Iintlanganiso Zenkonzo KaSeptemba
Iveki Eqala NgoSeptemba 2
12 imiz: Izaziso zasekuhlaleni. IZaziso ezikhethiweyo kuBulungiseleli Bethu BoBukumkani. Khuthaza wonk’ ubani, ingakumbi abaqhubi beZifundo Zencwadi Zebandla, ukuba bahlolisise UBulungiseleli Bethu BoBukumkani bukaSeptemba 1992 kwinqaku elithi “Ukufundisisa Incwadi Oyena Mntu Ubalaseleyo Wakha Waphila.” Balaselisa iingongoma eziziintloko zeli nqaku. Khumbuza abavakalisi bayifake ngokukhawuleza ingxelo yabo yenkonzo yasentsimini ka-Agasti. Ekubeni uAgasti ebeyinyanga yokugqibela yonyaka wenkonzo, unobhala nabaqhubi bezifundo zencwadi bafanele baqinisekise ukuba zonke iingxelo zenkonzo yasentsimini zeenyanga ezidluleyo ezingekafakwa ziyangeniswa. Injongo yethu kukuba nencopho entsha yabavakalisi ngoAgasti.
15 imiz: “Hamba Ngokholo.” Imibuzo neempendulo.
18 imiz: “Ukushumayela Iindaba Ezilungileyo Ngesimo Sengqondo Esifanelekileyo.” Yenza amagqabaza okuvula ngesiqendu 1. Cacisa ukuba kunokuhanjiswa incwadi ethi Unokuphila Ngonaphakade okanye ethi Ubomi Bentsapho kuxhomekeka kuleyo ibandla linayo. Yandula ke ugubungele isiqendu 2-5 kuphela kweli nqaku. Yiba nomboniso weentshumayelo ezilungiselelwe kakuhle ngendlela yokuhambisa incwadi ethi Unokuphila Ngonaphakade, indlela yokubuyela, neyokuqalisa isifundo ngencwadi ethi Ulwazi.
Ingoma 48 nomthandazo wokuqukumbela.
Iveki Eqala NgoSeptemba 9
12 imiz: Izaziso zasekuhlaleni. Ingxelo yemali. Xubusha inqaku elithi “Shumayela UBukumkani.”
18 imiz: “Yiba Ngumzekelo Kwintetho Nakwihambo.” Imibuzo neempendulo.
15 imiz: “Ukushumayela Iindaba Ezilungileyo Ngesimo Sengqondo Esifanelekileyo.” Hlolisisa isiqendu 6-8 kuphela, uze wenze umboniso ngeentshumayelo ezinokusetyenziswa xa ushumayela kwiivenkile kutyelelo lokuqala nakwibuyelo. (Bona amacebiso awongezelelekileyo kuBulungiseleli Bethu BoBukumkani bukaSeptemba 1989, iphepha 8.) Bakhuthaze bonke babuyele ngokukhawuleza.
Ingoma 123 nomthandazo wokuqukumbela.
Iveki Eqala NgoSeptemba 16
12 imiz: Izaziso zasekuhlaleni. Khankanya imiphumo emihle ebangelwe kukusebenzisa ividiyo ethi Jehovah’s Witnesses—The Organization Behind the Name ukwalathisela abanomdla entlanganweni. Balisa amava amafutshane akwiMboniselo kaOktobha 1, 1992, iphepha 30-1.
18 imiz: Hlolisisa Ingxelo Yebandla Yonyaka Wenkonzo We-1996. Intetho ekhuthazayo, nenikelwa ngehlombe ngumveleli wenkonzo. (Bona incwadi ethi Ubulungiseleli Bethu, iphepha 100-2.) Chaza indawo ibandla eliqhube kakuhle kuyo, uze ulincome. Bonisa indlela umsebenzi woovulindlela abathe ngxi nabangabancedani oncede ngayo kakhulu ekuhambiseleni phambili umsebenzi ekuhlaleni. Khankanya amanani abeza kwiintlanganiso, ubethelele imbaluleka yokuza rhoqo. Chaza usukelo olufikelelekayo ibandla elinokuzama ukuluphumeza kunyaka ozayo. Inani labo bangoovulindlela abangabancedani liye lehla kule minyaka imbalwa idluleyo. Ngaba abangakumbi banokuba nesabelo kule nkalo yenkonzo, ngokukodwa ngoMatshi nangoAprili? Ngaba wonk’ umvakalisi unokuba nesabelo ngokuthe rhoqo kubulungiseleli veki nganye, aze afake ingxelo yomsebenzi wakhe ekupheleni kwenyanga nganye? Okokugqibela, ngaba wonk’ umvakalisi unokuba nosukelo lokuqhuba isifundo seBhayibhile?
15 imiz: Ihambo YamaKristu Esikolweni. Ubawo uthetha nonyana wakhe okanye intombi yakhe ngemigibe eyingozi esikolweni; ubethelela imfuneko yokuluphaphela unxulumano nokuziphepha izinto ezithandabuzekayo. Uhlolisisa ibhokisi ekwiphepha 24 kwincwadana enemifanekiso ethi Imfundo aze achaze imfuneko yokumisela umzekelo omhle njengeNgqina. Lo bawo ukhankanya ezinye zezilingo ezivelayo ezinjengokusebenzisa iziyobisi, ukwenza amadinga, ukuya kwiimbutho zokuzonwabisa, okanye ukuba nenxaxheba kwimidlalo; baxubusha indlela yokuphepha iingxaki. Kwakhona baxubusha ngeengozi zetheko nomdyusho wokuthi ndlela-ntle kwabo bakwibanga Leshumi. (Sebenzisa uVukani! kaMatshi 8, 1993, iphepha 17-19.) Lo bawo ukhuthaza lo uselula ukuba angalibazisi ukumxelela xa eneengxaki—kuba ufuna ukuzazi nokumnceda.
Ingoma 32 nomthandazo wokuqukumbela.
Iveki Eqala NgoSeptemba 23
10 imiz: Izaziso zasekuhlaleni.
15 imiz: Iimfuno zasekuhlaleni. Okanye intetho esekelwe kwiMboniselo kaFebruwari 15, 1996, iphepha 27-9 ethi “Jonga Okungaphaya Koko Ukubonayo!”
20 imiz: “Shumayela Iindaba Ezilungileyo Kuzo Zonke Iindawo.” Imibuzo neempendulo. Gubungela isiqendu 1-15 kuphela. Sifunde isiqendu 3 nesesi-5. Quka amava asekuhlaleni abo baye banempumelelo ekunikeleni ubungqina esitratweni okanye kwizithuthi zikawonke wonke.
Ingoma 215 nomthandazo wokuqukumbela.
Iveki Eqala NgoSeptemba 30
12 imiz: Izaziso zasekuhlaleni. Xubusha iSingxobo Semibuzo. Bakhumbuze bonke bangenise ingxelo yabo yenkonzo yasentsimini kaSeptemba neengxelo zesifundo seBhayibhile.
20 imiz: “Shumayela Iindaba Ezilungileyo Kuzo Zonke Iindawo.” Imibuzo neempendulo. Gubungela isiqendu 16-35. Bonisa indlela anokusetyenziswa ngayo la macebiso ekuhlaleni. Yenza umboniso ngesiqendu 23-5. Sifunde isiqendu 34-5.
13 imiz: Hlolisisa Umnikelo Woncwadi Ngo-Oktobha. Siza kubalaselisa iphephancwadi IMboniselo noVukani!, sinikele nemirhumo yala maphephancwadi omabini. Xubusha ngeengongoma ezahlukeneyo, ezinjengezi: (1) Injongo yokupapashwa kwala maphephancwadi, njengoko icaciswa kumaphepha okuqala. (2) Apapashwa ngeelwimi ezininzi, nto leyo eyenza ulwazi ngeBhayibhile lufumaneke kwihlabathi lonke. (3) IMboniselo yenzelwe ufundisiso lobuqu, lwentsapho nolweqela. (4) Abantu beenkonzo ezahlukahlukeneyo bayawafunda. (5) Enzelwe abantu abaxakekileyo ngokukhethekileyo. (6) IMboniselo ibipapashwa ukususela ngowe-1879; uVukani! yena ukususela ngowe-1919. (7) Nawuphi na umntu okufuna ngokunyanisekileyo ukuwafunda kodwa ongenakukwazi ukuwarhumela siya kumzisela ngokobuqu iinkupho zamvanje. Qukumbela ngokubalisa amagqabaza awenziwa ngumfundi onoxabiso.—Bona IMboniselo ka-Aprili 15, 1986, iphepha 32.
Ingoma 3 nomthandazo wokuqukumbela.