YEREMIYA
1 La ngamazwi kaYeremiya* unyana kaHilekiya, omnye wababingeleli baseAnatoti+ kwilizwe lakwaBhenjamin. 2 Ilizwi likaYehova lafika kuye ngemihla kaYosiya+ unyana ka-Amon,+ ukumkani wakwaYuda, ngonyaka we-13 wokulawula kwakhe. 3 Lafika nangemihla kaYehoyakim+ unyana kaYosiya ukumkani wakwaYuda, de kwasekupheleni konyaka we-11 kaZedekiya+ unyana kaYosiya ukumkani wakwaYuda. Laqhubeka lifika de kwathinjwa iYerusalem ngenyanga yesihlanu.+
4 Ilizwi likaYehova lafika kum, lisithi:
5 “Ndakwazi* ngaphambi kokuba ndikubumbe esiswini,+
Ndakukhethela ukwenza umsebenzi ongcwele ngaphambi kokuba uzalwe.*+
Ndakwenza umprofeti ezintlangeni.”
6 Kodwa ndathi: “Awu, Nkosi enguMongami Yehova!
Andikwazi kuthetha,+ kuba ndiyinkwenkwe nje.”*+
7 UYehova wathi kum:
“Sukuthi, ‘Ndiyinkwenkwe nje.’
Kuba umele uye kubo bonke abantu endikuthuma kubo,
Uthethe yonke into endikuyalela yona.+
9 Emva koko, uYehova wolula isandla sakhe wachukumisa umlomo wam.+ UYehova waphinda wathi: “Amazwi am ndiwabeke emlonyeni wakho.+ 10 Uyabona, ndikunika igunya namhlanje lokuba ube phezu kweentlanga naphezu kwezizwe, ukuba uncothule yaye udilize, utshabalalise yaye uchithe, wakhe yaye utyale.”+
11 Laphinda lafika kum ilizwi likaYehova lisithi: “Ubona ntoni Yeremiya?” Mna ndathi: “Ndibona isebe lomthi wom-amangile.”*
12 UYehova wathi kum: “Ubone kakuhle, kuba ndihlala ndithe qwa ukuze ndiyenze into endiyithethileyo.”
13 Ilizwi likaYehova lafika okwesibini kum lisithi: “Ubona ntoni?” Mna ndathi: “Ndibona imbiza* ebilayo* esemlilweni, ibe umlomo wayo ufulathele elasemntla.” 14 UYehova wathi kum:
“Intlekele iza kuphuma emntla
Ize kubo bonke abemi belizwe.+
15 ‘Kuba ndibiza zonke iintsapho zezizwe zasemntla,’ utsho uYehova,+
‘Ibe ziza kuza; ngasinye sazo siza kubeka itrone yaso
Ezigeyithini zaseYerusalem,+
Zihlasele zonke iindonga zayo, macala onke
Nazo zonke izixeko zakwaYuda.+
16 Ndiza kubagweba ngenxa yabo bonke ububi babo,
Kuba bandishiyile,+
Yaye baqhumisa imibingelelo kwabanye oothixo+
Ibe baqubuda kwizinto abazenze ngezandla zabo.’+
17 Wena ke ufanele ulungele umsebenzi,*
Yaye umele uphakame uze uthethe kubo yonke into endikuyalela yona.
Sukungcangcazela ngenxa yabo,+
Ukuze ndingakoyikisi phambi kwabo.
18 Kuba namhlanje ndikwenze isixeko esikhuselekileyo,
Intsika yentsimbi neendonga zekopolo ukuze umelane nelizwe lonke,+
Ookumkani bakwaYuda, iinkosana zelizwe,
Ababingeleli belizwe nabantu balo.+
19 Nakanjani na baza kulwa nawe,
Kodwa abazukukoyisa,
Kuba ‘ndinawe,+ ukuze ndikusindise,’” utsho uYehova.
2 Ilizwi likaYehova lafika kum lisithi: 2 “Hamba uyokukhwaza ezindlebeni zeYerusalem, uthi, ‘Uthi uYehova:
“Ndiyikhumbula kakuhle indlela owawuzinikele ngayo kum* ebutsheni bakho,+
Indlela owawundithanda ngayo xa wawuza kutshata nam,+
Indlela owawundilandela ngayo entlango,
Kwilizwe elingatyalwanga mbewu.+
3 USirayeli wayengcwele kuYehova,+ esisivuno sakhe sokuqala.”’
‘Nabani na omqwengayo wayeza kuba netyala.
Wayeza kufikelwa yintlekele,’ utsho uYehova.”+
4 Yiva ilizwi likaYehova ndlu kaYakobi,
Nani nonke zintsapho zendlu kaSirayeli.
5 Uthi uYehova:
“Ndabenza ntoni ookhokho bakho,+
Le nto bandishiya kangaka,
6 Abazange bathi, ‘Uphi na uYehova,
Owasikhupha kwilizwe laseYiputa,+
Wasikhokela, sahamba entlango,
Sahamba kwilizwe leentlango+ nemingxuma,
Sahamba kwilizwe elomileyo,+ kwiindawo ezimnyama thsu,
Sahamba kwilizwe elingahanjwa mntu
Nekungahlali mntu kulo?’
Kodwa nina nangena naza nalingcolisa ilizwe lam;
Nalenza into eyenyanyekayo ilifa lam.+
8 Ababingeleli abazange bathi, ‘Uphi uYehova?’+
Abo baphethe uMthetho babengandazi;
Abelusi bandijikela,+
Abaprofeti baprofeta ngoBhahali,+
Baza balandela oothixo abangancedi nganto.
9 ‘Ngoko ke ndiza kuqhubeka ndisilwa nani,’+ utsho uYehova,
‘Ibe ndiza kulwa noonyana boonyana benu.’
10 ‘Kodwa welelani kumazwe angaselunxwemeni lwaseKitim+ nize nibone.
Ndithi, yiyani naseKedare+ nize niqwalasele kakuhle;
Nibone ukuba yakha yenzeka na into enje.
11 Lwakhe lwakho na uhlanga olutshintsha oothixo balo ngenxa yezinto ezingengothixo?
Kodwa bona abantu bam baye balulahla uzuko lwam ngenxa yento engancedi nganto.+
12 Qwalaselani nize nimangaliswe yile nto, nina mazulu;
Nyukelwani zizibilini ngenxa yokoyika kakhulu,’ utsho uYehova,
13 ‘Kuba abantu bam benze izinto ezimbini ezimbi:
Bandilahlile, mna mthombo wamanzi aphilayo,+
Baza bazimbela amaqula,
Amaqula aqhekekileyo, angenakugcina manzi.’
14 ‘Ngaba uSirayeli sisicaka okanye ikhoboka elizalelwe endlini?
Kutheni ke eye wathinjwa?
Zalenza into eyoyikekayo ilizwe lakhe.
Bazitshisile izixeko zakhe, ukuze kungabikho mhlali.
16 Abantu baseNofu*+ naseTapanesi+ boxutha umhlaba wakho.*
19 Ububi bakho bufanele bukulungise,
Nokungathembeki kwakho kufanele kukukhalimele.
Yazi uze uqonde indlela ekukubi nekukrakra ngayo,+
Ukushiya uYehova uThixo wakho;
Niye nabonisa ukuba anindoyiki,’+ itsho iNkosi enguMongami uYehova wemikhosi.
Kodwa uye wathi: “Andizukukukhonza,”
Kuba wangqengqa, wazaneka phezu kwazo zonke iinduli eziphakamileyo,+
Naphantsi kwayo yonke imithi eluhlaza, uzenza umfazi othengisa ngomzimba.+
21 Ndakutyala unjengomthi weediliya ezibomvu zodidi,+ wonke uyimbewu esulungekileyo;
Ngoku ujike njani waba ngamahlumelo antshwencileyo omthi weediliya wasemzini?’+
22 ‘Nokuba ubungahlamba ngesoda* uze usebenzise isepha eninzi,
Ityala lakho beliya kuqhubeka lisisibhaxu phambi kwam,’+ itsho iNkosi enguMongami uYehova.
23 Utsho njani ukuthi, ‘Andizingcolisanga.
Andibalandelanga ooBhahali’?
Jonga indlela yakho entlanjeni.
Cinga ngale nto uyenzileyo.
Ufana nethole lemazi yenkamela elibalekayo,
Elibaleka njee, linyuka lisehla ezindleleni zalo,
24 Idonki yasendle eqhele ukuba sendle,
Enukisa iduna emoyeni, ikhanuka,
Ngubani onokuyibamba xa ifuna ukukhwelwa?
Akukho namnye kwabo bayikhangelayo ekuya kufuneka azidinise.
Baza kuyifumana ngexesha layo.*
25 Sukuvumela unyawo lwakho luhambe ze,
Nomqala wakho unxanwe.
Kodwa wena uye wathi, ‘Hayi! Akukho themba!+
26 Njengokuhlazeka kwesela xa libhaqiwe,
Iza kuhlaziswa njalo nendlu kaSirayeli,
Yona, ookumkani bayo neenkosana zayo,
Ababingeleli bayo nabaprofeti bayo.+
27 Bathi emthini, ‘Ungutata wam,’+
Bathi naselityeni, ‘Wena wandizala.’
Kodwa mna bandifulathela, abajonga kum.+
Ibe ngexesha lentlekele yabo baza kuthi,
‘Phakama usisindise!’+
28 Baphi ngoku oothixo bakho ozenzele bona?+
Mabaphakame ukuba bayakwazi ukukusindisa ngexesha lokwehlelwa kwakho yintlekele.
Kuba oothixo bakho baninzi ngokungathi zizixeko zakho Yuda.+
29 ‘Kutheni nihlala nisilwa nam?
Kutheni niye nandijikela nonke?’+ utsho uYehova.
30 Ndiye ndababetha oonyana benu, kodwa loo nto ayincedanga.+
31 Yhini zizukulwana, khanilicinge ngokwenu ilizwi likaYehova.
Ndiye ndaba njengentlango njee na kuSirayeli
Okanye ilizwe lengcinezelo yobumnyama?
Kutheni le nto aba bantu, abantu bam, besithi, ‘Sibhadula sikhululekile.
Asiphindi sibuyele kuwe’?+
32 Intombi engazange yalala nandoda ingazilibala na izihombo zayo?
Umtshakazi angasilibala na isinxibo sakhe sobutshakazi?
Kodwa bona abantu bam baye bandilibala ixesha elide.+
33 Ulichule mfazindini kwiindlela zakho zokufuna uthando!
Uye wazifundisa iindlela ezingalunganga.+
34 Kwaneempahla zakho zinamabala egazi lamahlwempu angenatyala.+
Andibabhaqanga abangenatyala beqhekeza;
Kodwa iimpahla zenu zonke zinkone ligazi labo.+
35 Kodwa wena uthi, ‘Ndimsulwa.
Ndiqinisekile ukuba akasandiqumbelanga.’
Ngoku ndiyakugweba
Kuba uthi, ‘Andonanga.’
36 Kutheni ukungazinzi kwakho ukwenza into engenamsebenzi?
37 Ngenxa yaloo nto, uza kuphuma uthwele izandla entloko,+
Kuba uYehova ubalahlile abo ubathembileyo;
Abazukukwenza uphumelele.”
3 Abantu bayabuza: “Ukuba indoda iyamgxotha umfazi wayo aze yena aye kwenye indoda, ngaba loo ndoda ifanele ibuyele kuloo mfazi?”
Ngaba elo lizwe alingcoliswanga ngokupheleleyo?+
“Wena uye wathengisa ngomzimba kubantu abaninzi;+
Ngaba ke ngoku ufanele ubuyele kum?” utsho uYehova.
2 “Phakamisela amehlo akho kwiinduli ezize, uze ubone.
Kuphi apho ungadlwengulwanga khona?
Ubalinde ecaleni kweendlela,
Njengonothwal’ impahlana* entlango.
Uqhubeka ungcolisa ilizwe
Ngokuthengisa kwakho ngomzimba nangobubi obenzayo.+
5 Ngaba umntu umele ahlale ecaphukile ngonaphakade,
Okanye ahlale enenzondo?’
Uthetha loo nto,
Kodwa uhlala usenza zonke izinto ezimbi okwaziyo ukuzenza.”+
6 Ngemihla kaKumkani uYosiya,+ uYehova wathi kum: “‘Uyibonile na into eyenziwe nguSirayeli ongathembekanga? Unyuke waya kuzo zonke iintaba eziphakamileyo naphantsi kwayo yonke imithi eluhlaza, ukuze athengise ngomzimba.+ 7 Nasemva kokuba enze zonke ezi zinto, ndandisoloko ndimxelela ukuba abuyele kum,+ kodwa akazange abuye; noYuda wahlala emjongile udadewabo onamaqhinga.+ 8 Ndathi ndakuyibona loo nto, ndamkhulula uSirayeli ongathembekanga, ndamnika isatifiketi sokuqhawula umtshato+ ngenxa yokuba wayekrexeza.*+ Kodwa udadewabo onamaqhinga uYuda akazange oyike; naye wasuka wayokuba ngumfazi othengisa ngomzimba.+ 9 Ukuthengisa kwakhe ngomzimba wakuthatha njengento engenamsebenzi, waqhubeka elingcolisa ilizwe waza wakrexeza* namatye nemithi;+ 10 Phezu kwayo yonke loo nto, udadewabo uYuda onamaqhinga akabuyelanga kum ngentliziyo yakhe yonke, uzenze ngathi ubuyele,’ utsho uYehova.”
11 Emva koko, uYehova wathi kum: “USirayeli ongathembekanga ulilungisa kakhulu kunoYuda onamaqhinga.+ 12 Hamba uyokuthetha la mazwi emntla:+
“‘“Yhini Sirayeli ondijikeleyo, buya,” utsho uYehova.’+ ‘“Andizukukujonga ndinomsindo,+ kuba ndithembekile,” utsho uYehova.’ ‘“Andizukuhlala ndicaphukile. 13 Wena nje vuma ukuba unetyala, kuba uye wamjikela uYehova uThixo wakho. Uye waqhubeka uleqeka emva kwabantu* basemzini,* phantsi kwayo yonke imithi eluhlaza, kodwa awulimamelanga ilizwi lam,” utsho uYehova.’”
14 “Buyani nina bonyana bangathobeliyo,” utsho uYehova. “Kuba mna ndiye ndayinkosi yenu;* ndiza kuthatha abe mnye esixekweni baze babe babini entsatsheni, ibe ndiza kunizisa eZiyon.+ 15 Ndiza kuninika abelusi ngokuvumelana nentliziyo yam,+ kwaye baza kunondla ngolwazi nangobulumko. 16 Ngaloo mihla niza kuba baninzi nize niqhame,” utsho uYehova.+ “Abasazukuba sathi, ‘Ityeya yesivumelwano kaYehova!’ Ayizukuthi qatha entliziyweni, bengazukuyikhumbula okanye bayifune, ibe ayizukuphinda yenziwe. 17 Ngelo xesha baza kuyibiza iYerusalem ngokuba yitrone kaYehova;+ yaye zonke iintlanga ziza kuhlanganiselwa kwigama likaYehova eYerusalem,+ ibe abazukuzilandela ngenkani iintliziyo zabo ezimbi.”
18 “Ngaloo mihla baza kuhamba kunye, indlu kaYuda nendlu kaSirayeli,+ ibe bobabini baza kuphuma kwilizwe lasemntla baye kwilizwe endalinika ookhokho benu ukuba libe lilifa.+ 19 Ibe ndacinga le nto, ‘Ngebhongo ndanibeka phakathi koonyana ndaza ndaninika ilizwe elithandekayo, ilifa elihle phakathi kweentlanga!’*+ Kwakhona ndandicinga ukuba niza kuthi xa nindibiza, ‘Tata!’ ibe anizukuyeka ukundilandela. 20 ‘Kanye njengomfazi oshiye indoda yakhe ngamaqhinga,* nina ndlu kaSirayeli nindenzele amaqhinga,’+ utsho uYehova.”
21 Kwiindlela ezihanjwayo kuvakele isandi,
Ukulila nokubongozwa kwabantu bakwaSirayeli.
Kuba bayigqwethile indlela yabo;
Bamlibele uYehova uThixo wabo.+
22 “Buyani, nina bonyana baqaqadekileyo.
Ndiza kuniphilisa ekuqaqadekeni kwenu.”+
“Sithi aba! Size kuwe,
Kuba wena Yehova unguThixo wethu.+
23 Iinduli kwakunye nengxolo esezintabeni zezobuxoki.+
NguYehova uThixo wethu osindisa uSirayeli.+
24 Kodwa into elihlazo ikudle yakugqiba* ukubulaleka kookhokho bethu ukususela ebutsheni bethu,+
Imihlambi yabo yeegusha neyeenkomo,
Oonyana babo neentombi zabo.
25 Masilale phantsi sihlazekile,
Ukuthotywa kwethu kusogqume;
Kuba simonile uYehova uThixo wethu,+
Thina nootata bethu ukususela ebutsheni bethu de kube namhlanje,+
Kwaye asilithobelanga ilizwi likaYehova uThixo wethu.”
4 “Ukuba uza kubuya, Owu Sirayeli,” utsho uYehova,
“Ukuba uza kubuyela kum
Yaye ukuba uza kuzisusa izithixo zakho ezenyanyekayo phambi kwam,
Uza kutsho ungabi yimbacu.+
2 Yaye ukuba uyafunga usithi,
‘Ephila nje uYehova!’ ngenyaniso, ngokusesikweni* nangobulungisa,
Iintlanga ziza kutsho zizifumanele intsikelelo ngaye,
Zize ziqhayise ngaye.”+
3 Kuba uthi uYehova kumadoda akwaYuda nakwiYerusalem:
“Zilimeleni umhlaba olimekayo,
Ningaqhubeki nityala phakathi kwameva.+
4 Zoluseleni kuYehova,
Nize nisuse amajwabi eentliziyo zenu,+
Nina madoda akwaYuda nabemi baseYerusalem,
Ukuze umsindo wam ungavuthi njengomlilo
Uvuthe kungekho mntu unokuwucima,
Ngenxa yezinto ezimbi enizenzayo.”+
5 Thethani kwaYuda, nivakalise naseYerusalem.
Khwazani nivuthele uphondo kulo lonke ilizwe.+
Khwazani kakhulu nithi: “Qokelelanani,
Masingene ezixekweni ezikhuselekileyo.+
6 Phakamisani uphawu ngaseZiyon.
Khangelani ikhusi yaye ningami ngxi,”
Kuba ndizisa intlekele ivela ngasemntla,+ ukuntlitheka okukhulu.
Uphumile endaweni yakhe ukuze enze ilizwe lakho libe yinto eyoyikekayo.
Izixeko zakho ziza kwenziwa amabhodlo, zingabi nabemi.+
8 Ngoko ke, bhinqani amalaphu okwenza ingxowa.+
Zilani* nize nikhale isijwili,
Kuba umsindo omkhulu kaYehova awumkanga kuthi.
9 “Ngaloo mini,” utsho uYehova, “ukumkani uza kuphelelwa sisibindi,*+
Neenkosana ziza kuphelelwa sisibindi;*
Ababingeleli baza koyika, nabaprofeti baza kumangala.”+
10 Ndaza ndathi: “Awu, Nkosi enguMongami Yehova! Eneneni usikhohlise ngokupheleleyo esi sizwana+ neYerusalem, usithi, ‘Niza kuba noxolo,’+ ngoxa ikrele lisezintanyeni zethu.”
11 Ngelo xesha kuza kuthiwa kwesi sizwana nakwiYerusalem:
“Umoya olulophu osuka kwiinduli ezomileyo zasentlango
Uza kuyitshayela intombi* yabantu bam;
Awuzanga kususa umququ okanye kucoca.
12 Umoya ovuthuza ngamandla uvela kwezi ndawo ngokomyalelo wam.
Ngoku ndiza kuyichaza indlela endiza kubagweba ngayo.
Amahashe akhe anamendu ngakumbi kuneenkozi.+
Sisengxakini, kuba sonakalisiwe!
14 Yihlambe icoceke ebubini intliziyo yakho, yhini Yerusalem, ukuze usindiswe.+
Kuya kude kube nini na uneengcinga ezimbi?
15 Kuba ilizwi lichaza iindaba ezivela kwaDan,+
Yaye livakalisa intlekele evela kwiintaba zakwaEfrayim.
16 Yichazeni le nto, ewe, ezintlangeni.
Yivakaliseni eYerusalem.”
“Oonogada* bavela kwilizwe elikude,
Yaye baza kuliphakamisa ilizwi labo befuna ukulwa nezixeko zakwaYuda.
18 “Indlela yakho nezenzo zakho ziza kubuyiselwa kuwe.+
Ikrakra nyhani intlekele yakho,
Kuba ifikelela ngqo entliziyweni yakho!”
19 Owu intlungu endikuyo,* intlungu endikuyo!
Intliziyo yam ibuhlungu kakhulu.
Ibetha ngamandla.
20 Kuziswe ingxelo yentlekele emva kwentlekele,
Kuba ilizwe lonke litshatyalalisiwe.
Ngequbuliso iintente zam zitshatyalalisiwe,
Namalaphu eentente zam ngephanyazo.+
Bangoonyana abazizibhanxa, abangaqondiyo.
Bakrelekrele* xa kusenziwa ububi,
Kodwa abakwazi ukwenza okulungileyo.”
23 Ndalibona ilizwe, yaye jonga! lalingenanto yaye liyinkangala.+
Ndajonga emazulwini, yaye kwakungasekho ukukhanya kwawo.+
Oku kwakungenxa kaYehova,
Ngenxa yokuvutha komsindo wakhe.
27 Kuba uYehova uthi: “Ilizwe lilonke alizukuba nabantu,+
Kodwa andizukulitshabalalisa ngokupheleleyo.
Le nto iza kwenzeka kuba ndithethile, ndenze isigqibo,
Bangena ematyholweni,
Yaye bazimela ematyeni.+
Zonke izixeko zishiyiwe,
Yaye akukho mntu uhlala kuzo.”
30 Uza kuthini ngoku njengokuba wonakalisiwe?
Wawudla ngokwambatha ezibomvu,
Unxiba izihombo zegolide,
Wawudla ngokuwenza makhulu amehlo akho ngokuwaqaba into emnyama.
31 Kuba ndive ilizwi elinjengelomfazi ogulayo,
Intlungu enjengeyomfazi ozala umntwana wokuqala,
Ilizwi lentombi yaseZiyon emana iphefumla nzima.
Yolula izandla zayo isithi:+
“Ndisengxakini, kuba ndidiniwe ngababulali!”
5 Hamba-hambani kwizitrato zaseYerusalem
Laqazani nize niqaphele.
Khangelani kwiindawo zikawonke-wonke nize nibone
Ukuba ningamfumana na umntu owenza ubulungisa,+
Umntu ofuna ukuthembeka,
Ibe ndiza kusixolela eso sixeko.
2 Nokuba bathi: “Ephila nje uYehova!”
Baza kuba bafungela ubuxoki.+
3 Yhini na Yehova, amehlo akho awakhangeli abathembekileyo na?+
Ubabethile, kodwa abavanga ntlungu.*
Ubatshabalalisile, kodwa abafunanga ukwamkela ingqeqesho.+
4 Kodwa ndazixelela ukuba: “Ngokuqinisekileyo aba ngabantu abangabalulekanga.
Benza ngobudenge, kuba abayazi indlela kaYehova,
Umgwebo kaThixo wabo.
5 Ndiza kuya kumadoda aziwayo ndize ndithethe nawo,
Kuba amele ukuba ayiqaphele indlela kaYehova,
Umgwebo kaThixo wawo.+
Kodwa onke ayophule idyokhwe;
Aqhawula izinto abotshwe ngazo.”
6 Yiloo nto ingonyama yehlathi ibahlasela,
Ingcuka yasentlango ibatshabalalisa,
Ihlosi libalalela ezixekweni zabo.
Wonke umntu ophuma kubo uyadlakazwa.
Kuba zininzi izono zabo;
Baye abathembeka kakhulu.+
7 Ndingakuxolela njani ngale nto?
Oonyana bakho bandilahlile,
Futhi bafunga ngento engengoThixo.+
Ndabenzela yonke into abayidingayo,
Kodwa baye baqhubeka bekrexeza,*
Bagxalathelana ukuya kwindlu yomfazi othengisa ngomzimba.
9 “Andimele ndibaphendulise na ke ngezi zinto,” utsho uYehova.
“Andimele ndiziphindezele na ke kuhlanga olunje?”+
10 “Ngena kwiindledlana eziphakathi kwemithi yeediliya uze uzivuthulule,
Kodwa sukuzitshabalalisa ngokupheleleyo.+
Susa amasebe ayo antshulayo,
Kuba awangokaYehova.
Akukho kwantlekele iza kusehlela;
Asizukubona krele okanye ndlala.’+
Mayenzeke le nto kubo!”
14 Ngoko ke uthi uYehova, uThixo wemikhosi:
“Ekubeni la madoda ethetha ezi zinto,
Ngoku ndenza amazwi am abe ngumlilo emlonyeni wakho,+
Ibe esi sizwana siziinkuni,
Kwaye uza kusiqwenga.”+
15 “Ndinizisela uhlanga oluvela kude, ndlu kaSirayeli,”+ utsho uYehova.
“Uhlanga ekudala lukho.
16 Isingxobo salo seentolo sifana nengcwaba elivulekileyo;
Bonke bangamagorha.
17 Baza kusigqiba isivuno sakho nesonka sakho.+
Baza kubagqiba oonyana bakho neentombi zakho.
Baza kuyigqiba imihlambi yakho yeegusha neyeenkomo.
Baza kuyigqiba imithi yakho yeediliya neyamafiya.*
Baza kuzitshabalalisa ngekrele izixeko zakho ezikhuselekileyo othembele ngazo.”
18 “Kodwa nangezo ntsuku,” utsho uYehova, “andizukukutshabalalisa ngokupheleleyo.+ 19 Kwaye xa besithi, ‘Kutheni uYehova uThixo wethu enze ezi zinto nje kuthi?’ uze ubaphendule uthi, ‘Njengokuba undilahlile waza wakhonza uthixo wasemzini elizweni lakho, uza kukhonza abantu basemzini kwilizwe elingelolakho.’”+
20 Thethani le nto kwindlu kaYakobi,
Yaye yithini kwaYuda:
21 “Mamelani apha, bantundini abazizidenge nabangaqiqiyo:*+
22 ‘Anindoyiki na?’ utsho uYehova,
‘Animelanga ningcangcazele na phambi kwam?
Ndim obeke isanti yangumda wolwandle,
Umthetho ongenakutshintsha wokuba aluzukudlula.
Nangona amaza alo elatyuza, awazukoyisa;
Nangona egquma, awazukudlula ngaphaya kwawo.+
24 Asitsho entliziyweni yaso ukuba:
“Masoyikeni uYehova uThixo wethu,
Lowo uzisa imvula ngexesha layo,
Imvula yasekwindla kunye nemvula yasentwasahlobo,
Lowo usigcinela iiveki ezimiselweyo zokuvuna.”+
26 Kuba kukho abenzi-bubi phakathi kwabantu bam.
Bahlala bejonge ntsho, belalele ngokungathi ngabathiyiseli beentaka.
Babeke isabatha esibulalayo.
Babambisa abantu.
Yiloo nto benegunya yaye bezizityebi.
28 Batyebile ibe batum-tum.
Baphuphuma izinto ezimbi.
Abalichopheli ityala lomntwana ongenatata,+
Ukuze baphumelele;
Abafuni ukulenzela ubulungisa ihlwempu.’”+
29 “Andimele ndibaphendulise na ke ngezi zinto,” utsho uYehova,
“Andimele ndiziphindezele na ke kuhlanga olunje?
30 Kwenzeke into emanyumnyezi nembi kakhulu elizweni:
Kwaye abantu bam bayayithanda loo nto;+
Kodwa niza kuthini xa kufika isiphelo?”
6 Ngenani ekhusini, nina bonyana bakaBhenjamin, nisuke phakathi kweYerusalem.
Kuba kusondela intlekele evela ngasemntla, intshabalalo enkulu.+
2 Intombi yaseZiyon ifana nenzwakazi ezithandayo.+
3 Beza kuyo abelusi nemihlambi yabo.
4 “Xhobelani* ukulwa imfazwe nayo!
Vukani, masinyuke emini emaqanda!”
“Sisengxakini, kuba imini iya ngasekupheleni,
Kuba amathunzi okuhlwa ayanaba!”
6 Kuba uthi uYehova wemikhosi:
“Gawulani imithi nize nakhe amathambeka okuhlasela iYerusalem.+
Isisixeko esimele siphenduliswe.
Kukho ingcinezelo kuphela phakathi kwayo.+
7 Njengokuba amanzi abandayo efumaneka emthonjeni,
Nobubi bufumaneka kwesi sixeko.
Kuvakala ubundlobongela nentshabalalo kuso;+
Isifo nesibetho ziphambi kwam qho.
8 Lumka, Yerusalem, okanye ndiza kukunikela umva ndikwenyanye;+
Ndiza kwenza kungabikho bantu bahlala kuwe.”+
9 Uthi uYehova wemikhosi:
“Baza kuqokelela bonke abashiyekileyo kwaSirayeli kanye njengeediliya zokugqibela zomthi weediliya.
Phinda udlulise isandla sakho njengalowo uvuna iidiliya kwimithi yeediliya.”
10 “Ndiza kuthetha ndilumkise bani?
Ngubani oza kumamela?
Jonga! Iindlebe zabo zivaliwe,* kangangokuba abakwazi kumamelisisa.+
Jonga! Ilizwi likaYehova liye laba yinto abayidelelayo;+
Alibavuyisi.
“Wugalele phezu komntwana osesitratweni+
Naphezu kweqela labafana abahleli kunye;
Kuba ndiza kusolulela kubemi belizwe isandla sam,” utsho uYehova.
13 “Kuba ukususela koyena mncinci ukuya koyena mkhulu, ngamnye uzenzela inzuzo ngamaqhinga;+
Ukususela kumprofeti ukuya kumbingeleli, ngamnye wenza ngobumenemene.+
14 Kwaye bazama ukuphilisa amanxeba abantu* bam ngokungakhathali,* besithi,
‘Kukho uxolo! Kukho uxolo!’
Kube kungekho xolo.+
15 Ngaba baneentloni ngenxa yezinto ezenyanyekayo abazenzileyo?
Abanazintloni tu!
Abakwazi nokuliva ihlazo!+
Ngoko ke baza kuwa nabawayo.
Xa ndibohlwaya, baza kukhubeka,” utsho uYehova.
16 Uthi uYehova:
“Yimani ngxi apho kudibana khona iindlela, nize nibone.
Buzisani ngeendlela zakudala,
Buzani apho ikhoyo indlela elungileyo, nize nihambe kuyo,+
Nizifumanele ukuphumla.”
Kodwa bathi: “Asizukuhamba kuyo.”+
Kodwa bona bathi: “Asizukumamela.”+
18 “Ngoko ke yivani, nina zintlanga!
Nize nazi, nina bandla,
Ukuba kuza kwenzeka ntoni kubo.
19 Mamela, mhlaba!
Ndisizisela intlekele esi sizwana,+
Isiqhamo samaqhinga aso,
Kuba asiwamamelanga amazwi am
Saza sawunikela umva umthetho* wam.”
20 “Ndiyikhathalele ngantoni na into yokuba nisizisa intlaka yokuqhumisa yaseShebha
Neengcongolo ezinevumba elimnandi ezivela kwilizwe elikude?
Iminikelo yenu etshiswa ngokupheleleyo ayamkelekanga,
Nemibingelelo yenu andiyithandi.”+
21 Ngoko ke uthi uYehova:
“Ndisibekela isikhubekiso esi sizwana,
Yaye siza kukhubeka kuso,
Ootata kunye noonyana,
Ummelwane nomhlobo wakhe,
Ibe bonke baza kutshabalala.”+
22 Uthi uYehova:
“Jonga! Kuza kuphuma isizwana kwilizwe lasemntla,
Ibe kuza kuvuswa uhlanga olukhulu luvela kwezona ndawo zikude zomhlaba.+
23 Luza kuthatha isaphetha nentshuntshe.
Lukhohlakele, yaye aluzukuba nalusizi.
Ilizwi lalo liza kugquma njengolwandle,
Kwaye lukhwela amahashe.+
Luza kuma ngathi lusedabini njengendoda elwa imfazwe nawe, ntombi yaseZiyon.”
24 Sivile ukuba kuthiwani ngalo.
Zila ngokungathi uzilela unyana okukuphela kwakhe, ukhale isijwili.+
Kuba siza kufikelwa ngumtshabalalisi ngequbuliso.+
27 “Ndikwenze* umvavanyi wesinyithi phakathi kwabantu bam,
Lowo ukhangela ngokucokisekileyo;
Umele uyiphawule kwaye uyihlolisise indlela yabo.
Banjengekopolo nentsimbi.
Bonke banamaqhinga.
29 Izinto zokukhwezela zitshile.
Emlilweni wazo kuphuma ilothe.
7 Nali ilizwi elafika kuYeremiya livela kuYehova: 2 “Yima egeyithini yendlu kaYehova, uze ubaxelele la mazwi, ‘Liveni ilizwi likaYehova nonke nina bantu bakwaYuda, abangena kwezi geyithi bezokukhonza uYehova. 3 Uthi uYehova wemikhosi, uThixo kaSirayeli: “Zitshintsheni iindlela zenu nezenzo zenu, ibe ndiza kuniyeka nihlale kule ndawo.+ 4 Sanukuthembela kumazwi obuxoki nize nithi, ‘Le yitempile* kaYehova, itempile kaYehova, itempile kaYehova!’+ 5 Kuba, ukuba nizitshintsha nyhani iindlela zenu nezenzo zenu, ukuba ngokwenene kubakho ubulungisa phakathi komntu nommelwane wakhe,+ 6 ukuba animcinezeli umntu wasemzini, inkedama* nomhlolokazi,+ ukuba anilichithi igazi elimsulwa kule ndawo, yaye anizonakalisi ngokulandela abanye oothixo,+ 7 ndiza kuniyeka nihlale kule ndawo, kwilizwe endalinika ookhokho benu ngonaphakade.”’”
8 “Nithembela kumazwi obuxoki;+ kodwa ayizukuninceda nganto loo nto. 9 Ningeba na,+ nibulale, nikrexeze,* nifunge ngobuxoki,+ nibingelele kuBhahali+ nize nilandele abanye oothixo enaningabazi, 10 kwanina nizokuma phambi kwam kule ndlu inegama lam, nithi, ‘Siza kusindiswa,’ nakugqiba ukwenza zonke ezi zinto zenyanyekayo? 11 Ngaba le ndlu inegama lam iye yaba yindawo nje yootsotsi kuni?+ Mna lo ndizibonele,” utsho uYehova.
12 “‘Kodwa ke, hambani ngoku, niye endaweni yam eShilo,+ apho ndaqala khona ukulibeka igama lam,+ nize nibone into endayenza kuyo ngenxa yobubi babantu bam amaSirayeli.+ 13 Kodwa niye naqhubeka nisenza zonke ezi zinto,’ utsho uYehova, ‘nangona ndiye ndathetha ndithethile* nani, anikhange nindimamele.+ Ndiye ndaqhubeka ndinibiza kodwa anikhange nindiphendule.+ 14 Ngoko ke, indlela endenza ngayo eShilo,+ ndiza kwenza ngayo nakwindlu enithembele ngayo+ enegama lam,+ nakule ndawo endayinika nina nookhokho benu. 15 Ndiza kunisusa phambi kwamehlo am, kanye ngendlela endabasusa ngayo bonke abantakwenu, yonke inzala kaEfrayim.’+
16 “Wena ke, ungasithandazeli esi sizwana, ungaphakamisi nesikhalo okanye usithandazele okanye usicengele,+ kuba andizukukumamela.+ 17 Awuziboni na izinto abazenzayo kwizixeko zakwaYuda nakwizitrato zaseYerusalem? 18 Oonyana baqokelela iinkuni, ootata babo babasa umlilo, abafazi baxova intlama ukuze benze izonka zombingelelo ukuze babingelele kuKumkanikazi Wamazulu,*+ kwaye bagalelela abanye oothixo umnikelo oselwayo befuna ukundicaphukisa.+ 19 ‘Ndim na lo bamkhathazayo?’* utsho uYehova. ‘Abazikhathazi ngokwabo na, bezizisela ihlazo?’+ 20 Ngoko ke, ithi iNkosi enguMongami uYehova, ‘Jonga! Umsindo wam nobushushu bam buza kuba phezu kwale ndawo,+ ebantwini nakwizilwanyana, kwimithi yasendle nakwiziqhamo zomhlaba; buza kuvutha yaye abuzukucinywa.’+
21 “Uthi uYehova wemikhosi, uThixo wamaSirayeli, ‘Qhubani, yongezani iminikelo yenu etshiswa ngokupheleleyo kwimibingelelo yenu nize niyitye ngokwenu nenyama.+ 22 Kuba ngemini endabakhupha ngayo ookhokho benu eYiputa, andizange ndithethe nto okanye ndibayalele nto ngeminikelo etshiswa ngokupheleleyo nemibingelelo.+ 23 Kodwa ndathi kubo: “Thobelani ilizwi lam, yaye ndiza kuba nguThixo wenu, nina nibe ngabantu bam.+ Nimele nihambe ngayo yonke indlela endiniyalela ngayo ukuze izinto zinihambele kakuhle.”’+ 24 Kodwa abazange bamamele okanye bavule indlebe,+ endaweni yoko baqhubeke behamba ngamaqhinga* abo. Ngenkani balandela iintliziyo zabo ezimbi,+ ibe babuyele umva endaweni yokuya phambili, 25 ukususela ngemini abaphuma ngayo ookhokho benu kwilizwe laseYiputa kude kube yile mini.+ Ngoko ndaqhubeka ndithumela kuni abakhonzi bam abangabaprofeti, ndibathumela yonke imihla ngokuphindaphindiweyo.*+ 26 Kodwa abafunanga kundimamela, yaye abayivulanga indlebe yabo.+ Endaweni yaloo nto baqhubeka benenkani,* ibe benza izinto ezimbi ngakumbi kunookhokho babo!
27 “Uza kuwathetha onke la mazwi kubo,+ kodwa abazukukumamela; uza kubabiza, kodwa abazukukuphendula. 28 Uza kuthi kubo, ‘Olu luhlanga olungalithobelanga ilizwi likaYehova uThixo walo nolungayamkelanga ingqeqesho. Ukuthembeka akukho, ibe akukho nto ithethwayo ngako phakathi kwalo.’*+
29 “Zichebe iinwele zakho ezingachetywanga,* uzilahle, ucule ingoma yokuzila phezu kweenduli ezomileyo, kuba uYehova usilahlile yaye uza kusishiya enyanyeni esi sizukulwana siye samcaphukisa. 30 ‘Kuba oonyana bakaYuda benze into embi emehlweni am,’ utsho uYehova. ‘Babeke izithixo zabo ezilizothe endlini enegama lam, ukuze bayingcolise.+ 31 Baye bakha iindawo eziphakamileyo zaseTofete, eseNtlanjeni Yonyana KaHinom,*+ ukuze batshise oonyana babo neentombi zabo emlilweni,+ nto leyo endingabayalelanga ukuba bayenze nengathanga qatha entliziyweni yam.’*+
32 “‘Ngoko ke, Jonga! kuza imihla,’ utsho uYehova, ‘xa kungazukuphinda kuthiwe yiTofete neNtlambo Yoonyana BakaHinom,* kodwa kuthiwe yiNtlambo Yokubulala. Baza kungcwabela eTofete ide ingabikho indawo yokungcwaba.+ 33 Izidumbu zesi sizwana ziza kuba kukutya kweentaka zamazulu nokwamarhamncwa omhlaba, kungabikho mntu uwagxothayo abaleke.+ 34 Ndiza kusiphelisa ezixekweni zakwaYuda nasezitratweni zaseYerusalem isandi sokuvuya nesolonwabo, ilizwi lomyeni nelizwi lomtshakazi;+ kuba ilizwe liza kutshatyalaliswa.’”+
8 “Ngelo xesha,” utsho uYehova, “amathambo ookumkani bakwaYuda, amathambo eenkosana, amathambo ababingeleli, amathambo abaprofeti namathambo abemi baseYerusalem aza kukhutshwa emangcwabeni abo. 2 Aza kwanekwa elangeni nasenyangeni nakuzo zonke iinkwenkwezi* ababezithanda, bezikhonza, bezilandela, bezifuna yaye bequbuda kuzo.+ Awazukuqokelelwa, engazukungcwatywa. Aza kuba njengomgquba phezu komhlaba.”+
3 “Abashiyekileyo kolu hlanga lungalunganga baza kukhetha ukufa kunokuphila, kuzo zonke iindawo endibasasazele kuzo,” utsho uYehova wemikhosi.
4 “Uze uthi kubo, ‘Uthi uYehova:
“Ngaba baza kuwa baze bangaphakami kwakhona?
Ukuba lo angajika, akazukujika na nalowa?
5 Kutheni aba bantu baseYerusalem beqhubeka bengathembekanga kum?
Abafuni ukuyiyeka inkohliso;
Abavumi ukujika.+
6 Ndamamela, ndaqhubeka ndimamele, kodwa indlela ababethetha ngayo yayingalunganga.
Akukho namnye owaguqukayo ebubini bakhe, waza wathi, ‘Yintoni na le ndiyenzileyo?’+
Ngamnye umane ebuyela kwindlela ethandwa ngabaninzi, njengehashe liphalela edabini.
7 Kwanengwamza esibhakabhakeni iyalazi ixesha layo lokufuduka;*
Ihobe lasendle nehlankomo nekhwebula ziyaligcina ixesha lokubuya.*
Kodwa bona abantu bam abawuqondi umgwebo kaYehova.”’+
8 ‘Nitsho njani ukuba: “Sizizilumko, ibe sinawo nomthetho kaYehova”?
Kuba kaloku usiba oluxokayo*+ loonobhala lusetyenziselwe ubuxoki kuphela.
Ziye zoyikiswa ibe ziza kubanjwa.
Jonga! Zililahlile ilizwi likaYehova,
Buphi ke obo bulumko bazo?
10 Abafazi babo ndiza kubanikela kwamanye amadoda,
Amasimi abo ndiwanike abanye;+
Kuba ukususela koyena mncinci ukuya koyena mkhulu, ngamnye uzenzela inzuzo ngamaqhinga;+
Ukususela kumprofeti ukuya kumbingeleli, ngamnye uqhubeka esenza amaqhinga.+
11 Kwaye bazama ukuphilisa amanxeba entombi* yabantu bam ngokungakhathali,* besithi:
“Kukho uxolo! Kukho uxolo!”
Kube kungekho xolo.+
12 Ngaba baneentloni ngenxa yezinto ezenyanyekayo abazenzileyo?
Abanazintloni tu!
Abakwazi nokuliva ihlazo!+
Ngoko ke baza kuwa nabo bawayo.
Xa ndibohlwaya, baza kukhubeka,’+ utsho uYehova.
13 ‘Ndiza kubaqokelela ndize ndibatshabalalise,’ utsho uYehova.
‘Akuzukubakho zidiliya zishiyekileyo kwimithi yeediliya, kungabikho mafiya kwimithi yamafiya,* namahlamvu abune.
Nezinto ebendiza kubanika zona abazukuzifumana.’”
14 “Sihlelele ntoni apha?
Masiqokelelane singene kwizixeko ezikhuselekileyo+ size sitshabalalele apho.
15 Besinethemba loxolo, kodwa akukho nto intle izileyo,
Besinethemba lokuba siza kuphiliswa, kodwa siyoyika!+
16 Ukubetha kwethatha lamahashe akhe kuvakala kwaDan.
Ukukhonya kweenkunzi zakhe zamahashe
Kunyikimisa ilizwe lonke.
Iintshaba zifika zilidle ziligqibe ilizwe, nayo yonke into ekulo,
Isixeko kunye nabemi baso.”
17 “Kuba ndithumela iinyoka kuni,
Iinyoka ezinetyhefu ekungenakusetyenziswa makhubalo kuzo,
Yaye ziza kunitya ngokuqinisekileyo,” utsho uYehova.
18 Intlungu yam ayinakupheliswa.
Intliziyo yam iyagula.
19 Kwilizwe elikude kuvakala isikhalo esicela uncedo
Isikhalo esivela kwintombi yabantu bam:
“UYehova akakho seZiyon na?
Okanye ukumkani wayo akakho kuyo na?”
“Kutheni bendikhubekisa ngemifanekiso yabo eqingqiweyo,
Ngoothixo babo basemzini abalilize?”
20 “Ixesha lokuvuna lidlule, ihlobo liphelile;
Kodwa asikhange sisindiswe!”
Ndothukile.
22 Akukho bhalsam* na eGiliyadi?+
Okanye akukho mphilisi* na apho?+
Kutheni ingachachanga intombi yabantu bam?+
Bendingalila imini nobusuku
Ngenxa yabantu bakowethu.
2 Owu ukuba nje bendinendawo yokuhlala yabahambi entlango!
Bendiya kubashiya abantu bakuthi ndimke kubo,
Iqela labantu abanamaqhinga;
“Basuka ebubini baye ebubini,
Ibe abandihoyanga,”+ utsho uYehova.
4 “Ngamnye kuni makazikhusele kummelwane wakhe,
Angathembi nkqu nomntakwabo.
5 Umntu ngamnye uqhatha ummelwane wakhe.
Akakho othetha inyani.
Ulwimi lwabo balufundise ukuxoka.+
Bazidinisa ngokwenza izinto ezimbi.
6 Uhlala phakathi kwabantu abaxokayo.
Ngenxa yokuxoka kwabo, abafunanga kundazi,” utsho uYehova.
7 Ngoko ke uYehova wemikhosi uthi:
“Ndiza kubanyibilikisa ukuze ndibacoce yaye ndibavavanye,+
Kuba yintoni enye endinokuyenza ngentombi yabantu bam?
8 Ulwimi lwabo lutolo olubulalayo oluthetha ubuxoki.
Ngomlomo wakhe uthetha ngoxolo nommelwane wakhe;
Kodwa entliziyweni yakhe umcebela ububi.”
9 “Andimele ndibaphendulise na ke ngezi zinto,” utsho uYehova.
“Andimele ndiziphindezele na ke kuhlanga olunje?+
10 Ndiza kusitsho isikhalo, ndikhwaze ngenxa yeentaba
Ndiculele amadlelo asentlango ingoma yokuzila;
Kuba aye atshiswa ukuze kungabikho mntu unqumla kuwo,
Yaye isandi sokukhala kwemfuyo asizukuviwa.
Iintaka zamazulu namarhamncwa zibalekile; zimkile.+
11 IYerusalem ndiza kuyenza ibe yimfumba yamatye,+ isikhundla soodyakalashe;+
Nezixeko zakwaYuda ndiza kuzenza zingabi nabantu.+
12 Ngubani osisilumko ngokwaneleyo ukuba angayiqonda le nto?
Umlomo kaYehova uyixelele bani, ukuze yena ayixelele abanye?
Kutheni ilizwe litshabalele?
Kutheni lome okwentlango,
Ukuze kungabikho mntu udlulayo kulo?”
13 UYehova uphendule wathi: “Kungenxa yokuwushiya kwabo umthetho* wam endabanika wona, nangenxa yokungawulandeli nokungalithobeli ilizwi lam. 14 Kodwa balandele iintliziyo zabo nemifanekiso kaBhahali ngenkani,+ kanye ngendlela abafundiswa ngayo ngootata babo.+ 15 Ngoko ke uYehova wemikhosi, uThixo kaSirayeli uthi, ‘Aba bantu ndiza kubatyisa umhlonyane, ndibaselise amanzi anetyhefu.+ 16 Ndiza kubasasaza phakathi kweentlanga ababengazazi bona nootata babo,+ ndithumele ikrele kubo de ndibatshabalalise bonke.’+
17 Uthi uYehova wemikhosi,
‘Yiqwalaseleni le nto yenzekayo,
Bizani abafazi abacula iingoma zokuzila,+
Nithumele nokuba kubizwe abafazi abangamachule,
18 Ukuze bakhawuleze beze, basenzele isijwili.
Ukuze amehlo ethu ehle iinyembezi
Nemisebe yethu ichiphize amanzi.+
19 Kuba siye saviwa isijwili eZiyon.+
“Sisentlungwini ngeyona ndlela!
Sihlazeke nyhani!
Kuba silishiyile ilizwe; yaye bazidilizile izindlu zethu.”+
20 Nina bafazi, liveni ilizwi likaYehova,
Akwaba iindlebe zenu zingaliva ilizwi lomlomo wakhe.
Fundisani iintombi zenu ukwenza isijwili,
Fundisanani le ngoma yokuzila.+
21 Kuba ukufa kunyuke ngeefestile zethu;
Kungene kwiinqaba zethu ezikhuselekileyo
Ukuze kususe abantwana ezitratweni
Nabafana kwiindawo zembutho.’+
22 Yithi, ‘Uthi uYehova:
“Izidumbu zabantu ziza kuwa njengomgquba phezu komhlaba,
Njengezithungu ezisandula ukusikwa emva komvuni,
Kungekho mntu uzihlanganisayo.”’”+
23 UYehova uthi:
“Umntu osisilumko makangaqhayisi ngobulumko bakhe;+
Indoda enamandla mayingaqhayisi ngamandla ayo,
Isityebi masingaqhayisi ngobutyebi baso.”+
24 “Kodwa umntu oqhayisayo makaqhayise ngale nto:
Le yokuba endiqonda yaye endazi,+
Le yokuba ndinguYehova, Lowo unothando olungagungqiyo nobulungisa, nowenza izinto kakuhle emhlabeni;+
Kuba zezo izinto ezindivuyisayo,”+ utsho uYehova.
25 “Jonga! Kuza imihla,” utsho uYehova, “endiza kumphendulisa ngayo wonke umntu owolukileyo kodwa abe engolukanga,+ 26 iYiputa,+ uYuda,+ uEdom,+ oonyana baka-Amoni,+ uMowabhi+ nabo bonke abo baneetuma ezichetyiweyo abahlala entlango;+ kuba zonke iintlanga azolukanga, kwaye yonke indlu kaSirayeli ayolukanga entliziyweni.”+
10 Liveni ilizwi uYehova alithethileyo ngani, ndlu kaSirayeli. 2 Uthi uYehova:
“Sanukufunda izinto ezenziwa ziintlanga,+
Ningoyikiswa yimimangaliso yasezulwini
Kuba isoyikwa ziintlanga.+
3 Kuba amasiko ezizwana awancedi nganto.
Umkhandi olichule ugawula umthi ehlathini,
Aze awenze isithixo ngesixhobo sakhe.+
5 Njengonomgogwana kwintsimi yetyhukhamba, ezi zithixo azikwazi kuthetha;+
Zimele zithwalwe, kuba azikwazi kuhamba.+
Sanukuzoyika, kuba azinakunenzakalisa,
Zingakwazi nokwenza okulungileyo.”+
6 Akukho mntu unjengawe, owu Yehova.+
Umkhulu, negama lakho likhulu yaye linamandla.
7 Ngubani na ofanele angakoyiki, owu Kumkani weentlanga,+ kuba kukufanele ukoyikwa;
Kuba phakathi kwezilumko zonke zeentlanga naphakathi kwazo zonke izizwe zazo,
Akukho namnye unjengawe.+
8 Azisebenzisi ngqondo yaye zizidenge.+
Umyalelo ovela emthini awuyonto.+
9 Kuziswa isilivere evela eTarshishe+ ekhandwe yangamacwecwe, negolide evela kwaUfazi,
Umsebenzi womkhandi olichule nowezandla zomnyibilikisi.
Isinxibo sazo singumsonto oluhlaza* noboya obumsobo.*
Zonke zenziwa ngamachule.
10 Kodwa uYehova nguThixo ngokwenene.
UnguThixo ophilayo+ noKumkani ngonaphakade.+
Ngenxa yokucaphuka kwakhe umhlaba uza kunyikima,+
Yaye akukho zintlanga ziza kukwazi ukunyamezela umsindo wakhe.
11 Nantsi into omele uyithethe kuzo:
“Oothixo abangawenzanga amazulu nomhlaba
Baza kutshabalala emhlabeni naphantsi kwala mazulu.”+
12 NguMenzi womhlaba ngamandla akhe,
Lowo wenza ilizwe elinemveliso ngobulumko bakhe+
Nowolula amazulu ngokuqonda kwakhe.+
13 Xa elenza livakale ilizwi lakhe,
Amanzi asezulwini ayayaluzela,+
Yaye ubangela ukuba amafu anyuke* evela kwezona ndawo zikude emhlabeni.+
Imvula uyenzela umbane,
Yaye ukhupha umoya koovimba bakhe.+
14 Wonke umntu uziphethe njengomntu ongacingiyo nongenalwazi.
Wonke umnyibilikisi uza kuhlaziswa ngenxa yemifanekiso eqingqiweyo;+
Kuba imifanekiso yakhe yesinyithi ibubuxoki,
Yaye akukho bomi kuyo.+
15 Ayincedi nganto,* ingumsebenzi oyintlekisa.+
Xa kufika imini yokuphenduliswa kwayo, iza kutshabalala.
16 Lowo usiSabelo sikaYakobi akafani nezi zinto,
Kuba nguye owadala yonke into,
Yaye uSirayeli ungumsimelelo welifa lakhe.+
Igama lakhe nguYehova wemikhosi.+
17 Qokelela umthwalo wakho emhlabeni,
Wena mfazi ohleli kwindawo erhangqiweyo.
18 Kuba uthi uYehova:
“Ngoku ndibaphosela ngaphandle abemi bomhlaba,+
Yaye ndiza kubenza babe sentlungwini.”
19 Ndisentlungwini ngenxa yokuwa kwam!*+
Inxeba lam alinakuphiliswa.
Yaye mna ndithe: “Ngokuqinisekileyo sisifo sam esi, ibe ndimele ndisithwale.
20 Intente yam idiliziwe, neentambo zentente yam ziqhawulwe zonke.+
Oonyana bam bandishiyile yaye abasekho.+
Akusekho mntu utwabulula intente yam, okanye umisa amalaphu ayo.
Yiyo le nto bengenzanga ngobulumko,
Yaye yonke imihlambi yabo ithe saa.”+
22 Mamela! Ingxelo! Iyeza!
Izingqi ezikhulu ezivela kwilizwe lasemntla,+
Ukuze kwenziwe izixeko zakwaYuda zingabi namntu, zibe yindawo yoodyakalashe.+
23 Ndazi kakuhle, owu Yehova, ukuba umntu akakwazi ukuyilawula indlela yakhe.
Umntu ohambayo akanalo kwaigunya lokwalathisa inyathelo lakhe.+
Kuba zimdle zamgqiba uYakobi,+
Ewe, zimdle zamgqiba de zamtshabalalisa,+
Zaza zalitshabalalisa ilizwe lakhe.+
11 Nali ilizwi likaYehova elafika kuYeremiya: 2 “Bonke abantu mabaweve amazwi esi sivumelwano!
“Wathethe* ebantwini bakwaYuda nakubemi baseYerusalem, 3 uthi kubo, ‘Uthi uYehova uThixo kaSirayeli: “Uqalekisiwe umntu ongawathobeliyo amazwi esi sivumelwano,+ 4 endawayalela ookhokho benu ngemini endabakhupha ngayo kwilizwe laseYiputa,+ kwiziko lokunyibilikisa intsimbi,+ ndisithi, ‘Thobelani ilizwi lam, nize nizenze zonke izinto endiniyalela zona; yaye niza kuba ngabantu bam, nam ndibe nguThixo wenu,+ 5 ukuze ndiyenze into endayifungela ookhokho benu, yokubanika ilizwe eligcwele ubisi nobusi,+ njengokuba kusenjalo nanamhlanje.’”’”
Ndaphendula ndathi: “Amen* Yehova.”
6 UYehova wathi kum: “Wathethe onke la mazwi ezixekweni zakwaYuda nasezitratweni zaseYerusalem, ‘Waveni amazwi esi sivumelwano, niwathobele. 7 Kuba ndabalumkisa ngokungqongqo ookhokho benu ngemini endabakhupha ngayo kwilizwe laseYiputa, ndisithi: “Thobelani ilizwi lam.” Ndaqhubeka ndibalumkisa* njengokuba ndisenza nanamhlanje.+ 8 Kodwa abazange bamamele okanye bavule iindlebe, ngamnye waba nenkani elandela intliziyo yakhe embi.+ Ngoko ndawenza onke amazwi esi sivumelwano abangazange basithobele.’”
9 Waza uYehova wathi kum: “Kukho iyelenqe phakathi kwabantu bakwaYuda naphakathi kwabemi baseYerusalem. 10 Babuyele kwizono zookhokho babo, abalayo ukuthobela amazwi am.+ Nabo baye balandela abanye oothixo baza babakhonza.+ Indlu kaSirayeli nendlu kaYuda ziye zasaphula isivumelwano endasenza nookhokho bazo.+ 11 Ngoko ke uthi uYehova, ‘Ndibazisela intlekele+ abangazukukwazi ukuyibaleka. Xa bendikhwaza becela uncedo, andizukubamamela.+ 12 Emva koko izixeko zakwaYuda nabemi baseYerusalem baza kukhalela uncedo koothixo ababenzela imibingelelo,*+ kodwa ngokuqinisekileyo abo thixo abazukubasindisa xa besehlelwa yintlekele. 13 Kuba oothixo bakho baninzi njengezixeko zakho Yuda, kwaye nenze izibingelelo ezininzi njengezitrato zaseYerusalem, nizenzela into elizothe, izibingelelo zokubingelela kuBhahali.’+
14 “Wena ke,* ungabathandazeli aba bantu. Ungabakhaleli okanye ubathandazele,+ kuba ndiza kube ndingamamelanga xa bendibiza ngenxa yentlekele ebehleleyo.
15 Bafuna ntoni abantu bam endibathandayo endlini yam,
Xa abaninzi kangaka besenza izinto ezimbi?
Ngaba baza kuyiphepha ngenyama engcwele yemibingelelo* intlekele xa inifikela?
Uza kuvuya na ngelo xesha?
16 UYehova wayekade esithi ningumthi womnquma ochumileyo,
Umthi omhle oneziqhamo ezihle.
Ngomgqumo omkhulu, uwulumeke ngomlilo,
Yaye bawaphule amasebe awo.
17 “UYehova wemikhosi, umTyali wakho,+ uthe kuza intlekele kuwe, ngenxa yobubi obenziwe yindlu kaSirayeli nendlu kaYuda, zindicaphukisa ngokubingelela kuBhahali.”+
18 UYehova undichazele ukuze ndazi.
Ngelo xesha undibonise izinto ababezenza.
19 Yaye ndandinjengetakane legusha elilulamileyo eliza kuxhelwa,
Ndandingayazi ukuba bandiphekela iqhinga besithi:+
“Masitshabalalise lo mthi neziqhamo zawo,
Masimcime igama kwilizwe labaphilayo,
Ukuze igama lakhe lingabi sakhunjulwa.”
Mandikubone xa uziphindezela kubo,
Kuba ndiye ndamangala kuwe.
21 Ngoko uthi uYehova ngabantu baseAnatoti+ abafuna ukukubulala, besithi: “Sukuprofeta egameni likaYehova+ okanye uza kufela ezandleni zethu.” 22 Uthi uYehova wemikhosi: “Ndiza kubaphendulisa. Abafana baza kufa likrele+ yaye oonyana babo neentombi zabo baza kufa yindlala.+ 23 Akuzukushiyeka nokuba abe mnye kubo, kuba ndiza kuzisa intlekele kubantu bakwa-Anatoti+ ngonyaka wokubaphendulisa kwam.”
Kodwa kutheni bephumelela abantu abangalunganga,+
Yaye kutheni abo banamaqhinga bengenaxhala?
2 Ubatyalile yaye bamile iingcambu.
Baye bahluma baza bavelisa isiqhamo.
Usemilonyeni yabo, kodwa ezintliziyweni* abakukhathalelanga.+
3 Kodwa wena Yehova undazi kakuhle,+ uyandibona;
Uyihlolile intliziyo yam, wabona ukuba imanyene nawe.+
Bakhethe njengegusha eza kuxhelwa,
Babekele bucala ukwenzela imini abaza kubulawa ngayo.
Ngenxa yezinto ezimbi ezenziwa ngabantu abahlala apho,
Izilo neentaka zitshayelwe.
Kuba bathe: “Akayiboni into eza kwenzeka kuthi.”
Uziva ukhuselekile kwilizwe elinoxolo,
Kodwa ke uza kuthini xa uphakathi kwamatyholo asecaleni kweYordan?
Bakunqwenelele izinto ezimbi.
Sukuthembela kubo,
Nokuba bathetha izinto ezilungileyo kuwe.
7 “Ndiyishiyile indlu yam;+ ndililahlile ilifa lam.+
Abo ndibathanda kakhulu ndibanikele kwiintshaba zabo.+
8 Ilifa lam liye laba njengengonyama esehlathini.
Liye landigragramela.
Yiloo nto ndiye ndalicaphukela.
9 Kum ilifa lam linjengentaka emibalabala* etya inyama;
Ezinye iintaka ezitya inyama ziyayijikeleza zize ziyihlasele.+
Yizani, qokelelanani nonke nina marhamncwa asendle;
Yizani nize nitye.+
Umhlatyana wam endiwuthandayo bawujike wayintlango eyomileyo.
11 Uye woma.
Kodwa akukho mntu uyihoyileyo loo nto.+
12 Abatshabalalisayo baye beza ngazo zonke iindlela ezonakeleyo zasentlango,
Kuba ikrele likaYehova liqwenga ukususela kwesinye isiphelo selizwe ukuya kwesinye.+
Akukho xolo phakathi kwabo bonke abantu.
13 Batyale ingqolowa, kodwa bavuna ameva.+
Baye bazinxaphisa ngokusebenza, kodwa akukho nto bayifumanayo.
Baza kuba neentloni ngesivuno sabo
Ngenxa yomsindo omkhulu kaYehova.”
14 Uthi uYehova: “Bonke abamelwane bam abangalunganga, abachukumisa ilifa endalinika abantu bam amaSirayeli,+ ndiyabancothula emhlabeni wabo,+ nendlu kaYuda ndiza kuyincothula phakathi kwabo. 15 Kodwa emva kokuba ndibancothule, ndiza kuphinda ndibenzele inceba ndize ndibuyisele ngamnye kwilifa lakhe nakwilizwe lakhe.”
16 “Ukuba baye baqinisekisa ukuba bafunda iindlela zabantu bam baza bafunga egameni lam, besithi, ‘Ephila nje uYehova!’ kanye ngendlela abaye bafundisa ngayo abantu bam ukuba bafunge ngoBhahali, baza kutsho bahlale phakathi kwabantu bam. 17 Kodwa ukuba baye abafuna ukuthobela, ndiza kuluncothula olo hlanga, ndiluncothule ndize ndilutshabalalise,” utsho uYehova.+
13 UYehova wathi kum: “Hamba uyokuzithengela ibhanti lelinen uze ulibhinqe, kodwa ungalifaki emanzini.” 2 Ndalithenga ibhanti njengokuba uYehova wayetshilo ndaza ndalibhinqa. 3 Ilizwi likaYehova lafika kum okwesibini lisithi: 4 “Thatha ibhanti olithengileyo nolibhinqileyo, uhambe uye kumEfrate, ulifihle apho kwimfanta yeliwa.” 5 Ndaya kulifihla ngakumEfrate, kanye njengokuba uYehova wayendiyalele.
6 Emva kweentsuku ezininzi uYehova wathi kum: “Phakama, uye kumEfrate uze apho uthathe ela bhanti ndandikuyalele ukuba ulifihle.” 7 Ndaya ke kumEfrate, ndemba ndalikhupha kwindawo endandilifihle kuyo, ndaza ndabona ukuba lalonakele; kwakuphelile ngalo.
8 Ilizwi likaYehova lafika kum lisithi: 9 “Uthi uYehova, ‘Ndiza kulitshabalalisa ngaloo ndlela ikratshi lakwaYuda nekratshi elikhulu leYerusalem.+ 10 Aba bantu benza izinto ezimbi nabangavumiyo ukuthobela amazwi am,+ abalandela intliziyo yabo ngenkani+ nabalandela abanye oothixo, bebakhonza yaye bequbuda kubo, baza kufana nqwa neli bhanti kungekho yalo.’ 11 ‘Kuba kanye njengokuba ibhanti lisithi nca esinqeni somntu, yonke indlu kaSirayeli nayo yonke indlu kaYuda ndayenza yathi nca kum,’ utsho uYehova, ‘ukuze zibe ngabantu bam+ negama+ nendumiso nento entle. Kodwa abazange bathobele.’+
12 “Uze ubanike nalo myalezo, ‘Uthi uYehova uThixo kaSirayeli: “Yonke ingqayi enkulu imele igcwaliswe ngewayini.”’ Yaye baza kukuphendula bathi, ‘Asiyazi na kakade into yokuba yonke ingqayi enkulu imele igcwaliswe ngewayini?’ 13 Uze uthi ke kubo, ‘Uthi uYehova: “Ndiza kubanxilisa bonke abemi beli lizwe,+ ookumkani abahleli etroneni kaDavide, ababingeleli nabaprofeti, nabo bonke abemi baseYerusalem. 14 Ndiza kungqubanisa ootata noonyana,” utsho uYehova.+ “Andizukuba naluvelwano, lusizi nanceba kubo; akukho nto iza kundinqanda ukuba ndingabonakalisi.”’+
15 Yivani nize nimamelisise.
Sanukuba nekratshi, kuba uYehova uthethile.
16 Mzukiseni uYehova uThixo wenu
Ngaphambi kokuba azise ubumnyama
Naphambi kokuba iinyawo zenu zikhubeke ezintabeni xa kuqalisa ukuba mnyama.
Niza kuba nethemba lokukhanya,
Kodwa yena uza kuzisa ithunzi elimnyama;
Uza kulijika libe sisithokothoko.+
17 Ukuba niyala ukumamela,
Ndiza kulila kwindawo efihlakeleyo ngenxa yekratshi lenu.
18 Yithi kukumkani nakumama wakhe,*+ ‘Hlalani kwindawo ephantsi,
Kuba isithsaba senu esihle siza kuwa kwiintloko zenu.’
19 Izixeko zasemzantsi zivaliwe,* akukho mntu uzivulayo.
UYuda wonke usiwe ekuthinjweni, uthinjwe ngokupheleleyo.+
20 Phakamisa amehlo akho ubone abo bavela emntla.+
Uphi na umhlambi owawuwunikiwe, iigusha zakho ezintle?+
Ayizukukubamba na inimba, njengomfazi ozalayo?+
22 Yaye xa usithi entliziyweni yakho, ‘Kutheni ndisehlelwa zezi zinto nje?’+
Kungenxa yobuninzi bezono zakho le nto imibhinqo yakho ikhululwe+
Nezithende zakho ziphethwe ngobundlobongela.
23 UmKushi* angalitshintsha na ibala lolusu lwakhe, okanye ihlosi litshintshe amabala alo?+
Ukuba kunjalo, nani ningatsho nikwazi ukwenza okulungileyo,
Nina bantu bafundiswe ukwenza ububi.
24 Ndiza kubasasaza njengeendiza ezimka nomoya wasentlango.+
25 Liqashiso lakho elo, isahlulo endikwabela sona,” utsho uYehova,
26 Ngoko ndiza kuyiphakamisela ebusweni bakho imibhinqo yakho,
Yaye liza kubonwa ihlazo lakho,+
27 Ukukrexeza* kwakho+ nokukhala kwakho ngenxa yenkanuko,
Ukuthengisa kwakho ngomzimba okulihlazo.
Ezindulini, endle,
Ndizibonile izenzo zakho ezenyanyekayo.+
Uza kuthi shu, Yerusalem!
Kuza kude kube nini na ungacocekanga?”+
14 Nali ilizwi likaYehova elafika kuYeremiya lithetha ngembalela:+
2 UYuda uzilile,+ neegeyithi zakhe zinyamalele.
Zitshona emhlabeni zidangele,
Nesikhalo siyenyuka siye eYerusalem.
3 Neenkosi zabo zithuma izicaka zazo amanzi.
Ziya emithonjeni zize zingawafumani.
Zibuya neengqayi zingenanto.
Zihlazekile yaye zidanile.
Futhi zogqume iintloko zazo.
4 Kuba umhlaba uqhekeka
Ngenxa yokungabikho kwemvula elizweni,+
Abalimi bathe xhungu ibe bogqume neentloko zabo.
5 Kwanexhamakazi endle lilizala lize lilishiye itakane lalo,
Kuba kungekho ngca.
6 Amaqwarhashe ema ezindulini ezomileyo.
Akhefuzela oku koodyakalashe;
Amehlo awo ayaphelelwa ngenxa yokukhangela izityalo ezingekhoyo.+
Kuba siye asathembeka kaninzi,+
Ibe nguwe esimonileyo.
8 Owu themba likaSirayeli, Msindisi wakhe+ ngexesha lentlungu,
Kutheni ufana nomntu ongaziwayo elizweni,
Njengomhambi ochitha nje ubusuku obunye?
9 Kutheni unjengomntu owothukileyo,
Njengendoda enamandla engakwazi kusindisa?
Sukusilahla.
10 Uthi uYehova ngesi sizwana: “Sithanda ukubhadula;+ asizibambanga iinyawo zaso.+ Ngoko uYehova akasithandi.+ Ngoku uza kukhumbula isono saso, asiphendulise ngezono zaso.”+
11 Wathi uYehova kum: “Sukuthandazela ukuba silungelwe esi sizwana.+ 12 Xa sizila ukutya, andikumameli ukundicenga kwaso,+ naxa sinikela umnikelo otshiswa ngokupheleleyo nomnikelo wokutya, andisithandi,+ kuba ndiza kusitshayela ngekrele, ngendlala nangesifo esingubhubhani.”+
13 Ndathi ke mna: “Owu, Nkosi enguMongami Yehova! Abaprofeti bathi kubo, ‘Anizukulibona ikrele, ibe anizukufunyanwa yindlala, kodwa ndiza kuninika uxolo lokwenene kule ndawo.’”+
14 Wathi uYehova kum: “Abaprofeti baprofeta ubuxoki egameni lam.+ Andikhange ndibathume, ndingakhange ndibayalele okanye ndithethe nabo.+ Baniprofetela umbono wobuxoki, ukuvumisa okungento yanto nenkohliso yentliziyo yabo.+ 15 UYehova uthi ngaba baprofeti baprofeta egameni lam, ndingabathumanga, nabathi akukho krele okanye ndlala eza kubakho kweli lizwe: ‘Baza kutshabalala ngekrele nendlala abo baprofeti.+ 16 Nabantu ababaprofetelayo baza kuphoselwa phandle ezitratweni zaseYerusalem, ngenxa yendlala nekrele, kungekho mntu wokubangcwaba,+ bona, abafazi babo, oonyana babo neentombi zabo, kuba ndiza kubazisela intlekele ebafaneleyo.’+
17 “Umele uthethe eli lizwi kubo,
‘Amehlo am mawakhuphe iinyembezi imini nobusuku, mawangayeki,+
Kuba intombi yabantu bam engazange yalala nandoda ityunyuzwe yaza yaphulwa ngokupheleleyo,+
Inenxeba elikhulu.
Kwaye ukuba ndingena esixekweni,
Ndibona izifo ezibangelwa yindlala!+
Kuba umprofeti kunye nombingeleli bajikeleze ilizwe abangalaziyo.’”+
19 Umlahle ngokupheleleyo na uYuda, okanye uyayenyanya na iZiyon?+
Kutheni usibethe sada asabi nakuphiliswa?+
Besinethemba loxolo, kodwa akukho nto intle izileyo,
Besinethemba lokuba siza kuphiliswa, kodwa siyoyika!+
Sikhumbule, ungasophuli isivumelwano osenze nathi.+
22 Ngaba sikho kwezi zithixo zingancedi nganto esinganisela iintlanga imvula,
Okanye amazulu angazinisela ngokwawo izantyalantyala zemvula?
Ayinguwe wedwa na, owu Yehova Thixo wethu?+
Sithembele kuwe,
Kuba nguwe wedwa owenze ezi zinto.
15 Emva koko uYehova wathi kum: “Nokuba bekumi uMoses noSamuweli phambi kwam,+ bendingazukusisizela esi sizwana. Sisuse phambi kwam. Masihambe. 2 Ukuba bathi kuwe, ‘Siye phi?’ uze uthi kubo, ‘Uthi uYehova:
“Nabani na ongowesibetho esibulalayo, makaye kwisibetho esibulalayo!
Nabani na ongowekrele, makaye ekreleni!+
Nabani na ongowendlala, makaye endlaleni!
Nabani na ongowokuthinjwa, makaye ekuthinjweni!”’+
3 “‘Ndiza kusizisela iintlekele ezine,’*+ utsho uYehova, ‘ikrele lokubulala, izinja ukuze zirhuqe, iintaka zamazulu namarhamncwa omhlaba ukuba aqwenge yaye atshabalalise.+ 4 Ndiza kubenza into eyoyikekayo kuzo zonke izizwe zomhlaba+ ngenxa kaManase unyana kaHezekiya, ukumkani wakwaYuda, ngenxa yento awayenza eYerusalem.+
5 Ngubani na oza kuvelana nawe, Yerusalem,
Ngubani na oza kukusizela,
Ingubani na oza kuma aze akubuze impilo?’
6 ‘Uye wandilahla,’ utsho uYehova.+
Ngoko ndiza kusolulela kuwe isandla sam, ndikutshabalalise.+
Ndidiniwe kukukusizela.*
7 Ndiza kubaphosa emoyeni ngefolokhwe ezigeyithini zelizwe.
Ndiza kuboxutha abantwana.+
Ndiza kubatshabalalisa abantu bam,
Kuba bengafuni ukulahla iindlela zabo.+
8 Phambi kwam, abahlolokazi babo baza kuba baninzi kunesanti yeelwandle.
Ndiza kubazisela umtshabalalisi emini emaqanda oomama nabafana.
Ngequbuliso ndiza kubenza batatazele kukoyika.
9 Umfazi ozele abantwana abasixhenxe uphelelwe;
Uzama ukuphefumla.
Ilanga limtshonele emini;
Libangela iintloni nehlazo.’*
‘Nabo bambalwa bashiyekileyo babo
Ndiza kubanikela kwikrele leentshaba zabo,’ utsho uYehova.”+
Andibolekisanga yaye abandibolekanga.
Kodwa bonke bayandiqalekisa.
11 UYehova uthe: “Nakanjani na ndiza kukulungiselela ukuze ulungelwe.
Nakanjani na ndiza kukuthethelela ngexesha lentlekele,
Ngexesha lokuhlaselwa kwakho lutshaba.
12 Ngaba umntu angayiqhekeza intsimbi ibe ziingceba,
Intsimbi evela emntla nekopolo?
13 Ubuncwane nobutyebi bakho ndiza kubunikela ukuba boxuthwe,+
Bungathengiswa, ngenxa yazo zonke izono zakho, kuyo yonke imimandla yakho.
Kuba umsindo wam uphembe umlilo,
Uyavutha ngenxa yenu.”+
15 Uyazi wena Yehova,
Ndikhumbule uze ujonge ngakum.
Undiphindezelele kubantu abanditshutshisayo.+
Ngenxa yokucaphuka kade kwakho, sukundivumela nditshabalale.*
Yazi ukuba ngenxa yakho ndiyangcikivwa.+
16 Amazwi akho aye afunyanwa, ndaza ndawatya;+
Ilizwi lakho lindonwabisile, lavuyisa nentliziyo yam,
Kuba igama lakho libizwe kum, Yehova Thixo wemikhosi.
17 Andihlali nabo baqhulayo ndize ndonwabe.+
18 Kutheni intlungu yam ingapheli nenxeba lam linganyangeki?
Alide liphile.
Ngaba uza kuba njengomthombo wamanzi oqhathayo kum
Ekungenakuthenjelwa kuwo?
19 Ngoko ke uYehova uthi:
“Ukuba uyabuya, ndiza kuphinda ndikubuyisele endaweni yakho,
Ibe uza kuma phambi kwam.
Ukuba uza kwahlula phakathi kwento exabisekileyo nengaxabisekanga,
Uza kuba njengomlomo wam.*
Kuza kufuneka bona beze kuwe,
Kodwa wena awuzukuya kubo.”
20 “Ndikwenza udonga lwekopolo olukhuselekileyo kwesi sizwana.+
Nakanjani na siza kulwa nawe,
Kodwa asizukukoyisa.+
Kuba ndinawe, ukuze ndikusindise nokuze ndikuhlangule,” utsho uYehova.
21 “Ndiza kukusindisa kubenzi-bubi,
Ndikukhulule nasesandleni sabakhohlakeleyo.”
16 Laphinda lafika kum ilizwi likaYehova lisithi: 2 “Uze ungazithatheli mfazi, yaye ungabi nanyana nazintombi kule ndawo. 3 Kuba uthi uYehova ngoonyana nangeentombi ezizalelwa kule ndawo, ngoomama nangootata ababazeleyo kweli lizwe: 4 ‘Baza kubulawa zizifo,+ kodwa akukho mntu uza kubazilela okanye abangcwabe; baza kuba njengomgquba phezu komhlaba.+ Baza kubulawa likrele nayindlala,+ izidumbu zabo zibe kukutya kweentaka zamazulu namarhamncwa omhlaba.’
5 Kuba uthi uYehova,
‘Sukungena endlini enetheko labazilileyo,
Ungayokwenza sijwili okanye uvelane nabo.’+
‘Kuba ndiluthathile uxolo lwam kwesi sizwana,’ utsho uYehova,
‘Uthando lwam olungagungqiyo nenceba yam.+
6 Kuza kufa abakhulu nabancinci kweli lizwe.
Abazukungcwatywa,
Akukho mntu uza kubazilela,
Kungekho nabani na oza kuzisika okanye achebe inkqayi ngenxa yabo.*
7 Yaye akukho mntu uza kubanika kutya abo bazilileyo,
Ukuze abathuthuzele kuba bebhujelwe;
Akukho namntu uza kubanika ndebe yantuthuzelo
Ukuze basele ngenxa yokuswelekelwa ngutata okanye ngumama.
8 Ungangeni endlini yesidlo
Uhlale phantsi, utye uze usele nabo.’
9 “Kuba uthi uYehova wemikhosi, uThixo kaSirayeli, ‘Apha kule ndawo, ngemihla yenu naphambi kwamehlo enu, ndiza kusiphelisa isandi sokugcoba nesemihlali, ilizwi lomyeni nelizwi lomtshakazi.’+
10 “Xa uxelela esi sizwana onke la mazwi, siza kuthi kuwe, ‘Kutheni uYehova esithi uza kusizisela yonke le ntlekele inkulu kangaka? Sisiphi isiphoso nesono esisenzileyo kuYehova uThixo wethu?’+ 11 Uze uthi kuso, ‘“Kungenxa yokuba ookhokho benu bandishiya,”+ utsho uYehova, “baqhubeka belandela abanye oothixo, babakhonza baza baqubuda kubo.+ Kodwa mna bandishiya, nomthetho wam abazange bawuthobele.+ 12 Nina nenze okubi ngakumbi kunookhokho benu,+ yaye endaweni yokundithobela, ngamnye wenu ulandela intliziyo yakhe embi neneenkani.+ 13 Ndiza kuniphosela ngaphandle kweli lizwe, niye kwilizwe eningalaziyo nina nookhokho benu,+ apho kuza kufuneka nikhonze abanye oothixo imini nobusuku,+ kuba andizukunenzela bubele.”’
14 “‘Kodwa ke kuza imihla,’ utsho uYehova, ‘ekungazukuba sathiwa: “Ephila nje uYehova, owakhupha amaSirayeli kwilizwe laseYiputa!”+ 15 kodwa kuthiwe: “Ephila nje uYehova, owakhupha amaSirayeli kwilizwe lasemntla nakuwo onke amazwe awayewasasazele kuwo!” ibe ndiza kuwabuyisela kwilizwe lawo, endalinika ookhokho bawo.’+
16 ‘Ndithumela ukuba kubizwe abalobi abaninzi,’ utsho uYehova,
‘Baze bawalobe.
Emva koko ndiza kuthumela ukuba kubizwe abazingeli abaninzi,
Bawazingele kuzo zonke iintaba nakuzo zonke iinduli
Nakwiimfanta zamawa.
17 Kuba ndiyazibona zonke izinto azenzayo.*
Ebengafihlekanga kum,
Nesono sawo besingafihlekanga kum.
18 Okokuqala, ndiza kuwabhatalisa ngokupheleleyo ngenxa yesiphoso sawo nesono sawo,+
Kuba aye alingcolisa ilizwe lam ngezithixo zawo ezingaphiliyo*
Aza agcwalisa ilifa lam ngezinto zawo ezenyanyekayo.’”+
19 Owu Yehova mandla am nekhusi lam,
Nendawo yam yokubalekela ngemini yobunzima,+
Iintlanga ziza kuza kuwe zivela kwezona ndawo zikude emhlabeni,
Ziza kuthi: “Ookhokho bethu bafumana izinto ezibubuxoki ngokupheleleyo,
Ezingeyonto nezingancedi nganto.”+
21 “Ndiza kubenza bazi,
Ngeli xesha ndiza kubenza bawazi amandla am nobukhulu bam,
Ibe kuza kufuneka bazi ukuba igama lam nguYehova.”
17 “Isono sikaYuda sibhalwe phantsi ngosiba lwentsimbi.
Sibhalwe elucwecweni lwentliziyo yabo ngentloko yedayimani,
Nasezimpondweni zezibingelelo zabo,
2 Ngoxa oonyana babo bezikhumbula izibingelelo zabo nezibonda zabo ezingcwele*+
Ecaleni komthi oluhlaza, phezu kweenduli eziphakamileyo,+
3 Ezintabeni endle.
Ubuncwane bakho, bonke ubutyebi bakho, ndiza kubunikela ukuba boxuthwe,+
Neendawo zakho eziphakamileyo, ngenxa yesono esikuyo yonke imimandla yakho.+
4 Uza kulilahla ngokuzithandela ilifa endakunika lona.+
Kwaye ndiza kukwenza usebenzele iintshaba zakho kwilizwe ongalaziyo,+
Uza kuvutha ngonaphakade.”
5 Uthi uYehova:
“Iqalekisiwe indoda* ethembela emntwini,+
Exhomekeke emandleni omntu,+
Nenentliziyo emfulathelayo uYehova.
6 Iza kuba njengomthi omi wodwa entlango.
Ayizukubona xa kufika okulungileyo,
Iza kuhlala ezindaweni ezomileyo entlango,
Kwilizwe letyiwa elingenakuhlala mntu.
8 Iza kuba njengomthi otyalwe ngasemanzini,
Othumela iingcambu zawo emfuleni.
Ayizukukuva ukuza kobushushu,
Kodwa amagqabi ayo aza kutyatyamba.+
Ngonyaka wembalela ayizukuba naxhala,
Ingazukuyeka nokuvelisa isiqhamo.
9 Intliziyo inamaqhinga* kunayo nantoni na, ibe iyatyhudisa.*+
Ngubani na onokuyazi?
10 Mna, Yehova, ndigocagoca intliziyo,+
Ndihlolisisa ezona ngcinga zinzulu,*
Ukuze ndinike ngamnye ngokweendlela zakhe,
Ngokwesiqhamo sezenzo zakhe.+
Buza kumshiya phakathi ebomini,
Ibe ekugqibeleni uza kubonakala engenangqondo.”
13 Yhini Yehova, themba likaSirayeli,
Baza kuhlaziswa bonke abo bakushiyayo.
Abo bawexukayo kuwe* baza kubhalwa phantsi eluthulini,+
Kuba bamlahlile uYehova, umthombo wamanzi aphilayo.+
14 Ndiphilise, owu Yehova, ibe ndiza kuphila.
Ndisindise, ibe ndiza kusinda,+
Kuba nguwe endimdumisayo.
15 Jonga! Kukho abathi kum:
“Liphi ilizwi likaYehova?+
Malincede lize!”
16 Kodwa mna khange ndibaleke kuba ndingafuni ukukulandela njengomalusi,
Ndingakhange ndifune imini yentlekele.
Uyazi kakuhle yonke into ethethwe yimilebe yam;
Konke kwenzeke phambi kwakho!
17 Sukundoyikisa.
Uyindawo yam yokubalekela ngemini yentlekele.
Maboyike kakhulu,
Kodwa mna mandingoyiki kakhulu.
19 Uthe kum uYehova: “Hamba, uyokuma egeyithini yoonyana babantu abangena nabaphuma ngayo ookumkani bakwaYuda, nakuzo zonke iigeyithi zaseYerusalem.+ 20 Umele uthi kubo, ‘Yivani ilizwi likaYehova, nina bookumkani bakwaYuda, nani nonke bantu bakwaYuda, abahlala eYerusalem, abangena ngezi geyithi. 21 Uthi uYehova: “Lumkani, nize ningathwali nawuphi na umthwalo ngomhla weSabatha okanye niwungenise ezigeyithini zaseYerusalem.+ 22 Nimele ningakhuphi mthwalo ezindlini zenu ngemini yeSabatha, ningaphathi nawuphi na umsebenzi.+ Nimele niwugcine ungcwele umhla weSabatha, njengokuba ndayalela ookhokho benu.+ 23 Kodwa abakhange bamamele okanye bavule ndlebe, yaye ngenkani khange bafune ukuthobela* okanye bamkele ingqeqesho.”’+
24 “‘“Kothi ke, ukuba nindithobele nyhani,” utsho uYehova, “nize ningangenisi mthwalo ngeegeyithi zesi sixeko ngomhla weSabatha, nawenza ngcwele umhla weSabatha ngokungenzi nawuphi na umsebenzi ngawo,+ 25 ookumkani neenkosana ezihlala etroneni kaDavide+ baza kungena ngeegeyithi zesi sixeko, bekhwele enqwelweni nasemahasheni, bona neenkosana zabo, amadoda akwaYuda nabemi baseYerusalem;+ yaye esi sixeko siza kuba nabantu ngonaphakade. 26 Abantu baza kuza bevela kwizixeko zakwaYuda, kwiindawo ezikufutshane neYerusalem, kwilizwe lakwaBhenjamin,+ kwimimandla esemathafeni,+ kwimimandla esezintabeni naseNegebhi,* bezise iminikelo etshiswa ngokupheleleyo,+ imibingelelo,+ iminikelo yokutya,+ intlaka yokuqhumisa nemibingelelo yokubulela endlini kaYehova.+
27 “‘“Kodwa ukuba niye anandithobela ngokungawungcwalisi umhla weSabatha nangokuthwala imithwalo niyingenise ngeegeyithi zeYerusalem ngomhla weSabatha, ndiza kuzitshisa ngomlilo iigeyithi zayo, kwaye ngokuqinisekileyo uza kuzitshisa ziphele iinqaba ezikhuselekileyo zaseYerusalem,+ ibe awuzukucinywa.”’”+
18 Nali ilizwi elavela kuYehova lisiya kuYeremiya: 2 “Phakama uye endlini yombumbi,+ ndiza kukuvisa apho amazwi am.”
3 Ngoko ndaya endlini yombumbi, ibe wayesebenza ngodongwe oluphezu kwamavili ombumbi. 4 Kodwa isitya awayesenza ngodongwe sonakala esandleni sakhe. Ngoko wenza esinye isitya ngendlela awayibona ilungile.
5 Emva koko ilizwi likaYehova lafika kum lisithi: 6 “‘Andikwazi na ukwenza kanye njengalo mbumbi kuni, ndlu kaSirayeli?’ utsho uYehova. ‘Jonga! Njengodongwe esandleni sombumbi, ninjalo esandleni sam, ndlu kaSirayeli.+ 7 Nanini na ndithetha ngokuncothula nokudiliza okanye ngokutshabalalisa uhlanga okanye ubukumkani,+ 8 luze olo hlanga luziyeke izinto ezimbi endiye ndathetha ngazo, nam ndiza kusitshintsha isigqibo sam* ngentlekele ebendizimisele ukuyizisa kulo.+ 9 Kodwa nanini na ndithetha ngokwakha nokutyala uhlanga okanye ubukumkani, 10 luze lona lwenze into embi emehlweni am yaye lungalithobeli ilizwi lam, ndiza kusitshintsha isigqibo ebendisenzile* sokulenzela into elungileyo.’
11 “Ngoku ke, khawuncede uthi kumadoda akwaYuda nakubemi baseYerusalem, ‘Uthi uYehova: “Niyabona, ndinilungiselela* intlekele kwaye ndiniphekela iqhinga. Khanincede nibuye kwiindlela zenu ezimbi, nitshintshe iindlela zenu nezenzo zenu.”’”+
12 Kodwa bathi: “Akukho themba!+ Kuba siza kwenza izinto esizicingayo, yaye ngamnye wethu uza kuyilandela ngenkani intliziyo yakhe embi.”+
13 Ngoko ke, uthi uYehova:
“Khanincede nizibuzele phakathi kweentlanga.
Ngubani owakhe wayiva into enje?
Intombi kaSirayeli engazange yalala nandoda yenze into embi gqitha.+
14 Ngaba liyanyamalala ikhephu laseLebhanon kumatye asemathambekeni?
Okanye ngaba aza koma amanzi abandayo asuka kude?
15 Kodwa abantu bam bandilibele.+
Kuba benza imibingelelo* kwinto engenaxabiso,+
Ibe bakhubekisa abantu ngeendlela zabo, iindlela zakudala,+
Ukuze bahambe kwiindlela ezingasemva nezinamagingxigingxi,*
16 Ukuze benze ilizwe labo libe yinto eyoyikisayo,+
Into yokubethelwa umlozi ngonaphakade.+
Wonke umntu odlula apho uza kuqwalasela othukile aze anikine intloko.+
17 Njengomoya wasempuma, ndiza kubachithachitha phambi kotshaba.
Andizukubabonisa ubuso, ndiza kubabonisa umqolo ngomhla wentlekele yabo.”+
18 Yaye bathi: “Yizani madoda, masimenzele iyelenqe uYeremiya,+ kuba umthetho* awuzukutshabalala kubabingeleli okanye icebiso kumadoda azizilumko okanye ilizwi kumprofeti. Yizani sithethe kakubi naye* size singayihoyi into ayithethayo.”
19 Yhini Yehova, ndimamele,
Yaye mamela nento ethethwa ngabo balwa nam.
20 Ngaba okulungileyo kufanele kubhatalwe ngobubi?
Kuba babombele umngxuma ubomi bam.+
Khumbula indlela endema ngayo phambi kwakho ukuze ndithethe okulungileyo ngabo,
Ukuze ndinqande ingqumbo yakho kubo.
Kwanga abafazi babo bangoxuthwa abantwana, babe ngabahlolokazi.+
Kwanga amadoda abo angabulawa ngesibetho esibulalayo,
Abafana babo baxatyelwe ngekrele edabini.+
22 Makuvakale isikhalo ezindlini zabo,
Xa ubazisela amasela ngequbuliso.
Kuba bembe umngxuma ukuze bandibambe
Ibe babekele iinyawo zam izabatha.+
Sukusogquma isiphoso sabo,
Kwaye ungasisusi isono sabo phambi kwakho.
19 Uthi uYehova: “Hamba, uyokuthenga ingqayi kumbumbi.+ Thatha abanye abadala ebantwini uze uthathe abanye kubabingeleli, 2 uphume uye eNtlanjeni Yonyana KaHinom,+ engaseGeyithini Yeengceba Zeengqayi. Apho uze uthethe amazwi endiwathetha kuwe. 3 Uza kuthi, ‘Liveni ilizwi likaYehova, nina bokumkani bakwaYuda nani bahlali baseYerusalem. Uthi uYehova wemikhosi, uThixo kaSirayeli:
“‘“Sele ndiza kuyizisela intlekele le ndawo, ibe ziza kuthi nzwi iindlebe zakhe nabani na ovayo ngayo, 4 kuba bandishiyile+ baza le ndawo bayenza ayabi saqondakala.+ Babingelela kwabanye oothixo kuyo, oothixo abangazange babazi bona nookhokho babo nookumkani bakwaYuda, ibe bagcwalise le ndawo ngegazi labamsulwa.+ 5 Baye bakha iindawo eziphakamileyo zikaBhahali ukuze batshise oonyana babo emlilweni njengomnikelo otshiswa ngokupheleleyo kuBhahali,+ nto leyo endingabayalelanga ukuba bayenze okanye ndiyithethe, nengazange ithi qatha entliziyweni* yam.”’+
6 “‘“Ngoko ke, jonga! kuza imihla,” utsho uYehova, “xa le ndawo ingasazukubizwa ngokuba yiTofete okanye iNtlambo Yonyana KaHinom, kodwa kuthiwe yiNtlambo Yokubulala.+ 7 Ndiza kulenza lingaphumeleli icebo lakwaYuda nelaseYerusalem kule ndawo, ibe ndiza kubenza bawe ngekrele phambi kweentshaba zabo nangesandla sabo bafuna ukubabulala. Izidumbu zabo ndiza kuzinika iintaka namarhamncwa zibe kukutya kwazo.+ 8 Ndiza kwenza esi sixeko sibe yinto eyoyikekayo nento yokubethelwa umlozi. Wonke umntu odlula ngakuso uza kusijonga othukile aze abethe umlozi ngenxa yazo zonke izibetho zaso.+ 9 Ndiza kubenza batye inyama yoonyana babo nenyama yeentombi zabo; ngamnye uza kutya inyama yomhlobo wakhe, ngenxa yokuhlaselwa nokuphelelwa ngamacebo xa berhangqwe ziintshaba zabo nangabo bafuna ukubabulala.”’+
10 “Emva koko yophula ingqayi phambi kwamehlo amadoda ahamba nawe, 11 uze uthi kuwo, ‘Uthi uYehova wemikhosi: “Ndiza kubophula ngale ndlela aba bantu nesi sixeko, njengomntu owophula isitya sombumbi side singaphindi silungiseke; yaye baza kungcwaba abantu abafileyo eTofete de kungabikho ndawo yakungcwaba.”’+
12 “‘Nantso ke into endiza kuyenza kule ndawo,’ utsho uYehova, ‘nakubemi bayo, ukuze esi sixeko ndisenze sibe njengeTofete. 13 Yaye izindlu zaseYerusalem nezindlu zookumkani bakwaYuda azizukucoceka kanye njengale ndawo, iTofete,+ zonke izindlu abebebingelela phezu kophahla lwazo kuwo wonke umkhosi wamazulu,+ nabebegalela kuzo umnikelo oselwayo wabanye oothixo.’”+
14 Xa uYeremiya wafika evela eTofete, leyo uYehova wayemthumele ukuba aprofete kuyo, wema eyadini yendlu kaYehova, wathi kubo bonke abantu: 15 “Uthi uYehova wemikhosi, uThixo kaSirayeli, ‘Ndiza kuzisela esi sixeko nazo zonke iidolophu zaso yonke intlekele endithethe ngayo kuso, kuba baye ngenkani abavuma* ukuthobela amazwi am.’”+
20 UPashure unyana kaImere, umbingeleli, owayeligosa eliyintloko endlini kaYehova, wayemamele xa uYeremiya wayeprofeta ezi zinto. 2 Emva koko uPashure wambetha uYeremiya umprofeti waza wamfaka ezitokisini+ ezazingakwiGeyithi Ephezulu YakwaBhenjamin, eyayisendlini kaYehova. 3 Kodwa xa uPashure wamkhuphayo uYeremiya ezitokisini ngemini elandelayo, uYeremiya wathi kuye:
“UYehova uthi igama lakho asingoPashure, kodwa unguLoyiko Macala Onke.+ 4 Kuba uthi uYehova, ‘Ndiza kukoyikisa, wena kunye nabahlobo bakho, yaye baza kuwa ngekrele leentshaba zabo ujongile,+ ibe ndiza kumnikela kukumkani waseBhabhiloni wonke uYuda, amse ekuthinjweni eBhabhiloni aze ambulale ngekrele.+ 5 Bonke ubutyebi besi sixeko, yonke imveliso yaso, zonke izinto zaso ezixabisekileyo, nabo bonke ubuncwane bookumkani bakwaYuda ndiza kubunikela kwiintshaba zabo.+ Baza kubuphanga, babuthimbe baze babuse eBhabhiloni.+ 6 Wena ke Pashure, nabo bonke abahlala kwakho, niza kuthinjwa. Uza kuya eBhabhiloni apho uza kufela khona nalapho uza kungcwatyelwa khona, wena nabo bonke abahlobo bakho, ngenxa yokuba ubaprofetele ubuxoki.’”+
7 Owu Yehova undiqhathile, ndaqhatheka.
Usebenzise amandla akho kum, wandoyisa.+
Kuhlekiswe ngam imini yonke;
Ndigezelwa ngumntu wonke.+
8 Kuba qho xa ndithetha, kufuneka ndikhwaze ndixelele abantu ndithi,
“Ubundlobongela nentshabalalo!”
Ilizwi likaYehova liye landenza ndathukwa ndaza ndagezelwa imini yonke.+
Kodwa entliziyweni yam laba ngathi ngumlilo ovuthayo ovalelwe emathanjeni am.
Ndadinwa kukuligcina ngaphakathi.
Ndandingasakwazi ukulinyamezela.+
“Mtyholeni; masimtyholeni!”
Wonke umntu ondinqwenelela uxolo ugade ukuwa kwam:+
“Mhlawumbi uza kwenza impazamo yobudenge,
Sitsho simoyise size siziphindezele kuye.”
11 Kodwa uYehova wayenam njengegorha eloyikekayo.+
Yiloo nto abo banditshutshisayo beza kukhubeka baze bangaphumeleli.+
Baza kuhlaziswa ngokungathethekiyo, kuba abazukuphumelela.
Ukuhlaziswa kwabo ngonaphakade akuzukulityalwa.+
12 Kodwa wena Yehova wemikhosi, uyaligocagoca ilungisa;
13 Culelani uYehova! Dumisani uYehova!
Kuba umsindisile olihlwempu kubenzi-bubi.
14 Mawuqalekiswe umhla endazalwa ngawo!
Mawungasikelelwa umhla awandizala ngawo umama!+
15 Mayiqalekiswe indoda eyeza neendaba ezimnandi kutata isithi:
“Uzalelwe unyana, inkwenkwana!”
Imvuyisa ngokungathethekiyo.
16 Loo ndoda mayibe njengezixeko uYehova awazibhukuqayo engazisoli.
Mayive isikhalo kusasa, nokuhlaba umkhosi emini emaqanda.
17 Kwakutheni ukuze angandibulali ndisesesibelekweni,
Ukuze umama abe lingcwaba lam,
Size sihlale sikhulelwe isibeleko sakhe?+
18 Ndaphumela ntoni esibelekweni
Ukuze ndibone iingxaki nentlungu,
Ukuze iintsuku zam ziphelele kwihlazo?+
21 Ilizwi elivela kuYehova lafika kuYeremiya, xa uKumkani uZedekiya+ wathumela kuye uPashure+ unyana kaMalekiya, noZefaniya+ unyana kaMahaseya umbingeleli, esithi: 2 “Nceda usibuzele kuYehova kuba uNebhukadenetsare* ukumkani waseBhabhiloni ulwa imfazwe nathi.+ Mhlawumbi uYehova uza kusenzela omnye wemimangaliso yakhe, ukuze emke kuthi.”+
3 UYeremiya wathi kubo: “Nize nithi kuZedekiya, 4 ‘Uthi uYehova uThixo kaSirayeli: “Ndizikhomba kuni* izixhobo zemfazwe ezisezandleni zenu, nenilwa ngazo nokumkani waseBhabhiloni+ namaKhaledi angaphandle kodonga anirhangqileyo. Ibe ndiza kuwahlanganisela phakathi kwesi sixeko. 5 Yaye mna ndiza kulwa nani+ ngesandla esoluliweyo nangengalo eyomeleleyo ndinomsindo nobushushu yaye ndicaphuke kakhulu.+ 6 Ndiza kubabetha abantu besi sixeko, umntu nesilwanyana. Baza kubulawa sisifo esingubhubhani.”’+
7 “‘“Emva koko,” utsho uYehova, “uZedekiya ukumkani wakwaYuda nezicaka zakhe nabantu besi sixeko, abo basinda kwisifo, kwikrele nakwindlala, ndiza kubanikela kuNebhukadenetsare* waseBhabhiloni, nakwiintshaba zabo, nakwabo bafuna ubomi babo.+ Uza kubaxabela ngekrele. Akazukubasizela, engazukubavela okanye abe nenceba kubo.”’+
8 “Ufanele uthi kwesi sizwana, ‘Uthi uYehova: “Ndibeka phambi kwenu indlela yobomi nendlela yokufa. 9 Abo bashiyekileyo kwesi sixeko baza kufa likrele, yindlala nasisifo esingubhubhani. Kodwa nabani na ophumayo aze azinikezele kumaKhaledi anirhangqileyo uza kuhlala ephila, kwaye uza kubusindisa ubomi bakhe.”’+
10 “‘“Kuba ndiza kusichasa esi sixeko ukuze kubekho intlekele kuso kungekhona okulungileyo,”+ utsho uYehova. “Siza kunikelwa esandleni sokumkani waseBhabhiloni,+ ibe uza kusitshisa ngomlilo.”+
11 “‘Ngokubhekisele kwindlu kakumkani wakwaYuda: Yivani ilizwi likaYehova. 12 Owu ndlu kaDavide, uthi uYehova:
“Ntsasa nganye gwebani ngobulungisa,
Msindiseni oqhathwa ngumntu onamaqhinga,+
Ukuze umsindo wam ungavuthi njengomlilo+
Uze utshise, kungabikho mntu wokuwucima
Ngenxa yezenzo zenu ezibi.”’+
‘Wena uthi: “Ngubani oza kuhla asihlasele?
Ingubani oza kungena kwiindawo zethu zokuhlala?”
‘Kwaye ndiza kulitshisa ngomlilo ihlathi lenu,
Uza kuqwenga zonke izinto ezinijikelezileyo.’”+
22 Uthi uYehova: “Yihla uye endlini kakumkani wakwaYuda, umxelele lo myalezo. 2 Uze uthi, ‘Live ilizwi likaYehova, kumkani wakwaYuda ohlala etroneni kaDavide, wena nezicaka zakho nabantu bakho, abo bangena ngezi geyithi. 3 Uthi uYehova: “Yenzani okusesikweni* nobulungisa. Msindiseni oqhathwa ngumntu onamaqhinga. Ningamphathi kakubi umntu wasemzini, ningamenzakalisi umntwana ongenatata* okanye umhlolokazi.+ Ningachithi igazi elimsulwa kule ndawo.+ 4 Kuba ukuba niye naqinisekisa ukuba niyawuthobela lo myalelo, ookumkani abahlala etroneni kaDavide+ baza kutsho bangene ngeegeyithi zale ndlu, bekhwele iinqwelo namahashe, bona nezicaka zabo nabantu babo.”’+
5 “‘Kodwa ukuba aniwathobeli la mazwi, ndifunga ngam ngenkqu,’ utsho uYehova, ‘ukuba le ndlu iza kutshabalala.’+
Kodwa ndiza kukwenza ube yintlango;
Akukho nasinye kwizixeko zakho esiza kuba nabemi.+
Baza kugawula eyona mithi yomsedare yakho mihle
Baze bayiwisele emlilweni.+
8 “‘Neentlanga ezininzi ziza kudlula ngakwesi sixeko zize zibuzane: “Kwakutheni ukuze uYehova enze le nto kwesi sixeko sikhulu kangaka?”+ 9 Yaye ziza kuthi: “Kungenxa yokuba sasishiya isivumelwano sikaYehova uThixo waso saza saqubuda kwabanye oothixo, sabakhonza.”’+
10 Sanukumlilela ofileyo,
Ningavelani naye.
Kunoko, mkhaleleni kakhulu omkayo,
Kuba akaphindi abuyele kwilizwe awazalelwa kulo ukuze alibone.
11 “Kuba uthi uYehova ngoShalum*+ unyana kaYosiya, ukumkani wakwaYuda olawula esikhundleni sikaYosiya+ utata wakhe nophume kule ndawo: ‘Soze aphinde abuyele apho. 12 Kuba uza kufela kwindawo abamthimbele kuyo, yaye akaphindi alibone eli lizwe.’+
13 Uza kuthi shu umntu ongayakhi ngobulungisa indlu yakhe,
Ongawakhi ngokusesikweni* amagumbi akhe aphezulu,
Owenza enye indoda imsebenzele ingafumani nto,
Ongavumiyo ukuyinika umvuzo wayo;+
14 Othi, ‘Ndiza kuzakhela indlu enkulu
Enamagumbi aphezulu amakhulu.
Ndiza kuyifakela iifestile,
Ndiyifulele ngemithi yomsedare ndize ndiyipeyinte bomvu.’
15 Uza kuqhubeka ulawula na kuba uwusebenzisa bhetele kunabanye umthi womsedare?
16 Wasigweba isimangalo sosizana nehlwempu,
Yaye yonke into yahamba kakuhle.
‘Akuthethi loo nto na ukundazi?’ utsho uYehova.
17 ‘Kodwa wena amehlo akho nentliziyo yakho ajonge kwinzuzo yamaqhinga,
Ekuchitheni igazi elimsulwa,
Ekuqhatheni nasekoxutheni izinto zabantu.’
18 “Ngoko uthi uYehova ngoYehoyakim+ unyana kaYosiya, ukumkani wakwaYuda,
‘Abazukumenzela sijwili ngokuthi:
“Owu, mntakwethu! Owu, dadewethu!”
Abazukumzilela ngokuthi:
“Owu, nkosi! Owu, kumkani!”
19 Uza kungcwatywa ngathi kungcwatywa idonki,+
Arhuqwe aze alahlwe
Ngaphandle kweegeyithi zaseYerusalem.’+
20 Nyuka uye eLebhanon uze ukhwaze,
Khwaza useBhashan.
Uze ukhwaze useAbharim,+
Kuba zonke izithandwa zakho zitshatyalalisiwe.+
21 Ndathetha nawe xa wawuziva ukhuselekile.
Kodwa wathi, ‘Andizukuthobela.’+
Ubusenza loo nto kwasebutsheni bakho,
Kuba awulithobelanga ilizwi lam.+
Uza kutsho uhlazeke uze uzive uthotyiwe ngenxa yentlekele yakho yonke.
23 Owu wena uhlala eLebhanon,+
Ohleli phakathi kwemithi yomsedare,+
Uza kuncwina nyhani xa ufikelwa yinimba,
24 “UYehova uthi, ‘Ndiphila nje, kwanokuba uKoniya*+ unyana kaYehoyakim,+ ukumkani wakwaYuda, ebeyiringi yokubeka isitampu esandleni sam sasekunene, bendiza kukutsala ndikukhuphe apho! 25 Ndiza kukunikela kwabo bafuna ubomi bakho, kwabo uboyikayo, kuNebhukadenetsare* ukumkani waseBhabhiloni nakumaKhaledi.+ 26 Ndiza kuphosa wena nomama wakho owakuzalayo kwilizwe eningazange nizalelwe kulo, nifele apho. 27 Ibe abazukuphinda babuyele kwilizwe abalifunayo.+
28 Ngaba le ndoda inguKoniya yimbiza nje edelekileyo neyophukileyo,
Isitya esingafunwa mntu?
Kutheni yena nenzala yakhe bephoswa phantsi
Baze balahlelwe kwilizwe abangalaziyo?’+
29 Owu mhlaba,* mhlaba, mhlaba, live ilizwi likaYehova.
30 Uthi uYehova:
‘Bhalani phantsi ukuba le ndoda ayinabantwana,
Ayizukuphumelela ubomi bayo bonke,
Kuba akukho namnye kwinzala yayo oza kuphumelela
Ekuhlaleni kwitrone kaDavide nasekulawuleni kwaYuda.’”+
23 “Baza kuthi shu abalusi abachithachitha nabatshabalalisa iigusha zedlelo lam!” utsho uYehova.+
2 Ngoko ke uthi uYehova uThixo kaSirayeli kubalusi abalusa abantu bam: “Nizichithachithile iigusha zam; niye nazisasaza, anazikhathalela.”+
“Ngoko ke iza kuba ndim nani ngenxa yezenzo zenu ezibi,” utsho uYehova.
3 “Emva koko, ndiza kuqokelela ndawonye iigusha ezishiyekileyo ezikuwo onke amazwe endizisasazele kuwo,+ ndize ndizibuyisele edlelweni lazo,+ ibe ziza kuqhama zande.+ 4 Ndiza kuzibekela abalusi abaza kuzalusa nyhani.+ Kuza kuphela ukoyika, ibe akukho nanye eza kulahleka,” utsho uYehova.
5 “Jonga! Kuza imihla,” utsho uYehova, “endiza kuvelisela ngayo uDavide ihlumelo lobulungisa.*+ Ibe lo kumkani uza kulawula+ aze enze ngobulumko, amele okusesikweni* nobulungisa elizweni.+ 6 Ngemihla yakhe, uYuda uza kusindiswa,+ noSirayeli uza kukhuseleka.+ Yaye uza kubizwa ngegama elithi: UYehova UbuBulungisa Bethu.”+
7 “Kodwa kuza imihla,” utsho uYehova, “abangazukuphinda bathi ngayo, ‘Ephila nje uYehova, owakhupha amaSirayeli kwilizwe laseYiputa!’+ 8 kodwa baza kuthi, ‘Ephila nje uYehova, owakhupha waza wabuyisa inzala yendlu kaSirayeli kwilizwe lasemntla nakuwo onke amazwe endandiyisasazele kuwo,’ ibe iza kuhlala kwilizwe layo.”+
9 Ndithi kubaprofeti:
Intliziyo yam yaphukile ngaphakathi kum.
Onke amathambo am ayangcangcazela.
Ndinjengendoda enxilileyo
Nanjengendoda eyoyiswa yiwayini,
Ngenxa kaYehova nangenxa yamazwi akhe angcwele.
10 Kuba ilizwe ligcwele ngabakrexezi;*+
Ilizwe liye lazila ngenxa yesiqalekiso,+
Namadlelo asentlango omile.+
Benza izinto ezimbi, ibe balisebenzisa kakubi igunya labo.
11 “Umprofeti nombingeleli bangcole* bobabini.+
Benza izinto ezimbi nasendlini yam,”+ utsho uYehova.
Kuba ndiza kubazisela intlekele,
Ngonyaka wokohlwaya,” utsho uYehova.
13 “Ndibone into eyenyanyekayo nakubaprofeti baseSamariya.+
Baprofeta beqhutywa nguBhahali,
Ibe balahlekisa abantu bam amaSirayeli.
14 Nakubaprofeti baseYerusalem ndibone izinto ezimanyumnyezi,
15 Ngoko ke uthi uYehova wemikhosi ngabaprofeti:
“Ndibatyisa umhlonyane,
Ndibaseza namanzi anetyhefu.+
Kuba abaprofeti baseYerusalem basasaze uwexuko elizweni lonke.”
16 Uthi uYehova wemikhosi:
“Sanukuwamamela amazwi abaprofeti abaniprofetelayo.+
Bayaniqhatha.*
Ibe kuye wonke umntu olandela intliziyo yakhe ngenkani bathi,
‘Akukho kwantlekele iza kunifikela.’+
18 Kuba ngubani oye wema neqela labantu abasondeleyo kuYehova
Ukuze abone aze eve ilizwi lakhe?
Ngubani oye walimamelisisa ilizwi lakhe ukuze alive?
19 Jonga! Isaqhwithi sikaYehova siza kuvuthuza ngomsindo;
Njengesivuthuvuthu siza kuvuthuza kwintloko yabenzi-bubi.+
20 Awuzukujika umsindo kaYehova
De ayenze ayigqibe yonke into intliziyo yakhe ezimisele ukuyenza.
Ekupheleni kwemihla, uza kuyiqonda kakuhle yonke le nto.
21 Andizange ndibathume abaprofeti, kodwa babaleka.
Andizange ndithethe nabo, kodwa baprofeta.+
22 Ukuba babemi neqela labantu abasondeleyo kum,
Babeza kwenza abantu bam bamamele amazwi am,
Bajike endleleni yabo embi nakwizenzo zabo ezibi.”+
23 “Ngaba ndinguThixo okufutshane kuphela,” utsho uYehova, “andinguye noThixo okude na?”
24 “Ukhona na umntu onokuzimela kwindawo efihlakeleyo ndingamboni?”+ utsho uYehova.
“Ngaba ikho into endingenakuyibona emazulwini nasemhlabeni?”+ utsho uYehova.
25 “Ndibavile abaprofeti abaprofeta ubuxoki egameni lam, besithi, ‘Ndiphuphile! Ndiphuphile!’+ 26 Kuza kude kube nini le nto iqhubeka entliziyweni yabaprofeti abaprofeta ubuxoki? Bangabaprofeti benkohliso yentliziyo yabo.+ 27 Bafuna ukwenza abantu bam balilibale igama lam ngamaphupha abaxelelana ngawo, njengokuba ootata babo balilibalayo igama lam ngenxa kaBhahali.+ 28 Umprofeti onephupha makalibalise, kodwa onelizwi lam makalithethe linjalo.”
“Ngaba ikho into olufana ngayo udiza nokhozo?” utsho uYehova.
29 “Ngaba ilizwi lam alikho njengomlilo+ nanjengehamile eqhekeza iliwa?”+ utsho uYehova.
30 “Ndiza kubohlwaya abaprofeti ababelana ngamazwi am,” utsho uYehova.+
31 “Ndiza kubohlwaya abaprofeti,” utsho uYehova, “abathi ngolwimi lwabo, ‘Utsho!’”+
32 “Ndiza kubohlwaya abaprofeti bamaphupha obuxoki,” utsho uYehova, “abawabalisayo baze bakhuphe abantu bam endleleni ngobuxoki nangokuqhayisa kwabo.”+
“Kodwa mna andibathumanga, ndingabayalelanga. Ngoko abazukusinceda kwaphela esi sizwana,”+ utsho uYehova.
33 “Yaye xa esi sizwana okanye umprofeti okanye umbingeleli ekubuza esithi, ‘Uyintoni na umthwalo* kaYehova?’ uze uthi kubo, ‘“Nini kanye umthwalo! Kwaye ndiza kunothula,”+ utsho uYehova.’ 34 Ke yena umprofeti okanye umbingeleli okanye abantu abathi, ‘Lo ngumthwalo* kaYehova!’ ndiza kumohlwaya loo mntu kunye nendlu yakhe. 35 Ngamnye wenu umana esithi kumhlobo wakhe nakumntakwabo, ‘Uphendule wathini uYehova? Ibe uye wathini uYehova?’ 36 Kodwa animele niphinde nithethe ngomthwalo* kaYehova, kuba umthwalo* lilizwi lakhe ngamnye wenu, yaye niwatshintshile amazwi kaThixo ophilayo, uYehova wemikhosi, uThixo wethu.
37 “Uza kuthi kumprofeti, ‘Ukuphendule wathini uYehova? Uye wathini uYehova? 38 Kodwa ukuba niqhubeka nisithi, “Ngumthwalo* kaYehova!” uthi uYehova: “Ngenxa yokuba niye nathi, ‘Eli lizwi lingumthwalo* kaYehova,’ ndakugqiba ukuthi kuni, ‘Sanukuthi: “Ngumthwalo* kaYehova!”’ 39 jongani! Ndiza kuniphakamisa ndize ndinilahlele kude nam, nina nesixeko endasinika nina nookhokho benu. 40 Kwaye ndiza kunitsho ngehlazo likanaphakade nokuthotywa okungunaphakade, okungenakuze kulityalwe.”’”+
24 Emva koko uYehova wandibonisa iibhaskithi ezimbini zamafiya* zibekwe phambi kwetempile kaYehova, emva kokuba uKumkani uNebhukadenetsare,* ukumkani waseBhabhiloni, ethimbe uYekoniya*+ unyana kaYehoyakim,+ ukumkani wakwaYuda, iinkosana zakwaYuda, abakhandi abangamachule nabo basebenza ngesinyithi;* wabathatha eYerusalem wabasa eBhabhiloni.+ 2 Enye ibhaskithi yayinamafiya* amahle kakhulu, njengamafiya* okuqala, kodwa enye inamafiya amabi kakhulu, kangangokuba ayengatyeki.
3 Emva koko uYehova wandibuza: “Ubona ntoni Yeremiya?” Ndathi: “Amafiya;* la mahle, mahle kakhulu, kodwa la mabi, mabi kakhulu kangangokuba awatyeki.”+
4 Emva koko lafika kum ilizwi likaYehova lisithi: 5 “Uthi uYehova uThixo kaSirayeli, ‘Njengala mafiya* mahle, ndiza kubajonga njengabalungileyo abathinjwa bakwaYuda, abo ndibasuse kule ndawo ndabasa kwilizwe lamaKhaledi. 6 Ndiza kubeka ilihlo lam kubo ukuze balungelwe, yaye ndiza kubenza babuyele kweli lizwe.+ Ndiza kubakha, ndingabachithi; ndiza kubatyala, ndingabancothuli.+ 7 Ndiza kubanika nentliziyo yokundazi ukuba ndinguYehova.+ Baza kuba ngabantu bam, nam ndibe nguThixo wabo,+ kuba baza kubuyela kum ngentliziyo yabo yonke.+
8 “‘Kodwa uthi uYehova ngamafiya* amabi kangangokuba engatyeki:+ “Ndiza kumjonga njengawo uKumkani uZedekiya+ wakwaYuda, iinkosana zakhe, nabo baseYerusalem bashiyeke kweli lizwe, nabo bahlala kwilizwe laseYiputa.+ 9 Ndiza kubenza into eyoyikekayo nentlekele kuzo zonke izizwe zomhlaba,+ babe yinto yokuhlekisa nento ekuzekeliswa ngayo, babe yinto yokugezelwa nento eqalekisiweyo+ kuzo zonke iindawo endibasasazela kuzo.+ 10 Ndiza kuthumela kubo ikrele,+ indlala nesifo esingubhubhani,+ de baphele emhlabeni endawunika bona nookhokho babo.”’”
25 Eli lilizwi elafika kuYeremiya ngezinto eziza kwenzeka kubo bonke abantu bakwaYuda, ngonyaka wesine kaYehoyakim+ unyana kaYosiya ukumkani wakwaYuda, owawungunyaka wokuqala kaKumkani uNebhukadenetsare* waseBhabhiloni; 2 Wathi uYeremiya umprofeti ngabo* bonke abantu bakwaYuda nangabo bonke abemi baseYerusalem:
3 “Ukususela kunyaka we-13 kaYosiya+ unyana ka-Amon, ukumkani wakwaYuda, de kube namhlanje, le minyaka iyi-23, ilizwi likaYehova belifika kum, ibe bendihlala ndilithetha kuni,* kodwa ningamameli.+ 4 UYehova wathumela kuni bonke abakhonzi bakhe abangabaprofeti, emane ebathumela,* kodwa anizange nimamele okanye nivule iindlebe zenu ukuze nive.+ 5 Babesithi, ‘Ncedani nijike, ngamnye wenu endleleni yakhe embi nakwizenzo zenu ezibi;+ niza kutsho niqhubeke nihlala kwilizwe uYehova awalinika nina nookhokho benu ukususela kudala. 6 Ningalandeli abanye oothixo yaye ningabakhonzi nize niqubude kubo, nindicaphukise ngomsebenzi wezandla zenu. Ukuba nenza ezo zinto, ndiza kunizisela intlekele.’
7 “‘Kodwa naningandimameli,’ utsho uYehova. ‘Kunoko, nasuka nandicaphukisa ngomsebenzi wezandla zenu, nto leyo eyanizisela intlekele.’+
8 “Ngoko uthi uYehova wemikhosi, ‘“Kuba ningawathobelanga amazwi am, 9 ndiza kuthumela zonke iintsapho zasemntla,”+ utsho uYehova, “ndithumele noNebhukadenetsare* ukumkani waseBhabhiloni, umkhonzi wam,+ kweli lizwe+ nakubemi balo nakuzo zonke ezi ntlanga zilijikelezileyo.+ Ndiza kubatshabalalisa ndize ndibenze into yokoyikwa nento yokubethelwa umlozi nendawo etshabalele ngonaphakade. 10 Ndiza kusiphelisa isandi sokuvuya nesandi sokuba nemihlali kubo,+ ilizwi lomyeni nelizwi lomtshakazi,+ isandi selitye lokuguba nokukhanya kwesibane. 11 Yaye lonke eli lizwe liza kutshabalala, libe yinto eyoyikekayo, yaye ezi ntlanga kuza kufuneka zisebenzele ukumkani waseBhabhiloni iminyaka eyi-70.”’+
12 “‘Kodwa emva kokuba kuphele iminyaka eyi-70,+ ndiza kumphendulisa ukumkani waseBhabhiloni nolo hlanga, ngenxa yesono sabo,’+ utsho uYehova, ‘nelizwe lamaKhaledi ndilenze lingabi nabantu ngonaphakade.+ 13 Ndiza kuzisa kwelo lizwe onke amazwi endiwathethileyo ngalo, yonke into eprofetwe nguYeremiya nebhalwe kule ncwadi ngazo zonke iintlanga. 14 Kuba iintlanga ezininzi nookumkani abakhulu+ baza kubenza amakhoboka,+ kwaye ndiza kubabuyekeza ngokwezenzo nangokomsebenzi wezandla zabo.’”+
15 Kuba uthe uYehova uThixo kaSirayeli kum: “Thatha le ndebe yewayini yomsindo esandleni sam, useze zonke iintlanga endikuthumela kuzo. 16 Yaye ziza kusela, zigxadazele zize zibe njengabantu abaphambeneyo ngenxa yekrele endilithumela kuzo.”+
17 Ngoko ndayithatha indebe esandleni sikaYehova, ndaziseza zonke iintlanga uYehova awayendithumele kuzo:+ 18 ndaqala ngeYerusalem nezixeko zakwaYuda,+ ookumkani bayo neenkosana zayo, ndazenza indawo etshabaleleyo, into eyoyikekayo, into yokubethelwa umlozi nesiqalekiso,+ njengokuba injalo namhlanje; 19 ndeza ngoFaro ukumkani waseYiputa nezicaka zakhe, iinkosana zakhe nabo bonke abantu bakhe;+ 20 nalo lonke iqela labo elingumxube; bonke ookumkani belizwe lakwaUtse; bonke ookumkani belizwe lamaFilisti,+ iAshkelon,+ iGaza, iEkron nabo bashiyekileyo eAshdode; 21 iEdom,+ iMowabhi+ nama-Amoni;+ 22 bonke ookumkani baseTire, bonke ookumkani baseSidon,+ nabo bonke ookumkani besiqithi esiselwandle; 23 uDedan,+ uTema, uBhuze nabo bonke abo bachebe amatuma;*+ 24 bonke ookumkani bama-Arabhu+ nabo bonke ookumkani beqela elingumxube elihlala entlango; 25 bonke ookumkani baseZimri, bonke ookumkani base-Elam+ nabo bonke ookumkani bamaMedi;+ 26 nabo bonke ookumkani basemntla abakufuphi nabakude, omnye emva komnye, nazo zonke ezinye izizwe zomhlaba eziphezu komhlaba; nokumkani waseSheshaki*+ uza kusela emva kwabo.
27 “Umele uthi kubo, ‘Uthi uYehova wemikhosi, uThixo kaSirayeli: “Selani, ninxile, nigabhe nize niwe, ningakwazi nokuvuka+ ngenxa yekrele endilithumela kuni.”’ 28 Ukuba abavumi ukuthatha indebe esandleni sakho ukuze basele, uze uthi kubo, ‘Uthi uYehova wemikhosi: “Yiseleni! 29 Kuba jonga! ukuba ndiqala kwisixeko esibizwa ngegama lam ukuzisa intlekele,+ ngaba nina animele nohlwaywe?”’+
“‘Soze ningohlwaywa, kuba ndibabizela ikrele bonke abemi bomhlaba,’ utsho uYehova wemikhosi.
30 “Wena umele uprofete onke la mazwi kubo, uthi,
‘UYehova uza kugquma ephezulu,
Kwaye uza kukhupha ilizwi lakhe ekwindawo yakhe engcwele yokuhlala.
Uza kugquma ekwindawo yakhe yokuhlala.
Ekhwaza njengabantu abaxovula isixovulelo sewayini,
Uza kucula njengomntu oboyise bonke abantu abasemhlabeni.’
31 ‘Ingxolo iza kufikelela kwezona ndawo zikude emhlabeni,
Kuba uYehova uxabene neentlanga.
Uza kuwisa isigwebo ngokwakhe kubo bonke abantu.+
Uza kubanikela kwikrele abenzi-bubi,’ utsho uYehova.
32 Uthi uYehova wemikhosi:
‘Jonga! Kusasazeka intlekele eluhlangeni ukusa eluhlangeni,+
Nesivuthuvuthu esikhulu siza kuvuswa kwezona ndawo zikude zomhlaba.+
33 “‘Yaye abo babulewe nguYehova ngaloo mini baza kususela kwesinye isiphelo somhlaba bayokutsho kwesinye isiphelo somhlaba. Abazukwenzelwa sijwili, bengazukuhlanganiswa okanye bangcwatywe. Baza kuba njengomgquba phezu komhlaba.’
34 Yenzani isijwili, balusi, nikhale kakhulu!
Zibhuqabhuqeni, zikhulu zomhlambi,
Kuba lifikile ixesha lokuxhelwa nokuchithachitheka kwenu,
Yaye niza kuwa njengesitya esixabisekileyo!
35 Abalusi abanandawo yakubalekela,
Izikhulu zomhlambi azikwazi kuqhwesha.
36 Mamelani! Isikhalo sabalusi
Nesijwili sezikhulu zomhlambi,
Kuba uYehova uyalitshabalalisa idlelo lazo.
37 Neendawo zazo zokuhlala ezinoxolo azinamntu
Ngenxa yomsindo omkhulu kaYehova.
38 Uyishiyile indawo yakhe kanye njengethole lengonyama,*+
Kuba ilizwe labo liye lanjengento yokoyikisa
Ngenxa yekrele elikhohlakeleyo
Nangenxa yomsindo wakhe omkhulu.”
26 Ekuqaleni kolawulo lukaYehoyakim+ unyana kaYosiya, ukumkani wakwaYuda, kwafika eli lizwi livela kuYehova: 2 “Uthi uYehova, ‘Yima eyadini yendlu kaYehova, uthethe ngazo* zonke izizwana nezixeko zakwaYuda ezize kukhonza* endlini kaYehova. Zixelele yonke into endikuyalela yona; ungashiyi nalinye igama. 3 Mhlawumbi ziya kumamela aze ngamnye ajike endleleni yakhe embi, ndize ndingabi sayizisa intlekele* ebendizimisele ukuyizisa kuzo ngenxa yezenzo zazo ezimbi.+ 4 Yithi kuzo: “Uthi uYehova, ‘Ukuba anindimameli nize ningahambi emthethweni* wam endininike wona, 5 ngokumamela amazwi abakhonzi bam abaprofeti, endiye ndamane ndibathumela* kuni, ningabamameli,+ 6 le ndlu ndiza kuyenza ibe njengeShilo,+ nesi sixeko ndiza kusenza sibe yinto ezithukana ngayo zonke iintlanga zomhlaba.’”’”+
7 Yaye ababingeleli nabaprofeti nabo bonke abantu bamva uYeremiya ethetha la mazwi endlini kaYehova.+ 8 Akugqiba uYeremiya ukuzithetha zonke izinto uYehova awayemyalele ukuba azithethe kubo bonke abantu, ababingeleli nabaprofeti nabo bonke abantu bambamba, bathi: “Ngokuqinisekileyo uza kufa. 9 Kutheni uye waprofeta egameni likaYehova usithi, ‘Le ndlu iza kuba njengeShilo, nesi sixeko siza kutshatyalaliswa kungabikho mntu uhlalayo kuso’?” Baza bonke abantu bamrhangqa uYeremiya endlini kaYehova.
10 Xa iinkosana zakwaYuda zawevayo la mazwi, zenyuka zivela endlini kakumkani zaya endlini kaYehova zaza zahlala phantsi egeyithini entsha kaYehova.+ 11 Ababingeleli nabaprofeti bathi kwiinkosana nakubo bonke abantu: “Le ndoda ifanelwe sisigwebo sokufa,+ ngenxa yokuba iprofete izinto ezimbi ngesi sixeko njengokuba nani nizivele ngeendlebe zenu.”+
12 UYeremiya wathi kuzo zonke iinkosana nakubo bonke abantu: “NguYehova ondithume ukuba ndiwaprofete onke la mazwi niwavileyo ngale ndlu nangesi sixeko.+ 13 Ngoko lungisani iindlela zenu nezenzo zenu, nithobele ilizwi likaYehova uThixo wenu, ibe uYehova akazukuba sayizisa kuni intlekele ebethethe ngayo.*+ 14 Mna ke, ndisesandleni senu. Ndenzeni nantoni na eniyibona ifanelekile. 15 Kodwa ke ze niqiniseke ukuba, ukuba niyandibulala, niza kuzisa igazi elimsulwa kuni nakwesi sixeko nakubantu abahlala kuso, kuba enyanisweni nguYehova ondithume ukuba ndithethe kuni nisiva.”
16 Emva koko iinkosana nabo bonke abantu bathi kubabingeleli nakubaprofeti: “Le ndoda ayifanelwanga sisigwebo sokufa, kuba ithethe nathi egameni likaYehova uThixo wethu.”
17 Ngapha koko, amanye kumadoda amakhulu elizwe aphakama aza athi kulo lonke ibandla: 18 “UMika+ waseMoresheti wayeprofeta ngemihla kaHezekiya+ ukumkani wakwaYuda, ibe wathi kubo bonke abantu bakwaYuda, ‘Uthi uYehova wemikhosi:
“IZiyon iza kulinywa njengentsimi,
IYerusalem iza kuba ngamabhodlo,+
Nentaba yeNdlu* iza kuba njengeendawo eziphakamileyo ehlathini.”’+
19 “Ngaba uKumkani uHezekiya wakwaYuda naye wonke uYuda bambulala? Akazange na uHezekiya amoyike uYehova aze amcenge uYehova,* waza uYehova akayizisa intlekele* awayethe uza kuyizisa?+ Ngoko siza kuzibizela intlekele enkulu.
20 “Kwakukho nenye indoda eyayiprofeta egameni likaYehova, u-Uriya unyana kaShemaya waseKiriyati-yarim,+ eyaprofeta amazwi afana nakaYeremiya ngesi sixeko nangeli lizwe. 21 UKumkani uYehoyakim+ nawo onke amadoda akhe anamandla nazo zonke iinkosana baweva amazwi akhe, waza ukumkani wafuna ukumbulala.+ Xa u-Uriya wayivayo le nto, ngoko nangoko woyika waza wabalekela eYiputa. 22 UKumkani uYehoyakim wathumela uElnatan+ unyana ka-Akebhore namanye amadoda eYiputa. 23 Bamlanda ke u-Uriya eYiputa, bamsa kuKumkani uYehoyakim, waza yena wamxabela ngekrele,+ isidumbu sakhe wasiphosa emangcwabeni abantu abaqhelekileyo.”
24 Kodwa uAhikam+ unyana kaShafan+ wamxhasa uYeremiya, waza akanikelwa ebantwini ukuze bambulale.+
27 Ekuqaleni kolawulo lukaYehoyakim unyana kaYosiya, ukumkani wakwaYuda, kwafika eli lizwi kuYeremiya livela kuYehova: 2 “Uthi uYehova, ‘Zenzele iintambo needyokhwe, uze uzibeke entanyeni yakho. 3 Emva koko zithumele kukumkani wakwaEdom,+ kukumkani wakwaMowabhi,+ kukumkani wama-Amoni,+ kukumkani waseTire+ nakukumkani wakwaSidon,+ ngabathunywa abeze eYerusalem kuKumkani uZedekiya wakwaYuda. 4 Banike lo myalelo, bawuse kwiinkosi zabo:
“‘“Uthi uYehova wemikhosi, uThixo kaSirayeli; ze nithi kwiinkosi zenu, 5 ‘Ndim owenza umhlaba, abantu nezilwanyana eziphezu komhlaba, ngamandla am amakhulu nangengalo yam eyoluliweyo; kwaye ndiwunike nabani na endifune ukumnika.*+ 6 Kodwa ngoku onke la mazwe ndiwanikele kwisicaka sam uKumkani uNebhukadenetsare+ waseBhabhiloni; nkqu namarhamncwa asendle ndiwanikele kuye ukuba amsebenzele. 7 Zonke iintlanga ziza kusebenzela yena nonyana wakhe nomzukulwana wakhe de kufike ixesha lokuwa kwelizwe lakhe,+ xa iintlanga ezininzi nookumkani abakhulu beza kumenza ikhoboka.’+
8 “‘“‘Ukuba kukho nasiphi na isizwe okanye uhlanga olungafuniyo ukusebenzela uKumkani uNebhukadenetsare waseBhabhiloni; nolungafuniyo ukubeka intamo yalo phantsi kwedyokhwe kakumkani waseBhabhiloni, ndiza kulohlwaya ngekrele,+ ngendlala nangesifo esingubhubhani, de ndizigqibe ngesandla sakhe,’ utsho uYehova.
9 “‘“‘Ngoko ke nina, sanukubamamela abaprofeti benu, abavumisi benu, abaphuphi benu, abantu benu abenza imilingo nabathakathayo, abathi kuni: “Anizukumsebenzela ukumkani waseBhabhiloni.” 10 Kuba baprofeta ubuxoki kuni, ukuze nifuduselwe kude emhlabeni wenu, ibe ndiza kunisasaza yaye niza kutshabalala.
11 “‘“‘Kodwa uhlanga oluzisa intamo yalo phantsi kwedyokhwe kakumkani waseBhabhiloni luze lumsebenzele, ndiza kuluyeka luhlale* emhlabeni walo,’ utsho uYehova, ‘luwulime luze luhlale kuwo.’”’”
12 Ndawathetha la mazwi nakuZedekiya+ ukumkani wakwaYuda, ndisithi: “Zisani iintamo zenu phantsi kwedyokhwe kakumkani waseBhabhiloni nize nimsebenzele yena nabantu bakhe, yaye niza kuhlala niphila.+ 13 Kutheni ufanele ufe wena nabantu bakho ngekrele,+ ngendlala+ nangobhubhani,+ ngendlela uYehova athethe ngayo ngohlanga olungazukumsebenzela ukumkani waseBhabhiloni? 14 Sanukuwamamela amazwi abaprofeti abathi kuni, ‘Anizukumsebenzela ukumkani waseBhabhiloni,’+ kuba baprofeta ubuxoki kuni.+
15 “‘Kuba khange ndibathume,’ utsho uYehova, ‘kodwa baprofeta ubuxoki egameni lam, ngoko ke ndiza kunisasaza yaye niza kutshabalala, nina nabaprofeti abaprofeta kuni.’”+
16 Ndathetha nakubabingeleli nakuso sonke esi sizwana, ndathi: “Uthi uYehova, ‘Sanukuwamamela amazwi abaprofeti benu abaprofeta kuni besithi: “Jongani! Izitya zendlu kaYehova ziza kubuyiswa ngokukhawuleza eBhabhiloni!”+ kuba baprofeta ubuxoki kuni.+ 17 Sanukubamamela. Sebenzelani ukumkani waseBhabhiloni nize nihlale niphila.+ Kutheni esi sixeko sifanele sonakaliswe? 18 Kodwa ukuba bangabaprofeti, yaye ukuba ilizwi likaYehova likho kubo, mabacenge uYehova wemikhosi ukuba izitya eziseleyo endlini kaYehova nasendlini kakumkani wakwaYuda naseYerusalem zingasiwa eBhabhiloni.’
19 “Kuba uthi uYehova wemikhosi ngeentsika,+ uLwandle,+ iinqwelo+ nezitya ezishiyekileyo kwesi sixeko, 20 ezo uKumkani uNebhukadenetsare waseBhabhiloni wayengazithathanga xa wayethimba uYekoniya unyana kaYehoyakim, ukumkani wakwaYuda, emthatha eYerusalem emsa eBhabhiloni kunye nazo zonke izikhulu zakwaYuda nezaseYerusalem;+ 21 kuba uthi uYehova wemikhosi, uThixo kaSirayeli ngezitya eziseleyo endlini kaYehova nasendlini kakumkani wakwaYuda naseYerusalem: 22 ‘“Ziza kusiwa eBhabhiloni,+ ibe ziza kuhlala apho de kube yimini yokuba ndizikhumbule,” utsho uYehova. “Emva koko ndiza kuzibuyisa ndize ndizibeke kule ndawo.”’”+
28 Kwangaloo nyaka, ekuqaleni kolawulo lukaKumkani uZedekiya+ wakwaYuda, ngonyaka wesine, ngenyanga yesihlanu, umprofeti uHananiya, unyana ka-Azure owayengowaseGibheyon,+ wathi kum endlini kaYehova phambi kwababingeleli nabo bonke abantu: 2 “Uthi uYehova wemikhosi, uThixo kaSirayeli, ‘Ndiza kuyaphula idyokhwe kakumkani waseBhabhiloni.+ 3 Kwisithuba seminyaka* emibini ndiza kuyibuyisela kule ndawo yonke impahla yendlu kaYehova eyathathwa nguKumkani uNebhukadenetsare waseBhabhiloni kule ndawo waza wayisa eBhabhiloni.’”+ 4 “‘Ndiza kumbuyisela kule ndawo noYekoniya+ unyana kaYehoyakim,+ ukumkani wakwaYuda, nabo bonke abathinjwa bakwaYuda abaye eBhabhiloni,+ kuba ndiza kuyaphula idyokhwe kakumkani waseBhabhiloni,’ utsho uYehova.”
5 Emva koko, umprofeti uYeremiya wathetha nomprofeti uHananiya phambi kwababingeleli naphambi kwabo bonke abantu ababemi endlini kaYehova. 6 Umprofeti uYeremiya wathi: “Amen!* Kwanga uYehova angayenza loo nto! Kwanga uYehova angenza ngokwamazwi akho owaprofetileyo aze ayibuyisele kule ndawo impahla yendlu kaYehova nabo bonke abantu abathinjiweyo eBhabhiloni! 7 Kodwa ndicela umamele le nto ndiyithetha kuwe nakubo bonke abantu. 8 Kwakudala abaprofeti ababengaphambi kwam nababengaphambi kwakho babedla ngokuprofeta ngamazwe amaninzi nezizwe ezikhulu, ngemfazwe, ngentlekele nangesifo esingubhubhani. 9 Ukuba umprofeti uprofeta ngoxolo, ize yenzeke into ayithethileyo, kuza kwaziwa ukuba nyhani uYehova umthumile loo mprofeti.”
10 Emva koko umprofeti uHananiya wathatha idyokhwe entanyeni yomprofeti uYeremiya, wayaphula.+ 11 UHananiya wathi phambi kwabantu bonke: “Uthi uYehova, ‘Ndiza kuyaphula ngolu hlobo idyokhwe kaNebhukadenetsare ukumkani waseBhabhiloni entanyeni yazo zonke iintlanga emva kweminyaka emibini.’”+ Yaye umprofeti uYeremiya wahamba indlela yakhe.
12 Emva kokuba umprofeti uHananiya eyaphule idyokhwe entanyeni yomprofeti uYeremiya, kwafika ilizwi likaYehova kuYeremiya lisithi: 13 “Hamba uyokuthi kuHananiya, ‘Uthi uYehova: “Waphule iidyokhwe zomthi,+ endaweni yazo ke kuza kufuneka wenze iidyokhwe zentsimbi.” 14 Kuba uthi uYehova wemikhosi, uThixo kaSirayeli: “Ndiza kubeka idyokhwe yentsimbi entanyeni yazo zonke ezi ntlanga, ukuze zibe zizicaka zikaKumkani uNebhukadenetsare waseBhabhiloni; zimele zibe zizicaka zakhe.+ Kwanamarhamncwa asendle ndiza kuwanikela kuye.”’”+
15 Umprofeti uYeremiya wathi kumprofeti uHananiya: “Ndicela umamele, Hananiya!+ UYehova akakuthumanga, kodwa wena wenze esi sizwana sathemba ubuxoki.+ 16 Ngoko uthi uYehova, ‘Jonga! Ndiyakususa phezu komhlaba. Uza kufa kulo nyaka, kuba ukhuthaze abantu ukuba bangamthobeli uYehova.’”+
17 Wafa ke umprofeti uHananiya ngaloo nyaka, ngenyanga yesixhenxe.
29 La ngamazwi eleta eyathunyelwa ngumprofeti uYeremiya eseYerusalem, kuwo onke amadoda amakhulu aphakathi kwabo bathinjiweyo, ababingeleli, abaprofeti nabo bonke abantu uNebhukadenetsare awabathatha eYerusalem wabasa ekuthinjweni eBhabhiloni, 2 emva kokuba uKumkani uYekoniya+ nomama wakhe,*+ amagosa enkundla, iinkosana zakwaYuda naseYerusalem, abakhandi abangamachule nabantu abasebenza ngesinyithi* bephumile eYerusalem.+ 3 Wayithumela ngoElasa unyana kaShafan+ noGemariya unyana kaHilekiya, ababethunyelwe nguKumkani uZedekiya+ wakwaYuda eBhabhiloni, kuKumkani uNebhukadenetsare waseBhabhiloni. Yayisithi:
4 “Uthi uYehova wemikhosi, uThixo kaSirayeli kubo bonke abathinjwa endiye ndabangela ukuba bathinjwe eYerusalem basiwe eBhabhiloni, 5 ‘Yakhani izindlu, nihlale kuzo. Limani iigadi, nitye isiqhamo sazo. 6 Zithatheleni abafazi, nibe noonyana neentombi; thathelani oonyana benu abafazi, nendise neentombi zenu ukuze nazo zibe noonyana neentombi. Yandani apho, ningacutheki. 7 Zamani ukuba kubekho uxolo kwisixeko endinenze nathinjelwa kuso, nize nisithandazele kuYehova, kuba xa kukho uxolo kuso, nani niza kuba seluxolweni.+ 8 Kuba uthi uYehova wemikhosi, uThixo kaSirayeli: “Ningavumi ukuqhathwa ngabaprofeti benu nabavumisi abaphakathi kwenu,+ ningawamameli namaphupha abo. 9 Kuba ‘baniprofetela ubuxoki egameni lam. Andibathumanga,’+ utsho uYehova.”’”
10 “Kuba uthi uYehova, ‘Xa kuphela iminyaka eyi-70, ndiza kunikhumbula,+ kwaye ndiza kuyenza into endinithembise yona ngokunibuyisela kule ndawo.’+
11 “‘Kuba mna ndizazi kakuhle izinto endizicingayo ngani,’ utsho uYehova, ‘ndicinga ngoxolo, kungekhona intlekele,+ ukuze ndininike ithemba nekamva.+ 12 Ibe niza kundibiza, nize nithandaze kum, yaye ndiza kunimamela.’+
13 “‘Niza kundifuna nize nindifumane,+ kuba niza kube nindifuna ngentliziyo yenu yonke.+ 14 Kwaye ndiza kunivumela ukuba nindifumane,’+ utsho uYehova. ‘Ndiza kubahlanganisa abathinjwa bakho ndize ndiniqokelele ndinikhuphe kuzo zonke iintlanga neendawo endinisasazele kuzo,’+ utsho uYehova. ‘Ibe ndiza kunibuyisela kwindawo endanenza nathinjwa nikuyo.’+
15 “Kodwa niye nathi, ‘UYehova usivusele abaprofeti eBhabhiloni.’
16 “Kuba uthi uYehova kukumkani ohleli etroneni kaDavide+ nakubo bonke abantu abahlala kwisixeko saseYerusalem, abantakwenu abangathinjwanga kunye nani, 17 ‘Uthi uYehova wemikhosi: “Ndithumela kubo ikrele, indlala nesifo esingubhubhani,+ yaye ndiza kubenza babe njengamafiya* abolileyo* nangenakutyiwa ngenxa yokuba mabi kwawo.”’+
18 “‘Ndiza kubaleqa ngekrele,+ ngendlala nesifo esingubhubhani, ndiza kubenza into eyoyikekayo nentlekele kuzo zonke izizwe zomhlaba,+ babe yinto eqalekisiweyo, into yokuthelwa nqa, into yokubethelwa umlozi,+ nento yokuhlekisa phakathi kwazo zonke iintlanga endibasasazela kuzo,+ 19 kuba abawamamelanga amazwi am endawathumela kubo ngabakhonzi bam abaprofeti,’ utsho uYehova, ‘ndibathumela ngokuphindaphindiweyo.’*+
“‘Kodwa khange nimamele,’+ utsho uYehova.
20 “Ngoko ke liveni ilizwi likaYehova, nonke nina bantu ndibasuse eYerusalem ndabenza bathinjelwa eBhabhiloni. 21 Uthi uYehova wemikhosi, uThixo kaSirayeli, ngoAhabhi unyana kaKolaya noZedekiya unyana kaMahaseya, abaniprofetela ubuxoki egameni lam,+ ‘Ndibanikela kuKumkani uNebhukadenetsare* waseBhabhiloni, kwaye uza kubaxabela nijongile. 22 Yaye into embi eyenzeka kubo kuza kuthethwa ngayo ngabo bonke abathinjwa bakwaYuda abaseBhabhiloni, besithi: “Akwaba uYehova angakwenza ube njengoZedekiya nanjengoAhabhi, abaqhotswa ngukumkani waseBhabhiloni emlilweni!” 23 kuba baye benza inyala kwaSirayeli,+ bekrexeza* nabafazi babamelwane babo, bethetha nobuxoki egameni lam, ndingabayalelanga.+
“‘“Ndim owaziyo, ibe ndilingqina,”+ utsho uYehova.’”
24 “Uze uthi kuShemaya+ wakwaNehelam, 25 ‘Uthi uYehova wemikhosi, uThixo kaSirayeli: “Ngenxa yokuba uthumelele bonke abantu abaseYerusalem iileta egameni lakho, nakuZefaniya+ unyana kaMahaseya, umbingeleli, nakubo bonke ababingeleli, usithi, 26 ‘UYehova ukwenze umbingeleli endaweni kaYehoyada umbingeleli, ukuze uphathe indlu kaYehova, uze ugade naliphi na igeza elizenza umprofeti, ulifake ezitokisini, ulifake nentsimbi entanyeni;+ 27 ke ngoku kutheni ungamkhalimelanga nje uYeremiya waseAnatoti,+ ozenza umprofeti kuni?+ 28 Kuba ude wasithumelela nathi eBhabhiloni, esithi: “Kuseza kuba kudala! Yakhani izindlu nihlale kuzo. Limani iigadi nitye isiqhamo sazo,+—”’”’”
29 Xa uZefaniya+ umbingeleli wayifundayo le leta uYeremiya umprofeti esiva, 30 kwafika ilizwi likaYehova kuYeremiya lisithi: 31 “Thumela kubo bonke abantu abathinjiweyo, uthi, ‘Uthi uYehova ngoShemaya wakwaNehelam: “Ngenxa yokuba uShemaya eniprofetele ndingamthumanga, ezame nokunenza nithembe ubuxoki,+ 32 uthi uYehova, ‘Ndiza kumkhumbula uShemaya wakwaNehelam nenzala yakhe. Akukho namnye kwindlu yakhe oza kusinda kwesi sizwana, ibe akazukuzibona izinto ezintle endiza kuzenzela abantu bam,’ utsho uYehova, ‘kuba ukhuthaze abantu ukuba bangamthobeli uYehova.’”’”
30 Ilizwi elafika kuYeremiya livela kuYehova lalisithi: 2 “Uthi uYehova uThixo kaSirayeli, ‘Wabhale encwadini onke la mazwi ndiwathetha kuwe. 3 Kuba “jonga! kuza imihla,” utsho uYehova, “endiza kubaqokelela ngayo abantu bam abathinjiweyo, uSirayeli noYuda,”+ utsho uYehova, “yaye ndiza kubabuyisela kwilizwe endalinika ookhokho babo, liphinde libe lelabo.”’”+
4 La ngamazwi uYehova awawathethayo kuSirayeli nakuYuda.
5 Kuba uthi uYehova:
“Siye seva izandi zokungcangcazela;
Abantu bayoyika, yaye akukho luxolo.
6 Khanincede nibuzise ukuba indoda iyakwazi na ukuzala.
Kutheni wonke umntu ephatshe ubuso?
7 Mawoo! Kuba loo mini yimini embi.*+
Ayikho enjengayo,
Lixesha lentlungu kuYakobi.
Kodwa uza kusindiswa kulo.”
8 “Ngaloo mini,” utsho uYehova wemikhosi, “ndiza kuyaphula idyokhwe esentanyeni yakho, neentambo* zakho ndiza kuziqhawula, yaye abantu basemzini abazukuphinda bamenze ikhoboka.* 9 Baza kuba ngabakhonzi bakaYehova uThixo wabo nezicaka zikaDavide ukumkani wabo, endiza kubavelisela yena.”+
Kuba ndiza kukusindisa ulee kude
Nenzala yakho ikwilizwe eyathinjelwa kulo.+
UYakobi uza kubuya, azole yaye angaphazanyiswa,
Kungabikho mntu umoyikisayo.”+
11 “Kuba ndinawe,” utsho uYehova, “ukuze ndikusindise.
Ndiza kuzitshabalalisa zonke iintlanga endikuchithachithele kuzo.+
Kodwa ke wena andizukukutshabalalisa.+
12 Kuba uthi uYehova:
“Akunyangeki ukuwa kwakho.+
Isilonda sakho asinyangeki.
13 Akukho mntu ukuthethelelayo,
Akukho ndlela yakusinyanga isilonda sakho.
Awunyangeki.
14 Zonke izithandwa zakho zikulibele.+
Azisakufuni.
Kuba ndikubethe ngendlela obuza kubethwa ngayo lutshaba,+
Ngendlela ohlwaya ngayo umntu okhohlakeleyo,
Ngenxa yobukhulu betyala lakho nezono zakho ezininzi.+
15 Kutheni ukhala ngenxa yokuwa kwakho?
Intlungu yakho ayinyangeki!
Ngenxa yobukhulu betyala lakho nezono zakho ezininzi+
Ndiyenzile le nto kuwe.
Abo boxutha izinto zakho baza koxuthelwa izinto zabo,
Yaye ndiza kubenza ixhoba abo bakwenza ixhoba.”+
17 “Kodwa ndiza kukwenza ube sempilweni, ndiphilise nezilonda zakho,”+ utsho uYehova.
“Nangona bekubiza ngokuba ungumntu olahliweyo, besithi:
‘IZiyon, ekungekho mntu uyifunayo.’”+
18 Uthi uYehova:
“Ngoku ndiqokelela abathinjwa beentente zikaYakobi,+
Ndiza kuba nosizi ngeentente zakhe.
Isixeko siza kuphinda sakhiwe kwindulana yaso,+
Inqaba ekhuselekileyo iza kuma kwisiza sayo esifanelekileyo.
19 Kuza kuphuma umbulelo nesandi sokuhleka kubo.+
20 Oonyana bakhe baza kuba njengakumaxesha akudala,
Yaye phambi kwam ibandla lakhe liza kuma lingagungqi.+
Ndiza kulwa nabo bonke abacinezeli bakhe.+
21 Ohloniphekileyo wakhe uza kuphuma ebantwini bakhe,
Nomlawuli wakhe uza kuvela kuye.
Ndiza kumenza asondele, yaye uza kuza kum.”
“Kuba ngubani onokuba nesibindi* sokuza kum?” utsho uYehova.
22 “Niza kuba ngabantu bam,+ ndize mna ndibe nguThixo wenu.”+
23 Jonga! Isaqhwithi sikaYehova siza kuvuthuza ngomsindo,+
Isivuthuvuthu esivuthuza kwintloko yabenzi-bubi.
Ekupheleni kwemihla uza kuyiqonda le nto.+
31 “Ngelo xesha,” utsho uYehova, “ndiza kuba nguThixo kuzo zonke iintsapho zakwaSirayeli, zize zona zibe ngabantu bam.”+
2 Uthi uYehova:
“Abantu abasindayo ekreleni bathandwa nguThixo entlango,
Xa uSirayeli wayesiya kwindawo yakhe yokuphumla.”
3 UYehova wabonakala kum ekude waza wathi:
“Ndiyakuthanda kwaye ndakuhlala ndikuthanda ngonaphakade.
Yiyo le nto ndikutsalele kum ngothando olungagungqiyo.*+
5 Uza kuphinda utyale amasimi eediliya ezintabeni zaseSamariya;+
Abatyali baza kutyala baze batye isiqhamo sazo.+
6 Kuba kuseza imini apho oonogada abasezintabeni zakwaEfrayim beza kukhwaza bathi:
‘Phakamani, masinyukeni siye eZiyon, kuYehova uThixo wethu.’”+
7 Kuba uthi uYehova:
“Khwazani uYakobi nivuya.
Khwazani ninemincili kuba ningaphezu kweentlanga.+
Vakalisani; dumisani nize nithi,
‘Yhini Yehova, sindisa abantu bakho abashiyekileyo bakwaSirayeli.’+
8 Ndiza kubazisa bevela kwilizwe lasemntla.+
Ndiza kubaqokelela bevela kwezona ndawo zikude emhlabeni.+
Phakathi kwabo kuza kubakho abantu abangaboniyo nabangakwazi kuhamba,+
Umfazi okhulelweyo nomfazi ozalayo.
Baza kubuyela apha belibandla elikhulu.+
Ndiza kubakhokela ngoxa becenga becela inceba.
Ndiza kubahambisa baye kwimifula yamanzi,+
Ngendlela ethe tyaba engazukubakhubekisa.
Kuba ndinguTata kaSirayeli, yaye uEfrayim lizibulo lam.”+
“Lowo wasasaza uSirayeli uza kumqokelela.
Uza kumgada njengomalusi kumhlambi wakhe.+
12 Baza kuza bekhwaza ngovuyo kwindawo ephakamileyo yaseZiyon+
Bakhazimle ngenxa yokulunga kukaYehova,
Ngenxa yeenkozo nangenxa yewayini entsha+ nangenxa yeoli,
Nangenxa yamathole omhlambi weegusha noweenkomo.+
13 “Ngelo xesha intombi engazange yalala nandoda iza kudanisa ivuya,
Nabafana namadoda amadala, xa bebonke.+
Ndiza kukutshintsha ukuzila kwabo kube kukuvuya.+
Ndibathuthuzele ndize ndibenze bonwabe, bangakhathazeki.+
14 Ndiza kubanelisa ababingeleli ngezinto ezininzi,*
Ibe abantu bam baza kwaneliseka ngokulunga kwam,”+ utsho uYehova.
15 “Uthi uYehova:
‘Kuvakala ilizwi eRama,+ isijwili nokulila okukrakra:
URakeli ulilela oonyana* bakhe.+
Akathuthuzeleki, kuba abasekho.’”+
16 Uthi uYehova:
“‘Zibambe ungalili, namehlo akho angabi nazinyembezi,
Kuba uza kunikwa umvuzo ngenxa yomsebenzi wakho,’ utsho uYehova.
‘Baza kubuya elizweni lotshaba.’+
17 ‘Kukho ithemba ngekamva lakho,’+ utsho uYehova.
‘Oonyana bakho baza kubuyela kummandla wabo.’”+
18 “Ngokuqinisekileyo ndimvile uEfrayim encwina esithi,
‘Undilungisile, yaye ndilungisekile.
Njengethole lenkomo elingaqeqeshwanga.
Ndibuyise, yaye ndiza kukulungela ukubuya,
Kuba unguYehova uThixo wam.
19 Kuba emva kokubuya kwam ndazisola;+
Emva kokuba ndenziwe ndaqonda, ndazibetha ethangeni ngenxa yentlungu.
Ndaba neentloni, ndaziva ndithotyiwe,+
Kuba ndandithwele ihlazo lobutsha bam.’”
20 “UEfrayim akangonyana oxabisekileyo na kum, okanye umntwana endimthandayo?+
Kuba okukhona ndimgxeka, kokukhona ndimkhumbula.
Yiloo nto kusika ngaphakathi kum.*+
Ndiza kumsizela,” utsho uYehova.+
Qwalasela uhola wendlela, indlela ekufuneka uhambe ngayo.+
Buya ntombi kaSirayeli engazange yalala nandoda, buyela kwezi zixeko zakho.
22 Kuza kude kube nini na ungapha nangapha, ntombi engathembekanga?
Kuba uYehova udale into entsha emhlabeni:
Umfazi uza kuleqa indoda.”
23 Uthi uYehova wemikhosi, uThixo kaSirayeli: “Baza kuphinda bathethe la mazwi elizweni lakwaYuda nakwizixeko zalo xa ndiqokelela abathinjwa bazo: ‘Kwanga uYehova angakusikelela, owu ndawo yokuhlala yobulungisa,+ owu ntaba engcwele.’+ 24 UYuda nazo zonke izixeko baza kuhlala kuyo bonke, abalimi nabo bakhokela imihlambi.+ 25 Kuba ndiza kumanelisa odiniweyo, ndimhluthise lowo utyhafiswe yindlala.”+
26 Emva koko ndavuka, ndavula amehlo, yaye ubuthongo bam babumnandi.
27 “Jonga! Kuza imihla,” utsho uYehova, “endiza kutyala ngayo indlu kaSirayeli nendlu kaYuda ngembewu* yomntu nangembewu yemfuyo.”+
28 “Kanye njengoko ndandihlala ndibagadile ukuze ndincothule, ndidilize, ndichithe, nditshabalalise nokuze ndenze umonakalo,+ ndiza kuhlala ndibagadile ukuze ndakhe nokuze ndityale,”+ utsho uYehova. 29 “Ngaloo mihla abazukuphinda bathi, ‘Ootata batye iidiliya ezikrwada, kodwa ngamazinyo oonyana aye aba buthelezi.’*+ 30 Kodwa ngamnye uza kufa ngenxa yesono sakhe. Nabani na otya iidiliya ezikrwada, ngamazinyo akhe aza kuba buthelezi.”
31 UYehova uthi, “Jonga! kuza imihla endiza kwenza ngayo isivumelwano esitsha nendlu kaSirayeli nendlu kaYuda.+ 32 Asizukuba njengesivumelwano endasenza nookhokho babo ngemini endababamba ngayo ngesandla ndabakhupha kwilizwe laseYiputa,+ ‘isivumelwano sam abasaphulayo,+ nangona mna ndandiyeyona nkosi yabo,’* utsho uYehova.”
33 UYehova uthi, “Kuba esi sisivumelwano endiza kusenza nendlu kaSirayeli emva kwaloo mihla. Ndiza kufaka umthetho wam ngaphakathi kubo,+ ndize ndiwubhale entliziyweni yabo.+ Ibe ndiza kuba nguThixo wabo, bona babe ngabantu bam.”+
34 “Kwaye akukho mntu oza kuphinda afundise ummelwane nomntakwabo, esithi, ‘Mazini uYehova!’+ kuba bonke baza kundazi, ukususela koyena mncinci ukuyokutsho koyena mkhulu kubo,”+ utsho uYehova. “Kuba ndiza kusixolela isiphoso sabo, nesono sabo andizukusikhumbula.”+
35 Uthi uYehova,
Odale ilanga lokukhanyisa emini,
Obeke imithetho yenyanga neenkwenkwezi zokukhanyisa ebusuku,
Lowo uzamazamisa ulwandle ukuze amaza alo alwatyuze,
Lowo igama lakhe linguYehova wemikhosi:+
36 “‘Ukuba le mithetho ingangasebenzi,’ utsho uYehova,
‘Nenzala kaSirayeli ingayeka ngonaphakade ukuba luhlanga phambi kwam.’”+
37 Uthi uYehova: “‘Ndingayilahla inzala kaSirayeli ngenxa yazo zonke izinto ezenzileyo kuphela xa amazulu enokumetwa zize iziseko zomhlaba zigocagocwe,’ utsho uYehova.”+
38 “Jonga! Kuza imihla,” utsho uYehova, “ekuza kwakhelwa uYehova isixeko+ ukususela kwiNqaba KaHananeli+ ukuya kwiGeyithi Esekoneni.+ 39 Nentambo yokumeta+ iza kuya ngqo phambili endulini yaseGarebhe, ize ijike iye eGowa. 40 Ibe yonke intili yezidumbu neyothuthu,* nawo onke amasimi ukuya kutsho kwiNtlambo YeKidron,+ ukuya kutsho kwikona yeGeyithi Yamahashe+ ngasempumalanga, iza kuba yinto engcwele kuYehova.+ Ayisoze iphinde incothulwe okanye ichithwe.”
32 Lafika kuYeremiya ilizwi likaYehova ngonyaka we-10 wokulawula kukaKumkani uZedekiya wakwaYuda, oko kukuthi, ngonyaka we-18 wokulawula kukaNebhukadenetsare.*+ 2 Ngelo xesha imikhosi yamajoni kakumkani waseBhabhiloni yayirhangqe iYerusalem, nomprofeti uYeremiya evalelwe kwiYadi Yoonogada+ ekwindlu kakumkani wakwaYuda. 3 Kuba uKumkani uZedekiya wakwaYuda wayemvalele+ esithi, “Kutheni uprofeta ngale ndlela? Wena uthi, ‘Uthi uYehova: “Ndiza kusinikela kukumkani waseBhabhiloni esi sixeko, ibe uza kusithimba;+ 4 noKumkani uZedekiya wakwaYuda akazukusinda kumaKhaledi, kuba nakanjani uza kunikelwa kukumkani waseBhabhiloni, ibe uza kuthetha naye bejongene emehlweni.”’+ 5 ‘Uza kumthatha uZedekiya amse eBhabhiloni, abe lapho de ndibone ukuba ndenze ntoni ngaye,’ utsho uYehova. ‘Nangona nina niqhubeka nisilwa namaKhaledi, anizukuphumelela.’”+
6 UYeremiya wathi: “Ilizwi likaYehova lifikile kum lisithi, 7 ‘UHanameli unyana kaShalum utatomdala* wakho uza kuza kuwe aze athi: “Zithengele intsimi yam eseAnatoti,+ kuba unelungelo lokuphinda uyithenge.”’”+
8 UHanameli unyana kaShalum wafika kum, ngokwelizwi likaYehova, kwiYadi Yoonogada, wathi: “Ndicela uthenge intsimi yam eseAnatoti, kwilizwe lakwaBhenjamin, kuba unelungelo lokuphinda uyithenge ibe yeyakho. Zithengele yona.” Wathi akutsho, ndaqonda ukuba kutsho uYehova.
9 Ngoko ndayithenga loo ntsimi yayiseAnatoti kuHanameli unyana kaShalum. Ndambekela imali esikalini,+ yaba ziishekele* ezisixhenxe namaqhosha alishumi esilivere. 10 Emva koko ndayibhala kuxwebhu lwesivumelwano,+ ndalubeka isitampu, ndabiza namangqina+ ndaza ndayibeka esikalini imali. 11 Ndaluthatha uxwebhu lwesivumelwano olwalufakwe isitampu ngokomyalelo nangokomthetho, nolwalungafakwanga sitampu, 12 ndaza olo xwebhu lwesivumelwano lufakwe isitampu ndalunika uBharuki+ unyana kaNeriya+ unyana kaMahaseya, phambi kukaHanameli unyana kaShalum, amangqina awayebhalile kulo nawo onke amaYuda awayehleli kwiYadi Yoonogada.+
13 Emva koko ndathi kuBharuki phambi kwabo: 14 “Uthi uYehova wemikhosi, uThixo kaSirayeli, ‘Thatha la maxwebhu, olu lwesivumelwano olufakwe isitampu nolu lungafakwanga sitampu, uwafake engqayini yodongwe ukuze ahlale ixesha elide.’ 15 Kuba uthi uYehova wemikhosi, uThixo kaSirayeli, ‘Kuseza kuphinda kuthengwe izindlu nemihlaba namasimi eediliya kweli lizwe.’”+
16 Ndathandaza kuYehova emva kokuba ndinike uBharuki unyana kaNeriya uxwebhu lwesivumelwano, ndathi: 17 “Awu, Nkosi enguMongami Yehova! wena wenza amazulu nomhlaba ngamandla akho amakhulu+ nangengalo yakho eyoluliweyo. Akukho nto ikoyisayo, 18 lowo uthanda amawaka ngokungagungqiyo, kodwa ubuyekeza isono sootata koonyana,*+ uThixo wokwenene, omkhulu nonamandla, ogama lakhe linguYehova wemikhosi. 19 Umkhulu ekucebiseni* nezinto ozenzayo zinkulu,+ wena onamehlo ajonge zonke iindlela zabantu,+ ukuze unike ngamnye ngokweendlela zakhe nangokwezinto azenzayo.+ 20 Wenze imimangaliso kwilizwe laseYiputa, eyaziwayo kude kube namhlanje, wazenzela igama kumaSirayeli nasebantwini,+ njengokuba kunjalo namhlanje. 21 Wabakhupha nabantu bakho amaSirayeli kwilizwe laseYiputa, ngemimangaliso, ngesandla esomeleleyo, ngengalo eyoluliweyo nangezenzo ezoyikekayo.+
22 “Ekuhambeni kwexesha wabanika eli lizwe owafungela ookhokho babo ukuba uza kubanika lona,+ ilizwe eligcwele ubisi nobusi.+ 23 Bafika balithathela kubo, kodwa abazange balithobele ilizwi lakho nomthetho wakho. Abazange bazenze izinto owabayalela ukuba bazenze, kangangokuba wabazisela yonke le ntlekele.+ 24 Jonga! Kuye kweza amadoda esixekweni, akha amathambeka okuhlasela ukuze asithimbe+ kwaye ngenxa yekrele,+ indlala nesifo esingubhubhani,+ nakanjani isixeko siza kuwela esandleni samaKhaledi alwa naso; zonke izinto oye wazithetha zenzekile njengokuba ubona ngoku. 25 Kodwa wena Nkosi enguMongami Yehova uthe kum, ‘Zithengele intsimi uze ubize namangqina,’ nangona isixeko siza kunikelwa kumaKhaledi.”
26 Lafika ke ilizwi likaYehova kuYeremiya lisithi: 27 “Ndim lo, ndinguYehova, uThixo wabantu bonke. Ngaba ikhona into endoyisayo? 28 Ngoko uthi uYehova, ‘Esi sixeko ndisinikela kumaKhaledi nakuKumkani uNebhukadenetsare* waseBhabhiloni, ibe uza kusithimba.+ 29 AmaKhaledi alwa nesi sixeko aza kuza asitshise, atshise+ nezindlu abantu abaye babingelela kuBhahali phezu kophahla lwazo, baza bagalela umnikelo oselwayo kwabanye oothixo ukuze bandicaphukise.’+
30 “‘Kuba abantu bakwaSirayeli nabakwaYuda benze into embi emehlweni am, ukususela ebutsheni babo ukuya phambili;+ abantu bakwaSirayeli baqhubeka bendicaphukisa ngomsebenzi wezandla zabo,’ utsho uYehova. 31 ‘Kuba esi sixeko, ukususela kwimini esakhiwa ngayo de kube namhlanje, besindenza ndicaphuke yaye ndibe nomsindo,+ kude kufuneke sishenxiswe phambi kobuso bam,+ 32 ngenxa yabo bonke ububi obenziwe ngabantu bakwaSirayeli nabakwaYuda ukuze bandicaphukise, bona, ookumkani babo,+ iinkosana zabo,+ ababingeleli babo nabaprofeti babo,+ amadoda akwaYuda nabemi baseYerusalem. 33 Baye baqhubeka bendifulathela.+ Nangona ndiye ndazama ukubafundisa ngokuphindaphindiweyo,* akukho nomnye owamamelayo ukuze afumane ingqeqesho.+ 34 Babebeka izithixo zabo ezenyanyekayo endlini ebizwe ngegama lam, beyingcolisa.+ 35 Befuna ukonisa uYuda, baye bakha neendawo eziphakamileyo zikaBhahali eziseNtlanjeni Yonyana KaHinom,*+ ukuze babingelele* ngoonyana babo neentombi zabo emlilweni kuMoleki,+ nto leyo eyenyanyekayo nendingabayalelanga ukuba bayenze,+ nengazange ithi qatha entliziyweni* yam.’
36 “Ngoko ke uthi uYehova uThixo kaSirayeli ngesi sixeko nithi siza kunikelwa esandleni sikakumkani waseBhabhiloni ngekrele, indlala nesifo esingubhubhani, 37 ‘Ndiza kubathatha kuwo onke amazwe endibasasazele kuwo ngokucaphuka nangomsindo nangobushushu obukhulu ndibaqokelele;+ yaye ndiza kubabuyisela kule ndawo ndize ndibayeke bahlale bekhuselekile.+ 38 Baza kuba ngabantu bam, mna ndibe nguThixo wabo.+ 39 Ndiza kubanika intliziyo enye+ nendlela enye ukuze bahlale bendoyika, ukuze kulunge kubo nakoonyana babo abaza kulandela.+ 40 Ndiza kwenza isivumelwano nabo esiza kuhlala sihleli,+ sokuba ndingaze ndiyeke ukubenzela izinto ezilungileyo;+ ibe ndiza kubenza bandoyike ngokusuka entliziyweni, ukuze bangandishiyi.+ 41 Ndiza konwaba ngenxa yabo ukuze ndibenzele izinto ezilungileyo,+ ndibahlalise kweli lizwe ngonaphakade,+ ngentliziyo yam yonke nangomphefumlo wam wonke.’”*
42 “Kuba uthi uYehova, ‘Kanye njengokuba ndisizisele yonke le ntlekele inkulu esi sizwana, ndiza kusizisela zonke izinto ezilungileyo endisithembise zona.+ 43 Kuza kuphinda kuthengwe amasimi kweli lizwe,+ nangona nisithi: “Lilizwe elitshabaleleyo elingenamntu nasilwanyana sasendle, yaye linikelwe esandleni samaKhaledi.”’
44 “‘Amasimi aza kuthengwa ngemali, amaxwebhu esivumelwano aza kubhalwa aze afakwe isitampu, kubizwe namangqina kwilizwe lakwaBhenjamin,+ kwiindawo ezijikeleze iYerusalem, kwizixeko zakwaYuda,+ kwizixeko zommandla weentaba,+ kwizixeko ezithe tyaba nakwizixeko ezisemazantsi, kuba ndiza kubuyisela abathinjwa babo,’+ utsho uYehova.”
33 Lafika okwesibini ilizwi likaYehova kuYeremiya, ngoxa wayesavalelwe kwiYadi Yoonogada,+ lisithi: 2 “Uthi uYehova uMenzi womhlaba, uYehova owawubumbayo waza wawenza awagungqa; igama lakhe nguYehova, 3 ‘Ndibize, yaye ndiza kukuphendula, ibe ndizimisele ukukuxelela izinto ezinkulu nezingaqondekiyo obungazazi.’”+
4 “Kuba uthi uYehova uThixo kaSirayeli ngezindlu zesi sixeko nangezindlu zookumkani bakwaYuda ezidilizwe ngenxa yethambeka lokuhlasela nangenxa yekrele,+ 5 nangabo beze kulwa namaKhaledi, begcwalisa le ndawo ngezidumbu zabantu endibaxabele ndicaphuka kwaye ndinomsindo, abo bandenze ndabufihla ubuso bam ngenxa yezinto ezimbi abazenzileyo: 6 ‘Ndiza kusenza sichache size siphile esi sizwe,+ yaye ndiza kubaphilisa ndize ndibanike uxolo oluninzi nenyaniso.+ 7 Ndiza kubabuyisa abathinjwa bakwaYuda nabathinjwa bakwaSirayeli,+ ibe ndiza kubakha njengokuba ndenzayo ekuqaleni.+ 8 Ndiza kubasulungekisa kuzo zonke izono abandenze zona,+ ndibaxolele zonke izono namatyala abandone ngawo.+ 9 Kum siza kuba ligama lokuvuya, indumiso nobuhle kwiintlanga zonke zomhlaba eziza kuva ngazo zonke izinto ezintle endisenzela zona.+ Ziza koyika, zingcangcazele+ ngenxa yazo zonke izinto ezintle noxolo endiza kusizisela lona.’”+
10 “Uthi uYehova: ‘Kule ndawo eniza kuthi nina yindawo engenamntu nengenamhlambi, kwizixeko zakwaYuda nakwizitrato zaseYerusalem ezithe nkcwe, kuseza kuvakala 11 isandi sokuvuya nesandi sokonwaba,+ ilizwi lomyeni nelizwi lomtshakazi, nelizwi labo bathi: “Bulelani kuYehova wemikhosi, kuba uYehova ulungile;+ uthando lwakhe olungagungqiyo lukho ngonaphakade!”’+
“‘Baza kuzisa umnikelo wokubulela endlini kaYehova,+ kuba ndiza kubabuyisa abathinjwa belizwe njengasekuqaleni,’ utsho uYehova.”
12 “Uthi uYehova wemikhosi: ‘Kule ndawo ingenamntu namhlambi, nakuzo zonke izixeko zayo; abalusi baza kuphinda babe namadlelo okwalusela imfuyo.’+
13 “‘Kwizixeko zommandla weentaba, kwizixeko ezisemathafeni, kwizixeko zasemzantsi, kummandla wakwaBhenjamin, kwimimandla ekufutshane neYerusalem+ nakwizixeko zakwaYuda,+ imihlambi iza kudlula kwakhona phantsi kwezandla zalowo uyibalayo,’ utsho uYehova.”
14 “‘Jonga! Kuza imihla,’ utsho uYehova, ‘endiza kuyenza ngayo into elungileyo endiye ndayithembisa ngendlu kaSirayeli nangendlu kaYuda.+ 15 Ngaloo mihla nangelo xesha ndiza kuvelisela uDavide ihlumelo lobulungisa,*+ yaye liza kwenza okusesikweni* nobulungisa kweli lizwe.+ 16 Ngaloo mihla uYuda uza kusindiswa+ ibe neYerusalem iza kuhlala ikhuselekile.+ Kwaye kuza kuthiwa xa ibizwa: UYehova Ububulungisa Bethu.’”+
17 “Kuba uthi uYehova: ‘Kuza kuhlala kukho indoda ephuma kumnombo kaDavide ehleli etroneni yendlu kaSirayeli,+ 18 yaye kuza kuhlala kukho umLevi oma phambi kwam ukuze anikele umnikelo otshiswa ngokupheleleyo, atshise umnikelo wokutya, enze nemibingelelo.’”
19 Laphinda lafika ilizwi likaYehova kuYeremiya lisithi: 20 “Uthi uYehova, ‘Ukuba ubunokukwazi ukwaphula isivumelwano sam semini nesivumelwano sam sobusuku, ukuze imini nobusuku zingafiki ngexesha lazo,+ 21 besingatsho saphulwe nesivumelwano sam nomkhonzi wam uDavide,+ ukuze kungabikho kumkani ungunyana wakhe etroneni yakhe,+ yaye bekuza kuba njalo nangesivumelwano sam nabaLevi abangababingeleli, abakhonzi bam.+ 22 Njengokuba umkhosi wamazulu ungenakubalwa, nesanti yolwandle ingenakulinganiswa, ndiza kuyiphinda-phinda inzala* kaDavide umkhonzi wam nabaLevi abandikhonzayo.’”
23 Laphinda lafika ilizwi likaYehova kuYeremiya lisithi: 24 “Awubavanga na aba bantu besithi, ‘UYehova uza kuzilahla ezi ntsapho zimbini azikhethileyo’? Ibe iintshaba azibaphathi ngesidima abantu bam, yaye ziyekile ukubajonga njengohlanga.
25 “Uthi uYehova: ‘Njengokuba siqinisekile isivumelwano sam semini nesobusuku,+ kunye nemithetho yezulu nomhlaba,+ 26 andisoze ndiyilahle nenzala* kaYakobi nekaDavide umkhonzi wam, ngokuthi ndingathathi kwinzala* yakhe abalawuli benzala* ka-Abraham, kaIsake nekaYakobi. Kuba ndiza kubabuyisela abathinjwa+ babo ndize ndibasizele.’”+
34 Ilizwi elafika kuYeremiya livela kuYehova, xa uKumkani uNebhukadenetsare* waseBhabhiloni nayo yonke imikhosi yakhe yamajoni nazo zonke izizwe zomhlaba ezazilawulwa nguye, nazo zonke izizwana ezazisilwa neYerusalem nazo zonke izixeko zayo, lalisithi:+
2 “Uthi uYehova uThixo kaSirayeli, ‘Hamba, uyokuthi kuKumkani uZedekiya+ wakwaYuda: “Uthi uYehova, ‘Esi sixeko ndiza kusinikela kukumkani waseBhabhiloni, yaye uza kusitshisa.+ 3 Wena awuzukusinda kuye, kuba nakanjani uza kubanjwa unikelwe kuye.+ Uza kumjonga emehlweni ukumkani waseBhabhiloni, athethe nawe nijongene ebusweni, yaye wena uza kuya eBhabhiloni.’+ 4 Kodwa ke, live ilizwi likaYehova, Kumkani uZedekiya wakwaYuda, ‘Uthi uYehova ngawe: “Awuzukubulawa likrele. 5 Uza kufa ngoxolo,+ ibe baza kukwenzela isiqhumiso kanye njengokuba benzayo kookhokho bakho, ookumkani ababengaphambi kwakho, baze bakuzilele besithi, ‘Awu, nkosi!’ kuba ‘ndilithethile eli lizwi,’ utsho uYehova.”’”’”
6 Umprofeti uYeremiya wawathetha onke la mazwi kuKumkani uZedekiya wakwaYuda eYerusalem, 7 xa imikhosi yamajoni kakumkani waseBhabhiloni yayisilwa neYerusalem nazo zonke izixeko zakwaYuda ezazishiyekile,+ neLakishe+ neAzeka;+ kuba yayizizo kuphela izixeko ezikhuselekileyo ezazishiyekile kwizixeko zakwaYuda.
8 Eli lilizwi elafika kuYeremiya livela kuYehova emva kokuba uKumkani uZedekiya enze isivumelwano nabo bonke abantu ababeseYerusalem ethetha ngenkululeko kubo,+ 9 lisithi ngamnye umele akhulule amakhoboka akhe angamaHebhere, angamadoda nangabafazi, ukuze kungabikho mntu umenza ikhoboka umYuda wakowabo. 10 Ngoko zonke iinkosana nabo bonke abantu bathobela. Babenze isivumelwano sokuba wonke umntu umele akhulule ikhoboka nekhobokazana lakhe, ayeke ukubenza amakhoboka. Bathobela baza babakhulula. 11 Kodwa emva koko baphinda bawabuyisa amakhoboka namakhobokazana ababewakhulule, baphinda bawenza amakhoboka. 12 Ngoko ilizwi likaYehova lafika kuYeremiya livela kuYehova, lisithi:
13 “Uthi uYehova uThixo kaSirayeli, ‘Ndenza isivumelwano nookhokho benu+ ngemini endabakhupha ngayo kwilizwe laseYiputa, ndibakhupha kwindlu yamakhoboka,+ ndisithi: 14 “Xa kuphela iminyaka esixhenxe, ngamnye wenu umele akhulule umzalwana wakhe ongumHebhere, owathengiswa kuye noye wamsebenzela iminyaka emithandathu; umele amkhulule.”+ Kodwa ookhokho benu abazange bandimamele, bengazange bayibaze indlebe yabo kum. 15 Yaye kutshanje* nina niye najika nenza izinto ezilungileyo emehlweni am ngokuthetha ngenkululeko kwabanye abantu, ibe niye nenza isivumelwano phambi kwam kule ndlu ibizwa ngegama lam. 16 Kodwa niye naphinda najika nalingcolisa igama lam+ ngokubuyisa amakhoboka namakhobokazana enu awayefuna niwakhulule, naphinda nawenza amakhoboka.’
17 “Ngoko uthi uYehova: ‘Khange niwuthobele umyalelo wam wokuba nithethe ngenkululeko kubantakwenu nakwabanye abantu.+ Ngoku ndiza kunenza nikhululeke ngokuthi nibulawe likrele, sisifo esingubhubhani nayindlala,’+ utsho uYehova, ‘yaye ndiza kunenza into eyoyikekayo kuzo zonke izizwe zomhlaba.+ 18 Nantsi into eza kwenzeka kumadoda aphula isivumelwano sam ngokungenzi ngokwamazwi eso sivumelwano asenza phambi kwam, xa acanda ithole lenkomo kubini aza ahamba phakathi kwaloo macala,+ 19 oko kukuthi, iinkosana zakwaYuda, iinkosana zaseYerusalem, amagosa enkundla, ababingeleli nabo bonke abantu belizwe abahamba phakathi kwamacala ethole lenkomo: 20 Ndiza kubanikela kwiintshaba zabo nakwabo bafuna ukubabulala; izidumbu zabo ziza kuba kukutya kweentaka zezulu nezamarhamncwa omhlaba.+ 21 Ndiza kunikela uKumkani uZedekiya wakwaYuda neenkosana zakhe kwiintshaba zabo, kwabo bafuna ukubabulala nakwimikhosi yamajoni kakumkani waseBhabhiloni+ eyekayo ukunihlasela.’+
22 “‘Ndiza kukhupha umyalelo,’ utsho uYehova, ‘yaye ndiza kubabuyisela kwesi sixeko, balwe naso, basithimbe baze basitshise;+ nezixeko zakwaYuda ndiza kuzenza indawo etshabaleleyo engenamntu.’”+
35 Ilizwi elafika kuYeremiya livela kuYehova ngemihla kaYehoyakim+ unyana kaYosiya, ukumkani wakwaYuda, lalisithi: 2 “Hamba uye endlini yamaRekabhi,+ uthethe nawo, uwase kwelinye lamagumbi okutyela endlini kaYehova, uwaphe iwayini asele.”
3 Ngoko ke, ndamthatha uYahazaniya unyana kaYeremiya unyana kaHabhatsiniya, abantakwabo, oonyana bakhe bonke, nayo yonke indlu yamaRekabhi, 4 ndabangenisa endlini kaYehova. Ndabasa kwigumbi lokutyela loonyana bakaHanan, unyana kaIgedaliya, indoda yoThixo wokwenene, elalisecaleni kwegumbi lokutyela leenkosana, elaliphezu kwegumbi lokutyela likaMahaseya unyana kaShalum unogada wasemnyango. 5 Emva koko ndabeka izitya neendebe ezigcwele iwayini phambi kwamadoda endlu yamaRekabhi, ndathi kuwo: “Selani.”
6 Kodwa athi: “Asizukuyisela, kuba uYehonadabhi*+ unyana kaRekabhi, ukhokho wethu, wasinika lo myalelo, ‘Nina noonyana benu ningaze nisele wayini. 7 Nize ningakhi ndlu, nityale mbewu, nizifumanele okanye nityale ntsimi yadiliya. Kunoko nimele niqhubeke nihlala ezintenteni, ukuze niphile ixesha elide kwilizwe enihlala kulo njengabantu basemzini.’ 8 Ngoko ke, siqhubeka sithobela ilizwi likaYehonadabhi unyana kaRekabhi, ukhokho wethu, kuyo yonke into awasiyalela yona, ngokungaze sisele wayini, thina, abafazi bethu, oonyana bethu neentombi zethu. 9 Asizakheli zindlu zakuhlala, asinawo namasimi eediliya, intsimi okanye imbewu. 10 Siqhubeka sihlala ezintenteni kwaye sithobela yonke into uYehonadabhi* ukhokho wethu awasiyalela yona. 11 Kodwa xa uNebhukadenetsare* ukumkani waseBhabhiloni wahlasela eli lizwe,+ sathi, ‘Yizani, siyeni eYerusalem, sibaleke umkhosi wamaKhaledi nowamaSiriya,’ yaye ngoku sihlala eYerusalem.”
12 Kwafika ilizwi likaYehova kuYeremiya lisithi: 13 “Uthi uYehova wemikhosi, uThixo kaSirayeli, ‘Hamba uyokuthi kumadoda akwaYuda nakubantu baseYerusalem: “Ngaba beningasoloko nicengwa ukuba nithobele amazwi am?”+ utsho uYehova. 14 “UYehonadabhi unyana kaRekabhi wayalela inzala yakhe ukuba ingaseli wayini, ibe yayenza loo nto, ayasela kwade kwangoku, ithobela umyalelo kakhokho wayo.+ Mna ndithethile nani ngokuphindaphindiweyo,* kodwa anindithobelanga.+ 15 Kwaye ndaqhubeka ndithumela kuni bonke abakhonzi bam abaprofeti, ndibathumela kaninzi,*+ ndisithi, ‘Ndicela nonke niyeke ukwenza izinto ezimbi,+ nenze ezilungileyo! Sanukulandela abanye oothixo nize nibakhonze. Ukuba niyayenza loo nto, niza kuqhubeka nihlala elizweni endalinika nina nookhokho benu.’+ Kodwa anizange nivule ndlebe, ningazange nindimamele. 16 Bona oonyana bakaYehonadabhi unyana kaRekabhi bawugcinile umyalelo kakhokho wabo,+ kodwa bona aba bantu abandimamelanga.”’”
17 “Ngoko ke, uthi uYehova, uThixo wemikhosi, uThixo kaSirayeli, ‘Ndizisela uYuda nabo bonke abemi baseYerusalem intlekele endiye ndabalumkisa ngayo,+ kuba ndithethile nabo, kodwa abafunanga kundimamela, ibe ndiye ndaqhubeka ndibabiza, kodwa baye abandihoya.’”+
18 Wathi uYeremiya kwindlu yamaRekabhi: “Uthi uYehova wemikhosi, uThixo kaSirayeli, ‘Ngenxa yokuba niwuthobele umyalelo kakhokho wenu uYehonadabhi, naqhubeka niyithobela yonke imiyalelo yakhe, nisenza ngqo le nto wayeniyalele yona, 19 uthi uYehova wemikhosi, uThixo kaSirayeli: “Soze nanini na ingabikho inzala kaYehonadabhi* unyana kaRekabhi ekhonza phambi kwam.”’”
36 Ngonyaka wesine kaYehoyakim+ unyana kaYosiya, ukumkani wakwaYuda, kwafika ilizwi kuYeremiya livela kuYehova lisithi: 2 “Thatha umsongo,* ubhale onke amazwi endiwathethe kuwe ngoSirayeli nangoYuda+ nangazo zonke iintlanga,+ ukususela ngemini yokuqala endathetha ngayo kuwe ngemihla kaYosiya de kube namhlanje.+ 3 Mhlawumbi xa abendlu kaYuda besiva ngentlekele endicinga ukubazisela yona, baza kujika kwiindlela zabo ezimbi, ukuze ndisixolele isiphoso sabo nesono sabo.”+
4 UYeremiya wabiza uBharuki+ unyana kaNeriya, wamxelela yonke into eyayithethwe nguYehova kuye, waza uBharuki wayibhala kumsongo.*+ 5 Emva koko uYeremiya wayalela uBharuki, esithi: “Ndivalelwe yaye andikwazi kungena endlini kaYehova. 6 Nguwe ke omakangene uze uwafunde ngokuvakalayo amazwi kaYehova endikuxelele ukuba uwabhale kulo msongo. Uze uwafunde besiva abantu endlini kaYehova ngosuku lokuqala lokuzila ukutya; ngaloo ndlela uza kuwafundela bonke abantu bakwaYuda abeza bevela kwizixeko zabo. 7 Mhlawumbi isicelo sabo senceba siza kufika kuYehova, baze bajike, ngamnye ajike kwiindlela zakhe ezimbi, kuba uYehova uthethe ngomsindo nangobushushu obukhulu ngesi sizwana.”
8 Ngoko uBharuki unyana kaNeriya wenza yonke into awayeyiyalelwe ngumprofeti uYeremiya; wafunda amazwi kaYehova ngokuvakalayo kumsongo endlini kaYehova.+
9 Kwathi ke ngonyaka wesihlanu kaYehoyakim+ unyana kaYosiya ukumkani wakwaYuda, ngenyanga yesithoba, bonke abantu eYerusalem nabo bonke abantu ababesiza eYerusalem bevela kwizixeko zakwaYuda bathi makuzilwe ukutya phambi kukaYehova.+ 10 Emva koko, uBharuki wafunda amazwi kaYeremiya ngokuvakalayo kumsongo* endlini kaYehova, kwigumbi* likaGemariya+ unyana kaShafan+ umkhupheli,* kwiyadi ephezulu, egeyithini entsha yendlu kaYehova,+ bonke abantu besiva.
11 Xa uMikaya unyana kaGemariya, unyana kaShafan, wawevayo amazwi kaYehova akumsongo,* 12 wehla waya endlini kakumkani, kwigumbi likanobhala. Zazihleli apho zonke iinkokheli:* uElishama+ unobhala, uDelaya unyana kaShemaya, uElnatan+ unyana ka-Akebhore,+ uGemariya unyana kaShafan, uZedekiya unyana kaHananiya nazo zonke ezinye iinkokheli. 13 UMikaya wazixelela onke amazwi awayewavile xa uBharuki wayefunda ngokuvakalayo kumsongo* wonke umntu esiva.
14 Emva koko zonke iinkokheli zathumela uYehudi unyana kaNetaniya, unyana kaShelemiya, unyana kaKushi kuBharuki, zisithi: “Yiza nala msongo obuwufundele abantu.” Wawuthatha ke uBharuki unyana kaNeriya umsongo waya kuzo. 15 Zathi kuye: “Khawuhlale phantsi uze uwufunde ngokuvakalayo.” Ngoko uBharuki wazifundela ezi nkokheli.
16 Zathi zakuweva la mazwi, zajongana zisoyika, zathi kuBharuki: “Nakanjani na simele simxelele ukumkani la mazwi.” 17 Zambuza ke uBharuki zisithi: “Khawusixelele indlela owabhale ngayo la mazwi. Ngaba ubhale izinto ebezithethwa nguYeremiya?” 18 UBharuki wathi kuzo: “Uye wathetha la mazwi kum, ndaza mna ndawabhala kulo msongo* ngeinki.” 19 Iinkokheli zathi kuBharuki: “Wena noYeremiya hambani niyokuzimela, nize ningaxeleli mntu ukuba niphi.”+
20 Emva koko zaya kukumkani eyadini, zabeka umsongo kwigumbi likaElishama unobhala, zaxelela ukumkani yonke into eziyivileyo.
21 Ngoko ukumkani wathuma uYehudi+ ukuba ayokuthatha umsongo, waza yena wawuthatha egumbini likaElishama unobhala. UYehudi wawufundela ukumkani nazo zonke iinkokheli ezazimi ngakukumkani. 22 Ukumkani wayehleli endlini yasebusika, ngenyanga yesithoba,* kubaswe imbawula phambi kwakhe. 23 Qho emva kokuba uYehudi efunde imiqolo emithathu okanye emine, ukumkani wayesika loo miqolo ngemela kanobhala aze ayiphose embawuleni, de wonke umsongo waphelela embawuleni. 24 Abazange boyike; yaye ukumkani nazo zonke izicaka zakhe ezaziwamamele la mazwi, abazange bazikrazule iimpahla zabo. 25 Nangona uElnatan,+ uDelaya+ noGemariya+ babemcenga ukumkani ukuba angawutshisi umsongo, akazange abamamele. 26 Wade wayalela noYerameli unyana kakumkani, uSeraya unyana ka-Azriyeli, noShelemiya unyana ka-Abhedeli ukuba bayokubamba uBharuki unobhala nomprofeti uYeremiya. Kodwa uYehova wabagcina befihlakele.+
27 Ilizwi likaYehova laphinda lafika kuYeremiya emva kokuba ukumkani ewutshisile umsongo owawunamazwi abhalwe nguBharuki ewaxelelwa nguYeremiya,+ lisithi: 28 “Thatha omnye umsongo, ubhale kuwo onke amazwi abekumsongo wokuqala, otshiswe nguYehoyakim ukumkani wakwaYuda.+ 29 Uze uthi kuKumkani uYehoyakim wakwaYuda, ‘Uthi uYehova: “Wena utshise lo msongo usithi, ‘Kutheni ubhale kuwo usithi: “Nakanjani ukumkani waseBhabhiloni uza kuza alitshabalalise eli lizwe, kungabikho mntu nasilwanyana kulo”?’+ 30 Ngoko ke uthi uYehova ngoKumkani uYehoyakim wakwaYuda, ‘Akazukuba naye umntu wokuhlala etroneni kaDavide,+ nesidumbu sakhe siza kushiywa elangeni emini naseqabakeni ebusuku.+ 31 Ndiza kumphendulisa yena nenzala* yakhe nezicaka zakhe ngesono sabo, ndizisele bona nabemi baseYerusalem namadoda akwaYuda yonke intlekele endithe ndiza kubazisela yona+ kuba bengazange bamamele.’”’”+
32 UYeremiya wathatha omnye umsongo wawunika uBharuki unyana kaNeriya, unobhala,+ yena wabhala kuwo amazwi awayewaxelelwa nguYeremiya awayekumsongo otshiswe nguKumkani uYehoyakim wakwaYuda.+ Kongezelelwa kuwo amazwi amaninzi anjengawo.
37 UKumkani uZedekiya+ unyana kaYosiya wabekwa waba ngukumkani wakwaYuda,+ emiselwa nguKumkani uNebhukadenetsare* waseBhabhiloni. Wangena endaweni kaKoniya*+ unyana kaYehoyakim. 2 Kodwa yena, izicaka zakhe nabantu belizwe abazange bawamamele amazwi kaYehova awawathethayo ngomprofeti uYeremiya.
3 UKumkani uZedekiya wathumela kumprofeti uYeremiya uYehukali+ unyana kaShelemiya noZefaniya+ unyana kaMahaseya umbingeleli, esithi: “Ndicela usithandazele kuYehova uThixo wethu.” 4 UYeremiya wayehamba-hamba ngokukhululekileyo phakathi kwabantu, kuba babengekamvaleli ejele.+ 5 Kwakukho umkhosi kaFaro owawuphuma eYiputa,+ yaye amaKhaledi awayerhangqe iYerusalem eva ingxelo ngawo. Ngoko ayeka ukuhlasela iYerusalem.+ 6 Emva koko lafika ilizwi likaYehova kumprofeti uYeremiya lisithi: 7 “Uthi uYehova uThixo kaSirayeli, ‘Nantsi into enifanele niyithethe kukumkani wakwaYuda, oye wanithumela kum ukuze nibuze: “Jongani! Umkhosi kaFaro oze kuninceda kuza kufuneka ubuyele kwilizwe lawo, iYiputa.+ 8 AmaKhaledi aza kubuya aze alwe nesi sixeko, ibe aza kusithimba aze asitshise.”+ 9 Uthi uYehova: “Sanukuziqhatha ngokuthi, ‘Nakanjani na amaKhaledi aza kusiyeka,’ kuba awazukuniyeka. 10 Nokuba beninokuwuxabela wonke umkhosi wamaKhaledi alwa nani, kuze kushiyeke amadoda enzakeleyo kuphela, ebeza kuphakama ezintenteni zawo asitshise esi sixeko.”’”+
11 Emva kokuba umkhosi wamaKhaledi umkile eYerusalem ngenxa yomkhosi kaFaro,+ 12 uYeremiya waphuma eYerusalem waya kwilizwe lakwaBhenjamin+ ukuze afumane isahlulo sakhe phakathi kwabantu bakowabo. 13 Kodwa wathi akufika kwiGeyithi YakwaBhenjamin, igosa eliphethe oonogada, elinguIriya unyana kaShelemiya unyana kaHananiya, lambamba umprofeti uYeremiya lathi: “Wena ubalekela kumaKhaledi!” 14 UYeremiya wathi: “Asiyonyani leyo! Andibalekeli kumaKhaledi mna.” Kodwa eli gosa linguIriya alizange limmamele. Lambamba lamzisa kwiinkokheli. 15 Iinkokheli zaba nomsindo, zambetha uYeremiya+ zaza zamfaka ejele*+ kwindlu kaYehonatan unobhala, eyayijikwe yayijele. 16 UYeremiya wafakwa emngxunyeni* kumagumbi angaphantsi, wahlala apho ixesha elide.
17 Emva koko uKumkani uZedekiya wathi makabizwe, waza wambuza ecaleni endlini yakhe.+ Wathi, “Ngaba likho ilizwi elivela kuYehova?” UYeremiya wathi, “Likhona!” waza waqhubeka wathi, “Uza kunikelwa esandleni sokumkani waseBhabhiloni!”+
18 UYeremiya waphinda wathi kuKumkani uZedekiya: “Ndikone ngantoni wena nezicaka zakho nesi sizwana, le nto nindivalele ejele? 19 Baphi ngoku abaprofeti bakho ababekuprofetela besithi, ‘Ukumkani waseBhabhiloni akazukulwa neli lizwe’?+ 20 Ndicela undimamele, yhini nkosi yam kumkani. Akwaba ungasimamela isicelo sam. Ndicela ungandibuyiseli endlini kanobhala uYehonatan,+ kuba ndiza kufela pha.”+ 21 Ngoko uKumkani uZedekiya wayalela ukuba uYeremiya avalelwe kwiYadi Yoonogada,+ ibe yonke imihla wayenikwa isonka esirawundi esivela kwisitrato sababhaki+ de sabe siphelile esixekweni.+ UYeremiya wahlala kwiYadi Yoonogada.
38 UShefatiya unyana kaMatan, uGedaliya unyana kaPashure, uYukali+ unyana kaShelemiya noPashure+ unyana kaMalekiya baweva amazwi awayethethwa nguYeremiya kubo bonke abantu, esithi: 2 “Uthi uYehova, ‘Umntu oshiyekayo kwesi sixeko uza kubulawa likrele, yindlala nasisifo esingubhubhani.+ Kodwa lowo unikezelayo* kumaKhaledi uza kuqhubeka ephila ibe uza kubusindisa ubomi bakhe aze aphile.’+ 3 Uthi uYehova, ‘Ngokuqinisekileyo esi sixeko siza kunikelwa kumkhosi kakumkani waseBhabhiloni, yaye uza kusithimba.’”+
4 Zathi iinkokheli kukumkani: “Yithi mayibulawe le ndoda,+ kuba ngale ndlela, ityhafisa amajoni nabo bonke abantu abashiyekileyo kwesi sixeko, ngokuthetha izinto ezinje. Kuba le ndoda ayisifuneli luxolo esi sizwana, kodwa isifunela intlekele.” 5 UKumkani uZedekiya wathi: “Jongani! Isezandleni zenu, kuba andinakuninqanda.”
6 Ngoko ke bamthatha uYeremiya bamphosa equleni likaMalekiya unyana kakumkani, elalikwiYadi Yoonogada.+ Bamehlisa ngeentambo uYeremiya. Kodwa kwakungekho manzi kwelo qula, kukho udaka kuphela, ibe uYeremiya waqalisa ukutshona kolo daka.
7 UEbhedi-meleki+ umTiyopiya, ithenwa endlini kakumkani,* weva ukuba bamfake equleni uYeremiya. Yena ukumkani wayehleli eGeyithini YakwaBhenjamin,+ 8 ngoko uEbhedi-meleki waphuma endlini kakumkani, wayokuthi kukumkani: 9 “Owu yhini nkosi yam kumkani, imbi le nto yenziwe ngala madoda kumprofeti uYeremiya! Amphose equleni, ibe uza kufela pha yindlala, kuba siphelile isonka esixekweni.”+
10 Wathi ukumkani kuEbhedi-meleki umTiyopiya: “Thatha amadoda ayi-30 apha, niyokumkhupha equleni umprofeti uYeremiya engekafi.” 11 Ngoko ke uEbhedi-meleki wahamba naloo madoda waya endlini kakumkani, phantsi kwendawo yokugcina ubutyebi,+ wafika apho wathatha iingubo ezigugileyo namalaphu angamadlavu, wawehlisela equleni kuYeremiya ngeentambo. 12 Emva koko uEbhedi-meleki umTiyopiya wathi kuYeremiya: “Thatha loo ntambo, uyibhijele ngamalaphu, uyifake phantsi kwamakhwapha.” Wayenza loo nto uYeremiya, 13 bamtsala ngeentambo, bamkhupha kwelo qula. UYeremiya waqhubeka ehlala kwiYadi Yoonogada.+
14 UKumkani uZedekiya wathi makubizwe umprofeti uYeremiya eze kwigeyithi yesithathu esendlini kaYehova, waza wathi ukumkani kuYeremiya: “Kukho into endifuna ukukubuza yona. Ungandifihleli kwanto.” 15 Wathi uYeremiya kuZedekiya: “Ukuba ndiyakuxelela, uza kundibulala ngokuqinisekileyo. Ukuba ndiyakucebisa, awuzukundimamela.” 16 Ngoko ke uKumkani uZedekiya wafunga kuYeremiya emfihlekweni, esithi: “Ephila nje uYehova osinike ubomi, andizukukubulala, yaye andizukukunikela kula madoda afuna ukukubulala.”
17 Wathi uYeremiya kuZedekiya: “Uthi uYehova, uThixo wemikhosi, uThixo kaSirayeli, ‘Ukuba uyazinikezela* kwiinkokheli zikakumkani waseBhabhiloni, awuzukubulawa, nesi sixeko asizukutshiswa, ibe wena nendlu yakho anizukubulawa.+ 18 Kodwa ukuba uye awazinikezela kwiinkokheli zikakumkani waseBhabhiloni, esi sixeko siza kunikelwa kumaKhaledi, kwaye aza kusitshisa,+ yaye awuzukusinda kuwo.’”+
19 UKumkani uZedekiya wathi kuYeremiya: “Ndoyika amaYuda abalekele kumaKhaledi, kuba ukuba ndinikelwe kuwo, aza kundikhohlakalela.” 20 Kodwa uYeremiya wathi: “Awuzukunikezelwa kuwo. Ndiyakucela, khawuthobele ilizwi likaYehova kule nto ndikuxelela yona, yaye uza kulungelwa, awuzukufa. 21 Kodwa ukuba awufuni kuzinikezela,* nantsi into andibonise yona uYehova: 22 Jonga! Bonke abafazi abaye bashiyeka endlini kakumkani wakwaYuda basiwa kwiinkokheli zikakumkani waseBhabhiloni,+ yaye bathi,
Atshonise unyawo lwakho eludakeni.
Ngoku aye abuya umva, arhoxa.’
23 Bonke abafazi bakho kunye noonyana bakho babase kumaKhaledi, yaye wena awuzukusinda kuwo, kodwa uza kubanjwa ngukumkani waseBhabhiloni,+ kwaye ngenxa yakho esi sixeko siza kutshiswa.”+
24 Waza wathi uZedekiya kuYeremiya: “Ungaxeleli mntu ngezi zinto, ukuze ungafi. 25 Ukuba iinkokheli zivile ukuba ndiye ndathetha nawe, zize zithi kuwe, ‘Sicela usixelele ukuba uye wathini kuwe ukumkani. Ungasifihleli nto, asizukukubulala.+ Utheni kuwe ukumkani?’ 26 umele uthi kuzo, ‘Bendimcela ukumkani ukuba angandibuyiseli kwindlu kaYehonatan, kuba andifuni kufela apho.’”+
27 Ekuhambeni kwexesha iinkokheli zeza kuYeremiya zambuza. Wazixelela loo nto ukumkani wayethe azixelele yona. Ngoko azizange zithethe nto kuye, kuba akukho namnye owayeyivile loo ncoko. 28 UYeremiya waqhubeka ehlala kwiYadi Yoonogada de yangumhla eyathinjwa ngawo iYerusalem;+ wayeselapho ke xa yayithinjwa iYerusalem.+
39 Ngonyaka wesithoba kaKumkani uZedekiya wakwaYuda, ngenyanga yeshumi, uKumkani uNebhukadenetsare* waseBhabhiloni nomkhosi wakhe wonke beza eYerusalem baza bayirhangqa.+
2 Ngonyaka we-11 kaZedekiya, ngenyanga yesine, ngomhla wesithoba kuloo nyanga, badiliza iindonga zeso sixeko.+ 3 Yaye zonke iinkokheli zikakumkani waseBhabhiloni, uNergali-sharetsere iSamgare, uNebho-Sarsekim iRabhesarisi,* uNergali-sharetsere iRabhemage* nazo zonke ezinye iinkokheli zikakumkani waseBhabhiloni zangena zaza zahlala phantsi kwiGeyithi Ephakathi.+
4 Wathi uKumkani uZedekiya wakwaYuda nawo onke amajoni akhe bakubabona, babaleka,+ baphuma esixekweni ngobusuku ngakumyezo kakumkani, ngegeyithi ephakathi kweendonga ezimbini; yaye baqhubeka behamba ngendlela yaseArabha.+ 5 Umkhosi wamaKhaledi wabaleqa, waza wamfumana uZedekiya kwintlango yaseYeriko.+ Wambamba waza wamzisa kuKumkani uNebhukadenetsare* waseBhabhiloni eRibhela+ kwilizwe laseHamati,+ ukuze agwebe. 6 Ukumkani waseBhabhiloni wayalela ukuba kubulawe oonyana bakaZedekiya eRibhela, phambi kwamehlo akhe, wayalela ukuba kubulawe nazo zonke izikhulu zakwaYuda.+ 7 Emva koko wamtyhaphaza amehlo uZedekiya, waza wambopha ngamatsheyini ekopolo ukuze amzise eBhabhiloni.+
8 Emva koko, amaKhaledi atshisa indlu kakumkani nezindlu zabantu,+ aza adiliza iindonga zaseYerusalem.+ 9 UNebhuzaradan+ umphathi woonogada wabathimbela eBhabhiloni abantu ababeshiyekile esixekweni, abo babebalekele kuye, naye nabani na owayeshiyekile.
10 Kodwa uNebhuzaradan umphathi woonogada wabashiya kwilizwe lakwaYuda abanye babona bantu bahlwempuzekileyo, abo babengenanto tu. Ngaloo mini wabanika amasimi eediliya namanye amasimi ukuze basebenze kuwo.*+
11 UKumkani uNebhukadenetsare* waseBhabhiloni wathi kuNebhuzaradan umphathi woonogada ngoYeremiya: 12 “Mthathe uze umhoye; ungenzi nantoni na embi kuye, uze umnike nantoni na ayicelayo.”+
13 Ngoko uNebhuzaradan umphathi woonogada, uNebhushazebhan iRabhesarisi,* uNergali-sharetsere iRabhemage* nawo onke amadoda aziintloko kakumkani waseBhabhiloni bathumela 14 ukuba kukhutshwe uYeremiya kwiYadi Yoonogada,+ bamnikela kuGedaliya+ unyana ka-Ahikam+ unyana kaShafan,+ ukuba aye naye endlini yakhe. Ngoko wahlala phakathi kwabantu.
15 Ngoxa uYeremiya wayesavalelwe kwiYadi Yoonogada,+ kwafika ilizwi likaYehova kuye, lisithi: 16 “Hamba uyokuthi kuEbhedi-meleki+ umTiyopiya, ‘Uthi uYehova wemikhosi, uThixo kaSirayeli: “Ndiza kuyenza into endiyithethileyo ngesi sixeko, ibe yintlekele kungekhona ukulungelwa, yaye ngaloo mini uza kuyibona isenzeka loo nto.”’
17 “‘Kodwa ndiza kukusindisa ngaloo mini,’ utsho uYehova, ‘yaye awuzukunikelwa kumadoda owoyikayo.’
18 “‘Kuba nakanjani ndiza kukusindisa, ibe awuzukuwa ngekrele. Uza kubugcina ubomi bakho,+ kuba uthembele kum,’+ utsho uYehova.”
40 Kwafika ilizwi likaYehova kuYeremiya emva kokuba ekhululwe eRama+ nguNebhuzaradan+ umphathi woonogada. Wamthatha apho ebotshiwe yaye ekunye nabo bonke abathinjwa baseYerusalem nabakwaYuda ababethunyelwa eBhabhiloni. 2 Umphathi woonogada wamthatha uYeremiya, wathi kuye: “UYehova uThixo wakho wayichaza kwakudala le ntlekele yehlela le ndawo, 3 yaye uYehova uye wayizisa kanye ngendlela awayethethe ngayo, kuba nina nimonile uYehova yaye anilithobelanga ilizwi lakhe. Yiyo loo nto isenzeka kuni le nto.+ 4 Ngoku ndiyakukhulula kula matsheyini zibotshwe ngawo izandla zakho. Ukuba ukubona kuyinto entle ukuza nam eBhabhiloni, yiza, yaye ndiya kukuhoya. Kodwa ukuba awufuni ukuza nam eBhabhiloni, sukuza. Jonga! Lonke ilizwe liphambi kwakho. Yiya naphi na apho ukhetha ukuya khona.”+
5 Ngoxa wayengekajiki uYeremiya, uNebhuzaradan wathi: “Buyela kuGedaliya+ unyana ka-Ahikam+ unyana kaShafan,+ lo ukumkani waseBhabhiloni ambekileyo ukuba alawule izixeko zakwaYuda, uze uhlale naye kunye nabantu; okanye uye naphi na apho ukhetha ukuya khona.”
Umphathi woonogada wamnika ukutya nesipho waza wamyeka wahamba. 6 UYeremiya waya kuGedaliya unyana ka-Ahikam eMizpa,+ wahlala naye phakathi kwabantu ababeshiywe elizweni.
7 Ekuhambeni kwexesha zonke iintloko zomkhosi ezazisemaphandleni namadoda aphantsi kwazo zeva ukuba ukumkani waseBhabhiloni ubeke uGedaliya unyana ka-Ahikam phezu kwelizwe aze alawule amadoda, abafazi nabantwana kubantu belo lizwe abangamahlwempu, ababengathinjelwanga eBhabhiloni.+ 8 Ngoko iintloko zomkhosi zeza kuGedaliya eMizpa.+ Ezo ntloko yayinguIshmayeli+ unyana kaNetaniya, uYohanan+ noYonatan oonyana bakaKareya, uSeraya unyana kaTanumete, oonyana bakaEfayi umNetofa noYezaniya+ unyana womMahakati, kunye namadoda awayephantsi kwazo. 9 UGedaliya unyana ka-Ahikam unyana kaShafan wawafungela la madoda esithi: “Sanukoyika ukusebenzela amaKhaledi. Hlalani kweli lizwe nize nisebenzele ukumkani waseBhabhiloni, yaye niza kulungelwa.+ 10 Mna ndiza kuhlala eMizpa ukuze ndinimele kumaKhaledi* aza kuthi. Kodwa nimele niqokelele iwayini, iziqhamo zasehlotyeni neoli, nizifake koovimba nize nihlale kwizixeko zenu enizithimbileyo.”+
11 Onke amaYuda awayekwaMowabhi, kwa-Amoni nakwaEdom nalawo ayekuwo onke amanye amazwe, eva ukuba ukumkani waseBhabhiloni uyeke abantu abambalwa bashiyeka kwaYuda nokuba ubeke uGedaliya unyana ka-Ahikam unyana kaShafan ukuba abalawule. 12 Ngoko onke amaYuda abuya kuzo zonke iindawo awayesasazeke kuzo, yaye eza kwilizwe lakwaYuda kuGedaliya eMizpa. Aqokelela iwayini neziqhamo zasehlotyeni ezininzi kakhulu.
13 UYohanan unyana kaKareya weza kuGedaliya eMizpa kunye nazo zonke iintloko zomkhosi ezazisemaphandleni. 14 Bathi kuye: “Awazi na ukuba uBhahalis, ukumkani wama-Amoni+ uthumele uIshmayeli unyana kaNetaniya ukuba akubulale?”+ Kodwa uGedaliya unyana ka-Ahikam akazange abakholelwe.
15 Emva koko uYohanan unyana kaKareya ngokufihlakeleyo wathi kuGedaliya eMizpa: “Ndifuna ukuhamba ndiyokuxabela uIshmayeli unyana kaNetaniya, ibe akukho mntu uza kuyazi le nto. Kutheni efanele akubulale, kutheni bonke abantu bakwaYuda abaqokelelene kuwe nabashiyekileyo befanele batshabalale?” 16 Kodwa uGedaliya+ unyana ka-Ahikam wathi kuYohanan unyana kaKareya: “Sukuyenza le nto, kuba bubuxoki obu ubuthethayo ngoIshmayeli.”
41 Ngenyanga yesixhenxe kwafika uIshmayeli+ unyana kaNetaniya unyana kaElishama wenzala yasebukhosini,* ongomnye wamadoda aziintloko kakumkani, weza namadoda alishumi kuGedaliya unyana ka-Ahikam eMizpa.+ Kwathi xa kanye babesitya kunye eMizpa, 2 uIshmayeli unyana kaNetaniya namadoda alishumi awayekunye naye baphakama bamxabela uGedaliya unyana ka-Ahikam unyana kaShafan ngekrele. Ngoko wambulala lowo wayemiselwe ngukumkani waseBhabhiloni phezu kwelizwe. 3 UIshmayeli waxabela nawo onke amaYuda awayekunye noGedaliya eMizpa, namajoni amaKhaledi awayelapho.
4 Ngomhla wesibini emva kokubulawa kukaGedaliya, kungekabikho mntu waziyo ngaloo nto, 5 kwafika amadoda ayi-80 akwaShekem+ awayevela eShilo+ naseSamariya.+ Iindevu zawo zazichetyiwe, iimpahla zikrazukile, ezisike emzimbeni,+ yaye ephethe umnikelo wokutya nentlaka yokuqhumisa,+ ezizise endlini kaYehova. 6 Ngoko uIshmayeli unyana kaNetaniya waphuma eMizpa ewahlangabeza, elila. Xa efika kuwo wathi: “Yizani kuGedaliya unyana ka-Ahikam.” 7 Kodwa athi xa efika esixekweni, uIshmayeli unyana kaNetaniya namadoda akhe bawaxhaxha bawaphosa equleni.
8 Kodwa kwakukho amadoda alishumi phakathi kwawo, awathi kuIshmayeli: “Sukusibulala, kuba kukho indawo esendle esifihle kuyo ukutya, ingqolowa, irhasi, ioli nobusi.” Ngoko wawayeka, akawabulala wona nabantakwawo. 9 UIshmayeli walahla ezo zidumbu kwiqula elikhulu elalenziwe nguKumkani uAsa ngenxa kaKumkani uBhahasha wakwaSirayeli.+ Wawafumba kwelo qula ke uIshmayeli unyana kaNetaniya amadoda awayewaxabele.
10 UIshmayeli wabathimba bonke abantu ababeseMizpa,+ neentombi zikakumkani nabo bonke abantu ababeshiyekile eMizpa ababevalelwe ngumphathi woonogada uNebhuzaradan baza baba selugcinweni phantsi kukaGedaliya+ unyana ka-Ahikam. UIshmayeli unyana kaNetaniya wabathimba waza wawelela koonyana baka-Amoni.+
11 Xa uYohanan+ unyana kaKareya nazo zonke iintloko zemikhosi ezazikunye naye beva ngezinto ezimbi ezazenziwe nguIshmayeli unyana kaNetaniya, 12 bathatha onke amadoda, bayokulwa noIshmayeli unyana kaNetaniya, bamfumana ngasemanzini amaninzi eGibheyon.*
13 Bonke abantu ababekunye noIshmayeli bavuya bakubona uYohanan unyana kaKareya nazo zonke iintloko zomkhosi ezazihamba naye. 14 Emva koko bonke abantu ababethinjwe nguIshmayeli eMizpa+ bajika bahamba noYohanan unyana kaKareya. 15 Kodwa uIshmayeli unyana kaNetaniya namadoda asibhozo basinda kuYohanan, baya kuma-Amoni.
16 UYohanan unyana kaKareya nazo zonke iintloko zomkhosi ezazikunye naye babathatha bonke abantu baseMizpa ababesindiswe kuIshmayeli unyana kaNetaniya emva kokuba exabele uGedaliya+ unyana ka-Ahikam. Bathatha eGibheyon amadoda, amajoni, abafazi, abantwana namagosa endlu kakumkani. 17 Bahlala kwindawo yokulala eKimham engaseBhetelehem,+ bezimisele ukuya eYiputa+ 18 ngenxa yamaKhaledi. Babesoyika kuba uIshmayeli unyana kaNetaniya wayexabele uGedaliya unyana ka-Ahikam, owayebekwe ngukumkani waseBhabhiloni ukuba alawule ilizwe.+
42 Ngoko zonke iintloko zomkhosi noYohanan+ unyana kaKareya noYezaniya unyana kaHoshaya nabo bonke abantu, ukususela koyena mncinci ukuyokutsho koyena mkhulu, baya 2 kumprofeti uYeremiya, bathi: “Siyakucela, simamele isicelo sethu, uze usithandazele kuYehova uThixo wakho, uthandazele bonke aba bantu abaye bashiyeka, kuba siye sashiyeka simbalwa nangona besibaninzi,+ njengokuba ubona. 3 Kwanga uYehova uThixo wakho angasixelela indlela esifanele sihambe ngayo, nento esifanele siyenze.”
4 Umprofeti uYeremiya wathi kubo: “Ndinivile, ibe ndiza kuthandaza kuYehova uThixo wenu ngokwamazwi enu; yaye lonke ilizwi aniphendula ngalo uYehova ndiza kunixelela. Akukho lizwi ndiza kunifihlela lona.”
5 Bona ke bathi kuYeremiya: “Kwanga uYehova angaba lingqina elithembekileyo aze asohlwaye ukuba asenzi yonke le nto akuthume ukuba usiyalele yona uYehova uThixo wakho. 6 Nokuba libi okanye limnandi, siza kulithobela ilizwi likaYehova uThixo wakho esikuthuma kuye, ukuze izinto zisihambele kakuhle, kuba siye salithobela ilizwi likaYehova uThixo wakho.”
7 Emva kweentsuku ezilishumi lafika ilizwi likaYehova kuYeremiya. 8 Wabiza uYohanan unyana kaKareya nazo zonke iintloko zomkhosi ezazikunye naye nabo bonke abantu, ukususela koyena mncinci ukuyokutsho koyena mkhulu.+ 9 Wathi kubo: “UYehova uThixo kaSirayeli ebenindithume ukuba ndinicelele inceba kuye uthi mandinixelele le nto: 10 ‘Ukuba niyahlala kweli lizwe, ndiza kunakha, ndinganichithi, yaye ndiza kunityala, ndinganincothuli, kuba ndiza kuba buhlungu* ngenxa yentlekele endinizisele yona.+ 11 Sanukumoyika lo kumkani waseBhabhiloni nimoyikayo.’+
“‘Sanukumoyika,’ utsho uYehova, ‘kuba ndinani, ukuze ndinisindise nokuze ndinihlangule kuye. 12 Ndiza kunenzela inceba,+ yaye uza kuba nenceba kuni aze anibuyisele emhlabeni wenu.
13 “‘Kodwa ukuba nithi: “Hayi, asizukuhlala kweli lizwe!” nize ningalithobeli ilizwi likaYehova uThixo wenu, 14 nisithi: “Hayi, endaweni yoko siza kuya kwilizwe laseYiputa,+ apho singazukubona mfazwe okanye sive sandi saphondo okanye silambele sonka; siza kuhlala apho thina,” 15 liveni ilizwi likaYehova, nina nishiyekileyo bakwaYuda. Uthi uYehova wemikhosi, uThixo kaSirayeli: “Ukuba nizimisele ukungena eYiputa niyokuhlala* khona, 16 lona kanye eli krele niloyikayo liza kunifumana apho kwilizwe laseYiputa, ibe yona kanye le ndlala niyoyikayo iza kunilandela ukuya eYiputa, nize nifele apho.+ 17 Onke amadoda azimisele ukuya kuhlala eYiputa aza kubulawa likrele, yindlala nasisifo esingubhubhani. Akukho nenye kuwo eza kusinda okanye iyibaleke intlekele endiza kuwazisela yona.”’
18 “Kuba uthi uYehova wemikhosi, uThixo kaSirayeli, ‘Kanye njengokuba umsindo nengqumbo yam ziye zagalelwa phezu kwabemi baseYerusalem,+ ingqumbo yam iza kugalelwa phezu kwenu ukuba niye eYiputa, yaye niza kuba sisithuko, into eyoyikekayo, into eqalekisiweyo nento yokuhlekisa,+ ibe soze niphinde niyibone le ndawo.’
19 “UYehova uthethe izinto ezimbi ngani, nina bashiyekileyo bakwaYuda. Sanukuya eYiputa. Yazini ke ukuba ndinilumkisile namhlanje, 20 ndanixelela ukuba isono senu siza kunibulalisa. Kuba nandithumela kuYehova uThixo wenu, nisithi, ‘Sithandazele kuYehova uThixo wethu, uze usixelele yonke into ayithethayo uYehova uThixo wethu, ibe siza kuyenza.’+ 21 Ndiye ndanixelela namhlanje, kodwa anizukulithobela ilizwi likaYehova uThixo wenu okanye nenze nantoni na athe mandinixelele yona.+ 22 Ze niyazi ke into yokuba niza kufa likrele, yindlala nasisifo esingubhubhani kuloo ndawo nifuna ukuya kuhlala kuyo.”+
43 Wathi uYeremiya akugqiba ukuxelela bonke abantu amazwi avela kuYehova uThixo wabo, awathunywe nguYehova uThixo wabo ukuba awathethe, 2 uAzariya unyana kaHoshaya noYohanan+ unyana kaKareya nawo onke amadoda anekratshi bathi kuYeremiya: “Uyaxoka! UYehova uThixo wethu akakuthumanga ukuba uthi, ‘Sanukuyokuhlala eYiputa.’ 3 Kodwa nguBharuki+ unyana kaNeriya okuqhubayo, kuba efuna sisiwe kumaKhaledi ukuze asibulale, okanye asithimbele eBhabhiloni.”+
4 UYohanan unyana kaKareya nazo zonke iintloko zomkhosi nabo bonke abantu abazange balithobele ilizwi likaYehova lokuba bahlale kwilizwe lakwaYuda. 5 UYohanan unyana kaKareya nazo zonke iintloko zomkhosi bathatha bonke abo bantu bambalwa bakwaYuda babeshiyekile, ababebuyile kuzo zonke iintlanga ebabesasazeke kuzo, ukuze bahlale okwethutyana kwilizwe lakwaYuda.+ 6 Bathatha amadoda, abafazi, abantwana, iintombi zikakumkani, nabo bonke abantu uNebhuzaradan+ intloko yoonogada awayebashiye noGedaliya+ unyana ka-Ahikam+ unyana kaShafan,+ nomprofeti uYeremiya noBharuki unyana kaNeriya. 7 Ngoko baya kwilizwe laseYiputa, kuba abazange balithobele ilizwi likaYehova, yaye bahamba de baya kufika eTapanehesi.+
8 Emva koko ilizwi likaYehova lafika kuYeremiya eTapanehesi lisithi: 9 “Thatha amatye amakhulu, uwafihle eludakeni kwindlela yezitena engakumnyango wendlu kaFaro eseTapanehesi, amadoda akwaYuda ebukele. 10 Emva koko yithi kuwo, ‘Uthi uYehova wemikhosi, uThixo kaSirayeli: “Jongani, ndithumela uNebhukadenetsare* ukumkani waseBhabhiloni, umkhonzi wam,+ ibe ndiza kuyibeka itrone yakhe kanye phezu kwala matye ndiwafihlileyo, yaye uza kuyandisa intente yakhe phezu kwawo.+ 11 Uza kufika aze alihlasele ilizwe laseYiputa.+ Nabani na obekelwe isibetho esibulalayo uza kufumana isibetho esibulalayo; nabani na obekelwe ukuthinjwa uza kuthinjwa; nabani na obekelwe ikrele uza kufunyanwa likrele.+ 12 Ndiza kuzintumeka ngomlilo izindlu* zoothixo baseYiputa,+ aze uNebhukadenetsare azitshise, athimbe nabo thixo. Uza kuzambathisa ngelizwe laseYiputa, kanye njengomalusi ezambathisa ngesambatho sakhe, aphume apho ngoxolo.* 13 Uza kuziqhekeza iintsika zaseBhete-shemeshe* ezikwilizwe laseYiputa, nezindlu* zoothixo baseYiputa uza kuzitshisa.”’”
44 Kwafika ilizwi kuYeremiya lisiya kuwo onke amaYuda awayehlala kwilizwe laseYiputa,+ eMigdoli,+ eTapanehesi,+ eNofu,*+ nakwilizwe lasePatrosi,+ lisithi: 2 “Uthi uYehova wemikhosi, uThixo kaSirayeli, ‘Niyibonile yonke intlekele endiyizisele iYerusalem+ nazo zonke izixeko zakwaYuda, namhlanje zitshabalele, akukho mntu uhlala kuzo.+ 3 Le nto ndiyenza kuba bandicaphukise ngokwenza izinto ezimbi, ngokuhamba bayokuqhumisa imibingelelo+ baze bakhonze abanye oothixo ababekade bengabazi, bengaziwa nini nangookhokho benu.+ 4 Ndaqhubeka ndithumela kuni bonke abakhonzi bam abaprofeti, ndibathumela kaninzi,* ndisithi: “Sanukuyenza le nto yenyanyekayo ndiyicaphukelayo.”+ 5 Kodwa abazange bamamele, bengazange bavule ndlebe, ukuze bayeke izinto ezimbi ababezenza, bayeke ukuqhumisa imibingelelo kwabanye oothixo.+ 6 Ngoko ingqumbo yam nomsindo wam zaba kwizixeko zakwaYuda nakwizitrato zaseYerusalem, zatsho zatshabalala, njengokuba zinjalo namhlanje.’+
7 “Uthi uYehova uThixo wemikhosi, uThixo kaSirayeli, ‘Kutheni nizizisela intlekele engaka, ukuze kutshabalale kwandoda namfazi, namntwana, nalusana kwaYuda, kungabikho kwamntu ushiyekayo? 8 Yintoni enibangela ukuba nindicaphukise ngemisebenzi yezandla zenu, ngokunikela imibingelelo kwabanye oothixo kwilizwe laseYiputa eniyokuhlala kulo? Niza kutshabalala, nibe sisithuko nento yokuhlekisa kuzo zonke iintlanga zomhlaba.+ 9 Nizilibele na izinto ezimbi ezenziwa ngookhokho benu, izinto ezimbi ezenziwa ngookumkani bakwaYuda,+ izinto ezimbi ezenziwa ngabafazi babo,+ izinto ezimbi ezenziwa nini nezinto ezimbi ezenziwa ngabenu abafazi+ kwilizwe lakwaYuda nasezitratweni zaseYerusalem? 10 Kude kube ngoku abakazithobi, abakoyiki,+ bengekahambi nangemithetho nemimiselo yam endayinika nina nookhokho benu.’+
11 “Ngoko ke uthi uYehova wemikhosi, uThixo kaSirayeli, ‘Ndizimisele ukunizisela intlekele, ukuze ndimtshabalalise wonke uYuda. 12 Ndiza kuthatha abashiyekileyo kwaYuda ababezimisele ukuza kuhlala kwilizwe laseYiputa, yaye baza kuphelela apho kwelo lizwe laseYiputa.+ Baza kuwa likrele nayindlala; ukususela koyena mncinci ukuyokutsho koyena mkhulu; baza kufa likrele nayindlala. Baza kuba sisithuko, into eyoyikekayo, into eqalekisiweyo nento yokuhlekisa.+ 13 Ndiza kubohlwaya abo bahlala kwilizwe laseYiputa kanye njengokuba ndohlwaya iYerusalem ngekrele, ngendlala nangesifo esingubhubhani.+ 14 Abo bashiyekileyo bakwaYuda abayokuhlala kwilizwe laseYiputa abazukubhungca okanye basinde okanye babuyele kwilizwe lakwaYuda. Baza kufuna ukubuyela nokuhlala khona, kodwa abazukubuyela, ngaphandle kwabambalwa abaza kube beqhweshile.’”
15 Onke amadoda awayesazi ukuba abafazi bawo benzela abanye oothixo imibingelelo, nabo bonke abafazi ababemi apho, behlanganisene, nabo bonke abantu ababehlala kwilizwe laseYiputa,+ ePatrosi,+ bamphendula uYeremiya bathi: 16 “Asizukulimamela ilizwi olithethe kuthi egameni likaYehova. 17 Kodwa ngaphandle kwamathandabuzo, siza kuzenza zonke izinto ebesithe siza kuzenza, siza kubingelela kuKumkanikazi Wamazulu,* sinikele neminikelo eselwayo,+ kanye njengokuba thina, ookhokho bethu, ookumkani bethu neenkokheli zethu sasisenza kwizixeko zakwaYuda nakwizitrato zaseYerusalem xa sasihlutha sisonka, siphila kamnandi, kungekho kwantlekele siyibonayo. 18 Xa sayekayo ukwenza iminikelo kuKumkanikazi Wamazulu nokunikela iminikelo eselwayo, saphelelwa yiyo yonke into, saphela likrele nayindlala.”
19 Abafazi bongeza ngelithi: “Futhi xa sasibingelela kuKumkanikazi Wamazulu, sinikela kuye iminikelo eselwayo, sazenza ngaphandle kwemvume yamadoda ethu na izonka ezirawundi eziyimifanekiso yakhe, sinikela kuye neminikelo eselwayo?”
20 Emva koko wathi uYeremiya kubo bonke abantu, kumadoda namakhosikazi awo nabo bonke abantu ababethetha naye: 21 “Imibingelelo enaniyenza, nina, ookhokho benu, ookumkani benu, iinkokheli zenu nabantu belizwe kwizixeko zakwaYuda nasezitratweni zaseYerusalem,+ uYehova uzikhumbule ibe zithe qatha entliziyweni yakhe! 22 Ekugqibeleni uYehova akazange akwazi ukuzinyamezela izinto ezimbi nezenyanyekayo enanizenza, yaye nelizwe lenu latshabalala, laba yinto eyoyikekayo, isithuko, indawo engahlali mntu, njengokuba linjalo nanamhlanje.+ 23 Kungenxa yokuba nenze le minikelo naza namona uYehova ngokungalithobeli ilizwi likaYehova, nokuba ningawulandelanga umthetho wakhe, imimiselo yakhe, nezikhumbuzo zakhe le nto nisehlelwa yile ntlekele, njengokuba kunjalo namhlanje.”+
24 UYeremiya waphinda wathi kubo bonke abantu nakubo bonke abafazi: “Yivani ilizwi likaYehova, nonke maYuda akwilizwe laseYiputa. 25 Uthi uYehova wemikhosi, uThixo kaSirayeli, ‘Izinto ezithethwe nini nabafazi benu ngemilomo yenu nizenze ngezandla zenu, kuba nithe: “Ngaphandle kwamathandabuzo, siza kuzenza zonke izinto ebesithe siza kuzenza, siza kubingelela kuKumkanikazi Wamazulu,* sinikele neminikelo eselwayo.”+ Ngokuqinisekileyo nina bafazindini niza kwenza ngokwezifungo zenu, ibe niza kuzenza izifungo zenu.’
26 “Yivani ilizwi likaYehova, nonke maYuda ahlala kwilizwe laseYiputa, ‘“Ndifunga ngegama lam elikhulu,” utsho uYehova, “ukuba akukho mntu wakwaYuda+ uza kuphinda afunge ngegama lam athi, ‘Ephila nje uYehova iNkosi enguMongami!’+ 27 Ngoku ndibalalele ukuze ndibazisele intlekele kungekhona into entle;+ onke amadoda akwaYuda akwilizwe laseYiputa aza kutshabalala likrele nayindlala, de aphele.+ 28 Bambalwa abaza kusinda kwikrele baze bemke eYiputa babuyele kwilizwe lakwaYuda.+ Bonke abashiyekileyo bakwaYuda abayokuhlala kwilizwe laseYiputa baza kwazi ukuba lelikabani ilizwi elibe yinyaniso, lelam okanye lelabo!”’”
29 “‘Le yindlela eniza kubona ngayo ukuba ndiza kunohlwaya kule ndawo,’ utsho uYehova, ‘ukuze nazi ukuba into endayithethayo ndinithembisa ngentlekele iza kwenzeka ngokuqinisekileyo. 30 Uthi uYehova: “Ndiza kunikela uFaro Hofera, ukumkani waseYiputa kwiintshaba zakhe nabo bafuna ukumbulala, kanye njengokuba ndinikele uKumkani uZedekiya wakwaYuda kuNebhukadenetsare* ukumkani waseBhabhiloni, owayelutshaba lwakhe nowayefuna ukumbulala.”’”+
45 Eli lilizwi elathethwa ngumprofeti uYeremiya kuBharuki+ unyana kaNeriya xa wabhala la mazwi encwadini ewaxelelwa nguYeremiya,+ ngonyaka wesine kaYehoyakim+ unyana kaYosiya, ukumkani wakwaYuda:
2 “Uthi uYehova uThixo kaSirayeli ngawe Bharuki, 3 ‘Wena uthe: “Ndisengxakini, kuba uYehova wongeze intlungu kwingqaqambo yam! Ndityhafile ngenxa yokuncwina, yaye andifumananga ndawo yakuphumla.”’
4 “Ufanele uthi kuye, ‘Uthi uYehova: “Jonga! Ndiyayichitha loo nto ndiyakhileyo, ndiyincothule naleyo ndiyityalileyo, kwilizwe lonke.+ 5 Kodwa wena uzifunela* izinto ezinkulu. Yeka ukuzifunela ezo zinto.”’
“‘Kuba ndiza kubazisela intlekele bonke abantu,’+ utsho uYehova, ‘ibe naphi na apho uya khona, ndiza kubusindisa ubomi bakho.’”+
46 Eli lilizwi likaYehova elithetha ngeentlanga elafika kumprofeti uYeremiya:+ 2 Uthi ngeYiputa,+ umkhosi kaFaro Neko+ ukumkani waseYiputa, owayengakuMlambo UmEfrate, waza woyiswa eKarkemishe nguKumkani uNebhukadenetsare* waseBhabhiloni, ngonyaka wesine kaYehoyakim+ unyana kaYosiya, ukumkani wakwaYuda:
4 Bophani amahashe nikhwele, bakhweli-mahashe,
Yimani ngeendawo zenu, nithwale izigcina-ntloko zenu.
Khazimlisani imikhonto, ninxibe izambatho zenu zentsimbi.
5 ‘Kutheni ndibabona besoyika kangaka?
Bayarhoxa, amakroti abo abhuqiwe;
Abalekile esoyika, amakroti abo akajongi nangasemva.
Wonke umntu uyoyika,’ utsho uYehova.
6 ‘Abanamendu abakwazi kubaleka, namakroti awakwazi kuphuncuka.
Ngasemntla, ecaleni koMlambo UmEfrate,
Bakhubekile bawa.’+
7 Ngubani lo unyuka ngathi nguMlambo UmNayile,
Njengamanzi omlambo?
8 IYiputa iyanyuka kanye njengoMlambo UmNayile,+
Njengamanzi emilambo.
Ithi, ‘Ndiza kunyuka ndize ndogqume umhlaba.
Ndiza kusitshabalalisa isixeko nabo bahlala kuso.’
9 Nyukani nina mahashe!
Ndlandlathekani nina zinqwelo!
10 “Loo mini yeyeNkosi enguMongami, uYehova wemikhosi, imini yempindezelo, yokuziphindezela kwiintshaba zakhe. Ikrele liza kuqwenga, lizanelise ngokuthi ligcwale igazi, kuba iNkosi enguMongami, uYehova wemikhosi, inombingelelo* kwilizwe lasemntla ngakuMlambo UmEfrate.+
Uwongezele into engekhoyo amayeza akho,
Kuba akukho nto iza kukuphilisa.+
Kuba ikroti ligilana nekroti,
Aze omabini awe.”
13 Nali ilizwi elathethwa nguYehova kumprofeti uYeremiya ngokuza kukaKumkani uNebhukadenetsare* waseBhabhiloni ukuze axabele ilizwe laseYiputa:+
14 “Yixeleni le nto eYiputa naseMigdoli.+
Yixeleni eNofu* naseTapanehesi.+
Yithini, ‘Yimani ngeendawo zenu nizilungiselele,
Kuba ikrele liza kuqwenga macala onke.
15 Kutheni abanamandla beye batshayelwa?
Abakwazanga ukuxhathisa,
Kuba uYehova ubatyhale bawa.
16 Abaninzi bayakhubeka bawe.
Omnye uthi komnye:
“Phakama! Masibuyele ebantwini bakowethu nakwilizwe lethu
Ngenxa yekrele elikhohlakeleyo.”’
18 ‘Ndiphila nje,’ utsho uKumkani ogama linguYehova wemikhosi,
‘Uza* kufika enjengeTabhore+ phakathi kweentaba
NanjengeKarmele+ ngaselwandle.
19 Pakisha umthwalo wokuya ekuthinjweni,
Ntombi ehlala eYiputa.
20 IYiputa ifana nethokazi lenkomo elihle,
Kodwa izibawu ziza kuza kuyo zivela ngasemntla.
21 Namajoni ayo aqeshiweyo afana namathole atyebileyo,
Kodwa nawo ajike abaleka.
22 ‘Isandi sayo sinjengesenyoka erhubuluzayo,
Kuba beza kuyo benamandla, bephethe amazembe,
Njengamadoda agawula imithi.*
23 Baza kuligawula ihlathi layo,’ utsho uYehova, ‘nangona bekubonakala ngathi akukho mntu unokugqitha kulo.
Kuba baninzi kuneenkumbi, inani labo alaziwa.
24 Intombi yaseYiputa iza kuhlazeka.
Iza kunikelwa kubantu basemntla.’+
25 “UYehova wemikhosi, uThixo kaSirayeli, uthi: ‘Ngoku makhe ndibhekise kuAmon+ waseNo,*+ kuFaro, kwiYiputa, koothixo bayo,+ nakookumkani bayo, nditsho kuFaro nakubo bonke abo bathembele kuye.’+
26 “‘Ndiza kubanikela esandleni sabo bafuna ukubabulala, kuKumkani uNebhukadenetsare* waseBhabhiloni+ nabakhonzi bakhe. Kodwa emva koko kuza kuphinda kuhlalwe kuyo njengakuqala,’ utsho uYehova.+
UYakobi uza kubuya azole angaphazanyiswa,
Kungabikho mntu umoyikisayo.+
28 Ngoko ke sukoyika, mkhonzi wam Yakobi,’ utsho uYehova, ‘kuba ndinawe.
47 Eli lilizwi likaYehova elafika kumprofeti uYeremiya lithetha ngamaFilisti+ ngaphambi kokuba uFaro axabele iGaza. 2 Uthi uYehova:
“Jonga! Amanzi ayeza evela ngasemntla.
Aza kuba ngumkhukula.
Aza kukhukulisa ilizwe nayo yonke into ekulo,
Isixeko nabemi baso.
Amadoda aza kukhala,
Wonke umntu ohlala kwelo lizwe uza kukhala kabuhlungu.
3 Xa kuvakala ukungqisha kweempuphu zeenkunzi zamahashe akhe,
Ukundlandlatheka kweenqwelo zakhe zokulwa
Nengxolo yamavili akhe,
Ootata abazukujika kwaukujika ukuyokusindisa oonyana babo,
Kuba izandla zabo ziwile,
4 Kuba imini ezayo iza kuwatshabalalisa onke amaFilisti;+
Ndiza kutshayela nabani na osindileyo obebancedisa eTire+ naseSidon.+
IAshkelon bayivale umlomo.+
Uza kuvakala kude kube nini?
Buyela kwisingxobo sakho.
Phumla uze uthi cwaka.
7 Lingathula njani
Ekubeni uYehova elinike umyalelo?
Apho lithunywe khona
KuseAshkelon nakunxweme lolwandle.”+
48 Uthi uYehova wemikhosi, uThixo kaSirayeli ngoMowabhi:+
“Isengxakini iNebho,+ kuba itshatyalalisiwe!
IKiriyatayim+ ihlazisiwe yaza yathinjwa.
Indawo yokusithela ekhuselekileyo* ihlazisiwe yaza yachithwa.+
2 Bayekile ukumdumisa uMowabhi.
EHeshbhon+ bamcebele intlekele besithi:
‘Yizani, silucime igama uhlanga lwakhe.’
Nawe Mademen, ufanele uthi cwaka,
Kuba ulandelwa likrele.
4 UMowabhi udiliziwe.
Neentsana zakhe zitsho ngesikhalo.
5 Balinyuka belila iqhina eliya eLuhiti.
Kwindlela eyehlayo evela eHoronayim beva isikhalo ngenxa yale ntlekele.+
6 Balekani; zisindiseni!
Nimele nibe njengomthi wejunipha entlango.
7 Kuba nithembele ngemisebenzi nobutyebi benu,
Nani niza kuthinjwa.
NoKemoshe+ uza kuya ekuthinjweni,
Kunye nababingeleli neenkokheli zakhe.
Intlambo iza* kutshabalala,
Nomhlaba othe tyaba* uza kutshatyalaliswa, kanye njengokuba uYehova etshilo.
9 Bekelani uMowabhi uphawu olumbonisa indlela,
Kuba xa esiwa abe ngamabhodlo, uza kubaleka,
Kwaye izixeko zakhe ziza kuba yinto eyoyikekayo,
Kungekho mntu uhlala kuzo.+
10 Uza kuqalekiswa lowo uyenza ngokungakhathali into ayithunywe nguYehova!
Uza kuqalekiswa lowo ulinqandayo ikrele lakhe ekuchitheni igazi!
11 AmaMowabhi awakhange aphazanyiswe kwasebutsheni bawo,
Njengewayini ehleli kwiintsipho zayo.
Awakhange athathwe kwesinye isitya akhutshelwe kwesinye,
Ibe awazange aya ekuthinjweni.
Yiyo le nto incasa yawo iye yahlala injalo,
Nevumba lawo lingatshintshanga.
12 “‘Ngoko ke, jonga! kuza imihla,’ utsho uYehova, ‘endiza kuthumela ngayo amadoda ukuba awaqubude. Aza kuwaqubuda aze aqongqothe izitya zawo, neengqayi zawo ezinkulu aziqhekeze zibe ziingceba. 13 AmaMowabhi aza kuba neentloni ngoKemoshe, kanye njengokuba indlu kaSirayeli yaba neentloni ngeBheteli, eyayithembele kuyo.+
14 Nisithatha phi isibindi sokuthi: “Singamakroti, sixhobele idabi”?’+
15 ‘UMowabhi utshatyalalisiwe,
Kwangenwa ezixekweni zakhe kwahlaselwa,+
Abafana bakhe abomeleleyo baxheliwe,’+
Utsho uKumkani, lowo igama lakhe linguYehova wemikhosi.+
17 Bonke abo bawajikelezileyo kuza kufuneka bavelane nawo,
Bonke abo balaziyo igama lawo.
Yithini: ‘Owu indlela eyaphulwe ngayo intonga enamandla, umsimelelo wobuhle!’
18 Yihla eluzukweni lwakho,
Uhlale phantsi unxaniwe,* ntombi ehlala eDibhon,+
Kuba umtshabalalisi kaMowabhi uza kuwe,
Uza kuzonakalisa iindawo zakho ezikhuselekileyo.+
19 Yima ngasendleleni ubukele, mhlali waseArohere.+
Yithi kwindoda ebalekayo nakumfazi oqhweshayo, ‘Kwenzeke ntoni?’
20 UMowabhi uhlazisiwe waza woyika kakhulu.
Khalani isijwili.
Chazani eArnon+ ukuba uMowabhi utshatyalalisiwe.
21 “Umgwebo ufikile kwilizwe elinomhlaba othe tyaba,*+ eHolon, eYahatsa+ naseMefehati;+ 22 eDibhon,+ eNebho+ naseBhete-dibhlatayim; 23 eKiriyatayim,+ eBhete-gamuli naseBhete-meyon;+ 24 eKeriyoti+ naseBhotsera; nakuzo zonke izixeko zelizwe lakwaMowabhi, ezo zikude nezo zikufuphi.
26 ‘Mnxiliseni,+ kuba uziphakamisile phambi koYehova.+
UMowabhi untyumpantyumpeka emhlanzweni wakhe,
Ibe uyinto yokugezelwa.
27 Wawungamenzi into yokugezelwa na uSirayeli?+
Ngaba wafumaneka phakathi kwamasela,
Le nto unikina intloko uze uthethe kakubi ngaye?
28 Shiyani izixeko nize nihlale emaweni, bantu bakwaMowabhi,
Nibe njengehobe elakhe indlwane yalo ngakumwonyo.’”
29 “Sivile ngendlela anekratshi ngayo uMowabhi; unekratshi kakhulu.
Sivile ngokuziphakamisa kwakhe, ngekratshi lakhe, ukuzidla kwakhe nokuphakama kwentliziyo yakhe.”+
30 “‘Ndiyawazi umsindo wakhe,’ utsho uYehova,
‘Kodwa ukuthetha kwakhe into engekhoyo akuzukuphelela ndawo.
Akukho nto aza kuyenza.
31 Yiyo le nto ndiza kukhala isijwili ngenxa kaMowabhi,
Ndiza kukhala ngenxa kaMowabhi wonke
Ndize ndincwine ngenxa yamadoda aseKire-heres.+
Amahlumelo akho achumileyo awele ulwandle.
Afikelele elwandle, ayokutsho eYazere.
Isiqhamo sakho sasehlotyeni nesivuno sakho seediliya
Sifikelwe ngumtshabalalisi.+
Ndiyiphelisile iwayini kwizixovulelo zayo.
Akukho mntu uza kuxovula ekhwaza ngenxa yovuyo.
Uza kukhwaza ngenxa yesinye isizathu.’”+
34 “‘Kutsho isikhalo ukususela eHeshbhon+ ukuyokutsho e-Eleyale.+
Ilizwi livakala ukuyokutsho eYahatsa,+
Ukususela eTsoware ukuyokutsho eHoronayim+ nase-Egelati-shelishiya.
Kwanamanzi aseNimrim aza kutsha.+
35 Ndiza kumenza angabikho kwaMowabhi,
Lowo uzisa umnikelo kwindawo ephakamileyo
Nalowo wenzela uthixo wakhe umbingelelo,’ utsho uYehova.
36 ‘Yiyo le nto intliziyo yam iza kuncwina ngenxa kaMowabhi, kanye njengefleyiti,*+
Nentliziyo yam iza kuncwina ngenxa yamadoda aseKire-heres, kanye njengefleyiti.*
Kuba ubutyebi abuvelisileyo buza kuphela.
Kuba ndimaphule uMowabhi
Kanye njengesitya esilahliweyo,’ utsho uYehova.
39 ‘Indlela oyika ngayo! Khalani isijwili!
Indlela afulathele ngayo ngenxa yeentloni!
UMowabhi uye waba yinto yokuhlekisa,
Into eyoyikekayo kubo bonke abo bamjikelezileyo.’”
40 “Kuba uthi uYehova,
41 Iidolophu ziza kuthinjwa,
Neendawo zakhe ezikhuselekileyo ziza kuthinjwa.
Ngaloo mini intliziyo yamakroti akwaMowabhi
Iza kuba njengentliziyo yomfazi obelekayo.’”
43 Uloyiko nomngxuma nesibatha ziphambi kwakho,
Mhlali wakwaMowabhi,’ utsho uYehova.
44 ‘Nabani na obaleka uloyiko uza kuwela emngxunyeni,
Ibe nabani na onyukayo ephuma emngxunyeni uza kubanjwa sisibatha.’
‘Kuba ndiza kumzisela unyaka wokohlwaywa uMowabhi,’ utsho uYehova.
45 ‘Abo basindileyo bami emthunzini waseHeshbhon bephelelwe ngamandla.
Kuba kuza kuphuma umlilo eHeshbhon,
Nedangatye phakathi kwaSihon.+
Uza kuqwenga ibunzi likaMowabhi
Nokakayi lweentloko zamajoni akhohlakeleyo.’+
46 ‘Uza kuthi shu Mowabhi!
Abantu bakaKemoshe+ batshabalele.
Kuba oonyana bakho bathinjiwe,
Neentombi zakho zithinjiwe.+
47 Kodwa ndiza kubaqokelela abathinjiweyo bakwaMowabhi ekupheleni kwemihla,’ utsho uYehova.
‘Siphela apha ke isigwebo sikaMowabhi.’”+
“Akanabo na oonyana uSirayeli?
Akanayo na indlalifa?
Kutheni uMalekam+ ethathe umhlaba wakwaGadi?+
Kutheni abantu bakhe behlala kwizixeko zakwaSirayeli?”
2 “‘Ngoko ke jonga! kuza imihla,’ utsho uYehova,
‘Endiza kuhlaba ngayo umkhosi* ukuze ndihlasele iRabha+ yama-Amoni.+
Iza kuba yindulana etshabaleleyo,
Needolophu eziphantsi kwayo* ziza kutshiswa ngomlilo.’
‘Kwaye uSirayeli uza kuthatha umhlaba wabo bathathe umhlaba wakhe,’+ utsho uYehova.
3 ‘Yenza isijwili Heshbhon, kuba iAyi itshatyalalisiwe!
Khwazani nina zidolophu eziphantsi kweRabha.
Bhinqani amalaphu okwenza ingxowa.
Yenzani isijwili nize nizulazule phakathi kwezibaya zamatye,*
Kuba uMalekam uza kuya ekuthinjweni,
Nababingeleli bakhe neenkokheli zakhe.+
4 Kutheni uqhayisa ngeentlambo,*
Intlambo yakho echumileyo, wena ntombi ingathembekanga,
Ethembele ngobutyebi bayo
Wena othi: “Ngubani onokundihlasela?”’”
5 “‘Jonga, ndikuzisela intlekele,’ itsho iNkosi enguMongami, uYehova wemikhosi,
‘Sivela kwabo bakujikelezileyo.
Uza kuthi saa kwindawo yonke,
Kungabikho mntu uqokelela ababalekayo.’”
6 “‘Kodwa emva koko ndiza kubaqokelela abathinjwa abangama-Amoni,’ utsho uYehova.”
7 Uthi uYehova wemikhosi ngoEdom:
“Abusekho na ubulumko kwaTeman?+
Litshabalele na icebiso kwabo bazizilumko?
Buye babola na ubulumko babo?
8 Balekani! Rhoxani!
Hambani niyokuhlala kwiindawo ezisezantsi, yhini bantu bakwaDedan!+
Kuba ndiza kuzisa intlekele kuEsawu
Xa lifika ixesha lokuba ndilwe naye.
9 Ukuba bekufike abavuni beediliya kuwe,
Bebengazukuzishiya na ezinye ukuze zichola-cholwe?
Ukuba bekufike amasela ngobusuku,
Ebeza konakalisa kuphela loo nto afuna ukuyonakalisa.+
10 Kodwa mna ndiza kumhluba abe ze uEsawu.
Ndiza kuzityhila iindawo zakhe ezifihlakeleyo,
Ukuze angakwazi kuzifihla.
11 Shiya abantwana bakho abangenatata,
Mna ndiza kubakhusela,
Nabahlolokazi bakho baza kuthembela kum.”
12 Kuba uthe uYehova: “Jonga! Ukuba abo bangagwetywanga bamele bawuve umsindo wam, ucinga ukuba wena uza kuyekwa ungohlwaywa? Awuzuyekwa tu, uza kohlwaywa.”+
13 “Kuba ndifunge ngam,” utsho uYehova, “ukuba iBhotsera iza kuba yinto eyoyikekayo, into yokuhlekisa,+ indawo etshatyalalisiweyo nento eqalekisiweyo; nazo zonke izixeko zayo ziza kutshatyalaliswa zingaphinde zibekho.”+
14 Ndive ingxelo evela kuYehova,
Kuthunyelwe umthunywa ezintlangeni ukuba athi:
“Qokelelanani nize nilwe nayo,
Lungiselelani ukulwa.”+
16 Ukoyikwa kwakho,
Nokukhukhumala kwentliziyo yakho kukuqhathile,
Wena uhlala kwiindawo zokuzimela ezingamawa,
Wena uhleli kweyona nduli iphakamileyo.
Nangona usakha indlwane yakho phezulu njengokhozi,
Ndiza kukuhlisa apho,” utsho uYehova.
17 “UEdom umele abe yinto eyoyikekayo.+ Wonke umntu odlula ngakuye uza kujonga esoyika aze abethe umlozi ngenxa yazo zonke izibetho zakhe. 18 Kanye njengokubhukuqwa kweSodom neGomora needolophu ezikufutshane,”+ utsho uYehova, “akukho mntu uza kuhlala apho, yaye akukho mntu uza kuzinza apho.+
19 “Jonga! Kukho umntu oza kulwa namadlelo akhuselekileyo kanye njengengonyama+ ephuma kumatyholo ashinyeneyo angaseYordan, kodwa ngephanyazo ndiza kumenza abaleke emke kwaEdom, ndize ndibeke lowo ukhethiweyo abe ngumlawuli wayo. Kuba ngubani onjengam, ingubani onokumelana nam? Nguwuphi umalusi onokuma phambi kwam?+ 20 Ngoko ke simameleni madoda isigqibo sikaYehova* ngoEdom, nento ayicingayo ngabemi bakwaTeman:+
Nakanjani abancinci bomhlambi baza kurhuqelwa kude.
Ngenxa yabo uza kuyitshabalalisa indawo yabo yokuhlala.+
21 Xa kuvakala isandi sokuwa kwabo, umhlaba uqalisile ukunyikima.
Kukho isikhalo!
Isandi sivakele ukuyokutsho kuLwandle Olubomvu.+
22 Jonga! Kanye njengokhozi uza kunyuka aze ehle,+
Yaye uza kuwolula amaphiko akhe phezu kweBhotsera.+
Ngaloo mini intliziyo yamakroti akwaEdom
Iza kuba njengentliziyo yomfazi obelekayo.”
“IHamati+ neArpadi zihlazisiwe,
Kuba zive ingxelo embi.
Ziyanyibilika kukoyika.
Elwandle kukho ixhala elingenakuthotywa.
24 IDamasko iphelelwe sisibindi.
Ijikile ukuze ibaleke, kodwa iyaphakuzela.
Iphethwe yintlungu nenkxwaleko,
Njengomfazi obelekayo.
25 Kutheni singashiywanga isixeko sendumiso,
Idolophu eyonwabileyo?
26 Kuba abafana bayo baza kuwa kwiindawo zikawonke-wonke,
Nawo onke amajoni aza kutshabalala ngaloo mini,” utsho uYehova wemikhosi.
27 “Ndiza kuzifaka umlilo iindonga zaseDamasko,
Kwaye uza kuziqwenga iinqaba zokuhlala zikaBhen-hadadi.”+
28 Uthi uYehova ngeKedare+ nezizwe zaseHatsore, awazixabelayo uKumkani uNebhukadenetsare* waseBhabhiloni:
“Nyukani niye eKedare,
Nize nitshabalalise oonyana baseMpuma.
29 Iintente zabo nemihlambi yabo iza kuthathwa,
Amalaphu abo eentente nazo zonke izinto zabo.
Neenkamela zabo ziza kuthathwa.
Baza kubakhalela bathi, ‘Wonke umntu uyoyika!’”
30 “Balekani, yiyani kude!
Hambani niyokuhlala kwiindawo ezisezantsi, nina bemi baseHatsore,” utsho uYehova.
“Kuba uKumkani uNebhukadenetsare* waseBhabhiloni ucebe iqhinga ngani,
Yaye ucinge icebo ngani.”
31 “Nyukani niyokulwa nohlanga oluhleli ngoxolo,
Uhlanga olukhuselekileyo!” utsho uYehova.
“Alunazingcango okanye mivalo; luhleli lodwa.
32 Iinkamela zalo nemihlambi yalo iza koxuthwa.
Ndiza kuluchitha-chitha macala onke,
33 “IHatsore iza kuba yindawo yoodyakalashe,
Indawo etshatyalaliswe umphelo.
Akukho mntu uza kuhlala apho,
Yaye akukho mntu uza kuzinza kuyo.”
34 Nali ilizwi likaYehova elafika kumprofeti uYeremiya lithetha ngoElam+ ekuqaleni kolawulo lukaKumkani uZedekiya+ wakwaYuda: 35 “Uthi uYehova wemikhosi, ‘Yabona, ndiyasophula isaphetha sikaElam,+ umthombo wamandla* akhe. 36 UElam ndiza kumzisela imimoya emine evela kwiziphelo ezine zamazulu, kwaye ndiza kumsasazela kuyo yonke le mimoya. Akukho hlanga bangazi kufika kulo abo bachithachithiweyo bakaElam.’”
37 “Ndiza kuwophula amaElam phambi kweentshaba zawo naphambi kwabo bafuna ubomi bawo; ndiza kuwazisela intlekele, umsindo wam,” utsho uYehova. “Yaye ndiza kuthumela ikrele kuwo de ndiwatshabalalise.”
38 “Ndiza kuyibeka kwaElam itrone yam,+ kwaye ndiza kutshabalalisa apho ukumkani neenkosana,” utsho uYehova.
39 “Kodwa ekupheleni kwemihla, ndiza kubaqokelela abathinjiweyo bakwaElam,” utsho uYehova.
50 Nali ilizwi elathethwa nguYehova ngeBhabhiloni,+ ngelizwe lamaKhaledi, esebenzisa umprofeti uYeremiya:
2 “Yithetheni le nto kwiintlanga.
Phakamisani uphawu,* niyichaze.
Sanukufihla nto.
Yithini, ‘IBhabhiloni ithinjiwe.+
UBhele uhlazisiwe.+
UMerodaki woyika kakhulu.
Imifanekiso yayo ihlazisiwe.
Izithixo zayo ezenyanyekayo* ziyoyika.’
3 Kuba ihlaselwe luhlanga oluvela emntla.+
Lwenza ilizwe layo libe yinto eyoyikekayo;
Akukho mntu uhlala kuyo.
Indoda nesilwanyana zibalekile.
Zimkile.”
4 “Ngaloo mihla nangelo xesha,” utsho uYehova, “amaSirayeli namaYuda aza kuhlanganisana.+ Aza kuhamba elila,+ yaye aza kufuna uYehova uThixo wawo.+ 5 Aza kubuza indlela eya eZiyon, ubuso bawo bujonge kwelo cala,+ esithi, ‘Yizani sizihlanganise kuYehova ngesivumelwano esingunaphakade nesingazukulityalwa.’+ 6 Abantu bam baye bangumhlambi olahlekileyo weegusha.+ Abalusi babo bababhadulisile.+ Babaqhubele entabeni, bebhadula ukusuka entabeni ukuya endulini. Bayilibele indawo yabo yokuphumla. 7 Bonke abo babafumanayo babaqwengile,+ yaye iintshaba zabo zithe, ‘Asinatyala thina, kuba bamonile uYehova, indawo yokuhlala yobulungisa nethemba lookhokho babo, uYehova.’”
8 “Balekani niphume eBhabhiloni,
Phumani kwilizwe lamaKhaledi,+
Nibe njengezilwanyana ezikhokela umhlambi.
Liza kuza kuyo lilungele ukulwa nayo;
Kuba iza kuthinjwa apho.
Abo bayithimbayo baza kwaneliseka,”+ utsho uYehova.
Nahlala nixhuma-xhuma njengethokazi engceni,
Yaye nahlala nikhala njengeenkunzi zamahashe.
Udanile lowo wanizalayo.
Jongani! Ngoyena ungabalulekanga ezintlangeni,
Intlango engenamanzi nendawo eyomileyo.+
Nabani na odlula ngaseBhabhiloni, uza kujonga, othuke
Aze abethe umlozi ngenxa yazo zonke izibetho zayo.+
15 Yihlabeleni umkhosi macala onke.
Inikezele.
Ziphindezeleni kuyo.
Zonke izinto ezenzileyo, nani zenzeni kuyo.+
Ngenxa yekrele elikhohlakeleyo, ngamnye uza kubuyela kubantu bakowabo,
Ngamnye uza kubalekela kwilizwe lakowabo.+
17 “AmaSirayeli anjengeegusha ezithe saa.+ Iingonyama ziwasasazile.+ Aqala aqwengwa ngukumkani waseAsiriya,+ waza uKumkani uNebhukadenetsare* waseBhabhiloni wakhukhuza amathambo awo.+ 18 Ngoko uthi uYehova wemikhosi, uThixo kaSirayeli, ‘Ukumkani waseBhabhiloni nelizwe lakhe ndiza kumenza le nto ndayenza kukumkani waseAsiriya.+ 19 USirayeli ndiza kumbuyisela kwidlelo lakhe,+ yaye uza kutya eKarmele naseBhashan,+ aneliseke kwiintaba zakwaEfrayim+ nezaseGiliyadi.’”+
20 “Ngaloo mihla nangelo xesha,” utsho uYehova,
“Ityala likaSirayeli liza kukhangelwa,
Kodwa liza kube lingekho,
Nezono zikaYuda azizukufunyanwa,
Kuba ndiya kubaxolela abo ndibayeke bashiyeka.”+
21 “Hamba uyokuhlasela ilizwe laseMeratayim nabemi basePekodi.+
Mababulawe, batshatyalaliswe ngokupheleleyo,” utsho uYehova.
“Yenze yonke le nto ndikuyalele yona.
22 Kukho isandi semfazwe elizweni,
Intlekele enkulu.
23 Inqunyulwe yaza yaphulwa ngeyona ndlela ihamile eqhekeza umhlaba wonke!+
IBhabhiloni iye yayinto yokoyikisa iintlanga!+
24 Ndikubekele umgibe waza wabanjiswa, Bhabhiloni,
Ibe ubungayazi loo nto.
Wafunyanwa waza wabanjwa,+
Kuba nguYehova lo wawumchasa.
Kaloku iNkosi enguMongami, uYehova wemikhosi, inomsebenzi enawo
Kwilizwe lamaKhaledi.
26 Lihlaseleni nivela kwiindawo ezithe qelele.+
Vulani amaqonga alo.+
Lifumbeni njengeemfumba zeenkozo.
Litshabalaliseni ngokupheleleyo.+
Kwanga kungangabikho mntu ushiyekayo kulo.
Aza kuthi shu, kuba ifikile imini yawo,
Ixesha lokugwetywa kwawo!
28 Kukho isandi sabo babalekayo,
Abo baqhweshileyo kwilizwe laseBhabhiloni,
Beyokuchaza impindezelo kaYehova uThixo wethu eZiyon,
Impindezelo ngetempile yakhe.+
Misani iinkampu kuyo macala onke; makungaqhweshi mntu.
Phindisani kuyo ngokwemisebenzi yayo.+
Yenzani kuyo njengokuba yenzile.+
Kuba iziphakamise phambi koYehova,
Lowo Ungcwele kaSirayeli.+
30 Abafana bayo baza kuwa kwiindawo zayo zikawonke-wonke,+
Nawo onke amajoni ayo aza kutshatyalaliswa* ngaloo mini,” utsho uYehova.
31 “Jonga! Ndilwa nawe,+ wena unekratshi,”+ itsho iNkosi enguMongami, uYehova wemikhosi,
“Kuba imele ifike imini yakho, ixesha endimele ndikuphendulise ngalo.
Ndiza kuzitshisa izixeko zakho,
Ibe loo mlilo uza kuqwenga yonke into ekujikelezileyo.”
33 Uthi uYehova wemikhosi:
“AmaSirayeli namaYuda acinezelekile.
Bonke abo bawathimbileyo abawakhululi.+
Abavumi ukuwayeka ahambe.+
34 Kodwa uMhlawuleli wawo womelele,+
Igama lakhe nguYehova wemikhosi.+
Nakanjani uza kulichophela ityala lawo,+
Ukuze alenze liphumle ilizwe,+
Aze abangele abantu baseBhabhiloni baphazamiseke.”+
35 “Alindelwe likrele amaKhaledi,” utsho uYehova,
“Nabantu baseBhabhiloni, neenkokheli zayo nezilumko zayo.+
36 Balindelwe likrele abo bathetha izinto ezingekhoyo,* yaye baza kwenza ngobudenge.
Alindelwe likrele amakroti aseBhabhiloni, yaye aza koyika.+
37 Alindelwe likrele namahashe awo neenqwelo zawo zokulwa,
Nabo bonke abantu abangumxube phakathi kwayo,
Kwaye baza kuba njengabafazi.+
Bulindelwe likrele nobutyebi bayo, yaye buza koxuthwa.+
Kuba ililizwe lemifanekiso eqingqiweyo,+
Kwaye benza izinto eziphambeneyo ngenxa yemibono yabo eyothusayo.
39 Ngoko ke izidalwa ezihlala kwimimandla eyomileyo ziza kuhlala nezilwanyana ezenza umkhulungwane,
Yaye iinciniba ziza kuhlala kuyo.+
Akuphinde kuhlale mntu kuyo,
Akuzukuhlala mntu apho kuzo zonke izizukulwana.”+
40 “Kanye njengokuba uThixo watshabalalisa iSodom neGomora+ needolophu ezikufutshane nayo,+ akukho mntu uza kuhlala apho, kungekho mntu uza kuzinza kuyo,” utsho uYehova.+
41 “Jonga! Kuza isizwana sivela ngasemntla.
Uhlanga olukhulu nookumkani abazukileyo+ baza kuvuswa
Bevela kwezona ndawo zikude zomhlaba.+
42 Baphatha isaphetha nentshuntshe.+
Bakhohlakele yaye abazukuba nanceba.+
Isandi sabo sinjengesolwandle oluyaluzelayo,+
Njengoko bekhwele amahashe abo.
Njengamntu mnye bema belungele ukulwa idabi nawe, ntombi yaseBhabhiloni.+
Ubanjwe yintlungu,
Intlungu enjengeyomfazi obelekayo.
44 “Jonga! Kukho umntu oza kulwa namadlelo akhuselekileyo kanye njengengonyama ephuma kumatyholo ashinyeneyo angaseYordan. Kodwa ngephanyazo, ndiza kwenza abantu beso sixeko babaleke kuso, ndize ndibeke lowo ukhethiweyo abe ngumlawuli waso.+ Kuba ngubani onjengam, ingubani onokumelana nam? Nguwuphi umalusi onokuma phambi kwam?+ 45 Ngoko ke simameleni madoda isigqibo* sikaYehova ngeBhabhiloni,+ nento ayicingayo ngelizwe lamaKhaledi.
Nakanjani abancinci bomhlambi baza kurhuqelwa kude.
Ngenxa yabo uza kuyitshabalalisa indawo yabo yokuhlala.+
46 Xa kuvakala isandi sokuthinjwa kweBhabhiloni, umhlaba uza kunyikima,
Ibe kuza kuvakala isikhalo ezintlangeni.”+
51 Uthi uYehova:
“Ndivusela iBhabhiloni+ nabantu baseLebhi-kamayi* umoya owonakalisayo.
2 Ndiza kuthumela eBhabhiloni abantu bokwela,
Yaye baza kuyivuthulula baze baliqongqothe ilizwe layo;
Baza kuyihlasela macala onke ngemini yentlekele.+
3 Umtoli makangasigobi* isaphetha sakhe.
Makungabikho mntu uphakamayo enxibe isambatho sentsimbi.
Ningabasizeli abafana bayo.+
Wutshabalaliseni wonke umkhosi wayo.
5 Kuba uSirayeli noYuda abangobahlolokazi kuThixo wabo, kuYehova wemikhosi.+
Kodwa kuLowo Ungcwele kaSirayeli, ilizwe labo* linetyala.
Ningafeli isono sayo.
Kuba lixesha lempindezelo kaYehova.
Uyayihlawulisa ngenxa yezinto ezenzileyo.+
7 IBhabhiloni ibiyindebe yegolide esandleni sikaYehova;
Ibinxilisa wonke umhlaba.
8 Ngequbuliso iBhabhiloni iwile kwaye yaphukile.+
Khalani kabuhlungu ngenxa yayo!+
Yithambiseni ngebhalsam kuba isentlungwini; mhlawumbi isenokuphiliswa.”
9 “Sizamile ukuyiphilisa iBhabhiloni, kodwa khange iphile.
Yishiyeni sihambe, ngamnye aye kwilizwe lakhe.+
Kuba umgwebo wayo unyuke wafikelela emazulwini;
Ufikelela emafini.+
10 UYehova usizisele ubulungisa.+
Yizani, masibalise eZiyon umsebenzi kaYehova uThixo wethu.”+
11 “Khazimlisani iintolo;+ thathani amakhaka arawundi.*
UYehova uwuvuselele umoya wookumkani bamaMedi,+
Kuba uzimisele ukuyonakalisa iBhabhiloni.
Kuba le yimpindezelo kaYehova, impindezelo ngenxa yetempile yakhe.
12 Phakamisani uphawu*+ ngenxa yeendonga zeBhabhiloni.
Qinisani apha ekugadeni, misani oonogada.
Lungiselelani abo balalelayo.
Kuba uYehova wenze icebo,
Yaye uza kuyenza into athe uza kuyenza kubantu baseBhabhiloni.”+
13 “Owu mfazi ohlala phezu kwamanzi amaninzi,+
Onobutyebi obuninzi,+
Sifikile isiphelo sakho, isiphelo sokwenza kwakho ingeniso.+
14 UYehova wemikhosi ufunge ngaye siqu esithi,
‘Ndiza kwenza kugcwale abantu kuwe, babe njengeenkumbi,
Baza kukhwaza ngenxa yokuba bekoyisile.’+
15 UnguMenzi womhlaba ngamandla akhe,
Lowo wenza ilizwe elinemveliso ngobulumko bakhe+
Nowolula amazulu ngokuqonda kwakhe.+
16 Xa ethetha,
Amanzi asezulwini ayayaluzela,
Yaye ubangela ukuba amafu anyuke evela* kwezona ndawo zikude emhlabeni.
17 Wonke umntu uziphethe njengomntu ongacingiyo nongenalwazi.
Wonke umnyibilikisi uza kuhlaziswa ngenxa yemifanekiso eqingqiweyo;+
Kuba imifanekiso yakhe yesinyithi ibubuxoki,
18 Ayincedi nganto,*+ ingumsebenzi oyintlekisa.
Xa kufika imini yokuphenduliswa kwayo, iza kutshabalala.
19 Lowo usiSabelo sikaYakobi akafani nezi zinto,
Kuba nguye owadala yonke into,
Yaye uSirayeli ungumsimelelo welifa lakhe.+
Igama lakhe nguYehova wemikhosi.”+
20 “Wena uligqudu lam, isixhobo semfazwe,
Kuba ngawe ndiza kuqhekeza iintlanga.
Ngawe ndiza konakalisa izizwe.
21 Ngawe ndiza kuqhekeza ihashe nomkhweli walo.
Ngawe ndiza kuqhekeza inqwelo yokulwa nomkhweli wayo.
22 Ngawe ndiza kuqhekeza indoda nomfazi.
Ngawe ndiza kuqhekeza ixhego nenkwenkwana.
Ngawe ndiza kuqhekeza umfana nentombi engazange yalala nandoda.
23 Ngawe ndiza kuqhekeza umalusi nomhlambi wakhe.
Ngawe ndiza kuqhekeza umlimi nezilwanyana zakhe.
Ngawe ndiza kuqhekeza abaphathi namasekela-baphathi.
24 Ndiza kuyihlawulisa iBhabhiloni nabo bonke abemi baseKhaledi
Ngazo zonke izinto ezimbi abazenzileyo eZiyon phambi kwamehlo enu,”+ utsho uYehova.
Ndiza kusolulela kuwe isandla sam ndize ndikuqengqe usuke emaweni
Ukuze ndikwenze intaba etshiswe yaphela.”
26 “Akukho litye lokwakha ikona, okanye ilitye lesiseko eliza kuthathwa kuwe,
Kuba uza kutshabalala ngonaphakade,”+ utsho uYehova.
27 “Phakamisani uphawu* elizweni.+
Vuthelani uphondo phakathi kweentlanga.
Khethani* iintlanga eziza kulwa nayo.
Makubizwe izizwe zaseArarati,+ ezaseMini nezaseAshikenazi.+
Miselani igosa lomkhosi eliza kuyihlasela.
Nyusani amahashe njengeenkumbi ezinyakazelayo.
28 Khethani* iintlanga eziza kulwa nayo,
Nookumkani baseMedi,+ abaphathi bayo nawo onke amasekela-baphathi,
Nawo onke amazwe abawalawulayo.
29 Umhlaba uza kunyikima, ungcangcazele,
Kuba iza kwenzeka into ayicingileyo uYehova, ukuhlasela iBhabhiloni,
Ukuze ilizwe laseBhabhiloni libe yinto yokoyikisa abantu, kungabikho mntu uhlala kulo.+
30 Amakroti aseBhabhiloni ayekile ukulwa.
Ahleli kwiindawo zawo ezikhuselekileyo.
Amandla awo aphelile.+
Anjengabafazi.+
Izindlu zayo zitshisiwe.
Imivalo yayo yaphulwe.+
31 Imbaleki iyabaleka ihlangabeza enye,
Nomthunywa uhlangabeza omnye umthunywa,
Bezokuxelela ukumkani waseBhabhiloni ukuba isixeko sakhe sithinjwe macala onke,+
32 Ukuba amazibuko athinjiwe,+
Izikhephe ezenziwe ngompapiri zitshisiwe,
Nokuba amajoni ayatyhwatyhwa.”
33 Kuba uthi uYehova wemikhosi, uThixo kaSirayeli:
“Intombi yaseBhabhiloni injengebala lokubhula.
Lixesha lokuba inyathelwe de igangathwe.
Kungekudala liza kufika ixesha lokuvunwa kwayo.”
Undilahlele kude njengesitya esingenanto.
Undiginye njengenyoka enkulu;+
Ugcwalise isisu sakhe ngezinto zam ezithandekayo.
Undichithele kude.
35 ‘Kwanga ubundlobongela obenziwe kum nasemzimbeni wam bungabuyekezwa kwiBhabhiloni!’ utsho umhlali waseZiyon.+
‘Negazi lam malibe phezu kwabantu baseKhaledi!’ itsho iYerusalem.”
36 Ngoko ke uthi uYehova:
Ndiza kulomisa ulwandle lwayo ndize ndiwomise namaqula ayo.+
37 IBhabhiloni iza kuba yimfumba yamatye,+
Indawo yoodyakalashe,+
Into eyoyikekayo nento yokubethelwa umlozi,
Kungabikho mntu uhlala kuyo.+
38 Bonke baza kugquma njengeengonyama.*
Baza kugragrama njengamathole eengonyama.”
39 “Bakuba beshushu, ndiza kubabekela ukutya okuninzi ndize ndibanxilise,
Ukuze bavuye.+
Emva koko baza kuhlala belele,
Abazukuvuka,”+ utsho uYehova.
40 “Ndiza kubahlisa njengamatakane eegusha esiya kuxhelwa,
Neenkunzi zeegusha kunye neebhokhwe.”
41 “Hayi indlela ethinjwe ngayo iSheshaki,*+
Hayi indlela ebanjwe ngayo iNdumiso yawo wonke umhlaba!+
Hayi indlela ethe iBhabhiloni yaba yinto yokoyikisa ngayo iintlanga!
42 Ulwandle luyogqumile iBhabhiloni,
Yogqunywe ngamaza alo amaninzi.
43 Izixeko zayo ziyinto yokoyikisa, ilizwe elingenamanzi neliyintlango.
Ilizwe ekungekho mntu uza kuhlala kulo, nalapho kungekho ndoda iza kudlula.+
Akukho zintlanga ziza kuba ngumsinga ukuya kuye.
Yaye udonga lwaseBhabhiloni luza kuwa.+
Sindisani ubomi benu+ kumsindo kaYehova!+
46 Sanukuphakuzela okanye noyike ngenxa yengxelo eza kuvakala elizweni.
Komnye unyaka kuza kufika ingxelo,
Kufike nenye kunyaka olandelayo,
Engobundlobongela elizweni, nengokulwa kwabalawuli.
47 Ngoko ke jonga! kuza imihla
Apho ndiza kuhlasela imifanekiso eqingqiweyo yaseBhabhiloni.
Ilizwe layo liza kuba neentloni,
Nezidumbu zayo zithi saa kuyo.+
48 Amazulu nomhlaba nazo zonke izinto ezisemazulwini nasemhlabeni
Ziza kutsho ngentswahla yovuyo ngenxa yeBhabhiloni,+
Kuba abaphangi baza kuza kuyo bevela emntla,”+ utsho uYehova.
49 “IBhabhiloni ayingonobangela wokuwa kwababuleweyo bakaSirayeli kuphela,+
Kodwa nababuleweyo bawo wonke umhlaba bawele eBhabhiloni.
50 Nina enisinde ekreleni sanukuma, qhubekani nihamba!+
Mkhumbuleni uYehova nisekude.
Kwanga iYerusalem ingathi qatha entliziyweni yenu.”+
51 “Sihlazisiwe kuba kuhlekiswe ngathi.
Ubuso bethu bogqunywe lihlazo,
Kuba abantu basemzini* bahlasele iindawo ezingcwele zendlu kaYehova.”+
52 “Jonga! kuza imihla,” utsho uYehova,
“Apho ndiza kuhlasela imifanekiso yayo eqingqiweyo,
Yaye kulo lonke ilizwe layo abantu abenzakeleyo baza kugcuma.”+
53 “Kwanokuba iBhabhiloni ingaya emazulwini,+
Nokuba ingade izenze luqilima iindawo zayo ezikhuselekileyo,
Abatshabalalisi abavela kum baza kuza,”+ utsho uYehova.
54 “Yivani! Kukho isikhalo esiphuma eBhabhiloni,+
Isandi sentlekele enkulu esivela kwilizwe lamaKhaledi,+
55 Kuba uYehova uyayitshabalalisa iBhabhiloni,
Uza kulithulisa ilizwi layo elikhulu,
Amaza ayo enze ingxolo njengamanzi amaninzi.
Isandi selizwi layo siza kuviwa.
56 Kuba umtshabalalisi uza kuyifikela iBhabhiloni,+
Amakroti ayo aza kuthinjwa.+
Izaphetha zawo ziza kophulwa,
Kuba uYehova nguThixo wempindezelo.+
Nakanjani na uza kuyihlawulisa.+
57 Ndiza kuzinxilisa iinkokheli zayo nezilumko zayo,+
Abaphathi namasekela-baphathi bayo namakroti ayo,
Yaye baza kuhlala belele,
Abazukuvuka,”+ utsho uKumkani, onguYehova wemikhosi.
58 Uthi uYehova wemikhosi:
“Nangona udonga lwaseBhabhiloni lubanzi, luza kudilizwa ngokupheleleyo,+
Nangona iigeyithi zayo ziphakamile, ziza kutshiswa.
Abantu baza kubulalekela ilize,
Iintlanga ziza kunxapha zizama nje ukukhwezela umlilo.”+
59 La ngamazwi umprofeti uYeremiya awawathetha kuSeraya unyana kaNeriya+ unyana kaMahaseya xa wayehamba noZedekiya ukumkani wakwaYuda besiya eBhabhiloni ngonyaka wesine wokuba ngukumkani kwakhe; uSeraya wayeligosa lendlu. 60 UYeremiya wayibhala encwadini enye yonke intlekele eyayiza kufikela iBhabhiloni, onke la mazwi angokuhlaselwa kweBhabhiloni. 61 UYeremiya waphinda wathi kuSeraya: “Wakuba ufikile eBhabhiloni, wayibona, uze uwafunde onke la mazwi ngokuvakalayo. 62 Emva koko uze uthi, ‘Owu Yehova, wena uthethile wathi ngale ndawo iza kutshatyalaliswa, yaye akuzukubakho mntu uhlala kuyo, nokuba yindoda okanye isilwanyana, yaye iza kutshabalala ngonaphakade.’+ 63 Wakugqiba ukuyifunda le ncwadi, uze uyibophelele elityeni, uyiphose phakathi kumEfrate. 64 Emva koko uze uthi, ‘Le yindlela eza kutshona ngayo iBhabhiloni, ibe ayizukuphinda ivuke+ ngenxa yentlekele endiyizisela yona; kwaye abantu bayo baza kutyhafa.’”+
Aphela apha ke amazwi kaYeremiya.
52 UZedekiya+ wayeneminyaka eyi-21 xa waba ngukumkani, yaye walawula iminyaka eyi-11 eYerusalem. Igama likamama wakhe yayinguHamutali+ intombi kaYeremiya waseLibhena. 2 Waqhubeka esenza izinto ezimbi emehlweni kaYehova, njengoYehoyakim.+ 3 Ezi zinto zenzeka eYerusalem nakwaYuda kuba uYehova wayenomsindo, de wabagxotha phambi kwakhe.+ Yaye uZedekiya wamjikela ukumkani waseBhabhiloni.+ 4 Ngonyaka wesithoba wokulawula kukaZedekiya, ngenyanga yeshumi, ngomhla weshumi kuloo nyanga, uKumkani uNebhukadenetsare* waseBhabhiloni wagaleleka eYerusalem nomkhosi wakhe wonke. Bamisa inkampu, bakha nodonga lokuyirhangqa macala onke.+ 5 Isixeko sarhangqwa de yangunyaka we-11 kaKumkani uZedekiya.
6 Ngenyanga yesine, ngomhla wesithoba kuloo nyanga,+ indlala yayibhokile esixekweni, abantu belo lizwe bephelelwe kukutya.+ 7 Ekugqibeleni udonga lwesixeko lwaqhekezwa, yaye onke amajoni abaleka emka esixekweni ngobusuku, aphuma ngegeyithi ephakathi kweendonga ezimbini ezingakumyezo kakumkani, ngoxa amaKhaledi ayesirhangqile isixeko; yaye aqhubeka ehamba ngendlela yaseArabha.+ 8 Kodwa umkhosi wamaKhaledi wamleqa uKumkani uZedekiya,+ wamfumana kwintlango yaseYeriko, waza wathi saa umkhosi wakhe. 9 Emva koko wambamba ukumkani, wamsa kukumkani waseBhabhiloni eRibhela kwilizwe laseHamati, waza yena wamgweba. 10 Ukumkani waseBhabhiloni wabaxhaxha oonyana bakaZedekiya phambi kwamehlo akhe, waxabela nazo zonke iinkokheli zakwaYuda eRibhela. 11 Emva koko, ukumkani waseBhabhiloni wamtyhaphaza amehlo uZedekiya,+ wambopha ngamatsheyini ekopolo, waya naye eBhabhiloni, wamvalela ejele de wayokufa.
12 Ngenyanga yesihlanu, ngomhla weshumi kuloo nyanga, oko kukuthi, ngonyaka we-19 kaKumkani uNebhukadenetsare* waseBhabhiloni, uNebhuzaradan umphathi woonogada, owayeligosa likakumkani waseBhabhiloni, wagaleleka eYerusalem.+ 13 Wayitshisa indlu kaYehova,+ indlu kakumkani nazo zonke izindlu zaseYerusalem; watshisa nazo zonke izindlu zabantu ababalulekileyo. 14 Zonke iindonga ezazijikeleze iYerusalem zadilizwa ngumkhosi wamaKhaledi owawukunye nomphathi woonogada.+
15 UNebhuzaradan umphathi woonogada wabathimba abanye bamahlwempu nabo bonke abanye abantu ababeshiyekile esixekweni. Wathimba nabo babebalekele kukumkani waseBhabhiloni nabanye abasebenzi abanobuchule.+ 16 Kodwa uNebhuzaradan umphathi woonogada washiya abanye babona bantu bahlwempuzekileyo elizweni, ukuze balime amasimi eediliya, benze neminye imisebenzi yesinyanzelo.+
17 AmaKhaledi aziqhekeza zaziingceba iintsika zekopolo+ zendlu kaYehova neenqwelo+ noLwandle lwekopolo+ olwalusendlini kaYehova, ayithwalela eBhabhiloni yonke ikopolo yazo.+ 18 Athatha neenkonkxa, imihlakulo, izicima-mlilo, izitya,+ iindebe+ nazo zonke izinto zekopolo ezazisetyenziswa etempileni. 19 Umphathi woonogada wathatha izitya,+ izitya zomlilo, izitya ezincinci, iinkonkxa, iziphatho zezibane,+ iindebe nezitya zegolide nesilivere yokwenene.+ 20 Ke bona ubunzima beentsika ezimbini, uLwandle, iinkunzi zeenkomo zekopolo eziyi-12+ ezaziphantsi kolwandle neenqwelo uKumkani uSolomon awayezenzele indlu kaYehova, abuzange bukwazi ukulinganiswa.
21 Zona iintsika, nganye yazo yayiziikubhite eziyi-18* ukuphakama, inokujikelezwa ngumsonto wokumeta oziikubhite eziyi-12;+ ubungqingqwa bayo babuyiminwe emine* kwaye iholoholo. 22 Ingqukuva eyayiphezu kwayo yayiyeyekopolo; ukuphakama kwengqukuva enye kwakuziikubhite ezintlanu;+ umnatha ophinyeneyo neerharnati ezazikuwo onke amacala ayo zaziyikopolo. Intsika yesibini yayifana nale, kunjalo ke nangeerharnati. 23 Kwakukho iirharnati eziyi-96 emacaleni; zaziyi-100 xa zizonke iirharnati ezazijikeleze umnatha ophinyeneyo.+
24 Umphathi woonogada wathatha noSeraya+ umbingeleli oyintloko, uZefaniya+ umbingeleli wesibini noonogada basemnyango abathathu.+ 25 Yaye esixekweni wathatha igosa lendlu kakumkani elinye elalingumphathi wamajoni, amadoda asixhenxe kulawo ayesondele kukumkani awafunyanwayo esixekweni, nonobhala wentloko yomkhosi, lowo wayehlanganisa abantu belo lizwe, namadoda ayi-60 ebantwini belo lizwe ababeshiyekile esixekweni. 26 UNebhuzaradan umphathi woonogada wabathatha wabasa kukumkani waseBhabhiloni eRibhela. 27 Ukumkani waseBhabhiloni wabaxabela wababulala eRibhela+ kwilizwe laseHamati. Ngaloo ndlela uYuda wemka kumhlaba wakhe waya ekuthinjweni.+
28 Aba ngabantu awabathathayo uNebhukadenetsare* wabasa ekuthinjweni: ngonyaka wesixhenxe, amaYuda ayi-3 023.+
29 Ngonyaka we-18 kaNebhukadenetsare,*+ kwathathwa abantu abayi-832* eYerusalem.
30 Ngonyaka we-23 kaNebhukadenetsare,* uNebhuzaradan umphathi woonogada wathimba amaYuda ayi-745.*+
Yaba ngabantu abayi-4 600 xa bebonke abasiwa* ekuthinjweni.
31 Ngonyaka awaba ngukumkani ngawo, uKumkani uEvili-merodaki waseBhabhiloni wamkhulula uKumkani uYehoyakin*+ wakwaYuda ejele.+ Kwakungonyaka we-37 ethinjiwe uKumkani uYehoyakin wakwaYuda, ngenyanga ye-12, ngomhla we-25 kuloo nyanga. 32 Wathetha ngobubele naye waza itrone yakhe wayiphakamisa kakhulu kuneetrone zabanye ookumkani ababekunye naye eBhabhiloni. 33 Ngoko uYehoyakin wazikhulula iimpahla zakhe zasejele, yaye wayesitya qho phambi kwakhe yonke imihla yobomi bakhe. 34 Wayefumana ukutya okuvela kukumkani yonke imihla, ubomi bakhe bonke, de wafa.
Ekusenokwenzeka uthetha ukuthi “UYehova Uyaphakamisa.”
Okanye “Ndakukhetha.”
Ngokoqobo, “ngaphambi kokuba uphume esibelekweni.”
Okanye “ndisemncinci.”
Ngokoqobo, “isebe lomthi okwenza uthi qwa.”
Okanye “imbiza enomlomo omkhulu.”
Ngokoqobo, “evuthelwayo,” nto leyo ebonisa umlilo ophenjwayo.
Ngokoqobo, “ubhinqe esinqeni sakho.”
Okanye “owawundithanda ngayo ngokungagungqiyo.”
Okanye “baseMemfisi.”
Ngokoqobo, “bazondla ngentloko yakho.”
Oko kukuthi, umlanjana ophuma kuMlambo UmNayile.
Oko kukuthi, umEfrate.
Okanye “ngealkali.”
Ngokoqobo, “ngenyanga yayo.”
Ngokoqobo, “NjengomArabhiya.”
Ngokoqobo, “wanebunzi lomfazi.”
Oko kukuthi, umntu otshatileyo olala nomntu angatshatanga naye.
Oko kukuthi, umntu otshatileyo olala nomntu angatshatanga naye.
Ngokoqobo, “neendlela eziya ebantwini.”
Okanye “koothixo basemzini.”
Okanye kusenokwenzeka, “ndayindoda yenu.”
Ngokoqobo, “kwemikhosi yeentlanga.”
Ngokoqobo, “iqabane lakhe.”
Okanye “uthixo olihlazo ukudle wakugqiba.”
Okanye “ngobulungisa.”
Okanye “Bethani izifuba.”
Ngokoqobo, “yintliziyo.”
Ngokoqobo, “yintliziyo.”
Isimntwiso esingumbongo, mhlawumbi esibonisa usizi okanye uvelwano.
Oko kukuthi, abo bagade isixeko ukuze babone xa ilixesha lokuhlasela.
Ngokoqobo, “mathumbu am.”
Okanye “ndiyibona de kube nini na ipali eluphawu.”
Okanye “Bazizilumko.”
Okanye “andizukuzisola.”
Ngokoqobo, “abakhange baphelelwe ngamandla.”
Oko kukuthi, umntu otshatileyo olala nomntu angatshatanga naye.
Okanye kusenokwenzeka, “Akekho.”
Oko kukuthi, ilizwi likaThixo.
Okanye “neyamakhiwane.”
Ngokoqobo, “bantundini abazizidenge ezingenantliziyo.”
Ngokoqobo, “Ngcwalisani.”
Ngokoqobo, “Iindlebe zabo azoluswanga.”
Ngokoqobo, “nalawo aneentsuku ezininzi.”
Okanye “ukuchachamba kwabantu.”
Okanye “ngenkwalambisa.”
Okanye “umyalelo.”
Ngokoqobo, “Inimba.”
Kubhekiswa kuYeremiya.
Ngokoqobo, “Ezi ziyitempile,” kubhekiselwa kuzo zonke izakhiwo zetempile.
Okanye “inkwenkwe engenatata.”
Oko kukuthi, umntu otshatileyo olala nomntu angatshatanga naye.
Ngokoqobo, “ndavuka ekuseni ndaza ndathetha.”
Isibizo sothixokazi owayekhonzwa ngamaSirayeli awexukileyo; kusenokwenzeka ukuba lo nguthixokazi wenzala.
Okanye “Bacaphukisa mna na; banxwala mna na.”
Okanye “ngamacebo.”
Ngokoqobo, “ndivuka kusasa yonke imihla ndize ndibathumele.”
Ngokoqobo, “baqinisa intamo.”
Ngokoqobo, “kunqunyulwe emilonyeni yalo.”
Okanye “ezinikelweyo.”
Funda Ingcaciso Yamagama, “Gehena.”
Okanye “nendingakhange ndiyicinge.”
Funda Ingcaciso Yamagama, “Gehena.”
Ngokoqobo, “nakuwo wonke umkhosi wamazulu.”
Okanye “iyawazi amaxesha amisiweyo.”
Okanye “lokufuduka.”
Okanye “ipeni yobuxoki.”
Okanye “ukuchachamba kwentombi.”
Okanye “ngenkwalambisa.”
Okanye “makhiwane kwimithi yamakhiwane.”
Okanye “nto yokuthambisa ethomalalisayo.”
Okanye “gqirha.”
Oko kukuthi, umntu otshatileyo olala nomntu angatshatanga naye.
Okanye “umyalelo.”
Okanye “oblu.”
Okanye “obupepuli.”
Okanye “umphunga unyuke.”
Okanye “Ingumphunga.”
Okanye “ngenxa yokwaphuka kwam.”
Kubonakala ukuba kubhekiswa kuYeremiya.
Okanye “Makube njalo.”
Ngokoqobo, “Ndandivuka ekuseni ndize ndibalumkise.”
Okanye “abaqhumisela kubo imibingelelo.”
Oko kukuthi, uYeremiya.
Oko kukuthi, imibingelelo eyenziwa etempileni.
Okanye “ezona mvakalelo zinzulu.” Ngokoqobo, “izintso.”
Okanye “kwiimvakalelo zabo ezinzulu.” Ngokoqobo, “kwizintso zabo.”
Okanye “enamachokoza.”
Okanye kusenokwenzeka, “Uye wazila.”
Okanye “nakwinenekazi.”
Okanye “zirhangqiwe.”
Okanye “UmTiyopiya.”
Oko kukuthi, umntu otshatileyo olala nomntu angatshatanga naye.
Okanye kusenokwenzeka, “iintlobo ezine zezigwebo.” Ngokoqobo, “iintsapho ezine.”
Okanye kusenokwenzeka, “ubuya umva.”
Okanye “kukuzisola.”
Okanye kusenokwenzeka, “Liye laneentloni laza laziva lihlazekile.”
Ngokoqobo, “Sukundisusa.”
Okanye “ngumyalezo osisiqalekiso.”
Okanye “njengesithethi sam.”
Kubonakala ukuba le yayiyindlela yokuzila yabahedeni eyayisetyenziswa ngamaSirayeli awexukileyo.
Ngokoqobo, “iindlela zawo.”
Ngokoqobo, “ngezidumbu.”
Funda Ingcaciso Yamagama.
Okanye kusenokwenzeka, “Kuba uye waphenjwa njengomlilo emsindweni wam.”
Okanye “indoda enamandla.”
Okanye “indoda enamandla.”
Okanye “iyaqhatha.”
Okanye kusenokwenzeka, “ayinyangeki.”
Okanye “ezona mvakalelo zinzulu.” Ngokoqobo, “izintso.”
Okanye “ngokungebobulungisa.”
Ngokoqobo, “kum,” omele ukuba ubhekisa kuYehova.
Okanye “ngokuphindaphindiweyo.”
Ngokoqobo, “bayenze lukhuni intamo yabo.”
Okanye “nakummandla osemzantsi.”
Okanye “ndiza kuzisola.”
Okanye “ndiza kuzisola ngesigqibo sam.”
Ngokoqobo, “ndinenzela.”
Okanye “imibingelelo yesiqhumiso.”
Okanye “nezingalungiswanga.”
Okanye “umyalelo.”
Ngokoqobo, “simbethe ngolwimi.”
Okanye “engqondweni.”
Ngokoqobo, “bayenze lukhuni intamo yabo ukuze bangavumi.”
Okanye “ezona mvakalelo zinzulu.” Ngokoqobo, “izintso.”
Ngokoqobo, “uNebhukaderetsare,” enye indlela yokubhala eli gama.
Okanye “Ndiyazijika.”
Ngokoqobo, “uNebhukaderetsare,” enye indlela yokubhala eli gama.
Okanye “wasethafeni.”
Okanye “ubulungisa.”
Okanye “inkedama.”
Ngokoqobo, “kungcwalisa.”
Ukwabizwa ngokuba nguYehowahazi.
Okanye “ngobulungisa.”
Ngokoqobo, “Ukulunywa okunjengokomfazi ozalayo.”
Ukwabizwa ngokuba nguYehoyakin noYekoniya.
Ngokoqobo, “sikaNebhukaderetsare,” enye indlela yokubhala eli gama.
Okanye “lizwe.”
Okanye “indlalifa yobulungisa.”
Okanye “ubulungisa.”
Oko kukuthi, umntu otshatileyo olala nomntu angatshatanga naye.
Okanye “bawexuke.”
Oko kukuthi, umntu otshatileyo olala nomntu angatshatanga naye.
Ngokoqobo, “Bomeleza izandla zabenzi-bubi.”
Okanye “Banithembisa into engekhoyo.”
Okanye “umyalezo ongumthwalo.” Eli gama lesiHebhere lineentsingiselo ezimbini: “Isigwebo esinzima esivela kuThixo” okanye “into engumthwalo.”
Okanye “ngumyalezo ongumthwalo.”
Okanye “ngomyalezo ongumthwalo.”
Okanye “umyalezo ongumthwalo.”
Okanye “Ngumyalezo ongumthwalo.”
Okanye “lingumyalezo ongumthwalo.”
Okanye “Ngumyalezo ongumthwalo.”
Okanye “zamakhiwane.”
Ngokoqobo, “uNebhukaderetsare,” enye indlela yokubhala eli gama.
Ukwabizwa ngokuba nguYehoyakin noKoniya.
Okanye kusenokwenzeka, “nabakhi beendonga zokukhusela.”
Okanye “yayinamakhiwane.”
Okanye “njengamakhiwane.”
Okanye “Amakhiwane.”
Okanye “makhiwane.”
Okanye “ngamakhiwane.”
Ngokoqobo, “kaNebhukaderetsare,” enye indlela yokubhala eli gama.
Okanye “kubo.”
Ngokoqobo, “bendivuka ekuseni ndithethe.”
Ngokoqobo, “evuka ekuseni aze abathumele.”
Ngokoqobo, “noNebhukaderetsare,” enye indlela yokubhala eli gama.
Okanye “bachebe iinwele ezisezintlafunweni.”
Kubonakala ukuba eli ligama eliyimfihlelo elithetha iBhabheli (iBhabhiloni).
Okanye “njengethole lengonyama elinesingci.”
Okanye “kuzo.”
Okanye “kuqubuda.”
Okanye “ndizisole ngentlekele.”
Okanye “emyalelweni.”
Okanye “endiye ndavuka ekuseni ndaza ndabathumela.”
Okanye “uza kuzisola ngentlekele ayithethileyo.”
Okanye “Nentaba yetempile.”
Okanye “azame ukubenza buthambe ubuso bukaYehova.”
Okanye “wazisola ngentlekele.”
Ngokoqobo, “nabani na endibone kulungile emehlweni am ukumnika.”
Ngokoqobo, “luphumle.”
Ngokoqobo, “seentsuku zeminyaka.”
Okanye “Makube njalo!”
Okanye “nenenekazi.”
Okanye kusenokwenzeka, “nabakhi beendonga zokukhusela.”
Okanye “njengamakhiwane.”
Okanye kusenokwenzeka, “adlabhukileyo.”
Ngokoqobo, “ndivuka ekuseni ndize ndibathumele.”
Ngokoqobo, “uNebhukaderetsare,” enye indlela yokubhala eli gama.
Oko kukuthi, umntu otshatileyo olala nomntu angatshatanga naye.
Okanye “esinqeni.”
Ngokoqobo, “enkulu.”
Ngokoqobo, “nezibopho.”
Okanye “babenze amakhoboka.”
Okanye “kukulungisa.”
Okanye kusenokwenzeka, “bahlonitshwe.”
Ngokoqobo, “onokunikela intliziyo yakhe njengesibambiso.”
Okanye “Yiyo le nto ndiye ndaqhubeka ndikuthanda ngokungagungqiyo.”
Okanye “Uze uhambe usenza umdaniso wabo bahlekayo.”
Okanye “Aphinde amthathe.”
Ngokoqobo, “ngamanqatha.”
Okanye “abantwana.”
Ngokoqobo, “emathunjini am.”
Okanye “ngenzala.”
Ngokoqobo, “buthuntu.”
Okanye kusenokwenzeka, “ndandingumyeni wabo.”
Okanye “neyothuthu olunamafutha,” uthuthu olunamafutha eminikelo.
Ngokoqobo, “kukaNebhukaderetsare,” enye indlela yokubhala eli gama.
Okanye “utatomncinci.”
Ishekele yayilingana ne-11,4 g. Funda Isihlomelo B14.
Ngokoqobo, “esifubeni soonyana.”
Okanye “ekwenzeni intando yakho.”
Ngokoqobo, “uNebhukaderetsare,” enye indlela yokubhala eli gama.
Ngokoqobo, “ndavuka ngentseni ukuze ndifundise.”
Funda Ingcaciso Yamagama, “Gehena.”
Ngokoqobo, “badlulise.”
Okanye “engqondweni.”
Funda Ingcaciso Yamagama.
Okanye “indlalifa yobulungisa.”
Okanye “ubulungisa.”
Ngokoqobo, “imbewu.”
Ngokoqobo, “imbewu.”
Ngokoqobo, “kwimbewu.”
Ngokoqobo, “bembewu.”
Ngokoqobo, “uNebhukaderetsare,” enye indlela yokubhala eli gama.
Ngokoqobo, “namhlanje.”
Ngokoqobo, “uYonadabhi,” indlela emfutshane yokubiza uYehonadabhi.
Ngokoqobo, “uYonadabhi,” indlela emfutshane yokubiza uYehonadabhi.
Ngokoqobo, “uNebhukaderetsare,” enye indlela yokubhala eli gama.
Ngokoqobo, “ndivuka ekuseni ndize ndithethe.”
Ngokoqobo, “ndivuka ekuseni ndize ndibathumele.”
Ngokoqobo, “kaYonadabhi,” indlela emfutshane yokubiza uYehonadabhi.
Ngokoqobo, “umsongo wencwadi.”
Ngokoqobo, “kumsongo wencwadi.”
Okanye “encwadini.”
Okanye “kwigumbi lokutyela.”
Okanye “umbhali.”
Okanye “asencwadini.”
Okanye “Ayehleli apho onke amagosa endlu.”
Okanye “encwadini.”
Okanye “kule ncwadi.”
Ukususela phakathi kuNovemba ukuyokutsho phakathi kuDisemba. Funda Isihlomelo B15.
Ngokoqobo, “nembewu.”
Ngokoqobo, “uNebhukaderetsare,” enye indlela yokubhala eli gama.
Okwabizwa ngokuba nguYehoyakin noYekoniya.
Ngokoqobo, “kwindlu yamatsheyini.”
Ngokoqobo, “kwindlu eliqula.”
Ngokoqobo, “uphumayo aye.”
Okanye “igosa lendlu kakumkani.”
Ngokoqobo, “uye waphuma waya.”
Ngokoqobo, “kuphuma.”
Ngokoqobo, “Amadoda oxolo lwakho.”
Ngokoqobo, “uNebhukaderetsare,” enye indlela yokubhala eli gama.
Okanye xa ebhalwa ngenye indlela yesiHebhere, “uNergali-sharetsere, iSamgare-nebho, uSarsekim, iRabhesarisi.”
Okanye “umenzi wemilingo oyintloko (umvumisi ngeenkwenkwezi).”
Ngokoqobo, “uNebhukaderetsare,” enye indlela yokubhala eli gama.
Okanye kusenokwenzeka, “basetyenziswe ngenkani.”
Ngokoqobo, “uNebhukaderetsare,” enye indlela yokubhala eli gama.
Okanye “igosa eliyintloko.”
Okanye “umenzi wemilingo oyintloko (umvumisi ngeenkwenkwezi).”
Ngokoqobo, “ndime phambi kwamaKhaledi.”
Ngokoqobo, “wembewu yobukumkani.”
Okanye kusenokwenzeka, “ngakwichibi elikhulu eGibheyon.”
Okanye “ndiza kuzisola.”
Okanye “niyokuhlala okwexeshana.”
Okanye “uNebhukaderetsare,” enye indlela yokubhala eli gama.
Okanye “iitempile.”
Okanye “engenziwanga nto.”
Okanye “Indlu (iTempile) Yelanga,” oko kukuthi, iHeliyopolis.
Okanye “neetempile.”
Okanye “eMemfisi.”
Ngokoqobo, “ndivuka ekuseni ndize ndithumele.”
Isibizo sothixokazi owayekhonzwa ngamaSirayeli awexukileyo; kusenokwenzeka ukuba lo nguthixokazi wenzala.
Isibizo sothixokazi owayekhonzwa ngamaSirayeli awexukileyo; kusenokwenzeka ukuba lo nguthixokazi wenzala.
Ngokoqobo, “sikaNebhukaderetsare,” enye indlela yokubhala eli gama.
Okanye “ulindele.”
Ngokoqobo, “uNebhukaderetsare,” enye indlela yokubhala eli gama.
Awayedla ngokuphathwa ngabatoli.
Ngokoqobo, “nanyathela.”
Okanye “iza kuxhela.”
Okanye “uNebhukaderetsare,” enye indlela yokubhala eli gama.
Okanye “eMemfisi.”
Ngokoqobo, “ixesha elibekiweyo.”
Oko kukuthi, umoyisi weYiputa.
Okanye “iMemfisi.”
Okanye kusenokwenzeka, “Iza kutshabalala.”
Okanye “atheza iinkuni.”
Oko kukuthi, iThebes.
Ngokoqobo, “uNebhukaderetsare,” enye indlela yokubhala eli gama.
Ngokoqobo, “Nembewu.”
Okanye “Ndiza kukulungisa nje ngendlela.”
Oko kukuthi, eKrete.
Oko kukuthi, iza kucheba inkqayi ngenxa yokuzila nehlazo.
Okanye “basethafeni.”
Okanye “Indawo ephakamileyo nekhuselekileyo.”
Okanye “Ithafa liza.”
Okanye “Nethafa eliphezu kwentaba.”
Okanye kusenokwenzeka, “kumhlaba owomileyo.”
Okanye “elisethafeni eliphezu kwentaba.”
Ngokoqobo, “wophulwe uphondo.”
Oko kukuthi, ifleyiti edlalwa xa kukhalwa emngcwabeni.
Oko kukuthi, ifleyiti edlalwa xa kukhalwa emngcwabeni.
Okanye kusenokwenzeka, “ndenze isandi sokuya edabini.”
Okanye “eziyingqongileyo.”
Okanye “kwezibaya zeegusha.”
Okanye “ngamathafa.”
Okanye “icebiso likaYehova.”
Ngokoqobo, “uNebhukaderetsare,” enye indlela yokubhala eli gama.
Ngokoqobo, “uNebhukaderetsare,” enye indlela yokubhala eli gama.
Okanye “oluchebe iinwele ezisezintlafunweni.”
Ngokoqobo, “isiqalo samandla.”
Okanye “ipali eluphawu.”
Kusenokwenzeka ukuba igama lesiHebhere liyelelene nelo lithetha “ubulongwe,” yaye lisetyenziswa xa kuthethwa ngento eyenyanyekayo.
Ngokoqobo, “ninyathela.”
Ngokoqobo, “uNebhukaderetsare,” enye indlela yokubhala eli gama.
Ngokoqobo, “banyathela.”
Ngokoqobo, “aza kwenziwa athi cwaka.”
Okanye “abaprofeti bobuxoki.”
Okanye “isiluleko.”
Kubonakala ukuba eli ligama eliyimfihlelo elithetha iKhaledi.
Ngokoqobo, “makangasinyatheli.”
Oko kukuthi ilizwe lamaKhaledi.
Okanye kusenokwenzeka, “gcwalisani izingxobo zeentolo.”
Okanye “ipali eluphawu.”
Okanye “umphunga unyuke uvela.”
Okanye kusenokwenzeka, “uyenzela imisele.”
Okanye “mpefumlo.”
Okanye “Ingumphunga.”
Okanye “ipali eluphawu.”
Ngokoqobo, “Zenzeni zibe ngcwele.”
Ngokoqobo, “Zenzeni zibe ngcwele.”
Okanye “uNebhukaderetsare,” enye indlela yokubhala eli gama.
Okanye “njengamathole eengonyama anesingci.”
Kubonakala ukuba eli ligama eliyimfihlelo elithetha iBhabheli (iBhabhiloni).
Okanye “abantu abangaziwayo.”
Ngokoqobo, “uNebhukaderetsare,” enye indlela yokubhala eli gama.
Ngokoqobo, “uNebhukaderetsare,” enye indlela yokubhala eli gama.
Ikubhite yayilingana ne-44,5 cm. Funda Isihlomelo B14.
Umnwe wawulingana ne-1,85 cm. Funda Isihlomelo B14.
Ngokoqobo, “uNebhukaderetsare,” enye indlela yokubhala eli gama.
Ngokoqobo, “kaNebhukaderetsare,” enye indlela yokubhala eli gama.
Okanye “imiphefumlo eyi-832.”
Ngokoqobo, “kaNebhukaderetsare,” enye indlela yokubhala eli gama.
Okanye “imiphefumlo eyi-745.”
Okanye “yimiphefumlo eyi-4 600 eyasiwa.”
Ngokoqobo, “wayiphakamisa intloko kaKumkani uYehoyakin.”