కీర్తనలు
78 నా ప్రజలారా, నా ఉపదేశం* వినండి;
నా నోటి మాటలు ఆలకించండి.
2 నేను నోరు తెరిచి సామెత చెప్తాను.
చాలాకాలం కిందటి పొడుపు కథలు చెప్తాను.+
3 మేము విన్న, మాకు తెలిసిన,
మా తండ్రులు మాకు చెప్పిన సంగతుల్ని+
4 మేము వాళ్ల సంతానానికి చెప్పకుండా ఉండం;
యెహోవా స్తుతిపాత్రమైన కార్యాల్ని, ఆయన బలాన్ని,
ఆయన చేసిన అద్భుతమైన కార్యాల్ని+
రాబోయే తరానికి చెప్తాం.+
5 ఆయన యాకోబులో ఒక జ్ఞాపికను పెట్టాడు,
ఇశ్రాయేలులో ధర్మశాస్త్రాన్ని నియమించాడు;
ఈ విషయాల్ని తమ పిల్లలకు తెలియజేయమని
మన పూర్వీకులకు ఆజ్ఞాపించాడు.+
6 అప్పుడు తర్వాతి తరంవాళ్లు,
పుట్టబోయేవాళ్లు వాటిని తెలుసుకుంటారు.+
వాళ్లు వాళ్ల పిల్లలకు వాటిని చెప్తారు.+
7 దానివల్ల వాళ్లు దేవుని మీద నమ్మకం ఉంచుతారు.
8 అప్పుడు వాళ్లు తమ పూర్వీకుల్లా తయారవ్వకుండా ఉంటారు.
వాళ్ల పూర్వీకులు మొండివాళ్లు, తిరుగుబాటుదారులు,+
వాళ్లు దేవునికి నమ్మకంగా లేరు.
9 ఎఫ్రాయిమీయులు విల్లును ధరించారు,
కానీ వాళ్లు యుద్ధ భూమి నుండి పారిపోయారు.
14 పగలు మేఘంతో,
రాత్రంతా అగ్ని వెలుగుతో వాళ్లను నడిపించాడు.+
15 ఎడారిలో బండల్ని చీల్చి
వాళ్లు తృప్తిగా తాగేలా సముద్రమంత సమృద్ధిగా నీళ్లు ఇచ్చాడు.+
16 బండ నుండి ప్రవాహాల్ని రప్పించి
నీళ్లు నదుల్లా పారేటట్టు చేశాడు.+
17 కానీ వాళ్లు ఎడారిలో సర్వోన్నతుని మీద తిరుగుబాటుచేసి+
ఆయనకు వ్యతిరేకంగా పాపం చేస్తూ వచ్చారు;
18 తాము ఎంతగానో కోరుకున్న ఆహారం కోసం పట్టుబడుతూ,
20 ఇదిగో! నీళ్లు పారేలా, వాగులు ప్రవహించేలా
బండను కొట్టింది ఆయనే.+
అయినా వాళ్లు, “ఆయన మనకు రొట్టెను ఇవ్వగలడా?
తన ప్రజల కోసం మాంసాన్ని ఇవ్వగలడా?” అన్నారు.+
21 వాళ్ల మాటలు విన్నప్పుడు యెహోవాకు చాలా కోపం వచ్చింది;+
యాకోబు మీద అగ్ని+ రగులుకుంది,
ఇశ్రాయేలు మీద ఆయన కోపం మండింది.+
22 ఎందుకంటే వాళ్లు దేవుని మీద విశ్వాసం ఉంచలేదు;+
ఆయన రక్షణ సామర్థ్యం మీద నమ్మకం ఉంచలేదు.
23 కాబట్టి ఆయన, పైనున్న ఆకాశ మేఘాలకు ఆజ్ఞ ఇచ్చి,
ఆకాశ తలుపులు తెరిచాడు.
26 ఆయన ఆకాశంలో తూర్పు గాలిని రేపాడు
తన శక్తితో దక్షిణ గాలి వీచేలా చేశాడు.+
27 ఆయన ధూళి అంత విస్తారంగా మాంసాన్ని,
సముద్ర తీరంలోని ఇసుక రేణువులంత విస్తారంగా పక్షుల్ని వాళ్లమీద కురిపించాడు.
28 అవి తన పాలెం మధ్యలో,
తన డేరాల చుట్టూ పడేలా చేశాడు.
29 వాళ్లు పీకల దాకా తిన్నారు.
వాళ్లు కోరుకున్నది ఆయన వాళ్లకిచ్చాడు.+
30 అయితే వాళ్ల కక్కుర్తి తీరకముందే,
ఆహారం ఇంకా వాళ్ల నోట్లో ఉండగానే,
31 దేవుని కోపం వాళ్ల మీద రగులుకుంది.+
వాళ్లలోని అత్యంత బలిష్ఠుల్ని ఆయన చంపేశాడు;+
ఇశ్రాయేలులోని యువకులు నేలకొరిగేలా చేశాడు.
32 ఇంత జరిగినా, వాళ్లు ఇంకా ఎక్కువగా పాపం చేస్తూ వచ్చారు,+
33 దాంతో ఆయన, ఊపిరిలా వాళ్ల రోజుల్ని,
ఆకస్మిక విపత్తులతో వాళ్ల సంవత్సరాల్ని ముగించాడు.+
34 కానీ ఆయన వాళ్లను చంపినప్పుడల్లా వాళ్లు ఆయన్ని వెదికేవాళ్లు;+
వాళ్లు తిరిగొచ్చి దేవుని కోసం చూసేవాళ్లు.
35 దేవుడే తమ ఆశ్రయదుర్గం*+ అని,
సర్వోన్నతుడైన దేవుడే తమ విమోచకుడు*+ అని గుర్తుచేసుకునేవాళ్లు.
36 కానీ వాళ్లు తమ నోటితో ఆయన్ని మోసం చేయడానికి ప్రయత్నించారు,
తమ నాలుకతో ఆయన ముందు అబద్ధాలాడారు.
తన ఉగ్రత అంతటినీ రేపుకునే బదులు
చాలాసార్లు తన కోపాన్ని అణుచుకున్నాడు.+
39 ఎందుకంటే, వాళ్లు కేవలం మనుషులని,
వీచిన తర్వాత తిరిగిరాని గాలిలాంటి వాళ్లని* ఆయన గుర్తుచేసుకున్నాడు.+
42 వాళ్లు ఆయన శక్తిని* గానీ,
శత్రువు నుండి ఆయన తమను కాపాడిన* రోజును+ గానీ గుర్తు చేసుకోలేదు.
43 ఐగుప్తులో ఆయన ఎలాంటి సూచనలు చూపించాడో,+
సోయను ప్రాంతంలో ఎలాంటి అద్భుతాలు చేశాడో,
44 వాళ్లు నైలు కాలువల నీళ్లను తాగలేకపోయేలా
వాటిని ఎలా రక్తంగా మార్చాడో+ వాళ్లు గుర్తుచేసుకోలేదు.
46 వాళ్ల పంటల్ని తిండిబోతు మిడతలకు,
వాళ్ల కష్టఫలాన్ని మిడతల దండుకు అప్పగించాడు.+
47 వడగండ్ల వానతో వాళ్ల ద్రాక్షతీగల్ని,
వడగండ్లతో వాళ్ల అత్తి చెట్లను నాశనం చేశాడు.+
49 మండుతున్న తన కోపాన్ని,
ఆగ్రహాన్ని, ఉగ్రతను, కష్టాల్ని,
విపత్తు తీసుకురావడానికి దేవదూతల సమూహాల్ని వాళ్ల మీదికి పంపుతూ వచ్చాడు.
50 ఆయన తన కోపానికి దారిని సిద్ధం చేశాడు.
మరణం నుండి వాళ్లను తప్పించలేదు;
వాళ్లను తెగులుకు అప్పగించాడు.
51 చివరిగా, ఆయన ఐగుప్తీయుల మొదటి సంతానమంతటినీ,
హాము డేరాల్లోని వాళ్ల తొలిచూలును చంపేశాడు.+
52 తర్వాత గొర్రెల మందలా తన ప్రజల్ని బయటికి తీసుకొచ్చాడు,+
ఎడారిలో వాళ్లను ఒక మందలా నడిపించాడు.
53 ఆయన వాళ్లను సురక్షితంగా నడిపించాడు,
వాళ్లు దేనికీ భయపడలేదు;+
సముద్రం వాళ్ల శత్రువుల్ని కప్పేసింది.+
55 వాళ్ల ముందు నుండి దేశాల్ని తరిమేశాడు;+
కొలనూలుతో వాళ్లకు స్వాస్థ్యాన్ని పంచి ఇచ్చాడు;+
ఇశ్రాయేలు గోత్రాలవాళ్లు తమ ఇళ్లలో స్థిరపడేలా చేశాడు.+
56 కానీ వాళ్లు సర్వోన్నతుడైన దేవుణ్ణి పరీక్షిస్తూ,* ఆయన మీద తిరుగుబాటు చేస్తూ వచ్చారు;+
ఆయన జ్ఞాపికల మీద మనసు పెట్టలేదు.+
57 వాళ్లు ఆయన్ని విడిచిపెట్టి తమ పూర్వీకులంత మోసపూరితంగా ప్రవర్తించారు.+
వదులుగా ఉన్న విల్లులా వాళ్లు నమ్మదగినవాళ్లు కాదు.+
58 వాళ్లు తమ ఉన్నత స్థలాలతో ఆయనకు కోపం తెప్పిస్తూ వచ్చారు,+
తమ చెక్కుడు విగ్రహాలతో ఆయనకు రోషం పుట్టించారు.+
59 అదంతా చూసి దేవునికి చాలా కోపం వచ్చింది,+
ఆయన ఇశ్రాయేలును పూర్తిగా తిరస్కరించాడు.
61 తన బలానికి చిహ్నంగా ఉన్నదాన్ని చెరలోకి వెళ్లనిచ్చాడు;
తన వైభవాన్ని శత్రువుల చేతుల్లోకి వెళ్లనిచ్చాడు.+
62 ఆయన తన ప్రజల్ని ఖడ్గానికి అప్పగించాడు,+
తన స్వాస్థ్యం మీద ఆయనకు చాలా కోపం వచ్చింది.
63 అగ్ని ఆయన యువకుల్ని దహించేసింది,
ఆయన కన్యలకు పెళ్లిపాటలు లేకుండా పోయాయి.*
65 అప్పుడు యెహోవా, నిద్ర నుండి లేచినట్టు లేచాడు,+
బలవంతుడు+ ద్రాక్షారసం మత్తు నుండి లేచినట్టు లేచాడు.
66 ఆయన తన శత్రువుల్ని వెనక్కి తరిమేశాడు;+
వాళ్లను శాశ్వత అవమానానికి గురిచేశాడు.
67 ఆయన యోసేపు డేరాను తిరస్కరించాడు;
ఎఫ్రాయిము గోత్రాన్ని ఆయన ఎంచుకోలేదు.
70 ఆయన తన సేవకుడైన దావీదును ఎంచుకుని,+
గొర్రెల దొడ్ల నుండి అతన్ని తీసుకుని,
71 పాలిచ్చే గొర్రెల్ని మేపుతున్న అతన్ని
యాకోబు మీద అంటే తన ప్రజల మీద,
తన స్వాస్థ్యమైన ఇశ్రాయేలు మీద కాపరిగా నియమించాడు.
72 అతను యథార్థ హృదయంతో వాళ్లను కాశాడు,+
నేర్పుతో వాళ్లను నడిపించాడు.