Zaburi

37 Usikasirike* kwa sababu ya waovu

Wala usisikilie wivu wakosaji.+

 2 Watakauka haraka kama majani+

Na kufifia kama majani ya mupya ya mubichi.

 3 Umutegemee Yehova na utende mambo mema;+

Kaa katika dunia,* na utende kwa uaminifu.+

 4 Pata furaha nyingi sana* katika Yehova,

Naye atakutimizia tamaa za moyo wako.

 5 Tia njia yako katika mukono wa* Yehova;+

Umutegemee yeye, naye atatenda kwa ajili yako.+

 6 Atafanya haki yako ingae kama mwangaza wa asubui sana,

Na haki yako kama jua la katikati ya muchana.

 7 Nyamaza mbele ya Yehova+

Na umungojee kwa matumaini.*

Usikasirishwe na mutu

Mwenye anafanikiwa katika kutimiza mipango yake ya mubaya.+

 8 Acha hasira na uache kasirani kali;+

Usikasirike na kuanza kutenda uovu.*

 9 Kwa maana waovu wataharibiwa,+

Lakini wale wenye kumutumainia Yehova watariti dunia.+

10 Kunabakia wakati kidogo tu, waovu hawatakuwa tena;+

Utaangalia mahali walikuwa,

Nao hawatakuwa pale.+

11 Lakini wapole watariti dunia,+

Na watapata furaha nyingi sana katika wingi wa amani.+

12 Mutu muovu anapanga mupango mubaya juu ya mwenye haki;+

Anamusagia meno yake.

13 Lakini Yehova atamucheka,

Kwa maana Anajua kwamba siku yake itakuja.+

14 Waovu wanachomoa panga zao na kukunja* pinde zao

Ili kumuangusha chini mwenye kukandamizwa na maskini,

Ili kuchinja wale wenye njia yao imenyooka.

15 Lakini upanga wao utatoboa moyo wao wenyewe;+

Pinde zao zitavunjwa.

16 Kidogo yenye mwenye haki iko* nayo ni muzuri

Kuliko wingi wa vitu vyenye waovu wengi wako navyo.+

17 Kwa maana mikono ya waovu itavunjwa,

Lakini Yehova atategemeza wenye haki.

18 Yehova anajua mambo yenye watu wenye hawana lawama wanapambana nayo,*

Na uriti wao utadumu milele.+

19 Hawatapatishwa haya wakati wa musiba;

Wakati wa njaa watakuwa na chakula kingi.

20 Lakini waovu wataangamia;+

Maadui wa Yehova wataisha kama vile malisho yenye utukufu;

Wataisha kama moshi.

21 Muovu anakopa lakini halipe,

Lakini mwenye haki ni mukarimu* na mwenye kutoa.+

22 Wale wenye kubarikiwa Naye watariti dunia,

Lakini wale wenye kulaaniwa Naye wataharibiwa.+

23 Yehova anaongoza* hatua za mutu+

Wakati Yeye anafurahia njia ya mutu huyo.+

24 Hata kama anaanguka, hatatupwa chini,+

Kwa maana Yehova anamutegemeza kwa kumushika mukono.*+

25 Nilikuwa kijana na sasa nimezeeka,

Lakini sijamuona mutu yeyote mwenye haki akiwa ameachwa,+

Wala watoto wake wakitafuta mukate.*+

26 Sikuzote anakopesha bila kuomba faida,+

Na watoto wake watapata baraka.

27 Geuka na uache mambo ya mubaya na utende mambo ya muzuri,+

Na utaishi milele.

28 Kwa maana Yehova anapenda haki,

Na hataacha washikamanifu wake.+

Watalindwa sikuzote;+

Lakini wazao wa waovu wataharibiwa.+

29 Wenye haki watariti dunia,+

Na wataishi milele juu yake.+

30 Kinywa cha mwenye haki kinajulisha hekima,*

Na ulimi wake unaongea kuhusu haki.+

31 Sheria ya Mungu wake iko katika moyo wake;+

Hatua zake hazitayumba-yumba.+

32 Muovu anamuangalia mwenye haki,

Akitafuta kumuua.

33 Lakini Yehova hatamuacha katika mukono wa mutu huyo+

Wala hatamupata na hatia wakati atahukumiwa.+

34 Tumainia Yehova na ufuate njia yake,

Naye atakuinua ili uriti dunia.

35 Nimemuona mutu mwenye hana huruma, muovu

Akienea kama muti wenye majani mengi katika udongo wake wa asili.+

36 Lakini alikufa kwa kushitukia na hakukuwa tena;+

Niliendelea kumutafuta, na hangeweza kupatikana.+

37 Angalia mutu mwenye hana lawama,*

Na uendelee kumuangalia munyoofu,+

Kwa maana wakati wenye kuja wa mutu huyo utakuwa wenye amani.+

38 Lakini wakosaji wote wataharibiwa;

Wakati wenye kuja wa watu waovu utakomeshwa.+

39 Wokovu wa wenye haki unatoka kwa Yehova;+

Yeye ndiye ngome yao wakati wa taabu.+

Atawaokoa kutoka kwa waovu na kuwakomboa,

Kwa sababu wanamukimbilia yeye.+