THABURI
IBUKU RĨA MBERE
(Thaburi 1-41)
1 Gũkena nĩ mũndũ ũrĩa ũtathiaga kũringana na ũtaaro wa andũ arĩa aganu
Na ndarũgamaga njĩra-inĩ ya arĩa mehagia+
Na ndaikaraga thĩ gĩtĩ-inĩ kĩa andũ arĩa manyũrũranagia.+
3 Nake arĩhaanaga ta mũtĩ ũhandĩtwo mĩtaro-inĩ ya maĩ,
Mũtĩ ũrĩa ũgĩaga na maciaro kĩmera kĩaguo gĩakinya,
Namo mathangũ maguo matihoohaga.
Na ũndũ o wothe ekaga nĩ ũrĩgaacagĩra.+
4 Andũ arĩa aganu matihaana ũguo;
Matariĩ ta mahuti marĩa mombũragwo nĩ rũhuho.
5 Nĩkĩo andũ arĩa aganu matakaahota kũrũgama hĩndĩ ya ituĩro;+
O na andũ ehia matikaahota kũrũgama kĩgomano-inĩ kĩa andũ arĩa athingu.+
6 Nĩ gũkorũo Jehova nĩ amenyaga njĩra ya andũ arĩa athingu,+
No njĩra ya andũ arĩa aganu nĩ ĩgaathira.+
2 Athamaki a thĩ marũgamaga handũ hao
Nao anene magacokanĩrĩra hamwe* marĩ kĩndũ kĩmwe+
Nĩguo mokĩrĩre Jehova na mokĩrĩre ũrĩa wake mũitĩrĩrie maguta.*+
3 Moigaga atĩrĩ: “Nĩ tutuei mĩnyororo yao
Na tũte mĩkanda yao!”
4 Ũrĩa ũikarĩire gĩtĩ kĩa ũnene igũrũ nĩ egũtheka;
Jehova nĩ ekũmanyũrũria.
5 Hĩndĩ ĩyo akaamaarĩria arĩ na marakara
Na atũme metigĩre nĩ ũndũ wa marakara make mahiũ,
6 Oige ũũ: “Niĩ mwene nĩ nyamũrĩte mũthamaki wakwa+
Igũrũ rĩa Zayuni,+ kĩrĩma gĩakwa kĩrĩa kĩamũre.”
8 Ũngĩhoya, nĩ ngũkũhe ndũrĩrĩ ituĩke igai rĩaku
O na ngũhe ituri cia thĩ ituĩke ciaku.+
10 Nĩ ũndũ ũcio, inyuĩ athamaki, onaniai ũtaũku;
Ĩtĩkĩrai kũrũngwo,* inyuĩ atuanĩri ciira a thĩ.
11 Tungatĩrai Jehova mũrĩ na guoya,
Na mũkene mũkĩinainaga.
12 Tĩai* mũriũ,+ nĩgetha Ngai ndakarakare
Na inyuĩ mũthire mwehere njĩra-inĩ,+
Tondũ marakara Make marĩrĩmbũkaga na ihenya.
Gũkena nĩ arĩa othe moragĩra harĩ We.
Rwĩmbo rwa Daudi rĩrĩa ooragĩra mũrũwe Abisalomu.+
3 Atĩrĩrĩ Jehova, nĩ kĩĩ gĩtũmĩte thũ ciakwa cingĩhe ũguo?+
Nĩ kĩĩ gĩtũmĩte andũ aingĩ ũguo manjũkĩrĩre?+
2 Andũ aingĩ maroiga ũũ igũrũ rĩakwa:
“Ngai ndekũmũhonokia.”+ (Sela)*
7 Arahũka, wee Jehova! Honokia,+ wee Ngai wakwa!
Tondũ thũ ciakwa ciothe nĩ ũgũcigũtha rũthĩa;
Nĩ ũkuunanga magego ma andũ arĩa aganu.+
Kĩrathimo gĩaku kĩrĩ igũrũ rĩa andũ aku. (Sela)
Kũrĩ mũrũgamĩrĩri; rũinwo hamwe na inanda cia ndigi. Rwĩmbo rwa Daudi.
4 Njĩtĩka rĩrĩa ndagũkaĩra, wee Ngai wakwa mũthingu.+
Thondekera njĩra ya kũũrĩra* nĩ ũndũ wa mĩtangĩko yakwa.
Njiguĩra tha na ũigue ihoya rĩakwa.
2 Inyuĩ ariũ a andũ-rĩ, mũgũtũũra mũgarũraga gĩtĩo gĩakwa gĩgatuĩka gĩconoko nginya rĩ?
Mũgũtũũra mwendete maũndũ ma tũhũ na mũgacaria maũndũ ma maheeni nginya rĩ? (Sela)
3 Menyai atĩ Jehova nĩ arĩrũmbũyagia ũrĩa wake mwĩhokeku na njĩra ya mwanya;*
Jehova nĩ ekũnjigua ndamũkaĩra.
4 Rĩrĩa mwarakara-rĩ, mũtikehagie.+
Aragiai na ngoro cianyu, mũrĩ marĩrĩ-inĩ manyu, na mwĩkiragĩre. (Sela)
6 Nĩ kũrĩ andũ aingĩ maroria atĩrĩ: “Nũũ ũgũtuonia ũndũ o wothe mwega?”
Atĩrĩrĩ Jehova, reke ũtheri wa ũthiũ waku ũtwarĩre.+
7 Nĩ ũiyũrĩtie ngoro yakwa gĩkeno kĩnene
Gũkĩra arĩa marĩ na magetha maingĩ ma ngano* na ndibei njerũ.*
Kũrĩ mũrũgamĩrĩri wa Nehilothu.* Rwĩmbo rwa Daudi.
5 Atĩrĩrĩ Jehova, thikĩrĩria ciugo ciakwa;+
Tega gũtũ ũigue gũcaya gwakwa.
2 Thikĩrĩria kĩrĩro gĩakwa gĩa kũhoya ũteithio,
Wee Mũthamaki wakwa na Ngai wakwa, tondũ nĩwe ndĩrahoya.
3 Atĩrĩrĩ Jehova, rũcinĩ nĩ ũrĩiguaga mũgambo wakwa;+
Nĩ ndĩkũmenyithagia mĩtangĩko yakwa rũcinĩ+ na ngeterera ũnjokerie.
5 Gũtirĩ mũndũ mwĩtĩi ũngĩrũgama mbere yaku.
Nĩ ũthũire arĩa othe mekaga maũndũ ma waganu;+
6 Nĩ ũkaananga arĩa maragia maheeni.+
Jehova nĩ athũire andũ arĩa mahũthagĩra ũhinya na arĩa maheenanagia.*+
7 No niĩ nĩ ngũtonya nyũmba yaku+ nĩ ũndũ wa ũrĩa wendo waku mwĩhokeku ũrĩ mũnene;+
Ngũinamĩrĩra ndorete hekarũ yaku theru* ndĩ na gĩtĩo kĩnene gũkwerekera.+
8 Atĩrĩrĩ Jehova, ndongoria na ũthingu waku tondũ wa thũ ciakwa;
Njehereria mĩhĩnga njĩra-inĩ yaku.+
9 Nĩ gũkorũo gũtirĩ ũndũ moigaga ũngĩĩhokwo;
Thĩinĩ wao maiyũire o rũmena;
Mũmero wao nĩ mbĩrĩra ĩtarĩ hinge;
10 No Ngai nĩ akaamatua ehia;
Njama ciao ene nĩcio igaatũma magwe.+
Maroingatwo mehere tondũ wa mehia mao maingĩ,
Nĩ gũkorũo nĩ makũremeire.
11 No arĩa othe moragĩra harĩ wee nĩ marĩkenaga;+
Marĩanagĩrĩra makenete hingo ciothe.
Nĩ ũrĩmagitagĩra nĩguo matigakinyĩrĩke,
Na arĩa mendete rĩĩtwa rĩaku nĩ marĩkenaga nĩ ũndũ waku.
12 Nĩ gũkorũo wee Jehova nĩ ũrĩrathimaga mũndũ o wothe mũthingu;
Ũrĩmũrigicagĩria na gwĩtĩkĩrĩka gwaku o ta arĩ ngo nene.+
Kũrĩ mũrũgamĩrĩri; rũinwo hamwe na inanda cia ndigi iraruta mũgambo wa Sheminithu.* Rwĩmbo rwa Daudi.
6 Atĩrĩrĩ Jehova, ndũkanũnge ũrĩ na marakara,
Ndũkanũnge ũrĩ na mangʼũrĩ.+
2 Njiguĩra tha Jehova, tondũ nĩ ndĩrorũo nĩ hinya.
Honia, wee Jehova,+ tondũ mahĩndĩ makwa nĩ marainaina.
6 Nĩ njagĩte hinya nĩ ũndũ wa gũcaya;+
Ũtukũ wothe njihũgagia ũrĩrĩ wakwa na maithori;
Ndũmaga gĩtanda gĩakwa gĩcagace nĩ ũndũ wa kũrĩra.+
7 Riitho rĩakwa nĩ rĩagĩte hinya nĩ ũndũ wa kĩeha;+
Rĩtirona wega* nĩ ũndũ wa arĩa othe maratharĩkĩra.
8 Njehererai, inyuothe mwĩkaga maũndũ ma waganu,
Nĩ gũkorũo Jehova nĩ ekũigua mũgambo wa kĩrĩro gĩakwa.+
9 Jehova nĩ ekũigua ihoya rĩakwa rĩa kwenda gwĩtĩkĩrĩka;+
Jehova nĩ egwĩtĩkĩra ihoya rĩakwa.
10 Thũ ciakwa ciothe nĩ igaaconorithio na imake;
Igaacoka na thutha o rĩmwe iconokete.+
Rwĩmbo rwa macakaya rũrĩa Daudi aainĩire Jehova nĩ ũndũ wa ciugo cia Kushi ũrĩa Mũbenjamini.
7 Atĩrĩrĩ Jehova Ngai wakwa, niĩ njũrĩire harĩ wee.+
Honokia na ũndeithũre kuuma harĩ arĩa othe maranyarira.+
2 Kwaga ũguo, mekũndembũranga tũcunjĩ o ta ũrĩa mũrũthi wĩkaga,+
Manguue mathiĩ na niĩ hatarĩ na mũndũ wa kũndeithũra.
3 Wee Jehova Ngai wakwa, angĩkorũo nĩ hĩtĩtie ũndũ-inĩ ũyũ,
Angĩkorũo nĩ njĩkĩte ũndũ ũtarĩ wa kĩhooto,
4 Angĩkorũo nĩ hĩtĩirie mũndũ ũnjĩkĩte maũndũ mega,+
Kana ngatunya thũ yakwa indo hatarĩ gĩtũmi-rĩ,*
5 Ndĩrorũmĩrĩrũo nĩ thũ na ĩnginyĩre;
Reke ĩrangĩrĩrie muoyo wakwa thĩ
Na ĩtũme riri wakwa ũthirĩre rũkũngũ-inĩ. (Sela)
6 Arahũka ũrĩ na marakara wee Jehova;
Rũgama ũũkĩrĩre mangʼũrĩ ma thũ ciakwa;+
Arahũka nĩ ũndũ wakwa, na wathane atĩ kĩhooto gĩĩkĩke.+
7 Reke ndũrĩrĩ igũthiũrũrũkĩrie;
Nawe nĩ ũkoya ikinya ũciũkĩrĩre ũrĩ igũrũ.
8 Jehova nĩ agaatuĩra ikundi cia andũ.+
Atĩrĩrĩ Jehova, nduĩra ciira kũringana na ũthingu wakwa
Na kũringana na wĩkindĩru wakwa.+
9 Ndagũthaitha ũniine ciĩko njũru cia arĩa aganu.
No arĩa athingu ũtũme maikare mehandĩte,+
Tondũ wee ũrĩ Ngai mũthingu+ ũrĩa ũthuthuragia ngoro na+ methugunda ma na thĩinĩ biũ.*+
10 Ngai nĩwe ngo yakwa,+ na nĩwe Mũhonokia wa arĩa arũngĩrĩru ngoro.+
11 Ngai nĩ Mũtuanĩri Ciira mũthingu,+
Na Ngai nĩ amenyithanagia matuĩro make o mũthenya.
13 Ahaaragĩria matharaita make ma kũrehe gĩkuũ;
Na akahaarĩria mĩguĩ yake ĩrĩa yakanaga mwaki.+
14 Ta rora mũndũ ũrĩa ũgĩĩte nda ya waganu;
Ohaga nda ya thĩna na agaciara maheeni.+
15 Enjaga irima na akarĩrikia,
No acokaga kũgwa irima-inĩ o rĩu ekwenjete.+
16 Thĩna ũrĩa arehaga ũgaacoka igũrũ rĩa mũtwe wake we mwene;+
Ũhinya wake ũkaagwa igũrũ rĩa mũtwe wake.
17 Nĩ ngũgooca Jehova nĩ ũndũ wa kĩhooto gĩake;+
Nĩ ngũina nyĩmbo ngooce rĩĩtwa rĩa Jehova+ Ũrĩa ũrĩ Igũrũ Mũno.+
Kũrĩ mũrũgamĩrĩri wa Gitithu.* Rwĩmbo rwa Daudi.
8 Wee Jehova Mwathani witũ, rĩĩtwa rĩaku nĩ itũũgĩru kũndũ guothe thĩinĩ wa thĩ;
Ũtũmĩte riri waku ũkorũo wĩ igũrũ mũno gũkĩra matu-inĩ!*+
2 Kuuma tũnua-inĩ twa ciana na tũkenge+ nĩ ũrũmĩtie hinya
Nĩ ũndũ wa thũ ciaku,
Nĩgetha ũkirie thũ o na mwĩrĩhĩria.
3 Rĩrĩa nderorera igũrũ rĩaku, mawĩra ma ciara ciaku,
Mweri na njata iria ũigĩte kuo,+
4 Mũndũ-rĩ, nĩwe kĩ atĩ nĩkĩo ũmwĩciragia,
Nake mũrũ wa mũndũ nĩwe kĩ atĩ nĩkĩo ũmũrũmbũyagia?+
6 Wamũheire wathani igũrũ rĩa mawĩra ma moko maku;+
Ũigĩte indo ciothe rungu rwa makinya make:
7 Ndũũru ciothe cia mbũri na ngʼondu hamwe na ngʼombe,
O na nyamũ cia gĩthaka,+
8 Nyoni cia rĩera-inĩ* na thamaki cia iria-inĩ,
Kĩrĩa gĩothe kĩgeraga tũcĩra-inĩ tũrĩa tũrĩ thĩinĩ wa iria.
9 Wee Jehova Mwathani witũ, rĩĩtwa rĩaku nĩ itũũgĩru kũndũ guothe thĩinĩ wa thĩ!
Kũrĩ mũrũgamĩrĩri wa Mutha-labeni.* Rwĩmbo rwa Daudi.
א [Aleph]
9 Atĩrĩrĩ Jehova, nĩ ngũkũgooca na ngoro yakwa yothe;
Nĩ ngũmenyithania ũhoro wa mawĩra maku mothe ma magegania.+
2 Nĩ ngũkena na njanjamũke nĩ ũndũ waku;
Ngũina nyĩmbo ngooce rĩĩtwa rĩaku, wee ũrĩ Igũrũ Mũno.+
ב [Beth]
3 Thũ ciakwa ciacoka na thutha-rĩ,+
Ikũhĩngwo na iniinwo ciehere mbere yaku.
4 Nĩ gũkorũo ũnduagĩra ciira na kĩhooto na ũkangitĩra;
Ũikaragĩra gĩtĩ gĩaku kĩa ũnene na ũgatuanĩra ciira na ũthingu.+
ג [Gimel]
5 Nĩ ũtuĩrĩire ndũrĩrĩ+ na ũkananga arĩa aganu,
Ũgatharia marĩĩtwa mao tene na tene.
ה [He]
7 No Jehova egũtũũra aikarĩire gĩtĩ gĩake kĩa ũnene tene na tene;+
Nĩ ahandĩte na akarũmia gĩtĩ gĩake kĩa ũnene nĩguo atuanĩre ciira na kĩhooto.+
8 Nĩ agaatuanĩra ciira na ũthingu thĩinĩ wa thĩ ĩrĩa ĩikaragwo;*+
Agaatuĩra ndũrĩrĩ kũgerera matuĩro ma ciira ma ũthingu.+
ו [Waw]
10 Andũ arĩa moĩ rĩĩtwa rĩaku nĩ marĩkwĩhokaga;+
Wee Jehova gũtirĩ hĩndĩ ũgaatiganĩria arĩa magũcaragia.+
ז [Zayin]
11 Inai nyĩmbo cia kũgooca Jehova, o ũcio ũikaraga Zayuni;
Menyithiai ikundi cia andũ ciĩko ciake.+
12 Nĩ gũkorũo Ũrĩa ũrĩhagĩria thakame yao nĩ amaririkanaga;+
Gũtirĩ hĩndĩ akaariganĩrũo nĩ kĩrĩro kĩa arĩa maranyamarĩka.+
ח [Heth]
13 Njiguĩra tha wee Jehova; rora mĩnyamaro ĩrĩa ndĩrareherũo nĩ arĩa mathũire,
O wee ũnjarahũraga kuuma ihingo-inĩ cia gĩkuũ,+
14 Nĩgetha menyithanie ciĩko ciaku cia kũgoocwo ndĩ ihingo-inĩ cia mwarĩ wa Zayuni,+
Na ngene nĩ ũndũ wa ciĩko ciaku cia kũhonokania.+
ט [Teth]
15 Ndũrĩrĩ nĩ irikĩrĩte na thĩ irima-inĩ rĩrĩa cienjire;
Magũrũ ma cio nĩ manyitĩtwo nĩ neti ĩrĩa ciaambire.+
16 Jehova nĩ amenyekaga nĩ ũndũ wa matuĩro marĩa atuanagĩra.+
Mũndũ ũrĩa mwaganu nĩ ategetwo nĩ wĩra wa moko make we mwene.+
Higaioni.* (Sela)
י [Yod]
17 Andũ arĩa aganu macokaga na thutha merekeire Mbĩrĩra,*
Ũguo nĩguo gũthiaga harĩ ndũrĩrĩ ciothe iria iriganagĩrũo nĩ Ngai.
18 No andũ arĩa athĩni matigũtũũra mariganĩire;+
O na kĩĩrĩgĩrĩro kĩa andũ arĩa ahooreri gũtirĩ hĩndĩ gĩgaathira.+
כ [Kaph]
19 Arahũka, wee Jehova! Ndũkareke mũndũ ahootane.
Ndũrĩrĩ irotuĩrũo ciira irĩ mbere yaku.+
20 Atĩrĩrĩ Jehova, tũma andũ a ndũrĩrĩ maigue guoya,+
Reke ndũrĩrĩ imenye atĩ cio no andũ tu. (Sela)
ל [Lamed]
10 Atĩrĩrĩ Jehova, nĩ kĩĩ gĩtũmaga ũrũgame o haraya?
Wĩhithaga nĩkĩ hĩndĩ ya mĩtangĩko?+
2 Mũndũ ũrĩa mwaganu athingataga ũrĩa ũtarĩ hinya arĩ na mwĩtĩo,+
Ĩndĩ nĩ akaanyitwo njama-inĩ icio abangaga.+
3 Nĩ gũkorũo mũndũ ũrĩa mwaganu erahaga ũhoro-inĩ wĩgiĩ merirĩria make ma mwĩyendo+
Na akarathima mũndũ ũrĩa mũkoroku;*
נ [Nun]
Ndaheaga Jehova gĩtĩo.
4 Nĩ ũndũ wa gũkorũo na mwĩtĩo, mũndũ ũrĩa mwaganu gũtirĩ ũthuthuria ekaga;
Meciria make mothe nĩ atĩ: “Gũtirĩ Ngai.”+
5 Njĩra ciake ithiaga na mbere kũgaacĩra,+
No matuĩro maku nĩ makĩrĩte ũtaũku wake;+
Anyũrũragia* thũ ciake ciothe.
6 Oigaga ũũ ngoro-inĩ yake: “Gũtirĩ hĩndĩ ngenyenyeka;*
Nginya njiarũa na njiarũa
Gũtirĩ hĩndĩ ngoona ũũru.”+
פ [Pe]
7 Kanua gake kaiyũire irumi, maheeni, na maũndũ ma kwĩhĩtanĩra;+
Rungu rwa rũrĩmĩ rwake kũrĩ na ũũru na maũndũ ma gũtuurithia.+
8 Aikaraga ohetie andũ hakuhĩ na matũũra;
Arĩ handũ harĩa ehithaga, nĩ oragaga mũndũ ũtarĩ na mahĩtia.+
ע [Ayin]
Maitho make maikaraga macũthĩrĩirie mũndũ ũrĩa ũtarĩ na wa kũmũteithia.+
9 Aikaraga ohetie arĩ handũ harĩa ehithaga, o ta mũrũthi ũrĩ kĩmamo-inĩ* kĩaguo.+
Etagĩrĩra nĩguo anyite mũndũ ũrĩa ũtarĩ hinya.
Anyitaga mũndũ ũcio ũtarĩ hinya rĩrĩa aguucia neti yake akamĩhinga.+
10 Mũndũ ũcio wanyitwo ahehenjagwo na akarũndwo thĩ;
Arĩa matarĩ na wa kũmateithia magũaga moko-inĩ make.*
11 Oigaga ũũ ngoro-inĩ yake: “Ngai nĩ ariganĩirũo.+
Nĩ ahũgũrĩte ũthiũ wake akarora na kũngĩ.
Gũtirĩ hĩndĩ onaga.”+
ק [Qoph]
12 Arahũka wee Jehova.+ Ambararia guoko gwaku na igũrũ wee Ngai.+
Ndũkariganĩrũo nĩ andũ arĩa matarĩ hinya.+
13 Nĩ kĩĩ gĩtũmĩte mũndũ ũrĩa mwaganu age kũhe Ngai gĩtĩo?
Oigaga ũũ ngoro-inĩ yake: “Wee ndũkaanjirithia.”
ר [Resh]
14 No wee nĩ wonaga thĩna na mĩtangĩko.
Ũroraga maũndũ macio na ũkoya ikinya.+
Mũndũ ũrĩa ũtarĩ na wa kũmũteithia-rĩ, wee nĩwe ehokaga;+
ש [Shin]
15 Una guoko kwa mũndũ ũrĩa mwaganu na mũũru,+
Nĩguo hĩndĩ ĩrĩa wacaria waganu wake,
Ndũgacoke kũwona rĩngĩ.
16 Jehova nĩ Mũthamaki tene na tene.+
Ndũrĩrĩ nĩ iniinĩtwo ikehera thĩinĩ wa thĩ.+
ת [Taw]
17 No wee Jehova nĩ ũrĩiguaga ihoya rĩa andũ arĩa ahooreri.+
Ũrĩtũmaga ngoro ciao ikorũo irĩ nũmu+ na ũkamathikĩrĩria biũ.+
18 Ciana iria itarĩ maithe o na andũ arĩa mahehenjekete nĩ ũrĩtũmaga mone kĩhooto,+
Nĩguo mũndũ wa gũkũ thĩ ndakanacoke gũtũma metigĩre.+
Kũrĩ mũrũgamĩrĩri. Thaburi ya Daudi.
11 Niĩ njũrĩire harĩ Jehova.+
Nĩ kĩĩ kĩngĩgĩtũma mũnjĩre atĩrĩ:
“Ũmbũka o ta nyoni ũũrĩre kĩrĩma-inĩ gĩaku!
2 Ta rora ũrĩa andũ arĩa aganu makũnjaga ũta;
Mekĩraga mũguĩ wao rũrigi-inĩ rwa ũta,
Nĩguo marĩ nduma-inĩ marathe andũ arĩa arũngĩrĩru ngoro.
3 Rĩrĩa mĩthingi* yamomorũo-rĩ,
Mũndũ ũrĩa mũthingu angĩka atĩa?”
4 Jehova arĩ thĩinĩ wa hekarũ yake theru.+
Gĩtĩ kĩa ũnene kĩa Jehova kĩrĩ kũrĩa igũrũ.+
Maitho make mwene nĩ monaga, maitho make marĩa maikaraga macũthĩrĩirie* nĩ mathuthuragia ariũ a andũ.+
5 Jehova athuthuragia mũndũ ũrĩa mũthingu o na ũrĩa mwaganu;+
Nĩ athũire mũndũ o wothe wendete ũhinya.+
6 Nĩ akoirĩria andũ arĩa aganu mĩtego;*
Mwaki na ũbiriti+ na rũhuho rũrĩa rũhiũ nĩcio igaatuĩka rwĩga rwa gĩkombe kĩao.
7 Tondũ Jehova nĩ mũthingu;+ nĩ endete ciĩko cia ũthingu.+
Arĩa arũngĩrĩru nĩ makoona ũthiũ wake.*+
Kũrĩ mũrũgamĩrĩri; rũinwo na mũgambo wa Sheminithu.* Rwĩmbo rwa Daudi.
12 Atĩrĩrĩ Jehova, ndakũhoya ũũhonokie, tondũ gũtirĩ mũndũ mwĩhokeku ũtigarĩte;
Andũ ehokeku nĩ mathirĩte gatagatĩ-inĩ ka andũ.
2 Andũ maragia maheeni mũndũ na ũrĩa ũngĩ;
Maragia ciugo cia kĩgaathi na mĩromo yao* na makaria marĩ na ngoro irĩ na maheeni.*+
3 Jehova nĩ akaaniina mĩromo yothe ĩrĩa yaragia na kĩgaathi
O hamwe na rũrĩmĩ rũrĩa rwaragia na mwĩtĩo mũnene,+
4 Arĩa moigaga atĩrĩ: “Nĩmĩ citũ nĩ igũtũteithia kũgaacĩra.
Tũhũthagĩra mĩromo itũ ũrĩa tũkwenda;
Nũũ ũngĩtuĩka mwathi witũ?”+
5 “Tondũ andũ arĩa matarĩ hinya nĩ mahinyĩrĩirio,
Tondũ arĩa athĩni nĩ maracaya,+
Nĩ ngwarahũka njoe ikinya,” ũguo nĩguo Jehova ekuuga.
“Nĩ ngũmahonokia kuuma harĩ arĩa mamanyararaga.”*
6 Ciugo cia Jehova nĩ theru;+
Ihaana ta betha ĩthereirio riiko-inĩ rĩa rĩũmba,* ĩgatherio maita mũgwanja.
7 Wee Jehova nĩ ũkũmagitĩra;+
Ũkũgitĩra o ũmwe wao kuuma harĩ rũciaro rũrũ nginya tene na tene.
8 Andũ arĩa aganu mathiaga gũtarĩ mũndũ ũkũmoria
Tondũ ariũ a andũ nĩ manyitaga mbaru maũndũ ma waganu.+
Kũrĩ mũrũgamĩrĩri. Rwĩmbo rwa Daudi.
13 Atĩrĩrĩ Jehova, nĩ nginya rĩ ũgũtũũra ũriganĩirũo nĩ niĩ? Hihi nĩ nginya tene na tene?
Nĩ nginya rĩ ũgũtũũra ũhithĩte ũthiũ waku kuuma harĩ niĩ?+
2 Nĩ nginya rĩ ngũtũũra ndĩ na mĩtangĩko,
Ndĩ na kĩeha ngoro-inĩ yakwa o mũthenya?
Nĩ nginya rĩ thũ yakwa ĩgũtũũra ĩndooretie?+
3 Wee Jehova Ngai wakwa, ndora na ũnjokerie.
Ĩkĩra maitho makwa ũtheri, nĩguo ndigakome toro wa gĩkuũ,
4 Nĩgetha thũ yakwa ndĩkoige atĩrĩ: “Nĩ ndĩmũhootete!”
Ndũkareke thũ ciakwa ikenere kũgwa gwakwa.+
5 Niĩ-rĩ, nĩ ndĩhokete wendo waku mwĩhokeku;+
Ngoro yakwa nĩ ĩrĩkenagĩra ciĩko ciaku cia kũhonokania.+
6 Nĩ ngũinĩra Jehova, nĩ gũkorũo nĩ andathimĩte mũno.*+
Kũrĩ mũrũgamĩrĩri. Thaburi ya Daudi.
14 Mũndũ ũrĩa mũkĩgu* oigaga ũũ ngoro-inĩ yake:
“Gũtirĩ Jehova.”+
Ciĩko ciao nĩ njũru, na maũndũ marĩa mekaga marĩ magigi;
Gũtirĩ o na ũmwe wĩkaga wega.+
2 No Jehova nĩ aroraga ariũ a andũ arĩ igũrũ
Nĩguo one kana nĩ kũrĩ mũndũ o wothe wĩ na ũtaũku, kana nĩ kũrĩ mũndũ o wothe ũcaragia Jehova.+
3 Othe nĩ magarũrũkĩte na kũngĩ;+
Othe mekaga maũndũ moru.
Gũtirĩ o na ũmwe wĩkaga wega,
Gũtirĩ o na ũmwe.
4 Andũ acio mekaga maũndũ moru-rĩ, kaĩ hatarĩ o na ũmwe wao ũtaũkagĩrũo?
Matamburaga andũ akwa ta arĩ mũgate mararĩa.
Matikayagĩra Jehova.
5 Ĩndĩ nĩ makaaiyũrũo nĩ guoya mũnene,+
Tondũ Jehova arĩ hamwe na rũciaro rwa andũ arĩa athingu.
6 Inyuĩ mwĩkaga maũndũ moru, mũgeragia gũthũkia mĩbango ya mũndũ ũrĩa ũtarĩ hinya,
No Jehova nĩwe rĩũrĩro rĩake.+
7 Na arĩ korũo ũhonokio wa Isiraeli no uume Zayuni!+
Jehova acokanĩrĩria andũ ake arĩa maatahirũo amacokie-rĩ,
Jakubu nĩ akene, Isiraeli nĩ acanjamũke.
Rwĩmbo rwa Daudi.
15 Atĩrĩrĩ Jehova, nũũ ũngĩtuĩka mũgeni hema-inĩ yaku?
Nũũ ũngĩtũũra kĩrĩma-inĩ gĩaku kĩamũre?+
Na akaria ũhoro wa ma ngoro-inĩ yake.+
Ndagaga kũhingia ũndũ ũrĩa eranĩire,* o na angĩkorũo gwĩka ũguo nĩ gũgũtũma one ũũru.+
5 Ndakombithanagia mbeca ciake nĩguo one maciaro,+
Na ndamũkagĩra ihaki nĩguo ahinyĩrĩrie mũndũ ũtarĩ na mahĩtia.+
Mũndũ ũrĩa wĩkaga ũguo ndarĩ hĩndĩ akenyenyeka.*+
Miktamu* ya Daudi.
16 Ngitĩra wee Ngai, nĩ gũkorũo njũrĩire harĩ wee.+
2 Njĩrĩte Jehova atĩrĩ: “Wee nĩwe Jehova, Kĩhumo gĩakwa kĩa wega.
4 Andũ arĩa mathingataga ngai ingĩ maingĩhagia kĩeha kĩao.+
Niĩ gũtirĩ hĩndĩ ngaacirutĩra magongona ma thakame,
O na kana mĩromo yakwa ĩgwete marĩĩtwa ma cio.+
5 Jehova nĩwe rwĩga rwakwa, gĩcunjĩ kĩrĩa ngaĩirũo,+ na gĩkombe gĩakwa.+
Nĩ ũgitagĩra igai rĩakwa.
6 Nĩ thimĩirũo kũndũ kwega.
Nĩ njiganĩire na igai rĩakwa.+
7 Nĩ ngũgooca Jehova, o we ũũheete ũtaaro.+
O na ũtukũ, methugunda makwa ma thĩinĩ biũ* nĩ manũngaga.+
8 Njigaga Jehova mbere yakwa hingo ciothe.+
Tondũ arĩ guoko-inĩ gwakwa kwa ũrĩo, gũtirĩ hĩndĩ ngenyenyeka.*+
9 Nĩ ũndũ ũcio, ngoro yakwa nĩ ĩcanjamũkĩte, na ndĩ mũkenu mũno.*
Na ndũũraga ndĩ* na ũgitĩri.
10 Nĩ gũkorũo ndũkandiganĩria thĩinĩ wa Mbĩrĩra.*+
Ndũkareka ũrĩa waku mwĩhokeku one irima.*+
11 Nĩ ũũmenyithagia njĩra ya muoyo.+
Ihoya rĩa Daudi.
17 Atĩrĩrĩ Jehova, igua ithaithana rĩakwa rĩa kũhoya kĩhooto;
Tega matũ ũigue kĩrĩro gĩakwa gĩa kũhoya ũteithio;
Thikĩrĩria ihoya rĩakwa rĩrĩa ndĩrahoya hatarĩ maheeni.+
2 Ũrotua itua rĩa kĩhooto nĩ ũndũ wakwa;+
Maitho maku nĩ mone ũndũ ũrĩa wagĩrĩire.
3 Nĩ ũthuthurĩtie ngoro yakwa, nĩ ũnduĩrĩtie ũtukũ;+
Nĩ ũtheretie;+
Nĩ ũkuona atĩ ndithugundĩte ũndũ o wothe mũũru,
Na kanua gakwa gatiĩhĩtie.
4 Ha ũhoro wĩgiĩ ciĩko cia andũ,
Nĩ ndĩĩthemaga njĩra cia mũtunyani, kũringana na kiugo kĩa mĩromo yaku.+
5 Reke makinya makwa maikare njĩra-inĩ ciaku
Nĩgetha magũrũ makwa matikahĩngwo.+
6 Ndĩragwĩta tondũ nĩ ũkũnjigua,+ wee Ngai.
Ndegera gũtũ gwaku.* Igua ciugo ciakwa.+
7 Onania wendo waku mwĩhokeku na njĩra ya magegania,+
O wee Mũhonokia wa arĩa moragĩra guoko-inĩ gwaku kwa ũrĩo
Kuuma harĩ arĩa makũremagĩra.
9 Ngitĩra kuuma harĩ andũ aganu arĩa manjũkagĩrĩra,
Kuuma harĩ thũ ciakwa iria cithiũrũrũkagĩria.+
10 Nĩ momĩtie ngoro ciao;*
Tũnua twao twaragia na mwĩtĩo;
11 Rĩu nĩ matũthiũrũrũkĩirie;+
Maracaria kamweke ga gũtũma tũgwe.*
12 O ũmwe wao atariĩ ta mũrũthi ũkĩenda gũtambura kĩndũ kĩrĩa ũnyitĩte tũcunjĩ tũcunjĩ,
O ta mũrũthi mwĩthĩ ũgĩceema wĩhithĩte.
13 Arahũka wee Jehova, nĩguo ũngʼethanĩre nake+ na ũmũgũithie thĩ;
Honokia kuuma harĩ ũcio mwaganu ũkĩhũthĩra rũhiũ rwaku rwa njora;
14 Honokia na guoko gwaku wee Jehova,
Kuuma harĩ andũ a thĩ ĩno,* arĩa igai rĩao rĩrĩ ũtũũro-inĩ ũyũ,+
Acio ũiyũragia na maũndũ mega marĩa ũheanaga,+
O acio matigagĩra ariũ ao aingĩ igai.
Kũrĩ mũrũgamĩrĩri. Rwainirũo nĩ Daudi ndungata ya Jehova, akĩerekeria ciugo cia rwĩmbo rũrũ kũrĩ Jehova mũthenya ũrĩa Jehova aamũhonokirie kuuma guoko-inĩ gwa thũ ciake ciothe na kuuma guoko-inĩ gwa Saulu. Ooigire ũũ:+
18 Nĩ ngwendete Jehova, o wee hinya wakwa.+
2 Jehova nĩwe ndũmba yakwa ya ihiga na mwĩgitio wakwa na Ũrĩa ũũhonokagia.+
Ngai wakwa nĩwe rwaro rwakwa rwa ihiga,+ na njũragĩra harĩ we,
Nĩwe ngo yakwa na rũhĩa* rwakwa rwa ũhonokio,* rĩũrĩro rĩakwa irũmu.+
3 Ngayagĩra Jehova, o ũcio wagĩrĩire kũgoocwo,
Na nĩ ngaahonokio kuuma harĩ thũ ciakwa.+
6 Ndakaĩire Jehova rĩrĩa ndarĩ na mĩtangĩko,
Ndaikaraga ngĩrĩragĩra Ngai wakwa andeithie.
Nake akĩigua mũgambo wakwa arĩ hekarũ-inĩ yake,+
Na kĩrĩro gĩakwa gĩa kũmũhoya ũteithio gĩgĩkinyĩra matũ make.+
7 Hĩndĩ ĩyo thĩ ĩkĩambĩrĩria kũinaina na gũthingitha;+
Mĩthingi ya irĩma ĩkĩenyenyeka
Na ĩgĩcũga mbere na thutha tondũ nĩ aarakarĩtio.+
8 Ndogo ĩkĩambata na igũrũ yumĩte maniũrũ-inĩ make,
Na mwaki wa kũniinana ũkiuma kanua-inĩ gake;+
Makara maakanaga mwaki makĩrĩrĩmbũka kuuma harĩ we.
10 Ookire ombũkĩte arĩ igũrũ rĩa kerubi.+
Agĩikũrũka thĩ arĩ igũrũ rĩa mathagu ma kĩũmbe kĩa roho.*+
11 Agĩcoka akĩĩhumbĩra na nduma,+
Ĩmũrigicĩirie mĩena yothe ta arĩ gĩthũnũ,
Maĩ marĩ na nduma na matu mairũ.+
12 Kuuma harĩ ũtheri ũrĩa warĩ mbere yake-rĩ,
Mbura ya mbembe na makara maakanaga mwaki igĩtũrĩkanĩria matu-inĩ.
13 Jehova agĩcoka akĩambĩrĩria kũruruma arĩ igũrũ;+
Ũrĩa ũrĩ Igũrũ Mũno agĩtũma mũgambo wake ũiguĩke+
Gũkĩgĩa mbura ya mbembe na makara maakanaga mwaki.
15 Rungu rwa tũrũũĩ gũkĩambĩrĩria* kuoneka;+
Mĩthingi ya thĩ ĩkĩguũrio nĩ ũndũ wa mũgambo waku mũnene, wee Jehova,
Nĩ ũndũ wa mĩhũmũ ĩrĩa yatuthũkire kuuma maniũrũ-inĩ maku.+
16 Agĩtambũrũkia guoko arĩ igũrũ;
Akĩnyita na akĩngucia akĩnduta maĩ-inĩ mariku.+
17 Akĩhonokia kuuma harĩ thũ yakwa ĩrĩa yarĩ na hinya,+
Kuuma harĩ arĩa mathũire, arĩa maarĩ na hinya kũngĩra.+
18 Maanjũkĩrĩire mũthenya ũrĩa ndarĩ na thĩna,+
No Jehova nĩwe wandiirĩrĩire.
21 Nĩ gũkorũo ndũire nũmĩtie njĩra cia Jehova,
Na ndirĩ ndeka ũndũ mũũru wa gũtiganĩria Ngai wakwa.
22 Matuĩro make mothe marĩ mbere yakwa;
Gũtirĩ hĩndĩ ngaahũthia mawatho make.
25 Harĩ mũndũ mwĩhokeku, wee ũkoragwo ũrĩ mwĩhokeku;+
Harĩ mũndũ ũtarĩ na ũcuke wonanagia atĩ ndũrĩ na ũcuke;+
26 Harĩ ũrĩa mũtheru wonanagia atĩ ũrĩ mũtheru,+
No harĩ ũrĩa ũtarĩ mũrũngĩrĩru wonanagia atĩ ũrĩ na ũũgĩ.+
27 Tondũ wee nĩ ũhonokagia arĩa matarĩ hinya*+
No nĩ ũnyihagia arĩa marĩ mwĩtĩo.*+
28 Nĩ gũkorũo wee Jehova nĩwe wakagia tawa wakwa,
Ngai wakwa ũrĩa ũtũmaga nduma yakwa ĩtuĩke ũtheri.+
29 Nĩ ũndũ wa ũteithio waku no hote gũtharĩkĩra gĩkundi kĩa atunyani;+
Kũgerera hinya wa Ngai no hote kũrũga rũthingo.+
Akoragwo arĩ ngo harĩ arĩa othe moragĩra harĩ we.+
31 Tondũ rĩrĩ, nũũ ũngĩ Ngai tiga Jehova?+
Na nũũ ũngĩ rwaro rwa ihiga tiga Ngai witũ?+
33 Atũmaga magũrũ makwa mahaane ta ma thwariga;
Nĩ atũmaga hote kũrũgama kũndũ gũtũũgĩru.+
34 Nĩ amenyeragia moko makwa nĩ ũndũ wa mbaara;
Moko makwa no mahote gũkũnja ũta wa gĩcango.
35 Nĩ ũũheaga ngo yaku ya ũhonokio,+
Guoko gwaku kwa ũrĩo nĩ kũndiiragĩrĩra,*
Na wĩnyihia waku nĩ ũũnenehagia.+
37 Ngũthingata thũ ciakwa na ndĩcikinyĩre;
Ndigũcoka citarĩkĩtie kũniinwo biũ.
38 Ngũcihehenja nginya iremwo kwarahũka;+
Cikũgwa rungu rwa magũrũ makwa.
39 Nĩ ũkũũhe hinya wa kũrũa;
Ũgũtũma thũ ciakwa igwe rungu rwakwa.+
41 Makayaga nĩguo maheo ũteithio, no gũtikoragwo na mũndũ wa kũmahonokia;
Makayagĩra nginya Jehova, no ndamaiguaga.
42 Ngũmahehenja mahaane ta rũkũngũ rũhinyu rũrombũrũo nĩ rũhuho;
Ngũmaikia nja ta ndoro ya njĩra-inĩ.
43 Nĩ ũkũũhonokia kuuma harĩ andũ arĩa macaranagĩria mahĩtia.+
Ũkũnyamũra nduĩke mũtongoria wa ndũrĩrĩ.+
Andũ itoĩ nĩ marĩndungatagĩra.+
44 Kũigua ũhoro wakwa tu nĩ kũrĩtũmaga manjathĩkĩre
Andũ a kũngĩ marĩũkaga mbere yakwa menyihĩtie.+
45 Andũ a kũngĩ nĩ mekũũrũo nĩ hinya;
Marĩũkaga makĩinainaga kuuma mĩĩgitio-inĩ yao.
46 Jehova arĩ muoyo! Ũcio Rwaro Rwakwa rwa Ihiga arogoocwo!+
Ngai wa ũhonokio wakwa nĩ atũũgĩrio.+
47 Ngai ũrĩa wa ma nĩwe ũndĩhagĩria;+
Atooragia ikundi cia andũ agaciiga rungu rwakwa.
48 Nĩ andeithũraga kuuma harĩ thũ ciakwa iria irĩ na marakara;
Ũũnenehagia igũrũ rĩa arĩa manjũkagĩrĩra;+
Nĩ ũũhonokagia kuuma harĩ mũndũ ũrĩa ũhũthagĩra ũhinya.
50 Nĩ ekaga maũndũ manene ma kũhonokania* nĩ ũndũ wa mũthamaki wake;+
Onanagia wendo mwĩhokeku harĩ ũrĩa wake mũitĩrĩrie maguta,+
Kũrĩ mũrũgamĩrĩri. Rwĩmbo rwa Daudi.
19 Igũrũ nĩ rĩmenyithanagia riri wa Ngai;+
2 Mũthenya o mũthenya ciugo ciacio nĩ ithereraga,
Na ũtukũ o ũtukũ ikaguũria ũmenyo.
3 Gũtirĩ mwario, na gũtirĩ ciugo;
Mũgambo wacio ndũiguĩkaga.
4 No mũgambo wacio ũkinyĩte* thĩinĩ wa thĩ yothe,
Na ndũmĩrĩri yacio ĩgakinya ituri-inĩ cia thĩ ĩrĩa ĩikaragwo.*+
Ngai nĩ ambĩire riũa hema kũu igũrũ;
5 Rĩkoragwo rĩtariĩ ta mũhikania akiuma kanyũmba-inĩ gake;
Rĩcanjamũkaga o ta mũndũ ũrĩ na hinya agĩtengʼera njĩra-inĩ yake.
6 Riumagĩrĩra mũthia-inĩ ũmwe wa igũrũ,
Rĩgathiũrũrũka nginya mũthia ũcio ũngĩ;+
Na gũtirĩ kĩndũ gĩtakinyagĩrũo nĩ ũrugarĩ warĩo.
7 Watho wa Jehova nĩ mũkinyanĩru,+ nĩ ũcokagia mũndũ hinya.+
Kĩririkania kĩa Jehova nĩ gĩa kwĩhokeka,+ nĩ gĩtũmaga mũndũ ũtarĩ na ũmenyeru agĩe na ũũgĩ.+
8 Mawatho moimĩte kũrĩ Jehova nĩ ma ũthingu, matũmaga ngoro ĩkene;+
Rĩathani rĩa Jehova nĩ itheru, rĩtũmaga maitho makenge.+
9 Gwĩtigĩra Jehova+ nĩ ũndũ mũtheru, gũtũũraga tene na tene.
Matuĩro ma Jehova nĩ ma ma, mothe nĩ ma ũthingu.+
10 Nĩ ma kwĩrirĩrio gũkĩra thahabu,
Gũkĩra thahabu nyingĩ njega,*+
Na marĩ cama gũkĩra ũũkĩ,+ ũũkĩ ũrĩa ũtaataga kuuma magua-inĩ.
12 Nũũ ũngĩhota gũkũũrana mahĩtia?+
Njohera mehia marĩa itoĩ.
14 Ciugo cia kanua gakwa o na gwĩcũrania kwa ngoro yakwa
Irogũkenagia+ wee Jehova, Rwaro Rwakwa rwa Ihiga+ na Mũkũũri wakwa.+
Kũrĩ mũrũgamĩrĩri. Rwĩmbo rwa Daudi.
20 Jehova arogũcokeria ihoya rĩaku mũthenya wa mĩtangĩko.
Rĩĩtwa rĩa Ngai wa Jakubu rĩrokũgitĩra.+
2 Arogũtũmĩra ũteithio kuuma handũ harĩa hatheru+
Na agũtiirĩrĩre kuuma Zayuni.+
3 Aroririkana magongona maku mothe;
Igongona rĩaku rĩa njino arorĩtĩkĩra.* (Sela)
4 Arokũhingĩria merirĩria ma ngoro yaku+
Na atũme mĩbango* yaku yothe ĩgaacĩre.
5 Tũkwanĩrĩra tũkenete nĩ ũndũ wa ciĩko ciaku cia kũhonokania;+
Nĩ tũkuoya bendera citũ na igũrũ thĩinĩ wa rĩĩtwa rĩa Ngai witũ.+
Jehova arokũhingĩria mahoya maku mothe.
6 Rĩu nĩ njũĩ atĩ Jehova nĩ ahonokagia ũrĩa wake mũitĩrĩrie maguta.+
Nĩ acokagia ihoya rĩake arĩ kũu gwake igũrũ gũtheru
7 Andũ amwe mehokaga ngaari cia mbarathi na angĩ makehoka mbarathi,+
No ithuĩ tũkayagĩra rĩĩtwa rĩa Jehova Ngai witũ.+
8 Nĩ mahĩngĩtwo na makagwa,
No ithuĩ nĩ twarahũkĩte na tũgacokererio.+
9 Atĩrĩrĩ wee Jehova, honokia mũthamaki!+
Nĩ agaatũcokeria ihoya ritũ mũthenya ũrĩa tũkaamũkaĩra atũhe ũteithio.+
Kũrĩ mũrũgamĩrĩri. Rwĩmbo rwa Daudi.
21 Atĩrĩrĩ Jehova, mũthamaki nĩ akenaga nĩ ũndũ wa hinya waku;+
Nĩ akenaga mũno nĩ ũndũ wa ciĩko ciaku cia kũhonokania.+
2 Nĩ ũmũhingĩirie merirĩria ma ngoro yake,+
Na ndwagĩte kũmũhe ũndũ ũrĩa ahoete na mĩromo yake. (Sela)
5 Ciĩko ciaku cia kũhonokania imũrehagĩra riri mũnene.+
Ũmũheaga gĩtĩo na riri.
7 Nĩ gũkorũo mũthamaki nĩ ehokaga Jehova;+
Tondũ wa wendo mwĩhokeku wa Ũrĩa ũrĩ Igũrũ Mũno, gũtirĩ hĩndĩ akenyenyeka.*+
8 Guoko gwaku nĩ gũkaanyita thũ ciaku ciothe;
Guoko gwaku kwa ũrĩo nĩ gũkaanyita arĩa magũthũire.
9 Ũgaatũma mahaane ta riiko rĩrĩ na mwaki mũnene rĩrĩa ihinda rĩrĩa rĩtuĩtwo rĩa gwĩciria ũhoro wao rĩgaakinya.
Jehova nĩ akaamameria nĩ ũndũ wa marakara make, naguo mwaki ũmacine mathire.+
10 Ũkaaniina njiarũa ciao ciehere* thĩinĩ wa thĩ,
Na rũciaro rwao rwehere gatagatĩ-inĩ ka ariũ a andũ.
12 Nĩ gũkorũo nĩ ũgaatũma macoke na thutha more+
Na njĩra ya kwerekeria ũta* waku harĩ o.*
13 Arahũka wee Jehova wonanie hinya waku.
Nĩ tũkũina nyĩmbo tũgooce ũhoti waku mũnene.
Kũrĩ mũrũgamĩrĩri; rũinwo na mũinĩre wa “Thwariga ya Mũgoma ya Rũcinĩ.”* Rwĩmbo rwa Daudi.
22 Ngai wakwa, Ngai wakwa, ũndiganĩirie nĩkĩ?+
Nĩ kĩĩ gĩtũmĩte ũikare haraya ũkaga kũũhonokia,
Ũkaraihĩrĩria kĩrĩro gĩakwa kĩa mĩtangĩko?+
2 Ngai wakwa, ndindaga ngĩgũkaĩra mũthenya, na ndũnjĩtĩkaga;+
O na ũtukũ ndikiraga.
5 Nĩwe maakayagĩra, na makahonokio;
Maakwĩhokaga, na matiaconorithagio.+
6 No niĩ ndĩ kĩgunyũ ndirĩ mũndũ,
Nyũrũragio na nganyararũo nĩ andũ.+
7 Arĩa othe manyonaga nĩ manyũrũragia;+
Manyiiraga makainia mĩtwe yao marĩ na kĩnyũrũri makoiga atĩrĩ:+
8 “Eeneanire harĩ Jehova. Reke We amũhonokie!
Reke We amũhonokie tondũ nĩ amwendete mũno!”+
9 Wee nĩwe wandutire nda ya maitũ,+
Na nowe watũmire njigue ndĩ mũgitĩre ndĩ nyondo-inĩ cia maitũ.
10 Ndaneanirũo harĩ wee ũmenyerere* kuuma o ndaciarũo;
Kuuma ndĩ o nda ya maitũ, ũkoretwo ũrĩ Ngai wakwa.
13 Ciathamagia kanua gothe kũnjerekera,+
O ta mũrũthi ũrararama ũgĩtambura kĩrĩa wanyita tũcunjĩ tũcunjĩ.+
14 Niĩ njitĩtwo thĩ o ta maĩ;
Mahĩndĩ makwa mothe nĩ marekanĩtie.
15 Hinya wakwa ũniarĩte o ta gĩcere kĩa nyũngũ;+
Rũrĩmĩ rwakwa rũnyitanĩte na kĩni gĩakwa;+
Ũrandwara thĩ rũkũngũ-inĩ rwa gĩkuũ.+
16 Nĩ gũkorũo thiũrũrũkĩirio nĩ ngui;+
Cindigicĩirie o ta gĩkundi kĩa eki-naĩ,+
O ta mũrũthi, iratharĩkĩra moko na magũrũ makwa.+
17 Mahĩndĩ makwa mothe no ndĩmatare.+
Mandoraga na makangũũrĩra maitho.
19 No wee Jehova-rĩ, ndũgaikare o haraya.+
Wee nĩwe hinya wakwa; hiũha ũndeithie.+
20 Honokia kuuma harĩ rũhiũ rwa njora,
Ũhonokie muoyo wakwa wa goro* kuuma ndwara-inĩ cia* ngui;+
21 Honokia kuuma kanua-inĩ ka mũrũthi+ na kuuma hĩa-inĩ cia ndegwa cia gĩthaka;
Njigua na ũũhonokie.
23 Inyuĩ mwĩtigĩrĩte Jehova, mũgoocei!
Inyuothe a mbeũ ya* Jakubu, mũkumiei!+
Inyuothe a mbeũ ya* Isiraeli, mwĩtigĩrei.
24 Nĩ gũkorũo we ndanyararĩte kana akamena mĩnyamaro ya ũrĩa ũrahinyĩrĩrio;+
Ndamũhithĩte ũthiũ wake.+
Hĩndĩ ĩrĩa aamũkaĩire akĩhoya ũteithio, nĩ aaiguire.+
25 Nĩ ngũkũgooca ndĩ thĩinĩ wa kĩũngano kĩnene;+
Nĩ ngũhingia mĩĩhĩtwa yakwa ndĩ mbere ya arĩa mamwĩtigĩrĩte.
Mũrokenera ũtũũro* tene na tene.
27 Ituri ciothe cia thĩ nĩ ikaaririkana na irore kũrĩ Jehova.
Famĩlĩ ciothe cia ndũrĩrĩ nĩ ikaainamĩrĩra mbere yaku.+
28 Nĩ gũkorũo ũthamaki nĩ wa Jehova;+
Nĩwe wathaga ndũrĩrĩ.
29 Andũ arĩa othe magaacĩrĩte* thĩinĩ wa thĩ makaarĩa na mainamĩrĩre;
Arĩa othe maraikũrũka rũkũngũ-inĩ nĩ magaaturia maru mbere yake;
Gũtirĩ o na ũmwe wao ũngĩhota kũhonokia muoyo wake.
30 Njiarũa* ciao nĩ ikaamũtungatĩra;
Rũciaro rũrĩa rũgooka nĩ rũkaamenyithio ũhoro wa Jehova.
31 Nĩ magooka na maheane ũhoro wa ũthingu wake.
Nĩ makeera andũ arĩa matarĩ maraciarũo maũndũ marĩa ekĩte.
Rwĩmbo rwa Daudi.
23 Jehova nĩwe Mũrĩithi wakwa.+
Gũtirĩ kĩndũ ingĩaga.+
2 Atũmaga njarahe ũrĩithio-inĩ ũrĩ na nyeki nduru;
Andongoragia akandwara kũndũ gwa kũhurũka kũrĩ na maĩ maingĩ.*+
3 Nĩ atũmaga njokwo nĩ hinya.+
Andongoragia njĩra-inĩ cia ũthingu nĩ ũndũ wa rĩĩtwa rĩake.+
4 O na ndagerera mũkuru-inĩ ũrĩ na kĩĩruru kĩnene,+
Ndiĩtigagĩra ũũru o wothe,+
Tondũ wee ũrĩ hamwe na niĩ;+
Rũthanju rwaku na mũkwanjũ waku nĩ itũmaga ngĩe na ũmĩrĩru.*
5 Ũhaaragĩria metha nĩ ũndũ wakwa mbere ya thũ ciakwa.+
6 Ti itherũ, wega na wendo mwĩhokeku nĩ irĩnũmagĩrĩra matukũ mothe ma ũtũũro wakwa,+
Na ngũtũũra nyũmba-inĩ ya Jehova matukũ makwa mothe.+
Thaburi ya Daudi. Rwĩmbo.
24 Thĩ nĩ ya Jehova, o na kĩrĩa gĩothe kĩrĩ thĩinĩ wayo,+
Bũrũri ũrĩa ũrĩ maciaro nĩ wake, hamwe na arĩa maikaraga thĩinĩ waguo.
2 Tondũ nĩ amĩrũmĩtie biũ igũrũ rĩa iria+
Na akamĩrũmia wega igũrũ rĩa njũũĩ.
3 Nũũ ũngĩambata kĩrĩma-inĩ kĩa Jehova,+
Na nũũ ũngĩrũgama handũ hake harĩa hatheru?
4 Nĩ mũndũ wothe ũrĩ na moko matarĩ na mahĩtia na ũrĩ na ngoro theru,+
Ũrĩa ũtehĩtĩte mwĩhĩtwa wa maheeni akĩhũthĩra muoyo Wakwa,*
Kana akehĩta mwĩhĩtwa ũtarĩ wa ma.+
5 Nĩ arĩamũkagĩra irathimo kuuma kũrĩ Jehova+
Hamwe na ũthingu* kuuma kũrĩ Ngai wa ũhonokio wake.+
6 Rũu nĩruo rũciaro rwa arĩa mamũcaragia,
Arĩa macaragia ũthiũ waku, wee Ngai wa Jakubu. (Sela)
7 Tiirai mĩtwe yanyu na igũrũ, inyuĩ ihingo ici;+
Hingũkai,* inyuĩ mĩrango ĩno ya tene,
Nĩgetha Mũthamaki ũrĩa ũrĩ na riri aingĩre!+
8 Mũthamaki ũcio ũrĩ na riri nũũ?
9 Tiirai mĩtwe yanyu na igũrũ, inyuĩ ihingo ici;+
Hingũkai, inyuĩ mĩrango ĩno ya tene,
Nĩgetha Mũthamaki ũrĩa ũrĩ na riri aingĩre!
10 Mũthamaki ũcio ũrĩ na riri nũũ?
Jehova mũnene wa ita nĩwe Mũthamaki ũcio ũrĩ na riri.+ (Sela)
Thaburi ya Daudi.
א [Aleph]
25 Atĩrĩrĩ Jehova, wee nĩwe ngayagĩra.*
ב [Beth]
Ndũkareke thũ ciakwa cithekerere.+
ג [Gimel]
3 Gũtirĩ mũndũ ũigaga kĩĩrĩgĩrĩro gĩake harĩ wee ũgaaconorithio,+
Ĩndĩ gĩconoko nĩ gĩetereire andũ arĩa makunyanagĩra hatarĩ gĩtũmi.+
ד [Daleth]
ה [He]
5 Ndeithia thiage kũringana na ũhoro waku wa ma na ũndutage,+
Nĩ gũkorũo wee nĩwe Ngai wa ũhonokio wakwa.
ו [Waw]
Wee nĩwe ndĩĩrĩgagĩrĩra mũthenya wothe.
ז [Zayin]
ח [Heth]
7 Ndũkaririkane mehia marĩa ndekire ndĩ mũnyinyi, o na mahĩtia makwa.
ט [Teth]
8 Jehova nĩ mwega na nĩ mũrũngĩrĩru.+
Nĩkĩo arutaga andũ arĩa ehia njĩra ĩrĩa magĩrĩirũo gũtũũra.+
י [Yod]
9 Nĩ arĩtongoragia andũ arĩa ahooreri ũndũ-inĩ ũrĩa wagĩrĩire,*+
Na nĩ arĩrutaga andũ arĩa ahooreri njĩra yake.+
כ [Kaph]
10 Njĩra ciothe cia Jehova nĩ wendo* na wĩhokeku
Harĩ arĩa marũmagĩrĩra kĩrĩkanĩro gĩake+ na iririkania ciake.+
ל [Lamed]
11 Nĩ ũndũ wa rĩĩtwa rĩaku wee Jehova,+
Njohera rĩhia rĩakwa, o na gũtuĩka nĩ inene.
מ [Mem]
12 Nĩ mũndũ ũrĩkũ wĩtigĩrĩte Jehova?+
Mũndũ ũcio nĩ arĩrutagwo nĩwe njĩra ĩrĩa agĩrĩirũo gũthuura.+
נ [Nun]
ס [Samekh]
ע [Ayin]
15 Maitho makwa maikaraga marorete Jehova hingo ciothe,+
Nĩ gũkorũo nĩ ekũhatũra magũrũ makwa kuuma neti-inĩ.+
פ [Pe]
16 Erekeria ũthiũ waku kũrĩ niĩ ũnyonie ũtugi,
Nĩ gũkorũo ndĩ o wiki na ndirĩ na hinya.
צ [Tsade]
17 Mĩtangĩko ya ngoro yakwa nĩ ĩingĩhĩte;+
Njehereria ruo rũrĩa ndĩ naruo.
ר [Resh]
19 Ta rora ũrĩa thũ ciakwa cingĩhĩte
Na ũrĩa cimenete na rũmena rũnene.
ש [Shin]
20 Gitĩra muoyo wakwa na ũũhonokie.+
Ndũkareke njonorithio, nĩ gũkorũo nĩ njũrĩire harĩ wee.
ת [Taw]
22 Atĩrĩrĩ Ngai, honokia* Isiraeli kuuma harĩ mĩtangĩko yake yothe.
Thaburi ya Daudi.
26 Atĩrĩrĩ Jehova, nduĩra ciira, tondũ nĩ thiĩte kũringana na wĩkindĩru wakwa;+
Ndũũrĩte ndĩhokete Jehova itekwenyenyeka.+
2 Ndakũhoya ũũthuthurie wee Jehova, na ũngerie;
Ũtherie methugunda makwa ma thĩinĩ biũ* o hamwe na ngoro yakwa.+
3 Nĩ gũkorũo wendo waku mwĩhokeku ũkoragwo mbere yakwa hĩndĩ ciothe,
Na thiaga kũringana na ũhoro waku wa ma.+
6 Nĩ ngwĩthamba moko nyonanie atĩ ndihĩtĩtie,
Na thiũrũrũke kĩgongona gĩaku, wee Jehova,
7 Nĩgetha ndũme mũgambo wa gũcokia ngatho ũiguĩke+
Na menyithanie mawĩra maku mothe ma magegania.
9 Ndũkanjeherie hamwe na ehia+
Kana ũniine muoyo wakwa hamwe na arĩa mekaga maũndũ ma ũhinya,*
10 O acio moko mao mekaga maũndũ ma thoni,
Na guoko kwao kwa ũrĩo gũkaiyũra mahaki.
11 No niĩ-rĩ, ndĩrĩthiaga kũringana na wĩkindĩru wakwa.
Honokia* na ũnyonie ũtugi.
Thaburi ya Daudi.
27 Jehova nĩwe ũtheri wakwa+ o na ũhonokio wakwa.
Ingĩgĩĩtigĩra ũ?+
Jehova nĩwe mwĩgitio wa muoyo wakwa.+
Ingĩkĩmakio nũũ?
2 Rĩrĩa andũ arĩa oru maatharĩkĩire nĩguo matambure nyama cia mwĩrĩ wakwa,+
Arĩa manjũkagĩrĩra o hamwe na thũ ciakwa nĩo maahĩngirũo makĩgwa.
O na mbaara ĩngĩtuthũka nĩguo njũkĩrĩrũo,
O na hĩndĩ ĩyo-rĩ, ingĩikara ndĩ na ũmĩrĩru.
4 Nĩ harĩ ũndũ ũmwe hoete Jehova
Na nĩguo ndĩrĩcaragia,
Atĩ ndũũre nyũmba-inĩ ya Jehova matukũ mothe ma ũtũũro wakwa,+
Nĩgetha ndĩĩyonagĩre wega wa Jehova
5 Tondũ mũthenya wa ũũru wakinya nĩ akaahitha gĩikaro-inĩ gĩake;+
Nĩ akaahitha handũ ha hitho hema-inĩ yake;+
Akaanjiga igũrũ rĩa rwaro rwa ihiga.+
6 Rĩu mũtwe wakwa nĩ ũtũũgĩrĩte igũrũ rĩa thũ ciakwa iria indigicĩirie;
Nĩ ngũruta magongona hema-inĩ yake ngĩanagĩrĩra na gĩkeno;
Nĩ ngũina nyĩmbo ngooce Jehova.
8 Ngoro yakwa nĩ yarĩtie handũ-inĩ haku ĩkoiga ũũ:
“Cariai ũthiũ wakwa.”
Atĩrĩrĩ Jehova, nĩ ngũcaria ũthiũ waku.+
9 Ndũkahithe ũthiũ waku kuuma harĩ niĩ.+
Ndũkaingate ndungata yaku nĩ ũndũ wa marakara maku.
Wee nĩwe mũteithia wakwa;+
Ndũkanjeherere kana ũndiganĩrie, wee Ngai wa ũhonokio wakwa.
12 Ndũkaneane kũrĩ thũ ciakwa,+
Tondũ nĩ njũkĩrĩirũo nĩ aira a maheeni,+
Na nĩ mehotorete kũnjĩka maũndũ moru.
Atĩrĩrĩ, wĩrĩgagĩrĩre Jehova.
Thaburi ya Daudi.
28 Njikaraga ngĩgũkayagĩra, wee Jehova Rwaro Rwakwa rwa Ihiga;+
Ndũkarege gũũthikĩrĩria.
2 Igua mathaithana makwa rĩrĩa ndagũkaĩra ũndeithie
Rĩrĩa ndambararia moko makwa ndĩmerekeirie rumu ya thĩinĩ biũ ya handũ haku harĩa hatheru.+
3 Ndũkangururie hamwe na andũ arĩa aganu, hamwe na arĩa mekaga maũndũ moru,+
O acio maragia ciugo cia thayũ na mũndũ ũrĩa ũngĩ, no ngoro-inĩ ciao marĩ na ũũru.+
4 Marĩhe nĩ ũndũ wa ciĩko ciao,+
Kũringana na maũndũ moru marĩa mekaga.
Marĩhe nĩ ũndũ wa wĩra wa moko mao,
Kũringana na maũndũ marĩa mekĩte.+
Nĩ akaamamomora na ndakamaaka rĩngĩ.
6 Jehova arogoocwo,
Nĩ gũkorũo nĩ aiguĩte mathaithana makwa ngĩmũhoya ũteithio.
Nĩ nyamũkĩrĩte ũteithio wake, na ngoro yakwa ĩrĩ na gĩkeno,
Kwoguo nĩ ngũmũgooca na rwĩmbo rwakwa.
8 Jehova nĩwe hinya wa andũ ake;
We nĩ mwĩgitio, arehagĩra ũrĩa wake mũitĩrĩrie maguta ũhonokio mũnene.+
9 Honokia andũ aku, na ũrathime igai rĩaku.+
Marĩithie na ũmakuue moko-inĩ maku tene na tene.+
Rwĩmbo rwa Daudi.
29 Hei Jehova kĩrĩa kĩmwagĩrĩire, inyuĩ ariũ a arĩa marĩ hinya,
Hei Jehova kĩrĩa kĩmwagĩrĩire tondũ wa riri o na hinya wake.+
2 Hei Jehova riri ũrĩa wagĩrĩire rĩĩtwa rĩake.
Inamĩrĩrai* Jehova mwĩhumbĩte nguo nyamũre.*
3 Mũgambo wa Jehova nĩ ũiguĩkaga igũrũ rĩa maĩ;
Ngai ũrĩa ũrĩ riri nĩ arurumaga.+
Jehova arĩ igũrũ rĩa maĩ maingĩ.+
4 Mũgambo wa Jehova nĩ ũrĩ hinya;+
Mũgambo wa Jehova nĩ ũrĩ riri.
5 Mũgambo wa Jehova nĩ unangaga mĩtarakwa;
Ti itherũ, Jehova nĩ oinangaga mĩtarakwa ya Lebanoni.+
7 Mũgambo wa Jehova ũmenũkaga nĩnĩmbĩ cia mwaki;+
9 Mũgambo wa Jehova ũtũmaga thwariga ĩinaine na ĩgaciara
Na ũkahũrũra mĩtitũ ĩgatigwo ũtheri.+
Na arĩa othe marĩ thĩinĩ wa hekarũ yake makoiga: “Ngai arĩ riri!”
10 Jehova aikaragĩra gĩtĩ kĩa ũnene igũrũ rĩa mũiyũro wa maĩ;*+
Jehova aikaragĩra gĩtĩ kĩa ũnene arĩ Mũthamaki tene na tene.+
11 Jehova nĩ arĩheaga andũ ake hinya.+
Jehova nĩ akaarathima andũ ake amahe thayũ.+
Rwĩmbo rwa kũrugũria nyũmba. Thaburi ya Daudi.
2 Nĩ ndagũkaĩire ũndeithie wee Jehova Ngai wakwa, nawe ũkĩhonia.+
3 Wee Jehova nĩ ũnjoete na igũrũ kuuma Mbĩrĩra-inĩ.*+
Nĩ wandũũririe muoyo; ũkĩgiria ndikĩre irima-inĩ.*+
4 Inai nyĩmbo cia kũgooca Jehova, inyuĩ andũ ake ehokeku,+
Cokeriai rĩĩtwa rĩake itheru* ngatho;+
5 Tondũ kũrakarĩrũo nĩwe no gwa kahinda kanini,+
Kĩrĩro no gĩũke hwaĩ-inĩ, no rũcinĩ gũkorũo na gĩkeno kĩnene.+
6 Hĩndĩ ĩrĩa itaarĩ na thĩna ndoigire atĩrĩ:
“Gũtirĩ hĩndĩ ngenyenyeka.”*
7 Atĩrĩrĩ Jehova, rĩrĩa ndetĩkĩrĩkĩte harĩ wee,* watũmĩte ngĩe na hinya o ta kĩrĩma.+
No rĩrĩa wahithire ũthiũ waku, ngĩnyitwo nĩ guoya.+
8 Ndaikaraga ngĩgũkayagĩra, wee Jehova;+
Na ngaikara ngĩthaithaga Jehova anjiguĩre tha.
9 Nĩ ũguni ũrĩkũ ũngiumana na gĩkuũ gĩakwa,* ingĩikũrũka irima-inĩ?*+
Hihi rũkũngũ no rũkũgooce?+ Hihi no rũmenyithanie ũhoro wa wĩhokeku waku?+
10 Thikĩrĩria na ũnjiguĩre tha, wee Jehova.+
Atĩrĩrĩ Jehova, tuĩka mũndeithia.+
11 Nĩ ũgarũrĩte gũcakaya gwakwa gũgatuĩka gũthũngũtha;
Nĩ ũndutĩte nguo ya ikũnia, ũkahumba gĩkeno,
12 Nĩgetha nyine* nyĩmbo ngũgooce na ndigakire.
Wee Jehova Ngai wakwa, ngũtũũra ngũgoocaga tene na tene.
Kũrĩ mũrũgamĩrĩri. Rwĩmbo rwa Daudi.
31 Atĩrĩrĩ Jehova, niĩ njũrĩire harĩ wee.+
Ndũkanareke njonorithio.+
Honokia nĩ ũndũ wa ũthingu waku.+
2 Ndegera gũtũ gwaku.*
Ũka na ihenya ũũhonokie.+
Tuĩka kĩrĩma gĩakwa gĩa kwĩgitia,
Ũtuĩke handũ harĩ na ũgitĩri nĩguo ũũhonokie.+
3 Nĩ gũkorũo wee nĩwe ndũmba yakwa ya ihiga na mwĩgitio wakwa;+
Nĩ ũrĩndongoragia na ũkanyonereria njĩra+ nĩ ũndũ wa rĩĩtwa rĩaku.+
4 Nĩ ũrĩhatũraga kuuma neti-inĩ ĩrĩa manjigĩire na hitho,+
Tondũ wee nĩwe handũ hakwa harĩa hairigĩre.+
5 Nĩ ndaiga roho wakwa guoko-inĩ gwaku.+
Nĩ ũngũũrĩte wee Jehova, Ngai wa ũhoro wa ma.*+
6 Nĩ thũire arĩa merutagĩra harĩ mĩhianano ya tũhũ na ĩtarĩ kĩene,
No niĩ-rĩ, ndĩhokaga Jehova.
7 Nĩ ndĩrĩkenaga mũno nĩ ũndũ wa wendo waku mwĩhokeku,
Nĩ gũkorũo nĩ wonete mĩnyamaro yakwa;+
Nĩ ũĩ mĩtangĩko yakwa ĩrĩa ya thĩinĩ mũno.
8 Ndũũneanĩte harĩ thũ,
No ũtũmaga ndũgame handũ harĩ na ũgitĩri.*
9 Njiguĩra tha wee Jehova, nĩ gũkorũo ndĩ na mĩtangĩko.
Kĩeha nĩ gĩtũmĩte maitho makwa mage hinya,+ na mwĩrĩ wakwa wothe o naguo.+
Hinya wakwa nĩ ũranyiha nĩ ũndũ wa mahĩtia makwa;
Namo mahĩndĩ makwa magathira hinya.+
11 Nĩ nyũrũragio nĩ thũ ciakwa ciothe,+
Na makĩria andũ a itũũra ritũ.
Na ngetigĩrũo nĩ andũ arĩa tũmenyanĩte nao;
Rĩrĩa manyona mũingĩ-inĩ, no kũnjũrĩra manjũragĩra.+
12 Nĩ manjeheretie ngoro-inĩ yao* na makariganĩrũo nĩ niĩ, o ta ndĩ mũkuũ;
Haana ta ndigithũ nguũ.
13 Nĩ njiguĩte ndeto nyingĩ njũru cia mũhuhu;
Ndigicĩirio nĩ guoya.+
Hĩndĩ ĩrĩa macokanĩrĩra hamwe marĩ kĩndũ kĩmwe nĩguo manjũkĩrĩre,
Mabangaga ũrĩa mekũnduta muoyo.+
14 No niĩ nĩwe ndĩhokete, wee Jehova.+
Njugaga atĩrĩ: “Wee nĩwe Ngai wakwa.”+
15 Matukũ* makwa marĩ guoko-inĩ gwaku.
Honokia kuuma guoko-inĩ gwa thũ ciakwa na kuuma harĩ arĩa manyariraga.+
16 Tũma ũthiũ waku warĩre ndungata yaku.+
Honokia kũgerera wendo waku mwĩhokeku.
17 Atĩrĩrĩ Jehova, ndũkareke njonorithio rĩrĩa ndagũkaĩra.+
18 Mĩromo ĩrĩa ĩheenanagia ĩroremwo nĩ kwaria,+
Mĩromo o ĩyo yaragia na mwĩtĩo kwerekera arĩa athingu, ĩkeyambararia na ĩkaria na kĩnyũrũri.
19 Kaĩ wega waku nĩ mũingĩ-ĩ!+
Ũigĩte wega ũcio nĩ ũndũ wa arĩa magwĩtigĩrĩte,+
Na nĩ ũwonanĩtie andũ othe makĩĩyonagĩra, ũkawonania harĩ arĩa moragĩra harĩ wee.+
20 Ũrĩmahithaga handũ ha hitho harĩa wee ũrĩ+
Ũkamahitha kuuma harĩ njama cia andũ;
Ũrĩmahithaga hema-inĩ yaku
Ũkamagitĩra kuumana na tharĩkĩro cia arĩa mendaga kũmeka ũũru.*+
21 Jehova arogoocwo,
Nĩ gũkorũo nĩ anyonetie wendo wake mwĩhokeku na njĩra ya magegania+ ndĩ thĩinĩ wa itũũra irigicĩrie.+
22 Niĩ ndanyitirũo nĩ guoya ngiuga ũũ:
“Nĩ ngũthira njehere mbere yaku.”+
No wee nĩ waiguire mathaithana makwa ma kũhoya ũteithio rĩrĩa ndagũkaĩire.+
23 Endai Jehova, inyuothe arĩa ehokeku harĩ we!+
Thaburi ya Daudi. Maskili.*
32 Gũkena nĩ mũndũ ũrĩa woheirũo mahĩtia make, ũrĩa mehia make mahumbĩrĩtwo.*+
3 Hĩndĩ ĩrĩa ndaikarĩte ngirĩte, mahĩndĩ makwa nĩ moorirũo nĩ hinya tondũ wa gũtinda ngĩcaya mũthenya mũgima.+
4 Tondũ guoko gwaku nĩ kwanditũhagĩra* mũthenya na ũtukũ.+
Hinya wakwa ũkĩniara o ta maĩ hĩndĩ ya ũrugarĩ. (Sela)
Ngiuga atĩrĩ: “Nĩ ngumbũrĩra Jehova mehia makwa.”+
Nawe ũkĩnjohera mahĩtia ma mehia makwa.+ (Sela)
Nake o na mũiyũro wa maĩ ndũngĩmũkinyĩra.
Ũrĩthiũrũrũkagĩria na inegene rĩa gĩkeno rĩa ũhonokio.+ (Sela)
8 “Nĩ ndĩrĩkũheaga ũtaũku na ngakũruta njĩra ĩrĩa wagĩrĩire kũgera.+
Ndĩrĩkũheaga ũtaaro riitho rĩakwa rĩkũrorete.+
9 Ndũkahaane ta mbarathi kana nyũmbũ, iria itarĩ ũtaũku,+
Iria arĩ o mũhaka kũhĩahĩa gwacio kũgirĩrĩrio na mũkwa kana mũhĩndo
Itanagũkuhĩrĩria.”
10 Andũ arĩa aganu makoragwo na ruo rũingĩ;
No mũndũ ũrĩa wĩhokaga Jehova akoragwo athiũrũrũkĩirio nĩ wendo Wake mwĩhokeku.+
11 Kenai nĩ ũndũ wa Jehova na mũcanjamũke, inyuĩ andũ arĩa athingu;
Anĩrĩrai mũkenete, inyuothe arũngĩrĩru ngoro.
33 Anĩrĩrai mũkenete nĩ ũndũ wa Jehova, inyuĩ andũ arĩa athingu.+
Nĩ ũndũ mwagĩrĩru harĩ andũ arĩa arũngĩrĩru kũmũgooca.
2 Cokeriai Jehova ngatho mũkĩhũũraga kĩnanda kĩa mũgeeto;
Inai nyĩmbo cia kũmũgooca mũkĩhũũraga kĩnanda kĩa ndigi ikũmi.
3 Mũinĩrei rwĩmbo rwerũ;+
Hũũrai kĩnanda kĩa ndigi mwĩ na ũũgĩ, mũkĩanagĩrĩra nĩ ũndũ wa gũkena.
4 Nĩ gũkorũo kiugo kĩa Jehova nĩ kĩrũngĩrĩru,+
Na maũndũ mothe marĩa ekaga nĩ ma kwĩhokeka.
5 Nĩ endete ũthingu na kĩhooto.+
Thĩ ĩiyũire wendo mwĩhokeku wa Jehova.+
6 Igũrũ rĩombirũo kũgerera kiugo kĩa Jehova,+
Na indo ciothe iria irĩ thĩinĩ warĩo* ikĩũmbwo kũgerera roho wa* kanua gake.
7 Acokanagĩrĩria maĩ ma iria ta arĩ thingo amakĩire;+
Namo maĩ marĩa mahũyũkaga akamaiga thitoo.
8 Thĩ yothe nĩ ĩĩtigĩre Jehova.+
Aikari a bũrũri ũrĩa ũrĩ maciaro nĩ mamũhe gĩtĩo kĩnene.
9 Nĩ gũkorũo we aaririe, na maũndũ marĩa aaririe makĩhinga;+
Aathanire, na maũndũ marĩa aathanire makĩrũma wega.+
11 No matua ma* Jehova megũtũũra tene na tene;+
Methugunda ma ngoro yake nĩ ma kuuma njiarũa nginya njiarũa.
13 Jehova nĩ aroraga thĩ arĩ igũrũ;
Nĩ onaga ariũ othe a andũ.+
14 Arĩ kũu gĩikaro-inĩ gĩake-rĩ,
Nĩ aroraga arĩa maikaraga thĩinĩ wa thĩ.
15 Nĩwe mũũmbi wa ngoro ciao othe;
Nĩ athuthuragia mawĩra mao mothe.+
17 Mbarathi nĩ kĩĩrĩgĩrĩro kĩa maheeni kĩa ũhonokio;*+
Hinya wayo mũnene ti ũũma wa atĩ mũndũ no ahote gwĩthara.
18 Atĩrĩrĩ, riitho rĩa Jehova nĩ rĩroraga arĩa mamwĩtigĩrĩte,+
Arĩa metagĩrĩra wendo wake mwĩhokeku,
19 Nĩguo amahonokie* kuuma harĩ gĩkuũ
Na amatũũrie muoyo hĩndĩ ya ngʼaragu.+
20 Ithuĩ twetagĩrĩra Jehova.
Nĩwe ũteithio witũ o na ngo itũ.+
21 Ngoro citũ nĩ ikenaga nĩ ũndũ wake,
Tondũ nĩ twĩhokete rĩĩtwa rĩake itheru.+
Thaburi ya Daudi, rĩrĩa eetuĩte mũgũrũki+ arĩ mbere ya Abimeleku, nake akĩmũingata na Daudi agĩthiĩ.
א [Aleph]
34 Ndĩrĩgoocaga Jehova mahinda mothe;
Ndĩrĩmũgoocaga na mĩromo yakwa hĩndĩ ciothe.
ב [Beth]
2 Nĩ ndĩrĩĩrahaga nĩ ũndũ wa Jehova;+
Andũ arĩa ahooreri marĩiguaga ũhoro ũcio magakena.
ג [Gimel]
3 Goocai Jehova mwĩ hamwe na niĩ;+
Nĩ tũtũũgĩriei rĩĩtwa rĩake twĩ hamwe.
ד [Daleth]
4 Ndatuĩririe ũhoro harĩ Jehova, nake akĩnjokeria.+
Aahonokirie kuuma harĩ maũndũ mothe marĩa maanjĩkĩraga guoya.+
ה [He]
5 Arĩa maamũrorire nĩ maakengire;
Mothiũ mao matingĩaconorithirio.
ז [Zayin]
6 Mũndũ ũcio ũtarĩ hinya aakaĩire Jehova, nake akĩmũigua.
Aamũhonokirie kuuma harĩ mĩtangĩko yake yothe.+
ח [Heth]
ט [Teth]
י [Yod]
9 Mwĩtigĩrei Jehova, inyuĩ andũ ake othe arĩa aamũre,
Nĩ gũkorũo arĩa mamwĩtigagĩra gũtirĩ kĩndũ magaga.+
כ [Kaph]
10 O na mĩrũthi mĩthĩ ĩrĩ na hinya* nĩ ĩhũtaga nĩ ũndũ wa kwaga gĩa kũrĩa,
No andũ arĩa macaragia Jehova matingĩaga kĩndũ o gĩothe kĩega.+
ל [Lamed]
11 Ũkai ariũ akwa, mũthikĩrĩrie;
Nĩ ngũmũruta gwĩtigĩra Jehova.+
מ [Mem]
12 Nũũ gatagatĩ-inĩ kanyu ũkenagĩra muoyo
Na no ende kuona matukũ maingĩ mega?+
נ [Nun]
ס [Samekh]
ע [Ayin]
15 Maitho ma Jehova nĩ maroraga andũ arĩa athingu,+
Na matũ make nĩ mathikagĩrĩria kĩrĩro kĩao gĩa kũhoya ũteithio.+
פ [Pe]
16 No ũthiũ wa Jehova nĩ ũũkagĩrĩra arĩa mekaga maũndũ moru,
Nĩguo matikanacoke kũririkanwo rĩngĩ gũkũ thĩ.+
צ [Tsade]
ק [Qoph]
ר [Resh]
19 Mũndũ ũrĩa mũthingu acemanagia na moritũ* maingĩ,+
No Jehova nĩ amũhonokagia kuuma harĩ moritũ macio mothe.+
ש [Shin]
ת [Taw]
21 Andũ arĩa aganu makooragwo nĩ mwanangĩko;
Arĩa mathũire andũ arĩa athingu nĩ magaatuĩrũo atĩ nĩ mahĩtĩtie.
22 Jehova nĩ akũũraga muoyo wa ndungata ciake;
Gũtirĩ o na ũmwe wa arĩa moragĩra harĩ we ũgaatuĩrũo atĩ nĩ ahĩtĩtie.+
Thaburi ya Daudi.
3 Oya itimũ rĩaku na igũrũ o na ithanwa rĩa mbaara ũũkĩrĩre arĩa marathingata.+
Njĩĩra atĩrĩ: “Niĩ nĩ niĩ ũhonokio waku.”+
4 Arĩa marahĩta muoyo wakwa maroconorithio na magĩrũo gĩtĩo.+
Acio marabanga kũnyananga marocoka na thutha more maconokete.
5 Marohaana ta mahuti marombũrũo nĩ rũhuho;
Mũraika wa Jehova aromaingatithia mathiĩ.+
6 Njĩra yao ĩrogĩa nduma na ĩtendere
Hĩndĩ ĩyo mũraika wa Jehova aramaingatithia.
7 Tondũ nĩ mahithĩte neti ya kũndega hatarĩ gĩtũmi;
Nĩ manyenjeire irima hatarĩ gĩtũmi.
8 Arokorũo nĩ mwanangĩko aterĩgĩrĩire;
Neti ĩyo ambĩte ĩromũnyita arĩ we;
Arogwa irima-inĩ rĩu na anangĩke.+
9 No niĩ nĩ ngũkena nĩ ũndũ wa Jehova;
Nĩ ngũcanjamũka nĩ ũndũ wa ciĩko ciake cia kũhonokania.
10 Mahĩndĩ makwa mothe mekuuga ũũ:
“Atĩrĩrĩ Jehova, nũũ ũhaana tawe?
Nĩ ũhonokagia arĩa matarĩ hinya kuuma harĩ arĩa marĩ hinya kũmakĩra,+
Ũkahonokia arĩa matarĩ hinya na athĩni kuuma harĩ arĩa mamatunyaga indo ciao.”+
12 Marĩhaga wega wakwa na ũũru,+
Magatũma njigue ta nguĩrĩirũo.
13 No hĩndĩ ĩrĩa o marwara, ndehumbaga nguo ya ikũnia;
Ndenyariraga na njĩra ya kwĩhinga kũrĩa,
Na rĩrĩa mahoya marĩa ndamahoyagĩra maga gũcokio,*
14 Ndathiaga ngĩcakayaga ta arĩ mũrata wakwa kana mũrũ wa maitũ ndĩracakaĩra;
Ngainamĩrĩra nĩ ũndũ wa kĩeha, ta mũndũ ũracakaĩra nyina.
15 No rĩrĩa niĩ ndahĩngirũo, maakenire na magĩcokanĩrĩra hamwe;
Maacokanĩrĩire hamwe nĩguo matharĩkĩre itekũmenya;
Maandembũrangire tũcunjĩ na matiakirire.
16 Andũ arĩa matetigĩrĩte Ngai mathekagĩrĩra marĩ na kĩnyũrũri,*
Mahagaranagia magego nĩ ũndũ wa kũndakarĩra.+
17 Atĩrĩrĩ Jehova, ũgũikara o wĩroreire nginya rĩ?+
18 Na niĩ nĩ ngũgũcokeria ngatho ndĩ thĩinĩ wa kĩũngano kĩnene;+
Nĩ ngũkũgooca ndĩ gatagatĩ-inĩ ka irĩndĩ cia andũ.
19 Ndũkareke arĩa matuĩkĩte thũ ciakwa hatarĩ gĩtũmi maathekerere;
Ndũkareke arĩa mathũire hatarĩ gĩtũmi+ moinanĩre maitho na kĩnyũrũri.+
20 Nĩ gũkorũo matiaragia ciugo cia thayũ,
No mabangaga maheeni ma gũũkĩrĩra andũ a bũrũri arĩa mendete thayũ.+
21 Mathamagia kanua kao gothe nĩguo manjũkĩrĩre,
Makoiga ũũ: “Aha! Aha! Maitho maitũ nĩ monete ũndũ ũcio.”
22 Wee Jehova nĩ wonete ũndũ ũcio. Tiga gũikara ũkirĩte.+
Atĩrĩrĩ Jehova, ndũgaikare haraya na niĩ.+
23 Arahũka na ũũke ũndetere,
Jehova Ngai wakwa, ndetera ciira-inĩ wakwa.
24 Nduĩra ciira kũringana na ũthingu waku,+ wee Jehova Ngai wakwa;
Ndũkareke maathekerere.
25 Ndũkanareke moige atĩrĩ: “Aha! Nĩ tũhingĩtie ũrĩa tũrendaga.”
Ndũkanareke moige ũũ: “Nĩ tũmũmeretie.”+
26 Reke acio othe maigue thoni na maconorithio,
Acio mathekagĩrĩra rĩrĩa ndĩ na thĩna.
Acio metũũgagĩria igũrũ rĩakwa marohumbwo thoni na gĩconoko.
27 No arĩa makenagĩra ũthingu wakwa nĩ manĩrĩre makenete;
Nĩ moigage hingo ciothe atĩrĩ:
“Jehova arotũũgĩrio, o ũcio ũkenaga rĩrĩa ndungata yake ĩrĩ na thayũ.”+
Kũrĩ mũrũgamĩrĩri. Thaburi ya Daudi ndungata ya Jehova.
36 Mehia nĩ maragia na mũndũ mwaganu ngoro-inĩ yake thĩinĩ biũ;
Ũhoro wa gwĩtigĩra Ngai ndũrĩ maitho-inĩ make.+
2 Tondũ nĩ egaathagĩrĩria mũno maitho-inĩ make mwene
Ũũ atĩ ndangĩhota gũkũũrana na gũthũũra mahĩtia make.+
3 Ciugo cia kanua gake nĩ cia gũtuurithia na cia maheeni;
Ndakoragwo na ũtaũku wa gwĩka wega.
4 Abangaga njama njũru o na arĩ ũrĩrĩ-inĩ wake.
Arũmagĩrĩra njĩra ĩtarĩ njega;
Ndareganaga na ũndũ ũrĩa mũũru.
5 Wee Jehova-rĩ, wendo waku mwĩhokeku ũkinyĩte o igũrũ,+
Naguo wĩhokeku waku ũgakinya matu-inĩ.
Nĩ ũrũmbũyagia* andũ o na nyamũ, wee Jehova.+
7 Wee Ngai-rĩ, kaĩ wendo waku mwĩhokeku nĩ wa goro-ĩ!+
Kĩĩruru-inĩ kĩa mathagu maku-rĩ, nĩho ariũ a andũ moragĩra.+
8 Manyuaga indo nyingĩ njega* iria irĩ nyũmba-inĩ yaku nginya makaigania,+
Na ũgatũma manyue rũũĩ-inĩ rwa maũndũ maku marĩa mega.+
10 Thiĩ na mbere kuonania wendo waku mwĩhokeku harĩ andũ arĩa makũũĩ,+
Na kuonania ũthingu waku harĩ andũ arĩa arũngĩrĩru ngoro.+
11 Ndũkareke kũgũrũ kwa andũ arĩa etĩi kũnangĩrĩrie
Kana guoko kwa arĩa aganu kũnyingate.
12 Ta rora harĩa andũ arĩa mekaga maũndũ moru magwĩte;
Nĩ magũithĩtio thĩ na matingĩhota gũũkĩra.+
Thaburi ya Daudi.
א [Aleph]
37 Ndũgatangĩke* nĩ ũndũ wa andũ arĩa aganu
Kana ũigue ũiru nĩ ũndũ wa andũ arĩa mekaga maũndũ moru.+
2 Marĩhooha o na ihenya ta nyeki+
Na mome o ta nyeki nduru.
ב [Beth]
4 Gĩaga na gĩkeno kĩnene nĩ ũndũ wa Jehova,
Nake nĩ arĩkũhingagĩria merirĩria ma ngoro yaku.
ג [Gimel]
6 Nĩ arĩtũmaga ũthingu waku ware o ta ũtheri wa rũcinĩ gũgĩthererũka,
Nakĩo kĩhooto gĩaku kĩare o ta riũa rĩa mũthenya gatagatĩ.
ד [Daleth]
7 Kiraga ũrĩ mbere ya Jehova+
Na ũmwetagĩrĩre ũtegũthethũka.
Ndũgatangĩkage nĩ ũndũ wa mũndũ
Ũrĩa ũragaacĩra harĩ kũhingia njama ciake.+
ה [He]
ו [Waw]
10 No kahinda kanini gatigaru, na andũ arĩa aganu matigaakorũo kuo rĩngĩ;+
Ũkaarora kũrĩa maakoragwo,
Na matigaakorũo kuo.+
ז [Zayin]
12 Mũndũ ũrĩa mwaganu abangaga ũrĩa egũũkĩrĩra mũndũ ũrĩa mũthingu;+
Ahagaranagia magego nĩ ũndũ wa kũmũrakarĩra.
13 No Jehova nĩ amũthekagĩrĩra,
Tondũ nĩ oĩ atĩ mũthenya wa mũndũ ũcio nĩ ũroka.+
ח [Heth]
14 Andũ arĩa aganu macomoraga hiũ ciao cia njora na makahaarĩria mota mao
Nĩguo magũithie andũ arĩa mahinyagĩrĩrio o na arĩa athĩni,
Na morage arĩa mathiaga na njĩra nũngĩrĩru.
15 No rũhiũ rwao rwa njora rũgaatheca ngoro ciao ene;+
Namo mota mao nĩ makoinangwo.
ט [Teth]
16 Nĩ kaba kĩndũ kĩnini kĩa mũndũ mũthingu
Gũkĩra indo nyingĩ cia andũ aingĩ aganu.+
17 Nĩ gũkorũo moko ma andũ arĩa aganu nĩ makoinangwo,
No Jehova nĩ agaatiirĩrĩra arĩa athingu.
י [Yod]
18 Jehova nĩ amenyaga maũndũ marĩa andũ arĩa matarĩ ũcuke macemanagia namo,*
Na igai rĩao rĩgaatũũra tene na tene.+
19 Matigaaconorithio hĩndĩ ya thĩna;
Na hĩndĩ ya ngʼaragu nĩ magaakorũo na irio nyingĩ.
כ [Kaph]
20 No andũ arĩa aganu nĩ makaaniinwo;+
Thũ cia Jehova igaathira o ta ũrĩithio ũrĩ na riri;
Igaathira o ta ndogo.
ל [Lamed]
21 Mũndũ ũrĩa mwaganu akombaga no ndarĩhaga,
No mũndũ ũrĩa mũthingu akoragwo arĩ mũtaana* na nĩ aheanaga.+
22 Andũ arĩa marathimĩtwo nĩ Ngai nĩ makaagaya thĩ,
No arĩa marumĩtwo nĩwe nĩ makaaniinwo.+
מ [Mem]
נ [Nun]
26 Hingo ciothe akombanagĩra eyendeire,+
Nacio ciana ciake nĩ ikaagĩa na kĩrathimo.
ס [Samekh]
27 Wĩthemage maũndũ marĩa moru na wĩkage marĩa mega,+
Na nĩ ũgũtũũra tene na tene.
ע [Ayin]
פ [Pe]
30 Kanua ka mũndũ ũrĩa mũthingu karagia maũndũ ma ũũgĩ,*
Naruo rũrĩmĩ rwake rũkaria maũndũ ma kĩhooto.+
צ [Tsade]
32 Mũndũ ũrĩa mwaganu aikaraga akĩroraga ũrĩa mũthingu,
Agĩcaria ũrĩa angĩmũũraga.
33 No Jehova ndangĩtiganĩria mũndũ ũcio mũthingu guoko-inĩ kwa mũndũ ũcio mwaganu+
O na kana amũtuĩre atĩ nĩ ahĩtĩtie rĩrĩa araciirithio.+
ק [Qoph]
34 Wĩrĩgagĩrĩre Jehova na ũrũmagĩrĩre njĩra yake,
Nake nĩ agaagũtũũgĩria ũgae thĩ.
Rĩrĩa andũ arĩa aganu makaaniinwo,+ wee nĩ ũkeyonera ũndũ ũcio.+
ר [Resh]
35 Nĩ nyonete mũndũ mwaganu ũtarĩ tha
Agĩtherema o ta mũtĩ mũruru ũrĩ tĩri-inĩ waguo mwene.+
ש [Shin]
37 Ta wĩcũranie ũhoro wa mũndũ ũrĩa ũtarĩ ũcuke,*
Na ũrorage mũndũ ũrĩa mũrũngĩrĩru,+
Nĩ gũkorũo ũtũũro wa mũndũ ũcio wa mahinda mokĩte ũgaakorũo ũrĩ wa thayũ.+
38 No andũ arĩa othe mehagia nĩ makaanangwo;
Andũ arĩa aganu nĩ kũniinwo makaaniinwo.+
ת [Taw]
39 Ũhonokio wa andũ arĩa athingu uumaga harĩ Jehova;+
We nĩwe ũkoragwo arĩ handũ hao hairigĩre hĩndĩ ya thĩna.+
40 Jehova nĩ arĩmateithagia na akamateithũra.+
Nĩ arĩmateithũraga kuuma harĩ arĩa aganu na akamahonokia,
Nĩ gũkorũo moragĩra harĩ we.+
Rwĩmbo rwa Daudi, rwa kũhũthĩrũo rũrĩ kĩririkania.
38 Atĩrĩrĩ Jehova, ndũkanũnge ũrĩ na marakara,
Kana ũnũnge ũrĩ na mangʼũrĩ.+
2 Tondũ nĩ thecetwo nĩ mĩguĩ yaku ĩkanyingĩra thĩinĩ biũ,
Na guoko gwaku gũkahinyĩrĩria na thĩ.+
3 Mwĩrĩ wakwa wothe nĩ mũrwaru* nĩ ũndũ wa marakara maku.
Mahĩndĩ makwa matirĩ na thayũ nĩ ũndũ wa mehia makwa.+
4 Tondũ mahĩtia makwa meiganĩrĩire igũrũ rĩa mũtwe wakwa;+
O ta mũrigo mũritũ, nĩ maritũ mũno ndingĩhota kũmakuua.
5 Ironda ciakwa nĩ iranunga na igatherema
Tondũ wa ũrimũ wakwa.
6 Nĩ ndangĩkĩte na ngathuthĩka ngoro mũno;
Ndindaga na kĩeha mũthenya wothe.
7 Ndĩraigua ngĩcinwo thĩinĩ wakwa;
Mwĩrĩ wakwa wothe nĩ mũrwaru.+
8 Ngʼandĩte na ngahehenjeka biũ;
Mĩtangĩko ya ngoro yakwa ĩtũmaga ndarame na mũgambo mũnene.
9 Atĩrĩrĩ Jehova, merirĩria makwa mothe marĩ mbere yaku,
Na nĩ ũĩ gũcaya gwakwa.
10 Ngoro yakwa ĩrahũũra na hinya, na ngorũo nĩ hinya,
Na ũtheri wa maitho makwa nĩ ũthirĩte.+
11 Arata akwa na athiritũ akwa matiendaga kũnguhĩrĩria nĩ ũndũ wa ihũũra rĩakwa,
Nao arata akwa a hakuhĩ maikaraga haraya na niĩ.
12 Arĩa macaragia muoyo wakwa nĩ manjigagĩra mĩtego;
Acio mendaga kũnjĩka ũũru maragia ũhoro wa mwanangĩko;+
Mũthenya wothe matindaga makĩhehanĩrĩra maũndũ ma maheeni.
13 No o ta mũndũ ũrĩa ũtaiguaga, niĩ ndimathikagĩrĩria;+
O ta mũndũ ũrĩa ũtahotaga kwaria, nditumũraga kanua gakwa.+
14 Nduĩkĩte o ta mũndũ ũtarĩ ũhoti wa kũigua,
Ũrĩa ũtangĩhota kuuga ũndũ na kanua gake nĩguo etetere.
16 Nĩ gũkorũo ndoigire ũũ: “Maroaga gũũthekerera
Kana metũũgĩrie igũrũ rĩakwa kũgũrũ gwakwa kũngĩtindirũka.”
17 Tondũ ndarĩ hakuhĩ kũgwa,
Na ndaiguaga ruo hingo ciothe.+
20 Maarĩhire wega wakwa na ũũru;
Nĩ maanjũkagĩrĩra nĩ ũndũ wa gũthingata maũndũ marĩa mega.
21 Atĩrĩrĩ Jehova, ndũkandiganĩrie.
Ndũgaikare haraya na niĩ, wee Ngai.+
22 Hiũha ũũke ũndeithie,
Wee Jehova, o wee ũhonokio wakwa.+
Kũrĩ mũrũgamĩrĩri; kũringana na mũinĩre wa Jeduthuni.*+ Rwĩmbo rwa Daudi.
39 Ndoigire atĩrĩ: “Nĩ ngũmenyerera ikinya rĩakwa
Nĩgetha ndikehie na rũrĩmĩ rwakwa.+
Nĩ ndĩrĩgiragĩrĩria kanua gakwa ngakahumbĩra+
Rĩrĩa rĩothe mũndũ wothe mwaganu arĩ harĩa ndĩ.”
2 Ndaikarire ngirĩte itekwaria;+
Ndagire kwaria nginya ũhoro wa maũndũ marĩa mega.
No ruo rwakwa rwarĩ rũnene.*
3 Ngoro yakwa nĩ yaakanaga thĩinĩ wakwa.
O ũrĩa ndecũranagia,* noguo mwaki wathiaga ũgĩakanaga.
Na niĩ ngĩaria na rũrĩmĩ rwakwa ngiuga atĩrĩ:
4 “Atĩrĩrĩ Jehova, ndeithia kũmenya ũrĩa mũthia wakwa ũkaahana,
Na ũndeithie kũmenya mũigana wa matukũ makwa,+
Nĩgetha menye ũrĩa ũtũũro wakwa ũrĩ mũkuhĩ.*
Hatarĩ nganja mũndũ o wothe o na angĩoneka ta aiganĩire atariĩ o ta mĩhũmũ.+ (Sela)
6 Mũndũ o wothe ũrathiĩ akoragwo ahaana ta kĩĩruru.
Ahangʼaga* o tũhũ.
Acokanagĩrĩria ũtonga mũingĩ, atekũmenya nũũ ũkaaũkenera.+
7 Gũkĩrĩ ũguo-rĩ, ingĩkĩĩrĩgĩrĩra kĩĩ Jehova?
Wee nowe kĩĩrĩgĩrĩro gĩakwa.
8 Honokia kuuma harĩ mehia makwa mothe.+
Ndũkareke nduĩke kĩndũ gĩa kũnyũrũrio nĩ mũndũ ũrĩa mũkĩgu.
10 Njehereria ihũũra rĩaku.
Nĩ njũrĩtwo nĩ hinya tondũ guoko gwaku nĩ kũngũthaga.
11 Ũrũngaga mũndũ ũkamũherithia nĩ ũndũ wa mehia make;+
Ũniinaga indo iria onaga irĩ cia bata o ta ũrĩa memenyi irĩaga kĩndũ ikaniina.
Ti itherũ mũndũ o wothe no ta mĩhũmũ.+ (Sela)
12 Atĩrĩrĩ Jehova, igua ihoya rĩakwa,
Thikĩrĩria kĩrĩro gĩakwa gĩa kũhoya ũteithio.+
Ndũkage kũrũmbũiya maithori makwa.
Tondũ niĩ haana o ta mũndũ wa kũngĩ harĩ wee,+
Ta mũgendi ũrahĩtũka,* o ta ũrĩa maithe maitũ mothe ma tene maatariĩ.+
13 Tiga kũndora ũrĩ na marakara nĩgetha ngĩe na gĩkeno
Itanakua njage gũkorũo ho rĩngĩ.”
Kũrĩ mũrũgamĩrĩri. Thaburi ya Daudi. Rwĩmbo.
40 Ndaigire kĩĩrĩgĩrĩro gĩakwa harĩ Jehova biũ,*
Nake akĩndegera gũtũ gwake* na akĩigua gũkaya gwakwa ngĩmũhoya ũteithio.+
2 Akĩnduta irima-inĩ rĩarĩ na mũrurumo,
Akĩnduta mũtondo-inĩ.
Na agĩkinyithia magũrũ makwa igũrũ rĩa ndũmba ya ihiga;
Agĩtũma ndĩhande wega.
3 Agĩcoka agĩĩkĩra rwĩmbo rwerũ kanua-inĩ gakwa,+
Rwa kũgooca Ngai witũ.
Andũ aingĩ nĩ mekwĩyonera ũndũ ũcio metigĩre
Na maige mwĩhoko wao harĩ Jehova.
4 Gũkena nĩ mũndũ ũrĩa wĩhokaga Jehova
Ũrĩa ũtehokaga andũ arĩa aremi kana andũ a maheeni.*
5 Nĩ wĩkĩte maũndũ maingĩ,
Wee Jehova Ngai wakwa,
Mawĩra maku ma magegania o na methugunda maku gũtwerekera.+
Gũtirĩ ũngĩ ũngĩringithanio nawe;+
Korũo ndageria kwaria njuge ũhoro wamo,
No makorũo marĩ maingĩ mũno ũndũ itangĩhota kũmagweta!+
Ndwetirie magongona ma njino na magongona ma mehia.+
7 Ngĩcoka ngiuga ũũ: “Atĩrĩrĩ, nĩ ndoka.
Thĩinĩ wa gĩkũnjo* nĩ kwandĩkĩtwo ũhoro wakwa.+
9 Nĩ hunjagia ũhoro mwega wa ũthingu thĩinĩ wa kĩũngano kĩnene.+
Na rĩrĩ, ndigiragĩrĩria mĩromo yakwa,+
O ta ũrĩa ũĩ wega, wee Jehova.
10 Ndihingagĩrĩria ũhoro wa ũthingu waku thĩinĩ wa ngoro yakwa.
Nĩ menyithanagia wĩhokeku na ũhonokio waku.
Ndihithaga wendo waku mwĩhokeku o na ũhoro waku wa ma ndĩ thĩinĩ wa kĩũngano kĩnene.”+
11 Atĩrĩrĩ Jehova, ndũkage kũnjiguĩra tha.
Wendo waku mwĩhokeku o na ũhoro waku wa ma irongitagĩra hingo ciothe.+
12 Mathĩna marĩa mandigicĩirie nĩ maingĩ mũno matingĩtarĩka.+
Mahĩtia makwa nĩ maingĩ mũno ũũ atĩ nĩ manditũhĩire nginya ngaremwo nĩ kuona njĩra;+
Nĩ maingĩ gũkĩra njuĩrĩ cia mũtwe wakwa,
Na nĩ nguĩte ngoro.
13 Ndagũthaitha wĩtĩkĩre kũũhonokia, wee Jehova.+
Hiũha ũũke ũndeithie, wee Jehova.+
14 Arĩa othe maracaria ũrĩa mekũnduta muoyo
Maroigua thoni na maconorithio.
Arĩa makenaga rĩrĩa ndĩ na thĩna
Marocoka na thutha more maconokete.
15 Arĩa maranjĩra atĩrĩ: “Aha! Aha!”
Maronyitwo nĩ kĩeha nĩ ũndũ wa gũconoka.
Arĩa mendete ciĩko ciaku cia kũhonokania nĩ moigage ũũ hingo ciothe:
“Jehova arotũũgĩrio.”+
17 No niĩ ndirĩ hinya na ndĩ mũthĩni;
Jehova aronũmbũiya.
Kũrĩ mũrũgamĩrĩri. Rwĩmbo rwa Daudi.
41 Gũkena nĩ mũndũ o wothe ũiguagĩra mũndũ ũrĩa ũtarĩ hinya tha;+
Jehova nĩ arĩmũhonokagia mũthenya wa ũũru.
2 Jehova nĩ arĩmũgitagĩra na akamũtũũria muoyo.
Arĩonagwo arĩ mũndũ ũrĩ gĩkeno thĩinĩ wa thĩ;+
Gũtirĩ hĩndĩ wee ũkaamũrekereria harĩ thũ ciake nĩguo imwĩke kũringana na wendi* wacio.+
3 Jehova nĩ arĩmũtiiragĩrĩra rĩrĩa arĩ ũrĩrĩ-inĩ arĩ mũrwaru;+
Hĩndĩ ĩrĩa arĩ mũrwaru-rĩ, wee nĩ ũkaagarũra ũrĩrĩ wake biũ.
4 Tondũ niĩ ndoigire atĩrĩ: “Njiguĩra tha wee Jehova.+
Honia,+ nĩ gũkorũo nĩ ngwĩhĩirie.”+
5 No thũ ciakwa nĩ ciaragia maũndũ moru igũrũ rĩakwa ikoria ũũ:
“Agaakua rĩ nĩguo rĩĩtwa rĩake rĩthire?”
6 Ũmwe wao angĩũka kũnyona, aragia maheeni ngoro-inĩ yake.
Agacaria ũndũ mũũru wa kuuga;
Agacoka agathiĩ na akaũtheremia kũrĩ andũ arĩa angĩ.
7 Andũ arĩa othe mathũire nĩ mahehanagĩrĩra;
Mathugundaga ũndũ mũũru wa kũnjũkĩrĩra makoiga atĩrĩ:
8 “Nĩ akoretwo nĩ ũndũ mũũru mũno;
Rĩu tondũ nĩ agwĩte, ndangĩcoka gũũkĩra rĩngĩ.”+
10 No wee Jehova-rĩ, njiguĩra tha na ũnjarahũre,
Nĩguo ndĩmaherithie nĩ ũndũ wa ũguo mekĩte.
11 Ũndũ ũyũ nĩguo ũgũtũma menye atĩ nĩ ũkenagio nĩ niĩ:
Thũ ciakwa ciaga kwanĩrĩra nĩ ũndũ wa ũhootani igũrũ rĩakwa.+
Ameni na Ameni.
IBUKU RĨA KERĨ
(Thaburi 42-72)
Kũrĩ mũrũgamĩrĩri. Maskili* ya ariũ a Kora.+
42 O ta ũrĩa thwariga ĩĩriragĩria tũrũũĩ twa maĩ,
Noguo o na niĩ ngwĩriragĩria, wee Ngai.
2 Nĩ nyotagĩra Ngai, nganyotera Ngai ũrĩa ũtũũraga muoyo.+
Hihi nĩ rĩ ngaathiĩ nĩgetha ngorũo ndĩ mbere ya Ngai?+
3 Maithori makwa matuĩkĩte irio ciakwa mũthenya na ũtukũ;
Andũ manyũrũragia mũthenya wothe makanjũria atĩrĩ: “Ngai waku arĩ kũ?”+
4 Ndirikanaga maũndũ maya, ngaitũrũra ngoro* yakwa,
Tondũ kũrĩ hĩndĩ ndatwaranaga na kĩrĩndĩ;
Ndathiaga na njĩra ya gĩtĩo* ndĩ mbere yao tũgĩthiĩ nyũmba-inĩ ya Ngai,
Kũrĩ na inegene rĩa gĩkeno na gũcokia ngatho
Rĩa kĩrĩndĩ gĩgĩkũngũĩra gĩathĩ.+
5 Nĩ kĩĩ kĩratũma ndangĩke?+
Nĩ kĩĩ kĩratũma thĩnĩke ũguo thĩinĩ wakwa?
6 Atĩrĩrĩ Ngai wakwa, nĩ ndĩratangĩka.+
Nĩkĩo ndĩrakũririkana,+
Ndĩ bũrũri-inĩ wa Jorodani na tũcũmbĩrĩ twa Herimoni,
Ndĩ Kĩrĩma-inĩ kĩa Mizari.*
7 Maĩ mariku metaga maĩ mariku
Rĩrĩa kwaiguĩka mũgambo wa ndururumo ciaku cia maĩ.
Nĩ humbĩrĩtwo nĩ makũmbĩ maku mothe marĩa manene.+
8 Jehova nĩ arĩnyonagia wendo wake mwĩhokeku mũthenya,
Narĩo ũtukũ ngaina ũhoro wake, ngahoya Ngai ũrĩa ũũheaga muoyo.+
9 Ngũũria Ngai o we ndũmba yakwa ya ihiga atĩrĩ:
“Nĩ kĩĩ gĩtũmĩte ũriganĩrũo nĩ niĩ?+
Nĩ kĩĩ gĩgũtũma njikare na kĩeha nĩ ũndũ wa kũhinyĩrĩrio nĩ thũ yakwa?”+
10 Thũ ciakwa cinyũrũragia irĩ na rũmena rũnene;*
Cinyũrũragia mũthenya wothe ikanjũria atĩrĩ: “Ngai waku arĩ kũ?”+
11 Nĩ kĩĩ kĩratũma ndangĩke?
Nĩ kĩĩ kĩratũma thĩnĩke ũguo thĩinĩ wakwa?
Honokia kuuma harĩ mũndũ wa maheeni na ũtarĩ mũthingu.
2 Tondũ wee nĩwe Ngai wakwa, handũ hakwa harĩa hairigĩre.+
Nĩ kĩĩ gĩtũmĩte ũndiganĩrie?
Nĩ kĩĩ gĩgũtũma njikare na kĩeha nĩ ũndũ wa kũhinyĩrĩrio nĩ thũ yakwa?+
3 Tũma ũtheri waku na ũhoro waku wa ma.+
Reke indongorie;+
Reke indongorie indware kĩrĩma-inĩ gĩaku kĩrĩa kĩamũre na gĩikaro-inĩ gĩaku kĩrĩa kĩamũre na kĩrĩ riri.+
4 Na nĩ ngũthiĩ kĩgongona-inĩ kĩa Ngai,+
Thiĩ kũrĩ Ngai, o we gĩkeno gĩakwa kĩnene.
Na nĩ ngũkũgooca na kĩnanda kĩa mũgeeto,+ wee Ngai, o wee Ngai wakwa.
5 Nĩ kĩĩ kĩratũma ndangĩke?
Nĩ kĩĩ kĩratũma thĩnĩke ũguo thĩinĩ wakwa?
Kũrĩ mũrũgamĩrĩri. Thaburi ya ariũ a Kora.+ Maskili.*
44 Atĩrĩrĩ Ngai, nĩ tũiguĩte na matũ maitũ,
Maithe maitũ ma tene nĩ maatwĩrire,+
Maũndũ marĩa wekire matukũ-inĩ mao,
Matukũ-inĩ macio ma tene.
2 Nĩ waingatire ndũrĩrĩ ũkĩhũthĩra guoko gwaku+
Na ũgĩtũma maithe maitũ ma tene maikarage kũu.+
Ũkĩhehenja ndũrĩrĩ na ũgĩcingata.+
3 Matiegwatĩire bũrũri ũcio tondũ wa rũhiũ rwao rwa njora,+
Na ti guoko kwao gwatũmire magĩe na ũhootani.+
No ũndũ ũcio wekĩkire kũgerera guoko gwaku kwa ũrĩo na hinya waku,+ o hamwe na ũtheri wa ũthiũ waku,
Tondũ nĩ wakenagio nĩo.+
5 Kũgerera hinya waku nĩ tũkũingata thũ citũ icoke na thutha;+
Kũgerera rĩĩtwa rĩaku nĩ tũkũrangĩrĩria arĩa matũũkagĩrĩra.+
6 Tondũ ũta wakwa tiguo ndĩhokete,
Naruo rũhiũ rwakwa rwa njora rũtingĩhonokia.+
7 Wee nĩwe watũhonokirie kuuma harĩ thũ citũ,+
Nĩwe waconorithirie arĩa matũthũire.
8 Tũkũgooca Ngai mũthenya wothe,
Na tũtũũre tũcokagĩria rĩĩtwa rĩaku ngatho tene na tene. (Sela)
9 No rĩu nĩ ũtũtiganĩirie na ũgatũconorithia,
Na ndumagaraga hamwe na mbũtũ citũ.
10 Ũtũmaga tũikare tũkĩũragĩra thũ citũ;+
Arĩa matũthũire metahagĩra kĩrĩa gĩothe mekwenda.
11 Nĩ ũtũneanĩte tũtamburũo o ta ngʼondu;
Ũtũhurunjĩte gatagatĩ-inĩ ka ndũrĩrĩ.+
13 Ũtũmaga tũnyũrũrio nĩ andũ arĩa tũriganĩtie nao,
Tũgatuĩka kĩndũ gĩa gũthekererũo na kũnyararũo nĩ andũ othe arĩa matũrigicĩirie.
14 Ũtũmaga tũtuĩke kĩndũ gĩa kũnyararũo* gatagatĩ-inĩ ka ndũrĩrĩ,+
Kĩndũ gĩa gũtũmaga ikundi cia andũ ciinie mĩtwe yacio.
15 Ndindaga njonokete mũthenya wothe,
Na nĩ ndooretio nĩ gĩconoko gĩakwa,
16 Nĩ ũndũ wa mũgambo wa inyũrũri na irumi ciao,
Tondũ wa thũ itũ ĩrĩa ĩrerĩhĩria.
17 Maũndũ macio mothe nĩ matũkorete, ĩndĩ tũtirĩ twariganĩrũo nĩwe,
Na tũtirĩ twagarara kĩrĩkanĩro gĩaku.+
18 Ngoro citũ itirĩ ciagũtiganĩria;
Namo makinya maitũ matieherete njĩra-inĩ yaku.
19 No wee ũtũhehenjeire kũrĩa ngui cia gĩthaka cikaraga;
Ũtũhumbĩrĩte na kĩĩruru kĩnene.
20 Korũo nĩ tũriganĩirũo nĩ rĩĩtwa rĩa Ngai witũ
Kana tũgatambũrũkia moko maitũ tũkahoya ngai ngʼeni-rĩ,
21 Na githĩ Ngai to amenye ũndũ ũcio?
We nĩ amenyaga ũhoro wa hitho cia ngoro-inĩ.+
22 Tũũragagwo mũthenya wothe nĩ ũndũ waku;
Tũtuĩtwo ta ngʼondu cia gũthĩnjwo.+
23 Arahũka wee Jehova. Nĩ kĩĩ gĩtũmaga ũikare ũkomete?+
Arahũka! Ndũgatũũre ũtũtiganĩirie tene na tene.+
24 Nĩ kĩĩ gĩtũmaga ũhithe ũthiũ waku?
Ũriganagĩrũo nĩ mĩnyamaro itũ na kũhinyĩrĩrio gwitũ nĩkĩ?
25 Nĩ gũkorũo nĩ tũgũithĩtio thĩ rũkũngũ-inĩ;
Mĩĩrĩ itũ ĩkahinyĩrĩrio thĩ tĩri-inĩ.+
26 Arahũka ũtũteithie!+
Tũhonokie* nĩ ũndũ wa wendo waku mwĩhokeku.+
Kũrĩ mũrũgamĩrĩri; rũinwo na mũinĩre wa “Mahũa ma Itoka.”* Thaburi ya ariũ a Kora.+ Maskili.* Rwĩmbo rwa wendo.
45 Ngoro yakwa nĩ ĩrahĩahĩa tondũ wa ũndũ mwega.
Ngoiga atĩrĩ: “Rwĩmbo rwakwa rũkoniĩ* mũthamaki.”+
Rũrĩmĩ rwakwa rũrohaana ta karamu+ ka mwandĩki* ũrĩ na ũũgĩ.+
2 Wee nĩwe mũthaka mũno harĩ ariũ a andũ.
Ciugo cia ũtugi ithereraga kuuma mĩromo-inĩ yaku.+
Nĩkĩo Ngai akũrathimĩte tene na tene.+
4 Na ũrĩ na riri ũcio waku-rĩ, thiĩ na mbere nginya ũhootane;*+
Thiĩ ũhaicĩte mbarathi ũrũĩrĩre ũhoro wa ma na wĩnyihia o na ũthingu,+
Nakuo guoko gwaku kwa ũrĩo nĩ gũkũhingia* maũndũ ma magegania.
5 Mĩguĩ yaku nĩ mĩũgĩ, ĩtũmaga ikundi cia andũ igwe mbere yaku;+
Ĩthecaga ngoro cia thũ cia mũthamaki.+
7 Nĩ weendire ũthingu,+ na ũgĩthũũra waganu.+
Nĩkĩo Ngai, o we Ngai waku, agũitĩrĩirie maguta+ akĩhũthĩra maguta ma gĩkeno+ gũkĩra athiritũ aku.
8 Nguo ciaku ciothe irĩ na mũnungo wa manemane na thubiri o na mwĩnũ;
Nĩ ũrakenio nĩ mũgambo wa inanda cia ndigi ũrĩa ũroima nyũmba-inĩ ya mũthamaki ĩrĩa ĩgemetio na mĩguongo.
9 Gatagatĩ-inĩ ka atumia arĩa atĩĩku harĩ na airĩtu a athamaki.
Mũtumia wa mũthamaki arũgamĩte guoko-inĩ gwaku kwa ũrĩo, agemetio na thahabu ya Ofiri.+
10 Ta thikĩrĩria, wee mwarĩ ũyũ, ũthikĩrĩrie na kinyi na ũtege gũtũ gwaku;
Riganĩrũo nĩ andũ anyu o na nyũmba ya thoguo.
11 Nake mũthamaki nĩ ekwĩrirĩria ũthaka waku,
Nĩ gũkorũo nĩwe mwathi waku,
Nĩ ũndũ ũcio kĩmũinamĩrĩre.
13 Thĩinĩ wa nyũmba ya mũthamaki-rĩ, mwarĩ wa mũthamaki arĩ na riri mũnene;
Nguo ciake igemetio na thahabu.
14 Ekũrehwo kũrĩ mũthamaki ehumbĩte nguo itumĩtwo na njĩra ya ũũgĩ.*
Airĩtu gathirange a thiritũ yake, o acio mamũrũmĩrĩire, nĩ mekũrehwo mbere yaku.
15 Mekũrehwo kũrĩ na gĩkeno kĩnene;
Nĩ mekũingĩra thĩinĩ wa nyũmba ya mũthamaki.
16 Ariũ aku nĩ magaacoka ithenya rĩa maithe maku ma tene.
Nĩ ũkaamamũra matuĩke anene thĩinĩ wa thĩ yothe.+
17 Nĩ ngũtũma rĩĩtwa rĩaku rĩmenyeke njiarũa-inĩ ciothe iria igooka thutha-inĩ.+
Nĩkĩo ikundi cia andũ igũtũũra ikũgoocaga tene na tene.
Kũrĩ mũrũgamĩrĩri. Thaburi ya ariũ a Kora.+ Kũringana na mũinĩre wa Alamothu.* Rwĩmbo.
2 Nĩkĩo o na thĩ ĩngĩgarũrũka, ithuĩ tũtingĩtigĩra,
O na irĩma ingĩgwa thĩinĩ wa iria kũrĩa kũriku,+
3 O na maĩ ma rĩo mangĩruruma na marute mũhũyũ,+
O na irĩma ingĩthingitha nĩ ũndũ wa nditi yamo. (Sela)
4 Kũrĩ na rũũĩ rũrĩa tũrũũĩ twaruo tũtũmaga itũũra rĩa Ngai rĩkene,+
Gĩikaro kĩrĩa gĩtheru na kĩrĩ riri kĩa Ũrĩa ũrĩ Igũrũ Mũno.
5 Ngai arĩ thĩinĩ wa itũũra rĩu;+ rĩtingĩanangwo.
Ngai nĩ ekũrĩteithia o rũcinĩ gũgĩkĩa.+
6 Ndũrĩrĩ ciarĩ na ngũĩ, namo mothamaki makĩngʼaũranio;
Akĩanĩrĩra na mũgambo mũnene, nayo thĩ ĩgĩtweka.+
7 Jehova mũnene wa ita arĩ hamwe na ithuĩ;+
Ngai wa Jakubu nĩwe rĩũrĩro ritũ irũmu. (Sela)
8 Ũkai mwĩyonere ciĩko cia Jehova,
Ũrĩa ekĩte maũndũ ma kũgegania thĩinĩ wa thĩ.
9 Aniinaga mbaara kũndũ guothe thĩinĩ wa thĩ.+
Oinangaga ũta na agathũkangia itimũ;
Acinaga ngaari cia mbaara* na mwaki.
10 “Mwĩnyihiei na mũmenye atĩ niĩ nĩ niĩ Ngai.
Kũrĩ mũrũgamĩrĩri. Thaburi ya ariũ a Kora.+ Rwĩmbo.
47 Inyuĩ ikundi ciothe cia andũ, hũũrai hĩ.
Anĩrĩrai nĩ ũndũ wa ũhootani kũrĩ Ngai mũkiugagĩrĩria mũkenete.
2 Tondũ Jehova, o we Ũrĩa ũrĩ Igũrũ Mũno nĩ wa gwĩtigĩrũo;+
Nĩwe Mũthamaki ũrĩa mũnene igũrũ rĩa thĩ yothe.+
3 Nĩ atooragia ikundi cia andũ agaciga rungu rwitũ;
Nĩ aigaga ndũrĩrĩ rungu rwa magũrũ maitũ.+
5 Ngai nĩ ambatĩte o andũ makĩanagĩrĩra nĩ gũkena;
Jehova akambata kũrĩ na mũgambo wa coro.*
6 Inĩrai Ngai nyĩmbo cia kũmũgooca, mũine nyĩmbo cia kũgooca.
Inĩrai Mũthamaki witũ nyĩmbo cia kũmũgooca, mũine nyĩmbo cia kũgooca.
7 Tondũ Ngai nĩwe Mũthamaki wa thĩ yothe;+
Inai nyĩmbo cia kũmũgooca, na muonanie ũtaũku.
8 Ngai nĩ atuĩkĩte Mũthamaki wa ndũrĩrĩ.+
Ngai aikarĩire gĩtĩ gĩake gĩtheru kĩa ũnene.
9 Atongoria a ikundi cia andũ nĩ monganĩte
Hamwe na andũ a Ngai wa Iburahimu.
Nĩ gũkorũo athani a thĩ nĩ a* Ngai.
We nĩ atũũgĩrĩtio mũno.+
Rwĩmbo rwa ariũ a Kora.+
48 Jehova nĩ mũnene na nĩ agĩrĩire mũno kũgoocagwo
Thĩinĩ wa itũũra rĩa Ngai witũ, kĩrĩma-inĩ gĩake kĩrĩa kĩamũre.
2 Kĩrĩma kĩu gĩthaka na kĩraihu na igũrũ, o kĩo gĩkeno gĩa thĩ yothe,+
Nĩ Kĩrĩma gĩa Zayuni kĩrĩa kĩrĩ mwena wa rũgongo biũ,
Itũũra rĩa Mũthamaki Ũrĩa Mũnene.+
3 Thĩinĩ wa nyũmba iria ndaya na igũrũ irĩ na ũgitĩri cia itũũra rĩu,
Ngai nĩ amenyithanĩtie atĩ we nĩ rĩũrĩro irũmu.+
4 Tondũ rĩrĩ, athamaki nĩ magomanĩte;*
Nĩ mathiĩte marĩ hamwe.
5 Rĩrĩa maarĩonire, nĩ maagegire.
Makĩnyitwo nĩ guoya na makĩũra nĩ ũndũ wa kũmaka.
6 Makĩambĩrĩria kũinaina marĩ kũu,
Makĩnyitwo nĩ ruo ta rwa mũtumia akĩgĩa mwana.
7 Nĩ wanangaga meri cia Tarishishi ũkĩhũthĩra rũhuho rwa mwena wa irathĩro.
8 Maũndũ marĩa twaiguĩte-rĩ, rĩu nĩ twĩyoneire ithuĩ ene
Thĩinĩ wa itũũra rĩa Jehova mũnene wa ita, itũũra-inĩ rĩa Ngai witũ.
Ngai nĩ egũtũma rĩtũũre rĩĩhandĩte tene na tene.+ (Sela)
9 Atĩrĩrĩ Ngai, nĩ twĩcũranagia ũhoro wa wendo waku mwĩhokeku,+
Tũrĩ hekarũ-inĩ yaku.
10 O ta rĩĩtwa rĩaku, wee Ngai, ngumo yaku
Ĩkinyaga ituri-inĩ cia thĩ.+
Guoko gwaku kwa ũrĩo kũiyũire ũthingu.+
13 Erekeriai ngoro cianyu harĩ njirigo ciayo.*+
Thuthuriai nyũmba ciayo iria ndaya na igũrũ irĩ na ũgitĩri,
Nĩgetha mũkeera njiarũa iria igooka thutha-inĩ ũhoro wayo.
14 Nĩ gũkorũo Ngai ũcio nĩwe Ngai witũ+ tene na tene.
Egũtũũra atũtongoragia nginya tene na tene.*+
Kũrĩ mũrũgamĩrĩri. Thaburi ya ariũ a Kora.+ Rwĩmbo.
49 Thikĩrĩriai ũndũ ũyũ, inyuĩ ikundi ciothe cia andũ.
Tegai matũ, inyuĩ aikari othe a thĩ,*
2 Andũ arĩa matarĩ igweta o na arĩa marĩ igweta,
Andũ arĩa atongu o na arĩa athĩni.
3 Kanua gakwa gekwaria ciugo cia ũũgĩ,
Na methugunda ma ngoro yakwa+ monanie ũtaũku.
4 Nĩ ngũtega matũ thikĩrĩrie thimo;
Ngũtaarĩria ndaĩ yakwa ngĩhũũraga kĩnanda kĩa mũgeeto.
5 Nĩ kĩĩ gĩgũtũma ndĩtigĩre hĩndĩ ya thĩna,+
Rĩrĩa thiũrũrũkĩirio nĩ ũũru wa* andũ arĩa marageria kũniina?
6 Arĩa mehokaga ũtonga wao+
Na magetĩa nĩ ũndũ wa indo ciao nyingĩ,+
7 Gũtirĩ o na ũmwe wao ũngĩhota gũkũũra mũrũ wa ithe
Kana ahe Ngai kĩndũ gĩa gũkũũra mũndũ ũcio,+
8 (Thogora wa gũkũũra mĩoyo yao nĩ wa goro mũno
Ũũ atĩ gũtirĩ hĩndĩ mangĩhota kũũrĩha);
9 Atĩ nĩguo atũũre tene na tene na ndakanathiĩ irima-inĩ.*+
10 Mũndũ wothe nĩ onaga atĩ o na andũ arĩa ogĩ nĩ makuaga;
Andũ arĩa akĩgu na arĩa matarĩ wĩcirio mathiraga hamwe,+
Na ũtonga wao maũtigagĩra andũ angĩ.+
11 Wendi wa ngoro ciao nĩ atĩ nyũmba ciao itũũre tene na tene,
Na hema ciao itũũre nginya njiarũa na njiarũa.
Makoragwo maheete mĩgũnda yao marĩĩtwa mao ene.
13 Ĩno nĩyo njĩra ya andũ arĩa akĩgu+
O hamwe na arĩa mamarũmagĩrĩra, arĩa makenagio nĩ ciugo ciao cia tũhũ. (Sela)
14 Matuĩrĩirũo gũthiĩ thĩinĩ wa Mbĩrĩra* o ta ngʼondu.
Gĩkuũ nĩkĩo kĩrĩmarĩithagia;
Rũcinĩ marĩathagwo nĩ andũ arĩa arũngĩrĩru.+
15 No Ngai nĩ akaahonokia kuuma harĩ hinya wa Mbĩrĩra,*+
Nĩ gũkorũo nĩ agaatambũrũkia guoko anyite. (Sela)
16 Ndũkanetigĩre atĩ tondũ mũndũ nĩ agĩa na ũtonga,
Atĩ tondũ riri wa nyũmba yake nĩ waingĩha,
17 Nĩ gũkorũo hĩndĩ ĩrĩa akua gũtirĩ kĩndũ angĩthiĩ nakĩo;+
Riri wake ndũngĩikũrũka hamwe nake.+
18 Nĩ gũkorũo hĩndĩ ĩrĩa arĩ muoyo nĩ egaathagĩrĩria.+
(Andũ nĩ makũgaathagĩrĩria hĩndĩ ĩrĩa wagaacĩra.)+
19 No acokaga agathiĩ kũrĩ rũciaro rwa maithe make ma tene.
Gũtirĩ hĩndĩ magaacoka kuona ũtheri rĩngĩ.
20 Mũndũ ũtataũkagĩrũo nĩ ũndũ ũcio, o na angĩkorũo aheetwo gĩtĩo,+
Ndakĩrĩte nyamũ iria ikuaga.
Rwĩmbo rwa Asafu.+
50 Jehova,+ Ngai ũrĩa ũkĩrĩte ngai iria ingĩ ciothe nĩ arĩtie;
Nĩ etaga thĩ
Kuuma irathĩro rĩa riũa nginya ithũĩro rĩarĩo.*
2 Ngai nĩ akengaga arĩ itũũra-inĩ rĩa Zayuni, o rĩu ithaka biũ.+
3 Ngai witũ nĩ egũka na ndangĩikara akirĩte.+
5 “Cokanĩrĩriai harĩ niĩ andũ akwa arĩa ehokeku,
Arĩa magĩaga kĩrĩkanĩro hamwe na niĩ kũgerera igongona.”+
6 Igũrũ nĩ rĩmenyithanagia ũthingu wake,
Tondũ Ngai we mwene nĩ Mũtuanĩri Ciira.+ (Sela)
7 “Thikĩrĩriai inyuĩ andũ akwa, na nĩ ngwaria;
Wee Isiraeli, nĩ ngũruta ũira ũgũkoniĩ.+
Niĩ ndĩ Ngai, o niĩ Ngai waku.+
8 Ndirakũrũnga nĩ ũndũ wa magongona maku,
Kana nĩ ũndũ wa magongona maku magima ma njino marĩa ũndutagĩra hingo ciothe.+
10 Tondũ nyamũ o yothe ya gĩthaka nĩ yakwa,+
O na nyamũ iria irĩ irĩma-inĩ ngiri.
11 Nyoni o yothe ya irĩma-inĩ nĩ ndĩmĩũĩ;+
Nyamũ ciothe cia werũ-inĩ nĩ ciakwa.
12 Ingĩkorũo hũtiĩ ndingĩkwĩra,
Tondũ bũrũri ũrĩa ũrĩ maciaro nĩ wakwa o na indo iria ciothe irĩ thĩinĩ waguo.+
13 Hihi no ndĩe nyama cia ndegwa
Na nyue thakame ya mbũri?+
14 Cokia ngatho irĩ igongona rĩaku harĩ Ngai,+
Na ũhingie mĩĩhĩtwa yaku kũrĩ Ũrĩa ũrĩ Igũrũ Mũno;+
15 Ngayagĩra hĩndĩ ĩrĩa ũrĩ na mĩtangĩko.+
Nĩ ndĩrĩkũhonokagia, nawe ũkangoocithia.”+
16 No Ngai ekũũria mũndũ ũrĩa mwaganu atĩrĩ:
“Ũrĩ na kĩhooto kĩrĩkũ gĩa kũmenyithania mawatho makwa+
Kana kwaria ũhoro wĩgiĩ kĩrĩkanĩro gĩakwa?+
19 Ũhũthagĩra kanua gaku gũtheremia maũndũ moru,
Na maheeni manyitanĩte na rũrĩmĩ rwaku.+
21 Rĩrĩa wekire maũndũ macio-rĩ, ndiakwarĩirie,
Na kwoguo ũgĩĩciria atĩ ngũhaana o tawe.
No rĩu nĩ ngũkũrũnga,
Na nĩ nguuga maũndũ marĩa ndĩragũthitangĩra.+
22 Mwĩciriei ũhoro ũcio, inyuĩ mũriganagĩrũo nĩ Ngai,+
Nĩgetha ndikae kũmũtembũranga hatarĩ na mũndũ wa kũmũhonokia.
23 Mũndũ ũrĩa ũcokagia ngatho irĩ igongona rĩake nĩ angoocithagia,+
Na ũrĩa ũrũmagĩrĩra njĩra ĩrĩa yagĩrĩire,
Nĩ ngaatũma one ũhonokio wa Ngai.”+
Kũrĩ mũrũgamĩrĩri. Rwĩmbo rwa Daudi, hĩndĩ ĩrĩa mũnabii Nathani aathiire kũrĩ we thutha wa Daudi gũkoma na Bathi-sheba.+
51 Atĩrĩrĩ Ngai, njiguĩra tha kũringana na wendo waku mwĩhokeku.+
Huura mehia makwa nĩ ũndũ wa tha ciaku nyingĩ.+
Nĩ ũndũ ũcio, wee ũrĩ mũthingu ũkĩaria
Na ũrĩ na kĩhooto ũgĩtua ciira.+
6 Atĩrĩrĩ, wee ũkenagio nĩ ũhoro wa ma ũrĩa ũrĩ thĩinĩ wa ngoro;+
Ruta ngoro yakwa kũgĩa na ũũgĩ ũrĩa wa ma.
7 Theria kuumana na mehia makwa ũkĩhũthĩra mũthobi, nĩguo there;+
Thambia, nĩguo njerũhe gũkĩra mbarabu.+
8 Reke njigue mĩgambo ya gĩkeno na gũcanjamũka,
Nĩguo mahĩndĩ marĩa wahehenjire makene.+
11 Ndũkanyingate njehere mbere yaku;
Na ndũkanjehererie roho waku mũtheru.
13 Andũ arĩa mahĩtagia nĩ ngũmaruta njĩra ciaku,+
Nĩguo ehia magũcokerere.
14 Honokia kuuma harĩ mahĩtia ma ũiti wa thakame,+ wee Ngai, o wee Ngai wa ũhonokio wakwa,+
Nĩguo rũrĩmĩ rwakwa rũmenyithanagie ũhoro wa ũthingu waku rũrĩ na gĩkeno.+
15 Jehova, tumũra mĩromo yakwa,
Nĩguo kanua gakwa gakũgoocithagie.+
16 Nĩ gũkorũo igongona tirĩo wendaga, korũo nĩrĩo no ngũrutĩre;+
Igongona igima rĩa njino tirĩo rĩgũkenagia.+
17 Magongona marĩa makenagia Ngai nĩ roho mũthuthĩku;
18 Hingĩria Zayuni ũndũ ũrĩa mwega nĩ ũndũ wa wega waku;
Aka thingo cia Jerusalemu.
19 Hĩndĩ ĩyo nĩ ũrĩkenagĩra magongona ma ũthingu,
Magongona ma njino
na magongona magima;
Na ndegwa nĩ irĩrutagĩrũo kĩgongona-inĩ gĩaku.+
Kũrĩ mũrũgamĩrĩri. Maskili.* Thaburi ya Daudi, rĩrĩa Doegu ũrĩa Mũedomu aathiire kũrĩ Saulu akĩmwĩra atĩ Daudi nĩ aathiĩte nyũmba-inĩ ya Ahimeleku.+
52 Atĩrĩrĩ wee ũrĩ hinya, nĩ kĩĩ gĩtũmaga wĩrahe nĩ ũndũ wa maũndũ moru marĩa wĩkĩte?+
Wendo mwĩhokeku wa Ngai ũkoragwo kuo mũthenya wothe.+
3 Wee wendete maũndũ marĩa moru gũkĩra marĩa mega,
Ũkenda kũheenania gũkĩra kwaria maũndũ marĩa magĩrĩru. (Sela)
4 Nĩ wendete kiugo o gĩothe gĩa gũtuurithia,
Wee rũrĩmĩ rũrũ rwaragia maheeni!
5 Nĩkĩo Ngai agaakwananga ũthire biũ;+
Agaakũhuria na akũrutũrũre hema-inĩ yaku;+
Agaakũmunya akweherie bũrũri-inĩ wa arĩa marĩ muoyo.+ (Sela)
Na akĩiga mwĩhoko wake harĩ* maũndũ moru marĩa aabangĩte.”*
8 No niĩ ngũhaana ta mũtamaiyũ mũruru thĩinĩ wa nyũmba ya Ngai;
Ngũtũũra ndĩhokete wendo mwĩhokeku wa Ngai+ tene na tene.
9 Ngũtũũra ngũgoocaga tene na tene nĩ ũndũ wa ũrĩa wĩkĩte;+
Ndĩ mbere ya andũ aku arĩa ehokeku-rĩ,
Nĩ ndĩrĩĩrĩgagĩrĩra rĩĩtwa rĩaku,+ tondũ nĩ rĩega.
Kũrĩ mũrũgamĩrĩri; kũringana na mũinĩre wa Mahalathu.* Maskili.* Thaburi ya Daudi.
53 Mũndũ ũrĩa mũkĩgu* oigaga ũũ ngoro-inĩ yake:
“Gũtirĩ Jehova.”+
Ciĩko ciao itarĩ cia ũthingu nĩ njũru, na irĩ magigi;
Gũtirĩ o na ũmwe wĩkaga wega.+
2 No Ngai nĩ aroraga ariũ a andũ arĩ igũrũ+
Nĩguo one kana nĩ kũrĩ mũndũ o wothe wĩ na ũtaũku, kana nĩ kũrĩ mũndũ o wothe ũcaragia Jehova.+
3 Othe nĩ magarũrũkĩte makora njĩra;
Othe mekaga maũndũ moru.
Gũtirĩ o na ũmwe wĩkaga wega,
Gũtirĩ o na ũmwe.+
4 Andũ acio mekaga maũndũ moru-rĩ, kaĩ hatarĩ o na ũmwe wao ũtaũkagĩrũo?
Matamburaga andũ akwa ta arĩ mũgate mararĩa.
Matikayagĩra Jehova.+
5 Ĩndĩ nĩ makaaiyũrũo nĩ guoya mũnene,
Guoya matarĩ maigua mbere ĩyo,*
Tondũ Ngai nĩ akaahurunja mahĩndĩ ma andũ arĩa maragũtharĩkĩra.*
Nĩ ũkaamaconorithia, tondũ Jehova nĩ amaregete.
6 Na arĩ korũo ũhonokio wa Isiraeli no uume Zayuni!+
Jehova acokanĩrĩria andũ ake arĩa maatahirũo amacokie-rĩ,
Jakubu nĩ akene, Isiraeli nĩ acanjamũke.
Kũrĩ mũrũgamĩrĩri; rũinwo hamwe na inanda cia ndigi. Maskili.* Thaburi ya Daudi, rĩrĩa andũ a Zifu maathiire kũrĩ Saulu makĩmwĩra ũũ: “Daudi ehithĩte gatagatĩ-inĩ gaitũ.”+
2 Igua ihoya rĩakwa, wee Ngai;+
Tega matũ ũthikĩrĩrie ciugo cia kanua gakwa.
3 Tondũ nĩ njũkĩrĩirũo nĩ andũ ageni,
Na andũ matarĩ tha nĩ maracaria muoyo wakwa.+
Matirũmbũyagia ũhoro wa Ngai.*+ (Sela)
4 Atĩrĩrĩ, Ngai nĩwe mũndeithia;+
Jehova arĩ hamwe na arĩa mandiiragĩrĩra.
6 Nĩ ngũkũrutĩra igongona+ ndĩyendeire.
Nĩ ngũgooca rĩĩtwa rĩaku, wee Jehova, tondũ nĩ rĩega.+
Kũrĩ mũrũgamĩrĩri; rũinwo hamwe na inanda cia ndigi. Maskili.* Thaburi ya Daudi.
2 Tega matũ ũthikĩrĩrie na ũnjokerie.+
Mĩtangĩko yakwa nĩ ĩratũma thĩnĩke,+
Na nĩ ndĩragiĩka
3 Tondũ wa ũrĩa thũ ĩroiga
Na kũhatĩkwo nĩ mũndũ ũrĩa mwaganu.
Nĩ gũkorũo nĩ mandehagĩra mathĩna maingĩ,
Na makanjigĩra muku marĩ na marakara.+
5 Nĩ nyitĩtwo nĩ guoya na ngainaina,
Na nganyitwo nĩ kĩmako.
6 Njikaraga ngiugaga atĩrĩ: “Na arĩ korũo ndĩ na mathagu ta ndutura!
Ingĩũmbũka thiĩ ngaikarage kũndũ kũrĩ na ũgitĩri.
7 Atĩrĩrĩ, ingĩũra thiĩ kũndũ kũraya.+
Ingĩthiĩ gũikaraga werũ-inĩ.+ (Sela)
8 Ingĩhiũha thiĩ handũ ingĩĩgitia
Handũ haraya na rũhuho rũrũ rũnene, haraihu na kĩhuhũkanio gĩkĩ.”
9 Atĩrĩrĩ Jehova, tũma matukanĩrũo, na ũthararie mĩbango yao,*+
Nĩ gũkorũo nĩ nyonete ũhinya na ngũĩ thĩinĩ wa itũũra.
10 Mathiũrũrũkaga thingo ciarĩo mũthenya na ũtukũ;
Thĩinĩ warĩo kũrĩ na rũmena na ngũĩ.+
11 Thĩinĩ warĩo kũrĩ na mwanangĩko;
Ũhinyanĩrĩria na maheeni gũtirĩ hĩndĩ cieheraga kĩhaaro-inĩ kĩa mũingĩ itũũra-inĩ rĩu.+
12 Nĩ gũkorũo ti thũ ĩranyũrũria;+
Korũo nĩyo no ngirĩrĩrie.
Ti thũ ĩnjũkĩrĩire;
Korũo nĩ thũ no ndĩĩhithe kuuma harĩ yo.
14 Nĩ twakenagĩra ũrata mũnene ũrĩa twarĩ naguo;
Twathiaga nyũmba-inĩ ya Ngai twĩ hamwe na kĩrĩndĩ.
15 Maroniinwo nĩ mwanangĩko!+
Nĩ mathiĩ thĩinĩ wa Mbĩrĩra* marĩ muoyo;
Nĩ gũkorũo maũndũ moru makoragwo gatagatĩ-inĩ kao na thĩinĩ wao.
16 No niĩ-rĩ, ngũkaĩra Ngai,
Na Jehova nĩ ekũũhonokia.+
18 Nĩ ekũũhonokia* kuuma harĩ arĩa mararũa na niĩ na ahe thayũ,
Nĩ gũkorũo nĩ ndĩrokĩrĩrũo nĩ andũ aingĩ.+
Nĩ mekũrega kũgarũrĩra,
O acio matetigĩrĩte Ngai.+
21 Ciugo ciake nĩ nyoroku gũkĩra thiagĩ,+
No ngũĩ nĩcio irĩ ngoro-inĩ yake.
Ciugo ciake nĩ nyoroku gũkĩra maguta,
No itariĩ ta hiũ njomore cia njora.+
Gũtirĩ hĩndĩ akaareka mũndũ ũrĩa mũthingu agwe.*+
23 No wee Ngai-rĩ, nĩ ũgaatũma matonye thĩinĩ wa irima rĩrĩa iriku biũ.+
Acio marĩ na mahĩtia ma ũiti wa thakame na aheenania matigaatũũra o na nuthu ya matukũ mao.+
No niĩ-rĩ, wee nĩwe ndĩrĩĩhokaga.
Kũrĩ mũrũgamĩrĩri; rũinwo na mũinĩre wa “Ndutura Ĩkirĩte Ĩrĩa ĩrĩ Kũraya.” Thaburi ya Daudi. Miktamu.* Rĩrĩa aanyitirũo nĩ Afilisti arĩ Gathu.+
56 Atĩrĩrĩ Ngai, njiguĩra tha, tondũ andũ nĩ maratharĩkĩra.
Mũthenya wothe matindaga makĩrũa na niĩ na makahinyĩrĩria.
2 Thũ ciakwa cikaraga igĩtharĩkagĩra mũthenya wothe;
Andũ aingĩ nĩ mararũa na niĩ marĩ na mwĩtĩo.
3 Hĩndĩ ĩrĩa ndaigua guoya,+ wee nĩwe ndĩhokaga.+
4 Niĩ ndĩhokaga Ngai, o ũcio ngoocaga kiugo gĩake;
Ndĩhokaga Ngai; ndingĩtigĩra.
Mũndũ-rĩ, angĩkĩnjĩka* atĩa hihi?+
5 Mũthenya wothe maikaraga magĩthũkagia maũndũ makwa;
Ũndũ ũrĩa tu meciragia nĩ kũnjĩka ũũru.+
7 Atĩrĩrĩ, marege tondũ wa waganu wao.
Gũithia ndũrĩrĩ thĩ nĩ ũndũ wa marakara maku, wee Ngai.+
8 Kũũrũra gwakwa wee nĩ ũkũĩ.+
Cokanĩrĩria maithori makwa cuba-inĩ* yaku.+
Na githĩ matiandĩkĩtwo ibuku-inĩ rĩaku?+
9 Thũ ciakwa nĩ igaacoka na thutha ciũre mũthenya ũrĩa ngahoya ũteithio.+
Ũndũ ũyũ ndĩ na ma naguo: Ngai arĩ mwena wakwa.+
10 Niĩ ndĩhokaga Ngai, o ũcio ngoocaga kiugo gĩake;
Niĩ ndĩhokaga Jehova, o ũcio ngoocaga kiugo gĩake;
11 Ndĩhokaga Ngai; ndingĩtigĩra.+
Mũndũ-rĩ, angĩkĩnjĩka atĩa hihi?+
12 No mũhaka hingie mĩĩhĩtwa ĩrĩa ngwĩhĩtĩire, wee Ngai;+
Nĩ ngũkũrutĩra magongona ma gũcokia ngatho.+
13 Tondũ nĩ ũũhonoketie kuuma harĩ gĩkuũ+
Na ũkagirĩrĩria magũrũ makwa matikahĩngwo,+
Nĩgetha thiage ndĩ mbere ya Ngai mũrĩkĩirũo nĩ ũtheri ũrĩa ũmũrĩkagĩra arĩa marĩ muoyo.+
Kũrĩ mũrũgamĩrĩri; rũinwo na mũinĩre wa “Ndũkarehe Mwanangĩko.” Thaburi ya Daudi. Miktamu.* Rĩrĩa oorĩire Saulu agĩthiĩ ngurunga-inĩ.+
57 Njiguĩra tha, wee Ngai, njiguĩra tha,
Tondũ niĩ njũragĩra harĩ wee,+
Na kĩĩruru-inĩ kĩa mathagu maku nĩho ndĩĩhithaga nginya rĩrĩa ũgwati ũrĩhĩtũka.+
2 Niĩ ngayagĩra Ngai Ũrĩa ũrĩ Igũrũ Mũno,
Ngakaĩra Ngai ũrĩa wa ma, o we weheragia ũgwati ũcio nĩ ũndũ wakwa.
3 Nĩ egũtũma ũteithio kuuma igũrũ na ahonokie.+
Nĩ egũthararia mĩbango
ya ũrĩa ũratharĩkĩra. (Sela)
Ngai nĩ egũtũma wendo* wake na wĩhokeku wake.+
4 Ndigicĩirio nĩ mĩrũthi;+
No mũhaka ngome gatagatĩ-inĩ ka andũ marenda kũndambura,
Arĩa marĩ na magego matariĩ ta matimũ na mĩguĩ
Na rũrĩmĩ rwao rũhaana ta rũhiũ rũũgĩ rwa njora.+
5 Ũrotũũgĩrio igũrũ mũno, wee Ngai;
Riri waku ũroiyũra thĩ yothe.+
Nĩ meenjire irima mbere yakwa,
No nĩo maagũire thĩinĩ warĩo.+ (Sela)
7 Atĩrĩrĩ Ngai, ngoro yakwa nĩ ĩĩkindĩire,+
Ngoro yakwa nĩ ĩĩkindĩire.
Nĩ ngũina nyĩmbo ngũgooce.
8 Arahũka, wee riri wakwa.
Arahũka, wee kĩnanda kĩa ndigi; o nawe kĩnanda kĩa mũgeeto.
Ngwarahũka rũcinĩ tene.+
9 Nĩ ngũkũgooca gatagatĩ-inĩ ka ikundi cia andũ, wee Jehova;+
Nĩ ngũina nyĩmbo ngũgooce gatagatĩ-inĩ ka ndũrĩrĩ.+
10 Nĩ gũkorũo wendo waku mwĩhokeku nĩ mũnene, ũkinyĩte o igũrũ,+
Naguo wĩhokeku waku ũgakinya o matu-inĩ.
11 Ũrotũũgĩrio igũrũ mũno, wee Ngai;
Riri waku ũroiyũra thĩ yothe.+
Kũrĩ mũrũgamĩrĩri; rũinwo na mũinĩre wa “Ndũkarehe Mwanangĩko.” Thaburi ya Daudi. Miktamu.*
58 Hihi no mũhote kwaria ũhoro wa ũthingu mũkirĩte?+
Hihi no mũhote gũtuanĩra na ũrũngĩrĩru, inyuĩ ariũ a andũ?+
2 Handũ ha ũguo-rĩ, mũthugundaga maũndũ matarĩ ma ũthingu ngoro-inĩ cianyu,+
Namo moko manyu mageka maũndũ ma ũhinya thĩinĩ wa bũrũri.+
3 Andũ arĩa aganu mahĩtagia njĩra kuuma o maciarũo;*
Nĩ aremi, na maragia maheeni kuuma o maciarũo.
4 Thumu wao ũtariĩ o ta thumu wa nyoka;+
Matiiguaga, mahaana o ta nduĩra ĩrĩa ĩthingaga gũtũ kwayo.
5 Ndĩthikagĩrĩria mũgambo wa arĩa mamĩthuthagĩra,
O na mangĩhũthĩra ũũgĩ mũingĩ atĩa ũragũri-inĩ wao.
6 Atĩrĩrĩ Ngai, gũtha magego moime kanua-inĩ kao!
Unanga thĩa cia mĩrũthi ĩno,* wee Jehova!
7 Marothira o ta maĩ marĩa mathereraga magathiĩ.
Ngai arokũnja ũta wake na amagũithie na mĩguĩ yake.
8 Marohaana o ta ndinoho ĩrĩa ĩringũkaga o ĩgĩthiaga;
O ta mwana ũrĩa ũkuaga atarĩ mũciare akaga kuona riũa.
9 Nyũngũ cianyu itanaigua ũrugarĩ wa mwaki wa mĩtare,
We nĩ akeeheria rũthari rũrĩa rũigũ o na rũrĩa rũrakana, o ta arĩ na rũhuho rũnene.+
10 Mũndũ ũrĩa mũthingu nĩ agaakena tondũ wa kuona Ngai akĩĩrĩhĩria;+
Magũrũ make makaihũgio nĩ thakame ya andũ arĩa aganu.+
11 Nao andũ nĩ makoiga atĩrĩ: “Hatarĩ nganja andũ arĩa athingu marĩ na kĩheo.+
Ti itherũ nĩ kũrĩ Ngai ũrĩa ũtuanagĩra ciira thĩinĩ wa thĩ.”+
Kũrĩ mũrũgamĩrĩri; rũinwo na mũinĩre wa “Ndũkarehe Mwanangĩko.” Thaburi ya Daudi. Miktamu.* Rĩrĩa Saulu aatũmire andũ makarore nyũmba ya Daudi nĩguo mamũũrage.+
2 Honokia kuuma harĩ andũ arĩa aganu,
Na ũũthare kuuma harĩ andũ arĩa mekaga maũndũ ma ũhinya.*
3 Atĩrĩrĩ, maikaraga manjĩhithĩire nĩguo matharĩkĩre;+
Arũme marĩ hinya nĩ maratharĩkĩra
No ti tondũ nĩ nduĩkĩte mũremi kana ngehia,+ wee Jehova.
4 O na gũtuĩka ndirĩ ũndũ mũũru ndekire, mahiũhaga na makehaarĩria gũtharĩkĩra.
Arahũka ndagũkaĩra wone ũndũ ũrĩa ũrekĩka harĩ niĩ.
5 Tondũ wee Jehova Ngai mũnene wa ita, wee nĩwe Ngai wa Isiraeli.+
Arahũka werekerie meciria maku harĩ ndũrĩrĩ ciothe.
Andũ arĩa akunyanĩri, o acio aganu, ndũkamaiguĩre tha.+ (Sela)
7 Ta rora kĩrĩa kiumaga kanua-inĩ kao;
Mĩromo yao ĩtariĩ ta hiũ cia njora,+
Tondũ moragia atĩrĩ: “Nũũ ũrathikĩrĩria?”+
9 Atĩrĩrĩ wee Hinya wakwa, wee nĩwe ngũikara njũthĩrĩirie;+
Nĩ gũkorũo Ngai nĩwe rĩũrĩro rĩakwa irũmu.+
10 Ngai ũcio ũnyonagia wendo mwĩhokeku nĩ egũka kũndeithia;+
Ngai nĩ egũtũma ndĩĩrorere thũ ciakwa ikĩhootwo.+
11 Ndũkamorage nĩguo andũ akwa matikanariganĩrũo.
Hũthĩra hinya waku ũtũme maikare makĩũrũraga;
Ũtũme magwe, wee Jehova, o wee ngo itũ.+
12 Nĩ ũndũ wa mehia ma kanua kao, na kiugo kĩa mĩromo yao,
Marotegwo nĩ mwĩtĩo wao,+
Tondũ wa irumi na maheeni marĩa maragia.
13 Maniine biũ nĩ ũndũ wa marakara maku;+
Maniine biũ, nĩgetha matigakorũo kuo rĩngĩ;
Tũma mamenye atĩ Ngai nĩ arathana igũrũ rĩa Jakubu nginya ituri-inĩ ciothe cia thĩ.+ (Sela)
15 Nĩ morũre magĩetha kĩndũ gĩa kũrĩa;+
Ndũkareke mahũne kana mone handũ ha gũkoma.
16 No niĩ-rĩ, nĩ ngũina ũhoro wa hinya waku;+
Rũcinĩ nĩ ndĩaragia ũhoro wa wendo waku mwĩhokeku ngenete.
Nĩ gũkorũo wee nĩwe rĩũrĩro rĩakwa irũmu+
Na handũ hakwa ha kwĩhitha hĩndĩ ĩrĩa ndĩ na mĩtangĩko.+
17 Atĩrĩrĩ wee Hinya wakwa, nĩ ngũina nyĩmbo ngũgooce,+
Nĩ gũkorũo Ngai nĩwe rĩũrĩro rĩakwa irũmu, Ngai o ũcio ũnyonagia wendo mwĩhokeku.+
Kũrĩ mũrũgamĩrĩri; rũinwo na mũinĩre wa “Ihũa rĩa Itoka rĩa Kĩririkania.” Miktamu.* Thaburi ya Daudi. Ya kũrutana. Rĩrĩa aarũire na andũ a Aramu-naharaimu na Aramu-Zoba, nake Joabu agĩcoka na akĩniina Aedomu 12,000 Mũkuru-inĩ wa Cumbĩ.+
60 Atĩrĩrĩ Ngai, wee nĩ watũregire; nĩ wahehenjire mbũtũ citũ.+
Nĩ warakarĩtio nĩ ithuĩ; no rĩu twamũkĩre rĩngĩ!
2 Nĩ watũmire thĩ ĩthingithe; ũkĩmĩatũra.
Thinga mĩatũka yayo, tondũ nĩ kũgwa ĩragwa.
3 Nĩ watũmire andũ aku macemanie na moritũ.
Watũmire tũnyue ndibei ĩtũmaga tũtũgũge.+
4 Andũ arĩa magwĩtigĩrĩte-rĩ, mahe* kĩmenyithia
Nĩgetha more meherere ũta. (Sela)
5 Nĩguo andũ arĩa wendete mahonoke,
Tũhonokie na guoko gwaku kwa ũrĩo na ũtũigue.+
6 Ngai nĩ arĩtie nĩ ũndũ wa ũrĩa arĩ mũtheru* akoiga atĩrĩ:
7 Gileadi nĩ gwakwa, o na Manase no gwakwa,+
Na Efiraimu nĩkuo ngũbia ya* mũtwe wakwa;
Juda nĩ rũthanju rwakwa rwa wathani.+
8 Moabi nĩ kĩraĩ gĩakwa gĩa gwĩthambĩra.+
Edomu nĩkuo ngũikia kĩratũ gĩakwa.+
Na nyanĩrĩre nĩ ũndũ wa ũhootani bũrũri-inĩ wa Filistia.”+
9 Nũũ ũkũndwara itũũra-inĩ rĩrĩa rĩrigicĩirio?*
Nũũ ũkũndwara nginya Edomu?+
10 Githĩ tiwe Ngai, o wee ũtũregete,
Ngai witũ, o wee ũtigĩte kuumagaraga hamwe na mbũtũ citũ?+
11 Tũteithie ũtwehererie mĩtangĩko itũ,
Tondũ ũhonokio wa andũ nĩ wa tũhũ.+
Kũrĩ mũrũgamĩrĩri; rũinwo hamwe na inanda cia ndigi. Thaburi ya Daudi.
61 Atĩrĩrĩ Ngai, igua kĩrĩro gĩakwa gĩa kũhoya ũteithio.
Tega matũ ũigue ihoya rĩakwa.+
Ndongoria ũndware rwaro-inĩ rwa ihiga rũrĩ igũrũ kũngĩra.+
3 Nĩ gũkorũo wee nĩwe rĩũrĩro rĩakwa,
Nyũmba ndaya na igũrũ na nũmu ĩrĩa ĩngitagĩra kuuma harĩ thũ.+
4 Ngũtũũra ndĩ mũgeni hema-inĩ yaku tene na tene;+
Ndĩrĩũragĩra rungu rwa kĩĩruru kĩa mathagu maku.+ (Sela)
5 Nĩ gũkorũo wee Ngai, nĩ ũiguĩte mĩĩhĩtwa yakwa.
Nĩ ũheete igai rĩrĩa ũheaga arĩa metigĩrĩte rĩĩtwa rĩaku.+
6 Nĩ ũkuongerera matukũ harĩ ũtũũro wa* mũthamaki,+
Na mĩaka yake ĩgaakorũo ĩrĩ ya kuuma njiarũa nginya njiarũa.
8 Na niĩ ngũtũũra nyinaga nyĩmbo cia kũgooca rĩĩtwa rĩaku tene na tene,+
O ngĩhingagia mĩĩhĩtwa yakwa mũthenya o mũthenya.+
Kũrĩ mũrũgamĩrĩri; kũringana na mũinĩre wa Jeduthuni.* Rwĩmbo rwa Daudi.
62 Ti itherũ, niĩ njetagĩrĩra Ngai o ngirĩte.
Ũhonokio wakwa uumaga kũrĩ we.+
2 Nĩwe rwaro rwakwa rwa ihiga na ũhonokio wakwa, rĩũrĩro rĩakwa irũmu;+
Gũtirĩ hĩndĩ ngenyenyeka mũno.+
3 Nĩ nginya rĩ mũgũtũũra mũtharĩkagĩra mũndũ nĩguo mũmũũrage?+
Inyuothe mũrĩ ũgwati o ta rũthingo rũinamu, ta rũthingo rwa ihiga rũrĩ hakuhĩ kũgwa.*
4 Tondũ maciiraga marĩ hamwe ũrĩa mekũmweheria ũnene-inĩ wake;
Makenagĩra kwaria maheeni.
Marathimanaga na tũnua twao, no thĩinĩ wao makoragwo makĩrumana.+ (Sela)
5 Ti itherũ, niĩ njetagĩrĩra Ngai o ngirĩte+
Tondũ kĩĩrĩgĩrĩro gĩakwa kiumaga kũrĩ we.+
6 Nĩwe rwaro rwakwa rwa ihiga na ũhonokio wakwa, rĩũrĩro rĩakwa irũmu;
Gũtirĩ hĩndĩ ngenyenyeka.+
7 Ũhonokio wakwa na riri wakwa ciĩhocetie harĩ Ngai.
Ngai nĩwe rwaro rwakwa rwa ihiga, na rĩũrĩro rĩakwa.+
8 Mwĩhokagei we hĩndĩ ciothe, inyuĩ andũ aya.
Mũitũrũragĩrei ngoro cianyu.+
Ngai nĩ rĩũrĩro ritũ.+ (Sela)
9 Ariũ a andũ mahaana ta mĩhũmũ,
Ariũ a andũ nĩ a maheeni.+
Mangĩigĩrĩrũo ratiri-inĩ marĩ hamwe, nĩ ahũthũ gũkĩra mĩhũmũ.+
10 Mũtikehokage ũtunyani
Kana mwĩhokage ciĩrĩgĩrĩro cia maheeni cia ũici.
Ũtonga wanyu ũngĩingĩha, mũtikaigage ngoro cianyu harĩ guo.+
11 Ngai nĩ arĩtie riita rĩmwe, maita merĩ nĩ njiguĩte ũndũ ũyũ:
Atĩ hinya nĩ wa Ngai.+
Rwĩmbo rwa Daudi, rĩrĩa aarĩ werũ-inĩ wa Juda.+
63 Atĩrĩrĩ Ngai, wee nĩwe Ngai wakwa, njikaraga ngũcũthĩrĩirie.+
Nĩ ngũnyoteire.+
Nĩ njũrĩtwo nĩ hinya nĩ ũndũ wa gũkwĩrirĩria
Ndĩ thĩinĩ wa bũrũri mũũmũ na mũngʼaru, bũrũri ũtarĩ maĩ.+
2 Nĩ nguonete ũrĩ handũ harĩa hatheru;
Nĩ nyonete hinya waku o na riri waku.+
4 Ngũtũũra ngũgoocaga matukũ mothe ma ũtũũro wakwa;
Ndĩrĩambararagia moko makwa na igũrũ ngakaĩra rĩĩtwa rĩaku.
5 Nĩ njiganĩire na rwĩga rũrĩa rwega makĩria,*
Kwoguo kanua gakwa nĩ karĩkũgoocaga na mĩromo ĩrĩ na gĩkeno.+
8 Niĩ ndĩgwatanĩtie nawe;
Nakuo guoko gwaku kwa ũrĩo gũgaikara kũnũmĩtie.+
9 No arĩa mendaga kwananga muoyo wakwa*
Magaaikũrũka thĩinĩ wa thĩ kũndũ kũrĩa kũriku mũno.
10 Makaaniinwo na rũhiũ rwa njora;
Magaatuĩka irio cia ngui cia gĩthaka.*
11 Ĩndĩ mũthamaki nĩ agaakena nĩ ũndũ wa Ngai.
Mũndũ wothe wĩhĩtaga na rĩĩtwa rĩa Ngai nĩ agaacanjamũka,*
Nĩ gũkorũo kanua ka arĩa maheenanagia nĩ gagaakirio.
Kũrĩ mũrũgamĩrĩri. Rwĩmbo rwa Daudi.
64 Atĩrĩrĩ Ngai, igua mũgambo wakwa ngĩgũthaitha.+
Gitĩra muoyo wakwa kuuma harĩ tharĩkĩro njũru cia thũ.
2 Hitha kuuma harĩ mĩbango ya hitho ya andũ arĩa aganu,+
Ũhithe kuuma harĩ kĩrĩndĩ kĩa andũ arĩa mekaga maũndũ moru.
3 Rũrĩmĩ rwao marũnooraga o ta rũhiũ rwa njora;
Ciugo ciao ndũrũ-rĩ, macierekagĩria o ta mĩguĩ,
4 Nĩguo marĩ kũrĩa mehithaga marathe mũndũ ũrĩa ũtarĩ na mahĩtia;
Mamũrathaga o na ihenya mategwĩtigĩra.
5 Mathingataga biũ muoroto wao mũũru;*
Na magaciira ũrĩa mekũhitha mĩtego yao.
Moragia atĩrĩ: “Nũũ ũngĩmĩona?”+
6 Macaragia njĩra njerũ cia gwĩka maũndũ moru;
Mathugundaga na hitho mĩbango yao ya wara;+
Meciria marĩa makoragwo thĩinĩ wa ngoro ya o ũmwe wao matingĩtaũkĩka.
7 No Ngai nĩ ekũmaratha;+
Nĩ megũthecwo nĩ mũguĩ o na ihenya.
8 Rũrĩmĩ rwao ene nĩ rũgũtũma magwe;+
Andũ arĩa othe marerorera nĩ mekũinia mĩtwe yao.
9 Nao andũ othe nĩ megwĩtigĩra,
Na mamenyithanie maũndũ marĩa Ngai ekĩte,
Na nĩ mekũgĩa na ũtaũku wĩgiĩ ciĩko ciake.+
10 Mũndũ ũrĩa mũthingu nĩ egũkenera Jehova na orĩre harĩ we;+
Andũ arĩa othe arũngĩrĩru ngoro nĩ megũcanjamũka.*
Kũrĩ mũrũgamĩrĩri. Rwĩmbo rwa Daudi.
2 Wee Mũigua wa mahoya, andũ a mĩthemba yothe* marĩũkaga kũrĩ wee.+
4 Gũkena nĩ mũndũ ũrĩa wee ũthuuraga na ũkamũrehe hakuhĩ nawe
Nĩguo aikarage kũu nja-inĩ ciaku.+
5 Nĩ ũgũtũcokeria mahoya maitũ kũgerera maũndũ ma magegania+ ma ũthingu,
Wee Ngai wa ũhonokio witũ;
Wee nĩwe Mwĩhoko wa ituri ciothe cia thĩ+
Na wa arĩa marĩ kũndũ kũraya mũrĩmo wa iria.
6 Nĩ watũmire irĩma ciĩhande kũgerera hinya waku;
Wee nĩ wĩhumbĩte ũhoti.+
7 Nĩ ũhooreragia maria marĩa manene rĩrĩa mekũruruma,+
Ũkahooreria makũmbĩ mamo makĩhũũrana na ũkahooreria ngũĩ cia ndũrĩrĩ.+
8 Andũ arĩa maikaraga kũndũ kũraya nĩ mekũgega mona imenyithia ciaku;+
Nĩ ũgũtũma arĩa maikaraga irathĩro nginya o ithũĩro manĩrĩre makenete.
9 Wee nĩ ũrũmbũyagia thĩ,
Ũgatũma ĩciare mũno na ĩkorũo ĩrĩ noru.+
Rũũĩ rũrĩa ruumĩte harĩ Ngai rũiyũrĩte maĩ;
Tondũ ũguo nĩguo wathondekire thĩ ĩtariĩ.
10 Nĩ ũihũgagia mĩtaro yayo na ũkaiganania tĩri wayo kũrĩa kũrĩmĩtwo;
Ũmĩororoagia na mbura; ũkarathima maciaro mayo.+
Cianagĩrĩra nĩ ũndũ wa ũhootani, ikaina rwĩmbo.+
Kũrĩ mũrũgamĩrĩri. Rwĩmbo.
66 Anĩrĩrai nĩ ũndũ wa ũhootani mũgooce Ngai, inyuĩ thĩ yothe.+
2 Inai nyĩmbo mũgooce rĩĩtwa rĩake itũũgĩru.
Mũhei rũgooco rũrĩ na riri.+
3 Ĩrai Ngai atĩrĩ: “Kaĩ mawĩra maku nĩ ma magegania-ĩ!+
Nĩ ũndũ wa hinya waku mũnene,
Thũ ciaku nĩ ikũnyitwo nĩ guoya irĩ mbere yaku.+
4 Andũ othe thĩinĩ wa thĩ nĩ megũkũinamĩrĩra;+
Nĩ mekũina nyĩmbo makũgooce;
Nĩ mekũina nyĩmbo magooce rĩĩtwa rĩaku.”+ (Sela)
5 Ũkai muone mawĩra ma Ngai.
Maũndũ marĩa ekagĩra ariũ a andũ nĩ ma magegania.+
Tũgĩkena mũno nĩ ũndũ wake tũrĩ kũu.+
7 We athanaga tene na tene+ kũgerera hinya wake.
Maitho make maikaraga marorete ndũrĩrĩ.+
Andũ arĩa aremi matiagĩrĩirũo gwĩtũũgĩria.+ (Sela)
8 Goocai Ngai witũ, inyuĩ ikundi cia andũ,+
Na mũreke mũgambo wa kũmũgooca ũiguĩke.
10 Tondũ nĩ ũtũthuthurĩtie, wee Ngai;+
O ta ũrĩa betha ĩtheragio, ũguo noguo ũtũtheretie.
11 Nĩ watũnyitire na neti ya gũtega;
Ũgĩtũkuuithia mũrigo wa gũtũhehenja.
12 Nĩ wetĩkĩririe andũ magere igũrũ ritũ;*
Twatuĩkanĩirie mwaki-inĩ na maĩ-inĩ;
Ũgĩcoka ũgĩtũtwara handũ harĩ na ũhurũko.
13 Nĩ ngũka thĩinĩ wa nyũmba yaku ndĩ na magongona magima ma njino;+
Nĩ ngũhingia mĩĩhĩtwa ĩrĩa ngwĩhĩtĩire+
14 Ĩrĩa mĩromo yakwa yeranĩire+
Na kanua gakwa gakĩgweta rĩrĩa ndarĩ na mĩtangĩko.
15 Nĩ ngũkũrutĩra magongona ma njino ma nyamũ norie
Hamwe na ndogo ya ndũrũme cia magongona.
Ngũruta ndegwa o hamwe na thenge. (Sela)
16 Ũkai mũthikĩrĩrie, inyuothe arĩa mwĩtigĩrĩte Ngai,
Na nĩ ngũmwĩra maũndũ marĩa anjĩkĩire.+
17 Ndamũkaĩire na kanua gakwa
Na ngĩmũgooca na rũrĩmĩ rwakwa.
18 Korũo nĩ harĩ ũndũ mũũru ndaigĩte ngoro-inĩ yakwa,
Jehova ndangĩanjiguire.+
20 Ngai arogoocwo, o we ũtaateanĩirie ihoya rĩakwa
Kana akĩaga kũnyonia wendo wake mwĩhokeku.
Kũrĩ mũrũgamĩrĩri; rũinwo hamwe na inanda cia ndigi. Rwĩmbo.
67 Ngai nĩ egũtũiguĩra tha na atũrathime;
Nĩ egũtũma ũthiũ wake ũtwarĩre+ (Sela)
2 Nĩguo njĩra yaku ĩmenyeke thĩinĩ wa thĩ yothe,+
Na ciĩko ciaku cia kũhonokania imenyeke gatagatĩ-inĩ ka ndũrĩrĩ ciothe.+
3 Ikundi cia andũ irokũgooca, wee Ngai;
Ikundi ciothe cia andũ irokũgooca.
Nĩ ũgaatongoria ndũrĩrĩ cia gũkũ thĩ. (Sela)
5 Ikundi cia andũ irokũgooca, wee Ngai;
Ikundi ciothe cia andũ irokũgooca.
Kũrĩ mũrũgamĩrĩri. Thaburi ya Daudi. Rwĩmbo.
68 Ngai nĩ arahũke, thũ ciake irohurunjũka,
Na arĩa mamũthũire more mehere mbere yake.+
2 Ũromatwara kũraihu, o ta ũrĩa ndogo ĩtwaragwo kũraihu nĩ rũhuho;
O ta ũrĩa mũhũra* ũringũkaga ũrĩ mwaki-inĩ-rĩ,
Andũ arĩa aganu nĩ mathire mehere mbere ya Ngai.+
4 Inĩrai Ngai; inai nyĩmbo mũgooce rĩĩtwa rĩake.+
Inĩrai Ũrĩa ũratuĩkanĩria werũ-inĩ mwaraganu.*
Ja* nĩrĩo rĩĩtwa rĩake!+ Kenai mũrĩ mbere yake!
5 Ithe wa arĩa matarĩ maithe, o we ũgitagĩra* atumia a ndigwa+
Nĩ Ngai, o ũcio ũrĩ gĩikaro-inĩ gĩake gĩtheru.+
No arĩa aremi megũtũũra bũrũri-inĩ mũngʼaru.+
8 Thĩ nĩ yathingithire;+
Igũrũ rĩkiuria mbura* nĩ ũndũ wa Ngai;
Kĩrĩma gĩa Sinai gĩgĩthingitha nĩ ũndũ wa Ngai, o we Ngai wa Isiraeli.+
9 Nĩ watũmire kuure mbura nene, wee Ngai;
Andũ* aku arĩa moorĩtwo nĩ hinya, nĩ wamekĩrire hinya.
10 Magĩikara thĩinĩ wa hema ciaku;+
Arĩa athĩni nĩ wamaheaga mabataro mao nĩ ũndũ wa wega waku, wee Ngai.
12 Athamaki a mbũtũ nĩ morĩte,+ magathiĩ!
Mũtumia ũrĩa ũtigagwo mũciĩ nĩ agayagĩrũo indo iria itahĩtwo.+
13 O na gũtuĩka inyuĩ arũme aya mwakomaga harĩa mĩaki yakĩtio-rĩ,*
Nĩ gũgũkorũo na mathagu ma ndutura mahumbĩrĩtwo na betha,
Na njoya cia thahabu ĩrĩa njega.*
16 Nĩ kĩĩ gĩtũmaga inyuĩ irĩma irĩ tũcũmbĩrĩ mũrore mũrĩ na ũiru,
Hatarĩ nganja Jehova egũtũũra kuo tene na tene.+
17 Ngaari cia Ngai cia mbaara nĩ ngiri makũmi maingĩ, nĩ makiri na makiri.+
Jehova nĩ okĩte handũ harĩa hatheru oimĩte Sinai.+
18 Wee waambatire igũrũ;+
Ũgĩkuua mĩgwate;
Ũkĩĩyoera arũme marĩ ta iheo,+
O na arĩa aremi,+ nĩguo ũikarage gatagatĩ-inĩ kao, wee Ja, o wee Ngai.
19 Jehova arogoocwo, o we ũtũkuuagĩra mũrigo witũ o mũthenya,+
Ngai ũrĩa wa ma ũtũhonokagia. (Sela)
20 Harĩ ithuĩ-rĩ, Ngai ũcio wa ma nĩ Ngai ũhonokanagia;+
Na Jehova Mwathani Ũrĩa Mũnene nĩ ahonokagia andũ kuuma harĩ gĩkuũ.+
21 Ngai nĩ ekũhehenja mĩtwe ya thũ ciake,
Ahehenje mũtwe wa mũndũ o wothe ũthiaga na mbere na mahĩtia make.+
22 Jehova oigĩte ũũ: “Nĩ ngũmacokia kuuma Bashani;+
Nĩ ngũmacokia kuuma iria-inĩ kũrĩa kũriku mũno,
23 Nĩgetha kũgũrũ gwaku kũhumbĩrũo nĩ thakame+
Na rũrĩmĩ rwa ngui ciaku rũgĩe na rwĩga rwaruo kuuma harĩ thũ.”
24 Monaga kĩrĩndĩ kĩa andũ aku gĩgĩthiĩ kĩrũmanĩrĩire, wee Ngai,
Kĩrĩndĩ kĩa Ngai wakwa, o we Mũthamaki wakwa, kĩerekeire handũ harĩa hatheru.+
25 Aini mathiaga matongoretie, nao arĩa marahũũra inanda cia ndigi makamoima thutha;+
Na gatagatĩ-inĩ kao gũkoragwo na airĩtu marainia manyanga.+
26 Goocai Ngai, mũrĩ kĩrĩndĩ-inĩ kĩnene kĩrĩa kĩũnganĩte;*
Goocai Jehova, inyuĩ muumĩte Kĩhumo-inĩ kĩa Isiraeli.+
27 Mũhĩrĩga ũrĩa mũnini wa Benjamini+ nĩ ũramatooria,
O nao anene a Juda hamwe na kĩrĩndĩ kĩao kĩrĩa kĩrĩ na inegene inene,
Anene a Zebuluni, na anene a Nafitali.
28 Ngai waku nĩ oigĩte atĩ nĩ ũrĩkoragwo na hinya.
Onania hinya waku, wee Ngai, o wee wĩkĩte maũndũ nĩ ũndũ witũ.+
30 Girĩrĩria nyamũ cia gĩthaka iria cikaraga mathanjĩ-inĩ,
Rũũru rwa ndegwa+ na njaũ ciacio,
O nginya rĩrĩa ikundi cia andũ irĩinamĩrĩra irehe* icunjĩ cia betha.
No nĩ ahurunjaga ikundi cia andũ iria ciendete mbaara.
32 Inyuĩ mothamaki ma thĩ, inĩrai Ngai,+
Inai nyĩmbo mũgooce Jehova, (Sela)
33 Inĩrai ũrĩa ũtuĩkanagĩria igũrũ mũno kuuma o tene.+
Atĩrĩrĩ, arurumaga na mũgambo wake, mũgambo wake mũnene.
34 Ĩtĩkĩrai atĩ Ngai nĩ arĩ hinya.+
Ũhoti wake mũnene ũrĩ igũrũ rĩa Isiraeli,
Na hinya wake ũrĩ matu-inĩ.
35 Ngai nĩ wa magegania arĩ handũ hake* harĩa hatheru na harĩ riri.+
Nĩwe Ngai wa Isiraeli,
O we ũheaga andũ hinya na ũhoti.+
Ngai arogoocwo.
Kũrĩ mũrũgamĩrĩri; rũinwo na mũinĩre wa “Mahũa ma Itoka.” Thaburi ya Daudi.
69 Atĩrĩrĩ Ngai, honokia tondũ maĩ marĩ hakuhĩ kũnduta muoyo.+
2 Nĩ ndonyereire ndoro-inĩ kũndũ kũriku, kũrĩa gũtarĩ handũ homũ.+
Nĩ nyingĩrĩte maĩ-inĩ mariku,
Na ngatwarũo nĩ rũũĩ rũratherera na ihenya.+
Maitho makwa nĩ morĩtwo nĩ hinya o njetereire Ngai wakwa.+
4 Arĩa mathũire hatarĩ gĩtũmi+
Nĩ aingĩ gũkĩra njuĩrĩ cia mũtwe wakwa.
Arĩa marenda kũniina,
Thũ ciakwa iria imenete hatarĩ gĩtũmi, nĩ cingĩhĩte.
Ndahatĩrĩirio neane kĩndũ itaaiyĩte.
5 Wee Ngai-rĩ, nĩ ũĩ ũrimũ wakwa,
Na mahĩtia makwa matihithĩtwo maitho-inĩ maku.
6 Arĩa makwĩrĩgagĩrĩra maroaga gũconorithio nĩ ũndũ wakwa,
Wee Mwathani Ũrĩa Mũnene, Jehova mũnene wa ita.
Arĩa magũcaragia maroaga gũconorithio nĩ ũndũ wakwa,
Wee Ngai wa Isiraeli.
8 Nduĩkĩte mũgeni harĩ ariũ a baba,
Ngatuĩka mũndũ wa kũngĩ harĩ ariũ a maitũ.+
10 Rĩrĩa ndenyihirie ngĩĩhinga kũrĩa,*
Nĩ ndanyũrũririo nĩ ũndũ wa gwĩka ũguo.
11 Rĩrĩa ndehumbire nguo ya ikũnia,
Nĩ ndatuĩkire kĩndũ gĩa kũnyararũo* harĩ o.
12 Ũhoro wakwa nĩguo waragio nĩ arĩa maikaraga kĩhingo-inĩ gĩa itũũra,
Nao arĩĩu mainaga igũrũ rĩakwa nyĩmbo-inĩ ciao.
13 No rĩrĩ, ihoya rĩakwa rĩrogũkinyĩra,
Ihinda-inĩ rĩrĩa rĩĩtĩkĩrĩku, wee Jehova.+
Nĩ ũndũ wa ũrĩa wendo waku mwĩhokeku ũingĩhĩte, wee Ngai,
Njokeria kũgerera ciĩko ciaku cia ma cia kũhonokania.+
14 Honokia ũndute mũtondo-inĩ;
Ndũkareke ndonyerere.
Honokia kuuma harĩ arĩa mathũire
Na kuuma maĩ-inĩ marĩa mariku.+
15 Ndũkareke mũiyũro wa maĩ marĩa maratherera na ihenya ũndware,+
Kana ũreke merio nĩ kũndũ kũrĩa kũriku,
16 Atĩrĩrĩ Jehova, njokeria nĩ gũkorũo wendo waku mwĩhokeku nĩ mwega.+
Njĩtĩka na ihenya, tondũ nĩ ndĩratangĩka.+
18 Ũka hakuhĩ na niĩ ũũhonokie;
Ngũũra kuuma harĩ thũ ciakwa.
19 Nĩ ũĩ ũrĩa nyũrũragio na ngagĩrũo gĩtĩo o na ngaconorithio.+
Nĩ wonaga thũ ciakwa ciothe.
20 Ngoro yakwa nĩ ĩthuthĩkĩte nĩ ũndũ wa kũnyũrũrio, na kĩronda kĩu gĩtingĩhona.*
Nderĩgagĩrĩra kuona mũndũ wa kũnjiguĩra tha, no gũtiarĩ o na ũmwe,+
Na ngĩĩrĩgĩrĩra andũ a kũnyũmĩrĩria, no ndionire o na ũmwe.+
22 Metha yao ĩrotuĩka mũtego harĩ o,
O na kũgaacĩra kwao gũtuĩke kĩndũ gĩa kũmatega.+
23 Maitho mao marogĩa nduma maremwo nĩ kuona,
Na ũtũme ciero ciao ciikare ikĩinainaga.
24 Maitũrũrĩre mangʼũrĩ maku,
Na ũreke marakara maku mahiũ mamakore.+
25 Kambĩ yao ĩrotuĩka kũndũ gũtiganĩrie;
Hema ciao iroaga mũndũ wa gũikaraga kuo.+
26 Nĩ gũkorũo manyariraga mũndũ ũrĩa wee ũringĩte,
Na magaikara makĩaragia ũhoro wa ruo rwa arĩa ũgurarĩtie.
27 Mongerere mahĩtia mangĩ harĩ mahĩtia mao,
Na ndũkareke makorũo na igai harĩ ũthingu waku.
29 No nĩ ndĩranyamarĩka na ndĩ na ruo.+
Hinya waku wa kũhonokania ũrongitĩra, wee Ngai.
30 Nĩ ngũina nyĩmbo ngooce rĩĩtwa rĩa Ngai,
Na nĩ ngũmũtũũgĩria ngĩmũcokagĩria ngatho.
31 Ũndũ ũcio nĩ ũgũkenia Jehova gũkĩra ũrĩa angĩkenio nĩ ndegwa,
Gũkĩra ũrĩa angĩkenio nĩ gategwa karĩ na hĩa na mahũngũ.+
32 Andũ arĩa ahooreri nĩ mekuona ũndũ ũcio na makene.
Inyuĩ arĩa mũracaria Ngai, ngoro cianyu irocokwo nĩ hinya.
34 Igũrũ na thĩ nĩ imũgooce,+
O na maria marĩa manene na kĩrĩa gĩothe gĩthiagĩra thĩinĩ wamo.
35 Nĩ gũkorũo Ngai nĩ ekũhonokia Zayuni+
Na nĩ egwaka matũũra ma Juda rĩngĩ,
Na nĩ magaatũũra kuo* na gũtuĩke igai rĩao.
36 Nĩ gũgaatuĩka igai rĩa njiarũa cia ndungata ciake,+
Na andũ arĩa mendete rĩĩtwa rĩake+ nĩo magaatũũra kuo.
Kũrĩ mũrũgamĩrĩri. Thaburi ya Daudi, ya kũhũthĩrũo ĩrĩ kĩririkania.
70 Atĩrĩrĩ Ngai, honokia;
Hiũha ũũke ũndeithie, wee Jehova.+
2 Arĩa maracaria ũrĩa mekũnduta muoyo
Maroigua thoni na maconorithio.
Arĩa makenaga rĩrĩa ndĩ na thĩna
Marocoka na thutha more maconokete.
3 Arĩa maroiga atĩrĩ: “Aha! Aha!”
Marocokithio na thutha maconokete.
4 No arĩa magũcaragia-rĩ,
Nĩ makene na macanjamũke nĩ ũndũ waku.+
Arĩa mendete ciĩko ciaku cia kũhonokania nĩ moigage ũũ hingo ciothe:
“Ngai arotũũgĩrio!”
71 Atĩrĩrĩ Jehova, niĩ njũrĩire harĩ wee.
Ndũkanareke njonorithio.+
2 Honokia na ũũthare nĩ ũndũ wa ũthingu waku.
Ndegera gũtũ gwaku* na ũũhonokie.+
3 Tuĩka rwaro rwakwa rwa ihiga rwa kwĩgitia
Harĩa ingĩingĩra hingo ciothe.
Athana nĩguo honokio,
Nĩ gũkorũo wee nĩwe ndũmba yakwa ya ihiga na mwĩgitio wakwa.+
4 Wee Ngai wakwa, honokia kuuma harĩ guoko kwa ũrĩa mwaganu,+
Ũũhonokie kuuma harĩ guoko kwa mũhinyanĩrĩria ũrĩa wĩkaga maũndũ matarĩ ma kĩhooto.
5 Tondũ wee Jehova Mwathani Ũrĩa Mũnene nĩwe kĩĩrĩgĩrĩro gĩakwa;
Ndũire ngwĩhokete kuuma ndĩ o mũnyinyi.+
6 Ũtũire wĩ mwĩhoko wakwa kuuma rĩrĩa ndaciarirũo;
Wee nĩwe wandutire nda ya maitũ.+
Ndĩrĩkũgoocaga hĩndĩ ciothe.
7 Nduĩkĩte ta kĩama harĩ andũ aingĩ,
No wee nĩwe rĩũrĩro rĩakwa irũmu.
8 Kanua gakwa kaiyũire rũgooco rwaku;+
Njaragia ũhoro wa riri waku mũthenya wothe.
10 Thũ ciakwa ciaragia ndeto cia kũnjũkĩrĩra,
Na arĩa macaragia ũrĩa mekũnduta muoyo magaciira marĩ hamwe,+
11 Makoiga: “Ngai nĩ amũtiganĩirie.
Mũtengʼeriei mũmũnyite, tondũ ndarĩ na mũndũ wa kũmũhonokia.”+
12 Atĩrĩrĩ Ngai, ndũgaikare haraya na niĩ.
Hiũha ũũke ũndeithie, wee Ngai wakwa.+
13 Arĩa maranjũkĩrĩra-rĩ,
Maroconorithio na mathire.+
Arĩa mendaga nyone ũũru
Marohumbwo nĩ thoni na gĩconoko.+
14 No niĩ-rĩ, nĩ ngũthiĩ na mbere gweterera;
Nĩ ngũkũgooca o na makĩria.
15 Kanua gakwa nĩ karĩaragia ũhoro wa ũthingu waku,+
Gakaria ũhoro wa ciĩko ciaku cia kũhonokania mũthenya wothe,
16 Nĩ ngũthiĩ na menyithanie ũhoro wa ciĩko ciaku cia hinya,
Wee Jehova Mwathani Ũrĩa Mũnene;
Nĩ ngũgweta ũthingu waku, o waku wiki.
17 Atĩrĩrĩ Ngai, ũtũire ũndutaga kuuma ndĩ o mũnyinyi,+
Na nginya rĩu thiaga o na mbere kũmenyithania mawĩra maku ma magegania.+
18 Atĩrĩrĩ Ngai, o na ndakũra na ngĩe mbuĩ, ndũkanandiganĩrie.+
Reke menyithie rũciaro rũrĩa rũroka ũhoro wa hinya waku*
Na menyithanie ũhoro wa ũhoti waku kũrĩ arĩa othe magooka thutha.+
20 O na gũtuĩka nĩ ũtũmĩte ngorũo na mĩtangĩko na mathĩna maingĩ,+
Njĩkĩra hinya rĩngĩ;
21 Tũma ũnene wakwa wongerereke
Ningĩ ũthiũrũrũkĩrie na ũnyũmĩrĩrie.
22 Na niĩ nĩ ngũkũgooca na kĩnanda kĩa ndigi
Nĩ ũndũ wa wĩhokeku waku, wee Ngai wakwa.+
Nĩ ngũina nyĩmbo ngũgooce ngĩhũũraga kĩnanda kĩa mũgeeto,
Wee Ũrĩa Mũtheru wa Isiraeli.
23 Mĩromo yakwa nĩ ĩkwanĩrĩra ĩkenete ngĩkũinĩra nyĩmbo cia gũkũgooca,+
24 Rũrĩmĩ rwakwa rũrĩaragia* ũhoro wa ũthingu waku mũthenya wothe,+
Tondũ arĩa mendaga nyone ũũru nĩ mekũigua thoni na maconorithio.+
Thaburi ĩgiĩ Suleimani.
72 Atĩrĩrĩ Ngai, menyithia mũthamaki matuĩro maku,
Na ũhe mũriũ wa mũthamaki ũthingu waku.+
2 Arotetagĩra andũ aku na ũthingu,
Nao andũ aku arĩa matarĩ hinya amatetagĩre na kĩhooto.+
3 Irĩma irorehagĩra andũ thayũ,
Natuo tũrĩma tũrehage ũthingu.
4 Arogitagĩra* arĩa matarĩ hinya gatagatĩ-inĩ ka andũ aku,
Nĩ ahonokagie ciana cia athĩni,
Na akahehenja mũtunyani.+
5 Megũtũũra magwĩtigĩrĩte ihinda rĩothe rĩrĩa riũa rĩgũkorũo ho
Na rĩrĩa rĩothe mweri ũgũtũũra,
Nginya njiarũa na njiarũa.+
6 Akaahaana ta mbura ĩrĩa yuragĩra nyeki ĩrĩa ĩrengetwo,
Ta mbura ĩrĩa ĩtũmaga thĩ ĩgunye.+
7 Matukũ-inĩ make arĩa athingu nĩ makaagaacĩra,*+
Naguo thayũ nĩ ũkaaingĩha+ o nginya rĩrĩa mweri ũtagaakorũo ho.
9 Arĩa maikaraga werũ-inĩ nĩ makaainamĩrĩra mbere yake,
Na thũ ciake nĩ igaacũna rũkũngũ.+
10 Athamaki a Tarishishi na a icigĩrĩra nĩ makaarĩha igooti.+
Athamaki a Sheba na a Seba nĩ makaamũhe iheo.+
11 Athamaki othe nĩ makaainamĩrĩra mbere yake,
Na ndũrĩrĩ ciothe nĩ ikaamũtungatĩra.
12 Nĩ gũkorũo nĩ akaahonokia athĩni arĩa makayaga makĩhoya ũteithio,
O na mũndũ ũrĩa ũtarĩ hinya hamwe na ũrĩa wothe ũtarĩ na wa kũmũteithia.
13 Andũ arĩa matarĩ hinya na arĩa athĩni nĩ akaamaiguĩra tha,
Na nĩ akaahonokia mĩoyo ya arĩa athĩni.
14 Nĩ akaamahonokia* matige kũhinyĩrĩrio na gwĩkwo maũndũ ma ũhinya,
Na thakame yao nĩ ĩgaakorũo ĩrĩ ya bata mũno maitho-inĩ make.
15 Arotũũra na aheo thahabu ya Sheba.+
Arohoyagĩrũo nĩ andũ hĩndĩ ciothe,
Na arathimagwo mũthenya wothe.
Maciaro make makaaingĩha ta ma Lebanoni,+
Na thĩinĩ wa matũũra andũ magaacanũka ta mĩmera ĩrĩa ĩkũraga thĩinĩ wa thĩ.+
17 Rĩĩtwa rĩake rĩrotũũra tene na tene,+
Na rĩtũũre rĩtheremaga ihinda rĩothe rĩrĩa riũa rĩgũkorũo ho.
Andũ nĩ megwatĩre kĩrathimo kũgerera harĩ we;+
Ndũrĩrĩ ciothe iromwĩtaga mũndũ mũkenu.
Ameni na Ameni.
20 Ũcio nĩguo mũthia wa mahoya ma Daudi, mũrũ wa Jesii.+
IBUKU RĨA GATATŨ
(Thaburi 73-89)
Rwĩmbo rwa Asafu.+
73 Ngai nĩ mwega mũno harĩ Isiraeli, harĩ arĩa atheru ngoro.+
2 No niĩ-rĩ, magũrũ makwa maatigĩtie hanini kũũra njĩra;
Makinya makwa maarĩ hakuhĩ gũtindirũka.+
3 Nĩ gũkorũo nĩ ndaiguaga ũiru nĩ ũndũ wa arĩa etĩi*
Ndona thayũ wa arĩa aganu.+
6 Nĩ ũndũ ũcio, mwĩtĩo nĩguo mũgathĩ wao;+
Naguo ũhinya ũmahumbagĩra ta nguo.
7 Ũgaacĩru* wao ũtũmaga maitho mao moimĩre;
Indo ciao ikĩrĩte ũrĩa ngoro ciao ingĩĩcirĩria.
8 Maragia na kĩnyũrũri na makoiga maũndũ moru.+
Mehĩtaga marĩ na mwĩtĩo ũrĩa mekũhinyanĩrĩria.+
9 Makĩaria-rĩ, maragia ta marĩ igũrũ matu-inĩ,
Nacio nĩmĩ ciao ciaragia na mwĩtĩo thĩinĩ wa thĩ.
10 Nĩkĩo andũ ake mathiaga kũrĩ o,
Na makanyua kuuma maĩ-inĩ mao maingĩ.
11 Moragia atĩrĩ: “Ngai angĩmenya atĩa?+
Hihi Ũrĩa ũrĩ Igũrũ Mũno nĩ aramenya ũrĩa kũrekĩka?”
12 Acio nĩo andũ arĩa aganu, arĩa monaga maũndũ mega hĩndĩ ciothe.+
Maikaraga makĩongagĩrĩra ũtonga wao.+
13 Ti itherũ ndũũrĩtie ngoro yakwa ĩrĩ theru o tũhũ
Na ngathambia moko makwa kuonania ndirĩ ũcuke o tũhũ.+
15 No korũo nĩ ndoigire maũndũ macio,
Nĩ ingĩakunyanĩire andũ aku.*
16 Rĩrĩa ndageririe gũtaũkĩrũo nĩ ũndũ ũcio,
Ndaiguaga ũgĩthumbũra
17 O nginya rĩrĩa ndaingĩrire handũ harĩa hatheru na harĩ riri ha Ngai,
Na ngĩmenya ũhoro wa matukũ mao ma thutha-inĩ.
18 Ti itherũ ũmaigaga handũ hatenderũ.+
Ũtũmaga magwe makanangĩka.+
19 Kaĩ nĩ manangĩkaga na ihenya-ĩ!+
Mũthia wao ũkinyaga o rĩmwe na mũthiro wao ũgakorũo ũrĩ mũũru mũno!
20 Atĩrĩrĩ Jehova, o ta ũrĩa kĩroto kĩriganagĩra mũndũ okĩra,
No taguo ũgaateanĩria* ũnene wao rĩrĩa wee ũkaarahũka.
22 Nĩ ndagĩte wĩcirio na ndiarĩ na ũtaũku;
Ndatariĩ o ta nyamũ ĩtarĩ wĩcirio maitho-inĩ maku.
23 Ĩndĩ rĩu ndĩ hamwe nawe hĩndĩ ciothe;
Nĩ ũnyitĩte guoko gwakwa kwa ũrĩo.+
25 Nũũ ũngĩ ndĩ nake kũu igũrũ?
Ndĩ nawe-rĩ, gũtirĩ kĩndũ ingĩĩrirĩria gũkũ thĩ.+
26 Mwĩrĩ wakwa na ngoro yakwa no ciage hinya,
No Ngai nĩwe rwaro rwa ihiga rwa ngoro yakwa na rwĩga rwakwa tene na tene.+
27 Ti itherũ arĩa maikaraga haraihu nawe nĩ magaathira.
Nĩ ũkaaniina* mũndũ wothe ũgũtiganagĩria nĩ ũndũ wa kwaga wĩhokeku.+
28 No niĩ-rĩ, gũkuhĩrĩria Ngai nĩkuo kwega na niĩ.+
Jehova Mwathani Ũrĩa Mũnene nĩwe nduĩte rĩũrĩro rĩakwa,
Nĩgetha menyithanagie mawĩra maku mothe.+
74 Atĩrĩrĩ Ngai, nĩ kĩĩ gĩtũmĩte ũtũrege nginya tene na tene?+
Nĩ kĩĩ gĩtũmĩte ũcinwo nĩ marakara kwerekera rũũru rũrĩa ũrĩithagia?+
Ririkana Kĩrĩma gĩa Zayuni, kĩrĩa wee wanatũũra.+
3 Erekeria makinya maku harĩ kũndũ kũrĩa gũtũũrĩte kũrĩ kwanangĩku.+
Thũ nĩ ĩthũkangĩtie indo ciothe thĩinĩ wa handũ harĩa hatheru.+
4 Thũ ciaku nĩ ciararamire irĩ thĩinĩ wa handũ haku harĩa ũthathayagĩrio.*+
Hau nĩho ihandĩte marũũri ma cio matuĩke imenyithia.
5 Ciahaanaga ta andũ moeire mũtitũ mũtumanu mathanwa.
6 Cioinangire mĩcongo ya ho yothe,+ ikĩhũthĩra mathanwa na tarimbo cia kĩgera.
7 Nĩ ciacinire handũ haku harĩa hatheru.+
Igĩthahia gĩikaro kĩrĩa kĩamũre gĩĩtanĩtio na rĩĩtwa rĩaku, igĩkĩmomora gĩkĩgwa thĩ.
8 Irĩ hamwe na njiarũa ciacio cioigire ũũ ngoro-inĩ:
“Kũndũ guothe kũrĩa Ngai athathayagĩrio thĩinĩ wa bũrũri no mũhaka gũcinwo.”
9 Gũtirĩ na imenyithia tũrona;
Gũtirĩ na mũnabii o na ũmwe,
Na gũtirĩ mũndũ gatagatĩ-inĩ gaitũ ũĩ ũndũ ũyũ ũgũikara ũguo nginya rĩ.
10 Atĩrĩrĩ Ngai, thũ ĩgũtũũra ĩkũnyũrũragia nginya rĩ?+
Hihi thũ ĩgũtũũra yagĩire rĩĩtwa rĩaku gĩtĩo tene na tene?+
11 Ũgiragĩrĩria guoko gwaku nĩkĩ, guoko gwaku kwa ũrĩo?+
Kũrute gĩthũri-inĩ gĩaku* na ũmaniine.
12 No Ngai nĩwe Mũthamaki wakwa kuuma o tene,
O we wĩkaga ciĩko cia kũhonokania thĩinĩ wa thĩ.+
13 Kũgerera hinya waku nĩ woinjugire iria;+
Nĩ wahehenjire mĩtwe ya nyamũ nene cia iria-inĩ irĩ thĩinĩ wa maĩ.
14 Nĩ wahehenjire mĩtwe ya Leviathani;*
Na ũkĩmĩheana kũrĩ andũ ĩtuĩke irio, kũrĩ arĩa maikaraga werũ-inĩ.
15 Nĩ watũrĩkirie marima nĩguo kũgĩe na matherũkĩro na tũrũũĩ;+
Nĩ watũmire njũũĩ iria itũire ithereraga ihũe.+
16 Mũthenya nĩ waku, o na ũtukũ no waku.
Nĩ wathondekire ũtheri* na riũa.+
18 Ririkana inyũrũri cia thũ, wee Jehova,
Ũririkane ũrĩa andũ arĩa akĩgu magaga kũhe rĩĩtwa rĩaku gĩtĩo.+
19 Ndũkaneane muoyo wa ndutura yaku harĩ nyamũ cia gĩthaka.
Andũ aku arĩa matarĩ hinya-rĩ, ndũkariganĩrũo nĩ mĩoyo yao tene na tene.
20 Ririkana kĩrĩkanĩro kĩrĩa warĩkanĩire na ithuĩ,
Tondũ kũndũ kũrĩa gũkoragwo na nduma thĩinĩ wa thĩ kũiyũrĩte ciikaro cia arĩa mekaga maũndũ ma ũhinya.
21 Ũrĩa ũthuthĩkĩte aroaga gũcoka akuĩte ngoro;+
Arĩa matarĩ hinya o na arĩa athĩni marogooca rĩĩtwa rĩaku.+
22 Arahũka, wee Ngai, wĩtetere ciira-inĩ waku.
Ririkana ũrĩa andũ arĩa akĩgu makũnyũrũragia mũthenya wothe.+
23 Ndũkariganĩrũo nĩ maũndũ marĩa thũ ciaku iroiga.
Inegene rĩa arĩa magũkararagia rĩambataga na igũrũ hingo ciothe.
Kũrĩ mũrũgamĩrĩri. Rũinwo na mũinĩre wa “Ndũkarehe Mwanangĩko.” Thaburi ya Asafu.+ Rwĩmbo.
75 Nĩ tũragũcokeria ngatho wee Ngai, nĩ tũragũcokeria ngatho;
Rĩĩtwa rĩaku rĩrĩ hakuhĩ,+
Na andũ nĩ maragia ũhoro wa mawĩra maku ma magegania.
2 Wee uugaga atĩrĩ: “Rĩrĩa ndatua ihinda rĩna,
Nduanagĩra ciira na kĩhooto.
3 Rĩrĩa thĩ yatwekirio, hamwe na arĩa othe maikaraga thĩinĩ wayo,
Nĩ niĩ ndatũmire itugĩ ciayo ciikare irĩ nũmu.” (Sela)
4 Njĩraga arĩa egani atĩrĩ, “Mũtikegane,”
Nao arĩa aganu ngameera, “Mũtigatũũgĩrie hinya wanyu.*
5 Mũtigatũũgĩrie hinya wanyu* na igũrũ
Kana mwarie na mwĩtĩo.
6 Tondũ ũtũũgĩru nduumaga
Mwena wa irathĩro kana wa ithũĩro kana wa mũhuro.
7 Nĩ gũkorũo Ngai nĩ Mũtuanĩri Ciira.+
Anyihagia mũndũ ũmwe agatũũgĩria ũrĩa ũngĩ.+
8 Jehova arĩ na gĩkombe guoko-inĩ gwake;+
Ndibei nĩ ĩraruta mũhũyũ na nĩ ĩtukanĩtio biũ.
Hatarĩ nganja nĩ ekũmĩita,
Na arĩa othe aganu thĩinĩ wa thĩ nĩ mekũmĩnyua, o nginya itaata rĩa mũico.”+
9 No niĩ-rĩ, ngũtũũra menyithanagia ũndũ ũcio tene na tene;
Nĩ ndĩrĩinaga nyĩmbo cia kũgooca Ngai wa Jakubu.
10 Nĩ gũkorũo oigaga atĩrĩ: “Nĩ ngũniina hinya wothe wa* arĩa aganu,
No hinya wa* arĩa athingu nĩ ũgũtũũgĩrio.”
Kũrĩ mũrũgamĩrĩri; rũinwo hamwe na inanda cia ndigi. Rwĩmbo rwa Asafu.+
3 Kũu nĩkuo ooinangĩire mĩguĩ yaakanaga mwaki ya ũta,
Akiunanga ngo na rũhiũ rwa njora na matharaita mangĩ ma mbaara.+ (Sela)
4 Wee nĩ ũcangararĩte mũno;*
Ũrĩ na riri gũkĩra irĩma cia nyamũ iria ihĩtagwo.
5 Andũ arĩa marĩ ũmĩrĩru wa ngoro nĩ matunyĩtwo indo ciao.+
Nĩ makomete toro;
Njamba ciothe cia ita itiarĩ na hinya.+
6 Nĩ ũndũ wa iherithia rĩaku wee Ngai wa Jakubu,
Mũtwarithia wa ngaari ya mbarathi nĩ akomete toro mũritũ o hamwe na mbarathi.+
7 Wee wiki nowe wa gwĩtigĩrũo.+
Nũũ ũngĩhota gwĩtiiria marakara maku manene?+
9 Rĩrĩa Ngai aarahũkire ahingie ituĩro,
Nĩguo ahonokie andũ arĩa othe ahooreri thĩinĩ wa thĩ.+ (Sela)
10 Tondũ marakara ma andũ magaatũma wee ũgoocwo;+
Na nĩ ũkeegemia na matigari ma marakara mao.
11 Mwĩhĩtei mĩĩhĩtwa kũrĩ Jehova Ngai wanyu na mũmĩhingie,+
Arĩa othe mamũthiũrũrũkĩirie nĩ mamũrehere kĩheo marĩ na guoya.+
12 Nĩ ekũniina mwĩtĩo* wa atongoria;
Nĩ atũmaga athamaki a thĩ manyitwo nĩ guoya.
Kũrĩ mũrũgamĩrĩri; kũringana na mũinĩre wa Jeduthuni.* Thaburi ya Asafu.+ Rwĩmbo.
77 Nĩ ngũkaĩra Ngai na mũgambo wakwa;
Nĩ ngũkaĩra Ngai, nake nĩ ekũnjigua.+
2 Mũthenya ũrĩa ndĩ na mĩtangĩko njethaga Jehova.+
Ũtukũ ngatambũrũkia moko makwa kũrĩ we itegũtigithĩria.*
No ndiguaga ngĩũmĩrĩrio.
4 Nĩ ũgiragĩrĩria imone ciakwa itikahingĩke;
Nĩ ndangĩkĩte na ndingĩhota kwaria.
5 Nĩ ndĩĩciragia ũhoro wa matukũ marĩa ma tene,+
Ngeciria ũhoro wa mĩaka ya tene mũno.
7 Hihi Jehova egũtũũra atũtiganĩirie tene na tene?+
Kaĩ gũtarĩ hĩndĩ ĩngĩ agaatũiguĩra tha?+
8 Wendo wake mwĩhokeku-rĩ, kaĩ wathirire tene na tene?
Kaĩ gũtarĩ rũciaro rũkoona kĩĩranĩro gĩake gĩkĩhinga?
9 Ngai-rĩ, kaĩ ariganĩirũo kũiguanĩra tha,+
Kana hihi marakara make nĩ matũmĩte tha ciake inyihe? (Sela)
10 Hihi no mũhaka njikare ngiugaga atĩrĩ: “Ũndũ ũyũ nĩguo ũtũmaga ndangĩke:*+
Ũrĩa ũrĩ Igũrũ Mũno nĩ acenjetie mwĩkĩre wake wa maũndũ* gũtwerekera”?
11 Nĩ ngũririkana mawĩra ma Ja;
Nĩ ngũririkana ciĩko ciaku cia magegania iria wekire tene.
12 Na nĩ ngwĩcũrania igũrũ rĩgiĩ mawĩko maku mothe
Na ndĩcũranie ũhoro wa maũndũ marĩa wĩkĩte.+
13 Njĩra ciaku nĩ theru, wee Ngai.
Atĩrĩrĩ Ngai, nĩ ngai ũrĩkũ ũngĩ mũnene tawe?+
14 Wee nĩwe Ngai wa ma ũrĩa wĩkaga maũndũ ma magegania.+
Nĩ ũguũrĩirie ikundi cia andũ hinya waku.+
16 Maĩ nĩ maakuonire, wee Ngai;
Maĩ nĩ maakuonire na magĩtangĩka.+
Namo maĩ marĩa mariku makĩinaina.
17 Matu nĩ mooiririe mbura.
Igũrũ matu-inĩ gũkĩruruma,
Na mĩguĩ yaku ĩkĩrathũka kũndũ na kũndũ.+
18 Mũgambo wa mũrurumo waku+ watariĩ ta wa magũrũ ma ngaari cia mbarathi;
Nayo mĩhenũko ya rũheni ĩkĩmũrĩka thĩ ĩrĩa ĩikaragwo;*+
Thĩ ĩkĩinaina na ĩgĩthingitha.+
19 Njĩra yaku yatuĩkanĩirie iria-inĩ,+
Na gacĩra gaku gagĩtuĩkanĩria maĩ-inĩ maingĩ;
No makinya maku matingĩonekire harĩa maagereire.
78 Thikĩrĩriai watho* wakwa, inyuĩ andũ akwa;
Tegai gũtũ kwanyu mũigue ciugo cia kanua gakwa.
2 Nĩ ngũtumũra kanua gakwa njarie na thimo.
Nĩ ngũgweta ndaĩ cia mahinda ma tene.+
3 Maũndũ marĩa tũiguĩte na tũkamenya,
Marĩa tũtaarĩirio nĩ maithe maitũ,+
4 Tũtikũmahitha ciana ciao;
Nĩ tũkeera rũciaro rũrĩa rũgooka+
5 Nĩ aahandire kĩririkania thĩinĩ wa Jakubu
Na akĩiga watho thĩinĩ wa Isiraeli;
Agĩatha maithe maitũ ma tene
Mamenyithie ciana ciao maũndũ macio,+
6 Nĩgetha rũciaro rũrĩa rũgooka,
Ciana iria itarĩ iraciarũo, imenye maũndũ macio.+
Nacio ikeera ciana ciacio.+
7 Nĩgetha ciige mwĩhoko wacio harĩ Ngai.
Itikanariganĩrũo nĩ mawĩra ma Ngai+
No irũmagĩrĩre maathani make.+
8 Nacio itikanahaane ta maithe ma cio ma tene,
Rũciaro rũrĩa rwarĩ rũremi na rũtaarĩ rwathĩki,+
Na roho waruo ndwarĩ mwĩhokeku harĩ Ngai.
9 Aefiraimu nĩ meehaarĩirie na ũta,
No makĩhũndũka mũthenya wa mbaara.
10 Matiarũmirie kĩrĩkanĩro kĩa Ngai+
Na nĩ maaregire kũrũmĩrĩra watho wake.+
12 Nĩ eekĩte maũndũ ma magegania maithe mao ma tene makĩĩyonagĩra,+
Thĩinĩ wa bũrũri wa Misiri, gĩcigo-inĩ kĩa Zoani.+
13 Aagayanirie iria nĩguo matuĩkanĩrie thĩinĩ warĩo,
Na agĩtũma maĩ marũgame ta rũthingo.+
14 Mũthenya aamatongoragia na itu
Naguo ũtukũ wothe akamatongoria na ũtheri wa mwaki.+
15 Nĩ aatũranirie ndwaro cia mahiga werũ-inĩ,
Akĩreka manyue maĩ nginya maiganie ta arĩ maĩ ma kũndũ kũrĩa kũriku.+
16 Nĩ aatũmire tũrũũĩ tuume ndũmba-inĩ ya ihiga
Na agĩtũma maĩ matherere ta njũũĩ.+
17 Ĩndĩ o magĩthiĩ na mbere kũmwĩhĩria
Na njĩra ya kũremera Ũrĩa ũrĩ Igũrũ Mũno marĩ kũu werũ-inĩ;+
18 Makĩgeria Ngai ngoro-inĩ ciao+
Na njĩra ya gwĩtia irio iria meeriragĩria.
19 Nĩ ũndũ ũcio makĩaria ciugo cia gũũkĩrĩra Ngai,
Makiuga atĩrĩ: “Hihi Ngai no ahote kwara metha werũ-inĩ?”+
20 Nĩ aagũthire rwaro rwa ihiga
Namo maĩ magĩtherera na tũrũũĩ tũkĩiyũra.+
No makĩũria atĩrĩ: “Hihi no ahote gũtũhe nginya mũgate,
Kana ahe andũ ake nyama?”+
21 Rĩrĩa Jehova aaiguire ciugo ciao, akĩrakara mũno;+
Agĩtũma mwaki+ ũtharĩkĩre Jakubu,
Na marakara make magĩũkĩrĩra Isiraeli+
22 Tondũ mationanirie wĩtĩkio harĩ Ngai;+
Matiehokire ũhoti wake wa kũmahonokia.
23 Nĩ ũndũ ũcio agĩatha matu marĩa marĩ igũrũ,
Na akĩhingũra mĩrango ya igũrũ.
26 Aatũmire igũrũ kũgĩe rũhuho rwa mwena wa irathĩro
Na agĩtũma rũhuho rwa mwena wa mũhuro rũhurutane nĩ ũndũ wa hinya wake.+
27 Akĩmaikũrũkĩria nyama nyingĩ ta rũkũngũ,
Nyoni nyingĩ ta mũthanga wa iria-inĩ.
28 Agĩtũma igwe thĩinĩ wa kambĩ yake,
Gũthiũrũrũkĩria hema ciake.
29 Nao makĩrĩa makĩhũna mũno;
Aamaheire kĩrĩa meeriragĩria.+
30 No matanahingia merirĩria mao biũ,
O marĩ na irio tũnua-inĩ twao,
31 Marakara ma Ngai makĩmokĩrĩra.+
Akĩũraga arũme arĩa maarĩ na hinya gatagatĩ-inĩ kao;+
Akĩniina anake a Isiraeli.
32 O na ekĩte ũguo, nĩ meehirie o na makĩria+
Na mationanirie wĩtĩkio harĩ mawĩra make ma magegania.+
33 Nĩ ũndũ ũcio agĩtũma matukũ mao makinye mũthia o ta arĩ mĩhũmũ,+
Na agĩtũma mĩaka yao ĩkinye mũthia kũgerera maũndũ ma hinahi ma kũmakania.
34 No nĩ maamũcaragia rĩrĩa rĩothe oraga amwe ao;+
Nĩ maacokaga magetha Ngai,
35 Makĩririkanaga atĩ Ngai nĩwe warĩ Rwaro Rwao rwa Ihiga+
Na atĩ Ngai Ũrĩa ũrĩ Igũrũ Mũno nĩwe warĩ Mũkũũri* wao.+
36 No nĩ maageririe kũmũheenia na kanua kao
Na makĩmũheenia na rũrĩmĩ rwao.
Kaingĩ nĩ aagiragĩrĩria marakara make+
Handũ ha kwarahũra mangʼũrĩ make mothe.
40 Nĩ kaingĩ maamũremagĩra marĩ werũ-inĩ+
Na makamũiguithia ũũru kũu werũ-inĩ.+
42 Matiaririkanaga hinya wake,*
Mũthenya ũrĩa aamahonokirie* kuuma harĩ thũ,+
43 Ũrĩa oonanirie imenyithia ciake bũrũri-inĩ wa Misiri+
Na ciama ciake gĩcigo-inĩ kĩa Zoani,
44 Na ũrĩa aagarũrire maĩ ma mĩtaro ya Nailo magĩtuĩka thakame+
Andũ makĩremwo kũnyua maĩ ma tũrũũĩ twao.
45 Akĩmatũmĩra ngi nyingĩ nĩguo imarũme+
Na akĩmarehera ciũra imanyamarie.+
46 Aaneanire mĩmera yao kũrĩ ngigĩ iria irĩ mũkoroko,
Na maciaro ma wĩra wao akĩmaneana kũrĩ ngigĩ iria ithiaga irĩ gĩkundi.+
47 Nĩ aanangire mĩthabibũ yao kũgerera mbura ya mbembe+
Na mĩkũyũ yao kũgerera mbembe cia mbura.
48 Aahũũrire nyamũ ciao cia gũkuua mĩrigo na mbura ya mbembe+
Na akĩringa mahiũ mao na rũheni.*
49 Akĩmaitũrũrĩra marakara make mahiũ,
Mathũgũta na mangʼũrĩ na marũrũ,
Mbũtũ cia araika ikĩmarehera mwanangĩko.
50 Nĩ aatemeire marakara make njĩra.
Ndaamahonokirie kuuma harĩ gĩkuũ;
Na akĩmaneana* harĩ mũrimũ mũũru.
51 Mũthia-inĩ akĩniina marigithathi mothe ma Misiri,+
Kĩambĩrĩria kĩa ũhoti wao wa ũciari hema-inĩ cia Hamu.
52 Agĩcoka akĩruta andũ ake kuo o ta rũũru+
Na akĩmatongoria ta ngʼondu kũu werũ-inĩ.
54 Na akĩmatwara gĩcigo-inĩ gĩake kĩamũre,+
Gĩcigo kĩrĩ irĩma kĩrĩa guoko gwake kwa ũrĩo kwegwatĩire.+
55 Akĩingata ndũrĩrĩ ciehere mbere yao;+
Akĩmagaĩra igai kũgerera rũrigi rwa gũthima;+
Agĩtũma mĩhĩrĩga ya Isiraeli yambĩrĩrie gũikara mĩciĩ-inĩ yao.+
56 No nĩ maathiire na mbere kũgeria Ngai Ũrĩa ũrĩ Igũrũ Mũno, na kũmũremera;+
Matiathikĩrĩirie iririkania ciake.+
57 Ningĩ nĩ maamũtiganĩirie na makĩaga wĩhokeku o ta maithe mao ma tene.+
O ta ũta mũregeru, matiarĩ a kwĩhokwo.+
58 Nĩ maamũrakaragia nĩ ũndũ wa kũndũ kwao kũrĩa gũtũũgĩru gwa gũthathaĩria,+
Na makĩarahũra mathũgũta make* nĩ ũndũ wa mĩhianano yao ya gwacũhio.+
59 Ngai nĩ aaiguire ũhoro ũcio na akĩrakara mũno,+
Nĩ ũndũ ũcio agĩtiganĩria Isiraeli biũ.
60 Mũthia-inĩ agĩtiganĩria gĩikaro kĩrĩa kĩamũre kĩarĩ Shilo,+
Hema ĩrĩa aaikaraga gatagatĩ-inĩ ka andũ.+
61 Nĩ aarekire kĩndũ kĩrĩa kĩarũgamagĩrĩra hinya wake gĩtahwo;
Akĩreka riri wake ũkorũo moko-inĩ ma thũ.+
62 Akĩneana andũ ake harĩ rũhiũ rwa njora+
Na akĩrakario mũno nĩ igai rĩake.
63 Anake ake magĩcinwo na mwaki,
Nao airĩtu ake makĩaga kũinĩrũo nyĩmbo cia ũhiki.*
64 Athĩnjĩri-Ngai ake makĩũragwo na rũhiũ rwa njora,+
Na atumia ao a ndigwa matiarĩrire nĩ ũndũ wao.+
66 Na agĩcokithia thũ ciake na thutha;+
Agĩtũma igĩe na gĩconoko gĩa gũtũũra.
67 Nĩ aaregire hema ya Jusufu;
Ndaathuurire mũhĩrĩga wa Efiraimu.
69 Aatũmire handũ hake harĩa hatheru hatũũre o ta igũrũ,*+
O ta thĩ ĩrĩa ahandĩte ĩtũũre tene na tene.+
70 Aathuurire Daudi+ ndungata yake
Na akĩmũruta ciugũ-inĩ cia ngʼondu,+
71 Akĩmũruta wĩra-inĩ wa kũrũmbũiya ngʼondu iria ciongithagia;
Akĩmũtua mũrĩithi wa Jakubu, andũ ake,+
Na wa Isiraeli, igai rĩake.+
Rwĩmbo rwa Asafu.+
79 Atĩrĩrĩ Ngai, andũ a ndũrĩrĩ nĩ matharĩkĩire igai rĩaku;+
Nĩ mathahĩtie hekarũ yaku theru;+
Matũmĩte Jerusalemu ĩtuĩke hĩba ya mwanangĩko.+
2 Ciimba cia ndungata ciaku maciheete nyoni cia rĩera-inĩ* ituĩke irio
Na mĩĩrĩ ya andũ aku arĩa ehokeku makamĩikĩria nyamũ cia gĩthaka cia gũkũ thĩ.+
3 Maitangĩte thakame yao o ta maĩ gũthiũrũrũka Jerusalemu,
Na gũtirĩ mũndũ ũtigarĩte wa kũmathika.+
4 Tũtuĩkĩte kĩndũ gĩa kũnyũrũrio nĩ andũ arĩa tũriganĩtie nao;+
Andũ arĩa matũthiũrũrũkĩirie matũthekagĩrĩra na magatũnyarara.
5 Atĩrĩrĩ Jehova, ũgũtũũra ũrakarĩte nginya rĩ? Hihi nĩ nginya tene na tene?+
Marakara maku megũtũũra makanĩte o ta mwaki nginya rĩ?+
6 Itũrũra mangʼũrĩ maku harĩ ndũrĩrĩ iria itakũĩ
Na harĩ mothamaki marĩa matakayagĩra rĩĩtwa rĩaku.+
7 Tondũ nĩ matamburĩte Jakubu
Na magatũma bũrũri wake ũtuĩke kũndũ gũtiganĩrie.+
8 Ndũgatũtuĩre nĩ ũndũ wa mahĩtia ma maithe maitũ ma tene.+
Tũiguĩre tha na ihenya,+
Nĩ gũkorũo nĩ tũhinyĩrĩirio mũno.
9 Tũteithie, wee Ngai wa ũhonokio witũ,+
Nĩ ũndũ wa rĩĩtwa rĩaku itũũgĩru;
Tũhonokie na ũtuohere* mehia maitũ nĩ ũndũ wa rĩĩtwa rĩaku.+
10 Nĩ kĩĩ kĩngĩgĩtũma ndũrĩrĩ ciũrie atĩrĩ: “Ngai wao arĩ kũ?”+
Reke ndũrĩrĩ imenye tũkĩĩyonagĩra na maitho maitũ
Atĩ thakame ĩrĩa ĩitĩtwo ya ndungata ciaku nĩ ĩrĩhĩirio.+
11 Igua gũcaya kwa mũndũ ũrĩa wohetwo.+
Hũthĩra hinya* waku mũingĩ kũhonokia* arĩa matuĩrĩirũo kũũragwo.*+
12 Andũ arĩa tũriganĩtie nao maherithie maita mũgwanja+
Nĩ ũndũ wa inyũrũri iria makũnyũrũrĩtie nacio, wee Jehova.+
13 Na ithuĩ andũ aku, o ithuĩ rũũru rũrĩa ũrĩithagia,+
Tũgũtũũra tũgũcokagĩria ngatho tene na tene;
Na nĩ tũrĩkũgoocaga kuuma njiarũa nginya njiarũa.+
Kũrĩ mũrũgamĩrĩri; rũinwo na mũinĩre wa “Mahũa ma Itoka.” Kĩririkania. Thaburi ya Asafu.+ Rwĩmbo.
80 Wee Mũrĩithi wa Isiraeli, thikĩrĩria,
O wee ũtongoragia Jusufu o ta rũũru.+
4 Wee Jehova Ngai mũnene wa ita, nĩ nginya rĩ ũgũtũũra ũrakarĩte rĩrĩa andũ aku marakũhoya?+
5 Ũmaheaga maithori marĩe ta mũgate,
Na ũgatũma manyue maithori matarĩ gĩthimi.
6 Ũrekaga arĩa tũriganĩtie nao marũe nĩ ũndũ witũ;
Thũ citũ cikaraga igĩtũnyũrũragia ũrĩa ikwenda.+
7 Atĩrĩrĩ wee Ngai mũnene wa ita, tũcokererie;
Reke ũthiũ waku ũtwarĩre, nĩgetha tũhonoke.+
8 Nĩ watũmire mũthabibũ+ uume Misiri.
Ũkĩingata ndũrĩrĩ na ũkĩũhanda.+
9 Ũkĩũthereria handũ,
Naguo ũkĩgĩa mĩri na ũkĩiyũra bũrũri wothe.+
10 Irĩma ciahumbĩrĩtwo nĩ kĩĩruru kĩaguo,
Nayo mĩtarakwa ya Ngai ĩkahumbĩrũo nĩ honge ciaguo.
12 Nĩ kĩĩ gĩtũmĩte ũmomore thingo cia mahiga cia kũirigĩra mũgũnda wa mĩthabibũ,+
Ũgatũma arĩa othe marahĩtũka matue matunda maguo?+
13 Ngũrũe cia gĩthaka nĩ ciũthũkangagia,
Na nyamũ cia gĩthaka ikaũrĩa.+
14 Twakũũria ũtũcokerere, wee Ngai mũnene wa ita.
Rora thĩ ũrĩ kũu igũrũ wone!
Rũmbũiya mũthabibũ ũyũ,+
15 Rũhonge rũrĩa guoko gwaku kwa ũrĩo kũhandĩte,+
Na ũrore rũhonge* rũrĩa watũmire rũgĩe na hinya nĩ ũndũ waku wee mwene.+
16 Nĩ ũcinĩtwo na mwaki,+ ũgatemwo ũkagwa.
Andũ nĩ mathiraga nĩ ũndũ wa iherithia rĩaku.*
17 Guoko gwaku kũrotiirĩrĩra mũndũ ũrĩa ũrĩ guoko-inĩ gwaku kwa ũrĩo,
Gũtiirĩrĩre mũrũ wa mũndũ ũrĩa wee ũtũmĩte agĩe na hinya nĩ ũndũ waku mwene.+
18 Na ithuĩ tũtigũgũtiganĩria.
Tũtũũrie muoyo nĩgetha tũkayagĩre rĩĩtwa rĩaku.
19 Atĩrĩrĩ wee Jehova Ngai mũnene wa ita, tũcokererie;
Reke ũthiũ waku ũtwarĩre, nĩgetha tũhonoke.+
Kũrĩ mũrũgamĩrĩri wa Gitithu.* Thaburi ya Asafu.+
81 Anĩrĩrai mũkenete kũrĩ Ngai, o we hinya witũ.+
Anĩrĩrai nĩ ũndũ wa ũhootani mũgooce Ngai wa Jakubu.
2 Ambĩrĩriai rwĩmbo na muoe manyanga,
Muoe kĩnanda kĩa mũgeeto kĩrĩa kĩgambaga wega hamwe na kĩnanda kĩa ndigi.
4 Tondũ nĩ watho waheirũo Isiraeli,
Nĩ rĩathani rĩa Ngai wa Jakubu.+
5 Aarĩhandire rĩtuĩke kĩririkania harĩ Jusufu+
Rĩrĩa ooimagarire agĩũkĩrĩra bũrũri wa Misiri.+
Nĩ ndaiguire mũgambo* itaamenyaga ũkiuga atĩrĩ:
6 “Nĩ ndeheririe mũrigo kĩande-inĩ gĩake;+
Moko make nĩ maatigithanirio na gĩkabu.
Nĩ ndakũgeririe rĩrĩa warĩ maĩ-inĩ ma Meriba.*+ (Sela)
8 Iguai, inyuĩ andũ akwa, na nĩ ngũruta ũira wa kũmũũkĩrĩra.
Na arĩ korũo no ũthikĩrĩrie, wee Isiraeli.+
9 Thĩinĩ waku gũtirĩkoragwo na ngai ĩtoĩkaine,
Na ndũrĩinamagĩrĩra ngai ngʼeni.+
10 Niĩ Jehova nĩ niĩ Ngai waku,
Ũrĩa wakũrutire bũrũri wa Misiri.+
Athamia kanua gaku gothe, na nĩ ngũkaiyũria.+
11 No andũ akwa matiathikĩrĩirie mũgambo wakwa;
Isiraeli ndetĩkĩrire kũnjathĩkĩra.+
14 No ndoorie thũ ciao na ihenya;
Ingĩerekeria guoko gwakwa harĩ thũ ciao ndĩciũkĩrĩre.+
15 Arĩa mathũire Jehova mekũinaina nĩ ũndũ wa guoya marĩ mbere yake,
Na iherithia* rĩao rĩgũtũũra tene na tene.
16 No inyuĩ nĩ ekũmũhe ngano ĩrĩa njega biũ* mũrĩe+
Na amũhũnie na ũũkĩ uumĩte rwaro-inĩ rwa ihiga.”+
Rwĩmbo rwa Asafu.+
2 “Nĩ nginya rĩ mũgũthiĩ na mbere gũtuanĩra ciira mũtekũrũmĩrĩra kĩhooto+
Na mũgakorũo na kĩmenyano kwerekera andũ arĩa aganu?+ (Sela)
3 Teterai* arĩa matarĩ hinya na arĩa matarĩ maithe.+
Onaniai kĩhooto kwerekera arĩa matarĩ na wa kũmateithia na arĩa athĩni.+
4 Honokiai arĩa matarĩ hinya na arĩa athĩni;
Mũmahonokie kuuma guoko-inĩ kwa andũ arĩa aganu.”
8 Arahũka, wee Ngai, ũtuĩre thĩ ciira,+
Nĩ gũkorũo ndũrĩrĩ ciothe nĩ ciaku.
Rwĩmbo rwa Asafu.+
83 Atĩrĩrĩ Ngai, ndũgakire;+
Ndũgaikare ũtekwaria kana wage kuoya ikinya, wee Ngai.
3 Mabangaga na hitho marĩ na wara ũrĩa megũũkĩrĩra andũ aku;
Magaciira gũũkĩrĩra andũ aku arĩa wendete.*
4 Moigaga ũũ: “Ũkai tũmaniine marĩ rũrĩrĩ,+
Nĩgetha rĩĩtwa rĩa Isiraeli rĩtikanaririkanwo rĩngĩ.”
10 Maaniinĩirũo Eni-doru;+
Maatuĩkire thumu wa kũnoria thĩ.
11 Tũma andũ ao arĩa marĩ igweta mahaane ta Orebu na Zeebu+
Na anene* ao mahaane ta Zeba na Zalimuna,+
12 Tondũ mooigire atĩrĩ: “Rekei twĩgwatĩre bũrũri ũrĩa Ngai atũũraga.”
13 Atĩrĩrĩ Ngai wakwa, reke mahaane o ta mahuti ma mĩigua maragaragara,+
Mahaane o ta mahuti marombũrũo nĩ rũhuho.
14 Ta mwaki ũrĩa ũcinaga mũtitũ,
O ta rũrĩrĩmbĩ rũrĩa rũcinaga irĩma-rĩ,+
15 Ũromathingata na kĩhuhũkanio gĩaku+
Na ũtũme mamakio nĩ rũhuho rwaku rũnene.+
16 Humbĩra* mothiũ mao na gĩconoko,
Nĩgetha macarie rĩĩtwa rĩaku, wee Jehova.
17 Maroconorithio na matũũre na guoya tene na tene;
Maroagĩrũo gĩtĩo na mathire;
18 Andũ nĩ mamenye atĩ wee, o wee wĩtagwo Jehova,+
Wee wiki nowe Ũrĩa ũrĩ Igũrũ Mũno, igũrũ rĩa thĩ yothe.+
Kũrĩ mũrũgamĩrĩri wa Gitithu.* Thaburi ya ariũ a Kora.+ Rwĩmbo.
Ngoro yakwa na mwĩrĩ wakwa cianagĩrĩra Ngai ũrĩa ũtũũraga muoyo ikenete.
3 O na nyoni nĩ yonaga ũikaro kuo
Na thũngũrũrũ ĩgaka gĩtara kĩayo,
Harĩa ĩreragĩra tũcui twayo
Hakuhĩ na kĩgongona gĩaku kĩnene, wee Jehova mũnene wa ita,
Mũthamaki wakwa na Ngai wakwa!
4 Gũkena nĩ arĩa maikaraga nyũmba-inĩ yaku!+
Nĩ mathiaga na mbere gũkũgooca.+ (Sela)
5 Gũkena nĩ andũ arĩa makwĩhokaga ũmahe hinya,+
Arĩa ngoro ciao ciĩriragĩria barabara iria nene.
6 Rĩrĩa magerera Mũkuru-inĩ wa Mĩbaka,*
Maũtuaga kũndũ kũrĩ na matherũkĩro;
Nayo mbura ya mbere ĩkaũhumba* na irathimo.
7 Megũthiĩ o makĩongagĩrĩrũo hinya;+
O ũmwe wao athiaga mbere ya Ngai thĩinĩ wa Zayuni.
8 Atĩrĩrĩ Jehova Ngai mũnene wa ita, igua ihoya rĩakwa;
Thikĩrĩria, wee Ngai wa Jakubu. (Sela)
10 Tondũ mũthenya ũmwe nja-inĩ ciaku nĩ mwega gũkĩra mĩthenya ngiri ĩmwe handũ hangĩ o hothe!+
Niĩ ingĩthuura kũrũgama itonyero-inĩ rĩa nyũmba ya Ngai wakwa
Handũ ha gũikara hema-inĩ cia waganu.
Gũtirĩ ũndũ o na ũmwe mwega Jehova angĩima
Arĩa makoragwo na wĩkindĩru.+
12 Wee Jehova mũnene wa ita,
Gũkena nĩ mũndũ ũrĩa ũkwĩhokaga.+
Kũrĩ mũrũgamĩrĩri. Thaburi ya ariũ a Kora.+ Rwĩmbo.
3 Nĩ wagirĩrĩirie mangʼũrĩ maku mothe;
Ũgĩtigana na marakara maku mahiũ.+
5 Hihi ũgũtũũra ũtũrakarĩire tene na tene?+
Hihi ũgũikara ũrakarĩte nginya njiarũa na njiarũa?
6 Kaĩ ũtegũtwĩkĩra hinya rĩngĩ
Nĩguo andũ aku makene nĩ ũndũ waku?+
7 Tuonie wendo waku mwĩhokeku, wee Jehova,+
Na ũtũhe ũhonokio waku.
8 Nĩ ngũthikĩrĩria ũrĩa Jehova Ngai wa ma ekuuga,
Nĩ gũkorũo ekwaria ciugo cia thayũ kũrĩ andũ ake,+ o acio ake ehokeku,
No nao matigacokerere ũhoro wa kwĩĩhoka mũno.+
9 Ti itherũ ũhonokio wake ũrĩ hakuhĩ na arĩa mamwĩtigĩrĩte,+
Nĩguo riri wake ũtũũre bũrũri-inĩ witũ.
11 Wĩhokeku nĩ ũgaathundũka kuuma thĩ,
Naguo ũthingu ũrore thĩ kuuma igũrũ.+
13 Ũthingu nĩ ũgaathiaga ũrĩ mbere yake+
Na ũthondeke gacĩra nĩ ũndũ wa makinya make.
Ihoya rĩa Daudi.
2 Gitĩra muoyo wakwa, tondũ niĩ ndĩ mwĩhokeku.+
Honokia ndungata ĩno yaku ĩkwĩhokete,
Tondũ wee nĩwe Ngai wakwa.+
4 Tũma ndungata yaku ĩkene,
Tondũ wee Jehova nĩwe ngayagĩra.*
5 Nĩ gũkorũo wee Jehova ũrĩ mwega+ na ũkoragwo wĩhaarĩirie kuohanĩra;+
Wendo waku mwĩhokeku nĩ mũingĩ harĩ arĩa othe magũkayagĩra.+
9 Ndũrĩrĩ ciothe iria wombire
Nĩ igooka na cinamĩrĩre mbere yaku, wee Jehova,+
Na nĩ ikaagooca rĩĩtwa rĩaku.+
11 Atĩrĩrĩ Jehova, nduta ũhoro wĩgiĩ njĩra yaku.+
Niĩ ndĩrĩrũmagĩrĩra ũhoro waku wa ma.+
He ngoro ĩtagayũkanĩte* nĩguo ndĩtigagĩre rĩĩtwa rĩaku.+
12 Nĩ ndĩrakũgooca na ngoro yakwa yothe, wee Jehova Ngai wakwa,+
Na ngũtũũra ngoocaga rĩĩtwa rĩaku tene na tene,
13 Tondũ wendo waku mwĩhokeku harĩ niĩ nĩ mũnene,
Na nĩ ũhonoketie muoyo wakwa kuuma Mbĩrĩra-inĩ* kũndũ kũriku mũno.+
14 Atĩrĩrĩ Ngai, andũ etĩi nĩ meyumĩrĩtie nĩguo manjũkĩrĩre;+
Gĩkundi kĩa andũ matarĩ tha nĩ kĩrenda kũnduta muoyo,
15 No wee Jehova wĩ Ngai mũigua tha na mũcayanĩri,*
Ndũhiũhaga kũrakara na nĩ ũiyũirũo nĩ wendo* o na wĩhokeku.*+
16 Wĩhũgũre ũndore na ũnjiguĩre tha.+
Ndungata yaku-rĩ, mĩhe hinya waku,+
Na ũhonokie mũriũ wa ngombo yaku ya mũirĩtu.
17 Nyonia kĩmenyithia kĩa* wega waku,
Nĩgetha arĩa mathũire makĩone na maconorithio.
Tondũ wee Jehova, nĩwe ũndeithagia na ũkanyũmĩrĩria.
Thaburi ya ariũ a Kora.+ Rwĩmbo.
87 Mũthingi wa itũũra rĩake ũrĩ irĩma-inĩ iria nyamũre.+
2 Jehova nĩ endete ihingo cia Zayuni+
Gũkĩra hema ciothe cia Jakubu.
3 Maũndũ ma magegania nĩ maragio magũkoniĩ, wee itũũra rĩa Ngai ũrĩa wa ma.+ (Sela)
4 Nĩ ngũtaranĩria Rahabu+ na Babuloni hamwe na arĩa manjũĩ;
Ta rora Filistia na Turo, hamwe na Kushi.
Nĩ gũkeerũo ũũ ũhoro-inĩ wao: “Ũyũ nĩ ũmwe wa arĩa maaciarĩirũo kuo.”
5 Na ũhoro-inĩ wĩgiĩ Zayuni nĩ gũkeerũo atĩrĩ:
“O ũmwe wao aaciarĩirũo thĩinĩ wake.”
Nake Ũrĩa ũrĩ Igũrũ Mũno nĩ agaatũma ehande wega.
6 Rĩrĩa Jehova akaandĩka ikundi cia andũ ibuku-inĩ akooiga atĩrĩ:
“Ũyũ nĩ ũmwe wa arĩa maaciarĩirũo kuo.” (Sela)
7 Aini+ hamwe na arĩa mathũngũthaga magĩthiũrũrũkaga+ nĩ makoiga ũũ:
“Matherũkĩro makwa mothe marĩ thĩinĩ waku.”*+
Rwĩmbo rwa ariũ a Kora.+ Kũrĩ mũrũgamĩrĩri; kũringana na mũinĩre wa Mahalathu,* na rũinwo na njĩra ya kwamũkĩria. Maskili* ya Hemani+ ũrĩa Mũezara.
88 Atĩrĩrĩ Jehova, wee Ngai wa ũhonokio wakwa,+
Mũthenya nĩ ngũkayagĩra,
Narĩo ũtukũ ngoka mbere yaku.+
5 Mũndũ ũtigĩtwo gatagatĩ-inĩ ka andũ akuũ
O ta arĩa moragĩtwo magakoma mbĩrĩra-inĩ,
O acio ũtaririkanaga rĩngĩ
Na maamũrĩtwo makeherio harĩ ũmenyereri waku.*
6 Ũnjikĩtie irima-inĩ rĩrĩa iriku biũ,
Kũndũ kũrĩ nduma, thĩinĩ wa irima inene rĩtarĩ gĩturi.*
7 Marakara maku nĩ manditũhĩire mũno,+
Na nĩ ũndooretie na makũmbĩ maku marĩa marĩ hinya. (Sela)
8 Nĩ ũingatĩte andũ arĩa twamenyanĩte nao ũkamatwara kũraya na niĩ;+
Ũnduĩte kĩndũ kĩrĩ magigi harĩ o.
Ndĩ mũhingĩrĩrie na ndingĩhota kũũra.
9 Riitho rĩakwa nĩ rĩũrĩtwo nĩ hinya nĩ ũndũ wa mĩnyamaro yakwa.+
Ngũkayagĩra mũthenya wothe wee Jehova;+
Ngagũtambũrũkĩria moko makwa.
10 Hihi nĩ ũgwĩka maũndũ ma magegania nĩ ũndũ wa arĩa makuĩte?
Andũ acio magithĩtio hinya nĩ gĩkuũ-rĩ, hihi no marahũke makũgooce?+ (Sela)
11 Hihi wendo waku mwĩhokeku no ũmenyithanio thĩinĩ wa mbĩrĩra,
Kana wĩhokeku waku ũmenyithanio kũndũ kũrĩa kwa mwanangĩko?*
12 Maũndũ maku ma magegania-rĩ, hihi no mamenyeke nduma-inĩ
Kana ũthingu waku ũmenyeke thĩinĩ wa bũrũri wa kĩriganĩro?+
13 Ĩndĩ niĩ no ngũkayagĩra ngĩkũhoya ũteithio, wee Jehova,+
Mahoya makwa nĩ makinyaga harĩ wee o rũcinĩ.+
14 Atĩrĩrĩ Jehova, nĩ kĩĩ gĩtũmaga ũndiganĩrie?+
Nĩ kĩĩ gĩtũmaga ũhithe ũthiũ waku kuuma harĩ niĩ?+
15 Kuuma o rĩrĩa ndarĩ mũnyinyi,
Nĩ nyamarĩkĩte na ngakuhĩrĩria gũthira;+
Nĩ njũrĩtwo nĩ hinya biũ nĩ ũndũ wa maũndũ moru marĩa wĩtĩkagĩria manyamarie.
16 Marakara maku mahiũ nĩ manditũhĩire;+
Na maũndũ maku ma kũmakania makanyananga.
17 Mandigicagĩria o ta maĩ mũthenya wothe;
Mathiũrũrũkagĩria kuuma mĩena yothe.*
18 Nĩ ũingatĩte arata akwa o hamwe na arĩa twathiaga thiritũ nao ũkamatwara kũraya na niĩ;+
Nduma nĩyo ĩtuĩkĩte mũrata wakwa.
Maskili.* Thaburi ya Ethani+ ũrĩa Mũezara.
89 Ngũtũũra nyinaga igũrũ rĩgiĩ ũrĩa Jehova onanagia wendo mwĩhokeku tene na tene.
Nĩ ngũmenyithania na kanua gakwa wĩhokeku waku kũrĩ njiarũa ciothe.
2 Tondũ njugĩte ũũ: “Wendo mwĩhokeku ũgũtũũra wakĩtwo* tene na tene,+
Na nĩ ũhandĩte na ũkarũmia wĩhokeku waku kũu igũrũ.”
3 “Nĩ thondekete kĩrĩkanĩro hamwe na mũndũ ũrĩa niĩ thuurĩte;+
Nĩ ndĩhĩtĩte harĩ Daudi ndungata yakwa:+
4 ‘Nĩ ngaatũma mbeũ yaku ĩĩhande* wega+ tene na tene,
Na nĩ ngaaka gĩtĩ gĩaku kĩa ũnene njiarũa-inĩ ciothe.’”+ (Sela)
5 Igũrũ nĩ rĩgoocaga magegania maku, wee Jehova,
Rĩkagooca wĩhokeku waku thĩinĩ wa kĩũngano kĩa arĩa atheru.
6 Tondũ rĩrĩ, nũũ kũu matu-inĩ ũngĩringithanio na Jehova?+
Nũũ gatagatĩ-inĩ ka ariũ a Ngai+ ũhaana ta Jehova?
7 Ngai nĩ wa gwĩtigĩrũo kĩgomano-inĩ kĩa arĩa atheru;+
Nĩ mũnene na wa gwĩtigĩrũo harĩ arĩa othe mamũthiũrũrũkĩirie.+
8 Atĩrĩrĩ Jehova Ngai mũnene wa ita,
Nũũ ũrĩ hinya tawe, wee Ja?+
Wĩhokeku waku nĩ ũgũthiũrũrũkĩirie.+
10 Nĩ ũhehenjete Rahabu+ ĩkahaana o ta mũndũ ũũragĩtwo.+
Nĩ ũhurunjĩte thũ ciaku ũkĩhũthĩra guoko gwaku kũrĩ hinya.+
11 Igũrũ nĩ rĩaku, o na thĩ nĩ yaku;+
Bũrũri ũrĩa ũrĩ maciaro na indo iria ciyũrĩte thĩinĩ waguo+—wee nĩwe watũmire ciĩhande wega.
12 Wee nĩwe wombire mwena wa rũgongo na wa mũhuro;
14 Ũthingu na kĩhooto nĩcio mũthingi wa gĩtĩ gĩaku kĩa ũnene;+
15 Gũkena nĩ andũ arĩa moĩ gũkũgooca makenete.+
Atĩrĩrĩ Jehova, mageragĩra ũtheri-inĩ wa ũthiũ waku.
16 Nĩ makenaga nĩ ũndũ wa rĩĩtwa rĩaku mũthenya wothe,
Na magatũũgĩrio nĩ ũndũ wa ũthingu waku.
18 Nĩ gũkorũo ngo itũ nĩ ya Jehova,
Na mũthamaki witũ nĩ wa Ũrĩa Mũtheru wa Isiraeli.+
19 Hĩndĩ ĩyo nĩ warĩirie arĩa aku ehokeku kĩoneki-inĩ ũkiuga atĩrĩ:
21 Guoko gwakwa nĩ kũrĩmũtiiragĩrĩra,+
Na guoko gwakwa gũkamwĩkĩra hinya.
22 Gũtirĩ thũ ĩrĩmwĩtagia marĩhi,
Na gũtirĩ mũndũ ũtarĩ mũthingu ũrĩmũhinyagĩrĩria.+
23 Nĩ ngũhehenja thũ ciake tũcunjĩ tũcunjĩ ciehere mbere yake+
Na njũrage arĩa mamũthũire.+
26 Nĩ arĩngayagĩra akoiga atĩrĩ: ‘Wee nĩwe Baba,
Ngai wakwa na Rwaro rwa Ihiga rwa ũhonokio wakwa.’+
28 Ngũtũũra ndĩmuonetie wendo wakwa mwĩhokeku tene na tene,+
Na kĩrĩkanĩro gĩakwa hamwe nake gũtirĩ hĩndĩ gĩtakahinga.+
29 Mbeũ yake* ngũtũma ĩtũũre ĩĩhandĩte tene na tene
Na ndũme gĩtĩ gĩake kĩa ũnene gĩtũũre o ta igũrũ.+
30 Ariũ ake mangĩgatigana na watho wakwa
Na mage gũthiĩ kũringana na matuĩro makwa,
31 Mangĩkagarara mawatho makwa
Na mage kũrũmia maathani makwa-rĩ,
Na herithie mahĩtia mao na iboko.
33 No gũtirĩ hĩndĩ ngaatiga kũmuonia wendo wakwa mwĩhokeku+
Kana njage kũhingia kĩĩranĩro gĩakwa.*
34 Ndikagarara kĩrĩkanĩro gĩakwa+
Kana ngarũrĩre ũndũ ũrĩa mĩromo yakwa yugĩte.+
35 Nĩ ũndũ wa ũtheru wakwa-rĩ, nĩ ndĩĩhĩtĩte riita rĩmwe rĩa kũigana;
Ndirĩ hĩndĩ ngera Daudi ũhoro wa maheeni.+
37 Gĩgũtũũra kĩĩhandĩte wega tene na tene o ta mweri,
O ta mũira mwĩhokeku kũrĩa matu-inĩ.” (Sela)
38 Ĩndĩ wee nĩ ũmũtiganĩirie na ũkamũrega;+
Nĩ ũrakarĩte mũno nĩ ũndũ wa ũcio waku mũitĩrĩrie maguta.
39 Nĩ ũtiganĩirie kĩrĩkanĩro kĩrĩa warĩkanĩire na ndungata yaku;
Nĩ ũthahĩtie thũmbĩ yake* na njĩra ya kũmĩikia thĩ tĩri-inĩ.
40 Nĩ ũmomorete thingo ciake ciothe cia mahiga;
Mĩĩgitio yake ũtũmĩte ĩtuĩke mwanangĩko.
41 Ehĩtũkĩri othe nĩ mamũtunyaga indo ciake;
We nĩ kĩndũ gĩa kũnyũrũrio harĩ andũ arĩa mariganĩtie nake.+
43 Ningĩ nĩ ũhũndũrĩte rũhiũ rwake rwa njora,
Na ũgatũma ahootwo mbaara-inĩ.
44 Nĩ ũtũmĩte riri wake ũkinye mũthia
Na ũkagũithia gĩtĩ gĩake kĩa ũnene thĩ tĩri-inĩ.
45 Nĩ ũkuhĩhĩtie matukũ ma ũnyinyi wake,
Na ũkamũhumba gĩconoko. (Sela)
46 Atĩrĩrĩ Jehova, ũgũtũũra wĩhithĩte nginya rĩ? Hihi nĩ nginya tene na tene?+
Marakara maku-rĩ, hihi megũthiĩ o na mbere gwakana ta mwaki?
47 Ririkana ũrĩa ũtũũro wakwa ũrĩ mũkuhĩ!+
Hihi wombire andũ othe hatarĩ na muoroto o wothe?
48 Nĩ mũndũ ũrĩkũ ũngĩtũũra muoyo na age kuona gĩkuũ?+
Hihi no ahote kwĩhonokia kuuma harĩ hinya wa Mbĩrĩra?* (Sela)
49 Ciĩko ciaku cia tene cia wendo mwĩhokeku-rĩ, irĩ kũ, wee Jehova,
Iria wehĩtĩire Daudi nĩ ũndũ wa wĩhokeku waku?+
50 Atĩrĩrĩ Jehova, ririkana inyũrũri iria cierekagĩrio ndungata ciaku;
Ũrĩa bataraga gũkirĩrĩria* inyũrũri cia ikundi ciothe cia andũ;
51 Ũririkane inyũrũri cia thũ ciaku, wee Jehova;
Ũrĩa inyũrũrĩtie ikinya o rĩothe rĩa ũrĩa waku mũitĩrĩrie maguta.
52 Jehova arotũũra agoocagwo tene na tene. Ameni na Ameni.+
IBUKU RĨA KANA
(Thaburi 90-106)
Ihoya rĩa Musa, mũndũ wa Ngai ũrĩa wa ma.+
90 Atĩrĩrĩ Jehova, ũkoretwo ũrĩ gĩikaro gitũ*+ njiarũa-inĩ ciothe.
2 Mbere ya irĩma gũciarũo
Kana rĩrĩa watũmire kũgĩe thĩ na bũrũri ũrĩa ũrĩ maciaro,+
Kuuma tene nginya tene, wee ũrĩ Ngai.+
3 Ũtũmaga mũndũ acoke rũkũngũ-inĩ;
Uugaga atĩrĩ, “Cokai, inyuĩ ariũ a andũ.”+
4 Tondũ maitho-inĩ maku mĩaka ngiri ĩmwe nĩ ta mũthenya wa ira ũrĩkĩtie kũhĩtũka,+
O ta ituanĩra* rĩmwe rĩa ũtukũ.
6 Ĩringũkaga rũcinĩ na ĩkarura,
No gũkinyĩria hwaĩ-inĩ ĩkahooha na ĩkoma.+
7 Nĩ gũkorũo nĩ tũniinagwo nĩ marakara maku+
Na tũkamakio nĩ mangʼũrĩ maku.
No ĩkoragwo ĩiyũire mĩtangĩko na kĩeha;
Ĩthiraga na ihenya, na ithuĩ tũkombũka tũkabuĩria.+
11 Nũũ ũngĩhota gũtaũkĩrũo nĩ hinya wa marakara maku?
Mathũgũta maku nĩ manene o ta gwĩtigĩrũo kũrĩa gũkwagĩrĩire.+
12 Tũrute gũtara matukũ maitũ+
Nĩguo tũgĩe na ngoro ĩrĩ na ũũgĩ.
13 Tũcokerere, wee Jehova!+ Hihi ũndũ ũyũ ũgũthiĩ na mbere nginya rĩ?+
Iguĩra ndungata ciaku tha.+
14 Tũhũnie na wendo waku mwĩhokeku+ rũcinĩ,
Nĩgetha twanagĩrĩre tũkenete na tũgacanjamũka+ matukũ maitũ mothe.
15 Tũma tũkene matukũ maringaine na marĩa ũtũnyamarĩtie,+
Ihinda rĩa mĩaka mĩingĩ o ta ĩrĩa tũkoretwo tũgĩthĩnĩka.+
16 Reke ndungata ciaku cione wĩra waku,
Na ariũ a cio mone riri waku.+
17 Wega wa Jehova Ngai witũ ũrokorũo hamwe na ithuĩ;
Reke wĩra wa moko maitũ ũgaacĩre.*
Ũtũme wĩra wa moko maitũ ũgaacĩre.*+
91 Mũndũ o wothe ũikaraga handũ ha hitho ha Ũrĩa ũrĩ Igũrũ Mũno+
Arĩĩgitagia rungu rwa kĩĩruru kĩa Mwene-Hinya-Wothe.+
2 Niĩ ngwĩra Jehova atĩrĩ: “Wee nĩwe rĩũrĩro rĩakwa o na mwĩgitio wakwa,+
O wee Ngai wakwa ũrĩa ndĩhokete.”+
3 Nĩ gũkorũo nĩ egũkũhonokia kuuma mũtego-inĩ wa mũtegi wa nyoni,
Akũhonokie kuuma harĩ mũrimũ mũũru ũrĩa ũrehaga mwanangĩko.
Wĩhokeku wake+ ũrĩkoragwo ũrĩ ngo nene+ na rũthingo rwa kũgitĩra.
5 Ndũrĩĩtigagĩra imakania cia ũtukũ,+
Kana mũguĩ ũrĩa ũhĩtũkaga mũthenya,+
6 O na kana mũrimũ mũũru ũrĩa ũceemaga nduma-inĩ,
Kana mwanangĩko ũrĩa ũniinanaga mũthenya gatagatĩ.
7 Andũ ngiri nĩ makaagwa mwena-inĩ waku
Na andũ ngiri ikũmi magwe mwena waku wa ũrĩo,
No wee gũtirĩ ũndũ mũũru ũgaagũkuhĩrĩria.+
8 Wee no kwĩrorera ũkerorera na maitho maku
Wĩyonere iherithia rĩa andũ arĩa aganu.
9 Nĩ gũkorũo uugĩte atĩrĩ: “Jehova nĩwe rĩũrĩro rĩakwa,”
Nĩ ũtuĩte Ũrĩa ũrĩ Igũrũ Mũno gĩikaro gĩaku;*+
10 Gũtirĩ thĩna ũgaagũkora,+
Na gũtirĩ ihũũra rĩgaakuhĩrĩria hema yaku.
14 Ngai oigĩte ũũ: “Tondũ nĩ anyendete,* nĩ ndĩrĩmũhonokagia.+
Nĩ ndĩrĩmũgitagĩra tondũ nĩ oĩ rĩĩtwa rĩakwa.+
15 Nĩ arĩngayagĩra, na niĩ ngamwĩtĩka.+
Ndĩrĩkoragwo hamwe nake hĩndĩ ya mĩtangĩko.+
Nĩ ndĩrĩmũhonokagia na ngamũtũũgĩria.
Rwĩmbo rwa mũthenya wa Thabatũ.
92 Nĩ wega gũcokeria Jehova ngatho+
Na kũina nyĩmbo cia kũgooca rĩĩtwa rĩaku, wee Ũrĩa ũrĩ Igũrũ Mũno,
2 Kũmenyithania wendo waku mwĩhokeku+ rũcinĩ
Na wĩhokeku waku ũtukũ,
3 Gũkĩhũũragwo kĩnanda kĩa ndigi ikũmi o na kĩnanda kĩa ndigi,
Na mũgambo mwega wa kĩnanda kĩa mũgeeto.+
4 Nĩ gũkorũo nĩ ũtũmĩte ngene, wee Jehova, nĩ ũndũ wa ciĩko ciaku;
Ndĩranĩrĩra ngenete tondũ wa mawĩra ma moko maku.
5 Atĩrĩrĩ Jehova, kaĩ mawĩra maku nĩ manene-ĩ!+
Namo meciria maku-rĩ, kaĩ nĩ marikĩru mũno-ĩ!+
6 Gũtirĩ mũndũ ũtarĩ wĩcirio ũngĩmamenya;
Na gũtirĩ mũndũ mũkĩgu ũngĩtaũkĩrũo nĩ ũndũ ũyũ:+
7 Rĩrĩa andũ arĩa aganu mathundũka ta ria*
Na arĩa othe mekaga maũndũ moru magaacĩra,
Gĩtũmi nĩgetha maniinwo tene na tene.+
8 No wee Jehova ũtũũraga ũtũũgĩrĩte tene na tene.
9 Atĩrĩrĩ Jehova, wĩrorere thũ ciaku ikĩhootwo,
Wĩrorere ũrĩa thũ ciaku igũthira;
Arĩa othe mekaga maũndũ moru nĩ mekũhurunjwo.+
10 No wee nĩ ũgũtũũgĩria hinya wakwa ũhaane* ta wa ndegwa ya gĩthaka;
Nĩ ngũhaka ngothi yakwa maguta marĩa mega mũno.+
11 Maitho makwa nĩ mekwĩrorera thũ ciakwa ikĩhootwo;+
Matũ makwa nĩ mekũigua ũhoro wa kũgwa kwa andũ aganu arĩa matharĩkagĩra.
12 Ĩndĩ andũ arĩa athingu marĩgaacagĩra o ta mũtĩ wa mũkĩndũ
Na makaneneha o ta mũtarakwa wa Lebanoni.+
13 Mahandĩtwo thĩinĩ wa nyũmba ya Jehova;
Magaacagĩra marĩ kũu nja-inĩ cia Ngai witũ.+
14 O na marĩ akũrũ-rĩ,* no makaagaacagĩra;+
Magaakoragwo na hinya* na marĩ aruru,+
15 Makĩmenyithanagia atĩ Jehova nĩ mũrũngĩrĩru.
Nĩwe Rwaro Rwakwa rwa Ihiga,+ na thĩinĩ wake ndakoragwo na ũndũ ũtarĩ wa ũthingu.
93 Jehova nĩ atuĩkĩte Mũthamaki!+
Nĩ ehumbĩte riri;
Jehova nĩ ehumbĩte hinya;
Eyohete hinya ta arĩ mũcibi.
3 Atĩrĩrĩ Jehova, njũũĩ nĩ ihũyũkĩte,
Njũũĩ nĩ ihũyũkĩte na ikaruruma;
Njũũĩ cikaraga ikĩhũyũkaga na ikaruruma.
4 Nĩ arĩ hinya gũkĩra mũgambo wa maĩ maingĩ,
Nĩ arĩ ũhoti gũkĩra makũmbĩ manene ma iria,+
Jehova nĩ mũnene mũno kũrĩa igũrũ.+
5 Iririkania ciaku nĩ cia kwĩhokeka mũno.+
Ũtheru nĩ ũgemagia* nyũmba yaku,+ wee Jehova, hingo ciothe.
94 Atĩrĩrĩ Jehova Ngai ũrĩa ũrĩhanagĩria,+
Wee Ngai ũrĩa ũrĩhanagĩria, cangarara!
2 Arahũka, wee Mũtuanĩri Ciira wa thĩ.+
Rĩha andũ arĩa etĩi irĩhi rĩrĩa rĩmagĩrĩire.+
3 Nĩ nginya rĩ, wee Jehova,
Nĩ nginya rĩ andũ arĩa aganu megũtũũra makenaga?+
4 Maitũrũraga na makaria ciugo cia mwĩtĩo;
Andũ arĩa othe mekaga maũndũ moru nĩ meganaga.
5 Nĩ mahehenjaga andũ aku, wee Jehova,+
Na makahinyĩrĩria igai rĩaku.
6 Moragaga mũtumia wa ndigwa na mũgeni,
Na makoraga ciana iria itarĩ maithe.
8 Taũkĩrũoi nĩ ũndũ ũyũ, inyuĩ mũtarĩ wĩcirio;
Inyuĩ andũ aya akĩgu, nĩ rĩ mũgaakorũo na ũtaũku?+
9 Ũrĩa wathondekire* gũtũ-rĩ, hihi nĩ kũigua atangĩigua?
Ũrĩa wombire riitho-rĩ, nĩ kuona atangĩona?+
10 Ũrĩa ũrũngaga ndũrĩrĩ-rĩ, ndangĩherithania?+
Nĩwe ũheaga andũ ũmenyo.+
11 Jehova nĩ amenyaga meciria ma andũ,
Akamenya atĩ matariĩ o ta mĩheehũ.+
12 Gũkena nĩ mũndũ ũrĩa wee Ja, ũrũngaga,+
Ũrĩa wee ũrutaga watho waku,+
13 Nĩgetha ũmũhe thayũ hĩndĩ ya matukũ ma thĩna,
Nginya rĩrĩa irima rĩkenjwo nĩ ũndũ wa arĩa aganu.+
15 Tondũ ituĩro rĩgaatuĩka rĩa ũthingu o rĩngĩ,
Na andũ arĩa othe arũngĩrĩru ngoro nĩ makaarĩrũmĩrĩra.
16 Nũũ ũkwarahũka andũĩrĩre harĩ andũ arĩa aganu?
Nũũ ũkũrũgama andetere harĩ andũ arĩa mekaga maũndũ moru?
18 Rĩrĩa ndoigire atĩrĩ: “Kũgũrũ gwakwa nĩ kũratindirũka,”
Wendo waku mwĩhokeku waikaraga ũkĩndiiragĩrĩra, wee Jehova.+
20 Hihi gĩtĩ kĩa ũnene* kĩrĩ na ungumania no kĩgĩe ngwatanĩro nawe
O gĩgĩthugundaga ũũru gĩkĩhũthĩra watho?+
21 Matharĩkagĩra mũndũ ũrĩa mũthingu* na njĩra njũru+
Na mũndũ ũrĩa ũtarĩ na mahĩtia makamũtuĩra gĩkuũ.*+
22 Ĩndĩ Jehova nĩ egũtuĩka rĩũrĩro rĩakwa irũmu,
Ngai wakwa nĩwe rwaro rwakwa rwa ihiga harĩa njũragĩra.+
23 Nĩ egũtũma ciĩko ciao njũru imacokerere.+
Nĩ ekũmaniina* akĩhũthĩra ũũru wao ene.
Jehova Ngai witũ nĩ ekũmaniina.*+
95 Ũkai twanĩrĩre tũkenete nĩ ũndũ wa Jehova!
Nĩ twanĩrĩrei nĩ ũndũ wa ũhootani tũgooce Rwaro Rwitũ rwa Ihiga rwa ũhonokio.+
3 Nĩ gũkorũo Jehova nĩ Ngai mũnene,
Nĩ Mũthamaki mũnene kũrĩ ngai iria ingĩ ciothe.+
4 Kũrĩa kũriku mũno thĩinĩ wa thĩ kũrĩ guoko-inĩ gwake;
Tũcũmbĩrĩ twa irĩma nĩ twake.+
6 Ũkai tũthathaiye na tũinamĩrĩre;
Nĩ tũturiei maru mbere ya Jehova Mũũmbi witũ.+
Ũmũthĩ mũngĩthikĩrĩria mũgambo wake,+
10 Ihinda rĩa mĩaka 40 ndaikarire njirĩte ngoro nĩ ũndũ wa rũciaro rũu, na ngiuga atĩrĩ:
“Acio nĩ andũ arĩa ngoro ciao itũũraga ciũrĩte njĩra;
Matirĩ mamenya njĩra ciakwa.”
11 Nĩ ũndũ ũcio, ngĩĩhĩta nĩ ũndũ wa marakara makwa ngiuga ũũ:
Matigaatonya kĩhurũko-inĩ gĩakwa.”+
96 Inĩrai Jehova rwĩmbo rwerũ.+
Inĩrai Jehova, inyuĩ thĩ yothe!+
2 Inĩrai Jehova; goocai rĩĩtwa rĩake.
Hunjagiai ũhoro mwega wa ũhonokio wake mũthenya o mũthenya.+
3 Menyithaniai riri wake gatagatĩ-inĩ ka ndũrĩrĩ,
Mũmenyithanie mawĩra make ma magegania gatagatĩ-inĩ ka ikundi ciothe cia andũ.+
4 Jehova nĩ mũnene na nĩ agĩrĩire mũno kũgoocagwo
Nĩ wa gwĩtigĩrũo gũkĩra ngai iria ingĩ ciothe.
6 Mbere yake hakoragwo na ũnene* na riri;+
Hinya na ũgemu ikoragwo thĩinĩ wa handũ hake harĩa hatheru.+
7 Hei Jehova kĩrĩa kĩmwagĩrĩire, inyuĩ famĩlĩ cia ikundi cia andũ,
Hei Jehova kĩrĩa kĩmwagĩrĩire tondũ wa riri o na hinya wake.+
8 Hei Jehova riri ũrĩa wagĩrĩire rĩĩtwa rĩake;+
Rehei kĩheo na mũũke nja-inĩ ciake.
10 Menyithaniai ũũ gatagatĩ-inĩ ka ndũrĩrĩ: “Jehova nĩ atuĩkĩte Mũthamaki!+
Thĩ nĩ ĩhandĩtwo ĩkarũma* wega, ndĩngĩeherio.*
Nĩ agaatuĩra* ikundi cia andũ na kĩhooto.”+
11 Igũrũ nĩ rĩkene, nayo thĩ ĩcanjamũke;
Iria nĩ rĩrurume o na kĩrĩa gĩothe kĩiyũrĩte thĩinĩ warĩo.+
12 Mĩgũnda nĩ ĩkene hamwe na kĩrĩa gĩothe kĩrĩ thĩinĩ wayo.+
Hĩndĩ o ro ĩyo mĩtĩ yothe ya mũtitũ nĩ yanĩrĩre ĩkenete+
13 Mbere ya Jehova, tondũ nĩ aroka,*
Nĩ aroka gũtuĩra thĩ ciira.
Nĩ agaatuanĩra ciira na ũthingu thĩinĩ wa thĩ ĩrĩa ĩikaragwo*+
Nacio ikundi cia andũ acituĩre ciira na wĩhokeku wake.+
97 Jehova nĩ atuĩkĩte Mũthamaki!+
Thĩ nĩ ĩkene.+
Icigĩrĩra nyingĩ nĩ icanjamũke.+
2 Athiũrũrũkĩirio nĩ matu na nduma ndumanu;+
Ũthingu na kĩhooto nĩcio mũthingi wa gĩtĩ gĩake kĩa ũnene.+
3 Mwaki ũthiaga ũrĩ mbere yake+
Na ũkaniina thũ ciake mĩena yothe.+
4 Heni ciake nĩ imũrĩkagĩra bũrũri;
Thĩ yonaga ũndũ ũcio ĩkainaina.+
6 Igũrũ nĩ rĩmenyithanagia ũthingu wake,
Nacio ikundi ciothe cia andũ ikona riri wake.+
7 Andũ arĩa othe matungatagĩra mĩhianano ya gwacũhio maroconorithio,+
Acio merahagĩra ngai ciao itarĩ kĩene.+
Inyuĩ ngai ici, mũinamĩrĩrei* inyuothe.+
8 Zayuni nĩ ĩiguaga na ĩgacanjamũka;+
Taũni cia* Juda nĩ ikenete
Nĩ ũndũ wa matuĩro maku, wee Jehova.+
9 Nĩ gũkorũo wee Jehova, nĩwe Ũrĩa ũrĩ Igũrũ Mũno, o igũrũ rĩa thĩ yothe;
Nĩ ũtũũgĩrĩte mũno gũkĩra ngai iria ingĩ ciothe.+
10 Inyuĩ arĩa mwendete Jehova-rĩ, thũũrai ũndũ ũrĩa mũũru.+
11 Ũtheri nĩ warĩire andũ arĩa athingu+
Nakĩo gĩkeno gĩkaara harĩ andũ arĩa arũngĩrĩru ngoro.
12 Kenai nĩ ũndũ wa Jehova, inyuĩ andũ arĩa athingu,
Na mũcokerie rĩĩtwa rĩake itheru* ngatho.
Rwĩmbo.
98 Inĩrai Jehova rwĩmbo rwerũ.+
Tondũ nĩ ekĩte maũndũ ma magegania.+
Guoko gwake kwa ũrĩo, guoko gwake gũtheru, nĩ kũrehete ũhonokio.*+
3 Nĩ aririkanĩte wendo* wake o na wĩhokeku wake harĩ nyũmba ya Isiraeli.+
Ituri ciothe cia thĩ nĩ cionete ũhonokio wa Ngai witũ.*+
4 Anĩrĩrai nĩ ũndũ wa ũhootani mũgooce Jehova, inyuĩ thĩ yothe.
Canjamũkai na mwanĩrĩre mũkenete na mũine nyĩmbo cia kũgooca.+
5 Inĩrai Jehova nyĩmbo cia kũmũgooca mũkĩhũũraga kĩnanda kĩa mũgeeto,
Mũmũgooce na kĩnanda kĩa mũgeeto na rwĩmbo rwega.
6 Hamwe na tũrumbeta na mũgambo wa coro,+
Anĩrĩrai nĩ ũndũ wa ũhootani mbere ya Jehova, o we Mũthamaki.
7 Iria nĩ rĩrurume o na kĩrĩa gĩothe kĩiyũrĩte thĩinĩ warĩo,
O na thĩ* na arĩa maikaraga thĩinĩ wayo.
8 Njũũĩ nĩ ihũũre hĩ;
Irĩma nĩ cianĩrĩre ikenete irĩ hamwe+
9 Mbere ya Jehova, tondũ nĩ aroka* gũtuĩra thĩ ciira.
Nĩ agaatuanĩra ciira na ũthingu thĩinĩ wa thĩ ĩrĩa ĩikaragwo*+
Nacio ikundi cia andũ acituĩre ciira na kĩhooto.+
99 Jehova nĩ atuĩkĩte Mũthamaki.+ Ikundi cia andũ nĩ cinaine.
Aikarĩire gĩtĩ kĩa ũnene igũrũ rĩa* akerubi.+ Thĩ nĩ ĩthingithe.
2 Jehova nĩ mũnene Zayuni,
Na arĩ igũrũ rĩa ikundi ciothe cia andũ.+
3 Nĩ magooce rĩĩtwa rĩaku inene,+
Tondũ nĩ rĩa gwĩtigĩrũo na nĩ itheru.
4 Akoragwo arĩ mũthamaki ũrĩ hinya na wendete kĩhooto.+
Nĩ ũhandĩte ũndũ ũrĩa mũrũngĩrĩru na ũkaũrũmia.
Nĩ ũrehete kĩhooto na ũthingu+ harĩ Jakubu.
6 Musa na Haruni maarĩ amwe a athĩnjĩri-Ngai ake,+
Nake Samueli aarĩ ũmwe wa arĩa maakayagĩra rĩĩtwa rĩake.+
Maakayagĩra Jehova,
Nake akamaigua.+
7 Aamaragĩria arĩ thĩinĩ wa gĩtugĩ gĩa itu.+
Nĩ maarũmagĩrĩra iririkania ciake na watho ũrĩa aamaheete.+
8 Wee Jehova Ngai witũ nĩ wamaiguaga.+
9 Tũũgĩriai Jehova Ngai witũ+
Rwĩmbo rwa gũcokia ngatho.
100 Anĩrĩrai nĩ ũndũ wa ũhootani mũgooce Jehova, inyuĩ thĩ yothe.+
2 Tungatĩrai Jehova mũcanjamũkĩte.+
Ũkai mbere yake mũkĩanagĩrĩra nĩ gũkena.
3 Menyai atĩ Jehova nĩ Ngai.+
Nĩwe watũũmbire, na ithuĩ tũrĩ ake.*+
Tũrĩ andũ ake, o ithuĩ ngʼondu iria arĩithagia.+
Mũcokeriei ngatho; goocai rĩĩtwa rĩake.+
5 Nĩ gũkorũo Jehova nĩ mwega;+
Wendo wake mwĩhokeku ũtũũraga tene na tene,
O na wĩhokeku wake njiarũa-inĩ ciothe.+
Thaburi ya Daudi. Rwĩmbo.
101 Nĩ ndĩrĩinaga igũrũ rĩgiĩ wendo mwĩhokeku na kĩhooto.
Nĩ ndĩrĩkũinagĩra nyĩmbo cia gũkũgooca, wee Jehova.
2 Ndĩrĩkaga maũndũ na njĩra ya ũũgĩ itarĩ na ũcuke.*
Hihi nĩ rĩ ũgooka kũrĩ niĩ?
Ndĩrĩthiaga na wĩkindĩru wa ngoro+ ndĩ thĩinĩ wa nyũmba yakwa.
3 Ndikaiga kĩndũ o gĩothe gĩa tũhũ mbere ya maitho makwa.
4 Ngoro ĩrĩa ĩtarĩ nũngĩrĩru ĩkoragwo haraya na niĩ;
Ndirĩtĩkagĩra* ũndũ ũrĩa mũũru.
Ũrĩa wothe ũrĩ na maitho ma mwĩtĩo na ngoro ĩrĩ na mwĩgaatho,
Ndirĩmũkiragĩrĩria.
6 Ndĩrĩroraga andũ arĩa ehokeku a thĩ,
Nĩgetha maikarage hamwe na niĩ.
Ũrĩa ũthiaga na mĩthiĩre ĩtarĩ na ũcuke* nĩwe ũrĩndungatagĩra.
7 Gũtirĩ mũndũ waragia maheeni ũrĩikaraga thĩinĩ wa nyũmba yakwa,
Na gũtirĩ mũheenania ũrĩrũgamaga mbere yakwa.*
8 Rũcinĩ o rũcinĩ nĩ ndĩrĩkiragia* andũ arĩa othe aganu a thĩ,
Nĩguo niine andũ arĩa othe mekaga maũndũ moru mehere itũũra-inĩ rĩa Jehova.+
Ihoya rĩa mũndũ mũhinyĩrĩrie rĩrĩa orĩtwo nĩ hinya agĩitũrũrĩra Jehova mĩtangĩko yake.+
2 Ndũkahithe ũthiũ waku kuuma harĩ niĩ hĩndĩ ĩrĩa ndĩ na mĩtangĩko.+
3 Nĩ gũkorũo matukũ makwa marathira o ta ndogo,
Na mahĩndĩ makwa marakana o ta marĩ mwaki-inĩ.+
4 Ngoro yakwa nĩ ĩringĩkĩte o ta nyeki na ĩkahooha,+
Tondũ nĩ ndiganagĩrũo nĩ kũrĩa irio ciakwa.
6 Haana ta nyoni ĩrĩa ĩtagwo gakuua-ũrogi ya werũ-inĩ;
Ndariĩ ta ndundu nini ĩrĩ kũndũ kwanangĩku.
8 Mũthenya wothe thũ ciakwa itindaga ikĩnyũrũria.+
Arĩa manyũrũragia* mahũthagĩra rĩĩtwa rĩakwa rĩrĩ kĩrumi.
9 Nĩ gũkorũo ndĩaga mũhu ũrĩ mũgate wakwa,+
Na kĩrĩa nyuaga gĩgatukana na maithori,+
10 Nĩ ũndũ wa marakara maku na mangʼũrĩ maku,
Tondũ wanjoire na igũrũ ũgĩcoka ũkĩnde.
13 Hatarĩ nganja nĩ ũkwarahũka ũiguĩre Zayuni tha,+
Tondũ rĩrĩ nĩrĩo ihinda rĩa kũmĩiguĩra tha;+
Ihinda rĩrĩa rĩtuĩtwo nĩ ikinyu.+
14 Nĩ gũkorũo ndungata ciaku nĩ ikenagio nĩ mahiga makuo+
Na nĩ ciendete nginya rũkũngũ rwakuo.+
15 Ndũrĩrĩ nĩ igeetigĩra rĩĩtwa rĩa Jehova,
Na athamaki othe a thĩ metigĩre riri waku.+
18 Ũndũ ũyũ wandĩkĩtwo nĩ ũndũ wa rũciaro rũrĩa rũgooka,+
Nĩgetha andũ arĩa magooka thutha* makaagooca Ja.
19 Nĩ gũkorũo aroraga thĩ arĩ kũu gwake gũtheru igũrũ,+
Jehova nĩ aroraga thĩ arĩ igũrũ,
20 Nĩgetha aigue gũcaya kwa mũndũ ũrĩa wohetwo,+
Nĩguo ohore arĩa matuĩrĩirũo gĩkuũ,+
21 Nĩgetha rĩĩtwa rĩa Jehova rĩmenyithanio Zayuni+
Na rũgooco rwake rũmenyithanio Jerusalemu,
22 Rĩrĩa ikundi cia andũ na mothamaki
Macemania hamwe nĩguo matungatĩre Jehova.+
23 Nĩ aandunyire hinya ũtũũro wakwa ũrĩ gatagatĩ;
Nĩ aanyihirie matukũ makwa.
24 Niĩ ndoigire ũũ: “Wee Ngai wakwa,
Ndũkaniine hĩndĩ ĩrĩa ũtũũro wakwa ũrĩ gatagatĩ,
O wee mĩaka yaku ĩtũũraga nginya njiarũa na njiarũa.+
25 Tene mũno nĩ waigire mĩthingi ya thĩ,
Narĩo igũrũ nĩ wĩra wa moko maku.+
26 Icio nĩ igaathira, no wee nĩ ũgũtũũra;
O ta nguo, ciothe nĩ igaathira.
Nĩ ũgaacicenjia o ta nguo, na nĩ igaathira ciehere.
27 No wee ndũgarũrũkaga, na mĩaka yaku gũtirĩ hĩndĩ ĩgaakinya mũthia.+
28 Ciana cia ndungata ciaku igaatũũra na thayũ,
Na njiarũa ciacio nĩ igaaikara irũmĩte mbere yaku.”+
Thaburi ya Daudi.
103 Reke niĩ ngooce* Jehova;
Kĩndũ gĩothe kĩrĩa kĩrĩ thĩinĩ wakwa nĩ kĩgooce rĩĩtwa rĩake itheru.
3 Akuohagĩra mahĩtia maku mothe+
Na agakũhumba wendo wake mwĩhokeku o na tha ciake ta arĩ thũmbĩ.+
10 Ndatwĩkĩte kũringana na mehia maitũ,+
Kana agatũrĩha kũringana na ũrĩa mehia maitũ magĩrĩire kũrĩhwo.+
11 Nĩ gũkorũo o ta ũrĩa igũrũ kũraihanĩrĩirie na thĩ,
Noguo wendo wake mwĩhokeku ũrĩ mũnene kwerekera arĩa mamwĩtigĩrĩte.+
16 No hĩndĩ ĩrĩa rũhuho rwahurutana, rĩtikoragwo ho rĩngĩ,
Rĩkahaana ta rĩtarĩ rĩakorũo ho.*
17 No wendo mwĩhokeku wa Jehova nĩ wa tene na tene*
Harĩ arĩa mamwĩtigĩrĩte,+
Na ũthingu wake harĩ ciana cia ciana ciao,+
18 Harĩ arĩa marũmagia kĩrĩkanĩro gĩake+
O hamwe na arĩa merutanagĩria gwathĩkĩra mawatho make.
19 Jehova nĩ ahandĩte na akarũmia gĩtĩ gĩake kĩa ũnene igũrũ;+
Na ũthamaki wake wathaga indo ciothe.+
22 Goocai Jehova, inyuĩ mawĩra make mothe,
Kũndũ guothe kũrĩa athanaga.*
Muoyo wakwa wothe nĩ ũgooce Jehova.
Atĩrĩrĩ Jehova Ngai wakwa, wee ũrĩ mũnene mũno.+
3 Aigaga mĩgamba ya rumu ciake cia igũrũ maĩ-inĩ marĩa marĩ igũrũ,*+
Agatua matu ngaari yake ya mbarathi,+
Agathiĩ akuuĩtwo nĩ mathagu ma rũhuho.+
4 Atũmaga araika ake matuĩke maroho,
Ndungata ciake agatũma ituĩke mwaki wa kũniinana.+
6 Wamĩhumbĩrire na maĩ mariku ta arĩ nguo.+
Maĩ maarũgamĩte igũrũ rĩa irĩma.
7 Wamakũũmire, namo makĩũra;+
Rĩrĩa maaiguire mũgambo wa mũrurumo waku nĩ moorire nĩ ũndũ wa guoya
8 —Irĩma ikĩambata+ nayo mĩkuru ĩgĩikũrũka—
Magĩthiĩ kũrĩa wathondekete nĩ ũndũ wamo.
9 Nĩ waigire mũhaka ũrĩa matagĩrĩire gũkĩra,+
Nĩgetha matikanahumbĩre thĩ rĩngĩ.
10 Atũmaga kũgĩe na matherũkĩro mĩkuru-inĩ;
Mathereraga gatagatĩ-inĩ ka irĩma.
11 Nĩ maheaga nyamũ ciothe cia gĩthaka maĩ ma kũnyua;
Nĩkuo ndigiri cia gĩthaka iniinagĩra nyota.
12 Nyoni cia rĩera-inĩ cikaraga igũrũ rĩamo;
Cinaga irĩ thĩinĩ wa mathangũ matumanu.
13 Aitagĩrĩria irĩma maĩ kuuma rumu-inĩ ciake cia igũrũ.+
Thĩ nĩ ĩhũnagio nĩ maciaro ma wĩra waku.+
14 Atũmaga nyeki ĩkũre nĩ ũndũ wa mahiũ
Na mĩmera nĩ ũndũ wa kũhũthĩrũo nĩ andũ,+
Nĩgetha thĩ ĩmere irio
15 O na ndibei ĩrĩa ĩtũmaga ngoro ya mũndũ ĩkene,+
Maguta marĩa matũmaga ũthiũ ũkenge,
Na mũgate ũrĩa ũtũũragia ngoro ya mũndũ.+
16 Mĩtĩ ya Jehova nĩ ĩhũnaga,
O yo mĩtarakwa ya Lebanoni ĩrĩa aahandire,
17 Kũrĩa nyoni ciakaga itara.
Mũciĩ wa njũũ+ nĩ mĩtĩ-inĩ ya mĩthengera.
18 Irĩma-inĩ iria ndaihu na igũrũ nĩkuo mbũri cia irĩma-inĩ cikaraga;+
Ndũmba-inĩ cia mahiga nĩkuo rĩũrĩro rĩa ikami.+
19 Nĩ oombire mweri nĩguo ũmenyithanagie mahinda marĩa matuĩtwo;
Riũa nĩ rĩũĩ wega hĩndĩ yarĩo ya gũthũa.+
20 Ũrehaga nduma, naguo ũtukũ ũkaingĩra,+
Rĩrĩa nyamũ ciothe cia gĩthaka ciũrũraga.
21 Mĩrũthi mĩthĩ* ĩraramaga ĩkĩhĩta+
Na ĩgacaria irio ciayo kuuma kũrĩ Ngai.+
22 Hĩndĩ ĩrĩa riũa rĩaratha,
Ĩcokaga imamo-inĩ ciayo ĩgakoma.
23 Nake mũndũ agathiĩ wĩra-inĩ wake,
Akaruta wĩra nginya hwaĩ-inĩ.
24 Mawĩra maku wee Jehova kaĩ nĩ maingĩ-ĩ!+
Mothe ũmarutĩte na njĩra ya ũũgĩ.+
Thĩ ĩiyũire indo iria wee ũmbĩte.
25 Kũrĩ na iria, inene mũno na rĩariĩ,
Rĩiyũire indo nyingĩ irĩ muoyo itangĩtarĩka, iria nene o na iria nini.+
27 Icio ciothe nĩwe cietagĩrĩra
Nĩguo ũciheage irio ciacio ihinda rĩrĩa rĩagĩrĩire.+
28 Nĩ icokanagĩrĩria kĩrĩa wacihe.+
Rĩrĩa wakumbatũra guoko gwaku, nĩ ihũnagio nĩ indo njega.+
29 Rĩrĩa wahitha ũthiũ waku, nĩ itangĩkaga.
Ũngĩeheria roho wacio, ikuaga igacoka rũkũngũ-inĩ.+
30 Ũngĩtũma roho waku, nĩ ciũmbagwo,+
Na ũkerũhia thĩ.
31 Riri wa Jehova ũgũtũũra tene na tene.
Jehova nĩ arĩkenagio nĩ mawĩra make.+
32 Aroraga thĩ, nayo ĩkainaina;
Ahutagia irĩma, nacio ikoima ndogo.+
33 Ngũtũũra nyinagĩra Jehova+ ũtũũro-inĩ wakwa wothe;
Ndĩrĩinaga nyĩmbo cia kũgooca Ngai wakwa ihinda rĩrĩa rĩothe ngũtũũra muoyo.+
34 Meciria makwa marotuĩka ma kũmũkenia.*
Nĩ ndĩrĩkenaga nĩ ũndũ wa Jehova.
35 Arĩa mehagia nĩ makehera thĩinĩ wa thĩ,
Na arĩa aganu matigaakorũo kuo rĩngĩ.+
Reke niĩ ngooce* Jehova. Goocai Ja!*
105 Cokeriai Jehova ngatho,+ kaĩrai rĩĩtwa rĩake,
Menyithaniai mawĩko make gatagatĩ-inĩ ka ikundi cia andũ!+
3 Mwĩrahei nĩ ũndũ wa rĩĩtwa rĩake itheru.+
Ngoro cia arĩa macaragia Jehova nĩ icanjamũke.+
4 Caragiai Jehova+ o na hinya wake.
Caragiai ũthiũ wake hingo ciothe.
5 Ririkanai mawĩra ma magegania marĩa ekĩte,
O na ciama ciake na matuĩro marĩa amenyithanĩtie,+
7 We nĩ Jehova Ngai witũ.+
Matuĩro make marĩ kũndũ guothe thĩinĩ wa thĩ.+
8 Nĩ aririkanaga kĩrĩkanĩro gĩake tene na tene,+
Kĩĩranĩro kĩrĩa eerĩire* nginya njiarũa ngiri,+
9 Kĩrĩkanĩro kĩrĩa aarĩkanĩire na Iburahimu,+
Na mwĩhĩtwa ũrĩa eehĩtĩire Isaaka,+
10 Ũrĩa aahandire ũrĩ ta watho harĩ Jakubu
Na ũrĩ kĩrĩkanĩro gĩa gũtũũra harĩ Isiraeli,
11 Akiuga atĩrĩ, “Nĩ ngaakũhe bũrũri wa Kanaani+
Ũtuĩke igai rĩanyu rĩrĩa mũgaĩirũo.”+
13 Maathiaga kuuma bũrũri ũmwe nginya ũrĩa ũngĩ,
Kuuma ũthamaki ũmwe nginya kũrĩ andũ angĩ.+
14 Ndeetĩkĩririe mũndũ o wothe amahinyĩrĩrie,+
No nĩ aarũithirie athamaki nĩ ũndũ wao,+
15 Akiuga ũũ: “Mũtikahutie arĩa akwa aitĩrĩrie maguta,
Na mũtigeke anabii akwa ũndũ mũũru.”+
17 Agĩtũma mũndũ athiĩ mbere yao
Nĩwe Jusufu ũrĩa weendirio atuĩke ngombo.+
19 Nginya hĩndĩ ĩrĩa kiugo gĩake kĩahingire,+
Uuge wa Jehova nĩguo wamũtheririe.
20 Mũthamaki agĩtũmana ohorũo,+
Mũtongoria ũcio wa ikundi cia andũ akĩmũrekereria.
21 Akĩmũtua mwathi wa nyũmba yake,
Atuĩke wa gwathaga indo ciake ciothe,+
22 Athage* anene a mũthamaki ũrĩa ona kwagĩrĩire
Na arutage arĩa akũrũ kũmũkĩra nĩguo magĩe na ũũgĩ.+
23 Thutha ũcio Isiraeli agĩthiĩ Misiri,+
Jakubu agĩikara arĩ mũgeni bũrũri-inĩ wa Hamu.
24 Ngai agĩgĩtũma andũ ake maciarane mũno;+
Agĩtũma makorũo na hinya gũkĩra thũ ciao,+
25 O icio aarekire ngoro ciacio igarũrũke imene andũ ake,
Ikĩbanga gũũkĩrĩra ndungata ciake.+
27 Nao makĩonania imenyithia ciake gatagatĩ-inĩ kao,
Makĩringa ciama ciake bũrũri-inĩ wa Hamu.+
28 Agĩtũma nduma, na bũrũri ũcio ũgĩtumana;+
Nao matiaremeire ciugo ciake.
29 Akĩgarũra maĩ mao magĩtuĩka thakame
Na akĩũraga thamaki ciao.+
30 Bũrũri wao ũkĩiyũra ciũra,+
Nginya tũnyũmba-inĩ twa anene.
31 Agĩatha ngi itharĩkĩre
O na rwagĩ rũtharĩkĩre icigo-inĩ ciao ciothe.+
33 Akĩhũũra mĩthabibũ yao o na mĩtĩ yao ya mĩkũyũ
Na akiunanga mĩtĩ ĩrĩa yarĩ gĩcigo-inĩ kĩao.
34 Akiuga ngigĩ itharĩkĩre,
Ngigĩ nyingĩ itangĩtarĩka.+
35 Ikĩrĩa mĩmera yothe ya bũrũri,
Na ikĩrĩa maciaro ma tĩri.
36 Agĩcoka akĩũraga marigithathi mothe bũrũri-inĩ wao,+
Kĩambĩrĩria kĩa ũhoti wao wa ũciari.
37 Akĩruta andũ ake kuo makuuĩte betha na thahabu;+
Na gũtirĩ o na ũmwe harĩ mĩhĩrĩga yake wahĩngirũo.
38 Rĩrĩa maathiire, andũ a Misiri nĩ maakenire,
Tondũ nĩ maanyitĩtwo nĩ guoya nĩ ũndũ wa Isiraeli.+
39 Aatambũrũkirie itu nĩguo rĩmathiĩke+
Na mwaki nĩguo ũmaheage ũtheri ũtukũ.+
42 Nĩ gũkorũo nĩ aaririkanire kĩĩranĩro kĩrĩa gĩtheru eerĩire Iburahimu ndungata yake.+
43 Nĩ ũndũ ũcio akĩruta andũ ake kuo marĩ na gĩkeno kĩnene,+
Andũ acio ake athuure akĩmaruta kuo makĩanagĩrĩra nĩ gũkena.
44 Akĩmahe mabũrũri ma ndũrĩrĩ;+
Makĩgaya indo iria ikundi ingĩ cia andũ ciarutĩte wĩra na kĩyo nĩguo igĩe nacio,+
45 Nĩgetha marũmagĩrĩre matuĩro make+
Na mathĩkagĩre mawatho make.
Goocai Ja!*
106 Goocai Ja!*
2 Nũũ ũngĩhota kũmenyithania biũ ũhoro wa ciĩko cia Jehova cia hinya
Kana amenyithanie ciĩko ciake ciothe cia kũgoocwo?+
3 Gũkena nĩ arĩa mekaga maũndũ ma kĩhooto,
Arĩa mekaga maũndũ marĩa magĩrĩru hingo ciothe.+
4 Atĩrĩrĩ Jehova, ndirikana ũgĩĩkĩra andũ aku maũndũ mega.+
Nũmbũiya kũgerera ciĩko ciaku cia kũhonokania,
5 Nĩguo ngenagĩre wega ũrĩa wonagia andũ aku arĩa athuure,+
Nĩgetha ngenage hamwe na rũrĩrĩ rwaku,
Nĩguo ngũgoocage ngĩĩrahaga* hamwe na igai rĩaku.
7 Maithe maitũ ma tene matiataũkĩirũo nĩ* mawĩra maku ma magegania marĩ Misiri.
Matiaririkanire ũrĩa wendo waku mwĩhokeku ũrĩ mũingĩ,
No nĩ kũrema maaremire marĩ iria-inĩ, marĩ hũgũrũrũ-inĩ cia Iria Itune.+
9 Aakũũmire Iria Itune, narĩo rĩkĩhũa;
Akĩmagereria kũndũ kũu kũriku o ta arĩ werũ-inĩ;+
10 Akĩmahonokia kuuma guoko-inĩ gwa thũ yao+
Akĩmakũũra kuuma guoko-inĩ gwa thũ.+
13 No makĩriganĩrũo o na ihenya nĩ maũndũ marĩa eekĩte;+
Matietereire ũtaaro wake.
15 Akĩmahe kĩrĩa maahoire,
No agĩcoka akĩmahũũra na mũrimũ watũmire morũo nĩ hinya.+
16 Nĩ maaiguire ũiru nĩ ũndũ wa Musa marĩ kambĩ-inĩ
17 Nayo thĩ ĩgĩatũka na ĩkĩmeria Dathani
O na ĩgĩthika acio maagomanĩte na Abiramu.+
18 Naguo mwaki ũkĩrĩrĩmbũka gĩkundi-inĩ kĩao;
Rũrĩrĩmbĩ rũgĩcina andũ acio aganu.+
19 Nĩ maathondekire njaũ marĩ Horebu
Na makĩinamĩrĩra mũhianano wa cuma;*+
20 Maakũũranirie riri wakwa
Na mũhianĩre wa ndegwa ĩrĩa ĩrĩaga nyeki.+
21 Nĩ maariganĩirũo nĩ Ngai+ Mũhonokia wao,
Ũrĩa wekĩte maũndũ manene Misiri,+
22 Mawĩra ma magegania bũrũri-inĩ wa Hamu,+
Maũndũ ma kũmakania Iria-inĩ Itune.+
23 Aarĩ hakuhĩ gwathana maniinwo,
No Musa, o ũcio aathuurĩte akĩmũthaitha*
Nĩguo atigane na marakara macio make ma kũniinana.+
26 Nĩ ũndũ ũcio akĩoya guoko gwake na igũrũ akĩĩhĩta ũhoro-inĩ wao
Atĩ nĩ angĩgatũma makuĩre werũ-inĩ;+
27 Nĩ angĩgatũma njiarũa ciao ikuĩre gatagatĩ-inĩ ka ndũrĩrĩ,
Na nĩ angĩkamahurunja kũndũ guothe mabũrũri-inĩ.+
28 Magĩcoka makĩnyitanĩra harĩ* ũthathaiya wa Baali ya Peori,+
Na makĩrĩa magongona marĩa maarutagĩrũo akuũ.*
30 No rĩrĩa Finehasi aarũgamire na akĩingĩrĩra ũndũ ũcio,
Ihũũra rĩu rĩkĩniinwo.+
31 Na ũndũ ũcio ũgĩtarũo atĩ nĩ ũthingu harĩ we
Njiarũa-inĩ ciothe tene na tene.+
35 No maatukanire na andũ a ndũrĩrĩ+
37 Maarutaga ariũ ao marĩ magongona
O na airĩtu ao makamarutĩra ndaimono.+
38 Maaitaga thakame ĩtarĩ na mahĩtia,+
Thakame ya ariũ o na airĩtu ao
Arĩa maarutaga marĩ magongona kũrĩ mĩhianano ya Kanaani;+
Naguo bũrũri ũgĩthahio nĩ ũiti wa thakame.
39 Nĩ maagĩire thahu nĩ ũndũ wa ciĩko ciao;
Makĩhũũra ũmaraya wa kĩĩroho kũgerera ciĩko ciao.+
40 Nĩ ũndũ ũcio, Jehova agĩcinwo nĩ marakara nĩ ũndũ wa andũ ake,
Na agĩthũũra igai rĩu rĩake.
42 Thũ ciao ikĩmahinyĩrĩria,
Nao magĩikara marĩ rungu rwa wathani wacio.*
43 Nĩ aamahonokagia maita maingĩ,+
No nĩ maaremaga na makarega gwathĩka,+
Nao nĩ maaconorithagio nĩ ũndũ wa mahĩtia mao.+
44 No nĩ oonaga mĩtangĩko yao+
Na akaigua kĩrĩro kĩao gĩa kũhoya ũteithio.+
45 Nĩ aaririkanaga kĩrĩkanĩro gĩake nĩ ũndũ wao,
Na nĩ aaiguaga tha,* tondũ wa ũrĩa wendo wake mwĩhokeku ũrĩ mũnene.*+
46 Nĩ aatũmaga maiguĩrũo tha
Nĩ arĩa othe maamatahĩte.+
Nĩguo tũcokagĩrie rĩĩtwa rĩaku itheru ngatho
Na tũkenage nĩ ũndũ wa gũkũgooca.+
Na andũ othe nĩ moige, “Ameni!”*
Goocai Ja!*
IBUKU RĨA GATANO
(Thaburi 107-150)
3 Arĩa aacokanĩrĩirie hamwe kuuma mabũrũri-inĩ,+
Kuuma mwena wa irathĩro na kuuma mwena wa ithũĩro,
Kuuma mwena wa rũgongo na kuuma mwena wa mũhuro.+
4 Moorũrire werũ-inĩ, kũndũ gũtaikaragwo;
Mationire njĩra ya gũthiĩ itũũra-inĩ kũndũ mangĩatũũrire.
5 Maarĩ ahũtu na makanyota;
Nĩ moorĩtwo nĩ hinya nĩ ũndũ wa kũnoga.
7 Aamagereirie njĩra-inĩ ĩrĩa yagĩrĩire+
Nĩguo makinye itũũra-inĩ kũrĩa mangĩatũũrire.+
8 Andũ nĩ macokerie Jehova ngatho+ nĩ ũndũ wa wendo wake mwĩhokeku
Na tondũ wa mawĩra ma magegania marĩa ekaga nĩ ũndũ wa ariũ a andũ.+
9 Nĩ gũkorũo nĩ anyotorete mũndũ ũrĩa mũnyotu
Nake ũrĩa mũhũtu akamũhũnia na indo njega.+
10 Amwe maaikaraga nduma-inĩ ndumanu biũ,
Makanyamarĩka mohetwo na marĩ na mĩnyororo.
11 Tondũ nĩ maaremeire kiugo kĩa Ngai;
Naguo ũtaaro wa Ũrĩa ũrĩ Igũrũ Mũno makĩwagĩra gĩtĩo.+
12 Nĩ ũndũ ũcio agĩtũma ngoro ciao ciĩnyihie kũgerera moritũ;+
Makĩhĩngwo, na gũtiarĩ na mũndũ wa kũmateithia.
13 Magĩkaĩra Jehova hĩndĩ ĩrĩa maarĩ na mĩtangĩko;
Nake akĩmahonokia kuuma thĩna-inĩ ũcio wao.
14 Aamarutire nduma-inĩ ndumanu biũ,
Na agĩtua mĩnyororo ĩrĩa moohetwo nayo.+
15 Andũ nĩ macokerie Jehova ngatho nĩ ũndũ wa wendo wake mwĩhokeku+
Na tondũ wa mawĩra ma magegania marĩa ekaga nĩ ũndũ wa ariũ a andũ.
16 Nĩ gũkorũo nĩ oinangĩte mĩrango ya gĩcango
Na agatinangia mĩgamba ya kĩgera.+
17 Maarĩ akĩgu na makĩnyamarĩka+
Nĩ ũndũ wa mehia mao na mahĩtia mao.+
18 Nĩ maanyirire* irio cia mĩthemba yothe;
Maakuhĩrĩirie ihingo cia gĩkuũ.
19 Nĩ maakayagĩra Jehova amateithie hĩndĩ ĩrĩa maarĩ na mĩtangĩko;
Nake akamahonokia kuuma thĩna-inĩ ũcio wao.
20 Aatũmaga kiugo gĩake akamahonia+
Na akamahonokia kuuma marima-inĩ marĩa maagwĩte.
21 Andũ nĩ macokerie Jehova ngatho nĩ ũndũ wa wendo wake mwĩhokeku
Na tondũ wa mawĩra ma magegania marĩa ekaga nĩ ũndũ wa ariũ a andũ.
22 Nĩ marute magongona ma gũcokia ngatho+
Na mamenyithanie mawĩra make makĩanagĩrĩra nĩ gũkena.
23 Arĩa mageraga iria-inĩ na meri,
O acio mahũũragĩra biacara ciao maĩ-inĩ maingĩ,+
24 Nĩ monete mawĩra ma Jehova
Na mawĩra make ma magegania kũndũ kũrĩa kũriku;+
25 Makona ũrĩa kiugo gĩake gĩtũmaga kĩhuhũkanio kiumĩre,+
Gĩkoya makũmbĩ ma iria na igũrũ.
26 Nao makoywo na igũrũ nginya matu-inĩ;
Makarikĩra kũndũ kũrĩa kũriku.
Ũcamba* wao ũgathira nĩ ũndũ wa ũgwati ũrĩa ũrĩ mbere.
27 Magakĩagaaga na magatũgũga ta mũndũ mũrĩĩu,
Na ũũgĩ wao wothe ũgatuĩka wa tũhũ.+
28 Magakaĩra Jehova hĩndĩ ĩyo maarĩ na mĩtangĩko,+
Nake akamahonokia kuuma thĩna-inĩ ũcio wao.
29 Akahooreria kĩhuhũkanio kĩu;
Makũmbĩ ma iria magakira.+
30 Nao magakena nĩ ũndũ wa iria kũhoorera,
Nake akamatongoria nginya gĩcukĩro-inĩ kĩrĩa marenda gũthiĩ.
31 Andũ nĩ macokerie Jehova ngatho nĩ ũndũ wa wendo wake mwĩhokeku
Na tondũ wa mawĩra ma magegania marĩa ekaga nĩ ũndũ wa ariũ a andũ.+
33 Agarũraga njũũĩ igatuĩka werũ
Nacio ithima cia maĩ igatuĩka kũndũ kũngʼaru,+
34 Bũrũri ũrĩa ũciaraga mũno ũgatuĩka bũrũri mwanangĩku ũrĩ na cumbĩ,+
Nĩ ũndũ wa waganu wa arĩa maikaraga thĩinĩ waguo.
35 Agarũraga werũ ũgatuĩka tũria twa maĩ tũrĩ na mathanjĩ,
Naguo bũrũri ũrĩa mũũmũ ũgatuĩka ithima cia maĩ.+
37 Mahandaga mbeũ mĩgũnda-inĩ na makahanda mĩgũnda ya mĩthabibũ+
Nĩgetha ĩrute mĩmera ĩrĩ na maciaro.+
38 Amarathimaga nao makongerereka mũno;
Ndarekaga mahiũ mao manyihe.+
39 No o rĩngĩ mũigana wao ũkanyiha na magaconorithio
Nĩ ũndũ wa kũhinyĩrĩrio, thĩna, o na kĩeha.
40 Nĩ atũmaga andũ arĩa marĩ igweta manyararũo
Na agatũma morũre kũndũ kwanangĩku gũtarĩ njĩra.+
41 No andũ arĩa athĩni nĩ amagitagĩra* matikahinyĩrĩrio+
Na agatũma famĩlĩ ciao cingĩhe o ta rũũru.
42 Andũ arĩa arũngĩrĩru monaga ũndũ ũcio magakena;+
No andũ arĩa othe matarĩ athingu matumagia tũnua twao.+
43 Mũndũ o wothe mũũgĩ nĩ ekwĩrorera maũndũ macio+
Na ecũranie mũno ũhoro wa ciĩko cia Jehova cia wendo mwĩhokeku.+
Rwĩmbo rwa Daudi.
108 Atĩrĩrĩ Ngai, ngoro yakwa nĩ ĩĩkindĩire,
Nĩ ngũina nyĩmbo ngũgooce na ũhoti wakwa wothe.+
2 Arahũka, wee kĩnanda kĩa ndigi; o nawe kĩnanda kĩa mũgeeto.+
Ngwarahũka rũcinĩ tene.
3 Nĩ ngũkũgooca gatagatĩ-inĩ ka ikundi cia andũ, wee Jehova,
Na nĩ ngũina nyĩmbo ngũgooce gatagatĩ-inĩ ka ndũrĩrĩ.
4 Nĩ gũkorũo wendo waku mwĩhokeku nĩ mũnene, ũkinyĩte o igũrũ,+
Naguo wĩhokeku waku ũgakinya o matu-inĩ.
5 Ũrotũũgĩrio igũrũ mũno, wee Ngai;
Riri waku ũroiyũra thĩ yothe.+
6 Nĩguo andũ arĩa wendete mahonoke,
Tũhonokie na guoko gwaku kwa ũrĩo na ũnjigue.+
7 Ngai nĩ arĩtie nĩ ũndũ wa ũrĩa arĩ mũtheru* akoiga atĩrĩ:
8 Gileadi+ nĩ gwakwa, o na Manase no gwakwa,
Na Efiraimu nĩkuo ngũbia ya* mũtwe wakwa;+
Juda nĩ rũthanju rwakwa rwa wathani.+
9 Moabi nĩ kĩraĩ gĩakwa gĩa gwĩthambĩra.+
Edomu nĩkuo ngũikia kĩratũ gĩakwa.+
Na nyanĩrĩre nĩ ũndũ wa ũhootani bũrũri-inĩ wa Filistia.”+
10 Nũũ ũkũndwara itũũra-inĩ rĩrĩa rĩrĩ na ũgitĩri?
Nũũ ũkũndwara nginya Edomu?+
11 Githĩ tiwe Ngai, o wee ũtũregete,
Ngai witũ, o wee ũtigĩte kuumagaraga hamwe na mbũtũ citũ?+
Kũrĩ mũrũgamĩrĩri. Thaburi ya Daudi. Rwĩmbo.
109 Atĩrĩrĩ Ngai, o wee ngoocaga,+ ndũgaikare ũkirĩte.
2 Nĩ gũkorũo andũ arĩa aganu na arĩa a maheeni matumũraga tũnua twao nĩguo manjũkĩrĩre.
Maragia na nĩmĩ ciao maũndũ ma maheeni igũrũ rĩakwa;+
3 Mandigicagĩria na ciugo cia rũmena,
Na magatharĩkĩra hatarĩ gĩtũmi.+
4 Ndĩmonagia wendo, ĩndĩ o makanjũkĩrĩra;+
No nĩ thiaga na mbere kũhoya.
5 Marĩhaga wega wakwa na ũũru+
Na wendo wakwa makaũrĩha na rũmena.+
6 Amũra mũndũ mwaganu akorũo na wathani igũrũ rĩake;
Guoko-inĩ gwake kwa ũrĩo harorũgama mũkararia.*
7 Rĩrĩa araciirithio-rĩ, arotuĩrũo atĩ nĩ ahĩtĩtie;
O na mahoya make nĩ monwo marĩ mehia.+
9 Ciana* ciake irotigwo itarĩ ithe,
Na mũtumia wake atuĩke wa ndigwa.
10 Ciana* ciake irotuĩka cia kũũrũraga ikĩhoyahoyaga,
Igacaragia irio kuuma mĩciĩ yao mĩanangĩku.
11 Arotahwo indo ciake ciothe nĩ mũndũ ũrĩa ũmũkombithĩtie,*
Na ageni maromũtunya indo ciake ciothe.
12 Kũroaga mũndũ wa kũmuonia ũtugi,*
O na kwage mũndũ ũngĩiguĩra tha ciana icio ciake itigĩtwo itarĩ ithe.
13 Njiarũa ciake ironiinwo;+
Rĩĩtwa rĩao rĩrothario thĩinĩ wa rũciaro rũrĩa rũgooka.
14 Mahĩtia ma maithe make ma tene maroririkanwo nĩ Jehova,+
Na mehia ma nyina maroaga gũthario.
15 Jehova aroririkanaga hingo ciothe ũrĩa maneka;
Na atũme matikanacoke kũririkanwo rĩngĩ gũkũ thĩ.+
16 Nĩ gũkorũo ndaaririkanire kuonania ũtugi,*+
No aaikaraga agĩthingataga mũndũ ũrĩa mũhinyĩrĩrie,+ ũrĩa mũthĩni, o na ũrĩa mũthuthĩku ngoro
Nĩguo amũũrage.+
17 Nĩ eendete kũrumana nĩguo andũ manyitwo nĩ kĩrumi, na nĩ ũndũ ũcio kĩrumi nĩkĩo kĩamũkorire;
We ndaarĩ na wendi wa kũrathima, na kwoguo gũtirĩ kĩrathimo aamũkĩrire.
18 Eehumbĩte irumi ta arĩ nguo yake.
Nacio igĩitĩrĩrio mwĩrĩ-inĩ wake ta maĩ,
Na mahĩndĩ-inĩ make o ta maguta.
19 Irumi ciake irotuĩka o ta nguo ĩrĩa ehumbaga+
Na o ta mũcibi ũrĩa eyohaga hingo ciothe.
20 Macio nĩmo marĩhi kuuma kũrĩ Jehova ma mũndũ ũrĩa ũnjũkagĩrĩra+
O na ma andũ arĩa maragia maũndũ moru igũrũ rĩakwa.
21 No wee Jehova Mwathani Ũrĩa Mũnene-rĩ,
Njĩka maũndũ mega nĩ ũndũ wa rĩĩtwa rĩaku.+
Honokia tondũ wendo waku mwĩhokeku nĩ mwega.+
23 Niĩ nĩ gũthira ndĩrathira o ta kĩĩruru kĩrabuĩria;
Hurutĩtwo o ta ngigĩ.
24 Maru makwa nĩ maregerete nĩ ũndũ wa kwĩhinga kũrĩa;
Mwĩrĩ wakwa nĩ mũhĩnju, na nĩ ndĩrorũo nĩ hinya.*
25 Nduĩkĩte kĩndũ gĩa kũnyũrũragio nĩo.+
Rĩrĩa manyona, mainagia mĩtwe yao.+
26 Ndeithia, wee Jehova Ngai wakwa;
Honokia kũgerera wendo waku mwĩhokeku.
27 Reke mamenye atĩ guoko gwaku nĩkuo gwĩkĩte ũndũ ũcio;
Atĩ wee, o wee Jehova, nĩwe wĩkĩte ũguo.
28 O nĩ marumanage, no wee ũrathimanage.
Rĩrĩa marahũka manjũkĩrĩre, maroconorithio,
No ndungata yaku nĩ ĩcanjamũke.
30 Kanua gakwa karĩgoocaga Jehova na kĩyo;
Ndĩrĩmũgoocaga ndĩ mbere ya andũ aingĩ.+
31 Nĩ gũkorũo we arĩrũgamaga guoko-inĩ kwa ũrĩo kwa mũndũ ũrĩa mũthĩni
Nĩguo amũhonokie kuuma harĩ andũ arĩa mamũtuagĩra.
Thaburi ya Daudi. Rwĩmbo.
110 Jehova nĩ eerire Mwathani wakwa atĩrĩ:
“Ikara thĩ guoko-inĩ gwakwa kwa ũrĩo+
Nginya rĩrĩa ngaatũma thũ ciaku ituĩke gaturũa ka magũrũ maku.”+
2 Jehova nĩ agaatambũrũkia mũthĩgi wa hinya waku kuuma Zayuni, oige ũũ:
“Thiĩ ũgĩtooranagia gatagatĩ-inĩ ga thũ ciaku.”+
3 Andũ aku makeerutagĩra meyendeire mũthenya wa mbũtũ yaku.*
Marĩ na ũtheru mũgemu, kuuma nda ya rũcinĩ,
Ũrĩ na gĩkundi gĩaku kĩa anake matariĩ o ta ime.
4 Jehova nĩ ehĩtĩte mwĩhĩtwa, na ndangĩcenjia meciria,* oigĩte:
“Wee ũrĩ mũthĩnjĩri-Ngai tene na tene+
O ta ũrĩa Melikisedeki aatariĩ!”+
Nĩ akaahehenja mũtongoria* wa bũrũri mwariĩ.*
7 We* nĩ akaanyua maĩ ma karũũĩ karĩa karĩ mũkĩra-inĩ wa njĩra.
Nĩ ũndũ ũcio nĩ akaambararia mũtwe wake.
א [Aleph]
Nĩ ngũgooca Jehova na ngoro yakwa yothe+
ב [Beth]
Thĩinĩ wa kĩgomano kĩa andũ arĩa arũngĩrĩru o na kĩũngano-inĩ.
ג [Gimel]
Mathuthuragio nĩ arĩa othe makenagio nĩmo.+
ה [He]
3 Mawĩko make nĩ marĩ riri na nĩ magemu,
ו [Waw]
Na ũthingu wake ũtũũraga tene na tene.+
ז [Zayin]
4 Nĩ atũmaga mawĩra make ma magegania maririkanagwo.+
ח [Heth]
Jehova nĩ mũcayanĩri* na nĩ mũigua tha.+
ט [Teth]
5 Andũ arĩa mamwĩtigĩrĩte nĩ amaheaga irio.+
י [Yod]
Atũũraga aririkanaga kĩrĩkanĩro gĩake tene na tene.+
כ [Kaph]
6 Nĩ aguũrĩirie andũ ake mawĩra make ma hinya
ל [Lamed]
Na njĩra ya kũmahe igai rĩa ndũrĩrĩ.+
מ [Mem]
7 Mawĩra ma moko make nĩ ma ma na ma kĩhooto;+
נ [Nun]
Mawatho make mothe nĩ ma kwĩhokeka.+
ס [Samekh]
Mũthingi wamo nĩ ũhoro wa ma na ũthingu.+
פ [Pe]
9 Nĩ akũũrĩte andũ ake.+
צ [Tsade]
Aathanire atĩ kĩrĩkanĩro gĩake kĩagĩrĩire gũtũũra tene na tene.
ק [Qoph]
Rĩĩtwa rĩake nĩ itheru na nĩ rĩa gwĩtigĩrũo.+
ר [Resh]
10 Gwĩtigĩra Jehova nĩkuo kĩambĩrĩria kĩa ũũgĩ.+
ש [Sin]
Arĩa othe marũmagĩrĩra mawatho make nĩ monanagia ũtaũku mwega.+
ת [Taw]
Rũgooco rwake rũtũũraga tene na tene.
א [Aleph]
Gũkena nĩ mũndũ ũrĩa wĩtigĩrĩte Jehova,+
ב [Beth]
O ũcio ũkenagio mũno nĩ maathani make.+
ג [Gimel]
2 Njiarũa ciake nĩ ikaagĩa hinya mũno thĩinĩ wa thĩ,
ד [Daleth]
Na rũciaro rwa andũ arĩa arũngĩrĩru nĩ rũkaarathimwo.+
ה [He]
3 Indo na ũtonga ikoragwo thĩinĩ wa nyũmba yake,
ו [Waw]
Na ũthingu wake ũtũũraga tene na tene.
ז [Zayin]
4 Harĩ andũ arĩa arũngĩrĩru, ahenagia o ta ũtheri nduma-inĩ.+
ח [Heth]
Akoragwo arĩ mũcayanĩri,* mũigua tha,+ na mũthingu.
ט [Teth]
5 Maũndũ ma mũndũ ũrĩa ũkombanagĩra arĩ na ũtaana* nĩ mathiaga wega.+
י [Yod]
Ekaga maũndũ make na njĩra ya kĩhooto.
כ [Kaph]
6 Gũtirĩ hĩndĩ akenyenyeka.+
ל [Lamed]
Mũndũ ũrĩa mũthingu egũtũũra aririkanagwo tene na tene.+
מ [Mem]
7 Ndangĩĩtigĩra nĩ ũndũ wa kũigua ũhoro mũũru.+
נ [Nun]
Ngoro yake nĩ ĩĩkindĩire, ehokaga Jehova.+
ס [Samekh]
Mũthia-inĩ nĩ akerorera thũ ciake ikĩhootwo.+
פ [Pe]
9 Nĩ aheanĩte na gĩkĩro kĩnene;* nĩ aheete andũ arĩa athĩni.+
צ [Tsade]
Ũthingu wake ũtũũraga tene na tene.+
ק [Qoph]
Naguo hinya wake* nĩ ũgaatũũgĩrio ũgĩe na riri.
ר [Resh]
10 Mũndũ ũrĩa mwaganu nĩ akoona ũguo na arakare.
ש [Shin]
Akaahagarania magego na ehere agwo.
ת [Taw]
Merirĩria ma andũ arĩa aganu nĩ magaathira.+
113 Goocai Ja!*
Mũgoocei, inyuĩ ndungata cia Jehova,
Goocai rĩĩtwa rĩa Jehova.
2 Rĩĩtwa rĩa Jehova rĩrogoocwo
Kuuma rĩu nginya tene na tene.+
3 Kuuma irathĩro rĩa riũa nginya ithũĩro rĩarĩo,
Rĩĩtwa rĩa Jehova nĩ rĩgoocwo.+
6 Nĩ enyihagia akainamĩrĩra nĩguo arore igũrũ o na thĩ,+
7 Agokĩria mũndũ ũrĩa ũtarĩ hinya kuuma rũkũngũ-inĩ.
Nĩ oyaga na igũrũ mũndũ ũrĩa mũthĩni kuuma hĩba-inĩ ya mũhu*+
8 Nĩgetha atũme aikare hamwe na andũ arĩa marĩ igweta,
Hamwe na arĩa marĩ igweta gatagatĩ-inĩ ka andũ ake.
Goocai Ja!*
114 Rĩrĩa Isiraeli mooimire Misiri,+
Nyũmba ya Jakubu ĩkiuma kũrĩ andũ maaragia rũthiomi rũgeni,
2 Juda gwatuĩkire handũ ha Ngai harĩa hatheru,
Isiraeli gũgĩtuĩka kũndũ gwake gwa gwathana.+
4 Irĩma ciatũhatũhire ta ndũrũme,+
Natuo tũrĩma tũgĩtũhatũha ta tũgondu.
5 Nĩ kĩĩ gĩatũmire ũũre, wee iria?+
Nawe Jorodani-rĩ, wacokire na thutha nĩkĩ?+
6 Nĩ kĩĩ gĩatũmire mũtũhatũhe ta ndũrũme, inyuĩ irĩma,
Na inyuĩ tũrĩma mũgĩtũhatũha ta tũgondu?
7 Inaina, wee thĩ ĩno, nĩ ũndũ wa Mwathani,
Nĩ ũndũ wa Ngai wa Jakubu,+
8 O we ũgarũraga rwaro rwa ihiga rũgatuĩka karia ka maĩ karĩ na mathanjĩ,
Naruo rwaro rũũmũ rwa ihiga rũgatuĩka matherũkĩro ma maĩ.+
Tondũ wa wendo* o na wĩhokeku waku.+
2 Nĩ kĩĩ kĩngĩgĩtũma ndũrĩrĩ ciũrie atĩrĩ:
“Ngai wao arĩ kũ?”+
3 Ngai witũ arĩ igũrũ;
We ekaga ũndũ o wothe ũrĩa endaga.
4 Mĩhianano yao nĩ betha na thahabu,
Wĩra wa moko ma andũ.+
5 Nĩ ĩrĩ kanua, no ndĩngĩhota kwaria;+
Nĩ ĩrĩ maitho, no ndĩngĩhota kuona;
6 Nĩ ĩrĩ matũ, no ndĩngĩhota kũigua;
Nĩ ĩrĩ iniũrũ, no ndĩngĩhota kũigua mũnungo;
7 Nĩ ĩrĩ moko, no ndĩngĩhota kũnyita kĩndũ;
Nĩ ĩrĩ magũrũ, no ndĩngĩhota gũthiĩ;+
Gũtirĩ mũgambo ĩrutaga na mĩmero yayo.+
9 Atĩrĩrĩ wee Isiraeli, wĩhokage Jehova+
—Nĩwe ũmateithagia na nĩwe ngo yao.+
10 Atĩrĩrĩ inyuĩ nyũmba ya Haruni,+ mwĩhokagei Jehova
—Nĩwe ũmateithagia na nĩwe ngo yao.
11 Inyuĩ mwĩtigĩrĩte Jehova, mwĩhokagei Jehova+
—Nĩwe ũmateithagia na nĩwe ngo yao.+
12 Jehova nĩ atũririkanaga na nĩ egũtũrathima;
Nĩ ekũrathima nyũmba ya Isiraeli;+
Nĩ ekũrathima nyũmba ya Haruni.
13 Nĩ ekũrathima arĩa metigĩrĩte Jehova,
Arĩa anini o na arĩa anene.
18 No ithuĩ nĩ tũrĩgoocaga Ja
Kuuma rĩu nginya tene na tene.
Goocai Ja!*
116 Nĩ nyendete Jehova
Tondũ nĩ aiguaga* mũgambo wakwa, nĩ aiguaga mathaithana makwa ngĩmũhoya ũteithio.+
Nĩ ndatooretio nĩ mĩtangĩko na kĩeha.+
4 No ngĩkaĩra rĩĩtwa rĩa Jehova ngiuga:+
“Honokia, wee Jehova!”
6 Jehova nĩ agitagĩra arĩa matarĩ na ũmenyeru.+
Nĩ ndaniinĩtwo hinya, no we akĩhonokia.
7 Reke muoyo* wakwa ũhurũke o rĩngĩ,
Tondũ Jehova nĩ anjĩkĩte maũndũ ma ũtugi.
8 Nĩ ũhonoketie kuuma harĩ gĩkuũ,
Nĩ ũtũmĩte riitho rĩakwa rĩtige gũita maithori, na ũkagirĩrĩria kũgũrũ gwakwa gũtikahĩngwo.+
9 Ndĩrĩthiaga ndĩ mbere ya Jehova bũrũri-inĩ wa arĩa marĩ muoyo.
10 Ndarĩ na wĩtĩkio, na nĩkĩo ndaririe;+
Nĩ ndanyamarĩkĩte mũno.
11 Niĩ-rĩ, ndamakire ngiuga ũũ:
“Andũ othe nĩ aheenania.”+
12 Hihi ngũrĩha Jehova na kĩĩ
Tondũ wa maũndũ marĩa mothe mega anjĩkĩire?
13 Nĩ nguoya gĩkombe kĩa ũhonokio,*
Na nĩ ngũkaĩra rĩĩtwa rĩa Jehova.
14 Nĩ ngũhingĩria Jehova mĩĩhĩtwa yakwa
Ndĩ mbere ya andũ ake othe.+
16 Nĩ ndagũthaitha, wee Jehova,
Tondũ niĩ ndĩ ndungata yaku.
Ndĩ ndungata yaku, mũriũ wa ngombo yaku ya mũirĩtu.
Nĩ ũnjohorete kuuma mĩnyororo-inĩ yakwa.+
17 Nĩ ngũkũrutĩra igongona rĩa gũcokia ngatho;+
Nĩ ngũkaĩra rĩĩtwa rĩa Jehova.
18 Nĩ ngũhingĩria Jehova mĩĩhĩtwa yakwa+
118 Cokeriai Jehova ngatho, tondũ nĩ mwega;+
Wendo wake mwĩhokeku ũtũũraga tene na tene.
2 Andũ a Isiraeli rĩu nĩ moige ũũ:
“Wendo wake mwĩhokeku ũtũũraga tene na tene.”
3 Andũ a nyũmba ya Haruni rĩu nĩ moige ũũ:
“Wendo wake mwĩhokeku ũtũũraga tene na tene.”
4 Andũ arĩa metigĩrĩte Jehova rĩu nĩ moige ũũ:
“Wendo wake mwĩhokeku ũtũũraga tene na tene.”
5 Nĩ ndakaĩire Ja* rĩrĩa ndarĩ na mĩtangĩko;
6 Jehova arĩ mwena wakwa; ndigwĩtigĩra.+
Mũndũ-rĩ, angĩnjĩka atĩa hihi?+
8 Nĩ kaba kũũrĩra harĩ Jehova
Gũkĩra kwĩhoka andũ.+
9 Nĩ kaba kũũrĩra harĩ Jehova
Gũkĩra kwĩhoka anene.+
11 Nĩ ciathiũrũrũkĩirie, ngĩthiũrũrũkĩrio biũ,
No nĩ ũndũ wa rĩĩtwa rĩa Jehova,
Nĩ ndacitooririe.
12 Ciathiũrũrũkĩirie ta njũkĩ,
No ikĩhorio na ihenya o ta mwaki wa mĩigua.
Nĩ ũndũ wa rĩĩtwa rĩa Jehova,
Nĩ ndacitooririe.+
13 Ndatindĩkĩrĩirio mũno* nĩguo ngwe,
No Jehova akĩndeithia.
14 Ja nĩwe mwĩgitio wakwa o na hinya wakwa,
Na nĩ atuĩkĩte ũhonokio wakwa.+
15 Mũgambo wa gĩkeno na ũhonokio*
Ũrĩ hema-inĩ cia arĩa athingu.
Guoko kwa ũrĩo kwa Jehova nĩ kũronania hinya wakuo.+
16 Guoko kwa ũrĩo kwa Jehova nĩ gũtũũgĩrĩte;
Guoko kwa ũrĩo kwa Jehova nĩ kũronania hinya wakuo.+
17 Ndigũkua, no nĩ ngũtũũra,
Nĩguo menyithanie mawĩra ma Ja.+
19 Hingũrĩrai ihingo cia ũthingu;+
Ngũtonya thĩinĩ wacio ngooce Ja.
20 Gĩkĩ nĩkĩo kĩhingo kĩa Jehova.
Andũ arĩa athingu nĩkĩo marĩtonyagĩra.+
21 Nĩ ngũkũgooca, tondũ nĩ wanjĩtĩkire+
Na ũgĩtuĩka ũhonokio wakwa.
24 Ũyũ nĩguo mũthenya ũrĩa Jehova athondekete;
Nĩ tũgũkena na tũcanjamũke mũthenya ũyũ.
25 Atĩrĩrĩ Jehova, tũrakũhoya ũtũhonokie, twagũthaitha!
Tũhe ũhootani Jehova, twagũthaitha!
26 Kũrathimwo nĩ ũrĩa ũũkaga na rĩĩtwa rĩa Jehova;+
Nĩ twamũrathima inyuĩ kuuma nyũmba-inĩ ya Jehova.
27 Jehova nĩ Ngai;
Nĩ atũheaga ũtheri.+
Nyitanĩrai na kĩrĩndĩ kĩrĩa kĩrathiĩ gĩathĩ-inĩ mũrĩ na mathĩgĩ moko,+
O nginya hĩa-inĩ cia kĩgongona.+
28 Wee nĩwe Ngai wakwa, na nĩ ngũkũgooca;
Ngai wakwa, nĩ ngũgũtũũgĩria.+
א [Aleph]
3 Matiĩkaga ũndũ o wothe ũtarĩ wa ũthingu;
Marũmagĩrĩra njĩra ciake.+
4 Wee nĩ wathanĩte
Atĩ mawatho maku marũmagio biũ.+
5 Na arĩ korũo no ndũũrie wĩkindĩru*+
Nĩgetha nũmagĩrĩre mawatho maku!
6 Hĩndĩ ĩyo niĩ ndingĩconorithio+
Rĩrĩa ndarũmbũiya maathani maku mothe.
7 Nĩ ngũkũgooca ndĩ na ngoro nũngĩrĩru
Nderuta ũhoro wa matuĩro maku ma ũthingu.
8 Nĩ ndĩrĩrũmagĩrĩra mawatho maku.
Ndũkanandiganĩrie biũ.
ב [Beth]
9 Mũndũ mwĩthĩ-rĩ, angĩtheria mĩthiĩre yake atĩa?
Nĩ na njĩra ya kwĩgitĩra kũringana na kiugo gĩaku.+
10 Niĩ ngũcaragia na ngoro yakwa yothe.
Ndũkareke njũre njĩra ndigane na maathani maku.+
11 Nĩ nyendete* uuge waku ngoro-inĩ yakwa+
Nĩgetha ndikae gũkwĩhĩria.+
12 Ũrogoocwo, wee Jehova;
Nduta mawatho maku.
13 Nĩ menyithanagia na mĩromo yakwa
Matuĩro marĩa mothe uugĩte.
14 Nĩ ngenagĩra iririkania ciaku+
Gũkĩra indo iria ingĩ ciothe cia goro.+
15 Nĩ ndĩrĩĩcũranagia* igũrũ rĩgiĩ mawatho maku+
Na maitho makwa megũtũũra macũthĩrĩirie njĩra ciaku.+
16 Nĩ nyendete mawatho maku.
Ndikariganĩrũo nĩ kiugo gĩaku.+
ג [Gimel]
17 Ĩkĩra ndungata yaku maũndũ ma ũtugi,
Nĩguo ndũũre muoyo na nũmagĩrĩre kiugo gĩaku.+
18 Hingũra maitho makwa nĩguo nyone wega
Maũndũ ma magegania kuuma watho-inĩ waku.
19 Niĩ ndĩ mũgeni thĩinĩ wa bũrũri.+
Ndũkahithe maathani maku kuuma harĩ niĩ.
20 Nĩ njũrĩtwo nĩ hinya nĩ ũndũ wa kwĩrirĩria
Matuĩro maku hingo ciothe.
21 Nĩ ũrũngaga andũ arĩa etĩi,
O acio arume, arĩa moraga njĩra magatigana na maathani maku.+
22 Njehereria kĩnyũrũri o na kũnyararũo,
Tondũ nĩ nũmĩrĩire iririkania ciaku.
23 O na rĩrĩa anene maikara thĩ hamwe marie ũrĩa mekũnjũkĩrĩra,
Ndungata yaku ĩĩcũranagia* igũrũ rĩgiĩ mawatho maku.
ד [Daleth]
25 Ngomete ndurumithĩtie mũtwe thĩ rũkũngũ-inĩ.+
Ndũũria muoyo kũringana na kiugo gĩaku.+
26 Nĩ ndakwĩrire ũhoro wa njĩra ciakwa, nawe ũkĩnjigua;
Nduta mawatho maku.+
27 Ndeithia ndaũkĩrũo nĩ ũrĩa mawatho maku moigĩte,*
Nĩgetha ndĩĩcũranagie* igũrũ rĩgiĩ mawĩra maku ma magegania.+
28 Nĩ njũrĩtwo nĩ toro nĩ ũndũ wa kĩeha.
Njĩkĩra hinya kũringana na kiugo gĩaku.
29 Njehereria njĩra ya maheeni,+
Na ũnjiguĩre tha ũmenyithie watho waku.
30 Nĩ thuurĩte njĩra ya wĩhokeku.+
Nĩ menyete atĩ matuĩro maku nĩ magĩrĩru.
31 Niĩ nĩ nũmĩtie iririkania ciaku.+
Atĩrĩrĩ Jehova, ndũkanareke njonorithio.+
ה [He]
34 He ũtaũku,
Nĩgetha nũmagĩrĩre watho waku
Na ndĩwathĩkagĩre na ngoro yakwa yothe.
36 Erekeria ngoro yakwa kũrĩ iririkania ciaku,
No ti kũrĩ maũndũ ma kwĩguna.+
39 Njehereria gĩconoko kĩrĩa ndĩtigĩrĩte,
Tondũ matuĩro maku nĩ mega.+
40 Ta rora ũrĩa ndĩriragĩria mawatho maku.
Ndũũria muoyo kũringana na ũthingu waku.
ו [Waw]
41 Atĩrĩrĩ Jehova, reke ndĩyonere wendo waku mwĩhokeku,+
Ndĩyonere ũhonokio waku kũringana na kĩĩranĩro gĩaku;*+
42 Na niĩ nĩ ngũcokeria ũrĩa ũnyũrũragia,
Tondũ nĩ ndĩhokete kiugo gĩaku.
43 Ndũkeherie biũ kiugo kĩa ũhoro wa ma kanua-inĩ gakwa,
Tondũ njigaga kĩĩrĩgĩrĩro gĩakwa harĩ* ituĩro rĩaku.
44 Ngũtũũra njathĩkagĩra watho waku hingo ciothe,
Tene na tene.+
46 Ndĩrĩaragia ũhoro wa iririkania ciaku ndĩ mbere ya athamaki,
Na ndirĩconokaga.+
47 Nĩ ngenagio nĩ maathani maku,
Ti itherũ, nĩ ndĩmendete.+
48 Ndĩrĩtambũrũkagia moko makwa na igũrũ kũrĩ maathani maku, o macio nyendete,+
ז [Zayin]
50 Ũndũ ũcio nĩguo ũnyũmagĩrĩria rĩrĩa ndĩranyamarĩka,+
Tondũ uuge waku nĩ ũndũũrĩtie muoyo.
51 Nĩ nyũrũragio mũno nĩ andũ arĩa etĩi,
No niĩ nditiganagĩria watho waku.+
53 Nĩ nyitĩtwo nĩ mangʼũrĩ manene nĩ ũndũ wa andũ arĩa aganu,
Arĩa matiganaga na watho waku.+
54 Mawatho maku nĩ nyĩmbo harĩ niĩ
Handũ hothe harĩa njikaraga.*
55 Ũtukũ nĩ ndirikanaga rĩĩtwa rĩaku, wee Jehova,+
Nĩgetha njathĩkagĩre watho waku.
56 Ũguo nĩguo menyerete gwĩka
Tondũ nĩ nũmĩrĩire mawatho maku.
ח [Heth]
59 Nĩ thuthurĩtie njĩra ciakwa,
Nĩguo njokie magũrũ makwa harĩ iririkania ciaku.+
60 Nĩ hiũhaga na ndiceragĩrũo
Gwathĩkĩra maathani maku.+
61 Mĩkwa ya andũ arĩa aganu nĩ ĩndigicagĩria,
Ĩndĩ ndiriganagĩrũo nĩ watho waku.+
62 Ũtukũ gatagatĩ nĩ njũkĩraga gũgũcokeria ngatho+
Nĩ ũndũ wa matuĩro maku ma ũthingu.
64 Wendo waku mwĩhokeku ũiyũrĩte thĩinĩ wa thĩ, wee Jehova;+
Nduta mawatho maku.
ט [Teth]
65 Nĩ wĩkĩte ndungata yaku maũndũ mega,
Wee Jehova, kũringana na kiugo gĩaku.
66 Nduta gũkorũo na meciria mega na kũgĩa na ũmenyo,+
Tondũ nĩ ndĩhokete maathani maku.
68 Wee ũrĩ mwega+ na mawĩra maku o namo nĩ mega.
Nduta mawatho maku.+
69 Andũ arĩa etĩi mahakaga gĩko na ndeto cia maheeni,
No niĩ nũmagĩrĩra mawatho maku na ngoro yakwa yothe.
71 Nĩ ũndũ mwega atĩ nĩ nyamarĩkĩte,+
Nĩgetha ndĩĩrute mawatho maku.
י [Yod]
73 Moko maku nĩmo maanyũmbire na magĩĩthondeka.
He ũtaũku,
Nĩgetha ndĩĩrute maathani maku.+
75 Atĩrĩrĩ Jehova, nĩ njũĩ atĩ matuĩro maku nĩ ma ũthingu+
Na atĩ ũũnyamarĩtie nĩ ũndũ wa wĩhokeku waku.+
78 Andũ arĩa etĩi maroconorithio,
Tondũ manjĩkaga ũũru hatarĩ gĩtũmi.*
No nĩ ngwĩcũrania* igũrũ rĩgiĩ mawatho maku.+
79 Arĩa magwĩtigĩrĩte nĩ manjokerere,
O acio moĩ iririkania ciaku.
כ [Kaph]
82 Maitho makwa nĩ meriragĩria uuge waku+
Ngoria atĩrĩ: “Hihi nĩ rĩ ũkaanyũmĩrĩria?”+
83 Nĩ gũkorũo ndariĩ o ta cuba ya rũũa yũmĩire ndogo-inĩ,
Ĩndĩ ndiriganagĩrũo nĩ mawatho maku.+
84 Ndungata yaku ĩgweterera matukũ maigana?
Nĩ rĩ ũgaatuĩra andũ arĩa manyariraga?+
85 Andũ arĩa etĩi nĩ manyenjagĩra marima,
O acio mareganaga na watho waku.
86 Maathani maku mothe nĩ ma kwĩhokeka.
Nĩ nyariragwo nĩ andũ hatarĩ gĩtũmi; ndeithia!+
87 Maarĩ hakuhĩ kũniina njehere thĩinĩ wa thĩ,
Ĩndĩ ndiatiganĩirie mawatho maku.
88 Ndũũria muoyo nĩ ũndũ wa wendo waku mwĩhokeku,
Nĩgetha njathĩkagĩre iririkania iria uugĩte.
ל [Lamed]
89 Atĩrĩrĩ Jehova,
Kiugo gĩaku gĩgũtũũra kũu igũrũ.+
90 Wĩhokeku waku ũtũũraga njiarũa-inĩ ciothe.+
Nĩ ũhandĩte thĩ ĩkarũma, ĩgathiĩ na mbere gũikara ĩĩhandĩte.+
91 Nĩ itũũrĩte* kuo nginyagia ũmũthĩ kũgerera matuĩro maku,
Tondũ ciothe nĩ ndungata ciaku.
92 Korũo ndiakenagio nĩ watho waku,
Nĩ ingĩthirĩte nĩ ũndũ wa mĩnyamaro yakwa.+
93 Ndirĩ hĩndĩ ngariganĩrũo nĩ mawatho maku,
Tondũ nĩ ũndũũrĩtie muoyo kũgerera harĩ mo.+
95 Andũ arĩa aganu metagĩrĩra nĩguo manyanange,
Ĩndĩ niĩ nĩ nũmbũyagia mũno iririkania ciaku.
96 Nĩ nyonete atĩ ũkinyanĩru o wothe nĩ ũrĩ mĩhaka,
No rĩathani rĩaku rĩtirĩ mĩhaka.*
מ [Mem]
97 Nĩ nyendete watho waku mũno!+
Ndĩĩcũranagia* igũrũ rĩaguo mũthenya wothe.+
98 Rĩathani rĩaku rĩtũmaga ngĩe na ũũgĩ gũkĩra thũ ciakwa,+
Tondũ rĩkoragwo hamwe na niĩ tene na tene.
99 Ndĩ na ũtaũku mũingĩ gũkĩra arutani akwa othe,+
Tondũ nĩ ndĩĩcũranagia* igũrũ rĩgiĩ iririkania ciaku.
100 Niĩ njĩkaga maũndũ na ũtaũku mũingĩ gũkĩra athuri akũrũ,
Tondũ nĩ nũmagĩrĩra mawatho maku.
101 Nĩ ndegaga kũgerera njĩra o yothe njũru,+
Nĩgetha njathĩkagĩre kiugo gĩaku.
102 Nditiganagĩria matuĩro maku,
Tondũ wee nĩ ũndutĩte.
104 Niĩ njĩkaga maũndũ na ũtaũku nĩ ũndũ wa mawatho maku.+
Nĩkĩo thũire njĩra o yothe ya maheeni.+
נ [Nun]
106 Nĩ ndĩhĩtĩte mwĩhĩtwa, na nĩ ngũũhingia,
Atĩ nĩ ndĩrĩrũmagĩrĩra matuĩro maku ma ũthingu.
107 Nĩ nyamarĩkĩte mũno.+
Atĩrĩrĩ Jehova, ndũũria muoyo kũringana na kiugo gĩaku.+
108 Ndagũthaitha wĩtĩkĩre magongona makwa ma kwĩyendera ma gũkũgooca,*+ wee Jehova,
Na ũndute matuĩro maku.+
110 Andũ arĩa aganu nĩ manjigĩire mũtego,
No nditiganĩirie mawatho maku.+
111 Iririkania ciaku ikoragwo irĩ igai rĩakwa rĩa gũtũũra,*
Nĩ gũkorũo nĩcio gĩkeno kĩa ngoro yakwa.+
112 Nĩ nduĩte itua rĩa* gwathĩkagĩra mawatho maku
Hĩndĩ ciothe, o nginya mũthia.
ס [Samekh]
115 Ikarai haraya na niĩ, inyuĩ andũ aya aganu,+
Nĩgetha nũmagĩrĩre maathani ma Ngai wakwa.
116 Ndiirĩrĩra o ta ũrĩa weranĩire,*+
Nĩguo thiĩ na mbere gũtũũra muoyo;
Ndũkareke kĩĩrĩgĩrĩro gĩakwa gĩtuĩke gĩconoko.+
118 Nĩ ũregaga arĩa othe matiganaga na mawatho maku,+
Tondũ nĩ a maheeni na ti a ma.
119 Ũteaga andũ arĩa othe aganu a gũkũ thĩ o ta gĩko.+
Nĩkĩo nyendete iririkania ciaku.
120 Gũgwĩtigĩra gũtũmaga mwĩrĩ wakwa ũinaine;*
Nĩ ndĩtigĩrĩte matuĩro maku.
ע [Ayin]
121 Njĩkĩte maũndũ ma kĩhooto na ma ũthingu.
Ndũkandiganĩrie harĩ arĩa mahinyagĩrĩria!
122 Ĩranĩra atĩ nĩ ũrĩteithagia ndungata yaku;
Andũ arĩa etĩi maroaga kũũhinyĩrĩria.
123 Maitho makwa nĩ morĩtwo nĩ hinya nĩ ũndũ wa gweterera ũhonokio waku+
Na gweterera kĩĩranĩro gĩaku kĩa* ũthingu.+
125 Niĩ ndĩ ndungata yaku; he ũtaũku,+
Nĩgetha menye iririkania ciaku.
126 Ihinda rĩa Jehova rĩa kuoya ikinya nĩ ikinyu,+
Tondũ nĩ moinĩte watho waku.
128 Nĩ ũndũ ũcio, nyonaga ũrutani* o wothe kuuma kũrĩ wee ũrĩ mwagĩrĩru;+
Nĩ thũire njĩra o yothe ya maheeni.+
פ [Pe]
129 Iririkania ciaku nĩ cia magegania.
Na nĩkĩo ndĩcirũmagĩrĩra.
134 Honokia* kuuma harĩ andũ arĩa ahinyanĩrĩria,
Na nĩ ndĩrĩathĩkagĩra mawatho maku.
135 Tũma ũthiũ waku warĩre ndungata yaku,+
Na ũndute mawatho maku.
136 Maithori nĩ manyũrũrũkaga kuuma maitho-inĩ makwa ta rũũĩ
Tondũ andũ matiathĩkagĩra watho waku.+
צ [Tsade]
138 Iririkania iria ũheanaga nĩ cia ũthingu
Na nĩ cia kwĩhokeka biũ.
139 Kĩyo gĩakwa nĩ kĩrandĩa,+
Tondũ thũ ciakwa nĩ iriganĩirũo nĩ ciugo ciaku.
141 Niĩ ndirĩ kĩene na nĩ nyararĩtwo;+
O na kũrĩ ũguo, ndiriganĩirũo nĩ mawatho maku.
143 O na gũtuĩka nĩ nyitagwo nĩ mĩtangĩko na ngacemania na moritũ,
Ndũũraga nyendete maathani maku.
144 Ũthingu wa iririkania ciaku nĩ wa tene na tene.
He ũtaũku,+ nĩguo thiĩ na mbere gũtũũra muoyo.
ק [Qoph]
145 Ndĩragũkaĩra na ngoro yakwa yothe. Njĩtĩka wee Jehova.
Nĩ ndĩrĩrũmagĩrĩra mawatho maku.
146 Nĩ ndagũkaĩra; honokia!
Nĩ ndĩrĩathĩkagĩra iririkania ciaku.
147 Njarahũkĩte gũtanakĩa* nĩguo ngũkaĩre ngĩhoya ũteithio,+
Nĩ gũkorũo ciugo ciaku nĩcio kĩĩrĩgĩrĩro gĩakwa.*
148 Maitho makwa mahingũkaga mbere ya matuanĩra* ma ũtukũ,
149 Thikĩrĩria mũgambo wakwa tondũ wa wendo waku mwĩhokeku.+
Atĩrĩrĩ Jehova, ndũũria muoyo kũringana na kĩhooto gĩaku.
150 Arĩa mekaga maũndũ ma thoni nĩ manguhĩrĩirie;
Makoragwo kũraihu mũno na watho waku.
152 Tene mũno nĩ nderutire ũhoro wĩgiĩ iririkania ciaku,
Atĩ ũcihandĩte nĩguo itũũre tene na tene.+
ר [Resh]
153 Rora mĩnyamaro yakwa na ũũhonokie,+
Tondũ ndiriganĩirũo nĩ watho waku.
155 Ũhonokio ũrĩ kũraihu mũno na andũ arĩa aganu,
Tondũ matituĩragia mawatho maku.+
156 Tha ciaku wee Jehova nĩ nyingĩ mũno.+
Ndũũria muoyo kũringana na kĩhooto gĩaku.
157 Thũ ciakwa nĩ nyingĩ, o hamwe na arĩa manyariraga;+
No niĩ nditiganĩirie iririkania ciaku.
158 Ndoraga andũ arĩa akunyanĩri ngamamena,
Tondũ matiathĩkagĩra uuge waku.+
159 Ta rora ũrĩa nyendete mawatho maku!
Atĩrĩrĩ Jehova, ndũũria muoyo nĩ ũndũ wa wendo waku mwĩhokeku.+
160 Kiugo gĩaku gĩothe nĩ ũhoro wa ma,+
Na matuĩro maku mothe ma ũthingu matũũraga tene na tene.
ש [Sin] kana [Shin]
162 Nĩ ngenagio nĩ uuge waku+
O ta mũndũ ũtahĩte indo nyingĩ.
163 Nĩ thũire maheeni—nĩ ndĩmamenete+—
Watho waku nĩ ndĩwendete.+
164 Ngũgoocaga maita mũgwanja o mũthenya
Tondũ wa matuĩro maku ma ũthingu.
166 Niĩ ndĩĩrĩgagĩrĩra ciĩko ciaku cia kũhonokania, wee Jehova,
Na nĩ nũmagĩrĩra maathani maku.
167 Nĩ njathĩkagĩra iririkania ciaku,
Na nĩ ndĩciendete mũno.+
168 Nĩ nũmagĩrĩra mawatho maku na iririkania ciaku,
Tondũ wee nĩ ũĩ maũndũ mothe marĩa njĩkaga.+
ת [Taw]
169 Kĩrĩro gĩakwa gĩa kũhoya ũteithio kĩrogũkinyĩra, wee Jehova.+
He ũtaũku, kũringana na kiugo gĩaku.+
170 Ihoya rĩakwa rĩa kwenda gwĩtĩkĩrĩka rĩrogũkinyĩra.
Honokia, o ta ũrĩa wĩranĩire.*
171 Mĩromo yakwa ĩiyũire ciugo cia gũkũgooca,+
Tondũ nĩ ũndutaga mawatho maku.
172 Rũrĩmĩ rwakwa nĩ rũine igũrũ rĩgiĩ uuge waku,+
Nĩ gũkorũo maathani maku mothe nĩ ma ũthingu.
174 Atĩrĩrĩ Jehova, nĩ ndĩriragĩria ũhonokio waku,
Na nĩ nyendete watho waku.+
175 Reke niĩ ndũũre muoyo nĩgetha ngũgoocage;+
Matuĩro maku marotuĩka ũteithio wakwa.
176 Nĩ hĩtĩtie njĩra o ta ngʼondu yũrĩte.+ Gĩcarie ndungata yaku,
Tondũ niĩ ndiriganĩirũo nĩ maathani maku.+
Rwĩmbo rwa Arĩa Marambata.*
2 Atĩrĩrĩ Jehova, honokia kuuma harĩ mĩromo ĩrĩa ĩheenanagia
Na kuuma harĩ rũrĩmĩ rũrĩa rwaragia maheeni.
5 Kaĩ ndĩ na haaro-ĩ, tondũ ndũũrĩte ta mũgeni bũrũri-inĩ wa Mesheki!+
Ngoretwo ngĩikara hema-inĩ cia Kedari.+
6 Nĩ njikarĩte ihinda iraihu mũno
Hamwe na arĩa mathũire thayũ.+
7 Niĩ nyendete thayũ, no rĩrĩa ndaria,
O makoragwo makĩenda mbaara.
Rwĩmbo rwa Arĩa Marambata.
121 Nĩ ndatiira maitho makwa ndarora irĩma-inĩ.+
Ũteithio wakwa-rĩ, ũkuuma kũ?
2 Ũteithio wakwa uumaga kũrĩ Jehova,+
Mũũmbi wa igũrũ na thĩ.
3 Gũtirĩ hĩndĩ akaareka kũgũrũ gwaku gũtindirũke.*+
Ũcio ũkũrangagĩra gũtirĩ hĩndĩ agaacũnga.
4 Atĩrĩrĩ, gũtirĩ hĩndĩ agaacũnga kana athiĩ toro,
Ũcio ũrangagĩra Isiraeli.+
5 Jehova nĩwe ũkũrangagĩra.
Jehova nĩwe kĩĩruru+ guoko-inĩ gwaku kwa ũrĩo.+
7 Jehova nĩ arĩkũrangagĩra kuuma harĩ ũũru o wothe.+
Nĩ arĩrangagĩra muoyo waku.+
8 Jehova nĩ arĩkũrangagĩra maũndũ-inĩ mothe marĩa ũrĩkaga*
Kuuma rĩu nginya tene na tene.
Rwĩmbo rwa Arĩa Marambata. Thaburi ya Daudi.
122 Nĩ ndakenire rĩrĩa maanjĩrire atĩrĩ:
“Nĩ tũthiĩ nyũmba-inĩ ya Jehova.”+
2 Na rĩu magũrũ maitũ marũgamĩte
Thĩinĩ wa ihingo ciaku, wee Jerusalemu.+
4 Mĩhĩrĩga nĩ yambatĩte kuo,
Mĩhĩrĩga ya Ja,*
Kũringana na kĩririkania kĩrĩa kĩaheirũo Isiraeli,
Gĩa gũcokagĩria rĩĩtwa rĩa Jehova ngatho.+
6 Hoerai Jerusalemu thayũ.+
Arĩa makwendete, wee itũũra rĩrĩ, marĩkoragwo na ũgitĩri.
7 Kũrothiĩ na mbere gũkorũo na thayũ thĩinĩ wa njirigo ciaku,*
Na ũgitĩri thĩinĩ wa nyũmba ciaku iria ndaya na igũrũ irĩ na ũgitĩri.
8 Nguuga ũũ nĩ ũndũ wa ariũ a ithe witũ na arata akwa:
“Thĩinĩ waku kũrogĩa na thayũ.”
9 Nĩ ũndũ wa nyũmba ya Jehova Ngai witũ,+
Niĩ ndĩrĩkwendagĩra maũndũ mega.
Rwĩmbo rwa Arĩa Marambata.
123 Wee nĩwe ndiirĩire maitho makwa,+
O wee ũikarĩire gĩtĩ kĩa ũnene kũu igũrũ.
2 O ta ũrĩa maitho ma ndungata maroraga guoko kwa mwathi wacio,
Namo maitho ma ndungata ya mũirĩtu makarora guoko kwa mũtumia ũrĩa ũmĩathaga,
No taguo maitho maitũ maroraga Jehova Ngai witũ+
Nginya atũiguĩre tha.+
3 Tũiguĩre tha, wee Jehova, tũiguĩre tha,
Nĩ gũkorũo nĩ tũnyararĩtwo mũno.+
4 Nĩ tũnyũrũrĩtio mũno nĩ andũ arĩa meĩhokaga
Na tũkanyararũo nĩ arĩa etĩi.
Rwĩmbo rwa Arĩa Marambata. Thaburi ya Daudi.
124 “Korũo Jehova ndaarĩ hamwe na ithuĩ”+
—Andũ a Isiraeli rĩu nĩ moige—
2 “Korũo Jehova ndaarĩ hamwe na ithuĩ+
Hĩndĩ ĩyo maacinagwo nĩ marakara nĩ ũndũ witũ.+
4 Namo maĩ nĩ mangĩatũthereririe,
Nĩ tũngĩahumbĩrirũo nĩ mũiyũro wa maĩ.+
5 Maĩ macio maathereraga na hinya nĩ mangĩatũtooririe.
6 Jehova arogoocwo,
Nĩ gũkorũo ndatũneanĩte magego-inĩ mao tũrĩ ta kĩndũ gĩa kũhĩtwo.
7 Ithuĩ tũtariĩ ta nyoni ĩĩtharĩte
Kuuma mũtego-inĩ wa mũhĩti;+
Mũtego nĩ woinĩkangire,
Na ithuĩ tũgĩĩthara.+
8 Ũteithio witũ uumaga harĩ rĩĩtwa rĩa Jehova,+
Mũũmbi wa igũrũ na thĩ.”
Rwĩmbo rwa Arĩa Marambata.
125 Andũ arĩa mehokaga Jehova+
Matariĩ ta Kĩrĩma gĩa Zayuni, kĩrĩa gĩtangĩenyenyeka
No gĩtũũraga tene na tene.+
Kuuma rĩu nginya tene na tene.
3 Mũthĩgi wa waganu ndũgũtũũra igũrũ rĩa bũrũri ũrĩa ũgaĩirũo andũ arĩa athingu,+
Nĩgetha acio athingu matikanagarũrũke mambĩrĩrie gwĩka* ũndũ ũrĩa mũũru.+
5 No andũ arĩa magarũrũkaga makambĩrĩria kũrũmĩrĩra njĩra ciao njogomu,
Jehova nĩ akaameheria hamwe na andũ arĩa mekaga maũndũ moru.+
Isiraeli kũrogĩa na thayũ.
Rwĩmbo rwa Arĩa Marambata.
126 Rĩrĩa Jehova aacokanĩrĩirie andũ a Zayuni+ arĩa maatahĩtwo akĩmacokia,
Tweciragia nĩ kũrota tũrarota.
2 Hĩndĩ ĩyo kanua gaitũ kaiyũrire mĩtheko
Na rũrĩmĩ rwitũ rũkĩanĩrĩra nĩ gũkena.+
Hĩndĩ ĩyo andũ a ndũrĩrĩ meeranire atĩrĩ:
“Jehova nĩ amekĩire maũndũ manene.”+
3 Jehova nĩ atwĩkĩire maũndũ manene,+
Na twĩ na gĩkeno kĩnene mũno.
4 Atĩrĩrĩ Jehova, cokanĩrĩria andũ aitũ arĩa matahĩtwo ũmacokie,
O ta tũrũũĩ twa Negebu.*
5 Arĩa mahandaga mbeũ na maithori
Makaagetha makĩanagĩrĩra nĩ gũkena.
6 Mũndũ ũrĩa uumagaraga, o na akĩrĩraga,
Akuuĩte mũhuko wake wa mbeũ,
Akaahũndũka akĩanagĩrĩra nĩ gũkena,+
Akuuĩte itĩa ciake.+
Rwĩmbo rwa Arĩa Marambata. Thaburi ya Suleimani.
127 Tiga nyũmba yakirũo nĩ Jehova,
Amĩaki merutanagĩria o tũhũ kũmĩaka.+
Tiga itũũra rĩrangĩirũo nĩ Jehova,+
Mũrangĩri araraga eiguĩte o tũhũ.
2 Nĩ ũndũ wa tũhũ atĩ mũũkagĩra tene,
Na mũgakoma mũcereirũo,
Mũkenogia gũcaria irio,
Nĩ gũkorũo we nĩ aheaga andũ arĩa endete irio o na akamahe toro.+
4 O ta mĩguĩ ĩrĩ guoko-inĩ kwa mũndũ ũrĩ hinya,
Noguo ciana itariĩ iria mũndũ agĩĩte nacio arĩ mwĩthĩ.+
5 Gũkena nĩ mũndũ ũrĩa ũiyũragia thiaka wake mĩguĩ.+
Matigaaconorithio,
Nĩ gũkorũo nĩ makaaragia na thũ marĩ kĩhingo-inĩ gĩa itũũra.
Rwĩmbo rwa Arĩa Marambata.
2 Ũrĩrĩaga kĩrĩa moko maku marutĩire wĩra na kĩyo.
Nĩ ũrĩkenaga na ũkagaacĩra.+
3 Mũtumia waku arĩkoragwo atariĩ ta mũthabibũ ũrĩa ũciaraga mũno thĩinĩ wa nyũmba yaku;+
Nao ariũ aku makorũo
matariĩ ta thuuna cia mũtĩ wa mũtamaiyũ gũthiũrũrũkĩria metha yaku.
4 Atĩrĩrĩ, mũndũ ũrĩa wĩtigĩrĩte Jehova
Ũguo nĩguo arĩrathimagwo.+
5 Jehova nĩ egũkũrathima kuuma Zayuni.
Wĩyonere Jerusalemu ĩkĩgaacĩra matukũ-inĩ mothe ma ũtũũro waku+
6 Na wone ciana cia ciana ciaku.*
Isiraeli kũrogĩa na thayũ.
Rwĩmbo rwa Arĩa Marambata.
129 “Kuuma rĩrĩa ndarĩ mũnyinyi matũũrĩte matharĩkagĩra”+
—Andũ a Isiraeli rĩu nĩ moige—
3 Arĩa marĩmaga na mĩraũ nĩ marĩmĩte mũgongo wakwa;+
Nĩ maraihĩtie mĩtaro yao.”
5 Nĩ megũconorithio na macoke na thutha maconokete,
Acio othe mathũire Zayuni.+
6 Mekũhaana ta nyeki ĩrĩ nyũmba igũrũ
Ĩrĩa ĩhoohaga o na ĩtanamunywo,
7 Ĩrĩa ĩtangĩiyũra guoko kwa mũgethi
Kana moko ma ũrĩa ũracokanĩrĩria itĩa.
8 Arĩa marahĩtũka matikuuga atĩrĩ:
“Kĩrathimo kĩa Jehova kĩrokorũo igũrũ rĩanyu;
Nĩ twamũrathima thĩinĩ wa rĩĩtwa rĩa Jehova.”
Rwĩmbo rwa Arĩa Marambata.
130 Atĩrĩrĩ Jehova, ndĩragũkaĩra ndĩ kũrĩa kũriku mũno.+
2 Igua mũgambo wakwa, wee Jehova.
Matũ maku maroigua mathaithana makwa ma kũhoya ũteithio.
5 Niĩ ndĩĩrĩgagĩrĩra Jehova, ndĩmwĩrĩgagĩrĩra na muoyo wakwa wothe;
Njetagĩrĩra kiugo gĩake.
6 Nĩ njetagĩrĩra Jehova mũno,+
Gũkĩra ũrĩa arangĩri metagĩrĩra rũcinĩ,+
Ti itherũ, ndĩmwetagĩrĩra gũkĩra ũrĩa arangĩri metagĩrĩra rũcinĩ.
7 Isiraeli nĩ mathiĩ na mbere gweterera Jehova,
Nĩ gũkorũo wendo wa Jehova nĩ mwĩhokeku,+
Na nĩ arĩ hinya mũingĩ wa gũkũũra andũ.
8 Nĩ egũkũũra Isiraeli kuuma harĩ mahĩtia mao mothe.
Rwĩmbo rwa Arĩa Marambata. Thaburi ya Daudi.
Ningĩ ndiĩriragĩria maũndũ manene mũno,+
Kana maũndũ makĩrĩte ũhoti wakwa.
2 No nĩ hooreretie na ngakiria ngoro* yakwa+
O ta kaana gatigithĩtio kuonga karĩ harĩ nyina;
Nĩ njiganĩire o ta kaana gatigithĩtio kuonga.
3 Isiraeli nĩ meterere Jehova+
Kuuma rĩu nginya tene na tene.
Rwĩmbo rwa Arĩa Marambata.
132 Atĩrĩrĩ Jehova, ririkana Daudi
Na mĩnyamaro yake yothe;+
2 Ũrĩa eehĩtire harĩ Jehova,
Ũrĩa eehĩtire harĩ Ũrĩa ũrĩ Hinya wa Jakubu akiuga:+
3 “Ndigatonya hema yakwa, nyũmba yakwa.+
Ndigakoma gĩtanda-inĩ gĩakwa, ũrĩrĩ-inĩ wakwa;
4 Ndikareka maitho makwa makome,
Kana imone ciakwa icũnge
9 Athĩnjĩri-Ngai aku marohumbwo ũthingu,
Nao andũ aku arĩa ehokeku manĩrĩre makenete.
11 Jehova nĩ erĩire Daudi na mwĩhĩtwa;
Hatarĩ nganja ndangĩĩricũkwo kiugo gĩake kĩrĩa oigĩte atĩrĩ:
12 Ariũ aku mangĩathĩkĩra kĩrĩkanĩro gĩakwa
Na iririkania ciakwa iria ndĩmarutaga,+
Ariũ ao o nao
Nĩ magaaikarĩra gĩtĩ gĩaku kĩa ũnene tene na tene.”+
14 “Gũkũ nĩkuo handũ hakwa ha kũhurũka tene na tene;
Gũkũ nĩkuo ngũtũũra,+ tondũ ũndũ ũcio nĩguo ndĩĩrirĩirie.
15 Nĩ ndĩrĩkũrathimaga mũno na irio;
Nĩ ndĩrĩhũnagia athĩni a kuo na mũgate.+
16 Athĩnjĩri-Ngai a kuo ndĩrĩmahumbaga ũhonokio,+
Nao andũ a kuo arĩa ehokeku nĩ marĩanagĩrĩra makenete.+
17 Kũu nĩkuo ngaatũma hinya wa Daudi ũnenehe.*
Nĩ haarĩirie tawa nĩ ũndũ wa ũrĩa wakwa mũitĩrĩrie maguta.+
Rwĩmbo rwa Arĩa Marambata. Thaburi ya Daudi.
133 Atĩrĩrĩ, ĩ nĩ wega atĩa, o na nĩ ũndũ wĩ gĩkeno atĩa
Ariũ a ithe ũmwe gũtũũrania hamwe marĩ na ũrũmwe!+
2 Nĩ ta maguta mega maitĩrĩirio mũtwe+
Marĩa manyũrũrũkagĩra nderu-inĩ,
Nderu-inĩ cia Haruni,+
Na makanyũrũrũka nginya kara-inĩ ya nguo ciake.
3 Nĩ ta ime rĩa Herimoni+
Rĩrĩa rĩikũrũkaga o nginya irĩma-inĩ cia Zayuni.+
Kũu nĩkuo Jehova aathĩrĩire kĩrathimo gĩake
—Muoyo wa tene na tene.
Rwĩmbo rwa Arĩa Marambata.
134 Goocai Jehova,
Inyuĩ ndungata ciothe cia Jehova,+
Inyuĩ mũrũgamaga thĩinĩ wa nyũmba ya Jehova ũtukũ.+
2 Tambũrũkiai moko manyu na igũrũ+ mũrĩ atheru*
Na mũgooce Jehova.
3 Jehova, o we Mũũmbi wa igũrũ na thĩ,
Arokũrathima kuuma Zayuni.
135 Goocai Ja!*
Goocai rĩĩtwa rĩa Jehova;
Mũgoocei, inyuĩ ndungata cia Jehova,+
2 Inyuĩ mũrũgamaga nyũmba-inĩ ya Jehova,
O inyuĩ mũrũgamaga nja-inĩ cia nyũmba ya Ngai witũ.+
3 Goocai Ja, tondũ Jehova nĩ mwega.+
Inai nyĩmbo mũgooce rĩĩtwa rĩake, tondũ nĩ rĩega.
5 Tondũ nĩ njũĩ wega atĩ Jehova nĩ mũnene;
Mwathani witũ nĩ mũnene gũkĩra ngai iria ingĩ ciothe.+
6 Jehova ekaga ũrĩa wothe ekwenda gwĩka+
Igũrũ na gũkũ thĩ, iria-inĩ na kũndũ guothe kũrĩa kũriku.
7 Atũmaga matu mambate kuuma ituri cia thĩ;
Nĩ atũmaga kũgĩe rũheni hamwe na* mbura;
Arehaga rũhuho kuuma thitoo-inĩ ciake.+
8 Nĩ ooragire marigithathi ma Misiri,
Ma andũ o na ma nyamũ.+
9 Aatũmire imenyithia na ciama thĩinĩ waku, wee Misiri,+
Agĩũkĩrĩra Firauni na ndungata ciake ciothe.+
10 Nĩ aaniinire ndũrĩrĩ nyingĩ+
Na akĩũraga athamaki maarĩ na hinya+
12 Aaheanire bũrũri wao ũtuĩke igai,
Ũtuĩke igai kũrĩ andũ ake Isiraeli.+
13 Rĩĩtwa rĩaku, wee Jehova, rĩtũũraga tene na tene.
Ngumo yaku,* wee Jehova, ĩtũũraga njiarũa-inĩ ciothe.+
15 Mĩhianano ya ndũrĩrĩ nĩ betha na thahabu,
Wĩra wa moko ma andũ.+
16 Nĩ ĩrĩ kanua, no ndĩngĩhota kwaria;+
Nĩ ĩrĩ maitho, no ndĩngĩhota kuona;
17 Nĩ ĩrĩ matũ, no ndĩngĩhota kũigua.
Ndĩkoragwo na mĩhũmũ kanua-inĩ kayo.+
19 Inyuĩ nyũmba ya Isiraeli, goocai Jehova.
Inyuĩ nyũmba ya Haruni, goocai Jehova.
20 Inyuĩ nyũmba ya Lawii, goocai Jehova.+
Inyuĩ mwĩtigĩrĩte Jehova, goocai Jehova.
Goocai Ja!+
2 Cokeriai Ngai ngatho, o we ũkĩrĩte ngai iria ingĩ ciothe,+
Tondũ wendo wake mwĩhokeku ũtũũraga tene na tene.
3 Cokeriai Mwathani wa athani ngatho,
Tondũ wendo wake mwĩhokeku ũtũũraga tene na tene.
4 We wiki nĩwe wĩkaga maũndũ manene ma magegania,+
Tondũ wendo wake mwĩhokeku ũtũũraga tene na tene.+
6 Aatambũrũkirie thĩ igũrũ rĩa maĩ,+
Tondũ wendo wake mwĩhokeku ũtũũraga tene na tene.
7 Aathondekire motheri marĩa manene,+
Tondũ wendo wake mwĩhokeku ũtũũraga tene na tene,
8 Riũa rĩathanage mũthenya,+
Tondũ wendo wake mwĩhokeku ũtũũraga tene na tene,
9 Mweri na njata ciathanage ũtukũ,+
Tondũ wendo wake mwĩhokeku ũtũũraga tene na tene.
10 Nĩ ooragire marigithathi ma Misiri,+
Tondũ wendo wake mwĩhokeku ũtũũraga tene na tene.
11 Nĩ aarutire Isiraeli gatagatĩ-inĩ kao,+
Tondũ wendo wake mwĩhokeku ũtũũraga tene na tene,
12 Kũgerera guoko kũrĩ hinya,+ na guoko gũtambũrũkie,
Tondũ wendo wake mwĩhokeku ũtũũraga tene na tene.
13 Nĩ aagayũkanirie Iria Itune icunjĩ igĩrĩ,+
Tondũ wendo wake mwĩhokeku ũtũũraga tene na tene.
14 Nĩ aatũmire Isiraeli magerere gatagatĩ karĩo,+
Tondũ wendo wake mwĩhokeku ũtũũraga tene na tene.
15 Nĩ aaikirie Firauni hamwe na mbũtũ yake thĩinĩ wa Iria Itune,+
Tondũ wendo wake mwĩhokeku ũtũũraga tene na tene.
16 Aatongoririe andũ ake amagereirie werũ-inĩ,+
Tondũ wendo wake mwĩhokeku ũtũũraga tene na tene.
17 Nĩ aaniinire athamaki anene,+
Tondũ wendo wake mwĩhokeku ũtũũraga tene na tene.
18 Nĩ ooragire athamaki maarĩ na hinya,
Tondũ wendo wake mwĩhokeku ũtũũraga tene na tene,
19 Sihoni+ mũthamaki wa Aamori,
Tondũ wendo wake mwĩhokeku ũtũũraga tene na tene,
20 Na Ogu+ mũthamaki wa Bashani,
Tondũ wendo wake mwĩhokeku ũtũũraga tene na tene.
21 Nĩ aaheanire bũrũri wao ũtuĩke igai,+
Tondũ wendo wake mwĩhokeku ũtũũraga tene na tene.
22 Ũtuĩke igai kũrĩ Isiraeli ndungata yake,
Tondũ wendo wake mwĩhokeku ũtũũraga tene na tene.
24 Aaikaraga agĩtũhonokagia kuuma harĩ thũ citũ,+
Tondũ wendo wake mwĩhokeku ũtũũraga tene na tene.
26 Cokeriai Ngai wa igũrũ ngatho,
Tondũ wendo wake mwĩhokeku ũtũũraga tene na tene.
137 Hakuhĩ na njũũĩ cia Babuloni,+ nĩho twaikaraga thĩ.
Nĩ twarĩraga twaririkana Zayuni.+
3 Tũrĩ kũu arĩa maatũtahĩte nĩ maatwĩraga tũmainĩre rwĩmbo,+
Acio maatũnyũrũragia nĩ meendaga tũmakenie magatwĩra:
“Tũinĩrei rwĩmbo rũmwe rwa Zayuni.”
4 Tũngĩina atĩa rwĩmbo rwa Jehova
Tũrĩ bũrũri-inĩ mũgeni?
6 Rũrĩmĩ rwakwa rũronyitana na mwena wa igũrũ wa kanua gakwa
Ingĩaga gũkũririkana,
Ingĩaga gũtua Jerusalemu
Kĩndũ kĩrĩa kĩnene makĩria gĩtũmaga ngene.+
7 Atĩrĩrĩ Jehova, ririkana
Ũndũ ũrĩa Aedomu mooigire mũthenya ũrĩa Jerusalemu yagũire:
“Mĩmomorei! Mĩmomorei nginya mĩthingi yayo!”+
8 Wee mwarĩ wa Babuloni, o wee ũkiriĩ kwanangwo,+
Gũkena nĩ mũndũ ũrĩa ũgaakũrĩha
Na ũũru o ta ũrĩa watwĩkire.+
9 Gũkena nĩ mũndũ ũrĩa ũkoya ciana ciaku
Acihũũrithie mahiga-inĩ.+
Thaburi ya Daudi.
138 Nĩ ngũkũgooca na ngoro yakwa yothe.+
Ndĩ mbere ya ngai iria ingĩ,
Nĩ ngũina nyĩmbo ngũgooce.*
Nĩ ũndũ wa wendo* waku na wĩhokeku waku.
Tondũ nĩ ũtũũgĩrĩtie uuge waku na rĩĩtwa rĩaku igũrũ rĩa maũndũ marĩa mangĩ mothe.*
4 Athamaki othe a thĩ nĩ magaakũgooca, wee Jehova,+
Tondũ nĩ magaakorũo maiguĩte ũhoro wa ciĩranĩro iria wĩranĩire.
5 Nĩ makaaina igũrũ rĩgiĩ njĩra cia Jehova,
Tondũ riri wa Jehova nĩ mũnene.+
6 O na gũtuĩka Jehova arĩ igũrũ, nĩ onaga mũndũ ũrĩa mwĩnyihia,+
No ũrĩa mwĩtĩi amenyaga ũhoro wake arĩ o haraihu.+
7 O na rĩrĩa ndagerera ũgwati-inĩ, nĩ ũrĩndũũragia muoyo.+
Nĩ ũtambũrũkagia guoko gwaku ũgokĩrĩra marakara ma thũ ciakwa;
Guoko gwaku kwa ũrĩo nĩ kũrĩhonokagia.
8 Jehova nĩ akaahingia maũndũ mothe nĩ ũndũ wakwa.
Kũrĩ mũrũgamĩrĩri. Thaburi ya Daudi. Rwĩmbo.
139 Atĩrĩrĩ Jehova, wee nĩ ũũthuthurĩtie, na nĩ ũnjũĩ.+
2 Nĩ ũmenyaga rĩrĩa njikarĩte thĩ o na rĩrĩa njũkĩrĩte.+
Ũmenyaga meciria makwa kuuma o haraya.+
5 Ũkoragwo ũndigicĩirie mbere na thutha;
Na ũkaigĩrĩra guoko gwaku igũrũ rĩakwa.
6 Ũmenyo ta ũcio nĩ ũkĩrĩte ũtaũku wakwa.*
Ũrĩ igũrũ mũno ũndũ itangĩũkinyĩra.*+
7 Nĩ kũ ingĩthiĩ njũrĩre roho waku,
Na nĩ kũ ingĩthiĩ njũrĩre ũthiũ waku?+
9 Ingĩũmbũka na mathagu ma rũcinĩ gũgĩkĩa
Thiĩ ngaikare iria-inĩ rĩrĩa rĩrĩ kũraihu mũno,
10 O na kũu, guoko gwaku nokuo kũngĩndongoria
Na guoko gwaku kwa ũrĩo kũũnyite.+
11 Ingiuga atĩrĩ: “Hatarĩ nganja nĩ ngũhithwo nĩ nduma!”
Hĩndĩ ĩyo ũtukũ ũrĩa ũndigicĩirie ũngĩtuĩka ũtheri.
12 O na nduma ndĩngĩkorũo ĩrĩ ndumanu mũno harĩ wee,
No ũtukũ ũngĩkorũo na ũtheri o ta mũthenya;+
Nduma no ũndũ ũmwe na ũtheri harĩ wee.+
14 Nĩ ndakũgooca tondũ nyũmbĩtwo na njĩra ya kũmakania na ya magegania.+
Mawĩra maku nĩ ma magegania,+
Na nĩ njũĩ ũguo wega.
15 Mahĩndĩ makwa matiahithĩtwo kuuma harĩ wee
Hĩndĩ ĩrĩa ndombĩirũo hitho-inĩ,
Rĩrĩa ndanyitithanĩirio kũrĩa kũriku mũno thĩinĩ wa thĩ.+
16 Maitho maku o na nĩ maanyonire ndĩ nda ya maitũ;*
Ciĩga ciakwa ciothe nĩ ciaandĩkĩtwo ibuku-inĩ rĩaku
Ũhoro-inĩ wĩgiĩ matukũ marĩa ciombirũo,
O na mbere ya kĩĩga o na kĩmwe gũkorũo kuo.
17 Kaĩ meciria maku makĩrĩ ma bata harĩ niĩ-ĩ!+
Atĩrĩrĩ Ngai, kaĩ mũigana wamo nĩ mũnene-ĩ!+
18 Ingĩgeria kũmatara, nĩ maingĩ gũkĩra mũthanga wa iria-inĩ.+
Hĩndĩ ĩrĩa ndokĩra, ndĩ o hamwe nawe.*+
19 Atĩrĩrĩ Ngai, na arĩ korũo no ũũrage mũndũ ũrĩa mwaganu!+
Hĩndĩ ĩyo andũ arĩa mahũthagĩra ũhinya* no manjeherere,
20 O acio maragia maũndũ moru igũrũ rĩaku marĩ na muoroto mũũru;*
Acio nĩ thũ ciaku iria ihũthagĩra rĩĩtwa rĩaku ũũru.+
22 Nĩ ndĩmathũire mũno;+
Matuĩkĩte thũ nene harĩ niĩ.
23 Thuthuria, wee Ngai, ũmenye ngoro yakwa.+
Nduĩria, ũmenye mĩtangĩko ya meciria makwa.+
24 Rora wone kana nĩ kũrĩ mĩthiĩre mĩũru thĩinĩ wakwa,+
Na ũndongorie+ njĩra-inĩ ĩrĩa ya tene na tene.
Kũrĩ mũrũgamĩrĩri. Rwĩmbo rwa Daudi.
140 Atĩrĩrĩ Jehova, honokia kuuma harĩ andũ arĩa aganu;
Ngitĩra kuuma harĩ andũ arĩa mekaga maũndũ ma ũhinya,+
2 Acio mathugundaga maũndũ moru ngoro-inĩ ciao+
Na magacogera ngũĩ mũthenya mũgima.
4 Ngitĩra, wee Jehova kuuma moko-inĩ ma andũ arĩa aganu;+
Ngitĩra kuuma harĩ andũ arĩa mekaga maũndũ ma ũhinya,
Acio mabangaga njama ya kũndega nĩguo ngwe.
5 Andũ arĩa etĩi nĩ manjigagĩra mũtego maũhithĩte;
Mathondekaga neti makĩhũthĩra mĩkwa makamĩiga njĩra-inĩ yakwa.+
Nĩ manyambagĩra mĩtego.+ (Sela)
6 Niĩ njĩraga Jehova ũũ: “Wee nĩwe Ngai wakwa.
Atĩrĩrĩ Jehova, thikĩrĩria mathaithana makwa ma kũhoya ũteithio.”+
7 Wee Jehova, Mwathani Ũrĩa Mũnene, o we Mũhonokia wakwa ũrĩ hinya,
Nĩ ũgitagĩra mũtwe wakwa mũthenya wa mbaara.+
8 Atĩrĩrĩ Jehova, ndũkahingĩrie andũ arĩa aganu merirĩria mao.
Ndũkareke njama ciao ikinyanĩre, nĩgetha matikae gwĩtũũgĩria. (Sela)+
9 Mĩtwe ya andũ arĩa mandigicĩirie
Ĩrohumbĩrũo nĩ maũndũ moru marĩa mĩromo yao yarĩtie.+
10 Maroitĩkĩrũo nĩ makara marakana.+
11 Mũcambania aroaga handũ ha gũikara thĩinĩ wa thĩ.*+
Ũũru ũrothingata andũ arĩa mekaga maũndũ ma ũhinya na ũmaniine.
12 Nĩ njũĩ atĩ Jehova nĩ arĩtetagĩra mũndũ ũrĩa ũtarĩ hinya
Na akahe andũ arĩa athĩni kĩhooto.+
13 Ti itherũ andũ arĩa athingu nĩ marĩcokagĩria rĩĩtwa rĩaku ngatho;
Rwĩmbo rwa Daudi.
141 Atĩrĩrĩ Jehova, wee nĩwe ndĩrakaĩra.+
Ũka na ihenya ũndeithie.+
Tega matũ ũthikĩrĩrie rĩrĩa ndĩragũkaĩra.+
2 Reke ihoya rĩakwa rĩkorũo rĩtariĩ ta ũbumba+ mũhaarĩrie mbere yaku,+
Moko makwa marĩa nyambararĩtie mahaane ta igongona rĩa mũtu rĩa hwaĩ-inĩ.+
3 Atĩrĩrĩ Jehova, iga mũrangĩri kanua-inĩ gakwa,
Iga mũrangĩri mũrango-inĩ wa mĩromo yakwa.+
4 Ndũkareke ngoro yakwa yerekere ũndũ-inĩ o wothe mũũru,+
Ndikanyitanĩre ciĩko-inĩ njũru na andũ aganu;
Ndĩroaga gũkanarĩa irio ciao iria njega.
5 Mũndũ mũthingu angĩninga, ũndũ ũcio ũngĩkorũo ũrĩ wendo mwĩhokeku;+
O na angĩnũnga, ingĩigua ta arĩ maguta anjitĩrĩria mũtwe,+
Na mũtwe wakwa ndũngĩmarega.+
O na hĩndĩ ĩrĩa arĩ thĩna-inĩ, ihoya rĩakwa no rĩgũthiĩ na mbere.
6 O na gũtuĩka atuanĩri ciira ao nĩ magũithĩtio kuuma kĩharũrũka-inĩ,
Andũ nĩ megũthikĩrĩria ciugo ciakwa, tondũ nĩ njega.
7 O ta ũrĩa mũndũ arĩmaga na mũraũ na akahũũra hianyũ,*
No taguo mahĩndĩ maitũ mahurunjĩtwo mũromo-inĩ wa Mbĩrĩra.*
8 No maitho makwa nĩwe macũthĩrĩirie, wee Jehova Mwathani Ũrĩa Mũnene.+
Niĩ njũrĩire harĩ wee.
Ndũkandute muoyo.*
9 Ngitĩra kuuma magego-inĩ ma mũtego ũrĩa manyambĩire,
Kuuma mĩtego-inĩ ya andũ arĩa mekaga maũndũ moru.
10 Andũ arĩa aganu othe mekũgwa neti-inĩ ciao ene+
No niĩ ngũhĩtũka na ndinyitwo.
Maskili.* Thaburi ya Daudi rĩrĩa aarĩ ngurunga-inĩ.+ Ihoya.
142 Ndĩrakaĩra Jehova na mũgambo wakwa ngĩhoya ũteithio;+
Ndĩrathaitha Jehova na mũgambo wakwa ngĩhoya anjiguĩre tha.
2 Njitũrũraga maũndũ marĩa marathĩnia mbere yake;
Nĩ ndĩmũmenyithagia mĩtangĩko yakwa ndĩ mbere yake+
3 Rĩrĩa hinya* wakwa wathira.
Hĩndĩ ĩyo nĩ ũroraga njĩra yakwa.+
Njĩra-inĩ ĩrĩa thiagĩra,
Nĩ manjigagĩra mũtego maũhithĩte.
Gũtirĩ kũndũ ingĩũrĩra;+
Gũtirĩ mũndũ ũnũmbũyagia.
5 Atĩrĩrĩ Jehova, wee nĩwe ndĩrakaĩra ngĩhoya ũteithio.
Ngoiga atĩrĩ: “Wee nĩwe rĩũrĩro rĩakwa,+
Kĩrĩa gĩothe ndĩ nakĩo* thĩinĩ wa bũrũri wa arĩa marĩ muoyo.”
6 Tega matũ ũigue kĩrĩro gĩakwa gĩa kũhoya ũteithio,
Nĩ gũkorũo nĩ hinyĩrĩirio mũno.
Honokia kuuma harĩ andũ arĩa manyariraga,+
Nĩ gũkorũo marĩ na hinya kũngĩra.
7 Nduta kuuma kĩoho-inĩ
Nĩguo ngoocage rĩĩtwa rĩaku.
Andũ arĩa athingu marondigicĩria
Nĩ gũkorũo nĩ ũnjĩkaga maũndũ ma ũtugi.
Rwĩmbo rwa Daudi.
143 Atĩrĩrĩ Jehova, igua ihoya rĩakwa;+
Thikĩrĩria ithaithana rĩakwa rĩa kũhoya ũteithio.
Njigua nĩ ũndũ wa wĩhokeku waku o na ũthingu waku.
2 Ndũkaingĩre ciira-inĩ hamwe na ndungata yaku,
Tondũ gũtirĩ mũndũ wĩ muoyo ũngĩkorũo arĩ mũthingu mbere yaku.+
3 Nĩ gũkorũo thũ nĩ ĩĩthingataga;
Ĩhehenjete muoyo wakwa ĩkaũgũithia thĩ tĩri-inĩ.
Ĩtũmĩte ndũũre nduma-inĩ o ta andũ arĩa maakuire tene.
5 Nĩ ndirikanaga matukũ ma tene;
Ndĩĩcũranagia igũrũ rĩgiĩ mawĩko maku mothe;+
Nĩ ndĩĩcũranagia* na kĩyo ũhoro wa wĩra wa moko maku.
6 Ndambũrũkĩtie moko makwa kũrĩ wee;
Ndariĩ o ta bũrũri mũngʼaru ũrĩa ũkũnyoteire.+ (Sela)
8 Reke njiguage wendo waku mwĩhokeku rũcinĩ,
Nĩ gũkorũo wee nĩwe ndĩhokete.
Menyithia njĩra ĩrĩa njagĩrĩirũo kũgera,+
Tondũ wee nĩwe ngayagĩra.
9 Honokia kuuma harĩ thũ ciakwa, wee Jehova.
Ndĩrakũhoya ũngitĩre.+
10 Nduta gwĩka wendi waku,+
Tondũ wee nĩwe Ngai wakwa.
Roho waku nĩ mwega;
Ũrondongoria nginya kũndũ kũrĩa kwaraganu.*
11 Ndũũria muoyo wee Jehova, nĩ ũndũ wa rĩĩtwa rĩaku.
Honokia kuuma harĩ mĩtangĩko, nĩ ũndũ wa ũthingu waku.+
12 Niina* thũ ciakwa nĩ ũndũ wa wendo waku mwĩhokeku;+
Ananga arĩa othe manyamaragia,+
Tondũ ndĩ ndungata yaku.+
Thaburi ya Daudi.
144 Jehova, o we Rwaro Rwakwa rwa Ihiga,+ arogoocwo,
Ũcio ũmenyeragia moko makwa nĩ ũndũ wa kũrũa mbaara,
Na ciara ciakwa nĩ ũndũ wa mbaara.+
2 Nĩwe wendo wakwa mwĩhokeku, na mwĩgitio wakwa,
Nĩwe rĩũrĩro rĩakwa irũmu, na mũhonokia wakwa,
Ngo yakwa, o ũcio ndĩhithaga harĩ We,+
Nĩwe ũtooragia ikundi cia andũ agaciga rungu rwakwa.+
3 Atĩrĩrĩ Jehova, mũndũ-rĩ, nĩwe kĩ atĩ nĩguo ũrũmbũyanie nake,
Mũrũ wa mũndũ nĩwe kĩ, atĩ ũtindanĩre nake?+
7 Tamburũkia moko maku kuuma igũrũ;
Honokia na ũũthare kuuma harĩ maĩ marĩa marahũyũka,
Kuuma guoko-inĩ kwa andũ a kũngĩ,+
8 O acio tũnua twao twaragia maheeni
Na makoya guoko kwao kwa ũrĩo na igũrũ mehĩte ũndũ wa maheeni.*
9 Atĩrĩrĩ Ngai, nĩ ngũkũinĩra rwĩmbo rwerũ.+
Nĩ ngũina nyĩmbo ngũgooce, ngĩhũũraga kĩnanda kĩa ndigi ikũmi,
10 Nyinĩre Ũrĩa ũheaga athamaki ũhootani,*+
Ũcio ũhonokagia Daudi ndungata yake kuuma harĩ rũhiũ rwa njora rũrĩa rũrehage gĩkuũ.+
11 Honokia na ũũthare kuuma guoko-inĩ kwa andũ a kũngĩ,
O acio tũnua twao twaragia maheeni
Na makoya guoko kwao kwa ũrĩo na igũrũ mehĩte ũndũ wa maheeni.
12 Hĩndĩ ĩyo ariũ aitũ mekũhaana ta mĩmera mĩthĩ ĩrĩa ĩkũraga na ihenya,
Nao airĩtu aitũ mahaane ta itugĩ icongetwo cia kona cia nyũmba ya mũthamaki.
13 Makũmbĩ maitũ mekũiyũra maciaro ma mĩthemba yothe;
Ndũũru citũ ikuongerereka na ngiri nyingĩ, ciongerereke na ngiri makũmi maingĩ.
14 Ngʼombe citũ, iria irĩ na mahu, itirĩonaga ũndũ mũũru kana ikahuna;
Ihaaro-inĩ citũ cia mũingĩ gũtirĩkoragwo na kĩrĩro kĩa mĩtangĩko.
15 Gũkena nĩ andũ arĩa maũndũ mao matariĩ ũguo!
Gũkena nĩ andũ arĩa Jehova arĩ we Ngai wao!+
Rwĩmbo rwa Daudi rwa kũgooca.
א [Aleph]
ב [Beth]
ג [Gimel]
ד [Daleth]
4 Njiarũa na njiarũa nĩ irĩgoocaga mawĩra maku;
Nĩ irĩmenyithanagia ũhoro wa ciĩko ciaku cia hinya.+
ה [He]
5 Nĩ marĩaragia ũhoro wa ũnene waku wĩ riri+
Na nĩ ndĩrĩĩcũranagia ũhoro wa mawĩra maku ma magegania.
ו [Waw]
6 Nĩ marĩaragia ũhoro wĩgiĩ ciĩko ciaku cia* kũmakania,
Na niĩ nĩ ndĩrĩmenyithanagia ũhoro wa ũnene waku.
ז [Zayin]
7 Marĩitũrũraga ciugo cia kũgooca maririkana wega waku mũingĩ,+
Na makanĩrĩra makenete nĩ ũndũ wa ũthingu waku.+
ח [Heth]
ט [Teth]
י [Yod]
כ [Kaph]
11 Nĩ marĩmenyithanagia ũhoro wa riri wa ũthamaki waku+
Na makaria ũhoro wĩgiĩ hinya waku,+
ל [Lamed]
12 Nĩguo mamenyithie andũ ũhoro wĩgiĩ ciĩko ciaku cia hinya+
O hamwe na riri mũnene wa ũthamaki waku.+
מ [Mem]
13 Ũthamaki waku nĩ ũthamaki wa gũtũũra tene na tene,
Na wathani waku nĩ wa gũtũũra njiarũa-inĩ ciothe.+
ס [Samekh]
14 Jehova nĩ atiiragĩrĩra arĩa othe maragwa+
Na agokĩria arĩa othe mainamĩte.+
ע [Ayin]
15 Maitho mothe nĩwe macũthagĩrĩria marĩ na mwĩhoko;
Ũmaheaga irio ciao hĩndĩ ĩrĩa yagĩrĩire.+
פ [Pe]
צ [Tsade]
17 Jehova nĩ mũthingu njĩra-inĩ ciake ciothe+
Na nĩ mwĩhokeku maũndũ-inĩ mothe marĩa ekaga.+
ק [Qoph]
18 Jehova akoragwo hakuhĩ na arĩa othe mamũkayagĩra,+
Akoragwo hakuhĩ na arĩa othe mamũkayagĩra na ma.+
ר [Resh]
19 Nĩ ahingagia merirĩria ma arĩa mamwĩtigĩrĩte;+
Nĩ aiguaga kĩrĩro kĩao gĩa kũhoya ũteithio, na akamahonokia.+
ש [Shin]
ת [Taw]
21 Kanua gakwa nĩ karĩgoocithagia Jehova;+
Kĩndũ o gĩothe kĩrĩ muoyo* nĩ gĩtũũre kĩgoocaga rĩĩtwa rĩake itheru tene na tene.+
Muoyo wakwa wothe nĩ ũgooce Jehova.+
2 Ngũtũũra ngoocaga Jehova ũtũũro-inĩ wakwa wothe.
Ndĩrĩinaga nyĩmbo cia kũgooca Ngai wakwa ihinda rĩrĩa rĩothe ngũtũũra muoyo.
3 Mũtikaigage mwĩhoko wanyu harĩ anene*
Kana harĩ mũrũ wa mũndũ, o ũcio ũtangĩhota kũrehe ũhonokio.+
5 Gũkena nĩ mũndũ ũrĩa Ngai wa Jakubu arĩ we mũteithia wake,+
Ũrĩa ũigaga kĩĩrĩgĩrĩro gĩake harĩ Jehova Ngai wake,+
6 Mũũmbi wa igũrũ na thĩ,
Wa iria, na kĩrĩa gĩothe kĩrĩ thĩinĩ wacio,+
Ũcio ũtũũraga arĩ mwĩhokeku hingo ciothe,+
7 O we ũtũmaga arĩa matunyĩtwo mone kĩhooto,
Ũrĩa ũheaga andũ arĩa ahũtu mũgate.+
Jehova nĩ arohora arĩa mohetwo.+
8 Jehova nĩ arahingũra maitho ma arĩa atumumu;+
Jehova nĩ arokĩria arĩa mainamĩte;+
Jehova nĩ endete andũ arĩa athingu.
9 Jehova nĩ aragitĩra ageni;
Mwana ũrĩa ũtarĩ ithe na mũtumia wa ndigwa nĩ amaheaga mabataro mao,+
10 Jehova egũtũũra arĩ Mũthamaki tene na tene,+
Ngai waku, wee Zayuni, nginya njiarũa na njiarũa.
Goocai Ja!*
Nĩ wega kũinĩra Ngai witũ nyĩmbo cia kũmũgooca;
Nĩ ũndũ mwega mũno na mwagĩrĩru kũmũgooca!+
3 Nĩ ahonagia arĩa mathuthĩkĩte ngoro;
Nĩ ohaga ironda ciao.
7 Inĩrai Jehova mũgĩcokagia ngatho;
Inĩrai Ngai witũ nyĩmbo mũmũgooce, mũkĩhũũraga kĩnanda kĩa mũgeeto,
12 Gooca Jehova, wee Jerusalemu.
Gooca Ngai waku, wee Zayuni.
13 Nĩ atũmaga mĩgamba ya ihingo ciaku cia itũũra ĩgĩe hinya;
Nĩ arathimaga ariũ aku thĩinĩ waku.
15 Nĩ atũmaga watho wake ũkinye gũkũ thĩ;
Kiugo gĩake gĩtengʼeraga na ihenya.
17 Aikũrũkagia mbembe cia mbura* itariĩ ta cienyũ cia mũgate.+
Nũũ ũngĩhota gwĩtiiria heho yake?+
18 Atũmaga kiugo gĩake, nacio igatweka.
Atũmaga rũhuho rwake rũhurutane,+ namo maĩ magatherera.
148 Goocai Ja!*
Goocai Jehova inyuĩ mũrĩ igũrũ;+
Mũgoocei inyuĩ mũrĩ kũndũ gũtũũgĩru.
2 Mũgoocei, inyuĩ araika ake othe.+
Mũgoocei, inyuĩ mbũtũ yake yothe.+
3 Mũgoocei, inyuĩ riũa na mweri.
Mũgoocei, inyuĩ njata ciothe iria icangararaga.+
4 Mũgooce, wee igũrũ rĩrĩa rĩrĩ igũrũ mũno*
O na inyuĩ maĩ marĩa marĩ igũrũ mũgoocei.
5 Nĩ igooce rĩĩtwa rĩa Jehova,
Nĩ gũkorũo aathanire, nacio ikĩũmbwo.+
7 Goocai Jehova, inyuĩ mũikaraga thĩinĩ wa thĩ,
Inyuĩ ciũmbe iria nene cia iria-inĩ o na maĩ mothe marĩa mariku,
8 Inyuĩ rũheni na mbura ya mbembe, mbarabu na matu marĩa mairũ,
Wee rũhuho rũnene rũrĩa rũhingagia kiugo gĩake,+
9 Inyuĩ irĩma o na tũrĩma tuothe,+
Inyuĩ mĩtĩ ya matunda o na mĩtarakwa yothe,+
10 Inyuĩ nyamũ cia gĩthaka+ o na nyamũ ciothe cia mũciĩ,
Inyuĩ ciũmbe iria itambaga thĩ o na nyoni iria irĩ mathagu,
11 Inyuĩ athamaki a thĩ na inyuĩ ndũrĩrĩ ciothe,
Inyuĩ anene na inyuĩ atuanĩri ciira othe a gũkũ thĩ,+
Athuri arĩa akũrũ o hamwe na tũmwana.*
Ũnene wake nĩ mũtũũgĩru gũkĩra thĩ na igũrũ.+
14 Nĩ egũtũũgĩria hinya wa* andũ ake,
Nĩguo agoocithie andũ ake othe arĩa ehokeku,
Nĩo ariũ a Isiraeli, andũ arĩa makoragwo hakuhĩ nake.
Goocai Ja!*
149 Goocai Ja!*
2 Isiraeli nĩ akene nĩ ũndũ wa Mũũmbi Wake Ũrĩa Mũnene;+
Ariũ a Zayuni nĩ makene nĩ ũndũ wa Mũthamaki wao.
3 Nĩ magooce rĩĩtwa rĩake magĩthũngũthaga+
Na mamũinĩre nyĩmbo cia kũmũgooca, makĩinagia manyanga na makĩhũũraga kĩnanda kĩa mũgeeto.+
4 Tondũ Jehova nĩ akenagio nĩ andũ ake.+
Nĩ agemagia arĩa ahooreri na ũhonokio.+
5 Arĩa ehokeku nĩ makene nĩ ũndũ wa riri;
Nĩ manĩrĩre makenete marĩ marĩrĩ-inĩ mao.+
6 Nyĩmbo cia kũgooca Ngai nĩ ikorũo mĩmero-inĩ yao,
Na rũhiũ rwa njora rũnooretwo mĩena yerĩ rũkorũo guoko-inĩ kwao,
7 Nĩguo merĩhĩrie harĩ ndũrĩrĩ
Na maherithie ikundi cia andũ,
8 Mohe athamaki ao na mĩnyororo
Na andũ ao arĩa marĩ igweta mamohe na bĩngũ cia kĩgera,
9 Nĩguo mamahingĩrie ituĩro rĩrĩa mandĩkĩirũo.+
Gĩtĩo kĩu nĩ kĩa andũ ake othe arĩa ehokeku.
Goocai Ja!*
Goocai Ngai mũrĩ handũ hake harĩa hatheru.+
Mũgoocei mũrĩ mũtambũrũko-inĩ wa* hinya wake.+
2 Mũgoocei nĩ ũndũ wa mawĩra make ma hinya.+
Mũgoocei nĩ ũndũ wa ũrĩa ũnene wake ũrĩ mũingĩ.+
3 Mũgoocei mũkĩhuuhaga coro.+
Mũgoocei na kĩnanda kĩa ndigi na kĩnanda kĩa mũgeeto.+
4 Mũgoocei na manyanga+ na mũthũngũthe mũgĩthiũrũrũkaga.
Mũgoocei na kĩnanda kĩa ndigi+ na mũtũrirũ.+
5 Mũgoocei mũkĩhũrithanagia thani iria irutaga mũgambo mwega.
Mũgoocei mũkĩhũrithanagia thani iria irutaga mũgambo mũnene.+
6 Kĩndũ o gĩothe kĩrĩa kĩhuhagia nĩ kĩgooce Ja.
Kana “ecũranagia igũrũ rĩa watho ũcio Wake.”
Kana “igecũrania igũrũ rĩa.”
Kana “magaciira hamwe.”
Kana “Kristo wake.”
Kana “Athĩkĩrai mũkaana.”
Ũkk., “Mumunyai.”
Rora Ũthathaũri wa Ciugo.
Ũkk., “Thondekera kũndũ kwariĩ.”
Kana “arĩkũũranaga ũrĩa wake mwĩhokeku; nĩ arĩamũraga ũrĩa wake mwĩhokeku atuĩke wake.”
Kana “cairi.”
Kana “ndibei ya mũhihano.”
Rora Ũthathaũri wa Ciugo.
Kana “mũndũ ũrĩa ũitaga thakame na akaheenania.”
Kana “handũ haku harĩa hatheru.”
Kana “Mahũthagĩra rũrĩmĩ rũnyoroku.”
Rora Ũthathaũri wa Ciugo.
Kana “matikũririkanaga.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “Nĩ rĩkũrĩte.”
Kana hihi, “Na ngahonokia mũndũ ũrĩa ũranjũkĩrĩra hatarĩ gĩtũmi.”
Kana “ũthuthuragia ngoro na higo.”
Rora Ũthathaũri wa Ciugo.
Kana hihi, “O wee riri waku ũgwetagwo igũrũ rĩa matu-inĩ!”
Kana “ciũmbe cia roho.”
Kana “Nyoni cia igũrũ.”
Rora Ũthathaũri wa Ciugo.
Kana “bũrũri ũrĩa ũrĩ maciaro.”
Rora Ũthathaũri wa Ciugo.
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana hihi, “Mũndũ ũrĩa mũkoroku erathimaga we mwene.”
Kana “Anyararaga.”
Kana “ngaatũgũga.”
Kana “kĩhinga-inĩ.”
Kana “ndwara-inĩ ciake irĩ hinya.”
Kana “mwana wa ndigwa.”
Kana “mĩthingi ya kĩhooto.”
Kana “maitho make makengu.”
Kana hihi, “makara marakana mwaki.”
Kana “nĩ mageetĩkĩrĩka nĩwe.”
Rora Ũthathaũri wa Ciugo.
Ũkk., “Maragia na mũromo mũnyoroku.”
Ũkk., “makaria na ngoro na ngoro.”
Kana “mamanyũrũragia.”
Kana hihi, “riiko-inĩ rĩa gũtheria rĩakĩtwo thĩ.”
Kana “nĩ anjĩkĩte maũndũ mega.”
Kana “Mũndũ ũtarĩ wĩcirio.”
Kana “arĩ na wĩkindĩru.”
Kana “ndaconorithagia.”
Ũkk., “ũrĩa ehĩtĩte.”
Kana “ndarĩ hĩndĩ agaatũgũga.”
Rora Ũthathaũri wa Ciugo.
Ũkk., “higo ciakwa.”
Kana “gũtirĩ hĩndĩ ngaatũgũga.”
Ũkk., “na riri wakwa ũrĩ na gĩkeno.”
Kana “mwĩrĩ wakwa ũikaraga.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana hihi, “abuthe.”
Ũkk., “Hamwe na ũthiũ waku.”
Kana “wega.”
Kana “Inamĩrĩra ũthikĩrĩrie.”
Kana “Mahumbĩrĩtwo nĩ maguta mao ene.”
Kana “gũtũikia thĩ.”
Kana “mũtabarĩre ũyũ wa maũndũ.”
Kana “kuona mũhianĩre waku.”
Rora Ũthathaũri wa Ciugo.
Kana “mũhonokia wakwa ũrĩ hinya.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “ma rũhuho.”
Kana “Mĩtaro ya maĩ ĩkĩambĩrĩria.”
Kana “handũ harĩ na wariĩ.”
Kana “maranyamarĩka.”
Ũkk., “ũnyihagia maitho marĩ na mwĩtĩo.”
Kana “kũndũũragia.”
Kana “Thũngʼwa ciakwa itingĩtindirũka.”
Kana “Nĩ ũkũnyonia mũgongo wa thũ ciakwa.”
Ũkk., “ngũkiria.”
Kana “ma ũhootani.”
Kana “rũciaro rwake.”
Kana “Mũtambũrũko nĩ ũmemerekagia.”
Kana hihi, “rũrigi rwacio rwa gũthima rũkinyĩte.”
Kana “bũrũri ũrĩa ũrĩ maciaro.”
Kana “therie.”
Kana “mehia maingĩ.”
Ũkk., “arorĩona rĩtariĩ ta maguta.”
Kana “mĩoroto.”
Kana “ũhootani.”
Kana “therie.”
Ũkk., “ũraihu wa matukũ.”
Ũkk., “gĩkeno kĩa ũthiũ waku.”
Kana “agaatũgũga.”
Ũkk., “maciaro mao mehere.”
Ũkk., “ndigi cia ũta.”
Ũkk., “mothiũ mao.”
No kũhoteke nĩ mũgambo kana mũinĩre wa rwĩmbo.
Kana “Ũikarĩire gĩtĩ kĩa ũnene gatagatĩ-inĩ ka (igũrũ rĩa).”
Ũkk., “Ndaikirio harĩ wee.”
Mũhũra nĩ kĩndũ kĩrutagwo nĩ njũkĩ gĩa kũiga ũũkĩ na kĩringũkaga na ihenya.
Ũkk., “muoyo ũrĩa tu ndĩ naguo.”
Ũkk., “guoko-inĩ kwa.”
Kana “rũciaro rwa.”
Kana “rũciaro rwa.”
Ũkk., “Ngoro cianyu irotũũra.”
Ũkk., “anoru.”
Ũkk., “Mbeũ.”
Kana hihi, “akandwara maĩ-inĩ mahooreru.”
Kana “nĩ inyũmagĩrĩria.”
Kana “ũhakaga mũtwe wakwa maguta.”
Nĩ muoyo wa Jehova ũrĩa mũndũ ehĩtaga naguo.
Kana “kĩhooto.”
Kana “Arahũkai.”
Kana “niĩ ndĩneanaga kũrĩ wee.”
Kana “Iria itũire kuo kuuma tene.”
Ũkk., “wa kĩhooto.”
Kana “wendo mwĩhokeku.”
Ũkk., “mbeũ.”
Ũkk., “kũũra.”
Ũkk., “higo ciakwa.”
Ũkk., “Ndikaraga thĩ.”
Kana “Ndinyitanagĩra na arĩa marĩ ũhinga.”
Ũkk., “gũikara thĩ.”
Kana “arĩa maitaga thakame.”
Ũkk., “Ngũũra.”
Ũkk., “thĩinĩ wa igomano.”
Kana “handũ hake harĩa hatheru.”
Kana “ngeroragĩra hekarũ yake ngĩĩcũranagia.”
Kana hihi, “Ti itherũ ndĩ na wĩtĩko atĩ nĩ ngona wega wa Jehova bũrũri-inĩ wa arĩa marĩ muoyo.”
Kana “mbĩrĩra-inĩ.”
Kana “Thathaiyai.”
Kana hihi, “tondũ wa riri wa ũtheru wake.”
No kũhoteke nĩ mũtambũrũko wa kĩrĩma kĩa Lebanoni.
Kana “rĩa iria rĩa igũrũ.”
Kana “ũngucĩtie.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “mbĩrĩra-inĩ.”
Ũkk., “kĩririkano gĩake.”
Kana “kũgĩa ũrata hamwe nake.”
Kana “ngaatũgũga.”
Kana “ndaarĩ na ũrata hamwe nawe.”
Ũkk., “thakame yakwa.”
Kana “mbĩrĩra-inĩ.”
Kana “riri wakwa ũine.”
Kana “Inamĩrĩra ũthikĩrĩrie.”
Kana “Ngai ũrĩa mwĩhokeku.”
Kana “handũ harĩ na wariĩ.”
Kana “meciria-inĩ mao.”
Ũkk., “Mahinda.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Ũkk., “kuumana na ngũĩ cia nĩmĩ.”
Rora Ũthathaũri wa Ciugo.
Kana “woheirũo mehia make.”
Kana “marakara maku nĩ maanditũhagĩra.”
Ũkk., “mbũtũ yarĩo yothe.”
Kana “mĩhũmũ ya.”
Kana “mĩoroto ya.”
Kana “meciria ma.”
Kana “mĩoroto ya.”
Kana “kĩa ũhootani.”
Kana “ahonokie mĩoyo yao.”
Kana “mĩrũthi mĩthĩ ya njamba.”
Kana “arĩa makuĩte ngoro.”
Kana “mathĩna.”
Kana “maacoka gĩthũri-inĩ gĩakwa.”
Kana hihi, “Andũ arĩa matetigĩrĩte Ngai manyũrũragia nĩguo maheo kĩenyũ kĩa mũgate.”
Kana “mĩrũthi mĩthĩ ya njamba.”
Kana “Nĩ ndĩrĩĩcũranagia.”
Ũkk., “irĩma cia Ngai.”
Kana “ũhonokagia.”
Ũkk., “indo noru.”
Kana “Ndũgacinwo nĩ marakara.”
Kana “bũrũri.”
Kana hihi, “Ndũgatangĩke, tondũ ũndũ ũcio no ũtũme wĩke ũũru.”
Ũkk., “matukũ ma andũ arĩa matarĩ ũcuke.”
Kana “nĩ aiguanagĩra tha.”
Kana “nĩ arũmagia.”
Kana “irio.”
Kana “karagia maũndũ ma ũũgĩ na mĩheehũ.”
Kana “mũndũ ũrĩa ũtũũragia wĩkindĩru.”
Ũkk., “Nyama cia mwĩrĩ wakwa itirĩ na handũ o na hamwe hega.”
Ũkk., “irĩ muoyo.”
Kana hihi, “No arĩa matuĩkĩte thũ ciakwa hatarĩ gĩtũmi nĩ aingĩ.”
Rora Ũthathaũri wa Ciugo.
Kana “nĩ ruongererekire.”
Kana “ndacayaga.”
Kana “ũrĩa ndĩ wa gũtũũra ihinda inini.”
Ũkk., “mahaane ta wariĩ wa rũhĩ.”
Ũkk., “anegenaga.”
Kana “mũndũ ũthamĩire kũndũ.”
Kana “Ndetereire Jehova itegũthethũka.”
Kana “akĩinamĩrĩra nĩguo athikĩrĩrie.”
Kana “arĩa maheenanagia.”
Kana “ndwakenirio nĩ.”
Ũkk., “gĩkũnjo kĩa ibuku.”
Kana “ndĩriragĩria.”
Kana “merirĩria; muoyo.” Rora Ũthathaũri wa Ciugo.
Kana “Kuuma tene nginya tene.”
Rora Ũthathaũri wa Ciugo.
Kĩhibirania, ne′phesh. Rora Ũthathaũri wa Ciugo.
Kana “kahora.”
Kana “karĩma-inĩ karĩa kanini.”
Kana hihi, “ta arĩ kũhehenja irahehenja mahĩndĩ makwa.”
Rora Ũthathaũri wa Ciugo.
Kana “ũhonokio mũnene.”
Kana “kuumana na thogora wao.”
Ũkk., “thimo.”
Ũkk., “Tũkũũre.”
No kũhoteke nĩ kĩnanda kĩa ndigi, mũinĩre wa rwĩmbo, kana mũgambo wa rwĩmbo, no gũtiũĩkaine wega kĩrĩa ciugo icio irũgamĩrĩire.
Rora Ũthathaũri wa Ciugo.
Ũkk., “Mawĩra makwa makoniĩ.”
Kana “mwandĩki-watho.”
Kana “ũgaacĩre.”
Ũkk., “nĩ gũgũkũruta.”
Kana “kĩhooto.”
Kana “nĩ mekũgeria kuororoia ũthiũ waku.”
Kana hihi, “ehumbĩte kanjũ ngʼemie.”
Rora Ũthathaũri wa Ciugo.
Kana hihi, “ngo.”
Kana “rũhĩa rwa ndũrũme; karumbeta.”
Ũkk., “ngo cia thĩ nĩ cia.”
Kana “nĩ macemanĩtie thutha wa kũrĩkanĩra.”
Ũkk., “Airĩtu a.”
Kana “thingo ciayo iria irĩ na ũgitĩri.”
Kana hihi, “nginya rĩrĩa tũgaakua.”
Kana “mũtabarĩre wa maũndũ.”
Ũkk., “ihĩtia rĩa.”
Kana “mbĩrĩra-inĩ.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “Kuuma mwena wa irathĩro nginya wa ithũĩro.”
Ũkk., “thenge.”
Kana “ũtaaro.”
Ũkk., “ũgĩikagia ciugo ciakwa thutha waku.”
Kana hihi, “nĩ ũnyitanagĩra nake.”
Kana “Ũgacambia.”
Kana “meciria-inĩ makwa.”
Ũkk., “Wee wiki.”
Kana “Na ngoretwo na mehia kuuma o rĩrĩa maitũ oohire nda ya kũnjiara.”
Kana “Hitha ũthiũ waku ndũkone.”
Ũkk., “Ndirĩrĩra na roho wa kwĩyendera.”
Kana “ndũngĩmĩnyarara.”
Rora Ũthathaũri wa Ciugo.
Kana “akĩĩgitia harĩ.”
Ũkk., “maũndũ moru marĩa aatũmĩte makorũo ho.”
Rora Ũthathaũri wa Ciugo.
Rora Ũthathaũri wa Ciugo.
Kana “Mũndũ ũtarĩ wĩcirio.”
Kana hihi, “Guoya hatarĩ ũndũ wa gũtũma maigue guoya.”
Ũkk., “mambĩte hema nĩguo magũũkĩrĩre.”
Rora Ũthathaũri wa Ciugo.
Kana “Matiigaga Ngai mbere yao.”
Ũkk., “cikirie.”
Rora Ũthathaũri wa Ciugo.
Kana “Na ndũkehithe ngĩkũhoya ũndeithie.”
Ũkk., “ũgayanie rũrĩmĩ rwao.”
Kana “mũndũ tũiganaine.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Ũkk., “ekũngũũra.”
Nĩ ũrĩa warĩ mũrata wake, ũrĩa ũgwetetwo thĩinĩ wa mũhari wa 13 na 14.
Kana “atũgũge.”
Rora Ũthathaũri wa Ciugo.
Ũkk., “Mwĩrĩ wa nyama ũngĩnjĩka.”
Nĩ cuba ĩthondeketwo na rũũa rwa nyamũ.
Rora Ũthathaũri wa Ciugo.
Kana “wendo mwĩhokeku.”
Rora Ũthathaũri wa Ciugo.
Ũkk., “kuuma marĩ o nda.”
Kana “mĩrũthi ĩno mĩthĩ ya njamba.”
Rora Ũthathaũri wa Ciugo.
Kana “arĩa mendete gũita thakame.”
Kana “Makũgaga.”
Kana “makũge.”
Rora Ũthathaũri wa Ciugo.
Kana hihi, “nĩ ũmaheete.”
Kana hihi, “arĩtie arĩ kũrĩa gwake gũtheru.”
Kana “Kĩanda gĩa.”
Ũkk., “mwĩgitio wa.”
Kana hihi, “rĩirigĩre.”
Kana “yaga hinya.”
Ũkk., “matukũ ma.”
Kana “Egũtũũra.”
Kana “wendo mwĩhokeku.”
Rora Ũthathaũri wa Ciugo.
Kana hihi, “Inyuothe, ta mũndũ ũcio arĩ rũthingo rũinamu, ta arĩ rũthingo rwa ihiga rũrĩ hakuhĩ kũgwa.”
Ũkk., “njiganĩire ta ndĩ na maguta na ũnoru.”
Ituanĩra rĩmwe nĩ kĩndũ mathaa mana.
Kana “kũnjũraga.”
Kana “mbwe.”
Kana “akeeraha.”
Kana “Mekĩranaga hinya meke ũũru.”
Kana “mekwĩraha.”
Ũkk., “mĩĩrĩ yothe ya nyama.”
Kana “Handũ haku harĩa hatheru.”
Kana “cairi.”
Ũkk., “tũtaataga ũnoru.”
Ũkk., “ĩgĩtaataga.”
Kana “Nacio cianda ihumbĩrĩtwo.”
Kana “cairi.”
Kana “matigatũgũge.”
Ũkk., “igũrũ rĩa mĩtwe itũ.”
Kana “mekũmũhe gĩtĩo.”
Mũhũra nĩ kĩndũ kĩrutagwo nĩ njũkĩ gĩa kũiga ũũkĩ na kĩringũkaga na ihenya.
Kana hihi, “igũrũ rĩa matu.”
“Ja” nĩ rĩĩtwa Jehova rĩkuhĩhĩtio.
Ũkk., “ũtuagĩra ciira.”
Ũkk., “wathiire ũrĩ mbere ya.”
Ũkk., “rĩgĩtaata.”
Ũkk., “igai.”
Kana hihi, “ciugũ-inĩ cia ngʼondu.”
Kana “therie.”
Kana “Nĩ ta Zalimoni kwagũire mbarabu.”
Kana “nĩ kĩrĩma kĩnene.”
Kana “eriragĩria.”
Ũkk., “mũrĩ igomano-inĩ.”
Kana hihi, “ikĩrangagĩrĩria.”
Kana hihi, “Mabarũthi nĩ megũka.”
Ũkk., “haku.”
Kana “Nĩ ngĩte na ihoe.”
Kana hihi, “Rĩrĩa ndarĩrire na ngĩĩhinga kũrĩa.”
Ũkk., “thimo.”
Kana “irima.”
Kana “na rĩu nĩ njũrĩtwo nĩ hinya.”
Kana “mũmera ũrĩ na thumu.”
Kana “ibuku-inĩ rĩa muoyo.”
Ũguo nĩ kuuga, bũrũri-inĩ ũcio.
Kana “Inamĩrĩra ũthikĩrĩrie.”
Kana “gũcitara.”
Ũkk., “guoko gwaku.”
Kana “maĩ-inĩ marĩa mariku.”
Kana “ũkũũrĩte.”
Kana “rũrĩĩcũranagia igũrũ rĩa.”
Ũkk., “Arotuagĩra ciira.”
Ũkk., “magaathundũka.”
Kana “Agaathana.”
Nĩ Rũũĩ rwa Farati.
Kana “agaakũũra mĩoyo yao.”
Kana “cairi.”
Kana “merahaga.”
Kana “Nda yao nĩ noru.”
Ũkk., “Ũnoru.”
Ũkk., “rũciaro rwa ariũ aku.”
Ũkk., “ũkaanyarara.”
Ũkk., “higo-inĩ ciakwa.”
Ũkk., “ũgaakiria.”
Rora Ũthathaũri wa Ciugo.
Ũkk., “kĩgomano gĩaku.”
Kana “handũ haku ha kĩgomano.”
Kana “kuuma mĩkũnjo-inĩ ya nguo yaku.”
Rora Ũthathaũri wa Ciugo.
Kana “kĩmũrĩ.”
Ũkk., “rũhĩa rwanyu.”
Ũkk., “rũhĩa rwanyu.”
Ũkk., “hĩa ciothe cia.”
Ũkk., “hĩa cia.”
Kana “Wee ũthiũrũrũkĩirio nĩ ũtheri.”
Ũkk., “roho.”
Rora Ũthathaũri wa Ciugo.
Ũkk., “itekũganda.”
Ũkk., “roho wakwa ũkaga hinya.”
Ũkk., “Roho wakwa ũgathuthuria.”
Kana “ũũthecaga.”
Ũkk., “guoko gwake kwa ũrĩo.”
Ũkk., “ũkũũrĩte.”
Ũkk., “guoko gwaku.”
Kana “bũrũri ũrĩa ũrĩ maciaro.”
Ũkk., “Kũgerera guoko kwa.”
Rora Ũthathaũri wa Ciugo.
Kana “ũrutani.”
Ũkk., “ĩtehaarĩirie.”
Kana “cairi.”
Kana “wa araika.”
Kana “Mũrĩhanĩria.”
Ũkk., “aahumbagĩra.”
Ũkk., “mĩĩrĩ ya nyama.”
Kana hihi, “Atĩ roho uumaga na ndũcokaga.”
Kana “atuurũo.”
Ũkk., “guoko gwake.”
Ũkk., “aamakũũrire.”
Kana hihi, “mũrimũ wa kũhiũha mwĩrĩ.”
Ũkk., “akĩneana muoyo wao.”
Kana “ũiru wake.”
Ũkk., “Nao airĩtu ake matiagaathĩrĩirio.”
Ũkk., “Aakire handũ hake harĩa hatheru hatariĩ ta igũrũ.”
Kana “nyoni cia igũrũ.”
Ũkk., “ũhumbĩre.”
Ũkk., “guoko.”
Kana hihi, “kuohora.”
Ũkk., “ariũ a gĩkuũ.”
Kana hihi, “gatagatĩ-inĩ ka.”
Kana “Guũria ũtheri waku.”
Nĩ Rũũĩ rwa Farati.
Kana “mũriũ.”
Ũkk., “iherithia rĩa ũthiũ waku.”
Rora Ũthathaũri wa Ciugo.
Kana “rũthiomi.”
Ũkk., “handũ hehithĩte marurumĩ-inĩ.”
Rĩĩtwa rĩu riugĩte “Gũtetia.”
Ũkk., “Makĩrũmĩrĩra motaaro mao.”
Ũkk., “ihinda.”
Ũkk., “maguta ma ngano.”
Kana “kĩa Ngai.”
Kana “arĩa matariĩ ta Ngai.”
Kana “Ciirithiai.”
Acio nĩ arĩa metĩtwo “ngai” mũhari-inĩ wa 1.
Kana “mũtariĩ ta Ngai.”
Kana “nĩ mambararĩtie mĩtwe yao.”
Ũkk., “arĩa mahithĩtwo.”
Ũkk., “Maciiraga na ngoro ĩmwe.”
Kana “marĩkanĩire.”
Ũkk., “Matuĩkĩte guoko harĩ.”
Kana “atongoria.”
Ũkk., “Iyũria.”
Rora Ũthathaũri wa Ciugo.
Kana “nĩ kĩendetwo mũno.”
Kana “mũkuru wa ihinga cia mĩbaka.”
Kana hihi, “Nake mũrutani akehumbĩra.”
Kana hihi, “Rora ngo itũ, wee Ngai.”
Ũkk., “wahumbĩrire.”
Kana “Tũcokanĩrĩrie ũtũcokie.”
Kana “Wendo mwĩhokeku.”
Kana “ũgaacĩru.”
Kana “Inamĩrĩra ũthikĩrĩrie.”
Kana “niĩ ndĩneanaga kũrĩ wee.”
Kana “Gwatania ngoro yakwa.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “matikũigaga mbere yao.”
Kana “mũtugi.”
Kana “wendo mwĩhokeku.”
Kana “na ũhoro wa ma.”
Kana “ũira wa.”
Kana “Harĩ niĩ-rĩ, wee nĩwe kĩhumo kĩa indo ciothe.”
Rora Ũthathaũri wa Ciugo.
Rora Ũthathaũri wa Ciugo.
Kana “Inamĩrĩra ũthikĩrĩrie.”
Kĩhibirania, ne′phesh. Rora Ũthathaũri wa Ciugo.
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “mbĩrĩra-inĩ.”
Ũkk., “guoko gwaku.”
Kana “abiso.” Rora Ũthathaũri wa Ciugo.
Kana “thĩinĩ wa Abadoni.”
Kana hihi, “mothe hamwe.”
Rora Ũthathaũri wa Ciugo.
Kana “ũgũtũũra.”
Kana “rũciaro rwaku rwĩhande.”
Kana “Wendo mwĩhokeku.”
Ũkk., “rũhĩa rwitũ nĩ rũtũũgagĩrio.”
Kana “wendo mwĩhokeku.”
Ũkk., “rũhĩa rwake nĩ rũgũtũũgĩrio.”
Kana “wathani wake.”
Kana “Rũciaro rwake.”
Kana “ũremi wao.”
Ũkk., “Kana njarie maheeni ũhoro-inĩ wĩgiĩ wĩhokeku wakwa.”
Kana “Rũciaro rwake rũgũtũũra.”
Kana “thũmbĩ yake ngʼemie.”
Ũkk., “woete guoko kwa ũrĩo gwa thũ ciake na igũrũ.”
Ũkk., “guoko gwa Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Ũkk., “nguuaga gĩthũri-inĩ gĩakwa.”
Kana hihi, “rĩũrĩro ritũ.”
Ituanĩra rĩmwe nĩ kĩndũ mathaa mana.
Kana “Nĩ ũĩ mahĩtia maitũ.”
Kana “Ũtũũro witũ ũthiraga.”
Kana “mũcayo.”
Kana “nĩ ũndũ wa ũhoti wa mwanya.”
Kana “wĩhande wega.”
Kana “wĩhande wega.”
Kana “arĩgiragĩrĩria ũkinyĩrũo akĩhũthĩra.”
Kana hihi, “rĩũrĩro rĩaku.”
Ũkk., “nĩ enyitithanĩtie na niĩ.”
Kana “one ũhonokio kuuma harĩ niĩ.”
Kana “nyeki.”
Ũkk., “rũhĩa rwakwa rũhaane.”
Kana “rĩrĩa magaakorũo na mbuĩ mũtwe.”
Ũkk., “marĩ anoru.”
Kana “Bũrũri ũrĩa ũrĩ maciaro nĩ ũhandĩtwo ũkarũma.”
Kana “Ndĩngĩenyenyeka.”
Kana “nĩ wagĩrĩire.”
Ũkk., “wahandire.”
Ũkk., “ingĩaikarire ũkiri-inĩ.”
Kana “yaingĩhĩte mũno thĩinĩ wakwa.”
Kana “athani; atuanĩri ciira.”
Kana “muoyo wa mũndũ ũrĩa mũthingu.”
Ũkk., “Na thakame ya mũndũ ũrĩa ũtarĩ na mahĩtia makoiga nĩ ĩhĩtĩtie (nĩ njaganu).”
Ũkk., “nĩ ekũmakiria.”
Ũkk., “nĩ ekũmakiria.”
Ũkk., “mbere ya ũthiũ wake.”
Ũkk., “cia guoko gwake.”
Rĩĩtwa rĩu riugĩte “Gũtetia.”
Rĩĩtwa rĩu riugĩte “Kũgeria; Igerio.”
Kana “gĩtĩo.”
Kana “Thathaiyai.”
Kana hihi, “tondũ wa riri wa ũtheru wake.”
Kana “Bũrũri ũrĩa ũrĩ maciaro nĩ ũhandĩtwo ũkarũma.”
Kana “ndĩngĩenyenyeka.”
Kana “agaatetera.”
Kana “nĩ okĩte.”
Kana “bũrũri ũrĩa ũrĩ maciaro.”
Mũhũra nĩ kĩndũ kĩrutagwo nĩ njũkĩ gĩa kũiga ũũkĩ na kĩringũkaga na ihenya.
Kana “mũthathaiyei.”
Ũkk., “Airĩtu a.”
Kana “hinya wa.”
Ũkk., “kĩririkano gĩake.”
Kana “nĩ gũtũmĩte ahootane.”
Kana “wendo mwĩhokeku.”
Kana “ũhootani wa Ngai witũ.”
Kana “bũrũri ũrĩa ũrĩ maciaro.”
Kana “nĩ okĩte.”
Kana “bũrũri ũrĩa ũrĩ maciaro.”
Kana hihi, “gatagatĩ-inĩ ka.”
Kana “mũthathaiye.”
Ũkk., “werĩhagĩria harĩ o.”
Kana “mũthathaiye.”
Kana hihi, “no ti ithuĩ ene.”
Kana “ndĩ na wĩkindĩru.”
Kana “Ciĩko ciao itiĩnyitagĩrĩra harĩ niĩ.”
Ũkk., “Ndirĩmenyaga.”
Kana “ndĩrĩmũniinaga.”
Kana “ũthiaga na wĩkindĩru.”
Ũkk., “mbere ya maitho makwa.”
Kana “ndĩrĩniinaga.”
Kana “Inamĩrĩra ũthikĩrĩrie.”
Kana hihi, “Ndĩ mũhĩnju.”
Kana “manduaga kĩrimũ.”
Kana “kĩrathiĩ gĩkĩraihaga.”
Kana “rĩĩtwa rĩaku rĩgũtũũra.” Ũkk., “kĩririkano gĩaku gĩgũtũũra.”
Ũkk., “matarĩ marombwo.”
Kana “muoyo wakwa ũgooce.”
Kana “muoyo wakwa ũgooce.”
Kana “mbĩrĩra-inĩ.”
Kana “mũtugi.”
Ũkk., “Na handũ harĩo haticokaga kũrĩmenya rĩngĩ.”
Kana “nĩ wa kuuma tene nginya tene.”
Ũkk., “mũkaigua mũgambo wa kiugo gĩake.”
Kana “kũrĩa guothe wathani wake ũrĩ.”
Kana “muoyo wakwa ũgooce.”
Kana “gĩtĩo.”
Ũkk., “maĩ-inĩ.”
Kana “Gũtirĩ hĩndĩ ĩkenyenyeka.”
Kana “Mĩrũthi mĩthĩ ya njamba.”
Rora Ũthathaũri wa Ciugo.
Kana hihi, “Gwĩcũrania gwakwa igũrũ rĩake kũrokorũo kũrĩ kwega.”
Kana “muoyo wakwa ũgooce.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana hihi, “Mwarie ũhoro wa.”
Kana “njiarũa cia; rũciaro rwa.”
Ũkk., “Kiugo kĩrĩa aathanire.”
Ũkk., “Akiunanga mũtĩ o wothe wa mũgate.” No kũhoteke nĩ mĩtĩ ĩrĩa yahũthagĩrũo gũcuuria mĩgate.
Ũkk., “Makĩnyarira.”
Ũkk., “Ohage.”
Kana “nĩnĩmbĩ cia mwaki.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “ndĩĩrahage nĩ ũndũ waku.”
Kana “matiataũkĩirũo nĩ gĩtũmi kĩa.”
Kana “yatigarire.”
Kana “mũhianano wa gũtwekio.”
Ũkk., “akĩrũgama mwanya-inĩ mbere yake.”
Kana “makĩĩnyitithania na.”
Ũguo nĩ kuuga, magongona marĩa maarutagĩrũo andũ akuũ kana ngai iria itarĩ muoyo.
Rĩĩtwa rĩu riugĩte “Gũtetia.”
Kana “makĩĩruta.”
Ũkk., “guoko gwacio.”
Kana “eeriraga.”
Kana “mũingĩ.”
Kana “Kuuma tene nginya tene.”
Kana “Nĩ gũtuĩke guo!”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “harĩ hinya wa.”
Kana “maathũũrire.”
Kana “Muoyo.”
Ũkk., “gĩtĩ-inĩ.”
Kana “amaigaga handũ igũrũ,” ũguo nĩ kuuga, handũ matangĩkinyĩrĩka.
Kana hihi, “arĩtie arĩ kũrĩa gwake gũtheru.”
Kana “Kĩanda gĩa.”
Ũkk., “mwĩgitio wa.”
Kana “mũndũ wa kũmũthitanga.”
Ũkk., “Ariũ.”
Ũkk., “Ariũ.”
Kana “Arĩa makombithanagia mbeca nĩguo makaarĩhwo irĩ na maciaro maroigĩra indo ciake ciothe mĩtego.”
Kana “wendo mwĩhokeku.”
Kana “wendo mwĩhokeku.”
Ũkk., “Mwĩrĩ wakwa nĩ ũhĩnjĩte, ũkaga maguta.”
Kana “kagooti gatarĩ moko.”
Kana “mũthenya ũrĩa mbũtũ yaku ĩkeehaarĩria.”
Kana “ndangĩĩricũkwo.”
Kana “gatagatĩ-inĩ ka.”
Ũkk., “mũtwe.”
Kana “wa thĩ yothe.”
Nĩ “Mwathani” ũrĩa ũgwetetwo mũhari-inĩ wa 1.
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “mũtugi.”
Kana “marũmĩte wega.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “mũtugi.”
Kana “ũtugi.”
Kana “nĩ nũmu; nĩ ĩĩhandĩte wega.”
Kana “na ũtaana.”
Ũkk., “rũhĩa rwake.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “ũikarĩire gĩtĩ kĩa ũnene.”
Kana hihi, “mborera-inĩ.”
Ũkk., “ariũ.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “Ithuĩ gũtirĩ kĩndũ twagĩrĩirũo, wee Jehova, ithuĩ gũtirĩ kĩndũ twagĩrĩirũo.”
Kana “wendo mwĩhokeku.”
Ũkk., “ariũ anyu.”
Ũkk., “ũkiri-inĩ.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana hihi, “Nĩ nyendete tondũ Jehova nĩ aiguaga.”
Kana “nĩ ainamagĩrĩra nĩguo athikĩrĩrie.”
Ũkk., “matukũ-inĩ makwa.”
Ũkk., “Mĩtangĩko ya Sheoli nĩ yanyitĩte.”
Kana “mũtugi.”
Kĩhibirania, ne′phesh. Rora Ũthathaũri wa Ciugo.
Kana “ũhonokio mũnene.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “mbarĩ ciothe.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
“Ja” nĩ rĩĩtwa Jehova rĩkuhĩhĩtio.
Kana “handũ harĩ na wariĩ.”
Kana hihi, “arĩ hamwe na arĩa mandeithagia.”
Kana hihi, “Wandindĩkĩrĩirie mũno.”
Kana “ũhootani.”
Ũkk., “mũtwe wa kona.”
Kana “matũũragia wĩkindĩru.”
Ũkk., “Na arĩ korũo njĩra ciakwa nĩ ciĩhandĩte wega.”
Kana “njigĩte.”
Kana “ndĩrĩĩrutaga.”
Kana “ĩĩrutaga.”
Ũkk., “njĩra ya mawatho maku.”
Kana “ndĩĩrutage.”
Ũkk., “Ndĩrĩtengʼeragĩra.”
Kana hihi, “nĩ ũtũmaga ngoro yakwa ĩgĩe na ũmĩrĩru.”
Kana “Tũma ngerere.”
Kana “uuge waku.”
Kana hihi, “Kĩrĩa kĩĩrĩirũo arĩa magwĩtigĩrĩte.”
Kana “uuge waku.”
Kana “Tondũ njetagĩrĩra.”
Kana “handũ harĩ na wariĩ.”
Kana “ngeruta.”
Kana “kĩĩranĩro.”
Kana “Kĩrĩa watũmire njikare njetereire.”
Kana “Nyũmba-inĩ ĩrĩa njikaraga ndĩ mũgeni.”
Kana “Nĩ ndororoia ũthiũ waku.”
Kana “uuge waku.”
Kana “nĩ ndehagia itekwenda.”
Ũkk., “gũtirĩ ũndũ ciguaga, ta maguta.”
Kana “Tondũ njetagĩrĩra kiugo gĩaku.”
Kana “uuge ũrĩa.”
Kana hihi, “na maheeni.”
Kana “ngwĩruta.”
Kana “Tondũ njetagĩrĩra kiugo gĩaku.”
Ũguo nĩ kuuga indo ciake ciothe iria ombĩte.
Ũkk., “nĩ rĩariĩ mũno.”
Kana “Ndĩĩrutaga.”
Kana “ndĩĩrutaga.”
Ũkk., “magongona ma kwĩyendera ma kanua gakwa.”
Kana “Muoyo wakwa ũkoragwo guoko-inĩ gwakwa hĩndĩ ciothe.”
Kana “igai rĩakwa rĩa tene na tene.”
Ũkk., “njerekeirie ngoro yakwa harĩ.”
Kana “andũ a ngoro ngayũkanu.”
Kana “Tondũ njetagĩrĩra kiugo gĩaku.”
Kana “kũringana na uuge waku.”
Ũkk., “nyama cia mwĩrĩ wakwa cinaine.”
Kana “uuge waku wa.”
Kana “therie.”
Kana “watho.”
Ũkk., “ngahũma.”
Kana “Tũma makinya makwa mehande wega.”
Ũkk., “Ngũũra.”
Kana “rũcinĩ kũrĩ na mairia.”
Kana “njetagĩrĩra ciugo ciaku.”
Ituanĩra rĩmwe nĩ kĩndũ mathaa mana.
Kana “ndĩĩrute.”
Kana “Njirĩrĩra ciira-inĩ wakwa.”
Kana “uuge waku.”
Kana “Harĩ o gũtirĩ ũndũ ũngĩtuĩka mũhĩnga.”
Kana “kũringana na uuge waku.”
Rora Ũthathaũri wa Ciugo.
Ũkk., “na nĩ kĩĩ agaakuongerera?”
Kana “kũinaine.”
Kana “Ndũrĩringagwo.”
Kana “ũgakũringa.”
Ũkk., “ũkiumagara na ũkĩhũndũka.”
“Ja” nĩ rĩĩtwa Jehova rĩkuhĩhĩtio.
Kana “thingo ciaku iria irĩ na ũgitĩri.”
Kana “merekerie moko mao kũrĩ.”
Kana “mĩkuru ya mwena wa mũhuro.”
Kana “ariũ.”
Kana “ariũ a ariũ aku.”
“Ja” nĩ rĩĩtwa Jehova rĩkuhĩhĩtio.
Kana “ũtindagĩrĩra-rĩ.”
Kĩhibirania, ne′phesh. Rora Ũthathaũri wa Ciugo.
Kana “gĩikaro kĩamũre na kĩrĩ riri.”
Kwahoteka nĩ Ithandũkũ.
Kana “gĩikaro-inĩ gĩake kĩrĩa kĩamũre na kĩrĩ riri.”
Ũkk., “Ndũkahũgũre ũthiũ wa.”
Ũkk., “wa maciaro ma nda yaku.”
Ũkk., “rũhĩa rwa Daudi rũnenehe.”
Kana “thũmbĩ ngʼemie.”
Kana hihi, “mũrĩ handũ harĩa hatheru.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “kĩndũ gĩake kĩa goro.”
Kana hihi, “ahingũraga ihingo cia.”
Kana “Rĩĩtwa rĩaku.” Ũkk., “Kĩririkano gĩaku.”
Kana “na ũtaũku.”
Ũkk., “mĩĩrĩ yothe ya nyama.”
Kũu nĩ Babuloni.
Kana hihi, “kũrotuĩka kuonju.”
Kana hihi, “Nĩ ngũregana na ngai iria ingĩ ngũinĩre nyĩmbo.”
Kana “handũ haku harĩa hatheru.”
Kana “wendo mwĩhokeku.”
Kana hihi, “nĩ ũtũũgĩrĩtie uuge waku igũrũ rĩa rĩĩtwa rĩaku.”
Ũkk., “ũthimaga.”
Kana “nĩ wa magegania mũno harĩ niĩ.”
Kana “Nĩ mũingĩ mũno ũndũ itangĩtaũkĩrũo nĩguo.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana hihi, “Nĩ wanyitithanirie.”
Kana “ndĩ o kĩongero.”
Kana hihi, “ingĩkorũo o ngĩmatara.”
Kana “maitaga thakame.”
Kana “kũringana na mawoni mao.”
Kana “Maikio marima-inĩ ma maĩ.”
Kana “thĩinĩ wa bũrũri.”
Kana “mbere yaku.”
Kana “harũ.”
Kana “Sheoli,” ũguo nĩ kuuga, mbĩrĩra ya mũhaano kũrĩa akuũ makomete. Rora Ũthathaũri wa Ciugo.
Kana “Ndũgaite muoyo wakwa thĩ.”
Rora Ũthathaũri wa Ciugo.
Kana “roho.”
Ũkk., “ũũmenyaga.”
Ũkk., “Igai rĩakwa.”
Kana “Roho.”
Kana “ndĩĩrutaga.”
Ũkk., “roho.”
Kana “mbĩrĩra-inĩ.”
Kana “bũrũri-inĩ wa ũthingu.”
Ũkk., “Kiria.”
Kana “ikũrũkia.”
Ũkk., “Na guoko kwao kwa ũrĩo nĩ guoko kwa ũrĩo kwa maheeni.”
Kana “uhonokio.”
Kana “ndũngĩtaũkĩka.”
Kana “hinya waku wa.”
Kana “mũtugi.”
Ũkk., “Mĩĩrĩ yothe ya nyama.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “arĩa marĩ igweta.”
Kana “Mĩhũmũ yake yumaga.”
Kana “atũmaga njĩra ya andũ arĩa aganu yogome.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “na maguta ma ngano.”
Kana “mbarabu.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “Haleluya!” “Ja” nĩ rĩĩtwa Jehova rĩkuhĩhĩtio.
Ũkk., “igũrũ rĩa igũrũ.”
Ũkk., “airĩtu gathirange.”
Kana “Arĩa akũrũ hamwe na arĩa ethĩ.”
Ũkk., “rũhĩa rwa.”
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “Haleluya!” “Ja” nĩ rĩĩtwa Jehova rĩkuhĩhĩtio.
Kana “igũrũ rĩrĩa rĩrutaga ũira wa.”
Kana “Haleluya!” “Ja” nĩ rĩĩtwa Jehova rĩkuhĩhĩtio.