यसैया
राजाहरूलाई दुर्बल पार्न*
अनि ढोकाहरू खुल्लै रहून् भनेर
त्यसका दुवै खापा खोल्न
आफूले अभिषेक गर्नुभएको जन कोरेसको+ दाहिने हात यहोवाले समात्नुभएको छ।+
उहाँ तिनलाई यसो भन्नुहुन्छ:
३ म तिमीलाई अन्धकारमा राखिएका
र गुप्त ठाउँमा लुकाइएका बहुमूल्य खजाना दिनेछु।+
तब तिमीले म नै इस्राएलका परमेश्वर यहोवा हुँ भनेर जान्नेछौ,
जसले तिम्रो नामै काढेर तिमीलाई बोलाएको छ।+
४ मेरो सेवक याकुब र मैले रोजेको इस्राएलको खातिर
मैले तिमीलाई नामै काढेर बोलाएको हुँ।
तिमीले मलाई नचिने पनि म तिमीलाई मानसम्मान दिनेछु।
५ म यहोवा हुँ, मबाहेक अरू कोही छैन।
मबाहेक अरू कुनै परमेश्वर छैन।+
तिमीले मलाई नचिने पनि म तिमीलाई बलियो बनाउनेछु।*
६ अनि मबाहेक अरू कोही छैन भनेर+
पूर्वदेखि पश्चिमसम्मका* मानिसहरूले जान्नेछन्।
म नै यहोवा हुँ, अरू कुनै परमेश्वर छैन।+
७ ज्योति र अन्धकार, दुवै बनाउने मै हुँ।+
शान्ति गराउने+ र विपत्ति ल्याउने पनि मै हुँ।+
यी सबै कुरा गर्ने म यहोवा नै हुँ।
बादलले पनि न्याय बर्साओस्।
पृथ्वी जागोस् अनि चारैतिर न्याय र उद्धारको फल फलाओस्।+
म यहोवाले नै यो कुरा सम्भव तुल्याएको हुँ।”
९ धिक्कार छ त्यसलाई, जसले आफ्नो रचनाकारसित निहुँ खोज्छ।*
किनकि त्यो त केवल माटोको भाँडोको एउटा टुक्रा हो,
अरू टुक्राहरूसितै भुईँमा फ्याँकिएको एउटा टुक्रा मात्र हो।
माटोले कुमालेलाई “तिमीले यो के बनाएको” भन्न सुहाउँछ र?+
अथवा तिम्रो हातको कामले तिमीलाई “तिम्रो त हात नै छैन” भन्न मिल्छ र?*
१० धिक्कार छ त्यसलाई, जसले एक बुबालाई यसो भन्छ: “तपाईँले कस्तो सन्तान जन्माउनुभयो?”
अथवा जसले एउटी आमालाई यसो भन्छ: “तपाईँले केको लागि प्रसववेदना सहनुभयो?”
११ इस्राएलका पवित्र परमेश्वर यहोवा,+ जसले उसलाई रच्नुभयो, उहाँ यसो भन्नुहुन्छ:
“मैले गर्न लागेका कुराहरूमा के तिमी प्रश्न उठाउँछौ?
अनि मेरा छोराहरूबारे+ र मेरो हातको कामबारे के तिमी मलाई सिकाउँछौ?
१३ सेनाहरूका यहोवा यसो भन्नुहुन्छ,
“न्याय गर्ने मेरो उद्देश्य पूरा गर्न मैले एक जना मानिसलाई खडा गरेको छु।+
ऊ हिँड्ने सबै बाटो म सीधा बनाइदिनेछु।
उसैले मेरो सहर बनाउनेछ।+
उसले निर्वासनमा लगिएका मेरा मानिसहरूलाई मुक्त गरिदिनेछ,+
त्यसबापत उसले केही लिनेछैन र घुस पनि खानेछैन।”+
१४ यहोवा यसो भन्नुहुन्छ:
“मिश्रको आम्दानी* र इथियोपियाको मालसामान* अनि सबाका अग्ला कदका मानिसहरू
तिमीकहाँ आउनेछन् र ती सबै तिम्रा हुनेछन्।
तिनीहरूलाई साङ्लाले बाँधिनेछ र तिनीहरू तिम्रो पछिपछि हिँड्नेछन्।
तिनीहरू तिमीसामु आएर निहुरिनेछन्।+
तिमीसामु झुक्दै तिनीहरूले यसो भन्नेछन्: ‘साँच्चै, परमेश्वर तपाईँसित हुनुहुन्छ।+
उहाँबाहेक अरू कोही छैन, अरू कुनै ईश्वर छैन।’”
१५ हे इस्राएलका परमेश्वर, हे उद्धारक!
तपाईँ वास्तवमै आफूलाई गुप्तमा राख्ने परमेश्वर हुनुहुन्छ।+
१६ मूर्ति बनाउनेहरू सबै लाजमा पर्नेछन्, तिनीहरूको अपमान हुनेछ।
तिनीहरू सबैले बेइज्जती भोग्नुपर्नेछ।+
१७ तर इस्राएललाई भने यहोवाले बचाउनुहुनेछ, उहाँले उसको उद्धार गर्नुहुनेछ र ऊ फेरि कहिल्यै कैदमा पर्नुपर्नेछैन।+
तिमी कहिल्यै लज्जित हुनुपर्नेछैन, तिमीले कहिल्यै बेइज्जती भोग्नुपर्नेछैन।+
१८ साँचो परमेश्वर यहोवा जसले आकाश रच्नुभयो,+
जसले पृथ्वी सृष्टि गर्नुभयो र त्यसलाई कहिल्यै नडग्नेगरि स्थिर गर्नुभयो,+
उहाँले व्यर्थैमा* त्यो बनाउनुभएन बरु आबाद गर्नको लागि बनाउनुभयो।+
उहाँ यसो भन्नुहुन्छ:
“म यहोवा हुँ, मबाहेक अरू कोही छैन।
१९ मैले गुप्त ठाउँबाट वा अन्धकारको देशबाट बोलेको थिइनँ।+
मैले याकुबका सन्तानलाई यसो भनेको थिइनँ:
‘तिमीहरूले मलाई जति खोजे पनि भेट्टाउनेछैनौ।’
म यहोवा हुँ, म सधैँ सही कुरा गर्छु अनि साँचो र सत्य कुरा घोषणा गर्छु।+
२० ए देशदेशबाट छुटकारा पाएका मानिस हो!
एकसाथ भेला भएर आओ।+
कुँदिएका मूर्ति बोकेर यताउता चहार्नेहरू केही पनि जान्दैनन्।
तिनीहरू आफूलाई बचाउन नसक्ने ईश्वरलाई पुकार्छन्।+
२१ आफ्नो कुरा सुनाओ, आफ्नो बयान देओ।
तिनीहरूले एकसाथ सल्लाह गरून्।
उहिल्यै कसले यो कुरा बतायो?
पहिल्यै कसले यसबारे घोषणा गऱ्यो?
म यहोवाले नै होइनँ र?
मबाहेक अरू कुनै ईश्वर छैन।
म न्यायी र उद्धार गर्न सक्ने परमेश्वर हुँ,+ मजस्तो अरू कोही छैन।+
२२ ए पृथ्वीका सबै मानिस हो, मकहाँ आओ र तिमीहरू बाँच्नेछौ।+
किनकि म नै परमेश्वर हुँ र मबाहेक अरू कोही छैन।+
२३ मेरो मुखबाट निस्केको वचन सत्य हो
र त्यो पूरा नभई छोड्दैन+
किनकि मैले आफ्नै शपथ खाएर यसो भनेको छु:
हरेक मानिसले मसामु घुँडा टेक्नेछ
अनि हरेकले मप्रति वफादार हुने शपथ खानेछ+
२४ र भन्नेछ, ‘यहोवा साँच्चै शक्तिशाली र न्यायी हुनुहुन्छ।
उहाँसित क्रोधित हुनेहरू उहाँसामु लज्जित हुनुपर्नेछ।
२५ यहोवाको सेवा गरेर एकदमै असल गऱ्यौँ भनी इस्राएलका सबै सन्तानले बुझ्नेछन्+
र उहाँमै तिनीहरूले घमन्ड गर्नेछन्।’”