യഹസ്‌കേൽ

1 ബന്ദിക​ളാ​യി കൊണ്ടുപോയവരുടെകൂടെ+ ഞാൻ കെബാർ+ നദീതീ​രത്ത്‌ കഴിയുന്ന സമയം. 30-ാം വർഷം* നാലാം മാസം അഞ്ചാം ദിവസം സ്വർഗം തുറന്നു; ഞാൻ ദിവ്യ​ദർശ​നങ്ങൾ കണ്ടുതു​ടങ്ങി. 2 ആ മാസം അഞ്ചാം ദിവസം, അതായത്‌ യഹോയാഖീൻ+ രാജാ​വി​നെ ബന്ദിയാ​യി കൊണ്ടു​പോ​യ​തി​ന്റെ അഞ്ചാം വർഷം, 3 കൽദയദേശത്തെ+ കെബാർ നദീതീ​ര​ത്തു​വെച്ച്‌, പുരോ​ഹി​ത​നായ ബൂസി​യു​ടെ മകൻ യഹസ്‌കേലിന്‌* യഹോ​വ​യു​ടെ സന്ദേശം കിട്ടി. അവി​ടെ​യാ​യി​രി​ക്കെ യഹോ​വ​യു​ടെ കൈ അവന്റെ മേൽ വന്നു.+

4 ഞാൻ നോക്കി​ക്കൊ​ണ്ടി​രി​ക്കു​മ്പോൾ അതാ, വടക്കു​നിന്ന്‌ ഉഗ്രമായ ഒരു കൊടുങ്കാറ്റ്‌+ വരുന്നു. ഉജ്ജ്വല​മാ​യൊ​രു പ്രഭാ​വ​ല​യ​ത്തിന്‌ ഉള്ളിൽ വലി​യൊ​രു മേഘവും തീ മിന്നുന്നതും*+ ഞാൻ കണ്ടു. തീയുടെ നടുവിൽ രജതസ്വർണംപോലുള്ള* എന്തോ ഒന്നും കാണാ​മാ​യി​രു​ന്നു.+ 5 അതിന്‌ ഉള്ളിൽ നാലു ജീവി​ക​ളു​ടേ​തു​പോ​ലുള്ള രൂപങ്ങ​ളു​ണ്ടാ​യി​രു​ന്നു.+ കാഴ്‌ച​യ്‌ക്ക്‌ അവ ഓരോ​ന്നും മനുഷ്യ​നെ​പ്പോ​ലി​രു​ന്നു. 6 ഓരോന്നിനും നാലു മുഖവും നാലു ചിറകും ഉണ്ടായി​രു​ന്നു.+ 7 അവയുടെ പാദങ്ങൾ നേരെ​യു​ള്ള​താ​യി​രു​ന്നു; ഉള്ളങ്കാൽ കാളക്കു​ട്ടി​യു​ടേ​തു​പോ​ലെ​യും. മിനു​ക്കി​യെ​ടുത്ത ചെമ്പു​പോ​ലെ അവ വെട്ടി​ത്തി​ളങ്ങി.+ 8 അവയ്‌ക്കു നാലു വശത്തും ചിറകു​കൾക്കു കീഴെ മനുഷ്യ​ക​ര​ങ്ങ​ളു​ണ്ടാ​യി​രു​ന്നു. നാലി​നും മുഖങ്ങ​ളും ചിറകു​ക​ളും ഉണ്ടായി​രു​ന്നു. 9 അവയുടെ ചിറകു​കൾ പരസ്‌പരം തൊട്ടി​രു​ന്നു. ഇടംവലം തിരി​യാ​തെ നേരെ മുന്നോ​ട്ടു​ത​ന്നെ​യാണ്‌ അവ ഓരോ​ന്നും പോയി​രു​ന്നത്‌.+

10 അവയുടെ മുഖങ്ങ​ളു​ടെ രൂപമോ: നാലി​നും മനുഷ്യ​മു​ഖ​മു​ണ്ടാ​യി​രു​ന്നു. അവയ്‌ക്ക്‌ ഓരോ​ന്നി​നും വലതു​ഭാ​ഗത്ത്‌ സിംഹത്തിന്റെ+ മുഖവും ഇടതു​ഭാ​ഗത്ത്‌ കാളയുടെ+ മുഖവും ഉണ്ടായി​രു​ന്നു. നാലി​നും കഴുകന്റെ+ മുഖവും ഉണ്ടായി​രു​ന്നു.+ 11 ഇങ്ങനെയായിരുന്നു അവയുടെ മുഖങ്ങൾ. അവ ചിറകു​കൾ മുകളി​ലേക്കു വിരി​ച്ചു​പി​ടി​ച്ചി​രു​ന്നു. പരസ്‌പരം തൊട്ടി​രി​ക്കുന്ന ഈരണ്ടു ചിറകു​ക​ളും ശരീരം മൂടുന്ന ഈരണ്ടു ചിറകു​ക​ളും അവയ്‌ക്ക്‌ ഓരോ​ന്നി​നു​മു​ണ്ടാ​യി​രു​ന്നു.+

12 അവ ഓരോ​ന്നും നേരെ മുന്നോ​ട്ടു​ത​ന്നെ​യാ​ണു പോയി​രു​ന്നത്‌. ദൈവാ​ത്മാവ്‌ പ്രേരി​പ്പി​ക്കു​ന്നി​ട​ത്തേ​ക്കെ​ല്ലാം അവ പോകു​ന്നു.+ ഇടംവലം തിരി​യാ​തെ​യാണ്‌ അവ പോയി​രു​ന്നത്‌. 13 കാഴ്‌ചയ്‌ക്ക്‌ ഈ ജീവികൾ തീക്കനൽപോ​ലി​രു​ന്നു. ഈ ജീവി​ക​ളു​ടെ ഇടയി​ലൂ​ടെ ഉജ്ജ്വല​ശോ​ഭ​യുള്ള തീപ്പന്ത​ങ്ങൾപോ​ലെ എന്തോ ഒന്ന്‌ അങ്ങോ​ട്ടും ഇങ്ങോ​ട്ടും നീങ്ങു​ന്നു​ണ്ടാ​യി​രു​ന്നു. തീയിൽനി​ന്ന്‌ മിന്നൽപ്പി​ണ​രു​കൾ പുറ​പ്പെട്ടു.+ 14 ജീവികൾ അങ്ങോ​ട്ടും ഇങ്ങോ​ട്ടും സഞ്ചരി​ക്കു​മ്പോൾ മിന്നൽപ്പി​ണർപോ​ലെ കാണ​പ്പെട്ടു.

15 ഞാൻ ആ ജീവി​കളെ നോക്കി​ക്കൊ​ണ്ടി​രി​ക്കു​മ്പോൾ, നാലു മുഖമുള്ള ആ ജീവി​ക​ളിൽ ഓരോ​ന്നി​ന്റെ​യും അരികെ നിലത്ത്‌ ഓരോ ചക്രം കണ്ടു.+ 16 ചക്രങ്ങൾ പീതരത്‌നംപോലെ* തിളങ്ങി. അവ നാലും ഒരു​പോ​ലി​രു​ന്നു. ഒരു ചക്രത്തി​നു​ള്ളിൽ മറ്റൊരു ചക്രം* എന്ന രീതി​യി​ലാ​യി​രു​ന്നു അതിന്റെ പണി. 17 നീങ്ങുമ്പോൾ അവയ്‌ക്കു തിരി​യാ​തെ​തന്നെ നാലു ദിശയിൽ ഏതി​ലേക്കു വേണ​മെ​ങ്കി​ലും പോകാ​മാ​യി​രു​ന്നു. 18 കണ്ടാൽ ആർക്കും പേടി തോന്നു​ന്നത്ര ഉയരമു​ള്ള​വ​യാ​യി​രു​ന്നു ചക്രങ്ങൾ. നാലു ചക്രത്തി​ന്റെ​യും വളയങ്ങൾ നിറയെ കണ്ണുക​ളാ​യി​രു​ന്നു.+ 19 ജീവികൾ നീങ്ങു​മ്പോൾ ചക്രങ്ങ​ളും അവയോ​ടൊ​പ്പം നീങ്ങും. ജീവികൾ നിലത്തു​നിന്ന്‌ ഉയരു​മ്പോൾ ചക്രങ്ങ​ളും ഉയരും.+ 20 ദൈവാത്മാവ്‌ പ്രേരി​പ്പി​ക്കു​ന്നി​ട​ത്തേ​ക്കെ​ല്ലാം അവ പോകും; ആത്മാവ്‌ എങ്ങോട്ടു പോകു​ന്നോ അങ്ങോ​ട്ടെ​ല്ലാം അവയും പോകും. അവ ഉയരു​മ്പോൾ ചക്രങ്ങ​ളും അവയോ​ടൊ​പ്പം ഉയരും. കാരണം, ജീവി​ക​ളിൽ പ്രവർത്തി​ക്കുന്ന ദൈവാത്മാവ്‌* ചക്രങ്ങ​ളി​ലു​മു​ണ്ടാ​യി​രു​ന്നു. 21 അവ നീങ്ങു​മ്പോൾ ചക്രങ്ങ​ളും നീങ്ങും. അവ നിൽക്കു​മ്പോൾ ചക്രങ്ങ​ളും നിൽക്കും. അവ നിലത്തു​നിന്ന്‌ ഉയരു​മ്പോൾ ചക്രങ്ങ​ളും അവയോ​ടൊ​പ്പം ഉയരും. കാരണം, ജീവി​ക​ളിൽ പ്രവർത്തി​ക്കുന്ന ദൈവാ​ത്മാവ്‌ ചക്രങ്ങ​ളി​ലു​മു​ണ്ടാ​യി​രു​ന്നു.

22 ജീവികളുടെ തലയ്‌ക്കു മീതെ വിതാ​നം​പോ​ലുള്ള ഒന്നുണ്ടാ​യി​രു​ന്നു. കണ്ണഞ്ചി​പ്പി​ക്കുന്ന മഞ്ഞുക​ട്ട​യു​ടേ​തു​പോ​ലെ​യാ​യി​രു​ന്നു അതിന്റെ തിളക്കം. അത്‌ ആ ജീവി​ക​ളു​ടെ തലയ്‌ക്കു മീതെ വ്യാപി​ച്ചു​നി​ന്നു.+ 23 വിതാനത്തിനു കീഴെ അവയുടെ ചിറകു​കൾ നേർക്കു​നേരെ നിവർന്നു​നി​ന്നു.* ഓരോ​ന്നി​നും അവയുടെ ശരീര​ത്തി​ന്റെ ഒരു ഭാഗം മറയ്‌ക്കാൻ രണ്ടു ചിറകും മറ്റേ ഭാഗം മറയ്‌ക്കാൻ രണ്ടു ചിറകും ഉണ്ടായി​രു​ന്നു. 24 അവയുടെ ചിറക​ടി​ശബ്ദം കേട്ട​പ്പോൾ ആർത്തി​ര​മ്പി​വ​രുന്ന വെള്ളത്തി​ന്റെ ശബ്ദം​പോ​ലെ, സർവശ​ക്തന്റെ ശബ്ദം​പോ​ലെ,+ എനിക്കു തോന്നി. അവ നീങ്ങി​യ​പ്പോൾ കേട്ട ശബ്ദം സൈന്യ​ത്തി​ന്റെ ആരവം​പോ​ലെ​യാ​യി​രു​ന്നു. നിശ്ചല​മാ​യി നിൽക്കു​മ്പോൾ അവ ചിറകു​കൾ താഴ്‌ത്തി​യി​ടും.

25 അവയുടെ തലയ്‌ക്കു മീതെ​യുള്ള വിതാ​ന​ത്തി​ന്റെ മുകളിൽനി​ന്ന്‌ ഒരു ശബ്ദം കേട്ടു. (നിശ്ചല​മാ​യി നിൽക്കു​മ്പോൾ അവ ചിറകു​കൾ താഴ്‌ത്തി​യി​ടും.) 26 അവയുടെ തലയ്‌ക്കു മീതെ​യുള്ള വിതാ​ന​ത്തി​നു മുകളിൽ കാഴ്‌ച​യ്‌ക്ക്‌ ഇന്ദ്രനീ​ല​ക്ക​ല്ലു​പോ​ലുള്ള ഒന്നു ഞാൻ കണ്ടു.+ അത്‌ ഒരു സിംഹാ​സ​നം​പോ​ലെ തോന്നി​ച്ചു.+ അങ്ങു മുകളി​ലുള്ള ആ സിംഹാ​സ​ന​ത്തിൽ മനുഷ്യ​നെ​പ്പോ​ലുള്ള ഒരാൾ ഇരിക്കു​ന്നു​ണ്ടാ​യി​രു​ന്നു.+ 27 ആ രൂപത്തി​ന്റെ അരക്കെ​ട്ടു​പോ​ലെ തോന്നിച്ച ഭാഗവും അതിന്റെ മുകൾഭാ​ഗ​വും രജതസ്വർണംപോലെ+ തിളങ്ങു​ന്നതു ഞാൻ കണ്ടു. അവി​ടെ​നിന്ന്‌ തീ പുറ​പ്പെ​ടു​ന്ന​തു​പോ​ലെ എനിക്കു തോന്നി. അരയ്‌ക്കു കീഴ്‌പോ​ട്ടു തീപോ​ലെ തോന്നി​ക്കുന്ന ഒന്നു ഞാൻ കണ്ടു.+ ഉജ്ജ്വല​മായ ഒരു പ്രഭാ​വ​ലയം ആ രൂപത്തി​നു ചുറ്റു​മു​ണ്ടാ​യി​രു​ന്നു. 28 മഴയുള്ള ദിവസം മേഘത്തിൽ കാണുന്ന മഴവില്ലിന്റേതുപോലുള്ള+ ശോഭ​യാ​യി​രു​ന്നു അതിന്‌. ആ പ്രഭാ​വ​ലയം കാഴ്‌ച​യിൽ അങ്ങനെ​യാ​യി​രു​ന്നു. അത്‌ യഹോ​വ​യു​ടെ തേജസ്സു​പോ​ലെ തോന്നി.+ അതു കണ്ട്‌ ഞാൻ കമിഴ്‌ന്നു​വീ​ണു. അപ്പോൾ, ആരോ സംസാ​രി​ക്കുന്ന ശബ്ദം കേട്ടു.

2 ദൈവം എന്നോടു പറഞ്ഞു: “മനുഷ്യ​പു​ത്രാ,* എഴു​ന്നേ​റ്റു​നിൽക്കൂ! എനിക്കു നിന്നോ​ടു സംസാ​രി​ക്കാ​നുണ്ട്‌.”+ 2 ദൈവം എന്നോടു സംസാ​രി​ച്ചു​തു​ടങ്ങി. അപ്പോൾ ദൈവാ​ത്മാവ്‌ എന്നിൽ പ്രവേ​ശിച്ച്‌, ഞാൻ അതു കേൾക്കാൻവേണ്ടി എന്നെ എഴു​ന്നേൽപ്പി​ച്ചു​നി​റു​ത്തി.+

3 ദൈവം എന്നോട്‌ ഇങ്ങനെ​യും പറഞ്ഞു: “മനുഷ്യ​പു​ത്രാ, ഞാൻ നിന്നെ ഇസ്രാ​യേൽ ജനത്തിന്റെ ഇടയി​ലേക്ക്‌,+ എന്നെ ധിക്കരിച്ച ധിക്കാ​രി​ക​ളായ ജനതക​ളു​ടെ അടു​ത്തേക്ക്‌, അയയ്‌ക്കു​ക​യാണ്‌.+ അവരും അവരുടെ പൂർവി​ക​രും ഇന്നോളം എന്റെ നിയമങ്ങൾ ലംഘി​ച്ചി​രി​ക്കു​ന്നു.+ 4 ധിക്കാരികളും* കഠിന​ഹൃ​ദ​യ​രും ആയ മക്കളുടെ അടു​ത്തേക്കു ഞാൻ നിന്നെ അയയ്‌ക്കു​ക​യാണ്‌.+ നീ അവരോ​ട്‌, ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌’ എന്നു പറയണം. 5 മത്സരഗൃഹമായ അവർ കേൾക്കു​ക​യോ കേൾക്കാ​തി​രി​ക്കു​ക​യോ ചെയ്യട്ടെ;+ പക്ഷേ തങ്ങളുടെ ഇടയിൽ ഒരു പ്രവാ​ച​ക​നു​ണ്ടാ​യി​രു​ന്നെന്ന്‌ അവർ നിശ്ചയ​മാ​യും അറിയും.+

6 “പക്ഷേ മനുഷ്യ​പു​ത്രാ, നീ അവരെ പേടി​ക്ക​രുത്‌;+ അവർ പറയു​ന്നതു കേട്ട്‌ പേടി​ക്ക​രുത്‌. മുള്ളു​ക​ളും മുൾച്ചെ​ടി​ക​ളും നിന്റെ ചുറ്റു​മു​ണ്ടാ​യി​രി​ക്കാം.*+ നീ താമസി​ക്കു​ന്നതു തേളു​ക​ളു​ടെ ഇടയി​ലാ​യി​രി​ക്കാം. എങ്കിലും അവരുടെ വാക്കുകൾ കേട്ട്‌ പേടി​ക്ക​രുത്‌.+ അവരുടെ മുഖഭാ​വം കണ്ട്‌ പരി​ഭ്രാ​ന്ത​നാ​ക​രുത്‌.+ അവർ ഒരു മത്സരഗൃ​ഹ​മാ​ണ​ല്ലോ. 7 എന്റെ വാക്കുകൾ നീ അവരെ അറിയി​ക്കണം; മത്സരഗൃ​ഹ​മായ അവർ കേൾക്കു​ക​യോ കേൾക്കാ​തി​രി​ക്കു​ക​യോ ചെയ്യട്ടെ.+

8 “മനുഷ്യ​പു​ത്രാ, ഞാൻ പറയു​ന്നതു ശ്രദ്ധി​ച്ചു​കേൾക്കണം. ഈ മത്സരഗൃ​ഹ​ത്തെ​പ്പോ​ലെ നീ ഒരു ധിക്കാ​രി​യാ​ക​രുത്‌. വായ്‌ തുറക്കൂ! എന്നിട്ട്‌, ഞാൻ തരുന്നതു കഴിക്കൂ!”+

9 ഞാൻ നോക്കി​യ​പ്പോൾ ഒരു കൈ എന്റെ നേരെ നീട്ടി​യി​രി​ക്കു​ന്നതു കണ്ടു.+ എഴുത്തുള്ള ഒരു ചുരുൾ* ആ കൈയി​ലു​ണ്ടാ​യി​രു​ന്നു.+ 10 അദ്ദേഹം അത്‌ എന്റെ മുന്നിൽ നിവർത്തി. അകത്തും പുറത്തും എഴുത്തുണ്ടായിരുന്ന+ അതിൽ ദുഃഖ​വും കരച്ചി​ലും വിലാ​പ​ഗീ​ത​ങ്ങ​ളും രേഖ​പ്പെ​ടു​ത്തി​യി​രു​ന്നു.+

3 ദൈവം എന്നോടു പറഞ്ഞു: “മനുഷ്യ​പു​ത്രാ, നിന്റെ മുന്നിലുള്ള* ഈ ചുരുൾ തിന്നിട്ട്‌ ചെന്ന്‌ ഇസ്രാ​യേൽഗൃ​ഹ​ത്തോ​ടു സംസാ​രി​ക്കണം.”+

2 അപ്പോൾ ഞാൻ എന്റെ വായ്‌ തുറന്നു. ദൈവം ആ ചുരുൾ എനിക്കു തിന്നാൻ തന്നു. 3 ദൈവം എന്നോട്‌ ഇങ്ങനെ​യും പറഞ്ഞു: “മനുഷ്യ​പു​ത്രാ, ഞാൻ തരുന്ന ഈ ചുരുൾ തിന്ന്‌ നിന്റെ വയറു നിറയ്‌ക്കുക.” അപ്പോൾ ഞാൻ അതു തിന്നു​തു​ടങ്ങി. അത്‌ എന്റെ വായിൽ തേൻപോ​ലെ മധുരി​ച്ചു.+

4 ദൈവം എന്നോടു പറഞ്ഞു: “മനുഷ്യ​പു​ത്രാ, ഇസ്രാ​യേൽഗൃ​ഹ​ത്തി​ന്റെ അടുത്ത്‌ ചെന്ന്‌ എന്റെ വാക്കുകൾ അവരെ അറിയി​ക്കുക. 5 അപരിചിതവും മനസ്സി​ലാ​ക്കാ​നാ​കാ​ത്ത​തും ആയ ഭാഷ സംസാ​രി​ക്കുന്ന ജനതയു​ടെ അടു​ത്തേക്കല്ല ഞാൻ നിന്നെ അയയ്‌ക്കു​ന്നത്‌, പകരം ഇസ്രാ​യേൽഗൃ​ഹ​ത്തി​ന്റെ അടു​ത്തേ​ക്കാണ്‌. 6 നിനക്കു മനസ്സി​ലാ​ക്കാ​നാ​കാ​ത്ത​തും അപരി​ചി​ത​വും ആയ ഭാഷ സംസാ​രി​ക്കുന്ന ജനതക​ളു​ടെ അടു​ത്തേ​ക്കാ​ണു നിന്നെ അയച്ചി​രു​ന്ന​തെ​ങ്കിൽ അവർ നീ പറയു​ന്നതു ശ്രദ്ധി​ച്ചേനേ.+ 7 പക്ഷേ ഇസ്രാ​യേൽഗൃ​ഹം നീ പറയു​ന്നതു കേൾക്കാൻ കൂട്ടാ​ക്കില്ല. കാരണം, ഞാൻ പറയു​ന്നതു കേൾക്കാൻ മനസ്സി​ല്ലാ​ത്ത​വ​രാണ്‌ അവർ.+ ഇസ്രാ​യേൽഗൃ​ഹ​ത്തി​ലു​ള്ള​വ​രെ​ല്ലാം കടും​പി​ടു​ത്ത​ക്കാ​രും കഠിന​ഹൃ​ദ​യ​രും ആണ്‌.+ 8 ഇതാ, ഞാൻ നിന്റെ മുഖം അവരുടെ മുഖം​പോ​ലെ​യും നിന്റെ നെറ്റി അവരുടെ നെറ്റി​പോ​ലെ​യും കടുപ്പ​മു​ള്ള​താ​ക്കി​യി​രി​ക്കു​ന്നു.+ 9 ഞാൻ നിന്റെ നെറ്റി തീക്കല്ലി​നെ​ക്കാൾ കടുപ്പമുള്ള+ വജ്രം​പോ​ലെ​യാ​ക്കി​യി​രി​ക്കു​ന്നു. അവരെ പേടി​ക്കു​ക​യോ അവരുടെ മുഖഭാ​വം കണ്ട്‌ പരി​ഭ്രാ​ന്ത​നാ​കു​ക​യോ അരുത്‌;+ അവർ ഒരു മത്സരഗൃ​ഹ​മാ​ണ​ല്ലോ.”

10 ദൈവം ഇങ്ങനെ​യും എന്നോടു പറഞ്ഞു: “മനുഷ്യ​പു​ത്രാ, ഞാൻ നിന്നോ​ടു പറയുന്ന ഈ വാക്കു​ക​ളെ​ല്ലാം ശ്രദ്ധി​ച്ചു​കേൾക്കൂ. നീ അവ ഗൗരവ​മാ​യെ​ടു​ക്കണം. 11 ബന്ദികളായി കൊണ്ടു​പോ​ന്നി​ട്ടുള്ള നിന്റെ ജനത്തിന്റെ ഇടയിൽ ചെന്ന്‌+ നീ അവരോ​ടു സംസാ​രി​ക്കണം. അവർ കേട്ടാ​ലും ഇല്ലെങ്കി​ലും, ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌’ എന്നു നീ അവരോ​ടു പറയണം.”+

12 അപ്പോൾ ഒരു ആത്മാവ്‌* എന്നെ എടുത്തു​കൊ​ണ്ടു​പോ​യി.+ “യഹോ​വ​യു​ടെ സ്ഥലത്ത്‌ അവിടു​ത്തെ മഹത്ത്വം വാഴ്‌ത്ത​പ്പെ​ടട്ടെ” എന്നു പറയുന്ന വലി​യൊ​രു ഹുങ്കാ​ര​ശബ്ദം പുറകിൽനി​ന്ന്‌ ഞാൻ കേട്ടു. 13 ജീവികളുടെ ചിറകു​കൾ പരസ്‌പരം കൂട്ടി​യു​ര​സു​ന്ന​തി​ന്റെ ശബ്ദവും+ ജീവി​ക​ളു​ടെ അടുത്തുള്ള ചക്രങ്ങ​ളു​ടെ ശബ്ദവും+ വലി​യൊ​രു ഹുങ്കാ​ര​ശ​ബ്ദ​വും ഞാൻ കേട്ടു. 14 അപ്പോൾ ആത്മാവ്‌* എന്നെ എടുത്തു​കൊ​ണ്ടു​പോ​യി. പോകു​മ്പോൾ എനിക്കു ദുഃഖ​വും അമർഷ​വും തോന്നി. യഹോ​വ​യു​ടെ കൈ എന്റെ മേൽ ശക്തി​യോ​ടെ​യു​ണ്ടാ​യി​രു​ന്നു. 15 അങ്ങനെ ഞാൻ, തെൽ-അബീബിൽ കെബാർ നദീതീരത്ത്‌+ കഴിയുന്ന നാടു​ക​ട​ത്ത​പ്പെട്ട ആളുക​ളു​ടെ അടുത്ത്‌ ചെന്ന്‌ ഏഴു ദിവസം അവരു​ടെ​കൂ​ടെ താമസി​ച്ചു. ആ ദിവസ​ങ്ങ​ള​ത്ര​യും ആകെ മരവിച്ച അവസ്ഥയി​ലാ​യി​രു​ന്നു ഞാൻ.+

16 ഏഴു ദിവസം കഴിഞ്ഞ​പ്പോൾ എനിക്ക്‌ യഹോ​വ​യു​ടെ സന്ദേശം കിട്ടി:

17 “മനുഷ്യ​പു​ത്രാ, ഞാൻ നിന്നെ ഇസ്രാ​യേൽഗൃ​ഹ​ത്തി​ന്റെ കാവൽക്കാ​ര​നാ​യി നിയമി​ച്ചി​രി​ക്കു​ന്നു.+ എന്റെ വായിൽനി​ന്ന്‌ സന്ദേശം കേൾക്കു​മ്പോൾ നീ എന്റെ പേരിൽ അവർക്കു മുന്നറി​യി​പ്പു കൊടു​ക്കണം.+ 18 ഞാൻ ദുഷ്ട​നോട്‌, ‘നീ മരിക്കും’ എന്നു പറഞ്ഞി​ട്ടും നീ അവനു മുന്നറി​യി​പ്പു കൊടു​ക്കാ​തി​രു​ന്നാൽ, അവൻ ജീവി​ച്ചി​രി​ക്കേ​ണ്ട​തി​നു ദുഷിച്ച വഴി വിട്ടു​മാ​റാൻ താക്കീതു നൽകാ​തി​രു​ന്നാൽ,+ ദുഷ്ടനായ അവൻ തന്റെ തെറ്റു കാരണം മരിക്കും.+ എന്നാൽ അവന്റെ രക്തം ഞാൻ നിന്നോ​ടു ചോദി​ക്കും.*+ 19 പക്ഷേ നീ ദുഷ്ടനു മുന്നറി​യി​പ്പു കൊടു​ത്തി​ട്ടും അവൻ ദുഷ്ടത​യിൽനി​ന്നും ദുഷിച്ച വഴിക​ളിൽനി​ന്നും പിന്മാ​റു​ന്നി​ല്ലെ​ങ്കിൽ അവൻ തന്റെ തെറ്റു കാരണം മരിക്കും. എന്നാൽ നീ നിന്റെ ജീവൻ രക്ഷിക്കും.+ 20 പക്ഷേ ഒരു നീതി​മാൻ നീതി​മാർഗം ഉപേക്ഷി​ച്ച്‌ തെറ്റു* ചെയ്‌താൽ അവൻ തട്ടിവീ​ഴാൻവേണ്ടി ഞാൻ അവന്റെ മുന്നിൽ ഒരു തടസ്സം വെക്കും. അങ്ങനെ അവൻ മരിക്കും. നീ അവനു മുന്നറി​യി​പ്പു കൊടു​ക്കാ​ത്ത​തു​കൊണ്ട്‌ അവൻ തന്റെ പാപം കാരണം മരിക്കും.+ അവന്റെ നീതി​പ്ര​വൃ​ത്തി​ക​ളൊ​ന്നും ഓർക്കില്ല. അവന്റെ രക്തമോ ഞാൻ നിന്നോ​ടു ചോദി​ക്കും.*+ 21 പക്ഷേ പാപം ചെയ്യാ​തി​രി​ക്കാൻ നീ ഒരു നീതി​മാ​നു മുന്നറി​യി​പ്പു കൊടു​ത്ത​തു​കൊണ്ട്‌ അവൻ പാപം ചെയ്യാ​തി​രു​ന്നാൽ അവൻ നിശ്ചയ​മാ​യും ജീവി​ക്കും; കാരണം, അവൻ മുന്നറി​യി​പ്പി​നു ചെവി കൊടു​ത്ത​ല്ലോ.+ നീയും നിന്റെ ജീവൻ രക്ഷിക്കും.”

22 അവിടെവെച്ച്‌ യഹോ​വ​യു​ടെ കൈ എന്റെ മേൽ വന്നു. ദൈവം എന്നോടു പറഞ്ഞു: “എഴു​ന്നേറ്റ്‌ താഴ്‌വ​ര​യി​ലേക്കു പോകൂ! അവി​ടെ​വെച്ച്‌ ഞാൻ നിന്നോ​ടു സംസാ​രി​ക്കും.” 23 അങ്ങനെ, ഞാൻ എഴു​ന്നേറ്റ്‌ താഴ്‌വ​ര​യി​ലേക്കു ചെന്നു. അപ്പോൾ അതാ, അവിടെ യഹോ​വ​യു​ടെ തേജസ്സ്‌!+ കെബാർ നദീതീരത്തുവെച്ച്‌+ ഞാൻ കണ്ട അതേ തേജസ്സ്‌! ഉടനെ, ഞാൻ കമിഴ്‌ന്നു​വീ​ണു. 24 അപ്പോൾ ദൈവാ​ത്മാവ്‌ എന്നിൽ പ്രവേ​ശിച്ച്‌ എന്നെ എഴു​ന്നേൽപ്പി​ച്ചു​നി​റു​ത്തി.+ ദൈവം എന്നോടു പറഞ്ഞു:

“നീ വീട്ടി​ലേക്കു ചെന്ന്‌ കതക്‌ അടച്ച്‌ ഇരിക്കുക. 25 പക്ഷേ മനുഷ്യ​പു​ത്രാ, നീ അവരുടെ ഇടയി​ലേക്കു ചെല്ലാ​തി​രി​ക്കാൻ അവർ നിന്നെ കയറു​കൊണ്ട്‌ ബന്ധിക്കും. 26 ഞാൻ നിന്റെ നാവ്‌ അണ്ണാക്കി​നോ​ടു പറ്റി​ച്ചേ​രാൻ ഇടയാ​ക്കും. അങ്ങനെ നീ മൂകനാ​യി​പ്പോ​കും; നിനക്ക്‌ അവരെ ശാസി​ക്കാൻ കഴിയാ​താ​കും. അവർ ഒരു മത്സരഗൃ​ഹ​മാ​ണ​ല്ലോ. 27 പക്ഷേ ഞാൻ നിന്നോ​ടു സംസാ​രി​ക്കു​മ്പോൾ ഞാൻ നിന്റെ വായ്‌ തുറക്കും.+ നീ അവരോ​ട്‌, ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌’ എന്നു പറയണം. കേൾക്കു​ന്നവൻ കേൾക്കട്ടെ.+ കേൾക്കാൻ മനസ്സി​ല്ലാ​ത്തവൻ കേൾക്കേണ്ടാ. അവർ ഒരു മത്സരഗൃ​ഹ​മാ​ണ​ല്ലോ.+

4 “മനുഷ്യ​പു​ത്രാ, ഒരു ഇഷ്ടിക എടുത്ത്‌ നിന്റെ മുന്നിൽ വെക്കുക. എന്നിട്ട്‌, അതിൽ യരുശ​ലേം​ന​ഗ​ര​ത്തി​ന്റെ രൂപം വരഞ്ഞു​ണ്ടാ​ക്കുക. 2 അതിനെ ഉപരോ​ധി​ക്കണം.+ അതിന്‌ എതിരെ ഉപരോ​ധ​മ​തിൽ പണിയണം.+ ആക്രമി​ക്കാൻവേണ്ടി, ചെരിഞ്ഞ തിട്ട ഉണ്ടാക്കണം.+ ചുറ്റും പാളയ​മ​ടി​ക്കണം. യന്ത്രമുട്ടികളുമായി* അതിനെ വളയണം.+ 3 ഇരുമ്പുകൊണ്ടുള്ള ഒരു അപ്പക്കല്ല്‌ എടുത്ത്‌ നിനക്കും നഗരത്തി​നും ഇടയിൽ ഒരു ഇരുമ്പു​മ​തി​ലാ​യി വെച്ച്‌ നഗരത്തി​നു നേരെ നീ മുഖം തിരി​ക്കു​മ്പോൾ അത്‌ ഉപരോ​ധ​ത്തി​ലാ​കും. അങ്ങനെ, നീ അതിനെ ഉപരോ​ധി​ക്കും. ഇത്‌ ഇസ്രാ​യേൽഗൃ​ഹ​ത്തിന്‌ ഒരു അടയാ​ള​മാ​യി​രി​ക്കും.+

4 “പിന്നെ, നീ ഇടതു​വശം ചെരി​ഞ്ഞു​കി​ടന്ന്‌ ഇസ്രാ​യേൽഗൃ​ഹ​ത്തി​ന്റെ കുറ്റം വഹിക്കണം.+ നീ അങ്ങനെ കിടക്കുന്ന ദിവസ​ങ്ങ​ള​ത്ര​യും അവരുടെ കുറ്റം വഹിക്കും. 5 അവരുടെ കുറ്റത്തി​ന്റെ വർഷങ്ങൾക്ക​നു​സ​രിച്ച്‌ ഞാൻ നിനക്കു 390 ദിവസം നിശ്ചയി​ക്കും.+ അങ്ങനെ, ഇസ്രാ​യേൽഗൃ​ഹ​ത്തി​ന്റെ കുറ്റം നീ വഹിക്കും. 6 നീ ആ ദിവസങ്ങൾ തികയ്‌ക്കണം.

“അടുത്ത​താ​യി നീ വലതു​വശം ചെരി​ഞ്ഞു​കി​ടന്ന്‌ 40 ദിവസം യഹൂദാ​ഗൃ​ഹ​ത്തി​ന്റെ കുറ്റം വഹിക്കണം.+ ഒരു വർഷത്തി​ന്‌ ഒരു ദിവസം​വെച്ച്‌ ഞാൻ നിനക്കു തരുന്നു. ഒരു വർഷത്തി​ന്‌ ഒരു ദിവസം! 7 നീ കൈ തെറു​ത്തു​ക​യറ്റി യരുശ​ലേ​മി​ന്റെ ഉപരോധത്തിനു+ നേരെ മുഖം തിരി​ക്കുക. അതിന്‌ എതിരെ നീ പ്രവചി​ക്കണം.

8 “നിന്റെ ഉപരോ​ധ​ദി​വ​സങ്ങൾ പൂർത്തി​യാ​കു​ന്ന​തു​വരെ നീ ഒരു വശത്തു​നിന്ന്‌ മറുവ​ശ​ത്തേക്കു തിരി​യാ​തി​രി​ക്കാൻ ഞാൻ നിന്നെ കയറു​കൊണ്ട്‌ വരിഞ്ഞു​കെ​ട്ടും.

9 “നീ ഗോതമ്പ്‌, ബാർളി, വലിയ പയർ, പരിപ്പ്‌, തിന, വരക്‌* എന്നിവ ഒരു പാത്ര​ത്തിൽ എടുത്ത്‌ നിനക്കു കഴിക്കാൻ അപ്പം ഉണ്ടാക്കുക. നീ ഒരു വശം ചെരി​ഞ്ഞു​കി​ട​ക്കുന്ന ദിവസങ്ങൾ, 390 ദിവസം, അതു കഴിക്കണം.+ 10 ഓരോ ദിവസ​വും അളന്നു​തൂ​ക്കി 20 ശേക്കെൽ* ഭക്ഷണം മാത്രമേ കഴിക്കാ​വൂ. നിശ്ചി​ത​സ​മ​യ​ങ്ങ​ളിൽ മാത്രം അതു കഴിക്കുക.

11 “വെള്ളവും അളന്ന്‌ മാത്രമേ കുടി​ക്കാ​വൂ. ആറി​ലൊ​ന്നു ഹീൻ* വെള്ളം നിശ്ചി​ത​സ​മ​യ​ങ്ങ​ളിൽ മാത്രം കുടി​ക്കുക.

12 “ബാർളി​യപ്പം തിന്നു​ന്ന​തു​പോ​ലെ നീ അതു തിന്നണം. ഉണങ്ങിയ മനുഷ്യ​മലം കത്തിച്ച്‌ അവർ കാൺകെ വേണം നീ അതു ചുടാൻ.” 13 യഹോവ ഇങ്ങനെ​യും പറഞ്ഞു: “ഞാൻ ജനതകൾക്കി​ട​യി​ലേക്കു ചിതറി​ച്ചു​ക​ള​യുന്ന ഇസ്രാ​യേ​ല്യർ ഇതേ​പോ​ലെ അവി​ടെ​വെച്ച്‌ അശുദ്ധ​മായ അപ്പം കഴിക്കും.”+

14 അപ്പോൾ, ഞാൻ പറഞ്ഞു: “പരമാ​ധി​കാ​രി​യായ യഹോവേ, അരുതേ! എന്റെ ചെറു​പ്പം​മു​തൽ ഇന്നുവരെ ഒരിക്കൽപ്പോ​ലും, താനേ ചത്ത മൃഗത്തി​ന്റെ​യോ വന്യമൃ​ഗം കടിച്ചു​കീ​റി​യ​തി​ന്റെ​യോ മാംസം കഴിച്ച്‌ ഞാൻ അശുദ്ധ​നാ​യി​ട്ടില്ല.+ അശുദ്ധമായ* മാംസം ഞാൻ എന്റെ വായിൽ വെച്ചി​ട്ടു​പോ​ലു​മില്ല.”+

15 അപ്പോൾ, ദൈവം എന്നോടു പറഞ്ഞു: “ശരി. മനുഷ്യ​മ​ല​ത്തി​നു പകരം ചാണകം ഉപയോ​ഗിച്ച്‌ അപ്പം ചുട്ടു​കൊ​ള്ളൂ.” 16 ദൈവം എന്നോട്‌ ഇങ്ങനെ​യും പറഞ്ഞു: “മനുഷ്യ​പു​ത്രാ, ഇതാ ഞാൻ യരുശ​ലേ​മി​ലെ ഭക്ഷ്യ​ശേ​ഖരം നശിപ്പി​ക്കു​ന്നു.*+ അവർക്കു വലിയ ഉത്‌ക​ണ്‌ഠ​യോ​ടെ, അളന്നു​തൂ​ക്കി അപ്പം തിന്നേ​ണ്ടി​വ​രും.+ വെള്ളവും പരിമി​ത​മാ​യ​തു​കൊണ്ട്‌ അവർക്കു ഭയപ്പാ​ടോ​ടെ അളന്നെ​ടുത്ത്‌ കുടി​ക്കേ​ണ്ടി​വ​രും.+ 17 ഇങ്ങനെ, അപ്പവും വെള്ളവും കിട്ടാതെ അവർ പരി​ഭ്ര​മിച്ച്‌ പരസ്‌പരം നോക്കി​നിൽക്കും. തങ്ങളുടെ തെറ്റു കാരണം അവർ ക്ഷയിച്ചു​പോ​കും.

5 “മനുഷ്യ​പു​ത്രാ, നീ മൂർച്ച​യുള്ള ഒരു വാൾ എടുത്ത്‌ ക്ഷൗരക്ക​ത്തി​യാ​യി ഉപയോ​ഗി​ക്കുക. നിന്റെ തലയും താടി​യും വടിച്ച്‌ രോമം ഒരു ത്രാസ്സിൽ തൂക്കി മൂന്നായി ഭാഗി​ക്കുക. 2 അതിൽ ഒരു ഭാഗം, ഉപരോ​ധ​ദി​വ​സങ്ങൾ തീരുമ്പോൾ+ നഗരത്തി​ലിട്ട്‌ കത്തിക്കണം. അടുത്ത ഭാഗം നഗരത്തിനു* ചുറ്റും വാളു​കൊണ്ട്‌ അരിഞ്ഞി​ടുക.+ അവസാ​നത്തെ ഭാഗം കാറ്റിൽ പറത്തണം. ഞാൻ ഒരു വാൾ ഊരി അതിന്റെ പിന്നാലെ അയയ്‌ക്കും.+

3 “പക്ഷേ, അതിൽനി​ന്ന്‌ കുറച്ച്‌ രോമം എടുത്ത്‌ നിന്റെ വസ്‌ത്ര​ത്തി​ന്റെ മടക്കുകളിൽ* കെട്ടി​വെ​ക്കണം. 4 അതിൽനിന്ന്‌ വീണ്ടും കുറച്ച്‌ എടുത്ത്‌ തീയി​ലിട്ട്‌ ചുട്ടെ​രി​ക്കുക. ഇതിൽനി​ന്നുള്ള തീ ഇസ്രാ​യേൽഗൃ​ഹ​ത്തി​ലെ​ങ്ങും പടർന്നു​പി​ടി​ക്കും.+

5 “പരമാ​ധി​കാ​രി​യായ യഹോവ പറയുന്നു: ‘ഇതാണ്‌ യരുശ​ലേം. ഞാൻ അവളെ ജനതക​ളു​ടെ മധ്യേ സ്ഥാപിച്ചു. അവൾ ദേശങ്ങ​ളാൽ ചുറ്റ​പ്പെ​ട്ടു​കി​ട​ക്കു​ന്നു. 6 പക്ഷേ, അവൾ എന്റെ ന്യായ​ത്തീർപ്പു​ക​ളും നിയമ​ങ്ങ​ളും ധിക്കരി​ച്ചി​രി​ക്കു​ന്നു. അവൾ ചെയ്‌തു​കൂ​ട്ടിയ ദുഷ്ടത ചുറ്റു​മുള്ള ജനതക​ളു​ടേ​തി​ലും ദേശങ്ങ​ളു​ടേ​തി​ലും എത്രയോ വലുതാ​ണ്‌.+ ജനം എന്റെ ന്യായ​ത്തീർപ്പു​കൾ തള്ളിക്ക​ള​ഞ്ഞി​രി​ക്കു​ന്നു; എന്റെ നിയമങ്ങൾ അനുസ​രിച്ച്‌ നടക്കു​ന്നു​മില്ല.’

7 “അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു: ‘നീ ചുറ്റു​മുള്ള ജനതക​ളെ​ക്കാൾ പ്രശ്‌ന​ക്കാ​രി​യാ​യി​രു​ന്നു. നീ എന്റെ നിയമങ്ങൾ അനുസ​രിച്ച്‌ നടക്കു​ക​യോ എന്റെ ന്യായ​ത്തീർപ്പു​കൾ പിൻപ​റ്റു​ക​യോ ചെയ്‌തില്ല. പകരം, ചുറ്റു​മുള്ള ജനതക​ളു​ടെ തീർപ്പു​ക​ളാ​ണു നീ പിൻപ​റ്റി​യത്‌.+ 8 അതുകൊണ്ട്‌, പരമാ​ധി​കാ​രി​യായ യഹോവ പറയുന്നു: “ഹേ നഗരമേ, ഞാൻ നിനക്ക്‌ എതിരാ​ണ്‌.+ ജനതക​ളു​ടെ കൺമു​ന്നിൽവെച്ച്‌ ഞാൻ നേരിട്ട്‌ നിന്റെ വിധി നടപ്പാ​ക്കും.+ 9 നീ ചെയ്‌തു​കൂ​ട്ടിയ മ്ലേച്ഛകാ​ര്യ​ങ്ങൾ കാരണം, ഞാൻ മുമ്പൊ​രി​ക്ക​ലും ചെയ്‌തി​ട്ടി​ല്ലാ​ത്ത​തും ഇനി ഒരിക്ക​ലും ചെയ്യി​ല്ലാ​ത്ത​തും ആയ ഒരു കാര്യം നിന്നോ​ടു ചെയ്യും.+

10 “‘“അങ്ങനെ, നിങ്ങളു​ടെ മധ്യേ അപ്പന്മാർ സ്വന്തം മക്കളെ​യും മക്കൾ അപ്പന്മാ​രെ​യും തിന്നും.+ നിങ്ങളു​ടെ ഇടയിൽ ഞാൻ ശിക്ഷാ​വി​ധി നടപ്പാ​ക്കും. നിങ്ങളിൽ ബാക്കി​യു​ള്ള​വ​രെ​യെ​ല്ലാം ഞാൻ നാലുപാടും* ചിതറി​ക്കും.”’+

11 “പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു: ‘നിങ്ങളു​ടെ സകല മ്ലേച്ഛവി​ഗ്ര​ഹ​ങ്ങൾകൊ​ണ്ടും നിങ്ങൾ ചെയ്‌തു​കൂ​ട്ടിയ എല്ലാ വൃത്തി​കേ​ടു​കൾകൊ​ണ്ടും നിങ്ങൾ അശുദ്ധ​മാ​ക്കി​യത്‌ എന്റെ വിശു​ദ്ധ​മ​ന്ദി​ര​മാണ്‌.+ അതു​കൊണ്ട്‌ ഞാനാണെ, ഞാൻ നിങ്ങളെ തള്ളിക്ക​ള​യും.* എനിക്ക്‌ ഒട്ടും കനിവ്‌ തോന്നില്ല. ഞാൻ ഒരു അനുക​മ്പ​യും കാണി​ക്കില്ല.+ 12 നിങ്ങളുടെ മൂന്നി​ലൊ​രു ഭാഗം നിങ്ങളു​ടെ ഇടയിൽത്തന്നെ മാരക​മായ പകർച്ച​വ്യാ​ധി​യാ​ലോ ക്ഷാമത്താ​ലോ ചത്തൊ​ടു​ങ്ങും. മൂന്നി​ലൊ​രു ഭാഗം നിനക്കു ചുറ്റും വാളാൽ വീഴും.+ അവസാ​നത്തെ മൂന്നി​ലൊ​രു ഭാഗത്തെ ഞാൻ നാലുപാടും* ചിതറി​ക്കും. ഞാൻ ഒരു വാൾ ഊരി അവരുടെ പിന്നാലെ അയയ്‌ക്കും.+ 13 അപ്പോൾ, എന്റെ കോപം തീരും. അവർക്കെ​തി​രെ​യുള്ള എന്റെ ക്രോധം ശമിക്കും. അതോടെ എനിക്കു തൃപ്‌തി​യാ​കും.+ അവർക്കെ​തി​രെ എന്റെ ക്രോധം ചൊരി​ഞ്ഞു​തീ​രു​മ്പോൾ, യഹോവ എന്ന ഞാൻ സമ്പൂർണ​ഭക്തി ആഗ്രഹി​ക്കുന്ന ദൈവമായതുകൊണ്ട്‌+ ആ എരിവി​ലാ​ണു ഞാൻ സംസാ​രി​ച്ച​തെന്ന്‌ അവർ മനസ്സി​ലാ​ക്കേ​ണ്ടി​വ​രും.

14 “‘ചുറ്റു​മുള്ള ജനതക​ളു​ടെ ഇടയി​ലും അതുവഴി കടന്നു​പോ​കു​ന്ന​വ​രു​ടെ​യെ​ല്ലാം കണ്ണിലും ഞാൻ നിന്നെ ഒരു നിന്ദാ​പാ​ത്ര​വും നശിച്ചു​കി​ട​ക്കുന്ന ഒരു സ്ഥലവും ആക്കും.+ 15 എന്റെ കോപ​ത്താ​ലും ക്രോ​ധ​ത്താ​ലും ഉഗ്രമായ ശിക്ഷക​ളാ​ലും ഞാൻ നിന്റെ മേൽ ന്യായ​വി​ധി നടപ്പാ​ക്കു​മ്പോൾ നീ ഒരു നിന്ദാ​പാ​ത്ര​വും പരിഹാ​സ​വി​ഷ​യ​വും ആകും.+ നീ ചുറ്റു​മുള്ള ജനതകൾക്ക്‌ ഒരു മുന്നറി​യി​പ്പും ഒരു ഭീതി​കാ​ര​ണ​വും ആകും. യഹോവ എന്ന ഞാനാണ്‌ ഇതു പറഞ്ഞി​രി​ക്കു​ന്നത്‌.

16 “‘നിങ്ങളെ തകർക്കാൻ ഞാൻ നിങ്ങളു​ടെ നേരെ ക്ഷാമത്തി​ന്റെ മാരകാ​സ്‌ത്രങ്ങൾ അയയ്‌ക്കും. ഞാൻ അയയ്‌ക്കുന്ന അസ്‌ത്രങ്ങൾ നിങ്ങളെ കൊല്ലും.+ നിങ്ങളു​ടെ ഭക്ഷ്യ​ശേ​ഖരം നശിപ്പിച്ച്‌* ഞാൻ ക്ഷാമം രൂക്ഷമാ​ക്കും.+ 17 ഞാൻ നിങ്ങളു​ടെ നേരെ ക്ഷാമ​ത്തെ​യും ഉപദ്ര​വ​കാ​രി​ക​ളായ വന്യമൃ​ഗ​ങ്ങ​ളെ​യും അയയ്‌ക്കും.+ അവ നിങ്ങളു​ടെ കുട്ടി​കളെ കൊല്ലും. മാരക​മായ പകർച്ച​വ്യാ​ധി​യും രക്തച്ചൊ​രി​ച്ചി​ലും കാരണം നിങ്ങൾ വലയും. ഞാൻ നിങ്ങളു​ടെ നേരെ വാൾ അയയ്‌ക്കും.+ യഹോവ എന്ന ഞാനാണ്‌ ഇതു പറഞ്ഞി​രി​ക്കു​ന്നത്‌.’”

6 യഹോ​വ​യിൽനിന്ന്‌ എനിക്കു വീണ്ടും സന്ദേശം കിട്ടി: 2 “മനുഷ്യ​പു​ത്രാ, ഇസ്രാ​യേൽമ​ല​കൾക്കു നേരെ മുഖം തിരിച്ച്‌ അവയ്‌ക്കെ​തി​രെ പ്രവചി​ക്കൂ! 3 നീ പറയണം: ‘ഇസ്രാ​യേൽമ​ല​കളേ, പരമാ​ധി​കാ​രി​യായ യഹോ​വ​യ്‌ക്കു പറയാ​നു​ള്ളതു കേൾക്കൂ: പരമാ​ധി​കാ​രി​യാം കർത്താവായ യഹോവ മലക​ളോ​ടും കുന്നു​ക​ളോ​ടും അരുവി​ക​ളോ​ടും താഴ്‌വ​ര​ക​ളോ​ടും പറയു​ന്നത്‌ ഇതാണ്‌: “ഞാൻ നിങ്ങൾക്കെ​തി​രെ ഒരു വാൾ അയയ്‌ക്കും; നിങ്ങളു​ടെ ആരാധനാസ്ഥലങ്ങൾ* നശിപ്പി​ക്കും. 4 നിങ്ങളുടെ യാഗപീ​ഠങ്ങൾ ഇടിച്ചു​ക​ള​യും. സുഗന്ധ​ക്കൂട്ട്‌ അർപ്പി​ക്കാ​നുള്ള നിങ്ങളു​ടെ പീഠങ്ങൾ തകർക്കും.+ നിങ്ങളു​ടെ ആളുക​ളിൽ കൊല്ല​പ്പെ​ട്ട​വരെ നിങ്ങളു​ടെ മ്ലേച്ഛവിഗ്രഹങ്ങളുടെ* മുന്നി​ലേക്കു ഞാൻ വലി​ച്ചെ​റി​യും.+ 5 ഇസ്രായേൽ ജനത്തിന്റെ ശവശരീ​രങ്ങൾ ഞാൻ അവരുടെ മ്ലേച്ഛവി​ഗ്ര​ഹ​ങ്ങ​ളു​ടെ മുന്നി​ലേക്ക്‌ എറിയും. ഞാൻ നിങ്ങളു​ടെ അസ്ഥികൾ നിങ്ങളു​ടെ യാഗപീ​ഠ​ങ്ങൾക്കു ചുറ്റും ചിതറി​ച്ചി​ടും.+ 6 നിങ്ങൾ താമസി​ക്കു​ന്നി​ടത്തെ നഗരങ്ങ​ളെ​ല്ലാം നശിപ്പി​ക്കും,+ ആരാധനാസ്ഥലങ്ങൾ* തകർക്കും.+ അവയെ​ല്ലാം ശൂന്യ​മാ​യി​ക്കി​ട​ക്കും. നിങ്ങളു​ടെ യാഗപീ​ഠ​ങ്ങ​ളെ​ല്ലാം തവിടു​പൊ​ടി​യാ​ക്കും. നിങ്ങളു​ടെ മ്ലേച്ഛവി​ഗ്ര​ഹ​ങ്ങളെ നശിപ്പി​ക്കും, സുഗന്ധ​ക്കൂട്ട്‌ അർപ്പി​ക്കാ​നുള്ള പീഠങ്ങൾ വെട്ടി​വീ​ഴ്‌ത്തും. നിങ്ങളു​ടെ പണികൾ തുടച്ചു​നീ​ക്കും. 7 കൊല്ലപ്പെട്ടവർ നിങ്ങളു​ടെ മധ്യേ വീഴും.+ അങ്ങനെ, ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.+

8 “‘“പക്ഷേ, കുറച്ചു​പേർ അവശേ​ഷി​ക്കാൻ ഞാൻ അനുവ​ദി​ക്കും. കാരണം, പല ദേശങ്ങ​ളി​ലേക്കു നിങ്ങൾ ചിതറി​പ്പോ​കു​മ്പോൾ ജനതക​ളു​ടെ ഇടയിൽ വാളിൽനി​ന്ന്‌ രക്ഷപ്പെ​ടുന്ന ചിലരു​ണ്ടാ​കും.+ 9 അങ്ങനെ, രക്ഷപ്പെ​ടു​ന്നവർ അടിമ​ക​ളാ​യി ജനതക​ളു​ടെ ഇടയിൽ കഴിയു​മ്പോൾ എന്നെ ഓർക്കും.+ എന്നിൽനി​ന്ന്‌ അകന്നു​പോയ അവരുടെ അവിശ്വസ്‌തഹൃദയം* കാരണ​വും മ്ലേച്ഛവി​ഗ്ര​ഹ​ങ്ങളെ കാമാ​വേ​ശ​ത്തോ​ടെ നോക്കുന്ന* അവരുടെ കണ്ണുകൾ കാരണവും+ എന്റെ ഹൃദയം തകർന്നുപോയെന്ന്‌+ അവർ മനസ്സി​ലാ​ക്കും. തങ്ങൾ ചെയ്‌തു​കൂ​ട്ടിയ എല്ലാ ദുഷ്‌പ്ര​വൃ​ത്തി​ക​ളും മ്ലേച്ഛകാ​ര്യ​ങ്ങ​ളും ഓർത്ത്‌ അവർ ലജ്ജിക്കും. അവർക്ക്‌ അവയോ​ടെ​ല്ലാം വെറുപ്പു തോന്നും.+ 10 ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും. അവരുടെ മേൽ ഇങ്ങനെ​യൊ​രു ദുരന്തം വരുത്തു​മെ​ന്നുള്ള എന്റെ മുന്നറി​യി​പ്പു​കൾ ഒരു തമാശ​യ​ല്ലാ​യി​രു​ന്നെ​ന്നും അവർ തിരി​ച്ച​റി​യും.”’+

11 “പരമാ​ധി​കാ​രി​യായ യഹോവ പറയുന്നു: ‘കൈ കൊട്ടൂ! കാലുകൾ അമർത്തി​ച്ച​വി​ട്ടൂ! ഇസ്രാ​യേൽഗൃ​ഹം ചെയ്‌തു​കൂ​ട്ടിയ എല്ലാ ദുഷ്‌പ്ര​വൃ​ത്തി​ക​ളും മ്ലേച്ഛകാ​ര്യ​ങ്ങ​ളും ഓർത്ത്‌ വിലപി​ക്കൂ! അവർ വാളിന്‌ ഇരയാ​കും; ക്ഷാമത്താ​ലും മാരക​മായ പകർച്ച​വ്യാ​ധി​യാ​ലും അവർ ചത്തൊ​ടു​ങ്ങും.+ 12 ദൂരെയുള്ളവൻ മാരക​മായ പകർച്ച​വ്യാ​ധി​യാൽ ചാകും; അടുത്തു​ള്ളവൻ വാളിന്‌ ഇരയാ​കും. ഇവയിൽനി​ന്ന്‌ രക്ഷപ്പെ​ടു​ന്നവർ ക്ഷാമം കാരണം മരിക്കും. ഒട്ടും ബാക്കി വെക്കാതെ ഞാൻ എന്റെ ക്രോധം അവരുടെ മേൽ ചൊരി​യും.+ 13 അവരിൽ കൊല്ല​പ്പെ​ട്ട​വ​രു​ടെ ശവശരീ​രങ്ങൾ, അവർ മ്ലേച്ഛവി​ഗ്ര​ഹ​ങ്ങളെ പ്രസാ​ദി​പ്പി​ക്കാൻവേണ്ടി സൗരഭ്യയാഗങ്ങൾ* അർപ്പിച്ച വൻവൃ​ക്ഷ​ങ്ങ​ളു​ടെ ശിഖര​ങ്ങൾക്കു കീഴെ​യും അവരുടെ മ്ലേച്ഛവി​ഗ്ര​ഹ​ങ്ങ​ളു​ടെ ഇടയിലും+ യാഗപീ​ഠ​ങ്ങൾക്കു ചുറ്റിലും+ ഉയരമുള്ള സകല കുന്നു​ക​ളി​ലും എല്ലാ മലമു​ക​ളി​ലും ഇലത്തഴ​പ്പുള്ള മരങ്ങളു​ടെ ചുവട്ടി​ലും ചിതറി​ക്കി​ട​ക്കു​മ്പോൾ ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.+ 14 ഞാൻ അവരുടെ നേരെ കൈ നീട്ടി ആ ദേശത്തെ ഒരു പാഴ്‌നി​ല​മാ​ക്കും. അവരുടെ താമസ​സ്ഥ​ല​ങ്ങ​ളെ​ല്ലാം ദിബ്ലയ്‌ക്ക​ടു​ത്തുള്ള വിജനഭൂമിയെക്കാൾ* ശൂന്യ​മാ​കും. അപ്പോൾ, ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.’”

7 യഹോ​വ​യിൽനിന്ന്‌ എനിക്കു വീണ്ടും ഒരു സന്ദേശം കിട്ടി: 2 “മനുഷ്യ​പു​ത്രാ, പരമാ​ധി​കാ​രി​യായ യഹോവ ഇസ്രാ​യേൽ ദേശ​ത്തോ​ടു പറയു​ന്നത്‌ ഇതാണ്‌: ‘അന്ത്യം! ദേശത്തി​ന്റെ നാലു കോണി​ലും അന്ത്യം വന്നിരി​ക്കു​ന്നു. 3 അന്ത്യം ഇപ്പോൾ നിന്റെ മേൽ വന്നിരി​ക്കു​ന്നു. ഞാൻ എന്റെ കോപം മുഴുവൻ നിന്റെ നേരെ അഴിച്ചു​വി​ടും. നിന്റെ വഴികൾക്ക​നു​സ​രിച്ച്‌ ഞാൻ നിന്നെ വിധി​ക്കും. നിന്റെ വൃത്തി​കേ​ടു​കൾക്കെ​ല്ലാം ഞാൻ നിന്നോ​ടു കണക്കു ചോദി​ക്കും. 4 എനിക്കു നിന്നോ​ട്‌ ഒട്ടും കനിവ്‌ തോന്നില്ല. ഞാൻ ഒരു അനുക​മ്പ​യും കാണി​ക്കില്ല.+ കാരണം, നിന്റെ സ്വന്തം പ്രവൃ​ത്തി​ക​ളു​ടെ ഫലംത​ന്നെ​യാ​ണു ഞാൻ നിന്റെ മേൽ വരുത്തു​ന്നത്‌; നിന്റെ വൃത്തി​കെട്ട ചെയ്‌തി​ക​ളു​ടെ ഭവിഷ്യ​ത്തു​കൾ നീ അനുഭ​വി​ക്കും.+ ഞാൻ യഹോ​വ​യാ​ണെന്നു നീ അറി​യേ​ണ്ടി​വ​രും.’+

5 “പരമാ​ധി​കാ​രി​യായ യഹോവ പറയുന്നു: ‘ഇതാ, ദുരന്തം! അപൂർവ​മായ ഒരു ദുരന്തം വരുന്നു!+ 6 അന്ത്യം വരുന്നു! അത്‌ ഉറപ്പാ​യും വരും! അതു നിനക്ക്‌ എതിരെ എഴു​ന്നേൽക്കും.* അതാ, അതു വരുന്നു! 7 ദേശവാസിയേ, നിന്റെ ഊഴം* വന്നിരി​ക്കു​ന്നു. സമയമാ​യി; ആ ദിവസം അടു​ത്തെ​ത്തി​യി​രി​ക്കു​ന്നു.+ മലകളിൽ ആഹ്ലാദാ​ര​വ​ങ്ങ​ളില്ല, പരി​ഭ്രാ​ന്തി മാത്രം.

8 “‘ഞാൻ ഉടൻതന്നെ എന്റെ ഉഗ്ര​കോ​പം നിന്റെ മേൽ ചൊരി​യും.+ ഞാൻ എന്റെ കോപം മുഴുവൻ നിന്റെ നേരെ അഴിച്ചു​വി​ടും.+ നിന്റെ വഴികൾക്ക​നു​സ​രിച്ച്‌ ഞാൻ നിന്നെ വിധി​ക്കും. നിന്റെ വൃത്തി​കേ​ടു​കൾക്കെ​ല്ലാം ഞാൻ നിന്നോ​ടു കണക്കു ചോദി​ക്കും. 9 എനിക്ക്‌ ഒട്ടും കനിവ്‌ തോന്നില്ല. ഞാൻ ഒരു അനുക​മ്പ​യും കാണി​ക്കില്ല.+ നിന്റെ സ്വന്തം പ്രവൃ​ത്തി​ക​ളു​ടെ ഫലം ഞാൻ നിന്റെ മേൽ വരുത്തും; നിന്റെ വൃത്തി​കെട്ട ചെയ്‌തി​ക​ളു​ടെ ഭവിഷ്യ​ത്തു​കൾ നീ അനുഭ​വി​ക്കും. നിന്നെ പ്രഹരി​ക്കു​ന്നത്‌ യഹോവ എന്ന ഞാനാ​ണെന്നു നീ അറി​യേ​ണ്ടി​വ​രും.+

10 “‘ഇതാ, ആ ദിവസം! അതു വരുന്നു!+ നിന്റെ ഊഴം* വന്നിരി​ക്കു​ന്നു. വടി പുഷ്‌പി​ച്ചി​രി​ക്കു​ന്നു. ധാർഷ്ട്യ​ത്തി​നു മുള പൊട്ടി​യി​രി​ക്കു​ന്നു. 11 അക്രമം ദുഷ്ടത​യു​ടെ വടിയാ​യി വളർന്നി​രി​ക്കു​ന്നു.+ അവരും അവരുടെ ധനവും അവരുടെ ജനസമൂ​ഹ​ങ്ങ​ളും പ്രതാ​പ​വും എല്ലാം അന്നു മൺമറ​യും. 12 ആ സമയം വരും. ആ ദിവസം വന്നെത്തും. വാങ്ങു​ന്നവൻ ആഹ്ലാദി​ക്കാ​തി​രി​ക്കട്ടെ. വിൽക്കു​ന്നവർ ദുഃഖി​ക്കാ​തെ​യു​മി​രി​ക്കട്ടെ. കാരണം, ക്രോധം മുഴു ജനസമൂ​ഹ​ത്തി​നും എതി​രെ​യാണ്‌.*+ 13 ജീവനോടെ രക്ഷപ്പെ​ട്ടാ​ലും ശരി, വിൽക്കു​ന്നവൻ താൻ വിറ്റതി​ലേക്കു മടങ്ങി​വ​രില്ല. കാരണം, മുഴുവൻ ജനസമൂ​ഹ​ത്തി​നും എതി​രെ​യാ​ണു ദർശനം. ആരും മടങ്ങി​വ​രില്ല. തന്റെ തെറ്റു കാരണം* ആരും തന്റെ ജീവൻ രക്ഷിക്കില്ല.

14 “‘അവർ കാഹളം ഊതി.+ എല്ലാവ​രും തയ്യാറാ​യി നിൽക്കു​ന്നു. പക്ഷേ ആരും യുദ്ധത്തി​നു പോകു​ന്നില്ല. കാരണം, മുഴുവൻ ജനസമൂ​ഹ​ത്തി​നും എതി​രെ​യാണ്‌ എന്റെ ക്രോധം.+ 15 പുറത്ത്‌ വാൾ!+ അകത്തോ മാരക​മായ പകർച്ച​വ്യാ​ധി​യും ക്ഷാമവും! നഗരത്തി​ലു​ള്ള​വരെ ക്ഷാമവും മാരക​മായ പകർച്ച​വ്യാ​ധി​യും വിഴു​ങ്ങി​ക്ക​ള​യും. പുറത്തു​ള്ള​വ​രോ വാളിന്‌ ഇരയാ​കും.+ 16 എങ്ങനെയെങ്കിലും ഇവയെ​യൊ​ക്കെ അതിജീ​വിച്ച്‌ രക്ഷപ്പെ​ടു​ന്നവർ മലകളി​ലേക്ക്‌ ഓടി​പ്പോ​കും. ഓരോ​രു​ത്ത​നും സ്വന്തം തെറ്റി​നെ​ക്കു​റിച്ച്‌ ഓർത്ത്‌ താഴ്‌വ​ര​ക​ളി​ലെ പ്രാവു​ക​ളെ​പ്പോ​ലെ കരയും.+ 17 അവരുടെ കൈക​ളെ​ല്ലാം തളർന്ന്‌ തൂങ്ങും. അവരുടെ കാൽമു​ട്ടു​ക​ളിൽനിന്ന്‌ വെള്ളം ഇറ്റിറ്റു​വീ​ഴും.*+ 18 അവർ വിലാ​പ​വ​സ്‌ത്രം ധരിച്ചി​രി​ക്കു​ന്നു.+ അവർ കിടു​കി​ടാ വിറയ്‌ക്കു​ന്നു. എല്ലാവ​രും നാണം​കെ​ടും. എല്ലാ തലയും മൊട്ട​ത്ത​ല​യാ​കും.*+

19 “‘അവർ അവരുടെ വെള്ളി തെരു​വു​ക​ളി​ലേക്കു വലി​ച്ചെ​റി​യും. അവരുടെ സ്വർണം അവർക്ക്‌ അറപ്പാ​കും. യഹോ​വ​യു​ടെ ക്രോ​ധ​ദി​വ​സ​ത്തിൽ അവരുടെ പൊന്നി​നോ വെള്ളി​ക്കോ അവരെ രക്ഷിക്കാ​നാ​കില്ല.+ അവർ തൃപ്‌ത​രാ​കില്ല. അവരുടെ വയറു നിറയു​ക​യു​മില്ല. കാരണം, അതാണല്ലോ* അവർക്ക്‌ ഒരു തടസ്സമാ​യി മാറി​യത്‌; അതാണ​ല്ലോ അവരെ തെറ്റു​കാ​രാ​ക്കി​യത്‌. 20 അവരുടെ ആഭരണ​ങ്ങ​ളു​ടെ ഭംഗി​യിൽ അവർ അഹങ്കരി​ച്ചു. അവ* ഉപയോ​ഗിച്ച്‌ അവർ അറപ്പു​ള​വാ​ക്കുന്ന രൂപങ്ങൾ, മ്ലേച്ഛവി​ഗ്ര​ഹങ്ങൾ, ഉണ്ടാക്കി.+ അതു​കൊ​ണ്ടു​തന്നെ, അവർ അതു വെറു​ക്കാൻ ഞാൻ ഇടയാ​ക്കും. 21 അതു* വിദേ​ശി​കൾ കൊള്ള​യ​ടി​ക്കാ​നും ഭൂമി​യി​ലെ ദുഷ്ടന്മാർ കവർച്ച ചെയ്യാ​നും ഞാൻ ഇടവരു​ത്തും. അവർ അത്‌ അശുദ്ധ​മാ​ക്കും.

22 “‘എന്റെ മുഖം ഞാൻ അവരിൽനി​ന്ന്‌ തിരി​ച്ചു​ക​ള​യും.+ എന്റെ ഉള്ളറ* അവർ അശുദ്ധ​മാ​ക്കും. കവർച്ച​ക്കാർ അതിൽ കടന്ന്‌ അത്‌ അശുദ്ധ​മാ​ക്കും.+

23 “‘ചങ്ങല*+ ഉണ്ടാക്കുക. ദേശം രക്തക്കറ പുരണ്ട ന്യായവിധികൊണ്ടും+ നഗരം അക്രമം​കൊ​ണ്ടും നിറഞ്ഞി​രി​ക്കു​ന്ന​ല്ലോ.+ 24 ജനതകളിൽ ഏറ്റവും നീചരാ​യ​വരെ ഞാൻ വരുത്തും.+ അവർ അവരുടെ വീടുകൾ കൈവ​ശ​മാ​ക്കും.+ ബലവാ​ന്മാ​രു​ടെ അഹങ്കാരം ഞാൻ ഇല്ലാതാ​ക്കും. അവരുടെ വിശു​ദ്ധ​മ​ന്ദി​രങ്ങൾ അശുദ്ധ​മാ​കും.+ 25 യാതന അനുഭ​വി​ക്കു​മ്പോൾ അവർ സമാധാ​നം അന്വേ​ഷി​ക്കും; പക്ഷേ കിട്ടില്ല.+ 26 തുടരെത്തുടരെ ദുരന്ത​ങ്ങ​ളു​ണ്ടാ​കും. ഒന്നിനു പുറകേ ഒന്നായി വാർത്ത​ക​ളും കേൾക്കും. ജനം പ്രവാ​ച​കനെ സമീപി​ച്ച്‌ ദിവ്യ​ദർശനം തേടും.+ പക്ഷേ പുരോ​ഹി​ത​നിൽനിന്ന്‌ നിയമവും* മൂപ്പന്മാരിൽനിന്ന്‌* ഉപദേ​ശ​വും അപ്രത്യ​ക്ഷ​മാ​യി​ക്ക​ഴി​ഞ്ഞി​രി​ക്കും.+ 27 രാജാവ്‌ വിലപി​ക്കും.+ തലവൻ നിരാശ ധരിക്കും. ദേശത്തെ ജനത്തിന്റെ കൈകൾ പേടി​കൊണ്ട്‌ കിടു​കി​ടാ വിറയ്‌ക്കും. അവരുടെ വഴിക​ള​നു​സ​രിച്ച്‌ ഞാൻ അവരോ​ട്‌ ഇടപെ​ടും. അവർ ന്യായം വിധി​ച്ച​തു​പോ​ലെ​തന്നെ അവരെ​യും ഞാൻ വിധി​ക്കും. ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.’”+

8 ആറാം വർഷം ആറാം മാസം അഞ്ചാം ദിവസം ഞാൻ എന്റെ വീട്ടിൽ ഇരിക്കു​ക​യാ​യി​രു​ന്നു. യഹൂദാ​മൂ​പ്പ​ന്മാ​രും എന്റെ മുന്നിൽ ഇരിക്കു​ന്നു​ണ്ടാ​യി​രു​ന്നു. അപ്പോൾ, പരമാ​ധി​കാ​രി​യായ യഹോ​വ​യു​ടെ കൈ എന്റെ മേൽ വന്നു. 2 ഞാൻ നോക്കി​യ​പ്പോൾ അതാ, കാഴ്‌ച​യ്‌ക്കു തീപോ​ലി​രി​ക്കുന്ന ഒരു രൂപം! ആ രൂപത്തി​ന്റെ അരക്കെ​ട്ടു​പോ​ലെ തോന്നിച്ച ഭാഗം​മു​തൽ കീഴ്‌പോ​ട്ടു തീയു​ണ്ടാ​യി​രു​ന്നു.+ അരയ്‌ക്കു മേൽപ്പോ​ട്ടോ രജതസ്വർണത്തിന്റെ* തിളക്കം​പോ​ലെ ഉജ്ജ്വല​മായ ഒരു ശോഭ​യും.+ 3 അപ്പോൾ ദൈവം കൈ​പോ​ലി​രി​ക്കുന്ന ഭാഗം എന്റെ നേരെ നീട്ടി എന്റെ മുടി​യിൽ പിടിച്ച്‌ എന്നെ എടുത്തു. ഒരു ആത്മാവ്‌* എന്നെ ദിവ്യ​ദർശ​ന​ത്തിൽ ആകാശ​ത്തി​നും ഭൂമി​ക്കും നടുവി​ലൂ​ടെ യരുശ​ലേ​മി​ലേക്ക്‌, വടക്കോ​ട്ട്‌ അഭിമു​ഖ​മാ​യുള്ള അകത്തെ കവാടത്തിന്റെ+ മുന്നി​ലേക്ക്‌, കൊണ്ടു​പോ​യി. രോഷം ജനിപ്പി​ക്കുന്ന, രോഷ​ത്തി​ന്റെ ഒരു വിഗ്രഹപ്രതീകം*+ അവി​ടെ​യു​ണ്ടാ​യി​രു​ന്നു. 4 അതാ, അവിടെ ഇസ്രാ​യേ​ലി​ന്റെ ദൈവ​ത്തി​ന്റെ തേജസ്സ്‌!+ താഴ്‌വ​ര​യിൽ ഞാൻ കണ്ടതു​പോ​ലുള്ള ഒരു തേജസ്സാ​യി​രു​ന്നു അത്‌.+

5 അപ്പോൾ ദൈവം എന്നോട്‌, “മനുഷ്യ​പു​ത്രാ, തല ഉയർത്തി വടക്കോ​ട്ടു നോക്കാ​മോ” എന്നു ചോദി​ച്ചു. ഞാൻ തല ഉയർത്തി വടക്കോ​ട്ടു നോക്കി. അപ്പോൾ അതാ, അവിടെ യാഗപീ​ഠ​ത്തി​ന്റെ കവാട​ത്തി​നു വടക്ക്‌ വാതിൽക്ക​ലാ​യി രോഷ​ത്തി​ന്റെ ആ പ്രതീകം!* 6 ദൈവം എന്നോടു പറഞ്ഞു: “മനുഷ്യ​പു​ത്രാ, എത്ര ഭയങ്കര​മായ വൃത്തി​കേ​ടു​ക​ളാണ്‌ ഇസ്രാ​യേൽഗൃ​ഹം ഇവിടെ ചെയ്‌തുകൂട്ടുന്നതെന്നു+ നീ കണ്ടോ? ഞാൻ എന്റെ വിശു​ദ്ധ​മ​ന്ദി​രം വിട്ട്‌ അകന്നു​പോ​കാൻ ഇടയാ​ക്കുന്ന മ്ലേച്ഛകാ​ര്യ​ങ്ങ​ളാണ്‌ ഇവിടെ നടക്കു​ന്നത്‌.+ പക്ഷേ, ഇതിലും ഭയങ്കര​മായ വൃത്തി​കേ​ടു​കൾ നീ കാണാ​നി​രി​ക്കു​ന്നതേ ഉള്ളൂ.”

7 എന്നിട്ട്‌, ദൈവം എന്നെ മുറ്റത്തി​ന്റെ പ്രവേ​ശ​ന​ക​വാ​ട​ത്തി​ലേക്കു കൊണ്ടു​വന്നു. ഞാൻ നോക്കി​യ​പ്പോൾ ചുവരിൽ ഒരു ദ്വാരം കണ്ടു. 8 ദൈവം എന്നോട്‌, “മനുഷ്യ​പു​ത്രാ, ദയവായി ചുവർ കുത്തി​ത്തു​ര​ക്കുക” എന്നു പറഞ്ഞു. ഞാൻ അതു കുത്തി​ത്തു​രന്നു. അപ്പോൾ അതാ, ഒരു പ്രവേ​ശ​ന​മാർഗം. 9 ദൈവം എന്നോടു പറഞ്ഞു: “അകത്തേക്കു ചെന്ന്‌ അവർ അവിടെ എന്തൊക്കെ ദുഷ്‌പ്ര​വൃ​ത്തി​ക​ളും വൃത്തി​കേ​ടു​ക​ളും ആണ്‌ ചെയ്‌തു​കൂ​ട്ടു​ന്ന​തെന്നു കാണൂ!” 10 ഞാൻ അകത്ത്‌ ചെന്ന്‌ നോക്കി. അവിടെ എല്ലാ തരം ഇഴജന്തു​ക്ക​ളു​ടെ​യും അറപ്പു തോന്നുന്ന മൃഗങ്ങ​ളു​ടെ​യും രൂപങ്ങൾ ഞാൻ കണ്ടു.+ കൂടാതെ, ഇസ്രാ​യേൽഗൃ​ഹ​ത്തി​ന്റെ എല്ലാ മ്ലേച്ഛവിഗ്രഹങ്ങളും*+ അവി​ടെ​യു​ണ്ടാ​യി​രു​ന്നു. അവ ചുറ്റു​മുള്ള ചുവരി​ലെ​ല്ലാം കൊത്തി​വെ​ച്ചി​രു​ന്നു. 11 അവയുടെ മുന്നിൽ ഇസ്രാ​യേൽഗൃ​ഹ​ത്തി​ലെ 70 മൂപ്പന്മാർ നിൽപ്പു​ണ്ടാ​യി​രു​ന്നു. ശാഫാന്റെ+ മകനായ യയസന്യ​യും അക്കൂട്ട​ത്തി​ലു​ണ്ടാ​യി​രു​ന്നു. സുഗന്ധ​ക്കൂ​ട്ടു കത്തിക്കുന്ന പാത്രം കൈയിൽ പിടി​ച്ചു​കൊ​ണ്ടാണ്‌ അവരെ​ല്ലാം നിന്നി​രു​ന്നത്‌. സുഗന്ധ​ക്കൂ​ട്ടിൽനിന്ന്‌ സൗരഭ്യ​മുള്ള പുകച്ചു​രു​ളു​കൾ മുകളി​ലേക്ക്‌ ഉയർന്നു​കൊ​ണ്ടി​രു​ന്നു.+ 12 അപ്പോൾ ദൈവം എന്നോടു പറഞ്ഞു: “മനുഷ്യ​പു​ത്രാ, ഇസ്രാ​യേൽഗൃ​ഹ​ത്തി​ലെ മൂപ്പന്മാർ അവരുടെ വിഗ്ര​ഹങ്ങൾ വെച്ചി​രി​ക്കുന്ന ഉൾമു​റി​ക​ളിൽ ഇരുട്ടത്ത്‌ ചെയ്‌തു​കൂ​ട്ടുന്ന കാര്യങ്ങൾ നീ കണ്ടോ? ‘യഹോവ നമ്മളെ കാണു​ന്നില്ല. യഹോവ ദേശം വിട്ട്‌ പോയി’ എന്നാണ്‌ അവർ പറയു​ന്നത്‌.”+

13 ദൈവം എന്നോട്‌ ഇങ്ങനെ​യും പറഞ്ഞു: “അവർ ഇതിലും ഭയങ്കര​മായ വൃത്തി​കേ​ടു​കൾ ചെയ്‌തു​കൂ​ട്ടു​ന്നതു നീ കാണാ​നി​രി​ക്കു​ന്നതേ ഉള്ളൂ.” 14 അങ്ങനെ ദൈവം എന്നെ യഹോ​വ​യു​ടെ ഭവനത്തി​ന്റെ വടക്കേ കവാട​ത്തി​ന്റെ മുന്നിൽ കൊണ്ടു​വന്നു. അവിടെ അതാ, സ്‌ത്രീ​കൾ ഇരുന്ന്‌ തമ്മൂസ്‌ ദേവ​നെ​ച്ചൊ​ല്ലി വിലപി​ക്കു​ന്നു!

15 ദൈവം ഇങ്ങനെ​യും എന്നോടു പറഞ്ഞു: “മനുഷ്യ​പു​ത്രാ, നീ ഇതു കണ്ടോ? ഇവയെ​ക്കാൾ മോശ​മായ ഭയങ്കര വൃത്തി​കേ​ടു​കൾ നീ കാണാ​നി​രി​ക്കു​ന്നതേ ഉള്ളൂ.”+ 16 അങ്ങനെ ദൈവം എന്നെ യഹോ​വ​യു​ടെ ഭവനത്തി​ന്റെ അകത്തെ മുറ്റത്തേക്കു+ കൊണ്ടു​വന്നു. അവിടെ യഹോ​വ​യു​ടെ ആലയത്തി​ന്റെ വാതിൽക്കൽ മണ്ഡപത്തി​നും യാഗപീ​ഠ​ത്തി​നും ഇടയി​ലാ​യി 25-ഓളം പുരു​ഷ​ന്മാർ യഹോ​വ​യു​ടെ ആലയത്തി​നു പുറം​തി​രിഞ്ഞ്‌ കിഴ​ക്കോ​ട്ടു മുഖം തിരിച്ച്‌ നിൽക്കു​ന്ന​താ​യി ഞാൻ കണ്ടു. അവർ കിഴ​ക്കോ​ട്ടു നോക്കി സൂര്യനെ കുമ്പി​ടു​ക​യാ​യി​രു​ന്നു.+

17 ദൈവം എന്നോടു പറഞ്ഞു: “മനുഷ്യ​പു​ത്രാ, നീ ഇതു കണ്ടോ? ദേശം അക്രമം​കൊണ്ട്‌ നിറച്ച്‌ യഹൂദാ​ഗൃ​ഹം എന്നെ വീണ്ടും​വീ​ണ്ടും കോപി​പ്പി​ക്കു​ക​യാണ്‌. എന്തൊക്കെ വൃത്തി​കേ​ടു​ക​ളാണ്‌ അവർ ഈ കാണി​ക്കു​ന്നത്‌?+ ഇതൊക്കെ തീരെ നിസ്സാ​ര​മാ​ണെ​ന്നാ​ണോ അവരുടെ വിചാരം? ഇതാ, എന്റെ മൂക്കിനു നേരെ അവർ മരക്കമ്പു* നീട്ടുന്നു! 18 അതുകൊണ്ട്‌ ഞാൻ ഉഗ്ര​കോ​പ​ത്തോ​ടെ അവർക്കെ​തി​രെ തിരി​യും. എനിക്ക്‌ ഒട്ടും കനിവ്‌ തോന്നില്ല. ഞാൻ ഒരു അനുക​മ്പ​യും കാണി​ക്കില്ല.+ അവർ എന്നെ വിളിച്ച്‌ ഉച്ചത്തിൽ കരഞ്ഞാ​ലും ഞാൻ അതു കേൾക്കില്ല.”+

9 ദൈവം ഞാൻ കേൾക്കെ ഉച്ചത്തിൽ ഇങ്ങനെ വിളി​ച്ചു​പ​റഞ്ഞു: “നഗരത്തെ ശിക്ഷി​ക്കാ​നു​ള്ള​വരെ വിളി​ച്ചു​കൂ​ട്ടൂ! ഓരോ​രു​ത്ത​നും നശിപ്പി​ക്കാ​നുള്ള ആയുധ​വും ഏന്തി വരട്ടെ!”

2 വടക്കോട്ടു ദർശന​മുള്ള മുകളി​ലത്തെ കവാടത്തിന്റെ+ ദിശയിൽനി​ന്ന്‌ ആറു പുരു​ഷ​ന്മാർ വരുന്നതു ഞാൻ കണ്ടു. തകർക്കാ​നുള്ള ആയുധം ഓരോ​രു​ത്ത​നും പിടി​ച്ചി​ട്ടുണ്ട്‌. അവരുടെ കൂട്ടത്തിൽ ലിനൻവ​സ്‌ത്രം ധരിച്ച ഒരാളു​ണ്ടാ​യി​രു​ന്നു. അയാളു​ടെ അരയിൽ സെക്ര​ട്ട​റി​യു​ടെ എഴുത്തു​പ​ക​ര​ണ​ങ്ങ​ളുള്ള ഒരു ചെപ്പു​ണ്ടാ​യി​രു​ന്നു.* അവർ അകത്ത്‌ വന്ന്‌ ചെമ്പുയാഗപീഠത്തിന്റെ+ അടുത്ത്‌ നിന്നു.

3 അപ്പോൾ ഇസ്രാ​യേ​ലി​ന്റെ ദൈവ​ത്തി​ന്റെ തേജസ്സു+ കെരൂ​ബു​ക​ളു​ടെ മുകളിൽനി​ന്ന്‌ പൊങ്ങി ഭവനത്തി​ന്റെ വാതിൽപ്പ​ടി​യി​ലേക്കു നീങ്ങി.+ ലിനൻവ​സ്‌ത്രം ധരിച്ച്‌ അരയിൽ സെക്ര​ട്ട​റി​യു​ടെ എഴുത്തു​പ​ക​ര​ണ​ച്ചെ​പ്പു​മാ​യി നിന്നി​രുന്ന ആ മനുഷ്യ​നെ ദൈവം വിളിച്ചു. 4 യഹോവ അയാ​ളോ​ടു പറഞ്ഞു: “യരുശ​ലേം​ന​ഗ​ര​ത്തി​ലൂ​ടെ സഞ്ചരിച്ച്‌, അവിടെ നടമാ​ടുന്ന എല്ലാ വൃത്തികേടുകളും+ കാരണം നെടു​വീർപ്പിട്ട്‌ ഞരങ്ങുന്ന മനുഷ്യരുടെ+ നെറ്റി​യിൽ അടയാ​ള​മി​ടുക.”

5 ദൈവം ഞാൻ കേൾക്കെ മറ്റുള്ള​വ​രോ​ടു പറഞ്ഞു: “അയാളു​ടെ പിന്നാലെ നഗരത്തി​ലൂ​ടെ സഞ്ചരിച്ച്‌ സംഹാരം നടത്തൂ! ഒട്ടും കനിവ്‌ തോന്ന​രുത്‌. ഒരു അനുക​മ്പ​യും കാണി​ക്ക​രുത്‌.+ 6 വയസ്സനെയും ചെറു​പ്പ​ക്കാ​ര​നെ​യും കന്യക​യെ​യും കൊച്ചു​കു​ട്ടി​ക​ളെ​യും സ്‌ത്രീ​ക​ളെ​യും ഒന്നടങ്കം നിങ്ങൾ കൊന്നു​ക​ള​യണം.+ പക്ഷേ അടയാ​ള​മുള്ള ആരുടെ അടു​ത്തേ​ക്കും പോക​രുത്‌.+ എന്റെ വിശു​ദ്ധ​മ​ന്ദി​ര​ത്തിൽനി​ന്നു​തന്നെ സംഹാരം തുടങ്ങൂ!”+ അങ്ങനെ അവർ ഭവനത്തി​നു മുന്നി​ലുള്ള മൂപ്പന്മാ​രിൽനി​ന്നു​തന്നെ തുടങ്ങി.+ 7 അപ്പോൾ ദൈവം അവരോ​ടു പറഞ്ഞു: “ഭവനത്തെ അശുദ്ധ​മാ​ക്കൂ! മുറ്റം ശവങ്ങൾകൊ​ണ്ട്‌ നിറയ്‌ക്കൂ!+ പോകൂ!” അങ്ങനെ, അവർ പോയി നഗരത്തി​ലെ ജനത്തെ സംഹരി​ച്ചു.

8 അവർ സംഹാരം തുടരു​ക​യും ഞാൻ മാത്രം അവശേ​ഷി​ക്കു​ക​യും ചെയ്‌ത​പ്പോൾ, ഞാൻ കമിഴ്‌ന്നു​വീണ്‌ നിലവി​ളി​ച്ചു: “അയ്യോ! പരമാ​ധി​കാ​രി​യായ യഹോവേ, അങ്ങ്‌ യരുശ​ലേ​മി​നു നേരെ അങ്ങയുടെ ക്രോധം ചൊരി​യുന്ന ഈ വേളയിൽ, ഇസ്രാ​യേ​ലിൽ ബാക്കി​യു​ള്ള​വരെ ഒന്നൊ​ഴി​യാ​തെ സംഹരി​ക്കു​മോ?”+

9 അപ്പോൾ എന്നോട്‌ ഇങ്ങനെ പറഞ്ഞു: “ഇസ്രാ​യേൽഗൃ​ഹ​ത്തി​ന്റെ​യും യഹൂദ​യു​ടെ​യും തെറ്റു വളരെ​വ​ളരെ വലുതാ​ണ്‌.+ ദേശം രക്തച്ചൊ​രി​ച്ചിൽകൊണ്ട്‌ നിറഞ്ഞി​രി​ക്കു​ന്നു.+ നഗരത്തി​ലെ​ങ്ങും വഷളത്തം നടമാ​ടു​ന്നു.+ ‘യഹോവ ദേശം വിട്ട്‌ പോയി. യഹോവ ഒന്നും കാണു​ന്നില്ല’ എന്നാണ്‌ അവർ പറയു​ന്നത്‌.+ 10 അതുകൊണ്ട്‌ എനിക്ക്‌ അവരോ​ട്‌ ഒട്ടും കനിവ്‌ തോന്നില്ല. ഞാൻ ഒരു അനുക​മ്പ​യും കാണി​ക്കില്ല.+ അവരുടെ ചെയ്‌തി​ക​ളു​ടെ ഭവിഷ്യ​ത്തു​കൾ ഞാൻ അവരുടെ തലയിൽത്തന്നെ വരുത്തും.”

11 അപ്പോൾ, ലിനൻവ​സ്‌ത്രം ധരിച്ച്‌ അരയിൽ സെക്ര​ട്ട​റി​യു​ടെ എഴുത്തു​പ​ക​ര​ണ​ച്ചെ​പ്പു​മാ​യി നിന്നി​രുന്ന ആ മനുഷ്യൻ തിരി​ച്ചു​വ​രു​ന്നതു ഞാൻ കണ്ടു. അയാൾ പറഞ്ഞു: “അങ്ങ്‌ കല്‌പി​ച്ച​തെ​ല്ലാം ഞാൻ അതുപടി ചെയ്‌തി​ട്ടുണ്ട്‌.”

10 ഞാൻ നോക്കി​ക്കൊ​ണ്ടി​രി​ക്കു​മ്പോൾ അതാ, കെരൂ​ബു​ക​ളു​ടെ തലയ്‌ക്കു മീതെ​യുള്ള വിതാ​ന​ത്തി​നു മുകളിൽ കാഴ്‌ച​യ്‌ക്ക്‌ ഇന്ദ്രനീ​ല​ക്ക​ല്ലു​പോ​ലുള്ള എന്തോ ഒന്ന്‌. അത്‌ ഒരു സിംഹാ​സ​നം​പോ​ലെ തോന്നി​ച്ചു.+ 2 അപ്പോൾ ദൈവം ലിനൻവസ്‌ത്രധാരിയോടു+ പറഞ്ഞു: “കറങ്ങി​ക്കൊ​ണ്ടി​രി​ക്കുന്ന ചക്രങ്ങളുടെ+ ഇടയി​ലേക്ക്‌, കെരൂ​ബു​ക​ളു​ടെ അടിയി​ലേക്ക്‌, ചെല്ലുക. കെരൂ​ബു​ക​ളു​ടെ ഇടയിൽനി​ന്ന്‌ നിന്റെ ഇരു​കൈ​യും നിറയെ തീക്കനൽ+ എടുത്ത്‌ നഗരത്തി​നു മീതെ വിതറുക.”+ അങ്ങനെ ഞാൻ നോക്കി​നിൽക്കെ അയാൾ അങ്ങോട്ടു പോയി.

3 അയാൾ അകത്ത്‌ കടന്ന​പ്പോൾ കെരൂ​ബു​കൾ ഭവനത്തി​ന്റെ വലതു​വ​ശ​ത്താ​യി​രു​ന്നു. മേഘം അകത്തെ മുറ്റത്ത്‌ നിറഞ്ഞു​നി​ന്നു. 4 അപ്പോൾ യഹോ​വ​യു​ടെ തേജസ്സു+ കെരൂ​ബു​ക​ളു​ടെ മുകളിൽനി​ന്ന്‌ പൊങ്ങി ഭവനത്തി​ന്റെ വാതിൽപ്പ​ടി​യി​ലേക്കു നീങ്ങി. പതി​യെ​പ്പ​തി​യെ ഭവനം മുഴുവൻ മേഘം നിറഞ്ഞു.+ യഹോ​വ​യു​ടെ തേജസ്സി​ന്റെ പ്രഭ മുറ്റ​ത്തെ​ങ്ങും പരന്നു. 5 കെരൂബുകളുടെ ചിറക​ടി​ശബ്ദം പുറത്തെ മുറ്റത്തും കേൾക്കാ​മാ​യി​രു​ന്നു. സർവശ​ക്ത​നായ ദൈവം സംസാ​രി​ക്കുന്ന ശബ്ദം​പോ​ലെ​യാ​യി​രു​ന്നു അത്‌.+

6 അപ്പോൾ ദൈവം ലിനൻവ​സ്‌ത്ര​ധാ​രി​യോട്‌, “കറങ്ങി​ക്കൊ​ണ്ടി​രി​ക്കുന്ന ചക്രങ്ങ​ളു​ടെ ഇടയിൽനി​ന്ന്‌, കെരൂ​ബു​ക​ളു​ടെ ഇടയിൽനി​ന്ന്‌, തീ എടുക്കുക” എന്നു കല്‌പി​ച്ചു. അകത്ത്‌ കടന്ന അയാൾ ചക്രങ്ങ​ളു​ടെ അടുത്ത്‌ നിന്നു. 7 അപ്പോൾ ഒരു കെരൂബ്‌, കെരൂ​ബു​ക​ളു​ടെ ഇടയി​ലുള്ള തീയിലേക്കു+ കൈ നീട്ടി അതിൽ കുറച്ച്‌ എടുത്ത്‌ ലിനൻവസ്‌ത്രധാരിയുടെ+ രണ്ടു കൈയി​ലും വെച്ചു​കൊ​ടു​ത്തു. അയാൾ അതുമാ​യി പുറ​ത്തേക്കു പോയി. 8 കെരൂബുകളുടെ ചിറകു​കൾക്ക​ടി​യിൽ മനുഷ്യ​ക​ര​ങ്ങ​ളു​ടെ രൂപത്തി​ലുള്ള എന്തോ ഒന്നുണ്ടാ​യി​രു​ന്നു.+

9 ഞാൻ നോക്കി​ക്കൊ​ണ്ടി​രി​ക്കു​മ്പോൾ കെരൂ​ബു​ക​ളു​ടെ അരികിൽ നാലു ചക്രം കണ്ടു; ഓരോ കെരൂ​ബി​ന്റെ​യും അരികിൽ ഓരോ ചക്രം. ആ ചക്രങ്ങൾ പീതര​ത്‌നം​പോ​ലെ തിളങ്ങി.+ 10 കാഴ്‌ചയ്‌ക്കു നാലു ചക്രവും ഒരു​പോ​ലി​രു​ന്നു. ഒരു ചക്രത്തി​നു​ള്ളിൽ മറ്റൊരു ചക്രമു​ള്ള​തു​പോ​ലെ​യാ​യി​രു​ന്നു അത്‌. 11 നീങ്ങുമ്പോൾ, തിരി​യാ​തെ​തന്നെ അവയ്‌ക്കു നാലു ദിശയിൽ ഏതി​ലേ​ക്കും പോകാ​മാ​യി​രു​ന്നു. കാരണം, തല ഏതു ദിശയി​ലേ​ക്കാ​ണോ ആ ദിശയി​ലേക്ക്‌ അവ തിരി​യാ​തെ​തന്നെ പോയി​രു​ന്നു. 12 നാലു കെരൂ​ബു​ക​ളു​ടെ​യും ശരീരം മുഴുവൻ, അവയുടെ പിന്നി​ലും കൈക​ളി​ലും ചിറകു​ക​ളി​ലും നിറയെ, കണ്ണുക​ളു​ണ്ടാ​യി​രു​ന്നു. അവയുടെ ചക്രങ്ങ​ളി​ലും നിറയെ കണ്ണുക​ളു​ണ്ടാ​യി​രു​ന്നു.+ 13 ആ ചക്രങ്ങളെ, “കറങ്ങും​ച​ക്ര​ങ്ങളേ!” എന്നു വിളി​ക്കുന്ന ഒരു ശബ്ദം ഞാൻ കേട്ടു.

14 അവയ്‌ക്ക്‌ ഓരോന്നിനും* നാലു മുഖം വീതമു​ണ്ടാ​യി​രു​ന്നു. ആദ്യ​ത്തേതു കെരൂ​ബി​ന്റെ മുഖമാ​യി​രു​ന്നു. രണ്ടാമ​ത്തേതു മനുഷ്യമുഖവും* മൂന്നാ​മ​ത്തേതു സിംഹ​ത്തി​ന്റെ മുഖവും നാലാ​മ​ത്തേതു കഴുകന്റെ മുഖവും ആയിരു​ന്നു.+

15 കെരൂബുകൾ—കെബാർ നദീതീരത്ത്‌+ ഞാൻ കണ്ട അതേ ജീവി​ക​ളാ​യി​രു​ന്നു അവ*—മുകളി​ലേക്ക്‌ ഉയരും. 16 അവ നീങ്ങു​മ്പോൾ ചക്രങ്ങ​ളും അവയോ​ടു ചേർന്ന്‌ നീങ്ങും. ഭൂമി​യിൽനിന്ന്‌ ഉയർന്നു​പൊ​ങ്ങാൻ കെരൂ​ബു​കൾ അവയുടെ ചിറകു​കൾ ഉയർത്തു​മ്പോൾ ചക്രങ്ങൾ തിരി​യു​ക​യോ അവയുടെ അടുത്തു​നിന്ന്‌ മാറു​ക​യോ ഇല്ല.+ 17 അവ നിൽക്കു​മ്പോൾ ചക്രങ്ങ​ളും നിൽക്കും. അവ ഉയരു​മ്പോൾ ചക്രങ്ങ​ളും ഒപ്പം ഉയരും. കാരണം, ജീവി​ക​ളിൽ പ്രവർത്തി​ക്കുന്ന ദൈവാത്മാവ്‌* അവയി​ലു​ണ്ടാ​യി​രു​ന്നു.

18 അപ്പോൾ യഹോ​വ​യു​ടെ തേജസ്സു+ ഭവനത്തി​ന്റെ വാതിൽപ്പ​ടി​മേൽനിന്ന്‌ നീങ്ങി കെരൂ​ബു​ക​ളു​ടെ മീതെ പോയി നിന്നു.+ 19 ഞാൻ നോക്കി​ക്കൊ​ണ്ടി​രി​ക്കു​മ്പോൾ കെരൂ​ബു​കൾ ചിറക്‌ ഉയർത്തി നിലത്തു​നിന്ന്‌ ഉയർന്നു​പൊ​ങ്ങി. അവ നീങ്ങി​യ​പ്പോൾ ചക്രങ്ങ​ളും അവയുടെ അടുത്തു​ത​ന്നെ​യു​ണ്ടാ​യി​രു​ന്നു. അവ ചെന്ന്‌ യഹോ​വ​യു​ടെ ഭവനത്തി​ന്റെ കിഴക്കേ കവാട​ത്തി​നു മുന്നിൽ നിന്നു. ഇസ്രാ​യേ​ലി​ന്റെ ദൈവ​ത്തി​ന്റെ തേജസ്സ്‌ അവയ്‌ക്കു മീതെ​യു​ണ്ടാ​യി​രു​ന്നു.+

20 കെബാർ നദീതീരത്തുവെച്ച്‌+ ഇസ്രാ​യേ​ലി​ന്റെ ദൈവ​ത്തി​ന്റെ കീഴി​ലാ​യി ഞാൻ കണ്ട അതേ ജീവി​ക​ളാ​യി​രു​ന്നു അവ.* അതു​കൊണ്ട്‌ അവ കെരൂ​ബു​ക​ളാ​ണെന്ന്‌ എനിക്കു മനസ്സി​ലാ​യി. 21 അവയ്‌ക്കു നാലി​നും നാലു മുഖം വീതവും നാലു ചിറകു വീതവും ചിറകു​കൾക്കു കീഴെ മനുഷ്യ​ക​ര​ങ്ങൾപോ​ലെ തോന്നി​ക്കുന്ന എന്തോ ഒന്നും ഉണ്ടായി​രു​ന്നു.+ 22 അവയുടെ മുഖങ്ങ​ളു​ടെ രൂപമോ ഞാൻ കെബാർ നദീതീ​ര​ത്തു​വെച്ച്‌ കണ്ട മുഖങ്ങൾപോ​ലെ​ത​ന്നെ​യാ​യി​രു​ന്നു.+ നേരെ മുന്നോ​ട്ടു​ത​ന്നെ​യാണ്‌ അവ ഓരോ​ന്നും പോയി​രു​ന്നത്‌.+

11 ഒരു ആത്മാവ്‌* എന്നെ എടുത്ത്‌ യഹോ​വ​യു​ടെ ഭവനത്തി​ന്റെ കിഴക്കേ കവാടത്തിൽ+ കൊണ്ടു​വന്നു. കിഴ​ക്കോ​ട്ടു ദർശന​മുള്ള ആ കവാട​ത്തി​ന്റെ മുന്നിൽ 25 പുരു​ഷ​ന്മാ​രെ ഞാൻ കണ്ടു. ജനത്തിന്റെ പ്രഭുക്കന്മാരായ+ അസ്സൂരി​ന്റെ മകൻ യയസന്യ​യും ബനയയു​ടെ മകൻ പെലത്യ​യും അക്കൂട്ട​ത്തി​ലു​ണ്ടാ​യി​രു​ന്നു. 2 അപ്പോൾ ദൈവം എന്നോടു പറഞ്ഞു: “മനുഷ്യ​പു​ത്രാ, ഈ നഗരത്തിൽ* ഗൂഢത​ന്ത്രങ്ങൾ മനഞ്ഞ്‌ ദുരു​പ​ദേശം കൊടു​ക്കു​ന്നത്‌ ഇവരാണ്‌. 3 ‘വീടുകൾ പണിയാ​നുള്ള സമയമല്ലേ ഇത്‌?+ ഈ നഗരം* പാചകക്കലവും*+ നമ്മൾ മാംസ​വും’ എന്നാണ്‌ അവർ പറയു​ന്നത്‌.

4 “അതു​കൊണ്ട്‌ അവർക്കെ​തി​രെ പ്രവചി​ക്കൂ! മനുഷ്യ​പു​ത്രാ, പ്രവചി​ക്കൂ!”+

5 അപ്പോൾ യഹോ​വ​യു​ടെ ആത്മാവ്‌ എന്റെ മേൽ വന്നു.+ ദൈവം എന്നോടു പറഞ്ഞു: “നീ ഇങ്ങനെ പറയണം: ‘യഹോവ പറയു​ന്നത്‌ ഇതാണ്‌: “ഇസ്രാ​യേൽഗൃ​ഹമേ, നീ പറഞ്ഞതു ശരിയാ​ണ്‌. നിന്റെ ചിന്ത എന്താ​ണെന്ന്‌ എനിക്ക്‌ അറിയാം. 6 നീ കാരണം ഈ നഗരത്തിൽ അനേകർ മരിച്ചു​വീ​ണു. ഇവളുടെ തെരു​വു​കൾ നീ ശവം​കൊണ്ട്‌ നിറച്ചു.”’”+ 7 “അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു: ‘നീ നഗരത്തി​ലെ​ങ്ങും ചിതറി​ച്ചി​ട്ടി​രി​ക്കുന്ന ശവശരീ​ര​ങ്ങ​ളാ​ണു മാംസം. നഗരം പാചക​ക്ക​ല​വും.+ പക്ഷേ നിന്നെ അതിൽനി​ന്ന്‌ എടുത്ത്‌ മാറ്റും.’”

8 “‘വാളി​നെ​യല്ലേ നീ പേടി​ക്കു​ന്നത്‌?+ വാൾത്തന്നെ ഞാൻ നിന്റെ നേരെ വരുത്തും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. 9 ‘നിന്നെ ഞാൻ അവളുടെ ഇടയിൽനി​ന്ന്‌ പുറത്ത്‌ കൊണ്ടു​വന്ന്‌ വിദേ​ശി​ക​ളു​ടെ കൈയിൽ ഏൽപ്പി​ക്കും; നിന്റെ മേൽ ന്യായ​വി​ധി നടപ്പാ​ക്കും.+ 10 നീ വാളിന്‌ ഇരയാ​കും.+ ഇസ്രാ​യേ​ലി​ന്റെ അതിർത്തി​യിൽവെച്ച്‌ ഞാൻ നിന്നെ വിധി​ക്കും.+ അങ്ങനെ ഞാൻ യഹോ​വ​യാ​ണെന്നു നീ അറി​യേ​ണ്ടി​വ​രും.+ 11 നഗരം നിനക്ക്‌ ഒരു പാചക​ക്ക​ല​മാ​യി​രി​ക്കില്ല. നീ അതിലെ മാംസ​വു​മാ​കില്ല. ഇസ്രാ​യേ​ലി​ന്റെ അതിർത്തി​യിൽവെച്ച്‌ ഞാൻ നിന്നെ വിധി​ക്കും. 12 ഞാൻ യഹോ​വ​യാ​ണെന്നു നീ അറി​യേ​ണ്ടി​വ​രും. കാരണം, നീ എന്റെ ചട്ടങ്ങള​നു​സ​രിച്ച്‌ നടക്കു​ക​യോ എന്റെ ന്യായ​വി​ധി​കൾ നടപ്പി​ലാ​ക്കു​ക​യോ ചെയ്യാതെ+ ചുറ്റു​മുള്ള ജനതക​ളു​ടെ ന്യായ​വി​ധി​കൾക്കു ചേർച്ച​യിൽ പ്രവർത്തി​ച്ചി​രി​ക്കു​ന്നു.’”+

13 ഞാൻ പ്രവചിച്ച ഉടനെ ബനയയു​ടെ മകൻ പെലത്യ മരിച്ചു. അപ്പോൾ ഞാൻ കമിഴ്‌ന്നു​വീണ്‌ ഉറക്കെ നിലവി​ളി​ച്ചു: “അയ്യോ, പരമാ​ധി​കാ​രി​യായ യഹോവേ, ഇസ്രാ​യേ​ലിൽ ബാക്കി​യു​ള്ള​വ​രെ​യും​കൂ​ടെ അങ്ങ്‌ ഇല്ലാതാ​ക്കാൻപോ​കു​ക​യാ​ണോ?”+

14 എനിക്കു വീണ്ടും യഹോ​വ​യു​ടെ സന്ദേശം കിട്ടി: 15 “മനുഷ്യ​പു​ത്രാ, യരുശ​ലേ​മിൽ താമസി​ക്കു​ന്നവർ നിന്റെ സഹോ​ദ​ര​ങ്ങ​ളോ​ടും, അതായത്‌ വീണ്ടെ​ടു​ക്കാൻ അവകാ​ശ​മുള്ള നിന്റെ സഹോ​ദ​ര​ങ്ങ​ളോ​ടും, ഇസ്രാ​യേൽഗൃ​ഹം മുഴു​വ​നോ​ടും പറഞ്ഞി​രി​ക്കു​ന്നത്‌ ഇതാണ്‌: ‘യഹോ​വ​യു​ടെ അടു​ത്തേക്കു വരാതെ ദൂരത്തു​തന്നെ കഴിയുക. ദേശം ഞങ്ങളു​ടേ​താണ്‌. ഇതു ഞങ്ങൾക്ക്‌ അവകാ​ശ​മാ​യി കിട്ടി​യ​താണ്‌.’ 16 അതുകൊണ്ട്‌ നീ പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ഞാൻ അവരെ ദൂരെ ജനതക​ളു​ടെ ഇടയി​ലേക്ക്‌ ഓടി​ച്ചു​ക​ള​യു​ക​യും പല ദേശങ്ങ​ളി​ലേക്കു ചിതറി​ക്കു​ക​യും ചെയ്‌തു.+ എങ്കിലും, അവർ പോയി​രി​ക്കുന്ന ദേശങ്ങ​ളി​ലെ​ല്ലാം അൽപ്പസ​മ​യ​ത്തേക്കു ഞാൻ അവർക്ക്‌ ഒരു വിശു​ദ്ധ​മ​ന്ദി​ര​മാ​കും.”’+

17 “അതു​കൊണ്ട്‌ നീ പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ജനങ്ങളു​ടെ ഇടയിൽനി​ന്ന്‌ ഞാൻ നിങ്ങളെ കൂട്ടി​ച്ചേർക്കു​ക​യും ചിതറി​ച്ചു​കളഞ്ഞ ദേശങ്ങ​ളിൽനിന്ന്‌ നിങ്ങളെ ശേഖരി​ക്കു​ക​യും ചെയ്യും. ഇസ്രാ​യേൽ ദേശം ഞാൻ നിങ്ങൾക്കു തരും.+ 18 അവർ അവി​ടേക്കു മടങ്ങി​വന്ന്‌ അവി​ടെ​യുള്ള മ്ലേച്ഛകാ​ര്യ​ങ്ങ​ളും വൃത്തി​കെട്ട ആചാര​ങ്ങ​ളും നീക്കം ചെയ്യും.+ 19 ഞാൻ അവർക്ക്‌ ഒരേ മനസ്സു* കൊടു​ക്കും.+ പുതി​യൊ​രു ആത്മാവ്‌*+ അവരുടെ ഉള്ളിൽ വെക്കും. അവരുടെ ശരീര​ത്തിൽനിന്ന്‌ കല്ലു​കൊ​ണ്ടുള്ള ഹൃദയം+ മാറ്റി മാംസം​കൊ​ണ്ടുള്ള ഹൃദയം* വെക്കും.+ 20 അവർ എന്റെ നിയമ​ങ്ങ​ള​നു​സ​രിച്ച്‌ നടക്കാ​നും എന്റെ ന്യായ​വി​ധി​കൾ പിൻപറ്റി അവ അനുസ​രി​ക്കാ​നും വേണ്ടി​യാ​ണു ഞാൻ ഇതു ചെയ്യു​ന്നത്‌. അങ്ങനെ, അവർ എന്റെ ജനവും ഞാൻ അവരുടെ ദൈവ​വും ആകും.”’

21 “‘“പക്ഷേ തുടർന്നും മ്ലേച്ഛകാ​ര്യ​ങ്ങൾ ചെയ്യാ​നും വൃത്തി​കെട്ട ആചാരങ്ങൾ അനുഷ്‌ഠി​ക്കാ​നും ആരെങ്കി​ലും ഹൃദയ​ത്തിൽ നിശ്ചയി​ച്ചു​റ​ച്ചി​രി​ക്കു​ന്നെ​ങ്കിൽ, അവരുടെ ചെയ്‌തി​ക​ളു​ടെ ഭവിഷ്യ​ത്തു​കൾ ഞാൻ അവരുടെ തലയിൽത്തന്നെ വരുത്തും” എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.’”

22 അപ്പോൾ കെരൂ​ബു​കൾ ചിറകു​കൾ ഉയർത്തി. ചക്രങ്ങൾ അവയ്‌ക്ക​രി​കെ​യു​ണ്ടാ​യി​രു​ന്നു.+ ഇസ്രാ​യേ​ലി​ന്റെ ദൈവ​ത്തി​ന്റെ തേജസ്സോ അവയുടെ മുകളി​ലും.+ 23 യഹോവയുടെ തേജസ്സു+ നഗരത്തിൽനി​ന്ന്‌ ഉയർന്ന്‌ നഗരത്തി​നു കിഴക്കുള്ള മലയുടെ മുകളിൽ ചെന്ന്‌ നിന്നു.+ 24 അപ്പോൾ ദൈവാ​ത്മാ​വി​നാ​ലുള്ള ഒരു ദർശന​ത്തിൽ ഒരു ആത്മാവ്‌ എന്നെ എടുത്ത്‌ കൽദയ​യി​ലേക്കു ബന്ദിക​ളാ​യി കൊണ്ടു​പോ​യി​രു​ന്ന​വ​രു​ടെ അടുത്ത്‌ എത്തിച്ചു. ഞാൻ കണ്ട ആ ദിവ്യ​ദർശനം എന്നെ വിട്ട്‌ പോകു​ക​യും ചെയ്‌തു. 25 യഹോവ എനിക്കു കാണി​ച്ചു​തന്ന കാര്യ​ങ്ങ​ളെ​ല്ലാം ബന്ദിക​ളാ​യി കൊണ്ടു​പോ​യി​രുന്ന ജനത്തോ​ടു ഞാൻ പറഞ്ഞു​തു​ടങ്ങി.

12 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, നീ ഒരു മത്സരഗൃ​ഹ​ത്തി​ലാ​ണു കഴിയു​ന്നത്‌. കണ്ണു​ണ്ടെ​ങ്കി​ലും അവർ കാണു​ന്നില്ല; ചെവി​യു​ണ്ടെ​ങ്കി​ലും കേൾക്കു​ന്നില്ല.+ കാരണം, അവർ ഒരു മത്സരഗൃ​ഹ​മാണ്‌.+ 3 മനുഷ്യപുത്രാ, ബന്ദിയാ​യി പ്രവാസത്തിലേക്കു* പോകു​ന്ന​വ​ന്റേ​തു​പോ​ലുള്ള ഒരു ഭാണ്ഡം നീ ഒരുക്കുക. എന്നിട്ട്‌ അവർ കാൺകെ, പകൽസ​മ​യത്ത്‌ നീ പ്രവാ​സ​ത്തി​ലേക്കു പോകണം. നിന്റെ വീട്ടിൽനി​ന്ന്‌ മറ്റൊരു സ്ഥലത്തേക്ക്‌ അവർ കാൺകെ ഒരു പ്രവാ​സി​യാ​യി നീ പോകണം. അവർ ഒരു മത്സരഗൃ​ഹ​മാ​ണെ​ങ്കി​ലും ചില​പ്പോൾ അവർക്കു കാര്യം മനസ്സി​ലാ​യാ​ലോ? 4 പ്രവാസത്തിലേക്കു പോകാൻ നീ തയ്യാറാ​ക്കിയ ഭാണ്ഡം പകൽസ​മ​യത്ത്‌ അവർ കാൺകെ പുറ​ത്തേക്കു കൊണ്ടു​വ​രണം. എന്നിട്ട്‌ ബന്ദിയാ​യി പ്രവാ​സ​ത്തി​ലേക്കു പോകുന്നവനെപ്പോലെ+ അവർ കാൺകെ വൈകു​ന്നേരം അവിടം വിടണം.

5 “അവർ കാൺകെ ചുവരിൽ ഒരു ദ്വാരം ഉണ്ടാക്കുക. എന്നിട്ട്‌ അതിലൂ​ടെ നിന്റെ സാധനങ്ങൾ പുറത്ത്‌ കൊണ്ടു​വ​രണം.+ 6 അവർ കാൺകെ നിന്റെ സാധനങ്ങൾ തോളി​ലേറ്റി അതുമാ​യി ഇരുട്ടത്ത്‌ പുറത്ത്‌ കടക്കുക. നിലം കാണാൻ കഴിയാ​ത്ത​തു​പോ​ലെ നീ മുഖം മൂടണം. കാരണം, ഞാൻ നിന്നെ ഇസ്രാ​യേൽഗൃ​ഹ​ത്തിന്‌ ഒരു അടയാ​ള​മാ​ക്കു​ക​യാണ്‌.”+

7 എന്നോടു കല്‌പി​ച്ച​തു​പോ​ലെ​തന്നെ ഞാൻ ചെയ്‌തു. ബന്ദിയാ​യി പ്രവാ​സ​ത്തി​ലേക്കു പോകു​ന്ന​വ​ന്റേ​തു​പോ​ലുള്ള എന്റെ ഭാണ്ഡം ഞാൻ പകൽസ​മ​യത്ത്‌ പുറ​ത്തേക്കു കൊണ്ടു​വന്നു. വൈകു​ന്നേരം ഞാൻ എന്റെ കൈ​കൊണ്ട്‌ ചുവരിൽ ഒരു ദ്വാര​മു​ണ്ടാ​ക്കി. ഇരുട്ടി​യ​പ്പോൾ അവർ കാൺകെ ഞാൻ എന്റെ സാധനങ്ങൾ തോളി​ലേറ്റി പുറത്ത്‌ കടന്നു.

8 രാവിലെ എനിക്കു വീണ്ടും യഹോ​വ​യു​ടെ സന്ദേശം കിട്ടി: 9 “മനുഷ്യ​പു​ത്രാ, ‘നീ എന്താണ്‌ ഈ ചെയ്യു​ന്നത്‌’ എന്നു മത്സരഗൃ​ഹ​മായ ഇസ്രാ​യേൽഗൃ​ഹം നിന്നോ​ടു ചോദി​ച്ച​ല്ലോ. 10 നീ അവരോ​ടു പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ഈ പ്രഖ്യാ​പനം യരുശ​ലേ​മി​ലുള്ള തലവനെക്കുറിച്ചും+ നഗരത്തി​ലുള്ള മുഴുവൻ ഇസ്രാ​യേൽഗൃ​ഹ​ത്തെ​ക്കു​റി​ച്ചും ഉള്ളതാണ്‌.”’

11 “നീ അവരോ​ടു പറയണം: ‘ഞാൻ നിങ്ങൾക്ക്‌ ഒരു അടയാ​ള​മാണ്‌.+ ഞാൻ ചെയ്‌ത​തു​ത​ന്നെ​യാണ്‌ അവരുടെ കാര്യ​ത്തി​ലും സംഭവി​ക്കാൻപോ​കു​ന്നത്‌. അവരെ ബന്ദിക​ളാ​യി, അടിമ​ത്ത​ത്തി​ലേക്ക്‌, കൊണ്ടു​പോ​കും.+ 12 അവരുടെ ഇടയി​ലുള്ള തലവൻ അയാളു​ടെ സാധന​ങ്ങ​ളും തോളി​ലേറ്റി ഇരുട്ടത്ത്‌ അവിടം വിടും. അയാൾ മതിലിൽ ഒരു ദ്വാരം ഉണ്ടാക്കി അയാളു​ടെ സാധനങ്ങൾ അതിലേ പുറത്ത്‌ കൊണ്ടു​വ​രും.+ നിലം കാണാൻ കഴിയാ​ത്ത​തു​പോ​ലെ അയാൾ മുഖം മൂടും.’ 13 ഞാൻ എന്റെ വല അയാളു​ടെ മേൽ വീശി​യെ​റി​യും. അയാൾ അതിൽ കുടു​ങ്ങും.+ എന്നിട്ട്‌ ഞാൻ അയാളെ കൽദയ​ദേ​ശ​മായ ബാബി​ലോ​ണി​ലേക്കു കൊണ്ടു​പോ​കും. പക്ഷേ അയാൾ അതു കാണില്ല. അവി​ടെ​വെച്ച്‌ അയാൾ മരിക്കും.+ 14 അയാളുടെകൂടെയുള്ള എല്ലാവ​രെ​യും, അയാളു​ടെ സഹായി​ക​ളെ​യും സൈന്യ​ത്തെ​യും, ഞാൻ നാലു​പാ​ടും ചിതറി​ക്കും.+ ഞാൻ ഒരു വാൾ ഊരി അവരുടെ പിന്നാലെ അയയ്‌ക്കും.+ 15 ഞാൻ അവരെ ജനതക​ളു​ടെ ഇടയി​ലേക്ക്‌ ഓടി​ക്കു​മ്പോ​ഴും പല ദേശങ്ങ​ളി​ലേക്കു ചിതറി​ക്കു​മ്പോ​ഴും ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും. 16 പക്ഷേ അവർ ചെല്ലു​ന്നി​ടത്തെ ജനതക​ളോ​ടു തങ്ങളുടെ വൃത്തി​കെട്ട ആചാര​ങ്ങ​ളെ​ക്കു​റിച്ച്‌ പറയാൻവേണ്ടി ഞാൻ അവരിൽ കുറച്ച്‌ പേരെ വാളിൽനി​ന്നും ക്ഷാമത്തിൽനി​ന്നും മാരക​മായ പകർച്ച​വ്യാ​ധി​യിൽനി​ന്നും ജീവ​നോ​ടെ രക്ഷിക്കും. അങ്ങനെ ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.”

17 എനിക്കു വീണ്ടും യഹോ​വ​യു​ടെ സന്ദേശം കിട്ടി: 18 “മനുഷ്യ​പു​ത്രാ, നീ വിറയ​ലോ​ടെ നിന്റെ അപ്പം തിന്നു​ക​യും പരി​ഭ്ര​മ​ത്തോ​ടെ​യും ഉത്‌ക​ണ്‌ഠ​യോ​ടെ​യും നിന്റെ വെള്ളം കുടി​ക്കു​ക​യും വേണം.+ 19 ദേശത്തെ ജനത്തോ​ടു നീ പറയണം: ‘ഇസ്രാ​യേൽ ദേശത്തെ യരുശ​ലേ​മിൽ താമസി​ക്കു​ന്ന​വ​രോ​ടു പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “അവർ ഉത്‌ക​ണ്‌ഠ​യോ​ടെ അപ്പം തിന്നു​ക​യും ഭീതി​യോ​ടെ വെള്ളം കുടി​ക്കു​ക​യും ചെയ്യും. കാരണം, ദേശത്ത്‌ താമസി​ക്കു​ന്ന​വ​രു​ടെ​യെ​ല്ലാം അക്രമം+ നിമിത്തം ആ ദേശം തീർത്തും വിജന​മാ​കാൻപോ​കു​ക​യാണ്‌.+ 20 ജനവാസമുള്ള നഗരങ്ങൾ നാമാ​വ​ശേ​ഷ​മാ​കും; ദേശം ഒരു പാഴി​ട​വും.+ അങ്ങനെ ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.”’”+

21 എനിക്കു വീണ്ടും യഹോ​വ​യു​ടെ സന്ദേശം കിട്ടി: 22 “മനുഷ്യ​പു​ത്രാ, ‘ദിവസങ്ങൾ ഒന്നൊ​ന്നാ​യി കൊഴി​ഞ്ഞു​പോ​കു​ന്നു; ദിവ്യ​ദർശ​ന​ങ്ങ​ളോ ഒന്നു​പോ​ലും നിറ​വേ​റു​ന്നില്ല’ എന്നിങ്ങനെ ഇസ്രാ​യേ​ലിൽ ഒരു ചൊല്ലു​ണ്ട​ല്ലോ.+ 23 അതുകൊണ്ട്‌ അവരോ​ടു പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ഞാൻ ആ ചൊല്ല്‌ ഇല്ലാതാ​ക്കും. ആ പഴഞ്ചൊ​ല്ല്‌ ഇനി ഒരിക്ക​ലും ഇസ്രാ​യേ​ലിൽ കേൾക്കില്ല.”’ നീ അവരോ​ടു പറയണം: ‘ആ നാളുകൾ ഇങ്ങെത്തി.+ എല്ലാ ദിവ്യ​ദർശ​ന​ങ്ങ​ളും നിറ​വേ​റും.’ 24 ഇസ്രായേൽഗൃഹത്തിൽ വ്യാജ​ദർശ​ന​ങ്ങ​ളോ മുഖസ്‌തുതിയായുള്ള* ഭാവി​പ്ര​വ​ച​ന​ങ്ങ​ളോ ഇനിയു​ണ്ടാ​കില്ല.+ 25 ‘“കാരണം, യഹോവ എന്ന ഞാൻ സംസാ​രി​ക്കും. എന്റെ വചനങ്ങ​ളെ​ല്ലാം ഞാൻ ഒട്ടും കാലതാ​മ​സം​കൂ​ടാ​തെ നടപ്പാ​ക്കും.+ മത്സരഗൃ​ഹമേ, നിങ്ങളു​ടെ കാലത്തുതന്നെ+ ഞാൻ പറയു​ക​യും പറഞ്ഞതു നിവർത്തി​ക്കു​ക​യും ചെയ്യും” എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.’”

26 എനിക്കു വീണ്ടും യഹോ​വ​യു​ടെ സന്ദേശം കിട്ടി: 27 “മനുഷ്യ​പു​ത്രാ, ഇസ്രാ​യേൽ ജനം* പറയു​ന്നതു കേട്ടോ? ‘അയാൾ കാണുന്ന ദർശനം അടു​ത്തെ​ങ്ങും സംഭവി​ക്കാ​നു​ള്ളതല്ല. വിദൂ​ര​ഭാ​വി​യെ​ക്കു​റി​ച്ചാണ്‌ അയാൾ പ്രവചി​ക്കു​ന്നത്‌’ എന്നാണ്‌ അവർ പറയു​ന്നത്‌.+ 28 അതുകൊണ്ട്‌ നീ അവരോ​ടു പറയണം: ‘പരമാ​ധി​കാ​രി​യായ യഹോവ പറയുന്നു: “‘എന്റെ വചനങ്ങൾക്കൊ​ന്നും കാലതാ​മ​സ​മു​ണ്ടാ​കില്ല. ഞാൻ പറയു​ന്ന​തെ​ല്ലാം അങ്ങനെ​തന്നെ നടക്കും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”’”

13 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, ഇസ്രാ​യേ​ലി​ലെ പ്രവാ​ച​ക​ന്മാർക്കെ​തി​രെ പ്രവചി​ക്കൂ!+ സ്വന്തമാ​യി പ്രവച​നങ്ങൾ കെട്ടിച്ചമയ്‌ക്കുന്നവരോട്‌*+ ഇങ്ങനെ പറയുക: ‘യഹോ​വ​യു​ടെ സന്ദേശം കേൾക്കൂ. 3 പരമാധികാരിയായ യഹോവ പറയുന്നു: “ദർശന​മൊ​ന്നും കാണാ​തെ​തന്നെ സ്വന്തം ഹൃദയ​ത്തിൽനിന്ന്‌ പ്രവചി​ക്കുന്ന വിഡ്‌ഢി​ക​ളായ പ്രവാ​ച​ക​ന്മാ​രേ, നിങ്ങളു​ടെ കാര്യം കഷ്ടംതന്നെ!+ 4 ഇസ്രായേലേ, നിന്റെ പ്രവാ​ച​ക​ന്മാർ നാശകൂ​മ്പാ​ര​ങ്ങൾക്കി​ട​യിൽ കഴിയുന്ന കുറു​ക്ക​ന്മാ​രെ​പ്പോ​ലെ​യാണ്‌. 5 നിങ്ങൾ ഇസ്രാ​യേൽഗൃ​ഹ​ത്തി​ന്റെ കൻമതി​ലു​കൾ പൊളി​ഞ്ഞു​കി​ട​ക്കു​ന്നി​ട​ത്തേക്കു ചെന്ന്‌ അവ പുനർനിർമിച്ചുകൊടുക്കുകയോ+ അങ്ങനെ യഹോ​വ​യു​ടെ ദിവസ​ത്തി​ലെ പോരാ​ട്ട​ത്തിൽ ഉറച്ചു​നിൽക്കാൻ ഇസ്രാ​യേ​ലി​നെ സഹായി​ക്കു​ക​യോ ഇല്ല.”+ 6 “യഹോവ അയച്ചത​ല്ലെ​ങ്കി​ലും, ‘ഇത്‌ യഹോ​വ​യു​ടെ സന്ദേശ​മാണ്‌’ എന്നു പറയു​ന്നവർ കാണു​ന്നതു വ്യാജ​ദർശ​ന​ങ്ങ​ളും പ്രവചി​ക്കു​ന്നതു നുണക​ളും ആണ്‌. എന്നിട്ട്‌, അവരുടെ വാക്കുകൾ നിറ​വേ​റാൻ അവർ കാത്തി​രി​ക്കു​ക​യും ചെയ്യുന്നു.+ 7 ഞാൻ ഒന്നും പറയാ​തി​രി​ക്കെ, ‘ഇത്‌ യഹോ​വ​യു​ടെ സന്ദേശ​മാണ്‌’ എന്നു പറഞ്ഞ്‌ നിങ്ങൾ ശരിക്കും നുണയല്ലേ പ്രവചി​ച്ചത്‌? നിങ്ങൾ കണ്ടതു വ്യാജ​ദർശ​ന​മല്ലേ?”’

8 “‘അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു: “‘നിങ്ങൾ നുണ പറഞ്ഞതു​കൊ​ണ്ടും നിങ്ങളു​ടെ ദർശനങ്ങൾ വ്യാജ​മാ​യ​തു​കൊ​ണ്ടും ഞാൻ നിങ്ങൾക്കെ​തി​രാണ്‌’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”+ 9 വ്യാജദർശനങ്ങൾ കാണു​ക​യും നുണ പ്രവചിക്കുകയും+ ചെയ്യുന്ന പ്രവാ​ച​ക​ന്മാർക്കെ​തി​രാണ്‌ എന്റെ കൈ. ഞാൻ കൂടി​യാ​ലോ​ചി​ക്കുന്ന എന്റെ ആളുക​ളു​ടെ സംഘത്തിൽ അവരു​ണ്ടാ​യി​രി​ക്കില്ല. ഇസ്രാ​യേൽഗൃ​ഹ​ത്തി​ന്റെ പേരു​വി​വ​ര​പ്പ​ട്ടി​ക​യിൽ അവരുടെ പേര്‌ എഴുതി​വെ​ക്കു​ക​യോ അവർ ഇസ്രാ​യേൽ ദേശ​ത്തേക്കു മടങ്ങി​വ​രു​ക​യോ ഇല്ല. അങ്ങനെ, ഞാൻ പരമാ​ധി​കാ​രി​യായ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.+ 10 സമാധാനമില്ലാതിരിക്കെ, “സമാധാ​നം!” എന്നു പറഞ്ഞ്‌+ അവർ എന്റെ ജനത്തെ വഴി​തെ​റ്റി​ച്ച​താണ്‌ ഇതി​നൊ​ക്കെ കാരണം. ദുർബ​ല​മായ ഇടഭിത്തി പണിതി​ട്ട്‌ അവർ അതിനു വെള്ള പൂശുന്നു.’*+

11 “വെള്ള പൂശു​ന്ന​വ​രോട്‌, അതു പൊളി​ഞ്ഞു​വീ​ഴു​മെന്നു പറയൂ! ഒരു പെരുമഴ പെയ്യും. വലിയ ആലിപ്പഴങ്ങൾ* വീഴും. ശക്തമായ കൊടു​ങ്കാ​റ്റു​കൾ അതിനെ തകർത്തു​ക​ള​യും.+ 12 ഭിത്തി വീഴു​മ്പോൾ നിങ്ങ​ളോട്‌, ‘വെള്ള പൂശി​യിട്ട്‌ ഇപ്പോൾ എന്തായി’ എന്നു ചോദി​ക്കും.+

13 “അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു: ‘എന്റെ ക്രോ​ധ​ത്തിൽ ഞാൻ ശക്തമായ കൊടു​ങ്കാ​റ്റു​കൾ അടിപ്പി​ക്കും. എന്റെ കോപ​ത്തിൽ പെരുമഴ പെയ്യി​ക്കും. രൗദ്ര​ഭാ​വം​പൂണ്ട്‌ ഞാൻ ആലിപ്പ​ഴങ്ങൾ വർഷിച്ച്‌ നാശം വിതയ്‌ക്കും. 14 നിങ്ങൾ വെള്ള പൂശിയ ഭിത്തി ഞാൻ പൊളി​ച്ചു​ക​ള​യും; അതു നിലം​പ​രി​ചാ​കും. അതിന്റെ അടിസ്ഥാ​നം തെളിഞ്ഞ്‌ കാണും. നഗരം വീഴു​മ്പോൾ നിങ്ങളും അതിനു​ള്ളിൽപ്പെട്ട്‌ നശിക്കും. അങ്ങനെ ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.’

15 “‘ഞാൻ എന്റെ ക്രോധം ചുവരി​ന്മേ​ലും അതിന്മേൽ വെള്ള പൂശി​യ​വ​രു​ടെ മേലും പൂർണ​മാ​യും അഴിച്ചു​വി​ട്ട​ശേഷം നിങ്ങ​ളോ​ടു പറയും: “ഇനി ആ ചുവരു​മില്ല, അതിനു വെള്ള പൂശു​ന്ന​വ​രു​മില്ല.+ 16 യരുശലേമിനോടു പ്രവചി​ക്കു​ക​യും സമാധാ​നം ഇല്ലാതി​രി​ക്കെ അവൾക്കു സമാധാനമുണ്ടാകുമെന്ന+ ദർശനങ്ങൾ കാണു​ക​യും ചെയ്യുന്ന ഇസ്രാ​യേ​ലി​ലെ പ്രവാ​ച​ക​ന്മാർ ഇല്ലാതാ​യി​രി​ക്കു​ന്നു”’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

17 “മനുഷ്യ​പു​ത്രാ, സ്വന്തമാ​യി പ്രവച​നങ്ങൾ കെട്ടി​ച്ച​മ​യ്‌ക്കുന്ന നിന്റെ ജനത്തിൻപു​ത്രി​മാർക്കു നേരെ മുഖം തിരിച്ച്‌ അവർക്കെ​തി​രെ പ്രവചി​ക്കൂ! 18 നീ അവരോ​ടു പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ആളുക​ളു​ടെ ജീവൻ വേട്ടയാ​ടാൻവേണ്ടി ഏതു വലുപ്പ​ത്തി​ലുള്ള തലയ്‌ക്കും പാകമാ​കുന്ന മൂടു​പ​ടങ്ങൾ ഉണ്ടാക്കു​ക​യും കൈക​ളിൽ ഇടാൻ നാടകൾ* തുന്നി​ക്കൊ​ടു​ക്കു​ക​യും ചെയ്യുന്ന സ്‌ത്രീ​ക​ളു​ടെ കാര്യം കഷ്ടം! എന്റെ ജനത്തിന്റെ ജീവൻ വേട്ടയാ​ടി​യിട്ട്‌ സ്വന്തം ജീവൻ രക്ഷിക്കാ​മെ​ന്നാ​ണോ നിങ്ങളു​ടെ വിചാരം? 19 നിങ്ങളുടെ നുണകൾക്കു ചെവി ചായി​ക്കുന്ന എന്റെ ജനത്തോ​ടു നുണകൾ പറഞ്ഞ്‌, ജീവി​ച്ചി​രി​ക്കേ​ണ്ട​വരെ കൊല്ലു​ക​യും ജീവി​ച്ചി​രി​ക്കാൻ പാടി​ല്ലാ​ത്ത​വരെ ജീവ​നോ​ടെ വെക്കു​ക​യും ചെയ്‌തു​കൊണ്ട്‌ ഒരു പിടി ബാർളി​ക്കും ഏതാനും അപ്പക്കഷണങ്ങൾക്കും+ വേണ്ടി എന്റെ ജനത്തിന്‌ ഇടയിൽ നിങ്ങൾ എന്നെ അശുദ്ധ​നാ​ക്കു​ന്നോ?”’+

20 “അതു​കൊണ്ട്‌, പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: ‘സ്‌ത്രീ​കളേ, പക്ഷിക​ളെ​യെ​ന്ന​പോ​ലെ ജനത്തെ വേട്ടയാ​ടാൻ നിങ്ങൾ ഉപയോ​ഗി​ക്കുന്ന നിങ്ങളു​ടെ നാടകൾക്കെ​തി​രാ​ണു ഞാൻ. അവ ഞാൻ നിങ്ങളു​ടെ കൈക​ളിൽനിന്ന്‌ പൊട്ടി​ച്ചു​ക​ള​യും. അങ്ങനെ, പക്ഷിക​ളെ​യെ​ന്ന​പോ​ലെ നിങ്ങൾ വേട്ടയാ​ടു​ന്ന​വരെ ഞാൻ സ്വത​ന്ത്ര​രാ​ക്കും. 21 ഞാൻ നിങ്ങളു​ടെ മൂടു​പ​ടങ്ങൾ കീറി​ക്ക​ളഞ്ഞ്‌ നിങ്ങളു​ടെ കൈയിൽനി​ന്ന്‌ എന്റെ ജനത്തെ രക്ഷിക്കും. പിന്നെ ഒരിക്ക​ലും നിങ്ങൾക്ക്‌ അവരെ വേട്ടയാ​ടി​പ്പി​ടി​ക്കാൻ കഴിയില്ല. ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.+ 22 ഞാൻ ഒരു കഷ്ടവും* വരുത്താ​തി​രുന്ന നീതി​മാ​നോ​ടു നിങ്ങൾ നുണ പറഞ്ഞ്‌+ അവന്റെ മനസ്സി​ടി​ച്ചു​ക​ളഞ്ഞു. പക്ഷേ നിങ്ങൾ ദുഷ്ടന്റെ കൈകൾക്കു ശക്തി പകർന്നി​രി​ക്കു​ന്നു.+ അതു​കൊണ്ട്‌ അവൻ തന്റെ മോശ​മായ വഴി വിട്ടു​മാ​റു​ക​യോ അങ്ങനെ തന്റെ ജീവൻ രക്ഷിക്കു​ക​യോ ചെയ്യു​ന്നില്ല.+ 23 അതുകൊണ്ട്‌ സ്‌ത്രീ​കളേ, നിങ്ങൾ ഇനി ഒരിക്ക​ലും വ്യാജ​ദർശ​നങ്ങൾ കാണു​ക​യോ ഭാവിഫലപ്രവചനങ്ങൾ+ നടത്തു​ക​യോ ഇല്ല. ഞാൻ എന്റെ ജനത്തെ നിങ്ങളു​ടെ കൈയിൽനി​ന്ന്‌ രക്ഷിക്കും. അങ്ങനെ ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.’”

14 ഇസ്രാ​യേൽമൂ​പ്പ​ന്മാ​രിൽ ചിലർ വന്ന്‌ എന്റെ മുന്നിൽ ഇരുന്നു.+ 2 അപ്പോൾ യഹോ​വ​യു​ടെ സന്ദേശം എനിക്കു കിട്ടി: 3 “മനുഷ്യ​പു​ത്രാ, തങ്ങളുടെ മ്ലേച്ഛവിഗ്രഹങ്ങളുടെ* പുറകേ പോകാൻ നിശ്ചയി​ച്ചു​റ​ച്ച​വ​രാണ്‌ ഈ പുരു​ഷ​ന്മാർ. ആളുകളെ പാപത്തിൽ വീഴി​ക്കാൻ അവർ വഴിയിൽ തടസ്സം വെച്ചി​രി​ക്കു​ന്നു. ആ സ്ഥിതിക്ക്‌ എന്റെ ഉപദേശം തേടാൻ ഞാൻ അവരെ എന്തിന്‌ അനുവ​ദി​ക്കണം?+ 4 അതുകൊണ്ട്‌ നീ അവരോ​ടു സംസാ​രി​ക്കണം. നീ പറയേ​ണ്ടത്‌ ഇതാണ്‌: ‘പരമാ​ധി​കാ​രി​യായ യഹോവ പറയുന്നു: “ഒരു ഇസ്രാ​യേ​ല്യൻ തന്റെ മ്ലേച്ഛവി​ഗ്ര​ഹ​ങ്ങ​ളു​ടെ പുറകേ പോകാൻ നിശ്ചയി​ച്ചു​റ​യ്‌ക്കു​ക​യും ആളുകളെ പാപത്തിൽ വീഴി​ക്കാൻ വഴിയിൽ തടസ്സം വെക്കു​ക​യും ചെയ്‌തി​ട്ട്‌ പ്രവാ​ച​കന്റെ ഉപദേശം തേടാൻ വരു​ന്നെ​ന്നി​രി​ക്കട്ടെ. അപ്പോൾ യഹോവ എന്ന ഞാൻ അവന്റെ അനവധി​യായ മ്ലേച്ഛവി​ഗ്ര​ഹ​ങ്ങ​ളു​ടെ എണ്ണത്തി​ന​നു​സ​രിച്ച്‌ അവനു തക്ക മറുപടി കൊടു​ക്കും. 5 ഇസ്രായേൽഗൃഹം ഒന്നടങ്കം എന്നെ വിട്ടക​ലു​ക​യും തങ്ങളുടെ മ്ലേച്ഛവി​ഗ്ര​ഹ​ങ്ങ​ളു​ടെ പിന്നാലെ പോകുകയും+ ചെയ്‌ത​തു​കൊണ്ട്‌ ഞാൻ അവരുടെ ഹൃദയ​ങ്ങ​ളിൽ ഭീതി വിതയ്‌ക്കും.”’*

6 “അതു​കൊണ്ട്‌ ഇസ്രാ​യേൽഗൃ​ഹ​ത്തോ​ടു പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “മടങ്ങി​വരൂ! നിങ്ങളു​ടെ മ്ലേച്ഛവി​ഗ്ര​ഹ​ങ്ങളെ വിട്ടു​തി​രി​യൂ! നിങ്ങളു​ടെ എല്ലാ വൃത്തി​കെട്ട ആചാര​ങ്ങ​ളിൽനി​ന്നും മുഖം തിരിക്കൂ!+ 7 ഏതെങ്കിലും ഒരു ഇസ്രാ​യേ​ല്യ​നോ ഇസ്രാ​യേ​ലിൽ വന്നുതാ​മ​സി​ക്കുന്ന വിദേ​ശി​യോ എന്നിൽനി​ന്ന്‌ അകന്ന്‌ അവന്റെ മ്ലേച്ഛവി​ഗ്ര​ഹ​ങ്ങ​ളു​ടെ പുറകേ പോകാൻ നിശ്ചയി​ച്ചു​റ​യ്‌ക്കു​ക​യും ആളുകളെ പാപത്തിൽ വീഴി​ക്കാൻ വഴിയിൽ തടസ്സം വെക്കു​ക​യും ചെയ്‌തി​ട്ട്‌ എന്റെ പ്രവാ​ച​കന്റെ ഉപദേശം തേടാൻ വരു​ന്നെ​ന്നി​രി​ക്കട്ടെ.+ അപ്പോൾ യഹോവ എന്ന ഞാൻതന്നെ അവനു നേരിട്ട്‌ മറുപടി കൊടു​ക്കും. 8 ഞാൻ എന്റെ മുഖം ആ മനുഷ്യ​നു നേരെ തിരി​ക്കും. ഞാൻ അവനെ ഒരു പഴഞ്ചൊ​ല്ലും മുന്നറി​യി​പ്പി​നു​വേ​ണ്ടി​യുള്ള ഒരു അടയാ​ള​വും ആക്കും. അവനെ ഞാൻ എന്റെ ജനത്തിൽനി​ന്ന്‌ ഛേദി​ച്ചു​ക​ള​യും.+ അങ്ങനെ ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.”’

9 “‘പക്ഷേ പ്രവാ​ചകൻ കബളി​പ്പി​ക്ക​പ്പെട്ട്‌ ഒരു മറുപടി കൊടു​ക്കു​ന്നെ​ങ്കിൽ ഒരു കാര്യം മനസ്സി​ലാ​ക്കി​ക്കൊ​ള്ളൂ, യഹോവ എന്ന ഞാനാണ്‌ ആ പ്രവാ​ച​കനെ കബളി​പ്പി​ച്ചത്‌.+ ഞാൻ അവന്റെ നേരെ കൈ നീട്ടി എന്റെ ജനമായ ഇസ്രാ​യേ​ലിൽനിന്ന്‌ അവനെ നിഗ്ര​ഹി​ച്ചു​ക​ള​യും. 10 അവർ തങ്ങളുടെ കുറ്റം വഹി​ക്കേ​ണ്ടി​വ​രും. ഉപദേശം തേടി വരുന്ന​വ​നും പ്രവാ​ച​ക​നും ഒരു​പോ​ലെ ശിക്ഷ കിട്ടും. 11 അത്‌ ഇസ്രാ​യേൽഗൃ​ഹം മേലാൽ എന്നെ വിട്ട്‌ അലഞ്ഞു​തി​രി​യാ​തി​രി​ക്കാ​നും അവരുടെ ലംഘന​ങ്ങൾകൊണ്ട്‌ അശുദ്ധ​രാ​കാ​തി​രി​ക്കാ​നും വേണ്ടി​യാണ്‌. അങ്ങനെ അവർ എന്റെ ജനവും ഞാൻ അവരുടെ ദൈവ​വും ആയിരി​ക്കും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

12 എനിക്കു വീണ്ടും യഹോ​വ​യു​ടെ സന്ദേശം കിട്ടി: 13 “മനുഷ്യ​പു​ത്രാ, ഒരു ദേശം അവിശ്വ​സ്‌തത കാട്ടി എന്നോടു പാപം ചെയ്‌താൽ ഞാൻ അതിനു നേരെ കൈ നീട്ടി അതിന്റെ ഭക്ഷ്യ​ശേ​ഖരം നശിപ്പി​ച്ചു​ക​ള​യും.*+ അവിടെ ക്ഷാമം വരുത്തി+ മനുഷ്യ​നെ​യും മൃഗ​ത്തെ​യും അവി​ടെ​നിന്ന്‌ ഛേദി​ച്ചു​ക​ള​യും.”+ 14 “‘നോഹ,+ ദാനി​യേൽ,+ ഇയ്യോബ്‌+ എന്നീ മൂന്നു പുരു​ഷ​ന്മാർ അവി​ടെ​യു​ണ്ടാ​യി​രു​ന്നാൽപ്പോ​ലും അവരുടെ നീതി​നി​ഷ്‌ഠ​യാൽ അവർക്കു സ്വന്തം ജീവൻ മാത്രമേ രക്ഷിക്കാ​നാ​കൂ’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

15 “‘അതല്ലെ​ങ്കിൽ, ഉപദ്ര​വ​കാ​രി​ക​ളായ വന്യമൃഗങ്ങൾ+ ദേശത്ത്‌ വിഹരി​ക്കാൻ ഞാൻ ഇടയാ​ക്കു​ക​യും അവ അവി​ടെ​യുള്ള ആളുക​ളെ​യെ​ല്ലാം കൊന്നൊടുക്കുകയും* അവയെ പേടിച്ച്‌ ആരും അതുവഴി വരാതെ അത്‌ ഒരു പാഴി​ട​മാ​കു​ക​യും ചെയ്യു​ന്നെന്നു കരുതുക.’ 16 പരമാധികാരിയായ യഹോവ പറയുന്നു: ‘ഈ മൂന്നു പുരു​ഷ​ന്മാർ അവി​ടെ​യു​ണ്ടാ​യി​രു​ന്നാ​ലും ശരി ഞാനാണെ, അവർക്കു സ്വന്തജീ​വ​ന​ല്ലാ​തെ തങ്ങളുടെ പുത്ര​ന്മാ​രെ​യോ പുത്രി​മാ​രെ​യോ പോലും രക്ഷിക്കാ​നാ​കില്ല. ദേശം ഒരു പാഴി​ട​മാ​കു​ക​യും ചെയ്യും.’”

17 “‘അതല്ലെ​ങ്കിൽ, “ഒരു വാൾ ദേശത്തു​കൂ​ടെ കടന്നു​പോ​കട്ടെ”+ എന്നു പറഞ്ഞ്‌ ആ ദേശത്തി​നു നേരെ ഞാൻ ഒരു വാൾ അയച്ച്‌ മനുഷ്യ​നെ​യും മൃഗ​ത്തെ​യും നിഗ്ര​ഹി​ക്കു​ന്നെ​ന്നി​രി​ക്കട്ടെ.’+ 18 പരമാധികാരിയായ യഹോവ പറയുന്നു: ‘ഈ മൂന്നു പുരു​ഷ​ന്മാർ അവി​ടെ​യു​ണ്ടാ​യി​രു​ന്നാ​ലും ശരി ഞാനാണെ, അവർക്കു സ്വന്തജീ​വ​ന​ല്ലാ​തെ അവരുടെ പുത്ര​ന്മാ​രെ​യോ പുത്രി​മാ​രെ​യോ പോലും രക്ഷിക്കാ​നാ​കില്ല.’”

19 “‘അതല്ലെ​ങ്കിൽ, ഞാൻ മനുഷ്യ​നെ​യും മൃഗ​ത്തെ​യും ഇല്ലായ്‌മ ചെയ്യാൻവേണ്ടി ദേശ​ത്തേക്കു മാരക​മായ ഒരു പകർച്ചവ്യാധി+ അയയ്‌ക്കു​ക​യും രക്തപ്പുഴ ഒഴുക്കി എന്റെ ഉഗ്ര​കോ​പം ചൊരി​യു​ക​യും ചെയ്യു​ന്നെ​ന്നി​രി​ക്കട്ടെ.’ 20 പരമാധികാരിയായ യഹോവ പറയുന്നു: ‘നോഹ,+ ദാനി​യേൽ,+ ഇയ്യോബ്‌+ എന്നിവർ അവി​ടെ​യു​ണ്ടാ​യി​രു​ന്നാ​ലും ശരി ഞാനാണെ, അവരുടെ നീതി​നി​ഷ്‌ഠ​യാൽ അവർക്കു സ്വന്തജീ​വ​ന​ല്ലാ​തെ അവരുടെ പുത്ര​ന്മാ​രെ​യോ പുത്രി​മാ​രെ​യോ പോലും രക്ഷിക്കാ​നാ​കില്ല.’”+

21 “പരമാ​ധി​കാ​രി​യായ യഹോവ പറയുന്നു: ‘ഞാൻ യരുശ​ലേ​മിൽനിന്ന്‌ മനുഷ്യ​നെ​യും മൃഗ​ത്തെ​യും നിഗ്രഹിക്കാൻ+ വാൾ, ക്ഷാമം, ഉപദ്ര​വ​കാ​രി​ക​ളായ വന്യമൃ​ഗങ്ങൾ, മാരക​മായ പകർച്ചവ്യാധി+ എന്നീ നാലു ശിക്ഷകൾ*+ അയയ്‌ക്കു​മ്പോൾ ഇങ്ങനെ​യൊ​ക്കെ​യാ​യി​രി​ക്കും സംഭവി​ക്കുക. 22 പക്ഷേ, നാശത്തി​ന്‌ ഇരയാ​കാ​തെ ബാക്കി​യുള്ള ആ കുറച്ച്‌ പേരെ പുറത്ത്‌ കൊണ്ടു​വ​രും.+ പുത്ര​ന്മാ​രും പുത്രി​മാ​രും അക്കൂട്ട​ത്തി​ലു​ണ്ടാ​യി​രി​ക്കും. അവർ ഇതാ, നിങ്ങളു​ടെ അടുത്ത്‌ വരുന്നു. അവരുടെ രീതി​ക​ളും ചെയ്‌തി​ക​ളും കാണു​മ്പോൾ യരുശ​ലേ​മി​നു മേൽ ഞാൻ വരുത്തിയ ദുരന്ത​ത്തെ​ക്കു​റി​ച്ചും അതി​നോ​ടു ഞാൻ ചെയ്‌ത​തി​നെ​ക്കു​റി​ച്ചും ഉണ്ടായി​രുന്ന വിഷമ​മെ​ല്ലാം മാറി നിങ്ങൾക്ക്‌ ആശ്വാസം തോന്നും, തീർച്ച!’”

23 “‘അവരുടെ രീതി​ക​ളും ചെയ്‌തി​ക​ളും കാണു​മ്പോൾ നിങ്ങൾക്ക്‌ ആശ്വാ​സ​മാ​കും. തക്ക കാരണ​മു​ള്ള​തു​കൊ​ണ്ടാണ്‌ എനിക്ക്‌ അതി​നോട്‌ അങ്ങനെ​യൊ​ക്കെ ചെയ്യേ​ണ്ടി​വ​ന്ന​തെന്നു നിങ്ങൾക്കു മനസ്സി​ലാ​കും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

15 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, മുന്തി​രി​ച്ചെ​ടി​യു​ടെ തണ്ടിനെ ഏതെങ്കി​ലും മരത്തിന്റെ തടി​യോ​ടോ ഒരു കാട്ടു​മ​ര​ത്തി​ന്റെ ശിഖര​ത്തോ​ടോ താരത​മ്യ​പ്പെ​ടു​ത്താൻ പറ്റുമോ? 3 അതിന്റെ തണ്ട്‌ ഏതെങ്കി​ലും പണിക്ക്‌ ഉപകരി​ക്കു​മോ? ആരെങ്കി​ലും വീട്ടു​പ​ക​ര​ണങ്ങൾ തൂക്കി​യി​ടാൻ പറ്റിയ മരയാണി അതു​കൊണ്ട്‌ ഉണ്ടാക്കാ​റു​ണ്ടോ? 4 പക്ഷേ തീ കത്തിക്കാ​നുള്ള വിറകാ​യി അത്‌ ഉപയോ​ഗി​ക്കും. തീയി​ലേക്ക്‌ ഇടു​മ്പോൾ അതിന്റെ രണ്ട്‌ അറ്റവും കത്തിത്തീ​രു​ന്നു, നടുഭാ​ഗം കരിഞ്ഞു​പോ​കു​ന്നു. പിന്നെ അത്‌ എന്തിനു കൊള്ളാം? 5 കത്തിക്കുന്നതിനു മുമ്പു​പോ​ലും അത്‌ ഒന്നിനും കൊള്ളി​ല്ലാ​യി​രു​ന്നു. പിന്നെ കത്തിക്ക​രി​ഞ്ഞ​ശേ​ഷ​മുള്ള കാര്യം പറയാ​നു​ണ്ടോ?”

6 “അതു​കൊണ്ട്‌, പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: ‘കാട്ടിലെ മരങ്ങൾക്കി​ട​യി​ലുള്ള മുന്തി​രി​ച്ചെ​ടി​യു​ടെ തണ്ടു ഞാൻ കത്തിക്കാ​നുള്ള വിറകാ​ക്കി​യി​ല്ലേ? അതു​പോ​ലെ​ത​ന്നെ​യാ​യി​രി​ക്കും ഞാൻ യരുശ​ലേ​മിൽ താമസി​ക്കു​ന്ന​വ​രോ​ടും ചെയ്യുക.+ 7 ഞാൻ അവർക്കെ​തി​രെ തിരി​ഞ്ഞി​രി​ക്കു​ന്നു. അവർ തീയിൽനി​ന്ന്‌ ഒരിക്കൽ രക്ഷപ്പെ​ട്ടെ​ങ്കി​ലും തീ അവരെ ദഹിപ്പി​ക്കു​ക​തന്നെ ചെയ്യും. ഞാൻ അവർക്കെ​തി​രെ തിരി​യു​മ്പോൾ ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.’”+

8 “‘അവർ അവിശ്വ​സ്‌തത കാട്ടിയതുകൊണ്ട്‌+ ഞാൻ ദേശം ഒരു പാഴ്‌നി​ല​മാ​ക്കും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

16 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, യരുശ​ലേ​മി​നെ അവളുടെ വൃത്തി​കെട്ട ആചാരങ്ങൾ+ ബോധ്യ​പ്പെ​ടു​ത്തുക. 3 നീ പറയണം: ‘യരുശ​ലേ​മി​നോ​ടു പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “കനാന്യ​ന്റെ ദേശത്താ​യി​രു​ന്നു നിന്റെ ഉത്ഭവവും ജനനവും. അമോര്യനായിരുന്നു+ നിന്റെ അപ്പൻ; അമ്മ ഒരു ഹിത്യ​സ്‌ത്രീ​യും.+ 4 നിന്റെ ജനന​ത്തെ​ക്കു​റിച്ച്‌ പറയു​ക​യാ​ണെ​ങ്കിൽ, നീ ജനിച്ച ദിവസം നിന്റെ പൊക്കിൾക്കൊ​ടി മുറി​ച്ചില്ല. നിന്നെ കുളി​പ്പിച്ച്‌ വൃത്തി​യാ​ക്കു​ക​യോ നിന്റെ ദേഹത്ത്‌ ഉപ്പു തേക്കു​ക​യോ നിന്നെ തുണി​യിൽ പൊതി​യു​ക​യോ ചെയ്‌തില്ല. 5 നിനക്ക്‌ ഇവയിൽ ഒന്നു​പോ​ലും ചെയ്‌തു​ത​രാൻ ആരും കനിവ്‌ കാണി​ച്ചില്ല. ആർക്കും നിന്നോ​ട്‌ അനുകമ്പ തോന്നി​യില്ല. പകരം, ജനിച്ച ദിവസം​തന്നെ നിന്നോ​ടു വെറുപ്പു തോന്നി​യിട്ട്‌ നിന്നെ വെളി​മ്പ്ര​ദേ​ശ​ത്തേക്ക്‌ എറിയു​ക​യാ​ണു​ണ്ടാ​യത്‌.

6 “‘“ഞാൻ അതുവഴി പോയ​പ്പോൾ നീ സ്വന്തം രക്തത്തിൽ കിടന്ന്‌ കാലി​ട്ട​ടി​ക്കു​ന്നതു കണ്ടു. രക്തത്തിൽ കുളി​ച്ചു​കി​ട​ക്കുന്ന നിന്നെ നോക്കി, ‘നീ ജീവി​ക്കണം!’ എന്നു ഞാൻ പറഞ്ഞു. അതെ, രക്തത്തിൽ കുളി​ച്ചു​കി​ട​ക്കുന്ന നിന്നോ​ട്‌, ‘നീ ജീവി​ക്കണം!’ എന്നു പറഞ്ഞു. 7 നിലത്തെല്ലാം മുളച്ചു​പൊ​ങ്ങുന്ന ചെടി​കൾപോ​ലെ ഞാൻ നിന്നെ വളരെ വലിയ ഒരു ജനസമൂ​ഹ​മാ​ക്കി. നീ വളർന്ന്‌ വലുതാ​യി; ഏറ്റവും നല്ല ആഭരണങ്ങൾ അണിഞ്ഞു. നിന്റെ സ്‌തന​ങ്ങ​ളും മുടി​യും വളർന്നു. പക്ഷേ അപ്പോ​ഴും നീ ഉടുതു​ണി​യി​ല്ലാ​ത്ത​വ​ളും നഗ്നയും ആയിരു​ന്നു.”’

8 “‘അതുവഴി പോയ​പ്പോൾ ഞാൻ വീണ്ടും നിന്നെ കണ്ടു. നിനക്കു പ്രേമം തോന്നാ​നുള്ള പ്രായ​മാ​യെന്ന്‌ എനിക്കു മനസ്സി​ലാ​യി. അതു​കൊണ്ട്‌ ഞാൻ എന്റെ വസ്‌ത്രം* നിന്റെ മേൽ വിരിച്ച്‌+ നിന്റെ നഗ്നത മറച്ചു. ഞാൻ ആണയിട്ട്‌ നീയു​മാ​യി ഒരു ഉടമ്പടി ചെയ്‌തു’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. ‘അങ്ങനെ നീ എന്റേതാ​യി. 9 ഞാൻ നിന്നെ കുളി​പ്പി​ച്ചു. രക്തം കഴുകി​ക്ക​ളഞ്ഞു. എന്നിട്ട്‌, ദേഹത്ത്‌ എണ്ണ തേച്ചു.+ 10 പിന്നെ ഞാൻ നിന്നെ ചിത്ര​ത്തു​ന്ന​ലുള്ള വസ്‌ത്രം ധരിപ്പി​ച്ചു. നിനക്കു മേത്തരം തുകൽച്ചെരിപ്പു* തന്നു. മേന്മ​യേ​റിയ ലിനൻ നിന്നെ അണിയി​ച്ചു. വിലപി​ടി​പ്പുള്ള വസ്‌ത്രം ധരിപ്പി​ച്ചു. 11 ഞാൻ നിന്നെ ആഭരണ​ങ്ങൾകൊണ്ട്‌ അലങ്കരി​ച്ചു. നിന്റെ കൈയിൽ വളകളും കഴുത്തിൽ മാലയും അണിയി​ച്ചു. 12 ഞാൻ നിന്റെ മൂക്കിൽ മൂക്കു​ത്തി​യും കാതിൽ കമ്മലും ഇട്ടു; തലയിൽ മനോ​ഹ​ര​മായ കിരീടം വെച്ചു. 13 നീ എപ്പോ​ഴും സ്വർണ​വും വെള്ളി​യും അണിഞ്ഞ്‌ നടന്നു. മേന്മ​യേ​റിയ ലിനനും വില​യേ​റിയ തുണി​ത്ത​ര​ങ്ങ​ളും ചിത്ര​ത്തു​ന്ന​ലുള്ള വസ്‌ത്ര​ങ്ങ​ളും ആണ്‌ നീ ധരിച്ചി​രു​ന്നത്‌. നേർത്ത ധാന്യ​പ്പൊ​ടി​യും തേനും എണ്ണയും ആയിരു​ന്നു നിന്റെ ആഹാരം. നീ അതീവ​സു​ന്ദ​രി​യാ​യി.+ അങ്ങനെ ഒരു രാജ്ഞിയാകാൻ* നീ യോഗ്യ​യാ​യി.’”

14 “‘സൗന്ദര്യം​കൊണ്ട്‌ ജനതകൾക്കി​ട​യിൽ നീ പ്രശസ്‌ത​യാ​യി​ത്തു​ടങ്ങി.*+ പക്ഷേ, ഞാൻ നിനക്കു തന്ന എന്റെ തേജസ്സാണു+ നിന്റെ സൗന്ദര്യ​ത്തി​നു പരിപൂർണത തന്നത്‌’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

15 “‘പക്ഷേ നീ നിന്റെ സൗന്ദര്യ​ത്തിൽ ആശ്രയി​ക്കാൻതു​ടങ്ങി.+ നിന്റെ പ്രശസ്‌തി നിന്നെ ഒരു വേശ്യ​യാ​ക്കി.+ എല്ലാ വഴി​പോ​ക്ക​രു​മാ​യും നീ തോന്നി​യ​തു​പോ​ലെ വേശ്യാ​വൃ​ത്തി​യിൽ മുഴുകി.+ അങ്ങനെ നിന്റെ സൗന്ദര്യം അവരു​ടേ​താ​യി. 16 നീ നിന്റെ വസ്‌ത്ര​ങ്ങ​ളിൽ ചിലത്‌ എടുത്ത്‌ ആരാധനാസ്ഥലങ്ങൾ* വർണപ്പ​കി​ട്ടു​ള്ള​താ​ക്കി. അവിടെ നീ വേശ്യാ​വൃ​ത്തി​യിൽ ഏർപ്പെട്ടു.+ ഇത്തരം കാര്യങ്ങൾ നടക്കാൻ പാടി​ല്ലാ​ത്ത​താണ്‌. ഇനി ഒരിക്ക​ലും ഇങ്ങനെ നടക്കാൻ പാടില്ല. 17 ഞാൻ നിനക്കു തന്ന സ്വർണ​വും വെള്ളി​യും കൊണ്ട്‌ ഉണ്ടാക്കിയ മനോ​ഹ​ര​മായ ആഭരണങ്ങൾ എടുത്ത്‌ നീ പുരു​ഷ​വി​ഗ്ര​ഹങ്ങൾ ഉണ്ടാക്കി അവയു​മാ​യി വേശ്യാ​വൃ​ത്തി​യിൽ ഏർപ്പെട്ടു.+ 18 നീ ചിത്ര​ത്ത​യ്യ​ലുള്ള നിന്റെ വസ്‌ത്രങ്ങൾ എടുത്ത്‌ അവയെ അണിയി​ച്ചു. എന്റെ എണ്ണയും സുഗന്ധ​ക്കൂ​ട്ടും അവയ്‌ക്ക്‌ അർപ്പിച്ചു.+ 19 ഞാൻ നിനക്കു തന്ന അപ്പം, അതായത്‌ ഞാൻ നിനക്ക്‌ ആഹാര​മാ​യി തന്ന നേർത്ത ധാന്യ​പ്പൊ​ടി​യും എണ്ണയും തേനും കൊണ്ടുള്ള അപ്പം, പ്രസാദിപ്പിക്കുന്ന* ഒരു സുഗന്ധ​മാ​യി അവയ്‌ക്ക്‌ അർപ്പിച്ചു.+ ഇതൊ​ക്കെ​യാ​ണു നടന്നത്‌’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

20 “‘എനിക്കു നിന്നി​ലു​ണ്ടായ നിന്റെ പുത്ര​ന്മാ​രെ​യും പുത്രിമാരെയും+ നീ വിഗ്ര​ഹ​ങ്ങൾക്കു ബലി അർപ്പിച്ചു.+ നിന്റെ വേശ്യാ​വൃ​ത്തി​കൊണ്ട്‌ മതിയാ​കാ​ഞ്ഞി​ട്ടാ​ണോ നീ ഇതും​കൂ​ടെ ചെയ്‌തത്‌? 21 നീ എന്റെ പുത്ര​ന്മാ​രെ കശാപ്പു ചെയ്‌തു. നീ അവരെ തീയിൽ ബലി അർപ്പിച്ചു.*+ 22 വൃത്തികെട്ട ആചാര​ങ്ങ​ളി​ലും വേശ്യാ​വൃ​ത്തി​യി​ലും നീ മുഴു​കി​യ​പ്പോൾ, ഉടുതു​ണി​യി​ല്ലാ​തെ നഗ്നയായി രക്തത്തിൽ കിടന്ന്‌ കാലി​ട്ട​ടിച്ച ആ ചെറു​പ്പ​കാ​ലം നീ ഓർത്തില്ല. 23 നിന്റെ എല്ലാ ദുഷ്ടത​യും കാരണം നീ നശിച്ചു​പോ​കട്ടെ! നിന്റെ കാര്യം കഷ്ടം!’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. 24 ‘പൊതുസ്ഥലങ്ങളിലെല്ലാം* നീ നിനക്കു​വേണ്ടി ആരാധ​നാ​സ്ഥ​ലങ്ങൾ പണിതു, വേദികൾ നിർമി​ച്ചു. 25 എല്ലാ തെരു​വു​ക​ളി​ലെ​യും പ്രമു​ഖ​സ്ഥ​ല​ങ്ങ​ളി​ലെ​ല്ലാം നീ ആരാധ​നാ​സ്ഥലം പണിതു. വഴി​പോ​ക്കർക്കെ​ല്ലാം നിന്നെ​ത്തന്നെ കാഴ്‌ചവെച്ച്‌* നീ നിന്റെ സൗന്ദര്യം അറപ്പു തോന്നു​ന്ന​താ​ക്കി.+ നീ നിന്റെ വേശ്യാ​വൃ​ത്തി ഒന്നി​നൊ​ന്നു വർധി​പ്പി​ച്ചു.+ 26 നിന്റെ അയൽക്കാ​രായ, കാമ​വെറി പൂണ്ട* ഈജി​പ്‌തു​പു​ത്ര​ന്മാ​രു​മാ​യി നീ വേശ്യാ​വൃ​ത്തി​യിൽ ഏർപ്പെട്ടു.+ നിന്റെ വേശ്യാ​വൃ​ത്തി​യു​ടെ ബാഹു​ല്യ​ത്താൽ നീ എന്നെ കോപി​പ്പി​ച്ചു. 27 അതുകൊണ്ട്‌ ഞാൻ ഇപ്പോൾ നിന്റെ നേരെ കൈ നീട്ടി നിന്റെ ഭക്ഷണവി​ഹി​തം വെട്ടി​ച്ചു​രു​ക്കും.+ നിന്നെ വെറു​ക്കുന്ന,+ നിന്റെ വഷളത്തം കണ്ട്‌ സ്‌തം​ഭി​ച്ചു​പോയ ഫെലി​സ്‌ത്യ​പു​ത്രി​മാ​രു​ടെ ഇഷ്ടത്തിനു ഞാൻ നിന്നെ വിട്ടു​കൊ​ടു​ക്കും.+

28 “‘ഇതു​കൊ​ണ്ടൊ​ന്നും തൃപ്‌തി​യാ​കാ​ഞ്ഞി​ട്ടു നീ അസീറി​യൻ പുത്രന്മാരുമായും+ വേശ്യാ​വൃ​ത്തി​യിൽ ഏർപ്പെട്ടു. എന്നിട്ടും നിനക്കു തൃപ്‌തി​യാ​യില്ല. 29 അതുകൊണ്ട്‌ നീ നിന്റെ വേശ്യാ​വൃ​ത്തി വർധി​പ്പി​ച്ചു; വ്യാപാ​രി​ക​ളു​ടെ ദേശവുമായും* കൽദയരുമായും+ നീ വേശ്യാ​വൃ​ത്തി​യിൽ മുഴുകി. എന്നിട്ടും നിനക്കു തൃപ്‌തി​യാ​യില്ല. 30 കൂസലില്ലാത്ത ഒരു വേശ്യയെപ്പോലെ+ ഇതെല്ലാം ചെയ്‌തു​കൂ​ട്ടി​യ​പ്പോൾ നിന്റെ ഹൃദയം എത്ര രോഗാ​തു​ര​മാ​യി​രു​ന്നു!’* എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. 31 ‘പക്ഷേ എല്ലാ തെരു​വു​ക​ളി​ലെ​യും പ്രമു​ഖ​സ്ഥ​ല​ങ്ങ​ളി​ലെ​ല്ലാം വേദികൾ നിർമി​ച്ച​പ്പോ​ഴും എല്ലാ പൊതുസ്ഥലങ്ങളിലും* ആരാധ​ന​യ്‌ക്കുള്ള ഉയർന്ന സ്ഥലങ്ങൾ പണിത​പ്പോ​ഴും നീ ഒരു വേശ്യ​യെ​പ്പോ​ലെ​യ​ല്ലാ​യി​രു​ന്നു. കാരണം, നീ പ്രതി​ഫലം വാങ്ങി​ച്ചി​ല്ല​ല്ലോ. 32 ഭർത്താവിനു പകരം അന്യരു​മാ​യി ബന്ധം പുലർത്തുന്ന വ്യഭി​ചാ​രി​ണി​യായ ഒരു ഭാര്യ​യാ​ണു നീ.+ 33 സാധാരണഗതിയിൽ വേശ്യകൾ ആളുക​ളിൽനിന്ന്‌ സമ്മാനം വാങ്ങു​ക​യാ​ണു ചെയ്യാറ്‌.+ നീ പക്ഷേ കാമ​വെറി പൂണ്ട്‌ നിന്റെ പിന്നാലെ വരുന്ന ആളുകൾക്ക്‌ അങ്ങോട്ടു സമ്മാനം കൊടു​ക്കു​ന്നു.+ നീയു​മാ​യി വേശ്യാ​വൃ​ത്തി​യിൽ ഏർപ്പെ​ടാൻ നാനാ​ദി​ക്കി​ലു​മുള്ള ആളുകളെ നീ പണം കൊടു​ത്ത്‌ വശീക​രി​ക്കു​ന്നു.+ 34 വേശ്യാവൃത്തി ചെയ്യുന്ന മറ്റു സ്‌ത്രീ​ക​ളു​ടേ​തി​നു നേർവി​പ​രീ​ത​മാ​ണു നിന്റെ രീതി. അവർ വേശ്യാ​വൃ​ത്തി ചെയ്യു​ന്ന​തു​പോ​ലെയല്ല നീ ചെയ്യു​ന്നത്‌! നീ ആളുക​ളിൽനിന്ന്‌ പണം വാങ്ങു​ന്ന​തി​നു പകരം അങ്ങോട്ടു കൊടു​ക്കു​ക​യാ​ണു ചെയ്യു​ന്നത്‌. മറ്റുള്ള​വ​രു​ടേ​തിൽനിന്ന്‌ നേർവി​പ​രീ​ത​മാ​ണു നിന്റെ രീതി.’

35 “അതു​കൊണ്ട്‌ വേശ്യയേ,+ യഹോ​വ​യു​ടെ സന്ദേശം കേൾക്കൂ! 36 പരമാധികാരിയായ യഹോവ പറയു​ന്നത്‌ ഇതാണ്‌: ‘വൃത്തി​കെട്ട മ്ലേച്ഛവിഗ്രഹങ്ങളുമായും*+ നിന്റെ കാമു​ക​ന്മാ​രു​മാ​യും വേശ്യാ​വൃ​ത്തി​യിൽ ഏർപ്പെട്ട്‌ നീ നിന്റെ കാമദാ​ഹം തീർത്തി​ല്ലേ? നിന്റെ നഗ്നത നീ തുറന്നു​കാ​ട്ടി​യി​ല്ലേ? സ്വന്തം പുത്ര​ന്മാ​രു​ടെ രക്തം​പോ​ലും നീ ആ വിഗ്ര​ഹ​ങ്ങൾക്കു ബലിയാ​യി അർപ്പി​ച്ച​ല്ലോ.+ 37 അതുകൊണ്ട്‌ നീ സുഖി​പ്പിച്ച നിന്റെ കാമു​ക​ന്മാ​രെ​യെ​ല്ലാം, നീ സ്‌നേ​ഹി​ച്ച​വ​രെ​യും വെറു​ത്ത​വ​രെ​യും, ഞാൻ നിനക്ക്‌ എതിരെ ഒന്നിച്ചു​കൂ​ട്ടും. നാനാ​ദി​ക്കിൽനിന്ന്‌ ഞാൻ അവരെ ഒന്നിച്ചു​കൂ​ട്ടി നിന്റെ നഗ്നത അവരെ തുറന്നു​കാ​ണി​ക്കും. നിന്നെ അവർ പൂർണ​ന​ഗ്ന​യാ​യി കാണും.+

38 “‘വ്യഭിചാരിണികൾക്കും+ രക്തം ചിന്തുന്ന+ സ്‌ത്രീ​കൾക്കും കിട്ടേണ്ട ശിക്ഷാ​വി​ധി​ക​ളാൽ ഞാൻ നിന്നെ ശിക്ഷി​ക്കും; ഉഗ്ര​കോ​പ​ത്തോ​ടും രോഷ​ത്തോ​ടും കൂടെ നിന്റെ രക്തം ചിന്തും.+ 39 ഞാൻ നിന്നെ അവരുടെ കൈയിൽ ഏൽപ്പി​ക്കും. അവർ നിന്റെ വേദികൾ ഇടിച്ചു​ക​ള​യും. നിന്റെ ആരാധ​നാ​സ്ഥ​ലങ്ങൾ പൊളി​ച്ചു​ക​ള​യും.+ അവർ നിന്റെ വസ്‌ത്രങ്ങൾ ഉരിഞ്ഞു​മാ​റ്റും;+ നിന്റെ ആഭരണ​ങ്ങ​ളെ​ല്ലാം ഊരി​യെ​ടു​ക്കും.+ നിന്നെ നഗ്നയും ഉടുതു​ണി​യി​ല്ലാ​ത്ത​വ​ളും ആയി അവിടെ വിട്ടിട്ട്‌ പോകും. 40 അവർ നിനക്ക്‌ എതിരെ ഒരു ജനക്കൂ​ട്ടത്തെ വരുത്തും.+ അവർ നിന്നെ കല്ലെറി​യും.+ നിന്നെ അവർ വാളു​കൊണ്ട്‌ വെട്ടി​നു​റു​ക്കും.+ 41 അവർ നിന്റെ വീടുകൾ കത്തിക്കുകയും+ അനേകം സ്‌ത്രീ​കൾ കാൺകെ നിന്റെ മേൽ ന്യായ​വി​ധി നടപ്പാ​ക്കു​ക​യും ചെയ്യും. നിന്റെ വേശ്യാ​വൃ​ത്തി ഞാൻ അവസാ​നി​പ്പി​ക്കും.+ നീ ഇനി ആർക്കും കൂലി കൊടു​ക്കില്ല. 42 അങ്ങനെ നിനക്ക്‌ എതി​രെ​യുള്ള എന്റെ ഉഗ്ര​കോ​പം ശമിക്കും.+ നിനക്ക്‌ എതി​രെ​യുള്ള എന്റെ രോഷം ഇല്ലാതാ​കും.+ ഞാൻ ശാന്തനാ​കും. എനിക്കു മേലാൽ കോപം തോന്നില്ല.’

43 “‘നീ നിന്റെ ചെറു​പ്പ​കാ​ലം ഓർക്കാതെ+ ഇത്തരം കാര്യ​ങ്ങ​ളൊ​ക്കെ ചെയ്‌തു​കൂ​ട്ടി എന്നെ കോപി​പ്പി​ച്ച​തു​കൊണ്ട്‌ നിന്റെ പ്രവൃ​ത്തി​ക​ളു​ടെ ഭവിഷ്യ​ത്തു​കൾ ഞാൻ നിന്റെ തലമേൽത്തന്നെ വരുത്തും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. ‘അതോടെ നിന്റെ വഷളത്ത​വും നിന്റെ സകല വൃത്തി​കെട്ട ആചാര​ങ്ങ​ളും അവസാ​നി​ക്കും.

44 “‘പഴഞ്ചൊ​ല്ലു​കൾ പറയാ​റു​ള്ളവർ നിന്നെ​പ്പറ്റി ഈ പഴമൊ​ഴി പറയും: “അമ്മയെ​പ്പോ​ലെ​തന്നെ മകളും!”+ 45 ഭർത്താവിനെയും കുട്ടി​ക​ളെ​യും വെറുത്ത ആ അമ്മയുടെ മകൾത​ന്നെ​യാ​ണു നീ. തങ്ങളുടെ ഭർത്താ​ക്ക​ന്മാ​രെ​യും കുട്ടി​ക​ളെ​യും വെറുത്ത സഹോ​ദ​രി​മാ​രു​ടെ സഹോ​ദ​രി​ത​ന്നെ​യാ​ണു നീ. നിന്റെ അമ്മ ഒരു ഹിത്യ​സ്‌ത്രീ​യാ​യി​രു​ന്നു; അപ്പൻ അമോ​ര്യ​നും.’”+

46 “‘നിന്റെ മൂത്ത സഹോ​ദരി ശമര്യ​യാണ്‌.+ അവളും പെൺമക്കളും* നിന്റെ വടക്ക്‌* കഴിയു​ന്നു.+ നിന്റെ ഇളയ സഹോ​ദരി സൊ​ദോ​മാണ്‌.+ അവളും പെൺമ​ക്ക​ളും തെക്കും* കഴിയു​ന്നു.+ 47 നീ അവരുടെ വഴിക​ളിൽ നടന്ന്‌ അവരുടെ വൃത്തി​കെട്ട ആചാരങ്ങൾ അനുഷ്‌ഠി​ച്ചു. പക്ഷേ, അവിടം​കൊണ്ട്‌ തീർന്നില്ല. ചുരു​ങ്ങിയ സമയത്തി​നു​ള്ളിൽ നിന്റെ പ്രവൃ​ത്തി​ക​ളെ​ല്ലാം അവരു​ടേ​തി​നെ​ക്കാൾ ദുഷിച്ചു.’+ 48 പരമാധികാരിയായ യഹോവ പറയുന്നു: ‘ഞാനാണെ, നീയും നിന്റെ പെൺമ​ക്ക​ളും ചെയ്‌തു​കൂ​ട്ടി​യ​തി​ന്റെ​യ​ത്ര​യൊ​ന്നും നിന്റെ സഹോ​ദ​രി​യായ സൊ​ദോ​മും അവളുടെ പെൺമ​ക്ക​ളും ചെയ്‌തി​ട്ടില്ല. 49 ഇതാ, ഇതായി​രു​ന്നു നിന്റെ സഹോ​ദ​രി​യായ സൊ​ദോ​മി​ന്റെ തെറ്റ്‌: അവളും പെൺമക്കളും+ നിഗളി​ച്ചു​ന​ടന്നു.+ അവർക്കു ഭക്ഷണം സമൃദ്ധ​മാ​യു​ണ്ടാ​യി​രു​ന്നു.+ ആകുല​ത​ക​ളൊ​ന്നു​മി​ല്ലാത്ത സ്വസ്ഥജീ​വി​ത​മാ​യി​രു​ന്നു അവരു​ടേത്‌.+ എന്നിട്ടും അവർ ക്ലേശി​ത​രെ​യും ദരി​ദ്ര​രെ​യും സഹായി​ച്ചില്ല.+ 50 അവർ പിന്നെ​യും​പി​ന്നെ​യും ധാർഷ്ട്യം കാണിച്ചു.+ എന്റെ കൺമു​ന്നിൽത്തന്നെ അവർ അവരുടെ വൃത്തി​കെട്ട ആചാരങ്ങൾ തുടർന്നു.+ അതു​കൊണ്ട്‌ അവരെ എന്റെ മുന്നിൽനി​ന്ന്‌ നീക്കി​ക്ക​ള​യേ​ണ്ട​താ​ണെന്ന്‌ എനിക്കു തോന്നി.+

51 “‘ശമര്യയും+ നീ ചെയ്‌തു​കൂ​ട്ടിയ പാപത്തി​ന്റെ പകുതി​പോ​ലും ചെയ്‌തി​ട്ടില്ല. നീ വൃത്തി​കെട്ട ആചാരങ്ങൾ ഒന്നി​നൊ​ന്നു വർധി​പ്പിച്ച്‌ ശമര്യയെ കടത്തി​വെട്ടി. അവയുടെ ബാഹു​ല്യം കാരണം ഒടുവിൽ നിന്റെ സഹോ​ദ​രി​മാർ നീതി​മ​തി​ക​ളാ​യി കാണ​പ്പെ​ടുന്ന അവസ്ഥയാ​യി.+ 52 അങ്ങനെ നിന്റെ സഹോ​ദ​രി​മാ​രു​ടെ സ്വഭാവം നീതി​യു​ള്ള​താ​യി തോന്നാൻ ഇടയാക്കിയതുകൊണ്ട്‌* നീ അപമാ​ന​ഭാ​രം പേറണം. നീ അവരെ​ക്കാൾ വൃത്തി​കെട്ട വിധത്തിൽ പെരു​മാ​റി പാപം ചെയ്‌ത​തു​കൊണ്ട്‌ അവർ നിന്നെ​ക്കാൾ നീതി​യു​ള്ള​വ​രാണ്‌. നിന്റെ സഹോ​ദ​രി​മാർ നീതി​മ​തി​ക​ളാ​യി തോന്നി​ക്കാൻ ഇടയാ​ക്കി​യ​തു​കൊണ്ട്‌ നീ അപമാ​ന​ഭാ​രം പേറി ലജ്ജിച്ചി​രി​ക്കുക.’

53 “‘ഞാൻ അവരുടെ ബന്ദികളെ, അതായത്‌ സൊ​ദോ​മി​ന്റെ​യും അവളുടെ പെൺമ​ക്ക​ളു​ടെ​യും ശമര്യ​യു​ടെ​യും അവളുടെ പെൺമ​ക്ക​ളു​ടെ​യും ബന്ദികളെ, ഒന്നിച്ചു​കൂ​ട്ടും. അവരു​ടെ​കൂ​ടെ നിന്റെ ബന്ദിക​ളെ​യും ഒരുമി​ച്ചു​കൂ​ട്ടും.+ 54 നിന്നെ നാണം​കെ​ടു​ത്താൻവേ​ണ്ടി​യാ​ണു ഞാൻ ഇതു ചെയ്യു​ന്നത്‌. അവർക്ക്‌ ആശ്വാസം തോന്നുന്ന രീതി​യിൽ പ്രവർത്തി​ച്ചത്‌ ഓർത്ത്‌ നിനക്കു ലജ്ജ തോന്നും. 55 നിന്റെ സ്വന്തം സഹോ​ദ​രി​മാ​രായ സൊ​ദോ​മും ശമര്യ​യും അവരുടെ പെൺമ​ക്ക​ളും അവരുടെ പഴയ അവസ്ഥയി​ലേക്കു തിരി​ച്ചു​വ​രും. നീയും നിന്റെ പെൺമ​ക്ക​ളും നിങ്ങളു​ടെ പൂർവ​സ്ഥി​തി​യി​ലേക്കു വരും.+ 56 നീ നിഗളി​ച്ചു​നടന്ന കാലത്ത്‌ നിന്റെ സഹോ​ദ​രി​യായ സൊ​ദോ​മി​ന്റെ പേരു​പോ​ലും ഉച്ചരി​ക്കാൻ കൊള്ളി​ല്ലെന്നു നിനക്കു തോന്നി. 57 നിന്റെ ദുഷ്ടത തുറന്നു​കാ​ട്ടു​ന്ന​തി​നു മുമ്പത്തെ കാര്യ​മാ​ണു പറയു​ന്നത്‌.+ ഇപ്പോൾ, സിറി​യ​യു​ടെ പെൺമ​ക്ക​ളും അവളുടെ അയൽക്കാ​രും നിന്നെ നിന്ദി​ക്കു​ന്നു. ഫെലിസ്‌ത്യപുത്രിമാരും+ നിനക്കു ചുറ്റു​മുള്ള എല്ലാവ​രും നിന്നോ​ട്‌ അവജ്ഞ​യോ​ടെ പെരു​മാ​റു​ന്നു. 58 നിന്റെ വഷളത്ത​ത്തി​ന്റെ​യും വൃത്തി​കെട്ട ആചാര​ങ്ങ​ളു​ടെ​യും ഭവിഷ്യ​ത്തു​കൾ നീ അനുഭ​വി​ക്കും’ എന്ന്‌ യഹോവ പ്രഖ്യാ​പി​ക്കു​ന്നു.”

59 “പരമാ​ധി​കാ​രി​യായ യഹോവ പറയുന്നു: ‘നീ ചെയ്‌ത​തു​പോ​ലെ​തന്നെ ഞാൻ ഇപ്പോൾ നിന്നോ​ടും ചെയ്യാൻപോ​കു​ക​യാണ്‌.+ കാരണം, ഞാൻ ചെയ്‌ത ഉടമ്പടി ലംഘി​ച്ചു​കൊണ്ട്‌ നീ ആണയെ അവഹേ​ളി​ച്ച​ല്ലോ.+ 60 പക്ഷേ നിന്റെ ചെറു​പ്പ​കാ​ലത്ത്‌ നിന്നോ​ടു ചെയ്‌ത ഉടമ്പടി ഞാൻ ഓർക്കും. ഞാൻ നിന്നോ​ടു നിത്യ​മായ ഒരു ഉടമ്പടി ചെയ്യും.+ 61 നിന്റെ അടു​ത്തേക്കു വരുന്ന മൂത്ത സഹോ​ദ​രി​മാ​രെ​യും ഇളയ സഹോ​ദ​രി​മാ​രെ​യും സ്വീക​രി​ക്കു​മ്പോൾ നീ ചെയ്‌തു​കൂ​ട്ടി​യ​തൊ​ക്കെ നിന്റെ ഓർമ​യി​ലേക്കു വരും. അപ്പോൾ, നിനക്കു ലജ്ജ തോന്നും.+ ഞാൻ അവരെ നിനക്കു പുത്രി​മാ​രാ​യി തരും. പക്ഷേ നിന്റെ ഉടമ്പടി​യു​ടെ പേരി​ലാ​യി​രി​ക്കില്ല ഞാൻ ഇതു ചെയ്യു​ന്നത്‌.’

62 “‘നിന്നോ​ടുള്ള എന്റെ ഉടമ്പടി ഞാൻ ഉറപ്പി​ക്കും. ഞാൻ യഹോ​വ​യാ​ണെന്നു നീ അറി​യേ​ണ്ടി​വ​രും. 63 നീ ഇതെല്ലാം ചെയ്‌തു​കൂ​ട്ടി​യി​ട്ടും ഞാൻ നിനക്കു പാപപ​രി​ഹാ​രം വരുത്തുമ്പോൾ+ എല്ലാം ഓർത്ത്‌ അപമാ​ന​ഭാ​ര​ത്താൽ വായ്‌ തുറക്കാൻപോ​ലും നീ നാണി​ക്കും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

17 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, ഇസ്രാ​യേൽഗൃ​ഹ​ത്തെ​ക്കു​റിച്ച്‌ നീ ഒരു കടങ്കഥ+ പറയുക; ഒരു ദൃഷ്ടാ​ന്തകഥ അറിയി​ക്കുക. 3 നീ പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “വലിയ ചിറകും ചിറകിൽ നീണ്ട തൂവലു​ക​ളും ദേഹമാ​കെ നിറപ്പ​കി​ട്ടാർന്ന പപ്പുക​ളും ഉള്ള ഒരു വലിയ കഴുകൻ+ ലബാനോനിലേക്കു+ വന്ന്‌ ദേവദാ​രു മരത്തിന്റെ മുകളറ്റം മുറി​ച്ചെ​ടു​ത്തു.+ 4 അവൻ അതിന്റെ തുഞ്ചത്തെ ഇളംചില്ല കൊത്തി​യെ​ടുത്ത്‌ വ്യാപാ​രി​ക​ളു​ടെ ദേശത്ത്‌,* വ്യാപാ​രി​ക​ളു​ടെ ഒരു നഗരത്തിൽ കൊണ്ടു​ചെന്ന്‌ നട്ടു.+ 5 പിന്നെ അവൻ, ആ ദേശത്തു​നിന്ന്‌ കുറച്ച്‌ വിത്തുകൾ+ എടുത്ത്‌ വളക്കൂ​റുള്ള ഒരു നിലത്ത്‌ പാകി. നല്ല നീരോ​ട്ട​മുള്ള സ്ഥലത്തെ വില്ലോ മരം​പോ​ലെ വളരാൻ അവൻ അതു നട്ടു. 6 അങ്ങനെ അതു മുളച്ച്‌ അധികം പൊങ്ങി​പ്പോ​കാത്ത ഒരു മുന്തി​രി​വ​ള്ളി​യാ​യി പടർന്നു.+ അതിന്റെ വള്ളിത്ത​ലകൾ അകത്തേക്കു തിരി​ഞ്ഞി​രു​ന്നു. അതിന്റെ വേരുകൾ താഴേക്ക്‌ ഇറങ്ങി. അങ്ങനെ അത്‌ ഒരു മുന്തി​രി​വ​ള്ളി​യാ​യി വളർന്നു; അതിൽ ഇളംചി​ല്ല​ക​ളും ശാഖക​ളും ഉണ്ടായി.+

7 “‘“അപ്പോൾ അതാ, വലിയ ചിറകും ചിറകിൽ നീണ്ട തൂവലുകളും+ ഉള്ള മറ്റൊരു വലിയ കഴുകൻ+ വരുന്നു! തന്നെ നനയ്‌ക്കാൻവേണ്ടി മുന്തി​രി​വള്ളി ആ കഴുകന്റെ നേരെ വള്ളിത്ത​ലകൾ നീട്ടു​ക​യും തന്നെ നട്ട തടത്തിൽനി​ന്ന്‌ ആർത്തി​യോ​ടെ വേരുകൾ അവന്റെ നേരെ അയയ്‌ക്കു​ക​യും ചെയ്‌തു.+ 8 വാസ്‌തവത്തിൽ, ധാരാളം വെള്ളമുള്ള സ്ഥലത്തിന്‌ അടുത്ത്‌ ഒരു നല്ല നിലത്താ​ണ്‌ അതിനെ നട്ടിരു​ന്നത്‌. അതു ശാഖകൾ പടർത്തി ഫലം കായ്‌ച്ച്‌ പ്രൗഢി​യുള്ള ഒരു മുന്തി​രി​വ​ള്ളി​യാ​കു​മെന്നു പ്രതീ​ക്ഷി​ച്ചി​രു​ന്നു.”’+

9 “നീ പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “അതു തഴച്ചു​വ​ള​രു​മെന്നു തോന്നു​ന്നു​ണ്ടോ? ആരെങ്കി​ലും അതിന്റെ വേരുകൾ പറിച്ചു​ക​ള​യി​ല്ലേ?+ അങ്ങനെ അതിന്റെ പഴം ചീയു​ക​യും മുളകൾ ഉണങ്ങി​പ്പോ​കു​ക​യും ചെയ്യില്ലേ?+ അതു വേരോ​ടെ പിഴു​തെ​ടു​ക്കാൻ, ബലമുള്ള കൈയോ ഏറെ ആളുക​ളോ വേണ്ടി​വ​രില്ല. കാരണം, അത്‌ അത്രകണ്ട്‌ ഉണങ്ങി​പ്പോ​യി​രി​ക്കും. 10 ഇനി അതിനെ പറിച്ച്‌ നട്ടാലും അതു തഴച്ചു​വ​ള​രു​മെന്നു തോന്നു​ന്നു​ണ്ടോ? കിഴക്കൻ കാറ്റ്‌ അടിക്കു​മ്പോൾ അതു നിശ്ശേഷം കരിഞ്ഞു​പോ​കി​ല്ലേ? അതു മുളച്ച്‌ വളർന്ന തടത്തിൽവെ​ച്ചു​തന്നെ വാടി​ക്ക​രി​ഞ്ഞു​പോ​കും.”’”

11 എനിക്കു വീണ്ടും യഹോ​വ​യു​ടെ സന്ദേശം കിട്ടി: 12 “മത്സരഗൃ​ഹ​ത്തോ​ടു നീ ദയവായി ഇങ്ങനെ പറയുക: ‘ഇതി​ന്റെ​യൊ​ക്കെ അർഥം നിങ്ങൾക്കു മനസ്സി​ലാ​കു​ന്നി​ല്ലേ?’ നീ പറയണം: ‘ബാബി​ലോൺരാ​ജാവ്‌ യരുശ​ലേ​മി​ലേക്കു വന്ന്‌ അവിടത്തെ രാജാ​വി​നെ​യും പ്രഭു​ക്ക​ന്മാ​രെ​യും ബാബി​ലോ​ണി​ലേക്കു കൊണ്ടു​പോ​യി.+ 13 കൂടാതെ, അവൻ രാജാ​വി​ന്റെ സന്തതി​പ​ര​മ്പ​ര​യിൽപ്പെട്ട ഒരാളെ തിരഞ്ഞെടുത്ത്‌+ അവനു​മാ​യി ഒരു ഉടമ്പടി ചെയ്‌ത്‌ അവനെ​ക്കൊണ്ട്‌ ആണയി​ടു​വി​ക്കു​ക​യും ചെയ്‌തു.+ പിന്നെ അവൻ ദേശത്തെ പ്രമു​ഖരെ പിടി​ച്ചു​കൊ​ണ്ടു​പോ​യി.+ 14 വീണ്ടും തലപൊ​ക്കാ​ത്ത​തു​പോ​ലെ രാജ്യത്തെ താഴ്‌ത്താ​നും തന്റെ ഉടമ്പടി പാലി​ച്ചാൽ മാത്രമേ അതിനു നിലനിൽപ്പുള്ളൂ+ എന്ന സ്ഥിതി​യി​ലാ​ക്കാ​നും വേണ്ടി​യാണ്‌ അവൻ ഇങ്ങനെ ചെയ്‌തത്‌. 15 പക്ഷേ കുതി​ര​ക​ളെ​യും ഒരു വൻസൈന്യത്തെയും+ കിട്ടാൻവേണ്ടി ഈജിപ്‌തിലേക്കു+ ദൂതന്മാ​രെ അയച്ചു​കൊണ്ട്‌ രാജാവ്‌ അവനോ​ടു മത്സരിച്ചു.+ അവൻ ഉദ്ദേശി​ച്ചതു നടക്കു​മോ? ഇങ്ങനെ​യൊ​ക്കെ ചെയ്യു​ന്നവൻ ശിക്ഷയിൽനി​ന്ന്‌ രക്ഷപ്പെ​ടു​മോ? ഉടമ്പടി ലംഘി​ച്ചിട്ട്‌ അവനു രക്ഷപ്പെ​ടാ​നാ​കു​മെന്നു തോന്നു​ന്നു​ണ്ടോ?’+

16 “‘പരമാ​ധി​കാ​രി​യാം കർത്താ​വായ യഹോവ പ്രഖ്യാ​പി​ക്കു​ന്നു: “ഞാനാണെ, ബാബി​ലോ​ണിൽവെച്ച്‌ അവൻ മരിക്കും. ആരാണോ അവനെ* രാജാ​വാ​ക്കി​യത്‌, ആരുടെ ആണയാ​ണോ അവൻ പുച്ഛി​ച്ചു​ത​ള്ളി​യത്‌, ആരുടെ ഉടമ്പടി​യാ​ണോ അവൻ ലംഘി​ച്ചത്‌, ആ രാജാവ്‌* ഉള്ളിട​ത്തു​വെ​ച്ചു​തന്നെ ഇതു സംഭവി​ക്കും.+ 17 അനേകരെ കൊല്ലാൻ ഉപരോ​ധ​മ​തി​ലു​കൾ പണിയു​ക​യും ചെരിഞ്ഞ തിട്ടകൾ ഉണ്ടാക്കു​ക​യും ചെയ്യുന്ന സമയം വരും. പക്ഷേ ആ യുദ്ധത്തിൽ അവനെ സഹായി​ക്കാൻ ഫറവോ​ന്റെ മഹാ​സൈ​ന്യ​ത്തി​നും എണ്ണമറ്റ സേനാ​വ്യൂ​ഹ​ങ്ങൾക്കും കഴിയാ​താ​കും.+ 18 അവൻ ആണ പുച്ഛി​ച്ചു​ത​ള്ളു​ക​യും ഉടമ്പടി ലംഘി​ക്കു​ക​യും ചെയ്‌തു. അവൻ വാക്കു തന്നിരു​ന്ന​താണ്‌.* എന്നിട്ടും ഇങ്ങനെ​യൊ​ക്കെ ചെയ്‌തു. അവൻ രക്ഷപ്പെ​ടില്ല.”’

19 “‘അതു​കൊണ്ട്‌, പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ഞാനാണെ, എന്റെ ആണ പുച്ഛിച്ചുതള്ളിയതിന്റെയും+ ഉടമ്പടി ലംഘി​ച്ച​തി​ന്റെ​യും ഭവിഷ്യ​ത്തു​കൾ ഞാൻ അവന്റെ തലമേൽ വരുത്തും. 20 ഞാൻ എന്റെ വല അവന്റെ മേൽ വീശി​യെ​റി​യും. അവൻ അതിൽ കുടു​ങ്ങും.+ എന്നോട്‌ അവിശ്വ​സ്‌തത കാട്ടി​യ​തു​കൊണ്ട്‌ ഞാൻ അവനെ ബാബി​ലോ​ണി​ലേക്കു കൊണ്ടു​വന്ന്‌ അവി​ടെ​വെച്ച്‌ വിസ്‌ത​രി​ക്കും.+ 21 അവന്റെ പടയാ​ളി​ക​ളിൽ ഓടി​പ്പോ​കു​ന്ന​വ​രെ​ല്ലാം വാളാൽ വീഴും. ബാക്കി​യു​ള്ള​വരെ നാലുപാടും* ചിതറി​ക്കും.+ യഹോവ എന്ന ഞാനാണ്‌ ഇതു പറഞ്ഞ​തെന്നു നിങ്ങൾ അപ്പോൾ അറി​യേ​ണ്ടി​വ​രും.”’+

22 “‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ഈ ഞാൻ ഉന്നതമായ ദേവദാ​രു​വി​ന്റെ തുഞ്ചത്തു​നിന്ന്‌ ഒരു ഇളംചില്ല+ എടുത്ത്‌ നടും. അതിന്റെ ഏറ്റവും മുകളി​ലത്തെ കൊമ്പിൽനി​ന്ന്‌ ഒരു ഇളംചില്ല മുറിച്ചെടുത്ത്‌+ ഞാൻതന്നെ ഉയരമുള്ള, ഉന്നതമായ ഒരു മലയിൽ നടും.+ 23 ഇസ്രായേലിലെ ഉയരമു​ള്ളൊ​രു മലയിൽ ഞാൻ അതു നടും. അതിൽ ശാഖകൾ വളർന്ന്‌ ഫലം കായ്‌ക്കും. അതു വലി​യൊ​രു ദേവദാ​രു​വാ​കും. എല്ലാ തരം പക്ഷിക​ളും അതിന്റെ കീഴെ കൂടു കൂട്ടും; അതിന്റെ ഇലകളു​ടെ തണലിൽ അവ കഴിയും. 24 ഉയരമുള്ള മരത്തെ താഴ്‌ത്തി​യ​തും താഴ്‌ന്ന മരത്തെ ഉയർത്തി​യ​തും യഹോവ എന്ന ഞാനാ​ണെന്നു ഭൂമി​യി​ലെ എല്ലാ മരങ്ങളും അറി​യേ​ണ്ടി​വ​രും.+ ഞാൻ പച്ചമരത്തെ ഉണക്കു​ക​യും ഉണക്കമ​രത്തെ പൂവണി​യി​ക്കു​ക​യും ചെയ്‌തി​രി​ക്കു​ന്നു.+ യഹോവ എന്ന ഞാനാണ്‌ ഇതു പറഞ്ഞത്‌. അങ്ങനെ​തന്നെ ഞാൻ ചെയ്‌തു​മി​രി​ക്കു​ന്നു.”’”

18 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “‘പുളിയൻ മുന്തി​രിങ്ങ തിന്നത്‌ അപ്പന്മാർ; പല്ലു പുളി​ച്ചതു മക്കൾക്ക്‌’ എന്നൊരു പഴഞ്ചൊ​ല്ല്‌ ഇസ്രാ​യേ​ലിൽ പറഞ്ഞു​കേൾക്കു​ന്നു​ണ്ട​ല്ലോ. എന്താണ്‌ അതിന്റെ അർഥം?+

3 “പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു: ‘ഞാനാണെ, ഇനി ഒരിക്ക​ലും ഈ ചൊല്ല്‌ ഇസ്രാ​യേ​ലിൽ പറഞ്ഞു​കേൾക്കില്ല. 4 ഇതാ, എല്ലാ ദേഹികളും* എന്റേതാ​ണ്‌. അപ്പന്റെ ദേഹി​പോ​ലെ​തന്നെ മകന്റെ ദേഹി​യും എന്റേതാ​ണ്‌. പാപം ചെയ്യുന്ന ദേഹിയാണു* മരിക്കുക.

5 “‘നീതി​യും ന്യായ​വും പ്രവർത്തി​ക്കുന്ന നീതി​മാ​നായ ഒരു മനുഷ്യൻ നിങ്ങളു​ടെ ഇടയി​ലു​ണ്ടെന്നു കരുതുക. 6 മലകളിൽവെച്ച്‌ വിഗ്ര​ഹ​ങ്ങൾക്ക്‌ അർപ്പിച്ച ബലിവ​സ്‌തു​ക്കൾ അയാൾ കഴിക്കു​ന്നില്ല;+ അയാൾ ഇസ്രാ​യേൽഗൃ​ഹ​ത്തി​ന്റെ മ്ലേച്ഛവിഗ്രഹങ്ങളിൽ* ആശ്രയം വെക്കു​ന്നില്ല. അയാൾ അയൽക്കാ​രന്റെ ഭാര്യക്കു കളങ്കം വരുത്തുകയോ+ ആർത്തവ​കാ​ലത്ത്‌ സ്‌ത്രീ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടു​ക​യോ ചെയ്യു​ന്നില്ല.+ 7 അയാൾ ആരെയും ദ്രോ​ഹി​ക്കു​ന്നില്ല.+ പകരം, കടം വാങ്ങി​യ​വനു പണയവ​സ്‌തു തിരികെ കൊടു​ക്കു​ന്നു.+ ആരിൽനി​ന്നും ഒന്നും പിടി​ച്ചു​പ​റി​ക്കു​ന്നില്ല.*+ പകരം, വിശന്നി​രി​ക്കു​ന്ന​വനു സ്വന്തം ഭക്ഷണം കൊടു​ക്കു​ന്നു.+ ഉടുതു​ണി​യി​ല്ലാ​ത്ത​വനെ വസ്‌ത്രം ധരിപ്പി​ക്കു​ന്നു.+ 8 അയാൾ പണം പലിശ​യ്‌ക്കു കൊടു​ക്കു​ക​യോ കൊള്ള​പ്പ​ലിശ ഈടാ​ക്കു​ക​യോ ചെയ്യു​ന്നില്ല.+ അന്യായം കാണി​ക്കു​ന്നില്ല.+ രണ്ടു പേർ തമ്മിലുള്ള പ്രശ്‌ന​ത്തിൽ പക്ഷം പിടി​ക്കാ​തെ നീതി നടപ്പാ​ക്കു​ന്നു.+ 9 കാര്യങ്ങൾ വിശ്വ​സ്‌ത​ത​യോ​ടെ ചെയ്യാൻവേണ്ടി അയാൾ എന്റെ നിയമങ്ങൾ അനുസ​രിച്ച്‌ നടക്കു​ക​യും എന്റെ ന്യായ​ത്തീർപ്പു​കൾ പിൻപ​റ്റു​ക​യും ചെയ്യുന്നു. ഇങ്ങനെ​യുള്ള മനുഷ്യൻ നീതി​മാ​നാണ്‌. അവൻ നിശ്ചയ​മാ​യും ജീവി​ച്ചി​രി​ക്കും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

10 “‘പക്ഷേ പിടിച്ചുപറിയോ+ കൊലപാതകമോ*+ അതു​പോ​ലുള്ള മറ്റ്‌ ഏതെങ്കി​ലും കാര്യ​മോ ചെയ്യുന്ന ഒരു മകൻ അയാൾക്കു​ണ്ടെന്നു കരുതുക. 11 (അപ്പൻ ഇത്തരം കാര്യ​ങ്ങ​ളൊ​ന്നും ചെയ്‌തി​ട്ടി​ല്ല​താ​നും.) ഈ മകൻ മലകളിൽവെച്ച്‌ വിഗ്ര​ഹ​ങ്ങൾക്ക്‌ അർപ്പിച്ച ബലിവ​സ്‌തു​ക്കൾ കഴിക്കു​ന്നു. അയൽക്കാ​രന്റെ ഭാര്യയെ കളങ്ക​പ്പെ​ടു​ത്തു​ന്നു. 12 പാവങ്ങളെയും ദരി​ദ്ര​രെ​യും ദ്രോ​ഹി​ക്കു​ന്നു.+ ആളുക​ളിൽനിന്ന്‌ പിടി​ച്ചു​പ​റി​ക്കു​ന്നു. പണയവ​സ്‌തു തിരികെ കൊടു​ക്കു​ന്നില്ല. മ്ലേച്ഛവി​ഗ്ര​ഹ​ങ്ങ​ളിൽ ആശ്രയം വെക്കുന്നു.+ വൃത്തി​കെട്ട ആചാര​ങ്ങ​ളിൽ മുഴു​കു​ന്നു.+ 13 കൊള്ളപ്പലിശ ഈടാ​ക്കു​ക​യും പണം പലിശ​യ്‌ക്കു കൊടു​ക്കു​ക​യും ചെയ്യുന്നു.+ ഇങ്ങനെ​യൊ​ക്കെ ചെയ്യുന്ന ഈ മകൻ ജീവി​ച്ചി​രി​ക്കില്ല. അവൻ ഈ വൃത്തി​കേ​ടു​ക​ളെ​ല്ലാം ചെയ്‌തു​കൂ​ട്ടി​യ​തു​കൊണ്ട്‌ അവനെ നിശ്ചയ​മാ​യും കൊന്നു​ക​ള​യും. അവന്റെ രക്തം അവന്റെ മേൽത്തന്നെ ഇരിക്കും.

14 “‘പക്ഷേ ഒരു മനുഷ്യ​ന്‌ ഒരു മകൻ ജനിക്കു​ക​യും അപ്പൻ ചെയ്‌തു​കൂ​ട്ടിയ പാപങ്ങ​ളെ​ല്ലാം അവൻ കാണു​ക​യും ചെയ്യു​ന്നെ​ന്നി​രി​ക്കട്ടെ. അതെല്ലാം കണ്ടിട്ടും അവൻ പക്ഷേ, അത്തരം കാര്യ​ങ്ങ​ളൊ​ന്നും ചെയ്യു​ന്നില്ല. 15 മലകളിൽവെച്ച്‌ വിഗ്ര​ഹ​ങ്ങൾക്ക്‌ അർപ്പിച്ച ബലിവ​സ്‌തു​ക്കൾ അവൻ കഴിക്കു​ന്നില്ല. ഇസ്രാ​യേൽഗൃ​ഹ​ത്തി​ന്റെ മ്ലേച്ഛവി​ഗ്ര​ഹ​ങ്ങ​ളിൽ ആശ്രയം വെക്കു​ന്നില്ല. അയൽക്കാ​രന്റെ ഭാര്യക്കു കളങ്കം വരുത്തു​ന്നില്ല. 16 അവൻ ആരെയും ദ്രോ​ഹി​ക്കു​ന്നില്ല. പണയവ​സ്‌തു തിരികെ കൊടു​ക്കാ​തെ പിടി​ച്ചു​വെ​ക്കു​ന്നില്ല. അവൻ ആരു​ടെ​യും ഒന്നും പിടി​ച്ചു​പ​റി​ക്കു​ന്നില്ല. വിശന്നി​രി​ക്കു​ന്ന​വനു സ്വന്തം ഭക്ഷണം കൊടു​ക്കു​ന്നു. ഉടുതു​ണി​യി​ല്ലാ​ത്ത​വനെ വസ്‌ത്രം ധരിപ്പി​ക്കു​ന്നു. 17 പാവപ്പെട്ടവരെ അവൻ ബുദ്ധി​മു​ട്ടി​ക്കു​ന്നില്ല. കൊള്ള​പ്പ​ലിശ ഈടാ​ക്കു​ക​യോ പണം പലിശ​യ്‌ക്കു കൊടു​ക്കു​ക​യോ ചെയ്യു​ന്നില്ല. അവൻ എന്റെ ന്യായ​ത്തീർപ്പു​കൾ പിൻപ​റ്റു​ക​യും എന്റെ നിയമങ്ങൾ അനുസ​രിച്ച്‌ നടക്കു​ക​യും ചെയ്യുന്നു. അങ്ങനെ​യുള്ള ഒരു മനുഷ്യൻ അവന്റെ അപ്പന്റെ തെറ്റു കാരണം മരിക്കില്ല. അവൻ നിശ്ചയ​മാ​യും ജീവി​ച്ചി​രി​ക്കും. 18 പക്ഷേ അവന്റെ അപ്പൻ വഞ്ചന കാണി​ക്കു​ക​യും സഹോ​ദ​ര​നിൽനിന്ന്‌ പിടി​ച്ചു​പ​റി​ക്കു​ക​യും തന്റെ ജനത്തിന്‌ ഇടയിൽ കൊള്ള​രു​തായ്‌ക കാണി​ക്കു​ക​യും ചെയ്‌ത​തു​കൊണ്ട്‌ തന്റെ തെറ്റു കാരണം മരിക്കും.

19 “‘പക്ഷേ “അപ്പൻ ചെയ്‌ത തെറ്റിന്റെ കുറ്റം മകന്റെ മേൽ വരാത്തത്‌ എന്താണ്‌” എന്നു നിങ്ങൾ ചോദി​ക്കു​ന്നു. മകൻ നീതി​ക്കും ന്യായ​ത്തി​നും ചേർച്ച​യിൽ പ്രവർത്തി​ച്ച​തു​കൊ​ണ്ടും എന്റെ നിയമ​ങ്ങ​ളെ​ല്ലാം പാലി​ക്കു​ക​യും പിൻപ​റ്റു​ക​യും ചെയ്‌ത​തു​കൊ​ണ്ടും അവൻ നിശ്ചയ​മാ​യും ജീവി​ച്ചി​രി​ക്കും.+ 20 പാപം ചെയ്യുന്ന ദേഹിയാണു* മരിക്കുക.+ അപ്പന്റെ തെറ്റിനു മകനോ മകന്റെ തെറ്റിന്‌ അപ്പനോ കുറ്റക്കാ​ര​നാ​കില്ല. നീതി​മാ​ന്റെ നീതി അവന്റെ പേരിൽ മാത്ര​മാ​യി​രി​ക്കും കണക്കി​ടുക. ദുഷ്ടന്റെ ദുഷ്ടത​യും അങ്ങനെ​തന്നെ.+

21 “‘പക്ഷേ ഒരു ദുഷ്ടൻ അവന്റെ പാപങ്ങ​ളെ​ല്ലാം വിട്ടു​മാ​റി എന്റെ നിയമങ്ങൾ പാലി​ക്കു​ക​യും നീതി​ക്കും ന്യായ​ത്തി​നും ചേർച്ച​യിൽ പ്രവർത്തി​ക്കു​ക​യും ചെയ്‌താൽ അവൻ നിശ്ചയ​മാ​യും ജീവി​ച്ചി​രി​ക്കും. അവൻ മരിക്കില്ല.+ 22 അവന്റെ ലംഘന​ങ്ങ​ളൊ​ന്നും മേലാൽ അവന്‌ എതിരെ കണക്കി​ലെ​ടു​ക്കില്ല.*+ നീതിക്കു ചേർച്ച​യിൽ പ്രവർത്തി​ച്ച​തു​കൊണ്ട്‌ അവൻ ജീവി​ച്ചി​രി​ക്കും.’+

23 “‘ഒരു ദുഷ്ടൻ മരിക്കു​മ്പോൾ ഞാൻ അൽപ്പ​മെ​ങ്കി​ലും സന്തോ​ഷി​ക്കു​മെന്നു തോന്നു​ന്നു​ണ്ടോ’+ എന്നു പരമാ​ധി​കാ​രി​യായ യഹോവ ചോദി​ക്കു​ന്നു. ‘അവൻ തന്റെ വഴികൾ വിട്ടു​തി​രിഞ്ഞ്‌ ജീവി​ച്ചി​രി​ക്കാ​നല്ലേ ഞാൻ ആഗ്രഹി​ക്കു​ന്നത്‌?’+

24 “‘പക്ഷേ ഒരു നീതി​മാൻ നീതി​മാർഗം ഉപേക്ഷി​ച്ച്‌ തെറ്റു* ചെയ്‌താൽ, ദുഷ്ടന്മാർ ചെയ്യുന്ന വൃത്തി​കേ​ടു​ക​ളെ​ല്ലാം ചെയ്‌താൽ, അവൻ ജീവി​ച്ചി​രി​ക്കു​മോ? അവൻ ചെയ്‌ത നീതി​പ്ര​വൃ​ത്തി​ക​ളൊ​ന്നും ഓർക്കു​ക​യില്ല.+ അവന്റെ അവിശ്വ​സ്‌ത​ത​യും അവൻ ചെയ്‌ത പാപവും കാരണം അവൻ മരിക്കും.+

25 “‘പക്ഷേ “യഹോ​വ​യു​ടെ വഴി നീതി​യു​ള്ളതല്ല”+ എന്നു നിങ്ങൾ പറയും. ഇസ്രാ​യേൽഗൃ​ഹമേ, കേൾക്കൂ! വാസ്‌ത​വ​ത്തിൽ നീതിക്കു നിരക്കാ​ത്തത്‌ എന്റെ വഴിയാ​ണോ,+ നിങ്ങളു​ടെ വഴിക​ളല്ലേ?+

26 “‘ഒരു നീതി​മാൻ നീതി​മാർഗം ഉപേക്ഷി​ച്ച്‌ തെറ്റു ചെയ്‌തി​ട്ട്‌ അതു കാരണം മരിക്കു​ന്നെ​ങ്കിൽ, അവൻ സ്വന്തം തെറ്റു കാരണ​മാ​യി​രി​ക്കും മരിക്കു​ന്നത്‌.

27 “‘പക്ഷേ ഒരു ദുഷ്ടൻ അവന്റെ ദുഷ്ടത​യെ​ല്ലാം വിട്ടു​മാ​റി നീതി​ക്കും ന്യായ​ത്തി​നും ചേർച്ച​യിൽ പ്രവർത്തി​ക്കാൻ തുടങ്ങു​ന്നെ​ങ്കിൽ അവൻ സ്വന്തം ജീവൻ രക്ഷിക്കും.+ 28 ചെയ്‌തുകൂട്ടിയ ലംഘന​ങ്ങ​ളെ​ല്ലാം തിരി​ച്ച​റിഞ്ഞ്‌ അവ വിട്ടു​മാ​റു​ന്നെ​ങ്കിൽ അവൻ നിശ്ചയ​മാ​യും ജീവി​ച്ചി​രി​ക്കും. അവൻ മരിക്കില്ല.

29 “‘പക്ഷേ “യഹോ​വ​യു​ടെ വഴി നീതി​യു​ള്ളതല്ല” എന്ന്‌ ഇസ്രാ​യേൽഗൃ​ഹം പറയും. ഇസ്രാ​യേൽഗൃ​ഹമേ, വാസ്‌ത​വ​ത്തിൽ നീതിക്കു നിരക്കാ​ത്തത്‌ എന്റെ വഴിക​ളാ​ണോ,+ നിങ്ങളു​ടെ വഴിക​ളല്ലേ?’

30 “‘അതു​കൊണ്ട്‌ ഇസ്രാ​യേൽഗൃ​ഹമേ, ഞാൻ നിങ്ങളെ ഓരോ​രു​ത്ത​നെ​യും അവനവന്റെ പ്രവൃ​ത്തി​ക്ക​നു​സ​രിച്ച്‌ വിധി​ക്കും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. ‘വിട്ടു​തി​രി​യൂ! നിങ്ങളു​ടെ എല്ലാ ലംഘന​ങ്ങ​ളും പൂർണ​മാ​യി വിട്ടു​തി​രി​യൂ! അങ്ങനെ​യെ​ങ്കിൽ അവ നിങ്ങളെ കുറ്റക്കാ​രാ​ക്കുന്ന ഒരു തടസ്സമാ​യി നിൽക്കില്ല. 31 നിങ്ങൾ ചെയ്‌തി​ട്ടുള്ള ലംഘന​ങ്ങ​ളെ​ല്ലാം ഉപേക്ഷിച്ച്‌+ ഒരു പുതിയ ഹൃദയ​വും പുതിയ ആത്മാവും* നേടൂ!*+ ഇസ്രാ​യേൽഗൃ​ഹമേ, നിങ്ങൾ എന്തിനു മരിക്കണം?’+

32 “‘ആരു​ടെ​യും മരണത്തിൽ ഞാൻ ഒട്ടും സന്തോ​ഷി​ക്കു​ന്നില്ല’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. ‘അതു​കൊണ്ട്‌ പിന്തി​രി​യൂ! അങ്ങനെ, ജീവി​ച്ചി​രി​ക്കൂ!’”+

കരുത്ത​രാ​യ യുവസിംഹങ്ങളുടെ* ഇടയിൽ കിടന്ന്‌ അവൾ അവളുടെ കുഞ്ഞു​ങ്ങളെ പോറ്റി.

 3 തന്റെ കുഞ്ഞു​ങ്ങ​ളിൽ ഒന്നിനെ അവൾ വളർത്തി​വ​ലു​താ​ക്കി. അവൻ കരുത്ത​നായ ഒരു യുവസിം​ഹ​മാ​യി.+

 5 അവൻ വരാൻ അവൾ കാത്തി​രു​ന്നു;

പ്രതീ​ക്ഷ​യ​റ്റ​പ്പോൾ തന്റെ മറ്റൊരു കുഞ്ഞിനെ കരുത്ത​നായ ഒരു യുവസിം​ഹ​മാ​യി വളർത്തി വിട്ടു.

 6 അവനും സിംഹ​ങ്ങ​ളോ​ടൊ​പ്പം നടന്ന്‌ കരുത്ത​നായ ഒരു യുവസിം​ഹ​മാ​യി.

ഇരയെ കടിച്ചു​കീ​റാൻ അവനും പഠിച്ചു. മനുഷ്യ​രെ​പ്പോ​ലും അവൻ തിന്നു.+

 9 അവർ അവനെ കൊളു​ത്തിട്ട്‌ കൂട്ടി​ലാ​ക്കി, ബാബി​ലോൺരാ​ജാ​വി​ന്റെ അടു​ത്തേക്കു കൊണ്ടു​പോ​യി.

ഇസ്രാ​യേൽമ​ല​ക​ളിൽ അവന്റെ ശബ്ദം ഇനി ഒരിക്ക​ലും കേൾക്കാ​തി​രി​ക്കാൻ അവർ അവനെ അവിടെ പൂട്ടി​യി​ട്ടു.

10 നിന്റെ അമ്മ നിന്റെ രക്തത്തിലെ മുന്തി​രി​വ​ള്ളി​പോ​ലെ​യാ​യി​രു​ന്നു;*+ വെള്ളത്തി​ന്‌ അരികെ നട്ടിരുന്ന മുന്തി​രി​വ​ള്ളി​പോ​ലെ.

വെള്ളം ധാരാ​ള​മു​ണ്ടാ​യി​രു​ന്ന​തു​കൊണ്ട്‌ അതു ഫലം കായ്‌ച്ചു; അതിൽ നിറയെ ശാഖകൾ ഉണ്ടായി.

11 ഭരണാധിപന്റെ ചെങ്കോ​ലി​നു പറ്റിയ ബലമുള്ള ശാഖകൾ* അതിൽ ഉണ്ടായി.

അവളുടെ ബലമുള്ള ശാഖകൾ ഒടിച്ചു​ക​ളഞ്ഞു.+ ഉണങ്ങി​പ്പോയ അവയെ തീ തിന്നു​ക​ളഞ്ഞു.+

“‘ഇത്‌ ഒരു വിലാ​പ​ഗീ​ത​മാണ്‌, ഒരു വിലാ​പ​ഗീ​ത​മാ​യി പ്രചാ​ര​ത്തി​ലി​രി​ക്കു​ക​യും ചെയ്യും.’”

20 ഏഴാം വർഷം അഞ്ചാം മാസം പത്താം ദിവസം യഹോ​വ​യു​ടെ ഉപദേശം ആരായാൻ ഇസ്രാ​യേൽമൂ​പ്പ​ന്മാ​രിൽ ചിലർ വന്ന്‌ എന്റെ മുന്നിൽ ഇരുന്നു. 2 അപ്പോൾ, എനിക്ക്‌ യഹോ​വ​യു​ടെ സന്ദേശം കിട്ടി: 3 “മനുഷ്യ​പു​ത്രാ, ഇസ്രാ​യേൽമൂ​പ്പ​ന്മാ​രോ​ടു സംസാ​രി​ക്കൂ! അവരോ​ടു പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “എന്നോട്‌ ഉപദേശം ചോദി​ക്കാ​നാ​ണോ നിങ്ങളു​ടെ വരവ്‌? ‘ഞാനാണെ, നിങ്ങളു​ടെ ചോദ്യ​ത്തി​നു ഞാൻ ഉത്തരം തരില്ല’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”’

4 “നീ അവരെ വിധിക്കാൻ* തയ്യാറാ​ണോ? മനുഷ്യ​പു​ത്രാ, അവരെ വിധി​ക്കാൻ നീ തയ്യാറാ​ണോ? അവരുടെ പൂർവി​കർ എന്തെല്ലാം വൃത്തി​കേ​ടു​ക​ളാ​ണു ചെയ്‌തുകൂട്ടിയതെന്ന്‌+ അവരെ അറിയി​ക്കൂ! 5 അവരോടു പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ഇസ്രാ​യേ​ലി​നെ തിര​ഞ്ഞെ​ടുത്ത ദിവസം+ ഞാൻ യാക്കോ​ബു​ഗൃ​ഹ​ത്തി​ന്റെ സന്തതിയോട്‌* ഒരു സത്യവും* ചെയ്‌തു. ഈജി​പ്‌ത്‌ ദേശത്തു​വെച്ച്‌ ഞാൻ എന്നെ അവർക്കു വെളി​പ്പെ​ടു​ത്തി.+ അതെ, ഞാൻ അവരോ​ട്‌, ‘നിങ്ങളു​ടെ ദൈവ​മായ യഹോ​വ​യാ​ണു ഞാൻ’ എന്നു സത്യം ചെയ്‌ത്‌ പറഞ്ഞു. 6 ഞാൻ അവരെ ഈജി​പ്‌ത്‌ ദേശത്തു​നിന്ന്‌ വിടു​വിച്ച്‌ അവർക്കാ​യി കണ്ടുവെച്ച* ദേശ​ത്തേക്ക്‌, പാലും തേനും ഒഴുകുന്ന ദേശ​ത്തേക്ക്‌, കൊണ്ടുവരുമെന്ന്‌+ അന്നേ ദിവസം സത്യം ചെയ്‌തു. എല്ലാ ദേശങ്ങ​ളി​ലും​വെച്ച്‌ ഏറ്റവും മനോ​ഹ​ര​മായ ദേശമാ​യി​രു​ന്നു അത്‌.* 7 പിന്നെ, ഞാൻ അവരോ​ടു പറഞ്ഞു: ‘നിങ്ങൾ ഓരോ​രു​ത്ത​രും നിങ്ങളു​ടെ കൺമു​ന്നി​ലുള്ള വൃത്തി​കെട്ട വസ്‌തു​ക്ക​ളെ​ല്ലാം വലി​ച്ചെ​റി​യൂ! ഈജി​പ്‌തി​ലെ മ്ലേച്ഛവിഗ്രഹങ്ങൾകൊണ്ട്‌* നിങ്ങൾ നിങ്ങ​ളെ​ത്തന്നെ അശുദ്ധ​രാ​ക്ക​രുത്‌.+ നിങ്ങളു​ടെ ദൈവ​മായ യഹോ​വ​യാ​ണു ഞാൻ.’+

8 “‘“പക്ഷേ അവർ എന്നെ ധിക്കരി​ച്ചു. എന്നെ ശ്രദ്ധി​ക്കാൻ കൂട്ടാ​ക്കി​യ​തു​മില്ല. തങ്ങളുടെ കൺമു​ന്നി​ലു​ണ്ടാ​യി​രുന്ന വൃത്തി​കെട്ട വസ്‌തു​ക്കൾ അവർ വലി​ച്ചെ​റി​ഞ്ഞില്ല. ഈജി​പ്‌തി​ലെ മ്ലേച്ഛവി​ഗ്ര​ഹ​ങ്ങളെ ഉപേക്ഷി​ക്കാൻ അവർ തയ്യാറ​ല്ലാ​യി​രു​ന്നു.+ അതു​കൊണ്ട്‌, ഈജി​പ്‌തിൽവെ​ച്ചു​തന്നെ എന്റെ ക്രോധം അവരുടെ മേൽ ചൊരി​യു​മെ​ന്നും എന്റെ കോപം മുഴുവൻ അവരുടെ നേരെ അഴിച്ചു​വി​ടു​മെ​ന്നും ഞാൻ പ്രഖ്യാ​പി​ച്ചു. 9 പക്ഷേ അവരുടെ ചുറ്റു​മുള്ള ജനതക​ളു​ടെ മുന്നിൽ എന്റെ പേര്‌ അശുദ്ധ​മാ​കാ​തി​രി​ക്കാൻ എന്റെ പേരിനെ കരുതി ഞാൻ പ്രവർത്തി​ച്ചു.+ ഞാൻ അവരെ* ഈജി​പ്‌ത്‌ ദേശത്തു​നിന്ന്‌ വിടു​വിച്ച്‌ കൊണ്ടു​വ​ന്ന​പ്പോൾ ആ ജനതക​ളു​ടെ മുന്നിൽവെച്ച്‌ ഞാൻ എന്നെത്തന്നെ അവർക്കു* വെളി​പ്പെ​ടു​ത്തി​യ​താ​ണ​ല്ലോ.+ 10 അങ്ങനെ, ഞാൻ അവരെ ഈജി​പ്‌ത്‌ ദേശത്തു​നിന്ന്‌ വിടു​വിച്ച്‌ വിജന​ഭൂ​മി​യി​ലേക്കു നയിച്ചു.+

11 “‘“പിന്നെ, ഞാൻ എന്റെ നിയമങ്ങൾ അവർക്കു കൊടു​ത്തു, എന്റെ ന്യായ​ത്തീർപ്പു​കൾ അവരെ അറിയി​ച്ചു.+ അവ അനുസ​രി​ക്കുന്ന മനുഷ്യൻ അവയാൽ ജീവി​ക്കു​മാ​യി​രു​ന്നു.+ 12 കൂടാതെ, എനിക്കും അവർക്കും ഇടയിൽ ഒരു അടയാ​ള​മാ​യി​രി​ക്കാൻവേണ്ടി ഞാൻ എന്റെ ശബത്തു​ക​ളും അവർക്കു കൊടു​ത്തു.+ അവരെ വിശു​ദ്ധീ​ക​രി​ക്കു​ന്നത്‌ യഹോവ എന്ന ഞാനാ​ണെന്ന്‌ അവർ അറിയാൻവേ​ണ്ടി​യാ​ണു ഞാൻ അതു ചെയ്‌തത്‌.

13 “‘“പക്ഷേ ഇസ്രാ​യേൽഗൃ​ഹം വിജന​ഭൂ​മി​യിൽവെച്ച്‌ എന്നെ ധിക്കരി​ച്ചു.+ അവർ എന്റെ നിയമ​ങ്ങ​ള​നു​സ​രിച്ച്‌ നടന്നില്ല. എന്റെ ന്യായ​ത്തീർപ്പു​കൾ അവർ തള്ളിക്ക​ളഞ്ഞു. അവ അനുസ​രി​ക്കുന്ന മനുഷ്യൻ അവയാൽ ജീവി​ച്ചി​രി​ക്കു​മാ​യി​രു​ന്നു. അവർ എന്റെ ശബത്തുകൾ അങ്ങേയറ്റം അശുദ്ധ​മാ​ക്കി. അതു​കൊണ്ട്‌ അവരെ പാടേ നശിപ്പി​ക്കാൻ വിജന​ഭൂ​മി​യിൽവെച്ച്‌ അവരുടെ മേൽ ക്രോധം ചൊരി​യു​മെന്നു ഞാൻ പ്രഖ്യാ​പി​ച്ചു.+ 14 പക്ഷേ അവരെ* ഞാൻ വിടു​വിച്ച്‌ കൊണ്ടു​വ​രു​ന്നതു കണ്ട ആ ജനതക​ളു​ടെ മുന്നിൽ എന്റെ പേര്‌ അശുദ്ധ​മാ​കാ​തി​രി​ക്കാൻ എന്റെ സ്വന്തം പേരിനെ കരുതി ഞാൻ പ്രവർത്തി​ച്ചു.+ 15 പക്ഷേ, ഞാൻ അവർക്കു കൊടുത്ത പാലും തേനും ഒഴുകുന്ന ദേശ​ത്തേക്ക്‌,+ എല്ലാ ദേശങ്ങ​ളി​ലും​വെച്ച്‌ ഏറ്റവും മനോഹരമായ* ദേശ​ത്തേക്ക്‌, അവരെ കൊണ്ടു​വ​രി​ല്ലെന്നു വിജന​ഭൂ​മി​യിൽവെച്ച്‌ ഞാൻ അവരോ​ടു സത്യം ചെയ്‌ത്‌ പറഞ്ഞു.+ 16 കാരണം എന്റെ ന്യായ​ത്തീർപ്പു​കൾ അവർ തള്ളിക്ക​ളഞ്ഞു. അവർ എന്റെ നിയമ​ങ്ങ​ള​നു​സ​രിച്ച്‌ നടന്നില്ല. അവർ എന്റെ ശബത്തുകൾ അശുദ്ധ​മാ​ക്കി. അവരുടെ ഹൃദയം അവരുടെ മ്ലേച്ഛവി​ഗ്ര​ഹ​ങ്ങ​ളു​ടെ പിന്നാ​ലെ​യാ​യി​രു​ന്ന​ല്ലോ.+

17 “‘“പക്ഷേ, എനിക്ക്‌* അവരോ​ടു കനിവ്‌ തോന്നി. അവരെ ഞാൻ നശിപ്പി​ച്ചില്ല. ഞാൻ അവരെ വിജന​ഭൂ​മി​യിൽവെച്ച്‌ ഇല്ലായ്‌മ ചെയ്‌തില്ല. 18 അവിടെവെച്ച്‌ ഞാൻ അവരുടെ മക്കളോ​ടു പറഞ്ഞു:+ ‘നിങ്ങളു​ടെ പൂർവി​ക​രു​ടെ ചട്ടങ്ങളനുസരിച്ച്‌+ നടക്കു​ക​യോ അവരുടെ ന്യായ​ത്തീർപ്പു​കൾ പിൻപ​റ്റു​ക​യോ അവരുടെ മ്ലേച്ഛവി​ഗ്ര​ഹ​ങ്ങ​ളാൽ അശുദ്ധ​രാ​കു​ക​യോ അരുത്‌. 19 നിങ്ങളുടെ ദൈവ​മായ യഹോ​വ​യാ​ണു ഞാൻ. എന്റെ നിയമ​ങ്ങ​ള​നു​സ​രിച്ച്‌ നടക്കൂ! എന്റെ ന്യായ​ത്തീർപ്പു​കൾ പിൻപറ്റി അവ നടപ്പി​ലാ​ക്കൂ!+ 20 എന്റെ ശബത്തുകൾ വിശു​ദ്ധീ​ക​രി​ക്കുക.+ ഞാൻ നിങ്ങളു​ടെ ദൈവ​മായ യഹോ​വ​യാ​ണെന്നു നിങ്ങൾ അറിയാൻ അവ എനിക്കും നിങ്ങൾക്കും മധ്യേ ഒരു അടയാ​ള​മാ​യി​രി​ക്കും.’+

21 “‘“പക്ഷേ ആ മക്കൾ എന്നെ ധിക്കരി​ച്ചു​തു​ടങ്ങി.+ അവർ എന്റെ നിയമ​ങ്ങ​ള​നു​സ​രിച്ച്‌ നടന്നില്ല. എന്റെ ന്യായ​ത്തീർപ്പു​കൾ അവർ പാലി​ക്കു​ക​യോ നടപ്പാ​ക്കു​ക​യോ ചെയ്‌തില്ല. അവ അനുസ​രി​ക്കുന്ന മനുഷ്യൻ അവയാൽ ജീവി​ച്ചി​രി​ക്കു​മാ​യി​രു​ന്നു. എന്റെ ശബത്തുകൾ അവർ അശുദ്ധ​മാ​ക്കി. അതു​കൊണ്ട്‌, വിജന​ഭൂ​മി​യിൽവെച്ച്‌ എന്റെ ക്രോധം അവരുടെ മേൽ ചൊരി​യു​മെ​ന്നും എന്റെ കോപം മുഴുവൻ അവരുടെ നേരെ അഴിച്ചു​വി​ടു​മെ​ന്നും ഞാൻ പ്രഖ്യാ​പി​ച്ചു.+ 22 പക്ഷേ, ഞാൻ അതിൽനി​ന്ന്‌ പിന്തി​രി​ഞ്ഞു.+ അവരെ* ഞാൻ വിടു​വിച്ച്‌ കൊണ്ടു​വ​രു​ന്നതു കണ്ട ആ ജനതക​ളു​ടെ മുന്നിൽ എന്റെ പേര്‌ അശുദ്ധ​മാ​കാ​തി​രി​ക്കാൻ ഞാൻ എന്റെ സ്വന്തം പേരിനെ കരുതി പ്രവർത്തി​ക്കു​ക​യാ​യി​രു​ന്നു.+ 23 അവരെ ജനതക​ളു​ടെ ഇടയിൽ ചിതറി​ക്കു​മെ​ന്നും പല ദേശങ്ങ​ളി​ലേക്ക്‌ ഓടി​ച്ചു​ക​ള​യു​മെ​ന്നും വിജന​ഭൂ​മി​യിൽവെച്ച്‌ ഞാൻ അവരോ​ടു സത്യം ചെയ്‌ത്‌ പറയു​ക​യും ചെയ്‌തു.+ 24 കാരണം എന്റെ ന്യായ​ത്തീർപ്പു​കൾ അവർ പിൻപ​റ്റി​യില്ല. എന്റെ നിയമങ്ങൾ അവർ തള്ളിക്ക​ളഞ്ഞു.+ അവർ എന്റെ ശബത്തുകൾ അശുദ്ധ​മാ​ക്കി. അവരുടെ പൂർവി​ക​രു​ടെ മ്ലേച്ഛവി​ഗ്ര​ഹ​ങ്ങ​ളു​ടെ പുറ​കേ​യാ​യി​രു​ന്നു അവർ.*+ 25 ഗുണകരമല്ലാത്ത ചട്ടങ്ങളും ജീവൻ നേടാൻ സഹായി​ക്കാത്ത ന്യായ​ത്തീർപ്പു​ക​ളും പിൻപ​റ്റാൻ ഞാൻ അവരെ അനുവ​ദി​ക്കു​ക​യും ചെയ്‌തു.+ 26 സ്വന്തം ബലിക​ളാൽ അശുദ്ധ​രാ​കാൻ ഞാൻ അവരെ അനുവ​ദി​ച്ചു. അവരുടെ മൂത്ത ആൺമക്ക​ളെ​യെ​ല്ലാം അവർ തീയിൽ ദഹിപ്പി​ച്ച​ല്ലോ.*+ അവരെ ഇല്ലാതാ​ക്കാ​നും അങ്ങനെ ഞാൻ യഹോ​വ​യാ​ണെന്ന്‌ അവർ അറിയാ​നും വേണ്ടി​യാ​യി​രു​ന്നു ഞാൻ ഇത്‌ അനുവ​ദി​ച്ചത്‌.”’

27 “അതു​കൊണ്ട്‌ മനുഷ്യ​പു​ത്രാ, ഇസ്രാ​യേൽഗൃ​ഹ​ത്തോ​ടു സംസാ​രി​ക്കൂ! അവരോ​ടു പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ഈ രീതി​യി​ലും നിങ്ങളു​ടെ പൂർവി​കർ എന്നോട്‌ അവിശ്വ​സ്‌തത കാട്ടി എന്നെ അവഹേ​ളി​ച്ചു. 28 അവർക്കു കൊടു​ക്കു​മെന്നു സത്യം ചെയ്‌ത ദേശ​ത്തേക്കു ഞാൻ അവരെ കൊണ്ടു​വന്നു.+ ഉയർന്ന കുന്നു​ക​ളും ഇലത്തഴ​പ്പുള്ള മരങ്ങളും+ ഒക്കെ കണ്ടപ്പോൾ എന്നെ പ്രകോ​പി​പ്പി​ക്കുന്ന യാഗങ്ങ​ളും ബലിക​ളും അവർ അർപ്പി​ച്ചു​തു​ടങ്ങി. പ്രസാദിപ്പിക്കുന്ന* സുഗന്ധ​മാ​യി അവർ അവരുടെ ബലികൾ അവിടെ അർപ്പിച്ചു. പാനീ​യ​യാ​ഗ​ങ്ങ​ളും അവിടെ ഒഴിച്ചു. 29 അതുകൊണ്ട്‌, ഞാൻ അവരോ​ട്‌, ‘നിങ്ങൾ ആരാധ​ന​യ്‌ക്കുള്ള ഉയർന്ന സ്ഥലത്തേക്കു പോകു​ന്നത്‌ എന്തിനാ​ണ്‌’ എന്നു ചോദി​ച്ചു. (ഇന്നുവ​രെ​യും ഉയർന്ന സ്ഥലം എന്നാണ്‌ അത്‌ അറിയ​പ്പെ​ടു​ന്നത്‌.)”’+

30 “അതു​കൊണ്ട്‌, ഇപ്പോൾ ഇസ്രാ​യേൽഗൃ​ഹ​ത്തോ​ടു പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “മ്ലേച്ഛവി​ഗ്ര​ഹ​ങ്ങ​ളു​ടെ പിന്നാലെ പോയി അവയു​മാ​യി ആത്മീയ​വേ​ശ്യാ​വൃ​ത്തി ചെയ്‌ത്‌ അശുദ്ധ​രായ നിങ്ങളു​ടെ പൂർവി​ക​രെ​പ്പോ​ലെ നടന്ന്‌ നിങ്ങളും അശുദ്ധ​രാ​കു​ക​യാ​ണോ?+ 31 നിങ്ങളുടെ മ്ലേച്ഛവി​ഗ്ര​ഹ​ങ്ങൾക്കെ​ല്ലാം ബലിയാ​യി സ്വന്തം പുത്ര​ന്മാ​രെ തീയിൽ ദഹിപ്പിച്ച്‌*+ നിങ്ങൾ ഇന്നും നിങ്ങ​ളെ​ത്തന്നെ അശുദ്ധ​രാ​ക്കു​ക​യാ​ണോ? ഇസ്രാ​യേൽഗൃ​ഹമേ, ഇങ്ങനെ​യി​രി​ക്കെ നിങ്ങൾ ഉപദേശം ആരായു​മ്പോ​ഴെ​ല്ലാം ഞാൻ മറുപടി പറയണ​മെ​ന്നാ​ണോ?”’+

“പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു: ‘ഞാനാണെ, ഞാൻ നിങ്ങൾക്ക്‌ ഉത്തരം തരില്ല.+ 32 “നമുക്കു മറ്റു ദേശങ്ങ​ളി​ലെ ആളുക​ളെ​പ്പോ​ലെ, മരത്തെ​യും കല്ലി​നെ​യും ആരാധിക്കുന്ന* ജനതക​ളെ​പ്പോ​ലെ, ആകാം”+ എന്നു പറയു​മ്പോൾ നിങ്ങളു​ടെ മനസ്സിലിരുപ്പ്‌* എന്താണോ അതൊ​ന്നും ഒരിക്ക​ലും നടക്കാൻപോ​കു​ന്നില്ല.’”

33 “പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു: ‘ഞാനാണെ, ബലമുള്ള കൈ​കൊ​ണ്ടും നീട്ടിയ കരം​കൊ​ണ്ടും ഉഗ്ര​കോ​പം ചൊരി​ഞ്ഞു​കൊ​ണ്ടും ഞാൻ നിങ്ങളെ ഭരിക്കും.+ 34 ഞാൻ എന്റെ ഉഗ്ര​കോ​പ​ത്തിൽ എന്റെ ബലമുള്ള കൈ​കൊ​ണ്ടും നീട്ടിയ കരം​കൊ​ണ്ടും ഏതു ജനതക​ളു​ടെ ഇടയി​ലേ​ക്കാ​ണോ നിങ്ങളെ ചിതറി​ച്ചു​ക​ള​ഞ്ഞത്‌, അവി​ടെ​നിന്ന്‌ നിങ്ങളെ പുറത്ത്‌ കൊണ്ടു​വ​രും; ചിതറി​പ്പോയ ദേശങ്ങ​ളിൽനിന്ന്‌ നിങ്ങളെ ഒരുമി​ച്ചു​കൂ​ട്ടും.+ 35 ഞാൻ നിങ്ങളെ ജനതക​ളു​ടെ മരുഭൂമിയിലേക്കു* കൊണ്ടു​വന്ന്‌ അവി​ടെ​വെച്ച്‌ നിങ്ങ​ളോ​ടു മുഖാ​മു​ഖം വാദിച്ച്‌ നിങ്ങളെ വിസ്‌ത​രി​ക്കും.+

36 “‘ഈജി​പ്‌ത്‌ ദേശത്തെ വിജന​ഭൂ​മി​യിൽവെച്ച്‌ നിങ്ങളു​ടെ പൂർവി​കരെ ഞാൻ വിസ്‌ത​രി​ച്ച​തു​പോ​ലെ നിങ്ങ​ളെ​യും ഞാൻ വിസ്‌ത​രി​ക്കും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. 37 ‘ഞാൻ നിങ്ങളെ ഇടയന്റെ കോലി​നു കീഴി​ലൂ​ടെ കടത്തി​വി​ടും.+ നിങ്ങളെ ഞാൻ ഉടമ്പടി​യിൻകീ​ഴി​ലാ​ക്കും.* 38 പക്ഷേ, ധിക്കാ​രി​ക​ളെ​യും എന്റെ നിയമം ലംഘി​ക്കു​ന്ന​വ​രെ​യും നിങ്ങളു​ടെ ഇടയിൽനി​ന്ന്‌ ഞാൻ നീക്കി​ക്ക​ള​യും.+ അവർ വിദേ​ശി​ക​ളാ​യി കഴിഞ്ഞി​രുന്ന നാട്ടിൽനി​ന്ന്‌ ഞാൻ അവരെ പുറത്ത്‌ കൊണ്ടു​വ​രും. പക്ഷേ, ഇസ്രാ​യേൽ ദേശത്ത്‌ അവർ പ്രവേ​ശി​ക്കില്ല.+ അങ്ങനെ, ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.’

39 “ഇസ്രാ​യേൽഗൃ​ഹമേ, നിങ്ങ​ളെ​ക്കു​റിച്ച്‌ പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: ‘നിങ്ങൾ പോയി സ്വന്തം മ്ലേച്ഛവി​ഗ്ര​ഹ​ങ്ങളെ സേവിക്കൂ!+ എന്നാൽ, അതിനു ശേഷം നിങ്ങൾ ഞാൻ പറയു​ന്നതു ശ്രദ്ധി​ച്ചി​ല്ലെ​ങ്കി​ലും, നിങ്ങളു​ടെ ബലിക​ളാ​ലോ മ്ലേച്ഛവി​ഗ്ര​ഹ​ങ്ങ​ളാ​ലോ എന്റെ വിശു​ദ്ധ​നാ​മത്തെ അശുദ്ധ​മാ​ക്കാൻ നിങ്ങൾക്കു കഴിയില്ല!’+

40 “പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു: ‘ദേശത്ത്‌ എന്റെ വിശു​ദ്ധ​പർവ​ത​ത്തിൽ, ഇസ്രാ​യേ​ലി​ലെ ഒരു ഉയർന്ന പർവത​ത്തിൽ,+ ആയിരി​ക്കും ഇസ്രാ​യേൽഗൃ​ഹം മുഴുവൻ ഒന്നൊ​ഴി​യാ​തെ എന്നെ സേവി​ക്കു​ന്നത്‌.+ അവരോ​ട്‌ എനിക്കു പ്രീതി തോന്നും. നിങ്ങളു​ടെ വിശു​ദ്ധ​വ​സ്‌തു​ക്ക​ളായ സംഭാ​വ​ന​ക​ളും യാഗങ്ങ​ളു​ടെ ആദ്യഫ​ല​ങ്ങ​ളും മുഴുവൻ ഞാൻ പ്രതീ​ക്ഷി​ക്കും.+ 41 ഏതു ജനതക​ളു​ടെ ഇടയി​ലേ​ക്കാ​ണോ നിങ്ങളെ ചിതറി​ച്ചു​ക​ള​ഞ്ഞത്‌, അവരുടെ ഇടയിൽനി​ന്ന്‌ ഞാൻ നിങ്ങളെ പുറത്ത്‌ കൊണ്ടു​വ​രു​ക​യും നിങ്ങൾ ചിതറി​പ്പോയ ദേശങ്ങ​ളിൽനിന്ന്‌ നിങ്ങളെ ഒരുമി​ച്ചു​കൂ​ട്ടു​ക​യും ചെയ്യു​മ്പോൾ,+ പ്രസാദിപ്പിക്കുന്ന* സുഗന്ധം നിമിത്തം എനിക്കു നിങ്ങ​ളോ​ടു പ്രീതി തോന്നും. ജനതകൾ കാൺകെ നിങ്ങളു​ടെ ഇടയിൽ ഞാൻ വിശു​ദ്ധീ​ക​രി​ക്ക​പ്പെ​ടും.’+

42 “‘ഞാൻ നിങ്ങളു​ടെ പൂർവി​കർക്കു കൊടു​ക്കു​മെന്നു സത്യം ചെയ്‌ത ഇസ്രാ​യേൽ ദേശ​ത്തേക്കു നിങ്ങളെ കൊണ്ടുവരുമ്പോൾ+ ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.+ 43 നിങ്ങളെ അശുദ്ധ​രാ​ക്കിയ നിങ്ങളു​ടെ ജീവി​ത​രീ​തി​യും സകല പ്രവൃ​ത്തി​ക​ളും അവി​ടെ​വെച്ച്‌ നിങ്ങൾ ഓർക്കും.+ നിങ്ങൾ ചെയ്‌തു​കൂ​ട്ടിയ മോശ​മായ എല്ലാ കാര്യ​ങ്ങ​ളും ഓർത്ത്‌ നിങ്ങൾക്കു നിങ്ങളോടുതന്നെ* അറപ്പു തോന്നും.+ 44 ഇസ്രായേൽഗൃഹമേ, ഞാൻ നിങ്ങ​ളോ​ടു നിങ്ങളു​ടെ ദുഷിച്ച ജീവി​ത​രീ​തി​ക്കോ നിങ്ങളു​ടെ വഷളത്ത​ത്തി​നോ അനുസൃ​ത​മാ​യി ഇടപെ​ടാ​തെ എന്റെ പേരിനെ ഓർത്ത്‌ ഇടപെ​ടു​മ്പോൾ ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

45 എനിക്കു വീണ്ടും യഹോ​വ​യു​ടെ സന്ദേശം കിട്ടി: 46 “മനുഷ്യ​പു​ത്രാ, നിന്റെ മുഖം തെക്കോ​ട്ടു തിരിച്ച്‌ തെക്കേ ദിക്കി​നോ​ടു ഘോഷി​ക്കൂ! തെക്കുള്ള വനപ്ര​ദേ​ശ​ത്തോ​ടു പ്രവചി​ക്കൂ! 47 തെക്കുള്ള വനത്തോ​ട്‌ ഇങ്ങനെ പറയണം: ‘യഹോ​വ​യു​ടെ സന്ദേശം കേൾക്കൂ! പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ഞാൻ ഇതാ, നിന്റെ നേരെ ഒരു തീ അയയ്‌ക്കു​ന്നു.+ നിന്റെ എല്ലാ പച്ചമര​ങ്ങ​ളെ​യും ഉണക്കമ​ര​ങ്ങ​ളെ​യും അതു ചുട്ടു​ചാ​മ്പ​ലാ​ക്കും. ആ തീജ്വാല ആരും കെടു​ത്തില്ല.+ തെക്കു​മു​തൽ വടക്കു​വരെ എല്ലാ മുഖങ്ങ​ളും അതിന്റെ ചൂടേറ്റ്‌ പൊള്ളി​പ്പോ​കും. 48 യഹോവ എന്ന ഞാനാണ്‌ ആ തീ അയച്ച​തെന്നു സകല ആളുക​ളും മനസ്സി​ലാ​ക്കും. അതു​കൊ​ണ്ടു​തന്നെ അത്‌ ആരും കെടു​ത്തില്ല.”’”+

49 അപ്പോൾ ഞാൻ പറഞ്ഞു: “അയ്യോ, പരമാ​ധി​കാ​രി​യായ യഹോവേ, അവർ എന്നെക്കു​റിച്ച്‌, ‘അവൻ പറയു​ന്ന​തൊ​ക്കെ വെറും കടങ്കഥ​ക​ളാണ്‌’* എന്നു പറയുന്നു.”

21 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, നിന്റെ മുഖം യരുശ​ലേ​മി​നു നേർക്കു തിരിക്കൂ! വിശു​ദ്ധ​സ്ഥ​ല​ങ്ങൾക്കെ​തി​രെ ഘോഷി​ക്കൂ! ഇസ്രാ​യേൽ ദേശത്തി​ന്‌ എതിരെ പ്രവചി​ക്കൂ! 3 ഇസ്രായേൽ ദേശ​ത്തോ​ടു പറയണം: ‘യഹോവ പറയുന്നു: “ഞാൻ ഇതാ, നിനക്ക്‌ എതിരാ​ണ്‌. ഞാൻ എന്റെ വാൾ ഉറയിൽനി​ന്ന്‌ ഊരി+ നിന്റെ ഇടയി​ലുള്ള നീതി​മാ​ന്മാ​രെ​യും ദുഷ്ടന്മാ​രെ​യും നിഗ്ര​ഹി​ക്കും. 4 നിന്റെ ഇടയി​ലുള്ള നീതി​മാ​ന്മാ​രെ​യും ദുഷ്ടന്മാ​രെ​യും നിഗ്ര​ഹി​ക്കാൻ ഉദ്ദേശി​ക്കു​ന്ന​തു​കൊണ്ട്‌ തെക്കു​മു​തൽ വടക്കു​വ​രെ​യുള്ള എല്ലാവർക്കും എതിരെ ഞാൻ എന്റെ വാൾ ഊരും. 5 യഹോവ എന്ന ഞാൻ എന്റെ വാൾ ഉറയിൽനി​ന്ന്‌ ഊരി​യെന്നു ജനം മുഴുവൻ അറി​യേ​ണ്ടി​വ​രും. ഇനി ഒരിക്ക​ലും അതു തിരിച്ച്‌ ഉറയിൽ ഇടില്ല.”’+

6 “മനുഷ്യ​പു​ത്രാ, നീ* വിറയ​ലോ​ടെ നെടു​വീർപ്പി​ടുക. അവർ കാൺകെ അതിദുഃ​ഖ​ത്തോ​ടെ നെടു​വീർപ്പി​ടൂ!+ 7 അവർ നിന്നോ​ട്‌, ‘എന്തിനാ​ണു നെടു​വീർപ്പി​ടു​ന്നത്‌’ എന്നു ചോദി​ച്ചാൽ ‘ഒരു വാർത്ത കേട്ടി​ട്ടാണ്‌’ എന്നു പറയണം. കാരണം, അതു നിശ്ചയ​മാ​യും വരും. എല്ലാവ​രു​ടെ​യും ഹൃദയം പേടിച്ച്‌ ഉരുകി​പ്പോ​കും. എല്ലാ കൈക​ളും തളർന്ന്‌ തൂങ്ങും. എല്ലാവരും* നിരാ​ശ​യി​ലാ​കും. സകലരു​ടെ​യും കാൽമു​ട്ടു​ക​ളിൽനിന്ന്‌ വെള്ളം ഇറ്റിറ്റു​വീ​ഴും.*+ ‘അതു നിശ്ചയ​മാ​യും വരും! അതു സംഭവി​ച്ചി​രി​ക്കും!’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

8 എനിക്കു വീണ്ടും യഹോ​വ​യു​ടെ സന്ദേശം കിട്ടി: 9 “മനുഷ്യ​പു​ത്രാ, ഇങ്ങനെ പ്രവചി​ക്കൂ: ‘യഹോവ പറയു​ന്നത്‌ ഇതാണ്‌: “ഇങ്ങനെ പറയൂ: ‘ഒരു വാൾ! ഒരു വാൾ!+ അതിനു മൂർച്ച കൂട്ടി​യി​രി​ക്കു​ന്നു. അതു മിനു​ക്കി​യെ​ടു​ത്തി​രി​ക്കു​ന്നു. 10 ഒരു മഹാസം​ഹാ​ര​ത്തി​നു​വേണ്ടി അതിന്റെ മൂർച്ച കൂട്ടി​യി​രി​ക്കു​ന്നു. മിന്നൽപോ​ലെ വെട്ടി​ത്തി​ള​ങ്ങാൻ അതു മിനു​ക്കി​യെ​ടു​ത്തി​രി​ക്കു​ന്നു.’”’”

“നമ്മൾ സന്തോ​ഷി​ക്കേ​ണ്ട​തല്ലേ?”

“‘അതു* മരങ്ങ​ളെ​യൊ​ന്നും വകവെ​ക്കാ​ത്ത​തു​പോ​ലെ എന്റെ മകന്റെ ചെങ്കോ​ലി​നെ​യും വകവെ​ക്കാ​തി​രി​ക്കു​മോ?+

11 “‘അതു മിനു​ക്കി​യെ​ടു​ക്കാൻ കൊടു​ത്തി​രി​ക്കു​ന്നു. കൈയി​ലെ​ടുത്ത്‌ പ്രയോ​ഗി​ക്കാ​നു​ള്ള​താണ്‌ അത്‌. വധനിർവാഹകന്റെ+ കൈയിൽ കൊടു​ക്കാൻ ആ വാൾ മൂർച്ച കൂട്ടി മിനു​ക്കി​യെ​ടു​ത്തി​രി​ക്കു​ന്നു.

12 “‘മനുഷ്യ​പു​ത്രാ, അലമു​റ​യിട്ട്‌ കരയൂ!+ അത്‌ എന്റെ ജനത്തിന്‌ എതിരെ വന്നിരി​ക്കു​ന്നു. ഇസ്രാ​യേ​ലി​ലെ എല്ലാ തലവന്മാർക്കെ​തി​രെ​യും അതു വന്നിരി​ക്കു​ന്നു.+ എന്റെ ജനത്തോ​ടൊ​പ്പം അവരുടെ തലവന്മാ​രും വാളിന്‌ ഇരയാ​കും. അതു​കൊണ്ട്‌, വ്യസന​ത്തോ​ടെ നിന്റെ തുടയിൽ അടിക്കൂ! 13 കാരണം, പരി​ശോ​ധന നടത്തി​ക്ക​ഴി​ഞ്ഞു.+ വാൾ ചെങ്കോ​ലി​നെ വകവെ​ക്കാ​തി​രു​ന്നാൽ എന്തായി​രി​ക്കും സംഭവി​ക്കുക? അത്‌* ഇല്ലാതാ​കും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

14 “മനുഷ്യ​പു​ത്രാ, നീ പ്രവചി​ക്കൂ! കൈ കൊട്ടി​ക്കൊണ്ട്‌ ‘ഒരു വാൾ’ എന്നു മൂന്നു പ്രാവ​ശ്യം പറയുക. അത്‌ ആളുകളെ അരിഞ്ഞു​വീ​ഴ്‌ത്തുന്ന വാളാണ്‌. മഹാസം​ഹാ​ര​ത്തി​ന്റെ വാൾ! അത്‌ അവർക്കു ചുറ്റു​മുണ്ട്‌.+ 15 പേടികൊണ്ട്‌ അവരുടെ ഹൃദയം ഉരുകി​പ്പോ​കും.+ അവരുടെ നഗരക​വാ​ട​ങ്ങ​ളിൽ അനേകർ വീഴും. വാളു​കൊണ്ട്‌ ഞാൻ കൂട്ട​ക്കൊല നടത്തും. അതെ, മിന്നൽപോ​ലെ അതു വെട്ടി​ത്തി​ള​ങ്ങു​ന്നു! സംഹാ​ര​ത്തി​നു​വേണ്ടി അതു മിനു​ക്കി​യെ​ടു​ത്തി​രി​ക്കു​ന്നു! 16 വാൾ നേരെ വലത്തോ​ട്ടു വീശൂ! ഇടത്തോ​ട്ടു വെട്ടൂ! വായ്‌ത്തല തിരി​യു​ന്നി​ട​ത്തേ​ക്കെ​ല്ലാം വെട്ടുക. 17 ഞാനും കൈ കൊട്ടും. എന്റെ ഉഗ്ര​കോ​പം ശമിക്കു​ക​യും ചെയ്യും.+ യഹോവ എന്ന ഞാനാണ്‌ ഇതു പറയു​ന്നത്‌.”

18 എനിക്കു വീണ്ടും യഹോ​വ​യു​ടെ സന്ദേശം കിട്ടി: 19 “മനുഷ്യ​പു​ത്രാ, ബാബി​ലോൺരാ​ജാ​വി​ന്റെ വാളിനു വരാനുള്ള രണ്ടു വഴികൾ നീ അടയാ​ള​പ്പെ​ടു​ത്തുക. രണ്ടു വഴിയും ഒരേ ദേശത്തു​നിന്ന്‌ പുറ​പ്പെ​ടണം. രണ്ടു നഗരങ്ങ​ളി​ലേ​ക്കാ​യി വഴി പിരി​യു​ന്നി​ടത്ത്‌ ഒരു ചൂണ്ടുപലക* വെക്കണം. 20 വാളിന്‌ അമ്മോ​ന്യ​രു​ടെ രബ്ബയ്‌ക്കെതിരെ+ വരാൻ നീ ഒരു വഴി അടയാ​ള​പ്പെ​ടു​ത്തണം. മറ്റേ വഴി യഹൂദ​യി​ലെ കോട്ട​മ​തി​ലുള്ള യരുശലേമിലേക്കും+ അടയാ​ള​പ്പെ​ടു​ത്തണം. 21 ഭാവിഫലം നോക്കാൻ ബാബി​ലോൺരാ​ജാവ്‌, വഴി രണ്ടായി പിരി​യുന്ന ആ സ്ഥലത്ത്‌ നിൽക്കു​ന്നു. അവൻ അമ്പു കുലു​ക്കു​ന്നു. വിഗ്രഹങ്ങളോട്‌* ഉപദേശം ചോദി​ക്കു​ന്നു. അവൻ കരൾ നോക്കു​ന്നു. 22 ഭാവിഫലം അവന്റെ വലതു​കൈ​യി​ലുണ്ട്‌. അത്‌ യരുശ​ലേ​മി​ലേക്കു പോകാൻ നിർദേ​ശി​ക്കു​ന്നു. അവിടെ ചെന്ന്‌ യന്ത്രമു​ട്ടി​കൾ സ്ഥാപി​ക്കാ​നും കൂട്ട​ക്കൊ​ല​യ്‌ക്ക്‌ ഉത്തരവി​ടാ​നും യുദ്ധാ​രവം മുഴക്കാ​നും കവാട​ങ്ങൾക്കു നേരെ യന്ത്രമു​ട്ടി​കൾ സ്ഥാപി​ക്കാ​നും ആക്രമി​ക്കാൻവേണ്ടി ചെരിഞ്ഞ തിട്ടകൾ ഉണ്ടാക്കാ​നും ഉപരോധമതിൽ+ പണിയാ​നും ആണ്‌ നിർദേശം. 23 പക്ഷേ, അവരോ​ട്‌ ആണയിട്ടവർക്ക്‌* അത്‌ ഒരു വ്യാജ ഭാവി​ഫ​ല​പ്ര​വ​ച​ന​മാ​യേ തോന്നൂ.+ പക്ഷേ, അവരുടെ കുറ്റം മറന്നു​ക​ള​യാ​തെ അവൻ അവരെ പിടി​കൂ​ടും.+

24 “അതു​കൊണ്ട്‌, പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: ‘നിങ്ങൾ നിങ്ങളു​ടെ ലംഘനങ്ങൾ പരസ്യ​മാ​ക്കി. നിങ്ങളു​ടെ പ്രവൃ​ത്തി​ക​ളി​ലെ​ല്ലാം നിങ്ങളു​ടെ പാപം കാണാം. അതുവഴി, നിങ്ങളു​ടെ കുറ്റം ഓർക്കാൻ നിങ്ങൾ ഇടവരു​ത്തി​യി​രി​ക്കു​ന്നു. അങ്ങനെ നിങ്ങളെ ഓർത്ത​തു​കൊണ്ട്‌ നിങ്ങളെ ബലമായി* പിടി​ച്ചു​കൊ​ണ്ടു​പോ​കും.’

25 “ദുഷ്ടനായ ഇസ്രാ​യേൽത​ല​വനേ,+ മാരക​മാ​യി മുറി​വേ​റ്റ​വനേ, നിന്റെ ദിവസം, നിന്റെ അന്തിമ​ശി​ക്ഷ​യു​ടെ സമയം, വന്നിരി​ക്കു​ന്നു. 26 പരമാധികാരിയായ യഹോവ പറയു​ന്നത്‌ ഇതാണ്‌: ‘തലപ്പാവ്‌ ഊരുക! കിരീടം നീക്കുക!+ കാര്യ​ങ്ങ​ളൊ​ന്നും ഇനി പഴയതു​പോ​ലെ​യാ​യി​രി​ക്കില്ല.+ താഴ്‌ന്ന​വനെ ഉയർത്തൂ!+ ഉയർന്ന​വനെ താഴ്‌ത്തൂ!+ 27 നാശം! അതിനു നാശം! അതിനെ ഞാൻ നാശകൂ​മ്പാ​ര​മാ​ക്കും! നിയമ​പ​ര​മാ​യി അവകാ​ശ​മു​ള്ളവൻ വരുന്ന​തു​വരെ അത്‌ ആരു​ടേ​തു​മാ​യി​രി​ക്കില്ല.+ അവകാ​ശ​മു​ള്ളവൻ വരു​മ്പോൾ ഞാൻ അത്‌ അവനു കൊടു​ക്കും.’+

28 “മനുഷ്യ​പു​ത്രാ, നീ ഇങ്ങനെ പ്രവചി​ക്കണം: ‘അമ്മോ​ന്യ​രെ​ക്കു​റി​ച്ചും അവരുടെ അധി​ക്ഷേ​പ​ത്തെ​ക്കു​റി​ച്ചും പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌.’ നീ അവരോ​ടു പറയണം: ‘ഒരു വാൾ! കൂട്ട​ക്കൊല ചെയ്യാൻ ഒരു വാൾ ഊരി​യി​രി​ക്കു​ന്നു. വിഴു​ങ്ങി​ക്ക​ള​യാ​നും മിന്നൽപോ​ലെ വെട്ടി​ത്തി​ള​ങ്ങാ​നും അതു മിനു​ക്കി​യെ​ടു​ത്തി​രി​ക്കു​ന്നു. 29 നിന്നെക്കുറിച്ച്‌ വ്യാജ​മായ ദർശന​ങ്ങ​ളും ഭാവി​ഫ​ല​പ്ര​വ​ച​ന​വും ഉണ്ടെങ്കി​ലും തങ്ങളുടെ ദിവസം വന്നെത്തിയ ദുഷ്ടന്മാ​രു​ടെ ശവങ്ങൾക്കു* മുകളിൽ, തങ്ങളുടെ അന്തിമ​ശി​ക്ഷ​യു​ടെ സമയം വന്നവരു​ടെ ജഡങ്ങൾക്കു* മുകളിൽ, നിന്നെ കൂമ്പാ​രം​കൂ​ട്ടും. 30 അതു തിരിച്ച്‌ ഉറയിൽ ഇടുക. നിന്നെ സൃഷ്ടിച്ച സ്ഥലത്തു​വെച്ച്‌, നിന്റെ ജന്മദേ​ശ​ത്തു​വെ​ച്ചു​തന്നെ, നിന്നെ ഞാൻ വിധി​ക്കും. 31 എന്റെ ധാർമി​ക​രോ​ഷം ഞാൻ നിന്റെ മേൽ ചൊരി​യും. ഞാൻ എന്റെ കോപാ​ഗ്നി നിന്റെ നേരെ അയയ്‌ക്കും. ഞാൻ നിന്നെ സംഹാ​ര​വി​രു​ത​രായ നിഷ്‌ഠു​ര​ന്മാ​രു​ടെ കൈയിൽ ഏൽപ്പി​ക്കും.+ 32 നിന്നെ തീ തിന്നു​ക​ള​യും.+ ദേശത്ത്‌ നിന്റെ രക്തം വീഴും. നിന്നെ ആരും ഓർക്കു​ക​യില്ല. കാരണം, യഹോവ എന്ന ഞാനാണ്‌ ഇതു പറഞ്ഞി​രി​ക്കു​ന്നത്‌.’”

22 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, രക്തച്ചൊ​രി​ച്ചി​ലി​ന്റെ കുറ്റമുള്ള നഗരത്തിന്റെ+ വിധി പ്രഖ്യാ​പി​ക്കാൻ നീ തയ്യാറാ​ണോ?* അവളുടെ വൃത്തികേടുകളെല്ലാം+ അവളെ ബോധ്യ​പ്പെ​ടു​ത്താൻ നീ തയ്യാറാ​ണോ? 3 നീ പറയേ​ണ്ടത്‌ ഇതാണ്‌: ‘പരമാ​ധി​കാ​രി​യായ യഹോവ പറയുന്നു: “സ്വന്തം നാട്ടിൽ രക്തം ചൊരി​യുന്ന നഗരമേ,+ മ്ലേച്ഛവിഗ്രഹങ്ങളെ* ഉണ്ടാക്കി സ്വയം അശുദ്ധ​യാ​കു​ന്ന​വളേ,+ നിന്റെ സമയം വരുന്നു.+ 4 നിന്റെ രക്തച്ചൊ​രി​ച്ചിൽ നിന്നെ കുറ്റക്കാ​രി​യാ​ക്കി​യി​രി​ക്കു​ന്നു.+ നിന്റെ മ്ലേച്ഛവി​ഗ്ര​ഹങ്ങൾ നിന്നെ അശുദ്ധ​യാ​ക്കി​യി​രി​ക്കു​ക​യാണ്‌.+ നിന്റെ അന്ത്യം ഇത്ര വേഗം വിളി​ച്ചു​വ​രു​ത്തി​യതു നീത​ന്നെ​യാ​ണ​ല്ലോ. നിന്റെ ആയുസ്സു തീരാ​റാ​യി. അതു​കൊണ്ട്‌, ഞാൻ നിന്നെ ജനതകൾക്ക്‌ ഒരു നിന്ദാ​പാ​ത്ര​വും ദേശങ്ങൾക്കെ​ല്ലാം ഒരു പരിഹാ​സ​പാ​ത്ര​വും ആക്കും.+ 5 ദുഷ്‌പേരുള്ളവളേ! ക്രമസ​മാ​ധാ​നം തകർന്ന​വളേ! നിന്റെ അടുത്തും അകലെ​യും ഉള്ള ദേശങ്ങൾ നിന്നെ പരിഹ​സി​ക്കും.+ 6 നിന്നിലുള്ള ഓരോ ഇസ്രാ​യേൽത​ല​വ​നും അവന്റെ അധികാ​രം ഉപയോ​ഗിച്ച്‌ രക്തം ചിന്തുന്നു.+ 7 നിന്നിലുള്ളവർ തങ്ങളുടെ അപ്പനോ​ടും അമ്മയോ​ടും നിന്ദ​യോ​ടെ പെരു​മാ​റു​ന്നു.+ നിങ്ങളു​ടെ ഇടയിൽ താമസ​മാ​ക്കിയ വിദേ​ശി​യെ അവർ ചതിക്കു​ന്നു. അനാഥനെയും* വിധവ​യെ​യും അവർ ദ്രോ​ഹി​ക്കു​ന്നു.”’”+

8 “‘എന്റെ വിശു​ദ്ധ​സ്ഥ​ല​ങ്ങ​ളോ​ടു നിനക്കു പുച്ഛമാ​ണ്‌. എന്റെ ശബത്തുകൾ നീ അശുദ്ധ​മാ​ക്കു​ന്നു.+ 9 രക്തം ചൊരി​യാൻ ലക്ഷ്യമി​ട്ട്‌ നടക്കുന്ന പരദൂ​ഷ​ണ​ക്കാർ നിന്നി​ലുണ്ട്‌.+ അവർ നിന്റെ മലകളിൽവെച്ച്‌ ബലിവ​സ്‌തു​ക്കൾ കഴിക്കു​ന്നു; നിന്റെ നടുവിൽ വഷളത്തം കാട്ടുന്നു.+ 10 അവർ സ്വന്തം അപ്പന്റെ കിടക്കയെ അപമാ​നി​ക്കു​ന്നു.*+ ആർത്തവ​ത്താൽ അശുദ്ധ​യാ​യി​രി​ക്കുന്ന സ്‌ത്രീ​യു​ടെ​കൂ​ടെ കിടക്കു​ന്നു.+ 11 അവിടെ ഒരു മനുഷ്യൻ അയൽക്കാ​രന്റെ ഭാര്യ​യോ​ടു വൃത്തി​കേടു കാണി​ക്കു​ന്നു.+ മറ്റൊ​രാൾ സ്വന്തം മരുമ​ക​ളോ​ടു വഷളത്തം കാണിച്ച്‌ അവളെ അശുദ്ധ​യാ​ക്കു​ന്നു.+ വേറൊ​രാൾ സ്വന്തം അപ്പന്റെ മകളായ തന്റെ സഹോ​ദ​രി​യു​മാ​യി ശാരീ​രി​ക​ബ​ന്ധ​ത്തി​ലേർപ്പെ​ടു​ന്നു.+ 12 അവിടെ അവർ കൈക്കൂ​ലി വാങ്ങി രക്തം ചിന്തുന്നു.+ വായ്‌പ കൊടു​ക്കു​മ്പോൾ നീ പലിശ ഈടാക്കുകയും+ ലാഭം ഉണ്ടാക്കുകയും* ചെയ്യുന്നു. അയൽക്കാ​രനെ ഞെക്കിപ്പിഴിഞ്ഞ്‌+ പണം ഉണ്ടാക്കു​ന്നു. അതെ, നീ എന്നെ പാടേ മറന്നു’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

13 “‘നീ അന്യാ​യ​മാ​യി ഉണ്ടാക്കിയ ലാഭവും നിന്റെ നടുവി​ലെ രക്തച്ചൊ​രി​ച്ചി​ലും കാരണം ഞാൻ ഇതാ, വെറു​പ്പോ​ടെ കൈ കൊട്ടു​ന്നു. 14 നിന്റെ ഈ ധൈര്യമൊക്കെ* ഞാൻ നിനക്ക്‌ എതിരെ നടപടി​യെ​ടു​ക്കു​മ്പോ​ഴും കാണു​മോ? അന്നും നിന്റെ കൈകൾക്ക്‌ ഇതേ ബലംത​ന്നെ​യു​ണ്ടാ​കു​മോ?+ യഹോവ എന്ന ഞാനാണു പറയു​ന്നത്‌; ഞാൻ നടപടി​യെ​ടു​ക്കും. 15 ഞാൻ നിന്നെ ജനതക​ളു​ടെ ഇടയി​ലേക്കു ചിതറി​ക്കും. പല ദേശങ്ങ​ളി​ലേക്ക്‌ ഓടി​ച്ചു​ക​ള​യും.+ നിന്റെ അശുദ്ധി ഞാൻ ഇല്ലാതാ​ക്കും.+ 16 ജനതകളുടെ മുന്നിൽ നീ അപമാ​നി​ത​യാ​കും. അങ്ങനെ, ഞാൻ യഹോ​വ​യാ​ണെന്നു നീ അറി​യേ​ണ്ടി​വ​രും.’”+

17 എനിക്കു വീണ്ടും യഹോ​വ​യു​ടെ സന്ദേശം കിട്ടി: 18 “മനുഷ്യ​പു​ത്രാ, ഇസ്രാ​യേൽഗൃ​ഹം എന്റെ കണ്ണിൽ ഒരു ഗുണവു​മി​ല്ലാത്ത ലോഹ​മാ​ലി​ന്യ​മാ​യി​രി​ക്കു​ന്നു. അവരെ​ല്ലാം ഉലയിലെ ചെമ്പും തകരവും ഇരുമ്പും ഈയവും ആണ്‌. വെള്ളി ഉരുക്കു​മ്പോൾ വേർതി​രി​യുന്ന മാലി​ന്യ​മാ​യി അവർ മാറി​യി​രി​ക്കു​ന്നു.+

19 “അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു: ‘നിങ്ങ​ളെ​ല്ലാം ഒരു ഗുണവു​മി​ല്ലാത്ത ലോഹമാലിന്യമായിരിക്കുന്നതുകൊണ്ട്‌+ ഞാൻ നിങ്ങളെ യരുശ​ലേ​മിൽ ഒരുമി​ച്ചു​കൂ​ട്ടും. 20 വെള്ളിയും ചെമ്പും ഇരുമ്പും ഈയവും തകരവും ഉലയിൽ ഇട്ട്‌ ഊതി ഉരുക്കു​ന്ന​തു​പോ​ലെ കോപ​ത്തോ​ടെ​യും ക്രോ​ധ​ത്തോ​ടെ​യും ഞാൻ നിങ്ങളെ ഒന്നിച്ചു​കൂ​ട്ടി ഊതി ഉരുക്കും.+ 21 ഞാൻ നിങ്ങളെ ഒരുമി​ച്ചു​കൂ​ട്ടി എന്റെ ക്രോ​ധാ​ഗ്നി നിങ്ങളു​ടെ നേരെ ഊതി​വി​ടും.+ നിങ്ങൾ അവളുടെ ഉള്ളിൽ കിടന്ന്‌ ഉരുകി​പ്പോ​കും.+ 22 വെള്ളി ഉലയി​ലിട്ട്‌ ഉരുക്കു​ന്ന​തു​പോ​ലെ നിങ്ങളെ അവളുടെ ഉള്ളിലി​ട്ട്‌ ഉരുക്കും. അങ്ങനെ, യഹോവ എന്ന ഞാൻ എന്റെ ക്രോധം നിങ്ങളു​ടെ മേൽ ചൊരി​ഞ്ഞ​താ​ണെന്നു നിങ്ങൾ അറി​യേ​ണ്ടി​വ​രും.’”

23 എനിക്കു വീണ്ടും യഹോ​വ​യു​ടെ സന്ദേശം കിട്ടി: 24 “മനുഷ്യ​പു​ത്രാ, അവളോ​ടു പറയണം: ‘ക്രോ​ധ​നാ​ളിൽ നീ, വൃത്തി​യാ​ക്കാ​തെ കിടക്കുന്ന, മഴ പെയ്യാത്ത ഒരു ദേശമാ​യി​രി​ക്കും. 25 ഇരയെ കടിച്ചു​കീ​റി ഗർജി​ക്കുന്ന സിംഹത്തെപ്പോലെ+ അവളുടെ പ്രവാ​ച​ക​ന്മാർ നഗരത്തി​ലി​രുന്ന്‌ ഗൂഢാ​ലോ​ചന നടത്തി.+ അവർ ആളുകളെ വിഴു​ങ്ങു​ന്നു. സമ്പത്തും വിലപി​ടി​പ്പുള്ള വസ്‌തു​ക്ക​ളും തട്ടി​യെ​ടു​ക്കു​ന്നു. അവർ അവളി​ലുള്ള പലരെ​യും വിധവ​മാ​രാ​ക്കി. 26 അവളുടെ പുരോ​ഹി​ത​ന്മാർ എന്റെ നിയമം ലംഘിച്ചു.+ എന്റെ വിശു​ദ്ധ​സ്ഥ​ലങ്ങൾ അവർ വീണ്ടും​വീ​ണ്ടും അശുദ്ധ​മാ​ക്കു​ന്നു.+ വിശു​ദ്ധ​മാ​യ​വ​യ്‌ക്കും അല്ലാത്ത​വ​യ്‌ക്കും തമ്മിൽ അവർ ഒരു വ്യത്യാ​സ​വും കല്‌പി​ക്കു​ന്നില്ല.+ ശുദ്ധമാ​യത്‌ എന്താ​ണെ​ന്നോ അശുദ്ധ​മാ​യത്‌ എന്താ​ണെ​ന്നോ അവർ പറഞ്ഞു​കൊ​ടു​ക്കു​ന്നില്ല.+ എന്റെ ശബത്തുകൾ ആചരി​ക്കാൻ അവർ കൂട്ടാ​ക്കു​ന്നില്ല. അവരുടെ ഇടയിൽ ഞാൻ അശുദ്ധ​നാ​യി​രി​ക്കു​ന്നു. 27 അവളിലുള്ള പ്രഭു​ക്ക​ന്മാർ ഇരയെ കടിച്ചു​കീ​റുന്ന ചെന്നാ​യ്‌ക്കൾ! അന്യാ​യ​മാ​യി ലാഭമു​ണ്ടാ​ക്കാൻ അവർ രക്തം ചിന്തുന്നു, ആളുകളെ കൊല്ലു​ന്നു.+ 28 പക്ഷേ, അവളുടെ പ്രവാ​ച​ക​ന്മാർ അവരുടെ പ്രവൃ​ത്തി​കൾ വെള്ള പൂശി മറച്ചി​രി​ക്കു​ക​യാണ്‌. അവർ വ്യാജ​ദർശ​നങ്ങൾ കാണുന്നു; വ്യാജ​മായ ഭാവി​ഫ​ല​പ്ര​വ​ച​നങ്ങൾ നടത്തുന്നു.+ യഹോവ ഒന്നും പറയാ​ത്ത​പ്പോൾപ്പോ​ലും, “പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌” എന്ന്‌ അവർ പറയുന്നു. 29 ദേശത്തെ ജനം ചതിക്കു​ന്നു. അവർ പിടി​ച്ചു​പ​റി​ക്കു​ന്നു.*+ പാവങ്ങ​ളെ​യും ദരി​ദ്ര​രെ​യും അവർ ദ്രോ​ഹി​ക്കു​ന്നു. അവരുടെ ഇടയിൽ താമസ​മാ​ക്കിയ വിദേ​ശി​യെ അവർ ചതിക്കു​ന്നു; അവനു നീതി നിഷേ​ധി​ക്കു​ന്നു.’

30 “‘ദേശത്തെ ആരും നശിപ്പിക്കാതിരിക്കാൻ+ കൻമതി​ലി​ന്റെ അറ്റകു​റ്റ​പ്പണി നടത്താ​നോ മതിൽ പൊളി​ഞ്ഞു​കി​ട​ക്കു​ന്നി​ടത്ത്‌ കാവലി​നു​വേണ്ടി എന്റെ മുന്നിൽ നിൽക്കാ​നോ തയ്യാറുള്ള ആരെങ്കി​ലും അവരുടെ ഇടയി​ലു​ണ്ടോ എന്നു ഞാൻ അന്വേ​ഷി​ച്ചു. പക്ഷേ, ആരെയും കണ്ടെത്തി​യില്ല. 31 അതുകൊണ്ട്‌, ഞാൻ എന്റെ ക്രോധം അവരുടെ മേൽ ചൊരി​യും. എന്റെ ക്രോ​ധാ​ഗ്നി​യാൽ അവരെ നിശ്ശേഷം നശിപ്പി​ക്കും. അവരുടെ വഴിക​ളു​ടെ ഭവിഷ്യ​ത്തു​കൾ ഞാൻ അവരുടെ തലയിൽത്തന്നെ വരുത്തും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

23 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, ഒരമ്മ പെറ്റ മക്കളായ രണ്ടു സ്‌ത്രീ​ക​ളു​ണ്ടാ​യി​രു​ന്നു.+ 3 അവർ ഈജി​പ്‌തിൽ വേശ്യ​ക​ളാ​യി.+ ചെറു​പ്പം​മു​തലേ അവർ വേശ്യാ​വൃ​ത്തി​യിൽ ഏർപ്പെട്ടു. അവി​ടെ​വെച്ച്‌ അന്യർ അവരുടെ മുലകൾ ഞെക്കി, ആ കന്യക​മാ​രു​ടെ മാറിടം തഴുകി. 4 മൂത്തവളുടെ പേര്‌ ഒഹൊല* എന്നായി​രു​ന്നു. ഇളയവൾ ഒഹൊ​ലീ​ബ​യും.* അവർ ഇരുവ​രും എന്റേതാ​യി. ആൺമക്ക​ളെ​യും പെൺമ​ക്ക​ളെ​യും അവർ പ്രസവി​ച്ചു. ഒഹൊല എന്ന പേര്‌ ശമര്യയെയും+ ഒഹൊ​ലീബ എന്നത്‌ യരുശ​ലേ​മി​നെ​യും സൂചി​പ്പി​ക്കു​ന്നു.

5 “ഒഹൊല എന്റേതാ​യി​രി​ക്കു​മ്പോ​ഴാ​ണു വേശ്യാ​വൃ​ത്തി ചെയ്‌തു​തു​ട​ങ്ങി​യത്‌.+ അവൾ കാമദാ​ഹ​ത്തോ​ടെ കാമു​ക​ന്മാ​രു​ടെ പിന്നാലെ, അവളുടെ അയൽക്കാ​രായ അസീറിയക്കാരുടെ+ പിന്നാലെ, പോയി.+ 6 നീലവസ്‌ത്രധാരികളായ ഗവർണർമാ​രും ഉപഭര​ണാ​ധി​കാ​രി​ക​ളും ആയിരുന്ന അവരെ​ല്ലാം കുതി​ര​പ്പു​റത്ത്‌ സഞ്ചരി​ക്കുന്ന യുവ​കോ​മ​ള​ന്മാ​രാ​യി​രു​ന്നു. 7 പ്രമുഖരായ എല്ലാ അസീറി​യൻ പുത്ര​ന്മാ​രു​മാ​യും അവൾ വേശ്യാ​വൃ​ത്തി ചെയ്‌തു​കൊ​ണ്ടി​രു​ന്നു.+ അവൾ കാമി​ച്ച​വ​രു​ടെ മ്ലേച്ഛവിഗ്രഹങ്ങളാൽ* അവൾ സ്വയം അശുദ്ധ​യാ​ക്കി. 8 ഈജിപ്‌തിൽവെച്ച്‌ ചെയ്‌തു​വന്ന വേശ്യാ​വൃ​ത്തി അവൾ ഉപേക്ഷി​ച്ചില്ല. അവളുടെ ചെറു​പ്പ​ത്തിൽ അവർ അവളു​മാ​യി ബന്ധപ്പെട്ടു. കന്യക​യാ​യി​രുന്ന അവളുടെ മാറിടം തഴുകി. അവളുടെ മേൽ അവർ തങ്ങളുടെ കാമദാ​ഹം തീർത്തു.*+ 9 അതുകൊണ്ട്‌ ഞാൻ അവളെ, അവൾ കാമിച്ച അവളുടെ കാമു​ക​ന്മാർക്ക്‌, അസീറി​യൻ പുത്ര​ന്മാർക്ക്‌,+ വിട്ടു​കൊ​ടു​ത്തു. 10 അവർ അവളെ നഗ്നയാക്കി.+ അവളുടെ പുത്രീ​പു​ത്ര​ന്മാ​രെ പിടി​ച്ചു​കൊ​ണ്ടു​പോ​യി.+ അവളെ അവർ വാളു​കൊണ്ട്‌ വെട്ടി​ക്കൊ​ന്നു. അവൾ സ്‌ത്രീ​ക​ളു​ടെ ഇടയിൽ കുപ്ര​സി​ദ്ധ​യാ​യി. അവർ അവൾക്കെ​തി​രെ ന്യായ​വി​ധി നടപ്പാക്കി.

11 “ഇതു കണ്ടപ്പോൾ അവളുടെ അനിയത്തി ഒഹൊ​ലീബ കാണിച്ച കാമ​വെറി ഇതിലും മോശ​മാ​യി​രു​ന്നു. അവളുടെ വേശ്യാ​വൃ​ത്തി അവളുടെ ചേച്ചി​യെ​പ്പോ​ലും തോൽപ്പി​ക്കു​ന്നത്ര ഭയങ്കര​മാ​യി​രു​ന്നു.+ 12 അവൾ അവളുടെ അയൽക്കാ​രായ അസീറി​യൻ പുത്ര​ന്മാ​രെ കാമി​ച്ചു​ന​ടന്നു.+ മോടി​യുള്ള വസ്‌ത്രം ധരിച്ച്‌ കുതി​ര​പ്പു​റത്ത്‌ സഞ്ചരി​ക്കുന്ന യുവ​കോ​മ​ള​ന്മാ​രായ ഗവർണർമാ​രും ഉപഭര​ണാ​ധി​കാ​രി​ക​ളും ആയിരു​ന്നു അവരെ​ല്ലാം. 13 അവൾ സ്വയം അശുദ്ധ​യാ​ക്കി​യതു കണ്ടപ്പോൾ അവർ ഇരുവ​രും ഒരേ പാതയി​ലാ​ണെന്ന്‌ എനിക്കു മനസ്സി​ലാ​യി.+ 14 അവൾ പക്ഷേ, അവളുടെ വേശ്യാ​വൃ​ത്തി ഒന്നി​നൊ​ന്നു വർധി​പ്പി​ച്ചു. ചുവരു​ക​ളിൽ കൊത്തി​യു​ണ്ടാ​ക്കിയ പുരു​ഷ​രൂ​പങ്ങൾ, കൽദയ​പു​രു​ഷ​ന്മാ​രു​ടെ സിന്ദൂരവർണത്തിലുള്ള* രൂപങ്ങൾ, അവൾ കണ്ടു. 15 അരപ്പട്ട കെട്ടി തലയിൽ മോടി​യുള്ള തലപ്പാവ്‌ വെച്ചി​രുന്ന അവർ കാഴ്‌ച​യിൽ യുദ്ധവീ​ര​ന്മാ​രെ​പ്പോ​ലി​രു​ന്നു. കൽദയ​ദേ​ശത്ത്‌ ജനിച്ച ബാബി​ലോൺകാ​രു​ടെ രൂപങ്ങ​ളാ​യി​രു​ന്നു അവ. 16 അതു കണ്ട ഉടനെ അവൾക്ക്‌ അവരോ​ടു കാമം തോന്നി​ത്തു​ടങ്ങി. കൽദയ​യി​ലുള്ള അവരുടെ അടു​ത്തേക്ക്‌ അവൾ ദൂതന്മാ​രെ അയച്ചു.+ 17 അങ്ങനെ, അവളോ​ടൊ​പ്പം പ്രേമശയ്യ പങ്കിടാൻ ബാബി​ലോൺപു​ത്ര​ന്മാർ വന്നുതു​ടങ്ങി. അവർ അവരുടെ കാമവെറിയാൽ* അവളെ അശുദ്ധ​യാ​ക്കി. അശുദ്ധ​യായ അവളോ വെറു​പ്പോ​ടെ അവരെ ഉപേക്ഷി​ച്ചു.

18 “അവൾ തുടർന്നും കൂസലി​ല്ലാ​തെ വേശ്യാ​വൃ​ത്തി ചെയ്‌ത്‌ തന്റെ നഗ്നത തുറന്നുകാട്ടിയതുകൊണ്ട്‌+ അവളുടെ ചേച്ചി​യെ​പ്പോ​ലെ​തന്നെ അവളെ​യും ഞാൻ വെറുത്തു, അവളെ​യും ഞാൻ ഉപേക്ഷി​ച്ചു.+ 19 ഈജിപ്‌ത്‌ ദേശത്തു​വെച്ച്‌ വേശ്യാ​വൃ​ത്തി ചെയ്‌ത അവളുടെ ചെറുപ്പകാലം+ ഓർത്ത്‌ അവൾ അവളുടെ വേശ്യാ​വൃ​ത്തി ഒന്നി​നൊ​ന്നു വർധി​പ്പി​ച്ചു.+ 20 കഴുതകളുടേതുപോലുള്ള ലിംഗ​വും കുതി​ര​ക​ളു​ടേ​തു​പോ​ലുള്ള ജനനേ​ന്ദ്രി​യ​വും ഉള്ള പുരു​ഷ​ന്മാ​രു​ടെ പിന്നാലെ അവരുടെ വെപ്പാ​ട്ടി​കൾ ചെല്ലു​ന്ന​തു​പോ​ലെ അവൾ കാമ​വെ​റി​യോ​ടെ അവരുടെ പുറകേ ചെന്നു. 21 ഈജിപ്‌തുകാർ നിന്റെ മാറിടം തഴുകിയ, നിന്റെ യൗവന​സ്‌ത​നങ്ങൾ തലോ​ടിയ, നിന്റെ ചെറു​പ്പ​കാ​ലം നീ മോഹി​ച്ചു. ആ വഷളത്തങ്ങൾ ചെയ്യാൻ നീ കൊതി​ച്ചു.+

22 “അതു​കൊണ്ട്‌ ഒഹൊ​ലീ​ബയേ, പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: ‘നിനക്കു വെറുപ്പു തോന്നി നീ ഉപേക്ഷിച്ച കാമു​ക​ന്മാ​രെ ഞാൻ ഇതാ, ഇളക്കി​വി​ടു​ന്നു.+ നാനാ​വ​ശ​ത്തു​നി​ന്നും അവർ നിനക്ക്‌ എതിരെ വരും.+ 23 അങ്ങനെ, ബാബിലോൺപുത്രന്മാരും+ സകല കൽദയരും+ പെക്കോ​ദ്‌,+ ശോവ, കോവ എന്നിവി​ട​ങ്ങ​ളി​ലെ പുരു​ഷ​ന്മാ​രും എല്ലാ അസീറി​യൻ പുത്ര​ന്മാ​രും നിനക്ക്‌ എതിരെ വരും. ഗവർണർമാ​രും ഉപഭര​ണാ​ധി​കാ​രി​ക​ളും ആയ അവരെ​ല്ലാം യുവ​കോ​മ​ള​ന്മാ​രാണ്‌. കുതി​ര​പ്പു​റത്ത്‌ സഞ്ചരി​ക്കുന്ന അവരെ​ല്ലാം യുദ്ധവീ​ര​ന്മാ​രും പ്രത്യേ​കം തിരഞ്ഞെടുക്കപ്പെട്ടവരും* ആണ്‌. 24 അവരുടെ വൻസൈ​നി​ക​വ്യൂ​ഹം വൻപരി​ച​യും ചെറുപരിചയും* പിടിച്ച്‌ പടത്തൊ​പ്പി അണിഞ്ഞ്‌ കടകട​ശ​ബ്ദ​മുള്ള യുദ്ധര​ഥ​ങ്ങ​ളും രഥച​ക്ര​ങ്ങ​ളും ആയി നിന്നെ ആക്രമി​ക്കാൻ വരും. അവർ നിനക്കു ചുറ്റും അണിനി​ര​ക്കും. വിധി പുറ​പ്പെ​ടു​വി​ക്കാൻ ഞാൻ അവർക്ക്‌ അധികാ​രം കൊടു​ക്കും. അവർക്കു തോന്നി​യ​തു​പോ​ലെ അവർ നിന്നെ വിധി​ക്കും.+ 25 ഞാൻ എന്റെ ധാർമി​ക​രോ​ഷം നിന്റെ നേരെ അഴിച്ചു​വി​ടും. അവർ ക്രോ​ധ​ത്തോ​ടെ നിന്നോ​ടു പെരു​മാ​റും. അവർ നിന്റെ മൂക്കും ചെവി​ക​ളും വെട്ടി​ക്ക​ള​യും. നിന്നിൽ ബാക്കി​യു​ള്ളവർ വാളിന്‌ ഇരയാ​കും. അവർ നിന്റെ പുത്രീ​പു​ത്ര​ന്മാ​രെ പിടി​ച്ചു​കൊ​ണ്ടു​പോ​കും. ബാക്കി​യു​ള്ള​വരെ തീ തിന്നും.+ 26 അവർ നിന്റെ വസ്‌ത്രം ഉരിഞ്ഞ്‌+ നിന്റെ മനോ​ഹ​ര​മായ ആഭരണങ്ങൾ ഊരി​യെ​ടു​ക്കും.+ 27 ഈജിപ്‌തിലായിരിക്കെ നീ തുടങ്ങി​വെച്ച നിന്റെ വേശ്യാവൃത്തിയും+ വഷളത്ത​വും ഞാൻ അവസാ​നി​പ്പി​ക്കും.+ നീ അവരെ ഇനി നോക്കില്ല. ഇനി ഒരിക്ക​ലും ഈജി​പ്‌തി​നെ ഓർക്കു​ക​യു​മില്ല.’

28 “കാരണം, പരമാ​ധി​കാ​രി​യായ യഹോവ പറയുന്നു: ‘നീ വെറു​ക്കു​ന്ന​വ​രു​ടെ കൈയിൽ, മനം മടുത്ത്‌ നീ ഉപേക്ഷി​ച്ച​വ​രു​ടെ കൈയിൽ, ഞാൻ ഇതാ, നിന്നെ ഏൽപ്പി​ക്കാൻപോ​കു​ന്നു.+ 29 അവർ വെറു​പ്പോ​ടെ നിന്നോ​ടു പെരു​മാ​റും. നീ അധ്വാ​നിച്ച്‌ ഉണ്ടാക്കി​യ​തെ​ല്ലാം അവർ കൊണ്ടു​പോ​കും.+ നിന്നെ നഗ്നയും ഉടുതു​ണി​യി​ല്ലാ​ത്ത​വ​ളും ആയി അവർ ഉപേക്ഷി​ക്കും. നിന്റെ അസാന്മാർഗി​ക​ത​യു​ടെ നാണം​കെട്ട നഗ്നതയും നിന്റെ വഷളത്ത​വും വേശ്യാ​വൃ​ത്തി​യും പരസ്യ​മാ​കും.+ 30 ഇതെല്ലാം നിന്നോ​ടു ചെയ്യു​ന്നതു നീ ഒരു വേശ്യ​യെ​പ്പോ​ലെ ജനതക​ളു​ടെ പിന്നാലെ നടന്നതു​കൊ​ണ്ടാണ്‌,+ അവരുടെ മ്ലേച്ഛവി​ഗ്ര​ഹ​ങ്ങൾകൊണ്ട്‌ നിന്നെ​ത്തന്നെ അശുദ്ധ​യാ​ക്കി​യ​തു​കൊ​ണ്ടാണ്‌.+ 31 നീയും നിന്റെ ചേച്ചി​യു​ടെ അതേ വഴിക്കാ​ണു പോയി​രി​ക്കു​ന്നത്‌.+ അവളുടെ പാനപാ​ത്രം ഞാൻ നിന്റെ കൈയിൽ തരും.’+

32 “പരമാ​ധി​കാ​രി​യായ യഹോവ പറയുന്നു:

“കാരണം, ഞാനാണ്‌ ഇതു പറയു​ന്നത്‌” എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.’

35 “അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു: ‘നീ എന്നെ മറന്നതു​കൊ​ണ്ടും ഒട്ടും വകവെക്കാതിരുന്നതുകൊണ്ടും*+ നിന്റെ വഷളത്ത​ത്തി​ന്റെ​യും വേശ്യാ​വൃ​ത്തി​യു​ടെ​യും ഭവിഷ്യ​ത്തു​കൾ നീ അനുഭ​വി​ക്കും.’”

36 യഹോവ അപ്പോൾ എന്നോടു പറഞ്ഞു: “മനുഷ്യ​പു​ത്രാ, ഒഹൊ​ല​യ്‌ക്കും ഒഹൊലീബയ്‌ക്കും+ എതിരെ വിധി പ്രഖ്യാ​പി​ക്കാൻ നീ തയ്യാറാ​ണോ? അവരുടെ വൃത്തി​കെട്ട ആചാര​ങ്ങ​ളെ​പ്പറ്റി അവരുടെ മുഖത്ത്‌ നോക്കി നീ പറയു​മോ? 37 അവർ വ്യഭിചാരം* ചെയ്‌തി​രി​ക്കു​ന്നു.+ രക്തം പുരണ്ട കൈക​ളാണ്‌ അവരു​ടേത്‌. അവർ അവരുടെ മ്ലേച്ഛവി​ഗ്ര​ഹ​ങ്ങ​ളു​മാ​യി വ്യഭി​ചാ​രം ചെയ്‌തതു കൂടാതെ അവർ പ്രസവിച്ച എന്റെ മക്കളെ അവരുടെ വിഗ്ര​ഹ​ങ്ങൾക്ക്‌ ആഹാര​മാ​യി തീയിൽ ദഹിപ്പിക്കുകയും* ചെയ്‌തു.+ 38 അതിനു പുറമേ, അവർ എന്നോട്‌ ഇങ്ങനെ​യും ചെയ്‌തു: അവർ അന്ന്‌ എന്റെ വിശു​ദ്ധ​മ​ന്ദി​രം മലിന​മാ​ക്കി; എന്റെ ശബത്തുകൾ അശുദ്ധ​മാ​ക്കി. 39 സ്വന്തം കുഞ്ഞു​ങ്ങളെ കൊന്ന്‌ അവരുടെ മ്ലേച്ഛവി​ഗ്ര​ഹ​ങ്ങൾക്കു ബലി അർപ്പിച്ചിട്ട്‌+ അന്നുതന്നെ അവർ എന്റെ വിശു​ദ്ധ​മ​ന്ദി​ര​ത്തി​ലേക്കു വന്ന്‌ അത്‌ അശുദ്ധ​മാ​ക്കി.+ എന്റെ സ്വന്തം ഭവനത്തി​നു​ള്ളിൽ അവർ ചെയ്‌തത്‌ ഇതാണ്‌. 40 ദൂരദേശത്തുനിന്നുപോലും പുരു​ഷ​ന്മാ​രെ വരുത്താൻ അവർ ദൂതനെ അയച്ചു.+ നീ കുളിച്ച്‌ കണ്ണെഴു​തി ആഭരണങ്ങൾ അണിഞ്ഞ്‌ അവരുടെ വരവും കാത്ത്‌ ഇരുന്നു.+ 41 നീ ഒരു രാജകീ​യ​മ​ഞ്ച​ത്തിൽ ഇരുന്നു.+ അതിന്റെ മുന്നി​ലു​ണ്ടാ​യി​രുന്ന വിരി​ച്ചൊ​രു​ക്കിയ മേശയിൽ+ എന്റെ സുഗന്ധക്കൂട്ടും+ എന്റെ തൈലവും+ നീ വെച്ചു. 42 മതിമറന്ന്‌ ഉല്ലസി​ക്കുന്ന ജനക്കൂ​ട്ട​ത്തി​ന്റെ ശബ്ദം അവിടെ കേൾക്കാ​മാ​യി​രു​ന്നു. വിജന​ഭൂ​മി​യിൽനിന്ന്‌ വരുത്തിയ കുടി​യ​ന്മാ​രും അക്കൂട്ട​ത്തി​ലു​ണ്ടാ​യി​രു​ന്നു. അവർ ആ സ്‌ത്രീ​ക​ളു​ടെ കൈയിൽ വളകളും തലയിൽ മനോ​ഹ​ര​മായ കിരീ​ട​ങ്ങ​ളും അണിയി​ച്ചു.

43 “വ്യഭി​ചാ​രം ചെയ്‌ത്‌ തളർന്ന അവളെ​ക്കു​റിച്ച്‌ ഞാൻ പറഞ്ഞു: ‘അവൾ പക്ഷേ, ഇനിയും വേശ്യാ​വൃ​ത്തി ചെയ്‌തു​കൊ​ണ്ടി​രി​ക്കും.’ 44 ഒരാൾ വേശ്യ​യു​ടെ അടുത്ത്‌ പോകു​ന്ന​തു​പോ​ലെ അവർ അവളുടെ അടുത്ത്‌ പൊയ്‌ക്കൊ​ണ്ടി​രു​ന്നു. ഇങ്ങനെ​യാ​ണു വഷളത്ത​ത്തിൽ മുങ്ങി​ക്കി​ട​ക്കുന്ന ഒഹൊ​ല​യു​ടെ​യും ഒഹൊ​ലീ​ബ​യു​ടെ​യും അടുത്ത്‌ അവർ ചെന്നത്‌. 45 പക്ഷേ, നീതി​മാ​ന്മാർ അവളുടെ വ്യഭിചാരത്തിനും+ രക്തച്ചൊരിച്ചിലിനും+ അർഹി​ക്കുന്ന ശിക്ഷ വിധി​ക്കും. കാരണം, അവർ വ്യഭി​ചാ​രി​ണി​ക​ളാണ്‌. അവരുടെ കൈയിൽ രക്തം പുരണ്ടി​ട്ടുണ്ട്‌.+

46 “പരമാ​ധി​കാ​രി​യായ യഹോവ പറയുന്നു: ‘അവരെ ഒരു ഭീതി​കാ​ര​ണ​മാ​ക്കാ​നും കൊള്ള​യ​ടി​ക്കാ​നും ഒരു സൈന്യ​ത്തെ വരുത്തും.+ 47 ആ സൈന്യം അവരെ കല്ലെറി​യും.+ വാളു​കൊണ്ട്‌ അവരെ വെട്ടി​വീ​ഴ്‌ത്തും. അവരുടെ പുത്രീ​പു​ത്ര​ന്മാ​രെ കൊല്ലും.+ അവരുടെ വീടുകൾ കത്തിച്ചു​ക​ള​യും.+ 48 ദേശത്ത്‌ നടമാ​ടുന്ന വഷളത്തം ഞാൻ അവസാ​നി​പ്പി​ക്കും. എല്ലാ സ്‌ത്രീ​ക​ളും ഒരു പാഠം പഠിക്കും. അവർ നിങ്ങളു​ടെ വഷളത്തം പകർത്തില്ല.+ 49 നിങ്ങളുടെ വഷളത്ത​ത്തി​ന്റെ തിക്തഫ​ല​ങ്ങ​ളും മ്ലേച്ഛവി​ഗ്ര​ഹ​ങ്ങൾകൊണ്ട്‌ ചെയ്‌ത പാപങ്ങ​ളു​ടെ ഭവിഷ്യ​ത്തു​ക​ളും അവർ നിങ്ങളു​ടെ മേൽ വരുത്തും. ഞാൻ പരമാ​ധി​കാ​രി​യായ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.’”+

24 ഒൻപതാം വർഷം പത്താം മാസം പത്താം ദിവസം എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, ഈ തീയതി,* അതെ, ഈ ദിവസം, രേഖ​പ്പെ​ടു​ത്തി​വെ​ക്കുക. ഇന്ന്‌ ബാബി​ലോൺരാ​ജാവ്‌ യരുശ​ലേ​മിന്‌ എതിരെ ആക്രമണം തുടങ്ങി​യി​രി​ക്കു​ന്നു.+ 3 മത്സരഗൃഹത്തെക്കുറിച്ച്‌ ഒരു ദൃഷ്ടാ​ന്തകഥ പറയുക. അവരെ​ക്കു​റിച്ച്‌ ഇങ്ങനെ പറയണം:

“‘പരമാ​ധി​കാ​രി​യായ യഹോവ പറയുന്നു:

“തീ കൂട്ടി അതിനു മുകളിൽ ഒരു പാചകക്കലം* വെച്ച്‌ അതിൽ വെള്ളം ഒഴിക്കുക.+

 5 ആട്ടിൻപറ്റത്തിൽനിന്ന്‌ ഏറ്റവും നല്ല ആടുകളെ എടുക്കണം.+ കലത്തിന്‌ അടിയിൽ ചുറ്റോ​ടു​ചു​റ്റും വിറക്‌ അടുക്കുക.

കഷണങ്ങൾ വേവി​ക്കുക. എല്ലുക​ളും അതിൽ കിടന്ന്‌ വേകട്ടെ.”’

6 “പരമാ​ധി​കാ​രി​യായ യഹോവ പറയുന്നു:

‘രക്തച്ചൊ​രി​ച്ചി​ലി​ന്റെ നഗരം,+ ക്ലാവ്‌ പിടിച്ച ആ പാചക​ക്കലം, നശിക്കട്ടെ! അതിന്റെ ക്ലാവ്‌ കളഞ്ഞി​ട്ടി​ല്ല​ല്ലോ!

കഷണങ്ങൾ ഓരോ​ന്നാ​യി എടുത്ത്‌ കലം കാലി​യാ​ക്കുക.+ അവയ്‌ക്കു​വേണ്ടി നറുക്കി​ട​രുത്‌.

 7 കാരണം, അതിന്റെ രക്തം അതിൽത്ത​ന്നെ​യു​ണ്ട​ല്ലോ.+ അവൾ അതു പാറപ്പു​റത്ത്‌ ഒഴിച്ചു.

മണ്ണിട്ട്‌ മൂടാൻ അവൾ അതു നിലത്ത്‌ ഒഴിച്ചില്ല.+

9 “അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു:

‘രക്തച്ചൊ​രി​ച്ചി​ലി​ന്റെ നഗരം നശിക്കട്ടെ!+

ഞാൻ വിറകു കൂമ്പാ​രം​കൂ​ട്ടും.

അതിന്റെ മാലി​ന്യം ഉരുകി​പ്പോ​കട്ടെ.+ അതിന്റെ ക്ലാവ്‌ തീക്കി​ര​യാ​കട്ടെ.

ക്ലാവ്‌ പിടിച്ച ആ കലം തീയിൽ എറിയൂ!’

13 “‘നിന്റെ വഷളത്തം കാരണ​മാ​ണു നീ അശുദ്ധ​യാ​യത്‌.+ നിന്നെ ശുദ്ധീ​ക​രി​ക്കാൻ ഞാൻ ശ്രമി​ച്ചി​ട്ടും നീ ശുദ്ധയാ​യില്ല. നിന്നോ​ടുള്ള എന്റെ ഉഗ്ര​കോ​പം ശമിച്ചാ​ലും നീ ശുദ്ധയാ​കില്ല.+ 14 യഹോവ എന്ന ഞാനാണു പറയു​ന്നത്‌. അതു തീർച്ച​യാ​യും സംഭവി​ക്കും. ഒരു മടിയും കൂടാതെ ഞാൻ നടപടി​യെ​ടു​ക്കും.+ എനിക്ക്‌ അതിൽ യാതൊ​രു സങ്കടമോ ഖേദമോ തോന്നില്ല. നിന്റെ വഴികൾക്കും പെരു​മാ​റ്റ​ത്തി​നും അനുസൃ​ത​മാ​യി അവർ നിന്നെ വിധി​ക്കും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

15 എനിക്കു വീണ്ടും യഹോ​വ​യു​ടെ സന്ദേശം കിട്ടി: 16 “മനുഷ്യ​പു​ത്രാ, നിന്റെ പ്രിയ​പ്പെ​ട്ട​വളെ ഞാൻ പെട്ടെന്നു നിന്റെ അടുത്തു​നിന്ന്‌ എടുക്കാൻപോ​കു​ക​യാണ്‌.+ നീ ദുഃഖം പ്രകടി​പ്പി​ക്ക​രുത്‌.* നീ വിലപി​ക്കു​ക​യോ കരയു​ക​യോ അരുത്‌. 17 മൗനമായി നെടു​വീർപ്പി​ടുക. മരിച്ച​വൾക്കു​വേണ്ടി ദുഃഖാ​ച​രണം നടത്തരു​ത്‌.+ നിന്റെ തലപ്പാവ്‌ കെട്ടി+ ചെരിപ്പ്‌ ഇടൂ!+ വായ്‌* മറച്ചു​പി​ടി​ക്ക​രുത്‌.+ ആളുകൾ കൊണ്ടു​വന്ന്‌ തരുന്ന അപ്പം* നീ കഴിക്ക​രുത്‌.”+

18 രാവിലെ ഞാൻ ജനത്തോ​ടു സംസാ​രി​ച്ചു. വൈകു​ന്നേരം എന്റെ ഭാര്യ മരിച്ചു. എന്നോടു കല്‌പി​ച്ചി​രു​ന്ന​തു​പോ​ലെ​തന്നെ പിറ്റേന്നു രാവിലെ ഞാൻ ചെയ്‌തു. 19 “നീ ചെയ്യുന്ന ഈ കാര്യങ്ങൾ ഞങ്ങളെ ബാധി​ക്കു​ന്നത്‌ എങ്ങനെ​യാ​ണെന്നു പറഞ്ഞു​ത​രി​ല്ലേ” എന്ന്‌ ആളുകൾ എന്നോടു ചോദി​ച്ചു. 20 അപ്പോൾ, ഞാൻ പറഞ്ഞു: “എനിക്ക്‌ യഹോ​വ​യിൽനിന്ന്‌ ഈ സന്ദേശം കിട്ടി​യി​ട്ടുണ്ട്‌: 21 ‘ഇസ്രാ​യേൽഗൃ​ഹ​ത്തോ​ടു പറയണം: “പരമാ​ധി​കാ​രി​യായ യഹോവ പറയുന്നു: ‘നിങ്ങൾ ഏറെ അഭിമാ​നം​കൊ​ള്ളുന്ന, നിങ്ങൾക്കു പ്രിയ​പ്പെട്ട, നിങ്ങളു​ടെ ഹൃദയ​ത്തി​നു കൊതി തോന്നുന്ന എന്റെ വിശു​ദ്ധ​മ​ന്ദി​രം ഞാൻ അശുദ്ധ​മാ​ക്കാൻപോ​കു​ക​യാണ്‌.+ നിങ്ങൾ വിട്ടി​ട്ടു​പോന്ന നിങ്ങളു​ടെ പുത്രീ​പു​ത്ര​ന്മാർ വാളിന്‌ ഇരയാ​കും.+ 22 അപ്പോൾ, ഞാൻ ചെയ്‌ത​തു​പോ​ലെ​തന്നെ നിങ്ങൾക്കും ചെയ്യേ​ണ്ടി​വ​രും. നിങ്ങൾ വായ്‌* മറച്ചു​പി​ടി​ക്കു​ക​യോ ആളുകൾ കൊണ്ടു​വന്ന്‌ തരുന്ന അപ്പം കഴിക്കു​ക​യോ ഇല്ല.+ 23 നിങ്ങളുടെ തലപ്പാവ്‌ നിങ്ങളു​ടെ തലയി​ലും ചെരിപ്പു കാലി​ലും ഉണ്ടായി​രി​ക്കും. നിങ്ങൾ ദുഃഖം പ്രകടി​പ്പി​ക്കു​ക​യോ വിലപി​ക്കു​ക​യോ ഇല്ല. പകരം, നിങ്ങളു​ടെ തെറ്റുകൾ കാരണം നിങ്ങൾ ക്ഷയിച്ചു​പോ​കും.+ നിങ്ങൾ പരസ്‌പരം നോക്കി നെടു​വീർപ്പി​ടും. 24 യഹസ്‌കേൽ നിങ്ങൾക്ക്‌ ഒരു അടയാ​ള​മാണ്‌.+ അവൻ ചെയ്‌ത​തു​പോ​ലെ​തന്നെ നിങ്ങളും ചെയ്യും. അങ്ങനെ സംഭവി​ക്കു​മ്പോൾ ഞാൻ പരമാ​ധി​കാ​രി​യായ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.’”’”

25 “മനുഷ്യ​പു​ത്രാ, അവർക്കു പ്രിയ​പ്പെട്ട, അവരുടെ ഹൃദയ​ത്തി​നു കൊതി തോന്നുന്ന, അവരുടെ അഭയ​കേ​ന്ദ്രം, അവർക്കു സന്തോഷം പകരുന്ന മനോ​ഹ​ര​സ്ഥലം, ഞാൻ എടുത്തു​ക​ള​യും. അവരുടെ പുത്രീ​പു​ത്ര​ന്മാ​രെ​യും ഞാൻ അന്നു കൊണ്ടു​പോ​കും.+ 26 ഒരാൾ രക്ഷപ്പെട്ട്‌ വന്ന്‌ അന്നുതന്നെ ആ വാർത്ത നിന്നെ അറിയി​ക്കും.+ 27 അന്നു നീ വായ്‌ തുറക്കും; രക്ഷപ്പെട്ട്‌ വന്ന ആ മനുഷ്യ​നോ​ടു സംസാ​രി​ക്കും. അപ്പോൾമു​തൽ, നീ മൂകനാ​യി​രി​ക്കില്ല.+ അവർക്കു നീ ഒരു അടയാ​ള​മാ​കും. അങ്ങനെ, ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.”

25 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, നിന്റെ മുഖം അമ്മോന്യരുടെ+ നേരെ തിരിച്ച്‌ അവർക്കെ​തി​രെ പ്രവചി​ക്കുക.+ 3 അമ്മോന്യരെക്കുറിച്ച്‌ നീ ഇങ്ങനെ പറയണം: ‘പരമാ​ധി​കാ​രി​യായ യഹോ​വ​യു​ടെ സന്ദേശം കേൾക്കൂ! പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “എന്റെ വിശു​ദ്ധ​മ​ന്ദി​രം അശുദ്ധ​മാ​യ​പ്പോ​ഴും ഇസ്രാ​യേൽ ദേശം വിജന​മാ​യ​പ്പോ​ഴും യഹൂദാ​ഗൃ​ഹത്തെ ബന്ദിക​ളാ​യി കൊണ്ടു​പോ​യ​പ്പോ​ഴും ‘അതു നന്നായി​പ്പോ​യി’ എന്നു നിങ്ങൾ പറഞ്ഞതു​കൊണ്ട്‌ 4 ഞാൻ നിങ്ങളെ കിഴക്കൻ ദേശക്കാർക്ക്‌ അവകാ​ശ​മാ​യി കൊടു​ക്കാൻപോ​കു​ക​യാണ്‌. അവർ നിങ്ങളു​ടെ സ്ഥലത്ത്‌ വന്ന്‌ പാളയ​മ​ടി​ക്കും.* അവിടെ അവർ കൂടാരം അടിക്കും. അവർ നിങ്ങളു​ടെ അധ്വാ​ന​ഫലം ആസ്വദി​ക്കും. അവർ നിങ്ങളു​ടെ പാൽ കുടി​ക്കും. 5 രബ്ബയെ+ ഞാൻ ഒട്ടകങ്ങ​ളു​ടെ മേച്ചിൽപ്പു​റ​മാ​ക്കും; അമ്മോ​ന്യ​രു​ടെ ദേശം ആട്ടിൻപ​റ്റ​ത്തി​ന്റെ വിശ്ര​മ​സ്ഥ​ല​വും. അങ്ങനെ, ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.”’”

6 “കാരണം, പരമാ​ധി​കാ​രി​യായ യഹോവ പറയുന്നു: ‘ഇസ്രാ​യേൽ ദേശത്തി​ന്റെ അവസ്ഥ കണ്ട്‌ നിങ്ങൾ ആഹ്ലാദി​ച്ച്‌ കൈ കൊട്ടി.+ പരമപു​ച്ഛ​ത്തോ​ടെ കാലുകൾ നിലത്ത്‌ അമർത്തി​ച്ച​വി​ട്ടി.+ 7 അതുകൊണ്ട്‌, ഞാൻ നിങ്ങൾക്കെ​തി​രെ കൈ നീട്ടി നിങ്ങളെ ജനതക​ളു​ടെ കൈയിൽ ഏൽപ്പി​ക്കും. അവർ നിങ്ങളെ കൊള്ള​യ​ടി​ക്കും. ഞാൻ നിങ്ങളെ ജനതക​ളു​ടെ ഇടയിൽനി​ന്ന്‌ നീക്കി​ക്ക​ള​യും;+ ദേശങ്ങ​ളു​ടെ ഇടയിൽനി​ന്ന്‌ നശിപ്പി​ച്ചു​ക​ള​യും. ഞാൻ നിങ്ങളെ ഇല്ലായ്‌മ ചെയ്യും. അങ്ങനെ, ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.’

8 “പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: ‘“യഹൂദാ​ഗൃ​ഹ​വും മറ്റു ജനതക​ളെ​പ്പോ​ലെ​ത​ന്നെ​യാണ്‌” എന്നു മോവാബും+ സേയീരും+ പറഞ്ഞതു​കൊണ്ട്‌ 9 ഞാൻ മോവാ​ബി​ന്റെ പാർശ്വ​ത്തെ,* അവന്റെ ദേശത്തി​ന്റെ സൗന്ദര്യമായ* അതിർത്തി​ന​ഗ​ര​ങ്ങളെ, അതായത്‌ ബേത്ത്‌-യശീ​മോ​നെ​യും ബാൽ-മേയോ​നെ​യും എന്തിന്‌, കിര്യ​ത്ത​യീം വരെയും,+ മലർക്കെ തുറന്നി​ടു​ന്നു. 10 അമ്മോന്യരോടൊപ്പം അതി​നെ​യും ഞാൻ കിഴക്കു​ള്ള​വർക്ക്‌ അവകാ​ശ​മാ​യി കൊടു​ക്കും.+ അങ്ങനെ, അമ്മോ​ന്യ​രെ ജനതക​ളു​ടെ ഇടയിൽ ആരും ഓർക്കാ​താ​കും.+ 11 മോവാബിന്‌ എതിരെ ഞാൻ എന്റെ ന്യായ​വി​ധി നടപ്പാ​ക്കും.+ അങ്ങനെ, ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.’

12 “പരമാ​ധി​കാ​രി​യായ യഹോവ പറയുന്നു: ‘ഏദോം യഹൂദാ​ഗൃ​ഹ​ത്തോ​ടു പ്രതി​കാ​ര​ദാ​ഹ​ത്തോ​ടെ പ്രവർത്തി​ച്ചി​രി​ക്കു​ന്നു. അവരോ​ടു പ്രതി​കാ​രം ചെയ്‌ത​തി​ലൂ​ടെ അവർ തങ്ങളുടെ മേൽ വലിയ കുറ്റം വരുത്തി​വെ​ച്ചി​രി​ക്കു​ക​യാണ്‌.+ 13 അതുകൊണ്ട്‌, പരമാ​ധി​കാ​രി​യായ യഹോവ പറയുന്നു: “ഞാൻ ഏദോ​മി​നു നേരെ​യും കൈ നീട്ടും. അവി​ടെ​യുള്ള മനുഷ്യ​രെ​യും മൃഗങ്ങ​ളെ​യും കൊന്നു​മു​ടി​ക്കും. ഏദോ​മി​നെ ഞാൻ നശിപ്പി​ക്കും.+ തേമാൻ മുതൽ ദേദാൻ വരെ അവർ വാളിന്‌ ഇരയാ​കും.+ 14 ‘ഞാൻ എന്റെ ജനമായ ഇസ്രാ​യേ​ലി​നെ ഉപയോ​ഗിച്ച്‌ ഏദോ​മി​നോ​ടു പ്രതി​കാ​രം ചെയ്യും.+ എന്റെ കോപ​വും ക്രോ​ധ​വും അവർ ഏദോ​മി​ന്റെ മേൽ ചൊരി​യും. അങ്ങനെ, അവർ എന്റെ പ്രതി​കാ​ര​ത്തി​ന്റെ രുചി അറിയും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”’

15 “പരമാ​ധി​കാ​രി​യായ യഹോവ പറയുന്നു: ‘ഫെലി​സ്‌ത്യർ ഒടുങ്ങാത്ത ശത്രു​ത​യോ​ടെ, കടുത്ത ദ്രോ​ഹ​ബു​ദ്ധി​യോ​ടെ പ്രതി​കാ​രം ചെയ്യാ​നും നാശം വിതയ്‌ക്കാ​നും നോക്കി.+ 16 അതുകൊണ്ട്‌, പരമാ​ധി​കാ​രി​യായ യഹോവ പറയുന്നു: “ഞാൻ ഇതാ, എന്റെ കൈ ഫെലി​സ്‌ത്യ​രു​ടെ നേരെ നീട്ടുന്നു!+ ഞാൻ കെരാ​ത്യ​രെ നിഗ്ര​ഹി​ക്കും.+ തീര​ദേ​ശ​വാ​സി​ക​ളിൽ ബാക്കി​യു​ള്ള​വരെ കൊന്നു​ക​ള​യും.+ 17 ഉഗ്രകോപത്തോടെയുള്ള ശിക്ഷക​ളാൽ ഞാൻ അവരുടെ മേൽ മഹാ​പ്ര​തി​കാ​രം നടത്തും. ഇങ്ങനെ ഞാൻ പ്രതി​കാ​രം ചെയ്യു​മ്പോൾ ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.”’”

26 11-ാം വർഷം, മാസത്തി​ന്റെ ഒന്നാം ദിവസം എനിക്ക്‌ യഹോ​വ​യിൽനിന്ന്‌ സന്ദേശം കിട്ടി: 2 “മനുഷ്യ​പു​ത്രാ, യരുശ​ലേ​മി​നെ​ക്കു​റിച്ച്‌ സോർ+ ഇങ്ങനെ പറഞ്ഞില്ലേ? ‘ജനതക​ളു​ടെ കവാടം തകർന്ന​ടി​ഞ്ഞ​ല്ലോ.+ അതു നന്നായി! ഇനി എല്ലാം എന്റെ വഴിക്കു വരും. അവൾ നശിച്ച സ്ഥിതിക്കു ഞാൻ ഇനി സമ്പന്നയാ​കും.’ 3 അതുകൊണ്ട്‌, പരമാ​ധി​കാ​രി​യായ യഹോവ പറയുന്നു: ‘സോരേ, ഞാൻ നിനക്ക്‌ എതിരാ​ണ്‌. കടലിൽ തിര അടിക്കു​ന്ന​തു​പോ​ലെ ഞാൻ അനേകം ജനതകളെ നിനക്ക്‌ എതിരെ വരുത്തും. 4 അവർ സോരി​ന്റെ മതിലു​കൾ തകർക്കും; അവളുടെ ഗോപു​രങ്ങൾ ഇടിച്ചു​ക​ള​യും.+ ഞാൻ അവളുടെ മണ്ണു മുഴുവൻ ചുരണ്ടി​ക്കോ​രി അവളെ വെറു​മൊ​രു പാറ​ക്കെ​ട്ടാ​ക്കും. 5 സമുദ്രമധ്യേ വല ഉണക്കാ​നുള്ള ഒരു സ്ഥലമായി അവൾ മാറും.’+

“‘കാരണം, ഞാനാണ്‌ ഇതു പറയു​ന്നത്‌’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. ‘ജനതകൾ അവളെ കൊള്ള​യ​ടി​ക്കും. 6 നാട്ടിൻപുറത്തുള്ള അവളുടെ ഗ്രാമങ്ങൾ* വാളിന്‌ ഇരയാ​കും. അങ്ങനെ, ഞാൻ യഹോ​വ​യാ​ണെന്ന്‌ ആളുകൾ അറി​യേ​ണ്ടി​വ​രും.’

7 “പരമാ​ധി​കാ​രി​യായ യഹോവ പറയുന്നു: ‘ഞാൻ ഇതാ, വടക്കു​നിന്ന്‌ ബാബി​ലോ​ണി​ലെ നെബൂഖദ്‌നേസർ* രാജാ​വി​നെ സോരി​ന്‌ എതിരെ വരുത്തു​ന്നു.+ അവൻ കുതി​ര​ക​ളും കുതിരപ്പടയാളികളും+ യുദ്ധരഥങ്ങളും+ ഒരു വൻസൈന്യവും* ഉള്ള രാജാ​ധി​രാ​ജാ​വാണ്‌.+ 8 നാട്ടിൻപുറത്തുള്ള നിന്റെ ഗ്രാമങ്ങൾ അവൻ വാളിന്‌ ഇരയാ​ക്കും. അവൻ നിനക്ക്‌ എതിരെ ഉപരോ​ധ​മ​തിൽ പണിയും. നിന്നെ ആക്രമി​ക്കാൻവേണ്ടി ചെരിഞ്ഞ തിട്ട ഉണ്ടാക്കും. നിനക്ക്‌ എതിരെ ഒരു വൻപരിച ഉയർത്തും. 9 അവൻ യന്ത്രമുട്ടികൊണ്ട്‌* നിന്റെ മതിലു​കൾ ഇടിച്ച്‌ തകർക്കും. കോടാലികൊണ്ട്‌* നിന്റെ ഗോപു​രങ്ങൾ പൊളി​ച്ചു​ക​ള​യും. 10 അവന്റെ അനവധി​യായ കുതി​രകൾ ഉയർത്തുന്ന പൊടി​പ​ടലം നിന്നെ മൂടും. മതിൽ തകർന്ന നഗരത്തി​ലേക്ക്‌ ആളുകൾ ഇരച്ചു​ക​യ​റു​ന്ന​തു​പോ​ലെ അവൻ നിന്റെ കവാട​ങ്ങ​ളി​ലൂ​ടെ പ്രവേ​ശി​ക്കും. അപ്പോൾ, കുതി​ര​പ്പ​ട​യാ​ളി​ക​ളു​ടെ​യും രഥങ്ങളു​ടെ​യും രഥച​ക്ര​ങ്ങ​ളു​ടെ​യും ശബ്ദത്താൽ നിന്റെ മതിലു​കൾ കുലു​ങ്ങും. 11 അവന്റെ കുതി​ര​ക​ളു​ടെ കുളമ്പു​കൾ നിന്റെ തെരു​വു​ക​ളെ​ല്ലാം ചവിട്ടി​മെ​തി​ക്കും.+ അവൻ നിന്റെ ജനത്തെ വാളു​കൊണ്ട്‌ വെട്ടി​ക്കൊ​ല്ലും. നിന്റെ ഉറപ്പുള്ള തൂണുകൾ നിലം​പൊ​ത്തും. 12 അവർ നിന്റെ സമ്പത്തു കവർച്ച ചെയ്യും. കച്ചവടച്ചരക്കുകൾ+ കൊള്ള​യ​ടി​ക്കും. മതിലു​കൾ പൊളി​ച്ചു​ക​ള​യും. മനോ​ഹ​ര​ഭ​വ​നങ്ങൾ ഇടിച്ചു​ക​ള​യും. എന്നിട്ട്‌, നിന്റെ കല്ലും മണ്ണും തടി​കൊ​ണ്ടുള്ള ഉരുപ്പ​ടി​ക​ളും വെള്ളത്തിൽ എറിയും.’

13 “‘നിന്റെ പാട്ടു​ക​ളു​ടെ ശബ്ദം ഞാൻ നിറു​ത്തി​ക്കും. നിന്റെ കിന്നരങ്ങൾ ഇനി ഒരിക്ക​ലും നാദം ഉയർത്തില്ല.+ 14 ഞാൻ നിന്നെ തിളങ്ങി​ക്കി​ട​ക്കുന്ന വെറും പാറയാ​ക്കും. വല ഉണക്കാ​നുള്ള ഒരു സ്ഥലമായി നീ മാറും.+ നിന്നെ ഇനി ഒരിക്ക​ലും പുതു​ക്കി​പ്പ​ണി​യില്ല. കാരണം, യഹോവ എന്ന ഞാനാണ്‌ ഇതു പറയു​ന്നത്‌’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

15 “പരമാ​ധി​കാ​രി​യായ യഹോവ സോരി​നോ​ടു പറയു​ന്നത്‌ ഇതാണ്‌: ‘നിന്റെ വീഴ്‌ച​യു​ടെ ശബ്ദം കേൾക്കു​മ്പോൾ, മരിക്കാറായവർ* ഞരങ്ങു​മ്പോൾ, നിന്റെ മധ്യേ കൂട്ടക്കു​രു​തി നടക്കു​മ്പോൾ ദ്വീപു​കൾ വിറയ്‌ക്കാ​തി​രി​ക്കു​മോ?+ 16 കടലിലെ പ്രഭു​ക്ക​ന്മാ​രെ​ല്ലാം സിംഹാ​സനം വിട്ട്‌ ഇറങ്ങി​വ​രും. അവർ അവരുടെ കുപ്പായം* അഴിച്ചു​മാ​റ്റും. ചിത്ര​ത്ത​യ്യ​ലുള്ള വസ്‌ത്രങ്ങൾ ഊരി​ക്ക​ള​യും. അവർ പേടിച്ചുവിറച്ച്‌* നിലത്ത്‌ ഇരുന്ന്‌ ആശ്ചര്യ​ത്തോ​ടെ നിന്നെ തുറി​ച്ചു​നോ​ക്കും. വിറയൽ അവരെ വിട്ടു​മാ​റില്ല.+ 17 അവർ നിന്നെ​ക്കു​റിച്ച്‌ ഒരു വിലാ​പ​ഗീ​തം ആലപി​ക്കും.+ അവർ ഇങ്ങനെ പാടും:

19 “കാരണം, പരമാ​ധി​കാ​രി​യായ യഹോവ പറയുന്നു: ‘ആൾപ്പാർപ്പി​ല്ലാത്ത നഗരങ്ങ​ളെ​പ്പോ​ലെ ഞാൻ നിന്നെ ശൂന്യ​യാ​ക്കു​മ്പോൾ, ആർത്തലച്ച്‌ വരുന്ന വെള്ളത്തിൽ മുക്കി പെരു​വെ​ള്ള​ത്താൽ നിന്നെ മൂടു​മ്പോൾ,+ 20 നിന്നെയും നിന്നോ​ടൊ​പ്പം കുഴിയിലേക്കു* പോകു​ന്ന​വ​രെ​യും ഞാൻ പണ്ടു ജീവി​ച്ചി​രുന്ന ആളുക​ളു​ടെ അടു​ത്തേക്ക്‌ അയയ്‌ക്കും. നശിച്ചു​പോയ പുരാ​ത​ന​സ്ഥ​ല​ങ്ങ​ളെ​പ്പോ​ലുള്ള ഒരു അത്യഗാ​ധ​സ്ഥ​ലത്ത്‌, കുഴി​യി​ലേക്കു പോകു​ന്ന​വ​രോ​ടൊ​പ്പം നീ കഴി​യേ​ണ്ടി​വ​രും.+ ഞാൻ ഇതു ചെയ്യു​ന്നതു മേലാൽ ആരും നിന്നിൽ താമസ​മാ​ക്കാ​തി​രി​ക്കാ​നാണ്‌. പിന്നെ, ജീവി​ച്ചി​രി​ക്കു​ന്ന​വ​രു​ടെ ദേശത്തെ ഞാൻ മഹത്ത്വ​ത്തി​ലേക്ക്‌ ഉയർത്തും.*

21 “‘ഞാൻ പൊടു​ന്നനെ നിന്റെ മേൽ ഭീതി വിതയ്‌ക്കും. നീ ഇല്ലാതാ​കും.+ അവർ നിന്നെ തിരയും; പക്ഷേ, ഒരിക്ക​ലും കണ്ടെത്തില്ല’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

“സോരേ, നീ സ്വയം ‘സൗന്ദര്യ​സ​മ്പൂർണ’ എന്നു പുകഴ്‌ത്തു​ന്ന​ല്ലോ.+

 8 സീദോൻകാരും അർവാദുകാരും+ ആയിരു​ന്നു നിന്റെ തുഴക്കാർ.

സോരേ, നിന്റെ സ്വന്തം ആളുക​ളാ​യി​രു​ന്നു നിന്റെ കപ്പൽജോ​ലി​ക്കാർ. എല്ലാവ​രും നിപു​ണ​രായ പുരു​ഷ​ന്മാർ!+

 9 അനുഭവപരിചയമുള്ള,* പ്രഗല്‌ഭ​രായ ഗബാൽപുരുഷന്മാരാണു+ നിന്റെ കപ്പലു​ക​ളു​ടെ വിള്ളൽ അടച്ചി​രു​ന്നത്‌.+

കടലിലെ എല്ലാ കപ്പലു​ക​ളും അവയുടെ നാവി​ക​രും കച്ചവട​ത്തി​നു നിന്റെ അടുത്ത്‌ വന്നു.

10 പേർഷ്യയിലെയും ലൂദി​ലെ​യും പൂതിലെയും+ പുരു​ഷ​ന്മാർ നിന്റെ സൈന്യ​ത്തി​ലു​ണ്ടാ​യി​രു​ന്നു; യുദ്ധവീ​ര​ന്മാ​രാ​യി​രു​ന്നു അവർ.

അവർ അവരുടെ പരിച​ക​ളും പടത്തൊ​പ്പി​ക​ളും നിന്നിൽ തൂക്കി​യി​ട്ടു. അവർ നിനക്കു മഹിമ ചാർത്തി.

12 “‘“നീ ഏറെ സമ്പന്നയാ​യ​തു​കൊണ്ട്‌ തർശീശ്‌+ നീയു​മാ​യി വ്യാപാ​രം ചെയ്‌തു. നിന്റെ ചരക്കുകൾക്കു+ പകരമാ​യി അവർ വെള്ളി​യും ഇരുമ്പും തകരവും ഈയവും തന്നു.+ 13 നീയുമായി യാവാ​നും തൂബലും+ മേശെക്കും+ വ്യാപാ​രം ചെയ്‌തു. നിന്റെ കച്ചവട​ച്ച​ര​ക്കു​കൾക്കു പകരമാ​യി അടിമകളെ+ അവർ തന്നു. ചെമ്പു​രു​പ്പ​ടി​ക​ളും അവർ നിനക്കു നൽകി. 14 തോഗർമഗൃഹം+ നിന്റെ ചരക്കു​കൾക്കു പകരമാ​യി തന്നതു കുതി​ര​ക​ളെ​യും കോവർക​ഴു​ത​ക​ളെ​യും ആയിരു​ന്നു. 15 ദേദാനിലെ+ ആളുകൾ നീയു​മാ​യി വ്യാപാ​രം ചെയ്‌തു. ധാരാളം ദ്വീപു​ക​ളിൽ നീ നിന്റെ വ്യാപാ​രി​കളെ നിയോ​ഗി​ച്ചു. അവർ ആനക്കൊമ്പുകളും+ കരി മരവും നിനക്കു കപ്പമായി തന്നു. 16 നിന്റെ ഉത്‌പ​ന്ന​ങ്ങ​ളു​ടെ സമൃദ്ധി​യാൽ ഏദോം നീയു​മാ​യി വ്യാപാ​ര​ത്തിൽ ഏർപ്പെട്ടു. അവർ നിന്റെ ചരക്കു​കൾക്കു പകരം നീലഹ​രി​ത​ക്കല്ല്‌, പർപ്പിൾ നിറത്തി​ലുള്ള കമ്പിളി, ബഹുവർണ​നൂ​ലു​ക​ളാൽ ചിത്ര​പ്പണി ചെയ്‌ത തുണി​ത്ത​രങ്ങൾ, മേത്തരം തുണി, പവിഴ​ക്കല്ല്‌, മാണി​ക്യം എന്നിവ തന്നു.

17 “‘“യഹൂദ​യും ഇസ്രാ​യേൽ ദേശവും നീയു​മാ​യി വ്യാപാ​രം ചെയ്‌തു. നിന്റെ ചരക്കു​കൾക്കു പകരമാ​യി അവർ മിന്നീതിലെ+ ഗോത​മ്പും വിശേ​ഷ​പ്പെട്ട ഭക്ഷ്യവ​സ്‌തു​ക്ക​ളും തേനും+ എണ്ണയും സുഗന്ധക്കറയും+ തന്നു.+

18 “‘“നിന്റെ ഉത്‌പ​ന്ന​ങ്ങ​ളു​ടെ സമൃദ്ധി​യും സകല സമ്പത്തും കണ്ട്‌ ദമസ്‌കൊസ്‌+ നീയു​മാ​യി വ്യാപാ​രം ചെയ്‌തു. നിന്റെ ചരക്കു​കൾക്കു പകരം ഹെൽബോ​നിൽനി​ന്നുള്ള വീഞ്ഞും സേഹരിൽനി​ന്നുള്ള കമ്പിളിയും* അവൾ കൈമാ​റി. 19 വെദാനും ഊസാ​ലി​ലെ യാവാ​നും നിന്റെ ചരക്കു​കൾക്കു പകരമാ​യി പച്ചിരു​മ്പ്‌, ഇലവങ്ങം,* ഇഞ്ചിപ്പുല്ല്‌* എന്നിവ തന്നു. 20 സവാരിമൃഗത്തിന്റെ പുറത്ത്‌ ഇടുന്ന തുണി​യു​ടെ വ്യാപാ​ര​ത്തി​നു ദേദാൻ+ നിന്റെ അടുത്ത്‌ വന്നു. 21 ചെമ്മരിയാട്ടിൻകുട്ടികളുടെയും കോലാ​ടു​ക​ളു​ടെ​യും ചെമ്മരി​യാ​ടു​ക​ളു​ടെ​യും വ്യാപാ​രി​ക​ളായ അറബികളെയും+ കേദാർതലവന്മാരെയും+ നീ കച്ചവടം നടത്താൻ ഏർപ്പാ​ടാ​ക്കി. 22 ശേബയിലെയും റാമയിലെയും+ വ്യാപാ​രി​കൾ നീയു​മാ​യി കച്ചവടം ചെയ്‌തു. അവർ നിന്റെ ചരക്കു​കൾക്കു പകരമാ​യി വിശേ​ഷ​പ്പെട്ട എല്ലാ തരം സുഗന്ധ​ദ്ര​വ്യ​ങ്ങ​ളും രത്‌ന​ങ്ങ​ളും സ്വർണ​വും തന്നു.+ 23 ശേബ,+ അശ്ശൂർ,+ കിൽമദ്‌ എന്നിവി​ട​ങ്ങ​ളി​ലെ വ്യാപാ​രി​ക​ളും ഹാരാനും+ കന്നെയും ഏദെനും+ നീയു​മാ​യി കച്ചവടം നടത്തി. 24 അവർ മനോ​ഹ​ര​മായ വസ്‌ത്ര​ങ്ങ​ളും നീലത്തു​ണി​യിൽ പല നിറത്തി​ലുള്ള നൂലു​കൊണ്ട്‌ ചിത്ര​പ്പണി ചെയ്‌ത മേലങ്കി​ക​ളും വർണശ​ബ​ള​മായ പരവതാ​നി​ക​ളും കൊണ്ടു​വന്ന്‌ നിന്റെ കമ്പോ​ള​ത്തിൽ വ്യാപാ​രം ചെയ്‌തു. ഇവയെ​ല്ലാം കയറു​കൊണ്ട്‌ കെട്ടി​മു​റു​ക്കി ഭദ്രമാ​ക്കി​വെ​ച്ചി​രു​ന്നു.

28 നിന്റെ കപ്പൽജോ​ലി​ക്കാർ നിലവി​ളി​ക്കു​മ്പോൾ തീര​ദേ​ശങ്ങൾ പേടി​ച്ചു​വി​റ​യ്‌ക്കും.

32 കരച്ചിലിനിടെ അവർ ഒരു വിലാ​പ​ഗീ​തം ആലപി​ക്കും. അവർ നിന്നെ​ക്കു​റിച്ച്‌ ഇങ്ങനെ പാടും:

‘സമു​ദ്ര​മ​ധ്യേ നിശ്ശബ്ദ​യാ​യി​പ്പോയ സോരി​നെ​പ്പോ​ലെ ആരുണ്ട്‌?+

33 പുറങ്കടലിൽനിന്ന്‌ വന്ന നിന്റെ ചരക്കു​കൾകൊണ്ട്‌ നീ ധാരാളം ജനതകളെ തൃപ്‌തി​പ്പെ​ടു​ത്തി.+

നിന്റെ വൻസമ്പ​ത്തും കച്ചവട​ച്ച​ര​ക്കു​ക​ളും ഭൂമി​യി​ലെ രാജാ​ക്ക​ന്മാ​രെ സമ്പന്നരാ​ക്കി.+

36 നിന്റെ അവസ്ഥ കണ്ട്‌ ജനതക​ളി​ലെ വ്യാപാ​രി​കൾ അതിശ​യ​ത്തോ​ടെ തലയിൽ കൈ വെക്കും.*

28 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, സോരി​ന്റെ നേതാ​വി​നോ​ടു പറയൂ: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌:

“ഹൃദയം ധാർഷ്ട്യ​മു​ള്ള​താ​യി മാറിയിട്ട്‌+ നീ,

‘സമു​ദ്ര​ത്തി​ന്റെ ഹൃദയഭാഗത്ത്‌+ ദേവസിം​ഹാ​സ​ന​ത്തിൽ ഇരിക്കുന്ന ഞാൻ ഒരു ദൈവ​മാണ്‌’ എന്നു വീണ്ടും​വീ​ണ്ടും പറയുന്നു.

 3 ദാനിയേലിനെക്കാൾ ബുദ്ധിയുള്ളവനാണെന്നാണല്ലോ+ നിന്റെ ഭാവം.

നിനക്ക്‌ അറിയാത്ത ഒരു രഹസ്യ​വു​മി​ല്ലെ​ന്നാ​ണു നിന്റെ വിചാരം.

6 “‘അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു:

 9 നിന്നെ കൊല്ലു​ന്ന​വ​നോട്‌, ‘ഞാൻ ഒരു ദൈവ​മാണ്‌’ എന്ന്‌ അപ്പോ​ഴും നീ പറയു​മോ?

നിന്നെ കളങ്ക​പ്പെ​ടു​ത്തു​ന്ന​വ​രു​ടെ കൈയിൽ നീ വെറു​മൊ​രു മനുഷ്യ​നാ​യി​രി​ക്കും, ദൈവ​മാ​യി​രി​ക്കില്ല.”’

11 എനിക്കു വീണ്ടും യഹോ​വ​യു​ടെ സന്ദേശം കിട്ടി: 12 “മനുഷ്യ​പു​ത്രാ, സോർരാ​ജാ​വി​നെ​ക്കു​റിച്ച്‌ ഒരു വിലാ​പ​ഗീ​തം പാടൂ! അവനോ​ട്‌ ഇങ്ങനെ പറയണം: ‘പരമാ​ധി​കാ​രി​യായ യഹോവ പറയുന്നു:

13 നീ ദൈവ​ത്തി​ന്റെ തോട്ട​മായ ഏദെനി​ലാ​യി​രു​ന്നു.

നിന്നെ സൃഷ്ടിച്ച ദിവസം​തന്നെ അവയെ​ല്ലാം ഒരുക്കി​വെ​ച്ചി​രു​ന്നു.

14 മറയ്‌ക്കാൻ നിൽക്കുന്ന അഭിഷി​ക്ത​കെ​രൂ​ബാ​യി ഞാൻ നിന്നെ നിയമി​ച്ചു.

നീ ദൈവ​ത്തി​ന്റെ വിശു​ദ്ധ​പർവ​ത​ത്തി​ലാ​യി​രു​ന്നു.+ അഗ്നിശി​ല​കൾക്കി​ട​യി​ലൂ​ടെ നീ ചുറ്റി​ന​ടന്നു.

17 സൗന്ദര്യത്താൽ+ നിന്റെ ഹൃദയ​ത്തിൽ ധാർഷ്ട്യം നിറഞ്ഞു.

നിന്റെ മഹനീയപ്രൗഢികൊണ്ട്‌+ നീ നിന്റെ ജ്ഞാനം ദുഷി​പ്പി​ച്ചു.

ഞാൻ നിന്നെ ഭൂമി​യി​ലേക്ക്‌ എറിഞ്ഞു​ക​ള​യും.+

രാജാ​ക്ക​ന്മാ​രു​ടെ മുന്നിൽ ഞാൻ നിന്നെ ഒരു കാഴ്‌ച​വ​സ്‌തു​വാ​ക്കും.

18 നിന്റെ തെറ്റു​ക​ളു​ടെ പെരു​പ്പ​ത്താ​ലും സത്യസ​ന്ധ​മ​ല്ലാത്ത വ്യാപാ​ര​ത്താ​ലും നീ നിന്റെ വിശു​ദ്ധ​മ​ന്ദി​രങ്ങൾ അശുദ്ധ​മാ​ക്കി.

നിന്റെ മധ്യേ തീ ആളിപ്പ​ട​രാൻ ഞാൻ ഇടയാ​ക്കും. അതു നിന്നെ വിഴു​ങ്ങി​ക്ക​ള​യും.+

നിന്നെ നോക്കി​ക്കൊ​ണ്ടി​രി​ക്കുന്ന എല്ലാവ​രു​ടെ​യും കൺമു​ന്നിൽവെച്ച്‌ ഞാൻ നിന്നെ നിലത്തെ ചാരമാ​ക്കി​ക്ക​ള​യും.

19 ജനതകളിൽ നിന്നെ അറിയു​ന്ന​വ​രെ​ല്ലാം ആശ്ചര്യ​ത്തോ​ടെ നിന്നെ തുറിച്ച്‌ നോക്കും.+

20 എനിക്കു വീണ്ടും യഹോ​വ​യു​ടെ സന്ദേശം കിട്ടി: 21 “മനുഷ്യ​പു​ത്രാ, സീദോന്‌+ എതിരെ മുഖം തിരിച്ച്‌ അവൾക്കെ​തി​രെ പ്രവചി​ക്കൂ! 22 നീ പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌:

23 ഞാൻ അവളുടെ ഇടയി​ലേക്കു മാരക​മായ പകർച്ച​വ്യാ​ധി അയയ്‌ക്കും. അവളുടെ തെരു​വു​ക​ളിൽ രക്തം ഒഴുകും.

24 “‘“ഇസ്രാ​യേൽഗൃ​ഹ​ത്തോ​ടു നിന്ദ​യോ​ടെ പെരു​മാ​റുന്ന ആരും, അവളെ കുത്തി​നോ​വി​ക്കുന്ന മുൾച്ചെ​ടി​ക​ളാ​യോ തുളച്ചു​ക​യ​റുന്ന മുള്ളുകളായോ+ മേലാൽ അവർക്കു ചുറ്റു​മു​ണ്ടാ​യി​രി​ക്കില്ല. ഞാൻ പരമാ​ധി​കാ​രി​യായ യഹോ​വ​യാ​ണെന്ന്‌ ആളുകൾ അറി​യേ​ണ്ടി​വ​രും.”’

25 “‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ജനതക​ളു​ടെ ഇടയി​ലേക്കു ചിതറി​പ്പോയ ഇസ്രാ​യേൽഗൃ​ഹത്തെ ഞാൻ കൂട്ടിച്ചേർക്കുമ്പോൾ+ ജനതകൾ കാൺകെ ഞാൻ അവരുടെ ഇടയിൽ വിശു​ദ്ധീ​ക​രി​ക്ക​പ്പെ​ടും.+ ഞാൻ എന്റെ ദാസനായ യാക്കോ​ബി​നു കൊടുത്ത ദേശത്ത്‌, സ്വന്തം മണ്ണിൽ, അവർ താമസി​ക്കും.+ 26 അവർ സുരക്ഷി​ത​രാ​യി കഴിയും.+ വീടുകൾ പണിത്‌ മുന്തി​രി​ത്തോ​ട്ടങ്ങൾ നട്ടുണ്ടാ​ക്കും.+ അവരോ​ടു നിന്ദ​യോ​ടെ പെരു​മാ​റുന്ന അവരുടെ ചുറ്റു​മുള്ള എല്ലാവ​രു​ടെ​യും മേൽ ഞാൻ വിധി നടപ്പാക്കുമ്പോൾ+ അവർ സുരക്ഷി​ത​രാ​യി താമസി​ക്കും. അങ്ങനെ, അവരുടെ ദൈവ​മായ യഹോ​വ​യാ​ണു ഞാൻ എന്ന്‌ അവർ അറി​യേ​ണ്ടി​വ​രും.”’”

29 പത്താം വർഷം പത്താം മാസം 12-ാം ദിവസം എനിക്ക്‌ യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, ഈജി​പ്‌തു​രാ​ജാ​വായ ഫറവോ​നു നേരെ മുഖം തിരിച്ച്‌ അവനും അവന്റെ ഈജി​പ്‌തി​നും എതിരെ പ്രവചി​ക്കൂ!+ 3 നീ ഇങ്ങനെ പറയണം: ‘പരമാ​ധി​കാ​രി​യായ യഹോവ പറയുന്നു:

ഞാൻ ഇത്‌ എനിക്കാ​യി ഉണ്ടാക്കി​യ​താണ്‌’ എന്നു നീ പറഞ്ഞല്ലോ.+

 4 പക്ഷേ ഞാൻ നിന്റെ താടി​യെ​ല്ലിൽ ചൂണ്ട കൊളു​ത്തും. നിന്റെ നൈലി​ലെ മത്സ്യങ്ങൾ നിന്റെ ചെതു​മ്പ​ലിൽ പറ്റിപ്പി​ടി​ക്കാൻ ഞാൻ ഇടയാ​ക്കും.

ഞാൻ നിന്നെ​യും നിന്റെ ചെതു​മ്പ​ലിൽ പറ്റിപ്പി​ടി​ച്ചി​രി​ക്കുന്ന എല്ലാ മത്സ്യങ്ങ​ളെ​യും നിന്റെ നൈലിൽനി​ന്ന്‌ വലിച്ചു​ക​യ​റ്റും.

 5 നിന്നെയും നിന്റെ നൈലി​ലെ എല്ലാ മത്സ്യങ്ങ​ളെ​യും ഞാൻ മരുഭൂ​മി​യിൽ ഉപേക്ഷി​ക്കും.

നീ തുറസ്സായ സ്ഥലത്ത്‌ വീഴും. ചിതറി​ക്കി​ട​ക്കുന്ന നിന്റെ ശരീര​ഭാ​ഗങ്ങൾ ആരും പെറു​ക്കി​ക്കൂ​ട്ടില്ല.+

ഞാൻ നിന്നെ ഭൂമി​യി​ലെ വന്യമൃ​ഗ​ങ്ങൾക്കും ആകാശ​ത്തി​ലെ പക്ഷികൾക്കും ആഹാര​മാ​യി കൊടു​ക്കും.+

 7 അവർ കൈയിൽ പിടി​ച്ച​പ്പോൾ നീ തകർന്നു​പോ​യി.

നീ കാരണം അവരുടെ തോൾ കീറി​പ്പോ​യി.

8 “‘അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു: “ഞാൻ ഇതാ, നിനക്ക്‌ എതിരെ ഒരു വാൾ അയയ്‌ക്കു​ന്നു.+ നിന്നി​ലുള്ള മനുഷ്യ​രെ​യും മൃഗങ്ങ​ളെ​യും ഞാൻ നിഗ്ര​ഹി​ക്കും. 9 ഈജിപ്‌ത്‌ ഒരു പാഴി​ട​മാ​കും. അതു നശിച്ചു​കി​ട​ക്കും.+ ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും; കാരണം, ‘നൈൽ നദി എന്റെ സ്വന്തമാ​ണ്‌; ഞാനാണ്‌ ഇത്‌ ഉണ്ടാക്കി​യത്‌’ എന്നല്ലേ നീ* പറഞ്ഞത്‌?+ 10 അതുകൊണ്ട്‌ ഞാൻ നിനക്കും നിന്റെ നൈലി​നും എതിരാ​ണ്‌. ഞാൻ ഈജി​പ്‌ത്‌ ദേശത്തെ നശിച്ചു​കി​ട​ക്കുന്ന ഒരു പാഴി​ട​മാ​ക്കും.+ മിഗ്‌ദോൽ+ മുതൽ സെവേനെ+ വരെ, എത്യോ​പ്യ​യു​ടെ അതിർത്തി​വരെ, അത്‌ ഉണങ്ങി​വ​ര​ണ്ടു​കി​ട​ക്കും. 11 മനുഷ്യരോ മൃഗങ്ങ​ളോ അതുവഴി നടക്കില്ല.+ 40 വർഷം ആരും അവിടെ താമസി​ക്കില്ല. 12 ഈജിപ്‌തിനെ ഞാൻ പാഴാ​യി​ക്കി​ട​ക്കുന്ന ഒരു ദേശമാ​ക്കും. അത്രയും പാഴാ​യി​ക്കി​ട​ക്കുന്ന മറ്റൊരു ദേശവു​മു​ണ്ടാ​യി​രി​ക്കില്ല. അതിലെ നഗരങ്ങ​ളു​ടെ​യ​ത്ര​യും വിജന​മാ​യി​ക്കി​ട​ക്കുന്ന മറ്റൊരു നഗരവു​മു​ണ്ടാ​യി​രി​ക്കില്ല. 40 വർഷ​ത്തേക്ക്‌ അവ അങ്ങനെ കിടക്കും.+ ഈജി​പ്‌തു​കാ​രെ ഞാൻ ജനതക​ളു​ടെ ഇടയി​ലേക്കു ചിതറി​ക്കും. പല ദേശങ്ങ​ളി​ലേക്കു ഞാൻ അവരെ ഓടി​ച്ചു​ക​ള​യും.”+

13 “‘പരമാ​ധി​കാ​രി​യായ യഹോവ പറയുന്നു: “ജനതക​ളു​ടെ ഇടയി​ലേക്കു ചിതറി​പ്പോയ ഈജി​പ്‌തു​കാ​രെ 40 വർഷം കഴിയു​മ്പോൾ ഞാൻ കൂട്ടി​വ​രു​ത്തും.+ 14 ഈജിപ്‌തിൽനിന്ന്‌ ബന്ദിക​ളാ​യി കൊണ്ടു​പോ​യ​വരെ ഞാൻ അവരുടെ ജന്മദേ​ശ​മായ പത്രോസിലേക്കു+ മടക്കി​ക്കൊ​ണ്ടു​വ​രും. അവർ പിന്നീട്‌ ഒരു എളിയ രാജ്യ​മാ​യി​രി​ക്കും. 15 ഈജിപ്‌ത്‌ മറ്റെല്ലാ രാജ്യ​ങ്ങ​ളെ​ക്കാ​ളും താണു​പോ​കും. മേലാൽ അതു മറ്റു ജനതകളെ അടക്കി ഭരിക്കില്ല.+ മറ്റു ജനതകളെ കീഴട​ക്കാൻ കഴിയാത്ത വിധം ഞാൻ അവരെ തീരെ ചെറു​താ​ക്കും.+ 16 പിന്നെ ഒരിക്ക​ലും ഈജി​പ്‌ത്‌ ഇസ്രാ​യേൽഗൃ​ഹ​ത്തിന്‌ ഒരു ആശ്രയ​മാ​യി​രി​ക്കില്ല.+ മറിച്ച്‌, സഹായ​ത്തി​നു​വേണ്ടി ഈജി​പ്‌തി​ലേക്കു നോക്കി​യത്‌ എത്ര തെറ്റാ​യി​പ്പോ​യി എന്നതിന്റെ ഓർമി​പ്പി​ക്കൽ മാത്ര​മാ​യി​രി​ക്കും അത്‌. ഞാൻ പരമാ​ധി​കാ​രി​യായ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.”’”

17 27-ാം വർഷം ഒന്നാം മാസം ഒന്നാം ദിവസം എനിക്ക്‌ യഹോ​വ​യു​ടെ സന്ദേശം കിട്ടി: 18 “മനുഷ്യ​പു​ത്രാ, സോരി​ന്‌ എതിരെ പ്രവർത്തി​ക്കാൻ ബാബി​ലോ​ണി​ലെ നെബൂഖദ്‌നേസർ* രാജാവ്‌+ തന്റെ സൈന്യ​ത്തെ നിയോ​ഗി​ച്ചു;+ അവൻ അവരെ​ക്കൊണ്ട്‌ കഠിന​മാ​യി വേല ചെയ്യിച്ചു. എല്ലാ തലയും കഷണ്ടി​യാ​യി. എല്ലാവ​രു​ടെ​യും തോളി​ലെ തൊലി പോയി. പക്ഷേ, സോരി​ലെ ആ അധ്വാ​ന​ത്തിന്‌ അവനും അവന്റെ സൈന്യ​ത്തി​നും കൂലി​യൊ​ന്നും കിട്ടി​യില്ല.

19 “അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു: ‘ഇതാ, ഞാൻ ബാബി​ലോൺരാ​ജാ​വായ നെബൂഖദ്‌നേസറിന്‌+ ഈജി​പ്‌ത്‌ ദേശം കൊടു​ക്കു​ക​യാണ്‌. അവൻ അതിനെ കൊള്ള​യ​ടിച്ച്‌ കവർച്ച ചെയ്‌ത്‌ അവളുടെ സമ്പത്തെ​ല്ലാം കൊണ്ടു​പോ​കും. അതായി​രി​ക്കും അവന്റെ സൈന്യ​ത്തി​നുള്ള കൂലി.’

20 “‘അവൾക്കെതിരെ* അവൻ ചെയ്‌ത അധ്വാ​ന​ത്തി​നു പ്രതി​ഫ​ല​മാ​യി ഞാൻ ഈജി​പ്‌ത്‌ ദേശം അവനു കൊടു​ക്കും. കാരണം, എനിക്കു​വേ​ണ്ടി​യാ​ണ​ല്ലോ അവർ അതു ചെയ്‌തത്‌’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

21 “അന്ന്‌ ഇസ്രാ​യേൽഗൃ​ഹ​ത്തി​നു​വേണ്ടി ഞാൻ ഒരു കൊമ്പു മുളപ്പി​ക്കും.*+ അവരോ​ടു സംസാ​രി​ക്കാൻ ഞാൻ നിനക്ക്‌ അവസരം തരും. ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.”

30 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, ഇങ്ങനെ പ്രവചി​ക്കൂ: ‘പരമാ​ധി​കാ​രി​യായ യഹോവ പറയുന്നു:

“‘അയ്യോ! ആ ദിവസം വരുന്നു’ എന്നു പറഞ്ഞ്‌ കരയൂ.

 3 കാരണം, ആ ദിവസം അടുത്ത്‌ എത്തിയി​രി​ക്കു​ന്നു. അതെ, യഹോ​വ​യു​ടെ ദിവസം സമീപി​ച്ചി​രി​ക്കു​ന്നു.+

അതു മേഘാ​വൃ​ത​മായ ഒരു ദിവസ​മാ​യി​രി​ക്കും;+ ജനതകൾക്കാ​യി നിശ്ചയി​ച്ചി​ട്ടുള്ള സമയം.+

 6 യഹോവ പറയു​ന്നത്‌ ഇതാണ്‌:

“‘മിഗ്‌ദോൽ+ മുതൽ സെവേനെ+ വരെ ദേശ​ത്തെ​ങ്ങും അവർ വാളാൽ വീഴും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. 7 ‘അവരുടെ ദേശം​പോ​ലെ അത്രയ​ധി​കം വിജന​മാ​യി​ക്കി​ട​ക്കുന്ന മറ്റൊരു ദേശവു​മു​ണ്ടാ​കില്ല; ആ നഗരങ്ങൾപോ​ലെ നശിച്ചു​കി​ട​ക്കുന്ന മറ്റൊരു നഗരവു​മു​ണ്ടാ​കില്ല.+ 8 ഞാൻ ഈജി​പ്‌തി​നു തീ കൊളു​ത്തു​ക​യും അതുമാ​യി സഖ്യം ചേർന്നി​രി​ക്കു​ന്ന​വ​രെ​യെ​ല്ലാം തകർക്കു​ക​യും ചെയ്യു​മ്പോൾ ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും. 9 വലിയ ആത്മവി​ശ്വാ​സ​ത്തോ​ടെ കഴിയുന്ന എത്യോ​പ്യ​യെ പരി​ഭ്രാ​ന്തി​യി​ലാ​ക്കാൻ ഞാൻ അന്നു കപ്പലിൽ ദൂതന്മാ​രെ അയയ്‌ക്കും. ഈജി​പ്‌തി​ന്റെ വിനാ​ശ​ദി​വ​സ​ത്തിൽ സംഭ്രമം അവരെ പിടി​കൂ​ടും. കാരണം, ആ ദിനം നിശ്ചയ​മാ​യും വരും.’

10 “പരമാ​ധി​കാ​രി​യായ യഹോവ പറയുന്നു: ‘ബാബി​ലോൺരാ​ജാ​വായ നെബൂഖദ്‌നേസറിന്റെ*+ കൈയാൽ ഈജി​പ്‌തി​ന്റെ ജനസമൂ​ഹത്തെ ഞാൻ ഇല്ലാതാ​ക്കും. 11 ദേശം നശിപ്പി​ക്കാൻ അവനെ​യും അവന്റെ സൈന്യ​ത്തെ​യും ഞാൻ വരുത്തും. എല്ലാ ജനതക​ളി​ലും​വെച്ച്‌ അതി​ക്രൂ​ര​ന്മാ​രാ​ണ​ല്ലോ അവർ.+ അവർ ഈജി​പ്‌തി​നു നേരെ വാൾ ഊരി ദേശം ശവശരീ​ര​ങ്ങൾകൊണ്ട്‌ നിറയ്‌ക്കും.+ 12 നൈലിന്റെ കനാലുകൾ+ ഞാൻ വറ്റിച്ചു​ക​ള​യും. ആ ദേശം ഞാൻ ദുഷ്ടന്മാർക്കു വിൽക്കും. ഞാൻ വിദേ​ശി​ക​ളു​ടെ കൈയാൽ ദേശം വിജന​മാ​ക്കും,+ അതിലു​ള്ള​തെ​ല്ലാം നശിപ്പി​ക്കും. യഹോവ എന്ന ഞാനാണ്‌ ഇതു പറയു​ന്നത്‌.’

13 “പരമാ​ധി​കാ​രി​യായ യഹോവ പറയുന്നു: ‘തീർന്നില്ല. ഞാൻ മ്ലേച്ഛവിഗ്രഹങ്ങളെ* നശിപ്പി​ക്കും. നോഫിലെ* ഒരു ഗുണവു​മി​ല്ലാത്ത ദൈവ​ങ്ങളെ ഇല്ലാതാ​ക്കും.+ സ്വദേ​ശി​യായ ഒരു പ്രഭു* ഇനി ഈജി​പ്‌ത്‌ ദേശത്തു​ണ്ടാ​യി​രി​ക്കില്ല. ഈജി​പ്‌തി​ലെ​ങ്ങും ഞാൻ ഭയം വിതയ്‌ക്കും.+ 14 പത്രോസിനെ+ ഞാൻ വിജന​മാ​ക്കും. സോവാൻ ഞാൻ തീക്കി​ര​യാ​ക്കും. നോയിൽ*+ ഞാൻ വിധി നടപ്പാ​ക്കും. 15 ഈജിപ്‌തിന്റെ ശക്തിദുർഗ​മായ സിനിൽ ഞാൻ എന്റെ ഉഗ്ര​കോ​പം ചൊരി​യും. നോയി​ലെ ജനങ്ങളെ ഞാൻ സംഹരി​ക്കും. 16 ഞാൻ ഈജി​പ്‌തി​നു തീ കൊളു​ത്തും! സിൻ കൊടും​ഭീ​തി​യി​ലാ​കും! നോ ഭേദി​ക്ക​പ്പെ​ടും! പട്ടാപ്പകൽ നോഫ്‌* ആക്രമി​ക്ക​പ്പെ​ടും! 17 ഓനിലെയും* പിബേ​സ​ത്തി​ലെ​യും യുവാക്കൾ വാളിന്‌ ഇരയാ​കും. നഗരവാ​സി​കളെ ബന്ദിക​ളാ​യി കൊണ്ടു​പോ​കും. 18 തഹ്‌പനേസിൽവെച്ച്‌ ഞാൻ ഈജി​പ്‌തി​ന്റെ നുകം തകർക്കുമ്പോൾ+ പകൽ ഇരുണ്ടു​പോ​കും. പ്രതാപം കാരണ​മുള്ള അവളുടെ അഹങ്കാരം ഇല്ലാതാ​കും.+ മേഘം അവളെ മൂടും. അവളുടെ പട്ടണങ്ങ​ളി​ലു​ള്ള​വരെ ബന്ദിക​ളാ​യി കൊണ്ടു​പോ​കും.+ 19 ഈജിപ്‌തിന്മേൽ ഞാൻ വിധി നടപ്പാ​ക്കും. ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.’”

20 11-ാം വർഷം ഒന്നാം മാസം ഏഴാം ദിവസം എനിക്ക്‌ യഹോ​വ​യു​ടെ സന്ദേശം കിട്ടി: 21 “മനുഷ്യ​പു​ത്രാ, ഈജി​പ്‌തു​രാ​ജാ​വായ ഫറവോ​ന്റെ കൈ ഞാൻ ഒടിച്ചി​രി​ക്കു​ന്നു. ഒടിവ്‌ ഭേദമാ​കാൻവേണ്ടി അതു വെച്ചു​കെ​ട്ടില്ല. വാൾ പിടി​ക്കാൻ ബലം കിട്ടേ​ണ്ട​തിന്‌ അതു ചുറ്റി​ക്കെ​ട്ടില്ല.”

22 “അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു: ‘ഞാൻ ഇതാ, ഈജി​പ്‌തു​രാ​ജാ​വായ ഫറവോ​ന്‌ എതിരെ തിരി​ഞ്ഞി​രി​ക്കു​ന്നു.+ ഞാൻ അവന്റെ ഇരു​കൈ​യും ഒടിക്കും. ബലമുള്ള കൈയും ഒടിഞ്ഞ കൈയും—രണ്ടും ഞാൻ ഒടിക്കും.+ ഞാൻ അവന്റെ കൈയിൽനി​ന്ന്‌ വാൾ താഴെ വീഴ്‌ത്തും.+ 23 എന്നിട്ട്‌, ഈജി​പ്‌തു​കാ​രെ ജനതക​ളു​ടെ ഇടയിൽ ചിതറി​ക്കും. പല ദേശങ്ങ​ളി​ലേക്ക്‌ ഓടി​ച്ചു​ക​ള​യും.+ 24 ഞാൻ ബാബി​ലോൺരാ​ജാ​വി​ന്റെ കൈ ബലപ്പെടുത്തി*+ എന്റെ വാൾ അവന്റെ കൈയിൽ കൊടു​ക്കും.+ ഫറവോ​ന്റെ കൈ ഞാൻ ഒടിക്കും. മരണാ​സ​ന്ന​നായ മനുഷ്യ​നെ​പ്പോ​ലെ അവൻ അവന്റെ* മുന്നിൽ ഉച്ചത്തിൽ ഞരങ്ങും. 25 ബാബിലോൺരാജാവിന്റെ കൈ ഞാൻ ബലപ്പെ​ടു​ത്തും. പക്ഷേ, ഫറവോ​ന്റെ കൈ തളർന്ന്‌ തൂങ്ങും. ഞാൻ ബാബി​ലോൺരാ​ജാ​വി​ന്റെ കൈയിൽ വാൾ കൊടു​ക്കു​മ്പോൾ, അവൻ അത്‌ ഈജി​പ്‌ത്‌ ദേശത്തി​ന്‌ എതിരെ പ്രയോ​ഗി​ക്കു​മ്പോൾ,+ ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും. 26 ഞാൻ ഈജി​പ്‌തു​കാ​രെ ജനതക​ളു​ടെ ഇടയി​ലേക്കു ചിതറി​ക്കും. പല ദേശങ്ങ​ളി​ലേക്ക്‌ അവരെ ഓടി​ച്ചു​ക​ള​യും.+ അങ്ങനെ, ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.’”

 4 വെള്ളം അതിനെ വളർത്തി​വ​ലു​താ​ക്കി. ആഴത്തി​ലുള്ള നീരു​റ​വ​ക​ളാൽ അതു വളർന്നു​പൊ​ങ്ങി.

 5 അങ്ങനെ, അതു വളർന്നു​പൊ​ങ്ങി മറ്റെല്ലാ മരങ്ങ​ളെ​ക്കാ​ളും വലുതാ​യി.

 8 ദൈവത്തിന്റെ തോട്ടത്തിലെ+ മറ്റൊരു ദേവദാ​രു​വി​നും അതി​നോ​ടു കിടപി​ടി​ക്കാ​നാ​യില്ല.

അതിന്റെ സൗന്ദര്യ​ത്തെ വെല്ലാൻ ദൈവ​ത്തി​ന്റെ തോട്ട​ത്തി​ലെ മറ്റൊരു മരത്തി​നു​മാ​യില്ല.

10 “അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു: ‘അതു* നല്ല ഉയരത്തിൽ വളർന്ന്‌ മേഘത്തെ ചുംബി​ക്കു​ക​യും ഉയരം കാരണം അതിന്റെ ഹൃദയം ഗർവി​ക്കു​ക​യും ചെയ്‌ത​തു​കൊണ്ട്‌, 11 ജനതകളുടെ ശക്തനായ ഭരണാ​ധി​കാ​രി​ക്കു ഞാൻ അതു കൊടു​ക്കും.+ അവൻ അതിന്‌ എതിരെ തീർച്ച​യാ​യും നടപടി​യെ​ടു​ക്കും. അതിന്റെ ദുഷ്ടത കാരണം ഞാൻ അതിനെ തള്ളിക്ക​ള​യും. 12 എല്ലാ ജനതക​ളി​ലും​വെച്ച്‌ അതി​ക്രൂ​ര​ന്മാ​രായ വിദേ​ശി​കൾ അതിനെ വെട്ടി​യി​ടും. അവർ അതിനെ മലകളിൽ ഉപേക്ഷി​ക്കും. അതിന്റെ ഇലകൾ എല്ലാ താഴ്‌വ​ര​ക​ളി​ലും വീഴും. അതിന്റെ ഒടിഞ്ഞ ശിഖരങ്ങൾ ദേശത്തെ അരുവി​ക​ളി​ലെ​ല്ലാം വീണു​കി​ട​ക്കും.+ ഭൂമി​യി​ലെ ജനതക​ളെ​ല്ലാം അതിന്റെ തണൽ വിട്ട്‌ പോകും. അവർ അതിനെ ഉപേക്ഷി​ക്കും. 13 വീണുകിടക്കുന്ന ആ വൃക്ഷത്തി​ന്റെ തായ്‌ത്ത​ടി​യിൽ ആകാശ​ത്തി​ലെ എല്ലാ പക്ഷിക​ളും പാർക്കും. അതിന്റെ ശിഖര​ങ്ങൾക്കി​ട​യിൽ എല്ലാ വന്യമൃ​ഗ​ങ്ങ​ളും കഴിയും.+ 14 ഇതിന്റെ ഉദ്ദേശ്യ​മോ: വെള്ളത്തി​ന്‌ അരികെ നിൽക്കുന്ന മരങ്ങ​ളൊ​ന്നും മേലാൽ അതി​ന്റെ​യത്ര ഉയരത്തിൽ വളരരു​ത്‌! മേഘങ്ങളെ തൊട്ടു​രു​മ്മു​ന്നത്ര തല ഉയർത്തരുത്‌! ധാരാളം വെള്ളം കുടിച്ച്‌ വളരുന്ന മരങ്ങ​ളൊ​ന്നും അവയു​ടെ​യത്ര പൊങ്ങ​രുത്‌! അവയെ​യെ​ല്ലാം മരണത്തി​നു വിട്ടു​കൊ​ടു​ക്കു​മ​ല്ലോ. കുഴിയിലേക്ക്‌* ഇറങ്ങുന്ന മനുഷ്യ​മ​ക്ക​ളോ​ടൊ​പ്പം അവയും ഭൂമി​യു​ടെ അധോ​ഭാ​ഗ​ത്തേക്കു പോകും.’

15 “പരമാ​ധി​കാ​രി​യായ യഹോവ പറയുന്നു: ‘അതു ശവക്കുഴിയിലേക്കു* പോകുന്ന ദിവസം ഞാൻ ഒരു ദുഃഖാ​ച​രണം ഏർപ്പെ​ടു​ത്തും. സുലഭ​മാ​യി ലഭിച്ചി​രുന്ന വെള്ളം കിട്ടാ​താ​ക്കാൻ ഞാൻ ആഴമുള്ള വെള്ളത്തെ മൂടും, അതിന്റെ അരുവി​കളെ തടഞ്ഞു​നി​റു​ത്തും. ആ വൃക്ഷം കാരണം ഞാൻ ലബാ​നോ​നെ ഇരുട്ടി​ലാ​ക്കും. നിലത്തെ മരങ്ങ​ളെ​ല്ലാം ഉണങ്ങി​പ്പോ​കും. 16 കുഴിയിലേക്ക്‌* ഇറങ്ങു​ന്ന​വ​രോ​ടൊ​പ്പം ഞാൻ അതിനെ ശവക്കുഴിയിലേക്ക്‌* അയയ്‌ക്കു​മ്പോൾ അതിന്റെ വീഴ്‌ച​യു​ടെ ശബ്ദം കേട്ട്‌ ജനതകൾ പേടി​ച്ചു​വി​റ​യ്‌ക്കാൻ ഞാൻ ഇടയാ​ക്കും. ഏദെനി​ലെ മരങ്ങൾക്ക്‌,+ ലബാ​നോ​നി​ലെ ഏറ്റവും വിശേ​ഷ​പ്പെ​ട്ട​തും അത്യു​ത്ത​മ​വും ആയ മരങ്ങൾക്ക്‌, നന്നായി നനച്ച്‌ വളർത്തിയ മരങ്ങൾക്ക്‌, ഭൂമി​യു​ടെ അധോ​ഭാ​ഗത്ത്‌ ആശ്വാസം ലഭിക്കും. 17 അവ അവനോ​ടും ജനതക​ളു​ടെ ഇടയിൽ അവന്റെ തണലിൽ കഴിഞ്ഞ അവന്റെ പിന്തുണക്കാരോടും* ഒപ്പം ശവക്കു​ഴി​യി​ലേക്ക്‌,* വാളാൽ വീണവ​രു​ടെ അടു​ത്തേക്ക്‌,+ ഇറങ്ങി​യ​ല്ലോ.’+

18 “‘മഹത്ത്വ​ത്തി​ന്റെ​യും പ്രൗഢി​യു​ടെ​യും കാര്യ​ത്തിൽ നിന്നോ​ടു കിടപി​ടി​ക്കാൻ മറ്റ്‌ ഏതു മരമാണ്‌ ഏദെനി​ലു​ണ്ടാ​യി​രു​ന്നത്‌?+ പക്ഷേ, ഏദെനി​ലെ മരങ്ങളു​ടെ​കൂ​ടെ നിന്നെ​യും നിശ്ചയ​മാ​യും ഭൂമി​യു​ടെ അധോ​ഭാ​ഗ​ത്തേക്ക്‌ ഇറക്കും. അഗ്രചർമി​ക​ളു​ടെ ഇടയിൽ, വാളിന്‌ ഇരയാ​യ​വ​രു​ടെ​കൂ​ടെ നീയും വീണു​കി​ട​ക്കും. ഫറവോ​നും അവന്റെ ജനസമൂ​ഹ​ത്തി​നും സംഭവി​ക്കാൻപോ​കു​ന്നത്‌ ഇതാണ്‌’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

 3 പരമാധികാരിയായ യഹോവ പറയു​ന്നത്‌ ഇതാണ്‌:

 7 ‘നീ ഇല്ലാതാ​കു​മ്പോൾ ഞാൻ ആകാശ​ങ്ങളെ മറയ്‌ക്കും; അതിലെ നക്ഷത്രങ്ങൾ ഇരുണ്ടു​പോ​കാൻ ഇടയാ​ക്കും.

11 കാരണം, പരമാ​ധി​കാ​രി​യായ യഹോവ പറയുന്നു:

‘ബാബി​ലോൺരാ​ജാ​വി​ന്റെ വാൾ നിന്റെ മേൽ പതിക്കും.+

ഈജി​പ്‌തി​ന്റെ അഹങ്കാരം അവർ അവസാ​നി​പ്പി​ക്കും; അവളുടെ ജനസമൂ​ഹം നാമാ​വ​ശേ​ഷ​മാ​കും.+

ഈജി​പ്‌തി​നെ​യും അതിന്റെ ജനസമൂ​ഹ​ത്തെ​യും കുറിച്ച്‌ അവർ അതു പാടും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

17 12-ാം വർഷം, മാസത്തി​ന്റെ 15-ാം ദിവസം എനിക്ക്‌ യഹോ​വ​യു​ടെ സന്ദേശം കിട്ടി: 18 “മനുഷ്യ​പു​ത്രാ, ഈജി​പ്‌തി​ന്റെ ജനസമൂ​ഹത്തെ ഓർത്ത്‌ വിലപി​ക്കൂ! അവളെ​യും ശക്തരായ ജനതക​ളു​ടെ പുത്രി​മാ​രെ​യും കുഴിയിലേക്കു* പോകു​ന്ന​വ​രു​ടെ​കൂ​ടെ ഭൂമി​യു​ടെ അധോ​ഭാ​ഗ​ത്തേക്ക്‌ ഇറക്കൂ!

19 “‘നീ ആരെക്കാ​ളെ​ങ്കി​ലും സുന്ദരി​യാ​ണോ? കുഴി​യി​ലേക്ക്‌ ഇറങ്ങി അഗ്രചർമി​ക​ളു​ടെ​കൂ​ടെ കിടക്കൂ!’

20 “‘വാളിന്‌ ഇരയാ​യ​വർക്കി​ട​യി​ലേക്ക്‌ അവർ വീഴും.+ അവളെ വാളിനു വിട്ടു​കൊ​ടു​ത്തി​രി​ക്കു​ന്നു. അവളുടെ ജനസമൂ​ഹ​ത്തോ​ടൊ​പ്പം അവളെ വലിച്ചി​ഴച്ച്‌ കൊണ്ടു​പോ​കൂ!

21 “‘യോദ്ധാ​ക്ക​ളിൽ ശൂരന്മാർ ശവക്കുഴിയുടെ* ആഴങ്ങളിൽനി​ന്ന്‌ അവനോ​ടും അവന്റെ സഹായി​ക​ളോ​ടും സംസാ​രി​ക്കും. അവർ വാളിന്‌ ഇരയായി കുഴി​യി​ലേക്ക്‌ ഇറങ്ങും; അഗ്രചർമി​ക​ളെ​പ്പോ​ലെ അവിടെ കിടക്കും. 22 അസീറിയയും അവളുടെ ജനസമൂ​ഹം മുഴു​വ​നും അവി​ടെ​യുണ്ട്‌. എല്ലാവ​രും വാളിന്‌ ഇരയാ​യവർ!+ അവരുടെ ശവക്കു​ഴി​ക​ളാണ്‌ അവനു ചുറ്റും. 23 കുഴിയുടെ* ആഴങ്ങളി​ലാണ്‌ അവളുടെ ശവക്കു​ഴി​കൾ. അവളുടെ ജനസമൂ​ഹ​മോ അവളുടെ ശവക്കു​ഴി​ക്കു ചുറ്റു​മുണ്ട്‌. ജീവനു​ള്ള​വ​രു​ടെ ദേശത്ത്‌ ഭീതി വിതച്ച​തു​കൊണ്ട്‌ അവരെ​ല്ലാം വാളാൽ കൊല്ല​പ്പെ​ട്ടി​രി​ക്കു​ന്നു.

24 “‘ഏലാമും+ അവി​ടെ​യുണ്ട്‌. അവളുടെ ശവക്കു​ഴി​ക്കു ചുറ്റും അവളുടെ ജനസമൂ​ഹം മുഴു​വ​നു​മുണ്ട്‌. അവരെ​ല്ലാം വാളിന്‌ ഇരയാ​യവർ! ജീവനു​ള്ള​വ​രു​ടെ ദേശത്ത്‌ ഭീതി വിതച്ച അവർ അഗ്രചർമി​ക​ളാ​യി ഭൂമി​യു​ടെ അധോ​ഭാ​ഗ​ത്തേക്കു പോയി​രി​ക്കു​ന്നു. കുഴിയിലേക്കു* പോകു​ന്ന​വ​രോ​ടൊ​പ്പം അവരും അപമാനം സഹിക്കട്ടെ. 25 കൊല്ലപ്പെട്ടവരുടെ ഇടയിൽ അവർ അവൾക്ക്‌ ഒരു കിടക്ക വിരിച്ചു. അവളുടെ ശവക്കു​ഴി​കൾക്കു ചുറ്റും അവളുടെ ജനസമൂ​ഹ​വും കിടക്കു​ന്നു. അവരെ​ല്ലാം അഗ്രചർമി​ക​ളാണ്‌. ജീവനു​ള്ള​വ​രു​ടെ ദേശത്ത്‌ ഭീതി വിതച്ച​തു​കൊണ്ട്‌ അവർ വാളാൽ കൊല്ല​പ്പെ​ട്ടി​രി​ക്കു​ന്നു. കുഴിയിലേക്കു* പോകു​ന്ന​വ​രോ​ടൊ​പ്പം അവരും അപമാനം പേറും. കൊല്ല​പ്പെ​ട്ട​വ​രു​ടെ ഇടയിൽ അവനെ​യും ഇട്ടിരി​ക്കു​ന്നു.

26 “‘മേശെ​ക്കും തൂബലും+ അവരുടെ* ജനസമൂ​ഹം മുഴു​വ​നും അവി​ടെ​യുണ്ട്‌. അവരുടെ* ശവക്കു​ഴി​ക​ളാണ്‌ അവനു ചുറ്റും. അവരെ​ല്ലാം അഗ്രചർമി​ക​ളാണ്‌. ജീവനു​ള്ള​വ​രു​ടെ ദേശത്ത്‌ ഭീതി വിതച്ച​തു​കൊണ്ട്‌ അവർ വാളു​കൊണ്ട്‌ കുത്തേറ്റ്‌ കിടക്കു​ന്നു. 27 തങ്ങളുടെ യുദ്ധാ​യു​ധ​ങ്ങ​ളു​മാ​യി ശവക്കുഴിയിലേക്ക്‌* ഇറങ്ങിയ വീര​യോ​ദ്ധാ​ക്ക​ളോ​ടൊ​പ്പം, വീണു​പോയ ആ അഗ്രചർമി​ക​ളോ​ടൊ​പ്പം, അവരും കിടക്കി​ല്ലേ? അവരുടെ വാളുകൾ അവരുടെ തലയുടെ അടിയിലും* അവരുടെ പാപങ്ങൾ അവരുടെ അസ്ഥിക​ളു​ടെ മുകളി​ലും വെക്കും. കാരണം, ഈ യുദ്ധവീ​ര​ന്മാർ ജീവനു​ള്ള​വ​രു​ടെ ദേശത്ത്‌ ഭീതി വിതച്ച​വ​രാ​യി​രു​ന്ന​ല്ലോ. 28 പക്ഷേ, നീ അഗ്രചർമി​ക​ളു​ടെ ഇടയിൽ ഞെരി​ഞ്ഞ​മ​രും. വാളിന്‌ ഇരയാ​യ​വ​രു​ടെ​കൂ​ടെ നീ കിടക്കും.

29 “‘ഏദോമും+ അവി​ടെ​യുണ്ട്‌. വലിയ പ്രതാ​പ​ശാ​ലി​ക​ളാ​യി​രു​ന്നി​ട്ടും അവളുടെ രാജാ​ക്ക​ന്മാ​രെ​യും എല്ലാ തലവന്മാ​രെ​യും വാളിന്‌ ഇരയാ​യ​വ​രോ​ടൊ​പ്പം കിടത്തി. അവരും അഗ്രചർമി​ക​ളു​ടെ​കൂ​ടെ,+ കുഴിയിലേക്ക്‌* ഇറങ്ങു​ന്ന​വ​രു​ടെ​കൂ​ടെ, കിടക്കും.

30 “‘വടക്കുള്ള എല്ലാ പ്രഭുക്കന്മാരും* സകല സീദോന്യരും+ അവി​ടെ​യുണ്ട്‌. പ്രതാ​പ​ത്താൽ ഭീതി വിതച്ച​വ​രെ​ങ്കി​ലും അവർ കൊല്ല​പ്പെ​ട്ട​വ​രു​ടെ​കൂ​ടെ അപമാ​നി​ത​രാ​യി കുഴി​യി​ലേക്ക്‌ ഇറങ്ങി​യി​രി​ക്കു​ന്നു. വാളിന്‌ ഇരയാ​യ​വ​രോ​ടൊ​പ്പം അഗ്രചർമി​ക​ളാ​യി അവർ കിടക്കും. കുഴിയിലേക്കു* പോകു​ന്ന​വ​രോ​ടൊ​പ്പം അവരും അപമാനം പേറും.

31 “‘ഇതെല്ലാം കാണുന്ന ഫറവോ​നു തന്റെ ജനസമൂ​ഹ​ത്തി​നു സംഭവി​ച്ച​തി​നെ​പ്പറ്റി ആശ്വാസം തോന്നും.+ പക്ഷേ, ഫറവോ​നും അവന്റെ സൈന്യം മുഴു​വ​നും വാളാൽ കൊല്ല​പ്പെ​ടും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

32 “‘ഫറവോൻ ജീവനു​ള്ള​വ​രു​ടെ ദേശത്ത്‌ ഭീതി വിതച്ച​തു​കൊണ്ട്‌ അവനും അവന്റെ ജനസമൂ​ഹ​വും വാളാൽ കൊല്ല​പ്പെ​ട്ട​വ​രോ​ടൊ​പ്പം അന്ത്യവി​ശ്ര​മം​കൊ​ള്ളും; അവർ അഗ്രചർമി​ക​ളോ​ടൊ​പ്പം കിടക്കും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

33 എനിക്ക്‌ യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, നിന്റെ ജനത്തിന്റെ+ പുത്ര​ന്മാ​രോട്‌ ഇങ്ങനെ പറയൂ:

“‘ഞാൻ ഒരു ദേശത്തി​ന്‌ എതിരെ വാൾ വരുത്തു​ന്നെ​ന്നി​രി​ക്കട്ടെ.+ അപ്പോൾ, അവി​ടെ​യുള്ള ആളുക​ളെ​ല്ലാം ചേർന്ന്‌ ഒരാളെ തിര​ഞ്ഞെ​ടുത്ത്‌ അവരുടെ കാവൽക്കാ​ര​നാ​ക്കു​ന്നു. 3 ദേശത്തിന്‌ എതിരെ വാൾ വരുന്നതു കണ്ടിട്ട്‌ അയാൾ കൊമ്പു വിളിച്ച്‌ ആളുകൾക്കു മുന്നറി​യി​പ്പു കൊടു​ക്കു​ന്നു.+ 4 ആരെങ്കിലും കൊമ്പു​വി​ളി കേട്ടി​ട്ടും ആ മുന്നറി​യി​പ്പു കാര്യമാക്കുന്നില്ലെങ്കിൽ+ വാൾ വന്ന്‌ അവന്റെ ജീവ​നെ​ടു​ത്തേ​ക്കാം;* അവന്റെ രക്തം അവന്റെ തലയിൽത്തന്നെ ഇരിക്കും.+ 5 അവൻ കൊമ്പു​വി​ളി കേട്ടെ​ങ്കി​ലും ആ മുന്നറി​യി​പ്പു കാര്യ​മാ​ക്കി​യില്ല. അവന്റെ രക്തം അവന്റെ മേൽത്തന്നെ ഇരിക്കും. മുന്നറി​യി​പ്പു കാര്യ​മാ​യിട്ട്‌ എടുത്തി​രു​ന്നെ​ങ്കിൽ അവന്‌ അവന്റെ ജീവൻ രക്ഷിക്കാ​മാ​യി​രു​ന്നു.

6 “‘പക്ഷേ, വാൾ വരുന്നതു കണ്ടിട്ടും കാവൽക്കാ​രൻ കൊമ്പു വിളി​ക്കു​ന്നി​ല്ലെ​ന്നി​രി​ക്കട്ടെ.+ അങ്ങനെ, ആളുകൾക്കു മുന്നറി​യി​പ്പു കിട്ടാതെ വാൾ വന്ന്‌ അവരിൽ ഒരാളു​ടെ ജീവ​നെ​ടു​ത്താൽ ആ വ്യക്തി സ്വന്തം തെറ്റു കാരണം മരിക്കും. പക്ഷേ, ഞാൻ അവന്റെ രക്തം കാവൽക്കാ​ര​നോ​ടു ചോദി​ക്കും.’*+

7 “മനുഷ്യ​പു​ത്രാ, ഞാൻ നിന്നെ ഇസ്രാ​യേൽഗൃ​ഹ​ത്തി​ന്റെ കാവൽക്കാ​ര​നാ​യി നിയമി​ച്ചി​രി​ക്കു​ന്നു. എന്റെ വായിൽനി​ന്ന്‌ സന്ദേശം കേൾക്കു​മ്പോൾ നീ എന്റെ പേരിൽ അവർക്കു മുന്നറി​യി​പ്പു കൊടു​ക്കണം.+ 8 ഞാൻ ദുഷ്ട​നോട്‌, ‘ദുഷ്ടാ, നീ മരിക്കും’+ എന്നു പറഞ്ഞി​ട്ടും തന്റെ വഴി വിട്ടു​മാ​റാൻ അവനു നീ മുന്നറി​യി​പ്പു കൊടു​ക്കാ​തി​രു​ന്നാൽ അവൻ തന്റെ തെറ്റു കാരണം ഒരു ദുഷ്ടനാ​യി​ത്തന്നെ മരിക്കും.+ എന്നാൽ അവന്റെ രക്തം ഞാൻ നിന്നോ​ടു ചോദി​ക്കും. 9 പക്ഷേ, ദുഷിച്ച വഴികൾ വിട്ടു​മാ​റാൻ നീ ദുഷ്ടനു മുന്നറി​യി​പ്പു കൊടു​ത്തി​ട്ടും അവൻ തന്റെ വഴി വിട്ടു​മാ​റാൻ കൂട്ടാ​ക്കു​ന്നി​ല്ലെ​ങ്കിൽ അവൻ തന്റെ തെറ്റു കാരണം മരിക്കും.+ എന്നാൽ നീ നിന്റെ ജീവൻ രക്ഷിക്കും.+

10 “മനുഷ്യ​പു​ത്രാ, നീ ഇസ്രാ​യേൽഗൃ​ഹ​ത്തോ​ടു പറയണം: ‘നിങ്ങൾ ഇങ്ങനെ പറഞ്ഞില്ലേ: “ഞങ്ങളുടെ ധിക്കാ​ര​വും പാപങ്ങ​ളും ഒരു വലിയ ഭാരമാ​യി ഞങ്ങളുടെ മേലുണ്ട്‌. അവ കാരണം ഞങ്ങൾ ക്ഷയിച്ചു​പോ​കു​ന്നു.+ ആ സ്ഥിതിക്ക്‌ ഞങ്ങൾ ഇനി എങ്ങനെ ജീവി​ച്ചി​രി​ക്കും?”’+ 11 നീ അവരോ​ടു പറയണം: ‘പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു: “ഞാനാണെ, ദുഷ്ടന്റെ മരണത്തിൽ ഞാൻ ഒട്ടും സന്തോ​ഷി​ക്കു​ന്നില്ല.+ പകരം, ദുഷ്ടൻ തന്റെ വഴികൾ വിട്ടുതിരിഞ്ഞ്‌+ ജീവിച്ചിരിക്കുന്നതാണ്‌+ എന്റെ സന്തോഷം. തിരി​ഞ്ഞു​വരൂ! നിങ്ങളു​ടെ ദുഷിച്ച വഴികൾ വിട്ട്‌ തിരി​ഞ്ഞു​വരൂ!+ ഇസ്രാ​യേൽഗൃ​ഹമേ, നിങ്ങൾ എന്തിനു മരിക്കണം?”’+

12 “മനുഷ്യ​പു​ത്രാ, നീ നിന്റെ ജനത്തിന്റെ പുത്ര​ന്മാ​രോ​ടു പറയണം: ‘നീതി​മാ​ന്റെ നീതി​നിഷ്‌ഠ, ധിക്കാ​രി​യാ​കു​മ്പോൾ അവനെ രക്ഷിക്കില്ല.+ ദുഷ്ടൻ തന്റെ ദുഷ്ടത​യിൽനിന്ന്‌ തിരി​ഞ്ഞു​വ​രു​മ്പോൾ താൻ ചെയ്‌ത ദുഷ്ടത കാരണം വീണു​പോ​കില്ല.+ നീതി​മാ​ന്റെ നീതി​നിഷ്‌ഠ, പാപം ചെയ്യു​മ്പോൾ അവന്റെ ജീവൻ രക്ഷിക്കില്ല.+ 13 ഞാൻ നീതി​മാ​നോട്‌, “നീ ജീവി​ച്ചി​രി​ക്കും” എന്നു പറയു​ന്നെ​ന്നി​രി​ക്കട്ടെ. പക്ഷേ, അവൻ തന്റെ സ്വന്തം നീതി​യിൽ ആശ്രയി​ച്ച്‌ തെറ്റു* ചെയ്യുന്നെങ്കിൽ+ അവന്റെ നീതി​പ്ര​വൃ​ത്തി​കൾ ഒന്നു​പോ​ലും ഓർക്കില്ല. അവൻ തന്റെ തെറ്റു കാരണം മരിക്കും.+

14 “‘ഞാൻ ദുഷ്ട​നോട്‌, “നീ മരിക്കും” എന്നു പറയു​ന്നെ​ന്നി​രി​ക്കട്ടെ. അപ്പോൾ, അവൻ തന്റെ പാപം വിട്ടു​തി​രിഞ്ഞ്‌ നീതി​ക്കും ന്യായ​ത്തി​നും ചേർച്ച​യിൽ പ്രവർത്തി​ക്കു​ന്നെ​ങ്കിൽ,+ 15 അവൻ പണയം വാങ്ങി​യതു തിരികെ കൊടു​ക്കു​ന്നെ​ങ്കിൽ,+ കവർന്നെടുത്തതു+ മടക്കി​ക്കൊ​ടു​ക്കു​ന്നെ​ങ്കിൽ, തെറ്റു ചെയ്യാ​തി​രു​ന്നു​കൊണ്ട്‌ ജീവന്റെ നിയമങ്ങൾ അനുസ​രിച്ച്‌ നടക്കു​ന്നെ​ങ്കിൽ, അവൻ ജീവി​ച്ചി​രി​ക്കും;+ അവൻ മരിക്കില്ല. 16 അവൻ ചെയ്‌ത പാപങ്ങ​ളൊ​ന്നു​പോ​ലും അവന്റെ പേരിൽ കണക്കി​ടില്ല.*+ നീതി​ക്കും ന്യായ​ത്തി​നും ചേർച്ച​യിൽ പ്രവർത്തി​ച്ച​തു​കൊണ്ട്‌ അവൻ ജീവി​ച്ചി​രി​ക്കും.’+

17 “പക്ഷേ ‘യഹോ​വ​യു​ടെ വഴി നീതി​യു​ള്ളതല്ല’ എന്നു നിന്റെ ജനം പറഞ്ഞല്ലോ. വാസ്‌ത​വ​ത്തിൽ, അവരുടെ വഴിയല്ലേ നീതിക്കു നിരക്കാ​ത്തത്‌?

18 “ഒരു നീതി​മാൻ നീതി​മാർഗം ഉപേക്ഷി​ച്ച്‌ തെറ്റു ചെയ്‌താൽ അവൻ അതു കാരണം മരിക്കണം.+ 19 പക്ഷേ ഒരു ദുഷ്ടൻ ദുഷ്ടത വിട്ടു​മാ​റി നീതി​ക്കും ന്യായ​ത്തി​നും ചേർച്ച​യിൽ പ്രവർത്തി​ക്കു​ന്നെ​ങ്കിൽ അവൻ അതു കാരണം ജീവി​ച്ചി​രി​ക്കും.+

20 “പക്ഷേ ‘യഹോ​വ​യു​ടെ വഴി നീതി​യു​ള്ളതല്ല’+ എന്നു നിങ്ങൾ പറഞ്ഞല്ലോ. ഇസ്രാ​യേൽഗൃ​ഹമേ, ഞാൻ നിങ്ങളിൽ ഓരോ​രു​ത്ത​നെ​യും അവനവന്റെ വഴിക​ള​നു​സ​രിച്ച്‌ ന്യായം വിധി​ക്കും.”

21 അങ്ങനെ ഒടുവിൽ, ഞങ്ങളുടെ പ്രവാ​സ​ത്തി​ന്റെ 12-ാം വർഷം പത്താം മാസം അഞ്ചാം ദിവസം, യരുശ​ലേ​മിൽനിന്ന്‌ ഓടി​ര​ക്ഷ​പ്പെട്ട ഒരു മനുഷ്യൻ എന്റെ അടുത്ത്‌ വന്ന്‌+ “നഗരം വീണു!”+ എന്നു പറഞ്ഞു.

22 ആ മനുഷ്യൻ വന്നതിന്റെ തലേ വൈകു​ന്നേരം യഹോ​വ​യു​ടെ കൈ എന്റെ മേൽ വന്നിരു​ന്നു. രാവിലെ ആ മനുഷ്യൻ എന്റെ അടുത്ത്‌ എത്തുന്ന​തി​നു മുമ്പു​തന്നെ ദൈവം എന്റെ വായ്‌ തുറന്നു. ഞാൻ പിന്നെ മൂകനാ​യി​രു​ന്നില്ല.+

23 അപ്പോൾ, എനിക്ക്‌ യഹോ​വ​യു​ടെ സന്ദേശം കിട്ടി: 24 “മനുഷ്യ​പു​ത്രാ, നശിച്ചു​കി​ട​ക്കുന്ന ഈ സ്ഥലത്ത്‌+ കഴിയു​ന്നവർ ഇസ്രാ​യേൽ ദേശ​ത്തെ​ക്കു​റിച്ച്‌ ഇങ്ങനെ പറയുന്നു: ‘അബ്രാ​ഹാം ഏകനാ​യി​രു​ന്നി​ട്ടും ദേശം കൈവ​ശ​മാ​ക്കി.+ പക്ഷേ, നമ്മൾ അനേക​രുണ്ട്‌. അതു​കൊണ്ട്‌, ദേശം നമുക്ക്‌ അവകാ​ശ​മാ​യി തന്നിരി​ക്കു​ന്നു, തീർച്ച!’

25 “അതു​കൊണ്ട്‌, അവരോ​ടു പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “നിങ്ങൾ രക്തം കളയാത്ത മാംസം കഴിക്കു​ന്നു.+ നിങ്ങളു​ടെ മ്ലേച്ഛവിഗ്രഹങ്ങളുടെ* നേർക്കു കണ്ണുകൾ ഉയർത്തു​ന്നു. പിന്നെ​യും​പി​ന്നെ​യും രക്തം ചൊരി​യു​ന്നു.+ എന്നിട്ടും ദേശം കൈവ​ശ​മാ​ക്ക​ണ​മെ​ന്നോ? 26 നിങ്ങൾ വാളിൽ ആശ്രയി​ക്കു​ന്നു.+ വൃത്തി​കെട്ട ആചാര​ങ്ങ​ളിൽ ഏർപ്പെ​ടു​ന്നു. ഓരോ​രു​ത്ത​നും അയൽക്കാ​രന്റെ ഭാര്യക്കു കളങ്കം വരുത്തു​ന്നു.+ എന്നിട്ടും ദേശം കൈവ​ശ​മാ​ക്ക​ണ​മെ​ന്നോ?”’+

27 “നീ അവരോ​ട്‌ ഇങ്ങനെ പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ഞാനാണെ, നശിച്ചു​കി​ട​ക്കുന്ന സ്ഥലത്ത്‌ കഴിയു​ന്നവർ വാളാൽ വീഴും. വെളി​മ്പ്ര​ദേ​ശ​ത്തു​ള്ള​വരെ ഞാൻ വന്യമൃ​ഗ​ങ്ങൾക്ക്‌ ആഹാര​മാ​യി കൊടു​ക്കും. കോട്ട​ക​ളി​ലും ഗുഹക​ളി​ലും ഉള്ളവർ രോഗ​ത്താൽ മരിക്കും.+ 28 ഞാൻ ദേശം ഒട്ടും ആൾപ്പാർപ്പി​ല്ലാത്ത ഒരു പാഴ്‌നി​ല​മാ​ക്കും.+ അതിന്റെ കടുത്ത അഹങ്കാരം ഞാൻ അവസാ​നി​പ്പി​ക്കും. ഇസ്രാ​യേൽമ​ലകൾ വിജന​മാ​കും.+ ആരും അതുവഴി കടന്നു​പോ​കില്ല. 29 അവർ ചെയ്‌തു​കൂ​ട്ടിയ എല്ലാ വൃത്തികേടുകളും+ കാരണം ഞാൻ ദേശത്തെ ആൾപ്പാർപ്പി​ല്ലാത്ത ഒരു പാഴ്‌നിലമാക്കുമ്പോൾ+ ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.”’

30 “മനുഷ്യ​പു​ത്രാ, നിന്റെ ജനം മതിലു​കൾക്ക​രി​കി​ലും വീട്ടു​വാ​തിൽക്ക​ലും വെച്ച്‌ നിന്നെ​ക്കു​റിച്ച്‌ പരസ്‌പരം സംസാ​രി​ക്കു​ന്നു.+ ഓരോ​രു​ത്ത​നും തന്റെ സഹോ​ദ​ര​നോട്‌, ‘വരൂ! നമുക്ക്‌ യഹോ​വ​യിൽനി​ന്നുള്ള സന്ദേശം കേൾക്കാം’ എന്നു പറയുന്നു. 31 അവർ എന്റെ ജനമെ​ന്ന​പോ​ലെ വന്ന്‌ നിന്റെ അടുത്ത്‌ കൂട്ടം​കൂ​ടും. നിന്റെ മുന്നിൽ ഇരുന്ന്‌ അവർ നിന്റെ വാക്കുകൾ കേൾക്കും; പക്ഷേ, അതു​പോ​ലെ ചെയ്യില്ല.+ വായ്‌കൊ​ണ്ട്‌ അവർ നിന്നെ​ക്കു​റിച്ച്‌ ഭംഗി​വാ​ക്കു പറയും;* അവരുടെ ഹൃദയ​മോ അത്യാർത്തി​യോ​ടെ അന്യാ​യ​ലാ​ഭം ഉണ്ടാക്കാൻ കൊതി​ക്കു​ന്നു. 32 ഇതാ, നീ അവർക്ക്‌ ഒരു പ്രേമ​ഗാ​നം​പോ​ലെ​യാണ്‌; ഹൃദ്യ​മാ​യി തന്ത്രി​വാ​ദ്യം മീട്ടി മധുര​സ്വ​ര​ത്തിൽ പാടുന്ന ഒരു പ്രേമ​ഗാ​നം​പോ​ലെ. അവർ നിന്റെ വാക്കുകൾ കേൾക്കും. പക്ഷേ, ആരും അതനു​സ​രിച്ച്‌ പ്രവർത്തി​ക്കില്ല. 33 പറഞ്ഞതൊക്കെ സംഭവി​ക്കു​മ്പോൾ—അതു സംഭവി​ക്കു​ക​തന്നെ ചെയ്യും—തങ്ങളുടെ ഇടയിൽ ഒരു പ്രവാ​ച​ക​നു​ണ്ടാ​യി​രു​ന്നെന്ന്‌ അവർ അറി​യേ​ണ്ടി​വ​രും.”+

34 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, ഇസ്രാ​യേ​ലി​ന്റെ ഇടയന്മാർക്കെ​തി​രെ പ്രവചി​ക്കൂ! അവരോ​ട്‌ ഇങ്ങനെ പ്രവചി​ക്കൂ: ‘പരമാ​ധി​കാ​രി​യായ യഹോവ പറയുന്നു: “ഇസ്രാ​യേ​ലി​ന്റെ ഇടയന്മാർക്കു കഷ്ടം!+ അവർ സ്വന്തം വയറു നിറയ്‌ക്കു​ന്ന​ല്ലോ. വാസ്‌ത​വ​ത്തിൽ ഇടയന്മാർ ആട്ടിൻപ​റ്റ​ത്തെ​യല്ലേ തീറ്റി​പ്പോ​റ്റേ​ണ്ടത്‌?+ 3 നിങ്ങൾ കൊഴു​പ്പു കഴിക്കു​ന്നു. കമ്പിളി ധരിക്കു​ന്നു. ഏറ്റവും തടിച്ചു​കൊ​ഴു​ത്ത​തി​നെ അറുക്കു​ന്നു.+ പക്ഷേ, ആട്ടിൻപ​റ്റത്തെ തീറ്റി​പ്പോ​റ്റു​ന്നില്ല.+ 4 നിങ്ങൾ തളർന്ന​തി​നെ ബലപ്പെ​ടു​ത്തു​ക​യോ രോഗ​മു​ള്ള​തി​നെ ചികി​ത്സി​ക്കു​ക​യോ പരി​ക്കേ​റ്റ​തി​നെ വെച്ചു​കെ​ട്ടു​ക​യോ കൂട്ടം​തെ​റ്റി​യ​തി​നെ മടക്കി​ക്കൊ​ണ്ടു​വ​രു​ക​യോ കാണാ​തെ​പോ​യ​തി​നെ തിരഞ്ഞ്‌ പോകു​ക​യോ ചെയ്‌തി​ട്ടില്ല.+ പകരം, അവയെ ക്രൂര​ത​യോ​ടെ അടിച്ച​മർത്തി ഭരിച്ചു.+ 5 ഇടയനില്ലാത്തതുകൊണ്ട്‌ അവ ചിതറി​പ്പോ​യി.+ അങ്ങനെ ചിതറി​പ്പോ​യ​വയെ വന്യമൃ​ഗങ്ങൾ തിന്നു​ക​ളഞ്ഞു. 6 എന്റെ ആടുകൾ എല്ലാ മലകളി​ലും ഉയരമുള്ള എല്ലാ കുന്നു​ക​ളി​ലും വഴി​തെറ്റി അലഞ്ഞു. ഭൂമു​ഖ​ത്തെ​ങ്ങും ചിതറി​പ്പോയ അവയെ അന്വേ​ഷിച്ച്‌ പോകാ​നോ തിരഞ്ഞ്‌ കണ്ടുപി​ടി​ക്കാ​നോ ആരുമു​ണ്ടാ​യി​രു​ന്നില്ല.

7 “‘“അതു​കൊണ്ട്‌ ഇടയന്മാ​രേ, യഹോ​വ​യു​ടെ സന്ദേശം കേൾക്കൂ: 8 ‘“ഞാനാണെ,” പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു, “ഇടയനി​ല്ലാ​ത്ത​തു​കൊണ്ട്‌ എന്റെ ആടുകൾ വന്യമൃ​ഗ​ങ്ങൾക്കി​ര​യാ​യി; അവ അവയെ തിന്നു. പക്ഷേ, എന്റെ ഇടയന്മാർ എന്റെ ആടുകളെ തിരഞ്ഞ്‌ പോയില്ല. അവയെ തീറ്റി​പ്പോ​റ്റു​ന്ന​തി​നു പകരം അവർ സ്വന്തം വയറു നിറച്ചു.”’ 9 അതുകൊണ്ട്‌ ഇടയന്മാ​രേ, യഹോ​വ​യു​ടെ സന്ദേശം കേൾക്കൂ! 10 പരമാധികാരിയായ യഹോവ പറയുന്നു: ‘ഞാൻ ഇടയന്മാർക്കെ​തി​രെ തിരി​ഞ്ഞി​രി​ക്കു​ക​യാണ്‌. എന്റെ ആടുകൾക്ക്‌ അവർ എന്നോടു കണക്കു പറയേ​ണ്ടി​വ​രും.* എന്റെ ആടുകളെ തീറ്റിപ്പോറ്റുന്ന* ജോലി​യിൽനിന്ന്‌ ഞാൻ അവരെ നീക്കും.+ ഇടയന്മാർ സ്വന്തം വയറു നിറയ്‌ക്കു​ന്നത്‌ അതോടെ അവസാ​നി​ക്കും. ഞാൻ എന്റെ ആടുകളെ അവരുടെ വായിൽനി​ന്ന്‌ രക്ഷിക്കും; അവ മേലാൽ അവരുടെ ആഹാര​മാ​കില്ല.’”

11 “‘കാരണം, പരമാ​ധി​കാ​രി​യായ യഹോവ പറയുന്നു: “ഇതാ ഞാൻ! എന്റെ ആടുകളെ ഞാൻതന്നെ തിരഞ്ഞ്‌ കണ്ടുപി​ടി​ക്കും. ഞാൻ അവയെ പരിപാ​ലി​ക്കും.+ 12 തന്റെ ചിതറി​പ്പോയ ആടുകളെ കണ്ടെത്തി അവയെ തീറ്റി​പ്പോ​റ്റുന്ന ഒരു ഇടയ​നെ​പ്പോ​ലെ ഞാൻ എന്റെ ആടുകളെ പരിപാ​ലി​ക്കും.+ മേഘങ്ങ​ളും കനത്ത മൂടലും ഉള്ള ദിവസ​ത്തിൽ ചിതറി​പ്പോയ അവയെ ഞാൻ എല്ലാ സ്ഥലങ്ങളിൽനി​ന്നും രക്ഷിക്കും.+ 13 ജനതകളുടെ ഇടയിൽനി​ന്ന്‌ ഞാൻ അവയെ കൊണ്ടു​വ​രും. പല ദേശങ്ങ​ളിൽനിന്ന്‌ അവയെ ഒരുമി​ച്ചു​കൂ​ട്ടും. എന്നിട്ട്‌, അവയെ സ്വദേ​ശ​ത്തേക്കു കൊണ്ടു​വന്ന്‌ ഇസ്രാ​യേൽമ​ല​ക​ളി​ലും അരുവി​കൾക്ക​രി​കെ​യും ജനവാ​സ​മുള്ള സ്ഥലങ്ങൾക്ക​ടു​ത്തും മേയ്‌ക്കും.+ 14 നല്ല പുൽപ്പു​റത്ത്‌ ഞാൻ അവയെ മേയ്‌ക്കും. ഇസ്രാ​യേ​ലി​ലെ ഉയരമുള്ള മലകളിൽ അവ മേഞ്ഞു​ന​ട​ക്കും.+ അവി​ടെ​യുള്ള നല്ല മേച്ചിൽപ്പു​റത്ത്‌ അവ കിടക്കും.+ ഇസ്രാ​യേൽമ​ല​ക​ളി​ലെ ഏറ്റവും നല്ല പുൽത്ത​കി​ടി​ക​ളി​ലൂ​ടെ അവ മേഞ്ഞു​ന​ട​ക്കും.”

15 “‘“ഞാൻതന്നെ എന്റെ ആടുകളെ തീറ്റി​പ്പോ​റ്റും;+ ഞാൻതന്നെ അവയെ കിടത്തും”+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. 16 “കാണാ​തെ​പോ​യ​തി​നെ ഞാൻ അന്വേ​ഷി​ക്കും.+ കൂട്ടം​തെ​റ്റി​യ​തി​നെ മടക്കി​ക്കൊ​ണ്ടു​വ​രും. പരി​ക്കേ​റ്റ​തി​നെ വെച്ചു​കെ​ട്ടും. തളർന്ന​തി​നെ ബലപ്പെ​ടു​ത്തും. പക്ഷേ, തടിച്ചു​കൊ​ഴു​ത്ത​തി​നെ​യും ബലമു​ള്ള​തി​നെ​യും ഞാൻ കൊന്നു​ക​ള​യും. ന്യായ​വി​ധി​കൊണ്ട്‌ ഞാൻ അവയുടെ വയറു നിറയ്‌ക്കും.”

17 “‘എന്റെ ആടുകളേ, നിങ്ങ​ളെ​ക്കു​റിച്ച്‌ പരമാ​ധി​കാ​രി​യായ യഹോവ പറയുന്നു: “ഞാൻ ആടിനും ആടിനും ഇടയിൽ ന്യായം വിധി​ക്കാൻപോ​കു​ക​യാണ്‌. ആൺചെ​മ്മ​രി​യാ​ടു​കൾക്കും ആൺകോ​ലാ​ടു​കൾക്കും ഇടയിൽ ഞാൻ ന്യായം വിധി​ക്കും.+ 18 നിങ്ങൾക്കു മേയാൻ ഏറ്റവും നല്ല മേച്ചിൽപ്പു​റ​ങ്ങ​ളു​ണ്ട​ല്ലോ, അതു പോരേ? മറ്റു മേച്ചിൽപ്പു​റ​ങ്ങ​ളും​കൂ​ടെ ചവിട്ടി​മെ​തി​ക്ക​ണോ? ഏറ്റവും തെളി​മ​യുള്ള വെള്ളം നിങ്ങൾ കുടി​ക്കു​ന്നു. എന്നിട്ട്‌, ബാക്കി വെള്ളം ചവിട്ടി​ക്ക​ല​ക്കി​യതു ശരിയാ​ണോ? 19 നിങ്ങൾ ചവിട്ടി​മെ​തിച്ച മേച്ചിൽപ്പു​റത്ത്‌ എന്റെ ആടുകൾ ഇനി മേയണ​മെ​ന്നോ? നിങ്ങൾ ചവിട്ടി​ക്ക​ല​ക്കിയ വെള്ളം അവ കുടി​ക്ക​ണ​മെ​ന്നോ?”

20 “‘അതു​കൊണ്ട്‌, പരമാ​ധി​കാ​രി​യായ യഹോവ അവരോ​ടു പറയുന്നു: “ഇതാ ഞാൻ! ഞാൻതന്നെ തടിച്ചു​കൊ​ഴുത്ത ആടിനും മെലിഞ്ഞ ആടിനും മധ്യേ ന്യായം വിധി​ക്കും. 21 കാരണം, രോഗ​മു​ള്ളവ ദൂര​ദേ​ശ​ങ്ങ​ളി​ലേക്കു ചിതറി​പ്പോ​കു​ന്ന​തു​വരെ നീ അവയെ നിന്റെ വശം​കൊ​ണ്ടും തോളു​കൊ​ണ്ടും ഇടിച്ചു, കൊമ്പു​കൊണ്ട്‌ കുത്തി​യോ​ടി​ച്ചു. 22 ഞാൻ എന്റെ ആടുകളെ രക്ഷിക്കും. അവ ഇനി ഒരിക്ക​ലും ഒന്നിനും ഇരയാ​കില്ല.+ ഞാൻ ആടിനും ആടിനും ഇടയിൽ ന്യായം വിധി​ക്കും. 23 ഞാൻ അവയ്‌ക്കെ​ല്ലാം​വേണ്ടി ഒരു ഇടയനെ എഴു​ന്നേൽപ്പി​ക്കും;+ എന്റെ ദാസനായ ദാവീ​ദാ​യി​രി​ക്കും അത്‌.+ അവൻ അവയെ തീറ്റി​പ്പോ​റ്റും. അവയെ തീറ്റി​പ്പോ​റ്റുന്ന അവൻതന്നെ അവയുടെ ഇടയനാ​കും.+ 24 യഹോവ എന്ന ഞാൻ അവരുടെ ദൈവവും+ എന്റെ ദാസനായ ദാവീദ്‌ അവരുടെ തലവനും ആകും.+ യഹോവ എന്ന ഞാനാണ്‌ ഇതു പറയു​ന്നത്‌.

25 “‘“ഞാൻ അവരു​മാ​യി ഒരു സമാധാ​ന​യു​ട​മ്പടി ഉണ്ടാക്കും.+ ഞാൻ ദേശത്തു​നിന്ന്‌ ഉപദ്ര​വ​കാ​രി​ക​ളായ വന്യമൃ​ഗ​ങ്ങളെ തുരത്തി​യോ​ടി​ക്കും.+ അങ്ങനെ, അവർ വിജന​ഭൂ​മി​യിൽ സുരക്ഷി​ത​രാ​യി കഴിയും, വനാന്ത​ര​ങ്ങ​ളിൽ കിടന്നു​റ​ങ്ങും.+ 26 ഞാൻ അവരെ​യും എന്റെ കുന്നിനു ചുറ്റു​മുള്ള പ്രദേ​ശ​ത്തെ​യും ഒരു അനു​ഗ്ര​ഹ​മാ​ക്കും.+ തക്ക സമയത്ത്‌ ഞാൻ മഴ പെയ്യി​ക്കും. അനു​ഗ്ര​ഹങ്ങൾ മഴപോ​ലെ പെയ്‌തി​റ​ങ്ങും.+ 27 നിലത്തെ മരങ്ങൾ കായ്‌ക്കും. മണ്ണു വിളവ്‌ തരും.+ അവർ ദേശത്ത്‌ സുരക്ഷി​ത​രാ​യി കഴിയും. ഞാൻ അവരുടെ നുകങ്ങൾ തകർത്ത്‌,+ അടിമ​ക​ളാ​ക്കി​യ​വ​രു​ടെ പിടി​യിൽനിന്ന്‌ അവരെ വിടു​വി​ക്കു​മ്പോൾ ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും. 28 അവർ പിന്നെ ഒരിക്ക​ലും ജനതകൾക്കി​ര​യാ​കില്ല. ഭൂമി​യി​ലെ വന്യമൃ​ഗങ്ങൾ അവരെ തിന്നു​ക​ള​യില്ല. അവർ സുരക്ഷി​ത​രാ​യി കഴിയും. ആരും അവരെ പേടി​പ്പി​ക്കില്ല.+

29 “‘“ഞാൻ അവർക്ക്‌ ഒരു തോപ്പ്‌ ഉണ്ടാക്കി​ക്കൊ​ടു​ക്കും, പേരു​കേട്ട ഒരു തോപ്പ്‌!* ദേശത്ത്‌ ആരും ഇനി ക്ഷാമത്താൽ മരിക്കില്ല.+ ജനതകൾ മേലാൽ അവരെ അപമാ​നി​ക്കു​ക​യു​മില്ല.+ 30 ‘അവരുടെ ദൈവ​മായ യഹോവ എന്ന ഞാൻ അവരോ​ടൊ​പ്പ​മു​ണ്ടെ​ന്നും ഇസ്രാ​യേൽഗൃ​ഹം എന്റെ ജനമാണെന്നും+ അപ്പോൾ അവർ അറി​യേ​ണ്ടി​വ​രും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”’

31 “‘എന്റെ ആടുകളേ,+ എന്റെ പരിപാ​ല​ന​ത്തി​ലുള്ള ആടുകളേ, നിങ്ങൾ വെറും മനുഷ്യ​രാണ്‌. ഞാനോ നിങ്ങളു​ടെ ദൈവ​വും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

35 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, നീ സേയീർമലനാടിനു+ നേരെ മുഖം തിരിച്ച്‌ അതിന്‌ എതിരെ പ്രവചി​ക്കൂ!+ 3 അതിനോടു പറയണം: ‘പരമാ​ധി​കാ​രി​യായ യഹോവ പറയുന്നു: “സേയീർമ​ല​നാ​ടേ, ഞാൻ ഇതാ നിനക്ക്‌ എതിരെ തിരി​ഞ്ഞി​രി​ക്കു​ക​യാണ്‌. ഞാൻ നിന്റെ നേരെ കൈ നീട്ടി നിന്നെ ആൾപ്പാർപ്പി​ല്ലാത്ത ഒരു പാഴ്‌നി​ല​മാ​ക്കും.+ 4 ഞാൻ നിന്റെ നഗരങ്ങളെ നാശകൂ​മ്പാ​ര​മാ​ക്കും. നീ ആൾപ്പാർപ്പി​ല്ലാത്ത ഒരു പാഴ്‌നി​ല​മാ​കും.+ അങ്ങനെ, ഞാൻ യഹോ​വ​യാ​ണെന്നു നീ അറി​യേ​ണ്ടി​വ​രും. 5 കാരണം, നീ ഇസ്രാ​യേ​ല്യ​രോട്‌ ഒടുങ്ങാത്ത ശത്രുത കാണിച്ചു.+ അവരുടെ കഷ്ടകാ​ലത്ത്‌, അവരുടെ അന്തിമ​ശി​ക്ഷ​യു​ടെ സമയത്ത്‌, നീ അവരെ വാളിന്‌ ഏൽപ്പി​ച്ചു​കൊ​ടു​ത്തു.”’+

6 “പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു: ‘അതു​കൊണ്ട്‌ ഞാനാണെ, ഞാൻ നിന്നെ രക്തച്ചൊ​രി​ച്ചി​ലി​നു​വേണ്ടി ഒരുക്കും. രക്തച്ചൊ​രി​ച്ചിൽ നിന്നെ പിന്തു​ട​രും. നീ വെറു​ത്തതു രക്തമാ​യ​തു​കൊണ്ട്‌ രക്തച്ചൊ​രി​ച്ചിൽ നിന്നെ പിന്തു​ട​രും.+ 7 ഞാൻ സേയീർമ​ല​നാ​ടി​നെ ആൾപ്പാർപ്പി​ല്ലാത്ത ഒരു പാഴ്‌നി​ല​മാ​ക്കും.+ അതിലൂ​ടെ പോകു​ന്ന​വ​രെ​യും വരുന്ന​വ​രെ​യും ഞാൻ കൊന്നു​ക​ള​യും. 8 അതിന്റെ മലകളിൽ ഞാൻ ശവങ്ങൾ നിറയ്‌ക്കും. വാളാൽ കൊല്ല​പ്പെ​ട്ടവർ നിന്റെ കുന്നു​ക​ളി​ലും താഴ്‌വ​ര​ക​ളി​ലും നിന്റെ എല്ലാ അരുവി​ക​ളി​ലും വീണു​കി​ട​ക്കും. 9 ഞാൻ നിന്നെ ആൾപ്പാർപ്പി​ല്ലാത്ത ഒരു പാഴ്‌നി​ല​മാ​ക്കും; അത്‌ എന്നും അങ്ങനെ കിടക്കും. നിന്റെ നഗരങ്ങ​ളിൽ ആൾത്താ​മ​സ​മു​ണ്ടാ​കില്ല.+ അങ്ങനെ, ഞാൻ യഹോ​വ​യാ​ണെന്നു നീ അറി​യേ​ണ്ടി​വ​രും.’

10 “‘ഈ രണ്ടു ജനതക​ളും രണ്ടു ദേശങ്ങ​ളും എന്റേതാ​കും, അവ രണ്ടും ഞങ്ങൾ കൈവ​ശ​മാ​ക്കും’+ എന്നു നീ പറഞ്ഞില്ലേ? യഹോവ അവി​ടെ​യു​ണ്ടാ​യി​രു​ന്നി​ട്ടു​പോ​ലും നീ അങ്ങനെ പറഞ്ഞു. 11 ‘അതു​കൊണ്ട്‌ ഞാനാണെ,’ പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു, ‘വിദ്വേ​ഷം മൂത്ത്‌ നീ അവരോ​ടു കാട്ടിയ കോപ​ത്തി​നും അസൂയ​യ്‌ക്കും അനുസൃ​ത​മാ​യി ഞാൻ നിന്നോ​ട്‌ ഇടപെ​ടും.+ നിന്നെ ന്യായം വിധി​ക്കു​മ്പോൾ ഞാൻ അവർക്ക്‌ എന്നെത്തന്നെ വെളി​പ്പെ​ടു​ത്തും. 12 “ആൾപ്പാർപ്പി​ല്ലാ​തെ പാഴ്‌നി​ല​മാ​യി​ക്കി​ട​ക്കുന്ന അവരെ, വിഴു​ങ്ങാൻ പാകത്തിൽ* നമ്മുടെ കൈയിൽ കിട്ടി​യി​രി​ക്കു​ന്നു” എന്ന്‌ ഇസ്രാ​യേൽമ​ല​കൾക്കെ​തി​രെ പറഞ്ഞ നിന്റെ നിന്ദാ​വാ​ക്കു​ക​ളെ​ല്ലാം യഹോവ എന്ന ഞാൻ കേട്ടി​രി​ക്കു​ന്നു എന്ന്‌ അപ്പോൾ നീ അറി​യേ​ണ്ടി​വ​രും. 13 നീ എനിക്ക്‌ എതിരെ ഗർവ​ത്തോ​ടെ, വാതോ​രാ​തെ സംസാ​രി​ച്ചു.+ എല്ലാം ഞാൻ കേട്ടു.’

14 “പരമാ​ധി​കാ​രി​യായ യഹോവ പറയുന്നു: ‘ഞാൻ നിന്നെ ആൾപ്പാർപ്പി​ല്ലാത്ത പാഴ്‌നി​ല​മാ​ക്കു​മ്പോൾ ഭൂമി മുഴുവൻ ആർത്തു​ല്ല​സി​ക്കും. 15 ഇസ്രായേൽഗൃഹത്തിന്റെ അവകാ​ശ​ദേശം ആൾപ്പാർപ്പി​ല്ലാ​തെ കിടന്ന​പ്പോൾ നീ ആർത്തു​ല്ല​സി​ച്ചി​ല്ലേ? അങ്ങനെ​തന്നെ ഞാൻ നിന്നോ​ടും ചെയ്യും.+ സേയീർമ​ല​നാ​ടേ, നീ ആൾപ്പാർപ്പി​ല്ലാ​തെ നശിച്ചു​കി​ട​ക്കും. അതെ, ഏദോം മുഴു​വ​നും അങ്ങനെ​യാ​കും.+ അപ്പോൾ, ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.’”

36 “മനുഷ്യ​പു​ത്രാ, ഇസ്രാ​യേൽമ​ല​ക​ളെ​ക്കു​റിച്ച്‌ ഇങ്ങനെ പ്രവചി​ക്കൂ: ‘ഇസ്രാ​യേൽമ​ല​കളേ, യഹോ​വ​യു​ടെ സന്ദേശം കേൾക്കൂ! 2 പരമാധികാരിയായ യഹോവ പറയുന്നു: “‘ആഹാ! പുരാ​ത​ന​മായ കുന്നു​കൾപോ​ലും നമ്മുടെ കൈയി​ലാ​യ​ല്ലോ!’ എന്നു ശത്രു നിങ്ങൾക്കെ​തി​രെ പറഞ്ഞില്ലേ?”’+

3 “അതു​കൊണ്ട്‌, ഇങ്ങനെ പ്രവചി​ക്കൂ: ‘പരമാ​ധി​കാ​രി​യായ യഹോവ പറയുന്നു: “അവർ നിങ്ങളെ വിജന​മാ​ക്കി​യി​ല്ലേ? നാലു​പാ​ടു​നി​ന്നും ആക്രമി​ച്ചി​ല്ലേ? ജനതക​ളിൽനി​ന്നുള്ള അതിജീവകർ* നിങ്ങളെ സ്വന്തമാ​ക്കട്ടെ എന്ന്‌ അവർ കരുതി. ആളുക​ളു​ടെ മുഖ്യ സംസാ​ര​വി​ഷയം നിങ്ങളാ​ണ്‌. അവർ നിങ്ങ​ളെ​ക്കു​റിച്ച്‌ പരദൂ​ഷണം പറയുന്നു.+ 4 അതുകൊണ്ട്‌ ഇസ്രാ​യേൽമ​ല​കളേ, പരമാ​ധി​കാ​രി​യായ യഹോ​വ​യു​ടെ സന്ദേശം കേൾക്കൂ! പരമാ​ധി​കാ​രി​യായ യഹോവ മലക​ളോ​ടും കുന്നു​ക​ളോ​ടും, അരുവി​ക​ളോ​ടും താഴ്‌വ​ര​ക​ളോ​ടും, ആൾപ്പാർപ്പി​ല്ലാ​തെ നശിച്ചു​കി​ട​ക്കുന്ന സ്ഥലങ്ങ​ളോ​ടും,+ ചുറ്റു​മുള്ള ജനതക​ളി​ലെ അതിജീ​വ​ക​രു​ടെ പരിഹാ​സ​ത്തി​നും കവർച്ച​യ്‌ക്കും ഇരയായി ഉപേക്ഷി​ക്ക​പ്പെട്ട നിലയിൽ കിടക്കുന്ന നഗരങ്ങ​ളോ​ടും സംസാ​രി​ക്കു​ന്നു.+ 5 ഇവയോടു പരമാ​ധി​കാ​രി​യായ യഹോവ പറയുന്നു: ‘ജ്വലി​ക്കുന്ന ആവേശത്തോടെ+ ജനതക​ളി​ലെ അതിജീ​വ​കർക്കെ​തി​രെ​യും ഏദോ​മിന്‌ എതി​രെ​യും ഞാൻ സംസാ​രി​ക്കും. എന്റെ ദേശം അവരുടെ സ്വന്തമാ​ണെന്ന്‌ ആർത്തു​ല്ല​സിച്ച്‌ പരമപുച്ഛത്തോടെ+ അവർ അവകാ​ശ​വാ​ദം മുഴക്കി. ആ ദേശത്തെ മേച്ചിൽപ്പു​റങ്ങൾ കൈവ​ശ​മാ​ക്കാ​നും അതിനെ കൊള്ള​യ​ടി​ക്കാ​നും അവർ നോക്കി.’”’+

6 “അതു​കൊണ്ട്‌, ഇസ്രാ​യേൽ ദേശ​ത്തെ​ക്കു​റിച്ച്‌ പ്രവചി​ക്കൂ! മലക​ളോ​ടും കുന്നു​ക​ളോ​ടും, അരുവി​ക​ളോ​ടും താഴ്‌വ​ര​ക​ളോ​ടും ഇങ്ങനെ പറയൂ: ‘പരമാ​ധി​കാ​രി​യായ യഹോവ പറയുന്നു: “ജനതക​ളിൽനിന്ന്‌ നിങ്ങൾക്ക്‌ അപമാനം സഹി​ക്കേ​ണ്ടി​വ​ന്ന​തു​കൊണ്ട്‌ ഞാൻ ആവേശ​ത്തോ​ടെ, ഉഗ്ര​കോ​പ​ത്തോ​ടെ സംസാ​രി​ക്കും.”’+

7 “അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു: ‘ചുറ്റു​മുള്ള ജനതകൾ തങ്ങൾക്കു​ണ്ടായ നാണ​ക്കേടു സഹി​ക്കേ​ണ്ടി​വ​രു​മെന്നു ഞാൻ കൈ ഉയർത്തി ആണയി​ടു​ന്നു.+ 8 പക്ഷേ ഇസ്രാ​യേൽമ​ല​കളേ, എന്റെ ജനമായ ഇസ്രാ​യേ​ലി​നു​വേണ്ടി നിങ്ങളിൽ ശാഖക​ളും കായ്‌ക​നി​ക​ളും ഉണ്ടാകും;+ അവർ ഉടൻതന്നെ മടങ്ങി​വ​രു​മ​ല്ലോ. 9 കാരണം, ഞാൻ നിങ്ങ​ളോ​ടൊ​പ്പ​മുണ്ട്‌. ഞാൻ നിങ്ങളി​ലേക്കു മുഖം തിരി​ക്കും. ആളുകൾ നിങ്ങളിൽ കൃഷി​യി​റ​ക്കും; വിത്തു വിതയ്‌ക്കും. 10 ഞാൻ നിങ്ങളു​ടെ ആളുകളെ, ഇസ്രാ​യേൽഗൃ​ഹത്തെ മുഴുവൻ, വർധി​പ്പി​ക്കും. നഗരങ്ങ​ളിൽ ആൾത്താ​മ​സ​മു​ണ്ടാ​കും.+ നശിച്ചു​കി​ട​ക്കുന്ന സ്ഥലങ്ങൾ അവർ പുനർനിർമി​ക്കും.+ 11 അതെ, ഞാൻ നിങ്ങളു​ടെ ആളുക​ളെ​യും മൃഗങ്ങ​ളെ​യും വർധി​പ്പി​ക്കും.+ അവ പെറ്റു​പെ​രു​കും. മുമ്പ​ത്തെ​പ്പോ​ലെ നിങ്ങളിൽ ആൾത്താ​മ​സ​മു​ണ്ടാ​കാൻ ഞാൻ ഇടയാ​ക്കും.+ മുമ്പ​ത്തെ​ക്കാൾ അഭിവൃ​ദ്ധി തന്ന്‌ ഞാൻ നിങ്ങളെ അനു​ഗ്ര​ഹി​ക്കും.+ അങ്ങനെ, ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.+ 12 ഞാൻ മനുഷ്യ​രെ, എന്റെ ജനമായ ഇസ്രാ​യേ​ലി​നെ, വരുത്തും. അവർ നിങ്ങളെ കൈവ​ശ​മാ​ക്കി അതിലേ നടക്കും.+ നിങ്ങൾ അവരുടെ അവകാ​ശ​മാ​കും. ഇനി ഒരിക്ക​ലും നിങ്ങൾ അവരെ മക്കളി​ല്ലാ​ത്ത​വ​രാ​ക്കില്ല.’”+

13 “പരമാ​ധി​കാ​രി​യായ യഹോവ പറയുന്നു: ‘അവർ നിങ്ങ​ളോട്‌, “ആളുകളെ വിഴു​ങ്ങു​ക​യും നിന്നിലെ ജനതകളെ മക്കളി​ല്ലാ​ത്ത​വ​രാ​ക്കു​ക​യും ചെയ്യുന്ന ദേശമാ​ണു നീ” എന്നു പറയു​ന്നു​ണ്ട​ല്ലോ.’ 14 ‘അതു​കൊണ്ട്‌, നീ ഇനി ഒരിക്ക​ലും ആളുകളെ വിഴു​ങ്ങു​ക​യോ നിന്നിലെ ജനതകളെ മക്കളി​ല്ലാ​ത്ത​വ​രാ​ക്കു​ക​യോ ചെയ്യില്ല’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. 15 ‘നീ ഇനി ജനതക​ളു​ടെ പരിഹാ​സ​ത്തി​നോ ആളുക​ളു​ടെ നിന്ദയ്‌ക്കോ പാത്ര​മാ​കാൻ ഞാൻ അനുവ​ദി​ക്കില്ല.+ ഇനി ഒരിക്ക​ലും നീ നിന്നിലെ ജനതകളെ ഇടറി​വീ​ഴി​ക്കില്ല’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

16 എനിക്കു വീണ്ടും യഹോ​വ​യു​ടെ സന്ദേശം കിട്ടി: 17 “മനുഷ്യ​പു​ത്രാ, ഇസ്രാ​യേൽഗൃ​ഹം അവരുടെ ദേശത്ത്‌ താമസി​ച്ചി​രു​ന്ന​പ്പോൾ അവരുടെ വഴിക​ളാ​ലും പെരു​മാ​റ്റ​ത്താ​ലും ദേശം അശുദ്ധ​മാ​ക്കി.+ അവരുടെ വഴികൾ എനിക്ക്‌ ആർത്തവാ​ശു​ദ്ധി​പോ​ലെ​യാ​യി​രു​ന്നു.+ 18 അവർ ദേശത്ത്‌ രക്തം ചൊരിഞ്ഞതുകൊണ്ടും+ അവരുടെ മ്ലേച്ഛവിഗ്രഹങ്ങളാൽ* ദേശം അശുദ്ധ​മാ​ക്കി​യ​തു​കൊ​ണ്ടും ഞാൻ അവരുടെ മേൽ എന്റെ ഉഗ്ര​കോ​പം ചൊരി​ഞ്ഞു.+ 19 ഞാൻ ജനതക​ളു​ടെ ഇടയിൽ അവരെ ചിതറി​ച്ചു. പല ദേശങ്ങ​ളി​ലേക്ക്‌ അവരെ ഓടി​ച്ചു​ക​ളഞ്ഞു.+ അവരുടെ വഴികൾക്കും പെരു​മാ​റ്റ​ത്തി​നും അനുസൃ​ത​മാ​യി ഞാൻ അവരെ ന്യായം വിധിച്ചു. 20 പക്ഷേ, അവർ ജനതക​ളു​ടെ അടുത്ത്‌ എത്തിയ​പ്പോൾ ആളുകൾ അവരെ​ക്കു​റിച്ച്‌, ‘യഹോ​വ​യു​ടെ ജനമാണ്‌ ഇവർ; പക്ഷേ, അവർക്ക്‌ അവന്റെ ദേശം വിട്ടു​പോ​രേ​ണ്ടി​വന്നു’ എന്നു പറഞ്ഞ്‌ എന്റെ വിശു​ദ്ധ​നാ​മം അശുദ്ധ​മാ​ക്കി.+ 21 അതുകൊണ്ട്‌, ഇസ്രാ​യേൽഗൃ​ഹ​ത്തി​ലു​ള്ളവർ ചെന്നെ​ത്തിയ ജനതക​ളു​ടെ ഇടയിൽ ഇസ്രാ​യേൽ അശുദ്ധ​മാ​ക്കിയ എന്റെ വിശു​ദ്ധ​നാ​മ​ത്തോ​ടു ഞാൻ താത്‌പ​ര്യം കാണി​ക്കും.”+

22 “അതു​കൊണ്ട്‌, ഇസ്രാ​യേൽഗൃ​ഹ​ത്തോ​ടു പറയണം: ‘പരമാ​ധി​കാ​രി​യായ യഹോവ പറയു​ന്നത്‌ ഇതാണ്‌: “ഇസ്രാ​യേൽഗൃ​ഹമേ, നിങ്ങളെ ഓർത്തല്ല, പകരം നിങ്ങൾ ചെന്നെ​ത്തിയ ജനതക​ളു​ടെ ഇടയിൽ നിങ്ങൾ അശുദ്ധ​മാ​ക്കിയ എന്റെ വിശു​ദ്ധ​നാ​മത്തെ ഓർത്താ​ണു ഞാൻ പ്രവർത്തി​ക്കു​ന്നത്‌.”’+ 23 ‘ജനതക​ളു​ടെ ഇടയിൽ അശുദ്ധ​മായ എന്റെ മഹനീ​യ​നാ​മത്തെ, നിങ്ങൾ അശുദ്ധ​മാ​ക്കിയ ആ നാമത്തെ, ഞാൻ നിശ്ചയ​മാ​യും വിശു​ദ്ധീ​ക​രി​ക്കും.+ അവർ കാൺകെ നിങ്ങളു​ടെ ഇടയിൽ ഞാൻ എന്നെ വിശു​ദ്ധീ​ക​രി​ക്കു​മ്പോൾ ഞാൻ യഹോ​വ​യാ​ണെന്നു ജനതകൾ അറി​യേ​ണ്ടി​വ​രും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. 24 ‘ഞാൻ നിങ്ങളെ ജനതക​ളു​ടെ ഇടയിൽനി​ന്ന്‌ ഒരുമി​ച്ചു​കൂ​ട്ടും. എല്ലാ ദേശങ്ങ​ളിൽനി​ന്നും നിങ്ങളെ കൂട്ടി​വ​രു​ത്തും. നിങ്ങളെ സ്വദേ​ശ​ത്തേക്കു മടക്കി​ക്കൊ​ണ്ടു​വ​രും.+ 25 ഞാൻ നിങ്ങളു​ടെ മേൽ ശുദ്ധജലം തളിക്കും; നിങ്ങൾ ശുദ്ധരാ​കും.+ അശുദ്ധി​യിൽനി​ന്നും എല്ലാ മ്ലേച്ഛവിഗ്രഹങ്ങളിൽനിന്നും+ ഞാൻ നിങ്ങളെ ശുദ്ധീ​ക​രി​ക്കും.+ 26 ഞാൻ നിങ്ങൾക്കു പുതി​യൊ​രു ഹൃദയം തരും;+ പുതി​യൊ​രു ആത്മാവ്‌* നിങ്ങളു​ടെ ഉള്ളിൽ വെക്കും.+ ഞാൻ നിങ്ങളു​ടെ ശരീര​ത്തിൽനിന്ന്‌ കല്ലു​കൊ​ണ്ടുള്ള ഹൃദയം+ മാറ്റി മാംസം​കൊ​ണ്ടുള്ള ഹൃദയം* തരും. 27 ഞാൻ എന്റെ ആത്മാവ്‌ നിങ്ങളു​ടെ ഉള്ളിൽ വെക്കും. എന്റെ ചട്ടങ്ങളിൽ ഞാൻ നിങ്ങളെ നടത്തും.+ നിങ്ങൾ എന്റെ ന്യായ​ത്തീർപ്പു​കൾ പാലി​ക്കു​ക​യും പിൻപ​റ്റു​ക​യും ചെയ്യും. 28 അപ്പോൾ, നിങ്ങളു​ടെ പൂർവി​കർക്കു ഞാൻ കൊടുത്ത ദേശത്ത്‌ നിങ്ങൾ താമസി​ക്കും. നിങ്ങൾ എന്റെ ജനവും ഞാൻ നിങ്ങളു​ടെ ദൈവ​വും ആയിരി​ക്കും.’+

29 “‘നിങ്ങളു​ടെ സകല അശുദ്ധി​യിൽനി​ന്നും ഞാൻ നിങ്ങളെ മോചി​പ്പി​ക്കും. സമൃദ്ധ​മാ​യി വിളയാൻ ഞാൻ ധാന്യ​ത്തോ​ടു പറയും; ഞാൻ നിങ്ങൾക്കു ക്ഷാമം വരുത്തില്ല.+ 30 മരത്തിൽ കായ്‌ക​നി​ക​ളും നിലത്ത്‌ വിളവും സമൃദ്ധ​മാ​യി ഉണ്ടാകാൻ ഞാൻ ഇടവരു​ത്തും. പിന്നെ, നിങ്ങൾക്ക്‌ ഒരിക്ക​ലും ചുറ്റു​മുള്ള ജനതക​ളു​ടെ മുന്നിൽ ക്ഷാമം​മൂ​ല​മുള്ള മാന​ക്കേടു സഹിച്ച്‌ ജീവി​ക്കേ​ണ്ടി​വ​രില്ല.+ 31 അപ്പോൾ, നിങ്ങളു​ടെ ദുഷിച്ച വഴിക​ളും മോശ​മായ പ്രവൃ​ത്തി​ക​ളും നിങ്ങൾ ഓർക്കും. നിങ്ങൾ ചെയ്‌തു​കൂ​ട്ടിയ തെറ്റു​ക​ളും വൃത്തി​കെട്ട ആചാര​ങ്ങ​ളും കാരണം നിങ്ങൾക്കു നിങ്ങ​ളോ​ടു​തന്നെ അറപ്പു തോന്നും.+ 32 പക്ഷേ ഇത്‌ ഓർത്തോ: നിങ്ങളെ കരുതി​യല്ല ഞാൻ ഇതു ചെയ്യു​ന്നത്‌’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. ‘ഇസ്രാ​യേൽഗൃ​ഹമേ, നിങ്ങളു​ടെ വഴികൾ കാരണം ലജ്ജിച്ച്‌ തല താഴ്‌ത്തൂ!’

33 “പരമാ​ധി​കാ​രി​യായ യഹോവ പറയുന്നു: ‘നിങ്ങളു​ടെ എല്ലാ തെറ്റു​കു​റ്റ​ങ്ങ​ളിൽനി​ന്നും ഞാൻ നിങ്ങളെ ശുദ്ധീ​ക​രി​ക്കുന്ന ദിവസം നഗരങ്ങ​ളിൽ ആൾപ്പാർപ്പുണ്ടാകാനും+ നശിച്ചു​കി​ട​ക്കുന്ന സ്ഥലങ്ങൾ പുനർനിർമി​ക്കാ​നും ഞാൻ ഇടയാ​ക്കും.+ 34 ആൾപ്പാർപ്പില്ലാതെ പാഴാ​യി​ക്കി​ട​ന്ന​താ​യി വഴി​പോ​ക്കർ കണ്ടിരുന്ന നിലത്ത്‌ വീണ്ടും കൃഷി​യി​റ​ക്കും. 35 ആളുകൾ പറയും: “പാഴാ​യി​ക്കി​ടന്ന ദേശം ഏദെൻ തോട്ടം​പോ​ലെ​യാ​യി.+ തകർന്ന​ടിഞ്ഞ്‌ ആൾപ്പാർപ്പി​ല്ലാ​തെ കിടന്ന നഗരങ്ങൾ ഇപ്പോൾ പണിതു​യർത്തി ഭദ്രമാ​ക്കി​യി​രി​ക്കു​ന്നു; അവിടെ ആൾത്താ​മ​സ​വു​മുണ്ട്‌.”+ 36 തകർന്നുകിടന്നവ പണിത​തും പാഴാ​യി​ക്കി​ട​ന്നി​ടം നട്ടുപി​ടി​പ്പി​ച്ച​തും യഹോവ എന്ന ഞാനാ​ണെന്നു നിങ്ങൾക്കു ചുറ്റും ബാക്കി​യുള്ള ജനതകൾ അപ്പോൾ അറി​യേ​ണ്ടി​വ​രും. യഹോവ എന്ന ഞാനാണ്‌ ഇതു പറയു​ന്നത്‌. ഞാൻ ഇതു ചെയ്‌തി​രി​ക്കു​ന്നു.’+

37 “പരമാ​ധി​കാ​രി​യായ യഹോവ പറയുന്നു: ‘തങ്ങൾക്ക്‌ ഇങ്ങനെ​യൊ​രു കാര്യം ചെയ്‌തു​ത​രാ​മോ എന്ന്‌ എന്നോടു ചോദി​ക്കാൻ ഞാൻ ഇസ്രാ​യേൽഗൃ​ഹത്തെ അനുവ​ദി​ക്കും: അവരുടെ ആളുകളെ ഞാൻ ആട്ടിൻപ​റ്റ​ത്തെ​പ്പോ​ലെ വർധി​പ്പി​ക്കും. 38 വിശുദ്ധരുടെ വൻസമൂ​ഹ​ത്തെ​പ്പോ​ലെ, ഉത്സവകാലത്ത്‌+ യരുശ​ലേ​മി​ലുള്ള വലിയ ആൾക്കൂ​ട്ട​ത്തെ​പ്പോ​ലെ,* നശിച്ചു​കി​ടന്ന നഗരങ്ങ​ളിൽ ആളുകൾ തിങ്ങി​നി​റ​യും.+ അപ്പോൾ, ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.’”

37 യഹോ​വ​യു​ടെ കൈ എന്റെ മേലു​ണ്ടാ​യി​രു​ന്നു. യഹോവ തന്റെ ആത്മാവി​നാൽ എന്നെ എടുത്തു​കൊ​ണ്ടു​പോ​യി താഴ്‌വ​ര​യു​ടെ നടുവിൽ നിറുത്തി;+ അവിടെ മുഴുവൻ അസ്ഥിക​ളാ​യി​രു​ന്നു. 2 അവയ്‌ക്കു ചുറ്റും ദൈവം എന്നെ നടത്തി. താഴ്‌വ​ര​യിൽ ധാരാളം അസ്ഥികൾ കിടക്കു​ന്നതു ഞാൻ കണ്ടു. അവ വരണ്ടു​ണ​ങ്ങി​യി​രു​ന്നു.+ 3 ദൈവം എന്നോടു ചോദി​ച്ചു: “മനുഷ്യ​പു​ത്രാ, ഈ അസ്ഥികൾക്കു ജീവൻ വെക്കു​മോ?” അപ്പോൾ ഞാൻ, “പരമാ​ധി​കാ​രി​യായ യഹോവേ, അത്‌ അങ്ങയ്‌ക്കല്ലേ അറിയൂ”+ എന്നു പറഞ്ഞു. 4 അപ്പോൾ, ദൈവം എന്നോടു പറഞ്ഞു: “ഈ അസ്ഥിക​ളെ​ക്കു​റിച്ച്‌ പ്രവചി​ക്കൂ! അവയോ​ടു പറയണം: ‘ഉണങ്ങിയ അസ്ഥികളേ, യഹോ​വ​യു​ടെ സന്ദേശം കേൾക്കൂ:

5 “‘പരമാ​ധി​കാ​രി​യായ യഹോവ ഈ അസ്ഥിക​ളോ​ടു പറയു​ന്നത്‌ ഇതാണ്‌: “ഞാൻ നിങ്ങളി​ലേക്കു ശ്വാസം കടത്തി​വി​ടും. അപ്പോൾ, നിങ്ങൾ ജീവനി​ലേക്കു വരും.+ 6 ഞാൻ നിങ്ങളു​ടെ മേൽ സ്‌നായുക്കളും* മാംസ​വും വെച്ചു​പി​ടി​പ്പിച്ച്‌ തൊലി​കൊണ്ട്‌ പൊതി​യും. നിങ്ങളി​ലേക്കു ശ്വാസം കടത്തി​വി​ടും. അപ്പോൾ, നിങ്ങൾ ജീവി​ക്കും. അങ്ങനെ, ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.”’”

7 എന്നോടു കല്‌പി​ച്ച​തു​പോ​ലെ​തന്നെ ഞാൻ പ്രവചി​ച്ചു. ഞാൻ പ്രവചിച്ച ഉടൻ ഒരു കിരു​കി​ര​ശബ്ദം കേട്ടു. അതാ, അസ്ഥിക​ളെ​ല്ലാം ഒരുമി​ച്ചു​കൂ​ടു​ന്നു, അവ ഒന്നോ​ടൊ​ന്നു ചേരുന്നു. 8 തുടർന്ന്‌, അവയുടെ മേൽ സ്‌നാ​യു​ക്ക​ളും മാംസ​വും വരുന്നതു ഞാൻ കണ്ടു. തൊലി അവയെ പൊതി​ഞ്ഞു. പക്ഷേ, അപ്പോ​ഴും അവയ്‌ക്കു ശ്വാസ​മി​ല്ലാ​യി​രു​ന്നു.

9 അപ്പോൾ, ദൈവം എന്നോടു പറഞ്ഞു: “കാറ്റി​നോ​ടു പ്രവചി​ക്കൂ! മനുഷ്യ​പു​ത്രാ, കാറ്റി​നോട്‌ ഇങ്ങനെ പ്രവചി​ക്കൂ: ‘പരമാ​ധി​കാ​രി​യായ യഹോവ പറയുന്നു: “കാറ്റേ,* നാലു ദിക്കിൽനി​ന്നും വരൂ! കൊല്ല​പ്പെട്ട ഈ ആളുക​ളു​ടെ മേൽ വീശൂ! അങ്ങനെ, അവർക്കു ജീവൻ വെക്കട്ടെ.”’”

10 ദൈവം എന്നോടു കല്‌പി​ച്ച​തു​പോ​ലെ​തന്നെ ഞാൻ പ്രവചി​ച്ചു. അവർ ശ്വാസ​മെ​ടു​ക്കാൻതു​ടങ്ങി.* ജീവനി​ലേക്കു വന്ന അവർ എഴു​ന്നേ​റ്റു​നി​ന്നു;+ ഒരു വൻസൈ​ന്യം!

11 അപ്പോൾ, ദൈവം എന്നോടു പറഞ്ഞു: “മനുഷ്യ​പു​ത്രാ, ഈ അസ്ഥികൾ ഇസ്രാ​യേൽഗൃ​ഹ​മാണ്‌.+ അവർ പറയുന്നു: ‘ഞങ്ങളുടെ അസ്ഥികൾ ഉണങ്ങി​യി​രി​ക്കു​ന്നു. ഞങ്ങളുടെ പ്രത്യാശ നശിച്ചി​രി​ക്കു​ന്നു.+ ഞങ്ങൾ തീർത്തും ഒറ്റപ്പെ​ട്ടി​രി​ക്കു​ന്നു.’ 12 അതുകൊണ്ട്‌, അവരോ​ട്‌ ഇങ്ങനെ പ്രവചി​ക്കൂ: ‘പരമാ​ധി​കാ​രി​യായ യഹോവ പറയുന്നു: “എന്റെ ജനമേ, ഞാൻ നിങ്ങളു​ടെ ശവക്കു​ഴി​കൾ തുറന്ന്‌+ അവി​ടെ​നിന്ന്‌ നിങ്ങളെ എഴു​ന്നേൽപ്പിച്ച്‌ ഇസ്രാ​യേൽ ദേശ​ത്തേക്കു കൊണ്ടു​വ​രും.+ 13 എന്റെ ജനമേ, ഞാൻ നിങ്ങളു​ടെ ശവക്കു​ഴി​കൾ തുറന്ന്‌ അവി​ടെ​നിന്ന്‌ നിങ്ങളെ എഴു​ന്നേൽപ്പി​ക്കു​മ്പോൾ ഞാൻ യഹോ​വ​യാ​ണെന്നു നിങ്ങൾ അറി​യേ​ണ്ടി​വ​രും.”’+ 14 ‘ഞാൻ എന്റെ ആത്മാവി​നെ നിങ്ങളിൽ നിവേ​ശി​പ്പി​ക്കും. നിങ്ങൾ ജീവനി​ലേക്കു വരും.+ ഞാൻ നിങ്ങളെ നിങ്ങളു​ടെ ദേശത്ത്‌ കുടി​യി​രു​ത്തും. യഹോവ എന്ന ഞാനാണ്‌ ഇതു പറഞ്ഞ​തെ​ന്നും പറഞ്ഞതു​പോ​ലെ​തന്നെ ഞാൻ ചെയ്‌തെ​ന്നും നിങ്ങൾ അറി​യേ​ണ്ടി​വ​രും’ എന്ന്‌ യഹോവ പ്രഖ്യാ​പി​ക്കു​ന്നു.”

15 എനിക്കു വീണ്ടും യഹോ​വ​യു​ടെ സന്ദേശം കിട്ടി: 16 “മനുഷ്യ​പു​ത്രാ, നീ ഒരു വടി എടുത്ത്‌ അതിൽ, ‘യഹൂദ​യ്‌ക്കും അവന്റെകൂടെയുള്ള* ഇസ്രാ​യേൽ ജനത്തി​നും’+ എന്ന്‌ എഴുതുക. എന്നിട്ട്‌, മറ്റൊരു വടി എടുത്ത്‌ അതിൽ, ‘എഫ്രയീ​മി​ന്റെ വടിയായ യോ​സേ​ഫി​നും അവന്റെകൂടെയുള്ള* മുഴുവൻ ഇസ്രാ​യേൽഗൃ​ഹ​ത്തി​നും’ എന്നും എഴുതുക.+ 17 എന്നിട്ട്‌, അവ രണ്ടും ചേർത്ത്‌ പിടി​ക്കണം. അങ്ങനെ, അവ നിന്റെ കൈയിൽ ഒറ്റ വടിയാ​യി​ത്തീ​രട്ടെ.+ 18 ‘എന്താണ്‌ ഇതി​ന്റെ​യൊ​ക്കെ അർഥം’ എന്നു നിന്റെ ജനം നിന്നോ​ടു ചോദി​ക്കു​മ്പോൾ 19 അവരോടു പറയണം: ‘പരമാ​ധി​കാ​രി​യായ യഹോവ പറയുന്നു: “എഫ്രയീ​മി​ന്റെ കൈയിൽ ഇരിക്കുന്ന, യോ​സേ​ഫി​ന്റെ​യും അവന്റെ​കൂ​ടെ​യുള്ള ഇസ്രാ​യേൽഗോ​ത്ര​ങ്ങ​ളു​ടെ​യും വടി ഞാൻ യഹൂദ​യു​ടെ വടി​യോ​ടു യോജി​പ്പി​ക്കും. ഞാൻ അവ ഒറ്റ വടിയാ​ക്കും.+ അങ്ങനെ, ഒറ്റ വടിയാ​യി അവ എന്റെ കൈയിൽ ഇരിക്കും.”’ 20 നീ എഴുതിയ വടികൾ അവർക്കു കാണാൻ പാകത്തിൽ നിന്റെ കൈയി​ലു​ണ്ടാ​യി​രി​ക്കണം.

21 “എന്നിട്ട്‌, അവരോ​ടു പറയണം: ‘പരമാ​ധി​കാ​രി​യായ യഹോവ പറയുന്നു: “ഇസ്രാ​യേ​ല്യർ ചെന്നെ​ത്തിയ ജനതക​ളു​ടെ ഇടയിൽനി​ന്ന്‌ ഞാൻ അവരെ ഒരുമി​ച്ചു​കൂ​ട്ടും. നാനാ​ദി​ക്കിൽനി​ന്നും ഞാൻ അവരെ കൂട്ടി​വ​രു​ത്തും. ഞാൻ അവരെ സ്വദേ​ശ​ത്തേക്കു കൊണ്ടു​വ​രും.+ 22 ഞാൻ അവരെ ദേശത്ത്‌, ഇസ്രാ​യേൽമ​ല​ക​ളിൽ, ഒറ്റ ജനതയാ​ക്കും.+ അവരെ​യെ​ല്ലാം ഒറ്റ രാജാവ്‌ ഭരിക്കും.+ അവർ ഇനി ഒരിക്ക​ലും രണ്ടു ജനതയാ​യി​രി​ക്കില്ല; മേലാൽ രണ്ടു രാജ്യ​ങ്ങ​ളാ​യി ഭിന്നിച്ച്‌ നിൽക്കു​ക​യു​മില്ല.+ 23 അവർ ഇനി ഒരിക്ക​ലും അവരുടെ മ്ലേച്ഛവിഗ്രഹങ്ങളാലും* വൃത്തി​കെട്ട ആചാര​ങ്ങ​ളാ​ലും ലംഘന​ങ്ങ​ളാ​ലും തങ്ങളെ അശുദ്ധ​രാ​ക്കില്ല.+ അവിശ്വ​സ്‌ത​രാ​യി​ത്തീർന്ന്‌ പാപം ചെയ്‌ത അവരെ ഞാൻ അതിൽനി​ന്നെ​ല്ലാം മോചി​പ്പി​ക്കും. ഞാൻ അവരെ ശുദ്ധീ​ക​രി​ക്കും. അവർ എന്റെ ജനവും ഞാൻ അവരുടെ ദൈവ​വും ആയിരി​ക്കും.+

24 “‘“എന്റെ ദാസനായ ദാവീ​ദാ​യി​രി​ക്കും അവരുടെ രാജാവ്‌.+ അവരെ​ല്ലാം ഒറ്റ ഇടയന്റെ കീഴി​ലാ​യി​രി​ക്കും.+ അവർ എന്റെ ന്യായ​ത്തീർപ്പു​കൾക്കു ചേർച്ച​യിൽ നടക്കു​ക​യും എന്റെ നിയമങ്ങൾ ശ്രദ്ധ​യോ​ടെ അനുസ​രി​ക്കു​ക​യും ചെയ്യും.+ 25 ഞാൻ എന്റെ ദാസനായ യാക്കോ​ബി​നു കൊടുത്ത ദേശത്ത്‌, നിങ്ങളു​ടെ പൂർവി​കർ താമസിച്ച ദേശത്ത്‌,+ അവർ കഴിയും. അവിടെ അവരും അവരുടെ മക്കളും* മക്കളുടെ മക്കളും എന്നും താമസി​ക്കും.+ എന്റെ ദാസനായ ദാവീദ്‌ എന്നെന്നും അവരുടെ തലവനാ​യി​രി​ക്കും.*+

26 “‘“ഞാൻ അവരു​മാ​യി സമാധാ​ന​ത്തി​ന്റെ ഒരു ഉടമ്പടി ഉണ്ടാക്കും.+ അത്‌ എന്നേക്കു​മുള്ള ഒരു ഉടമ്പടി​യാ​യി​രി​ക്കും. ഞാൻ അവരെ സ്വദേ​ശത്ത്‌ ആക്കി​വെച്ച്‌ അവരെ വർധി​പ്പി​ക്കും.+ ഞാൻ എന്റെ വിശു​ദ്ധ​മ​ന്ദി​രം അവരുടെ ഇടയിൽ വെക്കും; അത്‌ എന്നും അവി​ടെ​യു​ണ്ടാ​കും. 27 എന്റെ കൂടാരം* അവരുടെ ഇടയി​ലാ​യി​രി​ക്കും.* ഞാൻ അവരുടെ ദൈവ​വും അവർ എന്റെ ജനവും ആയിരി​ക്കും.+ 28 എന്റെ വിശു​ദ്ധ​മ​ന്ദി​രം എന്നെന്നും അവരുടെ മധ്യേ ഇരിക്കു​ന്നതു കാണു​മ്പോൾ യഹോവ എന്ന ഞാനാണ്‌ ഇസ്രാ​യേ​ലി​നെ വിശു​ദ്ധീ​ക​രി​ക്കു​ന്ന​തെന്നു ജനതകൾ അറി​യേ​ണ്ടി​വ​രും.”’”+

38 എനിക്കു വീണ്ടും യഹോ​വ​യു​ടെ സന്ദേശം കിട്ടി: 2 “മനുഷ്യ​പു​ത്രാ, മേശെ​ക്കി​ന്റെ​യും തൂബലിന്റെയും+ പ്രധാനതലവനായ* മാഗോ​ഗ്‌ ദേശത്തെ ഗോഗിനു+ നേരെ മുഖം തിരിച്ച്‌ അവന്‌ എതിരെ പ്രവചി​ക്കൂ!+ 3 നീ ഇങ്ങനെ പറയണം: ‘പരമാ​ധി​കാ​രി​യായ യഹോവ പറയുന്നു: “മേശെ​ക്കി​ന്റെ​യും തൂബലി​ന്റെ​യും പ്രധാനതലവനായ* ഗോഗേ, ഞാൻ ഇതാ, നിനക്ക്‌ എതിരെ തിരി​ഞ്ഞി​രി​ക്കു​ക​യാണ്‌. 4 ഞാൻ നിന്നെ പിന്നോ​ട്ടു തിരിച്ച്‌ താടി​യെ​ല്ലിൽ കൊളുത്തിട്ട്‌+ നിന്നെ​യും നിന്റെ മുഴുവൻ സൈന്യത്തെയും+ മോടി​യോ​ടെ വസ്‌ത്രം ധരിച്ച കുതി​ര​പ്പ​ട​യാ​ളി​ക​ളെ​യും കുതി​ര​ക​ളെ​യും പുറത്ത്‌ കൊണ്ടു​വ​രും. വൻപരി​ച​ക​ളും ചെറുപരിചകളും* ഏന്തിയ ഒരു വൻസമൂ​ഹ​മാണ്‌ അവർ; എല്ലാവ​രും വാൾ എടുത്ത്‌ പോരാ​ടു​ന്നവർ! 5 പേർഷ്യയും എത്യോ​പ്യ​യും പൂതും+ അവരു​ടെ​കൂ​ടെ​യുണ്ട്‌; അവർക്കെ​ല്ലാം ചെറു​പ​രി​ച​യും പടത്തൊ​പ്പി​യും ഉണ്ട്‌. 6 ഗോമെരും എല്ലാ പടയാ​ളി​ക​ളും വടക്ക്‌ അതിവി​ദൂ​ര​ഭാ​ഗ​ത്തു​നി​ന്നുള്ള തോഗർമഗൃഹവും+ എല്ലാ പടയാ​ളി​ക​ളും ഒപ്പമുണ്ട്‌. അതെ, അനേകം ജനതകൾ നിന്റെ​കൂ​ടെ​യുണ്ട്‌.+

7 “‘“ഒരുങ്ങി​യി​രി​ക്കൂ! നീയും നിന്റെ​കൂ​ടെ കൂടി​വ​ന്നി​ട്ടുള്ള എല്ലാ സൈന്യ​ങ്ങ​ളും തയ്യാറാ​യി​ക്കൊ​ള്ളൂ! നീയാ​യി​രി​ക്കും അവരുടെ സൈന്യാ​ധി​പൻ.*

8 “‘“ഏറെ നാളുകൾ കഴിഞ്ഞ്‌ നിന്നി​ലേക്കു ശ്രദ്ധ തിരി​ക്കും.* വാളിന്റെ കെടു​തി​കൾക്കി​ര​യാ​യി​ട്ടും രക്ഷപ്പെട്ട്‌ മടങ്ങി​വ​ന്ന​വ​രു​ടെ ദേശം, കാലങ്ങ​ളാ​യി നശിച്ചു​കി​ട​ന്നി​രുന്ന ഇസ്രാ​യേൽമ​ല​ക​ളി​ലേക്കു നിരവധി ജനതക​ളിൽനിന്ന്‌ കൂട്ടി​ചേർക്ക​പ്പെ​ട്ട​വ​രു​ടെ ദേശം, നീ അവസാ​ന​വർഷ​ങ്ങ​ളിൽ ആക്രമി​ക്കും. ഈ ദേശത്ത്‌ താമസി​ക്കു​ന്ന​വരെ ജനതക​ളിൽനിന്ന്‌ തിരികെ കൊണ്ടു​വ​ന്ന​താണ്‌. അവരെ​ല്ലാം സുരക്ഷി​ത​രാ​യി കഴിയു​ന്നു.+ 9 ഒരു കൊടു​ങ്കാ​റ്റു​പോ​ലെ നീ അവർക്കെ​തി​രെ വരും. നീയും നിന്റെ സർവ​സൈ​ന്യ​വും നിന്റെ​കൂ​ടെ​യുള്ള അനേകം ജനതക​ളും മേഘം​പോ​ലെ അവരുടെ ദേശം മൂടും.”’

10 “പരമാ​ധി​കാ​രി​യായ യഹോവ പറയുന്നു: ‘ആ ദിവസം നിന്റെ ഹൃദയ​ത്തിൽ ചില ചിന്തകൾ നാമ്പി​ടും. നീ ഒരു കുതന്ത്രം മനയും. 11 നീ പറയും: “ചുറ്റു​മ​തി​ലി​ല്ലാത്ത ഗ്രാമ​ങ്ങ​ളു​ടെ ദേശം ഞാൻ ആക്രമി​ക്കും.+ ആരു​ടെ​യും ശല്യമി​ല്ലാ​തെ സുരക്ഷി​ത​രാ​യി താമസി​ക്കു​ന്ന​വ​രു​ടെ നേരെ ഞാൻ വരും. അവരുടെ ഗ്രാമ​ങ്ങൾക്കു മതിലു​ക​ളു​ടെ​യോ ഓടാ​മ്പ​ലു​ക​ളു​ടെ​യോ കവാട​ങ്ങ​ളു​ടെ​യോ സംരക്ഷ​ണ​മില്ല.” 12 ഒരു വൻകൊള്ള നടത്താ​നും ഒരിക്കൽ നശിച്ചു​കി​ട​ന്ന​തും ഇപ്പോൾ ആൾപ്പാർപ്പു​ള്ള​തും ആയ സ്ഥലങ്ങൾ+ ആക്രമി​ക്കാ​നും ആണ്‌ നിന്റെ പദ്ധതി. ജനതക​ളു​ടെ ഇടയിൽനി​ന്ന്‌ തിരികെ കൊണ്ടു​വന്ന ജനത്തെ+—ഭൂമി​യു​ടെ നടുവിൽ താമസി​ച്ച്‌ ധനവും വസ്‌തു​വ​ക​ക​ളും സമ്പാദിച്ചുകൂട്ടുന്ന+ ജനത്തെ—ആക്രമി​ക്കാ​നാ​ണു നീ നോക്കു​ന്നത്‌.

13 “‘ശേബയും+ ദേദാനും+ തർശീശ്‌ വ്യാപാരികളും+ അവരുടെ എല്ലാ വീരയോദ്ധാക്കളും* നിന്നോ​ടു ചോദി​ക്കും: “ഒരു വൻകൊള്ള നടത്താ​നാ​ണോ നീ ആക്രമി​ക്കു​ന്നത്‌? സ്വർണ​വും വെള്ളി​യും കൊണ്ടു​പോ​കാ​നാ​ണോ നീ നിന്റെ സൈന്യ​ത്തെ ഒന്നിച്ചു​കൂ​ട്ടു​ന്നത്‌? സമ്പത്തും വസ്‌തു​വ​ക​ക​ളും അപഹരി​ക്കാ​നും വലിയ തോതിൽ കൊള്ള​മു​തൽ കൈക്ക​ലാ​ക്കാ​നും ആണോ നീ നോക്കു​ന്നത്‌?”’

14 “അതു​കൊണ്ട്‌ മനുഷ്യ​പു​ത്രാ, പ്രവചി​ക്കൂ! ഗോഗി​നോ​ടു പറയൂ: ‘പരമാ​ധി​കാ​രി​യായ യഹോവ പറയുന്നു: “അന്ന്‌ എന്റെ ജനമായ ഇസ്രാ​യേൽ സുരക്ഷി​ത​രാ​യി കഴിയു​മ്പോൾ നീ അത്‌ അറിയാ​തി​രി​ക്കു​മോ?+ 15 നീ നിന്റെ സ്ഥലത്തു​നിന്ന്‌, വടക്ക്‌ അതിവി​ദൂ​ര​ഭാ​ഗ​ങ്ങ​ളിൽനിന്ന്‌,+ വരും. നിന്റെ​കൂ​ടെ അനേകം ജനതക​ളും ഉണ്ടായി​രി​ക്കും. എല്ലാവ​രും കുതി​ര​പ്പു​റത്ത്‌ ഒരു വൻസമൂ​ഹ​മാ​യി, ഒരു മഹാ​സൈ​ന്യ​മാ​യി, വരും.+ 16 മേഘം ദേശത്തെ മൂടു​ന്ന​തു​പോ​ലെ നീ എന്റെ ജനമായ ഇസ്രാ​യേ​ലിന്‌ എതിരെ വരും. ഗോഗേ, അവസാ​ന​നാ​ളു​ക​ളിൽ ഞാൻ നിന്നെ എന്റെ ദേശത്തി​ന്‌ എതിരെ വരുത്തും.+ ജനതകൾ എന്നെ അറിയാൻവേണ്ടി അവർ കാൺകെ ഞാൻ നിന്നെ കൈകാ​ര്യം ചെയ്യും. അങ്ങനെ, ഞാൻ എന്നെ വിശു​ദ്ധീ​ക​രി​ക്കും.”’+

17 “പരമാ​ധി​കാ​രി​യായ യഹോവ പറയുന്നു: ‘നിന്നെ​ക്കു​റി​ച്ചു​ത​ന്നെ​യല്ലേ മുൻകാ​ല​ങ്ങ​ളിൽ എന്റെ ദാസന്മാ​രായ ഇസ്രാ​യേൽപ്ര​വാ​ച​ക​ന്മാ​രി​ലൂ​ടെ ഞാൻ സംസാ​രി​ച്ചത്‌? നിന്നെ അവർക്കെ​തി​രെ കൊണ്ടു​വ​രു​മെന്ന്‌ അവർ വർഷങ്ങ​ളോ​ളം പ്രവചി​ച്ചി​രു​ന്നി​ല്ലേ?’

18 “പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു: ‘ഗോഗ്‌ ഇസ്രാ​യേൽ ദേശത്തെ ആക്രമി​ക്കുന്ന ആ ദിവസം, എന്റെ ഉഗ്ര​കോ​പം കത്തിക്കാ​ളും.+ 19 എന്റെ ആവേശ​ത്തിൽ, എന്റെ കോപാ​ഗ്നി​യിൽ, ഞാൻ സംസാ​രി​ക്കും. അന്ന്‌ ഇസ്രാ​യേൽ ദേശത്ത്‌ ഒരു വൻഭൂ​ക​മ്പ​മു​ണ്ടാ​കും. 20 ഞാൻ കാരണം കടലിലെ മത്സ്യങ്ങ​ളും ആകാശ​ത്തി​ലെ പക്ഷിക​ളും കാട്ടിലെ മൃഗങ്ങ​ളും എല്ലാ ഇഴജന്തു​ക്ക​ളും ഭൂമു​ഖ​ത്തുള്ള എല്ലാ മനുഷ്യ​രും പേടി​ച്ചു​വി​റ​യ്‌ക്കും. മലകൾ ഇടിഞ്ഞു​വീ​ഴും.+ ചെങ്കു​ത്തായ പാറകൾ തകർന്നു​വീ​ഴും. എല്ലാ മതിലു​ക​ളും നിലം​പൊ​ത്തും.’

21 “പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു: ‘ഞാൻ ഗോഗി​ന്‌ എതിരെ എന്റെ എല്ലാ മലകളി​ലേ​ക്കും ഒരു വാൾ അയയ്‌ക്കും. ഓരോ​രു​ത്ത​രു​ടെ​യും വാൾ സ്വന്തം സഹോ​ദ​രന്‌ എതിരെ ഉയരും.+ 22 മാരകമായ പകർച്ചവ്യാധിയാലും+ രക്തച്ചൊ​രി​ച്ചി​ലി​നാ​ലും ഞാൻ അവനെ ന്യായം വിധി​ക്കും. ഞാൻ അവന്റെ മേലും അവന്റെ സൈന്യ​ത്തി​ന്റെ മേലും അവന്റെ​കൂ​ടെ​യുള്ള അനേകം ജനതക​ളു​ടെ മേലും പെരു​മ​ഴ​യും ആലിപ്പഴവും+ തീയും+ ഗന്ധകവും*+ പെയ്യി​ക്കും.+ 23 അനേകം ജനതകൾ കാൺകെ ഞാൻ എന്നെ വെളി​പ്പെ​ടു​ത്തു​ക​യും മഹത്ത്വീ​ക​രി​ക്കു​ക​യും വിശു​ദ്ധീ​ക​രി​ക്കു​ക​യും ചെയ്യും. അങ്ങനെ, ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും.’

39 “മനുഷ്യ​പു​ത്രാ, ഗോഗി​ന്‌ എതിരെ നീ ഇങ്ങനെ പ്രവചി​ക്കൂ:+ ‘പരമാ​ധി​കാ​രി​യായ യഹോവ പറയുന്നു: “മേശെ​ക്കി​ന്റെ​യും തൂബലിന്റെയും+ പ്രധാനതലവനായ* ഗോഗേ, ഞാൻ നിനക്ക്‌ എതിരെ തിരി​ഞ്ഞി​രി​ക്കു​ക​യാണ്‌. 2 ഞാൻ നിന്നെ പിന്നോ​ട്ടു തിരിച്ച്‌ വടക്ക്‌ അതിവിദൂരഭാഗങ്ങളിൽനിന്ന്‌+ ഇസ്രാ​യേൽമ​ല​ക​ളി​ലേക്കു നയിച്ചു​കൊ​ണ്ടു​വ​രും. 3 നിന്റെ ഇട​ങ്കൈ​യിൽനിന്ന്‌ ഞാൻ വില്ലു തട്ടി​ത്തെ​റി​പ്പി​ക്കും; വല​ങ്കൈ​യിൽനിന്ന്‌ അമ്പുകൾ താഴെ വീഴ്‌ത്തും. 4 നീയും നിന്റെ സർവ​സൈ​ന്യ​വും നിന്റെ​കൂ​ടെ​യുള്ള ജനതക​ളും ഇസ്രാ​യേൽമ​ല​ക​ളിൽ വീഴും.+ ഞാൻ നിന്നെ ആകാശ​ത്തി​ലെ സകല ഇരപി​ടി​യൻ പക്ഷികൾക്കും കാട്ടിലെ മൃഗങ്ങൾക്കും ആഹാര​മാ​യി കൊടു​ക്കും.”’+

5 “‘നീ തുറസ്സായ സ്ഥലത്ത്‌ വീഴും.+ ഞാനാണ്‌ ഇതു പറയു​ന്നത്‌’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

6 “‘ഞാൻ മാഗോ​ഗി​നും ദ്വീപു​ക​ളിൽ സുരക്ഷി​ത​രാ​യി കഴിയുന്ന ആളുകൾക്കും എതിരെ തീ അയയ്‌ക്കും.+ ഞാൻ യഹോ​വ​യാ​ണെന്ന്‌ അവർ അറി​യേ​ണ്ടി​വ​രും. 7 എന്റെ ജനമായ ഇസ്രാ​യേ​ലി​ന്റെ ഇടയിൽ എന്റെ വിശു​ദ്ധ​നാ​മം അറിയ​പ്പെ​ടാൻ ഞാൻ ഇടയാ​ക്കും. ഇനി ഒരിക്ക​ലും എന്റെ വിശു​ദ്ധ​നാ​മം അശുദ്ധ​മാ​കാൻ ഞാൻ സമ്മതി​ക്കില്ല. ഞാൻ യഹോ​വ​യാ​ണെന്ന്‌,+ ഇസ്രാ​യേ​ലി​ലെ പരിശു​ദ്ധ​നാ​ണെന്ന്‌,+ ജനതകൾ അറി​യേ​ണ്ടി​വ​രും.’

8 “‘അതെ, അതു വരുന്നു, അതു സംഭവി​ച്ചി​രി​ക്കും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. ‘ഈ ദിവസ​ത്തെ​ക്കു​റി​ച്ചാ​ണു ഞാൻ പറഞ്ഞത്‌. 9 ഇസ്രായേൽനഗരങ്ങളിൽ താമസി​ക്കു​ന്നവർ പുറ​ത്തേക്കു ചെല്ലും. അവർ ചെറുപരിചകളും* വൻപരി​ച​ക​ളും, വില്ലു​ക​ളും അമ്പുക​ളും, കുറുവടികളും* കുന്തങ്ങ​ളും തീ കത്തിക്കാൻ ഉപയോ​ഗി​ക്കും. അവർ ആ ആയുധ​ങ്ങൾകൊണ്ട്‌ ഏഴു വർഷം തീ കത്തിക്കും.+ 10 തീ കത്തിക്കാൻ ആയുധങ്ങൾ ഉപയോ​ഗി​ക്കു​ന്ന​തു​കൊണ്ട്‌ അവർക്കു വയലിൽനി​ന്ന്‌ തടിയോ കാട്ടിൽനി​ന്ന്‌ വിറകോ ശേഖരി​ക്കേ​ണ്ടി​വ​രില്ല.’

“‘തങ്ങളെ കവർച്ച ചെയ്‌ത​വരെ അവർ കവർച്ച ചെയ്യും. തങ്ങളെ കൊള്ള​യ​ടി​ച്ചി​രു​ന്ന​വരെ അവർ കൊള്ള​യ​ടി​ക്കും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

11 “‘അന്നു ഞാൻ ഗോഗിന്‌+ ഇസ്രാ​യേ​ലിൽ ഒരു ശ്‌മശാ​ന​സ്ഥലം ഒരുക്കും. കടലിന്റെ കിഴക്കുള്ള സഞ്ചാരി​ക​ളു​ടെ താഴ്‌വ​ര​യി​ലാ​യി​രി​ക്കും അത്‌. അതുവഴി കടന്നു​പോ​കു​ന്ന​വർക്ക്‌ അതൊരു മാർഗ​ത​ട​സ്സ​മാ​കും. അവി​ടെ​യാ​യി​രി​ക്കും ഗോഗി​നെ​യും അവന്റെ മുഴുവൻ ജനസമൂ​ഹ​ത്തെ​യും അവർ അടക്കുക. ഹാമോൻ-ഗോഗ്‌ താഴ്‌വര*+ എന്ന്‌ അവർ അതിനെ വിളി​ക്കും. 12 ദേശം ശുദ്ധീ​ക​രി​ക്കാൻവേണ്ടി ഇസ്രാ​യേൽഗൃ​ഹം അവരുടെ ശവം അടക്കും;+ അതിന്‌ ഏഴു മാസം വേണ്ടി​വ​രും. 13 അവരുടെ ശവം അടക്കാൻ ദേശത്തെ എല്ലാവ​രും അധ്വാ​നി​ക്കും. ഇതു കാരണം, ഞാൻ എന്നെ മഹത്ത്വീ​ക​രി​ക്കുന്ന നാളിൽ അവർ പ്രശസ്‌ത​രാ​കും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

14 “‘ദേശം മുഴുവൻ നിരന്തരം ചുറ്റി​സ​ഞ്ച​രി​ക്കാ​നും നിലത്ത്‌ കിടക്കുന്ന ബാക്കി ശവശരീ​രങ്ങൾ അടക്കി ദേശം ശുദ്ധീ​ക​രി​ക്കാ​നും പുരു​ഷ​ന്മാ​രെ നിയമി​ക്കും. അവർ ഏഴു മാസം തിരച്ചിൽ തുടരും. 15 ദേശത്തുകൂടി ചുറ്റി​സ​ഞ്ച​രി​ക്കു​ന്നവർ ഒരു മനുഷ്യാ​സ്ഥി കാണു​മ്പോൾ അതിന്റെ അടുത്ത്‌ ഒരു അടയാളം വെക്കും. ശവം അടക്കാൻ നിയമി​ത​രാ​യവർ ഹാമോൻ-ഗോഗ്‌ താഴ്‌വ​ര​യിൽ അത്‌ അടക്കും.+ 16 ഹമോന* എന്നു പേരുള്ള ഒരു നഗരവും അവി​ടെ​യു​ണ്ടാ​യി​രി​ക്കും. അങ്ങനെ, അവർ ദേശം ശുദ്ധീ​ക​രി​ക്കും.’+

17 “മനുഷ്യ​പു​ത്രാ, പരമാ​ധി​കാ​രി​യായ യഹോവ പറയുന്നു: ‘എല്ലാ തരം പക്ഷിക​ളോ​ടും എല്ലാ വന്യമൃ​ഗ​ങ്ങ​ളോ​ടും ഇങ്ങനെ പറയുക: “കൂട്ട​ത്തോ​ടെ ഇങ്ങോട്ടു വരൂ! ഞാൻ നിങ്ങൾക്കു​വേണ്ടി ഒരുക്കുന്ന എന്റെ ബലിയു​ടെ ചുറ്റും, ഇസ്രാ​യേൽമ​ല​ക​ളി​ലെ ഗംഭീ​ര​ബ​ലി​യു​ടെ ചുറ്റും,+ ഒന്നിച്ചു​കൂ​ടൂ! നിങ്ങൾക്കു മാംസം കഴിക്കാം, രക്തം കുടി​ക്കാം.+ 18 നിങ്ങൾ ശക്തരാ​യ​വ​രു​ടെ മാംസം കഴിക്കും, ഭൂമി​യി​ലെ തലവന്മാ​രു​ടെ രക്തം കുടി​ക്കും. അവരെ​ല്ലാം ആൺചെ​മ്മ​രി​യാ​ടു​ക​ളും ഇളം​ചെ​മ്മ​രി​യാ​ടു​ക​ളും കോലാ​ടു​ക​ളും കാളക​ളും ആണ്‌, ബാശാ​നി​ലെ കൊഴു​പ്പിച്ച മൃഗങ്ങൾ! 19 ഞാൻ നിങ്ങൾക്കാ​യി ഒരുക്കിയ ബലിയിൽനി​ന്ന്‌ നിങ്ങൾ മൂക്കു​മു​ട്ടെ കൊഴു​പ്പു കഴിക്കും; ലഹരി​പി​ടി​ക്കു​ന്ന​തു​വരെ രക്തം കുടി​ക്കും.”’

20 “‘എന്റെ മേശയിൽനി​ന്ന്‌ കുതി​ര​ക​ളെ​യും തേരാ​ളി​ക​ളെ​യും ബലവാ​ന്മാ​രെ​യും എല്ലാ തരം വീര​യോ​ദ്ധാ​ക്ക​ളെ​യും തിന്ന്‌ നിങ്ങൾ തൃപ്‌ത​രാ​കും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

21 “‘ജനതക​ളു​ടെ ഇടയിൽ ഞാൻ എന്റെ മഹത്ത്വം പ്രദർശി​പ്പി​ക്കും. അവരുടെ ഇടയിൽ ഞാൻ കാണിച്ച ശക്തിയും* ഞാൻ നടപ്പാ​ക്കിയ ശിക്ഷാ​വി​ധി​യും എല്ലാ ജനതക​ളും കാണും.+ 22 ഞാൻ അവരുടെ ദൈവ​മായ യഹോ​വ​യാ​ണെന്ന്‌ അന്നുമു​തൽ ഇസ്രാ​യേൽഗൃ​ഹം അറി​യേണ്ടി വരും. 23 ഇസ്രായേൽഗൃഹത്തിനു ബന്ദിക​ളാ​യി പോ​കേ​ണ്ടി​വ​ന്നത്‌ അവരുടെ സ്വന്തം തെറ്റു​കൊ​ണ്ടാ​ണെന്ന്‌, അവർ എന്നോട്‌ അവിശ്വ​സ്‌തത കാട്ടി​യ​തു​കൊ​ണ്ടാ​ണെന്ന്‌,+ ജനതകൾ അറി​യേണ്ടി വരും. അതു​കൊ​ണ്ടാണ്‌ ഞാൻ അവരിൽനി​ന്ന്‌ മുഖം മറച്ച്‌+ അവരെ ശത്രു​ക്ക​ളു​ടെ കൈയിൽ ഏൽപ്പിച്ചതും+ അവരെ​ല്ലാം വാളിന്‌ ഇരയാ​യ​തും. 24 അവരുടെ അശുദ്ധി​ക്കും ലംഘന​ങ്ങൾക്കും അനുസൃ​ത​മാ​യി ഞാൻ അവരോ​ട്‌ ഇടപെട്ടു. ഞാൻ അവരിൽനി​ന്ന്‌ എന്റെ മുഖം മറച്ചു.’

25 “അതു​കൊണ്ട്‌, പരമാ​ധി​കാ​രി​യായ യഹോവ പറയുന്നു: ‘ഞാൻ യാക്കോ​ബി​ന്റെ ബന്ദികളെ പുനഃസ്ഥിതീകരിച്ച്‌+ മുഴുവൻ ഇസ്രാ​യേൽഗൃ​ഹ​ത്തോ​ടും കരുണ കാട്ടും.+ എന്റെ വിശു​ദ്ധ​നാ​മ​ത്തിന്‌ എതിരെ വരുന്ന എന്തി​നെ​യും ഞാൻ ശുഷ്‌കാ​ന്തി​യോ​ടെ നേരി​ടും.*+ 26 എന്നോടുള്ള സകല അവിശ്വസ്‌തതയും+ കാരണം അപമാ​നി​ത​രാ​യ​ശേഷം, അവർ സ്വദേ​ശത്ത്‌ സുരക്ഷി​ത​രാ​യി വസിക്കുന്ന സമയം വരും. അന്ന്‌ ആരും അവരെ പേടി​പ്പി​ക്കില്ല.+ 27 ജനതകളിൽനിന്ന്‌ ഞാൻ അവരെ തിരികെ കൊണ്ടു​വ​രു​ക​യും ശത്രു​ദേ​ശ​ങ്ങ​ളിൽനിന്ന്‌ അവരെ ഒരുമിച്ചുകൂട്ടുകയും+ ചെയ്യു​മ്പോൾ അനേകം ജനതകൾ കാൺകെ അവരുടെ ഇടയിൽ ഞാൻ എന്നെ വിശു​ദ്ധീ​ക​രി​ക്കും.’+

28 “‘ഞാൻ അവരെ ജനതക​ളു​ടെ ഇടയി​ലേക്കു ബന്ദിക​ളാ​യി അയച്ചിട്ട്‌ ഒന്നൊ​ഴി​യാ​തെ അവരെ​യെ​ല്ലാം സ്വദേ​ശ​ത്തേക്കു കൂട്ടിവരുത്തുമ്പോൾ+ ഞാൻ അവരുടെ ദൈവ​മായ യഹോ​വ​യാ​ണെന്ന്‌ അവർ അറി​യേണ്ടി വരും. 29 ഇസ്രായേൽഗൃഹത്തിന്റെ മേൽ ഞാൻ എന്റെ ആത്മാവി​നെ ചൊരി​യും.+ അതു​കൊണ്ട്‌, മേലാൽ ഞാൻ അവരിൽനി​ന്ന്‌ എന്റെ മുഖം മറച്ചു​ക​ള​യില്ല’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

40 ഞങ്ങളുടെ പ്രവാ​സ​ജീ​വി​ത​ത്തി​ന്റെ 25-ാം വർഷം,+ ആ വർഷത്തി​ന്റെ തുടക്ക​ത്തിൽ, പത്താം ദിവസം, അന്നുതന്നെ യഹോ​വ​യു​ടെ കൈ എന്റെ മേൽ വന്നു; എന്നെ നഗരത്തി​ലേക്ക്‌ എടുത്തു​കൊ​ണ്ടു​പോ​യി.+ നഗരം വീണിട്ട്‌+ ഇതു 14-ാം വർഷം. 2 ദിവ്യദർശനത്തിൽ എന്നെ ഇസ്രാ​യേൽ ദേശ​ത്തേക്കു കൊണ്ടു​ചെന്ന്‌ വളരെ ഉയരമുള്ള ഒരു മലയിൽ നിറുത്തി.+ അവിടെ തെക്കു​വ​ശ​ത്താ​യി, നഗരം​പോ​ലെ തോന്നി​ക്കുന്ന ഒരു രൂപമു​ണ്ടാ​യി​രു​ന്നു.

3 എന്നെ അവിടെ കൊണ്ടു​ചെ​ന്ന​പ്പോൾ അതാ, അവിടെ ഒരാൾ! അദ്ദേഹത്തെ കണ്ടാൽ ചെമ്പു​കൊ​ണ്ടുള്ള മനുഷ്യ​നാ​ണെന്നു തോന്നും.+ അദ്ദേഹം ഫ്‌ളാ​ക്‌സ്‌ ചരടും അളക്കാ​നുള്ള ഒരു മുഴക്കോലും*+ കൈയിൽ പിടിച്ച്‌ കവാട​ത്തിൽ നിൽക്കു​ക​യാ​യി​രു​ന്നു. 4 ആ മനുഷ്യൻ എന്നോടു പറഞ്ഞു: “മനുഷ്യ​പു​ത്രാ, സശ്രദ്ധം നിരീ​ക്ഷി​ക്കൂ! ശ്രദ്ധി​ച്ചു​കേൾക്കൂ! ഞാൻ കാണി​ച്ചു​ത​രു​ന്ന​തെ​ല്ലാം നന്നായി ശ്രദ്ധിക്കൂ!* കാരണം, നിന്നെ ഇവിടെ കൊണ്ടു​വ​ന്ന​തു​തന്നെ ഇതിനു​വേ​ണ്ടി​യാണ്‌. നീ കാണു​ന്ന​തെ​ല്ലാം ഇസ്രാ​യേൽഗൃ​ഹ​ത്തോ​ടു പറയണം.”+

5 ദേവാലയത്തിനു* ചുറ്റും ഞാൻ ഒരു മതിൽ കണ്ടു. ആ മനുഷ്യ​ന്റെ കൈയിൽ അളക്കാ​നാ​യി ആറു മുഴം നീളമുള്ള ഒരു മുഴ​ക്കോ​ലു​ണ്ടാ​യി​രു​ന്നു. (ഇവിടെ ഒരു മുഴം എന്നു പറയു​ന്നത്‌ ഒരു മുഴവും നാലു വിരൽ കനവും ചേർന്ന​താണ്‌.)* അദ്ദേഹം മതിൽ അളന്നു​തു​ടങ്ങി. അതിന്റെ കനം ഒരു മുഴ​ക്കോ​ലും ഉയരം ഒരു മുഴ​ക്കോ​ലും ആയിരു​ന്നു.

6 പിന്നെ, അദ്ദേഹം കിഴ​ക്കോ​ട്ടു ദർശന​മുള്ള കവാട​ത്തി​ലേക്കു വന്ന്‌+ അതിന്റെ പടി കയറി. കവാട​ത്തി​ന്റെ വാതിൽപ്പടി അളന്ന​പ്പോൾ അതിന്റെ വീതി ഒരു മുഴ​ക്കോൽ. മറ്റേ വാതിൽപ്പ​ടി​യു​ടെ വീതി​യും ഒരു മുഴ​ക്കോൽ. 7 കാവൽക്കാരുടെ മുറികൾക്ക്‌+ ഓരോ​ന്നി​നും ഒരു മുഴ​ക്കോൽ നീളവും ഒരു മുഴ​ക്കോൽ വീതി​യും ഉണ്ടായി​രു​ന്നു. ആ മുറി​കൾക്കി​ട​യി​ലുള്ള അകലം അഞ്ചു മുഴം. കവാട​ത്തി​ലെ, അകത്തേക്കു ദർശന​മുള്ള മണ്ഡപത്തി​ന്‌ അടുത്തുള്ള വാതിൽപ്പടി അളന്ന​പ്പോൾ ഒരു മുഴ​ക്കോൽ.

8 കവാടത്തിലെ, അകത്തേക്കു ദർശന​മുള്ള മണ്ഡപം അദ്ദേഹം അളന്നു. അത്‌ ഒരു മുഴ​ക്കോൽ. 9 അദ്ദേഹം കവാട​ത്തി​ന്റെ മണ്ഡപം അളന്നു. അത്‌ എട്ടു മുഴം. അതിന്റെ വശങ്ങളി​ലുള്ള തൂണു​ക​ളും അളന്നു. അവ രണ്ടു മുഴം. കവാട​ത്തി​ന്റെ മണ്ഡപത്തി​ന്റെ ദർശനം അകത്തേ​ക്കാ​യി​രു​ന്നു.

10 കിഴക്കേ കവാട​ത്തി​ന്റെ ഓരോ വശത്തും കാവൽക്കാർക്കാ​യി മൂന്നു മുറി​ക​ളു​ണ്ടാ​യി​രു​ന്നു. മൂന്നി​നും ഒരേ വലുപ്പം. ഇരുവ​ശ​ത്തു​മുള്ള തൂണു​കൾക്കും ഒരേ വലുപ്പ​മാ​യി​രു​ന്നു.

11 പിന്നെ, അദ്ദേഹം കവാട​ത്തി​ന്റെ പ്രവേ​ശ​ന​ദ്വാ​ര​ത്തി​ന്റെ വീതി അളന്നു. അതു പത്തു മുഴം. കവാട​ത്തി​ന്റെ നീളം 13 മുഴവും.

12 ഇരുവശത്തും കാവൽക്കാ​രു​ടെ മുറി​ക​ളു​ടെ മുന്നിൽ, കെട്ടി​ത്തി​രി​ച്ചി​രി​ക്കുന്ന ഭാഗം ഒരു മുഴമാ​യി​രു​ന്നു. ഇരുവ​ശ​ത്തു​മുള്ള ആ മുറി​കൾക്കോ ഓരോ​ന്നി​നും ആറു മുഴം.

13 പിന്നെ, അദ്ദേഹം കാവൽക്കാ​രു​ടെ മുറി​ക​ളിൽ ഒന്നിന്റെ മേൽക്കൂരമുതൽ* മറ്റേതി​ന്റെ മേൽക്കൂ​ര​വരെ കവാടം അളന്നു; വീതി 25 മുഴം. പ്രവേ​ശ​ന​ദ്വാ​രം ഓരോ​ന്നും മറ്റേ പ്രവേ​ശ​ന​ദ്വാ​ര​ത്തി​നു നേർക്കാ​യി​രു​ന്നു.+ 14 പിന്നെ, അദ്ദേഹം വശങ്ങളി​ലുള്ള തൂണുകൾ അളന്നു; ഉയരം 60 മുഴം. മുറ്റത്തി​നു ചുറ്റു​മുള്ള കവാട​ങ്ങ​ളിൽ വശങ്ങളി​ലുള്ള തൂണു​ക​ളും അദ്ദേഹം അളന്നു. 15 കവാടത്തിന്റെ പ്രവേ​ശ​ന​ദ്വാ​ര​ത്തി​ന്റെ മുൻഭാ​ഗം​മു​തൽ കവാട​ത്തി​ന്റെ ഉള്ളിലുള്ള മണ്ഡപത്തി​ന്റെ മുൻഭാ​ഗം​വരെ 50 മുഴം.

16 കവാടത്തിൽ ഓരോ വശത്തു​മുള്ള, കാവൽക്കാ​രു​ടെ മുറി​കൾക്കും വശങ്ങളി​ലെ തൂണു​കൾക്കും വിസ്‌താ​രം കുറഞ്ഞു​വ​രുന്ന ചട്ടക്കൂ​ടുള്ള ജനലു​ക​ളു​ണ്ടാ​യി​രു​ന്നു.+ മണ്ഡപത്തി​ന്റെ ഉള്ളിലും ഓരോ വശത്തും ജനലു​ക​ളു​ണ്ടാ​യി​രു​ന്നു. വശങ്ങളി​ലുള്ള തൂണു​ക​ളിൽ ഈന്തപ്പ​ന​യു​ടെ രൂപവും കണ്ടു.+

17 പിന്നെ, എന്നെ പുറത്തെ മുറ്റ​ത്തേക്കു കൊണ്ടു​പോ​യി. ഞാൻ അവിടെ ഊണുമുറികളും*+ മുറ്റത്തി​നു ചുറ്റും ഒരു കൽത്തള​വും കണ്ടു. കൽത്തള​ത്തിൽ 30 ഊണു​മു​റി​യു​ണ്ടാ​യി​രു​ന്നു. 18 കവാടങ്ങളുടെ വശത്തുള്ള കൽത്തള​ത്തി​ന്റെ അളവ്‌ കവാട​ങ്ങ​ളു​ടെ നീളത്തി​നു തുല്യ​മാ​യി​രു​ന്നു. ഇതു താഴത്തെ കൽത്തളം.

19 പിന്നെ, അദ്ദേഹം താഴത്തെ കവാട​ത്തി​ന്റെ മുൻഭാ​ഗം​മു​തൽ അകത്തെ മുറ്റത്തി​ന്റെ മുൻഭാ​ഗം​വ​രെ​യുള്ള അകലം* അളന്നു. കിഴക്കും വടക്കും അതു 100 മുഴമാ​യി​രു​ന്നു.

20 പുറത്തെ മുറ്റത്തി​നു വടക്കോ​ട്ടു ദർശന​മുള്ള ഒരു കവാട​മു​ണ്ടാ​യി​രു​ന്നു. അദ്ദേഹം അതിന്റെ നീളവും വീതി​യും അളന്നു. 21 അതിൽ ഇരുവ​ശ​ത്തും കാവൽക്കാ​രു​ടെ മൂന്നു മുറി​യു​ണ്ടാ​യി​രു​ന്നു. അതിന്റെ വശങ്ങളി​ലുള്ള തൂണു​കൾക്കും മണ്ഡപത്തി​നും ആദ്യത്തെ കവാട​ത്തി​ലു​ള്ള​വ​യു​ടെ അതേ അളവു​ക​ളാ​യി​രു​ന്നു. കവാട​ത്തി​ന്റെ അളവാ​കട്ടെ, 50 മുഴം നീളവും 25 മുഴം വീതി​യും. 22 അതിന്റെ ജനലു​ക​ളും മണ്ഡപവും ഈന്തപ്പ​ന​യു​ടെ രൂപങ്ങളും+ കിഴക്കേ കവാട​ത്തി​ലു​ള്ള​തി​ന്റെ അതേ വലുപ്പ​മു​ള്ള​വ​യാ​യി​രു​ന്നു. ഏഴു പടി കയറി ആളുകൾക്ക്‌ അവിടെ എത്താം. അവയുടെ മുന്നി​ലാ​യി​രു​ന്നു കവാട​ത്തി​ന്റെ മണ്ഡപം.

23 അകത്തെ മുറ്റത്ത്‌ വടക്കേ കവാട​ത്തി​നു നേരെ​യും കിഴക്കേ കവാട​ത്തി​നു നേരെ​യും ഓരോ കവാട​മു​ണ്ടാ​യി​രു​ന്നു. അദ്ദേഹം കവാടം​മു​തൽ കവാടം​വ​രെ​യുള്ള അകലം അളന്നു. അതു 100 മുഴം.

24 പിന്നെ, എന്നെ തെക്കു​വ​ശ​ത്തേക്കു കൊണ്ടു​പോ​യി. അവിടെ തെക്കു​വ​ശത്ത്‌ ഞാൻ ഒരു കവാടം കണ്ടു.+ അദ്ദേഹം അതിന്റെ വശങ്ങളി​ലുള്ള തൂണു​ക​ളും അതിന്റെ മണ്ഡപവും അളന്നു. മറ്റുള്ള​വ​യു​ടെ അതേ വലുപ്പ​മാ​യി​രു​ന്നു അവയ്‌ക്കും. 25 അതിന്റെ ഇരുവ​ശ​ത്തും അതിന്റെ മണ്ഡപത്തി​ലും ജനലു​ക​ളു​ണ്ടാ​യി​രു​ന്നു. അവ മറ്റു ജനലു​കൾപോ​ലെ​ത​ന്നെ​യാ​യി​രു​ന്നു. കവാട​ത്തി​ന്റെ അളവാ​കട്ടെ, 50 മുഴം നീളവും 25 മുഴം വീതി​യും. 26 അവിടേക്കു കയറി​ച്ചെ​ല്ലാൻ ഏഴു പടിയു​ണ്ടാ​യി​രു​ന്നു.+ അവയുടെ മുന്നി​ലാ​യി​രു​ന്നു അതിന്റെ മണ്ഡപം. അതിന്റെ വശങ്ങളി​ലെ തൂണു​ക​ളിൽ ഇരുവ​ശ​ത്തും ഈന്തപ്പ​ന​യു​ടെ ഓരോ രൂപമു​ണ്ടാ​യി​രു​ന്നു.

27 അകത്തെ മുറ്റത്തി​നു തെക്കോ​ട്ടു ദർശന​മുള്ള ഒരു കവാട​മു​ണ്ടാ​യി​രു​ന്നു. അദ്ദേഹം തെക്കോ​ട്ടു കവാടം​മു​തൽ കവാടം​വരെ അളന്നു; അകലം 100 മുഴം. 28 പിന്നെ എന്നെ തെക്കേ കവാട​ത്തി​ലൂ​ടെ അകത്തെ മുറ്റ​ത്തേക്കു കൊണ്ടു​ചെന്നു. അപ്പോൾ, അദ്ദേഹം തെക്കേ കവാടം അളന്നു. മറ്റുള്ള​വ​യു​ടെ അതേ വലുപ്പ​മാ​യി​രു​ന്നു ഇതിനും. 29 അതിന്റെ കാവൽമു​റി​ക​ളും വശങ്ങളി​ലുള്ള തൂണു​ക​ളും മണ്ഡപവും മറ്റുള്ള​വ​യു​ടെ അതേ വലുപ്പ​ത്തി​ലു​ള്ള​വ​യാ​യി​രു​ന്നു. അതിന്റെ ഇരുവ​ശ​ത്തും അതിന്റെ മണ്ഡപത്തി​നും ജനലു​ക​ളു​ണ്ടാ​യി​രു​ന്നു. കവാട​ത്തി​ന്റെ അളവാ​കട്ടെ, 50 മുഴം നീളവും 25 മുഴം വീതി​യും.+ 30 ചുറ്റും മണ്ഡപങ്ങ​ളു​ണ്ടാ​യി​രു​ന്നു; അവയുടെ നീളം 25 മുഴവും വീതി 5 മുഴവും. 31 അതിന്റെ മണ്ഡപത്തി​ന്റെ ദർശനം പുറത്തെ മുറ്റ​ത്തേ​ക്കാ​യി​രു​ന്നു. അതിന്റെ വശങ്ങളി​ലുള്ള തൂണു​ക​ളിൽ ഈന്തപ്പ​ന​യു​ടെ രൂപങ്ങ​ളു​ണ്ടാ​യി​രു​ന്നു.+ അവി​ടേക്കു കയറി​ച്ചെ​ല്ലാൻ എട്ടു പടി.+

32 പിന്നെ, കിഴക്കു​നിന്ന്‌ എന്നെ അകത്തെ മുറ്റ​ത്തേക്കു കൊണ്ടു​ചെന്നു. അപ്പോൾ, അദ്ദേഹം കവാടം അളന്നു. മറ്റുള്ള​വ​യു​ടെ അതേ വലുപ്പ​മാ​യി​രു​ന്നു ഇതിനും. 33 അതിന്റെ കാവൽമു​റി​ക​ളും വശങ്ങളി​ലുള്ള തൂണു​ക​ളും മണ്ഡപവും മറ്റുള്ള​വ​യു​ടെ അതേ വലുപ്പ​ത്തി​ലു​ള്ള​വ​യാ​യി​രു​ന്നു. അതിന്റെ ഇരുവ​ശ​ത്തും അതിന്റെ മണ്ഡപത്തി​നും ജനലു​ക​ളു​ണ്ടാ​യി​രു​ന്നു. കവാട​ത്തി​ന്റെ അളവാ​കട്ടെ, 50 മുഴം നീളവും 25 മുഴം വീതി​യും. 34 അതിന്റെ മണ്ഡപത്തി​ന്റെ ദർശനം പുറത്തെ മുറ്റ​ത്തേ​ക്കാ​യി​രു​ന്നു. അതിന്റെ ഇരുവ​ശ​ങ്ങ​ളി​ലു​മുള്ള തൂണു​ക​ളിൽ ഈന്തപ്പ​ന​യു​ടെ രൂപങ്ങ​ളു​ണ്ടാ​യി​രു​ന്നു. അവി​ടേക്കു കയറി​ച്ചെ​ല്ലാൻ എട്ടു പടി.

35 പിന്നെ, എന്നെ വടക്കേ കവാട​ത്തി​ലേക്കു കൊണ്ടു​ചെന്നു.+ അദ്ദേഹം അത്‌ അളന്നു. മറ്റുള്ള​വ​യു​ടെ അതേ വലുപ്പ​മാ​യി​രു​ന്നു ഇതിനും. 36 അതിന്റെ കാവൽമു​റി​ക​ളും വശങ്ങളി​ലുള്ള തൂണു​ക​ളും മണ്ഡപവും മറ്റുള്ള​വ​യു​ടെ അതേ വലുപ്പ​ത്തി​ലു​ള്ള​വ​യാ​യി​രു​ന്നു. അതിന്റെ ഇരുവ​ശ​ത്തും ജനലു​ക​ളു​ണ്ടാ​യി​രു​ന്നു. കവാട​ത്തി​ന്റെ അളവാ​കട്ടെ, 50 മുഴം നീളവും 25 മുഴം വീതി​യും. 37 അതിന്റെ വശങ്ങളി​ലുള്ള തൂണുകൾ പുറത്തെ മുറ്റത്തി​ന്‌ അഭിമു​ഖ​മാ​യി​രു​ന്നു. അതിന്റെ വശങ്ങളി​ലുള്ള തൂണുകൾ രണ്ടിലും ഈന്തപ്പ​ന​യു​ടെ രൂപങ്ങ​ളു​ണ്ടാ​യി​രു​ന്നു. അവി​ടേക്കു കയറി​ച്ചെ​ല്ലാൻ എട്ടു പടി.

38 കവാടത്തിന്റെ വശങ്ങളി​ലുള്ള തൂണു​കൾക്ക​ടു​ത്താ​യി ഒരു ഊണു​മു​റി​യു​ണ്ടാ​യി​രു​ന്നു. അതിന്റെ വാതി​ലും ഞാൻ കണ്ടു. അവി​ടെ​വെ​ച്ചാ​ണു സമ്പൂർണ​ദ​ഹ​ന​യാ​ഗ​ത്തി​നുള്ള വസ്‌തു​ക്കൾ കഴുകി​യി​രു​ന്നത്‌.+

39 കവാടത്തിന്റെ മണ്ഡപത്തി​ന്റെ ഇരുവ​ശ​ങ്ങ​ളി​ലും രണ്ടു മേശയു​ണ്ടാ​യി​രു​ന്നു. സമ്പൂർണദഹനയാഗങ്ങൾക്കും+ പാപയാഗങ്ങൾക്കും+ അപരാധയാഗങ്ങൾക്കും+ ഉള്ള മൃഗങ്ങളെ അറുക്കാ​നു​ള്ള​താ​യി​രു​ന്നു ഈ മേശകൾ. 40 വടക്കേ കവാട​ത്തി​ലേക്കു കയറു​ന്നി​ടത്ത്‌ പ്രവേ​ശ​ന​ദ്വാ​ര​ത്തി​നു വെളി​യി​ലാ​യി രണ്ടു മേശയു​ണ്ടാ​യി​രു​ന്നു. കവാട​ത്തിന്റെ മണ്ഡ​പ​ത്തിന്റെ മറു​വശ​ത്തുമു​ണ്ടായി​രുന്നു രണ്ടു മേശ. 41 കവാടത്തിന്റെ ഇരുവ​ശ​ത്തും നാലു മേശ വീതമു​ണ്ടാ​യി​രു​ന്നു; ആകെ എട്ടു മേശ. അവയിൽവെ​ച്ചാ​ണു ബലിമൃ​ഗ​ങ്ങളെ അറുത്തി​രു​ന്നത്‌. 42 സമ്പൂർണദഹനയാഗത്തിനുള്ള നാലു മേശ വെട്ടി​യെ​ടുത്ത കല്ലു​കൊ​ണ്ടു​ള്ള​താ​യി​രു​ന്നു. അവയ്‌ക്ക്‌ ഒന്നര മുഴം നീളവും ഒന്നര മുഴം വീതി​യും ഒരു മുഴം ഉയരവും ഉണ്ടായി​രു​ന്നു. ദഹനയാ​ഗ​മൃ​ഗ​ങ്ങ​ളെ​യും ബലിമൃ​ഗ​ങ്ങ​ളെ​യും അറുക്കാൻ ഉപയോ​ഗി​ച്ചി​രുന്ന ഉപകര​ണങ്ങൾ വെച്ചി​രു​ന്നത്‌ അവയി​ലാ​യി​രു​ന്നു. 43 നാലു വിരൽ വീതി​യി​ലുള്ള തട്ടുകൾ അകത്തെ ഭിത്തി​യിൽ ചുറ്റും പിടി​പ്പി​ച്ചി​രു​ന്നു. കാഴ്‌ച​യാ​ഗ​ത്തി​നുള്ള മൃഗങ്ങ​ളു​ടെ മാംസം മേശക​ളി​ലാ​ണു വെച്ചി​രു​ന്നത്‌.

44 അകത്തെ കവാട​ത്തി​നു പുറത്താ​യി​രു​ന്നു ഗായകർക്കുള്ള ഊണു​മു​റി​കൾ.+ വടക്കേ കവാട​ത്തിന്‌ അടുത്ത്‌ അകത്തെ മുറ്റത്താ​യി​രു​ന്നു അവ. അവയുടെ ദർശനം തെക്കോ​ട്ടാ​യി​രു​ന്നു. മറ്റൊരു ഊണു​മു​റി കിഴക്കേ കവാട​ത്തിന്‌ അടുത്താ​യി​രു​ന്നു. അതിന്റെ ദർശനം വടക്കോ​ട്ടും.

45 അദ്ദേഹം എന്നോടു പറഞ്ഞു: “തെക്കോ​ട്ടു ദർശന​മുള്ള ഈ ഊണു​മു​റി ദേവാ​ല​യ​ശു​ശ്രൂ​ഷ​യു​ടെ ചുമത​ല​യുള്ള പുരോ​ഹി​ത​ന്മാർക്കു​ള്ള​താണ്‌.+ 46 വടക്കോട്ടു ദർശന​മുള്ള ഊണു​മു​റി യാഗപീ​ഠ​ത്തിൽ ശുശ്രൂഷ ചെയ്യാൻ ചുമത​ല​യുള്ള പുരോ​ഹി​ത​ന്മാർക്കു​ള്ള​താണ്‌.+ അവർ സാദോ​ക്കി​ന്റെ പുത്ര​ന്മാർ.+ ലേവ്യ​രിൽനിന്ന്‌ യഹോ​വ​യ്‌ക്കു ശുശ്രൂഷ ചെയ്യാൻവേണ്ടി തിരു​സ​ന്നി​ധി​യിൽ ചെല്ലാൻ നിയമി​ത​രാ​യ​വ​രാണ്‌ അവർ.”+

47 പിന്നെ, അദ്ദേഹം അകത്തെ മുറ്റം അളന്നു. 100 മുഴം നീളവും 100 മുഴം വീതി​യും ഉള്ള സമചതു​ര​മാ​യി​രു​ന്നു അത്‌. യാഗപീ​ഠം ദേവാ​ല​യ​ത്തി​ന്റെ മുന്നി​ലാ​യി​രു​ന്നു.

48 അടുത്തതായി, എന്നെ ദേവാ​ല​യ​ത്തി​ന്റെ മണ്ഡപത്തിലേക്കു+ കൊണ്ടു​പോ​യി. അദ്ദേഹം മണ്ഡപത്തി​ന്റെ വശത്തുള്ള തൂൺ അളന്നു. ഇപ്പുറ​ത്തു​ള്ള​തിന്‌ അഞ്ചു മുഴം; അപ്പുറ​ത്തു​ള്ള​തി​നും അഞ്ചു മുഴം. കവാട​ത്തി​ന്റെ വീതി ഇപ്പുറത്ത്‌ മൂന്നു മുഴവും അപ്പുറത്ത്‌ മൂന്നു മുഴവും ആയിരു​ന്നു.

49 മണ്ഡപത്തിന്‌ 20 മുഴം നീളവും 11* മുഴം വീതി​യും ഉണ്ടായി​രു​ന്നു. പടി കയറി ആളുകൾക്ക്‌ അവിടെ എത്താം. ഇരുവ​ശ​ങ്ങ​ളി​ലു​മുള്ള തൂണു​ക​ളു​ടെ അടുത്ത്‌ ഓരോ സ്‌തം​ഭ​മു​ണ്ടാ​യി​രു​ന്നു.+

41 പിന്നെ, പുറത്തെ വിശുദ്ധമന്ദിരത്തിലേക്ക്‌* എന്നെ കൊണ്ടു​പോ​യി. അദ്ദേഹം വശങ്ങളി​ലുള്ള തൂണുകൾ അളന്നു. ഇപ്പുറ​ത്തു​ള്ള​തി​ന്റെ വീതി ആറു മുഴം;* അപ്പുറ​ത്തു​ള്ള​തി​നും ആറു മുഴം. 2 പ്രവേശനകവാടത്തിനു പത്തു മുഴം വീതി​യു​ണ്ടാ​യി​രു​ന്നു. പ്രവേ​ശ​ന​ക​വാ​ട​ത്തി​ന്റെ വശങ്ങളി​ലുള്ള ചുവരുകൾ* ഒരു വശത്തു​ള്ളത്‌ അഞ്ചു മുഴം; മറുവ​ശ​ത്തു​ള്ള​തും അഞ്ചു മുഴം. അദ്ദേഹം അതിന്റെ നീളം അളന്നു. അതു 40 മുഴമാ​യി​രു​ന്നു; വീതി 20 മുഴവും.

3 പിന്നെ, അദ്ദേഹം അകത്ത്‌* ചെന്ന്‌ പ്രവേ​ശ​ന​ക​വാ​ട​ത്തി​ന്റെ വശത്തുള്ള തൂൺ അളന്നു. അതിനു രണ്ടു മുഴം കനമു​ണ്ടാ​യി​രു​ന്നു. പ്രവേ​ശ​ന​ക​വാ​ട​ത്തി​ന്റെ വീതി ആറു മുഴവും. പ്രവേ​ശ​ന​ക​വാ​ട​ത്തി​ന്റെ വശങ്ങളി​ലുള്ള ചുവരുകൾ* ഏഴു മുഴം. 4 അടുത്തതായി അദ്ദേഹം പുറത്തെ വിശു​ദ്ധ​മ​ന്ദി​ര​ത്തിന്‌ അഭിമു​ഖ​മാ​യുള്ള മുറി അളന്നു. അതിന്‌ 20 മുഴം നീളവും 20 മുഴം വീതി​യും ഉണ്ടായി​രു​ന്നു.+ അദ്ദേഹം എന്നോടു പറഞ്ഞു: “ഇതാണ്‌ അതിവി​ശു​ദ്ധം.”+

5 തുടർന്ന്‌, അദ്ദേഹം ദേവാ​ല​യ​ത്തി​ന്റെ ചുവർ അളന്നു. അതിന്‌ ആറു മുഴം കനമു​ണ്ടാ​യി​രു​ന്നു. ദേവാ​ല​യ​ത്തി​നു ചുറ്റു​മുള്ള അറകളു​ടെ വീതി നാലു മുഴം.+ 6 അറകൾ ഒന്നിനു മീതെ ഒന്നായി മൂന്നു നിലയാ​യി​ട്ടാ​യി​രു​ന്നു, ഓരോ നിലയി​ലും 30 അറകൾ. അറകളെ താങ്ങി​നി​റു​ത്താൻ ദേവാ​ല​യ​ത്തി​ന്റെ ചുവരിൽ ചുറ്റും പടിക​ളു​ണ്ടാ​യി​രു​ന്നു. പക്ഷേ, ഈ താങ്ങ്‌ ദേവാ​ല​യ​ത്തി​ന്റെ ചുവരി​ന്‌ അകത്തേക്കു കയറി​യി​രു​ന്നില്ല.+ 7 ദേവാലയത്തിന്റെ ഇരുവ​ശ​ത്തും ചുറ്റി​ച്ചു​റ്റി മുകളി​ലോ​ട്ടു പോകുന്ന ഒരു വഴിയു​ണ്ടാ​യി​രു​ന്നു.*+ മുകളി​ലോ​ട്ടു പോകും​തോ​റും അതിന്റെ വീതി കൂടി​ക്കൂ​ടി​വന്നു. താഴത്തെ നിലയിൽനി​ന്ന്‌ നടുക്കുള്ള നില വഴി മുകളി​ലത്തെ നിലയി​ലേക്കു പോകുന്ന ഒരാൾക്കു നിലകൾ കഴിയും​തോ​റും വിസ്‌താ​രം വർധി​ച്ചു​വ​രു​ന്നതു കാണാം.

8 ദേവാലയത്തിനു ചുറ്റും ഉയർത്തി​ക്കെ​ട്ടിയ ഒരു തറ ഞാൻ കണ്ടു. പാർശ്വ​ഭാ​ഗത്തെ അറകളു​ടെ അടിത്തറ, മൂലവരെ ആറു മുഴത്തി​ന്റെ ഒരു മുഴ​ക്കോൽ തികച്ചു​ണ്ടാ​യി​രു​ന്നു. 9 അറകളുടെ പുറത്തെ ചുവരി​ന്റെ വീതി അഞ്ചു മുഴം. അറകളു​ടെ പുറത്ത്‌ അടച്ചു​കെ​ട്ടി​ല്ലാത്ത ഒരു തിണ്ണയു​ണ്ടാ​യി​രു​ന്നു.* ദേവാ​ല​യ​ത്തി​ന്റെ ഭാഗമാ​യി​രു​ന്നു അതും.

10 ദേവാലയത്തിനും ഊണുമുറികൾക്കും*+ ഇടയിൽ ഓരോ വശത്തും 20 മുഴം വീതി​യുള്ള ഒരു സ്ഥലമു​ണ്ടാ​യി​രു​ന്നു. 11 പാർശ്വഭാഗത്തെ അറകൾക്കും തിണ്ണയ്‌ക്കും ഇടയിൽ വടക്കു​വ​ശത്ത്‌ ഒരു പ്രവേ​ശ​ന​ക​വാ​ട​മു​ണ്ടാ​യി​രു​ന്നു. തെക്കു​വ​ശ​ത്തു​മു​ണ്ടാ​യി​രു​ന്നു ഒരു പ്രവേ​ശ​ന​ക​വാ​ടം. തിണ്ണയു​ടെ വീതി ചുറ്റും അഞ്ചു മുഴം.

12 തുറസ്സായ സ്ഥലത്തിന്‌ അഭിമു​ഖ​മാ​യി പടിഞ്ഞാ​റുള്ള കെട്ടി​ട​ത്തിന്‌ 70 മുഴം വീതി​യും 90 മുഴം നീളവും ഉണ്ടായി​രു​ന്നു. കെട്ടി​ട​ത്തി​ന്റെ ചുവരി​ന്റെ കനം ചുറ്റും അഞ്ചു മുഴം.

13 അദ്ദേഹം ദേവാ​ലയം അളന്നു. നീളം 100 മുഴം. തുറസ്സായ സ്ഥലത്തി​നും കെട്ടിടത്തിനും* അതിന്റെ ചുവരു​കൾക്കും കൂടി​യുള്ള നീളവും 100 മുഴം. 14 കിഴക്കോട്ടു ദർശന​മുള്ള ദേവാ​ല​യ​ത്തി​ന്റെ മുൻഭാ​ഗ​ത്തി​ന്റെ​യും തുറസ്സായ സ്ഥലത്തി​ന്റെ​യും വീതി 100 മുഴമാ​യി​രു​ന്നു.

15 പുറകുവശത്തെ തുറസ്സായ സ്ഥലത്തിന്‌ അഭിമു​ഖ​മാ​യുള്ള കെട്ടി​ട​ത്തി​ന്റെ നീളവും അതിന്റെ ഇരുവ​ശ​ത്തു​മുള്ള വരാന്ത​ക​ളും അദ്ദേഹം അളന്നു. അത്‌ 100 മുഴം.

അദ്ദേഹം പുറത്തെ വിശു​ദ്ധ​മ​ന്ദി​ര​വും അകത്തെ വിശുദ്ധമന്ദിരവും+ മുറ്റത്തെ മണ്ഡപങ്ങ​ളും 16 വാതിൽപ്പടികളും വിസ്‌താ​രം കുറഞ്ഞു​വ​രുന്ന ചട്ടക്കൂ​ടുള്ള ജനലുകളും+ ആ മൂന്നു സ്ഥലങ്ങളി​ലെ വരാന്ത​ക​ളും അളന്നു. വാതിൽപ്പ​ടി​യു​ടെ അടുത്ത്‌ തറമുതൽ ജനൽവരെ പലകകൾ പതിപ്പി​ച്ചി​രു​ന്നു.+ ജനലുകൾ മറച്ചി​രു​ന്നു. 17 പ്രവേശനകവാടത്തിന്റെ മുകൾഭാ​ഗ​വും അകത്തെ ദേവാ​ല​യ​വും പുറത്തുള്ള ഭാഗവും ചുറ്റു​മുള്ള ചുവർ മുഴു​വ​നും അളന്നു. 18 കെരൂബിന്റെയും+ ഈന്തപ്പ​ന​യു​ടെ​യും രൂപങ്ങൾ+ അതിൽ കൊത്തി​യി​രു​ന്നു. രണ്ടു കെരൂ​ബു​കൾക്കി​ട​യിൽ ഒരു ഈന്തപ്പന എന്ന രീതി​യി​ലാ​യി​രു​ന്നു അവ. ഓരോ കെരൂ​ബി​നും രണ്ടു മുഖമു​ണ്ടാ​യി​രു​ന്നു. 19 അതിന്റെ മനുഷ്യ​മു​ഖം ഒരു വശത്തുള്ള ഈന്തപ്പ​ന​യു​ടെ നേരെ​യും സിംഹമുഖം* മറ്റേ വശത്തുള്ള ഈന്തപ്പ​ന​യു​ടെ നേരെ​യും ആയിരു​ന്നു.+ ഈ രീതി​യി​ലാ​ണു ദേവാ​ല​യ​ത്തിൽ മുഴുവൻ ആ രൂപങ്ങൾ കൊത്തി​വെ​ച്ചി​രു​ന്നത്‌. 20 വിശുദ്ധമന്ദിരത്തിന്റെ ചുവരിൽ തറമുതൽ പ്രവേ​ശ​ന​ക​വാ​ട​ത്തി​ന്റെ മുകൾഭാ​ഗം​വരെ കെരൂ​ബി​ന്റെ​യും ഈന്തപ്പ​ന​യു​ടെ​യും രൂപങ്ങൾ കൊത്തി​യി​രു​ന്നു.

21 വിശുദ്ധമന്ദിരത്തിന്റെ കട്ടിളക്കാലുകൾ* ചതുര​ത്തി​ലു​ള്ള​താ​യി​രു​ന്നു.+ വിശുദ്ധസ്ഥലത്തിനു* മുന്നിൽ 22 തടികൊണ്ടുള്ള യാഗപീഠംപോലെ+ എന്തോ ഒന്നുണ്ടാ​യി​രു​ന്നു. അതിന്റെ ഉയരം മൂന്നു മുഴം; നീളം രണ്ടു മുഴവും. അതിനു മൂലക്കാ​ലു​ക​ളു​ണ്ടാ​യി​രു​ന്നു. തടി​കൊ​ണ്ടു​ള്ള​താ​യി​രു​ന്നു അതിന്റെ ചുവടും* വശങ്ങളും. അദ്ദേഹം എന്നോടു പറഞ്ഞു: “ഇതാണ്‌ യഹോ​വ​യു​ടെ സന്നിധി​യി​ലുള്ള മേശ.”+

23 പുറത്തെ വിശു​ദ്ധ​മ​ന്ദി​ര​ത്തി​നും വിശു​ദ്ധ​സ്ഥ​ല​ത്തി​നും രണ്ടു കതകു വീതമു​ണ്ടാ​യി​രു​ന്നു.+ 24 കതകുകൾക്കു തിരി​യുന്ന രണ്ടു പാളി​യു​ണ്ടാ​യി​രു​ന്നു. ഓരോ കതകി​നും രണ്ടു പാളി. 25 ചുവരിലേതുപോലെ വിശു​ദ്ധ​മ​ന്ദി​ര​ത്തി​ന്റെ കതകു​ക​ളി​ലും കെരൂ​ബി​ന്റെ​യും ഈന്തപ്പ​ന​യു​ടെ​യും രൂപങ്ങൾ കൊത്തി​യി​രു​ന്നു.+ പുറത്ത്‌, മണ്ഡപത്തി​ന്റെ മുന്നിൽ മുകളി​ലാ​യി മുന്നോ​ട്ടു തള്ളിനിൽക്കുന്ന, തടി​കൊ​ണ്ടുള്ള ഒരു ഭാഗമു​ണ്ടാ​യി​രു​ന്നു. 26 മണ്ഡപത്തിന്റെ ഇരുവ​ശ​ങ്ങ​ളി​ലും വിസ്‌താ​രം കുറഞ്ഞു​വ​രുന്ന ചട്ടക്കൂ​ടുള്ള ജനലുകളും+ ഈന്തപ്പ​ന​യു​ടെ രൂപങ്ങ​ളും ഉണ്ടായി​രു​ന്നു. കൂടാതെ, ദേവാ​ല​യ​ത്തി​ന്റെ പാർശ്വ​ഭാ​ഗത്തെ അറകളി​ലും മുന്നോ​ട്ടു തള്ളിനിൽക്കുന്ന, തടി​കൊ​ണ്ടുള്ള ഭാഗത്തും അവയു​ണ്ടാ​യി​രു​ന്നു.

42 പിന്നെ, വടക്കുള്ള പുറത്തെ മുറ്റ​ത്തേക്ക്‌ എന്നെ കൊണ്ടു​പോ​യി.+ എന്നിട്ട്‌, എന്നെ തുറസ്സായ സ്ഥലത്തിന്‌ അടുത്തുള്ള കെട്ടി​ട​സ​മു​ച്ച​യ​ത്തി​ലേക്കു കൊണ്ടു​ചെന്നു;+ അവിടെ ഊണു​മു​റി​ക​ളാ​യി​രു​ന്നു. തൊട്ട​ടുത്ത കെട്ടി​ട​ത്തി​ന്റെ വടക്കു​ഭാ​ഗ​ത്താ​യി​രു​ന്നു ആ കെട്ടി​ട​സ​മു​ച്ചയം.+ 2 വടക്കേ പ്രവേ​ശ​ന​ക​വാ​ട​മുള്ള വശത്ത്‌ അതിന്റെ നീളം 100 മുഴം;* വീതി 50 മുഴം. 3 പുറത്തെ മുറ്റത്തി​ന്റെ കൽത്തള​ത്തി​നും 20 മുഴം വീതി​യുള്ള അകത്തെ മുറ്റത്തിനും+ ഇടയി​ലാ​യി​രു​ന്നു അതിന്റെ സ്ഥാനം. ഊണു​മു​റി​കൾ മൂന്നു നിലയാ​യി​ട്ടാ​യി​രു​ന്നു. പരസ്‌പരം അഭിമു​ഖ​മാ​യുള്ള വരാന്തകൾ അവയ്‌ക്കു​ണ്ടാ​യി​രു​ന്നു. 4 ഊണുമുറികളുടെ* മുന്നിൽ ഉള്ളിലാ​യി 10 മുഴം വീതി​യുള്ള ഒരു നടപ്പാ​ത​യു​ണ്ടാ​യി​രു​ന്നു.+ അതിന്റെ നീളം 100 മുഴമാ​യി​രു​ന്നു.* അവയുടെ പ്രവേ​ശ​ന​ക​വാ​ട​ങ്ങ​ളു​ടെ ദർശനം വടക്കോ​ട്ടാ​യി​രു​ന്നു. 5 വരാന്തകൾ കൂടുതൽ സ്ഥലം എടുത്ത​തു​കൊണ്ട്‌ മുകളി​ലത്തെ നിലയി​ലെ ഊണു​മു​റി​കൾ താഴ​ത്തെ​യും നടുവി​ല​ത്തെ​യും നിലക​ളി​ലെ ഊണു​മു​റി​കളെ അപേക്ഷി​ച്ച്‌ ഇടുങ്ങി​യ​താ​യി​രു​ന്നു. 6 മൂന്നു നിലയു​ണ്ടാ​യി​രു​ന്നെ​ങ്കി​ലും മുറ്റത്തു​ള്ള​തു​പോ​ലുള്ള തൂണുകൾ അവയ്‌ക്കി​ല്ലാ​യി​രു​ന്നു. അതു​കൊ​ണ്ടാണ്‌, താഴ​ത്തേ​തി​ന്റെ​യും നടുവി​ല​ത്തേ​തി​ന്റെ​യും അത്ര തറവി​സ്‌തീർണ​മി​ല്ലാ​തെ മുകളി​ലത്തെ നില പണിതത്‌.

7 പുറത്തെ മുറ്റത്തി​നു നേർക്കുള്ള ഊണു​മു​റി​ക​ളു​ടെ സമീപത്തെ, കല്ലു​കൊ​ണ്ടുള്ള പുറമ​തി​ലി​ന്റെ നീളം 50 മുഴമാ​യി​രു​ന്നു. മറ്റുള്ള ഊണു​മു​റി​കൾക്ക്‌ അഭിമു​ഖ​മാ​യി​രു​ന്നു അത്‌. 8 പുറത്തെ മുറ്റത്തി​നു നേർക്കുള്ള ഊണു​മു​റി​ക​ളു​ടെ നീളം 50 മുഴമാ​യി​രു​ന്നു. പക്ഷേ, വിശു​ദ്ധ​മ​ന്ദി​ര​ത്തിന്‌ അഭിമു​ഖ​മാ​യു​ള്ള​വ​യു​ടെ നീളം 100 മുഴം. 9 പുറത്തെ മുറ്റത്തു​നിന്ന്‌ ഊണു​മു​റി​ക​ളി​ലേക്കു വരാൻ അവയുടെ കിഴക്കു​വ​ശത്ത്‌ ഒരു പ്രവേ​ശ​ന​മാർഗ​മു​ണ്ടാ​യി​രു​ന്നു.

10 മുറ്റത്തുള്ള, കിഴക്കു​വ​ശത്തെ കൻമതി​ലി​ന്റെ ഉള്ളിലും* ഊണു​മു​റി​ക​ളു​ണ്ടാ​യി​രു​ന്നു. തുറസ്സായ സ്ഥലത്തി​നും കെട്ടി​ട​ത്തി​നും അടുത്താ​യി​രു​ന്നു അത്‌.+ 11 വടക്കുള്ള ഊണു​മു​റി​ക​ളു​ടേ​തു​പോ​ലെ ഇവയുടെ മുന്നി​ലും നടപ്പാ​ത​യു​ണ്ടാ​യി​രു​ന്നു.+ ഇവയ്‌ക്കും അതേ നീളവും വീതി​യും ആയിരു​ന്നു. ഇവയുടെ പുറ​ത്തേ​ക്കുള്ള വഴിക​ളും രൂപമാ​തൃ​ക​യും അവയു​ടേ​തു​പോ​ലെ​ത​ന്നെ​യാ​യി​രു​ന്നു. പ്രവേ​ശ​ന​ക​വാ​ടങ്ങൾ 12 തെക്കോട്ടുള്ള ഊണു​മു​റി​ക​ളു​ടെ പ്രവേ​ശ​ന​ക​വാ​ട​ങ്ങൾപോ​ലെ​യാ​യി​രു​ന്നു. ആളുകൾക്കു പ്രവേ​ശി​ക്കാൻ നടപ്പാത തുടങ്ങു​ന്നി​ടത്ത്‌ ഒരു പ്രവേ​ശ​ന​ക​വാ​ട​മു​ണ്ടാ​യി​രു​ന്നു.+ അതു കിഴക്കു​വ​ശത്ത്‌, തൊട്ട​ടു​ത്തു​ത​ന്നെ​യുള്ള കൻമതി​ലി​ന്റെ മുന്നി​ലാ​യി​രു​ന്നു.

13 അപ്പോൾ, അദ്ദേഹം എന്നോടു പറഞ്ഞു: “തുറസ്സായ സ്ഥലത്തിന്‌ അടുത്തുള്ള+ വടക്കു​വ​ശത്തെ ഊണു​മു​റി​ക​ളും തെക്കു​വ​ശത്തെ ഊണു​മു​റി​ക​ളും വിശു​ദ്ധ​മാണ്‌. ഇവി​ടെ​വെ​ച്ചാണ്‌ യഹോ​വയെ സമീപി​ക്കുന്ന പുരോ​ഹി​ത​ന്മാർ അതിവി​ശു​ദ്ധ​മായ യാഗവ​സ്‌തു​ക്കൾ കഴിക്കു​ന്നത്‌.+ ഈ സ്ഥലം വിശു​ദ്ധ​മാ​യ​തു​കൊണ്ട്‌ അതിവി​ശു​ദ്ധ​മായ യാഗവ​സ്‌തു​ക്കൾ, ധാന്യ​യാ​ഗ​ത്തി​ന്റെ​യും പാപയാ​ഗ​ത്തി​ന്റെ​യും അപരാ​ധ​യാ​ഗ​ത്തി​ന്റെ​യും വസ്‌തു​ക്കൾ, അവർ ഇവി​ടെ​യാ​ണു വെക്കാ​റു​ള്ളത്‌.+ 14 ഒരിക്കൽ പുരോ​ഹി​ത​ന്മാർ അകത്ത്‌ പ്രവേ​ശി​ച്ചാൽ, ശുശ്രൂഷ ചെയ്യാൻ ധരിച്ച വസ്‌ത്രങ്ങൾ ഊരി​മാ​റ്റാ​തെ അവർ വിശു​ദ്ധ​സ്ഥ​ല​ത്തു​നിന്ന്‌ പുറത്തെ മുറ്റ​ത്തേക്കു പോക​രു​താ​യി​രു​ന്നു.+ കാരണം, അവ വിശു​ദ്ധ​മാണ്‌. പൊതു​ജ​ന​ത്തി​നു വരാൻ അനുമ​തി​യുള്ള സ്ഥലത്ത്‌ ചെല്ലു​മ്പോൾ അവർ വേറെ വസ്‌ത്രങ്ങൾ ധരിക്ക​ണ​മാ​യി​രു​ന്നു.”

15 അദ്ദേഹം ദേവാ​ല​യ​പ​രി​സ​ര​ത്തി​ന്റെ അകത്തെ ഭാഗം* അളന്ന​ശേഷം കിഴ​ക്കോ​ട്ടു ദർശന​മുള്ള കവാടത്തിലൂടെ+ എന്നെ പുറ​ത്തേക്കു കൊണ്ടു​പോ​യിട്ട്‌ അവിടം മുഴു​വ​നും അളന്നു.

16 മുഴക്കോലുകൊണ്ട്‌* അദ്ദേഹം കിഴക്കു​വശം അളന്നു. ഒരറ്റം​മു​തൽ മറ്റേ അറ്റംവരെ അതിന്റെ നീളം ആ മുഴ​ക്കോ​ലിന്‌ 500 മുഴ​ക്കോൽ.

17 അദ്ദേഹം മുഴ​ക്കോ​ലു​കൊണ്ട്‌ വടക്കു​വശം അളന്നു. അതിന്റെ നീളം ആ മുഴ​ക്കോ​ലിന്‌ 500 മുഴ​ക്കോൽ.

18 അദ്ദേഹം മുഴ​ക്കോ​ലു​കൊണ്ട്‌ തെക്കു​വശം അളന്നു. അതിന്റെ നീളം ആ മുഴ​ക്കോ​ലിന്‌ 500 മുഴ​ക്കോൽ.

19 എന്നിട്ട്‌, ചുറ്റി പടിഞ്ഞാ​റു​വ​ശ​ത്തേക്കു പോയ അദ്ദേഹം മുഴ​ക്കോ​ലു​കൊണ്ട്‌ അവിടം അളന്നു, നീളം ആ മുഴ​ക്കോ​ലിന്‌ 500 മുഴ​ക്കോൽ.

20 നാലു വശവും അദ്ദേഹം അളന്നു. ചുറ്റും 500 മുഴ​ക്കോൽ നീളവും 500 മുഴ​ക്കോൽ വീതി​യും ഉള്ള+ ഒരു മതിലു​ണ്ടാ​യി​രു​ന്നു.+ വിശു​ദ്ധ​മാ​യ​തും പൊതു​വായ ഉപയോ​ഗ​ത്തി​നു​ള്ള​തും തമ്മിൽ വേർതി​രി​ക്കാ​നാ​യി​രു​ന്നു ഈ മതിൽ.+

43 പിന്നെ, കിഴ​ക്കോ​ട്ടു ദർശന​മുള്ള കവാട​ത്തി​ലേക്ക്‌ എന്നെ കൊണ്ടു​പോ​യി.+ 2 അവിടെവെച്ച്‌ ഇസ്രാ​യേ​ലി​ന്റെ ദൈവ​ത്തി​ന്റെ തേജസ്സു കിഴക്കു​നിന്ന്‌ വരുന്നതു+ ഞാൻ കണ്ടു. ദൈവ​ത്തി​ന്റെ ശബ്ദം ആർത്തി​ര​മ്പി​വ​രുന്ന വെള്ളത്തി​ന്റെ ശബ്ദം​പോ​ലെ​യാ​യി​രു​ന്നു.+ ദൈവ​തേ​ജ​സ്സു​കൊണ്ട്‌ ഭൂമി പ്രഭാ​പൂ​രി​ത​മാ​യി.+ 3 ഞാൻ* നഗരത്തെ നശിപ്പി​ക്കാൻ വന്നപ്പോൾ കണ്ട ദിവ്യ​ദർശ​നം​പോ​ലുള്ള കാഴ്‌ച​യാ​യി​രു​ന്നു അത്‌, കെബാർ നദീതീ​ര​ത്തു​വെച്ച്‌ കണ്ടതു​പോ​ലു​ള്ളൊ​രു കാഴ്‌ച.+ അപ്പോൾ, ഞാൻ നിലത്ത്‌ കമിഴ്‌ന്നു​വീ​ണു.

4 ആ സമയത്ത്‌, യഹോ​വ​യു​ടെ തേജസ്സു കിഴ​ക്കോ​ട്ടു ദർശന​മുള്ള കവാടത്തിലൂടെ+ ദേവാലയത്തിലേക്കു* പ്രവേ​ശി​ച്ചു. 5 ഒരു ആത്മാവ്‌* എന്നെ എഴു​ന്നേൽപ്പിച്ച്‌ അകത്തെ മുറ്റ​ത്തേക്കു കൊണ്ടു​പോ​യി. അപ്പോൾ അതാ, ദേവാ​ല​യ​ത്തിൽ യഹോ​വ​യു​ടെ തേജസ്സു നിറഞ്ഞു​നിൽക്കു​ന്നു!+ 6 ദേവാലയത്തിൽനിന്ന്‌ ആരോ എന്നോടു സംസാ​രി​ക്കുന്ന ശബ്ദം അപ്പോൾ ഞാൻ കേട്ടു. അദ്ദേഹം എന്റെ അടുത്ത്‌ വന്ന്‌ നിന്നു.+ 7 എന്നിട്ട്‌, എന്നോടു പറഞ്ഞു:

“മനുഷ്യ​പു​ത്രാ, ഇത്‌ എന്റെ സിംഹാസനത്തിന്റെ+ സ്ഥലവും എനിക്കു കാൽ വെക്കാ​നുള്ള ഇടവും+ ആണ്‌. ഞാൻ ഇവിടെ എന്നും ഇസ്രാ​യേൽ ജനത്തോ​ടൊ​പ്പം കഴിയും.+ ഇസ്രാ​യേൽഗൃ​ഹ​വും അവരുടെ രാജാ​ക്ക​ന്മാ​രും തങ്ങളുടെ ആത്മീയ​വേ​ശ്യാ​വൃ​ത്തി​കൊ​ണ്ടും തങ്ങളുടെ രാജാ​ക്ക​ന്മാർ മരിക്കു​മ്പോൾ അവരുടെ ശവങ്ങൾകൊ​ണ്ടും എന്റെ വിശു​ദ്ധ​നാ​മം മേലാൽ അശുദ്ധ​മാ​ക്കില്ല.+ 8 അവർ തങ്ങളുടെ വാതിൽപ്പടി എന്റെ വാതിൽപ്പ​ടി​യു​ടെ അടുത്തും തങ്ങളുടെ കട്ടിള​ക്കാൽ എന്റെ കട്ടിള​ക്കാ​ലി​ന്റെ അടുത്തും സ്ഥാപിച്ചു. അവർക്കും എനിക്കും ഇടയിൽ ഒരു ഭിത്തി​യു​ടെ അകലമേ ഉള്ളൂ.+ അങ്ങനെ, അവർ ചെയ്‌തു​കൂ​ട്ടിയ എല്ലാ വൃത്തി​കേ​ടു​ക​ളാ​ലും അവർ എന്റെ വിശു​ദ്ധ​നാ​മം അശുദ്ധ​മാ​ക്കി. അതു​കൊണ്ട്‌, എനിക്ക്‌ അവരോ​ടു ദേഷ്യം തോന്നി. ഞാൻ അവരെ ഇല്ലായ്‌മ ചെയ്‌തു.+ 9 അവർ ആദ്യം തങ്ങളുടെ ആത്മീയ​വേ​ശ്യാ​വൃ​ത്തി​യും തങ്ങളുടെ രാജാ​ക്ക​ന്മാ​രു​ടെ ശവങ്ങളും എന്റെ അടുത്തു​നിന്ന്‌ ദൂരെ നീക്കി​ക്ക​ള​യട്ടെ. അങ്ങനെ​യെ​ങ്കിൽ, ഞാൻ എന്നും അവരോ​ടൊ​പ്പം കഴിയും.+

10 “മനുഷ്യ​പു​ത്രാ, ഇസ്രായേൽഗൃഹത്തോട്‌+ ദേവാ​ല​യ​ത്തെ​ക്കു​റിച്ച്‌ വിവരി​ക്കൂ! അങ്ങനെ, തങ്ങൾ ചെയ്‌തു​കൂ​ട്ടിയ തെറ്റുകൾ ഓർത്ത്‌ അവർ ലജ്ജിക്കട്ടെ.+ അവർ അതിന്റെ രൂപരേഖ പഠിക്കണം.* 11 തങ്ങൾ ചെയ്‌തത്‌ ഓർത്ത്‌ അവർക്കു നാണ​ക്കേടു തോന്നു​ന്നെ​ങ്കിൽ ദേവാ​ല​യ​ത്തി​ന്റെ അടിത്ത​റ​യു​ടെ രൂപരേഖ, ദേവാ​ല​യ​ത്തി​ന്റെ ഘടന, പുറ​ത്തേ​ക്കുള്ള വഴികൾ, പ്രവേശനകവാടങ്ങൾ+ എന്നിവ​യെ​ക്കു​റി​ച്ചെ​ല്ലാം നീ അവർക്കു പറഞ്ഞു​കൊ​ടു​ക്കണം. അതിന്റെ അടിത്ത​റ​യു​ടെ എല്ലാ രൂപ​രേ​ഖ​ക​ളും അതിന്റെ നിയമ​ങ്ങ​ളും, അതിന്റെ അടിത്ത​റ​യു​ടെ രൂപ​രേ​ഖ​ക​ളും അതിന്റെ വ്യവസ്ഥ​ക​ളും അവരെ കാണി​ക്കുക. അവർ അതിന്റെ അടിത്ത​റ​യു​ടെ രൂപരേഖ പിൻപ​റ്റു​ക​യും അതിന്റെ നിയമങ്ങൾ അനുസരിക്കുകയും+ ചെയ്യാൻവേണ്ടി അവരുടെ കൺമു​ന്നിൽവെച്ച്‌ നീ അവയെ​ല്ലാം എഴുതണം. 12 ദേവാലയത്തെക്കുറിച്ചുള്ള നിയമം ഇതാണ്‌. മലമു​ക​ളിൽ ദേവാ​ല​യ​ത്തി​നു ചുറ്റു​മുള്ള പ്രദേശം മുഴുവൻ അതിവി​ശു​ദ്ധ​മാണ്‌.+ ഇതാ, ഇതാണ്‌ ദേവാ​ല​യ​ത്തെ​ക്കു​റി​ച്ചുള്ള നിയമം.

13 “മുഴക്ക​ണ​ക്കിൽ യാഗപീ​ഠ​ത്തി​ന്റെ അളവുകൾ ഇതാണ്‌.+ (ഇവിടെ ഒരു മുഴം എന്നു പറയു​ന്നത്‌ ഒരു മുഴവും നാലു വിരൽ കനവും ചേർന്ന​താണ്‌.)* അതിന്റെ ചുവട്‌ ഒരു മുഴം; അതിന്‌ ഒരു മുഴം വീതി​യുണ്ട്‌. അതിന്റെ വക്കിനു ചുറ്റും ഒരു ചാൺ* വീതി​യിൽ ഒരു അരികു​പാ​ളി​യുണ്ട്‌. ഇതാണു യാഗപീ​ഠ​ത്തി​ന്റെ ചുവട്‌. 14 തറയിലെ ആ ചുവടിൽനി​ന്ന്‌ താഴത്തെ ചുറ്റു​പ​ടി​വരെ രണ്ടു മുഴം. അതിന്റെ വീതി ഒരു മുഴം. ചെറിയ ചുറ്റു​പ​ടി​മു​തൽ വലിയ ചുറ്റു​പ​ടി​വരെ നാലു മുഴം. അതിന്റെ വീതി ഒരു മുഴം. 15 തീ കത്തിക്കാൻവേണ്ടി യാഗപീ​ഠ​ത്തി​ലുള്ള തട്ടിന്റെ ഉയരം നാലു മുഴം. ആ തട്ടിന്റെ നാലു മൂലയിൽനി​ന്നും നാലു കൊമ്പു മുകളി​ലേക്കു തള്ളിനിൽക്കു​ന്നു.+ 16 തീത്തട്ടു സമചതു​ര​മാണ്‌; നീളം 12 മുഴം, വീതി​യും 12 മുഴം.+ 17 ചുറ്റുപടിയുടെ നാലു വശത്തി​നും നീളം 14 മുഴം; വീതി​യും 14 മുഴം. ചുറ്റു​മുള്ള അരികു​പാ​ളി അര മുഴം. അതിന്റെ ചുവടു നാലു വശത്തും ഓരോ മുഴം.

“അതിന്റെ നടകളു​ടെ ദർശനം കിഴ​ക്കോ​ട്ടാണ്‌.”

18 പിന്നെ, അദ്ദേഹം എന്നോടു പറഞ്ഞു: “മനുഷ്യ​പു​ത്രാ, പരമാ​ധി​കാ​രി​യായ യഹോവ പറയുന്നു: ‘യാഗപീ​ഠ​ത്തിൽവെച്ച്‌ സമ്പൂർണ​ദ​ഹ​ന​യാ​ഗം അർപ്പി​ക്കാ​നും അതിന്മേൽ രക്തം തളിക്കാ​നും സാധി​ക്കേ​ണ്ട​തി​നു യാഗപീ​ഠം ഉണ്ടാക്കു​മ്പോൾ പിൻപ​റ്റേണ്ട നിർദേ​ശ​ങ്ങ​ളാണ്‌ ഇവ.’+

19 “‘എനിക്കു ശുശ്രൂഷ ചെയ്യാൻവേണ്ടി എന്നെ സമീപി​ക്കുന്ന സാദോ​ക്കി​ന്റെ സന്തതി​ക​ളായ ലേവ്യ​പു​രോ​ഹി​ത​ന്മാർക്ക്‌,+ പാപപ​രി​ഹാ​ര​യാ​ഗം അർപ്പി​ക്കാൻ കന്നുകാ​ലി​ക​ളിൽനിന്ന്‌ ഒരു കാളക്കു​ട്ടി​യെ നീ കൊടു​ക്കണം’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. 20 ‘നീ അതിന്റെ രക്തത്തിൽ കുറച്ച്‌ എടുത്ത്‌ യാഗപീ​ഠ​ത്തി​ന്റെ നാലു കൊമ്പി​ലും ചുറ്റു​പ​ടി​യു​ടെ നാലു കോണി​ലും ചുറ്റു​മുള്ള അരികു​പാ​ളി​യി​ലും പുരട്ടണം. പാപം നീക്കി അതിനെ ശുദ്ധീ​ക​രി​ക്കാ​നും അതിനു പാപപ​രി​ഹാ​രം വരുത്താ​നും വേണ്ടി​യാണ്‌ ഇത്‌.+ 21 പിന്നെ, പാപയാ​ഗ​മായ കാളക്കു​ട്ടി​യെ എടുത്ത്‌ വിശു​ദ്ധ​മ​ന്ദി​ര​ത്തി​നു പുറത്ത്‌ ദേവാ​ല​യ​ത്തി​ലെ നിർദിഷ്ട സ്ഥലത്തു​വെച്ച്‌ ദഹിപ്പി​ക്കണം.+ 22 രണ്ടാം ദിവസം പാപയാ​ഗ​മാ​യി ന്യൂന​ത​യി​ല്ലാത്ത ഒരു ആൺകോ​ലാ​ടി​നെ നീ അർപ്പി​ക്കണം. കാളക്കു​ട്ടി​യെ​ക്കൊണ്ട്‌ അവർ യാഗപീ​ഠ​ത്തി​നു പാപശു​ദ്ധി വരുത്തി​യ​തു​പോ​ലെ​തന്നെ ഇതി​നെ​ക്കൊ​ണ്ടും പാപശു​ദ്ധി വരുത്തും.’

23 “‘നീ അതിനു പാപശു​ദ്ധി വരുത്തി​ക്ക​ഴി​യു​മ്പോൾ കന്നുകാ​ലി​ക​ളിൽനിന്ന്‌ ന്യൂന​ത​യി​ല്ലാത്ത ഒരു കാളക്കു​ട്ടി​യെ​യും ആട്ടിൻപ​റ്റ​ത്തിൽനിന്ന്‌ ന്യൂന​ത​യി​ല്ലാത്ത ഒരു ആൺചെ​മ്മ​രി​യാ​ടി​നെ​യും അർപ്പി​ക്കണം. 24 നീ അവയെ യഹോ​വ​യു​ടെ സന്നിധി​യിൽ കൊണ്ടു​വ​രണം. പുരോ​ഹി​ത​ന്മാർ അവയുടെ മേൽ ഉപ്പു വിതറി+ സമ്പൂർണ​ദ​ഹ​ന​യാ​ഗ​മാ​യി അവയെ യഹോ​വ​യ്‌ക്ക്‌ അർപ്പി​ക്കണം. 25 ദിവസവും ഒന്നു വീതം ഏഴു ദിവസ​ത്തേക്ക്‌ ഓരോ ആൺകോ​ലാ​ടി​നെ പാപയാ​ഗ​മാ​യി അർപ്പി​ക്കണം.+ അതു​പോ​ലെ, കന്നുകാ​ലി​ക​ളിൽനിന്ന്‌ ഒരു കാളക്കു​ട്ടി​യെ​യും ആട്ടിൻപ​റ്റ​ത്തിൽനിന്ന്‌ ഒരു ആൺചെ​മ്മ​രി​യാ​ടി​നെ​യും അർപ്പി​ക്കണം. ന്യൂനതയില്ലാത്ത* മൃഗങ്ങളെ വേണം അർപ്പി​ക്കാൻ. 26 ഏഴു ദിവസം അവർ യാഗപീ​ഠ​ത്തി​നു പാപപ​രി​ഹാ​രം വരുത്തണം. അവർ അതിനെ ശുദ്ധീ​ക​രിച്ച്‌ സമർപ്പി​ക്കണം. 27 ആ ദിവസങ്ങൾ തികഞ്ഞ​ശേഷം, അതായത്‌ എട്ടാം ദിവസവും+ അതിനു ശേഷവും, പുരോ​ഹി​ത​ന്മാർ യാഗപീ​ഠ​ത്തിൽവെച്ച്‌ നിങ്ങളുടെ* സമ്പൂർണ​ദ​ഹ​ന​യാ​ഗ​ങ്ങ​ളും സഹഭോ​ജ​ന​ബ​ലി​ക​ളും അർപ്പി​ക്കും. എനിക്കു നിങ്ങ​ളോ​ടു പ്രീതി തോന്നും’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.”

44 പിന്നെ വിശു​ദ്ധ​മ​ന്ദി​ര​ത്തി​ന്റെ കിഴ​ക്കോ​ട്ടു ദർശന​മുള്ള പുറത്തെ കവാട​ത്തിന്‌ അടു​ത്തേക്ക്‌ എന്നെ തിരികെ കൊണ്ടു​വന്നു.+ ആ കവാടം അടഞ്ഞു​കി​ട​ന്നി​രു​ന്നു.+ 2 അപ്പോൾ യഹോവ എന്നോടു പറഞ്ഞു: “ഈ കവാടം അടഞ്ഞു​തന്നെ കിടക്കും. അതു തുറക്ക​രുത്‌. ഒരു മനുഷ്യ​നും അതിലൂ​ടെ പ്രവേ​ശി​ക്ക​രുത്‌. കാരണം, ഇസ്രാ​യേ​ലി​ന്റെ ദൈവ​മായ യഹോവ അതിലൂ​ടെ പ്രവേ​ശി​ച്ചി​രി​ക്കു​ന്നു.+ അതു​കൊണ്ട്‌, അത്‌ അടഞ്ഞു​തന്നെ കിടക്കണം. 3 പക്ഷേ യഹോ​വ​യു​ടെ സന്നിധി​യിൽവെച്ച്‌ അപ്പം കഴിക്കാൻവേണ്ടി തലവൻ അതിൽ ഇരിക്കും;+ കാരണം, അവൻ ഒരു തലവനാ​ണ്‌. കവാട​ത്തി​ന്റെ മണ്ഡപത്തി​ലൂ​ടെ അവൻ അകത്തേക്കു വരും; അതുവ​ഴി​തന്നെ പുറ​ത്തേ​ക്കും പോകും.”+

4 പിന്നെ അദ്ദേഹം എന്നെ വടക്കേ കവാട​ത്തി​ലൂ​ടെ ദേവാ​ല​യ​ത്തി​നു മുന്നിൽ കൊണ്ടു​വന്നു. ഞാൻ നോക്കി​യ​പ്പോൾ അതാ, യഹോ​വ​യു​ടെ തേജസ്സ്‌ യഹോ​വ​യു​ടെ ആലയത്തിൽ നിറഞ്ഞി​രി​ക്കു​ന്നു!+ ഞാൻ നിലത്ത്‌ കമിഴ്‌ന്നു​വീ​ണു.+ 5 അപ്പോൾ യഹോവ എന്നോടു പറഞ്ഞു: “മനുഷ്യ​പു​ത്രാ, യഹോ​വ​യു​ടെ ആലയത്തി​ന്റെ നിയമ​ങ്ങ​ളെ​ക്കു​റി​ച്ചും വ്യവസ്ഥ​ക​ളെ​ക്കു​റി​ച്ചും ഞാൻ നിന്നോ​ടു പറയു​ന്ന​തെ​ല്ലാം ശ്രദ്ധി​ച്ചു​കേൾക്കൂ! സശ്രദ്ധം നിരീ​ക്ഷി​ക്കൂ! നന്നായി ശ്രദ്ധിക്കൂ!* ദേവാ​ല​യ​ത്തി​ന്റെ പ്രവേ​ശ​ന​മാർഗ​വും വിശു​ദ്ധ​മ​ന്ദി​ര​ത്തി​ന്റെ പുറ​ത്തേ​ക്കുള്ള എല്ലാ വഴിക​ളും നന്നായി ശ്രദ്ധിക്കൂ!+ 6 ധിക്കാരികളായ ഇസ്രാ​യേൽഗൃ​ഹ​ത്തോ​ടു നീ ഇങ്ങനെ പറയണം: ‘പരമാ​ധി​കാ​രി​യായ യഹോവ പറയുന്നു: “ഇസ്രാ​യേൽഗൃ​ഹമേ, നിങ്ങളു​ടെ വൃത്തി​കെട്ട ആചാരങ്ങൾ അതിരു കടന്നി​രി​ക്കു​ന്നു. 7 ഹൃദയത്തിലെയും ശരീര​ത്തി​ലെ​യും അഗ്രചർമം പരിച്ഛേദിക്കാത്ത* വിദേ​ശി​കളെ നിങ്ങൾ എന്റെ വിശു​ദ്ധ​മ​ന്ദി​ര​ത്തിൽ കൊണ്ടു​വ​രു​ന്നു. അവർ എന്റെ ആലയത്തെ അശുദ്ധ​മാ​ക്കു​ന്നു. എനിക്കു തരേണ്ട അപ്പവും കൊഴു​പ്പും രക്തവും നിങ്ങൾ അർപ്പി​ക്കു​ന്നെ​ങ്കി​ലും നിങ്ങളു​ടെ വൃത്തി​കെട്ട ആചാര​ങ്ങ​ളാൽ എന്റെ ഉടമ്പടി ലംഘി​ക്കു​ന്നു. 8 നിങ്ങൾ എന്റെ വിശു​ദ്ധ​വ​സ്‌തു​ക്കൾ സൂക്ഷിക്കാതെ+ എന്റെ വിശു​ദ്ധ​മ​ന്ദി​ര​ത്തി​ലെ ചുമത​ലകൾ നിർവ​ഹി​ക്കാൻ മറ്റുള്ള​വരെ നിയമി​ക്കു​ന്നു.”’

9 “‘പരമാ​ധി​കാ​രി​യായ യഹോവ പറയുന്നു: “ഇസ്രാ​യേ​ലിൽ താമസി​ക്കുന്ന, ഹൃദയ​ത്തി​ലെ​യും ശരീര​ത്തി​ലെ​യും അഗ്രചർമം പരി​ച്ഛേ​ദി​ക്കാത്ത ഒരൊറ്റ വിദേ​ശി​യും എന്റെ വിശു​ദ്ധ​മ​ന്ദി​ര​ത്തിൽ പ്രവേ​ശി​ക്ക​രുത്‌.”’

10 “‘തങ്ങളുടെ മ്ലേച്ഛവിഗ്രഹങ്ങളുടെ* പിന്നാലെ പോകാൻ ഇസ്രാ​യേൽ എന്നിൽനി​ന്ന്‌ അകന്ന​പ്പോൾ എന്നെ വിട്ട്‌ അകന്നു​പോയ ലേവ്യർ+ അവരുടെ തെറ്റിന്റെ ഭവിഷ്യ​ത്തു​കൾ അനുഭ​വി​ക്കേ​ണ്ടി​വ​രും. 11 പിന്നെ അവർ എന്റെ വിശു​ദ്ധ​മ​ന്ദി​ര​ത്തിൽ ശുശ്രൂഷ ചെയ്യു​ന്ന​വ​രാ​കും. അവർ ദേവാ​ല​യ​ത്തി​ന്റെ കവാട​ങ്ങ​ളു​ടെ മേൽവി​ചാ​രണ നടത്തും;+ ദേവാ​ല​യ​ത്തിൽ ശുശ്രൂഷ ചെയ്യും. അവർ ജനത്തി​നു​വേണ്ടി സമ്പൂർണ​ദ​ഹ​ന​യാ​ഗ​ത്തി​നുള്ള മൃഗങ്ങ​ളെ​യും ബലിമൃ​ഗ​ങ്ങ​ളെ​യും അറുക്കും. ജനത്തിനു ശുശ്രൂഷ ചെയ്യാൻ അവർ അവരുടെ മുന്നിൽ നിൽക്കും. 12 അവരുടെ മ്ലേച്ഛവി​ഗ്ര​ഹ​ങ്ങ​ളു​ടെ മുന്നിൽ അവർക്കു ശുശ്രൂഷ ചെയ്‌ത ലേവ്യർ ഇസ്രാ​യേൽഗൃ​ഹം പാപത്തി​ലേക്ക്‌ ഇടറി​വീ​ഴാൻ കാരണ​മാ​യി.+ അതു​കൊണ്ട്‌ ഞാൻ കൈ ഉയർത്തി അവർക്കെ​തി​രെ ആണയിട്ടു’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. ‘അവരുടെ തെറ്റിന്റെ ഭവിഷ്യ​ത്തു​കൾ അവർ അനുഭ​വി​ക്കേ​ണ്ടി​വ​രും. 13 അവർ എന്റെ പുരോ​ഹി​ത​ന്മാ​രാ​യി സേവി​ക്കാൻ എന്നെ സമീപി​ക്കു​ക​യോ എന്റെ ഏതെങ്കി​ലും വിശു​ദ്ധ​വ​സ്‌തു​വി​ന്റെ​യോ അതിവി​ശു​ദ്ധ​വ​സ്‌തു​വി​ന്റെ​യോ അടു​ത്തേക്കു വരുക​യോ ഇല്ല. ചെയ്‌തു​കൂ​ട്ടിയ എല്ലാ വൃത്തി​കേ​ടു​ക​ളു​ടെ​യും അപമാനം പേറി അവർ കഴി​യേ​ണ്ടി​വ​രും. 14 പക്ഷേ ഞാൻ അവർക്കു ദേവാ​ല​യ​ത്തി​ലെ കാര്യാ​ദി​ക​ളു​ടെ ചുമതല ഏൽപ്പി​ച്ചു​കൊ​ടു​ക്കും. അവർ അവിടത്തെ സേവനങ്ങൾ ചെയ്യും; അവിടത്തെ എല്ലാ കാര്യ​ങ്ങ​ളും നോക്കി​ന​ട​ത്തും.’+

15 “‘പക്ഷേ ഇസ്രാ​യേ​ല്യർ എന്നിൽനി​ന്ന്‌ അകന്നുപോയപ്പോൾ+ എന്റെ വിശു​ദ്ധ​മ​ന്ദി​ര​ത്തി​ലെ കാര്യാ​ദി​കൾ നോക്കി​ന​ട​ത്തി​യി​രുന്ന സാദോ​ക്കി​ന്റെ പുത്ര​ന്മാ​രായ ലേവ്യപുരോഹിതന്മാർ+ എന്നെ സമീപി​ച്ച്‌ എനിക്കു ശുശ്രൂഷ ചെയ്യും. എനിക്കു കൊഴുപ്പും+ രക്തവും+ അർപ്പി​ക്കാൻ അവർ എന്റെ മുന്നിൽ നിൽക്കും’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. 16 ‘അവരാ​യി​രി​ക്കും എന്റെ വിശു​ദ്ധ​മ​ന്ദി​ര​ത്തിൽ പ്രവേ​ശി​ക്കുക. എനിക്കു ശുശ്രൂഷ ചെയ്യാൻ അവർ എന്റെ മേശയെ സമീപി​ക്കും.+ എന്നോ​ടുള്ള അവരുടെ ഉത്തരവാ​ദി​ത്വ​ങ്ങൾ അവർ നിറ​വേ​റ്റും.+

17 “‘അവർ അകത്തെ മുറ്റത്തെ കവാട​ങ്ങ​ളു​ടെ ഉള്ളി​ലേക്കു വരു​മ്പോൾ ലിനൻവ​സ്‌ത്രങ്ങൾ ധരിക്കണം.+ അകത്തെ മുറ്റത്തെ കവാട​ങ്ങ​ളി​ലോ ഉള്ളിലോ ശുശ്രൂഷ ചെയ്യു​മ്പോൾ അവർ കമ്പിളി​വ​സ്‌ത്രങ്ങൾ ധരിക്ക​രുത്‌. 18 അവർ ലിനൻത​ല​പ്പാ​വു​കൾ വെക്കണം. ലിനൻകൊ​ണ്ടുള്ള അടിവ​സ്‌ത്രം ഉപയോ​ഗിച്ച്‌ അവർ അര മറയ്‌ക്കണം.+ ശരീരം വിയർക്കാൻ ഇടയാ​ക്കു​ന്ന​തൊ​ന്നും അവർ ധരിക്ക​രുത്‌. 19 അവർ ശുശ്രൂഷ ചെയ്‌തു​കൊ​ണ്ടി​രു​ന്ന​പ്പോൾ ധരിച്ച വസ്‌ത്രങ്ങൾ, പൊതു​ജ​ന​ത്തി​നു പ്രവേ​ശ​ന​മുള്ള പുറത്തെ മുറ്റ​ത്തേക്കു പോകു​ന്ന​തി​നു മുമ്പ്‌ വിശു​ദ്ധ​മായ ഊണുമുറികളിൽ*+ ഊരി​വെ​ക്കണം.+ എന്നിട്ട്‌ അവർ വേറെ വസ്‌ത്രം ധരിക്കണം. അങ്ങനെ​യാ​കു​മ്പോൾ അവർ അവരുടെ വസ്‌ത്ര​ത്തിൽനിന്ന്‌ വിശുദ്ധി ജനങ്ങളി​ലേക്കു പകരില്ല.* 20 അവർ അവരുടെ തല വടിക്കുകയോ+ തലമുടി നീട്ടി​വ​ളർത്തു​ക​യോ അരുത്‌; പക്ഷേ മുടി വെട്ടി​യൊ​തു​ക്കണം. 21 പുരോഹിതന്മാർ വീഞ്ഞു കുടി​ച്ചിട്ട്‌ അകത്തെ മുറ്റത്ത്‌ പ്രവേ​ശി​ക്ക​രുത്‌.+ 22 അവർ വിധവ​യെ​യോ വിവാ​ഹ​മോ​ചി​ത​യെ​യോ ഭാര്യ​യാ​ക്ക​രുത്‌.+ പക്ഷേ അവർക്ക്‌ ഒരു ഇസ്രാ​യേ​ല്യ​ക​ന്യ​ക​യെ​യോ ഒരു പുരോ​ഹി​തന്റെ വിധവ​യെ​യോ വിവാഹം കഴിക്കാം.’+

23 “‘വിശു​ദ്ധ​മാ​യ​തും അല്ലാത്ത​തും തമ്മിലുള്ള വ്യത്യാ​സം അവർ എന്റെ ജനത്തിനു പറഞ്ഞു​കൊ​ടു​ക്കണം. ശുദ്ധവും അശുദ്ധ​വും തമ്മിലുള്ള വ്യത്യാ​സം അവർ അവരെ പഠിപ്പി​ക്കണം.+ 24 നിയമപരമായി കൈകാ​ര്യം ചെയ്യേണ്ട പ്രശ്‌ന​ങ്ങ​ളിൽ അവർ ന്യായാ​ധി​പ​ന്മാ​രാ​യി​രി​ക്കണം.+ എന്റെ ന്യായ​ത്തീർപ്പു​കൾക്കു ചേർച്ച​യിൽ വേണം അവർ അവയ്‌ക്കു വിധി കല്‌പി​ക്കാൻ.+ എന്റെ എല്ലാ ഉത്സവങ്ങളെക്കുറിച്ചുമുള്ള+ ചട്ടങ്ങളും നിയമ​ങ്ങ​ളും അവർ പാലി​ക്കണം; എന്റെ ശബത്തുകൾ അവർ വിശു​ദ്ധീ​ക​രി​ക്കണം. 25 അവർ ശവശരീ​ര​ത്തിന്‌ അടുത്ത്‌ ചെല്ലരു​ത്‌; ചെന്നാൽ അശുദ്ധ​രാ​കും. പക്ഷേ അവരുടെ അപ്പൻ, അമ്മ, മകൻ, മകൾ, സഹോ​ദരൻ, അവിവാ​ഹി​ത​യായ സഹോ​ദരി എന്നിവ​രു​ടെ കാര്യ​ത്തിൽ അവർക്ക്‌ അശുദ്ധ​രാ​കാം.+ 26 പുരോഹിതന്റെ ശുദ്ധീ​ക​രണം കഴിഞ്ഞാൽ അവർ അവനു​വേണ്ടി ഏഴു ദിവസം എണ്ണണം. 27 വിശുദ്ധസ്ഥലത്ത്‌ ശുശ്രൂഷ ചെയ്യാൻ അകത്തെ മുറ്റ​ത്തേക്ക്‌, അതായത്‌ വിശു​ദ്ധ​സ്ഥ​ല​ത്തേക്ക്‌, പ്രവേ​ശി​ക്കുന്ന ദിവസം അവൻ തന്റെ പാപയാ​ഗം കൊണ്ടു​വ​രണം’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

28 “‘ഇനി അവരുടെ പൈതൃ​കാ​വ​കാ​ശ​ത്തി​ന്റെ കാര്യം: ഞാനാണ്‌ അവരുടെ അവകാശം.+ നിങ്ങൾ ഇസ്രാ​യേ​ലിൽ അവർക്ക്‌ ഒരു സ്വത്തും കൊടു​ക്ക​രുത്‌. ഞാനാ​ണ​ല്ലോ അവരുടെ സ്വത്ത്‌. 29 അവരായിരിക്കും ധാന്യയാഗവും+ പാപയാ​ഗ​വും അപരാധയാഗവും+ ഭക്ഷിക്കു​ന്നത്‌. ഇസ്രാ​യേ​ലി​ലെ സമർപ്പി​ത​വ​സ്‌തു​ക്ക​ളെ​ല്ലാം അവരു​ടേ​താ​കും.+ 30 എല്ലാ ആദ്യഫ​ല​ങ്ങ​ളി​ലെ​യും എല്ലാ തരം സംഭാ​വ​ന​ക​ളി​ലെ​യും ഏറ്റവും നല്ലതു പുരോ​ഹി​ത​ന്മാർക്കു​ള്ള​താണ്‌.+ നിങ്ങളു​ടെ ആദ്യഫ​ല​മായ തരിമാ​വും നിങ്ങൾ പുരോ​ഹി​തനു കൊടു​ക്കണം.+ നിങ്ങളു​ടെ വീട്ടി​ലു​ള്ള​വ​രു​ടെ അനു​ഗ്ര​ഹ​ത്തിൽ അതു കലാശി​ക്കും.+ 31 താനേ ചത്തതോ എന്തെങ്കി​ലും കടിച്ചു​കീ​റി​യ​തോ ആയ പക്ഷി​യെ​യോ മൃഗ​ത്തെ​യോ പുരോ​ഹി​ത​ന്മാർ കഴിക്ക​രുത്‌.’+

45 “‘നിങ്ങൾ ദേശം വീതം​വെച്ച്‌ അവകാശം കൊടുക്കുമ്പോൾ+ ഒരു വീതം യഹോ​വ​യ്‌ക്കു വിശു​ദ്ധ​സം​ഭാ​വ​ന​യാ​യി നീക്കി​വെ​ക്കണം.+ അതിന്‌ 25,000 മുഴം* നീളവും 10,000 മുഴം വീതി​യും ഉണ്ടായി​രി​ക്കണം.+ ആ പ്രദേശം മുഴുവനും* വിശു​ദ്ധ​മാ​യി​രി​ക്കും. 2 അതിനുള്ളിൽ വിശു​ദ്ധ​സ്ഥ​ല​ത്തി​നു​വേണ്ടി 500 മുഴം നീളത്തി​ലും 500 മുഴം വീതിയിലും*+ സമചതു​ര​ത്തി​ലുള്ള ഒരു സ്ഥലമു​ണ്ടാ​യി​രി​ക്കണം; അതിനു ചുറ്റും 50 മുഴം മേച്ചിൽപ്പു​റ​വും ഉണ്ടായി​രി​ക്കണം.+ 3 അളന്നുതിരിച്ചതിൽനിന്ന്‌ 25,000 മുഴം നീളത്തി​ലും 10,000 മുഴം വീതി​യി​ലും അളക്കണം. അതിവി​ശു​ദ്ധ​മായ വിശു​ദ്ധ​മ​ന്ദി​രം അതിനു​ള്ളി​ലാ​യി​രി​ക്കണം. 4 ദേശത്തിലെ ഈ ഭാഗം യഹോ​വ​യ്‌ക്കു ശുശ്രൂഷ ചെയ്യാൻ ദൈവ​സ​ന്നി​ധി​യി​ലേക്കു ചെല്ലുന്ന+ വിശു​ദ്ധ​മ​ന്ദി​ര​ത്തി​ലെ ശുശ്രൂ​ഷ​ക​രായ പുരോ​ഹി​ത​ന്മാർക്കു​ള്ള​താ​യി​രി​ക്കും;+ ഈ വീതം വിശു​ദ്ധ​മാ​യി​രി​ക്കും. അവരുടെ വീടു​ക​ളും വിശു​ദ്ധ​മ​ന്ദി​ര​ത്തി​നുള്ള വിശു​ദ്ധ​സ്ഥ​ല​വും അവി​ടെ​യാ​യി​രി​ക്കും.

5 “‘ദേവാ​ല​യ​ത്തി​ലെ ശുശ്രൂഷ ചെയ്യുന്ന ലേവ്യർക്ക്‌ 25,000 മുഴം നീളത്തി​ലും 10,000 മുഴം വീതി​യി​ലും ഒരു ഓഹരി​യു​ണ്ടാ​യി​രി​ക്കും.+ അവർക്ക്‌ 20 ഊണുമുറിയും*+ അവകാ​ശ​മാ​യു​ണ്ടാ​യി​രി​ക്കും.

6 “‘(വിശു​ദ്ധ​സം​ഭാ​വ​ന​യ്‌ക്കു സമാന്ത​ര​മാ​യി) 25,000 മുഴം നീളത്തി​ലും 5,000 മുഴം വീതി​യി​ലും ഉള്ള ഒരു പ്രദേശം നഗരത്തി​ന്‌ അവകാ​ശ​പ്പെട്ട സ്ഥലമായി നിങ്ങൾ കൊടു​ക്കണം.+ അത്‌ ഇസ്രാ​യേൽഗൃ​ഹ​ത്തി​നു മുഴു​വനു​മുള്ള​താ​യി​രി​ക്കണം.

7 “‘വിശു​ദ്ധ​സം​ഭാ​വ​ന​യു​ടെ​യും നഗരത്തി​നു വീതി​ച്ചു​കൊ​ടുത്ത സ്ഥലത്തി​ന്റെ​യും ഇരുവ​ശ​ങ്ങ​ളി​ലും തലവനു സ്ഥലമു​ണ്ടാ​യി​രി​ക്കും. വിശു​ദ്ധ​സം​ഭാ​വ​ന​യോ​ടും നഗരത്തി​ന്‌ അവകാ​ശ​പ്പെട്ട സ്ഥലത്തോ​ടും ചേർന്നാ​യി​രി​ക്കും അത്‌. അതു പടിഞ്ഞാ​റും കിഴക്കും ആയിട്ടാ​യി​രി​ക്കും. പടിഞ്ഞാ​റേ അതിരിൽനി​ന്ന്‌ കിഴക്കേ അതിരി​ലേക്ക്‌ അതിന്റെ നീളം ഒരു ഗോ​ത്ര​വീ​ത​ത്തി​ന്റെ നീളത്തി​നു തുല്യ​മാ​യി​രി​ക്കും.+ 8 ഈ സ്ഥലം ഇസ്രാ​യേ​ലിൽ അവന്‌ അവകാ​ശ​പ്പെ​ട്ട​താ​കും. എന്റെ തലവന്മാർ പിന്നെ ഒരിക്ക​ലും എന്റെ ജനത്തെ ദ്രോ​ഹി​ക്കില്ല.+ അവർ ഇസ്രാ​യേൽഗൃ​ഹ​ത്തി​നു ഗോ​ത്ര​മ​നു​സ​രിച്ച്‌ ദേശം കൊടു​ക്കും.’+

9 “പരമാ​ധി​കാ​രി​യായ യഹോവ പറയുന്നു: ‘ഇസ്രാ​യേൽത​ല​വ​ന്മാ​രേ, നിങ്ങളു​ടെ ചെയ്‌തി​കൾ അതിരു കടന്നി​രി​ക്കു​ന്നു!’

“‘നിങ്ങൾ അക്രമ​വും അടിച്ച​മർത്ത​ലും ഉപേക്ഷി​ച്ച്‌ നീതി​ക്കും ന്യായ​ത്തി​നും ചേർച്ച​യിൽ പ്രവർത്തി​ക്കൂ!+ എന്റെ ജനത്തിന്റെ സ്വത്തു തട്ടി​യെ​ടു​ക്കു​ന്നതു മതിയാ​ക്കൂ’+ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു. 10 ‘നിങ്ങൾ ഉപയോ​ഗി​ക്കുന്ന ത്രാസ്സും ഏഫായും* ബത്തും* കൃത്യ​ത​യു​ള്ള​താ​യി​രി​ക്കണം.+ 11 ഏഫായുടെയും ബത്തി​ന്റെ​യും അളവു​പാ​ത്ര​ത്തി​നു നിങ്ങൾ വ്യത്യാ​സം വരുത്ത​രുത്‌. ഒരു ബത്ത്‌ അളക്കു​മ്പോൾ ഹോമരിന്റെ* പത്തി​ലൊ​ന്നു​ണ്ടാ​യി​രി​ക്കണം. ഒരു ഏഫാ അളക്കു​മ്പോ​ഴും ഹോമ​രി​ന്റെ പത്തി​ലൊ​ന്നു കാണണം. അളവു​കൾക്കുള്ള ആധാരം ഹോമ​രാണ്‌. 12 ഒരു ശേക്കെൽ*+ 20 ഗേരയാ​യി​രി​ക്കണം.* നിങ്ങൾ ഉപയോ​ഗി​ക്കുന്ന മാനേ* 20 ശേക്കെ​ലും 25 ശേക്കെ​ലും 15 ശേക്കെ​ലും കൂട്ടു​ന്ന​താ​യി​രി​ക്കണം.’

13 “‘നിങ്ങൾ കൊടു​ക്കേണ്ട സംഭാവന ഇതാണ്‌: ഓരോ ഹോമർ ഗോത​മ്പിൽനി​ന്നും ആറി​ലൊന്ന്‌ ഏഫാ. ഓരോ ഹോമർ ബാർളി​യിൽനി​ന്നും ആറി​ലൊന്ന്‌ ഏഫാ. 14 എണ്ണ ബത്ത്‌ അളവിൽ അളന്ന്‌ കൊടു​ക്കണം. കോരിന്റെ* പത്തി​ലൊ​ന്നാ​ണു ബത്ത്‌. ഒരു ഹോമർ പത്തു ബത്തിനു തുല്യ​മാ​യ​തു​കൊണ്ട്‌ പത്തു ബത്താണ്‌ ഒരു ഹോമർ. 15 ഇസ്രായേലിലെ ആട്ടിൻപ​റ്റ​ത്തിൽനിന്ന്‌ 200 ആടിന്‌ ഒന്ന്‌ എന്ന കണക്കിൽ കൊടു​ക്കണം. ജനത്തിനു പാപപ​രി​ഹാ​രം വരുത്താൻ+ ധാന്യയാഗമായും+ സമ്പൂർണദഹനയാഗമായും+ സഹഭോജനബലിയായും+ അർപ്പി​ക്കാ​നു​ള്ള​താണ്‌ ഇതെല്ലാം’ എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

16 “‘ദേശത്തെ ജനങ്ങ​ളെ​ല്ലാം ഈ സംഭാവന+ ഇസ്രാ​യേ​ലി​ലെ തലവനു കൊടു​ക്കണം. 17 ഉത്സവസമയത്ത്‌ അർപ്പിക്കുന്ന+ സമ്പൂർണ​ദ​ഹ​ന​യാ​ഗം,+ ധാന്യ​യാ​ഗം,+ പാനീ​യ​യാ​ഗം എന്നിവ​യു​ടെ ചുമതല തലവനാ​യി​രി​ക്കും. അമാവാ​സി​യും ശബത്തും+ ഇസ്രാ​യേൽഗൃ​ഹ​ത്തോട്‌ ആഘോ​ഷി​ക്കാൻ പറഞ്ഞി​ട്ടുള്ള മറ്റെല്ലാ ഉത്സവങ്ങ​ളും ഇതിൽപ്പെ​ടും.+ ഇസ്രാ​യേൽഗൃ​ഹ​ത്തി​നു പാപപ​രി​ഹാ​രം വരുത്താ​നുള്ള പാപയാ​ഗ​ത്തി​നും ധാന്യ​യാ​ഗ​ത്തി​നും സമ്പൂർണ​ദ​ഹ​ന​യാ​ഗ​ത്തി​നും സഹഭോ​ജ​ന​ബ​ലി​ക്കും വേണ്ട​തെ​ല്ലാം ഏർപ്പാടു ചെയ്യു​ന്നതു തലവനാ​യി​രി​ക്കും.’

18 “പരമാ​ധി​കാ​രി​യായ യഹോവ പറയുന്നു: ‘ഒന്നാം മാസം ഒന്നാം ദിവസം കന്നുകാ​ലി​ക​ളിൽനിന്ന്‌ ന്യൂന​ത​യി​ല്ലാത്ത ഒരു കാളക്കു​ട്ടി​യെ എടുക്കണം. എന്നിട്ട്‌ വിശു​ദ്ധ​മ​ന്ദി​ര​ത്തി​നു പാപശു​ദ്ധി വരുത്തണം.+ 19 പുരോഹിതൻ പാപയാ​ഗ​മൃ​ഗ​ത്തി​ന്റെ രക്തം കുറച്ച്‌ എടുത്ത്‌ ദേവാ​ല​യ​ത്തി​ന്റെ കട്ടിളക്കാലിലും+ യാഗപീ​ഠ​ത്തി​ന്റെ ചുറ്റു​പ​ടി​യു​ടെ നാലു മൂലയി​ലും അകത്തെ മുറ്റത്തെ കവാട​ത്തി​ന്റെ കട്ടിള​ക്കാ​ലി​ലും പുരട്ടണം. 20 അബദ്ധവശാലോ അറിവി​ല്ലാ​യ്‌മ​യാ​ലോ പാപം ചെയ്യുന്നവർക്കുവേണ്ടി+ മാസത്തി​ന്റെ ഏഴാം ദിവസ​വും ഇതുതന്നെ ചെയ്യണം; ദേവാ​ല​യ​ത്തി​നു പാപപ​രി​ഹാ​രം വരുത്തു​ക​യും വേണം.+

21 “‘ഒന്നാം മാസം 14-ാം ദിവസം നിങ്ങൾ പെസഹാ​പ്പെ​രു​ന്നാൾ ആഘോ​ഷി​ക്കണം.+ ഏഴു ദിവസം നിങ്ങൾ പുളിപ്പില്ലാത്ത* അപ്പം കഴിക്കണം.+ 22 ആ ദിവസം തലവൻ തനിക്കു​വേ​ണ്ടി​യും ദേശത്തെ മുഴുവൻ ജനത്തി​നു​വേ​ണ്ടി​യും പാപയാ​ഗ​ത്തി​നാ​യി ഒരു കാളക്കു​ട്ടി​യെ കൊടു​ക്കും.+ 23 ഏഴു ദിവസം നീണ്ടു​നിൽക്കുന്ന ഉത്സവത്തി​ന്റെ സമയത്ത്‌ ദിവസ​വും ന്യൂന​ത​യി​ല്ലാത്ത ഏഴു കാളക്കു​ട്ടി​യെ​യും ന്യൂന​ത​യി​ല്ലാത്ത ഏഴ്‌ ആൺചെ​മ്മ​രി​യാ​ടി​നെ​യും യഹോ​വ​യ്‌ക്കുള്ള സമ്പൂർണ​ദ​ഹ​ന​യാ​ഗ​ത്തി​നു​വേണ്ടി അവൻ നൽകും.+ കൂടാതെ, ദിവസ​വും ഓരോ ആൺകോ​ലാ​ടി​നെ പാപയാ​ഗ​ത്തി​നാ​യും കൊടു​ക്കും. 24 ഇതിനു പുറമേ, ഓരോ കാളക്കു​ട്ടി​ക്കും ഓരോ ഏഫാ ധാന്യ​യാ​ഗ​വും ഓരോ ആൺചെ​മ്മ​രി​യാ​ടി​നും ഓരോ ഏഫാ ധാന്യ​യാ​ഗ​വും ഓരോ ഏഫായ്‌ക്കും ഓരോ ഹീൻ* എണ്ണയും അവൻ കൊടു​ക്കണം.

25 “‘ഏഴാം മാസം 15-ാം ദിവസം അതേ പാപയാ​ഗ​വും സമ്പൂർണ​ദ​ഹ​ന​യാ​ഗ​വും ധാന്യ​യാ​ഗ​വും എണ്ണയും അർപ്പി​ക്കാൻ വേണ്ട​തെ​ല്ലാം അവൻ ഏർപ്പാടു ചെയ്യണം; അന്നുമു​തൽ ഉത്സവത്തി​ന്റെ ഏഴു ദിവസവും+ അവൻ ഇങ്ങനെ​തന്നെ ചെയ്യണം.’”

46 “പരമാ​ധി​കാ​രി​യായ യഹോവ പറയുന്നു: ‘അകത്തെ മുറ്റത്തെ കിഴ​ക്കോ​ട്ടു ദർശന​മുള്ള കവാടം+ ആറു പ്രവൃത്തിദിവസവും+ അടച്ചി​ടണം.+ പക്ഷേ ശബത്തു​ദി​വ​സ​ത്തി​ലും അമാവാ​സി​യി​ലും അതു തുറക്കണം. 2 പുറത്തുനിന്ന്‌ വരുന്ന തലവൻ കവാട​ത്തി​ന്റെ മണ്ഡപം വഴി അകത്ത്‌ പ്രവേ​ശി​ക്കും.+ എന്നിട്ട്‌, കവാട​ത്തി​ന്റെ കട്ടിള​ക്കാ​ലി​ന്റെ അടുത്ത്‌ വന്ന്‌ നിൽക്കും. പുരോ​ഹി​ത​ന്മാർ അവന്റെ സമ്പൂർണ​ദ​ഹ​ന​യാ​ഗ​വും സഹഭോ​ജ​ന​ബ​ലി​ക​ളും അർപ്പി​ക്കും. അവൻ കവാട​ത്തി​ന്റെ വാതിൽപ്പ​ടി​ക്കൽ കുമ്പി​ട്ടിട്ട്‌ പുറ​ത്തേക്കു പോകും. പക്ഷേ കവാടം വൈകു​ന്നേ​രം​വരെ തുറന്നു​തന്നെ കിടക്കണം. 3 ദേശത്തെ ജനവും ശബത്തു​ക​ളി​ലും അമാവാ​സി​ക​ളി​ലും ആ കവാട​ത്തി​ന്റെ വാതിൽക്കൽ യഹോ​വ​യു​ടെ മുന്നിൽ കുമ്പി​ടും.+

4 “‘ശബത്തു​ദി​വസം യഹോ​വ​യ്‌ക്കു സമ്പൂർണ​ദ​ഹ​ന​യാ​ഗ​മാ​യി അർപ്പി​ക്കാൻ ന്യൂന​ത​യി​ല്ലാത്ത ആറ്‌ ആൺചെ​മ്മ​രി​യാ​ട്ടിൻകു​ട്ടി​ക​ളെ​യും ന്യൂന​ത​യി​ല്ലാത്ത ഒരു ആൺചെ​മ്മ​രി​യാ​ടി​നെ​യും തലവൻ കൊണ്ടു​വ​രണം.+ 5 ആൺചെമ്മരിയാടിനൊപ്പം ഒരു ഏഫാ* ധാന്യ​യാ​ഗം നൽകണം. ആൺചെ​മ്മ​രി​യാ​ട്ടിൻകു​ട്ടി​കൾക്കൊ​പ്പം തന്റെ പ്രാപ്‌തി​യ​നു​സ​രി​ച്ചുള്ള ധാന്യ​യാ​ഗം കൊടു​ത്താൽ മതി. ഓരോ ഏഫാ​യോ​ടു​മൊ​പ്പം ഓരോ ഹീൻ* എണ്ണയും നൽകണം.+ 6 അമാവാസിയിൽ ന്യൂന​ത​യി​ല്ലാത്ത ഒരു കാളക്കു​ട്ടി​യെ​യും ആറ്‌ ആൺചെ​മ്മ​രി​യാ​ട്ടിൻകു​ട്ടി​ക​ളെ​യും ഒരു ആൺചെ​മ്മ​രി​യാ​ടി​നെ​യും യാഗം അർപ്പി​ക്കണം; അവയെ​ല്ലാം ന്യൂന​ത​യി​ല്ലാ​ത്ത​വ​യാ​യി​രി​ക്കണം.+ 7 അവൻ കാളക്കു​ട്ടി​ക്കും ആൺചെ​മ്മ​രി​യാ​ടി​നും ഒപ്പം ഓരോ ഏഫാ ധാന്യ​യാ​ഗം നൽകണം; ആൺചെ​മ്മ​രി​യാ​ട്ടിൻകു​ട്ടി​കൾക്കൊ​പ്പം തന്റെ പ്രാപ്‌തി​യ​നു​സ​രി​ച്ചു​ള്ളതു ധാന്യ​യാ​ഗ​മാ​യി കൊടു​ത്താൽ മതി. ഓരോ ഏഫായ്‌ക്കു​മൊ​പ്പം ഓരോ ഹീൻ എണ്ണയും നൽകണം.

8 “‘തലവൻ അകത്ത്‌ പ്രവേ​ശി​ക്കു​ന്ന​തും പുറ​ത്തേക്കു പോകു​ന്ന​തും കവാട​ത്തി​ന്റെ മണ്ഡപം വഴിയാ​യി​രി​ക്കണം.+ 9 ഉത്സവദിവസങ്ങളിൽ+ ദേശത്തെ ജനം ആരാധ​ന​യ്‌ക്കാ​യി യഹോ​വ​യു​ടെ സന്നിധി​യിൽ വരു​മ്പോൾ, വടക്കേ കവാടത്തിലൂടെ+ വരുന്നവർ തെക്കേ കവാടത്തിലൂടെ+ പുറ​ത്തേക്കു പോകണം; തെക്കേ കവാട​ത്തി​ലൂ​ടെ വരുന്നവർ വടക്കേ കവാട​ത്തി​ലൂ​ടെ​യും. അകത്തേക്കു വന്ന കവാട​ത്തി​ലൂ​ടെ ആരും പുറ​ത്തേക്കു പോക​രുത്‌. എതിർവ​ശത്ത്‌ കാണുന്ന കവാട​ത്തി​ലൂ​ടെ വേണം അവർ പുറ​ത്തേക്കു പോകാൻ. 10 അവരുടെ കൂട്ടത്തി​ലുള്ള തലവൻ അവർ അകത്ത്‌ വരു​മ്പോൾ അകത്ത്‌ വരുക​യും പുറത്ത്‌ പോകു​മ്പോൾ പുറത്ത്‌ പോകു​ക​യും വേണം. 11 പെരുന്നാളുകളിലും ഉത്സവകാ​ല​ത്തും അർപ്പി​ക്കുന്ന കാളക്കു​ട്ടി​ക്കും ആൺചെ​മ്മ​രി​യാ​ടി​നും ഒപ്പം ഓരോ ഏഫാ ധാന്യ​യാ​ഗം നൽകണം; ആൺചെ​മ്മ​രി​യാ​ട്ടിൻകു​ട്ടി​കൾക്കൊ​പ്പം അവന്റെ പ്രാപ്‌തി​യ​നു​സ​രി​ച്ചു​ള്ളതു ധാന്യ​യാ​ഗ​മാ​യി കൊടു​ത്താൽ മതി. ഓരോ ഏഫായ്‌ക്കു​മൊ​പ്പം ഓരോ ഹീൻ എണ്ണയും നൽകണം.+

12 “‘യഹോ​വ​യ്‌ക്കുള്ള സമ്പൂർണ​ദ​ഹ​ന​യാ​ഗ​ത്തി​നോ സഹഭോ​ജ​ന​ബ​ലി​കൾക്കോ വേണ്ടി തലവൻ കൊണ്ടു​വ​രു​ന്നതു സ്വമന​സ്സാ​ലെ കൊടു​ക്കുന്ന കാഴ്‌ച​യാ​ണെ​ങ്കിൽ കിഴ​ക്കോ​ട്ടു ദർശന​മുള്ള കവാടം അവനു തുറന്നു​കൊ​ടു​ക്കണം. ശബത്തു​ദി​വ​സ​ത്തിൽ ചെയ്യു​ന്ന​തു​പോ​ലെ​തന്നെ അവൻ അവന്റെ സമ്പൂർണദഹനയാഗവും+ സഹഭോ​ജ​ന​ബ​ലി​ക​ളും കൊടു​ക്കും.+ അവൻ പുറത്ത്‌ പോയി​ക്ക​ഴി​യു​മ്പോൾ കവാടം അടയ്‌ക്കണം.+

13 “‘യഹോ​വ​യ്‌ക്കുള്ള സമ്പൂർണ​ദ​ഹ​ന​യാ​ഗ​മാ​യി ദിവസ​വും ഒരു വയസ്സോ അതിൽ താഴെ​യോ പ്രായ​മുള്ള ന്യൂന​ത​യി​ല്ലാത്ത ഒരു ആൺചെ​മ്മ​രി​യാ​ട്ടിൻകു​ട്ടി​യെ നൽകണം.+ ദിവസ​വും രാവിലെ അങ്ങനെ ചെയ്യണം. 14 അതോടൊപ്പം എന്നും രാവിലെ ധാന്യ​യാ​ഗ​മാ​യി ഒരു ഏഫായു​ടെ ആറി​ലൊ​ന്നും നേർത്ത ധാന്യ​പ്പൊ​ടി​യു​ടെ മേൽ തളിക്കാൻ മൂന്നി​ലൊ​ന്നു ഹീൻ എണ്ണയും നൽകണം. ഇത്‌ യഹോ​വ​യ്‌ക്കുള്ള പതിവു​ധാ​ന്യ​യാ​ഗം; ദീർഘ​കാ​ല​ത്തേക്കു നിലനിൽക്കുന്ന ഒരു നിയമ​മാണ്‌ ഇത്‌. 15 പതിവായി അർപ്പി​ക്കുന്ന സമ്പൂർണ​ദ​ഹ​ന​യാ​ഗ​ത്തി​നു​വേണ്ടി എന്നും രാവിലെ ആൺചെ​മ്മ​രി​യാ​ട്ടിൻകു​ട്ടി, ധാന്യ​യാ​ഗം, എണ്ണ എന്നിവ കൊടു​ക്കണം.’

16 “പരമാ​ധി​കാ​രി​യായ യഹോവ പറയുന്നു: ‘തലവൻ അവന്റെ ഓരോ പുത്ര​നും പൈതൃ​കാ​വ​കാ​ശ​മാ​യി ഒരു സമ്മാനം കൊടു​ക്കു​ന്നെ​ങ്കിൽ അത്‌ അവന്റെ പുത്ര​ന്മാ​രു​ടെ സ്വത്താ​കും. അത്‌ അവർക്ക്‌ പൈതൃ​കാ​വ​കാ​ശ​മാ​യി കിട്ടിയ സ്വത്താണ്‌. 17 പക്ഷേ അവൻ അവന്റെ ദാസനു തന്റെ സ്വത്തിൽനി​ന്ന്‌ ഒരു സമ്മാനം കൊടു​ക്കു​ന്നെ​ങ്കിൽ സ്വാത​ന്ത്ര്യം കിട്ടുന്ന വർഷം​വരെ അതു ദാസ​ന്റേ​താ​യി​രി​ക്കും.+ പിന്നെ അതു തലവനു തിരികെ കിട്ടും. ആൺമക്ക​ളു​ടെ അവകാശം മാത്രമേ സ്ഥിരമായ അവകാ​ശ​മാ​യി​രി​ക്കു​ക​യു​ള്ളൂ. 18 ജനത്തെ അവരുടെ അവകാ​ശ​ഭൂ​മി​യിൽനിന്ന്‌ ബലം പ്രയോ​ഗിച്ച്‌ പുറത്താ​ക്കി തലവൻ ആ സ്വത്തു കൈവ​ശ​പ്പെ​ടു​ത്ത​രുത്‌. തന്റെ സ്വന്തം സ്വത്തിൽനി​ന്നാ​യി​രി​ക്കണം അവൻ തന്റെ ആൺമക്കൾക്ക്‌ അവകാശം കൊടു​ക്കേ​ണ്ടത്‌. അങ്ങനെ​യാ​കു​മ്പോൾ എന്റെ ജനത്തിൽ ആരും സ്വന്തം അവകാ​ശ​ഭൂ​മി​യിൽനിന്ന്‌ ഓടി​പ്പോ​കാൻ നിർബ​ന്ധി​ത​രാ​കില്ല.’”

19 പിന്നെ പുരോ​ഹി​ത​ന്മാ​രു​ടെ വിശു​ദ്ധ​മായ ഊണുമുറികളിലേക്കുള്ള* കവാട​ത്തിന്‌ അടുത്തുള്ള പ്രവേശനമാർഗത്തിലൂടെ+ എന്നെ അകത്ത്‌ കൊണ്ടു​വന്നു. അവയുടെ ദർശനം വടക്കോ​ട്ടാ​യി​രു​ന്നു.+ അവിടെ അങ്ങു പുറകി​ലാ​യി പടിഞ്ഞാ​റേ അറ്റത്ത്‌ ഞാൻ ഒരു സ്ഥലം കണ്ടു. 20 അദ്ദേഹം എന്നോടു പറഞ്ഞു: “ഇതു പുരോ​ഹി​ത​ന്മാർക്ക്‌ അപരാ​ധ​യാ​ഗ​വ​സ്‌തു​ക്ക​ളും പാപയാ​ഗ​വ​സ്‌തു​ക്ക​ളും പുഴു​ങ്ങാ​നുള്ള സ്ഥലമാണ്‌; അവർ ധാന്യ​യാ​ഗം ചുടുന്നതും+ ഇവി​ടെ​വെ​ച്ചാ​യി​രി​ക്കും. അങ്ങനെ​യാ​കു​മ്പോൾ, അവർ ഒന്നും പുറത്തെ മുറ്റ​ത്തേക്കു കൊണ്ടു​പോ​യി ജനത്തി​ലേക്കു വിശുദ്ധി പകരില്ല.”*+

21 പിന്നെ പുറത്തെ മുറ്റ​ത്തേക്ക്‌ എന്നെ കൊണ്ടു​വന്നു. മുറ്റത്തി​ന്റെ നാലു മൂലയി​ലേ​ക്കും എന്നെ കൊണ്ടു​പോ​യി. പുറത്തെ മുറ്റത്തി​ന്റെ ഓരോ മൂലയി​ലും ഓരോ മുറ്റം ഞാൻ കണ്ടു. 22 മുറ്റത്തിന്റെ നാലു മൂലയി​ലും 40 മുഴം* നീളവും 30 മുഴം വീതി​യു​മുള്ള ചെറിയ മുറ്റങ്ങൾ! നാലി​നും ഒരേ വലുപ്പ​മാ​യി​രു​ന്നു.* 23 അവ നാലി​ന്റെ​യും ചുറ്റും പടിക​ളു​ണ്ടാ​യി​രു​ന്നു. പടികൾക്കു താഴെ യാഗവ​സ്‌തു​ക്കൾ പുഴു​ങ്ങാൻ സ്ഥലങ്ങൾ പണിതി​രു​ന്നു. 24 അപ്പോൾ അദ്ദേഹം എന്നോടു പറഞ്ഞു: “ഈ ഭവനങ്ങ​ളിൽവെ​ച്ചാ​ണു ദേവാ​ല​യ​ത്തിൽ ശുശ്രൂഷ ചെയ്യു​ന്നവർ ജനത്തിന്റെ ബലികൾ പുഴു​ങ്ങു​ന്നത്‌.”+

47 പിന്നെ ദേവാ​ല​യ​ത്തി​ന്റെ വാതിൽക്കലേക്ക്‌+ എന്നെ തിരികെ കൊണ്ടു​വന്നു. അവിടെ, ദേവാ​ല​യ​ത്തി​ന്റെ വാതിൽപ്പ​ടി​യു​ടെ അടിയിൽനി​ന്ന്‌ കിഴ​ക്കോ​ട്ടു വെള്ളം ഒഴുകു​ന്നതു ഞാൻ കണ്ടു.+ കാരണം, ദേവാ​ല​യ​ത്തി​ന്റെ ദർശനം കിഴ​ക്കോ​ട്ടാ​യി​രു​ന്നു. ദേവാ​ല​യ​ത്തി​ന്റെ വലതു​വ​ശത്ത്‌, അടിയിൽനി​ന്ന്‌ വെള്ളം താഴേക്ക്‌ ഒഴുകി​ക്കൊ​ണ്ടി​രു​ന്നു. അതു യാഗപീ​ഠ​ത്തി​ന്റെ തെക്കു​വ​ശ​ത്തു​കൂ​ടെ ഒഴുകി.

2 പിന്നെ വടക്കേ കവാടംവഴി+ എന്നെ വെളി​യിൽ കൊണ്ടു​വന്നു. എന്നിട്ട്‌ പുറത്തു​കൂ​ടെ ചുറ്റി​ന​ടത്തി കിഴ​ക്കോ​ട്ടു ദർശന​മുള്ള പുറത്തെ കവാടത്തിന്‌+ അടു​ത്തേക്കു കൊണ്ടു​പോ​യി. അപ്പോൾ അതാ, ആ കവാട​ത്തി​ന്റെ വലതു​വ​ശ​ത്തു​കൂ​ടെ വെള്ളം കുറേശ്ശെ ഒഴുകു​ന്നു.

3 അപ്പോൾ ആ മനുഷ്യൻ ഒരു അളവു​നൂ​ലും പിടിച്ച്‌+ കിഴ​ക്കോ​ട്ടു പോയി. അദ്ദേഹം 1,000 മുഴം* അളന്നു. എന്നിട്ട്‌ എന്നെ വെള്ളത്തി​ലൂ​ടെ നടത്തി; വെള്ളം കാൽക്കു​ഴ​വ​രെ​യു​ണ്ടാ​യി​രു​ന്നു.

4 അദ്ദേഹം വീണ്ടും 1,000 മുഴം അളന്നു. എന്നിട്ട്‌ എന്നെ വെള്ളത്തി​ലൂ​ടെ നടത്തി; വെള്ളം കാൽമു​ട്ടു​വ​രെ​യു​ണ്ടാ​യി​രു​ന്നു.

പിന്നെ​യും 1,000 മുഴം അളന്നിട്ട്‌ അദ്ദേഹം എന്നെ വെള്ളത്തി​ലൂ​ടെ നടത്തി; വെള്ളം അരവ​രെ​യു​ണ്ടാ​യി​രു​ന്നു.

5 അദ്ദേഹം വീണ്ടും 1,000 മുഴം അളന്നു. അപ്പോ​ഴേ​ക്കും അതു വലി​യൊ​രു ജലപ്ര​വാ​ഹ​മാ​യി മാറി​യി​രു​ന്നു; അതിലൂ​ടെ നടക്കാൻ പറ്റുമാ​യി​രു​ന്നില്ല. നല്ല ആഴമു​ണ്ടാ​യി​രു​ന്ന​തു​കൊണ്ട്‌ നീന്തു​ക​യാ​യി​രു​ന്നു ഏകമാർഗം; ആ ജലപ്ര​വാ​ഹ​ത്തി​ലൂ​ടെ നടന്നു​പോ​കുക അസാധ്യ​മാ​യി​രു​ന്നു.

6 അദ്ദേഹം എന്നോട്‌, “മനുഷ്യ​പു​ത്രാ, ഇതു കണ്ടോ” എന്നു ചോദി​ച്ചു.

എന്നിട്ട്‌ എന്നെ ആ നദിയു​ടെ തീര​ത്തേക്കു തിരിച്ച്‌ നടത്തി. 7 തിരിച്ചെത്തിയപ്പോൾ നദിയു​ടെ ഇരുക​ര​ക​ളി​ലും ധാരാളം മരങ്ങൾ ഞാൻ കണ്ടു.+ 8 അപ്പോൾ അദ്ദേഹം എന്നോടു പറഞ്ഞു: “ഈ വെള്ളം കിഴക്കൻ പ്രദേ​ശ​ത്തേക്ക്‌ ഒഴുകി അരാബവഴി*+ കടലിൽ പതിക്കു​ന്നു. അതു കടലിൽ എത്തുമ്പോൾ+ അവി​ടെ​യുള്ള വെള്ളം ശുദ്ധമാ​കും. 9 ഈ വെള്ളം* ഒഴുകി​ച്ചെ​ല്ലു​ന്നി​ട​ത്തെ​ല്ലാം അനേക​മ​നേകം ജീവജാ​ലങ്ങൾ ജീവി​ക്കും. ഈ വെള്ളം ഒഴുകി​ച്ചെ​ല്ലു​ന്ന​തു​കൊണ്ട്‌ അവിടെ ഇഷ്ടം​പോ​ലെ മീനുകൾ ഉണ്ടാകും. കടൽവെള്ളം ശുദ്ധമാ​കും. നദി ഒഴുകി​യെ​ത്തു​ന്നി​ട​ത്തെ​ല്ലാം ഏതു ജീവി​യും ജീവി​ക്കും.

10 “മീൻപി​ടു​ത്ത​ക്കാർ അതിന്റെ കരയിൽ ഏൻ-ഗദി+ മുതൽ ഏൻ-എഗ്ലയീം വരെയുള്ള സ്ഥലത്ത്‌ നിൽക്കും. അവിടെ വല ഉണക്കാ​നുള്ള ഒരു സ്ഥലമു​ണ്ടാ​യി​രി​ക്കും. മഹാസമുദ്രത്തിലേതുപോലെ*+ പല തരം മീനുകൾ സുലഭ​മാ​യി അതിലു​ണ്ടാ​യി​രി​ക്കും.

11 “അതിനു ചതുപ്പു​നി​ല​ങ്ങ​ളും ചേറ്റു​നി​ല​ങ്ങ​ളും ഉണ്ടായി​രി​ക്കും. പക്ഷേ ഇവ ശുദ്ധമാ​കില്ല. ഉപ്പിനാ​യി ഇവയെ ഉപേക്ഷി​ക്കും.+

12 “ഭക്ഷ്യ​യോ​ഗ്യ​മായ പഴങ്ങൾ തരുന്ന എല്ലാ തരം മരങ്ങളും നദിയു​ടെ ഇരുക​ര​ക​ളി​ലും വളരും. അവയുടെ ഇലകൾ വാടില്ല; അവ കായ്‌ക്കാ​തി​രി​ക്കു​ക​യു​മില്ല. അവയ്‌ക്കു കിട്ടുന്ന വെള്ളം വിശു​ദ്ധ​മ​ന്ദി​ര​ത്തിൽനിന്ന്‌ ഒഴുകിവരുന്നതുകൊണ്ട്‌+ ഓരോ മാസവും അവയിൽ പുതിയ കായ്‌കൾ ഉണ്ടാകും. അവയുടെ കായ്‌കൾ ആഹാര​ത്തി​നും അവയുടെ ഇലകൾ രോഗം ഭേദമാ​ക്കാ​നും ഉപകരി​ക്കും.”+

13 പരമാധികാരിയായ യഹോവ പറയുന്നു: “ഈ പ്രദേ​ശ​മാണ്‌ 12 ഇസ്രാ​യേൽഗോ​ത്ര​ങ്ങൾക്ക്‌ അവകാ​ശ​ഭൂ​മി​യാ​യി നിങ്ങൾ വീതി​ച്ചു​കൊ​ടു​ക്കേ​ണ്ടത്‌. യോ​സേ​ഫി​നു രണ്ട്‌ ഓഹരി കിട്ടും.+ 14 നിങ്ങൾ അത്‌ അവകാ​ശ​മാ​ക്കും. എല്ലാവർക്കും തുല്യ​മായ ഓഹരി* കിട്ടും. നിങ്ങളു​ടെ പൂർവി​കർക്ക്‌ ഈ ദേശം കൊടു​ക്കു​മെന്നു ഞാൻ സത്യം ചെയ്‌തി​രു​ന്നു.+ ഇപ്പോൾ ഇതാ, നിങ്ങൾക്ക്‌ ഇത്‌ അവകാ​ശ​മാ​യി വീതി​ച്ചു​കി​ട്ടി​യി​രി​ക്കു​ന്നു.*

15 “ദേശത്തി​ന്റെ വടക്കേ അതിർ: മഹാസ​മു​ദ്ര​ത്തിൽനിന്ന്‌ ഹെത്‌ലോനിലേക്കുള്ള+ വഴിക്ക്‌ സെദാദ്‌,+ 16 ഹമാത്ത്‌,+ ബരോത്ത+ എന്നിവി​ട​ങ്ങ​ളി​ലേ​ക്കും ദമസ്‌കൊ​സി​ന്റെ പ്രദേ​ശ​ത്തി​നും ഹമാത്തി​ന്റെ പ്രദേ​ശ​ത്തി​നും ഇടയ്‌ക്കുള്ള സിബ്ര​യീ​മി​ലേ​ക്കും ഹൗറാന്റെ+ അതിരി​ന്‌ അടുത്തുള്ള ഹാസ്സെർ-ഹത്തി​ക്കോ​നി​ലേ​ക്കും നീളുന്നു. 17 അങ്ങനെ, അതിർത്തി കടൽ മുതൽ ഹസർ-ഏനോൻ വരെയാ​യി​രി​ക്കും.+ അത്‌ അങ്ങനെ ദമസ്‌കൊ​സി​ന്റെ അതിരി​ലൂ​ടെ വടക്കോ​ട്ടു പോയി ഹമാത്തി​ന്റെ അതിരിൽ എത്തുന്നു.+ ഇതാണു വടക്കേ അതിർ.

18 “കിഴക്കേ അതിർ, ഹൗറാൻ മുതൽ ദമസ്‌കൊ​സ്‌ വരെയും അതു​പോ​ലെ ഗിലെയാദിനും+ ഇസ്രാ​യേൽ ദേശത്തി​നും ഇടയിൽ യോർദാ​നും ആണ്‌. അതിരിൽനിന്ന്‌* കിഴക്കേ കടൽവരെ* നീ അളക്കണം. ഇതാണു കിഴക്കേ അതിർ.

19 “തെക്കേ അതിർ,* താമാർ മുതൽ മെരീ​ബത്ത്‌-കാദേ​ശി​ലെ നീരു​റവ്‌ വരെ എത്തുന്നു.+ എന്നിട്ട്‌, നീർച്ചാലിലേക്കും* മഹാസ​മു​ദ്ര​ത്തി​ലേ​ക്കും നീളുന്നു.+ ഇതാണു തെക്കേ അതിർ.*

20 “പടിഞ്ഞാ​റു​വ​ശത്ത്‌, തെക്കേ അതിരു​മു​തൽ ലബോ-ഹമാത്തിന്‌*+ എതി​രെ​യുള്ള സ്ഥലംവരെ മഹാസ​മു​ദ്ര​മാണ്‌. ഇതു പടിഞ്ഞാ​റേ അതിർ.”

21 “നിങ്ങൾ 12 ഇസ്രാ​യേൽഗോ​ത്ര​ങ്ങ​ളും ഈ ദേശം വീതി​ച്ചെ​ടു​ക്കണം. 22 നിങ്ങൾ ദേശം നിങ്ങൾക്കും നിങ്ങളു​ടെ നാട്ടിൽ വന്നുതാ​മ​സി​ച്ച​ശേഷം മക്കൾ ഉണ്ടായ വിദേ​ശി​കൾക്കും അവകാ​ശ​മാ​യി വീതി​ക്കണം. നിങ്ങൾ അവരെ ഇസ്രാ​യേ​ല്യ​രാ​യി ജനിച്ച​വ​രെ​പ്പോ​ലെ കാണണം. നിങ്ങൾക്കൊ​പ്പം അവർക്കും ഇസ്രാ​യേൽഗോ​ത്ര​ങ്ങ​ളു​ടെ ഇടയിൽ അവകാശം കിട്ടും. 23 ആ വിദേശി താമസി​ക്കു​ന്നത്‌ ഏതു ഗോ​ത്ര​ത്തി​ന്റെ പ്രദേ​ശ​ത്താ​ണോ അവി​ടെ​ത്തന്നെ നിങ്ങൾ അവന്‌ അവകാശം നൽകണം” എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.

48 “ഗോ​ത്ര​ങ്ങ​ളു​ടെ പേരുകൾ, വടക്കേ അറ്റത്തു​നിന്ന്‌: ദാന്റെ ഓഹരി+ ഹെത്‌ലോ​നി​ലേ​ക്കുള്ള വഴിയേ ലബോ-ഹമാത്തിലേക്കും*+ ഹസർ-ഏനാനി​ലേ​ക്കും ചെല്ലുന്നു. അതു ദമസ്‌കൊ​സി​ന്റെ അതിരി​ലൂ​ടെ വടക്കോ​ട്ടു പോയി ഹമാത്തി​ന്‌ അടുത്ത്‌ എത്തുന്നു.+ അതു കിഴക്കേ അതിർമു​തൽ പടിഞ്ഞാ​റേ അതിർവരെ നീണ്ടു​കി​ട​ക്കു​ന്നു. 2 കിഴക്കേ അതിർമു​തൽ പടിഞ്ഞാ​റേ അതിർവരെ ദാന്റെ അതിരി​നോ​ടു ചേർന്നാ​ണ്‌ ആശേരി​ന്റെ ഓഹരി.+ 3 കിഴക്കേ അതിർമു​തൽ പടിഞ്ഞാ​റേ അതിർവരെ ആശേരി​ന്റെ അതിരി​നോ​ടു ചേർന്നാ​ണു നഫ്‌താ​ലി​യു​ടെ ഓഹരി.+ 4 കിഴക്കേ അതിർമു​തൽ പടിഞ്ഞാ​റേ അതിർവരെ നഫ്‌താ​ലി​യു​ടെ അതിരി​നോ​ടു ചേർന്നാ​ണു മനശ്ശെ​യു​ടെ ഓഹരി.+ 5 കിഴക്കേ അതിർമു​തൽ പടിഞ്ഞാ​റേ അതിർവരെ മനശ്ശെ​യു​ടെ അതിരി​നോ​ടു ചേർന്നാ​ണ്‌ എഫ്രയീ​മി​ന്റെ ഓഹരി.+ 6 കിഴക്കേ അതിർമു​തൽ പടിഞ്ഞാ​റേ അതിർവരെ എഫ്രയീ​മി​ന്റെ അതിരി​നോ​ടു ചേർന്നാ​ണു രൂബേന്റെ ഓഹരി.+ 7 കിഴക്കേ അതിർമു​തൽ പടിഞ്ഞാ​റേ അതിർവരെ രൂബേന്റെ അതിരി​നോ​ടു ചേർന്നാ​ണ്‌ യഹൂദ​യു​ടെ ഓഹരി.+ 8 യഹൂദയുടെ അതിരി​നോ​ടു ചേർന്ന്‌, കിഴക്കേ അതിർമു​തൽ പടിഞ്ഞാ​റേ അതിർവരെ സംഭാ​വ​ന​യാ​യി നീക്കി​വെ​ക്കേണ്ട പ്രദേ​ശ​ത്തി​ന്റെ വീതി 25,000 മുഴമാ​യി​രി​ക്കണം.*+ അതിനു കിഴക്കേ അതിർമു​തൽ പടിഞ്ഞാ​റേ അതിർവരെ മറ്റ്‌ ഓഹരി​ക​ളു​ടെ അതേ നീളവും ഉണ്ടായി​രി​ക്കണം. അതിന്റെ നടുവി​ലാ​യി​രി​ക്കണം വിശു​ദ്ധ​മ​ന്ദി​രം.

9 “നിങ്ങൾ യഹോ​വ​യ്‌ക്കു സംഭാ​വ​ന​യാ​യി നീക്കി​വെ​ക്കേണ്ട പ്രദേശം 25,000 മുഴം നീളവും 10,000 മുഴം വീതി​യും ഉള്ളതാ​യി​രി​ക്കണം. 10 ഇതു പുരോ​ഹി​ത​ന്മാർക്കുള്ള വിശു​ദ്ധ​സം​ഭാ​വ​ന​യാണ്‌.+ അതിന്‌, വടക്കു​വ​ശത്ത്‌ 25,000 മുഴവും പടിഞ്ഞാ​റ്‌ 10,000 മുഴവും കിഴക്ക്‌ 10,000 മുഴവും തെക്ക്‌ 25,000 മുഴവും ഉണ്ടായി​രി​ക്കണം. അതിന്റെ നടുവി​ലാ​യി​രി​ക്കണം യഹോ​വ​യു​ടെ വിശു​ദ്ധ​മ​ന്ദി​രം. 11 ഇതു സാദോ​ക്കി​ന്റെ പുത്ര​ന്മാ​രായ,+ വിശു​ദ്ധീ​ക​രി​ക്ക​പ്പെട്ട പുരോ​ഹി​ത​ന്മാർക്കു​ള്ള​താ​യി​രി​ക്കണം. ഇസ്രാ​യേ​ല്യ​രും ലേവ്യ​രും വഴി​തെ​റ്റി​പ്പോ​യ​പ്പോൾ അങ്ങനെ പോകാ​തെ എന്നോ​ടുള്ള ഉത്തരവാ​ദി​ത്വം നിറ​വേ​റ്റി​യ​വ​രാ​ണ​ല്ലോ അവർ.+ 12 ദേശത്തുനിന്ന്‌ കൊടുത്ത സംഭാ​വ​ന​യിൽനിന്ന്‌ അതിവി​ശു​ദ്ധ​മാ​യി വേർതി​രിച്ച ഒരു ഓഹരി ഇവർക്കു കിട്ടും. ലേവ്യ​രു​ടെ അതിരി​നോ​ടു ചേർന്നാ​യി​രി​ക്കും ഇത്‌.

13 “പുരോ​ഹി​ത​ന്മാ​രു​ടെ പ്രദേ​ശ​ത്തി​നു തൊട്ട​ടുത്ത്‌ ലേവ്യർക്ക്‌ 25,000 മുഴം നീളവും 10,000 മുഴം വീതി​യും ഉള്ള ഒരു ഓഹരി​യു​ണ്ടാ​യി​രി​ക്കും. (ആകെ നീളം 25,000 മുഴവും വീതി 10,000 മുഴവും.) 14 ദേശത്തിലെ ഏറ്റവും നല്ല ഈ സ്ഥലം അൽപ്പം​പോ​ലും അവർ വിൽക്കു​ക​യോ വെച്ചു​മാ​റു​ക​യോ കൈമാ​റ്റം ചെയ്യു​ക​യോ അരുത്‌. കാരണം ഇത്‌ യഹോ​വ​യ്‌ക്കു വിശു​ദ്ധ​മാണ്‌.

15 “25,000 മുഴം നീളമുള്ള അതിരി​നോ​ടു ചേർന്നു​കി​ട​ക്കുന്ന, 5,000 മുഴം വീതി​യുള്ള ബാക്കി ഭാഗം നഗരത്തി​ന്റെ പൊതു​വായ ഉപയോ​ഗ​ത്തിന്‌,+ അതായത്‌ വീടു​കൾക്കും മേച്ചിൽപ്പു​റ​ങ്ങൾക്കും, ഉള്ളതാണ്‌. അതിന്റെ നടുവി​ലാ​യി​രി​ക്കും നഗരം.+ 16 നഗരത്തിന്റെ അളവുകൾ: വടക്കേ അതിർ 4,500 മുഴം; തെക്കേ അതിർ 4,500 മുഴം; കിഴക്കേ അതിർ 4,500 മുഴം; പടിഞ്ഞാ​റേ അതിർ 4,500 മുഴം. 17 മേച്ചിൽപ്പുറം നഗരത്തി​നു വടക്കോ​ട്ട്‌ 250 മുഴം; തെക്കോ​ട്ട്‌ 250 മുഴം; കിഴ​ക്കോട്ട്‌ 250 മുഴം; പടിഞ്ഞാ​റോട്ട്‌ 250 മുഴം.

18 “ബാക്കി ഭാഗത്തി​ന്റെ നീളം, വിശു​ദ്ധ​സം​ഭാ​വ​ന​യ്‌ക്കു സമാന്തരമായി+ കിഴക്ക്‌ 10,000 മുഴവും പടിഞ്ഞാ​റ്‌ 10,000 മുഴവും ആയിരി​ക്കും. അതു വിശു​ദ്ധ​സം​ഭാ​വ​ന​യ്‌ക്കു സമാന്ത​ര​മാ​യി​രി​ക്കും. അതിലെ വിളവ്‌ നഗരത്തിൽ സേവി​ക്കു​ന്ന​വർക്ക്‌ ആഹാര​മാ​യി ഉതകും. 19 എല്ലാ ഇസ്രാ​യേൽഗോ​ത്ര​ങ്ങ​ളിൽനി​ന്നും ആ നഗരത്തിൽ വന്ന്‌ സേവിക്കുന്നവർ+ അവിടെ കൃഷി ചെയ്യും.

20 “അങ്ങനെ വിശു​ദ്ധ​സം​ഭാ​വ​ന​യും നഗരത്തി​ന്റെ സ്വത്തും ചേർന്ന 25,000 മുഴം സമചതു​ര​പ്ര​ദേശം മൊത്തം സംഭാ​വ​ന​യാ​യി നീക്കി​വെ​ക്കണം.

21 “വിശു​ദ്ധ​സം​ഭാ​വ​ന​യു​ടെ​യും നഗരത്തി​ന്റെ സ്വത്തി​ന്റെ​യും ഇരുവ​ശ​ത്തും ശേഷി​ക്കുന്ന ഭാഗങ്ങൾ തലവനു​ള്ള​താണ്‌.+ സംഭാ​വ​ന​യു​ടെ കിഴക്കും പടിഞ്ഞാ​റും 25,000 മുഴം നീളത്തി​ലുള്ള അതിരു​ക​ളോ​ടു ചേർന്നാ​യി​രി​ക്കും ഇവ. തൊട്ടു​ചേർന്നു​കി​ട​ക്കുന്ന ഓഹരി​കൾക്കു സമാന്ത​ര​മാ​യി​രി​ക്കും ഇവ. ഇതു തലവനു​ള്ള​താണ്‌. ഇതിന്റെ നടുവി​ലാ​യി​രി​ക്കും വിശു​ദ്ധ​സം​ഭാ​വ​ന​യും ദേവാ​ല​യ​ത്തി​ന്റെ വിശു​ദ്ധ​മ​ന്ദി​ര​വും.

22 “ലേവ്യ​രു​ടെ അവകാ​ശ​വും നഗരത്തി​ന്റെ സ്വത്തും തലവന്‌ അവകാ​ശ​പ്പെട്ട ഭാഗങ്ങൾക്കി​ട​യി​ലാ​യി​രി​ക്കും. യഹൂദ​യു​ടെ അതിരിനും+ ബന്യാ​മീ​ന്റെ അതിരി​നും ഇടയി​ലാ​യി​രി​ക്കും തലവന്റെ പ്രദേശം.

23 “ഇനി ബാക്കി ഗോ​ത്ര​ങ്ങ​ളു​ടെ കാര്യം: കിഴക്കേ അതിർമു​തൽ പടിഞ്ഞാ​റേ അതിർവരെ ബന്യാ​മീ​ന്റെ ഓഹരി.+ 24 കിഴക്കേ അതിർമു​തൽ പടിഞ്ഞാ​റേ അതിർവരെ ബന്യാ​മീ​ന്റെ ഓഹരി​യോ​ടു ചേർന്നാ​ണു ശിമെ​യോ​ന്റെ ഓഹരി.+ 25 കിഴക്കേ അതിർമു​തൽ പടിഞ്ഞാ​റേ അതിർവരെ ശിമെ​യോ​ന്റെ ഓഹരി​യോ​ടു ചേർന്നാ​ണു യിസ്സാ​ഖാ​രി​ന്റെ ഓഹരി.+ 26 കിഴക്കേ അതിർമു​തൽ പടിഞ്ഞാ​റേ അതിർവരെ യിസ്സാ​ഖാ​രി​ന്റെ ഓഹരി​യോ​ടു ചേർന്നാ​ണു സെബു​ലൂ​ന്റെ ഓഹരി.+ 27 കിഴക്കേ അതിർമു​തൽ പടിഞ്ഞാ​റേ അതിർവരെ സെബു​ലൂ​ന്റെ ഓഹരി​യോ​ടു ചേർന്നാ​ണു ഗാദിന്റെ ഓഹരി.+ 28 ഗാദിന്റെ അതിർത്തി​യോ​ടു ചേർന്നുള്ള തെക്കേ അതിർ താമാർ മുതൽ മെരീ​ബത്ത്‌-കാദേ​ശി​ലെ നീരു​റവ്‌ വരെ എത്തുന്നു.+ എന്നിട്ട്‌ നീർച്ചാലിലേക്കും*+ മഹാസമുദ്രത്തിലേക്കും* നീളുന്നു.

29 “ഇതാണു നിങ്ങൾ ഇസ്രാ​യേൽഗോ​ത്ര​ങ്ങൾക്ക്‌ അവകാ​ശ​മാ​യി വീതി​ച്ചു​കൊ​ടു​ക്കേണ്ട ദേശം.+ ഇവയാ​യി​രി​ക്കും അവരുടെ ഓഹരി​കൾ” എന്നു പരമാ​ധി​കാ​രി​യായ യഹോവ പ്രഖ്യാ​പി​ക്കു​ന്നു.+

30 “നഗരത്തി​ന്റെ പുറ​ത്തേ​ക്കുള്ള വഴികൾ ഇതാണ്‌: വടക്കു​വശം 4,500 മുഴം.+

31 “നഗരത്തി​ന്റെ കവാട​ങ്ങൾക്ക്‌ ഇസ്രാ​യേൽഗോ​ത്ര​ങ്ങ​ളു​ടെ പേരു​ക​ളാ​യി​രി​ക്കും. വടക്കുള്ള മൂന്നു കവാട​ത്തിൽ ഒന്നു രൂബേ​നും ഒന്ന്‌ യഹൂദ​യ്‌ക്കും ഒന്നു ലേവി​ക്കും.

32 “കിഴക്കു​വ​ശ​ത്തി​നു 4,500 മുഴം നീളം. അവിടെ മൂന്നു കവാട​മുണ്ട്‌: ഒന്നു യോ​സേ​ഫി​നും ഒന്നു ബന്യാ​മീ​നും ഒന്നു ദാനും.

33 “തെക്കു​വശം 4,500 മുഴം. അവിടെ മൂന്നു കവാട​മുണ്ട്‌: ഒന്നു ശിമെ​യോ​നും ഒന്നു യിസ്സാ​ഖാ​രി​നും ഒന്നു സെബു​ലൂ​നും.

34 “പടിഞ്ഞാ​റു​വ​ശ​ത്തി​നു 4,500 മുഴം നീളം. അവി​ടെ​യും മൂന്നു കവാടം: ഒന്നു ഗാദി​നും ഒന്ന്‌ ആശേരി​നും ഒന്നു നഫ്‌താ​ലി​ക്കും.

35 “ചുറ്റളവ്‌ 18,000 മുഴം. അന്നുമു​തൽ നഗരത്തി​ന്റെ പേര്‌ ‘യഹോവ അവി​ടെ​യുണ്ട്‌’ എന്നായി​രി​ക്കും.”+