စံးထီၣ်ပတြၢၤ
လံာ်အဆိကတၢၢ်တဘ့ၣ်
(စံးထီၣ်ပတြၢၤ ၁–၄၁)
၁ ပှၤလၢအတတူၢ်လိာ် ပှၤအၢပှၤသီ အတၢ်ဟ့ၣ်ကူၣ်ဘၣ်,
တဆၢထၢၣ်လၢ ပှၤတၢ်ဒဲးဘးဖိ အကျဲဘၣ်+
၂ အဝဲဘၣ်သူၣ်ဘၣ်သး ယဟိဝၤယွၤ အတၢ်သိၣ်တၢ်သီ+
ဒီးအဝဲဖးဝဲ ဒီးဆိကမိၣ်ထံဝဲ* ကစၢ်ယွၤ အတၢ်သိၣ်တၢ်သီ လၢမုၢ်ဆါခီ ဒီးလၢမုၢ်နၤခီလီၤ.+
၃ အဝဲကလီၤဂာ် ဒ်သ့ၣ်တထူၣ်လၢ ဘၣ်တၢ်သူၣ်လီၤအီၤလၢ ထံကျိဖိတဖၣ်အနံၤ,
သ့ၣ်တထူၣ်လၢ အသၣ်ထီၣ်လၢ အဆၢကတီၢ်ဒၣ်ဝဲ
လၢအလၣ် တလီၤညွံး လီၤဘဲဘၣ်လီၤ.
ဒီးတၢ်လၢအမၤဝဲခဲလၢာ်န့ၣ် ကကဲထီၣ်လိၣ်ထီၣ်လီၤ.+
၄ မ့မ့ၢ် ပှၤအၢပှၤသီန့ၣ် တမ့ၢ်ဒ်န့ၣ်ဘၣ်.
အဝဲသ့ၣ်န့ၣ် လီၤဂာ်ဒ် ဖ့လၢ ကလံၤအူဒံကွံာ်အီၤ အသိးလီၤ.
၅ အဃိ ဖဲတၢ်စံၣ်ညီၣ်တုၤအခါ ပှၤအၢပှၤသီ တပူၤဖျဲးဘၣ်.+
ဒီးပှၤတၢ်ဒဲးဘးဖိ တဆဲးအိၣ်လၢ ပှၤတီပှၤလိၤ အတၢ်အိၣ်ဖှိၣ် အကျါဘၣ်.+
၆ ယဟိဝၤယွၤ ပာ်လုၢ်ပာ်ပှ့ၤဝဲ ပှၤတီပှၤလိၤ အတၢ်အိၣ်မူအကျဲ+
မ့မ့ၢ် ပှၤအၢပှၤသီ အတၢ်အိၣ်မူအကျဲန့ၣ် ကကတၢၢ်ကွံာ်ဝဲလီၤ.+
၂ ဟီၣ်ခိၣ်အစီၤပၤတဖၣ် ဆၢထၢၣ် ကတဲာ်ကတီၤ ပာ်စၢၤအသး
ဒီးပဒိၣ်တဖၣ် အိၣ်ဖှိၣ်ဝဲတပူၤဃီ+
၃ ပှၤတဖၣ်န့ၣ်တဲဝဲလၢ “ကဲ, ပကမၤတဲာ်ကွံာ် အဝဲသ့ၣ် အထးသွဲတဖၣ်
ဒီးတၢၤကွံာ် အဝဲသ့ၣ် အပျံၤတဖၣ်ဟီ.”
၄ ယဟိဝၤယွၤ လၢအဆ့ၣ်နီၤလၢ လီၢ်ပစိာ်အဖီခိၣ်န့ၣ် ကနံၤဝဲ
ဒီးအဝဲကဒုၣ်ဒွဲၣ် အဝဲသ့ၣ်လီၤ.
၅ ဖဲန့ၣ်အခါ ကစၢ်ယွၤ ကတဲတၢ်ဒီးအဝဲသ့ၣ်လၢ တၢ်သးထီၣ်အပူၤ
ဒီးမၤပျံၤအဝဲသ့ၣ်လၢ အတၢ်သူၣ်ဒိၣ်သးဖျိးအပူၤလီၤ.
၇ ယကတဲဖျါထီၣ် တၢ်လၢယဟိဝၤယွၤ တဲဝဲလီၤ.
၈ ဃ့ယၤ ဒီးယကဟ့ၣ်နၤ ပှၤကလုာ်တဖၣ် ဒ်နတၢ်န့ၢ်သါအသိး
ဒီးဟီၣ်ခိၣ်ဒီတဖျၢၣ် ဒ်နတၢ်စုလီၢ်ခီၣ်ခိၣ် အသိးလီၤ.+
၁၀ သုဝဲစီၤပၤသ့ၣ်ဧၢ, ပာ်ဖျါထီၣ် သုတၢ်သူၣ်ဆးသးဆးတက့ၢ်.
ဒီးသုဝဲလၢ အစံၣ်ညီၣ်တၢ်လၢ ဟီၣ်ခိၣ်ချၢသ့ၣ်ဧၢ, တူၢ်လိာ် တၢ်ဟ့ၣ်ပလီၢ်တက့ၢ်.
၁၁ မၤယဟိဝၤယွၤ အတၢ်မၤလၢ တၢ်ပျံၤယွၤအပူၤ,
ဒီးသူၣ်ခုသးခု ဒီးကနိးကစုာ်လၢ အမဲာ်ညါတက့ၢ်.
၁၂ ယူးယီၣ်ဖိခွါတက့ၢ်,+ မ့တမ့ၢ်ဘၣ်န့ၣ် ကစၢ်ယွၤ ကသးဒိၣ်ထီၣ်တၢ်,
မ့ၢ်လၢ အသးထီၣ်တၢ် သတူၢ်ကလာ်သ့ဝဲအဃိ
သုကသံကွံာ်လီၤ.+
ပှၤလၢ အသန့ၤအသးလၢယွၤန့ၣ် ကသးခုဝဲ ကိးဂၤဒဲးလီၤ.
စီၤဒၤဝံးအထါ ဖဲအဝဲဃ့ၢ်ပူၤဖျဲးအသးလၢ အဖိခွါ စီၤအးဘၡါလိၣ် အစုပူၤအခါ.+
၃ အိ ယဟိဝၤယွၤဧၢ, ဘၣ်မနုၤအဃိ ယဒုၣ်ယဒါတဖၣ် အါထီၣ်ထဲအံၤညါလဲၣ်.+
ဘၣ်မနုၤအဃိ ပှၤအါဒံအါဂၤ အဲၣ်ဒိးထီဒါယၤလဲၣ်.+
၃ ဘၣ်ဆၣ် ယဟိဝၤယွၤဧၢ, နမ့ၢ်ကတီၤတဘ့ၣ်လၢ အအိၣ်ဝးတရံးယၤ,+
၄ ယကကိးထီၣ် ယဟိဝၤယွၤလၢ ယကလုၢ်ဒိၣ်ဒိၣ်
ဒီးအဝဲကစံးဆၢယၤလၢ အကစၢၢ်စီဆှံအလိၤလီၤ.+ (စ့လၤ)
၅ ယကမံနီၤ ဒီးမံယဲလီၤ.
ဒီးယကပၢၢ်ထီၣ်ဘၣ် ပူၤပူၤဖျဲးဖျဲး
မ့ၢ်လၢ ယဟိဝၤယွၤ ဆဲးမၤစၢၤယၤအဃိလီၤ.+
၆ ပှၤအကလးတဖၣ် ရဲၣ်လီၤအသး လၢယကပၤဝးဝး
ဒ်သိးကထီဒါယၤ သနာ်က့ ယတပျံၤအဝဲသ့ၣ်ဘၣ်.+
၇ အိ ယဟိဝၤယွၤဧၢ, ဂဲၤဆၢထၢၣ်တက့ၢ်. အိ ယကစၢ်ယွၤဧၢ, မၤပူၤဖျဲးယၤတက့ၢ်.+
နကထိ ယဒုၣ်ယဒါတဖၣ် အခၣ်
ဒီးပှၤအၢပှၤသီတဖၣ် အမဲန့ၣ် နကမၤကၢ်ကွံာ်အီၤလီၤ.+
၈ တၢ်မၤပူၤဖျဲးန့ၣ် ဟဲလၢ ယဟိဝၤယွၤလီၤ.+
နတၢ်ဆိၣ်ဂ့ၤလီၤဘၣ်လၢ နပှၤဂီၢ်မုၢ်အလိၤလီၤ. (စ့လၤ)
လၢတၢ်သူၣ်ဝံၣ်သးဆၢအခိၣ်အဂီၢ်, ဒ့အီၤဃုာ်ဒီးသီတူၢ်တဖၣ်. စီၤဒၤဝံးအထါ.
၄ တၢ်တီတၢ်လိၤကစၢ်ဧၢ,+ ဖဲယကိးထီၣ်နၤအခါ စံးဆၢယၤတက့ၢ်.
ဖဲယဘၣ်ကီဘၣ်ခဲအခါ မၤဟိထီၣ်န့ၢ်ယၤ ကျဲလၢ ယကပူၤဖျဲး အဂီၢ်တက့ၢ်.*
သးကညီၤယၤဒီး ဒိကနၣ် ယတၢ်ထုကဖၣ်တက့ၢ်.
၂ သုဝဲ ပှၤဟီၣ်ခိၣ်ဖိတဖၣ်န့ၣ် သုကမၤဟးဂီၤ ယလၤကပီၤ ယံာ်ဒံးထဲလဲၣ်.
သုကအဲၣ်တၢ်လၢ အဘျုးတအိၣ်ဘၣ် ဒီးလူၤဃုတၢ်လံၣ်တၢ်လီ ယံာ်ဒံးထဲလဲၣ်. (စ့လၤ)
၃ သ့ၣ်ညါလၢ ယဟိဝၤယွၤ ပာ်လီၤဆီဝဲ ပှၤလၢအတီဒီးအီၤတက့ၢ်.*
ဖဲယကိးထီၣ် ယဟိဝၤယွၤအခါ အဝဲကနၢ်ဟူဝဲလီၤ.
၄ သုမ့ၢ်သးဒိၣ်ထီၣ်တၢ် သနာ်က့ တဘၣ်မၤတၢ်ဒဲးဘးတဂ့ၤ.+
ဖဲသုအိၣ်လၢ သုလီၢ်မံခိၣ်အခါ ဆိကမိၣ်ထံလၢသုသးပူၤ ဒီးအိၣ်ဘှ့ၣ်တက့ၢ်. (စ့လၤ)
၅ လုၢ်ထီၣ် တၢ်လုၢ်အတီအလိၤတဖၣ်
ဒီးနာ်န့ၢ် ယဟိဝၤယွၤတက့ၢ်.+
၆ ပှၤအါဂၤ တဲဝဲလၢ “မတဂၤ ကဒုးနဲၣ်ပှၤ တၢ်အဂ့ၤတမံၤမံၤလဲၣ်.”
အိ ယဟိဝၤယွၤဧၢ, မ်နပာ်ဖျါထီၣ် တၢ်သးကညီၤလၢ ပဖီခိၣ်တက့ၢ်.+
၇ နမၤသးခုယသး ဒိၣ်န့ၢ်ဒံး
ပှၤလၢအကူးဘုန့ၢ် အါအါဂီၢ်ဂီၢ် ဒီးအစပံးထံသီ အိၣ်ဝဲအါအါဂီၢ်ဂီၢ်လီၤ.
၈ ယကမံနီၤဒီး မံယဲ မုာ်မုာ် ခုၣ်ခုၣ်လီၤ.+
အိ ယဟိဝၤယွၤဧၢ, နမ့ၢ်ပှၤထဲတဂၤလၢ အဒုးအိၣ်ယၤ ဘံၣ်ဘံၣ် ဘၢဘၢလီၤ.+
လၢတၢ်သူၣ်ဝံၣ်သးဆၢအခိၣ်, လၢ နံၤဟ့လိၢ်* အဂီၢ်. စီၤဒၤဝံးအထါ.
၅ အိ ယဟိဝၤယွၤဧၢ, ဒိကနၣ် တၢ်လၢယတဲ+
ဒီးပာ်သူၣ်ပာ်သး ယတၢ်သူၣ်လီၤဘှံးသးလီၤတီၤတက့ၢ်.
၂ အိ ယစီၤပၤ ဒီးယကစၢ်ယွၤဧၢ, ယဃ့ထုကဖၣ်လၢနအိၣ် အဃိ,
ဒိကနၣ်ဘၣ် ယတၢ်ကိးပသူထီၣ်လၢ တၢ်မၤစၢၤအဂီၢ်တက့ၢ်.
၃ အိ ယဟိဝၤယွၤဧၢ, လၢဂီၤခီန့ၣ် နကနၢ်ဟူယကလုၢ်+
ဒီးလၢဂီၤခီန့ၣ် ယကတဲဖျါထီၣ် ယတၢ်ဘၣ်ယိၣ်လၢနအိၣ်+ ဒီးယကခိးကွၢ်လၢ် နတၢ်စံးဆၢလီၤ.
၄ နတမ့ၢ် ကစၢ်ယွၤလၢ အဘၣ်သူၣ်ဘၣ်သး တၢ်အၢတၢ်သီဘၣ်.+
ပှၤအၢပှၤသီန့ၣ် တအိၣ်ဒီးနၤ နီတဂၤဘၣ်.+
၅ ပှၤလၢ အပာ်ကဖၢလၢအသးန့ၣ် တဆၢထၢၣ်ဘၣ်လၢ နမဲာ်ညါဘၣ်.
နသးဟ့ ကယဲၢ်ပှၤလၢ အမၤတၢ်အၢတၢ်သီလီၤ.+
၆ နကမၤဟးဂီၤ ပှၤလၢ အတဲလံၣ်တဲလီတၢ်တဖၣ်လီၤ.+
ယဟိဝၤယွၤ သးဘၣ်အၢဝဲ ပှၤလၢအမၤဆူၣ်မၤစိးတၢ် ဒီးပှၤလၢအတဲတၢ် တတီတလိၤဘၣ်လီၤ.+
၇ မ့မ့ၢ်ယၤန့ၣ် ခီဖျိလၢ နတၢ်အဲၣ်လၢအတီ အိၣ်အါဝဲအဃိ+ ယကလဲၤနုာ်လီၤလၢ နဟံၣ်ပူၤလီၤ.+
ယကဃၣ်ယမဲာ်လၢ နတၢ်လုၢ်ဟံၣ်စီဆှံအအိၣ် ဒီးဘူၣ်ထီၣ်ဘါထီၣ်နၤ လၢတၢ်ပျံၤဒီး တၢ်ယူးယီၣ်ပာ်ကဲ အပူၤလီၤ.+
၈ အိ ယဟိဝၤယွၤဧၢ, ယဒုၣ်ယဒါ အိၣ်အါမးအဃိ ဆှၢယၤလၢ နကျဲမ့ၢ် ကျဲတီ အပူၤတက့ၢ်.
မၤစၢၤယၤ ဒ်သိး ယကလဲၤဘၣ်လၢ နကျဲအပူၤ ဘျ့ဘျ့ဆှီဆှီတက့ၢ်.+
၉ တၢ်လၢ အဝဲသ့ၣ် တဲဝဲတဖၣ်န့ၣ် ပှၤနာ်န့ၢ် တသ့နီတမံၤဘၣ်.
လၢအဝဲသ့ၣ် အသးပူၤန့ၣ် အိၣ်ထဲ တၢ်အၢတၢ်သီ,
အဝဲသ့ၣ် အကိာ်ယူၢ်ဘိန့ၣ် လီၤဂာ်ဒ်သိးဒီး တၢ်သွၣ်ခိၣ်လၢ အအိၣ် အိးထီၣ်အသး
ဒီးအဝဲသ့ၣ်အပျ့ၤတဖၣ် ပတြၢၤတၢ်လၢ တၢ်သးတဘျၢဘၣ်အပူၤလီၤ.+
၁၀ ဘၣ်ဆၣ် ကစၢ်ယွၤ ကပာ်တၢ်ကမၣ်လၢ အဝဲသ့ၣ်အလိၤလီၤ.
အဝဲသ့ၣ် ကလီၤဃံၢ်က့ၤလၢ အနီၢ်ကစၢ်ဒၣ်ဝဲ အတၢ်ကူၣ်အၢအပူၤလီၤ.+
ခီဖျိလၢ အဝဲသ့ၣ် ထီဒါက့ၤနၤ
ဒီးအတၢ်ကမၣ် အိၣ်အါမးအဃိ နီဟးထီၣ်ကွံာ် အဝဲသ့ၣ်တက့ၢ်.
၁၁ မ့မ့ၢ် ကယဲၢ်ပှၤလၢ အဃုတၢ်ဒီသဒၢလၢ နအိၣ်န့ၣ် ကသးခုဝဲ,+
အဝဲသ့ၣ် ကကိးပသူထီၣ်လၢ တၢ်သးခုအပူၤထီဘိလီၤ.
နကတြီပှၤလၢ အအဲၣ်ဒိး မၤဘၣ်ဒိအဝဲသ့ၣ်,
ဒီးပှၤလၢအအဲၣ်နမံၤန့ၣ် ကသူၣ်ဖှံ သးညီလၢ နပူၤလီၤ.
၁၂ အိ ယဟိဝၤယွၤဧၢ, နကဆိၣ်ဂ့ၤပှၤလၢ အတီအလိၤလီၤ.
နဘၣ်သူၣ်ဘၣ်သး အဝဲသ့ၣ်န့ၣ် လီၤဂာ်ဒ် ကတီၤဖးဒိၣ်တဘ့ၣ်လၢ အကဟုကယာ် အဝဲသ့ၣ်လီၤ.+
လၢတၢ်သူၣ်ဝံၣ်သးဆၢအခိၣ်အဂီၢ်, ဒ့အီၤဃုာ်ဒီးသီတူၢ် ဒ်ၡမံနံး* အသီၣ်အိၣ်ဝဲ အသိး. စီၤဒၤဝံးအထါ.
၆ အိ ယဟိဝၤယွၤဧၢ, တဘၣ်သိၣ်က့ၤယၤလၢ တၢ်သးထီၣ် အပူၤတဂ့ၤ.
ဒီးတဘၣ် ဘှီဘၣ်ထီၣ်က့ၤယၤလၢ တၢ်သးဒိၣ်ထီၣ်အပူၤတဂ့ၤ.+
၂ အိ ယဟိဝၤယွၤဧၢ, ယဂံၢ်ယဘါလီၤစၢ်လံ အဃိ သးကညီၤယၤတက့ၢ်.
အိ ယဟိဝၤယွၤဧၢ, ယပျံၤတၢ်တုၤလၢ ယဃံကနိးလံ အဃိ ဟ့ၣ်ယၤတၢ်ဂံၢ်တၢ်ဘါတက့ၢ်.+
၄ အိ ယဟိဝၤယွၤဧၢ, ဟဲမၤပူၤဖျဲး ယၤတက့ၢ်.+
ခီဖျိလၢ နတၢ်အဲၣ်လၢအတီအဃိ အုၣ်က့ၤခီၣ်က့ၤယၤတက့ၢ်.+
၆ ယသးအုးတုၤလၢ ယလီၤဘှံး လၢာ်လံ,+
ယဘၣ်ဟီၣ်ဒီတနၤကျၢၤအဃိ ယလီၢ်မံဘၣ်စီၣ်လၢ ယမဲာ်ထံမဲာ်နိလၢာ်လံ.
ဒီးခီဖျိလၢ ယဟီၣ်အဃိ ယလီၢ်ဆ့ၣ်နီၤကပုာ် ဘၣ်စီၣ်ဒီဖျၢၣ်ညါလံ.+
၇ လၢယတၢ်သူၣ်အုးသးအုးအဃိ ယမဲာ်ချံ အဂံၢ်စၢ်လီၤဝဲ+
ဒီးလၢယဒုၣ်ယဒါတဖၣ်အဃိ ယမဲာ်ချံကဒုထီၣ်လံ.
၈ ပှၤလၢအမၤ တၢ်အၢတၢ်သီသ့ၣ်ဧၢ, ဟးယံၤကွံာ်ဒီးယၤတက့ၢ်.
ယတၢ်ဟီၣ်တၢ်ယၢၤန့ၣ် ယဟိဝၤယွၤ ကနၢ်ဟူဝဲလီၤ.+
၉ ယတၢ်ဃ့ကညးလၢ တၢ်သးကညီၤအဂီၢ်န့ၣ် ယဟိဝၤယွၤ ကနၢ်ဟူဝဲ+
ဒီးယတၢ်ဃ့ထုကဖၣ်န့ၣ် ယဟိဝၤယွၤ ကတူၢ်လိာ်ဝဲလီၤ.
၁၀ မ့မ့ၢ် ယဒုၣ်ယဒါခဲလၢာ်န့ၣ် ကမဲာ်ဆှး ဒီးပျံၤတၢ်ဖုးတၢ်လီၤ.
လၢတၢ်မဲာ်ဆှးအပူၤ အဝဲသ့ၣ် ကဂုၤက့ၤအလီၢ်ခံ သတူၢ်ကလာ်လီၤ.+
စီၤဒၤဝံး အထါဟီၣ်လၢ အသးဝံၣ်ဝဲလၢ ယဟိဝၤယွၤအအိၣ် ဘၣ်ဃးဒီး ပှၤဘံၣ်ယၤ မံၣ်ဖိ စီၤကူၤၡး အတၢ်ကတိၤ.
၇ အိ ယကစၢ်ယဟိဝၤယွၤဧၢ, ယဃုတၢ်အိၣ်သဒၢအလီၢ်လၢ နအိၣ်လီၤ.+
အုၣ်က့ၤခီၣ်က့ၤယၤလၢ ပှၤလၢ အမၤနးမၤဖှီၣ်ယၤတဖၣ် အစုပူၤ ဒီးမၤပူၤဖျဲးယၤတက့ၢ်.+
၂ နမ့ၢ်တမၤပူၤဖျဲးယၤဘၣ်န့ၣ် အဝဲသ့ၣ်ကအ့ၣ်ဖှီယၤ ဒ်ခ့ယုၢ် အ့ၣ်ဖှီတၢ်အသိး+
ဒီးကက့ၤတွံၢ်တရူာ်ယၤ ဒီးပှၤလၢအကမၤပူၤမၤဖျဲးယၤန့ၣ် တအိၣ်ဘၣ်.
၃ အိ ယဟိဝၤယွၤဧၢ, ယမ့ၢ်မၤကမၣ်ဘၣ် တၢ်တမံၤအံၤ,
ယမ့ၢ်မၤတ့ၢ် တၢ်တတီတလိၤဘၣ်,
၄ ယမ့ၢ်မၤအၢဘၣ် ပှၤတဂၤလၢ အမၤဂ့ၤယၤ+
မ့တမ့ၢ် ယမ့ၢ်ဟးဂုာ်န့ၢ်ကြီ ယဒုၣ်ယဒါအတၢ်န့ၣ်
၅ ပျဲဒုၣ်ဒါတဂၤ လူၤယၤဒီး ချုးန့ၢ်ယၤတက့ၢ်.
၆ အိ ယဟိဝၤယွၤဧၢ, ဂဲၤဆၢထၢၣ်လၢ တၢ်သးထီၣ်အပူၤ,
ဆၢထၢၣ်တြီဆၢ ယဒုၣ်ယဒါတဖၣ် အတၢ်သးဒိၣ်ထီၣ်ယၤတက့ၢ်.+
ပၢၢ်ထီၣ်ဒီး ဟ့ၣ်လီၤတၢ်ကလုၢ်လၢ ပှၤကစံၣ်ညီၣ်န့ၢ်တၢ်လၢ ယဂီၢ်တီတီတက့ၢ်.+
၇ မ်ပှၤကလုာ်တဖၣ် အိၣ်ဖှိၣ် ဝးတရံးနၤ
ဒီးမ်နထီဒါ အဝဲသ့ၣ်လၢ နလီၢ်ထီၣ်ထီန့ၣ်တက့ၢ်.
၈ ယဟိဝၤယွၤ ကစံၣ်ညီၣ် ပှၤကလုာ်တဖၣ်လီၤ.+
အိ ယဟိဝၤယွၤဧၢ, စံၣ်ညီၣ်န့ၢ်တၢ်လၢယဂီၢ် ဒ်ယတၢ်တီတၢ်လိၤ အိၣ်ဝဲအသိး
ဒီးဒ်ယတၢ်သးတီ အိၣ်ဝဲ အသိးတက့ၢ်.+
၉ နမ့ၢ်ကစၢ်ယွၤလၢ အတီအလိၤတဂၤ+ လၢအသမံသမိးပှၤသး+ ဒီးပှၤတၢ်ဆိကမိၣ်လၢ အဒိၣ်အယိာ် ဒီးပှၤတၢ်တူၢ်ဘၣ်တဖၣ်လီၤ.*+
အဃိ ဝံသးစူၤ မၤကတၢၢ်ကွံာ် ပှၤအၢပှၤသီ အတၢ်မၤတဖၣ်,
မ့မ့ၢ် ပှၤတီပှၤလိၤန့ၣ် ဒုးအိၣ်ဂၢၢ်ဆိးကျၢၤအီၤတက့ၢ်.+
၁၀ ကစၢ်ယွၤ မ့ၢ်ယကတီၤ+ ဒီးအအုၣ်က့ၤခီၣ်က့ၤ ပှၤလၢ အသူၣ်ဘျၢသးဘျၢလီၤ.+
၁၁ ကစၢ်ယွၤ မ့ၢ်စံၣ်ညီၣ်ကွီၢ် လၢ အတီအလိၤ+
ဒီးကစၢ်ယွၤ ဘိးဘၣ်သ့ၣ်ညါလီၤ အတၢ်စံၣ်ညီၣ်တဖၣ် ကိးနံၤဒဲးလီၤ.
၁၂ ပှၤတဂၤဂ့ၤတဂၤဂ့ၤ မ့ၢ်တပီၢ်ယၢ်လီၤက့ၤအသးဘၣ်န့ၣ်+ ကစၢ်ယွၤ ကျ့အ့ၣ်ထီၣ်အနးလီၤ.+
ဒီးအဝဲဖ့ၣ်ထီၣ် အချံၣ်လၢ ကပညိၣ်ဝဲအဂီၢ်လီၤ.+
၁၃ အဝဲကတဲာ်ကတီၤထီၣ် အစုကဝဲၤတဖၣ်လၢ အမၤသံတၢ်သ့
ဒီးပညိၣ်ထီၣ်ဝဲ အပျၢ်မ့ၣ်အူ တဖၣ်လီၤ.+
၁၄ ကွၢ်ထံၣ်, ပှၤလၢအဒၢထီၣ်ဒီး တၢ်အၢတၢ်သီတဂၤန့ၣ်
အဝဲဒၢထီၣ်ဝဲတၢ်ကီတၢ်ခဲ ဒီးအိၣ်ဖျဲၣ်ထီၣ်ဝဲ တၢ်လံၣ်တၢ်လီလီၤ.+
၁၅ အဝဲခူၣ်လီၤတၢ်ပူၤတပူၤ ဒီးခူၣ်လီၤဝဲ ယိာ်ယိာ်လီၤ.
ဘၣ်ဆၣ် အနီၢ်ကစၢ် လီၤတဲာ်ကွံာ်လၢ တၢ်ပူၤလၢ အခူၣ်လီၤဝဲလီၤ.+
၁၆ တၢ်ကီတၢ်ခဲလၢ အဒုးအိၣ်ထီၣ်ဝဲန့ၣ် ကက့ၤဘၣ်ကဒါက့ၤ အနီၢ်ကစၢ်+
ဒီးအတၢ်မၤဆူၣ်မၤစိးန့ၣ် ကမၤဘၣ်ဒိက့ၤအီၤလီၤ.
၁၇ ယကစံးထီၣ်ပတြၢၤ ယဟိဝၤယွၤ ခီဖျိ အစံၣ်ညီၣ်တၢ်တီတီအဃိ+
လၢတၢ်သူၣ်ဝံၣ်သးဆၢအခိၣ်အဂီၢ်, ဒ်ကၤသး* အသီၣ် အိၣ်ဝဲအသိး. စီၤဒၤဝံးအထါ.
၈ အိ ပကစၢ် ယဟိဝၤယွၤဧၢ, နမံၤန့ၣ် လီၤကဟုကညီၢ်ဒိၣ်မးလၢ ဟီၣ်ခိၣ်ဒီဘ့ၣ်ညါလီၤ.
နတၢ်လၤတၢ်ကပီၤန့ၣ် ဒိၣ်န့ၢ်ထီန့ၢ် မူခိၣ်ဒံးလီၤ.+
၂ လၢနဒုၣ်နဒါတဖၣ်အဃိ နပာ်ဖျါထီၣ် နဂံၢ်နဘါခီဖျိ
တၢ်ကတိၤတဖၣ်လၢ အဟဲထီၣ်လၢဖိသၣ် ဒီးဖိသၣ်အီနုၢ်တဖၣ် အထးခိၣ်+
ဒ်သိး နကမၤဘှ့ၣ် ပှၤသူၣ်အၢသးသီလၢ အထီဒါနၤတဖၣ်အဂီၢ်လီၤ.
၃ ဖဲယကွၢ်ထီၣ်မူခိၣ် လၢနတ့လီၤအီၤ
ဒီးလါဒီးဆၣ်တဖၣ်လၢ အမ့ၢ်နစု အတၢ်ဘၣ်တ့တဖၣ်အခါ+
၄ ယဆိကမိၣ်ထီၣ်လၢ ပှၤဟီၣ်ခိၣ်ဖိ မ့ၢ်တၢ်မနုၤလၢ နကသ့ၣ်နီၣ် အီၤလဲၣ်
ဒီးပှၤကညီဖိခွါ မ့ၢ်တၢ်မနုၤလၢ နကကွၢ်ထွဲအီၤအဂီၢ်လဲၣ်.+
၅ နဒုးကဲထီၣ်အီၤလၢ အပတီၢ်ဖုၣ်န့ၢ်ဒံး မူခိၣ်ကလူးတဖၣ်တစဲး
ဒီးနဟ့ၣ်လီၤအီၤလၢ တၢ်လၤကပီၤဒီး တၢ်ကဟုကညီၢ်လီၤ.
၆ ဒီးနပာ်ထီၣ်အီၤလၢ နစုတၢ်ဘၣ်တ့တဖၣ် အဖီခိၣ်လီၤ.+
ဒီးနပာ်လီၤ တၢ်ခဲလၢာ်လၢ အခီၣ် အဖီလာ်,
၇ သိ, မဲာ်တဲးလဲး ဒီးကျီၢ်ခဲလၢာ်,
၈ ဒီးထိၣ်လၢအယူၤလၢ တၢ်ဖးဖီ, ညၣ်လၢအအိၣ်လၢ ပီၣ်လဲၣ်ပူၤ
ဒီးတၢ်ခဲလၢာ်လၢ အဟူးအဂဲၤလၢ ပီၣ်လဲၣ်ပူၤလီၤ.
၉ အိ ပကစၢ် ယဟိဝၤယွၤဧၢ, နမံၤန့ၣ် လီၤကဟုကညီၢ်ဒိၣ်မးလၢ ဟီၣ်ခိၣ်ဒီဘ့ၣ်ညါလီၤ.
လၢတၢ်သူၣ်ဝံၣ်သးဆၢအခိၣ်အဂီၢ်, ဒ် မူသးလံးဘ့ၣ်* အသီၣ်အိၣ်ဝဲအသိး. စီၤဒၤဝံးအထါ.
א *
၉ အိ ယဟိဝၤယွၤဧၢ, ယကစံးထီၣ်ပတြၢၤနၤလၢ ယသးဒီဖျၢၣ်ညါ
ဒီးယကတဲဘၣ်ဃးဒီး နတၢ်မၤလၢ အလီၤလိၢ်လီၤလး ခဲလၢာ်လီၤ.+
၂ ယကသူၣ်ခုသးခု ဒီးသူၣ်ဖှံသးညီ လၢနပူၤလီၤ.
အိ တၢ်ထီကတၢၢ်ဧၢ, ယကသးဝံၣ် စံးထီၣ်ပတြၢၤနမံၤလီၤ.+
ב
၃ ဖဲယဒုၣ်ယဒါတဖၣ် ဂုၤက့ၤလီၢ်ခံအခါ+
အဝဲသ့ၣ်ကလီၤဃံၢ် ဒီးကဟးဂီၤလၢ နမဲာ်ညါလီၤ.
၄ နစံၣ်ညီၣ်န့ၢ်တၢ်လၢ ယဂီၢ်တီတီလံ.
နဆ့ၣ်နီၤလၢ နလီၢ်ပစိာ်အဖီခိၣ် ဒီး စံၣ်ညီၣ်တၢ် တီတီလိၤလိၤလီၤ.+
ג
၅ နသိၣ်ဃီၣ် ပှၤကလုာ်တဖၣ်+ ဒီးမၤဟးဂီၤ ပှၤအၢပှၤသီလံ.
နထူးသံကွံာ် အဝဲသ့ၣ်အမံၤ အစိၤစိၤအဃၣ်ဃၣ် လီၤထူလီၤယိာ်လီၤ.
၆ ဒုၣ်ဒါတဖၣ် ဟးဂီၤကွံာ်ဝဲ အစိၤစိၤအဃၣ်ဃၣ်လံ.
နထဲးထီၣ်ကွံာ် အဝဲသ့ၣ်အဝ့ၢ်တဖၣ်
ဒီးပှၤတသ့ၣ်နီၣ်ထီၣ်က့ၤ အဝဲသ့ၣ် နီတစဲးလၢၤဘၣ်.+
ה
၇ မ့မ့ၢ် ယဟိဝၤယွၤန့ၣ် ဆ့ၣ်နီၤဝဲလၢ အလီၢ်ပစိာ် လီၤထူလီၤယိာ်+
ဒီးအဝဲဆီလီၤ အလီၢ်ပစိာ်လၢ တၢ်စံၣ်ညီၣ်တီအဂီၢ်လံ.+
၈ အဝဲကစံၣ်ညီၣ် ဟီၣ်ခိၣ်လၢ တၢ်တီတၢ်လိၤအပူၤ+
ဒီးကစံၣ်ညီၣ် ဆၢတဲာ်တၢ်လၢ ပှၤကလုာ်တဖၣ်အဂီၢ် တီတီလိၤလိၤလီၤ.+
ו
၉ လၢပှၤလၢ အဘၣ်တၢ်ဆီၣ်တံၢ် မၤနၢၤအီၤတဖၣ် အဂီၢ်န့ၣ် ယဟိဝၤယွၤ ကကဲထီၣ် တၢ်အိၣ်တဒၢအလီၢ် လၢအကျၢၤလီၤ.+
ဒီးဖဲတၢ်ကိၢ်တၢ်ဂီၤ အဆၢကတီၢ်န့ၣ် အဝဲကကဲထီၣ် တၢ်အိၣ်တဒၢအလီၢ် လၢအကျၢၤလီၤ.+
၁၀ ပှၤလၢအသ့ၣ်ညါနမံၤန့ၣ် ကသန့ၤအသးလၢနၤလီၤ.+
အိ ယဟိဝၤယွၤဧၢ, ပှၤလၢအဃုနၤန့ၣ် နတပာ်တ့ၢ်အဝဲသ့ၣ် နီတဘျီဘၣ်.+
ז
၁၁ ယဟိဝၤယွၤ လၢအအိၣ်လၢ စံယိၣ်န့ၣ် သးဝံၣ်စံးထီၣ်ပတြၢၤ အီၤတက့ၢ်.
တဲဖျါထီၣ် အတၢ်မၤတဖၣ်လၢ ပှၤဟီၣ်ခိၣ်ဖိအကျါတက့ၢ်.+
၁၂ ပှၤလၢအဘၣ် တၢ်မၤနးမၤဖှီၣ်အီၤ အတၢ်ကိးပသူထီၣ်န့ၣ် ကစၢ်ယွၤ တသးပ့ၤနီၣ်ဘၣ်.+
ကစၢ်ယွၤ ကသ့ၣ်နီၣ်ထီၣ်က့ၤ အဝဲသ့ၣ် ဒီးကဟ့ၣ်ကၣ်က့ၤ ပှၤလၢအလူလီၤအဝဲသ့ၣ် အသွံၣ်လီၤ.+
ח
၁၃ အိ ယဟိဝၤယွၤဧၢ, နမ့ၢ်ပှၤလၢ အထုးထီၣ်ကွံာ်ယၤလၢ တၢ်သံအတြဲၤတဖၣ်လီၤ.+
သးကညီၤယၤ ဒီးကွၢ်လီၤ ယတၢ်နးတၢ်ဖှီၣ်လၢ ယတူၢ်ဘၣ်ခီဖျိ ပှၤလၢအသးဟ့ယၤအဃိ,
၁၄ ဒ်သိးယကတဲဖျါထီၣ် နတၢ်မၤလၢ အလီၤစံးပတြၢၤတဖၣ် လၢ စံယိၣ်အဖိမုၣ် အတြဲၤတဖၣ် အခီၣ်ထံး+
ဒီးကသူၣ်ဖှံသးညီလၢ နတၢ်အုၣ်က့ၤခီၣ်က့ၤ အဃိတက့ၢ်.+
ט
၁၅ ပှၤကလုာ်တဖၣ် လီၤတဲာ်ကွံာ်လၢ တၢ်ပူၤလၢ အဝဲသ့ၣ်ခူၣ်လီၤဝဲ
ဒီးထု* လၢအဝဲသ့ၣ် ဒိးလီၤဝဲန့ၣ် က့ၤဘၣ်ဘျးကဒါက့ၤ အနီၢ်ကစၢ်အခီၣ်လီၤ.+
၁၆ ပှၤသ့ၣ်ညါ ယဟိဝၤယွၤ ခီဖျိလၢ အတၢ်စံၣ်ညီၣ်တဖၣ်အဃိလီၤ.+
ပှၤအၢပှၤသီ ဘၣ်ဘျးက့ၤလၢ အ ပျံၤသကွီၤလၢ အမၤဝဲလၢ အ နီၢ်ကစၢ်အစုလီၤ.+
ဟံၣ်ကယိၣ်.* (စ့လၤ)
י
၁၇ ပှၤအၢပှၤသီ ဒီးပှၤကလုာ်ခဲလၢာ်လၢ အသးပ့ၤနီၣ်ကစၢ်ယွၤန့ၣ်
ကလဲၤလၢ တၢ်သွၣ်ခိၣ်လီၤ.*
၁၈ ပှၤဖှီၣ်ဖိယာ်ဖိန့ၣ် ကစၢ်ယွၤ တသးပ့ၤနီၣ် အဝဲသ့ၣ်ဘၣ်.+
ဒီးပှၤလၢအသးစူၤစ့ၢ်ကီး အတၢ်မုၢ်လၢ်တဟးဂီၤ နီတဘျီဘၣ်.+
כ
၁၉ အိ ယဟိဝၤယွၤဧၢ, ဂဲၤဆၢထၢၣ်တက့ၢ်. ပျဲပှၤဟီၣ်ခိၣ်ဖိတဖၣ် မၤနၢၤတၢ်တဂ့ၤ.
မ်ပှၤကလုာ်တဖၣ် ဘၣ်တၢ်စံၣ်ညီၣ်အီၤလၢ နမဲာ်ညါတက့ၢ်.+
၂၀ အိ ယဟိဝၤယွၤဧၢ, ဒုးလီၤဘၣ်အဝဲသ့ၣ်လၢ တၢ်ပျံၤတၢ်ဖုးတက့ၢ်.+
မ်ပှၤကလုာ်တဖၣ် သ့ၣ်ညါလၢ အဝဲသ့ၣ် မ့ၢ်ဒၣ်ထဲ ပှၤဟီၣ်ခိၣ်ဖိ န့ၣ်တက့ၢ်. (စ့လၤ)
ל
၁၀ အိ ယဟိဝၤယွၤဧၢ, ဘၣ်မနုၤအဃိ နဆၢထၢၣ်လၢ အယံၤလဲၣ်.
ဖဲပဘၣ်ကိၢ်ဘၣ်ဂီၤ အဆၢကတီၢ် ဘၣ်မနုၤအဃိ နအိၣ်ခူသူၣ်လဲၣ်.+
၂ ပှၤအၢပှၤသီ ပာ်ကဖၢလၢအသးဒီး လူၤဆီၣ်တံၢ်မၤနၢၤ ပှၤဖှီၣ်ဖိယာ်ဖိ,+
ဘၣ်ဆၣ် အတၢ်ကူၣ်ထီၣ်ဖးလီၤလၢ အကူၣ်ထီၣ်တ့ၢ်ဝဲန့ၣ် ကဘၣ်က့ၤ အနီၢ်ကစၢ်လီၤ.+
၃ ပှၤအၢပှၤသီ ပတြၢၤလီၤအသးလၢ အတၢ်သူၣ်လီသးကွံ လၢအအၢတဖၣ်အဃိ+
ဒီးအဆိၣ်ဂ့ၤပှၤလၢ အသးကွံတၢ်တဖၣ်လီၤ.
נ
အဝဲတပာ်ကဲ ယဟိဝၤယွၤဘၣ်.
၄ ပှၤအၢပှၤသီ ပာ်ထီၣ်ထီအသးအဃိ အတဃု ကစၢ်ယွၤဘၣ်.
ဒီးအဆိကမိၣ်ဝဲ ထီဘိလၢ “ကစၢ်ယွၤ တအိၣ်ဘၣ်.”+
အဝဲဒုၣ်ဒွဲၣ် အဒုၣ်အဒါ ခဲလၢာ်လီၤ.
פ
၇ အကိာ်ပူၤန့ၣ် ပှဲၤဝဲဒီး တၢ်ဆိၣ်အၢ, တၢ်လံၣ်တၢ်လီ ဒီးတၢ်တဲပျံၤ တဲဖုးလီၤ.+
ဒီးအပျ့ၤန့ၣ် ဒုးအိၣ်ထီၣ် တၢ်ကီတၢ်ခဲ ဒီးတၢ်ဘၣ်ဒိဘၣ်ထံးလီၤ.+
၈ အဝဲခိးခူသူၣ်တၢ် လၢသဝီတဖၣ် အကပိာ်ကပၤ,
ဖဲအအိၣ်ခိးခူသူၣ်တၢ်အလီၢ်န့ၣ် အမၤသံပှၤလၢ အတၢ်ကမၣ် တအိၣ်ဘၣ်.+
ע
အမဲာ်ဃုကွၢ်တၢ် ဒ်သိးကဖီၣ်န့ၢ် ပှၤတဂၤဂၤလီၤ.+
၉ အဝဲအိၣ်ခိးဝဲလၢ အတၢ်အိၣ်ခူသူၣ်အလီၢ် ဒ်ခ့ယုၢ်လၢ တပှီာ်ကျါအသိး,+
အအိၣ်ခိးဝဲဒ်သိးကဖီၣ်န့ၢ် ပှၤဖှီၣ်ဖိယာ်ဖိ
ဒီးဖီၣ်န့ၢ်ဝဲလၢ အပျံၤသကွီၤလီၤ.+
၁၀ ဒီးပှၤလၢအဖီၣ်န့ၢ်ဝဲန့ၣ် အမၤသဘှံးဝဲ ဒီးဆီၣ်လီၤဝဲ
ဒီးပှၤလၢအဂံၢ်စၢ်တဖၣ်န့ၣ် လီၤဝဲလၢ ပှၤအၢပှၤသီတဂၤန့ၣ် အစုပူၤလီၤ.
၁၁ အဝဲတဲလီၤအသးလၢ “ကစၢ်ယွၤ သးပ့ၤနီၣ်ဝဲလံ.+
အဃၣ်ဒူၣ်ချၢအသးလံ.
အတပာ်သူၣ်ပာ်သးဝဲ နီတဘျီဘၣ်.”+
ק
၁၂ အိ ယဟိဝၤယွၤဧၢ, ဂဲၤဆၢထၢၣ်ဟီ.+ အိ ကစၢ်ယွၤဧၢ, ပာ်ဖျါထီၣ် နစိနကမီၤသၢၤ.+
တဘၣ်သးပ့ၤနီၣ် ပှၤဖှီၣ်ဖိယာ်ဖိတဖၣ်တဂ့ၤ.+
၁၃ ဘၣ်မနုၤအဃိ ပှၤအၢပှၤသီ တပာ်ကဲ ကစၢ်ယွၤဘၣ်လဲၣ်.
ပှၤအၢပှၤသီ တဲလီၤအသးလၢ “ကစၢ်ယွၤ တဟံးန့ၢ်ယၤ အရ့ဘၣ်.”
ר
၁၄ ဘၣ်ဆၣ် နထံၣ်လီၤ တၢ်ကီတၢ်ခဲ ဒီးတၢ်ကိၢ်တၢ်ဂီၤတဖၣ်လီၤ.
နကွၢ်လီၤတၢ် ဒီးနပာ်ဖျါထီၣ် နတၢ်စိတၢ်ကမီၤလီၤ.+
ש
၁၅ ဖဲနဃု ပှၤတတီတလိၤ ဒီးပှၤအၢပှၤသီ အတၢ်အၢတၢ်သီအခါ+
ဒ်သိးနသုတထံၣ်န့ၢ် အတၢ်အၢတၢ်သီလၢၤတဂ့ၤအဂီၢ်
မၤကၢ်ကွံာ် အစုတက့ၢ်.
၁၆ ယဟိဝၤယွၤ မ့ၢ်စီၤပၤ လီၤထူ လီၤယိာ်လီၤ.+
ပှၤကလုာ်တဖၣ် ဟးဂီၤကွံာ်လၢ ဟီၣ်ခိၣ်လံ.+
ת
၁၇ အိ ယဟိဝၤယွၤဧၢ, မ့မ့ၢ် ပှၤလၢအဆီၣ်လီၤသးန့ၣ် နကနၢ်ဟူ အတၢ်ဃ့ကညးလီၤ.+
နကမၤဆူၣ်ထီၣ် အဝဲသ့ၣ်အသး+ ဒီးဒိကနၣ်အဝဲသ့ၣ် လီၤတံၢ် လီၤဆဲးလီၤ.+
၁၈ နကစံၣ်ညီၣ်န့ၢ်တၢ်လၢ ပှၤဖိၣ်ဃဲဖိ ဒီးပှၤလၢအဘၣ် တၢ်မၤသဘှံးအီၤတဖၣ်အဂီၢ် တီတီလိၤလိၤ+
ဒ်သိး ပှၤဟီၣ်ခိၣ်ဖိလၢ ဟီၣ်ခိၣ်ချၢ သုတမၤပျံၤအဝဲသ့ၣ် လၢၤတဂ့ၤအဂီၢ်လီၤ.+
စီၤဒၤဝံးအထါ. တၢ်ဟံးစုနဲၣ်ကျဲလၢ တၢ်သူၣ်ဝံၣ်သးဆၢအခိၣ်အဂီၢ်.
၁၁ ယဃု တၢ်အိၣ်သဒၢအလီၢ်လၢ ယဟိဝၤယွၤ အအိၣ်လီၤ.+
အဃိ သုတဘၣ် တဲယၤလၢ
“ယူၤကွံာ်ဒ်ထိၣ်အသိး ဆူကစၢၢ်သၢၤ.
၂ ကွၢ်, ပှၤအၢပှၤသီ ဖ့ၣ်ထီၣ်အချံၣ်,
ပညိၣ်ထီၣ်အပျၢ်ခိၣ်လၢ ချံၣ်အလိၤ
ဒီးအကခးဝဲ ပှၤလၢအသူၣ်ဘျၢသးဘျၢတဖၣ် လၢတၢ်ခံးကျါလီၤ.
အမဲာ်ချံထံၣ်တၢ် ကိးမံၤဒဲး ဒီးအမဲာ်ချံ ကွၢ်ဝဲပှၤကညီဖိခွါတဖၣ် လီၤတံၢ်လီၤဆဲးလီၤ.+
၅ ပှၤတီပှၤလိၤမ့ၢ်ဂ့ၤ ပှၤအၢပှၤသီမ့ၢ်ဂ့ၤ ယဟိဝၤယွၤ သမံသမိးဝဲလီၤ.+
ပှၤတဂၤဂ့ၤ တဂၤဂ့ၤလၢ အအဲၣ်တၢ်မၤဆူၣ်မၤစိးန့ၣ် အဝဲသးဟ့ဝဲလီၤ.+
၇ ယဟိဝၤယွၤ မ့ၢ်ပှၤတီပှၤလိၤ+ ဒီးအဝဲအဲၣ်တၢ်မၤလၢ အတီ အလိၤလီၤ.+
ပှၤလၢအသူၣ်ဘျၢသးဘျၢန့ၣ် ကထံၣ်ဘၣ်အမဲာ်လီၤ.*+
လၢတၢ်သူၣ်ဝံၣ်သးဆၢ အခိၣ်အဂီၢ်, ဒ် ၡမံနံး* အသီၣ်အိၣ်ဝဲအသိး. စီၤဒၤဝံးအထါ.
၁၂ အိ ယဟိဝၤယွၤဧၢ, ပှၤလၢပှၤနာ်န့ၢ်အီၤသ့ တအိၣ်နီတဂၤလၢၤဘၣ် အဃိ အုၣ်က့ၤ ခီၣ်က့ၤယၤတက့ၢ်.
လၢပှၤဟီၣ်ခိၣ်ဖိအကျါန့ၣ် ပှၤလၢအသးတီ လီၤမၢ်ကွံာ်လၢာ်လံ.
၃ ယဟိဝၤယွၤ ကကျီတဲာ်ကွံာ် ပျုၤလၢ အတဲမုာ်နၢ်တၢ်
ဒီးပျ့ၤလၢ အတဲဂ့ၤလီၤအသးလီၤ.+
၄ အဝဲသ့ၣ်ကတဲဝဲလၢ “ပကမၤနၢၤတၢ်လၢ ပပျ့ၤလီၤ.
ပကသူပနိးဖံး ဖဲဒၣ်ပသး
ဒီးမတဂၤမး ကဲသရၣ်လၢ ပဖီခိၣ်တသ့ဘၣ်.”+
၅ ယဟိဝၤယွၤ တဲဝဲလၢ “မ့ၢ်လၢ ပှၤဘၣ်နးဘၣ်ဖှီၣ်တဖၣ်န့ၣ် ဘၣ်တၢ်ဆီၣ်တံၢ်မၤနၢၤအီၤ
ဒီးပှၤဖှီၣ်ဖိယာ်ဖိတဖၣ်န့ၣ် ဘၣ်ကအုကစွါအဃိ+
ယကဂဲၤဆၢထၢၣ် မၤပူၤဖျဲး အဝဲသ့ၣ်လီၤ.
ယကမၤပူၤဖျဲးအဝဲသ့ၣ်လၢ ပှၤလၢအရ့ဒီးအဝဲသ့ၣ် တတီတလိၤဘၣ်တဖၣ် အစုပူၤလီၤ.”
၆ ယဟိဝၤယွၤ အတၢ်ကတိၤတဖၣ်န့ၣ် စီဆှံဝဲ+
ဒီးအလီၤဂာ်ဒ် စ့ညၣ်လၢ ပှၤပှံၢ်စီအီၤလၢ ဖၣ်ကပူၤ နွံဘျီလီၤ.
၇ အိ ယဟိဝၤယွၤဧၢ, နကကဟုကယာ်အဝဲသ့ၣ်+
ဒီးနကဒီသဒၢအဝဲသ့ၣ် တဂၤစုာ်စုာ် လၢပှၤတစိၤအံၤအစုပူၤ အစိၤစိၤအဃၣ်ဃၣ်လီၤ.
၈ မ့ၢ်လၢ ပှၤဟီၣ်ခိၣ်ဖိတဖၣ် ဆီၣ်ထွဲ တၢ်သကဲာ်ပဝးလၢ အအၢအသီအဃိ
ပှၤအၢပှၤသီ ဟးမၤဖဲအသးလီၤ.+
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၁၃ အိ ယဟိဝၤယွၤဧၢ, နကသးပ့ၤနီၣ်ယၤ ယံာ်ဒံးထဲလဲၣ်. လီၤထူလီၤယိာ်လီၤဧါ.
နကဃၣ်ကွံာ်နမဲာ် လၢယအိၣ် ယံာ်ဒံးထဲလဲၣ်.+
၂ ယကဘၣ်အိၣ်ဒီး တၢ်ကိၢ်တၢ်ဂီၤ
ဒီးယကဘၣ်သးအုး ဒ်အံၤကိးနံၤဒဲးန့ၣ် ယံာ်ဒံးထဲလဲၣ်.
ယဒုၣ်ယဒါ ကမၤနၢၤယၤ ယံာ်ဒံးထဲလဲၣ်.+
၃ အိ ယကစၢ် ယဟိဝၤယွၤဧၢ, ကွၢ်လီၤယၤ ဒီးစံးဆၢယၤတက့ၢ်.
ဒ်သိးယသုတမံလၢ တၢ်သံအပူၤတဂ့ၤအဂီၢ် ဒုးကပီၤထီၣ် ယမဲာ်ချံတက့ၢ်.
၄ ဒီးဒ်သိး ယဒုၣ်ယဒါ သုတတဲလၢ အမၤနၢၤယၤလံ တဂ့ၤအဂီၢ်,
တဘၣ်ပျဲအဝဲသ့ၣ် သးခုလၢ ယၡူကွံာ်အဃိတဂ့ၤ.+
၆ ယဟိဝၤယွၤ မၤဂ့ၤယၤအါမးအဃိ ယကသးဝံၣ်ထီၣ် အီၤလီၤ.+
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
အဝဲသ့ၣ်မ့ၢ် ပှၤအၢပှၤသီ ဒီးအမၤတၢ်အၢအၢသီသီလီၤ.
ပှၤတမၤတၢ်ဂ့ၤ နီတဂၤဘၣ်.+
၂ ဘၣ်ဆၣ် ယဟိဝၤယွၤ အိၣ်လၢမူခိၣ် ဒီးကွၢ်လီၤဝဲ ပှၤဟီၣ်ခိၣ်ဖိ တဖၣ်လီၤ.
အဝဲဃုကွၢ်ဝဲ မ့ၢ်ပှၤလၢအအိၣ်ဒီး တၢ်သ့ၣ်ညါနၢ်ပၢၢ် ဒ်သိးကဃု ယဟိဝၤယွၤအဂီၢ်န့ၣ် အိၣ်တဂၤဂၤဧါ.+
၃ အဝဲသ့ၣ် ခဲလၢာ် ဃၣ်ကွံာ်အသးလံ.+
အဝဲသ့ၣ် ခဲလၢာ် ဟးဂီၤဝဲ ဒ်သိးသိးလီၤ.
ပှၤတမၤတၢ်ဂ့ၤ နီတဂၤဘၣ်,
တဂၤမးတအိၣ်ဘၣ်.
၄ ပှၤလၢအမၤတၢ်ကမၣ်တဖၣ် တနၢ်ပၢၢ်ဝဲ နီတဂၤဧီၤ.
အဝဲသ့ၣ် ယူၢ်လီၤယပှၤဂီၢ်မုၢ် ဒ်အအီၣ်ကိၣ်အသိးလီၤ.
အဝဲသ့ၣ် တဃ့ထုကဖၣ်တၢ် လၢယဟိဝၤယွၤ အအိၣ်ဘၣ်.
၆ ပှၤလၢအမၤတၢ်ကမၣ်သ့ၣ်ဧၢ, သုအဲၣ်ဒိးမၤဟးဂီၤ ပှၤလၢအပတီၢ်ဖုၣ် အတၢ်မုၢ်လၢ်လီၤ.
ဘၣ်ဆၣ် ယဟိဝၤယွၤမ့ၢ် အတၢ်အိၣ်တဒၢအလီၢ်လီၤ.+
၇ အိ မ်အံၣ်စရ့လး အတၢ်အုၣ်က့ၤခီၣ်က့ၤ အိၣ်ဟဲလၢ စံယိၣ်တက့ၢ်.+
ဖဲယဟိဝၤယွၤ ကိးဖှိၣ်က့ၤ အပှၤဂီၢ်မုၢ်လၢ အဘၣ်တၢ် က့ၤဖီၣ်အီၤအခါ,
မ်စီၤယၤကိာ် အစၢၤအသွဲၣ် သူၣ်ခုသးခု ဒီးမ်စီၤအံၣ်စရ့လး အစၢၤအသွဲၣ် သူၣ်ဖှံသးညီတက့ၢ်.
စီၤဒၤဝံးအထါ.
၁၅ အိ ယဟိဝၤယွၤဧၢ, မတဂၤ ကကဲ ပှၤတမှံၤလၢ နဒဲပူၤလဲၣ်.
မတဂၤ ကအိၣ်ဘၣ်လၢ နကစၢၢ်စီဆှံအလိၤလဲၣ်.+
ဒီးအတမၤဟးဂီၤ* အသကိးတဖၣ် အမံၤဘၣ်.+
၄ အဝဲတရ့ဒီး ပှၤလၢအလီၤသးဘၣ်အၢတဖၣ် နီတဂၤဘၣ်,+
ဘၣ်ဆၣ် အဝဲပာ်ကဲ ပှၤလၢအပျံၤ ယဟိဝၤယွၤလီၤ.
အတၢ်အၢၣ်လီၤ မ့ၢ်ကဲထီၣ်တၢ်ကီတၢ်ခဲလၢ အနီၢ်ကစၢ်အဂီၢ်သနာ်က့ အဝဲတမၤဟးဂီၤ အ တၢ်အၢၣ်လီၤဘၣ်.+
၅ အဝဲတဟ့ၣ်လိၢ်စ့လၢ ကဒိးန့ၢ်ဘၣ် စ့အ့ၣ်အဂီၢ်ဘၣ်,*+
အဝဲတတူၢ်လိာ် တၢ်ထီးကျိၣ်ထီးစ့ ဒ်သိးကထီဒါ ပှၤလၢအတၢ်ကမၣ်တအိၣ်ဘၣ်န့ၣ်ဘၣ်.+
ပှၤတဂၤဂ့ၤတဂၤဂ့ၤလၢ အမၤထွဲ တၢ်သ့ၣ်တဖၣ်အံၤန့ၣ် ကဆၢထၢၣ် ဂၢၢ်ဂၢၢ်ကျၢၤကျၢၤထီဘိလီၤ.+
စီၤဒၤဝံး အမံၣ်ထဲၤ.*
၁၆ အိ ကစၢ်ယွၤဧၢ, ယဃုတၢ်အိၣ်တဒၢအလီၢ်လၢ နအိၣ်အဃိ ဒီသဒၢယၤတက့ၢ်.+
၂ ယတဲဘၣ် ယဟိဝၤယွၤလၢ “နမ့ၢ် ယဟိဝၤယွၤ လၢအမ့ၢ် ယတၢ်ဂ့ၤတၢ်ဝါ အဂံၢ်ခီၣ်ထံးလီၤ.
၄ ပှၤလၢအလူၤဘၣ် ယွၤအဂၤတဖၣ်အသးန့ၣ် မၤအါထီၣ် အနီၢ်ကစၢ် တၢ်သးအုးလီၤ.+
ယတလူလီၤ တၢ်သွံၣ်လၢ ယွၤတဖၣ်န့ၣ်အအိၣ် ဒ်တၢ်လုၢ်အသိး နီတဘျီဘၣ်
ဒီးအဝဲသ့ၣ်အမံၤန့ၣ် တဟးထီၣ်လၢ ယကိာ်ပူၤဘၣ်.+
၆ တၢ်လီၢ်လၢ အမုာ်တဖၣ်န့ၣ် ဘၣ်တၢ်ထိၣ်န့ၢ် ဒွးန့ၢ်လၢယဂီၢ်လံ.
မ့ၢ်လီၤ, ယသးမံဒီး ယ တၢ်န့ၢ်သါလီၤ.+
၇ ယဟိဝၤယွၤ လၢအဟ့ၣ်ကူၣ်ယၤန့ၣ် ယကစံးထီၣ်ပတြၢၤအီၤလီၤ.+
လၢမုၢ်နၤခီ အဆၢကတီၢ်ဒၣ်လဲာ် ယတၢ်ဆိကမိၣ်လၢ အယိာ်န့ၣ်* ဘှီဘၣ်ထီၣ်ယၤလီၤ.+
၈ ယပာ် ယဟိဝၤယွၤလၢ ယမဲာ်ညါ ထီဘိလီၤ.+
အဝဲအိၣ်လၢ ယစုထွဲတခီအဃိ ယကဆၢထၢၣ် ဂၢၢ်ဂၢၢ်ကျၢၤကျၢၤ ထီဘိလီၤ.+
၉ အဃိ ယသးခု ဒီးယနီၢ်ခိ* ဒီတဂၤညါ သူၣ်ဖှံသးညီလီၤ.
ဒီးယအိၣ်ဘၣ် ဘံၣ်ဘံၣ်ဘၢဘၢလီၤ.
၁၀ နတပာ်တ့ၢ်ယၤလၢ တၢ်သွၣ်ခိၣ်* အပူၤဘၣ်.+
ပှၤလၢအတီဒီးနၤန့ၣ် နတပျဲလၢ အဝဲကထံၣ်ဘၣ်တၢ်ပူၤဘၣ်.*+
၁၁ နဒုးသ့ၣ်ညါယၤလၢ တၢ်မူ အကျဲလီၤ.+
လၢနမဲာ်ညါန့ၣ် တၢ်သးခု အိၣ်ဝဲ အါမးလီၤ.+
ဒီးလၢနစုထွဲတခီန့ၣ် တၢ်သူၣ်ဖှံသးညီ အိၣ်ဝဲ လီၤစိၤလီၤထီလီၤ.
စီၤဒၤဝံး အတၢ်ဃ့ထုကဖၣ်.
၁၇ အိ ယဟိဝၤယွၤဧၢ, မ်နနၢ်ဟူ ယတၢ်ဃ့ကညးလၢ တၢ်စံၣ်ညီၣ်တီအဂီၢ်တက့ၢ်.
ဒိကနၣ်ယတၢ်ကိးပသူထီၣ်လၢ တၢ်မၤစၢၤအဂီၢ်
ဒီးယတၢ်ဃ့ထုကဖၣ်လၢ ယဃ့လၢ တၢ်သးတီအပူၤန့ၣ် ဒိကနၣ်အီၤတက့ၢ်.+
၂ မ်နစံၣ်ညီၣ်န့ၢ်တၢ် လၢယဂီၢ် တီတီလိၤလိၤ+
ဒီးမ်နထံၣ် တၢ်လၢအဘၣ်တက့ၢ်.
ခါဆူညါစ့ၢ်ကီး နကထံၣ်ဘၣ်လၢ ယတကူၣ်ထီၣ် တၢ်အၢ နီတမံၤဘၣ်
ဒီးယတတဲကမၣ်တၢ်လၢ ယထးခိၣ်ဘၣ်.
၄ ပှၤဂၤတဖၣ် မၤဝဲဒ်လဲၣ်ဒ်လဲၣ် သနာ်က့
ယကမၤထွဲ ဒ်နတဲအသိးအဃိ ယတအိၣ်မူပိာ်ထွဲ ဒ်ပှၤတမျာ်တၢ်တဖၣ် အိၣ်မူဝဲအသိးဘၣ်.+
၅ ဒ်သိး ယခီၣ်သုတဘၣ်တိၢ်တဂ့ၤအဂီၢ်
မ်ယခီၣ်ခါအိၣ်လၢ နကျဲပူၤ ထီဘိတက့ၢ်.+
၆ အိ ကစၢ်ယွၤဧၢ, နကစံးဆၢယၤအဃိယကိးထီၣ်နၤလီၤ.+
ဒိးနနၢ်လၢယအိၣ်* ဒီးဒိကနၣ် ယတၢ်ကတိၤတဖၣ်တက့ၢ်.+
၇ ပှၤလၢအဃ့ၢ်ကွံာ်လၢ ပှၤလၢအထီဒါက့ၤနၤတဖၣ်အအိၣ်န့ၣ်
ဃုတၢ်အိၣ်သဒၢအလီၢ်လၢ နကပၤလီၤ.*
တၢ်အုၣ်က့ၤခီၣ်က့ၤ ကစၢ်ဧၢ, ပာ်ဖျါထီၣ် နတၢ်အဲၣ်လၢအတီ လၢကျဲလၢ အလီၤကမၢကမၣ်တက့ၢ်.+
၉ ဒီသဒၢယၤလၢ ပှၤအၢပှၤသီလၢ အထီဒါယၤ
ဒီးယဒုၣ်ယဒါလၢ အကဝီၤဃာ်ယၤဒီး အဲၣ်ဒိးမၤသံယၤန့ၣ်တက့ၢ်.+
၁၀ အဝဲသ့ၣ် အတၢ်ဒိသူၣ်ဒိသး တအိၣ်လၢၤဘၣ်*
ဒီးတဲတၢ်လၢ တၢ်ပာ်ကဖၢလၢသး အပူၤလီၤ.
၁၂ ဒုၣ်ဒါလီၤဂာ်ဒ် ခ့ယုၢ်လၢ အအိၣ်ခိး ခူသူၣ်တၢ်
ဒီးဒ်ခ့ယုၢ်လၢ အသးဆူၣ်လၢ အကအ့ၣ်ဖှီကွံာ် အဆၣ်တက့ဘၣ်တက့ အသိးလီၤ.
၁၃ အိ ယဟိဝၤယွၤဧၢ, ဂဲၤဆၢထၢၣ်ထီဒါအီၤ+ ဒီးမၤနၢၤအီၤတက့ၢ်.
သူနနး ဒီးမၤပူၤဖျဲးယၤ လၢပှၤအၢပှၤသီ အစုပူၤတက့ၢ်.
၁၄ အိ ယဟိဝၤယွၤဧၢ, သူနစုဒ်သိးနက မၤပူၤဖျဲးယၤလၢ
ပှၤဟီၣ်ခိၣ်ဖိတဖၣ်လၢ အဆိကမိၣ်ထဲ တၢ်အိၣ်မူလၢ ဆၢကတီၢ်ခဲအံၤတဖၣ် အစုပူၤတက့ၢ်.+
အဝဲသ့ၣ် မၤမံအသးလၢ တၢ်လၢအဂ့ၤလၢ နဟ့ၣ်လီၤတဖၣ်+
ဒီးဟ့ၣ်လီၤတၢ်န့ၢ်သါလၢ အဝဲသ့ၣ်အဖိခွါလၢ အအိၣ်ဝဲအါဂၤလီၤ.
၁၅ မ့မ့ၢ်ယၤန့ၣ် ယမၤတၢ်တီတၢ်လိၤ အဃိ ယကဒိးန့ၢ်ဘၣ် နတၢ်ဘၣ်သးလီၤ.*
ဖဲယပၢၢ်ထီၣ်အခါ ယသ့ၣ်ညါလၢ နအိၣ်ဒီးယၤအဃိ ယသူၣ်မံသးမုာ် ယဲလီၤ.+
လၢတၢ်သူၣ်ဝံၣ်သးဆၢအခိၣ်အဂီၢ်. ယဟိဝၤယွၤ အခ့အပှၤ စီၤဒၤဝံး ထုးထီၣ်ထါသးဝံၣ် တယုၢ် အံၤလီၤ. ဖဲယဟိဝၤယွၤ မၤပူၤဖျဲး စီၤ ဒၤဝံးလၢ အဒုၣ်အဒါခဲလၢာ် ပၣ်ဃုာ်ဒီး စီၤစီလူး အစုပူၤဝံၤအလီၢ်ခံ စီၤဒၤဝံး သးဝံၣ်ထီၣ် တၢ်လၢ ယဟိဝၤယွၤ အအိၣ်ဒ်အံၤ,+
၁၈ အိ ယဟိဝၤယွၤဧၢ, နမ့ၢ်ယဂံၢ်ယဘါ ဒီးယအဲၣ်နၤလီၤ.+
၂ ယဟိဝၤယွၤ မ့ၢ်ယလၢၢ်, ယတၢ်အိၣ်သဒၢအလီၢ် ဒီးမ့ၢ်ပှၤလၢ အမၤပူၤဖျဲးယၤလီၤ.+
ယကစၢ်ယွၤ မ့ၢ်ယလၢၢ်ယလ့+ လၢယကအိၣ်သဒၢ ယသးအဂီၢ်,
ယကတီၤ, ယတၢ်အုၣ်က့ၤခီၣ်က့ၤအနၢၤ ဒီးယတၢ်အိၣ်သဒၢအလီၢ် လၢအကျၢၤလီၤ.+
၃ ယဟိဝၤယွၤလၢ အကြၢးဒိးန့ၢ်ဘၣ် တၢ်စံးထီၣ်ပတြၢၤန့ၣ် ယ ကိးထီၣ်အီၤ,
ဒီးယကပူၤဖျဲးလၢ ယဒုၣ်ယဒါတဖၣ် အစုပူၤလီၤ.+
၄ တၢ်သံအပျံၤတဖၣ် ဘံပးယၤ+
ဒီးပှၤပိာ်ခွါလၢ အလုၢ်အပှ့ၤတအိၣ်ဘၣ် လၢအလီၤဂာ်ဒ်သိး ထံဒိၣ်ထီၣ် သတူၢ်ကလာ်န့ၣ် မၤပျံၤ မၤဖုးယၤလီၤ.+
၆ ဖဲယဘၣ်ကိၢ်ဘၣ်ဂီၤအခါ ယကိးထီၣ် ယဟိဝၤယွၤ,
ယဆဲးကိးပသူထီၣ် လၢတၢ်မၤစၢၤအဂီၢ် လၢယကစၢ်ယွၤ အအိၣ်လီၤ.
၈ မ့ၣ်အူခုၣ် ဟးထီၣ်လၢ အနါဒ့အပူၤ,
မ့ၣ်အူအီၣ်တၢ် ဟးထီၣ်လၢ အကိာ်ပူၤ,+
မ့ၣ်အူအ့ၣ်လၢ အကဲၤတဖၣ် ဟးထီၣ်လၢအအိၣ်လီၤ.
၁၀ အဝဲဒိးဝဲခ့ရူာ် ဒီးဟဲယူၤဝဲလီၤ.+
ဒီးအဝဲအိၣ်လၢ မူခိၣ်ကလူးအဒံးတဖၣ် အဖီခိၣ် ဒီးဟဲယူၤဝဲ ချ့ချ့လီၤ.+
၁၂ လၢတၢ်ကပီၤလၢ အအိၣ်လၢ အမဲာ်ညါအကျါန့ၣ်
သူၣ်ဒီးမ့ၣ်အူအ့ၣ် ဟဲဖျိးထီၣ်လၢ တၢ်အၢၣ်အကျါလီၤ.
၁၃ ဒီးယဟိဝၤယွၤ ဒုးသီၣ်ထီၣ် လီလၢမူခိၣ်+
ဒီးတၢ်ထီကတၢၢ်တဂၤ မၤသီၣ်ထီၣ်အကလုၢ်+
ဃုာ်ဒီး သူၣ်ဒီးမ့ၣ်အူအ့ၣ်လီၤ.
၁၄ အဝဲခးဝဲအပျၢ်တဖၣ် ဒီးမၤလီၤပြံ လီၤပြါ အဒုၣ်အဒါ,+
အဝဲမၤကပီၤထီၣ် အလီဝၢ်ဒံး ဒီးမၤဘံဘူ အဒုၣ်အဒါတဖၣ် အတၢ်ဆိကမိၣ်လီၤ.+
၁၅ အိ ယဟိဝၤယွၤဧၢ, ခီဖျိလၢ နတၢ်သိၣ်က့ၤသီက့ၤ
ဒီးနကသါလီၤ ကလံၤလၢ နနါဒ့အဃိ+
ထံကျိ အခံဒးအိၣ်ဖျါထီၣ်+ ဒီးခိခိၣ်အခီၣ်ထံး အိၣ်ဖျါထီၣ်ဝဲလီၤ.
၁၆ အဝဲအိၣ်လၢ တၢ်လီၢ်ထီၣ်ထီဒီး ယူာ်လီၤအစု,
အဝဲဟံးန့ၢ်ယၤ ဒီးထုးထီၣ်ယၤလၢ ထံယိာ်အပူၤလီၤ.+
၁၇ အဝဲမၤပူၤဖျဲးယၤလၢ ယဒုၣ်ယဒါလၢ အဂံၢ်ဆူၣ်ဘါဆူၣ်,+
ပှၤလၢအသးဟ့ယၤ ဒီးပှၤလၢ အဂံၢ်ဆူၣ်န့ၢ်ဒံးယၤ အစုပူၤလီၤ.+
၁၈ ဖဲယဘၣ်နးဘၣ်ဖှီၣ်အခါ အဝဲသ့ၣ်ဟဲသဂၢၢ်ယၤ+
ဘၣ်ဆၣ် ယဟိဝၤယွၤ မ့ၢ်ပှၤလၢ အမၤစၢၤယၤလီၤ.
၁၉ အဝဲထုးထီၣ်ယၤ ဒီးပာ်လီၤယၤလၢ တၢ်လီၢ်လၢ အအိၣ်ဒီး တၢ်ဘံၣ်တၢ်ဘၢ,
အဝဲမၤပူၤဖျဲးယၤ မ့ၢ်လၢ အဘၣ်သူၣ်ဘၣ်သးယၤအဃိလီၤ.+
၂၁ ယမၤထွဲ ယဟိဝၤယွၤ အတၢ်မၤလိာ်ထီဘိ,
ယတမၤ တၢ်အၢတၢ်သီ ခီဖျိပာ်တ့ၢ်ကွံာ် ယကစၢ်ယွၤဘၣ်.
၂၂ အတၢ်မၤလိာ်ခဲလၢာ်န့ၣ် အိၣ်ဝဲလၢ ယမဲာ်ညါ
ဒီးယကပာ်ကဲ အတၢ်သိၣ်တၢ်သီ ခဲလၢာ်လီၤ.
၂၅ ပှၤလၢအတီဒီးနၤန့ၣ် နတီဒီးအီၤ,+
ပှၤပိာ်ခွါလၢ ပှၤပာ်ဒ့ၣ်ပာ်ကမၣ်အီၤအလီၢ် တအိၣ်ဘၣ်န့ၣ် နတပာ်တ့ၢ်အီၤဘၣ်.+
၂၈ အိ ယဟိဝၤယွၤဧၢ, နမ့ၢ်ပှၤလၢ အမၤကပီၤထီၣ် ယမ့ၣ်အူဒၢ,
တၢ်ခံးလၢ အအိၣ် ဝးတရံးယၤန့ၣ် ယကစၢ်ယွၤ မၤကပီၤထီၣ်အီၤလီၤ.+
၃၀ တၢ်လၢယွၤလၢအမ့ၢ်အတီတဂၤ မၤဝဲခဲလၢာ်န့ၣ် လၢဝဲပှဲၤဝဲ,+
ယဟိဝၤယွၤ အတၢ်ကတိၤန့ၣ် စီဆှံဝဲလီၤ.*+
အဝဲမ့ၢ်ကတီၤတဘ့ၣ်လၢ ပှၤလၢအသန့ၤအသးလၢအီၤ ကိးဂၤဒဲး အဂီၢ်လီၤ.+
၃၃ အဝဲဒုးဃ့ၢ်ယၤဒ် တၤဟိအသိး,
အဝဲဒုးဆၢထၢၣ်ယၤလၢ တၢ်လီၢ်လၢ အထီၣ်ထီတဖၣ်အလိၤ ကျၢၤကျၢၤလီၤ.+
၃၄ အဝဲသိၣ်လိနဲၣ်လိယၤ လၢ တၢ်ဒုးအဂီၢ်
ဒီးယဘိးက့ၣ်ချံၣ်တိၢ်ဘီ န့ၢ်ဝဲလီၤ.
၃၅ နဟ့ၣ်ယၤ နတၢ်အုၣ်က့ၤခီၣ်က့ၤ အကတီၤ,+
နစုထွဲ ဆီၣ်ထွဲ* ယၤ
ဒီးလၢနတၢ်ဆီၣ်လီၤသးအဃိန့ၣ် ယဘၣ်တၢ်ပာ်ထီၣ်ထီယၤလီၤ.+
၃၆ နမၤလဲၢ်ထီၣ် ကျဲလၢယခီၣ်အဂီၢ်
ဒ်သိးယသု တလီၤဃံၢ်တဂ့ၤ အဂီၢ်လီၤ.+
၃၇ ယကလူၤ ယဒုၣ်ယဒါဒီး ချုးန့ၢ် အဝဲသ့ၣ်
ဒီးယမၤဟးဂီၤ အဝဲသ့ၣ် မ့ၢ်တလၢာ်ဘၣ်န့ၣ် ယတဟဲက့ၤဒံးဘၣ်.
၃၈ ဒ်သိးအဝဲသ့ၣ် ဂဲၤဆၢထၢၣ် သုတသ့လၢၤတဂ့ၤအဂီၢ် ယကမၤသဘှံးအဝဲသ့ၣ်+
ဒီးအဝဲသ့ၣ် ကလီၤဃံၢ်လၢ ယခီၣ် ဖီလာ်လီၤ.
၃၉ နကဟ့ၣ်ယၤ တၢ်ဂံၢ်တၢ်ဘါလၢ ယကဒုးတၢ်အဂီၢ်
ဒီးနကမၤလီၤဃံၢ် ယဒုၣ်ယဒါတဖၣ်လၢ ယဖီလာ်လီၤ.+
၄၀ ယဒုၣ်ယဒါတဖၣ် ကဃ့ၢ်ကွံာ်လၢ ယမဲာ်ညါလၢနဃိ
ဒီးယကမၤဟးဂီၤကွံာ် ပှၤလၢအသးဟ့ယၤလီၤ.+
၄၁ အဝဲသ့ၣ်ဃ့ တၢ်မၤစၢၤဘၣ်ဆၣ် ပှၤလၢအကမၤပူၤဖျဲး အဝဲသ့ၣ်န့ၣ် တအိၣ်နီတဂၤဘၣ်.
ဒီးအဝဲသ့ၣ် ဃ့တၢ်မၤစၢၤလၢ ယဟိဝၤယွၤအအိၣ် သနာ်က့ ကစၢ်ယွၤ တစံးဆၢ အဝဲသ့ၣ်ဘၣ်.
၄၂ ယကတိၢ်သဘှံးအဝဲသ့ၣ် တုၤလၢ အဝဲသ့ၣ် လီၤကမူၣ် ဒ်ဟီၣ်ခိၣ်ကမူၣ်လၢ ကလံၤကျါအသိး,
ယကတၢၤကွံာ်အဝဲသ့ၣ် ဒ်ကပံာ်လၢ ကျဲပူၤအသိးလီၤ.
၄၃ ပှၤဂီၢ်မုၢ် ဃုယတၢ်ကမၣ် သနာ်က့ နကမၤပူၤဖျဲးယၤလီၤ.+
၄၄ လၢတၢ်ပျံၤတၢ်ဖုးအပူၤန့ၣ် ပှၤထံဂၤကီၢ်ဂၤဖိ ကဟဲဆုးလီၤအခိၣ် လၢယမဲာ်ညါ,+
ဒီးခီဖျိလၢ အဝဲသ့ၣ် နၢ်ဟူဘၣ်ယဂ့ၢ်အဃိ အဝဲသ့ၣ် ကဒိကနၣ် ယကလုၢ်လီၤ.
၄၅ ပှၤထံဂၤကီၢ်ဂၤဖိ အတၢ်သးဒူ ကလီၤမၢ်
ဒီးအဝဲသ့ၣ် ကဟးထီၣ်လၢ အတၢ်အိၣ်သဒၢအလီၢ်တဖၣ် ဒီးကဟဲဝဲ ကနိးကစုာ်လီၤ.
၄၆ ယဟိဝၤယွၤန့ၣ် မူဝဲလီၤ. မ်ယလၢၢ် ဘၣ်တၢ်စံးထီၣ်ပတြၢၤအီၤတက့ၢ်.+
ကစၢ်ယွၤ လၢအမ့ၢ် ယတၢ်အုၣ်က့ၤခီၣ်က့ၤန့ၣ် မ်အဘၣ် တၢ်ပာ်ထီၣ်ထီအီၤတက့ၢ်.+
၄၇ ယွၤလၢ အမ့ၢ်အတီတဂၤ ဟ့ၣ်ကၣ်က့ၤယဒုၣ်ယဒါတဖၣ် လၢယဂီၢ်+
ဒီးအဝဲဆီၣ်လီၤ ပှၤဂီၢ်မုၢ်တဖၣ်လၢ ယဖီလာ်လီၤ.
၄၈ အဝဲမၤပူၤဖျဲးယၤလၢ ယဒုၣ်ယဒါလၢ အသူၣ်ဒိၣ်သးဖျိးတဖၣ် အစုပူၤလီၤ.
နစိာ်ထီၣ်ထီယၤလၢ ပှၤလၢအထီဒါယၤ အဖီခိၣ်လီၤ.+
နမၤပူၤဖျဲးယၤလၢ ပှၤပိာ်ခွါလၢ အမၤဆူၣ်မၤစိးတၢ် အစုပူၤလီၤ.
၅၀ အဝဲမၤတၢ်ဒိၣ်ဒိၣ်မုၢ်မုၢ် ဒ်သိးကအုၣ်က့ၤခီၣ်က့ၤ စီၤပၤလၢ အဝဲ ဃုထၢထီၣ်အီၤ,+
အဝဲပာ်ဖျါထီၣ် တၢ်အဲၣ်လၢအတီလၢ အပှၤဒိးဖှူသး+ လၢအမ့ၢ်
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၂ တနံၤဘၣ်တနံၤန့ၣ် အတၢ်ကတိၤသ့ၣ်တဖၣ် ပုာ်ထီၣ်ယွၤလီၤဝဲ
ဒီးတနၤဘၣ်တနၤန့ၣ် အဝဲသ့ၣ်ပာ်ဖျါထီၣ် တၢ်သ့ၣ်ညါလီၤ.
၃ အဝဲသ့ၣ်တတဲတၢ်ဘၣ်, အတၢ်ကတိၤတအိၣ်ဘၣ်
ဒီးတၢ်တနၢ်ဟူ အဝဲသ့ၣ် အကလုၢ်စ့ၢ်ကီးဘၣ်.
၄ ဘၣ်ဆၣ် အဝဲသ့ၣ်အကလုၢ်န့ၣ် ဟူထီၣ်လၢ ဟီၣ်ခိၣ်ဒီဘ့ၣ်
ဒီးအဝဲသ့ၣ်အတၢ်ကစီၣ်န့ၣ် ရၤလီၤအသးလၢ ဟီၣ်ခိၣ်အနၢၣ် အကတၢၢ်လီၤ.+
လၢမူခိၣ်န့ၣ် ကစၢ်ယွၤတ့ဝဲ ဒဲတဖျၢၣ်လၢ မုၢ်အဂီၢ်လီၤ.
၅ ဒီးမုၢ်န့ၣ် လီၤဂာ်ဒ် တလးမူးပိာ်ခွါ လၢအဟးထီၣ်လၢ တလးမူးပိာ်ခွါ အဒၢးပူၤအသိး
ဒီးမုၢ်န့ၣ် သူၣ်ဖှံသးညီဝဲ ဒ်ပှၤလၢအဂံၢ်ဆူၣ်တဂၤလၢ အဃ့ၢ်ဝဲလၢ အကျဲပူၤအသိးလီၤ.
ဒီးလၢမုၢ်အတၢ်ကိၢ်အဖီလာ်န့ၣ် တၢ်တအိၣ်သဒၢ နီတမံၤဘၣ်.
၇ ယဟိဝၤယွၤ အတၢ်သိၣ်တၢ်သီန့ၣ် လၢပှဲၤဝဲဒီး+ မၤဆူၣ်ထီၣ်က့ၤ ပဂံၢ်ပဘါလီၤ.+
ယဟိဝၤယွၤ အတၢ်ဒုးသ့ၣ်နီၣ်ထီၣ်တဖၣ်န့ၣ် မ့ၢ်တၢ်လၢ ပနာ်န့ၢ်အီၤသ့+ ဒီးဒုးကူၣ်သ့ ပှၤလၢအတၢ်လဲၤခီဖျိ တအိၣ်ဘၣ်န့ၣ်လီၤ.+
၈ ယဟိဝၤယွၤ အတၢ်ဘျၢတဖၣ်န့ၣ် တီဝဲလိၤဝဲဒီး မၤသးခု ပသးလီၤ.+
ယဟိဝၤယွၤ အတၢ်မၤလိာ်န့ၣ် ကဆှီဝဲဒီး မၤကပီၤထီၣ် ပမဲာ်ချံလီၤ.+
၉ တၢ်ပျံၤယဟိဝၤယွၤန့ၣ်+ စီဆှံဝဲ ဒီးအိၣ်ဝဲလီၤထူလီၤယိာ်လီၤ.
ယဟိဝၤယွၤ အတၢ်စံၣ်ညီၣ်ဆၢတဲာ်တဖၣ်န့ၣ် မ့ၢ်အမ့ၢ်အတီ ဒီးတီဝဲလိၤဝဲခဲလၢာ်လီၤ.+
၁၀ ပလီကီအီၤ ဒိၣ်န့ၢ်ဒံးထူ
ဒီးထူစီလီၤ.+
ဒီးအဆၢဒိၣ်န့ၢ်ဒံး ကနဲစီလၢ+ အဟဲလီၤစီၤလၢ ကနဲအခိၣ်ထံဒံးလီၤ.
၁၁ နတၢ်သိၣ်တၢ်သီန့ၣ် ဟ့ၣ်ပလီၢ် နခ့နပှၤလီၤ.+
ဒီးပှၤလၢ အမၤထွဲဝဲန့ၣ် ဒိးန့ၢ်ဘၣ်အဘျုး အါမးလီၤ.+
၁၂ မ့ၢ်မတဂၤ သ့ၣ်ညါလီၤ အနီၢ်ကစၢ် အတၢ်ကမၣ်လဲၣ်.+
တၢ်ကမၣ်လၢ ယမၤဘၣ်အီၤလၢ တၢ်တပာ်သူၣ်ပာ်သးအပူၤန့ၣ် ပျၢ်ကွံာ်အီၤတက့ၢ်.
၁၃ ဒီးတြီနခ့နပှၤ ယၤအံၤ ဒ်သိးယသုတမၤတၢ်လၢ အပာ်ဖျါထီၣ် တၢ်ပာ်ထီၣ်ထီသးတဂ့ၤ.+
ဒီးတဘၣ်ပျဲလၢ အကဒိၣ်စိလၢ ယဖီခိၣ်တဂ့ၤ.+
ထဲန့ၣ်မး ယကမ့ၢ် ပှၤတဂၤလၢ ပှၤပာ်ဒ့ၣ်ပာ်ကမၣ်အီၤ အလီၢ် တအိၣ်ဘၣ်+
ဒီးယကပူၤဖျဲးဒီး တၢ်ကမၣ်ဖးဒိၣ်တဖၣ်လီၤ.
၁၄ အိ, ယဟိဝၤယွၤ လၢအမ့ၢ် ယလၢၢ်+ ဒီးပှၤလၢ အပှ့ၤက့ၤယၤဧၢ,+
တၢ်ကတိၤလၢ အဟဲထီၣ်လၢ ယထးခိၣ်ဒီး တၢ်လၢယဆိကမိၣ်ထံအီၤလၢ ယသးပူၤန့ၣ် မ်အဘၣ်နသးတက့ၢ်.+
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၂၀ ဖဲမုၢ်နံၤကီခဲ အဆၢကတီၢ်န့ၣ် မ် ယဟိဝၤယွၤ စံးဆၢနၤတက့ၢ်.
မ်စီၤယၤကိာ် အကစၢ်ယွၤအမံၤ ဒီသဒၢနၤတက့ၢ်.+
၂ ဖဲအအိၣ်လၢ အတၢ်လီၢ်စီဆှံန့ၣ် မ်အဆှၢလီၤန့ၢ်နၤ တၢ်မၤစၢၤတက့ၢ်.+
ဒီးဖဲအအိၣ်လၢ စံယိၣ်န့ၣ် မ်အဒုးအိၣ်ဂၢၢ်အိၣ်ကျၢၤနၤတက့ၢ်.+
၃ မ်အနီၣ်ဘၣ်က့ၤ နတၢ်လုၢ်ခဲလၢာ်
ဒီးမ်အတူၢ်လိာ်* နတၢ်လုၢ်ဒွဲၣ်အူတဖၣ် တက့ၢ်. (စ့လၤ)
၄ မ်အမၤလၢပှဲၤန့ၢ်နၤ တၢ်လၢ နလီကီတဖၣ်+
ဒီးဆိၣ်ဂ့ၤ နတၢ်ကူၣ်ထီၣ်ဖးလီၤ ခဲလၢာ်တက့ၢ်.
၅ ပကကိးပသူထီၣ်လၢ တၢ်သးခုအပူၤလၢ နတၢ်မၤနၢၤတဖၣ်အဃိ+
ဒီးပကယူာ်ထီၣ် တၢ်ပနီၣ်တဖၣ် ဒ်သိးကမၤလၤကပီၤ ပကစၢ်ယွၤအမံၤအဂီၢ်လီၤ.+
မ်ယဟိဝၤယွၤ မၤလၢပှဲၤဝဲ ဒ်တၢ်လၢနဃ့အသိး ခဲလၢာ်တက့ၢ်.
၆ ခဲအံၤ ပသ့ၣ်ညါလၢ ယဟိဝၤယွၤ မၤပူၤဖျဲး အပှၤဒိးဖှူသးတဂၤလီၤ.+
၇ ပှၤတနီၤနီၤန့ၣ် ပာ်ဂံၢ်ပာ်ဘါ လ့ၣ်ကဟၣ် ဒီးကသ့ၣ်တဖၣ်လီၤ.+
မ့မ့ၢ်ပှၤန့ၣ် ပကိးထီၣ် ပကစၢ် ယဟိဝၤယွၤ အမံၤလီၤ.+
၈ အဝဲသ့ၣ် အခီၣ်ကဘၣ်တိၢ် ဒီး ကလီၤဃံၢ်ဝဲလီၤ.
မ့မ့ၢ်ပှၤန့ၣ် ပဂဲၤဆၢထၢၣ် ဒီးဆၢထၢၣ်ကျၢၤကျၢၤလံ.+
၉ အိ ယဟိဝၤယွၤဧၢ, အုၣ်က့ၤခီၣ်က့ၤ စီၤပၤတက့ၢ်.+
ဖဲပဃ့တၢ်မၤစၢၤ တနံၤန့ၣ် အ* ကစံးဆၢပှၤလီၤ.+
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၂၁ အိ ယဟိဝၤယွၤဧၢ, စီၤပၤသူၣ်ခုသးခု လၢနတၢ်ဂံၢ်တၢ်ဘါ အဃိလီၤ.+
ဒီးလၢနတၢ်အုၣ်က့ၤခီၣ်က့ၤအဃိ အဝဲသူၣ်ခုသးခု ဒိၣ်မးလီၤ.+
၂ နမၤလၢပှဲၤ တၢ်လၢအလီကီဝဲ+
ဒီးတၢ်လၢအထးခိၣ်ဃ့ဝဲန့ၣ် နတဂ့ၢ်လိာ်ဘၣ်. (စ့လၤ)
၃ နသဂၢၢ်အီၤဒီး တၢ်ဆိၣ်ဂ့ၤလီၤဆီတဖၣ်
ဒီးနဖျီၣ်ထီၣ် ခိၣ်သလုးထူစီလၢ အခိၣ်လိၤလီၤ.+
၄ အဝဲဃ့နၤလၢတၢ်မူ ဒီးနထုးထီထီၣ် အသးသမူ+
တကးဒံးဘၣ် နဟ့ၣ်လီၤအီၤ တၢ်မူအထူအယိာ်လီၤ.
၅ နတၢ်အုၣ်က့ၤခီၣ်က့ၤန့ၣ် မၤလၤကပီၤအီၤ ဒိၣ်မးလီၤ.+
ဒီးနဟ့ၣ်အီၤလၢ တၢ်လၤကပီၤ ဒီးတၢ်ကဟုကညီၢ်လီၤ.
၇ စီၤပၤ သန့ၤအသးလၢ ယဟိဝၤ ယွၤလီၤ.+
ဒီးခီဖျိလၢ တၢ်ထီကတၢၢ်တဂၤ အတၢ်အဲၣ်လၢအတီအဃိ အဝဲကဆၢထၢၣ် ဂၢၢ်ဂၢၢ်ကျၢၤကျၢၤ ထီဘိလီၤ.+
၈ နစုကဖီၣ်န့ၢ် နဒုၣ်နဒါခဲလၢာ်
ဒီးပှၤလၢအသးဟ့နၤန့ၣ် နကဖီၣ်န့ၢ်အီၤလၢ နစုထွဲလီၤ.
၉ ဒီးအခါမ့ၢ်ဘၣ်လၢ နကလီၣ်ဖျါထီၣ်နသးန့ၣ် နကမၤဟးဂီၤကွံာ် အဝဲသ့ၣ် လီၤဂာ်ဒ်နကွံာ်လီၤ အဝဲသ့ၣ်လၢ ဖၣ်ကပူၤ လၢမ့ၣ်အူကဲၤဝဲအပူၤလီၤ.
ယဟိဝၤယွၤ ကယူၢ်လီၤကွံာ် အဝဲသ့ၣ်လၢ တၢ်သးဒိၣ်အပူၤ ဒီးမ့ၣ်အူကအီၣ်ကွံာ် အဝဲသ့ၣ်လီၤ.+
၁၀ အဝဲသ့ၣ် အစၢၤအသွဲၣ်န့ၣ် နကမၤဟးဂီၤကွံာ်လၢ ဟီၣ်ခိၣ်ချၢ
ဒီးနကမၤဟးဂီၤကွံာ် အဝဲသ့ၣ် အချံအသၣ်လၢ ပှၤဟီၣ်ခိၣ်ဖိတဖၣ် အကျါလီၤ.
၁၂ အဝဲသ့ၣ် ကဂုၤက့ၤလၢအလီၢ်ခံ+
ခီဖျိလၢနပညိၣ်ချံၣ်လၢ အဝဲသ့ၣ်အအိၣ်အဃိလီၤ.
၁၃ အိ ယဟိဝၤယွၤဧၢ, ဂဲၤဆၢထၢၣ် ပာ်ဖျါထီၣ် နတၢ်စိတၢ်ကမီၤတက့ၢ်.
ပကသးဝံၣ် စံးထီၣ်ပတြၢၤနၤလၢ နတၢ်ဂံၢ်တၢ်ဘါအဃိလီၤ.
လၢတၢ်သူၣ်ဝံၣ်သးဆၢအခိၣ်အဂီၢ်, ဒ် “တၤဟိမိၢ်လၢ မုၢ်ဆ့ၣ်ဝါထီၣ်”* အသီၣ်အသိး. စီၤဒၤဝံးအထါ.
၂၂ ယကစၢ်ယွၤဧၢ, ယကစၢ်ယွၤဧၢ, ဘၣ်မနုၤအဃိ နပာ်တ့ၢ်ကွံာ်ယၤလဲၣ်.+
ဘၣ်မနုၤအဃိ နတဟဲမၤပူၤဖျဲး ယၤလဲၣ်,
ဘၣ်မနုၤအဃိ နတနၢ်ဟူ ယတၢ်ကိးပသူထီၣ်လၢ တၢ်သးအုး အပူၤဘၣ်လဲၣ်.+
၂ ယကစၢ်ယွၤဧၢ, ယကိးထီၣ်နၤလၢ မုၢ်ဆါခီ ဘၣ်ဆၣ် နတစံးဆၢ ယၤဘၣ်.+
ဒီးလၢမုၢ်နၤခီန့ၣ် ယဆဲးကိးထီၣ် နၤဒံးလီၤ.
၃ ဘၣ်ဆၣ် နမ့ၢ်ပှၤစီဆှံ+
ဒီးအံၣ်စရ့လး အတၢ်စံးပတြၢၤတဖၣ် အိၣ်ဝးတရံးနၤလီၤ.
၅ အဝဲသ့ၣ် ကိးပသူထီၣ်လၢနအိၣ် ဒီးနမၤပူၤဖျဲး အဝဲသ့ၣ်လီၤ.
အဝဲသ့ၣ် နာ်န့ၢ်နၤအဃိ အဝဲသ့ၣ် အသးတဟးဂီၤဘၣ်.*+
၆ မ့မ့ၢ်ယၤန့ၣ် ယတမ့ၢ် ပှၤကညီတဂၤလၢၤဘၣ်. ယမ့ၢ် ထိးကလဲာ် တဘိလၢ
ပှၤသးဘၣ်အၢဝဲ ဒီးတဲဆါဝဲန့ၣ်လီၤ.+
၇ ပှၤကိးဂၤဒဲးလၢ အထံၣ်ယၤန့ၣ် ဒုၣ်ဒွဲၣ်ယၤ,+
အဝဲသ့ၣ် နံၤဆဲးအဲးယၤ ဒီးဂံၤဂုၤအခိၣ်သၣ်ဃံ+
၈ ဒီးတဲဝဲလၢ “အဝဲနာ် ယဟိဝၤယွၤအဃိ ပျဲကစၢ်ယွၤ မၤပူၤဖျဲး အီၤသၢၤ.
ကစၢ်ယွၤ မ့ၢ်ဘၣ်သူၣ်ဘၣ်သးအီၤ ထဲန့ၣ်ညါန့ၣ် ပျဲကစၢ်ယွၤ အုၣ်က့ၤ ခီၣ်က့ၤအီၤသၢၤ.”+
၉ နမ့ၢ်ပှၤတဂၤလၢ အဒုးဟးထီၣ်ယၤလၢ ယမိၢ်အဒၢလီၢ်ပူၤ+
ဒီးဖဲယအီ ယမိၢ်အနုၢ်အခါ နကဟုကယာ်ယၤလီၤ.
၁၀ စးထီၣ်လၢ ယအိၣ်ဖျဲၣ်ထီၣ်န့ၣ် တၢ်အးလီၤယၤလၢ နတၢ်ကွၢ်ထွဲ အဖီလာ်လီၤ.
စးထီၣ်လၢ ယအိၣ်လၢ ယမိၢ်အဒၢလီၢ်ပူၤန့ၣ် နကဲယကစၢ်ယွၤလီၤ.
၁၃ ဒ်ခ့ယုၢ် လၢအကညီၤတၢ် ဒ်သိးကအ့ၣ်ဖှီကွံာ်အဆၣ် တက့ဘၣ် တက့အသိး+
အဝဲသ့ၣ် အိးထီၣ်အကိာ်ပူၤဖးလဲၢ် ထီဒါယၤလီၤ.+
၁၄ တၢ်လူလီၤယၤ ဒ်ထံအသိး,
ယဃံတဖၣ် အဆၢတပျာ်လံ.
၁၅ ယဂံၢ်ယဘါ ဃ့ထီကွံာ်ဝဲ ဒ်ဟီၣ်ခိၣ်သပၢၤ တက့အသိးလီၤ.+
၁၆ ပှၤအၢပှၤသီတဒူၣ် ကဝီၤဃာ်ယၤ,+
ဟဲသဖှိဃီၤယၤ ဒ်ထွံၣ်တဖၣ်အသိး+
ဒီးအဝဲသ့ၣ် အ့ၣ်ယစုယခီၣ် ဒ်ခ့ယုၢ်အသိးလီၤ.+
၁၇ ယဂံၢ် ယဃံ ဘၣ်ကိးဘိဒဲးလီၤ.+
အဝဲသ့ၣ်ကွၢ်ဃီၤဝဲဒီး ကွၢ်ထံယၤလီၤ.
၁၉ အိ ယဟိဝၤယွၤဧၢ, မ့မ့ၢ်နၤန့ၣ် အိၣ်ယံၤဒီးယၤတဂ့ၤ.+
နမ့ၢ်ယဂံၢ်ယဘါအဃိ ဟဲမၤစၢၤယၤမ့ၢ်ချ့.+
၂၀ မၤပူၤဖျဲးထီၣ်ယၤလၢနး
ဒီးယသးသမူလၢ အလုၢ်ဒိၣ်ပှ့ၤဒိၣ်လၢ ထွံၣ်တဖၣ် အစုပူၤတက့ၢ်.+
၂၁ အုၣ်က့ၤခီၣ်က့ၤယၤလၢ ခ့ယုၢ်အကိာ်ပူၤ+ ဒီးကျီၢ်ဖါတဖၣ်* အနၢၤတက့ၢ်.
စံးဆၢယၤဒီး အုၣ်က့ၤခီၣ်က့ၤ ယၤတက့ၢ်.
၂၃ သုဝဲလၢအပျံၤ ယဟိဝၤယွၤသ့ၣ်ဧၢ, စံးထီၣ်ပတြၢၤအီၤတက့ၢ်.
စီၤယၤကိာ် အစၢၤအသွဲၣ် ခဲလၢာ်သ့ၣ်ဧၢ, မၤလၤကပီၤအီၤတက့ၢ်.+
စီၤအံၣ်စရ့လး အစၢၤအသွဲၣ် ခဲလၢာ်သ့ၣ်ဧၢ, ယူးယီၣ်ပာ်ကဲအီၤတက့ၢ်.
၂၄ ပှၤလၢအဘၣ်တၢ်ဆီၣ်သနံးအီၤ အတၢ်နးတၢ်ဖှီၣ်န့ၣ် ယွၤတကွၢ်ကပာ်ကွံာ်ဝဲဘၣ် ဒီးအတပာ်အသးဒ် အတသ့ၣ်ညါဝဲအသိးဘၣ်.+
ယွၤတပာ်သဒၢအမဲာ်လၢ အအိၣ်ဘၣ်.+
ဖဲအဝဲကိးထီၣ်ယွၤလၢ တၢ်မၤစၢၤအဂီၢ်န့ၣ် ယွၤဒိကနၣ်ဝဲလီၤ.+
၂၅ ယကစံးထီၣ်ပတြၢၤနၤလၢ တၢ်အိၣ်ဖှိၣ်ဖးဒိၣ်အပူၤ+
ဒီးလၢပှၤလၢအပျံၤနၤ အမဲာ်ညါန့ၣ် ယကမၤလၢပှဲၤ ယတၢ်အၢၣ်လီၤတဖၣ်လီၤ.
၂၆ ပှၤလၢအဆီၣ်လီၤသးန့ၣ် ကအီၣ်ဘၣ်တၢ် ဒီးသူၣ်မံသးမုာ်ဝဲလီၤ.+
ပှၤလၢအဃု ယဟိဝၤယွၤန့ၣ် ကစံးထီၣ်ပတြၢၤအီၤလီၤ.+
မ်သုအိၣ်မူဘၣ် မုာ်မုာ်ခုၣ်ခုၣ် လီၤထူလီၤယိာ်တက့ၢ်.
၂၇ ပှၤလၢဟီၣ်ခိၣ်ဒီဖျၢၣ် ကသ့ၣ်နီၣ်ထီၣ် ယဟိဝၤယွၤ ဒီးဃၣ်အသး ဆူအအိၣ်လီၤ.
ပှၤကလုာ်တဖၣ် အဒူၣ်ဖိထၢဖိခဲလၢာ် ကဟဲဘူၣ်ထီၣ်ဘါထီၣ်အီၤလီၤ.+
၂၈ ယဟိဝၤယွၤ မ့ၢ်စီၤပၤလီၤ.+
ကစၢ်ယွၤပၢဝဲ ပှၤကလုာ်တဖၣ်လီၤ.
၂၉ ပှၤလၢအဘီၣ်ထီၣ်ညီထီၣ်လၢ ဟီၣ်ခိၣ်ချၢခဲလၢာ် ကအီၣ်တၢ် ဒီးဘူၣ်ထီၣ်ဘါထီၣ်အီၤလီၤ.
ပှၤလၢအကလဲၤလီၤလၢ ဟီၣ်ခိၣ်ကမူၣ်ကျါခဲလၢာ်န့ၣ် ကချံးလီၤခီၣ်လၢ အမဲာ်ညါလီၤ.
အဝဲသ့ၣ် တဂၤမး မၤပူၤဖျဲးလီၤ အနီၢ်ကစၢ် အသးသမူ တသ့ဘၣ်.
၃၀ အဝဲသ့ၣ် အစၢၤအသွဲၣ်တဖၣ် ကမၤကစၢ်ယွၤအတၢ်
ဒီးပှၤလၢခံတစိၤန့ၣ် ကနၢ်ဟူဘၣ် ယဟိဝၤယွၤအဂ့ၢ်လီၤ.
၃၁ အဝဲသ့ၣ် ကဟဲတဲဘၣ်ဃးဒီး အတၢ်တီတၢ်လိၤလီၤ.
ဒီးတၢ်လၢ အမၤတ့ၢ်ဝဲတဖၣ်န့ၣ် အဝဲသ့ၣ် ကတဲဘၣ် ပှၤလၢအက ဟဲ အိၣ်ဖျဲၣ်ထီၣ်တဖၣ်လီၤ.
စီၤဒၤဝံးအထါ.
၂ အဝဲဒုးကိာ်လီၤယၤလၢ တၢ်အီၣ်ဆၣ်အလီၢ် လၢပျီလါဟ့တဖၣ်အပူၤ
ဒီးဆှၢယၤလၢ တၢ်အိၣ်ဘှံးအလီၢ်လၢ ထံကျိဖိ အကပၤလီၤ.+
ဒီးခီဖျိလၢ အမံၤအဃိ အဝဲဆှၢယၤလၢ ကျဲတီကျဲလိၤတဖၣ် အပူၤလီၤ.+
နနီၣ်ထိးဘိ မၤဆူၣ်ထီၣ်ယသးလီၤ.*
၅ နကတဲာ်ကတီၤ စီၢ်နီၤခိၣ် လၢယဂီၢ် လၢယဒုၣ်ယဒါတဖၣ် အမဲာ်ညါလီၤ.+
၆ လၢယတၢ်အိၣ်မူ ဒီတစိၤညါန့ၣ် တၢ်ဂ့ၤတၢ်ဝါ ဒီးတၢ်အဲၣ်လၢအတီ ကလူၤယၤ သပှၢ်ကတၢၢ်လီၤ.+
ဒီးယကအိၣ်လၢ ယဟိဝၤယွၤအဟံၣ် တစိၤလၢယသးလီၤ.+
စီၤဒၤဝံးအထါ.
၂၄ ဟီၣ်ခိၣ် ဒီးတၢ်လၢအအိၣ်လၢ အပူၤခဲလၢာ်န့ၣ် မ့ၢ်ယဟိဝၤယွၤ အတၢ်လီၤ.+
ခိခိၣ် ဒီးပှၤလၢအအိၣ်ဝဲလၢ အလိၤန့ၣ် မ့ၢ်အတၢ်လီၤ.
၂ အဝဲပာ်ဝဲလၢ ပီၣ်လဲၣ်တဖၣ် အဖီခိၣ်ကျၢၤကျၢၤ+
ဒီးဒုးအိၣ်ဂၢၢ်ဆိးကျၢၤဝဲလၢ ထံကျိတဖၣ် အဖီခိၣ်လီၤ.
၃ မတဂၤ လဲၤထီၣ်လၢ ယဟိဝၤယွၤ အကစၢၢ် သ့ဝဲလဲၣ်.+
ဒီးမတဂၤ ဆၢထၢၣ်လၢ ကစၢ်ယွၤ အတၢ်လီၢ်စီဆှံ သ့ဝဲလဲၣ်.
၄ မ့ၢ်ဒၣ်ပှၤလၢ အတၢ်ကမၣ်တအိၣ်ဘၣ် ဒီးအသးကဆှီဝဲ,+
ပှၤလၢအတမၤ တၢ်အၢၣ်လီၤ ကဘျံးကဘျၣ်လၢ ယမံၤ* အပူၤဘၣ်
ဒီးတအၢၣ်လီၤတၢ်လၢ ကလံၣ်အီၣ်လီအီၣ်တၢ် အဂီၢ်ဘၣ် တဖၣ်လီၤ.+
၆ ပှၤဒ်န့ၣ်တဖၣ် မ့ၢ်ပှၤလၢ အဃု ကစၢ်ယွၤ,
မ့ၢ်ပှၤလၢအအဲၣ်ဒိး ဒိးန့ၢ်ဘၣ် စီၤယၤကိာ် အကစၢ်ယွၤ အတၢ်ဘၣ်သးလီၤ. (စ့လၤ)
၇ တြဲၤသ့ၣ်ဧၢ, မိာ်ထီၣ်သုခိၣ်တက့ၢ်.+
ပဲတြီလၢပျၢၤသ့ၣ်ဧၢ, အိးထီၣ်သုသးလဲၢ်လဲၢ်
ဒ်သိး စီၤပၤလၢ အအိၣ်ဒီးအလၤကပီၤ နုာ်လီၤဝဲကသ့ အဂီၢ်တက့ၢ်.+
၈ စီၤပၤလၢ အအိၣ်ဒီးအလၤကပီၤအံၤ မ့ၢ်မတဂၤလဲၣ်.
၉ တြဲၤသ့ၣ်ဧၢ, မိာ်ထီၣ်သုခိၣ်တက့ၢ်.+
ပဲတြီလၢပျၢၤသ့ၣ်ဧၢ, အိးထီၣ်သုသးလဲၢ်လဲၢ်
ဒ်သိး စီၤပၤလၢ အအိၣ်ဒီး အလၤကပီၤ နုာ်လီၤဝဲကသ့အဂီၢ်တက့ၢ်.
၁၀ စီၤပၤလၢ အအိၣ်ဒီးအလၤကပီၤအံၤ မ့ၢ်မတဂၤလဲၣ်.
စီၤပၤလၢ အအိၣ်ဒီး အလၤကပီၤန့ၣ် မ့ၢ်ဝဲ တၢ်သုးမုၢ်ဂီၢ်မုၢ် အကစၢ် ယဟိဝၤယွၤလီၤ.+ (စ့လၤ)
စီၤဒၤဝံးအထါ.
א *
၂၅ အိ ယဟိဝၤယွၤဧၢ, ယအးလီၤ ယသးလၢ နစုပူၤလီၤ.
ב
၂ ယကစၢ်ယွၤဧၢ, ယသန့ၤယသးလၢနၤလီၤ.+
တဘၣ်ပျဲလၢ ယကထံၣ်ဘၣ် တၢ်မဲာ်ဆှးတဂ့ၤ.+
တဘၣ်ပျဲလၢ ယဒုၣ်ယဒါတဖၣ် ကသးခုလၢ ယဘၣ်ကီဘၣ်ခဲ အဃိတဂ့ၤ.+
ג
၃ ပှၤလၢအမုၢ်လၢ်တၢ် လၢနအိၣ်န့ၣ် တဒိးန့ၢ်ဘၣ်တၢ်မဲာ်ဆှး နီတဂၤဘၣ်.+
မ့မ့ၢ် ပှၤလၢအသးတတီဘၣ်တဖၣ်န့ၣ် တၢ်မဲာ်ဆှး အိၣ်ခိးလီၤ အဝဲသ့ၣ်အခိၣ်လီၤ.+
ד
ה
၅ နမ့ၢ် ယတၢ်အုၣ်က့ၤခီၣ်က့ၤ ကစၢ်အဃိ
ဒုးလဲၤယၤလၢ နတၢ်မ့ၢ်တၢ်တီအပူၤ ဒီးသိၣ်လိယၤတက့ၢ်.+
ו
ယမုၢ်လၢ်တၢ်လၢနၤ ဒီတနံၤကျၢၤလီၤ.
ז
ח
၇ တဘၣ်သ့ၣ်နီၣ်ထီၣ် ယတၢ်ဒဲးဘးလၢ ယမၤအီၤ ဖဲယသးစၢ်အခါ ဒီးယတၢ်ကမၣ်တဖၣ်တဂ့ၤ.
ט
၈ ယဟိဝၤယွၤန့ၣ် ဂ့ၤဝဲဒီး တီဝဲလိၤဝဲလီၤ.+
အဃိ အဝဲဟံးစုနဲၣ်ကျဲဝဲ ပှၤတၢ်ဒဲးဘးဖိတဖၣ်လၢ ကျဲလၢအဘၣ်လီၤ.+
י
כ
၁၀ ပှၤလၢ အအိၣ်မူမၤထွဲ ဒ်ယဟိဝၤယွၤ အတၢ်အၢၣ်လီၤအီလီၤ+ ဒီးအတၢ်ဒုးသ့ၣ်နီၣ်ထီၣ်က့ၤတဖၣ်န့ၣ်+
ကစၢ်ယွၤ ကပာ်ဖျါထီၣ် တၢ်အဲၣ် ဒီးတၢ်သးတီလၢ အဝဲသ့ၣ်အဖီခိၣ် ထီဘိလီၤ.
ל
၁၁ အိ ယဟိဝၤယွၤဧၢ, ခီဖျိလၢ နမံၤအဃိ+
ယတၢ်ကမၣ် မ့ၢ်ဒိၣ်သနာ်က့ ပျၢ်ကွံာ်ယတၢ်ကမၣ်တက့ၢ်.
מ
၁၂ မတဂၤပျံၤ ယဟိဝၤယွၤလဲၣ်.+
ကစၢ်ယွၤ ကဟံးစုနဲၣ်ကျဲ ပှၤတဂၤန့ၣ်ဘၣ်ဃးဒီး ကျဲလၢ အကြၢး ဃုထၢဝဲလီၤ.+
נ
ס
၁၄ ပှၤလၢအပျံၤ ယဟိဝၤယွၤန့ၣ် အိၣ်ဒီးတၢ်ရ့လိာ်သးဒီးအီၤ ဘူးဘူးတံၢ်တံၢ်လီၤ.+
ဒီးအဝဲဒုးသ့ၣ်ညါ အဝဲသ့ၣ်လၢ အတၢ်အၢၣ်လီၤအီလီၤလီၤ.+
ע
פ
၁၆ ယအိၣ်ထဲတဂၤ ဒီးပှၤမၤစၢၤယၤတအိၣ်ဘၣ်.
အဃိ ဝံသးစူၤဃၣ်နမဲာ်လၢယအိၣ် ဒီးပာ်ဖျါထီၣ် တၢ်သးကညီၤလၢ ယဖီခိၣ်တက့ၢ်.
צ
၁၇ ယတၢ်သူၣ်ကိၢ်သးဂီၤ ဟဲ အါထီၣ်ဝဲလီၤ.+
အဃိ မၤပူၤဖျဲးထီၣ်ယၤလၢ ယတၢ်ကိၢ်တၢ်ဂီၤတဖၣ်တက့ၢ်.
ר
၁၉ ယဒုၣ်ယဒါတဖၣ် အိၣ်အါထဲလဲၣ်
ဒီးအဝဲသ့ၣ် အတၢ်သးဟ့ လၢယဖီခိၣ် အၢထဲလဲၣ်န့ၣ် ကွၢ်တက့ၢ်.
ש
၂၀ ဒီသဒၢယသးသမူ ဒီးအုၣ်က့ၤခီၣ်က့ၤယၤတက့ၢ်.+
ယဃုတၢ်အိၣ်တဒၢလၢ နအိၣ်အဃိ တဘၣ်ပျဲလၢ ယကထံၣ်ဘၣ် တၢ်မဲာ်ဆှးတဂ့ၤ.
ת
၂၂ အိ ကစၢ်ယွၤဧၢ, မၤပူၤဖျဲးထီၣ် အံၣ်စရ့လးလၢ အတၢ်ကိၢ်တၢ်ဂီၤ ခဲလၢာ်အပူၤတက့ၢ်.
စီၤဒၤဝံးအထါ.
၂၆ အိ ယဟိဝၤယွၤဧၢ, ယလဲၤတၢ်လၢ တၢ်သးတီအပူၤလံအဃိ စံၣ်ညီၣ်န့ၢ်တၢ်လၢ ယဂီၢ်တက့ၢ်.+
ယနာ်န့ၢ်ယဟိဝၤယွၤ ဒီးယသး တဒ့ဒီဘၣ်.+
၂ အိ ယဟိဝၤယွၤဧၢ, သမံသမိးယၤ ဒီးမၤကွၢ်ယၤတက့ၢ်.
မၤကဆှီထီၣ် ယတၢ်ဆိကမိၣ်လၢအယိာ်* ဒီးယသးတက့ၢ်.+
၃ နတၢ်အဲၣ်လၢအတီန့ၣ် အိၣ်လၢ ယမဲာ်ညါထီဘိ
ဒီးယလဲၤတၢ်လၢ နတၢ်မ့ၢ်တၢ်တီ အပူၤလီၤ.+
၆ အိ ယဟိဝၤယွၤဧၢ, ယသ့ယစု ဒ်သိး ယကပာ်ဖျါထီၣ်လၢ ယတၢ်ကမၣ်တအိၣ်ဘၣ်.
ဒီးယကဟးဝးတရံး နတၢ်လုၢ်လီၢ်လီၤ.
၇ ယကစံးဘျုးနၤလၢ ယကလုၢ်ဖးဒိၣ်+
ဒီးတဲဖျါထီၣ် နတၢ်မၤလၢ အလီၤလိၢ်လီၤလး ခဲလၢာ်လီၤ.
၉ တဘၣ်ခွဲဖျိးယၤ ဃုာ်ဒီး ပှၤတၢ်ဒဲးဘးဖိတဖၣ်တဂ့ၤ.+
ဒီးတဘၣ်မၤဟးဂီၤ ယသးသမူ ဃုာ်ဒီးပှၤလၢ အမၤဆူၣ်မၤစိးတၢ်တဖၣ်,
၁၀ ပှၤလၢအမၤဝဲ လုၢ်လၢ်သကဲာ်ပဝးလၢ အလီၤမဲာ်ဆှး
ဒီးပှၤလၢအတူၢ်လိာ် တၢ်ထီးကျိၣ် ထီးစ့* တဂ့ၤ.
၁၁ မ့မ့ၢ်ယၤန့ၣ် ယကလဲၤတၢ်လၢ တၢ်သးတီအပူၤလီၤ.
မၤပူၤဖျဲးယၤ ဒီးဘၣ်သူၣ်ဘၣ်သးယၤတက့ၢ်.
၁၂ ယဆၢထၢၣ်လၢ တၢ်လီၢ်လၢ အဂၢၢ်ကျၢၤလီၤ.+
လၢတၢ်အိၣ်ဖှိၣ်ဖးဒိၣ်အပူၤန့ၣ် ယကစံးထီၣ်ပတြၢၤ ယဟိဝၤယွၤလီၤ.+
စီၤဒၤဝံးအထါ.
၂၇ ယဟိဝၤယွၤ မ့ၢ်ယတၢ်ကပီၤ+ ဒီးယတၢ်အုၣ်က့ၤခီၣ်က့ၤလီၤ.
ယကဘၣ်ပျံၤ မတဂၤလဲၣ်.+
ယဟိဝၤယွၤမ့ၢ် ယသးသမူ အတၢ်အိၣ်သဒၢ အလီၢ်လီၤ.+
ယကဘၣ်ပျံၤ မတဂၤလဲၣ်.
၂ ဖဲပှၤအၢပှၤသီတဖၣ် ဟဲထီဒါယၤ ဒ်သိးကယူၢ်လီၤကွံာ်ယၤအခါ+
ပှၤလၢအထီဒါယၤ ဒီးယဒုၣ်ယဒါတဖၣ်အံၤ အခီၣ်ဘၣ်တိၢ် ဒီးလီၤဃံၢ်ဝဲလီၤ.
၃ သုးမုၢ်တဒူၣ် မ့ၢ်ဆီလီၤအသး ဝးတရံးယၤ သနာ်က့
ယတပျံၤတၢ်ဘၣ်.+
ဒုၣ်ဒါတဖၣ် မ့ၢ်ဟဲဒုးယၤသနာ်က့
ယကနာ်န့ၢ်ဒံး ကစၢ်ယွၤလီၤ.
၄ ယဃ့တၢ်တမံၤလၢ ယဟိဝၤယွၤအအိၣ်,
ယဆၢန့ၢ်ဘၣ် တၢ်တမံၤအံၤ,
ယအဲၣ်ဒိးအိၣ်လၢ ယဟိဝၤယွၤ အဟံၣ်ပူၤ တစိၤလၢယသး+
ဒ်သိးယကထံၣ်ဘၣ် ယဟိဝၤယွၤ အတၢ်ဂ့ၤတၢ်ဝါ
ဒီးကွၢ်ဃီၤ အတၢ်လုၢ်ဟံၣ်လၢ တၢ်သူၣ်မံသးမုာ်အပူၤလီၤ.+
၅ လၢတၢ်နးတၢ်ဖှီၣ် အမုၢ်တနံၤန့ၣ် အဝဲကပာ်ခူသူၣ်ယၤလၢ အတၢ်အိၣ်သဒၢအလီၢ်လီၤ.+
အဝဲကပာ်သဒၢယၤ လၢတၢ်ခူသူၣ်အလီၢ် လၢအဒဲပူၤလီၤ.+
ဒီးအဝဲ ကပာ်ထီၣ်ယၤလၢ တၢ်လီၢ်ထီၣ်ထီ လၢလၢၢ်အလိၤလီၤ.+
၆ ယမၤနၢၤ ယဒုၣ်ယဒါလၢ အကဝီၤဃာ်ယၤတဖၣ်လံ.
ယကလုၢ်ထီၣ် တၢ်လုၢ်တၢ်ပာ်တဖၣ် လၢအဒဲ ဒီးကိးပသူထီၣ်လၢ တၢ်သးခုအပူၤလီၤ.
ဒီးယကသးဝံၣ် စံးထီၣ်ပတြၢၤ ယဟိဝၤယွၤလီၤ.
၇ အိ ယဟိဝၤယွၤဧၢ, ဖဲယကိးပသူထီၣ်အခါ ဒိကနၣ်ယၤတက့ၢ်.+
သးကညီၤယၤ ဒီးစံးဆၢယၤတက့ၢ်.+
၈ ယသး ဒုးသ့ၣ်နီၣ်ယၤ နတၢ်မၤလိာ်လၢ
“ဃုယၤတက့ၢ်.”
အိ ယဟိဝၤယွၤဧၢ, ယကဃုယဲလီၤ.+
၉ တဘၣ်ဃၣ်ကွံာ် နမဲာ်လၢ ယအိၣ်တဂ့ၤ.+
လၢနတၢ်သးထီၣ်အဃိ တဘၣ်နီဟးထီၣ် နခ့နပှၤ ယၤအံၤတဂ့ၤ.
နမ့ၢ်ပှၤလၢ အမၤစၢၤယၤလီၤ.+
ယတၢ်အုၣ်က့ၤခီၣ်က့ၤကစၢ်ဧၢ, တဘၣ်ဟးသဒၣ်ယၤ ဒီးပာ်တ့ၢ်ကွံာ်ယၤတဂ့ၤ.
၁၁ အိ ယဟိဝၤယွၤဧၢ, သိၣ်လိယၤလၢ နကျဲတက့ၢ်.+
ဒီးခီဖျိလၢ ယဒုၣ်ယဒါ အိၣ်ဝးတရံးယၤအဃိ ဆှၢယၤလၢ ကျဲတီ ကျဲလိၤတက့ၢ်.
၁၂ တဘၣ်ဟ့ၣ်လီၤယၤလၢ ယဒုၣ်ယဒါတဖၣ် အစုပူၤတဂ့ၤ.+
ပှၤအုၣ်အသး ကဘျံးကဘျၣ်တဖၣ် ဆၢထၢၣ်ထီဒါယၤ+
ဒီးအဝဲသ့ၣ် တဲပျံၤတဲဖုးယၤလၢ ကမၤဆူၣ်မၤစိးယၤလီၤ.
၁၃ ဖဲယအိၣ်မူဒံးအခါ ယမ့ၢ်တနာ်လၢ
ယကဆဲးထံၣ်ဘၣ်ဒံး ယဟိဝၤယွၤ အတၢ်ဂ့ၤတၢ်ဝါဘၣ်န့ၣ် မ့ၢ်တၢ်ကမၤတ့ၢ်အသးဒီး ယၤဒ်လဲၣ်.*+
၁၄ မုၢ်လၢ်တၢ်လၢ ယဟိဝၤယွၤတက့ၢ်.+
ပာ်နသးဂၢၢ်ဂၢၢ်ကျၢၤကျၢၤ* ဒီးအိၣ်ဒီး တၢ်သူၣ်ဒူသးဒူတက့ၢ်.+
မ့ၢ်လီၤ, မုၢ်လၢ်တၢ်လၢ ယဟိဝၤယွၤတက့ၢ်.
စီၤဒၤဝံးအထါ.
၂၈ ယဟိဝၤယွၤ ယလၢၢ်ဧၢ,+ ယဆဲးကိးထီၣ်နၤလီၤ.
ဒိကနၣ် ယတၢ်ကိးထီၣ်နၤတက့ၢ်.
၂ ဖဲယယူာ်ထီၣ်ယစုလၢ နတၢ်လီၢ်စီဆှံကတၢၢ်+
ဒီးဃ့နၤ တၢ်မၤစၢၤအခါ ဒိကနၣ် ယတၢ်ဃ့ကညးတက့ၢ်.
၃ တဘၣ်စံၣ်ညီၣ်ယၤ ဃုာ်ဒီးပှၤအၢပှၤသီ, ပှၤလၢအ မၤဘၣ်ဒိဆါတၢ်+
ဒီးပှၤလၢအတဲတၢ်ဒီး ပှၤလၢအဃၢၤမုာ်မုာ် ဘၣ်ဆၣ် တၢ်အၢအိၣ်လၢ အသးပူၤန့ၣ်တဂ့ၤ.+
၄ ဟ့ၣ်ကၣ်က့ၤ အဝဲသ့ၣ်+
ဒ်တၢ်အၢလၢ အဝဲသ့ၣ် မၤဝဲအသိးန့ၣ်တက့ၢ်.
ဟ့ၣ်ကၣ်က့ၤ အဝဲသ့ၣ်
ဒ်အစုတၢ်မၤ အအၢအသီ လၢအမၤဝဲ အသိးန့ၣ်တက့ၢ်.+
ကစၢ်ယွၤ ကမၤလီၤပှီၢ် အဝဲသ့ၣ် ဒီးတသူၣ်ထီၣ် အဝဲသ့ၣ်ဘၣ်.
၆ မ့ၢ်လၢယဟိဝၤယွၤ ဒိကနၣ် ယတၢ်ဃ့ကညးလၢ တၢ်မၤစၢၤ အဂီၢ်အဃိ
မ်အဘၣ် တၢ်စံးထီၣ်ပတြၢၤအီၤတက့ၢ်.
ယဒိးန့ၢ်ဘၣ် အတၢ်မၤစၢၤအဃိ ယသူၣ်ဖှံသးညီလီၤ.
အဃိ ယစံးထီၣ်ပတြၢၤအီၤလၢ ယတၢ်သးဝံၣ်လီၤ.
၈ ယဟိဝၤယွၤ မ့ၢ်တၢ်ဂံၢ်တၢ်ဘါလၢ အပှၤဂီၢ်မုၢ်အဂီၢ်လီၤ.
အဝဲမ့ၢ် တၢ်ပူၤဖျဲးအလီၢ် ဒီးကအုၣ်က့ၤခီၣ်က့ၤ အပှၤဒိးဖှူသး တဂၤလီၤ.+
၉ မၤပူၤဖျဲး နပှၤဂီၢ်မုၢ် ဒီးဆိၣ်ဂ့ၤ နတၢ်န့ၢ်သါတက့ၢ်.+
ဒ်ပှၤကွၢ်သိအသိး အံးထွဲကွၢ်ထွဲ အဝဲသ့ၣ် ဒီးစိာ်အီၤလၢ နစုတီၤလိၤ လီၤထူလီၤယိာ်တက့ၢ်.+
စီၤဒၤဝံးအထါ.
၂၉ သုဝဲလၢ အမ့ၢ် ပှၤအဂံၢ်ဆူၣ်ဘါဆူၣ် အဖိခွါသ့ၣ်ဧၢ, ဟ့ၣ် ယဟိဝၤယွၤ တၢ်လၢအကြၢးဒီးအီၤ,
ယူးယီၣ် ယဟိဝၤယွၤလၢ အတၢ်လၤကပီၤ ဒီးအတၢ်ဂံၢ်တၢ်ဘါ အဃိတက့ၢ်.+
၂ ဟ့ၣ်ယဟိဝၤယွၤ တၢ်လၤကပီၤ ဒ်အကြၢးဒီး အမံၤအသိး,
ကၤထီၣ်သုတၢ်ကူတၢ်ကၤစီဆှံ ဒီးထိၣ်လီၤပှီၤသုသးလၢ* ယဟိဝၤယွၤ အမဲာ်ညါတက့ၢ်.
၃ ယဟိဝၤယွၤ အကလုၢ်သီၣ်ထီၣ် လၢထံဖီခိၣ်
ဒီးကစၢ်ယွၤလၢ အပှဲၤဒီးအလၤကပီၤန့ၣ် ဒုးသီၣ်ထီၣ်လီလီၤ.+
ယဟိဝၤယွၤ အိၣ်ဝဲလၢ ထံအါ အဖီခိၣ်လီၤ.+
၄ ယဟိဝၤယွၤ အကလုၢ်န့ၣ် အစိအကမီၤဒိၣ်မး+
ဒီးယဟိဝၤယွၤ အကလုၢ်န့ၣ် လီၤကဟုကညီၢ်ဒိၣ်မးလီၤ.
၅ ယဟိဝၤယွၤ အကလုၢ်န့ၣ် မၤကၢ်ဝဲ သ့ၣ်ဆှိအ့ရ့းတဖၣ်လီၤ.
မ့ၢ်လီၤ, ယဟိဝၤယွၤ မၤသဘှံး လဘၤနိၣ် အသ့ၣ်ဆှိအ့ရ့း တဖၣ်လီၤ.+
၇ ယဟိဝၤယွၤ အကလုၢ်န့ၣ် ဒုးကပီၤထီၣ် လီဝၢ်ဒံး မျးမျးလီၤ.+
၉ ယဟိဝၤယွၤ အကလုၢ်န့ၣ် ဒုးကနိးတၤဟိမိၢ်တဖၣ် ဒီးဒုးဖှံလီၤ* အဖိ ဒီးမၤလီၤဆှုကွံာ် သ့ၣ်လၣ်ခဲလၢာ်လၢ ပှၢ်လၢ်ကျါလီၤ.+
ဖဲန့ၣ်အခါ ပှၤအိၣ်လၢ အတၢ်လုၢ်ဟံၣ်အပူၤခဲလၢာ်
တဲဝဲလၢ “မ်ကစၢ်ယွၤ ဒိးန့ၢ်ဘၣ် တၢ်လၤကပီၤတက့ၢ်.”
၁၀ ယဟိဝၤယွၤ ဆ့ၣ်နီၤလၢ လီၢ်ပစိာ်အလိၤ လၢထံလုၢ်ဘၢတၢ်* အဖီခိၣ်+
ဒီးယဟိဝၤယွၤ ဆ့ၣ်နီၤလၢ လီၢ်ပစိာ်အလိၤ ဒ်စီၤပၤအသိး လီၤထူ လီၤယိာ်လီၤ.+
၁၁ ယဟိဝၤယွၤ ကဟ့ၣ်လီၤအပှၤဂီၢ်မုၢ် လၢတၢ်ဂံၢ်တၢ်ဘါလီၤ.+
ယဟိဝၤယွၤ ကဆိၣ်ဂ့ၤ အပှၤဂီၢ်မုၢ်ဒီး တၢ်ဃူတၢ်ဖိးလီၤ.+
စီၤဒၤဝံးအထါ. တၢ်သးဝံၣ် လၢအဘၣ်ဃးဒီး တၢ်ပာ်စီဆှံ စီၤဒၤဝံး အဟံၣ်.*
၃၀ အိ ယဟိဝၤယွၤဧၢ, နမၤပူၤဖျဲးယၤအဃိ ယကပာ်ထီၣ်ထီ နၤလီၤ.
နတပျဲလၢ ယဒုၣ်ယဒါတဖၣ် သူၣ်ဖှံသးညီလၢ ယဘၣ်နးဘၣ်ဖှီၣ် အဃိဘၣ်.+
၂ အိ ယကစၢ် ယဟိဝၤယွၤဧၢ, ယကိးပသူထီၣ်လၢ နအိၣ်လၢ တၢ်မၤစၢၤအဂီၢ် ဒီးနမၤဘျါက့ၤယၤလံ.+
၃ အိ ယဟိဝၤယွၤဧၢ, နထုးထီၣ်ယၤလၢ တၢ်သွၣ်ခိၣ်အပူၤလံ.*+
နပာ်မူယၤ ဒ်သိးယသုတလဲၤလီၤလၢ တၢ်ပူၤ* တဂ့ၤအဂီၢ်လီၤ.+
၅ အတၢ်သးဒိၣ်ထီၣ် ပှၤတဂၤဂၤန့ၣ် အိၣ်ဝဲထဲတစိၢ်ဖိ+
ဘၣ်ဆၣ် အတၢ်သူၣ်ဂ့ၤသးဝါလၢ ပှၤလၢအဘၣ်သူၣ်ဘၣ်သးဝဲတဂၤ အဖီခိၣ်န့ၣ် အိၣ်ဝဲတစိၤသးလီၤ.+
မဲာ်ထံမဲာ်နိ မ့ၢ်ယွၤလီၤဝဲလၢဟါခီ ဘၣ်ဆၣ် လၢဂီၤခီန့ၣ် တၢ်သးခု ဟဲဝဲလီၤ.+
၆ ဖဲယတဘၣ်ကီဘၣ်ခဲဘၣ်အခါ ယတဲလၢ
“ယကဆၢထၢၣ် ဂၢၢ်ဂၢၢ်ကျၢၤကျၢၤ ထီဘိလီၤ.”
၇ အိ ယဟိဝၤယွၤဧၢ, ဖဲနဘၣ်သူၣ်ဘၣ်သးယၤအခါ နဒုးဆူၣ်ထီၣ် ယဂံၢ်ယဘါ ထဲသိးဒီး ကစၢၢ်တဖျၢၣ်လီၤ.+
ဘၣ်ဆၣ် ဖဲနပာ်သဒၢနမဲာ်အခါ ယပျံၤတၢ်ဒိၣ်မးလီၤ.+
၈ အိ ယဟိဝၤယွၤဧၢ, ယဆဲးကိးထီၣ်နၤလီၤ.+
ဒီးယဃ့ကညး ယဟိဝၤယွၤလၢ တၢ်သးကညီၤအဂီၢ် ခဲအံၤခဲအံၤလီၤ.
၉ ယမ့ၢ်သံ ဒီးလဲၤလီၤလၢ တၢ်ပူၤန့ၣ်* အကကဲဘျုးဒ်လဲၣ်.+
မ့ၢ်ဟီၣ်ခိၣ်ကမူၣ် ကစံးထီၣ်ပတြၢၤနၤဧါ.+ မ့ၢ်အကတဲဘၣ်ဃးဒီး နတၢ်သးတီအဂ့ၢ်ဧါ.+
၁၀ အိ ယဟိဝၤယွၤဧၢ, ဒိကနၣ် ဒီးသးကညီၤယၤတက့ၢ်.+
အိ ယဟိဝၤယွၤဧၢ, ကဲထီၣ် ပှၤလၢ အမၤစၢၤယၤတက့ၢ်.+
၁၁ နဆီတလဲကွံာ် ယတၢ်သးအုးဆူ တၢ်ဂဲၤကလံၣ်လံ.
ဒီးနဘ့ၣ်လီၤကွံာ် ယထၢၣ်တၢ်ကံးညာ်* ဒီးဒုးသိးထီၣ်ယၤလၢ တၢ်သူၣ်ခုသးခုလီၤ.
၁၂ အဃိ ယတအိၣ်ဘှ့ၣ်ဘၣ် ဒီးယကသးဝံၣ် စံးထီၣ်ပတြၢၤနၤလီၤ.
အိ ယကစၢ် ယဟိဝၤယွၤဧၢ, ယကစံးထီၣ်ပတြၢၤနၤ လီၤထူ လီၤယိာ်လီၤ.
လၢတၢ်သူၣ်ဝံၣ်သးဆၢ အခိၣ်အဂီၢ်. စီၤဒၤဝံးအထါ.
၃၁ အိ ယဟိဝၤယွၤဧၢ, ယဃုတၢ်အိၣ်သဒၢ လၢနအိၣ်လီၤ.+
တဘၣ်ပျဲလၢ ယကထံၣ်ဘၣ် တၢ်မဲာ်ဆှး နီတဘျီတဂ့ၤ.+
ခီဖျိလၢ နတၢ်တီတၢ်လိၤအဃိ မၤပူၤဖျဲးယၤတက့ၢ်.+
၂ ဒိးနနၢ်လၢယအိၣ်တက့ၢ်.*
၃ နမ့ၢ်ယလၢၢ်ယလ့ ဒီးယတၢ်အိၣ်သဒၢ အလီၢ်လီၤ.+
ခီဖျိလၢ နမံၤအဃိ+ နကဆှၢယၤ ဒီးဟံးစုနဲၣ်ကျဲယၤလီၤ.+
၅ ယအးလီၤယသးလၢ နစုပူၤလီၤ.+
အိ တၢ်မ့ၢ်တၢ်တီကစၢ် ယဟိဝၤယွၤဧၢ, နပှ့ၤက့ၤယၤလံ.+
၆ ယသးဟ့ ပှၤလၢ အဘူၣ်ထီၣ်ဘါထီၣ် တၢ်ဂီၤတၢ်ဖှီၣ်လၢ အဘျုးတအိၣ်ဘၣ်တဖၣ်လီၤ.
ဘၣ်ဆၣ် မ့မ့ၢ်ယၤန့ၣ် ယနာ်န့ၢ် ယဟိဝၤယွၤလီၤ.
၇ နထံၣ်လီၤ ယတၢ်နးတၢ်ဖှီၣ်လံ အဃိ+
ယကသးခု ဒိၣ်ဒိၣ်မုၢ်မုၢ်လၢ နတၢ်အဲၣ်လၢအတီအဃိလီၤ.
ဒီးနသ့ၣ်ညါ ယတၢ်ကိၢ်တၢ်ဂီၤလၢ အဒိၣ်အမုၢ်တဖၣ်လီၤ.
၈ နတဟ့ၣ်လီၤကွံာ်ယၤလၢ ဒုၣ်ဒါ အစုပူၤဘၣ်,
လၢတၢ်န့ၢ်အလီၢ် နဒုးဆၢထၢၣ်ယၤဖဲ တၢ်လီၢ်လၢ အအိၣ်ဒီး တၢ်ဘံၣ် တၢ်ဘၢလီၤ.
၉ အိ ယဟိဝၤယွၤဧၢ, ယဘၣ်ကိၢ်ဘၣ်ဂီၤအဃိ သးကညီၤယၤတက့ၢ်.
တၢ်သးအုး မၤစၢ်လီၤ ယမဲာ်ချံအဂံၢ်+ ဒီးယနီၢ်ခိ ဒီတဂၤညါလီၤ.+
ခီဖျိလၢ ယတၢ်ကမၣ်အဃိ ယဂံၢ် ယဘါလီၤစၢ်
ဒီးယဃံကၠီးထီၣ်လံ.+
၁၁ ယဒုၣ်ယဒါခဲလၢာ် လီၤဆီဒၣ်တၢ်
ပှၤလၢယခိၣ်ယဃၢၤတဖၣ်န့ၣ် ထံၣ်ဆံးယၤလံ.+
ဒီးယသကိးတဖၣ်န့ၣ် ပျံၤယၤ သပှၢ်တၢၢ်လံ.
ဖဲအဝဲသ့ၣ် ထံၣ်ယၤလၢ တၢ်ချၢအခါန့ၣ် အဝဲသ့ၣ် ဃ့ၢ်ကွံာ်ဝဲလီၤ.+
၁၂ ဒ်ပှၤသံတဂၤလၢ ပှၤတသ့ၣ်နီၣ်ထီၣ်က့ၤအီၤလၢၤဘၣ် အသိးန့ၣ် အဝဲသ့ၣ် ထုးထီၣ်ယၤလၢ အခိၣ်နူာ်ပူၤလံ.
ယလီၤဂာ်ဒ် ပလီလၢ အသ့ၣ်ဖး တဖျၢၣ်လီၤ.
၁၃ ယနၢ်ဟူဘၣ် တၢ်ကစီၣ်လၢ အအၢအသီအါမံၤ
ဒီးတၢ်လၢ အလီၤပျံၤလီၤဖုး အိၣ်ဝးတရံးယၤလီၤ.+
အဝဲသ့ၣ် ပာ်ဖှိၣ်အသး ဒ်သိး ကထီဒါယၤ
ဒီးကူၣ်ထီၣ်လၢ ကမၤသံယၤလီၤ.+
၁၄ အိ ယဟိဝၤယွၤဧၢ, မ့မ့ၢ်ယၤန့ၣ် ယနာ်န့ၢ်နၤလီၤ.+
ဒီးယတဲလၢ “နမ့ၢ် ယကစၢ်ယွၤလီၤ.”+
၁၅ ယတၢ်အိၣ်မူန့ၣ် အိၣ်လၢနစုပူၤလီၤ.
မၤပူၤဖျဲးယၤလၢ ယဒုၣ်ယဒါ ဒီးပှၤလၢ အမၤအၢမၤနးယၤတဖၣ် အစုပူၤတက့ၢ်.+
၁၆ ပာ်ဖျါထီၣ်လၢ နဘၣ်သူၣ်ဘၣ်သး နခ့နပှၤ ယၤအံၤတက့ၢ်.+
မၤပူၤဖျဲးယၤ ခီဖျိ နတၢ်အဲၣ်လၢအတီတက့ၢ်.
၁၇ အိ ယဟိဝၤယွၤဧၢ, ဖဲယကိးထီၣ်နၤအခါ မ်ယသုတထံၣ်ဘၣ် တၢ်မဲာ်ဆှးတဂ့ၤ.+
၁၈ ပှၤလၢအလံၣ်တၢ်, ပှၤလၢအဒုၣ်ဒွဲၣ်စံးအၢ ပှၤတီပှၤလိၤ လၢတၢ်ပာ်ထီၣ်ထီသးအပူၤ
ဒီးလၢတၢ်တပာ်ကဲဘၣ်အပူၤန့ၣ် မ်အတဲတၢ် သုတသ့လၢၤတဂ့ၤ.+
နပာ်ဖျါထီၣ်အီၤလၢ ပှၤခဲလၢာ်အမဲာ်ညါ လၢပှၤလၢ အဃုတၢ်အိၣ်သဒၢ လၢနအိၣ်တဖၣ် အဖီခိၣ်လီၤ.+
၂၀ ဖဲတၢ်အိၣ်ခူသူၣ်အလီၢ်လၢ အအိၣ်ဘူးဒီးနၤန့ၣ် နကပာ်သဒၢအဝဲသ့ၣ်+
လၢပှၤကူၣ်အၢတၢ်တဖၣ် အစုပူၤလီၤ.
နကပာ်ခူသူၣ်ကွံာ် အဝဲသ့ၣ်လၢ နဒဲပူၤ
ဒ်သိးကပာ်သဒၢအဝဲသ့ၣ် လၢပှၤလၢအတဲဆါတၢ်တဖၣ်လီၤ.+
၂၁ မ်ယဟိဝၤယွၤ ဘၣ်တၢ်စံးထီၣ်ပတြၢၤအီၤတက့ၢ်.
ဖဲယအိၣ်လၢ ဝ့ၢ်လၢအဘၣ် တၢ်ကဝီၤဃာ်အီၤ+ အပူၤအခါ အဝဲပာ်ဖျါထီၣ်န့ၢ်ယၤ အတၢ်အဲၣ်လၢအတီ+ လၢကျဲလၢ အလီၤကမၢကမၣ်လီၤ.
၂၂ မ့မ့ၢ်ယၤန့ၣ် ယပျံၤတၢ်ဖုးတၢ်ဒိၣ်မး ဒီးယတဲလၢ
“ယကတုၤလၢတၢ်ဟးဂီၤ လၢနမဲာ်ညါလီၤ.”+
ဘၣ်ဆၣ် ဖဲယကိးပသူထီၣ် လၢနအိၣ်အခါ နနၢ်ဟူ ယတၢ်ဃ့ကညးလၢ တၢ်မၤစၢၤအဂီၢ်လီၤ.+
၂၃ ပှၤလၢအတီဒီး ယဟိဝၤယွၤ ခဲလၢာ်သ့ၣ်ဧၢ, အဲၣ်အီၤတက့ၢ်.+
စီၤဒၤဝံးအထါ. မၣ်စခ့.*
၃၂ ပှၤလၢအတၢ်ကမၣ် ဘၣ်တၢ်ပျၢ်ကွံာ်အီၤ ဒီးပှၤလၢအတၢ်ဒဲးဘး ဘၣ်တၢ်ကျၢၢ်ဘၢအီၤန့ၣ် ကသးခုဝဲလီၤ.+
၃ ဖဲယအိၣ်ဘှ့ၣ်အခါ ယဂံၢ်ယဘါလီၤစၢ်ဝဲ မ့ၢ်လၢ ယသးဘၣ်ဒိဒိၣ်မး* ဒီတနံၤညါအဃိလီၤ.+
၄ လၢမုၢ်ဆါ ဒီးလၢမုၢ်နၤန့ၣ် နတၢ်သးတမုာ်ဘၣ် လၢယဖီခိၣ် ဃၢဝဲဒ် တၢ်ဝံဃၢအသိးလီၤ.+
ဒီးယဂံၢ်ယဘါ လၢာ်ကွံာ်ဝဲ ဒ်ထံလၢ အလီၤသံးကွံာ်ဝဲလၢ တၢ်ကိၢ်ခါအသိးလီၤ. (စ့လၤ)
ယတဲလၢ “ယကအၢၣ်လီၤ ယတၢ်ကမၣ်တဖၣ် လၢယဟိဝၤယွၤ အအိၣ်လီၤ.”+
ဒီးနပျၢ်ကွံာ် ယတၢ်ကမၣ် ဒီးယတၢ်ဒဲးဘးတဖၣ်လီၤ.+ (စ့လၤ)
ပှၤမ့ၢ်မၤဒ်န့ၣ်န့ၣ် ထံဒိၣ်ထီၣ်လၢ အဆီၣ်တၢ်ဆူၣ်ဆူၣ် တတုၤလၢ အဝဲသ့ၣ်အအိၣ်ဘၣ်.
၇ နမ့ၢ်တၢ်အိၣ်ခူသူၣ်အလီၢ်လၢ ယဂီၢ်လီၤ.
နကဒီသဒၢယၤလၢ တၢ်နး တၢ်ဖှီၣ်လီၤ.+
ခီဖျိလၢ နတၢ်အုၣ်က့ၤခီၣ်က့ၤအဃိ ပှၤလၢအကိးပသူထီၣ်လၢ တၢ်သးခုအပူၤန့ၣ် ကအိၣ်ဝးတရံးယၤလီၤ.+ (စ့လၤ)
၈ နတဲလၢ “ယကဟ့ၣ်နၤ တၢ်သ့ၣ်ညါနၢ်ပၢၢ် ဒီးဟံးစုနဲၣ်ကျဲနၤလၢ ကျဲလၢ နကြၢးလဲၤ+
ဒီးယကကွၢ်နၤ လီၤတံၢ်လီၤဆဲး ဒီးယကဟ့ၣ်ကူၣ်ဟ့ၣ်ဖးနၤ.+
၉ ဒီးတဘၣ်ကဲထီၣ်ပှၤလၢ အတၢ်နၢ်ပၢၢ်တအိၣ်ဘၣ် ဒ်ကသ့ၣ် မ့တမ့ၢ် ကသ့ၣ်ယီၤ* အသိးတဂ့ၤ.+
ဒ်သိးပှၤပၢၤအီၤကန့ၢ်အဂီၢ် ပှၤဘၣ်ဒုးအ့ၣ်ထီၣ်အီၤ ထးလၢအကိာ်ပူၤ ဒီးသူပျံၤလီၤ.
ထဲန့ၣ်မး အကဟဲဘူးဒီးနၤလီၤ.”
၁၀ ပှၤအၢပှၤသီ တူၢ်ဘၣ်တၢ်အါမး
မ့မ့ၢ် ပှၤလၢအနာ်န့ၢ် ယဟိဝၤယွၤန့ၣ် ကစၢ်ယွၤ အတၢ်အဲၣ်လၢအတီ အိၣ်ဝးတရံးအီၤလီၤ.+
၁၁ ပှၤတီပှၤလိၤသ့ၣ်ဧၢ, သးခုလၢ ယဟိဝၤယွၤအပူၤ ဒီးသူၣ်ခုသးခုတက့ၢ်.
ပှၤလၢအသူၣ်ဘျၢသးဘျၢ ခဲလၢာ်သ့ၣ်ဧၢ, ကိးပသူထီၣ်လၢ တၢ်သူၣ်ခုသးခု အပူၤတက့ၢ်.
၃၃ ပှၤတီပှၤလိၤသ့ၣ်ဧၢ, ခီဖျိလၢ တၢ်ခဲလၢာ်လၢ ယဟိဝၤယွၤ မၤဝဲအဃိ ကိးပသူထီၣ်လၢ တၢ်သူၣ်ခုသးခုအပူၤတက့ၢ်.+
ပှၤလၢအသးဘျၢတဖၣ် ကြၢးစံးထီၣ်ပတြၢၤအီၤလီၤ.
၂ သးဝံၣ် စံးဘျုးစံးဖှိၣ် ယဟိဝၤယွၤ ဃုာ်ဒီးတနၢ်
ဒီးသးဝံၣ်စံးထီၣ်ပတြၢၤအီၤ ဃုာ်ဒီး သီတူၢ်လၢအအိၣ်ဒီး အပျံၤအဘိတဆံတက့ၢ်.
၃ သးဝံၣ်ထီၣ်အီၤလၢ တၢ်သးဝံၣ် အသီတယုၢ်,+
ဒ့သီတူၢ်ဂ့ၤဂ့ၤဘၣ်ဘၣ် ဒီးကိးပသူထီၣ်လၢ တၢ်သးခုအပူၤတက့ၢ်.
၄ ယဟိဝၤယွၤ အတၢ်ကတိၤန့ၣ် တီဝဲလိၤဝဲ+
ဒီးတၢ်လၢ အမၤဝဲခဲလၢာ်န့ၣ် ပနာ်န့ၢ်အီၤသ့လီၤ.
၅ ကစၢ်ယွၤအဲၣ် တၢ်တီတၢ်လိၤ ဒီးတၢ်စံၣ်ညီၣ်တီလီၤ.+
ဟီၣ်ခိၣ်န့ၣ်ပှဲၤဝဲဒီး ယဟိဝၤယွၤ အတၢ်အဲၣ်လၢအတီလီၤ.+
၆ ယဟိဝၤယွၤ တ့လီၤမူခိၣ် ခီဖျိလၢ အကလုၢ်+
ဒီးအဝဲတ့လီၤ တၢ်ခဲလၢာ်လၢ အအိၣ်လၢမူခိၣ် ခီဖျိလၢ တၢ်ကသါလၢ* အဟဲထီၣ်လၢအထးခိၣ်လီၤ.
၇ အဝဲပာ်ဖှိၣ်ပီၣ်လဲၣ်အထံ ဒ်ထံတမၢၣ်အသိး+
ဒီးထံလၢ အယွၤလီၤဆူၣ်ဆူၣ်န့ၣ် အဝဲပာ်ဝဲလၢ တၢ်ပာ်ဖှိၣ်အလီၢ်တဖၣ်လီၤ.
၈ မ်ပှၤခဲလၢာ်လၢ အအိၣ်လၢဟီၣ်ခိၣ်ချၢန့ၣ် ပျံၤယဟိဝၤယွၤတက့ၢ်.+
ဒီးမ်ပှၤဟီၣ်ခိၣ်ဖိခဲလၢာ် ယူးယီၣ်ပာ်ကဲအီၤတက့ၢ်.
၁၀ ယဟိဝၤယွၤ မၤဟးဂီၤ ပှၤကလုာ်တဖၣ် အတၢ်ကူၣ်အၢ+
ဒီးအဝဲမၤတံာ်တာ် ပှၤဂီၢ်မုၢ်တဖၣ် အတၢ်ကူၣ်ထီၣ်ဖးလီၤလီၤ.+
၁၁ မ့မ့ၢ် ယဟိဝၤယွၤ အတၢ်တိာ်ပာ်န့ၣ် ကအိၣ်ဂၢၢ်ကျၢၤဝဲ လီၤစိၤလီၤထီ+
ဒီးအတၢ်ဘၣ်သးန့ၣ် အိၣ်ဝဲ အစိၤစိၤအဃၣ်ဃၣ်လီၤ.
၁၂ ပှၤတကလုာ်လၢ အယွၤမ့ၢ် ယဟိဝၤယွၤ+
ဒီးပှၤဂီၢ်မုၢ်လၢ အဃုထၢထီၣ်ဝဲ လီၤလီၤဆီဆီလၢ အနီၢ်ကစၢ် အဂီၢ်န့ၣ်+ ကသးခုဝဲလီၤ.
၁၃ ယဟိဝၤယွၤ အိၣ်လၢမူခိၣ် ဒီးကွၢ်လီၤတၢ်
ဒီးအဝဲထံၣ်ဝဲ ပှၤဟီၣ်ခိၣ်ဖိ ခဲလၢာ်လီၤ.+
၁၄ အဝဲအိၣ်လၢ အတၢ်အိၣ်တၢ်ဆိးအလီၢ်
ဒီးကွၢ်စိလီၤဝဲ ပှၤလၢအအိၣ်လၢ ဟီၣ်ခိၣ်ချၢလီၤ.
၁၅ ကစၢ်ယွၤ တ့ဝဲ ပှၤကိးဂၤဒဲး အသူၣ်အသး
ဒီးအဝဲသမံသမိးကွၢ်ဝဲ အဝဲသ့ၣ် အတၢ်မၤခဲလၢာ်လီၤ.+
၁၆ စီၤပၤပူၤဖျဲးဝဲ ခီဖျိလၢ အသုးမုၢ်ဖးဒိၣ်တဖုအဃိ တသ့နီတဂၤဘၣ်.+
ဒီးပှၤလၢ အဂံၢ်ဆူၣ်ဘါဆူၣ်တဂၤ ပူၤဖျဲးဝဲ ခီဖျိ အနီၢ်ကစၢ် အတၢ်ဂံၢ်တၢ်ဘါ အဃိတသ့ဘၣ်.+
၁၇ ကသ့ၣ်အဂံၢ်ဆူၣ်ဘါဆူၣ် ဘၣ်ဆၣ် အတဟ့ၣ်တၢ်မၤနၢၤဘၣ်,
ကသ့ၣ်ကမၤပူၤဖျဲး ပှၤကညီန့ၣ် မ့ၢ်ဝဲတၢ်မုၢ်လၢ် ခီလီလီလီၤ.+
၁၈ ယဟိဝၤယွၤ အမဲာ်ချံန့ၣ် ကွၢ်ထွဲဝဲပှၤလၢ အပျံၤအီၤတဖၣ်+
ဒီးပှၤလၢအအိၣ်ခိးကွၢ်လၢ် အတၢ်အဲၣ်လၢအတီ
၁၉ ဒ်သိး ကမၤပူၤဖျဲး အဝဲသ့ၣ်လၢ တၢ်သံ
ဒီးကပာ်မူအဝဲသ့ၣ် ဖဲတၢ်သၣ်ဝံၤလီၤဒိ အဆၢကတီၢ်န့ၣ်လီၤ.+
၂၀ ပအိၣ်ခိးကွၢ်လၢ် ယဟိဝၤယွၤလီၤ.
အဝဲမ့ၢ် ပှၤလၢအမၤစၢၤပှၤ ဒီးပကတီၤလီၤ.+
၂၁ ပနာ်န့ၢ် ကစၢ်ယွၤ အမံၤစီဆှံအဃိ+
ပသးခုလၢ အဃိလီၤ.
စီၤဒၤဝံးအထါ, ဘၣ်ဃးဒီး ဆၢကတီၢ်ဖဲ စီၤဒၤဝံး ပာ်မၤအသး ဒ်ပှၤပျုၢ်တဂၤအသိး+ လၢစီၤအဘံၤမ့လ့း အမဲာ်ညါလီၤ. ဒီးစီၤအဘံၤမ့လ့း နီဟးထီၣ်ကွံာ်အီၤ ဒီးစီၤဒၤဝံး ဟးထီၣ်ကွံာ်ဝဲလီၤ.
א *
၃၄ ယကစံးထီၣ်ပတြၢၤ ယဟိဝၤယွၤ ကိးဆၢကတီၢ်ဒဲး
ဒီးအတၢ်စံးထီၣ်ပတြၢၤန့ၣ် ကအိၣ်လၢ ယထးခိၣ်လိၤ ထီဘိလီၤ.
ב
၂ ယကပာ်ကဖၢလၢယသးလၢ ယဟိဝၤယွၤအပူၤလီၤ.+
ပှၤလၢအဆီၣ်လီၤသး ကနၢ်ဟူဝဲဒီး ကသူၣ်ခုသးခုဝဲလီၤ.
ג
၃ မ်ပမၤလၤကပီၤသကိး ယဟိဝၤယွၤ+
ဒီးမ်ပပာ်ထီၣ်ထီသကိး ကစၢ်ယွၤ အမံၤတက့ၢ်.
ד
ה
၅ ပှၤလၢ အကွၢ်တၢ်လၢ ကစၢ်ယွၤအအိၣ်န့ၣ် ကသူၣ်ဖှံသးညီဝဲလီၤ.
အဝဲသ့ၣ် တထံၣ်ဘၣ် တၢ်မဲာ်ဆှးဘၣ်.
ז
၆ ပှၤလၢအပတီၢ်ဖုၣ်တဂၤအံၤ ကိးထီၣ်တၢ် ဒီးယဟိဝၤယွၤ နၢ်ဟူဝဲလီၤ.
ဒီးကစၢ်ယွၤ မၤပူၤဖျဲးအီၤလၢ အတၢ်နးတၢ်ဖှီၣ်ခဲလၢာ်လီၤ.+
ח
၇ ယဟိဝၤယွၤ အမူခိၣ်ကလူး သူၣ်ဒဲဝးတရံး ပှၤလၢအပျံၤကစၢ်ယွၤလီၤ.+
ဒီးအဝဲမၤပူၤဖျဲး အဝဲသ့ၣ်လီၤ.+
ט
၈ လ့ၣ်ကွၢ် ဒီးထံၣ်လၢ ယဟိဝၤယွၤ မ့ၢ်တၢ်ဂ့ၤတက့ၢ်.+
ပှၤလၢ အဃုတၢ်အိၣ်သဒၢအလီၢ်လၢ ကစၢ်ယွၤအအိၣ်န့ၣ် ကသးခုဝဲလီၤ.
י
၉ ကစၢ်ယွၤ အပှၤစီဆှံ ခဲလၢာ်သ့ၣ်ဧၢ, ပျံၤယဟိဝၤယွၤတက့ၢ်.
ပှၤလၢအပျံၤအီၤတဖၣ်န့ၣ် ဒိးန့ၢ်ဘၣ်ဝဲ တၢ်လၢအလိၣ်ဘၣ် ခဲလၢာ်လီၤ.+
כ
၁၀ ခ့ယုၢ်ဖိလၢ အဂံၢ်ဆူၣ်ဘါဆူၣ်တဖၣ်ဒၣ်လဲာ် ကလီၤဒိ
မ့မ့ၢ် ပှၤလၢအဃု ယဟိဝၤယွၤန့ၣ် တၢ်အဂ့ၤလၢ အဝဲသ့ၣ် တဒိးန့ၢ်ဘၣ်ဝဲဘၣ်န့ၣ် တအိၣ်နီတမံၤဘၣ်.+
ל
၁၁ ဖိသ့ၣ်လံၤသ့ၣ်ဧၢ, ဟဲဒိကနၣ် ယကလုၢ်တက့ၢ်.
ယကသိၣ်လိသုလၢ တၢ်ပျံၤ ယဟိဝၤယွၤလီၤ.+
מ
၁၂ လၢသုကျါန့ၣ် မတဂၤအဲၣ်တၢ်မူ
ဒီးအဲၣ်ဒိးအိၣ်မူဖးယံာ် ပှဲၤဒီး တၢ်သးခုလဲၣ်.+
נ
၁၃ မ့မ့ၢ်ဒ်န့ၣ်န့ၣ် ပၢၤဃာ်သုပျ့ၤ ဒ်သိးသုသုတတဲတၢ်လၢ အအၢတဂ့ၤ+
ဒီးပၢၤဃာ်သုပျုၤ ဒ်သိးသုသု တတဲလံၣ်တဲလီတၢ် တဂ့ၤန့ၣ်တက့ၢ်.+
ס
၁၄ ဃၣ်ကွံာ်သုသးလၢ တၢ်အၢ ဒီးမၤတၢ်ဂ့ၤတက့ၢ်.+
ဃုတၢ်ဃူတၢ်ဖိး ဒီးလူၤအီၤတက့ၢ်.+
ע
פ
၁၆ ဘၣ်ဆၣ် ယဟိဝၤယွၤ ထီဒါပှၤလၢ အမၤတၢ်အၢ,
အဝဲသ့ၣ်ကသံ ဒီးပှၤလၢဟီၣ်ခိၣ်ချၢ တနီၣ်ဘၣ် အဝဲသ့ၣ်နီတဂၤ လၢၤဘၣ်.+
צ
၁၇ ပှၤတီပှၤလိၤတဖၣ် ကိးထီၣ်တၢ် ဒီး ယဟိဝၤယွၤ နၢ်ဟူဝဲလီၤ.+
ဒီးကစၢ်ယွၤ မၤပူၤဖျဲးအဝဲသ့ၣ်လၢ အတၢ်နးတၢ်ဖှီၣ် ခဲလၢာ်လီၤ.+
ק
ר
၁၉ ပှၤတီပှၤလိၤန့ၣ် ထံၣ်ဘၣ် တၢ်ကီ တၢ်ခဲအါမံၤ+
ဘၣ်ဆၣ် ယဟိဝၤယွၤ မၤပူၤဖျဲးအီၤလၢ တၢ်သ့ၣ်တဖၣ်န့ၣ် ခဲလၢာ်လီၤ.+
ש
ת
၂၁ တၢ်နးတၢ်ဖှီၣ် ကဘၣ်ပှၤအၢပှၤသီ ဒီးအဝဲသ့ၣ်ကသံလီၤ.
ပှၤလၢအသးဟ့ ပှၤတီပှၤလိၤန့ၣ် ကဘၣ်တၢ်ပာ်ဒ့ၣ်ပာ်ကမၣ်အီၤလီၤ.
၂၂ ယဟိဝၤယွၤ ပှ့ၤက့ၤ အခ့အပှၤတဖၣ် အသးသမူ
ဒီးပှၤလၢအဃုတၢ်အိၣ်သဒၢအလီၢ်လၢ အအိၣ်န့ၣ် တဘၣ်တၢ်ပာ်ဒ့ၣ်ပာ်ကမၣ်အီၤ နီတဂၤဘၣ်.+
စီၤဒၤဝံးအထါ.
၃ စိာ်ထီၣ်နဘီ ဒီးနကွါ ဒ်သိးနကဒုးပှၤလၢ အလူၤယၤတက့ၢ်.+
တဲယၤလၢ နကမ့ၢ် ယတၢ်အုၣ်က့ၤခီၣ်က့ၤတက့ၢ်.+
၄ ပှၤလၢအလူၤမၤသံယၤန့ၣ် မ်အထံၣ်ဘၣ်တၢ်မဲာ်ဆှး ဒီးအသူးသ့ၣ်လၤကပီၤ ဟးဂီၤတက့ၢ်.+
ပှၤလၢ အကူၣ်ထီၣ်တၢ် ဒ်သိးကမၤ ဟးဂီၤယၤန့ၣ် မ်အဂုၤက့ၤလၢ အလီၢ်ခံ လၢတၢ်မဲာ်ဆှး အပူၤတက့ၢ်.
၅ မ်အဝဲသ့ၣ် ကဲထီၣ်ဒ်ဖ့လၢ ကလံၤကျါ
ဒီးမ်ယဟိဝၤယွၤ အမူခိၣ်ကလူး နီဟးထီၣ်ကွံာ် အဝဲသ့ၣ်တက့ၢ်.+
၆ ဖဲယဟိဝၤယွၤ အမူခိၣ်ကလူး လူၤအဝဲသ့ၣ်အခါ
မ်အဝဲသ့ၣ် အကျဲန့ၣ်ခံးဝဲ ဒီးဘျ့ဝဲ တက့ၢ်.
၇ ယတမၤအဝဲသ့ၣ် နီတမံၤဘၣ် သနာ်က့ အဝဲသ့ၣ် ဒိးလီၤခူသူၣ်ထု* ဒ်သိးကဒိးယၤအဂီၢ်
ဒီးအဝဲသ့ၣ် ခူၣ်လီၤ တၢ်ပူၤလၢ ယဂီၢ်လီၤ.
၈ မ်တၢ်ဟးဂီၤ ဟဲဘၣ်အဝဲသ့ၣ် သတူၢ်ကလာ်
မ်ထုလၢ အဝဲသ့ၣ် ဒိးလီၤခူသူၣ်ပာ်စၢၤဝဲန့ၣ် ဘၣ်က့ၤအဝဲသ့ၣ်
ဒီးမ်အဝဲသ့ၣ် ဘၣ်ဘျးဒီးထု ဒီးဟးဂီၤကွံာ်တက့ၢ်.+
၉ မ့မ့ၢ်ယၤန့ၣ် ယကသးခုလၢ ယဟိဝၤယွၤအပူၤ
ဒီးယကသူၣ်ဖှံသးညီလၢ အတၢ်အုၣ်က့ၤခီၣ်က့ၤ အဃိလီၤ.
၁၀ ယကတဲလၢ ယသးဒီဖျၢၣ်ညါလၢ
“ယဟိဝၤယွၤဧၢ, ပှၤလၢအလီၤဂာ်ဒီးနၤ တအိၣ်နီတဂၤဘၣ်.
နမၤပူၤဖျဲး ပှၤဂံၢ်စၢ်ဘါစၢ် လၢပှၤလၢ အဂံၢ်ဆူၣ်ဘါဆူၣ်န့ၢ်အီၤတဖၣ် အစုပူၤ+
ဒီးနမၤပူၤဖျဲး ပှၤဂံၢ်စၢ်ဘါစၢ် ဒီးပှၤဖှီၣ်ဖိယာ်ဖိလၢ ပှၤလၢ အတမျာ်အီၤတဖၣ် အစုပူၤလီၤ.”+
၁၁ ပှၤအုၣ်အသးတဖၣ်လၢ အအဲၣ်ဒိးမၤဘၣ်ဒိယၤန့ၣ် ဟဲထီၣ်လၢ တၢ်မဲာ်ညါ+
ဒီးသံကွၢ်ယၤ တၢ်ဂ့ၢ်လၢ ယတသ့ၣ်ညါ နီတစဲးဘၣ်.
၁၂ အဝဲသ့ၣ် ဟ့ၣ်ဆၢက့ၤယၤ တၢ်အၢလၢ တၢ်ဂ့ၤအဂီၢ်+
အဃိ ယသးဘၣ်ဒိလီၤ.
၁၃ မ့မ့ၢ် ယဲဒၣ်အံၤ, ဖဲအဝဲသ့ၣ် ဆိးက့အခါ ယကူထီၣ်ကၤထီၣ် ထၢၣ်တၢ်ကံးညာ်*
ဒီးယဆီၣ်လီၤယသး ခီဖျိလၢ ယဒုၣ်တၢ်အီၣ်လီၤ.
ဒီးဖဲယတၢ်ထုကဖၣ် တဘၣ်တၢ်စံးဆၢအီၤဘၣ်အခါန့ၣ်
၁၄ ယဟးမိၣ်တၢ် ဒ်ပှၤတဂၤလၢ အသကိး မ့တမ့ၢ် အဒီပုၢ်ဝဲၢ် သံသဒၣ်အီၤအသိး
ဒီးယဆုးလီၤယခိၣ် ဒ်ပှၤတဂၤလၢ အဟီၣ်ဝဲယၢၤဝဲ ခီဖျိလၢ အမိၢ်သံအဃိလီၤ.
၁၅ ဘၣ်ဆၣ် ဖဲယဘၣ်ကီဘၣ်ခဲအခါ အဝဲသ့ၣ် သူၣ်ဖှံသးညီ ဒီးပာ်ဖှိၣ်ထီၣ်အသးလီၤ.
အဝဲသ့ၣ် ပာ်ဖှိၣ်ထီၣ်အသးဒီး အိၣ်ခိးခူသူၣ်တၢ် ဒ်သိးကဒုးယၤ အဂီၢ်လီၤ.
အဝဲသ့ၣ်ဖှီကွံာ်ယၤတက့တခီ ဒီးဆဲးမၤဆါယၤလၢ အတၢ်ကတိၤတဖၣ်လီၤ.
၁၆ ပှၤလၢအတယူးယီၣ်ယွၤန့ၣ် နံၤဆဲးအဲးယၤ အၢအၢသီသီ
ဒီးအဝဲသ့ၣ် သးပှံၢ်ထီၣ်ယၤအဃိ အ့ၣ်တဃံးအမဲလီၤ.+
၁၇ အိ ယဟိဝၤယွၤဧၢ, နကကွၢ်လီၤတၢ်ဒ်အံၤ ယံာ်ဒံးထဲလဲၣ်.+
မၤပူၤဖျဲးယၤလၢ အဝဲသ့ၣ် အတၢ်ထီဒုၣ်ထီဒါ+
ဒီးမၤပူၤဖျဲးယသးသမူလၢ အလုၢ်ဒိၣ်ပှ့ၤဒိၣ်အံၤလၢ ခ့ယုၢ်ဖိတဖၣ် အစုပူၤတက့ၢ်.+
၁၈ ဒီးယကစံးဘျုးနၤလၢ တၢ်အိၣ်ဖှိၣ် ဖးဒိၣ်အပူၤ+
ဒီးယကစံးထီၣ်ပတြၢၤနၤလၢ ပှၤဂီၢ်မုၢ်အကျါလီၤ.
၁၉ ပှၤလၢအကဲယဒုၣ်ယဒါလၢ တမ့ၢ်တၢ်ဂ့ၢ်နီတမံၤဘၣ်အဃိန့ၣ် တဘၣ်ပျဲအဝဲသ့ၣ် သးခုလၢ ယဘၣ်ကီဘၣ်ခဲ အဃိတဂ့ၤ.
ယဒုၣ်ယဒါတဖၣ်လၢ အသးဟ့ယၤ ခီလီလီန့ၣ် တဘၣ်ပျဲအဝဲသ့ၣ် ဒုၣ်ဒွဲၣ်စံးအၢယၤ+ ဒီးကွၢ်တကျ့ယၤတဂ့ၤ.+
၂၀ အဝဲသ့ၣ် တတဲတၢ်လၢ ကဒုးအိၣ်ထီၣ် တၢ်ဃူတၢ်ဖိးဘၣ်.
ဒီးအဝဲသ့ၣ် ကူၣ်အၢဝဲ ပှၤလၢအအဲၣ်တၢ်ဃူတၢ်ဖိးလၢ အအိၣ်လၢ ကီၢ်ပူၤလီၤ.+
၂၁ အဝဲသ့ၣ် အိးထီၣ်အကိာ်ပူၤဖးလဲၢ် ဒ်သိးကပာ်ဒ့ၣ်ပာ်ကမၣ်ယၤ
ဒီးတဲဝဲလၢ “ဘၣ်ပိးလဲၣ်,* ပအဲၣ်ဒိးထံၣ်ဒ်န့ၣ်လီၤ.”
၂၂ အိ ယဟိဝၤယွၤဧၢ, နထံၣ်လီၤ တၢ်ကဲထီၣ်အသးအံၤလံ. တဘၣ်အိၣ်ဘှ့ၣ်တဂ့ၤ.+
အိ ယဟိဝၤယွၤဧၢ, တဘၣ်အိၣ်ယံၤဒီးယၤတဂ့ၤ.+
၂၃ ပၢၢ်ထီၣ် ဒီးဂဲၤဆၢထၢၣ် ဒီသဒၢယၤတက့ၢ်.
အိ ယကစၢ် ယဟိဝၤယွၤဧၢ, အိၣ်ဃူဒီး ဒီသဒၢယၤလၢ ယတၢ်ဂ့ၢ်လိာ်ဘှီလိာ်အံၤတက့ၢ်.
၂၄ အိ ယကစၢ် ယဟိဝၤယွၤဧၢ, စံၣ်ညီၣ်န့ၢ်တၢ်လၢယဂီၢ် ဒ်နတၢ်တီတၢ်လိၤ အိၣ်ဝဲအသိးတက့ၢ်.+
တဘၣ်ပျဲလၢ အဝဲသ့ၣ် သးခုလၢ ယဘၣ်ကီဘၣ်ခဲ အဃိတဂ့ၤ.
၂၅ မ်အဝဲသ့ၣ် သုတတဲလီၤ အနီၢ်ကစၢ်အသးလၢ “ဘၣ်ပိးလဲၣ် တၢ်ကဲထီၣ်အသးဒ် ပအဲၣ်ဒိးအသိးလံ.”
ဒီးမ်အဝဲသ့ၣ် သုတတဲလၢ “ပယူၢ်လီၤကွံာ်အီၤလံ” န့ၣ်နီတဘျီတဂ့ၤ.+
၂၆ ပှၤလၢအသးခုလၢ ယဘၣ်နးဘၣ်ဖှီၣ်အဃိန့ၣ်
မ်အထံၣ်ဘၣ် တၢ်မဲာ်ဆှးတက့ၢ်.
ဒီးပှၤလၢအပာ်ထီၣ်ထီအသးလၢ ယဖီခိၣ်န့ၣ် မ်အဝဲသ့ၣ် ဒိးန့ၢ်ဘၣ် တၢ်မဲာ်ဆှးတက့ၢ်.
၂၇ မ့မ့ၢ် ပှၤလၢအဘၣ်သူၣ်ဘၣ်သး ယတၢ်တီတၢ်လိၤတဖၣ်န့ၣ် မ်အဝဲသ့ၣ် ကိးပသူထီၣ်လၢ တၢ်သူၣ်ဖှံသးညီအပူၤတက့ၢ်.
ထီဘိန့ၣ် မ်အဝဲသ့ၣ်တဲလၢ
“ယဟိဝၤယွၤလၢ အဘၣ်သူၣ်ဘၣ်သးဝဲလၢ အခ့အပှၤ ကအိၣ်ဒီးတၢ်ဃူတၢ်ဖိးန့ၣ် မ်အဘၣ် တၢ်မၤလၤကပီၤအီၤတက့ၢ်.”+
လၢတၢ်သူၣ်ဝံၣ်သးဆၢအခိၣ်အဂီၢ်. ယဟိဝၤယွၤ အခ့အပှၤ စီၤဒၤဝံးအထါ.
၃၆ တၢ်ဒဲးဘး ဟံးစုနဲၣ်ကျဲ ပှၤအၢပှၤသီ အသးလီၤ.
အဝဲသ့ၣ် တပျံၤကစၢ်ယွၤ နီတစဲးဘၣ်.+
၂ အဝဲဆိကမိၣ်ဒိၣ်လီၤသး အဃိ
အဝဲတထံၣ်လီၤ အနီၢ်ကစၢ် အတၢ်ကမၣ် ဒီးတသးဟ့ဝဲဘၣ်.+
၃ အထးခိၣ် အတၢ်ကတိၤတဖၣ်န့ၣ် မၤဘၣ်ဒိတၢ် ဒီးမ့ၢ်တၢ်လံၣ် တၢ်လီလီၤ.
အဝဲတအိၣ်ဒီး တၢ်သ့ၣ်ညါနၢ်ပၢၢ်လၢ ကမၤတၢ်ဂ့ၤလၢၤဘၣ်.
၄ ဖဲအအိၣ်လၢ အလီၢ်မံခိၣ်အခါဒၣ်လဲာ် အဝဲကူၣ်ထီၣ်တၢ်အၢလီၤ.
ဒီးအဝဲလဲၤလၢ ကျဲလၢအကမၣ်
ဒီးအဝဲတပာ်တ့ၢ်ကွံာ် တၢ်အၢဘၣ်.
၅ အိ ယဟိဝၤယွၤဧၢ, နတၢ်အဲၣ်လၢအတီန့ၣ် ထီၣ်တုၤလၢ မူခိၣ်+
ဒီးနတၢ်သးတီန့ၣ် အါဝဲဒိၣ်မး တုၤဒၣ်လဲာ် အထီၣ်တုၤလၢ တၢ်အၢၣ် ကျါလီၤ.
၆ နတၢ်တီတၢ်လိၤ လီၤဂာ်ဒ် ကစၢၢ်လၢ အဒိၣ်အထီတဖၣ်*+
နတၢ်စံၣ်ညီၣ်တဖၣ်န့ၣ် ယိာ်ဝဲဒိၣ်မး ဒ်ထံယိာ်ပူၤ အသိးလီၤ.+
အိ ယဟိဝၤယွၤဧၢ, နပာ်မူ ပှၤဟီၣ်ခိၣ်ဖိ ဒီးဆၣ်ဖိကီၢ်ဖိတဖၣ်လီၤ.+
၇ အိ ကစၢ်ယွၤဧၢ, နတၢ်အဲၣ်လၢ အတီန့ၣ် အလုၢ်ဒိၣ်ပှ့ၤဒိၣ်ဝဲ ဒိၣ်မးလီၤ.+
အဃိ ပှၤဟီၣ်ခိၣ်ဖိ ဃုတၢ်အိၣ်သဒၢအလီၢ်လၢ
နဒံးဆ့ အကဒုဖီလာ်လီၤ.+
၈ တၢ်လၢအဂ့ၤကတၢၢ်လၢ* အအိၣ်လၢ နဟံၣ်ပူၤန့ၣ် အဝဲသ့ၣ် အီဝဲဘျဲဘျဲ+
ဒီးနဒုးအီအဝဲသ့ၣ်လၢ နတၢ်ဂ့ၤတၢ်ဝါ အထံကျိလီၤ.+
၉ တၢ်မူအဂံၢ်ခီၣ်ထံး အိၣ်ဒီးနၤလီၤ.+
ခီဖျိလၢ နတၢ်ကပီၤအဃိ ပထံၣ်ထီၣ် တၢ်ကပီၤသ့လီၤ.+
၁၀ ဆဲးပာ်ဖျါထီၣ် နတၢ်အဲၣ်လၢအတီလၢ ပှၤလၢအသ့ၣ်ညါနၤတဖၣ် အဖီခိၣ်+
ဒီးဆဲးပာ်ဖျါထီၣ် နတၢ်တီတၢ်လိၤလၢ ပှၤလၢအသူၣ်ဘျၢသးဘျၢ အဖီခိၣ်တက့ၢ်.+
၁၁ တဘၣ်ပျဲလၢ ပှၤပာ်ထီၣ်ထီသး ယီၢ်လီၤယၤ
ဒီးပှၤအၢပှၤသီ နီဟးထီၣ်ကွံာ်ယၤတဂ့ၤ.
၁၂ ပှၤလၢအမၤတၢ်အၢတဖၣ် လီၤဃံၢ်ဝဲဖဲန့ၣ်,
အဝဲသ့ၣ် ၡူဝဲ ဒီးဂဲၤဆၢထၢၣ်က့ၤဝဲ တန့ၢ်လၢၤဘၣ်.+
စီၤဒၤဝံးအထါ.
א *
၃၇ တဘၣ်သးတံာ်တာ်လၢ ပှၤအၢပှၤသီတဖၣ် အဃိတဂ့ၤ
ဒီးတဘၣ်သးက့ၣ် ပှၤမၤတၢ်ကမၣ်တဖၣ်တဂ့ၤ.+
၂ အဝဲသ့ၣ် ကလီၤညွံးလီၤဘဲဝဲချ့ချ့ ဒ်နီၣ်အသိး+
ဒီးကဃ့ထီကွံာ်ဝဲ ဒ်နီၣ်လါဟ့ အသိးလီၤ.
ב
၃ နာ်န့ၢ် ယဟိဝၤယွၤ ဒီးမၤတၢ်ဂ့ၤတက့ၢ်.+
အိၣ်မူလၢဟီၣ်ခိၣ် ဒီးမၤတၢ်လၢ တၢ်သးတီအပူၤတက့ၢ်.+
၄ သးခုဖးဒိၣ်လၢ ယဟိဝၤယွၤအပူၤတက့ၢ်.
ဒီးအဝဲကမၤလၢပှဲၤန့ၢ်နၤ တၢ်လၢနလီကီတဖၣ်လီၤ.
ג
၅ ပျဲယဟိဝၤယွၤ ဟံးစုနဲၣ်ကျဲ နၤတက့ၢ်.*+
သန့ၤနသးလၢအီၤ ဒီးအကမၤစၢၤနၤလီၤ.+
၆ အဝဲကဒုးကပီၤထီၣ် နတၢ်တီတၢ်လိၤ ဒ်တၢ်ကပီၤလၢ မုၢ်ဆ့ၣ်ဝါအသိး
ဒီးနတၢ်မၤလၢအတီ ဒ်မုၢ်ထူၣ် အတၢ်ကပီၤအသိးလီၤ.
ד
၇ အိၣ်ဘှ့ၣ်ဘှ့ၣ်ဘှီၣ်ဘှီၣ်လၢ ယဟိဝၤယွၤ အမဲာ်ညါ+
ဒီးခိးကွၢ်လၢ်တၢ်လၢ အကမၤဝဲတက့ၢ်.
တဘၣ်သးတံာ်တာ်လၢ ပှၤတဂၤ
အတၢ်ကူၣ် ကဲထီၣ်လိၣ်ထီၣ် အဃိတဂ့ၤ.+
ה
၈ သးပှံၢ်ထီၣ်တၢ်လၢၤတဂ့ၤ ဒီးပာ်တ့ၢ်ကွံာ် တၢ်သးဒိၣ်တက့ၢ်.+
တဘၣ်သးတံာ်တာ် ဒီးခါထီၣ်နခီၣ်လၢ နကမၤတၢ်အၢအဂီၢ်တဂ့ၤ.
၉ ပှၤအၢပှၤသီ ကလီၤမၢ် ကွံာ်ဝဲလီၤ.+
မ့မ့ၢ် ပှၤလၢအမုၢ်လၢ်တၢ်လၢ ယဟိဝၤယွၤ အအိၣ်န့ၣ် ကန့ၢ်သါဘၣ် ဟီၣ်ခိၣ်လီၤ.+
ו
၁၀ တစိၢ်ဖိဒီးန့ၣ် ပှၤအၢပှၤသီ တအိၣ်လၢၤဘၣ်.+
နကဃုကွၢ်တၢ်ဖဲအဝဲသ့ၣ် အိၣ်တ့ၢ်အလီၢ်
ဘၣ်ဆၣ် နတထံၣ် အဝဲသ့ၣ် လၢၤဘၣ်.+
၁၁ မ့မ့ၢ် ပှၤလၢအဆီၣ်လီၤသးန့ၣ် ကန့ၢ်သါဘၣ် ဟီၣ်ခိၣ်လီၤ.+
အဝဲသ့ၣ် ကသးခုဝဲဒိၣ်မး မ့ၢ်လၢ တၢ်ဃူတၢ်ဖိး ကအိၣ်ဝဲ အါမးအဃိလီၤ.+
ז
ח
၁၄ ပှၤအၢပှၤသီ ထုးထီၣ် အနးတဖၣ် ဒီးဖ့ၣ်ထီၣ်အချံၣ်တဖၣ်
ဒ်သိးကမၤလီၤဃံၢ် ပှၤလၢအဘၣ်နးဘၣ်ဖှီၣ် ဒီးပှၤဖှီၣ်ဖိယာ်ဖိ
ဒီးဒ်သိးကမၤသံ ပှၤလၢအအိၣ်မူ တီတီလိၤလိၤအဂီၢ်လီၤ.
၁၅ ဘၣ်ဆၣ် အဝဲသ့ၣ် အနးန့ၣ် ကဆဲးဖျိဘၣ်က့ၤ အနီၢ်ကစၢ်အသး+
ဒီးအဝဲသ့ၣ် အချံၣ်တဖၣ် ကကၢ်ကွံာ်ဝဲလီၤ.
ט
၁၆ တၢ်တစဲးဖိလၢ အအိၣ်ဒီးပှၤတီ ပှၤလိၤန့ၣ်
ဂ့ၤဒိၣ်န့ၢ်ဒံး ပှၤအၢပှၤသီ အတၢ်ထူးတၢ်တီၤလၢ အအိၣ်ဝဲ အါအါ ဂီၢ်ဂီၢ်န့ၣ်လီၤ.+
၁၇ ပှၤအၢပှၤသီ အစုကကၢ်ကွံာ်ဝဲ
မ့မ့ၢ် ပှၤတီပှၤလိၤန့ၣ် ယဟိဝၤယွၤ ကဆီၣ်ထွဲမၤစၢၤဝဲလီၤ.
י
၁၈ ပှၤလၢ ပှၤပာ်ဒ့ၣ်ပာ်ကမၣ်အီၤ အလီၢ်တအိၣ်ဘၣ်တဖၣ် လဲၤခီဖျိဘၣ်ဝဲ တၢ်မနုၤလဲၣ်န့ၣ် ယဟိဝၤယွၤ သ့ၣ်ညါဝဲလီၤ.
ဒီးအဝဲသ့ၣ် အတၢ်န့ၢ်သါန့ၣ် ကအိၣ်ဝဲ လီၤထူလီၤယိာ်လီၤ.+
၁၉ ဖဲတၢ်နးတၢ်ဖှီၣ်အဆၢကတီၢ်န့ၣ် အဝဲသ့ၣ် တထံၣ်ဘၣ် တၢ်မဲာ်ဆှးဘၣ်.
ဒီးဖဲတၢ်သၣ်ဝံၤလီၤဒိ အဆၢကတီၢ်န့ၣ် အဝဲသ့ၣ် တၢ်အီၣ် ကအိၣ် ဒီဒူၣ်လီၤ.
כ
၂၀ ဘၣ်ဆၣ် ပှၤအၢပှၤသီတဖၣ်န့ၣ် ကဟးဂီၤကွံာ်ဝဲလီၤ.+
ဒီးယဟိဝၤယွၤ အဒုၣ်အဒါတဖၣ်န့ၣ် ကလီၤမၢ်ကွံာ်ဝဲဒ် တၢ်အီၣ်ဆၣ်အလီၢ် လၢအဃံလၤအသိး
ဒီးအဝဲသ့ၣ် ကလီၤမၢ်ကွံာ်ဝဲဒ် မ့ၣ်အူခုၣ်အသိးလီၤ.
ל
၂၁ ပှၤအၢပှၤသီန့ၣ် ဃ့လိၢ်တၢ် ဒီးတလိးက့ၤတၢ်ဘၣ်
မ့မ့ၢ် ပှၤတီပှၤလိၤန့ၣ် ဟ့ၣ်တၢ်ညီ ဒီးသးအိၣ်တၢ်လီၤ.+
၂၂ ပှၤလၢ ကစၢ်ယွၤ ဆိၣ်ဂ့ၤအီၤန့ၣ် ကန့ၢ်သါဘၣ် ဟီၣ်ခိၣ်လီၤ.
မ့မ့ၢ် ပှၤလၢကစၢ်ယွၤ ဆိၣ်အၢအီၤန့ၣ် ကလီၤမၢ်ကွံာ်ဝဲလီၤ.+
מ
נ
၂၅ လၢညါ ယမ့ၢ်ပှၤသးစၢ် ဒီးခဲအံၤ ယသးပှၢ်လံ.
ဘၣ်ဆၣ် ပှၤတီပှၤလိၤ ဘၣ်တၢ်ပာ်တ့ၢ်ကွံာ်အီၤ+
မ့တမ့ၢ် အဖိတဖၣ် ဘၣ်ဟးဃ့ အီၣ်တၢ်န့ၣ် ယတထံၣ်ဘၣ် နီတဂၤဘၣ်.+
၂၆ ထီဘိန့ၣ် အဝဲဟ့ၣ်လိၢ်တၢ်လၢ တၢ်သးအိၣ်အပူၤ+
ဒီးအဖိတဖၣ် ကဒိးန့ၢ်ဘၣ် ကစၢ်ယွၤ အတၢ်ဆိၣ်ဂ့ၤလီၤ.
ס
၂၇ ဃၣ်ကွံာ်နသးလၢ တၢ်အၢ ဒီးမၤတၢ်ဂ့ၤ+
ဒီးနကအိၣ်ဘၣ် လီၤထူလီၤယိာ်လီၤ.
၂၈ ယဟိဝၤယွၤ အဲၣ်တၢ်စံၣ်ညီၣ်တီ
အဃိ အဝဲတပာ်တ့ၢ်ကွံာ် ပှၤလၢအသးတီဒီးအီၤတဖၣ်ဘၣ်.+
ע
ဒီးထီဘိန့ၣ် ယွၤကဒီသဒၢ အဝဲသ့ၣ်လီၤ.+
မ့မ့ၢ် ပှၤအၢပှၤသီတဖၣ် အစၢၤအသွဲၣ်န့ၣ် ကလီၤမၢ်ကွံာ်ဝဲလီၤ.+
פ
၃၀ ပှၤတီပှၤလိၤ အထးခိၣ်န့ၣ် ဒုးကူၣ်ဘၣ်ကူၣ်သ့ ပှၤဂၤ
ဒီးအပျ့ၤတဲတၢ် ဘၣ်ဃးဒီး တၢ်စံၣ်ညီၣ်တီလီၤ.+
צ
၃၂ ပှၤအၢပှၤသီ ကွၢ်ဝဲပှၤတီပှၤလိၤ
ဒီးဃုမၤသံအီၤလီၤ.
၃၃ ဘၣ်ဆၣ် ယဟိဝၤယွၤ တဟ့ၣ်လီၤကွံာ် ပှၤတီပှၤလိၤလၢ အဒုၣ်အဒါ အစုပူၤဘၣ်,+
ဒီးပှၤဂၤမ့ၢ်စံၣ်ညီၣ်အီၤ သနာ်က့ ကစၢ်ယွၤ တပာ်တၢ်ကမၣ်လၢ အလိၤဘၣ်.+
ק
၃၄ မုၢ်လၢ်တၢ်လၢ ယဟိဝၤယွၤအအိၣ် ဒီးအိၣ်မူပိာ်ထွဲ အကျဲတက့ၢ်.
ဒီးအဝဲကပာ်ထီၣ်ထီသု ဒီးသုကန့ၢ်သါဘၣ် ဟီၣ်ခိၣ်လီၤ.
ဖဲပှၤအၢပှၤသီတဖၣ် ဘၣ်တၢ်မၤလီၤမၢ်ကွံာ်အီၤအခါ+ သုကထံၣ်ဘၣ်လီၤ.+
ר
၃၅ ယထံၣ် ပှၤလၢအသူၣ်အၢသးသီ
ဘီၣ်ထီၣ်ညီထီၣ်ဝဲ ဒ်သ့ၣ်လၢ အလီၤကဟုကညီၢ် သူၣ်လီၤအသးလၢ ဟီၣ်ခိၣ်ညၣ်ထ့ၣ်လၢ အဂ့ၤ အသိးလီၤ.+
၃၆ ဘၣ်ဆၣ် အဝဲဒံကွံာ်ဝဲ သတူၢ်ကလာ် ဒီးတအိၣ်လၢၤဘၣ်.+
ဒီးယဟးဃုအီၤ ဘၣ်ဆၣ် ယတထံၣ်အီၤလၢၤဘၣ်.+
ש
၃၇ ပာ်သူၣ်ပာ်သး ပှၤလၢပှၤပာ်ဒ့ၣ်ပာ်ကမၣ်အီၤ အလီၢ်တအိၣ်ဘၣ်
ဒီးကွၢ်ထံပှၤလၢ အသူၣ်ဘျၢ သးဘျၢ,+
မ့ၢ်လၢ ပှၤတဂၤန့ၣ် အတၢ်အိၣ်မူ ခါဆူညါ ကမုာ်ကခုၣ်လီၤ.+
၃၈ ဘၣ်ဆၣ် ပှၤမၤကမၣ်တၢ်တဖၣ် ကတုၤလၢတၢ်ဟးဂီၤ ခဲလၢာ်
ဒီးခါဆူညါန့ၣ် ပှၤအၢပှၤသီ အကျဲကကတၢၢ်လီၤ.+
ת
၃၉ ပှၤတီပှၤလိၤ အတၢ်အုၣ်က့ၤခီၣ်က့ၤန့ၣ် ဟဲလၢ ယဟိဝၤယွၤ အအိၣ်လီၤ.+
ဖဲတၢ်ကီတၢ်ခဲ အဆၢကတီၢ်န့ၣ် ကစၢ်ယွၤမ့ၢ် တၢးလၢအကျၢၤ လၢအဝဲသ့ၣ်အဂီၢ်လီၤ.+
၄၀ ယဟိဝၤယွၤ ကမၤစၢၤအဝဲသ့ၣ် ဒီးမၤပူၤဖျဲး အဝဲသ့ၣ်လီၤ.+
ဒီးမ့ၢ်လၢ အဝဲသ့ၣ် ဃုတၢ်အိၣ်သဒၢအလီၢ်လၢ ကစၢ်ယွၤ အအိၣ်အဃိ+
ကစၢ်ယွၤ ကမၤပူၤဖျဲး အဝဲသ့ၣ် လၢပှၤအၢပှၤသီ အစုပူၤ ဒီးကအုၣ်က့ၤခီၣ်က့ၤ အဝဲသ့ၣ်လီၤ.
စီၤဒၤဝံးအထါလၢ တၢ်ဒုးသ့ၣ်နီၣ်ထီၣ်က့ၤအဂီၢ်.
၃၈ အိ ယဟိဝၤယွၤဧၢ, တဘၣ်သိၣ်က့ၤယၤလၢ တၢ်သးထီၣ်အပူၤတဂ့ၤ.
ဒီးတဘၣ် ဘှီဘၣ်ထီၣ်က့ၤယၤလၢ တၢ်သူၣ်ဒိၣ်သးဖျိး အပူၤတဂ့ၤ.+
၂ နပျၢ်တဖၣ်န့ၣ် ဆဲးဖျိယၤယိာ်ယိာ်
ဒီးနစု ဆီၣ်တံၢ်လီၤယၤလီၤ.+
၃ ခီဖျိလၢ နတၢ်သးဒိၣ်ထီၣ်အဃိ ယဆိးက့ နးမးလီၤ.
ဒီးခီဖျိလၢ ယမၤတ့ၢ်တၢ်ဒဲးဘးအဃိ တၢ်သူၣ်မံသးမုာ် တအိၣ်ဒီး ယၤဘၣ်.+
၄ ယတၢ်ကမၣ်တဖၣ် လုၢ်ဘၢကွံာ် ယၤလံ,+
ဒီးယတၢ်ကမၣ်တဖၣ်န့ၣ် လီၤဂာ်ဒ် တၢ်ဝံဃၢအသိး ဒီးယဝံ တန့ၢ်လၢၤဘၣ်.
၅ ယတၢ်ပူၤလီၢ်တဖၣ် နၢအုၣ် ဒီးဒၢမံထီၣ်
မ့ၢ်လၢ ယမၤနါစိၤတၢ် အဃိလီၤ.
၆ ယဘၣ်ကိၢ်ဘၣ်ဂီၤ ဒီးသူၣ်ဟးဂီၤသးဟးဂီၤ နးမးလီၤ.
ဒီးယသးအုး ဒီတနံၤကျၢၤလီၤ.
၈ ယလီၤဘှံးလၢာ်လံ* ဒီးယဂံၢ်ယဘါ တအိၣ်လၢၤဘၣ်.
ယကအုကစွါ မ့ၢ်လၢ ယသးဘၣ်ဒိ နးမးအဃိလီၤ.
၉ အိ ယဟိဝၤယွၤဧၢ, တၢ်လၢယလီကီန့ၣ် နသ့ၣ်ညါအီၤခဲလၢာ်လီၤ.
ဒီးယကသါသဖှိလီၤလၢ တၢ်သူၣ်လီၤဘှံး သးလီၤဘှံးအဃိန့ၣ် နနၢ်ဟူအီၤခဲလၢာ်လီၤ.
၁၁ ခီဖျိလၢ ယတၢ်နးတၢ်ဖှီၣ်အဃိ ယသကိး ဒီးပှၤလၢယအဲၣ်တဖၣ် ဟးဆှဲးယၤလီၤ.
ဒီးယသကိးလၢ အရ့ဒီးယၤ ဘူးဘူးတံၢ်တံၢ်တဖၣ် ထုးယံၤထီၣ်အသးဒီးယၤလံ.
၁၂ ပှၤလၢအဃုမၤသံယၤန့ၣ် ပာ်လီၤပျံၤသကွီၤ လၢယဂီၢ်လီၤ.
ပှၤလၢအအဲၣ်ဒိးမၤဘၣ်ဒိယၤန့ၣ် တဲဝဲဘၣ်ဃးဒီး ကမၤဟးဂီၤယၤအဂ့ၢ်+
ဒီးဒီတနံၤကျၢၤန့ၣ် အဝဲသ့ၣ် ကူၣ်ထီၣ်တၢ်လၢ ကလံၣ်န့ၢ်လီန့ၢ်ယၤလီၤ.
၁၃ ဒ်ပှၤနၢ်တအၢတဂၤအသိး ယတကနၣ်အဝဲသ့ၣ်ဘၣ်.+
ဒီးဒ်ပှၤတဲတၢ်တသ့ဘၣ်တဂၤအသိး ယတအိးထီၣ် ယကိာ်ပူၤဘၣ်.+
၁၄ ယကဲထီၣ်ဒ် ပှၤတဂၤလၢ အ တနၢ်ဟူတၢ်ဘၣ်
ဒီးပှၤတဂၤလၢ အကိာ်ပူၤ တဲဆၢက့ၤတၢ် တသ့ဘၣ်အသိးလီၤ.
၁၅ အိ ယဟိဝၤယွၤဧၢ, ယအိၣ်ခိး နၤလီၤ.+
အိ ယကစၢ် ယဟိဝၤယွၤဧၢ, နကစံးဆၢယၤလီၤ.+
၁၆ ဒီးယတဲလၢ “မ်အဝဲသ့ၣ် သုတသးခုလၢ ယဘၣ်နးဘၣ်ဖှီၣ် အဃိတဂ့ၤ.
ဒီးဖဲယခီၣ်တပျာ်အခါ မ်အဝဲသ့ၣ် သုတပာ်ထီၣ်ထီသးလၢ ယဖီခိၣ်တဂ့ၤ.”
၁၇ ယဘူးကလီၤဃံၢ်
ဒီးယတူၢ်ဘၣ်တၢ်ထီဘိလီၤ.+
၁၉ ဘၣ်ဆၣ် ယဒုၣ်ယဒါတဖၣ်န့ၣ် အိၣ်ဆူၣ်အိၣ်ချ့ ဒီးဂံၢ်ဆူၣ်ဘါဆူၣ်,
ပှၤလၢအသးဟ့ယၤ ခီလီလီတဖၣ်န့ၣ် အါထီၣ်ဝဲဒီဒူၣ်လီၤ.
၂၀ အဝဲသ့ၣ် ဟ့ၣ်ဆၢက့ၤယၤ တၢ်အၢလၢ တၢ်ဂ့ၤအဂီၢ်
ဒီးအဝဲသ့ၣ်တြီယၤ ဒ်သိးယသုတမၤ တၢ်ဂ့ၤတဂ့ၤအဂီၢ်လီၤ.
၂၁ အိ ယဟိဝၤယွၤဧၢ, တဘၣ်ပာ်တ့ၢ်ကွံာ်ယၤတဂ့ၤ.
အိ ကစၢ်ယွၤဧၢ, တဘၣ်အိၣ်ယံၤ ဒီးယၤတဂ့ၤ.+
၂၂ အိ ယတၢ်အုၣ်က့ၤခီၣ်က့ၤ ကစၢ် ယဟိဝၤယွၤဧၢ,+
ဟဲမၤစၢၤယၤ မ့ၢ်ချ့.
လၢတၢ်သူၣ်ဝံၣ်သးဆၢအခိၣ်အဂီၢ်, ဒ် ယဒူသူၣ်*+ အသီၣ်အိၣ်ဝဲအသိး. စီၤဒၤဝံးအထါ.
၃၉ ယတဲလၢ “ဒ်သိးယသုတမၤကမၣ်ဘၣ်တၢ် လၢယပျ့ၤတဂ့ၤအဂီၢ်
ယကပလီၢ်ယသးလီၤ.+
ဖဲပှၤအၢပှၤသီ အိၣ်ဘူးဒီးယၤအခါ
ယကပၢၤဃာ် ယထးခိၣ်လီၤ.”+
၂ ယတတဲတၢ်ဘၣ် ဒီးယအိၣ်ဘှ့ၣ်ဘှ့ၣ်ဘှီၣ်ဘှီၣ်,+
ဘၣ်ဃးဒီး တၢ်ဂ့ၤဒၣ်လဲာ် ယတတဲဃုာ်ဘၣ်.
ဘၣ်ဆၣ် ယတူၢ်ဘၣ်တၢ်နးထီၣ်လီၤ.
၃ မ့ၣ်အူကဲၤကဖးလၢ ယသးပူၤ
ဒီးဖဲယဆိကမိၣ်ထံတၢ်အခါ မ့ၣ်အူကဲၤကပျီၤထီၣ်ဝဲ ကွ့ၢ်ကွ့ၢ်လီၤ.
အဃိယပျ့ၤတဲထီၣ်ဝဲလၢ
၄ “အိ ယဟိဝၤယွၤဧၢ, မၤစၢၤယၤ ဒ်သိးယကသ့ၣ်ညါလၢ ယတၢ်အိၣ်မူန့ၣ် ကဖုၣ်ဒိၣ်မးန့ၣ်တက့ၢ်.
ဒီးမၤစၢၤယၤ ဒ်သိး ယကသ့ၣ်ညါလၢ တစိၢ်ဖိဒီး ယကျဲကကတၢၢ်+
ဒီးယတၢ်အိၣ်မူ ကလဲၤပူၤကွံာ်အသး ချ့မးန့ၣ်တက့ၢ်.
၅ နဟ့ၣ်လီၤယၤ တၢ်အိၣ်မူဖုၣ်ဖုၣ်ဖိ+
ဒီးလၢနမဲာ်ညါန့ၣ် ယတၢ်အိၣ်မူအကတီၢ် ယံာ်ထဲလဲၣ်န့ၣ် တမ့ၢ် တၢ်နီတမံၤဘၣ်.+
ပှၤတဂၤဂ့ၤတဂၤဂ့ၤန့ၣ် မ့ၢ်ဖျါလၢ အအိၣ်ဂၢၢ်ကျၢၤသနာ်က့ အမ့ၢ်ဒၣ် တၢ်သါလီၤထဲတထံၣ်လီၤ.+ (စ့လၤ)
၆ ပှၤကိးဂၤဒဲးန့ၣ် ဟးဝ့ၤဝီၤဝဲဒ် တၢ်အကဒုအသိးလီၤ.
အဝဲသ့ၣ် ကရီတၢ်လၢ တၢ်ကလီကလီအဂီၢ်လီၤ.
အဝဲသ့ၣ် ပာ်ဖှိၣ်ဃာ် တၢ်ထူးတၢ်တီၤ ဘၣ်ဆၣ် အတၢ်ကကဲထီၣ်က့ၤ မတဂၤအတၢ်လဲၣ်န့ၣ် အတသ့ၣ်ညါဝဲဘၣ်.+
၇ အိ ယဟိဝၤယွၤဧၢ, ယကဘၣ်မုၢ်လၢ် တၢ်မနုၤလဲၣ်.
ထဲနၤတဂၤန့ၣ် နမ့ၢ်ယ တၢ်မုၢ်လၢ်လီၤ.
၈ မၤပူၤဖျဲးယၤလၢ ယတၢ်ကမၣ် ခဲလၢာ်တက့ၢ်.+
တဘၣ်ပျဲပှၤမၢးဖိ ဆိကမိၣ်ဆံးယၤတဂ့ၤ.
၁၀ ခီဖျိလၢ နတၢ်သိၣ်ဃီၣ်အဃိ ယဂံၢ် ယဘါ တအိၣ်လၢၤဘၣ်.
ထုးကွံာ်နတၢ်သိၣ်ဃီၣ်လၢ* ယအိၣ်တက့ၢ်.
၁၁ နသိၣ်ဃီၣ် ပှၤကညီလၢ အတၢ်ကမၣ်အဃိ,+
ဒီးတၢ်လၢအဝဲသ့ၣ် ပာ်လုၢ်ပာ်ပှ့ၤတဖၣ်န့ၣ် နမၤဟးဂီၤအီၤဒ် တၢ်ဃၢ်မၤဟးဂီၤ တၢ်ကံးညာ် အသိးလီၤ.
ပှၤကိးဂၤဒဲးန့ၣ် အမ့ၢ်ဒၣ် တၢ်သါလီၤထဲတထံၣ်လီၤ.+ (စ့လၤ)
၁၂ အိ ယဟိဝၤယွၤဧၢ, ကနၣ်ယ တၢ်ထုကဖၣ်တက့ၢ်.
ယဃ့နၤတၢ်မၤစၢၤန့ၣ် ကနၣ်တက့ၢ်.+
ယမဲာ်ထံမဲာ်နိန့ၣ် ဝံသးစူၤ တဘၣ်ကွၢ်ကပာ်တဂ့ၤ.
၁၃ တချုးလၢ ယသံ ဒီးလီၤမၢ်ကွံာ်ဒံးဘၣ်န့ၣ် ဒ်သိးယသးကဖှံထီၣ် အဂီၢ်
တဘၣ်ကွၢ်လီၤယၤလၢ တၢ်သးဒိၣ်အပူၤလၢၤတဂ့ၤ.”
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၄၀ ယမုၢ်လၢ်တၢ်လၢ ယဟိဝၤယွၤအအိၣ် လၢတၢ်သူၣ်ဆူၣ်သးဆူၣ်အပူၤ
ဒီးအဝဲဒိးအနၢ်လၢယအိၣ်* ဒီးနၢ်ဟူယတၢ်ကိးပသူထီၣ်လၢ တၢ်မၤစၢၤအဂီၢ်လီၤ.+
၂ အဝဲထုးထီၣ်ကွံာ်ယၤလၢ တၢ်ပူၤလၢ ထံယွၤလီၤဆူၣ်ဆူၣ်
ဒီးတၢ်ပူၤလၢ အပှဲၤဒီး ကပံာ်န့ၣ်လီၤ.
အဝဲပာ်ယခီၣ်လၢ လ့အဖီခိၣ်
ဒီးမၤဂၢၢ်မၤကျၢၤယခီၣ်လီၤ.
၃ ဝံၤဒီး အဝဲသိၣ်လိယၤ တၢ်သးဝံၣ်အသီတယုၢ်,+
တၢ်သးဝံၣ်စံးထီၣ်ပတြၢၤ ပကစၢ်ယွၤလီၤ.
ပှၤအါဂၤ ကကွၢ်စိဃီၤဝဲ ဒီးကကမၢကမၣ်
ဒီးကနာ်န့ၢ် ယဟိဝၤယွၤလီၤ.
၄ ပှၤလၢ အနာ်န့ၢ် ယဟိဝၤယွၤ ဒီးတသန့ၤအသးလၢ ပှၤလၢအခိၣ်ကိၤ
ဒီးပှၤလံၣ်တၢ်လီတၢ်တဖၣ်ဘၣ်န့ၣ် ကသးခုဝဲလီၤ.
၅ အိ ယကစၢ် ယဟိဝၤယွၤဧၢ,
နမၤတ့ၢ်တၢ်အါမံၤလံ.
နတၢ်မၤန့ၣ် လီၤလိၢ်လီၤလး ဒီးနဆိကမိၣ်န့ၢ်တၢ်လၢ ပဂီၢ်ထီဘိလီၤ.+
ပှၤဒ်သိးဒီးနၤ တအိၣ်နီတဂၤဘၣ်.+
ယမ့ၢ်ဘၣ်တဲဖျါထီၣ် တၢ်သ့ၣ်တဖၣ်အံၤန့ၣ်
အအိၣ်ဝဲအါတလၢ တုၤလၢ ယနီၣ်ဘၣ်အီၤ တလၢာ်ဘၣ်.+
၆ နတလီကီ တၢ်လုၢ်တၢ်ပာ် ဒီးတၢ်လုၢ်ထီၣ်တဖၣ်ဘၣ်.+
ဒီးနတဃ့ တၢ်လုၢ်ဒွဲၣ်အူ ဒီးတၢ်လုၢ်လၢ တၢ်ဒဲးဘးအဂီၢ်ဘၣ်.+
ဘၣ်ဆၣ် နမၤစၢၤယၤဒ်သိး ယကဒိကနၣ်တၢ် ဒီးနၢ်ပၢၢ်တၢ်လၢ နတဲတဖၣ်လီၤ.+
၇ ဒီးယတဲလၢ “ကွၢ်လၢအံၤ, ယဟဲလံ.
လၢလံာ်ထူအပူၤန့ၣ် တၢ်ကွဲးအသးလၢ ယဂ့ၢ်လီၤ.+
၈ အိ ယကစၢ်ယွၤဧၢ, ယမၤနတၢ်ဘၣ်သးန့ၣ် မၤသးခုယသးဒိၣ်မး.+
ဒီးနတၢ်သိၣ်တၢ်သီန့ၣ် အိၣ်လၢယ သးကံၢ်ပူၤလီၤ.+
၉ ယစံၣ်တဲၤတဲလီၤ တၢ်တီတၢ်လိၤ အတၢ်သးခုကစီၣ်လၢ တၢ်အိၣ်ဖှိၣ်ဖးဒိၣ်အပူၤလီၤ.+
အိ ယဟိဝၤယွၤဧၢ, ယတတြီ ယ ကိာ်ပူၤဘၣ်န့ၣ်+
နသ့ၣ်ညါဂ့ၤဂ့ၤလီၤ.
၁၀ နတၢ်တီတၢ်လိၤန့ၣ် ယတပာ်အီၤထဲလၢ ယသးပူၤဘၣ်.
ယတဲဖျါထီၣ် နတၢ်သးတီ ဒီးနတၢ်အုၣ်က့ၤခီၣ်က့ၤ အဂ့ၢ်လီၤ.
ဒီးယပာ်ဖျါထီၣ် နတၢ်အဲၣ်လၢအတီ ဒီးနတၢ်မ့ၢ်တၢ်တီ လၢတၢ်အိၣ်ဖှိၣ်ဖးဒိၣ် အပူၤလီၤ.”+
၁၁ အိ ယဟိဝၤယွၤဧၢ, တဘၣ် တြီဃာ် နတၢ်သးကညီၤ လၢယအိၣ်တဂ့ၤ.
မ်နတၢ်အဲၣ်လၢအတီ ဒီးနတၢ်မ့ၢ်တၢ်တီန့ၣ် ဒီသဒၢယၤထီဘိတက့ၢ်.+
၁၂ တၢ်နးတၢ်ဖှီၣ်တဖၣ် အိၣ်ဝးတရံးယၤ အါတုၤဒၣ်လဲာ် ယဂံၢ်အီၤ တလၢာ်ဘၣ်.+
ယတၢ်ကမၣ်အါမး လုၢ်ဘၢကွံာ်ယၤအဃိ ယတထံၣ်ယကျဲလၢၤဘၣ်.+
ယတၢ်ကမၣ်တဖၣ် အိၣ်အါန့ၢ်ဒံး ယခိၣ်ဆူၣ်
အဃိ ယသးဂံၢ်ဘါလီၤစၢ်လၢာ်လံ.
၁၃ အိ ယဟိဝၤယွၤဧၢ, ဝံသးစူၤ သးအိၣ်မၤပူၤဖျဲးယၤတက့ၢ်.+
အိ ယဟိဝၤယွၤဧၢ, ဟဲမၤစၢၤယၤ မ့ၢ်ချ့.+
၁၄ ပှၤလၢအဃုမၤသံယၤန့ၣ်
မ်အထံၣ်ဘၣ် တၢ်မဲာ်ဆှးတက့ၢ်.
ဒီးပှၤလၢအသးခုလၢ ယဘၣ်နး ဘၣ်ဖှီၣ်အဃိန့ၣ်
မ်အဂုၤက့ၤလီၢ်ခံလၢ တၢ်မဲာ်ဆှး အပူၤတက့ၢ်.
၁၅ ပှၤလၢအနံၤဆဲးအဲးယၤ ဒီးတဲလၢ “ဘၣ်ပိးလဲၣ်” န့ၣ်
မ်အဝဲသ့ၣ် မဲာ်ဆှးတုၤလၢ အပျံၤတၢ်ဖုးတၢ်တက့ၢ်.
ပှၤလၢအခိးကွၢ်လၢ် နတၢ်အုၣ်က့ၤခီၣ်က့ၤန့ၣ် မ်အဝဲသ့ၣ်တဲဝဲ ထီဘိလၢ
“မ်ယဟိဝၤယွၤ ဘၣ်တၢ်မၤလၤကပီၤအီၤတက့ၢ်.”+
၁၇ ယမ့ၢ်ပှၤဂံၢ်စၢ်ဘါစၢ် ဒီးပှၤဖှီၣ်ဖိယာ်ဖိလီၤ.
မ်ယဟိဝၤယွၤ ပာ်သူၣ်ပာ်သးယၤတက့ၢ်.
ယကစၢ်ယွၤဧၢ, နမ့ၢ်ပှၤလၢအမၤစၢၤယၤ ဒီးပှၤလၢအမၤပူၤဖျဲး ယၤလီၤ.+
တဘၣ်ထုးယံာ် တၢ်ဆၢကတီၢ်တဂ့ၤ.+
လၢတၢ်သူၣ်ဝံၣ်သးဆၢ အခိၣ်အဂီၢ်. စီၤဒၤဝံးအထါ.
၄၁ ပှၤလၢအဆိကမိၣ်န့ၢ်တၢ်လၢ ပှၤပတီၢ်ဖုၣ်အဂီၢ်န့ၣ် ကသးခုဝဲလီၤ.+
ဒီးလၢတၢ်နးတၢ်ဖှီၣ် အမုၢ်တနံၤန့ၣ် ယဟိဝၤယွၤ ကမၤပူၤဖျဲးအီၤလီၤ.
၂ ယဟိဝၤယွၤ ကဒီသဒၢအီၤ ဒီးပာ်မူအီၤလီၤ.
လၢဟီၣ်ခိၣ်ချၢန့ၣ် ပှၤကပာ်ပနီၣ်အီၤလၢ ပှၤလၢအသးခုလီၤ.+
ယွၤတဟ့ၣ်လီၤအီၤလၢ အဒုၣ်အဒါတဖၣ် အစုပူၤနီတဘျီဘၣ်.+
၃ ဖဲအဆိးက့ဒီးအိၣ်လၢ လီၢ်မံခိၣ်အခါ ယဟိဝၤယွၤ ကကွၢ်ထွဲအီၤလီၤ.+
ဖဲအဆိးက့အခါ ကစၢ်ယွၤ ကမၤမုာ်ထီၣ်အီၤလီၤ.
၄ ဒီးယတဲလၢ “အိ ယဟိဝၤယွၤဧၢ, ယမၤကမၣ်ဘၣ်နၤလံ.+
သးကညီၤယၤ+ ဒီးမၤဘျါက့ၤယၤတက့ၢ်.”+
၅ ဘၣ်ဆၣ် ယဒုၣ်ယဒါတဖၣ် တဲဟးဂီၤယၤ ဒီးတဲဝဲလၢ
“အဝဲကသံဒီး အမံၤကလီၤမၢ်ဆံးယံာ်လဲၣ်.”
၆ ပှၤလၢအဝဲသ့ၣ် အကျါတဂၤ မ့ၢ်ဟဲထံၣ်ယၤန့ၣ် အဟဲတဲတၢ်လၢ တၢ်သူၣ်တဘျၢ သးတဘျၢဘၣ် အပူၤလီၤ.
အဝဲဃုတၢ်ဂ့ၢ်ဒ်သိး အကမၤ ဘၣ်ဒိယၤ
ဝံၤဒီး အဝဲက့ၤ ရၤလီၤဝဲဝးဝးလီၤ.
၇ ပှၤလၢအသးဟ့ယၤ ခဲလၢာ်န့ၣ် တဲကသွံလိာ်အသးတဂၤဒီးတဂၤ
ဒီးအဝဲသ့ၣ် ကူၣ်ထီၣ်တၢ်အၢ ဒ်သိးကမၤဆါယၤအဂီၢ်
၈ ဒီးအဝဲသ့ၣ် တဲဝဲလၢ “တၢ်လၢအလီၤပျံၤလီၤဖုးတခါ လီၤဘၣ်အီၤလံ.
အဝဲလီၤဃံၢ်လံ ဒီးဂဲၤဆၢထၢၣ်က့ၤ တန့ၢ်နီတဘျီလၢၤဘၣ်.”+
၁၀ အိ ယဟိဝၤယွၤဧၢ, ဒ်သိးယကသိၣ်ဃီၣ် အဝဲသ့ၣ်အဂီၢ်
သးကညီၤယၤ ဒီးဝံၣ်ဆၢထၢၣ် ယၤတက့ၢ်.
၁၁ ဖဲယဒုၣ်ယဒါတဖၣ် တမၤနၢၤယၤ+ ဒီးတသးခုလၢၤဘၣ်အခါ
ယကသ့ၣ်ညါလၢ နဘၣ်သူၣ်ဘၣ်သးယၤလီၤ.
၁၃ မ်အံၣ်စရ့လးအကစၢ်ယဟိဝၤယွၤ ဘၣ်တၢ်စံးထီၣ်ပတြၢၤအီၤ
အစိၤစိၤအဃၣ်ဃၣ်တက့ၢ်.+
အၤမ့ၣ်, အၤမ့ၣ်.*
လံာ်ခံဘ့ၣ်တဘ့ၣ်
(စံးထီၣ်ပတြၢၤ ၄၂-၇၂)
လၢတၢ်သူၣ်ဝံၣ်သးဆၢအခိၣ်အဂီၢ်. စီၤကိၤရးအဖိခွါတဖၣ်အတၢ်သးဝံၣ်.+ မၣ်စခ့.*
၄၂ ဒ်တၤဟိတဒု အဲၣ်ဒိးအီ ထံကျိဖိအထံအသိး
အိ ကစၢ်ယွၤဧၢ, ယအဲၣ်ဒိး မၤနတၢ်လီၤ.
၂ ဒ်ပှၤတဂၤလီၤဘဲအီထံအသိး ယလိၣ်ဘၣ် ယွၤလၢအမူဝဲတဂၤ သပှၢ်ကတၢၢ်လီၤ.+
ယလဲၤပာ်ဖျါထီၣ်ယသးလၢ ကစၢ်ယွၤအမဲာ်ညါ ကန့ၢ်အခါဖဲလဲၣ်.+
၃ လၢမုၢ်ဆါ ဒီးလၢမုၢ်နၤန့ၣ် ယမဲာ်ထံမ့ၢ်ယတၢ်အီၣ်လီၤ.
ဒီးဒီတနံၤညါန့ၣ် ပှၤတဲဆဲးအဲးယၤလၢ “နကစၢ်ယွၤ အိၣ်ဖဲလဲၣ်.”+
၄ လၢညါန့ၣ် ယပၣ်ဃုာ်လၢ ပှၤဂီၢ်မုၢ်အကျါ လၢအလဲၤဆူ ကစၢ်ယွၤအဟံၣ်လီၤ. ဖဲယနီၣ်ဘၣ်က့ၤ တၢ်ဂ့ၢ်တဖၣ်အံၤအခါ
ယတဲဖျါထီၣ် ယသးတၢ်တူၢ်ဘၣ်လၢ နအိၣ်ပျီပျီလီၤ.
ဖဲပလဲၤတၢ်အခါ ယဟးလၢတၢ်မဲာ်ညါ ကယီကယီ*
ဒီးပအိၣ်ဒီး တၢ်သူၣ်ဖှံသးညီ ဒီးပသးဝံၣ် စံးဘျုးစံးဖှိၣ်တၢ်
ဒ်ပှၤဂီၢ်မုၢ်လၢ အမၤမူးပွဲအသိးလီၤ.+
၅ ဘၣ်မနုၤအဃိ ယသးဟးဂီၤလဲၣ်.+
ဘၣ်မနုၤအဃိ ယသူၣ်ကိၢ်သးဂီၤလဲၣ်.
၆ ယကစၢ်ယွၤဧၢ, ယသးဟးဂီၤလီၤ.+
အဃိဖဲယအိၣ်လၢ ထံကျိယၢ်ဒ့ၣ် အဟီၣ်ကဝီၤ ဒီးလၢကစၢၢ်ဃ့ရမိၣ် အခိၣ်ဒီ
ဒီးလၢကစၢၢ်မံစၢ်* အခါန့ၣ်
ယသ့ၣ်နီၣ်ထီၣ်နၤလီၤ.+
၇ ထံယွၤလီၤဆူၣ်ဆူၣ်လၢ ယနၢ်ဟူဘၣ်အသီၣ်န့ၣ်
မ့ၢ်ဝဲနထံလီၤဆူ အသီၣ်လီၤ.
တၢ်ကီတၢ်ခဲတဖၣ် လုၢ်ဘၢယၤ ဒ်နလပီတဖၣ်အသိးလံ.+
၈ လၢမုၢ်ဆါခီန့ၣ် ယဟိဝၤယွၤ ကပာ်ဖျါန့ၢ်ယၤ အတၢ်အဲၣ်လၢအတီ
ဒီးလၢမုၢ်နၤခီန့ၣ် ယကသးဝံၣ် ကစၢ်ယွၤအဂ့ၢ်, ယကဃ့ထုကဖၣ်လၢ ယသးသမူ အကစၢ်ယွၤအအိၣ်လီၤ.+
၉ ယကတဲဘၣ် ကစၢ်ယွၤလၢ အမ့ၢ်ယလၢၢ်ယလ့လၢ
“ဘၣ်မနုၤအဃိ နသးပ့ၤနီၣ်ကွံာ်ယၤလဲၣ်.+
ဘၣ်မနုၤအဃိ ယဘၣ်ဟးဝ့ၤဝီၤ လၢတၢ်သးအုးအပူၤ ခီဖျိ ယဒုၣ်ယဒါ ဆီၣ်တံၢ်မၤနၢၤယၤ အဃိလဲၣ်.”+
၁၀ လၢတၢ်သူၣ်ဟ့သးဟ့အပူၤ ယဒုၣ်ယဒါတဖၣ် ဒုၣ်ဒွဲၣ်ယၤ
ဒီးဒီတနံၤညါန့ၣ် အဝဲသ့ၣ် တဲဆဲးအဲးယၤလၢ “နကစၢ်ယွၤ အိၣ်ဖဲလဲၣ်.”+
၁၁ ဘၣ်မနုၤအဃိ ယသးဟးဂီၤလဲၣ်.
ဘၣ်မနုၤအဃိ ယသူၣ်ကိၢ်သးဂီၤလဲၣ်.
ယကခိးကွၢ်လၢ်တၢ်လၢ ကစၢ်ယွၤအအိၣ်+
မ့ၢ်လၢ ယကစံးထီၣ်ပတြၢၤဒံးအီၤ ဒ်ယယွၤ ဒီးယတၢ်အုၣ်က့ၤခီၣ်က့ၤ ကစၢ်ဖးဒိၣ်အသိးလီၤ.+
၄၃ အိ ကစၢ်ယွၤဧၢ, စံၣ်ညီၣ်န့ၢ်တၢ်လၢယဂီၢ်+
ဒီးအိၣ်ဃူ ဒီးဒီသဒၢယၤလၢ ယတၢ်ဂ့ၢ်လိာ်ဘှီလိာ်ဒီး+ ပှၤကလုာ်တကလုာ်လၢ အသးတတီဘၣ်တက့ၢ်.
မၤပူၤဖျဲးယၤလၢ ပှၤလၢအလံၣ်န့ၢ်လီန့ၢ်တၢ် ဒီးအတတီတလိၤတဂၤ အစုပူၤတက့ၢ်.
၂ နမ့ၢ်ယကစၢ်ယွၤ ဒီးတၢးလၢအကျၢၤ လၢယဂီၢ်လီၤ.+
ဘၣ်မနုၤအဃိ နနီဟးထီၣ်ကွံာ်ယၤလဲၣ်.
ဘၣ်မနုၤအဃိ ယဘၣ်ဟးဝ့ၤဝီၤ လၢတၢ်သးအုးအပူၤ ခီဖျိ ယဒုၣ်ယဒါ ဆီၣ်တံၢ်မၤနၢၤယၤ အဃိလဲၣ်.+
၃ ဆှၢဃီၤ နတၢ်ကပီၤ ဒီးနတၢ်သိၣ်လိလၢ အမ့ၢ်အတီတက့ၢ်.+
၄ ဒီးယကလဲၤလၢ ကစၢ်ယွၤအတၢ်လုၢ်လီၢ်,+
ယကသူၣ်ဖှံသးညီလၢ ယကစၢ်ယွၤအပူၤလီၤ.
အိ ယကစၢ်ယွၤဧၢ, ယကစံးထီၣ်ပတြၢၤနၤ ဃုာ်ဒီးတနၢ်လီၤ.+
၅ ဘၣ်မနုၤအဃိ ယသးဟးဂီၤလဲၣ်.
ဘၣ်မနုၤအဃိ ယသူၣ်ကိၢ်သးဂီၤလဲၣ်.
ယကခိးကွၢ်လၢ်တၢ်လၢ ကစၢ်ယွၤအအိၣ်+
မ့ၢ်လၢယကစံးထီၣ်ပတြၢၤဒံးအီၤ ဒ်ယယွၤ ဒီးယတၢ်အုၣ်က့ၤခီၣ်က့ၤ ကစၢ်ဖးဒိၣ်အသိးလီၤ.+
လၢတၢ်သူၣ်ဝံၣ်သးဆၢအခိၣ်အဂီၢ်. စီၤကိၤရး အဖိခွါတဖၣ် အထါသးဝံၣ်.+ မၣ်စခ့.*
၄၄ အိ ကစၢ်ယွၤဧၢ,
ပမိၢ်ပၢ်ဖံဖု လၢပျၢၤတဖၣ် တဲဘၣ်ပှၤ+
ဘၣ်ဃးဒီး တၢ်လၢနမၤလၢပျၢၤ လၢအဝဲသ့ၣ်အစိၤ
အဃိ ပနၢ်ဟူဘၣ်လံ.
၂ ပှၤကလုာ်တဖၣ်လၢ ကီၢ်ပူၤန့ၣ် နနီဟးထီၣ်ကွံာ်အီၤ လၢနစိနကမီၤ+
ဒီးနဒုးအိၣ်ဒုးဆိး ပမိၢ်ပၢ်ဖံဖု လၢပျၢၤတဖၣ် ဖဲန့ၣ်လီၤ.+
နမၤသဘှံး ပှၤကလုာ်တဖၣ် ဒီးနနီဟးထီၣ်ကွံာ် အဝဲသ့ၣ်လီၤ.+
၃ ပမိၢ်ပၢ်ဖံဖု လၢပျၢၤတဖၣ် တမၤန့ၢ်ကီၢ် ခီဖျိလၢ အနီၢ်ကစၢ်အနးအဃိဘၣ်+
ဒီးအဝဲသ့ၣ် တမၤနၢၤတၢ် ခီဖျိလၢ အနီၢ်ကစၢ်အစုအဃိဘၣ်,+
မ့ၢ်ဒၣ်ခီဖျိလၢ နစုထွဲ, နဂံၢ်နဘါ,+
ဒီးနမဲာ်အတၢ်ကပီၤ မ့ၢ်လၢနဘၣ်သူၣ်ဘၣ်သး အဝဲသ့ၣ်အဃိလီၤ.+
၄ အိ ကစၢ်ယွၤဧၢ, နမ့ၢ်ယစီၤပၤလီၤ.+
ဟ့ၣ်လီၤတၢ်ကလုၢ် ဒ်သိး စီၤယၤကိာ် အစၢၤအသွဲၣ် ကမၤနၢၤတၢ် သပှၢ်ကတၢၢ်တက့ၢ်.
၅ ပကနီက့ၤကဒါက့ၤ ပဒုၣ်ပဒါတဖၣ်လၢ နစိနကမီၤလီၤ.+
ဒီးပကယီၢ်တံၢ်လီၤ ပှၤလၢအဂဲၤဆၢထၢၣ် ထီဒါပှၤတဖၣ် ခီဖျိလၢနမံၤလီၤ.+
၆ ယတပာ်ဂံၢ်ပာ်ဘါ ယချံၣ်ဘၣ်
ဒီးယနးန့ၣ် မၤပူၤဖျဲးယၤတသ့ဘၣ်.+
၇ ပှၤလၢ အမၤပူၤဖျဲးတ့ၢ်ပှၤ လၢပဒုၣ်ပဒါအစုပူၤန့ၣ် မ့ၢ်နၤလီၤ.+
ဒီးပှၤလၢ အမၤမဲာ်ဆှးတ့ၢ် ပှၤလၢအသးဟ့ပှၤန့ၣ် မ့ၢ်နၤလီၤ.
၈ အိ ကစၢ်ယွၤဧၢ, ပကစံးထီၣ်ပတြၢၤနၤ ဒီတနံၤကျၢၤလီၤ.
ဒီးပကစံးထီၣ်ပတြၢၤ နမံၤ လီၤစိၤလီၤထီလီၤ.
၉ ဘၣ်ဆၣ် ခဲအံၤ နစူးကွံာ်ညိကွံာ်ပှၤ ဒီးမၤမဲာ်ဆှးပှၤလံ.
နတတီခိၣ်ရိၤမဲ ပသုးမုၢ်လၢၤဘၣ်.
၁၀ နဒုးဃ့ၢ်ကွံာ်ပှၤလၢ ပဒုၣ်ပဒါအမဲာ်ညါ+
ဒီးပှၤလၢအသးဟ့ပှၤတဖၣ်န့ၣ် ဟံးန့ၢ် ပတၢ်ဖိတၢ်လံၤတဖၣ် ဖဲအသးလီၤ.
၁၁ နပျဲလၢ ပဒုၣ်ပဒါ ကမၤသံပှၤဒ်သိအသိး
ဒီးနပျဲလၢ ပကလီၤပြံလီၤပြါလၢ ပှၤကလုာ်တဖၣ်အကျါလီၤ.+
၁၂ နဆါလီၤကွံာ် နပှၤဂီၢ်မုၢ်လၢ အပှ့ၤဘၣ်ဘၣ်ဖိ+
ဒီးနတန့ၢ်ဘၣ် အမၠးနီတစဲးဘၣ်.
၁၃ နဒုးကဲထီၣ်ပှၤလၢ တၢ်ဒုၣ်ဒွဲၣ်အလီၢ်လၢ ပှၤလၢပခိၣ်ပဃၢၤတဖၣ်အဂီၢ်,
ပှၤလၢပကပိာ်ကပၤတဖၣ် တဲဆါပှၤ ဒီးနံၤဆဲးအဲးပှၤလီၤ.
၁၄ နဒုးကဲထီၣ်ပှၤလၢ တၢ်လီၤသးဘၣ်အၢ လၢပှၤကလုာ်တဖၣ်အကျါ,+
အဝဲသ့ၣ် ဂံၤဂုၤအခိၣ်လၢ တၢ်တပာ်ကဲပှၤဘၣ်အပူၤလီၤ.
၁၅ ယတူၢ်ဘၣ် တၢ်မဲာ်ဆှး ဒီတနံၤကျၢၤ
ဒီးယမိာ်ထီၣ်ယခိၣ်မး တဘူၣ်လၢၤဘၣ်.
၁၆ ဒီးခီဖျိလၢ ပဒုၣ်ပဒါ ဟ့ၣ်ကၣ်ပှၤ
ဒီးအဝဲသ့ၣ် အတၢ်တဲဆါ ဒီးတၢ်တဲဆဲးအဲးအဃိ ယမဲာ်ဆှးလီၤ.
၁၇ တၢ်သ့ၣ်တဖၣ်န့ၣ် ဟဲဘၣ်ပှၤသနာ်က့ ပတသးပ့ၤနီၣ်နၤဘၣ်
ဒီးပတမၤဟးဂီၤ နတၢ်အၢၣ်လီၤအီလီၤဘၣ်.+
၁၈ ပတပာ်တ့ၢ်ကွံာ်နၤဘၣ်
ဒီးပခီၣ်ခါ တယံၤထီၣ်ဒီးနကျဲဘၣ်.
၁၉ ဘၣ်ဆၣ် နမၤသဘှံးပှၤလၢ ထွံၣ်မံၤအီၣ်တၢ်အလီၢ်
ဒီးနဒုးဘၣ်ပှၤလၢ တၢ်နးတၢ်ဖှီၣ် ဒိၣ်ဒိၣ်မုၢ်မုၢ်လီၤ.
၂၀ ပမ့ၢ်သးပ့ၤနီၣ်ကွံာ် ပကစၢ်ယွၤအမံၤ
ဒီးပမ့ၢ်ယူာ်ထီၣ်ပစု ဒ်သိးကဃ့ထုကဖၣ်လၢ ယွၤအဂၤအအိၣ်န့ၣ်
၂၁ ကစၢ်ယွၤ ကသ့ၣ်ညါဝဲ,
မ့ၢ်လၢအသ့ၣ်ညါဝဲ တၢ်ခူသူၣ်လၢ အအိၣ်လၢပသးပူၤ အဃိလီၤ.+
၂၂ အဝဲသ့ၣ် အဲၣ်ဒိးမၤသံပှၤ လၢနဃိ ထီဘိ
ဒီးအဝဲသ့ၣ် ပာ်ပှၤဒ်သိလၢ အကဘၣ် တၢ်မၤသံအီၤ အသိးန့ၣ်လီၤ.+
၂၃ အိ ယဟိဝၤယွၤဧၢ, ဘၣ်မနုၤအဃိ နအိၣ်ဒ်သိးနမံလဲၣ်.+
ဝံသးစူၤ ပၢၢ်ထီၣ် ဒီးမၤစၢၤပှၤတက့ၢ်. တဘၣ်ပာ်တ့ၢ်ကွံာ်ပှၤ လီၤထူလီၤယိာ်တဂ့ၤ.+
၂၄ ဘၣ်မနုၤအဃိ နဃၣ်ကွံာ်နမဲာ်လဲၣ်.
ဘၣ်မနုၤအဃိ နပျဲလၢ ပှၤကမၤနးမၤဖှီၣ် ဒီးဆီၣ်တံၢ်မၤနၢၤပှၤလဲၣ်.
၂၅ ပဘၣ်တၢ်မၤလီၤဃံၢ်ပှၤလၢ ဟီၣ်ခိၣ်ကမူၣ်ကျါ
ဒီးပဘၣ်မံနီၤအီထီလာ်လၢ ဟီၣ်ခိၣ်လိၤလီၤ.+
၂၆ ဂဲၤဆၢထၢၣ် မၤစၢၤပှၤတက့ၢ်.+
ခီဖျိလၢ နတၢ်အဲၣ်လၢအတီအဃိ မၤပူၤဖျဲးပှၤတက့ၢ်.+
လၢတၢ်သူၣ်ဝံၣ်သးဆၢအခိၣ်အဂီၢ်, ဒ် “ဖီဒ့ၣ်ညါတဖၣ်” အသီၣ်အသိး. စီၤကိၤရး အဖိခွါတဖၣ် အထါသးဝံၣ်.+ မၣ်စခ့.* တၢ်အဲၣ်အတၢ်သးဝံၣ်.
၄၅ တၢ်သးခုကစီၣ်တခါ ထိၣ်ဟူးထိၣ်ဂဲၤထီၣ်ယသးလံ.
ယတၢ်သးဝံၣ်တယုၢ်အံၤ ဘၣ်ဃးဒီး စီၤပၤတဂၤအဂ့ၢ်လီၤ.+
မ်ယပျ့ၤ ကဲဒ်ပှၤကွဲးကူလံာ်သ့ဂ့ၤဂ့ၤတဂၤ+ အထိၣ်ဒံးဘိအသိးတက့ၢ်.+
၂ လၢပှၤဟီၣ်ခိၣ်ဖိ ခဲလၢာ်အကျါ နမ့ၢ်ပှၤလၢ အဒိၣ်တၢ်ဂ့ၤဒိၣ်ကတၢၢ်လီၤ.
တၢ်ကတိၤလၢအမုာ် ဟဲထီၣ်လၢနထးခိၣ်လီၤ.+
အဃိ ကစၢ်ယွၤ ဆိၣ်ဂ့ၤနၤ လီၤထူလီၤယိာ်လံ.+
၄ ဒီးလၢတၢ်ကဟုကညီၢ်အပူၤန့ၣ် လဲၤဆူတၢ်မၤနၢၤ,+
လဲၤဒိးနကသ့ၣ်လၢ တၢ်မ့ၢ်တၢ်တီ, တၢ်ဆီၣ်လီၤသး ဒီးတၢ်တီတၢ်လိၤအဂီၢ်တက့ၢ်.+
ဒီးနစုထွဲ ကမၤ* တၢ်လၢအလီၤကမၢကမၣ်တဖၣ်လီၤ.
၅ နပျၢ်ခိၣ်တဖၣ် အကနၣ်အ့ၣ် ဒီးမၤလီၤဃံၢ်ပှၤဂီၢ်မုၢ်လၢ နမဲာ်ညါလီၤ.+
နပျၢ်ခိၣ်တဖၣ် ဆဲးဖျိ စီၤပၤအဒုၣ်အဒါတဖၣ် အသးလီၤ.+
၇ နအဲၣ်တၢ်တီတၢ်လိၤ+ ဒီးနသးဟ့ တၢ်အၢတၢ်သီလီၤ.+
အဃိ ကစၢ်ယွၤ, လၢအမ့ၢ် နကစၢ်ယွၤန့ၣ် ဒိးဖှူနၤ+ လၢသိ ဒီးဟ့ၣ်နၤတၢ်သးခု+ အါန့ၢ်ဒံး နသကိးတဖၣ်လီၤ.
၈ နတၢ်ကူတၢ်ကၤတဖၣ် နၢမူဒီးမူရၣ်, သ့ၣ်တမၣ်ပျ့ၤ* ဒီးကဒါနါလီၤ.
သီတူၢ်တနၢ်တဖၣ်လၢ နီ* ကဆီမဲအပူၤန့ၣ် မၤသးခုနသးလီၤ.
၉ စီၤပၤတဖၣ် အဖိမုၣ် ပၣ်ဃုာ်လၢ နပှၤပိာ်မုၣ်လၢ အဘၣ်တၢ်မၤလၤကပီၤအီၤတဖၣ် အကျါလီၤ.
ဒီးနီၢ်ပၤမုၣ် မၤဃံမၤလၤထီၣ်အသးဒီး ထူလၢအဟဲလၢ အိဖ့ၢ်*+ ဒီးဆၢထၢၣ်လၢ နစုထွဲတကပၤလီၤ.
၁၀ အိ ဖိမုၣ်ဧၢ, ဒိကနၣ် ဒီးသးစၢၢ်ဆၢ ယတၢ်ကတိၤတဖၣ်တက့ၢ်.
သးပ့ၤနီၣ်ကွံာ် နပှၤတဖၣ် ဒီးနပၢ် အဒူၣ်ဖိထၢဖိတက့ၢ်.
၁၁ ခီဖျိလၢ နတၢ်ဃံတၢ်လၤအဃိ စီၤပၤ* ကလီကီနၤလီၤ.
ဒီးခီဖျိလၢ အဝဲမ့ၢ်နကစၢ်အဃိ
ထိၣ်လီၤပှီၤနသးလၢ အမဲာ်ညါတက့ၢ်.
၁၂ ဝ့ၢ်စိၢ် အပှၤဂီၢ်မုၢ်တဖၣ်* ကဟဲစိာ်တၢ်ဟ့ၣ်,
ပှၤပိာ်ခွါလၢ အထူးအတီၤဒိၣ်ကတၢၢ်တဖၣ် ကဂုာ်ကျဲးစၢးဒ်သိး ကဒိးန့ၢ်ဘၣ် နတၢ်ဘၣ်သးလီၤ.
၁၃ လၢနီပူၤန့ၣ် စီၤပၤ အဖိမုၣ်* ဖျါကပြုၢ်ကပြီၤဒိၣ်မး,
ဒီးအတၢ်ကူတၢ်ကၤန့ၣ် ဘၣ်တၢ်မၤဃံမၤလၤထီၣ်အီၤဒီးလုၣ်ထူလီၤ.
၁၄ အဝဲကကူကၤဝဲ ဒီးတၢ်ကူတၢ်ကၤလၢ အဘၣ်တၢ်ထါအီၤ ဃံဃံလၤလၤ ဒီးကဘၣ်တၢ်လဲၤကိးအီၤလၢ စီၤပၤအအိၣ်*
ဒီးမုၣ်ကနီၤစီဆှံတဖၣ် လၢအပိာ်ထီၣ်အခံန့ၣ် ကဘၣ်တၢ်ကိးနုာ်လီၤအီၤလၢ န* မဲာ်ညါလီၤ.
၁၅ ပှၤကလဲၤဆှၢနုာ်လီၤအဝဲသ့ၣ် လၢတၢ်သးခု ဒီးတၢ်သူၣ်ဖှံသးညီအပူၤ
ဒီးအဝဲသ့ၣ် ကနုာ်လီၤလၢ စီၤပၤအနီပူၤလီၤ.
၁၆ ဒီးနဖိခွါတဖၣ် ကထီၣ်က့ၤလၢ နဖုဖးဒိၣ်တဖၣ်အလီၢ်
ဒီးနကပာ်ထီၣ် အဝဲသ့ၣ်လၢ ပဒိၣ်ဖးဒိၣ်တဖၣ်လၢ ဟီၣ်ခိၣ်ချၢလီၤ.+
၁၇ ယကဒုးသ့ၣ်ညါ ပှၤလၢခံတစိၤဘၣ်တစိၤလၢ နမံၤလီၤ.+
အဃိ ပှၤဂီၢ်မုၢ်တဖၣ် ကစံးထီၣ်ပတြၢၤနၤ လီၤထူလီၤယိာ်လီၤ.
လၢတၢ်သူၣ်ဝံၣ်သးဆၢအခိၣ်အဂီၢ်. စီၤကိၤရး အဖိခွါတဖၣ် အတၢ်သးဝံၣ်.+ ဒ်ဧၤလမိး* အိၣ်ဝဲအသိး.
၄၆ ကစၢ်ယွၤ မ့ၢ်ပတၢ်အိၣ်သဒၢအလီၢ် ဒီးပဂံၢ်ပဘါလီၤ.+
ဖဲတၢ်ကိၢ်တၢ်ဂီၤ အဆၢကတီၢ်န့ၣ် ပန့ၢ်ဘၣ်တၢ်မၤစၢၤလၢ အအိၣ်သ့ထီဘိလီၤ.+
၂ အဃိ ဟီၣ်ခိၣ်မ့ၢ်ဆီတလဲအသး ဒီးကစၢၢ်ကလိတဖၣ် မ့ၢ်လီၤတဲာ်လၢ
ပီၣ်လဲၣ်အခံဒး သနာ်က့ ပတပျံၤတၢ်ဘၣ်.+
၃ ပီၣ်လဲၣ်အထံတဖၣ် မ့ၢ်သီၣ်ထီၣ် ဒီးအသဘှဲမ့ၢ်ထီၣ်+
ဒီးကစၢၢ်ကလိတဖၣ် မ့ၢ်ဟူးဝးဝဲလၢ ပီၣ်လဲၣ်အလပီတဖၣ်အဃိ သနာ်က့ ပတပျံၤတၢ်ဘၣ်. (စ့လၤ)
၄ ထံကျိလၢ အအိၣ်ဒီး အထံကျိဖးဒ့ဖိတဖၣ်န့ၣ် မၤသးခုကစၢ်ယွၤအဝ့ၢ်+
ဒီးအမၤသးခု တၢ်စီဆှံအလီၢ် လၢအမ့ၢ် တၢ်ထီကတၢၢ်တဂၤ အဒဲစီဆှံလၢ အဒိၣ်အမုၢ်လီၤ.
၅ ကစၢ်ယွၤ အိၣ်လၢအဝ့ၢ်ပူၤအဃိ+ ပှၤမၤနၢၤဝ့ၢ်တန့ၢ်ဘၣ်.
ဖဲမုၢ်ဝါထီၣ်အခါ ကစၢ်ယွၤကဟဲမၤစၢၤ အဝ့ၢ်န့ၣ်လီၤ.+
၆ ပှၤကလုာ်တဖၣ် တၢထီၣ်တၢလီၤဝဲ ဒီးဘီမုၢ်တဖၣ် ဘၣ်တၢ်မၤနၢၤကွံာ်အီၤလံ.
ဘၣ်ဆၣ် ဖဲကစၢ်ယွၤ မၤဒိၣ်ထီၣ်အကလုၢ်အခါ ဟီၣ်ခိၣ်ပှံၢ်လီၤကွံာ်ဝဲလီၤ.+
၇ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အိၣ်ဒီးပှၤလီၤ.+
ဒီးစီၤယၤကိာ်အယွၤန့ၣ် မ့ၢ်ဝဲ ပတၢ်အိၣ်သဒၢအလီၢ်လီၤ. (စ့လၤ)
၈ ဟဲကွၢ် တၢ်လၢ ယဟိဝၤယွၤ မၤဝဲတဖၣ်
ဒီးအတၢ်မၤလၢ အလီၤလိၢ်လီၤလး လၢအမၤဝဲလၢ ဟီၣ်ခိၣ်ချၢန့ၣ်တက့ၢ်.
၉ အဝဲ ကမၤကတၢၢ်ကွံာ် တၢ်ဒုးတၢ်ယၤလၢ ဟီၣ်ခိၣ်ချၢလီၤ.+
အဝဲမၤကၢ်ကွံာ်ချံၣ် ဒီးမၤဟးဂီၤကွံာ်ဘီ
ဒီးအဝဲ ဒွဲၣ်အူထီၣ်ကွံာ် လ့ၣ်ကဟၣ်သုးတဖၣ်လီၤ.*
၁၀ အဝဲတဲဝဲလၢ “ဆီၣ်လီၤသုသး ဒီးသ့ၣ်ညါလၢ ယမ့ၢ်ကစၢ်ယွၤတက့ၢ်.
၁၁ တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အိၣ်ဒီးပှၤလီၤ.+
ဒီးစီၤယၤကိာ်အယွၤန့ၣ် မ့ၢ်ဝဲ ပတၢ်အိၣ်သဒၢအလီၢ်လီၤ.+ (စ့လၤ)
လၢတၢ်သူၣ်ဝံၣ်သးဆၢအခိၣ်အဂီၢ်. စီၤကိၤရး အဖိခွါတဖၣ် အထါသးဝံၣ်.+
၄၇ ပှၤဂီၢ်မုၢ်ခဲလၢာ်သ့ၣ်ဧၢ, ဒဲသုစုတက့ၢ်.
ဒီးခီဖျိလၢ တၢ်မၤနၢၤအဃိ ကိးပသူထီၣ်လၢ ကစၢ်ယွၤအအိၣ် လၢတၢ်သူၣ်ခုသးခုတက့ၢ်.
၂ ယဟိဝၤယွၤ လၢအမ့ၢ် တၢ်ထီကတၢၢ်တဂၤန့ၣ် လီၤကမၢကမၣ်ဒိၣ်မးလီၤ.+
အဝဲမ့ၢ် စီၤပၤဖးဒိၣ်လၢ ဟီၣ်ခိၣ်ဒီဘ့ၣ်ညါ အဖီခိၣ်လီၤ.+
၃ အဝဲပာ်လီၤ ပှၤဂီၢ်မုၢ်တဖၣ်လၢ ပတၢ်စိတၢ်ကမီၤဖီလာ်
ဒီးအဝဲဟ့ၣ်လီၤကွံာ် ပှၤကလုာ်တဖၣ်လၢ ပတၢ်ပၢဖီလာ်လီၤ.+
၄ အဝဲဃုထၢထီၣ် တၢ်န့ၢ်သါလၢပဂီၢ်လီၤ.+
စီၤယၤကိာ်လၢ ကစၢ်ယွၤအဲၣ်ဝဲတဂၤန့ၣ် ပာ်ကဖၢလၢအသးလၢ တၢ်န့ၢ်သါအံၤ အဖီခိၣ်လီၤ.+ (စ့လၤ)
၅ ဖဲပှၤကိးပသူထီၣ်လၢ တၢ်သးခုအပူၤန့ၣ် ကစၢ်ယွၤလဲၤထီၣ်ဝဲ
ဒီးဖဲကွဲၤသီၣ်ထီၣ်ဝဲအခါ ယဟိဝၤယွၤ လဲၤထီၣ်ဝဲလီၤ.
၆ သးဝံၣ်စံးထီၣ်ပတြၢၤ ကစၢ်ယွၤ, သးဝံၣ်စံးထီၣ်ပတြၢၤအီၤတက့ၢ်.
သးဝံၣ်စံးထီၣ်ပတြၢၤ ပစီၤပၤ, သးဝံၣ်စံးထီၣ်ပတြၢၤအီၤတက့ၢ်.
၇ ကစၢ်ယွၤ မ့ၢ်စီၤပၤလၢ ဟီၣ်ခိၣ်ဒီဘ့ၣ်ညါအဖီခိၣ်လီၤ.+
အဃိ သးဝံၣ်ထီၣ်အီၤ ဒီးပာ်ဖျါထီၣ် သုတၢ်သူၣ်ဆးသးဆးတက့ၢ်.
၈ ကစၢ်ယွၤ ကဲထီၣ်စီၤပၤလၢ ပှၤကလုာ်တဖၣ် အဖီခိၣ်လီၤ.+
ကစၢ်ယွၤ ဆ့ၣ်နီၤလၢ အလီၢ်ပစိာ်စီဆှံအလိၤလီၤ.
၉ ပှၤပၢတၢ်တဖၣ် အိၣ်ဖှိၣ်ဃုာ်ဒီး
စီၤအၤဘြၤဟၣ်အယွၤ အပှၤဂီၢ်မုၢ်တဖၣ်လီၤ.
ဟီၣ်ခိၣ်အပှၤခိၣ်ပှၤနၢ်တဖၣ်န့ၣ် မ့ၢ်ကစၢ်ယွၤအတၢ်
ဒီးကစၢ်ယွၤ ဘၣ်တၢ်ပာ်ထီၣ်ထီအီၤ ဒိၣ်မးလီၤ.+
စီၤကိၤရး အဖိခွါတဖၣ် အထါသးဝံၣ်.+
၄၈ ယဟိဝၤယွၤန့ၣ်ဒိၣ်ဝဲ ဒီးကြၢးတၢ်စံးထီၣ်ပတြၢၤအီၤ ဒိၣ်ကတၢၢ်လီၤ.
မ်ပကစၢ်ယွၤ ဘၣ်တၢ်စံးထီၣ်ပတြၢၤအီၤလၢအဝ့ၢ် လၢအကစၢၢ်စီဆှံ အလိၤတက့ၢ်.
၂ ကစၢၢ်စံယိၣ်လၢ ကလံၤစိးတခီ လၢအမ့ၢ် စီၤပၤဖးဒိၣ်အဝ့ၢ်န့ၣ်+
ဃံလၤဝဲလၢ အတၢ်လီၢ်ထီၣ်ထီ
ဒီးမ့ၢ်ဝဲ ဟီၣ်ခိၣ်ဒီဘ့ၣ်ညါ အတၢ်သးခုလီၤ.+
၄ ကွၢ်မီၤ, စီၤပၤတဖၣ် ပာ်ဖှိၣ်ထီၣ်အသး
ဒီးဟဲထီၣ်သကိးလံ.
၅ ဖဲအဝဲသ့ၣ် ထံၣ်ဝ့ၢ်အခါ အဝဲသ့ၣ်ကမၢကမၣ်ဝဲလီၤ.
အဝဲသ့ၣ်ပျံၤတၢ်ဒိၣ်မး ဒီးဃ့ၢ်ကွံာ်ဝဲလၢ တၢ်ပျံၤတၢ်ဖုးအပူၤလီၤ.
၆ ဖဲန့ၣ်န့ၣ် အဝဲသ့ၣ်ကနိးကစုာ်
ဒီးအဝဲသ့ၣ် ဘၣ်ကိၢ်ဘၣ်ဂီၤ ဒ်ပိာ်မုၣ်လၢ အအိၣ်ဖျဲၣ်ထီၣ်အဖိ အသိးလီၤ.
၇ နမၤဟးဂီၤ တၢ်ၡံၣ် အကဘီတဖၣ်လၢ မုၢ်ထီၣ်အကလံၤလီၤ.
၈ တၢ်လၢပနၢ်ဟူဘၣ်တ့ၢ်အီၤန့ၣ် ခဲအံၤပထံၣ်ဘၣ်အီၤလၢ
တၢ်သုးမုၢ်ဂီၢ်မုၢ် အကစၢ် ယဟိဝၤယွၤ အဝ့ၢ် လၢအမ့ၢ် ပကစၢ်ယွၤအဝ့ၢ်အပူၤလံ.
ကစၢ်ယွၤ ကဒုးအိၣ်ဂၢၢ်ဆိးကျၢၤ ဝ့ၢ်အံၤ လီၤထူလီၤယိာ်လီၤ.+ (စ့လၤ)
၉ အိ ကစၢ်ယွၤဧၢ, လၢနတၢ်လုၢ်ဟံၣ်ပူၤန့ၣ်
ပဆိကမိၣ်ထံ နတၢ်အဲၣ်လၢအတီလီၤ.+
၁၀ အိ ကစၢ်ယွၤဧၢ, ဒ်နမံၤအသိး တၢ်စံးထီၣ်ပတြၢၤနၤ
လဲၤပၢၢ်တုၤလၢ ဟီၣ်ခိၣ်အနၢၣ်တဖၣ်လံ.+
နစုထွဲ ပှဲၤဝဲဒီးတၢ်တီတၢ်လိၤလီၤ.+
၁၃ ကွၢ် အတၢ်ဒူၣ်လၢအကျၢၤတဖၣ် ထံထံဆးဆး+
ဒီးသမံသမိး အတၢးလၢအကျၢၤတဖၣ်
ဒ်သိးသုကတဲဘၣ် ပှၤလၢစိၤလၢခံတဖၣ် အဂီၢ်န့ၣ်တက့ၢ်.
၁၄ ကစၢ်ယွၤတဂၤအံၤ မ့ၢ်ပကစၢ်ယွၤ+ လီၤထူလီၤယိာ်လီၤ.
အဝဲကဟံးစုနဲၣ်ကျဲပှၤ လီၤထူလီၤယိာ်လီၤ.*+
လၢတၢ်သူၣ်ဝံၣ်သးဆၢအခိၣ်အဂီၢ်. စီၤကိၤရး အဖိခွါတဖၣ်+ အထါသးဝံၣ်.
၄၉ ပှၤဂီၢ်မုၢ်ခဲလၢာ်သ့ၣ်ဧၢ, ဒိကနၣ် လၢအံၤတက့ၢ်.
ပှၤအိၣ်လၢ ဟီၣ်ခိၣ်ချၢခဲလၢာ်သ့ၣ်ဧၢ, ဒိကနၣ် လီၤတံၢ်လီၤဆဲးတက့ၢ်.
၂ ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤ,
ပှၤဖှီၣ်ဖိယာ်ဖိမ့ၢ်ဂ့ၤ, ပှၤထူးပှၤတီၤမ့ၢ်ဂ့ၤ ကနၣ်ကိးဂၤဒဲးတက့ၢ်.
၃ ယထးခိၣ် ကတဲတၢ်လၢတၢ်ကူၣ်သ့အပူၤ
ဒီးတၢ်လၢယဆိကမိၣ်ထံအီၤလၢ ယသးပူၤန့ၣ်+ ကပာ်ဖျါထီၣ် တၢ်သ့ၣ်ညါနၢ်ပၢၢ်လီၤ.
၄ ယကပာ်သူၣ်ပာ်သး တၢ်ကတိၤဒိတခါ,
ဖဲယဒ့တနၢ်အခါ ယကတဲဖျါထီၣ် ယတၢ်ကတိၤလီၤဘၢ အခီပညီလီၤ.
၅ ဖဲတၢ်ကီတၢ်ခဲအဆၢကတီၢ်
ဒီးဖဲပှၤလၢ အဂုာ်ကျဲးစၢး မၤနၢၤယၤတဖၣ် ကဝီၤဃာ်ယၤလၢ အတၢ်မၤလၢ အအၢအသီအခါ ယတပျံၤတၢ်ဘၣ်.+
၆ ပှၤလၢ အပာ်ဂံၢ်ပာ်ဘါ အတၢ်ထူးတၢ်တီၤ+
ဒီးပှၤလၢ အပာ်ကဖၢလၢသးလၢ အတၢ်ထူးတၢ်တီၤအါအဃိန့ၣ်+
၇ အဝဲသ့ၣ် တဂၤမးပှ့ၤက့ၤ အဒီပုၢ်ဝဲၢ် တသ့နီတဘျီဘၣ်.
ဒီးအဝဲသ့ၣ် ဟ့ၣ်တၢ်ပှ့ၤက့ၤလၢ အဒီပုၢ်ဝဲၢ်အဂီၢ် လၢကစၢ်ယွၤအအိၣ် တသ့ဘၣ်.+
၈ (တၢ်အပှ့ၤလၢ ကပှ့ၤက့ၤ အဝဲသ့ၣ်အသးသမူအဂီၢ်န့ၣ် အလုၢ်ဒိၣ်ပှ့ၤဒိၣ်ဝဲဒိၣ်မး
အဃိ အဝဲသ့ၣ် ဟ့ၣ်ထီၣ်တၢ်အပှ့ၤ တန့ၢ်နီတဘျီဘၣ်.)
၉ ဒီးဒ်သိးအဒီပုၢ်ဝဲၢ် ကအိၣ်မူဘၣ် လီၤထူလီၤယိာ် ဒီးအသုတထံၣ်ဘၣ် တၢ်ပူၤ* တဂ့ၤအဂီၢ် အဝဲသ့ၣ် ပှ့ၤက့ၤအီၤတန့ၢ်ဘၣ်.+
၁၀ အဝဲသ့ၣ်ထံၣ်ဝဲလၢ ပှၤကူၣ်တၢ်သ့ဒၣ်လဲာ်သံဝဲ
ဒီးပှၤဟးဂီၤဖိ ဒီးပှၤအသူၣ်တဆးသးတဆးဘၣ်န့ၣ် ဟးဂီၤဝဲတပူၤဃီ+
ဒီးပှၤသ့ၣ်တဖၣ်အံၤ ဘၣ်ပာ်တ့ၢ်ကွံာ် အတၢ်ထူးတၢ်တီၤလၢ ပှၤဂၤအဂီၢ်လီၤ.+
၁၁ ပှၤတဖၣ်အံၤ မုၢ်လၢ်လၢ အဟံၣ်တဖၣ် ကအိၣ်ဝဲလီၤထူလီၤယိာ်
ဒီးအဒဲတဖၣ် ကအိၣ်ဂၢၢ်ကျၢၤဝဲ တစိၤဝံၤတစိၤလီၤ.
အဝဲသ့ၣ် ကိးန့ၢ် အဟီၣ်ခိၣ်လီၢ်တဖၣ် ဒ်အနီၢ်ကစၢ်အမံၤ အိၣ်ဝဲအသိးလီၤ.
၁၂ ပှၤဟီၣ်ခိၣ်ဖိလၢ ပှၤပာ်ဒိၣ်ပာ်ကဲအီၤဒၣ်လဲာ် တဆဲးအိၣ်မူဘၣ် ယံာ်ယံာ်ဘၣ်.+
အဝဲသ့ၣ် တဂ့ၤဒိၣ်န့ၢ်ဒံး ဆၣ်ဖိကီၢ်ဖိလၢ အဘၣ်သံတဖၣ်ဘၣ်.+
၁၃ ပှၤဟးဂီၤဖိ+ ဒီးပှၤလၢအဘၣ်သူၣ်ဘၣ်သးအဝဲသ့ၣ် အတၢ်ကတိၤကလီကလီတဖၣ်
ဒီးပိာ်အဝဲသ့ၣ်အခံန့ၣ် အကျဲကကတၢၢ်ဒ်အံၤလီၤ. (စ့လၤ)
၁၄ တၢ်သံကကဲ ဒ်ပှၤကွၢ်သိတဂၤလၢ အဝဲသ့ၣ်အဂီၢ်
ဒီးအဝဲသ့ၣ် ကကဲဒ်သိတဖၣ်အသိး ဒီးကဘၣ်လဲၤလၢ တၢ်သွၣ်ခိၣ်လီၤ.*
လၢဂီၤခီန့ၣ် ပှၤတီပှၤလိၤ ကပၢအဝဲသ့ၣ်+
ဒီးအဝဲသ့ၣ်အစိၣ် ကလီၤအုၣ်လီၤကျၣ် လၢာ်လၢာ်ဆ့ဆ့+
ဒီးအဝဲသ့ၣ် အဟံၣ်တကဲဝဲနီ* လၢၤဘၣ်.+ တဘျီအံၤ အဝဲသ့ၣ် အဟံၣ်မ့ၢ်ဒၣ် တၢ်သွၣ်ခိၣ်လီၤ.+
၁၅ ဘၣ်ဆၣ် မ့မ့ၢ်ယၤန့ၣ် ကစၢ်ယွၤ ကမၤပူၤဖျဲးယၤ* လၢတၢ်သွၣ်ခိၣ်+ အစိအကမီၤ* အဖီလာ်လီၤ.
ဒီးအဝဲကထုးထီၣ်ကွံာ်ယၤ ဒ်သိးကဒီသဒၢယၤအဂီၢ်လီၤ. (စ့လၤ)
၁၆ တဘၣ်ပျံၤတၢ် ခီဖျိလၢ ပှၤတဂၤ ထူးထီၣ်တီၤထီၣ်အဃိ
ဒီးခီဖျိလၢ အဟံၣ်လီၤဘီလီၤမုၢ်ဒိၣ်ထီၣ် အဃိန့ၣ်တဂ့ၤ.
၁၇ ဖဲအဝဲသံအခါ အဝဲက့ၤစိာ်တၢ်တသ့ နီတမံၤဘၣ်.+
အဝဲက့ၤစိာ်ဃုာ်ဒီး အတၢ်ထူးတၢ်တီၤ တသ့ဘၣ်.+
၁၈ ဖဲအအိၣ်မူဒံးအဆၢကတီၢ် အပတြၢၤလီၤအသးလီၤ.+
(ဖဲနဘီၣ်ထီၣ်ညီထီၣ်အခါ ပှၤပတြၢၤနၤ.)+
၁၉ ဘၣ်ဆၣ် လၢခံကတၢၢ်န့ၣ် အဝဲကအိၣ်တပူၤဃီဒီး အမိၢ်ပၢ်ဖံဖု လၢပျၢၤတဖၣ်လီၤ.
ဒီးအဝဲသ့ၣ် တထံၣ်ဘၣ် တၢ်ကပီၤနီတဘျီလၢၤဘၣ်.
၂၀ ပှၤလၢ အတနၢ်ပၢၢ်တၢ်ဂ့ၢ်တခါအံၤဘၣ်န့ၣ် ပှၤမ့ၢ်ပာ်ဒိၣ်ပာ်ကဲအီၤ+ သနာ်က့
အတဂ့ၤဒိၣ်န့ၢ်ဒံး ဆၣ်ဖိကီၢ်ဖိလၢ အဘၣ်သံတဖၣ်ဘၣ်.
စီၤအၤစာ်အထါ.+
၅၀ ယဟိဝၤယွၤ လၢအမ့ၢ် ယွၤတဖၣ် အကစၢ်ယွၤန့ၣ်+ တဲတၢ်လံ.
အဝဲကိးဖှိၣ် ပှၤအိၣ်လၢ ဟီၣ်ခိၣ်ချၢခဲလၢာ်
စးထီၣ်လၢ မုၢ်ဟဲထီၣ်တုၤလီၤလၢ မုၢ်လီၤနုာ်လီၤ.*
၂ ဖဲစံယိၣ် လၢအမ့ၢ် တၢ်ဃံတၢ်လၤလၢ အလၢအပှဲၤန့ၣ်+ ကစၢ်ယွၤ ကပီၤထီၣ်ဝဲလီၤ.
၃ ပကစၢ်ယွၤ ကဟဲ ဒီးကမၤတၢ် သပှၢ်တၢၢ်လီၤ.+
၅ အဝဲတဲဝဲလၢ “ပှၤလၢအသးတီဒီးယၤ လၢအမ့ၢ် ပှၤလၢအမၤတၢ်အၢၣ်လီၤအီလီၤဒီးယၤ
ခီဖျိတၢ်လုၢ်တၢ်ပာ်န့ၣ် ကိးဖှိၣ်အဝဲသ့ၣ် ဆူယအိၣ်တက့ၢ်.”+
၆ ကစၢ်ယွၤ အနီၢ်ကစၢ် မ့ၢ်စံၣ်ညီၣ်ကွီၢ်+
အဃိ မူခိၣ်တဲဖျါထီၣ် အတၢ်တီတၢ်လိၤလီၤ. (စ့လၤ)
၇ “အိ ယပှၤဂီၢ်မုၢ်သ့ၣ်ဧၢ, ယကတဲတၢ်အဃိ ဒိကနၣ်ယၤတက့ၢ်.
အံၣ်စရ့လးဧၢ, ယကပာ်ဖျါထီၣ်လၢ သုတၢ်ကမၣ်အိၣ်ဝဲလီၤ.+
ယမ့ၢ်သုကစၢ်ယွၤလီၤ.+
၈ ယတသိၣ်ဃီၣ်သု ခီဖျိလၢ သုတၢ်လုၢ်တၢ်ပာ်တဖၣ်အဃိဘၣ်
ဒီးယတသိၣ်ဃီၣ်သုလၢ သုတၢ်လုၢ်ဒွဲၣ်အူတဖၣ်လၢ အအိၣ်လၢ ယမဲာ်ညါထီဘိ အဃိဘၣ်.+
၁၀ ဆၣ်ဖိကီၢ်ဖိအမံၤခဲလၢာ်လၢ အအိၣ်လၢ ပှၢ်ပူၤန့ၣ် မ့ၢ်ယတၢ်+
ဒီးဆၣ်ဖိကီၢ်ဖိလၢအဒူ လၢအအိၣ်လၢ ကစၢၢ် ကိးဖျၢၣ်ဒဲးအကျါန့ၣ် မ့ၢ်ယတၢ်လီၤ.
၁၁ ယသ့ၣ်ညါ ထိၣ်ကိးဘ့ၣ်ဒဲးလၢ ကစၢၢ်ကျါ+
ဒီးဆၣ်ဖိကီၢ်ဖိတဖၣ်လၢ ပျီပူၤ လၢပှၤဂံၢ်ထီၣ်ဒွးထီၣ် တလၢာ်ဘၣ်န့ၣ် မ့ၢ်ယတၢ်လီၤ.
၁၂ ဟီၣ်ခိၣ်ဒီး တၢ်အိၣ်လၢအပူၤခဲလၢာ်န့ၣ် မ့ၢ်ယတၢ်+
အဃိ ယမ့ၢ်အဲၣ်ဒိးအီၣ်တၢ်န့ၣ် ယတဃ့အီၣ်တၢ်လၢ သုအိၣ်ဘၣ်.
၁၃ မ့ၢ်ယလိၣ်အီၣ် ကျီၢ်ဖါအညၣ်
ဒီးအီမဲာ်တဲးလဲးအသွံၣ်ဧါ.+
၁၄ ဟ့ၣ်လုၢ်ထီၣ် တၢ်စံးဘျုးစံးဖှိၣ် ဒ်သုတၢ်လုၢ်တၢ်ပာ်လၢ ကစၢ်ယွၤအအိၣ်+
ဒီးမၤလၢပှဲၤ တၢ်လၢသုအၢၣ်လီၤ တၢ်ထီကတၢၢ်တဂၤန့ၣ်တက့ၢ်.+
၁၅ ဖဲတၢ်ကိၢ်တၢ်ဂီၤအဆၢကတီၢ်န့ၣ် ကိးထီၣ်ယၤတက့ၢ်.+
ယကမၤပူၤဖျဲးသု ဒီးသုကမၤလၤကပီၤယၤလီၤ.”+
၁၆ မ့မ့ၢ် ပှၤအၢပှၤသီတဖၣ်န့ၣ် ကစၢ်ယွၤ ကတဲအဝဲသ့ၣ်လၢ
“လၢသုကတဲဖျါထီၣ် ယတၢ်ဘျၢတဖၣ်+ ဒီးတဲတၢ်ဘၣ်ဃးဒီး ယတၢ်အၢၣ်လီၤအီလီၤအဂီၢ်န့ၣ်+
မ့ၢ်မတဂၤ ဟ့ၣ်သုတၢ်ခွဲးတၢ်ယာ်လဲၣ်.
၁၉ သုထးခိၣ် ဟးတဲတၢ်လၢအတဂ့ၤဘၣ်
ဒီးသုသူသုပျ့ၤလၢ ကတဲလံၣ်တဲလီတၢ်လီၤ.+
၂၀ သုဆ့ၣ်နီၤ တဲကမၣ် သုဒီပုၢ်ဝဲၢ်+
ဒီးသုတဲဖျါထီၣ် သုဒီပုၢ်ဝဲၢ် အတၢ်ကမၣ်တဖၣ်လီၤ.
၂၁ ဖဲသုမၤတ့ၢ် တၢ်သ့ၣ်တဖၣ်န့ၣ်အခါ ယအိၣ်ဘှ့ၣ်
အဃိ သုဆိကမိၣ်လၢ ယတၢ်ထံၣ်ကဒ်သိးဒီးသုလီၤ.
ဘၣ်ဆၣ် ခဲအံၤန့ၣ် ယကသိၣ်ဃီၣ်သု
ဒီးယကပာ်ဖျါထီၣ် သုတၢ်ကမၣ်လီၤ.+
၂၂ သုဝဲလၢ အသးပ့ၤနီၣ် ကစၢ်ယွၤသ့ၣ်ဧၢ,+ ဝံသးစူၤ ဆိကမိၣ်ထံ တၢ်ဂ့ၢ်တခါန့ၣ်တက့ၢ်.
သုမ့ၢ်တမၤဒ်န့ၣ်ဘၣ်န့ၣ် ယကမၤဟးဂီၤသု ဒီးပှၤမၤပူၤဖျဲးသု တအိၣ်နီတဂၤဘၣ်.
၂၃ ပှၤလၢအဟ့ၣ်လုၢ်ထီၣ် တၢ်စံးဘျုးစံးဖှိၣ် ဒ်အတၢ်လုၢ်တၢ်ပာ်အသိးန့ၣ် မၤလၤကပီၤယၤလီၤ.+
ဒီးပှၤလၢအပာ်လီၤအသး ဂၢၢ်ဂၢၢ်ကျၢၤကျၢၤလၢ အကပိာ်ကျဲလၢ အဘၣ်န့ၣ်
ယကဒုးထံၣ်အီၤလၢ ယတၢ်အုၣ်က့ၤခီၣ်က့ၤလီၤ.”+
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ, ဖဲစီၤဒၤဝံး မံဃုာ်ဒီးနီၢ်ဘၤသၡ့ဘၤ ဝံၤအလီၢ်ခံ ဝံနၤသၣ် ဟဲထံၣ်လိာ်သးဒီးအီၤ.+
၅၁ အိ ကစၢ်ယွၤဧၢ, ခီဖျိလၢ နတၢ်အဲၣ်လၢအတီအဃိ သးကညီၤယၤတက့ၢ်.+
ဒီးခီဖျိလၢ နတၢ်သးကညီၤအဒိၣ်အမုၢ်အဃိ ထူးသံကွံာ် ယတၢ်ကမၣ်တဖၣ်တက့ၢ်.+
၄ ပှၤလၢယမၤကမၣ် အဒိၣ်ကတၢၢ်န့ၣ် မ့ၢ်ဒၣ်နၤလီၤ.*+
တၢ်လၢနထံၣ်လၢ အအၢန့ၣ် ယမၤဘၣ်လံ.+
အဃိ တၢ်လၢနတဲန့ၣ် တီဝဲလိၤဝဲ
ဒီးနတၢ်စံၣ်ညီၣ်န့ၣ် ဘၣ်ဝဲလီၤ.+
၅ ဖဲယအိၣ်ဖျဲၣ်ထီၣ်အခါ ယတၢ်ကမၣ် အိၣ်ပာ်စၢၤလံ.
ဒီးစးထီၣ်ဖဲ ယမိဒၢထီၣ်ယၤအခါ ယအိၣ်ဒီးတၢ်ဒဲးဘးလီၤ.+
၆ တၢ်မ့ၢ်တၢ်တီမ့ၢ်အိၣ်လၢ ပှၤတဂၤအသးပူၤန့ၣ် နဘၣ်သူၣ်ဘၣ်သးအီၤလီၤ.+
သိၣ်လိယၤ ဒ်သိးတၢ်ကူၣ်သ့နီၢ်ကီၢ် ကအိၣ်လၢ ယသူၣ်ကံၢ်သးလဲအပူၤတက့ၢ်.
၇ ဒ်သိး ယကကဆှီထီၣ်အဂီၢ် မၤကဆှီထီၣ်ကွံာ်ယၤလၢ ယတၢ်ဒဲးဘး ခီဖျိ သ့ၣ်ကဖျီၣ်အ့စိးတက့ၢ်.+
ဒီးဒ်သိးယကဝါန့ၢ်ဒံး မူခိၣ်ဖီအဂီၢ် သ့စီယၤတက့ၢ်.+
၈ နမၤသဘှံးယဃံဘၣ်ဆၣ် ဒ်သိးယကသူၣ်ဖှံသးညီအဂီၢ်
ဒုးနၢ်ဟူယၤလၢ တၢ်သူၣ်ခုသးခု ဒီးတၢ်သူၣ်ဖှံသးညီ အတၢ်ကိးပသူတက့ၢ်.+
၁၁ တဘၣ်နီဟးထီၣ်ကွံာ်ယၤလၢ နမဲာ်ညါတဂ့ၤ
ဒီးတဘၣ်ဟံးထီၣ်ကွံာ် နသးစီဆှံလၢယအိၣ်တဂ့ၤ.
၁၂ ဟ့ၣ်က့ၤယၤ တၢ်သးခုလၢ အဟဲလၢ နတၢ်အုၣ်က့ၤခီၣ်က့ၤအဃိ+
ဒီးထိၣ်ဟူးထိၣ်ဂဲၤထီၣ်ယသး ဒ်သိးယကသးအိၣ် ဒိကနၣ်နကလုၢ်တက့ၢ်.
၁၃ ယကသိၣ်လိ ပှၤမၤကမၣ်တၢ်တဖၣ်လၢ နတၢ်ဘျၢ+
ဒ်သိး ပှၤလၢအမၤတၢ်ဒဲးဘးတဖၣ် ကဟဲက့ၤကဒါက့ၤ လၢနအိၣ်အဂီၢ်လီၤ.
၁၄ အိ ကစၢ်ယွၤဧၢ, နမ့ၢ်ပှၤတဂၤလၢ အမၤပူၤဖျဲးယၤလီၤ.+
ဒ်သိးယပျ့ၤကတဲဘၣ်ဃးဒီး နတၢ်တီတၢ်လိၤလၢ တၢ်သးခုအပူၤအဂီၢ်+ ပျၢ်ယတၢ်ကမၣ် ခီဖျိယမၤသံဘၣ် ပှၤတဂၤအဃိတက့ၢ်.+
၁၅ အိ ယဟိဝၤယွၤဧၢ, ဒ်သိးယကစံးထီၣ်ပတြၢၤနၤအဂီၢ်+
မၤစၢၤယၤဒ်သိး ယကတဲတၢ်တက့ၢ်.
၁၆ နမ့ၢ်လီကီ တၢ်လုၢ်တၢ်ပာ်န့ၣ် ယကဟ့ၣ်နၤ ဘၣ်ဆၣ် နတလီကီဘၣ်.+
နတဘၣ်သူၣ်ဘၣ်သး တၢ်လုၢ်ဒွဲၣ်အူဘၣ်.+
၁၇ တၢ်လုၢ်တၢ်ပာ်တဖၣ်လၢ အဘၣ်ကစၢ်ယွၤအသးန့ၣ် မ့ၢ်တၢ်သူၣ်ဘၣ်ဒိသးဘၣ်ဒိလီၤ.
အိ ကစၢ်ယွၤဧၢ, သးလၢအသ့ၣ်ဖး ဒီးအသဘှံးန့ၣ် နတပာ်တ့ၢ်ကွံာ်ဘၣ်.+
၁၈ မၤတၢ်လၢ အဂ့ၤလၢ စံယိၣ်အဂီၢ်
ဒီးသူၣ်ထီၣ်က့ၤ ယရူၤၡလ့ၣ် အဝ့ၢ်ဒူၣ်တဖၣ်တက့ၢ်.
၁၉ အန့ၣ်မး နကဘၣ်သူၣ်ဘၣ်သး တၢ်လုၢ်တၢ်ပာ်တဖၣ်လၢ တၢ်တီတၢ်လိၤအပူၤ,
တၢ်လုၢ်ဒွဲၣ်အူတဖၣ် ဒီးတၢ်လုၢ်ဒွဲၣ်အူဒီတဒုလီၤ.
ဒီးကျီၢ်ဖါတဖၣ် ကဘၣ်တၢ်လုၢ်ထီၣ်အီၤလၢ နတၢ်လုၢ်လီၢ်အဖီခိၣ်လီၤ.+
လၢတၢ်သူၣ်ဝံၣ်သးဆၢအခိၣ်အဂီၢ်. မၣ်စခ့.* စီၤဒၤဝံးအထါ, ဖဲပှၤအဒိၣ်ဖိ စီၤဒိအ့း ဟဲတဲဘၣ် စီၤစီလူးလၢ စီၤဒၤဝံး လဲၤလၢ စီၤအဃံၤမ့လ့း အဟံၣ်အခါ.+
၅၂ ပှၤဒူပှၤဃိၤတဂၤဧၢ, ဘၣ်မနုၤအဃိ နပတြၢၤလီၤနသး ဘၣ်ဃးဒီး နတၢ်မၤလၢ အအၢအသီန့ၣ်လဲၣ်.+
ကစၢ်ယွၤ အတၢ်အဲၣ်လၢအတီန့ၣ် အိၣ်ဝဲထီဘိလီၤ.+
၃ နအဲၣ်တၢ်အၢ ဒိၣ်န့ၢ်ဒံး တၢ်ဂ့ၤ
ဒီးနဘၣ်သး တဲတၢ်လံၣ်တၢ်လီ အါန့ၢ်ဒံး တၢ်တီတၢ်လိၤလီၤ. (စ့လၤ)
၄ နတဲလံၣ်တၢ်သ့မး
ဒီးနအဲၣ်တၢ်ကတိၤလၢ အမၤဆါတၢ် ကိးထံၣ်ဒဲးလီၤ.
၅ လၢတၢ်န့ၣ်အဃိ ကစၢ်ယွၤ ကတွံၢ်လီၤနၤ ဆူတၢ်ဟးဂီၤလီၤ.+
၇ ဒီးအဝဲသ့ၣ်ကတဲဝဲလၢ “ပှၤတဂၤအံၤ မ့ၢ်ပှၤလၢ တဃုတၢ်အိၣ်သဒၢအလီၢ်လၢ ကစၢ်ယွၤအအိၣ်ဘၣ်.+
အဝဲပာ်ဂံၢ်ပာ်ဘါ အတၢ်ထူးတၢ်တီၤတဖၣ်+
ဒီးသန့ၤအသးလၢ အနီၢ်ကစၢ် အတၢ်ကူၣ်လၢ အအၢတဖၣ်လီၤ.”
၈ မ့မ့ၢ်ယၤန့ၣ် ယကလီၤဂာ်ဒ် သ့ၣ်စၤယံးလၢ အဃံအလၤတထူၣ် လၢကစၢ်ယွၤ အဟံၣ်ပူၤလီၤ.
ယနာ်န့ၢ် ကစၢ်ယွၤ အတၢ်အဲၣ်လၢအတီ+ လီၤထူလီၤယိာ်လီၤ.
၉ အိ ကစၢ်ယွၤဧၢ, ခီဖျိတၢ်လၢနမၤအဃိ ယကစံးထီၣ်ပတြၢၤနၤ လီၤထူလီၤယိာ်လီၤ.+
လၢပှၤလၢအသးတီဒီးနၤတဖၣ် အကျါန့ၣ်
ယကမုၢ်လၢ်တၢ်လၢနမံၤ+ မ့ၢ်လၢ အဂ့ၤဝဲအဃိလီၤ.
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ. ဒ်မဟါလၤ* အသီၣ် အိၣ်ဝဲအသိး. မၣ်စခ့.*
အဝဲသ့ၣ်မၤတၢ်တတီတလိၤ ဒီးတၢ်လၢ အလီၤသးဘၣ်အၢတဖၣ်လီၤ.
ပှၤတမၤတၢ်ဂ့ၤ နီတဂၤဘၣ်.+
၂ ဘၣ်ဆၣ် ကစၢ်ယွၤ အိၣ်လၢမူခိၣ် ဒီးကွၢ်လီၤဝဲ ပှၤဟီၣ်ခိၣ်ဖိတဖၣ်လီၤ.+
အဝဲဃုကွၢ်ဝဲ မ့ၢ်ပှၤလၢအအိၣ်ဒီး တၢ်သ့ၣ်ညါနၢ်ပၢၢ် ဒ်သိးကဃု ယဟိဝၤယွၤအဂီၢ်န့ၣ် အိၣ်တဂၤဂၤဧါန့ၣ်လီၤ.+
၃ အဝဲသ့ၣ် ခဲလၢာ် ဃၣ်ကွံာ်အသးလံ.
အဝဲသ့ၣ် ခဲလၢာ် ဟးဂီၤဝဲ ဒ်သိးသိးလီၤ.
ပှၤတမၤတၢ်ဂ့ၤ နီတဂၤဘၣ်,
တဂၤမးတအိၣ်ဘၣ်.+
၄ ပှၤလၢအမၤတၢ်ကမၣ်တဖၣ်န့ၣ် တနၢ်ပၢၢ်ဝဲ နီတဂၤဧီၤ.
အဝဲသ့ၣ် ယူၢ်လီၤယပှၤဂီၢ်မုၢ် ဒ်အအီၣ်ကိၣ်အသိးလီၤ.
အဝဲသ့ၣ် တဃ့ထုကဖၣ်တၢ် လၢယဟိဝၤယွၤ အအိၣ်ဘၣ်.+
၅ ဘၣ်ဆၣ် အဝဲသ့ၣ် အသးကပှဲၤဒီး တၢ်ပျံၤတၢ်ဖုးဖးဒိၣ်လီၤ.
ဒီးတၢ်ပျံၤတၢ်ဖုးဖးဒိၣ်အံၤ လၢညါအဝဲသ့ၣ် တထံၣ်ဘၣ်နီတဘျီဘၣ်
မ့ၢ်လၢ ကစၢ်ယွၤ ကမၤလီၤပြံလီၤပြါ ပှၤလၢအထီဒါသု အဃံအဃိလီၤ.
ယဟိဝၤယွၤ ပာ်တ့ၢ်ကွံာ်အဝဲသ့ၣ်အဃိ သုကဒုးထံၣ်အဝဲသ့ၣ်လၢ တၢ်မဲာ်ဆှးလီၤ.
၆ အိ မ်အံၣ်စရ့လး အတၢ်အုၣ်က့ၤခီၣ်က့ၤ အိၣ်ဟဲလၢ စံယိၣ်တက့ၢ်.+
ဖဲယဟိဝၤယွၤ ကိးဖှိၣ်က့ၤ အပှၤဂီၢ်မုၢ်လၢ အဘၣ်တၢ်က့ၤဖီၣ်အီၤအခါ,
မ်စီၤယၤကိာ် အစၢၤအသွဲၣ် သူၣ်ခုသးခု ဒီးမ်စီၤအံၣ်စရ့လး အစၢၤအသွဲၣ် သူၣ်ဖှံသးညီတက့ၢ်.
လၢတၢ်သူၣ်ဝံၣ်သးဆၢအခိၣ်အဂီၢ်. ဒ့အီၤဃုာ်ဒီး သီတူၢ်. မၣ်စခ့.* စီၤဒၤဝံးအထါ, ဖဲပှၤစံဖးဖိ လဲၤတဲဘၣ် စီၤစီလူးလၢ “စီၤဒၤဝံး ဟဲအိၣ်ခူသူၣ်လၢ ပကျါ.”+
၂ အိ ကစၢ်ယွၤဧၢ, ဒိကနၣ်ယတၢ်ထုကဖၣ်+
ဒီးသးစၢၢ်ဆၢ ယတၢ်ကတိၤတဖၣ်တက့ၢ်.
၃ ပှၤလၢယတသ့ၣ်ညါဘၣ်တဖၣ် ဂဲၤဆၢထၢၣ်ထီဒါယၤ
ဒီးပှၤလၢအသူၣ်အၢသးသီတဖၣ် ဃုမၤသံယၤလီၤ.+
အဝဲသ့ၣ် တပာ်ကဲ ကစၢ်ယွၤနီတစဲးဘၣ်.+ (စ့လၤ)
၄ ကစၢ်ယွၤ မ့ၢ်ပှၤလၢအမၤစၢၤယၤလီၤ.+
ယဟိဝၤယွၤ အိၣ်ဃူ ပှၤလၢအဆီၣ်ထွဲယၤတဖၣ်လီၤ.
၅ ကစၢ်ယွၤ ကမၤကၣ်က့ၤ ယဒုၣ်ယဒါတဖၣ်+ လၢအဝဲသ့ၣ် အနီၢ်ကစၢ် အတၢ်ကူၣ်အၢလီၤ.
ဒီးလၢနတၢ်သးတီအဃိ မၤကတၢၢ်ကွံာ် အဝဲသ့ၣ်တက့ၢ်.+
၆ ယကလုၢ်ထီၣ်တၢ်လၢနအိၣ်+ လၢတၢ်သူၣ်အိၣ်သးအိၣ်အပူၤလီၤ.
အိ ယဟိဝၤယွၤဧၢ, ယကစံးထီၣ်ပတြၢၤနမံၤ မ့ၢ်လၢအဂ့ၤဝဲအဃိလီၤ.+
လၢတၢ်သူၣ်ဝံၣ်သးဆၢ အခိၣ်အဂီၢ်. စီၤဒၤဝံးအထါ. ဒ့အီၤဃုာ်ဒီးသီတူၢ်. မၣ်စခ့.*
၂ ဒိကနၣ်ယၤ ဒီးစံးဆၢယၤတက့ၢ်.+
လၢယတၢ်ဘၣ်ယိၣ်အဃိ ယသးဘၣ်တံာ်တာ်ဒိၣ်မး+
ဒီးယသူၣ်ကိၢ်သးဂီၤ
၃ ခီဖျိ တၢ်လၢဒုၣ်ဒါတဲဝဲ
ဒီးလၢပှၤအၢပှၤသီ အတၢ်ဆီၣ်သနံး အဃိလီၤ.
အဝဲသ့ၣ် ဒုးအိၣ်ထီၣ် တၢ်ကီတၢ်ခဲလၢယဂီၢ်ဒီဒူၣ်
ဒီးအဝဲသ့ၣ် သးထီၣ်ယၤ ဒီးသးဟ့ယၤလီၤ.+
၅ တၢ်ပျံၤတၢ်ဖုး လီၤဘၣ်ယၤ
ဒီးယကနိးကစုာ် ဒိၣ်မးလီၤ.
၆ ယတဲလီၤယသးလၢ “ယဒံးမ့ၢ်အိၣ်ဒ်သိးဒီး ထိၣ်လွံၢ်န့ၣ်
ယကယူၤကွံာ်လၢ တၢ်အိၣ်သဒၢအလီၢ်လီၤ.
၈ ယကလဲၤဃ့ၢ်ကရီလၢ တၢ်အိၣ်သဒၢအလီၢ်
လၢအယံၤဒီး ကလံၤမုၢ်လၢ အဆူၣ်ဒိၣ်မးလီၤ.”
၉ အိ ယဟိဝၤယွၤဧၢ, ယထံၣ်ဘၣ် ပှၤမၤဆူၣ်မၤစိးတၢ် ဒီးပှၤအ့ၣ်လိာ်ဆိးက့လိာ်သး လၢဝ့ၢ်ပူၤ
အဃိ မၤဘံဘူအဝဲသ့ၣ် အခိၣ်နူာ် ဒီးမၤဟးဂီၤအဝဲသ့ၣ် အတၢ်ကူၣ်ထီၣ်ဖးလီၤတဖၣ်တက့ၢ်.+
၁၀ လၢမုၢ်နၤ ဒီးလၢမုၢ်ဆါန့ၣ် အဝဲသ့ၣ်* ဟးလၢ ဝ့ၢ်ခိၣ်ဒူအဖီခိၣ်
ဒီးတၢ်အၢတၢ်သီ ဒီးတၢ်ကီတၢ်ခဲအိၣ်လၢ ဝ့ၢ်ပူၤလီၤ.+
၁၁ တၢ်နးတၢ်ဖှီၣ်အိၣ်လၢ ဝ့ၢ်ပူၤဝးဝး
ဒီးတၢ်ဆီၣ်တံၢ်မၤနၢၤဒီး တၢ်လံၣ်တၢ်လီအိၣ်လၢ တၢ်ဆါတၢ်ပှ့ၤအလီၢ် ထီဘိလီၤ.+
၁၂ ပှၤလၢအဒုၣ်ဒွဲၣ်ယၤ မ့မ့ၢ်ဘၣ်ဖုး ယဒုၣ်ယဒါန့ၣ်+
ယတူၢ်ကကဲဒံး.
ဒီးပှၤလၢ အဂဲၤဆၢထၢၣ်ထီဒါယၤ မ့မ့ၢ်ဘၣ်ဖုး ယဒုၣ်ယဒါန့ၣ်
ယပာ်သဒၢယသး ကသ့ဒံး.
၁၄ လၢညါ ပရ့လိာ်သးဖးမုာ်ညါ
ဒီးပလဲၤထီၣ်သကိးလၢ ပှၤဂီၢ်မုၢ်အကျါ ဆူကစၢ်ယွၤ အဟံၣ်လီၤ.
၁၅ တၢ်အၢတၢ်သီအိၣ်လၢ ပှၤလၢအထီဒါယၤတဖၣ်အကျါ ဒီးအိၣ်လၢ အဝဲသ့ၣ်အသးပူၤအဃိ
မ်အဝဲသ့ၣ် လဲၤလီၤမူဒံးလၢ တၢ်သွၣ်ခိၣ်*
ဒီးမ်တၢ်ဟးဂီၤလီၤဘၣ် အဝဲသ့ၣ်တက့ၢ်.+
၁၆ မ့မ့ၢ်ယၤန့ၣ် ယကကိးထီၣ် ကစၢ်ယွၤ
ဒီးယဟိဝၤယွၤ ကအုၣ်က့ၤခီၣ်က့ၤယၤလီၤ.+
၁၈ ပှၤလၢအဟဲထီဒါယၤ အိၣ်ဝဲအါမးအဃိ+
ကစၢ်ယွၤ ကမၤပူၤဖျဲးယၤလၢ အဝဲသ့ၣ်အစုပူၤ ဒီးဟ့ၣ်ယၤ တၢ်မုာ်တၢ်ခုၣ်လီၤ.
၁၉ ကစၢ်ယွၤ လၢအဆ့ၣ်နီၤလၢ လီၢ်ပစိာ်အဖီခိၣ် လၢပျၢၤလံၤလံၤတဂၤန့ၣ်+
ကနၢ်ဟူဝဲ ဒီးကမၤဆၢက့ၤ အဝဲသ့ၣ်လီၤ.+ (စ့လၤ)
ပှၤလၢ အတပျံၤယွၤဘၣ်တဖၣ်အံၤန့ၣ်+
တသးအိၣ် ဆီတလဲအသးဘၣ်.
၂၁ အတၢ်ကတိၤတဖၣ်န့ၣ် ဘျ့န့ၢ်ဒံးထီပး+
ဘၣ်ဆၣ် လၢအသးပူၤန့ၣ် ပှဲၤဒီး တၢ်ထီဒုၣ်ထီဒါလီၤ.
၂၂ ပာ်ထီၣ် နတၢ်ဝံဃၢလၢ ယဟိဝၤယွၤအအိၣ်တက့ၢ်.+
၂၃ ဘၣ်ဆၣ် ကစၢ်ယွၤဧၢ, နကဒုးလဲၤလီၤ အဝဲသ့ၣ်လၢ တၢ်ပူၤယိာ်ကတၢၢ်လီၤ.+
ပှၤမၤသံတၢ်ဒီး ပှၤလံၣ်တၢ်လီတၢ်တဖၣ်အံၤန့ၣ် ကသံဖဲ အသးစၢ်ဒံးအခါ+
မ့မ့ၢ်ယၤန့ၣ် ယကနာ်န့ၢ်နၤလီၤ.
လၢတၢ်သူၣ်ဝံၣ်သးဆၢအခိၣ်အဂီၢ်. ဒ် “ထိၣ်လွံၢ်လၢအအိၣ်ဘှ့ၣ် လၢအအိၣ်လၢ တၢ်လီၢ်ဖးယံၤ” အသီၣ်အိၣ်ဝဲအသိး. မံၣ်ထဲၤ.* စီၤဒၤဝံးအထါ. ဖဲပှၤဖလ့ၡသးဖိ ဖီၣ်န့ၢ်အီၤ လၢဝ့ၢ်ကၤသး အဆၢကတီၢ်.+
၅၆ အိ ကစၢ်ယွၤဧၢ, ပှၤထီဒါယၤအဃိ သးကညီၤယၤတက့ၢ်.
ကိးနံၤဒဲးန့ၣ် အဝဲသ့ၣ် ဒုးယၤ ဒီးဆီၣ်တံၢ်မၤနၢၤယၤလီၤ.
၂ ယဒုၣ်ယဒါတဖၣ် လူၤမၤဒၢၣ်ယၤ ဒီတနံၤညါ.
ပှၤအါဂၤဒုးယၤလၢ တၢ်ပာ်ကဖၢလၢသးအပူၤလီၤ.
၃ ဖဲယပျံၤတၢ်အခါ+ ယနာ်န့ၢ်နၤလီၤ.+
၄ ယသန့ၤယသးလၢ ကစၢ်ယွၤ, ယစံးထီၣ်ပတြၢၤအီၤလၢ အတၢ်ကတိၤတဖၣ်အဃိလီၤ.
ယနာ်န့ၢ်ကစၢ်ယွၤ, ယတပျံၤတၢ်ဘၣ်.
ပှၤဟီၣ်ခိၣ်ဖိ ကဒဲကဒဲ ဒ်သိးဒီးယၤ မၤယၤမနုၤကသ့လဲၣ်.+
၅ အဝဲသ့ၣ် ဒုးအိၣ်ထီၣ် တၢ်ကီတၢ်ခဲလၢယဂီၢ် ဒီတနံၤကျၢၤ
ဒီးအဝဲသ့ၣ် ဆိကမိၣ်ထဲလၢ အကမၤဆါယၤလီၤ.+
၇ အိ ကစၢ်ယွၤဧၢ, ခီဖျိလၢ အဝဲသ့ၣ် အတၢ်မၤအၢအဃိ ဟ့ၣ်ကၣ်က့ၤ အဝဲသ့ၣ်တက့ၢ်.
ဒီးစံၣ်ညီၣ် ပှၤကလုာ်တဖၣ် လၢနတၢ်သးထီၣ်အပူၤတက့ၢ်.+
၈ ဖဲယဘၣ်ဟးဝ့ၤဝီၤတၢ်အခါ နမၤနီၣ်မၤဃါ ယတၢ်ကီတၢ်ခဲ ခဲလၢာ်.+
ပာ်ဖှိၣ်ဃာ် ယမဲာ်ထံမဲာ်နိလၢ နထၢၣ်တၢ်ဖံးအပူၤတက့ၢ်.+
နဂံၢ်ယမဲာ်ထံတဖၣ် ဒီးနကွဲးနီၣ်ဃာ်အီၤလၢ နလံာ်ပူၤလီၤ.+
၉ ဖဲယဃ့တၢ်မၤစၢၤအခါ ယဒုၣ်ယဒါတဖၣ် ကဂုၤက့ၤလၢ လီၢ်ခံလီၤ.+
ယနာ်သပှၢ်ကတၢၢ်လၢ ကစၢ်ယွၤ အိၣ်လၢ ယအိၣ်တကပၤလီၤ.+
၁၀ ယသန့ၤယသးလၢ ကစၢ်ယွၤ, ယစံးထီၣ်ပတြၢၤအီၤလၢ အတၢ်ကတိၤတဖၣ်အဃိလီၤ.
ယသန့ၤယသးလၢ ယဟိဝၤယွၤ, ယစံးထီၣ်ပတြၢၤအီၤလၢ အတၢ်ကတိၤတဖၣ် အဃိလီၤ.
၁၁ ယနာ်န့ၢ်ကစၢ်ယွၤ, ယတပျံၤတၢ်ဘၣ်.+
ပှၤဟီၣ်ခိၣ်ဖိ ကဒဲကဒဲ ဒ်သိးဒီးယၤ မၤယၤမနုၤကသ့လဲၣ်.+
၁၂ အိ ကစၢ်ယွၤဧၢ, ယကဘၣ် မၤလၢပှဲၤ တၢ်လၢယအၢၣ်လီၤနၤလီၤ.+
ယကဟ့ၣ်လုၢ်ထီၣ်နၤလၢ တၢ်စံးဘျုးစံးဖှိၣ် အတၢ်လုၢ်လီၤ.+
၁၃ ဒ်သိး ယကဆဲးအိၣ်မူဒီး လဲၤတၢ်လၢ န* မဲာ်ညါအဂီၢ်+
နမၤပူၤဖျဲးယၤလၢ တၢ်သံ+
ဒီးနမၤစၢၤယၤဒ်သိး ယခီၣ်သုတဘၣ်တိၢ် တဂ့ၤအဂီၢ်လီၤ.+
လၢတၢ်သူၣ်ဝံၣ်သးဆၢအခိၣ်အဂီၢ်. ဒ် “တဘၣ်မၤဟးဂီၤယၤတဂ့ၤ” အသီၣ်အိၣ်ဝဲအသိး. မံၣ်ထဲၤ.* စီၤဒၤဝံးအထါ. ဖဲစီၤဒၤဝံး လဲၤဃ့ၢ်လၢလ့ပူၤ လၢစီၤစီလူးအဃိ.+
၅၇ အိ ကစၢ်ယွၤဧၢ, သးကညီၤယၤ,
ယဃုတၢ်အိၣ်သဒၢအလီၢ်လၢ+ နအိၣ်အဃိ သးကညီၤယၤတက့ၢ်.
ဒီးယဃုတၢ်အိၣ်သဒၢအလီၢ်လၢ နဒံးဆ့ဖီလာ် တုၤလၢတၢ်နးတၢ်ဖှီၣ် လဲၤတလၢကွံာ်ယၤတစုလီၤ.+
၂ ယဃ့တၢ်မၤစၢၤလၢ ကစၢ်ယွၤလၢ အထီကတၢၢ်တဂၤအအိၣ်,
ကစၢ်ယွၤလၢ အမ့ၢ်အတီတဂၤလၢ အမၤကတၢၢ်န့ၢ်ယၤ ယတၢ်ကီတၢ်ခဲတဖၣ်လီၤ.
၃ ကစၢ်ယွၤလၢ အအိၣ်လၢ မူခိၣ်န့ၣ် ကမၤစၢၤယၤ ဒီးအုၣ်က့ၤခီၣ်က့ၤယၤ+
ဒီးပှၤလၢအလူၤမၤဒၢၣ်ယၤန့ၣ် အဝဲကမၤဘံဘူဝဲအခိၣ်နူာ်လီၤ. (စ့လၤ)
ကစၢ်ယွၤ ကပာ်ဖျါထီၣ် အတၢ်အဲၣ် ဒီးအတၢ်သးတီလီၤ.+
၄ ပှၤလၢအလီၤဂာ်ဒ်ခ့ယုၢ်တဖၣ် အိၣ်ဝးတရံးယၤလီၤ.+
ဖဲယမံနီၤအခါဒၣ်လဲာ် ယဘၣ်အိၣ်လၢ ပှၤလၢအအဲၣ်ဒိး ယူၢ်လီၤယၤ,
ပှၤလၢအမဲလီၤဂာ်ဒ် ဘီဒီးပျၢ်တဖၣ်
ဒီးအပျ့ၤလီၤဂာ်ဒ် နးလၢအကနၣ်အ့ၣ်အသိးန့ၣ်အကျါလီၤ.+
၅ အိ ကစၢ်ယွၤဧၢ, မ်နဘၣ်တၢ်ပာ်ထီၣ်ထီနၤလၢ မူခိၣ်အဖီခိၣ်တက့ၢ်.
ဒီးမ်နလၤကပီၤ အိၣ်လၢ ဟီၣ်ခိၣ်ဒီဘ့ၣ်ညါ အဖီခိၣ်တက့ၢ်.+
၆ ယဒုၣ်ယဒါတဖၣ် ပာ်လီၤပျံၤသကွီၤ* လၢယဂီၢ်လံ.+
ယဘၣ်ကိၢ်ဘၣ်ဂီၤနးမးလီၤ.+
အဝဲသ့ၣ် ခူၣ်လီၤတၢ်ပူၤလၢယကျဲ
ဘၣ်ဆၣ် အဝဲသ့ၣ် အနီၢ်ကစၢ် လီၤတဲာ်ကွံာ်လၢ တၢ်ပူၤလီၤ.+ (စ့လၤ)
၇ ယသးတီဒီးနၤ, အိ ကစၢ်ယွၤဧၢ,+
ယသးတီဒီးနၤလီၤ.
ယကသးဝံၣ် စံးထီၣ်ပတြၢၤနၤလီၤ.
၈ ယလၤကပီၤဧၢ, ပၢၢ်ထီၣ်တက့ၢ်.
ယကပၢၢ်ထီၣ်ဂီၤဂီၤ+
ဒီးယအဲၣ်ဒိးဒ့တနၢ် ဒီးတၢ်ဒ့တၢ်အူအဂၤတဖၣ်လီၤ.
၉ အိ ယဟိဝၤယွၤဧၢ, ယကစံးထီၣ်ပတြၢၤနၤလၢ ပှၤဂီၢ်မုၢ်အကျါ+
ဒီးယကသးဝံၣ် စံးထီၣ်ပတြၢၤနၤလၢ ပှၤကလုာ်တဖၣ်အကျါလီၤ.+
၁၀ နတၢ်အဲၣ်လၢအတီန့ၣ် ဒိၣ်ဝဲဒိၣ်မး ဒီးထီဝဲတုၤလၢ မူခိၣ်လီၤ.+
ဒီးနသးတီထီဘိလီၤ.*
၁၁ အိ ကစၢ်ယွၤဧၢ, မ်နဘၣ်တၢ်ပာ်ထီၣ်ထီနၤလၢ မူခိၣ်အဖီခိၣ်တက့ၢ်.
ဒီးမ်နလၤကပီၤ အိၣ်လၢ ဟီၣ်ခိၣ် ဒီဘ့ၣ်ညါအဖီခိၣ်တက့ၢ်.+
လၢတၢ်သူၣ်ဝံၣ်သးဆၢအခိၣ်အဂီၢ်. ဒ် “တဘၣ်မၤဟးဂီၤယၤတဂ့ၤ” အသီၣ်အိၣ်ဝဲအသိး. မံၣ်ထဲၤ.* စီၤဒၤဝံးအထါ.
၅၈ အိ ပှၤဟီၣ်ခိၣ်ဖိသ့ၣ်ဧၢ, သုမ့ၢ်အိၣ်ဘှ့ၣ်န့ၣ် မ့ၢ်သုတဲတၢ်တီတၢ်လိၤအဂ့ၢ် ကန့ၢ်ဧါ.+
ဒီးမ့ၢ်သုစံၣ်ညီၣ်တၢ် တီတီလိၤလိၤ ကန့ၢ်ဧါ.+
၃ ပှၤအၢပှၤသီ လဲၤကမၣ်ကျဲ စးထီၣ်လၢ အအိၣ်ဖျဲၣ်ထီၣ်,
အဝဲသ့ၣ် တပိာ်ကျဲဘၣ် ဒီးမ့ၢ်ပှၤလံၣ်တၢ်လီတၢ် စးထီၣ်လၢအအိၣ်ဖျဲၣ်ထီၣ်လံၤလံၤလီၤ.
၄ အဝဲသ့ၣ် အစုၣ်လီၤဂာ်ဒ် ဂုၢ်အၢတဖၣ်,+
အဝဲသ့ၣ် နၢ်တအၢ ဒ်သိးဒီးဂုၢ်သီလၢ အဆွံတံာ်အနၢ်ပူၤ
၅ ဒီးတဒိကနၣ် ပှၤအူတၢ်သမူတၢ်လၢ အအူတၢ်
သ့ဒိၣ်ကတၢၢ်တဖၣ် အကလုၢ်ဘၣ်.
၆ အိ ကစၢ်ယွၤဧၢ, မၤလီၤဖျုကွံာ် ပှၤတဖၣ်အံၤအမဲတက့ၢ်.
အိ ယဟိဝၤယွၤဧၢ, မၤကၢ်ကွံာ် ပှၤလၢအလီၤဂာ်ဒ် ခ့ယုၢ်တဖၣ်အံၤ အခၣ်ဃံတက့ၢ်.
၇ မ်အဝဲသ့ၣ် လီၤမၢ်ကွံာ် ဒ်ထံလၢအယွၤလီၤကွံာ်ဝဲအသိး
ဒီးမ်ကစၢ်ယွၤ ဖ့ၣ်ထီၣ်အချံၣ် ဒီးမၤလီၤဃံၢ် အဝဲသ့ၣ် ခီဖျိ အပျၢ်တဖၣ်န့ၣ်တက့ၢ်.
၈ မ်အဝဲသ့ၣ် လီၤဂာ်ဒ် ချိၣ်လၢ အဟးဒီးဃ့ထီသံကွံာ်ဝဲ
ဒီးဒ်ဖိသၣ်လၢ အအိၣ်ဖျဲၣ်လီၤလၢ အသံလၢအတထံၣ်ဘၣ် မုၢ်နီတဘျီဘၣ်အသိးတက့ၢ်.
၉ တၤဆှုၣ်တဖၣ် ကဲၤထီၣ်လၢ သုသပၢၤဖီလာ် ဘၣ်ဆၣ် တချုးလၢ သုသပၢၤ ကိၢ်ထီၣ်ဒံးဘၣ်န့ၣ်
ဒ်ကလံၤမုၢ်အသိး+ ကစၢ်ယွၤကအူဖျိးကွံာ် တၤဆှုၣ်လၢအကဲၤထီၣ်လံတဖၣ် ဒီးတၤဆှုၣ်လၢအသံသိဒံးတဖၣ် သတူၢ်ကလာ်လီၤ.
၁၀ ဖဲပှၤတီပှၤလိၤတဂၤ ထံၣ်ဘၣ် ကစၢ်ယွၤ ဟ့ၣ်ကၣ်တၢ်အခါ အဝဲကသးခုဝဲလီၤ.+
အခီၣ်ကလီၤစုၣ်လၢ ပှၤအၢပှၤသီအသွံၣ်ကျါလီၤ.+
၁၁ ပှၤကတဲဝဲလၢ “ပှၤတီပှၤလိၤ ကန့ၢ်ဘၣ်ခိၣ်ဖး သပှၢ်ကတၢၢ်လီၤ.+
ကစၢ်ယွၤလၢ အစံၣ်ညီၣ်ဟီၣ်ခိၣ်န့ၣ် အိၣ်ဝဲနီၢ်ကီၢ်လီၤ.”+
လၢတၢ်သူၣ်ဝံၣ်သးဆၢအခိၣ်အဂီၢ်. ဒ် “တဘၣ်မၤဟးဂီၤယၤတဂ့ၤ” အသီၣ်အိၣ်ဝဲအသိး. မံၣ်ထဲၤ.* စီၤဒၤဝံးအထါ. ဖဲစီၤစီလူး ဆှၢလီၤ ပှၤပိာ်ခွါတဖၣ်လၢ ကလဲၤခိးကွၢ် စီၤဒၤဝံးအဟံၣ် ဒ်သိးကမၤသံစီၤဒၤဝံးအဂီၢ်.+
၂ မၤပူၤဖျဲး ယၤလၢ ပှၤလၢအမၤတၢ်အၢတၢ်သီတဖၣ်အစုပူၤ
ဒီးအုၣ်က့ၤခီၣ်က့ၤယၤလၢ ပှၤလၢ အမၤဆူၣ်မၤစိးတၢ်တဖၣ် အစုပူၤတက့ၢ်.
၃ အိ ယဟိဝၤယွၤဧၢ, ပှၤပိာ်ခွါလၢ အဂံၢ်ဆူၣ်တဖၣ် အိၣ်ခိးခူသူၣ်ယၤလၢ+
ကဒုးယၤအဂီၢ်
ဘၣ်ဆၣ် တမ့ၢ်ခီဖျိလၢ ယထီဒါက့ၤတၢ် မ့တမ့ၢ် လၢယမၤ တၢ်ဒဲးဘးအဃိဘၣ်.+
၄ ယတမၤကမၣ်တၢ် နီတမံၤဘၣ် သနာ်က့ အဝဲသ့ၣ် ကရီကတဲာ်ကတီၤထီၣ်အသးလၢ ကဒုးယၤအဂီၢ်လီၤ.
ဖဲယကိးနၤအခါ ဂဲၤဆၢထၢၣ် ဒီးကွၢ်တၢ်လၢ အဝဲသ့ၣ်မၤဝဲတက့ၢ်.
၅ တၢ်သုးမုၢ်ဂီၢ်မုၢ်အကစၢ် ယဟိဝၤယွၤဧၢ, နမ့ၢ် အံၣ်စရ့လး အကစၢ်ယွၤလီၤ.+
အဃိ ဂဲၤဆၢထၢၣ် ဒီးသမံသမိးတၢ်လၢ ပှၤကလုာ်တဖၣ် မၤဝဲတက့ၢ်.
တဘၣ်ပာ်ဖျါထီၣ် တၢ်သးကညီၤလၢ ပှၤအၢပှၤသီလၢ အသးတတီဘၣ်တဖၣ် အဖီခိၣ် နီတဂၤတဂ့ၤ.+ (စ့လၤ)
၇ တၢ်ကတိၤလၢ အအၢအသီတဖၣ် ယွၤလီၤလၢ အဝဲသ့ၣ် အကိာ်ပူၤလီၤ.
၉ အိ ယကစၢ်ယွၤဧၢ, နမ့ၢ်ယဂံၢ်ယဘါလီၤ.
နမ့ၢ်ယတၢ်အိၣ်သဒၢအလီၢ် လၢအကျၢၤအဃိ+ ယကဆဲးအိၣ်ခိးနၤလီၤ.+
၁၀ ကစၢ်ယွၤလၢ အပာ်ဖျါထီၣ် တၢ်အဲၣ်လၢအတီ လၢယဖီခိၣ်န့ၣ် ကဟဲမၤစၢၤယၤလီၤ.+
ကစၢ်ယွၤ ကဒုးထံၣ်ယၤလၢ ယဒုၣ်ယဒါတဖၣ် ၡူကွံာ်ဝဲန့ၣ်လီၤ.+
၁၁ မၤသံအဝဲသ့ၣ် ဒံးတဂ့ၤ, ယပှၤဂီၢ်မုၢ် ကသးပ့ၤနီၣ်ဘၣ်ဖုးတၢ်လီၤ.
သူနတၢ်စိတၢ်ကမီၤ ဒီးဒုးဟးဝ့ၤဝီၤ အဝဲသ့ၣ်တက့ၢ်.
အိ ယဟိဝၤယွၤ ပကတီၤဧၢ,+ မၤလီၤဃံၢ် အဝဲသ့ၣ်တက့ၢ်.
၁၂ ခီဖျိလၢ အဝဲသ့ၣ် မၤတၢ်ဒဲးဘးလၢ အထးခိၣ်, မၤကမၣ်တၢ်လၢ အတၢ်ကတိၤတဖၣ်,
ဆိၣ်အၢပှၤဂၤ ဒီးလံၣ်အီၣ်လီအီၣ်တၢ်အဃိ
မ်အဝဲသ့ၣ် ဘၣ်ဘျးက့ၤလၢ အနီၢ်ကစၢ် အတၢ်ပာ်ထီၣ်ထီသးအဃိန့ၣ်တက့ၢ်.+
၁၃ မၤဟးဂီၤကွံာ် အဝဲသ့ၣ်လၢ နတၢ်သးဒိၣ်အပူၤတက့ၢ်.+
ဒ်သိးအဝဲသ့ၣ် သုတအိၣ်လၢၤတဂ့ၤအဂီၢ် မၤဟးဂီၤကွံာ် အဝဲသ့ၣ်တက့ၢ်.
ဒုးသ့ၣ်ညါအဝဲသ့ၣ်လၢ ကစၢ်ယွၤပၢတၢ်လၢ စီၤယၤကိာ် အစၢၤအသွဲၣ်တဖၣ်အကျါ ဒီးလၢဟီၣ်ခိၣ်ဒီဘ့ၣ်ညါန့ၣ်တက့ၢ်.+ (စ့လၤ)
၁၄ ပျဲအဝဲသ့ၣ်ဟဲက့ၤလၢ ဟါခီ
ဒီးပျဲအဝဲသ့ၣ် ကညီၤတၢ် ဒီးကစီၤခူသူၣ်တၢ်လၢ ဝ့ၢ်ပူၤဝးဝး ဒ်ထွံၣ်တဖၣ် အသိးတက့ၢ်.+
၁၅ ပျဲအဝဲသ့ၣ် ဟးဝ့ၤဝီၤ ဃုအီၣ်တၢ်+
ဒီးတဘၣ်ပျဲလၢ အဝဲသ့ၣ်အီၣ်ဘၣ်တၢ်ဘျဲဘျဲတုၤ အတံၤသူၣ်တံၤသး ဒီးတဘၣ်ပျဲ အဝဲသ့ၣ် ဃုထံၣ်န့ၢ်တၢ်လီၢ်လၢ ကမံတ့ၢ်ဝဲအဂီၢ်တဂ့ၤ.
၁၆ မ့မ့ၢ်ယၤန့ၣ် ယကသးဝံၣ် ဘၣ်ဃးဒီး နတၢ်ဂံၢ်တၢ်ဘါအဂ့ၢ်+
ဒီးလၢဂီၤခီန့ၣ် ယကတဲဘၣ်ဃးဒီး နတၢ်အဲၣ်လၢအတီအဂ့ၢ် လၢတၢ်သူၣ်ဖှံသးညီအပူၤလီၤ.
၁၇ အိ ကစၢ်ယွၤလၢ အမ့ၢ်ယဂံၢ်ယဘါဧၢ, ယကသးဝံၣ် စံးထီၣ်ပတြၢၤနၤ,+
မ့ၢ်လၢနမ့ၢ် ယတၢ်အိၣ်သဒၢအလီၢ်လၢအကျၢၤ ဒီးကစၢ်ယွၤလၢ အပာ်ဖျါထီၣ် တၢ်အဲၣ်လၢ အတီလၢ ယဖီခိၣ်အဃိလီၤ.+
လၢတၢ်သူၣ်ဝံၣ်သးဆၢ အခိၣ်အဂီၢ်. ဒ် “ဖီဒ့ၣ်ညါလၢ အမ့ၢ်တၢ်အုၣ်သး” အသီၣ်အိၣ်ဝဲအသိး. မံၣ်ထဲၤ.* စီၤဒၤဝံးအထါ. လၢတၢ်သိၣ်လိအဂီၢ်. ဖဲအဝဲဒုးလိာ်သးဒီး ပှၤအရဲနဟၤရ့ၤဖိ ဒီးပှၤအရဲစိၤဘၤဖိတဖၣ် အခါ စီၤယိၤအာ် ဟဲက့ၤမၤသံဝဲ ပှၤအဒိၣ်ဖိ အဂၤ ၁၂,၀၀၀ လၢအံသၣ်အတၢ်တြီၤအပူၤ.+
၆၀ ကစၢ်ယွၤဧၢ, နပာ်တ့ၢ်ကွံာ်ပှၤလံ. နမၤလီၤပြံလီၤပြါပှၤလံ.+
နသးထီၣ်တ့ၢ်ပှၤ, ဘၣ်ဆၣ် ခဲအံၤ တူၢ်လိာ်က့ၤပှၤတက့ၢ်.
၂ နမၤဟူးဟီၣ်ခိၣ်, နမၤသ့ၣ်ဖးအီၤလံ.
မ့ၢ်လၢ အဘူးကလီၤပှီၢ်အဃိ ဘှီဂ့ၤထီၣ်က့ၤ တၢ်လီၢ်လၢအသ့ၣ်ဖးတဖၣ်တက့ၢ်.
၃ နဒုးတူၢ်နပှၤဂီၢ်မုၢ်လၢ တၢ်ကီတၢ်ခဲတဖၣ်
ဒီးနဟ့ၣ်ဒုးအီပှၤ စပံးထံ ဒ်သိးပကဟး ကနူၤကပၤအဂီၢ်လီၤ.+
၄ ဒ်သိးပှၤလၢ အပျံၤနၤ ကဃ့ၢ်ကွံာ်ဒီး ပလဲၤအသး* လၢချံၣ် ကန့ၢ်အဂီၢ်န့ၣ်
ဟ့ၣ်လီၤ တၢ်ပနီၣ်တခါတက့ၢ်. (စ့လၤ)
၅ ဒ်သိး ပှၤလၢနအဲၣ်အီၤတဖၣ်န့ၣ် ကပူၤဖျဲးအဂီၢ်
အုၣ်က့ၤခီၣ်က့ၤပှၤ လၢနစုထွဲ ဒီးစံးဆၢပှၤတက့ၢ်.+
၆ ကစၢ်ယွၤ လၢအစီဆှံန့ၣ် တဲဝဲဒ်အံၤ,
“လၢတၢ်သူၣ်ခုသးခုအပူၤ ယကဟ့ၣ်နီၤလီၤ ယပှၤဂီၢ်မုၢ်လၢ ၡက့ၣ်အတၢ်လီၢ် ဒ်တၢ်န့ၢ်သါအသိး+
ဒီးယကထိၣ်လီၤဒွးလီၤ စူးကိၤသး အတၢ်တြီၤလီၤ.+
၇ ကံးလဧး ဟီၣ်ကဝီၤ ကဲယတၢ် ဒီးမနၤၡ့ၤအဒူၣ်+ ကဲယတၢ်,
အ့ဖရဲၣ်အဒူၣ် မ့ၢ်ယခိၣ်ဖျီၣ်ထး
ဒီးယူဒၤအဒူၣ် မ့ၢ်ခိၣ်နၢ်အနီၣ်ထိးဘိလၢ ယဂီၢ်လီၤ.+
၈ ကီၢ်မိၤအး မ့ၢ်ယသပၢၤလၢ တၢ်သ့ဃၢၤတၢ်အဂီၢ်လီၤ.+
ယကကွံာ် ယခီၣ်ဖံးလၢ ကီၢ်အဒိၣ် အဖီခိၣ်+
ဒီးယကကိးပသူထီၣ်လၢ တၢ်သးခုအပူၤ မ့ၢ်လၢယမၤနၢၤ ပှၤဖလ့ၡသးဖိအဃိလီၤ.”+
၉ မတဂၤကလဲၤဆှၢယၤလၢ ဝ့ၢ်လၢအဘၣ်တၢ်ကဝီၤဃာ်အီၤလဲၣ်.
မတဂၤကလဲၤဆှၢယၤ ဒ်သိးယကမၤနၢၤ ကီၢ်အဒိၣ်န့ၣ်လဲၣ်.+
၁၀ အိ ကစၢ်ယွၤဧၢ, ပှၤလၢ အကလဲၤဆှၢပှၤဖဲန့ၣ်န့ၣ် အကဲနၤ သပှၢ်ကတၢၢ်လီၤ.
ဘၣ်ဆၣ် ကစၢ်ယွၤဧၢ, ခဲအံၤ နပာ်တ့ၢ်ကွံာ်ပှၤလံ ဒီးနတလဲၤဃုာ်တၢ်ဒီး ပသုးမုၢ်သံၣ်ဘိလၢၤဘၣ်.+
၁၁ တၢ်အုၣ်က့ၤခီၣ်က့ၤလၢ အဟဲခီဖျိလၢ ပှၤဟီၣ်ခိၣ်ဖိန့ၣ် အဘျုးတအိၣ်ဘၣ်+
အဃိ ဖဲပဘၣ်ကိၢ်ဘၣ်ဂီၤအခါ မၤစၢၤပှၤတက့ၢ်.
လၢတၢ်သူၣ်ဝံၣ်သးဆၢအခိၣ်အဂီၢ်, ဒ့အီၤဃုာ်ဒီး သီတူၢ်တဖၣ်. စီၤဒၤဝံးအထါ.
၆၁ အိ ကစၢ်ယွၤဧၢ, ဒိကနၣ်ယတၢ်ကိးပသူထီၣ်လၢ တၢ်မၤစၢၤအဂီၢ်တက့ၢ်.
ဒီးသးစၢၢ်ဆၢ ယတၢ်ထုကဖၣ်တက့ၢ်.+
၂ ဖဲယအိၣ်လၢ ဟီၣ်ခိၣ်အနၢၣ် ဒီးယသးဟးဂီၤအခါ+
ယကကိးထီၣ်လၢ နအိၣ်လီၤ.
ဆှၢယၤလၢ လၢၢ်လၢ အအိၣ်ထီၣ်ထီတဖျၢၣ် အလိၤတက့ၢ်.+
၃ နမ့ၢ်ယတၢ်အိၣ်သဒၢအလီၢ်,
တၢးထီလၢအကျၢၤလၢ အဒီသဒၢယၤလၢ ဒုၣ်ဒါလီၤ.+
၅ အိ ကစၢ်ယွၤဧၢ, နနၢ်ဟူ ယတၢ်အၢၣ်လီၤတဖၣ်လံ.
တၢ်န့ၢ်သါလၢ နဟ့ၣ်လီၤ ပှၤလၢအပျံၤနမံၤန့ၣ် နဟ့ၣ်လီၤယၤလံ.+
၆ နကမၤထီထီၣ် စီၤပၤအသးသမူ+
ဒီးအဝဲ ကဆဲးအိၣ်မူဘၣ် အနံၣ်အါမးလီၤ.
၇ အဝဲကဆ့ၣ်နီၤလၢ လီၢ်ပစိာ်အဖီခိၣ် လၢကစၢ်ယွၤ အမဲာ်ညါ လီၤထူလီၤယိာ်လီၤ.+
မ်နတၢ်အဲၣ် ဒီးတၢ်သးတီ ဒီသဒၢအီၤတက့ၢ်.+
လၢတၢ်သူၣ်ဝံၣ်သးဆၢအခိၣ်အဂီၢ်, ဒ် ယဒူသူၣ်* အသီၣ်အိၣ်ဝဲအသိး. စီၤဒၤဝံးအထါ.
၆၂ ယကအိၣ်ဘှ့ၣ်ဒီး အိၣ်ခိးကစၢ်ယွၤလီၤ.
အဝဲ ကအုၣ်က့ၤခီၣ်က့ၤယၤလီၤ.+
၂ ကစၢ်ယွၤမ့ၢ်ဝဲ ယလၢၢ်, ယတၢ်အုၣ်က့ၤခီၣ်က့ၤ ဒီးယတၢ်အိၣ်သဒၢအလီၢ် လၢအကျၢၤလီၤ.+
အဃိ ယကဆၢထၢၣ် ဂၢၢ်ဂၢၢ်ကျၢၤကျၢၤ ထီဘိလီၤ.+
၃ သုမ့ၢ်အဲၣ်ဒိးမၤသံ ပှၤတဂၤဂၤန့ၣ် သုကမၤဒၢၣ်မၤဆါအီၤ ယံာ်ဒံးထဲလဲၣ်.+
သုဝဲကိးဂၤဒဲးန့ၣ် လီၤဘၣ်ယိၣ် ထဲသိးဒီးတၢ်ဒူၣ်လၢ အဘူးကလီၤပှီၢ်လံ.
၄ သုတၢၣ်ပီၣ်တၢၣ်ပီသကိး ဒ်သိးသုကထုးလီၤအီၤ လၢအလီၢ်အလၤလၢ အထီ,
သုလံၣ်တၢ်လီတၢ်မုာ်မး.
သုဆိၣ်ဂ့ၤအီၤလၢ သုထးခိၣ် ဘၣ်ဆၣ် သုဆိၣ်အၢအီၤလၢ သုသးပူၤလီၤ.+ (စ့လၤ)
၆ ကစၢ်ယွၤမ့ၢ်ဝဲ ယလၢၢ်, ယတၢ်အုၣ်က့ၤခီၣ်က့ၤ ဒီးယတၢ်အိၣ်သဒၢအလီၢ် လၢအကျၢၤလီၤ.
အဃိ ယကဆၢထၢၣ် ဂၢၢ်ဂၢၢ်ကျၢၤကျၢၤ ထီဘိလီၤ.+
၇ ယတၢ်အုၣ်က့ၤခီၣ်က့ၤ ဒီးယတၢ်လၤကပီၤန့ၣ် ဟဲလၢ ကစၢ်ယွၤ အအိၣ်လီၤ.
ကစၢ်ယွၤ မ့ၢ်ဝဲ လၢၢ်လၢအကျၢၤလၢယဂီၢ် ဒီးယတၢ်အိၣ်သဒၢအလီၢ်လီၤ.+
၈ အိ ပှၤဂီၢ်မုၢ်သ့ၣ်ဧၢ, နာ်န့ၢ် ကစၢ်ယွၤ ထီဘိတက့ၢ်.
တဲဖျါထီၣ် သုတၢ်တူၢ်ဘၣ်ခဲလၢာ် လၢအအိၣ်တက့ၢ်.+
ကစၢ်ယွၤ မ့ၢ်ဝဲ ပတၢ်အိၣ်သဒၢအလီၢ်လီၤ.+ (စ့လၤ)
၉ ပှၤဟီၣ်ခိၣ်ဖိန့ၣ် မ့ၢ်ဒၣ် တၢ်သါလီၤထဲတထံၣ်လီၤ.
ပှၤဟီၣ်ခိၣ်ဖိန့ၣ် တၢ်နာ်န့ၢ်အီၤတသ့ဘၣ်.+
တၢ်မ့ၢ်စီၤအဝဲသ့ၣ်လၢ စီၤပီၢ်ပူၤန့ၣ် အဝဲသ့ၣ် ဖှံဒိၣ်န့ၢ်ဒံး တၢ်သါလီၤထဲတထံၣ်လီၤ.+
၁၀ တဘၣ်သန့ၤသုသးလၢ တၢ်ဆီၣ်တံၢ်မၤနၢၤ ဒ်သိးသုကထူးထီၣ်တီၤထီၣ်အဂီၢ်တဂ့ၤ.
တဘၣ်မုၢ်လၢ်ကမၣ်လၢ သုကန့ၢ်တၢ်ထူးတၢ်တီၤ ခီဖျိ သုဟုၣ်ပှၤဂၤအတၢ်န့ၣ်တဂ့ၤ.
သုတၢ်ထူးတၢ်တီၤ မ့ၢ်အါထီၣ်သနာ်က့ တဘၣ်သးစၢၢ်ဆၢ တၢ်သ့ၣ်တဖၣ်န့ၣ်တဂ့ၤ.+
၁၂ အိ ယဟိဝၤယွၤဧၢ, တၢ်အဲၣ်လၢအတီစ့ၢ်ကီး မ့ၢ်နတၢ်လီၤ.+
နဟ့ၣ်ဆၢက့ၤ ပှၤတဂၤစုာ်စုာ် ဒ်တၢ်လၢအမၤဝဲအသိးလီၤ.+
စီၤဒၤဝံးအထါ, ဖဲအဝဲအိၣ်လၢ ယူဒၤအပှၢ်မုၢ်ကနၢ အခါ.+
၆၃ အိ ကစၢ်ယွၤဧၢ, နမ့ၢ်ယကစၢ်ယွၤ ဒီးယလီကီနၤလီၤ.+
၂ လၢညါ ယကွၢ်ထီၣ်နၤလၢ နတၢ်လီၢ်စီဆှံ
ဒီးယထံၣ် နတၢ်ဂံၢ်တၢ်ဘါ ဒီးနတၢ်လၤကပီၤလံ.+
၄ ယကစံးထီၣ်ပတြၢၤနၤ လၢယတၢ်အိၣ်မူဒီတစိၤညါ
ဒီးယကကိးထီၣ်နမံၤ ဒီးဃ့ထုကဖၣ်လၢ နအိၣ်လီၤ.
၅ နဟ့ၣ်ယၤ တၢ်လၢအဂ့ၤကတၢၢ်တဖၣ် အဃိ ယသးမံလံ.
လၢတၢ်သးခုအပူၤန့ၣ် ယကစံးထီၣ်ပတြၢၤနၤလၢ ယထးခိၣ်လီၤ.+
၆ ဖဲယအိၣ်လၢ ယလီၢ်မံခိၣ်အခါ ယသ့ၣ်နီၣ်ထီၣ်နၤလီၤ.
လၢမုၢ်နၤခီ ယဆိကမိၣ်ထံနဂ့ၢ်လီၤ.+
၇ နမ့ၢ် ပှၤမၤစၢၤယၤလီၤ.+
ဒီးယကိးပသူထီၣ်လၢ နဒံးဆ့အကဒုဖီလာ် လၢတၢ်သူၣ်ခုသးခုအပူၤလီၤ.+
၈ ယဖီၣ်တံၢ်ဃာ်နၤ ဃံးဃံးလီၤ
ဒီးနဖီၣ်ဃာ်ယၤ လၢနစုထွဲ ကျၢၤကျၢၤလီၤ.+
၉ ဘၣ်ဆၣ် ပှၤလၢအဃုမၤသံယၤန့ၣ်
ကလဲၤလီၤလၢ ဟီၣ်ခိၣ်လာ်လီၤ.
၁၀ အဝဲသ့ၣ် ကဘၣ်တၢ်မၤဟးဂီၤအီၤလၢ နးအကနၣ်
ဒီးအဝဲသ့ၣ် ကကဲထီၣ် ထွံၣ်မံၤတဖၣ်* အဆၣ်လီၤ.
၁၁ ဘၣ်ဆၣ် စီၤပၤန့ၣ် ကသးခုခီဖျိ တၢ်လၢကစၢ်ယွၤ ကမၤန့ၢ်အီၤအဃိလီၤ.
ပှၤလၢအအၢၣ်လီၤတၢ်လၢ ကစၢ်ယွၤအမံၤန့ၣ် ကစံးထီၣ်ပတြၢၤ ကစၢ်ယွၤ
မ့ၢ်လၢ ကစၢ်ယွၤ ကမၤပံး ပှၤလၢအတဲလံၣ်တဲလီတၢ်တဖၣ် အထးခိၣ် အဃိလီၤ.
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၆၄ အိ ကစၢ်ယွၤဧၢ, ဖဲယဃ့ကညးနၤအခါ ဒိကနၣ်ယၤတက့ၢ်.+
ဒီသဒၢ ယသးသမူလၢ ဒုၣ်ဒါအတၢ်ထီဒါလၢ အလီၤပျံၤလီၤဖုးန့ၣ်တက့ၢ်.
၂ ဒီသဒၢယၤလၢ ပှၤအၢပှၤသီ အတၢ်ကူၣ်ခူသူၣ်တဖၣ်+
ဒီးလၢပှၤဂီၢ်မုၢ်လၢ အမၤတၢ်အၢတၢ်သီတဖၣ်န့ၣ်တက့ၢ်.
၃ အဝဲသ့ၣ် ကျ့အ့ၣ်ထီၣ် အပျ့ၤ ဒ်နးအသိး
ဒီးပညိၣ်ဝဲ အတၢ်ကတိၤလၢ အအၢအသီတဖၣ် ဒ်ပျၢ်တဖၣ်အသိးလီၤ.
၄ ဒီးအဝဲသ့ၣ် အိၣ်လၢအတၢ်အိၣ်ခူသူၣ်အလီၢ် ဒ်သိးကခးဝဲ ပှၤလၢအတၢ်ကမၣ်တအိၣ်ဘၣ်
ဒီးအဝဲသ့ၣ်ခးအီၤ သတူၢ်ကလာ် ဒီးတပျံၤတၢ်ဘၣ်.
၅ အဝဲသ့ၣ် ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤ ဒ်သိးကမၤ တၢ်အၢတၢ်သီ,
အဝဲသ့ၣ် တၢၣ်ပီၣ်တၢၣ်ပီသကိးဝဲလၢ အကဘၣ်ဒိးလီၤခူသူၣ် အပျံၤသကွီၤတဖၣ်ဒ်လဲၣ်
ဒီးအဝဲသ့ၣ်တဲဝဲလၢ “ပှၤတထံၣ်ဝဲနီတဂၤဘၣ်.”+
၆ အဝဲသ့ၣ် ကူၣ်ထီၣ်ခူသူၣ်တၢ်+
ဒီးဃုကျဲလၢအသီတဖၣ် ဒ်သိးကမၤတၢ်အၢတၢ်သီအဂီၢ်လီၤ.
အဝဲသ့ၣ်တဂၤစုာ်စုာ် အတၢ်ဆိကမိၣ်တဖၣ်န့ၣ် ပှၤနၢ်ပၢၢ်အီၤတသ့ဘၣ်.
၇ ဘၣ်ဆၣ် ကစၢ်ယွၤ ကခးအဝဲသ့ၣ်+
ဒီးအဝဲသ့ၣ် ကဘၣ်ဒိဒီးပျၢ် သတူၢ်ကလာ်လီၤ.
၈ အဝဲသ့ၣ်အပျ့ၤန့ၣ် ကမၤဟးဂီၤက့ၤအဝဲသ့ၣ်+ အဃိ
ပှၤကိးဂၤဒဲးလၢ အထံၣ်အဝဲသ့ၣ်န့ၣ် ကဂံၤဂုၤအခိၣ်လီၤ.
၉ ဖဲန့ၣ်အခါ ပှၤခဲလၢာ်ကပျံၤတၢ်လီၤ.
အဝဲသ့ၣ် ကတဲဖျါထီၣ် တၢ်လၢကစၢ်ယွၤ မၤတ့ၢ်ဝဲတဖၣ်
ဒီးအဝဲသ့ၣ် ကနၢ်ပၢၢ်ထီၣ် ကစၢ်ယွၤအတၢ်မၤလီၤ.+
၁၀ ပှၤတီပှၤလိၤ ကသးခုလၢ ယဟိဝၤယွၤအပူၤ ဒီးကဃုတၢ်အိၣ်သဒၢအလီၢ်လၢ အအိၣ်လီၤ.+
ပှၤလၢအသူၣ်ဘျၢသးဘျၢခဲလၢာ် ကပာ်ကဖၢလၢသးလၢ ကစၢ်ယွၤအဃိလီၤ.
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံး အတၢ်သးဝံၣ်.
၆၅ အိ ကစၢ်ယွၤဧၢ, နကဘၣ်တၢ်စံးထီၣ်ပတြၢၤနၤလၢ ကစၢၢ်စံယိၣ်အလိၤလီၤ.+
ပကမၤလၢပှဲၤ တၢ်လၢပအၢၣ်လီၤနၤလီၤ.+
၂ အိ ပှၤလၢအဒိကနၣ် တၢ်ထုကဖၣ်တဂၤဧၢ, ပှၤအကလုာ်ကလုာ်* ကဟဲလၢနအိၣ်လီၤ.+
၅ နကစံးဆၢပှၤခီဖျိ နကမၤတၢ်လၢအတီအလိၤ ဒီးတၢ်လၢအလီၤကမၢကမၣ်တဖၣ်လီၤ.+
ပတၢ်အုၣ်က့ၤခီၣ်က့ၤ ကစၢ်ဧၢ,
နမ့ၢ်တၢ်နာ်န့ၢ်အလီၢ်လၢ ပှၤအိၣ်လၢ ဟီၣ်ခိၣ်ဒီဘ့ၣ်+
ဒီးပှၤအိၣ်ဖးယံၤလၢ ပီၣ်လဲၣ်အဝၢ်ဘးခီအဂီၢ်လီၤ.
၆ နပာ်လီၤ ကစၢၢ်တဖၣ် လၢအလီၢ်ဒၣ်ဝဲ ကျၢၤကျၢၤ ခီဖျိနစိနကမီၤ
ဒီးနဂံၢ်ဆူၣ်ဘါဆူၣ် ဒိၣ်မးလီၤ.+
၈ ပှၤလၢအအိၣ်လၢ တၢ်လီၢ်ဖးယံၤတဖၣ် ကမၢကမၣ်ဝဲလၢ နတၢ်မၤတဖၣ်အဃိလီၤ.+
ဒီးပှၤလၢမုၢ်ထီၣ် တုၤလီၤလၢ မုၢ်နုာ်န့ၣ် ကကိးပသူထီၣ်လၢ တၢ်သးခုအပူၤ လၢနဃိလီၤ.
၉ နအံးထွဲကွၢ်ထွဲဟီၣ်ခိၣ်,
နဒုးကဲထီၣ်အီၤလၢ ဟီၣ်ခိၣ်ညၣ်လၢအဂ့ၤ ဒီးဒုးမဲထီၣ်သၣ်ထီၣ်တၢ် အါအါဂီၢ်ဂီၢ်လီၤ.+
၁၀ နဒုးဟဲစူၤလီၤမူခိၣ်ထံလၢ ပျီတဖၣ်အပူၤ ဒီးနမၤဃူထီၣ် ဟီၣ်ခိၣ်လၢ ပှၤထဲၣ်အီၤဝံၤဝဲန့ၣ်လီၤ.
နမၤဘၣ်စီၣ် ဟီၣ်ခိၣ်လၢထံ ဒီးနဆိၣ်ဂ့ၤအီၤ ဒ်သိးတၢ်ကမဲထီၣ်သၣ်ထီၣ်လၢ အပူၤလီၤ.+
၁၁ နဟ့ၣ်တၢ်ဆိၣ်ဂ့ၤအါအါဂီၢ်ဂီၢ် တနံၣ်ဘၣ်တနံၣ်
ဒီးဖဲနလဲၤတပူၤဂ့ၤတပူၤဂ့ၤန့ၣ် တၢ်လၢအဂ့ၤတဖၣ် ကပှဲၤလီၤလာ်လီၤ.+
၁၂ လၢပှၢ်မုၢ်ကနၢန့ၣ် တၢ်အီၣ်ဆၣ်အလီၢ်တဖၣ် အိၣ်ဒီးနီၣ်လါဟ့ အါအါဂီၢ်ဂီၢ်+
ဒီးတၢ်လူၢ်တဖၣ် ပှဲၤဝဲဒီး တၢ်သူၣ်ခုသးခုလီၤ.+
၁၃ လၢတၢ်အီၣ်ဆၣ်အလီၢ်တဖၣ်အပူၤန့ၣ် ပှဲၤဝဲဒီးသိတဖၣ်လီၤ.
ဒီးလၢတၢ်တြီၤတဖၣ်အပူၤန့ၣ် ဘုအိၣ်ဝဲပှဲၤပှဲၤလီၤ.+
တၢ်လီၢ်တဖၣ်န့ၣ် ကိးပသူထီၣ်လၢ တၢ်သးခုအပူၤ ဒီးသးဝံၣ်ထီၣ်တၢ်လီၤ.+
လၢတၢ်သူၣ်ဝံၣ်သးဆၢအခိၣ်အဂီၢ်. တၢ်သးဝံၣ်.
၆၆ ပှၤအိၣ်လၢ ဟီၣ်ခိၣ်ချၢခဲလၢာ်သ့ၣ်ဧၢ, စံးထီၣ်ပတြၢၤ ကစၢ်ယွၤ ဒီးကိးပသူထီၣ်လၢ တၢ်သးခုအပူၤတက့ၢ်.+
၂ သးဝံၣ်စံးထီၣ်ပတြၢၤ အမံၤလၢ အလီၤကဟုကညီၢ်
ဒီးမၤလၤကပီၤအီၤလၢ တၢ်စံးထီၣ်ပတြၢၤတက့ၢ်.+
၃ တဲကစၢ်ယွၤလၢ “နတၢ်မၤတဖၣ်န့ၣ် လီၤကမၢကမၣ်ဒိၣ်မး.+
ခီဖျိလၢ နစိကမီၤဒိၣ်အဃိ
နဒုၣ်နဒါတဖၣ် ကဟဲလၢနအိၣ်လၢ တၢ်ကနိးကစုာ်အပူၤလီၤ.+
၄ ပှၤအိၣ်လၢ ဟီၣ်ခိၣ်ချၢခဲလၢာ် ကဘူၣ်ထီၣ်ဘါထီၣ်နၤ,+
အဝဲသ့ၣ် ကသးဝံၣ် စံးထီၣ်ပတြၢၤနၤ
ဒီးအဝဲသ့ၣ် ကသးဝံၣ် စံးထီၣ်ပတြၢၤနမံၤလီၤ.”+ (စ့လၤ)
၅ ဟဲကွၢ်တၢ်လၢ ကစၢ်ယွၤ မၤဝဲတဖၣ်တက့ၢ်.
တၢ်လၢအမၤဝဲလၢ ပှၤဟီၣ်ခိၣ်ဖိအဂီၢ်န့ၣ် လီၤကမၢကမၣ်ဒိၣ်မး.+
ပသူၣ်ခုသးခု လၢကစၢ်ယွၤအဃိ ဖဲန့ၣ်လီၤ.+
၇ ခီဖျိလၢ အစိအကမီၤဒိၣ်အဃိ အဝဲပၢတၢ် လီၤစိၤလီၤထီလီၤ.+
၈ ပှၤဂီၢ်မုၢ်သ့ၣ်ဧၢ, စံးထီၣ်ပတြၢၤ ပကစၢ်ယွၤတက့ၢ်.+
မ်ပှၤစံးထီၣ်ပတြၢၤအီၤလၢ အကလုၢ်ဖးဒိၣ်တက့ၢ်.
၁၀ အိ ကစၢ်ယွၤဧၢ, နသမံသမိးပှၤ ဝံၤလံ.+
ဒ်ပှၤပှံၢ်စီ စ့ညၣ်အသိး နပှံၢ်စီပှၤဝံၤလံ.
၁၁ နဒုးလဲၤနုာ်ပှၤလၢ ပျံၤသကွီၤအပူၤ
ဒီးနပာ်ထီၣ် တၢ်ဝံတၢ်ယိး လၢအဃၢဒိၣ်မး လၢပလိၤလီၤ.
၁၂ နပျဲပှၤကျံၤလီၤဒိး ပခိၣ်သၣ်ဃံ,
တၢ်ကီတၢ်ခဲတဖၣ် လၢအလီၤဂာ်ဒ် ထံဒီးမ့ၣ်အူန့ၣ် ပလဲၤခီဖျိအီၤ
ဝံၤဒီး နလဲၤဆှၢပှၤလၢ တၢ်အိၣ်ဘှံးအလီၢ်လီၤ.
၁၄ တၢ်လၢယအၢၣ်လီၤလၢ ယထးခိၣ်+
ဒီးတၢ်လၢအဟးထီၣ်လၢ ယထးခိၣ် ဖဲယဘၣ်ကိၢ်ဘၣ်ဂီၤ သပှၢ်တၢၢ်အခါန့ၣ် ယကမၤလၢပှဲၤအီၤလီၤ.
၁၅ ဆၣ်ဖိကီၢ်ဖိလၢ အဘီၣ်အသိတဖၣ်န့ၣ် ယကလုၢ်ထီၣ်အီၤလၢနအိၣ် ဒ်တၢ်လုၢ်ဒွဲၣ်အူတဖၣ်အသိး
ဒီးယကဒွဲၣ်ခုၣ်ထီၣ် သိဖါတဖၣ် လၢနအိၣ်လီၤ.
ယကလုၢ်ထီၣ် ကျီၢ်ဖါတဖၣ် ဃုာ်ဒီး မဲာ်တဲးလဲးဖါတဖၣ်လီၤ. (စ့လၤ)
၁၆ ပှၤလၢအပျံၤ ကစၢ်ယွၤသ့ၣ်ဧၢ, ဟဲဒိကနၣ်တက့ၢ်.
ယကတဲဘၣ်သု တၢ်လၢကစၢ်ယွၤ မၤတ့ၢ်ဝဲလၢ ယဂီၢ်လီၤ.+
၁၇ ယကိာ်ပူၤ ကကိးထီၣ်အီၤ
ဒီးယပျ့ၤ ကမၤလၤကပီၤအီၤလီၤ.
၁၈ ယမ့ၢ်ပာ်ဃာ် တၢ်အၢတမံၤမံၤ လၢယသးပူၤန့ၣ်
တမ့ၢ်လၢ ယဟိဝၤယွၤ ကဒိကနၣ်ယၤဘၣ်.+
၂၀ ကစၢ်ယွၤလၢ အတဂ့ၢ်လိာ် ယတၢ်ထုကဖၣ်ဘၣ်
ဒီးအတဟံးထီၣ်ကွံာ် အတၢ်အဲၣ်လၢအတီ လၢယအိၣ်ဘၣ်န့ၣ် မ်အဘၣ် တၢ်စံးထီၣ်ပတြၢၤအီၤတက့ၢ်.
လၢတၢ်သူၣ်ဝံၣ်သးဆၢအခိၣ်အဂီၢ်, ဒ့အီၤဃုာ်ဒီး သီတူၢ်တဖၣ်. တၢ်သးဝံၣ်.
၆၇ ကစၢ်ယွၤ ကသးကညီၤပှၤ ဒီးဆိၣ်ဂ့ၤပှၤ,
အဝဲကပာ်ဖျါထီၣ် အတၢ်သူၣ်ဂ့ၤသးဝါလၢ ပဖီခိၣ်+ (စ့လၤ)
၂ ဒ်သိး ပှၤလၢဟီၣ်ခိၣ်ဒီဘ့ၣ် ကသ့ၣ်ညါအကျဲ+
ဒီးပှၤကလုာ်ခဲလၢာ် ကသ့ၣ်ညါလၢ အဝဲအုၣ်က့ၤခီၣ်က့ၤတၢ် ဒ်လဲၣ်အဂ့ၢ်လီၤ.+
၃ အိ ကစၢ်ယွၤဧၢ, မ်ပှၤဟီၣ်ခိၣ်ဖိ စံးထီၣ်ပတြၢၤနၤ,
မ်ပှၤခဲလၢာ် စံးထီၣ်ပတြၢၤနၤတက့ၢ်.
၄ နကစံၣ်ညီၣ် ပှၤဟီၣ်ခိၣ်ဖိ တီတီလိၤလိၤ+
အဃိ မ်ပှၤကလုာ်တဖၣ် သူၣ်ခုသးခု ဒီးကိးပသူထီၣ်လၢ တၢ်သူၣ်ဖှံသးညီ အပူၤတက့ၢ်.+
နကဟံးစုနဲၣ်ကျဲ ပှၤကလုာ်တဖၣ်လၢ အအိၣ်လၢဟီၣ်ခိၣ်ချၢလီၤ. (စ့လၤ)
၅ အိ ကစၢ်ယွၤဧၢ, မ်ပှၤဟီၣ်ခိၣ်ဖိ စံးထီၣ်ပတြၢၤနၤ,
မ်ပှၤခဲလၢာ် စံးထီၣ်ပတြၢၤနၤတက့ၢ်.
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ. တၢ်သးဝံၣ်.
၆၈ မ်ကစၢ်ယွၤ ဂဲၤဆၢထၢၣ်, မ်အဒုၣ်အဒါတဖၣ် လီၤပြံလီၤပြါ
ဒီးမ်ပှၤလၢအသးဟ့အီၤတဖၣ် ဃ့ၢ်ထီၣ်ကွံာ်လၢ အမဲာ်ညါတက့ၢ်.+
၂ ဒ်ကလံၤ ဆီၣ်ဖျိးထီၣ်ကွံာ် မ့ၣ်အူခုၣ် အသိးန့ၣ် မ်နနီဟးထီၣ်ကွံာ် အဝဲသ့ၣ်,
ဒီးဒ်ဃိး* ပှံၢ်လီၤဝဲလၢ မ့ၣ်အူအမဲာ်ညါ အသိးန့ၣ်
မ်ပှၤအၢပှၤသီ ဟးဂီၤကွံာ်လၢ ကစၢ်ယွၤ အမဲာ်ညါတက့ၢ်.+
၃ မ့မ့ၢ် ပှၤတီပှၤလိၤန့ၣ် မ်အသူၣ်ခုသးခု,+
မ်အဝဲသ့ၣ် သူၣ်ဖှံသးညီလၢ ကစၢ်ယွၤ အမဲာ်ညါ
ဒီးမ်အဝဲသ့ၣ်သးခု ဒိၣ်ဒိၣ်မုၢ်မုၢ်တက့ၢ်.
၄ သးဝံၣ်ထီၣ် ကစၢ်ယွၤ, သးဝံၣ်စံးထီၣ်ပတြၢၤ အမံၤတက့ၢ်.+
သးဝံၣ်ထီၣ်တၢ်လၢ ပှၤလၢအလဲၤ ခီဂာ်တၢ်* လၢပှၢ်မုၢ်ကနၢ တဂၤအအိၣ်န့ၣ်တက့ၢ်.
အမံၤမ့ၢ် ယဟိဝၤလီၤ.+ သူၣ်ဖှံသးညီလၢ အမဲာ်ညါတက့ၢ်.
၅ ကစၢ်ယွၤလၢ အအိၣ်လၢ အတၢ်အိၣ်တၢ်ဆိးအလီၢ်စီဆှံန့ၣ်+
မ့ၢ်ဝဲ ပှၤဖိၣ်ဃဲဖိအပၢ် ဒီးပှၤလၢ အဒီသဒၢ မုၣ်ကမဲတဖၣ်လီၤ.+
၆ ပှၤလၢအအိၣ်သယုၢ်ထဲတဂၤဧိၤန့ၣ် ကစၢ်ယွၤကဟ့ၣ်လီၤအီၤ ဟံၣ်လၢအကအိၣ်ဝဲအဂီၢ်လီၤ.+
ကစၢ်ယွၤ ကမၤထူၣ်ဖျဲးထီၣ် ပှၤဃိာ်ဖိတဖၣ် ဒီးကဒုးအိၣ်အဝဲသ့ၣ် ဘီၣ်ဘီၣ်ညီညီလီၤ.+
မ့မ့ၢ် ပှၤလၢအခိၣ်ကိၤန့ၣ် ကဘၣ်အိၣ်လၢ ကီၢ်လၢအဃ့ထီအပူၤလီၤ.+
၇ အိ ကစၢ်ယွၤဧၢ, ဖဲနဆှၢနပှၤဂီၢ်မုၢ်+
ဒီးဖဲနလဲၤခီဂာ် မဲးမုၢ်ပျီအခါ, (စ့လၤ)
၈ ခီဖျိလၢနၤအဃိ ဟီၣ်ခိၣ်ဟူးဝးဝဲ+
ဒီးမူခိၣ်စူၤလီၤဝဲလီၤ.
ဒီးခီဖျိလၢနၤ, အံၣ်စရ့လး အကစၢ်ယွၤအဃိ ကစၢၢ်စံၤနါအံၤ ဟူးဝးဝဲလီၤ.+
၉ အိ ကစၢ်ယွၤဧၢ, နဒုးစူၤလီၤမူခိၣ်ထံ အါအါဂီၢ်ဂီၢ်,
နပှၤဂီၢ်မုၢ်* လၢအလီၤဘှံးလီၤတီၤန့ၣ် နမၤဆူၣ်ထီၣ်က့ၤ အဝဲသ့ၣ် အဂံၢ်အဘါလီၤ.
၁၀ လၢညါန့ၣ် အဝဲသ့ၣ် အိၣ်ဝဲလၢ နဒဲကဝီၤပူၤလီၤ.+
အိ ကစၢ်ယွၤဧၢ, နအိၣ်ဒီး တၢ်ဂ့ၤတၢ်ဝါအဃိ နကတဲာ်ကတီၤန့ၢ်တၢ်လၢ ပှၤဖှီၣ်ဖိယာ်ဖိ အဂီၢ်လီၤ.
၁၂ သုးမုၢ်အစီၤပၤတဖၣ် ဃ့ၢ်ကွံာ်ဝဲ,+ အဝဲသ့ၣ် ဃ့ၢ်ကွံာ်ဝဲ သပှၢ်တၢၢ်လီၤ.
ပိာ်မုၣ်လၢ အအိၣ်တ့ၢ်လၢ ဟံၣ်ပူၤန့ၣ် န့ၢ်ဘၣ်တၢ်လၢ ပှၤဂုာ်န့ၢ်ဝဲ တနီၤလီၤ.+
၁၃ သုပှၤပိာ်ခွါတဖၣ် မံနီၤလၢ ဒဲကဝီၤ အမ့ၣ်အူပူၣ်တဖၣ် အကပိာ်ကပၤ သနာ်က့
ဖဲန့ၣ် သုကအိၣ်ဒီး ထိၣ်လွံၢ်လၢ အဒံးဆ့တဖၣ် မ့ၢ်ဝဲစ့ညၣ်
ဒီးအဒံး လၢအမ့ၢ် ထူလၢအဂ့ၤလီၤ.
၁၅ ဘၤၡၣ်အကစၢၢ်န့ၣ်+ မ့ၢ်ကစၢၢ်လၢ ကစၢ်ယွၤတ့လီၤဝဲ
ဒီးဘၤၡၣ်အကစၢၢ်န့ၣ် ထီဝဲဒိၣ်မးလီၤ.
၁၆ ကစၢၢ်လၢ အထီဝဲဒိၣ်မးဧၢ, ဘၣ်မနုၤအဃိ နကွၢ်တၢ်လၢ တၢ်သးက့ၣ်အပူၤ
ဆူကစၢၢ်လၢ ကစၢ်ယွၤဃုထၢဝဲလၢ အတၢ်အိၣ်တၢ်ဆိးအလီၢ်န့ၣ်လဲၣ်.+
မ့ၢ်လံ, ယဟိဝၤယွၤ ကအိၣ်ဝဲဖဲန့ၣ် လီၤထူလီၤယိာ်လီၤ.+
၁၇ ကစၢ်ယွၤ အလ့ၣ်ကဟၣ်သုးတဖၣ် အိၣ်ဝဲ အကထိတဖၣ် အကထိလီၤ.+
ယဟိဝၤယွၤ ဟးထီၣ်လၢ ကစၢၢ်စံၤနါ ဒီးလဲၤနုာ်လီၤလၢ တၢ်စီဆှံအလီၢ်လီၤ.+
၁၈ အိ ယဟိဝၤယွၤဧၢ, နလဲၤထီၣ်လၢ တၢ်လီၢ်ထီၣ်ထီလီၤ.+
နဖီၣ်န့ၢ် ပှၤတနီၤ
ဒီးပှၤပိာ်ခွါတဖၣ်အံၤ ကဲထီၣ်ဝဲ တၢ်ဟ့ၣ်တဖၣ်လီၤ.+
လၢအဝဲသ့ၣ်အကျါန့ၣ် ပၣ်ဃုာ်စ့ၢ်ကီးဒီး ပှၤလၢအခိၣ်ကိၤတနီၤ+ ဒီးနအိၣ်ဘၣ်လၢ အဝဲသ့ၣ် အကျါလီၤ.
၁၉ ကစၢ်ယွၤလၢ အမ့ၢ်အတီ ယဟိဝၤယွၤ လၢအမ့ၢ် ပှၤလၢအယိးန့ၢ် ပတၢ်ဝံတၢ်ယိး ကိးနံၤဒဲး,+
ဒီးပတၢ်အုၣ်က့ၤခီၣ်က့ၤကစၢ်န့ၣ် မ်အဘၣ်တၢ်စံးထီၣ်ပတြၢၤအီၤတက့ၢ်. (စ့လၤ)
၂၀ ယွၤလၢအမ့ၢ်အတီတဂၤန့ၣ် မ့ၢ်ကစၢ်ယွၤလၢ အအုၣ်က့ၤခီၣ်က့ၤတၢ် လၢပဂီၢ်လီၤ.+
ဒီးတၢ်ပၢကစၢ် ယဟိဝၤယွၤန့ၣ် မၤပူၤဖျဲးပှၤလၢ တၢ်သံလီၤ.+
၂၁ မ့ၢ်လံ, ကစၢ်ယွၤ ကမၤသဘှံး အဒုၣ်အဒါတဖၣ် အခိၣ်သၣ်ဃံ,
ပှၤတဂၤဂ့ၤ တဂၤဂ့ၤလၢ အဆဲးမၤတၢ်ဒဲးဘးန့ၣ် ကစၢ်ယွၤ ကမၤသဘှံး အခိၣ်လီၤ.+
၂၂ ယဟိဝၤယွၤ တဲဝဲဒ်အံၤ, “ယကလဲၤကိးန့ၢ် အဝဲသ့ၣ်လၢ ဘၤၡၣ်ကစၢၢ်ကလိကျါ+
ဒီးယကထုးထီၣ်က့ၤ အဝဲသ့ၣ်လၢ ပီၣ်လဲၣ်ယိာ်ပူၤ
၂၃ ဒ်သိး သုကယီၢ်လီၤဘၣ်သုခီၣ်လၢ သုဒုၣ်သုဒါအသွံၣ်အကျါ+
ဒီးသုထွံၣ်တဖၣ် ကလ့ၣ်ဘၣ် သုဒုၣ်သုဒါတဖၣ် အသွံၣ်အဂီၢ်လီၤ.”
၂၄ အိ ကစၢ်ယွၤဧၢ, ပှၤထံၣ်ဘၣ် နတၢ်မၤနၢၤအမူးတဖၣ်လီၤ.
ပှၤထံၣ်ဘၣ် ယကစၢ်ယွၤ လၢအမ့ၢ် ယစီၤပၤ အတၢ်မၤနၢၤအမူးတဖၣ် ဖဲအလဲၤနုာ်လီၤလၢ တၢ်စီဆှံအလီၢ်လီၤ.+
၂၅ ပှၤသးဝံၣ်တၢ်ဖိတဖၣ် ဟးဝဲလၢတၢ်မဲာ်ညါ, ပှၤဒ့တၢ်ဖိတဖၣ် ဒ့ဝဲသီတူၢ် လၢတၢ်လီၢ်ခံ+
ဒီးပိာ်မုၣ်သးစၢ်တဖၣ် ဟးလၢတၢ်ခၢၣ်သးဒီး ဒိသီၣ်ဝဲတၢ်ခြ့ခြ့လီၤ.+
၂၆ စံးထီၣ်ပတြၢၤ ကစၢ်ယွၤ လၢတၢ်အိၣ်ဖှိၣ်ဖးဒိၣ်အပူၤ
ဒီးပှၤလၢ အမူဝဲခီဖျိ ကစၢ် လၢအမ့ၢ် စီၤအံၣ်စရ့လး အဂံၢ်ခီၣ်ထံးတဂၤ, သုဝဲသ့ၣ်ဧၢ, စံးထီၣ်ပတြၢၤ ယဟိဝၤယွၤတက့ၢ်.+
၂၇ ဘံၣ်ယၤမံၣ်အဒူၣ်+ လၢအမ့ၢ် အဆံးကတၢၢ်တဒူၣ် အိၣ်ဝဲဖဲန့ၣ် ဒီးမၤနၢၤမၤဃၣ်* ပှၤဂီၢ်မုၢ်တဖၣ်လီၤ.
ယူဒၤ အပဒိၣ်ဖးဒိၣ်တဖၣ် အိၣ်ဝဲစ့ၢ်ကီးဒီး အပှၤဂီၢ်မုၢ်လၢ အသီၣ်အသဲဒိၣ်မး
ဒီးစဘူလိၣ်ဒီး နးသၤလံ အပဒိၣ်ဖးဒိၣ်တဖၣ် အိၣ်ဝဲဖဲန့ၣ် စ့ၢ်ကီးလီၤ.
၂၈ သုကစၢ်ယွၤ မၤလိာ်ဝဲလၢ သုကန့ၢ်ဘၣ် တၢ်ဂံၢ်တၢ်ဘါလီၤ.
အိ ကစၢ်ယွၤလၢ အမၤတ့ၢ်တၢ်လၢပဂီၢ်တဂၤဧၢ, ပာ်ဖျါထီၣ် နတၢ်ဂံၢ်တၢ်ဘါတက့ၢ်.+
၃၀ ဒူဆၣ်ဖိကီၢ်ဖိအမံၤလၢ အအိၣ်လၢ တပိၢ်တဖၣ်အကျါ
ဒီးပှၤတဒူၣ်လၢ အလီၤဂာ်ဒ် ကျီၢ်ဖါဒီးအဖိတဖၣ်+
တုၤလၢ ပှၤဂီၢ်မုၢ်တဖၣ် ထိၣ်လီၤပှီၤအသး ဒီးဟဲစိာ် စ့ညၣ်တဖၣ် န့ၣ်တက့ၢ်.
ဘၣ်ဆၣ် ပှၤလၢအဒုးတၢ်မုာ်န့ၣ် အဝဲ မၤလီၤပြံလီၤပြါဝဲလီၤ.
၃၁ ပှၤလၢအအိၣ်လၢ ကီၢ်အဲၤကူပတူးန့ၣ် ကဟဲစိာ် တၢ်ဖိတၢ်လံၤတဖၣ်လၢ ပှၤတ့အီၤလၢတိၢ်ဘီ,+
ပှၤလၢအအိၣ်လၢ ကီၢ်ကူၤၡးန့ၣ်* ကကရီ ဟဲဟ့ၣ်ကစၢ်ယွၤ တၢ်ဟ့ၣ်တဖၣ်လီၤ.
၃၂ အိ ဟီၣ်ခိၣ်အဘီမုၢ်သ့ၣ်ဧၢ, သးဝံၣ်ထီၣ် ကစၢ်ယွၤ+
ဒီးသးဝံၣ်စံးထီၣ်ပတြၢၤ ယဟိဝၤယွၤတက့ၢ်. (စ့လၤ)
၃၃ သးဝံၣ်စံးထီၣ်ပတြၢၤ ပှၤတဂၤလၢ အဒိးမူခိၣ်လၢ အအိၣ်လၢပျၢၤလံၤလံၤတက့ၢ်.+
ကနၣ်မီၤ, အကလုၢ် သီၣ်ထီၣ်ဝဲဖးဒိၣ် ဒ်လီသီၣ်အသိးလီၤ.
၃၄ အၢၣ်လီၤတူၢ်လိာ်လၢ ကစၢ်ယွၤအိၣ်ဒီး တၢ်ဂံၢ်တၢ်ဘါတက့ၢ်.+
ကစၢ်ယွၤအတၢ်ပၢလၢ အလီၤကဟုကညီၢ် အိၣ်ဝဲလၢ ပှၤအံၣ်စရ့လးဖိအဖီခိၣ်လီၤ.
ဒီးအတၢ်ဂံၢ်တၢ်ဘါ အိၣ်ဖျါထီၣ်လၢ မူခိၣ်လီၤ.
၃၅ ကစၢ်ယွၤလၢ အအိၣ်လၢ အတၢ်လီၢ်စီဆှံလၢ အလီၤကဟုကညီၢ်န့ၣ်+ ပှၤဟီၣ်ခိၣ်ဖိ ကြၢးပျံၤ ဒီးယူးယီၣ်ပာ်ကဲအီၤလီၤ.
အဝဲမ့ၢ် အံၣ်စရ့လး အကစၢ်ယွၤ
ဒီးအဟ့ၣ်လီၤ အပှၤဂီၢ်မုၢ်လၢ တၢ်ဂံၢ်တၢ်ဘါလီၤ.+
စံးထီၣ်ပတြၢၤ ကစၢ်ယွၤတက့ၢ်.
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ. ဒ် “ဖီဒ့ၣ်ညါတဖၣ်” အသီၣ်အိၣ်ဝဲအသိး.
၆၉ အိ ကစၢ်ယွၤဧၢ, ထံဒိၣ်ထီၣ်တုၤလၢ ယဘူးကလီၤအုးလံ အဃိ မၤပူၤဖျဲးယၤတက့ၢ်.+
၂ ယလီၤဘျၢလၢ ကပံာ်ယိာ်အကျါ ဖဲဟီၣ်ခိၣ်ကိၤတအိၣ်ဘၣ်အလီၢ်လီၤ.+
ယလဲၤတုၤလၢ ထံယိာ်ပူၤ
ဒီးထံကျိဖိလၢ အယွၤလီၤဆူၣ်ဆူၣ်န့ၣ် ဆီၣ်ဖျိးယၤလံ.+
၃ တၢ်ဘှံးယသးလၢ ယကိးထီၣ်တၢ်အဃိ+
ဒီးယကလုၢ်ဘံးလၢာ်လံ.
ဖဲယအိၣ်ခိး ယကစၢ်ယွၤအခါ ယမဲာ်ချံ ကဒုလီၤလၢာ်လံ.+
ယဒုၣ်ယဒါလၢ အလံၣ်တၢ်လီတၢ်တဖၣ်
လၢအအဲၣ်ဒိး မၤဟးဂီၤယၤန့ၣ် ခဲအံၤအိၣ်ဝဲဒီဒူၣ်.
တၢ်လၢ ယတဟုၣ်အီၤဘၣ်န့ၣ် အဝဲသ့ၣ် မၢဆူၣ်ယၤလၢ ယကဟ့ၣ်လီၤကွံာ်အီၤလီၤ.
၅ အိ ကစၢ်ယွၤဧၢ, တၢ်လၢယမၤနါစိၤတဖၣ်န့ၣ် နသ့ၣ်ညါလီၤ.
ဒီးယတၢ်ကမၣ်အိၣ်ဒ်လဲၣ်န့ၣ် နသ့ၣ်ညါလီၤ.
၆ အိ တၢ်ပၢကစၢ် လၢအမ့ၢ် တၢ်သုးမုၢ်ဂီၢ်မုၢ်အကစၢ် ယဟိဝၤယွၤဧၢ,
ပှၤလၢ အမုၢ်လၢ်တၢ်လၢနၤန့ၣ် မ်အဝဲသ့ၣ် သုတထံၣ်ဘၣ် တၢ်မဲာ်ဆှး လၢယဃိတဂ့ၤ.
အိ အံၣ်စရ့လး အကစၢ်ယွၤဧၢ,
ပှၤလၢ အဃုနၤန့ၣ် မ်အဝဲသ့ၣ် သုတဘၣ် တၢ်မၤမဲာ်ဆှးအီၤ လၢယဃိတဂ့ၤ.
၈ ယကဲထီၣ် ပှၤလၢယဒီပုၢ်ဝဲၢ်တဖၣ် တသ့ၣ်ညါဝဲဘၣ်
ဒီးပှၤထံဂၤကီၢ်ဂၤဖိတဂၤလၢ ယဒီပုၢ်ဝဲၢ်ခွါတဖၣ် အဂီၢ်လီၤ.+
၉ တၢ်သးဆူၣ်လၢ နဟံၣ်အဂီၢ်န့ၣ် အိၣ်ပှဲၤလၢယပူၤလီၤ.+
တၢ်ဒုၣ်ဒွဲၣ်တဖၣ်လၢ ပှၤဒုၣ်ဒွဲၣ်နၤန့ၣ် လီၤဘၣ်လၢယလိၤလီၤ.+
၁၀ ဖဲယပာ်ဖျါထီၣ် တၢ်ဆီၣ်လီၤသး ဒီးဒုၣ်တၢ်အီၣ်အခါ
ပှၤဒုၣ်ဒွဲၣ်စံးအၢယၤလီၤ.
၁၁ ဖဲယကၤထီၣ် ထၢၣ်တၢ်ကံးညာ်* အခါ
အဝဲသ့ၣ် တဲဆဲးအဲးယၤလီၤ.
၁၂ ပှၤလၢ အဆ့ၣ်နီၤလၢ ဝ့ၢ်အတြဲၤန့ၣ် တဲသကိးယဂ့ၢ်
ဒီးပှၤမူၤသံးဖိတဖၣ် ထုးထီၣ်တၢ်သးဝံၣ်တဖၣ် ဘၣ်ဃးဒီးယၤလီၤ.
၁၃ ဘၣ်ဆၣ် ယဟိဝၤယွၤဧၢ, ယကဃ့ထုကဖၣ် လၢနအိၣ်
ဖဲနတူၢ်လိာ် ယတၢ်ထုကဖၣ်ကဲဝဲ အဆၢကတီၢ်လီၤ.+
အိ ကစၢ်ယွၤဧၢ, နတၢ်အဲၣ်လၢအတီ အိၣ်ဝဲအါဒိၣ်မးအဃိ
စံးဆၢယၤ ဒီးပာ်ဖျါထီၣ်လၢ နမ့ၢ်ယတၢ်အုၣ်က့ၤခီၣ်က့ၤကစၢ်လၢ ယနာ်န့ၢ်အီၤသ့ န့ၣ်တက့ၢ်.+
၁၄ ဒ်သိး ယသုတလီၤဘျၢလၢ
ကပံာ်ကျါတဂ့ၤအဂီၢ် မၤပူၤဖျဲးယၤတက့ၢ်.
မၤပူၤဖျဲးယၤလၢ ပှၤလၢအသးဟ့ယၤ အစုပူၤ
ဒီးလၢထံယိာ်ပူၤတက့ၢ်.+
၁၅ တဘၣ်ပျဲ ယလီၤထွံလၢ ထံဒိၣ်ထီၣ်လၢ အဆူတၢ်ဆူၣ်ဆူၣ် အကျါတဂ့ၤ.+
တဘၣ်ပျဲ ယလီၤအုးလၢ ထံယိာ်ပူၤ
ဒီးတဘၣ်ပျဲ တၢ်ပူၤအခိၣ်ထိး ကးဘၢအသးလၢ ယဖီခိၣ်တဂ့ၤ.+
၁၆ အိ ယဟိဝၤယွၤဧၢ, နတၢ်အဲၣ်လၢအတီန့ၣ် ဂ့ၤဝဲအဃိ စံးဆၢယၤတက့ၢ်.+
ခီဖျိလၢ နတၢ်သးကညီၤ ဒိၣ်ဝဲအါဝဲအဃိ ဃၣ်နသးလၢယအိၣ်တက့ၢ်.+
၁၇ တဘၣ်ဃၣ်ကွံာ် နမဲာ်လၢ နခ့နပှၤယၤအံၤ အအိၣ်တဂ့ၤ.+
ယဘၣ်ကိၢ်ဘၣ်ဂီၤအဃိ စံးဆၢယၤမ့ၢ်ချ့မီၤ.+
၁၈ ဟဲဘူးဒီးယၤ ဒီးမၤပူၤဖျဲးယၤတက့ၢ်.
အုၣ်က့ၤခီၣ်က့ၤယၤ* လၢယဒုၣ်ယဒါတဖၣ် အစုပူၤတက့ၢ်.
၁၉ ပှၤတဲဆါယၤဒ်လဲၣ်, ယတူၢ်ဘၣ် တၢ်မဲာ်ဆှးဒ်လဲၣ် ဒီးယလၤကပီၤ ဟးဂီၤဒ်လဲၣ်န့ၣ် နသ့ၣ်ညါလီၤ.+
နထံၣ်ယဒုၣ်ယဒါခဲလၢာ်လီၤ.
၂၀ လၢတၢ်ဒုၣ်ဒွဲၣ်အဃိ ယသးသ့ၣ်ဖး ဒီးအပူၤလီၢ် ဘျါက့ၤတသ့ဘၣ်.*
ယမုၢ်လၢ်လၢ ပှၤကသးကညီၤယၤ ဘၣ်ဆၣ် ပှၤတသးကညီၤယၤ နီတဂၤဘၣ်.+
ဒီးယမုၢ်လၢ်လၢ ပှၤကမၤမုာ်ထီၣ်က့ၤယၤ ဘၣ်ဆၣ် ပှၤတမၤမုာ်ထီၣ်က့ၤယၤ နီတဂၤဘၣ်.+
၂၁ လၢတၢ်အီၣ်အဂီၢ်န့ၣ် အဝဲသ့ၣ်ဟ့ၣ်ယၤ တၢ်စုၣ်တၢ်ပျၢ်*+
ဒီးဖဲယဘၣ်သးအီထံအခါ အဝဲသ့ၣ် ဒုးအီယၤလၢ စပံးထံလၢအဆံၣ်လီၤ.+
၂၂ မ်အဝဲသ့ၣ် အစီၢ်နီၤခိၣ် ကဲထီၣ်ထုလၢ အဝဲသ့ၣ်အဂီၢ်
ဒီးမ်အဝဲသ့ၣ် အတၢ်ဘီၣ်ထီၣ်ညီထီၣ် ကဲထီၣ်ပျံၤသကွီၤတက့ၢ်.+
၂၃ မ်အဝဲသ့ၣ်အမဲာ်ခံးလီၤ ဒ်သိး အသုတထံၣ်တၢ်တဂ့ၤအဂီၢ်
ဒီးဒုးကနိး အဝဲသ့ၣ်အခီၣ် ထီဘိတက့ၢ်.
၂၄ လူလီၤ နတၢ်သူၣ်ဒိၣ်သးဖျိး လၢအဝဲသ့ၣ် အဖီခိၣ်
ဒီးမ်နတၢ်သးထီၣ် လီၤဘၣ်လၢ အဝဲသ့ၣ်အလိၤတက့ၢ်.+
၂၅ မ်အဝဲသ့ၣ် အဒဲကဝီၤ အိၣ်သယုၢ်တက့ၢ်.
မ်ပှၤသုတအိၣ်တဆိးလၢ အဝဲသ့ၣ် အဒဲတဖၣ်အပူၤ နီတဂၤတဂ့ၤ.+
၂၆ အဝဲသ့ၣ် လူၤမၤအၢမၤသီ ပှၤလၢနတီၢ်အီၤလီၤ.
အဝဲသ့ၣ် တဲဝံၤတဲက့ၤဝဲ ပှၤလၢနမၤဘၣ်ဒိအီၤတဖၣ် အတၢ်နးတၢ်ဖှီၣ်အဂ့ၢ်လီၤ.
၂၇ လၢအဝဲသ့ၣ် အတၢ်ကမၣ်တဖၣ် အဖီခိၣ်န့ၣ် ပာ်ဖှိၣ်အါထီၣ် တၢ်ကမၣ်တက့ၢ်.
မ်နသု တပာ်ပနီၣ် အဝဲသ့ၣ်လၢ ပှၤတီပှၤလိၤတဂ့ၤ.
၂၈ မ်အဝဲသ့ၣ် အမံၤဘၣ်တၢ်ထူးသံကွံာ်အီၤလၢ လံာ်မူအပူၤ+
ဒီးမ်အဝဲသ့ၣ်အမံၤ သုတဘၣ်တၢ်ကွဲးလီၤအီၤလၢ ပှၤတီပှၤလိၤတဖၣ် အမံၤအကျါတဂ့ၤ.+
၂၉ မ့မ့ၢ်ယၤန့ၣ် ယဘၣ်ကိၢ်ဘၣ်ဂီၤ ဒီးယဘၣ်တူၢ်တၢ်ဆါမး.+
အိ ကစၢ်ယွၤဧၢ, မ်နတၢ်အုၣ်က့ၤခီၣ်က့ၤ အစိကမီၤ ဒီသဒၢယၤတက့ၢ်.
၃၀ ယကသးဝံၣ် စံးထီၣ်ပတြၢၤ ကစၢ်ယွၤအမံၤ,
ယကမၤလၤကပီၤအီၤ ဒီးယကစံးဘျုးစံးဖှိၣ်အီၤလီၤ.
၃၁ ဒီးအကဘၣ် ယဟိဝၤယွၤအသး ဒိၣ်န့ၢ်ဒံး ကျီၢ်ဖါတဒု
လၢအအိၣ်ဒီး အနၢၤတဖၣ်ဒီးအခီၣ်မ့ၣ်တဖၣ်ဒံးလီၤ.+
၃၂ ပှၤလၢအဆီၣ်လီၤအသးန့ၣ် ကထံၣ်ဘၣ် ကစၢ်ယွၤ အတၢ်ဂ့ၤတၢ်ဝါ ဒီးကသူၣ်ဖှံသးညီဝဲလီၤ.
သုဝဲလၢအဃု ကစၢ်ယွၤသ့ၣ်ဧၢ, မ်သုသးအဂံၢ်အဘါ ဆူၣ်ထီၣ်က့ၤတက့ၢ်.
၃၃ ယဟိဝၤယွၤ ဒိကနၣ်ဝဲ ပှၤဖှီၣ်ဖိယာ်ဖိ အတၢ်ကိးပသူထီၣ်+
ဒီးအဝဲတပာ်တ့ၢ်ကွံာ် အပှၤဂီၢ်မုၢ်လၢ အဘၣ်တၢ်က့ၤဖီၣ်အီၤတဖၣ်န့ၣ်ဘၣ်.+
၃၄ မ်မူခိၣ် ဒီးဟီၣ်ခိၣ်စံးထီၣ်ပတြၢၤအီၤ+
ဒီးမ်ပီၣ်လဲၣ်ဒီး တၢ်အိၣ်လၢ အပူၤခဲလၢာ် စံးထီၣ်ပတြၢၤအီၤတက့ၢ်.
၃၅ ကစၢ်ယွၤ ကအုၣ်က့ၤခီၣ်က့ၤ စံယိၣ်+
ဒီးအဝဲကသူၣ်ထီၣ်က့ၤ ယူဒၤအဝ့ၢ်တဖၣ်လီၤ.
အပှၤဂီၢ်မုၢ် ကန့ၢ်ဘၣ်ကီၢ်န့ၣ် ဒီးကအိၣ်ဝဲဖဲန့ၣ်လီၤ.
၃၆ ကစၢ်ယွၤ အခ့အပှၤတဖၣ် အစၢၤအသွဲၣ် ကန့ၢ်သါဘၣ်ကီၢ်န့ၣ်+
ဒီးပှၤလၢအအဲၣ် ကစၢ်ယွၤအမံၤန့ၣ်+ ကအိၣ်ဘၣ်ဝဲဖဲန့ၣ်လီၤ.
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ လၢတၢ်ဒုးသ့ၣ်နီၣ်ထီၣ်က့ၤအဂီၢ်.
၇၀ အိ ကစၢ်ယွၤဧၢ, မၤပူၤဖျဲးယၤတက့ၢ်.
အိ ယဟိဝၤယွၤဧၢ, ဟဲမၤစၢၤယၤမ့ၢ်ချ့.+
၂ ပှၤလၢအဃုမၤသံယၤန့ၣ်
မ်အထံၣ်ဘၣ် တၢ်မဲာ်ဆှးတက့ၢ်.
ဒီးပှၤလၢအသးခုလၢ ယဘၣ်နးဘၣ်ဖှီၣ်အဃိန့ၣ်
မ်အဂုၤက့ၤလီၢ်ခံလၢ တၢ်မဲာ်ဆှး အပူၤတက့ၢ်.
၃ ပှၤလၢအနံၤဆဲးအဲးယၤ ဒီးတဲလၢ “ဘၣ်ပိးလဲၣ်” န့ၣ်
မ်အဝဲသ့ၣ် ဃ့ၢ်ကွံာ်လၢ တၢ်မဲာ်ဆှးအပူၤတက့ၢ်.
၄ မ့မ့ၢ် ပှၤလၢအဃုနၤန့ၣ်
မ်အဝဲသ့ၣ်သးခု ဒီးသူၣ်ဖှံသးညီလၢ နပူၤတက့ၢ်.+
ပှၤလၢအခိးကွၢ်လၢ် နတၢ်အုၣ်က့ၤခီၣ်က့ၤန့ၣ် မ်အဝဲသ့ၣ်တဲဝဲ ထီဘိလၢ
“မ်ကစၢ်ယွၤ ဘၣ်တၢ်မၤလၤကပီၤအီၤတက့ၢ်.”
၅ ယမ့ၢ်ပှၤဂံၢ်စၢ်ဘါစၢ် ဒီးပှၤဖှီၣ်ဖိယာ်ဖိလီၤ.+
အိ ကစၢ်ယွၤဧၢ, မၤစၢၤယၤချ့ချ့တက့ၢ်.+
နမ့ၢ်ပှၤလၢအမၤစၢၤယၤ ဒီးပှၤလၢအမၤပူၤဖျဲးယၤလီၤ.+
အိ ယဟိဝၤယွၤဧၢ, တဘၣ်ထုးယံာ် တၢ်ဆၢကတီၢ်တဂ့ၤ.+
၇၁ အိ ယဟိဝၤယွၤဧၢ, ယဃုတၢ်အိၣ်သဒၢအလီၢ် လၢနအိၣ်လီၤ.
တဘၣ်ပျဲလၢ ယကထံၣ်ဘၣ် တၢ်မဲာ်ဆှးနီတဘျီတဂ့ၤ.+
၂ အုၣ်က့ၤခီၣ်က့ၤယၤ ဒီးမၤပူၤဖျဲးယၤ ခီဖျိ နတၢ်တီတၢ်လိၤတက့ၢ်.
ဒိးနနၢ်လၢယအိၣ်* ဒီးမၤပူၤဖျဲးယၤတက့ၢ်.+
၃ ကဲထီၣ်တၢ်အိၣ်တဒၢ အလၢၢ်တဖျၢၣ်
လၢယလဲၤနုာ်လၢအပူၤ သ့ထီဘိန့ၣ်တက့ၢ်.
နမ့ၢ်ယလ့ ဒီးယတၢ်ပူၤဖျဲးအလီၢ်အဃိ
ဟ့ၣ်လီၤတၢ်ကလုၢ်လၢ ပှၤကအုၣ်က့ၤခီၣ်က့ၤယၤတက့ၢ်.+
၄ အိ ကစၢ်ယွၤဧၢ, မၤပူၤဖျဲးယၤလၢ ပှၤအၢပှၤသီအစုပူၤ+
ဒီးမၤပူၤဖျဲးယၤလၢ ပှၤတတီတလိၤလၢ အဆီၣ်တံၢ်မၤနၢၤတၢ် အတၢ်ဖီၣ်ဃံးန့ၣ်တက့ၢ်.
၆ စးထီၣ်လၢ ယအိၣ်ဖျဲၣ်ထီၣ်န့ၣ် ယသန့ၤယသးလၢနၤ
ဒီးပှၤလၢအထုးထီၣ်ယၤလၢ ယမိၢ်အဒၢလီၢ်န့ၣ် မ့ၢ်နၤလီၤ.+
ယစံးထီၣ်ပတြၢၤနၤ ထီဘိလီၤ.
၇ လၢပှၤအါဂၤအတၢ်ထံၣ်န့ၣ် ယလီၤဂာ်ဒ်သိးဒီး တၢ်လီၤလိၢ်လီၤလးတခါလီၤ.
ဘၣ်ဆၣ် ယသ့ၣ်ညါလၢ နမ့ၢ်ယတၢ်အိၣ်သဒၢအလီၢ်လၢ အကျၢၤလီၤ.
၈ ယထးခိၣ် ပှဲၤဒီး တၢ်စံးထီၣ်ပတြၢၤနၤ+
ဒီးယကတဲ နတၢ်ဃံတၢ်လၤအဂ့ၢ် ဒီတနံၤကျၢၤလီၤ.
၉ ဖဲယသးပှၢ်ထီၣ်အခါ တဘၣ်ပာ်တ့ၢ်ကွံာ်ယၤတဂ့ၤ.+
ဒီးဖဲယဂံၢ်ယဘါ လၢာ်ကွံာ်အခါ တဘၣ်လဲၤသဒၣ်ယၤတဂ့ၤ.+
၁၀ ယဒုၣ်ယဒါတဖၣ် တဲအၢတဲသီယၤ
ဒီးပှၤလၢအဃုမၤသံယၤန့ၣ် ကူၣ်အၢယၤ+
၁၁ ဒီးတဲဝဲလၢ “ကစၢ်ယွၤ ပာ်တ့ၢ်ကွံာ်အီၤလံ,
ပှၤမၤပူၤဖျဲးအီၤ တအိၣ်နီတဂၤဘၣ်. ပလဲၤလူၤဖီၣ်အီၤဟီ.”+
၁၂ အိ ကစၢ်ယွၤဧၢ, တဘၣ်အိၣ်ယံၤဒီးယၤတဂ့ၤ.
အိ ယကစၢ်ယွၤဧၢ, ဟဲမၤစၢၤယၤမ့ၢ်ချ့.+
၁၃ ပှၤလၢအထီဒါယၤန့ၣ်
မ်အဝဲသ့ၣ်ဒိးန့ၢ်ဘၣ် တၢ်မဲာ်ဆှး ဒီးဟးဂီၤကွံာ်တက့ၢ်.+
ပှၤလၢအအဲၣ်ဒိး မၤကီမၤခဲယၤန့ၣ်
မ်ပှၤဒုၣ်ဒွဲၣ်ဒီး မၤမဲာ်ဆှး အဝဲသ့ၣ်တက့ၢ်.+
၁၄ မ့မ့ၢ်ယၤန့ၣ် ယကအိၣ်ခိးနၤထီဘိ
ဒီးယကစံးထီၣ်ပတြၢၤ အါထီၣ်နၤလီၤ.
၁၅ ယထးခိၣ်ကတဲဖျါထီၣ် နတၢ်တီတၢ်လိၤလီၤ.+
၁၆ အိ တၢ်ပၢကစၢ် ယဟိဝၤယွၤဧၢ,
ယကလဲၤတဲဘၣ်ဃးဒီး နတၢ်မၤလၢ အဒိၣ်အမုၢ်တဖၣ်အဂ့ၢ်
ဒီးယကတဲဖျါထီၣ် ထဲနၤတဂၤ အတၢ်တီတၢ်လိၤ အဂ့ၢ်လီၤ.
၁၇ အိ ကစၢ်ယွၤဧၢ, နသိၣ်လိယၤ စးထီၣ်လၢ ယသးစၢ်လံၤလံၤလံ.+
ဒီးယတဲဖျါထီၣ် နတၢ်မၤလၢ အလီၤလိၢ်လီၤလးတဖၣ်အဂ့ၢ် တုၤလၢခဲအံၤလီၤ.+
၁၈ အိ ကစၢ်ယွၤဧၢ, ယသးမ့ၢ်ပှၢ်ထီၣ် ဒီးယခိၣ်ဆူၣ်မ့ၢ်ဝါထီၣ် သနာ်က့ တဘၣ်ပာ်တ့ၢ်ကွံာ်ယၤတဂ့ၤ.+
ပျဲယတဲဘၣ် ပှၤလၢခံတစိၤ ဘၣ်ဃးဒီး နတၢ်စိတၢ်ကမီၤ
ဒီးပျဲယတဲဘၣ် ပှၤလၢကဟဲလၢခံတဖၣ် ဘၣ်ဃးဒီး နတၢ်ဂံၢ်တၢ်ဘါတက့ၢ်.+
၁၉ အိ ကစၢ်ယွၤဧၢ, နတၢ်တီတၢ်လိၤ ဒိၣ်ဝဲဒိၣ်မး,+
နမၤတ့ၢ်တၢ်လၢ အဒိၣ်အမုၢ်တဖၣ်လီၤ.
အိ ကစၢ်ယွၤဧၢ, ပှၤဒ်သိးဒီးနၤ တအိၣ်နီတဂၤဘၣ်.+
၂၀ နဒုးလဲၤခီဖျိယၤလၢ တၢ်ကိၢ်တၢ်ဂီၤ ဒီးတၢ်ကီတၢ်ခဲဒီဒူၣ်+
ဘၣ်ဆၣ် မၤဆူၣ်ထီၣ်ကဒီး ယဂံၢ်ယဘါတက့ၢ်.
ထုးထီၣ်က့ၤယၤလၢ ဟီၣ်ခိၣ်အတၢ်ယိာ်* ပူၤတက့ၢ်.+
၂၁ ဝံသးစူၤ မၤအါထီၣ်ယလၤကပီၤ,
အိၣ်ဝးတရံးယၤ ဒီးမၤမုာ်ထီၣ်က့ၤယၤတက့ၢ်.
၂၂ အိ ကစၢ်ယွၤဧၢ, ခီဖျိလၢ နတၢ်သးတီအဃိ+
ယကဒ့သီတူၢ် ဒီးသးဝံၣ်စံးထီၣ်ပတြၢၤနၤလီၤ.
အိ အံၣ်စရ့လး အကစၢ်ယွၤလၢအစီဆှံတဂၤဧၢ,
ယကဒ့တနၢ် ဒီးသးဝံၣ်စံးထီၣ်ပတြၢၤနၤလီၤ.
၂၃ နမၤပူၤဖျဲးတ့ၢ် ယသးသမူ* အဃိ+
ဖဲယသးဝံၣ် စံးထီၣ်ပတြၢၤနၤအခါ ယထးခိၣ် ကကိးပသူထီၣ်လၢ တၢ်သူၣ်ခုသးခုအပူၤလီၤ.+
၂၄ ယပျ့ၤကတဲ* ဘၣ်ဃးဒီး နတၢ်တီတၢ်လိၤအဂ့ၢ် ဒီတနံၤကျၢၤလီၤ.+
ပှၤလၢအလူၤမၤဟးဂီၤယၤန့ၣ် ကဒိးန့ၢ်ဘၣ် တၢ်မဲာ်ဆှးလီၤ.+
ဘၣ်ဃးဒီး စီၤၡလိၤမိၤ.
၇၂ အိ ကစၢ်ယွၤဧၢ, မၤစၢၤစီၤပၤ ဒ်သိးအကစံၣ်ညီၣ်တၢ် ဒ်နတၢ်စံၣ်ညီၣ် အိၣ်ဝဲအသိး
၂ မ်အစံၣ်ညီၣ်န့ၢ်တၢ်လၢ နပှၤဂီၢ်မုၢ်
ဒီးပှၤလၢ အပတီၢ်ဖုၣ်အဂီၢ် တီတီလိၤလိၤတက့ၢ်.+
၃ မ်ကစၢၢ်တဖၣ် ဟ့ၣ်ထီၣ်န့ၢ် ပှၤဂီၢ်မုၢ်လၢ တၢ်မုာ်တၢ်ခုၣ်
ဒီးမ်တၢ်လူၢ်တဖၣ် ဟ့ၣ်ထီၣ် တၢ်တီတၢ်လိၤတက့ၢ်.
၄ မ်အဝဲ အိၣ်ဃူဒီးဒီသဒၢ ပှၤလၢအပတီၢ်ဖုၣ်တဖၣ် လၢအအိၣ်လၢ ပှၤဂီၢ်မုၢ် အကျါတက့ၢ်.
၆ အဝဲကလီၤဂာ်ဒ် တၢ်စူၤထံလၢ အလီၤလၢ နီၣ်လၢပှၤတံာ်အီၤသီသီတဖၣ်အလိၤ
ဒီးဒ်မူခိၣ်စူၤလၢ အမၤဘၣ်စီၣ် ဟီၣ်ခိၣ်အသိးလီၤ.+
၇ ဖဲအဝဲပၢတၢ်အခါ ပှၤတီပှၤလိၤ ကဒိၣ်ထီၣ်ထီထီၣ်+
ဒီးတၢ်မုာ်တၢ်ခုၣ် ကအိၣ်ဝဲအါအါဂီၢ်ဂီၢ်+ ဒီးကအိၣ်ဝဲဖးယံာ် တုၤလၢ လါတအိၣ်လၢၤဘၣ်.
၈ အဝဲကပၢတၢ် စးထီၣ်လၢ ပီၣ်လဲၣ်လၢမုၢ်ထီၣ်တကပၤ တုၤလၢ ပီၣ်လဲၣ်လၢမုၢ်နုာ်တကပၤ
၉ ပှၤလၢအအိၣ်ဝဲဆိးဝဲလၢ မဲးမုၢ်ခိၣ်တဖၣ်န့ၣ် ကထိၣ်လီၤပှီၤအသးလၢ အမဲာ်ညါ
ဒီးအဝဲ ကမၤနၢၤ အဒုၣ်အဒါတဖၣ်လီၤ.+
၁၀ တၢ်ၡံၣ်အစီၤပၤတဖၣ်ဒီးကီးအစီၤပၤတဖၣ် ကဟ့ၣ်တၢ်ခိတၢ်သွဲလီၤ.+
ၡဘၤဘီမုၢ် အစီၤပၤတဖၣ် ဒီးစဘၤအစီၤပၤတဖၣ် ကဟဲစိာ်ဝဲ တၢ်ဟ့ၣ်တဖၣ်လီၤ.+
၁၁ စီၤပၤခဲလၢာ် ကထိၣ်လီၤပှီၤအသးလၢ အမဲာ်ညါ
ဒီးပှၤကလုာ်ခဲလၢာ် ကမၤအတၢ်လီၤ.
၁၂ ပှၤဖှီၣ်ဖိယာ်ဖိလၢ အကိးပသူထီၣ်လၢ တၢ်မၤစၢၤအဂီၢ်,
ပှၤလၢအပတီၢ်ဖုၣ် ဒီးပှၤလၢ ပှၤမၤစၢၤအီၤ တအိၣ်နီတဂၤဘၣ်န့ၣ် အဝဲကမၤပူၤဖျဲးဝဲလီၤ.
၁၃ အဝဲကသးကညီၤ ပှၤလၢအပတီၢ်ဖုၣ် ဒီးပှၤဖှီၣ်ဖိယာ်ဖိ
ဒီးအဝဲ ကမၤပူၤဖျဲး ပှၤဖှီၣ်ဖိယာ်ဖိ အသးသမူလီၤ.
၁၄ အဝဲကမၤပူၤဖျဲး အဝဲသ့ၣ်လၢ တၢ်ဆီၣ်တံၢ်မၤနၢၤ ဒီးတၢ်မၤဆူၣ်မၤစိး
ဒီးအဝဲသ့ၣ် အသွံၣ်န့ၣ် ကမ့ၢ် တၢ်လုၢ်ဒိၣ်ပှ့ၤဒိၣ် လၢအဂီၢ်လီၤ.
၁၅ မ်အဝဲ အိၣ်မူဘၣ်ဖးယံာ် ဒီးမ်ပှၤဟ့ၣ်လီၤအီၤလၢ ၡဘၤဘီမုၢ် အထူတက့ၢ်.+
မ်ပှၤဃ့ထုကဖၣ်န့ၢ်တၢ်လၢ အဂီၢ်ထီဘိ
ဒီးမ်အဘၣ်တၢ်ဆိၣ်ဂ့ၤ ကိးနံၤဒဲးတက့ၢ်.
၁၆ လၢဟီၣ်ခိၣ်ချၢန့ၣ် ဘုကအါဟုကအါဝဲ+
ဒီးလၢကစၢၢ်တဖၣ် အဒီခိၣ်န့ၣ် ဘုကအိၣ်ဝဲ အါအါဂီၢ်ဂီၢ် တုၤလၢ အလီၤလာ်လီၤ.
စီၤပၤအစံာ်ပျီတဖၣ် ကမဲထီၣ်သၣ်ထီၣ်ဝဲ ဒ်သ့ၣ်တဖၣ်လၢ လဘၤနိၣ်ကစၢၢ်ကလိကျါအသိး.+
ဒီးလၢဝ့ၢ်တဖၣ်အပူၤန့ၣ် ပှၤကအါထီၣ်ဂီၢ်ထီၣ် ဒ်နီၣ်တဖၣ်လၢ ဟီၣ်ခိၣ်ချၢအသိးလီၤ.+
၁၇ ဒ်မုၢ်အိၣ်ဝဲ လီၤစိၤလီၤထီအသိး+
မ်စီၤပၤအမံၤ အိၣ်ဝဲ လီၤထူလီၤယိာ် ဒီးမ်စီၤပၤအမံၤဟူသၣ်ဖျါ ထီဘိတက့ၢ်.
မ်ပှၤဘၣ် တၢ်ဆိၣ်ဂ့ၤ ခီဖျိလၢအီၤ+
ဒီးမ်ပှၤကလုာ်ခဲလၢာ် ပာ်ပနီၣ်အီၤလၢ ပှၤလၢအသးခုတက့ၢ်.
၁၈ ပှၤလၢအမၤ တၢ်လၢအလီၤလိၢ်လီၤလးတဖၣ်န့ၣ်+ အိၣ်ထဲ အံၣ်စရ့လးအကစၢ် ယဟိဝၤယွၤတဂၤလီၤ.+
အဃိ မ်ပှၤစံးထီၣ်ပတြၢၤအီၤတက့ၢ်.
၁၉ မ်အမံၤလၢ အလီၤကဟုကညီၢ်န့ၣ် ဘၣ်တၢ်စံးထီၣ်ပတြၢၤအီၤ လီၤစိၤလီၤထီတက့ၢ်.+
ဒီးမ်အလၤကပီၤ အိၣ်လၢ ဟီၣ်ခိၣ်ချၢဝးဝးတက့ၢ်.+
အၤမ့ၣ်, အၤမ့ၣ်.*
၂၀ စီၤယံးၡဲအဖိခွါ+ စီၤဒၤဝံး အတၢ်ထုကဖၣ်တဖၣ်န့ၣ် ကတၢၢ်ဝဲဖဲအံၤလီၤ.
လံာ်သၢဘ့ၣ်တဘ့ၣ်
(စံးထီၣ်ပတြၢၤ ၇၃-၈၉)
စီၤအၤစာ်အထါ.+
၇၃ ကစၢ်ယွၤန့ၣ် ဂ့ၤဝဲလၢ ပှၤအံၣ်စရ့လးဖိအဖီခိၣ် ဒီးလၢပှၤလၢ အသးကဆှီတဖၣ်အဖီခိၣ် သပှၢ်တၢၢ်လီၤ.+
၂ မ့မ့ၢ်ယၤန့ၣ် ယဘူးကလဲၤကမၣ်ကျဲ
ဒီးယခီၣ် ဘူးကတပျာ်,+
၃ မ့ၢ်လၢ ယထံၣ်ဘၣ်လၢ ပှၤအၢပှၤသီ ဘီၣ်ထီၣ်ညီထီၣ်
ဒီးယသးက့ၣ် ပှၤလၢအပာ်ကဖၢလၢအသးတဖၣ်အံၤ အဃိလီၤ.+
၄ အဝဲသ့ၣ် အတၢ်အိၣ်ဆူၣ်အိၣ်ချ့ဂ့ၤထီဘိ+
ဒီးအဝဲသ့ၣ် သံဘၣ်မုာ်မုာ်လီၤ.
၅ အဝဲသ့ၣ် တဘၣ်ကိၢ်ဘၣ်ဂီၤ ဒ်ပှၤဂၤအသိးဘၣ်.+
ဒီးအဝဲသ့ၣ် တတူၢ်ဘၣ်တၢ် ဒ်ပှၤဂၤအသိး စ့ၢ်ကီးဘၣ်.+
၆ အဃိ တၢ်ပာ်ထီၣ်ထီသးန့ၣ် လီၤဂာ်ဒ်သိးဒီး ဖဲတဘိလၢ အဝဲသ့ၣ်လံာ်ဝဲ+
ဒီးတၢ်စုဆူၣ်ခီၣ်တကးန့ၣ် လီၤဂာ်ဒ်သိးဒီး တၢ်ကူတၢ်ကၤလၢ အဝဲသ့ၣ်အဂီၢ်လီၤ.
၇ အဝဲသ့ၣ် ဘီၣ်ထီၣ်* တုၤလၢ အမဲာ်ကဖိထီၣ်ညါ.
ဒီးအဝဲသ့ၣ် လဲၤထီၣ်လဲၤထီ အါန့ၢ်ဒံး အဝဲသ့ၣ် ဆိကမိၣ်ထီၣ်ပာ်စၢၤ လၢအသးပူၤလီၤ.
၈ အဝဲသ့ၣ် နံၤဆဲးအဲး ဒီးတဲအၢတဲသီပှၤဂၤ.+
အဝဲသ့ၣ် တဲတၢ်ဆူၣ်ဆူၣ်ကိၤကိၤ ဒ်သိးကမၤပျံၤမၤဖုးပှၤဂၤလီၤ.+
၉ လၢတၢ်ပာ်ကဖၢလၢသးအပူၤန့ၣ် အဝဲသ့ၣ် ဟးတဲတၢ်ဖဲအအဲၣ်ဒိးတဲဝဲ
ဒီးအဝဲသ့ၣ် ပာ်ထီၣ်ထီအသး တုၤလၢအလီၤဂာ်လၢ အဝဲသ့ၣ် အိၣ်လၢမူခိၣ်ဒီး ခါလီၤအကလုၢ် ဒီးယီၢ်လီၤဟီၣ်ခိၣ် တတုၤလၢၤဘၣ်.
၁၀ အဃိ ကစၢ်ယွၤအပှၤဂီၢ်မုၢ် ဃၣ်အသးလၢ ပှၤတဖၣ်န့ၣ်အအိၣ်
ဒီးအီဝဲ အဝဲသ့ၣ်အထံလၢ အအိၣ်ဝဲ အါအါဂီၢ်ဂီၢ်လီၤ.*
၁၁ ပှၤအၢပှၤသီ တဲဝဲလၢ “ကစၢ်ယွၤ ကသ့ၣ်ညါဝဲဒ်လဲၣ်.+
တၢ်ထီကတၢၢ်တဂၤ သ့ၣ်ညါတၢ်ကိးမံၤဒဲးန့ၣ် မ့ၢ်အနီၢ်ကီၢ်ဧါ.”
၁၃ ယပာ်ကဆှီယသး ဒီးယသ့ယစု
ဒ်သိး ယကပာ်ဖျါထီၣ်လၢ ယတၢ်ကမၣ်တအိၣ်ဘၣ် သနာ်က့ မ့ၢ်ဒၣ် တၢ်ကလီကလီလီၤမၢၤ.+
၁၅ ဘၣ်ဆၣ် ယမ့ၢ်တဲဖျါထီၣ်ဘၣ်ဖုး ယတၢ်ဆိကမိၣ်တဖၣ်အံၤန့ၣ်
ယကကဲထီၣ် ပှၤလၢအတတီဒီး နပှၤဂီၢ်မုၢ်ဘၣ်.
၁၆ ဖဲယဂုာ်ကျဲးစၢး ဒ်သိးဒီးယကနၢ်ပၢၢ် တၢ်ဂ့ၢ်တခါအံၤအခါ
ယသးဘၣ်တံာ်တာ်ဒိၣ်မး.
၁၇ တုၤလၢ ယလဲၤနုာ်လီၤဘၣ်လၢ ကစၢ်ယွၤ အတၢ်ဘူၣ်ထီၣ်ဘါထီၣ်အလီၢ်လၢ အလီၤကဟုကညီၢ်မး
ယသ့ၣ်ညါထီၣ် ပှၤအၢပှၤသီ အတၢ်အိၣ်မူလၢ ခါဆူညါအဂ့ၢ်လီၤ.
၁၉ အဝဲသ့ၣ်ကဟးဂီၤဝဲ သတူၢ်ကလာ်.+
အဝဲသ့ၣ် ကတူၢ်ဘၣ်တၢ်နးတၢ်ဖှီၣ် သတူၢ်ကလာ် ဒီးသံဝဲလီၤ.
၂၀ အိ ယဟိဝၤယွၤဧၢ, ဖဲနဆၢထၢၣ်အခါ နကစူးကွံာ်ညိကွံာ် အဝဲသ့ၣ်လီၤ.
အဃိ အဝဲသ့ၣ်ကလီၤဂာ်ဒ်သိးဒီး တၢ်မံမီၢ်တခါလၢ ပှၤသးပ့ၤနီၣ်ကွံာ်အီၤ ဖဲပှၤပၢၢ်ထီၣ်အခါလီၤ.
၂၂ ယဆိမိၣ်တၢ်တဘၣ်ဘၣ် ဒီးယတနၢ်ပၢၢ်တၢ်ဘၣ်.
ယလီၤဂာ်ဒ် ဆၣ်ဖိကီၢ်ဖိတဒုလၢ အတၢ်သ့ၣ်ညါတအိၣ်ဘၣ်.
၂၃ ဘၣ်ဆၣ် ခဲအံၤ ယအိၣ်ဒီးနၤထီဘိ
ဒီးနဖီၣ်ဃာ် ယစုထွဲလီၤ.+
၂၅ လၢမူခိၣ်န့ၣ် ပှၤလၢအရ့ဒိၣ် လၢယဂီၢ် ထဲသိးဒီးနၤန့ၣ် တအိၣ်နီတဂၤဘၣ်.
နမ့ၢ်အိၣ်ဒီးယၤန့ၣ် ယတလီကီတၢ်အဂုၤအဂၤလၢ ဟီၣ်ခိၣ်ချၢနီတမံၤဘၣ်.+
၂၇ နီၢ်ကီၢ်န့ၣ် ပှၤလၢအအိၣ်ယံၤဒီးနၤန့ၣ် ကတုၤလၢ တၢ်ဟးဂီၤလီၤ.
ပှၤလၢအသးတတီဘၣ်* ဒီးပာ်တ့ၢ်နၤန့ၣ် နကမၤဟးဂီၤကွံာ် အဝဲသ့ၣ် ကိးဂၤဒဲးလီၤ.+
၂၈ မ့မ့ၢ်ယၤန့ၣ် ယသုးဘူးသးလၢ ကစၢ်ယွၤအအိၣ်န့ၣ် ဂ့ၤဝဲလၢယဂီၢ်လီၤ.+
ယဃုတၢ်အိၣ်သဒၢအလီၢ်လၢ တၢ်ပၢကစၢ် ယဟိဝၤယွၤအအိၣ်
ဒ်သိး ယကတဲဖျါထီၣ် အတၢ်မၤခဲလၢာ်လီၤ.+
၇၄ အိ ကစၢ်ယွၤဧၢ, ဘၣ်မနုၤအဃိ နပာ်တ့ၢ်ကွံာ်ပှၤ လီၤထူလီၤယိာ်လဲၣ်.+
ဘၣ်မနုၤအဃိ နသးပှံၢ်ထီၣ် နသိလၢ နဒုးအီၣ်ဒုးအီအီၤန့ၣ်လဲၣ်.+
၂ သ့ၣ်နီၣ်ထီၣ်က့ၤ ပှၤဂီၢ်မုၢ်လၢ နဃုထၢတ့ၢ်အီၤ လၢညါခါလံၤလံၤ,+
ပှၤတဒူၣ်လၢ နပှ့ၤက့ၤအီၤ ဒ်နတၢ်န့ၢ်သါအသိးန့ၣ်တက့ၢ်.+
ဒီးသ့ၣ်နီၣ်ထီၣ်က့ၤ ကစၢၢ်စံယိၣ်လၢ နအိၣ်လၢအလိၤ လၢညါန့ၣ်တက့ၢ်.+
၃ လဲၤလၢတၢ်လီၢ်လၢ ဒုၣ်ဒါတဖၣ် မၤဟးဂီၤအီၤ လၢာ်လၢာ်ဆ့ဆ့န့ၣ်တက့ၢ်.+
တၢ်လၢအအိၣ်လၢ တၢ်စီဆှံအလီၢ်န့ၣ် ဒုၣ်ဒါတဖၣ် မၤဟးဂီၤဝဲ ခဲလၢာ်လံ.+
၄ နဒုၣ်နဒါတဖၣ် ကိးပသူထီၣ် တၢ်မၤနၢၤအတၢ်ကိးပသူ လၢနတၢ်အိၣ်ဖှိၣ်အလီၢ်+
ဒီးအဝဲသ့ၣ် ဆီလီၤဝဲ အနီၣ်တယၢ်တဖၣ်ဖဲန့ၣ် ဒ်တၢ်ပနီၣ်အသိးလီၤ.
၅ အဝဲသ့ၣ် လီၤဂာ်ဒ်သိးဒီး ပှၤဖျးသ့ၣ် လၢပှၢ်ယိာ်ပူၤ လၢအဖျးကၢ်လီၤကွံာ် သ့ၣ်တဖၣ်လၢကွါလီၤ.
၆ အဝဲသ့ၣ် မၤဟးဂီၤကွံာ် တၢ်ဒူၣ်တဖၣ်+ လၢတၢ်စီဆှံအလီၢ် လၢကွါဒီး ထးတရ့တဖၣ်လီၤ.
၇ အဝဲသ့ၣ် ဒွဲၣ်အူထီၣ်ကွံာ် နတၢ်စီဆှံအလီၢ်+
ဒီးဒဲစီဆှံလၢ အမၤလၤကပီၤနမံၤန့ၣ် အဝဲသ့ၣ် မၤဘၣ်အၢဝဲ ဒီးမၤလီၤပှီၢ်ကွံာ်ဝဲလံ.
၈ အဝဲသ့ၣ် ဒီးအစၢၤအသွဲၣ်တဖၣ် တဲလီၤအသးလၢ
“ပကဒွဲၣ်အူထီၣ်ကွံာ် ကစၢ်ယွၤ အတၢ်အိၣ်ဖှိၣ်အလီၢ်ခဲလၢာ် လၢကီၢ်ပူၤလီၤ.”
၉ ခဲအံၤန့ၣ် ပတထံၣ်ဘၣ် တၢ်ပနီၣ်တဖၣ်လၢၤဘၣ်.
ဝံတအိၣ် နီတဂၤလၢၤဘၣ်,
ဒီးတၢ်ကမၤအသးဒ်အံၤ ကယံာ်ဒံးထဲလဲၣ်န့ၣ် ပတဲတဘၣ် နီတဂၤဘၣ်.
၁၀ အိ ကစၢ်ယွၤဧၢ, ဒုၣ်ဒါ ကဆဲးဒုၣ်ဒွဲၣ်နၤ ယံာ်ဒံးထဲလဲၣ်.+
ဒုၣ်ဒါ တပာ်ကဲနမံၤဘၣ် လီၤထူလီၤယိာ်လီၤဧါ.+
၁၁ ဘၣ်မနုၤအဃိ နတြီဃာ်နစုထွဲလဲၣ်.+
ထုးထီၣ်နစုလၢ နဆ့ကၤကတၢၤလာ် ဒီးမၤဟးဂီၤကွံာ် အဝဲသ့ၣ်မီၤ.
၁၂ ကစၢ်ယွၤကဲပာ်စၢၤ ယစီၤပၤ ဖးယံာ်လံ,
အဝဲမ့ၢ် ပှၤတဂၤလၢ အအုၣ်က့ၤခီၣ်က့ၤတၢ် လၢဟီၣ်ခိၣ်ချၢလီၤ.+
၁၃ နထိၣ်ဟူးထိၣ်ဂဲၤထီၣ် ပီၣ်လဲၣ်လၢ နဂံၢ်နဘါလီၤ.+
နတီၢ်သ့ၣ်ဖးကွံာ် တၢ်သးသမူဖးဒိၣ်လၢ အအိၣ်လၢပီၣ်လဲၣ်ပူၤတဖၣ် အခိၣ်သၣ်ဃံလီၤ.
၁၅ နမၤသ့ၣ်ဖးဟီၣ်ခိၣ် ဒ်သိး ထံထီၣ်ပၢၢ်တဖၣ် ဒီးထံကျိဖိတဖၣ် ကယွၤလီၤအဂီၢ်+
ဒီးထံကျိတဖၣ် လၢအယွၤလီၤဝဲထီဘိန့ၣ် နဒုးဃ့ထီထီၣ်ကွံာ်အီၤလီၤ.+
၁၆ မုၢ်နံၤဒီးမုၢ်နၤ မ့ၢ်နတၢ်,
နတ့လီၤ မုၢ်ဒီးတၢ်ကပီၤလီၤ.+
၁၈ အိ ယဟိဝၤယွၤဧၢ, သ့ၣ်နီၣ်ထီၣ်က့ၤ ဒုၣ်ဒါ အတၢ်ဒုၣ်ဒွဲၣ်နၤ
ဒီးပှၤဟးဂီၤဖိ တပာ်ကဲနမံၤဘၣ်ထဲလဲၣ်န့ၣ် သ့ၣ်နီၣ်ထီၣ်က့ၤတက့ၢ်.+
၁၉ တဘၣ်ဟ့ၣ်လီၤကွံာ် နထိၣ်လွံၢ် အသးသမူလၢ ဆၣ်ဖိကီၢ်ဖိအမံၤ အအိၣ်တဂ့ၤ.
နပှၤဂီၢ်မုၢ်လၢ အဘၣ်နးဘၣ်ဖှီၣ်န့ၣ် တဘၣ်သးပ့ၤနီၣ်ကွံာ်အီၤ လီၤထူလီၤယိာ်တဂ့ၤ.
၂၀ သ့ၣ်နီၣ်ထီၣ်က့ၤ တၢ်အၢၣ်လီၤအီလီၤ လၢနမၤတ့ၢ်ဒီးပှၤတက့ၢ်.
လၢဟီၣ်ခိၣ်ချၢ တၢ်လီၢ်လၢအခံးတဖၣ်န့ၣ် အိၣ်ဝဲထဲ ပှၤလၢအမၤဆူၣ်မၤစိးတၢ်လီၤ.
၂၁ ပှၤလၢအဘၣ် တၢ်ဆီၣ်တံၢ်မၤနၢၤအီၤန့ၣ် မ်အဝဲသ့ၣ်သုတဘၣ် တၢ်မၤမဲာ်ဆှးအီၤတဂ့ၤ.+
မ်ပှၤလၢအပတီၢ်ဖုၣ် ဒီးပှၤဖှီၣ်ဖိယာ်ဖိ စံးထီၣ်ပတြၢၤ နမံၤတက့ၢ်.+
၂၂ အိ ကစၢ်ယွၤဧၢ, ဂဲၤဆၢထၢၣ် စံၣ်ညီၣ်တၢ်လၢ နနီၢ်ကစၢ်အဂီၢ် တီတီတက့ၢ်.
ပှၤဟးဂီၤဖိ ဒုၣ်ဒွဲၣ်နၤ ဒီတနံၤကျၢၤညါန့ၣ် သ့ၣ်နီၣ်ထီၣ်က့ၤတက့ၢ်.+
၂၃ ပှၤလၢအထီဒါနၤ အတၢ်ကိးပသူထီၣ်တဖၣ်န့ၣ် သီၣ်ထီၣ်ဝဲ တုၤလၢမူခိၣ်ထီဘိလီၤ.
တၢ်လၢ နဒုၣ်နဒါတဖၣ် တဲဝဲန့ၣ် သးပ့ၤနီၣ်အီၤ နီတဘျီတဂ့ၤ.
လၢတၢ်သူၣ်ဝံၣ်သးဆၢအခိၣ်အဂီၢ်. ဒ် “တဘၣ်မၤဟးဂီၤယၤတဂ့ၤ” အသီၣ်အိၣ်ဝဲအသိး. စီၤအၤစာ်အထါ.+
၇၅ ပစံးဘျုးနၤ, အိ ကစၢ်ယွၤဧၢ, ပစံးဘျုးနၤလီၤ.
နမံၤ အိၣ်ဒီးပှၤ+
ဒီးပှၤဟီၣ်ခိၣ်ဖိ တဲဖျါထီၣ် နတၢ်မၤလၢ အလီၤကမၢကမၣ်တဖၣ်လီၤ.
၂ နတဲလၢ “ယပာ်ပနီၣ် တၢ်ဆၢကတီၢ်လၢ ယကစံၣ်ညီၣ်တၢ်
ဝံၤဒီးယစံၣ်ညီၣ်တၢ် တီတီလိၤလိၤလီၤ.
၃ ဖဲဟီၣ်ခိၣ် ဒီးပှၤလၢ ဟီၣ်ခိၣ်ချၢခဲလၢာ် ဟူးဝးဝဲ* အခါ
ယမ့ၢ်ပှၤလၢ အဖီၣ်ဂၢၢ်ဃာ် ဟီၣ်ခိၣ်အထူၣ်တဖၣ်လီၤ.” (စ့လၤ)
၄ ပှၤလၢအပာ်ကဖၢလၢသးန့ၣ် ယတဲအီၤလၢ “ပာ်ကဖၢလၢ သုသးလၢၤတဂ့ၤ.”
ဒီးပှၤအၢပှၤသီန့ၣ် ယတဲအီၤလၢ “တဘၣ်တဲဂ့ၤလီၤသုသးလၢ သုဂံၢ်ဆူၣ်အဃိတဂ့ၤ.
၅ တဘၣ်တဲဂ့ၤလီၤသုသးလၢ သုဂံၢ်ဆူၣ်ဒိၣ်မးအဃိတဂ့ၤ.
ဒီးတဘၣ်တဲတၢ်လၢ တၢ်ပာ်ထီၣ်ထီသးအပူၤတဂ့ၤ.
၆ ပှၤဟီၣ်ခိၣ်ဖိ အတၢ်လၤကပီၤန့ၣ်
တဟဲလၢ မုၢ်ထီၣ်မ့ၢ်ဂ့ၤ, မုၢ်နုာ်မ့ၢ်ဂ့ၤ, လၢကလံၤထံးမ့ၢ်ဂ့ၤဘၣ်.
၇ ကစၢ်ယွၤ မ့ၢ်စံၣ်ညီၣ်ကွီၢ်တဂၤလီၤ.+
အဝဲဆီၣ်လီၤပှၤတဂၤ ဒီးပာ်ထီၣ်ထီ ပှၤလၢအဝဲတဂၤလီၤ.+
၈ လၢယဟိဝၤယွၤ အစုပူၤန့ၣ် အိၣ်ဒီးခွးလၢ+
အပှဲၤဝဲဒီးစပံးထံလၢ အသဘှဲထီၣ် ဒီးအဃါဃုာ်အသးဒီး တၢ်နၢမူနၢဆှီတဖၣ်လီၤ.
အဝဲကလူလီၤဝဲ
ဒီးပှၤအၢပှၤသီလၢ ဟီၣ်ခိၣ်ချၢခဲလၢာ်န့ၣ် ကအီဝဲတုၤလၢ အခံဒးလီၤ.”+
၉ မ့မ့ၢ်ယၤန့ၣ် ယကတဲဖျါထီၣ် တၢ်လၢကစၢ်ယွၤ မၤတ့ၢ်ဝဲ လီၤစိၤလီၤထီလီၤ.
ဒီးယကသးဝံၣ် စံးထီၣ်ပတြၢၤ စီၤယၤကိာ် အကစၢ်ယွၤ,
၁၀ မ့ၢ်လၢ ကစၢ်ယွၤတဲဝဲလၢ “ယကမၤတဲာ်ကွံာ် ပှၤအၢပှၤသီ အဂံၢ်အဘါ,
မ့မ့ၢ် ပှၤတီပှၤလိၤန့ၣ် အဂံၢ်အဘါကအါထီၣ်ဝဲလီၤ.”
လၢတၢ်သူၣ်ဝံၣ်သးဆၢအခိၣ်အဂီၢ်, ဒ့အီၤဃုာ်ဒီးသီတူၢ်. စီၤအၤစာ်အထါ.+ တၢ်သးဝံၣ်.
၃ ဖဲန့ၣ်န့ၣ် အဝဲမၤကၢ်ကွံာ် ပျၢ်မ့ၣ်အူတဖၣ်,
ကတီၤ, နး ဒီးတၢ်စုကဝဲၤအဂၤခဲလၢာ် လၢတၢ်ဒုးအဂီၢ်လီၤ.+ (စ့လၤ)
၄ ကစၢ်ယွၤဧၢ, နကပီၤထီၣ် ကပြုၢ်ကပြီၤညါ.
နလီၤကဟုကညီၢ် ဒိၣ်န့ၢ်ဒံး ကစၢၢ်တဖၣ်လၢ အအိၣ်ဒီးဆၣ်ဖိကီၢ်ဖိအဒူတဖၣ်လီၤ.
၅ ပှၤလၢအသးဒူတဖၣ်န့ၣ် ဘၣ်တၢ်ဂုာ်ဆူၣ်န့ၢ်အတၢ်,+
အဝဲသ့ၣ် သံဝဲ*
ဒီးပှၤဒူပှၤဃိၤတဖၣ်န့ၣ် မၤတၢ်တဘၣ်နီတမံၤဘၣ်.+
၇ နမ့ၢ်ပှၤထဲတဂၤလၢ အလီၤကမၢကမၣ်.+
ဖဲနသးပှံၢ်ထီၣ်တၢ်ဖးဒိၣ်အခါ မတဂၤတူၢ်ဝဲကကဲလဲၣ်.+
၈ လၢမူခိၣ်န့ၣ် နတဲလီၤစိ တၢ်စံၣ်ညီၣ်အဂ့ၢ်လီၤ.+
ဒီးပှၤဟီၣ်ခိၣ်ဖိ ပျံၤတၢ် ဒီးအိၣ်ဘှ့ၣ်ဝဲ+
၉ ဖဲနဆၢထၢၣ် စံၣ်ညီၣ်တၢ်
ဒ်သိးကမၤပူၤဖျဲး ပှၤလၢအဆီၣ်လီၤသးခဲလၢာ် လၢဟီၣ်ခိၣ်ချၢအခါလီၤ.+ (စ့လၤ)
၁၀ ပှၤဟီၣ်ခိၣ်ဖိ အတၢ်သူၣ်ဒိၣ်သးဖျိးန့ၣ် ကကဲထီၣ် တၢ်စံးထီၣ်ပတြၢၤလၢ နဂီၢ်လီၤ.+
ဒီးအဝဲသ့ၣ်အတၢ်သူၣ်ဒိၣ်သးဖျိးလၢ အအိၣ်တ့ၢ်ဒံးန့ၣ် ကကဲထီၣ် တၢ်မၤလၤကပီၤနၤလီၤ.
၁၁ အၢၣ်လီၤတၢ်လၢ သုကစၢ်ယဟိဝၤယွၤအအိၣ် ဒီးမၤလၢပှဲၤသုတၢ်အၢၣ်လီၤတဖၣ်တက့ၢ်.+
ပှၤခဲလၢာ်လၢ အအိၣ်ဝးတရံးအီၤသ့ၣ်ဧၢ, ဟဲစိာ်သုတၢ်ဟ့ၣ်လၢ တၢ်ပျံၤအပူၤတက့ၢ်.+
၁၂ ပှၤခိၣ်ပှၤနၢ်တဖၣ်လၢ အအိၣ်ဒီးတၢ်ပာ်ထီၣ်ထီသးန့ၣ် အဝဲကဆီၣ်လီၤဝဲ
ဒီးအဝဲကမၤပျံၤမၤဖုး စီၤပၤတဖၣ် လၢဟီၣ်ခိၣ်ချၢလီၤ.
လၢတၢ်သူၣ်ဝံၣ်သးဆၢအခိၣ်အဂီၢ်, ဒ် ယဒူသူၣ်* အသီၣ်အိၣ်ဝဲအသိး. စီၤအၤစာ်အထါ.+
၇၇ ယကကိးပသူထီၣ်လၢ ကစၢ်ယွၤအအိၣ် လၢယကလုၢ်ဖးဒိၣ်,
ယကကိးပသူထီၣ်လၢ ကစၢ်ယွၤအအိၣ် ဒီးအဝဲကဒိကနၣ်ယၤလီၤ.+
၂ ဖဲယဘၣ်ကိၢ်ဘၣ်ဂီၤအနံၤန့ၣ် ယဃုယဟိဝၤယွၤလီၤ.+
လၢမုၢ်နၤခီန့ၣ် ယဃ့ထုကဖၣ်လၢ အအိၣ် ဒီးယတပတုာ်ဘၣ်.*
ဘၣ်ဆၣ် ယသးတမုာ်ထီၣ်ဒံးဘၣ်.
၄ နတဟ့ၣ်ယၤအခွဲးလၢ ယကမံဘၣ်.*
ယဘၣ်ကိၢ်ဘၣ်ဂီၤ ဒိၣ်တလၢအဃိ ယတဲတၢ်မးတကဲလၢၤဘၣ်.
၅ ယဆိကမိၣ်က့ၤ တၢ်မၤအသးလၢညါတဖၣ်+
ဒီးဆၢကတီၢ်လၢ အပူၤကွံာ်ဖးယံာ်လီၤ.
၆ လၢမုၢ်နၤခီန့ၣ် ယသ့ၣ်နီၣ်ထီၣ်က့ၤ ယတၢ်သးဝံၣ်လီၤ.+
ယဆိကမိၣ်ထံတၢ်လၢ ယသးပူၤ+
ဒီးယဃုနၢ်ပၢၢ် လီၤတံၢ်လီၤဆဲးလီၤ.
၇ မ့ၢ်ယဟိဝၤယွၤ ကပာ်တ့ၢ်ကွံာ်ပှၤ လီၤထူလီၤယိာ်ဧါ.+
အဝဲတသးကညီၤပှၤ နီတဘျီလၢၤဘၣ်ဧါ.+
၈ မ့ၢ်အတၢ်အဲၣ်လၢအတီ ကလီၤမၢ်ကွံာ် လီၤထူလီၤယိာ်ဧါ.
အတၢ်အၢၣ်လီၤ တလၢပှဲၤထီၣ် နီတဘျီလၢၤဧီၤ.
၉ မ့ၢ်ကစၢ်ယွၤ သးပ့ၤနီၣ်ပာ်ဖျါထီၣ် အတၢ်သူၣ်ဂ့ၤသးဝါလၢ ပဖီခိၣ်ဧါ.+
မ့ၢ်အတၢ်သးထီၣ် မၤလီၤမၢ်ကွံာ် အတၢ်သးကညီၤလံဧါ. (စ့လၤ)
၁၀ မ့ၢ်ယဘၣ်ဆဲးတဲလၢ “တၢ်ထီကတၢၢ်တဂၤ တဆီၣ်ထွဲမၤစၢၤပှၤလၢၤဘၣ်
အဃိ ယဘၣ်ကိၢ်ဘၣ်ဂီၤဒိၣ်မး” န့ၣ်ဧါ.+
၁၁ အိ ယဟိဝၤယွၤဧၢ, ယကသ့ၣ်နီၣ်ထီၣ်က့ၤ တၢ်လၢနမၤတဖၣ်
ဒီးယကသ့ၣ်နီၣ်ထီၣ်က့ၤ နတၢ်မၤလၢ အလီၤလိၢ်လီၤလး လၢအမၤအသးလၢပျၢၤတဖၣ်လီၤ.
၁၂ ယကဆိကမိၣ်ထံ တၢ်လၢနမၤခဲလၢာ်
ဒီးယကဆိကမိၣ်ထံဘၣ်ဃး တၢ်လၢနမၤတဖၣ်အဂ့ၢ်လီၤ.+
၁၃ အိ ကစၢ်ယွၤဧၢ, နကျဲတဖၣ်န့ၣ် စီဆှံဝဲ.
အိ ကစၢ်ယွၤဧၢ, ယွၤလၢအစိအကမီၤ ဒိၣ်ထဲသိးဒီးနၤ တအိၣ်နီတဂၤဘၣ်.+
၁၄ နမ့ၢ်ယွၤလၢအမ့ၢ်အတီတဂၤ လၢအမၤ တၢ်လီၤလိၢ်လီၤလးတဖၣ်လီၤ.+
နပာ်ဖျါထီၣ် နတၢ်ဂံၢ်တၢ်ဘါလၢ ပှၤဟီၣ်ခိၣ်ဖိ အအိၣ်လီၤ.+
၁၅ စီၤယၤကိာ် ဒီးစီၤယိၤသး အစၢၤအသွဲၣ်တဖၣ် လၢအမ့ၢ် နပှၤဂီၢ်မုၢ်န့ၣ်
နမၤပူၤဖျဲး အဝဲသ့ၣ်လၢ နစိကမီၤလီၤ.+ (စ့လၤ)
၁၆ ထံတဖၣ်ထံၣ်နၤ အိ ကစၢ်ယွၤဧၢ,
ထံတဖၣ်ထံၣ်နၤဒီး ကနိးကစုာ်ဝဲလီၤ.+
ဒီးထံယိာ်တဖၣ် ဟူးဝးဝဲလီၤ.
၁၇ တၢ်အၢၣ်တဖၣ် လူလီၤဝဲထံ.
မူခိၣ်အၢၣ်အုး မၤသီၣ်ထီၣ်လီ
ဒီးနပျၢ်တဖၣ် လၢအမ့ၢ် လီဝၢ်ဒံးန့ၣ် ကပီၤထီၣ်ဝဲလၢအံၤ လၢန့ၣ်လီၤ.+
၁၈ နလီအသီၣ်န့ၣ်+ လီၤဂာ် ဒ်သိးဒီးလ့ၣ်ကဟၣ်အပၣ် သီၣ်ဝဲအသိး,
လီဝၢ်ဒံးန့ၣ် မၤကပီၤထီၣ်ဟီၣ်ခိၣ်+
ဒီးဟီၣ်ခိၣ်ဟူးဝးဝဲလီၤ.+
၁၉ နဒုးအိၣ်ထီၣ်ကျဲလၢ ပီၣ်လဲၣ်အပူၤ+
ဒီးနကျဲန့ၣ် လဲၤခီဂာ်ထံ အါအါဂီၢ်ဂီၢ်လီၤ.
ဘၣ်ဆၣ် ပှၤတထံၣ် နခီၣ်လီၢ်တဖၣ် နီတဂၤဘၣ်.
၇၈ ယပှၤဂီၢ်မုၢ်သ့ၣ်ဧၢ, ဒိကနၣ်ယတၢ်သိၣ်တၢ်သီ
ဒီးဒိကနၣ်* ယတၢ်ကတိၤတဖၣ်တက့ၢ်.
၂ ယကအိးထီၣ် ယထးခိၣ် ဒီးတဲဖျါထီၣ် တၢ်ကတိၤဒိတခါ
ဒီးတၢ်ကတိၤလီၤဘၢ လၢပျၢၤတဖၣ်န့ၣ် ယကတဲဖျါထီၣ်အီၤလီၤ.+
၃ တၢ်လၢပနၢ်ဟူဘၣ် ဒီးသ့ၣ်ညါဘၣ်တဖၣ်
လၢပပၢ်တဖၣ် တဲဘၣ်ပှၤန့ၣ်+
၄ ပတပာ်ခူသူၣ်အီၤလၢ အဝဲသ့ၣ် အစၢၤအသွဲၣ်တဖၣ် အအိၣ်ဘၣ်.
ပကတဲဘၣ်ပှၤလၢခံတစိၤ+
ဘၣ်ဃးဒီး ယဟိဝၤယွၤ အတၢ်မၤလၢ အလီၤစံးပတြၢၤတဖၣ် ဒီးအစိအကမီၤ+
ဒီးတၢ်လၢအမၤဝဲလၢ အလီၤလိၢ်လီၤလးတဖၣ်အဂ့ၢ်လီၤ.+
၅ အဝဲဟ့ၣ်လီၤ စီၤယၤကိာ်* လၢတၢ်ဘျၢ
ဒီးအဝဲပာ်လီၤ တၢ်သိၣ်တၢ်သီလၢ အံၣ်စရ့လးအပူၤ.
အဝဲမၤလိာ် ပမိၢ်ပၢ်ဖံဖု လၢပျၢၤတဖၣ်လၢ
ကဒုးသ့ၣ်ညါ အဖိတဖၣ်လၢ တၢ်သ့ၣ်တဖၣ်အံၤ+
၆ ဒ်သိး ပှၤလၢခံတစိၤ
ကသ့ၣ်ညါဝဲ တၢ်သ့ၣ်တဖၣ်အံၤ+
ဒီးလၢခံ အဝဲသ့ၣ်စ့ၢ်ကီး ကဒုးသ့ၣ်ညါက့ၤ အဖိတဖၣ်အဂီၢ်လီၤ.+
၇ ဒီးအဝဲသ့ၣ် အဖိတဖၣ်စ့ၢ်ကီး ကသန့ၤအသးလၢ ကစၢ်ယွၤ
ဒီးတသးပ့ၤနီၣ်တၢ်လၢ ကစၢ်ယွၤမၤတ့ၢ်ဝဲတဖၣ်ဘၣ်.+
ဒီးအဝဲသ့ၣ် ကမၤထွဲ ကစၢ်ယွၤ အတၢ်မၤလိာ်တဖၣ်လီၤ.+
၈ အန့ၣ်မး အဝဲသ့ၣ် တကဲထီၣ် ဒ်သိးဒီး အမိၢ်ပၢ်ဖံဖု လၢပျၢၤတဖၣ်
လၢအမ့ၢ် ပှၤတစိၤလၢ အခိၣ်ကိၤ ဒီးအနၢ်က့ၣ်န့ၣ်ဘၣ်.+
ပှၤတစိၤန့ၣ် အသးတဂၢၢ်တကျၢၤဘၣ်+
ဒီးအဝဲသ့ၣ် အသးတတီလၢ ကစၢ်ယွၤအဖီခိၣ်ဘၣ်.
၉ ပှၤအ့ဖရဲၣ်ဖိတဖၣ် စိာ်ဒီးချံၣ်
ဘၣ်ဆၣ် အဝဲသ့ၣ် ဃ့ၢ်ထီၣ်ကွံာ်ဝဲလၢ တၢ်ဒုးပျီအပူၤလီၤ.
၁၀ အဝဲသ့ၣ် တမၤလၢပှဲၤ တၢ်အၢၣ်လီၤအီလီၤ လၢကစၢ်ယွၤမၤဝဲဒီး အဝဲသ့ၣ်န့ၣ်ဘၣ်.+
ဒီးအဝဲသ့ၣ် တအိၣ်မူမၤထွဲဝဲဒ် ကစၢ်ယွၤ အတၢ်သိၣ်တၢ်သီအသိးဘၣ်.+
၁၁ အဝဲသ့ၣ် သးပ့ၤနီၣ်ကွံာ်စ့ၢ်ကီး တၢ်လၢကစၢ်ယွၤ မၤတ့ၢ်ဝဲတဖၣ်+
ဒီးတၢ်လီၤလးတဖၣ်လၢ ကစၢ်ယွၤဒုးထံၣ်တ့ၢ် အဝဲသ့ၣ်လီၤ.+
၁၂ လၢကီၢ်အဲၤကူပတူးအပူၤ ဒီးလၢစိၤဧၣ် အဟီၣ်ကဝီၤန့ၣ်+ ကစၢ်ယွၤ
မၤဝဲတၢ်လီၤလးတဖၣ်လၢ အဝဲသ့ၣ် အမိၢ်ပၢ်ဖံဖု လၢပျၢၤတဖၣ် အမဲာ်ညါလီၤ.+
၁၄ လၢမုၢ်ဆါခီ အဆၢကတီၢ်န့ၣ် ကစၢ်ယွၤ ဆှၢအဝဲသ့ၣ် ခီဖျိတၢ်အၢၣ် အထူၣ်.
ဒီးလၢမုၢ်နၤခီ အဆၢကတီၢ်န့ၣ် ကစၢ်ယွၤဆှၢအဝဲသ့ၣ် ခီဖျိမ့ၣ်အူ အထူၣ်လီၤ.*+
၁၅ အဝဲမၤသ့ၣ်ဖး လၢၢ်တဖၣ်လၢ ပှၢ်မုၢ်ကနၢပူၤ
ဒီးအဝဲဒုးအီအဝဲသ့ၣ်လၢထံဘျဲဘျဲ ဒ်အဝဲသ့ၣ်အီဘၣ်ထံလၢ ထံယိာ်ပူၤအသိးလီၤ.+
၁၆ အဝဲဒုးဟဲထီၣ်ထံကျိဖိတဖၣ်လၢ လၢၢ်ပူၤ
ဒီးဒုးယွၤလီၤထံဒ် ထံကျိတဖၣ်အသိးလီၤ.+
၁၇ ဘၣ်ဆၣ် အဝဲသ့ၣ် ဆဲးမၤကမၣ် ကစၢ်ယွၤ လၢအမ့ၢ် တၢ်ထီကတၢၢ်တဂၤ
ခီဖျိ ထီဒါအီၤလၢ မဲးမုၢ်ပျီလီၤ.+
၁၈ ခီဖျိလၢ အဝဲသ့ၣ် ဃ့န့ၢ်ဆူၣ်တၢ်အီၣ်လၢ အအဲၣ်ဒိးအီၣ်ဝဲတဖၣ်အဃိ
မ့ၢ်ဒၣ်အဝဲသ့ၣ် မၤကွၢ်ကစၢ်ယွၤလၢ အဝဲသ့ၣ်အသးပူၤလီၤ.+
၁၉ အဝဲသ့ၣ် ကဒူးကဒ့ၣ် ကစၢ်ယွၤလၢ
“လၢပှၢ်မုၢ်ကနၢအပူၤန့ၣ် မ့ၢ်ကစၢ်ယွၤ ဟ့ၣ်ပှၤတၢ်အီၣ်ကသ့ဧါ.”+
၂၀ အဝဲတီၢ်လၢၢ်
ဒီးထံဟဲဖျိးထီၣ်ဝဲ ဒီးထံတဖၣ်ယွၤလီၤဝဲ အါအါဂီၢ်ဂီၢ်လီၤ.+
အဝဲသ့ၣ်ဆဲးတဲဝဲလၢ “မ့ၢ်ကစၢ်ယွၤ ဟ့ၣ်ပှၤကိၣ်ကသ့ဧါ.
ဒီးမ့ၢ်အဝဲဟ့ၣ်စ့ၢ်ကီး အပှၤဂီၢ်မုၢ်လၢ တၢ်ညၣ်ကသ့ဧါ.”+
၂၁ ဖဲယဟိဝၤယွၤ နၢ်ဟူဝဲဒ်န့ၣ်အခါ အသးပှံၢ်ထီၣ်တၢ်ဒိၣ်မး+
အဃိ မ့ၣ်အူ+ အီၣ်ကွံာ်ဝဲ စီၤယၤကိာ် အစၢၤအသွဲၣ်တဖၣ်
ဒီးအတၢ်သးထီၣ် ကဲၤကပျီၤထီၣ်လၢ ပှၤအံၣ်စရ့လးဖိအကျါ,+
၂၂ မ့ၢ်လၢ အဝဲသ့ၣ် တနာ်ကစၢ်ယွၤဘၣ်+
ဒီးအဝဲသ့ၣ် တနာ်ဝဲလၢ ကစၢ်ယွၤ မၤပူၤဖျဲးအဝဲသ့ၣ် သ့ဘၣ်အဃိလီၤ.
၂၃ အဃိ အဝဲမၢလီၤ မူခိၣ်အၢၣ်အုးလၢ တၢ်ဖးဖီ
ဒီးအဝဲအိးထီၣ် မူခိၣ်အတြဲၤတဖၣ်လီၤ.
၂၆ အဝဲထိၣ်ဟူးထိၣ်ဂဲၤထီၣ် မုၢ်ထီၣ်အကလံၤ လၢမူခိၣ်
ဒီးအဝဲဒုးအူ ကလံၤထံးအကလံၤ လၢအစိအကမီၤလီၤ.+
၂၇ အဝဲဒုးလီၤန့ၢ် အဝဲသ့ၣ်လၢ တၢ်ညၣ်တဖၣ် အါဝဲဒ် ဟီၣ်ခိၣ်ကမူၣ်အသိး
ဒီးဒုးလီၤဝဲထိၣ်တဖၣ် အါဝဲဒ် မဲးလၢ ပီၣ်လဲၣ်နံၤအသိးလီၤ.
၂၈ အဝဲဒုးလီၤ ထိၣ်တဖၣ်လၢ အဝဲသ့ၣ်* အဒဲကဝီၤပူၤ
ဒီးဒုးလီၤဝဲ ဝးတရံးအဝဲသ့ၣ် အဒဲတဖၣ်လီၤ.
၂၉ ကစၢ်ယွၤ ဟ့ၣ်လီၤအဝဲသ့ၣ် တၢ်လၢအဝဲသ့ၣ် လီကီဝဲတဖၣ်+
ဒီးအဝဲသ့ၣ် အီၣ်ဝဲအါတလၢ.
၃၀ ဘၣ်ဆၣ် လၢတၢ်သးကွံအဃိ အဝဲသ့ၣ်အီၣ်တၢ် တဘျဲဘၣ်အီၤဒံးဘၣ်
ဒီးဖဲတၢ်အီၣ်အိၣ်ဒံးလၢ အဝဲသ့ၣ်အကိာ်ပူၤအခါ
၃၁ ကစၢ်ယွၤ သးပှံၢ်ထီၣ်အဝဲသ့ၣ်လီၤ.+
အဝဲမၤသံကွံာ် ပှၤလၢအဂံၢ်ဆူၣ်ဘါဆူၣ် ကတၢၢ်တဖၣ်လၢ အဝဲသ့ၣ်အကျါ+
ဒီးအဝဲမၤသံကွံာ် ပှၤပိာ်ခွါသးစၢ်တဖၣ် လၢအံၣ်စရ့လးအပူၤလီၤ.
၃၃ အဃိ ကစၢ်ယွၤ မၤကတၢၢ် အဝဲသ့ၣ် အတၢ်အိၣ်မူလၢ အလီၤဂာ်ဒ်သိးဒီး တၢ်ကသါလီၤထဲတထံၣ်+
ဒီးဒုးလီၤဘၣ်အဝဲသ့ၣ်လၢ တၢ်လီၤပျံၤလီၤဖုးတဖၣ် သတူၢ်ကလာ် ဒီးအဝဲသ့ၣ်သံဝဲလီၤ.
၃၄ ဘၣ်ဆၣ် တဘျီဂ့ၤတဘျီဂ့ၤ ဖဲကစၢ်ယွၤ မၤသံအဝဲသ့ၣ်တနီၤအခါ အဝဲသ့ၣ် ဃ့ကစၢ်ယွၤ အတၢ်မၤစၢၤ+
ဒီးဟဲက့ၤကဒါက့ၤလၢ ကစၢ်ယွၤအအိၣ် ဒီးဃုအီၤလီၤ.
၃၅ အဝဲသ့ၣ် သ့ၣ်နီၣ်ထီၣ်က့ၤဝဲလၢ ကစၢ်ယွၤ မ့ၢ်အဝဲသ့ၣ်အလၢၢ်+
ဒီးကစၢ်ယွၤလၢ အထီကတၢၢ်တဂၤန့ၣ် မ့ၢ်ပှၤလၢအပှ့ၤက့ၤ အဝဲသ့ၣ်လီၤ.+
၃၆ အဝဲသ့ၣ် ဂုာ်ကျဲးစၢး လံၣ်န့ၢ်လီန့ၢ်အီၤလၢ အထးခိၣ်
ဒီးအဝဲသ့ၣ် တဲလံၣ်တဲလီအီၤလၢ အပျ့ၤလီၤ.
လၢအကပာ်ဖျါထီၣ် အတၢ်သးဒိၣ်ခဲလၢာ်ခဲဆ့အလီၢ်န့ၣ်
အဝဲပၢၤဃာ်အတၢ်သးထီၣ် အါဘျီလီၤ.+
၃၉ ကစၢ်ယွၤ သ့ၣ်နီၣ်ထီၣ်က့ၤဝဲလၢ အဝဲသ့ၣ် မ့ၢ်ဒၣ်ပှၤဟီၣ်ခိၣ်ဖိ*+
ဒီးအဝဲသ့ၣ်လီၤဂာ်ဒ်သိးဒီး ကလံၤလၢ အဒံတလၢကွံာ် ဒီးတဟဲက့ၤကဒါက့ၤလၢၤဘၣ်လီၤ.
၄၂ အဝဲသ့ၣ် တသ့ၣ်နီၣ်ထီၣ်က့ၤ ကစၢ်ယွၤ အတၢ်စိတၢ်ကမီၤ
ဒီးမုၢ်နံၤလၢ ကစၢ်ယွၤ မၤပူၤဖျဲး* အဝဲသ့ၣ်လၢ ဒုၣ်ဒါအစုပူၤန့ၣ်ဘၣ်.+
၄၃ ကစၢ်ယွၤ ပာ်ဖျါထီၣ် တၢ်ပနီၣ်လီၤလးတဖၣ်လၢ ကီၢ်အဲၤကူပတူး+
ဒီးတၢ်လီၤလးတဖၣ်လၢ စိၤဧၣ်အဟီၣ်ကဝီၤလီၤ.
၄၄ ကစၢ်ယွၤ ဒုးကဲထီၣ် ထံကျိနံၤလါ အထံကျိၤတဖၣ် လၢတၢ်သွံၣ်+
ဒ်သိး ပှၤအီထံလၢ ထံကျိနံၤလါ အထံကျိဖိတဖၣ်အပူၤ သုတသ့တဂ့ၤအဂီၢ်လီၤ.
၄၆ အဝဲဆှၢလီၤ ဒွဲၣ်တဖၣ် ဒ်သိးကအီၣ်ကွံာ် အဝဲသ့ၣ် အတၢ်မုၢ်တၢ်ဘိတဖၣ်
ဒီးအဝဲသ့ၣ် အတၤသူတၤသၣ်တဖၣ်လီၤ.+
၄၇ ကစၢ်ယွၤ မၤဟးဂီၤအဝဲသ့ၣ် အစပံးမုၢ်တဖၣ်+
ဒီးအဝဲသ့ၣ် အသိးဝံာ်ဒၢအထူၣ်တဖၣ် လၢသူၣ်တဖၣ်လီၤ.
၄၉ ကစၢ်ယွၤ ဒုးလီၤဘၣ် အတၢ်သးထီၣ်လၢ အကဲၤထီၣ်ဝဲ,
တၢ်သူၣ်ဒိၣ်သးဖျိး ဒီးတၢ်ကိၢ်တၢ်ဂီၤလၢ အဝဲသ့ၣ်အလိၤလီၤ.
အဝဲဆှၢလီၤ မူခိၣ်ကလူး အကရူၢ်တဖၣ်လၢ အဒုးလီၤဝဲ တၢ်ကီတၢ်ခဲတဖၣ်လီၤ.
၅၀ အဝဲပျၢ်လီၤ အတၢ်သးထီၣ်လၢ အဝဲသ့ၣ်အလိၤ
ဒီးတပျဲပူၤအဝဲသ့ၣ် အသးသမူဘၣ်,
အမၤသံအဝဲသ့ၣ်လၢ တၢ်ဆါသံသတြိာ်လီၤ.
၅၁ လၢခံကတၢၢ်န့ၣ် အဝဲမၤသံ ကယဲၢ်ဖိဝဲၢ်ကိတဖၣ်လၢ ကီၢ်အဲၤကူပတူးအပူၤ+
လၢအမ့ၢ် ပှၤလၢအအိၣ်ဖျဲၣ်ထီၣ် အဆိကတၢၢ်လၢ စီၤဃၣ်အဒဲတဖၣ်အပူၤလီၤ.
၅၂ ဝံၤဒီး အဝဲဒုးဟးထီၣ် အပှၤဂီၢ်မုၢ်လၢ ကီၢ်အဲၤကူပတူးအပူၤ+
ဒီးဆှၢအဝဲသ့ၣ် ဒ်သိတဖုအသိး လၢပှၢ်မုၢ်ကနၢလီၤ.
၅၃ ကစၢ်ယွၤ ဆှၢအဝဲသ့ၣ် ပူၤပူၤဖျဲးဖျဲး
အဃိ အဝဲသ့ၣ်တပျံၤတၢ်ဘၣ်.+
ဒီးပီၣ်လဲၣ်လုၢ်ဘၢ အဝဲသ့ၣ်အဒုၣ်အဒါတဖၣ်လီၤ.+
၅၅ အဝဲနီဟးထီၣ်ကွံာ် ပှၤကလုာ်တဖၣ်လၢ အပှၤဂီၢ်မုၢ် အမဲာ်ညါ+
ဒီးနီၤလီၤ တၢ်န့ၢ်သါလၢ အဝဲသ့ၣ်အဂီၢ် ခီဖျိလၢ နီၣ်ထိၣ်ပျံၤ+
ဒီးဒုးအိၣ်ဒုးဆိး အံၣ်စရ့လး အဒူၣ်တဖၣ်လၢ အဝဲသ့ၣ်အနီၢ်ကစၢ်အဟံၣ်လီၤ.+
၅၆ ဘၣ်ဆၣ် အဝဲသ့ၣ် မၤကွၢ်ဒံး ကစၢ်ယွၤ လၢအထီကတၢၢ်တဂၤ ဒီးအဝဲသ့ၣ် ထီဒါအီၤလီၤ.+
အဝဲသ့ၣ် တကနၣ်ဃုာ် ကစၢ်ယွၤ အတၢ်ဒုးသ့ၣ်နီၣ်ထီၣ်တဖၣ်ဘၣ်.+
၅၇ အဝဲသ့ၣ် ပာ်တ့ၢ်ကစၢ်ယွၤ ဒီးထီဒါတၢ် ဒ်သိးဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်လီၤ.+
အဝဲသ့ၣ်န့ၣ် လီၤဂာ်ဒ်သိးဒီး ပျၢ်လၢအက့ၣ်တဘိလၢ ပှၤနာ်န့ၢ်အီၤတသ့ဘၣ်န့ၣ်လီၤ.+
၅၈ အဝဲသ့ၣ် မၤသးထီၣ်ကစၢ်ယွၤ တဘျီဝံၤတဘျီ ခီဖျိလၢ အဝဲသ့ၣ်ဘူၣ်ထီၣ်ဘါထီၣ် တၢ်လၢ တၢ်လီၢ်ထီၣ်ထီတဖၣ်+
ဒီးမၤပှံၢ်ထီၣ်အသး* ခီဖျိလၢ အဝဲသ့ၣ် အတၢ်ဂီၤတၢ်ဖှီၣ်တဖၣ်အဃိလီၤ.+
၅၉ ကစၢ်ယွၤ ထံၣ်ဝဲဒီး အသးပှံၢ်ထီၣ်တၢ်ဒိၣ်မး+
အဃိ ကစၢ်ယွၤ ပာ်တ့ၢ် ပှၤအံၣ်စရ့လးဖိ တဲာ်တဲာ်ဖျုဖျုလီၤ.
၆၁ အဝဲပျဲ ဒုၣ်ဒါတဖၣ် ဟံးန့ၢ် တလါစီဆှံ,+
အဝဲသ့ၣ် က့ၤစိာ်ကွံာ် ယွၤအစိကမီၤ ဒီးအလၤကပီၤ အတၢ်ပနီၣ်လီၤ.
၆၃ မ့ၣ်အူအီၣ်ကွံာ် အပှၤဖိသၣ်ခွါတဖၣ်
ဒီးပှၤတသးဝံၣ်န့ၢ် အပှၤမုၣ်ကနီၤတဖၣ်လၢ တၢ်ဖျီအတၢ်သးဝံၣ် နီတဂၤလၢၤဘၣ်.
၆၅ ဘၣ်ဆၣ် ဖဲန့ၣ်အခါ လီၤဂာ်ဒ်သိးဒီး ယဟိဝၤယွၤ မံပၢၢ်ထီၣ်,+
ဒ်ပှၤဂံၢ်ဆူၣ်ဘါဆူၣ်တဂၤလၢ+ အမံဝဲလၢ အအီစပံးထံ အါတလၢအဃိ ဝံၤဒီးပၢၢ်ထီၣ်ဝဲအသိးလီၤ.
၆၆ ကစၢ်ယွၤ နီထီၣ်ကွံာ် အဒုၣ်အဒါတဖၣ်+
ဒီးမၤမဲာ်ဆှး အဒုၣ်အဒါတဖၣ် လီၤထူလီၤယိာ်လီၤ.
၆၇ ကစၢ်ယွၤ တတူၢ်လိာ် စီၤယိၤသး အဒူၣ်*
ဒီးအဝဲတဃုထၢ အ့ဖရဲၣ်အဒူၣ်ဘၣ်.
၆၉ အဝဲတ့ထီၣ် အတၢ်ဘူၣ်ထီၣ်ဘါထီၣ်အလီၢ် လၢကအိၣ်ဂၢၢ်ဆိးကျၢၤဝဲ ဒ်မူခိၣ်အသိး+
ဒီးကဂၢၢ်ကျၢၤဝဲ ဒ်ဟီၣ်ခိၣ်လၢ အတ့လီၤဝဲလၢ ကအိၣ်ဝဲ လီၤထူလီၤယိာ်န့ၣ်လီၤ.+
၇၁ စီၤဒၤဝံး အံးထွဲကွၢ်ထွဲ သိလၢအဒုးအီနုၢ် အဖိတဖၣ်
ဒီးကစၢ်ယွၤ ဒုးကဲထီၣ်အီၤလၢ ပှၤကွၢ်သိလၢ စီၤယၤကိာ် အစၢၤအသွဲၣ်တဖၣ် လၢအမ့ၢ်အပှၤဂီၢ်မုၢ်န့ၣ် အဖီခိၣ်+
ဒီးအတၢ်န့ၢ်သါ လၢအမ့ၢ် ပှၤအံၣ်စရ့လးဖိတဖၣ် အဖီခိၣ်လီၤ.+
၇၂ ဒ်ပှၤကွၢ်သိတဂၤအသိး အဝဲ* အံးထွဲကွၢ်ထွဲ အဝဲသ့ၣ်လၢ တၢ်သးတီအပူၤ+
ဒီးတီခိၣ်ရိၤမဲ အဝဲသ့ၣ် သ့သ့ဘၣ်ဘၣ်လီၤ.+
စီၤအၤစာ်အထါ.+
၇၉ အိ ကစၢ်ယွၤဧၢ, ပှၤကလုာ်ဂၤတဖၣ် ဟဲနုာ်လီၤလၢ နကီၢ်ပူၤလံ.*+
၂ အဝဲသ့ၣ် ဟ့ၣ်အီၣ်ဝဲ ထိၣ်လၢတၢ်ဖးဖီတဖၣ်လၢ နခ့နပှၤတဖၣ်အစိၣ်
ဒီးဟ့ၣ်အီၣ်ဝဲ ဆၣ်ဖိကီၢ်ဖိအဒူလၢ ဟီၣ်ခိၣ်ချၢတဖၣ်လၢ ပှၤလၢအသးတီဒီးနၤတဖၣ်အစိၣ်လီၤ.+
၃ အဝဲသ့ၣ်လူလီၤဝဲ နခ့နပှၤတဖၣ် အသွံၣ်လၢ ဝ့ၢ်ယရူၤၡလ့ၣ် အပူၤဝးဝး ဒ်ထံအသိး
ဒီးပှၤလၢအကခူၣ်လီၤကွံာ်အီၤ တအိၣ်နီတဂၤဘၣ်.+
၄ ပကဲထီၣ် တၢ်ဒုၣ်ဒွဲၣ်အလီၢ်လၢ ပှၤလၢ ပခိၣ်ပဃၢၤတဖၣ်အဂီၢ်+
ဒီးပှၤလၢပကပိာ်ကပၤတဖၣ်န့ၣ် တဲဆဲးအဲးပှၤ ဒီးနံၤဆဲးအဲးပှၤလီၤ.
၅ အိ ယဟိဝၤယွၤဧၢ, နကသးပှံၢ်ထီၣ်ပှၤ ယံာ်ဒံးထဲလဲၣ်. လီၤထူလီၤယိာ်လီၤဧါ.+
နကသးဒိၣ်ထီၣ်ဒံးပှၤ ဒ်မ့ၣ်အူကဲၤထီၣ်အသိး ယံာ်ဒံးထဲလဲၣ်.+
၆ လူလီၤနတၢ်သးထီၣ်လၢ ပှၤကလုာ်တဖၣ်လၢ တသ့ၣ်ညါနၤဘၣ်
ဒီးလၢဘီမုၢ်တဖၣ်လၢ တကိးထီၣ်နမံၤဘၣ်န့ၣ် အဖီခိၣ်တက့ၢ်.+
၇ အဝဲသ့ၣ် မၤဟးဂီၤ စီၤယၤကိာ် အစၢၤအသွဲၣ်တဖၣ်
ဒီးဒုးအိၣ်သယုၢ် စီၤယၤကိာ် အထံကီၢ်လီၤ.+
၈ တဘၣ်သိၣ်ဃီၣ်ပှၤ လၢပမိၢ်ပၢ်ဖံဖု လၢပျၢၤတဖၣ် အတၢ်ကမၣ် အဃိန့ၣ်တဂ့ၤ.+
ပဂံၢ်ပဘါလီၤစၢ်လၢာ်လံ
အဃိ ပာ်ဖျါထီၣ် တၢ်သးကညီၤလၢ ပဖီခိၣ်မ့ၢ်ချ့မီၤ.+
၉ အိ ပတၢ်အုၣ်က့ၤခီၣ်က့ၤ ကစၢ်ဧၢ,+
မၤစၢၤပှၤ ခီဖျိလၢ နမံၤလၢ အလီၤကဟုကညီၢ်အဃိတက့ၢ်.
မၤပူၤဖျဲးပှၤ ဒီးပျၢ်ကွံာ် ပတၢ်ကမၣ် ခီဖျိလၢ နမံၤအဃိတက့ၢ်.+
၁၀ နမ့ၢ်မၤဒ်န့ၣ်န့ၣ် ပှၤကလုာ်တဖၣ် တတဲဝဲလၢ “အဝဲသ့ၣ် အကစၢ်ယွၤ အိၣ်ဖဲလဲၣ်” န့ၣ်ဘၣ်.+
ပအဲၣ်ဒိးထံၣ်လၢ နဟ့ၣ်ကၣ်က့ၤ ပှၤကလုာ်တဖၣ်လၢ
အလူလီၤဂၢ်လီၤတ့ၢ် နခ့နပှၤတဖၣ်အသွံၣ်လီၤ.+
၁၁ ဒိကနၣ် ပှၤလၢအဘၣ် တၢ်စၢဃာ်အီၤ အတၢ်ကအုကစွါတက့ၢ်.+
သူနတၢ်စိတၢ်ကမီၤဖးဒိၣ်* ဒီးပာ်မူ* ပှၤလၢအဘၣ်တၢ်စံၣ်ညီၣ်အီၤလၢ တၢ်သံတဖၣ်န့ၣ်တက့ၢ်.+
၁၃ နမ့ၢ်မၤဒ်န့ၣ်န့ၣ် ပဝဲဒၣ်လၢ အမ့ၢ်နပှၤဂီၢ်မုၢ် ဒီးနသိလၢ နဒုးအီၣ်ဒုးအီအီၤန့ၣ်+
ကစံးဘျုးနၤ လီၤထူလီၤယိာ်လီၤ.
ဒီးပကစံးထီၣ်ပတြၢၤနၤ အစိၤစိၤအဃၣ်ဃၣ်လီၤ.+
လၢတၢ်သူၣ်ဝံၣ်သးဆၢအခိၣ်အဂီၢ်. ဒ် “ဖီဒ့ၣ်ညါတဖၣ်” အသီၣ်အိၣ်ဝဲအသိး. လၢတၢ်ဒုးသ့ၣ်နီၣ်ထီၣ်က့ၤအဂီၢ်. စီၤအၤစာ်အထါ.+
၈၀ အိ အံၣ်စရ့လး အပှၤကွၢ်သိတဂၤဧၢ, ဒိကနၣ်ပှၤတက့ၢ်.
နမ့ၢ်ပှၤလၢ အဟံးစုနဲၣ်ကျဲ စီၤယိၤသး အပှၤဂီၢ်မုၢ် ဒ်သိတဖုအသိးလီၤ.+
၂ ပာ်ဖျါထီၣ် နတၢ်စိတၢ်ကမီၤလၢ+
အ့ဖရဲၣ်အဒူၣ်, ဘံၣ်ယၤမံၣ်အဒူၣ် ဒီးမနၤၡ့ၤအဒူၣ် အမဲာ်ညါ
ဒီးဟဲမၤပူၤဖျဲးပှၤတက့ၢ်.+
၃ အိ ကစၢ်ယွၤဧၢ, တူၢ်လိာ်က့ၤပှၤတက့ၢ်.+
ပာ်ဖျါထီၣ် တၢ်သးကညီၤလၢပဖီခိၣ် ဒ်သိးပကပူၤဖျဲးအဂီၢ်တက့ၢ်.+
၄ တၢ်သုးမုၢ်ဂီၢ်မုၢ် အကစၢ်ယဟိဝၤယွၤဧၢ, နကသးပှံၢ်ထီၣ် နပှၤဂီၢ်မုၢ် ဒီးတကနၣ်ဃုာ် အဝဲသ့ၣ် အတၢ်ထုကဖၣ်ဘၣ်န့ၣ် ကယံာ်ဒံးထဲလဲၣ်.+
၅ လၢကအီၣ်ကိၣ်အလီၢ် နဒုးအီအဝဲသ့ၣ်လၢ မဲာ်ထံမဲာ်နိ
ဒီးနဒုးအီအဝဲသ့ၣ်လၢ မဲာ်ထံအါအါဂီၢ်ဂီၢ်လီၤ.
၆ နပျဲပှၤကလုာ်လၢ ပခိၣ်ပဃၢၤတဖၣ် အ့ၣ်လိာ်သးလၢပဃိလီၤ.
ဒီးပဒုၣ်ပဒါတဖၣ် တဲဆဲးအဲးပှၤ ဖဲအသးလီၤ.+
၇ အိ တၢ်သုးမုၢ်ဂီၢ်မုၢ် အကစၢ်ယွၤဧၢ, တူၢ်လိာ်က့ၤပှၤတက့ၢ်.
ပာ်ဖျါထီၣ် တၢ်သးကညီၤလၢ ပဖီခိၣ် ဒ်သိးပကပူၤဖျဲးအဂီၢ်တက့ၢ်.+
၈ နထဲးထီၣ် စပံးမုၢ်တမုၢ်လၢ+ ကီၢ်အဲၤကူပတူးလီၤ.
နနီဟးထီၣ်ကွံာ် ပှၤကလုာ်တဖၣ် ဒီးသူၣ်လီၤ စပံးမုၢ်တမုၢ်အံၤလၢ အဝဲသ့ၣ်အကီၢ်ပူၤလီၤ.+
၉ နမၤပျီတၢ်လီၢ်လၢ စပံးမုၢ်အဂီၢ်
ဒီးစပံးမုၢ်န့ၣ် အဂံၢ်စဲၤလီၤဝဲ ဒီးအိၣ်ပှဲၤဝဲကီၢ်ပူၤလီၤ.+
၁၀ ကစၢၢ်ကလိတဖၣ် အိၣ်ဝဲလၢ စပံးမုၢ် အကဒုဖီလာ်
ဒီးအဒ့တဖၣ် လီၤကဒုဘၣ် ကစၢ်ယွၤ အသ့ၣ်ဆှိအ့ရ့းတဖၣ်လီၤ.
၁၂ ဘၣ်မနုၤအဃိ နမၤဟးဂီၤ တၢ်ဒူၣ်လၢ အဘၣ်တၢ်တ့အီၤလၢလၢၢ် လၢအအိၣ်ဝးတရံးစပံးမုၢ်+
ဒီးပျဲလၢ ပှၤလၢအလဲၤဘၣ်ကျဲဖဲန့ၣ်တဖၣ် ကဒ့အီၣ်အသၣ်လဲၣ်.+
၁၃ ထီးမံၤတဖၣ်လၢ ပှၢ်လၢ်ကျါန့ၣ် မၤဟးဂီၤအီၤ
ဒီးဆၣ်ဖိကီၢ်ဖိအမံၤတဖၣ်လၢ ပျီပူၤန့ၣ် အီၣ်ကွံာ်အီၤလီၤ.+
၁၄ တၢ်သုးမုၢ်ဂီၢ်မုၢ် အကစၢ်ယွၤဧၢ, ဝံသးစူၤ ဟဲက့ၤတက့ၢ်.
ကွၢ်လီၤလၢမူခိၣ် ဒီးနကထံၣ်ဘၣ် တၢ်မၤအသးတဖၣ်လီၤ.
ဒီးကွၢ်လီၤ စပံးမုၢ်ဖိလၢ နဒုးဆူၣ်ထီၣ်အီၤလၢ နနီၢ်ကစၢ်အဂီၢ်တက့ၢ်.+
၁၆ စပံးမုၢ်န့ၣ် ဘၣ်တၢ်ကျီကွံာ်အီၤ ဒီးဒွဲၣ်အူထီၣ်အီၤလီၤ.+
လၢနတၢ်သိၣ်ဃီၣ်အဃိ ပှၤဂီၢ်မုၢ် ဟးဂီၤကွံာ်ဝဲလီၤ.
၁၇ မ်နဆီၣ်ထွဲမၤစၢၤ ပှၤလၢအအိၣ်လၢ နစုထွဲတဂၤ,
ပှၤကညီဖိခွါလၢ နဒုးဆူၣ်ထီၣ်အီၤလၢ နနီၢ်ကစၢ်အဂီၢ်တက့ၢ်.+
၁၈ နမ့ၢ်မၤဒ်န့ၣ်န့ၣ် ပတဃၣ်ကွံာ်ပသးလၢ နအိၣ်လၢၤဘၣ်.
ဒ်သိး ပကကိးထီၣ်နမံၤအဂီၢ် ပာ်မူပှၤတက့ၢ်.
၁၉ အိ တၢ်သုးမုၢ်ဂီၢ်မုၢ် အကစၢ်ယဟိဝၤယွၤဧၢ, တူၢ်လိာ်က့ၤပှၤတက့ၢ်.
ပာ်ဖျါထီၣ် တၢ်သးကညီၤလၢ ပဖီခိၣ် ဒ်သိးပကပူၤဖျဲးအဂီၢ်တက့ၢ်.+
လၢတၢ်သူၣ်ဝံၣ်သးဆၢအခိၣ်အဂီၢ်. ဒ် ကၤသး* အသီၣ်အိၣ်ဝဲအသိး. စီၤအၤစာ်အထါ.+
၈၁ ကိးပသူထီၣ်လၢ တၢ်သးခုအပူၤ လၢပကစၢ်ယွၤလၢ အမ့ၢ်ပဂံၢ်ပဘါတဂၤန့ၣ် အအိၣ်တက့ၢ်.+
ကိးပသူထီၣ်လၢ တၢ်သူၣ်ဖှံသးညီအပူၤ လၢစီၤယၤကိာ် အကစၢ်ယွၤ အအိၣ်တက့ၢ်.
၂ စးထီၣ်တၢ်ဒ့တၢ်အူ, ဟံးထီၣ်တၢ်ခြ့ခြ့
ဒီးဒ့တၢ်သးဝံၣ် လၢအမုာ်လၢ သီတူၢ်ဒီးတနၢ်တက့ၢ်.
၄ အဝဲန့ၣ် မ့ၢ်တၢ်သိၣ်တၢ်သီလၢ ပှၤအံၣ်စရ့လးဖိအဂီၢ်
ဒီးမ့ၢ်စီၤယၤကိာ် အကစၢ်ယွၤ အတၢ်မၤလိာ်+
၅ လၢအဟ့ၣ်လီၤ စီၤယိၤသး ဒ်တၢ်ဒုးသ့ၣ်နီၣ်ထီၣ်အသိး+
ယနၢ်ဟူ တၢ်ကလုၢ်* လၢယတသ့ၣ်ညါဘၣ်န့ၣ် တဲဝဲလၢ
၆ “ယထုးထီၣ်ကွံာ် တၢ်ဝံဃၢ လၢအဖံဘၣ်ခိၣ်+
ဒီးယထုးထီၣ်ကွံာ် နာ်* လၢအစုပူၤလံ.
၇ လၢသုတၢ်ကိၢ်တၢ်ဂီၤ အဆၢကတီၢ် သုကိးထီၣ်ယၤ ဒီးယမၤပူၤဖျဲးသုလီၤ.+
၈ ယပှၤဂီၢ်မုၢ်သ့ၣ်ဧၢ, ဒိကနၣ်ယၤလၢအံၤ, ယကဟ့ၣ်ပလီၢ်သုလီၤ.
အိ ပှၤအံၣ်စရ့လးဖိဧၢ, ယဆၢလၢ သုကဒိကနၣ်ယကလုၢ်ညါ.+
၉ အန့ၣ်မး လၢသုကျါန့ၣ် ယွၤအဂၤတဖၣ်တအိၣ်ဘၣ်
ဒီးသုတဘူၣ်ထီၣ်ဘါထီၣ် ယွၤလၢအကမၣ်တဖၣ်ဘၣ်.+
၁၀ ယၤ, ယဟိဝၤ လၢအမ့ၢ်သုကစၢ်ယွၤန့ၣ်
မ့ၢ်ပှၤလၢ အဒုးဟးထီၣ်သုလၢ ကီၢ်အဲၤကူပတူးအပူၤလီၤ.+
အိးထီၣ်သုကိာ်ပူၤ မ့ၢ်လဲၢ် ဒီးယကဒုးအီၣ်သုတၢ် ဘျဲဘျဲလီၤ.+
၁၁ ဘၣ်ဆၣ် ယပှၤဂီၢ်မုၢ် တဒိကနၣ် ယကလုၢ်ဘၣ်
ဒီးပှၤအံၣ်စရ့လးဖိ တအဲၣ်ဒိး ဒိးပၢအသးလၢ ယဖီလာ်နီတစဲးဘၣ်.+
၁၂ ဒီးအဝဲသ့ၣ် အခိၣ်ကိၤအဃိ ယပျဲအဝဲသ့ၣ် မၤဖဲအသး
ဒီးတၢ်လၢ အဝဲသ့ၣ် ဆိကမိၣ်ဝဲလၢ အဘၣ်န့ၣ် အဝဲသ့ၣ် မၤဝဲလီၤ.+
၁၃ ယပှၤဂီၢ်မုၢ် မ့ၢ်ဒိကနၣ် ယကလုၢ်+
ဒီးပှၤအံၣ်စရ့လးဖိ မ့ၢ်မၤယတၢ်ဘၣ်သးန့ၣ်+
၁၄ ယကဆီၣ်လီၤ အဝဲသ့ၣ် အဒုၣ်အဒါတဖၣ် ချ့ချ့
ဒီးယကမၤနၢၤ ပှၤလၢအထီဒါ အဝဲသ့ၣ်လီၤ.+
၁၅ ပှၤလၢအသးဟ့ ယဟိဝၤယွၤန့ၣ် အဝဲသ့ၣ် ကကနိးကစုာ်လၢ အမဲာ်ညါ
ဒီးတၢ်သိၣ်ဃီၣ်* လၢအဝဲသ့ၣ်အဂီၢ်န့ၣ် ကအိၣ်ဝဲ လီၤထူလီၤယိာ်လီၤ.
၁၆ ဘၣ်ဆၣ် အဝဲကဒုးအီၣ်သု ဘုလၢအဂ့ၤကတၢၢ်+
ဒီးအဝဲကဒုးအီၣ်သု ကနဲစီလၢ အအိၣ်လၢ လၢၢ်ကိပူၤ တုၤလၢသု အီၣ်ဘျဲလီၤ.”+
စီၤအၤစာ်အထါ.+
၃ အိၣ်ဃူ ဒီးဒီသဒၢ ပှၤလၢအပတီၢ်ဖုၣ် ဒီးပှၤဖိၣ်ဃဲဖိတဖၣ်တက့ၢ်.+
စံၣ်ညီၣ်န့ၢ်တၢ်လၢ ပှၤဂံၢ်စၢ်ဘါစၢ် ဒီးပှၤဖှီၣ်ဖိယာ်ဖိတဖၣ်အဂီၢ် တီတီလိၤလိၤတက့ၢ်.+
၄ မၤပူၤဖျဲး ပှၤလၢအပတီၢ်ဖုၣ် ဒီးပှၤဖှီၣ်ဖိယာ်ဖိတဖၣ်
ဒီးမၤပူၤဖျဲးထီၣ်ကွံာ် အဝဲသ့ၣ်လၢ ပှၤအၢပှၤသီတဖၣ် အစုပူၤတက့ၢ်.”
တၢ်စံၣ်ညီၣ်တီ တအိၣ်ဘၣ် ဒီးပှၤတယူးယီၣ်ပာ်ကဲ တၢ်သိၣ်တၢ်သီဘၣ်.*+
၇ ဘၣ်ဆၣ် သုကသံ ဒ်ပှၤဂၤအသိး.+
ဒီးသုတၢ်အိၣ်မူ ကကတၢၢ်ကွံာ်ဝဲ ဒ်သိးဒီး ပဒိၣ်အဂၤတဖၣ်လီၤ.’”+
၈ အိ ကစၢ်ယွၤဧၢ, ပှၤကလုာ်ခဲလၢာ် မ့ၢ်နတၢ်လီၤ.
အဃိ ဆၢထၢၣ်ဒီး စံၣ်ညီၣ်ဟီၣ်ခိၣ်တက့ၢ်.+
တၢ်သးဝံၣ်. စီၤအၤစာ်အထါ.+
၈၃ အိ ကစၢ်ယွၤဧၢ, ဝံသးစူၤ အိၣ်ဘှ့ၣ်အိၣ်ဘှီၣ်တဂ့ၤ.+
အိ သ့တၢ်လၢာ်ကစၢ်ဧၢ, အိၣ်ဃိဒိ ဒီးအိၣ်ဂၢၢ်တပၢၢ်တဂ့ၤ.
၂ နဒုၣ်နဒါတဖၣ် တၢထီၣ်တၢလီၤ+
ဒီးပှၤလၢအသးဟ့နၤတဖၣ် ထီဒါနၤလံ.
၃ လၢတၢ်ကူၣ်သ့အပူၤန့ၣ် အဝဲသ့ၣ် ကူၣ်ထီၣ်ခူသူၣ်တၢ်လၢ ကမၤဘၣ်ဒိနပှၤဂီၢ်မုၢ်
ဒီးအဝဲသ့ၣ် ကူၣ်အၢ ပှၤလၢ နပာ်လုၢ်ပာ်ပှ့ၤအီၤတဖၣ်လီၤ.*
၄ အဝဲသ့ၣ် တဲဝဲလၢ “ဒ်သိးပှၤအံၣ်စရ့လးဖိတဖၣ် အမံၤ ကဘၣ်တၢ်သးပ့ၤနီၣ်ကွံာ်အီၤ လီၤထူလီၤယိာ်အဂီၢ်
ကဲ, ပလဲၤမၤဟးဂီၤကွံာ် အဝဲသ့ၣ်ဒီတကလုာ်ဟီ.”+
၅ အဝဲသ့ၣ် ထုးထီၣ်တၢ်ကူၣ်လၢ တၢ်သးတဖျၢၣ်ဃီအပူၤ
ဒီးဖီၣ်လိာ်သးစုလၢ ကထီဒါနၤအဂီၢ်လီၤ.+
၆ ပှၤတဖၣ်န့ၣ်မ့ၢ်ဝဲ ပှၤအဒိၣ်ဖိ, ပှၤယံးၡမၤဧ့လးဖိ, ပှၤမိၤအးဖိ,+ ပှၤဟၤကၢ်ဖိ,+
၇ ပှၤကံးဘလးဖိ, ပှၤဧၣ်မိၣ်ဖိ,+ ပှၤဧမၤလ့းဖိ,
၈ ပှၤအၤၡူၢ်ဖိ+ စ့ၢ်ကီး ပာ်ဖှိၣ်ထီၣ်အသးဒီးအဝဲသ့ၣ်
၉ မၤအဝဲသ့ၣ် ဒ်သိးဒီး နမၤ ပှၤမံးဒယၣ်ဖိ+
ဒီးမၤအဝဲသ့ၣ် ဒ်သိးဒီး နမၤ စီၤစံစရၤ ဒီးစီၤယၤဘံၣ် လၢထံကျိဖိ ကံၡိၣ်န့ၣ်တက့ၢ်.+
၁၀ အဝဲသ့ၣ် ဘၣ်တၢ်မၤဟးဂီၤအီၤလၢ ဝ့ၢ်ဧ့ၣ်ဒိၢ်+
ဒီးအဝဲသ့ၣ် ကဲထီၣ်တၢ်အ့ၣ်တၢ်ဆံၣ် လၢဟီၣ်ခိၣ်အဂီၢ်လီၤ.
၁၁ မၤအပှၤဒိၣ်ပှၤပှၢ် ဒ်သိးဒီးနမၤ စီၤဧိရ့ာ် ဒီးစီၤစအ့ာ်+
ဒီးမၤအဝဲသ့ၣ် အပှၤခိၣ်ပှၤနၢ်တဖၣ် ဒ်သိးဒီးနမၤ စီၤစ့ဘၤ ဒီးစီၤစးလမူနၤန့ၣ်တက့ၢ်.+
၁၂ လၢညါ ပှၤသ့ၣ်တဖၣ်အံၤ တဲဝဲလၢ “ကဲ, ပလဲၤမၤန့ၢ် ကီၢ်လၢ ကစၢ်ယွၤ အိၣ်လၢအပူၤန့ၣ်ဟီ.”
၁၃ အိ ယကစၢ်ယွၤဧၢ, မၤလီၤပြံလီၤပြါအဝဲသ့ၣ် ဒ်ဖ့လၢ ကလံၤအူဒံကွံာ်အီၤအသိး+
ဒီးဒ်လီၢ်ဘိလၢ ကလံၤအူဒံကွံာ်အီၤအသိးန့ၣ်တက့ၢ်.
၁၄ ဒ်မ့ၣ်အူလၢ အအီၣ်ကွံာ်ဝဲ ပှၢ်ဒီဘ့ၣ်
ဒီးဒ်မ့ၣ်အူလၣ်လၢ အအီၣ်လ့ၤကွံာ်ဝဲ ကစၢၢ်ကလိတဖၣ်အသိး+
၁၅ လူၤအဝဲသ့ၣ်လၢ နကလံၤမုၢ်+
ဒီးမၤပျံၤအဝဲသ့ၣ်လၢ နကလံၤမုၢ်တက့ၢ်.+
၁၆ အိ ယဟိဝၤယွၤဧၢ, ဒ်သိးအဝဲသ့ၣ် ကဃုနမံၤအဂီၢ်
မၤမဲာ်ဆှးအဝဲသ့ၣ်တက့ၢ်.
၁၇ မ်အဝဲသ့ၣ် ဘၣ်တၢ်မၤမဲာ်ဆှးအီၤ ဒီးပျံၤတၢ်လီၤထူလီၤယိာ်တက့ၢ်.
ဒီးမ်အဝဲသ့ၣ် ဘၣ်တၢ်မၤမဲာ်ဆှးအီၤ ဒီးဟးဂီၤကွံာ်ဝဲတက့ၢ်.
လၢတၢ်သူၣ်ဝံၣ်သးဆၢအခိၣ်အဂီၢ်. ဒ် ကၤသး* အသီၣ်အိၣ်ဝဲအသိး. စီၤကိၤရး အဖိခွါတဖၣ်+ အထါသးဝံၣ်.
၈၄ အိ တၢ်သုးမုၢ်ဂီၢ်မုၢ် အကစၢ် ယဟိဝၤယွၤဧၢ,
နဒဲစီဆှံလၢ အဒိၣ်အမုၢ်န့ၣ် ယဘၣ်သူၣ်ဘၣ်သးအီၤဒိၣ်မး.+
လၢတၢ်သးခုအပူၤန့ၣ် ယသးဝံၣ်ထီၣ်တၢ်လၢ ကစၢ်ယွၤအအိၣ် လၢယသးဒီဖျၢၣ် ဒီးလၢယဂံၢ်ယဘါ ခဲလၢာ်လီၤ.
၃ အိ တၢ်သုးမုၢ်ဂီၢ်မုၢ် အကစၢ် ယဟိဝၤယွၤဧၢ,
နမ့ၢ် ယစီၤပၤ ဒီးယကစၢ်ယွၤလီၤ.
ထိၣ်တဖၣ်ဒၣ်လဲာ် ဃုထံၣ်န့ၢ် အတၢ်အိၣ်တၢ်ဆိးအလီၢ်လၢ နဟံၣ်ပူၤ
ဒီးထိၣ်ဘျ့ၣ်ဘျီၣ် တ့ထီၣ်အသွံလၢ အနီၢ်ကစၢ် ဒီးအဖိတဖၣ်အဂီၢ်
လၢနတၢ်လုၢ်လီၢ်လၢ အလီၤကဟုကညီၢ် အကပၤလီၤ.
၄ ပှၤလၢအအိၣ်လၢ နဟံၣ်ပူၤန့ၣ် ကသးခုဝဲလီၤ.+
အဝဲသ့ၣ် ကစံးထီၣ်ပတြၢၤနၤ ထီဘိလီၤ.+ (စ့လၤ)
၅ ပှၤလၢအပာ်ဂံၢ်ပာ်ဘါနၤ+
ဒီးဘၣ်သးလဲၤကျဲဆူ နဟံၣ်န့ၣ် ကသးခုဝဲလီၤ.
၆ ဖဲအဝဲသ့ၣ် လဲၤခီဂာ် ဘကၤအတၢ်တြီၤအခါ
အဝဲသ့ၣ် ပာ်အီၤဒ်သိးဒီး တၢ်လီၢ်လၢအအိၣ်ဒီး ထံထီၣ်ပၢၢ်တဖၣ်လီၤ.
ဒီးတၢ်ဟဲစူၤဆိ မၤပှဲၤတၢ်လီၢ်ဝဲန့ၣ်ဒီး ထံအါအါဂီၢ်ဂီၢ်လီၤ.
၇ အဝဲသ့ၣ်တဖၣ်န့ၣ် ဒံးလဲၤတၢ်ဒီး အဂံၢ်အဘါဒံးဆူၣ်ထီၣ်ဝဲလီၤ.+
ဒီးအဝဲသ့ၣ် ကိးဂၤဒဲး ကပာ်ဖျါထီၣ်အသးလၢ အကစၢ်ယွၤ အမဲာ်ညါလၢ ကစၢၢ်စံယိၣ်လီၤ.
၈ အိ တၢ်သုးမုၢ်ဂီၢ်မုၢ် အကစၢ် ယဟိဝၤယွၤဧၢ, ဒိကနၣ် ယတၢ်ထုကဖၣ်တက့ၢ်.
အိ စီၤယၤကိာ် အကစၢ်ယွၤဧၢ, ဒိကနၣ်တက့ၢ်. (စ့လၤ)
၉ ကွၢ်တထံၣ်, ပကတီၤ+ ဒီးပကစၢ်ယွၤလီၤ.*
ပာ်ဖျါထီၣ် တၢ်သးကညီၤလၢ နပှၤဒိးဖှူသးတဂၤ အဖီခိၣ်တက့ၢ်.+
၁၀ ယအိၣ်လၢ နဟံၣ် အတၢ်ပျီတဖၣ်အပူၤတသီန့ၣ် ဂ့ၤဒိၣ်န့ၢ်ဒံး ယအိၣ်လၢ တၢ်လီၢ်အဂၤ အသီတကထိလီၤ.+
လၢယကအိၣ်လၢ ပှၤအၢပှၤသီ အဒဲတဖၣ်အပူၤအလီၢ်
ယဃုထၢလၢ ယကအိၣ်လၢ ယကစၢ်ယွၤ အဟံၣ်အတြဲၤခိၣ်ထိးလီၤ.
၁၁ ကစၢ်ယဟိဝၤယွၤန့ၣ် မ့ၢ်ဝဲမုၢ်+ ဒီးကတီၤတဘ့ၣ်လီၤ.+
အဝဲပာ်ဖျါထီၣ် တၢ်သးကညီၤ ဒီးဟ့ၣ်တၢ်လၤကပီၤလီၤ.
ပှၤလၢအလဲၤတၢ်လၢ တၢ်သးတီအပူၤန့ၣ်
ယဟိဝၤယွၤ တတြီဃာ် တၢ်ဂ့ၤလၢ အဝဲသ့ၣ်အအိၣ် နီတမံၤဘၣ်.+
၁၂ အိ တၢ်သုးမုၢ်ဂီၢ်မုၢ် အကစၢ် ယဟိဝၤယွၤဧၢ,
ပှၤလၢအနာ်န့ၢ်နၤန့ၣ် ကသးခုဝဲလီၤ.+
လၢတၢ်သူၣ်ဝံၣ်သးဆၢအခိၣ်အဂီၢ်. စီၤကိၤရး အဖိခွါတဖၣ်+ အထါသးဝံၣ်.
၈၅ အိ ယဟိဝၤယွၤဧၢ, နပာ်ဖျါထီၣ်လၢ နဘၣ်သူၣ်ဘၣ်သး နထံကီၢ်လံ.+
ဒီးစီၤယၤကိာ် အစၢၤအသွဲၣ်လၢ အဘၣ်တၢ်က့ၤဖီၣ်အီၤတဖၣ်န့ၣ် နကိးက့ၤအဝဲသ့ၣ်လံ.+
၂ နပျၢ်ကွံာ် နပှၤဂီၢ်မုၢ်တဖၣ် အတၢ်ကမၣ်
ဒီးနပျၢ်ကွံာ် အဝဲသ့ၣ် အတၢ်ဒဲးဘး ခဲလၢာ်လံ.+ (စ့လၤ)
၃ နပၢၤဃာ် နတၢ်သးထီၣ်
ဒီးနပာ်တ့ၢ်ကွံာ် နတၢ်သးဒိၣ်ထီၣ်လံ.+
၄ ပတၢ်အုၣ်က့ၤခီၣ်က့ၤ ကစၢ်ဧၢ,
ဒုးဟဲက့ၤကဒါက့ၤပှၤ ဒီးသးထီၣ်ပှၤလၢၤတဂ့ၤ.+
၅ နကသးထီၣ်ပှၤ လီၤထူလီၤယိာ်လီၤဧါ.+
ဒီးနကဆဲးသးဒိၣ်ထီၣ်ပှၤ အစိၤစိၤအဃၣ်ဃၣ်လီၤဧါ.
၆ ဒ်သိးပဝဲ နပှၤဂီၢ်မုၢ်တဖၣ် ကသူၣ်ဖှံသးညီလၢ နပူၤအဂီၢ်+
နတမၤဆူၣ်ထီၣ် ကဒါက့ၤပဂံၢ်ပဘါဧီၤ.
၇ အိ ယဟိဝၤယွၤဧၢ, ပာ်ဖျါထီၣ် နတၢ်အဲၣ်လၢအတီ လၢပဖီခိၣ်+
ဒီးအုၣ်က့ၤခီၣ်က့ၤပှၤတက့ၢ်.
၈ ယွၤလၢအမ့ၢ်အတီ လၢအမ့ၢ် ယဟိဝၤယွၤ ကတဲဝဲဒ်လဲၣ်ဒ်လဲၣ်န့ၣ် ယကဒိကနၣ်လီၤ.
ဒီးအဝဲကတဲတၢ်ဒီး အပှၤဂီၢ်မုၢ်+ လၢအမ့ၢ် ပှၤလၢအသးတီဒီးအီၤတဖၣ် ဘၣ်ဃးဒီး တၢ်မုာ်တၢ်ခုၣ်လီၤ.
ဘၣ်ဆၣ် မ်အဝဲသ့ၣ် သုတနာ်န့ၢ်လီၤအသး အါတလၢ ဒ်သိးဒီးလၢညါလၢၤတဂ့ၤ.+
၉ ဒ်သိး ကစၢ်ယွၤအလၤကပီၤ ကအိၣ်လၢ ပကီၢ်ပူၤအဂီၢ်
အဝဲကမၤပူၤဖျဲး ပှၤလၢအပျံၤအီၤတဖၣ် သပှၢ်တၢၢ်လီၤ.+
၁၀ တၢ်အဲၣ် ဒီးတၢ်သးတီ ကထံၣ်လိာ်အသး
တၢ်တီတၢ်လိၤ ဒီးတၢ်ဃူတၢ်ဖိး ကနၢမူလိာ်အသးလီၤ.+
၁၁ တၢ်သးတီ ကမဲထီၣ်လၢ ဟီၣ်ခိၣ်
ဒီးတၢ်တီတၢ်လိၤ ကကပီၤလီၤလၢ မူခိၣ်လီၤ.+
၁၂ မ့ၢ်လီၤ, ယဟိဝၤယွၤ ကဟ့ၣ်လီၤ တၢ်လၢအဂ့ၤတဖၣ်+
ဒီးပဟီၣ်ခိၣ် ကမဲထီၣ်သၣ်ထီၣ် တၢ်လၢပှၤကဘၣ်ကူးအီၤတဖၣ်လီၤ.+
၁၃ တၢ်တီတၢ်လိၤ ကဟးလၢ ကစၢ်ယွၤအမဲာ်ညါ+
ဒီးကအိးဟိထီၣ်ကျဲလၢ ကစၢ်ယွၤအခီၣ်လီၢ် အဂီၢ်လီၤ.
စီၤဒၤဝံး အတၢ်ဃ့ထုကဖၣ်.
၂ ယမ့ၢ်ပှၤလၢအသးတီအဃိ ဒီသဒၢယသးသမူတက့ၢ်.+
နမ့ၢ်ယကစၢ်ယွၤအဃိ+
မၤပူၤဖျဲး နခ့နပှၤယၤအံၤလၢ အနာ်န့ၢ်နၤတက့ၢ်.
၄ အိ ယဟိဝၤယွၤဧၢ, ယသန့ၤယသး လၢနၤလီၤ.
အဃိ မၤသးခု နခ့နပှၤယၤအံၤ အသးတက့ၢ်.
၅ အိ ယဟိဝၤယွၤဧၢ, နမ့ၢ်ပှၤလၢအဂ့ၤ+ ဒီးပျၢ်ကွံာ်တၢ်ကမၣ်ညီလီၤ.+
နတၢ်အဲၣ်လၢအတီ အိၣ်ဝဲအါမးလၢ ပှၤလၢအကိးထီၣ်နၤတဖၣ် အဖီခိၣ်လီၤ.+
၈ အိ ယဟိဝၤယွၤဧၢ, လၢယွၤတဖၣ်အကျါန့ၣ် ယွၤလၢအလီၤဂာ်ဒီးနၤ တအိၣ်နီတဂၤဘၣ်.+
ပှၤလၢအမၤတ့ၢ်တၢ် ဒ်သိးဒီးနၤန့ၣ် တအိၣ်နီတဂၤဘၣ်.+
၉ အိ ယဟိဝၤယွၤဧၢ,+ ပှၤကလုာ်ခဲလၢာ်လၢ နတ့လီၤအီၤန့ၣ်
ကဟဲထိၣ်လီၤပှီၤသးလၢနမဲာ်ညါ
ဒီးအဝဲသ့ၣ် ကမၤလၤကပီၤနမံၤ,+
၁၀ မ့ၢ်လၢ နစိဒိၣ်ကမီၤထီ ဒီးနမၤတၢ်လၢ အလီၤလိၢ်လီၤလးတဖၣ်အဃိလီၤ.+
ထဲနၤတဂၤန့ၣ် မ့ၢ်ဝဲကစၢ်ယွၤလီၤ.+
ဒီးဒုးအိၣ်ဃူအိၣ်ဖိးယသးဒီတဖျၢၣ်လၢ ယကပျံၤနမံၤအဂီၢ်တက့ၢ်.+
၁၂ အိ ယကစၢ် ယဟိဝၤယွၤဧၢ, ယစံးထီၣ်ပတြၢၤနၤ လၢယသးဒီဖျၢၣ်ညါ+
ဒီးယကမၤလၤကပီၤ နမံၤလီၤထူလီၤယိာ်လီၤ.
၁၄ အိ ကစၢ်ယွၤဧၢ, ပှၤလၢအပာ်ထီၣ်ထီသးန့ၣ် ဆၢထၢၣ်ထီဒါယၤလီၤ.+
ပှၤလၢအသူၣ်အၢသးသီတဖု လူၤမၤသံယၤ
ဒီးအဝဲသ့ၣ် တပာ်ကဲနၤ နီတစဲးဘၣ်.+
၁၅ အိ ယဟိဝၤယွၤဧၢ, မ့မ့ၢ်နၤန့ၣ် နမ့ၢ်ကစၢ်ယွၤလၢ အသးကညီၤတၢ်, အသးဂ့ၤ,
တသးဒိၣ်ထီၣ်တၢ် ချ့ချ့ဘၣ်, အိၣ်ဒီးတၢ်အဲၣ်ဒိၣ်မး ဒီးတၢ်သးတီလီၤ.+
၁၆ ဃၣ်နသးလၢယအိၣ် ဒီးသးကညီၤယၤတက့ၢ်.+
မ့ၢ်လၢ ယမၤနတၢ် ဒ်ယမိၢ်မၤတ့ၢ်ဝဲ အသိးအဃိ
ဟ့ၣ်ယၤတၢ်ဂံၢ်တၢ်ဘါ+ ဒီးမၤပူၤဖျဲးယၤတက့ၢ်.
၁၇ အိ ယဟိဝၤယွၤဧၢ, နမ့ၢ်ပှၤမၤစၢၤယၤ ဒီးပှၤလၢအမၤမုာ်ထီၣ်ယၤအဃိ
ပာ်ဖျါထီၣ် တၢ်ဂ့ၤတၢ်ဝါလၢယဖီခိၣ်
ဒ်သိး ပှၤလၢအသးဟ့ယၤတဖၣ် ကထံၣ်ဝဲ ဒီးကဒိးန့ၢ်ဘၣ် တၢ်မဲာ်ဆှးအဂီၢ်တက့ၢ်.
စီၤကိၤရး အဖိခွါတဖၣ်+ အထါသးဝံၣ်.
၈၇ ကစၢ်ယွၤ သူၣ်ထီၣ်အဝ့ၢ်လၢ ကစၢၢ်စီဆှံတဖၣ် အလိၤလီၤ.+
၃ အိ ကစၢ်ယွၤလၢ အမ့ၢ်အတီတဂၤအဝ့ၢ်ဧၢ, ပှၤတဲဘၣ်ဃးဒီး နတၢ်လၤတၢ်ကပီၤအဂ့ၢ်လီၤ.+ (စ့လၤ)
၄ လၢပှၤလၢအသ့ၣ်ညါယၤတဖၣ် အကျါန့ၣ် ယကဒွးဃုာ် ပှၤလၢ ရၤဃး*+ ဒီးပှၤလၢ ဘၤဘူၤလိၣ်လီၤ.
ဒီးလၢအံၤန့ၣ် ပှၤလၢဖလ့ၡသး, စိၢ် ဒီးကူၤၡး* န့ၣ် ပၣ်ဃုာ်စ့ၢ်ကီးလီၤ.
ဘၣ်ဃးဒီး အဝဲသ့ၣ်တဂၤစုာ်စုာ်န့ၣ် ပှၤကတဲလၢ “ပှၤတဂၤအံၤ အိၣ်ဖျဲၣ်ထီၣ်ဖဲန့ၣ်လီၤ.”
၅ ဒီးဘၣ်ဃးဒီး စံယိၣ်အဂ့ၢ်န့ၣ် ပှၤကတဲလၢ
“ပှၤတဖၣ်န့ၣ် တဂၤစုာ်စုာ် အိၣ်ဖျဲၣ်ထီၣ်လၢ အပူၤလီၤ.”
ဒီးတၢ်ထီကတၢၢ်တဂၤ ကဒုးအိၣ်ဂၢၢ်ဆိးကျၢၤ စံယိၣ်လီၤ.
၆ ဖဲယဟိဝၤယွၤ ကွဲးနီၣ်ကွဲးဃါ ပှၤဂီၢ်မုၢ်အခါ
အဝဲကတဲဖျါထီၣ်ဝဲ ဘၣ်ဃးဒီးအဝဲသ့ၣ်တဂၤစုာ်စုာ်လၢ “ပှၤတဂၤအံၤ အိၣ်ဖျဲၣ်ထီၣ်ဖဲန့ၣ်လီၤ.” (စ့လၤ)
လၢတၢ်သူၣ်ဝံၣ်သးဆၢအခိၣ်အဂီၢ်. ပှၤကဘၣ်သးဝံၣ်န့ၢ်လိာ်သး ယၢ်ခီယၢ်ခီ ဒ်မဟါလၤ* အသီၣ်အိၣ်ဝဲအသိး. ပှၤအ့စရၤဃးဖိ စီၤဟ့မၣ်+ အမၣ်စခ့.* စီၤကိၤရးအဖိခွါ အထါသးဝံၣ်.+
၈၈ အိ ယတၢ်အုၣ်က့ၤခီၣ်က့ၤကစၢ် ယဟိဝၤယွၤဧၢ,+
လၢမုၢ်ဆါခီန့ၣ် ယကိးပသူထီၣ်လၢနအိၣ်
ဒီးလၢမုၢ်နၤခီန့ၣ် ယကိးပသူထီၣ်စ့ၢ်ကီးလၢ နမဲာ်ညါလီၤ.+
၄ ယဘၣ်တၢ်ဂံၢ်ဃုာ်ယၤဒီး ပှၤတဖၣ်လၢအလဲၤလီၤလၢ တၢ်ပူၤ* န့ၣ်အကျါလံ.+
ဒီးယကဲထီၣ် ပှၤလၢ အမၤတၢ်တဘၣ် နီတမံၤလၢၤဘၣ်.+
၅ နပာ်တ့ၢ်ယၤလၢ ပှၤသံတဖၣ်အကျါလီၤ.
ယလီၤဂာ် ဒ်သိးဒီး ပှၤသံလၢ အမံနီၤလၢ တၢ်သွၣ်ခိၣ်အပူၤ
လၢနတသ့ၣ်နီၣ်ထီၣ်အီၤလၢၤဘၣ်
ဒီးလၢအတအိၣ်လၢ နတၢ်အံးထွဲကွၢ်ထွဲ အဖီလာ်လၢၤဘၣ်.
၆ နပာ်လီၤယၤလၢ တၢ်ပူၤယိာ်ဖးဒိၣ် အခံဒး
ဒီးလၢတၢ်ခံးကျါလီၤ.
၇ နတၢ်သးဒိၣ်လၢ အအိၣ်လၢယလိၤန့ၣ် ဃၢဒိၣ်မး.+
ဒီးခီဖျိလၢ နလပီတဖၣ်လၢ အဟဲဘၣ်ထံးယၤအဃိ ယဘူးကလီၤဘျၢလံ. (စ့လၤ)
၈ နနီထီၣ်ကွံာ် ယတံၤသကိးတဖၣ် ဖးယံၤဒီးယၤ,+
နဒုးကဲထီၣ်ယၤလၢ တၢ်လၢအလီၤသးဘၣ်အၢလၢ အဝဲသ့ၣ်အဂီၢ်
ဒီးယကတာ်လံ ဒီးယပူၤဖျဲးထီၣ်တသ့ဘၣ်.
၉ ခီဖျိလၢ ယဘၣ်နးဘၣ်ဖှီၣ်အဃိ ယမဲာ်ချံ ကဒုလီၤလံ.+
အိ ယဟိဝၤယွၤဧၢ, ယကိးထီၣ်နၤ ဒီတနံၤကျၢၤ+
ဒီးယဃ့ထုကဖၣ်လၢ နအိၣ်လီၤ.
၁၀ ပှၤလၢအသံန့ၣ် ထံၣ်ဘၣ် နတၢ်လီၤလိၢ်လီၤလး ကသ့ဧါ.
ဒီးပှၤလၢအသံန့ၣ် ဆၢထၢၣ် စံးထီၣ်ပတြၢၤနၤ ကသ့ဧါ.+ (စ့လၤ)
၁၁ နတၢ်အဲၣ်လၢအတီန့ၣ် မ့ၢ်ပှၤကတဲဖျါထီၣ်အီၤလၢ တၢ်သွၣ်ခိၣ်အပူၤဧါ.
ဒီးနတၢ်သးတီန့ၣ် မ့ၢ်ပှၤကတဲဖျါထီၣ်အီၤလၢ တၢ်ဟးဂီၤအလီၢ်န့ၣ်ဧါ.
၁၂ လၢတၢ်ခံးသူအပူၤန့ၣ် ပှၤသ့ၣ်ညါ နတၢ်လီၤလိၢ်လီၤလးတဖၣ် ကသ့ဧါ.+
ဒီးလၢပှၤလၢ အဘၣ်တၢ်သးပ့ၤနီၣ်ကွံာ်အီၤတဖၣ် အကီၢ်ပူၤန့ၣ် ပှၤသ့ၣ်ညါ နတၢ်တီတၢ်လိၤကသ့ဧါ.
၁၃ အိ ယဟိဝၤယွၤဧၢ, ယကိးပသူထီၣ်ဒံးလၢနအိၣ် လၢတၢ်မၤစၢၤအဂီၢ်+
ဒီးကိးဂီၤဒဲးန့ၣ် ယတၢ်ထုကဖၣ် ဟူထီၣ်တုၤလၢနအိၣ်လီၤ.+
၁၄ အိ ယဟိဝၤယွၤဧၢ, ဘၣ်မနုၤအဃိ နပာ်တ့ၢ်ကွံာ်ယၤလဲၣ်.+
ဘၣ်မနုၤအဃိနဃၣ်ကွံာ်နမဲာ်လၢ ယအိၣ်လဲၣ်.+
၁၅ ယဘၣ်နးဘၣ်ဖှီၣ် စးထီၣ်လၢ ယသးစၢ်တုၤခဲအံၤ
အဃိ ယဘူးကသံ တဘျုးဘျီညါ.+
ခီဖျိလၢ နပျဲတူၢ်ယၤ တၢ်ကီတၢ်ခဲလၢ အနးဒိၣ်မးအဃိ ယလီၤဘှံးလီၤတီၤလၢာ်လံ.
၁၆ နတၢ်သးဒိၣ်လၢ အကဲၤထီၣ်န့ၣ် ယတူၢ်တကဲလၢၤဘၣ်.+
တၢ်လၢနမၤန့ၣ် အမၤပျံၤယၤတုၤလၢ ယဘူးကသံညါ.
၁၇ တၢ်လီၤပျံၤလီၤဖုးတဖၣ်အံၤန့ၣ် အိၣ်ဝးတရံးယၤ ဒ်ထံလုၢ်ဘၢတၢ်အသိး ဒီတနံၤညါ
ဒီးကဝီၤဃာ်ယၤ ကိးကပၤဒဲးလီၤ.*
၁၈ နနီထီၣ်ကွံာ် ယသကိး ဒီးပှၤလၢယအဲၣ်တဖၣ် ဖးယံၤဒီးယၤ+
ဒီးတၢ်ခံးသူ ကဲထီၣ်က့ၤဝဲ ယသကိးလံ.
ပှၤအ့စရၤဃးဖိ စီၤအ့ၤသၣ်+ အထါ. မၣ်စခ့.*
၈၉ ယကသးဝံၣ်ထီၣ် ဘၣ်ဃး ယဟိဝၤယွၤ အတၢ်အဲၣ်လၢအတီ လီၤထူလီၤယိာ်လီၤ.
ယထးခိၣ် ကဒုးသ့ၣ်ညါ ပှၤတစိၤဝံၤတစိၤလၢ အတၢ်သးတီအဂ့ၢ်လီၤ.
၂ ဒီးယတဲလၢ “တၢ်အဲၣ်လၢအတီ ကအိၣ်ဂၢၢ်အိၣ်ကျၢၤဝဲ လီၤထူလီၤယိာ်+
ဒီးနဒုးအိၣ်ဂၢၢ်အိၣ်ကျၢၤ နတၢ်သးတီလၢမူခိၣ်လီၤ.”
၃ ကစၢ်ယွၤ တဲဝဲလၢ “ယမၤ တၢ်အၢၣ်လီၤအီလီၤဒီး ယခ့ယပှၤ စီၤဒၤဝံး လၢအမ့ၢ်ပှၤလၢ ယဃုထၢထီၣ်အီၤတဂၤ+
ဒီးယအၢၣ်လီၤတၢ်ဒီးအီၤ ဒ်အံၤ,+
၄ ‘ယကဒုးအိၣ်ဂၢၢ်ဆိးကျၢၤ နချံနသၣ်+ လီၤထူလီၤယိာ်
ဒီးယကဒုးအိၣ်ဂၢၢ်ဆိးကျၢၤ နလီၢ်ပစိာ် တစိၤဝံၤတစိၤလီၤ.’”+ (စ့လၤ)
၅ အိ ယဟိဝၤယွၤဧၢ, ခီဖျိလၢ နတၢ်မၤလၢ အလီၤလိၢ်လီၤလးတဖၣ်အဃိ မူခိၣ်စံးထီၣ်ပတြၢၤနၤလီၤ.
မ့ၢ်လီၤ, မ့ၢ်လၢနသးတီအဃိ ပှၤစီဆှံတဖၣ် အတၢ်အိၣ်ဖှိၣ် ကစံးထီၣ်ပတြၢၤနၤလီၤ.
၆ လၢမူခိၣ်န့ၣ် ပှၤလၢပထိၣ်သတြီၤအီၤဒီး ယဟိဝၤယွၤသ့န့ၣ် အိၣ်တဂၤဂၤဧါ.+
ယွၤအဖိခွါတဖၣ်*+ လၢအလီၤဂာ်ဒီး ယဟိဝၤယွၤန့ၣ် အိၣ်တဂၤဂၤဧါ.
၇ ကစၢ်ယွၤ ဘၣ်တၢ်ယူးယီၣ်ပာ်ကဲအီၤလၢ ပှၤစီဆှံတဖၣ် အတၢ်အိၣ်ဖှိၣ်ပူၤ+
ဒီးကစၢ်ယွၤ မ့ၢ်ပှၤလၢအဒိၣ် ဒီးအလီၤကမၢကမၣ်လၢ ပှၤလၢအအိၣ်ဝးတရံးအီၤတဖၣ် အဂီၢ်လီၤ.+
၈ အိ တၢ်သုးမုၢ်ဂီၢ်မုၢ် အကစၢ် ယဟိဝၤယွၤဧၢ,
ပှၤလၢအဂံၢ်ဆူၣ်ဘါဆူၣ် ဒ်သိးဒီးနၤ အိၣ်တဂၤဂၤဧါ, ယဟိဝၤယွၤဧၢ.+
နတၢ်သးတီ အိၣ်ဝးတရံးနၤလီၤ.+
၁၀ နမၤသဘှံး ရၤဃး*+ ဒ်ပှၤလၢ အဘၣ်တၢ်မၤသံအီၤအသိး.+
ဒီးနမၤလီၤပြံလီၤပြါ နဒုၣ်နဒါတဖၣ်လၢ နစုဒုၣ်လၢ အဂံၢ်ဆူၣ်ဘါဆူၣ်လီၤ.+
၁၁ မူခိၣ်န့ၣ် မ့ၢ်နတၢ် ဒီးဟီၣ်ခိၣ်န့ၣ် မ့ၢ်နတၢ်လီၤ.+
ဟီၣ်ခိၣ် ဒီးတၢ်အိၣ်လၢအပူၤခဲလၢာ်န့ၣ်+ နတ့လီၤအီၤလီၤ.
၁၄ နလီၢ်ပစိာ် အိၣ်သူၣ်လီၤအသးလၢ တၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်,+
တၢ်အဲၣ်ဒီးတၢ်သးတီန့ၣ် ဆၢထၢၣ်လၢ နမဲာ်ညါလီၤ.+
၁၅ ပှၤဂီၢ်မုၢ်လၢ အစံးထီၣ်ပတြၢၤနၤလၢ အကလုၢ်ပှဲၤဒီး တၢ်သးခုန့ၣ် ကသးခုဝဲလီၤ.+
အိ ယဟိဝၤယွၤဧၢ, အဝဲသ့ၣ် လဲၤတၢ်ဒီးနၤ ဒီးနဘၣ်သူၣ်ဘၣ်သး အဝဲသ့ၣ်လီၤ.*
၁၆ အဝဲသ့ၣ် သးခုလၢနမံၤအဃိ ဒီတနံၤကျၢၤ
ဒီးတၢ်ပာ်ထီၣ်ထီအဝဲသ့ၣ်လၢ နတၢ်တီတၢ်လိၤအဃိလီၤ.
၁၇ နမ့ၢ်အဝဲသ့ၣ် အလၤကပီၤ ဒီးအတၢ်ဂံၢ်တၢ်ဘါလီၤ.+
ဒီးခီဖျိလၢ နဘၣ်သူၣ်ဘၣ်သးပှၤအဃိ ပဂံၢ်ဘါဆူၣ်ထီၣ်လီၤ.+
၁၈ ယဟိဝၤယွၤ ဟ့ၣ်လီၤပှၤ ပကတီၤ
ဒီးအံၣ်စရ့လးအကစၢ်ယွၤလၢ အစီဆှံတဂၤန့ၣ် ဟ့ၣ်လီၤပှၤ ပစီၤပၤလီၤ.+
၁၉ ဖဲန့ၣ်အခါ နတဲတၢ်ဒီး ပှၤလၢအသးတီဒီးနၤတဖၣ်လၢ တၢ်ထံၣ်လၢညါခီအပူၤ ဒီးနတဲလၢ
“ယဟ့ၣ်လီၤပှၤလၢ အဂံၢ်ဆူၣ်ဘါဆူၣ်တဂၤလၢ တၢ်ဂံၢ်တၢ်ဘါလံ+
ဒီးပှၤလၢယဃုထၢထီၣ်အီၤလၢ ပှၤဂီၢ်မုၢ်အကျါန့ၣ် ယပာ်ထီၣ်ထီအီၤလံ.+
၂၁ ယကဆီၣ်ထွဲမၤစၢၤအီၤလၢ ယစု+
ဒီးယကမၤဆူၣ်ထီၣ်အဂံၢ်အဘါ လၢယစုဒုၣ်လီၤ.
၂၂ ဒုၣ်ဒါတဂၤမး တဃ့ဆူၣ် တၢ်ခိတၢ်သွဲ လၢအအိၣ်ဘၣ်.
ဒီးပှၤတတီတလိၤဘၣ် တဆီၣ်တံၢ်မၤနၢၤအီၤ နီတဂၤဘၣ်.+
၂၄ ယကပာ်ဖျါထီၣ် တၢ်အဲၣ် ဒီးတၢ်သးတီ လၢအဖီခိၣ်+
ဒီးယကမၤဆူၣ်ထီၣ် အဂံၢ်အဘါ ခီဖျိလၢ ယမံၤအဃိလီၤ.
၂၅ ယကဒုးဒိၣ်စိအီၤလၢ ပီၣ်လဲၣ်အဖီခိၣ်
ဒီးယကဟ့ၣ်အီၤ တၢ်စိတၢ်ကမီၤလၢ ထံကျိတဖၣ်အဖီခိၣ်လီၤ.+
၂၆ အဝဲကကိးပသူထီၣ်လၢ ယအိၣ်လၢ ‘နမ့ၢ်ယပါ,
ယကစၢ်ယွၤ ဒီးယတၢ်အုၣ်က့ၤခီၣ်က့ၤ အလၢၢ်လီၤ.’+
၂၈ ယကပာ်ဖျါထီၣ် တၢ်အဲၣ်လၢအတီ လၢအဖီခိၣ် လီၤထူလီၤယိာ်လီၤ.+
ဒီးယတၢ်အၢၣ်လီၤအီလီၤလၢ ယမၤဒီးအီၤန့ၣ် တဟးဂီၤ နီတဘျီဘၣ်.+
၂၉ ယကဒုးအိၣ်ဂၢၢ်အိၣ်ကျၢၤ အချံအသၣ်လီၤထူလီၤယိာ်
ဒီးယကပာ်ဂၢၢ်ပာ်ကျၢၤ အလီၢ်ပစိာ် ဒ်မူခိၣ်အသိးလီၤ.+
၃၀ အဖိအလံၤတဖၣ် မ့ၢ်ပာ်တ့ၢ်ကွံာ် ယတၢ်သိၣ်တၢ်သီ
ဒီးမ့ၢ်တအိၣ်မူပိာ်ထွဲဒ် ယတၢ်စံၣ်ညီၣ်ဆၢတဲာ်တဖၣ်အသိးဘၣ်,
၃၁ အဝဲသ့ၣ် မ့ၢ်မၤကမၣ် ယတၢ်ဘျၢတဖၣ်
ဒီးမ့ၢ်တမၤထွဲ ယတၢ်မၤလိာ်တဖၣ်ဘၣ်န့ၣ်
၃၂ ယကသိၣ်ဃီၣ်အဝဲသ့ၣ်လၢ နီၣ်တီၢ် မ့ၢ်လၢ အဝဲသ့ၣ် အတၢ်ဒိကနၣ် တအိၣ်ဘၣ်အဃိ+
ဒီးလၢအဝဲသ့ၣ် အတၢ်ကမၣ်အဃိ ယကသိၣ်အဝဲသ့ၣ်လၢ တၢ်တီၢ်တဖၣ်လီၤ.
၃၃ ဘၣ်ဆၣ် ယတထုးကွံာ် ယတၢ်အဲၣ်လၢအတီလၢ အဝဲဒၣ်အဖီခိၣ် နီတဘျီဘၣ်+
ဒီးယကတီဒီး ယတၢ်အၢၣ်လီၤ ထီဘိလီၤ.
၃၅ ဒ်ယမ့ၢ် ယွၤလၢအစီဆှံတဂၤအသိး ယအၢၣ်လီၤတ့ၢ်တၢ် ထဲတဘျီဒီးဝံၤဝဲလီၤ.
ယတတဲလံၣ်တဲလီ စီၤဒၤဝံးဘၣ်.+
၃၆ အချံအသၣ် ကအိၣ်ဂၢၢ်ဆိးကျၢၤဝဲ လီၤထူလီၤယိာ်+
ဒီးအလီၢ်ပစိာ် ကအိၣ်ဂၢၢ်ဆိးကျၢၤဝဲ ဒ်မုၢ်အသိး လၢယမဲာ်ညါလီၤ.+
၃၇ ဒီးအလီၢ်ပစိာ် ကအိၣ်ဂၢၢ်ဆိးကျၢၤဝဲ လီၤထူလီၤယိာ် ဒ်လါ
လၢအကဲတၢ်အုၣ်သးလၢအတီ လၢမူခိၣ်အသိးလီၤ.” (စ့လၤ)
၃၈ ဘၣ်ဆၣ် နနီၢ်ကစၢ်ဒၣ်နဲ နပာ်တ့ၢ်ကွံာ် နပှၤဒိးဖှူသးတဂၤ ဒီးနတတူၢ်လိာ်အီၤလၢၤဘၣ်+
ဒီးနသးဒိၣ်ထီၣ်အီၤလီၤ.
၃၉ နတမၤလၢထီၣ်ပှဲၤထီၣ် နတၢ်အၢၣ်လီၤအီလီၤဒီး နခ့နပှၤဘၣ်
ဒီးနမၤဘၣ်အၢ အခိၣ်သလုးခီဖျိ နကွံာ်လီၤလၢ ဟီၣ်ခိၣ်လိၤလီၤ.
၄၀ နမၤလီၤပှီၢ် အကရၢအဒူၣ်တဖၣ် ခဲလၢာ်
ဒီးနမၤဟးဂီၤ အတၢ်ဒူၣ်လၢအကျၢၤတဖၣ် ခဲလၢာ်လံ.
၄၁ ပှၤခဲလၢာ် လၢအဟဲဘၣ်ကျဲန့ၣ် ဂုာ်န့ၢ်အတၢ်
ဒီးအဝဲကဲထီၣ် တၢ်ဒုၣ်ဒွဲၣ်အလီၢ်လၢ ပှၤလၢအဃၢၤအဂီၢ်လီၤ.+
၄၂ နဟ့ၣ် ပှၤလၢအထီဒါအီၤတဖၣ်လၢ တၢ်မၤနၢၤ+
ဒီးနမၤသးခု အဒုၣ်အဒါ ကိးဂၤဒဲးအသးလီၤ.
၄၃ အဝဲဟဲဒုးတၢ်လၢနး ဘၣ်ဆၣ် နနီက့ၤအီၤ
ဒီးအဝဲဘၣ်ဂုၤက့ၤ အလီၢ်ခံလၢ တၢ်ဒုးပျီပူၤ လၢနဃိလီၤ.
၄၄ နမၤလီၤမၢ်ကွံာ် အလၤကပီၤ
ဒီးနကွံာ်လီၤ အလီၢ်ပစိာ်လၢ ဟီၣ်ခိၣ်လိၤလီၤ.
၄၅ နဒုးပှၢ်ထီၣ်အီၤချ့မး
ဒီးနဒုးကူဒုးကၤအီၤလၢ တၢ်မဲာ်ဆှးလီၤ. (စ့လၤ)
၄၆ အိ ယဟိဝၤယွၤဧၢ, နကပာ်ခူသူၣ်နသး ယံာ်ဒံးထဲလဲၣ်. လီၤထူလီၤယိာ်လီၤဧါ.+
နကဆဲးသးဒိၣ်ထီၣ်တၢ် ဒ်မ့ၣ်အူကဲၤထီၣ်အသိးဧါ.
၄၇ ယတၢ်အိၣ်မူ ဖုၣ်ထဲလဲၣ်န့ၣ် သ့ၣ်နီၣ်ထီၣ်တက့ၢ်.+
ပှၤဟီၣ်ခိၣ်ဖိ ကိးဂၤဒဲးန့ၣ် မ့ၢ်နတ့လီၤအဝဲသ့ၣ် ခီလီလီလီၤဧါ.
၄၈ ပှၤလၢ အဆဲးမူဝဲ ဒီးတသံ နီတဘျီဘၣ်န့ၣ် အိၣ်တဂၤဂၤဧါ.+
မ့ၢ်အဝဲမၤပူၤဖျဲးလီၤ အနီၢ်ကစၢ်အသးလၢ တၢ်သံ* န့ၣ်သ့ဧါ. (စ့လၤ)
၄၉ အိ ယဟိဝၤယွၤဧၢ, နတၢ်အဲၣ်လၢအတီ လၢနပာ်ဖျါထီၣ်လၢညါန့ၣ် တဘၣ်သးပ့ၤနီၣ်တဂ့ၤ.
ဘၣ်ဃးဒီး နတၢ်အဲၣ်အံၤန့ၣ် နအၢၣ်လီၤတ့ၢ် စီၤဒၤဝံးလၢ တၢ်သးတီအပူၤဝံၤလံ.+
၅၀ အိ ယဟိဝၤယွၤဧၢ, ပှၤဒုၣ်ဒွဲၣ်စံးအၢ နခ့နပှၤတဖၣ်ဒ်လဲၣ်
ဒီးယဘၣ်တူၢ် ပှၤခဲလၢာ် အတၢ်ဒုၣ်ဒွဲၣ်စံးအၢ ဒ်လဲၣ်ဒ်လဲၣ်န့ၣ် သ့ၣ်နီၣ်ထီၣ်တက့ၢ်.
၅၁ အိ ယဟိဝၤယွၤဧၢ, နဒုၣ်နဒါတဖၣ် တဲဆါတၢ် သပှၢ်တၢၢ်
ဒီးတၢ်လၢနပှၤဒိးဖှူသးတဂၤ မၤဝဲကိးမံၤဒဲးန့ၣ် အဝဲသ့ၣ် တဲဆါဝဲလီၤ.
၅၂ မ်ယဟိဝၤယွၤ ဘၣ်တၢ်စံးထီၣ်ပတြၢၤအီၤ အစိၤစိၤအဃၣ်ဃၣ်တက့ၢ်. အၤမ့ၣ်, အၤမ့ၣ်.*+
လံာ်လွံၢ်ဘ့ၣ်တဘ့ၣ်
(စံးထီၣ်ပတြၢၤ ၉၀-၁၀၆)
ကစၢ်ယွၤအမ့ၢ်အတီအပှၤ စီၤမိၤၡ့ အတၢ်ထုကဖၣ်.+
၉၀ အိ ယဟိဝၤယွၤဧၢ, နမ့ၢ်ပတၢ်အိၣ်တၢ်ဆိးအလီၢ်*+ စးထီၣ်လၢပျၢၤလံၤလံၤလံ.
၂ တချုးလၢ ကစၢၢ်ကလိ အိၣ်ဖျဲၣ်ထီၣ်ဒံးဘၣ်
ဒီးတချုးလၢ နဒုးအိၣ်ထီၣ် ဟီၣ်ခိၣ်ဒံးဘၣ်န့ၣ်+
နမ့ၢ်ကစၢ်ယွၤလၢ အအိၣ်ပာ်စၢၤ အစိၤစိၤအဃၣ်ဃၣ် ဒီးနကအိၣ်ဒံး အစိၤစိၤအဃၣ်ဃၣ်လီၤ.+
၃ နဒုးကဲထီၣ်ကဒါက့ၤ ပှၤဟီၣ်ခိၣ်ဖိလၢ ဟီၣ်ခိၣ်ကမူၣ်
ဒီးနတဲလၢ “သုဝဲပှၤဟီၣ်ခိၣ်ဖိသ့ၣ်ဧၢ, က့ၤကဲထီၣ်ကဒါက့ၤ ဟီၣ်ခိၣ်ကမူၣ်တက့ၢ်.”+
၄ လၢနတၢ်ထံၣ်န့ၣ် အနံၣ်တကထိ မၤအသး ဒ်မဟါတနံၤ လၢအလဲၤပူၤကွံာ်တ့ၢ်လံအသိး+
ဒီးဒ်တၢ်ခိးကွၢ်တၢ်လၢ မုၢ်နၤခီတတီၤ* အသိးလီၤ.
၅ နမၤဟးဂီၤကွံာ် အဝဲသ့ၣ်+ ဒီးအဝဲသ့ၣ် လီၤမၢ်ကွံာ်ဝဲဒ် တၢ်မံမီၢ်အသိးလီၤ.
အဝဲသ့ၣ် လီၤဂာ်ဒ် နီၣ်လၢအဟဲမဲထီၣ် လၢဂီၤခီအသိးလီၤ.+
၆ လၢဂီၤခီန့ၣ် အဒိၣ်ထီၣ် ဒီးဖီထီၣ်ဝဲ
ဘၣ်ဆၣ် တုၤလၢဟါလီၤခီန့ၣ် အဃ့ထီဒီး သံကွံာ်ဝဲလီၤ.+
၇ ပပျံၤတၢ်ဒိၣ်မး ခီဖျိလၢ နတၢ်သးထီၣ်အဃိ+
ဒီးပဟးဂီၤကွံာ်လၢ နတၢ်သးဒိၣ်ထီၣ်အဃိလီၤ.
၉ ခီဖျိလၢ နတၢ်သးဒိၣ်ထီၣ်အဃိ ပတၢ်အိၣ်မူ ဘူးကကတၢၢ်ကွံာ်ဝဲ
ဒီးပသံကွံာ်ချ့မး ဒ်တၢ်ကသါလီၤထဲတထံၣ် လီၤမၢ်ကွံာ်ဝဲညီညီအသိးလီၤ.
၁၀ ပတၢ်အိၣ်မူန့ၣ် ယံာ်ဝဲထဲ အနံၣ် ၇၀
ဒီးပှၤလၢအဂံၢ်ဆူၣ်န့ၣ် ကအိၣ်ဘၣ်ဝဲ တုၤအနံၣ် ၈၀ လီၤ.+
ဘၣ်ဆၣ် ပတၢ်အိၣ်မူန့ၣ် ပှဲၤဝဲဒီး တၢ်ကီတၢ်ခဲ ဒီးတၢ်သးအုး
ဒီးလဲၤပူၤကွံာ်အသး ချ့မး ဝံၤဒီးပဒံကွံာ်လီၤ.+
၁၁ နတၢ်သးထီၣ် အစိကမီၤ ဒိၣ်ဝဲထဲလဲၣ်န့ၣ် ပှၤတသ့ၣ်ညါနၢ်ပၢၢ် နီတဂၤဘၣ်.
ဒ်နတၢ်သးဒိၣ် ဒိၣ်ဝဲဒိၣ်မးအသိး ပှၤကြၢးပျံၤနၤဒိၣ်ထဲန့ၣ်လီၤ.+
၁၂ ပကဘၣ်သူ ပမုၢ်နံၤတဖၣ်လၢ အဂ့ၤကတၢၢ် ဒ်လဲၣ်ဒ်လဲၣ်န့ၣ် သိၣ်လိပှၤတက့ၢ်.*+
ထဲန့ၣ်မး ပကန့ၢ်ဘၣ် သးလၢအအိၣ်ဒီး တၢ်ကူၣ်သ့လီၤ.
၁၃ အိ ယဟိဝၤယွၤဧၢ,+ ဝံသးစူၤ ပာ်ဖျါထီၣ်ကဒီးတၢ်သူၣ်ဂ့ၤသးဝါလၢ ပဖီခိၣ်တက့ၢ်. နကသးထီၣ်တၢ် ယံာ်ဒံးထဲလဲၣ်.+
သးကညီၤ နခ့နပှၤတဖၣ်တက့ၢ်.+
၁၄ ဒ်သိး ပကကိးပသူထီၣ်လၢ တၢ်သူၣ်ဖှံသးညီအပူၤ ဒီးပကသူၣ်ခုသးခုလၢ+ ပတၢ်အိၣ်မူ ဒီတစိၤအဂီၢ်
လၢဂီၤခီန့ၣ် ပာ်ဖျါထီၣ်န့ၢ်ပှၤ နတၢ်အဲၣ်လၢအတီတက့ၢ်.+
၁၅ နဒုးတူၢ်ပှၤတၢ် ယံာ်ဝဲအသီထဲလဲၣ် ဒီးပထံၣ်ဘၣ် တၢ်ကီတၢ်ခဲ+ အနံၣ်ထဲလဲၣ်န့ၣ်
မၤသူၣ်ဖှံသးညီပသး ယံာ်ထဲထဲန့ၣ်တက့ၢ်.+
၁၆ မ်နခ့နပှၤတဖၣ် ထံၣ်ဘၣ် တၢ်လၢနမၤတဖၣ်
ဒီးမ်အဝဲသ့ၣ် အဖိတဖၣ် ထံၣ်ဘၣ် နစိနကမီၤလၢ အဒိၣ်အမုၢ်န့ၣ်တက့ၢ်.+
၁၇ မ်ပကစၢ် ယဟိဝၤယွၤ ဘၣ်သူၣ်ဘၣ်သးပှၤတက့ၢ်.
ဒီးမ်အမၤကဲထီၣ်လိၣ်ထီၣ် ပစုအတၢ်မၤတဖၣ်တက့ၢ်.
မ့ၢ်လီၤ, မ်အမၤကဲထီၣ်လိၣ်ထီၣ် ပစုအတၢ်မၤတဖၣ်တက့ၢ်.+
၉၁ ပှၤတဂၤဂ့ၤတဂၤဂ့ၤလၢ အအိၣ်လၢ တၢ်ထီကတၢၢ်တဂၤ အတၢ်ခူသူၣ်အလီၢ်န့ၣ်+
ကအိၣ်ဘၣ်လၢ သ့တၢ်လၢာ်ကစၢ် အကဒုဖီလာ်လီၤ.+
၃ ကစၢ်ယွၤ ကမၤပူၤဖျဲးနၤလၢ ပှၤဖီၣ်ထိၣ်ဖိ အပျံၤသကွီၤ*
ဒီးလၢတၢ်ဆါသံသတြိာ် လၢအမၤဟးဂီၤတၢ်လီၤ.
၄ အဝဲကကးဘၢနၤလၢ အဒံးဆ့တဖၣ်
ဒီးနကအိၣ်သဒၢလၢ အဒံးဆ့အဖီလာ်လီၤ.+
အတၢ်သးတီန့ၣ်+ ကလီၤဂာ်ဒ်သိးဒီး ကတီၤဖးဒိၣ်တဘ့ၣ်+ ဒီးတၢ်ဒူၣ်လၢ အဒီသဒၢနၤလီၤ.
၅ အဃိ တမ့ၢ်လၢ နကပျံၤ တၢ်လၢအလီၤပျံၤလီၤဖုးတဖၣ်လၢ မုၢ်နၤခီမ့ၢ်ဂ့ၤ,+
ပျၢ်ဘိတဖၣ်လၢ အယူၤလၢ မုၢ်ဆါခီမ့ၢ်ဂ့ၤ,+
၆ တၢ်ဆါသံသတြိာ်လၢ အလဲၤတၢ်လၢ တၢ်ခံးကျါမ့ၢ်ဂ့ၤ
ဒီးတၢ်မၤဟးဂီၤတဖၣ်လၢ အဟဲကဲထီၣ်သးလၢ မုၢ်ထူၣ်မ့ၢ်ဂ့ၤန့ၣ်ဘၣ်.
၈ ပှၤအၢပှၤသီတဖၣ် ကဘၣ်တၢ်သိၣ်ဃီၣ်အီၤ
ဒီးမ့မ့ၢ်နၤန့ၣ် အိၣ်ဒၣ်ထဲနကကွၢ်စိ ဒီးထံၣ်ဘၣ်လၢ နမဲာ်လီၤ.
၉ မ့ၢ်လၢနတဲလၢ “ယဟိဝၤယွၤ မ့ၢ်နတၢ်ပူၤဖျဲးအလီၢ်” အဃိ
၁၀ တၢ်ကီတၢ်ခဲ တလီၤဘၣ်နၤဘၣ်+
ဒီးတၢ်နးတၢ်ဖှီၣ် တဟဲလီၤဘၣ် ပှၤလၢအအိၣ်လၢ နဒဲပူၤဘၣ်,
၁၁ မ့ၢ်လၢ အဝဲကမၤလိာ် အမူခိၣ်ကလူးတဖၣ်လၢ+ ကဟဲမၤစၢၤနၤ
ဒီးကဒီသဒၢနၤ ဖဲနလဲၤတပူၤဂ့ၤ တပူၤဂ့ၤန့ၣ်လီၤ.+
၁၃ နကယီၢ် ခ့ယုၢ်ဖိ ဒီးဂုၢ်သီ
ဒီးနကယီၢ်တံၢ် ခ့ယုၢ် ဒီးဂုၢ်ဖးဒိၣ်လီၤ.+
၁၅ အဝဲကကိးထီၣ်ယၤ ဒီးယကစံးဆၢအီၤ.+
ဖဲအဝဲ ဘၣ်ကိၢ်ဘၣ်ဂီၤအခါ ယကအိၣ်ဒီးအီၤ.+
ဒီးယကမၤပူၤဖျဲးအီၤ ဒီးဟ့ၣ်အီၤ တၢ်လၤကပီၤ.
ထါသးဝံၣ်. တၢ်သးဝံၣ်လၢ မုၢ်အိၣ်ဘှံးနံၤအဂီၢ်.
၉၂ အိ ယဟိဝၤယွၤဧၢ, ယစံးဘျုးစံးဖှိၣ်နၤန့ၣ် ဂ့ၤဝဲလီၤ.+
အိ တၢ်ထီကတၢၢ်ဧၢ, ယသးဝံၣ် စံးထီၣ်ပတြၢၤနၤန့ၣ် ဂ့ၤဝဲလီၤ.
၂ ယတဲဖျါထီၣ် နတၢ်အဲၣ်လၢအတီ+ အဂ့ၢ်လၢ ဂီၤခီ
ဒီးနတၢ်သးတီအဂ့ၢ်လၢ မုၢ်နၤခီန့ၣ် ဂ့ၤဝဲလီၤ.
၃ ယကသးဝံၣ် စံးထီၣ်ပတြၢၤနၤလၢ သီတူၢ်လၢအအိၣ်ဒီး အပျံၤအဘိတဆံ
ဒီးတနၢ်လၢ အသီၣ်မုာ်လီၤ.+
၄ အိ ယဟိဝၤယွၤဧၢ, နမၤသးခုယသး ခီဖျိလၢ နတၢ်မၤတဖၣ်
ဒီးခီဖျိလၢ နစုတၢ်ဘၣ်တ့တဖၣ်အဃိ ယကိးပသူထီၣ်လၢ တၢ်သးခုအပူၤလီၤ.
၆ တၢ်သ့ၣ်တဖၣ်န့ၣ် ပှၤလၢအပဲာ်ထံနီၤဖးတၢ် တဘၣ်ဘၣ်တဖၣ် သ့ၣ်ညါဝဲတသ့ဘၣ်.
ဒီးပှၤဟးဂီၤဖိ နၢ်ပၢၢ်ဝဲတသ့ဘၣ်.+
၇ ဖဲပှၤအၢပှၤသီတဖၣ် မဲထီၣ်ဒ်သိးဒီး နီၣ်တဖၣ်
ဒီးပှၤလၢ အမၤတၢ်အၢတၢ်သီ ကိးဂၤဒဲး ဘီၣ်ထီၣ်ညီထီၣ်အခါန့ၣ်
မ့ၢ်ဝဲလၢ တၢ်ကမၤဟးဂီၤ အဝဲသ့ၣ် လီၤထူလီၤယိာ် အဂီၢ်လီၤ.+
၈ အိ ယဟိဝၤယွၤဧၢ, မ့မ့ၢ်နၤန့ၣ် နဘၣ်တၢ်ပာ်ထီၣ်ထီနၤ လီၤထူလီၤယိာ်လီၤ.
၉ အိ ယဟိဝၤယွၤဧၢ, ကွၢ်လီၤ နဒုၣ်နဒါတဖၣ်တက့ၢ်.
နဒုၣ်နဒါတဖၣ် ကဟးဂီၤကွံာ် သပှၢ်ကတၢၢ်လီၤ.
ဒီးပှၤမၤကမၣ်တၢ်တဖၣ် ကလီၤပြံလီၤပြါကွံာ် ခဲလၢာ်လီၤ.+
၁၁ ယကထံၣ်ဘၣ် ယဒုၣ်ယဒါတဖၣ် ဘၣ်တၢ်မၤနၢၤအီၤ+
ဒီးယကနၢ်ဟူ ဘၣ်ဃးဒီး ပှၤအၢပှၤသီလၢ အထီဒါယၤတဖၣ် ၡူကွံာ်အဂ့ၢ်လီၤ.
၁၂ မ့မ့ၢ် ပှၤတီပှၤလိၤန့ၣ် ကဒိၣ်ထီၣ်ထီထီၣ်ဝဲဒ် သ့ၣ်စူၣ်ပလိၣ်
ဒီးကဒိၣ်ထီၣ်ဝဲ ဖးဒိၣ်ဒ်သိးဒီး သ့ၣ်ဆှိအ့ရ့း လၢလဘၤနိၣ် အကစၢၢ်ကလိကျါလီၤ.+
၁၃ အဝဲသ့ၣ် လီၤဂာ်ဒ်သိးဒီး သ့ၣ်တဖၣ်လၢ ဘၣ်တၢ်သူၣ်လီၤအီၤလၢ ယဟိဝၤယွၤ အဟံၣ်ပူၤ
ဒီးအဝဲသ့ၣ် ဒိၣ်ထီၣ်ထီထီၣ် လၢပကစၢ်ယွၤ အတၢ်ပျီတဖၣ်အပူၤလီၤ.+
၁၅ ဒီးအဝဲသ့ၣ် ကဆဲးတဲဖျါထီၣ်လၢ ယဟိဝၤယွၤန့ၣ် မ့ၢ်ပှၤလၢအတီအလိၤလီၤ.
အဝဲမ့ၢ်ယလၢၢ်+ ဒီးတၢ်တတီတလိၤ တအိၣ်ဒီးအီၤ နီတစဲးဘၣ်.
၉၃ ယဟိဝၤယွၤ ကဲထီၣ်စီၤပၤလံ.+
ယဟိဝၤယွၤ ကူသိးဝဲ တၢ်ကဟုကညီၢ်,
အဝဲကူသိးဝဲ တၢ်ဂံၢ်တၢ်ဘါ
ဒီးစၢဃာ်ဝဲ ဒ်ယီၢ်တကိးအသိးလီၤ.
အဝဲဆီလီၤပာ်စၢၤ ဟီၣ်ခိၣ်ကျၢၤကျၢၤ
ဒီးတၢ်သုးအီၤတန့ၢ်ဘၣ်.
၃ အိ ယဟိဝၤယွၤဧၢ, ထံကျိတဖၣ် ယွၤလီၤဆူၣ်ဆူၣ်လီၤ.
ထံကျိတဖၣ် ယွၤလီၤဆူၣ်ဆူၣ် ဒီးသီၣ်သဲဝဲ,
ထံကျိတဖၣ် ဆဲးယွၤလီၤဆူၣ်ဆူၣ် ဒီးသီၣ်ဝဲဖးဒိၣ်လီၤ.
၄ ဘၣ်ဆၣ် ယဟိဝၤယွၤဧၢ, လၢမူခိၣ်န့ၣ် နလီၤကဟုကညီၢ်ဒိၣ်မး,
နအိၣ်လၢ ထံအါအါဂီၢ်ဂီၢ်အသီၣ် အဖီခိၣ်+
ဒီးနဂံၢ်ဆူၣ်ဘါဆူၣ် ဒိၣ်န့ၢ်ဒံး ပီၣ်လဲၣ်အလပီတဖၣ်လီၤ.+
၅ နတၢ်ဒုးသ့ၣ်နီၣ်ထီၣ်တဖၣ်န့ၣ် ပနာ်န့ၢ်အီၤသ့ သပှၢ်တၢၢ်လီၤ.+
အိ ယဟိဝၤယွၤဧၢ, နဟံၣ်န့ၣ် ဃံလၤဝဲ+ ဒီးစီဆှံဝဲထီဘိလီၤ.
၉၄ အိ တၢ်ဟ့ၣ်ကၣ်အကစၢ် ယဟိဝၤယွၤဧၢ,+
အိ တၢ်ဟ့ၣ်ကၣ်အကစၢ်ဧၢ, ကပီၤထီၣ်တက့ၢ်.
၂ အိ ဟီၣ်ခိၣ် အပှၤစံၣ်ညီၣ်ကွီၢ်ဧၢ, ဂဲၤဆၢထၢၣ်+
ဒီးဟ့ၣ်ကၣ်က့ၤ ပှၤလၢအပာ်ထီၣ်ထီသးတဖၣ်လၢ တၢ်လၢအကြၢးဒိးန့ၢ်ဘၣ်ဝဲ န့ၣ်တက့ၢ်.+
၃ ကယံာ်ဒံးထဲလဲၣ်. အိ ယဟိဝၤယွၤဧၢ,
ပှၤအၢပှၤသီ ကဆဲးသူၣ်ဖှံသးညီ ယံာ်ဒံးထဲလဲၣ်.+
၄ အဝဲသ့ၣ် ဟးတဲကြီတၢ် ဒီးတဲတၢ်လၢ တၢ်ပာ်ကဖၢလၢသးအပူၤ
ဒီးပှၤမၤကမၣ်တၢ်ခဲလၢာ် တဲဂ့ၤလီၤအသးလီၤ.
၅ အိ ယဟိဝၤယွၤဧၢ, အဝဲသ့ၣ် မၤသဘှံး နပှၤဂီၢ်မုၢ်+
ဒီးအဝဲသ့ၣ် ဆီၣ်တံၢ်မၤနၢၤ နပှၤဂီၢ်မုၢ်လီၤ.
၆ အဝဲသ့ၣ် မၤသံ မုၣ်ကမဲ ဒီးပှၤထံဂၤကီၢ်ဂၤဖိ
ဒီးအဝဲသ့ၣ် မၤသံစ့ၢ်ကီး ပှၤဖိၣ်ဃဲဖိလီၤ.
၈ ပှၤလၢ အပဲာ်ထံနီၤဖးတၢ် တဘၣ်ဘၣ်သ့ၣ်ဧၢ, သုကနၢ်ပၢၢ်တၢ် ဆံးယံာ်လဲၣ်.
ပှၤဟးဂီၤဖိသ့ၣ်ဧၢ, သုကပာ်ဖျါထီၣ် တၢ်သူၣ်ဆးသးဆး ဆံးယံာ်လဲၣ်.+
၉ ကစၢ်ယွၤလၢ အတ့လီၤ ပှၤနၢ်ကုန့ၣ် အတနၢ်ဟူတၢ်ဧီၤ.
ဒီးကစၢ်ယွၤလၢ အတ့လီၤ ပှၤမဲာ်ချံန့ၣ် အတထံၣ်တၢ်ဧီၤ.+
၁၀ ကစၢ်ယွၤလၢ အသိၣ် ပှၤကလုာ်တဖၣ်န့ၣ် အသိၣ်က့ၤသီက့ၤတၢ် တသ့ဧီၤ.+
ကစၢ်ယွၤမ့ၢ် ပှၤတဂၤလၢ အဟ့ၣ်လီၤပှၤဂီၢ်မုၢ်လၢ တၢ်သ့ၣ်ညါနၢ်ပၢၢ်န့ၣ်လီၤ.+
၁၁ ယဟိဝၤယွၤ သ့ၣ်ညါပှၤဟီၣ်ခိၣ်ဖိတဖၣ် အတၢ်ဆိကမိၣ်
ဒီးအသ့ၣ်ညါလၢ အဝဲသ့ၣ် အတၢ်ဆိကမိၣ်န့ၣ် မ့ၢ်ဒၣ်တၢ်ကသါလီၤ ထဲတထံၣ်လီၤ.+
၁၃ ဖဲအဘၣ်ကီဘၣ်ခဲအဆၢကတီၢ်န့ၣ် နကဟ့ၣ်လီၤအီၤ တၢ်မုာ်တၢ်ခုၣ်
တုၤလၢ တၢ်ပူၤတပူၤ ဘၣ်တၢ်ခူၣ်လီၤအီၤလၢ ပှၤအၢပှၤသီအဂီၢ်လီၤ.+
၁၅ တၢ်စံၣ်ညီၣ်တီ ကအိၣ်ထီၣ်က့ၤ
ဒီးပှၤလၢအသူၣ်ဘျၢသးဘျၢ ကိးဂၤဒဲးန့ၣ် ကဆီၣ်ထွဲဝဲလီၤ.
၁၆ မတဂၤ ကဂဲၤဆၢထၢၣ် ထီဒါန့ၢ်ယၤ ပှၤအၢပှၤသီတဖၣ်လဲၣ်.
ဒီးမတဂၤ ကအိၣ်ဃူယၤ ဒ်သိးကထီဒါ ပှၤလၢအမၤကမၣ်တၢ်တဖၣ်လဲၣ်.
၁၇ လၢညါ ယဟိဝၤယွၤ မ့တမ့ၢ် ပှၤမၤစၢၤယၤဘၣ်န့ၣ်
ခဲအံၤ ယသံလံ.+
၂၀ ပှၤပၢတၢ်လၢ အတတီတလိၤတဖၣ်န့ၣ် သူဝဲပဒိၣ် အတၢ်သိၣ်တၢ်သီ ဒ်သိးကဒုးအိၣ်ထီၣ် တၢ်ကီတၢ်ခဲတဖၣ်အဃိ
နတဖီၣ်လိာ်သးစုဒီး အဝဲသ့ၣ် နီတဘျီဘၣ်.+
၂၂ ယဟိဝၤယွၤ ကကဲထီၣ် ယတၢ်အိၣ်သဒၢအလီၢ် လၢအကျၢၤ
ဒီးယကစၢ်ယွၤမ့ၢ်ဝဲ ယလၢၢ်လၢ ယကအိၣ်သဒၢယသးလီၤ.+
၂၃ အဝဲသ့ၣ် အတၢ်မၤလၢ အအၢအသီန့ၣ် ကစၢ်ယွၤ ကဒုးလီၤတီကဒါက့ၤဝဲလၢ အဝဲသ့ၣ်အခိၣ်လိၤလီၤ.+
ဒီးကစၢ်ယွၤ ကမၤဟးဂီၤအဝဲသ့ၣ် ခီဖျိတၢ်အၢလၢ အဝဲသ့ၣ် မၤဝဲတဖၣ်အဃိလီၤ.
ပကစၢ်ယဟိဝၤယွၤ ကမၤဟးဂီၤ အဝဲသ့ၣ်လီၤ.+
၉၅ ဟဲ, ကိးပသူထီၣ်သကိး လၢတၢ်သူၣ်ဖှံသးညီအပူၤ လၢယဟိဝၤယွၤ အအိၣ်တက့ၢ်.
မ်ပကိးပသူထီၣ်လၢ ပတၢ်အုၣ်က့ၤခီၣ်က့ၤ အလၢၢ်အအိၣ် လၢတၢ်သူၣ်ခုသးခု အပူၤတက့ၢ်.+
၂ မ်ပလဲၤသကိး လၢအမဲာ်ညါ ဒီးစံးဘျုးအီၤတက့ၢ်.+
မ်ပသးဝံၣ်ထီၣ်အီၤ ဒီးကိးပသူထီၣ်လၢ တၢ်သူၣ်ခုသးခု အပူၤတက့ၢ်.
၃ ယဟိဝၤယွၤန့ၣ် မ့ၢ်ဝဲကစၢ်ယွၤ လၢအဒိၣ်,
စီၤပၤလၢ အဒိၣ်ကတၢၢ် လၢယွၤအဂၤခဲလၢာ် အဖီခိၣ်လီၤ.+
၄ ဟီၣ်ခိၣ်အတၢ်ယိာ်ပူၤန့ၣ် အိၣ်ဝဲလၢ အစုပူၤ,
ကစၢၢ်အဒီခိၣ်တဖၣ် မ့ၢ်အတၢ်လီၤ.+
၆ ဟဲ, ပကချံးလီၤပခီၣ်လၢ ပတၢ်ဘၣ်တ့ကစၢ် ယဟိဝၤယွၤ အမဲာ်ညါလီၤ.
ပကထိၣ်လီၤပှီၤပသး ဒီးဘူၣ်ထီၣ်ဘါထီၣ်အီၤ,+
၇ မ့ၢ်လၢ အဝဲမ့ၢ်ပကစၢ်ယွၤ အဃိလီၤ.
ပမ့ၢ်အပှၤဂီၢ်မုၢ် ဒီးအဝဲအံးထွဲကွၢ်ထွဲပှၤ
ဒ်သိးဒီး သိလၢ အတၢ်အီၣ်ဆၣ်အလီၢ်ပူၤလီၤ.+
မုၢ်တနံၤအံၤ သုမ့ၢ်ဒိကနၣ် အကလုၢ်န့ၣ်+
၈ တဘၣ်မၤကိၤသုခိၣ် ဒ်သုမိၢ်ပၢ်ဖံဖု လၢပျၢၤတဖၣ် မၤဝဲဖဲ မရံၤဘါ* အသိး+
ဒီးဒ်မုၢ်တနံၤဖဲ အဝဲသ့ၣ်အိၣ်လၢ မးစၤ* လၢပှၢ်မုၢ်ကနၢပူၤအခါအသိးန့ၣ်တဂ့ၤ.+
၁၀ လၢအနံၣ် ၄၀ အတီၢ်ပူၤန့ၣ် ယသးဘၣ်အၢ ပှၤတစိၤန့ၣ် ဒီးယတဲလၢ
“အဝဲသ့ၣ်အသး အိၣ်ယံၤဒီးယၤထီဘိ
ဒီးအဝဲသ့ၣ် တသ့ၣ်ညါထီၣ် ယကျဲတဖၣ်ဘၣ်.”
၁၁ အဃိ လၢတၢ်သးဒိၣ်ထီၣ်အပူၤ ယအၢၣ်လီၤလၢ
“အဝဲသ့ၣ် တနုာ်လီၤဘၣ်လၢ ယတၢ်အိၣ်ဘှံးအပူၤဘၣ်.”+
၂ သးဝံၣ်ထီၣ် ယဟိဝၤယွၤ ဒီးစံးထီၣ်ပတြၢၤ အမံၤတက့ၢ်.
စံၣ်တဲၤတဲလီၤ တၢ်သးခုကစီၣ် ဘၣ်ဃးဒီး အတၢ်အုၣ်က့ၤခီၣ်က့ၤအဂ့ၢ် တနံၤဘၣ်တနံၤတက့ၢ်.+
၃ တဲဖျါထီၣ် အလၤကပီၤ လၢပှၤကလုာ်တဖၣ်အကျါ
ဒီးအတၢ်မၤ လီၤလိၢ်လီၤလးတဖၣ် လၢပှၤဂီၢ်မုၢ် ခဲလၢာ်အကျါ,+
၄ မ့ၢ်လၢ ယဟိဝၤယွၤန့ၣ် ဒိၣ်ဝဲ ဒီးကြၢးဒိးန့ၢ်ဘၣ် တၢ်စံးထီၣ်ပတြၢၤ အဒိၣ်ကတၢၢ်လီၤ.
ပှၤကြၢးပျံၤအီၤ ဒိၣ်န့ၢ်ဒံး ယွၤလၢအဂၤ ခဲလၢာ်လီၤ.
၅ ပှၤကလုာ်ဂၤ အယွၤခဲလၢာ်န့ၣ် မ့ၢ်ယွၤလၢ အလုၢ်အပှ့ၤတအိၣ်ဘၣ်.+
ဘၣ်ဆၣ် ယဟိဝၤယွၤ မ့ၢ်ဝဲ ပှၤလၢအတ့လီၤ မူခိၣ်န့ၣ်လီၤ.+
၆ တၢ်လၤကပီၤ ဒီးတၢ်ကဟုကညီၢ် အိၣ်ဝးတရံးအီၤ,+
တၢ်ဂံၢ်တၢ်ဘါ ဒီးတၢ်ဃံတၢ်လၤ အိၣ်ဝဲလၢ အတၢ်ဘူၣ်ထီၣ်ဘါထီၣ်အလီၢ်လီၤ.+
၇ ပှၤအဒူၣ်တဖၣ်သ့ၣ်ဧၢ, ဟ့ၣ်ယဟိဝၤယွၤ တၢ်လၢအကြၢးဒီးအီၤ,
ယူးယီၣ် ယဟိဝၤယွၤလၢ အတၢ်လၤကပီၤ ဒီးအတၢ်ဂံၢ်တၢ်ဘါ အဃိတက့ၢ်.+
၈ ဟ့ၣ်ယဟိဝၤယွၤ တၢ်လၤကပီၤ ဒ်အကြၢးဒီး အမံၤအသိး,+
ဟဲစိာ်တၢ်ဟ့ၣ်တမံၤ ဒီးဟဲနုာ်လၢ အတၢ်ပျီတဖၣ်အပူၤတက့ၢ်.
၉ ကၤထီၣ်သုတၢ်ကူတၢ်ကၤစီဆှံ ဒီးထိၣ်လီၤပှီၤသုသးလၢ* ယဟိဝၤယွၤ အမဲာ်ညါတက့ၢ်.
ပှၤဟီၣ်ခိၣ်ဖိ ခဲလၢာ်သ့ၣ်ဧၢ, ကနိးကစုာ် လၢအမဲာ်ညါတက့ၢ်.
၁၀ လၢပှၤကလုာ်တဖၣ် အကျါန့ၣ် တဲဖျါထီၣ်လၢ “ယဟိဝၤယွၤ ကဲထီၣ်စီၤပၤလံ.+
အဝဲဆီလီၤ ဟီၣ်ခိၣ်ကျၢၤကျၢၤ ဒီးတၢ်သုးအီၤ တန့ၢ်ဘၣ်.
အဝဲကစံၣ်ညီၣ် ပှၤဟီၣ်ခိၣ်ဖိခဲလၢာ် တီတီလိၤလိၤလီၤ.”+
၁၁ မ်မူခိၣ် သူၣ်ဖှံသးညီ ဒီးမ်ဟီၣ်ခိၣ် သူၣ်ခုသးခုတက့ၢ်.
မ်ပီၣ်လဲၣ် ဒီးတၢ်အိၣ်လၢအပူၤခဲလၢာ် သီၣ်ထီၣ်လၢ အကလုၢ်ဖးဒိၣ်တက့ၢ်.+
၁၂ မ်ပျီတဖၣ် ဒီးတၢ်အိၣ်လၢ အပူၤခဲလၢာ် သူၣ်ဖှံသးညီတက့ၢ်.+
တကတီၢ်ဃီန့ၣ် မ်သ့ၣ်ထူၣ်ခဲလၢာ် လၢပှၢ်လၢ်ကျါ ကိးပသူထီၣ်လၢ တၢ်သူၣ်ဖှံသးညီအပူၤ+
၁၃ လၢယဟိဝၤယွၤ အအိၣ်, မ့ၢ်လၢ အဟဲဝဲ
ဒ်သိး ကစံၣ်ညီၣ် ဟီၣ်ခိၣ်လီၤ.
အဝဲကစံၣ်ညီၣ် ဟီၣ်ခိၣ်လၢ တၢ်တီတၢ်လိၤအပူၤ+
ဒီးကစံၣ်ညီၣ်န့ၢ်တၢ်လၢ ပှၤဟီၣ်ခိၣ်ဖိတဖၣ်အဂီၢ် တီတီလိၤလိၤလီၤ.+
၉၇ ယဟိဝၤယွၤ ကဲထီၣ်စီၤပၤလံ.+
မ်ဟီၣ်ခိၣ် သူၣ်ခုသးခုတက့ၢ်.+
မ်ကီးတဖၣ် သူၣ်ဖှံသးညီတက့ၢ်.+
၂ တၢ်အၢၣ် ဒီးတၢ်အၢၣ်ခံးသူန့ၣ် အိၣ်ဝးတရံးအီၤ,+
အလီၢ်ပစိာ် အိၣ်သူၣ်လီၤအသးလၢ တၢ်တီတၢ်လိၤ ဒီးတၢ်စံၣ်ညီၣ်တီ အဖီခိၣ်လီၤ.+
၄ အလီဝၢ်ဒံးတဖၣ် မၤကပီၤထီၣ် ဟီၣ်ခိၣ်,
ဟီၣ်ခိၣ်ထံၣ်ဝဲ ဒီးကနိးကစုာ်ဝဲလီၤ.+
၇ ကယဲၢ်ပှၤလၢ အဘူၣ်ထီၣ်ဘါထီၣ် တၢ်ဂီၤတၢ်ဖှီၣ် တခါဂ့ၤတခါဂ့ၤ
ဒီးပှၤလၢ အပတြၢၤအယွၤလၢ အဘျုးတအိၣ်ဘၣ်တဖၣ်န့ၣ်+ မ်အဒိးန့ၢ်ဘၣ် တၢ်မဲာ်ဆှးတက့ၢ်.+
သုဝဲယွၤခဲလၢာ်သ့ၣ်ဧၢ, ထိၣ်လီၤပှီၤသုသး* လၢကစၢ်ယွၤ အမဲာ်ညါတက့ၢ်.+
၈ အိ ယဟိဝၤယွၤဧၢ, ခီဖျိလၢ နတၢ်စံၣ်ညီၣ်တီအဃိ+
ကစၢၢ်စံယိၣ် နၢ်ဟူဝဲဒီး သးခုဝဲ+
ဒီးယူဒၤအဝ့ၢ်တဖၣ်* သူၣ်ဖှံသးညီဝဲလီၤ.
၉ အိ ယဟိဝၤယွၤဧၢ, ပှၤလၢအထီကတၢၢ်လၢ ဟီၣ်ခိၣ်ဒီဘ့ၣ်ညါ အဖီခိၣ်န့ၣ် အိၣ်ထဲနၤတဂၤလီၤ.
နဒိၣ်န့ၢ်ဒံး ယွၤအဂၤတဖၣ် စၢၢ်တလၢၢ်လီၤ.+
၁၀ သုဝဲလၢ အအဲၣ်ယဟိဝၤယွၤ သ့ၣ်ဧၢ, သးဟ့တၢ်အၢတက့ၢ်.+
၁၁ တၢ်ကပီၤ ကပီၤထီၣ်ဝဲလၢ ပှၤတီပှၤလိၤတဖၣ်အဂီၢ်+
ဒီးတၢ်သးခု အိၣ်ထီၣ်ဝဲလၢ ပှၤလၢအသူၣ်ဘျၢသးဘျၢတဖၣ် အဂီၢ်လီၤ.
၁၂ ပှၤတီပှၤလိၤသ့ၣ်ဧၢ, သးခုလၢ ယဟိဝၤယွၤ အပူၤ
ဒီးစံးထီၣ်ပတြၢၤ အမံၤစီဆှံတက့ၢ်.
ထါသးဝံၣ်.
အဝဲအုၣ်က့ၤခီၣ်က့ၤတၢ် ခီဖျိလၢ အစုထွဲ လၢအမ့ၢ် အစုဒုၣ်စီဆှံလီၤ.+
၃ အဝဲ သ့ၣ်နီၣ်ထီၣ် အတၢ်အၢၣ်လီၤလၢ အကပာ်ဖျါထီၣ် တၢ်အဲၣ်လၢအတီလၢ ပှၤအံၣ်စရ့လးဖိ အဖီခိၣ်လီၤ.+
ပှၤခဲလၢာ်လၢ ဟီၣ်ခိၣ်ချၢန့ၣ် ထံၣ်ဘၣ်တ့ၢ် ပကစၢ်ယွၤ အတၢ်အုၣ်က့ၤခီၣ်က့ၤလံ.+
၄ ပှၤဟီၣ်ခိၣ်ဖိ ခဲလၢာ်သ့ၣ်ဧၢ, ကိးပသူထီၣ်လၢ ယဟိဝၤယွၤအအိၣ်လၢ တၢ်သးခုအပူၤတက့ၢ်.
သူၣ်ဖှံသးညီ, သးဝံၣ်စံးထီၣ်ပတြၢၤအီၤ ဒီးကိးပသူထီၣ်လၢ တၢ်သူၣ်ဖှံသးညီအပူၤတက့ၢ်.+
၅ ဒ့တနၢ် ဒီးသးဝံၣ်စံးထီၣ်ပတြၢၤ ယဟိဝၤယွၤ
လၢတၢ်သးဝံၣ်တက့ၢ်.
၆ လၢတၢ်သးခုအပူၤ ကိးပသူထီၣ်လၢ စီၤပၤလၢအမ့ၢ် ယဟိဝၤယွၤ အမဲာ်ညါ
ဒီးအူသီၣ်ထီၣ် ကွဲၤတဖၣ်တက့ၢ်.+
၇ မ်ပီၣ်လဲၣ် ဒီးတၢ်အိၣ်လၢအပူၤခဲလၢာ်န့ၣ် သီၣ်ထီၣ်လၢ အကလုၢ်ဖးဒိၣ်
ဒီးမ်ဟီၣ်ခိၣ် ဒီးပှၤလၢအိၣ်လၢအပူၤန့ၣ် ကိးပသူထီၣ်လၢ တၢ်သးခုအပူၤစ့ၢ်ကီးတက့ၢ်.
၈ မ်ထံကျိတဖၣ် ဒဲအစု
ဒီးမ်ကစၢၢ်တဖၣ် ကိးပသူထီၣ်သကိးလၢ တၢ်သးခုအပူၤ+
၉ လၢယဟိဝၤယွၤ အမဲာ်ညါ, မ့ၢ်လၢ အဝဲဟဲဝဲ ဒ်သိး ကစံၣ်ညီၣ် ဟီၣ်ခိၣ်လီၤ.
၉၉ ယဟိဝၤယွၤ ကဲထီၣ်စီၤပၤလံ.+ မ်ပှၤဂီၢ်မုၢ်တဖၣ် ကနိးကစုာ်တက့ၢ်.
ကစၢ်ယွၤ ဆ့ၣ်နီၤလၢ အလီၢ်ပစိာ်လၢခ့ရူာ်တဖၣ် အဖီခိၣ်လီၤ.*+ မ်ဟီၣ်ခိၣ် တရုၤအသးတက့ၢ်.
၂ ယဟိဝၤယွၤန့ၣ် ဒိၣ်ဝဲလၢ စံယိၣ်အပူၤ
ဒီးအဝဲမ့ၢ်ပှၤလၢ အထီကတၢၢ်လၢ ပှၤဂီၢ်မုၢ်အဖီခိၣ်လီၤ.+
၃ မ်အဝဲသ့ၣ် စံးထီၣ်ပတြၢၤ နမံၤလၢအဒိၣ်အမုၢ်,+
မ့ၢ်လၢ နမံၤန့ၣ် အလီၤယူးယီၣ်ပာ်ကဲ ဒီးစီဆှံဝဲအဃိလီၤ.
၄ နမ့ၢ်စီၤပၤလၢ အဂံၢ်ဆူၣ်ဘါဆူၣ်လၢ အအဲၣ်တၢ်စံၣ်ညီၣ်တီ,+
နဒုးအိၣ်ထီၣ် တၢ်ဘျၢလၢအတီအလိၤ.
ဒီးနဒုးအိၣ်ထီၣ် တၢ်စံၣ်ညီၣ်တီ ဒီးတၢ်တီတၢ်လိၤလၢ+ စီၤယၤကိာ် အစၢၤအသွဲၣ်တဖၣ် အကျါလီၤ.
၅ ပာ်ထီၣ်ထီ ပကစၢ် ယဟိဝၤယွၤ+ ဒီးထိၣ်လီၤပှီၤသး* လၢအခီၣ်ယီၢ်လီၤ အလီၢ်တက့ၢ်.+
ကစၢ်ယွၤန့ၣ် စီဆှံဝဲလီၤ.+
၆ စီၤမိၤၡ့ ဒီးစီၤအၤဟရိၣ်န့ၣ် ပၣ်ဃုာ်လၢ ကစၢ်ယွၤ အပှၤလုၢ်တၢ်ဒိၣ်တဖၣ် အကျါလီၤ.+
ဒီးစီၤၡမူၤအ့လးန့ၣ် ပၣ်ဃုာ်လၢ ပှၤလၢအကိးထီၣ် ကစၢ်ယွၤအမံၤအကျါလီၤ.+
အဝဲသ့ၣ် ကိးထီၣ်ယဟိဝၤယွၤ
ဒီးကစၢ်ယွၤ စံးဆၢအဝဲသ့ၣ်လီၤ.+
၇ ကစၢ်ယွၤ အိၣ်လၢ တၢ်အၢၣ်ထူၣ်အပူၤ ဒီးတဲတၢ်ဒီးအဝဲသ့ၣ်လီၤ.+
အဝဲသ့ၣ် မၤထွဲ ကစၢ်ယွၤ အတၢ်ဒုးသ့ၣ်နီၣ်ထီၣ်တဖၣ် ဒီးအတၢ်သိၣ်တၢ်သီလၢ အဟ့ၣ်လီၤအဝဲသ့ၣ်လီၤ.+
၈ အိ ပကစၢ် ယဟိဝၤယွၤဧၢ, နစံးဆၢက့ၤအဝဲသ့ၣ်လီၤ.+
နမ့ၢ်ကစၢ်ယွၤလၢ ပျၢ်ကွံာ် အဝဲသ့ၣ် အတၢ်ကမၣ်+
ဘၣ်ဆၣ် နသိၣ်ဃီၣ်အဝဲသ့ၣ်လၢ တၢ်ကမၣ်လၢအဝဲသ့ၣ် မၤဝဲတဖၣ်အဃိလီၤ.+
၉ ပကစၢ် ယဟိဝၤယွၤန့ၣ် စီဆှံဝဲလီၤ.+
တၢ်စံးဘျုးစံးဖှိၣ် အထါသးဝံၣ်.
၁၀၀ ပှၤဟီၣ်ခိၣ်ဖိ ခဲလၢာ်သ့ၣ်ဧၢ, ကိးထီၣ်လၢ ယဟိဝၤယွၤအအိၣ်လၢ တၢ်သးခုအပူၤတက့ၢ်.+
၂ မၤယဟိဝၤယွၤ အတၢ်မၤလၢ တၢ်သးခုအပူၤ,+
ဟဲနုာ်လီၤလၢ အမဲာ်ညါ ဒီးကိးထီၣ်လၢ တၢ်သူၣ်ဖှံသးညီအပူၤတက့ၢ်.
၃ သ့ၣ်ညါလၢ* ယဟိဝၤ မ့ၢ်ကစၢ်ယွၤတက့ၢ်.+
အဝဲတ့လီၤပှၤ ဒီးပမ့ၢ်အတၢ်လီၤ.+
ပမ့ၢ်အပှၤဂီၢ်မုၢ် ဒီးသိလၢ အတၢ်အီၣ်ဆၣ်အလီၢ်လီၤ.+
စံးဘျုးအီၤ ဒီးစံးထီၣ်ပတြၢၤအမံၤတက့ၢ်.+
၅ ယဟိဝၤယွၤ မ့ၢ်ပှၤအဂ့ၤလီၤ.+
အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်
ဒီးအတၢ်သးတီ အိၣ်ဂၢၢ်ဆိးကျၢၤဝဲ အစိၤစိၤအဃၣ်ဃၣ်လီၤ.+
စီၤဒၤဝံးအထါ.
၁၀၁ ယကသးဝံၣ် ဘၣ်ဃး နတၢ်အဲၣ်လၢအတီ ဒီးနတၢ်စံၣ်ညီၣ်တီအဂ့ၢ်လီၤ.
အိ ယဟိဝၤယွၤဧၢ, ယကသးဝံၣ် စံးထီၣ်ပတြၢၤနၤလီၤ.
၂ ယကမၤတၢ်လၢ တၢ်ကူၣ်သ့အပူၤ ဒီးယကမၤဒ်သိး တၢ်ပာ်ဒ့ၣ်ပာ်ကမၣ်ယၤ အလီၢ်သုတအိၣ်တဂ့ၤအဂီၢ်လီၤ.
နကဟဲမၤစၢၤယၤ ဆံးယံာ်လဲၣ်.
လၢယဟံၣ်ပူၤန့ၣ် ယကမၤတၢ်လၢ အတီအလိၤလီၤ.+
၃ ယတကွၢ်တၢ်လၢ အဘျုးတအိၣ်ဘၣ် နီတမံၤဘၣ်.
ပှၤလၢအပာ်တ့ၢ်ကွံာ် ကျဲလၢအဘၣ်န့ၣ် ယသးဟ့တၢ်လၢ အဝဲသ့ၣ်မၤဝဲတဖၣ်+
ဒီးယတမၤဘၣ်ဃးယသးဒီး အဝဲသ့ၣ်နီတစဲးဘၣ်.
၄ ယအိၣ်ယံၤဒီး ပှၤလၢအသးက့ၣ်တဖၣ်
ဒီးယတမၤဘၣ်ဃးယသးဒီး တၢ်အၢနီတမံၤဘၣ်.
၅ ပှၤလၢ အတဲဟးဂီၤခူသူၣ် ပှၤလၢအဃၢၤန့ၣ်+
ယကမၤဘှ့ၣ် အဝဲသ့ၣ်လီၤ.
ပှၤလၢအပာ်ထီၣ်ထီအသး ဒီးပာ်ကဖၢလၢအသးန့ၣ်
ယတူၢ်လိာ်အဝဲသ့ၣ် တကဲနီတဂၤဘၣ်.
၆ ယကဘၣ်သူၣ်ဘၣ်သး ပှၤလၢအသးတီတဖၣ်လၢ ဟီၣ်ခိၣ်ချၢ
ဒီးအဝဲသ့ၣ် ကအိၣ်ဒီးယၤလီၤ.
ဒီးပှၤလၢအလဲၤတၢ်လၢ တၢ်သးတီအပူၤန့ၣ် ကမၤယတၢ်လီၤ.
၇ ပှၤလၢအလီတၢ်န့ၣ် တအိၣ်ဘၣ်လၢ ယဟံၣ်ပူၤနီတဂၤဘၣ်.
ဒီးပှၤလၢအလံၣ်တၢ်န့ၣ် တဆၢထၢၣ်ဘၣ်လၢ ယမဲာ်ညါနီတဂၤဘၣ်.
၈ ယကမၤဘှ့ၣ် ပှၤအၢပှၤသီခဲလၢာ်လၢ ဟီၣ်ခိၣ်ချၢ ကိးဂီၤဒဲး
ဒ်သိးယကမၤဟးဂီၤကွံာ် ကယဲၢ်ပှၤလၢအမၤတၢ်ကမၣ်လၢ အအိၣ်လၢ ယဟိဝၤယွၤ အဝ့ၢ်ပူၤအဂီၢ်လီၤ.+
အဝဲအံၤ မ့ၢ်ဝဲပှၤလၢ အဘၣ်တၢ်ဆီၣ်တံၢ်မၤနၢၤအီၤတဂၤ အတၢ်ထုကဖၣ် ဖဲအသးဟးဂီၤအခါ ဒီးအဝဲတဲဘၣ် ယဟိဝၤယွၤလၢ အတၢ်ကိၢ်တၢ်ဂီၤ.+
၁၀၂ အိ ယဟိဝၤယွၤဧၢ, ဒိကနၣ် ယတၢ်ဃ့ထုကဖၣ်တက့ၢ်.+
မ်ယတၢ်ကိးပသူထီၣ်လၢ တၢ်မၤစၢၤအဂီၢ်န့ၣ် ဟူထီၣ်တုၤလၢ နအိၣ်တက့ၢ်.+
၂ ဖဲယဘၣ်နးဘၣ်ဖှီၣ်အခါ တဘၣ်ဃၣ်ကွံာ် နမဲာ်လၢ ယအိၣ်တဂ့ၤ.+
၃ ယမုၢ်နံၤတဖၣ် လီၤမၢ်ကွံာ်ဝဲဒ် မ့ၣ်အူခုၣ်အသိး
ဒီးယဃံတဖၣ် လီၤဂာ်ဒ် သ့ၣ်မုၣ်လၢ အအူအီၣ်ကွံာ်ဝဲလၢ ဖၣ်ကပူၤအသိးလီၤ.+
၄ ယသးကဲထီၣ် ဒ်နီၣ်လၢ အဃ့ထီကွံာ် ဒီးလီၤညွံးလီၤဘဲဝဲအသိး,+
မ့ၢ်လၢ ယအီၣ်တၢ်တဝံၣ်လၢၤဘၣ် အဃိလီၤ.
၆ ယလီၤဂာ်ဒ်သိးဒီး ထိၣ်ဒိၣ်ဖုၣ်ခီၣ် လၢအအိၣ်လၢ ပှၢ်မုၢ်ကနၢ
ဒီးဒိကအိလၢ အအိၣ်လၢ တၢ်လီၢ်လၢအလီၤပှီၢ်တဖၣ် အကျါလီၤ.
၈ ယဒုၣ်ယဒါတဖၣ် တဲဆဲးအဲးယၤ ဒီတနံၤကျၢၤ.+
ဒီးပှၤလၢ အနံၤဆဲးအဲးယၤန့ၣ် ဖဲအဝဲသ့ၣ် ဆိၣ်အၢတၢ်အခါ အဝဲသ့ၣ် သူယမံၤလီၤ.
၉ ယအီၣ်ဖၣ်ဆါ ဒ်ကိၣ်အသိး+
ဒီးတၢ်လၢယအီန့ၣ် ကျဲၣ်ကျီအသးဒီး ယမဲာ်ထံမဲာ်နိတဖၣ်+
၁၀ ခီဖျိလၢ နတၢ်သးထီၣ် ဒီးနတၢ်သးဒိၣ်အဃိလီၤ.
လီၤဂာ်ဒ်သိးဒီး နစိာ်ထီၣ်ယၤဝံၤဒီး နကွံာ်လီၤယၤလၢ တၢ်ကပၤလီၤ.
၁၁ ယတၢ်အိၣ်မူန့ၣ် လီၤဂာ်ဒ်သိးဒီးတၢ်ကဒုလၢ အလီၤမၢ်ကွံာ်ဝဲကယီကယီ+
ဒီးယလီၤဂာ် ဒ်သိးဒီး နီၣ်လၢအလီၤညွံးလီၤဘဲဝဲန့ၣ်လီၤ.+
၁၂ အိ ယဟိဝၤယွၤဧၢ, မ့မ့ၢ်နၤန့ၣ် နအိၣ်လီၤထူလီၤယိာ်+
ဒီးနမံၤဂ့ၤသၣ်ဂ့ၤန့ၣ်* ကအိၣ်ဂၢၢ်ဆိးကျၢၤဝဲ အစိၤစိၤအဃၣ်ဃၣ်လီၤ.+
၁၃ တၢ်ဆၢကတီၢ်ဘၣ်ဝဲလၢ နကပာ်ဖျါထီၣ်လၢ နဘၣ်သူၣ်ဘၣ်သး ဝ့ၢ်စံယိၣ်လံ.+
အဃိ နကဂဲၤဆၢထၢၣ် ပာ်ဖျါထီၣ် တၢ်သးကညီၤလၢ ဝ့ၢ်စံယိၣ် အဖီခိၣ် သပှၢ်တၢၢ်လီၤ.+
တၢ်ဆၢကတီၢ်လၢ တၢ်ပာ်ပနီၣ်အီၤ တုၤဃီၤဝဲလံ.+
၁၄ နခ့နပှၤတဖၣ် ဘၣ်သူၣ်ဘၣ်သးဝ့ၢ်စံယိၣ်အလၢၢ်တဖၣ်+
ဒီးအဟီၣ်ခိၣ်ကမူၣ်တဖၣ်ဒၣ်လဲာ်အဝဲသ့ၣ် သူၣ်အိၣ်သးအိၣ်ဝဲလီၤ.+
၁၅ ပှၤကလုာ်တဖၣ် ကပျံၤ ယဟိဝၤယွၤအမံၤ
ဒီးစီၤပၤလၢ ဟီၣ်ခိၣ်ချၢခဲလၢာ် ကပျံၤဒီးယူးယီၣ် အလၤကပီၤလီၤ.+
၁၈ တၢ်ကတိၤတဖၣ်အံၤ ဘၣ်တၢ်ကွဲးလီၤအီၤလၢ ပှၤလၢခံတစိၤအဂီၢ်,+
ဒ်သိး ပှၤလၢ အတဟဲအိၣ်ထီၣ်ဒံးဘၣ်တဖၣ် ကစံးထီၣ်ပတြၢၤ ယဟိဝၤယွၤအဂီၢ်လီၤ.
၁၉ ယဟိဝၤယွၤ အိၣ်လၢ အတၢ်လီၢ်စီဆှံလၢ ထးခီ,+
အဝဲအိၣ်လၢ မူခိၣ် ဒီးကွၢ်လီၤ ဟီၣ်ခိၣ်
၂၀ ဒ်သိး အဝဲကနၢ်ဟူ ပှၤဃိာ်ဖိ အတၢ်သူၣ်လီၤဘှံးသးလီၤတီၤ+
ဒီးကမၤပူၤဖျဲး ပှၤလၢအဘၣ်တၢ်စံၣ်ညီၣ်အီၤလၢ တၢ်သံတဖၣ်လီၤ.+
၂၁ ဖဲန့ၣ်အခါ ယဟိဝၤယွၤအမံၤ ကဘၣ်တၢ်ဘိးဘၣ်သ့ၣ်ညါအီၤလၢ ဝ့ၢ်စံယိၣ်အပူၤ+
ဒီးကဘၣ်တၢ် စံးထီၣ်ပတြၢၤအီၤလၢ ဝ့ၢ်ယရူၤၡလ့ၣ်အပူၤ,
၂၂ ဖဲပှၤဂီၢ်မုၢ် ဒီးဘီမုၢ်တဖၣ်
ပာ်ဖှိၣ်ထီၣ်အသး ဒ်သိး ကမၤယဟိဝၤယွၤ အတၢ်မၤအဂီၢ်လီၤ.+
၂၃ တချုးလၢ ယသးပှၢ်ထီၣ်ဒံးဘၣ်န့ၣ် ကစၢ်ယွၤ မၤစၢ်လီၤ ယဂံၢ်ယဘါ
ဒီးမၤဖုၣ်လီၤ ယသးသမူလီၤ.
၂၄ ယတဲအီၤလၢ “အိ ကစၢ်ယွၤဧၢ, တချုးလၢ ယသးပှၢ်ထီၣ်ဒံးဘၣ်န့ၣ်
မၤကတၢၢ်ကွံာ် ယတၢ်အိၣ်မူ ဒံးတဂ့ၤ.
နၤန့ၣ် နမ့ၢ်ကစၢ်ယွၤလၢ အမူလီၤစိၤလီၤထီလီၤ.+
၂၅ လၢအပူၤကွံာ်ဖးယံာ်န့ၣ် နဒုးအိၣ်ထီၣ် ဟီၣ်ခိၣ်
ဒီးမူကပိာ်လိၤန့ၣ် မ့ၢ်နစုအတၢ်ဘၣ်တ့လီၤ.+
၂၆ ဟီၣ်ခိၣ်ဒီး မူကပိာ်လိၤန့ၣ် ကဟးဂီၤကွံာ်ဝဲ, မ့မ့ၢ်နၤန့ၣ် နကအိၣ်ထီဘိလီၤ.
ဟီၣ်ခိၣ်ဒီး မူကပိာ်လိၤ ကလီၢ်လံၤကွံာ် ဒ်တၢ်ကူတၢ်ကၤအသိး
ဒီးနကဆီတလဲက့ၤအီၤ ဒ်တၢ်ကူတၢ်ကၤအသိး ဒီးအကဟါမၢ်ကွံာ်ဝဲလီၤ.
၂၇ မ့မ့ၢ်နၤန့ၣ် နမ့ၢ်တၢ်ဒ်အလီၢ်လီၢ် ဒီးနနံၣ်နလါတဖၣ် တကတၢၢ် နီတဘျီဘၣ်.+
၂၈ နခ့နပှၤ အဖိတဖၣ်န့ၣ် ကအိၣ်ဘၣ် ဘံၣ်ဘံၣ်ဘၢဘၢ
ဒီးအဝဲသ့ၣ် အဖိအလံၤတဖၣ်န့ၣ် ကအိၣ်ဂၢၢ်ဆိးကျၢၤဝဲလၢ နမဲာ်ညါလီၤ.”+
စီၤဒၤဝံးအထါ.
၁၀၃ ယသးဧၢ, စံးထီၣ်ပတြၢၤ ယဟိဝၤယွၤတက့ၢ်.
မ်ယစံးထီၣ်ပတြၢၤ အမံၤစီဆှံလၢ ယသးဒီဖျၢၣ်ညါတက့ၢ်.
၂ ယသးဧၢ, စံးထီၣ်ပတြၢၤ ယဟိဝၤယွၤတက့ၢ်.
တၢ်လၢအမၤတ့ၢ်ဝဲတဖၣ်န့ၣ် မ်ယသုတသးပ့ၤနီၣ် နီတမံၤတဂ့ၤ.+
၅ လၢယတၢ်အိၣ်မူ ဒီတစိၤန့ၣ် အမၤသးမံယၤလၢ တၢ်ဂ့ၤတဖၣ်+
၆ ယဟိဝၤယွၤ မၤတၢ်တီတီလိၤလိၤ+ ဒီးစံၣ်ညီၣ်န့ၢ်တၢ် တီတီလိၤလိၤလၢ
ပှၤလၢအဘၣ် တၢ်ဆီၣ်တံၢ်မၤနၢၤအီၤတဖၣ် အဂီၢ်လီၤ.+
၉ အတတိၢ်နီၣ်ဃာ် ပတၢ်လီၤတူာ်လီၤကာ်တဖၣ် အစိၤစိၤအဃၣ်ဃၣ်ဘၣ်.+
ဒီးအတစၢဃာ်ပတၢ်ကမၣ် လီၤထူလီၤယိာ်ဘၣ်.+
၁၃ ယဟိဝၤယွၤ ပာ်ဖျါထီၣ် တၢ်သးကညီၤလၢ ပှၤလၢအပျံၤအီၤတဖၣ် အဖီခိၣ်+
ဒ်ပၢ်တဂၤ ပာ်ဖျါထီၣ် တၢ်သးကညီၤလၢ အဖိတဖၣ် အဖီခိၣ်အသိးလီၤ.
၁၄ ပဘၣ်တၢ်တ့လီၤပှၤဒ်လဲၣ်န့ၣ် ကစၢ်ယွၤ သ့ၣ်ညါဝဲဂ့ၤဂ့ၤ+
ဒီးအဝဲသ့ၣ်နီၣ်ထီၣ်က့ၤဝဲလၢ ပမ့ၢ်ဟီၣ်ခိၣ်ကမူၣ်လီၤ.+
၁၅ ပှၤဟီၣ်ခိၣ်ဖိန့ၣ် အတၢ်အိၣ်မူဖုၣ်ဝဲ ဒ်နီၣ်အသိးလီၤ.+
အဝဲလီၤဂာ်ဒ် ဖီဖးထီၣ်လၢ ပျီပူၤအသိးလီၤ.+
၁၆ ဘၣ်ဆၣ် ဖဲကလံၤအူဘၣ်အီၤအခါ အတအိၣ်လၢၤဘၣ်
ဒီးလီၤဂာ်ဒ်သိးဒီး အတအိၣ်နီတဘျီဘၣ်.
၁၇ မ့မ့ၢ် ယဟိဝၤယွၤ အတၢ်အဲၣ်လၢအတီန့ၣ် အိၣ်ဂၢၢ်ကျၢၤဝဲလၢ
ပှၤလၢအပျံၤအီၤတဖၣ်+ အဖီခိၣ် လီၤထူလီၤယိာ်လီၤ.
ဒီးအပာ်ဖျါထီၣ် တၢ်သးတီ* လၢအဝဲသ့ၣ် အစၢၤအသွဲၣ်တဖၣ်+
၁၈ လၢအမၤဝဲဒ် အတၢ်အၢၣ်လီၤအီလီၤအသိး+
ဒီးမၤထွဲ အတၢ်မၤလိာ် လီၤတံၢ်လီၤဆဲးတဖၣ် အဖီခိၣ်လီၤ.
၂၂ ယဟိဝၤယွၤ အတၢ်ဘၣ်တ့ခဲလၢာ်လၢ အအိၣ်လၢ အတၢ်ပၢဖီလာ်သ့ၣ်ဧၢ,
စံးထီၣ်ပတြၢၤအီၤတက့ၢ်.
မ်ယစံးထီၣ်ပတြၢၤ ယဟိဝၤယွၤလၢ ယသးဒီဖျၢၣ်ညါတက့ၢ်.
၁၀၄ မ်ယစံးထီၣ်ပတြၢၤ ယဟိဝၤယွၤတက့ၢ်.+
အိ ကစၢ်ယဟိဝၤယွၤဧၢ, နစိကမီၤဒိၣ်ဝဲဒိၣ်မး.+
နကူကၤ တၢ်လၤတၢ်ကပီၤ ဒီးတၢ်ကဟုကညီၢ်လီၤ.+
၃ ဒီးနသူၣ်ထီၣ် နဒၢးတဖၣ်လၢ ထးခီလၢ တၢ်အၢၣ်အဖီခိၣ်လီၤ.+
၄ နဒုးကဲထီၣ် နမူခိၣ်ကလူးတဖၣ်လၢ ပှၤနီၢ်သးဖိလၢ အဂံၢ်ဆူၣ်ဘါဆူၣ်
ဒီးနခ့နပှၤတဖၣ်လၢ မ့ၣ်အူလၢအအီၣ်တၢ်လီၤ.+
၆ နမၤဘၢ ဟီၣ်ခိၣ်ဒီး ထံယိာ်ပူၤ ဒ်ဆ့ကၤအသိး+
ဒီးထံတဖၣ်ဘၢဝဲ ကစၢၢ်တဖၣ်လီၤ.
၇ လၢနတၢ်သိၣ်ဃီၣ်အဃိ ထံတဖၣ် ယွၤလီၤကွံာ်ဝဲ,+
လၢနလီသီၣ်ထီၣ်အဃိ ထံတဖၣ် ပျံၤတၢ်ဖုးတၢ်ဒီး ယွၤလီၤဝဲချ့မးလီၤ.
၈ ဒီးကစၢၢ်ကလိတဖၣ် ထီထီၣ်ဝဲ+ ဒီးတၢ်တြီၤတဖၣ်လီၤဝဲဆူ
တၢ်လီၢ်လၢ နပာ်ပနီၣ်လၢ အဝဲသ့ၣ်အဂီၢ်လီၤ.
၉ ဒ်သိးထံတဖၣ် သုတလုၢ်ဘၢ ဟီၣ်ခိၣ်နီတဘျီလၢၤတဂ့ၤအဂီၢ်
နပာ်လီၤတၢ်အဆၢလၢ ထံတဖၣ် တကြၢးလဲၤဝဲဘၣ်.+
၁၀ နအိးထီၣ် ထံထီၣ်ပၢၢ်တဖၣ်လၢ တၢ်တြီၤတဖၣ်အပူၤ
ဒီးလၢကစၢၢ်တဖၣ် အကဆူးန့ၣ် ထံကျိဖိတဖၣ် ဆဲးယွၤလီၤဝဲလီၤ.
၁၁ လၢထံကျိဖိတဖၣ်န့ၣ်အဃိ ဆၣ်ဖိကီၢ်ဖိလၢ ပျီပူၤခဲလၢာ် အီဘၣ်ထံ
ဒီးကသ့ၣ်ယီၤမံၤတဖၣ် အီဘၣ်ထံဘျဲဘျဲလီၤ.
၁၂ ထိၣ်တဖၣ်လၢ မူခိၣ်န့ၣ် တ့ထီၣ်အသွံလၢ ထံထီၣ်ပၢၢ်တဖၣ် အဖီခိၣ်
ဒီးပှ့ၤသီၣ်ထီၣ်ဝဲလၢ သ့ၣ်ဒ့လၢ အပှဲၤဒီးအလၣ်တဖၣ်အလိၤလီၤ.
၁၃ နအိၣ်လၢနဒၢးတဖၣ် လၢထးခီ ဒီးနဒုးစူၤလီၤ မူခိၣ်ထံလၢ ကစၢၢ်ကလိတဖၣ်အလိၤလီၤ.+
ဒီးနတၢ်မၤအတၤသၣ်တဖၣ် အိၣ်ပှဲၤလၢ ဟီၣ်ခိၣ်ချၢလီၤ.+
နမၤဒ်န့ၣ်န့ၣ် ဒ်သိးကဒုးဟဲထီၣ် တၢ်အီၣ်တၢ်အီလၢ ဟီၣ်ခိၣ်,
သိလၢအမၤကတြ့ၣ်ထီၣ်ပှၤမဲာ်,
ဒီးကိၣ်လၢ အကဲဂံၢ်ကဲဘါလၢ ပှၤဂီၢ်လီၤ.+
၁၆ ယဟိဝၤယွၤ အသ့ၣ်ထူၣ်တဖၣ်လၢ အသူၣ်လီၤဝဲ လၢအမ့ၢ်
လဘၤနိၣ် အသ့ၣ်ဆှိအ့ရ့းတဖၣ်န့ၣ် ဒိးန့ၢ်ဘၣ် ထံလၢလၢပှဲၤပှဲၤလီၤ.
၁၇ ဖဲန့ၣ်န့ၣ် ထိၣ်တဖၣ် တ့ထီၣ်အသွံ
ဒီးသ့ၣ်ကၠူနံးဖၢၤမ့ၢ်ဝဲ ထိၣ်ထီကိာ်+ အတၢ်အိၣ်တၢ်ဆိးအလီၢ်လီၤ.
၁၈ ကစၢၢ်ဖးထီတဖၣ်န့ၣ် မ့ၢ်ဝဲ မဲာ်တဲးလဲးမံၤတဖၣ် အတၢ်အိၣ်တၢ်ဆိးအလီၢ်+
၁၉ နတ့လီၤလါ ဒ်သိးကပာ်ပနီၣ် တၢ်ဆၢကတီၢ်အဂီၢ်
ဒီးမုၢ်သ့ၣ်ညါဝဲ ဂ့ၤဂ့ၤလၢ အကဘၣ်လီၤနုာ်လၢ အဆၢကတီၢ်ဖဲလဲၣ်န့ၣ်လီၤ.+
၂၀ နတ့လီၤ တၢ်ခံးသူဒီး အကဲထီၣ်ဝဲမုၢ်နၤခီ+
ဖဲဆၣ်ဖိကီၢ်ဖိအမံၤ ခဲလၢာ်လၢ ပှၢ်ကျါ ဟးဝ့ၤဝီၤ ဃုအီၣ်အဆၣ် အခါန့ၣ်လီၤ.
၂၂ ဖဲမုၢ်ဟဲထီၣ်အခါ
အဝဲသ့ၣ် က့ၤမံနီၤကဒါဝဲလၢ အပူၤလီၤ.
၂၃ ပှၤဟီၣ်ခိၣ်ဖိ လဲၤမၤအတၢ်မၤ
ဒီးမၤတၢ်တုၤလၢ မုၢ်ဟါလီၤ.
၂၄ အိ ယဟိဝၤယွၤဧၢ, တၢ်လၢ နမၤတ့ၢ်တဖၣ် အိၣ်အါမး+
ဒီးနတ့လီၤတၢ်ခဲလၢာ် ပှဲၤဒီးတၢ်ကူၣ်သ့+
ဒီးဟီၣ်ခိၣ်န့ၣ် ပှဲၤဝဲဒီး တၢ်လၢနတ့လီၤတဖၣ်လီၤ.
၂၅ လၢပီၣ်လဲၣ် ဖးဒိၣ်ဖးလဲၢ် အပူၤန့ၣ်
အိၣ်ဒီး တၢ်သးသမူလၢ အဒိၣ်မ့ၢ်ဂ့ၤ အဆံးမ့ၢ်ဂ့ၤ လၢပှၤဂံၢ်ထီၣ်အီၤ တလၢာ်ဘၣ်.+
၂၇ အဝဲသ့ၣ် ခဲလၢာ်သန့ၤအသးလၢနၤ
ဒ်သိးနကဟ့ၣ်အီၤ တၢ်အီၣ်တၢ်အီ ဘၣ်ဆၢဘၣ်ကတီၢ်လီၤ.+
၂၈ တၢ်လၢနဟ့ၣ်အဝဲသ့ၣ်န့ၣ် အဝဲသ့ၣ် ပာ်ဖှိၣ်ဝဲ+
ဒီးဖဲနအိးသလၣ်ထီၣ်နစုအခါ အဝဲသ့ၣ် ဒိးန့ၢ်ဘၣ်ဝဲ တၢ်လၢအဂ့ၤအါမးလီၤ.+
၂၉ ဖဲနပာ်သဒၢနမဲာ်အခါ အဝဲသ့ၣ် သးဘၣ်တံာ်တာ်လီၤ.
နမ့ၢ်ထုးကွံာ် အဝဲသ့ၣ် အတၢ်သါန့ၣ်* အဝဲသ့ၣ်ကသံဝဲ ဒီးကကဲထီၣ်ကဒါက့ၤ ဟီၣ်ခိၣ်ကမူၣ်လီၤ.+
၃၀ နမ့ၢ်ဆှၢလီၤ နသးစီဆှံန့ၣ် တၢ်သးသမူ ဘၣ်တၢ်တ့လီၤအီၤ+
ဒီးနဟ့ၣ်တၢ်မူအသီလၢ ဟီၣ်ခိၣ်လီၤ.
၃၁ ယဟိဝၤယွၤ အလၤအကပီၤန့ၣ် ကအိၣ်ဝဲဆိးဝဲ လီၤထူလီၤယိာ်လီၤ.
ယဟိဝၤယွၤ ကသးခုဝဲလၢ တၢ်လၢအမၤဝဲတဖၣ် အဖီခိၣ်လီၤ.+
၃၂ ဖဲနကွၢ်ဟီၣ်ခိၣ်အခါ ဟီၣ်ခိၣ် ကနိးကစုာ်,
ဖဲနထိးကစၢၢ်တဖၣ်အခါ ကစၢၢ်တဖၣ် ခုၣ်ထီၣ်ဝဲလီၤ.+
၃၄ မ်ယတၢ်ဆိကမိၣ်တဖၣ်န့ၣ် ဘၣ်နသးတက့ၢ်.
ယကသးခုလၢ ယဟိဝၤယွၤအပူၤလီၤ.
၃၅ ပှၤတၢ်ဒဲးဘးဖိတဖၣ် ကလီၤမၢ်ကွံာ်ဝဲလၢ ဟီၣ်ခိၣ်ချၢ
ဒီးပှၤအၢပှၤသီတဖၣ် တအိၣ်လၢၤဘၣ်.+
မ်ယစံးထီၣ်ပတြၢၤ ယဟိဝၤယွၤတက့ၢ်. ဟါလ့ၤလူယၤ.*
၃ မၤလၤကပီၤ အမံၤစီဆှံလၢ တၢ်ပာ်ကဖၢလၢသး အပူၤတက့ၢ်.+
ပှၤလၢအဃု ယဟိဝၤယွၤန့ၣ် မ်အသူၣ်ဖှံသးညီတက့ၢ်.+
၄ ဃုယဟိဝၤယွၤ+ ဒီးအတၢ်ဂံၢ်တၢ်ဘါ,
ကွၢ်တၢ်လၢအအိၣ် တထံၣ်ဃီတက့ၢ်.
၅ ယွၤအတၢ်မၤ လီၤလိၢ်လီၤလး လၢအမၤတ့ၢ်ဝဲတဖၣ်,
အတၢ်လီၤလးတဖၣ် ဒီးအတၢ်မၤလိာ်တဖၣ်လၢ အမၤလိာ်ဝဲန့ၣ် သုကဘၣ်နီၣ်ဘၣ်အီၤ,+
၆ သုဝဲလၢအမ့ၢ် အခ့အပှၤ စီၤအၤဘြၤဟၣ် အစၢၤအသွဲၣ်သ့ၣ်ဧၢ,+
စီၤယၤကိာ် အဖိအလံၤ, သုဝဲလၢ အဘၣ်တၢ်ဃုထၢထီၣ်အီၤသ့ၣ်ဧၢ.+
၇ အဝဲမ့ၢ် ပကစၢ် ယဟိဝၤယွၤလီၤ.+
အဝဲစံၣ်ညီၣ် ဟီၣ်ခိၣ်ဒီဘ့ၣ်ညါလီၤ.+
၈ အဝဲသ့ၣ်နီၣ်ထီၣ်က့ၤ အတၢ်အၢၣ်လီၤအီလီၤ လီၤထူလီၤယိာ်,+
အတၢ်အၢၣ်လီၤ လၢအမၤတ့ၢ်ဝဲ အစိၤစိၤအဃၣ်ဃၣ်,+
၉ တၢ်အၢၣ်လီၤအီလီၤလၢ အမၤတ့ၢ်ဝဲဒီး စီၤအၤဘြၤဟၣ်+
ဒီးအတၢ်အၢၣ်လီၤ လၢအအၢၣ်လီၤတ့ၢ်ဝဲ စီၤအံၤစဲးန့ၣ်လီၤ.+
၁၀ အဝဲပာ်ဂၢၢ်ပာ်ကျၢၤ တၢ်အၢၣ်လီၤအံၤဒီး စီၤယၤကိာ် ဒ်တၢ်သိၣ်တၢ်သီအသိး
ဒီးဒ်တၢ်အၢၣ်လီၤအီလီၤလၢ အဂၢၢ်အကျၢၤဒီး စီၤအံၣ်စရ့လး
၁၁ ဖဲအတဲဝဲလၢ “ယကဟ့ၣ်နၤလၢ ကီၢ်ကနၤဧၣ်+
ဒ်သုတၢ်န့ၢ်သါအသိး ခီဖျိတၢ်ဖးလီၤ.”+
၁၃ အဝဲသ့ၣ် လဲၤတၢ်လၢ ပှၤတကလုာ် ဆူအဂၤတကလုာ်,
လၢဘီမုၢ်တဘီမုၢ် ဆူဘီမုၢ်အဂၤ တဘီမုၢ်လီၤ.+
၁၄ အဝဲ တပျဲလၢ ပှၤတဂၤဂ့ၤ တဂၤဂ့ၤ ကဆီၣ်တံၢ်မၤနၢၤ အဝဲသ့ၣ်ဘၣ်,+
ဘၣ်ဆၣ် အဝဲသိၣ်ဃီၣ် စီၤပၤတဖၣ် လၢအဝဲသ့ၣ်အဃိ+
၁၅ ဒီးတဲဝဲလၢ “တဘၣ်ထိးဘူး ယပှၤဒိးဖှူသးတဖၣ်တဂ့ၤ.
ဒီးတဘၣ်မၤအၢ ယဝံတဖၣ် နီတမံၤတဂ့ၤ.”+
၁၆ အဝဲဒုးလီၤဘၣ် တၢ်သၣ်ဝံၤလီၤဒိ လၢကီၢ်ပူၤ+
ဒီးထုးကွံာ် အဝဲသ့ၣ် အတၢ်အီၣ်လီၤ.
၁၇ အဝဲဆှၢလီၤဆိ ပှၤပိာ်ခွါတဂၤလၢ အပှၤဂီၢ်မုၢ် အမဲာ်ညါ
လၢအမ့ၢ် စီၤယိၤသးလၢ အဘၣ်တၢ်ဆါလီၤအီၤ ဒ်ကုၢ်တဂၤအသိးလီၤ.+
၁၈ အဝဲသ့ၣ် စၢဃာ် စီၤယိၤသးအခီၣ် လၢထးသွဲတဖၣ်+
ဒီးကွီၤဃာ်အကိာ် လၢထးကွီၤ
၁၉ တုၤလီၤလၢ ကစၢ်ယွၤအကလုၢ်ကထါ လၢထီၣ်ပှဲၤထီၣ်ဝဲလီၤ.+
ယဟိဝၤယွၤ အတၢ်ကတိၤန့ၣ် မ့ၢ်တၢ်လၢ အပှံၢ်စီ စီၤယိၤသးလီၤ.
၂၀ ဒီးစီၤပၤ ဟ့ၣ်လီၤတၢ်ကလုၢ်လၢ ပှၤကပျဲဟးထီၣ်အီၤ,+
မ့ၢ်လီၤ, ပှၤကလုာ်တဖၣ် အခိၣ်အနၢ်တဂၤအံၤ မၤထူၣ်ဖျဲးထီၣ်အီၤလီၤ.
၂၁ အဝဲဒုးကဲထီၣ်အီၤလၢ ပှၤလၢအတီခိၣ်ရိၤမဲတၢ် လၢအနီပူၤ*
ဒီးပာ်အီၤလၢ ပှၤလၢအပၢဒီးကွၢ်ထွဲ အတၢ်စုလီၢ်ခီၣ်ခိၣ် ခဲလၢာ်လီၤ.+
၂၂ အဃိ အဝဲအိၣ်ဒီး တၢ်စိတၢ်ကမီၤလၢ စီၤပၤအပဒိၣ်ဖးဒိၣ်တဖၣ် အဖီခိၣ် လၢလၢပှဲၤပှဲၤ
ဒီးသိၣ်လိဝဲ စီၤပၤအပှၤသူၣ်က့သးပှၢ်တဖၣ်လၢ တၢ်ကူၣ်သ့လီၤ.+
၂၃ လၢခံ စီၤအံၣ်စရ့လး လဲၤဝဲလၢ ကီၢ်အဲၤကူပတူး+
ဒီးစီၤယၤကိာ် အိၣ်ဝဲဒ် ပှၤထံဂၤကီၢ်ဂၤဖိအသိး လၢစီၤဃၣ်အကီၢ်ပူၤလီၤ.
၂၄ ကစၢ်ယွၤ ဒုးသၣ်ထီၣ်အါထီၣ် အပှၤဂီၢ်မုၢ် ဒီဒူၣ်+
ဒီးမၤစၢၤဝဲဒ်သိး အဝဲသ့ၣ် ကဆူၣ်န့ၢ်ဒံး အဝဲသ့ၣ် အဒုၣ်အဒါတဖၣ်လီၤ.+
၂၅ ဒီးအဝဲပျဲဝဲလၢ ဒုၣ်ဒါတဖၣ်အံၤ ကသးဟ့ အပှၤဂီၢ်မုၢ်
ဒီးကူၣ်အၢ အခ့အပှၤတဖၣ်လီၤ.+
၂၈ အဝဲဒုးလီၤ တၢ်ခံးသူ ဒီးလၢကီၢ်ပူၤန့ၣ် တၢ်ခံးလီၤဝဲလီၤ.+
အဝဲသ့ၣ်* တထီဒါ ကစၢ်ယွၤ အတၢ်ကတိၤတဖၣ်ဘၣ်.
၂၉ အဝဲ ဒုးကဲထီၣ် အဝဲသ့ၣ်အထံ လၢတၢ်သွံၣ်
ဒီးမၤသံ အဝဲသ့ၣ်အညၣ်တဖၣ်လီၤ.+
၃၀ အဝဲသ့ၣ် အကီၢ်ပူၤန့ၣ် အိၣ်ပှဲၤဒီးဒ့ၣ်တဖၣ်+
တုၤဒၣ်လဲာ် စီၤပၤအဒၢးတဖၣ် ပှဲၤဝဲဒီး ဒ့ၣ်တဖၣ်လီၤ.
၃၁ ကစၢ်ယွၤ ဟ့ၣ်လီၤတၢ်ကလုၢ်လၢ ပကိာ်ဃၢ်တဖၣ်
ဒီးဃးသူတဖၣ် ကလဲၤနုာ်လီၤလၢ အဝဲသ့ၣ် အဟီၣ်ကဝီၤခဲလၢာ် အပူၤလီၤ.+
၃၂ ကစၢ်ယွၤ ဒုးလီၤသူၣ်
ဒီးမၤကပီၤထီၣ် လီဝၢ်ဒံး လၢအဝဲသ့ၣ် အကီၢ်ပူၤလီၤ.+
၃၃ ကစၢ်ယွၤ မၤဟးဂီၤ အဝဲသ့ၣ် အစပံးမုၢ် ဒီးချၢၣ်ဒၢထူၣ်တဖၣ်
ဒီးမၤကၢ်ကွံာ်ဝဲ သ့ၣ်တဖၣ်လၢ အအိၣ်လၢ အဝဲသ့ၣ် အဟီၣ်ကဝီၤလီၤ.
၃၄ ကစၢ်ယွၤ တဲဝဲလၢ ဒွဲၣ်တဖၣ် ကဘၣ်နုာ်လီၤ
ဒီးဒွဲၣ်ဖိတဖၣ်န့ၣ် ပှၤဂံၢ်အီၤတလၢာ်ဘၣ်.+
၃၅ ဒွဲၣ်တဖၣ်န့ၣ် အီၣ်ကွံာ်ဝဲ တၢ်မုၢ်တၢ်ဘိခဲလၢာ် လၢကီၢ်ပူၤ
ဒီးအဝဲသ့ၣ် အီၣ်ကွံာ်ဝဲ တၢ်လၢအမဲထီၣ်လၢ ဟီၣ်ခိၣ်လိၤလီၤ.
၃၆ ဝံၤဒီး ကစၢ်ယွၤ မၤသံကွံာ်ဝဲ ဖိဝဲၢ်ကိ ကိးဂၤဒဲး လၢအဝဲသ့ၣ် အကီၢ်ပူၤ+
လၢအမ့ၢ် ပှၤလၢအအိၣ်ဖျဲၣ်ထီၣ် အဆိကတၢၢ်တဖၣ်လီၤ.
၃၇ ကစၢ်ယွၤ ဒုးဟးထီၣ် အပှၤဂီၢ်မုၢ် ဒီးအဝဲသ့ၣ် စိာ်ဃုာ်ဒီး ထူဒီးစ့လီၤ.+
ဒီးလၢအဒူၣ်တဖၣ် အကျါန့ၣ် ပှၤလၢအဂံၢ်စၢ် တအိၣ်ဝဲ နီတဂၤဘၣ်.
၃၈ မ့ၢ်လၢပှၤအဲၤကူပတူးဖိ ပျံၤဝဲ ပှၤအံၣ်စရ့လးဖိအဃိ+
ဖဲပှၤအံၣ်စရ့လးဖိ ဟးထီၣ်ကွံာ်ဝဲအခါ ပှၤအဲၤကူပတူးဖိ သူၣ်ဖှံသးညီဝဲလီၤ.
၃၉ ကစၢ်ယွၤ သလၣ်ထီၣ် တၢ်အၢၣ် ဒ်သိးကပာ်သဒၢ အပှၤဂီၢ်မုၢ်+
ဒီးဟ့ၣ်လီၤ အဝဲသ့ၣ် မ့ၣ်အူလၢ မုၢ်နၤခီ ဒ်သိး ကမၤကပီၤထီၣ် တၢ်လၢမုၢ်နၤခီ အဂီၢ်လီၤ.+
၄၀ ဖဲအဝဲသ့ၣ် ဃ့အီၣ်တၢ်ညၣ်အခါ ကစၢ်ယွၤ ဒုးလီၤဝဲ ထိၣ်ပဝံလီၤ.+
ကစၢ်ယွၤ ဆဲးဒုးအီၣ်အဝဲသ့ၣ်လၢ ကိၣ်လၢမူခိၣ် ဘျဲဘျဲလီၤ.+
၄၂ ကစၢ်ယွၤ သ့ၣ်နီၣ်ထီၣ်က့ၤ တၢ်အၢၣ်လီၤစီဆှံ လၢအမၤဝဲဒီး အခ့အပှၤ စီၤအၤဘြၤဟၣ်လီၤ.+
၄၃ အဃိ ကစၢ်ယွၤ ဒုးဟးထီၣ် အပှၤဂီၢ်မုၢ်လီၤ.+
ပှၤဂီၢ်မုၢ်တဖၣ် သူၣ်ခုသးခု, ပှၤလၢဘၣ်တၢ်ဃုထၢထီၣ်အီၤတဖၣ် ကိးပသူထီၣ်လၢ တၢ်သူၣ်ဖှံသးညီအပူၤလီၤ.
၄၄ ကစၢ်ယွၤ ဟ့ၣ်အဝဲသ့ၣ်လၢ ပှၤကလုာ် အဟီၣ်ကဝီၤတဖၣ်+
ဒီးတၢ်လၢပှၤဂၤတဖၣ် ဘၣ်မၤဝဲဆူၣ်ဆူၣ် ဒ်သိးကန့ၢ်ဘၣ်အီၤအဂီၢ်န့ၣ် အဝဲသ့ၣ် န့ၢ်သါဘၣ်ဝဲ+
၄၅ ဒ်သိးအဝဲသ့ၣ် ကမၤထွဲ အတၢ်ဘျၢတဖၣ်+
ဒီးအိၣ်မူပိာ်ထွဲ အတၢ်သိၣ်တၢ်သီတဖၣ်အဂီၢ်လီၤ.
ဟါလ့ၤလူယၤ.*
၁၀၆ ဟါလ့ၤလူယၤ.*
ယဟိဝၤယွၤ မ့ၢ်ပှၤလၢအဂ့ၤအဃိ စံးဘျုးအီၤတက့ၢ်.+
အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်လီၤ.+
၂ မတဂၤ စံၣ်တဲၤတဲလီၤ ယဟိဝၤယွၤ အတၢ်မၤလၢ အဒိၣ်အမုၢ် ကသ့လၢလၢပှဲၤပှဲၤတဂၤလဲၣ်.
ဒီးမတဂၤ တဲဖျါထီၣ် ကစၢ်ယွၤ အတၢ်မၤလၢ အလီၤစံးပတြၢၤတဖၣ်ခဲလၢာ် ကသ့တဂၤလဲၣ်.+
၃ ပှၤလၢအမၤတၢ် တီတီလိၤလိၤ
ဒီးပှၤလၢ အမၤတၢ်လၢအဘၣ် ထီဘိန့ၣ် ကသးခုဝဲလီၤ.+
၄ အိ ယဟိဝၤယွၤဧၢ, ဖဲနပာ်ဖျါထီၣ် တၢ်သးကညီၤလၢ နပှၤဂီၢ်မုၢ် အဖီခိၣ်အခါ သ့ၣ်နီၣ်ထီၣ်က့ၤယၤတက့ၢ်.+
ကဟုကယာ်ယၤ ဒီးအုၣ်က့ၤခီၣ်က့ၤယၤတက့ၢ်.
၅ နမ့ၢ်မၤဒ်န့ၣ်န့ၣ် ယကန့ၢ်ဘၣ်ဃုာ် တၢ်ဂ့ၤတၢ်ဝါလၢ နပာ်ဖျါထီၣ်လၢ နပှၤဃုထၢဖိတဖၣ် အဖီခိၣ်,+
ယကသးခုဃုာ်ဒီး နပှၤတကလုာ်,
ယကပာ်ကဖၢလၢသးလၢနပူၤ ဒီးစံးထီၣ်ပတြၢၤနၤ ဃုာ်ဒီးပှၤလၢ နန့ၢ်သါဘၣ်အီၤတဖၣ်လီၤ.
၇ ပမိၢ်ပၢ်ဖံဖု လၢပျၢၤတဖၣ် လၢကီၢ်အဲၤကူပတူး အပူၤန့ၣ် အဝဲသ့ၣ် တပာ်လုၢ်ပာ်ပှ့ၤ* နတၢ်မၤလၢ အလီၤကမၢကမၣ်တဖၣ်ဘၣ်.
အဝဲသ့ၣ် တသ့ၣ်နီၣ်ထီၣ်က့ၤ နတၢ်အဲၣ်လၢအတီ လၢအအိၣ်ဝဲအါဒိၣ်မးန့ၣ်ဘၣ်.
လၢတၢ်န့ၣ်အလီၢ် အဝဲသ့ၣ် ထီဒါက့ၤနၤ ဖဲပီၣ်လဲၣ်ဂီၤလီၤ.+
၉ ကစၢ်ယွၤ သိၣ်ဃီၣ် ပီၣ်လဲၣ်ဂီၤ ဒီးပီၣ်လဲၣ်ဃ့ထီကွံာ်ဝဲ,
အဝဲဆှၢဝဲ အပှၤဂီၢ်မုၢ်လၢ ကခီဂာ်ပီၣ်လဲၣ်, လီၤဂာ်ဒ်သိးဒီး အဆှၢအဝဲသ့ၣ်လၢ ကခီဂာ်ဝဲ မဲးမုၢ်ခိၣ်လီၤ.*+
၁၀ ကစၢ်ယွၤ မၤပူၤဖျဲး အဝဲသ့ၣ်လၢ ပှၤလၢအသးဟ့ အဝဲသ့ၣ်တဖၣ် အစုပူၤ+
ဒီးအဝဲ ဟံးန့ၢ်က့ၤ အဝဲသ့ၣ်လၢ ဒုၣ်ဒါအစုပူၤလီၤ.+
၁၁ ထံကျၢၢ်ဘၢကွံာ် အဝဲသ့ၣ် အဒုၣ်အဒါတဖၣ်
ဒီးအဒုၣ်အဒါတဂၤမး တပူၤဖျဲးဘၣ်.+
၁၂ ဖဲန့ၣ်အခါ အဝဲသ့ၣ် နာ်န့ၢ်ဝဲ ကစၢ်ယွၤ အတၢ်အၢၣ်လီၤ+
ဒီးအဝဲသ့ၣ် စးထီၣ်သးဝံၣ် စံးထီၣ်ပတြၢၤ ကစၢ်ယွၤလီၤ.+
၁၃ ဘၣ်ဆၣ် တၢ်လၢကစၢ်ယွၤမၤဝဲန့ၣ် အဝဲသ့ၣ် သးပ့ၤနီၣ်ဝဲချ့မး+
ဒီးတအိၣ်ခိး အတၢ်ဟံးစုနဲၣ်ကျဲဘၣ်.
၁၄ လၢပှၢ်မုၢ်ကနၢပူၤန့ၣ် အဝဲသ့ၣ် ပှဲၤဝဲဒီး တၢ်သူၣ်လီသးကွံ+
ဒီးမၤကွၢ် ကစၢ်ယွၤလၢ မဲးမုၢ်ခိၣ်လီၤ.+
၁၅ ကစၢ်ယွၤဟ့ၣ်လီၤ အဝဲသ့ၣ် တၢ်လၢ အဝဲသ့ၣ် ဃ့ဝဲတဖၣ်လီၤ.
ဘၣ်ဆၣ် လၢခံ ကစၢ်ယွၤ ဒုးလီၤဘၣ် တၢ်ဆါလၢအအၢ လၢအဝဲသ့ၣ်အဖီခိၣ် ဒီးလၢတၢ်ဆါန့ၣ်အဃိ အဝဲသ့ၣ် အဂံၢ်အဘါ ဒံးယံာ်ဒံးစၢ်လီၤဝဲလီၤ.+
၁၆ လၢဒဲကဝီၤပူၤန့ၣ် အဝဲသ့ၣ် သးက့ၣ် စီၤမိၤၡ့
ဒီးအဝဲသ့ၣ် သးက့ၣ်စ့ၢ်ကီး စီၤအၤဟရိၣ်+ လၢအမ့ၢ် ယဟိဝၤယွၤ အပှၤစီဆှံလီၤ.+
၁၇ ဖဲန့ၣ်န့ၣ် ဟီၣ်ခိၣ် အိးထီၣ်အသး ဒီးယုၢ်လီၤကွံာ်ဝဲ စီၤဒၤသၣ်
ဒီးကးဘၢကွံာ်ဝဲ ပှၤလၢအအိၣ်ဒီး စီၤအဘံရၣ်လီၤ.+
၁၈ မ့ၣ်အူ အီၣ်ကွံာ်ဝဲ ပှၤလၢအအိၣ်လၢ အဝဲသ့ၣ် အကရူၢ်ကျါ,
မ့ၣ်အူလၣ် အီၣ်ကွံာ်ဝဲ ပှၤအၢပှၤသီလီၤ.+
၁၉ အဝဲသ့ၣ် တ့ထီၣ်ဝဲ ကျီၢ်ဖိအဂီၤတဒု ဖဲဃိၤရ့း
ဒီးအဝဲသ့ၣ်ဘါဝဲ တၢ်ဂီၤတၢ်ဖှီၣ်တဒုန့ၣ်လီၤ.+
၂၀ အဝဲသ့ၣ်ခီလဲ ကစၢ်ယွၤ အလၤကပီၤဒီး
ကျီၢ်ဖါလၢ အအီၣ်နီၣ်တဒု အဂီၤလီၤ.+
၂၁ အဝဲသ့ၣ် သးပ့ၤနီၣ်ကွံာ်ဝဲ ကစၢ်ယွၤလၢ+ အအုၣ်က့ၤခီၣ်က့ၤအဝဲသ့ၣ်,
ကစၢ်ယွၤလၢ အမၤတၢ် အဒိၣ်အမုၢ်လၢ ကီၢ်အဲၤကူပတူးအပူၤ,+
၂၂ ကစၢ်ယွၤလၢ အမၤတၢ်လီၤလိၢ်လီၤလး လၢစီၤဃၣ်အကီၢ်ပူၤ+
ဒီးမၤတၢ်လၢ အလီၤကမၢကမၣ်တဖၣ် လၢပီၣ်လဲၣ်ဂီၤလီၤ.+
၂၃ ကစၢ်ယွၤ ဘူးကဟ့ၣ်လီၤ တၢ်ကလုၢ်လၢ တၢ်ကမၤဟးဂီၤကွံာ် အဝဲသ့ၣ်
ဘၣ်ဆၣ် ကစၢ်ယွၤ အပှၤဃုထၢတဂၤ လၢအမ့ၢ် စီၤမိၤၡ့န့ၣ် နုာ်လီၤလၢ တၢ်ဘၢၣ်စၢၤ
ဒီးဃ့ကညးကစၢ်ယွၤ ဒ်သိးအတၢ်သးထီၣ်လၢ ကမၤဟးဂီၤ အဝဲသ့ၣ်န့ၣ် ကခုၣ်လီၤ အဂီၢ်လီၤ.+
၂၆ အဃိ ကစၢ်ယွၤ ယူာ်ထီၣ်အစု ဒီးအၢၣ်လီၤဝဲလၢ
အကမၤဝဲဒ်သိး အဝဲသ့ၣ် ကတုၤလၢ တၢ်ဟးဂီၤလၢ ပှၢ်မုၢ်ကနၢပူၤ,+
၂၇ ကမၤလီၤပြံလီၤပြါ အဝဲသ့ၣ် အစၢၤအသွဲၣ်တဖၣ်လၢ ပှၤကလုာ်တဖၣ်အကျါ
ဒီးအဝဲသ့ၣ် ကသံလၢ ထံဂၤကီၢ်ဂၤအပူၤလီၤ.+
၂၈ လၢခံ အဝဲသ့ၣ် ပၣ်ဃုာ်လၢ တၢ်ဘူၣ်ထီၣ်ဘါထီၣ် ဘဧၤလးပဧိၢ်အကျါ+
ဒီးအဝဲသ့ၣ် အီၣ်ဝဲ တၢ်လုၢ်လၢ ပှၤလုၢ်ထီၣ်ဝဲလၢ ပှၤသံအအိၣ်လီၤ.*
၂၉ အဝဲသ့ၣ် မၤသးထီၣ် ကစၢ်ယွၤ ခီဖျိလၢ တၢ်လၢအဝဲသ့ၣ် မၤဝဲတဖၣ်အဃိ+
ဒီးတၢ်ဆါသံသတြိာ် လီၤဘၣ်လၢအဝဲသ့ၣ်အကျါလီၤ.+
၃၀ ဘၣ်ဆၣ် စီၤဖံၤနဃၣ် မၤဘၣ်ဂီၢ်က့ၤတၢ်
ဒီးတၢ်ဆါသံသတြိာ်န့ၣ် ပတုာ်ဝဲလီၤ.+
၃၁ တၢ်လၢ စီၤဖံၤနဃၣ် မၤဝဲန့ၣ် ကစၢ်ယွၤ ပာ်ပနီၣ်ဝဲဒ် တၢ်တီတၢ်လိၤအသိး
အစိၤစိၤအဃၣ်ဃၣ်လီၤ.+
၃၆ အဝဲသ့ၣ် ဆဲးဘူၣ်ထီၣ်ဘါထီၣ်ဝဲ ပှၤကလုာ်တဖၣ် အတၢ်ဂီၤတၢ်ဖှီၣ်+
ဒီးတၢ်ဂီၤတၢ်ဖှီၣ်တဖၣ်န့ၣ် ကဲထီၣ် ပျံၤသကွီၤလၢ အဝဲသ့ၣ်အဂီၢ်လီၤ.+
၃၇ အဝဲသ့ၣ် ဟ့ၣ်လုၢ်ထီၣ်ဝဲ အဖိမုၣ်ဖိခွါတဖၣ်
လၢတၢ်ဝံတၢ်နါတဖၣ် အအိၣ်လီၤ.+
၃၈ အဝဲသ့ၣ် လူလီၤ ပှၤလၢအတၢ်ကမၣ်တအိၣ်ဘၣ်တဖၣ် အသွံၣ်,+
မ့ၢ်ဒၣ်အနီၢ်ကစၢ် အဖိမုၣ်ဖိခွါတဖၣ် အသွံၣ်လၢ
အဝဲသ့ၣ် ဟ့ၣ်လုၢ်ထီၣ်ဝဲလၢ ကီၢ်ကနၤဧၣ် အတၢ်ဂီၤတၢ်ဖှီၣ်တဖၣ် အအိၣ်လီၤ.+
ခီဖျိလၢ တၢ်လူလီၤတၢ်သွံၣ် ဒ်အံၤအဃိ ထံကီၢ်ဘၣ်အၢဝဲလီၤ.
၃၉ ခီဖျိလၢ တၢ်လၢအဝဲသ့ၣ် မၤဝဲအဃိ အဝဲသ့ၣ် တကဆှီလၢၤဘၣ်.
ဒီးခီဖျိလၢ တၢ်လၢအဝဲသ့ၣ် မၤဝဲအဃိ အဝဲသ့ၣ် တတီဒီး ကစၢ်ယွၤလၢၤဘၣ်.*+
၄၀ အဃိ ယဟိဝၤယွၤ အတၢ်သးထီၣ် ကဲၤထီၣ်ဘၣ် အပှၤဂီၢ်မုၢ်
ဒီးအဝဲ သးဘၣ်အၢဝဲ အတၢ်န့ၢ်သါလီၤ.
၄၁ ဒီးကစၢ်ယွၤ ဟ့ၣ်လီၤကွံာ် အဝဲသ့ၣ်လၢ ပှၤကလုာ်တဖၣ် အစုပူၤ တဘျီဝံၤတဘျီ+
ဒ်သိး ပှၤလၢအသးဟ့ အဝဲသ့ၣ်တဖၣ် ကပၢအဝဲသ့ၣ် အဂီၢ်လီၤ.+
၄၂ အဝဲသ့ၣ် အဒုၣ်အဒါတဖၣ် ဆီၣ်တံၢ်မၤနၢၤ အဝဲသ့ၣ်
ဒီးအဝဲသ့ၣ် ဘၣ်အိၣ်လၢ အဒုၣ်အဒါတဖၣ် အတၢ်စိတၢ်ကမီၤ အဖီလာ်လီၤ.
အဃိ အဝဲသ့ၣ် ဒိးန့ၢ်ဘၣ်တၢ်မဲာ်ဆှးလၢ အတၢ်ကမၣ် အဃိလီၤ.+
၄၅ ကစၢ်ယွၤ သ့ၣ်နီၣ်ထီၣ်က့ၤ အတၢ်အၢၣ်လီၤအီလီၤလၢ အဝဲသ့ၣ်အဂီၢ်
ဒီးခီဖျိလၢ အတၢ်အဲၣ် ဒိၣ်ဒိၣ်မုၢ်မုၢ် ထိၣ်ဟူးထိၣ်ဂဲၤထီၣ်အီၤအဃိ အဝဲသးကညီၤက့ၤတၢ်လီၤ.+
၄၆ ကစၢ်ယွၤ မၤဝဲဒ်သိး ပှၤခဲလၢာ် လၢအက့ၤဖီၣ် အဝဲသ့ၣ်န့ၣ်+
ကသးကညီၤက့ၤ အဝဲသ့ၣ် အဂီၢ်လီၤ.
၄၇ အိ ပကစၢ် ယဟိဝၤယွၤဧၢ, မၤပူၤဖျဲးပှၤလၢ+
ပှၤကလုာ်တဖၣ် အစုပူၤ ဒီးကိးဖှိၣ်က့ၤပှၤ+
ဒ်သိး ပကစံးဘျုး နမံၤစီဆှံ
ဒီးစံးထီၣ်ပတြၢၤနၤလၢ တၢ်သးခုအပူၤ ကသ့အဂီၢ်တက့ၢ်.+
၄၈ မ်အံၣ်စရ့လး အကစၢ်ယဟိဝၤယွၤ ဘၣ်တၢ်စံးထီၣ်ပတြၢၤအီၤ
အစိၤစိၤအဃၣ်ဃၣ်တက့ၢ်.+
ဒီးမ်ပှၤဂီၢ်မုၢ် ခဲလၢာ်တဲ “အၤမ့ၣ်.”*
ဟါလ့ၤလူယၤ.*
လံာ်ယဲၢ်ဘ့ၣ်တဘ့ၣ်
(စံးထီၣ်ပတြၢၤ ၁၀၇-၁၅၀)
၁၀၇ ယဟိဝၤယွၤ မ့ၢ်ပှၤအဂ့ၤအဃိ စံးဘျုးအီၤတက့ၢ်.+
အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်လီၤ.+
၂ မ်ပှၤလၢယဟိဝၤယွၤ မၤပူၤဖျဲးဝဲတဖၣ်န့ၣ် တဲဝဲဒ်န့ၣ်တက့ၢ်.
ကစၢ်ယွၤ ပှ့ၤက့ၤ အဝဲသ့ၣ်လၢ ဒုၣ်ဒါအစုပူၤလီၤ.+
၃ အဝဲသ့ၣ် အိၣ်လၢ ကီၢ်တဖၣ်အပူၤ
လၢမုၢ်ထီၣ်မ့ၢ်ဂ့ၤ, လၢမုၢ်နုာ်မ့ၢ်ဂ့ၤ
လၢကလံၤစိးမ့ၢ်ဂ့ၤ, လၢကလံၤထံးမ့ၢ်ဂ့ၤ+ ကစၢ်ယွၤ ကိးဖှိၣ်က့ၤဝဲလီၤ.+
၄ အဝဲသ့ၣ် ဟးဝ့ၤဝီၤဝဲလၢ ပှၢ်မုၢ်ကနၢပူၤ လၢမဲးမုၢ်ခိၣ်
ဒီးအဝဲသ့ၣ်ဃုဝဲ ဝ့ၢ်လၢအကအိၣ်ဝဲအဂီၢ် တဘၣ်ဘၣ်.
၅ အဝဲသ့ၣ် ဘၣ်သးအီၣ်တၢ် ဒီးဘၣ်သးအီထံလီၤ.
အဝဲသ့ၣ် လီၤဘှံးလီၤဘှါ ဘူးထီၣ်လၢ ကသးပ့ၤနီၣ်သးညါ.
၆ ဖဲအဝဲသ့ၣ် ဘၣ်နးဘၣ်ဖှီၣ်အခါ အဝဲသ့ၣ် ကိးပသူထီၣ်လၢ ယဟိဝၤယွၤအအိၣ် ခဲအံၤခဲအံၤလီၤ.+
ဒီးကစၢ်ယွၤ မၤပူၤဖျဲး အဝဲသ့ၣ်လၢ တၢ်နးတၢ်ဖှီၣ်အပူၤလီၤ.+
၈ ခီဖျိလၢ ယဟိဝၤယွၤ+ အတၢ်အဲၣ်လၢအတီ
ဒီးအဝဲမၤတၢ်လၢ အလီၤလိၢ်လီၤလးတဖၣ် လၢပှၤဟီၣ်ခိၣ်ဖိ အဂီၢ်အဃိ မ်ပှၤဂီၢ်မုၢ် စံးဘျုးအီၤတက့ၢ်.+
၉ ပှၤလၢ အဘၣ်သးအီထံတဖၣ်န့ၣ် အဝဲဒုးအီဝဲဘျဲဘျဲ
ဒီးအဝဲဒုးအီၣ် ပှၤလၢအလီၤဘဲတဖၣ်လၢ တၢ်လၢအဂ့ၤတဖၣ်လီၤ.+
၁၀ အဝဲသ့ၣ်တနီၤ ဘၣ်အိၣ်လၢ တၢ်ခံးသူကျါ
ဒီးကဲဝဲ ပှၤဃိာ်ဖိတဖၣ်လၢ အဘၣ်တၢ်စၢဃာ်အီၤ လၢထးသွဲတဖၣ်,
၁၁ မ့ၢ်လၢ အဝဲသ့ၣ် ထီဒါက့ၤ ကစၢ်ယွၤ အတၢ်ကတိၤ
ဒီးအဝဲသ့ၣ် တပာ်ကဲ တၢ်ထီကတၢၢ်တဂၤ အတၢ်ဟ့ၣ်ကူၣ်ဘၣ်အဃိလီၤ.+
၁၂ အဃိ ကစၢ်ယွၤ ပျဲတၢ်ကီတၢ်ခဲ ဘၣ်အဝဲသ့ၣ် ဒ်သိးအဝဲသ့ၣ် ကဆီၣ်လီၤအသးအဂီၢ်+
ဒီးအဝဲသ့ၣ် လီၤဃံၢ်ဒီး ပှၤလၢကမၤစၢၤအဝဲသ့ၣ် တအိၣ်နီတဂၤဘၣ်.
၁၃ ဖဲအဝဲသ့ၣ် ဘၣ်နးဘၣ်ဖှီၣ်အခါ အဝဲသ့ၣ် ကိးထီၣ် ယဟိဝၤယွၤ လၢတၢ်မၤစၢၤအဂီၢ်လီၤ.
ဒီးကစၢ်ယွၤ မၤပူၤဖျဲး အဝဲသ့ၣ်လၢ တၢ်နးတၢ်ဖှီၣ်အပူၤလီၤ.
၁၄ ကစၢ်ယွၤ ထုးထီၣ်ကွံာ် အဝဲသ့ၣ်လၢ တၢ်ခံးသူကျါ
ဒီးမၤတဲာ်ကွံာ် ထးသွဲလၢ အစၢဃာ်အဝဲသ့ၣ်လီၤ.+
၁၅ ခီဖျိလၢ ယဟိဝၤယွၤ အတၢ်အဲၣ်လၢအတီ+
ဒီးအဝဲမၤတၢ်လၢ အလီၤလိၢ်လီၤလးတဖၣ် လၢပှၤဟီၣ်ခိၣ်ဖိ အဂီၢ်အဃိ မ်ပှၤဂီၢ်မုၢ် စံးဘျုးအီၤတက့ၢ်.
၁၆ ကစၢ်ယွၤ မၤဟးဂီၤကွံာ် တြဲၤတိၢ်ဘီတဖၣ်
ဒီးဒီၣ်တဲာ်ကွံာ် တြဲၤအဘိထးတဖၣ်လီၤ.+
၁၈ အဝဲသ့ၣ် တဘၣ်သးအီၣ်တၢ် နီတမံၤလၢၤဘၣ်.
ဒီးအဝဲသ့ၣ် ဘူးထီၣ်ဒီး တၢ်သံအတြဲၤလီၤ.
၁၉ ဖဲအဝဲသ့ၣ် ဘၣ်နးဘၣ်ဖှီၣ်အခါ အဝဲသ့ၣ် ကိးထီၣ် ယဟိဝၤယွၤ လၢတၢ်မၤစၢၤအဂီၢ်လီၤ.
ဒီးကစၢ်ယွၤ မၤပူၤဖျဲး အဝဲသ့ၣ်လၢ တၢ်နးတၢ်ဖှီၣ်အပူၤလီၤ.
၂၀ ကစၢ်ယွၤ ဟ့ၣ်လီၤ တၢ်ကလုၢ်လၢ အဝဲသ့ၣ် ကဘျါက့ၤအဂီၢ်+
ဒီးမၤပူၤဖျဲးအဝဲသ့ၣ်လၢ တၢ်ပူၤတဖၣ် လၢအဝဲသ့ၣ် အိၣ်ကတာ်န့ၣ်လီၤ.
၂၁ ခီဖျိလၢ ယဟိဝၤယွၤ အတၢ်အဲၣ်လၢအတီ
ဒီးအဝဲမၤတၢ်လၢ အလီၤလိၢ်လီၤလးတဖၣ် လၢပှၤဟီၣ်ခိၣ်ဖိ အဂီၢ်အဃိ မ်ပှၤဂီၢ်မုၢ် စံးဘျုးအီၤတက့ၢ်.
၂၂ မ်အဝဲသ့ၣ် လုၢ်ထီၣ် တၢ်စံးဘျုးစံးဖှိၣ် အတၢ်လုၢ်တဖၣ်+
ဒီးမ်အဝဲသ့ၣ် တဲဖျါထီၣ် ကစၢ်ယွၤ အတၢ်မၤတဖၣ်လၢ တၢ်သးခု အပူၤတက့ၢ်.
၂၃ ပှၤဒိးကဘီလၢ အလဲၤတၢ်က့ၤတၢ်လၢ ပီၣ်လဲၣ်ပူၤ
ဒီးလဲၤခီဖျိ ပီၣ်လဲၣ် ဒ်သိး ကမၤပနံာ်တၢ်ကၤ အဂီၢ်န့ၣ်+
၂၄ အဝဲသ့ၣ် ထံၣ်ဘၣ်ဝဲတၢ်လၢ ယဟိဝၤယွၤ မၤတ့ၢ်ဝဲတဖၣ်
ဒီးအတၢ်မၤ လီၤလိၢ်လီၤလးတဖၣ် လၢပီၣ်လဲၣ်ပူၤလီၤ.+
၂၅ ဖဲန့ၣ်န့ၣ် ခီဖျိလၢ ကစၢ်ယွၤ အကလုၢ်အဃိ ကလံၤမုၢ်ဟဲထီၣ်ဝဲ+
ဒီးမၤဒိၣ်ထီၣ် ပီၣ်လဲၣ်အလပီတဖၣ်လီၤ.
၂၆ လပီတဖၣ် ဆီၣ်ထီၣ် ပှၤဒိးကဘီဖိတဖၣ်လၢ တၢ်ဖးဖီ
ဝံၤဒီးဆီၣ်လီၤ အဝဲသ့ၣ်လၢ ပီၣ်လဲၣ်အခၢၣ်သးလီၤ.
ခီဖျိလၢ တၢ်ဘၣ်ယိၣ်အလီၢ် အိၣ်ဒ်အံၤအဃိ အဝဲသ့ၣ် အတၢ်သးဒူ လီၤမၢ်ကွံာ်ဝဲလီၤ.
၂၇ အဝဲသ့ၣ် ဟးကနူၤကပၤ ဒီးဟးဝဲတဂၢၢ်တကျၢၤ ဒ်သိးဒီး ပှၤမူၤသံး
ဒီးအဝဲသ့ၣ် အတၢ်သ့တၢ်ဘၣ် ဘၣ်ဃးဒီး တၢ်နီကဘီန့ၣ် အဘျုးတအိၣ်လၢၤဘၣ်.+
၂၈ ဒီးဖဲအဝဲသ့ၣ် ဘၣ်နးဘၣ်ဖှီၣ်အခါ အဝဲသ့ၣ် ကိးပသူထီၣ်လၢ ယဟိဝၤယွၤအအိၣ်လီၤ.+
ဒီးကစၢ်ယွၤ မၤပူၤဖျဲး အဝဲသ့ၣ်လၢ တၢ်နးတၢ်ဖှီၣ်အပူၤလီၤ.
၂၉ ကစၢ်ယွၤ မၤဂၢၢ်က့ၤ ကလံၤမုၢ်
ဒီးပီၣ်လဲၣ် အလပီတဖၣ် အိၣ်ဂၢၢ်က့ၤဝဲလီၤ.+
၃၀ ဖဲလပီတဖၣ် အိၣ်ဂၢၢ်က့ၤအခါ အဝဲသ့ၣ် သးခုဒိၣ်မး
ဒီးကစၢ်ယွၤ ဆှၢအဝဲသ့ၣ်လၢ ကဘီသန့လၢ အဝဲသ့ၣ် အဲၣ်ဒိးလဲၤဝဲလီၤ.
၃၁ ခီဖျိလၢ ယဟိဝၤယွၤ အတၢ်အဲၣ်လၢအတီ
ဒီးအဝဲမၤတၢ်လၢ အလီၤလိၢ်လီၤလးတဖၣ် လၢပှၤဟီၣ်ခိၣ်ဖိ အဂီၢ်အဃိ မ်ပှၤဂီၢ်မုၢ် စံးဘျုးအီၤတက့ၢ်.+
၃၂ မ်အဝဲသ့ၣ် ပာ်ထီၣ်ထီအီၤလၢ ပှၤဂီၢ်မုၢ် အတၢ်အိၣ်ဖှိၣ်အပူၤ+
ဒီးမ်အဝဲသ့ၣ် စံးထီၣ်ပတြၢၤအီၤလၢ ပှၤသူၣ်က့သးပှၢ်တဖၣ် အတၢ်အိၣ်ဖှိၣ် အပူၤတက့ၢ်.
၃၃ ကစၢ်ယွၤ ဒုးကဲထီၣ် ထံကျိတဖၣ်လၢ မဲးမုၢ်ပျီ
ဒီးဒုးကဲထီၣ် ထံထီၣ်ပၢၢ်တဖၣ်လၢ တၢ်လီၢ်ဃ့ထီ+
၃၄ ဒီးခီဖျိလၢ ပှၤလၢအအိၣ်လၢ ကီၢ်ပူၤတဖၣ် အတၢ်အၢတၢ်သီအဃိ
ကီၢ်လၢအမဲထီၣ်သၣ်ထီၣ်တဘ့ၣ်န့ၣ် အဝဲဒုးကဲထီၣ်ဝဲလၢ ကီၢ်လၢအတမဲထီၣ်သၣ်ထီၣ်ဘၣ် တဘ့ၣ်လီၤ.+
၃၆ ကစၢ်ယွၤ မၤဝဲဒ်သိး ပှၤလၢအလီၤဘဲတဖၣ် ကအိၣ်ဝဲဖဲန့ၣ်+
ဒ်သိး အဝဲသ့ၣ် သူၣ်ထီၣ်ဝ့ၢ်လၢ အဝဲသ့ၣ် အိၣ်ဝဲကသ့အဂီၢ်လီၤ.+
၃၈ ကစၢ်ယွၤ ဆိၣ်ဂ့ၤအဝဲသ့ၣ် ဒီးအဝဲသ့ၣ် အါထီၣ်အါမးလီၤ.
ဒီးကစၢ်ယွၤတပျဲလၢ အဝဲသ့ၣ် အကျီၢ်တဖၣ် ကလီၤစှၤဘၣ်.+
၃၉ ဘၣ်ဆၣ် ခီဖျိလၢ တၢ်ဆီၣ်တံၢ်မၤနၢၤ, တၢ်နးတၢ်ဖှီၣ် ဒီးတၢ်သးအုးအဃိ
အဝဲသ့ၣ် အနီၣ်ဂံၢ်စှၤလီၤက့ၤ ဒီးအဝဲသ့ၣ် ဘၣ်တၢ်မၤမဲာ်ဆှးအီၤလီၤ.
၄၀ ကစၢ်ယွၤ ဆိကမိၣ်ဆံးဝဲ ပှၤဒိၣ်ပှၤပှၢ်တဖၣ်
ဒီးဒုးဟးဝ့ၤဝီၤ အဝဲသ့ၣ်လၢ ပှၢ်မုၢ်ကနၢ လၢကျဲတအိၣ်ဘၣ် အပူၤလီၤ.+
၄၁ ဘၣ်ဆၣ် ကစၢ်ယွၤ ဒီသဒၢဝဲ ပှၤဖှီၣ်ဖိယာ်ဖိ ဒ်သိးအသုတဘၣ် တၢ်ဆီၣ်တံၢ်မၤနၢၤအီၤတဂ့ၤ+
ဒီးအဝဲမၤအါထီၣ် အဝဲသ့ၣ် အဟံၣ်ဖိဃီဖိအါမး ဒ်သိတဖုအသိးလီၤ.
၄၂ ပှၤသူၣ်ဘျၢသးဘျၢတဖၣ် ထံၣ်ဝဲဒီး သူၣ်ဖှံသးညီဝဲလီၤ.+
မ့မ့ၢ် ပှၤတတီတလိၤဘၣ်တဖၣ်န့ၣ် တဲတၢ်တဘၣ် နီတမံၤလၢၤဘၣ်.+
၄၃ ပှၤလၢအအိၣ်ဒီးတၢ်ကူၣ်သ့န့ၣ် ကကွၢ်ဝဲ တၢ်မၤအသးတဖၣ်န့ၣ်+
ဒီးယဟိဝၤယွၤ အတၢ်မၤလၢ အမၤဝဲခီဖျိလၢ အတၢ်အဲၣ်လၢအတီအဃိန့ၣ် အဝဲသ့ၣ် ကဆိကမိၣ်ထံဝဲ လီၤတံၢ်လီၤဆဲးလီၤ.+
တၢ်သးဝံၣ်. စီၤဒၤဝံးအထါ.
၁၀၈ အိ ကစၢ်ယွၤဧၢ, ယသးတီဒီးနၤလီၤ.
ယကသးဝံၣ် စံးထီၣ်ပတြၢၤနၤ လၢယသးဒီဖျၢၣ်လီၤ.+
၂ ယကပၢၢ်ထီၣ်ဂီၤဂီၤ
ဒီးယအဲၣ်ဒိးဒ့တနၢ်ဒီး တၢ်ဒ့တၢ်အူအဂၤတဖၣ်လီၤ.+
၃ အိ ယဟိဝၤယွၤဧၢ, ယကစံးထီၣ်ပတြၢၤနၤလၢ ပှၤဂီၢ်မုၢ်အကျါ
ဒီးယကသးဝံၣ် စံးထီၣ်ပတြၢၤနၤလၢ ပှၤကလုာ်တဖၣ်အကျါလီၤ.
၄ နတၢ်အဲၣ်လၢအတီန့ၣ် ဒိၣ်ဝဲဒိၣ်မး ဒီးထီၣ်ဝဲတုၤလၢ မူခိၣ်လီၤ.+
ဒီးနသးတီထီဘိလီၤ.*
၅ အိ ကစၢ်ယွၤဧၢ, မ်နဘၣ်တၢ်ပာ်ထီၣ်ထီနၤလၢ မူခိၣ်အဖီခိၣ်တက့ၢ်.
ဒီးမ်နလၤကပီၤ အိၣ်လၢဟီၣ်ခိၣ် ဒီဘ့ၣ်ညါအဖီခိၣ်တက့ၢ်.+
၆ ဒ်သိး ပှၤလၢနအဲၣ်အီၤတဖၣ်န့ၣ် ကပူၤဖျဲးအဂီၢ်
အုၣ်က့ၤခီၣ်က့ၤပှၤ လၢနစုထွဲ ဒီးစံးဆၢယၤတက့ၢ်.+
၇ ကစၢ်ယွၤ လၢအစီဆှံန့ၣ် တဲဝဲဒ်အံၤ,
“လၢတၢ်သူၣ်ခုသးခုအပူၤ ယကဟ့ၣ်နီၤလီၤ ယပှၤဂီၢ်မုၢ်လၢ ၡက့ၣ်အတၢ်လီၢ်+ ဒ်တၢ်န့ၢ်သါအသိး
ဒီးယကထိၣ်လီၤဒွးလီၤ စူးကိၤသး အတၢ်တြီၤလီၤ.+
၈ ကံးလဧးအဟီၣ်ကဝီၤ+ ကဲယတၢ် ဒီးမနၤၡ့ၤအဒူၣ် ကဲယတၢ်,
အ့ဖရဲၣ်အဒူၣ် မ့ၢ်ယခိၣ်ဖျီၣ်ထး+
ဒီးယူဒၤအဒူၣ် မ့ၢ်ခိၣ်နၢ်အနီၣ်ထိးဘိလၢ ယဂီၢ်လီၤ.+
၉ ကီၢ်မိၤအး မ့ၢ်ယသပၢၤလၢ တၢ်သ့ဃၢၤတၢ်အဂီၢ်လီၤ.+
ယကကွံာ် ယခီၣ်ဖံးလၢ ကီၢ်အဒိၣ် အဖီခိၣ်+
ဒီးယကကိးပသူထီၣ်လၢ တၢ်သးခုအပူၤ မ့ၢ်လၢယမၤနၢၤ ပှၤဖလ့ၡသးဖိအဃိလီၤ.”+
၁၀ မတဂၤကလဲၤဆှၢယၤလၢ ဝ့ၢ်လၢအအိၣ်ဒီး အဒူၣ်လၢအကျၢၤလဲၣ်.
မတဂၤကလဲၤဆှၢယၤ ဒ်သိးယကမၤနၢၤ ကီၢ်အဒိၣ်န့ၣ်လဲၣ်.+
၁၁ အိ ကစၢ်ယွၤဧၢ, ပှၤလၢ အကလဲၤဆှၢပှၤဖဲန့ၣ်န့ၣ် အကဲနၤ သပှၢ်ကတၢၢ်လီၤ.
ဘၣ်ဆၣ် ကစၢ်ယွၤဧၢ, ခဲအံၤ နပာ်တ့ၢ်ကွံာ်ပှၤလံ ဒီးနတလဲၤဃုာ်တၢ်ဒီး ပသုးမုၢ်သံၣ်ဘိလၢၤဘၣ်.+
၁၂ တၢ်အုၣ်က့ၤခီၣ်က့ၤလၢ အဟဲခီဖျိလၢ ပှၤဟီၣ်ခိၣ်ဖိန့ၣ် အဘျုးတအိၣ်ဘၣ်+
အဃိ ဖဲပဘၣ်ကိၢ်ဘၣ်ဂီၤအခါ မၤစၢၤပှၤတက့ၢ်.+
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၁၀၉ အိ ကစၢ်ယွၤလၢ ယစံးထီၣ်ပတြၢၤအီၤ+ တဂၤဧၢ, တဘၣ်အိၣ်ဘှ့ၣ်တဂ့ၤ.
၂ ပှၤအၢပှၤသီ ဒီးပှၤလီတၢ်တဖၣ် တဲတၢ်လၢ အထီဒါယၤလီၤ.
၄ ယပာ်ဖျါထီၣ်တၢ်အဲၣ် သနာ်က့ အဝဲသ့ၣ် ဆဲးထီဒါယၤ+
ဘၣ်ဆၣ် ယဃ့ထုကဖၣ်ဒံးတၢ်လီၤ.
၆ ပာ်ထီၣ် ပှၤအၢပှၤသီတဂၤလၢ ယဒုၣ်ယဒါ အဖီခိၣ်
ဒီးမ်ပှၤလၢ အထီဒါတၢ်တဂၤ ဆၢထၢၣ်လၢ အစုထွဲတက့ၢ်.
၇ ဖဲပှၤစံၣ်ညီၣ်အီၤအခါ မ်ပှၤထံၣ်လၢ အတၢ်ကမၣ်အိၣ်တက့ၢ်.
ဒီးအတၢ်ထုကဖၣ်ဒၣ်လဲာ် မ်အဘၣ်တၢ်ပာ်အီၤဒ်သိးဒီး တၢ်ဒဲးဘးတက့ၢ်.+
၈ မ်အသု တအိၣ်မူဘၣ် ယံာ်ယံာ်တဂ့ၤ.+
အမူဒါလၢ အမ့ၢ်ပှၤကွၢ်ထွဲတၢ်န့ၣ် မ်ပှၤအဂၤတဂၤ ဟံးန့ၢ်က့ၤအီၤတက့ၢ်.+
၉ မ်အဖိတဖၣ် ကဲထီၣ်ပှၤဖိၣ်ဃဲဖိ
ဒီးမ်အမါကဲထီၣ် မုၣ်ကမဲတက့ၢ်.
၁၀ မ်အဖိတဖၣ် ကဲထီၣ်ပှၤဟးဃ့အီၣ်တၢ်
လၢအဘၣ်ဟးထီၣ်လၢ အဟံၣ်လၢ အဟးဂီၤအပူၤ ဒ်သိးကဟးဃုအီၣ် တၢ်အီၣ်အဂီၢ်တက့ၢ်.
၁၁ မ်အဒ့ၣ်ကမၢ် အကစၢ်န့ၣ် ဟံးန့ၢ်တၢ်လၢ အအိၣ်ဒီးအီၤခဲလၢာ်
ဒီးမ်ပှၤလၢ အတသ့ၣ်ညါအီၤဘၣ်တဖၣ် ဂုာ်န့ၢ် အတၢ်ဖိတၢ်လံၤတဖၣ်တက့ၢ်.
၁၂ မ်ပှၤသုတသးကညီၤအီၤ နီတဂၤတဂ့ၤ
ဒီးမ်ပှၤသုတပာ်ဖျါထီၣ် တၢ်သးကညီၤလၢ အဖိလၢအမ့ၢ် ပှၤဖိၣ်ဃဲဖိတဖၣ် အဖီခိၣ်နီတဂၤတဂ့ၤ.
၁၃ မ်အစၢၤအသွဲၣ်တဖၣ် ဘၣ်တၢ်မၤဟးဂီၤအီၤ,+
မ်အဝဲသ့ၣ်အမံၤ ဘၣ်တၢ်ထူးသံကွံာ်အီၤလၢ ပှၤလၢခံတစိၤအကျါတက့ၢ်.
၁၄ မ်ယဟိဝၤယွၤ သ့ၣ်နီၣ်ထီၣ်က့ၤ အမိၢ်ပၢ်ဖံဖုလၢပျၢၤတဖၣ် အတၢ်ကမၣ်+
ဒီးအမိၢ် အတၢ်ဒဲးဘးန့ၣ် မ်အသုတဘၣ် တၢ်ထူးသံကွံာ်အီၤတဂ့ၤ.
၁၅ မ်ယဟိဝၤယွၤ နီၣ်ဘၣ်က့ၤ တၢ်လၢအဝဲသ့ၣ် မၤတ့ၢ်တဖၣ်ထီဘိ
ဒီးမ်အဝဲသ့ၣ်အမံၤ ဘၣ်တၢ်ထူးသံကွံာ်အီၤလၢ ဟီၣ်ခိၣ်ချၢတက့ၢ်.+
၁၆ အဝဲတနီၣ် ပာ်ဖျါထီၣ် တၢ်သးကညီၤဘၣ်.+
အဝဲဆဲးလူၤဝဲ ပှၤလၢအဘၣ် တၢ်ဆီၣ်တံၢ်မၤနၢၤအီၤ,+ ပှၤဖှီၣ်ဖိယာ်ဖိ ဒီးပှၤလၢအသးဘၣ်ဒိတဖၣ်
ဒ်သိးကမၤသံဝဲအဂီၢ်လီၤ.+
၁၇ အဝဲဆိၣ်အၢပှၤဂၤ မုာ်မးအဃိ တၢ်ဆိၣ်အၢ ဘၣ်ကဒါက့ၤ အနီၢ်ကစၢ်လီၤ.
အတသးအိၣ် ဆိၣ်ဂ့ၤပှၤဂၤ နီတစဲးဘၣ်အဃိ အတန့ၢ်ဘၣ် တၢ်ဆိၣ်ဂ့ၤ နီတမံၤဘၣ်.
၁၈ အဝဲကူကၤ တၢ်ဆိၣ်အၢတဖၣ် ဒ်တၢ်ကူတၢ်ကၤအသိး
ဒီးတၢ်ဆိၣ်အၢတဖၣ်န့ၣ် ဘၣ်တၢ်လူလီၤအီၤလၢ အမိၢ်ပှၢ်ပူၤ ဒ်ထံအသိး
ဒီးလၢအဃံအကွဲတဖၣ်အပူၤ ဒ်သိအသိးလီၤ.
၁၉ မ်အတၢ်ဆိၣ်အၢတဖၣ်န့ၣ် လီၤဂာ်ဒ်သိးဒီး တၢ်ကူတၢ်ကၤလၢ အကၤဝဲ+
ဒီးလီၤဂာ်ဒ်သိးဒီး ယီၢ်တကိးလၢ အစၢဃာ်ဝဲလၢ အယီၢ်ဒ့ ထီဘိန့ၣ်တက့ၢ်.
၂၀ ပှၤလၢအထီဒါယၤ+ ဒီးပှၤလၢအတဲအၢတဲသီယၤန့ၣ်
ယဟိဝၤယွၤ ကဟ့ၣ်ဆၢက့ၤ အဝဲသ့ၣ် ဒ်န့ၣ်လီၤ.
၂၁ အိ တၢ်ပၢကစၢ် ယဟိဝၤယွၤဧၢ,
ခီဖျိလၢနမံၤအဃိ ပာ်ဖျါထီၣ် တၢ်သးကညီၤလၢ ယဖီခိၣ်တက့ၢ်.+
နတၢ်အဲၣ်လၢအတီန့ၣ် ဂ့ၤဝဲအဃိ မၤပူၤဖျဲးယၤတက့ၢ်.+
၂၂ ယမ့ၢ်ပှၤဂံၢ်စၢ်ဘါစၢ် ဒီးပှၤဖှီၣ်ဖိယာ်ဖိလီၤ.+
ဒီးယသးဘၣ်ဒိနးမးလီၤ.+
၂၃ ယဒံကွံာ် ဒ်တၢ်ကဒုလၢ အလီၤမၢ်ကွံာ်ဝဲ ကယီကယီအသိး
ဒီးယဘၣ်တၢ်တရုၤလီၤတဲာ်ယၤ ဒ်ဒွဲၣ်အသိး.
၂၄ ယခီၣ်လ့ၢ်ခိၣ်တဖၣ် အဂံၢ်အဘါလီၤစၢ်ဝဲလၢ ယဒုၣ်တၢ်အီၣ်အဃိလီၤ.
ယဂံၢ်ယဘါ ဒံးယံာ်ဒံးစှၤလီၤဝဲ ဒီးယဃဲၤလီၤလၢာ်လံ.
၂၅ ယကဲထီၣ် တၢ်ဒုၣ်ဒွဲၣ်အလီၢ် လၢအဝဲသ့ၣ်အဂီၢ်.+
ဒီးဖဲအဝဲသ့ၣ် ထံၣ်ယၤအခါ အဝဲသ့ၣ် ဂံၤဂုၤအခိၣ်လီၤ.+
၂၆ အိ ယကစၢ် ယဟိဝၤယွၤဧၢ, မၤစၢၤယၤ
ဒီးမၤပူၤဖျဲးယၤ ခီဖျိလၢ နအိၣ်ဒီးတၢ်အဲၣ်လၢအတီတက့ၢ်.
၂၇ အိ ယဟိဝၤယွၤဧၢ, မ်အဝဲသ့ၣ် သ့ၣ်ညါလၢ ယပူၤဖျဲးန့ၣ် ခီဖျိလၢနစုအဃိ
ဒီးပှၤလၢအမၤဝဲ ဒ်အံၤန့ၣ် မ့ၢ်ဒၣ်နၤတက့ၢ်.
၂၈ အဝဲသ့ၣ် ကဆိၣ်အၢယၤဒၣ်ဝဲ, မ့မ့ၢ်နၤန့ၣ် ဆိၣ်ဂ့ၤတၢ်တက့ၢ်.
ဖဲအဝဲသ့ၣ် ဆၢထၢၣ် ထီဒါယၤအခါ မ်အဝဲသ့ၣ် ဘၣ်တၢ်မၤမဲာ်ဆှးအီၤ.
ဘၣ်ဆၣ် မ်နခ့နပှၤယၤအံၤ သးခုတက့ၢ်.
၂၉ ပှၤလၢအထီဒါယၤန့ၣ် မ်အဝဲသ့ၣ် ကူထီၣ်ကၤထီၣ် တၢ်မဲာ်ဆှး
ဒီးမ်အဝဲသ့ၣ် သိးထီၣ် အတၢ်မဲာ်ဆှး ဒ်ဆ့ကၤဖးထီတဘ့ၣ်အသိးတက့ၢ်.+
၃၀ ယကစံးထီၣ်ပတြၢၤ ယဟိဝၤယွၤ လၢတၢ်သူၣ်ဆူၣ်သးဆူၣ်အပူၤ.
ဒီးယကစံးထီၣ်ပတြၢၤအီၤလၢ ပှၤအါဂၤ အမဲာ်ညါလီၤ.+
၃၁ ကစၢ်ယွၤ ကဆၢထၢၣ်လၢ ပှၤဖှီၣ်ဖိယာ်ဖိ အစုထွဲတခီ
ဒ်သိးအကမၤပူၤဖျဲးအီၤလၢ ပှၤလၢအစံၣ်ညီၣ်အီၤ အစုပူၤလီၤ.
စီၤဒၤဝံးအထါ.
၁၁၀ ယဟိဝၤယွၤ တဲဘၣ်ယကစၢ်လၢ
“ဆ့ၣ်နီၤလၢယစုထွဲ+
တုၤလီၤလၢ ယပာ်နဒုၣ်နဒါ ဒ်တၢ်ယီၢ်လီၤခီၣ်အလီၢ်လၢ နခီၣ်အဂီၢ်တက့ၢ်.”+
၂ လၢစံယိၣ်န့ၣ် ယဟိဝၤယွၤ ကယူာ်ဃီၤ နနီၣ်ထိးဘိ လၢအပှဲၤဒီး တၢ်စိတၢ်ကမီၤ ဒီးကတဲဝဲလၢ
“လဲၤမၤနၢၤတၢ်လၢ နဒုၣ်နဒါတဖၣ် အကျါတက့ၢ်.”+
၃ မုၢ်နံၤဖဲ နလဲၤဆှၢ နသုးမုၢ်လၢ တၢ်ဒုးန့ၣ် နပှၤဂီၢ်မုၢ် ကဟ့ၣ်လီၤအသးလၢ တၢ်သးအိၣ်အပူၤလီၤ.
နကအိၣ်ဒီး ပိာ်ခွါသးစၢ်တဖု လၢအကယၢကယဲထီၣ်အသးလၢ တၢ်စီတၢ်ဆှံအပူၤ
ဒီးအဝဲသ့ၣ် လီၤဂာ်ဒ်သိးဒီး ဂီၤခီအပစီၤထံလီၤ.
၄ ယဟိဝၤယွၤ အၢၣ်လီၤတၢ်ဝံၤလံ ဒီးအဝဲတဆီတလဲအသးဘၣ်,
“နမ့ၢ်ပှၤလုၢ်တၢ်ဒိၣ် ဒ်စီၤမၤလကံစဒ့းအသိး+
လီၤထူလီၤယိာ်လီၤ.”+
အဝဲကမၤသဘှံး ကီၢ်ဖးလဲၢ်တဘ့ၣ်* အခိၣ်လီၤ.
၇ အဝဲ* ကအီထံလၢ ထံကျိဖိလၢ ကျဲကပၤ
အဃိ အကမိာ်ထီၣ်အခိၣ်လီၤ.
א *
ယကစံးထီၣ်ပတြၢၤ ယဟိဝၤယွၤလၢ ယသးဒီဖျၢၣ်ညါ+
ב
လၢပှၤသူၣ်တီသးလိၤတဖၣ် အတၢ်အိၣ်ဖှိၣ်အပူၤလီၤ.
ג
ပှၤလၢ အဘၣ်သူၣ်ဘၣ်သး အတၢ်မၤန့ၣ် ဃုသ့ၣ်ညါဝဲလီၤ.+
ה
၃ အတၢ်မၤတဖၣ်န့ၣ် ပာ်ဖျါထီၣ် တၢ်လၤကပီၤ ဒီးတၢ်ကဟုကညီၢ်လီၤ.
ו
ဒီးအတၢ်တီတၢ်လိၤ အိၣ်ဂၢၢ်အိၣ်ကျၢၤဝဲ လီၤထူလီၤယိာ်လီၤ.+
ז
၄ ကစၢ်ယွၤ မၤဝဲဒ်သိးဒီး ပှၤကသ့ၣ်နီၣ်ထီၣ် အတၢ်မၤလၢ အလီၤလိၢ်လီၤလးတဖၣ်လီၤ.+
ח
ယဟိဝၤယွၤ မ့ၢ်ပှၤလၢအသးဂ့ၤ ဒီးအသးကညီၤတၢ်လီၤ.+
ט
၅ ကစၢ်ယွၤ ဟ့ၣ်လီၤတၢ်အီၣ်လၢ ပှၤလၢအပျံၤအီၤတဖၣ်.+
י
ဒီးကစၢ်ယွၤ သ့ၣ်နီၣ်ထီၣ်က့ၤ အတၢ်အၢၣ်လီၤအီလီၤ လီၤထူလီၤယိာ်လီၤ.+
כ
၆ ကစၢ်ယွၤ ပာ်ဖျါထီၣ်န့ၢ် အပှၤဂီၢ်မုၢ်လၢ အတၢ်မၤလၢ အပှဲၤဒီးအစိကမီၤ
ל
ခီဖျိ အဝဲဟ့ၣ်လီၤ အဝဲသ့ၣ်လၢ ပှၤကလုာ်တဖၣ် အတၢ်န့ၢ်သါလီၤ.*+
מ
၇ အစုတၢ်မၤတဖၣ်န့ၣ် မ့ၢ်ဝဲတီဝဲ ဒီးတီဝဲလိၤဝဲ+
נ
ဒီးအတၢ်ဘျၢတဖၣ်န့ၣ် မ့ၢ်တၢ်လၢ ပနာ်န့ၢ်အီၤသ့.+
ס
၈ ဒီးခဲအံၤမ့ၢ်ဂ့ၤ ခါဆူညါမ့ၢ်ဂ့ၤ ပှၤသန့ၤသးလၢ ကစၢ်ယွၤ အတၢ်ဘျၢတဖၣ် သ့လီၤထူလီၤယိာ်လီၤ.
ע
ဒီးတၢ်ဘျၢတဖၣ်အံၤ ဘၣ်တၢ်ဒုးအိၣ်ထီၣ်အီၤလၢ တၢ်မ့ၢ်တၢ်တီ ဒီးတၢ်တီတၢ်လိၤ အပူၤလီၤ.+
פ
၉ အဝဲမၤပူၤဖျဲး အပှၤဂီၢ်မုၢ်+
צ
ဒီးဟ့ၣ်လီၤတၢ်ကလုၢ်လၢ အတၢ်အၢၣ်လီၤအီလီၤ ကအိၣ်ဝဲလီၤထူလီၤယိာ်လီၤ.
ק
အမံၤန့ၣ် စီဆှံဝဲ ဒီးလီၤယူးယီၣ်ပာ်ကဲလီၤ.+
ר
၁၀ တၢ်ပျံၤယဟိဝၤယွၤန့ၣ် မ့ၢ်ဝဲ တၢ်ကူၣ်သ့ အဂံၢ်ခီၣ်ထံးလီၤ.+
ש
ပှၤလၢအမၤထွဲ ကစၢ်ယွၤ အတၢ်ဘျၢတဖၣ်န့ၣ် ပာ်ဖျါထီၣ်လၢ အဝဲသ့ၣ်အိၣ်ဒီး တၢ်နၢ်ပၢၢ်လီၤတံၢ်လီၤဆဲးလီၤ.+
ת
ကစၢ်ယွၤ ကဘၣ်တၢ်စံးထီၣ်ပတြၢၤအီၤ လီၤထူလီၤယိာ်လီၤ.
א *
ပှၤလၢအပျံၤ ယဟိဝၤယွၤ+
ב
ဒီးဘၣ်သူၣ်ဘၣ်သးဝဲ အတၢ်မၤလိာ်တဖၣ် ဒိၣ်မးန့ၣ် ကသးခုဝဲလီၤ.+
ג
၂ အစၢၤအသွဲၣ်တဖၣ် ကဆူၣ်ထီၣ်လၢ ဟီၣ်ခိၣ်ချၢ
ד
ဒီးပှၤတစိၤလၢ အသူၣ်တီသးလိၤန့ၣ် ကဘၣ်ဆိၣ်ဂ့ၤဝဲလီၤ.+
ה
၃ တၢ်စုလီၢ်ခီၣ်ခိၣ် ဒီးတၢ်ထူးတၢ်တီၤ အိၣ်လၢအဟံၣ်ပူၤ
ו
ဒီးအတၢ်တီတၢ်လိၤ ကအိၣ်ဂၢၢ်ဆိးကျၢၤ လီၤထူလီၤယိာ်လီၤ.
ז
၄ ဒီးလၢပှၤလၢ အသူၣ်တီသးလိၤတဖၣ် အဂီၢ်န့ၣ် အဝဲကပီၤထီၣ် ဒ်တၢ်ကပီၤလၢ တၢ်ခံးကျါအသိးလီၤ.+
ח
အဝဲမ့ၢ် ပှၤလၢအသးဂ့ၤ, သးကညီၤတၢ်+ ဒီးတီဝဲလိၤဝဲလီၤ.
ט
၅ ပှၤလၢအဟ့ၣ်လိၢ်တၢ်ညီန့ၣ် တၢ်ကလဲၤအသးဒီးအီၤ ဂ့ၤဂ့ၤလီၤ.+
י
အဝဲမၤတၢ် တီတီလိၤလိၤလီၤ.
כ
၆ အဝဲကဆၢထၢၣ် ဂၢၢ်ဂၢၢ်ကျၢၤကျၢၤ ထီဘိလီၤ.+
ל
ပှၤတီပှၤလိၤန့ၣ် ကဘၣ် တၢ်သ့ၣ်နီၣ်ထီၣ်က့ၤအီၤ လီၤထူလီၤယိာ်လီၤ.+
מ
၇ တၢ်ကစီၣ်လၢ အတဂ့ၤဘၣ်န့ၣ် အဝဲတပျံၤဝဲဘၣ်.+
נ
အသူၣ်ဂၢၢ်သးကျၢၤ မ့ၢ်လၢအနာ်န့ၢ် ယဟိဝၤယွၤအဃိလီၤ.+
ס
၈ အသးတကဒံကဒါဘၣ် ဒီးအတပျံၤတၢ်ဘၣ်.+
ע
ဒီးလၢခံကတၢၢ်န့ၣ် အဝဲကထံၣ်ဘၣ် အဒုၣ်အဒါတဖၣ် ၡူကွံာ်ဝဲလီၤ.+
פ
၉ အဝဲဟ့ၣ်နီၤလီၤ တၢ်အါအါဂီၢ်ဂီၢ် ဒီးအဝဲဟ့ၣ်လီၤတၢ်လၢ ပှၤဖှီၣ်ဖိယာ်ဖိ အအိၣ်လီၤ.+
צ
အတၢ်တီတၢ်လိၤ ကအိၣ်ဂၢၢ်ဆိးကျၢၤ လီၤထူလီၤယိာ်လီၤ.+
ק
အဂံၢ်အဘါ ကဆူၣ်ထီၣ်ဝဲဒီး အကဘၣ် တၢ်ယူးယီၣ်ပာ်ကဲအီၤလီၤ.*
ר
၁၀ ပှၤအၢပှၤသီကထံၣ်ဝဲ ဒီးကသးဒိၣ်ထီၣ်တၢ်လီၤ.
ש
အဝဲကအ့ၣ်တဃံးအမဲ ဒီးကလီၤမၢ်ကွံာ်ဝဲလီၤ.
ת
ပှၤအၢပှၤသီ အတၢ်မိၣ်န့ၢ်သးလီတဖၣ်န့ၣ် တကဲထီၣ်လိၣ်ထီၣ်ဘၣ်.+
၁၁၃ ဟါလ့ၤလူယၤ.*
ယဟိဝၤယွၤ အခ့အပှၤသ့ၣ်ဧၢ, စံးထီၣ်ပတြၢၤအီၤတက့ၢ်.
စံးထီၣ်ပတြၢၤ ယဟိဝၤယွၤ အမံၤတက့ၢ်.
၂ မ်ယဟိဝၤယွၤအမံၤ ဘၣ်တၢ်စံးထီၣ်ပတြၢၤအီၤ
ခဲအံၤ ဒီးဆူညါ လီၤထူလီၤယိာ်တက့ၢ်.+
၃ မ်ယဟိဝၤယွၤအမံၤ ဘၣ်တၢ်စံးထီၣ်ပတြၢၤအီၤ+
စးထီၣ်လၢ မုၢ်ထီၣ် တုၤလၢမုၢ်နုာ်တက့ၢ်.
၆ ကစၢ်ယွၤ သကူးလီၤအသး ဒ်သိးကကွၢ်ဝဲ မူခိၣ်ဒီး ဟီၣ်ခိၣ်လီၤ.+
၇ အဝဲဝံၣ်ဆၢထၢၣ် ပှၤလၢအပတီၢ်ဖုၣ်လၢ အအိၣ်လၢ ဟီၣ်ခိၣ်ကမူၣ်ကျါ
ဒီးအဝဲစိာ်ထီၣ် ပှၤဖှီၣ်ဖိယာ်ဖိလၢ အအိၣ်လၢ တၢ်ကမှံၤကျါ+
၈ ဒ်သိးကဒုးဆ့ၣ်နီၤအီၤလၢ ပှၤဒိၣ်ပှၤပှၢ်တဖၣ်အကျါ
ဃုာ်ဒီး ကစၢ်ယွၤ အပှၤဂီၢ်မုၢ် အပှၤဒိၣ်ပှၤပှၢ်တဖၣ်လီၤ.
၉ ကစၢ်ယွၤ မၤဝဲဒ်သိး ပှၤတူာ်ဖိ ကအိၣ်ဒီးအဖိတဖၣ်လၢ အဟံၣ်ပူၤ
ဒီးကကဲထီၣ်မိၢ်လၢ အသးခုလီၤ.+
ဟါလ့ၤလူယၤ.*
၁၁၄ ဖဲပှၤအံၣ်စရ့လးဖိ ဟးထီၣ်လၢ ကီၢ်အဲၤကူပတူး,+
ဖဲစီၤယၤကိာ် အစၢၤအသွဲၣ် ဟးထီၣ်လၢ ပှၤတကလုာ်လၢ အတဲကျိာ်အဂၤတကျိာ် အကျါအခါ
၂ ယူဒၤကဲထီၣ် ကစၢ်ယွၤ အတၢ်စီဆှံအလီၢ်,
အံၣ်စရ့လးကဲထီၣ် အတၢ်ပၢအလီၢ်လီၤ.+
၅ ပီၣ်လဲၣ်ဧၢ, ဘၣ်မနုၤအဃိ နဃ့ၢ်ကွံာ်လဲၣ်.+
ထံကျိယၢ်ဒ့ၣ်ဧၢ, ဘၣ်မနုၤအဃိ နပတုာ်လဲၣ်.+
၆ အိ ကစၢၢ်သ့ၣ်ဧၢ, ဘၣ်မနုၤအဃိ သုဖုကဆဲး ဒ်သိးဒီး သိဖါတဖၣ်လဲၣ်.
အိ တၢ်လူၢ်သ့ၣ်ဧၢ, ဘၣ်မနုၤအဃိ သုဖုကဆဲး ဒ်သိးဒီး သိတဖၣ်လဲၣ်.
၇ အိ ဟီၣ်ခိၣ်ဧၢ, ကနိးကစုာ် ခီဖျိလၢ ကစၢ်ယွၤ,
ခီဖျိလၢ စီၤယၤကိာ် အကစၢ်ယွၤ အဃိတက့ၢ်.+
၁၁၅ ပတကြၢးဒီး တၢ်လၤကပီၤ နီတစဲးဘၣ်, အိ ယဟိဝၤယွၤဧၢ, ပတကြၢးဒီး တၢ်လၤကပီၤ နီတစဲးဘၣ်.
၂ ဘၣ်မနုၤအဃိ နပျဲလၢ ပှၤကလုာ်တဖၣ် ကတဲဝဲလၢ
“အဝဲသ့ၣ် အကစၢ်ယွၤ အိၣ်ဖဲလဲၣ်” န့ၣ်လဲၣ်.+
၃ ပကစၢ်ယွၤန့ၣ် အိၣ်ဝဲလၢမူခိၣ်,
တၢ်လၢအဘၣ်အသးန့ၣ် အဝဲမၤဝဲ ခဲလၢာ်လီၤ.
၄ မ့မ့ၢ်အဝဲသ့ၣ် အတၢ်ဂီၤတၢ်ဖှီၣ်တဖၣ်န့ၣ် ဘၣ်တၢ်တ့အီၤလၢ စ့ညၣ်ဒီးထူ
ဒီးမ့ၢ်ဒၣ်တၢ်လၢ ပှၤဟီၣ်ခိၣ်ဖိ တ့ဝဲလၢအစုလီၤ.+
၅ အဝဲသ့ၣ် အတၢ်ဂီၤတၢ်ဖှီၣ်တဖၣ်န့ၣ် အကိာ်ပူၤအိၣ်ဘၣ်ဆၣ် တဲတၢ်တသ့ဘၣ်,+
အမဲာ်ချံအိၣ်ဘၣ်ဆၣ် တထံၣ်တၢ်ဘၣ်.
၆ အနၢ်ကုအိၣ်ဘၣ်ဆၣ် တနၢ်ဟူတၢ်ဘၣ်,
အနါဒ့အိၣ်ဘၣ်ဆၣ် နၢတၢ်တသ့ဘၣ်.
၇ အစုအိၣ်ဘၣ်ဆၣ် ပလၢၢ်တၢ်တသ့ဘၣ်,
အခီၣ်အိၣ်ဘၣ်ဆၣ် အဟးတသ့ဘၣ်.+
အကိာ်ယုၢ်ဘိန့ၣ် မၤသီၣ်တၢ်ကလုၢ် တသ့နီတမံၤဘၣ်.+
၈ ပှၤလၢအတ့ထီၣ် တၢ်ဂီၤတၢ်ဖှီၣ်တဖၣ် ဒီးပှၤခဲလၢာ်လၢ အနာ်န့ၢ် တၢ်ဂီၤတၢ်ဖှီၣ်တဖၣ်န့ၣ်+
ကကဲထီၣ် ဒ်သိးဒီး တၢ်ဂီၤတၢ်ဖှီၣ်တဖၣ်လီၤ.+
၉ အိ အံၣ်စရ့လးသ့ၣ်ဧၢ, နာ်န့ၢ် ယဟိဝၤယွၤတက့ၢ်.+
အဝဲမ့ၢ်ပှၤလၢ အမၤစၢၤသု ဒီးအမ့ၢ်သုကတီၤလီၤ.+
၁၀ အိ စီၤအၤဟရိၣ် အစၢၤအသွဲၣ်သ့ၣ်ဧၢ,+ နာ်န့ၢ် ယဟိဝၤယွၤတက့ၢ်.
အဝဲမ့ၢ်ပှၤလၢ အမၤစၢၤသု ဒီးအမ့ၢ်သုကတီၤလီၤ.
၁၁ သုဝဲလၢအပျံၤ ယဟိဝၤယွၤသ့ၣ်ဧၢ, နာ်န့ၢ် ယဟိဝၤယွၤတက့ၢ်.+
အဝဲမ့ၢ်ပှၤလၢ အမၤစၢၤသု ဒီးအမ့ၢ်သုကတီၤလီၤ.+
၁၂ ယဟိဝၤယွၤ သ့ၣ်နီၣ်ထီၣ်က့ၤပှၤ ဒီးကဆိၣ်ဂ့ၤပှၤ.
အဝဲကဆိၣ်ဂ့ၤ စီၤအံၣ်စရ့လး အစၢၤအသွဲၣ်,+
အဝဲကဆိၣ်ဂ့ၤ စီၤအၤဟရိၣ် အစၢၤအသွဲၣ်လီၤ.
၁၃ ယဟိဝၤယွၤ ကဆိၣ်ဂ့ၤ ပှၤလၢအပျံၤအီၤ
စးထီၣ်လၢအဒိၣ် တုၤလီၤလၢ အဆံးလီၤ.
၁၄ ယဟိဝၤယွၤ ကဒုးသၣ်ထီၣ်အါထီၣ်
သုဒီးသုဖိသုလံၤတဖၣ်လီၤ.+
၁၈ မ့မ့ၢ်ပှၤန့ၣ် ပကစံးထီၣ်ပတြၢၤ ယဟိဝၤယွၤ
စးထီၣ်ခဲအံၤ ဒီးဆူညါ လီၤထူလီၤယိာ်လီၤ.
ဟါလ့ၤလူယၤ.*
၁၁၆ ယအဲၣ် ယဟိဝၤယွၤ
မ့ၢ်လၢအနၢ်ဟူ ယကလုၢ် ဒီးယတၢ်ဃ့ကညးလၢ တၢ်မၤစၢၤအဂီၢ် အဃိလီၤ.+
၄ ဘၣ်ဆၣ် ယဃ့ထုကဖၣ်လၢ ယဟိဝၤယွၤအအိၣ်, ယသူအမံၤ ဒီးတဲလၢ+
“အိ ယဟိဝၤယွၤဧၢ, မၤပူၤဖျဲးယၤတက့ၢ်.”
၅ ယဟိဝၤယွၤန့ၣ် မ့ၢ်ပှၤလၢအသးဂ့ၤ ဒီးအတီအလိၤလီၤ.+
ပကစၢ်ယွၤန့ၣ် အိၣ်ဒီးတၢ်သးကညီၤလီၤ.+
၆ ပှၤလၢ အတၢ်လဲၤခီဖျိစှၤတဖၣ်န့ၣ် ယဟိဝၤယွၤ ဒီသဒၢဝဲလီၤ.+
ယဂံၢ်ယဘါလီၤ သပှၢ်တၢၢ် ဒီးအဝဲမၤပူၤဖျဲးယၤလီၤ.
၇ မ့ၢ်လၢ ယဟိဝၤယွၤ သးဂ့ၤလၢ ယဖီခိၣ်အဃိ
ယကအိၣ်ဘှံးကဒီး မုာ်မုာ်လီၤ.
၈ ကစၢ်ယွၤ မၤပူၤဖျဲးယၤ လၢတၢ်သံ,
ထွါကွံာ် ယမဲာ်ထံမဲာ်နိတဖၣ် ဒီးဒီသဒၢယၤ ဒ်သိး ယခီၣ်သုတဘၣ်တိၢ်တဂ့ၤ အဂီၢ်လီၤ.+
၉ ယကဆဲးမူ ဒီးယကလဲၤတၢ်လၢ ယဟိဝၤယွၤ အမဲာ်ညါလီၤ.
၁၀ ယဘၣ်နးဘၣ်ဖှီၣ်ဒိၣ်မး သနာ်က့
ယအိၣ်ဒီး တၢ်နာ်အဃိ ယတဲတၢ်လီၤ.+
၁၁ ယပျံၤတၢ် ဒီးယတဲလၢ
“ပှၤကိးဂၤဒဲးန့ၣ် မ့ၢ်ပှၤလံၣ်တၢ်လီတၢ်လီၤ.”+
၁၂ ယဟိဝၤယွၤ မၤဂ့ၤတၢ်လၢယဂီၢ် အိၣ်ဝဲဒီဒူၣ်အဃိ
ယကဟ့ၣ်ဆၢက့ၤအီၤ မနုၤလဲၣ်.
၁၃ ယကအီတၢ်လၢ တၢ်အုၣ်က့ၤခီၣ်က့ၤအခွးပူၤ
ဒီးယကကိးထီၣ် ယဟိဝၤယွၤ အမံၤလီၤ.
၁၄ တၢ်လၢယအၢၣ်လီၤ ယဟိဝၤယွၤန့ၣ် ယကမၤလၢပှဲၤအီၤလၢ
အပှၤဂီၢ်မုၢ် ခဲလၢာ်အမဲာ်ညါလီၤ.+
၁၆ အိ ယဟိဝၤယွၤဧၢ, ယမ့ၢ်နခ့နပှၤအဃိ
ယဃ့ကညးနၤ သပှၢ်တၢၢ်.
ယမ့ၢ်နခ့နပှၤ ဒီးယမ့ၢ်နကုၢ်ပိာ်မုၣ် အဖိခွါလီၤ.
နမၤပူၤဖျဲးယၤလၢ တၢ်လၢအစၢဃာ်ယၤတဖၣ်လံ.+
၁၇ ယကဟ့ၣ်လုၢ်ထီၣ် ယဟိဝၤယွၤလၢ တၢ်လုၢ်စံးဘျုးစံးဖှိၣ်က့ၤ+
ဒီးယကကိးထီၣ် အမံၤလီၤ.
၁၈ တၢ်လၢယအၢၣ်လီၤ ယဟိဝၤယွၤန့ၣ် ယကမၤလၢပှဲၤအီၤလၢ+
အပှၤဂီၢ်မုၢ်ခဲလၢာ် အမဲာ်ညါ,+
၁၉ လၢယဟိဝၤယွၤ အဟံၣ်အတၢ်ပျီတဖၣ်အပူၤ+
ဒီးလၢဝ့ၢ်ယရူၤၡလ့ၣ် အပူၤလီၤ.
၁၁၇ ပှၤကလုာ်ခဲလၢာ်သ့ၣ်ဧၢ, စံးထီၣ်ပတြၢၤ ယဟိဝၤယွၤတက့ၢ်.+
ပှၤဂီၢ်မုၢ်ခဲလၢာ်သ့ၣ်ဧၢ, မၤလၤကပီၤအီၤတက့ၢ်.+
၂ အတၢ်အဲၣ်လၢအတီ လၢပဖီခိၣ်န့ၣ် ဒိၣ်ဝဲဒိၣ်မးလီၤ.+
ယဟိဝၤယွၤ အတၢ်သးတီန့ၣ်+ အိၣ်ဂၢၢ်ဆိးကျၢၤဝဲ လီၤထူလီၤယိာ်လီၤ.+
၁၁၈ ယဟိဝၤယွၤ မ့ၢ်ပှၤအဂ့ၤအဃိ စံးဘျုးအီၤတက့ၢ်.+
အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်လီၤ.
၂ မ်ပှၤအံၣ်စရ့လးဖိတဖၣ် တဲလၢ
“အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်” တက့ၢ်.
၃ မ်စီၤအၤဟရိၣ် အစၢၤအသွဲၣ် တဲလၢ
“အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်” တက့ၢ်.
၄ ပှၤလၢအပျံၤ ယဟိဝၤယွၤန့ၣ် မ်အဝဲသ့ၣ် တဲလၢ
“အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်” တက့ၢ်.
၅ ဖဲယဘၣ်ကိၢ်ဘၣ်ဂီၤအခါ ယကိးထီၣ် ယဟိဝၤယွၤလီၤ.
ယဟိဝၤယွၤ စံးဆၢဝဲ ဒီးလဲၤဆှၢယၤလၢ တၢ်ဒီသဒၢအလီၢ်လီၤ.*+
၆ ယဟိဝၤယွၤ အိၣ်လၢယအိၣ်တခီအဃိ ယတပျံၤတၢ်ဘၣ်.+
ပှၤဟီၣ်ခိၣ်ဖိ မၤယၤတၢ်မနုၤကသ့လဲၣ်.+
၇ ယဟိဝၤယွၤ အိၣ်လၢယအိၣ်တခီ ဒ်ပှၤမၤစၢၤယၤအသိးလီၤ.+
ယကထံၣ်ဘၣ် ပှၤလၢအသးဟ့ယၤတဖၣ် ၡူကွံာ်ဝဲလီၤ.+
၈ ပှၤမ့ၢ်ဃုတၢ်အိၣ်သဒၢအလီၢ် လၢယဟိဝၤယွၤ အအိၣ်န့ၣ်
အဂ့ၤဒိၣ်န့ၢ်ဒံး ပှၤနာ်န့ၢ် ပှၤဟီၣ်ခိၣ်ဖိလီၤ.+
၉ ပှၤမ့ၢ်ဃုတၢ်အိၣ်သဒၢအလီၢ် လၢယဟိဝၤယွၤ အအိၣ်န့ၣ်
အဂ့ၤဒိၣ်န့ၢ်ဒံး ပှၤနာ်န့ၢ် ပဒိၣ်ဖးဒိၣ်တဖၣ်လီၤ.+
၁၀ ပှၤကလုာ်ခဲလၢာ် ကဝီၤဃာ်ယၤ
ဘၣ်ဆၣ် ယဆီၣ်ဖျိးကွံာ် အဝဲသ့ၣ်လၢ+
ယဟိဝၤယွၤ အမံၤပူၤလီၤ.
၁၁ အဝဲသ့ၣ် ကဝီၤဃာ်ယၤ ဒီးအိၣ်ဝးတရံးယၤ ကိးကပၤဒဲး
ဘၣ်ဆၣ် ယဆီၣ်ဖျိးကွံာ် အဝဲသ့ၣ်လၢ
ယဟိဝၤယွၤ အမံၤပူၤလီၤ.
၁၂ အဝဲသ့ၣ် ကဝီၤဃာ်ယၤ ဒ်ကနဲတဖၣ်အသိး
ဘၣ်ဆၣ် အဝဲသ့ၣ် လီၤပံးကွံာ်ချ့မး ဒ်မ့ၣ်အူ အီၣ်ကွံာ် တၤဆှုၣ်တၤမဲတဖၣ် အသိးလီၤ.
ဒီးယဆီၣ်ဖျိးကွံာ် အဝဲသ့ၣ်လၢ+
ယဟိဝၤယွၤ အမံၤပူၤလီၤ.
၁၃ အဝဲသ့ၣ် ဆီၣ်ယၤဆူၣ်ဆူၣ်* ဒ်သိးကမၤလီၤဃံၢ်ယၤ
ဘၣ်ဆၣ် ယဟိဝၤယွၤ မၤစၢၤယၤလီၤ.
၁၄ ယဟိဝၤယွၤမ့ၢ် ယတၢ်အိၣ်သဒၢအလီၢ် ဒီးယဂံၢ်ယဘါ
ဒီးကစၢ်ယွၤ ကဲထီၣ် ယတၢ်အုၣ်က့ၤခီၣ်က့ၤလီၤ.+
၁၅ လၢပှၤတီပှၤလိၤတဖၣ် အဒဲပူၤန့ၣ်
ပှၤနၢ်ဟူဘၣ် တၢ်ကိးပသူထီၣ်လၢ တၢ်သးခုအပူၤ လၢအဝဲသ့ၣ် ဒိးန့ၢ်ဘၣ် တၢ်အုၣ်က့ၤခီၣ်က့ၤ အဃိလီၤ.
ယဟိဝၤယွၤ အစုထွဲ ပာ်ဖျါထီၣ် အစိအကမီၤလီၤ.+
၁၆ ယဟိဝၤယွၤ အစုထွဲ အိၣ်ထီၣ်ထီလၢ တၢ်မၤနၢၤအဃိ,
ယဟိဝၤယွၤ အစုထွဲ ပာ်ဖျါထီၣ် အစိအကမီၤလီၤ.+
၁၇ ယတသံဘၣ်, ယကမူ
ဒီးယကတဲဖျါထီၣ် ယဟိဝၤယွၤ အတၢ်မၤတဖၣ်လီၤ.+
၁၉ အိးထီၣ်န့ၢ်ယၤ တၢ်တီတၢ်လိၤ အတြဲၤတဖၣ်တက့ၢ်.+
ယကလဲၤနုာ် လၢအပူၤ ဒီးစံးထီၣ်ပတြၢၤ ယဟိဝၤယွၤလီၤ.
၂၀ အဝဲအံၤ မ့ၢ်ယဟိဝၤယွၤ အတြဲၤလၢ
ပှၤတီပှၤလိၤ ကလဲၤနုာ်ဝဲ လၢအပူၤလီၤ.+
၂၁ ယကစံးထီၣ်ပတြၢၤနၤ မ့ၢ်လၢ နစံးဆၢယၤ+
ဒီးနကဲထီၣ် ယတၢ်အုၣ်က့ၤခီၣ်က့ၤအဃိလီၤ.
၂၄ မုၢ်နံၤအံၤ မ့ၢ်ဝဲမုၢ်နံၤလၢ ယဟိဝၤယွၤ ပာ်ပနီၣ်ဝဲလီၤ.
ဖဲမုၢ်နံၤအံၤန့ၣ် ပကသးခု ဒီးသူၣ်ဖှံသးညီလီၤ.
၂၅ ယဟိဝၤယွၤဧၢ, ပဃ့ကညးနၤ သပှၢ်တၢၢ်လီၤ. ဝံသးစူၤ မၤစၢၤပှၤတက့ၢ်.
ယဟိဝၤယွၤဧၢ, ဝံသးစူၤ ဟ့ၣ်ပှၤ တၢ်မၤနၢၤတက့ၢ်.
၂၆ ပှၤလၢအဟဲလၢ ယဟိဝၤယွၤ အမံၤတဂၤန့ၣ် မ်အဘၣ်ဆိၣ်ဂ့ၤတက့ၢ်.+
ပဝဲလၢ အအိၣ်လၢ ယဟိဝၤယွၤ အဟံၣ်ပူၤန့ၣ် ပဆိၣ်ဂ့ၤသုလီၤ.
၂၇ ယဟိဝၤမ့ၢ် ကစၢ်ယွၤ,
အဝဲဟ့ၣ်ပှၤ တၢ်ကပီၤလီၤ.+
လဲၤစိာ်ဃုာ်ဒီး သ့ၣ်ဒ့တဖၣ် ဒီးနုာ်လီၤပၣ်ဃုာ်လၢ ဘူၣ်အတၢ်လဲၤတရံး+
ဒီးလဲၤထီၣ်တုၤလၢ တၢ်လုၢ်လီၢ်အနၢၤတဖၣ် န့ၣ်တက့ၢ်.+
၂၈ ယကစၢ်ယွၤဧၢ, ယကပာ်ဒိၣ်ပာ်ကဲနၤလီၤ.+
နမ့ၢ်ယကစၢ်ယွၤ အဃိ ယကစံးထီၣ်ပတြၢၤနၤလီၤ.
၂၉ ယဟိဝၤယွၤ မ့ၢ်ပှၤအဂ့ၤအဃိ စံးဘျုးအီၤတက့ၢ်.+
အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်လီၤ.+
א *
၁၁၉ ပှၤလၢ ပှၤပာ်ဒ့ၣ်ပာ်ကမၣ်အီၤ အလီၢ်တအိၣ်ဘၣ်*
ဒီးပှၤလၢအအိၣ်မူမၤထွဲ ယဟိဝၤယွၤ အတၢ်သိၣ်တၢ်သီန့ၣ် ကသးခုဝဲလီၤ.+
၂ ပှၤလၢ အမၤထွဲ ကစၢ်ယွၤ အတၢ်ဒုးသ့ၣ်နီၣ်ထီၣ်က့ၤတဖၣ်+
ဒီးပှၤလၢအဃု ကစၢ်ယွၤ အတၢ်ဟံးစုနဲၣ်ကျဲလၢ အသးဒီဖျၢၣ်ညါန့ၣ် ကသးခုဝဲလီၤ.+
၃ အဝဲသ့ၣ် တမၤတၢ် တတီတလိၤ နီတမံၤဘၣ်.
ဒီးအဝဲသ့ၣ် မၤဝဲဒ်ကစၢ်ယွၤ အတၢ်ဘၣ်သးအသိးလီၤ.+
၄ အိ ကစၢ်ယွၤဧၢ, နမၤလိာ်တ့ၢ်ပှၤလၢ
ပကဘၣ်မၤထွဲ နတၢ်မၤလိာ်တဖၣ် လီၤတံၢ်လီၤဆဲးလီၤ.+
၅ ဒ်သိး ယကအိၣ်မူမၤထွဲ နတၢ်ဘျၢတဖၣ် ထီဘိအဂီၢ်
ယမုၢ်လၢ်သပှၢ်တၢၢ်လၢ ယကဆၢထၢၣ်ဂၢၢ်ကျၢၤလီၤ.+
၆ ယမၤဒ်န့ၣ် မ့ၢ်သ့န့ၣ် ဖဲယသမံသမိးကွၢ် နတၢ်မၤလိာ် ခဲလၢာ်အခါ
ယတဒိးန့ၢ်ဘၣ် တၢ်မဲာ်ဆှးဘၣ်.+
၇ ဖဲယမၤလိ နတၢ်စံၣ်ညီၣ်ဆၢတဲာ်လၢ အတီအလိၤတဖၣ်အခါ
ယကစံးထီၣ်ပတြၢၤနၤလၢ တၢ်သူၣ်ဘျၢသးဘျၢ အပူၤလီၤ.
၈ ယကအိၣ်မူမၤထွဲ နတၢ်ဘျၢတဖၣ်လီၤ.
တဘၣ်ပာ်တ့ၢ်ကွံာ်ယၤ နီတဘျီတဂ့ၤ.
ב
၉ ပိာ်ခွါသးစၢ်တဂၤ အိၣ်မူတၢ်အိၣ်မူလၢ အကဆှီ ကသ့ဒ်လဲၣ်.
အဝဲကဘၣ် အိၣ်ပလီၢ်အသး ဒီးမၤထွဲ ဒ်နကလုၢ်ကထါ အိၣ်ဝဲအသိးလီၤ.+
၁၀ ယဃု နတၢ်ဟံးစုနဲၣ်ကျဲလၢ ယသးဒီဖျၢၣ်ညါလီၤ.
တဘၣ်ပျဲလၢ ယကယံၤထီၣ်ဒီး နတၢ်မၤလိာ်တဖၣ်တဂ့ၤ.+
၁၁ ဒ်သိး ယသုတမၤကမၣ်ဘၣ် နၤတဂ့ၤအဂီၢ်+
ယပာ်ဖှိၣ်ဃာ် တၢ်လၢနတဲတဖၣ်န့ၣ် လၢယသးပူၤ ဒ်တၢ်လုၢ်ဒိၣ်ပှ့ၤဒိၣ် အသိးလီၤ.+
၁၂ အိ ယဟိဝၤယွၤဧၢ, မ်ပှၤစံးထီၣ်ပတြၢၤနၤတက့ၢ်.
သိၣ်လိယၤလၢ နတၢ်ဘျၢတဖၣ်တက့ၢ်.
၁၃ တၢ်စံၣ်ညီၣ်ဆၢတဲာ်တဖၣ်လၢ နတဲပာ်စၢၤန့ၣ်
ယကတဲဖျါထီၣ်အီၤလၢ ယထးခိၣ် ခဲလၢာ်လီၤ.
၁၆ ယဘၣ်သူၣ်ဘၣ်သး နတၢ်သိၣ်တၢ်သီတဖၣ်လီၤ.
ယတသးပ့ၤနီၣ် နကလုၢ်ကထါဘၣ်.+
ג
၁၇ မၤဂ့ၤယၤ ဒ်သိးယကဆဲးမူ
ဒီးမၤထွဲ နကလုၢ်ကထါ အဂီၢ်တက့ၢ်.+
၁၈ အိးထီၣ်ယမဲာ် ဒ်သိး ယကထံၣ်ဘၣ် တၢ်လၢအလီၤလိၢ်လီၤလးတဖၣ်လၢ
နတၢ်သိၣ်တၢ်သီအပူၤ ၡဲၡဲတက့ၢ်.
၁၉ ယလီၤဂာ်ဒ် ပှၤထံဂၤကီၢ်ဂၤဖိလၢ ကီၢ်ပူၤလီၤ.+
တဘၣ်ပာ်ခူသူၣ်ကွံာ် နတၢ်မၤလိာ်တဖၣ်လၢ ယအိၣ်တဂ့ၤ.
၂၀ ယဆၢသ့ၣ်ညါ နတၢ်စံၣ်ညီၣ်ဆၢတဲာ်တဖၣ်
ကိးဆၢကတီၢ်ဒဲးလီၤ.
၂၁ ပှၤလၢအမၤဖဲအသးလၢ တၢ်ပာ်ထီၣ်ထီသးအပူၤ,
ပှၤလၢအဘၣ်တၢ်ဆိၣ်အၢ ခီဖျိလၢအယံၤထီၣ်ဒီး နတၢ်မၤလိာ်တဖၣ်န့ၣ် နသိၣ်ဃီၣ် အဝဲသ့ၣ်လီၤ.+
၂၂ ယမၤထွဲ နတၢ်ဒုးသ့ၣ်နီၣ်ထီၣ်က့ၤတဖၣ်အဃိ
မၤဒ်သိး အဝဲသ့ၣ် သုတဒုၣ်ဒွဲၣ် ဒီးပာ်ဆံးယၤလၢၤတဂ့ၤ.
၂၃ ဖဲပဒိၣ်ဖးဒိၣ်တဖၣ် ဆ့ၣ်နီၤ တဲအၢတဲသီယၤအခါဒၣ်လဲာ်
ယဆိကမိၣ်ထံ* နတၢ်ဘျၢတဖၣ်လီၤ.
၂၄ ယဘၣ်သူၣ်ဘၣ်သး နတၢ်ဒုးသ့ၣ်နီၣ်ထီၣ်က့ၤတဖၣ်လီၤ.+
နတၢ်ဒုးသ့ၣ်နီၣ်ထီၣ်က့ၤတဖၣ်န့ၣ် လီၤဂာ်ဒ် ယပှၤဟ့ၣ်ကူၣ်တၢ်တဖၣ်လီၤ.+
ד
၂၅ ယမံနီၤအီထီလာ်လၢ ဟီၣ်ခိၣ်ကမူၣ်ကျါလီၤ.+
ပာ်မူယၤဒ် နတဲပာ်စၢၤ အသိးန့ၣ်တက့ၢ်.+
၂၆ ယတဲဘၣ်နၤ တၢ်လၢယမၤခဲလၢာ် ဒီးနဟံးစုနဲၣ်ကျဲယၤလီၤ.
သိၣ်လိယၤလၢ နတၢ်ဘျၢတဖၣ်တက့ၢ်.+
၂၇ ဒ်သိး ယကဆိကမိၣ်ထံ* နတၢ်မၤလၢ အလီၤလိၢ်လီၤလးတဖၣ်အဂ့ၢ်အဂီၢ်+
မၤစၢၤယၤ ဒ်သိးယကနၢ်ပၢၢ် နတၢ်မၤလိာ်တဖၣ် အခီပညီအဂီၢ်တက့ၢ်.
၂၈ လၢတၢ်သးအုးအဃိ ယမံတန့ၢ်ဘၣ်.
မၤဆူၣ်ထီၣ်က့ၤ ယဂံၢ်ယဘါ ဒ်နတဲပာ်စၢၤယၤ အသိးန့ၣ်တက့ၢ်.
၂၉ ဒ်သိး ယသုတကဲပှၤလၢ အလံၣ်တၢ်လီတၢ်တဂ့ၤအဂီၢ် မၤစၢၤယၤတက့ၢ်.+
ပာ်ဖျါထီၣ်လၢ နဘၣ်သူၣ်ဘၣ်သးယၤ ဒီးဟ့ၣ်လီၤယၤ နတၢ်သိၣ်တၢ်သီန့ၣ်တက့ၢ်.
၃၀ ယဃုထၢ တၢ်သးတီအကျဲလံ.+
ယသ့ၣ်ညါလၢ နတၢ်စံၣ်ညီၣ်ဆၢတဲာ်တဖၣ်န့ၣ် ဘၣ်ဝဲလီၤ.
၃၁ အိ ယဟိဝၤယွၤဧၢ, ယဖီၣ်တံၢ်ဃာ် နတၢ်ဒုးသ့ၣ်နီၣ်ထီၣ်က့ၤတဖၣ်လီၤ.+
တဘၣ်ပျဲလၢ ယတၢ်မုၢ်လၢ် ကဟးဂီၤ* တဂ့ၤ.+
၃၂ ယကလူၤပိာ်ထွဲ နတၢ်မၤလိာ်တဖၣ်လၢ တၢ်သးဆူၣ်အပူၤ
မ့ၢ်လၢ နအိးထီၣ်ယသးလၢ ယကသ့ၣ်ညါ အါထီၣ်အီၤအဃိလီၤ.
ה
၃၄ ဟ့ၣ်ယၤ တၢ်သ့ၣ်ညါနၢ်ပၢၢ်
ဒ်သိးယကအိၣ်မူမၤထွဲ နတၢ်သိၣ်တၢ်သီ
ဒီးဟံးဃာ်အီၤလၢ ယသးဒီဖျၢၣ်ညါတက့ၢ်.
၃၆ ထိၣ်ဟူးထိၣ်ဂဲၤထီၣ်ယသး ဒ်သိးယက ဘၣ်သူၣ်ဘၣ်သး နတၢ်ဒုးသ့ၣ်နီၣ်ထီၣ်က့ၤတဖၣ်
ဒီးဒ်သိးယသုတဃု ယနီၢ်ကစၢ်အဘျုးတဂ့ၤ အဂီၢ်တက့ၢ်.+
၃၇ ဒ်သိး ယသုတကွၢ်တၢ်လၢ အဘျုးတအိၣ်ဘၣ်တဖၣ် တဂ့ၤအဂီၢ် မၤစၢၤယၤတက့ၢ်.+
ဒီးဒုးလဲၤယၤ လၢနကျဲ ဒ်သိးယကဆဲးမူအဂီၢ် န့ၣ်တက့ၢ်.
၃၈ ဒ်သိး ပှၤကပျံၤနၤအဂီၢ်
မၤလၢပှဲၤ တၢ်လၢနအၢၣ်လီၤယၤ* န့ၣ်တက့ၢ်.
၃၉ နတၢ်စံၣ်ညီၣ်ဆၢတဲာ်တဖၣ်န့ၣ် ဂ့ၤဝဲအဃိ+
ထုးထီၣ်ကွံာ် တၢ်မဲာ်ဆှးလၢ ယပျံၤအီၤန့ၣ်တက့ၢ်.
၄၀ ကွၢ်မီၤ, ယလီကီ နတၢ်မၤလိာ်တဖၣ် ဒိၣ်မးလီၤ.
နမ့ၢ်ပှၤလၢအတီအလိၤအဃိ ပာ်မူယၤတက့ၢ်.
ו
၄၁ အိ ယဟိဝၤယွၤဧၢ, ဒ်နအၢၣ်လီၤ* ပာ်စၢၤအသိး+
မ်နပာ်ဖျါထီၣ် နတၢ်အဲၣ်လၢအတီလၢ ယဖီခိၣ် ဒီးအုၣ်က့ၤခီၣ်က့ၤယၤတက့ၢ်.+
၄၂ တၢ်မ့ၢ်မၤသးဒ်န့ၣ်မး ယကစံးဆၢ ပှၤလၢအဒုၣ်ဒွဲၣ်ယၤ
မ့ၢ်လၢ ယနာ်န့ၢ် နကလုၢ်ကထါ အဃိလီၤ.
၄၃ ယခိးကွၢ်လၢ် နတၢ်စံၣ်ညီၣ်ဆၢတဲာ်အဃိ
မၤစၢၤယၤ ဒ်သိး ယကဆဲးတဲ တၢ်မ့ၢ်တၢ်တီတက့ၢ်.
၄၄ ယကအိၣ်မူမၤထွဲ နတၢ်သိၣ်တၢ်သီ ထီဘိ
လီၤထူလီၤယိာ်လီၤ.+
၄၅ ယဂုာ်ကျဲးစၢး အိၣ်မူမၤထွဲ ဒ်နတၢ်မၤလိာ်တဖၣ် အဃိ
ဖဲယလဲၤ တပူၤဂ့ၤတပူၤဂ့ၤန့ၣ် ယကအိၣ်ဒီး တၢ်ဘံၣ်တၢ်ဘၢလီၤ.+
၄၇ ယဘၣ်သူၣ်ဘၣ်သး နတၢ်မၤလိာ်တဖၣ်
ဒီးယအဲၣ်အီၤဒိၣ်မးလီၤ.+
၄၈ ယအဲၣ် နတၢ်မၤလိာ်တဖၣ် အဃိ ယကဃ့ထုကဖၣ် ဒီးယူာ်ထီၣ်ယစုလီၤ.+
ဒီးယကဆိကမိၣ်ထံ* ဘၣ်ဃးဒီး နတၢ်ဘျၢတဖၣ် အဂ့ၢ်လီၤ.+
ז
၄၉ တၢ်ကတိၤလၢ နတဲယၤလၢ
အဒုးအိၣ်ထီၣ် ယတၢ်မုၢ်လၢ်န့ၣ် သ့ၣ်နီၣ်ထီၣ်အီၤတက့ၢ်.
၅၀ အဝဲန့ၣ် မ့ၢ်တၢ်လၢ အမၤမုာ်ထီၣ်က့ၤယသးလၢ ယတၢ်နးတၢ်ဖှီၣ်အပူၤ+
မ့ၢ်လၢ တၢ်လၢနတဲန့ၣ် ပာ်မူယၤအဃိလီၤ.
၅၁ ပှၤလၢအပာ်ထီၣ်ထီအသးန့ၣ် ဒုၣ်ဒွဲၣ်ယၤ နးမး
ဘၣ်ဆၣ် ယမၤထွဲ နတၢ်သိၣ်တၢ်သီ ထီဘိလီၤ.+
၅၂ အိ ယဟိဝၤယွၤဧၢ, ယသ့ၣ်နီၣ်ထီၣ်က့ၤ နတၢ်စံၣ်ညီၣ်ဆၢတဲာ် လၢပျၢၤတဖၣ်+
ဒီးနတၢ်စံၣ်ညီၣ်ဆၢတဲာ်တဖၣ်န့ၣ် မၤမုာ်ထီၣ်က့ၤယသးလီၤ.+
၅၃ ခီဖျိပှၤအၢပှၤသီတဖၣ်လၢ အတကနၣ်ဃုာ် နတၢ်သိၣ်တၢ်သီလၢၤဘၣ်အဃိ+
ယသးပှံၢ်ထီၣ်ဒိၣ်မးလီၤ.
၅၄ ဖဲယအိၣ်တပူၤဂ့ၤတပူၤဂ့ၤ နတၢ်ဘျၢတဖၣ်န့ၣ်
မ့ၢ်ယတၢ်သးဝံၣ်လီၤ.
၅၅ အိ ယဟိဝၤယွၤဧၢ, ဒ်သိးယကအိၣ်မူမၤထွဲ နတၢ်သိၣ်တၢ်သီအဂီၢ်
လၢမုၢ်နၤခီန့ၣ် ယသ့ၣ်နီၣ်ထီၣ်က့ၤ နမံၤလီၤ.+
၅၆ ယမၤဒ်န့ၣ်ထီဘိ
မ့ၢ်လၢ ယမၤထွဲ နတၢ်မၤလိာ်တဖၣ်အဃိလီၤ.
ח
၅၇ ယဟိဝၤယွၤဧၢ, နဟ့ၣ်ယၤ တၢ်လၢယလိၣ်ဘၣ် ခဲလၢာ်.+
ယအၢၣ်လီၤတ့ၢ်လၢ ယကအိၣ်မူမၤထွဲ တၢ်လၢနတဲတဖၣ်လီၤ.+
၅၉ ဒ်သိး ယကဟဲက့ၤကဒါက့ၤ ဒီးအိၣ်မူမၤထွဲ နတၢ်ဒုးသ့ၣ်နီၣ်ထီၣ်က့ၤတဖၣ်အဂီၢ်+
ယသမံသမိးလီၤက့ၤ ယတၢ်အိၣ်မူလံ.
၆၀ ယမၤချ့ချ့ ဒီးယတမၤယံာ်မၤနီၢ်ယသး
ဒ်သိး ယကအိၣ်မူမၤထွဲ နတၢ်မၤလိာ်တဖၣ်အဂီၢ်ဘၣ်.+
၆၁ ပှၤအၢပှၤသီ ဆီၣ်တံၢ်မၤနၢၤယၤ
ဘၣ်ဆၣ် ယတသးပ့ၤနီၣ် နတၢ်သိၣ်တၢ်သီတဖၣ်ဘၣ်.+
၆၂ ခီဖျိလၢ နတၢ်စံၣ်ညီၣ်ဆၢတဲာ်လၢ အတီတဖၣ်အဃိ
ယဂဲၤဆၢထၢၣ် စံးဘျုးနၤလၢ ဖးဖီမုၢ်လီၤ.+
၆၄ အိ ယဟိဝၤယွၤဧၢ, နတၢ်အဲၣ်လၢအတီန့ၣ် အိၣ်ပှဲၤဝဲလၢ ဟီၣ်ခိၣ်လီၤ.+
သိၣ်လိယၤလၢ နတၢ်ဘျၢတဖၣ်တက့ၢ်.
ט
၆၅ အိ ယဟိဝၤယွၤဧၢ, နမၤဂ့ၤယၤ
ဒ်နတဲပာ်စၢၤ အသိးလီၤ.
၆၆ မ့ၢ်လၢ ယနာ်န့ၢ် နတၢ်မၤလိာ်တဖၣ်အဃိ
သိၣ်လိယၤ ဒ်သိးယကအိၣ်ဒီး တၢ်သ့ၣ်ညါ ဒီးယပဲာ်ထံနီၤဖးတၢ် ကသ့ဂ့ၤဂ့ၤ အဂီၢ်တက့ၢ်.+
၆၇ တချုးလၢ ယဘၣ်နးဘၣ်ဖှီၣ်ဒံးဘၣ်န့ၣ် ယဟးဖျိးကျဲလီၤ.
ဘၣ်ဆၣ် ခဲအံၤ ယမၤထွဲ တၢ်လၢနတဲတဖၣ်လီၤ.+
၆၈ နမ့ၢ်ပှၤလၢအဂ့ၤ+ ဒီးနတၢ်မၤတဖၣ်န့ၣ် မ့ၢ်တၢ်လၢအဂ့ၤလီၤ.
သိၣ်လိယၤလၢ နတၢ်ဘျၢတဖၣ်တက့ၢ်.+
၆၉ ပှၤလၢ အပာ်ထီၣ်ထီအသးန့ၣ် တဲဟးဂီၤယဂ့ၢ် သပှၢ်တၢၢ်,
ဘၣ်ဆၣ် ယမၤထွဲ နတၢ်မၤလိာ်တဖၣ် လၢယသးဒီဖျၢၣ်ညါလီၤ.
၇၀ အဝဲသ့ၣ်အသးကိၤဝဲ ဒ်လၢၢ်အသိးအဃိ အတတူၢ်ဘၣ် တၢ်နီတမံၤလၢၤဘၣ်.+
ဘၣ်ဆၣ် မ့မ့ၢ်ယၤန့ၣ် ယဘၣ်သူၣ်ဘၣ်သး နတၢ်သိၣ်တၢ်သီလီၤ.+
י
၇၃ နစုတ့ယၤ ဒီးကတဲာ်ကတီၤပာ်စၢၤယၤလီၤ.
ဟ့ၣ်ယၤတၢ်နၢ်ပၢၢ်
ဒ်သိးယမၤလိ နတၢ်မၤလိာ်တဖၣ် ကသ့အဂီၢ်တက့ၢ်.+
၇၄ မ့ၢ်လၢ ယမုၢ်လၢ်တၢ်လၢ နကလုၢ်ကထါပူၤအဃိ+
ပှၤလၢအပျံၤနၤန့ၣ် အထံၣ်ယၤဒီး သးခုဝဲလီၤ.
၇၈ ပှၤလၢအပာ်ထီၣ်ထီအသးတဖၣ်န့ၣ် ယတမၤအဝဲသ့ၣ် နီတမံၤဘၣ်သနာ်က့ အဝဲသ့ၣ်မၤကမၣ်ယၤလီၤ.
အဃိ မ်အဝဲသ့ၣ် ဒိးန့ၢ်ဘၣ် တၢ်မဲာ်ဆှးတက့ၢ်.
ဘၣ်ဆၣ် မ့မ့ၢ်ယၤန့ၣ် ယကဆိကမိၣ်ထံ* နတၢ်မၤလိာ်တဖၣ်လီၤ.+
၇၉ ပှၤလၢအပျံၤနၤ ဒီးပှၤလၢအသ့ၣ်ညါ နတၢ်ဒုးသ့ၣ်နီၣ်ထီၣ်က့ၤတဖၣ်န့ၣ်
မ်အဝဲသ့ၣ် ဟဲက့ၤကဒါလၢ ယအိၣ်တက့ၢ်.
כ
၈၁ ယမုၢ်လၢ်တၢ်လၢ နကလုၢ်ကထါပူၤအဃိ
ယခိးကွၢ်လၢ် နတၢ်အုၣ်က့ၤခီၣ်က့ၤလီၤ.+
၈၂ ဖဲယခိးကွၢ်လၢ်လၢ နတၢ်အၢၣ်လီၤ ကလၢထီၣ်ပှဲၤထီၣ်အခါ ယမဲာ်ချံလီၤဘှံးဝဲ+
ဒီးယသံကွၢ်လၢ “နကမၤမုာ်ထီၣ်ယသး ဆံးယံာ်လဲၣ်.”+
၈၃ ယလီၤဂာ်ဒ်သိးဒီး ထၢၣ်တၢ်ဖံးလၢ အဃ့ထီဝဲလၢ မ့ၣ်အူခုၣ်အကျါအသိး
ဘၣ်ဆၣ် ယတသးပ့ၤနီၣ် နတၢ်ဘျၢတဖၣ်ဘၣ်.+
၈၄ နကစံၣ်ညီၣ် ပှၤလၢအမၤအၢမၤနးယၤတဖၣ် ဆံးယံာ်လဲၣ်.+
ယကဘၣ်အိၣ်ခိး ယံာ်ဒံးထဲလဲၣ်.
၈၅ ပှၤလၢအပာ်ထီၣ်ထီအသး ဒီးပှၤလၢအတအိၣ်မူမၤထွဲ နတၢ်သိၣ်တၢ်သီဘၣ်န့ၣ်
ခူၣ်လီၤတၢ်ပူၤလၢ ယဂီၢ်လီၤ.
၈၆ နတၢ်မၤလိာ်ခဲလၢာ်န့ၣ် ပနာ်န့ၢ်အီၤသ့လီၤ.
ယတမၤပှၤ တၢ်နီတမံၤဘၣ်သနာ်က့ ပှၤမၤအၢမၤနးယၤအဃိ မၤစၢၤယၤတက့ၢ်.+
၈၇ အဝဲသ့ၣ် ဘူးကမၤလီၤမၢ်ကွံာ်ယၤလၢ ဟီၣ်ခိၣ်ချၢညါ.
ဘၣ်ဆၣ် ယတပာ်တ့ၢ်ကွံာ် နတၢ်မၤလိာ်တဖၣ်ဘၣ်.
၈၈ ခီဖျိလၢ နတၢ်အဲၣ်လၢအတီအဃိ ပာ်မူယၤ
ဒ်သိး ယကအိၣ်မူမၤထွဲ နတၢ်ဒုးသ့ၣ်နီၣ်ထီၣ်က့ၤလၢ နတဲတ့ၢ်တဖၣ်တက့ၢ်.
ל
၈၉ အိ ယဟိဝၤယွၤဧၢ,
နကလုၢ်ကထါ ကအိၣ်ဝဲ လီၤထူလီၤယိာ် ဒ်မူခိၣ်အသိးလီၤ.+
၉၀ နတၢ်သးတီန့ၣ် အိၣ်ဝဲဆိးဝဲ အစိၤစိၤအဃၣ်ဃၣ်လီၤ.+
ဒ်သိးဟီၣ်ခိၣ် ကဆဲးအိၣ်ဝဲအဂီၢ် နပာ်လီၤအီၤကျၢၤကျၢၤလီၤ.+
၉၁ ခီဖျိလၢ နတၢ်စံၣ်ညီၣ်ဆၢတဲာ်တဖၣ်အဃိ အဝဲသ့ၣ်* အိၣ်တုၤလၢ မုၢ်မဆါတနံၤအံၤလီၤ.
အဝဲသ့ၣ်ခဲလၢာ်န့ၣ် မ့ၢ်နခ့နပှၤလီၤ.
၉၂ ယမ့ၢ်တဘၣ်သူၣ်ဘၣ်သး နတၢ်သိၣ်တၢ်သီဘၣ်န့ၣ်
ယဟးဂီၤလၢ ယတၢ်နးတၢ်ဖှီၣ်အပူၤလံ.+
၉၃ နပာ်မူယၤ ခီဖျိလၢ နတၢ်မၤလိာ်တဖၣ်အဃိ+
ယတသးပ့ၤနီၣ် နတၢ်မၤလိာ်တဖၣ် နီတဘျီဘၣ်.
၉၄ ယဂုာ်ကျဲးစၢး အိၣ်မူမၤထွဲ ဒ်နတၢ်မၤလိာ်တဖၣ်လံ.+
အဃိ ယကဲနတၢ်လီၤ. မၤပူၤဖျဲးယၤတက့ၢ်.+
၉၅ ပှၤအၢပှၤသီ အဲၣ်ဒိးမၤဟးဂီၤယၤ,
ဘၣ်ဆၣ် ယသးစၢၢ်ဆၢဒံး နတၢ်ဒုးသ့ၣ်နီၣ်ထီၣ်က့ၤတဖၣ်လီၤ.
၉၆ ယထံၣ်လၢ တၢ်လၢတၢ်ပှဲၤခဲလၢာ်န့ၣ် အတၢ်လီၤတူာ်လီၤကာ်အိၣ်ဝဲ
ဘၣ်ဆၣ် နတၢ်မၤလိာ်တဖၣ်န့ၣ် အတၢ်လီၤတူာ်လီၤကာ် တအိၣ်ဘၣ်.
מ
၉၈ နတၢ်မၤလိာ်တဖၣ်န့ၣ် အိၣ်ဒီးယၤထီဘိ,
အဃိ အဒုးကူၣ်သ့ယၤ တုၤဒၣ်လဲာ် ယကူၣ်တၢ်သ့ အါန့ၢ်ဒံး ယဒုၣ်ယဒါတဖၣ်လီၤ.+
၉၉ ခီဖျိလၢ ယဆိကမိၣ်ထံ* နတၢ်ဒုးသ့ၣ်နီၣ်ထီၣ်က့ၤတဖၣ်အဃိ
ယအိၣ်ဒီး တၢ်သ့ၣ်ညါနၢ်ပၢၢ် အါန့ၢ်ဒံး ယသရၣ်ကိးဂၤဒဲးလီၤ.+
၁၀၀ ခီဖျိလၢ ယမၤထွဲ နတၢ်မၤလိာ်တဖၣ်အဃိ
ယအိၣ်ဒီး တၢ်နၢ်ပၢၢ် အါန့ၢ်ဒံး ပှၤလၢအသးပှၢ်တဖၣ်လီၤ.
၁၀၁ ဒ်သိး ယအိၣ်မူမၤထွဲ နကလုၢ်ကထါ ကသ့အဂီၢ်
ယတလဲၤလၢ ကျဲအၢကျဲသီ နီတဘိဘၣ်.+
၁၀၂ မ့ၢ်လၢ နသိၣ်လိတ့ၢ်ယၤအဃိ
ယမၤထွဲဒ် နတၢ်စံၣ်ညီၣ်ဆၢတဲာ်တဖၣ် အိၣ်ဝဲအသိး ထီဘိလီၤ.
၁၀၄ ခီဖျိလၢ နတၢ်မၤလိာ်တဖၣ်အဃိ ယအိၣ်ဒီး တၢ်နၢ်ပၢၢ်လီၤ.+
လၢတၢ်န့ၣ်အဃိ ယသးဟ့ကျဲလၢအကမၣ် ကိးဘိဒဲးလီၤ.+
נ
၁၀၆ ယမၤတ့ၢ် တၢ်အၢၣ်လီၤလၢ ယကအိၣ်မူမၤထွဲ
နတၢ်စံၣ်ညီၣ်ဆၢတဲာ် လၢအတီအလိၤတဖၣ် ဒီးယကမၤလၢပှဲၤအီၤလီၤ.
၁၀၇ အိ ယဟိဝၤယွၤဧၢ, ယဘၣ်နးဘၣ်ဖှီၣ်ဒိၣ်မး.+
ပာ်မူယၤဒ် နတဲပာ်စၢၤ အသိးန့ၣ်တက့ၢ်.+
၁၀၈ အိ ယဟိဝၤယွၤဧၢ, ယထးခိၣ် အတၢ်လုၢ်စံးထီၣ်ပတြၢၤတဖၣ်လၢ တၢ်သးအိၣ်အပူၤန့ၣ် ဝံသးစူၤ တူၢ်လိာ်အီၤတက့ၢ်.+
ဒီးသိၣ်လိယၤ နတၢ်စံၣ်ညီၣ်ဆၢတဲာ်တဖၣ်တက့ၢ်.+
၁၀၉ တၢ်ဘၣ်ယိၣ်အလီၢ်အိၣ်ဝဲလၢ ယသးသမူအဂီၢ်ထီဘိ
ဘၣ်ဆၣ် ယတသးပ့ၤနီၣ် နတၢ်သိၣ်တၢ်သီဘၣ်.+
၁၁၀ ပှၤအၢပှၤသီ ဒိးလီၤ ပျံၤသကွီၤ လၢယဂီၢ်
ဘၣ်ဆၣ် ယတဟးယံၤဒီး နတၢ်မၤလိာ်တဖၣ်ဘၣ်.+
၁၁၂ ယဆၢတဲာ်လီၤယသး ဂၢၢ်ဂၢၢ်ကျၢၤကျၢၤလၢ ယကဒိကနၣ် နတၢ်ဘျၢတဖၣ်
တစိၤလၢယသး တုၤလၢအကတၢၢ်လီၤ.
ס
၁၁၃ ပှၤလၢအသးတတီဒီးနၤလၢ အသးဒီဖျၢၣ်ဘၣ်န့ၣ် ယသးဟ့အဝဲသ့ၣ်လီၤ.+
မ့မ့ၢ် နတၢ်သိၣ်တၢ်သီန့ၣ် ယအဲၣ်အီၤလီၤ.+
၁၁၅ ဒ်သိး ယအိၣ်မူမၤထွဲ ယကစၢ်ယွၤ အတၢ်မၤလိာ်တဖၣ် ကသ့အဂီၢ်
သုဝဲပှၤအၢပှၤသီသ့ၣ်ဧၢ, အိၣ်ယံၤဒီးယၤတက့ၢ်.+
၁၁၆ အိ ကစၢ်ယွၤဧၢ, ဒ်သိးယကဆဲးမူအဂီၢ်
ဆီၣ်ထွဲယၤ ဒ်နအၢၣ်လီၤပာ်စၢၤအသိးတက့ၢ်.+
တဘၣ်ပျဲလၢ ယတၢ်မုၢ်လၢ် ကဟးဂီၤတဂ့ၤ.+
၁၁၇ ဒ်သိး ယကပူၤဖျဲးအဂီၢ် ဆီၣ်ထွဲယၤတက့ၢ်.+
ဒီးယကသးစၢၢ်ဆၢ နတၢ်ဘျၢတဖၣ် ထီဘိလီၤ.+
၁၁၈ ပှၤလၢ အဟးယံၤဒီး နတၢ်ဘျၢတဖၣ်န့ၣ် နတတူၢ်လိာ် အဝဲသ့ၣ် နီတဂၤဘၣ်.+
အဝဲသ့ၣ်မ့ၢ် ပှၤတတီတလိၤဘၣ် ဒီးပှၤလံၣ်တၢ်လီတၢ်လီၤ.
၁၁၉ ပှၤအၢပှၤသီလၢ ဟီၣ်ခိၣ်ချၢခဲလၢာ်န့ၣ် နတၢၤကွံာ် အဝဲသ့ၣ် ဒ်တၢ်ကမှံၤအသိးလီၤ.+
လၢတၢ်န့ၣ်အဃိ ယအဲၣ် နတၢ်ဒုးသ့ၣ်နီၣ်ထီၣ်က့ၤတဖၣ်လီၤ.
၁၂၀ ယ* ကနိးလၢ တၢ်ပျံၤနၤအဃိ
ဒီးယယူးယီၣ်ပာ်ကဲ နတၢ်စံၣ်ညီၣ်ဆၢတဲာ်တဖၣ်လီၤ.
ע
၁၂၁ ယမၤတ့ၢ် တၢ်လၢအဘၣ် ဒီးယမၤတၢ်တီတီလိၤလိၤအဃိ
တဘၣ်ဟ့ၣ်လီၤကွံာ်ယၤလၢ ပှၤလၢအဆီၣ်တံၢ်မၤနၢၤယၤတဖၣ် အစုပူၤတဂ့ၤ.
၁၂၂ အၢၣ်လီၤလၢ နကမၤစၢၤ နခ့နပှၤယၤအံၤတက့ၢ်.
ပှၤလၢအပာ်ထီၣ်ထီအသးန့ၣ် မ်အသု တဆီၣ်တံၢ်မၤနၢၤယၤတဂ့ၤ.
၁၂၅ ယမ့ၢ်နခ့နပှၤလီၤ. ဟ့ၣ်ယၤ တၢ်သ့ၣ်ညါ+
ဒ်သိး ယကနၢ်ပၢၢ် နတၢ်ဒုးသ့ၣ်နီၣ်ထီၣ်က့ၤတဖၣ်တက့ၢ်.
၁၂၆ အိ ယဟိဝၤယွၤဧၢ, အဝဲသ့ၣ် မၤဟးဂီၤ နတၢ်သိၣ်တၢ်သီအဃိ
တၢ်ဆၢကတီၢ်လၢ နကမၤတၢ်တမံၤမံၤန့ၣ် ဟဲတုၤဝဲလံ.+
၁၂၇ လၢတၢ်န့ၣ်အဃိ ယအဲၣ် နတၢ်မၤလိာ်တဖၣ်
ဒိၣ်န့ၢ်ဒံးထူ ဒီးထူစီလီၤ.+
פ
၁၂၉ နတၢ်ဒုးသ့ၣ်နီၣ်ထီၣ်က့ၤတဖၣ်န့ၣ် လီၤကမၢကမၣ်ဒိၣ်မး.
လၢတၢ်န့ၣ်အဃိ ယအိၣ်မူမၤထွဲအီၤလီၤ.
၁၃၀ ဖဲတၢ်ပာ်ဖျါထီၣ် နတၢ်ကတိၤတဖၣ် အခီပညီအခါ အဟ့ၣ်ထီၣ်တၢ်ကပီၤ+
ဒီးအဟ့ၣ်တၢ်နၢ်ပၢၢ်လၢ ပှၤလၢအတၢ်လဲၤခီဖျိစှၤတဖၣ် အအိၣ်လီၤ.+
၁၃၁ မ့ၢ်လၢ ယလီကီ နတၢ်မၤလိာ်တဖၣ်အဃိ+
ယအိးထီၣ် ယထးခိၣ် ဒီးသါသဖှိထီၣ်လီၤ.
၁၃၃ ဒ်သိး ယကလဲၤတၢ် ပူၤပူၤဖျဲးဖျဲးအဂီၢ် ဟံးစုနဲၣ်ကျဲယၤ ခီဖျိ တၢ်လၢနတဲတဖၣ်န့ၣ်တက့ၢ်.
မ်တၢ်အၢတၢ်သီ သုတဒိၣ်စိလၢ ယဖီခိၣ် နီတမံၤတဂ့ၤ.+
၁၃၄ မၤပူၤဖျဲး* ယၤလၢ ပှၤလၢအဆီၣ်တံၢ်မၤနၢၤတၢ်တဖၣ် အစုပူၤတက့ၢ်.
ဒီးယကအိၣ်မူမၤထွဲ နတၢ်မၤလိာ်တဖၣ်လီၤ.
၁၃၅ ပာ်ဖျါထီၣ်လၢ နဘၣ်သူၣ်ဘၣ်သး နခ့နပှၤ ယၤအံၤတက့ၢ်.+
ဒီးသိၣ်လိယၤလၢ နတၢ်ဘျၢတဖၣ်တက့ၢ်.
၁၃၆ မ့ၢ်လၢ ပှၤတအိၣ်မူမၤထွဲ နတၢ်သိၣ်တၢ်သီဘၣ်အဃိ+
ယမဲာ်ထံတဖၣ် ယွၤလီၤဝဲ ဒ်ထံကျိဖိအသိးလီၤ.
צ
၁၃၇ အိ ယဟိဝၤယွၤဧၢ, နမ့ၢ်ပှၤလၢ အတီအလိၤ+
ဒီးနတၢ်စံၣ်ညီၣ်ဆၢတဲာ်တဖၣ်န့ၣ် ကြၢးဝဲဘၣ်ဝဲလီၤ.+
၁၃၈ နတၢ်ဒုးသ့ၣ်နီၣ်ထီၣ်က့ၤတဖၣ်န့ၣ် တီဝဲလိၤဝဲ
ဒီးပှၤသန့ၤသးလၢအီၤ သ့ဝဲလၢာ်လၢာ်ဆ့ဆ့လီၤ.
၁၃၉ ယတၢ်သးဆူၣ်န့ၣ် မၤသးဒ်မ့ၣ်အူ လၢအအီၣ်တၢ်လၢ ယပူၤအသိး+
မ့ၢ်လၢ ယဒုၣ်ယဒါတဖၣ် တကနၣ်ဃုာ် နတၢ်ကတိၤတဖၣ်ဘၣ် အဃိလီၤ.
၁၄၁ ပှၤဆိကမိၣ်ဆံးယၤ ဒီးပှၤသးဘၣ်အၢယၤ+
ဘၣ်ဆၣ် ယတသးပ့ၤနီၣ် နတၢ်မၤလိာ်တဖၣ်ဘၣ်.
၁၄၃ တၢ်ကိၢ်တၢ်ဂီၤ ဒီးတၢ်ကီတၢ်ခဲ ဟဲဘၣ်ယၤ သနာ်က့
ယဘၣ်သူၣ်ဘၣ်သးဒံး နတၢ်မၤလိာ်တဖၣ်လီၤ.
၁၄၄ နတၢ်ဒုးသ့ၣ်နီၣ်ထီၣ်က့ၤတဖၣ်န့ၣ် မ့ၢ်တၢ်လၢ အတီအလိၤ လီၤထူလီၤယိာ်လီၤ.
ဟ့ၣ်ယၤ တၢ်သ့ၣ်ညါနၢ်ပၢၢ်+ ဒ်သိး ယကဆဲးမူအဂီၢ်တက့ၢ်.
ק
၁၄၅ ယကိးထီၣ်နၤလၢ ယသးဒီဖျၢၣ်ညါလီၤ. အိ ယဟိဝၤယွၤဧၢ, စံးဆၢယၤတက့ၢ်.
နတၢ်ဘျၢတဖၣ်န့ၣ် ယကအိၣ်မူမၤထွဲအီၤလီၤ.
၁၄၆ ယကိးထီၣ်နၤလီၤ. မၤပူၤဖျဲးယၤတက့ၢ်.
ယကအိၣ်မူမၤထွဲ နတၢ်ဒုးသ့ၣ်နီၣ်ထီၣ်က့ၤတဖၣ်လီၤ.
၁၄၇ မ့ၢ်လၢ နတၢ်ကတိၤတဖၣ်န့ၣ် မ့ၢ်ဝဲ ယတၢ်မုၢ်လၢ်အဃိ
တချုး မုၢ်ဝါထီၣ်ဒံးဘၣ်န့ၣ် ယပၢၢ်ထီၣ်ဒ်သိး ယကဃ့ နတၢ်မၤစၢၤ အဂီၢ်လီၤ.+
၁၄၉ မ့ၢ်လၢ နတၢ်အဲၣ်လၢအတီအဃိ ဒိကနၣ်ယၤတက့ၢ်.+
အိ ယဟိဝၤယွၤဧၢ, ပာ်မူယၤ ဒ်နတၢ်စံၣ်ညီၣ်တီ အိၣ်ဝဲအသိးတက့ၢ်.
၁၅၀ ပှၤလၢအမၤတၢ်လၢ အလီၤမဲာ်ဆှးန့ၣ် ဟဲသုးဘူးထီၣ်အသး ဒ်သိး ကမၤအၢမၤသီယၤ.
အဝဲသ့ၣ် အိၣ်ယံၤဝဲဒီး နတၢ်သိၣ်တၢ်သီလီၤ.
၁၅၁ အိ ယဟိဝၤယွၤဧၢ, နအိၣ်ဘူးဒီးယၤလီၤ.+
ဒီးနတၢ်မၤလိာ်ခဲလၢာ်န့ၣ် မ့ၢ်တၢ်မ့ၢ်တၢ်တီလီၤ.+
၁၅၂ လၢအပူၤကွံာ်ဖးယံာ်န့ၣ် ယသ့ၣ်ညါဘၣ်လၢ
နတၢ်ဒုးသ့ၣ်နီၣ်ထီၣ်က့ၤတဖၣ်န့ၣ် နဒုးအိၣ်ဂၢၢ်ဆိးကျၢၤအီၤ လီၤထူလီၤယိာ်လီၤ.+
ר
၁၅၃ ယတသးပ့ၤနီၣ် နတၢ်သိၣ်တၢ်သီဘၣ်.
အဃိ ကွၢ်လီၤယတၢ်နးတၢ်ဖှီၣ် ဒီးမၤပူၤဖျဲးယၤတက့ၢ်.+
၁၅၄ ဒီသဒၢယၤဒီး မၤပူၤဖျဲးယၤတက့ၢ်.+
ဒ်နတၢ်အၢၣ်လီၤ* အိၣ်ဝဲအသိးန့ၣ် ပာ်မူယၤတက့ၢ်.
၁၅၅ ပှၤအၢပှၤသီ တအဲၣ်ဒိး အိၣ်မူမၤထွဲ ဒ်နတၢ်ဘျၢတဖၣ် အိၣ်ဝဲအသိးဘၣ်အဃိ+
တၢ်အုၣ်က့ၤခီၣ်က့ၤ အိၣ်ယံၤဒီး အဝဲသ့ၣ်လီၤ.
၁၅၆ အိ ယဟိဝၤယွၤဧၢ, နတၢ်သးကညီၤန့ၣ် ဒိၣ်ဝဲလီၤ.+
ပာ်မူယၤ ဒ်နတၢ်စံၣ်ညီၣ်တီ အိၣ်ဝဲအသိးတက့ၢ်.
၁၅၇ ယဒုၣ်ယဒါတဖၣ် ဒီးပှၤလၢအမၤနးမၤဖှီၣ်ယၤန့ၣ် အိၣ်ဝဲဒီဒူၣ်.+
ဘၣ်ဆၣ် ယမၤထွဲ နတၢ်ဒုးသ့ၣ်နီၣ်ထီၣ်က့ၤတဖၣ် ထီဘိလီၤ.
၁၅၈ ယသးဘၣ်အၢ ပှၤလၢအသးတတီဘၣ်တဖၣ်
မ့ၢ်လၢ အဝဲသ့ၣ် တမၤထွဲ တၢ်လၢနတဲတဖၣ်ဘၣ် အဃိလီၤ.+
၁၅၉ ကွၢ်မီၤ, ယအဲၣ် နတၢ်မၤလိာ်တဖၣ် ဒိၣ်မး.
အိ ယဟိဝၤယွၤဧၢ, ခီဖျိလၢ နတၢ်အဲၣ်လၢအတီအဃိ ပာ်မူယၤတက့ၢ်.+
၁၆၀ နကလုၢ်ကထါခဲလၢာ်န့ၣ် မ့ၢ်တၢ်မ့ၢ်တၢ်တီလီၤ.+
ဒီးနတၢ်စံၣ်ညီၣ်ဆၢတဲာ်လၢ အတီအလိၤ ခဲလၢာ်န့ၣ် ကအိၣ်ဂၢၢ်ဆိးကျၢၤဝဲ လီၤထူလီၤယိာ်လီၤ.
ש
၁၆၁ ယတမၤကမၣ်တၢ် နီတမံၤဘၣ်သနာ်က့ ပဒိၣ်ဖးဒိၣ်တဖၣ် မၤအၢမၤနးယၤလီၤ.+
ဘၣ်ဆၣ် တၢ်လၢနတဲတဖၣ်န့ၣ် ဒုးကမၢကမၣ်ယၤလီၤ.+
၁၆၂ တၢ်လၢနတဲတဖၣ်န့ၣ် မၤသးခုယသး+
ဒ်သိးဒီး ပှၤတဂၤ လၢအထံၣ်န့ၢ် တၢ်လုၢ်ဒိၣ်ပှ့ၤဒိၣ် ဒီဒူၣ်လီၤ.
၁၆၃ ယသးဟ့ တၢ်လံၣ်တၢ်လီ ဒီးယသးဘၣ်အၢအီၤလီၤ.+
ဘၣ်ဆၣ် ယအဲၣ် နတၢ်သိၣ်တၢ်သီလီၤ.+
၁၆၄ ခီဖျိလၢ နတၢ်စံၣ်ညီၣ်ဆၢတဲာ်လၢ အတီအလိၤတဖၣ်အဃိ
ယစံးထီၣ်ပတြၢၤနၤ တနံၤနွံဘျီလီၤ.
၁၆၅ ပှၤလၢအအဲၣ် နတၢ်သိၣ်တၢ်သီန့ၣ် အိၣ်ဒီးတၢ်ဃူတၢ်ဖိး* အါအါဂီၢ်ဂီၢ်+
ဒီးတၢ်မၤလီၤဃံၢ်အဝဲသ့ၣ် တသ့နီတမံၤဘၣ်.
၁၆၆ အိ ယဟိဝၤယွၤဧၢ, ယမုၢ်လၢ် နတၢ်အုၣ်က့ၤခီၣ်က့ၤ
ဒီးယအိၣ်မူမၤထွဲ နတၢ်မၤလိာ်တဖၣ်လီၤ.
၁၆၇ ယအိၣ်မူမၤထွဲ နတၢ်ဒုးသ့ၣ်နီၣ်ထီၣ်က့ၤတဖၣ်
ဒီးယအဲၣ်အီၤ ဒိၣ်မးလီၤ.+
၁၆၈ မ့ၢ်လၢနသ့ၣ်ညါ တၢ်လၢယမၤခဲလၢာ်အဃိ+
ယအိၣ်မူမၤထွဲ နတၢ်မၤလိာ် ဒီးနတၢ်ဒုးသ့ၣ်နီၣ်ထီၣ်က့ၤတဖၣ်လီၤ.
ת
၁၆၉ အိ ယဟိဝၤယွၤဧၢ, မ်ယတၢ်ကိးပသူထီၣ်လၢ တၢ်မၤစၢၤအဂီၢ်န့ၣ် ဟူထီၣ်တုၤလၢနအိၣ်တက့ၢ်.+
ဒ်သိးယကနၢ်ပၢၢ်တၢ်အဂီၢ် မၤစၢၤယၤ ခီဖျိနကလုၢ်ကထါတက့ၢ်.+
၁၇၀ မ်နဒိကနၣ် ယတၢ်ဃ့ကညးလၢ တၢ်သးကညီၤအဂီၢ်တက့ၢ်.
မၤပူၤဖျဲးယၤ ဒ်နအၢၣ်လီၤ အသိးတက့ၢ်.
၁၇၁ မ့ၢ်လၢ နသိၣ်လိယၤလၢ နတၢ်ဘျၢတဖၣ်အဃိ
ယထးခိၣ် ကစံးထီၣ်ပတြၢၤနၤ ထီဘိလီၤ.+
၁၇၂ နတၢ်မၤလိာ်ခဲလၢာ်န့ၣ် တီဝဲလိၤဝဲအဃိ
မ်ယပျ့ၤ သးဝံၣ်ဘၣ်ဃးဒီး တၢ်လၢနတဲအဂ့ၢ်တက့ၢ်.+
၁၇၄ အိ ယဟိဝၤယွၤဧၢ, ယခိးကွၢ်လၢ် နတၢ်အုၣ်က့ၤခီၣ်က့ၤ
ဒီးယဘၣ်သူၣ်ဘၣ်သး နတၢ်သိၣ်တၢ်သီလီၤ.+
၁၇၅ ဒ်သိး ယစံးထီၣ်ပတြၢၤနၤ ကသ့အဂီၢ် ပာ်မူယၤတက့ၢ်.+
မ်နတၢ်စံၣ်ညီၣ်ဆၢတဲာ်တဖၣ် မၤစၢၤယၤတက့ၢ်.
၁၇၆ ယဟးဖျိးကျဲ ဒ်သိးဒီး သိလၢအလီၤမၢ်တဒုလီၤ.+
မ့ၢ်လၢ ယတသးပ့ၤနီၣ် နတၢ်မၤလိာ်တဖၣ်ဘၣ်+ အဃိ လူၤဃုက့ၤနခ့နပှၤ ယၤအံၤတက့ၢ်.
တၢ်လဲၤထီၣ် အတၢ်သးဝံၣ်.*
၂ အိ ယဟိဝၤယွၤဧၢ, မၤပူၤဖျဲးယၤလၢ ပှၤထးခိၣ်လၢ အလံၣ်တၢ်
ဒီးပှၤပျ့ၤလၢ အလီတၢ်န့ၣ် အစုပူၤတက့ၢ်.
၃ ပှၤပျ့ၤလၢ အလံၣ်တၢ်လီတၢ်ဧၢ,+
ကစၢ်ယွၤ ကမၤနၤဒ်လဲၣ် ဒီးကသိၣ်နၤ ဒ်လဲၣ်န့ၣ် နတသ့ၣ်ညါဧီၤ.
၅ မ့ၢ်လၢယဘၣ်အိၣ် လီၤဂာ်ဒ် ပှၤထံဂၤကီၢ်ဂၤဖိတဂၤလၢ ပှၤမ့ၤၡ့းဖိတဖၣ် အကျါ+
ဒီးဒ်ပှၤတဂၤလၢ အအိၣ်ဘၣ်လၢ ပှၤက့ဒၢ်ဖိတဖၣ် အဒဲအကျါ+ အသိးအဃိ လီၤသးအုးလၢယဂီၢ်ထဲလဲၣ်.
၆ ယဘၣ်အိၣ်လၢ ပှၤလၢအသးဟ့ တၢ်ဃူတၢ်ဖိးအကျါန့ၣ်
ယံာ်တလၢလံ.+
၇ ယလီကီ တၢ်ဃူတၢ်ဖိး ဘၣ်ဆၣ် ဖဲယတဲတၢ်တမံၤဂ့ၤတမံၤဂ့ၤ အခါ
အဝဲသ့ၣ် အဲၣ်ဒိးဒုးတၢ်လီၤ.
တၢ်လဲၤထီၣ် အတၢ်သးဝံၣ်.
၁၂၁ ယကွၢ်ထီၣ်တၢ်လၢ ကစၢၢ်ကလိတဖၣ်အအိၣ်+
ဒီးတဲလၢ မတဂၤ ကမၤစၢၤယၤလဲၣ်.
၂ ယဟိဝၤယွၤ လၢအမ့ၢ်
ပှၤတဂၤလၢ အတ့လီၤမူခိၣ် ဒီးဟီၣ်ခိၣ်န့ၣ် ကမၤစၢၤယၤလီၤ.+
၃ အဝဲတပျဲလၢ နခီၣ် ကတပျာ် နီတဘျီဘၣ်.+
ပှၤတဂၤလၢ အဒီသဒၢနၤန့ၣ် တမံခ့ဝဲ နီတဘျီဘၣ်.
၅ ယဟိဝၤယွၤ ဒီသဒၢနၤလီၤ.
ယဟိဝၤယွၤ မ့ၢ်ဝဲ တၢ်ကဒုလၢ+ အအိၣ်လၢ နစုထွဲတခီလီၤ.+
တၢ်လဲၤထီၣ် အတၢ်သးဝံၣ်. စီၤဒၤဝံးအထါ.
၁၂၂ ဖဲပှၤတဲယၤလၢ
“မ်ပလဲၤသကိးလၢ ယဟိဝၤယွၤ အဟံၣ်”+ အခါ ယသးခုညါ.
၂ အိ ဝ့ၢ်ယရူၤၡလ့ၣ်ဧၢ, ပလဲၤနုာ်လီၤလၢ နပူၤ+
ဒီးပဆၢထၢၣ်လၢ နတြဲၤတဖၣ်အခီၣ်ထံးလံ.
၃ ဝ့ၢ်ယရူၤၡလ့ၣ်န့ၣ် ဘၣ်တၢ်သူၣ်ထီၣ်အီၤ ဒ်ဝ့ၢ်လၢ
အဟံၣ်တဖၣ် အိၣ်ဘုးတာ်လိာ်သး ဃူဃူ အသိးလီၤ.+
၄ ပှၤအဒူၣ်တဖၣ် လၢအမ့ၢ် ယဟိဝၤယွၤ အဒူၣ်တဖၣ်န့ၣ်
လဲၤထီၣ်ဖဲန့ၣ်
ဒ်သိး ကစံးဘျုး ယဟိဝၤယွၤ အမံၤအဂီၢ်+
ဒ်တၢ်ဘျၢလၢ ပှၤအံၣ်စရ့လးဖိ အဂီၢ်အိၣ်ဝဲအသိး,
၅ မ့ၢ်လၢ တၢ်စံၣ်ညီၣ် အလီၢ်ပစိာ်တဖၣ် လၢအမ့ၢ်+
စီၤဒၤဝံး အစၢၤအသွဲၣ် အလီၢ်ပစိာ်တဖၣ်န့ၣ် ဘၣ်တၢ်ဆီလီၤအီၤ ဖဲန့ၣ်အဃိလီၤ.+
၆ ဃ့ထုကဖၣ်လၢ ဝ့ၢ်ယရူၤၡလ့ၣ် ကအိၣ်ဒီး တၢ်ဃူတၢ်ဖိး အဂီၢ်တက့ၢ်.+
အိ ဝ့ၢ်ဧၢ, ပှၤလၢအအဲၣ်နၤန့ၣ် ကအိၣ်ဘၣ် ဘံၣ်ဘံၣ်ဘၢဘၢလီၤ.
၇ မ်တၢ်ဃူတၢ်ဖိး ဆဲးအိၣ်လၢ ဝ့ၢ်ပူၤ*
ဒီးမ်တၢ်ဘံၣ်တၢ်ဘၢ ဆဲးအိၣ်လၢ တၢးလၢအကျၢၤတဖၣ် အပူၤတက့ၢ်.
၈ ဝ့ၢ်ဧၢ, ခီဖျိလၢ ယအဲၣ် ယဒီပုၢ်ဝဲၢ်တဖၣ် ဒီးယသကိးတဖၣ်အဃိ ယကတဲလၢ
“မ်တၢ်ဃူတၢ်ဖိး အိၣ်လၢနပူၤတက့ၢ်.”
၉ ခီဖျိလၢ ယဘၣ်သူၣ်ဘၣ်သး ပကစၢ် ယဟိဝၤယွၤ အဟံၣ်အဃိ+
ယကဃ့ထုကဖၣ်လၢ နကလဲၤထီၣ်လဲၤထီ အဂီၢ်လီၤ.
တၢ်လဲၤထီၣ် အတၢ်သးဝံၣ်.
၁၂၃ ပှၤလၢအဆ့ၣ်နီၤလၢ လီၢ်ပစိာ်အဖီခိၣ် လၢမူခိၣ် တဂၤဧၢ,
ယကွၢ်ထီၣ်တၢ်လၢ နအိၣ်လီၤ.+
၂ ဒ်ကုၢ်တဖၣ် ကွၢ်ထီၣ်တၢ်လၢ အကစၢ်အအိၣ်
ဒီးကုၢ်မုၣ်တဖၣ် ကွၢ်ထီၣ်တၢ်လၢ အကစၢ်မုၣ်အအိၣ်အသိး
ပကွၢ်ထီၣ်တၢ်လၢ ပကစၢ် ယဟိဝၤယွၤအအိၣ်+
တုၤလီၤလၢ အပာ်ဖျါထီၣ် တၢ်သးကညီၤလၢ ပဖီခိၣ်လီၤ.+
၃ အိ ယဟိဝၤယွၤဧၢ, ပာ်ဖျါထီၣ် တၢ်သးကညီၤလၢ ပဖီခိၣ်တက့ၢ်.
ပှၤပာ်ဆံးပှၤ ဖးနးညါအဃိ ပာ်ဖျါထီၣ် တၢ်သးကညီၤလၢ ပဖီခိၣ်တက့ၢ်.+
၄ ပှၤလၢ အဆိကမိၣ်ဒိၣ်လီၤအသးတဖၣ်န့ၣ်
ဒုၣ်ဒွဲၣ်ပှၤ ဒီးပာ်ဆံးပှၤ အဘျီတဖၣ်အဘျီလီၤ.
တၢ်လဲၤထီၣ် အတၢ်သးဝံၣ်. စီၤဒၤဝံးအထါ.
၁၂၄ “ယဟိဝၤယွၤ မ့ၢ်တအိၣ်ဘၣ်ဖုး ဒီးပှၤဘၣ်ဒု”+
ခဲအံၤ မ်ပှၤအံၣ်စရ့လးဖိ တဲလၢ
၂ “ယဟိဝၤယွၤ မ့ၢ်တအိၣ်ဘၣ်ဖုး ဒီးပှၤဘၣ်ဒု+
ဖဲဒုၣ်ဒါတဖၣ် ဂဲၤဆၢထၢၣ် ထီဒါပှၤအခါ,+
၃ လၢတၢ်သးဒိၣ်ထီၣ်ပှၤအပူၤ+
အဝဲသ့ၣ် ကယုၢ်လီၤမူဒံးပှၤလီၤ.+
၄ ဒီးဖဲန့ၣ်န့ၣ် ပကလီၤထွံလၢ ထံကျါ
ဒီးထံကယွၤလီၤဆူၣ်ဆူၣ် ဒီးကဆီၣ်ဖျိးကွံာ်ပှၤလီၤ.+
၅ ဒီးထံလၢအယွၤလီၤဆူၣ်ဆူၣ်န့ၣ် ကလုၢ်ဘၢပှၤလီၤ.
၆ ယဟိဝၤယွၤလၢ အဒီသဒၢပှၤလၢ ပဒုၣ်ပဒါလၢ အလီၤဂာ်ဒ် ဆၣ်ဖိကီၢ်ဖိလၢ အအၢအသီတဖၣ် အစုပူၤန့ၣ်
မ်အဘၣ် တၢ်စံးထီၣ်ပတြၢၤအီၤတက့ၢ်.
၇ ပလီၤဂာ်ဒ် ထိၣ်တဘ့ၣ်လၢ အပူၤဖျဲးထီၣ်လၢ
ပှၤခးတၢ်ဖိ အပျံၤသကွီၤအပူၤလီၤ.+
ပျံၤသကွီၤန့ၣ် တဲာ်ကွံာ်ဝဲအဃိ
ပပူၤဖျဲးထီၣ်လီၤ.+
၈ ပဒိးန့ၢ်ဘၣ် တၢ်မၤစၢၤလၢ ယဟိဝၤယွၤ+ လၢအမ့ၢ် ပှၤတဂၤလၢ
အတ့လီၤမူခိၣ် ဒီးဟီၣ်ခိၣ်န့ၣ် အမံၤအပူၤလီၤ.”
တၢ်လဲၤထီၣ် အတၢ်သးဝံၣ်.
၁၂၅ ပှၤလၢအနာ်န့ၢ် ယဟိဝၤယွၤန့ၣ်+
အဝဲသ့ၣ် လီၤဂာ်ဒ်သိးဒီး ကစၢၢ်စံယိၣ်လၢ အတဟူးတဝးဘၣ်
ဒီးအိၣ်ဂၢၢ်အိၣ်ကျၢၤဝဲ လီၤထူလီၤယိာ်လီၤ.+
၂ ဒ်ကစၢၢ်ကလိတဖၣ် အိၣ်ဝးတရံးဝဲ ဝ့ၢ်ယရူၤၡလ့ၣ်အသိး+
ယဟိဝၤယွၤ အိၣ်ဝးတရံးဝဲ အပှၤဂီၢ်မုၢ်တဖၣ်+
စးထီၣ်ခဲအံၤ ဒီးဆူညါ လီၤထူလီၤယိာ်လီၤ.
၃ ဒ်သိးပှၤတီပှၤလိၤ သုတဃၣ်အသးဆူ တၢ်အၢတၢ်သီတဂ့ၤအဂီၢ်+
တၢ်တဟ့ၣ်အခွဲးလၢ ပှၤအၢပှၤသီ* ကဆဲးပၢတၢ်လၢ ပှၤတီပှၤလိၤ အကီၢ်ပူၤလၢၤဘၣ်.+
၅ မ့မ့ၢ်ပှၤလၢ အဃၣ်အသးဆူ ကျဲလၢအက့ၣ်ကူတဖၣ်န့ၣ်
ယဟိဝၤယွၤ ကထုးထီၣ်ကွံာ် အဝဲသ့ၣ် ဃုာ်ဒီး ပှၤလၢအမၤတၢ်အၢတဖၣ်လီၤ.+
မ်တၢ်ဃူတၢ်ဖိး အိၣ်လၢ အံၣ်စရ့လး အပူၤတက့ၢ်.
တၢ်လဲၤထီၣ် အတၢ်သးဝံၣ်.
၁၂၆ ပှၤလၢအဘၣ်တၢ်က့ၤဖီၣ်အီၤတဖၣ်န့ၣ် ဖဲယဟိဝၤယွၤ ကိးဖှိၣ်က့ၤ အဝဲသ့ၣ်လၢ စံယိၣ်အခါ+
အလီၤဂာ်ဒ်သိးဒီး ပမံမီၢ်တၢ်လီၤ.
၂ ဖဲန့ၣ်အခါ ပမဲာ်သၣ် ပှဲၤဝဲဒီး တၢ်နံၤတၢ်အ့
ဒီးပကိးပသူထီၣ်လၢ တၢ်သးခုအပူၤလီၤ.+
ဖဲန့ၣ်အခါ ပှၤကလုာ်ဂၤတဖၣ် တဲသကိးလိာ်အသးလၢ ပဂ့ၢ်ဒီးတဲဝဲလၢ
“ယဟိဝၤယွၤ မၤတၢ်လၢ အဒိၣ်အမုၢ်တဖၣ်လၢ အဝဲသ့ၣ်အဂီၢ်လံ.”+
၃ ယဟိဝၤယွၤ မၤတၢ်လၢ အဒိၣ်အမုၢ်တဖၣ်လၢ ပဂီၢ်လံ.+
အဃိ ပပှဲၤဒီးတၢ်သးခုလီၤ.
၄ အိ ယဟိဝၤယွၤဧၢ, ပပှၤလၢ အဘၣ်တၢ်က့ၤဖီၣ်အီၤတဖၣ်န့ၣ် ကိးဖှိၣ်က့ၤအဝဲသ့ၣ်
ဒ်ထံကျိဖိတဖၣ်လၢ နဲကဲၤတၢ်လီၢ်အသိးတက့ၢ်.
၅ ပှၤလၢအဖှံလီၤတၢ်ချံလၢ တၢ်မဲာ်ထံမဲာ်နိအပူၤန့ၣ်
ကကူးဘၣ်တၢ်လၢ တၢ်သးခုအပူၤလီၤ.
၆ ပှၤလၢအမဲာ်ထံလီၤဝဲ သနာ်က့ လဲၤဒံးဝဲလၢ ပျီပူၤ
စိာ်ဃုာ်ဒီး တၢ်ချံလၢ အကဖှံလီၤဝဲတဖၣ်န့ၣ်
ကဟဲက့ၤစိာ်ဃုာ်ဒီး ဘုကဒိၣ်တဖၣ်+
ဒီးကကိးပသူထီၣ်လၢ တၢ်သးခုအပူၤလီၤ.+
တၢ်လဲၤထီၣ် အတၢ်သးဝံၣ်. စီၤၡလိၤမိၤအထါ.
၁၂၇ ယဟိဝၤယွၤ မ့ၢ်တသူၣ်ထီၣ်ဟံၣ်ဘၣ်န့ၣ်
ပှၤသူၣ်ဟံၣ်ဖိတဖၣ် မ့ၢ်မၤတၢ်ဆူၣ်ဆူၣ် သနာ်က့ မ့ၢ်ဒၣ် တၢ်ကလီကလီလီၤ.+
ယဟိဝၤယွၤ မ့ၢ်တခိးကွၢ်ဝ့ၢ်ဘၣ်န့ၣ်+
ပှၤခိးတၢ်ဖိတဖၣ် မ့ၢ်စီၣ်မဲာ်စီၣ်နါ သနာ်က့ မ့ၢ်ဒၣ် တၢ်ကလီကလီလီၤ.
၂ ပှၤလၢ ကစၢ်ယွၤအဲၣ်ဝဲတဖၣ်န့ၣ် ကစၢ်ယွၤအံးထွဲကွၢ်ထွဲအဝဲသ့ၣ် ဒီးဟ့ၣ်ဒုးမံ အဝဲသ့ၣ် မုာ်မုာ်အဃိ+
သုမ့ၢ်ဂဲၤဆၢထၢၣ်ဂီၤဂီၤ,
သုမ့ၢ်မၤတၢ်တုၤလၢ မုၢ်နၤခီ
ဒီးသုမ့ၢ်မၤတၢ်ဆူၣ်ဆူၣ်လၢ သုကအီၣ်ဘၣ် အဂီၢ်သနာ်က့ မ့ၢ်ဒၣ် တၢ်ကလီကလီလီၤ.
၄ ပှၤပိာ်ခွါလၢ အန့ၢ်ဘၣ် အဖိခွါတဖၣ် ဖဲအသးစၢ်အခါန့ၣ်+
အဖိခွါတဖၣ် မၤသးဒ် ပျၢ်ဘိတဖၣ်လၢ ပှၤလၢအဂံၢ်ဆူၣ်ဘါဆူၣ်တဂၤ အစုပူၤအသိးလီၤ.
၅ ပှၤလၢအအိၣ်ဒီး ပျၢ်ဘိဒ်အံၤတဖၣ်လၢ အပျၢ်ပီၤပူၤန့ၣ် ကသးခုဝဲလီၤ.+
အဝဲသ့ၣ် တဒိးန့ၢ်ဘၣ် တၢ်မဲာ်ဆှးဘၣ်,
မ့ၢ်လၢ အဖိခွါတဖၣ်အံၤ ကတဲတၢ်ဒီး အဒုၣ်အဒါတဖၣ်လၢ ဝ့ၢ်တြဲၤအဃိလီၤ.
တၢ်လဲၤထီၣ် အတၢ်သးဝံၣ်.
၂ နကအီၣ်ဘၣ်တၢ်လၢ နဘၣ်မၤအီၤ လၢာ်ဂံၢ်လၢာ်ဘါတဖၣ်,
နကသူၣ်ဖှံသးညီ ဒီးနကဘီၣ်ထီၣ်ညီထီၣ်လီၤ.+
၃ နမါကမၤ အသးဒ်စပံးမုၢ် လၢအသၣ်ထီၣ်ဂ့ၤဂ့ၤတမုၢ် လၢနဟံၣ်ပူၤအသိး+
ဒီးနဖိခွါတဖၣ် ကအိၣ်ဝးတရံးနၤလၢ နစီၢ်နီၤခိၣ် မၤအသး ဒ်သ့ၣ်စၤယံး အဒ့ဘီၣ်တဖၣ် အသိးလီၤ.
၄ ပှၤလၢအပျံၤ ယဟိဝၤယွၤန့ၣ်
ကဘၣ်ဆိၣ်ဂ့ၤ ဒ်န့ၣ်လီၤ.+
၅ ယဟိဝၤယွၤလၢ အအိၣ်လၢ စံယိၣ်န့ၣ် ကဆိၣ်ဂ့ၤနၤလီၤ.
မ်နထံၣ်ဘၣ် ဝ့ၢ်ယရူၤၡလ့ၣ် လဲၤထီၣ်လဲၤထီလၢ နတၢ်အိၣ်မူ တစိၤသးတက့ၢ်.+
၆ မ်နထံၣ်ဘၣ် နဖိအဖိတဖၣ်တက့ၢ်.
မ်တၢ်ဃူတၢ်ဖိး အိၣ်လၢ အံၣ်စရ့လးအပူၤတက့ၢ်.
တၢ်လဲၤထီၣ် အတၢ်သးဝံၣ်.
၁၂၉ “စးထီၣ်လၢ ယသးစၢ်ခါ တုၤခဲအံၤန့ၣ် ဒုၣ်ဒါတဖၣ် ထီဒါယၤ ထီဘိလီၤ.”+
ခဲအံၤ မ်ပှၤအံၣ်စရ့လးဖိတဖၣ် တဲလၢ
၂ “စးထီၣ်လၢ ယသးစၢ်ခါ တုၤခဲအံၤန့ၣ် ဒုၣ်ဒါတဖၣ် ထီဒါယၤ ထီဘိလီၤ.”+
ဘၣ်ဆၣ်အဝဲသ့ၣ် မၤယၤတနၢၤဘၣ်.+
၃ ပှၤထဲၣ်တၢ်ဖိတဖၣ် ထဲၣ်တၢ်လၢ ယချၢဃံ+
ဒီးထဲၣ်ဝဲ အကျိၤဖးထီလီၤ.”
၅ ပှၤကိးဂၤဒဲးလၢ အသးဟ့ စံယိၣ်န့ၣ်+
ကဒိးန့ၢ်ဘၣ် တၢ်မဲာ်ဆှး ဒီးကဂုၤက့ၤအလီၢ်ခံလၢ တၢ်မဲာ်ဆှး အပူၤလီၤ.
၆ အဝဲသ့ၣ် ကကဲထီၣ် ဒ်သိးဒီး နီၣ်လၢအမဲထီၣ်လၢ ဟံၣ်ခိၣ်တဖၣ်
လၢအဃ့ထီကွံာ်ဝဲ တချုးလၢ ပှၤထဲးထီၣ်ကွံာ်အီၤ ဒံးဘၣ်န့ၣ်လီၤ.
၇ နီၣ်အံၤ မးတပှဲၤလၢ ပှၤကူးတၢ်ဖိမ့ၢ်ဂ့ၤ,
ပှၤလၢအထၢဖှိၣ် ဘုကဒိၣ်တဖၣ်မ့ၢ်ဂ့ၤ အစုပူၤဘၣ်.
၈ ပှၤလၢအလဲၤဘၣ်ကျဲ ဖဲန့ၣ်တဖၣ်န့ၣ် တတဲဝဲလၢ
“မ်ယဟိဝၤယွၤ ဆိၣ်ဂ့ၤနၤတက့ၢ်,
ပဆိၣ်ဂ့ၤနၤလၢ ယဟိဝၤယွၤအမံၤပူၤလီၤ” န့ၣ်ဘၣ်.
တၢ်လဲၤထီၣ် အတၢ်သးဝံၣ်.
၁၃၀ အိ ယဟိဝၤယွၤဧၢ, လၢတၢ်ယိာ်ပူၤန့ၣ် ယကိးထီၣ်နၤလီၤ.+
၂ အိ ယဟိဝၤယွၤဧၢ, ဒိကနၣ်ယၤတက့ၢ်.
ယတၢ်ဃ့ကညးလၢ တၢ်မၤစၢၤအဂီၢ်န့ၣ် မ်နဒိကနၣ်အီၤတက့ၢ်.
၃ အိ ယဟိဝၤယွၤဧၢ, နမ့ၢ်ဃု ပတၢ်ကမၣ်န့ၣ်*
အိ ယဟိဝၤယွၤဧၢ, မတဂၤ ပူၤဖျဲးလၢ တၢ်စံၣ်ညီၣ် ကသ့တဂၤလဲၣ်.+
၄ ဘၣ်ဆၣ် နပျၢ်တၢ်ကမၣ် နီၢ်ကီၢ်ကီၢ်+
၅ ယမုၢ်လၢ်တၢ်လၢ ယဟိဝၤယွၤ အအိၣ်လၢ ယသးဒီဖျၢၣ်ညါ,
ယမုၢ်လၢ်တၢ်လၢ အကလုၢ်ကထါ အပူၤလီၤ.
၆ ယခိးကွၢ်လၢ် ယဟိဝၤယွၤ+ အိၣ်ဒီး တၢ်သူၣ်ဆူၣ်သးဆူၣ်
ဒိၣ်န့ၢ်ဒံး ပှၤခိးတၢ်ဖိတဖၣ် အိၣ်ခိးကွၢ်လၢ်လၢ မုၢ်ကဆ့ၣ်ဝါထီၣ်လီၤ.+
မ့ၢ်လီၤ, ယအိၣ်ဒီး တၢ်သူၣ်ဆူၣ်သးဆူၣ် ဒိၣ်န့ၢ်ဒံး ပှၤခိးတၢ်ဖိတဖၣ် အိၣ်ခိးကွၢ်လၢ်လၢ မုၢ်ကဆ့ၣ်ဝါထီၣ်လီၤ.
၇ ယဟိဝၤယွၤ အတၢ်အဲၣ်န့ၣ် ဂၢၢ်ကျၢၤဝဲ+
ဒီးအအိၣ်ဒီး တၢ်စိတၢ်ကမီၤဒိၣ်မးလၢ ကပှ့ၤက့ၤတၢ် အဃိ
မ်ပှၤအံၣ်စရ့လးဖိ ဆဲးခိးကွၢ်လၢ် ယဟိဝၤယွၤတက့ၢ်.
၈ အဝဲကမၤပူၤဖျဲး အံၣ်စရ့လးလၢ အဝဲသ့ၣ် အတၢ်ကမၣ်ခဲလၢာ် အပူၤလီၤ.
တၢ်လဲၤထီၣ် အတၢ်သးဝံၣ်. စီၤဒၤဝံးအထါ.
တၢ်လၢအဒိၣ်တလၢ လၢယမၤအီၤတန့ၢ်ဘၣ်န့ၣ်
ယတလီကီအီၤဘၣ်.+
ယသးမံဒ် ဖိသၣ်ဖှၣ်နုၢ်အသိးလီၤ.
၃ မ်ပှၤအံၣ်စရ့လးဖိ ခိးကွၢ်လၢ် ယဟိဝၤယွၤ+
စးထီၣ်ခဲအံၤ ဒီးဆူညါ လီၤထူလီၤယိာ်တက့ၢ်.
တၢ်လဲၤထီၣ် အတၢ်သးဝံၣ်.
၁၃၂ အိ ယဟိဝၤယွၤဧၢ, သ့ၣ်နီၣ်ထီၣ်က့ၤ စီၤဒၤဝံး
ဒီးတၢ်လၢအတူၢ်ဘၣ်ဝဲ ခဲလၢာ်န့ၣ်တက့ၢ်.+
၂ ယဟိဝၤယွၤဧၢ, သ့ၣ်နီၣ်ထီၣ်က့ၤ တၢ်လၢအဝဲ အၢၣ်လီၤဝဲတက့ၢ်.
နမ့ၢ်စီၤယၤကိာ် အကစၢ်ယွၤလၢ အဂံၢ်ဆူၣ်ဘါဆူၣ်တဂၤ ဒီးစီၤဒၤဝံး အၢၣ်လီၤနၤလၢ+
၃ “ယတလဲၤနုာ်လီၤလၢ ယဟံၣ်ဘၣ်+
ဒီးယတမံနီၤလၢ ယလီၢ်မံခိၣ်ဘၣ်,
၄ ယတမံဘၣ်
ဒီးယမဲာ်ချံဒၣ်လဲာ် ယတဘံၣ်လီၤအီၤဘၣ်,
၅ တုၤလီၤလၢ ယဃုထံၣ်န့ၢ် တၢ်လီၢ်တတီၤလၢ ယဟိဝၤယွၤ အဂီၢ်လီၤ.
တၢ်လီၢ်တတီၤန့ၣ် ကကဲထီၣ် စီၤယၤကိာ် အကစၢ်ယွၤလၢ အဂံၢ်ဆူၣ်ဘါဆူၣ်တဂၤ အတၢ်အိၣ်တၢ်ဆိး အလီၢ်န့ၣ်လီၤ.”+
၉ မ်နပှၤလုၢ်တၢ်ဒိၣ်တဖၣ် ကူထီၣ်ကၤထီၣ် တၢ်တီတၢ်လိၤ
ဒီးမ်ပှၤလၢ အသးတီဒီးနၤတဖၣ် ကိးပသူထီၣ်လၢ တၢ်သးခုအပူၤတက့ၢ်.
၁၀ မ့ၢ်လၢ နအၢၣ်လီၤတ့ၢ်တၢ်ဒီး စီၤဒၤဝံးအဃိ
တဘၣ်ပာ်တ့ၢ်ကွံာ် နပှၤဒိးဖှူသးတဂၤတဂ့ၤ.+
၁၁ ယဟိဝၤယွၤ အၢၣ်လီၤစီၤဒၤဝံးဝံၤလံ
ဒီးအဝဲတမၤဟးဂီၤ အတၢ်အၢၣ်လီၤဘၣ်.
အဝဲအၢၣ်လီၤဝဲလၢ “ယကပာ်ထီၣ် နချံနသၣ်တဂၤလၢ
နလီၢ်ပစိာ် အဖီခိၣ်လီၤ.+
၁၂ နဖိခွါတဖၣ် မ့ၢ်အိၣ်မူမၤထွဲ ယတၢ်အၢၣ်လီၤအီလီၤ
ဒီးယတၢ်ဒုးသ့ၣ်နီၣ်ထီၣ်က့ၤတဖၣ်လၢ ယသိၣ်လိ အဝဲသ့ၣ်န့ၣ်+
အဝဲသ့ၣ် အဖိခွါတဖၣ်စ့ၢ်ကီး
ကဆ့ၣ်နီၤဘၣ်လၢ နလီၢ်ပစိာ်အဖီခိၣ် လီၤထူလီၤယိာ်လီၤ.”+
၁၄ ကစၢ်ယွၤ တဲဝဲလၢ “အဝဲအံၤ မ့ၢ်ဝဲ ယတၢ်အိၣ်ဘှံးအလီၢ် လီၤထူလီၤယိာ်လီၤ.
ယအဲၣ်ဒိး အိၣ်ဖဲအံၤအဃိ+ ယကအိၣ်ဖဲအံၤလီၤ.
၁၅ ယကဆိၣ်ဂ့ၤ ဝ့ၢ်အံၤလၢ တၢ်အီၣ်တၢ်အီ အါအါဂီၢ်ဂီၢ်,
အပှၤဝ့ၢ်ဖိလၢ အဖှီၣ်တဖၣ်န့ၣ် ယကဒုးအီၣ် အဝဲသ့ၣ်လၢ ကိၣ်ဘျဲဘျဲလီၤ.+
၁၆ ယကဒုးကူဒုးကၤ အပှၤလုၢ်တၢ်ဒိၣ်တဖၣ် လၢတၢ်အုၣ်က့ၤခီၣ်က့ၤလီၤ.+
ဒီးပှၤလၢအသးတီဒီးယၤ လၢအအိၣ်ဖဲန့ၣ်တဖၣ်န့ၣ် ကကိးပသူထီၣ်လၢ တၢ်သးခုအပူၤလီၤ.+
၁၇ ယကမၤဒိၣ်ထီၣ် စီၤဒၤဝံး အစိကမီၤ ဖဲန့ၣ်လီၤ.
ဒီးယကတဲာ်ကတီၤပာ်စၢၤ မ့ၣ်အူဒၢတဖျၢၣ်လၢ ယပှၤဒိးဖှူသးတဂၤ အဂီၢ်လံ.+
၁၈ ယကဒုးကူဒုးကၤ အဒုၣ်အဒါတဖၣ်လၢ တၢ်မဲာ်ဆှးလီၤ.
မ့မ့ၢ် စီၤဒၤဝံးအတၢ်ပၢန့ၣ်* ကဒိၣ်ထီၣ်ထီထီၣ်ဝဲလီၤ.”+
တၢ်လဲၤထီၣ် အတၢ်သးဝံၣ်. စီၤဒၤဝံးအထါ.
၂ အလီၤဂာ်ဒ်သိးဒီး သိလၢအဂ့ၤလၢ
ယဟိဝၤယွၤ မၤလိာ်ဝဲလၢ အတၢ်ဆိၣ်ဂ့ၤ လၢအမ့ၢ်
တၢ်မူ လီၤထူလီၤယိာ်န့ၣ် ကအိၣ်ဝဲဖဲန့ၣ်လီၤ.
တၢ်လဲၤထီၣ် အတၢ်သးဝံၣ်.
၁၃၄ သုဝဲ ယဟိဝၤယွၤ အခ့အပှၤတဖၣ်+
လၢအမၤတၢ် လၢယဟိဝၤယွၤအဟံၣ် လၢမုၢ်နၤခီသ့ၣ်ဧၢ,+
စံးထီၣ်ပတြၢၤ ယဟိဝၤယွၤတက့ၢ်.
၂ ဖဲသုယူာ်ထီၣ်သုစု+ လၢတၢ်ထုကဖၣ်အပူၤအခါ မ်သုအိၣ်စီအိၣ်ဆှံ
ဒီးစံးထီၣ်ပတြၢၤ ယဟိဝၤယွၤတက့ၢ်.
၃ ယဟိဝၤယွၤလၢအအိၣ်လၢ စံယိၣ် လၢအမ့ၢ် ပှၤတဂၤလၢ အတ့လီၤမူခိၣ် ဒီးဟီၣ်ခိၣ်န့ၣ်
မ်အဆိၣ်ဂ့ၤသုတက့ၢ်.
၁၃၅ ဟါလ့ၤလူယၤ.*
စံးထီၣ်ပတြၢၤ ယဟိဝၤယွၤ အမံၤတက့ၢ်.
သုဝဲ လၢအမ့ၢ် ယဟိဝၤယွၤ အခ့အပှၤသ့ၣ်ဧၢ, စံးထီၣ်ပတြၢၤအီၤတက့ၢ်.+
၂ သုဝဲလၢ အမၤတၢ်လၢ ယဟိဝၤယွၤအဟံၣ်,
လၢပကစၢ်ယွၤ အတၢ်ပျီတဖၣ်သ့ၣ်ဧၢ, စံးထီၣ်ပတြၢၤအီၤတက့ၢ်.+
၃ ယဟိဝၤယွၤန့ၣ် ဂ့ၤဝဲအဃိ စံးထီၣ်ပတြၢၤ ယဟိဝၤယွၤတက့ၢ်.+
မ့ၢ်လၢ အမံၤန့ၣ် မုာ်ဝဲအဃိ သးဝံၣ်စံးထီၣ်ပတြၢၤ အမံၤတက့ၢ်.
၄ ယဟိဝၤယွၤ ဃုထၢထီၣ် စီၤယၤကိာ်လၢ အနီၢ်ကစၢ်အဂီၢ်
ဒီးအံၣ်စရ့လး ဒ်ပှၤလၢ အလုၢ်ဒိၣ်ပှ့ၤဒိၣ်တဒူၣ် လၢအဂီၢ်လီၤ.+
၅ ယဟိဝၤယွၤမ့ၢ် ပှၤလၢအဒိၣ်န့ၣ် ယသ့ၣ်ညါဂ့ၤဂ့ၤလီၤ.
ပကစၢ်ယွၤန့ၣ် ဒိၣ်န့ၢ်ဒံး ယွၤအဂၤ ခဲလၢာ်လီၤ.+
၆ လၢမူခိၣ်မ့ၢ်ဂ့ၤ, လၢဟီၣ်ခိၣ်မ့ၢ်ဂ့ၤ, လၢပီၣ်လဲၣ်ပူၤမ့ၢ်ဂ့ၤ, လၢထံယိာ်ပူၤမ့ၢ်ဂ့ၤ
တၢ်လၢယဟိဝၤယွၤ ဘၣ်သးမၤဝဲန့ၣ် အဝဲမၤဝဲ ခဲလၢာ်လီၤ.+
၇ အဝဲဒုးဟဲထီၣ် တၢ်အၢၣ်လၢ ဟီၣ်ခိၣ်အနၢၣ် အကတၢၢ်,
မၤကပီၤထီၣ် လီဝၢ်ဒံးလၢ မူခိၣ်စူၤကျါ
ဒီးဒုးဟဲထီၣ် ကလံၤလၢ အတၢ်ပာ်ဖှိၣ်အလီၢ်တဖၣ်လီၤ.+
၈ ဖိဝဲၢ်ကိလၢ ကီၢ်အဲၤကူပတူးအပူၤ
လၢအမ့ၢ် ပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ ကစၢ်ယွၤ မၤသံဝဲလီၤ.+
၉ အဝဲမၤ တၢ်ပနီၣ်လီၤလးတဖၣ်ဒီး တၢ်လီၤလးတဖၣ်လၢ ကီၢ်အဲၤကူပတူး+
ဒ်သိး ကထီဒါ ဖၤရိၤ ဒီးအခ့အပှၤတဖၣ် အဂီၢ်လီၤ.+
၁၀ အဝဲမၤနၢၤ ပှၤအါကလုာ်+
ဒီးမၤသံစီၤပၤလၢ အဂံၢ်ဆူၣ်ဘါဆူၣ်တဖၣ်+
၁၁ ဒ်သိးဒီး ပှၤအမိၢ်ဖိ အစီၤပၤစံဃိၣ်+
ဒီးကီၢ်ဘၤၡၣ် အစီၤပၤဧိာ်လီၤ.+
ဒီးအဝဲမၤနၢၤ ကနၤဧၣ် အဘီမုၢ်တဖၣ် ခဲလၢာ်လီၤ.
၁၂ ကစၢ်ယွၤ ဟ့ၣ်လီၤ အဝဲသ့ၣ်အကီၢ် ဒ်တၢ်န့ၢ်သါအသိး
လၢအပှၤဂီၢ်မုၢ် အံၣ်စရ့လးအဂီၢ်လီၤ.+
၁၃ အိ ယဟိဝၤယွၤဧၢ, နမံၤန့ၣ်အိၣ်ဂၢၢ်ဆိးကျၢၤဝဲ လီၤထူလီၤယိာ်လီၤ.
အိ ယဟိဝၤယွၤဧၢ, နမံၤဂ့ၤသၣ်ဂ့ၤန့ၣ်* အိၣ်ဂၢၢ်ဆိးကျၢၤဝဲ အစိၤစိၤအဃၣ်ဃၣ်လီၤ.+
၁၅ ပှၤကလုာ်တဖၣ် အတၢ်ဂီၤတၢ်ဖှီၣ်တဖၣ်န့ၣ် ဘၣ်တၢ်တ့အီၤလၢ စ့ညၣ်ဒီးထူ
ဒီးမ့ၢ်ဒၣ်တၢ်လၢ ပှၤဟီၣ်ခိၣ်ဖိ တ့ဝဲလၢအစုလီၤ.+
၁၆ အဝဲသ့ၣ် အတၢ်ဂီၤတၢ်ဖှီၣ်တဖၣ်န့ၣ် အကိာ်ပူၤအိၣ်ဘၣ်ဆၣ် တဲတၢ်တသ့ဘၣ်,+
အမဲာ်ချံအိၣ်ဘၣ်ဆၣ် တထံၣ်တၢ်ဘၣ်.
၁၇ အနၢ်ကုအိၣ်ဘၣ်ဆၣ် တနၢ်ဟူတၢ်ဘၣ်,
ဒီးအကသါ တသ့စ့ၢ်ကီးဘၣ်.+
၁၈ ပှၤလၢအတ့ထီၣ် တၢ်ဂီၤတၢ်ဖှီၣ်တဖၣ် ဒီးပှၤခဲလၢာ်လၢ အနာ်န့ၢ် တၢ်ဂီၤတၢ်ဖှီၣ်တဖၣ်န့ၣ်+
ကကဲထီၣ် ဒ်သိးဒီး တၢ်ဂီၤတၢ်ဖှီၣ်တဖၣ်လီၤ.+
၁၉ အိ ပှၤအံၣ်စရ့လးဖိသ့ၣ်ဧၢ, စံးထီၣ်ပတြၢၤ ယဟိဝၤယွၤတက့ၢ်.
အိ စီၤအၤဟရိၣ် အစၢၤအသွဲၣ်သ့ၣ်ဧၢ, စံးထီၣ်ပတြၢၤ ယဟိဝၤယွၤတက့ၢ်.
၂၀ အိ စီၤလ့ၤဝံ အစၢၤအသွဲၣ်သ့ၣ်ဧၢ, စံးထီၣ်ပတြၢၤ ယဟိဝၤယွၤတက့ၢ်.+
သုဝဲလၢ အပျံၤယဟိဝၤယွၤသ့ၣ်ဧၢ, စံးထီၣ်ပတြၢၤ ယဟိဝၤယွၤတက့ၢ်.
စံးထီၣ်ပတြၢၤ ယဟိဝၤယွၤတက့ၢ်.+
၂ ကစၢ်ယွၤ လၢအမ့ၢ် ယွၤတဖၣ် အကစၢ်ယွၤန့ၣ် စံးဘျုးအီၤ+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၃ ကစၢ်ယွၤ လၢအမ့ၢ် ကစၢ်တဖၣ် အကစၢ်န့ၣ် စံးဘျုးအီၤ
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၄ ထဲကစၢ်ယွၤတဂၤန့ၣ် မၤတၢ်လၢ အလီၤကမၢကမၣ် ဖးဒိၣ်+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.+
၅ အဝဲတ့လီၤမူခိၣ် သ့သ့ဘၣ်ဘၣ်+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၆ အဝဲဒါလီၤ ဟီၣ်ခိၣ်လၢ ထံဖီခိၣ်+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၇ အဝဲတ့လီၤ တၢ်ကပီၤ အဖျၢၣ်ဖးဒိၣ်တဖၣ်+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၈ အဝဲတ့လီၤမုၢ်လၢ မုၢ်ဆါခီအဂီၢ်+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၉ အဝဲတ့လီၤလါ ဒီးဆၣ်တဖၣ်လၢ မုၢ်နၤအဂီၢ်+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၁၀ အဝဲမၤသံကွံာ် ကီၢ်အဲၤကူပတူး အဖိဝဲၢ်ကိ+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၁၁ အဝဲဒုးဟးထီၣ်ကွံာ် ပှၤအံၣ်စရ့လးဖိလၢ ကီၢ်အဲၤကူပတူး+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၁၂ ဒီးအမၤဝဲဒ်န့ၣ် ခီဖျိအစုဆူၣ်+ ဒီးအစုလၢ အယူာ်ဃီၤအသး
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၁၃ အဝဲမၤသ့ၣ်ဖး ပီၣ်လဲၣ်ဂီၤ ခံက့+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၁၄ အဝဲဒုးခီဂာ် ပှၤအံၣ်စရ့လးဖိလၢ ပီၣ်လဲၣ်ခၢၣ်သး+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၁၅ အဝဲကွံာ်လီၤ ဖၤရိၤဒီးအသုးမုၢ် လၢပီၣ်လဲၣ်ဂီၤပူၤ+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၁၆ အဝဲဆှၢ အပှၤဂီၢ်မုၢ်လၢ ပှၢ်မုၢ်ကနၢအပူၤ+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၁၇ အဝဲမၤသံကွံာ် စီၤပၤဖးဒိၣ်တဖၣ်+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၁၈ အဝဲမၤသံကွံာ် စီၤပၤလၢ အဂံၢ်ဆူၣ်ဘါဆူၣ်တဖၣ်
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၁၉ အဝဲမၤသံကွံာ် ပှၤအမိၢ်ဖိ အစီၤပၤစံဃိၣ်+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၂၀ အဝဲမၤသံကွံာ် ကီၢ်ဘၤၡၣ် အစီၤပၤဧိာ်+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၂၁ အဝဲ ဟ့ၣ်လီၤဝဲ ပှၤတဖၣ်န့ၣ် အကီၢ်လၢ အပှၤဂီၢ်မုၢ်အအိၣ် ဒ်တၢ်န့ၢ်သါအသိး+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၂၂ ဒီးကီၢ်န့ၣ် ကဲထီၣ်တၢ်န့ၢ်သါလၢ အခ့အပှၤ ပှၤအံၣ်စရ့လးဖိတဖၣ်အဂီၢ်
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၂၃ ဖဲပသးဂံၢ်ဘါလီၤစၢ်* အခါ အဝဲသ့ၣ်နီၣ်ထီၣ်က့ၤပှၤ+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.+
၂၄ အဝဲ မၤပူၤဖျဲးပှၤလၢ ပဒုၣ်ပဒါတဖၣ် အစုပူၤတလီၢ်လီၢ်+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၂၅ အဝဲ ဟ့ၣ်လီၤတၢ်အီၣ်လၢ အတၢ်ဘၣ်တ့ခဲလၢာ်အဂီၢ်+
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၂၆ စံးဘျုး မူခိၣ်အကစၢ်
မ့ၢ်လၢ အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်အဃိလီၤ.
၁၃၇ ပဆ့ၣ်နီၤဖဲ ဘၤဘူၤလိၣ် အထံကျိတဖၣ် အဃၢၤလီၤ.+
ဖဲပသ့ၣ်နီၣ်ထီၣ်က့ၤ စံယိၣ်အခါ ပဟီၣ်လီၤ.+
၂ ပဘျးထီၣ် ပတနၢ်တဖၣ်လၢ+
ပံၢ်သလီအဒ့တဖၣ် အလိၤလၢ ဘၤဘူၤလိၣ်အပူၤလီၤ.
၃ ဖဲန့ၣ်န့ၣ် ပှၤလၢအက့ၤဖီၣ်ပှၤတဖၣ် မၢပသးဝံၣ်န့ၢ်အီၤ တၢ်သးဝံၣ်,+
ပှၤလၢ အမၤဆဲးအဲးပှၤတဖၣ် အဲၣ်ဒိးလၢ ပမၤမုာ်မၤဖှံအဝဲသ့ၣ်အသး ဒီးတဲဝဲလၢ
“သးဝံၣ်န့ၢ်ပှၤ စံယိၣ် အတၢ်သးဝံၣ် တယုၢ်သၢၤ.”
၄ လၢပှၤထံဂၤကီၢ်ဂၤဖိ အတၢ်လီၢ်န့ၣ်
ပသးဝံၣ် တၢ်သးဝံၣ် ဘၣ်ဃးဒီး ယဟိဝၤယွၤအဂ့ၢ် ကသ့ဒ်လဲၣ်.
၅ အိ ဝ့ၢ်ယရူၤၡလ့ၣ်ဧၢ, ယမ့ၢ်သးပ့ၤနီၣ်နၤန့ၣ်
မ်ယစုထွဲ မၤတၢ်သုတသ့ နီတမံၤလၢၤတဂ့ၤ.+
၆ ယမ့ၢ်တသ့ၣ်နီၣ်ထီၣ်က့ၤနၤဘၣ်
ဒီးယမ့ၢ်တပာ် ယရူၤၡလ့ၣ်လၢ ယတၢ်သးခု
အဒိၣ်ကတၢၢ်တမံၤဘၣ်န့ၣ်+
မ်ယတဲတၢ် သုတသ့လၢၤတဂ့ၤ.
၇ ဖဲဝ့ၢ်ယရူၤၡလ့ၣ် လီၤပှီၢ်တနံၤန့ၣ် ပှၤအဒိၣ်ဖိတဖၣ် တဲဝဲလၢ
“မၤလီၤပှီၢ်ကွံာ်ဟီ, မၤလီၤပှီၢ်ကွံာ် ဝ့ၢ်တုၤလၢအခီၣ်ထံးဟီ”+ န့ၣ်
အိ ယဟိဝၤယွၤဧၢ, သ့ၣ်နီၣ်ထီၣ်က့ၤတက့ၢ်.
၈ ဝ့ၢ်ဘၤဘူၤလိၣ်ဧၢ, တၢ်ကမၤဟးဂီၤနၤ ဘူးထီၣ်လံ.+
ပှၤလၢအဟ့ၣ်ကၣ်က့ၤနၤဒ်+
နမၤတ့ၢ်ပှၤအသိးန့ၣ် ကသးခုဝဲလီၤ.
၉ ပှၤလၢ အစိာ်ထီၣ် နဖိတဖၣ်
ဒီးမၤသဘှံး အဝဲသ့ၣ်လၢ လၢၢ်တဖၣ်အလိၤန့ၣ် ကသးခုဝဲလီၤ.+
စီၤဒၤဝံးအထါ.
၁၃၈ ယကစံးထီၣ်ပတြၢၤနၤလၢ ယသးဒီဖျၢၣ်ညါလီၤ.+
ယကသးဝံၣ် စံးထီၣ်ပတြၢၤနၤလၢ
ယွၤအဂၤတဖၣ် အမဲာ်ညါလီၤ.
၂ ယကဃၣ်ဃီၤယသးလၢ နတၢ်လုၢ်ဟံၣ်စီဆှံအအိၣ် ဒီးဘူၣ်ထီၣ်ဘါထီၣ်နၤ+
ဒီးစံးထီၣ်ပတြၢၤနမံၤ+
ခီဖျိလၢ နတၢ်အဲၣ်ဒီး နတၢ်သးတီအဃိလီၤ.
နပာ်ဒိၣ်ပာ်ထီ နတၢ်ကတိၤ ဒီးနမံၤ လၢတၢ်အဂၤခဲလၢာ် အဖီခိၣ်လံ.
၃ ဖဲယကိးထီၣ်နၤ တနံၤန့ၣ် နစံးဆၢယၤလီၤ.+
နဟ့ၣ်ယၤ တၢ်သးဒူ ဒီးတၢ်ဂံၢ်တၢ်ဘါလီၤ.+
၄ အိ ယဟိဝၤယွၤဧၢ, စီၤပၤလၢ ဟီၣ်ခိၣ်ချၢခဲလၢာ်+
ကနၢ်ဟူဘၣ် တၢ်အၢၣ်လီၤလၢ နတဲပာ်စၢၤတဖၣ်အဃိ အဝဲသ့ၣ် ကစံးထီၣ်ပတြၢၤနၤလီၤ.
၅ ယဟိဝၤယွၤ အလၤကပီၤန့ၣ် ဒိၣ်ဝဲအဃိ+
အဝဲသ့ၣ် ကသးဝံၣ်ဘၣ်ဃးဒီး တၢ်လၢယဟိဝၤယွၤ မၤဝဲတဖၣ်လီၤ.
၆ ယဟိဝၤယွၤ အိၣ်လၢ တၢ်လီၢ်ထီၣ်ထီသနာ်က့ အသးအိၣ် ပှၤလၢအဆီၣ်လီၤအသးလီၤ.+
မ့မ့ၢ်ပှၤလၢ အပာ်ကဖၢလၢအသးန့ၣ် ကစၢ်ယွၤ အိၣ်ယံၤဒီး အဝဲသ့ၣ်လီၤ.*+
၇ ယမ့ၢ်ထံၣ်ဘၣ် တၢ်အိၣ်သးလၢ အလီၤဘၣ်ယိၣ် သနာ်က့ နကပာ်မူယၤလီၤ.+
နယူာ်ဃီၤနစု ဒ်သိးကထီဒါ ယဒုၣ်ယဒါလၢ အသးဒိၣ်ထီၣ်တၢ်တဖၣ်
ဒီးနစုထွဲ ကမၤပူၤဖျဲးယၤလီၤ.
၈ ယဟိဝၤယွၤ ကမၤလၢပှဲၤတၢ်လၢ အတိာ်ပာ်လၢ ယဂီၢ်ခဲလၢာ်လီၤ.
အိ ယဟိဝၤယွၤဧၢ, နတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်လီၤ.+
တဘၣ်ပာ်တ့ၢ် ပှၤလၢအမ့ၢ် နစုအတၢ်မၤတဂ့ၤ.+
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၁၃၉ အိ ယဟိဝၤယွၤဧၢ, နဃုကွၢ်တ့ၢ်ယၤ လီၤတံၢ်လီၤဆဲး ဒီးနသ့ၣ်ညါယၤလီၤ.+
၂ ဖဲယဆ့ၣ်နီၤမ့ၢ်ဂ့ၤ, ယဆၢထၢၣ်မ့ၢ်ဂ့ၤ နသ့ၣ်ညါလီၤ.+
နအိၣ်လၢအယံၤ ဘၣ်ဆၣ် နသ့ၣ်ညါ ယတၢ်ဆိကမိၣ်တဖၣ်လီၤ.+
၃ ဖဲယလဲၤတၢ်မ့ၢ်ဂ့ၤ, ယမံနီၤမ့ၢ်ဂ့ၤ နထံၣ်လီၤ.
နသ့ၣ်ညါ တၢ်လၢယမၤခဲလၢာ်လီၤ.+
၄ အိ ယဟိဝၤယွၤဧၢ, တချုးလၢ ယတဲတၢ်ဒံးဘၣ်န့ၣ်
နသ့ၣ်ညါပာ်စၢၤ တၢ်လၢယကတဲတဖၣ် ခဲလၢာ်လီၤ.+
၅ နအိၣ်ဝးတရံးယၤ ကိးကပၤဒဲး ဒ်သိးကဒီသဒၢယၤအဂီၢ်
ဒီးနဟံးစုနဲၣ်ကျဲယၤလီၤ.
၆ နတၢ်သ့ၣ်ညါအံၤ ယိာ်ဝဲဒိၣ်မး တုၤဒၣ်လဲာ်
ယနၢ်ပၢၢ်အီၤတသ့ဘၣ်.+
၇ ယလဲၤပူၤဒီး နသးစီဆှံ ကသ့လၢ တၢ်လီၢ်ဖဲလဲၣ်.
ဒီးယဃ့ၢ်ကွံာ်လၢ နမဲာ်ညါ ကသ့လၢ တၢ်လီၢ်ဖဲလဲၣ်.+
၉ ဒ်သိးယကလဲၤအိၣ်လၢ ပီၣ်လဲၣ်အကတၢၢ်အဂီၢ်
ယယူၤခီဂာ် မူခိၣ် ချ့ထဲသိးဒီး မုၢ်ဝါထီၣ် အတၢ်ကပီၤ ဟဲဖျါထီၣ် မ့ၢ်သ့သနာ်က့,
၁၀ ဖဲန့ၣ် နကဟံးစုနဲၣ်ကျဲယၤဒံး
ဒီးနစုထွဲ ကဖီၣ်ဃာ်ယၤဒံးလီၤ.+
၁၁ ယမ့ၢ်တဲလၢ “ယကအိၣ်ခူသူၣ်လၢ တၢ်ခံးကျါ” သနာ်က့
တၢ်ခံးလၢ အအိၣ်ဝးတရံးယၤန့ၣ် ကကဲထီၣ်က့ၤ တၢ်ကပီၤလီၤ.
၁၂ တၢ်ခံးသူဒၣ်လဲာ် တခံးတလၢ လၢနဂီၢ်ဘၣ်.
၁၄ နတ့လီၤယၤ လီၤကမၢကမၣ် ဒိၣ်မးအဃိ ယစံးထီၣ်ပတြၢၤနၤလီၤ.+
နတၢ်မၤတဖၣ် မ့ၢ်တၢ်လၢ အလီၤကမၢကမၣ်န့ၣ်+
ယသ့ၣ်ညါဂ့ၤဂ့ၤလီၤ.
၁၅ ဖဲနတ့လီၤယၤလၢ တၢ်ခူသူၣ်အပူၤ
ဒီးဖဲယဒိၣ်ထီၣ်လၢ ယမိၢ်အဒၢလီၢ်ပူၤအခါ*+
ယဃံယကွဲတဖၣ် တအိၣ်သဒၢလၢ နမဲာ်ညါဘၣ်.
၁၆ ဖဲယမ့ၢ်ဒံး ဖိသၣ်ကိၣ်လိၣ်အခါ နမဲာ်ထံၣ်တ့ၢ်ယၤလီၤ.
ဖဲယနီၢ်ခိက့ၢ်ဂီၤတဖၣ် တဟဲအိၣ်ထီၣ် နီတခါဒံးဘၣ်အခါ
တၢ်ဂ့ၢ်ဘၣ်ဃးဒီး ယနီၢ်ခိက့ၢ်ဂီၤတဖၣ်အံၤခဲလၢာ်
ဒီးမုၢ်နံၤမုၢ်သီလၢ တၢ်သ့ၣ်တဖၣ်န့ၣ် ကဟဲအိၣ်ထီၣ်န့ၣ် ဘၣ်တၢ်ကွဲးလီၤပာ်စၢၤအီၤလၢ နလံာ်ပူၤလီၤ.
၁၇ အိ ကစၢ်ယွၤဧၢ, နတၢ်ဆိကမိၣ်တဖၣ်န့ၣ် အလုၢ်ဒိၣ်ပှ့ၤဒိၣ်လၢ ယဂီၢ်ဒိၣ်မး+
ဒီးနတၢ်သ့ၣ်ညါတဖၣ်န့ၣ် အိၣ်ဝဲအါဒိၣ်မးလီၤ.+
၁၈ ယမ့ၢ်ဂုာ်ကျဲးစၢး ဂံၢ်နတၢ်ဆိကမိၣ်တဖၣ်န့ၣ် အအိၣ်အါန့ၢ်ဒံး မဲးတဖၣ်အဃိ+
၁၉ အိ ကစၢ်ယွၤဧၢ, ဝံသးစူၤ မၤသံကွံာ် ပှၤအၢပှၤသီတက့ၢ်.+
နမ့ၢ်မၤဒ်န့ၣ်မး ပှၤလၢ အမၤဆူၣ်မၤစိးတၢ်တဖၣ် ကဟးဖးဒီးယၤလီၤ.
၂၀ အဝဲသ့ၣ် တဲအၢတဲသီနဂ့ၢ်
ဒီးအဝဲသ့ၣ် မ့ၢ်နဒုၣ်နဒါတဖၣ်လၢ အသူနမံၤလၢ တၢ်တပာ်ကဲဘၣ်အပူၤလီၤ.+
၂၂ ယသးဟ့ အဝဲသ့ၣ် သပှၢ်တၢၢ်+
ဒီးအဝဲသ့ၣ် မ့ၢ်ဝဲယဒုၣ်ယဒါ နီၢ်ကီၢ်ကီၢ်လီၤ.
၂၃ အိ ကစၢ်ယွၤဧၢ, ဃုကွၢ်ယၤလီၤတံၢ်လီၤဆဲး ဒီးသ့ၣ်ညါနၢ်ပၢၢ် ယသးတက့ၢ်.+
သမံသမိးယၤ ဒီးသ့ၣ်ညါနၢ်ပၢၢ် ယတၢ်ဆိကမိၣ်လၢ အမၤကိၢ်မၤဂီၤ ယသးန့ၣ်တက့ၢ်.+
၂၄ မ့ၢ်တၢ်အၢ အိၣ်လၢယပူၤတမံၤမံၤဧါန့ၣ် ဃုကွၢ်တက့ၢ်.+
ဒီးဟံးစုနဲၣ်ကျဲယၤလၢ+ ကျဲလၢအအိၣ်ဝဲ လီၤထူလီၤယိာ်တက့ၢ်.
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၁၄၀ အိ ယဟိဝၤယွၤဧၢ, မၤပူၤဖျဲးယၤလၢ ပှၤအၢပှၤသီတဖၣ် အစုပူၤ,
ဒီသဒၢယၤလၢ ပှၤလၢ အမၤဆူၣ်မၤစိးတၢ်တဖၣ် အစုပူၤ,+
၂ ပှၤလၢ အကူၣ်ထီၣ် တၢ်အၢတၢ်သီ လၢအသးပူၤ+
ဒီးပှၤလၢ အဃုတၢ်အ့ၣ်လိာ် ဒီတနံၤကျၢၤတဖၣ် အစုပူၤတက့ၢ်.
၃ အဝဲသ့ၣ် ကျ့အ့ၣ်ထီၣ်အပျ့ၤ ဒ်ဂုၢ်အပျ့ၤအသိး+
ဒီးတၢ်လၢအဟဲထီၣ်လၢ အဝဲသ့ၣ် အထးခိၣ်န့ၣ် မၤအသးဒ်ဂုၢ်အၢ အစုၣ်အပျၢ် အသိးလီၤ.+ (စ့လၤ)
၄ အိ ယဟိဝၤယွၤဧၢ, ဒီသဒၢယၤလၢ ပှၤအၢပှၤသီတဖၣ် အစုပူၤ+
ဒီးဒီသဒၢယၤလၢ ပှၤလၢအမၤဆူၣ်မၤစိးတၢ်တဖၣ်
လၢအကူၣ်ထီၣ်တၢ် ဒ်သိးကမၤလီၤဃံၢ်ယၤန့ၣ် အစုပူၤတက့ၢ်.
၅ ပှၤလၢအပာ်ထီၣ်ထီအသးန့ၣ် ဒိးလီၤခူသူၣ် ပျံၤသကွီၤ လၢယဂီၢ်
ဒီးဒါလီၤစၤလၢ ယကျဲလီၤ.+
အဝဲသ့ၣ် ဒိးယၤလၢထုလီၤ.+ (စ့လၤ)
၆ ယတဲ ယဟိဝၤယွၤလၢ “နမ့ၢ် ယကစၢ်ယွၤလီၤ.
အိ ယဟိဝၤယွၤဧၢ, ဒိကနၣ် ယတၢ်ဃ့ကညးလၢ တၢ်မၤစၢၤအဂီၢ်တက့ၢ်.”+
၇ အိ တၢ်ပၢကစၢ် ယဟိဝၤယွၤ လၢအမ့ၢ် ပှၤလၢအဂံၢ်ဆူၣ်ဘါဆူၣ် လၢအမၤပူၤဖျဲးယၤ တဂၤဧၢ,
၈ အိ ယဟိဝၤယွၤဧၢ, ပှၤအၢပှၤသီ အတၢ်သူၣ်လီသးကွံတဖၣ်န့ၣ် တဘၣ်မၤလၢပှဲၤန့ၢ် အဝဲသ့ၣ်တဂ့ၤ.
ဒ်သိး ပှၤသုတပာ်ဒိၣ်ပာ်ထီ အဝဲသ့ၣ်တဂ့ၤအဂီၢ် တဘၣ်ပျဲ အဝဲသ့ၣ် အတၢ်ကူၣ် ကဲထီၣ်လိၣ်ထီၣ်တဂ့ၤ. (စ့လၤ)+
၉ ပှၤလၢအ အိၣ်ဝးတရံးယၤတဖၣ် အတၢ်ကူၣ်အၢန့ၣ်
မ်အက့ၤဘၣ်က့ၤ အနီၢ်ကစၢ်တက့ၢ်.+
၁၀ မ်မ့ၣ်အူအ့ၣ် စူၤလီၤလၢ အဝဲသ့ၣ်အလိၤ,+
မ်အဝဲသ့ၣ် ဘၣ်တၢ်ကွံာ်လီၤအီၤလၢ မ့ၣ်အူကျါ
ဒီးမ်အဝဲသ့ၣ် ဘၣ်တၢ်ကွံာ်လီၤအီၤလၢ တၢ်ပူၤဖးယိာ်တဖၣ်အပူၤ+ ဒ်သိး အဝဲသ့ၣ် ဟဲက့ၤထီၣ်ကဒါက့ၤ သုတသ့ နီတဘျီလၢၤတဂ့ၤ န့ၣ်တက့ၢ်.
၁၁ ပှၤလၢအတဲဟးဂီၤ ပှၤဂၤတဖၣ်န့ၣ် မ်အသုတထံၣ်န့ၢ် တၢ်ဒီသဒၢအလီၢ်လၢ ဟီၣ်ခိၣ်ချၢတဂ့ၤ.+
မ်တၢ်အၢတၢ်သီ လူၤချုးန့ၢ် ပှၤလၢအမၤဆူၣ်မၤစိးတၢ်တဖၣ် ဒီးမၤသံ အဝဲသ့ၣ်တက့ၢ်.
၁၂ ယဟိဝၤယွၤ ကဒီသဒၢ ပှၤလၢအပတီၢ်ဖုၣ်
ဒီးစံၣ်ညီၣ်န့ၢ်တၢ် လၢပှၤဖှီၣ်ဖိယာ်ဖိအဂီၢ် တီတီလိၤလိၤန့ၣ် ယသ့ၣ်ညါလီၤ.+
၁၃ ပှၤတီပှၤလိၤ ကစံးထီၣ်ပတြၢၤနမံၤ သပှၢ်တၢၢ်လီၤ.
ပှၤလၢအသူၣ်ဘျၢသးဘျၢန့ၣ် ကအိၣ်လၢ နမဲာ်ညါလီၤ.+
စီၤဒၤဝံးအထါ.
၁၄၁ အိ ယဟိဝၤယွၤဧၢ, ယကိးထီၣ်နၤလီၤ.+
၂ လၢနမဲာ်ညါန့ၣ် မ်ယတၢ်ထုကဖၣ် လီၤဂာ်ဒ်သိးဒီး တၢ်နၢမူလၢ+ အဘၣ်တၢ်ကတဲာ်ကတီၤပာ်စၢၤအီၤ+
ဒီးယယူာ်ထီၣ်ယစု လၢနအိၣ် လၢတၢ်ထုကဖၣ်အပူၤန့ၣ် မ်အလီၤဂာ်ဒ်သိးဒီး ဟါခီတၢ်လုၢ်ဘုတက့ၢ်.+
၃ အိ ယဟိဝၤယွၤဧၢ, မၤစၢၤယၤလၢ ယကပၢၤ ယထးခိၣ်အဂီၢ်,
မၤစၢၤယၤဒ်သိး ယကပလီၢ်ယသး ဘၣ်ဃးဒီး တၢ်ကတိၤတဖၣ် ကသ့အဂီၢ်တက့ၢ်.+
၄ တဘၣ်ပျဲလၢ ယကဆၢမၤတၢ်အၢ+
ဒီးပၣ်ဃုာ်လၢ ပှၤအၢပှၤသီတဖၣ် အတၢ်မၤလၢ အအၢအသီ အပူၤတဂ့ၤ.
ယတအဲၣ်ဒိး အီၣ်အဝဲသ့ၣ် အတၢ်အီၣ်လၢ အဝံၣ်အဘဲ နီတဘျီဘၣ်.
၅ ပှၤတီပှၤလိၤ မ့ၢ်တီၢ်ယၤ သနာ်က့ အမၤဝဲဒ်န့ၣ် ခီဖျိလၢ အတၢ်အဲၣ်လၢအတီ အဃိလီၤ.+
ဒီးဖဲအဝဲသ့ၣ် ဘၣ်ကီဘၣ်ခဲအခါဒၣ်လဲာ် ယကဃ့ထုကဖၣ်လၢ အဝဲသ့ၣ် အဂီၢ်ဒံးလီၤ.
၆ ပှၤဂီၢ်မုၢ် အစံၣ်ညီၣ်ကွီၢ်တဖၣ် မ့ၢ်ဘၣ်တၢ်ကွံာ်လီၤအီၤလၢ လ့ဖးထီအကပၤ သနာ်က့
ပှၤဂီၢ်မုၢ် ကသးစၢၢ်ဆၢဒံး ယတၢ်ကတိၤတဖၣ်, မ့ၢ်လၢ ယတၢ်ကတိၤတဖၣ်န့ၣ် မုာ်ဝဲအဃိလီၤ.
၇ ပဃံပကွဲ လီၤပြံလီၤပြါလၢ တၢ်သွၣ်ခိၣ်* အခိၣ်ထိး
ဒ်ပှၤထဲၣ်တၢ်တဂၤ မၤလီၤဘျဲးဟီၣ်ခိၣ် အသိးလီၤ.
၈ အိ တၢ်ပၢကစၢ် ယဟိဝၤယွၤဧၢ, ယမဲာ်ကွၢ်တၢ်လၢ နအိၣ်လီၤ.+
ယဃုတၢ်အိၣ်သဒၢအလီၢ်လၢ နအိၣ်လီၤ.
တဘၣ်ထုးကွံာ် ယသးသမူတဂ့ၤ.
၉ ဒီသဒၢယၤလၢ ပှၤလၢအမၤတၢ်အၢတၢ်သီတဖၣ် အပျံၤသကွီၤ
ဒီးထုလၢ အဝဲသ့ၣ် ဒိးလီၤဝဲလၢ ယဂီၢ်န့ၣ်တက့ၢ်.
၁၀ ယကလဲၤခီဂာ် တၢ်သ့ၣ်တဖၣ်န့ၣ် ပူၤပူၤဖျဲးဖျဲး
ဒီးပှၤအၢပှၤသီခဲလၢာ် ကဘၣ်ဘျးကဒါက့ၤလၢ အနီၢ်ကစၢ် အပျံၤသကွီၤ* တပူၤဃီလီၤ.+
မၣ်စခ့.* စီၤဒၤဝံး အတၢ်ထုကဖၣ် ဖဲအဝဲအိၣ်လၢ လ့ပူၤအခါ.+
၁၄၂ ယကိးပသူထီၣ်လၢ ယဟိဝၤယွၤ အအိၣ် လၢတၢ်မၤစၢၤအဂီၢ်+
ဒီးယဃ့ကညး ယဟိဝၤယွၤ လၢတၢ်သးကညီၤအဂီၢ်လီၤ.
၂ ယလူလီၤ ယတၢ်ဘၣ်ယိၣ်တဖၣ်လၢ အမဲာ်ညါ
ဒီးယတဲဖျါထီၣ် ယတၢ်ကိၢ်တၢ်ဂီၤလၢ အမဲာ်ညါလီၤ.+
၃ ဖဲယသးဂံၢ်ဘါလီၤစၢ်အခါ
နကွၢ်ထွဲ ယခီၣ်ခါလီၤ.+
ယဒုၣ်ယဒါတဖၣ် ဒိးလီၤခူသူၣ် ပျံၤသကွီၤ လၢယဂီၢ်
ဖဲကျဲလၢ ယလဲၤအီၤအပူၤလီၤ.
၄ ကွၢ်လၢယဃၢၤအံၤမီၤ,
ပှၤတသးအိၣ်ယၤ နီတဂၤဘၣ်.+
ယဃ့ၢ်ပူၤဖျဲးယသး တသ့နီတပူၤဘၣ်,+
ပှၤတဘၣ်ယိၣ်န့ၢ်တၢ်လၢ ယဂီၢ်နီတဂၤဘၣ်.
၅ အိ ယဟိဝၤယွၤဧၢ, ယဃ့တၢ်မၤစၢၤလၢနအိၣ်
ဒီးယတဲလၢ “နမ့ၢ်ယတၢ်အိၣ်သဒၢအလီၢ်,+
နမ့ၢ်တၢ်ခဲလၢာ်လၢ ယဂီၢ်လၢ ယတၢ်အိၣ်မူအပူၤလီၤ.”
၆ ယဘၣ်ကီဘၣ်ခဲ နးမးအဃိ
ဒိကနၣ်ဘၣ် ယတၢ်ကိးပသူထီၣ်လၢ တၢ်မၤစၢၤအဂီၢ်တက့ၢ်.
ပှၤလၢအမၤအၢမၤနးယၤတဖၣ်န့ၣ် အဂံၢ်ဆူၣ်န့ၢ်ဒံးယၤအဃိ
မၤပူၤဖျဲးယၤလၢ အဝဲသ့ၣ် အစုပူၤတက့ၢ်.+
၇ ဒုးဟးထီၣ်ယၤလၢ တၢ်လီၢ်လၢ အလီၤဂာ်ဒီးဃိာ်ပူၤအံၤ
ဒ်သိး ယကစံးထီၣ်ပတြၢၤ နမံၤအဂီၢ် န့ၣ်တက့ၢ်.
မ့ၢ်လၢ နမၤဂ့ၤယၤအဃိ မ်ပှၤတီပှၤလိၤတဖၣ်
ပာ်ဖှိၣ်ထီၣ်အသး ဝးတရံးယၤတက့ၢ်.
စီၤဒၤဝံးအထါ.
၁၄၃ အိ ယဟိဝၤယွၤဧၢ, ဒိကနၣ်ယတၢ်ထုကဖၣ်+
ဒီးဒိကနၣ် ယတၢ်ဃ့ကညးလၢ တၢ်မၤစၢၤအဂီၢ်တက့ၢ်.
နအိၣ်ဒီး တၢ်သးတီ ဒီးနတီနလိၤအဃိ စံးဆၢယၤတက့ၢ်.
၂ လၢနမဲာ်ညါန့ၣ် ပှၤအမူလၢ အတၢ်ကမၣ်တအိၣ်ဘၣ်န့ၣ်* တအိၣ်နီတဂၤဘၣ်.+
အဃိ တဘၣ်လဲၤကိးထီၣ် နခ့နပှၤယၤအံၤလၢ စံၣ်ညီၣ်ကွီၢ် အရူတဂ့ၤ.
၃ ဒုၣ်ဒါလူၤယၤ
ဒီးယီၢ်တံၢ်လီၤယၤလၢ ဟီၣ်ခိၣ်လိၤလီၤ.
ဒီးအဝဲဒုးအိၣ်ယၤလၢ တၢ်ခံးကျါ ဒ်ပှၤလၢ အသံတ့ၢ်ဖးယံာ်လံတဖၣ် အသိးလီၤ.
၅ ယသ့ၣ်နီၣ်ထီၣ်က့ၤ မုၢ်နံၤလၢအပူၤကွံာ်တဖၣ်,
ယဆိကမိၣ်ထံ တၢ်လၢနမၤခဲလၢာ်+
ဒီးလၢတၢ်သူၣ်ဆူၣ်သးဆူၣ်အပူၤန့ၣ် ယဆိကမိၣ်ထံ* နစုတၢ်မၤတဖၣ်အဂ့ၢ်လီၤ.
၆ ယယူာ်ထီၣ်ယစုလၢ နအိၣ်လၢတၢ်ထုကဖၣ်အပူၤ,
ယခိးကွၢ်လၢ်နၤ ဒ်ဟီၣ်ခိၣ်အဃ့တတီၤ ခိးကွၢ်လၢ် မူခိၣ်စူၤအသိးလီၤ.+ (စ့လၤ)
၈ ယနာ်န့ၢ်နၤအဃိ
လၢဂီၤခီန့ၣ် ဒုးနၢ်ဟူယၤလၢ နတၢ်အဲၣ်လၢအတီအဂ့ၢ်တက့ၢ်.
ယသန့ၤယသးလၢနၤအဃိ
ဒုးသ့ၣ်ညါယၤလၢ ကျဲလၢယကြၢးလဲၤန့ၣ်တက့ၢ်.+
၉ အိ ယဟိဝၤယွၤဧၢ, မၤပူၤဖျဲးယၤလၢ ယဒုၣ်ယဒါတဖၣ် အစုပူၤတက့ၢ်.
ယဃုတၢ်ဒီသဒၢလၢ နအိၣ်လီၤ.+
၁၀ နမ့ၢ်ယကစၢ်ယွၤ အဃိ
သိၣ်လိယၤဒ်သိး ယကမၤနတၢ်ဘၣ်သး အဂီၢ်တက့ၢ်.+
နသးစီဆှံန့ၣ် မ့ၢ်တၢ်လၢအဂ့ၤ,
မ်အဟံးစုနဲၣ်ကျဲယၤလၢ တၢ်လီၢ်လၢ အအိၣ်ဒီး တၢ်ဘံၣ်တၢ်ဘၢ* အပူၤတက့ၢ်.
၁၁ အိ ယဟိဝၤယွၤဧၢ, ခီဖျိလၢနမံၤအဃိ ပာ်မူယၤတက့ၢ်.
နမ့ၢ်ပှၤလၢ အတီအလိၤအဃိ မၤပူၤဖျဲးယၤလၢ ယတၢ်နးတၢ်ဖှီၣ်အပူၤတက့ၢ်.+
၁၂ ခီဖျိလၢ နတၢ်အဲၣ်လၢအတီအဃိ မၤဟးဂီၤကွံာ် ယဒုၣ်ယဒါတဖၣ်တက့ၢ်.+
စီၤဒၤဝံးအထါ.
၁၄၄ ယလၢၢ်+ လၢအမ့ၢ် ယဟိဝၤယွၤန့ၣ် မ်ပှၤစံးထီၣ်ပတြၢၤအီၤတက့ၢ်.
အဝဲသိၣ်လိယစုလၢ ယကဒုးတၢ်အဂီၢ်
ဒီးယစုမုၢ်စုနၢတဖၣ်လၢ တၢ်ဒုးသုးအဂီၢ်လီၤ.+
၂ ကစၢ်ယွၤ ပာ်ဖျါထီၣ် တၢ်အဲၣ်လၢအတီ လၢယဖီခိၣ်, အမ့ၢ် ယတၢ်အိၣ်သဒၢအလီၢ်,+
ယတၢ်အိၣ်သဒၢအလီၢ် လၢအကျၢၤ, ပှၤလၢ အမၤပူၤဖျဲးယၤ,
ယကတီၤ, ပှၤလၢ အဒီသဒၢယၤ
ဒီးပှၤလၢ အဆီၣ်လီၤ ပှၤဂီၢ်မုၢ်တဖၣ် လၢယဖီလာ်လီၤ.+
၃ အိ ယဟိဝၤယွၤဧၢ, ပှၤဟီၣ်ခိၣ်ဖိ မ့ၢ်တၢ်မနုၤလၢ နကပာ်သူၣ်ပာ်သးအီၤ အဂီၢ်လဲၣ်.+
ဒီးပှၤကညီဖိခွါ မ့ၢ်တၢ်မနုၤလၢ နကသးအိၣ်အီၤ အဂီၢ်လဲၣ်.
၄ ပှၤဟီၣ်ခိၣ်ဖိန့ၣ် လီၤဂာ်ဒ်သိးဒီး တၢ်သါလီၤ ထဲတထံၣ်လီၤ.+
အတၢ်အိၣ်မူန့ၣ် လဲၤပူၤကွံာ်ဝဲ ဒ်တၢ်ကဒုအသိးလီၤ.+
၅ အိ ယဟိဝၤယွၤဧၢ, ဆီၣ်လီၤနမူခိၣ် ဒီးဟဲလီၤတက့ၢ်.+
ထိးကစၢၢ်တဖၣ် ဒီးမၤခုၣ်ထီၣ်အီၤတက့ၢ်.+
၆ မၤကပီၤထီၣ် လီဝၢ်ဒံး ဒီးမၤလီၤပြံလီၤပြါ ဒုၣ်ဒါတက့ၢ်.+
ခးထီၣ်နပျၢ်တဖၣ် ဒီးမၤဘံဘူ အဝဲသ့ၣ် အတၢ်ဆိကမိၣ်တက့ၢ်.+
၇ လၢမူခိၣ်န့ၣ် ယူာ်လီၤနစု,
ထုးထီၣ်ကွံာ်ယၤ ဒီးမၤပူၤဖျဲးယၤလၢ ထံလၢအယွၤလီၤဆူၣ်ဆူၣ်
လၢအမ့ၢ် ပှၤထံဂၤကီၢ်ဂၤဖိတဖၣ် အစုပူၤတက့ၢ်.+
၈ အဝဲသ့ၣ် တဲလံၣ်တဲလီတၢ်
ဒီးယူာ်ထီၣ်အစုထွဲ ဒ်သိး ကအုၣ်အသး ကဘျံးကဘျၣ်အဂီၢ်လီၤ.
၉ အိ ကစၢ်ယွၤဧၢ, ယကသးဝံၣ်ထီၣ်နၤလၢ တၢ်သးဝံၣ်အသီ တယုၢ်လီၤ.+
ယကသးဝံၣ် စံးထီၣ်ပတြၢၤနၤ ဒီးဒ့သီတူၢ်လၢ အအိၣ်ဒီး အပျံၤအဘိတဆံ,
၁၀ မ့ၢ်လၢနဟ့ၣ် စီၤပၤတဖၣ်လၢ တၢ်မၤနၢၤ+
ဒီးနမၤပူၤဖျဲး နခ့နပှၤ စီၤဒၤဝံး ဒ်သိး ပှၤသုတမၤသံအီၤလၢ နးတဂ့ၤအဃိလီၤ.+
၁၁ ပှၤထံဂၤကီၢ်ဂၤဖိတဖၣ် တဲလံၣ်တဲလီတၢ်
ဒီးယူာ်ထီၣ်အစုထွဲ ဒ်သိး ကအုၣ်အသး ကဘျံးကဘျၣ်အဂီၢ်လီၤ.
အဃိ မၤပူၤဖျဲးယၤ ဒီးအုၣ်က့ၤခီၣ်က့ၤယၤလၢ အဝဲသ့ၣ် အစုပူၤတက့ၢ်.
၁၂ နမ့ၢ်မၤဒ်န့ၣ်န့ၣ် ပဖိခွါတဖၣ် ကလီၤဂာ် ဒ်သိးဒီး တၢ်မုၢ်တၢ်ဘိ လၢအဒိၣ်ထီၣ်ချ့မး
ဒီးပဖိမုၣ်တဖၣ် ကလီၤဂာ် ဒ်သိးဒီး တၢ်အထူၣ်တဖၣ်လၢ အမၤဃံမၤလၤထီၣ်နီ* အနၢၣ်ထံးလီၤ.
၁၃ ပတၢ်ပာ်ဖှိၣ်အလီၢ်တဖၣ် ကအိၣ်ပှဲၤဝဲဒီး တၢ်အီၣ်တၢ်အီ အကလုာ်ကလုာ်,
ပသိဒီးမဲာ်တဲးလဲးတဖၣ် လၢပျီပူၤန့ၣ် ကအါထီၣ်ဝဲ လၢအကထိ အကလးတဖၣ်လီၤ.
၁၄ ဒီးပကျီၢ်လၢ အဒၢထီၣ်တဖၣ်န့ၣ် တဘၣ်ဒိဘၣ်ထံးဘၣ် ဒီးအဖိတလီၤတဲာ် နီတဒုဘၣ်.*
ဒီးတၢ်ကိးပသူထီၣ်လၢ တၢ်ကိၢ်တၢ်ဂီၤအပူၤန့ၣ် တအိၣ်ထီၣ်လၢ ပတၢ်ဆါတၢ်ပှ့ၤအလီၢ်ဘၣ်.
၁၅ ပှၤလၢ တၢ်ကဲထီၣ်အသးဒီးအီၤ ဒ်န့ၣ်န့ၣ် ကသးခုဝဲလီၤ.
ပှၤလၢ အကစၢ်ယွၤမ့ၢ် ယဟိဝၤယွၤန့ၣ် ကသးခုဝဲလီၤ.+
စီၤဒၤဝံးအထါ စံးထီၣ်ပတြၢၤ.
א *
ב
ג
၃ ယဟိဝၤယွၤန့ၣ် ဒိၣ်ဝဲဒိၣ်မး ဒီးကြၢးဝဲဒီး တၢ်စံးထီၣ်ပတြၢၤ သပှၢ်တၢၢ်လီၤ.+
အဒိၣ်ဝဲထဲလဲၣ်န့ၣ် ပှၤနၢ်ပၢၢ်တသ့ နီတဂၤဘၣ်.+
ד
၄ ပှၤတစိၤဘၣ်တစိၤ ကစံးထီၣ်ပတြၢၤနၤ ခီဖျိတၢ်လၢနမၤတဖၣ်အဃိ
ဒီးအဝဲသ့ၣ် ကတဲဘၣ်ဃးဒီး နတၢ်မၤလၢ အဒိၣ်အမုၢ်တဖၣ် အဂ့ၢ်လီၤ.+
ה
၅ အဝဲသ့ၣ် ကတဲဘၣ်ဃးဒီး နလၤကပီၤလၢ အလီၤကဟုကညီၢ်အဂ့ၢ်+
ဒီးယကဆိကမိၣ်ထံ ဘၣ်ဃးဒီး နတၢ်မၤလၢ အလီၤလိၢ်လီၤလးတဖၣ် အဂ့ၢ်လီၤ.
ו
၆ အဝဲသ့ၣ် ကတဲဘၣ်ဃးဒီး နတၢ်မၤလၢ အလီၤကမၢကမၣ်တဖၣ်အဂ့ၢ်*
ဒီးယကတဲဖျါထီၣ်လၢ နမ့ၢ်ပှၤလၢအဒိၣ်ထဲလဲၣ်န့ၣ်လီၤ.
ז
၇ ဖဲအဝဲသ့ၣ် နီၣ်ဘၣ်က့ၤ နမၤဂ့ၤတၢ်ဒီဒူၣ်အခါ အဝဲသ့ၣ် အတၢ်ကတိၤ စံးထီၣ်ပတြၢၤတဖၣ် ကကလာ်ထီၣ်ဝဲ+
ဒီးအဝဲသ့ၣ် ကကိးပသူထီၣ်လၢ တၢ်သးခုအပူၤလၢ နတၢ်တီတၢ်လိၤအဃိလီၤ.+
ח
ט
၉ ယဟိဝၤယွၤန့ၣ် ဂ့ၤဝဲလၢ ပှၤခဲလၢာ်အဖီခိၣ်+
ဒီးတၢ်လၢအမၤဝဲခဲလၢာ်န့ၣ် ပာ်ဖျါထီၣ် လၢအအိၣ်ဒီး တၢ်သးကညီၤလီၤ.
י
כ
၁၁ အဝဲသ့ၣ် ကစံၣ်တဲၤတဲလီၤ နဘီမုၢ် အလၤကပီၤအဂ့ၢ်+
ဒီးကတဲတၢ်ဘၣ်ဃးဒီး နစိနကမီၤအဂ့ၢ်+
ל
מ
၁၃ နဘီမုၢ်န့ၣ် မ့ၢ်ဝဲဘီမုၢ် အထူအယိာ်
ဒီးနတၢ်ပၢ ကအိၣ်ဝဲ လီၤထူလီၤယိာ်လီၤ.+
ס
၁၄ ယဟိဝၤယွၤ ဒုးဆၢထၢၣ် ပှၤလၢအဘူးကလီၤဃံၢ် ကိးဂၤဒဲး+
ဒီးပှၤလၢ အသကူးလီၤအသး ခဲလၢာ်န့ၣ် အဝဲဒုးဆၢထၢၣ်ဝဲ ဘျၢဘျၢလီၤ.+
ע
၁၅ တၢ်သးသမူခဲလၢာ် အိၣ်ခိးကွၢ်လၢ်နၤ
ဒ်သိးနကဟ့ၣ်လီၤ အဝဲသ့ၣ် လၢတၢ်အီၣ်တၢ်အီ ဘၣ်ဆၢဘၣ်ကတီၢ်လီၤ.+
פ
ဒီးနမၤလၢပှဲၤ တၢ်သးသမူခဲလၢာ် အတၢ်မိၣ်န့ၢ်သးလီတဖၣ်လီၤ.+
צ
ק
ר
၁၉ ကစၢ်ယွၤ မၤလၢပှဲၤန့ၢ်ဝဲ ပှၤလၢအပျံၤအီၤတဖၣ် အတၢ်မိၣ်န့ၢ်သးလီလီၤ.+
အဝဲနၢ်ဟူ အဝဲသ့ၣ် အတၢ်ကိးပသူထီၣ်လၢ တၢ်မၤစၢၤအဂီၢ် ဒီးမၤပူၤဖျဲး အဝဲသ့ၣ်လီၤ.+
ש
ת
၂၁ ယကစံးထီၣ်ပတြၢၤ ယဟိဝၤယွၤလီၤ.+
မ်တၢ်သးသမူခဲလၢာ်* စံးထီၣ်ပတြၢၤ အမံၤစီဆှံ လီၤထူလီၤယိာ်တက့ၢ်.+
မ်ယစံးထီၣ်ပတြၢၤ ယဟိဝၤယွၤ လၢယသးဒီဖျၢၣ်ညါတက့ၢ်.+
၂ ယကစံးထီၣ်ပတြၢၤ ယဟိဝၤယွၤ လၢယတၢ်အိၣ်မူဒီတစိၤလီၤ.
ဒီးဖဲယအိၣ်မူဒံးအခါ ယကသးဝံၣ် စံးထီၣ်ပတြၢၤ ယကစၢ်ယွၤလီၤ.
၃ တဘၣ်နာ်န့ၢ် ပဒိၣ်ဖးဒိၣ်တဖၣ်
ဒီးပှၤဟီၣ်ခိၣ်ဖိ လၢအအုၣ်က့ၤခီၣ်က့ၤတၢ် တသ့ဘၣ်န့ၣ်တဂ့ၤ.+
၄ ဖဲပှၤတဂၤသံအခါ အဝဲကဲထီၣ်ကဒါက့ၤ ဟီၣ်ခိၣ်ကမူၣ်လီၤ.+
ဖဲတၢ်တနံၤန့ၣ် အတၢ်ဆိကမိၣ် ဟးဂီၤကွံာ်ဝဲလီၤ.+
၅ ပှၤလၢ စီၤယၤကိာ် အကစၢ်ယွၤ မၤစၢၤအီၤန့ၣ် ကသးခုဝဲလီၤ.+
ပှၤလၢအမုၢ်လၢ်တၢ်လၢ ယဟိဝၤယွၤ အအိၣ်န့ၣ် ကသးခုဝဲလီၤ.+
၆ အဝဲမ့ၢ်ပှၤလၢ အတ့လီၤမူခိၣ်, ဟီၣ်ခိၣ်,
ပီၣ်လဲၣ် ဒီးတၢ်အိၣ်လၢအပူၤ ကိးမံၤဒဲး+
ဒီးအမ့ၢ်ပှၤလၢ အသးတီ ထီဘိလီၤ.+
၇ အဝဲမ့ၢ်ပှၤလၢ အစံၣ်ညီၣ်န့ၢ်တၢ်လၢ ပှၤလၢအဘၣ် တၢ်မၤနၢၤအီၣ်ဃီၣ်အီၤတဖၣ်အဂီၢ် တီတီလိၤလိၤ
ဒီးအမ့ၢ်ပှၤလၢ အဟ့ၣ်လီၤ တၢ်အီၣ်လၢ ပှၤလၢအလီၤဘဲတဖၣ်လီၤ.+
ယဟိဝၤယွၤ မၤထူၣ်ဖျဲးထီၣ် ပှၤဃိာ်ဖိတဖၣ်လီၤ.*+
၈ ပှၤလၢအမဲာ်တထံၣ်တၢ်ဘၣ်န့ၣ် ယဟိဝၤယွၤ ဒုးထံၣ်ထီၣ်က့ၤဝဲ,+
ပှၤလၢအသကူးလီၤအသးတဖၣ်န့ၣ် ယဟိဝၤယွၤ ဒုးဆၢထၢၣ်ဝဲ ဘျၢဘျၢ+
ဒီးယဟိဝၤယွၤ အဲၣ်ပှၤတီပှၤလိၤလီၤ.
၉ ယဟိဝၤယွၤ ဒီသဒၢဝဲ ပှၤထံဂၤကီၢ်ဂၤဖိ
ဒီးအဝဲဆီၣ်ထွဲမၤစၢၤ ပှၤဖိၣ်ဃဲဖိ ဒီးမုၣ်ကမဲလီၤ.+
မ့မ့ၢ် ပှၤအၢပှၤသီ အတၢ်ကူၣ်ထီၣ်ဖးလီၤန့ၣ် အဝဲမၤတံာ်တာ်ဝဲလီၤ.+
၁၀ ယဟိဝၤယွၤ ကကဲစီၤပၤ လီၤထူလီၤယိာ်,+
စံယိၣ်ဧၢ, နကစၢ်ယွၤ ကကဲစီၤပၤ အစိၤစိၤအဃၣ်ဃၣ်လီၤ.
ဟါလ့ၤလူယၤ.*
ပသးဝံၣ်စံးပတြၢၤ ပကစၢ်ယွၤန့ၣ် ဂ့ၤဝဲလီၤ.
ဒီးပစံးထီၣ်ပတြၢၤအီၤန့ၣ် မုာ်ဝဲ ဒီးကြၢးဝဲဘၣ်ဝဲလီၤ.+
၃ အဝဲမၤမုာ်ထီၣ်က့ၤ ပှၤလၢအသးသ့ၣ်ဖးတဖၣ်
ဒီးအဝဲဘိၣ်ဘံထီၣ်န့ၢ် အဝဲသ့ၣ်အတၢ်ပူၤလီၢ်တဖၣ်လီၤ.
၅ ပကစၢ်ယွၤန့ၣ် ဒိၣ်ဝဲ ဒီးအစိအကမီၤ အိၣ်ဝဲဒီဒူၣ်လီၤ.+
အတၢ်နၢ်ပၢၢ်န့ၣ် အကတၢၢ်တအိၣ်ဘၣ်.+
၇ သးဝံၣ်ထီၣ် ယဟိဝၤယွၤ လၢတၢ်စံးဘျုးစံးဖှိၣ် အတၢ်သးဝံၣ်,
သးဝံၣ်စံးထီၣ်ပတြၢၤ ပကစၢ်ယွၤ ဒီးဒ့တနၢ်တက့ၢ်.
ဒီးအဝဲဒုးမဲထီၣ် နီၣ်လၢ+ ကစၢၢ်ကလိတဖၣ် အလိၤလီၤ.
၁၀ ကသ့ၣ်အဂံၢ်ဘါန့ၣ် အရ့တဒိၣ်လၢအဂီၢ်ဘၣ်.+
ဒီးပှၤဟီၣ်ခိၣ်ဖိ အဂံၢ်ဘါန့ၣ်* အဝဲတပာ်ဝဲလၢ တၢ်နီတမံၤဘၣ်.+
၁၂ အိ ဝ့ၢ်ယရူၤၡလ့ၣ်ဧၢ, မၤလၤကပီၤ ယဟိဝၤယွၤတက့ၢ်.
အိ ဝ့ၢ်စံယိၣ်ဧၢ, စံးထီၣ်ပတြၢၤ နကစၢ်ယွၤတက့ၢ်.
၁၃ အဝဲမၤကျၢၤထီၣ် နတြဲၤအနီၣ်ဘိတဖၣ်
ဒီးအဆိၣ်ဂ့ၤ နဖိနလံၤတဖၣ်လၢ အအိၣ်လၢနပူၤလီၤ.
၁၅ အဝဲမၤလိာ်ဝဲ ဟီၣ်ခိၣ်
ဒီးအကလုၢ်ကထါ ဃ့ၢ်ချ့မးလီၤ.
၁၆ အဝဲဒုးလီၤ မူခိၣ်ဖီ လၢဟီၣ်ခိၣ်လိၤ လီၤဂာ်ဒ်သိးဒီး သိဆူၣ်+
ဒီးအဖှံလီၤ ပစီၤထံလီၤသကၤ ဒ်သိးဒီး ဖၣ်ဆါလီၤ.+
၁၇ အဝဲကွံာ်လီၤသူၣ် ဒ်ကိၣ်လၢအလီၤကမူၣ်တဖၣ် အသိးလီၤ.+
မတဂၤတူၢ် တၢ်ဂိၢ်အသဟီၣ်တဖၣ်အံၤ ကကဲလဲၣ်.+
၁၈ အဝဲဟ့ၣ်လီၤ တၢ်ကလုၢ် ဒီးတၢ်သ့ၣ်တဖၣ်န့ၣ် ပှံၢ်လီၤကွံာ်ဝဲလီၤ.
အဝဲဒုးဟဲကလံၤ+ ဒီးထံယွၤလီၤဝဲလီၤ.
၁၉ အဝဲတဲဘၣ် စီၤယၤကိာ် အစၢၤအသွဲၣ်လၢ အကလုၢ်ကထါ
ဒီးအဝဲတဲဘၣ် ပှၤအံၣ်စရ့လးဖိ လၢအတၢ်ဘျၢတဖၣ် ဒီးအတၢ်စံၣ်ညီၣ်ဆၢတဲာ်တဖၣ်လီၤ.+
၂၀ အဝဲတမၤတ့ၢ်တၢ်ဒ်အံၤလၢ ပှၤကလုာ်အဂၤအဂီၢ် နီတဘျီဘၣ်.+
အဝဲသ့ၣ် တသ့ၣ်ညါ အတၢ်စံၣ်ညီၣ်ဆၢတဲာ်တဖၣ်ဘၣ်.
၁၄၈ ဟါလ့ၤလူယၤ.*
သုဝဲလၢအအိၣ်လၢ မူခိၣ်သ့ၣ်ဧၢ, စံးထီၣ်ပတြၢၤ ယဟိဝၤယွၤတက့ၢ်.+
သုဝဲလၢအအိၣ်လၢ တၢ်လီၢ်ထီၣ်ထီသ့ၣ်ဧၢ, စံးထီၣ်ပတြၢၤ ကစၢ်ယွၤတက့ၢ်.
၂ ကစၢ်ယွၤ အမူခိၣ်ကလူး ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.+
ကစၢ်ယွၤ အသုးမုၢ် ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.+
၃ မုၢ်ဒီးလါသ့ၣ်ဧၢ, စံးထီၣ်ပတြၢၤအီၤတက့ၢ်.
ဆၣ်လၢအကပြုၢ်ကပြီၤ ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.+
၄ အိ မူခိၣ်လၢအထီကတၢၢ်
ဒီးတၢ်အၢၣ်လၢ အဒုးစူၤလီၤ မူခိၣ်ထံသ့ၣ်ဧၢ, စံးထီၣ်ပတြၢၤအီၤတက့ၢ်.
၅ ယဟိဝၤယွၤ ဟ့ၣ်လီၤတၢ်ကလုၢ် ဒီးတၢ်သ့ၣ်တဖၣ်န့ၣ် ဘၣ်တၢ်တ့လီၤအီၤ.+
အဃိ မ်တၢ်သ့ၣ်တဖၣ်န့ၣ် စံးထီၣ်ပတြၢၤ အမံၤတက့ၢ်.
၇ သုဝဲလၢ အအိၣ်လၢ ဟီၣ်ခိၣ်ချၢ,
တၢ်သးသမူဖးဒိၣ်တဖၣ်လၢ ပီၣ်လဲၣ်ပူၤ ဒီးထံယိာ်ပူၤခဲလၢာ်သ့ၣ်ဧၢ, စံးထီၣ်ပတြၢၤ ယဟိဝၤယွၤတက့ၢ်.
၈ လီဝၢ်ဒံး, သူၣ်, မူခိၣ်ဖီ, တၢ်အၢၣ်လၢ အတီၣ်တဖၣ်
ဒီးသုဝဲ ကလံၤမုၢ်လၢအဆူၣ်လၢ အမၤထွဲဝဲ ဒ်ကစၢ်ယွၤ တဲဝဲအသိးသ့ၣ်ဧၢ, စံးထီၣ်ပတြၢၤအီၤတက့ၢ်.+
၉ ကစၢၢ်ကလိ, တၢ်လူၢ်ခဲလၢာ်,+
သ့ၣ်လၢအအိၣ်ဒီး အသၣ်တဖၣ် ဒီးသ့ၣ်ဆှိအ့ရ့း ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.+
၁၀ ဆၣ်ဖိကီၢ်ဖိအမံၤ,+ ဆၣ်ဖိကီၢ်ဖိအဒၢ,
တၢ်လၢအဟူးအဂဲၤ ဒီးထိၣ်ဖိလံၣ်ဖိ ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.
၁၁ စီၤပၤတဖၣ် လၢဟီၣ်ခိၣ်ချၢ, ပှၤကလုာ် ခဲလၢာ်,
ပဒိၣ်ဖးဒိၣ် ဒီးစံၣ်ညီၣ်ကွီၢ် လၢဟီၣ်ခိၣ်ချၢ ခဲလၢာ်သ့ၣ်ဧၢ, စံးထီၣ်ပတြၢၤအီၤတက့ၢ်.+
၁၂ ပိာ်မုၣ်သးစၢ်, ပိာ်ခွါသးစၢ်,
ပှၤသးစၢ် ဒီးပှၤသးပှၢ် ခဲလၢာ်သ့ၣ်ဧၢ, စံးထီၣ်ပတြၢၤသကိးအီၤတက့ၢ်.
ဒီးအလၤကပီၤန့ၣ် အိၣ်ဝဲလၢ ဟီၣ်ခိၣ်ဒီးမူခိၣ် အဖီခိၣ်လီၤ.+
၁၄ အဝဲကမၤဆူၣ်ထီၣ် အပှၤဂီၢ်မုၢ် အဂံၢ်အဘါလီၤ.*
အကမၤဝဲ ဒ်သိးပှၤလၢ အသးတီဒီးအီၤတဖၣ် လၢအမ့ၢ် ပှၤအံၣ်စရ့လးဖိလၢ
အအိၣ်ဘူးဒီးအီၤန့ၣ် ကဘၣ်တၢ်ပတြၢၤ အဝဲသ့ၣ်အဂီၢ်လီၤ.
ဟါလ့ၤလူယၤ.*
၁၄၉ ဟါလ့ၤလူယၤ.*
သးဝံၣ်ထီၣ် ယဟိဝၤယွၤလၢ တၢ်သးဝံၣ် အသီတယုၢ်+
ဒီးစံးထီၣ်ပတြၢၤအီၤလၢ ပှၤလၢအသးတီဒီးအီၤ အတၢ်အိၣ်ဖှိၣ်ပူၤတက့ၢ်.+
၂ မ်အံၣ်စရ့လးသးခုလၢ ကစၢ်ယွၤဖးဒိၣ် လၢအတ့လီၤအီၤအဃိတက့ၢ်.+
မ်စံယိၣ်အဖိအလံၤတဖၣ် သူၣ်ဖှံသးညီလၢ အစီၤပၤအဃိတက့ၢ်.
၃ မ်အဝဲသ့ၣ် ဂဲၤကလံၣ် ဒီးစံးထီၣ်ပတြၢၤ အမံၤတက့ၢ်.+
မ်အဝဲသ့ၣ် ဒ့တနၢ်ဒီး ဒိတၢ်ခြ့ခြ့ ဒီးသးဝံၣ် စံးထီၣ်ပတြၢၤ ကစၢ်ယွၤတက့ၢ်.+
၄ ယဟိဝၤယွၤ ဘၣ်သးဝဲ အပှၤဂီၢ်မုၢ်လီၤ.+
အဝဲမၤဃံမၤလၤဝဲ ပှၤလၢအဆီၣ်လီၤသး ခီဖျိ အုၣ်က့ၤခီၣ်က့ၤ အဝဲသ့ၣ်လီၤ.+
၅ ပှၤလၢအသးတီတဖၣ်န့ၣ် မ်အဝဲသ့ၣ်သးခုလၢ တၢ်လၤကပီၤလၢ အဝဲသ့ၣ် ဒိးန့ၢ်ဘၣ်ဝဲအဃိ
ဒီးမ်အဝဲသ့ၣ် ကိးပသူထီၣ်လၢ အလီၢ်မံခိၣ်လၢ တၢ်သးခုအပူၤတက့ၢ်.+
၆ မ်အဝဲသ့ၣ် သးဝံၣ်စံးထီၣ်ပတြၢၤ ကစၢ်ယွၤ
ဒီးမ်နးလၢအကနၣ်အ့ၣ်ခံခီလၢာ် အိၣ်လၢ အဝဲသ့ၣ် အစုပူၤ,
၇ ဒ်သိး အဝဲသ့ၣ် ကဟ့ၣ်ကၣ်က့ၤ ပှၤကလုာ်တဖၣ်,
စံၣ်ညီၣ် ပှၤဂီၢ်မုၢ်တဖၣ်,
၈ စၢထီၣ် အဝဲသ့ၣ် အစီၤပၤတဖၣ်လၢ ထးသွဲ,
ကွီၤဃာ် အပှၤဒိၣ်ပှၤပှၢ်တဖၣ်လၢ ထးကွီၤ
၉ ဒီးဒ်သိး ကစံၣ်ညီၣ် အဝဲသ့ၣ် ဒ်တၢ်ကွဲးအသး အိၣ်ဝဲအသိးတက့ၢ်.+
ပှၤလၢ အသးတီဒီး ကစၢ်ယွၤန့ၣ် န့ၢ်ဘၣ်တၢ်လၤကပီၤတခါအံၤလီၤ.
ဟါလ့ၤလူယၤ.*
ပှၤလၢ အအိၣ်လၢ ကစၢ်ယွၤ အတၢ်လုၢ်ဟံၣ်စီဆှံအပူၤသ့ၣ်ဧၢ, စံးထီၣ်ပတြၢၤ ကစၢ်ယွၤတက့ၢ်.+
ပှၤလၢ အအိၣ်လၢ မူကပိာ်လိၤလၢ အပာ်ဖျါထီၣ် ကစၢ်ယွၤ အစိအကမီၤသ့ၣ်ဧၢ, စံးထီၣ်ပတြၢၤ ကစၢ်ယွၤတက့ၢ်.+
၂ စံးထီၣ်ပတြၢၤအီၤခီဖျိ အတၢ်မၤလၢ အဒိၣ်အမုၢ်တဖၣ် အဃိတက့ၢ်.+
စံးထီၣ်ပတြၢၤအီၤခီဖျိ အတၢ်ကဟုကညီၢ် ဒိၣ်ဝဲထီဝဲ အဃိတက့ၢ်.+
၃ အူသီၣ်ထီၣ်ကွဲၤ ဒီးစံးထီၣ်ပတြၢၤအီၤတက့ၢ်.+
ဒ့သီတူၢ်ဒီးတနၢ် ဒီးစံးထီၣ်ပတြၢၤအီၤတက့ၢ်.+
၄ ဒိသီၣ်တၢ်ခြ့ခြ့+ ဒီးဂဲၤကလံၣ် ဒီးစံးထီၣ်ပတြၢၤအီၤတက့ၢ်.
ဒ့သီတူၢ်+ ဒီးအူထီၣ်ပံ+ ဒီးစံးထီၣ်ပတြၢၤအီၤတက့ၢ်.
၅ စံးထီၣ်ပတြၢၤအီၤလၢ စှၢၣ်စှံးလၢ အသီၣ်မုာ်တက့ၢ်.
စံးထီၣ်ပတြၢၤအီၤလၢ စှၢၣ်စှံးလၢ အသီၣ်ဒိၣ်တက့ၢ်.+
၆ မ်တၢ်လၢအကသါခဲလၢာ် စံးထီၣ်ပတြၢၤ ယဟိဝၤယွၤတက့ၢ်.
အခီပညီလိၤလိၤ “ဆ့ၣ်နီၤလၢ အဝဲသ့ၣ်အကျါ.”
မ့ၢ်စ့ၢ်ကီး “ဖးသီၣ်အီၤလၢ ကလုၢ်ဆံးဆံးဖိ လၢနနီၢ်ကစၢ်.”
မ့ၢ်စ့ၢ်ကီး “ဆိကမိၣ်ထံ.”
မ့ၢ်စ့ၢ်ကီး “အခရံာ်.”
ကွၢ် တၢ်ကတိၤအခီပညီ.
အခီပညီလိၤလိၤ “အဒုးမိာ်ထီၣ်ယခိၣ်.”
အခီပညီလိၤလိၤ “မၤဟိထီၣ် တၢ်လီၢ်ဖးလဲၢ်.”
မ့ၢ်စ့ၢ်ကီး “အဝဲပာ်လီၤဆီဝဲ ပှၤလၢအတီဒီးအီၤ လၢအဂီၢ်ဒၣ်ဝဲ.”
ကွၢ် တၢ်ကတိၤအခီပညီ.
ကွၢ် တၢ်ကတိၤအခီပညီ.
မ့ၢ်စ့ၢ်ကီး “သ့ၣ်နီၣ်ထီၣ်.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
အခီပညီလိၤလိၤ “ယသးသမူ.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “မၤကွၢ် ပှၤသးဒီးကလ့ၢ်တဖၣ်.”
ကွၢ် တၢ်ကတိၤအခီပညီ.
အခီပညီလိၤလိၤ “ဆၣ်ဖိကီၢ်ဖိအဒူ လၢတၢ်ပျီပူၤ.”
ကွၢ် တၢ်ကတိၤအခီပညီ. မ့ၢ်စ့ၢ်ကီး “အၢၣ်လီၤတူၢ်လိာ်လၢ.”
မ့ၢ်ဝဲ ဧ့ၤဘြံၤ အလံာ်မိၢ်ပှၢ် အဆိကတၢၢ်တဖျၢၣ်လီၤ. လၢအခီၣ်ထံးခါန့ၣ် စံးထီၣ်ပတြၢၤတယုၢ်အံၤ ဘၣ်တၢ်ကွဲးအီၤ ဒ်လံာ်မိၢ်ပှၢ်အဖျၢၣ် အိၣ်ရဲၣ်လီၤအသးအသိး.
အခီပညီလိၤလိၤ “ပှာ်ဧိၤစၤဧိၤ.”
ကွၢ် တၢ်ကတိၤအခီပညီ.
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “တၢ်အခီၣ်ထံးခီၣ်ဘိတဖၣ်လၢ တၢ်စံၣ်ညီၣ်တီအဂီၢ်.”
ဘၣ်သ့ၣ်သ့ၣ် ကမ့ၢ် “မ့ၣ်အူအ့ၣ်ကဲၤ.”
မ့ၢ်စ့ၢ်ကီး “ဒိးန့ၢ်ဘၣ် အတၢ်ဘၣ်သး.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “ပှၤလၢအသးတဆးဘၣ်.”
အခီပညီလိၤလိၤ “ပှၤတစိၤ.”
မ့ၢ်စ့ၢ်ကီး “မၤမဲာ်ဆှး.”
လၢပှၤဖှီၣ်ဖိယာ်ဖိအအိၣ်.
ကွၢ် တၢ်ကတိၤအခီပညီ.
မ့ၢ်စ့ၢ်ကီး “ယတၢ်တူၢ်ဘၣ်လၢအယိာ်.” အခီပညီလိၤလိၤ “ယကလ့ၢ်တဖၣ်.”
အခီပညီလိၤလိၤ “ယလၤကပီၤ.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
ဘၣ်သ့ၣ်သ့ၣ် ကမ့ၢ် “ထံၣ်ဘၣ် တၢ်အုၣ်သံကျၣ်သံဘၣ်.”
မ့ၢ်စ့ၢ်ကီး “သကူးလီၤသးလၢ ကဒိကနၣ်.”
မ့ၢ်စ့ၢ်ကီး “နစုထွဲ.”
အခီပညီလိၤလိၤ “အဝဲသ့ၣ် အိၣ်ကးဘၢထီၣ်သးလၢ အနီၢ်ကစၢ်အသိ.”
မ့ၢ်စ့ၢ်ကီး “ကွံာ်လီၤပှၤလၢ ဟီၣ်ခိၣ်.”
အခီပညီလိၤလိၤ “ယကထံၣ်ဘၣ် နမဲာ်.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “ဘၣ်နးဘၣ်ဖှီၣ်.”
မ့ၢ်စ့ၢ်ကီး “ဘၣ်တၢ်မၤကွၢ်အီၤလၢ မ့ၣ်အူ.”
မ့ၢ်စ့ၢ်ကီး “ဒုးအိၣ်ဂၢၢ်ဆိးကျၢၤ.”
အခီပညီလိၤလိၤ “အချံအသၣ်.”
အခီပညီလိၤလိၤ “ပာ်ပနီၣ်ဒ် တၢ်အသိအသိး.”
မ့ၢ်စ့ၢ်ကီး “အဟ့ၣ်အီၤတၢ်မၤနၢၤ.”
အခီပညီလိၤလိၤ “အစုထွဲ.”
ဘၣ်သ့ၣ်သ့ၣ် ကမ့ၢ် “စီၤပၤ.”
ဘၣ်သ့ၣ်သ့ၣ် တၢ်သးဝံၣ်အသီၣ် မ့တမ့ၢ် တၢ်သးဝံၣ်တကလုာ်.
မ့ၢ်စ့ၢ်ကီး “တဒိးန့ၢ်ဘၣ် တၢ်မဲာ်ဆှးဘၣ်.”
ဖျါလၢအဲၣ်ဒိးတဲဝဲ တၢ်အသံးအကာ်လၢအပှံၢ်လီၤညီလၢ ကနဲဒုးအိၣ်ထီၣ်ဝဲ.
အခီပညီလိၤလိၤ “ကျီၢ်မံၤအဖါတဖၣ်.”
မ့ၢ်စ့ၢ်ကီး “မၤမုာ်ထီၣ်ယသး.”
မ့ၢ်စ့ၢ်ကီး “ယသးသမူ.” အဲၣ်ဒိးတဲဝဲ ယဟိဝၤယွၤ အသးသမူ.
မ့ၢ်စ့ၢ်ကီး “တၢ်တီတၢ်လိၤ.”
မ့ၢ်ဝဲ ဧ့ၤဘြံၤ အလံာ်မိၢ်ပှၢ် အဆိကတၢၢ်တဖျၢၣ်လီၤ. လၢအခီၣ်ထံးခါန့ၣ် စံးထီၣ်ပတြၢၤတယုၢ်အံၤ ဘၣ်တၢ်ကွဲးအီၤ ဒ်လံာ်မိၢ်ပှၢ်အဖျၢၣ် အိၣ်ရဲၣ်လီၤအသးအသိး.
မ့ၢ်စ့ၢ်ကီး “ပျံၤသကွီၤ.”
မ့ၢ်စ့ၢ်ကီး “ယတၢ်တူၢ်ဘၣ်လၢအယိာ်.” အခီပညီလိၤလိၤ “ယကလ့ၢ်တဖၣ်.”
အခီပညီလိၤလိၤ “ဆ့ၣ်နီၤ.”
အခီပညီလိၤလိၤ “ဆ့ၣ်နီၤ.”
မ့ၢ်စ့ၢ်ကီး “ပှၤလၢ အထီးပှၤဂၤလၢ ကျိၣ်စ့.”
ဘၣ်သ့ၣ်သ့ၣ် ကမ့ၢ် “ယနာ်သပှၢ်တၢၢ်လၢ ယကထံၣ်ဘၣ် ယဟိဝၤယွၤ အတၢ်ဂ့ၤတၢ်ဝါလၢ ပှၤမူအကီၢ်ပူၤလီၤ.”
မ့ၢ်စ့ၢ်ကီး “ပာ်ဆူၣ်နသး.”
မ့ၢ်စ့ၢ်ကီး “တၢ်သွၣ်ခိၣ်.”
မ့ၢ်စ့ၢ်ကီး “ဘူၣ်ထီၣ်ဘါထီၣ်.”
မ့ၢ်စ့ၢ်ကီး “စံၣ်.”
အခီပညီလိၤလိၤ “ကျီၢ်မံၤအဖါ.”
မ့ၢ်စ့ၢ်ကီး “အိၣ်ဖျဲၣ်လီၤ.”
မ့ၢ်စ့ၢ်ကီး “မူခိၣ်အပီၣ်လဲၣ်.”
ဘၣ်သ့ၣ်သ့ၣ် ကမ့ၢ် “တၢ်လုၢ်ဟံၣ်.” အခီပညီလိၤလိၤ “ဟံၣ်.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “တၢ်သွၣ်ခိၣ်.”
မ့ၢ်စ့ၢ်ကီး “တၢ်သွၣ်ခိၣ်.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “သကူးလီၤသးလၢ ကဒိကနၣ်.”
အခီပညီလိၤလိၤ “ပှာ်ဧိၤစၤဧိၤ.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “ပာ်ဆူၣ်သး.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “ကအုကစွါ.”
ဧ့ၤဘြံၤအတၢ်ကတိၤတဖျၢၣ်အံၤ အဲၣ်ဒိးတဲဝဲ ကသ့ၣ်လၢ အကးပြါဒီး ကသ့ၣ်ယီၤ.
မ့ၢ်စ့ၢ်ကီး “သးစီဆှံ.”
မ့ၢ်ဝဲ ဧ့ၤဘြံၤ အလံာ်မိၢ်ပှၢ် အဆိကတၢၢ်တဖျၢၣ်လီၤ. လၢအခီၣ်ထံးခါန့ၣ် စံးထီၣ်ပတြၢၤတယုၢ်အံၤ ဘၣ်တၢ်ကွဲးအီၤ ဒ်လံာ်မိၢ်ပှၢ်အဖျၢၣ် အိၣ်ရဲၣ်လီၤအသးအသိး.
မ့ၢ်စ့ၢ်ကီး “သးဂံၢ်ဘါလီၤစၢ်.”
ကတီၤဖိန့ၣ် ညီနုၢ်ပှၤခးပျၢ်တဖၣ် စိာ်ဝဲ.
မ့ၢ်စ့ၢ်ကီး “ပျံၤသကွီၤ.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “ဘၣ်ပူး.”
မ့ၢ်စ့ၢ်ကီး “ဆိကမိၣ်ထံ.”
အခီပညီလိၤလိၤ “ဒ်ကစၢ်ယွၤ အကစၢၢ်တဖၣ်အသိး.”
အခီပညီလိၤလိၤ “တၢ်အသိတဖၣ်.”
မ့ၢ်ဝဲ ဧ့ၤဘြံၤ အလံာ်မိၢ်ပှၢ် အဆိကတၢၢ်တဖျၢၣ်လီၤ. လၢအခီၣ်ထံးခါန့ၣ် စံးထီၣ်ပတြၢၤတယုၢ်အံၤ ဘၣ်တၢ်ကွဲးအီၤ ဒ်လံာ်မိၢ်ပှၢ်အဖျၢၣ် အိၣ်ရဲၣ်လီၤအသးအသိး.
အခီပညီလိၤလိၤ “တလ့ၣ်နကျဲလၢအလိၤ.”
အခီပညီလိၤလိၤ “အ့ၣ်တဃံးအမဲ.”
မ့ၢ်ဝဲ ပှၤအၢပှၤသီ.
အခီပညီလိၤလိၤ “ယယီၢ်ဒ့ ကိၢ်အူ.”
အခီပညီလိၤလိၤ “ယတၢ်တူၢ်ဘၣ် တအိၣ်လၢၤဘၣ်.”
မ့ၢ်စ့ၢ်ကီး “စံၣ်.”
ကွၢ် တၢ်ကတိၤအခီပညီ.
အခီပညီလိၤလိၤ “သုးကွံာ် နတၢ်နးတၢ်ဖှီၣ်.”
မ့ၢ်စ့ၢ်ကီး “သကူးလီၤသးလၢ ကဒိကနၣ်.”
မ့ၢ်စ့ၢ်ကီး “ထုးထီၣ်အခီၣ်နၢၣ်ခံ ဒ်သိးကထီဒါယၤ.”
ကွၢ် တၢ်ကတိၤအခီပညီ.
ကွၢ် တၢ်ကတိၤအခီပညီ.
မ့ၢ်စ့ၢ်ကီး “လၢတၢ်ပာ်ကဲအပူၤ.”
မ့ၢ်စ့ၢ်ကီး “ကစၢၢ်ဆံးဆံးဖိ.”
ကွၢ် တၢ်ကတိၤအခီပညီ.
ကွၢ် တၢ်ကတိၤအခီပညီ.
အခီပညီလိၤလိၤ “သိၣ်လိနၤ.”
မ့ၢ်ဝဲ သ့ၣ်လၢအအိၣ်ဒီးအထုး ဒီးအသိလၢ ပှၤသူအီၤလၢ ကတ့ထီၣ်တၢ်နၢမူ.
မ့ၢ်စ့ၢ်ကီး “နူၢ်.”
မ့ၢ်ဝဲ တၢ်လီၢ်လၢ အအိၣ်ဒီးထူလၢအဂ့ၤကတၢၢ်.
မ့ၢ်ဝဲ တလးမူးပိာ်ခွါ.
အခီပညီလိၤလိၤ “ဖိမုၣ်.”
မ့ၢ်ဝဲ တလးမူးပိာ်မုၣ်. ကွၢ်လၢ အဆၢဖိ ၁၀.
မ့ၢ်ဝဲ တလးမူးပိာ်ခွါ.
အဲၣ်ဒိးတဲဝဲ စီၤပၤ လၢအမ့ၢ် တလးမူးပိာ်ခွါ.
ကွၢ် တၢ်ကတိၤအခီပညီ.
ဘၣ်သ့ၣ်သ့ၣ် ကမ့ၢ် “ကတီၤတဖၣ်.”
အဲၣ်ဒိးတဲဝဲ ဝ့ၢ်.
အခီပညီလိၤလိၤ “အဖိမုၣ်တဖၣ်.”
ဘၣ်သ့ၣ်သ့ၣ် ကမ့ၢ် “တုၤလၢပသံ.”
မ့ၢ်စ့ၢ်ကီး “တၢ်သွၣ်ခိၣ်.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “နူၢ်.”
အခီပညီလိၤလိၤ “ပှ့ၤက့ၤ.”
အခီပညီလိၤလိၤ “အစု.”
မ့ၢ်စ့ၢ်ကီး “စးထီၣ်လၢ မုၢ်ထီၣ် တုၤလၢမုၢ်နုာ်.”
အခီပညီလိၤလိၤ “မဲာ်တဲးလဲးဖါတဖၣ်.”
မ့ၢ်စ့ၢ်ကီး “တၢ်ဟံးစုနဲၣ်ကျဲ.”
အခီပညီလိၤလိၤ “ကွံာ်တ့ၢ်ကွံာ် ယတၢ်ကတိၤတဖၣ်လၢ သုလီၢ်ခံ.”
ဘၣ်သ့ၣ်သ့ၣ် ကမ့ၢ် “သုပၣ်ဃုာ်လၢအကျါ.”
မ့ၢ်စ့ၢ်ကီး “အိၣ်လၢယခိၣ်နူာ်ပူၤ.”
အခီပညီလိၤလိၤ “ထဲနၤတဂၤ.”
အခီပညီလိၤလိၤ “တ့လီၤသးလၢ အကဆှီလၢယပူၤ.”
ကွၢ် တၢ်ကတိၤအခီပညီ.
ကွၢ် တၢ်ကတိၤအခီပညီ.
ကွၢ် တၢ်ကတိၤအခီပညီ.
မ့ၢ်စ့ၢ်ကီး “ပှၤလၢအသးတဆးဘၣ်.”
ကွၢ် တၢ်ကတိၤအခီပညီ.
ကွၢ် တၢ်ကတိၤအခီပညီ.
ဘၣ်သ့ၣ်သ့ၣ် အဲၣ်ဒိးတဲဝဲ ပှၤမၤဆူၣ်မၤစိးတၢ် ဒီးပှၤအ့ၣ်လိာ်ဆိးက့လိာ်သး.
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်ဝဲ အသကိးလၢ အထီဒါက့ၤအီၤ ဖဲအဆၢဖိ ၁၃ ဒီး ၁၄ ပာ်ဖျါထီၣ်ဝဲ.
အခီပညီလိၤလိၤ “ကပုာ်န့ၢ်ဒံးသိ.”
ကွၢ် တၢ်ကတိၤအခီပညီ.
မ့ၢ်ဝဲ ကစၢ်ယွၤ.
ကွၢ် တၢ်ကတိၤအခီပညီ.
အခီပညီလိၤလိၤ “စၤ.”
အခီပညီလိၤလိၤ “နတၢ်သးတီန့ၣ် ထီဝဲတုၤလၢ မူခိၣ်.”
ကွၢ် တၢ်ကတိၤအခီပညီ.
ကွၢ် တၢ်ကတိၤအခီပညီ.
အခီပညီလိၤလိၤ “အပျုၤ.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “ပဒ့ၣ်အသး.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “သၣ်ဝံၤ.”
မ့ၢ်စ့ၢ်ကီး “ထွံၣ်ဟီၣ်ခိၣ်.”
အခီပညီလိၤလိၤ “တၢ်ညၣ်ခဲလၢာ်.”
အခီပညီလိၤလိၤ “ပျံၤ.”
ဖျါလၢအဲၣ်ဒိးတဲဝဲ တၢ်အသံးအကာ်လၢအပှံၢ်လီၤညီလၢ ကနဲဒုးအိၣ်ထီၣ်ဝဲ.
ဘၣ်သ့ၣ်သ့ၣ် ကမ့ၢ် “ဒိးဝဲတၢ်အၢၣ်တဖၣ်.”
အခီပညီလိၤလိၤ “တၢ်န့ၢ်သါ.”
မ့ၢ်ဝဲ တၢ်ကလုၢ်လီၤလၢ ပှၤကလဲၤဒုးတၢ်အဂီၢ်.
မ့ၢ်ဝဲ တၢ်ကစီၣ် ဘၣ်ဃးဒီးတၢ်မၤနၢၤ.
မ့ၢ်စ့ၢ်ကီး “လီၤဂာ်ဒ် မူခိၣ်ဖီလီၤလၢ စးလမိၣ်အလိၤလီၤ.”
မ့ၢ်စ့ၢ်ကီး “ပၢဝဲ.”
မ့ၢ်စ့ၢ်ကီး “ကီၢ်အဲၤသံအီးပး.”
ကွၢ် တၢ်ကတိၤအခီပညီ.
အခီပညီလိၤလိၤ “ပှ့ၤက့ၤ.”
မ့ၢ်စ့ၢ်ကီး “ဒီးယသးဟးဂီၤ သပှၢ်တၢၢ်လံ.”
မ့ၢ်စ့ၢ်ကီး “တၢ်မုၢ်တၢ်ဘိလၢ အအိၣ်ဒီးအစုၣ်.”
မ့ၢ်စ့ၢ်ကီး “သကူာ်လီၤသးလၢ ကဒိကနၣ်.”
မ့ၢ်စ့ၢ်ကီး “ဂံၢ်ထီၣ်ဒွးထီၣ်အီၤ.”
မ့ၢ်စ့ၢ်ကီး “ထံယိာ်.”
မ့ၢ်စ့ၢ်ကီး “ပှ့ၤက့ၤ ယသးသမူ.”
မ့ၢ်စ့ၢ်ကီး “ဆိကမိၣ်ထံ.”
အခီပညီလိၤလိၤ “စီၤပၤအဖိခွါ.”
အခီပညီလိၤလိၤ “ပှၤဖှီၣ်ဖိယာ်ဖိ အဖိခွါတဖၣ်.”
မ့ၢ်ဝဲ ထံကျိဖရၤသး.
ကွၢ် တၢ်ကတိၤအခီပညီ.
မ့ၢ်စ့ၢ်ကီး “ဘီၣ်ထီၣ်ညီထီၣ်.”
ဖျါလၢအဲၣ်ဒိးတဲဝဲ ကစၢ်ယွၤအပှၤဂီၢ်မုၢ် ဃၣ်အသးဒ်သိးကအီတၢ်လၢ ပှၤအၢပှၤသီတဖၣ် ဒုးအီအဝဲသ့ၣ်.
အခီပညီလိၤလိၤ “လၢယကလ့ၢ်အပူၤ.”
အခီပညီလိၤလိၤ “ယသးအလၢၢ်.”
မ့ၢ်စ့ၢ်ကီး “ပှၤလၢအမၤသးဒ်သိးဒီး ပှၤလၢအမၤကမၣ်မုၣ်ကမၣ်ခွါ.”
ကွၢ် တၢ်ကတိၤအခီပညီ.
ကွၢ် တၢ်ကတိၤအခီပညီ.
အခီပညီလိၤလိၤ “အခိၣ်သၣ်ဃံတဖၣ်.”
အခီပညီလိၤလိၤ “ပှံၢ်လီၤဝဲ.”
အခီပညီလိၤလိၤ “မံဘၣ်အသး.”
အခီပညီလိၤလိၤ “မံဘၣ်အသး.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “ယယူာ်ထီၣ်ထီဃာ်ယစု လၢအအိၣ် ဒီးယစုတလီၤဘှံးဘၣ်.”
အခီပညီလိၤလိၤ “နအိးထီဃာ် ယမဲာ်ဖံး.”
ကွၢ် တၢ်ကတိၤအခီပညီ.
အခီပညီလိၤလိၤ “ဒိးသုနၢ်.”
မ့ၢ်စ့ၢ်ကီး “စီၤယၤကိာ် အစၢၤအသွဲၣ်တဖၣ်.”
မ့ၢ်စ့ၢ်ကီး “ထံတမၢၣ်.”
အခီပညီလိၤလိၤ “တၢ်ကပီၤ.”
အခီပညီလိၤလိၤ “ပှၤလၢအဂံၢ်ဆူၣ်ဘါဆူၣ်တဖၣ် အကိၣ်.”
အခီပညီလိၤလိၤ “အဝဲ.” အဲၣ်ဒိးတဲဝဲ ကစၢ်ယွၤ မ့တမ့ၢ် ပှၤအံၣ်စရ့လးဖိ.
အခီပညီလိၤလိၤ “တၢ်ညၣ်.”
အခီပညီလိၤလိၤ “ပှ့ၤက့ၤ.”
မ့ၢ်ဝဲ တၢ်ဖိဃၢ် တကလုာ်လၢအအ့ၣ်တၢ်.
ဘၣ်သ့ၣ်သ့ၣ် ကမ့ၢ် “လိၤကိၢ်.”
အခီပညီလိၤလိၤ “စုထွဲ.”
မ့ၢ်စ့ၢ်ကီး “တၢ်သူၣ်က့ၣ်သးကါ.”
အခီပညီလိၤလိၤ “အတၢ်န့ၢ်သါ.”
အခီပညီလိၤလိၤ “ဒဲ.”
မ့ၢ်ဝဲ စီၤဒၤဝံး.
အခီပညီလိၤလိၤ “တၢ်န့ၢ်သါ.”
အခီပညီလိၤလိၤ “စု.”
ဘၣ်သ့ၣ်သ့ၣ် ကမ့ၢ် “မၤပူၤဖျဲး.”
ဘၣ်သ့ၣ်သ့ၣ် ကမ့ၢ် “အဘၢၣ်စၢၤ.”
မ့ၢ်ဝဲ ထံကျိဖရၤသး.
ကွၢ် တၢ်ကတိၤအခီပညီ.
မ့ၢ်ဝဲ ကစၢ်ယွၤ.
မ့ၢ်စ့ၢ်ကီး “ကျိာ်.”
ဖျါလၢအဲၣ်ဒိးတဲဝဲ နာ်တဖၣ်လၢ ကုၢ်တဖၣ်သူဝဲ ဒ်သိးကစိာ်ဝဲ တၢ်သူၣ်ထီၣ်ဘှီထီၣ် အတၢ်ပီးတၢ်လီတဖၣ်.
အခီပညီမ့ၢ်ဝဲ “တၢ်တဲအါတၢ်.”
အခီပညီလိၤလိၤ “တၢ်ဆၢကတီၢ်.”
မ့ၢ်စ့ၢ်ကီး “ပှၤလၢအလီၤဂာ်ဒီး ကစၢ်ယွၤ.” ဖျါလၢအဲၣ်ဒိးတဲဝဲ စံၣ်ညီၣ်ကွီၢ်တဖၣ်လၢ ပှၤအံၣ်စရ့လးဖိအကျါ.
မ့ၢ်ဝဲ ယွၤတဖၣ် လၢအဆၢဖိ ၁ ပာ်ဖျါဝဲ.
အခီပညီလိၤလိၤ “ဟီၣ်ခိၣ်အခီၣ်ထံးခဲလၢာ် ဟူးဝးဝဲ.”
မ့ၢ်ဝဲ ကစၢ်ယွၤ.
အခီပညီလိၤလိၤ “ပှၤလၢ အဘၣ်တၢ်ပာ်သဒၢအီၤတဖၣ်.”
မ့ၢ်ဝဲ ပှၤမိၤအးဖိ ဒီးပှၤဧၣ်မိၣ်ဖိ.
ကွၢ် တၢ်ကတိၤအခီပညီ.
ဘၣ်သ့ၣ်သ့ၣ် ကမ့ၢ် “အိ ကစၢ်ယွၤဧၢ, ပာ်ဖျါထီၣ် တၢ်သးကညီၤလၢ ပကတီၤအဖီခိၣ်တက့ၢ်.”
မ့ၢ်စ့ၢ်ကီး “သကူးလီၤသးလၢ ကဒိကနၣ်.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
အခီပညီလိၤလိၤ “စံယိၣ် အတြဲၤတဖၣ်.”
အခီပညီလိၤလိၤ “စီၤယၤကိာ် အဒဲတဖၣ်.”
ဘၣ်သ့ၣ်သ့ၣ် အဲၣ်ဒိးတဲဝဲ အဲၤကူပတူး.
မ့ၢ်စ့ၢ်ကီး “အဲၤသံအီးပး.”
အခီပညီလိၤလိၤ “ယထံထီၣ်ပၢၢ်တဖၣ်ခဲလၢာ် အိၣ်ဝဲလၢ နပူၤလီၤ.”
ကွၢ် တၢ်ကတိၤအခီပညီ.
ကွၢ် တၢ်ကတိၤအခီပညီ.
မ့ၢ်စ့ၢ်ကီး “သကူးလီၤသးလၢ ကဒိကနၣ်.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
မ့ၢ်စ့ၢ်ကီး “တၢ်သွၣ်ခိၣ်.”
ဘၣ်သ့ၣ်သ့ၣ် ကမ့ၢ် “တဘျီဃီ.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “မူခိၣ်ကလူးတဖၣ်.”
ဘၣ်သ့ၣ်သ့ၣ် အဲၣ်ဒိးတဲဝဲ အဲၤကူပတူး မ့တမ့ၢ် ဖၤရိၤလၢ အဲၤကူပတူးအပူၤ.
အခီပညီလိၤလိၤ “လၢနမဲာ်အတၢ်ကပီၤအပူၤ.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
ကွၢ် တၢ်ကတိၤအခီပညီ.
ဘၣ်သ့ၣ်သ့ၣ် ကမ့ၢ် “ပတၢ်အိၣ်သဒၢအလီၢ်.”
တၢ်ခိးကွၢ်တၢ်လၢ မုၢ်နၤခီတတီၤန့ၣ် ကယံာ်ဝဲ လွံၢ်နၣ်ရံၣ်.
အခီပညီလိၤလိၤ “နပာ်လီၤပတၢ်ကမၣ်တဖၣ် လၢနမဲာ်ညါ.”
အခီပညီလိၤလိၤ “သိၣ်လိပှၤလၢ ပကဘၣ်ဒွး ပမုၢ်နံၤတဖၣ် ဒ်လဲၣ်ဒ်လဲၣ်န့ၣ်တက့ၢ်.”
မ့ၢ်စ့ၢ်ကီး “ထု.”
ဘၣ်သ့ၣ်သ့ၣ် ကမ့ၢ် “တၢ်အိၣ်သဒၢအလီၢ်.”
အခီပညီလိၤလိၤ “ပာ်ထီၣ်ထီယနၢၤ.”
အခီပညီမ့ၢ်ဝဲ “တၢ်တဲအါတၢ်.”
အခီပညီမ့ၢ်ဝဲ “တၢ်မၤကွၢ်.”
မ့ၢ်ဝဲ ကစၢ်ယွၤ.
မ့ၢ်စ့ၢ်ကီး “တၤ.”
မ့ၢ်စ့ၢ်ကီး “ဘူၣ်ထီၣ်ဘါထီၣ်.”
ဖျါလၢအဲၣ်ဒိးတဲဝဲ တၢ်အသံးအကာ်လၢ အပှံၢ်လီၤညီလၢ ကနဲဒုးအိၣ်ထီၣ်ဝဲ.
မ့ၢ်ဝဲ ကစၢ်ယွၤ.
မ့ၢ်စ့ၢ်ကီး “ဘူၣ်ထီၣ်ဘါထီၣ်.”
အခီပညီလိၤလိၤ “အဖိမုၣ်တဖၣ်.”
ဘၣ်သ့ၣ်သ့ၣ် ကမ့ၢ် “အဘၢၣ်စၢၤ.”
မ့ၢ်စ့ၢ်ကီး “ဘူၣ်ထီၣ်ဘါထီၣ်.”
မ့ၢ်စ့ၢ်ကီး “ဘူၣ်ထီၣ်ဘါထီၣ်.”
မ့ၢ်စ့ၢ်ကီး “အၢၣ်လီၤတူၢ်လိာ်လၢ.”
မ့ၢ်စ့ၢ်ကီး “သကူးလီၤသးလၢ ကဒိကနၣ်.”
ဘၣ်သ့ၣ်သ့ၣ် ကမ့ၢ် “ယဃဲၤသံ.”
မ့ၢ်စ့ၢ်ကီး “နမံၤ.”
မ့ၢ်စ့ၢ်ကီး “ယတၢ်ဆူးတၢ်ဆါခဲလၢာ်.”
အခီပညီလိၤလိၤ “တၢ်ပူၤ.”
အခီပညီလိၤလိၤ “သးစၢ်.”
မ့ၢ်စ့ၢ်ကီး “တၢ်တီတၢ်လိၤ.”
ယုၢ်ၡဖၣ်န့ၣ် မ့ၢ်ဝဲ ဆၣ်ဖိကီၢ်ဖိ တကလုာ် လၢအလီၤဂာ်ဒ် ပဒဲအသိး ဒီးအခံမဲၢ်တအိၣ်ဘၣ် ဒီးအဝဲသ့ၣ်အိၣ်လၢ လၢၢ်ကဆူးလ့ကဆူး.
ကွၢ် တၢ်ကတိၤအခီပညီ.
မ့ၢ်စ့ၢ်ကီး “သး.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
ဘၣ်သ့ၣ်သ့ၣ် ကမ့ၢ် “တဲဘၣ်ဃး.”
မ့ၢ်စ့ၢ်ကီး “နူၢ်ပူၤ.”
ဖျါလၢအဲၣ်ဒိးတဲဝဲ ပှၤအဲၤကူပတူးဖိတဖၣ်.
ဘၣ်သ့ၣ်သ့ၣ် စီၤမိၤၡ့ ဒီးစီၤအၤဟရိၣ်.
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
မ့ၢ်စ့ၢ်ကီး “တနၢ်ပၢၢ်ဝဲဘၣ်.”
မ့ၢ်စ့ၢ်ကီး “ပှၢ်မုၢ်ကနၢ.”
မ့ၢ်ဝဲ တၢ်လုၢ်တဖၣ်လၢ ပှၤလုၢ်ထီၣ်ဝဲလၢ ပှၤသံတဖၣ်အအိၣ် မ့တမ့ၢ် ယွၤလၢ အသးသမူတအိၣ်ဘၣ်တဖၣ်အအိၣ်.
အခီပညီမ့ၢ်ဝဲ “တၢ်တဲအါတၢ်.”
အခီပညီလိၤလိၤ “မၤကမၣ်မုၣ်ကမၣ်ခွါ လၢနီၢ်သးတခီ ဒ်ပိာ်မုၣ်ဆါလီၤအီၣ်သးအသိး.”
ကွၢ် တၢ်ကတိၤအခီပညီ.
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
အခီပညီလိၤလိၤ “နိၣ်လၢအအိၣ်ဒီး တပိၢ်တဖၣ်.”
အခီပညီလိၤလိၤ “နတၢ်သးတီန့ၣ် ထီၣ်ဝဲတုၤလၢ မူခိၣ်.”
မ့ၢ်စ့ၢ်ကီး “ဟီၣ်ခိၣ်ဒီတဘ့ၣ်.”
အဲၣ်ဒိးတဲဝဲ “ယကစၢ်” တဂၤလၢ အဆၢဖိ ၁ ပာ်ဖျါဝဲ.
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
မ့ၢ်ဝဲ ဧ့ၤဘြံၤ အလံာ်မိၢ်ပှၢ် အဆိကတၢၢ်တဖျၢၣ်လီၤ. လၢအခီၣ်ထံးခါန့ၣ် စံးထီၣ်ပတြၢၤတယုၢ်အံၤ ဘၣ်တၢ်ကွဲးအီၤ ဒ်လံာ်မိၢ်ပှၢ်အဖျၢၣ် အိၣ်ရဲၣ်လီၤအသးအသိး.
မ့ၢ်ဝဲ ကီၢ်.
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
မ့ၢ်ဝဲ ဧ့ၤဘြံၤ အလံာ်မိၢ်ပှၢ် အဆိကတၢၢ်တဖျၢၣ်လီၤ. လၢအခီၣ်ထံးခါန့ၣ် စံးထီၣ်ပတြၢၤတယုၢ်အံၤ ဘၣ်တၢ်ကွဲးအီၤ ဒ်လံာ်မိၢ်ပှၢ်အဖျၢၣ် အိၣ်ရဲၣ်လီၤအသးအသိး.
အခီပညီလိၤလိၤ “အနၢၤကဘၣ် တၢ်ပာ်ထီၣ်ထီအီၤလၢ တၢ်လၤကပီၤအပူၤ.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
မ့ၢ်စ့ၢ်ကီး “ဆ့ၣ်နီၤလၢ လီၢ်ပစိာ်အဖီခိၣ်.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
မ့ၢ်စ့ၢ်ကီး “စံၣ်.”
အခီပညီလိၤလိၤ “နိၣ်လၢအအိၣ်ဒီး တပိၢ်တဖၣ်.”
အခီပညီလိၤလိၤ “လၢၢ်မ့ၣ်.”
အခီပညီလိၤလိၤ “တၢ်ဘှ့ၣ်တၢ်ဘှီၣ်အလီၢ်.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
မ့ၢ်စ့ၢ်ကီး “သကူးလီၤသးလၢ ကဒိကနၣ်.”
အခီပညီလိၤလိၤ “တၢ်လုၢ်ဒိၣ်ပှ့ၤဒိၣ်.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
မ့ၢ်စ့ၢ်ကီး “တၢ်လီၢ်လၢအလဲၢ်.”
ဘၣ်သ့ၣ်သ့ၣ် ကမ့ၢ် “နဆီၣ်ယၤဆူၣ်ဆူၣ်.”
အခီပညီလိၤလိၤ “လၢၢ်အသနၢၣ်အခိၣ်.”
မ့ၢ်ဝဲ ဧ့ၤဘြံၤ အလံာ်မိၢ်ပှၢ် အဆိကတၢၢ်တဖျၢၣ်လီၤ. လၢအခီၣ်ထံးခါန့ၣ် စံးထီၣ်ပတြၢၤတယုၢ်အံၤ ဘၣ်တၢ်ကွဲးအီၤ ဒ်လံာ်မိၢ်ပှၢ်အဖျၢၣ် အိၣ်ရဲၣ်လီၤအသးအသိး.
မ့ၢ်စ့ၢ်ကီး “ပှၤလၢအပၢၤဃာ် အတၢ်သးတီ.”
မ့ၢ်စ့ၢ်ကီး “မၤလိ.”
မ့ၢ်စ့ၢ်ကီး “မၤလိ.”
မ့ၢ်စ့ၢ်ကီး “မၤလိ.”
မ့ၢ်စ့ၢ်ကီး “ဒိးန့ၢ်ဘၣ်တၢ်မဲာ်ဆှး.”
မ့ၢ်စ့ၢ်ကီး “ဒုးလဲၤယၤလၢ နတၢ်မၤလိာ်တဖၣ်အကျဲ.”
မ့ၢ်စ့ၢ်ကီး “တၢ်လၢနတဲ.”
မ့ၢ်စ့ၢ်ကီး “တၢ်လၢနတဲ.”
မ့ၢ်စ့ၢ်ကီး “မၤလိ.”
မ့ၢ်စ့ၢ်ကီး “တၢ်လၢနတဲ.”
မ့ၢ်စ့ၢ်ကီး “တၢ်လၢနတဲ.”
မ့ၢ်စ့ၢ်ကီး “မၤလိ.”
မ့ၢ်ဝဲ အတၢ်ဘၣ်တ့ခဲလၢာ်.
မ့ၢ်စ့ၢ်ကီး “မၤလိ.”
မ့ၢ်စ့ၢ်ကီး “မၤလိ.”
မ့ၢ်စ့ၢ်ကီး “ယတၢ်န့ၢ်သါ လီၤထူလီၤယိာ်.”
အခီပညီလိၤလိၤ “ဖံးညၣ်.”
မ့ၢ်စ့ၢ်ကီး “တၢ်လၢနတဲ.”
မ့ၢ်စ့ၢ်ကီး “တၢ်မၤလိာ်.”
အခီပညီလိၤလိၤ “ပှ့ၤက့ၤ.”
မ့ၢ်စ့ၢ်ကီး “မၤလိ.”
မ့ၢ်စ့ၢ်ကီး “တၢ်လၢနတဲ.”
မ့ၢ်စ့ၢ်ကီး “တၢ်သူၣ်မံသးမုာ်.”
ကွၢ် တၢ်ကတိၤအခီပညီ.
အခီပညီလိၤလိၤ “ဖဲနဟးထီၣ် ဒီးနဟဲက့ၤနုာ်လီၤအခါ.”
မ့ၢ်စ့ၢ်ကီး “တၢ်ဒူၣ်လၢ အကျၢၤတဖၣ်.”
အခီပညီလိၤလိၤ “တၢ်အၢတၢ်သီ အနီၣ်ထိးဘိ.”
အခီပညီလိၤလိၤ “ဖိခွါတဖၣ်.”
အခီပညီလိၤလိၤ “ခိၣ်ဖးတခါ.”
မ့ၢ်စ့ၢ်ကီး “မၤနီၣ်.”
အခီပညီလိၤလိၤ “ပျံၤ.”
ဖျါလၢအဲၣ်ဒိးတဲဝဲ တလါစီဆှံ.
အခီပညီလိၤလိၤ “ခိၣ်သလုးလၢ အအိၣ်လၢ အခိၣ်သၣ်ဃံလိၤ.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
မ့ၢ်စ့ၢ်ကီး “နမံၤ.”
မ့ၢ်စ့ၢ်ကီး “ဘၣ်တၢ်မၤမဲာ်ဆှးပှၤ.”
အခီပညီလိၤလိၤ “သ့ၣ်ညါအဝဲသ့ၣ်လၢအယံၤ.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
ဘၣ်သ့ၣ်သ့ၣ် ကမ့ၢ် “ထါယၤ.”
အခီပညီလိၤလိၤ “ဖဲတၢ်ထါယၤလၢ ဟီၣ်ခိၣ် အယိာ်ပူၤ.”
အခီပညီလိၤလိၤ “ယအိၣ်ဒီးနၤဒံး.”
အခီပညီလိၤလိၤ “ယခိၣ်သၣ်ဃံ.”
လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
အခီပညီလိၤလိၤ “စၤ.”
ကွၢ် တၢ်ကတိၤအခီပညီ.
မ့ၢ်စ့ၢ်ကီး “အတီအလိၤ.”
မ့ၢ်စ့ၢ်ကီး “မၤလိ.”
မ့ၢ်စ့ၢ်ကီး “တၢ်သွၣ်ခိၣ်.”
မ့ၢ်စ့ၢ်ကီး “ပှၤလၢအသူၣ်တီသးလိၤ အကီၢ်ပူၤ.”
မ့ၢ်စ့ၢ်ကီး “နူၢ်.”
မ့ၢ်စ့ၢ်ကီး “အဟုးတဟးဂီၤ နီတဒုဘၣ်.”
မ့ၢ်ဝဲ ဧ့ၤဘြံၤ အလံာ်မိၢ်ပှၢ် အဆိကတၢၢ်တဖျၢၣ်လီၤ. လၢအခီၣ်ထံးခါန့ၣ် စံးထီၣ်ပတြၢၤတယုၢ်အံၤ ဘၣ်တၢ်ကွဲးအီၤ ဒ်လံာ်မိၢ်ပှၢ်အဖျၢၣ် အိၣ်ရဲၣ်လီၤအသးအသိး.
မ့ၢ်စ့ၢ်ကီး “တၢ်စိတၢ်ကမီၤ.”
အခီပညီလိၤလိၤ “နအိးထီၣ်နစု.”
မ့ၢ်စ့ၢ်ကီး “တၢ်မ့ၢ်တၢ်တီ.”
အခီပညီလိၤလိၤ “တၢ်ညၣ်ခဲလၢာ်.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
အခီပညီလိၤလိၤ “ပှၤလၢ အဘၣ်တၢ်စၢဃာ်အီၤတဖၣ်.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
အခီပညီလိၤလိၤ “အခီၣ်.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
အခီပညီလိၤလိၤ “အနၢၤ.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”