Faasologa o le Sauniga o le Auaunaga

Mātau: Po o fea lava e talafeagai ai, ia faaaogā le 15 minute o le Sauniga o le Auaunaga mulimuli a o leʻi auai i le tauaofiaga, ina ia toe taʻua ai fautuaga maʻoti mai le faaopoopoga o le faiva o le masina lenei, e fetaui ma le faapotopotoga. I le masina o Oketopa, o le a faatulaga ai le toe autaluina o manatu tāua o le polokalame o le tauaofiaga i le Sauniga o le Auaunaga atoa. I le sauniuni atu mo lenā talanoaga, ia faia e tagata uma ni faamaumauga uigā i le tauaofiaga, e aofia ai ma se lisi o manatu autū lea e tatou te mananaʻo e faatatauina i le olaga o le tagata lava ia, faapea ma le faiva i le fanua. Ona tatou faalaeiau lea o isi e ala i le faamatalaina o le auala ua tatou faatatauina ai fautuaga.

Vaiaso e Amata iā Iulai 12

Pese 36 (43)

12 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. I le faaaogāina o fautuaga i le itulau e 8, faataʻitaʻi le auala e ofoina ai le Olomatamata o Iulai 1 ma le Ala Mai! o Iulai-Setema. I se tasi o taulimaga, ia faataʻitaʻi le ofoina o se mekasini i se tasi i le alatele e lē lelei tele lana tautala i lau gagana.

18 minu: “Faataʻitaʻi i le Faamasinotonu o Ieova.”a A lava le taimi, ia valaaulia le aofia e fai mai ni o latou manatu i mau faasino o loo iai.

15 minu: “Ia Tatou Vivii Faatasi i Lona Suafa.”b Faia e le failautusi a le faapotopotoga, ma ia faaaogā fesili ua saunia. Ia taʻua le tauaofiaga o loo tofia i ai le faapotopotoga. Faaiʻu e ala i le faia o ni fesili se lua pe tolu mai le mataupu “Taumafa Faaleagaga i Ona Itu Aso,” lea o le a talanoaina i le Sauniga o le Auaunaga i le vaiaso e sosoo ai.

Pese 14 (16) ma le tatalo faaiʻu.

Vaiaso e Amata iā Iulai 19

Pese 4 (4)

10 minu: Faasilasilaga a le faapotopotoga. Talanoa i le tāua o le tausia o se polokalame faifai pea o le faitau Tusi Paia i aso taʻitasi, e tusa lava pe tulaʻi mai ni mea e faalavelavea ai la tatou faasologa masani i mea e fai. Ia faaaofia ai ma faamatalaga o loo i le Olomatamata, o Aokuso 15, 2000 itulau e 32.

15 minu: “Taumafa Faaleagaga i Ona Itu Aso.”c Faaaogā fesili ua saunia. Pe a talanoaina le palakalafa e 2, ia tuu atu i se tagata se toʻatasi pe toʻalua i le aofia e faamatala puupuu mai se tauaofiaga e lē mafaagaloina na auai atu i ai. Ia faaiʻu i le avatuina o ni fesili se lua pe tolu mai le mataupu “Ia Paia a Outou Amio Uma,” lea o le a talanoaina i le Sauniga o le Auaunaga i le vaiaso e sosoo ai.

20 minu: “Faia o Suʻesuʻega Faale-Tusi Paia e Agaʻigaʻi i Luma— Vaega 1.” O se lauga e faia e le ovasia o le auaunaga. Tuu atu i le aofia e fai mai ni o latou manatu i le mataupu o loo i le tusi o le Proclaimers, itulau e 572-574, o loo faamatalaina ai le faagasologa mai o le galuega o le faia o suʻesuʻega faale-Tusi Paia i aso nei. Ia ati aʻe le naunau mo le faasologa o mataupu o le a sosoo mai ai. O loo iai i mataupu o le a talanoaina, le auala e sauniuni ai i le faia o le suʻesuʻega, le auala e fesoasoani ai i le tagata aʻoga ina ia sauniuni, le telē o le mataupu o le a suʻesuʻe, le auala e faaaogā lelei ai mau, le auala e taulimaina ai fesili e lāgā e le tagata aʻoga, le auala e faia ai le tatalo, ma le auala e tataʻi ai le tagata aʻoga i le faalapotopotoga. Ia faalaeiau i tagata uma e faaaogā fautuaga ua saunia ma ia teu lelei nei mataupu e toe faaaogā i le lumanaʻi.

Pese 8 (10) ma le tatalo faaiʻu.

Vaiaso e Amata iā Iulai 26

Pese 2 (2)

12 minu: Faasilasilaga a le faapotopotoga. Tala o le tupe. Faamanatu i le ʻautalaʻi e faaoo mai a latou lipoti o le auaunaga i le fanua mo Iulai. I le faaaogāina o fautuaga i le itulau e 8 ia faataʻitaʻi le auala e ofo ai le Olomatamata o Iulai 15 ma le Awake! o Iulai 22. I faataʻitaʻiga taʻitasi, ia faaalia se isi auala e taulimaina ai le manatu e ono taofia ai le talanoaga e faapea, ‘Aisea tou te asiasi soo mai ai?’—Tagaʻi i le tamaʻitusi Le Auala e Amata ma Faaauau ai Talanoaga, itulau 12.

8 minu: Pusa Fesili. Ia tauaao e se toeaina. Faitau ma talanoaina le mataupu atoa.

10 minu: “Ia Paia a Outou Amio Uma.”d Faaaogā fesili ua saunia. Valaaulia le aofia e faamatala le auala ua latou mātauina ai amioga lelei i tauaofiaga lea e aumaia ai le viiga iā Ieova. Faaiʻu i le faia o ni fesili se lua pe tolu mai le mataupu “Ia Onomea ma Taʻuleleia Ou Foliga Vaaia,” lea o le a talanoaina i le Sauniga o le Auaunaga i le vaiaso e sosoo ai.

15 minu: “Le Auala e Talaʻi ai i Oganuu o Pisinisi.”e Ia taʻua fuafuaga a le faapotopotoga mo le galueaʻiina o oganuu o pisinisi. Ia faataʻitaʻi puupuu mai, taulimaga e lua o loo i le palakalafa e 4 ma le 5 po o se isi taulimaga e aogā i tagata i le oganuu. Pe a lava le taimi, ia tuu atu i le aofia e aumai ni o latou sao i ni mea lelei na tutupu i le galueaʻiina o oganuu o pisinisi.

Pese 76 (120) ma le tatalo faaiʻu.

Vaiaso e Amata iā Aokuso 2

Pese 63 (82)

8 minu: Faasilasilaga a le faapotopotoga.

22 minu: Pe E te Avatu Māfuaaga? Lauga ma le talanoaga e faavae i le tusi Aʻoga o le Faiva, itulau 254, palakalafa 1-2. Pe a tatou faamatala ma faatatauina mau i le faiva i le fanua pe lauga atu foʻi mai le pulelaa, o le a sili atu ona uigā la tatou aʻoaʻo atu pe a tatou avatu māfuaaga mo mea o loo tatou fai atu ai, na i lo le tau lava ina faamamafa atu. I le faaaogāina o faataʻitaʻiga o loo i le tusi Reasoning po o isi lomiga o loo talafeagai ma le oganuu, ia faaalia le auala e (1) filifili ma faamatala ai faaupuga autū o loo iai i le mau, (2) ia avatu ni faamaoniga e lagolagoina ai mai le mataupu po o se isi mau o loo talanoaina ai lea mataupu, (3) faaaogā se faataʻitaʻiga e faaalia ai le talafeagai o mea o loo e fai atu ai, ma (4) faaaogā fesili e fesoasoani ai i ē o loo faalogologo mai e mafaufau ai i le mataupu. Ia faamamafa aogā o le fefulifulisaʻia o le mataupu.

15 minu: “Ia Onomea ma Taʻuleleia Ou Foliga Vaaia.”f Faaaogā fesili ua saunia. A lava le taimi, faitau ma talanoaina mau faasino o loo iai.

Pese 27 (32) ma le tatalo faaiʻu.

[Faaopoopoga i lalo]