Zaburi

103 Acha nimusifu* Yehova;

Acha kila kitu chenye kuwa ndani yangu kisifu jina lake takatifu.

 2 Acha nimusifu* Yehova;

Nisisahau hata kidogo mambo yote yenye amefanya.+

 3 Anasamehe makosa yako yote+

Na anaponyesha magonjwa yako yote;+

 4 Anaokoa uzima wako kutoka katika shimo*+

Na anakuvalisha taji la upendo wake mushikamanifu na rehema.+

 5 Anakushibisha kwa vitu vya muzuri+ maisha yako yote,

Na hivyo ujana wako unafanywa upya kama ule wa tai.+

 6 Yehova anatenda kwa uadilifu*+ na haki

Kwa ajili ya wote wenye kukandamizwa.+

 7 Alimujulisha Musa njia zake,+

Na wana wa Israeli matendo yake.+

 8 Yehova ni mwenye rehema na huruma,*+

Hakasirike haraka na ni mwenye upendo mwingi mushikamanifu.*+

 9 Hatatafuta makosa sikuzote,+

Wala hataendelea kuwa na kinyongo milele.+

10 Hajatutendea kulingana na zambi zetu,+

Wala hajatulipa malipo yenye makosa yetu yanastahili.+

11 Kwa maana kama vile mbingu ziko juu kuliko dunia,

Ni vile upendo wake mushikamanifu uko mwingi kuelekea wale wenye kumuogopa.+

12 Kama vile mahali jua linatokea kuko mbali sana na mahali jua linashukia,

Ni vile ametia zambi zetu mbali sana na sisi.+

13 Kama vile baba anaonyesha wana wake rehema,

Ni vile Yehova ameonyesha rehema wale wenye kumuogopa.+

14 Kwa maana anajua muzuri namna tumeumbwa,+

Anakumbuka kwamba tuko mavumbi.+

15 Kuhusu mwanadamu mwenye anaweza kufa, siku zake ziko kama za majani;+

Anachanuka kama ua la shamba.+

16 Lakini wakati upepo unavuma, haliko tena,

Kama vile halijapata kuwa pale.*

17 Lakini upendo mushikamanifu wa Yehova ni wa umilele wote*

Kuelekea wale wenye kumuogopa,+

Na haki yake kuelekea watoto wa watoto wao,+

18 Kuelekea wale wenye kushika agano lake+

Na wale wenye kuwa waangalifu ili kushika maagizo yake.

19 Yehova amefanya kiti chake cha ufalme kikuwe imara kabisa mbinguni;+

Na ufalme wake unatawala juu ya kila kitu.+

20 Mumusifu Yehova, ninyi malaika wake wote,+ wenye nguvu nyingi sana,*

Wenye kushika neno lake,+ kwa kutii sauti yake.*

21 Mumusifu Yehova, majeshi yake yote,+

Watumishi wake wenye kufanya mapenzi yake.+

22 Mumusifu Yehova, kazi zake zote,

Mahali pote penye anatawala.*