Misangano Yebasa yaFebruary
Vhiki Inotanga na1 February
10 min: Zviziviso zveungano. Zviziviso zvakasarudzwa muUshumiri Hwedu hwoUmambo. Yeuchidzai vose kupinza mishumo yebasa romumunda yaJanuary.
17 min: “Govera Bhuku raMufarwa Wemhuri Kuvanhu Vemazera Ose.” Mukuru anokurukura nyaya yacho nevaparidzi vaviri kana vatatu vanokwanisa. Simbisai chinangwa chokubatsira vamwe kuziva kuti chakavanzika chomufaro wemhuri chiri pakutevedzera zano reBhaibheri. (Ona Mufarwa Wemhuri, mapeji 9-12.) Ratidzai imwe yemharidzo dzakakarakadzwa. Ratidzai marongerwe eshanyo yedzokerero.
18 min: ‘Pfeka Unhu Hutsva.’ Hurukuro, inonyatsotsanangura VaEfeso 4:20-24. (Onai Nharireyomurindi yaMarch 1, 1993, mapeji 14-18, ndima 4-17.) Tsanangurai mapfekenurire atinoita unhu hwekare nokupfeka hutsva.
Rwiyo 4 nemunyengetero wokugumisa.
Vhiki Inotanga na8 February
10 min: Zviziviso zveungano. Mushumo weakaunzi.
15 min: Zvinodiwa zvemuungano.
20 min: “Musiki Wedu Mukuru Ane Hanya Nesu!” Mibvunzo nemhinduro. Tsanangurai kuti bhuku raCreator rinogona sei kushandiswa kubatsira avo vasina chokwadi kana kuti vanoramba kuti Mwari ariko. Kunyange zvazvo bhuku racho risiri rokuitisa fundo dzeBhaibheri, rinogona kuva chishandiso chinobudirira pakunyandura vanhu kunzvera zvose zvinotaurwa neBhaibheri. (Onai bhuku raCreator, mapeji 189-91.) Kumbirai vaparidzi kuti vataure maonere avanoita bhuku racho uye kutaura zvakaitika zvavakava nazvo pakurigovera kuvamwe.
Rwiyo 173 nemunyengetero wokugumisa.
Vhiki Inotanga na15 February
10 min: Zviziviso zveungano. Mashoko Oushe.
18 min: Tinobatsirwa Sei Nokunyoresa muChikoro Choushumiri Choubati Ushe hwaMwari? Kukurukura nevateereri kunoitwa nemutariri wechikoro. Kurovedza kutaura pamberi pevanhu handicho chinangwa choga chechikoro chacho. Pane dzimwe nzira dzatinobatsirwa nadzo zvakananga. (Onai Bhuku reChikoro, mapeji 11-13.) Tinodzidza kukurukura zviri nani nevamwe vanhu. Tinodzidziswa kutaura zvakajeka, takadzikama, uye tine chivimbo. Tinova nyanzvi pakupindura mibvunzo pamusoro pezvatinodavira uye pakutsanangura zvisarudzo zvedu zvinobva muBhaibheri. Zivo yedu yeBhaibheri inowedzera, zvichitibatsira kuva vanobudirira zvikuru pakupupurira kuvamwe. Tinodzidza kubvuma zvikanganiso zvedu uye kubvuma zano, zvinoguma nokubata kwedu nevamwe norugare. Kurovedza kwacho kwose zvako kunopiwa nechikoro chacho kunotibatsira kuramba ‘tichinyatsokwanisa’ sevashumiri vaMwari.—2 VaK. 3:5, 6.
17 min: “Kushandira Pamwe Kunoita Mitezo Yemhuri Kuti Iite Nomazvo—Mukufunda Bhaibheri.” Kukurukurirana kweboka remhuri. Vanoongorora mashandisire avari kuita mazano pamusoro pekurava nekufunda Bhaibheri kwemhuri ari muNharireyomurindi yaMay 15, 1996, mapeji 14-15, uye Nharireyomurindi yaOctober 15, 1992, mapeji 16-17.
Rwiyo 57 nemunyengetero wokugumisa.
Vhiki Inotanga na22 February
10 min: Zviziviso zveungano.
15 min: Kuparidza Muzvivako Zvinogarwa. (Kana mundima yenyu mune mafurati mashomanana, kurukurai nyaya inoti “Kuchengeterei Chinyorwa Chevasiri Pamisha?” iri muUshumiri Hwedu hwoUmambo hwaMay 1995.) Kukurukura nevaparidzi vaviri kana kuti vatatu. Zvakaoma kupupura kuvanhu vanogara mumafurati umo kukurukura kunogona kuitwa bedzi paintercom. Kurukurai nzira dzokuita kuti vanhu vafarire. Neushamwari, taura kuti uri muvakidzani; shandisa zita rasaimba kana rakanyorwa pandaza yemazita, dudza nhau yakakodzera nguva yauri kuda kukurukura, kana kuti rava zvakananga sumo iri mubhuku raKurangarira, mapeji 9-15; uye tsanangura kuti unoda kugovera turakiti, magazini, kana kuti bhurocha rinopindura mubvunzo unokosha, uye taura mubvunzo wacho. Pausingagoni kuona vanhu, nyora tsamba kuvagari kana kuti pupura kwavari mumugwagwa sezvavanouya nokuenda. Ratidzai mutoo unoshandiswa munzvimbomo wakabudirira muvagari vemumafurati.
20 min: Nzira Yokuwana Nayo Mufaro Mukuita Vadzidzi. Hurukuro inobva muNharireyomurindi yaFebruary 15, 1996, mapeji 19-22.
Rwiyo 91 nemunyengetero wokugumisa.