हितोपदेश

२९ जो बारम्बार हप्काउँदा पनि अटेरी भइरहन्छ,+

उसको पतन अकस्मात्‌ हुनेछ।+

 २ धर्मीहरू धेरै हुँदा मानिसहरू रमाउँछन्‌

तर दुष्टले शासन गर्दा प्रजाले सुस्केरा हाल्छन्‌।+

 ३ बुद्धिलाई प्रेम गर्ने मानिसले आफ्नो बुबालाई खुसी बनाउँछ+

तर वेश्‍याहरूसित सङ्‌गत गर्नेले धनसम्पत्ति उडाउँछ।+

 ४ राजाले निष्पक्ष न्याय गर्दा देश बलियो हुन्छ+

तर घुस खाने मानिसले देशलाई बरबाद पार्छ।

 ५ आफ्नो छिमेकीलाई फुर्क्याउने मानिसले

उसको खुट्टामा जाल बिछ्याउँछ।+

 ६ खराब मानिस आफ्नै पासोमा पर्छ+

तर धर्मी मानिस खुसीले गाउँछ अनि उफ्रन्छ।+

 ७ धर्मी मानिसले गरिबको हकहितको चिन्ता गर्छ+

तर दुष्ट मानिसले त्यसको वास्तै गर्दैन।+

 ८ धाक लगाउने मानिसले सहरमा आगो लगाउँछ+

तर बुद्धिमान्‌ मानिसले रिसलाई शान्त पार्छ।+

 ९ बुद्धिमान्‌ र मूर्खबीच मुद्दा चल्दा

मूर्ख मनपरी कराइरहन्छ र उसले खिसी गर्छ अनि बुद्धिमान्‌ मानिसले कहिल्यै चैन पाउँदैन।+

१० हत्याराहरूले निर्दोष मानिसलाई घृणा गर्छन्‌+

अनि सोझो मानिसको ज्यान लिन खोज्छन्‌।*

११ मूर्ख मानिसले आफ्नो रिस पोख्छ+

तर बुद्धिमान्‌ मानिसले त्यसलाई काबूमा राख्छ।+

१२ जब कुनै शासकले झूटा कुराहरूमा ध्यान दिन्छ,

तब उसका सबै सेवक दुष्ट हुन्छन्‌।+

१३ गरिब मानिस र अत्याचार गर्ने मानिस दुवैमा एउटा कुरा मिल्दोजुल्दो छ:

दुवैको आँखामा ज्योति दिने यहोवा नै हुनुहुन्छ।*

१४ गरिबलाई पक्षपात नगर्ने राजाको+ सिंहासन

कहिल्यै डगमगाउँदैन।+

१५ छडी* र हप्काइबाट बुद्धि पाइन्छ+

तर बालकलाई आफूखुसी गर्न दिइयो भने उसले आमालाई लाजमा पार्छ।

१६ जब दुष्टहरू धेरै हुन्छन्‌, तब दुष्टता पनि बढ्‌छ

तर धर्मी मानिसहरूले तिनीहरूको पतन देख्नेछन्‌।+

१७ आफ्नो छोरालाई अनुशासनमा राख र उसले तिमीलाई सुख दिनेछ

उसले तिमीलाई अपार आनन्द दिनेछ।+

१८ परमेश्‍वरको डोऱ्‍याइ नपाउँदा मानिसहरू छाडा हुन्छन्‌+

तर आनन्दित हुन्‌ ती मानिसहरू, जसले उहाँको नियमकानुन पालन गरिरहन्छन्‌।+

१९ मुखले भनेर मात्र नोकरलाई सुधार्न सकिँदैन

किनभने उसले बुझ्न त बुझ्छ तर पालन गर्दैन।+

२० के तिमीले बोल्न हतार गर्ने मानिस देखेका छौ?+

त्यस्तो मानिसभन्दा त बरु मूर्ख सुध्रने आशा हुन्छ।+

२१ नोकरलाई सानैदेखि पुलपुल्याएर राख्यौ भने

पछि गएर ऊ बैगुनी हुन्छ।

२२ झट्टै रिसाउने मानिसले कलह मच्चाउँछ+

अनि झडङ्‌ङ रिसाउने मानिसबाट धेरै गल्ती हुन्छ।+

२३ अहङ्‌कारले मानिसलाई खसाल्छ+

तर जो नम्र छ, उसले सम्मान पाउँछ।+

२४ चोरको साथीले आफैसित दुस्मनी मोल्छ

किनकि बयान दिन लगाउँदा उसले आफ्नो मुख खोल्दैन।+

२५ मानिसहरूको डर पासो हो+

तर जसले यहोवामा भरोसा गर्छ, ऊ सुरक्षित रहन्छ।+

२६ धेरै जना राजासामु आउन खोज्छन्‌*

तर न्याय यहोवाबाट मात्र पाइन्छ।+

२७ अन्याय गर्ने मानिसलाई धर्मीले घृणा गर्छ+

तर सोझो बाटोमा हिँड्‌ने मानिसलाई दुष्टले घृणा गर्छ।+