Masalimo

145 Ndidzakukwezani, inu Mfumu ndi Mulungu wanga,+

Ndipo ndidzatamanda dzina lanu mpaka kalekale, ndithu mpaka muyaya.+

 2 Ndidzakutamandani tsiku lonse.+

Ndidzatamanda dzina lanu mpaka kalekale, ndithu mpaka muyaya.+

 3 Yehova ndi wamkulu ndi woyenera kutamandidwa kwambiri,+

Ndipo ukulu wake ndi wosasanthulika.+

 4 Anthu adzatamanda ntchito zanu ku mibadwomibadwo,+

Ndipo adzasimba za zochita zanu zamphamvu.+

 5 Ndidzasinkhasinkha za ulemerero wanu waukulu+

Ndi nkhani zokhudza ntchito zanu zodabwitsa.+

 6 Anthu adzanena za zochita zanu zamphamvu ndi zochititsa mantha.+

Ndipo ine ndidzalengeza za ukulu wanu.+

 7 Iwo adzalankhula mosefukira za kuchuluka kwa ubwino wanu,+

Ndipo adzafuula mokondwera chifukwa cha chilungamo chanu.+

 8 Yehova ndi wachisomo ndi wachifundo,+

Wosakwiya msanga ndi wosonyeza kukoma mtima kosatha komanso kwakukulu.+

 9 Yehova amakomera mtima aliyense,+

Ndipo ntchito zake zonse amazichitira chifundo.+

10 Ntchito zanu zonse zidzakutamandani, inu Yehova,+

Ndipo okhulupirika anu adzakutamandani.+

11 Iwo adzanena za ulemerero wa ufumu wanu.+

Ndi kulankhula za mphamvu zanu,+

ל [Laʹmedh]

12 Kuti ana a anthu adziwe za ntchito zanu zamphamvu+

Ndi kukula kwa ulemerero wa ufumu wanu.+

13 Ufumu wanu ndi ufumu umene udzakhalapobe mpaka kalekale.+

Ulamuliro wanu udzakhalapobe ku mibadwo yonse.+

14 Yehova amachirikiza amene ali pafupi kugwa,+

Ndipo amaweramutsa onse amene awerama chifukwa cha masautso.+

15 Zolengedwa zonse zimayang’ana kwa inu mwachiyembekezo,+

Ndipo mumazipatsa chakudya pa nyengo yake.+

16 Mumatambasula dzanja lanu+

Ndi kukhutiritsa zokhumba za chamoyo chilichonse.+

17 Yehova ndi wolungama m’njira zake zonse,+

Ndipo ndi wokhulupirika m’ntchito zake zonse.+

18 Yehova ali pafupi ndi onse oitanira pa iye.+

Iye ali pafupi ndi onse amene amamuitana m’choonadi,+

19 Ndipo anthu amene amamuopa adzawachitira zokhumba zawo,+

Adzamva kufuula kwawo kopempha thandizo ndipo adzawapulumutsa.+

20 Yehova amayang’anira onse omukonda,+

Koma oipa onse adzawafafaniza.+

21 Pakamwa panga padzalankhula zotamanda Yehova,+

Ndipo anthu onse atamande dzina lake loyera mpaka kalekale, ndithu mpaka muyaya.+