Haroro Sikuli Ena Henanadai

Haroro Sikuli ena henanadai September 7 ia lao December 21, 1998, edia wiki herevadia dekenai. Henanadai negana lalonai henanadai edia haere be ma pepa ta dekenai oi torea.

[Itaia: Henanadai negana lalonai, Baibel sibona oi gaukaralaia haere oi tahua totona. Henanadai murinai ai torea stadi gaudia be oi sibona emu stadi karaia totona. Gima Kohorona edia amo ai abia hereva haida edia rau bona paragraf namba ai torea lasi.]

Henuna hereva oi gwauraia Momokani eiava Koikoi:

1. Timoteo Iharuana 1:6 dekenai, “harihari gauna” ena anina be Dirava ena lauma helaga ena gaukara dalana dainai, Timoteo be gado idauidau ai ia hereva diba. [1, Wiki ta ta ena Baibel duahiduahi; w85-E 5/1 rau 16 par. 15 itaia.] Koikoi. Toana be lauma helaga ena gaukara dalana dainai, Timoteo idia abia hidi murinai Keristani kongregesen lalonai gaukara idauna ta ia dekenai idia henia.

2. Bema lo Keristani tauna ta ese Dirava ena Hereva amo ia abia vadaeni dibana ia gaukaralaia loulou, unai ese ‘ena lalona ia hadibaia loulou ela bona ia be maoro bona kerere edia toana ia diba namonamo.’ (Heb. 5:14) [4, Wiki ta ta ena Baibel duahiduahi; w86 1/1 rau 11 par. 7 itaia.] Momokani.

3. Iehova ese “kara dika taudia bona kara namo taudia edia latanai dina ena diari ia henia noho. Medu danu kara maoro taudia bona kara kerere taudia edia latanai ia siaia diho.” Unai ia karaia dainai ia hahedinaraia nega ibounai taunimanima ia kara henia neganai, edia toana ia laloa lasi. (Mat. 5:45) [5, w96 11/15 rau 25 par. 7] Momokani.

4. Baibel torea tauna, Iamesi, bona kopina utua karana idia herevalaia neganai “aposetolo bona kwarana taudia” totona ia hereva tauna, Iamesi, be tau tamona. (Kara 15:​6, 13; Iam. 1:1) [7, si Oct. 19 par. 2-3] Momokani.

5. Ena be 1 Petero 5:13 ia gwau Petero be iena revareva ginigunana ia torea neganai Babulonia dekenai ia noho, to idia hamomokania gaudia idia hahedinaraia Roma ena hehuni ladana ta be Babulonia. [8, si Oct. 26 par. 4] Koikoi. Baibel ia gwau lasi Babulonia be Roma, bona 1 Petero karoa 1 siri 1 ia herevalaia gabudia be gabu korikoridia.

6. Ioane Ginigunana 2:18 dekenai inai hereva “Keriso dekenai Tuari Henia Tauna be do ia mai” be tau tamona ia herevalaia. [10, Wiki ta ta ena Baibel duahiduahi; rs rau 243 par. 2 itaia.] Koikoi. Unai siri be “Keriso idia tuari henia taudia momo” ia herevalaia danu, idia haida be aposetolo Ioane ena nega ai idia noho.

7. Ioane Iharuana 10 ai, ta be ena ruma dekenai taunimanima haida do ia abia dae lasi eiava idia dekenai hanamoa hereva do ia gwauraia lasi haheganina be hahediba hereva koikoidia idia abia isi taudia sibona ia herevalaia. [11, Wiki ta ta ena Baibel duahiduahi; w85-E 7/15 rau 30 par. 1-3 itaia.] Koikoi. Baibel be ma gabu haida dekenai ia hahedinaraia ia be taunimanima ma haida ia herevalaia danu. (1 Kor. 5:11; Apok. 21:8)

8. Baibel lalonai, Apokalupo bukana be buka ginigabena badina ia be aposetolo Ioane ia torea bukana ginigabena. [12, si Nov. 23 par. 1] Koikoi. Ioane ese Apokalupo bukana ia torea guna, Dirava ena lauma ena siahu amo ia torea revarevadia ma haida ia do torea lasi neganai, to Baibel lalonai ia be buka ginigabena badina ia be vaira negana momokani, Dirava ena ura ia hagugurua negana namona, ia herevalaia.

9. Apokalupo 13:​11-15 ese ia hahedinaraia goevagoeva edena bamona Britain bona America ese League of Nations bona iena gabu ia abia oreana, United Nations, haginia gaukarana idia gunalaia. [16, Wiki ta ta ena Baibel duahiduahi; w89 1/1 rau 22 par. 3 itaia.] Momokani.

10. Baibel ese kekero muramura inua karana ia taravatua lasi dainai, iseda gabu ena kastom bona sene karadia hegeregerena kekero muramuradia ita inua be hegeregere. (Sal. 104:15) [15, w96 12/15 rau 27 par. 4] Koikoi. Namona be Baibel ena hakaua herevadia ese Keristani tauna ena lalohadai idia biagua bona do idia durua Dirava ena lalohadai kekero muramuradia dekenai idia abia totona.

Henuna henanadai oi haerelaidia:

11. Elda tauna be “ia badu haraga lasi” ena anina be dahaka? (Tito 1:7) [2, Wiki ta ta ena Baibel duahiduahi; om rau 31 par. 2; rau 35 par. 1 itaia.] Namona be ia manau, ia gaukara neganai lalo-tamona ia havaraia bona kongregesen idia naria elda edia orea danu ia gaukara hebou, ena tadikaka ia matauraidia, maino sibona ia havaraia taunimanima ibounai dekenai. (Unai bamona hereva ia hegeregere)

12. Badina rua oi henia dahaka dainai Iehova ese henia karana be tomadiho momokani ena kahana ta ai ia halaoa. [4, w96 11/1 rau 29 par. 3-6; rau 30 par. 3] Henia karana amo namo do ita davaria; dala hereadaena dekenai Iehova bona Iesu ita tohotohoa diba; henia karana ese dabu gaudia bona mai anina gaudia ia durua bada; henia karana ese ita ia durua do ita moale. (Kara 20:35) (Unai rua; unai bamona hereva ia hegeregere)

13. Iesu ena hereva, “Boubou karadia bona harihari gaudia be oi ura lasi,” ena anina be dahaka? (Heb. 10:5) [5, Wiki ta ta ena Baibel duahiduahi; w96 7/1 rau 14 par. 3 itaia.] Iesu ese ia hahedinaraia ia diba Dirava ia “ura lasi” Ierusalema ena dubu dekenai animal do idia bouboulaidia noho; to, Dirava ese tauanina goevadaena ia hegaegaelaia Iesu ese do ia bouboulaia totona. (Unai bamona hereva ia hegeregere)

14. Edena dala ai Keristani taudia ese ‘tanobada dekenai idia kwalimu diba’? (1 Ioa. 5:​3, 4) [10, si Nov. 9 par. 12] Abidadama goadana bona “Dirava ita lalokau henia” karana amo, ena anina be iena taravatu ita badinaia noho.

15. Petero ena hereva ‘Iehova ena dina umui laloa noho’ ena anina be dahaka? (2 Pet. 3:​12, NW) [9, Wiki ta ta ena Baibel duahiduahi; w97 9/1 rau 19 par. 2 itaia.] Ena anina be iseda lalona dekenai unai dina ita naria karana ita hadokoa lasi; namona be ita dekenai ia be momokani dainai ia ita itaia goevagoeva diba, ita vairanai ia noho bamona.

16. Edena hereva badadia 1 Ioane 2:2 dekenai ese ita idia durua orea rua, Iesu ena mauri ia bouboulaia dainai hahenamo do idia davaria orea rua unai, ita diba totona? [10, Wiki ta ta ena Baibel duahiduahi; w90 9/1 rau 13 par. 11 itaia.] Ioane be “iseda” kara dika ia herevalaia neganai, ia be horoa Keristani taudia, Ioane bamona, edia kara dika ia herevalaia; unai hereva “taunimanima ibounai” be Aramagedono amo do idia roho mauri “hutuma bada” taudia, bona do idia toreisi lou taudia milioni momo herea danu. (Unai bamona hereva ia hegeregere)

17. Apokalupo 1:7 ena hereva hegeregerena, Iesu idia gwadaia taudia be edena bamona ia do idia itaia “ori edia latanai ia mai” neganai? [12, Wiki ta ta ena Baibel duahiduahi; w93 5/1 rau 22 par. 7 itaia.] Aramagedono ese gau dikadia ia haorea neganai, Iesu ena inai taudia tanobada ai do idia diba ia be mai ena siahu bona mai ena hairai bada ida ia mai vadaeni.

18. Ena be Iesu Keriso be lagani toi mai kahana lalonai Israela taudia huanai ia haroro, badina be dahaka idia momo idia abia dae lasi ia be Mesia? [13, w96 11/15 rau 29 par. 1, 6; rau 30 par. 3] Iuda taudia idia ura lasi Baibel lalonai iena Mesia dagina idia hamomokania gaudia idia abia dae; ma badina haida be kohu idia ura henia bada bona taunimanima idia gari henia.

19. Apokalupo 13:​1, 2 dekenai, dahaka dainai “dagedage gauna ta” ese tanobada ena gavamani ia laulaulaia be maoro? [16, Wiki ta ta ena Baibel duahiduahi; w89-E 4/1 rau 20 par. 17 itaia.] Lagani 1900 ema bona hari taunimanima milioni momo be bese edia tuari lalonai idia mase. (Unai bamona hereva ia hegeregere)

20. Apokalupo 4:4 dekenai, “badana taudia 24” be daidia idia laulaulaia, bona edia kwara gaudia bona edia terona be dahaka? [13, Wiki ta ta ena Baibel duahiduahi; w95 7/1 rau 13 par. 17 itaia.] Unai badana taudia 24 be horoa Keristani taudia, idia toreisi lou bona Iehova ese idia dekenai ia gwauhamatalaia dagi ia henia vadaeni; edia kwara gaudia bona edia terona be edia pavapava dagi edia toana.

Henuna herevadia dekenai idia torea lasi herevadia oi torea:

21. Paulo ena revareva iharuana Timoteo dekenai be lagani 65 C.E. ai Roma dekenai ia torea, bona reana Timoteo be Efeso dekenai ia do noho. [1, si Sept. 7 par. 3]

22. Ita vairanai ia noho heau heluluna lalonai ita heau totona namona be ita idia hametaua gaudia ibounai bona ita ia guia noho kara dika, anina be abidadama lasi karana, do ita negea momokani. [6, Wiki ta ta ena Baibel duahiduahi; w98 1/1 rau 10 par. 15 itaia.]

23. Petero Iharuana 1:​5-8 dekenai, aposetolo Petero ia gwau namona be ita hekwarahi bada Dirava amo idia mai kara namodia ita karaia totona bena do ita noho kava lasi, to iseda kara be mai anina. [9, si Nov. 2 par. 9]

24. Apokalupo 6:​1-8 dekenai, hosi kakakakana ai ia guia tauna ese tuari ia laulaulaia; hosi koremana ai ia guia tauna ese doe bona hitolo ia laulaulaia; mase be hosi laborana ai ia guia, unai ena anina be taunimanima idia do buruka lasi neganai, gorere bona ma gau haida dainai idia mase. [13, Wiki ta ta ena Baibel duahiduahi; w86 7/1 rau 3 mauana itaia.]

25. Ia hedinarai, Keriso ena nega amo lagani 200 gunanai, Iuda taudia ese souli ia mase diba lasi hahediba herevana be Greek taudia amo idia abia hanai matamaia. [16, w96 8/1 rau 6 par. 1-2]

Henuna herevadia dekenai haere maorona oi abia hidi:

26. Roma dekenai Paulo idia hadiburaia negana ginigunana ai, iena haroro ia kamonai henia tauna ta be (Onesiporo; Onesimo; Onana), (Filipo; Festo; Filemona) ena ruma bese ena hesiai tauna ta, to ia heau siri. [2, si Sept. 14 par. 2]

27. (Ma buka haida edia; Unai buka sibona ena; Tomadiho lasi bukadia edia) hereva amo ita hamomokania diba Paulo ese Heberu taudia dekenai ia torea revarevana ia torea momokani. Hegeregere, Paulo be (Sipania; Kerete; Italia) dekenai ia noho bona (Timoteo; Tito; Iamesi) ese ia bamoa. [3, si Sept. 21 par. 3]

28. Heberu 11:10 dekenai, ‘hanua mai ena nadi badina aukana’ be (idia haginia lou Ierusalema; Esekiela 48:35 ia herevalaia hanuana; Mesia Basileiana). [6, si Oct. 12 par. 26]

29. Iuda 8 dekenai “Dirava ena siahu” ena anina be (Iesu ena dagi; Iehova ena lohia siahuna; Dirava ia henia siahuna Keristani kongregesen lalonai). [11, si Nov. 16 par. 9]

30. Apokalupo 11:11 dekenai, horoa orena taudia be mase taudia edia tauanina bamona edia inai henia taudia edia matana ai idia hedinarai neganai, “dina toi mai dina kahana ta,” ena anina be (lagani toi mai kahana ta; nega kwadogina ta; hua toi mai kahana ta). [15, Wiki ta ta ena Baibel duahiduahi; re rau 167 par. 21 itaia.]

Henuna herevadia dekenai siri maorona oi abia hidi:

1 Kor. 6:​9-​11; Heb. 2:1; Heb. 10:32; Iam. 4:​15; 1 Pet. 3:4

31. Inai tanobada ese ia halasia hanaihanai herevadia be iseda lalona idia veria lasi totona, namona be sibona eda stadi karana bona Baibel duahiduahi ena sediual namona amo Dirava ena Hereva “ita dogoatao bona badinaia.” [Heb. 2:1] [3, Wiki ta ta ena Baibel duahiduahi; w98 1/1 rau 7 par. 9 itaia.]

32. Vaira negana totona ita hegaegae neganai, namona be mai guriguri ida ita laloa edena bamona iseda palani be Dirava ena ura hegeregerena. [Iam. 4:​15] [7, Wiki ta ta ena Baibel duahiduahi; w97 11/15 rau 21 par. 10-11 itaia.]

33. ‘Lalo-manau bona dagedage lasi’ karana ia hahedinaraia Keristani hahine bona sinana ese ena tau sibona ia hamoalea lasi, to mai anina bada gauna be ia ese Dirava ia hamoalea danu. [1 Pet. 3:4] [8, Wiki ta ta ena Baibel duahiduahi; w89 11/1 rau 28 par. 12 itaia.]

34. Lauma tuari lalonai ita gini goada bena gabeai unai kara ita laloa lou neganai, unai ese ita dekenai goada do ia henia, iseda mauri ena heau helulu lalonai do ita kwalimu totona. [Heb. 10:32] [14, w96 12/1 rau 29 par. 3]

35. Iehova ena Witness taudia ese Keristani kongregesen amo inuinu kekero amo idia helalo-kerehai lasi taudia idia atoa siri. [1 Kor. 6:​9-​11] [15, w96 12/15 rau 25 par. 3]