Haroro Sikuli Ena Henanadai

Haroro Sikuli ena henanadai January 4 ia lao April 19, 1999, edia wiki herevadia dekenai. Henanadai negana lalonai henanadai edia haere be ma pepa ta dekenai oi torea.

[Itaia: Henanadai negana lalonai, Baibel sibona oi gaukaralaia haere oi tahua totona. Henanadai murinai ai torea stadi gaudia be oi sibona emu stadi karaia totona. Gima Kohorona edia amo ai abia hereva haida edia rau bona paragraf namba ai torea lasi.]

Henuna hereva oi gwauraia Momokani eiava Koikoi:

1. Iehova ese Baibel lalonai idia torea hereva ta ta ia gwauraia lasi. (2 Tim. 3:​16) [1, w97 6/15 rau 5 par. 3] Momokani.

2. Edia natuna be ma haida ese idia naria dainai, Iehova vairanai tama sina be mai edia maduna lasi. [9, fl rau 95 par. 31] Koikoi. Tama sina ese natudia idia havaraia bona unai dainai Dirava vairanai idia be mai edia maduna edia natuna naria dalana dekenai.

3. Kara dika be “iduara dekenai ia naria noho” dainai, Kaino be dala lasi kara dika bada ia dadaraia totona. (Gen. 4:7) [4, Wiki ta ta ena Baibel duahiduahi; w94 6/15 rau 14 par. 11 itaia.] Koikoi. Iehova ia gwau bamona, kara dika be ia naria noho, Kaino do ia hadarerea totona; namona be Kaino ese ena ura dikana do ia koua bona ia hadarerea, to ia koua lasi dainai unai ese ena lalona ia biagua.

4. Natuna ia bada ia lao neganai, maoromaoro ia dekenai gwaumaoro idia henia be namo iena dabua bona moale karadia ia abia hidi totona. [12, fl rau 108 par. 23] Koikoi. Ena be tamana ese natuna ena ura gaudia ia laloa, namona be ia itaia natuna ese Baibel ena hakaua herevadia maorodia ia badinaia, bona sibona ena namo bona ma haida edia namo ia hadikaia lasi.

5. Ita ura iseda Havaraia Tauna ita hamoalea dainai, unai ese ita ia doria nega ibounai hereva momokani ita gwauraia. (Aon. 6:​17) [12, w97 5/15 rau 21] Momokani.

6. Ita guriguri neganai, ‘iseda uduna ena hereva bona iseda kudouna ena laloa be do idia namo Iehova vairanai’ totona, namona be hereva idauidau eiava hereva badadia ita gaukaralaia. (Sal. 19:14) [8, w97 7/1 rau 29 par. 4-5] Koikoi. Iehova be iseda hereva idauidau eiava hereva badadia dekenai ia hoa lasi; ena be hereva badadia ita gaukaralaia lasi to iseda kudouna lalonai ita mamia gaudia be mai hemataurai ida ita gurigurilaia neganai, Iehova ia moale.

7. Genese 26:5 lalonai Iehova ena hereva, sisiba, bona taravatu ia herevalaidia neganai, unai be Taravatu Gwauhamatana ia herevalaia. [11, Wiki ta ta ena Baibel duahiduahi; w92 7/1 rau 10 par. 8 itaia.] Koikoi. Taravatu gwauhamatana ia do vara lasi; idia be bese kwaradia edia nega lalonai idia badinaia Iehova ena taravatu badadia.

8. Luka 8:48 ai, Iesu ia gwau “oiemu abidadama ese oi ia hanamoa” ena anina be gorere hahinena ese ena abidadama Iesu be Mesia do ia gwauraia hedinarai guna, bena gabeai Iesu ese do ia hanamoa. [13, w97 7/1 rau 4 par. 2-4] Koikoi. Unai siri ese ia herevalaia hahinena be Iesu ese ia do hanamoa lasi neganai, ia be Iesu dekenai gau ta ia hereva lasi; Iesu dekenai ia lao Iesu ese ia do ia hanamoa totona, ese ia hahedinaraia ia abia dae Iesu be Mesia.

9. Elda taudia amo heduru eiava sisiba oi noia be manoka karana lasi, to ia hahedinaraia oi diba oi be goevadae lasi bona ta ena heduru oi abia be namo. [5, w97 3/1 rau 28 par. 4 itaia.] Momokani.

10. Ena be reana Daina ese gwaumaoro ia henia lasi, to Sekema ese ia hadikaia karana dekenai Daina be mai ena kerere danu. (Gen. 34:​1, 2) [13, Wiki ta ta ena Baibel duahiduahi; w85-E 6/15 rau 31 par. 4 itaia.] Momokani. Ia ura matabodaga taudia, guna idia ese iena tubuna hahine, Sara bona Rebeka, idia ura hadikaia taudia bogaragidiai ia loaloa dainai, ia be sibona unai kerere lalonai ia atoa.

Henuna henanadai oi haerelaidia:

11. Genese 3:​1-5 lalonai Satani ena hereva ena anina be dahaka? [3, Wiki ta ta ena Baibel duahiduahi; w95 7/15 rau 5 par. 2 itaia.] Ia gwau, Dirava be dala dikana ai ia lohia badina ia ese Adamu bona Heva amo gau namona ta ia hunia; bema Dirava ese ia taravatua au huahua idia ania, Dirava ena siahu henuna amo do idia siri. (Unai bamona hereva ia hegeregere)

12. Apokalupo 19:15 ai, Iesu ena uduna amo ia lasi “tuari kaia ta mai matana” be dahaka ia laulaulaia? [2, Wiki ta ta ena Baibel duahiduahi; w91 1/1 rau 4 par. 4 itaia.] Ia ese Keriso ena siahu ia laulaulaia, ia be mai ena maoro Dirava ena Basileia idia abia dae lasi taudia ibounai ia hadikadia ore totona. (Apok. 1:​16; 2:​16)

13. Dahaka dava bada gaudia amo Keristani taudia ese Iehova idia hanamoa? [16, w97 11/1 rau 27 par. 2] Iseda dava bada gaudia be iseda mauri, iseda nega, iseda aonega, iseda goada, bona danu iseda kohu. (Unai bamona hereva be hegeregere)

14. Aberahamo ese edena dala amo Iehova ena ladana dekenai ia boiboi? (Gen. 12:​8, NW) [6, Wiki ta ta ena Baibel duahiduahi; w90 3/1 rau 19 par. 9 itaia.] Aberahamo ese iena Dirava ena ladana, Iehova, ia harorolaia iena ruma bese bona Kanana taudia dekenai. (Gen. 14:22-​24)

15. Iehova ese Paulo ia hamaoroa: “Lauegu hariharibada be oi dekenai ia hegeregere momokani vadaeni” neganai, iena hereva ena anina be dahaka? (2 Kor 12:9) [7, w97 6/1 rau 25 par. 2] Reana Iehova ese Paulo ia hadibaia iena hahediba tauna ai ia lao hahenamona be “hegeregere momokani vadaeni” bona unai hahenamo ia henia neganai, hoa dalanai ena mauri hekwakwanaidia do ia kokia lasi.

16. Dahaka ese Lota ena adavana ia veria dainai ia giroa, bena damena nadina ai ia lao? (Gen. 19:26) [8, Wiki ta ta ena Baibel duahiduahi; w91 1/1 rau 18 par. 10 itaia.] Ia ese ena ruma bona kohu Sodoma dekenai ia ura henia bada. (Luka 17:31, 32)

17. Keristani taudia edia lalohadai be dahaka taunimanima idia henaoa gaudia hoia karana dekenai? (Eso. 22:1; Ier. 17:11) [7, Wiki ta ta ena Baibel duahiduahi; w92 6/15 rau 30 par. 3; rau 31 par. 1, 7 itaia.] Bema idia diba unai kohu be henaoa gauna, unai kohu idia hoia lasi.

18. Genese 33:18 ena hereva bamona, Iakobo be edena bamona ia hahedinaraia ia ura lasi Kanana taudia do ia bamodia? [13, Wiki ta ta ena Baibel duahiduahi; w95 9/15 rau 21 par. 5 itaia.] Ena kamepa be Sekema hanuana murimurina ai ia haginia bona sibona ena ranu guri ia karaia. (Ioa. 4:​6, 12)

19. Iosepa ena kara Genese 37:13 dekenai be edena bamona Iesu ena kara ida ia hegeregere? [14, Wiki ta ta ena Baibel duahiduahi; w87-E 5/1 rau 12 par. 12 itaia.] Ena be iena tadikaka ese idia badu henia, to iena tamana ese ia noia do ia lao ena tadikaka edia noho ia namo eiava lasi do ia itaia neganai, ia lao sibona; unai hegeregerena, Iesu be Iehova ese ia henia gaukara tanobada dekenai ia abia dae, ena be anina be hisihisi bada do ia ania.

20. Badina be dahaka ita sibona eda stadi karana namona ita badinaia be mai anina bada? [6, w97 4/15 rau 31 par. 4] Tauanina ena aniani ita ania hegeregerena, namona be do ita ura momokani iseda lalona bona kudouna be Dirava ena diba amo ita hahonua, unai amo hahemauri do ita davaria.

Henuna herevadia dekenai idia torea lasi herevadia oi torea:

21. Bema oi laloa ma ta be ura dikana dainai ia kara, to emu lalohadai be mai ena badina lasi, ia be hegeregere ma ta oi hahemaoro henia vadaeni. [4, w97 5/15 rau 26 par. 5]

22. Ita diba Genese bukana be Dirava ena Hereva ena kahana ta, badina Genese bukana ena hereva ta ese ena hereva ma haida ia hakoikoia lasi, bona ena hereva be Dirava ena lauma amo idia torea Baibel buka oreadia edia hereva amo ia idau lasi. [3, si Jan. 18 par. 8]

23. Natudia oi hadibaia neganai, mai anina bada gauna be hereva ta oi gwauraia neganai, karana oi karaia danu. [14, fl rau 113 par. 31]

24. Diba maoromaoro abia be Dirava ia badinaia lalona ena havaraia karana badana ta. [9, w97 8/1 rau 4 par. 5]

25. Kara kerere ripotilaia karana be Dirava dekenai, kongregesen dekenai, bona ia kara kerere tauna dekenai lalokau korikori hahedinaraia karana. [15, w97 8/15 rau 30 par. 1]

Henuna herevadia dekenai haere maorona oi abia hidi:

26. Gau badana be, (natuna ia lalokau henia, iena hahine ena hemami, Dirava ese unai maduna be tamana dekenai ia henia dainai,) tamana be tauanina dalanai bona lauma dalanai iena natudia do ia naria. [11, fl rau 102 par. 12]

27. Genese 7:​6, 11 ia hahedinaraia lagani (2970; 2370; 2020) B.C.E. ai, “tanobada dekenai abata ia daekau.” [5, Wiki ta ta ena Baibel duahiduahi; w97 3/1 rau 12 par. 12 itaia.]

28. Ioane 8:32 ai, Iesu be (Roma ena lohia siahuna; gari ia havaraia hereva kavakavadia; kara dika bona mase) amo ruhaia karana ia gwauraia. [10, w97 2/1 rau 5 par. 1]

29. Genese 22:18 be nega ginigabena ia guguru neganai, garana ena anina be (Isako; Israela taudia; Iesu bona 144,000). [9, Wiki ta ta ena Baibel duahiduahi; w98 2/1 rau 14 par. 8.]

30. (Mose ena Taravatu ia badinaia; Ia dekenai Dirava be ia noho momokani bona ia ura lasi ia habadua; panisi ia abia garina ia gari) dainai, Iosepa ese matabodaga ena hedibagani ia dadaraia. (Gen. 39:9) [15, Wiki ta ta ena Baibel duahiduahi; w81-E 2/15 rau 7 par. 2 itaia.]

Henuna herevadia dekenai haere maorona oi abia hidi:

Deut. 6:​6, 7; Mar. 3:25; Luka 6:38; Ef. 5:​19; 2 Tim. 3:16

31. Namona be tama bona sina idia herevahereva hebou dahaka sisiba do idia henia edia natudia dekenai, unai amo natudia do idia diba tamana bona sinana be sisiba henia karana dekenai idia lalo-tamona. [Mar. 3:25] [12, fl rau 107 par. 20]

32. Tama sina ese nega namodia ibounai idia gaukaralaia be namo natudia dekenai Havaraia Tauna bona lauma gaudia idia hadibaia totona. [Deut. 6:6, 7] [16, fl rau 120 par. 13]

33. Kongregesen lalonai ane abia karana ia namo ia lao totona, namona be iseda lalona do idia maoro. [Ef. 5:​19] [11, w97 2/1 rau 27 par. 3]

34. Mauri hanaihanai do ita davaria totona, ita ese Dirava ena Hereva, Baibel, ena hahediba herevadia ita lalo-pararalaia be namo. [2 Tim. 3:​16] [14, w97 8/15 rau 6 par. 5]

35. Tama sina ese edia natudia maragidia dekenai lalokau idia hahedinaraia neganai, mai anina bada gauna ta idia hadibaia, unai be lalokau idia hahedinaraia neganai lalokau do idia davaria. [Luka 6:38] [10, fl rau 101 par. 9]