumba inakhala ine ninga mulendo.”
Peno: “Ine ndisafewesa (ndisasaka kumwetulira kwa) nkhope yanu.”
Peno: “mafala anu.”
Fala na Fala: “mitima yawo nee ikhali na mabvero ninga mafuta.”
Peno: “ndisadikhira mafala anu.”
Peno: “mafala adalonga.”
Munjira inango: “mwauthambi.”
Peno: “ndinapfundza.”
Peno: “Umaso wanga usafuna.”
Peno: “Thangwi ndisadikhira mafala anu.”
Pyenepi pisabveka pinthu pyonsene pidacita iye.
Fala na Fala: “asaphataniza pizinji.”
Peno: “ndisaupfundza.”
Peno: “ndisapfundza.”
Fala na Fala: “ntsembe za mulomo wanga zinapereka ine mwakufuna kwanga.”
Peno: “Ndzidzi onsene umaso wanga uli mʼmanja.”
Peno: “ndakulumiza ntima wanga toera.”
Peno: “anthu akupenula.”
Peno: “ndisadikhira mafala anu.”
Peno: “mwakubverana na pidalonga imwe.”
Peno: “cindipase manyadzo.”
Peno: “mitemo yonsene inabuluka.”
Fala na Fala: “mbandiyaxamula.”
Fala na Fala: “Ndiomboleni.”
Peno: “imwetulire.”
Peno: “munaca kunja.”
Peno: “ndisadikhira mafala anu.”
Peno: “kupfundza.”
Peno: “pinthu pyakunyanyasa.”
Peno: “Fambisani nseru wanga.”
Peno: “mafala anu.”
Peno: “Kwa iwo nkhabe mwala wakugwegwedusa.”
Peno: “Ntima wanga usabvera.”
Peno: “mwakubverana na pidalonga imwe.”
Onani Mabvekero a Mafala Anango.
Peno: “pulumusani umaso wanga.”
Fala na Fala: “Iye anadzakuthimiziranji?”
Peno: “udzedzereke.”
Fala na Fala: “anadzatsidzikiza kubuluka kwako na kupita kwako.”
Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “mpanda wakuwanga.”
Peno: “Umaso wathu waneta kakamwe.”
Peno: “mawadhi a kunterero.”
Fala na Fala: “Nsapo wa mʼmimba ndi nkhombo.”
Pyenepi pisapangiza kutsalakanwa mwakuipa na anyamalwa.
Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “mbamudalemba.”
Fala na Fala: “akugopeni.”
Peno: “anadzaombola.”
Peno: “Tabhernakulo ikulu.”
Peno: “tabhernakulo.”
Peno: “mu tabhernakulo yace ikulu.”
Fala na Fala: “Lekani kupasira nkhodolo.”
Fala na Fala: “nsapo wa mimba yako.”
Fala na Fala: “nyanga.”
Munjira inango: “mʼmbuto yakucena.”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “cinthu cace cakufunika.”
Peno: “dzina.” Fala na Fala: “kubvekera.”
Peno: “anadzabvunulira.”
Fala na Fala: “Madzimunthu.”
Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “acita kudzulu mwaudziwisi.”
Peno: “ana akutoma kubalwa.”
Fala na Fala: “mʼmapindi-mapindi.”
Fala Yacihebheri isalonga pya muti wakuti usagumanika kakamwe nʼkhundu mwa mikulo ya ku Oriente Médio. Ncizungu ndi “choupos.”
Ineyi ndi dziko ya Bhabhilonya.
Munjira inango: “mbiume.”
Munjira inango: “Ndinakuimbirani nyimbo toera kusosa alungu anango.”
Peno: “mbuto.”
Munjira inango: “mwapasa mbiri mapikiro anu kupiringana dzina yanu.”
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Munjira inango: “mwandicita.”
Peno: “Pikhakula ine mʼmimba mwa mai wanga.”
Munjira inango: “ndisapitiriza kupilengesa.”
Peno: “anthu a mulando wa ciropa.”
Peno: “mwakubverana na manyerezero awo.”
Peno: “pinadzudzumisa manyerezero anga.”
Peno: “malitcera akusodza nawo ntsanga.”
Fala na Fala: “mwatsidzikiza nsolo wanga.”
Peno: “mʼmadjenje a madzi.”
Peno: “anadzakhala pana imwe.”
Fala na Fala: “ntsembe ya pyakudya.”
Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
Onani Mabvekero a Mafala Anango.
Fala na Fala: “anandidzindikira.”
Peno: “na umaso wanga.”
Peno: “Ndisapfundza.”
Peno: “munthumbi.”
Peno: “Pulumusani umaso wanga.”
Fala na Fala: “matamisani.”
Peno: “anatcinga umaso wanga.”
Peno: “mbuto yakuthawira ya pa nthunda.”
Peno: “kotamisani.”
Peno: “Mu mphambvu za.”
Fala na Fala: “Pontho djanja yawo yamadyo ndi djanja yamadyo yauthambi.”
Peno: “kupulumuka.”
Peno: “kugweda.”
Peno: “mphambvu zanu zakudzumisa.”
Peno: “wadidi.”
Peno: “wakukhonda cimbiza kuipirwa.”
Peno: “wakudzala na ufuni; waufuni wakukhonda mala.”
Peno: “anancemera na ntima onsene.”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “atongi.”
Peno: “Nzimu wace usabuluka.”
Fala na Fala: “ale adamangwa.”
Peno: “ana adaferwa na pai.”
Peno: “nkazi adaferwa na mamunace.”
Peno: “asagongonyesa njira za anyakucita pyakuipa.”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Fala na Fala: “na mafuta a tirigu.”
Peno: “cinewi.”
Peno: “jelo.”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “cinewi.”
Fala na Fala: “amiyali.”
Peno: “Akulu na anangʼono ene pabodzi.”
Fala na Fala: “nyanga.”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Fala na Fala: “Iye asabalikisa anthu akupfulika na cipulumuso.”
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
Fala na Fala: “Yah.” Yah ndi dzina ya Yahova ingalembwa mwacigwagwa.
Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.