यशया

तुझा अजून नाश झाला नसला,+

तरी नाश करायचं तुझं काम तू संपवल्यावर, तुझा नाश केला जाईल.+

तुझा अजून विश्‍वासघात झाला नसला,

तरी तू विश्‍वासघात करायचं संपवल्यावर, तुझा विश्‍वासघात केला जाईल.

रोज सकाळी तू आमचं बळ हो,+

संकटाच्या काळात तू आमचा तारणकर्ता हो.+

 ३ तुझी गर्जना ऐकून राष्ट्रांतले लोक पळ काढतात,

तू उभा राहतोस, तेव्हा राष्ट्रांची पांगापांग होते.+

 ५ यहोवाचा गौरव होईल,

कारण तो अतिशय उंच ठिकाणी राहतो.

 ६ तोच तुझं जीवन* स्थिर करणारा आहे;

महान तारण,+ बुद्धी, ज्ञान आणि यहोवाचं भय,+

हा त्याचा खजिना आहे.

 ७ पाहा! त्यांचे शूरवीर रस्त्यांवर दुःखाने ओरडत आहेत;

त्यांचे शांतीचे दूत ढसाढसा रडत आहेत.

 ८ राजमार्ग सुमसाम पडले आहेत;

रस्त्यांवर एकही प्रवासी नाही.

त्याने* करार मोडला आहे;

शहरांना तुच्छ लेखलं आहे;

आणि त्याच्या नजरेत नश्‍वर माणसाला काहीच किंमत नाही.+

शारोन वाळवंटासारखं झालं आहे,

आणि कर्मेल व बाशान आपल्या झाडांची पानं झाडून टाकत आहेत.+

१० यहोवा म्हणतो: “आता मी उठेन,

आता मी स्वतःचा गौरव करीन;+

आता मी स्वतःला महान करीन.

१२ राष्ट्रा-राष्ट्रांतले लोक जळालेल्या चुनखडीच्या राखेसारखे होतील,

त्यांना काटेरी झुडपांसारखं कापून जाळून टाकलं जाईल.+

१४ सीयोनमधले पापी लोक घाबरले आहेत;+

देवाला सोडून देणाऱ्‍यांचा थरकाप उडाला आहे:

१५ जो नेहमी नीतीच्या मार्गावर चालतो,+

जो खरं बोलतो,+

जो खोटेपणाची आणि फसवणुकीची कमाई नाकारतो,

ज्याचे हात लाच घ्यायला पुढे होत नाहीत,+

जो रक्‍तपाताच्या गोष्टी ऐकू येऊ नयेत, म्हणून आपले कान बंद करतो,

आणि चुकीच्या गोष्टी दिसू नयेत, म्हणून जो आपले डोळे झाकून घेतो,

१६ तोच उंच ठिकाणी राहील;

त्याचं सुरक्षित आश्रयस्थान खडकांवरच्या मजबूत किल्ल्यात असेल,

त्याला खायला भाकर मिळत राहील,

आणि त्याच्यासाठी पाण्याचा पुरवठा कधीही संपणार नाही.”+

१७ तू स्वतःच्या डोळ्यांनी एक वैभवशाली राजा पाहशील;

तू तुझ्या डोळ्यांनी एक दूरचा देश पाहशील.

१९ तू घमेंडी लोकांना पुन्हा कधी पाहणार नाहीस;

ज्यांची भाषा समजायला खूपच कठीण आहे,

ज्यांची भाषा वेगळी आणि परकी आहे, अशा लोकांना तू पुन्हा कधीच पाहणार नाहीस.+

यरुशलेम ही शांतीने राहण्याची जागा असल्याचं तुझ्या डोळ्यांना दिसून येईल;

यरुशलेम नगरी अशा एका तंबूसारखी होईल जो कधीही हलवला जाणार नाही,+

ज्याचे खिळे कधीही उखडले जाणार नाहीत,

आणि ज्याचे दोरखंड कधीही कापले जाणार नाहीत.

२१ तिथे महापराक्रमी यहोवा आमचं संरक्षण करेल;

जसं नद्या आणि रुंद कालवे एखाद्या प्रदेशाचं संरक्षण करतात, तसं तो आमचं संरक्षण करेल.

त्या नद्यांमध्ये किंवा कालव्यांमध्ये शत्रूंच्या नावा* प्रवेश करणार नाहीत,

किंवा त्यांतून मोठमोठी जहाजं जाणार नाहीत.

२२ कारण यहोवा आमचा न्यायाधीश आहे,+

यहोवा आम्हाला नियम देणारा आहे,+

यहोवा आमचा राजा आहे;+

तोच आम्हाला वाचवेल.+

२३ शत्रूंच्या जहाजांचे दोर ढिले पडतील;

ते शीडकाठी स्थिर ठेवू शकणार नाहीत,

किंवा शीड पसरवू शकणार नाहीत;

त्या वेळी, भरपूर लुटीच्या मालाची वाटणी होईल;

अगदी लुळापांगळाही भरपूर लूट घेईल.+