YISAYA

 2 Yoká, Ee likoló, mpe tyá likebi, Ee mabele,+

Mpo Yehova alobi boye:

“Nabɔkɔli mpe nakolisi bana,+

Kasi batombokeli ngai.+

 3 Ngɔmbɛ eyebaka malamu moto oyo asombi yango,

Mpe mpunda eyebaka esika nkolo na yango apesaka yango bilei;

Kasi Yisraele eyebi ngai te,*+

Bato na ngai moko bamitambwisi na mayele te.”

 4 Mawa na ekólo ya masumu,+

Na bato oyo batondi na mabunga,

Libota ya bato ya mabe, bana ya libebi!

Batiki Yehova;+

Bazangi limemya epai ya Mosantu ya Yisraele;

Bapesi ye mokɔngɔ.

Motó mobimba ezali na maladi,

Mpe motema mobimba ezwi maladi.+

Kaka bampota, bisika oyo bazokisi mpe bampota minene;

Basukoli yango te,* bakangi yango te, balɛmbisi yango na mafuta te.+

 8 Mwana mwasi ya Siona atikali lokola esika ya kobatama* na elanga ya vinyo,

Lokola mwa ndako ya matiti na elanga ya kɔkɔmbrɛ,

Lokola engumba oyo ezingami.+

 9 Soki Yehova ya mampinga atikelaka biso te mwa bato oyo babiki,

Tolingaki kokóma lokola Sodoma,

Mpe tolingaki kokokana na Gomora.+

Nalɛmbi makabo na bino ya kotumba ya bampate ya mibali+ mpe mafuta ya banyama oyo eleisami malamu,+

Mpe nasepeli te na makila+ ya bana-ngɔmbɛ ya mibali,+ ya bana-mpate ya mibali mpe ya bantaba ya mibali.+

12 Ntango boyaka komonana liboso na ngai,+

Nani asɛngi bino,

Bónyata mapango na ngai?+

Bozali kotosa sanza ya sika+ mpe sabata,+ kobengisa liyangani+

—Nzokande nakoki te kondima misala ya maji+ esika moko na liyangani monene.

Ekómeli ngai kilo;

Nalɛmbi komema yango.

15 Mpe ntango bozali kosembola mabɔkɔ na bino,

Nazali kozipa miso na ngai liboso na bino.+

Ata bozali kobondela mingi,+

Nazali koyoka te;+

Mabɔkɔ na bino etondi na makila.+

16 Bómisukola, bómipɛtola;+

Bólongola liboso ya miso na ngai misala na bino ya mabe;

Bótika kosala mabe.+

17 Bóyekola kosala malamu, bóluka bosembo,+

Bósembola monyokoli,

Bósamba mpo na ntomo ya mwana oyo tata akufá,

Mpe bósamba likambo ya mwasi oyo mobali akufá.”+

Ata soki masumu na bino ezali motane makasi,

Ekokóma mpɛmbɛ lokola nɛjɛ;+

Ata soki ezali motane lokola elamba ya motane makasi,

Ekokóma lokola lɛnɛ.

19 Soki bolingi mpenza kotosa,

Bokolya biloko ya malamu ya mokili.+

20 Kasi soki boboyi mpe botomboki,

Mopanga ekolya bino;+

Ngai Yehova nde nalobi yango.”

Etondaki na bosembo;+

Boyengebene ezalaki kofanda kuna,+

Kasi sikoyo babomi-bato bazali kuna.+

22 Palata na bino ekómi bosɔtɔ,+

Masanga na bino* esangisami na mai.

Bakataka na bosembo te likambo ya mwana oyo tata akufá,

Mpe ata likambo ya mwasi oyo mobali akufá batyelaka yango likebi te.+

24 Yango wana, Nkolo ya solo, Yehova ya mampinga,

Moto ya nguya ya Yisraele, alobi boye:

“Aha! Nakolongola banguna na ngai,

Mpe nakozongisela banguna na ngai mabe.+

25 Nakopesa yo etumbu,*

Mpe nakonyangwisa bosɔtɔ na yo nyonso,

Mpe nakolongola bosɔtɔ na yo nyonso.+

26 Nakozongisela yo basambisi na yo ndenge ezalaki na ebandeli

Mpe bapesi-toli na yo ndenge ezalaki liboso.+

27 Siona ekosikolama+ na bosembo,

Mpe bato na ye oyo bakozonga, bakozonga na boyengebene.

28 Batomboki ná bato ya masumu bakobebisama elongo,+

Mpe baoyo batiki Yehova bakosila.+

29 Mpo bakoyoka nsɔni mpo na banzete makasi oyo bolulaki,+

Mpe bokosambwa mpo na bilanga* oyo boponi.+

30 Mpo bokokóma lokola nzete monene oyo nkasa na yango ezali kokauka,+

Mpe lokola elanga oyo ezali na mai te.

31 Mobali makasi akokóma lokola lititi oyo ekauki,

Mpe mosala na ye lokola montɛntɛi;

Mpe yango nyonso mibale ekopela mɔtɔ elongo,

Moto ya koboma yango akozala te.”

 2 Na eleko ya nsuka ya mikolo,

Ngomba ya ndako ya Yehova

Ekopikama makasi likoló koleka nsɔngɛ ya bangomba,+

Mpe ekotombwama mpenza likoló koleka bangomba mike,

Mpe bikólo nyonso ekosopana kuna.+

“Bóya! Tómata na ngomba ya Yehova,

Na ndako ya Nzambe ya Yakobo.+

Akoteya biso banzela na ye,

Mpe tokotambola na banzela na ye.”+

Mpo mobeko* ekobima na Siona,

Mpe liloba ya Yehova ekobima na Yerusaleme.+

 4 Akokata makambo kati na bikólo

Akosembola makambo etali bato mingi ya bikólo.

Bakokómisa mipanga na bango bitimweli ya mabele

Mpe makɔnga na bango makwangola ya kokata matiti.+

Ekólo moko ekotombola mopanga te mpo na kobunda na ekólo mosusu,

Bakoyekola mpe etumba lisusu te.+

 5 Ee bato ya ndako ya Yakobo,

Bóya tótambola na pole ya Yehova.+

 6 Mpo osundoli bato na yo, ndako ya Yakobo,+

Mokili etondi na biloko ya Ɛsti;

Bazali kosala misala ya maji+ lokola Bafilistia,

Mpe batondi na bana ya bapaya.

 7 Mokili na bango etondi na palata ná wolo,

Mpe biloko na bango ya motuya ezali na nsuka te.

Mokili na bango etondi na bampunda,

Mpe makalo na bango ezali na nsuka te.+

Bazali kogumbamela misala ya mabɔkɔ na bango moko,

Eloko oyo misapi na bango moko esali.

 9 Mpo moto azali kogumbama, azali kokita na nse,

Mpe okoki te kolimbisa bango.

10 Kɔtá na libanga mpe bombaná na putulu

Mpo na nsɔmɔ ya kozala liboso ya Yehova

Mpe nkembo ya bonene na ye.+

11 Miso ya moto ya lolendo ekokita na nse,

Mpe lofundo ya bato ekokitisama.*

Ekoyela moto nyonso ya lofundo mpe ya lolendo,

Moto nyonso, azala moto monene to moto mpamba,+

13 Ekoyela banzete nyonso ya sɛdrɛ ya Liban oyo ezali molai mpe etombwaná

Mpe banzete minene nyonso ya Bashane,

14 Ekoyela bangomba nyonso ya milai

Ná bangomba mike nyonso oyo etombwaná,

15 Linɔ́ngi nyonso ya molai mpe efelo nyonso oyo ebatelami makasi,

16 Ekoyela bamasuwa nyonso ya Tarasisi+

Mpe bamasuwa nyonso ya kitoko.

17 Lolendo ya moto ekokitisama,

Mpe lofundo ya moto ekogumbama.*

19 Mpe bato bakokɔta na mobenga ya mabanga

Mpe na mabulu ya mabele,+

Mpo na nsɔmɔ ya kozala liboso ya Yehova

Mpe nkembo ya bonene na ye,+

Ntango akotɛlɛma mpo na kosala ete mabele elɛnga na nsɔmɔ.

20 Na mokolo yango, bato bakobwakela bampoko*

Mpe bangembo banzambe na bango ya palata oyo ezangá ntina

Mpe banzambe na bango ya wolo oyo basalaki mpo báfukamela yango,+

21 Mpo na kokɔta na madusu ya mabanga

Mpe na minkaka ya mabanga minene,

Mpo na nsɔmɔ ya kozala liboso ya Yehova

Mpe nkembo ya bonene na ye,

Ntango atɛlɛmaka mpo na kosala ete mabele elɛnga na nsɔmɔ.

22 Mpo na bolamu na bino moko, bótyela moto motema te,

Oyo mpema na ye ezali na zolo na ye,

3 Mpo talá oyo Nkolo ya solo, Yehova ya mampinga,

Azali kolongola na Yerusaleme mpe na Yuda eloko nyonso oyo ekoki kosunga mpe kosalisa,

Elingi koloba mampa nyonso mpe mai nyonso,+

 2 Mobali ya nguya ná mobundi-etumba,

Mosambisi ná mosakoli,+ mosakoli ya makambo oyo ebombaná ná nkulutu,

 3 Mokonzi ya bato 50,+ moto ya lokumu ná mopesi-toli,

Moto oyo ayebi malamu misala ya maji ná moto oyo ayebi mpenza kolengola.+

 4 Nakokómisa bilenge mibali bankumu na bango,

Mpe bato ya bongolabongola* bakoyangela bango.

 5 Bato bakonyokolana,

Moto na moto akonyokola moninga na ye.+

Elenge mobali akobundisa mobange,

Mpe moto oyo batyolaka akowelana na moto oyo bamemyaka.+

“Nakozala mokangi ya mpota na yo te;

Nazali na bilei te to bilamba te na ndako na ngai.

 8 Mpo Yerusaleme abɛti libaku,

Mpe Yuda akwei,

Mpamba te bazali kotɛmɛla Yehova na maloba mpe na misala na bango;

Bazali kotomboka liboso ya nkembo na ye.*+

 9 Ndenge bilongi na bango ezali komonana ezali kofunda bango,

Mpe bazali kolobela lisumu na bango lokola Sodoma;+

Baluki te kobomba yango.

10 Bóyebisa bato ya sembo ete makambo ekotambola malamu mpo na bango;

Bakozwa mbano mpo na misala na bango.*+

Mpasi ekokwela ye,

Bakosala ye kaka ndenge asalaki!

12 Nzokande bato oyo bapesaka bato na ngai mosala banyokolaka bango,

Mpe basi bazali koyangela bango.

Bato na ngai, baoyo bazali kotambwisa bino bazali kosala ete bóyengayenga,

Mpe babulunganisi banzela oyo bosengeli kolanda.+

13 Yehova atɛlɛmi mpo na kosamba likambo na ye;

Atɛlɛmi mpo na kopesa bato ya bikólo etumbu.

“Botumbi elanga ya vinyo,

Biloko oyo boyibi epai ya mobola ezali na bandako na bino.+

15 Ebandi boni bótutatuta bato na ngai

Mpe bonyokoli mpenza bato ya mpasi?”+ Nkolo Mokonzi-Oyo-Aleki-Nyonso, Yehova ya mampinga nde alobi bongo.

16 Yehova alobi boye: “Lokola bana basi ya Siona bazali na lolendo,

Bazali kotambola batomboli mitó na bango,*

Bazali kofinafina miso na bango, kodenda,

Bazali kolelisa bashɛnɛti ya makolo na bango,

17 Yehova akobimisa mpe mapaka* na motó ya bana basi ya Siona,

Mpe Yehova akosala ete motó na bango ezala na nsuki te.+

18 Na mokolo yango, Yehova akolongola kitoko na bango: bikɔmɔ,

Mwa elamba ya kozipa motó mpe babiju oyo basalá yango lokola sɛrklɛ,+

19 Biloko ya matoi, bikɔmɔ ná matambala,

20 Biloko ya kolata na motó, bashɛnɛti ya makolo ná bankamba ya ntolo,*

Milangi ya malasi* mpe mayaka,

21 Bampɛtɛ ya misapi ná bampɛtɛ ya zolo,

22 Bazambala ya molulu, bazambala ya likoló, bakazaka ná bapotɔmɔni,

23 Batalatala ya mabɔkɔ,+ bilamba ya lini,*

Batirba ná matambala.

24 Na esika ya mafuta ya balsame,+ ekozala nsolo moko ya mabe;

Na esika ya mokaba, nsinga;

Na esika ya nsuki oyo ebongisami malamu, libandi;+

Na esika ya elamba ya ntalo, ngɔtɔ;*+

Na esika ya bonzenga elembo ya mɔtɔ.

25 Bato na yo bakokwea na mopanga,

Mpe bato na yo ya nguya na etumba.+

26 Bikɔtelo ya Siona ekolela mpe ekozala mawamawa,+

Mpe akofanda na mabele oyo etikali mpamba.”+

“Tokolya limpa na biso moko

Mpe tokolata bilamba na biso moko;

Tiká bábenga biso kaka na nkombo na yo

Mpo na kolongola nsɔni na biso.”*+

5 Tiká nayembela moto oyo nalingaka

Ezali loyembo ya moto oyo nalingaka, mpe ya elanga ya vinyo na ye.+

Alonaki nzete ya vinyo ya motane ya kitoko mpenza,

Atongaki linɔ́ngi moko na katikati na yango,

Mpe atimolaki ekamwelo moko ya vinyo kati na yango.+

Bongo azalaki na elikya ete ekobota mbuma ya vinyo ya malamu,

Kasi ebotaki nde bambuma ya vinyo ya zamba.+

 3 “Mpe sikoyo, bino bafandi ya Yerusaleme mpe bato ya Yuda,

Nabondeli bino, bókata likambo na ngai ná elanga na ngai ya vinyo.+

 4 Eloko nini lisusu nasengeli kosalela elanga na ngai ya vinyo

Oyo nasali naino te?+

Nazalaki na elikya ete ekobota mbuma ya vinyo ya malamu,

Kasi mpo na nini ebotaki mbuma ya vinyo ya zamba?

 5 Sikoyo, tiká nayebisa bino

Oyo nakosala elanga na ngai ya vinyo:

Nakolongola lopango na yango,

Mpe bakotumba yango.+

Bakobuka efelo na yango ya mabanga,

Mpe bakonyatanyata yango.

 6 Nakokómisa yango mabele moko ya mpamba;+

Bakokata bitape na yango te, bakolongola mpe matiti na yango te.

Ekotonda na banzubɛ mpe matiti mabe,+

Mpe nakopesa mapata etinda ete enɔkisela yango lisusu mbula te.+

 7 Mpo elanga ya vinyo ya Yehova ya mampinga ezali ekólo Yisraele;+

Bato ya Yuda bazali elanga oyo azalaki kolinga mingi.

Azalaki kolikya ete bosembo ekokoba,+

Kasi talá! Kozanga bosembo nde ezalaki;

Azalaki kolikya ete boyengebene ekokoba,

Kasi talá! Koganga mpo na mpasi.”+

 8 Mawa na baoyo bazali kobakisa ndako moko na ndako mosusu+

Mpe na baoyo bazali kobakisa elanga moko na elanga mosusu+

Tii esika ezali lisusu te

Mpe bozali kofanda bino moko na mokili!

 9 Na matoi na ngai, Yehova ya mampinga alapi ndai

Ete bandako mingi, atako ezali minene mpe kitoko,

Ekokóma eloko moko ya nsɔmɔ mpenza,

Moto moko te akofanda kuna.+

10 Mpo ektare minei ya elanga ya vinyo ekobimisa kaka bati* moko,

Mpe homɛrɛ* moko ya mboto ekobimisa kaka efa* moko.+

11 Mawa na bato oyo balamukaka ntɔngɔntɔngɔ mpo na komɛla masanga oyo elangwisaka,+

Baoyo baumelaka tii na molili ya mpokwa, bongo vinyo ekómaka kopela lokola mɔtɔ na kati na bango!

12 Bazali na nzɛnzɛ, ebɛtɛlo ya nsinga,

Mbonda moke, piololo, ná vinyo na bafɛti na bango;

Kasi bazali kotya likebi te na misala ya Yehova,

Mpe bamonaka mosala ya mabɔkɔ na ye te.

13 Na yango, bato na ngai bakomemama na mboka mopaya,

Mpo bazangi boyebi;+

Bato na bango ya nkembo bakokufa nzala,+

Mpe bato na bango nyonso bakokufa na mposa ya mai.

14 Bongo, Nkunda* emikómisi monene

Mpe efungoli monɔkɔ na yango monene koleka ndelo;+

Mpe nkembo* ya Yerusaleme, bato na yango ebele oyo bazali kosala makɛlɛlɛ,

Mpe bato na yango oyo balingá kosala fɛti bakokita mpenza kati na yango.

15 Mpe moto akogumbama,

Moto akokita na nse,

Mpe miso ya bato ya lolendo ekokita na nse.

16 Yehova ya mampinga akotombwama na nzela ya lisambisi* na ye;

Nzambe ya solo, Mosantu,+ akomisantisa na nzela ya bosembo.*+

17 Mpe bana-mpate ekolya lokola na esika na yango ya kolya matiti;

Mpe bato oyo bafandi bapaya bakolya na bisika oyo etikalá mpamba ya banyama oyo eleisami malamu.

18 Mawa na baoyo bazali kobenda ngambo na bango na bansinga ya bokosi

Mpe lisumu na bango na nsinga ya pusu;

19 Na baoyo balobaka: “Nzambe asala mosala na ye nokinoki;

Eya mbangu, mpo tómona yango.

Mokano* ya Mosantu ya Yisraele esalema

Mpo tóyeba yango!”+

20 Mawa na baoyo balobaka ete malamu ezali mabe mpe mabe ezali malamu,+

Baoyo batyaka molili na esika ya pole mpe pole na esika ya molili,

Baoyo batyaka bololo na esika ya elɛngi mpe elɛngi na esika ya bololo!

21 Mawa na baoyo bazali na bwanya na miso na bango moko

Mpe bamimonaka bato ya mayele!+

22 Mawa na baoyo bazali bilombe ya komɛla vinyo

Mpe na baoyo bazali makasi mpo na kosangisa masanga oyo elangwisaka,+

23 Na baoyo bazali kolongisa moto mabe mpo na kanyaka+

Mpe na baoyo bazali kowangana bosembo ya moto ya sembo!+

24 Yango wana, kaka ndenge lolemo ya mɔtɔ elyaka matiti ya blé

Mpe matiti oyo ekauká ezindaka na kati ya ndemo ya mɔtɔ,

Misisa na bango ekopɔla mpenza,

Mpe bafololo na bango ekomata lokola putulu,

Mpo baboyi mobeko* ya Yehova ya mampinga

Mpe batyoli liloba ya Mosantu ya Yisraele.+

25 Yango wana nkanda ya Yehova epeleli bato na ye,

Mpe akosembolela bango lobɔkɔ na ye mpe akobɛta bango.+

Bangomba ekoningana,

Mpe bibembe na bango ekokóma lokola bosɔtɔ na babalabala.+

Mpo na nyonso wana, nkanda na ye esili te,

Kasi lobɔkɔ na ye ezali kaka ya kosembolama mpo na kobɛta.

26 Atɛlɛmisi elembo mpo na ekólo moko ya mosika;+

Abɛti piololo mpo bango báya uta na bansuka ya mabele;+

Mpe talá! Bazali koya mbangu mpenza.+

Mokaba oyo ezingi loketo na bango efungwami te,

Bansinga ya basandale na bango ekatani mpe te.

28 Makula na bango nyonso epelisami,

Mpe matimbo na bango nyonso egumbami.

Basabo ya bampunda na bango ezali libanga ya silekisi,

Mpe bapine na bango ya ebende lokola mopɛpɛ makasi.+

29 Koganga na bango ezali lokola oyo ya nkɔsi;

Mpe bazali koganga lokola bana-nkɔsi.*+

Bakonguluma mpe bakokanga nyama ya kolya

Bakomema yango mpe moto moko te akobikisa yango.

30 Na mokolo yango, bakonguluma likoló na yango

Lokola konguluma ya mbu.+

Bato nyonso oyo bakotala mokili bakomona molili ya nsɔmɔ;

Ata pole ekómi molili mpo na mapata.+

Mpo nakufi nde kokufa,*

Mpo nazali moto oyo azali na mbɛbu ya mbindo,

Mpe nazali kofanda na kati ya bato oyo bazali na mbɛbu ya mbindo;+

Mpo miso na ngai emoni Mokonzi, Yehova ya mampinga!”

Ozali lisusu na ngambo te,

Mpe lisumu na yo elimbisami.”

‘Bokoyoka lisusu mpe lisusu,

Kasi bokokanga ntina te;

Bokomona lisusu mpe lisusu,

Kasi bokoyeba eloko ata moko te.’+

10 Kómisá motema ya bato oyo makasi,+

Kómisá matoi na bango mangbongi,+

Mpe kangá bango miso,

Mpo bámona te na miso na bango

Mpe báyoka te na matoi na bango,

Mpo motema na bango ekanga ntina te

Mpe bázongela ngai te mpe bábika te.”

“Tii bingumba ekobeba mpenza kobeba mpe moto ata moko te akofanda kuna,

Bandako ekozala na bato te

Mpe mabele ekobeba mpe ekotikala mpamba;+

12 Tii Yehova akobengana bato mosika+

Mpe bisika oyo etikali mpamba na mokili ekokóma mingi mpenza.

“Ekosimba te,

Ekosalema mpe te.

 8 Mpo motó ya Siri ezali Damasi,

Mpe motó ya Damasi ezali Rezine.

Liboso mbula 65 ekoka

Efraime ekobebisama nyonso mpe ekozala lisusu ekólo te.+

 9 Motó ya Efraime ezali Samaria,+

Mpe motó ya Samaria ezali mwana ya Remalia.+

Soki bozali na kondima makasi te,

Bokopikama makasi te.”’”

 6 “Lokola bato oyo baboyi mai ya Shiloa*+ oyo ezali kotíyola malɛmbɛmalɛmbɛ,

Mpe basepeli na Rezine mpe na mwana ya Remalia,+

 7 Yango wana, talá! Yehova akomemela bango

Mai ya makasi mpe ya monene ya Ebale,*

Mokonzi ya Asiri+ mpe nkembo na ye nyonso.

Akomata na banzela na ye nyonso ya mai

Mpe akotondisa bokula na ye nyonso

 8 Mpe akosopanela Yuda.

Akozindisa mpe akoleka. Akokóma tii na nkingo;+

Mapapu na ye oyo esembolami ekotondisa bonene ya mokili na yo,

Ee Emanuele!”*+

Bóloba oyo bolingi, kasi ekosimba te,

Mpo Nzambe azali elongo na biso!*+

Bóbanga te oyo bazali kobanga;

Bólɛnga te mpo na yango.

13 Yehova ya mampinga ye nde Moto bosengeli kotalela ete azali mosantu,+

Ye nde moto bosengeli kobanga,

Mpe liboso na ye nde bosengeli kolɛnga.”+

14 Mpo na bandako mibale ya Yisraele,

Akokóma lokola esika mosantu

Kasi mpe lokola libanga ya kotutana na yango

Mpe lokola libanga ya kobɛta libaku,+

Lokola motambo mpe monyama

Epai ya bato oyo bafandi na Yerusaleme.

15 Mpe mingi kati na bango bakobɛta libaku, bakokwea mpe bakobukana;

Bakokangama na motambo mpe bakozwama.

16 Língá mokanda ya kondimisa likambo yango,*

Tyá elembo na mobeko* na kati ya bayekoli na ngai!

 2 Bato oyo bazalaki kotambola na molili

Bamoni pole moko monene.

Mpe bato oyo bafandaki na mokili ya molili makasi,

Pole engɛngɛli bango.+

 3 Okómisi ekólo yango bato ebele;

Osali ete esepela makasi mpenza.

Basepeli liboso na yo

Ndenge bato basepelaka na ntango ya kobuka mbuma,

Ndenge bato bayokaka esengo ntango bazali kokabola biloko oyo bapunzi.

 4 Mpo obukibuki ekanganeli ya mokumba na bango,

Fimbo oyo ezalaki kobɛta mapeka na bango, lingenda ya moto oyo azalaki kotinda bango básala mosala,

Lokola na mokolo ya Midiane.+

 5 Sapato nyonso ya basoda oyo eningisaka mabele wana bazali kotambola

Mpe bilamba na bango oyo epoli na makila

Ekokóma biloko ya kopelisela mɔtɔ.

 6 Mpo baboteli biso mwana,+

Bapesi biso mwana mobali;

Mpe boyangeli* ekozala na lipeka na ye.+

 7 Bonene ya boyangeli* na ye mpe kimya,

Kiti ya bokonzi ya Davidi+ mpe bokonzi na ye ekozala na nsuka te.+

Ekopikama makasi+ mpe ekosimbama

Na bosembo+ mpe na boyengebene,+

Banda sikoyo mpe libela na libela.

Molende ya Yehova ya mampinga nde ekosala yango.

 8 Yehova atindaki liloba mpo na kokebisa Yakobo,

Mpe yango ekwelaki Yisraele.+

 9 Mpe bato nyonso bakoyeba yango

Efraime mpe bato oyo bafandi na Samaria,

Baoyo na lolendo na bango mpe na lofundo ya motema na bango balobi:

10 “Babriki ekwei,

Kasi tokotonga na mabanga oyo bakatá.+

Banzete ya sikomore ekatami,

Kasi na esika na yango tokotya banzete ya sɛdrɛ.”

11 Yehova akotika banguna ya Rezine bátɛmɛla ye

Mpe akosala ete banguna ya Yisraele bábundisa ye,

12 Siri ekouta na ɛsti mpe Bafilistia bakouta na wɛsti,*+

Bakofungola monɔkɔ na bango mpe bakolya Yisraele.+

Mpo na nyonso wana, nkanda na ye esili te,

Kasi lobɔkɔ na ye ezali kaka ya kosembolama mpo na kobɛta.+

13 Mpo bato bazongeli te Moto oyo azali kobɛta bango;

Baluki Yehova ya mampinga te.+

14 Na Yisraele, Yehova akokata

Motó ná mokila, etape ná nkɛkɛlɛ kaka na mokolo moko.+

15 Nkulutu mpe moto oyo bapesaka limemya mingi nde motó,

Mpe mosakoli oyo ateyaka lokuta nde mokila.+

16 Baoyo bazali kokamba bato oyo nde bazali kosala ete báyengayenga,

Mpe baoyo bazali kokambama, babulunganisami.

17 Yango wana Yehova akosepela na bilenge mibali na bango te,

Mpe akoyoka mawa te mpo na bana na bango oyo batata bakufá mpe basi na bango oyo mibali bakufá

Mpo bango nyonso bazali bapɛngwi mpe basali-mabe+

Mpe moto nyonso azali koloba makambo ya bozoba.

Mpo na nyonso wana, nkanda na ye esili te,

Kasi lobɔkɔ na ye ezali kaka ya kosembolama mpo na kobɛta.+

18 Mpo mabe epeli lokola mɔtɔ,

Ezikisi mwa banzete ya nzubɛ mpe matiti mabe.

Ekopelisa mwa banzete oyo ezali na zamba,

Mpe mwa banzete yango ekotombwana na likoló lokola lipata ya milinga.

19 Na nkanda makasi ya Yehova ya mampinga

Mokili epeli mɔtɔ,

Mpe bato bakokóma lokola biloko oyo epelisaka mɔtɔ.

20 Bakokata eloko ya kolya na lobɔkɔ ya mobali,

Kasi bakozala kaka na nzala;

Bakolya eloko na lobɔkɔ ya mwasi,

Kasi bakotonda te.

Moto na moto akolya mosuni ya lobɔkɔ na ye,

21 Manase akolya Efraime,

Mpe Efraime akolya Manase.

Mpo na nyonso wana, nkanda na ye esili te,

Kasi lobɔkɔ na ye ezali kaka ya kosembolama mpo na kobɛta.+

10 Mawa na baoyo batyaka malako mpo na kopesa mpasi,+

Mawa na baoyo babimisaka ntango nyonso mibeko mpo na konyokola,

 2 Mpo báboyela babola ntomo na bango,

Mpo na kopimela bato mpamba na kati ya bato na ngai bosembo,+

Bazali kopunza basi oyo mibali bakufá,

Mpe bana oyo batata bakufá!+

 3 Bokosala nini na mokolo ya lisambisi,*+

Ntango libebi ekouta mosika?+

Bokokima epai ya nani mpo na koluka lisalisi,+

Mpe bokotika bomɛngo* na bino epai ya nani?

 4 Likambo mosusu ya kosala ekozala te longola kaka kogumbama na kati ya bato ya bolɔkɔ

To kokwea na nse na kati ya bato oyo babomami.

Mpo na nyonso wana, nkanda na ye esili te,

Kasi lobɔkɔ na ye ezali kaka ya kosembolama mpo na kobɛta.+

 5 “Talá! Moto ya Asiri,+

Azali fimbo oyo nazali kosalela mpo na komonisa nkanda na ngai,+

Nazali kosalela nzete oyo ezali na lobɔkɔ na ye mpo na kopesa etumbu!

 6 Nakotinda ye akende kobunda na ekólo oyo epɛngwi,+

Kobunda na bato oyo basilikisi ngai;

Nakopesa ye mitindo abɔtɔla mpe apunza biloko mingi

Mpe anyatanyata bango lokola pɔtɔpɔtɔ ya babalabala.+

 7 Kasi ekozala likanisi na ye te

Mpe motema na ye ekokana yango te;

Mpo na motema na ye, likanisi ezali nde ya kobebisa nyɛɛ,

Koboma bikólo mingi, kasi moke te.

 8 Mpo alobi:

‘Bankumu na ngai bazali bango nyonso bakonzi te?+

10 Lobɔkɔ na ngai esimbi makonzi ya banzambe oyo ezangá ntina,

Oyo bikeko* na ye ezali ebele koleka bikeko oyo ezali na Yerusaleme mpe na Samaria,+

11 Nakosala mpe te Yerusaleme ná bikeko na yango

Ndenge nasalaki Samaria mpe banzambe na yango oyo ezangá ntina?’+

12 “Ntango Yehova akosilisa mosala na ye nyonso na Ngomba Siona mpe na Yerusaleme, akopesa* mokonzi ya Asiri etumbu mpo na lofundo ya motema na ye, komitombola na ye mpe miso na ye ya lolendo.+ 13 Mpo alobi:

‘Nakosala yango na makasi ya lobɔkɔ na ngai,

Mpe na bwanya na ngai, mpo nazali moto ya bwanya.

Nakolongola bandelo ya bato ya bikólo,+

Nakopunza biloko na bango ya motuya,+

Mpe nakokitisa bato oyo bafandi wana ndenge moto ya nguya asalaka.+

14 Ndenge kaka lobɔkɔ ya moto esimbaka zumbu,*

Lobɔkɔ na ngai ekosimba biloko ya bato ya bikólo;

Mpe kaka ndenge moto asangisaka maki oyo esundolami,

Nakosangisa mabele mobimba!

16 Yango wana Nkolo ya solo, Yehova ya mampinga,

Akosala ete bato* na ye ya makasi* bákɔnda,+

Mpe na nse ya nkembo na ye akopelisa mɔtɔ moko ya makasi.+

17 Pole ya Yisraele+ akokóma mɔtɔ,+

Mpe Mosantu na ye lolemo ya mɔtɔ;

Ekopela mpe ekozikisa matiti na ye ya mabe mpe mwa banzete na ye ya nzubɛ na mokolo kaka moko.

18 Akobebisa mpenza* nkembo ya zamba na ye mpe ya elanga na ye ya banzete;

Ekozala lokola kokɔnda ya moto oyo azali kobɛla.+

19 Banzete oyo ekotikala na zamba na ye

Ekokóma motángo moke, ata mwana moke ya mobali akokoka kotánga yango.

20 Na mokolo yango, baoyo bakotikala na Yisraele

Mpe baoyo babiki na ndako ya Yakobo

Bakoluka lisusu lisalisi te epai ya moto oyo azali kobɛta bango;+

Kasi bakoluka nde lisalisi epai ya Yehova,

Mosantu ya Yisraele, mpe bakozala sembo epai na ye.

21 Kaka mwa bato oyo batikali,

Bato ya Yakobo oyo batikali, nde bakozongela Nzambe ya Nguya.+

22 Ata soki bato na yo, Ee Yisraele,

Bazali lokola bambuma ya zɛlo ya mbu,

Kaka mwa bato na bango oyo batikali nde bakozonga.+

Ekateli ezwami ya kosilisa bino nyonso,+

Mpe etumbu ya bosembo ekokwela bino.+

23 Ɛɛ, ekateli oyo Nkolo Mokonzi-Oyo-Aleki-Nyonso, Yehova ya mampinga,

Azwaki ya kosilisa nyɛɛ ekokokisama na mboka mobimba.+

27 Na mokolo yango, mokumba na ye ekolongwa na lipeka na yo,+

Ekanganeli na ye ekolongwa na nkingo na yo,+

Mpe ekanganeli yango ekobukana+ mpo na mafuta.”

28 Ayeli Aiyate;+

Aleki na Migrone;

Atiki biloko na ye na Mikemashe.+

29 Bakatisi esika bakatisaka mai na makolo;

Geba+ ezali esika na bango ya kolala na butu;

Rama elɛngi, Gibea+ ya Saulo ekimi.+

Azali koningisa likofi na ye na ngomba ya mwana mwasi ya Siona,

Ngomba moke ya Yerusaleme.

33 Talá! Nkolo ya solo, Yehova ya mampinga,

Azali kokata bitape na lokito moko ya nsɔmɔ;+

Banzete oyo eleki milai ezali kokitisama,

Mpe oyo eleki minene ezali kokatama.

34 Akweisi mwa banzete oyo ezali na zamba na esaleli ya ebende,*

Mpe moto oyo azali na nguya akokweisa Liban.

11 Mwa etape+ ekobima na ekumu ya Yese,+

Mpe mwa nzete ya sika+ oyo ekobima na misisa na ye ekobota mbuma.

 2 Mpe elimo ya Yehova ekofanda likoló na ye,+

Elimo ya bwanya+ mpe ya mayele,

Elimo ya toli mpe ya nguya,+

Elimo ya boyebi mpe ya kobanga Yehova.

Akosambisa te na kolanda oyo miso na ye emoni,

Mpe akopamela te na kolanda kaka likambo oyo matoi na ye eyoki.+

 4 Akosambisa moto mpamba na bosembo,

Mpe akosembola na bosembo mpo na bolamu ya bato ya komikitisa oyo bazali na mabele.

Akobɛta mabele na fimbo ya monɔkɔ na ye+

Mpe akoboma moto mabe na mpema* ya mbɛbu na ye.+

 5 Boyengebene ekozala mokaba ya loketo na ye

Mpe bosembo ekozala mokaba ya loketo na ye.+

 6 Na ntango mosusu, mbwa ya zamba ekofanda elongo na mwana-mpate,+

Mpe nkoi ekolala esika moko ná mwana-ntaba,

Mwana-ngɔmbɛ, nkɔsi,* ná nyama oyo eleisami malamu, yango nyonso ekofanda esika moko;*+

Mpe mwana moke ya mobali akokamba yango.

 7 Ngɔmbɛ ya mwasi ná urse ekolya esika moko,

Mpe bana na yango ekolala esika moko.

 8 Mwana oyo azali naino komɛla mabɛlɛ akosakana na libulu oyo kobra efandaka,

Mpe mwana oyo batiki komɛlisa mabɛlɛ akokɔtisa lobɔkɔ na ye na libulu oyo nyoka ya ngɛngɛ ebatamaka.

 9 Bakosala eloko moko te ya mabe+

Mpe bakobebisa eloko moko te na ngomba mosantu na ngai mobimba,+

Mpo mabele ekotonda mpenza na boyebi ya Yehova

Ndenge mai etondi na mbu.+

Bikólo ekobaluka epai na ye mpo na koluka litambwisi,*+

Mpe esika na ye ya kopema ekokóma na nkembo.

13 Zuwa ya Efraime ekosila,+

Mpe baoyo bazali banguna ya Yuda bakobomama.

Efraime akoyokela Yuda zuwa te,

Yuda mpe akozala monguna ya Efraime te.+

14 Bakokita mbangu na bangomba mike na wɛsti mpo na kobundisa Bafilistia;

Bango nyonso elongo bakopunza bato ya Ɛsti.

Bakosembolela Edome ná Moabe lobɔkɔ na bango,*+

Mpe bakoyangela bato ya Amone.+

15 Yehova akokabola* eteni moko* ya mbu ya Ezipito,+

Mpe akoningisa lobɔkɔ na ye likoló ya ebale.*+

Na mpema* na ye ya mɔtɔ akobɛta yango na* mikɛli na yango nsambo,

Mpe akosala ete bato bákatisa na basandale na bango.

16 Mpe ekozala na balabala moko monene+ oyo ekouta na Asiri mpo na bato na ye oyo bakotikala,+

Kaka ndenge ezalaki mpo na Yisraele na mokolo oyo abimaki na mokili ya Ezipito.

“Ee Yehova, napesi yo matɔndi,

Mpo atako osilikelaki ngai,

Nsukansuka, nkanda na yo ekitaki, mpe obɔndisaki ngai.+

Nakotya motema mpe nakozala na nsɔmɔ te;+

Mpo Yah* Yehova azali makasi na ngai mpe nguya na ngai,

Mpe akómaki lobiko na ngai.”+

 3 Na esengo nyonso bokotoka mai

Na maziba ya lobiko.+

“Bópesa Yehova matɔndi, bóbelela nkombo na ye.

Bóyebisa bato ya bikólo misala na ye!+

 6 Yo oyo ofandaka* na Siona, gangá makasi mpe gangá na esengo,

Mpo Mosantu ya Yisraele azali monene na kati na yo.”

Bóbelela bango, bóningisa lobɔkɔ na bino,

Mpo bákɔta na baporte ya bato ya lokumu.

Nabengi babundi-bitumba na ngai mpo na komonisa nkanda na ngai,

Baoyo bazali kosepela na lolendo mpenza.

 4 Bóyoka! Ebele ya bato na bangomba;

Ezali koyokana lokola ebele ya bato mpenza!

Bóyoka! Yikiyiki ya makonzi,

Ya bikólo oyo eyangani esika moko!+

 5 Yehova mpe bibundeli ya nkanda na ye,

Bauti na mokili ya mosika,+

Bauti na nsuka ya likoló

Mpo na kobebisa mabele mobimba.+

 7 Yango wana mabɔkɔ nyonso ekolɛmba

Mpe motema ya moto nyonso ekotonda na kobanga.+

Kotutuka mpe mpasi ekangi bango,

Lokola mwasi oyo azali kobota.

Bazali kotalana na nsɔmɔ,

Bilongi na bango epeli mɔtɔ mpo na mpasi.

 9 Talá! Mokolo ya Yehova ezali koya,

Ezali na nko, na nkanda makasi mpe na nkanda ya kongala,

Mpo na kokómisa mokili eloko moko ya nsɔmɔ,+

Mpe mpo na kosilisa nyɛɛ basumuki ya mokili yango.

10 Mpo minzoto ya likoló mpe maboke na yango*+

Ekobimisa pole na yango te;

Moi ekoyinda ntango ezali kobima,

Mpe sanza ekongɛngisa pole na yango te.

11 Nakosɛnga na bato ya mabele bázongisa monɔkɔ mpo na mabe na bango,+

Mpe bato mabe mpo na libunga na bango.

Nakosukisa lolendo ya bato ya lofundo,

Mpe nakosilisa lolendo ya banyokoli.+

12 Nakokómisa moto mowei mpamba eloko ya koluka lokola wolo oyo epɛtolami,+

Mpe bato eloko ya koluka koleka wolo ya Ofire.+

13 Yango wana nakosala ete likoló eningana,

Mpe mabele ekoningana mpo elongwa na esika na yango+

Na nkanda makasi ya Yehova ya mampinga mpe na mokolo ya nkanda na ye ya kongala.

14 Lokola mboloko oyo babengani mpe lokola etonga oyo ezangi moto ya koyanganisa yango,

Moto na moto akozonga epai ya bato ya ekólo na ye;

Moto na moto akokima na mokili na ye.+

15 Bato nyonso oyo bakokuta bakotɔbɔlama,

Mpe bato nyonso oyo bakokangama bakokwea na mopanga.+

16 Bana na bango bakokatama bitenibiteni na miso na bango,+

Bandako na bango ekopunzama

Mpe bakosangisa nzoto na basi na bango na makasi.

17 Talá, nazali kotindela bango Bamede,+

Bato oyo bamonaka palata eloko mpamba

Mpe baoyo basepelaka na wolo te.

18 Matimbo na bango ekobukabuka bilenge mibali;+

Bakoyokela mbuma ya libumu mawa te

Bakoyokela mpe bana mawa te.

19 Mpe Babilone, bokonzi oyo eleki makonzi na nkembo,*+

Bonzenga mpe lolendo ya Bakaladea,+

Ekokóma lokola Sodoma ná Gomora ntango Nzambe akweisaki yango.+

20 Bato bakofanda kuna ata mokolo moko te,

Akozala mpe esika ya kofanda te libota na libota.+

Moarabe akopika hema na ye kuna te,

Mpe babateli ya mpate bakolalisa bitonga na bango kuna te.

21 Bikelamu oyo efandaka na mokili ekauká ekolala kuna;

Bandako na bango ekotonda na bisulungutu minene.

Maligbanga ekofanda kuna+

Mpe bantaba* ya zamba ekopumbwapumbwa kuna.

22 Banyama oyo egangaka ekoganga na bandako na yango ya milai

Mpe bambwa ya zamba* na bandako na yango ya kitoko.

 5 Yehova abuki lingenda ya bato mabe,

Lingenda ya bayangeli,+

 6 Moto oyo azalaki ntango nyonso kobɛta bato ya bikólo na nkanda makasi,+

Moto oyo azalaki kotika te kotya bikólo na nse na ye na nkanda mpenza mpe na monyoko.+

 8 Ata banzete ya jenevriye,

Ná banzete ya sɛdrɛ ya Liban esepeli mpo na yo,

Elobi: ‘Banda okweá,

Mokati-nzete ata moko te ayaka kokata biso.’

 9 Ata Nkunda,* na nse, ekómi na yikiyiki

Mpo na koyamba yo, ntango okómi kuna.

Mpo na yo, elamwisi baoyo bazangi makasi kati na liwa,

Bakambi nyonso oyo banyokolaka bato* na mabele.

10 Bango nyonso bazali koloba mpe koyebisa yo boye:

‘Yo mpe olɛmbi lokola biso?

11 Lolendo mpe makɛlɛlɛ ya bibɛtɛlo ya bansinga esuki,*+

Na nse na yo, nkusu etandami lokola mbeto;

12 Ee talá ndenge okwei uta na likoló,

Yo monzoto ya kongɛnga, mwana ya kotana ya ntɔngɔ!

Talá ndenge bakati yo, okwei na mabele,

Yo oyo olongaki bikólo!+

Nakotombola kiti na ngai ya bokonzi likoló ya minzoto ya Nzambe,+

Mpe nakofanda na ngomba ya kokutana,

Na bisika eleki mosika ya nɔrdi.+

14 Nakomata likoló ya bisika oyo etombwaná ya mapata;

Nakomikokanisa na Oyo-Aleki-Likoló.’

15 Nzokande, okokitisama na Nkunda,*

Na bisika oyo eleki mosika ya libulu.

16 Baoyo bakomona yo bakotalatala yo;

Bakotala yo na likebi mpe bakoloba:

‘Oyo nde mobali oyo azalaki koningisa mabele,

Oyo azalaki kolɛngisa makonzi,+

17 Oyo akómisaki mabele oyo bato bafandi lokola esobe

Mpe akweisaki bingumba na yango,+

Oyo aboyaki kotika bato na ye ya bolɔkɔ bázonga epai na bango?’+

18 Bakonzi mosusu nyonso ya bikólo,

Ɛɛ bango nyonso, balali na nkembo,

Moto na moto na lilita* na ye.

19 Kasi yo, obwakami, ozali na lilita te,

Lokola mwa nzete ya sika* oyo eyinamá,

Olati bato oyo babomami, oyo batɔbɔlami na mopanga,

Baoyo babwakami tii na libulu oyo etondi na mabanga,

Lokola ebembe oyo banyatinyati.

20 Okosangana na bango na lilita te,

Mpo obebisaki mabele na yo moko,

Obomaki bato na yo moko.

21 Bóbongisa esika ya koboma bana na ye,

Mpo na ngambo ya bankɔkɔ na bango,

Mpo bátɛlɛma te mpo na kozwa mabele

Mpe bátondisa mokili na bingumba na bango.”

“Ekosalema kaka ndenge nakanaki,

Mpe ekokokisama kaka ndenge nazwaki ekateli.

25 Nakobuka Moasiri na mokili na ngai

Mpe nakonyatanyata ye na bangomba na ngai.+

Ekanganeli na ye ekolongwa epai na bango

Mpe mokumba na ye ekolongwa na lipeka na bango.”+

26 Yango nde ekateli oyo ezwamaki* mpo na* mabele mobimba,

Mpe yango nde lobɔkɔ oyo esembolami epai ya bikólo nyonso.

27 Mpo Yehova ya mampinga azwi ekateli,

Mpe nani akoki kosala ete esimba te?+

Lobɔkɔ na ye esembolami,

Mpe nani akoki kozongisa yango nsima?+

29 “Filistia, moto moko te kati na bato na yo asepela,

Kaka mpo lingenda ya moto oyo azalaki kobɛta yo ebukani.

Mpo uta na mosisa ya nyoka,+ nyoka moko ya ngɛngɛ ekobima,+

Mpe libota na yango ekozala nyoka ya mɔtɔ oyo epumbwaka.*

30 Ntango bana ya liboso ya bato mpamba bakolya,

Mpe babola bakolala na kimya,

Nakoboma mosisa na yo na nzala,

Mpe oyo ekotikala epai na yo ekobomama.+

Mpo milinga ezali kouta na nɔrdi,

Mpe na milɔngɔ ya banguna moto moko te oyo alɛmbi azangi.”

Ete Yehova atye moboko na Siona,+

Mpe bato na ye oyo bazali bato mpamba bakokima mpo na kozwa libateli epai na ye.

Lokola ebebisami na butu moko,

Are+ ya Moabe ekangisami monɔkɔ.

Lokola ebebisami na butu moko,

Kire+ ya Moabe ekangisami monɔkɔ.

 2 Amati na tempelo* mpe na Dibone,+

Na bisika oyo etombwaná, mpo na kolela.

Na bansamba na bango mpe na bisika minene na bango ya bato nyonso,

Bango nyonso bazali koganga na kolela, bazali kokita na kolela.+

 4 Heshibone ná Eleale+ ezali kobelela.

Mongongo na yango eyokani tii na Yahaze.+

Na esika ya komata na Luhite bazali komata na kolela;

Na nzela oyo ekei na Horonaime, bazali koganga makasi mpo na likama monene.+

 6 Mpo mai ya Nimirime ekauki mpenza;

Matiti ya mobesu ekauki, matiti esili,

Mpe eloko moko te ya mobesu etikali.

 7 Yango wana bazali komema oyo etikali na biloko na bango oyo ebombami mpe bozwi na bango;

Bazali kokatisa na lobwaku* ya banzete ya arava.

Kolela makasi ekómi tii na Eglaime;

Kolela makasi ekómi tii na Beere-elime.

 9 Mpo mai ya Dimone etondi na makila,

Mpe nabombi makambo mosusu mpo na Dimone:

Nkɔsi mpo na bato ya Moabe oyo bakobika

Mpe mpo na baoyo bakotikala na mabele yango.+

16 Bótindela moyangeli ya mokili mpate moko ya mobali,

Uta na Sela, bótinda yango na esobe

Tii na ngomba ya mwana mwasi ya Siona.

 2 Na bisika oyo bakatisaka Arnone na makolo,+

Bana basi ya Moabe bakokóma lokola ndɛkɛ oyo babengani na zumbu* na yango.+

Monyokoli akokóma na nsuka na ye,

Libebi ekosila,

Mpe baoyo bazalaki konyatanyata basusu bakosila na mabele.

Moto oyo afandi na yango na hema ya Davidi akozala sembo,+

Akosambisa na bosembo, akosala noki mpo na kosalela boyengebene.”+

 6 Toyoki nsango ya lolendo ya Moabe—azali na lolendo mpenza+—

Lofundo na ye, lolendo na ye mpe nkanda na ye ya makasi;+

Kasi bilobaloba na ye ekosala eloko te.

 7 Yango wana, Moabe akoganga na kolela mpo na mpasi na ye;

Bango nyonso bakoganga na kolela.+

 8 Mpo mikala ya bilanga ya Heshibone+ ekauki,

Nzete ya vinyo ya Sibima mpe ekauki,+

Bayangeli ya bikólo banyatinyati bitape na yango ya motane ngwaa;*

Ekómaki tii na Yazere;+

Ekendaki tii na esobe.

Ee Heshibone mpe Eleale,+ nakopɔlisa yo na mai ya miso na ngai

Mpo koganga ya esengo oyo ebimi na eleko na yo ya molunge mpe na eleko na yo ya kobuka mbuma ekómi na nsuka.*

10 Balongoli nsai mpe esengo na elanga ya banzete ya mbuma,

Mpe na bilanga ya vinyo,+ nzembo ya koganga na esengo ezali te.

Monyati azali konyata mbuma moko te ya vinyo na bikamwelo,

Mpo nasalaki ete bátika koganga.+

11 Yango wana na kati na ngai nazali koningana mpo na likambo ya Moabe,+

Lokola nzɛnzɛ oyo bazali kobɛta,

Mpe natondi mpenza na mawa mpo na Kire-haresete.+

“Talá! Damasi ekozala lisusu engumba te,

Mpe ekokóma esika oyo ebebisamá mpo na libela.+

 2 Bingumba ya Aroere+ ekosundolama;

Ekokóma bisika oyo bitonga ekobanda kolala

Mpe moto ata moko te akobangisa yango.

 3 Bingumba oyo ebatelami makasi ekozala lisusu te na Efraime,+

Mpe bokonzi ekozala lisusu te na Damasi;+

Bato ya Siri oyo bakotikala

Bakokóma lokola nkembo ya Bayisraele,”* yango nde liloba ya Yehova ya mampinga.

 4 “Na mokolo yango, nkembo ya Yakobo ekokita,

Mpe nzoto na ye ya mafuta ekokɔnda.

 5 Ekozala lokola ntango mobuki-mbuma azali koyanganisa blé oyo etɛlɛmi

Mpe lobɔkɔ na ye ezali kobuka mitó ya blé,

Lokola moto oyo azali kolɔkɔta blé na Lobwaku* ya Refaime.+

 6 Kaka mbuma ya kolɔkɔta nde ekotikala

Lokola ntango babɛtaka nzete ya olive:

Kaka mbuma mibale to misato ya olive ekotikala na etape oyo eleki likoló,

Kaka mbuma minei to mitano na bitape oyo ebotaka mbuma,”+ yango nde liloba ya Yehova Nzambe ya Yisraele.

 9 Na mokolo yango, bingumba na ye ya bandako ya makasi ekokóma lokola esika oyo basundolá na zamba,+

Lokola etape oyo basundolá liboso ya Bayisraele;

Ekokóma esika oyo etikalá mpamba.

10 Mpo obosani Nzambe+ ya lobiko na yo;

Okanisi lisusu te Libanga+ ya ndako na yo ya makasi.

Yango wana oloni bilanga kitoko,

Mpe otye wana mwa etape ya mopaya.*

11 Na moi, ozingaka malamumalamu elanga na yo na lopango,

Na ntɔngɔ, osalaka ete molona na yo ebimisa nkasa,

Kasi mbuma ya kobuka ekozala te na mokolo ya maladi mpe ya mpasi oyo esilaka te.+

12 Yoká! Ezali na ebele ya bato ya bikólo,

Oyo bazali kosala makɛlɛlɛ lokola makɛlɛlɛ ya mbu!

Koganga ya bikólo,

Oyo makɛlɛlɛ na yango ezali lokola konguluma ya mai ya makasi!

Akopamela yango, mpe ekokima mosika,

Bakobengana yango lokola mposo ya blé ya bangomba liboso ya mopɛpɛ,

Lokola ekumbaki oyo ezali kobalusa bansende liboso ya mopɛpɛ ya makasi.

Yango nde likabo ya baoyo bazali kobɔtɔla biso biloko

Mpe libula ya baoyo bazali kopunza biso.

18 Mawa na mboka ya nyama-nkɛkɛ oyo mapapu na yango esalaka makɛlɛlɛ,

Oyo ezali na etúká ya bibale ya Etiopi!+

 2 Ezali kotinda bato na nzela ya mbu,

Na nzela ya bamasuwa ya papirisi oyo ekatisaka mai, elobi:

“Bino bamemi-nsango ya lombangu, bókende

Epai ya ekólo ya bato ya milaimilai mpe ya loposo sɛlisɛli,*

Bato oyo babangisaka na esika nyonso,+

Na ekólo ya makasi mpe oyo elongaka,*

Oyo bibale ekɔmbɔlá mabele na yango.”

 3 Bino nyonso, bato oyo bofandi na mokili, mpe bino baoyo bofandi na mabele,

Oyo bokomona ekozala lokola elembo oyo batɛlɛmisi na bangomba,

Mpe bokoyoka lokito lokola na ntango bayulaka liseke.

“Nakotikala kimya mpe nakotala* esika na ngai ya libela,

Lokola molunge ná kongɛnga ya moi,

Lokola lipata ya mamwɛ* na molunge ya ntango ya kobuka mbuma.

 5 Mpo liboso ya ntango ya kobuka mbuma,

Ntango fololo esilaka mpe fololo ekómaka mbuma ya vinyo oyo eteli,

Bitape ya mike ekokatama na makwangola ya kokata matiti

Mpe bitape oyo elíngamalíngamá, ekokatama mpe ekolongolama.

 6 Bango nyonso bakotikala mpo na bandɛkɛ oyo ekangaka banyama na bangomba

Mpe mpo na banyama ya mabele.

Bandɛkɛ oyo ekangaka banyama ekolekisa eleko ya molunge likoló na bango,

Mpe banyama nyonso ya mabele ekolekisa ntango ya kobuka mbuma likoló na bango.

 7 Na ntango yango, bakomemela Yehova ya mampinga likabo,

Oyo euti na ekólo ya bato ya milaimilai mpe ya loposo sɛlisɛli,*

Euti epai ya bato oyo babangisaka na esika nyonso,

Euti na ekólo ya makasi mpe oyo elongaka,*

Oyo bibale ekɔmbɔlá mabele na yango,

Bakoya na yango esika nkombo ya Yehova ya mampinga ezali, Ngomba Siona.”+

Banzambe ya Ezipito oyo bazangá ntina bakolɛnga liboso na ye,+

Mpe motema ya Ezipito ekonyangwa na katikati na yango.

 2 “Nakotinda Baezipito bándongwana bango na bango,

Mpe bakobunda bango na bango,

Moto na moto na ndeko na ye mpe na mozalani na ye,

Engumba na engumba, bokonzi na bokonzi.

 3 Mpe elimo ya Ezipito ekobulungana,

Mpe nakobulunganisa mikano na yango.+

Bakoluka lisalisi epai ya banzambe oyo bazangá ntina,

Epai ya balengoli, bato oyo basololaka na bilimo ná bato oyo basakolaka makambo oyo ekoya.+

 4 Nakokaba Ezipito na lobɔkɔ ya nkolo moko ya makambo makasi,

Mpe mokonzi moko ya nko akoyangela bango,”+ yango nde liloba ya Nkolo ya solo, Yehova ya mampinga.

 5 Mai ya mbu ekokauka,

Mpe ebale ekokauka makasi mpe ekozala na mai te.+

 6 Mpe bibale ekolumba nsolo mabe;

Banzela ya mai ya Nile ya Ezipito ekokita mpe ekokauka makasi.

 7 Banzete oyo ezali pene na Ebale Nile, na monɔkɔ ya Ebale Nile,

Mpe mabele nyonso oyo baloni mboto penepene ya Ebale Nile+ ekokauka.+

 8 Mpe babomi-mbisi bakolela,

Mpe baoyo nyonso babwakaka ndɔbɔ na Ebale Nile bakomilelalela,

Mpe baoyo batandaka minyama na mai bakozala lisusu mingi te.

 9 Baoyo basalaka mosala na lini oyo basanolá+

Mpe basali-bilamba ya mpɛmbɛ* bakoyokisama nsɔni.

10 Bato na ye oyo basalaka mayemi na bilamba bakotungisama;

Basali nyonso oyo bazwaka lifuti bakoyoka mawa.*

“Nazali mwana ya bato ya bwanya,

Mwana ya bakonzi ya ntango ya kala”?

13 Bankumu ya Zoane basali na bozoba;

Bankumu ya Nofe*+ bakosami;

Bakonzi ya mabota na ye babungisi Ezipito nzela.

14 Yehova asali ete Ezipito ebulungana;+

Mpe babungisi Ezipito nzela ata soki esali nini,

Ndenge moto oyo alangwe amibalolaka na biloko oyo asanzi.

15 Mpe Ezipito ekozala na mosala moko te ya kosala,

Ezala mpo na motó to mokila, etape to nkɛkɛlɛ.*

Ezali koya lokola mopɛpɛ ya makasi oyo ezali kokɔmba na sudi,

Euti na esobe, na mokili ya nsɔmɔ.+

Mokosi azali kosala makambo na bokosi,

Mobebisi azali kobebisa.

Mpasi makasi ekangi ngai,

Lokola mpasi ya mwasi oyo azali kobota.

Natungisami mingi mpenza, yango wana nazali koyoka te;

Nabulungani mpenza, yango wana nazali komona te.

 7 Mpe namonaki likalo ya etumba ná farasa mibale oyo bakangisi esika moko,

Likalo ya etumba ya bampunda,

Mpe likalo ya etumba ya bakamela.

“Ee Yehova, na moi nazali kaka kotɛlɛma na linɔ́ngi ya mosɛnzɛli,

Mpe butu nyonso natɛlɛmaka na esika na ngai ya kokɛngɛla.+

10 Ee bato na ngai, baoyo batutami ndenge batutaka blé.

Biloko* ya esika na ngai ya kotutatuta mbuma,+

Nayebisi bino makambo oyo nayoki epai ya Yehova ya mampinga, Nzambe ya Yisraele.

Bokolala na zamba na butu, na mokili patatalu oyo ekauká,

Ee bino milɔngɔ ya bato ya Dedane oyo bozali koleka.+

14 Bóya na mai mpo na kokutana na moto oyo azali na mposa ya mai,

Bino bato oyo bofandi na mokili ya Tema,+

Bóya na limpa mpo na moto oyo azali kokima.

15 Mpo bakimi mipanga, mopanga oyo euti na libenga na yango,

Mpo na litimbo oyo egumbami, mpo na etumba oyo eyei ndongo.

 2 Otondaki na yikiyiki,

Engumba ya makɛlɛlɛ, sité oyo ezali kosepela makasi.

Bato na yo oyo babomami, babomami na mopanga te,

Bakufi mpe na etumba te.+

Bato nyonso oyo bakutaki, bakangaki bango,+

Ata baoyo bakimaki mosika.

 4 Yango wana nalobi: “Bólongola miso na bino epai na ngai,

Bótika kobɔndisa ngai.

Nakolela makasi+

Mpo na libebi ya mwana mwasi ya* bato na ngai.+

 5 Mpo ezali mokolo oyo Nkolo Mokonzi-Oyo-Aleki-Nyonso,

Yehova ya mampinga, azali kobulunganisa,

Kolonga mpe kobangisa+ na Lobwaku ya emonaneli.

Bazali kobuka efelo,+

Mpe koganga eyokani na ngomba.

 6 Bato ya Elame+ bazwi libenga ya makula,

Batambwisi makalo ya etumba mpe bampunda,

Kire+ ebimisi* nguba.

 7 Mabwaku* na yo oyo eleki kitoko

Ekotonda mpenza na makalo ya etumba,

Mpe bampunda ekotɛlɛma* na porte,

 8 Mpe elamba ya kozipa* ya Yuda ekolongolama.

12 Na mokolo yango, Nkolo Mokonzi-Oyo-Aleki-Nyonso, Yehova ya mampinga,

Akosɛnga ete bólela mpe bózala na mawa,+

Bókokola mitó mpe bólata ngɔtɔ.*

13 Kasi na esika na yango, ekozala nde kosepela makasi mpe esengo,

Koboma bangɔmbɛ mpe koboma bampate,

Kolya mosuni mpe komɛla vinyo.+

 3 Bamemi blé* ya Shihore*+ likoló ya mai mingi,

Mbuma oyo babuki na Nile, biloko oyo mosala na ye epesi ye,

Yango ekómi litomba ya bikólo.+

 4 Ee Sidone, zalá na nsɔni; yo esika makasi ya libateli ya mbu,

Mpo mbu elobi:

“Nayoká mpasi ya kobota te, nabotá te,

Nabɔkɔlá bilenge mibali te, nakolisá bilenge basi mpe te.”*+

 5 Bato bakomitungisa mingi ntango bakoyoka nsango ya Tire,+

Ndenge ezalaki ntango bato bayokaki nsango ya Ezipito.+

 8 Nani azwi ekateli oyo mpo na kotɛmɛla Tire,

Mopesi mitole, oyo bato na ye ya mombongo bazalaki bankumu,

Oyo bato na ye oyo basalaka mombongo,

Bazalaki bato ya lokumu na mabele mobimba?+

 9 Yehova ya mampinga ye moko nde azwi ekateli yango,

Ya kokómisa kitoko na ye eloko mpamba mpe kosilisa lolendo na ye,

Kokitisa bato nyonso ya lokumu na mabele.+

11 Asemboli lobɔkɔ na ye likoló ya mbu;

Aningisi makonzi.

12 Mpe alobi: “Ee monyokwami, mwana mwasi,

Ngɔndɔ ya Sidone, okosepela lisusu ata mokolo moko te.+

Bato oyo nde batongaki yango, kasi Asiri+ te,

Bakómisi yango esika ya banyama ya mokili ekauká.

Batɛlɛmisi manɔ́ngi mpo na kobunda;

Babebisi bandako milai na yango ya makasi,+

Bakómisi yango bitiká oyo ezali kokweakwea.

14 Bino bamasuwa ya Tarasisi,

Bóganga na kolela mpo esika makasi ya libateli na bino ebebisami.+

Baluká na engumba epai na epai. Bɛtá nzɛnzɛ malamumalamu;

Yembá nzembo ebele,

Mpo bákanisa yo.”

Bato ya ekólo mpe nganga-nzambe,

Mosaleli mpe nkolo na ye,

Mosaleli ya mwasi mpe nkolo na ye ya mwasi,

Mosombi mpe motɛki,

Modefisi mpe modefi,

Modefisi nyongo mpe moto oyo azwi nyongo.+

 3 Mokili ekotikala mpenza mpamba;

Ekopunzama mpenza,+

Mpo Yehova nde alobi bongo.

 5 Bato oyo bafandi na mokili babebisi yango,+

Mpo balandi mibeko te,+

Babongoli lilako,+

Babuki kondimana ya libela.*+

 6 Yango wana kolakelama mabe elei mokili,+

Mpe bafandi na yango bamemi ngambo.

Yango wana motángo ya bato oyo bafandi na mokili yango ekiti,

Mpe kaka bato moke nde batikali.+

 7 Vinyo ya sika ezali kolela,* nzete ya vinyo ekaukikauki,+

Mpe bato nyonso oyo bazali na motema ya esengo bazali kolela na mongongo ya nse.*+

 8 Esengo ya bambonda mike esili,

Makɛlɛlɛ ya bato ya bisengo esuki,

Esengo ya makɛlɛlɛ ya nzɛnzɛ esili.+

 9 Bazali komɛla vinyo kozanga koyemba,

Masanga oyo elangwisaka ekómeli baoyo bazali komɛla yango bololo.

10 Engumba oyo basundoli ebukani;+

Ndako nyonso ekangami mpo moto akɔta te.

Esengo nyonso esili;

Esengo ya mokili esili.+

12 Engumba ebebi mpenza kobeba;

Porte ebukanibukani, ekómi liboke mpamba ya biloko oyo ebebisami.+

Lokola ntango oyo babɛtabɛtaka nzete ya olive,+

Ndenge balɔkɔtaka mbuma ya vinyo ntango mosala ya kobuka mbuma ekómaka na nsuka.+

14 Bakotombola mongongo na bango,

Bakoganga na esengo.

15 Yango wana bakokumisa Yehova na etúká ya pole;*+

Na bisanga ya mbu, bakopesa nkombo ya Yehova, Nzambe ya Yisraele nkembo.+

Mawa na ngai! Bakosi basali makambo na bokosi.

Na bokosi, bakosi basali makambo na bokosi.”+

18 Moto nyonso oyo akokima lokito ya nsɔmɔ akokwea na libulu,

Mpe moto nyonso oyo akobima na libulu akokangama na motambo.+

Mpo baporte ya mai ya likoló ekofungwama

Mpe miboko ya mokili ekoningana.

19 Mokili epasuki mpenza;

Mokili eningani;

Mokili eningani makasi mpenza.+

20 Mokili etengitengi lokola moto oyo alangwe masanga,

Mpe eningani epai na epai lokola mwa ndako ya kobatama na mopɛpɛ.

Misala na yango ya kobuka mibeko ekómeli yango kilo,+

Ekokwea mpe ekotɛlɛma lisusu te.

21 Na mokolo yango, Yehova akotya likebi na ye na limpinga ya esika oyo etombwaná

Mpe na bakonzi ya mabele, oyo bazali na mabele.

22 Mpe bakoyanganisama

Lokola bato ya bolɔkɔ oyo bayanganisami na libulu,

Mpe bakokangama na kasho;

Nsima ya mikolo ebele, bakotyela bango likebi.

23 Yehova ya mampinga akómi Mokonzi+ na Ngomba Siona+ mpe na Yerusaleme.

Akoyangela na nkembo nyonso liboso ya bankulutu ya bato na ye.+

Liboso ya nkembo ya bokonzi na ye, ata sanza oyo ebimi mobimba ekomonana molili,

Mpe moi oyo ezali kongala ekongɛnga te.+

Nazali kosanzola yo, nazali kokumisa nkombo na yo,

Mpo osali makambo ya kokamwa,+

Makambo* oyo ebongisamá banda kala,+

Na bosembo+ oyo ebongi kotyelama motema.

 2 Mpo okómisi engumba moko libondo ya mabanga,

Okómisi sité moko oyo ebatelami makasi bitiká oyo ezali kokweakwea.

Ndako molai ya bapaya ezali lisusu engumba te;

Ekotongama lisusu ata mokolo moko te.

 3 Yango wana bato oyo bazali ekólo moko ya makasi bakokumisa yo;

Engumba ya bikólo oyo enyokolaka bakobanga yo.+

 4 Mpo okómi esika makasi ya libateli mpo na moto mpamba,

Esika makasi ya libateli mpo na mobola na mpasi na ye,+

Esika ya kokima mbula ya mopɛpɛ makasi,

Mpe elili ya kokima molunge ya moi,+

Ntango mopɛpɛ ya banyokoli ezali lokola mbula ya mopɛpɛ makasi oyo ezali kobɛta efelo,

 5 Lokola molunge na mokili oyo ekauká,

Ozali kokitisa makɛlɛlɛ ya bapaya.

Lokola molunge oyo esili na elili ya lipata,

Loyembo ya banyokoli esuki.

 6 Na ngomba oyo,+ Yehova ya mampinga akosalela bato ya bikólo nyonso

Fɛti moko ya bilei ya kitoko mpenza,+

Fɛti ya vinyo ya kitoko,*

Ya bilei ya kitoko oyo etondi na mafuta ya mikuwa,

Ya vinyo ya kitoko oyo bakɔngɔlá.

 7 Na ngomba oyo akolongola* eloko oyo ezipi bato ya bikólo nyonso

Mpe elamba elitamá oyo ezipi bikólo nyonso.

 8 Akolongola liwa mpo na libela,+

Mpe Nkolo Mokonzi-Oyo-Aleki-Nyonso Yehova akopangwisa mai ya miso na bilongi nyonso.+

Akolongola nsɔni ya bato na ye na mabele mobimba,

Mpo Yehova ye moko nde alobi bongo.

Totyeli ye elikya,+

Mpe akobikisa biso.+

10 Mpo lobɔkɔ ya Yehova ekokita na ngomba oyo,+

Mpe Moabe ekonyatama na esika na yango+

Lokola ntango banyataka libondo ya matiti na esika nyɛi ya nyama ezali.

11 Akosembola mabɔkɔ na ye na kati na yango*

Ndenge mobɛti mai asembolaka mabɔkɔ na ye mpo na kobɛta mai,

Mpe akokitisa lolendo na yango+

Na ndenge akobɛta yango na mabɔkɔ na ye oyo eyebi kobɛta.

12 Mpe akolalisa na nse engumba oyo ebatelami makasi,

Ná bifelo na yango milai ya libateli;

Akokitisa yango na nse tii na putulu.

 2 Bófungola baporte,+ mpo ekólo ya boyengebene ekɔta,

Ekólo oyo ezali kotambola na bosembo.

 3 Okobatela baoyo batyaka motema mobimba epai na yo;*

Okopesa bango kimya ntango nyonso,+

Mpo batyaka motema na bango epai na yo.+

 4 Bótyela Yehova motema libela na libela,+

Mpo Yah* Yehova azali Libanga mpo na seko.+

Akitisi yango na nse,

Akitisi yango tii na mabele;

Abwaki yango tii na putulu.

 6 Ekonyatama,

Na makolo ya moto ya mpasi, na matambe ya bato mpamba.”

Lokola ozali sembo,

Okokómisa nzela ya moyengebene semba.

 8 Ee Yehova, lokola tozali kotambola na nzela na yo ya bosembo,

Totye elikya na biso epai na yo.

 9 Nayoki* mposa na yo makasi na butu,

Ɛɛ, elimo na ngai ezali kaka koluka yo;+

Mpo ntango okosambisa mabele,

Bato oyo bafandi na mabele bakoyekola bosembo.+

10 Ata soki bamoniseli moto mabe boboto,

Akoyekola bosembo te.+

Ata na mokili ya bosembo akosala mabe,+

Mpe akomona bonene ya Yehova te.+

12 Ee Yehova, okopesa biso kimya,+

Mpo nyonso oyo tosali

Yo moto osali yango mpo na biso.

13 Ee Yehova Nzambe na biso, bankolo mosusu bayangeli biso, kasi yo te,+

Nzokande, tokotánga kaka nkombo na yo moko.+

Mpo otye likebi na yo epai na bango

Mpo osilisa bango nyɛɛ mpe obebisa nkombo na bango nyonso.

15 Okómisi ekólo monene, Ee Yehova,

Okómisi ekólo monene;

Omikumisi.+

16 Ee Yehova, na ntango ya mpasi batalelaki yo;

Ntango opesaki bango disiplini,+ bafungolaki motema na bango mpe babondelaki yo na nse nse.

17 Ndenge mwasi ya zemi azalaka na mpasi ntango alingi kobota

Azalaka na mpasi mpe agangaka mpo na mpasi,

Tokómi ndenge wana mpo na yo, Ee Yehova.

18 Tokómaki na zemi, toyokaki mpasi ya kobota,

Kasi ezalaki lokola nde tobotaki mopɛpɛ.

Tomemi lobiko na mokili te,

Mpe moto moko te abotamaki mpo afanda na mokili.

Bólamuka mpe bóganga na esengo,

Bino baoyo bofandi na putulu!+

Mpo mamwɛ na yo ezali lokola mamwɛ ya ntɔngɔntɔngɔ,*

Mpe mabele ekozongisa na bomoi baoyo bazangi makasi kati na liwa.*

20 Kende, ekólo ya bato na ngai, kɔtá na bashambrɛ na yo ya kati,

Mpe kangá baporte na yo.+

Omibomba kaka mpo na mwa ntango

Tii nkanda* ekosila.+

21 Mpo talá! Yehova azali kouta na esika na ye

Mpo na kosɛnga bato oyo bafandi na mokili bázongisa monɔkɔ mpo na libunga na bango,

Mpe mokili ekomonisa mpenza polele makila oyo yango esopá

Mpe ekozipa lisusu te bato na yango oyo babomamá.”

27 Na mokolo yango, Yehova akotyela Leviatana* likebi, nyoka oyo esɛlimwaka,

Leviatana, nyoka oyo elingamálingamá,

Mpe ya solo, na mopanga na ye ya makasi mpe ya monene mpe ya nguya,+

Akoboma nyama wana ya nsɔmɔ, oyo ezali na mbu.

Nabatelaka ye butu moi

Mpo moto moko te asala ye mabe.+

Aluka kozala na kimya ná ngai;

Aluka kozala na kimya ná ngai.”

 6 Na mikolo ekoya, Yakobo akobimisa misisa,

Yisraele akobimisa fololo mpe nkasa,+

Mpe bakotondisa mokili na mbuma.+

 9 Na ndenge wana nde libunga ya Yakobo ekozipama,+ mpe talá oyo ekosalema ntango lisumu na ye ekolongolama:

Akosala ete mabanga nyonso ya etumbelo

Ekóma lokola mabanga ya mpɛmbɛ oyo bapanzipanzi,

Mpe eloko moko te ekotikala, ezala banzete ya losambo* to bitumbelo ya mpaka ya malasi.+

10 Mpo engumba oyo ebatelami makasi ekotikala mpamba;

Esika ya koleisa bibwɛlɛ matiti ekotikala kaka boye mpe ekosundolama lokola esobe.+

Mwana-ngɔmbɛ akolya matiti kuna, mpe akolala kuna

Mpe akolya bitape na ye.+

11 Ntango bitape na ye ya mike ekokauka,

Basi bakoya mpe bakobuka yango,

Mpo na kopelisela na yango mɔtɔ.

Yango wana Mokeli na bango akoyokela bango mawa te,

Mpe Moto oyo asalaki bango akomonisela bango boboto te.+

28 Mawa na motole* ya lofundo* ya balangwi-masanga ya Efraime+

Mpe na fololo ya nkembo na yango ya kitoko,

Oyo ezali kokauka, oyo ezali likoló ya lobwaku oyo ebotaka malamu, ya baoyo vinyo elongi bango!

Lokola mbula ya mopɛpɛ makasi, ya bankake mpe ya mabanga, mbula ya mopɛpɛ makasi oyo ezali kobebisa,

Lokola mbula ya mopɛpɛ makasi mpe ya bankake, ya mai ya makasi oyo ezali kozindisa,

Akokweisa yango na mabele na makasi mpenza.

 3 Bakonyatanyata na makolo+ mitole ya lokumu*

Ya balangwi-masanga ya Efraime.

 4 Mpe fololo ya nkembo na yango ya kitoko oyo ezali kokauka,

Oyo ezali likoló ya lobwaku oyo ebotaka malamu,

Ekokóma lokola figi ya ebandeli liboso ya eleko ya molunge.

 7 Ná baoyo mpe babungi nzela mpo na vinyo;

Masanga na bango oyo elangwisaka epesi bango kizunguzungu.

Nganga-nzambe mpe mosakoli babungi nzela mpo na masanga oyo elangwisaka;

Vinyo ebulunganisi bango,

Mpe masanga na bango oyo elangwisaka epesi bango kizunguzungu;

Emonaneli na bango ebungisi bango nzela,

Bazali kozwa ekateli ya malamu te.+

 8 Mpo bamesa na bango etondi na biloko ya bosɔtɔ oyo basanzi

—Esika ezali te oyo ezangi yango.

 9 Nani oyo bakopesa ye boyebi,

Mpe nani oyo bakolimbolela ye nsango?

Na baoyo batiki komɛlisa mabɛlɛ,

Baoyo balongoli bango na mabɛlɛ?

10 Mpo ezali “mitindo likoló ya mitindo, mitindo likoló ya mitindo,

Mobeko likoló ya mobeko, mobeko likoló ya mobeko,*+

Awa moke, kuna moke.”

“Mitindo likoló ya mitindo, mitindo likoló ya mitindo,

Mobeko likoló ya mobeko,*+

Awa moke, kuna moke,”

Mpo ntango bakotambola

Bábɛta libaku mpe bákwea makalekale

Mpe bábukana, bázwama na motambo mpe bákangama.+

14 Yango wana bóyoka liloba ya Yehova, bino bato oyo bozali komikumisa,

Bino bayangeli ya bato oyo bazali na Yerusaleme,

15 Mpo bolobi ete:

“Tosali kondimana na Liwa;+

Mpe biso ná Nkunda* tosali boyokani.*

Ntango mpela ya pwasa oyo ezindisaka ekoleka,

Ekokómela biso te,

Mpo tokómisá lokuta esika na biso ya kokima

Mpe tomibombi na kati ya lokuta.”+

“Talá na Siona, nazali kotya libanga oyo emekami ezala moboko,+

Libanga ya ntina mingi oyo ezali na motuya,+ ya moboko ya solosolo.+

17 Mpe nakokómisa bosembo nsinga ya komekela+

Mpe boyengebene nivo.*+

Mbula ya mabanga ekokɔmbɔla ekimelo ya lokuta,

Mpe mai ekozindisa esika ya kobombana.

18 Kondimana na bino ná Liwa ekosuka,

Mpe boyokani na bino ná Nkunda* ekosimba te.+

Ntango mpela ya pwasa ekoleka

Ekonyatanyata bino.

19 Mbala nyonso oyo ekoleka,

Ekokɔmbɔla bino,+

Mpo ekoleka ntɔngɔ na ntɔngɔ,

Na butu mpe na moi;

20 Mpo mbeto ezali mokuse mingi mpe moto akokoka komisembola likoló na yango te,

Mpe elamba ya mbeto* ezali moke mingi mpo moto amizipa na yango.

21 Mpo Yehova akotɛlɛma lokola na Ngomba Perazime;

Akoningana lokola na lobwaku* oyo ezali pene na Gibeone,+

Mpo asala likambo na ye, likambo na ye ya kokamwa,

Mpo asala mosala na ye, mosala moko oyo esalemá naino te.+

22 Sikoyo bózala basɛki te,+

Mpo bansinga na bino ekangama makasi te,

Mpo nayoki epai ya Nkolo Mokonzi-Oyo-Aleki-Nyonso, Yehova ya mampinga,

Ete akani kosilisa mokili mobimba* nyɛɛ.+

23 Bótya litoi mpe bóyoka mongongo na ngai;

Bótya likebi mpe bóyoka oyo nazali koloba.

25 Ntango alalisi etando na yango,

Nsima na yango nde apalanganisaka kumini ya moindo mpe alonaka kumini,

Alonaka te blé, miyɛ, ɔrje na bisika na yango,

Mpe blé ya mbuma makasi+ na ndelo ya elanga?

26 Ateyaka* ye nzela oyo ezali sembo;

Nzambe na ye alakisaka ye.+

27 Mpo banyatanyataka kumini ya moindo na eloko ya kotutela te;+

Mpe balekisaka pine ya pusu likoló ya kumini te.

Kasi babɛtaka kumini ya moindo nde na lingenda,

Mpe kumini na fimbo.

Te anyataka yango ntango nyonso te;+

Mpe ntango azali kotambwisa pine ya pusu na ye likoló na yango, ná bampunda na ye,

Anikaka yango te.+

29 Yango mpe euti na Yehova ya mampinga,

Oyo mokano na ye ezali malamu mingi

Mpe oyo misala na ye ezali ya kokamwa.*+

Bóbakisa mbula likoló ya mbula;

Bafɛti+ ekoba kolandana.

 2 Kasi nakomemela Ariele mpasi,+

Mpe mawa ná kolela ekozala,+ mpe na miso na ngai

Akokóma lokola esika mɔtɔ ya etumbelo ya Nzambe epelaka.+

 3 Nakotya kaa na bangámbo nyonso mpo na kobundisa yo,

Mpe nakozinga yo na lopango ya banzete

Mpe nakotɛlɛmisa biloko oyo ekozinga yo.+

 4 Okokitisama na nse mpenza,

Okoloba uta na mabele,

Mpe putulu ekosala ete makambo oyo okoloba eyokana te.

Mongongo na yo oyo ekouta na mabele+

Lokola mongongo ya moto oyo asololaka na bilimo,

Mpe uta na putulu maloba na yo ekoyokana swiswiswi.

 5 Ebele ya bato oyo bazali banguna* na yo bakokóma lokola putulu,+

Ebele ya banyokoli bakokóma lokola mposo ya blé oyo ememami na mopɛpɛ.+

 6 Yehova ya mampinga akotyela yo likebi

Na nkake, na koningana ya mabele mpe na makɛlɛlɛ makasi,

Na ekumbaki, na mopɛpɛ makasi mpe na lolemo ya mɔtɔ oyo ezali kozikisa.”+

 7 Mpe ebele ya bato ya bikólo nyonso oyo bazali kobunda etumba na Ariele+

—Baoyo nyonso bazali kobunda na ye etumba,

Ná baoyo bazali kotya manɔ́ngi ya kobunda na ye,

Mpe bazali komemela ye mpasi—

Bakokóma lokola ndɔtɔ, emonaneli ya butu.

 8 Ɛɛ, ekozala lokola ntango moto oyo azali na nzala azali kolɔta ete azali kolya,

Kasi alamuki azali kaka na nzala,*

Mpe lokola ntango moto oyo azali na mposa ya mai azali kolɔta ete azali komɛla,

Kasi alamuki ya kolɛmba ná mposa ya mai.*

Yango nde ekokómela ebele ya bato ya bikólo nyonso

Oyo bazali kobundisa Ngomba Siona.+

 9 Bótikala monɔkɔ polele mpe bókamwa;+

Bókanga miso, mpe bókangama miso.+

Balangwe, kasi na vinyo te;

Bazali kotengatenga, kasi te na masanga oyo elangwisaka.

10 Mpo Yehova asopeli bino elimo ya mpɔngi makasi;+

Akangi miso na bino, basakoli,+

Mpe azipi mitó na bino, bamoni-bimonaneli.+

13 Yehova alobi: “Bato oyo basambelaka ngai kaka na maloba mpamba,

Mpe bakumisaka ngai kaka na mbɛbu,+

Kasi motema na bango ezali mosika na ngai,

Mpe kobanga oyo bazali kobanga ngai euti nde na mibeko ya bato, oyo bateyi bango.+

14 Yango wana, ngai Moto nakosala lisusu makambo ya kokamwa na bato oyo,+

Makambo ya kokamwa na makambo ya kokamwa;

Mpe bwanya ya bato na bango ya bwanya ekosila,

Mpe mayele ya bato na bango ya mayele ekobombama.”+

Bakokisaka mikano na bango ya mabe na esika ya molili,

Wana bazali koloba: “Nani azali komona biso?

17 Etikali kaka mwa ntango moke Liban ekokóma elanga ya banzete ya mbuma,+

Mpe elanga ya banzete ya mbuma ekotalelama lokola zamba.+

18 Na mokolo yango, bato oyo bakufá matoi bakoyoka maloba ya buku,

Mpe miso ya bato oyo bakufá miso ekolongwa na molili ná molili makasi mpe ekomona.+

19 Bato ya komikitisa bakosepela mingi mpo na Yehova,

Mpe babola bakosepela na Mosantu ya Yisraele.+

20 Mpo monyokoli akozala lisusu te,

Moto oyo amikumisaka akosuka,

Mpe baoyo bazali ntango nyonso pene ya kosala mabe bakobomama,+

21 Baoyo basalelaka lokuta mpo na kokweisa basusu,

Baoyo bazali kotyela molobeli* motambo na porte ya engumba,+

Mpe baoyo bazali kosalela bifundeli ya lokuta mpo na kopimela moyengebene bosembo.+

“Yakobo akoyoka lisusu nsɔni te,

Mpe elongi na ye ekomonisa lisusu te ete alɛmbi nzoto.*+

23 Mpo ntango akomona bana na ye,

Oyo bazali mosala ya mabɔkɔ na ngai, na katikati na ye,+

Bakosantisa nkombo na ngai;

Ɛɛ, bakosantisa Mosantu ya Yakobo,

Mpe bakozala na limemya mingi mpo na Nzambe ya Yisraele.+

24 Baoyo bazali na libunga na makanisi na bango bakozwa mayele,

Mpe baoyo bazali koimaima bakondima báteyama.”

30 Yehova alobi boye: “Mawa na bana ya motó makasi,”+

“Baoyo bakokisaka mokano oyo ezali ya ngai te,+

Baoyo basalaka kondimana,* kasi na litambwisi ya elimo na ngai te,

Mpo bábakisa lisumu likoló ya lisumu.

 2 Bakiti na Ezipito+ kozanga ete bátuna ngai,*+

Mpo na koluka esika ya kobombama na nse ya libateli ya Farao*

Mpo na kozwa esika ya kokima na elili ya Ezipito!

 3 Kasi libateli ya Farao ekokóma likambo moko ya nsɔni mpo na bino,

Mpe kobombama na elili ya Ezipito ekokóma eloko oyo ezali kosambwisa.+

 4 Mpo bankumu na ye bazali na Zoane,+

Mpe bato oyo ye atindi bakómi na Hanese.

 5 Bango nyonso bakoyoka nsɔni

Mpo na ekólo oyo ekoki komemela bango ata litomba moko te,

Oyo esalisaka te mpe epesaka litomba te,

Kasi eyokisaka nde nsɔni mpe esambwisaka.”+

Na mokili ya mpasi mpe ya bomoi ya mpasi,

Ya nkɔsi mpe ya nkosi oyo ezali konguluma,

Ya etupa mpe ya nyoka ya mɔtɔ oyo epumbwaka,*

Bazali komema bomɛngo na bango na mikɔngɔ ya bampunda

Mpe biloko na bango na matutu ya bakamela.

 8 “Sikoyo kende, komá yango na etanda na miso na bango,

Mpe komá yango na buku,+

Mpo na mikolo oyo ezali koya

Yango ekosalisa lokola litatoli ya libela.+

 9 Mpo bazali batomboki,+ bana ya bokosi,+

Bana oyo baboyá koyoka mobeko* ya Yehova.+

“Lokola boboyi liloba oyo+

Mpe botye motema na kobuba mpe na bokosi

Mpe botyeli yango motema,+

13 Yango wana, libunga oyo ekozala mpo na bino lokola efelo oyo epasuki,

Lokola efelo ya molai oyo etɛngami mpe ekómi pene ya kokwea.

14 Ekobukama lokola elokó moko monene ya moyemi-mbɛki,

Ekobebisama mpenza nyonso mpe ata eteni na yango moko te ekotikala

Mpo na kozwa mɔtɔ na lituka

To mpo na kotoka mai na mwa liziba.”*

“Soki bozongeli ngai mpe bopemi nde bokobika;

Bokozala na nguya soki bofandi nyɛɛ mpe botyeli ngai motema.”+

17 Bato nkóto bakolɛnga na matumoli ya moto moko;+

Bokokima na matumoli ya bato mitano epai na bino

Mpe baoyo bakotikala epai na bino bakokóma lokola likonzí ya molai na nsɔngɛ ya ngomba,

Lokola elembo na ngomba moke.+

18 Kasi Yehova azali kozela na motema-molai* mpo na komonisela bino boboto,+

Mpe akotɛlɛma mpo na koyokela bino mawa.+

27 Talá! Nkombo ya Yehova ezali kouta mosika,

Ezali kopela na nkanda na ye mpe ezali koya elongo na mapata minene.

Mbɛbu na ye etondi na nkanda,

Mpe lolemo na ye ezali lokola mɔtɔ oyo ezali kozikisa.+

28 Elimo* na ye ezali lokola mokɛli ya mai oyo ezali kozindisa, oyo ezali kokóma tii na nkingo,

Mpo na koningisa bikólo na kiyungulu ya libebi;*

Mpe bato ya bikólo bakozala na ebende ya mbanga na mbanga na bango,+ oyo ekobungisa bango nzela.

29 Kasi bino, loyembo na bino ekokokana na loyembo oyo eyembamaka na butu,

Ntango bamibongisaka* mpo na fɛti,+

Mpe motema na bino ekosepela lokola moto

Oyo azali kotambola na* piololo mpo na kokende

Na ngomba ya Yehova, epai ya Libanga ya Yisraele.+

30 Yehova akosala ete mongongo na ye ya nguya+ eyokana

Mpe akomonisa lobɔkɔ na ye+ ya nguya ntango ekokita na nkanda makasi,+

Ná lolemo ya mɔtɔ oyo ezali kozikisa,+

Mbula ya makasi mpenza,+ mbula ya bankake mpe mbula ya mabanga.+

31 Asiri ekozala na nsɔmɔ+ mpo na mongongo ya Yehova;

Akobɛta yango na fimbo.+

32 Mpe ntango nyonso oyo

Yehova akokitisela Asiri fimbo na ye ya etumbu,

Ekozala elongo na bambonda mike mpe na banzɛnzɛ+

Wana akoningisela bango lobɔkɔ na ye na etumba.+

33 Mpo Tofete*+ na ye esili kobongisama;

Ebongisami mpe mpo na mokonzi.+

Atondisi mipiko ya nkoni na esika ya mozindo mpe ya monene,

Mɔtɔ mpe nkoni ezali ebele.

Mpema ya Yehova, oyo ezali lokola mokɛli ya sufulu,

Ezali kozikisa yango.

31 Mawa na baoyo bazali kokita na Ezipito mpo na koluka lisalisi,+

Baoyo batyeli bampunda motema,+

Baoyo batye motema na makalo ya etumba, mpo ezali ebele,

Mpe na bampunda ya etumba,* mpo ezali makasi.

Kasi batali te Mosantu ya Yisraele,

Mpe baluki Yehova te.

 2 Kasi azali mpe na bwanya mpe akomema mpasi,

Mpe akobongola maloba na ye te.

Akotɛmɛla ndako ya basali-mabe

Mpe bato oyo basalisaka bato oyo basalaka mabe.+

 3 Nzokande, Baezipito bazali kaka bato, kasi Nzambe te;

Bampunda na bango ezali mosuni, kasi elimo te.+

Ntango Yehova akosembola lobɔkɔ na ye,

Moto oyo asalisi akobɛta libaku

Mpe moto oyo basalisi akokwea;

Bango nyonso bakosila na mbala moko.

“Kaka ndenge nkɔsi, mwana-nkɔsi ya makasi* engulumaka mpo na nyama oyo yango ekangi,

Ata soki babateli ya mpate ebele bayei mpo na kobengana yango,

Mongongo na bango ekobangisa yango te,

Makɛlɛlɛ na bango ekobangisa mpe yango te,

Ndenge wana nde Yehova ya mampinga akokita mpo na kobundela

Ngomba Siona mpe ngomba moke na ye.

 8 Mpe Moasiri akobomama na mopanga, kasi ya moto te;

Mpe mopanga oyo ekolya ye ekozala ya moto te.+

Akokima mpo na mopanga,

Mpe bakosalisa bilenge mibali na ye misala ya makasi.

 9 Libanga na ye ekolimwa mpo na nsɔmɔ,

Mpe bankumu na ye bakoyoka nsɔmɔ mpo na elembo,” yango nde liloba ya Yehova,

Oyo pole* na ye ezali na Siona mpe oyo esika ya mɔtɔ makasi na ye ezali na Yerusaleme.

32 Talá! Mokonzi moko+ akoyangela mpo na boyengebene,+

Mpe bankumu bakoyangela mpo na bosembo.

 2 Mpe mokomoko akozala lokola esika ya komibomba* mpo na kokima mopɛpɛ,

Esika ya kobombana* mpo na kokima mbula ya mopɛpɛ makasi,

Lokola mikɛli ya mai na mokili oyo ezangá mai,+

Lokola elili ya libanga monene na mokili ekauká.

 3 Bongo miso ya baoyo bazali komona ekokangama te,

Mpe matoi ya baoyo bazali koyoka ekotya likebi.

 4 Motema ya baoyo basalaka makambo mbangumbangu ekotya likebi na boyebi,

Mpe lolemo ya bato ya likukuma ekoloba malamu mpe polele.+

 5 Zoba bakobenga ye mokabi lisusu te,

Mpe moto oyo asilá nsɔni, bakobenga ye te moto ya lokumu;

 6 Mpo zoba akoloba makambo ya bozoba,

Mpe motema na ye ekokana kosala makambo ya mabe,+

Mpo na kolendisa lipɛngwi* mpe koloba makambo ya bokosi mpo na Yehova,

Mpo na kosala ete moto ya nzala akufa* na nzala

Mpe koboyela moto oyo azali na mposa ya mai eloko ya komɛla.

 7 Moto oyo asilá nsɔni asalelaka mayele mabe;+

Alendisaka etamboli ya nsɔni

Mpo na kobebisa moto ya mpasi na maloba ya lokuta,+

Ata ntango mobola azali koloba makambo ya sembo.

 8 Kasi mokabi asepelaka kokaba,

Mpe akobaka na misala ya kokaba.

10 Na mbula moko ná mwa mikolo, bino baoyo bozali komitungisa te, bokolɛnga,

Mpo mbuma moko te ekolɔkɔtama ntango mosala ya kobuka mbuma ya vinyo ekosila.+

Bólongola bilamba

Mpe bólata ngɔtɔ* na loketo.+

12 Bómibɛtabɛta na ntolo na kolela mpo na bilanga ya kitoko,

Mpe mpo na nzete ya vinyo oyo ebotaka mbuma.

13 Mpo mabele ya bato na ngai ekotonda na nzubɛ, mpe banzete mike ya nzubɛnzubɛ,

Ekotonda na bandako nyonso oyo liboso ezalaki kotonda na esengo,

Ɛɛ, engumba makasi.+

14 Mpo babosani ndako molai ya makasi;

Engumba ya makɛlɛlɛ esundolami.+

Ofele+ mpe linɔ́ngi ya mosɛnzɛli ekómi esika oyo etikalá mpamba mpo na libela,

Ekómi esika ya kosepelisa mpo na bampunda ya zamba,

Esika ya koleisa bitonga matiti,+

15 Tii bakosopela biso elimo uta na likoló,+

Mpe esobe ekokóma lokola elanga ya banzete ya mbuma,

Mpe elanga ya banzete ya mbuma ekotalelama lokola zamba.+

16 Bongo bosembo ekofanda na esobe,

Mpe boyengebene ekofanda na elanga ya banzete ya mbuma.+

17 Boyengebene ya solo ekomema kimya,+

Ɛɛ mbuma ya boyengebene ya solo ekomema kimya mpe libateli mpo na libela.+

18 Bato na ngai bakofanda mpenza na esika ya kimya,

Na bisika oyo ebatelami malamu mpe na bisika ya kopema oyo ezangi mitungisi.+

19 Kasi mbula ya mabanga ekobebisa zamba

Mpe engumba ekobebisama mpenza.

20 Esengo na bino baoyo bozali kolona mboto bisika nyonso oyo mai ezali,

Oyo bozali kotinda* ngɔmbɛ ná mpunda.”+

33 Mawa na yo mobebisi, nzokande babebisi yo naino te;+

Yo motɛki oyo batɛki yo naino te!

Kómá makasi* na biso+ ntɔngɔ nyonso,

Ɛɛ, lobiko na biso na ntango ya mpasi.+

 4 Biloko na bino oyo epunzami ekoyanganisama lokola koyangana ya mayoyo ya lokoso,

Bato bakosopanela yango ndenge mayoyo esopanelaka moto.

 5 Yehova akotombwama,

Mpo afandi na bisika oyo etombwaná.

 6 Ye moto asalaka ete ozwa libateli,

Ebele ya misala ya lobiko,+ bwanya, boyebi mpe kobanga Yehova,+

Yango nde eloko na ye ya motuya.

 7 Talá! Bilombe na bango bagangi na balabala;

Bamemi-nsango ya kimya baleli na mawa makasi.

 8 Babalabala ya minene etikali mpamba;

Moto ya koleka na banzela azali lisusu te.

Abuki* kondimana;

Abwaki bingumba;

Atyeli moto, mowei mpamba,+ likebi te.

Sharone ekómi lokola mokili ekauká,

Mpe Bashane ná Karamele ekweisi nkasa na yango.+

10 Yehova alobi boye: “Sikoyo nakotɛlɛma,”

“Sikoyo nakomikumisa;+

Sikoyo nakomonisa bonene na ngai.

14 Na Siona, basumuki bazali na nsɔmɔ;+

Kolɛnga ekangi bapɛngwi:

15 Ezali moto oyo atambolaka ntango nyonso na boyengebene+

Oyo alobaka makambo ya sembo,+

Oyo aboyaka litomba oyo ezwami na ndenge ya mabe, oyo euti na misala ya kobuba,

Oyo mabɔkɔ na ye eboyaka kosimba kanyaka,+

Mpe oyo akangaka matoi na ye mpo ayoka te makambo ya kosopa makila,

Mpe oyo akangaka miso na ye mpo amona te makambo ya mabe

16 Akofanda na bisika oyo etombwaná;

Esika na ye ya kokima ya libateli* ekozala na bisika ya mabanga makasi ya libateli.

Bakopesa ye limpa na ye;

Esika na ye ya kobomba mai ekozanga mai te.”+

17 Miso na yo ekotalatala mokonzi na kitoko na ye;

Ekomona mokili moko ya mosika.

19 Okomona lisusu bato ya lofundo te,

Bato oyo monɔkɔ na bango ezali mpasi mingi* mpo na kokanga ntina,

Bato ya lolemo ya likukuma oyo ozali kokanga ntina te.+

Miso na yo ekomona Yerusaleme, esika ya kimya ya kofanda,

Hema oyo ekoki kolongolama te.+

Pike ya hema na yango ekopikolama ata moke te,

Mpe nsinga na yango ata moko te ekokatama.

21 Kasi kuna Yehova, Moto ya lokumu,

Akozala mpo na biso etúká ya bibale, ya banzela minene ya mai.

Epai bamasuwa mpo na etumba ekoleka te,

Mpe bamasuwa mineneminene ekoleka kuna te.

22 Mpo Yehova azali Mosambisi+ na biso,

Yehova azali Moto oyo apesaka biso Mibeko,+

Yehova azali Mokonzi na biso;+

Ye moto akobikisa biso.+

23 Bansinga na yo ekofungwama;

Likonzí ya kokangisa elamba ya masuwa ekotɛlɛma makasi te; elamba ya mopɛpɛ etandami te.

Na ntango yango, bakokabola biloko ebele oyo bapunzi;

Ata batɛngumi bakozwa biloko ebele oyo epunzami.+

34 Bino bikólo, bópusana mpo na koyoka,

Mpe bino bato ya bikólo, bótya likebi.

Mabele mpe nyonso oyo etondi wana eyoka,

Mokili mpe biloko na yango nyonso.

 2 Mpo Yehova asilikeli bikólo nyonso,+

Mpe azali na nkanda makasi mpo na limpinga na bango nyonso.+

Akosilisa bango nyonso mpenza;

Akopesa bango mpo bábomama.+

 3 Bato na bango oyo babomami bakobwakama libándá,

Mpe nsolo ya bibembe na bango ekomata;+

Bangomba ekonyangwa* mpo na makila na bango.+

 4 Limpinga nyonso ya likoló ekopɔla.

Mpe likoló ekolíngama lokola rulo.

Limpinga nyonso ekolɛmbalɛmba,

Kaka ndenge nkasa ya nzete ya vinyo elɛmbaka mpe ekweaka

Mpe ndenge figi oyo elɛmbilɛmbi elongwaka na nzete ya figi.

Ekokita mpo na kosambisa Edome,+

Ekokitela bato oyo nakani kosilisa nyɛɛ.

Ekozipama na mafuta,+

Na makila ya bana-mpate ya mibali mpe ya bantaba,

Na mafuta ya mimpíko ya bampate-mibali.

Mpo Yehova azali na mbeka na Bozera,

Koboma moko monene na mokili ya Edome.+

 7 Bangɔmbɛ ya zamba ekokita elongo na yango,

Bana-ngɔmbɛ ya mibali elongo na oyo ya makasi;

Mokili na bango ekopɔla na makila,

Mpe putulu na bango ekomɛla mafuta.”

 8 Mpo Yehova azali na mokolo ya kozongisa mabe,+

Mbula ya kopesa bitumbu na likambo ya Siona.+

 9 Mikɛli na ye* ekokóma mpaka,

Mpe putulu na ye ekokóma sufulu,

Mpe mabele na ye ekokóma lokola mpaka oyo ezali kozika.

10 Ezala na butu to na moi, ekokufa te;

Milinga na yango ekomata se komata mpo na libela.

Ekotikala ya kobeba libota na libota;

Moto moko te akoleka kuna libela na libela.+

11 Libeki ná iko ekozwa yango,

Mpe bisulungutu ya matoi milai ná bayanganga ekofanda kuna.

Nzambe akotanda likoló na yango nsinga ya komeka esika oyo etikali mpamba

Mpe nsinga ya nivo* ya esika oyo etikali mpamba.

12 Bakobenga ata moto moko te na kati ya bato na ye ya lokumu,

Mpo akóma mokonzi, mpe bankumu na ye nyonso bakozala lisusu te.

13 Nzubɛ ekobima na bandako milai na ye ya kofanda,

Matiti ya nsendensende mpe ya nzubɛnzubɛ ekobima na bisika na ye oyo ebatelami makasi.

Akokóma esika ya kofanda ya bambwa ya zamba,*+

Lopango ya bamaligbanga.

14 Bikelamu oyo efandaka na mokili ekauká ekokutana na banyama oyo egangaka,

Mpe ntaba ya zamba* ekobenga moninga na yango.

15 Kuna, nyoka-likula ekosala zumbu* na yango mpe ekobwaka maki na yango,

Mpe ekolalela yango mpe ekoyanganisa yango na nse ya elili na yango.

Ata nyama moko te ekozanga,

Mokomoko na yango ekozanga moninga te,

Mpo monɔkɔ ya Yehova nde epesi mitindo,

Mpe elimo na ye nde eyanganisi yango.

17 Ye nde moto abwakeli yango mbɛsɛ,

Mpe lobɔkɔ na ye moko ekabolelaki yango esika.*

Ekozwa yango mpo na libela;

Ekofanda kuna mabota na mabota.

35 Esobe mpe mokili oyo ezangá mai ekosepela,+

Mpe mokili patatalu oyo ekauká ekozala na esengo mpe ekobimisa bafololo lokola safra.+

 2 Ya solo ekobimisa bafololo;+

Ekosepela mpe ekoganga na esengo.

Bakopesa yango nkembo ya Liban,+

Nkembo ya Karamele+ mpe ya Sharone.+

 3 Bólendisa mabɔkɔ oyo elɛmbi,

Mpe bókembisa mabɔlɔngɔ oyo ezali kolɛnga.+

Talá! Nzambe na bino akoya kozongisa mabe,

Nzambe akoya kopesa etumbu.+

 5 Na ntango yango miso ya bato oyo bakufá miso ekofungwama,+

Mpe matoi ya bato oyo bakufá matoi ekofungwama.+

 6 Na ntango yango motɛngumi akopumbwa lokola serfe,+

Mpe lolemo ya moto oyo alobaka te ekoganga na esengo.+

Mpo mai ekobima na esobe,

Mpe mikɛli na mokili patatalu oyo ekauká.

 7 Mabele oyo ekauká ekokóma etima oyo etondi na matiti,

Mpe mabele oyo ezangá mai ekokóma maziba ya mai.+

Na esika oyo bambwa ya zamba* ezalaki kopema,+

Ekozala na matiti ya mobesu, matiti ya ebale ná papirisi.

 8 Mpe balabala moko ya monene ekozala kuna,+

Ɛɛ nzela oyo ekobengama Nzela ya Bosantu.

Yango ezali kaka mpo na bato oyo bapesami nzela ya koleka* kuna;

Bazoba bakoyengayenga kuna te.

 9 Nkɔsi moko te ekozala kuna,

Mpe nyama moko te ya zamba oyo elyaka nyama ekoya kuna.

Moko te ekomonana kuna;+

Kaka baoyo basikolami nde bakotambola kuna.+

Bakosepela mpe bakozala na esengo,

Mpe mawa ná kolelalela* ekokima.+

Nani oyo otomboleli mongongo na yo+

Mpe nani oyo otomboleli miso na yo na lolendo?

24 Na nzela ya basaleli na yo, otumoli Yehova+ mpe olobi ete:

‘Nakoya na ebele ya makalo na ngai ya bitumba,

Mpe nakomata tii na nsɔngɛ ya bangomba,+

Na bamboka ya Liban oyo eleki mosika.

25 Nakotimola mabulu ya mai mpe nakomɛla mai;

Na makolo na ngai, nakokaukisa mikɛli* ya Ezipito.’

27 Bafandi na yango bakolɛmba nzoto;

Bakozala na nsɔmɔ mpe bakoyoka nsɔni.

Bakokóma lokola matiti ya esobe mpe lokola matiti ya mobesu,

Lokola matiti oyo ebimaka na nsamba, oyo ekaukaka mpo na mopɛpɛ ya ɛsti.

28 Kasi nayebi malamu ntango ofandaka, ntango obimaka, ntango ozongaka,+

Mpe ntango osilikelaka ngai makasi,+

29 Mpo kosilika makasi oyo osilikeli ngai,+ mpe koganga na yo ekómi tii na matoi na ngai.+

Yango wana, nakotya ndɔbɔ na ngai na zolo na yo mpe ebende na ngai ya mbanga+ kati na mbɛbu na yo,

Mpe nakozongisa yo na nzela oyo oyaki.”

“Akokɔta na engumba oyo te+

Akobwakela yango mpe likula te

Akobundisa yango na nguba te

Akotya mpe te mwa ngomba ya mabele mpo na kozinga yango.”’+

34 ‘Akozonga kaka na nzela oyo ayaki;

Kasi akokɔta na engumba oyo te,’ Yehova alobi bongo.

35 ‘Nakobatela engumba oyo+ mpe nakobikisa yango mpo na lokumu ya nkombo na ngai+

Mpe mpo na mosaleli na ngai Davidi.’”+

10 Nalobaki ete: “Na katikati ya bomoi na ngai,

Nasengeli kokɔta na baporte ya Nkunda.*

Nakotala lisusu bato te

Ntango nazali elongo na bato oyo bafandi na mokili epai makambo nyonso esukaka.

12 Esika na ngai ya kofanda epikolami mpe balongoli yango epai na ngai+

Lokola hema ya mobateli ya mpate.

Nalíngilíngi bomoi na ngai ndenge mosali-bilamba asalaka na elamba;

Akati ngai ndenge bakataka elamba nsima ya kolita yango.

Azali kaka kobuka mikuwa na ngai nyonso ndenge nkɔsi ebukaka;

Banda na moi tii na butu, ozali kaka kokómisa ngai tii na nsuka.+

14 Nazali se kosala swiswiswi lokola ndɛkɛ babengi martinɛ to ndɛkɛ babengi bulubulu;+

Nazali se konguluma lokola ebenga.+

‘Ee Yehova, nazali kotungisama mpenza;

Salisá ngai!’*+

Bambula na ngai nyonso, nakotambola na komikitisa*

Mpo na bololo ya mitungisi na ngai.*

16 ‘Ee Yehova, moto nyonso atikalaka na bomoi mpo na makambo yango,*

Mpe na nzela na yango nde elimo na ngai ezali na bomoi.

17 Talá! Na esika nazwa kimya, natungisami nde mingi;

Kasi lokola olingaka ngai mingi,

Obateli ngai mpo nakita te na libulu ya libebi.+

18 Mpo Nkunda* ekoki te kokumisa yo,+

Liwa ekoki kosanzola yo te.+

19 Moto ya bomoi, moto ya bomoi, akoki kosanzola yo,

Lokola ngai na mokolo ya lelo.

20 Ee Yehova, bikisá ngai,

Mpe tokobɛta nzembo na ngai, na bibɛtɛlo ya bansinga+

Mikolo nyonso ya bomoi na biso, na ndako ya Yehova.’”+

 2 “Bóloba na motema ya* Yerusaleme,

Mpe bósakwela ye ete mosala na ye ya makasi esili,

Ete alongwe na ngambo na ye.+

 4 Mabwaku nyonso etombwama,

Mpe bangomba minene ná bangomba mike nyonso ekitisama.

Esika ya matutumatutu esengeli kokóma patatalu,

Mpe esika ya mabulumabulu ekokóma lobwaku patatalu.+

 5 Nkembo ya Yehova ekomonana,+

Mpe bato nyonso bakomona* yango,+

Mpo monɔkɔ ya Yehova nde elobi.”

 7 Matiti ya mobesu ekauki,

Fololo elɛmbilɛmbi,+

Mpo mpema* ya Yehova epɛpi likoló na yango.+

 8 Matiti ya mobesu ekauki,

Fololo elɛmbilɛmbi,

Kasi liloba ya Nzambe na biso ekoumela seko.”+

 9 Matá na ngomba ya molai,

Yo mwasi oyo ozali komemela Siona nsango malamu.+

Tombolá mongongo na yo makasi,

Yo mwasi oyo ozali komemela Yerusaleme nsango malamu.

10 Talá! Nkolo Mokonzi-Oyo-Aleki-Nyonso Yehova akoya na nguya,

Mpe lobɔkɔ na ye ekoyangela mpo na ye.+

Talá! Azali na mbano ya kopesa,

Mpe lifuti oyo azali kofuta ezali liboso na ye.+

Na lobɔkɔ na ye akoyanganisa bana-mpate,

Mpe akomema yango na ntolo na ye.

12 Nani atyá mai nyonso ya mbu na lobɔkɔ na ye,+

Mpe nani ameká bonene ya likoló na zerete?*

Nani asangisá putulu ya mabele na emekeli moko,+

To nani ameká bangomba

Mpe bangomba mike na bimekeli-kilo?

13 Nani ameká bonene* ya elimo ya Yehova,

Nani akoki koteya ye to kopesa ye toli?+

14 Apesanaki makanisi na nani mpo akanga ntina,

To nani ateyaka ye nzela ya bosembo,

To ateyaka ye boyebi,

To alakisaka ye nzela ya mayele ya solosolo?+

15 Talá! Bikólo ezali lokola litangá ya mai na katini,

Mpe etalelami lokola mwa putulu likoló ya bimekeli-kilo.+

16 Ata Liban ekoki te mpo na kobatela mɔtɔ ekoba kopela,*

Mpe banyama na yango ya zamba ekoki te mpo na likabo ya kotumba mobimba.

17 Liboso na ye, bikólo nyonso ezali lokola eloko oyo ezali te;+

Atalaka yango lokola eloko mpamba, eloko oyo ezali ya solo te.+

19 Moto oyo ayebi malamu misala ya mabɔkɔ anyangwisi ekeko,*

Mosali-bibende azipi yango na wolo,+

Mpe atye minyololo ya palata.

20 Aponi nzete mpo ezala likabo na ye,+

Nzete oyo ekopɔla te.

Aluki moto oyo ayebi malamu mosala ya mabɔkɔ

Mpo na kobongisa ekeko* oyo ekotengatenga te.+

22 Ezali na Moto oyo afandi likoló ya sɛrklɛ* ya mabele,+

Mpe bafandi na yango bazali lokola mabanki.*

Moto oyo atandaka likoló lokola mwa elamba ya pɛtɛpɛtɛ,

Mpe asembolaka yango lokola hema mpo ezala esika ya kofanda.+

23 Moto oyo akómisaka bankumu biloko mpamba

Mpe akómisaka basambisi* ya mabele eloko moko ya solo te.

24 Bauti kokonama sika,

Bauti kolonama sika,

Ekumu na bango ebimisi misisa ya sika na mabele.

Bafuli bango mopɛpɛ mpe bakauki,

Mpe mopɛpɛ ekumbi bango lokola matiti ya blé.+

Ezali Moto oyo abimisaka limpinga na yango na kolanda motángo na yango;

Abengaka yango nyonso na nkombo.+

Mpo na makasi mingi oyo azali na yango, mpe nguya na ye ya kokamwa,+

Ata moko te kati na yango ezali kozanga.

27 Ee Yakobo, mpo na nini ozali koloba, Ee Yisraele, mpo na nini ozali kolobaloba ete:

‘Yehova azali komona makambo ya bomoi na ngai te,

Nzambe azali kotya likebi te na kozanga bosembo oyo nazali kokutana na yango?’+

29 Apesaka nguya na moto oyo alɛmbi

Mpe baoyo bazangi makasi, atondisaka bango na nguya.*+

30 Bana mibali bakolɛmba mpe bakosila makasi,

Mpe bilenge mibali bakobɛta libaku mpe bakokwea,

31 Kasi baoyo batyeli Yehova elikya bakozwa nguya ya sika.

Bakokima mbangu mpe bakosila makasi te;

Bakotambola mpe bakolɛmba te.”+

41 “Bófanda nyɛɛ liboso na ngai, mpe bóyoka bino bisanga;

Tiká bato ya bikólo bázwa lisusu makasi na bango.

 2 Nani abimisaki moto moko epai moi ebimaka?*+

Abengaki ye na bosembo mpo asalela Ye,*

Mpo na kokaba bikólo epai na ye

Mpe mpo na kotya bakonzi na nse na ye?+

Oyo akómisi bango putulu liboso ya mopanga na ye,

Na litimbo na ye apanzi bango epai na epai lokola matiti ya blé?

 3 Azali kolanda bango, kokoba koleka na kimya

Na makolo na nzela oyo ayaki te?

 4 Nani asali mpe akokisi yango,

Abengi mabota uta na ebandeli?

Ngai, Yehova, nazali Moto ya Liboso;+

Mpe epai ya bato oyo bakoya nsima, nakozala kaka ndenge nazalaka.”+

 6 Moto na moto azali kosalisa moninga na ye

Mpe koloba na ndeko na ye ete: “Zalá makasi.”

 7 Bongo moto oyo ayebi misala ya mabɔkɔ azali kolendisa mosali bibende;+

Moto oyo ayeisaka biloko sɛlisɛli na marto ya kotulela

Azali kolendisa moto oyo azali kobɛta marto na elondo*

 8 “Kasi yo, Ee Yisraele, ozali mosaleli na ngai,+

Yo, Ee Yakobo, oyo naponá,+

Libota* ya Abrahama moninga na ngai,+

 9 Yo oyo nazwá uta na bansuka ya mabele,+

Mpe yo oyo nabengá uta na bisika na yango oyo eleki mosika.

Nalobaki na yo: ‘Ozali mosaleli na ngai;+

Naponá yo, nabwaki yo te.+

Nakopesa yo makasi, ɛɛ nakosalisa yo,+

Nakosimba yo mpenza na lobɔkɔ na ngai ya mobali, lobɔkɔ oyo esalaka oyo ezali sembo.’

12 Okoluka bato oyo bazali kobunda na yo, kasi okomona bango te;

Bato oyo bazali kobunda na yo etumba bakokóma lokola eloko oyo ezali te, lokola eloko mpamba.+

13 Mpo ngai, Yehova Nzambe na yo, nazali kosimba lobɔkɔ na yo ya mobali,

Ngai Moto nazali koloba na yo ete: ‘Kobanga te. Nakosalisa yo.’+

14 Kobanga te, yo Yakobo mosɔpi,*+

Bino bato ya Yisraele, nakosalisa yo,” Yehova alobi bongo, Mosikoli+ na yo, Mosantu ya Yisraele.

15 “Talá! Nakómisi yo likalo ya kotutela,+

Eloko ya kotutela ya sika, ya minomino.

Okonyatanyata bangomba mpe okobuka yango

Mpe okokómisa bangomba mike lokola mposo ya blé.

16 Okopupola yango,

Mpe mopɛpɛ ekomema yango;

Mopɛpɛ makasi ekopanza yango.

Okosepela na Yehova,+

Mpe okomikumisa na Mosantu ya Yisraele.”+

18 Nakosala ete bibale esopana likoló ya bangomba mikemike oyo ezali polele+

Mpe maziba na mabwaku ya patatalu.+

Nakokómisa esobe etima oyo etondi na matiti

Mpe mokili oyo ezangá mai maziba ya mai.+

19 Na mokili ekauká nakolona nzete ya sɛdrɛ,

Ya akasia, ya mirte ná nzete ya mafuta.+

Na mokili patatalu oyo ekauká nakolona nzete ya jenevriye,

Elongo na nzete ya frɛnɛ mpe ya siprɛ,+

20 Mpo bato nyonso bámona mpe báyeba

Bátya likebi mpe bákanga ntina

Ete lobɔkɔ ya Yehova nde esali yango,

Mpe Mosantu ya Yisraele azalisi yango.”+

Bóyebisa biso makambo ya kala,*

Mpo tókanisa* yango mpe tóyeba ndenge yango ekosuka na mikolo ezali koya.

23 Bóyebisa biso makambo oyo ekosalema na mikolo ezali koya,

Mpo tóyeba ete bozali banzambe.+

Ɛɛ, bósala eloko moko ya malamu to ya mabe,

Oyo ekokamwisa biso ntango tokomona yango.+

24 Talá! Bozali lokola eloko oyo ezali te,

Mpe mosala na bino ezali mpamba.+

25 Nabimisi moto moko uta na nɔrdi, mpe akoya,+

Moto oyo auti epai moi ebimaka,*+ oyo akobelela nkombo na ngai.

Akonyata bayangeli* lokola nde bazalaki mabele,+

Lokola moyemi-mbɛki oyo azali konyatanyata mabele ya pɔtɔpɔtɔ.

26 Nani alobá likambo yango uta na ebandeli, mpo tóyeba,

To banda na bantango ya kala, mpo tóloba: ‘Alobi solo’?+

28 Kasi nakobaki kotala, mpe moto azalaki te;

Moto azalaki te na kati na bango mpo na kopesa toli.

Natye elimo na ngai epai na ye;+

Akomema bosembo na bikólo.+

 2 Akoganga te, akotombola mongongo na ye mpe te,

Akoyokisa te mongongo na ye na balabala.+

 3 Akobuka te mongendu oyo elɛmbi,

Mpe akoboma te nsinga ya lini oyo mɔtɔ na yango elingi kokufa.+

 4 Akolɛmba te mpe akotika te tii akotya bosembo na mabele;+

Mpe bisanga ekokoba kozela mobeko* na ye.

 5 Talá oyo Nzambe ya solo, Yehova, alobi,

Mozalisi ya likoló mpe Nzambe Monene oyo atandá yango,+

Moto oyo atandá mabele mpe mbuma na yango,+

Moto oyo apesaka mpema na bato oyo bafandi wana+

Mpe elimo na bato oyo batambolaka wana.+

 6 “Ngai Yehova nabengi yo na bosembo;

Nasimbi lobɔkɔ na yo.

Nakobatela yo mpe nakopesa yo ozala kondimana mpo na bato+

Mpe lokola pole mpo na bikólo,+

 7 Mpo ofungola miso ya bato oyo bakufá miso,+

Mpo obimisa moto ya bolɔkɔ na kasho

Mpo obimisa na bolɔkɔ bato oyo bafandi na molili.+

 8 Nazali Yehova. Yango nde nkombo na ngai;

Napesaka* nkembo na ngai na moto mosusu te,

Napesaka mpe lisanzoli na ngai na bikeko* te.+

 9 Talá, makambo ya liboso esalemi;

Sikoyo nazali kosakola makambo ya sika.

10 Bóyembela Yehova loyembo ya sika,+

Lisanzoli na ye uta na bansuka ya mabele,+

Bino baoyo nyonso botambolaka na mbu mpe na nyonso oyo etondisi yango,

Bino bisanga mpe bino baoyo bofandi kuna.+

11 Esobe mpe bingumba na yango etombola mongongo na yango,+

Bamboka epai Kedare+ afandi.

Bato oyo bafandi na libanga monene báganga na esengo;

Báganga na mongongo makasi uta na nsɔngɛ ya bangomba.

12 Bápesa Yehova nkembo

Mpe básakola lisanzoli na ye na bisanga.+

Akoganga, ɛɛ, akobɛta ntangwa ya etumba;

Akolakisa ete azali na nguya koleka banguna na ye.+

Lokola mwasi oyo azali kobota nakolelalela,*

Nakopemapema mpe nakosila mpema na mbala moko.

15 Nakobebisa bangomba mpe bangomba mike

Mpe nakokaukisa matiti na yango nyonso.

Nakokómisa bibale bisanga,*

Mpe nakokaukisa bitima oyo etondi na matiti.+

16 Nakotambwisa bato oyo bakufá miso na nzela oyo bayebi te+

Nakosala ete bátambola na balabala oyo bayebi te.+

Liboso na bango nakokómisa molili pole+

Mpe nakokómisa mabele ya mabulumabulu mokili ya patatalu.+

17 Baoyo bazali kotyela bikeko* motema,

Baoyo bazali koloba na bikeko* ete: “Bozali banzambe na biso,”+

Bakozonga mpenza nsima, bakoyoka nsɔni mingi mpenza.

18 Bóyoka, bino bato oyo bokufá matoi;

Bótala mpe bómona bino bato oyo bokufá miso.+

19 Nani akufá miso, soki mosaleli na ngai te?

Nani akufá mpenza matoi, lokola momemi-nsango oyo nazali kotinda?

Nani akufá mpenza miso lokola moto oyo azwi mbano,

Nani akufá mpenza miso lokola mosaleli ya Yehova?+

21 Mpo na bosembo na ye,

Yehova asepeli kokumisa mobeko* mpe kokómisa yango eloko ya nkembo.

22 Kasi bango bazali bato oyo bapunzami mpe babɔtɔli bango biloko na makasi;+

Bango nyonso bazwami na motambo na kati ya mabulu, mpe babombi bango na babolɔkɔ.+

Bapunzi bango mpe moto ya kobikisa bango azali te,+

Babɔtɔli bango biloko na makasi mpe moto azali te oyo akoloba ete: “Zongisá bango!”

24 Nani akabi Yakobo mpo bábɔtɔla ye biloko

Mpe Yisraele epai ya bapunzi?

Baboyi kotambola na banzela na ye,

Mpe baboyi kotosa mobeko* na ye.+

25 Bongo akobaki kosopela bango nkanda na ye ya makasi,+

Nkanda na ye mpe nsɔmɔ ya etumba.

43 Sikoyo Ee Yakobo, talá oyo Yehova alobi,

Mozalisi na yo, mpe Moto oyo asalaki yo, Ee Yisraele:+

 2 Soki oleki na mai, nakozala elongo na yo,+

Mpe soki oleki na bibale, ekozindisa yo te.+

Soki otamboli na mɔtɔ, okozika te,

Lolemo ya mɔtɔ mpe ekotumba yo te.

 3 Mpo nazali Yehova Nzambe na yo,

Mosantu ya Yisraele, Mobikisi na yo.

Napesi Ezipito ezala lisiko na yo,

Etiopi mpe Seba na esika na yo.

 4 Lokola okómi na motuya na miso na ngai,+

Okumisami, mpe nalingi yo.+

Yango wana nakopesa bato na esika na yo,

Mpe bikólo na esika ya bomoi* na yo.

Nakoya na libota* na yo uta na ɛsti,

Mpe nakoyanganisa bino uta na wɛsti.+

Yaká na bana na ngai ya mibali uta na mosika, mpe na bana na ngai ya basi uta na bansuka ya mabele,+

 7 Moto nyonso oyo abengami na nkombo na ngai+

Mpe oyo nazalisá mpo na nkembo na ngai moko,

Oyo nakelá, mpe oyo nasalá.’+

 8 Bóya na bato oyo bakufá miso atako bazali na miso,

Mpe baoyo bakufá matoi atako bazali na matoi.+

 9 Bikólo nyonso eyangana esika moko

Mpe bato ya bikólo báyangana esika moko.+

Bábimisa batatoli mpo bámilongisa,

To báyoka mpe báloba ete: ‘Ezali solo!’”+

10 Yehova alobi: “Bino bozali batatoli na ngai,+

Ɛɛ, mosaleli na ngai oyo naponi,+

Mpo bóyeba mpe bóndimela ngai,*

Mpo bókanga ntina ete, ngai nazali kaka ndenge nazalaka.+

Liboso na ngai Nzambe moko te asalemaki,

Mpe nsima na ngai mosusu azali te.+

12 “Ngai moko nasakoli, nabikisi mpe nayebisi yango,

Wana nzambe mopaya ata moko te azalaki na kati na bino.+

13 Lisusu, ntango nyonso, ngai nazali kaka ndenge nazalaka;+

Moto moko te akoki kobɔtɔla ata eloko nini na lobɔkɔ na ngai.+