Misangano Yebasa yaDecember
Vhiki Inotanga naDecember 2
10 min: Zviziviso zvomunzvimbomo. Zviziviso zvakasarudzwa zvomuUshumiri Hwedu hwoUmambo.
15 min: “Ndiani Achateerera Shoko Redu?” Mibvunzo nemhinduro. Batanidza mapfundo anobva muMukai! Nha. 4, 1987, peji 23, pamusoro pechikonzero nei shoko redu richifadza.
20 min: “Shoko raMwari Rinogovera Nhungamiro.” (Ndima 1-6) Suma rutivi nendima 1-2. (Batanidzai Bhuku raKurangarira, mapeji 39-40, nokupfupikisa muchiratidza “Zvikonzero zvokurangarira Bhaibheri”) zvina. Ita kuti vaparidzi vanokwanisa vaenzanisire mharidzo dzakakarakadzwa mundima 3-6. Kumbirai vateereri kutsinhira pamusoro pekuti (1) mibvunzo inobvunzwa inobetsera sei kunyandura fariro, (2) Kuti magwaro anoshandiswa anokodzerana sei nenhau iri kukurukurwa, (3) shanyo yedzokerero yakatevera sei nenzira yomuzvarirwo kurukurirano yomuzvarirwo yakapfuura, uye (4) kuti chikarakadzo chefundo yeBhaibheri chaitwa sei.
Rwiyo 75 nomunyengetero wokugumisa.
Vhiki Inotanga naDecember 9
10 min: Zviziviso zvomunzvimbomo. Mushumo weakaunzi.
15 min: Kubetsera Vakura Kugoverana Mubasa. Vaparidzi vakura vakatendeka vakawanda vane chishuvo chikuru chokugoverana mukuparidza neungano, asi vane ganhuriro dzomuviri dzinoparirwa nezera uye utano husina kunaka. Kune nzira dzatinogona kuvaratidzira nadzo kurangarira kuti tivabatanidze mubasa: Zvipire kugovera chokufambisa; gadzirira kuti vashande misha iri pedyo; zvipire kuvaendesa pashanyo dzavo dzedzokerero; vaite kuti vazive kuti uchavadzosera kumba apo vanonzwa kuti havagoni kupfuurira. Vakura vanoonga betsero inogoverwa kwavari. Dudzai dzimwe nzira dzakawanda dzamunoratidza kurangarira kwakadaro dzomunzvimbomo. Hwirudzurai mapfundo makuru ari munyaya inoti “Tinoonga Vakura!” inowanika muNharireyomurindi yaJuly 15, 1986, mapeji 28-9.
20 min: “Shoko raMwari Rinogovera Nhungamiro.” (Ndima 7-9) Tsinhira pamusoro “Kudikanwa Kwenhungamiro” muNharireyomurindi yaMay 1, 1993, peji 3. Tsanangura chikonzero nei mharidzo dzedu dzichifanira kusimbisira ukoshi hwokutsvaka betsero inobva kumanyuko makuru—Mwari. Itai kuti muparidzi aenzanisire mharidzo dziri mundima 7-8. Simbisai kuti nharidzano yedu inofanira kuva yokutanga fundo yeBhaibheri pakupedzisira mubhuku raZivo.
Rwiyo 197 nomunyengetero wokugumisa.
Vhiki Inotanga naDecember 16
10 min: Zviziviso zvomunzvimbomo. Goverai zvikarakadzo pamusoro pokupindura nokungwarira kwaziso dzemazororo. Ratidzai gadziriro chaidzo dzebasa romumunda nokuda kwaDecember 25.
15 min: “Kuzvipa Timene Nomwoyo Wose.” Mibvunzo nemhinduro. Batanidzai tsinhiro dzinobva muNharireyomurindi yaMay 1, 1984, peji 22.
20 min: “Kufara Newedzero Iyo Mwari Anopa.” Hurukuro ine mbavarira inopiwa nomukuru. Dudzai zvakaitika kana kuti ufakazi hwewedzero munyika dzakaratidzirwa, sezvinopiwa mumaYearbook azvino uno.
Rwiyo 41 nomunyengetero wokugumisa.
Vhiki Inotanga naDecember 23
10 min: Zviziviso zvomunzvimbomo. Ratidzai mapfundo ekutaura mumagazini azvino ayo anogona kushandiswa mubasa vhiki ino. Ratidzai gadziriro chaidzo dzebasa romumunda nokuda kwaJanuary 1.
15 min: Zvinodikanwa zvomunzvimbomo. Kana kuti mukuru anopa hurukuru pamusoro unoti “Kurega Basa—Isuo Rakazarukira Kumubato Woubati Ushe hwaMwari Here? inobva muNharireyomurindi yaJuly 15, 1996, mapeji 24-5.—Ona Insight, Vhoriyamu 2, peji 794, ndima 2-3.
20 min: “Kunyoresa muChikoro Choushumiri Choubati Ushe hwaMwari.” Hurukuro inopira nomutariri wechikoro. Ipai nhamba dzevakanyoresa munzvimbomo, uye kurudzirai vose vanogona kunyoresa. Hwirudzurai mirayiridzo yemigove yevadzidzi inogoverwa mu“Rudungwe rweChikoro Choushumiri Choubati Ushe hwaMwari rwa1997.”
Rwiyo 166 nomunyengetero wokugumisa.
Vhiki Inotanga naDecember 30
10 min: Zviziviso zvomunzvimbomo. Kana ungano yenyu yodokuchinja nguva dzemisangano nokuda kwegore idzva, ipai kurudziro yorudo muchikurudzira vose kuita gadziridzo dzinodikanwa ndokupinda neungano nguva dzose panguva dzayo itsva.
20 min: “Betsero Panguva Yakarurama.” Mibvunzo nemhinduro. Ratidzai mapfundo makuru anobva muchimwe nechimwe chezvinyorwa zvitsva.
15 min: Hwirudzurai Mabhuku Anogoverwa nokuda kwaJanuary. Goverai Rugare Rwechokwadi Nokuchengeteka, Chengeteko Yenyika Yose, kana kuti bhuku ripi neripi rine mapeji 192, rakabudiswa 1984 asati asvika. Muchishandisa bhuku raKurangarira, mapeji 9-14, hwirudzurai nokupfupikisa sumo dzakafanira dzebhuku rimwe nerimwe. Enzanisirai mharidzo imwe kana kuti mbiri.
Rwiyo 137 nomunyengetero wokugumisa.