Repaso sa Teokratikong Eskwelahan sa Pagministro

Nakatakop-libro nga repaso sa materyal nga gintuptupan sa mga asaynment sa Teokratikong Eskwelahan sa Pagministro para sa semana sang Enero 3 tubtob Abril 17, 2000. Maggamit sing tuhay nga panid sang papel agod sulatan sang mga sabat sa madamong pamangkot nga masabat ninyo sa ginatugot nga tion.

[Pahibalo: Sa tion sang nasulat nga repaso, Biblia lamang ang mahimo gamiton sa pagsabat sa bisan anong pamangkot. Ang mga reperensya nga nagasunod sa pamangkot para sa imo personal nga panalawsaw. Ang pahina kag numero sang parapo mahimo nga indi makita sa tanan nga reperensya sa Ang Lalantawan.]

Sabta ang tagsa sang masunod nga pinamulong sing Husto ukon Sala:

1. Kon kaisa dapat kita maghulat agod makabaton sang mga pagpakamaayo ni Jehova, kay nahibaluan ni Jehova ang aton kahimtangan kag nagaaman sang tagsa ka kinahanglanon kon makabulig gid ini sa aton. (Sal. 145:​16; Sant. 1:17) [w98 1/1 p. 23 par. 6] Husto.

2. Ang presensia lamang sang kaban sang katipan wala nagagarantiya sing kadalag-an para sa mga Israelinhon. Ang mga pagpakamaayo ni Jehova nasandig sa espirituwal nga kahimtangan kag matutom nga pagkamatinumanon sang mga nagahupot sang kaban. (Jos., kap. 7) [Semanal nga pagbasa sa Biblia; tan-awa ang it-1 p. 167 par. 2.] Husto.

3. Ginapakaon kita karon sa espirituwal paagi lamang sa pagbasa sa mga pulong ni Jehova. (Deut. 8:3) [Semanal nga pagbasa sa Biblia; tan-awa ang w85 12/15 p. 17 par. 15, 17.] Sala. Ginapakita sang konteksto sang Deuteronomio 8:3 nga dapat nga ginahimo naton ang kabubut-on sang Dios agod maagom ang makatilingala nga paagi nga sa sini si Jehova nagapakig-angot sa aton kag nagapanghikot tungod sa aton. (Ipaanggid ang Salmo 34:​8; Juan 4:⁠34.)

4. Ang prinsipio nga ginpadaku sa Mosaikong Kasuguan sa Deuteronomio 23:​20 nagapakita nga indi mahigugmaon para sa isa ka Cristiano nga magpasaka kon nagapahulam sing kuwarta. [Semanal nga pagbasa sa Biblia; tan-awa ang it-1 p. 1212 par. 5-6; it-2 p. 259 par. 12; w86 10/15 p. 12 par. 9.] Sala. Indi malain ang magpasaka kon nagapahulam sing kuwarta para sa negosyo.

5. Ang positibo nga report nanday Josue kag Caleb napasad sa ila malig-on nga pagsalig sa kusog kag determinasyon sang mga Israelinhon nga malandas ang bisan ano nga mga balagbag nga nagaupang sa pagsakop nila sa Ginsaad nga Duta. (Num. 13:30) [w98 2/1 p. 5 par. 4] Sala. Ang ila panimuot kag report nagpakita sang ila bug-os nga pagsalig sa ikasarang ni Jehova sa pagtuman sang iya pulong nga ihatag sa ila ang Ginsaad nga Duta.

6. Sa pagpatalupangod sang “dulot” sa 1 Timoteo, ginpahanumdom ni Pablo kay Timoteo ang paghaplas sing balaan nga espiritu sa iya kag ang langitnon nga padya nga nagahulat sa iya. (1 Tim. 4:14) [w98 2/15 p. 25 par. 1] Sala. Ginapakita sang bersikulo 13 kag 16 sini man nga kapitulo nga ginpahanumdom ni Pablo kay Timoteo ang iya pribilehiyo sa pag-alagad kag ang kinahanglanon nga himuon ini sa masaligan nga paagi.

7. Ang tulun-an ni Josue wala nagahatag sing bisan anong importante nga kaangtanan sa rekord nga nagadul-ong sa pagpatubas sa Binhi sang Ginharian. [si-E p. 46 par. 24] Sala. Subong sang ginapakita sang Mateo 1:​5, si Rahab, nga ginlaragway sa tulun-an ni Josue, nangin katigulangan ni Jesucristo.

8. Ang tulun-an sang Mga Hukom isa ka rekord sang mga lalaki nga ginpili kag gintangdo sang Israel agod gamhan ang pungsod sa wala pa ang panag-on sang mga hari. [si-E p. 46 par. 2] Sala. Mga lalaki sila nga ginbangon ni Jehova agod hilwayon ang iya katawhan gikan sa pagbihag sang mga dumuluong.

9. Ang pangabay ni Gideon, suno sa ginlaragway sa Hukom 6:​37-39, nagapakita nga nangin tuman sia ka mainandamon kag mapangduhaduhaon. [Semanal nga pagbasa sa Biblia; tan-awa ang w88 4/1 p. 30 par. 6.] Sala. Luyag pat-uron ni Gideon nga husto ang iya pagtamod. Sanglit wala sia sing nasulat nga Pulong sang Dios kaangay naton, amo yadto ang labing epektibo nga paagi sa pagpat-od.

10. Paagi sa pagsugo sa iya mga disipulo nga ‘indi paghakson ang bisan sin-o sa pagtamyaw sa dalan,’ ginpatalupangod ni Jesus ang pagkahilingagawon sang pagbantala nga hilikuton kag ang kinahanglanon nga hatagan sing bug-os nga igtalupangod ining importante gid nga sugo. (Luc. 10:4) [w98 3/1 p. 30 par. 5] Husto.

Sabta ang masunod nga mga pamangkot:

11. Ngaa importante gid nga ang mga pulong ni Jehova yara sa tagipusuon sang mga ginikanan? (Deut. 6:​5, 6) [Semanal nga pagbasa sa Biblia; tan-awa ang w98 6/1 p. 20 par. 4.] Paagi lamang sini nga mapatudok nila sing epektibo ang mga pulong sang instruksion ni Jehova sa ila kabataan. (Deut. 6:​7; 11:19)

12. Paano maaplikar sang ulo sang pamilya ang prinsipio sa Deuteronomio 11:​18, 19? [Semanal nga pagbasa sa Biblia; tan-awa ang fy-HV p. 70 par. 14.] Paagi sa pirme mangin alisto sa mga kahigayunan nga palig-unon ang espirituwal nga pagtamod sang iya pamilya, nakahibalo nga ang pangpamilya nga pagtuon indi ang lamang nga okasyon sa pagpaalinton sing mga butang nga importante sa espirituwalidad.

13. Ano ang ginapakita sang Kasulatan nga ang naglayas nga ulipon nga si Onesimo madugaydugay na nga kaupod ni apostol Pablo antes nagsulat si Pablo kay Filemon? [w98 1/15 p. 30 par. 2] Si Onesimo mahimo nga madugay na nga kaupod ni Pablo agod makasiling si Pablo tuhoy sa iya nga “akon matutom kag hinigugma nga utod.” (Col. 4:9)

14. Kon makita naton ang mga inhustisya ukon maeksperiensiahan ini mismo, ano ang himuon naton agod indi maluyahan sing buot ukon malikawan ang di-malaumon nga panimuot? [w98 2/1 p. 6 par. 2-3] Dumdumon naton nga ang mga malauton silutan sa gintalana nga tion sang Dios; subong man, padayon naton nga himuon kon ano ang maayo kag maghulat kay Jehova, nga ‘wala nagabiya sang iya mga mainunungon.’ (Sal. 37:​28, 29)

15. Paano ginpakita nanday Josue kag Gideon ang daku nga pagtahod sa kasuguan sang Dios? (Deut. 20:​8, 15-18) [si-E p. 41 par. 32] Si Josue isa ka halimbawa sang pagkamatinumanon sa paghimo sang pagsakop sa Ginsaad nga Duta kag indi pagkuha sing inati (Jos. 8:​24-27); ang pagkuha ni Gideon sa mga tawo nga mahinadlukon gikan sa iya hangaway pagtuman sa Kasuguan. (Huk. 7:​1-11)

16. Paano ang mga hitabo nga ginlaragway sa Josue 10:​10-14 kaanggid sa mapaabot naton sa Armagedon? [Semanal nga pagbasa sa Biblia; tan-awa ang w86 12/15 p. 23 par. 12⁠–​p. 24 par. 14.] Lutuson ni Jehova ang mga pungsod nga naghiusa batok sa Ginharian kag sa mga sumalakdag sini paagi sa paggumon sa ila sa atubangan sang iya hangaway; gamiton man niya sing milagruso ang kinaugali nga mga puwersa subong hinganiban.

17. Hingadli ang tatlo ka benepisyo sang hanuot nga pagdayaw sa dalayawon nga buhat. (Ipaanggid ang Hulubaton 15:⁠23.) [w98 2/1 p. 31 par. 5-6] Nagapaluntad ini sang mainabyanon kag maayo nga apresasyon sa isa kag isa. Nagapalig-on ini nga panikasugan ang dalayawon nga mga tulumuron. Nagapahulag ini sa aton nga magpangabudlay pa sing lakas. Mahimo ini makabulig sa pagdihon sang aton kinaiya samtang ginatinguhaan naton nga magkabuhi suno sa talaksan nga ginapaabot sa aton.

18. Nahisanto sa Josue 20:​4, paano ang isa makapalagyo padulong sa antitipiko nga siudad nga dalangpan? [Semanal nga pagbasa sa Biblia; tan-awa ang w86 12/15 p. 24 par. 16.] Ang isa nagapalagyo paagi sa paghimo sing mga tikang agod matigayon ang maayo nga konsiensia upod sa Dios; nagalakip ini sang pagtu-ad sa kasal-anan, paghinulsol, pagliso, pagdedikar sa Dios, kag pagpabawtismo sa tubig.

19. Paano ginapakita sang Hukom 5:​31 nga ang kadalag-an ni Hukom Barak batok sa mas mabaskog nga mga puwersa ni Sisera sa nalupyakan sang Kison may importante nga kahulugan para sa aton adlaw? [Semanal nga pagbasa sa Biblia; tan-awa ang w86 2/15 p. 21 par. 4.] Ang tinaga nga “gani” nagapahangop nga ang inaway matagnaon, nagatudlo sa daku pa nga inaway nga sa sini ang tanan nga kaaway sang Dios malaglag.

20. Paano naton mapakita ang pagtahod sa prinsipio sa likod sang ekspresyon nga “nagpabilin sila nga nagatindog ang kada isa sa iya duog,” nga narekord sa Hukom 7:​21? [Semanal nga pagbasa sa Biblia; tan-awa ang w82 12/1 p. 24 par. 17.] Samtang nagaalagad kita sa organisasyon ni Jehova, dapat kita mangin kontento nga mag-alagad bisan diin man niya kita gintangdo kag himuon ang aton mga katungdanan sing matutom.

Ihatag ang (mga) tinaga ukon prase nga kinahanglanon sa pagkumpleto sa tagsa ka masunod nga pinamulong:

21. Agod matigayon sing labi pa ang pagpakamaayo ni Jehova, dapat naton padayon nga ․․․․․․․․ tun-an ang Biblia sing tayuyon kag mangabay kay Jehova nga buligan kita nga ․․․․․․․․ mahangpan kag maaplikar ang mga panudlo sang iya inspirado nga Pulong. (1 Tim. 4:​8, 9) [w98 1/1 p. 24 par. 6]

22. Ang pagpanginto indi gid kalahamut-an kay Jehova bangod ginapahulag ini sang ․․․․․․․․ kakagod,, ini indi ․․․․․․․․ sensiro ukon ․․․․․․․․ bunayag,, kag labaw sa tanan, ini ․․․․․․․․ indi mahigugmaon.. [w98 2/1 p. 30 par. 2-3]

23. Ang ngalan nga Josue nagakahulugan sing ․․․․․․․․ “Si Jehova Kaluwasan,”, kag matagnaon sia nga tipo ni ․․․․․․․․ Jesus.. [si-E p. 42 par. 5]

24. Nahisanto sa ilustrasyon ni Jesus sa Mateo 7:​24-27, ang maalamon nga mga ginikanan makabulig sa ila kabataan nga maatubang ang kaangay-bagyo nga mga pag-ipit paagi sa paghatag sa ila sing ․․․․․․․․ sibu nga ihibalo kag paghangop nga magabulig sa ila nga magpabilin nga ․․․․․․․․ malig-on.. [w98 2/15 p. 9 par. 1]

25. Ang maragtason nga rekord sa tulun-an sang Mga Hukom nagatuptop sang kabug-usan nga tion kutob sang mapatay si ․․․․․․․․ Josue tubtob sang panahon ni ․․․․․․․․ Samuel,, nga nagatuptop sing mga ․․․․․․․․ ka tuig. [si-E p. 47 par. 5]

Pilia ang husto nga sabat sa tagsa sang masunod nga mga pinamulong:

26. Ang paghimo sing mga tikang may kaangtanan sa pagsaylo sang pagkabutang pananglit mapatay ang isa ka tawo (himuon sang kongregasyon; personal nga desisyon; ginapatuman para sa matuod nga mga Cristiano). (Gal. 6:5) [w98 1/15 p. 19 par. 6]

27. Ginpalig-on ni Pablo si Filemon nga batunon sing mainayuhon si (Onam; Onesiforo; Onesimo) apang wala niya gingamit ang iya awtoridad subong apostol sa pagsugo sa iya nga himuon ini ukon hilwayon ang iya ulipon. (Filem. 21) [w98 1/15 p. 31 par. 1]

28. Ang daku nga kakulangan nga ginpakita sa rekord tuhoy sa mga aruon nga gin-ayo ni Jesus amo ang ila (kakulang sing pagtuo; pagkadi-matinumanon; pagkawalay kabalaslan). (Luc. 17:​11-19) [w98 2/15 p. 5 par. 1]

29. Bangod nahamuot ang Dios sa ginhimo ni Rahab, ang iya pinamulong sa mga taga-Jerico nga naglagas sa Israelinhon nga mga espiya nagapakita nga (ang desisyon kon bala magbutig personal nga butang; indi obligado ang isa nga isugid ang matuod nga impormasyon sa mga indi nagakabagay sa sini; wala pa niya mabag-o ang tanan sang iya kalibutanon nga mga dalanon). (Jos. 2:​3-5; ipaanggid ang Roma 14:⁠4.) [Semanal nga pagbasa sa Biblia; tan-awa ang w93 12/15 p. 25 par. 1.]

30. Subong sang narekord sa Juan 13:​5, ang leksion nga ginhatag ni Jesus nagapadaku sang kinaiya sang (pagkaayo; empatiya; pagpaubos), nga nagapahulag sa isa nga himuon ang pinakamanubo sa mga buluhaton para sa iban. [w98 3/15 p. 7 par. 6]

Ibagay ang masunod nga mga kasulatan sa mga pinamulong nga nalista sa ubos:

Deut. 7:​3, 4; 17:​7; 25:​11, 12; 28:​3; Jer. 15:​20

31. Ang mataas nga pagtahod sang Manunuga sa mga organo sa pagpanganak nagaimpluwensia sa desisyon sang isa ka Cristiano may kaangtanan sa nagakaigo nga paagi sang pagplano sing pamilya. [Deut. 25:​11, 12] [Semanal nga pagbasa sa Biblia; tan-awa ang w99 6/15 p. 28 par. 1-4.]

32. Makasalig kita sa pagsakdag ni Jehova samtang ginatuman naton ang sugo sa aton nga ibantala ang maayong balita sang Ginharian sang Dios. [Jer. 15:​20] [w98 3/1 p. 28 par. 1]

33. Ang pagsunod sa paandam sang Biblia nagaluwas sa aton sa masakit nga mga epekto nga masunson nga resulta kon ang isa ka Cristiano magminyo sang di-tumuluo. [Deut. 7:​3, 4] [Semanal nga pagbasa sa Biblia; tan-awa ang w89 11/1 p. 20 par. 11.]

34. Ang pag-agom sing mga pagpakamaayo sang Dios wala nasandig sa kon diin kita mahimo magkabuhi ukon mag-alagad ukon kon ano ang aton asaynment sa pag-alagad sa Dios. [Deut. 28:​3] [Semanal nga pagbasa sa Biblia; tan-awa ang w96 6/15 p. 15 par. 15.]

35. Subong awtoridad sang iya mga instruksion sa 1 Corinto kapitulo 5 tuhoy sa pagdisfellowship, ginbalikwat ni Pablo ang Kasuguan ni Jehova. [Deut. 17:​7] [Semanal nga pagbasa sa Biblia; tan-awa ang si-E p. 213 par. 24.]