प्रस्थान
२५ त्यसपछि यहोवा परमेश्वरले मोसालाई भन्नुभयो: २ “इस्राएलीहरूलाई मेरो निम्ति अनुदान छुट्ट्याएर राख भन्नू; ज-जसले खुसीसाथ दिने इच्छा गर्छन्, तिनीहरू सबैको अनुदान ग्रहण गर्नू।+ ३ तिनीहरूबाट यी अनुदानहरू स्विकार्नू: सुन,+ चाँदी,+ तामा,+ ४ निलो धागो, बैजनी ऊन, सिन्दूरे रङ्गको धागो, उच्च कोटीको मलमल,* बाख्राको भुत्ला, ५ रातो रङ्गले रङ्गाएको भेडाको छाला, सिलको* छाला, बबुल काठ,+ ६ दियोको निम्ति तेल,+ अभिषेक गर्ने तेल तयार पार्न+ र सुगन्धित धूप बनाउन+ चाहिने बाल्सम* ७ अनि एपोद*+ र छातीपातामा*+ जड्नको निम्ति ओनिक्स* र अन्य रत्नहरू। ८ तिनीहरूले मेरो निम्ति पवित्र स्थान* बनाऊन् र म तिनीहरूमाझ बास गर्नेछु।+ ९ वासस्थान* र त्यहाँका सबै सरसामान मैले दिन लागेको नमुनाअनुसार* दुरुस्त बनाउनू।+
१० “तिनीहरूले बबुल काठको एउटा सन्दुक* बनाऊन्। त्यो सन्दुकको लम्बाइ साढे दुई हात,* चौडाइ साढे एक हात र उचाइ साढे एक हात होस्।+ ११ त्यसलाई भित्र र बाहिर दुवैतिर निखुर सुनले मोहोर्नू।+ त्यसको चारैतिर सुनको बिट* बनाउनू।+ १२ अनि सुनको चार वटा मुन्द्रा बनाएर सन्दुकको चार वटा खुट्टाको माथिपट्टि पर्नेगरि जोड्नू। दुई वटा मुन्द्रा एकापट्टि र दुई वटा मुन्द्रा अर्कोपट्टि होस्। १३ अनि बबुल काठका डन्डीहरू बनाउनू र त्यसलाई सुनले मोहोर्नू।+ १४ सन्दुक बोक्नको लागि ती डन्डीहरू सन्दुकको दुवैपट्टि भएका मुन्द्राहरूमा छिराउनू। १५ ती डन्डीहरू सन्दुकको मुन्द्रामै रहून्; त्यसलाई त्यहाँबाट ननिकाल्नू।+ १६ मैले दिने साक्षीपाटी* त्यस सन्दुकभित्र राख्नू।+
१७ “तिमीले सन्दुकको लागि निखुर सुनको ढकनी बनाउनू; त्यसको लम्बाइ साढे दुई हात र चौडाइ साढे एक हात होस्।+ १८ त्यसपछि सुनलाई घनले पिटेर ढकनीको दुई छेउमा दुई वटा करूब* बनाउनू।+ १९ ढकनीको एउटा छेउमा एउटा करूब र अर्को छेउमा अर्को करूब होस्। २० ती करूबहरू एकअर्काको आमनेसामने होऊन् र ती दुवैले ढकनीलाई छाया पार्नेगरि आफ्ना दुवै पखेटा मास्तिर फैलाएका होऊन्।+ अनि तिनीहरू ढकनीतिर झुकेका होऊन्। २१ त्यस ढकनीले+ सन्दुकलाई छोप्नू र मैले दिने साक्षीपाटी सन्दुकभित्र राख्नू। २२ म सन्दुकको ढकनीमाथि तिमीकहाँ देखा पर्नेछु र त्यहाँबाट तिमीसित बोल्नेछु।+ साक्षीपाटी राखिएको त्यस सन्दुकमाथि* भएका दुई वटा करूबको बीचबाट म तिमीसित कुरा गर्नेछु र तिमीले इस्राएलीहरूलाई जे-जे आज्ञा सुनाउनुपर्ने हो, त्यो म तिमीलाई बताउनेछु।
२३ “तिमीले बबुल काठको एउटा टेबुल+ पनि बनाउनू; त्यसको लम्बाइ दुई हात, चौडाइ एक हात र उचाइ साढे एक हात होस्।+ २४ त्यसलाई निखुर सुनले मोहोर्नू र चारैतिर सुनको बिट बनाउनू। २५ त्यस बिटको मुनि चार अङ्गुल* मोटाइ भएको घेरा बनाउनू र त्यस घेराको तलपट्टि पनि सुनको बिट बनाउनू। २६ तिमीले सुनको चार वटा मुन्द्रा पनि बनाउनू र त्यसलाई टेबुलको ती चार कुनामा राख्नू, जहाँ टेबुलका खुट्टाहरू जोडिएका हुन्छन्। २७ ती मुन्द्राहरू टेबुलको घेरामुन्तिर जडान गर्नू। टेबुल बोक्न प्रयोग गरिने डन्डीहरूलाई ती मुन्द्राहरूभित्र छिराएर अड्याउनू। २८ डन्डीहरू बबुल काठको बनाउनू र त्यसलाई सुनले मोहोर्नू अनि ती डन्डीहरूको सहायताले टेबुल बोक्नू।
२९ “तिमीले त्यसका थाल र कचौराका साथै मद्यभेटी* चढाउन सुराही र प्याला पनि बनाउनू। यी सबै भाँडाकुँडा निखुर सुनको होस्।+ ३० टेबुलमा भेटीको रोटी* पनि राख्नू र त्यो मेरो सामुबाट कहिल्यै नहटोस्।+
३१ “तिमीले निखुर सुनको एउटा पानस+ बनाउनू। सुनको एउटै लाप्सोलाई घनले पिटेर पाउदान, डन्डा, हाँगा, पत्रदल,* कोपिला र फूल बनाउनू।+ ३२ पानसको डन्डाबाट छ वटा हाँगा निस्केका होऊन्, दायाँतिर तीन वटा र बायाँतिर तीन वटा। ३३ एक जोडी हाँगाको एकातिर तीन वटा र अर्कोतिर तीन वटा पत्रदल होऊन्। ती पत्रदलहरू कागजी बदामको फूलको पत्रदलजस्तै होऊन्। ती पत्रदलहरूपछि क्रमैसँग कोपिला र फूल होऊन्। त्यसैगरि अर्को दुई जोडी हाँगामा पनि एकातिर तीन वटा र अर्कोतिर तीन वटा पत्रदल होऊन्। ती पत्रदलहरू कागजी बदामको फूलको पत्रदलजस्तै होऊन्। पत्रदलहरूपछि क्रमैसँग कोपिला र फूल होऊन्। पानसको डन्डाबाट निस्केका छ वटै हाँगा यस्तै होऊन्। ३४ पानसको डन्डामा कागजी बदामको फूलको पत्रदलजस्तै चार वटा पत्रदल होऊन्। पत्रदलहरूपछि क्रमैसँग कोपिला र फूल होऊन्। ३५ पानसको डन्डाबाट पहिलो जोडी हाँगा निस्केको ठाउँमुनि एउटा कोपिला, दोस्रो जोडी हाँगा निस्केको ठाउँमुनि एउटा कोपिला र तेस्रो जोडी हाँगा निस्केको ठाउँमुनि एउटा कोपिला होऊन्। डन्डाबाट निस्केका तीनै जोडी हाँगामुनि यस्तै होऊन्। ३६ कोपिला, हाँगा र पूरै पानस निखुर सुनको एउटै लाप्सोलाई घनले पिटेर बनाउनू।+ ३७ त्यसपछि सात वटा दियो बनाउनू। दियो बाल्दा पानसको अघिल्तिर उज्यालो होस्।+ ३८ पानसको लागि निखुर सुनको चिम्टा र सलेदोदानी* पनि बनाउनू।+ ३९ पानस र अरू सबै सरसामान एक टालेन्ट* निखुर सुनबाट बनाउनू। ४० हेर, मैले तिमीलाई डाँडामा देखाएको नमुनाअनुसारै तिमीले यी सबै दुरुस्त बनाउनू।+