Iintlanganiso Zenkonzo KaDisemba
ISAZISO: UBulungiseleli Bethu BoBukumkani buza kulungiselela iNtlanganiso Yenkonzo yeveki nganye ngoDisemba. Amabandla asenokwenza uhlengahlengiso oluyimfuneko olunokuwavumela aye kwiNdibano YeSithili “Yabathunywa Boxolo Lobuthixo” aze kwiveki elandelayo abe nemizuzu engama-30 yempinda yeembalasane zocwangciso kwiNtlanganiso Yenkonzo. Impinda yosuku ngalunye yocwangciso lwendibano yesithili ifanele yabelwe kwangaphambili abazalwana ababini okanye abathathu abafanelekayo abaya kukwazi ukubalaselisa iingongoma eziphambili. Le mpinda elungiselelwe kakuhle iya kulinceda ibandla likhumbule iingongoma eziphambili elinokuzisebenzisa kulo nasentsimini. Amagqabaza namava abaliswa ngabaphulaphuli afanele abe mafutshane aze angqale.
Iveki Eqala NgoDisemba 2
10 imiz: Izaziso zasekuhlaleni emazisingathwe ngunobhala. IZaziso ezikhethiweyo kuBulungiseleli Bethu BoBukumkani. Khumbuza bonke abavakalisi babe nesabelo kwasekuqaleni kule nyanga. Abo baza kungabikho okanye abaza kuya kwindibano yesithili ekupheleni kwale nyanga bafanele bazifake ngaphambi kokuba bahambe iingxelo zabo. Bethelela imfuneko yokuba bonke bafake iingxelo zabo kule nyanga.
15 imiz: “Ngoobani Abaya Kuphulaphula Isigidimi Sethu?” Imibuzo neempendulo. Quka neengongoma ezikwiAwake! kaMatshi 22, 1987, iphepha 5, ezingesizathu sokuba isigidimi sethu sibe nomtsalane.
20 imiz: “ILizwi LikaThixo Linikela Ukhokelo.” (Isiqendu 1-6) Tshayelela ngesiqendu 1-2. (Hlolisisa incwadi ethi Ukuqiqa, iphepha 70-2, uchaze ngokufutshane ‘Izizathu ezine zokuqwalasela iBhayibhile.’) Yiba nabavakalisi abafanelekayo besenza umboniso ngeentshumayelo ezicetyisiweyo kwisiqendu 3-6. Cela abaphulaphuli bagqabaze (1) ngendlela imibuzo ephakanyisiweyo encede ngayo ekuvuseni umdla, (2) ngendlela izibhalo ezisetyenzisiweyo eziwufanele ngayo loo mbandela uxutyushwayo, (3) ngendlela ekubuyelwe ngayo ukusuka kwingxubusho yokuqala, (4) nangendlela esatshayelelwa ngayo isifundo.
Ingoma 75 nomthandazo wokuqukumbela.
Iveki Eqala NgoDisemba 9
10 imiz: Izaziso zasekuhlaleni. Ingxelo yemali. Chaza amalungiselelo akhethekileyo enkonzo yasentsimini ngoDisemba 16.
20 imiz: “Ngaba Uyifaka Rhoqo Ingxelo Yakho?” Ingxubusho ngunobhala webandla. Bethelela imfuneko yokuba bonke bafake ingxelo rhoqo nangokukhawuleza. Ukuze ufumane inkcazelo engakumbi ngokubaluleka kokufaka ingxelo bona incwadi ethi Ukulungelelaniselwa Ukufeza Ubulungiseleli Bethu, iphepha 106-109.
15 imiz: “ILizwi LikaThixo Linikela Ukhokelo.” (Isiqendu 7-9) Yithi gqabagqaba ngombandela othi “Imfuneko Yokhokelo” kwiMboniselo kaMeyi 1, 1993, iphepha 3. Cacisa isizathu sokuba kufuneke iintshumayelo zethu zibalaselise imbaluleka yokufuna uncedo kowona mthombo uphakamileyo—uThixo. Yiba nomvakalisi esenza umboniso ngeentshumayelo ezikwisiqendu 7-8. Balaselisa ukuba ekugqibeleni usukelo lwethu lufanele lube kukuqalisa isifundo seBhayibhile kwincwadi ethi Ulwazi.
Ingoma 197 nomthandazo wokuqukumbela.
Iveki Eqala NgoDisemba 16
10 imiz: Izaziso zasekuhlaleni. Nikela amacebiso ngendlela yokusabela ngobuchule kwimibuliso yeeholide. Chaza amalungiselelo akhethekileyo enkonzo yasentsimini ngoDisemba 25 nowama-26.
15 imiz: “Ukuzinikela Ngokuvumayo.” Imibuzo neempendulo. Quka namagqabaza eMboniselo kaNovemba 15, 1984, iphepha 29.
20 imiz: “Ukuvuyela Ulwando Olubangelwa NguThixo.” Intetho enikelwa ngehlombe ngumdala. Caphula amava okanye ubungqina bolwando kula mazwe abonisiweyo, njengoko bunikelwe kwii-Yearbook zakutshanje.
Ingoma 41 nomthandazo wokuqukumbela.
Iveki Eqala NgoDisemba 23
10 imiz: Izaziso zasekuhlaleni. Chaza ezinye zeengongoma esinokuthetha ngazo kumaphephancwadi akutshanje anokusetyenziswa entsimini kule veki. Chaza amalungiselelo akhethekileyo enkonzo yasentsimini ngoJanuwari 1.
15 imiz: Iimfuno zasekuhlaleni. Okanye umdala anikele intetho ethi “Ixesha Lokudla Umhlalaphantsi—Ngaba Ngumnyango Okhokelela Kumsebenzi Ongokobuthixo?” esekelwe kwiMboniselo kaJulayi 15, 1996, iphepha 24-5.—Bona i-Insight, Umqulu 2, iphepha 794, isiqendu 2-3.
20 imiz: “Ukubhalisa KwiSikolo Sobulungiseleli Sobuthixo.” Intetho ngumveleli wesikolo. Chaza inani lababhalisileyo ekuhlaleni, uze ukhuthaze bonke abanako babhalise. Hlolisisa imiyalelo yeentetho zabafundi enikelwe ku-“Cwangciso LweSikolo Sobulungiseleli Sobuthixo Lowe-1997.”
Ingoma 166 nomthandazo wokuqukumbela.
Iveki Eqala NgoDisemba 30
10 imiz: Izaziso zasekuhlaleni. Ukuba ibandla lenu liza kuwatshintsha amaxesha eentlanganiso kulo nyaka mtsha, bakhuthaze ngobubele uze ubabongoze bonke benze uhlengahlengiso olufunekayo baze beze rhoqo kwiintlanganiso zebandla ngamaxesha alo amatsha.
15 imiz: Ukunceda Abakhulileyo Babe Nesabelo Enkonzweni. Uninzi lwabavakalisi abathembekileyo abakhulileyo banomnqweno ongazenzisiyo wokushumayela kunye nebandla, kodwa ngenxa yokwaluphala nempilo enkenenkene abakwazi kwenza okungakumbi. Zikho iindlela esinokubonisa ngazo ulwazelelelo kubo ukuze sibaquke kwiqela eliya enkonzweni: Babonelele ngesithuthi; lungiselela ukuba basebenze kumakhaya angenazinyuko zininzi; inqwelo-mafutha mayihlale ikufutshane ukuze baphumle xa bediniwe; xa besiya emabuyelweni cela ukubasa; bazise ukuba uza kubagodusa xa bengasenako ukuqhubeka. Abakhulileyo banombulelo ngoncedo abalunikwayo. Chaza ezinye zeendlela ekunokubonakaliswa ngazo ulwazelelelo olunjalo ekuhlaleni. Hlolisisa iingongoma eziphambili kwinqaku elithi “Siyabaxabisa Abakhulileyo!” elikwiMboniselo kaFebruwari 1, 1986, iphepha 28-9.
20 imiz: Hlolisisa Umnikelo Woncwadi NgoJanuwari. Hambisa incwadi ethi Uxolo Nonqabiseko Lokwenyaniso—Unokulufumana Njani? Ngoxa usebenzisa incwadi ethi Ukuqiqa, iphepha 9-14, hlolisisa ngokufutshane iintshayelelo ezifanelekileyo ekuhambiseni le ncwadi. Yiba nomboniso wentshumayelo enye okanye ezimbini.
Ingoma 137 nomthandazo wokuqukumbela.