ആവർത്തനം

1 വിജനഭൂമിയിലുള്ള* യോർദാൻ പ്രദേ​ശ​ത്തു​വെച്ച്‌, അതായത്‌ സൂഫിനു മുന്നിൽ പാരാൻ, തോഫെൽ, ലാബാൻ, ഹസേ​രോത്ത്‌, ദീസാ​ഹാബ്‌ എന്നിവ​യ്‌ക്കു നടുവി​ലുള്ള മരു​പ്ര​ദേ​ശ​ത്തു​വെച്ച്‌, മോശ ഇസ്രാ​യേ​ലി​നോ​ടെ​ല്ലാം പറഞ്ഞ വാക്കുകൾ ഇതാണ്‌. 2 ഹോരേബിൽനിന്ന്‌ സേയീർ പർവതം വഴി കാദേശ്‌-ബർന്നേയയിലേക്ക്‌+ 11 ദിവസത്തെ വഴിദൂ​ര​മുണ്ട്‌. 3 ഇസ്രായേല്യരോടു പറയാൻ യഹോവ മോശ​യോ​ടു കല്‌പി​ച്ച​തെ​ല്ലാം 40-ാം വർഷം+ 11-ാം മാസം ഒന്നാം ദിവസം മോശ അവരോ​ടു പറഞ്ഞു. 4 ഹെശ്‌ബോനിൽ താമസി​ച്ചി​രുന്ന അമോ​ര്യ​രാ​ജാ​വായ സീഹോ​നെ​യും,+ എദ്രെ​യിൽവെച്ച്‌ അസ്‌താരോത്തിൽ+ താമസി​ച്ചി​രുന്ന ബാശാൻരാ​ജാ​വായ ഓഗിനെയും+ മോശ തോൽപ്പി​ച്ച​ശേ​ഷ​മാ​യി​രു​ന്നു അത്‌. 5 മോവാബ്‌ ദേശത്തെ യോർദാൻ പ്രദേ​ശ​ത്തു​വെച്ച്‌ മോശ ഈ നിയമം* വിശദീ​ക​രി​ച്ചു.+ മോശ പറഞ്ഞു:

6 “നമ്മുടെ ദൈവ​മായ യഹോവ ഹോ​രേ​ബിൽവെച്ച്‌ നമ്മളോ​ട്‌ ഇങ്ങനെ പറഞ്ഞു: ‘നിങ്ങൾ കുറെ കാലമാ​യി ഈ മലനാ​ട്ടിൽ താമസി​ക്കു​ന്നു.+ 7 ഇപ്പോൾ തിരിഞ്ഞ്‌ അമോര്യരുടെ+ മലനാ​ട്ടി​ലേ​ക്കും അവരുടെ അടുത്തുള്ള അരാബ,+ മലനാട്‌, ഷെഫേല, നെഗെബ്‌, തീരദേശം+ എന്നിങ്ങനെ കനാന്യർ താമസി​ക്കുന്ന പ്രദേ​ശ​ങ്ങ​ളി​ലേ​ക്കും പോകുക. ലബാനോനിലേക്കും*+ മഹാന​ദി​യായ യൂഫ്രട്ടീസ്‌+ വരെയും നിങ്ങൾ ചെല്ലണം. 8 ഇതാ, ഞാൻ ദേശം നിങ്ങളു​ടെ മുന്നിൽ വെച്ചി​രി​ക്കു​ന്നു. നിങ്ങൾ ചെന്ന്‌ യഹോവ നിങ്ങളു​ടെ പിതാ​ക്ക​ന്മാ​രായ അബ്രാ​ഹാം, യിസ്‌ഹാ​ക്ക്‌,+ യാക്കോബ്‌+ എന്നിവ​രോട്‌, അവർക്കും അവരുടെ ശേഷം അവരുടെ സന്തതിക്കും* നൽകു​മെന്നു സത്യം ചെയ്‌ത ദേശം കൈവ​ശ​മാ​ക്കി​ക്കൊ​ള്ളുക.’+

9 “അപ്പോൾ ഞാൻ നിങ്ങ​ളോ​ടു പറഞ്ഞു: ‘എനിക്ക്‌ ഒറ്റയ്‌ക്കു നിങ്ങളെ വഹിക്കാൻ കഴിയില്ല.+ 10 നിങ്ങളുടെ ദൈവ​മായ യഹോവ നിങ്ങളെ വർധി​പ്പി​ച്ചി​രി​ക്കു​ന്നു; നിങ്ങൾ ഇതാ, ആകാശ​ത്തി​ലെ നക്ഷത്ര​ങ്ങൾപോ​ലെ അസംഖ്യ​മാ​യി​രി​ക്കു​ന്നു.+ 11 നിങ്ങളുടെ പൂർവി​ക​രു​ടെ ദൈവ​മായ യഹോവ നിങ്ങളെ ഇപ്പോ​ഴു​ള്ള​തി​ന്റെ ആയിരം മടങ്ങായി വർധി​പ്പി​ക്കട്ടെ;+ വാഗ്‌ദാ​നം ചെയ്‌ത​തു​പോ​ലെ ദൈവം നിങ്ങളെ അനു​ഗ്ര​ഹി​ക്കട്ടെ.+ 12 പക്ഷേ എനിക്കു തനിയെ ചുമക്കാൻ പറ്റാത്തത്ര ഭാരമാ​ണു നിങ്ങൾ. ഈ ചുമടും നിങ്ങളു​ടെ കലഹങ്ങ​ളും ഞാൻ തനിയെ എങ്ങനെ വഹിക്കും?+ 13 അതുകൊണ്ട്‌ നിങ്ങളു​ടെ ഗോ​ത്ര​ങ്ങ​ളിൽനിന്ന്‌ ജ്ഞാനവും വിവേ​ക​വും അനുഭ​വ​പ​രി​ച​യ​വും ഉള്ള പുരു​ഷ​ന്മാ​രെ തിര​ഞ്ഞെ​ടു​ക്കുക. ഞാൻ അവരെ നിങ്ങൾക്കു തലവന്മാ​രാ​യി നിയമി​ക്കാം.’+ 14 അപ്പോൾ നിങ്ങൾ എന്നോട്‌, ‘അങ്ങ്‌ പറഞ്ഞതു നല്ല കാര്യ​മാണ്‌’ എന്നു പറഞ്ഞു. 15 അങ്ങനെ ഞാൻ നിങ്ങളു​ടെ ഗോ​ത്ര​ത്ത​ല​വ​ന്മാ​രെ, ജ്ഞാനവും അനുഭ​വ​പ​രി​ച​യ​വും ഉള്ള പുരു​ഷ​ന്മാ​രെ, ആയിരം പേർക്കു പ്രമാ​ണി​മാർ, നൂറു പേർക്കു പ്രമാ​ണി​മാർ, അമ്പതു പേർക്കു പ്രമാ​ണി​മാർ, പത്തു പേർക്കു പ്രമാ​ണി​മാർ, ഗോ​ത്ര​ങ്ങൾക്ക്‌ അധികാ​രി​കൾ എന്നിങ്ങനെ നിങ്ങൾക്കു തലവന്മാ​രാ​യി നിയമി​ച്ചു.+

16 “അക്കാലത്ത്‌ നിങ്ങളു​ടെ ന്യായാ​ധി​പ​ന്മാർക്കു ഞാൻ ഈ നിർദേശം നൽകി: ‘ഒരുവൻ സഹോ​ദ​രന്‌ എതി​രെ​യോ അല്ലെങ്കിൽ ദേശത്ത്‌ വന്നുതാ​മ​സി​ക്കുന്ന ഒരു വിദേശിക്കെതിരെയോ+ പരാതി​യു​മാ​യി വന്നാൽ നിങ്ങളു​ടെ സഹോ​ദ​ര​ങ്ങൾക്കി​ട​യിൽ നിങ്ങൾ നീതി​യോ​ടെ വിധി​ക്കണം.+ 17 ന്യായം വിധി​ക്കു​മ്പോൾ നിങ്ങൾ പക്ഷപാതം കാണി​ക്ക​രുത്‌.+ വലിയ​വന്റെ ഭാഗം കേൾക്കു​ന്ന​തു​പോ​ലെ​തന്നെ ചെറി​യ​വന്റെ ഭാഗവും കേൾക്കണം.+ നിങ്ങൾ മനുഷ്യ​രെ ഭയപ്പെ​ട​രുത്‌.+ കാരണം ന്യായ​വി​ധി ദൈവ​ത്തി​നു​ള്ള​താണ്‌.+ ഒരു പരാതി കൈകാ​ര്യം ചെയ്യാൻ നിങ്ങൾക്കു ബുദ്ധി​മു​ട്ടു തോന്നു​ന്നെ​ങ്കിൽ അത്‌ എന്റെ അടുത്ത്‌ കൊണ്ടു​വ​രുക, ഞാൻ അതു കേട്ടു​കൊ​ള്ളാം.’+ 18 അങ്ങനെ, ചെയ്യേണ്ട കാര്യ​ങ്ങ​ളെ​ല്ലാം അക്കാലത്ത്‌ ഞാൻ നിങ്ങൾക്ക്‌ ഉപദേ​ശി​ച്ചു​തന്നു.

19 “അതിനു ശേഷം, നമ്മുടെ ദൈവ​മായ യഹോവ കല്‌പി​ച്ച​തു​പോ​ലെ നമ്മൾ ഹോ​രേ​ബിൽനിന്ന്‌ പുറ​പ്പെട്ട്‌ അമോ​ര്യ​രു​ടെ മലനാട്ടിലേക്കുള്ള+ വഴിയിൽ കണ്ട വലുതും ഭയാന​ക​വും ആയ ആ വിജനഭൂമിയിലെങ്ങും+ സഞ്ചരിച്ചു. ഒടുവിൽ നമ്മൾ കാദേശ്‌-ബർന്നേ​യ​യിൽ എത്തി.+ 20 അപ്പോൾ ഞാൻ നിങ്ങ​ളോ​ടു പറഞ്ഞു: ‘നമ്മുടെ ദൈവ​മായ യഹോവ നമുക്കു തന്നിരി​ക്കുന്ന അമോ​ര്യ​രു​ടെ മലനാ​ട്ടിൽ നിങ്ങൾ എത്തിയി​രി​ക്കു​ന്നു. 21 ഇതാ, നിങ്ങളു​ടെ ദൈവ​മായ യഹോവ ഈ ദേശം നിങ്ങൾക്കു തന്നിരി​ക്കു​ന്നു. ചെന്ന്‌ നിങ്ങളു​ടെ പൂർവി​ക​രു​ടെ ദൈവ​മായ യഹോവ നിങ്ങ​ളോ​ടു പറഞ്ഞതു​പോ​ലെ അതു കൈവ​ശ​മാ​ക്കി​ക്കൊ​ള്ളുക.+ ഭയപ്പെ​ടു​ക​യോ പരി​ഭ്ര​മി​ക്കു​ക​യോ വേണ്ടാ.’

22 “എന്നാൽ നിങ്ങൾ എല്ലാവ​രും എന്റെ അടുത്ത്‌ വന്ന്‌ ഇങ്ങനെ പറഞ്ഞു: ‘നമുക്കു മുമ്പായി ദേശം ഒറ്റു​നോ​ക്കാൻ ചില പുരു​ഷ​ന്മാ​രെ അയയ്‌ക്കാം. ഏതു വഴിക്കു പോക​ണ​മെ​ന്നും നമ്മൾ തോൽപ്പി​ക്കേണ്ട നഗരങ്ങൾ എങ്ങനെ​യു​ള്ള​താ​ണെ​ന്നും മനസ്സി​ലാ​ക്കി, അവർ നമ്മളെ വിവരം അറിയി​ക്കട്ടെ.’+ 23 ആ നിർദേശം കൊള്ളാ​മെന്ന്‌ എനിക്കു തോന്നി. അങ്ങനെ ഞാൻ നിങ്ങളിൽനി​ന്ന്‌ 12 പേരെ, ഒരു ഗോ​ത്ര​ത്തിന്‌ ഒരാളെ വീതം, തിര​ഞ്ഞെ​ടു​ത്തു.+ 24 അവർ മലനാ​ട്ടി​ലേക്കു പുറ​പ്പെട്ട്‌ എശ്‌ക്കോൽ താഴ്‌വരയോളം* ചെന്ന്‌ അത്‌ ഒറ്റു​നോ​ക്കി.+ 25 ആ ദേശത്തെ ചില പഴങ്ങളു​മാ​യി അവർ നമ്മുടെ അടുത്ത്‌ മടങ്ങി​വന്നു; ഈ വാർത്ത​യും നമ്മളെ അറിയി​ച്ചു: ‘നമ്മുടെ ദൈവ​മായ യഹോവ നമുക്കു തരുന്ന ദേശം വളരെ നല്ലതാണ്‌.’+ 26 എന്നാൽ നിങ്ങൾ അങ്ങോട്ടു പോകാൻ വിസമ്മ​തി​ച്ചു​കൊണ്ട്‌ നിങ്ങളു​ടെ ദൈവ​മായ യഹോ​വ​യു​ടെ ആജ്ഞ ധിക്കരി​ച്ചു.+ 27 നിങ്ങളുടെ കൂടാ​ര​ങ്ങ​ളിൽവെച്ച്‌ നിങ്ങൾ ഇങ്ങനെ പിറു​പി​റു​ത്തു: ‘യഹോ​വ​യ്‌ക്കു നമ്മളോ​ടു വെറു​പ്പാണ്‌. അതു​കൊ​ണ്ടാണ്‌ അമോ​ര്യ​രു​ടെ കൈയിൽ ഏൽപ്പിച്ച്‌ നമ്മളെ നശിപ്പി​ക്കാ​നാ​യി ഈജി​പ്‌ത്‌ ദേശത്തു​നിന്ന്‌ നമ്മളെ കൊണ്ടു​വ​ന്നത്‌. 28 നമ്മൾ ആ ദേശ​ത്തേക്ക്‌ എങ്ങനെ കടക്കാ​നാണ്‌? നമ്മുടെ സഹോ​ദ​ര​ന്മാർ നമ്മുടെ മനസ്സ്‌ ഇടിച്ചു​ക​ളഞ്ഞു.*+ അവർ പറഞ്ഞു: “ആ ജനം നമ്മളെ​ക്കാൾ വലിയ​വ​രും ഉയരമു​ള്ള​വ​രും ആണ്‌. അവരുടെ നഗരങ്ങൾ പ്രബല​വും കോട്ടകൾ ആകാശ​ത്തോ​ളം എത്തുന്ന​വ​യും ആണ്‌.+ അനാക്യവംശജരെയും+ അവിടെ കണ്ടു.”’

29 “അപ്പോൾ ഞാൻ നിങ്ങ​ളോ​ടു പറഞ്ഞു: ‘അവർ കാരണം നടുങ്ങു​ക​യോ ഭയപ്പെ​ടു​ക​യോ ചെയ്യരു​ത്‌.+ 30 ഈജിപ്‌തിൽ നിങ്ങളു​ടെ കൺമു​ന്നിൽവെച്ച്‌ ചെയ്‌തതുപോലെ+ നിങ്ങളു​ടെ ദൈവ​മായ യഹോവ നിങ്ങൾക്കു മുമ്പായി പോകു​ക​യും നിങ്ങൾക്കു​വേണ്ടി പോരാ​ടു​ക​യും ചെയ്യും.+ 31 ഒരു അപ്പൻ മകനെ കൈക​ളിൽ എടുത്ത്‌ നടക്കു​ന്ന​തു​പോ​ലെ, നിങ്ങൾ ഇവിടെ എത്തും​വരെ, നിങ്ങൾ പോയ സ്ഥലത്തൊ​ക്കെ​യും, നിങ്ങളു​ടെ ദൈവ​മായ യഹോവ നിങ്ങളെ കൈക​ളിൽ കൊണ്ടു​ന​ട​ന്നതു വിജന​ഭൂ​മി​യിൽവെച്ച്‌ നിങ്ങൾ കണ്ടതല്ലേ?’ 32 എന്നിട്ടും നിങ്ങളു​ടെ ദൈവ​മായ യഹോ​വ​യിൽ നിങ്ങൾ വിശ്വ​സി​ച്ചില്ല.+ 33 നിങ്ങൾക്കു പാളയ​മ​ടി​ക്കാ​നുള്ള സ്ഥലം കണ്ടെത്താൻവേണ്ടി ദൈവം നിങ്ങൾക്കു മുമ്പായി നിങ്ങളു​ടെ വഴിയേ പോയി. നിങ്ങൾക്കു വഴി കാട്ടാൻ രാത്രി അഗ്നിയി​ലും പകൽ മേഘത്തി​ലും പ്രത്യ​ക്ഷ​നാ​യി.+

34 “എന്നാൽ നിങ്ങൾ പറഞ്ഞ​തെ​ല്ലാം യഹോവ കേൾക്കു​ന്നു​ണ്ടാ​യി​രു​ന്നു. ദൈവം നിങ്ങ​ളോ​ടു കോപി​ച്ച്‌ ഇങ്ങനെ സത്യം ചെയ്‌തു:+ 35 ‘ഈ ദുഷ്ടത​ല​മു​റ​യിൽപ്പെട്ട ഒരാൾപ്പോ​ലും നിങ്ങളു​ടെ പിതാ​ക്ക​ന്മാർക്കു കൊടു​ക്കു​മെന്നു ഞാൻ സത്യം ചെയ്‌ത ആ നല്ല ദേശം കാണില്ല.+ 36 എന്നാൽ യഫുന്ന​യു​ടെ മകനായ കാലേബ്‌ അതു കാണും. അവൻ നടന്നുകണ്ട ആ ദേശം ഞാൻ അവനും അവന്റെ പുത്ര​ന്മാർക്കും കൊടു​ക്കു​ക​യും ചെയ്യും. കാരണം കാലേബ്‌ യഹോ​വയെ മുഴുഹൃദയത്തോടെ* അനുഗ​മി​ച്ചി​രി​ക്കു​ന്നു.+ 37 (നിങ്ങൾ കാരണം യഹോവ എന്നോ​ടും കോപി​ച്ചു. എന്നോടു പറഞ്ഞു: “നീയും അവി​ടേക്കു കടക്കില്ല.+ 38 എന്നാൽ നിനക്കു ശുശ്രൂഷ ചെയ്യുന്ന, നൂന്റെ മകനായ യോശുവ+ ആ ദേശ​ത്തേക്കു കടക്കും.+ ഇസ്രാ​യേ​ലി​നു ദേശം അവകാ​ശ​മാ​ക്കി​ക്കൊ​ടു​ക്കു​ന്നത്‌ അവനാ​യി​രി​ക്കും. അതു​കൊണ്ട്‌ അവനെ ബലപ്പെ​ടു​ത്തുക.”*)+ 39 കൂടാതെ, കൊള്ള​യാ​യി​പ്പോ​കു​മെന്നു നിങ്ങൾ പറഞ്ഞ നിങ്ങളു​ടെ മക്കളും,+ ഗുണവും ദോഷ​വും വിവേ​ചി​ക്കാൻ അറിയാത്ത നിങ്ങളു​ടെ കുട്ടി​ക​ളും അവിടെ കടക്കും. ഞാൻ അവർക്ക്‌ അത്‌ അവകാ​ശ​മാ​യി കൊടു​ക്കു​ക​യും ചെയ്യും.+ 40 എന്നാൽ നിങ്ങൾ ഇപ്പോൾ തിരിഞ്ഞ്‌ ചെങ്കട​ലി​ന്റെ വഴിക്കു വിജന​ഭൂ​മി​യി​ലേക്കു പോകുക.’+

41 “അപ്പോൾ നിങ്ങൾ എന്നോടു പറഞ്ഞു: ‘ഞങ്ങൾ യഹോ​വ​യോ​ടു പാപം ചെയ്‌തു. ഞങ്ങളുടെ ദൈവ​മായ യഹോവ കല്‌പി​ച്ച​തു​പോ​ലെ ഞങ്ങൾ ഇപ്പോൾ കയറി​ച്ചെന്ന്‌ യുദ്ധം ചെയ്യും!’ അങ്ങനെ നിങ്ങൾ ഓരോ​രു​ത്ത​രും ആയുധം ഏന്തി യുദ്ധത്തി​നു സജ്ജരായി; പർവത​ത്തി​ലേക്കു കയറി​ച്ചെ​ല്ലു​ന്നത്‌ എളുപ്പ​മാ​യി​രി​ക്കു​മെന്നു നിങ്ങൾ കരുതി.+ 42 എന്നാൽ യഹോവ എന്നോടു പറഞ്ഞു: ‘അവരോ​ടു പറയുക: “നിങ്ങൾ യുദ്ധത്തി​നു പോക​രുത്‌; കാരണം ഞാൻ നിങ്ങളു​ടെ​കൂ​ടെ​യു​ണ്ടാ​യി​രി​ക്കില്ല.+ നിങ്ങൾ പോയാൽ ശത്രുക്കൾ നിങ്ങളെ തോൽപ്പി​ക്കും.”’ 43 ഞാൻ അതു നിങ്ങളെ അറിയി​ച്ചു. പക്ഷേ നിങ്ങൾ കേട്ടില്ല; അഹങ്കാ​രി​ക​ളായ നിങ്ങൾ യഹോ​വ​യു​ടെ ആജ്ഞ ധിക്കരി​ച്ച്‌ പർവത​ത്തി​ലേക്കു കയറി​ച്ചെ​ല്ലാൻ ശ്രമിച്ചു. 44 അപ്പോൾ ആ പർവത​ത്തിൽ താമസി​ച്ചി​രുന്ന അമോ​ര്യർ തേനീ​ച്ച​ക​ളെ​പ്പോ​ലെ വന്ന്‌ നിങ്ങളെ പിന്തു​ടർന്ന്‌ സേയീ​രി​ലെ ഹോർമ വരെ നിങ്ങളെ ചിതറി​ച്ചു​ക​ളഞ്ഞു. 45 ഒടുവിൽ നിങ്ങൾ തിരി​ച്ചു​വന്ന്‌ യഹോ​വ​യോ​ടു നിലവി​ളി​ച്ചു. പക്ഷേ യഹോവ അതു കേൾക്കു​ക​യോ നിങ്ങളെ ശ്രദ്ധി​ക്കു​ക​യോ ചെയ്‌തില്ല. 46 അതുകൊണ്ട്‌ അത്രയും കാലം നിങ്ങൾക്കു കാദേ​ശിൽത്തന്നെ താമസി​ക്കേ​ണ്ടി​വന്നു.

2 “അതിനു ശേഷം, യഹോവ എന്നോടു കല്‌പി​ച്ച​തു​പോ​ലെ നമ്മൾ ചെങ്കട​ലി​ന്റെ വഴിക്കു വിജന​ഭൂ​മി​യി​ലേക്കു തിരിഞ്ഞ്‌+ കുറെ കാലം സേയീർ പർവതത്തെ ചുറ്റി സഞ്ചരിച്ചു. 2 ഒടുവിൽ യഹോവ എന്നോടു പറഞ്ഞു: 3 ‘നിങ്ങൾ കുറെ നാളായി ഈ പർവത​ത്തി​നു ചുറ്റും സഞ്ചരി​ക്കു​ന്നു. ഇനി വടക്കോ​ട്ടു തിരി​യുക. 4 ജനത്തോട്‌ ഇങ്ങനെ കല്‌പി​ക്കുക: “സേയീ​രിൽ താമസിക്കുന്ന+ നിങ്ങളു​ടെ സഹോ​ദ​ര​ന്മാ​രു​ടെ, ഏശാവി​ന്റെ വംശജ​രു​ടെ,+ അതിർത്തി​ക്ക​രി​കി​ലൂ​ടെ നിങ്ങൾ ഇപ്പോൾ സഞ്ചരി​ക്കും. അവർക്കു നിങ്ങളെ ഭയമാ​യി​രി​ക്കും;+ അതു​കൊണ്ട്‌ നിങ്ങൾ വളരെ സൂക്ഷി​ക്കണം. 5 നിങ്ങൾ അവരോ​ട്‌ ഏറ്റുമു​ട്ട​രുത്‌.* അവരുടെ ദേശത്ത്‌ അൽപ്പം സ്ഥലം​പോ​ലും, കാലു കുത്താ​നുള്ള ഇടം​പോ​ലും, ഞാൻ നിങ്ങൾക്കു തരില്ല. കാരണം ഞാൻ സേയീർ പർവതം ഏശാവി​ന്‌ അവന്റെ അവകാ​ശ​മാ​യി കൊടു​ത്തി​രി​ക്കു​ന്നു.+ 6 അവിടെനിന്ന്‌ കഴിക്കുന്ന ആഹാര​ത്തി​നും കുടി​ക്കുന്ന വെള്ളത്തി​നും നിങ്ങൾ അവർക്കു വില നൽകണം.+ 7 കാരണം നിങ്ങളു​ടെ ദൈവ​മായ യഹോവ നിങ്ങളു​ടെ പ്രവൃ​ത്തി​ക​ളെ​യൊ​ക്കെ അനു​ഗ്ര​ഹി​ച്ചി​രി​ക്കു​ന്നു. ഈ വലിയ വിജന​ഭൂ​മി​യി​ലൂ​ടെ നിങ്ങൾ ചെയ്‌ത യാത്ര​യെ​ക്കു​റിച്ച്‌ ദൈവ​ത്തി​നു നന്നായി അറിയാം. ഇക്കഴിഞ്ഞ 40 വർഷവും നിങ്ങളു​ടെ ദൈവ​മായ യഹോവ നിങ്ങ​ളോ​ടൊ​പ്പ​മു​ണ്ടാ​യി​രു​ന്നു. അതു​കൊണ്ട്‌ നിങ്ങൾക്ക്‌ ഒന്നിനും കുറവ്‌ വന്നിട്ടില്ല.”’+ 8 അങ്ങനെ നമ്മൾ അരാബ​യ്‌ക്കുള്ള വഴിയി​ലേ​ക്കോ ഏലത്തി​ലേ​ക്കോ എസ്യോൻ-ഗേബരിലേക്കോ+ കടക്കാതെ, സേയീ​രിൽ താമസി​ക്കുന്ന ഏശാവി​ന്റെ വംശജരായ+ നമ്മുടെ സഹോ​ദ​ര​ന്മാ​രു​ടെ അടുത്തു​കൂ​ടി കടന്നു​പോ​യി.

“പിന്നെ നമ്മൾ തിരിഞ്ഞ്‌ മോവാ​ബ്‌ വിജന​ഭൂ​മി​യു​ടെ വഴിക്കു സഞ്ചരിച്ചു.+ 9 അപ്പോൾ യഹോവ എന്നോടു പറഞ്ഞു: ‘നിങ്ങൾ മോവാ​ബി​നോട്‌ ഏറ്റുമു​ട്ടു​ക​യോ അവരോ​ടു യുദ്ധം ചെയ്യു​ക​യോ അരുത്‌. അർ നഗരം ഞാൻ ലോത്തി​ന്റെ വംശജർക്ക്‌+ അവകാ​ശ​മാ​യി കൊടു​ത്തി​രി​ക്കു​ന്നു. അതു​കൊണ്ട്‌ അവന്റെ ദേശത്ത്‌ അൽപ്പം സ്ഥലം​പോ​ലും ഞാൻ നിങ്ങൾക്ക്‌ അവകാ​ശ​മാ​യി തരില്ല. 10 (പണ്ട്‌ ഏമിമ്യരാണ്‌+ അവിടെ താമസി​ച്ചി​രു​ന്നത്‌. അനാക്യ​രെ​പ്പോ​ലെ ഉയരമു​ണ്ടാ​യി​രുന്ന അവർ അസംഖ്യം ആളുക​ളുള്ള ഒരു മഹാജ​ന​മാ​യി​രു​ന്നു. 11 രഫായീമ്യരെയും+ അനാക്യരെപ്പോലെയാണു+ കണക്കാ​ക്കി​യി​രു​ന്നത്‌. മോവാ​ബ്യർ അവരെ ഏമിമ്യർ എന്നാണു വിളി​ച്ചി​രു​ന്നത്‌. 12 ഹോര്യരാണു+ പണ്ടു സേയീ​രിൽ താമസി​ച്ചി​രു​ന്നത്‌. എന്നാൽ ഏശാവി​ന്റെ വംശജർ ഹോര്യ​രെ അവി​ടെ​നിന്ന്‌ തുരത്തി​യോ​ടി​ക്കു​ക​യും അവരെ നിശ്ശേഷം നശിപ്പി​ച്ച​ശേഷം അവരുടെ ദേശത്ത്‌ താമസ​മു​റ​പ്പി​ക്കു​ക​യും ചെയ്‌തു.+ യഹോവ ഇസ്രാ​യേ​ലി​നു കൊടു​ക്കുന്ന ദേശ​ത്തോട്‌, അവർക്ക്‌ അവകാ​ശ​മാ​യി ലഭിക്കുന്ന ദേശ​ത്തോട്‌, ഇസ്രാ​യേൽ ചെയ്യാ​നി​രി​ക്കു​ന്ന​തു​പോ​ലെ​തന്നെ.) 13 നിങ്ങൾ പുറ​പ്പെട്ട്‌ സേരെദ്‌ താഴ്‌വര* കുറുകെ കടക്കുക.’ അങ്ങനെ നമ്മൾ സേരെദ്‌ താഴ്‌വര കടന്നു.+ 14 കാദേശ്‌-ബർന്നേ​യ​യിൽനിന്ന്‌ പുറ​പ്പെ​ട്ട​തു​മു​തൽ സേരെദ്‌ താഴ്‌വര കുറുകെ കടന്നതു​വ​രെ​യുള്ള കാലം ആകെ 38 വർഷമാ​യി​രു​ന്നു. അപ്പോ​ഴേ​ക്കും, യഹോവ സത്യം ചെയ്‌ത്‌ പറഞ്ഞി​രു​ന്ന​തു​പോ​ലെ യോദ്ധാ​ക്ക​ളു​ടെ ആ തലമുറ മുഴുവൻ പാളയ​ത്തിൽനിന്ന്‌ നശിച്ചു​പോ​യി​രു​ന്നു.+ 15 അവരെല്ലാം നശി​ച്ചൊ​ടു​ങ്ങു​ന്ന​തു​വരെ അവരെ പാളയ​ത്തിൽനിന്ന്‌ നീക്കി​ക്ക​ള​യാ​നാ​യി യഹോ​വ​യു​ടെ കൈ അവർക്കെ​തി​രെ നില​കൊ​ണ്ടു.+

16 “ആ യോദ്ധാ​ക്ക​ളെ​ല്ലാം ജനത്തിന്‌ ഇടയിൽനി​ന്ന്‌ മരിച്ചു​പോ​യ​ശേഷം വൈകാതെതന്നെ+ 17 യഹോവ എന്നോടു വീണ്ടും സംസാ​രി​ച്ചു. ദൈവം പറഞ്ഞു: 18 ‘നിങ്ങൾ ഇന്നു മോവാ​ബി​ന്റെ പ്രദേ​ശ​ത്തു​കൂ​ടി, അതായത്‌ അർ നഗരത്തി​ലൂ​ടെ, കടന്നു​പോ​കും. 19 നിങ്ങൾ അമ്മോ​ന്യ​രു​ടെ അടുത്ത്‌ ചെല്ലു​മ്പോൾ അവരെ ദ്രോ​ഹി​ക്കു​ക​യോ പ്രകോ​പി​പ്പി​ക്കു​ക​യോ അരുത്‌. ഞാൻ അമ്മോ​ന്യ​രു​ടെ ദേശത്ത്‌ അൽപ്പം സ്ഥലം​പോ​ലും നിങ്ങൾക്ക്‌ അവകാ​ശ​മാ​യി തരില്ല. കാരണം ഞാൻ അതു ലോത്തി​ന്റെ വംശജർക്ക്‌ അവരുടെ അവകാ​ശ​മാ​യി കൊടു​ത്ത​താണ്‌.+ 20 അതും രഫായീമ്യരുടെ+ ദേശമാ​യി കണക്കാ​ക്കി​യി​രു​ന്നു. (രഫായീ​മ്യ​രാ​ണു പണ്ട്‌ അവിടെ താമസി​ച്ചി​രു​ന്നത്‌. അമ്മോ​ന്യർ അവരെ സംസു​മ്മ്യർ എന്നാണു വിളി​ച്ചി​രു​ന്നത്‌. 21 ഇവരും അനാക്യ​രെ​പ്പോ​ലെ ഉയരമുള്ള,+ അസംഖ്യം ആളുക​ളുള്ള ഒരു മഹാജ​ന​മാ​യി​രു​ന്നു. എന്നാൽ യഹോവ അവരെ അമ്മോ​ന്യ​രു​ടെ മുന്നിൽനി​ന്ന്‌ നീക്കി​ക്ക​ളഞ്ഞു. അവർ അവരെ ഓടി​ച്ചു​ക​ള​യു​ക​യും അവരുടെ സ്ഥലത്ത്‌ താമസ​മാ​ക്കു​ക​യും ചെയ്‌തു. 22 സേയീരിൽ ഇപ്പോൾ താമസി​ക്കുന്ന ഏശാവി​ന്റെ വംശജരുടെ+ മുന്നിൽനി​ന്ന്‌ ദൈവം ഹോര്യ​രെ നീക്കിക്കളഞ്ഞപ്പോൾ+ അവർക്കു​വേ​ണ്ടി​യും ഇതുത​ന്നെ​യാ​ണു ചെയ്‌തത്‌. അങ്ങനെ അവർ ഹോര്യ​രെ തുരത്തി​യോ​ടിച്ച്‌ ഇന്നും അവരുടെ ദേശത്ത്‌ താമസി​ക്കു​ന്നു. 23 അവ്വീമ്യരാകട്ടെ, ഗസ്സ വരെയുള്ള സ്ഥലത്ത്‌ താമസ​മാ​ക്കി​യി​രു​ന്നു.+ എന്നാൽ കഫ്‌തോരിൽനിന്ന്‌*+ പുറ​പ്പെ​ട്ടു​വന്ന കഫ്‌തോ​രീ​മ്യർ അവരെ പാടേ നശിപ്പി​ച്ച്‌ അവരുടെ സ്ഥലത്ത്‌ താമസ​മാ​ക്കി.)

24 “‘എഴു​ന്നേറ്റ്‌ അർന്നോൻ താഴ്‌വര* കുറുകെ കടക്കു​വിൻ.+ ഇതാ, ഹെശ്‌ബോൻരാ​ജാ​വായ സീഹോൻ+ എന്ന അമോ​ര്യ​നെ ഞാൻ നിങ്ങളു​ടെ കൈയിൽ തന്നിരി​ക്കു​ന്നു. അവന്റെ ദേശം കൈവ​ശ​മാ​ക്കി​ത്തു​ട​ങ്ങുക; അവനോ​ടു യുദ്ധം ചെയ്യുക. 25 ഇന്നുമുതൽ, നിങ്ങ​ളെ​ക്കു​റി​ച്ചുള്ള വാർത്ത കേൾക്കു​മ്പോൾ ആകാശ​ത്തിൻകീ​ഴി​ലുള്ള എല്ലാ ജനങ്ങളും നടുങ്ങി​വി​റ​യ്‌ക്കാൻ ഞാൻ ഇടവരു​ത്തും. നിങ്ങൾ കാരണം അവർ അസ്വസ്ഥ​രാ​കു​ക​യും ഭയന്നുവിറയ്‌ക്കുകയും* ചെയ്യും.’+

26 “പിന്നെ ഞാൻ കെദേമോത്ത്‌+ വിജന​ഭൂ​മി​യിൽനിന്ന്‌ ഹെശ്‌ബോ​നി​ലെ രാജാ​വായ സീഹോ​ന്റെ അടു​ത്തേക്കു സമാധാ​ന​ത്തി​ന്റെ ഈ സന്ദേശ​വു​മാ​യി ദൂതന്മാ​രെ അയച്ചു:+ 27 ‘അങ്ങയുടെ ദേശത്തു​കൂ​ടി കടന്നു​പോ​കാൻ എന്നെ അനുവ​ദി​ക്കണം. ഞാൻ ഇടത്തോ​ട്ടോ വലത്തോ​ട്ടോ തിരി​യാ​തെ പ്രധാ​ന​വീ​ഥി​യി​ലൂ​ടെ​ത്തന്നെ പൊയ്‌ക്കൊ​ള്ളാം.+ 28 അങ്ങ്‌ എനിക്കു വിൽക്കുന്ന ഭക്ഷണം മാത്രമേ ഞാൻ കഴിക്കൂ; അങ്ങ്‌ വിലയ്‌ക്കു തരുന്ന വെള്ളം മാത്രമേ ഞാൻ കുടിക്കൂ. 29 സേയീരിൽ താമസി​ക്കുന്ന ഏശാവി​ന്റെ വംശജ​രും അർ ദേശത്ത്‌ താമസി​ക്കുന്ന മോവാ​ബ്യ​രും അവരുടെ ദേശത്തു​കൂ​ടി പോകാൻ എന്നെ അനുവ​ദി​ച്ച​തു​പോ​ലെ അങ്ങയുടെ ദേശത്തു​കൂ​ടി നടന്നു​പോ​കാൻ അങ്ങും എന്നെ അനുവ​ദി​ക്കേ​ണമേ. യോർദാൻ കടന്ന്‌ ഞങ്ങളുടെ ദൈവ​മായ യഹോവ ഞങ്ങൾക്കു തരുന്ന ദേശ​ത്തേക്കു ഞാൻ പോകട്ടെ.’ 30 പക്ഷേ ഹെശ്‌ബോ​നി​ലെ സീഹോൻ രാജാവ്‌ നമ്മളെ അതുവഴി കടത്തി​വി​ട്ടില്ല. സീഹോ​ന്റെ മനസ്സും ഹൃദയ​വും കഠിന​മാ​കാൻ നിങ്ങളു​ടെ ദൈവ​മായ യഹോവ അനുവ​ദി​ച്ചു.+ സീഹോ​നെ നിങ്ങളു​ടെ കൈയിൽ ഏൽപ്പി​ക്കാൻവേ​ണ്ടി​യാ​ണു ദൈവം അങ്ങനെ ചെയ്‌തത്‌. ദൈവം സീഹോ​നെ നിങ്ങളു​ടെ കൈയിൽ ഏൽപ്പി​ച്ചു​ത​രു​ക​യും ചെയ്‌തു.+

31 “അപ്പോൾ യഹോവ എന്നോടു പറഞ്ഞു: ‘ഇതാ, സീഹോ​നെ​യും അവന്റെ ദേശ​ത്തെ​യും ഞാൻ നിന്റെ കൈയിൽ തന്നിരി​ക്കു​ന്നു. ചെന്ന്‌ അവന്റെ ദേശം കൈവ​ശ​മാ​ക്കി​ത്തു​ട​ങ്ങുക.’+ 32 പിന്നീട്‌, സീഹോൻ അയാളു​ടെ സർവജ​ന​ത്തോ​ടും ഒപ്പം നമ്മളോ​ടു യുദ്ധം ചെയ്യാൻ യാഹാസിൽ+ വന്നപ്പോൾ 33 നമ്മുടെ ദൈവ​മായ യഹോവ സീഹോ​നെ നമ്മുടെ കൈയിൽ ഏൽപ്പിച്ചു. അങ്ങനെ നമ്മൾ സീഹോ​നെ​യും ആൺമക്ക​ളെ​യും അയാളു​ടെ സർവജ​ന​ത്തെ​യും തോൽപ്പി​ച്ചു. 34 സീഹോന്റെ നഗരങ്ങ​ളെ​ല്ലാം പിടി​ച്ച​ടക്കി. പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും സഹിതം ആ നഗരങ്ങ​ളെ​ല്ലാം നശിപ്പി​ച്ചു​ക​ളഞ്ഞു; ഒരാ​ളെ​യും ബാക്കി വെച്ചില്ല.+ 35 പിടിച്ചടക്കിയ നഗരങ്ങ​ളിൽനിന്ന്‌ കിട്ടിയ കൊള്ള​വ​സ്‌തു​ക്ക​ളോ​ടൊ​പ്പം നമ്മൾ മൃഗങ്ങളെ മാത്രമേ കൊണ്ടു​പോ​ന്നു​ള്ളൂ. 36 അർന്നോൻ താഴ്‌വ​ര​യു​ടെ അറ്റത്തുള്ള അരോ​വേർ മുതൽ+ ഗിലെ​യാദ്‌ വരെയുള്ള പ്രദേ​ശത്ത്‌ (ആ താഴ്‌വ​ര​യി​ലുള്ള നഗരം ഉൾപ്പെടെ) നമുക്കു പിടി​ച്ച​ട​ക്കാ​നാ​കാത്ത ഒരു പട്ടണവു​മു​ണ്ടാ​യി​രു​ന്നില്ല. നമ്മുടെ ദൈവ​മായ യഹോവ അവയെ​ല്ലാം നമ്മുടെ കൈയിൽ ഏൽപ്പിച്ചു.+ 37 എന്നാൽ അമ്മോ​ന്യ​രു​ടെ ദേശത്തെ+ യബ്ബോക്ക്‌ താഴ്‌വരയിലെ* പ്രദേശങ്ങളിലേക്കും+ മലനാ​ട്ടി​ലെ നഗരങ്ങ​ളി​ലേ​ക്കും നിങ്ങൾ പോയില്ല; നമ്മുടെ ദൈവ​മായ യഹോവ വിലക്കിയ ഒരു സ്ഥലത്തേ​ക്കും നിങ്ങൾ കടന്നു​ചെ​ന്നില്ല.

3 “പിന്നെ നമ്മൾ തിരിഞ്ഞ്‌ ബാശാൻ വഴിയി​ലൂ​ടെ ചെന്നു. അപ്പോൾ ബാശാ​നി​ലെ രാജാ​വായ ഓഗ്‌ നമ്മളോ​ടു യുദ്ധം ചെയ്യാൻ അയാളു​ടെ ജനത്തെ മുഴുവൻ കൂട്ടി എദ്രെ​യിൽ വന്നു.+ 2 എന്നാൽ യഹോവ എന്നോടു പറഞ്ഞു: ‘ഓഗിനെ പേടി​ക്കേണ്ടാ. അവനെ​യും അവന്റെ ജനത്തെ​യും അവന്റെ ദേശ​ത്തെ​യും ഞാൻ നിന്റെ കൈയിൽ തരും. ഹെശ്‌ബോ​നിൽ താമസി​ച്ചി​രുന്ന അമോ​ര്യ​രാ​ജാ​വായ സീഹോ​നോ​ടു ചെയ്‌ത​തു​പോ​ലെ​തന്നെ നീ അവനോ​ടും ചെയ്യും.’ 3 അങ്ങനെ നമ്മുടെ ദൈവ​മായ യഹോവ ബാശാ​നി​ലെ ഓഗ്‌ രാജാ​വി​നെ​യും ഓഗിന്റെ മുഴുവൻ ജനത്തെ​യും നമ്മുടെ കൈയിൽ തന്നു. നമ്മൾ ഓഗ്‌ രാജാ​വി​നോ​ടു പൊരു​തി അവരെ സംഹരി​ച്ചു; അയാളു​ടെ ജനത്തിൽ ആരും ശേഷി​ച്ചില്ല. 4 ഓഗിന്റെ എല്ലാ നഗരങ്ങ​ളും നമ്മൾ പിടി​ച്ച​ടക്കി; അവരിൽനി​ന്ന്‌ പിടി​ച്ചെ​ടു​ക്കാത്ത ഒരു പട്ടണവു​മു​ണ്ടാ​യി​രു​ന്നില്ല. ആ 60 നഗരങ്ങൾ, ബാശാ​നി​ലെ ഓഗിന്റെ രാജ്യ​മായ അർഗോ​ബ്‌ പ്രദേശം മുഴു​വ​നും, നമ്മൾ കൈവ​ശ​മാ​ക്കി.+ 5 ഉയർന്ന മതിലു​ക​ളും ഓടാ​മ്പ​ലു​കൾ വെച്ച വലിയ വാതി​ലു​ക​ളും കൊണ്ട്‌ സുരക്ഷി​ത​മാ​ക്കിയ നഗരങ്ങ​ളാ​യി​രു​ന്നു അവയെ​ല്ലാം. അനേകം ഉൾനാടൻ പട്ടണങ്ങ​ളും ആ പ്രദേ​ശ​ത്തു​ണ്ടാ​യി​രു​ന്നു. 6 എന്നാൽ ഹെശ്‌ബോൻരാ​ജാ​വായ സീഹോ​നോ​ടു ചെയ്‌ത​തു​പോ​ലെ നമ്മൾ അവയെ നശിപ്പി​ച്ചു.+ എല്ലാ നഗരങ്ങ​ളെ​യും അവയി​ലുള്ള പുരു​ഷ​ന്മാ​രെ​യും സ്‌ത്രീ​ക​ളെ​യും കുട്ടി​ക​ളെ​യും നമ്മൾ നിശ്ശേഷം നശിപ്പി​ച്ചു​ക​ളഞ്ഞു.+ 7 കൊള്ളവസ്‌തുക്കളോടൊപ്പം ആ നഗരങ്ങ​ളി​ലെ എല്ലാ മൃഗങ്ങ​ളെ​യും നമ്മൾ കൊണ്ടു​പോ​ന്നു.

8 “യോർദാൻ പ്രദേ​ശ​ത്തു​ണ്ടാ​യി​രുന്ന രണ്ട്‌ അമോ​ര്യ​രാ​ജാ​ക്ക​ന്മാ​രു​ടെ​യും ദേശം ആ സമയത്ത്‌ നമ്മൾ പിടി​ച്ച​ടക്കി.+ അതായത്‌, അർന്നോൻ താഴ്‌വര* മുതൽ ഹെർമോൻ പർവതം വരെയുള്ള പ്രദേശം.+ 9 (സീദോ​ന്യർ ആ പർവതത്തെ സീറി​യോൻ എന്നും അമോ​ര്യർ സെനീർ എന്നും ആണ്‌ വിളി​ച്ചി​രു​ന്നത്‌.) 10 അങ്ങനെ പീഠഭൂ​മി​യി​ലെ എല്ലാ നഗരങ്ങ​ളും ഗിലെ​യാദ്‌ മുഴു​വ​നും ബാശാ​നി​ലെ ഓഗിന്റെ രാജ്യത്തെ സൽക്ക, എദ്രെ+ എന്നീ നഗരങ്ങൾവ​രെ​യുള്ള ബാശാൻ മുഴു​വ​നും നമ്മൾ കൈവ​ശ​മാ​ക്കി. 11 ബാശാൻരാജാവായ ഓഗാ​യി​രു​ന്നു അവസാ​നത്തെ രഫായീ​മ്യൻ. അയാളു​ടെ ശവമഞ്ചം ഇരുമ്പു​കൊ​ണ്ടു​ള്ള​താ​യി​രു​ന്നു.* അത്‌ ഇപ്പോ​ഴും അമ്മോ​ന്യ​ന​ഗ​ര​മായ രബ്ബയി​ലുണ്ട്‌. അതിന്‌ ഒൻപതു മുഴം* നീളവും നാലു മുഴം വീതി​യും ഉണ്ടായി​രു​ന്നു. 12 ആ സമയത്ത്‌ നമ്മൾ ഈ ദേശം, അതായത്‌ അർന്നോൻ താഴ്‌വ​ര​യു​ടെ അടുത്തുള്ള അരോവേർ+ മുതൽ ഗിലെ​യാദ്‌ മലനാ​ടി​ന്റെ പകുതി വരെയുള്ള പ്രദേശം, കൈവ​ശ​മാ​ക്കി. അതിലെ നഗരങ്ങൾ ഞാൻ രൂബേ​ന്യർക്കും ഗാദ്യർക്കും കൊടു​ത്തു.+ 13 ഗിലെയാദിന്റെ ബാക്കി പ്രദേ​ശ​വും ഓഗിന്റെ രാജ്യത്തെ ബാശാൻപ്ര​ദേശം മുഴു​വ​നും മനശ്ശെ​യു​ടെ പാതി ഗോ​ത്ര​ത്തി​നു കൊടു​ത്തു.+ ബാശാ​നി​ലുള്ള അർഗോ​ബ്‌ പ്രദേ​ശ​മെ​ല്ലാം രഫായീ​മ്യ​രു​ടെ ദേശം എന്നാണ്‌ അറിയ​പ്പെ​ട്ടി​രു​ന്നത്‌.

14 “ഗശൂര്യ​രു​ടെ​യും മാഖാത്യരുടെയും+ അതിർത്തി​വ​രെ​യുള്ള അർഗോ​ബ്‌ പ്രദേശം മുഴുവനും+ മനശ്ശെ​യു​ടെ വംശജ​നായ യായീർ+ പിടി​ച്ച​ടക്കി. യായീർ ബാശാ​നി​ലെ ആ ഗ്രാമ​ങ്ങൾക്കു തന്റെ പേരു​കൂ​ടെ ചേർത്ത്‌ ഹവ്വോത്ത്‌-യായീർ*+ എന്നു പേരിട്ടു. ഇന്നും അതുത​ന്നെ​യാണ്‌ അവയുടെ പേര്‌. 15 ഗിലെയാദ്‌ ഞാൻ മാഖീരിനു+ കൊടു​ത്തു. 16 രൂബേന്യർക്കും ഗാദ്യർക്കും+ ഞാൻ ഗിലെ​യാദ്‌ മുതൽ അർന്നോൻ താഴ്‌വര വരെയുള്ള പ്രദേശം കൊടു​ത്തു. താഴ്‌വ​ര​യു​ടെ മധ്യഭാ​ഗ​മാ​യി​രു​ന്നു അതിന്റെ ഒരു അതിർത്തി. അമ്മോ​ന്യ​രു​ടെ അതിർത്തി​യായ യബ്ബോക്ക്‌ താഴ്‌വ​ര​യി​ലേ​ക്കും 17 മറുവശത്ത്‌ അരാബ​യി​ലേ​ക്കും യോർദാ​നി​ലേ​ക്കും അതിന്റെ അതിർത്തി​പ്ര​ദേ​ശ​ത്തേ​ക്കും അതു വ്യാപി​ച്ചു​കി​ടന്നു. കിന്നേ​രെത്ത്‌ മുതൽ കിഴക്ക്‌ പിസ്‌ഗ​യു​ടെ ചെരി​വി​നു താഴെ അരാബ കടൽ എന്ന ഉപ്പുകടൽ* വരെ അതു നീണ്ടു​കി​ടന്നു.+

18 “പിന്നെ ഞാൻ നിങ്ങ​ളോട്‌ ഇങ്ങനെ കല്‌പി​ച്ചു: ‘നിങ്ങളു​ടെ ദൈവ​മായ യഹോവ ഈ ദേശം നിങ്ങൾക്ക്‌ ഒരു അവകാ​ശ​മാ​യി തന്നിരി​ക്കു​ന്നു. നിങ്ങൾക്കി​ട​യി​ലെ വീരന്മാ​രെ​ല്ലാം ആയുധം ഏന്തി, നിങ്ങളു​ടെ സഹോ​ദ​ര​ന്മാ​രായ ഇസ്രാ​യേ​ല്യർക്കു മുമ്പാകെ നദി കടക്കണം.+ 19 നിങ്ങളുടെ ഭാര്യ​മാ​രും കുട്ടി​ക​ളും മൃഗങ്ങ​ളും മാത്രം (നിങ്ങൾക്ക്‌ അനവധി മൃഗങ്ങ​ളു​ണ്ടെന്ന്‌ എനിക്ക്‌ അറിയാം.) ഞാൻ നിങ്ങൾക്കു തന്ന നഗരങ്ങ​ളിൽ തുടർന്നും താമസി​ക്കും. 20 നിങ്ങൾക്കു നൽകി​യ​തു​പോ​ലെ യഹോവ നിങ്ങളു​ടെ സഹോ​ദ​ര​ന്മാർക്കും വിശ്രമം നൽകു​ക​യും യോർദാ​ന്റെ മറുക​ര​യിൽ നിങ്ങളു​ടെ ദൈവ​മായ യഹോവ അവർക്കു കൊടു​ക്കുന്ന ദേശം അവർ കൈവ​ശ​മാ​ക്കു​ക​യും ചെയ്‌ത​ശേഷം ഞാൻ തന്ന ഈ അവകാ​ശ​ത്തി​ലേക്കു നിങ്ങൾക്ക്‌ ഓരോ​രു​ത്തർക്കും മടങ്ങി​വ​രാം.’+

21 “ആ സമയത്ത്‌ ഞാൻ യോശുവയോട്‌+ ഇങ്ങനെ കല്‌പി​ച്ചു: ‘നിങ്ങളു​ടെ ദൈവ​മായ യഹോവ ഈ രണ്ടു രാജാ​ക്ക​ന്മാ​രോ​ടും ചെയ്‌തതു നീ നിന്റെ കണ്ണു​കൊണ്ട്‌ കണ്ടല്ലോ. നീ കടന്നു​ചെ​ല്ലുന്ന എല്ലാ രാജ്യ​ങ്ങ​ളോ​ടും യഹോവ ഇതുതന്നെ ചെയ്യും.+ 22 നിങ്ങൾ അവരെ പേടി​ക്ക​രുത്‌, നിങ്ങളു​ടെ ദൈവ​മായ യഹോ​വ​യാ​ണു നിങ്ങൾക്കു​വേണ്ടി പോരാ​ടു​ന്നത്‌.’+

23 “അപ്പോൾ ഞാൻ യഹോ​വ​യോട്‌ ഇങ്ങനെ യാചിച്ചു: 24 ‘പരമാ​ധി​കാ​രി​യായ യഹോവേ, അങ്ങയുടെ മാഹാ​ത്മ്യ​വും അങ്ങയുടെ ബലമുള്ള കൈയും അങ്ങ്‌ അടിയനെ കാണി​ച്ചു​തു​ട​ങ്ങി​യി​രി​ക്കു​ന്നു.+ അങ്ങയെ​പ്പോ​ലെ അത്ഭുതങ്ങൾ ചെയ്യുന്ന വേറെ ഏതു ദൈവ​മാ​ണു സ്വർഗ​ത്തി​ലോ ഭൂമി​യി​ലോ ഉള്ളത്‌!+ 25 യോർദാന്‌ അക്കരെ​യുള്ള ആ നല്ല ദേശ​ത്തേക്കു കടന്നു​ചെ​ല്ലാൻ, മനോ​ഹ​ര​മായ ആ മലനാ​ടും ലബാ​നോ​നും കാണാൻ, അങ്ങ്‌ എന്നെ അനുവ​ദി​ക്കേ​ണമേ.’+ 26 എന്നാൽ നിങ്ങൾ കാരണം യഹോവ അപ്പോ​ഴും എന്നോട്‌ ഉഗ്രമാ​യി കോപി​ച്ച്‌ എന്റെ അപേക്ഷ കേൾക്കാൻ വിസമ്മ​തി​ച്ചു.+ യഹോവ എന്നോടു പറഞ്ഞത്‌ ഇതാണ്‌: ‘മതി! ഇനി എന്നോട്‌ ഇക്കാര്യം സംസാ​രി​ക്ക​രുത്‌. 27 നീ ഈ യോർദാൻ കടക്കില്ല; പിസ്‌ഗയുടെ+ മുകളിൽ ചെന്ന്‌ പടിഞ്ഞാ​റോ​ട്ടും വടക്കോ​ട്ടും തെക്കോ​ട്ടും കിഴ​ക്കോ​ട്ടും നോക്കി ആ ദേശം കണ്ടു​കൊ​ള്ളുക.+ 28 നീ യോശു​വയെ നിയോഗിച്ച്‌+ അവനെ പ്രോ​ത്സാ​ഹി​പ്പി​ക്കു​ക​യും ബലപ്പെ​ടു​ത്തു​ക​യും വേണം. യോശു​വ​യാ​യി​രി​ക്കും അവി​ടേക്ക്‌ ഈ ജനത്തെ നയിച്ചു​കൊ​ണ്ടു​പോ​കു​ന്നത്‌.+ നീ കാണാൻപോ​കുന്ന ആ ദേശം ജനത്തിന്‌ അവകാ​ശ​മാ​ക്കി​ക്കൊ​ടു​ക്കു​ന്ന​തും യോശു​വ​യാ​യി​രി​ക്കും.’ 29 നമ്മൾ ബേത്ത്‌-പെയോ​രി​നു മുന്നി​ലുള്ള താഴ്‌വ​ര​യിൽ താമസി​ക്കു​മ്പോ​ഴാണ്‌ ഇതെല്ലാം സംഭവി​ച്ചത്‌.+

4 “ഇസ്രാ​യേലേ, നിങ്ങൾ ജീവിച്ചിരിക്കാനും+ നിങ്ങളു​ടെ പൂർവി​ക​രു​ടെ ദൈവ​മായ യഹോവ നിങ്ങൾക്കു നൽകുന്ന ദേശത്ത്‌ ചെന്ന്‌ അതു കൈവ​ശ​മാ​ക്കാ​നും വേണ്ടി ഞാൻ നിങ്ങളെ പഠിപ്പി​ക്കുന്ന ചട്ടങ്ങളും ന്യായ​ത്തീർപ്പു​ക​ളും അനുസ​രി​ക്കുക. 2 ഞാൻ നിങ്ങൾക്കു നൽകുന്ന കല്‌പ​ന​യോ​ടു നിങ്ങൾ ഒന്നും കൂട്ടി​ച്ചേർക്ക​രുത്‌; അതിൽനി​ന്ന്‌ ഒന്നും കുറയ്‌ക്കു​ക​യു​മ​രുത്‌.+ ഞാൻ നിങ്ങ​ളോ​ടു കല്‌പി​ക്കുന്ന, നിങ്ങളു​ടെ ദൈവ​മായ യഹോ​വ​യു​ടെ കല്‌പ​നകൾ നിങ്ങൾ അതേപടി പാലി​ക്കണം.

3 “പെയോ​രി​ലെ ബാലിന്റെ കാര്യ​ത്തിൽ യഹോവ ചെയ്‌തതു നിങ്ങൾ സ്വന്തം കണ്ണു​കൊണ്ട്‌ കണ്ടതാ​ണ​ല്ലോ. പെയോ​രി​ലെ ബാലിന്റെ പിന്നാലെ പോയ എല്ലാവ​രെ​യും നിങ്ങളു​ടെ ദൈവ​മായ യഹോവ നിങ്ങൾക്കി​ട​യിൽനിന്ന്‌ നിശ്ശേഷം നശിപ്പി​ച്ചു.+ 4 എന്നാൽ നിങ്ങളു​ടെ ദൈവ​മായ യഹോ​വ​യോ​ടു പറ്റിനിൽക്കുന്ന നിങ്ങ​ളെ​ല്ലാം ഇന്നു ജീവ​നോ​ടെ​യുണ്ട്‌. 5 നിങ്ങളുടെ ദൈവ​മായ യഹോവ എന്നോടു കല്‌പി​ച്ച​തു​പോ​ലെ ഞാൻ നിങ്ങളെ ചട്ടങ്ങളും ന്യായ​ത്തീർപ്പു​ക​ളും പഠിപ്പി​ച്ചി​രി​ക്കു​ന്നു.+ നിങ്ങൾ കൈവ​ശ​മാ​ക്കുന്ന ദേശത്ത്‌ നിങ്ങൾ അവയെ​ല്ലാം പാലി​ക്കണം. 6 നിങ്ങൾ അവയെ​ല്ലാം ശ്രദ്ധാ​പൂർവം പിൻപറ്റിയാൽ+ ഈ ചട്ടങ്ങ​ളെ​ക്കു​റിച്ച്‌ കേൾക്കുന്ന ജനങ്ങളു​ടെ മുമ്പാകെ നിങ്ങൾ ജ്ഞാനികളും+ വകതിരിവുള്ളവരും+ ആയിരി​ക്കും. അവർ നിങ്ങ​ളെ​ക്കു​റിച്ച്‌, ‘ഈ മഹാജനത ജ്ഞാനവും വകതി​രി​വും ഉള്ളവരാ​ണ്‌’+ എന്നു പറയും. 7 നമ്മൾ വിളി​ക്കു​മ്പോ​ഴെ​ല്ലാം നമ്മുടെ ദൈവ​മായ യഹോവ നമ്മുടെ അടുത്ത്‌ എത്തുന്ന​തു​പോ​ലെ, ദൈവം ഇത്ര അടുത്തുള്ള വേറെ ഏതെങ്കി​ലും മഹാജ​ന​ത​യു​ണ്ടോ?+ 8 വേറെ ഏതു ജനതയ്‌ക്കാ​ണ്‌ ഇന്നു ഞാൻ നിങ്ങളു​ടെ മുമ്പാകെ വെക്കുന്ന ഈ നിയമ​സം​ഹി​ത​പോ​ലെ നീതി​യുള്ള ചട്ടങ്ങളും ന്യായ​ത്തീർപ്പു​ക​ളും ഉള്ളത്‌?+

9 “നിങ്ങൾ സ്വന്തം കണ്ണു​കൊണ്ട്‌ കണ്ട കാര്യങ്ങൾ മറക്കാ​തി​രി​ക്കാ​നും ജീവകാ​ലത്ത്‌ ഒരിക്ക​ലും അവ നിങ്ങളു​ടെ ഹൃദയ​ത്തിൽനിന്ന്‌ നീങ്ങി​പ്പോ​കാ​തി​രി​ക്കാ​നും പ്രത്യേ​കം ശ്രദ്ധി​ക്കുക; ഇക്കാര്യ​ത്തിൽ അതീവ​ജാ​ഗ്രത കാണി​ക്കുക. അവ നിങ്ങളു​ടെ മക്കളെ​യും മക്കളുടെ മക്കളെ​യും അറിയി​ക്കു​ക​യും വേണം.+ 10 ഹോരേബിൽവെച്ച്‌ നിങ്ങൾ നിങ്ങളു​ടെ ദൈവ​മായ യഹോ​വ​യു​ടെ മുമ്പാകെ നിന്ന നാളിൽ യഹോവ എന്നോടു പറഞ്ഞു: ‘ജനത്തെ എന്റെ മുമ്പാകെ കൂട്ടി​വ​രു​ത്തുക. ജീവി​ച്ചി​രി​ക്കു​ന്നി​ട​ത്തോ​ളം കാലം അവർ എന്നെ ഭയപ്പെ​ടാൻ പഠിക്കേണ്ടതിനും+ അവരുടെ മക്കളെ പഠിപ്പിക്കേണ്ടതിനും+ ഞാൻ എന്റെ വചനങ്ങൾ അവരെ അറിയി​ക്കും.’+

11 “അങ്ങനെ നിങ്ങൾ മലയുടെ അടിവാ​രത്ത്‌ വന്ന്‌ നിന്നു. അപ്പോൾ ആ മല കത്തിജ്വ​ലി​ക്കു​ന്നു​ണ്ടാ​യി​രു​ന്നു; അതിന്റെ ജ്വാല അങ്ങ്‌ ആകാശത്തോളം* എത്തി. ഇരുളും മേഘവും കനത്ത മൂടലും അവി​ടെ​യു​ണ്ടാ​യി​രു​ന്നു.+ 12 പിന്നെ യഹോവ തീയിൽനി​ന്ന്‌ നിങ്ങ​ളോ​ടു സംസാ​രി​ക്കാൻതു​ടങ്ങി.+ നിങ്ങൾ സ്വരം കേട്ടെ​ങ്കി​ലും രൂപ​മൊ​ന്നും കണ്ടില്ല,+ ശബ്ദം മാത്രമേ ഉണ്ടായി​രു​ന്നു​ള്ളൂ.+ 13 ദൈവത്തിന്റെ ഉടമ്പടി,+ അതായത്‌ നിങ്ങൾ പാലി​ക്ക​ണ​മെന്നു കല്‌പിച്ച ആ പത്തു കല്‌പ​നകൾ,*+ ദൈവം നിങ്ങ​ളോ​ടു പ്രഖ്യാ​പി​ച്ചു. തുടർന്ന്‌ ദൈവം അവ രണ്ടു കൽപ്പല​ക​ക​ളിൽ എഴുതി.+ 14 നിങ്ങൾ കൈവ​ശ​മാ​ക്കാൻപോ​കുന്ന ദേശത്ത്‌ ചെല്ലു​മ്പോൾ നിങ്ങൾ പാലി​ക്കേണ്ട ചട്ടങ്ങളും ന്യായ​ത്തീർപ്പു​ക​ളും നിങ്ങളെ പഠിപ്പി​ക്ക​ണ​മെന്ന്‌ ആ സമയത്ത്‌ യഹോവ എന്നോടു കല്‌പി​ച്ചു.

15 “അതു​കൊണ്ട്‌ വഷളത്തം പ്രവർത്തി​ക്കാ​തി​രി​ക്കാൻ നിങ്ങൾ പ്രത്യേ​കം ശ്രദ്ധി​ക്കണം. യഹോവ ഹോ​രേ​ബിൽവെച്ച്‌ തീയുടെ നടുവിൽനി​ന്ന്‌ നിങ്ങ​ളോ​ടു സംസാ​രിച്ച ദിവസം നിങ്ങൾ രൂപ​മൊ​ന്നും കണ്ടില്ല​ല്ലോ. 16 അതിനാൽ എന്തി​ന്റെ​യെ​ങ്കി​ലും പ്രതീ​ക​മായ ഒരു രൂപം കൊത്തി​യു​ണ്ടാ​ക്കി നിങ്ങൾ വഷളത്തം പ്രവർത്തി​ക്ക​രുത്‌. ആണി​ന്റെ​യോ പെണ്ണിന്റെയോ+ 17 ഭൂമിയിലുള്ള ഏതെങ്കി​ലും മൃഗത്തി​ന്റെ​യോ ആകാശത്ത്‌ പറക്കുന്ന ഏതെങ്കി​ലും പക്ഷിയുടെയോ+ 18 നിലത്ത്‌ ഇഴയുന്ന ഏതെങ്കി​ലും ജീവി​യു​ടെ​യോ ഭൂമിക്കു കീഴെ വെള്ളത്തി​ലുള്ള ഏതെങ്കി​ലും മത്സ്യത്തി​ന്റെ​യോ രൂപം നിങ്ങൾ ഉണ്ടാക്ക​രുത്‌.+ 19 നിങ്ങൾ കണ്ണ്‌ ഉയർത്തി ആകാശ​ത്തേക്കു നോക്കി സൂര്യ​നെ​യും ചന്ദ്ര​നെ​യും നക്ഷത്ര​ങ്ങ​ളെ​യും—ആകാശ​ത്തി​ലെ സർവ​സൈ​ന്യ​ത്തെ​യും—കാണു​മ്പോൾ അവയുടെ മുമ്പാകെ കുമ്പിട്ട്‌ അവയെ സേവി​ക്കാൻ പ്രലോ​ഭി​ത​രാ​ക​രുത്‌.+ അവയെ നിങ്ങളു​ടെ ദൈവ​മായ യഹോവ ആകാശ​ത്തിൻകീ​ഴി​ലുള്ള എല്ലാ ജനങ്ങൾക്കു​മാ​യി കൊടു​ത്തി​രി​ക്കു​ന്നു. 20 എന്നാൽ നിങ്ങൾ, ഇന്നായി​രി​ക്കു​ന്ന​തു​പോ​ലെ തന്റെ സ്വകാര്യസ്വത്തായിരിക്കാൻ*+ ഈജി​പ്‌ത്‌ എന്ന ഇരുമ്പു​ചൂ​ള​യിൽനിന്ന്‌ യഹോവ പുറത്ത്‌ കൊണ്ടു​വന്ന ജനമാണ്‌.

21 “നിങ്ങൾ കാരണം യഹോവ എന്നോടു കോപി​ച്ചു;+ ഞാൻ യോർദാൻ കടക്കു​ക​യോ നിങ്ങളു​ടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ആ നല്ല ദേശ​ത്തേക്കു പോകു​ക​യോ ഇല്ലെന്നു ദൈവം സത്യം ചെയ്‌ത്‌ പറഞ്ഞു.+ 22 ഞാൻ ഈ ദേശത്തു​വെച്ച്‌ മരിക്കും; ഞാൻ യോർദാൻ കടക്കില്ല.+ എന്നാൽ നിങ്ങൾ യോർദാൻ കടക്കു​ക​യും ആ നല്ല ദേശം കൈവ​ശ​മാ​ക്കു​ക​യും ചെയ്യും. 23 നിങ്ങളുടെ ദൈവ​മായ യഹോവ നിങ്ങളു​മാ​യി ചെയ്‌ത ഉടമ്പടി നിങ്ങൾ ഒരിക്ക​ലും മറന്നു​ക​ള​യ​രുത്‌.+ നിങ്ങളു​ടെ ദൈവ​മായ യഹോവ വിലക്കിയ ഏതെങ്കി​ലും രൂപം നിങ്ങൾ കൊത്തി​യു​ണ്ടാ​ക്ക​രുത്‌.+ 24 കാരണം നിങ്ങളു​ടെ ദൈവ​മായ യഹോവ ദഹിപ്പി​ക്കുന്ന അഗ്നിയാ​ണ്‌,+ സമ്പൂർണ​ഭക്തി ആഗ്രഹി​ക്കുന്ന ഒരു ദൈവം.+

25 “നിങ്ങൾക്കു മക്കളും പേരക്കു​ട്ടി​ക​ളും ഉണ്ടായി ആ ദേശത്ത്‌ ദീർഘ​കാ​ലം താമസി​ച്ച​ശേഷം നിങ്ങൾ നിങ്ങൾക്കു​തന്നെ നാശം വരുത്തുന്ന വിധത്തിൽ പ്രവർത്തി​ക്കു​ക​യും ഏതെങ്കി​ലും തരത്തി​ലുള്ള ഒരു രൂപം കൊത്തിയുണ്ടാക്കി+ നിങ്ങളു​ടെ ദൈവ​മായ യഹോ​വയെ കോപി​പ്പി​ച്ചു​കൊണ്ട്‌ ദൈവ​മു​മ്പാ​കെ തിന്മ പ്രവർത്തി​ക്കു​ക​യും ചെയ്‌താൽ,+ 26 ഇന്നു ഞാൻ നിങ്ങൾക്കെ​തി​രെ ആകാശ​ത്തെ​യും ഭൂമി​യെ​യും സാക്ഷി നിറുത്തി പറയുന്നു, യോർദാൻ കടന്ന്‌ നിങ്ങൾ കൈവ​ശ​മാ​ക്കുന്ന ആ ദേശത്തു​നിന്ന്‌ നിങ്ങൾ പെട്ടെന്നു നശിച്ചു​പോ​കും, ഉറപ്പ്‌. അവിടെ അധിക​കാ​ലം തുടരാൻ നിങ്ങൾക്കു കഴിയില്ല, നിങ്ങളെ അവി​ടെ​നിന്ന്‌ നിശ്ശേഷം തുടച്ചു​നീ​ക്കും.+ 27 യഹോവ നിങ്ങളെ ജനതകൾക്കി​ട​യിൽ ചിതറി​ക്കും.+ നിങ്ങളിൽ കുറച്ച്‌ പേർ മാത്രമേ യഹോവ നിങ്ങളെ ഓടി​ച്ചു​ക​ള​യുന്ന സ്ഥലങ്ങളി​ലെ ജനതകൾക്കി​ട​യിൽ ശേഷിക്കൂ.+ 28 മനുഷ്യർ മരത്തി​ലും കല്ലിലും നിർമിച്ച, കാണാ​നോ കേൾക്കാ​നോ തിന്നാ​നോ മണക്കാ​നോ കഴിയാത്ത, ദൈവ​ങ്ങളെ അവിടെ നിങ്ങൾക്കു സേവി​ക്കേ​ണ്ടി​വ​രും.+

29 “എന്നാൽ അവി​ടെ​വെച്ച്‌ നിങ്ങൾ നിങ്ങളു​ടെ ദൈവ​മായ യഹോ​വയെ അന്വേ​ഷി​ക്കു​ന്നെ​ങ്കിൽ, നിങ്ങളു​ടെ മുഴു​ഹൃ​ദ​യ​ത്തോ​ടും നിങ്ങളു​ടെ മുഴുദേഹിയോടും* കൂടെ ദൈവത്തെ തിരയു​ന്നെ​ങ്കിൽ,+ നിങ്ങൾ ദൈവത്തെ കണ്ടെത്തും.+ 30 നിങ്ങൾ വലിയ ക്ലേശത്തി​ലാ​കു​ക​യും ഭാവി​യിൽ ഈ കാര്യ​ങ്ങ​ളെ​ല്ലാം നിങ്ങൾക്കു സംഭവി​ക്കു​ക​യും ചെയ്യു​മ്പോൾ നിങ്ങൾ നിങ്ങളു​ടെ ദൈവ​മായ യഹോ​വ​യി​ലേക്കു മടങ്ങി​വ​രു​ക​യും ദൈവ​ത്തി​ന്റെ വാക്കിനു ചെവി കൊടു​ക്കു​ക​യും ചെയ്യും.+ 31 നിങ്ങളുടെ ദൈവ​മായ യഹോവ കരുണാ​മ​യ​നായ ദൈവ​മാ​ണ​ല്ലോ.+ ദൈവം നിങ്ങളെ ഉപേക്ഷി​ക്കു​ക​യോ നിങ്ങളെ നശിപ്പി​ക്കു​ക​യോ നിങ്ങളു​ടെ പൂർവി​കർക്കു സത്യം ചെയ്‌ത്‌ നൽകിയ ഉടമ്പടി മറന്നു​ക​ള​യു​ക​യോ ഇല്ല.+

32 “ഇപ്പോൾ നിങ്ങൾ മുൻകാ​ല​ത്തെ​ക്കു​റിച്ച്‌, ദൈവം മനുഷ്യ​നെ ഭൂമി​യിൽ സൃഷ്ടി​ച്ച​തു​മു​ത​ലുള്ള കാല​ത്തെ​ക്കു​റിച്ച്‌, ചോദി​ക്കുക. ആകാശ​ത്തി​ന്റെ ഒരു അറ്റംമു​തൽ മറ്റേ അറ്റംവരെ അന്വേ​ഷി​ക്കുക. ഇങ്ങനെ​യൊ​രു മഹാകാ​ര്യം എപ്പോ​ഴെ​ങ്കി​ലും സംഭവി​ക്കു​ക​യോ ഇതു​പോ​ലൊ​രു കാര്യ​ത്തെ​ക്കു​റിച്ച്‌ കേൾക്കു​ക​യോ ചെയ്‌തി​ട്ടു​ണ്ടോ?+ 33 നിങ്ങൾ കേട്ടതു​പോ​ലെ വേറെ ഏതെങ്കി​ലും ജനം തീയിൽനി​ന്ന്‌ ദൈവ​ത്തി​ന്റെ ശബ്ദം കേൾക്കു​ക​യും ജീവ​നോ​ടി​രി​ക്കു​ക​യും ചെയ്‌തി​ട്ടു​ണ്ടോ?+ 34 അല്ല, നിങ്ങളു​ടെ ദൈവ​മായ യഹോവ നിങ്ങൾ കാൺകെ ഈജി​പ്‌തിൽവെച്ച്‌ നിങ്ങൾക്കു​വേണ്ടി ചെയ്‌ത​തു​പോ​ലെ ദൈവം ഇന്നേവരെ പ്രവർത്തി​ച്ചി​ട്ടു​ണ്ടോ? ന്യായ​വി​ധി​കൾ,* അടയാ​ളങ്ങൾ, അത്ഭുതങ്ങൾ,+ യുദ്ധം,+ ബലമുള്ള കൈ,+ നീട്ടിയ കരം, ഭയാന​ക​മായ പ്രവൃത്തികൾ+ എന്നിവ​യാൽ മറ്റൊരു ജനതയു​ടെ മധ്യേ​നിന്ന്‌ തനിക്കാ​യി ഒരു ജനതയെ എടുക്കാൻ ദൈവം മുമ്പ്‌ എപ്പോ​ഴെ​ങ്കി​ലും ശ്രമി​ച്ചി​ട്ടു​ണ്ടോ? 35 എന്നാൽ യഹോ​വ​യാ​ണു സത്യ​ദൈ​വ​മെന്നു നിങ്ങൾ അറിയാൻവേണ്ടി ഇതെല്ലാം നിങ്ങൾക്കു കാണി​ച്ചു​ത​ന്നി​രി​ക്കു​ന്നു;+ അവിടു​ന്ന​ല്ലാ​തെ മറ്റൊരു ദൈവ​വു​മില്ല.+ 36 നിങ്ങളെ തിരു​ത്താൻ സ്വർഗ​ത്തിൽനിന്ന്‌ ദൈവം തന്റെ സ്വരം കേൾപ്പി​ക്കു​ക​യും ഭൂമി​യിൽ തന്റെ മഹാജ്വാ​ല കാണി​ച്ചു​ത​രു​ക​യും ചെയ്‌ത​ല്ലോ. ആ തീയിൽനി​ന്ന്‌ നിങ്ങൾ ദൈവ​ത്തി​ന്റെ സ്വരം കേൾക്കു​ക​യും ചെയ്‌തു.+

37 “ദൈവം നിങ്ങളു​ടെ പൂർവി​കരെ സ്‌നേ​ഹി​ക്കു​ക​യും അവർക്കു ശേഷം അവരുടെ സന്തതിയെ* തന്റെ ജനമായി തിര​ഞ്ഞെ​ടു​ക്കു​ക​യും ചെയ്‌തു.+ അതിനാൽ ഈജി​പ്‌തിൽനിന്ന്‌ തന്റെ സാന്നി​ധ്യ​ത്തിൽ തന്റെ മഹാശ​ക്തി​യാൽ നിങ്ങളെ വിടു​വി​ച്ചു. 38 നിങ്ങളെക്കാൾ ശക്തരായ മഹാജ​ന​ത​ക​ളു​ടെ ദേശ​ത്തേക്കു നിങ്ങളെ കൊണ്ടു​വ​രാ​നും ഇന്നായി​രി​ക്കു​ന്ന​തു​പോ​ലെ അവരുടെ ദേശം നിങ്ങൾക്ക്‌ അവകാ​ശ​മാ​യി തരാനും വേണ്ടി ദൈവം ആ ജനതകളെ നിങ്ങളു​ടെ മുന്നിൽനി​ന്ന്‌ ഓടി​ച്ചു​ക​ളഞ്ഞു.+ 39 അതുകൊണ്ട്‌ മീതെ ആകാശ​ത്തി​ലും താഴെ ഭൂമി​യി​ലും യഹോ​വ​തന്നെ സത്യ​ദൈവം, അല്ലാതെ മറ്റാരുമില്ല+ എന്ന കാര്യം ഇന്നു നിങ്ങൾ തിരി​ച്ച​റിഞ്ഞ്‌ ഹൃദയ​ത്തിൽ വെച്ചു​കൊ​ള്ളുക.+ 40 നിങ്ങൾക്കും നിങ്ങൾക്കു ശേഷം നിങ്ങളു​ടെ മക്കൾക്കും നന്മ വരാനും അങ്ങനെ, നിങ്ങളു​ടെ ദൈവ​മായ യഹോവ തരുന്ന ദേശത്ത്‌ നിങ്ങൾ ദീർഘ​കാ​ലം ജീവി​ക്കാ​നും ഞാൻ ഇന്നു നിങ്ങ​ളോ​ടു കല്‌പി​ക്കുന്ന ദൈവ​ത്തി​ന്റെ ചട്ടങ്ങളും കല്‌പ​ന​ക​ളും പാലി​ക്കണം.”+

41 ആ കാലത്ത്‌ മോശ യോർദാ​ന്റെ കിഴക്കു​ഭാ​ഗത്ത്‌ മൂന്നു നഗരങ്ങൾ വേർതി​രി​ച്ചു.+ 42 മുൻവൈരാഗ്യമൊന്നും കൂടാതെ അബദ്ധത്തിൽ ആരെങ്കി​ലും സഹമനു​ഷ്യ​നെ കൊന്നാൽ+ അയാൾ ഈ നഗരങ്ങ​ളി​ലൊ​ന്നി​ലേക്ക്‌ ഓടി​പ്പോ​യി അവിടെ ജീവി​ക്കണം.+ 43 ഇവയാണ്‌ ആ നഗരങ്ങൾ: രൂബേ​ന്യർക്കു പീഠഭൂ​മി​യി​ലെ വിജന​ഭൂ​മി​യി​ലുള്ള ബേസെർ,+ ഗാദ്യർക്കു ഗിലെ​യാ​ദി​ലെ രാമോ​ത്ത്‌,+ മനശ്ശെയർക്കു+ ബാശാ​നി​ലെ ഗോലാൻ.+

44 മോശ ഇസ്രാ​യേൽ ജനത്തിനു കൊടുത്ത നിയമം ഇതാണ്‌.+ 45 ഈജിപ്‌തിൽനിന്ന്‌ പുറ​പ്പെ​ട്ടു​പോ​ന്ന​ശേഷം മോശ ഇസ്രാ​യേ​ല്യർക്ക്‌ ഈ ഓർമി​പ്പി​ക്ക​ലു​ക​ളും ചട്ടങ്ങളും ന്യായ​ത്തീർപ്പു​ക​ളും നൽകി.+ 46 ഈജിപ്‌തിൽനിന്ന്‌+ പോന്ന​ശേഷം മോശ​യും ഇസ്രാ​യേ​ല്യ​രും പരാജ​യ​പ്പെ​ടു​ത്തിയ, ഹെശ്‌ബോനിൽ+ താമസി​ച്ചി​രുന്ന അമോ​ര്യ​രാ​ജാ​വായ സീഹോ​ന്റെ ദേശത്തെ ബേത്ത്‌-പെയോരിന്‌+ എതി​രെ​യുള്ള താഴ്‌വ​ര​യിൽവെച്ച്‌, അതായത്‌ യോർദാൻപ്ര​ദേ​ശ​ത്തു​വെച്ച്‌, മോശ അവ അവർക്കു കൊടു​ത്തു. 47 അവർ സീഹോ​ന്റെ ദേശവും ബാശാ​നി​ലെ രാജാ​വായ ഓഗിന്റെ+ ദേശവും, അതായത്‌ യോർദാ​നു കിഴക്കുള്ള രണ്ട്‌ അമോ​ര്യ​രാ​ജാ​ക്ക​ന്മാ​രു​ടെ പ്രദേശം, കൈവ​ശ​മാ​ക്കി. 48 അവർ അർന്നോൻ താഴ്‌വ​ര​യു​ടെ അറ്റത്തുള്ള അരോവേർ+ മുതൽ സിയോൻ പർവതം, അതായത്‌ ഹെർമോൻ,+ വരെയും 49 യോർദാനു കിഴക്കുള്ള പ്രദേ​ശത്തെ അരാബ മുഴു​വ​നും പിസ്‌ഗ​യു​ടെ ചെരി​വി​നു താഴെ അരാബ കടൽ* വരെയും കൈവ​ശ​മാ​ക്കി.+

5 മോശ അപ്പോൾ ഇസ്രാ​യേ​ലി​നെ മുഴുവൻ വിളി​ച്ചു​കൂ​ട്ടി അവരോ​ടു പറഞ്ഞു: “ഇസ്രാ​യേലേ, ഞാൻ ഇന്നു നിങ്ങളെ അറിയി​ക്കുന്ന ചട്ടങ്ങളും ന്യായ​ത്തീർപ്പു​ക​ളും കേൾക്കുക. നിങ്ങൾ അവ പഠിക്കു​ക​യും ശ്രദ്ധ​യോ​ടെ പിൻപ​റ്റു​ക​യും വേണം. 2 നമ്മുടെ ദൈവ​മായ യഹോവ ഹോ​രേ​ബിൽവെച്ച്‌ നമ്മളു​മാ​യി ഒരു ഉടമ്പടി ചെയ്‌തു.+ 3 യഹോവ ആ ഉടമ്പടി ചെയ്‌തതു നമ്മുടെ പൂർവി​ക​രു​മാ​യല്ല നമ്മളു​മാ​യാണ്‌, ഇന്ന്‌ ഇവിടെ ജീവി​ച്ചി​രി​ക്കുന്ന നമ്മളോ​ടെ​ല്ലാ​മാണ്‌. 4 മലയിൽവെച്ച്‌ യഹോവ തീയിൽനി​ന്ന്‌ നിങ്ങ​ളോ​ടു മുഖാ​മു​ഖം സംസാ​രി​ച്ചു.+ 5 തീ കണ്ട്‌ ഭയന്ന നിങ്ങൾ മലയി​ലേക്കു കയറി​യില്ല.+ അതിനാൽ ആ സമയത്ത്‌ യഹോ​വ​യു​ടെ വാക്കുകൾ നിങ്ങളെ അറിയി​ക്കാൻ ഞാൻ യഹോ​വ​യ്‌ക്കും നിങ്ങൾക്കും മധ്യേ നിന്നു.+ അപ്പോൾ ദൈവം പറഞ്ഞു:

6 “‘അടിമ​വീ​ടായ ഈജി​പ്‌ത്‌ ദേശത്തു​നിന്ന്‌ നിന്നെ പുറത്ത്‌ കൊണ്ടു​വന്ന നിന്റെ ദൈവ​മായ യഹോ​വ​യാ​ണു ഞാൻ.+ 7 ഞാനല്ലാതെ* മറ്റു ദൈവങ്ങൾ നിനക്കു​ണ്ടാ​ക​രുത്‌.+

8 “‘മീതെ ആകാശ​ത്തി​ലോ താഴെ ഭൂമി​യി​ലോ ഭൂമിക്കു കീഴെ വെള്ളത്തി​ലോ ഉള്ള എന്തി​ന്റെ​യെ​ങ്കി​ലും രൂപമോ വിഗ്ര​ഹ​മോ നീ ഉണ്ടാക്ക​രുത്‌.+ 9 നീ അവയുടെ മുന്നിൽ കുമ്പി​ടു​ക​യോ അവയെ സേവി​ക്കു​ക​യോ അരുത്‌.+ കാരണം നിന്റെ ദൈവ​മായ യഹോവ എന്ന ഞാൻ സമ്പൂർണ​ഭക്തി ആഗ്രഹി​ക്കുന്ന ദൈവ​മാണ്‌.+ എന്നെ വെറു​ക്കുന്ന പിതാ​ക്ക​ന്മാ​രു​ടെ തെറ്റി​നുള്ള ശിക്ഷ ഞാൻ അവരുടെ മക്കളുടെ മേലും മൂന്നാ​മത്തെ തലമു​റ​യു​ടെ മേലും നാലാ​മത്തെ തലമു​റ​യു​ടെ മേലും വരുത്തും.+ 10 എന്നാൽ എന്നെ സ്‌നേ​ഹിച്ച്‌ എന്റെ കല്‌പ​നകൾ അനുസ​രി​ക്കു​ന്ന​വ​രോട്‌ ആയിരം തലമു​റ​വരെ ഞാൻ അചഞ്ചല​മായ സ്‌നേഹം കാണി​ക്കും.

11 “‘നിന്റെ ദൈവ​മായ യഹോ​വ​യു​ടെ പേര്‌ നീ വിലയി​ല്ലാത്ത രീതി​യിൽ ഉപയോ​ഗി​ക്ക​രുത്‌.+ തന്റെ പേര്‌ വിലയി​ല്ലാത്ത രീതി​യിൽ ഉപയോ​ഗി​ക്കുന്ന ആരെയും യഹോവ ശിക്ഷി​ക്കാ​തെ വിടില്ല.+

12 “‘നിന്റെ ദൈവ​മായ യഹോവ നിന്നോ​ടു കല്‌പി​ച്ച​തു​പോ​ലെ നീ ശബത്തു​ദി​വസം വിശു​ദ്ധ​മാ​യി കണക്കാക്കി അത്‌ ആചരി​ക്കണം.+ 13 ആറു ദിവസം നീ അധ്വാ​നി​ക്കണം, നിന്റെ പണിക​ളെ​ല്ലാം ചെയ്യണം.+ 14 ഏഴാം ദിവസം നിന്റെ ദൈവ​മായ യഹോ​വ​യ്‌ക്കുള്ള ശബത്താണ്‌.+ അന്നു നീ ഒരു പണിയും ചെയ്യരു​ത്‌.+ നീയോ, നിന്റെ മകനോ മകളോ, നിനക്ക്‌ അടിമ​പ്പണി ചെയ്യുന്ന സ്‌ത്രീ​യോ പുരു​ഷ​നോ, നിന്റെ കാളയോ കഴുത​യോ ഏതെങ്കി​ലും വളർത്തു​മൃ​ഗ​മോ, നിന്റെ നഗരങ്ങളിൽ* വന്നുതാ​മ​സ​മാ​ക്കിയ വിദേ​ശി​യോ ആ ദിവസം പണി​യൊ​ന്നും ചെയ്യരു​ത്‌.+ അങ്ങനെ, നിനക്ക്‌ അടിമ​പ്പണി ചെയ്യുന്ന സ്‌ത്രീ​യും പുരു​ഷ​നും നിന്നെ​പ്പോ​ലെ അന്നു വിശ്ര​മി​ക്കട്ടെ.+ 15 നീയും ഈജി​പ്‌ത്‌ ദേശത്ത്‌ അടിമ​യാ​യി​രു​ന്നെന്ന്‌ ഓർക്കണം. നിന്റെ ദൈവ​മായ യഹോവ തന്റെ ബലമുള്ള കൈ​കൊ​ണ്ടും നീട്ടിയ കരം​കൊ​ണ്ടും നിന്നെ അവി​ടെ​നിന്ന്‌ വിടു​വി​ച്ചു.+ അതു​കൊ​ണ്ടാണ്‌ ശബത്തു​ദി​വസം ആചരി​ക്കാൻ നിന്റെ ദൈവ​മായ യഹോവ നിന്നോ​ടു കല്‌പി​ച്ചത്‌.

16 “‘നീ ദീർഘാ​യു​സ്സോ​ടി​രി​ക്കാ​നും നിന്റെ ദൈവ​മായ യഹോവ തരുന്ന ദേശത്ത്‌ നിനക്ക്‌ അഭിവൃ​ദ്ധി ഉണ്ടാകാ​നും,* നിന്റെ ദൈവ​മായ യഹോവ നിന്നോ​ടു കല്‌പിച്ചതുപോലെ+ നിന്റെ അപ്പനെ​യും അമ്മയെ​യും ബഹുമാ​നി​ക്കുക.+

17 “‘കൊല ചെയ്യരു​ത്‌.+

18 “‘വ്യഭി​ചാ​രം ചെയ്യരു​ത്‌.+

19 “‘മോഷ്ടി​ക്ക​രുത്‌.+

20 “‘സഹമനു​ഷ്യന്‌ എതിരെ കള്ളസാക്ഷി പറയരു​ത്‌.+

21 “‘സഹമനു​ഷ്യ​ന്റെ ഭാര്യയെ മോഹി​ക്ക​രുത്‌.+ സഹമനു​ഷ്യ​ന്റെ വീട്‌, വയൽ, അവന്‌ അടിമ​പ്പണി ചെയ്യുന്ന സ്‌ത്രീ, അവന്‌ അടിമ​പ്പണി ചെയ്യുന്ന പുരുഷൻ, അവന്റെ കാള, കഴുത എന്നിങ്ങനെ സഹമനു​ഷ്യ​ന്റേ​തൊ​ന്നും നീ മോഹി​ക്ക​രുത്‌.’+

22 “യഹോവ പർവത​ത്തിൽവെച്ച്‌ തീയു​ടെ​യും മേഘത്തി​ന്റെ​യും കനത്ത മൂടലി​ന്റെ​യും മധ്യേ​നിന്ന്‌ ഗംഭീ​ര​സ്വ​ര​ത്തോ​ടെ ഈ കല്‌പനകൾ* നിങ്ങളു​ടെ സഭയെ മുഴുവൻ അറിയി​ച്ചു,+ കൂടു​ത​ലൊ​ന്നും ദൈവം കല്‌പി​ച്ചില്ല. പിന്നെ ദൈവം അവയെ​ല്ലാം രണ്ടു കൽപ്പല​ക​ക​ളിൽ എഴുതി എനിക്കു തന്നു.+

23 “എന്നാൽ പർവതം കത്തിജ്വ​ലി​ച്ചു​കൊ​ണ്ടി​രുന്ന സമയത്ത്‌ ഇരുട്ടിൽനി​ന്ന്‌ നിങ്ങൾ ആ ശബ്ദം+ കേട്ട ഉടനെ നിങ്ങളു​ടെ ഗോ​ത്ര​ത്ത​ല​വ​ന്മാ​രും മൂപ്പന്മാരും* എന്റെ അടുത്ത്‌ വന്നു. 24 നിങ്ങൾ പറഞ്ഞു: ‘ഇതാ, നമ്മുടെ ദൈവ​മായ യഹോവ തന്റെ മഹത്ത്വ​വും ശ്രേഷ്‌ഠ​ത​യും ഞങ്ങൾക്കു കാണി​ച്ചു​ത​ന്നി​രി​ക്കു​ന്നു. തീയിൽനി​ന്ന്‌ ഞങ്ങൾ ദൈവ​ത്തി​ന്റെ സ്വരവും കേട്ടു.+ ദൈവം മനുഷ്യ​രോ​ടു സംസാ​രി​ക്കു​ക​യും അവർ ജീവ​നോ​ടി​രി​ക്കു​ക​യും ചെയ്യു​മെന്ന്‌ ഇന്നു ഞങ്ങൾ കണ്ടിരി​ക്കു​ന്നു.+ 25 പക്ഷേ, ഞങ്ങൾ എന്തിനു മരിക്കണം? ഈ വലിയ തീ ഞങ്ങളെ വിഴു​ങ്ങി​ക്ക​ള​യു​മ​ല്ലോ. നമ്മുടെ ദൈവ​മായ യഹോ​വ​യു​ടെ ശബ്ദം ഇനിയും കേട്ടു​കൊ​ണ്ടി​രു​ന്നാൽ ഞങ്ങൾ ഉറപ്പാ​യും മരിച്ചു​പോ​കും. 26 ജീവനുള്ള ദൈവം തീയിൽനി​ന്ന്‌ സംസാ​രി​ക്കു​ന്നതു കേട്ട ഞങ്ങളെ​പ്പോ​ലെ, ദൈവം സംസാ​രി​ക്കു​ന്നതു കേൾക്കു​ക​യും ജീവ​നോ​ടി​രി​ക്കു​ക​യും ചെയ്‌ത മറ്റ്‌ ഏതെങ്കി​ലും മനുഷ്യ​രു​ണ്ടോ? 27 അതുകൊണ്ട്‌ അങ്ങ്‌ അടുത്ത്‌ ചെന്ന്‌ നമ്മുടെ ദൈവ​മായ യഹോവ പറയു​ന്ന​തെ​ല്ലാം കേൾക്കണം. ദൈവ​മായ യഹോവ അങ്ങയോ​ടു പറയു​ന്ന​തെ​ല്ലാം അങ്ങ്‌ ഞങ്ങളെ അറിയി​ച്ചാൽ മതി. ഞങ്ങൾ അതു കേട്ടനു​സ​രി​ച്ചു​കൊ​ള്ളാം.’+

28 “നിങ്ങൾ എന്നോടു പറഞ്ഞ​തെ​ല്ലാം യഹോവ കേട്ടു. യഹോവ എന്നോടു പറഞ്ഞു: ‘ഈ ജനം നിന്നോ​ടു പറഞ്ഞ​തെ​ല്ലാം ഞാൻ കേട്ടി​രി​ക്കു​ന്നു. അവർ പറഞ്ഞ​തെ​ല്ലാം ശരിയാ​ണ്‌.+ 29 എന്നെ ഭയപ്പെ​ടാ​നും എന്റെ കല്‌പ​ന​ക​ളെ​ല്ലാം പാലിക്കാനും+ ചായ്‌വുള്ള ഒരു ഹൃദയം എക്കാല​വും അവർക്കു​ണ്ടാ​യി​രു​ന്നെ​ങ്കിൽ!+ എങ്കിൽ എന്നും അവർക്കും അവരുടെ മക്കൾക്കും നന്മ വരുമാ​യി​രു​ന്നു.+ 30 ചെന്ന്‌, “നിങ്ങളു​ടെ കൂടാ​ര​ങ്ങ​ളി​ലേക്കു മടങ്ങി​പ്പോ​കുക” എന്ന്‌ അവരോ​ടു പറയുക. 31 പക്ഷേ നീ ഇവിടെ എന്റെ അടുത്ത്‌ നിൽക്കണം. അവരെ പഠിപ്പി​ക്കേണ്ട എല്ലാ കല്‌പ​ന​ക​ളും ചട്ടങ്ങളും ന്യായ​ത്തീർപ്പു​ക​ളും ഞാൻ നിനക്കു പറഞ്ഞു​ത​രാം. ഞാൻ അവർക്ക്‌ അവകാ​ശ​മാ​യി കൊടു​ക്കുന്ന ദേശത്ത്‌ അവർ അവ പാലി​ക്കണം.’ 32 അതുകൊണ്ട്‌ നിങ്ങളു​ടെ ദൈവ​മായ യഹോവ നിങ്ങ​ളോ​ടു കല്‌പി​ച്ച​തെ​ല്ലാം അതേപടി ചെയ്യാൻ പ്രത്യേ​കം ശ്രദ്ധി​ക്കുക;+ അതിൽനി​ന്ന്‌ ഇടത്തോ​ട്ടോ വലത്തോ​ട്ടോ മാറരു​ത്‌.+ 33 നിങ്ങൾ കൈവ​ശ​മാ​ക്കാൻപോ​കുന്ന ദേശത്ത്‌ നിങ്ങൾ ജീവി​ച്ചി​രി​ക്കാ​നും നിങ്ങൾക്ക്‌ അഭിവൃ​ദ്ധി​യും ദീർഘാ​യു​സ്സും ഉണ്ടാകാനും+ നിങ്ങളു​ടെ ദൈവ​മായ യഹോവ കല്‌പിച്ച വഴി​യേ​തന്നെ നിങ്ങൾ നടക്കണം.+

6 “നിങ്ങളെ പഠിപ്പി​ക്കാൻ നിങ്ങളു​ടെ ദൈവ​മായ യഹോവ നൽകിയ കല്‌പ​ന​ക​ളും ചട്ടങ്ങളും ന്യായ​ത്തീർപ്പു​ക​ളും ഇവയാണ്‌. നിങ്ങൾ കൈവ​ശ​മാ​ക്കാൻപോ​കുന്ന ദേശത്ത്‌ ഇവയെ​ല്ലാം നിങ്ങൾ പാലി​ക്കണം. 2 നിങ്ങൾ ദീർഘാ​യു​സ്സോ​ടി​രി​ക്കാൻ ആയുഷ്‌കാ​ലം മുഴുവൻ നിങ്ങളു​ടെ ദൈവ​മായ യഹോ​വയെ ഭയപ്പെടുകയും+ ഞാൻ കല്‌പി​ക്കുന്ന ദൈവ​നി​യ​മ​ങ്ങ​ളും കല്‌പ​ന​ക​ളും നിങ്ങളും നിങ്ങളു​ടെ മക്കളും അവരുടെ മക്കളും+ പാലി​ക്കു​ക​യും വേണം. 3 നിങ്ങളുടെ പൂർവി​ക​രു​ടെ ദൈവ​മായ യഹോവ നിങ്ങ​ളോ​ടു വാഗ്‌ദാ​നം ചെയ്‌ത​തു​പോ​ലെ പാലും തേനും ഒഴുകുന്ന ആ ദേശത്ത്‌ നിങ്ങൾക്ക്‌ അഭിവൃ​ദ്ധി ഉണ്ടാകാ​നും നിങ്ങൾ അനേക​മ​നേ​ക​മാ​യി വർധി​ക്കാ​നും വേണ്ടി, ഇസ്രാ​യേലേ, ഇവയെ​ല്ലാം കേട്ട്‌ ശ്രദ്ധാ​പൂർവം പിൻപ​റ്റണം.

4 “ഇസ്രാ​യേലേ, കേൾക്കുക: യഹോവ, നമ്മുടെ ദൈവ​മായ യഹോവ, ഒരുവനേ ഉള്ളൂ.+ 5 നിന്റെ ദൈവ​മായ യഹോ​വയെ നീ നിന്റെ മുഴു​ഹൃ​ദ​യ​ത്തോ​ടും നിന്റെ മുഴുദേഹിയോടും*+ നിന്റെ മുഴുശക്തിയോടും* കൂടെ സ്‌നേ​ഹി​ക്കണം.+ 6 ഞാൻ ഇന്നു നിന്നോ​ടു കല്‌പി​ക്കുന്ന ഈ വാക്കുകൾ നിന്റെ ഹൃദയ​ത്തി​ലു​ണ്ടാ​യി​രി​ക്കണം. 7 നീ അവ ആവർത്തി​ച്ചു​പ​റഞ്ഞ്‌ നിന്റെ മക്കളുടെ മനസ്സിൽ പതിപ്പി​ക്കണം.+ നീ വീട്ടി​ലാ​യി​രി​ക്കു​മ്പോ​ഴും നടക്കു​മ്പോ​ഴും കിടക്കു​മ്പോ​ഴും എഴു​ന്നേൽക്കു​മ്പോ​ഴും അവയെ​ക്കു​റിച്ച്‌ സംസാ​രി​ക്കണം.+ 8 എപ്പോഴും ഓർക്കാ​നാ​യി നീ അവ നിന്റെ കൈയിൽ കെട്ടണം; ഒരു പട്ടപോ​ലെ അവ നിന്റെ നെറ്റി​യി​ലു​ണ്ടാ​യി​രി​ക്കണം.*+ 9 നിന്റെ വീടിന്റെ കട്ടിള​ക്കാ​ലു​ക​ളി​ലും നിങ്ങളു​ടെ കവാട​ങ്ങ​ളി​ലും നീ അവ എഴുതി​വെ​ക്കണം.

10 “നിന്റെ ദൈവ​മായ യഹോവ നിനക്കു തരു​മെന്നു നിന്റെ പൂർവി​ക​രായ അബ്രാ​ഹാം, യിസ്‌ഹാ​ക്ക്‌, യാക്കോ​ബ്‌ എന്നിവ​രോ​ടു സത്യം ചെയ്‌ത ദേശ​ത്തേക്കു നിന്നെ കൊണ്ടു​പോ​യി,+ നീ പണിയാത്ത വലുതും ശ്രേഷ്‌ഠ​വും ആയ നഗരങ്ങളും+ 11 നീ അധ്വാ​നി​ച്ചു​ണ്ടാ​ക്കാത്ത നല്ല വസ്‌തു​ക്ക​ളെ​ല്ലാം നിറഞ്ഞ വീടു​ക​ളും നീ വെട്ടി​യു​ണ്ടാ​ക്കാത്ത ജലസംഭരണികളും* നീ നട്ടുവ​ളർത്താത്ത മുന്തി​രി​ത്തോ​ട്ട​ങ്ങ​ളും ഒലിവ്‌ മരങ്ങളും നിനക്കു തരുക​യും നീ തിന്ന്‌ തൃപ്‌ത​നാ​കു​ക​യും ചെയ്യുമ്പോൾ+ 12 അടിമവീടായ ഈജി​പ്‌ത്‌ ദേശത്തു​നിന്ന്‌ നിന്നെ വിടു​വിച്ച്‌ കൊണ്ടു​വന്ന യഹോ​വയെ മറക്കാ​തി​രി​ക്കാൻ സൂക്ഷി​ച്ചു​കൊ​ള്ളുക.+ 13 നിന്റെ ദൈവ​മായ യഹോ​വയെ നീ ഭയപ്പെ​ടണം;+ ഈ ദൈവ​ത്തെ​യാ​ണു നീ സേവി​ക്കേ​ണ്ടത്‌;+ ഈ ദൈവ​ത്തി​ന്റെ പേര്‌ പറഞ്ഞാണു നീ സത്യം ചെയ്യേ​ണ്ടത്‌.+ 14 അന്യദൈവങ്ങളുടെ പിന്നാലെ നീ പോക​രുത്‌. നിനക്കു ചുറ്റു​മുള്ള ജനങ്ങൾ സേവി​ക്കുന്ന ഏതെങ്കി​ലും ദൈവ​ങ്ങളെ നീ സേവിച്ചാൽ+ 15 നിന്റെ ദൈവ​മായ യഹോ​വ​യു​ടെ കോപം നിനക്ക്‌ എതിരെ ജ്വലിക്കുകയും+ ഭൂമു​ഖ​ത്തു​നിന്ന്‌ ദൈവം നിന്നെ തുടച്ചു​നീ​ക്കു​ക​യും ചെയ്യും.+ കാരണം നിന്റെ മധ്യേ വസിക്കുന്ന നിന്റെ ദൈവ​മായ യഹോവ സമ്പൂർണ​ഭക്തി ആഗ്രഹി​ക്കുന്ന ദൈവ​മാണ്‌.+

16 “മസ്സയിൽവെച്ച്‌ നിങ്ങൾ ചെയ്‌തതുപോലെ+ നിങ്ങളു​ടെ ദൈവ​മായ യഹോ​വയെ പരീക്ഷി​ക്ക​രുത്‌.+ 17 അനുസരിക്കണമെന്നു നിങ്ങളു​ടെ ദൈവ​മായ യഹോവ നിങ്ങ​ളോ​ടു കല്‌പിച്ച കല്‌പ​ന​ക​ളും ഓർമി​പ്പി​ക്ക​ലു​ക​ളും ചട്ടങ്ങളും നിങ്ങൾ ഉത്സാഹ​ത്തോ​ടെ പാലി​ക്കണം. 18 നിങ്ങൾ യഹോ​വ​യു​ടെ മുമ്പാകെ നല്ലതും ശരിയും ആയ കാര്യങ്ങൾ ചെയ്യണം. അങ്ങനെ ചെയ്‌താൽ നിങ്ങൾക്ക്‌ അഭിവൃ​ദ്ധി ഉണ്ടാകും; നിങ്ങളു​ടെ പൂർവി​ക​രോട്‌ യഹോവ സത്യം ചെയ്‌ത ആ നല്ല ദേശത്ത്‌ നിങ്ങൾ പ്രവേശിക്കുകയും+ 19 യഹോവ വാഗ്‌ദാ​നം ചെയ്‌ത​തു​പോ​ലെ ശത്രു​ക്ക​ളെ​യെ​ല്ലാം നിങ്ങളു​ടെ മുന്നിൽനി​ന്ന്‌ തുരത്തി, നിങ്ങൾ അത്‌ അവകാ​ശ​മാ​ക്കു​ക​യും ചെയ്യും.+

20 “ഭാവി​യിൽ നിന്റെ മകൻ നിന്നോ​ട്‌, ‘നമ്മുടെ ദൈവ​മായ യഹോവ കല്‌പിച്ച ഈ ഓർമി​പ്പി​ക്ക​ലു​ക​ളു​ടെ​യും ചട്ടങ്ങളു​ടെ​യും ന്യായ​ത്തീർപ്പു​ക​ളു​ടെ​യും ഉദ്ദേശ്യം എന്താണ്‌’ എന്നു ചോദി​ക്കു​മ്പോൾ 21 നീ അവന്‌ ഇങ്ങനെ പറഞ്ഞു​കൊ​ടു​ക്കണം: ‘നമ്മൾ ഈജി​പ്‌തിൽ ഫറവോ​ന്‌ അടിമ​ക​ളാ​യി​രു​ന്നു. എന്നാൽ യഹോവ തന്റെ ബലമുള്ള കൈ​കൊണ്ട്‌ അവി​ടെ​നിന്ന്‌ നമ്മളെ പുറത്ത്‌ കൊണ്ടു​വന്നു. 22 നമ്മൾ കാൺകെ യഹോവ ഈജി​പ്‌തി​ന്റെ മേലും ഫറവോ​ന്റെ മേലും ഫറവോ​ന്റെ വീട്ടി​ലുള്ള എല്ലാവ​രു​ടെ മേലും+ ഒന്നിനു പുറകേ ഒന്നായി ഉഗ്രമായ, വിനാ​ശ​ക​ര​മായ അത്ഭുത​ങ്ങ​ളും അടയാ​ള​ങ്ങ​ളും പ്രവർത്തി​ച്ചു.+ 23 അങ്ങനെ, നമ്മുടെ പൂർവി​ക​രോ​ടു സത്യം ചെയ്‌ത ഈ ദേശം നമുക്കു തരാനാ​യി ദൈവം നമ്മളെ അവി​ടെ​നിന്ന്‌ ഇവി​ടേക്കു കൊണ്ടു​വന്നു.+ 24 എല്ലാ കാലത്തും നമുക്കു നന്മ വരാനും ഇന്നത്തെ​പ്പോ​ലെ ജീവനോടിരിക്കാനും+ വേണ്ടി ഈ ചട്ടങ്ങ​ളെ​ല്ലാം പാലി​ക്ക​ണ​മെ​ന്നും നമ്മുടെ ദൈവ​മായ യഹോ​വയെ ഭയപ്പെ​ട​ണ​മെ​ന്നും യഹോവ നമ്മളോ​ടു കല്‌പി​ച്ചു.+ 25 നമ്മുടെ ദൈവ​മായ യഹോവ നമ്മളോ​ടു കല്‌പി​ച്ച​തു​പോ​ലെ, ദൈവത്തെ അനുസ​രിച്ച്‌ ഈ കല്‌പ​ന​ക​ളെ​ല്ലാം നമ്മൾ ശ്രദ്ധാ​പൂർവം അനുസ​രി​ക്കു​ന്നെ​ങ്കിൽ ദൈവം നമ്മളെ നീതി​മാ​ന്മാ​രാ​യി കണക്കാ​ക്കും.’+

7 “നിങ്ങൾ പെട്ടെ​ന്നു​തന്നെ കൈവ​ശ​മാ​ക്കാൻപോ​കുന്ന ആ ദേശ​ത്തേക്കു നിങ്ങളു​ടെ ദൈവ​മായ യഹോവ നിങ്ങളെ കൊണ്ടുപോകുമ്പോൾ+ അവിടത്തെ ജനതകളെ, അതായത്‌ ഹിത്യർ, ഗിർഗ​ശ്യർ, അമോ​ര്യർ,+ കനാന്യർ, പെരി​സ്യർ, ഹിവ്യർ, യബൂസ്യർ+ എന്നിങ്ങനെ നിങ്ങ​ളെ​ക്കാൾ സംഖ്യാ​ബ​ല​വും ശക്തിയും ഉള്ള ഏഴു ജനതകളെ,+ ദൈവം നിങ്ങളു​ടെ മുന്നിൽനി​ന്ന്‌ നീക്കി​ക്ക​ള​യും.+ 2 നിങ്ങളുടെ ദൈവ​മായ യഹോവ അവരെ നിങ്ങളു​ടെ കൈയിൽ ഏൽപ്പി​ക്കു​ക​യും നിങ്ങൾ അവരെ പരാജ​യ​പ്പെ​ടു​ത്തു​ക​യും ചെയ്യും.+ അവരെ നിങ്ങൾ നിശ്ശേഷം നശിപ്പി​ച്ചു​ക​ള​യണം.+ നിങ്ങൾ അവരു​മാ​യി ഏതെങ്കി​ലും ഉടമ്പടി​യിൽ ഏർപ്പെ​ടു​ക​യോ അവരോ​ടു കരുണ കാണി​ക്കു​ക​യോ അരുത്‌.+ 3 അവരുമായി വിവാ​ഹ​ബ​ന്ധ​ത്തിൽ ഏർപ്പെ​ട​രുത്‌.* നിങ്ങളു​ടെ പെൺമ​ക്കളെ അവരുടെ ആൺമക്കൾക്കു കൊടു​ക്കു​ക​യോ അവരുടെ പെൺമ​ക്കളെ നിങ്ങളു​ടെ ആൺമക്കൾക്കു​വേണ്ടി എടുക്കു​ക​യോ അരുത്‌.+ 4 കാരണം സത്യ​ദൈ​വത്തെ അനുഗ​മി​ക്കു​ന്നതു മതിയാ​ക്കി മറ്റു ദൈവ​ങ്ങളെ സേവി​ക്കാൻ അവർ നിന്റെ മക്കളെ പ്രേരി​പ്പി​ക്കും.+ അപ്പോൾ യഹോ​വ​യു​ടെ കോപം നിങ്ങൾക്കെ​തി​രെ ജ്വലി​ക്കു​ക​യും നിങ്ങളെ പെട്ടെന്നു തുടച്ചു​നീ​ക്കു​ക​യും ചെയ്യും.+

5 “പകരം, നിങ്ങൾ അവരോ​ടു ചെയ്യേ​ണ്ടത്‌ ഇതാണ്‌: അവരുടെ യാഗപീ​ഠങ്ങൾ നിങ്ങൾ നശിപ്പി​ച്ചു​ക​ള​യണം; അവരുടെ പൂജാ​സ്‌തം​ഭങ്ങൾ ഇടിച്ചു​ക​ള​യണം;+ അവരുടെ പൂജാസ്‌തൂപങ്ങൾ* നിങ്ങൾ വെട്ടി​വീ​ഴ്‌ത്തണം;+ കൊത്തി​യു​ണ്ടാ​ക്കിയ രൂപങ്ങൾ കത്തിച്ചു​ക​ള​യു​ക​യും വേണം.+ 6 കാരണം നിങ്ങൾ നിങ്ങളു​ടെ ദൈവ​മായ യഹോ​വ​യ്‌ക്ക്‌ ഒരു വിശു​ദ്ധ​ജ​ന​മാണ്‌. തന്റെ ജനമാ​യി​രി​ക്കാ​നാ​യി, തന്റെ പ്രത്യേ​ക​സ്വ​ത്താ​യി​രി​ക്കാ​നാ​യി,* ഭൂമു​ഖ​ത്തുള്ള എല്ലാ ജനതക​ളിൽനി​ന്നും നിങ്ങളു​ടെ ദൈവ​മായ യഹോവ നിങ്ങളെ തിര​ഞ്ഞെ​ടു​ത്തി​രി​ക്കു​ന്നു.+

7 “നിങ്ങൾ മറ്റെല്ലാ ജനങ്ങളി​ലും​വെച്ച്‌ എണ്ണത്തിൽ കൂടു​ത​ലാ​യി​രു​ന്ന​തു​കൊ​ണ്ടല്ല യഹോ​വ​യ്‌ക്കു നിങ്ങ​ളോ​ടു വാത്സല്യം തോന്നി​യ​തും നിങ്ങളെ തിര​ഞ്ഞെ​ടു​ത്ത​തും;+ എല്ലാ ജനങ്ങളി​ലും​വെച്ച്‌ ഏറ്റവും ചെറിയ ജനമാ​യി​രു​ന്ന​ല്ലോ നിങ്ങൾ.+ 8 യഹോവയ്‌ക്കു നിങ്ങ​ളോ​ടുള്ള സ്‌നേ​ഹ​വും നിങ്ങളു​ടെ പൂർവി​ക​രോട്‌ ആണയിട്ട്‌ ചെയ്‌ത സത്യവും+ നിമി​ത്ത​മാ​ണു ദൈവം നിങ്ങളെ മോചി​പ്പി​ച്ചത്‌. അതു​കൊ​ണ്ടാണ്‌ യഹോവ തന്റെ ബലമുള്ള കൈയാൽ അടിമ​വീ​ട്ടിൽനിന്ന്‌, ഈജി​പ്‌തി​ലെ രാജാ​വായ ഫറവോ​ന്റെ കൈയിൽനി​ന്ന്‌, നിങ്ങളെ വിടു​വിച്ച്‌ കൊണ്ടു​വ​ന്നത്‌.+ 9 നിങ്ങളുടെ ദൈവ​മായ യഹോ​വ​യാ​ണു സത്യ​ദൈ​വ​മെ​ന്നും വിശ്വ​സ്‌ത​നായ ദൈവ​മെ​ന്നും നിങ്ങൾക്കു നന്നായി അറിയാ​മ​ല്ലോ. തന്നെ സ്‌നേ​ഹി​ക്കു​ക​യും തന്റെ കല്‌പ​നകൾ പാലി​ക്കു​ക​യും ചെയ്യു​ന്ന​വ​രു​ടെ ആയിരം തലമു​റ​വരെ ദൈവം തന്റെ ഉടമ്പടി പാലി​ക്കു​ക​യും അചഞ്ചല​മായ സ്‌നേഹം കാണി​ക്കു​ക​യും ചെയ്യുന്നു.+ 10 എന്നാൽ തന്നെ വെറു​ക്കു​ന്ന​വ​രോ​ടു നേർക്കു​നേർ പൊരു​തി അവരെ നശിപ്പി​ച്ചു​കൊണ്ട്‌ ദൈവം പകരം വീട്ടും.+ അവരോ​ടു പകരം വീട്ടാൻ ദൈവം താമസി​ക്കില്ല; അവരോ​ടു നേർക്കു​നേർ പൊരു​തി പകരം വീട്ടും. 11 അതുകൊണ്ട്‌, ഞാൻ ഇന്നു നിങ്ങ​ളോ​ടു കല്‌പി​ക്കുന്ന ഈ കല്‌പ​ന​ക​ളും ചട്ടങ്ങളും ന്യായ​ത്തീർപ്പു​ക​ളും നിങ്ങൾ അനുസ​രിച്ച്‌ ശ്രദ്ധാ​പൂർവം പിൻപ​റ്റണം.

12 “നിങ്ങൾ എക്കാല​വും ഈ ന്യായ​ത്തീർപ്പു​കൾ ശ്രദ്ധിച്ച്‌ അവ അനുസ​രി​ക്കു​ക​യും പാലി​ക്കു​ക​യും ചെയ്‌താൽ നിങ്ങളു​ടെ ദൈവ​മായ യഹോവ തന്റെ ഉടമ്പടി പാലി​ക്കു​ക​യും നിങ്ങളു​ടെ പൂർവി​ക​രോ​ടു സത്യം ചെയ്‌ത​തു​പോ​ലെ നിങ്ങ​ളോട്‌ അചഞ്ചല​മായ സ്‌നേഹം കാണി​ക്കു​ക​യും ചെയ്യും. 13 ദൈവം നിങ്ങളെ സ്‌നേ​ഹി​ക്കു​ക​യും അനു​ഗ്ര​ഹി​ക്കു​ക​യും വർധി​പ്പി​ക്കു​ക​യും ചെയ്യും. അതെ, നിങ്ങൾക്കു തരു​മെന്നു നിങ്ങളു​ടെ പൂർവി​ക​രോ​ടു സത്യം ചെയ്‌ത ദേശത്ത്‌ അനേകം മക്കളെ* നൽകി ദൈവം നിങ്ങളെ അനു​ഗ്ര​ഹി​ക്കും.+ നിങ്ങളു​ടെ ആടുക​ളും കന്നുകാ​ലി​ക​ളും പെറ്റു​പെ​രു​കും.+ നിങ്ങളു​ടെ നിലത്തെ വിളവും ധാന്യ​വും പുതു​വീ​ഞ്ഞും എണ്ണയും സമൃദ്ധ​മാ​യി​രി​ക്കും.+ 14 നിങ്ങൾ മറ്റെല്ലാ ജനങ്ങ​ളെ​ക്കാ​ളും അനുഗൃ​ഹീ​ത​രാ​യി​രി​ക്കും.+ കുട്ടി​ക​ളി​ല്ലാത്ത സ്‌ത്രീ​യോ പുരു​ഷ​നോ മൃഗങ്ങ​ളോ നിങ്ങൾക്കി​ട​യി​ലു​ണ്ടാ​യി​രി​ക്കില്ല.+ 15 നിങ്ങൾക്കിടയിൽനിന്ന്‌ യഹോവ രോഗ​ങ്ങ​ളെ​ല്ലാം നീക്കി​ക്ക​ള​യും. ഈജി​പ്‌തിൽ നിങ്ങൾ കേട്ടി​ട്ടുള്ള മാരക​മായ രോഗ​ങ്ങ​ളൊ​ന്നും യഹോവ നിങ്ങളു​ടെ മേൽ വരുത്തില്ല.+ പകരം, നിങ്ങളെ വെറു​ക്കുന്ന എല്ലാവ​രു​ടെ​യും മേൽ അവ വരുത്തും. 16 നിങ്ങളുടെ ദൈവ​മായ യഹോവ നിങ്ങളു​ടെ കൈയിൽ ഏൽപ്പി​ക്കുന്ന ജനങ്ങ​ളെ​യെ​ല്ലാം നിങ്ങൾ വകവരു​ത്തണം.*+ അവരോ​ടു കനിവ്‌ തോന്നുകയോ+ അവരുടെ ദൈവ​ങ്ങളെ സേവി​ക്കു​ക​യോ അരുത്‌.+ കാരണം അതു നിങ്ങൾക്കൊ​രു കെണി​യാ​യി​ത്തീ​രും.+

17 “‘ഈ ജനതകൾ എണ്ണത്തിൽ ഞങ്ങളെ​ക്കാൾ അധിക​മാണ്‌, ഞാൻ അവരെ എങ്ങനെ ഓടി​ച്ചു​ക​ള​യും’+ എന്നു ഹൃദയ​ത്തിൽ പറഞ്ഞ്‌ 18 നീ അവരെ ഭയപ്പെ​ട​രുത്‌.+ പകരം, നിങ്ങളു​ടെ ദൈവ​മായ യഹോവ ഫറവോ​നോ​ടും ഈജി​പ്‌തി​നോ​ടും ചെയ്‌തത്‌ എന്താ​ണെന്ന്‌ ഓർക്കുക.+ 19 നിങ്ങൾ സ്വന്തം കണ്ണാലെ കണ്ട ആ മഹാന്യായവിധികളാലും* അടയാ​ളങ്ങൾ, അത്ഭുതങ്ങൾ,+ തന്റെ ബലമുള്ള കൈ, നീട്ടിയ കരം എന്നിവ​യാ​ലും നിങ്ങളു​ടെ ദൈവ​മായ യഹോവ നിന്നെ വിടു​വി​ച്ചു.+ ഇതുത​ന്നെ​യാണ്‌, നീ ഭയപ്പെ​ടുന്ന എല്ലാ ജനങ്ങ​ളോ​ടും നിങ്ങളു​ടെ ദൈവ​മായ യഹോവ ചെയ്യാൻപോ​കു​ന്നത്‌.+ 20 ആ ജനങ്ങളിൽ ബാക്കി​യു​ള്ള​വ​രും നിങ്ങൾ കാണാതെ ഒളിച്ചി​രി​ക്കു​ന്ന​വ​രും എല്ലാം നശിച്ചു​പോ​കും​വരെ നിങ്ങളു​ടെ ദൈവ​മായ യഹോവ അവർക്കു പരിഭ്രാന്തി* വരുത്തും.+ 21 നിങ്ങളുടെ ദൈവ​മായ യഹോവ ഭയാദ​രവ്‌ ഉണർത്തുന്ന മഹാ​ദൈ​വ​മാണ്‌.+ ആ ദൈവം നിങ്ങളു​ടെ​കൂ​ടെ​യു​ള്ള​തു​കൊണ്ട്‌ അവർ കാരണം നിങ്ങൾ പേടി​ക്ക​രുത്‌.+

22 “നിങ്ങളു​ടെ ദൈവ​മായ യഹോവ ഈ ജനതകളെ അൽപ്പാൽപ്പ​മാ​യി നിങ്ങളു​ടെ മുന്നിൽനി​ന്ന്‌ നീക്കി​ക്ക​ള​യും.+ അവരെ പെട്ടെന്നു നശിപ്പി​ച്ചു​ക​ള​യാൻ നിങ്ങളെ അനുവ​ദി​ക്കില്ല. അങ്ങനെ ചെയ്‌താൽ, വന്യമൃ​ഗങ്ങൾ പെരുകി നിങ്ങൾക്കു ഭീഷണി​യാ​യി​ത്തീ​രും. 23 നിങ്ങളുടെ ദൈവ​മായ യഹോവ അവരെ നിങ്ങളു​ടെ കൈയിൽ തരും; അവർ തീർത്തും നശിക്കും​വരെ ദൈവം അവരെ പരിപൂർണ​മാ​യി തോൽപ്പി​ക്കും.+ 24 അവരുടെ രാജാ​ക്ക​ന്മാ​രെ ദൈവം നിങ്ങളു​ടെ കൈയിൽ ഏൽപ്പി​ക്കും;+ ആകാശ​ത്തിൻകീ​ഴിൽനിന്ന്‌ നിങ്ങൾ അവരുടെ പേര്‌ മായ്‌ച്ചു​ക​ള​യും.+ നിങ്ങൾ അവരെ അപ്പാടേ നശിപ്പിച്ചുകളയുന്നതുവരെ+ ഒരുത്ത​നും നിങ്ങളു​ടെ മുന്നിൽ നിൽക്കില്ല.+ 25 അവരുടെ ദൈവ​ങ്ങ​ളു​ടെ കൊത്തി​യു​ണ്ടാ​ക്കിയ രൂപങ്ങൾ നിങ്ങൾ കത്തിച്ചു​ക​ള​യണം.+ അവയിലെ സ്വർണ​വും വെള്ളി​യും മോഹി​ക്കു​ക​യോ എടുക്കു​ക​യോ ചെയ്‌ത്‌ നിങ്ങൾ കെണി​യിൽപ്പെ​ട​രുത്‌.+ അവ നിങ്ങളു​ടെ ദൈവ​മായ യഹോ​വ​യ്‌ക്ക്‌ അറപ്പാണ്‌.+ 26 അറപ്പായ ഒരു വസ്‌തു​വും നിന്റെ വീട്ടിൽ കൊണ്ടു​വ​ര​രുത്‌. കൊണ്ടു​വ​ന്നാൽ, നാശ​യോ​ഗ്യ​മായ ആ വസ്‌തു​വി​നെ​പ്പോ​ലെ നിന്നെ​യും നിശ്ശേഷം നശിപ്പി​ക്കും. നീ അതിനെ അത്യധി​കം വെറു​ക്കണം; അതു നിനക്ക്‌ അങ്ങേയറ്റം അറപ്പാ​യി​രി​ക്കണം.

8 “ഞാൻ ഇന്നു നിങ്ങൾക്കു തരുന്ന എല്ലാ കല്‌പ​ന​ക​ളും നിങ്ങൾ ശ്രദ്ധാ​പൂർവം പാലി​ക്കണം. അങ്ങനെ ചെയ്‌താൽ നിങ്ങൾ തുടർന്നും ജീവിച്ചിരിക്കുകയും+ അനേക​മാ​യി വർധി​ക്കു​ക​യും യഹോവ നിങ്ങളു​ടെ പൂർവി​ക​രോ​ടു സത്യം ചെയ്‌ത ദേശത്ത്‌ ചെന്ന്‌ അതു കൈവ​ശ​മാ​ക്കു​ക​യും ചെയ്യും.+ 2 നിങ്ങളെ താഴ്‌മ പഠിപ്പി​ക്കാ​നും നിങ്ങൾ ദൈവ​ത്തി​ന്റെ കല്‌പ​നകൾ അനുസ​രി​ക്കു​മോ ഇല്ലയോ എന്നു പരീക്ഷിച്ച്‌+ നിങ്ങളു​ടെ ഹൃദയ​ത്തി​ലു​ള്ളത്‌ എന്താ​ണെന്ന്‌ അറിയാനും+ വേണ്ടി ഈ 40 വർഷക്കാ​ലം നിങ്ങളു​ടെ ദൈവ​മായ യഹോവ നിങ്ങളെ വിജന​ഭൂ​മി​യി​ലൂ​ടെ നടത്തി​ക്കൊ​ണ്ടു​വന്ന സുദീർഘ​മായ ആ പാത​യെ​ക്കു​റിച്ച്‌ ഓർക്കുക.+ 3 അങ്ങനെ മനുഷ്യൻ അപ്പം​കൊണ്ട്‌ മാത്രമല്ല, യഹോ​വ​യു​ടെ വായിൽനി​ന്ന്‌ വരുന്ന എല്ലാ വചനങ്ങൾകൊ​ണ്ടു​മാ​ണു ജീവിക്കുന്നതെന്നു+ നിങ്ങൾ അറി​യേ​ണ്ട​തി​നു ദൈവം നിങ്ങളെ താഴ്‌മ പഠിപ്പി​ക്കു​ക​യും വിശപ്പ്‌ അറിയാൻ ഇടയാക്കുകയും+ നിങ്ങളോ നിങ്ങളു​ടെ പിതാ​ക്ക​ന്മാ​രോ അറിഞ്ഞി​ട്ടി​ല്ലാത്ത മന്നകൊ​ണ്ട്‌ നിങ്ങളെ പോഷി​പ്പി​ക്കു​ക​യും ചെയ്‌തു.+ 4 ഈ 40 വർഷക്കാ​ലം, നിങ്ങൾ ധരിച്ചി​രുന്ന വസ്‌ത്രം പഴകി​യില്ല, നിങ്ങളു​ടെ പാദം നീരു​വെച്ച്‌ വീങ്ങി​യു​മില്ല.+ 5 ഒരു അപ്പൻ മകനെ തിരു​ത്തു​ന്ന​തു​പോ​ലെ നിങ്ങളു​ടെ ദൈവ​മായ യഹോവ നിങ്ങളെ തിരു​ത്തു​ക​യാ​യി​രു​ന്നെന്നു നിങ്ങൾക്കു നന്നായി മനസ്സി​ലാ​യ​ല്ലോ.+

6 “അതിനാൽ നിങ്ങളു​ടെ ദൈവ​മായ യഹോ​വ​യു​ടെ വഴിക​ളിൽ നടന്നു​കൊ​ണ്ടും ദൈവത്തെ ഭയപ്പെ​ട്ടു​കൊ​ണ്ടും നിങ്ങൾ ദൈവ​ത്തി​ന്റെ കല്‌പ​നകൾ അനുസ​രി​ക്കണം. 7 കാരണം നിങ്ങളു​ടെ ദൈവ​മായ യഹോവ നിങ്ങളെ കൊണ്ടു​പോ​കു​ന്നത്‌ ഒരു നല്ല ദേശ​ത്തേ​ക്കാണ്‌.+ താഴ്‌വ​ര​ക​ളി​ലും മലനാ​ട്ടി​ലും അരുവി​ക​ളും നീരുറവകളും* ഉള്ള നീരൊഴുക്കുള്ള* ഒരു ദേശം; 8 ഗോതമ്പും ബാർളി​യും മുന്തി​രി​വ​ള്ളി​യും അത്തിവൃ​ക്ഷ​വും മാതള​നാ​ര​ക​വും ഉള്ള ദേശം;+ ഒലി​വെ​ണ്ണ​യും തേനും ഉള്ള ദേശം;+ 9 ഭക്ഷണത്തിനു പഞ്ഞമി​ല്ലാത്ത, ഒന്നിനും കുറവി​ല്ലാത്ത ദേശം; കല്ലുക​ളിൽ ഇരുമ്പുള്ള ദേശം; ആ ദേശത്തെ മലകളിൽനി​ന്ന്‌ നിങ്ങൾ ചെമ്പു കുഴി​ച്ചെ​ടു​ക്കും.

10 “നിങ്ങൾ തിന്ന്‌ തൃപ്‌ത​രാ​കു​മ്പോൾ നിങ്ങളു​ടെ ദൈവ​മായ യഹോവ നിങ്ങൾക്കു തന്ന ആ നല്ല ദേശ​ത്തെ​പ്രതി ദൈവത്തെ സ്‌തു​തി​ക്കണം.+ 11 ഇന്നു ഞാൻ നിങ്ങ​ളോ​ടു കല്‌പി​ക്കുന്ന, നിങ്ങളു​ടെ ദൈവ​മായ യഹോ​വ​യു​ടെ കല്‌പ​ന​ക​ളും ന്യായ​ത്തീർപ്പു​ക​ളും നിയമ​ങ്ങ​ളും പാലി​ക്കാ​തെ ദൈവത്തെ മറന്നു​പോ​കാ​തി​രി​ക്കാൻ സൂക്ഷി​ച്ചു​കൊ​ള്ളുക. 12 നിങ്ങൾ തിന്ന്‌ തൃപ്‌ത​രാ​കു​ക​യും നല്ല വീടുകൾ പണിത്‌ താമസിക്കുകയും+ 13 നിങ്ങളുടെ ആടുമാ​ടു​കൾ പെരു​കു​ക​യും സ്വർണ​വും വെള്ളി​യും വർധി​ക്കു​ക​യും അങ്ങനെ നിങ്ങൾക്ക്‌ എല്ലാത്തി​ലും സമൃദ്ധി ഉണ്ടാകു​ക​യും ചെയ്യു​മ്പോൾ 14 നിങ്ങളുടെ ഹൃദയം അഹങ്കരിച്ചുപോകുകയോ+ അടിമ​വീ​ടായ ഈജി​പ്‌ത്‌ ദേശത്തു​നിന്ന്‌ നിങ്ങളെ കൊണ്ടു​വന്ന നിങ്ങളു​ടെ ദൈവ​മായ യഹോ​വയെ മറന്നു​ക​ള​യു​ക​യോ അരുത്‌.+ 15 വിഷപ്പാമ്പുകളും തേളു​ക​ളും നിറഞ്ഞ, വെള്ളമി​ല്ലാ​തെ വരണ്ടു​ണ​ങ്ങിയ, വലുതും ഭയാന​ക​വും ആയ ഈ വിജന​ഭൂ​മി​യി​ലൂ​ടെ നിങ്ങളെ നടത്തിക്കൊണ്ടുവന്നതു+ ദൈവ​മാണ്‌. തീക്കൽപ്പാ​റ​യിൽനിന്ന്‌ വെള്ളം പുറപ്പെടുവിക്കുകയും+ 16 നിങ്ങളുടെ പിതാ​ക്ക​ന്മാർ അറിഞ്ഞി​ട്ടി​ല്ലാത്ത മന്ന തന്ന്‌ വിജന​ഭൂ​മി​യിൽ നിങ്ങളെ പോഷിപ്പിക്കുകയും+ ചെയ്‌തു​കൊണ്ട്‌ ഭാവി​യി​ലെ പ്രയോ​ജ​ന​ത്തി​നാ​യി ദൈവം നിങ്ങളെ താഴ്‌മ പഠിപ്പിക്കുകയും+ പരീക്ഷി​ക്കു​ക​യും ചെയ്‌തു.+ 17 ‘ഞാൻ എന്റെ സ്വന്തം ശക്തിയും കൈക്ക​രു​ത്തും കൊണ്ടാ​ണ്‌ ഈ സമ്പത്തെ​ല്ലാം സ്വരൂ​പി​ച്ചത്‌’+ എന്നു നീ ഹൃദയ​ത്തിൽ പറഞ്ഞു​പോ​യാൽ 18 ഓർക്കുക: നിന്റെ ദൈവ​മായ യഹോ​വ​യാ​ണു സമ്പത്ത്‌ സ്വരൂ​പി​ക്കാ​നുള്ള ശക്തി നിനക്കു തരുന്നത്‌.+ ഇന്നോളം ചെയ്‌തു​വ​രു​ന്ന​തു​പോ​ലെ, നിന്റെ പൂർവി​ക​രോ​ടു സത്യം ചെയ്‌ത തന്റെ ഉടമ്പടി പാലി​ക്കാ​നാ​ണു ദൈവം അങ്ങനെ ചെയ്യു​ന്നത്‌.+

19 “നിങ്ങൾ എന്നെങ്കി​ലും നിങ്ങളു​ടെ ദൈവ​മായ യഹോ​വയെ മറന്ന്‌ മറ്റു ദൈവ​ങ്ങ​ളു​ടെ പിന്നാലെ പോയി അവയെ സേവി​ക്കു​ക​യും അവയുടെ മുമ്പാകെ കുമ്പി​ടു​ക​യും ചെയ്‌താൽ ഇന്ന്‌ ഇതാ, ഞാൻ നിങ്ങൾക്കെ​തി​രെ സാക്ഷി​യാ​കു​ന്നു, നിങ്ങൾ നിശ്ചയ​മാ​യും നശിച്ചു​പോ​കും.+ 20 നിങ്ങളുടെ ദൈവ​മായ യഹോ​വ​യു​ടെ വാക്കു കേൾക്കാ​തി​രു​ന്നാൽ യഹോവ നിങ്ങളു​ടെ മുന്നിൽനി​ന്ന്‌ തുടച്ചു​നീ​ക്കുന്ന ജനതക​ളെ​പ്പോ​ലെ നിങ്ങളും നശിക്കും.+

9 “ഇസ്രാ​യേലേ, കേൾക്കുക. ഇന്നു നിങ്ങൾ യോർദാൻ കടന്നുചെന്ന്‌+ നിങ്ങ​ളെ​ക്കാൾ വലുപ്പ​വും ശക്തിയും ഉള്ള ജനതകളെ ഓടി​ച്ചു​ക​ള​യും;+ ആകാശ​ത്തോ​ളം എത്തുന്ന കോട്ട​ക​ളുള്ള മഹാന​ഗ​രങ്ങൾ നിങ്ങൾ പിടി​ച്ച​ട​ക്കും.+ 2 ഉയരവും ശക്തിയും ഉള്ള അവിടത്തെ ജനങ്ങളെ, അനാക്യ​വം​ശ​ജരെ,+ നിങ്ങൾ തോൽപ്പി​ക്കും. അവരെ നിങ്ങൾക്ക്‌ അറിയാ​മ​ല്ലോ. ‘അനാക്കി​ന്റെ വംശജ​രോട്‌ എതിർത്തു​നിൽക്കാൻ ആർക്കു കഴിയും’ എന്ന ചൊല്ലും നിങ്ങൾ കേട്ടി​ട്ടു​ണ്ട​ല്ലോ. 3 അതുകൊണ്ട്‌ ഇന്നു നിങ്ങൾ ഇത്‌ അറിഞ്ഞു​കൊ​ള്ളുക: നിങ്ങളു​ടെ ദൈവ​മായ യഹോവ നിങ്ങൾക്കു മുമ്പേ അവി​ടേക്കു പോകും.+ ദൈവം ദഹിപ്പി​ക്കുന്ന അഗ്നിയാ​ണ്‌,+ ദൈവം അവരെ നിശ്ശേഷം നശിപ്പി​ക്കും. നിങ്ങളു​ടെ കൺമു​ന്നിൽ അവരെ കീഴട​ക്കും. അങ്ങനെ യഹോവ നിങ്ങ​ളോ​ടു വാഗ്‌ദാ​നം ചെയ്‌ത​തു​പോ​ലെ നിങ്ങൾ അവരെ പെട്ടെന്നു തുരത്തിയോടിക്കുകയും* നശിപ്പി​ക്കു​ക​യും ചെയ്യും.+

4 “നിങ്ങളു​ടെ ദൈവ​മായ യഹോവ അവരെ നിങ്ങളു​ടെ മുന്നിൽനി​ന്ന്‌ ഓടി​ച്ചു​ക​ള​യു​മ്പോൾ, ‘ഞാൻ നീതി​യു​ള്ള​വ​നാ​യ​തു​കൊ​ണ്ടാണ്‌ ഈ ദേശം കൈവ​ശ​മാ​ക്കാൻ യഹോവ എന്നെ കൊണ്ടു​വ​ന്നത്‌’+ എന്നു നീ ഹൃദയ​ത്തിൽ പറയരു​ത്‌. ഈ ജനതക​ളു​ടെ ദുഷ്ടത കാരണമാണ്‌+ യഹോവ അവരെ നിങ്ങളു​ടെ മുന്നിൽനി​ന്ന്‌ ഓടി​ച്ചു​ക​ള​യു​ന്നത്‌. 5 നിങ്ങൾക്കു നീതി​യോ ഹൃദയ​ശു​ദ്ധി​യോ ഉള്ളതു​കൊ​ണ്ടല്ല നിങ്ങൾ അവരുടെ ദേശം അവകാ​ശ​മാ​ക്കാൻപോ​കു​ന്നത്‌. ഈ ജനതക​ളു​ടെ ദുഷ്ടത കാരണ​വും നിങ്ങളു​ടെ പൂർവി​ക​രായ അബ്രാ​ഹാം,+ യിസ്‌ഹാ​ക്ക്‌,+ യാക്കോബ്‌+ എന്നിവ​രോട്‌ യഹോവ സത്യം ചെയ്‌ത വാക്കു പാലി​ക്കു​ന്ന​തി​നു​വേ​ണ്ടി​യും ആണ്‌ നിങ്ങളു​ടെ ദൈവ​മായ യഹോവ അവരെ നിങ്ങളു​ടെ മുന്നിൽനി​ന്ന്‌ ഓടി​ച്ചു​ക​ള​യു​ന്നത്‌.+ 6 അതുകൊണ്ട്‌, നിങ്ങൾ നീതി​യു​ള്ള​വ​രാ​യ​തു​കൊ​ണ്ടല്ല നിങ്ങളു​ടെ ദൈവ​മായ യഹോവ ഈ നല്ല ദേശം നിങ്ങൾക്ക്‌ അവകാ​ശ​മാ​യി തരുന്ന​തെന്ന്‌ അറിഞ്ഞു​കൊ​ള്ളുക. നിങ്ങൾ ദുശ്ശാ​ഠ്യ​മുള്ള ഒരു ജനമാ​ണ​ല്ലോ.+

7 “വിജന​ഭൂ​മി​യിൽവെച്ച്‌ നിങ്ങൾ നിങ്ങളു​ടെ ദൈവ​മായ യഹോ​വയെ പ്രകോ​പി​പ്പി​ച്ചത്‌ എങ്ങനെ​യാ​ണെന്ന്‌ ഓർക്കുക, അക്കാര്യം നിങ്ങൾ ഒരിക്ക​ലും മറന്നു​ക​ള​യ​രുത്‌.+ ഈജി​പ്‌ത്‌ ദേശത്തു​നിന്ന്‌ പുറ​പ്പെ​ട്ട​തു​മു​തൽ ഇവിടെ എത്തും​വരെ നിങ്ങൾ യഹോ​വയെ ധിക്കരി​ച്ചു.+ 8 ഹോരേബിൽവെച്ചുപോലും യഹോ​വയെ കോപി​പ്പി​ച്ചു. നിങ്ങളെ നശിപ്പി​ച്ചു​ക​ള​യാൻ തുനി​യുന്ന അളവോ​ളം യഹോ​വ​യു​ടെ കോപം ആളിക്കത്തി.+ 9 യഹോവ നിങ്ങളു​മാ​യി ചെയ്‌ത ഉടമ്പടി​യു​ടെ കൽപ്പലകകൾ+ സ്വീക​രി​ക്കാൻ മലയി​ലേക്കു കയറി​ച്ചെന്ന ഞാൻ ആഹാരം കഴിക്കു​ക​യോ വെള്ളം കുടി​ക്കു​ക​യോ ചെയ്യാതെ 40 രാവും 40 പകലും അവിടെ ചെലവ​ഴി​ച്ചു.+ 10 പിന്നെ, സ്വന്തം കൈവി​രൽകൊണ്ട്‌ എഴുതിയ രണ്ടു കൽപ്പല​കകൾ യഹോവ എനിക്കു തന്നു. നിങ്ങൾ കൂടിവന്ന ദിവസം യഹോവ മലയിൽവെച്ച്‌ തീയുടെ മധ്യേ​നിന്ന്‌ നിങ്ങ​ളോ​ടു പറഞ്ഞ വചനങ്ങ​ളെ​ല്ലാം അവയി​ലു​ണ്ടാ​യി​രു​ന്നു.+ 11 യഹോവ ആ രണ്ടു കൽപ്പല​കകൾ, ഉടമ്പടി​യു​ടെ പലകകൾ, 40 രാവും 40 പകലും കഴിഞ്ഞ​പ്പോൾ എനിക്കു തന്നു. 12 യഹോവ എന്നോടു പറഞ്ഞു: ‘എഴു​ന്നേറ്റ്‌ വേഗം താഴേക്കു ചെല്ലുക. നീ ഈജി​പ്‌തിൽനിന്ന്‌ കൊണ്ടു​വന്ന നിന്റെ ജനം വഷളത്തം കാണി​ച്ചി​രി​ക്കു​ന്നു.+ ഞാൻ അവരോ​ടു കല്‌പിച്ച വഴിയിൽനി​ന്ന്‌ അവർ പെട്ടെന്നു മാറി​പ്പോ​യി. അവർ തങ്ങൾക്കു​വേണ്ടി ഒരു ലോഹവിഗ്രഹം* ഉണ്ടാക്കി​യി​രി​ക്കു​ന്നു.’+ 13 തുടർന്ന്‌ യഹോവ എന്നോട്‌: ‘ഈ ജനം ദുശ്ശാ​ഠ്യ​മുള്ള ഒരു ജനമാ​ണെന്ന്‌ എനിക്കു മനസ്സി​ലാ​യി.+ 14 നീ എന്നെ തടയരു​ത്‌, ഞാൻ അവരെ തുടച്ചു​നീ​ക്കു​ക​യും അവരുടെ പേര്‌ ആകാശ​ത്തിൻകീ​ഴിൽനിന്ന്‌ മായ്‌ച്ചു​ക​ള​യു​ക​യും ചെയ്യും. എന്നാൽ നിന്നെ ഞാൻ എണ്ണത്തി​ലും ശക്തിയി​ലും അവരെ​ക്കാൾ മികച്ച ഒരു ജനതയാ​ക്കാം.’+

15 “ഞാൻ അപ്പോൾ ഉടമ്പടി​യു​ടെ രണ്ടു കൽപ്പല​ക​ക​ളും കൈക​ളി​ലെ​ടുത്ത്‌ മലയി​റങ്ങി.+ ആ സമയം മല കത്തിജ്വ​ലി​ച്ചു​കൊ​ണ്ടി​രി​ക്കു​ക​യാ​യി​രു​ന്നു.+ 16 ഞാൻ നോക്കി​യ​പ്പോൾ നിങ്ങൾ നിങ്ങളു​ടെ ദൈവ​മായ യഹോ​വ​യോ​ടു പാപം ചെയ്‌തി​രി​ക്കു​ന്ന​താ​യി കണ്ടു. നിങ്ങൾ ലോഹംകൊണ്ട്‌* ഒരു കാളക്കു​ട്ടി​യെ ഉണ്ടാക്കി, യഹോവ നിങ്ങ​ളോ​ടു കല്‌പിച്ച വഴിയിൽനി​ന്ന്‌ പെട്ടെന്നു മാറി​പ്പോ​യി.+ 17 അതിനാൽ ഞാൻ ആ കൽപ്പല​കകൾ രണ്ടും എന്റെ കൈക​ളിൽ എടുത്ത്‌ നിങ്ങളു​ടെ കൺമു​ന്നിൽവെച്ച്‌ എറിഞ്ഞ്‌ തകർത്തു.+ 18 പിന്നെ ഞാൻ ആദ്യ​ത്തെ​പ്പോ​ലെ 40 രാവും 40 പകലും യഹോ​വ​യു​ടെ മുമ്പാകെ സാഷ്ടാം​ഗം വീണ്‌ നമസ്‌ക​രി​ച്ചു. യഹോ​വ​യു​ടെ മുമ്പാകെ തിന്മ പ്രവർത്തി​ക്കു​ക​യും ദൈവത്തെ കോപി​പ്പി​ക്കു​ക​യും ചെയ്‌തു​കൊണ്ട്‌ നിങ്ങൾ ചെയ്‌ത പാപങ്ങ​ളെ​ല്ലാം കാരണം ഞാൻ ആഹാരം കഴിക്കു​ക​യോ വെള്ളം കുടി​ക്കു​ക​യോ ചെയ്‌തില്ല.+ 19 നിങ്ങളെ നശിപ്പി​ച്ചു​ക​ള​യാൻ തുനി​യുന്ന അളവോ​ളം യഹോ​വ​യു​ടെ കോപം ആളിക്കത്തിയതിനാൽ+ ഞാൻ ഭയന്നു​പോ​യി​രു​ന്നു. എന്നാൽ ആ പ്രാവ​ശ്യ​വും യഹോവ എന്റെ അപേക്ഷ കേട്ടു.+

20 “അഹരോ​ന്‌ എതി​രെ​യും യഹോ​വ​യു​ടെ കോപം ആളിക്കത്തി; അഹരോ​നെ​യും നശിപ്പി​ച്ചു​ക​ള​യാൻ ദൈവം ഒരുങ്ങി.+ എന്നാൽ ആ സമയത്ത്‌ ഞാൻ അഹരോ​നു​വേ​ണ്ടി​യും ഉള്ളുരു​കി പ്രാർഥി​ച്ചു. 21 പിന്നെ ഞാൻ നിങ്ങൾ ഉണ്ടാക്കിയ ആ പാപവ​സ്‌തു​വി​നെ, ആ കാളക്കു​ട്ടി​യെ,+ എടുത്ത്‌ തീയി​ലിട്ട്‌ കത്തിച്ചു. എന്നിട്ട്‌ ഞാൻ അതു തകർത്തു​ടച്ച്‌ നേർത്ത പൊടി​യാ​ക്കി, മലയിൽനി​ന്ന്‌ ഒഴുകുന്ന അരുവി​യിൽ ഒഴുക്കി.+

22 “പിന്നീട്‌, തബേരയിലും+ മസ്സയിലും+ കി​ബ്രോത്ത്‌-ഹത്താവയിലും+ വെച്ച്‌ നിങ്ങൾ യഹോ​വയെ കോപി​പ്പി​ച്ചു. 23 യഹോവ കാദേശ്‌-ബർന്നേയയിൽനിന്ന്‌+ നിങ്ങളെ അയച്ച്‌, ‘പോയി ഞാൻ നിങ്ങൾക്കു തരുന്ന ദേശം കൈവ​ശ​മാ​ക്കി​ക്കൊ​ള്ളുക’ എന്നു പറഞ്ഞ​പ്പോൾ വീണ്ടും നിങ്ങൾ നിങ്ങളു​ടെ ദൈവ​മായ യഹോ​വ​യു​ടെ ആജ്ഞ ധിക്കരി​ച്ചു.+ നിങ്ങൾ ദൈവ​ത്തിൽ വിശ്വാസമർപ്പിക്കുകയോ+ ദൈവത്തെ അനുസ​രി​ക്കു​ക​യോ ചെയ്‌തില്ല. 24 എനിക്കു നിങ്ങളെ അറിയാ​വുന്ന കാലം​മു​തൽ നിങ്ങൾ യഹോ​വയെ ധിക്കരി​ച്ചു​കൊ​ണ്ടി​രി​ക്കു​ന്നു.

25 “അതിനാൽ ഞാൻ 40 രാവും 40 പകലും+ യഹോ​വ​യു​ടെ മുമ്പാകെ സാഷ്ടാം​ഗം വീണ്‌ നമസ്‌ക​രി​ച്ചു. നിങ്ങളെ നശിപ്പി​ച്ചു​ക​ള​യും എന്ന്‌ യഹോവ പറഞ്ഞതു​കൊ​ണ്ടാ​ണു ഞാൻ അങ്ങനെ ചെയ്‌തത്‌. 26 ഞാൻ യഹോ​വ​യോട്‌ ഇങ്ങനെ ഉള്ളുരു​കി പ്രാർഥി​ച്ചു: ‘പരമാ​ധി​കാ​രി​യായ യഹോവേ, അങ്ങയുടെ ജനത്തെ നശിപ്പി​ച്ചു​ക​ള​യ​രു​തേ. അവർ അങ്ങയുടെ സ്വകാ​ര്യ​സ്വ​ത്താ​ണ​ല്ലോ,*+ അങ്ങ്‌ അങ്ങയുടെ മാഹാ​ത്മ്യ​ത്താൽ മോചി​പ്പി​ക്കു​ക​യും അങ്ങയുടെ ബലമുള്ള കൈയാൽ ഈജി​പ്‌തിൽനിന്ന്‌ വിടു​വി​ക്കു​ക​യും ചെയ്‌തവർ!+ 27 അങ്ങയുടെ ദാസരായ അബ്രാ​ഹാ​മി​നെ​യും യിസ്‌ഹാ​ക്കി​നെ​യും യാക്കോ​ബി​നെ​യും ഓർക്കേ​ണമേ.+ ഈ ജനത്തിന്റെ ശാഠ്യ​വും ദുഷ്ടത​യും പാപവും അങ്ങ്‌ കാര്യ​മാ​ക്ക​രു​തേ.+ 28 അല്ലാത്തപക്ഷം, അങ്ങ്‌ ഞങ്ങളെ വിടു​വിച്ച്‌ കൊണ്ടു​വന്ന ആ ദേശത്തെ ജനങ്ങൾ, “താൻ വാഗ്‌ദാ​നം ചെയ്‌ത ദേശത്ത്‌ അവരെ എത്തിക്കാൻ യഹോ​വ​യ്‌ക്കു കഴിഞ്ഞില്ല; ആ ദൈവം അവരെ വെറു​ത്ത​തു​കൊ​ണ്ടാണ്‌ അവരെ കൊല്ലാൻവേണ്ടി വിജന​ഭൂ​മി​യി​ലേക്കു കൊണ്ടു​പോ​യത്‌” എന്നു പറയും.+ 29 എന്നാൽ, അവർ അങ്ങയുടെ ജനവും സ്വകാ​ര്യ​സ്വ​ത്തും ആണല്ലോ;+ അങ്ങ്‌ അങ്ങയുടെ മഹാശ​ക്തി​യാ​ലും നീട്ടിയ കരത്താ​ലും വിടു​വിച്ച്‌ കൊണ്ടു​വ​ന്നവർ!’+

10 “അപ്പോൾ യഹോവ എന്നോടു പറഞ്ഞു: ‘നീ ആദ്യ​ത്തേ​തു​പോ​ലുള്ള രണ്ടു കൽപ്പല​കകൾ വെട്ടി​യു​ണ്ടാ​ക്കി,+ എന്റെ അടുത്ത്‌ മലയി​ലേക്കു വരുക. തടി​കൊ​ണ്ടുള്ള ഒരു പെട്ടകവും* നീ ഉണ്ടാക്കണം. 2 നീ എറിഞ്ഞു​ടച്ച ആദ്യത്തെ പലകക​ളി​ലു​ണ്ടാ​യി​രുന്ന വാക്കുകൾ ഞാൻ ആ പലകക​ളിൽ എഴുതും; നീ അവ പെട്ടക​ത്തിൽ വെക്കണം.’ 3 അങ്ങനെ ഞാൻ കരുവേലത്തടികൊണ്ട്‌* ഒരു പെട്ടകം ഉണ്ടാക്കി; ആദ്യ​ത്തേ​തു​പോ​ലുള്ള രണ്ടു കൽപ്പല​ക​ക​ളും വെട്ടി​യെ​ടു​ത്തു. പിന്നെ ഞാൻ ആ രണ്ടു പലകക​ളും കൈയിൽ എടുത്ത്‌ മലകയറി.+ 4 ദൈവം മുമ്പ്‌ എഴുതി​യി​രുന്ന വാക്കുകൾ, ജനത്തെ കൂട്ടി​വ​രു​ത്തിയ ദിവസം+ യഹോവ മലയിൽവെച്ച്‌ തീയുടെ മധ്യേ​നിന്ന്‌ നിങ്ങ​ളോ​ടു പറഞ്ഞ+ ആ പത്തു കല്‌പ​നകൾ,*+ ആ കൽപ്പല​ക​ക​ളിൽ എഴുതി.+ പിന്നെ യഹോവ അവ എനിക്കു തന്നു. 5 തുടർന്ന്‌ ഞാൻ മലയിൽനി​ന്ന്‌ ഇറങ്ങിവന്ന്‌+ യഹോവ എന്നോടു കല്‌പി​ച്ച​തു​പോ​ലെ, ഞാൻ ഉണ്ടാക്കിയ പെട്ടക​ത്തിൽ ആ കൽപ്പല​കകൾ വെച്ചു; അത്‌ ഇന്നും അവി​ടെ​യുണ്ട്‌.

6 “പിന്നീട്‌ ഇസ്രാ​യേ​ല്യർ ബേരോ​ത്ത്‌ ബനേ-ആക്കാനിൽനി​ന്ന്‌ മോസ​ര​യി​ലേക്കു പുറ​പ്പെട്ടു. അവി​ടെ​വെച്ച്‌ അഹരോൻ മരിച്ചു;+ അഹരോ​നെ അവിടെ അടക്കി. തുടർന്ന്‌ മകനായ എലെയാ​സർ അഹരോ​നു പകരം പുരോ​ഹി​ത​ശു​ശ്രൂഷ ഏറ്റെടു​ത്തു.+ 7 അവിടെനിന്ന്‌ അവർ ഗുദ്‌ഗോ​ദ​യി​ലേക്കു പുറ​പ്പെട്ടു. പിന്നെ അവർ ഗുദ്‌ഗോ​ദ​യിൽനിന്ന്‌ അരുവികളുടെ* ദേശമായ യൊത്‌ബാഥയിലേക്കു+ പുറ​പ്പെട്ടു.

8 “ആ സമയത്ത്‌ യഹോവ ലേവി ഗോ​ത്രത്തെ,+ അവർ ഇന്നോളം ചെയ്‌തു​പോ​രു​ന്ന​തു​പോ​ലെ, യഹോ​വ​യു​ടെ ഉടമ്പടി​പ്പെ​ട്ടകം ചുമക്കാനും+ യഹോ​വ​യു​ടെ മുമ്പാകെ നിന്ന്‌ ശുശ്രൂഷ ചെയ്യാ​നും ദൈവ​നാ​മ​ത്തിൽ അനുഗ്രഹിക്കാനും+ ആയി വേർതി​രി​ച്ചു. 9 അതുകൊണ്ടാണ്‌ ലേവിക്കു സഹോ​ദ​ര​ന്മാ​രോ​ടൊ​പ്പം ഓഹരി​യോ അവകാ​ശ​മോ കൊടു​ക്കാത്തത്‌. നിങ്ങളു​ടെ ദൈവ​മായ യഹോവ ലേവി​യോ​ടു പറഞ്ഞതു​പോ​ലെ,+ യഹോ​വ​യാ​ണു ലേവി​യു​ടെ അവകാശം. 10 ആദ്യത്തെപ്പോലെ 40 രാവും 40 പകലും ഞാൻ ആ മലയിൽ തങ്ങി.+ ആ സന്ദർഭ​ത്തി​ലും യഹോവ എന്റെ വാക്കു കേട്ടു;+ നിങ്ങളെ കൊന്നു​ക​ള​യാൻ യഹോ​വ​യ്‌ക്കു മനസ്സു​വ​ന്നില്ല. 11 പിന്നീട്‌ യഹോവ എന്നോടു പറഞ്ഞു: ‘ഞാൻ അവർക്കു കൊടു​ക്കു​മെന്ന്‌ അവരുടെ പൂർവി​ക​രോ​ടു സത്യം ചെയ്‌ത ദേശം+ അവർ കൈവ​ശ​മാ​ക്കേ​ണ്ട​തി​നു നിങ്ങൾ പുറ​പ്പെ​ടാൻ തയ്യാറാ​കുക. നീ അവർക്കു മുമ്പായി പോകുക.’

12 “അതു​കൊണ്ട്‌ ഇസ്രാ​യേലേ, എന്താണു നിന്റെ ദൈവ​മായ യഹോവ നിന്നോ​ട്‌ ആവശ്യ​പ്പെ​ടു​ന്നത്‌?+ നിന്റെ ദൈവ​മായ യഹോ​വയെ ഭയപ്പെടുകയും+ ദൈവ​ത്തിന്റെ എല്ലാ വഴിക​ളി​ലും നടക്കുകയും+ ദൈവത്തെ സ്‌നേ​ഹി​ക്കു​ക​യും നിന്റെ ദൈവ​മായ യഹോ​വയെ നിന്റെ മുഴു​ഹൃ​ദ​യ​ത്തോ​ടും നിന്റെ മുഴുദേഹിയോടും* കൂടെ സേവിക്കുകയും+ 13 നിന്റെ നന്മയ്‌ക്കു​വേണ്ടി ഞാൻ ഇന്നു നിന്നോ​ടു കല്‌പി​ക്കുന്ന യഹോ​വ​യു​ടെ കല്‌പ​ന​ക​ളും നിയമ​ങ്ങ​ളും പാലി​ക്കു​ക​യും ചെയ്യുക—ഇത്ര മാത്രം.+ 14 ഇതാ, ആകാശ​വും ആകാശ​ങ്ങ​ളു​ടെ ആകാശവും* ഭൂമി​യും അതിലു​ള്ള​തൊ​ക്കെ​യും നിന്റെ ദൈവ​മായ യഹോ​വ​യു​ടേ​താണ്‌.+ 15 എങ്കിലും, നിന്റെ പൂർവി​ക​രോ​ടു മാത്ര​മാണ്‌ യഹോ​വ​യ്‌ക്ക്‌ അടുപ്പം തോന്നി​യത്‌; അവരെ മാത്ര​മാ​ണു ദൈവം സ്‌നേ​ഹി​ച്ചത്‌. അവരുടെ സന്തതി​യായ നിന്നെ,+ ഇതാ നീ ഇന്നായി​രി​ക്കു​ന്ന​തു​പോ​ലെ, എല്ലാ ജനങ്ങളിൽനി​ന്നും തിര​ഞ്ഞെ​ടു​ത്തി​രി​ക്കു​ന്നു. 16 നിങ്ങൾ ഇപ്പോൾ നിങ്ങളു​ടെ ഹൃദയം ശുദ്ധീകരിക്കുകയും*+ നിങ്ങളു​ടെ ഈ ശാഠ്യം ഉപേക്ഷി​ക്കു​ക​യും വേണം.+ 17 കാരണം നിന്റെ ദൈവ​മായ യഹോവ ദൈവാധിദൈവവും+ കർത്താ​ധി​കർത്താ​വും ആണ്‌. അവിടു​ന്ന്‌ മഹാ​ദൈ​വ​വും ശക്തനും ഭയാദ​രവ്‌ ഉണർത്തു​ന്ന​വ​നും ആണ്‌; ദൈവം പക്ഷപാതം കാണിക്കുകയോ+ കൈക്കൂ​ലി വാങ്ങു​ക​യോ ചെയ്യു​ന്നില്ല. 18 വിധവയ്‌ക്കും അനാഥനും* ദൈവം നീതി നടത്തി​ക്കൊ​ടു​ക്കു​ന്നു.+ നിങ്ങളു​ടെ ഇടയിൽ വന്നുതാ​മ​സി​ക്കുന്ന വിദേ​ശി​യെ സ്‌നേഹിച്ച്‌+ ദൈവം അയാൾക്ക്‌ ആഹാര​വും വസ്‌ത്ര​വും നൽകുന്നു. 19 നിങ്ങളും നിങ്ങൾക്കി​ട​യിൽ വന്നുതാ​മ​സ​മാ​ക്കിയ വിദേ​ശി​യെ സ്‌നേ​ഹി​ക്കണം. കാരണം നിങ്ങളും ഒരിക്കൽ ഈജി​പ്‌ത്‌ ദേശത്ത്‌ വിദേ​ശി​ക​ളാ​യി താമസി​ച്ചി​രു​ന്നു.+

20 “നിങ്ങൾ നിങ്ങളു​ടെ ദൈവ​മായ യഹോ​വയെ ഭയപ്പെ​ടണം; ഈ ദൈവ​ത്തെ​യാ​ണു നിങ്ങൾ സേവി​ക്കേ​ണ്ടത്‌;+ ഈ ദൈവ​ത്തോ​ടാ​ണു നിങ്ങൾ പറ്റി​ച്ചേ​രേ​ണ്ടത്‌; ഈ ദൈവ​ത്തി​ന്റെ നാമത്തി​ലാ​ണു നിങ്ങൾ സത്യം ചെയ്യേ​ണ്ടത്‌. 21 ഈ ദൈവ​ത്തെ​യാ​ണു നിങ്ങൾ സ്‌തു​തി​ക്കേ​ണ്ടത്‌.+ അവിടു​ന്നാ​ണു നിങ്ങളു​ടെ ദൈവം. നിങ്ങൾ സ്വന്തം കണ്ണാലെ കണ്ട ഭയാദ​രവ്‌ ഉണർത്തുന്ന ഈ മഹാകാ​ര്യ​ങ്ങ​ളെ​ല്ലാം നിങ്ങൾക്കു​വേണ്ടി ചെയ്‌തത്‌ ഈ ദൈവ​മാണ്‌!+ 22 നിങ്ങളുടെ പൂർവി​കർ ഈജി​പ്‌തി​ലേക്കു പോയ​പ്പോൾ അവർ 70 പേരാ​യി​രു​ന്നു.+ എന്നാൽ ഇപ്പോൾ ഇതാ, നിങ്ങളു​ടെ ദൈവ​മായ യഹോവ ആകാശ​ത്തി​ലെ നക്ഷത്ര​ങ്ങൾപോ​ലെ അസംഖ്യ​മാ​യി നിങ്ങളെ വർധി​പ്പി​ച്ചി​രി​ക്കു​ന്നു.+

11 “നിങ്ങൾ നിങ്ങളു​ടെ ദൈവ​മായ യഹോ​വയെ സ്‌നേഹിക്കുകയും+ എപ്പോ​ഴും ദൈവ​ത്തോ​ടുള്ള നിങ്ങളു​ടെ കടമ നിറ​വേ​റ്റു​ക​യും ദൈവ​ത്തി​ന്റെ നിയമ​ങ്ങ​ളും ന്യായ​ത്തീർപ്പു​ക​ളും കല്‌പ​ന​ക​ളും പാലി​ക്കു​ക​യും വേണം. 2 നിങ്ങളുടെ ദൈവ​മായ യഹോ​വ​യു​ടെ ശിക്ഷണം, മഹത്ത്വം,+ ബലമുള്ള കൈ,+ നീട്ടിയ കരം എന്നിവ​യൊ​ന്നും കാണു​ക​യോ അറിയു​ക​യോ ചെയ്‌തി​ട്ടി​ല്ലാത്ത നിങ്ങളു​ടെ മക്കളോ​ടല്ല ഞാൻ ഇന്നു സംസാ​രി​ക്കു​ന്നത്‌,+ പകരം നിങ്ങ​ളോ​ടാണ്‌ എന്നു നിങ്ങൾക്ക്‌ അറിയാ​മ​ല്ലോ. 3 ഈജിപ്‌തിൽവെച്ച്‌ അവിടത്തെ രാജാ​വായ ഫറവോ​നോ​ടും ഫറവോ​ന്റെ മുഴുവൻ ദേശ​ത്തോ​ടും ദൈവം ചെയ്‌ത അടയാ​ള​ങ്ങ​ളും അത്ഭുത​ങ്ങ​ളും നിങ്ങളു​ടെ മക്കൾ നേരിൽ കണ്ടിട്ടില്ല.+ 4 ഈജിപ്‌തിലെ സൈന്യ​വും ഫറവോ​ന്റെ കുതി​ര​ക​ളും യുദ്ധര​ഥ​ങ്ങ​ളും നിങ്ങളെ പിന്തു​ടർന്നു​വ​ന്ന​പ്പോൾ ദൈവം ചെയ്‌തത്‌ എന്താ​ണെ​ന്നും അവർ കണ്ടിട്ടി​ല്ല​ല്ലോ. ചെങ്കട​ലി​ലെ വെള്ളം അവരുടെ മേൽ വന്ന്‌ മൂടി; യഹോവ അവരെ നിശ്ശേഷം* സംഹരി​ച്ചു.+ 5 നിങ്ങൾ ഇവിടെ എത്തുന്ന​തു​വരെ വിജന​ഭൂ​മി​യിൽവെച്ച്‌ ദൈവം നിങ്ങൾക്കുവേണ്ടി* ചെയ്‌ത കാര്യ​ങ്ങ​ളൊ​ന്നും നിങ്ങളു​ടെ മക്കൾ കണ്ടിട്ടില്ല. 6 രൂബേന്യവംശജനായ എലിയാ​ബി​ന്റെ മക്കളായ ദാഥാൻ, അബീരാം എന്നിവ​രോ​ടു ദൈവം ചെയ്‌ത​തും അവർ കണ്ടിട്ടില്ല; ഇസ്രാ​യേ​ലെ​ല്ലാം കാൺകെ ഭൂമി വായ്‌ പിളർന്ന്‌ അവരെ​യും അവരുടെ വീട്ടി​ലു​ള്ള​വ​രെ​യും, അവരുടെ കൂടാ​ര​ങ്ങ​ളോ​ടും അവരെ അനുഗ​മിച്ച ജീവനുള്ള എല്ലാത്തി​നോ​ടും ഒപ്പം വിഴു​ങ്ങി​ക്ക​ളഞ്ഞു.+ 7 എന്നാൽ നിങ്ങൾ, യഹോവ ചെയ്‌ത ഈ മഹാകാ​ര്യ​ങ്ങ​ളെ​ല്ലാം നേരിൽ കണ്ടവരാ​ണ്‌.

8 “ഞാൻ ഇന്നു നിങ്ങൾക്കു തരുന്ന കല്‌പ​ന​ക​ളെ​ല്ലാം നിങ്ങൾ പാലി​ക്കണം. അങ്ങനെ ചെയ്‌താൽ നിങ്ങൾ ബലം പ്രാപി​ച്ച്‌ ആ ദേശത്ത്‌ ചെന്ന്‌ അതു കൈവ​ശ​മാ​ക്കും; 9 യഹോവ നിങ്ങളു​ടെ പൂർവി​കർക്കും അവരുടെ സന്തതിക്കും* കൊടു​ക്കു​മെന്നു സത്യം ചെയ്‌ത ആ ദേശത്ത്‌,+ പാലും തേനും ഒഴുകുന്ന ദേശത്ത്‌,+ നിങ്ങൾ ദീർഘ​കാ​ലം ജീവി​ച്ചി​രി​ക്കു​ക​യും ചെയ്യും.+

10 “നിങ്ങൾ കൈവ​ശ​മാ​ക്കാൻപോ​കുന്ന ദേശം നിങ്ങൾ പുറ​പ്പെ​ട്ടു​പോന്ന ഈജി​പ്‌ത്‌ ദേശം​പോ​ലെയല്ല. അവിടെ നിങ്ങൾ വിത്തു വിതച്ചി​ട്ട്‌ കാലു​കൊണ്ട്‌ നനയ്‌ക്കേ​ണ്ടി​യി​രു​ന്നു,* ഒരു പച്ചക്കറി​ത്തോ​ട്ടം നനയ്‌ക്കു​ന്ന​തു​പോ​ലെ. 11 എന്നാൽ നിങ്ങൾ യോർദാൻ കടന്ന്‌ കൈവ​ശ​മാ​ക്കാൻപോ​കുന്ന ദേശം മലകളും താഴ്‌വ​ര​ക​ളും ഉള്ള ഒരു ദേശമാ​ണ്‌.+ അത്‌ ആകാശ​ത്തു​നിന്ന്‌ പെയ്യുന്ന മഴവെള്ളം കുടി​ക്കു​ന്നു.+ 12 നിങ്ങളുടെ ദൈവ​മായ യഹോവ പരിപാ​ലി​ക്കുന്ന ദേശമാ​ണ്‌ അത്‌. വർഷത്തി​ന്റെ ആരംഭം​മു​തൽ അവസാ​നം​വരെ എപ്പോ​ഴും നിങ്ങളു​ടെ ദൈവ​മായ യഹോ​വ​യു​ടെ കണ്ണ്‌ അതി​ന്മേ​ലുണ്ട്‌.

13 “ഞാൻ ഇന്നു നിങ്ങ​ളോ​ടു കല്‌പി​ക്കുന്ന എന്റെ കല്‌പ​നകൾ അനുസ​രി​ക്കാൻ നിങ്ങൾ ഉത്സാഹ​മു​ള്ള​വ​രാ​യി​രി​ക്കണം. നിങ്ങൾ നിങ്ങളു​ടെ ദൈവ​മായ യഹോ​വയെ സ്‌നേ​ഹി​ക്കു​ക​യും നിങ്ങളു​ടെ മുഴു​ഹൃ​ദ​യ​ത്തോ​ടും നിങ്ങളു​ടെ മുഴുദേഹിയോടും* കൂടെ ദൈവത്തെ സേവി​ക്കു​ക​യും വേണം.+ അങ്ങനെ ചെയ്‌താൽ 14 ഞാൻ തക്കസമ​യത്ത്‌ നിങ്ങളു​ടെ ദേശത്ത്‌ മഴ പെയ്യി​ക്കും—മുൻമ​ഴ​യും പിൻമ​ഴ​യും നിങ്ങൾക്കു ലഭിക്കും; നിങ്ങൾ നിങ്ങളു​ടെ ധാന്യ​വും പുതു​വീ​ഞ്ഞും എണ്ണയും ശേഖരി​ക്കും.+ 15 ഞാൻ നിങ്ങളു​ടെ നിലങ്ങ​ളിൽ മൃഗങ്ങൾക്ക്‌ ആഹാര​മാ​യി പുല്ലു മുളപ്പി​ക്കും. അങ്ങനെ നിങ്ങൾ തിന്ന്‌ തൃപ്‌ത​രാ​കും.+ 16 എന്നാൽ സൂക്ഷി​ച്ചു​കൊ​ള്ളുക: നിങ്ങളു​ടെ ഹൃദയം വഴി​തെറ്റി അന്യ​ദൈ​വ​ങ്ങളെ ആരാധി​ക്കാ​നും അവയുടെ മുമ്പാകെ കുമ്പി​ടാ​നും വശീക​രി​ക്ക​പ്പെ​ട​രുത്‌.+ 17 അങ്ങനെ സംഭവി​ച്ചാൽ, യഹോ​വ​യു​ടെ കോപം നിങ്ങൾക്കെ​തി​രെ ആളിക്ക​ത്തു​ക​യും ദൈവം ആകാശം അടച്ചു​ക​ള​യു​ക​യും ചെയ്യും; മഴ പെയ്യുകയോ+ നിലം അതിന്റെ ഫലം തരുക​യോ ഇല്ല. അങ്ങനെ യഹോവ നിങ്ങൾക്കു തരുന്ന ആ നല്ല ദേശത്തു​നിന്ന്‌ നിങ്ങൾ പെട്ടെന്നു നശിച്ചു​പോ​കും.+

18 “എന്റെ ഈ വാക്കുകൾ നിങ്ങൾ നിങ്ങളു​ടെ ഹൃദയ​ത്തി​ലും മനസ്സി​ലും പതിപ്പി​ക്കു​ക​യും ഒരു ഓർമി​പ്പി​ക്ക​ലാ​യി നിങ്ങളു​ടെ കൈയിൽ കെട്ടു​ക​യും വേണം; ഒരു പട്ടപോ​ലെ അവ നിന്റെ നെറ്റി​യി​ലു​ണ്ടാ​യി​രി​ക്കണം.*+ 19 നിങ്ങൾ വീട്ടി​ലാ​യി​രി​ക്കു​മ്പോ​ഴും നടക്കു​മ്പോ​ഴും കിടക്കു​മ്പോ​ഴും എഴു​ന്നേൽക്കു​മ്പോ​ഴും അവയെ​ക്കു​റിച്ച്‌ സംസാ​രി​ച്ചു​കൊണ്ട്‌ അവ നിങ്ങളു​ടെ മക്കൾക്കു പഠിപ്പി​ച്ചു​കൊ​ടു​ക്കണം.+ 20 നിങ്ങളുടെ വീടിന്റെ കട്ടിള​ക്കാ​ലു​ക​ളി​ലും നിങ്ങളു​ടെ കവാട​ങ്ങ​ളി​ലും അവ എഴുതി​വെ​ക്കണം. 21 അങ്ങനെ ചെയ്‌താൽ യഹോവ നിങ്ങളു​ടെ പൂർവി​കർക്കു കൊടു​ക്കു​മെന്നു സത്യം ചെയ്‌ത ദേശത്ത്‌+ നിങ്ങളും നിങ്ങളു​ടെ മക്കളും ദീർഘ​കാ​ലം, ആകാശം ഭൂമിക്കു മീതെ​യു​ള്ളി​ട​ത്തോ​ളം കാലം, ജീവി​ച്ചി​രി​ക്കും.+

22 “ഞാൻ നിങ്ങൾക്കു തരുന്ന ഈ കല്‌പന നിങ്ങൾ അതേപടി അനുസ​രി​ക്കു​ക​യും പാലി​ക്കു​ക​യും ചെയ്‌തു​കൊണ്ട്‌ നിങ്ങളു​ടെ ദൈവ​മായ യഹോ​വയെ സ്‌നേഹിക്കുകയും+ ദൈവ​ത്തി​ന്റെ എല്ലാ വഴിക​ളി​ലും നടക്കു​ക​യും ദൈവ​ത്തോ​ടു പറ്റി​ച്ചേ​രു​ക​യും ചെയ്‌താൽ,+ 23 ഈ ജനതക​ളെ​യെ​ല്ലാം യഹോവ നിങ്ങളു​ടെ മുന്നിൽനി​ന്ന്‌ ഓടി​ച്ചു​ക​ള​യും;+ നിങ്ങ​ളെ​ക്കാൾ സംഖ്യാ​ബ​ല​മുള്ള മഹാജ​ന​ത​കളെ നിങ്ങൾ തുരത്തി​യോ​ടി​ക്കും.+ 24 നിങ്ങൾ കാൽ കുത്തുന്ന സ്ഥലമൊ​ക്കെ​യും നിങ്ങളു​ടേ​താ​യി​ത്തീ​രും.+ വിജന​ഭൂ​മി മുതൽ അങ്ങു ലബാ​നോൻ വരെയും യൂഫ്ര​ട്ടീസ്‌ നദി മുതൽ പടിഞ്ഞാ​റേ കടൽ* വരെയും നിങ്ങളു​ടെ അതിർത്തി​യാ​യി​രി​ക്കും.+ 25 ആരും നിങ്ങൾക്കു നേരെ നിൽക്കില്ല.+ താൻ വാഗ്‌ദാ​നം ചെയ്‌ത​തു​പോ​ലെ, നിങ്ങൾ പോകുന്ന ദേശ​ത്തൊ​ക്കെ​യും നിങ്ങളു​ടെ ദൈവ​മായ യഹോവ നിങ്ങ​ളെ​ക്കു​റി​ച്ചുള്ള ഭീതി​യും നടുക്ക​വും പരത്തും.+

26 “ഇതാ, ഇന്നു ഞാൻ അനു​ഗ്ര​ഹ​വും ശാപവും നിങ്ങളു​ടെ മുന്നിൽ വെക്കുന്നു:+ 27 ഞാൻ ഇന്നു നിങ്ങ​ളോ​ടു കല്‌പി​ക്കുന്ന, നിങ്ങളു​ടെ ദൈവ​മായ യഹോ​വ​യു​ടെ കല്‌പ​നകൾ അനുസ​രി​ക്കു​ന്നെ​ങ്കിൽ നിങ്ങൾ അനുഗൃ​ഹീ​ത​രാ​കും.+ 28 എന്നാൽ നിങ്ങളു​ടെ ദൈവ​മായ യഹോ​വ​യു​ടെ കല്‌പ​നകൾ അനുസ​രി​ക്കാ​തെ,+ ഞാൻ ഇന്നു കല്‌പി​ക്കുന്ന വഴിയിൽനി​ന്ന്‌ മാറി നിങ്ങൾ അറിഞ്ഞി​ട്ടി​ല്ലാത്ത ദൈവ​ങ്ങളെ സേവി​ച്ചാൽ നിങ്ങൾ ശാപം പേറേ​ണ്ടി​വ​രും.

29 “നിങ്ങളു​ടെ ദൈവ​മായ യഹോവ നിങ്ങൾ കൈവ​ശ​മാ​ക്കാൻപോ​കുന്ന ദേശ​ത്തേക്കു നിങ്ങളെ കൊണ്ടു​പോ​കു​മ്പോൾ നിങ്ങൾ ഗരിസീം പർവത​ത്തിൽവെച്ച്‌ അനു​ഗ്ര​ഹ​വും ഏബാൽ പർവതത്തിൽവെച്ച്‌+ ശാപവും പ്രസ്‌താ​വി​ക്കണം.* 30 അവ പടിഞ്ഞാറ്‌* യോർദാ​ന്റെ മറുക​ര​യിൽ, ഗിൽഗാ​ലിന്‌ എതിർവ​ശത്ത്‌ മോ​രെ​യി​ലെ വലിയ മരങ്ങൾക്ക​രി​കെ അരാബ​യിൽ താമസി​ക്കുന്ന കനാന്യ​രു​ടെ ദേശത്താ​ണ​ല്ലോ.+ 31 നിങ്ങൾ യോർദാൻ കടന്ന്‌ നിങ്ങളു​ടെ ദൈവ​മായ യഹോവ നിങ്ങൾക്കു തരുന്ന ദേശത്ത്‌ ചെന്ന്‌ അതു കൈവ​ശ​മാ​ക്കാൻപോ​കു​ന്നു.+ നിങ്ങൾ ദേശം കൈവ​ശ​മാ​ക്കി അവിടെ താമസി​ക്കു​മ്പോൾ 32 ഞാൻ ഇന്നു നിങ്ങളു​ടെ മുമ്പാകെ വെക്കുന്ന എല്ലാ ചട്ടങ്ങളും ന്യായ​ത്തീർപ്പു​ക​ളും ശ്രദ്ധ​യോ​ടെ പാലി​ക്കണം.+

12 “നിങ്ങളു​ടെ പൂർവി​ക​രു​ടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ദേശത്ത്‌ നിങ്ങൾ ജീവി​ച്ചി​രി​ക്കുന്ന കാലം മുഴുവൻ ശ്രദ്ധാ​പൂർവം പാലി​ക്കേണ്ട ചട്ടങ്ങളും ന്യായ​ത്തീർപ്പു​ക​ളും ഇവയാണ്‌. 2 നിങ്ങൾ ഓടി​ച്ചു​ക​ള​യുന്ന ജനതകൾ അവരുടെ ദൈവ​ങ്ങളെ സേവി​ച്ചി​രുന്ന എല്ലാ സ്ഥലങ്ങളും നിങ്ങൾ നശിപ്പി​ക്കണം.+ ഉയർന്ന മലകളി​ലാ​കട്ടെ കുന്നു​ക​ളി​ലാ​കട്ടെ തഴച്ചു​വ​ള​രുന്ന മരങ്ങളു​ടെ കീഴി​ലാ​കട്ടെ അത്തരം സ്ഥലങ്ങ​ളെ​ല്ലാം നിങ്ങൾ പൂർണ​മാ​യും നശിപ്പി​ച്ചു​ക​ള​യണം. 3 അവരുടെ യാഗപീ​ഠങ്ങൾ ഇടിച്ചു​ക​ള​യണം; അവരുടെ പൂജാ​സ്‌തം​ഭങ്ങൾ ഉടയ്‌ക്കുകയും+ പൂജാസ്‌തൂപങ്ങൾ* കത്തിച്ചു​ക​ള​യു​ക​യും വേണം; അവരുടെ ദൈവ​ങ്ങ​ളു​ടെ കൊത്തി​യു​ണ്ടാ​ക്കിയ രൂപങ്ങൾ വെട്ടി​വീ​ഴ്‌ത്തണം;+ അവയുടെ പേരു​കൾപോ​ലും ആ സ്ഥലത്തു​നിന്ന്‌ മായ്‌ച്ചു​ക​ള​യണം.+

4 “നിങ്ങളു​ടെ ദൈവ​മായ യഹോ​വയെ നിങ്ങൾ ആ വിധത്തിൽ ആരാധി​ക്ക​രുത്‌.+ 5 പകരം, തന്റെ പേരും വാസസ്ഥ​ല​വും സ്ഥാപി​ക്കാൻ നിങ്ങളു​ടെ ദൈവ​മായ യഹോവ നിങ്ങളു​ടെ എല്ലാ ഗോ​ത്ര​ങ്ങൾക്കു​മി​ട​യിൽ തിര​ഞ്ഞെ​ടു​ക്കുന്ന സ്ഥലത്തേക്കു നിങ്ങൾ പോകണം. അവിടെ നിങ്ങൾ ദൈവത്തെ അന്വേ​ഷി​ക്കണം.+ 6 അവിടെയാണു നിങ്ങൾ നിങ്ങളു​ടെ ദഹനയാ​ഗങ്ങൾ,+ ബലികൾ, ദശാം​ശങ്ങൾ,*+ നിങ്ങളു​ടെ കൈയിൽനി​ന്നുള്ള സംഭാ​വ​നകൾ,+ നിങ്ങളു​ടെ നേർച്ച​യാ​ഗങ്ങൾ, സ്വമന​സ്സാ​ലെ നൽകുന്ന കാഴ്‌ചകൾ,+ നിങ്ങളു​ടെ ആടുമാ​ടു​ക​ളു​ടെ കടിഞ്ഞൂലുകൾ+ എന്നിവ​യെ​ല്ലാം കൊണ്ടു​വ​രേ​ണ്ടത്‌. 7 നിങ്ങളുടെ ദൈവ​മായ യഹോവ നിങ്ങളെ അനു​ഗ്ര​ഹി​ച്ചി​രി​ക്കു​ന്ന​തു​കൊണ്ട്‌ അവിടെ നിങ്ങളും വീട്ടി​ലു​ള്ള​വ​രും നിങ്ങളു​ടെ ദൈവ​മായ യഹോ​വ​യു​ടെ മുമ്പാകെ ആഹാരം കഴിക്കുകയും+ നിങ്ങളു​ടെ അധ്വാ​ന​ത്തെ​പ്രതി ആഹ്ലാദി​ക്കു​ക​യും വേണം.+

8 “ഇന്നു നമ്മൾ ഇവിടെ ചെയ്യു​ന്ന​തു​പോ​ലെ സ്വന്തം കണ്ണിനു ശരി​യെന്നു തോന്നു​ന്നതു നിങ്ങൾ അവിടെ ചെയ്യരു​ത്‌. 9 നിങ്ങളുടെ ദൈവ​മായ യഹോവ നിങ്ങൾക്കു സ്വസ്ഥത നൽകുന്ന സ്ഥലത്തേക്കും+ ദൈവം തരുന്ന അവകാ​ശ​ത്തി​ലേ​ക്കും നിങ്ങൾ ഇതുവരെ പ്രവേ​ശി​ച്ചി​ട്ടില്ല. 10 എന്നാൽ നിങ്ങൾ യോർദാൻ കടന്നുചെന്ന്‌+ നിങ്ങളു​ടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ദേശത്ത്‌ താമസി​ക്കു​മ്പോൾ ചുറ്റു​മുള്ള എല്ലാ ശത്രു​ക്ക​ളിൽനി​ന്നും ദൈവം ഉറപ്പാ​യും നിങ്ങൾക്കു സ്വസ്ഥത തരും, നിങ്ങൾ സുരക്ഷി​ത​രാ​യി ജീവി​ക്കും.+ 11 ഞാൻ നിങ്ങ​ളോ​ടു കല്‌പി​ക്കു​ന്ന​തെ​ല്ലാം, നിങ്ങളു​ടെ ദഹനയാ​ഗ​ങ്ങ​ളും ബലിക​ളും ദശാംശങ്ങളും+ നിങ്ങളു​ടെ കൈയിൽനി​ന്നുള്ള സംഭാ​വ​ന​ക​ളും നിങ്ങൾ യഹോ​വ​യ്‌ക്കു നേരുന്ന എല്ലാ നേർച്ച​യാ​ഗ​ങ്ങ​ളും, നിങ്ങളു​ടെ ദൈവ​മായ യഹോവ തന്റെ പേര്‌ സ്ഥാപി​ക്കാൻ തിര​ഞ്ഞെ​ടു​ക്കുന്ന സ്ഥലത്ത്‌ നിങ്ങൾ കൊണ്ടു​വ​രണം.+ 12 നിങ്ങളുടെ ദൈവ​മായ യഹോ​വ​യു​ടെ മുന്നിൽ നിങ്ങളും നിങ്ങളു​ടെ ആൺമക്ക​ളും പെൺമ​ക്ക​ളും നിങ്ങൾക്ക്‌ അടിമ​പ്പണി ചെയ്യുന്ന പുരു​ഷ​ന്മാ​രും സ്‌ത്രീ​ക​ളും ആഹ്ലാദി​ക്കണം.+ നിങ്ങ​ളോ​ടൊ​പ്പം നിങ്ങളു​ടെ നഗരങ്ങൾക്കുള്ളിലുള്ള* ലേവ്യ​രും ആഹ്ലാദി​ക്കണം; അവർക്കു നിങ്ങ​ളോ​ടൊ​പ്പം ഓഹരി​യോ അവകാ​ശ​മോ നൽകി​യിട്ടി​ല്ലല്ലോ.+ 13 നിങ്ങളുടെ ദഹനയാ​ഗങ്ങൾ മറ്റ്‌ ഏതെങ്കി​ലും സ്ഥലത്ത്‌ അർപ്പി​ക്കാ​തി​രി​ക്കാൻ സൂക്ഷി​ച്ചു​കൊ​ള്ളുക.+ 14 നിങ്ങളുടെ ഏതെങ്കി​ലു​മൊ​രു ഗോ​ത്ര​ത്തി​ന്റെ പ്രദേ​ശത്ത്‌ യഹോവ തിര​ഞ്ഞെ​ടു​ക്കുന്ന സ്ഥലത്ത്‌ മാത്രമേ നിങ്ങൾ നിങ്ങളു​ടെ ദഹനയാ​ഗങ്ങൾ അർപ്പി​ക്കാ​വൂ. ഞാൻ നിങ്ങ​ളോ​ടു കല്‌പി​ക്കു​ന്ന​തെ​ല്ലാം അവി​ടെ​വെച്ച്‌ നിങ്ങൾ ചെയ്യണം.+

15 “ഇറച്ചി തിന്നാൻ ആഗ്രഹി​ക്കു​മ്പോ​ഴെ​ല്ലാം, നിങ്ങളു​ടെ ദൈവ​മായ യഹോവ നിങ്ങളു​ടെ നഗരങ്ങ​ളി​ലെ​ല്ലാം നിങ്ങൾക്കു നൽകിയ അനു​ഗ്ര​ഹ​ത്തി​ന​നു​സ​രിച്ച്‌, നിങ്ങൾക്ക്‌ അവ അറുത്ത്‌ ഭക്ഷിക്കാം.+ ശുദ്ധനായ വ്യക്തി​ക്കും അശുദ്ധ​നായ വ്യക്തി​ക്കും മാനുകളെ* തിന്നു​ന്ന​തു​പോ​ലെ അതു തിന്നാം. 16 എന്നാൽ നിങ്ങൾ രക്തം കഴിക്ക​രുത്‌;+ അതു നിങ്ങൾ വെള്ളം​പോ​ലെ നിലത്ത്‌ ഒഴിച്ചു​ക​ള​യണം.+ 17 നിങ്ങളുടെ ധാന്യ​ത്തി​ന്റെ​യോ പുതു​വീ​ഞ്ഞി​ന്റെ​യോ എണ്ണയു​ടെ​യോ പത്തി​ലൊന്ന്‌, ആടുമാ​ടു​ക​ളു​ടെ കടിഞ്ഞൂ​ലു​കൾ,+ നിങ്ങൾ നേരുന്ന ഏതെങ്കി​ലും നേർച്ച​യാ​ഗങ്ങൾ, സ്വമന​സ്സാ​ലെ നൽകുന്ന കാഴ്‌ചകൾ, നിങ്ങളു​ടെ കൈയിൽനി​ന്നുള്ള സംഭാ​വ​നകൾ എന്നിവ​യൊ​ന്നും നിങ്ങൾ നിങ്ങളു​ടെ നഗരങ്ങ​ളിൽവെച്ച്‌ ഭക്ഷിക്ക​രുത്‌. 18 നിങ്ങളുടെ ദൈവ​മായ യഹോവ തിര​ഞ്ഞെ​ടു​ക്കുന്ന സ്ഥലത്ത്‌ നിങ്ങളു​ടെ ദൈവ​മായ യഹോ​വ​യു​ടെ മുന്നിൽവെ​ച്ചാ​ണു നിങ്ങൾ അവ തിന്നേ​ണ്ടത്‌.+ നിങ്ങളും നിങ്ങളു​ടെ മകനും മകളും നിങ്ങൾക്ക്‌ അടിമ​പ്പണി ചെയ്യുന്ന പുരു​ഷ​നും സ്‌ത്രീ​യും നിങ്ങളു​ടെ നഗരങ്ങൾക്കു​ള്ളി​ലുള്ള ലേവ്യ​നും അവ ഭക്ഷിക്കണം. നിങ്ങളു​ടെ ദൈവ​മായ യഹോ​വ​യു​ടെ മുമ്പാകെ നിങ്ങളു​ടെ എല്ലാ സംരം​ഭ​ങ്ങ​ളി​ലും നിങ്ങൾ ആഹ്ലാദി​ക്കണം. 19 നിങ്ങൾ ദേശത്ത്‌ താമസി​ക്കു​ന്നി​ട​ത്തോ​ളം കാലം ലേവ്യരെ മറന്നുകളയാതിരിക്കാൻ+ പ്രത്യേ​കം ശ്രദ്ധി​ക്കുക.

20 “നിങ്ങ​ളോ​ടു വാഗ്‌ദാ​നം ചെയ്‌തതുപോലെ+ നിങ്ങളു​ടെ ദൈവ​മായ യഹോവ നിങ്ങളു​ടെ അതിർത്തി വിശാലമാക്കുമ്പോൾ+ നിങ്ങൾ ഇറച്ചി തിന്നാൻ ആഗ്രഹി​ച്ചിട്ട്‌, ‘എനിക്ക്‌ ഇറച്ചി തിന്നണം’ എന്നു പറഞ്ഞാൽ നിങ്ങളു​ടെ ആഗ്രഹം​പോ​ലെ എപ്പോൾ വേണ​മെ​ങ്കി​ലും നിങ്ങൾക്ക്‌ അതു തിന്നാം.+ 21 നിങ്ങളുടെ ദൈവ​മായ യഹോവ തന്റെ പേര്‌ സ്ഥാപി​ക്കാൻ തിര​ഞ്ഞെ​ടു​ക്കുന്ന സ്ഥലം+ ദൂരെ​യാ​ണെ​ങ്കിൽ ഞാൻ നിങ്ങ​ളോ​ടു കല്‌പി​ച്ച​തു​പോ​ലെ, യഹോവ നിങ്ങൾക്കു തന്നിരി​ക്കുന്ന ആടുമാ​ടു​ക​ളിൽനിന്ന്‌ ചിലതി​നെ അറുത്ത്‌ നിങ്ങളു​ടെ നഗരത്തി​നു​ള്ളിൽവെച്ച്‌ തിന്നണം, ആഗ്രഹി​ക്കു​മ്പോ​ഴെ​ല്ലാം നിങ്ങൾക്ക്‌ അങ്ങനെ ചെയ്യാം. 22 മാനുകളെ* തിന്നു​ന്ന​തു​പോ​ലെ നിങ്ങൾക്ക്‌ അവയെ തിന്നാം.+ ശുദ്ധനായ വ്യക്തി​ക്കും അശുദ്ധ​നായ വ്യക്തി​ക്കും അതു തിന്നാം. 23 എന്നാൽ രക്തം കഴിക്കാ​തി​രി​ക്കാൻ പ്രത്യേ​കം സൂക്ഷി​ക്കുക, ഒരു വിട്ടു​വീ​ഴ്‌ച​യും പാടില്ല. കാരണം രക്തം ജീവനാ​ണ്‌.+ ജീവ​നോ​ടു​കൂ​ടെ നിങ്ങൾ ഇറച്ചി തിന്നരു​ത്‌.+ 24 നിങ്ങൾ അതു കഴിക്ക​രുത്‌. വെള്ളം​പോ​ലെ അതു നിലത്ത്‌ ഒഴിച്ചു​ക​ള​യണം.+ 25 നിങ്ങൾ അതു കഴിക്കാ​തി​രു​ന്നാൽ നിങ്ങൾക്കും നിങ്ങളു​ടെ മക്കൾക്കും നല്ലതു വരും. കാരണം യഹോ​വ​യു​ടെ മുമ്പാകെ ശരിയാ​യ​താ​ണു നിങ്ങൾ ചെയ്യു​ന്നത്‌. 26 യഹോവ തിര​ഞ്ഞെ​ടു​ക്കുന്ന സ്ഥലത്തേക്കു വരു​മ്പോൾ നിങ്ങളു​ടെ സ്വന്തം വിശു​ദ്ധ​വ​സ്‌തു​ക്ക​ളും നേർച്ച​യാ​ഗ​ങ്ങ​ളും മാത്രമേ നിങ്ങൾ കൊണ്ടു​വ​രാ​വൂ. 27 അവിടെ നിങ്ങൾ നിങ്ങളു​ടെ ദഹനയാ​ഗങ്ങൾ, അവയുടെ മാംസ​വും രക്തവും,+ നിങ്ങളു​ടെ ദൈവ​മായ യഹോ​വ​യു​ടെ യാഗപീ​ഠ​ത്തിൽ അർപ്പി​ക്കണം. നിങ്ങളു​ടെ ബലിമൃ​ഗ​ങ്ങ​ളു​ടെ രക്തം നിങ്ങളു​ടെ ദൈവ​മായ യഹോ​വ​യു​ടെ യാഗപീ​ഠ​ത്തിന്‌ അരികെ ഒഴിക്കണം.+ എന്നാൽ അവയുടെ മാംസം നിങ്ങൾക്കു തിന്നാം.

28 “ഞാൻ നിങ്ങ​ളോ​ടു കല്‌പി​ക്കുന്ന ഈ വചനങ്ങ​ളെ​ല്ലാം അനുസ​രി​ക്കാൻ നിങ്ങൾ പ്രത്യേ​കം ശ്രദ്ധി​ക്കണം. അങ്ങനെ, നിങ്ങളു​ടെ ദൈവ​മായ യഹോ​വ​യു​ടെ മുമ്പാകെ നല്ലതും ശരിയും ആയ കാര്യങ്ങൾ ചെയ്യു​ന്ന​തി​നാൽ നിങ്ങൾക്കും നിങ്ങളു​ടെ മക്കൾക്കും എന്നും അഭിവൃ​ദ്ധി​യു​ണ്ടാ​കും.

29 “നിങ്ങൾ കീഴട​ക്കേണ്ട ദേശത്തുള്ള ജനതകളെ നിങ്ങളു​ടെ ദൈവ​മായ യഹോവ നിശ്ശേഷം നശിപ്പിക്കുകയും+ നിങ്ങൾ അവരുടെ ദേശത്ത്‌ താമസി​ക്കു​ക​യും ചെയ്യും. 30 എന്നാൽ അവർ നിങ്ങളു​ടെ മുന്നിൽനി​ന്ന്‌ പരിപൂർണ​മാ​യി നശിപ്പി​ക്ക​പ്പെ​ട്ട​ശേഷം കെണി​യി​ല​ക​പ്പെ​ടാ​തി​രി​ക്കാൻ സൂക്ഷി​ച്ചു​കൊ​ള്ളുക. ‘ഈ ജനതകൾ അവരുടെ ദൈവ​ങ്ങളെ സേവി​ച്ചി​രു​ന്നത്‌ എങ്ങനെ​യാണ്‌’ എന്നു നിങ്ങൾ ചോദി​ക്ക​രുത്‌; ‘എനിക്കും അതു​പോ​ലെ ചെയ്യണം’ എന്നു പറഞ്ഞ്‌ നിങ്ങൾ അവരുടെ ദൈവ​ങ്ങ​ളെ​ക്കു​റിച്ച്‌ അന്വേ​ഷി​ക്കാ​നും പാടില്ല.+ 31 നിങ്ങൾ നിങ്ങളു​ടെ ദൈവ​മായ യഹോ​വയെ സേവി​ക്കേ​ണ്ടത്‌ അങ്ങനെയല്ല. കാരണം യഹോവ വെറു​ക്കുന്ന ഹീനമായ എല്ലാ കാര്യ​ങ്ങ​ളും അവർ തങ്ങളുടെ ദൈവ​ങ്ങൾക്കു​വേണ്ടി ചെയ്യുന്നു. അവർ തങ്ങളുടെ ആൺമക്ക​ളെ​യും പെൺമ​ക്ക​ളെ​യും തങ്ങളുടെ ദൈവ​ങ്ങൾക്കാ​യി തീയിൽ ദഹിപ്പി​ക്കു​ക​പോ​ലും ചെയ്യുന്നു!+ 32 എന്നാൽ ഞാൻ നിങ്ങ​ളോ​ടു കല്‌പി​ക്കുന്ന സകല വചനങ്ങ​ളും അനുസ​രി​ക്കാൻ നിങ്ങൾ ശ്രദ്ധി​ക്കണം.+ അതി​നോട്‌ എന്തെങ്കി​ലും കൂട്ടി​ച്ചേർക്കാ​നോ അതിൽനി​ന്ന്‌ എന്തെങ്കി​ലും കുറയ്‌ക്കാ​നോ പാടില്ല.+

13 “നിങ്ങൾക്കി​ട​യിൽനിന്ന്‌ ഒരു പ്രവാ​ച​ക​നോ സ്വപ്‌നം വ്യാഖ്യാ​നിച്ച്‌ ഭാവി പറയു​ന്ന​വ​നോ വന്ന്‌ ഒരു അടയാളം തരുക​യോ ലക്ഷണം പറയു​ക​യോ ചെയ്യു​ന്നെ​ന്നി​രി​ക്കട്ടെ. 2 ആ അടയാ​ള​മോ ലക്ഷണമോ പോലെ സംഭവി​ക്കു​ക​യും ആ വ്യക്തി നിങ്ങ​ളോട്‌, ‘വരൂ,’ നിങ്ങൾ അറിഞ്ഞി​ട്ടി​ല്ലാത്ത ‘അന്യ​ദൈ​വ​ങ്ങ​ളു​ടെ പിന്നാലെ പോയി നമുക്ക്‌ അവയെ സേവി​ക്കാം’ എന്നു പറയു​ക​യും ചെയ്‌താൽ 3 ആ പ്രവാ​ച​ക​ന്റെ​യോ സ്വപ്‌ന​ദർശി​യു​ടെ​യോ വാക്കു​കൾക്കു ചെവി കൊടു​ക്ക​രുത്‌.+ കാരണം നിങ്ങളു​ടെ ദൈവ​മായ യഹോ​വയെ നിങ്ങൾ നിങ്ങളു​ടെ മുഴു​ഹൃ​ദ​യ​ത്തോ​ടും നിങ്ങളു​ടെ മുഴുദേഹിയോടും* കൂടെ സ്‌നേഹിക്കുന്നുണ്ടോ+ എന്ന്‌ അറിയാൻ നിങ്ങളു​ടെ ദൈവ​മായ യഹോവ നിങ്ങളെ പരീക്ഷി​ക്കു​ക​യാണ്‌.+ 4 നിങ്ങളുടെ ദൈവ​മായ യഹോ​വ​യെ​യാ​ണു നിങ്ങൾ അനുഗ​മി​ക്കേ​ണ്ടത്‌; ദൈവ​ത്തെ​യാ​ണു നിങ്ങൾ ഭയപ്പെ​ടേ​ണ്ടത്‌; ദൈവ​ത്തി​ന്റെ കല്‌പ​ന​ക​ളാ​ണു നിങ്ങൾ പാലി​ക്കേ​ണ്ടത്‌; ദൈവ​ത്തി​ന്റെ വാക്കു​കൾക്കാ​ണു നിങ്ങൾ ചെവി കൊടു​ക്കേ​ണ്ടത്‌; ദൈവ​ത്തെ​യാ​ണു നിങ്ങൾ സേവി​ക്കേ​ണ്ടത്‌; ദൈവ​ത്തോ​ടാ​ണു നിങ്ങൾ പറ്റി​ച്ചേ​രേ​ണ്ടത്‌.+ 5 ആ പ്രവാ​ച​കനെ അല്ലെങ്കിൽ സ്വപ്‌ന​ദർശി​യെ നിങ്ങൾ കൊന്നു​ക​ള​യണം.+ കാരണം ഈജി​പ്‌ത്‌ ദേശത്തു​നിന്ന്‌ നിങ്ങളെ കൊണ്ടു​വ​രു​ക​യും അടിമ​വീ​ട്ടിൽനിന്ന്‌ നിങ്ങളെ മോചി​പ്പി​ക്കു​ക​യും ചെയ്‌ത നിങ്ങളു​ടെ ദൈവ​മായ യഹോ​വയെ ധിക്കരി​ക്കാ​നും അങ്ങനെ, നിങ്ങളു​ടെ ദൈവ​മായ യഹോവ നിങ്ങ​ളോ​ടു കല്‌പിച്ച വഴി വിട്ടു​മാ​റാ​നും അയാൾ നിങ്ങളെ പ്രേരി​പ്പി​ച്ചി​രി​ക്കു​ന്നു. നിങ്ങളു​ടെ ഇടയിൽനി​ന്ന്‌ നിങ്ങൾ തിന്മ നീക്കി​ക്ക​ള​യണം.+

6 “നിന്റെ അമ്മയുടെ വയറ്റിൽ പിറന്ന നിന്റെ സഹോ​ദ​ര​നോ നിന്റെ മകനോ മകളോ നിന്റെ പ്രിയ​പ്പെട്ട ഭാര്യ​യോ നിന്റെ ഉറ്റ സുഹൃ​ത്തോ രഹസ്യ​മാ​യി നിന്റെ അടുത്ത്‌ വന്ന്‌, ‘വരൂ, നമുക്കു പോയി അന്യ​ദൈ​വ​ങ്ങളെ സേവി​ക്കാം’+ എന്നു പറഞ്ഞ്‌ ആ ദൈവ​ങ്ങളെ—നീയോ നിന്റെ പൂർവി​ക​രോ അറിഞ്ഞി​ട്ടി​ല്ലാത്ത ദൈവ​ങ്ങളെ, 7 ദേശത്തിന്റെ ഒരു അറ്റംമു​തൽ മറ്റേ അറ്റംവരെ നിങ്ങൾക്കു ചുറ്റും നിങ്ങളു​ടെ അടുത്തോ അകലെ​യോ താമസി​ക്കുന്ന ജനങ്ങളു​ടെ ദൈവ​ങ്ങളെ—സേവി​ക്കാൻ നിന്നെ വശീക​രി​ച്ചാൽ 8 നീ അവനു വഴങ്ങി​ക്കൊ​ടു​ക്കു​ക​യോ അവൻ പറയു​ന്നതു കേൾക്കു​ക​യോ ചെയ്യരു​ത്‌.+ അനുക​മ്പ​യോ കനിവോ തോന്നി അവനെ സംരക്ഷി​ക്കു​ക​യു​മ​രുത്‌. 9 അവനെ നീ കൊന്നു​ക​ള​യു​ക​തന്നെ വേണം.+ അവനെ കൊല്ലാൻ അവനു നേരെ ആദ്യം കൈ ഉയർത്തു​ന്നതു നീയാ​യി​രി​ക്കണം. അതിനു ശേഷം ജനങ്ങളു​ടെ​യെ​ല്ലാം കൈ അവനു നേരെ ഉയരണം.+ 10 അടിമവീടായ ഈജി​പ്‌ത്‌ ദേശത്തു​നിന്ന്‌ നിന്നെ കൊണ്ടു​വന്ന നിന്റെ ദൈവ​മായ യഹോ​വ​യിൽനിന്ന്‌ നിന്നെ അകറ്റി​ക്ക​ള​യാൻ അവൻ ശ്രമി​ച്ച​തി​നാൽ നിങ്ങൾ അവനെ കല്ലെറി​ഞ്ഞ്‌ കൊല്ലണം.+ 11 ഇസ്രായേലെല്ലാം അതു കേട്ട്‌ ഭയപ്പെ​ടും; മേലാൽ ഇതു​പോ​ലൊ​രു തിന്മ നിങ്ങൾക്കി​ട​യിൽ ചെയ്യാൻ അവർ മുതി​രില്ല.+

12 “നിങ്ങളു​ടെ ദൈവ​മായ യഹോവ നിങ്ങൾക്കു താമസി​ക്കാൻ തരുന്ന നഗരങ്ങ​ളി​ലൊ​ന്നിൽ ഇങ്ങനെ​യൊ​രു കാര്യം നടന്നതാ​യി കേട്ടാൽ, അതായത്‌ 13 ‘ഒന്നിനും കൊള്ളാത്ത അലസരായ ചിലർ നിങ്ങൾക്കി​ട​യിൽനിന്ന്‌ പുറ​പ്പെട്ട്‌, “നമുക്കു പോയി അന്യ​ദൈ​വ​ങ്ങളെ സേവി​ക്കാം” എന്നു പറഞ്ഞ്‌ നിങ്ങൾ അറിഞ്ഞി​ട്ടി​ല്ലാത്ത മറ്റു ദൈവ​ങ്ങളെ സേവി​ക്കാ​നാ​യി തങ്ങളുടെ നഗരങ്ങ​ളി​ലു​ള്ള​വരെ വഴി തെറ്റി​ക്കു​ന്നു’ എന്നു കേട്ടാൽ 14 നിങ്ങൾ അതെക്കു​റിച്ച്‌ ആരായു​ക​യും സൂക്ഷ്‌മ​പ​രി​ശോ​ധന നടത്തി സമഗ്ര​മാ​യി അന്വേ​ഷി​ക്കു​ക​യും വേണം.+ നിങ്ങൾക്കി​ട​യിൽ ഈ മ്ലേച്ഛകാ​ര്യം നടന്നെന്നു സ്ഥിരീ​ക​രി​ച്ചാൽ 15 നിങ്ങൾ ആ നഗരവാ​സി​കളെ വാളിന്‌ ഇരയാ​ക്കണം.+ നഗരവും മൃഗങ്ങൾ ഉൾപ്പെടെ അതിലുള്ള സകലവും വാളു​കൊണ്ട്‌ നിശ്ശേഷം നശിപ്പി​ക്കണം.+ 16 പിന്നെ, ആ നഗരത്തി​ലെ വസ്‌തു​ക്ക​ളെ​ല്ലാം കൊള്ള​യ​ടിച്ച്‌ അതിന്റെ തെരുവിൽ* കൊണ്ടു​വന്ന്‌ ആ നഗരം തീയിട്ട്‌ നശിപ്പി​ക്കണം. അതിലെ കൊള്ള​വ​സ്‌തു​ക്കൾ നിങ്ങളു​ടെ ദൈവ​മായ യഹോ​വ​യ്‌ക്ക്‌ ഒരു സമ്പൂർണ​യാ​ഗം​പോ​ലെ​യാ​യി​രി​ക്കും. ആ നഗരം എന്നും നാശാ​വ​ശി​ഷ്ട​ങ്ങ​ളു​ടെ ഒരു കൂമ്പാ​ര​മാ​യി അവശേ​ഷി​ക്കും. അത്‌ ഒരിക്ക​ലും പുനർനിർമി​ക്ക​രുത്‌. 17 ദൈവമായ യഹോ​വ​യു​ടെ ഉഗ്ര​കോ​പം ശമിക്കു​ക​യും ദൈവം നിങ്ങ​ളോ​ടു കരുണ​യും അനുക​മ്പ​യും കാണിച്ച്‌ നിങ്ങളു​ടെ പൂർവി​ക​രോ​ടു സത്യം ചെയ്‌തതുപോലെ+ നിങ്ങളെ വർധി​പ്പി​ക്കു​ക​യും ചെയ്യണ​മെ​ങ്കിൽ, നശിപ്പി​ക്കാൻവേണ്ടി വേർതിരിച്ച* ഒന്നും നിങ്ങൾ എടുക്ക​രുത്‌.+ 18 ഞാൻ ഇന്നു നിങ്ങ​ളോ​ടു കല്‌പി​ക്കുന്ന, നിങ്ങളു​ടെ ദൈവ​മായ യഹോ​വ​യു​ടെ കല്‌പ​ന​ക​ളെ​ല്ലാം പാലി​ച്ചു​കൊണ്ട്‌ നിങ്ങൾ ദൈവത്തെ അനുസ​രി​ക്കണം.* അങ്ങനെ നിങ്ങൾ നിങ്ങളു​ടെ ദൈവ​മായ യഹോ​വ​യു​ടെ മുമ്പാകെ ശരിയാ​യതു ചെയ്യണം.+

14 “നിങ്ങൾ നിങ്ങളു​ടെ ദൈവ​മായ യഹോ​വ​യു​ടെ മക്കളാണ്‌. മരിച്ച ഒരാൾക്കു​വേണ്ടി നിങ്ങളു​ടെ ശരീര​ത്തിൽ മുറിവ്‌ ഉണ്ടാക്കുകയോ+ നിങ്ങളു​ടെ നെറ്റി വടിച്ച്‌ കഷണ്ടി ഉണ്ടാക്കുകയോ* അരുത്‌.+ 2 കാരണം നിങ്ങൾ നിങ്ങളു​ടെ ദൈവ​മായ യഹോ​വ​യ്‌ക്ക്‌ ഒരു വിശു​ദ്ധ​ജ​ന​മാണ്‌.+ തന്റെ ജനമാ​യി​രി​ക്കാ​നാ​യി, തന്റെ പ്രത്യേ​ക​സ്വ​ത്താ​യി​രി​ക്കാ​നാ​യി,* ഭൂമു​ഖ​ത്തുള്ള എല്ലാ ജനതക​ളിൽനി​ന്നും യഹോവ നിങ്ങളെ തിര​ഞ്ഞെ​ടു​ത്തി​രി​ക്കു​ന്നു.+

3 “അറപ്പാ​യ​തൊ​ന്നും നിങ്ങൾ തിന്നരു​ത്‌.+ 4 നിങ്ങൾക്കു തിന്നാ​വുന്ന മൃഗങ്ങൾ ഇവയാണ്‌:+ കാള, ചെമ്മരി​യാട്‌, കോലാ​ട്‌, 5 മാൻ,* ചെറു​മാൻ, കാട്ടാട്‌, കൃഷ്‌ണ​മൃ​ഗം, കാട്ടു​ചെ​മ്മ​രി​യാട്‌, മലയാട്‌. 6 അയവിറക്കുന്ന, കുളമ്പു പൂർണ​മാ​യും രണ്ടായി പിളർന്ന മൃഗങ്ങ​ളെ​യെ​ല്ലാം നിങ്ങൾക്കു തിന്നാം. 7 പക്ഷേ അയവി​റ​ക്കു​ന്ന​തോ കുളമ്പു പിളർന്നി​രി​ക്കു​ന്ന​തോ ആയ മൃഗങ്ങ​ളിൽ ഇപ്പറയു​ന്നവ നിങ്ങൾ തിന്നരു​ത്‌: ഒട്ടകം, മുയൽ, പാറമു​യൽ. കാരണം അയവി​റ​ക്കു​ന്നെ​ങ്കി​ലും ഇവയ്‌ക്കു പിളർന്ന കുളമ്പു​ക​ളില്ല. ഇവ നിങ്ങൾക്ക്‌ അശുദ്ധ​മാണ്‌.+ 8 പന്നിയെയും നിങ്ങൾ തിന്നരു​ത്‌. അതിന്റെ കുളമ്പു പിളർന്ന​താ​ണെ​ങ്കി​ലും അത്‌ അയവി​റ​ക്കു​ന്നില്ല. അതു നിങ്ങൾക്ക്‌ അശുദ്ധ​മാണ്‌. അവയുടെ മാംസം തിന്നു​ക​യോ ജഡം തൊടു​ക​യോ അരുത്‌.

9 “വെള്ളത്തിൽ ജീവി​ക്കു​ന്ന​വ​യിൽ ചിറകും ചെതു​മ്പ​ലും ഉള്ള എല്ലാത്തി​നെ​യും നിങ്ങൾക്കു തിന്നാം.+ 10 എന്നാൽ ചിറകും ചെതു​മ്പ​ലും ഇല്ലാത്ത ഒന്നി​നെ​യും നിങ്ങൾ തിന്നരു​ത്‌. അവ നിങ്ങൾക്ക്‌ അശുദ്ധ​മാണ്‌.

11 “ശുദ്ധി​യുള്ള എല്ലാ പക്ഷിക​ളെ​യും നിങ്ങൾക്കു തിന്നാം. 12 എന്നാൽ കഴുകൻ, താലി​പ്പ​രുന്ത്‌, കരിങ്ക​ഴു​കൻ,+ 13 ചെമ്പരുന്ത്‌, ചക്കിപ്പ​രുന്ത്‌ എന്നിവയെ നിങ്ങൾ തിന്നരു​ത്‌. കൂടാതെ ഒരുത​ര​ത്തി​ലു​മുള്ള ഗരുഡ​നെ​യും 14 മലങ്കാക്കയെയും 15 പ്രാപ്പിടിയനെയും നിങ്ങൾ തിന്നരു​ത്‌. ഒട്ടകപ്പക്ഷി, മൂങ്ങ, കടൽക്കാക്ക, 16 നത്ത്‌, നെടു​ഞ്ചെ​വി​യൻമൂങ്ങ, അരയന്നം, 17 ഞാറപ്പക്ഷി, ശവംതീ​നി​ക്ക​ഴു​കൻ, നീർക്കാക്ക, 18 കൊക്ക്‌, ഉപ്പൂപ്പൻ, വവ്വാൽ എന്നിവ​യും എല്ലാ തരം മുണ്ടി​യും 19 കൂട്ടമായി കാണ​പ്പെ​ടുന്ന, ചിറകുള്ള എല്ലാ ജീവികളും* നിങ്ങൾക്ക്‌ അശുദ്ധ​മാണ്‌; അവയെ തിന്നരു​ത്‌. 20 ശുദ്ധിയുള്ള എല്ലാ പറവക​ളെ​യും നിങ്ങൾക്കു തിന്നാം.

21 “ചത്തുകി​ട​ക്കുന്ന ഒരു മൃഗ​ത്തെ​യും നിങ്ങൾ തിന്നരു​ത്‌.+ പക്ഷേ, അതിനെ നിങ്ങളു​ടെ നഗരത്തിൽ* വന്നുതാ​മ​സി​ക്കുന്ന വിദേ​ശി​ക്കു കൊടു​ക്കാം; അവന്‌ അതു തിന്നാം. അല്ലെങ്കിൽ നിങ്ങൾക്ക്‌ അതിനെ ഒരു വിദേ​ശി​ക്കു വിൽക്കാം. നിങ്ങൾ നിങ്ങളു​ടെ ദൈവ​മായ യഹോ​വ​യ്‌ക്ക്‌ ഒരു വിശു​ദ്ധ​ജ​ന​മാ​ണ​ല്ലോ.

“നിങ്ങൾ ആട്ടിൻകു​ട്ടി​യെ അതിന്റെ തള്ളയുടെ പാലിൽ പാകം ചെയ്യരു​ത്‌.+

22 “വർഷം​തോ​റും നിങ്ങളു​ടെ നിലത്തെ എല്ലാ വിളവു​ക​ളു​ടെ​യും പത്തിലൊന്നു* നിങ്ങൾ നിർബ​ന്ധ​മാ​യും നൽകണം.+ 23 നിങ്ങളുടെ ദൈവ​മായ യഹോവ തന്റെ പേര്‌ സ്ഥാപി​ക്കാൻ തിര​ഞ്ഞെ​ടു​ക്കുന്ന സ്ഥലത്ത്‌ നിങ്ങളു​ടെ ധാന്യം, പുതു​വീഞ്ഞ്‌, എണ്ണ എന്നിവ​യു​ടെ പത്തി​ലൊ​ന്നും അതു​പോ​ലെ, നിങ്ങളു​ടെ ആടുമാ​ടു​ക​ളു​ടെ കടിഞ്ഞൂ​ലു​ക​ളെ​യും കൊണ്ടു​വന്ന്‌ ദൈവ​ത്തി​ന്റെ സന്നിധി​യിൽവെച്ച്‌ നിങ്ങൾ തിന്നണം.+ അങ്ങനെ, നിങ്ങൾ എല്ലായ്‌പോ​ഴും നിങ്ങളു​ടെ ദൈവ​മായ യഹോ​വയെ ഭയപ്പെ​ടാൻ പഠിക്കും.+

24 “പക്ഷേ നിന്റെ ദൈവ​മായ യഹോവ തന്റെ നാമത്തി​നാ​യി തിര​ഞ്ഞെ​ടു​ക്കുന്ന സ്ഥലം വളരെ ദൂരെ​യാ​ണെ​ന്നി​രി​ക്കട്ടെ. ഇത്രയ​ധി​കം സാധന​ങ്ങ​ളും​കൊണ്ട്‌ (കാരണം, നിന്റെ ദൈവ​മായ യഹോവ നിന്നെ സമൃദ്ധ​മാ​യി അനു​ഗ്ര​ഹി​ക്കു​മ​ല്ലോ.) അത്രയും ദൂരം പോകു​ന്നതു ദുഷ്‌കരമാണെങ്കിൽ+ 25 നീ അതു പണമാക്കി മാറ്റി, ആ പണവു​മാ​യി നിന്റെ ദൈവ​മായ യഹോവ തിര​ഞ്ഞെ​ടു​ക്കുന്ന സ്ഥലത്തേക്കു യാത്ര ചെയ്യണം. 26 നീ ആഗ്രഹി​ക്കുന്ന വിധത്തിൽ നിനക്ക്‌ ആ പണം ചെലവ​ഴി​ക്കാം; കന്നുകാ​ലി, ചെമ്മരി​യാട്‌, കോലാ​ട്‌, വീഞ്ഞ്‌, മറ്റു ലഹരി​പാ​നീ​യങ്ങൾ എന്നിങ്ങനെ ഇഷ്ടമു​ള്ള​തെ​ന്തും നിനക്കു വാങ്ങാം. അങ്ങനെ നീയും നിന്റെ വീട്ടി​ലു​ള്ള​വ​രും നിങ്ങളു​ടെ ദൈവ​മായ യഹോ​വ​യു​ടെ മുന്നിൽവെച്ച്‌ ഭക്ഷണം കഴിച്ച്‌ ആഹ്ലാദി​ക്കണം.+ 27 എന്നാൽ നിങ്ങളു​ടെ നഗരങ്ങ​ളി​ലുള്ള ലേവ്യരെ നീ മറന്നു​ക​ള​യ​രുത്‌;+ അവർക്കു നിങ്ങ​ളോ​ടൊ​പ്പം ഓഹരി​യോ അവകാ​ശ​മോ നൽകി​യിട്ടി​ല്ലല്ലോ.+

28 “എല്ലാ മൂന്നാം വർഷത്തി​ന്റെ​യും ഒടുവിൽ, ആ വർഷത്തെ വിളവി​ന്റെ പത്തി​ലൊ​ന്നു മുഴു​വ​നും കൊണ്ടു​വന്ന്‌ നിങ്ങളു​ടെ നഗരങ്ങ​ളിൽ സംഭരി​ക്കണം.+ 29 നിങ്ങളോടൊപ്പം ഓഹരി​യോ അവകാ​ശ​മോ ലഭി​ച്ചിട്ടി​ല്ലാത്ത ലേവ്യ​നും നിങ്ങളു​ടെ നഗരങ്ങ​ളിൽ വന്നുതാ​മ​സി​ക്കുന്ന വിദേ​ശി​യും അനാഥനും* വിധവ​യും വന്ന്‌ കഴിച്ച്‌ തൃപ്‌ത​രാ​കട്ടെ.+ അപ്പോൾ നിങ്ങളു​ടെ ദൈവ​മായ യഹോവ നിങ്ങളു​ടെ എല്ലാ പ്രവൃ​ത്തി​ക​ളെ​യും അനു​ഗ്ര​ഹി​ക്കും.+

15 “ഓരോ ഏഴാം വർഷത്തി​ന്റെ​യും അവസാനം നിങ്ങൾ ഒരു വിമോ​ചനം അനുവ​ദി​ക്കണം.+ 2 അത്‌ ഇങ്ങനെ​യാ​യി​രി​ക്കണം: കടം കൊടു​ത്ത​വ​രെ​ല്ലാം തങ്ങളോ​ടു വാങ്ങിയ കടത്തിൽനി​ന്ന്‌ അയൽക്കാ​രനെ മോചി​പ്പി​ക്കണം. യഹോ​വ​യ്‌ക്കു​വേണ്ടി വിമോ​ചനം പ്രഖ്യാ​പി​ച്ചി​രി​ക്കു​ന്ന​തി​നാൽ അയൽക്കാ​ര​നോ​ടോ സഹോ​ദ​ര​നോ​ടോ ആരും പണം തിരികെ ആവശ്യ​പ്പെ​ട​രുത്‌.+ 3 അന്യദേശക്കാരനു കൊടുത്ത കടം നിനക്കു തിരികെ ആവശ്യ​പ്പെ​ടാം.+ എന്നാൽ നിന്റെ സഹോ​ദരൻ നിനക്കു തരാനു​ള്ള​തെ​ല്ലാം നീ വേണ്ടെന്നു വെക്കണം. 4 നിങ്ങൾക്ക്‌ അവകാ​ശ​മാ​യി തരുന്ന ദേശത്ത്‌ നിങ്ങളു​ടെ ദൈവ​മായ യഹോവ നിങ്ങളെ ഉറപ്പാ​യും അനു​ഗ്ര​ഹി​ക്കും.+ 5 നിങ്ങൾ നിങ്ങളു​ടെ ദൈവ​മായ യഹോ​വ​യു​ടെ വാക്കുകൾ അതേപടി അനുസ​രി​ക്കു​ക​യും ഞാൻ ഇന്നു നിങ്ങൾക്കു തരുന്ന ഈ കല്‌പ​ന​ക​ളെ​ല്ലാം ശ്രദ്ധാ​പൂർവം പാലി​ക്കു​ക​യും ചെയ്‌താൽ നിങ്ങൾക്കി​ട​യിൽ ആരും ദരി​ദ്ര​നാ​യി​ത്തീ​രില്ല.+ 6 നിങ്ങളോടു വാഗ്‌ദാ​നം ചെയ്‌ത​തു​പോ​ലെ നിങ്ങളു​ടെ ദൈവ​മായ യഹോവ നിങ്ങളെ അനു​ഗ്ര​ഹി​ക്കും. നിങ്ങൾ അനേകം ജനതകൾക്കു വായ്‌പ* കൊടു​ക്കും; എന്നാൽ നിങ്ങൾ വായ്‌പ വാങ്ങേ​ണ്ടി​വ​രില്ല.+ നിങ്ങൾ അനേകം ജനതക​ളു​ടെ മേൽ ആധിപ​ത്യം നടത്തും; എന്നാൽ അവർ നിങ്ങളു​ടെ മേൽ ആധിപ​ത്യം നടത്തില്ല.+

7 “നിന്റെ ദൈവ​മായ യഹോവ നിനക്കു തരുന്ന ദേശത്തെ നഗരങ്ങ​ളി​ലൊ​ന്നിൽ നിന്റെ ഒരു സഹോ​ദരൻ ദരി​ദ്ര​നാ​യി​ത്തീ​രു​ന്നെ​ങ്കിൽ നീ നിന്റെ ഹൃദയം കഠിന​മാ​ക്കു​ക​യോ ദരി​ദ്ര​നായ നിന്റെ സഹോ​ദ​രനെ കൈ തുറന്ന്‌ സഹായി​ക്കാ​തി​രി​ക്കു​ക​യോ അരുത്‌.+ 8 നീ കൈയ​യച്ച്‌ സഹായിക്കുകയും+ ആവശ്യ​മു​ള്ള​തെ​ല്ലാം വായ്‌പയായി* കൊടു​ത്ത്‌ ആ സഹോ​ദ​രന്റെ കുറവ്‌ നികത്തു​ക​യും വേണം. 9 എന്നാൽ സൂക്ഷി​ച്ചു​കൊ​ള്ളുക, ‘വിമോ​ച​ന​ത്തി​നുള്ള ഏഴാം വർഷം അടുക്കാ​റാ​യ​ല്ലോ’ എന്ന ദുഷ്ടചിന്ത നീ നിന്റെ ഹൃദയ​ത്തിൽ വെച്ചു​കൊ​ണ്ടി​രി​ക്ക​രുത്‌.+ അങ്ങനെ ചിന്തിച്ച്‌, ദരി​ദ്ര​നായ നിന്റെ സഹോ​ദ​ര​നോ​ടു നീ ഉദാരത കാണി​ക്കാ​തി​രി​ക്കു​ക​യോ ഒന്നും കൊടു​ക്കാ​തി​രി​ക്കു​ക​യോ ചെയ്‌താൽ ആ സഹോ​ദരൻ നിനക്ക്‌ എതിരെ യഹോ​വ​യോ​ടു നിലവി​ളി​ച്ചേ​ക്കാം; അതു നിനക്ക്‌ ഒരു പാപമാ​യി​ത്തീ​രും.+ 10 നിങ്ങൾ* മനസ്സി​ല്ലാ​മ​ന​സ്സോ​ടെയല്ല, ഉദാര​മാ​യി സഹോ​ദ​രനു കൊടു​ക്കണം.+ അപ്പോൾ നിങ്ങളു​ടെ ദൈവ​മായ യഹോവ നിങ്ങളു​ടെ എല്ലാ പ്രവൃ​ത്തി​ക​ളെ​യും പ്രയത്‌ന​ങ്ങ​ളെ​യും അനു​ഗ്ര​ഹി​ക്കും.+ 11 ദരിദ്രർ എപ്പോ​ഴും ദേശത്തു​ണ്ടാ​യി​രി​ക്കും.+ അതു​കൊ​ണ്ടാണ്‌, ‘നീ നിന്റെ കൈ തുറന്ന്‌ നിങ്ങളു​ടെ ദേശത്തുള്ള ദരി​ദ്ര​രും ക്ലേശി​ത​രും ആയ സഹോ​ദ​ര​ന്മാ​രെ ഉദാര​മാ​യി സഹായി​ക്കണം’ എന്നു ഞാൻ നിങ്ങ​ളോ​ടു കല്‌പി​ക്കു​ന്നത്‌.+

12 “നിങ്ങളു​ടെ ഒരു എബ്രായ സഹോ​ദ​ര​നോ സഹോ​ദ​രി​യോ തന്നെത്തന്നെ നിനക്കു വിൽക്കു​ക​യും ആറു വർഷം നിന്നെ സേവി​ക്കു​ക​യും ചെയ്‌താൽ ഏഴാം വർഷം നീ അയാളെ സ്വത​ന്ത്ര​നാ​ക്കണം.+ 13 അങ്ങനെ സ്വത​ന്ത്ര​നാ​ക്കു​മ്പോൾ നീ അയാളെ വെറു​ങ്കൈ​യോ​ടെ അയയ്‌ക്ക​രുത്‌. 14 നിന്റെ ആട്ടിൻപ​റ്റ​ത്തിൽനി​ന്നും മെതി​ക്ക​ള​ത്തിൽനി​ന്നും എണ്ണയു​ടെ​യും മുന്തി​രി​യു​ടെ​യും ചക്കിൽനി​ന്നും ഉദാര​മാ​യി നീ അയാൾക്കു കൊടു​ക്കണം. നിന്റെ ദൈവ​മായ യഹോവ നിന്നെ അനു​ഗ്ര​ഹി​ച്ചി​രി​ക്കു​ന്ന​തു​പോ​ലെ​തന്നെ നീ നൽകണം. 15 നീയും ഈജി​പ്‌ത്‌ ദേശത്ത്‌ അടിമ​യാ​യി​രു​ന്നെ​ന്നും നിന്റെ ദൈവ​മായ യഹോവ നിന്നെ മോചി​പ്പി​ച്ച​താ​ണെ​ന്നും ഓർക്കുക. അതു​കൊ​ണ്ടാണ്‌ ഇങ്ങനെ ചെയ്യാൻ ഞാൻ ഇന്നു നിന്നോ​ടു കല്‌പി​ക്കു​ന്നത്‌.

16 “എന്നാൽ നിന്റെ​കൂ​ടെ​യാ​യി​രു​ന്നത്‌ ആ സഹോ​ദ​രനു സന്തോ​ഷ​മാ​യി​രു​ന്ന​തി​നാ​ലും നിന്നെ​യും നിന്റെ വീട്ടി​ലു​ള്ള​വ​രെ​യും സ്‌നേ​ഹി​ക്കു​ന്ന​തി​നാ​ലും അയാൾ നിന്നോ​ട്‌, ‘ഞാൻ അങ്ങയെ വിട്ട്‌ പോകില്ല’ എന്നു പറഞ്ഞാൽ,+ 17 നീ ഒരു സൂചി എടുത്ത്‌ അയാളു​ടെ കാത്‌ വാതി​ലി​നോ​ടു ചേർത്തു​വെച്ച്‌ കുത്തി​ത്തു​ള​യ്‌ക്കണം; പിന്നെ ജീവി​ത​കാ​ലം മുഴുവൻ അയാൾ നിന്റെ അടിമ​യാ​യി​രി​ക്കും. നിനക്ക്‌ അടിമ​പ്പണി ചെയ്യുന്ന സ്‌ത്രീ​യു​ടെ കാര്യ​ത്തി​ലും ഇങ്ങനെ​തന്നെ ചെയ്യണം. 18 എന്നാൽ അടിമയെ സ്വത​ന്ത്ര​നാ​ക്കു​മ്പോൾ അയാൾ നിന്നെ വിട്ട്‌ പോകു​ന്നെ​ങ്കിൽ നിനക്കു ബുദ്ധി​മു​ട്ടു തോന്ന​രുത്‌. ആറു വർഷത്തെ അയാളു​ടെ സേവനം ഒരു കൂലി​ക്കാ​രൻ ചെയ്യു​ന്ന​തി​ന്റെ ഇരട്ടി​യാ​യി​രു​ന്ന​ല്ലോ. നിന്റെ ദൈവ​മായ യഹോവ നിന്നെ എല്ലാത്തി​ലും അനു​ഗ്ര​ഹി​ക്കു​ക​യും ചെയ്‌തു.

19 “നിന്റെ ആടുമാ​ടു​ക​ളിൽ കടിഞ്ഞൂ​ലായ ആണി​നെ​യൊ​ക്കെ​യും നീ നിന്റെ ദൈവ​മായ യഹോ​വ​യ്‌ക്കാ​യി വിശു​ദ്ധീ​ക​രി​ക്കണം.+ നിന്റെ കന്നുകാലികളുടെ* കടിഞ്ഞൂ​ലു​ക​ളെ​ക്കൊണ്ട്‌ പണി​യെ​ടു​പ്പി​ക്കു​ക​യോ ആട്ടിൻപ​റ്റ​ത്തി​ലെ കടിഞ്ഞൂ​ലു​ക​ളു​ടെ രോമം കത്രി​ക്കു​ക​യോ അരുത്‌. 20 നീയും നിന്റെ വീട്ടി​ലു​ള്ള​വ​രും യഹോവ തിര​ഞ്ഞെ​ടു​ക്കുന്ന സ്ഥലത്തു​വെച്ച്‌ നിന്റെ ദൈവ​മായ യഹോ​വ​യു​ടെ മുമ്പാകെ വർഷം​തോ​റും അവയെ തിന്നണം.+ 21 എന്നാൽ അതിനു പൊട്ട​ക്ക​ണ്ണോ ചട്ടുകാ​ലോ ഗുരു​ത​ര​മായ മറ്റ്‌ എന്തെങ്കി​ലും വൈക​ല്യ​ങ്ങ​ളോ ഉണ്ടെങ്കിൽ, നീ അതിനെ നിന്റെ ദൈവ​മായ യഹോ​വ​യ്‌ക്കു ബലി അർപ്പി​ക്ക​രുത്‌.+ 22 മാനുകളുടെ* കാര്യ​ത്തി​ലെ​ന്ന​പോ​ലെ, അശുദ്ധ​നായ വ്യക്തി​യും ശുദ്ധനായ വ്യക്തി​യും നിങ്ങളു​ടെ നഗരത്തിനുള്ളിൽവെച്ച്‌* അതിനെ തിന്നണം.+ 23 എന്നാൽ നിങ്ങൾ അതിന്റെ രക്തം കഴിക്ക​രുത്‌;+ അതു വെള്ളം​പോ​ലെ നിലത്ത്‌ ഒഴിച്ചു​ക​ള​യണം.+

16 “നിങ്ങൾ ആബീബ്‌* മാസം ആചരിച്ച്‌ നിങ്ങളു​ടെ ദൈവ​മായ യഹോ​വ​യ്‌ക്കു പെസഹ ആഘോ​ഷി​ക്കണം.+ ആബീബ്‌ മാസത്തി​ലെ രാത്രി​യി​ലാ​ണ​ല്ലോ നിങ്ങളു​ടെ ദൈവ​മായ യഹോവ ഈജി​പ്‌തിൽനിന്ന്‌ നിങ്ങളെ വിടു​വി​ച്ചത്‌.+ 2 യഹോവ തന്റെ പേര്‌ സ്ഥാപി​ക്കാൻ തിര​ഞ്ഞെ​ടു​ക്കുന്ന സ്ഥലത്ത്‌+ നിങ്ങൾ നിങ്ങളു​ടെ ആടുമാടുകളിൽനിന്ന്‌+ നിങ്ങളു​ടെ ദൈവ​മായ യഹോ​വ​യ്‌ക്കു പെസഹാ​യാ​ഗം അർപ്പി​ക്കണം.+ 3 പുളിപ്പുള്ളതൊന്നും അതി​ന്റെ​കൂ​ടെ തിന്നരു​ത്‌.+ ഏഴു ദിവസം നിങ്ങൾ ക്ലേശത്തി​ന്റെ അപ്പമായ പുളിപ്പില്ലാത്ത* അപ്പം തിന്നണം. കാരണം തിടു​ക്ക​ത്തി​ലാ​ണ​ല്ലോ നിങ്ങൾ ഈജി​പ്‌ത്‌ ദേശത്തു​നിന്ന്‌ പുറ​പ്പെ​ട്ടു​പോ​ന്നത്‌.+ നിങ്ങൾ ഈജി​പ്‌തിൽനിന്ന്‌ പോന്ന ആ ദിവസം ജീവി​ത​കാ​ല​ത്തൊ​ക്കെ​യും ഓർക്കേ​ണ്ട​തി​നു നിങ്ങൾ ഇത്‌ ആചരി​ക്കണം.+ 4 ഏഴു ദിവസ​ത്തേക്കു നിങ്ങളു​ടെ ദേശത്ത്‌ ഒരിട​ത്തും പുളിച്ച മാവ്‌ കാണരു​ത്‌.+ ഒന്നാം ദിവസം വൈകു​ന്നേരം നിങ്ങൾ അർപ്പി​ക്കുന്ന മാംസ​ത്തിൽ അൽപ്പം​പോ​ലും രാവി​ലെ​വരെ ശേഷി​പ്പി​ക്കാ​നും പാടില്ല.+ 5 നിങ്ങളുടെ ദൈവ​മായ യഹോവ നിങ്ങൾക്കു തരുന്ന ഏതെങ്കി​ലു​മൊ​രു നഗരത്തിൽവെച്ച്‌ നിങ്ങൾ പെസഹാ​യാ​ഗം അർപ്പി​ക്ക​രുത്‌. 6 പകരം, നിങ്ങളു​ടെ ദൈവ​മായ യഹോവ തന്റെ പേര്‌ സ്ഥാപി​ക്കാൻ തിര​ഞ്ഞെ​ടു​ക്കുന്ന സ്ഥലത്തു​വെ​ച്ചു​തന്നെ നിങ്ങൾ അത്‌ അർപ്പി​ക്കണം. നിങ്ങൾ ഈജി​പ്‌തിൽനിന്ന്‌ പോന്ന അതേ ദിവസം, വൈകു​ന്നേരം സൂര്യൻ അസ്‌ത​മിച്ച ഉടനെ, നിങ്ങൾ പെസഹാ​യാ​ഗം അർപ്പി​ക്കണം.+ 7 നിങ്ങളുടെ ദൈവ​മായ യഹോവ തിര​ഞ്ഞെ​ടു​ക്കുന്ന സ്ഥലത്തുവെച്ച്‌+ നിങ്ങൾ അതു പാകം ചെയ്‌ത്‌ ഭക്ഷിക്കണം;+ രാവിലെ നിങ്ങൾക്കു നിങ്ങളു​ടെ കൂടാ​ര​ങ്ങ​ളി​ലേക്കു മടങ്ങി​പ്പോ​കാം. 8 ആറു ദിവസം നിങ്ങൾ പുളി​പ്പി​ല്ലാത്ത അപ്പം തിന്നണം. ഏഴാം ദിവസം നിങ്ങളു​ടെ ദൈവ​മായ യഹോ​വ​യ്‌ക്കു പവി​ത്ര​മായ ഒരു സമ്മേള​ന​മാ​യി​രി​ക്കും. നിങ്ങൾ പണി​യൊ​ന്നും ചെയ്യരു​ത്‌.+

9 “നിങ്ങൾ ഏഴ്‌ ആഴ്‌ചകൾ എണ്ണണം. വിളഞ്ഞു​നിൽക്കുന്ന കതിരിൽ ആദ്യം അരിവാൾ വെക്കു​ന്ന​തു​മു​തൽ നിങ്ങൾ അത്‌ എണ്ണിത്തു​ട​ങ്ങണം.+ 10 പിന്നെ, നിങ്ങളു​ടെ ദൈവ​മായ യഹോവ നിങ്ങളെ അനു​ഗ്ര​ഹി​ച്ചി​രി​ക്കു​ന്ന​തിന്‌ ആനുപാ​തി​ക​മാ​യി,+ സ്വമന​സ്സാ​ലെ​യുള്ള കാഴ്‌ച​ക​ളു​മാ​യി വന്ന്‌ നിങ്ങൾ നിങ്ങളു​ടെ ദൈവ​മായ യഹോ​വ​യ്‌ക്കു വാരോ​ത്സവം കൊണ്ടാ​ടണം.+ 11 നിങ്ങളുടെ ദൈവ​മായ യഹോവ തന്റെ പേര്‌ സ്ഥാപി​ക്കാൻ തിര​ഞ്ഞെ​ടു​ക്കുന്ന സ്ഥലത്തു​വെച്ച്‌ നീയും നിന്റെ മകനും മകളും നിനക്ക്‌ അടിമ​പ്പണി ചെയ്യുന്ന സ്‌ത്രീ​യും പുരു​ഷ​നും നിന്റെ നഗരങ്ങളിൽ* താമസി​ക്കുന്ന ലേവ്യ​നും വിദേ​ശി​യും നിങ്ങൾക്കി​ട​യി​ലുള്ള വിധവ​മാ​രും അനാഥരും* നിങ്ങളു​ടെ ദൈവ​മായ യഹോ​വ​യു​ടെ മുമ്പാകെ ആഹ്ലാദി​ക്കണം.+ 12 നിങ്ങൾ ഈജി​പ്‌തിൽ അടിമ​ക​ളാ​യി​രു​ന്നെന്ന്‌ ഓർത്ത്‌+ ഈ ചട്ടങ്ങൾ അനുസ​രി​ക്കു​ക​യും പാലി​ക്കു​ക​യും വേണം.

13 “നിങ്ങളു​ടെ മെതി​ക്ക​ള​ത്തിൽനിന്ന്‌ ധാന്യ​വും നിങ്ങളു​ടെ ചക്കുക​ളിൽനിന്ന്‌ എണ്ണയും വീഞ്ഞും ശേഖരി​ക്കു​മ്പോൾ നിങ്ങൾ ഏഴു ദിവസം കൂടാരോത്സവം* ആഘോഷിച്ച്‌+ 14 ആഹ്ലാദിക്കണം. നീയും നിന്റെ മകനും മകളും നിനക്ക്‌ അടിമ​പ്പണി ചെയ്യുന്ന സ്‌ത്രീ​യും പുരു​ഷ​നും നിന്റെ നഗരങ്ങ​ളിൽ വന്നുതാ​മ​സി​ക്കുന്ന വിദേ​ശി​യും ലേവ്യ​നും വിധവ​യും അനാഥനും* ആഹ്ലാദി​ക്കണം.+ 15 യഹോവ തിര​ഞ്ഞെ​ടു​ക്കുന്ന സ്ഥലത്തു​വെച്ച്‌ ഏഴു ദിവസം നിങ്ങൾ നിങ്ങളു​ടെ ദൈവ​മായ യഹോ​വ​യ്‌ക്ക്‌ ഉത്സവം കൊണ്ടാ​ടണം.+ നിങ്ങളു​ടെ എല്ലാ വിളവു​ക​ളെ​യും നിങ്ങൾ ചെയ്യുന്ന എല്ലാ പ്രവൃ​ത്തി​ക​ളെ​യും നിങ്ങളു​ടെ ദൈവ​മായ യഹോവ അനു​ഗ്ര​ഹി​ക്കു​മ​ല്ലോ.+ നിങ്ങൾ അങ്ങനെ ഒരുപാ​ടു സന്തോ​ഷി​ച്ചാ​ന​ന്ദി​ക്കും.+

16 “വർഷത്തിൽ മൂന്നു പ്രാവ​ശ്യം—പുളി​പ്പി​ല്ലാത്ത അപ്പത്തിന്റെ ഉത്സവം,+ വാരോ​ത്സവം,+ കൂടാരോത്സവം+ എന്നിവ​യു​ടെ സമയത്ത്‌—നിങ്ങൾക്കി​ട​യി​ലെ ആണുങ്ങ​ളെ​ല്ലാം നിങ്ങളു​ടെ ദൈവ​മായ യഹോ​വ​യു​ടെ മുമ്പാകെ, ദൈവം തിര​ഞ്ഞെ​ടു​ക്കുന്ന സ്ഥലത്ത്‌ കൂടി​വ​രണം. എന്നാൽ ഒരു പുരു​ഷ​നും വെറു​ങ്കൈ​യോ​ടെ യഹോ​വ​യു​ടെ മുന്നിൽ വരരുത്‌. 17 നിങ്ങളുടെ ദൈവ​മായ യഹോവ നിങ്ങളെ അനു​ഗ്ര​ഹി​ച്ചി​രി​ക്കു​ന്ന​തിന്‌ ആനുപാ​തി​ക​മാ​യി നിങ്ങൾ ഓരോ​രു​ത്ത​രും കാഴ്‌ച കൊണ്ടു​വ​രണം.+

18 “നിങ്ങളു​ടെ ദൈവ​മായ യഹോവ നിങ്ങൾക്കു തരുന്ന നഗരങ്ങളിലെല്ലാം* ഓരോ ഗോ​ത്ര​ത്തി​നും നിങ്ങൾ ന്യായാ​ധി​പ​ന്മാ​രെ​യും അധികാ​രി​ക​ളെ​യും നിയമി​ക്കണം.+ അവർ ജനത്തിന്‌ ഇടയിൽ നീതി​യോ​ടെ വിധി കല്‌പി​ക്കും. 19 നിങ്ങൾ നീതി നിഷേധിക്കുകയോ+ പക്ഷപാതം കാണിക്കുകയോ+ കൈക്കൂ​ലി വാങ്ങു​ക​യോ അരുത്‌. കാരണം കൈക്കൂ​ലി ജ്ഞാനിയെ അന്ധനാക്കുകയും+ നീതി​മാ​ന്റെ വാക്കുകൾ തെറ്റി​ച്ചു​ക​ള​യു​ക​യും ചെയ്യുന്നു. 20 നീതി—അതെ, നീതി​യാ​ണു നിങ്ങൾ അന്വേ​ഷി​ക്കേ​ണ്ടത്‌.+ അങ്ങനെ ചെയ്‌താൽ നിങ്ങൾ ജീവ​നോ​ടി​രി​ക്കു​ക​യും നിങ്ങളു​ടെ ദൈവ​മായ യഹോവ നിങ്ങൾക്കു തരുന്ന ദേശം കൈവ​ശ​മാ​ക്കു​ക​യും ചെയ്യും.

21 “നിങ്ങൾ നിങ്ങളു​ടെ ദൈവ​മായ യഹോ​വ​യ്‌ക്കു പണിയുന്ന യാഗപീ​ഠ​ത്തിന്‌ അരികെ ഒരുത​ര​ത്തി​ലുള്ള വൃക്ഷവും പൂജാസ്‌തൂപമായി* നടരുത്‌.+

22 “നിങ്ങൾ പൂജാ​സ്‌തം​ഭം നാട്ടു​ക​യു​മ​രുത്‌;+ അതു നിങ്ങളു​ടെ ദൈവ​മായ യഹോ​വ​യ്‌ക്കു വെറു​പ്പാണ്‌.

17 “വൈക​ല്യ​മോ എന്തെങ്കി​ലും ന്യൂന​ത​യോ ഉള്ള കാള​യെ​യോ ആടി​നെ​യോ നിങ്ങൾ നിങ്ങളു​ടെ ദൈവ​മായ യഹോ​വ​യ്‌ക്കു ബലി അർപ്പി​ക്ക​രുത്‌. അതു നിങ്ങളു​ടെ ദൈവ​മായ യഹോ​വ​യ്‌ക്ക്‌ അറപ്പാണ്‌.+

2 “നിങ്ങളു​ടെ ദൈവ​മായ യഹോവ നിങ്ങൾക്കു തരുന്ന നഗരങ്ങ​ളി​ലൊ​ന്നിൽ ഒരു പുരു​ഷ​നോ സ്‌ത്രീ​യോ നിങ്ങളു​ടെ ദൈവ​മായ യഹോ​വ​യു​ടെ മുമ്പാകെ തെറ്റായ കാര്യങ്ങൾ ചെയ്യു​ന്നെ​ന്നി​രി​ക്കട്ടെ. അയാൾ ആ ദുഷ്‌പ്ര​വൃ​ത്തി വിട്ടു​മാ​റാ​തെ ദൈവ​ത്തി​ന്റെ ഉടമ്പടി ലംഘിക്കുകയും+ 3 വഴിതെറ്റി എന്റെ കല്‌പ​ന​യ്‌ക്കു വിരുദ്ധമായി+ അന്യ​ദൈ​വ​ങ്ങളെ ആരാധി​ക്കു​ക​യും അവയു​ടെ​യോ സൂര്യ​ന്റെ​യോ ചന്ദ്ര​ന്റെ​യോ ആകാശ​ത്തി​ലെ സർവ​സൈ​ന്യ​ങ്ങ​ളു​ടെ​യോ മുമ്പാകെ കുമ്പി​ടു​ക​യും ചെയ്യുന്നു.+ 4 ഇക്കാര്യം ആരെങ്കി​ലും നിങ്ങളെ അറിയി​ക്കു​ക​യോ നിങ്ങൾ അതെക്കു​റിച്ച്‌ കേൾക്കു​ക​യോ ചെയ്‌താൽ നിങ്ങൾ സമഗ്ര​മായ ഒരു അന്വേ​ഷണം നടത്തണം. ഇങ്ങനെ​യൊ​രു മ്ലേച്ഛകാ​ര്യം ഇസ്രാ​യേ​ലിൽ നടന്നെന്നു സ്ഥിരീകരിച്ചാൽ+ 5 തിന്മ ചെയ്‌ത ആ പുരു​ഷ​നെ​യോ സ്‌ത്രീ​യെ​യോ നഗരക​വാ​ട​ത്തിൽ കൊണ്ടു​വ​രണം. എന്നിട്ട്‌ ആ വ്യക്തിയെ കല്ലെറി​ഞ്ഞ്‌ കൊല്ലണം.+ 6 മരണയോഗ്യമായ കുറ്റം ചെയ്‌ത വ്യക്തിയെ കൊല്ലു​ന്നതു രണ്ടോ മൂന്നോ സാക്ഷി​ക​ളു​ടെ മൊഴിയുടെ* അടിസ്ഥാ​ന​ത്തി​ലാ​യി​രി​ക്കണം.+ ഒരു സാക്ഷി​യു​ടെ മാത്രം മൊഴി കണക്കി​ലെ​ടുത്ത്‌ ആ വ്യക്തിയെ കൊല്ല​രുത്‌.+ 7 അയാളെ കൊല്ലാൻ അയാൾക്കു നേരെ ആദ്യം കൈ ഉയർത്തു​ന്നതു സാക്ഷി​ക​ളാ​യി​രി​ക്കണം. അതിനു ശേഷം ജനത്തിന്റെ കൈ അയാൾക്കു നേരെ ഉയരണം. നിങ്ങൾക്കി​ട​യിൽനിന്ന്‌ നിങ്ങൾ തിന്മ നീക്കി​ക്ക​ള​യണം.+

8 “നിങ്ങൾക്കു ന്യായം വിധി​ക്കാൻ പറ്റാത്തത്ര ബുദ്ധി​മു​ട്ടേ​റിയ ഒരു പ്രശ്‌നം നിങ്ങളു​ടെ നഗരങ്ങ​ളി​ലൊ​ന്നിൽ ഉടലെ​ടു​ക്കു​ന്നെ​ങ്കിൽ—അതു രക്തച്ചൊരിച്ചിലോ+ നിയമ​പ​ര​മായ അവകാ​ശ​വാ​ദ​മോ അതി​ക്ര​മ​മോ തർക്കങ്ങ​ളോ ആകട്ടെ—നിങ്ങൾ നിങ്ങളു​ടെ ദൈവ​മായ യഹോവ തിര​ഞ്ഞെ​ടു​ക്കുന്ന സ്ഥലത്തേക്കു പോകണം.+ 9 ലേവ്യപുരോഹിതന്മാരുടെയും ആ സമയത്ത്‌ ന്യായാ​ധി​പ​നാ​യി സേവി​ക്കുന്ന വ്യക്തി​യു​ടെ​യും അടുത്ത്‌ ചെന്ന്‌ പ്രശ്‌നം അവതരി​പ്പി​ക്കുക;+ അവർ നിങ്ങൾക്കു തീർപ്പു കല്‌പി​ച്ചു​ത​രും.+ 10 യഹോവ തിര​ഞ്ഞെ​ടു​ക്കുന്ന സ്ഥലത്തു​നിന്ന്‌ അവർ നിന്നെ അറിയി​ക്കുന്ന തീരു​മാ​നം​പോ​ലെ നീ ചെയ്യണം. അവർ നിർദേ​ശി​ക്കു​ന്ന​തു​പോ​ലെ​തന്നെ ചെയ്യാൻ പ്രത്യേ​കം ശ്രദ്ധി​ക്കുക. 11 അവർ കാണി​ച്ചു​ത​രുന്ന നിയമ​ത്തി​നും അവർ അറിയി​ക്കുന്ന തീരു​മാ​ന​ത്തി​നും ചേർച്ച​യിൽ നീ പ്രവർത്തി​ക്കണം.+ അവർ നിന്നെ അറിയി​ക്കുന്ന തീരു​മാ​ന​ത്തിൽനിന്ന്‌ ഇടത്തോ​ട്ടോ വലത്തോ​ട്ടോ മാറരു​ത്‌.+ 12 നിങ്ങളുടെ ദൈവ​മായ യഹോ​വ​യ്‌ക്കു ശുശ്രൂഷ ചെയ്യുന്ന പുരോ​ഹി​ത​നും ന്യായാ​ധി​പ​നും പറയു​ന്നത്‌ അനുസ​രി​ക്കാ​തെ ധിക്കാ​ര​ത്തോ​ടെ പ്രവർത്തി​ക്കുന്ന മനുഷ്യൻ മരിക്കണം.+ ഇങ്ങനെ നിങ്ങൾ ഇസ്രാ​യേ​ലിൽനിന്ന്‌ തിന്മ നീക്കി​ക്ക​ള​യണം.+ 13 അപ്പോൾ ജനമെ​ല്ലാം അതു കേട്ട്‌ ഭയപ്പെ​ടും; മേലാൽ ധിക്കാ​ര​ത്തോ​ടെ പെരു​മാ​റാൻ അവർ ധൈര്യ​പ്പെ​ടില്ല.+

14 “നിന്റെ ദൈവ​മായ യഹോവ നിനക്കു തരുന്ന ദേശത്ത്‌ പ്രവേ​ശിച്ച്‌ അതു കൈവ​ശ​മാ​ക്കി നീ അവിടെ താമസി​ക്കു​മ്പോൾ, ‘ചുറ്റു​മുള്ള എല്ലാ ജനതക​ളെ​യും​പോ​ലെ ഞാനും ഒരു രാജാ​വി​നെ വാഴി​ക്കും’+ എന്നു നീ പറഞ്ഞാൽ 15 നിങ്ങളുടെ ദൈവ​മായ യഹോവ തിര​ഞ്ഞെ​ടു​ക്കുന്ന ഒരാളെ വേണം നീ രാജാ​വാ​യി നിയമി​ക്കാൻ.+ നിന്റെ സഹോ​ദ​ര​ന്മാ​രു​ടെ ഇടയിൽനി​ന്നാ​ണു നീ രാജാ​വി​നെ തിര​ഞ്ഞെ​ടു​ക്കേ​ണ്ടത്‌. നിന്റെ സഹോ​ദ​ര​ന​ല്ലാത്ത ഒരു അന്യ​ദേ​ശ​ക്കാ​രനെ നീ നിന്റെ മേൽ നിയമി​ക്കാൻ പാടില്ല. 16 രാജാവ്‌ കുതി​ര​കളെ വാങ്ങിക്കൂട്ടുകയോ+ കുതി​ര​കളെ സമ്പാദി​ക്കാ​നാ​യി ജനം ഈജി​പ്‌തി​ലേക്കു പോകാൻ ഇടവരു​ത്തു​ക​യോ അരുത്‌.+ കാരണം, ‘ഒരിക്ക​ലും നിങ്ങൾ ആ വഴിക്കു മടങ്ങി​പ്പോ​ക​രുത്‌’ എന്ന്‌ യഹോവ നിങ്ങ​ളോ​ടു കല്‌പി​ച്ചി​ട്ടു​ണ്ട​ല്ലോ. 17 രാജാവിന്‌ അനേകം ഭാര്യ​മാ​രു​ണ്ടാ​യി​രി​ക്ക​രുത്‌; അല്ലാത്ത​പക്ഷം രാജാ​വി​ന്റെ ഹൃദയം വഴി​തെ​റ്റി​പ്പോ​കും.+ രാജാവ്‌ ഒരുപാ​ടു വെള്ളി​യും സ്വർണ​വും സ്വരൂ​പി​ക്കാ​നും പാടില്ല.+ 18 രാജാവ്‌ സിംഹാ​സ​ന​സ്ഥ​നാ​കു​മ്പോൾ ലേവ്യ​പു​രോ​ഹി​ത​ന്മാ​രു​ടെ കൈയിൽനി​ന്ന്‌ ഈ നിയമം വാങ്ങി, ഒരു പുസ്‌തകത്തിൽ* പകർത്തി​യെ​ഴു​തി തനിക്കു​വേണ്ടി അതിന്റെ ഒരു പകർപ്പ്‌ ഉണ്ടാക്കണം.+

19 “അത്‌ എക്കാല​വും രാജാ​വി​ന്റെ കൈയി​ലു​ണ്ടാ​യി​രി​ക്കു​ക​യും ജീവി​ത​കാ​ലം മുഴുവൻ അതു വായി​ക്കു​ക​യും വേണം.+ അപ്പോൾ രാജാവ്‌ തന്റെ ദൈവ​മായ യഹോ​വയെ ഭയപ്പെ​ടാൻ പഠിക്കു​ക​യും ഈ നിയമ​ത്തി​ലും ചട്ടങ്ങളി​ലും പറഞ്ഞി​രി​ക്കുന്ന വാക്കു​ക​ളെ​ല്ലാം അനുസ​രി​ക്കു​ക​യും പാലി​ക്കു​ക​യും ചെയ്യും.+ 20 അങ്ങനെയാകുമ്പോൾ, സഹോ​ദ​ര​ന്മാ​രെ​ക്കാൾ ഉയർന്ന​വ​നാ​ണെന്നു രാജാവ്‌ ഹൃദയ​ത്തിൽ ഭാവി​ക്കില്ല; ഈ കല്‌പന വിട്ട്‌ ഇടത്തോ​ട്ടോ വലത്തോ​ട്ടോ മാറു​ക​യു​മില്ല. അങ്ങനെ രാജാ​വും രാജാ​വി​ന്റെ മക്കളും ഇസ്രാ​യേ​ലിൽ ദീർഘ​കാ​ലം രാജ്യാ​ധി​കാ​ര​ത്തി​ലി​രി​ക്കും.

18 “ലേവ്യ​പു​രോ​ഹി​ത​ന്മാർക്കും ലേവി​ഗോ​ത്ര​ത്തിൽപ്പെട്ട ഒരാൾക്കും ഇസ്രാ​യേ​ലി​നോ​ടൊ​പ്പം ഓഹരി​യോ അവകാ​ശ​മോ ലഭി​ക്കില്ല. യഹോ​വ​യ്‌ക്ക്‌ അഗ്നിയിൽ അർപ്പി​ക്കുന്ന യാഗത്തിൽനി​ന്നാണ്‌ അവർ ഭക്ഷി​ക്കേ​ണ്ടത്‌—അതു ലേവി​യു​ടെ അവകാ​ശ​മാ​ണ​ല്ലോ.+ 2 അതുകൊണ്ട്‌ തങ്ങളുടെ സഹോ​ദ​ര​ന്മാർക്കി​ട​യിൽ അവർക്ക്‌ ഒരു അവകാ​ശ​വും ഉണ്ടാക​രുത്‌. ദൈവ​മായ യഹോവ അവരോ​ടു പറഞ്ഞതു​പോ​ലെ ദൈവ​മാണ്‌ അവരുടെ അവകാശം.

3 “ജനത്തിൽനി​ന്ന്‌ പുരോ​ഹി​ത​ന്മാർക്കു ലഭിക്കേണ്ട ഓഹരി ഇതാണ്‌: കാള​യെ​യോ ആടി​നെ​യോ ബലി അർപ്പി​ക്കു​ന്ന​വ​രെ​ല്ലാം അതിന്റെ കൈക്കു​റക്‌, കവിളു​കൾ, ആമാശയം എന്നിവ പുരോ​ഹി​തനു കൊടു​ക്കണം. 4 നിങ്ങളുടെ ധാന്യം, പുതു​വീഞ്ഞ്‌, എണ്ണ എന്നിവ​യു​ടെ ആദ്യഫ​ല​വും നിങ്ങളു​ടെ ആട്ടിൻപ​റ്റ​ത്തി​ന്റെ ആദ്യം കത്രി​ക്കുന്ന രോമ​വും നിങ്ങൾ പുരോ​ഹി​തനു കൊടു​ക്കണം.+ 5 യഹോവയുടെ നാമത്തിൽ എന്നും ശുശ്രൂഷ ചെയ്യാ​നാ​യി ലേവി​യെ​യും ആൺമക്ക​ളെ​യും നിന്റെ ദൈവ​മായ യഹോവ നിങ്ങളു​ടെ എല്ലാ ഗോ​ത്ര​ങ്ങ​ളിൽനി​ന്നും തിര​ഞ്ഞെ​ടു​ത്തി​രി​ക്കു​ന്നു.+

6 “ഇസ്രാ​യേ​ലി​ലെ ഏതെങ്കി​ലു​മൊ​രു നഗരത്തിൽ താമസി​ക്കുന്ന ഒരു ലേവ്യൻ+ അവിടം വിട്ട്‌ യഹോവ തിര​ഞ്ഞെ​ടു​ക്കുന്ന സ്ഥലത്തേക്കു* പോകാൻ ആഗ്രഹിച്ചാൽ+ 7 യഹോവയുടെ മുമ്പാകെ സേവി​ക്കുന്ന, ലേവ്യ​രായ എല്ലാ സഹോ​ദ​ര​ന്മാ​രെ​യും​പോ​ലെ ആ ലേവ്യ​നും തന്റെ ദൈവ​മായ യഹോ​വ​യു​ടെ നാമത്തിൽ അവിടെ ശുശ്രൂഷ ചെയ്യാം.+ 8 അവരോടൊപ്പം അയാൾക്കും ഭക്ഷണത്തിൽ തുല്യ​പങ്കു ലഭിക്കും.+ അയാളു​ടെ പിതൃ​സ്വ​ത്തു വിറ്റ​പ്പോൾ കിട്ടിയ പണത്തിനു പുറ​മേ​യാ​യി​രി​ക്കും ഇത്‌.

9 “നിന്റെ ദൈവ​മായ യഹോവ നിനക്കു തരുന്ന ദേശത്ത്‌ പ്രവേ​ശി​ക്കു​മ്പോൾ നീ അവിടത്തെ ജനതക​ളു​ടെ മ്ലേച്ഛമായ രീതികൾ പഠിച്ച്‌ അവ അനുക​രി​ക്ക​രുത്‌.+ 10 മകനെയോ മകളെ​യോ തീയിൽ ദഹിപ്പി​ക്കു​ന്നവൻ,*+ ഭാവി​ഫലം പറയു​ന്നവൻ,+ മന്ത്രവാ​ദി,+ ശകുനം നോക്കു​ന്നവൻ,+ ആഭിചാ​രകൻ,*+ 11 മന്ത്രവിദ്യയാൽ ആളുകളെ ദ്രോ​ഹി​ക്കു​ന്നവൻ, ആത്മാക്ക​ളു​ടെ ഉപദേശം തേടുന്നവന്റെയോ*+ ഭാവി പറയുന്നവന്റെയോ+ സഹായം തേടു​ന്നവൻ, മരിച്ച​വ​രോട്‌ ഉപദേശം തേടുന്നവൻ+ എന്നിങ്ങ​നെ​യു​ള്ളവർ നിങ്ങൾക്കി​ട​യിൽ കാണരു​ത്‌. 12 ഇക്കാര്യങ്ങൾ ചെയ്യു​ന്ന​വരെ യഹോ​വ​യ്‌ക്ക്‌ അറപ്പാണ്‌. ഇത്തരത്തി​ലുള്ള മ്ലേച്ഛമായ രീതികൾ കാരണ​മാ​ണു നിന്റെ ദൈവ​മായ യഹോവ ആ ജനതകളെ നിന്റെ മുന്നിൽനി​ന്ന്‌ ഓടി​ച്ചു​ക​ള​യു​ന്നത്‌. 13 നീ നിന്റെ ദൈവ​മായ യഹോ​വ​യു​ടെ മുമ്പാകെ നിഷ്‌ക​ള​ങ്ക​നാ​യി​രി​ക്കണം.+

14 “നീ ഓടി​ച്ചു​ക​ള​യുന്ന ഈ ജനതകൾ മന്ത്രവാദികളെയും+ ഭാവി​ഫലം പറയുന്നവരെയും+ അനുസ​രിച്ച്‌ നടക്കുക പതിവാ​യി​രു​ന്നു. എന്നാൽ അത്തരത്തി​ലു​ള്ള​തൊ​ന്നും ചെയ്യാൻ നിന്നെ നിന്റെ ദൈവ​മായ യഹോവ അനുവ​ദി​ച്ചി​ട്ടില്ല. 15 നിന്റെ ദൈവ​മായ യഹോവ നിന്റെ സഹോ​ദ​ര​ന്മാർക്കി​ട​യിൽനിന്ന്‌ എന്നെ​പ്പോ​ലുള്ള ഒരു പ്രവാ​ച​കനെ നിനക്കു​വേണ്ടി എഴു​ന്നേൽപ്പി​ക്കും. ആ പ്രവാ​ചകൻ പറയു​ന്നതു നീ കേൾക്കണം.+ 16 ഹോരേബിൽ സമ്മേളിച്ച ദിവസം നീ നിന്റെ ദൈവ​മായ യഹോ​വ​യോട്‌,+ ‘ഇനിയും എന്റെ ദൈവ​മായ യഹോ​വ​യു​ടെ ശബ്ദം കേൾക്കാ​നും ദൈവ​ത്തി​ന്റെ ഈ മഹാജ്വാ​ല കാണാ​നും ഇടവരു​ത്ത​രു​തേ, ഞാൻ മരിച്ചു​പോ​കു​മ​ല്ലോ’+ എന്ന്‌ അപേക്ഷി​ച്ചി​രു​ന്നു. അതിനുള്ള ഉത്തരമാ​ണ്‌ ഇത്‌. 17 അപ്പോൾ യഹോവ എന്നോടു പറഞ്ഞു: ‘അവർ പറഞ്ഞ​തൊ​ക്കെ ശരിയാ​ണ്‌. 18 അവർക്കുവേണ്ടി ഞാൻ നിന്നെ​പ്പോ​ലെ ഒരു പ്രവാ​ച​കനെ അവരുടെ സഹോ​ദ​ര​ന്മാർക്കി​ട​യിൽനിന്ന്‌ എഴു​ന്നേൽപ്പി​ക്കും.+ ഞാൻ എന്റെ വചനങ്ങൾ ആ പ്രവാ​ച​കന്റെ നാവിൽ വെക്കും;+ ഞാൻ അവനോ​ടു കല്‌പി​ക്കു​ന്ന​തെ​ല്ലാം അവൻ അവരെ അറിയി​ക്കും.+ 19 എന്റെ നാമത്തിൽ അവൻ നിങ്ങ​ളോ​ടു പറയുന്ന എന്റെ വചനങ്ങൾ അനുസ​രി​ക്കാത്ത മനുഷ്യ​നോ​ടു ഞാൻ കണക്കു ചോദി​ക്കു​ക​തന്നെ ചെയ്യും.+

20 “‘ഒരു പ്രവാ​ചകൻ ധിക്കാ​ര​ത്തോ​ടെ ഞാൻ കല്‌പി​ക്കാത്ത ഒരു കാര്യം എന്റെ നാമത്തിൽ നിന്നെ അറിയി​ക്കു​ക​യോ മറ്റു ദൈവ​ങ്ങ​ളു​ടെ നാമത്തിൽ നിന്നോ​ടു സംസാ​രി​ക്കു​ക​യോ ചെയ്‌താൽ അയാൾ മരിക്കണം.+ 21 എന്നാൽ, “അയാൾ സംസാ​രി​ക്കു​ന്നത്‌ യഹോവ പറഞ്ഞി​ട്ടി​ല്ലാത്ത കാര്യ​മാ​ണെന്നു ഞങ്ങൾ എങ്ങനെ അറിയും” എന്നു നീ ഹൃദയ​ത്തിൽ ചോദി​ച്ചേ​ക്കാം. 22 ഒരു പ്രവാ​ചകൻ യഹോ​വ​യു​ടെ നാമത്തിൽ പ്രവചി​ച്ചിട്ട്‌ ആ വാക്കു​പോ​ലെ സംഭവി​ക്കു​ക​യോ അതു സത്യമാ​യി​ത്തീ​രു​ക​യോ ചെയ്യു​ന്നി​ല്ലെ​ങ്കിൽ യഹോവ അക്കാര്യം പറഞ്ഞി​ട്ടില്ല; അത്‌ ആ പ്രവാ​ചകൻ ധാർഷ്ട്യ​ത്തോ​ടെ സ്വന്തം ഇഷ്ടപ്ര​കാ​രം പറഞ്ഞതാ​ണ്‌. നീ അയാളെ ഭയപ്പെ​ട​രുത്‌.’

19 “നിങ്ങളു​ടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ദേശത്തെ ജനതകളെ നിങ്ങളു​ടെ ദൈവ​മായ യഹോവ സംഹരി​ക്കു​ക​യും നിങ്ങൾ അവരെ ഓടി​ച്ചു​ക​ളഞ്ഞ്‌ അവരുടെ നഗരങ്ങ​ളി​ലും വീടു​ക​ളി​ലും താമസ​മു​റ​പ്പി​ക്കു​ക​യും ചെയ്യുമ്പോൾ+ 2 നിങ്ങളുടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ദേശത്തി​ന്മ​ധ്യേ നിങ്ങൾ മൂന്നു നഗരങ്ങൾ വേർതി​രി​ക്കണം.+ 3 കൊല ചെയ്‌ത ഒരാൾക്ക്‌ അതിൽ ഏതെങ്കി​ലു​മൊ​രു നഗരത്തി​ലേക്ക്‌ എളുപ്പം ഓടി​യെ​ത്താൻ കഴിയാ​നാ​യി, നിങ്ങളു​ടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ദേശം നിങ്ങൾ മൂന്നായി ഭാഗി​ക്കു​ക​യും അവി​ടേക്കു വഴികൾ ഉണ്ടാക്കു​ക​യും വേണം.

4 “ജീവര​ക്ഷാർഥം അവി​ടേക്ക്‌ ഓടി​പ്പോ​കുന്ന ഒരു കൊല​യാ​ളി​യു​ടെ കാര്യ​ത്തിൽ നടക്കേ​ണ്ടത്‌ ഇതാണ്‌: മുൻവൈ​രാ​ഗ്യ​മൊ​ന്നും കൂടാതെ ഒരാൾ അബദ്ധത്തിൽ സഹമനു​ഷ്യ​നെ കൊല ചെയ്‌താൽ+ 5 —ഉദാഹ​ര​ണ​ത്തിന്‌, സഹമനു​ഷ്യ​നോ​ടൊ​പ്പം കാട്ടിൽ വിറകു വെട്ടാൻപോയ ഒരാൾ മരം വെട്ടാ​നാ​യി കോടാ​ലി ഓങ്ങി​യ​പ്പോൾ അതു പിടി​യിൽനിന്ന്‌ തെറിച്ച്‌ കൂടെ​യു​ള്ള​വന്റെ മേൽ കൊള്ളു​ക​യും അയാൾ മരിക്കു​ക​യും ചെയ്യുന്നു—ആ കൊല​യാ​ളി ജീവര​ക്ഷാർഥം ഇതിൽ ഏതെങ്കി​ലും നഗരത്തി​ലേക്ക്‌ ഓടി​പ്പോ​കണം.+ 6 അഭയനഗരം വളരെ ദൂരെ​യാ​ണെ​ങ്കിൽ രക്തത്തിനു പകരം ചോദി​ക്കു​ന്നവൻ ഉഗ്രകോപത്തോടെ*+ കൊല​യാ​ളി​യു​ടെ പിന്നാലെ ഓടി​യെത്തി അയാളെ പിടിച്ച്‌ കൊന്നു​ക​ള​ഞ്ഞേ​ക്കാം. (വാസ്‌ത​വ​ത്തിൽ അയാൾ മരണ​യോ​ഗ്യ​ന​ല്ല​ല്ലോ; അയാൾക്കു സഹമനു​ഷ്യ​നോ​ടു വൈരാ​ഗ്യ​മൊ​ന്നു​മു​ണ്ടാ​യി​രു​ന്നില്ല.)+ 7 അതുകൊണ്ടാണ്‌, ‘മൂന്നു നഗരങ്ങൾ വേർതി​രി​ക്കുക’ എന്നു ഞാൻ നിങ്ങ​ളോ​ടു കല്‌പി​ക്കു​ന്നത്‌.

8 “നിങ്ങളു​ടെ പൂർവി​ക​രോ​ടു സത്യം ചെയ്‌ത​തു​പോ​ലെ നിങ്ങളു​ടെ ദൈവ​മായ യഹോവ നിങ്ങളു​ടെ അതിർത്തി വിശാലമാക്കുകയും+ നിങ്ങളു​ടെ പൂർവി​കർക്കു നൽകു​മെന്നു വാഗ്‌ദാ​നം ചെയ്‌ത ദേശ​മെ​ല്ലാം തരുക​യും ചെയ്യുന്നെങ്കിൽ+ 9 ഈ മൂന്നു നഗരങ്ങ​ളു​ടെ​കൂ​ടെ നിങ്ങൾ മറ്റു മൂന്നെ​ണ്ണം​കൂ​ടെ ചേർക്കണം.+ എന്നാൽ ഞാൻ ഇന്നു നിങ്ങൾക്കു തരുന്ന ഈ കല്‌പ​ന​ക​ളെ​ല്ലാം വിശ്വ​സ്‌ത​മാ​യി പാലി​ച്ചാൽ, അതായത്‌ നിങ്ങളു​ടെ ദൈവ​മായ യഹോ​വയെ സ്‌നേ​ഹിച്ച്‌ എന്നെന്നും ദൈവ​ത്തി​ന്റെ വഴിക​ളിൽ നടന്നാൽ,+ മാത്രമേ ദൈവം ആ ദേശം നിങ്ങൾക്കു തരുക​യു​ള്ളൂ. 10 അങ്ങനെ നിങ്ങളു​ടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ആ ദേശത്ത്‌ ഒരു നിരപ​രാ​ധി​യു​ടെ​യും രക്തം വീഴാൻ ഇടയാ​കില്ല;+ രക്തം ചൊരിഞ്ഞ കുറ്റം നിങ്ങളു​ടെ മേൽ വരുക​യു​മില്ല.+

11 “എന്നാൽ ഒരാൾ സഹമനു​ഷ്യ​നെ വെറുക്കുകയും+ തക്കം നോക്കി അയാളെ ആക്രമി​ച്ച്‌ മാരക​മാ​യി മുറി​വേൽപ്പി​ക്കു​ക​യും അങ്ങനെ അയാൾ മരിച്ചു​പോ​കു​ക​യും ചെയ്യു​ന്നെ​ന്നി​രി​ക്കട്ടെ. കൊല ചെയ്‌തവൻ ഇതിൽ ഏതെങ്കി​ലും നഗരത്തി​ലേക്ക്‌ ഓടി​പ്പോ​യാൽ 12 അയാളുടെ നഗരത്തി​ലുള്ള മൂപ്പന്മാർ അയാളെ അവി​ടെ​നിന്ന്‌ വിളി​ച്ചു​വ​രു​ത്തി രക്തത്തിനു പകരം ചോദി​ക്കു​ന്ന​വന്റെ കൈയിൽ ഏൽപ്പി​ക്കണം; അയാൾ മരിക്കണം.+ 13 നിങ്ങൾക്ക്‌* അയാ​ളോ​ടു കനിവ്‌ തോന്ന​രുത്‌. നിരപ​രാ​ധി​യു​ടെ രക്തം ചൊരി​ഞ്ഞ​തി​ന്റെ കുറ്റം നിങ്ങൾ ഇസ്രാ​യേ​ലിൽനിന്ന്‌ നീക്കി​ക്ക​ള​യു​ക​തന്നെ വേണം.+ അങ്ങനെ ചെയ്‌താൽ നിങ്ങൾക്കു നന്മ വരും.

14 “നിങ്ങളു​ടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ദേശത്ത്‌ നിങ്ങളു​ടെ ഓഹരി ലഭിക്കു​മ്പോൾ, പൂർവി​കർ നിശ്ചയിച്ച സ്ഥാനത്തു​നിന്ന്‌ നിങ്ങൾ അയൽക്കാ​രന്റെ അതിർത്തി നീക്കരു​ത്‌.+

15 “ഒരാൾ എന്തെങ്കി​ലും തെറ്റോ പാപമോ ചെയ്‌തെന്നു സ്ഥിരീ​ക​രി​ക്കാൻ ഒരു സാക്ഷി മാത്രം പോരാ.+ രണ്ടു സാക്ഷി​ക​ളു​ടെ​യോ മൂന്നു സാക്ഷി​ക​ളു​ടെ​യോ മൊഴിയുടെ* അടിസ്ഥാ​ന​ത്തി​ലാ​ണു കാര്യങ്ങൾ സ്ഥിരീ​ക​രി​ക്കേ​ണ്ടത്‌.+ 16 ദ്രോഹചിന്തയോടെ ആരെങ്കി​ലും ഒരാൾ അതി​ക്രമം ചെയ്‌തെന്ന്‌ ആരോ​പിച്ച്‌ അയാൾക്കെ​തി​രെ സാക്ഷി പറയുന്നെങ്കിൽ+ 17 ഇരുകക്ഷികളും യഹോ​വ​യു​ടെ മുമ്പാകെ, അതായത്‌ അക്കാലത്തെ ന്യായാ​ധി​പ​ന്മാ​രു​ടെ​യും പുരോ​ഹി​ത​ന്മാ​രു​ടെ​യും മുമ്പാകെ, നിൽക്കണം.+ 18 ന്യായാധിപന്മാർ സമഗ്ര​മായ അന്വേ​ഷണം നടത്തി​യ​പ്പോൾ,+ സാക്ഷി പറഞ്ഞവൻ കള്ളസാ​ക്ഷി​യാ​ണെ​ന്നും തന്റെ സഹോ​ദ​രന്‌ എതിരെ ഉന്നയിച്ച ആരോ​പണം വ്യാജ​മാ​ണെ​ന്നും തെളി​ഞ്ഞാൽ 19 അയാൾ തന്റെ സഹോ​ദ​ര​നോ​ടു ചെയ്യണ​മെന്നു കരുതി​യ​തു​തന്നെ നിങ്ങൾ അയാ​ളോ​ടു ചെയ്യണം.+ അങ്ങനെ നിങ്ങൾ നിങ്ങൾക്കി​ട​യിൽനിന്ന്‌ തിന്മ നീക്കി​ക്ക​ള​യണം.+ 20 മറ്റുള്ളവർ ഇതു കേട്ട്‌ ഭയപ്പെ​ടും; മേലാൽ ഇത്തര​മൊ​രു തിന്മ നിങ്ങൾക്കി​ട​യിൽ ചെയ്യാൻ അവർ മുതി​രില്ല.+ 21 നിങ്ങൾക്കു* കനിവ്‌ തോന്ന​രുത്‌:+ ജീവനു പകരം ജീവൻ, കണ്ണിനു പകരം കണ്ണ്‌, പല്ലിനു പകരം പല്ല്‌, കൈക്കു പകരം കൈ, കാലിനു പകരം കാൽ.+

20 “ശത്രു​ക്കൾക്കെ​തി​രെ നിങ്ങൾ യുദ്ധത്തി​നു പോകു​മ്പോൾ അവരുടെ കുതി​ര​ക​ളെ​യും രഥങ്ങ​ളെ​യും നിങ്ങളു​ടേ​തി​നെ​ക്കാൾ വലിയ സൈന്യ​ങ്ങ​ളെ​യും കണ്ട്‌ പേടി​ക്ക​രുത്‌. കാരണം ഈജി​പ്‌ത്‌ ദേശത്തു​നിന്ന്‌ നിങ്ങളെ വിടു​വിച്ച്‌ കൊണ്ടു​വന്ന നിങ്ങളു​ടെ ദൈവ​മായ യഹോവ നിങ്ങ​ളോ​ടു​കൂ​ടെ​യുണ്ട്‌.+ 2 നിങ്ങൾ യുദ്ധത്തി​നു പോകാൻ ഒരുങ്ങു​മ്പോൾ പുരോ​ഹി​തൻ വന്ന്‌ ജനത്തോ​ടു സംസാ​രി​ക്കണം.+ 3 പുരോഹിതൻ അവരോ​ടു പറയണം: ‘ഇസ്രാ​യേലേ, കേൾക്കുക. നിങ്ങൾ ഇതാ, ശത്രു​ക്ക​ളോ​ടു യുദ്ധം ചെയ്യാൻപോ​കു​ന്നു. നിങ്ങൾ ധൈര്യ​ത്തോ​ടി​രി​ക്കണം. അവർ കാരണം പേടി​ക്കു​ക​യോ ഭയപ്പെ​ടു​ക​യോ സംഭ്ര​മി​ക്കു​ക​യോ വേണ്ടാ. 4 കാരണം നിങ്ങളു​ടെ​കൂ​ടെ വരുന്നതു നിങ്ങളു​ടെ ദൈവ​മായ യഹോ​വ​യാണ്‌. ദൈവം നിങ്ങൾക്കു​വേണ്ടി ശത്രു​ക്ക​ളോ​ടു യുദ്ധം ചെയ്യു​ക​യും നിങ്ങളെ രക്ഷിക്കു​ക​യും ചെയ്യും.’+

5 “അധികാ​രി​കൾ ജനത്തോ​ട്‌ ഇങ്ങനെ പറയണം: ‘പുതിയ ഒരു വീടു പണിതി​ട്ട്‌ അതിന്റെ ഗൃഹ​പ്ര​വേശം നടത്താത്ത ആരെങ്കി​ലു​മു​ണ്ടെ​ങ്കിൽ അയാൾ വീട്ടി​ലേക്കു മടങ്ങി​പ്പോ​കട്ടെ. അല്ലാത്ത​പക്ഷം അയാൾ യുദ്ധത്തിൽ കൊല്ല​പ്പെ​ടു​ക​യും മറ്റൊ​രാൾ അതിന്റെ ഗൃഹ​പ്ര​വേശം നടത്തു​ക​യും ചെയ്‌തേ​ക്കാം. 6 ഒരു മുന്തി​രി​ത്തോ​ട്ടം നട്ടുണ്ടാ​ക്കി​യിട്ട്‌ അതിന്റെ ഫലം അനുഭ​വി​ച്ചു​തു​ട​ങ്ങി​യി​ട്ടി​ല്ലാത്ത ആരെങ്കി​ലു​മു​ണ്ടോ? എങ്കിൽ അയാൾ വീട്ടി​ലേക്കു മടങ്ങി​പ്പോ​കട്ടെ. അല്ലാത്ത​പക്ഷം അയാൾ യുദ്ധത്തിൽ കൊല്ല​പ്പെ​ടു​ക​യും മറ്റൊ​രാൾ അതിന്റെ ഫലം അനുഭ​വി​ക്കു​ക​യും ചെയ്‌തേ​ക്കാം. 7 വിവാഹനിശ്ചയം കഴി​ഞ്ഞെ​ങ്കി​ലും വിവാ​ഹി​ത​നാ​കാത്ത ആരെങ്കി​ലു​മു​ണ്ടോ? എങ്കിൽ അയാൾ വീട്ടി​ലേക്കു മടങ്ങി​പ്പോ​കട്ടെ.+ അല്ലാത്ത​പക്ഷം അയാൾ യുദ്ധത്തിൽ കൊല്ല​പ്പെ​ടു​ക​യും മറ്റൊ​രാൾ ആ സ്‌ത്രീ​യെ വിവാഹം കഴിക്കു​ക​യും ചെയ്‌തേ​ക്കാം.’ 8 അധികാരികൾ ഇങ്ങനെ​യും ജനത്തോ​ടു പറയണം: ‘ഭീരു​വും ദുർബ​ല​ഹൃ​ദ​യ​നും ആയ ആരെങ്കി​ലും നിങ്ങൾക്കി​ട​യി​ലു​ണ്ടെ​ങ്കിൽ അയാൾ വീട്ടി​ലേക്കു മടങ്ങി​പ്പോ​കട്ടെ.+ അല്ലെങ്കിൽ, തന്റെ സഹോ​ദ​ര​ന്മാ​രു​ടെ ഹൃദയ​വും അയാൾ ദുർബ​ല​മാ​ക്കി​യേ​ക്കാം.’*+ 9 ജനത്തോടു സംസാ​രി​ച്ച​ശേഷം അവരെ നയിക്കാൻ അവർ സൈന്യാ​ധി​പ​ന്മാ​രെ നിയമി​ക്കണം.

10 “യുദ്ധം ചെയ്യാ​നാ​യി ഒരു നഗരത്തി​ന്‌ അടുത്ത്‌ എത്തു​മ്പോൾ നിങ്ങൾ ആദ്യം സമാധാ​ന​ത്തി​നുള്ള വ്യവസ്ഥകൾ അവരെ അറിയി​ക്കണം.+ 11 അവർ സമാധാ​ന​ത്തോ​ടെ നിങ്ങ​ളോ​ടു സംസാ​രി​ക്കു​ക​യും കവാടം തുറന്നു​ത​രു​ക​യും ചെയ്യു​ന്നെ​ങ്കിൽ അവി​ടെ​യുള്ള ജനങ്ങ​ളെ​ല്ലാം നിങ്ങൾക്ക്‌ അടിമ​ക​ളാ​യി​രി​ക്കും; അവർ നിങ്ങളെ സേവി​ക്കും.+ 12 എന്നാൽ അവർ നിങ്ങ​ളോ​ടു സമാധാ​ന​ത്തി​ലാ​യി​രി​ക്കാൻ വിസമ്മ​തി​ക്കു​ക​യും നിങ്ങൾക്കെ​തി​രെ യുദ്ധത്തി​നു വരുക​യും ചെയ്യു​ന്നെ​ങ്കിൽ നിങ്ങൾ ആ നഗരം ഉപരോ​ധി​ക്കണം. 13 നിങ്ങളുടെ ദൈവ​മായ യഹോവ അത്‌ ഉറപ്പാ​യും നിങ്ങളു​ടെ കൈയിൽ ഏൽപ്പി​ക്കും. അവി​ടെ​യുള്ള പുരു​ഷ​ന്മാ​രെ​യെ​ല്ലാം നിങ്ങൾ വാളു​കൊണ്ട്‌ കൊല്ലണം. 14 എന്നാൽ സ്‌ത്രീ​കൾ, കുട്ടികൾ, മൃഗങ്ങൾ എന്നിങ്ങനെ ആ നഗരത്തി​ലു​ള്ള​തെ​ല്ലാം, അവി​ടെ​യു​ള്ളതു മുഴു​വ​നും, നിങ്ങൾക്കു കൊള്ള​യ​ടി​ക്കാം.+ നിങ്ങളു​ടെ ദൈവ​മായ യഹോവ നിങ്ങൾക്കു നൽകിയ, നിങ്ങളു​ടെ ശത്രു​ക്ക​ളു​ടെ കൊള്ള​വ​സ്‌തു​ക്ക​ളെ​ല്ലാം നിങ്ങൾ അനുഭ​വി​ക്കും.+

15 “വിദൂ​ര​ത്തുള്ള എല്ലാ നഗരങ്ങ​ളോ​ടും നിങ്ങൾ ഇങ്ങനെ​യാ​ണു ചെയ്യേ​ണ്ടത്‌. എന്നാൽ നിങ്ങളു​ടെ അടുത്തുള്ള ഈ ജനതക​ളു​ടെ നഗരങ്ങ​ളിൽ, 16 നിങ്ങളുടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ഈ ജനങ്ങളു​ടെ നഗരങ്ങ​ളിൽ, ജീവശ്വാ​സ​മുള്ള ഒന്നി​നെ​യും നിങ്ങൾ ശേഷി​പ്പി​ക്ക​രുത്‌.+ 17 നിങ്ങളുടെ ദൈവ​മായ യഹോവ നിങ്ങ​ളോ​ടു കല്‌പി​ച്ച​തു​പോ​ലെ​തന്നെ ഹിത്യർ, അമോ​ര്യർ, കനാന്യർ, പെരി​സ്യർ, ഹിവ്യർ, യബൂസ്യർ+ എന്നിവരെ നിങ്ങൾ നിശ്ശേഷം നശിപ്പി​ച്ചു​ക​ള​യണം. 18 അല്ലാത്തപക്ഷം, അവരുടെ ദൈവ​ങ്ങൾക്കു​വേണ്ടി ചെയ്യുന്ന മ്ലേച്ഛമായ പ്രവൃ​ത്തി​ക​ളെ​ല്ലാം അനുക​രി​ക്കാൻ അവർ നിങ്ങളെ പഠിപ്പി​ക്കു​ക​യും അങ്ങനെ നിങ്ങൾ നിങ്ങളു​ടെ ദൈവ​മായ യഹോ​വ​യോ​ടു പാപം ചെയ്യാൻ ഇടവരു​ക​യും ചെയ്‌തേ​ക്കാം.+

19 “നിങ്ങൾ ഒരു നഗരം പിടി​ച്ച​ട​ക്കാൻ​വേണ്ടി അതിനെ ഉപരോ​ധി​ക്കു​ക​യും അതിന്‌ എതിരെ കുറെ ദിവസം പോരാ​ടേ​ണ്ടി​വ​രു​ക​യും ചെയ്യു​ന്നെ​ങ്കിൽ അവി​ടെ​യുള്ള വൃക്ഷങ്ങ​ളിൽ കോടാ​ലി വെക്കരു​ത്‌. അവയുടെ ഫലം നിങ്ങൾക്കു തിന്നാം; എന്നാൽ അവ വെട്ടി​ന​ശി​പ്പി​ക്ക​രുത്‌.+ അവിടത്തെ വൃക്ഷങ്ങളെ ഉപരോ​ധി​ക്കാൻ അവ എന്താ മനുഷ്യ​രാ​ണോ? 20 ഭക്ഷ്യയോഗ്യമല്ലെന്നു നിങ്ങൾക്ക്‌ അറിയാ​വു​ന്നവ മാത്രമേ നിങ്ങൾ വെട്ടി​യി​ടാ​വൂ. അവ വെട്ടി, നിങ്ങൾക്കെ​തി​രെ പോരാ​ടുന്ന ആ നഗരം തോൽക്കു​ന്ന​തു​വരെ അതിനു ചുറ്റും നിങ്ങൾക്ക്‌ ഉപരോ​ധ​നിര തീർക്കാം.

21 “നിങ്ങളു​ടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ദേശത്ത്‌ എവി​ടെ​യെ​ങ്കി​ലും ഒരാൾ മരിച്ചു​കി​ട​ക്കു​ന്ന​താ​യി കാണു​ന്നെന്നു കരുതുക. എന്നാൽ ആരാണ്‌ അയാളെ കൊന്ന​തെന്ന്‌ അറിയി​ല്ലെ​ങ്കിൽ 2 നിങ്ങളുടെ മൂപ്പന്മാ​രും ന്യായാധിപന്മാരും+ ചെന്ന്‌ ശവശരീ​ര​ത്തി​നു ചുറ്റു​മുള്ള നഗരങ്ങ​ളി​ലേ​ക്കുള്ള ദൂരം അളക്കണം. 3 ശവശരീരത്തിന്‌ ഏറ്റവും അടുത്തുള്ള നഗരത്തി​ലെ മൂപ്പന്മാർ കന്നുകാ​ലി​ക​ളിൽനിന്ന്‌, ഇതുവരെ പണി​യെ​ടു​പ്പി​ക്കു​ക​യോ നുകം വെക്കു​ക​യോ ചെയ്‌തി​ട്ടി​ല്ലാത്ത ഒരു പശുക്കി​ടാ​വി​നെ തിര​ഞ്ഞെ​ടു​ക്കണം. 4 അവർ ആ പശുക്കി​ടാ​വി​നെ ഉഴവും വിതയും നടത്തി​യി​ട്ടി​ല്ലാത്ത, നീരോ​ട്ട​മുള്ള ഒരു താഴ്‌വരയിലേക്കു* കൊണ്ടു​പോ​യി അവി​ടെ​വെച്ച്‌ അതിന്റെ കഴുത്ത്‌ ഒടിക്കണം.+

5 “തുടർന്ന്‌ ലേവ്യ​പു​രോ​ഹി​ത​ന്മാർ അടുത്ത്‌ വരണം. നിങ്ങളു​ടെ ദൈവ​മായ യഹോവ തനിക്കു ശുശ്രൂഷ ചെയ്യാനും+ തന്റെ നാമത്തിൽ അനു​ഗ്ര​ഹി​ക്കാ​നും തിര​ഞ്ഞെ​ടു​ത്തി​രി​ക്കു​ന്നത്‌ അവരെ​യാ​ണ​ല്ലോ.+ ദേഹോ​പ​ദ്രവം ഉൾപ്പെട്ട ഓരോ തർക്കവും എങ്ങനെ പരിഹ​രി​ക്ക​ണ​മെന്ന്‌ അവർ അറിയി​ക്കും.+ 6 പിന്നെ, ശവശരീ​ര​ത്തിന്‌ ഏറ്റവും അടുത്തുള്ള നഗരത്തി​ലെ മൂപ്പന്മാ​രെ​ല്ലാം താഴ്‌വ​ര​യിൽവെച്ച്‌ കഴുത്ത്‌ ഒടിച്ച പശുക്കി​ടാ​വി​ന്റെ മേൽ തങ്ങളുടെ കൈകൾ കഴുകണം.+ 7 എന്നിട്ട്‌ അവർ ഇങ്ങനെ പ്രഖ്യാ​പി​ക്കണം: ‘ഞങ്ങളുടെ കൈകൾ ഈ രക്തം ചൊരി​ഞ്ഞി​ട്ടില്ല, ഞങ്ങളുടെ കണ്ണ്‌ ഇതു കണ്ടിട്ടു​മില്ല. 8 യഹോവേ, അങ്ങ്‌ മോചി​പ്പിച്ച അങ്ങയുടെ ജനമായ ഇസ്രാ​യേ​ലിന്‌ എതിരെ ഇതു കണക്കി​ട​രു​തേ;+ നിരപ​രാ​ധി​യു​ടെ രക്തത്തിന്റെ കുറ്റം അങ്ങയുടെ ജനമായ ഇസ്രാ​യേ​ലി​ന്മേൽ ഇരിക്കാൻ അങ്ങ്‌ ഇടവരു​ത്ത​രു​തേ.’+ അപ്പോൾ, രക്തം ചൊരി​ഞ്ഞ​തി​ന്റെ കുറ്റം അവർക്കെ​തി​രെ കണക്കി​ടില്ല. 9 ഇങ്ങനെ, യഹോ​വ​യു​ടെ മുമ്പാകെ ശരിയാ​യതു ചെയ്‌തു​കൊണ്ട്‌ നിരപ​രാ​ധി​യു​ടെ രക്തം വീണതി​ന്റെ കുറ്റം നിങ്ങൾ നിങ്ങൾക്കി​ട​യിൽനിന്ന്‌ നീക്കി​ക്ക​ള​യണം.

10 “നീ ശത്രു​ക്കൾക്കെ​തി​രെ യുദ്ധത്തി​നു പോകു​മ്പോൾ നിന്റെ ദൈവ​മായ യഹോവ അവരെ തോൽപ്പി​ച്ച്‌ നിനക്കു വിജയം തരു​ന്നെ​ന്നി​രി​ക്കട്ടെ. നീ അവരെ ബന്ദിക​ളാ​യി പിടിക്കുമ്പോൾ+ 11 അവർക്കിടയിൽ സുന്ദരി​യായ ഒരു സ്‌ത്രീ​യെ കാണു​ക​യും നിനക്ക്‌ ആ സ്‌ത്രീ​യോട്‌ ഇഷ്ടം തോന്നി അവളെ ഭാര്യ​യാ​ക്കാൻ ആഗ്രഹി​ക്കു​ക​യും ചെയ്‌താൽ 12 നിനക്ക്‌ ആ സ്‌ത്രീ​യെ നിന്റെ വീട്ടി​ലേക്കു കൊണ്ടു​വ​രാം. അവൾ തല വടിക്കു​ക​യും നഖം വെട്ടു​ക​യും 13 പ്രവാസവസ്‌ത്രം* മാറു​ക​യും ചെയ്‌തി​ട്ട്‌ നിന്റെ വീട്ടിൽ താമസി​ക്കണം. ഒരു മാസം മുഴുവൻ ആ സ്‌ത്രീ തന്റെ മാതാ​പി​താ​ക്കളെ ഓർത്ത്‌ വിലപി​ക്കട്ടെ.+ അതിനു ശേഷം നിനക്ക്‌ ആ സ്‌ത്രീ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടാം. നീ അവളുടെ ഭർത്താ​വും അവൾ നിനക്കു ഭാര്യ​യും ആകും. 14 എന്നാൽ നിനക്ക്‌ ആ സ്‌ത്രീ​യെ ഇഷ്ടമല്ലാ​താ​യാൽ അവൾ ആഗ്രഹി​ക്കുന്ന സ്ഥലത്തേക്കു പോകാൻ നീ അനുവ​ദി​ക്കണം.+ അവളെ വിൽക്കു​ക​യോ അവളോ​ടു പരുഷ​മാ​യി പെരു​മാ​റു​ക​യോ അരുത്‌; നീ ആ സ്‌ത്രീ​യെ അപമാ​നി​ച്ചി​രി​ക്കു​ന്ന​ല്ലോ.

15 “രണ്ടു ഭാര്യ​മാ​രുള്ള ഒരാൾ അതിൽ ഒരുവളെ കൂടുതൽ സ്‌നേ​ഹി​ക്കു​ന്നെ​ന്നി​രി​ക്കട്ടെ.* രണ്ടു ഭാര്യ​മാ​രി​ലും അയാൾക്ക്‌ ആൺമക്കൾ ജനിക്കു​ന്നു. ആദ്യത്തെ മകൻ ജനിക്കു​ന്നതു പക്ഷേ, ഇഷ്ടം കുറവുള്ള ഭാര്യ​യി​ലാ​ണെന്നു കരുതുക.+ 16 അയാൾ മക്കൾക്ക്‌ അവകാശം കൊടു​ക്കു​മ്പോൾ അനിഷ്ട​യായ ഭാര്യ​യിൽ ഉണ്ടായ മൂത്ത മകനെ മാറ്റി​നി​റു​ത്തി​യിട്ട്‌ താൻ ഏറെ സ്‌നേ​ഹി​ക്കു​ന്ന​വ​ളു​ടെ മകനു മൂത്ത മകന്റെ അവകാശം കൊടു​ക്കാൻ പാടില്ല. 17 തനിക്കുള്ള എല്ലാത്തിൽനി​ന്നും ഇരട്ടി ഓഹരി കൊടു​ത്തു​കൊണ്ട്‌ അനിഷ്ട​യായ ഭാര്യ​യു​ടെ മകനെ അയാൾ മൂത്ത മകനായി അംഗീ​ക​രി​ക്കണം. ആ മകൻ അയാളു​ടെ പുനരു​ത്‌പാ​ദ​ന​പ്രാ​പ്‌തി​യു​ടെ ആദ്യഫ​ല​മാ​ണ​ല്ലോ. മൂത്ത മകന്റെ സ്ഥാനം ആ മകന്‌ അവകാ​ശ​പ്പെ​ട്ട​താണ്‌.+

18 “ശാഠ്യ​ക്കാ​ര​നും ധിക്കാ​രി​യും ആയ മകൻ അവന്റെ മാതാ​പി​താ​ക്കളെ അനുസ​രി​ക്കു​ന്നി​ല്ലെന്നു കരുതുക.+ അവർ തിരു​ത്താൻ ശ്രമി​ച്ചി​ട്ടും അവരെ അനുസരിക്കുന്നില്ലെങ്കിൽ+ 19 അപ്പനും അമ്മയും ആ മകനെ പിടിച്ച്‌ അവരുടെ നഗരക​വാ​ട​ത്തിൽ മൂപ്പന്മാ​രു​ടെ അടു​ത്തേക്കു കൊണ്ടു​വ​രണം. 20 അവർ ആ മൂപ്പന്മാ​രോട്‌ ഇങ്ങനെ പറയണം: ‘ഞങ്ങളുടെ ഈ മകൻ ശാഠ്യ​ക്കാ​ര​നും ധിക്കാ​രി​യും ആണ്‌; അവൻ ഞങ്ങളെ അനുസ​രി​ക്കു​ന്നില്ല. അവൻ ഒരു തീറ്റിഭ്രാന്തനും+ മുഴു​ക്കു​ടി​യ​നും ആണ്‌.’+ 21 അപ്പോൾ അവന്റെ നഗരത്തി​ലു​ള്ള​വ​രെ​ല്ലാം അവനെ കല്ലെറി​ഞ്ഞ്‌ കൊല്ലണം. അങ്ങനെ നിങ്ങൾ നിങ്ങൾക്കി​ട​യിൽനിന്ന്‌ തിന്മ നീക്കി​ക്ക​ള​യണം. ഇസ്രാ​യേ​ലെ​ല്ലാം അതു കേട്ട്‌ ഭയപ്പെ​ടും.+

22 “ഒരാൾ മരണശിക്ഷ അർഹി​ക്കുന്ന ഒരു പാപം ചെയ്‌തി​ട്ട്‌ നിങ്ങൾ അയാളെ കൊന്ന്‌+ സ്‌തം​ഭ​ത്തിൽ തൂക്കിയാൽ+ 23 അയാളുടെ ശവശരീ​രം രാത്രി മുഴുവൻ സ്‌തം​ഭ​ത്തിൽ കിടക്ക​രുത്‌.+ അന്നേ ദിവസം​തന്നെ നിങ്ങൾ അയാളെ അടക്കം ചെയ്യണം. കാരണം സ്‌തം​ഭ​ത്തിൽ തൂക്ക​പ്പെ​ടു​ന്നവൻ ദൈവ​ത്താൽ ശപിക്ക​പ്പെ​ട്ട​വ​നാണ്‌.+ നിങ്ങളു​ടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ദേശം നിങ്ങൾ അശുദ്ധ​മാ​ക്ക​രുത്‌.+

22 “സഹോ​ദ​രന്റെ കാളയോ ആടോ വഴി​തെറ്റി നടക്കു​ന്നതു കണ്ടാൽ നീ മനഃപൂർവം അതു കണ്ടി​ല്ലെന്നു നടിക്ക​രുത്‌.+ നീ അതിനെ നിന്റെ സഹോ​ദ​രന്റെ അടുത്ത്‌ എത്തിക്കണം. 2 എന്നാൽ സഹോ​ദരൻ താമസി​ക്കു​ന്നതു നിന്റെ അടുത്ത​ല്ലെ​ങ്കിൽ അഥവാ അതിന്റെ ഉടമസ്ഥൻ ആരാ​ണെന്നു നിനക്ക്‌ അറിയി​ല്ലെ​ങ്കിൽ നീ ആ മൃഗത്തെ നിന്റെ വീട്ടി​ലേക്കു കൊണ്ടു​പോ​യി സഹോ​ദരൻ തിരഞ്ഞു​വ​രു​ന്ന​തു​വരെ അതിനെ നിന്റെ അടുത്ത്‌ സൂക്ഷി​ക്കണം. പിന്നെ അതിനെ ഉടമസ്ഥനു തിരി​ച്ചു​കൊ​ടു​ക്കണം.+ 3 സഹോദരന്റെ കഴുത, വസ്‌ത്രം എന്നിങ്ങനെ സഹോ​ദ​രനു നഷ്ടപ്പെട്ട എന്തെങ്കി​ലും നിനക്കു കിട്ടി​യാൽ ഇങ്ങനെ​യാ​ണു നീ ചെയ്യേ​ണ്ടത്‌. നീ അതു കണ്ടി​ല്ലെന്നു നടിക്ക​രുത്‌.

4 “സഹോ​ദ​രന്റെ കഴുത​യോ കാളയോ വഴിയിൽ വീണു​കി​ട​ക്കു​ന്നതു കണ്ടാൽ നീ മനഃപൂർവം അതു കണ്ടി​ല്ലെന്നു നടിക്ക​രുത്‌. ആ മൃഗത്തെ എഴു​ന്നേൽപ്പി​ക്കാൻ നീ സഹോ​ദ​രനെ സഹായി​ക്കണം.+

5 “സ്‌ത്രീ പുരു​ഷ​ന്റെ​യോ പുരുഷൻ സ്‌ത്രീ​യു​ടെ​യോ വസ്‌ത്രം ധരിക്ക​രുത്‌. അങ്ങനെ ചെയ്യു​ന്ന​വരെ നിന്റെ ദൈവ​മായ യഹോ​വ​യ്‌ക്ക്‌ അറപ്പാണ്‌.

6 “കുഞ്ഞു​ങ്ങ​ളോ മുട്ടയോ ഉള്ള ഒരു പക്ഷിക്കൂ​ടു വഴിയ​രി​കിൽ കണ്ടാൽ, അതു നിലത്താ​കട്ടെ മരത്തി​ലാ​കട്ടെ, തള്ളപ്പക്ഷി കുഞ്ഞു​ങ്ങ​ളു​ടെ​യോ മുട്ടക​ളു​ടെ​യോ മേൽ ഇരിക്കു​ന്നു​ണ്ടെ​ങ്കിൽ കുഞ്ഞു​ങ്ങ​ളോ​ടു​കൂ​ടെ നീ തള്ളപ്പക്ഷി​യെ പിടി​ക്ക​രുത്‌.+ 7 തള്ളപ്പക്ഷിയെ നീ വിട്ടയ​യ്‌ക്കണം; എന്നാൽ കുഞ്ഞു​ങ്ങളെ നിനക്ക്‌ എടുക്കാം. അങ്ങനെ​യാ​യാൽ നിനക്ക്‌ അഭിവൃ​ദ്ധി ഉണ്ടാകു​ക​യും നീ ദീർഘ​കാ​ലം ജീവി​ച്ചി​രി​ക്കു​ക​യും ചെയ്യും.

8 “ഒരു പുതിയ വീടു പണിതാൽ നീ അതിനു മുകളിൽ കൈമ​തിൽ കെട്ടണം.+ അല്ലെങ്കിൽ ആരെങ്കി​ലും അതിന്റെ മുകളിൽനി​ന്ന്‌ വീഴു​ക​യും നീ നിന്റെ വീടിനു മേൽ, രക്തം ചൊരി​ഞ്ഞ​തി​ന്റെ കുറ്റം വരുത്തി​വെ​ക്കു​ക​യും ചെയ്യും.

9 “നിന്റെ മുന്തി​രി​ത്തോ​ട്ട​ത്തിൽ രണ്ടു തരം വിത്തു വിതയ്‌ക്ക​രുത്‌.+ അങ്ങനെ ചെയ്‌താൽ, നീ വിതച്ച വിത്തിന്റെ ഫലവും മുന്തി​രി​ത്തോ​ട്ട​ത്തി​ന്റെ ഫലവും വിശു​ദ്ധ​മ​ന്ദി​ര​ത്തി​ലേക്കു കണ്ടു​കെ​ട്ടും.

10 “കാള​യെ​യും കഴുത​യെ​യും ഒരുമി​ച്ച്‌ പൂട്ടി നിലം ഉഴരുത്‌.+

11 “കമ്പിളി​യും ലിനനും ഇടകലർത്തി ഉണ്ടാക്കിയ വസ്‌ത്രം നീ ധരിക്ക​രുത്‌.+

12 “നിന്റെ വസ്‌ത്ര​ത്തി​ന്റെ നാലു കോണി​ലും നീ പൊടി​പ്പ്‌ ഉണ്ടാക്കണം.+

13 “ഒരാൾ ഒരു പെൺകു​ട്ടി​യെ വിവാഹം കഴിച്ച്‌ അവളു​മാ​യി ബന്ധപ്പെ​ട്ട​ശേഷം അയാൾക്ക്‌ അവളോ​ട്‌ ഇഷ്ടക്കേടു തോന്നുന്നെന്നു* കരുതുക. 14 ‘ഞാൻ ഇവളെ സ്വീക​രി​ച്ചു. എന്നാൽ ഇവളു​മാ​യി ബന്ധപ്പെ​ട്ട​പ്പോൾ ഇവൾ കന്യക​യാണ്‌ എന്നതിന്റെ തെളിവ്‌ കണ്ടില്ല’ എന്നു പറഞ്ഞ്‌ അവളിൽ സ്വഭാ​വ​ദൂ​ഷ്യം ആരോ​പിച്ച്‌ അയാൾ അവളെ അപകീർത്തി​പ്പെ​ടു​ത്തി​യാൽ 15 പെൺകുട്ടിയുടെ മാതാ​പി​താ​ക്കൾ പെൺകു​ട്ടി കന്യക​യാ​യി​രു​ന്നു എന്നതിന്റെ തെളിവ്‌ നഗരക​വാ​ട​ത്തിൽ മൂപ്പന്മാ​രു​ടെ മുമ്പാകെ ഹാജരാ​ക്കണം. 16 പെൺകുട്ടിയുടെ അപ്പൻ മൂപ്പന്മാ​രോട്‌ ഇങ്ങനെ പറയണം: ‘ഞാൻ എന്റെ മകളെ ഇവനു ഭാര്യ​യാ​യി കൊടു​ത്തു. എന്നാൽ ഇവൻ എന്റെ മകളെ വെറുക്കുകയും* 17 “നിങ്ങളു​ടെ മകൾ കന്യക​യാണ്‌ എന്നതിന്റെ തെളിവ്‌ കണ്ടില്ല” എന്നു പറഞ്ഞ്‌ അവൾക്കു സ്വഭാ​വ​ദൂ​ഷ്യ​മു​ണ്ടെന്ന്‌ ആരോ​പി​ക്കു​ക​യും ചെയ്യുന്നു. എന്നാൽ ഇതാ, എന്റെ മകൾ കന്യക​യാ​യി​രു​ന്നു എന്നതിന്റെ തെളിവ്‌.’ എന്നിട്ട്‌ അവർ ആ തുണി നഗരത്തി​ലെ മൂപ്പന്മാ​രു​ടെ മുമ്പാകെ നിവർത്തി​ക്കാ​ണി​ക്കണം. 18 നഗരത്തിലെ മൂപ്പന്മാർ+ ആ പുരു​ഷനെ പിടിച്ച്‌ ശിക്ഷാ​ന​ട​പ​ടി​കൾക്കു വിധേ​യ​നാ​ക്കണം.+ 19 അവർ അയാളിൽനി​ന്ന്‌ പിഴയാ​യി 100 ശേക്കെൽ* വെള്ളി ഈടാക്കി പെൺകു​ട്ടി​യു​ടെ അപ്പനു കൊടു​ക്കണം. ആ പുരുഷൻ ഇസ്രാ​യേ​ലി​ലെ ഒരു കന്യകയെ അപകീർത്തി​പ്പെ​ടു​ത്തി​യ​ല്ലോ.+ ആ പെൺകു​ട്ടി തുടർന്നും അയാളു​ടെ ഭാര്യ​യാ​യി​രി​ക്കും. ആയുഷ്‌കാ​ലത്ത്‌ ഒരിക്ക​ലും അവളു​മാ​യുള്ള ബന്ധം വേർപെ​ടു​ത്താൻ അയാൾക്ക്‌ അനുവാ​ദ​മു​ണ്ടാ​യി​രി​ക്കില്ല.

20 “എന്നാൽ ആ ആരോ​പണം സത്യമാ​ണെ​ങ്കിൽ, പെൺകു​ട്ടി കന്യക​യാ​യി​രു​ന്നു എന്നതിനു തെളി​വി​ല്ലെ​ങ്കിൽ, 21 അവർ പെൺകു​ട്ടി​യെ അവളുടെ അപ്പന്റെ വീട്ടു​വാ​തിൽക്കൽ കൊണ്ടു​വ​രണം. എന്നിട്ട്‌ ആ നഗരത്തി​ലെ ആളുകൾ അവളെ കല്ലെറി​ഞ്ഞ്‌ കൊല്ലണം. തന്റെ അപ്പന്റെ വീട്ടിൽവെച്ച്‌ അധാർമികപ്രവൃത്തി* ചെയ്‌തുകൊണ്ട്‌+ അവൾ ഇസ്രാ​യേ​ലിൽ വഷളത്തം പ്രവർത്തി​ച്ചി​രി​ക്കു​ന്നു.+ അങ്ങനെ നിങ്ങൾ നിങ്ങൾക്കി​ട​യിൽനിന്ന്‌ തിന്മ നീക്കി​ക്ക​ള​യണം.+

22 “ഒരാൾ മറ്റൊ​രാ​ളു​ടെ ഭാര്യ​യോ​ടു​കൂ​ടെ കിടക്കു​ന്നതു കണ്ടാൽ ഇരുവ​രെ​യും, ആ സ്‌ത്രീ​യെ​യും ഒപ്പം കിടന്ന പുരു​ഷ​നെ​യും, നിങ്ങൾ കൊല്ലണം.+ അങ്ങനെ നിങ്ങൾ ഇസ്രാ​യേ​ലിൽനിന്ന്‌ തിന്മ നീക്കി​ക്ക​ള​യണം.

23 “വിവാ​ഹ​നി​ശ്ചയം കഴിഞ്ഞ ഒരു കന്യകയെ മറ്റൊരു പുരുഷൻ നഗരത്തിൽവെച്ച്‌ കാണു​ക​യും ആ സ്‌ത്രീ​യു​മാ​യി ശാരീ​രി​ക​ബ​ന്ധ​ത്തിൽ ഏർപ്പെ​ടു​ക​യും ചെയ്‌താൽ 24 ഇരുവരെയും നിങ്ങൾ നഗരക​വാ​ട​ത്തിൽ കൊണ്ടു​വ​രണം. നഗരത്തി​ലാ​യി​രു​ന്നെ​ങ്കി​ലും നിലവി​ളി​ക്കാ​തി​രു​ന്ന​തു​കൊണ്ട്‌ സ്‌ത്രീ​യെ​യും സഹമനു​ഷ്യ​ന്റെ ഭാര്യയെ അപമാ​നി​ച്ച​തു​കൊണ്ട്‌ ആ പുരു​ഷ​നെ​യും നിങ്ങൾ കല്ലെറി​ഞ്ഞ്‌ കൊല്ലണം.+ അങ്ങനെ നിങ്ങൾ നിങ്ങൾക്കി​ട​യിൽനിന്ന്‌ തിന്മ നീക്കി​ക്ക​ള​യണം.

25 “എന്നാൽ ആ പുരുഷൻ വിവാ​ഹ​നി​ശ്ചയം കഴിഞ്ഞ പെൺകു​ട്ടി​യെ വയലിൽവെച്ച്‌ കണ്ടുമു​ട്ടു​ക​യും ബലം പ്രയോ​ഗിച്ച്‌ പെൺകു​ട്ടി​യു​മാ​യി ബന്ധപ്പെ​ടു​ക​യും ചെയ്‌താൽ അവളു​മാ​യി ബന്ധപ്പെട്ട പുരു​ഷനെ മാത്രം നിങ്ങൾ കൊല്ലണം. 26 പെൺകുട്ടിയെ ഒന്നും ചെയ്യരു​ത്‌. മരണശിക്ഷ അർഹി​ക്കുന്ന ഒരു പാപവും പെൺകു​ട്ടി ചെയ്‌തി​ട്ടില്ല. ഒരാൾ സഹമനു​ഷ്യ​നെ ആക്രമി​ച്ച്‌ കൊല​പ്പെ​ടു​ത്തു​ന്ന​തു​പോ​ലുള്ള ഒരു സാഹച​ര്യ​മാണ്‌ ഇത്‌.+ 27 കാരണം വയലിൽവെ​ച്ചാണ്‌ അയാൾ പെൺകു​ട്ടി​യെ കണ്ടത്‌; ആ പെൺകു​ട്ടി അലമു​റ​യി​ട്ടെ​ങ്കി​ലും അവളെ രക്ഷിക്കാൻ അടു​ത്തെ​ങ്ങും ആരുമു​ണ്ടാ​യി​രു​ന്നില്ല.

28 “ഒരു പുരുഷൻ വിവാ​ഹ​നി​ശ്ചയം കഴിയാത്ത ഒരു കന്യകയെ കണ്ട്‌ അവളെ കടന്നു​പി​ടിച്ച്‌ അവളു​മാ​യി ശാരീ​രി​ക​ബ​ന്ധ​ത്തിൽ ഏർപ്പെ​ടു​ക​യും അവർ പിടി​ക്ക​പ്പെ​ടു​ക​യും ചെയ്‌താൽ+ 29 അവളോടൊപ്പം കിടന്ന ആ പുരുഷൻ പെൺകു​ട്ടി​യു​ടെ അപ്പന്‌ 50 ശേക്കെൽ വെള്ളി കൊടു​ക്കണം. അയാൾ ആ പെൺകു​ട്ടി​യെ ഭാര്യ​യാ​യി സ്വീക​രി​ക്കു​ക​യും വേണം.+ കാരണം അയാൾ അവളെ അപമാ​നി​ച്ചി​രി​ക്കു​ന്നു. ആയുഷ്‌കാ​ലത്ത്‌ ഒരിക്ക​ലും അയാൾ ആ സ്‌ത്രീ​യു​മാ​യുള്ള ബന്ധം വേർപെ​ടു​ത്താൻ പാടില്ല.

30 “അപ്പന്റെ ഭാര്യയെ വിവാഹം കഴിച്ച്‌ ആരും അപ്പനെ അപമാ​നി​ക്ക​രുത്‌.*+

23 “ലിംഗം മുറി​ച്ചു​കളഞ്ഞ ഒരാളോ വൃഷണം ഉടച്ച ഒരു ഷണ്ഡനോ* യഹോ​വ​യു​ടെ സഭയിൽ വരരുത്‌.+

2 “അവിഹി​ത​ബ​ന്ധ​ത്തിൽ ജനിച്ച ആരും യഹോ​വ​യു​ടെ സഭയിൽ വരരുത്‌.+ അയാളു​ടെ പിൻത​ല​മു​റ​ക്കാർ ആരും, പത്താം തലമു​റ​പോ​ലും, യഹോ​വ​യു​ടെ സഭയിൽ വരരുത്‌.

3 “ഒരു അമ്മോ​ന്യ​നോ മോവാ​ബ്യ​നോ യഹോ​വ​യു​ടെ സഭയിൽ വരരുത്‌.+ അവരുടെ വംശജർ ആരും, പത്താം തലമു​റ​പോ​ലും, ഒരിക്ക​ലും യഹോ​വ​യു​ടെ സഭയിൽ വരരുത്‌. 4 കാരണം നിങ്ങൾ ഈജി​പ്‌തിൽനിന്ന്‌ പുറ​പ്പെ​ട്ടു​വ​രുന്ന വഴിക്ക്‌ ആഹാര​വും വെള്ളവും തന്ന്‌ അവർ നിങ്ങളെ സഹായി​ച്ചില്ല.+ മാത്രമല്ല, നിങ്ങളെ ശപിക്കു​ന്ന​തി​നു​വേണ്ടി മെസൊ​പ്പൊ​ത്താ​മ്യ​യി​ലെ പെഥോ​രി​ലുള്ള ബയോ​രി​ന്റെ മകനായ ബിലെ​യാ​മി​നെ അവർ കൂലി​ക്കെ​ടു​ക്കു​ക​യും ചെയ്‌തു.+ 5 എന്നാൽ ബിലെ​യാ​മി​നു ചെവി കൊടു​ക്കാൻ നിങ്ങളു​ടെ ദൈവ​മായ യഹോവ ഒരുക്ക​മാ​യി​രു​ന്നില്ല.+ നിങ്ങളു​ടെ ദൈവ​മായ യഹോവ നിങ്ങളെ സ്‌നേഹിച്ചതുകൊണ്ട്‌+ ആ ശാപം യഹോവ ഒരു അനു​ഗ്ര​ഹ​മാ​ക്കി മാറ്റി.+ 6 ആയുഷ്‌കാലത്ത്‌ ഒരിക്ക​ലും നിങ്ങൾ അവരുടെ ക്ഷേമത്തി​നോ അഭിവൃ​ദ്ധി​ക്കോ വേണ്ടി പ്രവർത്തി​ക്ക​രുത്‌.+

7 “ഏദോ​മ്യ​നെ നീ വെറു​ക്ക​രുത്‌; അയാൾ നിന്റെ സഹോ​ദ​ര​ന​ല്ലോ.+

“ഈജി​പ്‌തു​കാ​ര​നെ​യും നീ വെറു​ക്ക​രുത്‌; നീ അയാളു​ടെ ദേശത്ത്‌ ഒരു വിദേ​ശി​യാ​യി താമസി​ച്ച​താ​ണ​ല്ലോ.+ 8 അവരുടെ മൂന്നാം തലമു​റ​യി​ലെ മക്കൾക്ക്‌ യഹോ​വ​യു​ടെ സഭയിൽ പ്രവേ​ശി​ക്കാം.

9 “ശത്രു​ക്കൾക്കെ​തി​രെ പാളയ​മി​റ​ങ്ങു​മ്പോൾ എല്ലാ തരം അശുദ്ധി​യും നിങ്ങൾ ഒഴിവാ​ക്കണം.+ 10 നിശാസ്‌ഖലനത്താൽ ഒരാൾ അശുദ്ധ​നാ​യാൽ അയാൾ പാളയ​ത്തി​നു പുറത്ത്‌ പോകണം;+ അയാൾ തിരി​ച്ചു​വ​ര​രുത്‌. 11 വൈകുന്നേരം അയാൾ കുളി​ക്കണം. സൂര്യാ​സ്‌ത​മ​യ​ത്തോ​ടെ അയാൾക്കു പാളയ​ത്തി​ലേക്കു തിരി​ച്ചു​വ​രാം.+ 12 വിസർജനത്തിനായി* പാളയ​ത്തി​നു പുറത്ത്‌ നിങ്ങൾ ഒരു സ്ഥലം വേർതി​രി​ക്കണം; അവി​ടെ​യാ​ണു നിങ്ങൾ പോ​കേ​ണ്ടത്‌. 13 നിങ്ങളുടെ ഉപകര​ണ​ങ്ങ​ളു​ടെ കൂട്ടത്തിൽ ഒരു പാരയു​മു​ണ്ടാ​യി​രി​ക്കണം. നിങ്ങൾ വിസർജ​ന​ത്തിന്‌ പോകു​മ്പോൾ ഒരു കുഴി കുത്തി വിസർജ്യം മണ്ണിട്ട്‌ മൂടണം. 14 കാരണം നിങ്ങളെ വിടു​വി​ക്കാ​നും നിങ്ങളു​ടെ ശത്രു​ക്കളെ നിങ്ങളു​ടെ കൈയിൽ ഏൽപ്പി​ക്കാ​നും വേണ്ടി നിങ്ങളു​ടെ ദൈവ​മായ യഹോവ നിങ്ങളു​ടെ പാളയ​ത്തി​നു മധ്യേ നടക്കു​ന്നുണ്ട്‌.+ ദൈവം നിങ്ങൾക്കി​ട​യിൽ മാന്യ​ത​യി​ല്ലാത്ത എന്തെങ്കി​ലും കണ്ടാൽ നിങ്ങളെ വിട്ട്‌ പോകും. അതു​കൊണ്ട്‌ നിങ്ങളു​ടെ പാളയം വിശു​ദ്ധ​മാ​യി​രി​ക്കണം.+

15 “യജമാ​നന്റെ അടുത്തു​നിന്ന്‌ രക്ഷപ്പെട്ട്‌ നിന്റെ അടു​ത്തേക്കു വരുന്ന ഒരു അടിമയെ നീ അയാളു​ടെ യജമാ​നനു കൈമാ​റ​രുത്‌. 16 നിങ്ങളുടെ ഒരു നഗരത്തിൽ ഇഷ്ടമുള്ള ഒരു സ്ഥലത്ത്‌ അയാൾ താമസി​ക്കട്ടെ. നീ അയാളെ ദ്രോ​ഹി​ക്ക​രുത്‌.+

17 “ഇസ്രാ​യേൽപു​ത്രി​മാർ ആരും ക്ഷേത്ര​വേ​ശ്യ​യാ​ക​രുത്‌.+ ഇസ്രാ​യേൽപു​ത്ര​ന്മാ​രും ക്ഷേത്ര​വേ​ശ്യ​യാ​കാൻ പാടില്ല.+ 18 ഒരു വേശ്യാ​സ്‌ത്രീ​യു​ടെ കൂലി​യോ വേശ്യാ​വൃ​ത്തി ചെയ്‌തു​പോ​രുന്ന ഒരു പുരുഷന്റെ* കൂലി​യോ നേർച്ച നിറ​വേ​റ്റാ​നാ​യി നിങ്ങളു​ടെ ദൈവ​മായ യഹോ​വ​യു​ടെ ഭവനത്തി​ലേക്കു നിങ്ങൾ കൊണ്ടു​വ​ര​രുത്‌. അവ രണ്ടും നിങ്ങളു​ടെ ദൈവ​മായ യഹോ​വ​യ്‌ക്ക്‌ അറപ്പാണ്‌.

19 “നിന്റെ സഹോ​ദ​ര​നിൽനിന്ന്‌ നീ പലിശ ഈടാ​ക്ക​രുത്‌.+ പണമാ​കട്ടെ ഭക്ഷണമാ​കട്ടെ പലിശ ഈടാ​ക്കാ​വുന്ന മറ്റ്‌ എന്തെങ്കി​ലു​മാ​കട്ടെ അവയ്‌ക്കൊ​ന്നി​നും നീ നിന്റെ സഹോ​ദ​ര​നോ​ടു പലിശ വാങ്ങരു​ത്‌. 20 ഒരു അന്യ​ദേ​ശ​ക്കാ​ര​നോ​ടു നിനക്കു പലിശ വാങ്ങാം.+ എന്നാൽ, നീ അവകാ​ശ​മാ​ക്കാൻപോ​കുന്ന ദേശത്ത്‌ നിന്റെ ദൈവ​മായ യഹോവ നിന്റെ എല്ലാ പ്രയത്‌ന​ങ്ങ​ളെ​യും അനുഗ്രഹിക്കണമെങ്കിൽ+ നിന്റെ സഹോ​ദ​ര​നിൽനിന്ന്‌ നീ പലിശ വാങ്ങരു​ത്‌.+

21 “നീ നിന്റെ ദൈവ​മായ യഹോ​വ​യ്‌ക്ക്‌ ഒരു നേർച്ച നേർന്നാൽ+ അതു നിറ​വേ​റ്റാൻ താമസി​ക്ക​രുത്‌.+ നിന്റെ ദൈവ​മായ യഹോവ അതു നിന്നിൽനി​ന്ന്‌ പ്രതീ​ക്ഷി​ക്കു​ക​തന്നെ ചെയ്യും. അങ്ങനെ അതു നിനക്ക്‌ ഒരു പാപമാ​യി​ത്തീ​രും.+ 22 എന്നാൽ നേർച്ച നേരാ​തി​രി​ക്കു​ന്നതു പാപമാ​യി കണക്കാ​ക്കില്ല.+ 23 നിന്റെ വായിൽനി​ന്ന്‌ വരുന്ന വാക്കു​പോ​ലെ​തന്നെ നീ ചെയ്യണം.+ സ്വമന​സ്സാ​ലെ​യുള്ള നേർച്ച​യാ​യി നിന്റെ ദൈവ​മായ യഹോ​വ​യ്‌ക്കു വായ്‌കൊ​ണ്ട്‌ നേരു​ന്ന​തെ​ല്ലാം നീ നിറ​വേ​റ്റണം.+

24 “നീ അയൽക്കാ​രന്റെ മുന്തി​രി​ത്തോ​ട്ട​ത്തിൽ കയറി​യാൽ വിശപ്പ​ട​ങ്ങും​വരെ നിനക്കു മുന്തിരി തിന്നാം; എന്നാൽ അതിൽ അൽപ്പം​പോ​ലും കൂടയിൽ ശേഖരി​ക്ക​രുത്‌.+

25 “അയൽക്കാ​രന്റെ വിളഞ്ഞു​നിൽക്കുന്ന വയലിൽ ചെല്ലു​മ്പോൾ നിനക്കു കൈ​കൊണ്ട്‌ കതിർ പറിക്കാം. എന്നാൽ അയാളു​ടെ ധാന്യ​ത്തി​ന്മേൽ നീ അരിവാൾ വെക്കരു​ത്‌.+

24 “ഒരാൾ ഒരു സ്‌ത്രീ​യെ വിവാഹം കഴിച്ച​ശേഷം ആ സ്‌ത്രീ​യിൽ ഉചിത​മ​ല്ലാത്ത എന്തെങ്കി​ലും കണ്ട്‌ അവളോ​ട്‌ അനിഷ്ടം തോന്നി​യാൽ അയാൾ ഒരു മോച​ന​പ​ത്രം എഴുതി+ കൈയിൽ കൊടു​ത്ത്‌ അവളെ വീട്ടിൽനി​ന്ന്‌ പറഞ്ഞയ​യ്‌ക്കണം.+ 2 അയാളുടെ വീട്ടിൽനി​ന്ന്‌ പോന്ന​ശേഷം ആ സ്‌ത്രീ​ക്കു മറ്റൊ​രാ​ളു​ടെ ഭാര്യ​യാ​കാം.+ 3 രണ്ടാമത്തെ പുരു​ഷ​നും ആ സ്‌ത്രീ​യെ വെറുത്തിട്ട്‌* ഒരു മോച​ന​പ​ത്രം എഴുതി കൈയിൽ കൊടു​ത്ത്‌ വീട്ടിൽനി​ന്ന്‌ പറഞ്ഞയ​യ്‌ക്കു​ക​യോ, അല്ലെങ്കിൽ രണ്ടാമതു വിവാഹം കഴിച്ച പുരുഷൻ മരിച്ചു​പോ​കു​ക​യോ ചെയ്‌താൽ 4 അവളെ ഉപേക്ഷിച്ച ആദ്യഭർത്താ​വ്‌, അശുദ്ധ​യായ അവളെ വീണ്ടും ഭാര്യ​യാ​യി സ്വീക​രി​ക്കാൻ പാടില്ല. അത്‌ യഹോ​വ​യ്‌ക്ക്‌ അറപ്പാണ്‌. നിങ്ങളു​ടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ദേശത്തി​ന്മേൽ നിങ്ങൾ പാപം വരുത്തി​വെ​ക്ക​രുത്‌.

5 “വിവാഹം കഴിഞ്ഞ ഉടനെ ഒരു പുരുഷൻ സൈന്യ​ത്തിൽ സേവി​ക്ക​രുത്‌; അയാളെ മറ്റ്‌ ഉത്തരവാ​ദി​ത്വ​ങ്ങ​ളും ഏൽപ്പി​ക്ക​രുത്‌. ഒരു വർഷ​ത്തേക്ക്‌ അയാൾ അവയിൽനി​ന്നെ​ല്ലാം ഒഴിഞ്ഞു​നിന്ന്‌ വീട്ടിൽ താമസി​ച്ച്‌ ഭാര്യയെ സന്തോ​ഷി​പ്പി​ക്കണം.+

6 “ഒരാളു​ടെ തിരി​ക​ല്ലോ അതിന്റെ മേൽക്ക​ല്ലോ ആരും പണയമാ​യി വാങ്ങരു​ത്‌.+ അങ്ങനെ ചെയ്യു​ന്ന​യാൾ അയാളു​ടെ ഉപജീവനമാർഗമാണു* പണയമാ​യി വാങ്ങു​ന്നത്‌.

7 “ഒരാൾ തന്റെ ഇസ്രാ​യേ​ല്യ​സ​ഹോ​ദ​ര​ന്മാ​രിൽ ഒരാളെ തട്ടി​ക്കൊ​ണ്ടു​പോ​കു​ക​യും ക്രൂര​മാ​യി പെരു​മാ​റി ആ സഹോ​ദ​രനെ വിൽക്കു​ക​യും ചെയ്‌താൽ+ അയാളെ നിങ്ങൾ കൊന്നു​ക​ള​യണം.+ നിങ്ങൾ നിങ്ങൾക്കി​ട​യിൽനിന്ന്‌ തിന്മ നീക്കി​ക്ക​ള​യണം.+

8 “കുഷ്‌ഠരോഗബാധ* ഉണ്ടായാൽ ലേവ്യ​പു​രോ​ഹി​ത​ന്മാർ നൽകുന്ന നിർദേ​ശ​ങ്ങ​ളെ​ല്ലാം നിങ്ങൾ ശ്രദ്ധാ​പൂർവം പാലി​ക്കണം.+ ഞാൻ അവരോ​ടു കല്‌പി​ച്ച​തു​പോ​ലെ​തന്നെ ചെയ്യാൻ പ്രത്യേ​കം ശ്രദ്ധി​ക്കുക. 9 നിങ്ങൾ ഈജി​പ്‌തിൽനിന്ന്‌ പുറ​പ്പെ​ട്ടു​പോന്ന വഴിക്കു നിങ്ങളു​ടെ ദൈവ​മായ യഹോവ മിര്യാ​മി​നോ​ടു ചെയ്‌തത്‌ എന്താ​ണെന്ന്‌ ഓർക്കുക.+

10 “അയൽക്കാ​രന്‌ എന്തെങ്കി​ലും വായ്‌പ കൊടുക്കുമ്പോൾ+ അയാൾ തരാ​മെന്നു പറഞ്ഞ പണയവ​സ്‌തു വാങ്ങാൻ നീ അയാളു​ടെ വീടിന്‌ അകത്തേക്കു കയറി​ച്ചെ​ല്ല​രുത്‌. 11 വായ്‌പ വാങ്ങി​യവൻ പണയവ​സ്‌തു കൊണ്ടു​വന്ന്‌ തരുന്ന​തു​വരെ നീ പുറത്ത്‌ നിൽക്കണം. 12 എന്നാൽ അയാൾ ബുദ്ധി​മു​ട്ടി​ലാ​ണെ​ങ്കിൽ അയാളു​ടെ പണയവ​സ്‌തു കൈവശം വെച്ചു​കൊണ്ട്‌ നീ ഉറങ്ങാൻപോ​ക​രുത്‌.+ 13 സൂര്യൻ അസ്‌ത​മി​ക്കു​മ്പോ​ഴേ​ക്കും നീ ആ പണയവ​സ്‌തു അയാൾക്കു തിരികെ കൊടു​ത്തി​രി​ക്കണം; അയാൾ തന്റെ വസ്‌ത്ര​വു​മാ​യി കിടന്നു​റ​ങ്ങട്ടെ.+ അപ്പോൾ അയാൾ നിന്നെ അനു​ഗ്ര​ഹി​ക്കും. അതു നിന്റെ ദൈവ​മായ യഹോ​വ​യു​ടെ മുമ്പാകെ നിനക്കു നീതി​യാ​യി കണക്കി​ടും.

14 “നിന്റെ നഗരത്തി​ലുള്ള,* ദാരി​ദ്ര്യ​വും ബുദ്ധി​മു​ട്ടും അനുഭ​വി​ക്കുന്ന ഒരു കൂലി​ക്കാ​രനെ, അയാൾ നിന്റെ സഹോ​ദ​ര​നോ നിന്റെ ദേശത്ത്‌ വന്നുതാ​മ​സി​ക്കുന്ന വിദേ​ശി​യോ ആകട്ടെ, നീ ചതിക്ക​രുത്‌.+ 15 അതാതു ദിവസം സൂര്യൻ അസ്‌ത​മി​ക്കു​ന്ന​തി​നു മുമ്പ്‌ നീ അയാളു​ടെ കൂലി കൊടു​ക്കണം.+ അയാൾ ബുദ്ധി​മുട്ട്‌ അനുഭ​വി​ക്കു​ന്ന​വ​നും തനിക്കു കിട്ടുന്ന കൂലി​കൊണ്ട്‌ നിത്യ​വൃ​ത്തി കഴിക്കു​ന്ന​വ​നും ആണല്ലോ. മറിച്ചാ​യാൽ, അയാൾ നിനക്ക്‌ എതിരെ യഹോ​വ​യോ​ടു നിലവി​ളി​ക്കു​ക​യും അതു നിനക്കു പാപമാ​യി​ത്തീ​രു​ക​യും ചെയ്യും.+

16 “മക്കളുടെ പ്രവൃ​ത്തി​കൾക്കു പിതാ​ക്ക​ന്മാ​രും പിതാ​ക്ക​ന്മാ​രു​ടെ പ്രവൃ​ത്തി​കൾക്കു മക്കളും മരണശിക്ഷ അനുഭ​വി​ക്ക​രുത്‌.+ ഓരോ​രു​ത്ത​നും ചെയ്‌ത പാപത്തി​ന്‌ അവനവൻതന്നെ മരണശിക്ഷ അനുഭ​വി​ക്കണം.+

17 “നീ നിങ്ങൾക്കി​ട​യിൽ വന്നുതാ​മ​സി​ക്കുന്ന വിദേ​ശി​യു​ടെ​യും അനാഥന്റെയും* നീതി നിഷേ​ധി​ക്ക​രുത്‌;+ ഒരു വിധവ​യു​ടെ വസ്‌ത്രം പണയമാ​യി വാങ്ങു​ക​യു​മ​രുത്‌.+ 18 നീ ഈജി​പ്‌തിൽ അടിമ​യാ​യി​രു​ന്നെ​ന്നും നിന്റെ ദൈവ​മായ യഹോവ നിന്നെ അവി​ടെ​നിന്ന്‌ മോചി​പ്പി​ച്ച​താ​ണെ​ന്നും ഓർക്കണം.+ അതു​കൊ​ണ്ടാണ്‌ ഇങ്ങനെ ചെയ്യാൻ ഞാൻ നിന്നോ​ടു കല്‌പി​ക്കു​ന്നത്‌.

19 “നിന്റെ വയലിലെ വിള​വെ​ടു​ക്കു​മ്പോൾ ഒരു കറ്റ അവിടെ മറന്നു​വെ​ച്ചാൽ അത്‌ എടുക്കാൻ നീ തിരി​ച്ചു​പോ​ക​രുത്‌. അതു നിന്റെ ദേശത്ത്‌ വന്നുതാ​മ​സി​ക്കുന്ന വിദേ​ശി​ക്കും അനാഥ​നും വിധവ​യ്‌ക്കും വേണ്ടി വിട്ടേ​ക്കുക.+ അപ്പോൾ നിന്റെ ദൈവ​മായ യഹോവ നിന്റെ പ്രവൃ​ത്തി​ക​ളെ​യൊ​ക്കെ അനു​ഗ്ര​ഹി​ക്കും.+

20 “നീ നിന്റെ ഒലിവ്‌ മരം തല്ലി വിള​വെ​ടു​ക്കു​മ്പോൾ അവയുടെ ഓരോ കൊമ്പി​ലും വീണ്ടും​വീ​ണ്ടും തല്ലരുത്‌. അതിൽ ശേഷി​ക്കു​ന്നതു നിന്റെ ദേശത്ത്‌ വന്നുതാ​മ​സി​ക്കുന്ന വിദേ​ശി​ക്കും അനാഥ​നും വിധവ​യ്‌ക്കും ഉള്ളതാണ്‌.+

21 “നിന്റെ മുന്തി​രി​ത്തോ​ട്ട​ത്തി​ലെ വിള​വെ​ടു​ക്കു​മ്പോൾ, ശേഷിച്ചവ ശേഖരി​ക്കാൻ നീ തിരികെ പോക​രുത്‌. നിന്റെ ദേശത്ത്‌ വന്നുതാ​മ​സി​ക്കുന്ന വിദേ​ശി​ക്കും അനാഥ​നും വിധവ​യ്‌ക്കും ആയി നീ അവ വിട്ടേ​ക്കണം. 22 നീ ഈജി​പ്‌ത്‌ ദേശത്ത്‌ അടിമ​യാ​യി​രു​ന്നെന്ന്‌ ഓർക്കണം. അതു​കൊ​ണ്ടാണ്‌ ഇങ്ങനെ ചെയ്യാൻ ഞാൻ നിന്നോ​ടു കല്‌പി​ക്കു​ന്നത്‌.

25 “രണ്ടു പേർ തമ്മിൽ തർക്കം ഉണ്ടായി​ട്ട്‌ അവർ ന്യായാ​ധി​പ​ന്മാ​രു​ടെ മുമ്പാകെ ഹാജരാകുമ്പോൾ+ ന്യായാ​ധി​പ​ന്മാർ അവർക്കു മധ്യേ വിധി കല്‌പി​ച്ച്‌ നീതി​മാ​നെ നിരപ​രാ​ധി എന്നും ദുഷ്ടനെ കുറ്റക്കാ​രൻ എന്നും വിധി​ക്കണം.+ 2 ദുഷ്ടൻ അടിക്ക്‌ അർഹമാ​യത്‌ എന്തെങ്കി​ലും ചെയ്‌തിട്ടുണ്ടെങ്കിൽ+ ന്യായാ​ധി​പൻ അയാളെ നിലത്ത്‌ കമിഴ്‌ത്തി​ക്കി​ടത്തി താൻ കാൺകെ അയാളെ അടിപ്പി​ക്കണം. അയാളു​ടെ ദുഷ്‌ചെ​യ്‌തി​യു​ടെ കാഠി​ന്യ​മ​നു​സ​രി​ച്ചാണ്‌ എത്ര അടി കൊടു​ക്ക​ണ​മെന്നു നിശ്ചയി​ക്കേ​ണ്ടത്‌. 3 അയാളെ 40 അടിവരെ അടിക്കാം;+ അതിൽ കൂടു​ത​ലാ​ക​രുത്‌. അതിൽ കൂടുതൽ അടിച്ചാൽ നിന്റെ സഹോ​ദരൻ നിന്റെ മുന്നിൽ അപമാ​നി​ത​നാ​യി​ത്തീ​രും.

4 “ധാന്യം മെതി​ച്ചു​കൊ​ണ്ടി​രി​ക്കുന്ന കാളയു​ടെ വായ്‌ മൂടി​ക്കെ​ട്ട​രുത്‌.+

5 “സഹോ​ദ​ര​ന്മാർ ഒരുമി​ച്ച്‌ താമസി​ക്കു​മ്പോൾ അവരിൽ ഒരാൾ മകനി​ല്ലാ​തെ മരിച്ചു​പോ​യാൽ മരിച്ച​വന്റെ ഭാര്യ ആ കുടും​ബ​ത്തി​നു പുറത്തു​നിന്ന്‌ വിവാഹം കഴിക്ക​രുത്‌. ആ സ്‌ത്രീ​യു​ടെ ഭർത്താ​വി​ന്റെ സഹോ​ദരൻ അവളുടെ അടുത്ത്‌ ചെന്ന്‌ അവളെ വിവാഹം കഴിച്ച്‌ ഭർത്തൃസഹോദരധർമം* അനുഷ്‌ഠി​ക്കണം.+ 6 ആ സ്‌ത്രീ​യിൽ അയാൾക്ക്‌ ഉണ്ടാകുന്ന മൂത്ത മകൻ, മരിച്ചു​പോയ സഹോ​ദ​രന്റെ പേര്‌ നിലനി​റു​ത്തും.+ അങ്ങനെ, മരണമ​ട​ഞ്ഞ​വന്റെ പേര്‌ ഇസ്രാ​യേ​ലിൽനിന്ന്‌ അറ്റു​പോ​കാ​തി​രി​ക്കും.+

7 “എന്നാൽ സഹോ​ദ​രന്റെ വിധവയെ വിവാഹം കഴിക്കാൻ അയാൾക്കു സമ്മതമ​ല്ലെ​ങ്കിൽ ആ വിധവ നഗരക​വാ​ട​ത്തി​ലുള്ള മൂപ്പന്മാ​രു​ടെ അടുത്ത്‌ ചെന്ന്‌ ഇങ്ങനെ പറയണം: ‘സഹോ​ദ​രന്റെ പേര്‌ ഇസ്രാ​യേ​ലിൽ നിലനി​റു​ത്താൻ എന്റെ ഭർത്തൃ​സ​ഹോ​ദരൻ തയ്യാറാ​കു​ന്നില്ല. എന്നെ വിവാഹം കഴിച്ച്‌ ഭർത്തൃസഹോദരധർമം* അനുഷ്‌ഠി​ക്കാൻ അയാൾക്കു സമ്മതമല്ല.’ 8 അപ്പോൾ അയാളു​ടെ നഗരത്തി​ലെ മൂപ്പന്മാർ അയാളെ വിളി​ച്ചു​വ​രു​ത്തി അയാ​ളോ​ടു സംസാ​രി​ക്കണം. എന്നാൽ അയാൾ, ‘എനിക്ക്‌ ഈ സ്‌ത്രീ​യെ വിവാഹം കഴിക്കാൻ താത്‌പ​ര്യ​മില്ല’ എന്നു തറപ്പി​ച്ചു​പ​റ​യു​ക​യാ​ണെ​ങ്കിൽ 9 അയാളുടെ സഹോ​ദ​രന്റെ വിധവ മൂപ്പന്മാർ കാൺകെ അയാളു​ടെ അടുത്ത്‌ ചെന്ന്‌ അയാളു​ടെ കാലിൽനി​ന്ന്‌ ചെരിപ്പ്‌ ഊരിയിട്ട്‌+ അയാളു​ടെ മുഖത്ത്‌ തുപ്പണം. എന്നിട്ട്‌, ‘സഹോ​ദ​രന്റെ ഭവനം പണിയാ​ത്ത​വ​നോട്‌ ഇങ്ങനെ​യാ​ണു ചെയ്യേ​ണ്ടത്‌’ എന്നു പറയണം. 10 അതിനു ശേഷം ഇസ്രാ​യേ​ലിൽ അയാളു​ടെ കുടും​ബ​പ്പേര്‌,* ‘ചെരിപ്പ്‌ അഴിക്ക​പ്പെ​ട്ട​വന്റെ കുടും​ബം’ എന്നായി​രി​ക്കും.

11 “രണ്ടു പുരു​ഷ​ന്മാർ തമ്മിൽ അടിപി​ടി​കൂ​ടു​മ്പോൾ അതി​ലൊ​രു​വന്റെ ഭാര്യ ഭർത്താ​വി​നെ രക്ഷിക്കാ​നാ​യി ഇടയ്‌ക്കു കയറു​ക​യും കൈ നീട്ടി, ഭർത്താ​വി​നെ അടിക്കു​ന്ന​വന്റെ ജനനേ​ന്ദ്രി​യ​ത്തിൽ കയറി​പ്പി​ടി​ക്കു​ക​യും ചെയ്‌താൽ 12 നിങ്ങൾ സ്‌ത്രീ​യു​ടെ കൈ വെട്ടി​ക്ക​ള​യണം. നിങ്ങൾക്ക്‌* ആ സ്‌ത്രീ​യോ​ടു കനിവ്‌ തോന്ന​രുത്‌.

13 “നിങ്ങളു​ടെ സഞ്ചിയിൽ ഒരു തൂക്കത്തി​നു​തന്നെ ചെറു​തും വലുതും ആയ രണ്ടു തൂക്കക്ക​ട്ടി​കൾ ഉണ്ടാക​രുത്‌.+ 14 നിങ്ങളുടെ വീട്ടിൽ ചെറു​തും വലുതും ആയ രണ്ടു തരം അളവുപാത്രങ്ങളും* ഉണ്ടായി​രി​ക്ക​രുത്‌.+ 15 നിങ്ങളുടെ ദൈവ​മായ യഹോവ നിങ്ങൾക്കു തരുന്ന ദേശത്ത്‌ നിങ്ങൾ ദീർഘ​കാ​ലം ജീവി​ച്ചി​രി​ക്ക​ണ​മെ​ങ്കിൽ നേരും കൃത്യ​ത​യും ഉള്ള തൂക്കങ്ങ​ളും അളവു​ക​ളും നിങ്ങൾ ഉപയോ​ഗി​ക്കണം.+ 16 കാരണം ഇങ്ങനെ​യുള്ള അന്യാ​യങ്ങൾ പ്രവർത്തി​ക്കുന്ന എല്ലാവ​രെ​യും നിങ്ങളു​ടെ ദൈവ​മായ യഹോ​വ​യ്‌ക്ക്‌ അറപ്പാണ്‌.+

17 “നിങ്ങൾ ഈജി​പ്‌തിൽനിന്ന്‌ പുറ​പ്പെ​ട്ടു​പോ​രു​മ്പോൾ വഴിയിൽവെച്ച്‌ അമാ​ലേക്ക്‌ നിങ്ങ​ളോ​ടു ചെയ്‌തത്‌ എന്താ​ണെന്ന്‌ ഓർക്കുക:+ 18 നിങ്ങൾ ക്ഷീണിച്ച്‌ തളർന്നി​രി​ക്കു​മ്പോൾ അമാ​ലേക്ക്‌ നിങ്ങൾക്കെ​തി​രെ വന്ന്‌ നിങ്ങളിൽ പിന്നി​ലാ​യി​പ്പോ​യ​വ​രെ​യെ​ല്ലാം ആക്രമി​ച്ചു. അമാ​ലേ​ക്കി​നു ദൈവ​ഭ​യ​മി​ല്ലാ​യി​രു​ന്നു. 19 നിങ്ങളുടെ ദൈവ​മായ യഹോവ നിങ്ങൾക്ക്‌ അവകാ​ശ​മാ​യി തരുന്ന ദേശത്ത്‌ ചുറ്റു​മുള്ള ശത്രു​ക്ക​ളിൽനിന്ന്‌ നിങ്ങളു​ടെ ദൈവ​മായ യഹോവ നിങ്ങൾക്കു സ്വസ്ഥത തരുമ്പോൾ+ നിങ്ങൾ അമാ​ലേ​ക്കി​നെ​ക്കു​റി​ച്ചുള്ള ഓർമ​പോ​ലും ആകാശ​ത്തിൻകീ​ഴിൽനിന്ന്‌ നീക്കി​ക്ക​ള​യണം.+ നിങ്ങൾ ഇക്കാര്യം മറക്കരു​ത്‌.

26 “ഒടുവിൽ, നിന്റെ ദൈവ​മായ യഹോവ നിനക്ക്‌ അവകാ​ശ​മാ​യി തരുന്ന ദേശത്ത്‌ പ്രവേ​ശിച്ച്‌ നീ അതു കൈവ​ശ​മാ​ക്കി അതിൽ താമസി​ക്കു​മ്പോൾ 2 നിന്റെ ദൈവ​മായ യഹോവ നിനക്കു തരുന്ന ദേശത്ത്‌ ഉണ്ടാകുന്ന എല്ലാ വിളവിന്റെയും* ആദ്യഫ​ല​ങ്ങ​ളിൽ കുറച്ച്‌ എടുത്ത്‌ ഒരു കൊട്ട​യി​ലാ​ക്കി, നിന്റെ ദൈവ​മായ യഹോവ തന്റെ പേര്‌ സ്ഥാപി​ക്കാൻ തിര​ഞ്ഞെ​ടു​ക്കുന്ന സ്ഥലത്തേക്കു ചെല്ലണം.+ 3 എന്നിട്ട്‌, അക്കാലത്ത്‌ പുരോ​ഹി​ത​നാ​യി സേവി​ക്കുന്ന വ്യക്തി​യു​ടെ അടുത്ത്‌ ചെന്ന്‌ നീ ഇങ്ങനെ പറയണം: ‘ഞങ്ങൾക്കു തരു​മെന്ന്‌ യഹോവ ഞങ്ങളുടെ പൂർവി​ക​രോ​ടു സത്യം ചെയ്‌ത ദേശത്ത്‌ ഞാൻ എത്തിയി​രി​ക്കു​ന്നെന്ന കാര്യം ഇന്ന്‌ ഇതാ, ഞാൻ അങ്ങയുടെ ദൈവ​മായ യഹോ​വയെ അറിയി​ക്കു​ന്നു.’+

4 “പുരോ​ഹി​തൻ ആ കൊട്ട നിന്റെ കൈയിൽനി​ന്ന്‌ വാങ്ങി നിന്റെ ദൈവ​മായ യഹോ​വ​യു​ടെ യാഗപീ​ഠ​ത്തി​നു മുന്നിൽ വെക്കും. 5 പിന്നെ നീ നിന്റെ ദൈവ​മായ യഹോ​വ​യു​ടെ മുമ്പാകെ ഈ പ്രസ്‌താ​വന നടത്തണം: ‘എന്റെ അപ്പൻ അലഞ്ഞുനടന്ന* ഒരു അരാമ്യ​നാ​യി​രു​ന്നു.+ ഏതാനും പേർ മാത്രം​വ​രുന്ന കുടും​ബ​ത്തോ​ടൊ​പ്പം അപ്പൻ ഈജി​പ്‌തി​ലേക്കു പോയി,+ അവിടെ ഒരു വിദേ​ശി​യാ​യി താമസി​ച്ചു.+ എന്നാൽ അവി​ടെ​വെച്ച്‌ അപ്പൻ ശക്തിയും ആൾപ്പെ​രു​പ്പ​വും ഉള്ള ഒരു മഹാജ​ന​ത​യാ​യി​ത്തീർന്നു.+ 6 പക്ഷേ ഈജി​പ്‌തു​കാർ ഞങ്ങളെ ദ്രോ​ഹി​ക്കു​ക​യും അടിച്ച​മർത്തു​ക​യും ക്രൂര​മാ​യി അടിമ​പ്പണി ചെയ്യി​ക്കു​ക​യും ചെയ്‌തു.+ 7 അപ്പോൾ ഞങ്ങൾ ഞങ്ങളുടെ പൂർവി​ക​രു​ടെ ദൈവ​മായ യഹോ​വ​യോ​ടു നിലവി​ളി​ച്ചു. യഹോവ ഞങ്ങളുടെ നിലവി​ളി കേൾക്കു​ക​യും ഞങ്ങളുടെ ക്ലേശവും ബുദ്ധി​മു​ട്ടും കാണു​ക​യും ഞങ്ങളെ അവർ അടിച്ച​മർത്തി​യത്‌ അറിയു​ക​യും ചെയ്‌തു.+ 8 ഒടുവിൽ യഹോവ അടയാ​ള​ങ്ങ​ളും അത്ഭുത​ങ്ങ​ളും ചെയ്‌ത്‌ ബലമുള്ള കൈയാ​ലും നീട്ടിയ കരത്താലും+ ഭയാന​ക​മായ പ്രവൃ​ത്തി​ക​ളാ​ലും ഞങ്ങളെ ഈജി​പ്‌തിൽനിന്ന്‌ വിടു​വി​ച്ചു.+ 9 പിന്നെ ഞങ്ങളെ ഇവി​ടേക്കു കൊണ്ടു​വന്ന്‌ പാലും തേനും ഒഴുകുന്ന ഈ ദേശം ഞങ്ങൾക്കു തന്നു.+ 10 ഇപ്പോൾ ഇതാ, യഹോവ എനിക്കു തന്ന നിലത്തെ വിളവിൽനി​ന്നുള്ള ആദ്യഫ​ലങ്ങൾ ഞാൻ കൊണ്ടു​വ​ന്നി​രി​ക്കു​ന്നു.’+

“നീ അതു നിന്റെ ദൈവ​മായ യഹോ​വ​യു​ടെ മുമ്പാകെ സമർപ്പി​ച്ച്‌ നിന്റെ ദൈവ​മായ യഹോ​വ​യു​ടെ സന്നിധി​യിൽ കുമ്പി​ടണം. 11 തുടർന്ന്‌, നിന്റെ ദൈവ​മായ യഹോവ നിനക്കും നിന്റെ വീട്ടി​ലു​ള്ള​വർക്കും ചെയ്‌ത എല്ലാ നന്മക​ളെ​യും പ്രതി നീയും നിങ്ങൾക്കി​ട​യിൽ താമസി​ക്കുന്ന ലേവ്യ​നും വിദേ​ശി​യും ആഹ്ലാദി​ക്കണം.+

12 “ദശാം​ശ​ത്തി​ന്റെ വർഷമായ മൂന്നാം വർഷത്തിൽ നിന്റെ എല്ലാ വിളവി​ന്റെ​യും ദശാംശം വേർതിരിച്ച്‌+ ലേവ്യ​നും ദേശത്ത്‌ വന്നുതാ​മ​സി​ക്കുന്ന വിദേ​ശി​ക്കും അനാഥനും* വിധവ​യ്‌ക്കും കൊടു​ക്കണം. അവർ നിന്റെ നഗരങ്ങളിൽവെച്ച്‌* തിന്ന്‌ തൃപ്‌ത​രാ​കട്ടെ.+ 13 പിന്നെ നീ നിന്റെ ദൈവ​മായ യഹോ​വ​യു​ടെ മുമ്പാകെ ഇങ്ങനെ പറയണം: ‘അങ്ങ്‌ എന്നോടു കല്‌പി​ച്ച​തു​പോ​ലെ വിശു​ദ്ധ​മായ ഓഹരി​യെ​ല്ലാം ഞാൻ എന്റെ ഭവനത്തിൽനി​ന്ന്‌ നീക്കി, ലേവ്യ​നും ദേശത്ത്‌ വന്നുതാ​മ​സി​ക്കുന്ന വിദേ​ശി​ക്കും അനാഥ​നും വിധവയ്‌ക്കും+ കൊടു​ത്തി​രി​ക്കു​ന്നു. ഞാൻ അങ്ങയുടെ കല്‌പ​നകൾ ലംഘി​ക്കു​ക​യോ അവഗണി​ക്കു​ക​യോ ചെയ്‌തി​ട്ടില്ല. 14 ഞാൻ വിലാ​പ​കാ​ലത്ത്‌ അതിൽനി​ന്ന്‌ തിന്നു​ക​യോ അശുദ്ധ​നാ​യി​രി​ക്കു​മ്പോൾ അതിൽനി​ന്ന്‌ എടുക്കു​ക​യോ മരിച്ച​വ​നു​വേണ്ടി അതു കൊടു​ക്കു​ക​യോ ചെയ്‌തി​ട്ടില്ല. ഞാൻ എന്റെ ദൈവ​മായ യഹോ​വ​യു​ടെ വാക്ക്‌ അനുസ​രി​ക്കു​ക​യും അങ്ങ്‌ എന്നോടു കല്‌പി​ച്ച​തെ​ല്ലാം പാലി​ക്കു​ക​യും ചെയ്‌തി​രി​ക്കു​ന്നു. 15 അങ്ങ്‌ ഇപ്പോൾ അങ്ങയുടെ വിശു​ദ്ധ​വാ​സ​സ്ഥ​ല​മായ സ്വർഗ​ത്തിൽനിന്ന്‌ കടാക്ഷി​ച്ച്‌ ഞങ്ങളുടെ പൂർവി​ക​രോ​ടു സത്യം ചെയ്‌തതുപോലെ+ അങ്ങയുടെ ജനമായ ഇസ്രാ​യേ​ലി​നെ​യും അങ്ങ്‌ ഞങ്ങൾക്കു തന്ന, പാലും തേനും ഒഴുകുന്ന ഈ ദേശത്തെയും+ അനു​ഗ്ര​ഹി​ക്കേ​ണമേ.’+

16 “ഈ ചട്ടങ്ങളും ന്യായ​ത്തീർപ്പു​ക​ളും പാലി​ക്ക​ണ​മെന്നു നിങ്ങളു​ടെ ദൈവ​മായ യഹോവ ഇന്നു നിങ്ങ​ളോ​ടു കല്‌പി​ക്കു​ന്നു. നിങ്ങൾ ഇവ നിങ്ങളു​ടെ മുഴുഹൃദയത്തോടും+ നിങ്ങളു​ടെ മുഴുദേഹിയോടും* കൂടെ അനുസ​രി​ക്കു​ക​യും പാലി​ക്കു​ക​യും വേണം. 17 നിങ്ങൾ യഹോ​വ​യു​ടെ വഴിക​ളിൽ നടക്കു​ക​യും ദൈവ​ത്തി​ന്റെ ചട്ടങ്ങളും+ കല്‌പനകളും+ ന്യായത്തീർപ്പുകളും+ പാലി​ക്കു​ക​യും ദൈവ​ത്തി​ന്റെ വാക്കുകൾ കേൾക്കു​ക​യും ചെയ്യു​ന്ന​തിൽ തുടർന്നാൽ അവിടു​ന്നു നിങ്ങളു​ടെ ദൈവ​മാ​യി​ത്തീ​രും എന്ന പ്രഖ്യാ​പനം ഇന്നു ദൈവ​ത്തിൽനിന്ന്‌ നിങ്ങൾ നേടി​യി​രി​ക്കു​ന്നു. 18 നിങ്ങൾ ദൈവ​ത്തി​ന്റെ എല്ലാ കല്‌പ​ന​ക​ളും അനുസ​രി​ക്കു​മെ​ന്നും ദൈവം വാഗ്‌ദാ​നം ചെയ്‌ത​തു​പോ​ലെ നിങ്ങൾ ദൈവ​ത്തി​ന്റെ ജനവും പ്രത്യേകസ്വത്തും*+ ആയിത്തീ​രു​മെ​ന്നും ഉള്ള നിങ്ങളു​ടെ പ്രഖ്യാ​പനം ഇന്ന്‌ യഹോ​വ​യ്‌ക്കും ലഭിച്ചി​രി​ക്കു​ന്നു. 19 നിങ്ങൾ നിങ്ങളു​ടെ ദൈവ​മായ യഹോ​വ​യ്‌ക്ക്‌ ഒരു വിശു​ദ്ധ​ജ​ന​മാ​ണെന്നു തെളി​യി​ക്കു​മ്പോൾ, താൻ വാഗ്‌ദാ​നം ചെയ്‌ത​തു​പോ​ലെ, കീർത്തി​യും മഹത്ത്വ​വും പ്രശം​സ​യും നൽകി,+ താൻ ഉണ്ടാക്കിയ മറ്റു ജനതക​ളു​ടെ​യെ​ല്ലാം മീതെ+ നിങ്ങളെ ഉയർത്തു​മെ​ന്നും ദൈവം പറഞ്ഞി​രി​ക്കു​ന്നു.”

27 പിന്നെ മോശ ഇസ്രാ​യേൽമൂ​പ്പ​ന്മാ​രോ​ടൊ​പ്പം നിന്ന്‌ ജനത്തോ​ട്‌ ഇങ്ങനെ കല്‌പി​ച്ചു: “ഞാൻ ഇന്നു നിങ്ങൾക്കു തരുന്ന എല്ലാ കല്‌പ​ന​ക​ളും നിങ്ങൾ അനുസ​രി​ക്കണം. 2 നിങ്ങളുടെ ദൈവ​മായ യഹോവ നിങ്ങൾക്കു തരുന്ന ദേശ​ത്തേക്കു യോർദാൻ കടന്ന്‌ ചെല്ലുന്ന ദിവസം നിങ്ങൾ വലിയ കല്ലുകൾ നാട്ടി അവയിൽ കുമ്മായം പൂശണം.+ 3 അക്കര കടന്നിട്ട്‌ ഈ നിയമ​ത്തി​ലെ വാക്കു​ക​ളെ​ല്ലാം നിങ്ങൾ അവയിൽ എഴുതണം. അങ്ങനെ ചെയ്‌താൽ നിങ്ങളു​ടെ പൂർവി​ക​രു​ടെ ദൈവ​മായ യഹോവ നിങ്ങ​ളോ​ടു വാഗ്‌ദാ​നം ചെയ്‌ത​തു​പോ​ലെ പാലും തേനും ഒഴുകുന്ന ദേശ​ത്തേക്ക്‌, നിങ്ങളു​ടെ ദൈവ​മായ യഹോവ നിങ്ങൾക്കു തരുന്ന ദേശ​ത്തേക്ക്‌, നിങ്ങൾ പ്രവേ​ശി​ക്കും.+ 4 നിങ്ങൾ യോർദാൻ കടന്ന​ശേഷം ഞാൻ ഇന്നു നിങ്ങ​ളോ​ടു കല്‌പി​ക്കു​ന്ന​തു​പോ​ലെ, ഏബാൽ പർവതത്തിൽ+ ആ കല്ലുകൾ നാട്ടി അവയിൽ കുമ്മായം പൂശണം. 5 നിങ്ങൾ അവിടെ നിങ്ങളു​ടെ ദൈവ​മായ യഹോ​വ​യ്‌ക്കു കല്ലു​കൊ​ണ്ടുള്ള ഒരു യാഗപീ​ഠ​വും പണിയണം. അതിനു​വേണ്ടി നിങ്ങൾ ഇരുമ്പാ​യു​ധങ്ങൾ ഉപയോ​ഗി​ക്ക​രുത്‌.+ 6 വെട്ടുകയോ ചെത്തു​ക​യോ ചെയ്യാത്ത കല്ലുകൾകൊ​ണ്ടാ​യി​രി​ക്കണം നിങ്ങൾ നിങ്ങളു​ടെ ദൈവ​മായ യഹോ​വ​യ്‌ക്കു യാഗപീ​ഠം പണിയു​ന്നത്‌. അതിൽ നിങ്ങളു​ടെ ദൈവ​മായ യഹോ​വ​യ്‌ക്കു ദഹനയാ​ഗങ്ങൾ അർപ്പി​ക്കണം. 7 നിങ്ങൾ സഹഭോ​ജ​ന​ബ​ലി​ക​ളും അർപ്പി​ക്കണം;+ അവി​ടെ​വെച്ച്‌ നിങ്ങൾ അതു തിന്ന്‌+ നിങ്ങളു​ടെ ദൈവ​മായ യഹോ​വ​യു​ടെ മുമ്പാകെ ആഹ്ലാദി​ക്കണം.+ 8 ഈ നിയമ​ത്തി​ലെ എല്ലാ വാക്കു​ക​ളും നിങ്ങൾ ആ കല്ലുക​ളിൽ വ്യക്തമാ​യി എഴുതണം.”+

9 പിന്നെ മോശ​യും ലേവ്യ​പു​രോ​ഹി​ത​ന്മാ​രും ഇസ്രാ​യേ​ല്യ​രോ​ടെ​ല്ലാം ഇങ്ങനെ പറഞ്ഞു: “ഇസ്രാ​യേലേ, നിശ്ശബ്ദ​രാ​യി​രുന്ന്‌ കേൾക്കുക. ഇന്നു നിങ്ങൾ നിങ്ങളു​ടെ ദൈവ​മായ യഹോ​വ​യു​ടെ ജനമാ​യി​ത്തീർന്നി​രി​ക്കു​ന്നു!+ 10 നിങ്ങൾ നിങ്ങളു​ടെ ദൈവ​മായ യഹോ​വ​യു​ടെ വാക്കു കേൾക്കു​ക​യും ഞാൻ ഇന്നു നിങ്ങ​ളോ​ടു കല്‌പി​ക്കുന്ന ദൈവ​ക​ല്‌പ​ന​ക​ളും ചട്ടങ്ങളും പാലി​ക്കു​ക​യും വേണം.”+

11 അന്നേ ദിവസം മോശ ജനത്തോ​ട്‌ ഇങ്ങനെ കല്‌പി​ച്ചു: 12 “നിങ്ങൾ യോർദാൻ കടന്ന​ശേഷം, ജനത്തെ അനു​ഗ്ര​ഹി​ക്കാ​നാ​യി ശിമെ​യോൻ, ലേവി, യഹൂദ, യിസ്സാ​ഖാർ, യോ​സേഫ്‌, ബന്യാ​മീൻ എന്നീ ഗോ​ത്രങ്ങൾ ഗരിസീം പർവതത്തിലും+ 13 ശപിക്കാനായി രൂബേൻ, ഗാദ്‌, ആശേർ, സെബു​ലൂൻ, ദാൻ, നഫ്‌താ​ലി എന്നീ ഗോ​ത്രങ്ങൾ ഏബാൽ പർവതത്തിലും+ നിൽക്കണം. 14 പിന്നെ ഇസ്രാ​യേൽ മുഴുവൻ കേൾക്കെ ലേവ്യർ ഉച്ചത്തിൽ ഇങ്ങനെ പറയണം:+

15 “‘ശില്‌പിയുടെ* പണിയായ ഒരു വിഗ്രഹം ഉണ്ടാക്കുകയോ+ ഒരു ലോഹ​പ്ര​തിമ വാർത്തുണ്ടാക്കുകയോ+ ചെയ്‌തി​ട്ട്‌ യഹോ​വ​യ്‌ക്ക്‌ അറപ്പുള്ള ആ വസ്‌തു+ മറച്ചു​വെ​ക്കു​ന്നവൻ ശപിക്ക​പ്പെ​ട്ടവൻ!’ (അപ്പോൾ ജനം മുഴുവൻ ‘ആമേൻ!’* എന്നു പറയണം.)

16 “‘അമ്മയോ​ടോ അപ്പനോ​ടോ അവജ്ഞ​യോ​ടെ പെരു​മാ​റു​ന്നവൻ ശപിക്ക​പ്പെ​ട്ടവൻ!’+ (അപ്പോൾ ജനം മുഴുവൻ ‘ആമേൻ!’ എന്നു പറയണം.)

17 “‘അയൽക്കാ​രന്റെ അതിർത്തി മാറ്റു​ന്നവൻ ശപിക്ക​പ്പെ​ട്ടവൻ!’+ (അപ്പോൾ ജനം മുഴുവൻ ‘ആമേൻ!’ എന്നു പറയണം.)

18 “‘അന്ധനെ വഴി​തെ​റ്റി​ക്കു​ന്നവൻ ശപിക്ക​പ്പെ​ട്ടവൻ!’+ (അപ്പോൾ ജനം മുഴുവൻ ‘ആമേൻ!’ എന്നു പറയണം.)

19 “‘അനാഥനോ* വിധവ​യ്‌ക്കോ ദേശത്ത്‌ വന്നുതാ​മ​സി​ക്കുന്ന വിദേശിക്കോ+ നീതി നിഷേധിക്കുന്നവൻ+ ശപിക്ക​പ്പെ​ട്ടവൻ!’ (അപ്പോൾ ജനം മുഴുവൻ ‘ആമേൻ!’ എന്നു പറയണം.)

20 “‘അപ്പന്റെ ഭാര്യ​യോ​ടൊ​പ്പം കിടന്ന്‌ അപ്പനെ അപമാനിക്കുന്നവൻ* ശപിക്ക​പ്പെ​ട്ടവൻ!’+ (അപ്പോൾ ജനം മുഴുവൻ ‘ആമേൻ!’ എന്നു പറയണം.)

21 “‘ഏതെങ്കി​ലും മൃഗ​ത്തോ​ടൊ​പ്പം കിടക്കു​ന്നവൻ ശപിക്ക​പ്പെ​ട്ടവൻ!’+ (അപ്പോൾ ജനം മുഴുവൻ ‘ആമേൻ!’ എന്നു പറയണം.)

22 “‘അപ്പന്റെ​യോ അമ്മയു​ടെ​യോ മകളായ തന്റെ സഹോ​ദ​രി​യോ​ടൊ​പ്പം കിടക്കു​ന്നവൻ ശപിക്ക​പ്പെ​ട്ടവൻ!’+ (അപ്പോൾ ജനം മുഴുവൻ ‘ആമേൻ!’ എന്നു പറയണം.)

23 “‘അമ്മായി​യ​മ്മ​യോ​ടൊ​പ്പം കിടക്കു​ന്നവൻ ശപിക്ക​പ്പെ​ട്ടവൻ!’+ (അപ്പോൾ ജനം മുഴുവൻ ‘ആമേൻ!’ എന്നു പറയണം.)

24 “‘പതിയി​രുന്ന്‌ അയൽക്കാ​രനെ കൊല്ലു​ന്നവൻ ശപിക്ക​പ്പെ​ട്ടവൻ!’+ (അപ്പോൾ ജനം മുഴുവൻ ‘ആമേൻ!’ എന്നു പറയണം.)

25 “‘നിരപ​രാ​ധി​യെ കൊല്ലാൻ പ്രതി​ഫലം വാങ്ങു​ന്നവൻ ശപിക്ക​പ്പെ​ട്ടവൻ!’+ (അപ്പോൾ ജനം മുഴുവൻ ‘ആമേൻ!’ എന്നു പറയണം.)

26 “‘ഈ നിയമ​ത്തി​ലെ വാക്കുകൾ പാലിച്ച്‌ അനുസ​രി​ക്കാ​ത്തവൻ ശപിക്ക​പ്പെ​ട്ടവൻ!’+ (അപ്പോൾ ജനം മുഴുവൻ ‘ആമേൻ!’ എന്നു പറയണം.)

28 “ഞാൻ ഇന്നു നിങ്ങ​ളോ​ടു കല്‌പി​ക്കുന്ന നിങ്ങളു​ടെ ദൈവ​മായ യഹോ​വ​യു​ടെ കല്‌പ​ന​ക​ളെ​ല്ലാം ശ്രദ്ധാ​പൂർവം പാലി​ച്ചു​കൊണ്ട്‌ നിങ്ങൾ ദൈവ​ത്തി​ന്റെ വാക്കുകൾ അനുസ​രി​ക്കു​ന്ന​തിൽ വീഴ്‌ച വരുത്താ​തി​രു​ന്നാൽ നിങ്ങളു​ടെ ദൈവ​മായ യഹോവ നിങ്ങളെ ഭൂമി​യി​ലെ എല്ലാ ജനതകൾക്കും മീതെ ഉയർത്തും.+ 2 നിങ്ങൾ എപ്പോ​ഴും നിങ്ങളു​ടെ ദൈവ​മായ യഹോ​വ​യു​ടെ വാക്കു കേൾക്കു​ന്ന​തി​നാൽ ഈ അനു​ഗ്ര​ഹ​ങ്ങ​ളെ​ല്ലാം ദൈവം നിങ്ങളു​ടെ മേൽ സമൃദ്ധ​മാ​യി വർഷി​ക്കും:+

3 “നഗരത്തിൽ നിങ്ങൾ അനുഗൃ​ഹീ​ത​രാ​യി​രി​ക്കും; നാട്ടിൻപു​റ​ത്താ​യാ​ലും നിങ്ങൾ അനുഗൃ​ഹീ​ത​രാ​യി​രി​ക്കും.+

4 “നിങ്ങളു​ടെ മക്കൾ* അനുഗൃ​ഹീ​ത​രാ​യി​രി​ക്കും;+ നിങ്ങളു​ടെ നിലത്തെ വിളവും നിങ്ങളു​ടെ മൃഗങ്ങ​ളു​ടെ കുഞ്ഞു​ങ്ങ​ളും—നിങ്ങളു​ടെ കന്നുകാ​ലി​ക്കി​ടാ​ങ്ങ​ളും നിങ്ങളു​ടെ ആട്ടിൻകു​ട്ടി​ക​ളും—അനുഗൃ​ഹീ​ത​മാ​യി​രി​ക്കും.+

5 “നിങ്ങളു​ടെ കൊട്ടയും+ മാവ്‌ കുഴയ്‌ക്കുന്ന പാത്രവും+ അനുഗൃ​ഹീ​ത​മാ​യി​രി​ക്കും.

6 “പോകു​ന്നി​ട​ത്തെ​ല്ലാം നിങ്ങൾ അനുഗൃ​ഹീ​ത​രാ​യി​രി​ക്കും; നിങ്ങളു​ടെ എല്ലാ പ്രവൃ​ത്തി​ക​ളി​ലും നിങ്ങൾ അനുഗൃ​ഹീ​ത​രാ​കും.

7 “നിങ്ങളു​ടെ നേരെ വരുന്ന ശത്രു​ക്കളെ യഹോവ നിങ്ങളു​ടെ മുമ്പാകെ തോൽപ്പി​ച്ചു​ക​ള​യും.+ അവർ ഒരു ദിശയിൽനി​ന്ന്‌ നിങ്ങളെ ആക്രമി​ക്കും; എന്നാൽ നിങ്ങളു​ടെ മുന്നിൽനി​ന്ന്‌ ഏഴു ദിശക​ളി​ലേക്ക്‌ അവർ ഓടി​പ്പോ​കും.+ 8 യഹോവ നിങ്ങളു​ടെ സംഭര​ണ​ശാ​ല​ക​ളു​ടെ മേലും നിങ്ങളു​ടെ എല്ലാ പ്രയത്‌ന​ങ്ങ​ളു​ടെ മേലും അനു​ഗ്രഹം അയയ്‌ക്കും;+ നിങ്ങളു​ടെ ദൈവ​മായ യഹോവ നിങ്ങൾക്കു തരുന്ന ദേശത്ത്‌ ദൈവം നിങ്ങളെ തീർച്ച​യാ​യും അനു​ഗ്ര​ഹി​ക്കും. 9 നിങ്ങൾ എപ്പോ​ഴും നിങ്ങളു​ടെ ദൈവ​മായ യഹോ​വ​യു​ടെ കല്‌പ​നകൾ പാലി​ക്കു​ക​യും ദൈവ​ത്തി​ന്റെ വഴിക​ളിൽ നടക്കു​ക​യും ചെയ്യു​ന്ന​തി​നാൽ നിങ്ങ​ളോ​ടു സത്യം ചെയ്‌തതുപോലെ+ യഹോവ നിങ്ങളെ തന്റെ വിശു​ദ്ധ​ജ​ന​മാ​യി സ്ഥിര​പ്പെ​ടു​ത്തും.+ 10 നിങ്ങൾ യഹോ​വ​യു​ടെ പേര്‌ വഹിക്കു​ന്ന​വ​രാ​ണെന്നു ഭൂമി​യി​ലെ ജനങ്ങ​ളെ​ല്ലാം കാണു​ക​തന്നെ ചെയ്യും;+ അവർ നിങ്ങളെ ഭയപ്പെ​ടും.+

11 “നിങ്ങൾക്കു തരു​മെന്നു നിങ്ങളു​ടെ പൂർവി​ക​രോട്‌ യഹോവ സത്യം ചെയ്‌ത ദേശത്ത്‌+ സന്താന​സ​മൃ​ദ്ധി​യും മൃഗസ​മ്പ​ത്തും ഫലപു​ഷ്ടി​യുള്ള മണ്ണും നൽകി യഹോവ നിങ്ങളെ കടാക്ഷി​ക്കും.+ 12 യഹോവ തന്റെ സമ്പന്നമായ സംഭര​ണ​ശാല തുറന്ന്‌, അതായത്‌ ആകാശം തുറന്ന്‌, യഥാസ​മയം നിങ്ങളു​ടെ ദേശത്ത്‌ മഴ പെയ്യിക്കുകയും+ നിങ്ങളു​ടെ പ്രവൃ​ത്തി​ക​ളെ​യെ​ല്ലാം അനു​ഗ്ര​ഹി​ക്കു​ക​യും ചെയ്യും. നിങ്ങൾ അനേകം ജനതകൾക്കു വായ്‌പ കൊടു​ക്കും; എന്നാൽ നിങ്ങൾ വായ്‌പ വാങ്ങേ​ണ്ടി​വ​രില്ല.+ 13 അനുസരിക്കണമെന്നു പറഞ്ഞ്‌ ഞാൻ ഇന്നു നിങ്ങൾക്കു നൽകുന്ന നിങ്ങളു​ടെ ദൈവ​മായ യഹോ​വ​യു​ടെ കല്‌പ​നകൾ നിങ്ങൾ എപ്പോ​ഴും അനുസ​രി​ക്കു​ന്നെ​ങ്കിൽ യഹോവ നിങ്ങളെ ആരു​ടെ​യും കാൽക്കീ​ഴാ​ക്കില്ല, പകരം തലപ്പത്താ​ക്കും. നിങ്ങൾ എല്ലാവർക്കും മീതെ​യാ​യി​രി​ക്കും,+ ആരു​ടെ​യും കീഴി​ലാ​യി​രി​ക്കില്ല. 14 ഞാൻ ഇന്നു നിങ്ങ​ളോ​ടു കല്‌പി​ക്കുന്ന ഈ വാക്കുകൾ വിട്ട്‌ ഇടത്തോ​ട്ടോ വലത്തോ​ട്ടോ മാറരു​ത്‌.+ അങ്ങനെ അന്യ​ദൈ​വ​ങ്ങൾക്കു പിന്നാലെ പോയി അവയെ സേവി​ക്ക​രുത്‌.+

15 “എന്നാൽ, ഞാൻ ഇന്നു നിങ്ങ​ളോ​ടു കല്‌പി​ക്കുന്ന നിങ്ങളു​ടെ ദൈവ​മായ യഹോ​വ​യു​ടെ കല്‌പ​ന​ക​ളും നിയമ​ങ്ങ​ളും പാലി​ക്കാൻ കൂട്ടാ​ക്കാ​തെ നിങ്ങൾ ദൈവ​ത്തി​ന്റെ വാക്കുകൾ അവഗണി​ക്കു​ന്നെ​ങ്കിൽ ഈ ശാപങ്ങ​ളെ​ല്ലാം നിങ്ങളു​ടെ മേൽ വരുക​യും നിങ്ങളെ വിടാതെ പിന്തു​ട​രു​ക​യും ചെയ്യും:+

16 “നഗരത്തിൽ നിങ്ങൾ ശപിക്ക​പ്പെ​ട്ട​വ​രാ​യി​രി​ക്കും; നാട്ടിൻപു​റ​ത്താ​യാ​ലും നിങ്ങൾ ശപിക്ക​പ്പെ​ട്ട​വ​രാ​യി​രി​ക്കും.+

17 “നിങ്ങളു​ടെ കൊട്ടയും+ മാവ്‌ കുഴയ്‌ക്കുന്ന പാത്ര​വും ശപിക്ക​പ്പെ​ട്ട​താ​യി​രി​ക്കും.+

18 “നിങ്ങളു​ടെ മക്കൾ ശപിക്ക​പ്പെ​ട്ട​വ​രാ​യി​രി​ക്കും;+ നിങ്ങളു​ടെ നിലത്തെ വിളവും നിങ്ങളു​ടെ കന്നുകാ​ലി​ക്കി​ടാ​ങ്ങ​ളും നിങ്ങളു​ടെ ആട്ടിൻകു​ട്ടി​ക​ളും ശപിക്ക​പ്പെ​ട്ട​താ​യി​രി​ക്കും.+

19 “പോകു​ന്നി​ട​ത്തെ​ല്ലാം നിങ്ങൾ ശപിക്ക​പ്പെ​ട്ട​വ​രാ​യി​രി​ക്കും; നിങ്ങളു​ടെ എല്ലാ പ്രവൃ​ത്തി​ക​ളി​ലും നിങ്ങൾ ശപിക്ക​പ്പെ​ട്ട​വ​രാ​യി​രി​ക്കും.

20 “എന്നെ ഉപേക്ഷി​ച്ച്‌ നിങ്ങൾ ചെയ്‌തു​കൂ​ട്ടുന്ന ദുഷ്‌പ്ര​വൃ​ത്തി​കൾ കാരണം, നിങ്ങളെ തുടച്ചു​നീ​ക്കു​ക​യും നിങ്ങൾ പെട്ടെന്നു നശിച്ചു​പോ​കു​ക​യും ചെയ്യു​ന്ന​തു​വരെ നിങ്ങളു​ടെ മേലും നിങ്ങളു​ടെ എല്ലാ പ്രയത്‌ന​ങ്ങ​ളു​ടെ മേലും യഹോവ ശാപവും പരി​ഭ്ര​മ​വും ശിക്ഷയും അയയ്‌ക്കും.+ 21 നിങ്ങൾ കൈവ​ശ​മാ​ക്കാൻപോ​കുന്ന ദേശത്തു​നിന്ന്‌ ദൈവം നിങ്ങളെ തുടച്ചു​നീ​ക്കും​വരെ നിങ്ങൾക്കു മാറാ​രോ​ഗങ്ങൾ വരാൻ യഹോവ ഇടയാ​ക്കും.+ 22 ക്ഷയരോഗം, ചുട്ടു​പൊ​ള്ളുന്ന പനി,+ വീക്കം, അതിക​ഠി​ന​മായ ചൂട്‌, വാൾ,+ ഉഷ്‌ണ​ക്കാറ്റ്‌, പൂപ്പൽരോഗം+ എന്നിവ​യെ​ല്ലാം നിങ്ങളെ ബാധി​ക്കാൻ യഹോവ ഇടവരു​ത്തും; നിങ്ങൾ നശി​ച്ചൊ​ടു​ങ്ങും​വരെ അവ നിങ്ങളെ വിടാതെ പിന്തു​ട​രും. 23 നിങ്ങളുടെ തലയ്‌ക്കു മീതെ​യുള്ള ആകാശം ചെമ്പും നിങ്ങളു​ടെ കാലിനു കീഴെ​യുള്ള ഭൂമി ഇരുമ്പും ആയിരി​ക്കും.+ 24 യഹോവ നിങ്ങളു​ടെ ദേശത്ത്‌ മഴയായി പെയ്യി​ക്കു​ന്നതു പൂഴി​യും പൊടി​യും ആയിരി​ക്കും; നിങ്ങൾ പൂർണ​മാ​യി നശിക്കു​ന്ന​തു​വരെ അവ ആകാശ​ത്തു​നിന്ന്‌ നിങ്ങളു​ടെ മേൽ പെയ്യും. 25 ശത്രുക്കളുടെ മുമ്പാകെ നിങ്ങൾ തോറ്റു​പോ​കാൻ യഹോവ ഇടവരു​ത്തും.+ ഒരു ദിശയിൽനി​ന്ന്‌ നിങ്ങൾ അവരെ ആക്രമി​ക്കും; എന്നാൽ അവരുടെ മുന്നിൽനി​ന്ന്‌ ഏഴു ദിശക​ളി​ലേക്കു നിങ്ങൾ ഓടി​പ്പോ​കും. നിങ്ങളു​ടെ അവസ്ഥ​യെ​ക്കു​റിച്ച്‌ അറിയുന്ന ഭൂമി​യി​ലെ രാജ്യ​ങ്ങ​ളെ​ല്ലാം ഭയന്നു​വി​റ​യ്‌ക്കും.+ 26 നിങ്ങളുടെ ശവങ്ങൾ ആകാശ​ത്തി​ലെ എല്ലാ പക്ഷികൾക്കും നിലത്തെ ജന്തുക്കൾക്കും ആഹാര​മാ​യി​ത്തീ​രും; അവയെ ആട്ടി​യോ​ടി​ക്കാൻ ആരുമു​ണ്ടാ​കില്ല.+

27 “യഹോവ നിന്നെ ഈജി​പ്‌തി​ലെ പരുക്ക​ളാ​ലും മൂലക്കു​രു, ചിരങ്ങ്‌, ചൊറി എന്നിവ​യാ​ലും പ്രഹരി​ക്കും; അവ ഒരിക്ക​ലും ഭേദമാ​കില്ല. 28 യഹോവ നിനക്കു ഭ്രാന്തും അന്ധതയും+ പരിഭ്രമവും* വരുത്തും. 29 അന്ധൻ ഇരുട്ടിൽ തപ്പിത്ത​ട​യു​ന്ന​തു​പോ​ലെ നീ നട്ടുച്ച​യ്‌ക്കു തപ്പിന​ട​ക്കും.+ നീ എന്തു ചെയ്‌താ​ലും അതു വിജയി​ക്കില്ല. നീ എപ്പോ​ഴും കവർച്ച​യ്‌ക്കും ചതിക്കും ഇരയാ​കും; നിന്നെ രക്ഷിക്കാൻ ആരുമു​ണ്ടാ​കില്ല.+ 30 നീ ഒരു സ്‌ത്രീ​യു​മാ​യി വിവാ​ഹ​നി​ശ്ചയം ചെയ്യും; എന്നാൽ മറ്റൊ​രാൾ അവളെ ബലാത്സം​ഗം ചെയ്യും. നീ ഒരു വീടു പണിയും; എന്നാൽ നീ അതിൽ താമസി​ക്കില്ല.+ നീ ഒരു മുന്തി​രി​ത്തോ​ട്ടം നട്ടുണ്ടാ​ക്കും; എന്നാൽ നീ അതിന്റെ ഫലം അനുഭ​വി​ക്കില്ല.+ 31 നിന്റെ കൺമു​ന്നിൽവെച്ച്‌ നിന്റെ കാളയെ അറുക്കും; എന്നാൽ അൽപ്പം​പോ​ലും നിനക്കു തിന്നാ​നാ​കില്ല. നിന്റെ മുന്നിൽവെച്ച്‌ നിന്റെ കഴുതയെ മോഷ്ടി​ച്ചു​കൊ​ണ്ടു​പോ​കും; എന്നാൽ നിനക്ക്‌ അതിനെ തിരികെ ലഭിക്കില്ല. നിന്റെ ആടുകളെ ശത്രുക്കൾ കൈവ​ശ​മാ​ക്കും; ആരും നിന്റെ രക്ഷയ്‌ക്ക്‌ എത്തില്ല. 32 നീ നോക്കി​ക്കൊ​ണ്ടി​രി​ക്കെ നിന്റെ ആൺമക്ക​ളും പെൺമ​ക്ക​ളും മറ്റു ജനങ്ങളു​ടെ പിടി​യി​ലാ​കും.+ നീ അവരെ കാണാൻ കൊതി​ക്കും; എന്നാൽ നിന്റെ കൈകൾക്കു ശക്തിയു​ണ്ടാ​കില്ല. 33 നീ അറിയാത്ത ഒരു ജനം നിന്റെ നിലത്തെ വിളവും നിന്റെ അധ്വാ​ന​ഫ​ല​വും തിന്നും;+ നീ എന്നും വഞ്ചനയ്‌ക്കും മർദന​ത്തി​നും ഇരയാ​കും. 34 നീ കാണുന്ന കാര്യങ്ങൾ കാരണം നിന്റെ സമനില തെറ്റും.

35 “വേദന​യു​ള​വാ​ക്കുന്ന, ഭേദ​പ്പെ​ടാത്ത പരുക്കൾ നിങ്ങളു​ടെ കാലി​ലും കാൽമു​ട്ടി​ലും വരുത്തി യഹോവ നിങ്ങളെ ശിക്ഷി​ക്കും; ഉള്ളങ്കാൽമു​തൽ നെറു​ക​വരെ അതു നിങ്ങളെ ബാധി​ക്കും. 36 നിങ്ങളും നിങ്ങളു​ടെ പൂർവി​ക​രും അറിഞ്ഞി​ട്ടി​ല്ലാത്ത ഒരു ജനതയു​ടെ അടു​ത്തേക്ക്‌ യഹോവ നിങ്ങ​ളെ​യും നിങ്ങൾ നിങ്ങളു​ടെ മേൽ ആക്കിവെച്ച രാജാ​വി​നെ​യും ഓടി​ച്ചു​ക​ള​യും.+ അവിടെ നിങ്ങൾ, മരം​കൊ​ണ്ടും കല്ലു​കൊ​ണ്ടും ഉണ്ടാക്കിയ അന്യ​ദൈ​വ​ങ്ങളെ സേവി​ക്കും.+ 37 യഹോവ നിങ്ങളെ ഓടി​ച്ചു​ക​ള​യുന്ന സ്ഥലങ്ങളി​ലുള്ള എല്ലാ ജനങ്ങൾക്കു​മി​ട​യിൽ നിങ്ങൾ ഭീതി​ക്കും നിന്ദയ്‌ക്കും* പരിഹാ​സ​ത്തി​നും പാത്ര​മാ​യി​ത്തീ​രും.+

38 “നീ കുറെ വിത്തു​മാ​യി വയലി​ലേക്കു പോകും; എന്നാൽ കുറച്ച്‌ മാത്രമേ കൊയ്‌തു​കൊ​ണ്ടു​വരൂ.+ കാരണം വെട്ടു​ക്കി​ളി അവയെ​ല്ലാം തിന്നു​ക​ള​യും. 39 നീ മുന്തി​രി​ത്തോ​ട്ടങ്ങൾ നട്ട്‌ പരിപാ​ലി​ക്കും; എന്നാൽ നീ വീഞ്ഞു കുടി​ക്കു​ക​യോ മുന്തി​രി​പ്പഴം ശേഖരി​ക്കു​ക​യോ ഇല്ല.+ കാരണം പുഴു അതെല്ലാം തിന്നു​തീർക്കും. 40 നിന്റെ പ്രദേ​ശ​ത്തെ​ല്ലാം ഒലിവ്‌ മരങ്ങളു​ണ്ടാ​യി​രി​ക്കും; എന്നാൽ നീ ദേഹത്ത്‌ എണ്ണ പുരട്ടില്ല. കാരണം ഒലിവു​കാ​യ്‌ക​ളെ​ല്ലാം പൊഴി​ഞ്ഞു​പോ​കും. 41 നിനക്ക്‌ ആൺമക്ക​ളും പെൺമ​ക്ക​ളും ഉണ്ടാകും. എന്നാൽ അവർ എന്നും നിന്റെ സ്വന്തമാ​യി​രി​ക്കില്ല. കാരണം ആളുകൾ അവരെ ബന്ദിക​ളാ​യി പിടി​ച്ചു​കൊ​ണ്ടു​പോ​കും.+ 42 കീടങ്ങൾ* കൂട്ടമാ​യി വന്ന്‌ നിന്റെ എല്ലാ വൃക്ഷങ്ങ​ളും നിന്റെ നിലത്തെ വിളവു​ക​ളും നശിപ്പി​ക്കും. 43 നിങ്ങൾക്കിടയിൽ താമസ​മാ​ക്കിയ വിദേശി നിനക്കു മീതെ ഉയർന്നു​യർന്നു​വ​രും; എന്നാൽ നീ താണു​താ​ണു​പോ​കും. 44 വിദേശി നിനക്കു വായ്‌പ തരും; എന്നാൽ അയാൾക്കു വായ്‌പ കൊടു​ക്കാൻ നിനക്കാ​കില്ല.+ വിദേശി തലപ്പത്തും നീ കാൽക്കീ​ഴും ആകും.+

45 “നിങ്ങളു​ടെ ദൈവ​മായ യഹോവ നിങ്ങ​ളോ​ടു കല്‌പിച്ച നിയമ​ങ്ങ​ളും കല്‌പ​ന​ക​ളും പാലി​ക്കാ​തെ നിങ്ങൾ ദൈവ​ത്തി​ന്റെ വാക്ക്‌ അവഗണിച്ചതുകൊണ്ട്‌+ നിങ്ങൾ നശി​ച്ചൊ​ടു​ങ്ങും​വരെ ഈ ശാപങ്ങളെല്ലാം+ നിങ്ങളു​ടെ മേൽ വരുക​യും അവ നിങ്ങളെ പിന്തു​ടർന്ന്‌ പിടി​ക്കു​ക​യും ചെയ്യും.+ 46 സ്ഥിരമായ ഒരു അടയാ​ള​വും മുന്നറി​യി​പ്പും ആയി+ അവ നിങ്ങളു​ടെ​യും നിങ്ങളു​ടെ സന്തതി​ക​ളു​ടെ​യും മേലു​ണ്ടാ​യി​രി​ക്കും. 47 കാരണം നിങ്ങൾക്കു സമ്പദ്‌സ​മൃ​ദ്ധി ഉണ്ടായ​പ്പോൾ നിങ്ങൾ നിങ്ങളു​ടെ ദൈവ​മായ യഹോ​വയെ ആഹ്ലാദ​ത്തോ​ടും സന്തുഷ്ട​ഹൃ​ദ​യ​ത്തോ​ടും കൂടെ സേവി​ച്ചില്ല.+ 48 യഹോവ നിങ്ങളു​ടെ ശത്രു​ക്കളെ നിങ്ങൾക്കു നേരെ അയയ്‌ക്കും. തിന്നാനോ+ കുടി​ക്കാ​നോ ഉടുക്കാ​നോ ഇല്ലാതെ ഇല്ലായ്‌മ​യിൽ നിങ്ങൾ അവരെ സേവി​ക്കേ​ണ്ടി​വ​രും.+ നിങ്ങളെ പാടേ നശിപ്പി​ക്കു​ന്ന​തു​വരെ ദൈവം നിങ്ങളു​ടെ കഴുത്തിൽ ഇരുമ്പു​നു​കം വെക്കും.

49 “യഹോവ വിദൂ​ര​ത്തു​നിന്ന്‌, ഭൂമി​യു​ടെ അറ്റത്തു​നിന്ന്‌, ഒരു ജനതയെ നിങ്ങൾക്കെ​തി​രെ എഴു​ന്നേൽപ്പി​ക്കും.+ നിങ്ങൾക്കു മനസ്സി​ലാ​കാത്ത ഭാഷ സംസാ​രി​ക്കുന്ന ആ ജനത+ ഒരു കഴുക​നെ​പ്പോ​ലെ വേഗത്തിൽ വന്ന്‌ നിങ്ങളെ റാഞ്ചി​യെ​ടു​ക്കും.+ 50 ക്രൂരഭാവമുള്ള ആ ജനത വൃദ്ധരെ ബഹുമാ​നി​ക്കു​ക​യോ കുഞ്ഞു​ങ്ങ​ളോ​ടു കരുണ കാണി​ക്കു​ക​യോ ഇല്ല.+ 51 നിങ്ങൾ നശി​ച്ചൊ​ടു​ങ്ങും​വരെ നിങ്ങളു​ടെ മൃഗങ്ങ​ളു​ടെ കുട്ടി​ക​ളെ​യും നിങ്ങളു​ടെ നിലത്തെ വിളവു​ക​ളെ​യും അവർ ആഹാര​മാ​ക്കും. നിങ്ങളെ ഇല്ലായ്‌മ ചെയ്യു​ന്ന​തു​വരെ ധാന്യം, പുതു​വീഞ്ഞ്‌, എണ്ണ, കന്നുകാ​ലി​ക്കി​ടാ​ങ്ങൾ, ആട്ടിൻകു​ട്ടി​കൾ എന്നിവ അവർ കൈവ​ശ​മാ​ക്കും; അവർ നിങ്ങൾക്കാ​യി ഒന്നും ബാക്കി വെക്കില്ല.+ 52 അവർ നിങ്ങളെ ഉപരോ​ധി​ക്കും. നിങ്ങൾ ആശ്രയം വെച്ചി​രി​ക്കുന്ന, നിങ്ങളു​ടെ കോട്ട​കെട്ടി ഉറപ്പിച്ച വൻമതി​ലു​കൾ നിലം​പൊ​ത്തു​ന്ന​തു​വരെ അവർ നിങ്ങളെ നിങ്ങളു​ടെ നഗരങ്ങൾക്കുള്ളിൽ* തളച്ചി​ടും. നിങ്ങളു​ടെ ദൈവ​മായ യഹോവ നിങ്ങൾക്കു നൽകിയ ദേശ​ത്തെ​ങ്ങു​മുള്ള നഗരങ്ങ​ളിൽ അവർ നിങ്ങളെ ഉപരോ​ധി​ക്കും.+ 53 ഉപരോധത്തിന്റെ കാഠി​ന്യ​വും ശത്രുക്കൾ നിങ്ങളു​ടെ മേൽ വരുത്തുന്ന കഷ്ടതയും കാരണം നിങ്ങളു​ടെ ദൈവ​മായ യഹോവ നിങ്ങൾക്കു നൽകിയ നിങ്ങളു​ടെ കുട്ടി​കളെ നിങ്ങൾ തിന്നേ​ണ്ടി​വ​രും. നിങ്ങളു​ടെ സ്വന്തം ആൺകു​ട്ടി​ക​ളു​ടെ​യും പെൺകു​ട്ടി​ക​ളു​ടെ​യും മാംസം നിങ്ങൾ തിന്നും.+

54 “നിങ്ങൾക്കി​ട​യി​ലുള്ള ഏറ്റവും ലോല​ഹൃ​ദ​യ​നും ദയാലു​വും ആയ പുരു​ഷ​നു​പോ​ലും തന്റെ സഹോ​ദ​ര​നോ​ടോ പ്രിയ​പ​ത്‌നി​യോ​ടോ ശേഷി​ച്ചി​രി​ക്കുന്ന മക്കളോ​ടോ അലിവ്‌ തോന്നില്ല. 55 തന്റെ മക്കളുടെ മാംസം തിന്നു​മ്പോൾ അയാൾ അത്‌ അവർക്കു കൊടു​ക്കില്ല. ഉപരോ​ധ​ത്തി​ന്റെ കാഠി​ന്യ​വും ശത്രുക്കൾ നിങ്ങളു​ടെ നഗരങ്ങ​ളിൽ വരുത്തുന്ന കഷ്ടതയും കാരണം അയാൾക്കു തിന്നാൻ മറ്റൊ​ന്നു​മു​ണ്ടാ​കില്ല.+ 56 ഉള്ളങ്കാൽ നിലത്ത്‌ കുത്താൻപോ​ലും മടിക്കുന്ന, ഏറ്റവും ലോല​ഹൃ​ദ​യ​യും മൃദു​ല​യും ആയ സ്‌ത്രീപോലും+ തന്റെ പ്രിയ​പ്പെട്ട ഭർത്താ​വി​നോ​ടോ മകനോ​ടോ മകളോ​ടോ കനിവ്‌ കാണി​ക്കില്ല. 57 താൻ പ്രസവി​ക്കുന്ന കുഞ്ഞു​ങ്ങ​ളോ​ടും പ്രസവാ​ന​ന്തരം സ്വന്തം ശരീര​ത്തിൽനിന്ന്‌, തന്റെ കാലു​കൾക്കി​ട​യിൽനിന്ന്‌, പുറത്തു​വ​രു​ന്ന​വ​യോ​ടു​പോ​ലും അവൾ കനിവ്‌ കാണി​ക്കില്ല. ഉപരോ​ധ​ത്തി​ന്റെ കാഠി​ന്യ​വും ശത്രുക്കൾ നിങ്ങളു​ടെ നഗരങ്ങ​ളിൽ വരുത്തുന്ന കഷ്ടതയും കാരണം ആ സ്‌ത്രീ അവ രഹസ്യ​മാ​യി തിന്നും.

58 “ഈ പുസ്‌ത​ക​ത്തിൽ എഴുതി​യി​രി​ക്കുന്ന നിയമ​ത്തി​ലെ വാക്കുകളെല്ലാം+ നിങ്ങൾ ശ്രദ്ധാ​പൂർവം പാലി​ക്കു​ക​യോ മഹത്ത്വ​മാർന്ന​തും ഭയാദ​രവ്‌ ഉണർത്തു​ന്ന​തും ആയ, നിങ്ങളു​ടെ ദൈവ​മായ യഹോ​വ​യു​ടെ പേര്‌+ ഭയപ്പെ​ടു​ക​യോ ചെയ്യുന്നില്ലെങ്കിൽ+ 59 യഹോവ നിങ്ങളു​ടെ​യും നിങ്ങളു​ടെ സന്തതി​ക​ളു​ടെ​യും മേൽ അതിക​ഠി​ന​മായ ബാധകൾ, അതായത്‌ മാരക​വും ദീർഘ​നാൾ നിൽക്കു​ന്ന​തും ആയ ബാധകൾ, വരുത്തും.+ വേദനാ​ജ​ന​ക​വും വിട്ടു​മാ​റാ​ത്ത​തും ആയ രോഗ​ങ്ങ​ളും ദൈവം നിങ്ങളു​ടെ മേൽ അയയ്‌ക്കും. 60 നിങ്ങൾ ഭയപ്പെ​ട്ടി​രുന്ന ഈജി​പ്‌തി​ലെ രോഗ​ങ്ങ​ളെ​ല്ലാം നിങ്ങളു​ടെ മേൽ തിരികെ വരുത്തും. അവ ഒരിക്ക​ലും നിങ്ങളെ വിട്ടു​മാ​റില്ല. 61 കൂടാതെ ഈ നിയമ​പു​സ്‌ത​ക​ത്തിൽ എഴുതി​യി​ട്ടി​ല്ലാത്ത രോഗ​ങ്ങ​ളും ബാധക​ളും പോലും യഹോവ നിങ്ങളു​ടെ മേൽ വരുത്തും. നിങ്ങൾ പൂർണ​മാ​യി നശിക്കു​ന്ന​തു​വരെ ദൈവം അങ്ങനെ ചെയ്യും. 62 നിങ്ങൾ ഇന്ന്‌ ആകാശ​ത്തി​ലെ നക്ഷത്ര​ങ്ങൾപോ​ലെ അസംഖ്യമായിത്തീർന്നെങ്കിലും+ നിങ്ങളിൽ കുറച്ച്‌ പേർ മാത്രമേ ശേഷിക്കൂ.+ കാരണം നിങ്ങൾ നിങ്ങളു​ടെ ദൈവ​മായ യഹോ​വ​യു​ടെ വാക്കു കേട്ടനു​സ​രി​ച്ചില്ല.

63 “നിങ്ങൾക്ക്‌ അഭിവൃ​ദ്ധി തരാനും നിങ്ങളെ വർധി​പ്പി​ക്കാ​നും ഒരു കാലത്ത്‌ യഹോവ പ്രസാ​ദി​ച്ചി​രു​ന്ന​തു​പോ​ലെ, നിങ്ങളെ സംഹരി​ക്കാ​നും തുടച്ചു​നീ​ക്കാ​നും യഹോ​വ​യ്‌ക്കു താത്‌പ​ര്യം തോന്നും; നിങ്ങൾ കൈവ​ശ​മാ​ക്കാൻപോ​കുന്ന ദേശത്തു​നിന്ന്‌ നിങ്ങളെ ദൈവം പിഴു​തെ​റി​യും.

64 “യഹോവ നിങ്ങളെ എല്ലാ ജനതകൾക്കു​മി​ട​യിൽ, ഭൂമി​യു​ടെ ഒരു അറ്റംമു​തൽ മറ്റേ അറ്റംവരെ, ചിതറി​ച്ചു​ക​ള​യും.+ നിങ്ങളോ നിങ്ങളു​ടെ പൂർവി​ക​രോ അറിഞ്ഞി​ട്ടി​ല്ലാത്ത, മരവും കല്ലും കൊണ്ടുള്ള ദൈവ​ങ്ങളെ അവിടെ നിങ്ങൾ സേവി​ക്കേ​ണ്ടി​വ​രും.+ 65 ആ ജനതകൾക്കി​ട​യിൽ നിങ്ങൾക്കു സമാധാ​ന​മു​ണ്ടാ​യി​രി​ക്കില്ല;+ അവിടെ നിങ്ങളു​ടെ കാലിനു വിശ്രമം ലഭിക്കില്ല. ഉത്‌ക​ണ്‌ഠ നിറഞ്ഞ ഹൃദയവും+ മങ്ങിയ കണ്ണുക​ളും നിരാ​ശ​യുള്ള മനസ്സും+ ആയിരി​ക്കും യഹോവ നിങ്ങൾക്കു തരുന്നത്‌. 66 നിങ്ങളുടെ ജീവിതം കഷ്ടത്തി​ലാ​കും. രാവും പകലും നിങ്ങൾ പേടി​ച്ചു​വി​റ​യ്‌ക്കും. നിങ്ങളു​ടെ ജീവന്‌ ഒരു ഉറപ്പു​മു​ണ്ടാ​കില്ല. 67 നിങ്ങളുടെ ഉള്ളിലെ ഭയവും നിങ്ങൾ കാണുന്ന കാഴ്‌ച​ക​ളും കാരണം, ‘വൈകു​ന്നേ​ര​മാ​യി​രു​ന്നെ​ങ്കിൽ!’ എന്നു രാവി​ലെ​യും ‘രാവി​ലെ​യാ​യി​രു​ന്നെ​ങ്കിൽ!’ എന്നു വൈകു​ന്നേ​ര​വും നിങ്ങൾ പറഞ്ഞു​പോ​കും. 68 ‘നിങ്ങൾ ഇനി ഒരിക്ക​ലും കാണില്ല’ എന്നു ഞാൻ നിങ്ങ​ളോ​ടു പറഞ്ഞ വഴിയേ യഹോവ നിങ്ങളെ ഈജി​പ്‌തി​ലേക്കു കപ്പൽ കയറ്റി തിരികെ കൊണ്ടു​പോ​കും. അവിടെ നിങ്ങളു​ടെ എല്ലാ സ്‌ത്രീ​ക​ളും പുരു​ഷ​ന്മാ​രും തങ്ങളെ​ത്തന്നെ അടിമ​ക​ളാ​യി ശത്രു​ക്കൾക്കു വിൽക്കേ​ണ്ടി​വ​രും. എന്നാൽ നിങ്ങളെ വാങ്ങാൻ ആരുമു​ണ്ടാ​കില്ല.”

29 ഹോ​രേ​ബിൽവെച്ച്‌ ഇസ്രാ​യേൽ ജനവു​മാ​യി ചെയ്‌ത ഉടമ്പടി​ക്കു പുറമേ മോവാ​ബ്‌ ദേശത്തു​വെച്ച്‌ അവരു​മാ​യി മറ്റൊരു ഉടമ്പടി ചെയ്യാൻ യഹോവ മോശ​യോ​ടു കല്‌പി​ച്ചു. ആ ഉടമ്പടി​യി​ലെ വാക്കു​ക​ളാണ്‌ ഇവ.+

2 മോശ ഇസ്രാ​യേ​ലി​നെ മുഴുവൻ വിളി​ച്ചു​കൂ​ട്ടി ഇങ്ങനെ പറഞ്ഞു: “ഈജി​പ്‌ത്‌ ദേശത്ത്‌ നിങ്ങളു​ടെ കൺമു​ന്നിൽവെച്ച്‌ യഹോവ ഫറവോ​നോ​ടും ഫറവോ​ന്റെ എല്ലാ ദാസന്മാ​രോ​ടും ഫറവോ​ന്റെ ദേശ​ത്തോ​ടു മുഴു​വ​നും ചെയ്‌തതു നിങ്ങൾ കണ്ടിരി​ക്കു​ന്നു;+ 3 മഹത്തായ ന്യായവിധികളും* വലിയ അടയാ​ള​ങ്ങ​ളും അത്ഭുത​ങ്ങ​ളും നിങ്ങൾ സ്വന്തം കണ്ണു​കൊണ്ട്‌ കണ്ടു.+ 4 പക്ഷേ യഹോവ നിങ്ങൾക്കു തിരി​ച്ച​റി​വുള്ള ഒരു ഹൃദയ​വും കാണുന്ന കണ്ണുക​ളും കേൾക്കുന്ന ചെവി​ക​ളും ഇന്നുവരെ നൽകി​യി​ട്ടില്ല.+ 5 ‘ഞാൻ നിങ്ങളെ വിജന​ഭൂ​മി​യി​ലൂ​ടെ നയിച്ച 40 വർഷം+ നിങ്ങൾ ധരിച്ചി​രുന്ന വസ്‌ത്രം പഴകു​ക​യോ നിങ്ങളു​ടെ കാലിലെ ചെരിപ്പു തേഞ്ഞു​പോ​കു​ക​യോ ചെയ്‌തില്ല.+ 6 നിങ്ങൾക്കു തിന്നാൻ അപ്പമോ കുടി​ക്കാൻ വീഞ്ഞോ മറ്റു ലഹരി​പാ​നീ​യ​ങ്ങ​ളോ ഇല്ലായി​രു​ന്നു. എങ്കിലും ഞാൻ നിങ്ങളു​ടെ ദൈവ​മായ യഹോ​വ​യാ​ണെന്നു നിങ്ങൾ തിരി​ച്ച​റി​യാൻ ഞാൻ നിങ്ങളെ പരിപാ​ലി​ച്ചു.’ 7 ഒടുവിൽ നിങ്ങൾ ഈ സ്ഥലത്ത്‌ എത്തി. അപ്പോൾ ഹെശ്‌ബോ​നി​ലെ രാജാ​വായ സീഹോനും+ ബാശാ​നി​ലെ രാജാ​വായ ഓഗും+ നമു​ക്കെ​തി​രെ യുദ്ധത്തി​നു വന്നു. എന്നാൽ നമ്മൾ അവരെ തോൽപ്പി​ച്ചു.+ 8 നമ്മൾ അവരുടെ ദേശം പിടി​ച്ച​ടക്കി രൂബേ​ന്യർക്കും ഗാദ്യർക്കും മനശ്ശെ​യ​രു​ടെ പാതി ഗോ​ത്ര​ത്തി​നും അവകാ​ശ​മാ​യി കൊടു​ത്തു.+ 9 അതുകൊണ്ട്‌ ഈ ഉടമ്പടി​യി​ലെ വാക്കുകൾ പാലിച്ച്‌ അവ അനുസ​രി​ക്കുക. അപ്പോൾ നിങ്ങൾ ചെയ്യു​ന്ന​തെ​ല്ലാം സഫലമാ​കും.+

10 “നിങ്ങൾ എല്ലാവ​രും ഇന്ന്‌ ഇതാ, നിങ്ങളു​ടെ ദൈവ​മായ യഹോ​വ​യു​ടെ മുമ്പാകെ നിൽക്കു​ന്നു; നിങ്ങളു​ടെ ഗോ​ത്ര​ത്ത​ല​വ​ന്മാ​രും നിങ്ങളു​ടെ മൂപ്പന്മാ​രും നിങ്ങളു​ടെ അധികാ​രി​ക​ളും ഇസ്രാ​യേ​ലി​ലെ എല്ലാ പുരു​ഷ​ന്മാ​രും 11 നിങ്ങളുടെ കുട്ടി​ക​ളും നിങ്ങളു​ടെ ഭാര്യമാരും+ നിങ്ങളു​ടെ പാളയ​ത്തിൽ താമസി​ച്ച്‌ നിങ്ങൾക്കു​വേണ്ടി വിറകു ശേഖരി​ക്കു​ക​യും വെള്ളം കോരു​ക​യും ചെയ്യുന്ന വിദേശിയും+ ഇവി​ടെ​യുണ്ട്‌. 12 നിങ്ങളുടെ ദൈവ​മായ യഹോവ നിങ്ങളു​മാ​യി ആണയിട്ട്‌ ചെയ്യുന്ന ഉടമ്പടി​യിൽ പങ്കാളി​ക​ളാ​കാ​നാ​ണു നിങ്ങൾ ഇവിടെ വന്നിരി​ക്കു​ന്നത്‌. നിങ്ങളു​ടെ ദൈവ​മായ യഹോവ ഇന്നു നിങ്ങളു​മാ​യി ഈ ഉടമ്പടി ചെയ്യുന്നതു+ 13 നിങ്ങളെ സ്വന്തം ജനമായി സ്ഥിരപ്പെടുത്താനും+ അവിടു​ന്ന്‌ നിങ്ങളു​ടെ ദൈവ​മാ​കാ​നും വേണ്ടി​യാണ്‌.+ ദൈവം നിങ്ങ​ളോ​ടു വാഗ്‌ദാ​നം ചെയ്‌ത​തും നിങ്ങളു​ടെ പൂർവി​ക​രായ അബ്രാ​ഹാം,+ യിസ്‌ഹാ​ക്ക്‌,+ യാക്കോബ്‌+ എന്നിവ​രോ​ടു സത്യം ചെയ്‌ത​തും ഇതായി​രു​ന്ന​ല്ലോ.

14 “ഞാൻ ഇപ്പോൾ ആണയി​ടു​ന്ന​തും ഈ ഉടമ്പടി ചെയ്യു​ന്ന​തും നിങ്ങ​ളോ​ടു മാത്രമല്ല, 15 ഇന്ന്‌ ഇവിടെ നമ്മളോ​ടൊ​പ്പം നമ്മുടെ ദൈവ​മായ യഹോ​വ​യു​ടെ മുമ്പാകെ കൂടി​വ​ന്നി​രി​ക്കു​ന്ന​വ​രോ​ടും ഇന്നു നമ്മളോ​ടൊ​പ്പം ഇവിടെ വന്നിട്ടി​ല്ലാ​ത്ത​വ​രോ​ടും കൂടെ​യാണ്‌. 16 (നമ്മൾ ഈജി​പ്‌ത്‌ ദേശത്ത്‌ കഴിഞ്ഞത്‌ എങ്ങനെ​യാ​ണെ​ന്നും പല ജനതകൾക്കി​ട​യി​ലൂ​ടെ കടന്നു​പോ​ന്നത്‌ എങ്ങനെ​യാ​ണെ​ന്നും നിങ്ങൾക്കു നന്നായി അറിയാം.+ 17 അവരുടെ വൃത്തി​കെട്ട വസ്‌തു​ക്ക​ളും മരം, കല്ല്‌, സ്വർണം, വെള്ളി എന്നിവ​യിൽ തീർത്ത അവരുടെ മ്ലേച്ഛവിഗ്രഹങ്ങളും*+ നിങ്ങൾ അപ്പോൾ കാണാ​റു​ണ്ടാ​യി​രു​ന്ന​ല്ലോ.) 18 നമ്മുടെ ദൈവ​മായ യഹോ​വ​യിൽനിന്ന്‌ ഹൃദയം​കൊണ്ട്‌ അകന്നു​പോ​കു​ക​യും ആ ജനതക​ളു​ടെ ദൈവ​ങ്ങളെ സേവി​ക്കാൻ ചായ്‌വ്‌ കാണി​ക്കു​ക​യും ചെയ്യുന്ന ഒരു പുരു​ഷ​നോ സ്‌ത്രീ​യോ ഒരു കുടും​ബ​മോ ഗോ​ത്ര​മോ ഇന്നു നിങ്ങൾക്കി​ട​യിൽ ഉണ്ടാകാ​തെ സൂക്ഷി​ച്ചു​കൊ​ള്ളുക.+ വിഷക്കാ​യും കാഞ്ഞി​ര​വും ഉണ്ടാകുന്ന അത്തര​മൊ​രു വേരു നിങ്ങൾക്കി​ട​യിൽ ഉണ്ടാകാ​തി​രി​ക്കട്ടെ.+

19 “എന്നാൽ ഈ ആണയിലെ വാക്കുകൾ കേട്ടി​ട്ടും, ‘എനിക്കു മനസ്സിൽ* തോന്നു​ന്ന​തു​പോ​ലെ നടന്നാ​ലും ഞാൻ സമാധാ​ന​ത്തോ​ടെ കഴിയും’ എന്നു പറഞ്ഞ്‌ ഒരു വ്യക്തി തന്റെ ഹൃദയ​ത്തിൽ വീമ്പി​ള​ക്കി​ക്കൊണ്ട്‌ തന്റെ വഴിയി​ലുള്ള എല്ലാത്തിനും* നാശം വിതച്ചാൽ 20 യഹോവ അയാ​ളോ​ടു ക്ഷമിക്കില്ല.+ യഹോ​വ​യു​ടെ ഉഗ്ര​കോ​പം അയാൾക്കു നേരെ ആളിക്ക​ത്തു​ക​യും ഈ പുസ്‌ത​ക​ത്തിൽ എഴുതി​യി​രി​ക്കുന്ന ശാപങ്ങ​ളെ​ല്ലാം അയാളു​ടെ മേൽ വരുക​യും ചെയ്യും.+ യഹോവ ഉറപ്പാ​യും അയാളു​ടെ പേര്‌ ആകാശ​ത്തിൻകീ​ഴിൽനിന്ന്‌ മായ്‌ച്ചു​ക​ള​യും. 21 ഈ നിയമ​പു​സ്‌ത​ക​ത്തിൽ എഴുതി​യി​രി​ക്കുന്ന ഉടമ്പടി​യി​ലെ എല്ലാ ശാപങ്ങൾക്കും ചേർച്ച​യിൽ അയാളു​ടെ മേൽ ആപത്തു വരുത്താ​നാ​യി യഹോവ അയാളെ ഇസ്രാ​യേ​ലി​ലെ എല്ലാ ഗോ​ത്ര​ങ്ങ​ളിൽനി​ന്നും വേർതി​രി​ക്കും.

22 “ദൂര​ദേ​ശ​ത്തു​നിന്ന്‌ വരുന്ന​വ​രും നിങ്ങളു​ടെ മക്കളുടെ ഭാവി​ത​ല​മു​റ​യും യഹോവ നിങ്ങളു​ടെ ദേശത്തി​ന്മേൽ വരുത്തിയ ബാധക​ളും ദുരി​ത​ങ്ങ​ളും കാണും. 23 യഹോവ കോപ​ത്തി​ലും ക്രോ​ധ​ത്തി​ലും നശിപ്പി​ച്ചു​കളഞ്ഞ സൊ​ദോം, ഗൊ​മോറ,+ ആദ്‌മ, സെബോയിം+ എന്നിവ​യെ​പ്പോ​ലെ ദേശം ഒന്നാകെ നശിക്കു​ന്നത്‌ അവർ കാണും. ഗന്ധകവും* ഉപ്പും തീയും കാരണം വിതയും വിളയും അവി​ടെ​യു​ണ്ടാ​കില്ല, സസ്യജാ​ല​ങ്ങ​ളൊ​ന്നും മുളച്ചു​വ​രില്ല. 24 അപ്പോൾ അവരും എല്ലാ ജനതക​ളും ഇങ്ങനെ ചോദി​ക്കും: ‘യഹോവ എന്തു​കൊ​ണ്ടാണ്‌ ഈ ദേശ​ത്തോട്‌ ഇങ്ങനെ ചെയ്‌തത്‌?+ ദൈവം ഇത്രയ​ധി​കം കോപി​ക്കാൻ എന്താണു കാരണം?’ 25 അപ്പോൾ അവർ പറയും: ‘അവർ അവരുടെ പൂർവി​ക​രു​ടെ ദൈവ​മായ യഹോ​വ​യു​ടെ ഉടമ്പടി, അതായത്‌ അവരെ ഈജി​പ്‌ത്‌ ദേശത്തു​നിന്ന്‌ കൊണ്ടു​വ​ന്ന​പ്പോൾ ദൈവം അവരോ​ടു ചെയ്‌ത ഉടമ്പടി,+ തള്ളിക്ക​ളഞ്ഞു. അതു​കൊ​ണ്ടാണ്‌ ഇങ്ങനെ സംഭവി​ച്ചത്‌.+ 26 മാത്രമല്ല, അവർ ചെന്ന്‌ തങ്ങൾ അറിഞ്ഞി​ട്ടി​ല്ലാത്ത, ആരാധി​ക്കാൻ അവർക്ക്‌ അനുവാ​ദ​മി​ല്ലാ​തി​രുന്ന,* അന്യ​ദൈ​വ​ങ്ങളെ ആരാധി​ക്കു​ക​യും അവയുടെ മുമ്പാകെ കുമ്പി​ടു​ക​യും ചെയ്‌തു.+ 27 അപ്പോൾ യഹോ​വ​യു​ടെ കോപം ആ ദേശത്തി​നു നേരെ ആളിക്ക​ത്തു​ക​യും ഈ പുസ്‌ത​ക​ത്തിൽ എഴുതി​യി​രി​ക്കുന്ന ശാപങ്ങ​ളെ​ല്ലാം ദൈവം അതിന്മേൽ വരുത്തു​ക​യും ചെയ്‌തു.+ 28 തന്റെ കോപ​വും ക്രോ​ധ​വും കടുത്ത ധാർമി​ക​രോ​ഷ​വും നിമിത്തം യഹോവ അവരെ അവരുടെ മണ്ണിൽനി​ന്ന്‌ പിഴു​തെ​ടുത്ത്‌ മറ്റൊരു ദേശ​ത്തേക്ക്‌ എറിഞ്ഞു​ക​ളഞ്ഞു.+ അവർ ഇന്നും അവിടെ കഴിയു​ന്നു.’+

29 “മറഞ്ഞി​രി​ക്കുന്ന കാര്യ​ങ്ങ​ളെ​ല്ലാം നമ്മുടെ ദൈവ​മായ യഹോ​വ​യ്‌ക്കു​ള്ള​താണ്‌.+ വെളി​പ്പെ​ടു​ത്തി​ക്കി​ട്ടിയ കാര്യ​ങ്ങ​ളോ നമ്മൾ ഈ നിയമ​ത്തി​ലെ വാക്കു​ക​ളെ​ല്ലാം എന്നെന്നും പാലി​ക്കാൻവേണ്ടി, നമുക്കും നമ്മുടെ വരും​ത​ല​മു​റ​കൾക്കും ഉള്ളതാണ്‌.+

30 “ഈ വാക്കു​ക​ളെ​ല്ലാം, അതായത്‌ ഞാൻ നിങ്ങളു​ടെ മുമ്പാകെ വെച്ചി​രി​ക്കുന്ന ഈ അനു​ഗ്ര​ഹ​വും ശാപവും,+ നിങ്ങളു​ടെ മേൽ വരുക​യും നിങ്ങളു​ടെ ദൈവ​മായ യഹോവ നിങ്ങളെ ചിതറി​ച്ചു​ക​ള​യുന്ന എല്ലാ ജനതക​ളു​ടെ​യും ഇടയിൽവെച്ച്‌+ അവ നിങ്ങളു​ടെ മനസ്സി​ലേക്കു വരുകയും*+ 2 നിങ്ങളും മക്കളും നിങ്ങളു​ടെ ദൈവ​മായ യഹോ​വ​യി​ലേക്കു തിരിഞ്ഞ്‌+ ഞാൻ ഇന്നു നിങ്ങ​ളോ​ടു കല്‌പി​ക്കു​ന്ന​തു​പോ​ലെ ദൈവ​ത്തി​ന്റെ വാക്കു​ക​ളെ​ല്ലാം നിങ്ങളു​ടെ മുഴു​ഹൃ​ദ​യ​ത്തോ​ടും നിങ്ങളു​ടെ മുഴുദേഹിയോടും* കൂടെ അനുസ​രി​ക്കു​ക​യും ചെയ്യു​മ്പോൾ,+ 3 ബന്ദികളായി പോ​കേ​ണ്ടി​വന്ന നിങ്ങളെ നിങ്ങളു​ടെ ദൈവ​മായ യഹോവ തിരികെ കൊണ്ടുവരുകയും+ നിങ്ങ​ളോ​ടു കരുണ കാണിക്കുകയും+ നിങ്ങളു​ടെ ദൈവ​മായ യഹോവ നിങ്ങളെ ചിതറി​ച്ചു​കളഞ്ഞ സകല ജനങ്ങളിൽനി​ന്നും നിങ്ങളെ കൂട്ടി​ച്ചേർക്കു​ക​യും ചെയ്യും.+ 4 നിങ്ങളെ ആകാശ​ത്തി​ന്റെ അറ്റത്തോ​ളം ചിതറി​ച്ചു​ക​ള​ഞ്ഞാ​ലും അവി​ടെ​നി​ന്നെ​ല്ലാം നിങ്ങളു​ടെ ദൈവ​മായ യഹോവ നിങ്ങളെ കൂട്ടി​ച്ചേർക്കു​ക​യും മടക്കി​വ​രു​ത്തു​ക​യും ചെയ്യും.+ 5 നിങ്ങളുടെ പിതാ​ക്ക​ന്മാർ കൈവ​ശ​മാ​ക്കിയ ദേശ​ത്തേക്കു നിങ്ങളു​ടെ ദൈവ​മായ യഹോവ നിങ്ങളെ കൊണ്ടു​വ​രും; നിങ്ങൾ അത്‌ അവകാ​ശ​മാ​ക്കും. ദൈവം നിങ്ങൾക്ക്‌ അഭിവൃ​ദ്ധി നൽകു​ക​യും നിങ്ങളെ നിങ്ങളു​ടെ പിതാ​ക്ക​ന്മാ​രെ​ക്കാൾ വർധി​പ്പി​ക്കു​ക​യും ചെയ്യും.+ 6 നിങ്ങളുടെ ദൈവ​മായ യഹോവ നിങ്ങളു​ടെ​യും നിങ്ങളു​ടെ സന്തതി​ക​ളു​ടെ​യും ഹൃദയം ശുദ്ധീ​ക​രി​ക്കും.*+ അങ്ങനെ നിങ്ങൾ നിങ്ങളു​ടെ മുഴു​ഹൃ​ദ​യ​ത്തോ​ടും നിങ്ങളു​ടെ മുഴു​ദേ​ഹി​യോ​ടും കൂടെ നിങ്ങളു​ടെ ദൈവ​മായ യഹോ​വയെ സ്‌നേ​ഹി​ക്കു​ക​യും ജീവ​നോ​ടി​രി​ക്കു​ക​യും ചെയ്യും.+ 7 നിങ്ങളുടെ ദൈവ​മായ യഹോവ ഈ ശാപങ്ങ​ളെ​ല്ലാം നിങ്ങളെ വെറു​ക്കു​ക​യും പീഡി​പ്പി​ക്കു​ക​യും ചെയ്‌ത നിങ്ങളു​ടെ ശത്രു​ക്ക​ളു​ടെ മേൽ വരുത്തും.+

8 “നിങ്ങൾ തിരി​ഞ്ഞു​വന്ന്‌ യഹോ​വ​യു​ടെ വാക്കു കേൾക്കു​ക​യും ഞാൻ ഇന്നു നിങ്ങ​ളോ​ടു കല്‌പി​ക്കുന്ന ദൈവ​ക​ല്‌പ​ന​ക​ളെ​ല്ലാം അനുസ​രി​ക്കു​ക​യും ചെയ്യും. 9 നിങ്ങളുടെ ദൈവ​മായ യഹോവ നിങ്ങളു​ടെ കൈക​ളു​ടെ എല്ലാ പ്രവൃ​ത്തി​ക​ളെ​യും സമൃദ്ധ​മാ​യി അനു​ഗ്ര​ഹി​ക്കും.+ അങ്ങനെ നിങ്ങളു​ടെ മക്കളും മൃഗങ്ങ​ളും നിലത്തെ വിളവു​ക​ളും അനേക​മാ​യി വർധി​ക്കും. യഹോവ നിങ്ങളു​ടെ പൂർവി​ക​രിൽ ആനന്ദി​ച്ച​തു​പോ​ലെ, നിങ്ങൾക്ക്‌ അഭിവൃ​ദ്ധി നൽകു​ന്ന​തിൽ വീണ്ടും ആനന്ദം കണ്ടെത്തും.+ 10 കാരണം നിങ്ങൾ അപ്പോൾ നിങ്ങളു​ടെ ദൈവ​മായ യഹോ​വ​യു​ടെ വാക്കു കേൾക്കു​ക​യും ഈ നിയമ​പു​സ്‌ത​ക​ത്തിൽ എഴുതി​യി​രി​ക്കുന്ന ദൈവ​ക​ല്‌പ​ന​ക​ളും നിയമ​ങ്ങ​ളും പാലി​ക്കു​ക​യും നിങ്ങളു​ടെ മുഴു​ഹൃ​ദ​യ​ത്തോ​ടും നിങ്ങളു​ടെ മുഴു​ദേ​ഹി​യോ​ടും കൂടെ നിങ്ങളു​ടെ ദൈവ​മായ യഹോ​വ​യി​ലേക്കു തിരി​യു​ക​യും ചെയ്യു​മ​ല്ലോ.+

11 “ഞാൻ ഇന്നു നിങ്ങ​ളോ​ടു കല്‌പി​ക്കുന്ന ഈ കല്‌പന അത്ര ബുദ്ധി​മു​ട്ടു​ള്ളതല്ല; അതു നിങ്ങളു​ടെ എത്തുപാ​ടിന്‌ അതീത​വു​മല്ല.*+ 12 ‘ഞങ്ങൾ കേട്ടനു​സ​രി​ക്കാൻവേണ്ടി ആരാണ്‌ ആകാശ​ത്തിൽ കയറി​ച്ചെന്ന്‌ അതു കൊണ്ടു​വ​രുക’ എന്നു നിങ്ങൾ പറയാൻ അത്‌ ആകാശ​ത്തി​ലല്ല.+ 13 ‘ഞങ്ങൾ കേട്ടനു​സ​രി​ക്കാൻവേണ്ടി കടലിന്‌ അക്കരെ ചെന്ന്‌ ആര്‌ അതു കൊണ്ടു​വ​രും’ എന്നു പറയാൻ അതു കടലിന്‌ അക്കരെ​യു​മല്ല. 14 നിങ്ങൾക്കു പാലി​ക്കാൻ കഴിയേണ്ടതിനു+ വചനം നിങ്ങളു​ടെ ഏറ്റവും അടുത്ത്‌, നിങ്ങളു​ടെ വായി​ലും ഹൃദയ​ത്തി​ലും, തന്നെയു​ണ്ട​ല്ലോ.+

15 “ഇതാ, ഞാൻ ഇന്നു ജീവനും അനു​ഗ്ര​ഹ​വും, മരണവും ശാപവും നിങ്ങളു​ടെ മുന്നിൽ വെക്കുന്നു.+ 16 നിങ്ങളുടെ ദൈവ​മായ യഹോ​വയെ സ്‌നേ​ഹി​ക്കു​ക​യും ദൈവ​ത്തി​ന്റെ വഴിക​ളിൽ നടക്കു​ക​യും ദൈവ​ത്തി​ന്റെ കല്‌പ​നകൾ, നിയമങ്ങൾ, ന്യായ​ത്തീർപ്പു​കൾ എന്നിവ​യെ​ല്ലാം പാലി​ക്കു​ക​യും ചെയ്‌തു​കൊണ്ട്‌, ഞാൻ ഇന്നു നിങ്ങ​ളോ​ടു കല്‌പി​ക്കുന്ന നിങ്ങളു​ടെ ദൈവ​മായ യഹോ​വ​യു​ടെ കല്‌പ​നകൾ നിങ്ങൾ അനുസരിക്കുന്നെങ്കിൽ+ നിങ്ങൾ ജീവിച്ചിരുന്ന്‌+ അനേക​മാ​യി വർധി​ക്കും. നിങ്ങൾ കൈവ​ശ​മാ​ക്കാൻപോ​കുന്ന ദേശത്ത്‌ നിങ്ങളു​ടെ ദൈവ​മായ യഹോവ നിങ്ങളെ അനു​ഗ്ര​ഹി​ക്കും.+

17 “എന്നാൽ നിങ്ങളു​ടെ ഹൃദയം വഴിതെറ്റുകയും+ നിങ്ങൾ അനുസ​ര​ണ​ക്കേടു കാണി​ക്കു​ക​യും വശീക​രി​ക്ക​പ്പെട്ട്‌ അന്യ​ദൈ​വ​ങ്ങ​ളു​ടെ മുമ്പാകെ കുമ്പി​ടു​ക​യും അവയെ സേവി​ക്കു​ക​യും ചെയ്‌താൽ,+  18 ഇന്നു ഞാൻ നിങ്ങ​ളോ​ടു പറയുന്നു, നിങ്ങൾ ഉറപ്പാ​യും നശിച്ചു​പോ​കും;+ യോർദാൻ കടന്ന്‌ നിങ്ങൾ കൈവ​ശ​മാ​ക്കുന്ന ദേശത്ത്‌ നിങ്ങൾ അധിക​കാ​ലം ജീവി​ച്ചി​രി​ക്കില്ല. 19 ഞാൻ നിങ്ങളു​ടെ മുമ്പാകെ ജീവനും മരണവും, അനു​ഗ്ര​ഹ​വും ശാപവും വെച്ചിരിക്കുന്നു+ എന്നതിന്‌ ഇന്നു ഞാൻ ആകാശ​ത്തെ​യും ഭൂമി​യെ​യും നിങ്ങൾക്കെ​തി​രെ സാക്ഷി​യാ​ക്കു​ന്നു. നിങ്ങളും നിങ്ങളു​ടെ വംശജ​രും ജീവിച്ചിരിക്കാനായി+ ജീവൻ തിര​ഞ്ഞെ​ടു​ത്തു​കൊ​ള്ളുക.+ 20 നിങ്ങൾ ജീവ​നോ​ടി​രി​ക്ക​ണ​മെ​ങ്കിൽ നിങ്ങളു​ടെ ദൈവ​മായ യഹോ​വയെ സ്‌നേഹിക്കുകയും+ ദൈവ​ത്തി​ന്റെ വാക്കു കേൾക്കു​ക​യും ദൈവ​ത്തോ​ടു പറ്റി​ച്ചേ​രു​ക​യും വേണം.+ കാരണം ദൈവ​മാ​ണു നിങ്ങൾക്കു ജീവനും ദീർഘാ​യു​സ്സും തരുന്നത്‌. നിങ്ങളു​ടെ പൂർവി​ക​രായ അബ്രാ​ഹാം, യിസ്‌ഹാ​ക്ക്‌, യാക്കോ​ബ്‌ എന്നിവർക്കു കൊടു​ക്കു​മെന്ന്‌ യഹോവ സത്യം ചെയ്‌ത ദേശത്ത്‌ ദീർഘ​കാ​ലം ജീവി​ച്ചി​രി​ക്കാൻ ദൈവം നിങ്ങളെ സഹായി​ക്കും.”+

31 പിന്നെ മോശ ചെന്ന്‌ ഇസ്രാ​യേ​ലി​നോ​ടു മുഴുവൻ സംസാ​രി​ച്ചു. 2 മോശ പറഞ്ഞു: “എനിക്ക്‌ ഇപ്പോൾ 120 വയസ്സായി.+ ഇനി നിങ്ങളെ നയിക്കാൻ* എനിക്കു കഴിയില്ല. കാരണം, ‘നീ ഈ യോർദാൻ കടക്കില്ല’+ എന്ന്‌ യഹോവ എന്നോടു പറഞ്ഞി​രി​ക്കു​ന്നു. 3 നിങ്ങളുടെ ദൈവ​മായ യഹോവ നിങ്ങളു​ടെ മുമ്പാകെ പോകും. ദൈവം ഈ ജനതകളെ നിങ്ങളു​ടെ മുന്നിൽനി​ന്ന്‌ തുടച്ചുനീക്കുകയും+ നിങ്ങൾ അവരുടെ ദേശം സ്വന്തമാ​ക്കു​ക​യും ചെയ്യും. യഹോവ പറഞ്ഞതു​പോ​ലെ യോശു​വ​യാ​യി​രി​ക്കും നിങ്ങളെ മറുക​ര​യി​ലേക്കു നയിക്കുക.+ 4 അമോര്യരാജാക്കന്മാരായ സീഹോൻ,+ ഓഗ്‌+ എന്നിവ​രെ​യും അവരുടെ ദേശ​ത്തെ​യും നശിപ്പി​ച്ച​തു​പോ​ലെ യഹോവ അവി​ടെ​യു​ള്ള​വ​രെ​യും പരിപൂർണ​മാ​യി നശിപ്പി​ക്കും.+ 5 യഹോവ നിങ്ങൾക്കു​വേണ്ടി അവരെ തോൽപ്പി​ക്കും. അപ്പോൾ, ഞാൻ നിങ്ങ​ളോ​ടു കല്‌പി​ച്ച​തു​പോ​ലെ​യെ​ല്ലാം അവരോ​ടു ചെയ്യണം.+ 6 ധൈര്യവും മനക്കരു​ത്തും ഉള്ളവരാ​യി​രി​ക്കുക.+ അവരുടെ മുന്നിൽ നടുങ്ങു​ക​യോ ഭയപ്പെ​ടു​ക​യോ അരുത്‌.+ കാരണം നിങ്ങളു​ടെ ദൈവ​മായ യഹോ​വ​യാ​ണു നിങ്ങ​ളോ​ടൊ​പ്പം വരുന്നത്‌. ദൈവം നിങ്ങളെ കൈവി​ടില്ല, ഉപേക്ഷി​ക്കു​ക​യു​മില്ല.”+

7 പിന്നെ മോശ യോശു​വയെ വിളിച്ച്‌ ഇസ്രാ​യേൽ മുഴുവൻ കാൺകെ ഇങ്ങനെ പറഞ്ഞു: “ധൈര്യ​വും മനക്കരു​ത്തും ഉള്ളവനാ​യി​രി​ക്കുക.+ കാരണം നീയാ​യി​രി​ക്കും ജനത്തെ യഹോവ അവർക്കു നൽകു​മെന്ന്‌ അവരുടെ പൂർവി​ക​രോ​ടു സത്യം ചെയ്‌ത ദേശ​ത്തേക്കു കൊണ്ടു​പോ​കു​ന്നത്‌. നീ അത്‌ അവർക്ക്‌ ഒരു അവകാ​ശ​മാ​യി കൊടു​ക്കും.+ 8 യഹോവ നിനക്കു മുന്നിൽ പോകു​ക​യും നിന്നോ​ടു​കൂ​ടെ​യി​രി​ക്കു​ക​യും ചെയ്യും.+ ദൈവം നിന്നെ കൈവി​ടില്ല, ഉപേക്ഷി​ക്കു​ക​യു​മില്ല. നീ പേടി​ക്കു​ക​യോ ഭയപ്പെ​ടു​ക​യോ വേണ്ടാ.”+

9 തുടർന്ന്‌ മോശ ഈ നിയമം എഴുതി+ യഹോ​വ​യു​ടെ ഉടമ്പടി​പ്പെ​ട്ടകം ചുമക്കുന്ന ലേവ്യ​പു​രോ​ഹി​ത​ന്മാർക്കും ഇസ്രാ​യേ​ലി​ലെ എല്ലാ മൂപ്പന്മാർക്കും കൊടു​ത്തു. 10 മോശ അവരോ​ട്‌ ഇങ്ങനെ കല്‌പി​ച്ചു: “എല്ലാ ഏഴാം വർഷത്തി​ന്റെ​യും അവസാനം, വിമോ​ച​ന​ത്തി​നുള്ള വർഷത്തിൽ+ നിശ്ചി​ത​സ​മ​യത്ത്‌, അതായത്‌ കൂടാ​രോ​ത്സ​വ​ത്തിൽ,*+ 11 ഇസ്രായേൽ മുഴുവൻ നിങ്ങളു​ടെ ദൈവ​മായ യഹോവ തിര​ഞ്ഞെ​ടു​ക്കുന്ന സ്ഥലത്ത്‌ ദൈവ​ത്തി​ന്റെ മുമ്പാകെ വരുമ്പോൾ+ അവരെ​ല്ലാം കേൾക്കാൻ നിങ്ങൾ ഈ നിയമം വായി​ക്കണം.+ 12 ഈ നിയമ​ത്തി​ലെ വാക്കു​ക​ളെ​ല്ലാം കേട്ടു​പ​ഠി​ക്കാ​നും ശ്രദ്ധാ​പൂർവം പാലി​ക്കാ​നും നിങ്ങളു​ടെ ദൈവ​മായ യഹോ​വയെ ഭയപ്പെ​ടാ​നും വേണ്ടി ജനത്തെ​യെ​ല്ലാം, പുരു​ഷ​ന്മാ​രെ​യും സ്‌ത്രീ​ക​ളെ​യും കുട്ടി​ക​ളെ​യും നിങ്ങളു​ടെ നഗരങ്ങളിൽ* വന്നുതാ​മ​സ​മാ​ക്കിയ വിദേ​ശി​ക​ളെ​യും, വിളി​ച്ചു​കൂ​ട്ടുക.+ 13 അപ്പോൾ, ഈ നിയമം അറിഞ്ഞി​ട്ടി​ല്ലാത്ത അവരുടെ മക്കൾ ഇതു കേൾക്കുകയും+ യോർദാൻ കടന്ന്‌ നിങ്ങൾ കൈവ​ശ​മാ​ക്കുന്ന ദേശത്ത്‌ ജീവി​ച്ചി​രി​ക്കു​ന്നി​ട​ത്തോ​ളം കാലം നിങ്ങളു​ടെ ദൈവ​മായ യഹോ​വയെ ഭയപ്പെ​ടാൻ പഠിക്കു​ക​യും ചെയ്യും.”+

14 യഹോവ മോശ​യോ​ടു പറഞ്ഞു: “ഇതാ, നീ മരിക്കാ​നുള്ള സമയം അടുത്തി​രി​ക്കു​ന്നു.+ യോശു​വ​യെ​യും കൂട്ടി സാന്നിധ്യകൂടാരത്തിലേക്കു* വരുക; ഞാൻ യോശു​വയെ നിയമി​ക്കട്ടെ.”+ അങ്ങനെ മോശ​യും യോശു​വ​യും സാന്നി​ധ്യ​കൂ​ടാ​ര​ത്തി​ലേക്കു ചെന്നു. 15 അപ്പോൾ യഹോവ മേഘസ്‌തം​ഭ​ത്തിൽ സാന്നി​ധ്യ​കൂ​ടാ​ര​ത്തി​ങ്കൽ പ്രത്യ​ക്ഷ​നാ​യി. മേഘസ്‌തം​ഭം കൂടാ​ര​ത്തി​ന്റെ പ്രവേ​ശ​ന​ക​വാ​ട​ത്തിൽ നിന്നു.+

16 യഹോവ മോശ​യോ​ടു പറഞ്ഞു: “നീ ഇതാ മരിക്കാൻപോ​കു​ന്നു.* ഈ ജനം, അവർ പോകുന്ന ദേശത്ത്‌ അവർക്കു ചുറ്റു​മുള്ള അന്യ​ദൈ​വ​ങ്ങ​ളു​മാ​യി ആത്മീയ​വേ​ശ്യാ​വൃ​ത്തി​യിൽ ഏർപ്പെ​ടും.+ അവർ എന്നെ ഉപേക്ഷിക്കുകയും+ ഞാൻ അവരു​മാ​യി ചെയ്‌ത എന്റെ ഉടമ്പടി ലംഘി​ക്കു​ക​യും ചെയ്യും.+ 17 അപ്പോൾ എന്റെ കോപം അവർക്കു നേരെ ആളിക്ക​ത്തും.+ ഞാൻ അവരെ ഉപേക്ഷി​ക്കും.+ അവർ നശി​ച്ചൊ​ടു​ങ്ങും​വരെ അവരിൽനി​ന്ന്‌ ഞാൻ എന്റെ മുഖം മറയ്‌ക്കും.+ അനേകം ആപത്തു​ക​ളും കഷ്ടതക​ളും അവരുടെ മേൽ വന്നശേഷം,+ ‘നമ്മുടെ ദൈവം നമ്മു​ടെ​കൂ​ടെ​യി​ല്ലാ​ത്ത​തു​കൊ​ണ്ടല്ലേ ഈ ആപത്തുകൾ നമുക്കു വന്നത്‌’ എന്ന്‌ അവർ പറയും.+ 18 എന്നാൽ അന്യ​ദൈ​വ​ങ്ങ​ളി​ലേക്കു തിരിഞ്ഞ്‌ അവർ ചെയ്‌തു​കൂ​ട്ടിയ എല്ലാ ദുഷ്ടത​ക​ളും കാരണം ഞാൻ അന്ന്‌ എന്റെ മുഖം അവരിൽനി​ന്ന്‌ മറയ്‌ക്കും.+

19 “ഇപ്പോൾ ഈ പാട്ട്‌ എഴുതിയെടുത്ത്‌+ ഇസ്രാ​യേ​ല്യ​രെ പഠിപ്പി​ക്കുക.+ അവർ അതു പഠിക്കട്ടെ;* അങ്ങനെ ആ പാട്ട്‌ ഇസ്രാ​യേൽ ജനത്തിന്‌ എതിരെ എന്റെ സാക്ഷി​യാ​യി​രി​ക്കും.+ 20 അവരുടെ പൂർവി​ക​രോ​ടു സത്യം ചെയ്‌ത ദേശ​ത്തേക്ക്‌,+ പാലും തേനും ഒഴുകുന്ന ദേശ​ത്തേക്ക്‌,+ ഞാൻ അവരെ കൊണ്ടു​പോ​കു​ക​യും അവർ തിന്ന്‌ തൃപ്‌ത​രാ​യി അഭിവൃ​ദ്ധി നേടു​ക​യും ചെയ്യുമ്പോൾ+ അവർ അന്യ​ദൈ​വ​ങ്ങ​ളി​ലേക്കു തിരിഞ്ഞ്‌ അവയെ സേവി​ക്കു​ക​യും എന്നോട്‌ അനാദ​രവ്‌ കാണിച്ച്‌ എന്റെ ഉടമ്പടി ലംഘി​ക്കു​ക​യും ചെയ്യും.+ 21 അനേകം ആപത്തു​ക​ളും കഷ്ടതക​ളും അവരുടെ മേൽ വരുമ്പോൾ+ ഈ പാട്ട്‌ അവർക്കെ​തി​രെ ഒരു സാക്ഷി​യാ​യി​രി​ക്കും. (അവരുടെ വരും​ത​ല​മു​റകൾ ഇതു മറക്കാൻ പാടില്ല.) കാരണം ഞാൻ അവരോ​ടു സത്യം ചെയ്‌ത ദേശ​ത്തേക്ക്‌ അവരെ കൊണ്ടു​പോ​കു​ന്ന​തി​നു മുമ്പു​തന്നെ അവർ വളർത്തി​യെ​ടു​ത്തി​രി​ക്കുന്ന മനോഭാവം+ എങ്ങനെ​യു​ള്ള​താ​ണെന്ന്‌ എനിക്കു നന്നായി അറിയാം.”

22 അങ്ങനെ, അന്നേ ദിവസം മോശ ഈ പാട്ട്‌ എഴുതി ഇസ്രാ​യേ​ല്യ​രെ പഠിപ്പി​ച്ചു.

23 പിന്നെ ദൈവം നൂന്റെ മകനായ യോശു​വയെ നിയമിച്ചിട്ട്‌+ ഇങ്ങനെ പറഞ്ഞു: “ധൈര്യ​വും മനക്കരു​ത്തും ഉള്ളവനാ​യി​രി​ക്കുക.+ കാരണം നീയാ​യി​രി​ക്കും ഇസ്രാ​യേ​ല്യ​രെ ഞാൻ അവർക്കു നൽകു​മെന്ന്‌ അവരോ​ടു സത്യം ചെയ്‌ത ദേശ​ത്തേക്കു കൊണ്ടു​പോ​കു​ന്നത്‌;+ ഞാൻ നിന്നോ​ടു​കൂ​ടെ​യു​ണ്ടാ​യി​രി​ക്കും.”

24 ഈ നിയമ​ത്തി​ലെ വാക്കുകൾ മുഴു​വ​നും ഒരു പുസ്‌ത​ക​ത്തിൽ എഴുതിയ ഉടനെ മോശ+ 25 യഹോവയുടെ ഉടമ്പടി​പ്പെ​ട്ടകം ചുമക്കുന്ന ലേവ്യ​രോട്‌ ഇങ്ങനെ പറഞ്ഞു: 26 “ഈ നിയമ​പു​സ്‌തകം എടുത്ത്‌+ നിങ്ങളു​ടെ ദൈവ​മായ യഹോ​വ​യു​ടെ ഉടമ്പടി​പ്പെ​ട്ട​ക​ത്തിന്‌ അടുത്ത്‌ വെക്കുക.+ അതു നിങ്ങൾക്കെ​തി​രെ ഒരു സാക്ഷി​യാ​യി​രി​ക്കും. 27 കാരണം നിങ്ങളു​ടെ ധിക്കാ​ര​വും ദുശ്ശാഠ്യവും+ എനിക്കു നന്നായി അറിയാം.+ ഞാൻ ജീവി​ച്ചി​രി​ക്കു​മ്പോൾ നിങ്ങൾ യഹോ​വയെ ഇത്രയ​ധി​കം ധിക്കരി​ക്കു​ന്നെ​ങ്കിൽ എന്റെ മരണ​ശേഷം നിങ്ങളു​ടെ ധിക്കാരം എത്രയ​ധി​ക​മാ​യി​രി​ക്കും! 28 നിങ്ങളുടെ ഗോ​ത്ര​ങ്ങ​ളി​ലെ എല്ലാ മൂപ്പന്മാ​രെ​യും അധികാ​രി​ക​ളെ​യും എന്റെ മുന്നിൽ കൂട്ടി​വ​രു​ത്തുക. അവർ കേൾക്കെ ഞാൻ ഇക്കാര്യ​ങ്ങൾ പറയാം. ആകാശ​വും ഭൂമി​യും അവർക്കെ​തി​രെ സാക്ഷി​യാ​യി​രി​ക്കും.+ 29 എന്റെ മരണ​ശേഷം നിങ്ങൾ ദുഷ്ടത ചെയ്യുമെന്നും+ ഞാൻ നിങ്ങ​ളോ​ടു കല്‌പിച്ച വഴി വിട്ടു​മാ​റു​മെ​ന്നും എനിക്കു നന്നായി അറിയാം. നിങ്ങൾ യഹോ​വ​യു​ടെ മുമ്പാകെ തിന്മ പ്രവർത്തി​ക്കു​ക​യും നിങ്ങളു​ടെ ചെയ്‌തി​ക​ളാൽ ദൈവത്തെ കോപി​പ്പി​ക്കു​ക​യും ചെയ്യും. അതു​കൊണ്ട്‌ ഭാവി​യിൽ നിങ്ങൾക്ക്‌ ആപത്തു വരും.”+

30 പിന്നെ ഇസ്രാ​യേൽസഭ മുഴുവൻ കേൾക്കെ മോശ ഈ പാട്ട്‌ ആദ്യം​മു​തൽ അവസാ​നം​വരെ ചൊല്ലി:+

 3 ഞാൻ യഹോ​വ​യു​ടെ പേര്‌ പ്രസി​ദ്ധ​മാ​ക്കും.+

നമ്മുടെ ദൈവ​ത്തി​ന്റെ മാഹാ​ത്മ്യം പ്രകീർത്തി​ക്കു​വിൻ!+

 5 അവരാണു വഷളത്തം കാണി​ച്ചത്‌;+

അവർ ദൈവ​ത്തി​ന്റെ മക്കളല്ല, കുറ്റം അവരു​ടേതു മാത്രം;+

വക്രത​യും കോട്ട​വും ഉള്ള ഒരു തലമുറ!+

15 പുഷ്ടിവെച്ചപ്പോൾ യശുരൂൻ* ധിക്കാ​ര​പൂർവം തൊഴി​ച്ചു.

നീ തടിച്ചു​കൊ​ഴു​ത്തി​രി​ക്കു​ന്നു, പുഷ്ടി​വെച്ച്‌ മിനു​ത്തി​രി​ക്കു​ന്നു.+

29 അവർക്കു ജ്ഞാനമു​ണ്ടാ​യി​രു​ന്നെ​ങ്കിൽ!+ എങ്കിൽ അവർ ഇതു ധ്യാനി​ക്കു​മാ​യി​രു​ന്നു;+

തങ്ങളുടെ പ്രവൃ​ത്തി​ക​ളു​ടെ ഭവിഷ്യ​ത്തി​നെ​ക്കു​റിച്ച്‌ അവർ ചിന്തി​ക്കു​മാ​യി​രു​ന്നു.+

അവർ എഴു​ന്നേറ്റ്‌ നിങ്ങളെ സഹായി​ക്കട്ടെ,

അവർ നിങ്ങളു​ടെ അഭയസ്ഥാ​ന​മാ​യി​രി​ക്കട്ടെ.

കൊല്ലു​ന്ന​തും ജീവി​പ്പി​ക്കു​ന്ന​തും ഞാനാണ്‌,+

44 മോശയും നൂന്റെ മകനായ ഹോശയയും*+ വന്ന്‌ ഈ പാട്ടു മുഴു​വ​നും ജനത്തെ ചൊല്ലി​ക്കേൾപ്പി​ച്ചു.+ 45 ഈ വാക്കുകൾ മോശ ഇസ്രാ​യേ​ലി​നെ മുഴുവൻ അറിയി​ച്ചു. 46 പിന്നെ മോശ പറഞ്ഞു: “ഈ നിയമ​ത്തി​ലെ വാക്കു​ക​ളെ​ല്ലാം ശ്രദ്ധാ​പൂർവം പാലി​ക്കാൻ നിങ്ങളു​ടെ മക്കളെ പഠിപ്പിക്കേണ്ടതിന്‌+ ഇന്നു ഞാൻ നിങ്ങളെ അറിയിച്ച എല്ലാ മുന്നറി​യി​പ്പു​ക​ളും ഹൃദയ​ത്തിൽ സൂക്ഷി​ക്കുക.+ 47 ഇവ അർഥശൂ​ന്യ​മായ വാക്കു​കളല്ല; നിങ്ങളു​ടെ ജീവൻത​ന്നെ​യാണ്‌.+ ഇവ അനുസ​രി​ക്കു​ന്നെ​ങ്കിൽ യോർദാൻ കടന്ന്‌ കൈവ​ശ​മാ​ക്കാൻപോ​കുന്ന ദേശത്ത്‌ നിങ്ങൾ ദീർഘ​കാ​ലം ജീവി​ച്ചി​രി​ക്കും.”

48 അന്നേ ദിവസം​തന്നെ യഹോവ മോശ​യോ​ടു പറഞ്ഞു: 49 “അബാരീം പ്രദേ​ശത്തെ ഈ മലയി​ലേക്ക്‌,+ യരീ​ഹൊ​യു​ടെ എതിർവ​ശ​ത്തുള്ള മോവാ​ബ്‌ ദേശത്തെ നെബോ പർവത​ത്തി​ലേക്ക്‌,+ കയറി​ച്ചെന്ന്‌ ഇസ്രാ​യേ​ല്യർക്കു ഞാൻ അവകാ​ശ​മാ​യി കൊടു​ക്കാൻപോ​കുന്ന കനാൻ ദേശം കണ്ടു​കൊ​ള്ളുക.+ 50 നിന്റെ സഹോ​ദ​ര​നായ അഹരോൻ ഹോർ പർവത​ത്തിൽവെച്ച്‌ മരിച്ച്‌ തന്റെ ജനത്തോ​ടു ചേർന്നതുപോലെ* നീ കയറി​ച്ചെ​ല്ലുന്ന മലയിൽവെച്ച്‌ നീ മരിക്കുകയും+ നിന്റെ ജനത്തോ​ടു ചേരു​ക​യും ചെയ്യും. 51 കാരണം, നിങ്ങൾ ഇരുവ​രും സീൻ വിജന​ഭൂ​മി​യി​ലെ കാദേ​ശി​ലുള്ള മെരീ​ബ​യി​ലെ നീരുറവിൽവെച്ച്‌+ ഇസ്രാ​യേ​ല്യ​രു​ടെ മധ്യേ എന്നോട്‌ അവിശ്വ​സ്‌തത കാണിച്ചു; ഇസ്രാ​യേൽ ജനത്തിനു മുമ്പാകെ നിങ്ങൾ എന്നെ വിശു​ദ്ധീ​ക​രി​ച്ചില്ല.+ 52 നീ ദൂരെ​നിന്ന്‌ ആ ദേശം കാണും; എന്നാൽ ഞാൻ ഇസ്രാ​യേൽ ജനത്തിനു കൊടു​ക്കുന്ന ദേശത്ത്‌ നീ കടക്കില്ല.”+

33 ദൈവ​പു​രു​ഷ​നായ മോശ തന്റെ മരണത്തി​നു മുമ്പ്‌ ഇസ്രാ​യേ​ല്യ​രെ അനുഗ്രഹിച്ച്‌+ 2 ഇങ്ങനെ പറഞ്ഞു:

 7 മോശ യഹൂദയെ ഇങ്ങനെ അനു​ഗ്ര​ഹി​ച്ചു:+

 8 ലേവിയെക്കുറിച്ച്‌ മോശ പറഞ്ഞു:+

12 ബന്യാമീനെക്കുറിച്ച്‌ മോശ പറഞ്ഞു:+

13 യോസേഫിനെക്കുറിച്ച്‌ മോശ പറഞ്ഞു:+

18 സെബുലൂനെക്കുറിച്ച്‌+ മോശ പറഞ്ഞു:

19 അവർ ജനങ്ങളെ പർവത​ത്തി​ലേക്കു ക്ഷണിക്കും.

അവിടെ അവർ നീതി​യു​ടെ ബലികൾ അർപ്പി​ക്കും.

20 ഗാദിനെക്കുറിച്ച്‌ മോശ പറഞ്ഞു:+

“ഗാദിന്റെ അതിരു​കൾ വിശാ​ല​മാ​ക്കു​ന്നവൻ അനുഗൃ​ഹീ​തൻ.+

ജനത്തിന്റെ തലവന്മാർ ഒന്നിച്ചു​കൂ​ടും.

22 ദാനെക്കുറിച്ച്‌ മോശ പറഞ്ഞു:+

“ദാൻ ഒരു സിംഹ​ക്കു​ട്ടി.+

ദാൻ ബാശാ​നിൽനിന്ന്‌ കുതി​ച്ചു​ചാ​ടും.”+

23 നഫ്‌താലിയെക്കുറിച്ച്‌ മോശ പറഞ്ഞു:+

പടിഞ്ഞാ​റും തെക്കും നീ അവകാ​ശ​മാ​ക്കി​ക്കൊ​ള്ളുക.”

24 ആശേരിനെക്കുറിച്ച്‌ മോശ പറഞ്ഞു:+

“ആശേർ പുത്ര​സ​മ്പ​ത്തു​കൊണ്ട്‌ അനുഗൃ​ഹീ​ത​നാണ്‌.

29 ഇസ്രായേലേ, നീ എത്ര ധന്യൻ!+

34 പിന്നെ മോശ മോവാ​ബ്‌ മരു​പ്ര​ദേ​ശ​ത്തു​നിന്ന്‌ നെബോ പർവത​ത്തി​ലേക്ക്‌,+ യരീഹൊയ്‌ക്ക്‌+ അഭിമു​ഖ​മാ​യി നിൽക്കുന്ന പിസ്‌ഗ​യു​ടെ മുകളി​ലേക്ക്‌,+ കയറി​ച്ചെന്നു. യഹോവ ദേശം മുഴുവൻ മോശ​യ്‌ക്കു കാണി​ച്ചു​കൊ​ടു​ത്തു. അതായത്‌, ഗിലെ​യാദ്‌ മുതൽ ദാൻ വരെയും+ 2 നഫ്‌താലി മുഴു​വ​നും എഫ്രയീം​ദേ​ശ​വും മനശ്ശെ​ദേ​ശ​വും പടിഞ്ഞാ​റേ കടൽ* വരെയുള്ള യഹൂദാ​ദേശം മുഴുവനും+ 3 നെഗെബും+ യോർദാൻ പ്രദേശവും+—ഈന്തപ്പ​ന​ക​ളു​ടെ നഗരമായ യരീ​ഹൊ​യി​ലെ താഴ്‌വര മുതൽ സോവർ+ വരെയും—കാണിച്ചു.

4 പിന്നെ യഹോവ മോശ​യോ​ടു പറഞ്ഞു: “ഞാൻ അബ്രാ​ഹാ​മി​നോ​ടും യിസ്‌ഹാ​ക്കി​നോ​ടും യാക്കോ​ബി​നോ​ടും, ‘നിന്റെ സന്തതിക്കു* ഞാൻ കൊടു​ക്കും’ എന്നു സത്യം ചെയ്‌ത ദേശം ഇതാണ്‌.+ അതു കാണാൻ നിന്നെ ഞാൻ അനുവ​ദി​ച്ചി​രി​ക്കു​ന്നു. എന്നാൽ നീ അവി​ടേക്കു കടക്കില്ല.”+

5 അതിനു ശേഷം, യഹോവ പറഞ്ഞി​രു​ന്ന​തു​പോ​ലെ​തന്നെ യഹോ​വ​യു​ടെ ദാസനായ മോശ അവിടെ മോവാ​ബ്‌ ദേശത്തു​വെച്ച്‌ മരിച്ചു.+ 6 ദൈവം* മോശയെ ബേത്ത്‌-പെയോ​രിന്‌ എതിർവ​ശ​ത്തുള്ള, മോവാ​ബ്‌ ദേശത്തെ താഴ്‌വ​ര​യിൽ അടക്കം ചെയ്‌തു. മോശയെ അടക്കി​യത്‌ എവി​ടെ​യാ​ണെന്ന്‌ ഇന്നുവരെ ആർക്കും അറിയില്ല.+ 7 മരിക്കുമ്പോൾ മോശ​യ്‌ക്ക്‌ 120 വയസ്സാ​യി​രു​ന്നു.+ അതുവരെ മോശ​യു​ടെ കാഴ്‌ച മങ്ങുക​യോ ആരോ​ഗ്യം ക്ഷയിക്കു​ക​യോ ചെയ്‌തി​രു​ന്നില്ല. 8 ഇസ്രായേൽ ജനം മോവാ​ബ്‌ മരു​പ്ര​ദേ​ശ​ത്തു​വെച്ച്‌ 30 ദിവസം മോശ​യ്‌ക്കു​വേണ്ടി വിലപി​ച്ചു.+ അങ്ങനെ മോശ​യ്‌ക്കു​വേ​ണ്ടി​യുള്ള വിലാ​പ​കാ​ലം പൂർത്തി​യാ​യി.

9 നൂന്റെ മകനായ യോശു​വ​യു​ടെ മേൽ മോശ കൈകൾ വെച്ച്‌ അനു​ഗ്ര​ഹി​ച്ചി​രു​ന്നു.+ അങ്ങനെ യോശുവ ജ്ഞാനത്തി​ന്റെ ആത്മാവ്‌ നിറഞ്ഞ​വ​നാ​യി. യഹോവ മോശ​യോ​ടു കല്‌പി​ച്ച​തു​പോ​ലെ​തന്നെ ഇസ്രാ​യേ​ല്യർ യോശു​വയെ അനുസ​രി​ക്കാൻതു​ടങ്ങി.+ 10 എന്നാൽ മോശ​യെ​പ്പോ​ലെ, യഹോവ മുഖാ​മു​ഖം കണ്ടറിഞ്ഞ+ ഒരു പ്രവാ​ചകൻ പിന്നീട്‌ ഒരിക്ക​ലും ഇസ്രാ​യേ​ലി​ലു​ണ്ടാ​യി​ട്ടില്ല.+ 11 മോശ ഈജി​പ്‌ത്‌ ദേശത്ത്‌ ചെന്ന്‌ ഫറവോ​ന്റെ മേലും ഫറവോ​ന്റെ ദാസന്മാ​രു​ടെ മേലും ഫറവോ​ന്റെ മുഴുവൻ ദേശത്തി​ന്മേ​ലും യഹോവ പറഞ്ഞ എല്ലാ അടയാ​ള​ങ്ങ​ളും അത്ഭുത​ങ്ങ​ളും പ്രവർത്തി​ച്ചു.+ 12 ഇസ്രായേല്യർ കാൺകെ​യും മോശ ബലമുള്ള കൈയാൽ ശക്തവും ഭയങ്കര​വും ആയ പ്രവൃ​ത്തി​കൾ ചെയ്‌തു.+