എസ്ര

1 യഹോവ യിരെ​മ്യ​യി​ലൂ​ടെ പറഞ്ഞതു+ നിറ​വേ​റാ​നാ​യി, പേർഷ്യൻ രാജാ​വായ കോരെശിന്റെ*+ വാഴ്‌ച​യു​ടെ ഒന്നാം വർഷം യഹോവ കോ​രെ​ശി​ന്റെ മനസ്സു​ണർത്തി. അങ്ങനെ പേർഷ്യൻ രാജാ​വായ കോ​രെശ്‌ രാജ്യത്ത്‌ ഉടനീളം ഇങ്ങനെയൊ​രു വിളം​ബരം നടത്തു​ക​യും അതിലെ വാക്കുകൾ രേഖ​പ്പെ​ടു​ത്തിവെ​ക്കു​ക​യും ചെയ്‌തു:+

2 “പേർഷ്യൻ രാജാ​വായ കോ​രെശ്‌ ഇങ്ങനെ പറയുന്നു: ‘സ്വർഗ​ത്തി​ലെ ദൈവ​മായ യഹോവ ഭൂമി​യി​ലെ എല്ലാ രാജ്യ​ങ്ങ​ളും എനിക്കു തന്നു.+ യഹൂദ​യി​ലെ യരുശലേ​മിൽ ദൈവ​ത്തിന്‌ ഒരു ഭവനം പണിയാൻ എന്നെ നിയോ​ഗി​ക്കു​ക​യും ചെയ്‌തു.+ 3 ആ ദൈവ​ത്തി​ന്റെ ജനത്തിൽപ്പെ​ട്ടവർ ഇവി​ടെ​യുണ്ടെ​ങ്കിൽ അവരുടെ ദൈവം അവരുടെ​കൂടെ​യു​ണ്ടാ​യി​രി​ക്കട്ടെ. അവർ യഹോ​വ​യു​ടെ ഭവനം സ്ഥിതി ചെയ്‌തി​രുന്ന,* യഹൂദ​യി​ലെ യരുശലേ​മിലേക്കു ചെന്ന്‌ ഇസ്രായേ​ലി​ന്റെ ദൈവ​ത്തി​ന്റെ ഭവനം പുതു​ക്കി​പ്പ​ണി​യട്ടെ; ആ ദൈവ​മാ​ണു സത്യ​ദൈവം. 4 മടങ്ങിപ്പോകുന്നവരെ+ ഇവിടെ തുടരുന്ന അവരുടെ അയൽക്കാർ* സഹായിക്കേ​ണ്ട​താണ്‌. യരുശലേ​മി​ലെ ദൈവ​ഭ​വ​ന​ത്തിലേക്കു സ്വമന​സ്സാ​ലെ നൽകുന്ന കാഴ്‌ചകൾക്കു+ പുറമേ അവർ അവർക്കു വളർത്തു​മൃ​ഗങ്ങൾ, സ്വർണം, വെള്ളി, മറ്റു സാധന​സാ​മഗ്രി​കൾ എന്നിവ​യും നൽകണം.’”

5 അപ്പോൾ, യരുശലേ​മിൽ ചെന്ന്‌ യഹോ​വ​യു​ടെ ഭവനം പുതു​ക്കി​പ്പ​ണി​യാ​നാ​യി യഹൂദ​യുടെ​യും ബന്യാ​മീന്റെ​യും പിതൃഭവനത്തലവന്മാരും* പുരോ​ഹി​ത​ന്മാ​രും ലേവ്യ​രും തയ്യാ​റെ​ടു​ത്തു. അങ്ങനെ ചെയ്യാൻ സത്യ​ദൈവം അവരുടെയെ​ല്ലാം മനസ്സിൽ തോന്നി​ച്ചു. 6 അവരുടെ ചുറ്റും താമസി​ച്ചി​രു​ന്നവർ സ്വമന​സ്സാലെ​യുള്ള കാഴ്‌ചകൾ, വളർത്തു​മൃ​ഗങ്ങൾ, സ്വർണ​വും വെള്ളി​യും കൊണ്ടുള്ള ഉപകര​ണങ്ങൾ, മറ്റു സാധന​സാ​മഗ്രി​കൾ, വിലപി​ടി​പ്പുള്ള വസ്‌തു​ക്കൾ എന്നിവ നൽകി അവരെ സഹായി​ച്ചു.

7 നെബൂഖദ്‌നേസർ രാജാവ്‌ യരുശലേ​മി​ലെ യഹോ​വ​യു​ടെ ഭവനത്തിൽനി​ന്ന്‌ എടുത്ത്‌ അയാളു​ടെ ദൈവ​ത്തി​ന്റെ ഭവനത്തിൽ വെച്ചി​രുന്ന ഉപകര​ണങ്ങൾ കോ​രെശ്‌ രാജാവ്‌ പുറത്ത്‌ എടുപ്പി​ച്ചു.+ 8 ധനകാര്യവിചാരകനായ മി​ത്രെ​ദാ​ത്തി​ന്റെ മേൽനോ​ട്ട​ത്തി​ലാ​ണു പേർഷ്യൻ രാജാ​വായ കോ​രെശ്‌ അവ പുറത്ത്‌ എടുപ്പി​ച്ചത്‌. മി​ത്രെ​ദാത്ത്‌ അവ എണ്ണി യഹൂദാ​ത​ല​വ​നായ ശേശ്‌ബസ്സരിനെ*+ ഏൽപ്പിച്ചു.

9 ഇത്രയുമായിരുന്നു അവയുടെ എണ്ണം: കൊട്ട​യു​ടെ ആകൃതി​യി​ലുള്ള സ്വർണ​പാത്രങ്ങൾ 30, കൊട്ട​യു​ടെ ആകൃതി​യി​ലുള്ള വെള്ളി​പ്പാത്രങ്ങൾ 1,000, പകരം ഉപയോ​ഗി​ക്കാ​നുള്ള പാത്രങ്ങൾ 29, 10 സ്വർണംകൊണ്ടുള്ള ചെറിയ കുഴി​യൻപാത്രങ്ങൾ 30, വെള്ളികൊ​ണ്ടുള്ള ചെറിയ കുഴി​യൻപാത്രങ്ങൾ 410, മറ്റ്‌ ഉപകര​ണങ്ങൾ 1,000. 11 സ്വർണംകൊണ്ടും വെള്ളികൊ​ണ്ടും ഉള്ള ഉപകര​ണ​ങ്ങ​ളു​ടെ മൊത്തം എണ്ണം 5,400 ആയിരു​ന്നു. ബാബിലോ​ണിൽ ബന്ദിക​ളാ​യി കഴിഞ്ഞിരുന്നവരെ+ യരുശലേ​മിലേക്കു കൊണ്ടു​പോയ സമയത്ത്‌ ശേശ്‌ബസ്സർ ഇവയെ​ല്ലാം കൂടെക്കൊ​ണ്ടുപോ​യി.

2 ബാബിലോൺരാ​ജാ​വായ നെബൂ​ഖ​ദ്‌നേസർ ബാബിലോ​ണിലേക്കു ബന്ദിക​ളാ​യി കൊണ്ടുപോയവരിൽ+ യരുശലേ​മിലേ​ക്കും യഹൂദ​യിലേ​ക്കും മടങ്ങിവന്ന സംസ്ഥാ​ന​വാ​സി​കൾ ഇവരാണ്‌. ഇവർ സ്വന്തം നഗരങ്ങളിലേക്കു+ 2 സെരുബ്ബാബേൽ,+ യേശുവ,+ നെഹമ്യ, സെരായ, രയേലയ, മൊർദെ​ഖാ​യി, ബിൽശാൻ, മിസ്‌പാർ, ബിഗ്വാ​യി, രഹൂം, ബാനെ എന്നിവരോടൊ​പ്പം മടങ്ങി​യെത്തി.

ഇസ്രായേ​ല്യ​പു​രു​ഷ​ന്മാ​രു​ടെ സംഖ്യ:+ 3 പരോശിന്റെ വംശജർ 2,172; 4 ശെഫത്യയുടെ വംശജർ 372; 5 ആരഹിന്റെ+ വംശജർ 775; 6 പഹത്‌-മോവാബിന്റെ+ വംശത്തി​ലുള്ള യേശു​വ​യുടെ​യും യോവാ​ബിന്റെ​യും വംശജർ 2,812; 7 ഏലാമിന്റെ+ വംശജർ 1,254; 8 സത്ഥുവിന്റെ+ വംശജർ 945; 9 സക്കായിയുടെ വംശജർ 760; 10 ബാനിയുടെ വംശജർ 642; 11 ബേബായിയുടെ വംശജർ 623; 12 അസ്‌ഗാദിന്റെ വംശജർ 1,222; 13 അദോനിക്കാമിന്റെ വംശജർ 666; 14 ബിഗ്വായിയുടെ വംശജർ 2,056; 15 ആദീന്റെ വംശജർ 454; 16 ഹിസ്‌കിയഗൃഹത്തിലെ ആതേരി​ന്റെ വംശജർ 98; 17 ബസായിയുടെ വംശജർ 323; 18 യോരയുടെ വംശജർ 112; 19 ഹാശൂമിന്റെ+ വംശജർ 223; 20 ഗിബ്ബാരിന്റെ വംശജർ 95; 21 ബേത്ത്‌ലെഹെമിൽനിന്നുള്ളവർ 123; 22 നെതോഫയിലെ പുരു​ഷ​ന്മാർ 56; 23 അനാഥോത്തിലെ+ പുരു​ഷ​ന്മാർ 128; 24 അസ്‌മാവെത്തിൽനിന്നുള്ളവർ 42; 25 കിര്യത്ത്‌-യയാരീം, കെഫീര, ബേരോ​ത്ത്‌ എന്നിവി​ട​ങ്ങ​ളിൽനി​ന്നു​ള്ളവർ 743; 26 രാമയിൽനിന്നും+ ഗേബയിൽനിന്നും+ ഉള്ളവർ 621; 27 മിക്‌മാസിലെ പുരു​ഷ​ന്മാർ 122; 28 ബഥേലിലെയും ഹായിയിലെയും+ പുരു​ഷ​ന്മാർ 223; 29 നെബോയിൽനിന്നുള്ളവർ+ 52; 30 മഗ്‌ബീശിൽനിന്നുള്ളവർ 156; 31 മറ്റേ ഏലാമി​ന്റെ വംശജർ 1,254; 32 ഹാരീമിന്റെ വംശജർ 320; 33 ലോദ്‌, ഹാദീദ്‌, ഓനൊ എന്നിവി​ട​ങ്ങ​ളിൽനി​ന്നു​ള്ളവർ 725; 34 യരീഹൊയിൽനിന്നുള്ളവർ 345; 35 സെനായയിൽനിന്നുള്ളവർ 3,630.

36 പുരോഹിതന്മാർ:+ യേശുവഗൃഹത്തിലെ+ യദയയുടെ+ വംശജർ 973; 37 ഇമ്മേരിന്റെ+ വംശജർ 1,052; 38 പശ്‌ഹൂരിന്റെ+ വംശജർ 1,247; 39 ഹാരീമിന്റെ+ വംശജർ 1,017.

40 ലേവ്യർ:+ ഹോദ​വ്യ​ഗൃ​ഹ​ത്തി​ലെ യേശു​വ​യുടെ​യും കദ്‌മിയേലിന്റെയും+ വംശജർ 74. 41 ഗായകർ:+ ആസാഫിന്റെ+ വംശജർ 128. 42 കാവൽക്കാരുടെ+ വംശജർ: ശല്ലൂം, ആതേർ, തൽമോൻ,+ അക്കൂബ്‌,+ ഹതീത, ശോബാ​യി എന്നിവ​രു​ടെ വംശജർ ആകെ 139.

43 ദേവാലയസേവകർ:*+ സീഹയു​ടെ വംശജർ, ഹസൂഫ​യു​ടെ വംശജർ, തബ്ബാ​യോ​ത്തി​ന്റെ വംശജർ, 44 കേരോസിന്റെ വംശജർ, സീയാ​ഹ​യു​ടെ വംശജർ, പാദോ​ന്റെ വംശജർ, 45 ലബാനയുടെ വംശജർ, ഹഗാബ​യു​ടെ വംശജർ, അക്കൂബി​ന്റെ വംശജർ, 46 ഹാഗാബിന്റെ വംശജർ, ശൽമാ​യി​യു​ടെ വംശജർ, ഹാനാന്റെ വംശജർ, 47 ഗിദ്ദേലിന്റെ വംശജർ, ഗാഹരി​ന്റെ വംശജർ, രയായ​യു​ടെ വംശജർ, 48 രസീന്റെ വംശജർ, നെക്കോ​ദ​യു​ടെ വംശജർ, ഗസ്സാമി​ന്റെ വംശജർ, 49 ഉസയുടെ വംശജർ, പാസേ​ഹ​യു​ടെ വംശജർ, ബേസാ​യി​യു​ടെ വംശജർ, 50 അസ്‌നയുടെ വംശജർ, മെയൂ​നി​മി​ന്റെ വംശജർ, നെഫൂ​സീ​മി​ന്റെ വംശജർ, 51 ബക്‌ബുക്കിന്റെ വംശജർ, ഹക്കൂഫ​യു​ടെ വംശജർ, ഹർഹൂ​രി​ന്റെ വംശജർ, 52 ബസ്ലൂത്തിന്റെ വംശജർ, മെഹീ​ദ​യു​ടെ വംശജർ, ഹർശയു​ടെ വംശജർ, 53 ബർക്കോസിന്റെ വംശജർ, സീസെ​ര​യു​ടെ വംശജർ, തേമഹി​ന്റെ വംശജർ, 54 നെസീഹയുടെ വംശജർ, ഹതീഫ​യു​ടെ വംശജർ.

55 ശലോമോന്റെ ദാസന്മാ​രു​ടെ വംശജർ: സോതാ​യി​യു​ടെ വംശജർ, സോ​ഫേരെ​ത്തി​ന്റെ വംശജർ, പെരൂദയുടെ+ വംശജർ, 56 യാലഹിന്റെ വംശജർ, ദർക്കോ​ന്റെ വംശജർ, ഗിദ്ദേ​ലി​ന്റെ വംശജർ, 57 ശെഫത്യയുടെ വംശജർ, ഹത്തീലി​ന്റെ വംശജർ, പോ​ക്കേരെത്ത്‌-ഹസ്സെബ​യീ​മി​ന്റെ വംശജർ, ആമിയു​ടെ വംശജർ.

58 ദേവാലയസേവകരും ശലോമോ​ന്റെ ദാസന്മാ​രു​ടെ വംശജ​രും കൂടെ ആകെ 392.

59 തെൽ-മേലഹ്‌, തെൽ-ഹർശ, കെരൂബ്‌, അദ്ദോൻ, ഇമ്മേർ എന്നിവി​ട​ങ്ങ​ളിൽനിന്ന്‌ വന്ന ചിലർക്ക്‌ അവരുടെ പിതൃ​ഭ​വ​ന​മോ വംശമോ തെളി​യി​ക്കാ​നും അവർ ഇസ്രായേ​ല്യ​രാണെന്നു സ്ഥാപി​ക്കാ​നും കഴിഞ്ഞില്ല.+ താഴെ​പ്പ​റ​യു​ന്ന​വ​രാണ്‌ അവർ: 60 ദലായയുടെ വംശജർ, തോബീ​യ​യു​ടെ വംശജർ, നെക്കോ​ദ​യു​ടെ വംശജർ; ആകെ 652 പേർ. 61 പുരോഹിതന്മാരുടെ വംശജ​രിൽപ്പെ​ട്ടവർ: ഹബയ്യയു​ടെ വംശജർ, ഹക്കോസിന്റെ+ വംശജർ, ബർസി​ല്ലാ​യി​യു​ടെ വംശജർ. ഈ ബർസി​ല്ലാ​യി ഗിലെ​യാ​ദ്യ​നായ ബർസില്ലായിയുടെ+ പെൺമ​ക്ക​ളിൽ ഒരാളെ വിവാഹം കഴിച്ച​തുകൊ​ണ്ടാണ്‌ ആ പേരിൽ അറിയപ്പെ​ട്ടത്‌. 62 ഇവർ വംശാ​വലി തെളി​യി​ക്കാൻ ആവശ്യ​മായ രേഖകൾ തിര​ഞ്ഞെ​ങ്കി​ലും കണ്ടെത്താ​നാ​യില്ല. അതു​കൊണ്ട്‌ അവരെ പൗരോ​ഹി​ത്യസേ​വ​ന​ത്തിന്‌ അയോഗ്യരെന്നു+ പ്രഖ്യാ​പി​ച്ചു.* 63 ഊറീമും തുമ്മീമും*+ ഉപയോ​ഗി​ക്കാൻ കഴിയുന്ന ഒരു പുരോ​ഹി​തൻ ഉണ്ടാകു​ന്ന​തു​വരെ അതിവിശുദ്ധവസ്‌തുക്കൾ+ അവർക്കു കഴിക്കാ​നാ​കില്ലെന്നു ഗവർണർ* അവരോ​ടു പറഞ്ഞു.

64 സഭയുടെ മൊത്തം അംഗസം​ഖ്യ 42,360 ആയിരു​ന്നു;+ 65 ഇതു കൂടാതെ, അടിമ​ക​ളാ​യി 7,337 സ്‌ത്രീ​പു​രു​ഷ​ന്മാ​രും ഗായി​കാ​ഗാ​യ​ക​ന്മാ​രാ​യി 200 പേരും ഉണ്ടായി​രു​ന്നു. 66 അവർക്ക്‌ 736 കുതി​ര​ക​ളും 245 കോവർക​ഴു​ത​ക​ളും 67 435 ഒട്ടകങ്ങ​ളും 6,720 കഴുത​ക​ളും ഉണ്ടായി​രു​ന്നു.

68 അവർ യരുശലേ​മിൽ യഹോ​വ​യു​ടെ ഭവനത്തിൽ എത്തിയ​പ്പോൾ പിതൃ​ഭ​വ​ന​ത്ത​ല​വ​ന്മാ​രിൽ ചിലർ, സത്യദൈ​വ​ത്തി​ന്റെ ഭവനം അത്‌ ഉണ്ടായിരുന്നിടത്തുതന്നെ+ വീണ്ടും പണിയാ​നാ​യി സ്വമന​സ്സാ​ലെ സംഭാവനകൾ+ കൊടു​ത്തു. 69 അവരുടെ പ്രാപ്‌തി​യ​നു​സ​രിച്ച്‌ അവർ നിർമാ​ണ​നി​ധി​യിലേക്ക്‌ 61,000 സ്വർണദ്രഹ്‌മയും* 5,000 വെള്ളിമിനയും* കൊടു​ത്തു;+ പുരോ​ഹി​ത​ന്മാർക്കുവേണ്ടി 100 നീളൻ കുപ്പാ​യ​ങ്ങ​ളും സംഭാവന നൽകി. 70 പിന്നെ പുരോ​ഹി​ത​ന്മാ​രും ലേവ്യ​രും ഗായക​രും കവാട​ത്തി​ന്റെ കാവൽക്കാ​രും ദേവാ​ല​യസേ​വ​ക​രും ബാക്കി​യുള്ള ഇസ്രായേ​ല്യ​രും അവരവ​രു​ടെ നഗരങ്ങ​ളിൽ താമസ​മാ​ക്കി. അങ്ങനെ ഇസ്രായേ​ല്യരെ​ല്ലാം അവരവ​രു​ടെ നഗരങ്ങ​ളിൽ താമസ​മു​റ​പ്പി​ച്ചു.+

3 ഏഴാം മാസമായപ്പോൾ+ ഇസ്രായേ​ല്യരെ​ല്ലാം അവരവ​രു​ടെ നഗരങ്ങ​ളിൽനിന്ന്‌ ഏകമനസ്സോ​ടെ യരുശലേ​മിൽ കൂടി​വന്നു. 2 ദൈവപുരുഷനായ മോശ​യു​ടെ നിയമത്തിൽ* എഴുതി​യി​രി​ക്കു​ന്ന​ത​നു​സ​രിച്ച്‌ ദഹനബ​ലി​കൾ അർപ്പി​ക്കാ​നാ​യി,+ യഹോ​സാ​ദാ​ക്കി​ന്റെ മകൻ യേശുവയും+ സഹപുരോ​ഹി​ത​ന്മാ​രും ശെയൽതീയേലിന്റെ+ മകൻ സെരുബ്ബാബേലും+ സഹോ​ദ​ര​ന്മാ​രും ചേർന്ന്‌ ഇസ്രായേ​ലി​ന്റെ ദൈവ​ത്തി​ന്റെ യാഗപീ​ഠം പണിതു.

3 ചുറ്റുമുള്ള ദേശങ്ങ​ളി​ലെ ആളുകളെ പേടി​യു​ണ്ടാ​യി​രുന്നെ​ങ്കി​ലും അവർ യാഗപീ​ഠം അതു മുമ്പു​ണ്ടാ​യി​രുന്ന സ്ഥാനത്തു​തന്നെ സ്ഥാപിച്ചു.+ എന്നിട്ട്‌ അതിൽ രാവിലെ​യും വൈകുന്നേ​ര​വും യഹോ​വ​യ്‌ക്ക്‌ അർപ്പി​ക്കേണ്ട ദഹനബ​ലി​കൾ അർപ്പി​ച്ചു​തു​ടങ്ങി.+ 4 അതിനു ശേഷം, എഴുതി​യി​രി​ക്കു​ന്ന​തുപോലെ​തന്നെ അവർ കൂടാരോത്സവം* ആഘോ​ഷി​ച്ചു.+ ഓരോ ദിവസ​വും അർപ്പിക്കേണ്ടിയിരുന്നത്രയും+ ദഹനബ​ലി​കൾ അവർ കൃത്യ​മാ​യി അർപ്പിച്ചു. 5 പിന്നെ പതിവുദഹനയാഗവും+ അമാവാസികളിൽ+ അർപ്പി​ക്കേണ്ട യാഗങ്ങ​ളും യഹോ​വ​യു​ടെ വിശു​ദ്ധ​മായ ഉത്സവകാലങ്ങളിൽ+ അർപ്പി​ക്കേണ്ട യാഗങ്ങ​ളും യഹോ​വ​യ്‌ക്കു ജനം സ്വമന​സ്സാ​ലെ കൊണ്ടു​വന്ന കാഴ്‌ചകളും+ അർപ്പിച്ചു. 6 യഹോവയുടെ ആലയത്തി​ന്‌ അടിസ്ഥാ​ന​മി​ട്ടി​രു​ന്നില്ലെ​ങ്കി​ലും ഏഴാം മാസം ഒന്നാം ദിവസംമുതൽ+ അവർ യഹോ​വ​യ്‌ക്കു ദഹനബ​ലി​കൾ അർപ്പി​ച്ചു​തു​ടങ്ങി.

7 അവർ കല്ലുവെട്ടുകാർക്കും+ ശില്‌പികൾക്കും+ പണം കൊടു​ത്തു. കൂടാതെ പേർഷ്യൻ രാജാ​വായ കോരെശ്‌+ അനുമതി നൽകി​യി​രു​ന്ന​ത​നു​സ​രിച്ച്‌ ലബാ​നോ​നിൽനിന്ന്‌ കടൽമാർഗം യോപ്പയിലേക്കു+ ദേവദാ​രു​ത്തടി കൊണ്ടു​വ​രു​ന്ന​തിന്‌ അവർ സീദോ​ന്യർക്കും സോർദേ​ശ​ക്കാർക്കും ഭക്ഷണപാ​നീ​യ​ങ്ങ​ളും എണ്ണയും കൊടു​ത്തു.

8 അവർ യരുശലേ​മി​ലെ ദൈവ​ഭ​വ​ന​ത്തിൽ എത്തിയ​തി​ന്റെ രണ്ടാം വർഷം രണ്ടാം മാസം ശെയൽതീയേ​ലി​ന്റെ മകൻ സെരു​ബ്ബാബേ​ലും യഹോ​സാ​ദാ​ക്കി​ന്റെ മകൻ യേശു​വ​യും അവരുടെ മറ്റു സഹോ​ദ​ര​ന്മാ​രും, അതായത്‌ പുരോ​ഹി​ത​ന്മാ​രും ലേവ്യ​രും അടിമ​ത്ത​ത്തിൽനിന്ന്‌ മോചി​ത​രാ​യി യരുശലേ​മിൽ എത്തിയ എല്ലാവ​രും,+ ചേർന്ന്‌ നിർമാ​ണം തുടങ്ങി. 20 വയസ്സും അതിനു മുകളി​ലും പ്രായ​മുള്ള ലേവ്യരെ അവർ യഹോ​വ​യു​ടെ ഭവനത്തി​ന്റെ നിർമാ​ണ​ത്തി​നു മേൽനോ​ട്ട​ക്കാ​രാ​യി നിയമി​ച്ചു. 9 അങ്ങനെ യേശു​വ​യും ആൺമക്ക​ളും യേശു​വ​യു​ടെ സഹോ​ദ​ര​ന്മാ​രും യഹൂദ​യു​ടെ മക്കളായ കദ്‌മിയേ​ലും ആൺമക്ക​ളും ചേർന്ന്‌ ദൈവ​ഭ​വ​ന​ത്തി​ന്റെ പണികൾ ചെയ്‌തി​രു​ന്ന​വർക്കു മേൽനോ​ട്ടം വഹിച്ചു. ലേവ്യ​രായ ഹെനാ​ദാ​ദി​ന്റെ ആൺമക്കളും+ അവരുടെ ആൺമക്ക​ളും അവരുടെ സഹോ​ദ​ര​ന്മാ​രും അവരോടൊ​പ്പ​മു​ണ്ടാ​യി​രു​ന്നു.

10 പണിക്കാർ യഹോ​വ​യു​ടെ ആലയത്തി​ന്‌ അടിസ്ഥാനമിട്ട+ സമയത്ത്‌, ഇസ്രായേൽരാ​ജാ​വായ ദാവീദ്‌ നിർദേ​ശി​ച്ചി​രു​ന്ന​തുപോ​ലെ യഹോ​വയെ സ്‌തു​തി​ക്കാൻ, ഔദ്യോ​ഗി​ക​വ​സ്‌ത്രം അണിഞ്ഞ പുരോ​ഹി​ത​ന്മാർ കാഹളങ്ങളുമായും+ ആസാഫി​ന്റെ വംശത്തിൽപ്പെട്ട ലേവ്യർ ഇലത്താ​ള​ങ്ങ​ളു​മാ​യും മുന്നോ​ട്ടു വന്നു.+ 11 “ദൈവം നല്ലവന​ല്ലോ; ഇസ്രായേ​ലിനോ​ടുള്ള ദൈവ​ത്തി​ന്റെ അചഞ്ചല​സ്‌നേഹം എന്നും നിലനിൽക്കു​ന്നത്‌”+ എന്നു പാടു​ക​യും ഏറ്റുപാടുകയും+ ചെയ്‌തു​കൊ​ണ്ട്‌ അവർ ദൈവ​മായ യഹോ​വയെ സ്‌തു​തിച്ച്‌ ദൈവ​ത്തി​നു നന്ദി പറഞ്ഞു. യഹോ​വ​യു​ടെ ഭവനത്തി​ന്‌ അടിസ്ഥാ​ന​മി​ട്ട​തുകൊണ്ട്‌ ജനം മുഴുവൻ ഉച്ചത്തിൽ ആർത്തു​വി​ളിച്ച്‌ യഹോ​വയെ സ്‌തു​തി​ച്ചു. 12 ഭവനത്തിന്‌ അടിസ്ഥാ​ന​മി​ടു​ന്നതു കണ്ടപ്പോൾ, മുമ്പു​ണ്ടാ​യി​രുന്ന ഭവനം+ കണ്ടിട്ടുള്ള വൃദ്ധരായ പല പുരോ​ഹി​ത​ന്മാ​രും ലേവ്യ​രും പിതൃ​ഭ​വ​ന​ത്ത​ല​വ​ന്മാ​രും ഉറക്കെ കരഞ്ഞു. എന്നാൽ മറ്റു പലരും ആ സമയത്ത്‌ സന്തോ​ഷിച്ച്‌ ആർത്തു​വി​ളി​ച്ചു.+ 13 അതുകൊണ്ട്‌ കരച്ചി​ലി​ന്റെ സ്വരവും ആർത്തു​വി​ളി​ക്കു​ന്ന​തി​ന്റെ സ്വരവും വേർതി​രി​ച്ച​റി​യാൻ ജനത്തിനു കഴിഞ്ഞില്ല. അങ്ങു ദൂരെ​വരെ കേൾക്കുന്ന വിധത്തിൽ അത്ര ഉച്ചത്തി​ലാ​ണു ജനം ആർത്തു​വി​ളി​ച്ചത്‌.

4 പ്രവാസത്തിൽനിന്ന്‌* തിരിച്ചുവന്നവർ+ ഇസ്രായേ​ലി​ന്റെ ദൈവ​മായ യഹോ​വ​യ്‌ക്ക്‌ ഒരു ആലയം പണിയു​ന്നെന്ന്‌ യഹൂദ​യുടെ​യും ബന്യാ​മീന്റെ​യും ശത്രുക്കൾ+ കേട്ട​പ്പോൾ 2 അവർ ഉടനെ ചെന്ന്‌ സെരു​ബ്ബാബേ​ലിനോ​ടും പിതൃ​ഭ​വ​ന​ത്ത​ല​വ​ന്മാരോ​ടും പറഞ്ഞു: “ഞങ്ങളും നിങ്ങ​ളോടൊ​പ്പം പണിയട്ടേ? നിങ്ങളു​ടെ ദൈവത്തെ​ത്തന്നെ​യാ​ണു ഞങ്ങളും ആരാധി​ക്കു​ന്നത്‌.*+ ഞങ്ങളെ ഇവിടെ കൊണ്ടു​വന്ന്‌ താമസി​പ്പിച്ച അസീറി​യൻ രാജാവായ+ ഏസെർ-ഹദ്ദോന്റെ+ കാലം​മു​തൽ ഞങ്ങൾ ആ ദൈവ​ത്തി​നാ​ണു ബലി അർപ്പി​ക്കു​ന്നത്‌.” 3 പക്ഷേ സെരു​ബ്ബാബേ​ലും യേശു​വ​യും ഇസ്രായേ​ലി​ലെ മറ്റു പിതൃ​ഭ​വ​ന​ത്ത​ല​വ​ന്മാ​രും അവരോ​ടു പറഞ്ഞു: “ഞങ്ങളുടെ ദൈവ​ത്തി​ന്റെ ഭവനം പണിയുന്ന കാര്യ​ത്തിൽ നിങ്ങൾ ഇടപെ​ടേണ്ടാ.+ ഇസ്രായേ​ലി​ന്റെ ദൈവ​മായ യഹോ​വ​യു​ടെ ഭവനം ഞങ്ങൾതന്നെ നിർമി​ച്ചുകൊ​ള്ളാം. അങ്ങനെ ചെയ്യാ​നാ​ണു പേർഷ്യൻ രാജാ​വായ കോ​രെശ്‌ ഞങ്ങളോ​ടു കല്‌പി​ച്ചി​രി​ക്കു​ന്നത്‌.”+

4 എന്നാൽ ദേവാ​ലയം പണിയുന്ന യഹൂദാ​ജ​നത്തെ നിരു​ത്സാ​ഹപ്പെ​ടു​ത്താ​നും അവരുടെ മനസ്സി​ടി​ച്ചു​ക​ള​യാ​നും ദേശത്തെ ആളുകൾ ശ്രമി​ച്ചുകൊ​ണ്ടി​രു​ന്നു.+ 5 ജനത്തിന്റെ പദ്ധതികൾ തകർക്കാൻ അവർ പേർഷ്യൻ രാജാ​വായ കോ​രെ​ശി​ന്റെ ഭരണകാ​ലം​മു​തൽ ദാര്യാവേശിന്റെ+ ഭരണകാ​ലം​വരെ ഉപദേ​ശ​കരെ കൂലിക്കെ​ടു​ത്തു.+ 6 യഹൂദയിലും യരുശലേ​മി​ലും താമസി​ക്കു​ന്ന​വർക്കെ​തി​രെ ആരോ​പ​ണങ്ങൾ ഉന്നയി​ച്ചുകൊണ്ട്‌ അഹശ്വേ​ര​ശി​ന്റെ വാഴ്‌ച​യു​ടെ തുടക്ക​ത്തിൽ അവർ ഒരു കത്ത്‌ എഴുതി. 7 പേർഷ്യൻ രാജാ​വായ അർഥഹ്‌ശ​ഷ്ട​യു​ടെ കാലത്ത്‌ ബിശ്ലാം, മി​ത്രെ​ദാത്ത്‌, താബെ​യേൽ, അയാളു​ടെ മറ്റു സഹപ്ര​വർത്തകർ എന്നിവരെ​ല്ലാം ചേർന്ന്‌ അർഥഹ്‌ശഷ്ട രാജാ​വി​നു കത്ത്‌ എഴുതി. അവർ അത്‌ അരമായ ഭാഷയിലേക്കു+ തർജമ ചെയ്‌ത്‌ അരമാ​യ​ലി​പി​യിൽ എഴുതി.*

8 * മുഖ്യ ഗവൺമെന്റ്‌ ഉദ്യോ​ഗ​സ്ഥ​നായ രഹൂമും പകർപ്പെ​ഴു​ത്തു​കാ​ര​നായ ശിംശാ​യി​യും ചേർന്ന്‌ യരുശലേ​മിന്‌ എതിരെ അർഥഹ്‌ശഷ്ട രാജാ​വിന്‌ ഇങ്ങനെയൊ​രു കത്ത്‌ എഴുതി: 9 (മുഖ്യ ഗവൺമെന്റ്‌ ഉദ്യോ​ഗ​സ്ഥ​നായ രഹൂമും പകർപ്പെ​ഴു​ത്തു​കാ​ര​നായ ശിംശാ​യി​യും അവരുടെ സഹപ്ര​വർത്ത​ക​രായ ന്യായാ​ധി​പ​ന്മാർ, ഉപഗവർണർമാർ എന്നിവ​രും സെക്ര​ട്ട​റി​മാ​രും ഏരെക്കിലെ+ ജനങ്ങളും ബാബിലോൺകാ​രും ശൂശയിലെ+ ഏലാമ്യരും+ ചേർന്നാ​ണ്‌ അത്‌ എഴുതി​യത്‌. 10 ആദരണീയനും ശ്രേഷ്‌ഠ​നും ആയ അസ്‌ന​പ്പാർ ബന്ദിക​ളാ​യി പിടി​ച്ചുകൊ​ണ്ടു​വന്ന്‌ ശമര്യ​ന​ഗ​ര​ങ്ങ​ളിൽ താമസി​പ്പിച്ച മറ്റു ജനതകളും+ അക്കരപ്രദേശത്ത്‌* താമസി​ക്കുന്ന മറ്റെല്ലാ​വ​രും കത്ത്‌ എഴുതു​ന്ന​തിൽ പങ്കു​ചേർന്നു. 11 അവർ രാജാ​വിന്‌ അയച്ച കത്തിന്റെ പകർപ്പാ​ണ്‌ ഇത്‌.)

“അർഥഹ്‌ശഷ്ട രാജാ​വിന്‌ അക്കര​പ്രദേ​ശത്ത്‌ താമസി​ക്കുന്ന ദാസന്മാർ എഴുതു​ന്നത്‌: 12 രാജാവേ, അങ്ങയുടെ അടുത്തു​നിന്ന്‌ ഞങ്ങളുടെ അടു​ത്തേക്കു പോന്ന ജൂതന്മാർ ഇവിടെ യരുശലേ​മിൽ എത്തിയി​രി​ക്കു​ന്നെന്ന വിവരം അങ്ങ്‌ അറിഞ്ഞാ​ലും. ദുഷ്ടത​യും ധിക്കാ​ര​വും നിറഞ്ഞ ആ നഗരം അവർ പുതു​ക്കി​പ്പ​ണി​യു​ക​യാണ്‌. അവർ ഇതാ അതിന്റെ മതിലു​കൾ പണിയുകയും+ അടിസ്ഥാ​ന​ങ്ങ​ളു​ടെ കേടു​പാ​ടു​കൾ നീക്കു​ക​യും ചെയ്യുന്നു. 13 ആ നഗരം പുതു​ക്കി​പ്പ​ണി​യാ​നും അതിന്റെ മതിലു​ക​ളു​ടെ പണി പൂർത്തി​യാ​ക്കാ​നും അനുവ​ദി​ച്ചാൽ അവർ പിന്നെ കരമോ കപ്പമോ+ യാത്രാ​നി​കു​തി​യോ തരില്ല. അങ്ങനെ രാജാ​ക്ക​ന്മാ​രു​ടെ ഖജനാ​വിലേ​ക്കുള്ള വരുമാ​നം കുറഞ്ഞുപോ​കും എന്ന്‌ അങ്ങ്‌ അറിഞ്ഞാ​ലും. 14 ഞങ്ങൾ കൊട്ടാ​ര​ത്തി​ലെ ഉപ്പു തിന്നു​ന്ന​വ​രാണ്‌;* രാജാ​വിന്‌ എന്തെങ്കി​ലും നഷ്ടം സംഭവി​ക്കു​ന്നതു ഞങ്ങൾക്കു കണ്ടുനിൽക്കാ​നാ​കില്ല. അതു​കൊ​ണ്ടാണ്‌ ഞങ്ങൾ ഇതു രാജാ​വി​നെ എഴുതി അറിയി​ക്കു​ന്നത്‌. 15 അങ്ങയുടെ പൂർവി​ക​രു​ടെ രേഖകൾ+ പരി​ശോ​ധി​ച്ചുനോ​ക്കി​യാ​ലും. ആ നഗരം രാജാ​ക്ക​ന്മാർക്കും സംസ്ഥാ​ന​ങ്ങൾക്കും ദോഷം ചെയ്‌തി​ട്ടുള്ള, ധിക്കാ​രി​ക​ളു​ടെ നഗരമാണെ​ന്നും പണ്ടുമു​തലേ അവിടെ വിപ്ലവ​കാ​രി​കൾ ഉണ്ടായി​രുന്നെ​ന്നും അങ്ങയ്‌ക്കു ബോധ്യ​മാ​കും. വാസ്‌ത​വ​ത്തിൽ, അക്കാര​ണ​ങ്ങൾകൊ​ണ്ടാണ്‌ ആ നഗരം നശിപ്പി​ക്കപ്പെ​ട്ടത്‌.+ 16 നഗരം പുതു​ക്കി​പ്പ​ണി​യാ​നും അതിന്റെ മതിലു​ക​ളു​ടെ പണി പൂർത്തി​യാ​ക്കാ​നും അനുവ​ദി​ച്ചാൽ, പിന്നെ അക്കര​പ്രദേ​ശ​ത്തി​ന്മേൽ അങ്ങയ്‌ക്ക്‌ ഒരു നിയന്ത്രണവുമുണ്ടായിരിക്കില്ല*+ എന്ന്‌ ഇതിനാൽ ഞങ്ങൾ രാജാ​വി​നെ അറിയി​ച്ചുകൊ​ള്ളു​ന്നു.”

17 രാജാവ്‌ മുഖ്യ ഗവൺമെന്റ്‌ ഉദ്യോ​ഗ​സ്ഥ​നായ രഹൂമി​നും പകർപ്പെ​ഴു​ത്തു​കാ​ര​നായ ശിംശാ​യി​ക്കും ശമര്യ​യിൽ താമസി​ക്കുന്ന അവരുടെ സഹപ്ര​വർത്ത​കർക്കും അക്കര​പ്രദേ​ശത്ത്‌ താമസി​ക്കുന്ന മറ്റുള്ള​വർക്കും ഇങ്ങനെ സന്ദേശം അയച്ചു:

“നിങ്ങൾക്കു വന്ദനം! 18 നിങ്ങൾ അയച്ച നിവേ​ദനം ഞാൻ വ്യക്തമാ​യി വായി​ച്ചുകേട്ടു.* 19 എന്റെ ആജ്ഞയനു​സ​രിച്ച്‌ ഒരു അന്വേ​ഷണം നടത്തി​യപ്പോൾ, ആ നഗരത്തിൽ പണ്ടുമു​തലേ രാജാ​ക്ക​ന്മാർക്കെ​തി​രെ വിപ്ലവങ്ങൾ ഉണ്ടായി​ട്ടുണ്ടെ​ന്നും അവിടെ പ്രക്ഷോ​ഭ​ങ്ങ​ളും ലഹളക​ളും നടന്നിട്ടുണ്ടെന്നും+ എനിക്കു ബോധ്യ​പ്പെട്ടു. 20 യരുശലേമിൽ ശക്തരായ രാജാ​ക്ക​ന്മാ​രു​ണ്ടാ​യി​രുന്നെ​ന്നും അവർ അക്കര​പ്രദേശം മുഴു​വ​നും ഭരിച്ച്‌ കരവും കപ്പവും യാത്രാ​നി​കു​തി​യും പിരി​ച്ചി​രുന്നെ​ന്നും ഞാൻ കണ്ടെത്തി. 21 അതുകൊണ്ട്‌, പണി നിറു​ത്തിവെ​ക്കാൻ അവരോ​ട്‌ ആജ്ഞാപി​ക്കുക. ഞാൻ ഇനി കല്‌പി​ക്കു​ന്ന​തു​വരെ ആ നഗരത്തി​ന്റെ പുനർനിർമാ​ണം നടത്തരു​ത്‌. 22 ഇക്കാര്യത്തിൽ നിങ്ങൾ വീഴ്‌ചയൊ​ന്നും വരുത്ത​രുത്‌; രാജാ​വി​ന്റെ താത്‌പ​ര്യ​ങ്ങൾക്കു ഭീഷണി​യാ​കു​ന്നതൊ​ന്നും ഇനി അനുവ​ദി​ച്ചു​കൂ​ടാ.”+

23 അർഥഹ്‌ശഷ്ട രാജാവ്‌ അയച്ച ഔദ്യോ​ഗിക സന്ദേശ​ത്തി​ന്റെ പകർപ്പു വായി​ച്ചുകേ​ട്ടപ്പോൾ രഹൂമും പകർപ്പെ​ഴു​ത്തു​കാ​ര​നായ ശിംശാ​യി​യും അവരുടെ സഹപ്ര​വർത്ത​ക​രും ഉടൻതന്നെ യരുശലേ​മി​ലുള്ള ജൂതന്മാ​രു​ടെ അടുത്ത്‌ ചെന്ന്‌ ബലം പ്രയോ​ഗിച്ച്‌ പണി നിറു​ത്തി​ച്ചു. 24 അക്കാലത്താണ്‌ യരുശലേ​മി​ലെ ദൈവ​ഭ​വ​ന​ത്തി​ന്റെ പണി നിന്നുപോ​യത്‌. പേർഷ്യൻ രാജാ​വായ ദാര്യാവേ​ശി​ന്റെ വാഴ്‌ച​യു​ടെ രണ്ടാം വർഷം​വരെ അതു മുടങ്ങി​ക്കി​ടന്നു.+

5 പിന്നെ, പ്രവാ​ച​ക​ന്മാ​രായ ഹഗ്ഗായിയും+ ഇദ്ദൊയുടെ+ കൊച്ചു​മകൻ സെഖര്യയും+ യഹൂദ​യി​ലും യരുശലേ​മി​ലും ഉള്ള ജൂതന്മാ​രോ​ട്‌, അവരുടെ​കൂടെ​യു​ണ്ടാ​യി​രുന്ന ഇസ്രായേ​ലി​ന്റെ ദൈവ​ത്തി​ന്റെ നാമത്തിൽ പ്രവചി​ച്ചു. 2 അക്കാലത്താണു ശെയൽതീയേ​ലി​ന്റെ മകൻ സെരുബ്ബാബേലും+ യഹോ​സാ​ദാ​ക്കി​ന്റെ മകൻ യേശുവയും+ യരുശലേ​മി​ലുള്ള ദൈവ​ഭ​വ​ന​ത്തി​ന്റെ പണി വീണ്ടും തുടങ്ങി​യത്‌.+ അവരെ പിന്തു​ണ​ച്ചുകൊണ്ട്‌ ദൈവ​ത്തി​ന്റെ പ്രവാ​ച​ക​ന്മാ​രും അവരോടൊ​പ്പ​മു​ണ്ടാ​യി​രു​ന്നു.+ 3 അപ്പോൾ അക്കരപ്രദേശത്തിന്റെ* ഗവർണ​റായ തത്‌നാ​യി​യും ശെഥർ-ബോസ്‌നാ​യി​യും സഹപ്ര​വർത്ത​ക​രും വന്ന്‌ അവരോ​ടു ചോദി​ച്ചു: “ഈ ഭവനം പണിയാ​നും ഇതു പൂർത്തി​യാ​ക്കാ​നും ആരാണു നിങ്ങൾക്ക്‌ അനുമതി തന്നത്‌?” 4 പിന്നെ അവർ ചോദി​ച്ചു: “ആരെല്ലാം ചേർന്നാ​ണ്‌ ഈ കെട്ടിടം പണിയു​ന്നത്‌? അവരുടെ പേരുകൾ പറയൂ.” 5 എന്നാൽ ദൈവ​ത്തി​ന്റെ പിന്തുണ ജൂതന്മാ​രു​ടെ മൂപ്പന്മാർക്കുണ്ടായിരുന്നതുകൊണ്ട്‌*+ അന്വേ​ഷ​ണ​റിപ്പോർട്ട്‌ ദാര്യാവേ​ശി​നു സമർപ്പി​ച്ച്‌ അതിന്‌ ഔദ്യോ​ഗി​ക​മായ ഒരു മറുപടി ലഭിക്കു​ന്ന​തു​വരെ തത്‌നാ​യി​യും കൂട്ടരും അവരുടെ പണി നിറു​ത്തി​ച്ചില്ല.

6 അക്കരപ്രദേശത്തിന്റെ ഗവർണ​റായ തത്‌നാ​യി​യും ശെഥർ-ബോസ്‌നാ​യി​യും അക്കര​പ്രദേ​ശ​ത്തി​ന്റെ ഉപഗവർണർമാ​രായ അയാളു​ടെ സഹപ്ര​വർത്ത​ക​രും ചേർന്ന്‌ ദാര്യാ​വേശ്‌ രാജാ​വിന്‌ അയച്ച കത്തിന്റെ പകർപ്പാ​ണ്‌ ഇത്‌. 7 അവർ ഇതു ദാര്യാവേ​ശിന്‌ അയച്ചുകൊ​ടു​ത്തു. ഇങ്ങനെ​യാണ്‌ അവർ എഴുതി​യത്‌:

“ദാര്യാ​വേശ്‌ രാജാ​വിന്‌,

“അങ്ങയ്‌ക്കു സമാധാ​നം! 8 പ്രഭോ, ഞങ്ങൾ യഹൂദാ​സം​സ്ഥാ​ന​ത്തിൽ ആ മഹാദൈ​വ​ത്തി​ന്റെ ഭവനത്തിൽ പോയി​രു​ന്നു. അവർ വലിയ കല്ലുകൾ ഉരുട്ടി​ക്ക​യറ്റി ആ ഭവനം നിർമി​ക്കു​ന്നു, ചുവരു​ക​ളിൽ തടികൾ വെച്ച്‌ പണിയു​ന്നു. ആളുകൾ ഉത്സാഹത്തോ​ടെ പണി​യെ​ടു​ക്കു​ന്ന​തുകൊണ്ട്‌ നിർമാ​ണം അതി​വേ​ഗ​ത്തിൽ പുരോ​ഗ​മി​ക്കു​ക​യാണ്‌. 9 ഞങ്ങൾ അവരുടെ മൂപ്പന്മാ​രോ​ട്‌, ‘ഈ ഭവനം പണിയാ​നും ഇതു പൂർത്തി​യാ​ക്കാ​നും ആരാണു നിങ്ങൾക്ക്‌ അനുമതി തന്നത്‌’ എന്നു ചോദി​ച്ചു.+ 10 പണിക്കു നേതൃ​ത്വമെ​ടു​ക്കു​ന്ന​വ​രു​ടെ പേരുകൾ അങ്ങയെ എഴുതി അറിയി​ക്കാ​നാ​യി ഞങ്ങൾ അതും അവരോ​ടു ചോദി​ച്ചു.

11 “ഇതാണ്‌ അവർ പറഞ്ഞ മറുപടി: ‘സ്വർഗ​ത്തിന്റെ​യും ഭൂമി​യുടെ​യും നാഥനായ ദൈവ​ത്തി​ന്റെ ദാസന്മാ​രാ​ണു ഞങ്ങൾ. മഹാനായ ഒരു ഇസ്രായേൽരാ​ജാവ്‌ വർഷങ്ങൾക്കു മുമ്പ്‌ പണിക​ഴി​പ്പിച്ച ഒരു ഭവനമാ​ണു ഞങ്ങൾ ഇപ്പോൾ പുനർനിർമി​ക്കു​ന്നത്‌.+ 12 എന്നാൽ ഞങ്ങളുടെ പിതാ​ക്ക​ന്മാർ സ്വർഗ​ത്തി​ലെ ദൈവത്തെ കോപിപ്പിച്ചതുകൊണ്ട്‌+ ദൈവം അവരെ ബാബിലോൺരാ​ജാ​വി​ന്റെ, കൽദയ​നായ നെബൂ​ഖ​ദ്‌നേ​സ​റി​ന്റെ,+ കൈയിൽ ഏൽപ്പിച്ചു. നെബൂ​ഖ​ദ്‌നേസർ ഈ ഭവനം തകർത്ത്‌ തരിപ്പണമാക്കി+ ജനത്തെ ബാബിലോ​ണിലേക്കു ബന്ദിക​ളാ​യി പിടി​ച്ചുകൊ​ണ്ടുപോ​യി.+ 13 പക്ഷേ ബാബിലോൺരാ​ജാ​വായ കോ​രെ​ശി​ന്റെ ഒന്നാം വർഷം കോ​രെശ്‌ ഈ ദൈവ​ഭ​വനം പുതു​ക്കി​പ്പ​ണി​യാൻ ഉത്തരവി​ട്ടു.+ 14 മാത്രമല്ല നെബൂ​ഖ​ദ്‌നേസർ യരുശലേ​മി​ലെ ദേവാ​ല​യ​ത്തിൽനിന്ന്‌ എടുത്ത്‌ ബാബിലോ​ണി​ലെ ആലയത്തി​ലേക്കു കൊണ്ടു​വന്ന സ്വർണ​പാത്ര​ങ്ങ​ളും വെള്ളി​പ്പാത്ര​ങ്ങ​ളും കോ​രെശ്‌ അവി​ടെ​നിന്ന്‌ പുറത്ത്‌ എടുപ്പി​ച്ചു.+ എന്നിട്ട്‌, കോ​രെശ്‌ രാജാവ്‌ ഗവർണ​റാ​യി നിയമിച്ച ശേശ്‌ബസ്സരിന്റെ*+ കൈയിൽ അത്‌ ഏൽപ്പിച്ചു.+ 15 കോരെശ്‌ ശേശ്‌ബ​സ്സ​രിനോ​ടു പറഞ്ഞു: “ഈ പാത്രങ്ങൾ കൊണ്ടുപോ​യി യരുശലേ​മി​ലെ ദേവാ​ല​യ​ത്തിൽ വെക്കുക; ദൈവ​ത്തി​ന്റെ ഭവനം അത്‌ ഇരുന്ന സ്ഥലത്തു​തന്നെ വീണ്ടും പണിയു​ക​യും വേണം.”+ 16 അങ്ങനെ ശേശ്‌ബസ്സർ വന്ന്‌ യരുശലേ​മി​ലുള്ള ദൈവ​ഭ​വ​ന​ത്തിന്‌ അടിസ്ഥാ​ന​മി​ട്ടു.+ അന്നുമു​തൽ ഇതിന്റെ പണി നടന്നുകൊ​ണ്ടി​രി​ക്കു​ക​യാണ്‌; ഇതുവരെ പൂർത്തി​യാ​യി​ട്ടില്ല.’+

17 “അങ്ങയ്‌ക്ക്‌ ഉചിത​മെന്നു തോന്നുന്നെ​ങ്കിൽ, യരുശലേ​മി​ലുള്ള ദൈവ​ഭ​വനം പുതു​ക്കി​പ്പ​ണി​യാൻ കോ​രെശ്‌ രാജാവ്‌ ഉത്തരവ്‌ പുറ​പ്പെ​ടു​വി​ച്ചി​ട്ടു​ണ്ടോ എന്നു ബാബിലോ​ണി​ലെ ഖജനാവിൽ* ഒരു അന്വേ​ഷണം നടത്തി​യാ​ലും.+ എന്നിട്ട്‌ അതു സംബന്ധിച്ച അങ്ങയുടെ തീരു​മാ​നം ഞങ്ങളെ അറിയി​ച്ചാ​ലും.”

6 അങ്ങനെ, ദാര്യാ​വേശ്‌ രാജാവ്‌ ആജ്ഞാപി​ച്ച​ത​നു​സ​രിച്ച്‌ അവർ ചരി​ത്രരേ​ഖകൾ സൂക്ഷി​ക്കു​ന്നി​ടത്ത്‌,* അതായത്‌ ബാബിലോ​ണി​ലുള്ള വിലപി​ടിച്ച വസ്‌തു​ക്കൾ സൂക്ഷി​ക്കു​ന്നി​ടത്ത്‌, ഒരു അന്വേ​ഷണം നടത്തി. 2 മേദ്യസംസ്ഥാനത്തുള്ള എക്‌ബ​ത്താ​ന​യി​ലെ കോട്ട​യിൽനിന്ന്‌ അവർ ഒരു ചുരുൾ കണ്ടെടു​ത്തു. അതിൽ ഇങ്ങനെയൊ​രു സന്ദേശം രേഖ​പ്പെ​ടു​ത്തി​യി​രു​ന്നു:

3 “കോ​രെശ്‌ രാജാ​വി​ന്റെ വാഴ്‌ച​യു​ടെ ഒന്നാം വർഷം യരുശലേ​മി​ലുള്ള ദൈവ​ഭ​വ​നത്തെ​ക്കു​റിച്ച്‌ രാജാവ്‌ പുറ​പ്പെ​ടു​വിച്ച ഉത്തരവ്‌:+ ‘ബലികൾ അർപ്പി​ക്കാ​നാ​യി ജൂതന്മാർ ആ ഭവനം പുതു​ക്കി​പ്പ​ണി​യട്ടെ. അതിന്റെ അടിസ്ഥാ​നങ്ങൾ ഉറപ്പിച്ച്‌ 60 മുഴം* ഉയരത്തി​ലും 60 മുഴം വീതി​യി​ലും അതു പണിതു​യർത്തുക.+ 4 മൂന്നു നിര വലിയ കല്ലുക​ളും അതിനു മുകളിൽ ഒരു നിര തടിയും+ വരുന്ന വിധത്തിൽ വേണം അതു പണിയാൻ. രാജാ​വി​ന്റെ ഭവനം അതിന്റെ നിർമാ​ണച്ചെ​ല​വു​കൾ വഹിക്കു​ന്ന​താ​യി​രി​ക്കും.+ 5 നെബൂഖദ്‌നേസർ യരുശലേ​മി​ലെ ദൈവ​ഭ​വ​ന​ത്തിൽനിന്ന്‌ എടുത്ത്‌ ബാബിലോ​ണിലേക്കു കൊണ്ടു​വന്ന സ്വർണ​പാത്ര​ങ്ങ​ളും വെള്ളിപ്പാത്രങ്ങളും+ തിരി​ച്ചുകൊ​ടു​ക്കണം. അവർ അത്‌ യരുശലേ​മി​ലെ ദേവാ​ല​യ​ത്തിലേക്കു കൊണ്ടുപോ​യി ദൈവ​ഭ​വ​ന​ത്തിൽ അതാതി​ന്റെ സ്ഥാനത്ത്‌ വെക്കട്ടെ.’+

6 “അതു​കൊണ്ട്‌, അക്കരപ്രദേശത്തിന്റെ* ഗവർണ​റായ തത്‌നാ​യി​യും ശെഥർ-ബോസ്‌നായിയും+ ഉപഗവർണർമാ​രായ അവരുടെ സഹപ്ര​വർത്ത​ക​രും അറിയാൻ എഴുതു​ന്നത്‌: നിങ്ങൾ അങ്ങോട്ടു പോയി അവരുടെ പണി തടസ്സ​പ്പെ​ടു​ത്ത​രുത്‌. 7 ജൂതന്മാരുടെ ഗവർണ​റും അവരുടെ മൂപ്പന്മാ​രും ചേർന്ന്‌ ആ ദൈവ​ഭ​വനം അതിന്റെ പഴയ സ്ഥാനത്തു​തന്നെ നിർമി​ക്കും. അതിന്റെ പണിയിൽ നിങ്ങൾ ഇടപെ​ട​രുത്‌. 8 മാത്രമല്ല, ദൈവ​ഭ​വനം പുതു​ക്കി​പ്പ​ണി​യാ​നാ​യി ജൂതന്മാ​രു​ടെ മൂപ്പന്മാർക്കു നിങ്ങൾ ചില സഹായങ്ങൾ ചെയ്‌തുകൊ​ടു​ക്ക​ണമെ​ന്നും ഞാൻ ഇതാ ഉത്തരവി​ടു​ന്നു: തടസ്സമി​ല്ലാ​തെ പണി നടത്താൻ+ ആവശ്യ​മായ പണം നിങ്ങൾ അപ്പപ്പോൾ ഖജനാ​വിൽനിന്ന്‌,+ അതായത്‌ അക്കര​പ്രദേ​ശ​ത്തു​നിന്ന്‌ പിരിച്ച നികു​തി​യിൽനിന്ന്‌, അവർക്കു കൊടു​ക്കണം. 9 നിങ്ങൾ ഓരോ ദിവസ​വും അവർക്കു വേണ്ട​തെ​ല്ലാം കൊടു​ക്കണം. സ്വർഗ​ത്തി​ലെ ദൈവ​ത്തി​നു ദഹനയാ​ഗ​മാ​യി അർപ്പി​ക്കാൻ കാളക്കു​ട്ടി​കൾ,+ മുട്ടനാ​ടു​കൾ,+ ആട്ടിൻകുട്ടികൾ+ എന്നിവ​യും യരുശലേ​മി​ലെ പുരോ​ഹി​ത​ന്മാർ ചോദി​ക്കു​ന്നത്ര ഗോതമ്പ്‌,+ ഉപ്പ്‌,+ വീഞ്ഞ്‌,+ എണ്ണ+ എന്നിവ​യും നിങ്ങൾ അവർക്കു കൊടു​ക്കണം; ഇതിൽ മുടക്കമൊ​ന്നും വരുത്ത​രുത്‌. 10 അങ്ങനെയാകുമ്പോൾ അവർക്ക്‌ എന്നും സ്വർഗ​ത്തി​ലെ ദൈവത്തെ പ്രസാ​ദി​പ്പി​ക്കാ​നാ​യി യാഗങ്ങൾ അർപ്പി​ക്കാ​നും രാജാ​വിന്റെ​യും മക്കളുടെ​യും ദീർഘാ​യു​സ്സി​നുവേണ്ടി പ്രാർഥി​ക്കാ​നും കഴിയും.+ 11 ആരെങ്കിലും ഈ കല്‌പന ലംഘി​ച്ചാൽ അവന്റെ വീടിന്റെ ഉത്തരം വലിച്ചൂ​രി അവനെ അതിൽ തറയ്‌ക്കുമെ​ന്നും അവന്റെ വീടു പൊതുകക്കൂസാക്കുമെന്നും* ഞാൻ ഉത്തരവി​ട്ടി​രി​ക്കു​ന്നു. 12 ഈ ഉത്തരവ്‌ ധിക്കരി​ക്കാ​നും യരുശലേ​മി​ലുള്ള ദൈവ​ഭ​വനം നശിപ്പി​ക്കാ​നും ഏതെങ്കി​ലുമൊ​രു രാജാ​വോ ജനതയോ കൈ ഉയർത്തി​യാൽ, തന്റെ പേര്‌ എന്നേക്കു​മാ​യി അവിടെ സ്ഥാപി​ച്ചി​രി​ക്കുന്ന ദൈവം+ അവരെ തകർത്തു​ക​ള​യട്ടെ. ദാര്യാ​വേശ്‌ എന്ന ഞാൻ ഈ ഉത്തരവി​റ​ക്കി​യി​രി​ക്കു​ന്നു; ഇത്‌ എത്രയും പെട്ടെന്നു നടപ്പി​ലാ​ക്കുക.”

13 അക്കരപ്രദേശത്തിന്റെ ഗവർണ​റായ തത്‌നാ​യി​യും ശെഥർ-ബോസ്‌നായിയും+ അവരുടെ സഹപ്ര​വർത്ത​ക​രും ദാര്യാ​വേശ്‌ രാജാവ്‌ കല്‌പി​ച്ചതെ​ല്ലാം പെട്ടെ​ന്നു​തന്നെ നടപ്പി​ലാ​ക്കി. 14 പ്രവാചകനായ ഹഗ്ഗായിയുടെയും+ ഇദ്ദൊ​യു​ടെ കൊച്ചു​മകൻ സെഖര്യ​യുടെ​യും പ്രവചനങ്ങളിൽനിന്ന്‌+ പ്രോ​ത്സാ​ഹനം ഉൾക്കൊണ്ട ജൂതമൂ​പ്പ​ന്മാർ നിർമാ​ണം തുടർന്നു.+ ഒടുവിൽ, ഇസ്രായേ​ലി​ന്റെ ദൈവവും+ കോരെശും+ ദാര്യാവേശും+ പേർഷ്യൻ രാജാ​വായ അർഥഹ്‌ശഷ്ടയും+ കല്‌പി​ച്ചി​രു​ന്ന​തുപോ​ലെ അവർ പണി പൂർത്തി​യാ​ക്കി. 15 ദാര്യാവേശ്‌ രാജാ​വി​ന്റെ വാഴ്‌ച​യു​ടെ ആറാം വർഷം, ആദാർ* മാസം മൂന്നാം തീയതി​യാണ്‌ ദേവാ​ല​യ​നിർമാ​ണം പൂർത്തി​യാ​യത്‌.

16 ഇസ്രായേല്യരും പുരോ​ഹി​ത​ന്മാ​രും ലേവ്യരും+ പ്രവാ​സ​ത്തിൽനിന്ന്‌ മടങ്ങിയെ​ത്തിയ മറ്റുള്ള​വ​രും ചേർന്ന്‌ സന്തോ​ഷ​പൂർവം ദൈവ​ഭ​വ​ന​ത്തി​ന്റെ ഉദ്‌ഘാടനം* നടത്തി. 17 അതിന്റെ ഉദ്‌ഘാ​ട​ന​ത്തി​നുവേണ്ടി അവർ 100 കാളകളെ​യും 200 മുട്ടനാ​ടു​കളെ​യും 400 ആട്ടിൻകു​ട്ടി​കളെ​യും കൊണ്ടു​വന്നു; എല്ലാ ഇസ്രായേ​ല്യർക്കു​മുള്ള പാപയാ​ഗ​മാ​യി ഇസ്രായേൽഗോത്ര​ങ്ങ​ളു​ടെ എണ്ണമനു​സ​രിച്ച്‌ 12 ആൺകോ​ലാ​ടു​കളെ​യും അവർ അർപ്പിച്ചു.+ 18 മോശയുടെ പുസ്‌ത​ക​ത്തിൽ എഴുതി​യി​രി​ക്കു​ന്ന​തുപോ​ലെ,+ യരുശലേ​മിൽ ദൈവസേ​വ​ന​ത്തി​നാ​യി പുരോ​ഹി​ത​ന്മാ​രെ ഗണമനു​സ​രി​ച്ചും ലേവ്യരെ വിഭാഗമനുസരിച്ചും+ നിയമി​ച്ചു.

19 പ്രവാസത്തിൽനിന്ന്‌ മടങ്ങിയെ​ത്തി​യവർ ഒന്നാം മാസം 14-ാം ദിവസം പെസഹ ആഘോ​ഷി​ച്ചു.+ 20 എല്ലാ പുരോ​ഹി​ത​ന്മാ​രും ലേവ്യ​രും ശുദ്ധി​യു​ള്ള​വ​രാ​യി​രു​ന്നു. അവരെ​ല്ലാം തങ്ങളെ​ത്തന്നെ ശുദ്ധീകരിച്ചിരുന്നതിനാൽ+ തങ്ങൾക്കും സഹപുരോ​ഹി​ത​ന്മാർക്കും പ്രവാ​സ​ത്തിൽനിന്ന്‌ മടങ്ങിയെ​ത്തിയ എല്ലാവർക്കും വേണ്ടി അവർ പെസഹാ​മൃ​ഗത്തെ അറുത്തു. 21 പ്രവാസത്തിൽനിന്ന്‌ തിരി​ച്ചു​വന്ന ഇസ്രായേ​ല്യ​രും ഇസ്രായേ​ലി​ന്റെ ദൈവ​മായ യഹോ​വയെ ആരാധിക്കാനായി* ദേശത്തെ ജനതക​ളു​ടെ മ്ലേച്ഛമായ രീതികൾ ഉപേക്ഷി​ച്ച്‌ അവരോടൊ​പ്പം ചേർന്ന​വ​രും അതു കഴിച്ചു.+ 22 സത്യദൈവം അവർക്കു സന്തോഷം നൽകി​യ​തുകൊ​ണ്ടും ഇസ്രായേ​ലി​ന്റെ ദൈവ​മായ യഹോ​വ​യു​ടെ ഭവനം പണിയു​ന്ന​തിൽ സഹായി​ക്കാ​നാ​യി അസീറി​യൻ രാജാ​വി​ന്റെ ഹൃദയം അവർക്ക്‌ അനുകൂലമാക്കിയതുകൊണ്ടും+ അവർ ആഹ്ലാദത്തോ​ടെ ഏഴു ദിവസം പുളിപ്പില്ലാത്ത* അപ്പത്തിന്റെ ഉത്സവം കൊണ്ടാ​ടി.+

7 ഇതെല്ലാം കഴിഞ്ഞ​ശേഷം, പേർഷ്യൻ രാജാ​വായ അർഥഹ്‌ശഷ്ടയുടെ+ ഭരണകാ​ലത്ത്‌ എസ്ര*+ മടങ്ങി​വന്നു. സെരായയുടെ+ മകനാ​യി​രു​ന്നു എസ്ര. സെരായ അസര്യ​യു​ടെ മകൻ; അസര്യ ഹിൽക്കിയയുടെ+ മകൻ; 2 ഹിൽക്കിയ ശല്ലൂമി​ന്റെ മകൻ; ശല്ലൂം സാദോ​ക്കി​ന്റെ മകൻ; സാദോ​ക്ക്‌ അഹീതൂ​ബി​ന്റെ മകൻ; 3 അഹീതൂബ്‌ അമര്യ​യു​ടെ മകൻ; അമര്യ അസര്യയുടെ+ മകൻ; അസര്യ മെരായോ​ത്തി​ന്റെ മകൻ; 4 മെരായോത്ത്‌ സെരഹ്യ​യു​ടെ മകൻ; സെരഹ്യ ഉസ്സിയു​ടെ മകൻ; ഉസ്സി ബുക്കി​യു​ടെ മകൻ; 5 ബുക്കി അബീശൂ​വ​യു​ടെ മകൻ; അബീശൂവ ഫിനെഹാസിന്റെ+ മകൻ; ഫിനെ​ഹാസ്‌ എലെയാസരിന്റെ+ മകൻ; എലെയാ​സർ മുഖ്യ​പുരോ​ഹി​ത​നായ അഹരോന്റെ+ മകൻ. 6 എസ്ര ബാബിലോ​ണിൽനിന്ന്‌ വന്നു. ഇസ്രായേ​ലി​ന്റെ ദൈവ​മായ യഹോവ നൽകിയ മോശ​യു​ടെ നിയമ​ത്തിൽ നല്ല പാണ്ഡിത്യമുണ്ടായിരുന്ന* ഒരു പകർപ്പെഴുത്തുകാരനായിരുന്നു* എസ്ര.+ ദൈവ​മായ യഹോ​വ​യു​ടെ കൈ എസ്രയു​ടെ മേലു​ണ്ടാ​യി​രു​ന്ന​തുകൊണ്ട്‌ എസ്ര ചോദി​ച്ചതെ​ല്ലാം രാജാവ്‌ കൊടു​ത്തു.

7 അർഥഹ്‌ശഷ്ട രാജാ​വി​ന്റെ വാഴ്‌ച​യു​ടെ ഏഴാം വർഷം ചില ഇസ്രായേ​ല്യ​രും പുരോ​ഹി​ത​ന്മാ​രും ലേവ്യരും+ ഗായകരും+ കാവൽക്കാരും+ ദേവാലയസേവകരും*+ യരുശലേ​മിലേക്കു പോയി. 8 രാജാവിന്റെ വാഴ്‌ച​യു​ടെ ഏഴാം വർഷം അഞ്ചാം മാസം എസ്ര യരുശലേ​മിൽ എത്തി. 9 ഒന്നാം മാസം ഒന്നാം ദിവസ​മാണ്‌ എസ്ര ബാബിലോ​ണിൽനിന്ന്‌ യാത്ര തിരി​ച്ചത്‌. ദൈവ​ത്തി​ന്റെ കൈ എസ്രയു​ടെ മേലുണ്ടായിരുന്നതുകൊണ്ട്‌+ അഞ്ചാം മാസം ഒന്നാം ദിവസം എസ്ര യരുശലേ​മിൽ എത്തി​ച്ചേർന്നു. 10 യഹോവയുടെ നിയമം പരി​ശോ​ധിച്ച്‌ അതിനു ചേർച്ച​യിൽ നടക്കാനും+ അതിലെ ചട്ടങ്ങളും ന്യായ​ത്തീർപ്പു​ക​ളും ഇസ്രായേ​ല്യ​രെ പഠിപ്പിക്കാനും+ എസ്ര തന്റെ ഹൃദയം ഒരുക്കി​യി​രു​ന്നു.*

11 പകർപ്പെഴുത്തുകാരനും പുരോ​ഹി​ത​നും യഹോവ ഇസ്രായേ​ലി​നു കൊടുത്ത കല്‌പ​ന​ക​ളും ചട്ടങ്ങളും പഠിക്കു​ന്ന​തിൽ സമർഥ​നും ആയിരുന്ന എസ്രയ്‌ക്ക്‌ അർഥഹ്‌ശഷ്ട രാജാവ്‌ കൊടുത്ത കത്തിന്റെ പകർപ്പാ​ണ്‌ ഇത്‌:

12 * “പുരോ​ഹി​ത​നും സ്വർഗ​ത്തി​ലെ ദൈവ​ത്തി​ന്റെ നിയമം പകർത്തിയെഴുതുന്നവനും* ആയ എസ്രയ്‌ക്കു രാജാ​ധി​രാ​ജ​നായ അർഥഹ്‌ശഷ്ട+ എഴുതു​ന്നത്‌: നിനക്കു സമാധാ​നം! 13 എന്റെ സാമ്രാ​ജ്യ​ത്തി​ലുള്ള ഇസ്രായേ​ല്യർക്കോ അവരുടെ പുരോ​ഹി​ത​ന്മാർക്കോ ലേവ്യർക്കോ നിന്നോടൊ​പ്പം യരുശലേ​മിലേക്കു വരാൻ ആഗ്രഹ​മുണ്ടെ​ങ്കിൽ അവർക്കെ​ല്ലാം അങ്ങനെ ചെയ്യാ​വു​ന്ന​താണ്‌ എന്നു ഞാൻ ഇതാ ഉത്തരവി​ട്ടി​രി​ക്കു​ന്നു.+ 14 രാജാവും രാജാ​വി​ന്റെ ഏഴ്‌ ഉപദേ​ഷ്ടാ​ക്ക​ളും ചേർന്ന്‌ നിന്നെ അയയ്‌ക്കു​ന്നത്‌, യഹൂദ​യി​ലും യരുശലേ​മി​ലും ഉള്ളവർ നിന്റെ കൈവ​ശ​മുള്ള ദൈവ​ത്തി​ന്റെ നിയമം പാലി​ക്കു​ന്നു​ണ്ടോ എന്ന്‌ അന്വേ​ഷി​ക്കു​ന്ന​തി​നും 15 യരുശലേമിൽ വസിക്കുന്ന, ഇസ്രായേ​ലി​ന്റെ ദൈവ​ത്തി​നാ​യി രാജാ​വും ഉപദേ​ഷ്ടാ​ക്ക​ളും സ്വമന​സ്സാ​ലെ നൽകിയ സ്വർണ​വും വെള്ളി​യും കൊണ്ടുപോ​കു​ന്ന​തി​നും വേണ്ടി​യാണ്‌. 16 യരുശലേമിലുള്ള തങ്ങളുടെ ദൈവ​ഭ​വ​ന​ത്തി​നു ജനവും പുരോ​ഹി​ത​ന്മാ​രും സ്വമന​സ്സാ​ലെ നൽകുന്ന കാഴ്‌ച​യും ബാബിലോൺസം​സ്ഥാ​ന​ത്തു​നിന്ന്‌ നിനക്കു ലഭിക്കുന്ന* മുഴുവൻ സ്വർണ​വും വെള്ളി​യും നീ കൊണ്ടുപോ​കണം.+ 17 നീ പെട്ടെ​ന്നു​തന്നെ ആ പണം​കൊണ്ട്‌ കാളകൾ,+ മുട്ടനാ​ടു​കൾ,+ ആട്ടിൻകു​ട്ടി​കൾ,+ അവയുടെ ധാന്യ​യാ​ഗങ്ങൾ,+ അവയുടെ പാനീയയാഗങ്ങൾ+ എന്നിവ വാങ്ങി അവ യരുശലേ​മി​ലുള്ള നിങ്ങളു​ടെ ദൈവ​ത്തി​ന്റെ ഭവനത്തി​ലെ യാഗപീ​ഠ​ത്തിൽ അർപ്പി​ക്കണം.

18 “ബാക്കി​യുള്ള സ്വർണ​വും വെള്ളി​യും നിനക്കും നിന്റെ സഹോ​ദ​ര​ന്മാർക്കും ഉചിത​മെന്നു തോന്നു​ന്ന​തുപോ​ലെ നിങ്ങളു​ടെ ദൈവ​ത്തി​നു പ്രസാ​ദ​ക​ര​മായ വിധത്തിൽ ഉപയോ​ഗി​ക്കാം. 19 നിന്റെ ദൈവ​ത്തി​ന്റെ ഭവനത്തി​ലെ ശുശ്രൂ​ഷ​യ്‌ക്കാ​യി നിനക്കു തന്നിരി​ക്കുന്ന പാത്ര​ങ്ങളെ​ല്ലാം നീ യരുശലേ​മി​ലെ ദൈവ​സ​ന്നി​ധി​യിൽ സമർപ്പി​ക്കണം.+ 20 നിന്റെ ദൈവ​ത്തി​ന്റെ ഭവനത്തി​ലെ മറ്റ്‌ ആവശ്യ​ങ്ങൾക്കാ​യി നീ കൊടുക്കേ​ണ്ടതെ​ല്ലാം നിനക്കു ഖജനാ​വിൽനിന്ന്‌ എടുക്കാ​വു​ന്ന​താണ്‌.+

21 “അർഥഹ്‌ശഷ്ട രാജാവ്‌ എന്ന ഞാൻ അക്കരപ്രദേശത്തെ* ധനകാ​ര്യ​വി​ചാ​ര​ക​ന്മാരോടെ​ല്ലാം, സ്വർഗ​ത്തി​ലെ ദൈവ​ത്തി​ന്റെ നിയമം പകർത്തിയെ​ഴു​തു​ന്ന​വ​നായ എസ്ര+ പുരോ​ഹി​തൻ ആവശ്യപ്പെ​ടു​ന്നതെ​ന്തും എത്രയും​വേഗം ചെയ്‌തുകൊ​ടു​ക്ക​ണമെന്ന്‌ ആജ്ഞാപി​ച്ചി​രി​ക്കു​ന്നു. 22 വെള്ളി 100 താലന്തുവരെയും* ഗോതമ്പ്‌ 100 കോർവരെയും* വീഞ്ഞ്‌+ 100 ബത്തുവരെയും* എണ്ണ+ 100 ബത്തുവരെ​യും ഉപ്പ്‌+ ആവശ്യംപോലെ​യും കൊടു​ക്കാൻ ഞാൻ ആവശ്യപ്പെ​ട്ടി​ട്ടുണ്ട്‌. 23 രാജാവിന്റെ മക്കളുടെ മേലും സാമ്രാ​ജ്യ​ത്തിന്മേ​ലും ദൈവകോ​പം വരാതി​രി​ക്കാൻ സ്വർഗ​ത്തി​ലെ ദൈവം+ കല്‌പി​ച്ചതെ​ല്ലാം സ്വർഗ​ത്തി​ലെ ദൈവ​ത്തി​ന്റെ ഭവനത്തി​നുവേണ്ടി ഉത്സാഹത്തോ​ടെ ചെയ്യുക.+ 24 കൂടാതെ പുരോ​ഹി​ത​ന്മാർ, ലേവ്യർ, സംഗീ​തജ്ഞർ,+ വാതിൽക്കാ​വൽക്കാർ, ദേവാ​ല​യസേ​വകർ,+ ദൈവ​ഭ​വ​ന​ത്തി​ലെ പണിക്കാർ എന്നിവരോടൊ​ന്നും കരമോ കപ്പമോ+ യാത്രാ​നി​കു​തി​യോ പിരി​ക്കാൻ അധികാ​ര​മി​ല്ലെന്ന കാര്യ​വും അറിഞ്ഞുകൊ​ള്ളുക.

25 “എസ്രാ, നിന്റെ ദൈവ​ത്തിൽനിന്ന്‌ നിനക്കു ലഭിച്ച ജ്ഞാനം ഉപയോ​ഗിച്ച്‌, അക്കര​പ്രദേ​ശത്ത്‌ താമസി​ക്കുന്ന ജനത്തിന്‌, നിന്റെ ദൈവ​ത്തി​ന്റെ നിയമങ്ങൾ അറിയാ​വുന്ന ജനത്തിനു മുഴുവൻ, ന്യായ​പാ​ലനം നടത്താ​നാ​യി നീ മജിസ്‌റ്റ്രേ​ട്ടു​മാരെ​യും ന്യായാ​ധി​പ​ന്മാരെ​യും നിയമി​ക്കണം. ആ നിയമങ്ങൾ അറിയി​ല്ലാത്ത ആരെങ്കി​ലു​മുണ്ടെ​ങ്കിൽ നീ അവരെ അതു പഠിപ്പി​ക്കു​ക​യും വേണം.+ 26 നിന്റെ ദൈവ​ത്തി​ന്റെ നിയമ​വും രാജാ​വി​ന്റെ നിയമ​വും അനുസ​രി​ക്കാത്ത എല്ലാവരെ​യും നീ ഉടനടി ശിക്ഷി​ക്കണം. നിനക്ക്‌ അവരെ വധിക്കു​ക​യോ നാടു​ക​ട​ത്തു​ക​യോ തടവി​ലാ​ക്കു​ക​യോ അവരിൽനി​ന്ന്‌ പിഴ ഈടാ​ക്കു​ക​യോ ചെയ്യാ​വു​ന്ന​താണ്‌.”

27 യരുശലേമിലെ യഹോ​വ​യു​ടെ ഭവനം മോടി പിടി​പ്പി​ക്കാൻ രാജാ​വി​ന്റെ ഹൃദയ​ത്തിൽ തോന്നിച്ച നമ്മുടെ പൂർവി​ക​രു​ടെ ദൈവ​മായ യഹോ​വ​യ്‌ക്കു സ്‌തുതി!+ 28 രാജാവിന്റെയും ഉപദേഷ്ടാക്കളുടെയും+ രാജാ​വി​ന്റെ വീരന്മാ​രായ എല്ലാ പ്രഭു​ക്ക​ന്മാ​രുടെ​യും മുന്നിൽ ദൈവം എന്നോട്‌ അചഞ്ചല​മായ സ്‌നേഹം കാണി​ച്ചി​രി​ക്കു​ന്നു.+ എന്റെ ദൈവ​മായ യഹോ​വ​യു​ടെ കൈ എന്റെ മേലു​ണ്ടാ​യി​രു​ന്ന​തുകൊണ്ട്‌ എന്നോടൊ​പ്പം പോരു​ന്ന​തിന്‌ ഇസ്രായേ​ലി​ലെ പ്രധാ​നി​കളെയെ​ല്ലാം വിളി​ച്ചു​കൂ​ട്ടാൻ എനിക്കു ധൈര്യം തോന്നി.

8 അർഥഹ്‌ശഷ്ട രാജാ​വി​ന്റെ ഭരണകാ​ലത്ത്‌ എന്നോടൊ​പ്പം ബാബിലോ​ണിൽനിന്ന്‌ പോന്നവരുടെ+ വംശാ​വ​ലിരേ​ഖ​യും പിതൃ​ഭ​വ​ന​ത്ത​ല​വ​ന്മാ​രു​ടെ പേരു​ക​ളും: 2 ഫിനെഹാസിന്റെ+ ആൺമക്ക​ളിൽ ഗർശോം; ഈഥാമാരിന്റെ+ ആൺമക്ക​ളിൽ ദാനി​യേൽ; ദാവീ​ദി​ന്റെ ആൺമക്ക​ളിൽ ഹത്തൂശ്‌; 3 പരോശിന്റെയും ശെഖന്യ​യുടെ​യും വംശത്തിൽപ്പെട്ട സെഖര്യ, സെഖര്യ​യുടെ​കൂ​ടെ രേഖയിൽ പേരുള്ള 150 പുരു​ഷ​ന്മാർ; 4 പഹത്‌-മോവാബിന്റെ+ ആൺമക്ക​ളിൽ സെരഹ്യ​യു​ടെ മകൻ എല്യെഹോവേ​നാ​യി, എല്യെഹോവേ​നാ​യി​യുടെ​കൂ​ടെ 200 പുരു​ഷ​ന്മാർ; 5 സത്ഥുവിന്റെ+ ആൺമക്ക​ളിൽ യഹസീയേ​ലി​ന്റെ മകൻ ശെഖന്യ, ശെഖന്യ​യുടെ​കൂ​ടെ 300 പുരു​ഷ​ന്മാർ; 6 ആദീന്റെ+ ആൺമക്ക​ളിൽ യോനാ​ഥാ​ന്റെ മകൻ ഏബെദ്‌, ഏബെദിന്റെ​കൂ​ടെ 50 പുരു​ഷ​ന്മാർ; 7 ഏലാമിന്റെ+ ആൺമക്ക​ളിൽ അഥല്യ​യു​ടെ മകൻ എശയ്യ, എശയ്യയുടെ​കൂ​ടെ 70 പുരു​ഷ​ന്മാർ; 8 ശെഫത്യയുടെ+ ആൺമക്ക​ളിൽ മീഖായേ​ലി​ന്റെ മകൻ സെബദ്യ, സെബദ്യ​യുടെ​കൂ​ടെ 80 പുരു​ഷ​ന്മാർ; 9 യോവാബിന്റെ ആൺമക്ക​ളിൽ യഹീ​യേ​ലി​ന്റെ മകൻ ഓബദ്യ, ഓബദ്യ​യുടെ​കൂ​ടെ 218 പുരു​ഷ​ന്മാർ; 10 ബാനിയുടെ ആൺമക്ക​ളിൽ യോസി​ഫ്യ​യു​ടെ മകൻ ശെലോ​മീത്ത്‌, ശെലോ​മീ​ത്തിന്റെ​കൂ​ടെ 160 പുരു​ഷ​ന്മാർ; 11 ബേബായിയുടെ+ ആൺമക്ക​ളിൽ ബേബാ​യി​യു​ടെ മകൻ സെഖര്യ, സെഖര്യ​യുടെ​കൂ​ടെ 28 പുരു​ഷ​ന്മാർ; 12 അസ്‌ഗാദിന്റെ+ ആൺമക്ക​ളിൽ ഹക്കാതാ​ന്റെ മകൻ യോഹാ​നാൻ, യോഹാ​നാന്റെ​കൂ​ടെ 110 പുരു​ഷ​ന്മാർ; 13 അദോനിക്കാമിന്റെ+ ആൺമക്ക​ളിൽ അവസാ​ന​ത്ത​വ​രായ എലീ​ഫേലെത്ത്‌, യയീയേൽ, ശെമയ്യ എന്നിവ​രും അവരുടെ​കൂ​ടെ 60 പുരു​ഷ​ന്മാ​രും; 14 ബിഗ്വായിയുടെ+ ആൺമക്ക​ളിൽ ഊഥായി, സബൂദ്‌, അവരുടെ​കൂ​ടെ 70 പുരു​ഷ​ന്മാർ.

15 ഞാൻ അവരെ അഹവയി​ലേക്ക്‌ ഒഴുകുന്ന നദിയു​ടെ തീരത്ത്‌ കൂട്ടി​വ​രു​ത്തി.+ ഞങ്ങൾ അവിടെ കൂടാരം അടിച്ച്‌ മൂന്നു ദിവസം താമസി​ച്ചു. എന്നാൽ ഞാൻ ജനത്തിന്റെ​യും പുരോ​ഹി​ത​ന്മാ​രുടെ​യും ഇടയിൽ അന്വേ​ഷി​ച്ചപ്പോൾ ലേവ്യർ ആരും അക്കൂട്ട​ത്തി​ലില്ലെന്നു മനസ്സി​ലാ​യി. 16 അതുകൊണ്ട്‌ ഞാൻ പ്രധാ​നി​ക​ളായ എലീ​യേ​സെർ, അരിയേൽ, ശെമയ്യ, എൽനാ​ഥാൻ, യാരീബ്‌, എൽനാ​ഥാൻ, നാഥാൻ, സെഖര്യ, മെശു​ല്ലാം എന്നിവരെ​യും ഗുരു​ക്ക​ന്മാ​രായ യൊയാ​രീബ്‌, എൽനാ​ഥാൻ എന്നിവരെ​യും ആളയച്ച്‌ വിളി​പ്പി​ച്ചു. 17 എന്നിട്ട്‌ കാസിഫ്യ എന്ന സ്ഥലത്തെ പ്രധാ​നി​യായ ഇദ്ദൊ​യു​ടെ അടു​ത്തേക്കു പോകാൻ ഒരു കല്‌പന കൊടു​ത്തു. കാസി​ഫ്യ​യിൽ ചെന്ന്‌ ദേവാലയസേവകരുടെ* കുടും​ബ​ത്തിൽപ്പെട്ട ഇദ്ദൊയെ​യും സഹോ​ദ​ര​ന്മാരെ​യും കണ്ട്‌ ഞങ്ങളുടെ ദൈവ​ത്തി​ന്റെ ഭവനത്തി​നുവേണ്ടി ശുശ്രൂഷ ചെയ്യു​ന്ന​വരെ കൊണ്ടു​വ​രാൻ പറയണ​മെന്നു പറഞ്ഞു. 18 ഞങ്ങളുടെ ദൈവ​ത്തി​ന്റെ അനു​ഗ്രഹം ഞങ്ങൾക്കു​ണ്ടാ​യി​രു​ന്ന​തുകൊണ്ട്‌ അവർക്ക്‌ ഇസ്രായേ​ലി​ന്റെ മകനായ ലേവി​യു​ടെ കൊച്ചു​മ​ക​നായ മഹ്ലിയുടെ+ ആൺമക്ക​ളിൽപ്പെട്ട ജ്ഞാനി​യായ ശേരെബ്യയെയും+ ശേരെ​ബ്യ​യു​ടെ ആൺമക്കളെ​യും സഹോ​ദ​ര​ന്മാരെ​യും കൊണ്ടു​വ​രാൻ കഴിഞ്ഞു. അവർ ആകെ 18 പേർ. 19 കൂടാതെ ഹശബ്യയെ​യും മെരാര്യനായ+ എശയ്യ​യെ​യും സഹോ​ദ​ര​ന്മാരെ​യും അവരുടെ ആൺമക്കളെ​യും അവർ കൊണ്ടു​വന്നു. അവർ ആകെ 20 പേർ. 20 പേര്‌ വിളിച്ച്‌ തിര​ഞ്ഞെ​ടുത്ത 220 ദേവാ​ല​യസേ​വ​ക​രും അക്കൂട്ട​ത്തി​ലു​ണ്ടാ​യി​രു​ന്നു. ദാവീ​ദും പ്രഭു​ക്ക​ന്മാ​രും ആണ്‌ ലേവ്യരെ സഹായി​ക്കാ​നാ​യി ദേവാ​ല​യസേ​വ​കരെ ഏർപ്പെ​ടു​ത്തി​യത്‌.

21 അതിനു ശേഷം, ഞങ്ങളുടെ ദൈവ​ത്തി​നു മുമ്പാകെ ഞങ്ങളെ​ത്തന്നെ താഴ്‌ത്തു​ന്ന​തി​നും കുട്ടി​കളോ​ടും സാധന​സാ​മഗ്രി​കളോ​ടും കൂടെ​യുള്ള ഞങ്ങളുടെ യാത്രയെ​ക്കു​റിച്ച്‌ ദൈവ​ത്തോ​ട്‌ ഉപദേശം തേടു​ന്ന​തി​നും വേണ്ടി ഞാൻ അഹവ നദീതീ​രത്ത്‌ ഒരു ഉപവാസം പ്രഖ്യാ​പി​ച്ചു. 22 വഴിയിൽ ശത്രു​ക്ക​ളു​ടെ ആക്രമണം തടയാ​നാ​യി രാജാ​വിനോ​ടു സൈനി​കരെ​യും കുതി​ര​പ്പ​ട​യാ​ളി​കളെ​യും ചോദി​ക്കാൻ എനിക്കു മടി തോന്നി. കാരണം, “ഞങ്ങളുടെ ദൈവ​ത്തി​ന്റെ ശക്തിയുള്ള കരം ദൈവത്തെ അന്വേ​ഷി​ക്കുന്ന എല്ലാവരെ​യും പിന്തു​ണ​യ്‌ക്കു​ന്നു,+ എന്നാൽ ദൈവത്തെ ഉപേക്ഷി​ക്കു​ന്ന​വരോട്‌ ദൈവം കോപി​ക്കു​ക​യും അവർക്കെ​തി​രെ തന്റെ ശക്തി പ്രയോ​ഗി​ക്കു​ക​യും ചെയ്യും”+ എന്നു ഞങ്ങൾ രാജാ​വിനോ​ടു പറഞ്ഞി​രു​ന്നു. 23 അതുകൊണ്ട്‌ ഞങ്ങൾ ഉപവസി​ക്കു​ക​യും ഇതെക്കു​റിച്ച്‌ ദൈവ​ത്തോ​ട്‌ അപേക്ഷി​ക്കു​ക​യും ചെയ്‌തു. ദൈവം ഞങ്ങളുടെ യാചന കേട്ടു.+

24 പിന്നെ ഞാൻ 12 പ്രധാ​ന​പുരോ​ഹി​ത​ന്മാ​രെ, അതായത്‌ ശേരെ​ബ്യയെ​യും ഹശബ്യയെയും+ അവരുടെ പത്തു സഹോ​ദ​ര​ന്മാരെ​യും, വിളി​ച്ചു​കൂ​ട്ടി. 25 എന്നിട്ട്‌ രാജാ​വും രാജാ​വി​ന്റെ ഉപദേ​ഷ്ടാ​ക്ക​ളും പ്രഭു​ക്ക​ന്മാ​രും അവി​ടെ​യു​ണ്ടാ​യി​രുന്ന എല്ലാ ഇസ്രായേ​ല്യ​രും ഞങ്ങളുടെ ദൈവ​ത്തി​ന്റെ ഭവനത്തി​നുവേണ്ടി സംഭാ​വ​ന​യാ​യി നൽകിയ സ്വർണ​വും വെള്ളി​യും ഉപകര​ണ​ങ്ങ​ളും തൂക്കിനോ​ക്കി​യിട്ട്‌ അവരുടെ കൈയിൽ കൊടു​ത്തു.+ 26 അങ്ങനെ ഞാൻ അവർക്ക്‌ 650 താലന്തു* വെള്ളി​യും 2 താലന്തു വിലവ​രുന്ന 100 വെള്ളി​യു​പ​ക​ര​ണ​ങ്ങ​ളും 100 താലന്തു സ്വർണ​വും 27 1,000 ദാരിക്ക്‌* വിലവ​രുന്ന 20 ചെറിയ സ്വർണ​പാത്ര​ങ്ങ​ളും സ്വർണംപോ​ലെ വിശി​ഷ്ട​മായ, തിളങ്ങുന്ന ചുവപ്പു നിറത്തിൽ മേത്തരം ചെമ്പു​കൊ​ണ്ട്‌ ഉണ്ടാക്കിയ 2 ഉപകര​ണ​ങ്ങ​ളും തൂക്കിക്കൊ​ടു​ത്തു.

28 പിന്നെ ഞാൻ അവരോ​ടു പറഞ്ഞു: “നിങ്ങൾ യഹോ​വ​യ്‌ക്കു വിശു​ദ്ധ​രാണ്‌;+ ഉപകര​ണ​ങ്ങ​ളും വിശു​ദ്ധ​മാണ്‌. ഈ സ്വർണ​വും വെള്ളി​യും ആകട്ടെ, നിങ്ങളു​ടെ പൂർവി​ക​രു​ടെ ദൈവ​മായ യഹോ​വ​യ്‌ക്കു ലഭിച്ച കാഴ്‌ച​ക​ളാണ്‌. 29 യരുശലേമിൽ യഹോ​വ​യു​ടെ ഭവനത്തി​ലെ അറകളിൽവെച്ച്‌* പുരോ​ഹി​ത​ന്മാ​രുടെ​യും ലേവ്യ​രുടെ​യും പ്രമാ​ണി​ക​ളും ഇസ്രായേ​ലി​ന്റെ പിതൃ​ഭ​വ​ന​ങ്ങ​ളു​ടെ പ്രഭു​ക്ക​ന്മാ​രും കാൺകെ തൂക്കിനോ​ക്കു​ന്ന​തു​വരെ നിങ്ങൾ ഇവ ഭദ്രമാ​യി സൂക്ഷി​ക്കണം.”+ 30 അങ്ങനെ പുരോ​ഹി​ത​ന്മാ​രും ലേവ്യ​രും കൂടി യരുശലേ​മി​ലുള്ള ഞങ്ങളുടെ ദൈവ​ത്തി​ന്റെ ഭവനത്തി​ലേക്കു കൊണ്ടുപോ​കാ​നാ​യി തൂക്കിക്കൊ​ടുത്ത ആ സ്വർണ​വും വെള്ളി​യും ഉപകര​ണ​ങ്ങ​ളും ഏറ്റുവാ​ങ്ങി.

31 ഒടുവിൽ, ഒന്നാം മാസം+ 12-ാം ദിവസം ഞങ്ങൾ അഹവ നദിക്കരയിൽനിന്ന്‌+ യരുശലേ​മിലേക്കു പുറ​പ്പെട്ടു. ഞങ്ങളുടെ ദൈവ​ത്തി​ന്റെ കൈ ഞങ്ങളുടെ മേലു​ണ്ടാ​യി​രു​ന്നു; ദൈവം വഴിയി​ലെ ശത്രു​ക്ക​ളിൽനി​ന്നും കൊള്ള​ക്കാ​രിൽനി​ന്നും ഞങ്ങളെ രക്ഷിച്ചു. 32 അങ്ങനെ ഞങ്ങൾ യരുശലേ​മിൽ എത്തി,+ മൂന്നു ദിവസം അവിടെ താമസി​ച്ചു. 33 നാലാം ദിവസം ഞങ്ങൾ ഞങ്ങളുടെ ദൈവ​ത്തി​ന്റെ ഭവനത്തിൽവെച്ച്‌ ആ സ്വർണ​വും വെള്ളി​യും ഉപകര​ണ​ങ്ങ​ളും തൂക്കിനോക്കി+ പുരോ​ഹി​ത​നായ ഉരിയ​യു​ടെ മകൻ മെരേമോത്തിനെ+ ഏൽപ്പിച്ചു. മെരേമോ​ത്തിന്റെ​കൂ​ടെ ഫിനെ​ഹാ​സി​ന്റെ മകൻ എലെയാ​സ​രും യേശു​വ​യു​ടെ മകൻ യോസാ​ബാദ്‌,+ ബിന്നൂവിയുടെ+ മകൻ നോവദ്യ എന്നീ ലേവ്യ​രും ഉണ്ടായി​രു​ന്നു. 34 അങ്ങനെ എല്ലാത്തിന്റെ​യും എണ്ണമെ​ടുത്ത്‌ തൂക്കിനോ​ക്കി, തൂക്ക​മെ​ല്ലാം രേഖ​പ്പെ​ടു​ത്തിവെച്ചു. 35 പ്രവാസത്തിൽനിന്ന്‌ മോചി​ത​രാ​യി വന്നവർ ഇസ്രായേ​ലി​ന്റെ ദൈവ​ത്തി​നു ദഹനബ​ലി​കൾ അർപ്പിച്ചു. പാപയാ​ഗ​മാ​യി 12 ആൺകോലാടുകളെയും+ 96 ആൺചെമ്മരിയാടുകളെയും+ 77 ആണാട്ടിൻകു​ട്ടി​കളെ​യും എല്ലാ ഇസ്രായേ​ല്യർക്കുംവേണ്ടി 12 കാളകളെയും+ അർപ്പിച്ചു. ഇതെല്ലാം യഹോ​വ​യ്‌ക്കുള്ള ദഹനയാ​ഗ​മാ​യി​രു​ന്നു.+

36 പിന്നെ ഞങ്ങൾ രാജാ​വി​ന്റെ ഉത്തരവുകൾ+ രാജാ​വി​ന്റെ സംസ്ഥാനാധിപതിമാർക്കും* അക്കരപ്രദേശത്തെ*+ ഗവർണർമാർക്കും കൈമാ​റി; അവർ ജനത്തെ​യും ദൈവ​ഭ​വ​നത്തെ​യും സഹായി​ച്ചു.+

9 ഇതെല്ലാം കഴിഞ്ഞ​ശേഷം, പ്രഭു​ക്ക​ന്മാർ എന്റെ അടുത്ത്‌ വന്ന്‌ ഇങ്ങനെ പറഞ്ഞു: “ചുറ്റു​മുള്ള ദേശങ്ങ​ളി​ലെ കനാന്യർ, ഹിത്യർ, പെരി​സ്യർ, യബൂസ്യർ, അമ്മോ​ന്യർ, മോവാ​ബ്യർ, അമോ​ര്യർ,+ ഈജിപ്‌തുകാർ+ എന്നീ ജനതക​ളിൽനിന്ന്‌ ഇസ്രാ​യേൽ ജനവും പുരോ​ഹി​ത​ന്മാ​രും ലേവ്യ​രും അകന്നു​നിൽക്കു​ന്നില്ല; അവർ ഇപ്പോ​ഴും ആ ജനതക​ളു​ടെ മ്ലേച്ഛമായ ആചാരങ്ങൾ പിന്തു​ട​രു​ക​യാണ്‌.+ 2 അവർ ജനതക​ളു​ടെ പെൺമ​ക്കളെ വിവാഹം കഴിച്ചു; അവരുടെ മക്കളെക്കൊ​ണ്ടും ജനതക​ളു​ടെ പെൺമ​ക്കളെ വിവാഹം കഴിപ്പി​ച്ചു.+ അങ്ങനെ വിശുദ്ധസന്തതികളായ+ അവർ ദേശത്തെ ജനങ്ങളു​മാ​യി ഇടകലർന്നി​രി​ക്കു​ന്നു.+ നമ്മുടെ പ്രഭു​ക്ക​ന്മാ​രും ഉപഭര​ണാ​ധി​കാ​രി​ക​ളും ആണ്‌ ഇങ്ങനെ അവിശ്വ​സ്‌തത കാണി​ക്കു​ന്ന​തിൽ മുൻപ​ന്തി​യി​ലു​ള്ളത്‌.”

3 ഇതു കേട്ട​പ്പോൾ ഞാൻ ഞെട്ടിപ്പോ​യി. ഞാൻ എന്റെ വസ്‌ത്ര​വും മേലങ്കി​യും കീറി, താടി​യും മുടി​യും പിച്ചി​പ്പ​റി​ച്ചു; ഞാൻ അവിടെ തരിച്ച്‌ ഇരുന്നുപോ​യി. 4 വൈകുന്നേരത്തെ ധാന്യയാഗത്തിന്റെ+ സമയം​വരെ ഞാൻ അങ്ങനെ ഇരുന്നു. പ്രവാ​സ​ത്തിൽനിന്ന്‌ തിരിച്ചെ​ത്തിയ ജനത്തിന്റെ അവിശ്വ​സ്‌ത​തയെ​ക്കു​റിച്ച്‌ കേട്ട​പ്പോൾ ഇസ്രായേ​ലി​ന്റെ ദൈവ​മായ യഹോ​വ​യു​ടെ വാക്കുകൾ ആദരിക്കുന്ന* എല്ലാവ​രും എനിക്കു ചുറ്റും കൂടി.

5 വൈകുന്നേരത്തെ ധാന്യയാഗത്തിന്റെ+ സമയമാ​യപ്പോൾ കീറിയ വസ്‌ത്രത്തോ​ടും മേലങ്കിയോ​ടും കൂടെ ഞാൻ എന്റെ ലജ്ജിതാ​വ​സ്ഥ​യിൽനിന്ന്‌ എഴു​ന്നേറ്റു. ഞാൻ മുട്ടു​കു​ത്തി എന്റെ ദൈവ​മായ യഹോ​വ​യു​ടെ മുന്നിൽ കൈകൾ വിരി​ച്ചു​പി​ടിച്ച്‌ 6 ഇങ്ങനെ പ്രാർഥി​ച്ചു: “എന്റെ ദൈവമേ, അങ്ങയെ മുഖം ഉയർത്തി നോക്കാൻ എനിക്കു നാണവും ലജ്ജയും തോന്നു​ന്നു. ദൈവമേ, ഞങ്ങളുടെ തെറ്റുകൾ വർധി​ച്ചുപെ​രു​കി ഞങ്ങളുടെ തലയ്‌ക്കു മീതെ എത്തിയി​രി​ക്കു​ന്നു; ഞങ്ങളുടെ കുറ്റങ്ങൾ ആകാശത്തോ​ളം കുന്നു​കൂ​ടി​യി​രി​ക്കു​ന്നു.+ 7 ഞങ്ങളുടെ പൂർവി​ക​രു​ടെ കാലം​മു​തൽ ഇന്നുവരെ ഞങ്ങൾ ഒരുപാ​ടു കുറ്റങ്ങൾ ചെയ്‌തു​കൂ​ട്ടി.+ ഞങ്ങളുടെ തെറ്റുകൾ കാരണം അങ്ങ്‌ ഞങ്ങളെ​യും ഞങ്ങളുടെ രാജാ​ക്ക​ന്മാരെ​യും പുരോ​ഹി​ത​ന്മാരെ​യും ചുറ്റു​മുള്ള രാജാ​ക്ക​ന്മാ​രു​ടെ കൈയിൽ ഏൽപ്പിച്ചു; ഞങ്ങളെ വാളിനും+ അടിമത്തത്തിനും+ കൊള്ളയ്‌ക്കും+ അപമാ​ന​ത്തി​നും ഇരയാക്കി. ഇന്നും അതുതന്നെ​യാ​ണു ഞങ്ങളുടെ അവസ്ഥ.+ 8 എന്നാൽ ഇപ്പോൾ ഇതാ, ഞങ്ങളുടെ ദൈവ​മായ യഹോവ അൽപ്പ​നേ​രത്തേക്ക്‌ ഒരു ചെറിയ കൂട്ട​ത്തോ​ടു കരുണ കാണി​ച്ചി​രി​ക്കു​ന്നു. ഞങ്ങളുടെ ദൈവമേ, ഞങ്ങളുടെ കണ്ണുകൾ സന്തോ​ഷംകൊണ്ട്‌ തിളങ്ങാ​നും അടിമ​ത്ത​ത്തിൽനിന്ന്‌ ഞങ്ങൾക്ക്‌ അൽപ്പം ആശ്വാസം പകരാ​നും വേണ്ടി അങ്ങ്‌ ഞങ്ങളെ രക്ഷപ്പെ​ടു​ത്തി​യി​രി​ക്കു​ന്നു; അങ്ങയുടെ വിശു​ദ്ധ​സ്ഥ​ലത്ത്‌ ഞങ്ങൾക്ക്‌ ഒരു സുരക്ഷിതസ്ഥാനം* നൽകു​ക​യും ചെയ്‌തി​രി​ക്കു​ന്നു.+ 9 ഞങ്ങൾ അടിമകളാണെങ്കിലും+ ഞങ്ങളുടെ ദൈവം ഞങ്ങളെ അടിമ​ത്ത​ത്തിൽ വിട്ടു​ക​ള​ഞ്ഞില്ല. പേർഷ്യൻ രാജാ​ക്ക​ന്മാ​രു​ടെ മുമ്പാകെ അങ്ങ്‌ ഞങ്ങളോ​ട്‌ അചഞ്ചല​മായ സ്‌നേഹം കാണിച്ചു.+ അങ്ങനെ ഞങ്ങളുടെ ദൈവ​ത്തി​ന്റെ ഭവനം പണിയാ​നും അതിന്റെ നാശാ​വ​ശി​ഷ്ടങ്ങൾ പുനരുദ്ധരിക്കാനും+ ഞങ്ങൾക്കു ശക്തി ലഭിച്ചു; യഹൂദ​യി​ലും യരുശലേ​മി​ലും ഞങ്ങൾക്കൊ​രു കൻമതിൽ* ലഭിക്കാ​നും അങ്ങ്‌ ഇടയാക്കി.

10 “എന്നാൽ ഞങ്ങളുടെ ദൈവമേ, ഇപ്പോൾ ഞങ്ങൾ എന്തു പറയാ​നാണ്‌? അങ്ങയുടെ കല്‌പ​നകൾ ഞങ്ങൾ ഉപേക്ഷി​ച്ചി​രി​ക്കു​ന്നു. 11 അങ്ങയുടെ ദാസരായ പ്രവാ​ച​ക​ന്മാ​രി​ലൂ​ടെ അങ്ങ്‌ ഇങ്ങനെ പറഞ്ഞി​രു​ന്ന​ല്ലോ: ‘നിങ്ങൾ കൈവ​ശ​മാ​ക്കാൻപോ​കുന്ന ദേശം അശുദ്ധ​മായ ഒരു ദേശമാ​ണ്‌. കാരണം അവിടത്തെ ജനങ്ങൾ അതിനെ തങ്ങളുടെ അശുദ്ധി​കൊ​ണ്ട്‌ നിറച്ചി​രി​ക്കു​ന്നു; മ്ലേച്ഛമായ ആചാര​ങ്ങൾകൊണ്ട്‌ അവർ ആ ദേശത്തി​ന്റെ ഒരറ്റം​മു​തൽ മറ്റേ അറ്റംവരെ മലിന​മാ​ക്കി​യി​രി​ക്കു​ന്നു.+ 12 അതുകൊണ്ട്‌ അവരുടെ ആൺമക്കൾക്കു നിങ്ങളു​ടെ പെൺമ​ക്കളെ വിവാഹം കഴിപ്പി​ച്ചുകൊ​ടു​ക്കു​ക​യോ നിങ്ങളു​ടെ ആൺമക്ക​ളെ​ക്കൊ​ണ്ട്‌ അവരുടെ പെൺമ​ക്കളെ വിവാഹം കഴിപ്പി​ക്കു​ക​യോ അരുത്‌.+ അവരുടെ സമാധാ​ന​ത്തി​നും അഭിവൃ​ദ്ധി​ക്കും വേണ്ടി നിങ്ങൾ പ്രവർത്തി​ക്ക​രുത്‌.+ ഈ കല്‌പന അനുസ​രി​ക്കുന്നെ​ങ്കിൽ നിങ്ങൾ ശക്തരാ​യി​ത്തീ​രു​ക​യും ദേശത്തി​ന്റെ നന്മ ആസ്വദി​ക്കു​ക​യും ചെയ്യും. ഈ ദേശം നിങ്ങളു​ടെ മക്കൾക്ക്‌ ഒരു അവകാ​ശ​മാ​യി കൈമാ​റാ​നും നിങ്ങൾക്കാ​കും.’ 13 ഞങ്ങൾ ചെയ്‌ത വലിയ തെറ്റു​ക​ളുടെ​യും കുറ്റങ്ങ​ളുടെ​യും ഫലം ഞങ്ങൾ അനുഭ​വി​ച്ചി​രി​ക്കു​ന്നു.—എന്നാൽ ഞങ്ങളുടെ ദൈവമേ, ഞങ്ങളുടെ തെറ്റു​കൾക്ക്‌ അർഹി​ക്കുന്ന ശിക്ഷ തരാതെ+ ഒരു ചെറിയ കൂട്ടം രക്ഷപ്പെ​ടാൻ അങ്ങ്‌ അനുവ​ദി​ച്ചു.+— 14 എന്നിട്ടും, അങ്ങയുടെ കല്‌പ​നകൾ വീണ്ടും ലംഘി​ച്ചുകൊണ്ട്‌ മ്ലേച്ഛമായ രീതി​ക​ളുള്ള ജനങ്ങളു​മാ​യി വിവാ​ഹ​ബ​ന്ധ​ത്തിൽ ഏർപ്പെ​ടു​ക​യോ?*+ അങ്ങ്‌ ഞങ്ങളോ​ട്‌ ഉഗ്രമാ​യി കോപി​ച്ച്‌ ഒരാ​ളെപ്പോ​ലും ബാക്കി വെക്കാതെ ഞങ്ങളെ ഒന്നടങ്കം നശിപ്പി​ച്ചു​ക​ള​യി​ല്ലേ? 15 ഇസ്രായേലിന്റെ ദൈവ​മായ യഹോവേ, അങ്ങ്‌ നീതി​മാ​നാണ്‌;+ ഈ ദിവസം​വരെ അങ്ങ്‌ ഈ ചെറിയ കൂട്ടത്തെ ജീവ​നോ​ടെ ശേഷി​പ്പി​ച്ചി​രി​ക്കു​ന്ന​ല്ലോ. തെറ്റു​കാ​രായ ഞങ്ങൾ ഇതാ, തിരു​മു​മ്പാ​കെ വന്നിരി​ക്കു​ന്നു. വാസ്‌ത​വ​ത്തിൽ, അങ്ങയുടെ മുന്നിൽ നിൽക്കാ​നുള്ള യോഗ്യത ഞങ്ങൾക്കില്ല.”+

10 എസ്ര സത്യദൈ​വ​ത്തി​ന്റെ ഭവനത്തി​നു മുന്നിൽ സാഷ്ടാം​ഗം വീണ്‌ കരഞ്ഞുപ്രാർഥി​ച്ചു.+ അങ്ങനെ എസ്ര തെറ്റുകൾ ഏറ്റുപ​റഞ്ഞ്‌ പ്രാർഥി​ച്ചുകൊ​ണ്ടി​രു​ന്നപ്പോൾ പുരു​ഷ​ന്മാ​രും സ്‌ത്രീ​ക​ളും കുട്ടി​ക​ളും അടങ്ങുന്ന ഇസ്രായേ​ല്യ​രു​ടെ ഒരു വലിയ കൂട്ടം ചുറ്റും കൂടി അതിദുഃ​ഖത്തോ​ടെ കരഞ്ഞു. 2 അപ്പോൾ ഏലാമിന്റെ+ വംശജ​നായ യഹീയേലിന്റെ+ മകൻ ശെഖന്യ എസ്ര​യോ​ടു പറഞ്ഞു: “ചുറ്റു​മുള്ള ദേശങ്ങ​ളി​ലെ സ്‌ത്രീ​കളെ വിവാഹം കഴിച്ചുകൊണ്ട്‌* ഞങ്ങൾ ഞങ്ങളുടെ ദൈവ​ത്തോ​ട്‌ അവിശ്വ​സ്‌തത കാണി​ച്ചി​രി​ക്കു​ന്നു.+ എങ്കിലും ഇസ്രായേ​ലി​ന്റെ കാര്യ​ത്തിൽ ഇപ്പോ​ഴും പ്രതീ​ക്ഷ​യ്‌ക്കു വകയുണ്ട്‌. 3 അതുകൊണ്ട്‌ യഹോ​വ​യുടെ​യും ദൈവ​ക​ല്‌പ​നകൾ ആദരി​ക്കു​ന്ന​വ​രുടെ​യും നിർദേ​ശ​മ​നു​സ​രിച്ച്‌,+ നമ്മുടെ ആ ഭാര്യ​മാരെ​യും അവരിൽ ജനിച്ച മക്കളെ​യും പറഞ്ഞയ​യ്‌ക്കുമെന്നു നമുക്കു നമ്മുടെ ദൈവ​വു​മാ​യി ഒരു ഉടമ്പടി ചെയ്യാം.+ അങ്ങനെ നമുക്കു നിയമം അനുസ​രി​ക്കാം. 4 എഴുന്നേൽക്കൂ, അങ്ങയുടെ ഉത്തരവാ​ദി​ത്വ​മാണ്‌ ഇത്‌. ധൈര്യ​മാ​യി നടപടിയെ​ടു​ത്തുകൊ​ള്ളൂ; ഞങ്ങൾ അങ്ങയുടെ​കൂടെ​യുണ്ട്‌.”

5 അപ്പോൾ എസ്ര എഴു​ന്നേറ്റ്‌, പറഞ്ഞതുപോലെ​തന്നെ ചെയ്‌തുകൊ​ള്ളാമെന്നു സത്യം ചെയ്യാൻ പുരോ​ഹി​ത​ന്മാ​രുടെ​യും ലേവ്യ​രുടെ​യും ഇസ്രായേ​ല്യ​രുടെ​യും തലവന്മാ​രോ​ട്‌ ആവശ്യ​പ്പെട്ടു;+ അവർ സത്യം ചെയ്‌തു. 6 തുടർന്ന്‌ എസ്ര സത്യദൈ​വ​ത്തി​ന്റെ ഭവനത്തി​നു മുന്നിൽനി​ന്ന്‌ എല്യാ​ശീ​ബി​ന്റെ മകനായ യഹോ​ഹാ​നാ​ന്റെ അറയിലേക്കു* പോയി. പ്രവാ​സ​ത്തിൽനിന്ന്‌ മടങ്ങി​വ​ന്ന​വ​രു​ടെ അവിശ്വ​സ്‌ത​തയെ​ക്കു​റിച്ച്‌ ഓർത്ത്‌ വിലപി​ച്ചുകൊ​ണ്ടി​രു​ന്ന​തി​നാൽ എസ്ര അവി​ടെ​നിന്ന്‌ ഭക്ഷണം കഴിക്കു​ക​യോ വെള്ളം കുടി​ക്കു​ക​യോ ചെയ്‌തില്ല.+

7 പിന്നെ, പ്രവാ​സ​ത്തിൽനിന്ന്‌ മടങ്ങിയെ​ത്തിയ എല്ലാവ​രും യരുശലേ​മിൽ കൂടി​വ​ര​ണമെന്ന്‌ അവർ യഹൂദ​യി​ലും യരുശലേ​മി​ലും ഒരു വിളം​ബരം നടത്തി. 8 മൂന്നു ദിവസ​ത്തി​നകം കൂടി​വ​രാ​ത്ത​വ​രു​ടെ വസ്‌തു​വ​ക​കളെ​ല്ലാം കണ്ടു​കെ​ട്ടുമെ​ന്നും പ്രവാ​സ​ത്തിൽനിന്ന്‌ മടങ്ങിയെ​ത്തി​യ​വ​രു​ടെ സഭയിൽനി​ന്ന്‌ അവരെ പുറത്താ​ക്കുമെ​ന്നും പ്രഭു​ക്ക​ന്മാ​രും മൂപ്പന്മാ​രും തീരു​മാ​നി​ച്ചു.+ 9 മൂന്നു ദിവസ​ത്തി​നു​ള്ളിൽത്തന്നെ യഹൂദ​യി​ലും ബന്യാ​മീ​നി​ലും ഉള്ള പുരു​ഷ​ന്മാരെ​ല്ലാം യരുശലേ​മിൽ കൂടി​വന്നു. അങ്ങനെ, ഒൻപതാം മാസം 20-ാം ദിവസം സത്യദൈ​വ​ത്തി​ന്റെ ഭവനത്തി​ന്റെ ഒരു മുറ്റത്ത്‌ അവർ ഒരുമി​ച്ചു​കൂ​ടി. പ്രശ്‌ന​ത്തി​ന്റെ ഗൗരവത്തെ​ക്കു​റിച്ച്‌ ഓർത്തുള്ള ഭയവും കനത്ത മഴയും കാരണം അവിടെ ഇരുന്ന​വരെ​ല്ലാം വിറയ്‌ക്കു​ക​യാ​യി​രു​ന്നു.

10 അപ്പോൾ എസ്ര പുരോ​ഹി​തൻ എഴു​ന്നേ​റ്റു​നിന്ന്‌ അവരോ​ടു പറഞ്ഞു: “അന്യ​ദേ​ശ​ക്കാ​രായ സ്‌ത്രീ​കളെ വിവാഹം ചെയ്‌തതിലൂടെ+ നിങ്ങൾ അവിശ്വ​സ്‌ത​ത​യാ​ണു കാണി​ച്ചി​രി​ക്കു​ന്നത്‌; നിങ്ങൾ ഇസ്രായേ​ലി​ന്റെ പാപഭാ​രം വർധി​പ്പി​ച്ചി​രി​ക്കു​ന്നു. 11 അതുകൊണ്ട്‌ നിങ്ങളു​ടെ പൂർവി​ക​രു​ടെ ദൈവ​മായ യഹോ​വയോ​ടു കുറ്റം ഏറ്റുപ​റഞ്ഞ്‌ ദൈവ​ത്തി​ന്റെ ഇഷ്ടം ചെയ്യുക. ചുറ്റു​മുള്ള ദേശങ്ങ​ളി​ലെ ആളുക​ളിൽനി​ന്നും നിങ്ങളു​ടെ അന്യ​ദേ​ശ​ക്കാ​രായ ഭാര്യ​മാ​രിൽനി​ന്നും അകന്നി​രി​ക്കുക.”+ 12 അപ്പോൾ സഭ മുഴു​വ​നും ഇങ്ങനെ ഉച്ചത്തിൽ മറുപടി പറഞ്ഞു: “അങ്ങ്‌ പറഞ്ഞതുപോലെ​തന്നെ ഞങ്ങൾ ചെയ്യും; അതു ഞങ്ങളുടെ കടമയാ​ണ്‌. 13 പക്ഷേ, ഇവിടെ ധാരാളം ആളുകൾ വന്നിട്ടു​ണ്ട്‌. മഴക്കാ​ല​മാ​യ​തുകൊണ്ട്‌ പുറത്ത്‌ നിൽക്കാ​നും പറ്റില്ല. ഒന്നോ രണ്ടോ ദിവസം​കൊ​ണ്ട്‌ തീർക്കാ​വുന്ന ഒരു കാര്യ​വു​മല്ല ഇത്‌; ഇക്കാര്യ​ത്തിൽ ഞങ്ങൾ കാണി​ച്ചി​രി​ക്കുന്ന അനുസ​ര​ണക്കേട്‌ അത്ര വലുതാ​ണ്‌. 14 അതുകൊണ്ട്‌ സഭയെ മുഴുവൻ പ്രതി​നി​ധീ​ക​രി​ക്കാൻ ഞങ്ങളുടെ പ്രഭു​ക്ക​ന്മാ​രെ അനുവ​ദി​ച്ചാ​ലും.+ അന്യ​ദേ​ശ​ക്കാ​രായ സ്‌ത്രീ​കളെ വിവാഹം കഴിച്ചി​ട്ടു​ള്ള​വരെ​ല്ലാം അവരവ​രു​ടെ നഗരങ്ങ​ളി​ലെ മൂപ്പന്മാരെ​യും ന്യായാ​ധി​പ​ന്മാരെ​യും കൂട്ടി നിശ്ചയിച്ച സമയത്ത്‌ വരട്ടെ. നമുക്കു നേരെ ജ്വലി​ച്ചി​രി​ക്കുന്ന ദൈവകോ​പം ശമിക്കു​ന്ന​തു​വരെ നമുക്ക്‌ അങ്ങനെ ചെയ്യാം.”

15 എന്നാൽ അസാ​ഹേ​ലി​ന്റെ മകനായ യോനാ​ഥാ​നും തിക്വ​യു​ടെ മകനായ യഹ്‌സെ​യ​യും ഈ നടപടി​യെ ചോദ്യം ചെയ്‌തു. ലേവ്യ​രായ മെശു​ല്ലാ​മും ശബ്ബെത്തായിയും+ അവരെ പിന്തു​ണച്ചു. 16 പ്രവാസത്തിൽനിന്ന്‌ തിരിച്ചെ​ത്തി​യവർ തങ്ങൾ പറഞ്ഞതുപോലെ​തന്നെ ചെയ്‌തു. ഇക്കാര്യം ചർച്ച ചെയ്യാ​നാ​യി പത്താം മാസം ഒന്നാം ദിവസം എസ്ര പുരോ​ഹി​ത​നും പേര്‌ വിളിച്ച്‌ തിര​ഞ്ഞെ​ടുത്ത പിതൃ​ഭ​വ​ന​ത്ത​ല​വ​ന്മാ​രും പ്രത്യേ​ക​മാ​യി ഒരു യോഗം കൂടി. 17 അന്യദേശക്കാരികളെ വിവാഹം കഴിച്ച എല്ലാവ​രുടെ​യും കാര്യങ്ങൾ, ഒന്നാം മാസം ഒന്നാം ദിവസ​മാ​യപ്പോഴേ​ക്കും അവർ കൈകാ​ര്യം ചെയ്‌തു​തീർത്തു. 18 പുരോഹിതന്മാരുടെ ആൺമക്ക​ളിൽ ചിലർപോ​ലും അന്യ​ദേ​ശ​ക്കാ​രി​കളെ വിവാഹം കഴിച്ചി​ട്ടുണ്ടെന്നു കണ്ടെത്തി.+ യഹോ​സാ​ദാ​ക്കി​ന്റെ മകനായ യേശുവയുടെ+ ആൺമക്ക​ളും സഹോ​ദ​ര​ന്മാ​രും അക്കൂട്ട​ത്തി​ലു​ണ്ടാ​യി​രു​ന്നു. അവരുടെ പേരുകൾ: മയസേയ, എലീ​യേ​സെർ, യാരീബ്‌, ഗദല്യ. 19 ഭാര്യമാരെ പറഞ്ഞയ​യ്‌ക്കാമെന്ന്‌ അവർ വാക്കു കൊടു​ത്തു.* ചെയ്‌ത കുറ്റത്തി​നു പരിഹാ​ര​മാ​യി ആട്ടിൻപ​റ്റ​ത്തിൽനിന്ന്‌ ഒരു ആൺചെ​മ്മ​രി​യാ​ടി​നെ യാഗം അർപ്പി​ക്കാ​നും അവർ തീരു​മാ​നി​ച്ചു.+

20 ഇമ്മേരിന്റെ+ ആൺമക്ക​ളിൽ ഹനാനി​യും സെബദ്യ​യും; 21 ഹാരീമിന്റെ+ ആൺമക്ക​ളിൽ മയസേയ, ഏലിയ, ശെമയ്യ, യഹീയേൽ, ഉസ്സീയ; 22 പശ്‌ഹൂരിന്റെ+ ആൺമക്ക​ളിൽ എല്യോവേ​നാ​യി, മയസേയ, യിശ്‌മാ​യേൽ, നെഥന​യേൽ, യോസാ​ബാദ്‌, എലെയാശ; 23 ലേവ്യരിൽ യോസാ​ബാദ്‌, ശിമെയി, കേലായ (അതായത്‌ കെലീത), പെതഹ്യ, യഹൂദ, എലീ​യേ​സെർ; 24 ഗായകരിൽ എല്യാ​ശീബ്‌; കവാട​ത്തി​ന്റെ കാവൽക്കാ​രിൽ ശല്ലൂം, തേലെം, ഊരി.

25 ഇസ്രായേല്യരിൽ പരോശിന്റെ+ ആൺമക്ക​ളായ രാമിയ, യിസ്സിയ്യ, മൽക്കീയ, മീയാ​മിൻ, എലെയാ​സർ, മൽക്കീയ, ബനയ; 26 ഏലാമിന്റെ+ ആൺമക്ക​ളായ മത്ഥന്യ, സെഖര്യ, യഹീയേൽ,+ അബ്ദി, യരേ​മോത്ത്‌, ഏലിയ; 27 സത്ഥുവിന്റെ+ ആൺമക്ക​ളായ എല്യോവേ​നാ​യി, എല്യാ​ശീബ്‌, മത്ഥന്യ, യരേ​മോത്ത്‌, സാബാദ്‌, അസീസ; 28 ബേബായിയുടെ+ ആൺമക്ക​ളായ യഹോ​ഹാ​നാൻ, ഹനന്യ, സബ്ബായി, അഥെലാ​യി; 29 ബാനിയുടെ ആൺമക്ക​ളായ മെശു​ല്ലാം, മല്ലൂക്ക്‌, അദായ, യാശൂബ്‌, ശെയാൽ, യരേ​മോത്ത്‌; 30 പഹത്‌-മോവാബിന്റെ+ ആൺമക്ക​ളായ അദ്‌ന, കെലാൽ, ബനയ, മയസേയ, മത്ഥന്യ, ബസലേൽ, ബിന്നൂവി, മനശ്ശെ; 31 ഹാരീമിന്റെ+ ആൺമക്ക​ളായ എലീ​യേ​സെർ, യിശ്ശീയ, മൽക്കീയ,+ ശെമയ്യ, ശിമെ​യോൻ, 32 ബന്യാമീൻ, മല്ലൂക്ക്‌, ശെമര്യ; 33 ഹാശൂമിന്റെ+ ആൺമക്ക​ളായ മത്ഥെനാ​യി, മത്ഥത്ഥ, സാബാദ്‌, എലീ​ഫേലെത്ത്‌, യരേമാ​യി, മനശ്ശെ, ശിമെയി; 34 ബാനിയുടെ ആൺമക്ക​ളായ മയദായി, അമ്രാം, ഊവേൽ, 35 ബനയ, ബേദെയ, കെലൂഹി, 36 വാനിയ, മെരേ​മോ​ത്ത്‌, എല്യാ​ശീബ്‌, 37 മത്ഥന്യ, മത്ഥെനാ​യി, യാസു; 38 ബിന്നൂവിയുടെ ആൺമക്ക​ളായ ശിമെയി, 39 ശേലെമ്യ, നാഥാൻ, അദായ, 40 മഖ്‌നദെബായി, ശാശായി, ശാരായി, 41 അസരേൽ, ശേലെമ്യ, ശെമര്യ, 42 ശല്ലൂം, അമര്യ, യോ​സേഫ്‌; 43 നെബോയുടെ ആൺമക്ക​ളായ യയീയേൽ, മത്ഥിഥ്യ, സാബാദ്‌, സെബീന, യദ്ദായി, യോവേൽ, ബനയ. 44 ഇവർക്കെല്ലാം അന്യ​ദേ​ശ​ക്കാ​രായ ഭാര്യ​മാ​രു​ണ്ടാ​യി​രു​ന്നു.+ അവർ ആ ഭാര്യ​മാരെ​യും അവരിൽ ഉണ്ടായ മക്കളെ​യും പറഞ്ഞയച്ചു.+