Fandaharana Amin’ny Sekolin’ny Fanompoana Teokratika Amin’ny 1997
Toromarika
Mandritra ny taona 1997, dia izao manaraka izao no ho fandaharana harahina rehefa mitarika ny Sekolin’ny Fanompoana Teokratika.
BOKY HIANARANA: Ny Baiboly, ny boky Tafaray ao Amin’ny Fanompoam-pivavahana Amin’ilay Hany Andriamanitra Marina [uw], “Ny Soratra Rehetra dia Ara-tsindrimandrin’Andriamanitra Sady Mahasoa” [si], ny boky Fahalalana Izay Mitarika ho Amin’ny Fiainana Mandrakizay [kl], Ny Fomba Fanjohian-kevitra avy Amin’ny Soratra Masina [rs], sy ny bokikely Foto-dresaka Araka ny Baiboly [td], no hiorenan’ireo anjara.
Tokony hanomboka ARA-POTOANA amin’ny hira sy ny vavaka ary teny fiarahabana tonga soa ny sekoly, ary avy eo dia ho toy izao manaraka izao ny fizotrany:
ANJARA No. 1: 15 minitra. Itỳ dia tokony hataon’ny loholona iray na ny mpanampy amin’ny fanompoana iray, ary tokony hiorina amin’ny Tafaray ao Amin’ny Fanompoam-pivavahana Amin’ilay Hany Andriamanitra Marina na “Ny Soratra Rehetra dia Ara-tsindrimandrin’Andriamanitra Sady Mahasoa”. Tokony haseho ho toy ny lahateny fampianarana 10 ka hatramin’ny 12 minitra itỳ anjara itỳ, harahina famerenana am-bava 3 ka hatramin’ny 5 minitra izay hampiasana ireo fanontaniana ao amin’ilay boky. Tsy ny fandinihana ilay zavatra ianarana fotsiny no tokony ho zava-kendrena, fa ny hampifantohana ny saina amin’ny maha-azo ampiharina ilay fanazavana resahina, amin’ny fanasongadinana izay hahasoa indrindra ny kongregasiona. Ny loha hevitra aseho no tokony hampiasaina. Ampirisihina ny rehetra mba hanao fanomanana mialoha amim-pitandremana mba handray soa feno avy amin’io zavatra ianarana io ny mpanatrika.
Tokony hitandrina ireo rahalahy notendrena hanao io lahateny io mba tsy hihoatra ny fotoana. Azo atao ny manome torohevitra mitokana raha tena ilaina na raha angatahin’ilay mpandahateny izany.
HEVITRA MISONGADINA AVY AMIN’NY FAMAKIANA NY BAIBOLY: 6 minitra. Itỳ dia tokony hataon’ny loholona iray na ny mpanampy amin’ny fanompoana iray izay hampihatra amin’ny fomba mandaitra ilay zavatra ianarana amin’izay ilaina eo an-toerana. Tsy tokony ho famintinana fotsiny ilay famakian-teny nasaina natao izy itỳ. Azo ampidirina amin’izany ny famerenana amin’ny ambangovangony 30 ka hatramin’ny 60 segondra ireo toko nasaina novakina. Ny zava-kendrena lehibe indrindra anefa dia ny hanampy ny mpanatrika hahatakatra hoe nahoana ary hoe amin’ny fomba ahoana ilay fanazavana no mahasoa antsika. Avy eo dia hasain’ny mpiandraikitra ny sekoly hankany amin’ireo kilasy samihafa ireo mpianatra.
ANJARA No. 2: 5 minitra. Itỳ dia famakiana avy ao amin’ny Baiboly ilay fizarana nanendrena, hataon’ny rahalahy iray. Hampiharina ao amin’ny kilasy lehibe ary koa ao amin’ireo kilasy fanampiny izany. Mazàna dia fohy ireo fizarana nanendrena hovakina mba hamelana ilay mpianatra hanolotra fanazavana fohy ao amin’ny teny fampidirana sy famaranana. Azo ampidirina ao amin’izany ny fanazavana ara-tantara, ny hevitra ara-paminaniana na ara-poto-pampianarana, sy ny fampiharana fotopoto-pitsipika. Tokony hovakina tsy misy fanapahana azy ireo andinin-teny rehetra. Mazava ho azy fa rehefa tsy misesy ireo andinin-teny tokony hovakina, dia azon’ilay mpianatra atao ny manonona ilay andininy izay hitohizan’ilay vakiteny.
ANJARA No. 3: 5 minitra. Asaina hataon’ny anabavy iray itỳ. Hiorina amin’ny Fahalalana Izay Mitarika ho Amin’ny Fiainana Mandrakizay ny foto-kevitra ho an’itỳ famelabelarana itỳ. Azo atao fanambarana tsy ara-potoana, fiverenana mitsidika, na fampianarana Baiboly ao an-tokantrano ny faritra, ary azon’ireo mpandray anjara atao ny mipetraka na mitsangana. Ny mpiandraikitra ny sekoly dia hihevitra indrindra ny amin’ny fomba anampian’ilay mpianatra an’ilay tompon-trano hanjohy hevitra sy hahatakatra ilay zavatra dinihina, sy ny fomba ampiharana an’ireo andinin-teny. Tokony hahay hamaky teny ilay mpianatra nomena an’itỳ anjara itỳ. Hisy mpanampy iray hotendren’ny mpiandraikitra ny sekoly, nefa azo atao ny mampiasa mpanampy fanampiny. Azon’ilay mpianatra atao ny manapa-kevitra ny hampamaky na tsy hampamaky an’ilay tompon-trano fehintsoratra sasany ao amin’ilay boky. Tsy ny faritra no tokony homena fiheverana lehibe indrindra fa ny fampiasana amin’ny fomba mandaitra ilay zavatra dinihina.
ANJARA No. 4: 5 minitra. Hampanaovina rahalahy iray na anabavy iray itỳ. Hiorina amin’ny Fomba Fanjohian-kevitra avy Amin’ny Soratra Masina na ny Foto-dresaka Araka ny Baiboly izy itỳ. Rehefa rahalahy no voatendry hanao azy, dia tokony ho lahateny ho an’ny mpanatrika rehetra izany. Mazàna dia tsara indrindra ny hanomanan’ilay rahalahy ny lahateniny amin’ny fieritreretana an’ireo mpanatrika ao amin’ny Efitrano Fanjakana, mba ho tena hahitana fianarana sy hahasoa an’ireo izay tena mandre azy io. Rehefa anabavy no omena itỳ anjara itỳ, dia tokony haseho araka ny voasoritra ho an’ny Anjara No. 3 ny zavatra dinihina.
TOROHEVITRA SY FANAMARIHANA: Aorian’ny famelabelaran’ny mpianatra tsirairay, dia hanome torohevitra voafaritra tsara ny mpiandraikitra ny sekoly, kanefa tsy voatery hanaraka ny filaharan’ireo torohevitra voalaza ao amin’ny taratasy Torohevitra Momba ny Lahateny izy. Tokony hifantoka amin’ireo lafin-javatra izay ilan’ilay mpianatra hihatsarana kosa izy. Raha mendrika ny hahazo “T” ilay mpianatra, ary tsy misy toetra hafa takina amin’ny fahaiza-mandaha-teny voamarika hoe “M” na “I”, ilay mpanome torohevitra dia tokony hanisy faribolana eo amin’ilay faritra fametrahana ny hoe “T”, “M” na “I”, mifanandrify amin’ny toetra takina tokony hotandreman’ilay mpianatra amin’ny manaraka. Hampahafantatra ny amin’izany an’ilay mpianatra izy amin’io andro misy mivory antoandro io ary koa hametaka io toetra takina io eo amin’ny taratasy Fanomezana Anjara Amin’ny Sekolin’ny Fanompoana Teokratika (S-89) manaraka. Ireo manana anjara dia tokony hipetraka eny aloha ao amin’ny efitrano. Hampitsitsy fotoana izany ary hamela ny mpiandraikitra ny sekoly hanome ny toroheviny mivantana amin’ny mpianatra tsirairay. Raha mamela hanao izany ny fotoana aorian’ny nanomezana ny torohevitra am-bava tena ilaina, dia azon’ilay mpanome torohevitra atao ny milaza hevitra ahitana fianarana sy azo ampiharina izay tsy noresahin’ireo mpianatra. Ny mpiandraikitra ny sekoly dia tsy tokony handany mihoatra ny roa minitra amin’ny fitambarany, ho an’ny torohevitra sy izay fanamarihana fohy hafa rehetra ataony aorian’ny famelabelaran’ny mpianatra tsirairay. Raha mila torohevitra ilay rahalahy mamelabelatra ireo hevitra misongadina ao amin’ny Baiboly, dia azo omena mitokana izany.
FANOMANANA IREO ANJARA: Alohan’ny hanomanana anjara iray, ilay mpianatra dia tokony hamaky amim-pitandremana ny fanazavana ao amin’ny Boky ho An’ny Sekoly, mifandray amin’ny toetra takina amin’ny fahaiza-mandahateny hotandremany. Azon’ireo mpianatra nomena ny Anjara No. 2 atao ny mifidy loha hevitra iray mifanentana amin’ilay tapany amin’ny Baiboly tokony hovakina. Tokony hovelabelarina mifanaraka amin’ny loha hevitra eo amin’ny fandaharana ireo anjara hafa.
FAHARETANY: Tsy misy tokony hihoatra ny fotoana, torak’izany koa ny torohevitra sy ny fanamarihana ataon’ny mpanoro hevitra. Tokony hatsahatra amim-pahaiza-mandanjalanja ny Anjara No. 2 ka hatramin’ny No. 4 rehefa tapitra ny fotoana. Tokony hanao izany avy hatrany ilay notendrena hanome ny famantarana ny fampitsaharana. Rehefa mihoatra ny fotoana ireo rahalahy mamelabelatra ny Anjara No. 1 sy ireo hevitra misongadina ao amin’ny Baiboly, dia tokony homena torohevitra mitokana. Fandaharana manontolo: 45 minitra, tsy tafiditra amin’izany ny hira sy ny vavaka.
FAMERENANA AN-TSORATRA: Hisy famerenana an-tsoratra homena ara-potoana. Ho fiomanana ho amin’izany, dia jereo indray ireo lesona nianarana ary tapero ny famakiana Baiboly voatondro. Ny Baiboly ihany no azo ampiasaina mandritra io famerenana haharitra 25 minitra io. Ny fotoana tavela dia hatokana ho an’ny fandinihana ireo fanontaniana sy valiny. Samy hitsara ny taratasiny ny mpianatra tsirairay. Handinika ny valim-panontaniana miaraka amin’ny mpanatrika ny mpiandraikitra ny sekoly ary hifantoka amin’ireo sarotra kokoa, ka hanampy ny rehetra hahatakatra mazava tsara ireo valiny. Raha manery hanao izany ny toe-javatra eo an-toerana, dia azo atao herinandro aorian’izay voalaza eo amin’ny fandaharana ny famerenana an-tsoratra.
KONGREGASIONA LEHIBE: Ireo kongregasiona misy mpianatra 50 na mahery misoratra anarana dia mety haniry handamina ny hisian’ny antokona mpianatra fanampiny hanao ireo anjara anendrena eo anoloan’ny mpanome torohevitra hafa. Mazava ho azy fa ireo olona tsy vita batisa manana fiainana mifanaraka amin’ireo fotopoto-pitsipika kristiana dia mahazo misoratra anarana amin’ny sekoly koa ary mahazo anjara.
IREO TSY TONGA: Afaka mampiseho ny fankasitrahany an’io sekoly io ny rehetra ao amin’ny kongregasiona amin’ny fiezahana ho tonga amin’ny fotoam-pivoriana rehetra atao isan-kerinandro, amin’ny fanomanana tsara ny anjarany, ary amin’ny fandraisana anjara amin’ireo fotoam-pivoriana misy fanontaniana. Antenaina fa hihevitra ny anjarany amim-pieritreretana tsara ny mpianatra rehetra. Raha tsy tonga ny mpianatra iray voatendry amin’ny fandaharana, dia azon’ny mpilatsaka an-tsitrapo iray atao ilay anjara, ka hanao fampiharana izay heveriny fa ho vitany ao anatin’ny fotoana fohy toy izany izy. Na, azon’ny mpiandraikitra ny sekoly atao ny mandinika ilay zavatra ianarana amin’ny fampandraisana anjara ny mpanatrika rehefa mety izany.
Fandaharana
6 Jan. Famakiana Baiboly: Zakaria 1-5
Hira No. 85
No. 1: Teny Fampidirana ny Zakaria (si p. 168-169, feh. 1-7)
No. 2: Zakaria 2:5-17
No. 3: Tsy Natao ho Faty ny Olona (kl p. 53, feh. 1-3)
No. 4: Inona moa ny Fanahin’izao Tontolo Izao, ary Nahoana Izy Io no Mampidi-doza? (rs p. 144, feh. 4–p. 145, feh. 4)
13 Jan. Famakiana Baiboly: Zakaria 6-9
Hira No. 215
No. 1: Manana ny Fanalahidin’ny Fahafatesana sy ny Hadesy i Jesosy (uw p. 73-77, feh. 8-15)
No. 2: Zakaria 7:1-14
No. 3: Tetika Mahatsiravina Iray (kl p. 55-56, feh. 4-7)
No. 4: Fisehoan’ny Fanahin’izao Tontolo Izao ny Fiavonavonana
sy ny Fikomiana (rs p. 146, feh. 1-2)
20 Jan. Famakiana Baiboly: Zakaria 10-14
Hira No. 98
No. 1: Zakaria: Mahasoa — Nahoana? (si p. 171-172, feh. 23-27)
No. 2: Zakaria 12:1-14
No. 3: Ny Fomba Nanatanterahan’i Satana ny Tetiny (kl p. 56-58, feh. 8-12)
No. 4: Mampandroso ny Fanirian’ny Nofo ny Fanahin’izao Tontolo Izao (rs p. 146, feh. 3)
27 Jan. Famakiana Baiboly: Malakia 1-3
Hira No. 118
No. 1: Teny Fampidirana ny Malakia sy ny hoe Mahasoa — Nahoana? (si p. 172-175, feh. 1-6, 13-17)
No. 2: Malakia 1:6-14
No. 3: Ny Fomba Nielezan’ny Ota sy ny Fahafatesana (kl p. 58-59, feh. 13-15)
No. 4: Mampandroso ny Fitiavana Fatratra Zavatra Ara-nofo ny Fanahin’izao Tontolo Izao (rs p. 147, feh. 1-2)
3 Feb. Famakiana Baiboly: Matio 1-3
Hira No. 132
No. 1: Teny Fampidirana ny Matio (si p. 175-177, feh. 1-10)
No. 2: Matio 2:1-15
No. 3: Tandremo ny Tetik’adin’i Satana (kl p. 59-60, feh. 16-18)
No. 4: Miadia Mafy Amin’ireo Asan’ny Nofo (rs p. 147, feh. 3)
10 Feb. Famakiana Baiboly: Matio 4, 5
Hira No. 36
No. 1: Ankasitraho ny Fanjakana Maharitr’Andriamanitra (uw p. 78-81, feh. 1-9)
No. 2: Matio 4:1-17
No. 3: Manàna Finoana ary Aoka Ianao ho Voaomana Hiatrika Fanoherana (kl p. 60-61, feh. 19-21)
No. 4: Mitokia Amin’i Jehovah, fa Tsy Amin’ny Mpanapaka Olombelona (rs p. 148, feh. 1-2)
17 Feb. Famakiana Baiboly: Matio 6, 7
Hira No. 222
No. 1: Izay Hotanterahin’ny Fanjakan’Andriamanitra (uw p. 81-82, feh. 10-12)
No. 2: Matio 7:1-14
No. 3: Ny Fomba Nofidin’Andriamanitra Hamonjena ny Olombelona (kl p. 62-63, feh. 1-5)
No. 4: Iza moa no Tokony Homen-tsiny Noho ny Fijalian’olombelona? (rs p. 228, feh. 8–p. 229, feh. 2)
24 Feb. Famakiana Baiboly: Matio 8, 9
Hira No. 162
No. 1: Izay Efa Notanterahin’ilay Fanjakana (uw p. 83-86, feh. 13-15)
No. 2: Matio 8:1-17
No. 3: Ny Antony Hahafatesan’ny Mesia (kl p. 63-65, feh. 6-11)
No. 4: Ahoana no Nanombohan’ny Fijalian’olombelona? (rs p. 229, feh. 3–p. 230, feh. 1)
3 Mar. Famakiana Baiboly: Matio 10, 11
Hira No. 172
No. 1: Ny Fomba Hikatsahantsika Voalohany Indrindra ny Fanjakana (uw p. 87-89, feh. 1-6)
No. 2: Matio 11:1-15
No. 3: Ny Fomba Nandoavana ny Vidin’ny Avotra (kl p. 65-68, feh. 12-16)
No. 4: Izay Nataon’Andriamanitra mba Hanampiana ny Olombelona Mijaly (rs p. 230, feh. 2-3)
10 Mar. Famakiana Baiboly: Matio 12, 13
Hira No. 133
No. 1: Araho ny Ohatr’ireo Mpianatra Tany Am-boalohany (uw p. 90, feh. 7-9)
No. 2: Matio 12:22-37
No. 3: Ny Avotr’i Kristy sy Ianao (kl p. 68-69, feh. 17-20)
No. 4: Nahoana Andriamanitra no Namela ny Fijaliana Hitohy? (rs p. 231, feh. 2–p. 232, feh. 3)
17 Mar. Famakiana Baiboly: Matio 14, 15
Hira No. 129
No. 1: Hazony ho eo Amin’ny Toerana Voalohany eo Amin’ny Fiainanao Ilay Fanjakana (uw p. 91-94, feh. 10-15)
No. 2: Matio 14:1-22
No. 3: Tompon’andraikitra Amin’ny Fijalian’olombelona ve Andriamanitra? (kl p. 70-71, feh. 1-5)
No. 4: Izay Tokony ho Fantatsika Momba Ireo Kilema Hatrany Am-pahaterahana (rs p. 232, feh. 4–p. 233, feh. 1)
24 Mar. Famakiana Baiboly: Matio 16, 17
Hira No. 151
No. 1: Izay Lazain’ny Soratra Masina Momba ny Batisa Nataon’i Jaona (uw p. 95-96, feh. 1-5)
No. 2: Matio 17:14-27
No. 3: Fiandohana Lavorary sy Fihaikana Feno Haratsiam-panahy (kl p. 72-73, feh. 6-10)
No. 4: Nahoana Andriamanitra no Mamela Hisy ny “Loza Amin’antambo Araka ny Natiora”? (rs p. 233, feh. 2–p. 234, feh. 1)
31 Mar. Famakiana Baiboly: Matio 18, 19
Hira No. 97
No. 1: Inona no Atao hoe Batisa ao Amin’ny Fahafatesana? (uw p. 97-98, feh. 6-8)
No. 2: Matio 19:16-30
No. 3: Ireo Tena Raharaha Iadian-kevitra sy ny Fomba Andaminan’i Jehovah Azy Ireo (kl p. 74-76, feh. 11-15)
No. 4: Voasazin’Andriamanitra ve Ireo Olona Mijaly Iharam-pahoriana? (rs p. 234, feh. 2-5)
7 Apr. Famakiana Baiboly: Matio 20, 21
Hira No. 107
No. 1: Inona no Dikan’ny hoe Atao Batisa “Amin’ny Anaran’ny Ray sy ny Zanaka ary ny Fanahy Masina”? (uw p. 98, feh. 9)
No. 2: Matio 20:1-16
No. 3: Izay Noporofoin’ny Famelan’Andriamanitra ny Faharatsiana Hisy (kl p. 76-77, feh. 16-19)
No. 4: Moa ve ny Fitenenana Amin’ny Fiteny Tsy Fantatra Manaporofo fa Manana ny Fanahy Masina ny Tena? (rs p. 247, feh. 2–p. 248, feh. 4)
14 Apr. Famakiana Baiboly: Matio 22, 23
Hira No. 56
No. 1: Fiainana Mifanaraka Amin’ny Hevitry ny Batisantsika (uw p. 99-102, feh. 10-14)
No. 2: Matio 23:1-15
No. 3: Eo Amin’ny Andaniny Aiza no Misy Anao? (kl p. 78-79, feh. 20-23)
No. 4: Nahoana ny Kristiana Sasany Tamin’ny Taonjato Voalohany no Niteny Tamin’ny Fiteny Tsy Fantatra? (rs p. 248, feh. 5–p. 249, feh. 3)
21 Apr. Famakiana Baiboly: Matio 24, 25
Hira No. 193
No. 1: Famantarana ny Olona Betsaka (uw p. 103-104, feh. 1-4)
No. 2: Matio 24:32-44
No. 3: Inona no Mitranga Amin’ireo Olo-malalantsika Nody Mandry? (kl p. 80-82, feh. 1-6)
No. 4: Ahoana no Ahafahantsika Mamantatra An’ireo Izay Manana ny Fanahin’Andriamanitra? (rs p. 249, feh. 5–p. 250, feh. 2)
28 Apr. Famerenana An-tsoratra. Tapero ny Zakaria 1 — Matio 25
Hira No. 6
5 May Famakiana Baiboly: Matio 26
Hira No. 14
No. 1: Inona no Takina mba Hahatafitana Velona Amin’ny Fahoriana Lehibe? (uw p. 105, feh. 5)
No. 2: Matio 26:31-35, 69-75
No. 3: Izy Tena Hevitry ny hoe Miverina ho Amin’ny Vovoka (kl p. 82-83, feh. 7-10)
No. 4: Ny Fomba Hamantarana ny Kristiana Marina Amin’izao Andro Izao (rs p. 250, feh. 3-5)
12 May Famakiana Baiboly: Matio 27, 28
Hira No. 102
No. 1: Matio: Mahasoa — Nahoana? (si p. 180-181, feh. 29-33)
No. 2: Matio 27:11-26
No. 3: Manao Ahoana ny Toetran’ny Maty? (kl p. 83-84, feh. 11-14)
No. 4: Tokony Haharitra Hafiriana ny Fahaizana Miteny Amin’ny Fiteny Tsy Fantatra? (rs p. 250, feh. 6–p. 251, feh. 3)
19 May Famakiana Baiboly: Marka 1, 2
Hira No. 180
No. 1: Teny Fampidirana ny Marka (si p. 181-183, feh. 1-11)
No. 2: Marka 1:12-28
No. 3: Hatsangana Amin’ny Maty Izay Rehetra ao Anatin’ny Fitadidian’i Jehovah (kl p. 85-87, feh. 15-18)
No. 4: Inona moa ny Foto-pampianarana Momba ny Trinite, ary Ahoana no Niandohan’izy Io? (rs p. 388, feh. 3–p. 389, feh. 3)
26 May Famakiana Baiboly: Marka 3, 4
Hira No. 46
No. 1: Ny Antony Haha-tafita Velona ny Olona Betsaka Amin’ny Fahoriana Lehibe (uw p. 106-107, feh. 6-8)
No. 2: Marka 3:1-15
No. 3: Fitsanganana Amin’ny Maty ho Aiza? (kl p. 88-89, feh. 19-22)
No. 4: Persona ve ny Fanahy Masina? (rs p. 389, feh. 4–p. 390, feh. 3)
2 Jona Famakiana Baiboly: Marka 5, 6
Hira No. 220
No. 1: Ny Antony Hankamamiantsika ny Paradisantsika Ara-panahy (uw p. 107-109, feh. 9-13)
No. 2: Marka 5:21-24, 35-43
No. 3: Ny Fanjakan’Andriamanitra sy ny Zava-kendren’izy Io (kl p. 90-91, feh. 1-5)
No. 4: Persona Iray Ihany ve i Jesosy sy i Jehovah? (rs p. 390, feh. 4–p. 392, feh. 2)
9 Jona Famakiana Baiboly: Marka 7, 8
Hira No. 207
No. 1: Nahoana no Vitsy Kely Ireo Mpandova Ilay Fanjakana Mbola eto An-tany Amin’izao Andro Izao? (uw p. 110-112, feh. 1-7)
No. 2: Marka 7:24-37
No. 3: Fitondram-panjakana Iray ny Fanjakan’Andriamanitra (kl p. 91-92, feh. 6-7)
No. 4: Moa ve ny Baiboly Mampianatra fa Mitovy Daholo i Jehovah sy i Jesosy ary ny Fanahy Masina? (rs p. 392, feh. 3–p. 394, feh. 1)
16 Jona Famakiana Baiboly: Marka 9, 10
Hira No. 11
No. 1: Zanaka Ara-panahy — Ahoana no Ahafantarany ny Maha-izany Azy? (uw p. 112-114, feh. 8-10)
No. 2: Marka 9:14-29
No. 3: Ny Fomba Ahafantarantsika fa Tena Misy ny Fanjakan’Andriamanitra (kl p. 92-93, feh. 8-11)
No. 4: Moa ve ny Baiboly Mampianatra fa Andriamanitra ny Tsirairay Amin’ireo Lazaina fa Anisan’ny Trinite? (rs p. 394, feh. 2–p. 395, feh. 2)
23 Jona Famakiana Baiboly: Marka 11, 12
Hira No. 87)
No. 1: Inona no Hevitry ny Fankalazana ny Fahatsiarovana? (uw p. 114-116, feh. 11-14)
No. 2: Marka 11:12-25
No. 3: Ny Antony Mahatonga ny Fanjakan’Andriamanitra ho ny Hany Fanantenan’ny Taranak’olombelona (kl p. 94-95, feh. 12-13)
No. 4: Ny Fomba Ampiharan’ireo Mpanohana ny Trinite ny Soratra Masina Amin’ny Fomba Diso (rs p. 395, feh. 3–p. 397, feh. 1)
30 Jona Famakiana Baiboly: Marka 13, 14
Hira No. 38
No. 1: Famantarana ny Fandaminana Hita Mason’i Jehovah (uw p. 117-118, feh. 1-3)
No. 2: Marka 14:12-26
No. 3: Ny Antony Tsy Nanombohan’i Jesosy Nanapaka avy Hatrany Taorian’ny Niakarany ho any An-danitra (kl p. 95-96, feh. 14-15)
No. 4: Ny Antony Azo Ampiharana Amin’i Kristy ny Andinin-teny Sasany Miresaka An’i Jehovah (rs p. 397, feh. 2-3)
7 Jolay Famakiana Baiboly: Marka 15, 16
Hira No. 187
No. 1: Marka: Mahasoa — Nahoana? (si p. 186, feh. 31-33)
No. 2: Marka 15:16-32
No. 3: Oviana no Nanomboka sy Nifarana ny Fotoana Voatondro ho An’ireo Firenena? (kl p. 96-97, feh. 16-18)
No. 4: Andinin-teny Ampiasain’ny Mpanohana ny Trinite Amin’ny Fomba Diso (rs p. 398, feh. 1–p. 399, feh. 2)
14 Jolay Famakiana Baiboly: Lioka 1
Hira No. 212
No. 1: Teny Fampidirana ny Lioka (si p. 187-188, feh. 1-9)
No. 2: Lioka 1:5-17
No. 3: Ny Andro Farany Izao (kl p. 98-99, feh. 1-4)
No. 4: Ny Antony Tsy Anohanan’ny Jaona 1:1 sy ny Jaona 8:58 ny Trinite (rs p. 399, feh. 3–p. 401, feh. 4)
21 Jolay Famakiana Baiboly: Lioka 2, 3
Hira No. 89
No. 1: Teokratika ny Fandaminan’Andriamanitra (uw p. 118-120, feh. 4-7)
No. 2: Lioka 2:1-14
No. 3: Inona Ireo Lafiny Misongadina Sasany Amin’ny Andro Farany? (kl p. 99-103, feh. 5-7)
No. 4: Ny Antony Maha-zava-dehibe ny Fandinihana ny Teny Manodidina ny Andinin-teny (rs p. 401, feh. 6–p. 404, feh. 4)
28 Jolay Famakiana Baiboly: Lioka 4, 5
Hira No. 92
No. 1: Ny Anjara Asa Araka ny Soratra Masina Tanan’ireo Izay Mitarika (uw p. 120-122, feh. 8-12)
No. 2: Lioka 4:31-44
No. 3: Ny Fitondran-tena Mietrin’ny Olombelona, Nambara Mialoha ho Amin’ny Andro Farany (kl p. 103-104, feh. 8-12)
No. 4: Persona Roa Misaraka sy Miavaka Tsara i Jesosy Kristy sy
i Jehovah (rs p. 405, feh. 1–p. 407, feh. 1)
4 Aog. Famakiana Baiboly: Lioka 6, 7
Hira No. 213
No. 1: Famakafakana ny Fankasitrahantsika ny Fandaminan’Andriamanitra (uw p. 123-124, feh. 13-14)
No. 2: Lioka 6:37-49
No. 3: Lafiny Miavaka Roa Amin’ny Andro Farany (kl p. 105, feh. 13-14)
No. 4: Tsy Nanangana ny Tenany Tamin’ny Maty i Jesosy ary Tsy Nihambo ho Mitovy Amin’Andriamanitra na Oviana na Oviana Izy (rs p. 407, feh. 3–p. 408, feh. 2)
11 Aog. Famakiana Baiboly: Lioka 8, 9
Hira No. 67
No. 1: Nahoana no Mihaino Torohevitra? (uw p. 125-127, feh. 1-4)
No. 2: Lioka 9:23-36
No. 3: Ekeo ny Porofo fa ny Andro Farany Izao (kl p. 106-107, feh. 15-17)
No. 4: Ny Antony Maha-mampidi-doza ny Fifikirana Amin’ny Finoana ny Trinite (rs p. 408, feh. 3–p. 409, feh. 2)
18 Aog. Famakiana Baiboly: Lioka 10, 11
Hira No. 34
No. 1: Ohatra Tsara dia Tsaran’ireo Izay Nanaiky Torohevitra (uw p. 127-128, feh. 5-6)
No. 2: Lioka 11:37-51
No. 3: Tena Misy Ireo Fanahy Ratsy! (kl p. 108, feh. 1-3)
No. 4: Nahoana no Be dia Be Toy Izao ny Faharatsiana? (rs p. 111, feh. 1-5)
25 Aog. Famerenana An-tsoratra. Tapero ny Matio 26 — Lioka 11
Hira No. 160
1 Sept. Famakiana Baiboly: Lioka 12, 13
Hira No. 163
No. 1: Mambole Toetra Tsara Tsy Hay Tombanana (uw p. 128-130, feh. 7-11)
No. 2: Lioka 13:1-17
No. 3: Miandany Amin’i Satana Ireo Anjely Ratsy (kl p. 109, feh. 4-5)
No. 4: Nahoana Andriamanitra no Mamela ny Faharatsiana Hisy? (rs p. 112, feh. 1–p. 113, feh. 2)
8 Sept. Famakiana Baiboly: Lioka 14-16
Hira No. 124
No. 1: Aza Mandà ny Famaizan’i Jehovah (uw p. 130-131, feh. 12-14)
No. 2: Lioka 14:1-14
No. 3: Aoka Ianao Handa Ireo Endriny Rehetra Amin’ny Spiritisma (kl p. 111-112, feh. 6-8)
No. 4: Ny Fomba Nandraisantsika Soa avy Tamin’ny Famelan’Andriamanitra ny Faharatsiana Hisy (rs p. 113, feh. 3–p. 114, feh. 1)
15 Sept. Famakiana Baiboly: Lioka 17, 18
Hira No. 200
No. 1: Ny Fitiavana no Amantarana ny Kristiana Marina (uw p. 132-133, feh. 1-5)
No. 2: Lioka 17:22-37
No. 3: Ny Antony Anamelohan’ny Baiboly ny Spiritisma (kl p. 112-113, feh. 9-11)
No. 4: Ny Fomba Fiheveran’ny Baiboly ny Vehivavy (rs p. 427, feh. 2-4)
22 Sept. Famakiana Baiboly: Lioka 19, 20
Hira No. 145
No. 1: Ny Tokony Hatao Rehefa Mipoitra ny Zava-manahirana (uw p. 134-135, feh. 6-9)
No. 2: Lioka 19:11-27
No. 3: Ahariharin’ny Baiboly ny Fomba Fiasan’ireo Fanahy Ratsy (kl p. 114, feh. 12-13)
No. 4: Mampietry ny Vehivavy ve ny Fanendrena ny Lehilahy ho Lohany? (rs p. 428, feh. 1-3)
29 Sept. Famakiana Baiboly: Lioka 21, 22
Hira No. 86
No. 1: Alamino Araka ny Soratra Masina Ireo Zava-manahirana (uw p. 135-136, feh. 10-13)
No. 2: Lioka 22:24-38
No. 3: Ny Fomba Anoherana Ireo Fanahy Ratsy (kl p. 114-115, feh. 14-15)
No. 4: Tokony ho Minisitra Ara-pivavahana ve ny Vehivavy? (rs p. 428, feh. 4–p. 429, feh. 1)
6 Okt. Famakiana Baiboly: Lioka 23, 24
Hira No. 88
No. 1: Lioka: Mahasoa — Nahoana? (si p. 192-193 feh. 30-35)
No. 2: Lioka 23:32-49
No. 3: Ny Fomba Hanatanjahana ny Finoanao (kl p. 115-116, feh. 16-17)
No. 4: Nahoana ny Vehivavy Kristiana no Manao Saron-doha Amin’ny Fotoana Sasany? (rs p. 429, feh. 2–p. 430, feh. 1)
13 Okt. Famakiana Baiboly: Jaona 1-3
Hira No. 31
No. 1: Teny Fampidirana ny Jaona (si p. 193-195, feh. 1-9)
No. 2: Jaona 1:19-34
No. 3: Aza Atsahatra ny Ady Ataonao Amin’ireo Fanahy Ratsy (kl p. 116-117, feh. 18-20)
No. 4: Mety ve ny Hihosoran’ny Vehivavy Zavatra Amin’ny Tarehy na ny Hanaovany Firavaka? (rs p. 430, feh. 2–p. 431, feh. 2)
20 Okt. Famakiana Baiboly: Jaona 4, 5
Hira No. 35
No. 1: Mitadiava Fomba ‘Hihalalahana’ Amin’ny Fitiavana (uw p. 137-138, feh. 14-17)
No. 2: Jaona 4:39-54
No. 3: Mitondra Fahasambarana ny Fananana Fiainana Araka An’Andriamanitra (kl p. 118-119, feh. 1-4)
No. 4: Inona no Hoavin’itỳ Tontolo Itỳ sy Ilay Mpitarika Azy? (rs p. 285, feh. 1–p. 286, feh. 2)
27 Okt. Famakiana Baiboly: Jaona 6, 7
Hira No. 150
No. 1: Manehoa Fifikirana Amin’Andriamanitra ao An-tokantrano (uw p. 139, feh. 1-2)
No. 2: Jaona 6:52-71
No. 3: Miteraka Fahasambarana ny Fanaovana ny Marina (kl p. 119-120, feh. 5-6)
No. 4: Ahoana no Tokony ho Fiheveran’ny Kristiana Marina An’izao Tontolo Izao? (rs p. 286, feh. 3–p. 287, feh. 3)
3 Nov. Famakiana Baiboly: Jaona 8, 9
Hira No. 48
No. 1: Izay Lazain’ny Baiboly Momba ny Fanambadiana sy ny Fisaraham-panambadiana ary ny Fisarahan-toerana (uw p. 140, feh. 3)
No. 2: Jaona 9:18-34
No. 3: Mitondra Fahasambarana ny Fahalalahan-tanana (kl p. 120-121, feh. 7-8)
No. 4: td 48B 144 000 Monja no Mankany An-danitra
10 Nov. Famakiana Baiboly: Jaona 10, 11
Hira No. 117
No. 1: Ireo Anton-javatra Fototry ny Fanambadiana Vanona (uw p. 140-141, feh. 4-5)
No. 2: Jaona 10:22-39
No. 3: Arovy ny Fahaizanao Misaina ary Halaviro Izay Ratsy (kl p. 121-122, feh. 9-10)
No. 4: td 31B Tsy Toeram-pijaliana Mirehitra Afo ny Afobe
17 Nov. Famakiana Baiboly: Jaona 12, 13
Hira No. 158
No. 1: Tanteraho ny Anjara Asanao ao Amin’ny Fandaharan’Andriamanitra Momba ny Fianakaviana (uw p. 142-143, feh. 6-10)
No. 2: Jaona 12:1-16
No. 3: Mitondra Fahasambarana ao Amin’ny Fanambadiana ny Fahatokiana Amin’ny Vadin’ny Tena (kl p. 122-123, feh. 11-13)
No. 4: td 31D Mariky ny Fanafoanana ny Afo
24 Nov. Famakiana Baiboly: Jaona 14, 16
Hira No. 63
No. 1: Aoka ho Loharanon-torohevitra ho Anao ny Baiboly (uw p. 144, feh. 11-13)
No. 2: Jaona 16:1-16
No. 3: Aoka Ianao Tsy ho Naman’izao Tontolo Izao (kl p. 123-125, feh. 14-15)
No. 4: td 31F Tsy Porofon’ny Fijaliana Mandrakizay ny Fanoharana Momba Ilay Lehilahy Nanankarena sy i Lazarosy
1 Des. Famakiana Baiboly: Jaona 17, 18
Hira No. 114
No. 1: Ny Antony Mahaliana Antsika Amin’ny Lalàn’i Mosesy (uw p. 146-147, feh. 1-4)
No. 2: Jaona 18:1-14
No. 3: Ny Antony Tsy Ankalazan’ny Kristiana Marina ny Krismasy na ny Andro Nahaterahana (kl p. 126, feh. 16-17)
No. 4: td 52A Manala Baraka An’Andriamanitra ny Fivavahana Amin’ny Sary
8 Des. Famakiana Baiboly: Jaona 19-21
Hira No. 138
No. 1: Jaona: Mahasoa — Nahoana? (si p. 198-199, feh. 30-35)
No. 2: Jaona 19:25-37
No. 3: Aza Mitsahatra Mitandrina ny Sakafo Harivan’ny Tompo (kl p. 127, feh. 18)
No. 4: td 52B Fandrika ho An’ny Isiraely ny Fivavahana Tamin’ny Sary
15 Des. Famakiana Baiboly: Asan’ny Apostoly 1-3
Hira No. 41
No. 1: Teny Fampidirana ny Asan’ny Apostoly (si p. 199-200, feh. 1-8)
No. 2: Asan’ny Apostoly 1:1-14
No. 3: Ny Fomba Iharan’ny Fotopoto-pitsipiky ny Baiboly Amin’ny Asa sy ny Fialam-boly (kl p. 127-128, feh. 19-20)
No. 4: td 52D Tsy Nanomezan’Andriamanitra Lalana ny Fanompoam-pivavahana “Miankina Amin-javatra”
22 Des. Famakiana Baiboly: Asan’ny Apostoly 4-6
Hira No. 113
No. 1: Antony Araka ny Soratra Masina Tsy Maha-eo Ambanin’ny Lalàn’i Mosesy Antsika (uw p. 147-148, feh. 5-6)
No. 2: Asan’ny Apostoly 5:27-42
No. 3: Manehoa Fanajana ny Aina sy ny Ra (kl p. 128-129, feh. 21-23)
No. 4: td 38A Tsy Misy Afa-tsy Fivavahana Marina Iray Monja
29 Des. Famerenana An-tsoratra. Tapero ny Lioka 12 — Asan’ny Apostoly 6
Hira No. 144