കൊരി​ന്തി​ലു​ള്ള​വർക്ക്‌ എഴുതിയ രണ്ടാമത്തെ കത്ത്‌

1 ദൈ​വേ​ഷ്ട​ത്താൽ ക്രിസ്‌തുയേ​ശു​വി​ന്റെ അപ്പോ​സ്‌ത​ല​നായ പൗലോ​സും നമ്മുടെ സഹോ​ദ​ര​നായ തിമൊഥെയൊസും+ കൊരി​ന്തി​ലെ ദൈവ​സ​ഭ​യ്‌ക്കും അഖായയിൽ+ എല്ലായി​ട​ത്തു​മുള്ള എല്ലാ വിശു​ദ്ധർക്കും എഴുതു​ന്നത്‌:

2 നമ്മുടെ പിതാ​വായ ദൈവ​ത്തിൽനി​ന്നും കർത്താ​വായ യേശുക്രി​സ്‌തു​വിൽനി​ന്നും നിങ്ങൾക്ക്‌ അനർഹ​ദ​യ​യും സമാധാ​ന​വും ലഭിക്കട്ടെ!

3 നമ്മുടെ കർത്താ​വായ യേശുക്രി​സ്‌തു​വി​ന്റെ ദൈവ​വും പിതാ​വും ആയവൻ+ വാഴ്‌ത്തപ്പെ​ടട്ടെ. നമ്മുടെ ദൈവം മനസ്സലി​വുള്ള പിതാവും+ ഏതു സാഹച​ര്യ​ത്തി​ലും ആശ്വാസം തരുന്ന ദൈവ​വും ആണല്ലോ.+ 4 നമ്മുടെ കഷ്ടതക​ളിലെ​ല്ലാം ദൈവം നമ്മളെ ആശ്വസി​പ്പി​ക്കു​ന്നു.*+ അങ്ങനെ ദൈവ​ത്തിൽനിന്ന്‌ കിട്ടുന്ന ആശ്വാസംകൊണ്ട്‌+ ഏതുതരം കഷ്ടതകൾ അനുഭ​വി​ക്കു​ന്ന​വരെ​യും ആശ്വസി​പ്പി​ക്കാൻ നമുക്കും കഴിയു​ന്നു.+ 5 ക്രിസ്‌തുവിനെപ്രതി നമുക്ക്‌ ഉണ്ടാകുന്ന കഷ്ടതകൾ പെരുകുന്തോറും+ ക്രിസ്‌തു​വി​ലൂ​ടെ കിട്ടുന്ന ആശ്വാ​സ​വും നമ്മിൽ നിറഞ്ഞു​ക​വി​യു​ന്നു. 6 ഞങ്ങൾ കഷ്ടതകൾ സഹിക്കുന്നെ​ങ്കിൽ അതു നിങ്ങളു​ടെ ആശ്വാ​സ​ത്തി​നും രക്ഷയ്‌ക്കും വേണ്ടി​യാണ്‌. ഞങ്ങൾക്ക്‌ ആശ്വാസം കിട്ടുന്നെ​ങ്കിൽ അതും നിങ്ങളു​ടെ ആശ്വാ​സ​ത്തി​നുവേ​ണ്ടി​യാണ്‌. ഞങ്ങൾ സഹിക്കുന്ന അതേ കഷ്ടപ്പാ​ടു​കൾ ക്ഷമയോ​ടെ സഹിക്കാൻ അതു നിങ്ങളെ സഹായി​ക്കും. 7 നിങ്ങളെക്കുറിച്ച്‌ ഞങ്ങൾക്കുള്ള പ്രതീ​ക്ഷ​യ്‌ക്ക്‌ ഇളക്കം​ത​ട്ടില്ല. കാരണം ഞങ്ങളുടെ കഷ്ടതക​ളിലെ​ന്നപോ​ലെ ഞങ്ങളുടെ ആശ്വാ​സ​ത്തി​ലും നിങ്ങൾ പങ്കാളി​ക​ളാ​കും എന്നു ഞങ്ങൾക്ക്‌ അറിയാം.+

8 സഹോദരങ്ങളേ, ഏഷ്യ സം​സ്ഥാ​നത്ത്‌ ഞങ്ങൾ സഹിച്ച കഷ്ടതകൾ നിങ്ങൾ അറിയാതെപോ​ക​രുതെന്നു ഞങ്ങൾ ആഗ്രഹി​ക്കു​ന്നു.+ ജീവ​നോ​ടി​രി​ക്കു​മോ എന്നു​പോ​ലും ആശങ്ക തോന്നുന്ന വിധത്തിൽ സഹിക്കാ​വു​ന്ന​തി​നും അപ്പുറം സമ്മർദം ഞങ്ങൾക്ക്‌ അനുഭ​വപ്പെട്ടു.+ 9 ശരിക്കും ഞങ്ങളെ മരണത്തി​നു വിധി​ച്ച​താ​യി ഞങ്ങൾക്കു തോന്നി. ഞങ്ങൾ ഞങ്ങളിൽത്തന്നെ ആശ്രയി​ക്കാ​തെ മരിച്ച​വരെ ഉയിർപ്പി​ക്കുന്ന ദൈവ​ത്തിൽ ആശ്രയിക്കാൻവേണ്ടിയാണ്‌+ അങ്ങനെ സംഭവി​ച്ചത്‌. 10 മരണത്തിന്റെ വായിൽനിന്നെ​ന്നപോ​ലെ അത്ര ഭയങ്കര​മായ വിപത്തിൽനി​ന്നാ​ണു ദൈവം ഞങ്ങളെ രക്ഷപ്പെ​ടു​ത്തി​യത്‌. ഇനിയും ദൈവം ഞങ്ങളെ രക്ഷിക്കു​മെന്ന പ്രതീ​ക്ഷയോ​ടെ ദൈവ​ത്തിൽ ഞങ്ങൾ പ്രത്യാശ വെക്കുന്നു.+ 11 ഞങ്ങൾക്കുവേണ്ടി ദൈവ​ത്തോ​ട്‌ ഉള്ളുരു​കി പ്രാർഥി​ച്ചുകൊണ്ട്‌ നിങ്ങൾക്കും ഞങ്ങളെ സഹായി​ക്കാ​നാ​കും.+ അങ്ങനെ, പലരുടെ പ്രാർഥ​ന​യി​ലൂ​ടെ ഞങ്ങൾക്കു ലഭിക്കുന്ന സഹായ​ത്തി​ന്റെ പേരിൽ അനേകർ ഞങ്ങൾക്കു​വേണ്ടി നന്ദി പറയാൻ ഇടയാ​കട്ടെ.+

12 ഞങ്ങൾക്ക്‌ അഭിമാ​നം തോന്നുന്ന ഒരു കാര്യം ഇതാണ്‌: ലോക​ത്തി​ലെ ഞങ്ങളുടെ ജീവിതം, പ്രത്യേ​കിച്ച്‌ നിങ്ങ​ളോ​ടുള്ള ഞങ്ങളുടെ പെരു​മാ​റ്റം, വിശു​ദ്ധിയോ​ടും ദൈവ​ദ​ത്ത​മായ ആത്മാർഥ​തയോ​ടും കൂടെ​യാ​യി​രു​ന്നു. ഞങ്ങൾ ആശ്രയി​ച്ചതു ലോക​ത്തി​ന്റെ ജ്ഞാനത്തി​ലല്ല,+ ദൈവ​ത്തി​ന്റെ അനർഹ​ദ​യ​യി​ലാണ്‌. അതിനു ഞങ്ങളുടെ മനസ്സാക്ഷി സാക്ഷി പറയുന്നു. 13 വായിക്കാനും മനസ്സി​ലാ​ക്കാ​നും പറ്റുന്ന* കാര്യങ്ങൾ മാത്രമേ ഞങ്ങൾ നിങ്ങൾക്ക്‌ എഴുതു​ന്നു​ള്ളൂ. തുടർന്നും നിങ്ങൾക്ക്‌ അവ മുഴുവനായി* മനസ്സി​ലാ​കുമെ​ന്നാണ്‌ എന്റെ പ്രതീക്ഷ. 14 നിങ്ങൾക്ക്‌ അഭിമാ​നി​ക്കാൻ ഞങ്ങളൊ​രു കാരണ​മാ​യി​രി​ക്കുന്നെന്നു നിങ്ങൾ ഏറെക്കു​റെ മനസ്സി​ലാ​ക്കി​യ​ല്ലോ. അതു​പോ​ലെ, നമ്മുടെ കർത്താ​വായ യേശു​വി​ന്റെ ദിവസ​ത്തിൽ നിങ്ങൾ ഞങ്ങൾക്കും അഭിമാ​നി​ക്കാൻ ഒരു കാരണ​മാ​യി​രി​ക്കും.

15 ഈ ബോധ്യ​മു​ള്ള​തുകൊ​ണ്ടാണ്‌ ആദ്യം നിങ്ങളു​ടെ അടുത്ത്‌ വരാൻ ഞാൻ ആലോ​ചി​ച്ചത്‌. അങ്ങനെ നിങ്ങൾക്കു രണ്ടാമ​തും സന്തോ​ഷി​ക്കാൻ കാരണമുണ്ടാകണമെന്നു* ഞാൻ ആഗ്രഹി​ച്ചു. 16 മാസിഡോണിയയിലേക്കു പോകു​ന്ന​വഴി നിങ്ങളെ സന്ദർശി​ക്ക​ണമെ​ന്നും മാസിഡോ​ണി​യ​യിൽനി​ന്നുള്ള മടക്കയാത്ര​യിൽ വീണ്ടും നിങ്ങളു​ടെ അടുത്ത്‌ വരണ​മെ​ന്നും അവി​ടെ​നിന്ന്‌ നിങ്ങൾ എന്നെ യഹൂദ്യ​യിലേക്കു യാത്ര അയയ്‌ക്ക​ണമെ​ന്നും ഞാൻ ആഗ്രഹി​ച്ചി​രു​ന്നു.+ 17 ഞാൻ അങ്ങനെയൊ​രു പരിപാ​ടി​യി​ട്ടത്‌ ഒട്ടും ചിന്തി​ക്കാതെ​യാണെന്നു നിങ്ങൾക്കു തോന്നു​ന്നു​ണ്ടോ? ആദ്യം “ഉവ്വ്‌, ഉവ്വ്‌” എന്നു പറഞ്ഞിട്ട്‌ പിന്നെ “ഇല്ല, ഇല്ല” എന്നു പറയുന്ന ജഡികരീതിയിലാണു* ഞാൻ കാര്യങ്ങൾ ക്രമീ​ക​രി​ക്കു​ന്നത്‌ എന്നു നിങ്ങൾ വിചാ​രി​ക്കു​ന്നു​ണ്ടോ? 18 നിങ്ങളോടുള്ള ഞങ്ങളുടെ വാക്കുകൾ ഒരേ സമയം “ഉവ്വ്‌” എന്നും “ഇല്ല” എന്നും ആയിരു​ന്നില്ല. ദൈവം വിശ്വ​സ്‌ത​നാണെ​ന്നത്‌ എത്ര തീർച്ച​യാ​ണോ അത്രതന്നെ തീർച്ച​യാണ്‌ ഇക്കാര്യ​വും. 19 ഞാനും സില്വാനൊസും* തിമൊഥെയൊ​സും നിങ്ങൾക്കി​ട​യിൽ പ്രസം​ഗിച്ച ദൈവ​പുത്ര​നായ യേശുക്രിസ്‌തു+ ഒരേ സമയം “ഉവ്വ്‌” എന്നും “ഇല്ല” എന്നും ആയിരു​ന്നില്ല. യേശു​വി​ന്റെ കാര്യ​ത്തിൽ “ഉവ്വ്‌” എന്നത്‌ എപ്പോ​ഴും “ഉവ്വ്‌” എന്നുതന്നെ​യാണ്‌. 20 ദൈവത്തിന്റെ വാഗ്‌ദാ​നങ്ങൾ എത്രയുണ്ടെ​ങ്കി​ലും അവയെ​ല്ലാം യേശു​വി​ലൂ​ടെ “ഉവ്വ്‌” എന്നായി​രി​ക്കു​ന്നു.+ അതു​കൊ​ണ്ടാണ്‌ ദൈവത്തെ മഹത്ത്വപ്പെ​ടു​ത്താൻവേണ്ടി നമ്മൾ യേശു​വി​ലൂ​ടെ ദൈവ​ത്തോ​ട്‌ “ആമേൻ” എന്നു പറയു​ന്നത്‌.+ 21 എന്നാൽ നിങ്ങളും ഞങ്ങളും ക്രിസ്‌തു​വി​നു​ള്ള​വ​രാണെന്ന്‌ ഉറപ്പു തരുന്ന​തും നമ്മളെ അഭി​ഷേകം ചെയ്‌ത​തും ദൈവ​മാണ്‌.+ 22 ദൈവം നമ്മുടെ മേൽ തന്റെ മുദ്ര പതിപ്പിക്കുകയും+ വരാനി​രി​ക്കുന്ന കാര്യ​ങ്ങ​ളു​ടെ ഒരു ഉറപ്പായി* തന്റെ ആത്മാവിനെ+ നമ്മുടെ ഹൃദയ​ങ്ങ​ളിൽ പകരു​ക​യും ചെയ്‌തി​രി​ക്കു​ന്നു.

23 നിങ്ങളെ കൂടുതൽ വിഷമി​പ്പി​ക്ക​രുതെന്നു കരുതി​യാ​ണു ഞാൻ ഇതുവരെ കൊരി​ന്തിലേക്കു വരാതി​രു​ന്നത്‌. ഇതിനു ദൈവം​തന്നെ എനിക്ക്‌ എതിരെ സാക്ഷി​യാ​യി​രി​ക്കട്ടെ. 24 ഞങ്ങൾ നിങ്ങളു​ടെ വിശ്വാ​സ​ത്തി​ന്മേൽ ആധിപ​ത്യം നടത്തുന്നവരാണെന്നല്ല+ ഞാൻ പറഞ്ഞു​വ​രു​ന്നത്‌. ശരിക്കും പറഞ്ഞാൽ ഞങ്ങൾ നിങ്ങളു​ടെ സന്തോ​ഷ​ത്തി​നുവേ​ണ്ടി​യുള്ള സഹപ്ര​വർത്ത​ക​രാണ്‌. നിങ്ങൾ ഉറച്ചു​നിൽക്കു​ന്നതു നിങ്ങളുടെ​തന്നെ വിശ്വാ​സംകൊ​ണ്ടാ​ണ​ല്ലോ.

2 ഞാൻ വീണ്ടും നിങ്ങളു​ടെ അടുത്ത്‌ വരുന്നതു നിങ്ങളെ ദുഃഖി​പ്പി​ക്കാ​നാ​യി​രി​ക്ക​രുത്‌ എന്ന്‌ എനിക്കു​ണ്ട്‌. 2 ഞാൻ നിങ്ങളെ ദുഃഖി​പ്പി​ച്ചാൽ, ഞാൻ ദുഃഖി​പ്പിച്ച നിങ്ങള​ല്ലാ​തെ എന്നെ സന്തോ​ഷി​പ്പി​ക്കാൻ വേറെ ആരാണു​ള്ളത്‌? 3 ഞാൻ വരു​മ്പോൾ, എന്നെ സന്തോ​ഷി​പ്പിക്കേ​ണ്ടവർ കാരണം ഞാൻ ദുഃഖി​ക്കാ​തി​രി​ക്കാ​നാ​ണു ഞാൻ അങ്ങനെയെ​ല്ലാം എഴുതി​യത്‌. എന്നെ സന്തോ​ഷി​പ്പി​ക്കു​ന്നതൊ​ക്കെ നിങ്ങ​ളെ​യും സന്തോ​ഷി​പ്പി​ക്കുമെന്ന്‌ എനിക്ക്‌ ഉറപ്പുണ്ട്‌. 4 വലിയ വിഷമത്തോടെ​യും ഹൃദയവേ​ദ​നയോടെ​യും കണ്ണീ​രോടെ​യും ആണ്‌ ഞാൻ നിങ്ങൾക്ക്‌ എഴുതി​യത്‌. അതു നിങ്ങളെ ദുഃഖി​പ്പി​ക്കാ​നാ​യി​രു​ന്നില്ല;+ പകരം എനിക്കു നിങ്ങ​ളോ​ടുള്ള സ്‌നേ​ഹ​ത്തി​ന്റെ ആഴം നിങ്ങൾ മനസ്സി​ലാ​ക്കാൻവേ​ണ്ടി​യാ​യി​രു​ന്നു.

5 ദുഃഖം വരുത്തിയയാൾ+ എന്നെ മാത്രമല്ല, ഒരു അളവു​വരെ നിങ്ങളെ എല്ലാവരെ​യു​മാ​ണു ദുഃഖി​പ്പി​ച്ചത്‌. കൂടുതൽ കടുപ്പി​ച്ചു​പ​റ​യാൻ ഞാൻ ആഗ്രഹി​ക്കു​ന്നില്ല. 6 നിങ്ങളിൽ ഭൂരി​പക്ഷം പേരിൽനി​ന്നും കിട്ടിയ ശകാരം​തന്നെ അയാൾക്കു ധാരാളം. 7 ഇനി നിങ്ങൾ ദയയോ​ടെ അയാ​ളോ​ടു ക്ഷമിക്കു​ക​യും അയാളെ ആശ്വസി​പ്പി​ക്കു​ക​യും വേണം.+ ഇല്ലെങ്കിൽ അയാൾ കടുത്ത ദുഃഖ​ത്തിൽ ആണ്ടു​പോ​കും.+ 8 അതുകൊണ്ട്‌ അയാ​ളോ​ടുള്ള നിങ്ങളു​ടെ സ്‌നേ​ഹ​ത്തിന്‌ ഉറപ്പു കൊടു​ക്ക​ണമെന്നു ഞാൻ നിങ്ങ​ളോട്‌ അഭ്യർഥി​ക്കു​ന്നു.+ 9 എല്ലാ കാര്യ​ങ്ങ​ളി​ലും നിങ്ങൾ അനുസ​ര​ണ​മു​ള്ള​വ​രാ​ണോ എന്ന്‌ ഉറപ്പാ​ക്കാൻകൂടെ​യാണ്‌ ഞാൻ നിങ്ങൾക്ക്‌ എഴുതി​യത്‌. 10 നിങ്ങൾ ക്ഷമിക്കു​ന്ന​യാളോ​ടു ഞാനും ക്ഷമിക്കും. വാസ്‌ത​വ​ത്തിൽ, ഞാൻ ക്ഷമിച്ചി​ട്ടു​ള്ളതെ​ല്ലാം (ഞാൻ അങ്ങനെ വല്ലതും ക്ഷമിച്ചി​ട്ടുണ്ടെ​ങ്കിൽ) ക്രിസ്‌തു​സ​ന്നി​ധി​യിൽ നിങ്ങളെ ഓർത്താ​ണ്‌. 11 കാരണം, സാത്താൻ നമ്മളെ തോൽപ്പി​ക്ക​രു​ത​ല്ലോ.*+ നമ്മൾ സാത്താന്റെ തന്ത്രങ്ങൾ* അറിയാ​ത്ത​വരല്ല.+

12 ക്രിസ്‌തുവിനെക്കുറിച്ചുള്ള സന്തോ​ഷ​വാർത്ത അറിയി​ക്കാൻ ത്രോ​വാ​സിൽ എത്തിയപ്പോൾ+ എനിക്ക്‌ അവിടെ കർത്താ​വി​ന്റെ വേലയിൽ ഒരു വാതിൽ തുറന്നു​കി​ട്ടി. 13 പക്ഷേ എന്റെ സഹോ​ദ​ര​നായ തീത്തോസിനെ+ കാണാ​ഞ്ഞ​തുകൊണ്ട്‌ എന്റെ മനസ്സിന്‌* ഒരു സ്വസ്ഥത​യു​മു​ണ്ടാ​യി​രു​ന്നില്ല. അതു​കൊണ്ട്‌ ഞാൻ അവരോ​ടു യാത്ര പറഞ്ഞ്‌ മാസിഡോ​ണി​യ​യിലേക്കു പോയി.+

14 ജയിച്ചുവരുന്നവരുടെ ഒരു ഘോഷ​യാത്ര​യിൽ എന്നപോ​ലെ ക്രിസ്‌തു​വിനോടൊ​പ്പം നമ്മളെ എല്ലായ്‌പോ​ഴും നയിക്കുന്ന ദൈവ​ത്തി​നു നന്ദി! നമ്മളി​ലൂ​ടെ തന്നെക്കു​റി​ച്ചുള്ള അറിവി​ന്റെ സുഗന്ധം ദൈവം എല്ലായി​ട​ത്തും പരത്തു​ന്ന​ല്ലോ! 15 നമ്മൾ ദൈവ​ത്തി​നു ക്രിസ്‌തു​വിനെ​ക്കു​റി​ച്ചുള്ള സന്തോ​ഷ​വാർത്ത​യു​ടെ സുഗന്ധ​മാണ്‌. രക്ഷ നേടു​ന്ന​വ​രുടെ​യും നശിക്കു​ന്ന​വ​രുടെ​യും ഇടയിൽ അതു പരക്കുന്നു. 16 നശിച്ചുപോകുന്നവർക്ക്‌ അതു മരണത്തി​ലേക്കു നയിക്കുന്ന, മരണത്തി​ന്റെ ഗന്ധം.*+ എന്നാൽ രക്ഷപ്പെ​ടു​ന്ന​വർക്ക്‌ അതു ജീവനി​ലേക്കു നയിക്കുന്ന, ജീവന്റെ സുഗന്ധം. ഇതി​നെ​ല്ലാം ആർക്കാണു വേണ്ടത്ര യോഗ്യ​ത​യു​ള്ളത്‌? 17 ഞങ്ങൾക്കു യോഗ്യ​ത​യുണ്ട്‌. കാരണം പലരെ​യുംപോ​ലെ ഞങ്ങൾ ദൈവ​വ​ച​നത്തെ കച്ചവട​ച്ച​ര​ക്കാ​ക്കു​ന്നില്ല.*+ പകരം ദൈവം അയച്ചവർ എന്ന നിലയിൽ ഞങ്ങൾ ദൈവ​സ​ന്നി​ധി​യിൽ തികഞ്ഞ ആത്മാർഥ​തയോ​ടെ ക്രിസ്‌തു​വിനോ​ടു ചേർന്ന്‌ സംസാ​രി​ക്കു​ന്നു.

3 ഞങ്ങൾ എങ്ങനെ​യു​ള്ള​വ​രാണെന്ന്‌ ഇനിയും നിങ്ങളെ ബോധ്യപ്പെ​ടു​ത്ത​ണോ? മറ്റു ചില​രെപ്പോ​ലെ നിങ്ങൾക്കു ശുപാർശ​ക്ക​ത്തു​കൾ തരുക​യോ നിങ്ങളിൽനി​ന്ന്‌ അവ വാങ്ങു​ക​യോ ചെയ്യേണ്ട ആവശ്യം ഞങ്ങൾക്കു​ണ്ടോ? 2 ഞങ്ങളുടെ കത്തു നിങ്ങൾതന്നെ​യാണ്‌.+ അതു ഞങ്ങളുടെ ഹൃദയ​ങ്ങ​ളി​ലാണ്‌ എഴുതി​യി​രി​ക്കു​ന്നത്‌. എല്ലാ മനുഷ്യ​രും അത്‌ അറിയു​ക​യും വായി​ക്കു​ക​യും ചെയ്യുന്നു. 3 ശുശ്രൂഷകർ എന്ന നിലയിൽ ഞങ്ങൾ എഴുതിയ ക്രിസ്‌തു​വി​ന്റെ കത്താണു നിങ്ങൾ എന്നതു വ്യക്തമാ​ണ്‌.+ അത്‌ എഴുതി​യതു മഷി​കൊ​ണ്ടല്ല, ജീവനുള്ള ദൈവ​ത്തി​ന്റെ ആത്മാവി​നാ​ലാണ്‌. കൽപ്പല​ക​ക​ളി​ലല്ല,+ ഹൃദയ​മെന്ന മാംസ​പ്പ​ല​ക​ക​ളി​ലാണ്‌.+

4 ഞങ്ങൾക്കു ദൈവ​സ​ന്നി​ധി​യിൽ ക്രിസ്‌തു മുഖാ​ന്തരം ഈ വിധത്തി​ലുള്ള ഒരു ഉറപ്പുണ്ട്‌. 5 ഞങ്ങൾക്കു വേണ്ട യോഗ്യത ഞങ്ങൾ സ്വന്ത​പ്ര​യ​ത്‌ന​ത്താൽ നേടി​യതല്ല, അതു ദൈവം തന്നതാണ്‌.+ അതു​കൊണ്ട്‌ അതിന്റെ മഹത്ത്വം ഞങ്ങൾക്കു​ള്ളതല്ല. 6 ദൈവം ഞങ്ങളെ പുതിയ ഉടമ്പടിയുടെ+ ശുശ്രൂ​ഷ​ക​രാ​യി​രി​ക്കാൻ യോഗ്യ​രാ​ക്കി; എഴുതിവെ​ച്ചി​രി​ക്കുന്ന ഒരു നിയമസംഹിതയുടെ+ ശുശ്രൂ​ഷ​കരല്ല, ദൈവാ​ത്മാ​വി​ന്റെ ശുശ്രൂ​ഷ​ക​രാ​യി​രി​ക്കാ​നാ​ണു യോഗ്യ​രാ​ക്കി​യത്‌. എഴുത​പ്പെട്ട നിയമ​സം​ഹിത മരണത്തി​നു വിധി​ക്കു​ന്നു.+ പക്ഷേ ദൈവാ​ത്മാവ്‌ ജീവി​പ്പി​ക്കു​ന്നു.+

7 മരണം വരുത്തുന്ന, കല്ലിൽ അക്ഷരങ്ങ​ളാ​യി കൊത്തിയ ആ നിയമസംഹിത+ തേജ​സ്സോടെ​യാ​ണു വെളിപ്പെ​ട്ടത്‌. ആ തേജസ്സു നീങ്ങിപ്പോ​കാ​നു​ള്ള​താ​യി​രു​ന്നെങ്കി​ലും ഇസ്രായേൽമ​ക്കൾക്കു നോക്കാൻപോ​ലും പറ്റാത്തത്ര തേജസ്സാ​യി​രു​ന്നു അപ്പോൾ മോശ​യു​ടെ മുഖത്ത്‌.+ 8 ആ സ്ഥിതിക്ക്‌, ദൈവാ​ത്മാ​വി​ന്റെ ശുശ്രൂഷ+ അതിലും എത്രയോ തേജസ്സു​ള്ള​താ​യി​രി​ക്കണം!+ 9 കുറ്റക്കാരായി വിധി​ക്കുന്ന നിയമസംഹിത+ തേജസ്സുള്ളതായിരുന്നെങ്കിൽ+ നീതി​മാ​ന്മാ​രാ​യി പ്രഖ്യാ​പി​ക്കുന്ന ശുശ്രൂഷ അതിലും എത്രയോ തേജസ്സു​ള്ള​താ​യി​രി​ക്കും!+ 10 ഒരു കാലത്ത്‌ തേജ​സ്സോ​ടെ വന്ന അത്‌ അതിനെ വെല്ലുന്ന തേജസ്സു വന്നപ്പോൾ നിഷ്‌പ്ര​ഭ​മാ​യിപ്പോ​യി.+ 11 നീങ്ങിപ്പോകാനിരുന്നതു തേജ​സ്സോ​ടെ വന്നെങ്കിൽ+ നിലനിൽക്കു​ന്നത്‌ എത്രയോ അധികം തേജസ്സു​ള്ള​താ​യി​രി​ക്കും!+

12 ഇങ്ങനെയൊരു പ്രത്യാശയുള്ളതുകൊണ്ട്‌+ ധൈര്യത്തോ​ടെ സംസാ​രി​ക്കാൻ നമുക്കു കഴിയു​ന്നു.* 13 നീങ്ങിപ്പോകാനിരുന്ന തേജസ്സിലേക്ക്‌* ഇസ്രാ​യേൽമക്കൾ നോക്കിക്കൊ​ണ്ടി​രി​ക്കു​ന്നത്‌ ഒഴിവാ​ക്കാൻ മോശ തുണി​കൊ​ണ്ട്‌ മുഖം മൂടി​യ​തുപോ​ലെ,+ നമ്മൾ ചെയ്യു​ന്നില്ല. 14 അവരുടെ മനസ്സ്‌ ഇരുള​ട​ഞ്ഞുപോ​യി​രു​ന്നു.+ ഇന്നും പഴയ ഉടമ്പടി വായി​ക്കുമ്പോഴെ​ല്ലാം അവരുടെ മനസ്സ്‌ അതേ മൂടു​പ​ടംകൊണ്ട്‌ മറഞ്ഞു​തന്നെ​യി​രി​ക്കു​ന്നു.+ കാരണം ക്രിസ്‌തു​വി​ലൂ​ടെ മാത്രമേ അത്‌ എടുത്തു​മാ​റ്റാ​നാ​കൂ.+ 15 അതെ, ഇന്നും മോശ എഴുതി​യതു വായിക്കുമ്പോൾ+ അവരുടെ ഹൃദയത്തെ ഒരു മൂടു​പടം മറച്ചി​രി​ക്കു​ക​യാണ്‌.+ 16 എന്നാൽ ഒരാൾ യഹോവയിലേക്കു* തിരി​യുമ്പോൾ ആ മൂടു​പടം നീങ്ങുന്നു.+ 17 യഹോവ* ഒരു ആത്മവ്യ​ക്തി​യാണ്‌.+ യഹോവയുടെ* ആത്മാവു​ള്ളി​ടത്ത്‌ സ്വാതന്ത്ര്യ​മുണ്ട്‌.+ 18 മൂടുപടം നീങ്ങിയ മുഖ​ത്തോ​ടെ യഹോവയുടെ* തേജസ്സു കണ്ണാടിപോ​ലെ പ്രതി​ഫ​ലി​പ്പി​ക്കുന്ന നമ്മൾ കൂടു​തൽക്കൂ​ടു​തൽ തേജസ്സുള്ളവരായി* ആത്മവ്യ​ക്തി​യായ യഹോവ* നമ്മളെ ആക്കിത്തീർക്കു​ന്ന​തുപോ​ലെ ദൈവ​ത്തി​ന്റെ ഛായയി​ലേക്കു രൂപാ​ന്ത​രപ്പെ​ടു​ന്നു.+

4 ഈ ശുശ്രൂഷ ഞങ്ങൾക്കു ലഭിച്ചതു ദൈവ​ത്തി​ന്റെ കരുണകൊ​ണ്ടാണ്‌. അതു​കൊണ്ട്‌ ഞങ്ങൾ മടുത്ത്‌ പിന്മാ​റു​ന്നില്ല. 2 ആളുകൾ രഹസ്യ​മാ​യി ചെയ്യുന്ന നാണം​കെട്ട പ്രവൃ​ത്തി​കൾ ഞങ്ങൾ വർജി​ക്കു​ന്നു. കൗശലം പ്രയോ​ഗി​ക്കാ​നോ ദൈവ​വ​ച​ന​ത്തിൽ മായം ചേർക്കാനോ+ ഞങ്ങൾ തയ്യാറല്ല. പകരം, സത്യം വെളിപ്പെ​ടു​ത്തിക്കൊണ്ട്‌ ദൈവ​സ​ന്നി​ധി​യിൽ എല്ലാ മനുഷ്യ​രുടെ​യും മനസ്സാ​ക്ഷി​ക്കു നല്ലൊരു മാതൃ​ക​യാ​യി ഞങ്ങൾ ഞങ്ങളെ​ത്തന്നെ ശുപാർശ ചെയ്യുന്നു.+ 3 ഞങ്ങൾ ഘോഷി​ക്കുന്ന സന്തോ​ഷ​വാർത്ത മൂടു​പ​ടംകൊണ്ട്‌ മറഞ്ഞി​രി​ക്കുന്നെ​ങ്കിൽ, നശിക്കാ​നി​രി​ക്കു​ന്ന​വർക്കാണ്‌ അതു മറഞ്ഞി​രി​ക്കു​ന്നത്‌. 4 ദൈവത്തിന്റെ പ്രതിരൂപമായ+ ക്രിസ്‌തു​വി​ന്റെ മഹത്ത്വ​മാർന്ന സന്തോ​ഷ​വാർത്ത​യു​ടെ വെളിച്ചം കടന്നുചെ​ല്ലാ​തി​രി​ക്കാൻ,+ ഈ വ്യവസ്ഥിതിയുടെ* ദൈവം+ അവിശ്വാ​സി​ക​ളു​ടെ മനസ്സ്‌ അന്ധമാ​ക്കി​യി​രി​ക്കു​ക​യാണ്‌.+ 5 ഞങ്ങൾ പ്രസം​ഗി​ക്കു​ന്നതു ഞങ്ങളെ​ക്കു​റി​ച്ചല്ല, യേശുക്രി​സ്‌തു​വിനെ​ക്കു​റി​ച്ചാണ്‌. യേശു കർത്താ​വാണെ​ന്നും ഞങ്ങൾ യേശു​വിനെപ്രതി നിങ്ങളു​ടെ അടിമ​ക​ളാണെ​ന്നും ആണ്‌ ഞങ്ങൾ പ്രസം​ഗി​ക്കു​ന്നത്‌. 6 “ഇരുട്ടിൽനി​ന്ന്‌ വെളിച്ചം പ്രകാ​ശി​ക്കട്ടെ”+ എന്നു പറഞ്ഞ ദൈവം, ക്രിസ്‌തു​വി​ന്റെ മുഖത്തുള്ള ദൈവ​പ​രി​ജ്ഞാ​ന​ത്തി​ന്റെ തേജസ്സു​കൊ​ണ്ട്‌ ഞങ്ങളുടെ ഹൃദയ​ങ്ങളെ പ്രകാ​ശി​പ്പി​ച്ചി​രി​ക്കു​ന്നു.+

7 എങ്കിലും ഞങ്ങളുടെ കാര്യ​ത്തിൽ ഈ അമൂല്യനിധി+ മൺപാത്ര​ങ്ങ​ളി​ലാണ്‌.*+ അത്‌, ഞങ്ങൾക്കുള്ള അസാധാ​ര​ണ​ശക്തി ഞങ്ങളുടെ സ്വന്തമല്ല, ദൈവത്തിൽനിന്നുള്ളതാണ്‌+ എന്നു വരാൻവേ​ണ്ടി​യാണ്‌. 8 എല്ലാ വശത്തു​നി​ന്നും സമ്മർദം നേരി​ടുന്നെ​ങ്കി​ലും ഞങ്ങൾ ഒട്ടും അനങ്ങാൻ പറ്റാത്ത നിലയി​ലാ​യി​ട്ടില്ല. ആകെ ആശയക്കു​ഴ​പ്പ​ത്തി​ലാണെ​ങ്കി​ലും വഴിമു​ട്ടിപ്പോ​യി​ട്ടില്ല.*+ 9 ഉപദ്രവമേൽക്കുന്നെങ്കിലും ഉപേക്ഷി​ക്കപ്പെ​ട്ടി​ട്ടില്ല.+ മർദന​മേറ്റ്‌ വീഴുന്നെ​ങ്കി​ലും ഞങ്ങൾ നശിച്ചുപോ​യി​ട്ടില്ല.+ 10 യേശുവിന്റെ ജീവിതം ഞങ്ങളുടെ ശരീര​ങ്ങ​ളി​ലൂ​ടെ വെളിപ്പെ​ടാൻവേണ്ടി യേശു​വിനെപ്പോ​ലെ ഞങ്ങളും മാരക​മായ ഉപദ്രവങ്ങൾ+ എപ്പോ​ഴും ഞങ്ങളുടെ ശരീര​ങ്ങ​ളിൽ ഏറ്റുവാ​ങ്ങു​ന്നു. 11 ഞങ്ങളുടെ നശ്വര​ശ​രീ​ര​ങ്ങ​ളി​ലൂ​ടെ യേശു​വി​ന്റെ ജീവിതം വെളിപ്പെ​ടാൻ യേശു​വിനെപ്രതി ഞങ്ങൾ എപ്പോ​ഴും മരണത്തെ മുന്നിൽക്കണ്ട്‌ ജീവി​ക്കു​ന്നു.+ 12 അങ്ങനെ, ഞങ്ങളിൽ മരണവും നിങ്ങളിൽ ജീവനും വ്യാപ​രി​ക്കു​ന്നു.

13 “ഞാൻ വിശ്വ​സി​ച്ചു; അതു​കൊണ്ട്‌ ഞാൻ സംസാ​രി​ച്ചു”+ എന്ന്‌ എഴുതി​യി​ട്ടു​ണ്ട​ല്ലോ. വിശ്വാ​സ​ത്തി​ന്റെ അതേ ആത്മാവു​ള്ള​തുകൊണ്ട്‌ ഞങ്ങളും വിശ്വ​സി​ക്കു​ക​യും സംസാ​രി​ക്കു​ക​യും ചെയ്യുന്നു; 14 കാരണം യേശു​വി​നെ ഉയിർപ്പിച്ച ദൈവം യേശു​വിനോടൊ​പ്പം ഞങ്ങളെ​യും ഉയിർപ്പി​ക്കുമെ​ന്നും നിങ്ങളുടെ​കൂ​ടെ ഞങ്ങളെ​യും യേശു​വി​ന്റെ മുമ്പാകെ കൊണ്ടു​വ​രുമെ​ന്നും ഞങ്ങൾക്ക്‌ അറിയാം.+ 15 ഇതെല്ലാം നിങ്ങൾക്കുവേ​ണ്ടി​യാണ്‌. അങ്ങനെ, കൂടു​തൽക്കൂ​ടു​തൽ ആളുകൾ നന്ദി പറഞ്ഞു​കൊ​ണ്ട്‌ ദൈവത്തെ മഹത്ത്വപ്പെ​ടു​ത്തി​യിട്ട്‌ അനർഹദയ നിറഞ്ഞു​ക​വി​യാൻ ഇടവരട്ടെ.+

16 അതുകൊണ്ട്‌ ഞങ്ങൾ മടുത്ത്‌ പിന്മാ​റു​ന്നില്ല. പുറമേ ഞങ്ങൾ* ക്ഷയിക്കു​ക​യാണെ​ങ്കി​ലും ഞങ്ങളിലെ ആന്തരി​ക​മ​നു​ഷ്യൻ ഓരോ ദിവസ​വും പുതു​ക്കപ്പെ​ടു​ക​യാണ്‌. 17 ഞങ്ങൾ അനുഭ​വി​ക്കുന്ന കഷ്ടപ്പാ​ടു​കൾ ക്ഷണിക​വും നിസ്സാ​ര​വും ആണെങ്കി​ലും അത്‌ അത്യന്തം ഗംഭീ​ര​മായ നിത്യതേ​ജ​സ്സാ​ണു നേടി​ത്ത​രു​ന്നത്‌.+ 18 കാണുന്ന കാര്യ​ങ്ങ​ളി​ലല്ല, കാണാ​ത്ത​വ​യി​ലാ​ണു ഞങ്ങൾ കണ്ണു നട്ടിരി​ക്കു​ന്നത്‌.+ കാണുന്നവ താത്‌കാ​ലി​കം, പക്ഷേ കാണാത്തവ എന്നെന്നും നിലനിൽക്കു​ന്നു.

5 ഭൂമി​യി​ലെ ഞങ്ങളുടെ വീടായ ഈ കൂടാരം പൊളിഞ്ഞുപോയാലും+ ദൈവ​ത്തിൽനി​ന്നുള്ള ഒരു കെട്ടിടം ഞങ്ങൾക്കു കിട്ടു​മെന്നു ഞങ്ങൾക്ക്‌ അറിയാം. കൈ​കൊണ്ട്‌ പണിത​ത​ല്ലാത്ത ആ വീടു+ സ്വർഗ​ത്തി​ലു​ള്ള​തും നിത്യം നിലനിൽക്കു​ന്ന​തും ആണ്‌. 2 ഞങ്ങൾക്കുവേണ്ടി സ്വർഗ​ത്തിൽ കരുതിയിട്ടുള്ള+ അതു ധരിക്കാൻ അതിയാ​യി ആഗ്രഹി​ക്കുന്ന ഞങ്ങൾ ഈ വീട്ടിൽ കഴിയു​മ്പോൾ വാസ്‌ത​വ​ത്തിൽ ഞരങ്ങു​ക​യാണ്‌. 3 അതു ധരിക്കു​മ്പോൾ ഞങ്ങൾ നഗ്നരായി കാണ​പ്പെ​ടില്ല. 4 ഈ കൂടാ​ര​ത്തിൽ കഴിയുന്ന ഞങ്ങൾ ഭാര​പ്പെട്ട്‌ ഞരങ്ങു​ന്നതു നശ്വര​മായ ഇത്‌ ഉരിഞ്ഞു​ക​ള​യാ​നുള്ള ആഗ്രഹംകൊ​ണ്ടല്ല, സ്വർഗീ​യ​മാ​യതു ധരിക്കാ​നുള്ള ആഗ്രഹംകൊ​ണ്ടാണ്‌.+ അപ്പോൾ, നശ്വര​മായ ഇതിനെ ജീവൻ വിഴു​ങ്ങി​ക്ക​ള​യു​മ​ല്ലോ.+ 5 വരാൻപോകുന്നതിന്റെ ഉറപ്പായി*+ പരിശുദ്ധാത്മാവിനെ* തന്ന ദൈവമാണ്‌+ ഇതിനു​വേണ്ടി ഞങ്ങളെ ഒരുക്കി​യത്‌.

6 അതുകൊണ്ട്‌ ഞങ്ങൾ എപ്പോ​ഴും നല്ല ധൈര്യ​മു​ള്ള​വ​രാണ്‌. അതേസ​മയം ഞങ്ങളുടെ വീട്‌ ഈ ശരീര​ത്തി​ലാ​യി​രി​ക്കു​ന്നി​ടത്തോ​ളം ഞങ്ങൾ കർത്താ​വിൽനിന്ന്‌ അകലെ​യാണെ​ന്നും ഞങ്ങൾക്ക്‌ അറിയാം.+ 7 കാഴ്‌ചയാലല്ല വിശ്വാ​സ​ത്താ​ലാ​ണു ഞങ്ങൾ നടക്കു​ന്നത്‌. 8 എങ്കിലും ഞങ്ങൾ നല്ല ധൈര്യത്തോ​ടെ, ഈ ശരീരം വിട്ട്‌ കർത്താ​വിന്റെ​കൂ​ടെ താമസി​ക്കാൻ കാത്തി​രി​ക്കു​ന്നു. അതാണു ഞങ്ങൾ കൂടുതൽ ഇഷ്ടപ്പെ​ടു​ന്നത്‌.+ 9 അതുകൊണ്ട്‌ കർത്താ​വിന്റെ​കൂ​ടെ താമസി​ച്ചാ​ലും കർത്താ​വിൽനിന്ന്‌ അകലെ​യാ​യി​രു​ന്നാ​ലും കർത്താ​വി​ന്റെ അംഗീ​കാ​ര​മു​ണ്ടാ​യി​രി​ക്കുക എന്നതാണു ഞങ്ങളുടെ ലക്ഷ്യം. 10 നമ്മളെല്ലാവരും ക്രിസ്‌തു​വി​ന്റെ ന്യായാസനത്തിനു* മുന്നിൽ നിൽക്കേ​ണ്ട​വ​രാ​ണ​ല്ലോ. ഈ ശരീര​ത്തി​ലാ​യി​രി​ക്കുമ്പോൾ ചെയ്‌ത നന്മയ്‌ക്കോ തിന്മയ്‌ക്കോ ഉള്ള പ്രതി​ഫലം അപ്പോൾ കിട്ടും.+

11 അതുകൊണ്ട്‌ കർത്താ​വി​നെ ഭയപ്പെ​ട​ണമെന്ന്‌ അറിയാ​വുന്ന ഞങ്ങൾ ആളുകൾക്കു ബോധ്യം വരുന്ന രീതി​യിൽ അവരെ പഠിപ്പി​ക്കാൻ ശ്രമി​ക്കു​ന്നു. ദൈവ​ത്തി​നു ഞങ്ങളെ നന്നായി അറിയാം. അതു​പോ​ലെ, നിങ്ങളു​ടെ മനസ്സാ​ക്ഷി​ക്കും ഞങ്ങളെ നന്നായി അറിയാ​മാ​യി​രുന്നെ​ങ്കിൽ എന്നു ഞാൻ ആശിക്കു​ന്നു. 12 ഞങ്ങൾ വീണ്ടും നിങ്ങളു​ടെ മുന്നിൽ ഞങ്ങളെ​ത്തന്നെ പുകഴ്‌ത്തു​കയല്ല, ഞങ്ങളെ​പ്രതി അഭിമാ​നി​ക്കാൻ നിങ്ങൾക്കു കാരണം തരുക​യാണ്‌. അങ്ങനെ, ഹൃദയ​ത്തി​ലു​ള്ളതു നോക്കാ​തെ പുറമേ കാണുന്ന കാര്യ​ങ്ങ​ളു​ടെ അടിസ്ഥാനത്തിൽ+ വീമ്പി​ള​ക്കു​ന്ന​വരോട്‌ ഉത്തരം പറയാൻ നിങ്ങൾക്കാ​കും. 13 ഞങ്ങൾ സുബോധമില്ലാത്തവരായിരുന്നെങ്കിൽ+ അതു ദൈവ​ത്തി​നുവേ​ണ്ടി​യാ​യി​രു​ന്നു; സുബോ​ധ​മു​ള്ള​വ​രാണെ​ങ്കി​ലോ, അതു നിങ്ങൾക്കുവേ​ണ്ടി​യും. 14 ക്രിസ്‌തുവിന്റെ സ്‌നേ​ഹ​മാ​ണു ഞങ്ങളെ നിർബ​ന്ധി​ക്കു​ന്നത്‌. കാരണം ഒരു മനുഷ്യൻ എല്ലാവർക്കും​വേണ്ടി മരി​ച്ചെന്നു ഞങ്ങൾ മനസ്സി​ലാ​ക്കി​യി​രി​ക്കു​ന്നു.+ വാസ്‌ത​വ​ത്തിൽ, എല്ലാവ​രും മരിച്ച​വ​രാ​യി​രു​ന്ന​ല്ലോ. 15 അങ്ങനെ, ക്രിസ്‌തു എല്ലാവർക്കും​വേണ്ടി മരിച്ച​തുകൊണ്ട്‌ ജീവി​ക്കു​ന്നവർ ഇനി തങ്ങൾക്കുവേ​ണ്ടി​യല്ല,+ തങ്ങൾക്കു​വേണ്ടി മരിച്ച്‌ ഉയിർപ്പി​ക്കപ്പെ​ട്ട​വ​നുവേണ്ടി ജീവി​ക്കണം.

16 അതുകൊണ്ട്‌ ഇനിമു​തൽ ഞങ്ങൾ ഒരാ​ളെ​യും മാനു​ഷി​ക​മായ കാഴ്‌ച​പ്പാ​ടിൽ കാണില്ല.+ മുമ്പ്‌ ഞങ്ങൾ ക്രിസ്‌തു​വി​നെ അറിഞ്ഞി​രു​ന്നതു ജഡപ്രകാരമാണെങ്കിലും* ഇപ്പോൾ അങ്ങനെയല്ല.+ 17 അതുകൊണ്ട്‌ ക്രിസ്‌തു​വിനോ​ടു യോജി​പ്പി​ലാ​യവൻ ഒരു പുതിയ സൃഷ്ടി​യാണ്‌.+ പഴയതു കടന്നുപോ​യി. പക്ഷേ ഇതാ, പുതി​യതു വന്നുക​ഴി​ഞ്ഞു! 18 എന്നാൽ എല്ലാം ദൈവ​ത്തിൽനി​ന്നാണ്‌. ദൈവം ക്രിസ്‌തു​വി​ലൂ​ടെ ഞങ്ങളെ ദൈവ​വുമാ​യി അനുരഞ്‌ജനത്തിലാക്കി+ അനുര​ഞ്‌ജ​ന​ത്തി​ന്റെ ശുശ്രൂഷ ഞങ്ങൾക്കു തന്നു.+ 19 ദൈവം ഒരു ലോകത്തെ, അവരുടെ തെറ്റുകൾ കണക്കിലെടുക്കാതെ+ ക്രിസ്‌തു​വി​ലൂ​ടെ താനു​മാ​യി അനുര​ഞ്‌ജ​ന​ത്തി​ലാ​ക്കു​ക​യാണെന്ന്‌ ആ ശുശ്രൂ​ഷ​യി​ലൂ​ടെ ഞങ്ങൾ പ്രഖ്യാ​പി​ക്കു​ന്നു.+ അനുര​ഞ്‌ജ​ന​ത്തി​ന്റെ ഈ സന്ദേശം ദൈവം ഞങ്ങളെ വിശ്വ​സിച്ച്‌ ഏൽപ്പി​ച്ചി​രി​ക്കു​ക​യാണ്‌.+

20 അതുകൊണ്ട്‌ ഞങ്ങൾ ക്രിസ്‌തു​വി​ന്റെ പകരക്കാ​രായ സ്ഥാനപ​തി​ക​ളാണ്‌.+ “ദൈവ​വു​മാ​യി അനുര​ഞ്‌ജ​നപ്പെടൂ” എന്നു ഞങ്ങൾ ക്രിസ്‌തു​വി​ന്റെ പകരക്കാ​രാ​യി യാചി​ക്കു​ന്നു.+ ഇതു ഞങ്ങളി​ലൂ​ടെ ദൈവം​തന്നെ അപേക്ഷി​ക്കു​ന്ന​തുപോലെ​യാണ്‌. 21 പാപത്തെ അറിയാത്ത ഒരാളെ+ ദൈവം നമുക്കു​വേണ്ടി പാപമാ​ക്കി.* ആ ഒരാളി​ലൂ​ടെ നമ്മളെ ദൈവ​മു​മ്പാ​കെ നീതി​മാ​ന്മാ​രാ​ക്കുക എന്നതാ​യി​രു​ന്നു അതിന്റെ ഉദ്ദേശ്യം.+

6 നിങ്ങ​ളോ​ടു ദൈവം കാണിച്ച അനർഹദയ വെറുതേ​യാ​യിപ്പോ​കാൻ ഇടവരുത്തരുതെന്നു+ ദൈവ​ത്തി​ന്റെ സഹപ്രവർത്തകരായ+ ഞങ്ങൾ നിങ്ങ​ളോട്‌ അപേക്ഷി​ക്കു​ന്നു. 2 “സ്വീകാ​ര്യ​മായ ഒരു സമയത്ത്‌ ഞാൻ നിനക്കു ചെവി ചായിച്ചു; രക്ഷയുടെ ഒരു ദിവസ​ത്തിൽ ഞാൻ നിന്നെ സഹായി​ച്ചു”+ എന്നു ദൈവം പറയു​ന്നു​ണ്ട​ല്ലോ. എന്നാൽ ഇപ്പോ​ഴാ​ണ്‌ ഏറെ സ്വീകാ​ര്യ​മായ സമയം! ഇതാണു ശരിക്കും രക്ഷാദി​വസം!

3 ഞങ്ങളുടെ ശുശ്രൂ​ഷയെ​ക്കു​റിച്ച്‌ ആരും ഒരു കുറ്റവും പറയരു​ത​ല്ലോ. അതു​കൊണ്ട്‌ ഞങ്ങൾ കാരണം ആരും ഒരുത​ര​ത്തി​ലും ഇടറി​വീ​ഴാ​തി​രി​ക്കാൻ ഞങ്ങൾ നോക്കു​ന്നു.+ 4 എല്ലാ വിധത്തി​ലും ദൈവ​ത്തി​നു ശുശ്രൂഷ ചെയ്യുന്നവരാണെന്നു+ തെളി​യി​ക്കാ​നാ​ണു ഞങ്ങൾ ശ്രമി​ക്കു​ന്നത്‌. കുറെ​യേറെ സഹനം, കഷ്ടപ്പാ​ടു​കൾ, ഞെരുക്കം, ബുദ്ധി​മു​ട്ടു​കൾ,+ 5 തല്ല്‌, തടവ്‌,+ കലാപങ്ങൾ, കഠിനാ​ധ്വാ​നം, ഉറക്കമി​ല്ലാത്ത രാത്രി​കൾ, പട്ടിണി,+ 6 ശുദ്ധി, അറിവ്‌, ക്ഷമ,+ ദയ,+ പരിശു​ദ്ധാ​ത്മാവ്‌, കാപട്യ​മി​ല്ലാത്ത സ്‌നേഹം,+ 7 സത്യസന്ധമായ സംസാരം, ദൈവശക്തി+ എന്നിവ​യാ​ലും വലങ്കൈയിലും* ഇടങ്കൈയിലും* ഉള്ള നീതി​യു​ടെ ആയുധ​ങ്ങ​ളാ​ലും,+ 8 മാനത്താലും അപമാ​ന​ത്താ​ലും, ദുഷ്‌കീർത്തി​യാ​ലും സത്‌കീർത്തി​യാ​ലും ഒക്കെയാ​ണു ഞങ്ങൾ അതു തെളി​യി​ക്കു​ന്നത്‌. വഞ്ചിക്കു​ന്ന​വ​രാ​യി​ട്ടാ​ണു ഞങ്ങളെ കണക്കാ​ക്കു​ന്നതെ​ങ്കി​ലും ഞങ്ങൾ സത്യസ​ന്ധ​രാണ്‌. 9 ഒട്ടും അറിയപ്പെ​ടാ​ത്ത​വ​രാ​യി​ട്ടാ​ണു ഞങ്ങളെ വീക്ഷി​ക്കു​ന്നതെ​ങ്കി​ലും ഞങ്ങൾ നന്നായി അറിയപ്പെ​ടു​ന്ന​വ​രാണ്‌. ഞങ്ങൾ മരിച്ചുപോകുമെന്നു* കരുതിയെ​ങ്കി​ലും ഞങ്ങൾ ഇതാ, ജീവി​ക്കു​ന്നു!+ ഞങ്ങൾ ശിക്ഷ അനുഭ​വി​ക്കുന്നെ​ങ്കി​ലും ഇതുവരെ ഞങ്ങളെ മരണത്തി​ന്‌ ഏൽപ്പി​ച്ചുകൊ​ടു​ത്തി​ട്ടില്ല.+ 10 ഞങ്ങൾ ദുഃഖി​ത​രാ​യി കാണ​പ്പെ​ട്ടാ​ലും എപ്പോ​ഴും സന്തോ​ഷി​ക്കു​ന്നു. ദരി​ദ്ര​രാണെന്നു തോന്നി​യാ​ലും ഒരുപാ​ടു പേരെ സമ്പന്നരാ​ക്കു​ന്നു. ഒന്നുമി​ല്ലാ​ത്ത​വ​രാ​യി കാണ​പ്പെ​ട്ടാ​ലും എല്ലാമു​ള്ള​വ​രാ​ണു ഞങ്ങൾ.+

11 കൊരിന്തുകാരേ, ഞങ്ങൾ നിങ്ങ​ളോട്‌ എല്ലാം തുറന്ന്‌ സംസാ​രി​ച്ചു. ഞങ്ങൾ ഹൃദയം വിശാ​ല​മാ​യി തുറന്നു. 12 നിങ്ങളോടു സ്‌നേഹം കാണി​ക്കു​ന്ന​തിൽ ഞങ്ങൾ ഒരു പരിധി​യും വെച്ചി​ട്ടില്ല;+ പക്ഷേ ഞങ്ങളോ​ട്‌ ആർദ്ര​സ്‌നേഹം കാണി​ക്കു​ന്ന​തിൽ നിങ്ങൾ പരിധി വെച്ചി​രി​ക്കു​ന്നു. 13 അതുകൊണ്ട്‌ സ്വന്തം മക്കളോ​ടു പറയു​ന്ന​തുപോ​ലെ ഞാൻ പറയു​ക​യാണ്‌: നിങ്ങളും ഹൃദയം വിശാ​ല​മാ​യി തുറക്കണം.*+

14 അവിശ്വാസികളോടൊപ്പം ഒരേ നുകത്തിൻകീ​ഴിൽ വരരുത്‌.*+ നീതി​യും അധർമ​വും തമ്മിൽ എന്തു ബന്ധമാ​ണു​ള്ളത്‌?+ വെളി​ച്ച​വും ഇരുട്ടും തമ്മിൽ എന്തെങ്കി​ലും യോജി​പ്പു​ണ്ടോ?+ 15 ക്രിസ്‌തുവിനും ബലീയാലിനും*+ തമ്മിൽ എന്താണു പൊരു​ത്തം? വിശ്വാ​സി​യും അവിശ്വാ​സി​യും തമ്മിൽ എന്തി​ലെ​ങ്കി​ലും സമാന​ത​യു​ണ്ടോ?+ 16 ദേവാലയത്തിനു വിഗ്ര​ഹ​ങ്ങ​ളു​മാ​യി എന്തു ബന്ധം?+ നമ്മൾ ജീവനുള്ള ദൈവ​ത്തി​ന്റെ ആലയമല്ലേ?+ കാരണം ദൈവം പറഞ്ഞത്‌ ഇതാണ്‌: “ഞാൻ അവരുടെ ഇടയിൽ താമസിക്കുകയും+ അവരുടെ ഇടയിൽ നടക്കു​ക​യും ചെയ്യും. ഞാൻ അവരുടെ ദൈവ​വും അവർ എന്റെ ജനവും ആയിരി​ക്കും.”+ 17 “‘അതു​കൊണ്ട്‌ അവരുടെ ഇടയിൽനി​ന്ന്‌ പുറത്ത്‌ കടന്ന്‌ അവരിൽനി​ന്ന്‌ അകന്നു​മാ​റൂ, അശുദ്ധ​മാ​യതു തൊട​രുത്‌;’”+ “‘എങ്കിൽ ഞാൻ നിങ്ങളെ സ്വീക​രി​ക്കും’+ എന്ന്‌ യഹോവ* പറയുന്നു.” 18 “‘ഞാൻ നിങ്ങളു​ടെ പിതാവും+ നിങ്ങൾ എന്റെ പുത്ര​ന്മാ​രും പുത്രി​മാ​രും ആകും’+ എന്നു സർവശ​ക്ത​നായ യഹോവ* പറയുന്നു.”

7 അതു​കൊണ്ട്‌ പ്രിയപ്പെ​ട്ട​വരേ, ഈ വാഗ്‌ദാനങ്ങൾ+ നമുക്കു​ള്ള​തുകൊണ്ട്‌ ശരീരത്തെ​യും ചിന്തകളെയും* മലിന​മാ​ക്കുന്ന എല്ലാത്തിൽനി​ന്നും നമ്മളെ​ത്തന്നെ ശുദ്ധീകരിച്ച്‌+ ദൈവ​ഭ​യത്തോ​ടെ നമ്മുടെ വിശുദ്ധി പരിപൂർണ​മാ​ക്കാം.

2 നിങ്ങളുടെ ഹൃദയ​ങ്ങ​ളിൽ ഞങ്ങൾക്ക്‌ ഇടം തരുക.+ ഞങ്ങൾ ആരോ​ടും അന്യായം കാണി​ച്ചി​ട്ടില്ല. ആരെയും വഷളാ​ക്കി​യി​ട്ടില്ല. ആരെയും ചൂഷണം ചെയ്‌തി​ട്ടു​മില്ല.+ 3 നിങ്ങളെ കുറ്റ​പ്പെ​ടു​ത്താ​നല്ല ഞാൻ ഇതൊക്കെ പറയു​ന്നത്‌. ജീവി​ച്ചാ​ലും മരിച്ചാ​ലും നിങ്ങൾ ഞങ്ങളുടെ ഹൃദയ​ത്തി​ലുണ്ടെന്നു ഞാൻ നേരത്തേ പറഞ്ഞി​ട്ടു​ണ്ട​ല്ലോ. 4 എനിക്കു നിങ്ങ​ളോട്‌ എന്തും തുറന്നു​പ​റ​യാ​നുള്ള സ്വാതന്ത്ര്യ​മുണ്ട്‌. നിങ്ങളെ ഓർത്ത്‌ ഞാൻ വളരെ അഭിമാ​നി​ക്കു​ക​യും ചെയ്യുന്നു. എനിക്കു നല്ല ആശ്വാസം തോന്നു​ന്നു. എന്തെല്ലാം ബുദ്ധി​മു​ട്ടു​ക​ളുണ്ടെ​ങ്കി​ലും ഞാൻ അങ്ങേയറ്റം സന്തോ​ഷി​ക്കു​ന്നു.+

5 വാസ്‌തവത്തിൽ മാസിഡോണിയയിൽ+ എത്തിയപ്പോ​ഴും ഞങ്ങൾക്ക്‌* ഒരു സ്വസ്ഥത​യും ഉണ്ടായില്ല. എല്ലാ വിധത്തി​ലും ബുദ്ധി​മു​ട്ടു​കൾ മാത്രം: പുറമേ ഉപദ്ര​വങ്ങൾ; അകമേ ആശങ്കകൾ. 6 പക്ഷേ മനസ്സു തളർന്നി​രി​ക്കു​ന്ന​വരെ ആശ്വസി​പ്പി​ക്കുന്ന ദൈവം+ തീത്തോ​സി​നെ അയച്ച്‌ ഞങ്ങളെ ആശ്വസി​പ്പി​ച്ചു. 7 തീത്തോസിന്റെ സാമീ​പ്യം മാത്രമല്ല, നിങ്ങൾ കാരണം തീത്തോ​സി​നു​ണ്ടായ ആശ്വാ​സ​വും എന്നെ ആശ്വസി​പ്പി​ച്ചു. എന്നെ കാണാൻ നിങ്ങൾ അതിയാ​യി ആഗ്രഹി​ക്കുന്നെ​ന്നും നിങ്ങൾക്കു കടുത്ത ദുഃഖ​മുണ്ടെ​ന്നും എന്റെ കാര്യ​ത്തിൽ നിങ്ങൾക്ക്‌ ആത്മാർഥ​മായ താത്‌പര്യമുണ്ടെന്നും* തീത്തോ​സ്‌ ഞങ്ങളോ​ടു പറഞ്ഞു. അതു കേട്ട​പ്പോൾ എനിക്കു കൂടുതൽ സന്തോ​ഷ​മാ​യി.

8 എന്റെ കത്തിലൂ​ടെ ഞാൻ നിങ്ങളെ കുറച്ച്‌ വിഷമിപ്പിച്ചെങ്കിലും+ എനിക്ക്‌ അതിൽ ഖേദമില്ല. തത്‌കാ​ലത്തേ​ക്കാണെ​ങ്കി​ലും, ആ കത്തു നിങ്ങളെ വിഷമി​പ്പി​ച്ച​ല്ലോ എന്ന്‌ ഓർത്ത്‌ ആദ്യം ഖേദം തോന്നിയെ​ങ്കി​ലും 9 ഇപ്പോൾ ഞാൻ സന്തോ​ഷി​ക്കു​ന്നു. നിങ്ങൾ ദുഃഖി​ച്ച​തുകൊ​ണ്ടല്ല, നിങ്ങളു​ടെ ദുഃഖം നിങ്ങളെ പശ്ചാത്താ​പ​ത്തിലേക്കു നയിച്ച​തുകൊണ്ട്‌. നിങ്ങൾ ദുഃഖി​ച്ചതു ദൈവി​ക​മായ രീതി​യി​ലാ​ണ​ല്ലോ. അതു​കൊണ്ട്‌ ഞങ്ങൾ കാരണം നിങ്ങൾക്ക്‌ ഒരു ദോഷ​വും വന്നില്ല. 10 ദൈവികമായ ദുഃഖം, രക്ഷയി​ലേക്കു നയിക്കുന്ന പശ്ചാത്താ​പം ഉണ്ടാക്കു​ന്നു. അതി​നെ​പ്പറ്റി പിന്നെ ഖേദിക്കേ​ണ്ടി​വ​രില്ല.+ എന്നാൽ ലോകപ്ര​കാ​ര​മുള്ള ദുഃഖ​മാ​കട്ടെ മരണത്തി​ലേക്കു നയിക്കു​ന്നു. 11 ദൈവികമായ ഈ ദുഃഖം നിങ്ങളിൽ എത്രമാ​ത്രം ഉത്സാഹ​മാണ്‌ ഉണ്ടാക്കി​യത്‌! ശുദ്ധരാ​കാ​നുള്ള നിങ്ങളു​ടെ ആഗ്രഹം! ആ ധാർമി​കരോ​ഷം! ആ ഭയഭക്തി! ആത്മാർഥ​മായ നിങ്ങളു​ടെ ആഗ്രഹം! ആ ആവേശം! തെറ്റിന്‌ എതിരെ നടപടിയെ​ടു​ക്കാ​നുള്ള ആ സന്നദ്ധത!+ അങ്ങനെ നിങ്ങൾ ഇക്കാര്യ​ത്തിൽ എല്ലാ വിധത്തി​ലും നിർമലരാണെന്നു* തെളി​യി​ച്ചി​രി​ക്കു​ന്നു. 12 തെറ്റു ചെയ്‌ത ആളെയോ+ തെറ്റിന്‌ ഇരയായ ആളെയോ ഓർത്തല്ല ഞാൻ നിങ്ങൾക്ക്‌ എഴുതി​യത്‌. ഞങ്ങളെ ശ്രദ്ധി​ക്കാ​നുള്ള നിങ്ങളു​ടെ മനസ്സൊ​രു​ക്കം ദൈവ​മു​മ്പാകെ​യും നിങ്ങൾക്കി​ട​യി​ലും വെളിപ്പെ​ടാൻവേ​ണ്ടി​യാണ്‌. 13 അതു വെളിപ്പെ​ട്ട​തുകൊ​ണ്ടാ​ണു ഞങ്ങൾക്ക്‌ ആശ്വാസം തോന്നി​യത്‌.

ഞങ്ങൾക്കു​ണ്ടായ ഈ ആശ്വാ​സ​ത്തി​നു പുറമേ, തീത്തോ​സി​നു​ണ്ടായ സന്തോഷം ഞങ്ങളെ കൂടുതൽ സന്തോ​ഷി​പ്പി​ച്ചു. കാരണം നിങ്ങൾ എല്ലാവ​രും തീത്തോ​സി​ന്റെ മനസ്സിന്‌* ഉന്മേഷം പകർന്നു. 14 ഞാൻ തീത്തോ​സിനോ​ടു നിങ്ങ​ളെ​ക്കു​റിച്ച്‌ എന്തെങ്കി​ലും പുകഴ്‌ത്തി​പ്പ​റ​ഞ്ഞി​ട്ടുണ്ടെ​ങ്കിൽ എനിക്ക്‌ അതിൽ ലജ്ജി​ക്കേ​ണ്ടി​വ​ന്നി​ട്ടില്ല. ഞങ്ങൾ നിങ്ങ​ളോ​ടു പറഞ്ഞ കാര്യ​ങ്ങളെ​ല്ലാം സത്യമാ​യി​രു​ന്ന​തുപോ​ലെ തീത്തോ​സിനോ​ടു നിങ്ങ​ളെ​ക്കു​റിച്ച്‌ പുകഴ്‌ത്തി​പ്പ​റ​ഞ്ഞ​തും സത്യമാ​ണെന്നു തെളി​ഞ്ഞ​ല്ലോ. 15 നിങ്ങൾ എല്ലാവ​രും കാണിച്ച അനുസരണത്തെക്കുറിച്ചും+ തീത്തോ​സി​നെ നിങ്ങൾ ഭയത്തോടെ​യും വിറയലോടെ​യും സ്വീക​രി​ച്ച​തിനെ​ക്കു​റി​ച്ചും തീത്തോ​സ്‌ ഓർക്കു​ന്നുണ്ട്‌. അതു​കൊണ്ട്‌ തീത്തോ​സി​നു നിങ്ങ​ളോ​ടുള്ള ആർദ്രപ്രി​യം മുമ്പ​ത്തേ​തി​ലും കൂടി​യി​രി​ക്കു​ന്നു. 16 ഏതു കാര്യ​ത്തി​ലും നിങ്ങളെ വിശ്വ​സി​ക്കാ​മ​ല്ലോ എന്ന്‌ ഓർത്ത്‌* എനിക്കു വളരെ സന്തോഷം തോന്നു​ന്നു.

8 സഹോ​ദ​ര​ങ്ങളേ, മാസിഡോണിയയിലെ+ സഭക​ളോ​ടു ദൈവം കാണിച്ച അനർഹ​ദ​യയെ​ക്കു​റിച്ച്‌ ഞങ്ങൾ നിങ്ങ​ളോ​ടു പറയാം. 2 ബുദ്ധിമുട്ടുകൾ നിറഞ്ഞ ഒരു കഠിന​പ​രിശോ​ധന നേരി​ടു​ക​യാ​യി​രുന്നെ​ങ്കി​ലും നിറഞ്ഞ സന്തോ​ഷത്തോ​ടെ അവർ വലിയ* ഔദാ​ര്യം കാണിച്ചു. കൊടിയ ദാരിദ്ര്യ​ത്തി​ലാ​യി​രു​ന്നി​ട്ടു​പോ​ലും അങ്ങനെ ചെയ്‌തു​കൊ​ണ്ട്‌ അവർ സമ്പന്നരാ​ണെന്നു തെളി​യി​ച്ചു. 3 അവർ തങ്ങളുടെ കഴിവനുസരിച്ചും+ അതിന്‌ അപ്പുറ​വും കൊടു​ത്തു എന്നതിനു ഞാൻ സാക്ഷി.+ 4 വിശുദ്ധർക്കുവേണ്ടിയുള്ള ഈ ദുരിതാശ്വാസശുശ്രൂഷയിൽ+ ഒരു പങ്കുണ്ടാ​യി​രി​ക്കാ​നുള്ള പദവി​ക്കുവേണ്ടി അവർ നിറു​ത്താ​തെ ഞങ്ങളോ​ടു യാചി​ച്ചുകൊ​ണ്ടി​രു​ന്നു. മറ്റാരും പറയാതെ അവർതന്നെ മുൻകൈയെ​ടുത്ത്‌ അതു ചെയ്യു​ക​യാ​യി​രു​ന്നു. 5 വാസ്‌തവത്തിൽ, ഞങ്ങളുടെ പ്രതീ​ക്ഷ​യ്‌ക്ക്‌ അപ്പുറം അവർ ചെയ്‌തു. ആദ്യം അവർ കർത്താ​വി​നു തങ്ങളെ​ത്തന്നെ ഏൽപ്പിച്ചു; കൂടാതെ ദൈ​വേ​ഷ്ട​മ​നു​സ​രിച്ച്‌ ഞങ്ങൾക്കും. 6 അതുകൊണ്ട്‌ തീത്തോസ്‌+ നിങ്ങൾക്കി​ട​യിൽ തുടങ്ങി​വെച്ച ദാന​ശേ​ഖ​രണം പൂർത്തി​യാ​ക്കാൻ ഞങ്ങൾ തീത്തോ​സിനോട്‌ ആവശ്യ​പ്പെട്ടു. 7 വിശ്വാസത്തിലും വചനത്തി​ലും അറിവി​ലും തികഞ്ഞ ശുഷ്‌കാ​ന്തി​യി​ലും ഞങ്ങൾക്കു നിങ്ങ​ളോ​ടുള്ള തരം സ്‌നേ​ഹ​ത്തി​ലും നിങ്ങൾ മുന്നി​ട്ടു​നിൽക്കു​ന്ന​തുപോ​ലെ, ഈ ദാനധർമ​ത്തി​ന്റെ കാര്യ​ത്തി​ലും മുന്നി​ട്ടു​നിൽക്കുക.+

8 ഇത്‌ ഒരു കല്‌പ​നയല്ല. ഞാൻ ഇതെല്ലാം പറഞ്ഞതു മറ്റുള്ള​വ​രു​ടെ ശുഷ്‌കാ​ന്തി നിങ്ങളെ അറിയി​ക്കാ​നും നിങ്ങളു​ടെ സ്‌നേഹം എത്ര ആത്മാർഥ​മാണ്‌ എന്നു പരി​ശോ​ധി​ക്കാ​നും വേണ്ടി​യാണ്‌. 9 നമ്മുടെ കർത്താ​വായ യേശുക്രി​സ്‌തു കാണിച്ച അനർഹ​ദ​യയെ​ക്കു​റിച്ച്‌ നിങ്ങൾക്ക്‌ അറിയാ​മ​ല്ലോ. യേശു സമ്പന്നനാ​യി​രു​ന്നി​ട്ടും നിങ്ങൾക്കു​വേണ്ടി ദരി​ദ്ര​നാ​യി.+ തന്റെ ദാരി​ദ്ര്യം​കൊ​ണ്ട്‌ നിങ്ങളെ സമ്പന്നരാ​ക്കാൻവേ​ണ്ടി​യാണ്‌ യേശു അങ്ങനെ ചെയ്‌തത്‌.

10 ഇക്കാര്യത്തിലുള്ള എന്റെ അഭി​പ്രാ​യം ഇതാണ്‌:+ നിങ്ങളു​ടെ പ്രയോ​ജ​ന​ത്തി​നുവേ​ണ്ടി​യാ​ണു ഞാൻ ഇതു പറയു​ന്നത്‌. ഒരു വർഷം മുമ്പ്‌ നിങ്ങൾ അതു തുടങ്ങി​വെച്ചു. നിങ്ങൾ അത്‌ ഒരുപാ​ട്‌ ആഗ്രഹി​ച്ച​തു​മാണ്‌. 11 അതുകൊണ്ട്‌ ഇപ്പോൾ നിങ്ങളു​ടെ കഴിവ​നു​സ​രിച്ച്‌ കൊടു​ക്കുക. അങ്ങനെ നിങ്ങൾ തുടങ്ങി​വെച്ച അക്കാര്യം തുടക്ക​ത്തിൽ നിങ്ങൾക്കു​ണ്ടാ​യി​രുന്ന അതേ മനസ്സൊ​രു​ക്കത്തോ​ടെ ചെയ്‌തു​തീർക്കുക. 12 മനസ്സൊരുക്കമാണു പ്രധാനം. മനസ്സോ​ടെ കൊടു​ക്കുന്നെ​ങ്കിൽ അതായി​രി​ക്കും ദൈവ​ത്തി​നു കൂടുതൽ സ്വീകാ​ര്യം. ഒരാൾ തന്റെ കഴിവി​ന്‌ അപ്പുറമല്ല, കഴിവ​നു​സ​രിച്ച്‌ കൊടു​ക്കാ​നാ​ണു ദൈവം പ്രതീ​ക്ഷി​ക്കു​ന്നത്‌.+ 13 നിങ്ങളെ ബുദ്ധി​മു​ട്ടി​ച്ചി​ട്ടു മറ്റുള്ള​വർക്കു കാര്യം എളുപ്പ​മാ​ക്കാൻ ഞാൻ ഉദ്ദേശി​ക്കു​ന്നില്ല. 14 നിങ്ങൾക്ക്‌ ഇപ്പോ​ഴുള്ള സമൃദ്ധി​കൊ​ണ്ട്‌ അവരുടെ കുറവ്‌ നികത്തു​ക​യാണെ​ങ്കിൽ പിന്നീടു നിങ്ങൾക്ക്‌ ഒരു കുറവ്‌ ഉണ്ടാകു​മ്പോൾ അവരുടെ സമൃദ്ധി​കൊ​ണ്ട്‌ അതു നികന്നു​കി​ട്ടും. അങ്ങനെ സമത്വം ഉണ്ടാക​ണമെ​ന്നാ​ണു ഞാൻ ആഗ്രഹി​ക്കു​ന്നത്‌. 15 “കൂടുതൽ ശേഖരി​ച്ച​യാൾക്കു കൂടു​ത​ലാ​യിപ്പോ​യില്ല, കുറച്ച്‌ ശേഖരി​ച്ച​യാൾക്കു കുറഞ്ഞുംപോ​യില്ല”+ എന്ന്‌ എഴുതി​യി​ട്ടു​ണ്ട​ല്ലോ.

16 നിങ്ങളെക്കുറിച്ച്‌ ഞങ്ങൾക്കുള്ള അതേ ആത്മാർഥ​താ​ത്‌പ​ര്യം തീത്തോസിന്റെ+ ഹൃദയ​ത്തി​ലും തോന്നി​പ്പിച്ച ദൈവ​ത്തി​നു നന്ദി. 17 കാരണം നിങ്ങളു​ടെ അടു​ത്തേക്കു വരാൻ ഞങ്ങൾ അഭ്യർഥി​ച്ചപ്പോൾ തീത്തോ​സ്‌ അതിനു സമ്മതിച്ചു. വാസ്‌ത​വ​ത്തിൽ, നിങ്ങളു​ടെ അടുത്ത്‌ വരാനുള്ള അതിയായ ആഗ്രഹം​കൊ​ണ്ട്‌ തീത്തോ​സു​തന്നെ​യാണ്‌ അതിനു മുൻകൈയെ​ടു​ത്തത്‌. 18 സന്തോഷവാർത്തയ്‌ക്കുവേണ്ടി ചെയ്യുന്ന കാര്യ​ങ്ങ​ളു​ടെ പേരിൽ എല്ലാ സഭകളി​ലും പ്രസി​ദ്ധ​നായ ഒരു സഹോ​ദ​രനെ​യും ഞങ്ങൾ തീത്തോ​സിന്റെ​കൂ​ടെ അയയ്‌ക്കു​ന്നുണ്ട്‌. 19 കർത്താവിനു മഹത്ത്വം വരുത്തു​ന്ന​തും സഹായി​ക്കാ​നുള്ള ഞങ്ങളുടെ മനസ്സൊ​രു​ക്കം വെളിപ്പെ​ടു​ത്തു​ന്ന​തും ആയ ഈ കാരു​ണ്യപ്ര​വർത്ത​ന​ത്തി​നു ഞങ്ങളുടെ​കൂ​ടെ പോരാൻ സഭകൾ നിയമിച്ച ആളും​കൂടെ​യാണ്‌ ആ സഹോ​ദരൻ. 20 അതുവഴി ഈ സംഭാവന കൈകാ​ര്യം ചെയ്യു​ന്ന​തു​മാ​യി ബന്ധപ്പെട്ട്‌ എന്തെങ്കി​ലും കുറ്റം കണ്ടുപി​ടി​ക്കാൻ ആർക്കും ഞങ്ങൾ ഇടകൊ​ടു​ക്കാ​തി​രി​ക്കു​ന്നു.+ 21 ഞങ്ങൾ, ‘യഹോവയുടെ* മുന്നിൽ മാത്രമല്ല, മനുഷ്യ​രു​ടെ മുന്നി​ലും എല്ലാം സത്യസ​ന്ധ​മാ​യി ചെയ്യാൻ ശ്രദ്ധി​ക്കു​ന്നു.’+

22 വളരെ ഉത്സാഹി​യാണെന്നു പലപ്പോ​ഴും പല കാര്യ​ങ്ങ​ളി​ലും ഞങ്ങൾ പരീക്ഷി​ച്ച​റി​ഞ്ഞി​ട്ടുള്ള ഒരു സഹോ​ദ​രനെ​യും അവരുടെ​കൂ​ടെ അയയ്‌ക്കു​ന്നുണ്ട്‌. നിങ്ങ​ളെ​ക്കു​റിച്ച്‌ നല്ല ഉറപ്പു​ള്ള​തുകൊണ്ട്‌ ആ സഹോ​ദരൻ ഇപ്പോൾ കൂടുതൽ ഉത്സാഹി​യാണ്‌. 23 തീത്തോസിനെപ്പറ്റി ഇനി വല്ലതും അറിയ​ണമെ​ന്നുണ്ടെ​ങ്കിൽ,* തീത്തോ​സ്‌ എന്റെ കൂട്ടാ​ളി​യും നിങ്ങളു​ടെ ക്ഷേമത്തി​നാ​യി പ്രവർത്തി​ക്കു​ന്ന​തിൽ എന്റെ സഹപ്ര​വർത്ത​ക​നും ആണ്‌. മറ്റു സഹോ​ദ​ര​ന്മാരെ​പ്പറ്റി ചോദ്യ​ങ്ങ​ളുണ്ടെ​ങ്കിൽ ഞാൻ പറയട്ടെ, അവർ സഭകളു​ടെ അപ്പോ​സ്‌ത​ല​ന്മാ​രും ക്രിസ്‌തു​വി​ന്റെ മഹത്ത്വ​വും ആണ്‌. 24 അതുകൊണ്ട്‌ നിങ്ങൾക്ക്‌ ആത്മാർഥ​സ്‌നേ​ഹ​മുണ്ടെന്ന്‌ അവർക്കു കാണി​ച്ചുകൊ​ടു​ക്കുക.+ നിങ്ങ​ളെ​ക്കു​റിച്ച്‌ ഞങ്ങൾ പുകഴ്‌ത്തി​പ്പ​റ​ഞ്ഞത്‌ എന്തു​കൊ​ണ്ടാണെന്നു സഭകൾ മനസ്സി​ലാ​ക്കട്ടെ.

9 വിശു​ദ്ധർക്കുവേ​ണ്ടി​യുള്ള ഈ ശുശ്രൂഷയെക്കുറിച്ച്‌+ ഞാൻ നിങ്ങൾക്ക്‌ എഴുതേണ്ട കാര്യമേ ഇല്ല. 2 സഹായിക്കാനുള്ള നിങ്ങളു​ടെ മനസ്സൊ​രു​ക്കത്തെ​ക്കു​റിച്ച്‌ എനിക്ക്‌ അറിയാം. ‘കഴിഞ്ഞ ഒരു വർഷമാ​യി അഖായ​ക്കാർ ഒരുങ്ങി​യി​രി​ക്കു​ക​യാണ്‌’ എന്നു നിങ്ങ​ളെ​പ്പറ്റി ഞാൻ മാസിഡോ​ണി​യ​ക്കാരോ​ടു പുകഴ്‌ത്തി​പ്പ​റ​ഞ്ഞി​ട്ടുണ്ട്‌. നിങ്ങളു​ടെ ഉത്സാഹം അവരിൽ മിക്കവർക്കും ഒരു പ്രചോ​ദ​ന​മാ​യി. 3 ഇക്കാര്യത്തിൽ നിങ്ങ​ളെ​ക്കു​റിച്ച്‌ ഞങ്ങൾ പുകഴ്‌ത്തി​പ്പ​റ​ഞ്ഞതു വെറുതേ​യല്ലെന്നു വരാനും നിങ്ങ​ളെ​ക്കു​റിച്ച്‌ ഞാൻ പറഞ്ഞതുപോലെ​തന്നെ നിങ്ങൾ ശരിക്കും ഒരുങ്ങി​യി​രി​ക്കാ​നും വേണ്ടി​യാ​ണു ഞാൻ ഈ സഹോ​ദ​ര​ന്മാ​രെ അയയ്‌ക്കു​ന്നത്‌. 4 അല്ലെങ്കിൽ ഒരുപക്ഷേ, മാസിഡോ​ണി​യ​ക്കാർ എന്റെകൂ​ടെ വന്നിട്ട്‌ നിങ്ങളെ ഒരുങ്ങി​യി​രി​ക്കാ​ത്ത​വ​രാ​യി കണ്ടാൽ നിങ്ങളെ വിശ്വ​സി​ച്ച​തി​ന്റെ പേരിൽ ഞങ്ങൾ നാണംകെ​ട്ടുപോ​കും. നിങ്ങളു​ടെ കാര്യമൊ​ട്ടു പറയു​ക​യും വേണ്ടാ. 5 അതുകൊണ്ടാണ്‌ നിങ്ങൾ വാഗ്‌ദാ​നം ചെയ്‌ത ഉദാര​മായ സംഭാവന മുൻകൂ​ട്ടി ഒരുക്കിവെ​ക്ക​ണമെന്നു നിങ്ങ​ളോട്‌ ആവശ്യപ്പെ​ടാൻവേണ്ടി ഈ സഹോ​ദ​ര​ന്മാ​രെ നേര​ത്തേ​തന്നെ അവി​ടേക്ക്‌ അയയ്‌ക്കാൻ എനിക്കു തോന്നി​യത്‌. അങ്ങനെ​യാ​കുമ്പോൾ, അതു ഞങ്ങൾ പിടി​ച്ചു​വാ​ങ്ങിയ ഒന്നായി​ട്ടല്ല, ഉദാര​മായ സംഭാ​വ​ന​യാ​യി​ത്തന്നെ ഇരിക്കു​മ​ല്ലോ.

6 എന്നാൽ ഇത്‌ ഓർത്തുകൊ​ള്ളൂ: കുറച്ച്‌ വിതയ്‌ക്കു​ന്നവർ കുറച്ച്‌ മാത്രമേ കൊയ്യൂ; ധാരാളം വിതയ്‌ക്കു​ന്ന​വ​രോ ധാരാളം കൊയ്യും.+ 7 ഓരോരുത്തരും ഹൃദയ​ത്തിൽ നിശ്ചയി​ച്ച​തുപോ​ലെ ചെയ്യട്ടെ. മനസ്സില്ലാമനസ്സോടെയോ* നിർബ​ന്ധ​ത്താ​ലോ അരുത്‌.+ സന്തോ​ഷത്തോ​ടെ കൊടു​ക്കു​ന്ന​വരെ​യാ​ണു ദൈവം സ്‌നേ​ഹി​ക്കു​ന്നത്‌.+

8 മാത്രമല്ല, തന്റെ അനർഹദയ മുഴുവൻ നിങ്ങളു​ടെ മേൽ ധാരാ​ള​മാ​യി ചൊരി​യാൻ ദൈവ​ത്തി​നു കഴിയും. അങ്ങനെ, ആവശ്യ​മു​ള്ളതെ​ല്ലാം നിങ്ങൾക്ക്‌ എപ്പോ​ഴു​മു​ണ്ടാ​കും. ഒപ്പം, നല്ല കാര്യങ്ങൾ ചെയ്യാൻ വേണ്ടതും സമൃദ്ധ​മാ​യു​ണ്ടാ​കും.+ 9 (“അവൻ വാരിക്കോരി* കൊടു​ത്തു. ദരി​ദ്രർക്കു ദാനം ചെയ്‌തു. അവൻ എന്നെന്നും നീതി​നി​ഷ്‌ഠൻ”+ എന്നാണ​ല്ലോ എഴുതി​യി​ട്ടു​ള്ളത്‌. 10 വിതക്കാരനു വിത്തും കഴിക്കാൻ അപ്പവും സമൃദ്ധ​മാ​യി കൊടു​ക്കുന്ന ദൈവം നിങ്ങൾക്കും വിതയ്‌ക്കാൻ വിത്തു തരും. ദൈവം അതു ധാരാ​ള​മാ​യി​ത്തന്നെ തരും. നിങ്ങൾ സമൃദ്ധ​മാ​യി നീതി കൊയ്യാൻ ദൈവം ഇടയാ​ക്കും.) 11 നിങ്ങൾ എല്ലാ വിധത്തി​ലും ഉദാര​മ​ന​സ്‌ക​രാ​യി​രി​ക്കാൻവേ​ണ്ടി​യാ​ണു ദൈവം എല്ലാത്തി​ലും നിങ്ങളെ അനു​ഗ്ര​ഹി​ക്കു​ന്നത്‌. അങ്ങനെ ഞങ്ങളി​ലൂ​ടെ വിതരണം ചെയ്യുന്ന നിങ്ങളു​ടെ ഔദാ​ര്യ​ദാ​നത്തെപ്രതി ആളുകൾ ദൈവ​ത്തി​നു നന്ദി പറയും. 12 പൊതുജനസേവനമായി നിങ്ങൾ ചെയ്യുന്ന ഈ ശുശ്രൂഷ വിശു​ദ്ധ​രു​ടെ ആവശ്യങ്ങൾ നന്നായി നിറ​വേ​റ്റാൻ ഉപകരിക്കുമെന്നു+ മാത്രമല്ല, അനേക​മാ​ളു​കൾ ദൈവത്തോ​ടു നന്ദി പറയാ​നും അവസരമൊ​രു​ക്കും. 13 ഈ ദുരി​താ​ശ്വാ​സ​ശുശ്രൂ​ഷ​യി​ലൂ​ടെ വ്യക്തമാ​കുന്ന നിങ്ങളു​ടെ സന്മനസ്സു കണ്ടിട്ട്‌ അവർ ദൈവത്തെ മഹത്ത്വപ്പെ​ടു​ത്തു​ന്നു. കാരണം നിങ്ങൾ പരസ്യ​മാ​യി പ്രഖ്യാ​പി​ക്കു​ന്ന​തുപോലെ​തന്നെ നിങ്ങൾ ക്രിസ്‌തു​വിനെ​ക്കു​റി​ച്ചുള്ള സന്തോ​ഷ​വാർത്ത​യ്‌ക്കു കീഴ്‌പെ​ട്ടി​രി​ക്കു​ക​യും അവർക്കും മറ്റെല്ലാ​വർക്കും വേണ്ടി ഉദാര​മാ​യി സംഭാവന കൊടു​ക്കു​ക​യും ചെയ്യു​ന്ന​ല്ലോ.+ 14 ദൈവം നിങ്ങ​ളോട്‌ അളവറ്റ അനർഹദയ കാണി​ച്ച​തുകൊണ്ട്‌ അവർ നിങ്ങളെ സ്‌നേ​ഹി​ക്കു​ന്നു. അതു​കൊ​ണ്ടു​തന്നെ അവർ നിങ്ങൾക്കു​വേണ്ടി ഉള്ളുരു​കി പ്രാർഥി​ക്കു​ന്നു.

15 വാക്കുകൾകൊണ്ട്‌ വർണി​ക്കാ​നാ​കാത്ത സൗജന്യ​മായ ഈ സമ്മാന​ത്തി​നാ​യി ദൈവ​ത്തി​നു നന്ദി.

10 നേരിൽ കാണു​മ്പോൾ നിസ്സാരനെന്നും+ അകലെ​യാ​യി​രി​ക്കുമ്പോൾ തന്റേടമുള്ളവനെന്നും+ നിങ്ങൾ കരുതുന്ന പൗലോ​സ്‌ എന്ന ഞാൻ ക്രിസ്‌തു​വിന്റേ​തുപോ​ലുള്ള സൗമ്യ​തയോടെ​യും ദയയോടെയും+ നിങ്ങ​ളോട്‌ അപേക്ഷി​ക്കു​ന്നു. 2 ഞങ്ങൾ ജഡപ്രകാരം* ജീവി​ക്കു​ന്നു എന്നു ചിന്തി​ക്കുന്ന ചിലർ അവി​ടെ​യു​ണ്ട​ല്ലോ. ഞാൻ വരു​മ്പോൾ തന്റേടത്തോ​ടെ അവർക്കെ​തി​രെ ശക്തമായ നടപടി എടു​ക്കേ​ണ്ടി​വ​രുമെ​ന്നാ​ണു കരുതു​ന്നത്‌. പക്ഷേ അങ്ങനെയൊ​ന്നും ഉണ്ടാകാൻ ഇടവരു​ത്ത​രുതെ​ന്നാണ്‌ എന്റെ അഭ്യർഥന. 3 ഞങ്ങൾ ജഡത്തി​ലാ​ണു ജീവി​ക്കു​ന്നതെ​ങ്കി​ലും ജഡപ്ര​കാ​രമല്ല പോരാ​ടു​ന്നത്‌. 4 പോരാട്ടത്തിനുള്ള ഞങ്ങളുടെ ആയുധങ്ങൾ ജഡികമല്ല,+ പകരം കോട്ട​കളെപ്പോ​ലും തകർത്തു​ക​ള​യാൻമാ​ത്രം ശക്തിയുള്ള ദൈവി​ക​മായ ആയുധ​ങ്ങ​ളാണ്‌.+ 5 ദൈവപരിജ്ഞാനത്തിന്‌ എതിരാ​യി ഉയർന്നു​വ​രുന്ന വാദമു​ഖ​ങ്ങളെ​യും, എല്ലാ വൻപ്ര​തി​ബ​ന്ധ​ങ്ങളെ​യും ഞങ്ങൾ ഇടിച്ചു​ക​ള​യു​ന്നു.+ സകല ചിന്താ​ഗ​തി​കളെ​യും കീഴടക്കി അവയെ ക്രിസ്‌തു​വിനോട്‌ അനുസ​ര​ണ​മു​ള്ള​താ​ക്കാ​നാ​ണു ഞങ്ങൾ നോക്കു​ന്നത്‌. 6 നിങ്ങൾ എല്ലാ കാര്യ​ത്തി​ലും അനുസ​ര​ണ​മു​ള്ള​വ​രാണെന്നു തെളി​ഞ്ഞാൽ ഉടൻതന്നെ, നിങ്ങൾക്കി​ട​യി​ലെ ഓരോ അനുസ​ര​ണക്കേ​ടി​നും ശിക്ഷ തരാൻ ഞങ്ങൾ തയ്യാ​റെ​ടു​ത്തി​രി​ക്കു​ക​യാണ്‌.+

7 പുറമേ കാണു​ന്ന​തുവെ​ച്ചാ​ണു നിങ്ങൾ കാര്യ​ങ്ങളെ വിലയി​രു​ത്തു​ന്നത്‌. താൻ ക്രിസ്‌തു​വി​നു​ള്ള​വ​നാണെന്ന്‌ ആരെങ്കി​ലും കരുതുന്നെ​ങ്കിൽ അയാൾ ഒരു കാര്യം മറക്കരു​ത്‌: അയാ​ളെപ്പോലെ​തന്നെ ഞങ്ങളും ക്രിസ്‌തു​വി​നു​ള്ള​വ​രാണ്‌. 8 കർത്താവ്‌ ഞങ്ങൾക്കു തന്നിരി​ക്കുന്ന അധികാ​രം നിങ്ങളെ പണിതു​യർത്താ​നാണ്‌, തകർത്തു​ക​ള​യാ​നല്ല.+ ആ അധികാ​രത്തെ​ക്കു​റിച്ച്‌ ഞാൻ കുറച്ച്‌ അധികം വീമ്പി​ള​ക്കി​യാൽ അതു ന്യായ​മാ​ണു​താ​നും. 9 എന്റെ കത്തുക​ളി​ലൂ​ടെ ഞാൻ നിങ്ങളെ പേടി​പ്പി​ക്കു​ക​യാണെന്നു നിങ്ങൾ വിചാ​രി​ക്കാ​തി​രി​ക്കാ​നാണ്‌ ഇതു പറയു​ന്നത്‌. 10 “അയാളു​ടെ കത്തുകൾക്ക്‌ എന്തൊരു ഗാംഭീ​ര്യ​വും ശക്തിയും ആണ്‌! പക്ഷേ നേരിൽ കാണു​മ്പോൾ അയാൾ ദുർബ​ല​നും അയാളു​ടെ സംസാരം കഴമ്പി​ല്ലാ​ത്ത​തും ആണ്‌” എന്നു ചിലർ പറയു​ന്നു​ണ്ട​ല്ലോ. 11 അങ്ങനെ ചിന്തി​ക്കു​ന്നവർ ഇതു മനസ്സി​ലാ​ക്കിക്കൊ​ള്ളുക: അകലെ​യാ​യി​രി​ക്കുമ്പോൾ കത്തുക​ളി​ലൂ​ടെ ഞങ്ങൾ പറയു​ന്നത്‌ എന്താണോ, അതുതന്നെയായിരിക്കും* അവിടെ വരു​മ്പോൾ ചെയ്യു​ന്ന​തും.*+ 12 സ്വയം പുകഴ്‌ത്തുന്ന ചില​രെപ്പോലെ​യാ​കാ​നോ അവരു​മാ​യി ഞങ്ങളെ താരത​മ്യം ചെയ്യാ​നോ ഞങ്ങൾ മുതി​രു​ന്നില്ല.+ അത്തരക്കാർ അവരെവെ​ച്ചു​തന്നെ അവരെ അളക്കു​ക​യും തങ്ങളു​മാ​യി​ത്തന്നെ തങ്ങളെ താരത​മ്യപ്പെ​ടു​ത്തു​ക​യും ചെയ്യുന്നു. അവർക്കു വകതി​രി​വില്ല.+

13 ഞങ്ങൾക്കു നിയമിച്ചുതന്നിട്ടുള്ള* പ്രദേ​ശ​ത്തി​ന്റെ അതിരു​കൾക്കു​ള്ളിൽ ചെയ്‌തി​ട്ടു​ള്ള​തിനെ​ക്കു​റിച്ച്‌ മാത്രമേ ഞങ്ങൾ വീമ്പി​ളക്കൂ. ആ അതിരി​ന്‌ അപ്പുറ​ത്തു​ള്ള​തിനെ​ക്കു​റിച്ച്‌ ഞങ്ങൾ വീമ്പി​ള​ക്കില്ല. ആ അതിരി​ന്‌ ഉള്ളിലാ​ണു നിങ്ങൾ.+ 14 ആയാസപ്പെട്ട്‌ കൈ​യെ​ത്തി​പ്പി​ടി​ക്കാൻ നിങ്ങൾ ഞങ്ങളുടെ അതിർത്തി​ക്ക്‌ അപ്പുറ​ത്ത​ല്ല​ല്ലോ. ക്രിസ്‌തു​വിനെ​ക്കു​റി​ച്ചുള്ള സന്തോ​ഷ​വാർത്ത ഘോഷി​ച്ചുകൊണ്ട്‌ നിങ്ങളു​ടെ അടു​ത്തേക്ക്‌ ആദ്യം വന്നതു​തന്നെ ഞങ്ങളല്ലേ?+ 15 ഞങ്ങൾക്കു നിയമി​ച്ചു​തന്ന അതിരി​നു വെളി​യിൽ മറ്റൊ​രാൾ അധ്വാ​നി​ച്ചു​ണ്ടാ​ക്കി​യ​തിനെ​ക്കു​റി​ച്ചല്ല ഞങ്ങൾ വീമ്പി​ള​ക്കു​ന്നത്‌. നിങ്ങളു​ടെ വിശ്വാ​സം വർധി​ക്കു​ന്ന​ത​നു​സ​രിച്ച്‌ ഞങ്ങളുടെ അതിർത്തി​ക്കു​ള്ളിൽ ഞങ്ങൾ ചെയ്‌ത​തി​നു വലിയ വളർച്ച ഉണ്ടാകുമെ​ന്നാ​ണു ഞങ്ങളുടെ പ്രതീക്ഷ. അപ്പോൾ ഞങ്ങൾ ഞങ്ങളുടെ പ്രവർത്ത​ന​മ​ണ്ഡലം കുറച്ചു​കൂ​ടെ വിശാ​ല​മാ​ക്കും. 16 നിങ്ങളുടേതിന്‌ അപ്പുറ​ത്തുള്ള നാടു​ക​ളി​ലും സന്തോ​ഷ​വാർത്ത​യു​മാ​യി ഞങ്ങൾ കടന്നുചെ​ല്ലും. കാരണം മറ്റൊ​രാ​ളു​ടെ പ്രദേ​ശത്ത്‌ അതി​നോ​ടകം ഉണ്ടായ നേട്ടങ്ങളെ​ക്കു​റിച്ച്‌ വീമ്പി​ള​ക്കാൻ ഞങ്ങൾക്ക്‌ ആഗ്രഹ​മില്ല. 17 “വീമ്പി​ള​ക്കു​ന്നവൻ യഹോവയിൽ* വീമ്പി​ള​ക്കട്ടെ.”+ 18 കാരണം സ്വയം പുകഴ്‌ത്തു​ന്ന​വനല്ല,+ യഹോവ* പുകഴ്‌ത്തു​ന്ന​വ​നാണ്‌ അംഗീ​കാ​രം കിട്ടു​ന്നത്‌.+

11 ഇടയ്‌ക്കു ഞാൻ വല്ല വിഡ്‌ഢി​ത്തം പറഞ്ഞാ​ലും നിങ്ങൾ സഹിക്കു​മെന്നു ഞാൻ വിചാ​രി​ക്കു​ന്നു. വാസ്‌ത​വ​ത്തിൽ, നിങ്ങൾ ഇപ്പോൾത്തന്നെ എന്നെ സഹിക്കു​ന്നു​ണ്ട​ല്ലോ! 2 നിങ്ങളുടെ കാര്യ​ത്തിൽ ഞാൻ ദൈവി​ക​മായ എരിവോടെ* എരിയു​ന്നു. കാരണം ക്രിസ്‌തു എന്ന ഏകഭർത്താ​വി​ന്റെ കൈയിൽ നിങ്ങളെ ഒരു നിർമലകന്യകയായി* ഏൽപ്പി​ക്കാൻ ക്രിസ്‌തു​വു​മാ​യി നിങ്ങളു​ടെ വിവാ​ഹ​നി​ശ്ചയം നടത്തി​യതു ഞാനാണ്‌.+ 3 പക്ഷേ സർപ്പം കൗശലം പ്രയോഗിച്ച്‌+ ഹവ്വയെ വശീക​രി​ച്ച​തുപോ​ലെ ഏതെങ്കി​ലും വിധത്തിൽ നിങ്ങളു​ടെ മനസ്സു ക്രിസ്‌തു അർഹി​ക്കുന്ന ആത്മാർഥ​ത​യും നിർമലതയും* വിട്ട്‌ വഷളാ​യിപ്പോ​കു​മോ എന്നു ഞാൻ പേടി​ക്കു​ന്നു.+ 4 കാരണം, ഞങ്ങൾ പ്രസം​ഗി​ച്ച​തിൽനിന്ന്‌ വ്യത്യ​സ്‌ത​നായ ഒരു യേശു​വിനെ​ക്കു​റിച്ച്‌ ആരെങ്കി​ലും വന്ന്‌ പ്രസം​ഗി​ക്കു​ക​യോ നിങ്ങൾക്കു കിട്ടി​യ​ത​ല്ലാത്ത മറ്റൊരു ആത്മാവി​നെ നിങ്ങൾക്കു കിട്ടു​ക​യോ നിങ്ങൾ സ്വീക​രി​ച്ച​ത​ല്ലാത്ത മറ്റൊരു സന്തോ​ഷ​വാർത്ത നിങ്ങൾ കേൾക്കു​ക​യോ ചെയ്യുമ്പോൾ+ നിങ്ങൾ വേഗം അതി​നോട്‌ ഇണങ്ങിച്ചേ​രു​ന്ന​ല്ലോ. 5 നിങ്ങൾക്കിടയിലെ അതി​കേ​മ​ന്മാ​രായ അപ്പോ​സ്‌ത​ല​ന്മാരെ​ക്കാൾ ഞാൻ ഒട്ടും താഴെയല്ല എന്നുതന്നെ​യാണ്‌ എന്റെ വിശ്വാ​സം.+ 6 എനിക്കു വാക്‌സാമർഥ്യമില്ലെങ്കിലും+ അറിവി​ന്റെ കാര്യ​ത്തിൽ അങ്ങനെയല്ല. അതു ഞങ്ങൾ എല്ലാ വിധത്തി​ലും എല്ലാ കാര്യ​ങ്ങ​ളി​ലും നിങ്ങൾക്കു തെളി​യി​ച്ചു​ത​ന്നി​ട്ടു​മുണ്ട്‌.

7 പ്രതിഫലമൊന്നും വാങ്ങി​ക്കാ​തെ ഞാൻ സന്തോ​ഷത്തോ​ടെ ദൈവ​ത്തിൽനി​ന്നുള്ള സന്തോ​ഷ​വാർത്ത നിങ്ങളെ അറിയി​ച്ചു.+ അതെ, നിങ്ങളെ ഉയർത്താൻവേണ്ടി ഞാൻ എന്നെത്തന്നെ താഴ്‌ത്തി. അതാണോ ഞാൻ ചെയ്‌ത തെറ്റ്‌? 8 നിങ്ങൾക്കു ശുശ്രൂഷ ചെയ്യാൻ മറ്റു സഭകളിൽനി​ന്ന്‌ സഹായം സ്വീക​രി​ച്ചുകൊണ്ട്‌ ഞാൻ അവരുടെ വസ്‌തു​ക്കൾ അപഹരി​ച്ചു.+ 9 എങ്കിലും നിങ്ങളുടെ​കൂടെ​യാ​യി​രുന്ന സമയത്ത്‌ എനിക്കു പെട്ടെന്ന്‌ ഒരു ആവശ്യം വന്നപ്പോൾ നിങ്ങൾക്ക്‌ ആർക്കും ഞാൻ ഒരു ഭാരമാ​യില്ല. മാസിഡോ​ണി​യ​യിൽനിന്ന്‌ വന്ന സഹോ​ദ​ര​ന്മാ​രാണ്‌ എന്റെ ആവശ്യ​ങ്ങളൊ​ക്കെ നിറ​വേ​റ്റി​ത്ത​ന്നത്‌.+ ഒരുത​ര​ത്തി​ലും നിങ്ങൾക്കൊ​രു ഭാരമാ​കാ​തി​രി​ക്കാൻ ഞാൻ പ്രത്യേ​കം ശ്രദ്ധിച്ചു. ഇനിയും അങ്ങനെ​തന്നെ ചെയ്യും.+ 10 എന്നിലുള്ള ക്രിസ്‌തു​വി​ന്റെ സത്യമാ​ണെ, അഖായപ്രദേ​ശ​ങ്ങ​ളിൽ ഇങ്ങനെ വീമ്പി​ള​ക്കു​ന്നതു ഞാൻ നിറു​ത്തില്ല.+ 11 എന്തുകൊണ്ട്‌? നിങ്ങ​ളോ​ടു സ്‌നേ​ഹ​മി​ല്ലാ​ത്ത​തുകൊ​ണ്ടാ​ണോ? എനിക്കു നിങ്ങ​ളോ​ടു സ്‌നേ​ഹ​മുണ്ടെന്നു ദൈവ​ത്തിന്‌ അറിയാം.

12 പക്ഷേ ഞാൻ ഈ ചെയ്യു​ന്നത്‌ ഇനിയും ചെയ്യും.+ അങ്ങനെ, ഞങ്ങൾക്കു തുല്യ​രാണെന്നു വരുത്തി​ത്തീർക്കാൻവേണ്ടി വീമ്പി​ളക്കി നടക്കുന്നവരുടെ* നാട്യം ഞാൻ ഇല്ലാതാ​ക്കും. 13 കാരണം അങ്ങനെ​യു​ള്ളവർ ക്രിസ്‌തു​വി​ന്റെ അപ്പോ​സ്‌ത​ല​ന്മാ​രാ​യി ആൾമാ​റാ​ട്ടം നടത്തുന്ന കള്ളയ​പ്പോ​സ്‌ത​ല​ന്മാ​രും വഞ്ചകരും ആണ്‌.+ 14 അതിൽ അത്ഭുതപ്പെ​ടാ​നില്ല. കാരണം സാത്താൻപോ​ലും വെളി​ച്ച​ദൂ​ത​നാ​യി ആൾമാ​റാ​ട്ടം നടത്തു​ന്നി​ല്ലേ?+ 15 അപ്പോൾ സാത്താന്റെ ശുശ്രൂ​ഷ​ക​രും നീതി​യു​ടെ ശുശ്രൂ​ഷ​ക​രാ​യി ആൾമാ​റാ​ട്ടം നടത്തു​ന്ന​തിൽ അത്ഭുതപ്പെ​ടാൻ എന്തിരി​ക്കു​ന്നു? പക്ഷേ അവരുടെ അവസാനം അവരുടെ പ്രവൃ​ത്തി​കൾക്ക​നു​സ​രി​ച്ചാ​യി​രി​ക്കും.+

16 ഞാൻ വീണ്ടും പറയട്ടെ: ഞാൻ ഒരു വിഡ്‌ഢി​യാണെന്ന്‌ ആരും കരുത​രുത്‌. അഥവാ അങ്ങനെ കരുതുന്നെ​ങ്കിൽത്തന്നെ, ഒരു വിഡ്‌ഢി​യാ​യി കണ്ട്‌ എന്നെ സഹിച്ചുകൊ​ള്ളൂ. അങ്ങനെയെ​ങ്കി​ലും എനിക്ക്‌ അൽപ്പം വീമ്പി​ള​ക്കാ​മ​ല്ലോ. 17 ഞാൻ ഈ സംസാ​രി​ക്കു​ന്നതു കർത്താവ്‌ വെച്ച മാതൃ​ക​യ്‌ക്കു ചേർച്ച​യി​ലല്ല. പകരം അതിരു​ക​വിഞ്ഞ ആത്മവി​ശ്വാ​സത്തോ​ടെ വീമ്പി​ള​ക്കുന്ന ഒരു വിഡ്‌ഢിയെപ്പോലെ​യാണ്‌. 18 പലരും ജഡികമായ* കാര്യ​ങ്ങ​ളു​ടെ പേരിൽ* വീമ്പി​ള​ക്കു​ന്നു​ണ്ട​ല്ലോ. അതു​കൊണ്ട്‌ ഞാനും അങ്ങനെ ചെയ്യും. 19 എന്തായാലും നിങ്ങൾ വലിയ ‘ബുദ്ധി​മാ​ന്മാർ’ ആയതു​കൊ​ണ്ട്‌ വിഡ്‌ഢി​കളെ സന്തോ​ഷത്തോ​ടെ സഹിക്കാൻ പറ്റുമ​ല്ലോ. 20 ആരെങ്കിലും നിങ്ങളെ അടിമ​യാ​ക്കി​യാ​ലും, നിങ്ങളു​ടെ വസ്‌തു​വ​കകൾ വിഴു​ങ്ങി​ക്ക​ള​ഞ്ഞാ​ലും, നിങ്ങൾക്കു​ള്ളതു പിടി​ച്ചു​പ​റി​ച്ചാ​ലും, നിങ്ങ​ളെ​ക്കാൾ കേമന്മാ​രാ​യി ഭാവി​ച്ചാ​ലും, നിങ്ങളു​ടെ മുഖത്ത്‌ അടിച്ചാ​ലും അതെല്ലാം സഹിക്കു​ന്ന​വ​രാ​ണ​ല്ലോ നിങ്ങൾ.

21 ഞങ്ങൾ ദുർബ​ല​രാണെന്നു നിങ്ങൾക്കു തോന്നിയേ​ക്കാം എന്നതു​കൊ​ണ്ട്‌, ഞാൻ ഇതൊക്കെ പറയു​ന്നതു ഞങ്ങൾക്കു നാണ​ക്കേ​ടാണെന്നു ഞാൻ സമ്മതി​ക്കു​ന്നു.

ഒരു വിഡ്‌ഢിയെപ്പോ​ലെ ഞാൻ പറയട്ടെ. മറ്റുള്ളവർ തന്റേടം കാണി​ക്കുന്നെ​ങ്കിൽ ഞാനും തന്റേടം കാണി​ക്കും. 22 അവർ എബ്രാ​യ​രാ​ണോ? ഞാനും അതെ.+ അവർ ഇസ്രായേ​ല്യ​രാ​ണോ? ഞാനും അതെ. അവർ അബ്രാ​ഹാ​മി​ന്റെ സന്തതി​യാ​ണോ? ഞാനും അതെ.+ 23 അവർ ക്രിസ്‌തു​വി​ന്റെ ശുശ്രൂ​ഷ​ക​രാ​ണോ? ഒരു ഭ്രാന്തനെപ്പോ​ലെ ഞാൻ പറയട്ടെ, ഞാൻ അവരെ​ക്കാൾ മികച്ച​വ​നാണ്‌. കാരണം ഞാൻ അവരെ​ക്കാൾ അധികം അധ്വാ​നി​ച്ചു.+ കൂടുതൽ പ്രാവ​ശ്യം തടവി​ലാ​യി.+ കണക്കി​ല്ലാ​തെ തല്ലു കൊണ്ടു. പലവട്ടം മരണത്തെ മുഖാ​മു​ഖം കണ്ടു.+ 24 എനിക്കു ജൂതന്മാ​രിൽനിന്ന്‌ ഒന്നു കുറച്ച്‌ 40 അടി,* അഞ്ചു പ്രാവ​ശ്യം കൊ​ള്ളേ​ണ്ടി​വന്നു.+ 25 മൂന്നു തവണ എനിക്കു വടി​കൊണ്ട്‌ അടി കിട്ടി.+ ഒരിക്കൽ ആളുകൾ എന്നെ കല്ലെറി​ഞ്ഞു.+ മൂന്നു തവണ കപ്പലപ​ക​ട​ത്തിൽപ്പെട്ടു.+ ഒരു രാത്രി​യും പകലും പുറങ്ക​ട​ലിൽ ഒഴുകി​ന​ടന്നു. 26 ഞാൻ വിശ്ര​മ​മി​ല്ലാ​തെ യാത്ര ചെയ്‌തു. നദിക​ളി​ലെ ആപത്ത്‌, കവർച്ച​ക്കാ​രിൽനി​ന്നുള്ള ആപത്ത്‌, സ്വന്തം ജനത്തിൽനി​ന്നുള്ള ആപത്ത്‌,+ മറ്റു ജനതക​ളിൽനി​ന്നുള്ള ആപത്ത്‌,+ നഗരത്തി​ലെ ആപത്ത്‌,+ മരുഭൂമിയിലെ* ആപത്ത്‌, കടലിലെ ആപത്ത്‌, കള്ളസ​ഹോ​ദ​ര​ന്മാ​രിൽനി​ന്നുള്ള ആപത്ത്‌ എന്നിവ​യ്‌ക്കെ​ല്ലാം ഞാൻ ഇരയായി. 27 ഞാൻ അധ്വാ​നി​ക്കു​ക​യും കഷ്ടപ്പെ​ടു​ക​യും ചെയ്‌തു. പലപ്പോ​ഴും ഉറക്കമി​ളച്ചു.+ വിശപ്പും ദാഹവും സഹിച്ചു.+ പലവട്ടം പട്ടിണി കിടന്നു.+ കൊടും​ത​ണു​പ്പി​ലും നഗ്നതയി​ലും കഴിഞ്ഞു.

28 പുറമേയുള്ള ഇവയെ​ല്ലാം കൂടാതെ, എല്ലാ സഭക​ളെ​യും​കു​റി​ച്ചുള്ള ചിന്താ​ഭാ​ര​വും ഓരോ ദിവസ​വും എന്നെ അലട്ടുന്നു.+ 29 ആരു ബലഹീ​ന​നാ​യപ്പോ​ഴാ​ണു ഞാൻ ബലഹീ​ന​നാ​കാ​തി​രു​ന്നത്‌? ആര്‌ ഇടറി​വീ​ണപ്പോ​ഴാണ്‌ എനിക്കു ധാർമി​കരോ​ഷം തോന്നാ​തി​രു​ന്നത്‌?

30 ഞാൻ വീമ്പി​ള​ക്കുന്നെ​ങ്കിൽ എന്റെ ബലഹീനത വെളി​വാ​ക്കുന്ന കാര്യ​ങ്ങളെ​ക്കു​റി​ച്ചാ​യി​രി​ക്കും വീമ്പി​ള​ക്കുക. 31 കർത്താവായ യേശു​വി​ന്റെ ദൈവ​വും പിതാ​വും ആയവന്‌, എന്നെന്നും സ്‌തു​തി​ക്കപ്പെടേ​ണ്ട​വന്‌, ഞാൻ പറയു​ന്നതു നുണയല്ല എന്ന്‌ അറിയാം. 32 ദമസ്‌കൊസിൽവെച്ച്‌ അരേത രാജാ​വി​ന്റെ കീഴി​ലുള്ള ഗവർണർ എന്നെ പിടി​ക്കാൻവേണ്ടി ആ നഗരത്തി​നു കാവൽ ഏർപ്പെ​ടു​ത്തി. 33 പക്ഷേ എന്നെ ഒരു കൊട്ടയിലാക്കി* നഗരമ​തി​ലി​ലെ ജനലി​ലൂ​ടെ ഇറക്കി​വി​ട്ട​തുകൊണ്ട്‌ ഞാൻ രക്ഷപ്പെട്ടു.+

12 വീമ്പി​ള​ക്കു​ന്ന​തുകൊണ്ട്‌ നേട്ടമില്ലെ​ങ്കി​ലും എനിക്കു വീമ്പി​ളക്കേ​ണ്ടി​വ​രു​ന്നു. കർത്താ​വിൽനി​ന്നുള്ള ദർശനങ്ങളിലേക്കും+ വെളി​പാ​ടു​ക​ളിലേ​ക്കും ഞാൻ കടക്കട്ടെ.+ 2 ക്രിസ്‌തുവിനോടു യോജി​പ്പി​ലുള്ള ഒരു മനുഷ്യ​നെ എനിക്ക്‌ അറിയാം. 14 വർഷം മുമ്പ്‌ അയാൾ പെട്ടെന്നു മൂന്നാം സ്വർഗ​ത്തിലേക്ക്‌ എടുക്ക​പ്പെട്ടു. ശരീരത്തോടെ​യോ ശരീരം കൂടാതെ​യോ എന്ന്‌ എനിക്ക്‌ അറിയില്ല, പക്ഷേ ദൈവ​ത്തിന്‌ അറിയാം. 3 അതെ, അങ്ങനെ ഒരു മനുഷ്യ​നെ എനിക്ക്‌ അറിയാം. പക്ഷേ ശരീരത്തോടെ​യാ​ണോ ശരീരം കൂടാതെ​യാ​ണോ എടുക്കപ്പെ​ട്ടത്‌ എന്ന്‌ എനിക്ക്‌ അറിയില്ല, പക്ഷേ ദൈവ​ത്തിന്‌ അറിയാം. 4 ആ മനുഷ്യൻ പറുദീ​സ​യിലേക്ക്‌ എടുക്ക​പ്പെട്ടു. പറഞ്ഞു​കൂ​ടാ​ത്ത​തും മനുഷ്യർക്കു പറയാൻ അനുവാ​ദ​മി​ല്ലാ​ത്ത​തും ആയ വാക്കുകൾ അയാൾ കേട്ടു. 5 ആ മനുഷ്യനെ​ക്കു​റിച്ച്‌ ഞാൻ അഭിമാ​നത്തോ​ടെ സംസാ​രി​ക്കും. പക്ഷേ എന്നെക്കു​റിച്ച്‌ എന്റെ ബലഹീ​ന​ത​കളെ​പ്പ​റ്റി​യ​ല്ലാ​തെ ഞാൻ വീമ്പി​ള​ക്കില്ല. 6 അഥവാ, ഞാൻ വീമ്പി​ള​ക്കാൻ മുതിർന്നാൽത്തന്നെ ഞാൻ പറയു​ന്നതു വിഡ്‌ഢി​ത്ത​മാ​കില്ല. കാരണം ഞാൻ സത്യമേ പറയൂ. എങ്കിലും എന്നിൽ കാണു​ക​യോ എന്നിൽനി​ന്ന്‌ കേൾക്കു​ക​യോ ചെയ്യു​ന്ന​തിന്‌ അപ്പുറ​മുള്ള എന്തി​ന്റെയെ​ങ്കി​ലും പേരിൽ ആരും എനിക്കു ബഹുമതി തരാൻ ഞാൻ ആഗ്രഹി​ക്കാ​ത്ത​തുകൊണ്ട്‌ ഞാൻ വീമ്പി​ള​ക്കില്ല. 7 എനിക്ക്‌ ഇങ്ങനെ​യുള്ള അസാധാ​ര​ണ​മായ വെളി​പാ​ടു​കൾ കിട്ടു​ന്ന​ല്ലോ എന്ന്‌ ഓർത്ത്‌ ആളുകൾ എനിക്കു ബഹുമതി തരണ​മെന്ന്‌ ഞാൻ ആഗ്രഹി​ക്കു​ന്നില്ല.

ഞാൻ വല്ലാതെ അഹങ്കരി​ച്ചുപോ​കാ​തി​രി​ക്കാൻ എന്റെ ജഡത്തിൽ* ഒരു മുള്ളു വെച്ചി​രി​ക്കു​ന്നു.+ ഞാൻ നിഗളി​ക്കാ​തി​രി​ക്കാൻ എന്നെ വീണ്ടും​വീ​ണ്ടും അടിക്കാ​നുള്ള സാത്താന്റെ ഒരു ദൂതനാ​ണ്‌ അത്‌. 8 ഈ മുള്ള്‌ എന്നിൽനി​ന്ന്‌ നീക്കി​ക്ക​ള​യാൻവേണ്ടി ഞാൻ മൂന്നു പ്രാവ​ശ്യം കർത്താ​വിനോട്‌ അപേക്ഷി​ച്ചു. 9 പക്ഷേ കർത്താവ്‌ എന്നോടു പറഞ്ഞു: “എന്റെ അനർഹദയ മതി നിനക്ക്‌. കാരണം ബലഹീ​ന​ത​യി​ലാണ്‌ എന്റെ ശക്തി പൂർണ​മാ​കു​ന്നത്‌.”+ അതു​കൊണ്ട്‌ ക്രിസ്‌തു​വി​ന്റെ ശക്തി എന്റെ മീതെ ഒരു കൂടാ​രംപോ​ലെ നിൽക്കാൻവേണ്ടി ഞാൻ ഏറ്റവും സന്തോ​ഷത്തോ​ടെ എന്റെ ബലഹീ​ന​ത​കളെ​പ്പറ്റി വീമ്പി​ള​ക്കും. 10 ക്രിസ്‌തുവിനുവേണ്ടി ബലഹീ​ന​തകൾ, പരിഹാ​സങ്ങൾ, ഞെരു​ക്ക​മുള്ള സാഹച​ര്യ​ങ്ങൾ, ഉപദ്ര​വങ്ങൾ, ബുദ്ധി​മു​ട്ടു​കൾ എന്നിവ സഹിക്കു​ന്ന​തിൽ എനിക്കു സന്തോ​ഷമേ ഉള്ളൂ. കാരണം ബലഹീ​ന​നാ​യി​രി​ക്കുമ്പോൾത്തന്നെ ഞാൻ ശക്തനു​മാണ്‌.+

11 ഞാൻ വിഡ്‌ഢി​യാ​യി​രി​ക്കു​ന്നു. നിങ്ങളാ​ണ്‌ എന്നെ അങ്ങനെ​യാ​ക്കി​യത്‌. വാസ്‌ത​വ​ത്തിൽ, നിങ്ങൾ എന്നെക്കു​റിച്ച്‌ പുകഴ്‌ത്തി​പ്പ​റയേ​ണ്ടി​യി​രു​ന്ന​താണ്‌. കാരണം, ഞാൻ തീരെ നിസ്സാ​ര​നാണെ​ങ്കി​ലും നിങ്ങളു​ടെ അതി​കേ​മ​ന്മാ​രായ അപ്പോ​സ്‌ത​ല​ന്മാരെ​ക്കാൾ ഒരു കാര്യ​ത്തി​ലും ഒട്ടും കുറഞ്ഞ​വനല്ല.+ 12 വാസ്‌തവത്തിൽ എന്റെ വലിയ സഹനത്തി​ലൂടെ​യും,+ നിങ്ങൾ കണ്ട അത്ഭുത​ങ്ങ​ളി​ലൂടെ​യും അടയാ​ള​ങ്ങ​ളി​ലൂടെ​യും വിസ്‌മയപ്രവൃത്തികളിലൂടെയും+ ഞാൻ ഒരു അപ്പോ​സ്‌ത​ല​നാണ്‌ എന്നതിന്റെ തെളി​വു​കൾ നിങ്ങൾക്കു വെളിപ്പെ​ട്ട​താ​ണ​ല്ലോ. 13 ഞാൻ നിങ്ങൾക്ക്‌ ഒരു ഭാരമായില്ല+ എന്നതൊ​ഴി​ച്ചാൽ ഏതു കാര്യ​ത്തി​ലാ​ണു നിങ്ങൾക്കു മറ്റു സഭക​ളെ​ക്കാൾ കുറവ്‌ വന്നിട്ടു​ള്ളത്‌? ദയവുചെ​യ്‌ത്‌ ആ തെറ്റ്‌ എന്നോടു ക്ഷമിച്ചാ​ലും.

14 ഇതു മൂന്നാം പ്രാവ​ശ്യ​മാ​ണു നിങ്ങളെ വന്ന്‌ കാണാൻ ഞാൻ ഒരുങ്ങു​ന്നത്‌. ഞാൻ നിങ്ങൾക്ക്‌ ഒരു ഭാരമാ​കില്ല. എനിക്കു വേണ്ടത്‌ നിങ്ങളു​ടെ വസ്‌തു​വ​ക​കളല്ല,+ നിങ്ങ​ളെ​യാണ്‌. കാരണം മക്കൾ+ അമ്മയപ്പ​ന്മാർക്കുവേ​ണ്ടി​യല്ല, അമ്മയപ്പ​ന്മാർ മക്കൾക്കുവേ​ണ്ടി​യാ​ണ​ല്ലോ സമ്പാദി​ച്ചുവെക്കേ​ണ്ടത്‌. 15 അതുകൊണ്ട്‌ ഞാൻ ഏറ്റവും സന്തോ​ഷത്തോ​ടെ എനിക്കു​ള്ള​തും എന്നെത്തന്നെ​യും നിങ്ങൾക്കു​വേണ്ടി തരും.+ ഞാൻ നിങ്ങളെ ഇത്രയ​ധി​കം സ്‌നേ​ഹി​ക്കുമ്പോൾ നിങ്ങൾ എന്നെ ഇത്ര കുറച്ചാ​ണോ സ്‌നേ​ഹിക്കേ​ണ്ടത്‌? 16 അത്‌ എന്തുമാ​കട്ടെ, ഞാൻ നിങ്ങളെ ഭാര​പ്പെ​ടു​ത്തി​യി​ട്ടില്ല.+ എന്നിട്ടും ഞാൻ “സൂത്ര​ക്കാ​രൻ” ആണെന്നും ഞാൻ നിങ്ങളെ “തന്ത്രപൂർവം” വശത്താ​ക്കിയെ​ന്നും നിങ്ങൾ പറയുന്നു. 17 നിങ്ങളുടെ അടു​ത്തേക്ക്‌ അയച്ച ആരെ​യെ​ങ്കി​ലും ഉപയോ​ഗിച്ച്‌ ഞാൻ നിങ്ങളെ ചൂഷണം ചെയ്‌തി​ട്ടു​ണ്ടോ? 18 നിങ്ങളുടെ അടു​ത്തേക്കു വരാൻ ഞാൻ തീത്തോ​സിനോട്‌ അഭ്യർഥി​ച്ചു. കൂടെ ഒരു സഹോ​ദ​രനെ​യും പറഞ്ഞയച്ചു. തീത്തോ​സ്‌ നിങ്ങളെ ചൂഷണം ചെയ്‌തോ?+ ഞങ്ങൾക്ക്‌ ഒരേ മനോ​ഭാ​വ​മാ​യി​രു​ന്നി​ല്ലേ?* ഒരേ പാതയല്ലേ ഞങ്ങൾ പിന്തു​ടർന്നത്‌?

19 ഞങ്ങൾ നിങ്ങളു​ടെ മുന്നിൽ സ്വയം ന്യായീ​ക​രി​ക്കു​ക​യാണെ​ന്നാ​ണോ നിങ്ങൾ ഇപ്പോ​ഴും വിചാ​രി​ക്കു​ന്നത്‌? ക്രിസ്‌തു​വിനോ​ടു യോജി​പ്പി​ലാ​യ​വ​രെന്ന നിലയിൽ ദൈവ​സ​ന്നി​ധി​യി​ലാ​ണു ഞങ്ങൾ സംസാ​രി​ക്കു​ന്നത്‌. പ്രിയപ്പെ​ട്ട​വരേ, ഞങ്ങൾ ഇതെല്ലാം ചെയ്യു​ന്നതു നിങ്ങളെ ബലപ്പെ​ടു​ത്താൻവേ​ണ്ടി​യാണ്‌. 20 ഞാൻ വരു​മ്പോൾ എനിക്ക്‌ ഇഷ്ടമി​ല്ലാത്ത വിധത്തിൽ നിങ്ങളെ കാണു​ക​യും നിങ്ങൾക്ക്‌ ഇഷ്ടമി​ല്ലാത്ത വിധത്തിൽ നിങ്ങൾ എന്നെ കാണു​ക​യും ചെയ്യു​മോ എന്നാണ്‌ എന്റെ പേടി. കലഹം, അസൂയ, കോപം​കൊ​ണ്ട്‌ പൊട്ടിത്തെ​റി​ക്കൽ, അഭി​പ്രാ​യ​ഭി​ന്നത, ഏഷണി, കുശു​കു​ശുപ്പ്‌,* അഹങ്കാരം, കുഴഞ്ഞു​മ​റിഞ്ഞ അവസ്ഥ ഇതൊക്കെ​യാ​യി​രി​ക്കു​മോ നിങ്ങൾക്കി​ട​യിൽ കാണുക എന്നു ഞാൻ ഭയക്കുന്നു. 21 ഒരുപക്ഷേ ഞാൻ വീണ്ടും വരു​മ്പോൾ എന്റെ ദൈവം നിങ്ങളു​ടെ മുന്നിൽ എന്നെ ലജ്ജിപ്പിച്ചേ​ക്കാം. പാപത്തിൽ നടന്നി​രുന്ന പലരും അവരുടെ അശുദ്ധി, ലൈം​ഗിക അധാർമി​കത,* ധിക്കാ​രത്തോടെ​യുള്ള പെരുമാറ്റം* എന്നിവയെ​പ്പറ്റി പശ്ചാത്ത​പി​ക്കാ​ത്ത​തുകൊണ്ട്‌ അവരെ ഓർത്ത്‌ എനിക്കു സങ്കട​പ്പെടേ​ണ്ടി​വ​രു​മാ​യി​രി​ക്കും.

13 ഇത്‌ ഇപ്പോൾ മൂന്നാം തവണയാ​ണു ഞാൻ നിങ്ങളു​ടെ അടുത്ത്‌ വരാൻ ഒരുങ്ങു​ന്നത്‌. “രണ്ടോ മൂന്നോ സാക്ഷി​ക​ളു​ടെ മൊഴിയുടെ* അടിസ്ഥാ​ന​ത്തിൽ ഏതു കാര്യ​വും സ്ഥിരീ​ക​രി​ക്കാം.”+ 2 ഇപ്പോൾ ഞാൻ നിങ്ങളുടെ​കൂടെ​യില്ലെ​ങ്കി​ലും രണ്ടാം പ്രാവ​ശ്യം നിങ്ങളുടെ​കൂടെ​യു​ണ്ടാ​യി​രു​ന്നാൽ എന്നപോ​ലെ, മുമ്പ്‌ പാപം ചെയ്‌ത​വർക്കും മറ്റെല്ലാ​വർക്കും ഞാൻ മുൻകൂ​ട്ടി ഈ താക്കീതു തരുക​യാണ്‌: ഇനി ഞാൻ അവിടെ വന്നാൽ ആരോ​ടും ഒരു വിട്ടു​വീ​ഴ്‌ച​യും കാണി​ക്കില്ല. 3 ക്രിസ്‌തു എന്നിലൂ​ടെ സംസാ​രി​ക്കു​ന്നു എന്നതിനു നിങ്ങൾ തെളിവ്‌ ആവശ്യപ്പെ​ടു​ന്ന​ല്ലോ. എന്നാൽ നിങ്ങ​ളോട്‌ ഇടപെ​ടു​ന്ന​തിൽ ക്രിസ്‌തു ദുർബ​ലനല്ല; നിങ്ങളു​ടെ ഇടയിൽ ക്രിസ്‌തു ശക്തനാണ്‌. 4 ദുർബലനായിരുന്നപ്പോൾ ക്രിസ്‌തു​വി​നെ സ്‌തം​ഭ​ത്തിലേറ്റി വധി​ച്ചെ​ങ്കി​ലും ദൈവ​ത്തി​ന്റെ ശക്തി​കൊണ്ട്‌ ക്രിസ്‌തു ജീവി​ക്കു​ന്നു.+ ക്രിസ്‌തു ദുർബ​ല​നാ​യി​രു​ന്ന​തുപോ​ലെ ഞങ്ങളും ദുർബ​ല​രാണ്‌. പക്ഷേ നിങ്ങളിൽ പ്രവർത്തി​ക്കുന്ന ദൈവശക്തികൊണ്ട്‌+ ഞങ്ങൾ ക്രിസ്‌തു​വിന്റെ​കൂ​ടെ ജീവി​ക്കും.+

5 നിങ്ങൾ വിശ്വാ​സ​ത്തിൽത്തന്നെ​യാ​ണോ എന്നു പരി​ശോ​ധി​ച്ചുകൊ​ണ്ടി​രി​ക്കണം.+ നിങ്ങൾ എങ്ങനെ​യു​ള്ള​വ​രാണെന്ന്‌ എപ്പോ​ഴും പരീക്ഷി​ച്ച്‌ ഉറപ്പു​വ​രു​ത്തുക. അതോ യേശുക്രി​സ്‌തു നിങ്ങ​ളോ​ടു യോജി​പ്പി​ലാണെന്നു നിങ്ങൾക്ക്‌ അറിയില്ലെ​ന്നു​ണ്ടോ? അറിയില്ലെ​ങ്കിൽ നിങ്ങൾ അംഗീ​കാ​രം നഷ്ടപ്പെ​ട്ട​വ​രാ​യി​രി​ക്കണം. 6 ഞങ്ങൾക്ക്‌ അംഗീ​കാ​രം നഷ്ടപ്പെ​ട്ടി​ട്ടില്ലെന്നു നിങ്ങൾ മനസ്സി​ലാ​ക്കുമെ​ന്നാണ്‌ എന്റെ പ്രതീക്ഷ.

7 നിങ്ങൾ ഒരു തെറ്റും ചെയ്യാ​തി​രി​ക്കാൻ ഞങ്ങൾ ദൈവത്തോ​ടു പ്രാർഥി​ക്കു​ന്നു. അതു ഞങ്ങൾക്ക്‌ ആരു​ടെയെ​ങ്കി​ലും അംഗീ​കാ​രം കിട്ടാൻവേ​ണ്ടി​യല്ല. ഞങ്ങളെ ആരും അംഗീ​ക​രി​ച്ചില്ലെ​ങ്കി​ലും നിങ്ങൾ ശരിയാ​യതു ചെയ്യണ​മെന്നേ ഞങ്ങൾക്കു​ള്ളൂ. 8 കാരണം സത്യത്തി​ന്‌ എതിരെ ഒന്നും ചെയ്യാൻ ഞങ്ങൾക്കു കഴിയില്ല. സത്യത്തി​നുവേണ്ടി മാത്രമേ ഞങ്ങൾ പ്രവർത്തി​ക്കൂ. 9 ഞങ്ങൾ ദുർബ​ല​രും നിങ്ങൾ ശക്തരും ആയിരി​ക്കുമ്പോഴൊ​ക്കെ ഞങ്ങൾ സന്തോ​ഷി​ക്കു​ന്നു. നിങ്ങൾ ആവശ്യ​മായ മാറ്റങ്ങൾ വരുത്താ​നാ​ണു ഞങ്ങൾ പ്രാർഥി​ക്കു​ന്നത്‌. 10 കർത്താവ്‌ എനിക്ക്‌ അധികാ​രം തന്നതു നിങ്ങളെ തകർത്തു​ക​ള​യാ​നല്ല പണിതു​യർത്താ​നാണ്‌. ഞാൻ വരു​മ്പോൾ ഈ അധികാ​രം പരുഷ​മായ വിധത്തിൽ+ പ്രയോ​ഗി​ക്കാൻ ഇടവരാ​തി​രി​ക്കാ​നാണ്‌ അകലെ​യാ​യി​രി​ക്കുമ്പോൾത്തന്നെ ഇക്കാര്യ​ങ്ങൾ എഴുതു​ന്നത്‌.

11 അതുകൊണ്ട്‌ സഹോ​ദ​ര​ങ്ങളേ, തുടർന്നും സന്തോ​ഷി​ക്കുക; വേണ്ട മാറ്റങ്ങൾ വരുത്തുക; ആശ്വാസം സ്വീക​രി​ക്കുക;+ ചിന്തക​ളിൽ യോജി​പ്പു​ള്ള​വ​രാ​യി​രി​ക്കുക;+ സമാധാ​ന​ത്തിൽ ജീവി​ക്കുക;+ അപ്പോൾ സ്‌നേ​ഹ​ത്തിന്റെ​യും സമാധാ​ന​ത്തിന്റെ​യും ദൈവം+ നിങ്ങളുടെ​കൂടെ​യു​ണ്ടാ​യി​രി​ക്കും. 12 വിശുദ്ധചുംബനത്താൽ പരസ്‌പരം അഭിവാ​ദനം ചെയ്യുക. 13 വിശുദ്ധരെല്ലാം നിങ്ങളെ സ്‌നേ​ഹാന്വേ​ഷണം അറിയി​ക്കു​ന്നു.

14 കർത്താവായ യേശുക്രി​സ്‌തു​വി​ന്റെ അനർഹ​ദ​യ​യും ദൈവ​ത്തി​ന്റെ സ്‌നേ​ഹ​വും നിങ്ങളു​ടെ മേലു​ണ്ടാ​യി​രി​ക്കട്ടെ. നിങ്ങ​ളെ​ല്ലാം പരിശു​ദ്ധാ​ത്മാ​വിൽ പങ്കുകാ​രും ആയിരി​ക്കട്ടെ.