IZAI

“Mon’n elve bann garson,

Me zot in revolte kont mwan.

 3 En toro i konn byen sa dimoun ki’n aste li

E en bourik i konn sa dimoun ki donn li manze.

Me Izrael pa konn mwan,*

Mon prop pep pa montre ki zot entelizan.”

 4 Maler pour sa nasyon ki fer pese,

Sa pep ki lour akoz son bann fot,

En kantite move dimoun, bann move zanfan!

Zot in abandonn Zeova,

Zot in mank respe pour sa Enn ki Sen Izrael.

Zot latet antye i malad

E zot leker antye i malad.

 8 Zot in kit fiy Siyon parey en pti payot dan en plantasyon rezen,

Parey en payot dan en plantasyon kokonm,

Parey en lavil ki pe ganny anserkle.

 9 Si Zeova Sef larme pa ti’n les detrwa nou vivan,

Nou ti pou’n vin parey Sodonm

E nou ti pou’n vin parey Gomor.

12 Ler zot vin devan mwan,

Lekel ki’n demann zot pour fer sa,

Pour vin pil pile dan mon bann lakour?

Zot selebre bann nouvellin, bann lalwa ek bann lasanble,

Me mon pa kapab siport bann mazik ki zot fer ler zot fer zot lasanble spesyal.

15 Ler zot lev zot lanmen anler,

Mon kasyet mon lizye pour mwan pa vwar zot.

Menm si zot fer en kantite lapriyer,

Mon pa pe ekoute.

17 Aprann fer sa ki byen, rod lazistis,

Koriz sa enn ki fer lezot soufer,

Defann drwa sa zanfan ki napa papa*

E defann sa vev.”

Menm si zot bann pese i rouz,

Zot pou vin blan parey lanez.

Menm si zot rouz parey latwal ki kouler rouz fonse,

Zot pou vin parey lalenn.

19 Si zot pare pour obei e ekoute,

Zot pou manz bann bon keksoz dan sa pei.

20 Me si zot pa oule ekoute e zot rebele,

En lepe pou detri zot,

Parski Zeova ki’n dir sa.”

I ti abitye annan ladrwatir laba,

Me aprezan i annan bann mertriye.

22 Zot larzan* in vin salte

E zot labyer* in ganny melanze avek delo.

Zot pa fer bann dimoun ki napa papa* ganny lazistis

E zot pa zanmen ed bann vev ki annan bann problenm legal.

24 Alor la sa ki sa vre Senyer, Zeova Sef larme,

Sa Enn Pwisan Izrael i dir:

“Gete! Mon pou fer mon bann lennmi ale

E mon pou revanze lo mon bann lennmi.

25 Mon pou pini ou,

Mon pou servi savon pour tir salte lo ou

E mon pou tir tou sa ki fer ou enpir.

26 Mon pou met bann ziz ankor parey ou ti annan o konmansman

E mon pou met bann konseye ankor parey ou ti annan o konmansman.

27 Lazistis pou fer Siyon ganny sove*

E ladrwatir pou fer son pep ki retournen ganny sove.

28 Bann rebel ek bann dimoun ki fer pese pou ganny kraze ansanm

E bann dimoun ki pe kit Zeova pou ganny detrir.

29 Parski zot pou onte akoz sa bann gran pye dibwa ki zot ti kontan

E zot pou onte akoz sa bann zarden* ki zot ti swazir.

30 Parski zot pou vin parey en gro pye dibwa ki son bann fey pe sek

E parey en zarden ki napa delo.

31 Sa zonm for pou vin parey difil*

E son travay pou vin parey en pti dife.

Zot tou le de zot pou flanbe ansanm

E i pou napa personn pour tenny sa dife.”

 2 Dan bann dernyen zour,

Montanny kot lakaz Zeova i ete

Pou ganny byen etabli par lao bann montanny,

I pou vin pli o ki bann pti montanny

E tou bann nasyon pou al rasanble laba.

“Vini, annou mont lo montanny Zeova,

Kot lakaz Bondye Zakob i ete.

I pou montre nou son semen*

E nou pou mars lo son santye.”

Parski lalwa* pou sorti Siyon

E parol Zeova pou sorti Zerizalenm.

 4 I pou ziz bann nasyon

E i pou met lord avek* bann pep.

Zot pou fer zot lepe vin bann pyos

E zot pou fer zot lans vin bann gran kouto.*

Nasyon pa pou lager avek lezot nasyon

E zot pou nepli aprann lager.

 5 Bann desandans* Zakob, vini,

Annou mars dan lalimyer Zeova.

 6 Ou’n abandonn ou pep, desandans Zakob,

Parski zot annan en kantite keksoz ki sorti dan Les.

Zot fer mazik parey bann Filisten

E i annan en kantite zanfan bann etranze kot zot.

 7 Zot pei i ranpli avek larzan* ek lor

E zot annan tro bokou trezor.

Zot pei i ranpli avek seval

E zot annan tro bokou saret.

Zot azenou devan zot bann zidol,

Devan sa ki zot in fer zot menm.

 9 Alor zonm i azenou, i ganny imilye

E ou pa kapab pardonn zot.

10 Al dan ros e kasyet dan lapousyer

Parski zot per Zeova

Ek son laglwar merveye.

11 En dimoun ki arogan pou ganny imilye

E bann dimoun ki arogan pou azenou.*

Sa zour pe vin lo tou dimoun ki arogan e orgeye,

Lo tou dimoun, ki swa zot enportan oubyen zot pa enportan,

13 Lo tou bann gran pye sed Liban ki o

E lo tou bann pye senn* dan Basann,

14 Lo tou bann gran montanny

E lo tou bann pti montanny,

15 Lo tou bann latour ki o e lo tou bann gro miray,

16 Lo tou bann bato Tarsis

E lo tou bann zoli bato.

17 En dimoun ki arogan pou ganny imilye

E bann dimoun ki arogan pou azenou.*

19 Bann dimoun pou antre dan bann kavern ros

E dan bann trou dan later,

Parski zot per Zeova

Ek son laglwar merveye,

Ler i leve pour fer later per e tranble.

20 Sa zour, bann dimoun pou pran zot bann bondye ki pa vo nanryen ki’n ganny fer avek larzan* ek lor,

Ki zot in fer pour zot azenou devan sa bann bondye

E zot pou zet zot kot bann souri* ek bann sousouri,

21 Pour zot kapab antre dan bann trou ros

E dan bann kavern ros,

Parski zot per Zeova

Ek son laglwar merveye,

Ler i leve pour fer later per e tranble.

3 Parski gete! Sa vre Senyer, Zeova Sef larme

Pe tir tou kalite led ki Zerizalenm ek Zida i gannyen ek bann provizyon,

Tou dipen ek delo,

 2 Zonm for ek gerye,

Ziz ek profet, dimoun ki predir lavenir ek ansyen,

 3 Sef ki ansarz 50 solda, dimoun enportan ek konseye,

Mazisyen eksperyanse ek sa dimoun ki konn zwe lanmizik pour serpan.*

 4 Mon pou fer bann garson vin zot bann prens

E sa dimoun ki pa konnen ki i oule* pou diriz zot.

 5 Bann dimoun pou fer kanmarad soufer,

Zot pou fer sa avek zot kanmarad.

En garson pou atak en zonm aze

E en dimoun ki pa enportan pou opoz en dimoun ki ganny byen respekte.

 8 Parski Zerizalenm in degrengole

E Zida in tonbe,

Parski zot dir keksoz e fer keksoz ki montre ki zot kont Zeova.

 9 Lekspresyon lo zot figir i montre ki zot koupab

E zot koz lo zot pese parey Sodonm ti fer.

Maler pou arive avek li,

Parski zot pou fer avek li sa ki li i’n fer avek lezot!

12 Me bann sef i maltret mon pep

E bann madanm i diriz zot.

Mon pep, ou bann sef pe fer ou pa konnen kote pour ale

E zot konfiz ou pour ou pa konnen ki semen ou devret pran.

“Zot in bril plantasyon rezen

E keksoz bann dimoun pov ki zot in vole i dan zot lakaz.

15 Akoz zot oze kraz mon pep

E kraz figir bann dimoun pov ater?” La sa ki Souvren Senyer, Zeova Sef larme in dir.

16 La sa ki Zeova i dir: “Vi ki bann fiy Siyon i arogan,

Zot pe mars latet anler,*

Zot fer zot lizye dou, zot sot sote

E zot brasle dan zot lipye i fer tapaz,

17 Zeova pou fer bann fiy Siyon ganny bann lakok boubou* lo zot latet

E Zeova pou met zot fron deor.

18 Sa zour, Zeova pou tir zot bann zoli brasle,

Zot bann bando ek zot bann bizou ki dan laform lalin,

19 Zot bann zanno,* zot bann brasle ek zot bann vwal,

20 Zot bann tirban,* zot bann brasle dan zot lipye ek zot bann sentir,*

Zot bann resipyan lesans ek zot bann gardkor,*

21 Zot bann bag ek bann zanno ki zot met dan zot nennen,

22 Bann rob ki zot mete pour bann seremoni, zot bann manto ek zot bann pti sak,

23 Zot bann pti laglas ek zot bann lenz linenn,

Zot bann tirban ek zot bann vwal.

Dan plas en lenz ki dimoun ris i mete, zot pou met latwal goni*

E dan plas labote, zot pou ganny en mark brile* lo zot.

25 Ou bann zonm pou ganny touye avek lepe

E ou bann zonm for pou mor dan lager.

“Nou pou manz nou prop dipen

E nou pou met nou prop lenz,

Zis les nou ganny apele par ou non

Pour nou aret onte.”*

5 Silvouple, les mwan sant pour sa enn ki mon kontan,

Les mwan sant en sanson konsernan sa enn ki mon kontan ek son plantasyon rezen.

I ti plant en bon kalite rezen rouz ladan,

I ti konstri en latour dan milye

E i ti tay bann ros pour fer en preswar diven.

Apre, i ti kontinyen espere pour li ganny rezen

Me i ti ganny zis rezen maron.

 3 “Aprezan, bann zabitan Zerizalenm ek bann zonm Zida,

Silvouple, ziz mwan ek mon plantasyon rezen.

 4 Ki lezot keksoz mon ti’n kapab fer pour mon plantasyon rezen

Ki mon pa’n fer?

Akoz ler mon ti pe esper rezen,

I ti raport zis rezen maron?

 5 Aprezan silvouple, les mwan dir zot

Ki mon pou fer avek mon plantasyon rezen:

Mon pou tir son baraz

E i pou ganny brile.

Mon pou kas son miray ros

E zot pou pil pil lo li.

I pou ganny anvair avek bann touf pikan ek bann move zerb

E mon pou donn lord bann nyaz pour pa fer lapli tonm lo li.

I ti kontinyen esper lazistis,

Me gete! I ti annan lenzistis.

I ti kontinyen esper ladrwatir,

Me gete! I ti annan tapaz bann dimoun ki ti pe soufer.”

 8 Maler pour sa bann dimoun ki fer en lakaz zwenn avek en lot lakaz

E ki fer en bout later zwenn avek en lot bout later

Ziska ki i nepli annan plas

E ziska ki zot reste zot tousel dan sa pei!

 9 Zeova Sef larme in koz avek mwan dan mon zorey e i’n fer serman ki

Menm si i annan en kantite lakaz ki gran e zoli,

Bann dimoun pou soke ler zot pou vwar sa ki’n arive avek zot

E personn pa pou reste laba.

10 Parski en plantasyon rezen ki dis arpan* later pou prodwir zis en bat* diven

E en gran omer* lagrenn pou prodwir zis en efa* dible.

11 Maler pour bann dimoun ki lev granmaten pour bwar lalkol,

Ki kontinyen bwar diven ziska tar aswar ziska zot perdi kontrol!

12 Zot annan larp ek lenstriman lakord,

Tanbourin,* laflit ek diven dan zot bann lafet.

Me zot pa reflesir lo sa ki Zeova i fer

E zot pa vwar bann keksoz ki i fer.

13 Alor mon pep pou al an egzil

Parski zot pa konn mwan.

Zot bann zonm enportan pou lafen

E tou zot bann dimoun pou vreman swaf.

14 Alor sa Latonm* in vin pli gran

E i’n ouver son labous byen gran.

Son bann dimoun enportan,* son bann lafoul ki pe fer tapaz ek bann dimoun ki pe fete

Pou sirman desann kot li.

15 Dimoun pou azenou,

Dimoun pou ganny imilye

E bann dimoun ki arogan pou ganny imilye.

18 Maler pour bann dimoun ki koz manti! Zot trenn zot fot ek zot pese

Parey en zannimo i trenn en saret avek bann lakord.

Les sa Enn ki Sen Izrael akonpli son plan*

Pour nou konn son plan!”

20 Maler pour sa bann dimoun ki dir ki sa ki byen i mal e sa ki mal i byen,

Sa bann dimoun ki dir ki fernwanr i lalimyer e ki lalimyer i fernwanr,

Sa bann dimoun ki dir ki sa ki dou i anmer e sa ki anmer i dou!

21 Maler pour sa bann dimoun ki krwar ki zot saz

E ki krwar ki zot pridan!

22 Maler pour bann dimoun ki kontan bwar en kantite diven

E pour bann dimoun ki konn melanz byen bann lalkol,

23 Pour bann dimoun ki pran gous e ki dir ki bann move dimoun pa koupab

E ki anpes bann dimoun ki fer sa ki byen* ganny lazistis!

24 Alor, zis parey dife i bril lapay sek

E zerb sek i brile dan dife,

Zot bann rasin pou pouri

E zot bann fler pou anvole parey lapousyer,

Parski zot in rezet lalwa* Zeova Sef larme

E zot pa’n respekte sa ki sa Enn ki Sen Izrael in dir.

25 I pour sa rezon ki Zeova i ankoler avek son pep

E i pou lev son lanmen e pini zot.

Bann montanny pou tranble

E lekor bann dimoun mor pou parey salte dan semen.

Sanmenm sa i ankor ankoler

E i ankor pe lev son lanmen pour pini zot.

Zot sentir dan zot leren pa’n ganny delarge

E lase zot sandalet pa’n kase.

28 Tou zot bann fles in fite

E zot in ploy* tou zot bann lark.*

Sabo zot bann seval i parey ros

E zot bann larou i parey en tanpet divan.

30 Sa zour, zot pou gronnyen akoz li

Parey lanmer i gronnyen.

Mon’n fini mor,*

Parski mon lalev i enpir

E mon reste parmi en pep ki zot lalev i enpir.

Ou nepli koupab

E ou pese in ganny pardonnen.”

‘Zot pou kontinyen tande,

Me zot pa pou konpran.

Zot pou kontinyen vwar,

Me zot pa pou aprann nanryen.’

10 Fer leker sa pep vin dir,

Bous zot zorey

E kol zot lizye ansanm,

Pour ki zot pa vwar nanryen avek zot lizye

E pour ki zot pa tann nanryen avek zot zorey,

Pour ki zot leker pa konpran nanryen

E pour ki zot pa retourn kot mwan pour zot ganny geri.”

Ziska napa personn ki reste dan sa bann lakaz

E sa pei i ganny detrir e ganny abandonnen.

12 Ziska ki Zeova i fer bann dimoun al byen lwen

E sa pei i vin vreman dezerte.

“Sa pa pou marse

E sa pa pou arive.

 8 Parski Damas i sef* Siri

E Rezin i sef Damas.

Dan zis 65 an,

Efraim pou ganny kraze konpletman e i pou nepli egziste konman en pep.

 9 Samari i sef Efraim

E garson Remalya i sef Samari.

Si zot lafwa pa for,

Zot pa pou kapab ganny byen etabli.”’”

 6 “Vi ki sa pep in rezet sa delo Siloa* ki koul dousman

E zot kontan pour Rezin ek garson Remalya,

 7 Alor gete! Zeova pou fer zot ganny atake avek

Sa gro delo Larivyer* ki koul for,

Lerwa Asiri ek tou son laglwar.

I pou monte e kouver tou son bann fon larivyer,

I pou deborde

 8 E i pou pas partou dan Zida.

Ler i pou ouver son lezel, i pou menm larzer avek ou pei,

Emanyel!”*

Dir sa ki zot oule, me i pa pou reisi,

Parski Bondye i avek nou!*

13 Zot devret konsider Zeova Sef larme konman sa Enn ki sen,

Zot devret annan en gran respe pour li

E i sa Enn ki devret fer zot tranble.”

14 I pou vin parey en landrwa sen,

Me i pou vin parey en ros ki dimoun i tap avek

E parey en ros ki fer dimoun tonbe,

Bann dimoun ki dan sa de lakaz Izrael.

I pou osi vin parey en latrap ek en pyez

Pour bann zabitan Zerizalenm.

 2 Bann dimoun ki ti pe mars dan fernwanr

In vwar en gran lalimyer.

Me bann dimoun ki pe reste dan sa pei lonbraz

Lalimyer in kler lo zot.

Zot dan lazwa devan ou

Parey bann dimoun ki dan lazwa dan letan rekolt,

Parey bann dimoun ki kontan partaz bann keksoz ki zot in pran.

 4 Parski ou’n kas kas sa zoug* lour ki zot ti pe anmennen,

Sa baton lo zot zepol, baton sa sef,

Parey dan letan Madyann.

 5 Tou bogi bann dimoun ki pe fer later tranble ler zot marse

Ek tou lenz ki’n mouye avek disan

Pou ganny servi pour alim dife.

 6 Parski i annan en zanfan ki’n ne pour nou,

Nou’n ganny donnen en garson.

 7 I pou kontinyen diriz* plis landrwa

E i pou kontinyen annan lape

Ler i lo tronn David e ler i pe dirize dan son rwayonm

Pour li kapab etabli son rwayonm e gard li la

Avek lazistis ek ladrwatir,

Depi la konmela e pour touzour.

 8 Zeova ti anvoy en mesaz kont Zakob

E sa in ariv avek Izrael.

 9 Tou dimoun pou konnen,

Setadir Efraim ek bann zabitan Samari.

10 “Bann blok* in tonbe,

Me nou pou konstri avek bann ros ki’n ganny taye.

Bann pye sikamor* in ganny koupe,

Me nou pou ranplas zot avek bann pye sed.”

11 Zeova pou fer bann lennmi Rezin atak li

E i pou fer son bann lennmi pran aksyon,

12 Siri pou sorti dan les e bann Filisten pou sorti dan was*

E zot pou ouver zot labous pour devor Izrael.

Sanmenm sa i ankor ankoler

E i ankor pe lev son lanmen pour pini zot.

14 Zeova pou koup latet Izrael ek son lake,

Son bourzon ek son fatak,* dan en zour.

15 Sa ansyen ek sa enn ki ganny byen respekte i latet

E sa profet ki pe donn bann lenstriksyon ki pa vre i lake.

16 Sa bann dimoun ki pe diriz sa pep pe fer zot pa konnen kote pour ale

E sa bann dimoun ki pe ganny dirize i konfize.

17 I pour sa rezon ki Zeova pa pou kontan zot bann garson

E i pa pou pran pitye pour zot bann orfelen* ek zot bann vev

Parski zot tou zot in aret ador Bondye, zot en bann move dimoun

E zot tou zot dir bann keksoz ki pa fer sans.

Sanmenm sa i ankor ankoler

E i ankor pe lev son lanmen pour pini zot.

18 Parski bann move keksoz i brile parey en dife

Ki pe bril bann touf pikan ek bann move zerb.

I pou met dife dan bann brousay dan lafore

E zot pou fer en gro lafimen monte.

19 Vi ki Zeova Sef larme i ankoler,

Sa pei pe brile

E sa pep pou ganny servi pour alim dife.

20 En dimoun pou koup lavyann lo kote drwat

Me i pou ankor lafen.

En dimoun pou manz lavyann lo kote gos

Me i pa pou satisfe.

Sakenn pou manz lavyann lo son prop lebra,

21 Manase pou manz Efraim

E Efraim pou manz Manase.

Sanmenm sa i ankor ankoler

E i ankor pe lev son lanmen pour pini zot.

10 Maler pour bann dimoun ki fer bann lareg ki fer dimoun ditor,

Bann dimoun ki kontinyen fer bann lord ki fer dimoun soufer,

 2 Pour anpes bann dimoun pov defann zot drwa,

Pour anpes bann dimoun ki pa enportan parmi mon pep ganny lazistis.

Zot pran keksoz bann vev

Ek keksoz bann orfelen!*

 3 Ki zot pou fer ler sa zour kot zot pou bezwen rann kont* i arive,

Ler sa enn ki detri ki sorti lwen i vini?

Kote zot pou taye pour ganny led

E kote zot pou kit zot larises?*

 4 Napa nanryen pour fer eksepte azenou parmi bann prizonnyen

Oubyen tonm parmi bann dimoun ki’n ganny touye.

Sanmenm sa i ankor ankoler

E i ankor pe lev son lanmen pour pini zot.

 5 Gete! Sa Asiriyen,

Sa baton ki mon pou servi pour montre ki mon ankoler

E sa baton dan zot lanmen ki mon pou servi pour montre ki mon ankoler!

 6 Mon pou anvoy li kont en nasyon ki’n aret ador Bondye,

Kont sa pep ki fer mwan vreman ankoler.

Mon pou donn li lord pour li pran en kantite keksoz

E pour li pil pil lo zot parey labou dan bann semen.

 7 Me sa i pa sa ki i pou anvi fer

E son leker pa pou fer sa kalite plan.

Parski dan son leker i anvi detri,

Detri en kantite nasyon, pa zis en ptigin.

 8 Parski i dir,

‘Eski pa tou mon bann prens i bann lerwa?

10 Mon lanmen in tyonbo bann rwayonm ki ador bann bondye ki pa vo nanryen,

Ki annan plis stati* ki Zerizalenm ek Samari!

11 Mon pou fer menm keksoz ki mon ti fer avek Samari ek son bann zidol ki pa vo nanryen,

Avek Zerizalenm ek son bann zidol osi.’

12 “Ler Zeova i fini fer tou son travay lo Montanny Siyon e dan Zerizalenm, i* pou pini lerwa Asiri parski i orgeye, i fyer e i arogan. 13 Parski i dir,

‘Mon pou fer sa avek lafors ki dan mon lanmen

E avek mon lasazes, parski mon saz.

Mon pou tir bann lafrontyer parmi bann pep

E mon pou pran zot bann trezor.

14 Parey en dimoun ki pe met son lanmen dan en nik,

Mon pou pran bann resours bann pep.

Parey en dimoun ki pe anmas bann dizef ki’n ganny abandonnen,

Mon pou anmas tou sa ki lo later!

16 Alor sa vre Senyer, Zeova Sef larme,

Pou fer bann zonm ki gro megri e fay

E i pou alim en gro dife anba son laglwar.

17 Lalimyer Izrael pou vin en dife

E sa Enn ki Sen Izrael pou vin en laflanm.

19 Bann pye dibwa ki reste dan son lafore

Pou sitan ptigin, ki en pti garson pou kapab kont zot e ekri ki kantite i annan.

20 Sa zour, bann dimoun Izrael ki reste

Ek bann dimoun dan desandans* Zakob ki’n sirviv

Pou nepli depan lo sa enn ki’n atak zot.

Me zot pou depan lo Zeova,

Sa Enn ki Sen Izrael e zot pou reste fidel avek li.

21 Zis sa ki reste ki pou retournen,

Sa ki reste dan desandans Zakob ki pou retourn kot sa Bondye pwisan.

22 Izrael, parski menm si ou pep

I parey bann gren disab o bor lanmer,

Zis sa ki reste parmi zot ki pou retournen.

Bondye in fini deside pour detri zot

E lazistis* pou kouver zot parey linondasyon.

23 Wi, Souvren Senyer, Zeova Sef larme in deside detri zot

E sa pou ganny fer antye dan sa pei.

27 Sa zour, son fardo pou sorti lo ou zepol,

Son zoug* pou sorti lo ou likou

E sa zoug pou ganny kase akoz sa delwil.”

I sakouy son lanmen* avek montanny fiy Siyon,

Montanny Zerizalenm.

33 Gete! Sa vre Senyer, Zeova Sef larme,

Pe koup bann brans e zot fer en gro tapaz ler zot tonbe.

Bann pli gran pye dibwa pe ganny koupe

E sa ki gran pe ganny zet ater.

34 I koup bann brousay dan lafore avek en zouti an fer*

E en zonm for pou zet Liban ater.

11 En pti brans pou pouse lo siko Zese

E en bourzon ki sorti dan son bann rasin pou raport fri.

 2 I pou ganny lespri sen Zeova,

I pou saz e i pou entelizan,

I pou donn bann bon konsey e i pou for,

I pou annan konnesans e i pou annan en gran respe pour Zeova.

I pa pou ziz zis dapre sa ki i vwar,

I pa pou koriz zis dapre sa ki i tande.

 4 I pou ziz bann dimoun ki pa enportan avek lazistis*

E i pou koriz dan en fason ki drwat pour bann dimoun ki annan limilite lo later benefisye.

I pou tap later avek sa baton ki sorti dan son labous

E i pou touy bann move dimoun avek sa souf ki sorti dan son labous.

 5 Ladrwatir pou vin en sang dan son leren

E fidelite pou vin en sang lo son laans.

 6 Lelou pou reste avek pti mouton pour en pe letan,

Leopar pou alonze avek pti kabri,

Pti bef, lyon ek zannimo angrese pou ansanm zot tou.*

 7 Bef ek lours pou manz ansanm

E zot piti pou alonze ansanm.

 8 En zanfan ki ankor pe tete pou zwe kot en kobra i reste

E en zanfan ki’n sevre* pou met son lanmen lo trou kot en serpan anpwazonnen i reste.

 9 Zot pa pou fer okenn keksoz mal

E zot pa pou detri nanryen partou lo mon montanny sen,

Parski konnesans lo Zeova pou vreman ranpli later

Zis parey delo i kouver fon lanmer.

Bann nasyon pou al rod gidans kot li*

E son landrwa repo pou ganny glorifye.

13 Efraim pou aret zalou

E bann dimoun ki ay Zida pou ganny detrir.

Efraim pa pou zalou Zida

E Zida pa pou ay Efraim.

Zot pou anvoy zot lanmen kont* Edonm ek Moab

E bann Amonnit pou vin zot bann serviter.

15 Zeova pou separ* sa labe* ki dan lanmer Lezip

E i pou lev son lanmen lo Larivyer.*

I pou soufle en divan so lo son* set larivyer

E i pou fer bann dimoun traverse dan zot sandalet.

16 I pou annan en gran semen ki pou sorti Asiri pour larestan son pep ki reste,

Zis parey i ti annan pour Izrael zour i ti sorti Lezip.

“O Zeova, mon dir ou mersi,

Parski menm si ou ti ankoler avek mwan,

Avek letan ou ti aret ankoler e ou ti konsol mwan.

Parski Ya* Zeova i mon lafors ek mon pwisans

E i’n vin mon sover.”

 3 Ou pou kontan pour tir delo

Dan bann sours delo ki sov lavi.

 6 Bann zabitan* Siyon, kriy for e kriy avek lazwa,

Parski sa Enn ki Sen Izrael i gran parmi ou.”

Kriy zot, lev lanmen avek zot,

Pour zot kapab antre dan larantre bann dimoun enportan.

Mon’n rasanble mon bann gerye pour zot montre ki mon ankoler,

Zot dan lazwa e zot fyer.

Ekoute! Bann rwayonm pe fer tapaz,

Sa i bann nasyon ki’n rasanble ansanm!

 5 Zot pe vini e zot sorti dan en pei byen lwen,

Dan bout lesyel,

Zeova ek bann zarm ki i pou servi akoz i ankoler,

Pour detri later antye.

 7 I pour sa rezon ki lebra tou dimoun pou tonbe

E tou dimoun pou per.*

Zot pe tranble e zot dan douler

Parey en madanm ki pe ganny pti baba.

Zot get kanmarad dan sok,

Zot figir i montre ki zot pe soufer.

 9 Gete! Zour Zeova pe vini,

Sa zour i kriyel avek firer ek gran lakoler.

I pou fer bann dimoun soke ler zot vwar ki’n arive avek sa pei

E i pou detri tou dimoun ki fer pese dan sa pei.

10 Parski bann zetwal dan lesyel ek zot bann group zetwal*

Pa pou alimen.

Soley pou sonm ler i leve

E lalin pa pou klere.

11 Mon pou fer later* rann kont pour bann move keksoz ki i’n fer

E mon pou fer bann move dimoun rann kont pour zot fot.

Mon pou fer bann dimoun arogan aret fyer

E mon pou abes bann diktater ki arogan.

12 Mon pou fer bann dimoun* vin pli rar ki lor pir

E mon pou fer bann dimoun vin pli rar ki lor sorti Ofir.

14 Parey en gazel ki pe ganny sase e parey en troupo ki napa personn pou rasanble li,

Sak dimoun pou retourn kot son pep.

15 Sa ki ganny trouve pou ganny pike

E sa ki ganny tyonbo pou ganny touye avek lepe.

16 Zot bann zanfan pou ganny kraze devan zot,

Zot pou vol bann keksoz dan zot lakaz

E zot bann madanm pou ganny vyole.

Larzan pa nanryen pour zot

E zot pa enterese avek lor.

19 Babilonn, sa rwayonm ki annan plis laglwar* parmi bann rwayonm,

I zoli e sa i fer bann Kaldeen fyer.

20 Personn pa pou reste laba ankor,

Personn pa pou kapab reste laba, zenerasyon apre zenerasyon.

I pou napa okenn Arab ki pou mont son latant laba

E i pou napa okenn berze ki pou fer son troupo repoz laba.

Bann lotris* pou reste laba

E bann kabri maron* pou sot sote laba.

22 Bann zannimo ki irle pou kriye dan son bann latour

E bann sakal* pou kriye dan son bann zoli pale.

 5 Zeova in kas baton sa enn ki move,

Baton bann sef,

 6 Sa enn ki ankoler e ki pe kontinyen bat bann dimoun,

Sa enn ki pe diriz bann nasyon avek lakoler e ki pe kontinyen persekit zot.

 8 Menm bann pye zenevriye* i kontan sa ki’n arive avek ou

E bann pye sed Liban osi i kontan.

Zot dir, ‘Depi ki ou’n tonbe,

Bann dimoun ki koup pye dibwa pa vin kot nou.’

 9 Menm sa Latonm* ki anba i kontan

Pour vin zwenn ou ler ou vini.

Ler i vwar ou, i lev sa bann ki’n mor e ki napa lafors,

Tou bann sef dominer* ki ti lo later.

10 Zot tou zot koz avek ou e zot dir ou,

‘Eski ou osi ou’n vin fay parey nou?

11 Ou lorgey in desann dan Latonm,*

Ansanm avek sa lanmizik ki zot zwe lo ou bann lenstriman lakord.

Bann moutouk i partou anba ou parey en lili

E bann lever in vin parey ou tapi.’

12 Gete ki mannyer ou’n sorti dan lesyel e ou’n tonbe,

Ou sa enn ki klate, garson granmaten!

Gete ki mannyer ou’n tonm ater,

Ou sa enn ki ti ganny laviktwar lo bann nasyon!

Mon pou lev mon tronn par lao bann zetwal Bondye

E mon pou asiz lo montanny renyon,

Dan bann landrwa pli lwen dan nor.

15 Me ou pou desann dan Latonm,*

Dan bann landrwa pli lwen dan sa trou.

Zot pou get ou byen e zot pou dir,

‘Eski li menm li sa zonm ki ti pe sekwe later,

Ki ti fer bann rwayonm tranble,

17 Ki ti fer later* vin parey en dezer,

Ki ti detri son bann lavil

E ki pa ti les son bann prizonnyen retourn kot zot?’

18 Tou lezot lerwa bann nasyon,

Wi, zot tou, zot in ganny antere dan en fason respektab,

Sakenn dan son prop latonm.*

19 Me ou, ou’n ganny zete e ou napa en latonm,

Parey en bourzon* ki personn pa kontan.

Ou’n ganny kouver avek lekor bann dimoun ki’n ganny pike avek lepe,

Ki’n ganny zete dan en trou ki annan en kantite ros,

Parey en lekor mor ki’n ganny pil pil lo la.

20 Ou pa pou zwenn zot dan en latonm,

Parski ou ti detri ou prop pei,

Ou ti touy ou prop pep.

21 Prepare pour touy son bann garson

Parski zot bann zanset i koupab,

Pour ki zot pa leve, kontrol later antye

E ranpli sa pei avek zot bann lavil.”

“I pou ariv zis parey mon anvi

E i pou ariv zis parey sa ki mon’n deside.

25 Mon pou kraz sa Asiriyen dan mon pei

E mon pou pil pil lo li lo mon bann montanny.

Son zoug* pou ganny tire lo zot

E son fardo pou ganny tire lo zot zepol.”

26 Sanmenm sa ki’n ganny deside* kont later antye

E sanmenm sa lanmen ki’n leve kont* tou bann nasyon.

27 Parski Zeova Sef larme ki’n deside,

Lekel ki pou kapab anpes sa arive?

I’n lev son lanmen,

Lekel ki pou kapab bes son lanmen?

29 “Filisti, personn pa devret dan lazwa,

Zis akoz baton sa enn ki pe tap ou in kase.

Parski en serpan anpwazonnen pou sorti dan dizef* sa serpan

E son piti pou en serpan dife ki anvole.”*

30 Anmezir ki premye ne sa dimoun ki pa enportan pe manze

E sa dimoun pov pe dormi dan sekirite,

Mon pou touy zot* avek lafanmin

E larestan dimoun kot ou pou ganny touye.

Zot devret dir ki Zeova in met fondasyon Siyon

E ki bann dimoun ki pa enportan parmi son pep pou pran refiz dan li.

Vi ki i’n ganny detrir dan en lannwit,

Lavil Ar ki dan pei Moab i trankil.

Vi ki i’n ganny detrir dan en lannwit,

Lavil Kir ki dan pei Moab i trankil.

 2 I’n mont kot Lakaz* e kot Dibonn,

Kot bann landrwa ladorasyon* pour plere.

Bann zerb ver in sek,

I nepli annan zerb e napa okenn plant ver ki reste.

 9 Parski bann delo Dimonn i ranpli avek disan

E mon annan plis keksoz pour mwan fer avek Dimonn:

Mon pou fer en lyon al kot bann dimoun Moab ki sove

E kot bann dimoun ki ankor dan sa pei.

16 Anvoy en mal mouton kot sef sa pei,

Sorti Sela, pas dan dezer

Pour al kot montanny fiy Siyon.

 2 Parey en zwazo ki’n ganny pouse dan son nik,

Koumsanmenm ki bann fiy Moab pou ete o bor larivyer Arnonn kot i pa fon.

Sa enn ki fer lezot soufer pou ganny detrir,

Sa destriksyon pou fini

E bann dimoun ki pe pil pil lo lezot dimoun pou ganny detrir lo later.

 8 Parski bann plantasyon Esbonn in fletri,

Pye rezen Sibma,

Bann sef bann nasyon in pil pil lo son bann brans ki byen rouz.*

Esbonn ek Eleale, mon pou kouver zot antye avek mon larm,

Parski zot in aret kriye pour ou bann fri mir* ek ou rekolt.*

10 Napa personn ki zwaye dan plantasyon pye fri

E napa personn ki pe sante dan lazwa oubyen ki pe kriye dan bann plantasyon rezen.

Sa enn ki kraz rezen i nepli kraz rezen dan bann preswar,

Parski mon’n fer zot aret kriye.

11 Sanmenm sa mon pe tranble anndan mwan akoz Moab,

Parey bann lakord lo en larp i tranble

E tou sa ki anndan mwan i tranble akoz Kir-Areset.

“Gete! Damas pou nepli egziste konman en lavil

E i pou vin en ta debri.

Zot pou vin bann landrwa kot bann troupo i alonze

E personn pa pou fer zot per.

 3 I pou nepli annan bann lavil ki ganny proteze avek bann gro miray dan Efraim

E i pou nepli annan en rwayonm dan Damas.

Larestan dimoun ki reste Siri

Pou parey laglwar bann Izraelit.”* La sa ki Zeova Sef larme in dir.

 4 “Sa zour, laglwar Zakob pou diminyen

E i pa pou an bonn sante,* i pou megri.

 5 I pou parey ler sa dimoun ki rekolte i anmas dible

E ler i anmas bann zepi,

Parey ler en dimoun i anmas bann zepi dan Vale Refaim.

 6 Zis sa ki’n ganny kit deryer apre rekolt ki pou reste,

Parey ler zot sakouy* en pye zoliv:

Zis de zoliv mir oubyen trwa zoliv mir ki reste lo sa brans ki pli o,

Zis kat zoliv oubyen senk zoliv ki reste lo son bann brans ki raport fri.” La sa ki Zeova Bondye Izrael in dir.

 9 Sa zour, son bann lavil ki annan bann landrwa proteksyon pou vin parey en landrwa abandonnen dan lafore,

Parey en brans ki’n ganny abandonnen devan bann Izraelit.

Sanmenm sa ou annan bann zoli plantasyon

E ou met bourzon en etranze* parmi sa bann plantasyon.

11 Dan lazournen, ou fer sir ki ou met baraz otour ou plantasyon,

Dan bomaten, ou fer ou lagrenn bourzonnen,

Me ou pou perdi ou rekolt ler ou byen malad e ler ou dan en douler ki pa pase.

12 Ekoute! I annan en kantite dimoun ki pe fer tapaz,

Zot pe fer tapaz parey ler lanmer i move!

Bann nasyon pe fer tapaz,

Zot pe fer tapaz parey bann gro laroul i fer tapaz!

Zot pou sove parey lapay dible lo montanny ler divan i soufle,

Parey en touf pikan ki pe roule dan en tanpet divan.

Sanmenm sa ki pou arive avek bann dimoun ki vin pran nou bann keksoz

E sanmenm sa ki pou arive avek bann dimoun ki vin vol nou bann keksoz.

18 Maler pour sa pei ki annan bann zensek ki fer tapaz avek zot lezel

Dan rezyon bann larivyer Etyopi!

 2 I anvoy bann mesaze lo lanmer,

I fer zot travers lanmer dan bann bato ki’n ganny fer avek papiris* e i dir zot:

“Zot sa bann mesaze ki vit, ale,

Al kot en nasyon ki son bann dimoun i gran e ki zot lapo i listre,*

Kot en pep ki bann dimoun partou i per zot,

Kot en nasyon ki for e ki ganny laviktwar lo lezot nasyon,

En pei ki bann larivyer i balye son bann later.”

 3 Tou bann zabitan sa pei ek bann dimoun ki reste lo later,

Zot pou vwar en keksoz ki parey en lansenny* ki’n ganny mete lo bann montanny

E zot pou tann en son ki parey ler zot soufle tronpet.*

“Mon pou reste trankil e mon pou get mon landrwa reste,*

Parey lasaler ki sorti dan lalimyer soley,

Parey laroze ler i annan lasaler dan sezon rekolt.

 5 Parski avan sezon rekolt,

Ler bann pye rezen in fini fleri e zot bann fler i vin en grap rezen mir,

Bann pti brans pou ganny koupe avek bann gran kouto*

E bann pti lalyann pou ganny koupe e zot pou ganny tire.

 6 Zot tou zot pou ganny kite pour bann zwazo* ki dan bann montanny

E pour bann zannimo sovaz lo later.

Bann zwazo* pou pas sezon lete pe manz zot

E tou bann zannimo sovaz lo later pou pas sezon rekolt pe manz zot.

 7 Dan sa letan, en kado pou ganny anmennen kot Zeova Sef larme

E sa kado i sorti kot en nasyon ki son bann dimoun i gran e ki zot lapo i listre,*

Kot en pep ki bann dimoun partou i per zot,

Kot en nasyon ki for e ki ganny laviktwar lo lezot nasyon,

En pei ki bann larivyer i balye son bann later

E zot pou anmenn sa kado lo Montanny Siyon, sa landrwa ki port non Zeova Sef larme.”

Bann bondye Lezip ki pa vo nanryen pou tranble devan li

E Lezip pou per.*

 2 “Mon pou fer bann Ezipsyen ankoler avek kanmarad

E zot pou lager avek kanmarad.

Sak dimoun pou lager avek son frer ek son vwazen,

Lavil pou lager avek en lot lavil, rwayonm pou lager avek en lot rwayonm.

 3 Lezip pou konfize

E mon pou kas son bann plan.

Zot pou al kot bann bondye ki pa vo nanryen,

Kot bann dimoun ki zwe lanmizik pour serpan, bann dimoun ki kominik avek bann ki’n mor ek bann dimoun ki predir lavenir.

 4 Mon pou livre Lezip dan lanmen en met ki move

E en lerwa ki kriyel pou diriz zot.” La sa ki sa vre Senyer, Zeova Sef larme in dir.

 5 Lanmer pou sek

E larivyer pou sek.

 7 Bann plant o bor Larivyer Nil, sa bout larivyer ki zwenn avek lanmer

Ek tou later kot bann lagrenn in ganny senmen o bor Larivyer Nil pou sek.

 8 Bann peser pou dan dey,

Bann dimoun ki zet lanmson dan Larivyer Nil pou plennyen

E i pou annan pli ptigin dimoun ki anvoy lasenn dan delo.

 9 Bann dimoun ki fer latwal avek len*

Ek bann dimoun ki fer latwal blan pou onte.

“Mon en desandans bann dimoun saz,

En desandans bann lerwa ki ti la lontan”?

14 Zeova in fer li konfize

E zot in anbet Lezip dan tou sa ki i fer,

Parey en dimoun sou ki pe drive dan son vomi.

I pe vini parey en tanpet divan ki pas dan sid,

I sorti dan dezer, dan en pei ki fer per.

Sa enn ki tret pe azir dan en fason ki tret

E sa enn ki detri pe detri.

Mon pe tranble,

Parey ler en madanm pe ganny pti baba.

 7 I ti vwar en saret lager avek en group seval,

En saret lager avek bann bourik,

En saret lager avek bann samo.

“O Zeova, mon pe debout lo latour dan lazournen

E mon reste kot sa landrwa kot mon veye tou le swar.

10 Mon pep, ou’n ganny bate parey dimoun i bat lagrenn,

Sa bann lagrenn* dan mon landrwa kot dible i ganny bate,

Mon’n dir zot sa ki Zeova Sef larme, Bondye Izrael in dir mwan.

Zot pou pas lannwit dan lafore dan dezer,

Zot ki sorti Dedann e ki pe vwayaze.

14 Bann zabitan Tema,

Anmenn delo pour zot al zwenn sa dimoun ki swaf

E anmenn dipen pour sa dimoun ki pe sove.

15 Parski zot in sove e zot pa’n ganny touye avek lepe, avek sa lepe ki’n ganny tire dan fouro,*

Avek lark ki’n ganny ploye e dan lager.

 2 I ti annan en kantite dezord kot ou,

Ou ti en lavil ki ti fer en kantite tapaz, ou lavil ti fyer.

Ou bann dimoun ki’n ganny touye pa’n ganny touye avek lepe

E zot pa’n mor dan lager.

Zot ti fer tou dimoun ki zot ti trouve vin bann prizonnyen,

Menm si zot ti’n sove e al byen lwen.

 4 Sanmenm sa mon ti dir: “Pa bezwen get mwan,

Les mwan plere asodlarm.

Pa bezwen esey konsol mwan

Zis akoz fiy* mon pep in ganny detrir.

Souvren Senyer, Zeova Sef larme ki pou fer sa

Dan Vale Vizyon.

Miray pe ganny kraze,

Zot get montanny e zot kriye.

 6 Elam i pran fouro*

E osi bann saret lager ek bann seval*

E Kir i tir kouvertir lo* boukliye.

 7 Ou bann pli zoli vale

Pou ranpli avek bann saret lager

E bann seval* pou pran zot pozisyon kot baro

 8 E sa rido* ki pour Zida pou ganny tire.

12 Sa zour, Souvren Senyer, Zeova Sef larme,

Pou dir bann dimoun plere e ki zot devret dan dey

E osi ki zot devret raz zot latet e met latwal goni* lo zot.

13 Me o kontrer, zot pe selebre e zot dan lazwa,

Zot pe touy bef e zot pe touy mouton,

Zot pe manz lavyann e zot pe bwar diven.

 3 Lagrenn sorti Sior* ek bann rekolt ki sorti dan rezyon Larivyer Nil

Ti ganny anmennen lo en kantite delo.

 4 Sidon, sa landrwa proteksyon o bor lanmer, ou devret onte,

Parski lanmer in dir:

“Mon pa’n ganny douler ki en madanm i gannyen ler i pe ganny pti baba e mon pa’n deza ganny pti baba

E mon pa’n deza fer grandi bann garson oubyen bann zenn fiy.”*

 5 Zis parey bann dimoun ti ete ler zot ti tann nouvel konsernan Lezip,

Bann dimoun pou soufer ler zot pou tann nouvel konsernan Tir.

 8 Lekel ki’n deside pour fer sa kont Tir,

Sa enn ki donn bann kouronn,

Sa enn ki son bann marsan ti bann prens,

Sa enn ki son bann marsan ti ganny onore lo later antye?

 9 Zeova Sef larme ki’n deside pour fer sa,

Pour fer li aret orgeye parski i ti orgeye akoz i ti zoli,

Pour imilye tou sa bann dimoun ki ti ganny onore partou lo later.

12 I dir: “Ou pou nepli dan lazwa,

Ou ki pe soufer, fiy Sidon ki vyerz.

Zot ti kraz son bann gran latour

E zot ti fer li vin en ta debri.

14 Bann bato Tarsis, plere,

Parski zot landrwa proteksyon in ganny detrir.

Sant en kantite sanson,

Pour zot kapab rapel ou.”

Bann dimoun e osi bann pret,

Bann serviter ek zot met,

Bann servant ek zot met,

Bann dimoun ki aste ek bann dimoun ki vann,

Bann dimoun ki demann prete ek bann dimoun ki prete,

Bann dimoun ki pret lezot dimoun larzan ek bann dimoun ki drwa larzan.

Zot pou pran tou son bann keksoz,

Parski Zeova ki’n dir sa.

 5 Bann zabitan dan sa pei in sali sa pei,

Parski zot pa’n obei bann lalwa,

Zot in sanz lareg

E zot in kas sa lalyans* permanan.*

 6 Sa pei in ganny en malediksyon e sanmenm sa i pe ganny detrir

E son bann zabitan i koupab.

Sanmenm sa, bann zabitan dan sa pei in vin pli ptigin

E i reste zis en ptigin zonm.

 7 Sa nouvo diven i dan dey,* sa pye rezen pe fletri

E tou bann dimoun ki ti zwaye pe plennyen.

 9 Zot bwar diven me napa lanmizik

E bann dimoun ki pe bwar lalkol i ganny gou anmer.

I pou parey ler en brans pye zoliv i ganny bate,

Parey ler bann dimoun i anmas sa ki’n reste deryer apre ki rekolt rezen in fini ganny fer.

14 Zot pou kriye,

Zot pou kriye dan lazwa.

18 Nenport dimoun ki taye akoz zot per sa tapaz, pou tonm dan sa trou

E nenport dimoun ki sorti dan sa trou pou pri dan sa latrap.

Parski delo ki dan lesyel pou devide

E bann fondasyon sa pei pou tranble.

20 Sa pei i drive parey en zonm sou

E i balanse parey en payot dan divan.

Son fot i lour lo li,

I pou tonbe e i pa pou kapab lev ankor.

21 Sa zour, Zeova pou ziz sa larme ki anler dan lesyel

E i pou ziz bann lerwa ki lo later.

22 Zot pou ganny rasanble ansanm

Parey bann prizonnyen ki’n ganny rasanble dan en trou

E zot pou ganny fermen dan en kaso.

23 Plennlin pou anbarase

E soley ki pe klere pou onte,

Parski Zeova Sef larme in vin Lerwa lo Montanny Siyon e dan Zerizalenm.

Mon glorifye ou, mon loue ou non,

Parski ou’n fer bann keksoz merveye,

Bann keksoz ki ou’n anvi fer* depi lontan.

 2 Parski ou’n fer en lavil vin en ta ros,

Ou’n fer en lavil ki ganny proteze avek bann gro miray vin en ta debri.

 4 Parski ou’n vin en landrwa proteksyon pour bann dimoun ki pa enportan,

En landrwa proteksyon pour sa dimoun pov ki pe soufer,

En landrwa kasyet ler i annan gro lapli

E en lonbraz ler soley i tro so.

Ler bann diktater i ankoler parey ler gro lapli i fwet lo miray,

 5 Parey lasaler dan en landrwa sek,

Ou fer bann etranze aret fer tapaz.

Zis parey lonbraz en nyaz i redwir lasaler,

Bann diktater in aret sante.

 6 Zeova Sef larme pou fer en lafet dan sa montanny pour tou dimoun,

En lafet ki annan bann bon manze,

En lafet ki annan bon diven,*

Ki annan bann bon manze ki’n ganny fer avek sa ki dan lezo

E ki annan bon diven ki’n ganny filtre.

 7 Dan sa montanny, i pou detri* sa latwal ki pe anvlop tou dimoun

Ek sa kouvertir* ki’n ganny fer e ki lo tou nasyon.

 8 I pou anval* lanmor pour touzour

E Souvren Senyer Zeova pou eswiy larm lo figir tou dimoun.

I pou fer son pep lo later antye aret onte,

Parski Zeova ki’n dir sa.

Nou annan lespwar dan li

E i pou sov nou.

10 Parski Zeova pou met son lanmen lo sa montanny

E Moab pou ganny kraze anba lipye

Parey zot pil pil lo lapay ki dan en ta fimyen.

11 I pou tap li avek son lanmen

Parey en nazer i tap delo avek son lanmen pour li naze

E i pou fer li aret arogan

Par servi son lanmen avek skil.

12 I pou kraz

Sa lavil ki ganny proteze avek bann gro miray ek ou bann gran miray ki an sekirite.

 2 Ouver bann baro pour ki sa nasyon ki fer sa ki byen* i kapab antre,

En nasyon ki pe kontinyen fer bann keksoz ki montre ki i fidel.

Ou pou kontinyen fer zot anpe,

Parski zot annan konfyans dan ou.

 4 Annan konfyans dan Zeova pour touzour,

Parski Ya* Zeova i sa Ros pour touzour.

I fer li desann,

I fer li desann ater.

 6 Zot pou pil pil lo li,

Bann dimoun ki pe soufer, bann dimoun ki pa enportan.”

Vi ki ou drwat,

Ou pou fer semen bann dimoun ki fer sa ki byen vin plat.

 8 O Zeova, anmezir ki nou mars lo semen lazistis,

Nou annan lespwar dan ou.

 9 Pandan lannwit, mon rod ou avek tou mon leker,

Wi, mon kontinyen rod ou.

Parski ler ou annan bann zizman pour later,

Bann zabitan dan sa pei i aprann konsernan ladrwatir.

10 Menm si ou fer bann bon keksoz pour en move dimoun,

I pa pou aprann konsernan ladrwatir.

Menm si i dan sa pei kot i annan bann dimoun drwat,* i pou fer bann move keksoz

E i pa pou vwar laglwar Zeova.

12 O Zeova, ou pou fer nou anpe,

Parski tou sa bann keksoz ki nou’n fer,

Ou menm ki’n fer pour nou.

13 O Zeova nou Bondye, apard ou, i’n annan lezot sef ki’n diriz nou,

Me zis ou non ki nou koz lo la.

Parski ou’n pini zot,

Ou’n detri zot e personn pa pou koz lo zot.

15 O Zeova, ou’n fer sa nasyon vin pli gran,

Wi, ou’n fer sa nasyon vin pli gran.

17 Zis parey en madanm ansent ki pe al ganny pti baba

I ganny bann douler e i kriye akoz i dan douler,

Ou’n fer nou santi menm parey, O Zeova.

18 Nou ti tonm ansent, nou ti ganny douler,

Me i ti konmsi nou ti’n donn nesans divan.

Nou pa’n sov sa pei

E personn pa’n ganny en zanfan pour li reste dan sa pei.

Leve e kriye dan lazwa,

Zot ki reste dan lapousyer!

Parski ou laroze i parey laroze dan bomaten*

E later pou les bann dimoun ki’n mor e ki napa lafors viv ankor.*

20 Mon pep, ale, antre dan ou bann lasanm anndan

E ferm ou bann laport par deryer ou.

Kasyet pour en pti moman

Ziska ki mon aret ankoler.*

21 Parski gete! Zeova pe sorti kot i ete

Pour fer bann zabitan dan sa pei rann kont pour zot fot.

Sa pei pou les zot vwar sa bann dimoun ki i’n touye

E i pou nepli kasyet son bann dimoun ki’n ganny touye.”

27 Sa zour, Zeova pou servi son gran lepe ki for e pwisan

E i pou touy Levyatan,* sa serpan ki ranpe,

Sa serpan ki vir vire.

Mon protez li lizour ek aswar,

Pour ki personn pa fer li ditor.

 6 Dan bann zour ki pe vini, Zakob pou ganny rasin,

Izrael pou fleri e bourzonnen.

 9 Koumsanmenm ki Zakob pou ganny pardonnen son fot

E la sa ki pou arive ler son pese i ganny pardonnen:

I pou fer tou bann ros sa lotel

Vin parey bann bout lakre* ki’n ganny kraze

E i pou nepli annan bann poto sakre* oubyen bann lotel pour lansan.

Sa pti bef pou manze e alonz laba

E i pou manz son bann brans.

11 Ler son bann brans i sek,

Bann madanm pou vini e kas son bann brans

Pour alim dife.

Sanmenm sa, sa Enn ki’n fer zot pa pou pran pitye pour zot

E sa Enn ki’n fer zot pa pou annan konpasyon pour zot.

28 Maler pour zoli kouronn* bann soular dan Efraim

Ek sa fler ki fer li vreman zoli e ki pe fletri,

Ki anler lo sa vale ki annan bon later, kot bann dimoun ki sou avek diven i reste!

Parey en tanpet lagrel, en tanpet divan ki detri tou keksoz,

Parey en gro tanpet ki fer linondasyon,

I pou zet li lo later pardfors.

 3 Sa bann zoli kouronn* bann soular dan Efraim

Pou ganny pil pil lo la.

 4 Sa fler ki fer li vreman zoli e ki pe fletri,

Ki anler lo sa vale ki annan bon later,

Pou vin parey en fig ki mir avan sezon lete.

Diven i fer zot konfize

E zot drive ler zot bwar lalkol.

Bann vizyon ki zot gannyen i fer zot fer sa ki mal

E zot pa kapab ziz byen.

 8 Parski zot bann latab i ranpli avek vomi degoutan,

Partou i annan zis vomi.

 9 Avek lekel ki i pou donn konnesans

E avek lekel ki i pou eksplik sa mesaz?

Eski i avek sa bann ki’n aret bwar dile,

Sa bann ki’n fek ganny sevre?*

10 Parski i “lord apre lord, lord apre lord,

Laliny par laliny, laliny par laliny,*

En ptigin isi, en ptigin laba.”

“Lord apre lord, lord apre lord,

Laliny par laliny, laliny par laliny,*

En ptigin isi, en ptigin laba,”

Koumsa ler zot marse,

Zot pou tonm par ledo,

Zot pou ganny blese, zot pou pri dan latrap e ganny tyonbo.

14 Alor bann dimoun vantar, ekout sa ki Zeova i dir,

Zot sa bann dirizan ki pe diriz sa pep dan Zerizalenm,

15 Parski zot dir:

“Nou’n fer en lalyans avek Lanmor

E nou’n fer en lagreman* avek Latonm.*

Ler i annan en gro linondasyon,

Sa pa pou ariv kot nou,

Parski nou’n fer mansonz vin nou landrwa kasyet

E nou’n kasyet dan sa ki pa vre.”

“Mon pe met en ros ki byen for konman fondasyon dan Siyon,

Sa ros kwen i presye e mon pou met li dan en fondasyon ki solid.

17 Mon pou fer lazistis vin en lakord pour mezire

E mon pou fer ladrwatir vin en nivo.*

Lagrel pou balye sa landrwa kasyet ki en mansonz

E delo pou detri sa landrwa kasyet.

18 Zot lalyans avek Lanmor pou ganny kase

E zot lagreman avek Latonm* pa pou reisi.

Ler i annan en gro linondasyon,

I pou kraz zot.

19 Sak fwa ki i pou annan en gro linondasyon,

I pou balye zot.

Parski i pou vini tou le bomaten,

Pandan lazournen e pandan lannwit.

20 Parski sa lili i tro kourt pour alonz lo la

E sa tapi i tro pti pour kouver avek.

I pou leve parey i ti fer dan sa vale ki o bor Gibeonn,

Pour li fer en keksoz, en keksoz ki drol

E pour li fer son travay, en travay ki drol.

22 Aprezan, pa bezwen boufonn personn,

Pour ki zot bann lasenn pa ser zot plis ankor,

Parski Souvren Senyer, Zeova Sef larme in dir mwan

Ki i’n deside detri sa pei antye.*

25 Ler i’n fer later vin menm nivo,

Eski apre sa pa i fann fann lagrenn lanni e senm lagrenn lanni nwanr?

Eski pa i plant dible, ptimil* ek lorz* dan zot landrwa?

Eski pa i plant en lot kalite dible* toultour plantasyon?

27 Parski lanni nwanr pa ganny kraze avek en plans dibwa ki bat dible

E zot pa servi larou en saret pour kraz lanni.

Plito, zot servi en baton pour bat lanni nwanr

E zot servi en baton pour bat lanni.

Ler i fer bann seval trenn saret lo la,

I pa kraz li.

Son konsey* i merveye

E i toultan reisi dan tou sa ki i fer.*

I pou dan dey, i pou sagren

E i pou vin parey sa landrwa kot zot alim dife lo lotel Bondye.

Ou pou ganny zete ater e ler ou pou koze,

Dimoun pa pou tann byen sa ki ou dir akoz lapousyer.

Ou lavwa pou sorti ater

Parey lavwa en dimoun ki kominik avek bann ki’n mor

E sa ki ou dir pou parey en pti son dan lapousyer.

 5 Lafoul ou bann lennmi* pou parey lapoud fen,

Lafoul bann diktater pou parey lapay dible ki pe anvole dan divan.

 6 Zeova Sef larme pou sov ou

Avek loraz, tranblemandter ek en gro tapaz

E osi avek tanpet divan, tanpet ek laflanm dife ki bril tou keksoz.”

 7 Alor, sa bann nasyon ki pe lager avek Ariyel,

Setadir, tou sa bann dimoun ki pe lager avek li,

Bann latour ki’n ganny konstrir pour atak li

Ek sa bann dimoun ki pe fer li soufer,

Pou vin parey en rev, parey en vizyon aswar.

 8 Wi, i pou parey ler en dimoun ki lafen i reve ki i pe manze,

Me ler i leve i lafen*

E i pou parey en dimoun ki swaf i reve ki i pe bwar en keksoz,

Me ler i leve, i fatige e i swaf.*

Sanmenm sa ki pou arive avek sa bann nasyon

Ki vin lager avek Montanny Siyon.

I’n ferm zot lizye, bann profet

E i’n kouver zot latet, bann dimoun ki ganny vizyon.

13 Zeova i dir: “Sa pep i ador mwan avek zot labous

E zot onor mwan avek zot labous,

Me zot leker i vreman lwen avek mwan.

14 Alor, mon menm mwan sa Enn ki pou fer bann keksoz merveye ankor pour sa pep,

Mon pou fer en kantite keksoz merveye.

Zot bann dimoun saz pou nepli annan lasazes

E zot bann dimoun ki pridan pou nepli entelizan.”

Zot fer zot bann keksoz dan fernwanr

E zot dir: “Lekel ki vwar nou?

17 Byento, Liban pou vin en plantasyon pye fri

E sa plantasyon pou ganny konsidere konman en lafore.

18 Sa zour, sa dimoun ki sourd pou tann parol ki dan sa liv

E sa dimoun ki aveg pou nepli dan fernwanr, zot pou vwar kler.

19 Bann dimoun ki annan limilite pou vreman zwaye akoz Zeova

E bann dimoun pov pou kontan akoz sa Enn ki Sen Izrael.

20 Parski i pou nepli annan diktater,

Sa enn ki vantar pou nepli la

E tou dimoun ki pare pour fer sa ki mal pou ganny detrir,

21 Wi, sa bann dimoun ki koz manti pour kondann lezot dimoun,

Ki met latrap pour bann dimoun ki defann* lezot dimoun kot baro lavil

E ki dir bann keksoz ki pa fer sans zis pour anpes en dimoun ki fer sa ki byen* ganny lazistis.

“Zakob pou nepli onte

E son figir pou nepli vin pal.*

23 Parski ler i vwar son bann zanfan otour li,

Son bann zanfan ki mon’n fer,

Zot pou sanktifye mon non.

Wi, zot pou sanktifye sa Enn ki Sen Zakob

E zot pou annan en gran respe pour Bondye Izrael.

24 Bann dimoun ki rebele* pou vin entelizan

E bann dimoun ki konplent pou aksepte lenstriksyon.”

30 La sa ki Zeova i dir: “Maler pour bann garson ki antete,

Ki fer bann plan ki pa mwan ki’n fer,

Ki fer bann lalyans,* kan mon pa’n donn zot mon lespri sen,

Pour zot kontinyen fer plis pese ankor.

 2 Zot desann Lezip san demann mwan konsey,

Pour Faraon protez zot*

E pour zot kasyet anba lonbraz Lezip!

 3 Me proteksyon Faraon pou fer zot onte

E zot pou ganny imilye akoz zot in al kasyet anba lonbraz Lezip.

 4 Parski son bann prens i dan lavil Zoann

E son bann mesaze in ariv Anes.

 5 En pep ki pa ni menm kapab ed zot

Pou fer zot tou onte.

I pa kapab ed zot e i pa pou donn zot nanryen,

I pou zis fer zot onte e anbarase.”

Dan sa pei ki annan maler ek en kantite problenm,

Ki annan lyon, sa lyon ki kriye,

Ki annan serpan anpwazonnen* ek sa serpan dife ki anvole,*

Zot anmenn zot larises lo ledo bann bourik

E zot anmenn zot bann provizyon lo ledo bann samo.

 8 “Aprezan, ale e ekri sa lo en plak devan zot

E ekri li dan en liv,

Pour ki dan lavenir i kapab ganny servi

Konman en temwannyaz pour touzour.

 9 Parski zot en pep ki rebel, zot en bann garson ki anbet lezot dimoun,

Bann garson ki pa oule ekout lalwa* Zeova.

“Vi ki zot rezet mon parol,

Zot krwar bann keksoz ki pa vre, zot fer frod

E zot depan lo sa bann keksoz,

13 Alor pour zot, sa fot pou parey en miray ki’n kase,

Parey en miray ki o ki’n kabannen e ki pros pour tonbe.

14 I pou kase parey en gro resipyan ki en potye in fer,

I pou’n telman kraze ki i pa pou reste ni en pti bout

Pour anmas labrez dan dife

Oubyen pour anmas delo ater.”*

Senk dimoun pou fer zot taye

Ziska lakantite dimoun ki reste parmi zot i vin parey en lema lo en latet montanny,

Parey en poto ki annan en lansenny lo en montanny.

18 Me Zeova pe espere avek pasyans* pour demontre konpasyon anver zot

E i pou leve e pran pitye pour zot.

I pe koz avek lakoler

E son lalang i parey en dife ki pe bril tou keksoz.

28 Son lespri sen* i parey en larivyer ki pe deborde e delo i ariv ziska kot likou,

Pour li sekwe bann nasyon dan en tanmi ziska napa nanryen ki reste.*

29 Me zot sanson pou parey sa sanson ki zot sante aswar

Ler zot prepare* pour en lafet

E zot leker pou dan lazwa parey en dimoun

Ki pe marse avek* en laflit

Anmezir i al lo montanny Zeova, kot Ros Izrael.

30 Zeova pou fer zot tann son lavwa ki pwisan

E i pou montre zot son lebra anmezir ki i desann byen ankoler,

Avek laflanm en dife ki bril tou keksoz,

Avek en gro lapli, loraz ek lagrel.

32 Sak fwa ki Zeova i tap bann Asiriyen

Avek son baton pour pini zot,

I pou annan bann son tanbourin* ek bann son larp

Anmezir ki i lev son lebra pour lager avek zot.

Sa landrwa ki i’n fer pour met bann dibwa an ta, i fon e larz

E i annan en kantite dibwa ek dife.

Parey en larivyer souf,* souf Zeova

Pou met dife ladan.

31 Maler pour bann dimoun ki desann Lezip pour al rod led,

Bann dimoun ki depan lo bann seval,

Bann dimoun ki annan konfyans dan bann saret lager akoz i annan en kantite saret

E bann dimoun ki annan konfyans dan bann seval lager* akoz zot for.

Me zot pa depan lo sa Enn ki Sen Izrael

E zot pa rod Zeova.

 2 Me li osi i saz, i pou anmenn maler

E i pou fer sa ki i’n dir.

I pou pran aksyon kont bann move dimoun

E kont bann dimoun ki ed bann dimoun ki fer sa ki mal.

Ler Zeova i lev son lanmen,

Nenport dimoun ki vin ede, pou tonbe

E nenport dimoun ki ganny led, pou tonbe.

“Zis parey en lyon i kriye, en zenn lyon for i kriye ler i vey sa zannimo ki i’n touye,

Ler en group berze i rasanble pour atak li

E sa lyon pa per zot lavwa

E i pa ni per bann tapaz ki zot fer,

Koumsanmenm ki Zeova Sef larme pou desann pour vin lager

Pour Montanny Siyon e pour son pti montanny.

I pou sove akoz sa lepe

E son bann zonm pou ganny forse pour travay dir.

 9 Son ros pou disparet akoz lafreyer

E son bann prens pou per akoz sa poto ki annan en lansenny.” La sa ki Zeova in dir,

Sa Enn ki son lalimyer* i Siyon e ki son four i Zerizalenm.

32 Gete! En lerwa pou dirize avek ladrwatir

E bann prens pou dirize avek lazistis.

 2 Sakenn pou vin parey en landrwa kasyet ler i annan divan,

En landrwa kasyet ler i annan gro lapli,

Parey bann pti larivyer dan en landrwa kot napa delo,

Parey lonbraz en gro ros dan en landrwa sek.

 3 Alor lizye bann dimoun ki vwar kler pou nepli kole

E zorey bann dimoun ki tande pou ekout byen.

 4 Leker bann dimoun ki azir deswit pou reflesir lo konnesans

E lalang bann dimoun ki begeye pou koz byen e kler.

 5 En dimoun bet pou nepli ganny konsidere konman en dimoun ki zenere

E en dimoun ki pa swiv bann prensip moral pa pou ganny konsidere konman en dimoun enportan.

 6 Parski en dimoun bet pou dir bann keksoz ki pa fer sans

E i pou mazin fer bann keksoz mal dan son leker

Pour li fer bann dimoun aret ador Bondye,* pour li dir bann keksoz ki pa vre lo Zeova,

Pour li fer sa dimoun ki lafen pa ganny manze

E pour li anpes sa dimoun ki swaf ganny en keksoz pour bwar.

I ankouraz bann dimoun pour fer bann keksoz ki fer onte

E i koz manti pour fer en dimoun ki pe soufer pas dan en kantite maler,

Menm ler en dimoun pov i dir sa ki byen.

 8 Me en dimoun ki zenere i toultan anvi donnen,

E i kontinyen zenere dan tou sa ki i fer.

10 Dan en pti pe plis ki enn an, zot ki pa enkyet zot pou tranble,

Parski i pou napa okenn fri ki pou’n ganny anmase ler rekolt rezen in fini.

Tir zot lenz lo zot

E met latwal goni* dan zot leren.

12 Tap zot lestoman e plennyen

Pour sa bann zoli plantasyon ek sa pye rezen ki raport fri.

Zot pou kouver tou bann lakaz kot i annan lazwa,

Wi, sa lavil ki pe selebre.

Ofel ek sa latour in vin en dezer pour touzour,

En landrwa ki bann bourik maron i kontan,

En laplenn zerb pour bann troupo,

15 Ziska ki Bondye i donn nou lespri sen

E sa dezer i vin en plantasyon pye fri

E sa plantasyon pye fri i ganny konsidere konman en lafore.

16 Alor lazistis pou reste dan dezer

E ladrwatir pou reste dan plantasyon pye fri.

17 Vre ladrwatir pou anmenn lape

E vre ladrwatir pou anmenn trankilite ek sekirite pour touzour.

18 Mon pep pou reste dan en landrwa ki trankil,

Dan bann landrwa ki an sekirite e ki trankil kot zot kapab repoze.

19 Me lagrel pou kraz sa lafore

E sa lavil pou ganny kraze konpletman.

20 Ere zot ki senm lagrenn partou kot i annan delo,

Zot ki larg toro ek bourik.”

Vin nou lafors* tou le bomaten,

Wi, sa Enn ki sov nou ler nou dan maler.

 5 Zeova pou ganny glorifye,

Parski i reste anler dan lesyel.

I sa Enn ki donn en kantite lasazes, konnesans, delivrans e gran respe pour Zeova,

Sa i son trezor.

Saronn in vin parey en dezer

E Basann ek Karmel in fer zot bann fey tonbe parey bann pye dibwa.

15 Sa enn ki kontinyen fer sa ki byen,*

Ki koz laverite,

Ki rezet profi malonnet e ki pa fer frod,

Ki pa pran gous,

Ki bous son zorey pour li pa tann koz lo mert

E ki ferm son lizye pour li pa vwar sa ki mal.

Son landrwa kasyet* ki an sekirite pou dan bann landrwa proteksyon ki ganny fer avek ros,

I pou ganny son dipen

E i pou toultan annan delo.”

19 Ou pou nepli vwar sa pep ki arogan,

En pep ki koz en langaz ki tro difisil* pour konpran,

Ki begeye e ki ou pa konpran sa ki zot dir.

Ou pou vwar Zerizalenm konman en landrwa trankil pour reste,

En latant ki pa pou sanz plas.

Son bann pike pa pou zanmen ganny tire

E son bann lakord pa pou zanmen kase.

21 Me laba, Zeova, sa Enn pwisan,

Pou vin parey en rezyon kot i annan bann larivyer ek bann gran transe* pour nou,

Kot bann bato lager pa pou ale

E kot bann gro bato pa pou pase.

22 Parski Zeova i nou Ziz,

Zeova i sa Enn ki donn lalwa,

Zeova i nou Lerwa.

34 Zot sa bann nasyon, vin pros pour zot tande

E zot sa bann pep, ekout byen.

Ki later ek tou sa ki ladan, i ekoute,

Later ek tou sa ki viv lo la.

 2 Parski Zeova i ankoler avek tou bann nasyon

E i vreman ankoler avek tou zot larme.

 3 Bann dimoun ki’n ganny touye pou ganny zet deor

E loder sa bann lekor mor pou monte.

 4 Tou bann larme dan lesyel pou pouri

E lesyel pou ganny roule parey en roulo.

Tou zot larme pou fletri,

Parey en fey sek lo en pye rezen i tonbe

E parey en fig sek lo en pye fig i tonbe.

I pou desann pour ziz Edonm,

Sa pep ki mon pou detri konpletman.

I pou kouver avek lagres,

Avek disan bann zenn mal mouton ek kabri,

Avek lagres ki lo ronnyon bann mal mouton.

Parski Zeova i annan en sakrifis dan lavil Bozra,

I’n touy en kantite dimoun dan pei Edonm.

 7 Bann toro maron pou desann avek zot,

Bann zenn toro ek bann gro toro.

Zot later pou ranpli avek disan

E zot lapousyer pou tou tranpe avek lagres.”

 8 Parski Zeova i annan en zour pour revanze,

En lannen kot i pou pini bann dimoun pour bann move keksoz ki zot in fer avek Siyon.

 9 Son* bann pti larivyer pou vin koltar,*

Son lapousyer pou vin souf*

E son pei pou vin parey koltar ki pe brile.

11 Pelikan ek tang* pou reste laba

E bann ibou gran zorey ek bann korbo pou reste laba.

Bondye pou servi sa lakord ki mezire ek en filaplon* pour mezir sa landrwa pour montre

Ki i pou vid e ki i pa pou vo nanryen.

12 Ni enn son bann dimoun enportan pa pou ganny demande pour vin lerwa

E tou son bann prens pou vin bann nanryen ditou.

13 Bann pye pikan pou pouse dan son bann gran latour,

Bann touf pikan ek bann move zerb pou pouse dan son bann lavil for.

I pou vin en landrwa kot bann sakal* i reste,

En landrwa kot bann lotris* i reste.

14 Bann zannimo ki reste dan dezer pou zwenn avek bann zannimo ki irle

E bann kabri maron* pou kriy en lot kabri maron.

15 Serpan* pou fer son nik laba e i pou ponn son bann dizef,

I pou sof zot e i pou met son bann piti anba li.

Zot tou zot pou annan zot mal ek femel,

Parski Zeova ki’n donn sa lord

E son lespri sen ki’n rasanble zot ansanm.

17 Li menm ki’n tir osor* pour zot

E son prop lanmen ki’n mezir sa landrwa ki zot in gannyen.*

35 Sa dezer ek sa pei ki sek pou selebre,

Sa dezer pou dan lazwa e i pou fleri parey safran.*

I pou ganny sa laglwar ki Liban ti annan

E osi labote Karmel ek Saronn.

 3 Fer bann lanmen ki fay vin for

E fer bann zenou ki pe tranble vin for.

Gete! Zot Bondye pou revanze,

Bondye pou pini zot bann lennmi.

 5 Sa letan, lizye sa dimoun ki aveg pou ouver

E zorey sa dimoun ki sourd pou debouse.

 6 Sa letan, sa dimoun ki bwete pou sote parey en serf

E lalang sa dimoun ki kozpa pou kriye dan lazwa.

Parski i pou annan en kantite delo ki pou koule dan dezer

E bann pti larivyer pou koule dan dezer.

 7 Kot later i sek i pou vin en lanmar ranpli avek zon*

E kot later i sek i pou vin bann sours delo.

Dan bann landrwa kot bann sakal* i reste

I pou annan bann zerb ver, zon ek papiris.*

 8 I pou annan en gran semen laba,

Wi, en semen ki pou ganny apele Semen ki Sen.

 9 I pou napa lyon laba

E bann zannimo sovaz pa pou vin lo la.

Avek lekel ou’n lev ou lavwa

E lev ou lizye arogan avek?

24 Ou’n provok Zeova par ou bann serviter e dir,

‘Avek mon kantite saret lager

Mon pou mont bann montanny,

Bann landrwa pli lwen dan Liban.

Zot pou vin parey bann plant dan lakanpanny e parey bann zerb ver,

Parey zerb lo bann twa ki’n ganny brile dan divan les.

28 Me mon konn byen ler ou asize, ler ou sorti, ler ou antre

E ler ou ankoler avek mwan,

29 Parski mon’n tande ler ou ankoler avek mwan e ler ou kriye.

Alor, mon pou met mon lanmson* dan ou nennen e mon pou kontrol ou*

E mon pou fer ou retourn kot ou sorti.”

“I pa pou antre dan sa lavil,

Ni tir en fles,

Ni atak li avek en boukliye,

Ni met en ta later apiye avek miray sa lavil pour atak li.”’

35 ‘Mon pou defann sa lavil e sov li akoz mon non

E akoz David mon serviter.’”

10 Mon ti dir: “Mon’n ariv lanmwatye mon lavi

E mon bezwen antre dan bann baro Latonm.*

12 Mon landrwa reste in ganny tire e i nepli la avek mwan

Parey latant en berze.

Mon pou annan limilite* mon lavi antye

Parski mon pe soufer en kantite.*

16 ‘O Zeova, sa bann keksoz* ki fer tou dimoun viv

E zot ki fer mwan reste vivan.

Me vi ki ou kontan mwan,

Ou pa’n les mwan al dan sa trou ki detri.

18 Parski Latonm* pa kapab glorifye ou,

Lanmor pa kapab loue ou.

19 Sa dimoun ki vivan, wi, sa dimoun ki vivan i kapab loue ou,

Zis parey mon pe fer ozordi.

20 O Zeova, sov mwan

E nou pou zwe mon bann sanson lo bann lenstriman lakord

Tou nou lavi kot lakaz Zeova.’”

 2 “Koz dan en fason ki pou tous leker* Zerizalenm

E dir li ki son travay dir ki i’n ganny forse pour fer, in fini.

 4 Ki tou bann vale i vin pli o,

Ki tou bann montanny ek pti montanny i ganny aplati.

Sa later ki annan bann bos i devret vin plat

E sa later ki pa nivo i devret vin en laplenn.*

 5 Zot pou vwar laglwar Zeova

E tou dimoun* pou vwar sa,

Parski Zeova ki’n dir sa.”

 7 Zerb i vin sek,

Fler i fletri,

Parski Zeova in soufle son souf * lo zot.

 8 Zerb i vin sek,

Fler i fletri,

Me parol nou Bondye i reste pour touzour.”

 9 Mont lo en gran montanny,

Ou madanm ki pe anmenn bon nouvel pour Siyon.

Koz byen for,

Ou madanm ki pe anmenn bon nouvel pour Zerizalenm.

10 Gete! Souvren Senyer Zeova pou vini avek pwisans

E i pou diriz avek son lebra.

Gete! Rekonpans ki i donnen i avek li

E sa saler ki i peye i devan li.

I pou rasanble bann pti mouton avek son lebra

E i pou anmenn zot lo son lestoman.

12 Lekel ki’n mezir delo dan son lanmen

E mezir lesyel avek larzer son lanmen?*

Lekel ki’n met lapousyer dan en resipyan ki mezire

Oubyen pez bann montanny dan bann balans

E bann pti montanny dan bann balans?

Lekel ki ansenny li semen lazistis,

Oubyen lekel ki ansenny li konnesans,

Oubyen lekel ki montre li semen vre lentelizans?

15 Gete! Bann nasyon i parey en gout delo dan en seo

E zot ganny konsidere konman lapousyer lo en balans.

16 I napa ase dibwa Liban pour fer en dife kontinyen alimen

E i napa ase zannimo sovaz pour fer en lofrann brile.*

19 En artizan i fer en zidol,*

En forzron* i kouver li avek lor

E i fer bann lasenn annarzan.

20 En dimoun i swazir en pye dibwa pour fer en lofrann,

En pye dibwa ki pa pou pouri.

I rod en artizan ki annan abilite

Pour fer en stati* ki pa pou tonbe.

22 I annan Enn ki reste par lao serk* later,

Ki son bann zabitan i parey bann kasbol.

I pe redi lesyel parey en latwal fen

E i tal li parey en latant pour reste anba la.

24 Zot fek ganny plante,

Zot fek ganny senmen.

Zot rasin pa ankor byen pouse dan later,

En divan i soufle lo zot e zot vin sek.

Vi ki i annan en kantite lenerzi e son lafors i enpresyonan,

Napa enn parmi zot ki manke.

27 Zakob, akoz ou dir sa, Izrael, akoz ou anonse,

‘Zeova pa vwar sa ki arive avek mwan

E mon Bondye pa fer mwan ganny lazistis’?

29 I donn lafors sa enn ki fatige

E en kantite lafors sa bann ki napa lenerzi.*

 2 Lekel ki’n swazir en dimoun ki sorti kot soley i leve,*

Pour li servi Li* avek ladrwatir,

Pour livre bann nasyon avek li

E pour fer bann lerwa soumet avek li?

Lekel ki fer zot vin lapousyer devan son lepe,

Parey lapay ki anvole dan divan devan son lark?*

 3 I tay deryer zot, i pase san difikilte

Lo bann santye kot i pa’n zanmen met son lipye.

 4 Lekel ki’n azir e fer sa,

Pour rasanble bann zenerasyon depi o konmansman?

Mwan Zeova, mon sa Enn Premye

E mon pou fer menm parey avek bann dernyen zenerasyon.”

 6 Sak dimoun i ed son zanmi

E i dir son frer: “Reste for.”

Sa enn ki servi marto pour fer metal vin plat

I ankouraz sa enn ki pe tap marto lo lanklim.*

 8 “Me ou, Izrael, ou mon serviter,

Ou, Zakob, sa enn ki mon’n swazir,

Desandans mon zanmi Abraam,

 9 Ou, ki mon’n pran ki ti lo bout later

E ou ki mon’n apele ki ti dan bann landrwa byen lwen.

13 Parski mwan, Zeova ou Bondye, mon pe tyonbo ou lanmen drwat,

Sa Enn ki pe dir ou, ‘Pa bezwen per, mon pou ed ou.’

15 “Gete! Mon’n fer ou vin en plans dibwa ki bat dible,

En zouti nef ki annan bann ledan dan de kote.

16 Ou pou separ zot parey lagrenn i ganny separe*

E zot pou anvole dan divan.

18 Mon pou fer bann larivyer koule lo bann montanny

E bann sours delo dan bann laplenn.*

Mon pou fer sa dezer vin en lanmar ranpli avek zon*

E sa landrwa ki napa delo vin en sours delo.

19 Dan sa dezer, mon pou plant bann pye sed,

Bann pye akasya,* pye mirt* ek pye sapen.*

Dan sa dezer, mon pou plant pye zenevriye,*

Ansanm avek pye frenn* ek pye sipre,*

20 Koumsa tou dimoun i kapab vwar e konnen,

Pour zot kapab get byen e konpran

Ki lanmen Zeova ki’n fer sa

E ki sa Enn ki Sen Izrael ki’n kree li.”

Koz lo bann keksoz lepase,*

Koumsa nou kapab reflesir* e konnen ki pou arive

Oubyen koz lo sa bann keksoz ki pe vini.

23 Dir nou sa ki pou arive dan lavenir,

Koumsa nou kapab konnen ki zot, zot bann bondye.

Wi, fer en keksoz, bon oubyen move,

Koumsa nou pou enpresyonnen ler nou vwar sa keksoz.

24 Gete! Zot en keksoz ki pa egziste

E sa ki zot in fer i nanryen ditou.

I pou pil pil lo bann sef* konmsi zot larzil,

Parey en potye i kraz larzil ki mouye.

26 Lekel ki’n koz lo sa depi o konmansman, pour nou kapab konnen,

Oubyen depi dan letan pase, koumsa nou kapab dir, ‘I annan rezon’?

I ti napa personn parmi zot pour donn konsey

E mon ti kontinyen demann zot pour reponn.

 2 I pa pou kriye, ni lev son lavwa

E zot pa pou tann son lavwa dan semen.

 3 I pa pou kraz en zon* ki’n kase

E i pa pou tenny en lanmes ki pros pour tennyen.

 5 La sa ki sa vre Bondye, Zeova i dir,

Kreater lesyel e sa Enn ki Gran ki’n redi lesyel,

Sa Enn ki’n fer later ek sa ki viv lo la,

Sa Enn ki donn souf bann dimoun ki reste lo later

E ki donn lavi* bann ki mars lo la:

Mon pou protez ou e mon pou fer ou vin en lalyans pour sa pep

E en lalimyer pour bann nasyon,

 7 Pour ou ouver lizye bann dimoun aveg,

Pour fer bann prizonnyen sorti dan kaso

E pour fer bann dimoun ki pe asize dan fernwanr dan prizon sorti.

Mon pa donn personn mon laglwar*

E mon pa donn bann stati* mon louanz.

10 Sant en nouvo sanson pour Zeova,

Loue li partou lo later,

Zot ki al lo lanmer ek tou sa ki dan lanmer,

Zot bann zil ek zot bann zabitan.

11 Ki dezer ek son bann lavil i kriye,

Bann vilaz kot Kedar i reste.

12 Ki zot rann glwar Zeova

E loue li lo bann zil.

Parey en madanm ki pe ganny pti baba,

Mon pou plennyen, mon pou respir for e an menm tan, i pou difisil pour mwan respire.

15 Mon pou detri bann montanny ek bann pti montanny

E mon pou fer tou zot bann plantasyon vin sek.

Mon pou fer bann larivyer vin bann zil*

E mon pou fer bann lanmar ki ranpli avek zon vin sek.

16 Mon pou gid bann dimoun ki aveg lo en semen ki zot pa konnen

E mon pou fer zot mars lo bann santye ki zot pa konnen.

Mon pou fer fernwanr vin lalimyer devan zot

E mon pou fer sa landrwa ki pa nivo vin plat.

17 Zot pou bezwen retournen e zot pou vreman onte,

Zot sa bann dimoun ki annan konfyans dan bann stati,*

Zot sa bann dimoun ki dir bann stati an metal:* “Zot nou bondye.”

21 Vi ki i drwat,*

Zeova i kontan montre ki son lalwa* i enportan e merveye.

Zot pa ti oule mars lo Son bann semen

E zot pa ti oule obei Son lalwa.*

43 Aprezan, Zakob, la sa ki Zeova i dir,

Ou Kreater, sa Enn ki’n fer ou, Izrael:

 2 Ler ou mars dan delo, mon pou avek ou

E ler ou mars dan bann larivyer, delo pa pou kouver ou.

Ler ou mars dan dife, ou pa pou ganny brile

E menm laflanm dife pa pou bril ou.

 3 Parski mwan, mon Zeova ou Bondye,

Sa Enn ki Sen Izrael, ou Sover.

Mon’n donn Lezip konman en ranson* pour ou,

Mon’n donn Etyopi ek Seba pour mwan reganny ou.

 4 Parski ou ti presye pour mwan,

Ou ti ganny onore e mon ti kontan ou.

Alor, mon pou donn lezot dimoun

Ek bann nasyon dan ou plas pour ou pa mor.

Mon pou fer ou desandans sorti dan les

E mon pou fer zot sorti dan was e rasanble zot.

Anmenn mon bann garson ki byen lwen ek mon bann fiy ki dan bann landrwa pli lwen lo later,

 7 Tou dimoun ki port mon non,

Ki mon’n kree pour mon laglwar

E ki mon’n fer.’

 8 Fer en pep sorti. Sa pep i aveg menm si zot annan lizye

E zot sourd menm si zot annan zorey.

 9 Les tou bann nasyon rasanble dan en sel landrwa

E les tou bann pep rasanble ansanm.

Les zot anmenn zot bann temwen pour prouve ki zot annan rezon

Oubyen les zot tande e dir, ‘Sa i laverite!’”

10 La sa ki Zeova i dir: “Zot mon bann temwen,

Wi, mon bann serviter ki mon’n swazir,

Pour zot kapab konn mwan e annan lafwa dan mwan*

E konpran ki mon ankor parey.

I ti napa okenn Bondye ki ti ganny fer avan mwan

E i napa okenn Bondye ki’n ganny fer apre mwan.

12 La sa ki Zeova i dir, “Mwan sa Enn ki ti anonse, ki ti sov zot e ki ti fer konnen

Ler i ti napa okenn fo bondye* parmi zot.

“Akoz zot, mon pou anvoy en dimoun Babilonn pour zet tou bann bar lo bann baro ater

E bann Kaldeen ki dan zot bato pou kriye dan maler.

16 La sa ki Zeova,

Sa Enn ki pe fer en semen dan lanmer

E en santye dan delo ki azite,

17 Sa Enn ki fer sorti saret lager ek seval

E osi larme ek bann gerye ki for, i dir:

18 “Pa bezwen mazin bann keksoz lepase

E pa bezwen kontinyen mazin letan lontan.

19 Gete! Mon pe fer en keksoz nouvo,

I pe deza konmans bourzonnen.

Mon pou fer en semen dan dezer

Ek bann larivyer dan dezer.

20 Bann zannimo sovaz dan lakanpanny pou onor mwan,

Bann sakal* ek bann lotris* osi,

Parski mon’n donn zot delo dan dezer,

Bann larivyer dan dezer,

Pour mon pep, sa enn ki mon’n swazir, kapab bwar,

21 Sa pep ki mon’n fer pour mwan menm

Pour zot kapab loue mwan.

22 Me ou pa’n priy avek mwan, Zakob,

Parski ou ti’n fatige avek mwan, Izrael.

23 Ou pa’n anmenn bann mouton kot mwan pour ou bann lofrann brile*

Oubyen glorifye mwan avek ou bann sakrifis.

Mon pa’n fors ou pour anmenn en kado pour mwan,

Ni fer ou fatige par demann ou lansan blan.*

24 Ou pa ti aste zon* ki santi bon pour mwan avek ou larzan

E ou pa ti fer mwan kontan avek lagres ou bann sakrifis.

O kontrer, ou bann pese in vin en fardo pour mwan

E ou’n fer mwan fatige avek ou bann fot.

25 Mwan, mon sa Enn ki pe efas ou bann lofans* akoz mon non

E mon pa pou rapel ou bann pese.

27 Ou premye zanset ti fer pese

E ou prop portparol* in rebel kont mwan.

Mon pou les Zakob ganny detrir

E mon pou fer Izrael ganny ensilte.

44 “Aprezan ekoute, Zakob mon serviter

E ou, Izrael, sa enn ki mon’n swazir.

 2 La sa ki Zeova i dir,

Sa Enn ki’n fer ou,

Sa Enn ki’n ed ou depi ler ou ti dan vant:*

‘Pa bezwen per, Zakob mon serviter

E ou, Zesouroun,* sa enn ki mon’n swazir.

 3 Parski mon pou vid delo lo sa dimoun* ki swaf

E mon pou fer bann pti larivyer koul lo later ki sek.

Mon pou vid mon lespri sen lo ou desandans

E mon pou beni ou bann desandans.

 4 Zot pou pouse parey bann plant parmi bann zerb ver,

Parey bann pye pepliye* o bor bann pti larivyer.

En lot dimoun pou apel son lekor Zakob

E en lot dimoun pou ekri lo son lanmen: “Mon pour Zeova.”

 6 La sa ki Zeova,

Lerwa Izrael e sa Enn ki delivre li, Zeova Sef larme i dir:

Zis parey mon ti fer depi ler mon ti etabli sa pep depi lontan,

Les zot dir sa ki pou arive

E les zot dir sa ki pou arive pli tar.

 8 Pa bezwen per

E pa bezwen les lafreyer paraliz zot.

 9 Tou sa bann dimoun ki fer bann stati* zot pa vo nanryen

E sa bann lobze ki zot kontan pa pou anmenn okenn byenfe pour zot.

Konman zot bann temwen, zot* pa vwar nanryen e zot pa konn nanryen,

Alor, sa bann ki’n fer zot pou onte.

10 Lekel ki pou fer en bondye oubyen fer en stati an metal*

Ki pa pou anmenn okenn byenfe pour li?

I servi marto pour fer son laform

E i travay avek sa fer avek son lebra for.

I fer li dan laform en dimoun,

I fer li vin parey en dimoun ki zoli,

Pour li asiz dan en lakaz.*

I swazir en serten kalite pye dibwa, en pye senn*

E i les li vin en gro pye dibwa parmi bann pye dibwa dan lafore.

18 Zot pa konn nanryen, zot pa konpran nanryen,

Parski zot lizye i fermen e zot pa kapab vwar.

19 Napa en dimoun ki reflesir

Oubyen ki annan konnesans ek lentelizans pour dir:

“Mon ti bril lanmwatye sa dibwa dan dife

E mon ti fer dipen e griy lavyann lo sa labrez pour mwan manze.

21 “Rapel sa bann keksoz, Zakob e ou Izrael,

Parski ou mon serviter.

22 Mon pou efas ou bann fot konmsi en nyaz in kouver zot

E mon pou efas ou bann pese konmsi en gro nyaz in kouver zot.

23 Lesyel, kriye dan lazwa

Parski Zeova in azir!

Bann montanny,

Lafore ek tou zot bann pye dibwa, kriye dan lazwa!

Parski Zeova in sov Zakob

E i’n servi Izrael pour montre son laglwar.”

24 La sa ki Zeova, sa Enn ki delivre ou,

Sa Enn ki ti fer ou ler ou ti dan vant, i dir:

Mon’n redi lesyel mon tousel

E mon’n fer* later.

25 Mon pe anpes bann siny bann dimoun ki dir bann parol dan vid* vin vre

E mwan, mon sa Enn ki fer bann dimoun ki predir lavenir fer bann keksoz ki bet.

Sa Enn ki fer bann zonm saz konfize

E ki fer bann keksoz ki zot konnen ganny konsidere konman bann keksoz ki bet.

26 Sa Enn ki pe fer parol son serviter vin vre

E ki pe akonpli tou sa ki son bann mesaze in predir.

Sa Enn ki pe dir sa lo Zerizalenm, ‘I pou annan dimoun ki pou reste laba’

E ki pe dir sa lo bann lavil Zida, ‘Zot pou ganny rekonstrir

E mon pou rekonstri li.’

27 Sa Enn ki pe dir avek delo profon, ‘Evapore

E mon pou fer tou ou bann larivyer sek.’

28 Sa Enn ki pe dir sa lo Siris, ‘I mon berze

E i pou fer tou sa ki mon anvi fer.’

Sa Enn ki pe dir sa lo Zerizalenm, ‘I pou ganny rekonstrir’

E ki pe dir sa lo tanp, ‘Ou fondasyon pou ganny mete.’”

45 La sa ki Zeova i dir Siris, sa enn ki i’n swazir,

Sa enn ki mon’n tyonbo son lanmen drwat

Pour fer bann nasyon soumet avek li,

Pour pran bann zarm avek* bann lerwa,

Pour ouver sa baro* devan li,

Pour ki bann baro i reste ouver:

 2 “Mon pou al par devan ou

E mon pou fer bann pti montanny vin plat.

Mon pou kas bann laport an kwiv par bout

E mon pou koup bann bar feray.

 3 Mon pou donn ou sa bann trezor ki dan fernwanr

Ek bann trezor ki’n ganny kasyet dan bann landrwa kasyet,

Pour ki ou konnen ki mwan, mon Zeova,

Bondye Izrael, sa Enn ki pe kriy ou par ou non.

 4 Mon pe kriy ou par ou non

Akoz Zakob mon serviter e akoz Izrael, sa enn ki mon’n swazir.

Mon pou fer ou for* menm si ou pa ti konn mwan,

 6 Pour fer dimoun konnen

Depi kot soley i leve ziska kot soley i kouse*

Ki napa en lot apard ki mwan.

 7 Mon fer lalimyer e mon fer fernwanr,

Mon anmenn lape e mon anmenn maler.

Ki later i ouver e donn delivrans

E ki ladrwatir i pouse an menm tan.

 9 Maler pour sa enn ki lalit* avek sa Enn ki’n fer li,

Parski i zis en bout en resipyan ki’n ganny fer avek later

Parmi lezot bout sa resipyan ki ater!

“Eski ou pou kestyonn mwan konsernan bann keksoz ki pe vini

E donn mwan lord konsernan mon bann garson ek sa ki mon’n fer?

Mon ti redi lesyel avek mon prop lanmen

E mon donn lord tou zot bann larme.”

Li menm ki pou konstri mon lavil

E ki pou larg mon bann dimoun ki an egzil san demann nanryen oubyen pran en gous.” La sa ki Zeova Sef larme in dir.

“Profi ki Lezip i gannyen,* bann marsandiz* Etyopi ek bann Sabeen, bann zonm ki byen gran,

Pou vin kot ou e zot pou vin pour ou.

Zot pou dir ou avek respe, ‘Bondye i vreman avek ou

E i napa en lot. I napa en lot Bondye.’”

15 Vreman, ou en Bondye ki pa toultan dir sa ki i pe fer,

O Bondye Izrael, sa Sover.

18 Parski la sa ki Zeova i dir,

Kreater lesyel, sa vre Bondye,

Sa Enn ki’n fer later, sa Enn ki’n byen etabli li

Ki pa ti kree li pour nanryen* me pour ki bann dimoun i reste lo la:

Mon pa ti dir desandans Zakob,

‘Rod mwan, me i pa pou vo lapenn.’*

Zot pa konn nanryen, sa bann dimoun ki anmenn bann stati* partou

E ki fer lapriyer avek en bondye ki pa kapab sov zot.

Lekel ki ti predir sa depi lontan

E anons sa depi dan letan pase?

22 Zot tou ki reste dan bout later, retourn kot mwan pour zot ganny sove,

Parski mwan ki Bondye e i napa en lot.

Sa ki mon dir i byen*

E i pou vin vre:

Tou dimoun pou bezwen azenou devan mwan,

Tou dimoun pou fer serman ki zot pou reste fidel

24 E zot pou dir, ‘Vreman, Zeova i drwat e i for.

25 Tou desandans Izrael pou vwar ki zot ti annan rezon pour servi Zeova

E zot pou vantar akoz li.’”

Zot bann zidol i ganny mete lo bann zannimo, lo bann zannimo sovaz ki anmenn bann keksoz lour,

Parey en bagaz ki lour lo bann zannimo ki fatige.

Zot pa kapab ed zot pour anmenn sa bann zidol lour*

E zot menm, zot in ganny anmennen konman prizonnyen.

 3 “Ekout mwan, zot bann desandans* Zakob e zot tou bann desandans Izrael ki reste,

Zot ki mon’n anmennen e pran swen avek zot depi ler zot in ne e depi ler zot ti dan vant.

 5 Avek lekel ki zot pou konpar mwan? Wi, avek lekel ki zot pou konpar mwan e fer mwan vin egal avek li,

Pour nou kapab vin parey kanmarad?

10 Depi o konmansman mon predir sa ki pou arive

E depi lontan mon predir bann keksoz ki pa ankor ganny fer.

Mon dir, ‘Sa ki mon’n deside,* pou arive

E mon pou fer sa ki mon anvi.’

11 Mon pe kriy en zwazo* pour li sorti kot soley i leve,*

En zonm ki sorti dan en pei ki byen lwen pour li fer sa ki mon’n deside.*

12 Ekout mwan, zot ki annan en leker ki antete,*

Zot ki byen lwen avek ladrwatir.

I pa lwen

E mon pa pou tarde pour sov zot.

47 Desann e asiz dan lapousyer,

Fiy Babilonn ki vyerz.

Asiz ater kot napa tronn,

Fiy bann Kaldeen,

Parski dimoun pa pou zanmen dir ankor ki ou sansib e ki ou ganny tou sa ki ou anvi.

 4 “Sa Enn ki pe sov* nou,

I apel Zeova Sef larme,

I sa Enn ki Sen Izrael.”

 5 Asiz laba trankil e al dan fernwanr,

Fiy bann Kaldeen.

Mon ti sali mon leritaz

E mon ti livre zot dan ou lanmen.

 8 Aprezan ekout sa, ou ki kontan plezir,

Ou ki asize e ki an sekirite, ki dir dan son leker:

Tou sa bann keksoz pou ariv avek ou

Akoz* ou fer en kantite grigri ek mazik.

Ou lasazes ek konnesans in fer ou fer sa ki mal

E ou ti dir dan ou leker: “Mwan menm mon sa enn e napa personn ankor.”

11 Me maler pou ariv avek ou

E ni enn ou bann mazik pa pou anpes sa arive.*

Les zot debout e sov ou,

Sa bann dimoun ki ador lesyel,* ki get bann zetwal,

Sa bann dimoun ki esper nouvellin

Pour zot fer ou konn bann keksoz ki pou arive avek ou.

Sa dife pa parey bann sarbon ki dimoun i servi pour sof avek

E sa pa en kalite dife ki dimoun i kapab asiz o bor.

48 Bann desandans* Zakob, ekout sa,

Zot ki apel zot lekor Izrael

E ki sorti dan delo* Zida,

Zot ki fer serman o non Zeova

E ki priy Bondye Izrael,

Menm si zot pa senser* e zot pa fer sa ki byen.*

 2 Parski zot dir ki zot reste dan sa lavil sen

E zot rod led avek Bondye Izrael,

Sa Enn ki apel Zeova Sef larme.

Zot ti sorti dan mon prop labous

E mon ti fer ou konn sa bann keksoz.

 4 Vi ki mon ti konnen ki mannyer ou antete,

Ki ou likou i red parey feray e ki ou fron i parey kwiv,

 5 Mon ti dir ou sa depi byen lontan.

Mon ti fer ou tann sa avan ki i ti arive

Pour ou pa dir, ‘Mon zidol ki’n fer sa.

Konmansman ozordi, mon pe fer ou konn bann nouvo keksoz,

Bann sekre ki ti’n byen ganny kasyet e ki ou pa ti konnen.

Ou pa’n deza tann sa bann keksoz avan

E ou pa kapab dir, ‘Gete! Mon ti deza konn sa bann keksoz.’

 8 Non, ou pa’n tande, ou pa ti konnen

E dan lepase, ou zorey pa ti ouver.

Parski mon konnen ki ou vreman tret

E depi ler ou’n ne ou’n fer pese.

Pour mon laglwar, mon pou annan pasyans avek ou

E mon pa pou detri ou.

11 Mon pou azir akoz mon non, wi, akoz mon non,

Parski ki mannyer mon kapab les zot mank respe pour mwan?

13 Mon ti met fondasyon later avek mon prop lanmen

E mon ti tal lesyel avek mon lanmen drwat.

I pou fer sa ki i anvi avek Babilonn

E i pou lev son lebra pour lager avek bann Kaldeen.

“Mwan, Zeova, mon ou Bondye,

Sa Enn ki pe ansenny ou pour ou prop byenfe,*

Sa Enn ki pe gid ou lo sa semen ki ou devret marse.

Ou lape ti pou vin parey en larivyer

E ou ladrwatir ti pou vin parey laroul dan lanmer.

19 Ou desandans ti pou vin en kantite parey disab

E ou bann desandans ti pou vin parey bann gren disab.