PSALMOWO

1 Dzidzɔtɔe nye ame si mezɔna ɖe ame vɔ̃ɖiwo ƒe aɖaŋuɖoɖo nu o,

Metsia tsitre ɖe nu vɔ̃ wɔlawo ƒe mɔ dzi o+

Eye menɔa anyi ɖe fewuɖulawo ƒe ha me o.+

 2 Ke boŋ ekpɔa dzidzɔ ɖe Yehowa ƒe se la ŋu,+

Eye wòxlẽa eƒe se la kple gbe blewu* zã kple keli.+

 3 Eya amea anɔ abe ati si wodo ɖe tɔʋu to ene,

Ati si tsena le etseɣi,

Eye eƒe aŋgbawo melũa xe o.

 4 Ame vɔ̃ɖiwo ya mele alea o,

Ke boŋ wole abe tsro si ya ƒona dzonae ene.

 5 Esia tae ame vɔ̃ɖiwo manɔ te le ʋɔnudɔdrɔ̃ me o;+

Eye nu vɔ̃ wɔlawo manɔ te ɖe ame dzɔdzɔewo ƒe ha me o.+

 6 Elabena Yehowa nya ame dzɔdzɔewo ƒe mɔ,+

Ke ame vɔ̃ɖiwo ƒe mɔ ya nu ayi keŋkeŋ.+

2 Nu ka tae dukɔwo le nyanyram,

Eye amehawo le adaŋu dem dzodzro?*+

 2 Anyigbadzifiawo tso,

Eye amegãwo ƒo takpli*+

Hetso ɖe Yehowa kple eƒe amesiamina* la ŋu.+

 3 Wole gbɔgblɔm be: “Mina míatso woƒe kɔsɔkɔsɔwo,

Eye míatu woƒe kawo ɖa le mía ɖokui ŋu!”

 4 Ame si woɖo zi dzi le dziƒowo la ako nu;

Yehowa aɖe alɔme le wo ŋu.

 5 Ɣemaɣi la, aƒo nu kpli wo le dziku me,

Eye wòado ŋɔdzi na wo le eƒe dɔmedzoe helĩhelĩ me,

 6 Agblɔ be: “Nye ŋutɔ meɖo nye fia+

Ðe nye to kɔkɔe Zion+ dzi.”

 7 Mina maɖe gbeƒã Yehowa ƒe sedede la;

Egblɔ nam be: “Vinyee nènye;+

Mezu fofowò egbe.+

 8 Biam, ne matsɔ dukɔwo ana wò wòanye wò domenyinu,

Kple anyigba ƒe seƒewo ana wò wòazu tɔwò.+

 9 Àtsɔ gatikplɔ ato wo nyanyanya,+

Eye àgbã wo gudugudu abe ze ene.”+

10 Eya ta mi fiawo, midze nunya;

Mi anyigbadziʋɔnudrɔ̃lawo, mina woaɖɔ mi ɖo.*

11 Mitsɔ vɔvɔ̃ subɔ Yehowa,

Eye mitsɔ mawuvɔvɔ̃ tso aseye.

12 Mide bubu via ŋu,*+ be Mawu nagado dɔmedzoe,

Ne miatsrɔ̃ ɖa le mɔ la dzi o,+

Elabena eƒe dziku flana kaba.

 3 Ke wò, Yehowa ye nye akpoxɔnu ƒo xlãm,+

Nye bubu+ kple Ame si fɔa nye ta ɖe dzi.+

 4 Makɔ gbe dzi ayɔ Yehowa,

Atɔ nam tso eƒe to kɔkɔe la dzi.+ (Sela)

 5 Mamlɔ anyi adɔ alɔ̃;

Eye manyɔ dedie,

Elabena Yehowa le megbe nam.+

 6 Nyemavɔ̃ ame akpeakpe

Siwo ɖe to ɖem godoo la o.+

Elabena èle glãgbɔ ƒo ge na nye futɔwo katã;

Àŋe aɖu na ame vɔ̃ɖiwo.+

 3 Minyae be Yehowa awɔ nu ɖe ame si wɔa nuteƒe nɛ la ŋu etɔxɛe;*

Yehowa asee ne meyɔe.

 5 Misa dzɔdzɔenyenyevɔwo,

Eye miɖo ŋu ɖe Yehowa ŋu.+

 7 Wòe na nye dzi kpɔ dzidzɔ geɖe

Wu dzidzɔ si amewo kpɔna ne agblemenuku kple wain bɔ ɖe wo si.

 8 Mamlɔ anyi adɔ alɔ̃ le ŋutifafa me,+

Elabena Oo, Yehowa, wò koe nana menɔa dedie.+

5 Oo Yehowa, ƒu to anyi ɖe nye nyawo ŋu;+

Lé to ɖe nye hũɖeɖewo ŋu.

 2 Se nye ɣlidodowo,

Oo, nye Fia kple nye Mawu, elabena wòe mele gbe dom ɖa na.

 3 Oo Yehowa, àse nye gbe le ŋdi;+

Magblɔ nye dzimenyawo na wò le ŋdi,+ eye manɔ asiwò nu kpɔm.

 4 Elabena menye Mawu si kpɔa dzidzɔ ɖe vɔ̃ɖinyenye ŋue nènye o;+

Ame vɔ̃ɖi aɖeke manɔ gbɔwò o.+

Èlé fu nu vɔ̃ɖi wɔlawo katã;+

 6 Àtsrɔ̃ ame siwo daa alakpa.+

 7 Ke nye ya, mava aƒewò me+ le wò lɔlɔ̃ gã si nu metsina o la ta;+

Matrɔ ɖe wò gbedoxɔ kɔkɔe la ŋu ade ta agu na wò le mawuvɔvɔ̃ me.+

 8 Oo Yehowa, kplɔm le wò dzɔdzɔenyenye la nu le nye futɔwo ta;

Na wò mɔ dzi nakɔ nam.+

 9 Elabena womate ŋu aka ɖe woƒe numenya aɖeke dzi o;

Vɔɖivɔ̃ɖi yɔ wo me fũu;

Woƒe vehlo le abe yɔdo si le nuvo ene;

Wotsɔa woƒe aɖe vivia nu me.*+

10 Eya ta Mawu abu fɔ wo;

Woawo ŋutɔwo ƒe ayemɔwo axlã wo ɖe anyi.+

Na woanya wo ɖa le woƒe dzidada gbogboawo ta,

Elabena wodze aglã ɖe ŋuwò.

11 Ke ame siwo katã si wò tso la akpɔ dzidzɔ;+

Woanɔ aseyetsotso dzi ɖaa.

Àtɔ kpɔ ɖe wo ŋu godoo,

Ame siwo lɔ̃a wò ŋkɔ la atso aseye ɖe ŋuwò.

12 Elabena Yehowa, àyra ame dzɔdzɔe;

Wò ŋudzedzekpɔkpɔ anɔ abe akpoxɔnu gã aɖe ene le wo ŋu.+

6 Oo Yehowa, mègaka mo nam le dziku me o,

Eye mègaɖɔm ɖo le dɔmedzoe me o.+

 3 Ɛ̃, metsi* dzodzodzoe ŋutɔ,+

Oo Yehowa, mebe, va se ɖe ɣekaɣi?+

 4 Oo Yehowa, trɔ va, xɔ nam;*+

Ðem le wò lɔlɔ̃ si nu metsina o la ta.+

 5 Elabena womegayɔa wò ŋkɔ* le ku me o;

Ame kae akafu wò le Tsiẽƒe?*+

 6 Meɖe hũ ʋuu ɖeɖi te ŋunye;+

Mefa aɖatsi zã bliboa katã nye aba ƒo tsi belee;*

Mefa avi kakaka nye dɔƒe ƒo tsi bekee.+

 7 Nuxaxa na nu te nye ŋkuwo ŋu;+

Edzi tsyɔ* le ame siwo katã le fu wɔmem la ta.

 8 Mi nu vlo wɔlawo katã, mite ɖa le gbɔnye,

Elabena Yehowa ase nye avigbe la.+

 9 Yehowa ase nye kokoƒoƒo;+

Yehowa ase nye gbedodoɖa.

10 Ŋukpe alé nye futɔwo katã eye woatɔtɔ;

Woagbugbɔ ɖe megbe eye woƒe mo atsi dãa enumake.+

 2 Ne menye nenema o la, woavuvum* ʋayaʋaya abe ale si dzata vuvua nui ene,+

Eye woalém adzoe le esi xɔnametɔ aɖeke meli o ta.

 3 Oo Yehowa, nye Mawu, ne tɔnye medzɔ le esia me o,

Ne mewɔ nu madzɔmadzɔ aɖe,

 4 Ne meda vo ɖe ame si wɔ nyui nam la ŋuti,+

Alo meha nye futɔ madzemadzee la,*

 5 Ekema futɔ la neti yonyeme* eye eƒe asi nesu dzinye;

Ne wòafanyam ɖe anyigba,

Eye wòate nye bubu ɖe ke me. (Sela)

 6 Oo Yehowa, tso le wò dziku me;

Tso ɖe nye futɔwo ƒe nyanyra ŋu;+

Dzɔ ŋunye, ne nàna woatso afia dzɔdzɔe nam.+

 7 Na dukɔwo naƒo xlã wò;

Eye nàtso dziƒo ʋĩi aho ɖe wo ŋu.

Oo Yehowa, tso afia nam le nye dzɔdzɔenyenye nu,

Le nye fɔmaɖimaɖi la nu.+

Ke na ame dzɔdzɔe la nali ke,+

Elabena wòe nye Mawu dzɔdzɔetɔ la,+ ame si dzroa dziwo+ kple seselelãme ememetɔwo kpɔna.*+

11 Mawu nye ʋɔnudrɔ̃la dzɔdzɔe,+

Eye Mawu gblɔa eƒe ʋɔnudrɔ̃nyawo* ɣesiaɣi.

12 Ne ame aɖe gbe dzimetɔtrɔ la,+ enyrea eƒe yi;+

Evu eƒe da me, eye wòna wòsɔ gbe na dada.+

13 Edzra eƒe lãnuwo ɖo ɖi,

Ena eƒe aŋutrɔ bibiawo sɔ gbe.+

14 Kpɔ ame si fɔ nu vɔ̃ɖi wɔwɔ ƒe fu la ɖa;

Efɔ xaxa ƒe fu, eye wòdzi alakpa.+

15 Eɖe ʋe, eye wòku eme wògoglo;

Gake eya ŋutɔ ge dze ʋe si wòɖe la me.+

16 Vɔ̃ la atrɔ ava eya ŋutɔ ƒe ta dzi;+

Eye eƒe ŋutasesẽ ava dze eya ŋutɔ ƒe dzodome.

17 Makafu Yehowa le eƒe dzɔdzɔenyenye ta;+

Eye madzi kafukafuha* na Yehowa,+ Dziƒoʋĩtɔ la,+ ƒe ŋkɔ.

8 Oo Yehowa, mía Aƒetɔ, aleke gbegbe wò ŋkɔ de dzi le anyigba blibo la katã dzie nye esi;

Èna wò ŋutikɔkɔe gbɔ dziƒowo ta!*+

 2 Ðeviwo kple vi nonowo ƒe nu mee+ nèli ŋusẽ anyi ɖo

Le wò futɔwo ta,

Be nàna ɖoɖoe nazi le futɔ la kple hlɔ̃biala la nu.

 3 Ne mekpɔ wò dziƒowo, dɔ siwo nètsɔ wò asibidɛwo wɔ,

Ɣleti kple ɣletivi siwo nèwɔ la,+

 4 Nu kae amegbetɔ nye, be nèɖoa ŋku edzi,

Kple amegbetɔvi, be nèléa be nɛ?+

 5 Èwɔe wòbɔbɔ ɖe anyi vie wu ame siwo le abe Mawu ene,*

Eye nèɖɔ bubu kple atsyɔ̃ nɛ.

 6 Ètsɔe ɖo wò asinudɔwɔwɔwo nu;+

Ètsɔ nu sia nu de eƒe afɔ te:

 7 Alẽwo kple nyiwo katã,

Kple gbemelãwo hã,+

 8 Dziƒoxewo kple ƒumelãwo,

Nu sia nu si zɔa atsiaƒu me.

9 Oo Yehowa, makafu wò kple nye dzi blibo;

Maɖe gbeƒã wò nukudɔwɔwɔwo katã.+

 2 Makpɔ dzidzɔ atso aseye ɖe ŋuwò;

Oo Dziƒoʋĩtɔ, madzi kafukafuha* na wò ŋkɔ.+

 3 Ne nye futɔwo gbugbɔ ɖe megbe la,+

Woakli nu adze anyi, eye wo nu ayi le ŋkuwòme.

 4 Elabena èʋli tanye le nye nya dzɔdzɔe ta;

Èbɔbɔ nɔ wò fiazikpui dzi hedrɔ̃ ʋɔnu dzɔdzɔe.+

 5 Èka mo na dukɔwo,+ eye nètsrɔ̃ ame vɔ̃ɖiwo,

Ètutu woƒe ŋkɔ ɖa tegbetegbee.

 6 Futɔwo tsrɔ̃ ɖikaa;

Ètrɔ woƒe duwo bu anyi,

Womagaɖo ŋku wo dzi akpɔ gbeɖe o.+

 7 Ke Yehowa ya anɔ eƒe fiazikpui dzi tegbee;+

Eli eƒe fiazikpui anyi ɖe ʋɔnu dzɔdzɔe dɔdrɔ̃ ŋu.+

 8 Adrɔ̃ ʋɔnu xexea le dzɔdzɔenyenye me;+

Atso afia dzɔdzɔe na dukɔwo.+

 9 Yehowa anye mɔ́ sesẽ na ame siwo wote ɖe anyi la,+

Mɔ́ sesẽ wòanye le xaxaɣiwo.+

10 Ame siwo nya wò ŋkɔ la aɖo ŋu ɖe ŋuwò;+

Oo Yehowa, màgblẽ ame siwo dia yowòme mɔ la ɖi akpɔ o.+

11 Midzi kafukafuha na Yehowa, Ame si le Zion;

Migblɔ nu siwo wòwɔ la le dukɔwo dome.+

12 Elabena woƒe Hlɔ̃biala la ɖoa ŋku wo dzi;+

Maŋlɔ ame siwo le fu kpem la ƒe ɣlidodo be gbeɖe o.+

13 Oo Yehowa, ve nunye; kpɔ fu si kpem mele le nye futɔwo si me ɖa,

Wò, ame si kɔm ɖe dzi tso ku ƒe agbowo me,+

14 Ne maɖe gbeƒã wò nuwɔwɔ siwo dze na kafukafu le Zion vinyɔnu ƒe agbowo me,+

Ne matso aseye le wò xɔname ŋuti.+

15 Dukɔwo ge dze do si woawo ŋutɔwo ɖe la me;

Ðɔ si woɖo la ɖe afɔ na woawo ŋutɔwo.+

17 Ame vɔ̃ɖiwo ayi Tsiẽƒe,*

Ɛ̃, dukɔ siwo katã ŋlɔa Mawu be la ayi.

18 Gake womaŋlɔ ame dahewo ya be ɖaa o;+

Eye ame fafawo ƒe mɔkpɔkpɔ hã mazu dzodzro o.+

20 Oo Yehowa, na dzidzi naƒo wo,+

Ne dukɔwo nadze sii be amegbetɔ dzro koe yewonye. (Sela)

 2 Ame vɔ̃ɖi tiaa wɔnamanɔŋutɔ yome dadatɔe,+

Gake woalée le eya ŋutɔ ƒe nugbe si wòɖo la me.+

 3 Elabena ame vɔ̃ɖi tsɔa eƒe ɖokuitɔdidi* ƒoa adegbee,+

Eye wòkafua ŋuklẽla;*

נ [Nun]

 4 Ame vɔ̃ɖi ƒe dada vivivo nana mebiaa Mawu ta sena o;

Eƒe susu koe nye be, “Mawu aɖeke meli o.”+

 5 Eƒe mɔwo dzea edzi nɛ ɣesiaɣi,+

Gake wò ʋɔnudɔdrɔ̃wo kɔ gbɔ eƒe gɔmesese ŋu;+

Ke eya ɖea alɔme le eƒe ketɔwo katã ŋu.*

 6 Egblɔna le eƒe dzi me be: “Nyemaʋã* gbeɖe o;

Vɔ̃ madzɔ ɖe dzinye akpɔ o,+

Tso dzidzime yi dzidzime.”

 7 Ðiŋudodo, amebeble kple ŋɔdzidodo yɔ nu me nɛ fũu;+

Nya veamewo kple nya tɔamewo sɔŋ koe le eƒe aɖe te.+

 8 Edea xa ɖe kɔƒewo xa;

Enɔa xa me wua ame maɖifɔ.+

10 Egbãnɛ hemiminɛ ɖe anyigba;

Ame siwo menya o la dze eƒe fewo* me nublanuitɔe.

Ŋuwòe amemanɔsitɔ la trɔna ɖo;+

Xɔnametɔ nènye na tsyɔ̃eviwo.+

15 Ŋe alɔ na ame vɔ̃ɖi kple nu tovo wɔla la,+

Ekema ne èdi eƒe nu vɔ̃ɖi wɔwɔwo la,

Màgakpɔ ɖeke kura o.

18 Àtso afia na tsyɔ̃eviwo kple ame siwo woƒo ƒu anyi la,+

Ne amegbetɔ si kuna nagado voɖi na wo azɔ o.+

 2 Kpɔ ale si ame vɔ̃ɖiwo vu da me ɖa;

Wotsɔ woƒe aŋutrɔ ɖo daka dzi,

Ne woanɔ viviti me até dzi dzɔdzɔe tɔwo.

 3 Esi wogbã gɔmeɖoanyiwo* ɖe,

Nu kae ame dzɔdzɔe ate ŋu awɔ?”

 5 Yehowa doa ame dzɔdzɔe kple ame vɔ̃ɖi siaa kpɔna;+

Eléa fu* ame sia ame si lɔ̃a ŋutasẽnuwɔwɔ.+

 6 Atrɔ dzoka xɔxɔwo* akɔ ɖe ame vɔ̃ɖiwo dzi;

Dzo kple dzokpe+ kpakple ya xɔdzo ye anye woƒe kplumenu.

12 Oo Yehowa, xɔ nam, elabena nuteƒewɔla aɖeke megali o;

Anukwaretɔwo bu le amegbetɔviwo dome.

 2 Wodaa alakpa na wo nɔewo;

Wotsɔa woƒe nu blea ame,* eye alakpadzi* mee woƒe nyawo tsona.+

 3 Yehowa aɖe numevivitɔwo katã ɖa,

Kple aɖe siwo gblɔa nya gã nya gãwo,+

 4 Ame siwo gblɔna be: “Míaƒe aɖe ana míaɖu dzi.

Míetsɔa míaƒe nu gblɔa nya si dze mía ŋu;

Ame kae aɖu aƒetɔ ɖe mía dzi?”+

 5 Yehowa be: “Esi wole nublanuitɔwo tem ɖe to,

Eye ame dahewo le hũ ɖem ta la,+

Matso azɔ.

 6 Yehowa ƒe nyawo dza;+

Wole abe klosalo si wolólo le kpo* me, si ŋu wodza zi gbɔ zi adre la ene.

 7 Oo Yehowa, wòe adzɔ wo ŋu;+

Wòe akpɔ wo dometɔ ɖe sia ɖe ta tso dzidzime sia si me tegbee.

 8 Ame vɔ̃ɖiwo le tsatsam faa le afi sia afi

Le esi amegbetɔviwo doa nu ɖigbɔ wɔwɔ ɖe ŋgɔ ta.+

 2 Va se ɖe ɣekaɣi matsi* dzimaɖi

Eye nuxaxa nanɔ nye dzi me gbe sia gbe?

Na nye ŋku dzi nakɔ, ne magadɔ alɔ̃ le ku me o,

 4 Ne nye futɔ nagagblɔ be, “Meɖu edzi!” o.

 5 Ke nye ya, wò lɔlɔ̃ si nu metsina o ŋue meɖoa ŋu ɖo;+

Nye dzi atso aseye le wò xɔnamedɔwo ŋuti.+

Wowɔa nu gbegblẽ, wowɔa ŋunyɔnuwo;

Ame aɖeke meli si wɔa nu nyui o.+

 2 Ke Yehowa léa ŋku ɖe amegbetɔviwo ŋu tso dziƒo

Be yeakpɔe ɖa be ame aɖe li si sea nu gɔme, eye wòbiaa Yehowa ta sena hã.+

 3 Wo katã wodze ɖe aga;+

Wo katã wogblẽ.

Ame aɖeke meli si wɔa nu nyui o,

Ðeka hɔ̃ hã meli o.

 5 Ke ŋɔdzi gã alé wo,+

Elabena Yehowa li kple ame dzɔdzɔewo ƒe dzidzime.

 6 Nu tovo wɔlawo le agbagba dzem be yewoagblẽ ame tsɛ ƒe ɖoɖowo me,

Ke Yehowae nye eƒe sitsoƒe.+

Ne Yehowa gakplɔ eƒe aboyomewo gbɔe la,

Ekema Yakob nekpɔ dzidzɔ, Israel netso aseye.

 2 Ame si ƒe zɔzɔme ŋu fɔɖiɖi mele o,+

Si wɔa nu dzɔdzɔe+

Eye wòtoa nyateƒe le eƒe dzi me.+

 3 Ame si metsɔa eƒe aɖe gblẽa ame ŋu o,+

Mewɔa vɔ̃ ɖe ehavi ŋu o,+

Eye medaa exɔlɔ̃wo ɖe anyi o.*+

 4 Ame si gbɔ ame vloewo meɖia naneke le o,+

Ke edea bubu ame siwo vɔ̃a Yehowa ya ŋu.

 5 Ame si medoa ga na ame xɔa deme ɖe edzi o,+

Eye mexɔa zãnu ɖe ame maɖifɔ ŋuti o.+

 3 Ame kɔkɔe siwo le anyigba dzi,

Siwo nye bubumewo ƒe nu nyoa ŋunye vevie.”+

Nyemaƒo woƒe ʋuvɔsa ɖi na wo o,

Eye nye nu mayɔ woƒe ŋkɔwo o.+

Dzidzɔ bɔ ɖe ŋkuwòme;+

Vivisese le wò ɖusime tegbee.

17 Oo Yehowa, se nye nya dzɔdzɔe;

Lé to ɖe nye ɣlidodo be nàkpe ɖe ŋunye la ŋu;

Ƒu to anyi ɖe nye gbedodoɖa si me alakpa mele o la ŋu.+

 2 Tso afia dzɔdzɔe nam;+

Wò ŋkuwo nekpɔ nu si le dzɔdzɔe.

 3 Èdo nye dzi kpɔ, èdzro menye le zã me;+

Èlólom;+

Àkpɔe be susu vɔ̃ aɖeke mele menye o,

Nye nu mada vo o.

 4 Le amegbetɔwo ƒe nuwɔwɔwo me la,

Metsɔ wò numenyawo kpɔ ɖokuinye dzi, ne maƒo asa na adzodalawo ƒe mɔwo.+

 5 Na nye afɔ nali ɖe wò mɔwo dzi,

Ale be nye afɔwo nagaɖiɖi o.+

 7 Ðe wò lɔlɔ̃ si nu metsina o la fia nukutɔe,+

Wò, ame si nye Xɔnametɔ na ame siwo di sitsoƒe le wò nuɖusi me,

Wò, ame si ɖea wo tso ame siwo dzea aglã ɖe ŋuwò la si me.

 8 Lé be nam abe wò gadaglamakui ene;+

Ɣlam ɖe wò aʋala ƒe vɔvɔli te.+

 9 Kpɔ tanye tso ame vɔ̃ɖi siwo dze dzinye la si me,

Tso ame siwo lé fum* heɖe to ɖem la si me.+

10 Womekpɔa nublanui na ame o;*

Wokea nu gblɔa dadanyawo;

11 Fifia woxaxa mí ɖo;+

Woƒe ŋkuwo le mía ŋu, ne woaxlã mí ɖe anyi.*

12 Wo dometɔ ɖe sia ɖe le abe dzata si le didim vevie be yeavuvu nu,

Abe dzatavi si de xa ɖi la ene.

13 Oo Yehowa, tso, ne nàkpe kpli wo,+ ne nàƒu wo anyi;

Tsɔ wò yi la ɖem* tso ame vɔ̃ɖi la si me;

14 Oo Yehowa, tsɔ wò asi xɔ nam,

Xɔ nam tso xexe sia* me tɔ siwo kpɔ wo tɔ gome le agbe sia me la si me,+

Wo, ame siwo nètsɔ wò nu nyuiwo yɔ ko na+

Eye wogblẽa domenyinu ɖi na wo vi geɖeawo.

15 Ke nye la, makpɔ wò mo le dzɔdzɔenyenye me;

Ne menyɔ le ŋkuwòme* la, esia ɖia ƒo nam.+

Nye Mawue nye nye agakpe,+ eyae mesi tso,

Nye akpoxɔnu kple nye xɔxɔ* ƒe dzo,* nye dedienɔƒe.+

 3 Meyɔ Yehowa, ame si dze na kafukafu,

Aɖem tso nye futɔwo si me.+

 4 Ku ƒe kawo ɖe to ɖem;+

Yakamewo ƒe tsiɖɔɖɔwo do ŋɔdzi nam.+

 5 Tsiẽƒe* ƒe kawo ƒo xlãm;

Ku ƒe mɔ̃tetrewo ƒo gom.+

 6 Meyɔ Yehowa le nye xaxawo me,

Eye mele ɣlidodo dzi na nye Mawu be wòaxɔ nam.

Ese nye gbe tso eƒe gbedoxɔ me,+

Eye nye ɣlidodo be wòaxɔ nam la ɖo eƒe to me.+

 7 Ale anyigba ʋãnya, eye wòʋuʋu kpekpekpe;+

Towo ƒe anyinɔwo ʋuʋu

Eye wodzo kpekpekpe, elabena wodo dziku nɛ.+

 8 Dzudzɔ de dzi tso eƒe ŋɔti me,

Eye dzo flafla do tso eƒe nu me;+

Dzoka xɔxɔwo tso egbɔ.

 9 Eviã dziƒowo eye wòɖi ɖe anyi.+

Eye blukɔ le eƒe afɔ te.+

11 Etsyɔ blukɔ,+

Tsiziwo kple alilikpo dodowo ƒo xlãe,+

Abe agbadɔ ene.

12 Keklẽ si le eŋgɔ la mee

Kpetsi kple dzoka xɔxɔwo do tso va to alilikpoawo me.

13 Yehowa ɖe gbe le dziƒowo;+

Dziƒoʋĩtɔ la na eƒe gbe ɖi+

Le kpetsi kple dzoka xɔxɔwo me.

14 Eda eƒe aŋutrɔwo tsɔ ka wo hlẽ;+

Eɖo eƒe dzikedzowo ɖa eye wòna wotɔtɔ.+

15 Tɔwo* gɔme dze;+

Eye anyigba la ƒe agunuwo tsi ƒeƒle le wò bublu la ta, Oo Yehowa,

Le esi wò ŋɔtimegbɔgbɔ gbɔ ɖe wo la ta.+

16 Edo asi ɖa tso dzi lém;

Eye wòhem tso tsi goglowo me.+

17 Eɖem tso nye futɔ sesẽ la si me,+

Tso ame siwo lé fum, siwo sesẽ wum la si me.+

18 Wodze dzinye le gbe si gbe vɔ̃ dzɔ ɖe dzinye,+

Ke Yehowae nye nye ziɔɖeŋu.

19 Ekplɔm do goe yi dedienɔƒe;*

Eɖem, elabena nye nu nyo eŋu.+

20 Yehowa ɖoa eteƒe nam le nye dzɔdzɔenyenye nu;+

Eɖoa eteƒe nam elabena nye asiwo me dza.+

21 Elabena melé Yehowa ƒe mɔwo me ɖe asi,

Eye nyemetrɔ le nye Mawu yome wònye vɔ̃ mewɔ ɖe eŋu o.

22 Eƒe ʋɔnudɔdrɔ̃wo katã le ŋkunyeme;

Nyemedo vlo eƒe sewo o.

23 Manye ame maɖifɔ le eŋkume,+

Eye makpɔ ɖokuinye dzi ɖe vodada ŋuti.+

24 Yehowa neɖo eteƒe nam le nye dzɔdzɔenyenye nu,+

Le esi nye asi me dza le eŋkume ta.+

25 Èwɔa nuteƒe na ame si wɔa nuteƒe;+

Èwɔa nu fɔmaɖitɔe ɖe ame maɖifɔ ŋu;+

26 Èdza na ame si dza,+

Ke àdze aye ɖe ame si ƒe mɔ glɔ̃ ŋu.+

27 Elabena èxɔna na ame tsɛwo;*+

Ke èbɔbɔa dadalawo* ɖe anyi.+

28 Oo Yehowa, wòe nana nye akaɖi klẽna,

Nye Mawu si nana nye viviti me kɔna.+

29 Elabena wò kpekpeɖeŋu ana manya adzoha ɖe nu;+

Le Mawu ƒe ŋusẽ me la, mate ŋu aflɔ gli.+

30 Mawu vavã la ƒe mɔ de blibo;+

Yehowa ƒe nya dza.+

32 Mawu vavã lae doa ŋusẽm,+

Ana nye mɔ nade blibo.+

33 Ena nye afɔwo le abe zinɔ tɔ ene;

Ena metsi tsitre ɖe teƒe kɔkɔwo.+

34 Efia aʋawɔwɔ nye asiwo;

Ale be nye alɔwo nate ŋu abi akɔblidati.

35 Ètsɔ wò xɔxɔ ƒe akpoxɔnu nam,+

Wò nuɖusi léam ɖe te,

Eye wò ɖokuibɔbɔ doa gãm.+

36 Èkeke nye afɔɖoƒewo;

Nye afɔwo maɖiɖi o.*+

37 Mati nye futɔwo yome, eye matu wo,

Nyematrɔ o, va se ɖe esime wotsrɔ̃ keŋkeŋ hafi.

38 Magbã wo gudugudu, ale be fɔfɔ maganɔ wo ŋu o;+

Woadze anyi ɖe nye afɔ te.

39 Àtsɔ ŋusẽ abla akpa nam ɖe aʋa la ŋu;

Àna nye futɔwo nadze anyi ɖe tenye.+

40 Àna nye futɔwo nasi le nunye,*

Eye mana ame siwo lé fum la nu nayi.+

41 Wodoa ɣli be woaxɔ na yewo, ke xɔnametɔ aɖeke meli o;

Wodoa ɣli na Yehowa, ke metɔna na wo o.

42 Mato wo memie woanɔ abe ʋuʋudedi le ya nu ene;

Matsɔ wo aƒu gbe abe kpɔdomeeba ene.

44 Nya si woase le ŋunye ɖeɖe ana woaɖo tom;

Amedzroviwo ava bɔbɔ ɖe ŋkunyeme.+

45 Dzi aɖe le amedzroviwo ƒo;*

Eye woanɔ ƒoƒom kpakpakpa ado tso woƒe bebeƒewo ava.

47 Mawu vavã lae biaa hlɔ̃ nam;+

Ebɔbɔa dukɔwo ɖe tenye.

48 Eɖeam tso nye futɔ siwo do dziku la si me;

Èdoam ɖe dzi megbɔa ame siwo tso ɖe ŋunye la ta;+

Èɖeam tso ŋutasẽla la si me.

49 Oo Yehowa, esia tae makafu wò le dukɔwo dome ɖo,+

Eye madzi kafukafuha* na wò ŋkɔ la.+

50 Ewɔa xɔxɔdɔ gãwo na eƒe fia la;*+

Eye wòɖea lɔlɔ̃ si nu metsina o fiaa eƒe amesiamina la,+

Eɖenɛ fiana David kple eƒe dzidzimevi la tegbee.+

19 Dziƒowo le Mawu ƒe ŋutikɔkɔe ɖem fia;+

Eye dziŋgɔli le gbeƒã ɖem eƒe asinudɔwɔwɔ.+

 2 Tso ŋkeke yi ŋkeke wotoa nya,

Eye tso zã yi zã woɖea sidzedze ɖe go.

 3 Nuƒoƒo aɖeke meɖina o, eye nya aɖeke hã medona o;

Womesea gbe aɖeke le wo nu o.

 4 Gake wo ŋkɔ ɖina le* anyigba blibo la dzi,

Eye woƒe nyawo de anyigba ƒe mlɔenu ke.+

Etu agbadɔ ɖe dziƒo na ɣe;

 5 Ele abe ŋugbetɔsrɔ̃ si do tso eƒe xɔ me gbɔna ene;

Etsoa aseye abe kalẽtɔ si le du ƒum le eƒe mɔ dzi ene.

 6 Edzèna tso dziƒo ƒe go si me,

Eye wòzɔna godoo yia eƒe go kemɛ me,+

Naneke meɣlana ɖe eƒe dzoxɔxɔ o.

 8 Yehowa ƒe ɖoɖowo dzɔ, wodoa dzidzɔ na dzi;+

Yehowa ƒe sedede dza, enana ŋku dzi kɔna.+

10 Asixɔxɔ le wo ŋu wu sika,

Wu sika nyuitɔ geɖe;+

Eye wovivina wu anyitsi,+ wu anyitsi si le tsyɔtsyɔm tso anyixe me.

11 Woawoe wotsɔ xlɔ̃ nu wò subɔla;+

Fetu gã le wo me léle ɖe asi me.+

13 Na wò subɔla naƒo asa na ɖokuiŋudzedze;+

Mègana wòakpɔ ŋusẽ ɖe dzinye o.+

Ekema manɔ blibo,+

Eye vodada gãwo* ƒe fɔɖiɖi manɔ ŋunye o.

14 Na nye numenyawo kple nye dzimesusuwo

Nadze ŋuwò,+ Oo Yehowa, nye Agakpe+ kple nye Xɔnametɔ.+

 2 Neɖo kpekpeɖeŋu ɖe wò tso kɔkɔeƒe la+

Eye wòado ŋusẽ wò tso Zion.+

 3 Neɖo ŋku wò nunavɔsawo katã dzi;

Eye wò numevɔsa nedze eŋu.* (Sela)

 4 Nena nu si wò dzi di la wò+

Eye wòana wò ɖoɖowo* katã nadze edzi na wò.

 5 Míatso aseye le wò xɔxɔdɔwo ŋuti;+

Míado míaƒe dzesiti ɖe dzi le mía Mawu ƒe ŋkɔ me.+

Etɔna nɛ tso eƒe dziƒo kɔkɔe la ke,

Eye wòtsɔa eƒe ɖusibɔ sesẽ la xɔna nɛ.*+

 7 Ame aɖewo ɖoa ŋu ɖe tasiaɖamwo ŋu, eye bubuwo ɖe sɔwo ŋu,+

Ke míawo ya la, míeyɔa Yehowa mía Mawu ŋkɔ.+

 8 Womu dze anyi,

Ke míawo ya la, míetso, eye míeli ke sesĩe.+

21 Oo Yehowa, wò ŋusẽ mee fia la kpɔa dzidzɔ le;+

Eye aleke gbegbe wòle aseye tsom le wò xɔxɔdɔwo tae nye esi!+

 2 Èwɔ eƒe dzimedidiwo dzi nɛ,+

Eye mègbe nu si wòke nu bia la nanae o. (Sela)

 3 Elabena ètsɔ yayra nyuiwo va kpee;

Èɖɔ sikafiakuku nyuitɔ nɛ.+

 4 Ebia agbe tso asiwò, eye nètsɔe nɛ,+

Èna agbe didii ɖaa tegbee.

 6 Èɖoe wònye yayratɔ tegbee;+

Èna wòkpɔa dzidzɔ le esi aseyetsotso bɔ ɖe ŋkuwòme ta.+

 7 Elabena Yehowa ŋue fia la ɖoa ŋu ɖo;+

Le Dziƒoʋĩtɔ la ƒe lɔlɔ̃ si nu metsina o ta, maʋã* akpɔ o.+

 8 Wò asi atu wò futɔwo katã;

Wò nuɖusi asu wò ketɔwo dzi.

10 Àtsrɔ̃ wo viwo* ɖa le anyigba la dzi,

Kple woƒe dzidzimeviwo ɖa le amegbetɔviwo dome.

11 Elabena woɖo nu si nye vɔ̃ ɖe ŋuwò;+

Woɖo tame vɔ̃ siwo madze edzi na wo o.+

12 Elabena àna woagbugbɔ ɖe megbe,+

Esi nèvu da* me hedzidzee ɖe wo* dzi ta.

Nu ka ŋuti mètsɔ gbɔnye axɔ nam o,

Eye nèle adzɔge ʋĩi esi mele lãgbelãgbe dom?+

 2 Oo, nye Mawu, meyɔa wò le ŋkeke me, gake mètɔna nam o;+

Le zã me hã, ɖoɖoe mezina le nunye o.

 3 Ke wò la, èle kɔkɔe,+

Eye Israel ƒe kafukafu ƒo xlã wò godoo.*

 4 Ŋuwòe mía fofowo ɖo ŋu ɖo;+

Ŋuwòe woɖo dzi ɖo, eye nèxɔ na wo.+

 5 Wòe wodo ɣli na, eye nèɖe wo;

Ŋuwòe woɖo ŋu ɖo, eye ŋu mekpe wo o.+

 6 Ke nye la, nyévi ko menye, menye amegbetɔ o,

Amewo ɖea alɔme le ŋunye hedoa vlom.+

 7 Ame siwo katã kpɔam la ɖua fewu le ŋunye;+

Wogbigbia nu ɖe ŋunye heʋuʋua ta gblɔna be:+

 9 Ke wòe hem tso vidzidɔ me,+

Wòe na menɔ dedie le danye ƒe no nu.

10 Wotsɔm de asi na wò tso esime wodzim;

Wòe nye nye Mawu tso danye ƒe dɔ me ke.

11 Mèganɔ adzɔge tso gbɔnye o, elabena xaxa tum+

Eye xɔnametɔ bubu aɖeke megali nam o.+

12 Nyitsu geɖewo ɖe to ɖem;+

Basan-nyitsu sesẽwo ƒo xlãm.+

13 Woke woƒe nu baa ɖe ŋunye,+

Abe dzata si le gbe tem hele eƒe nuléle vuvum ene.+

14 Wotrɔm kɔ ɖi abe tsi ene;

Eye nye ƒuwo katã gli le wo kpeƒewo.

Nye dzi zu abe anyixe ene;+

Elólo le dɔ me nam.+

15 Wɔna vɔ le ŋunye abe ze gbagbã ene;+

Nye aɖe lé ɖe nye nyéwo ŋu;+

Eye nètsɔm ɖo kudo nu.+

16 Avuwo ɖe to ɖem;+

Ame vɔ̃ɖiwo ƒe ha xaxam ɖo.+

Wodze nye asiwo kple nye afɔwo dzi abe dzata ene.+

18 Woma nye awuwo ɖe wo nɔewo dome,

Eye wodzidze nu ɖe nye awu dzi.+

20 Ðem* tso yi nu,

Ðe nye agbe xɔasi la* tso avuwo si me;+

21 Ðem tso dzata ƒe nu me+ kple gbenyiwo ƒe dzowo nu;

Tɔ nam, eye nàɖem.

22 Maɖe gbeƒã wò ŋkɔ na nɔvinyewo;+

Makafu wò le amehawo dome.+

24 Elabena medo vlo alo nyɔ ŋu hiãtɔ la ƒe fukpekpe o;+

Meɣla eƒe ŋkume ɖee o.+

25 Makafu wò le ameha gãwo dome;+

Maxe nye adzɔgbeɖefewo le ame siwo vɔ̃nɛ la ŋkume.

26 Ame fatuwo aɖu nu aɖi ƒo;+

Ame siwo dia Yehowa la akafui.+

28 Elabena Yehowa tɔe nye fianyenye la;+

Eye wòle fia ɖum ɖe dukɔwo dzi.

29 Ame siwo katã nu dze edzi na* le anyigba la dzi aɖu nu ade ta agu ɖe eŋkume;

Ame siwo katã yina ketu me la ava dze klo le eŋkume;

Eye wo dometɔ aɖeke mate ŋu axɔ eɖokui* ɖe agbe o.

30 Woƒe dzidzimeviwo* asubɔe;

Woaƒo nu tso Yehowa ŋu na dzidzime si ava dzɔ la.

 2 Gbeɖuƒe damawo wòna metsyɔ akɔ ɖo;

Gbɔɖemeƒe tɔwo* nu wòkplɔam yinɛ.+

 4 Togbɔ be mezɔa bali doblukɔ tsiɖitsiɖi me hã,+

Nyemevɔ̃a vɔ̃ aɖeke o,+

Elabena èli kplim;+

Wò atikplɔ kple wò atizɔti faa akɔ nam.

Èsi ami ɖe ta nam;+

Nye kplu yɔ banaa.+

 6 Ɛ̃, nyuiwɔwɔ kple amenuveve adze yonyeme le nye agbemeŋkekewo katã me,+

Eye manɔ Yehowa ƒe me ɖaa.+

24 Yehowa tɔe nye anyigba la kple edzinuwo katã,+

Xexe blibo la kple emenɔlawo katã.

 2 Elabena eɖo egɔme anyi ɖe atsiaƒuwo dzi+

Eye wòlii anyi sesĩe ɖe tɔsisiwo dzi.

 3 Ame kae alia Yehowa ƒe to la,+

Eye ame kae atsi tsitre ɖe eƒe kɔkɔeƒe la?

 4 Ame si ƒe asi me dza, eye eƒe dzi me kɔ,+

Ame si meyɔa Nye Agbe* tsɔ taa nu dzodzro o,

Eye mekaa alakpatam o.+

 5 Eya axɔ yayra tso Yehowa gbɔ,+

Kple dzɔdzɔenyenye tso eƒe xɔname Mawu la gbɔ.*+

 6 Esiae nye dzidzime si biaa eta sena,

Ame siwo dia wò ŋkume, Oo Yakob ƒe Mawu. (Sela)

 7 Oo, mi agbowo, mikɔ ta dzi;+

Mi blemaʋɔtruwo, miʋu,*

Ne Ŋutikɔkɔefia la nage ɖe eme!+

Yehowa, ŋusẽtɔ kple kalẽtɔ lae,+

Yehowa, aʋakalẽtɔ lae.+

 9 Oo, mi agbowo, mikɔ ta dzi;+

Mi blemaʋɔtruwo, miʋu,

Ne Ŋutikɔkɔefia la nage ɖe eme!

 2 Nye Mawu, ŋuwòe meɖo ŋu ɖo;+

Mègana ŋu nakpem o.+

 3 Vavãe, ŋu makpe ame siwo da woƒe mɔkpɔkpɔ ɖe dziwò la dometɔ aɖeke o,+

Ke ŋu akpe ame siwo wɔa alakpanu dzodzro la ya.+

 4 Oo Yehowa, na manya wò mɔwo;+

Fia wò toƒewom.+

 5 Na mazɔ le wò nyateƒe la me, eye nàfia num,+

Elabena wòe nye nye xɔname Mawu la.

 6 Oo Yehowa, ɖo ŋku wò nublanuikpɔkpɔ kple wò lɔlɔ̃ si nu metsina o+

Si nèɖena fiana ɣeawokatãɣi* la dzi.+

Ðo ŋku dzinye le wò lɔlɔ̃ si nu metsina o la ta,+

Le wò nyuiwɔwɔwo ta, Oo Yehowa.+

 9 Akplɔ ɖokuibɔbɔlawo le nu dzɔdzɔe wɔwɔ me,*+

Eye wòafia eƒe mɔ ɖokuibɔbɔlawo.+

10 Yehowa ƒe mɔwo katã nye amenuveve kple nuteƒewɔwɔ sɔŋ

Na ame siwo léa eƒe nubabla+ kple eƒe ŋkuɖodzinyawo+ me ɖe asi.

11 Oo Yehowa, xa ɖe wò ŋkɔ la ta+

Nàtsɔ nye vodada akem, togbɔ be ekpe ŋutɔ hã.

13 Eyae* akpɔ nu nyuiwo,+

Eye eƒe dzidzimeviwo anyi anyigba la dome.+

14 Tsi metoa Yehowa kple ame siwo vɔ̃nɛ la dome o,+

Eye wònana wonyaa eƒe nubabla la.+

15 Nye ŋkuwo le Yehowa ŋu ɣeawokatãɣi,+

Elabena eyae aɖe nye afɔ le ɖɔ me.+

16 Trɔ ɖe ŋunye, ne nàve nunye,

Elabena metsi akogo, eye metsi asi.

17 Nye dzimexaxawo dzi ɖe edzi;+

Ðem tso nye xaxawo me.

18 Kpɔ nye fukpekpe kple nye hiã ɖa,+

Ne nàtsɔ nye nu vɔ̃wo katã akem.+

19 Kpɔ ale si nye futɔwo sɔ gbɔe ɖa

Kple ale si wolé fum kaɖikaɖii ɖa.

21 Na nuteƒewɔwɔ kple nu dzɔdzɔe wɔwɔ nakpɔ tanye,+

Elabena wòe mele mɔ kpɔm na.+

26 Oo Yehowa, tso afia nam, elabena mezɔ le fɔmaɖimaɖi me;+

Meɖo dzi ɖe Yehowa ŋu maʋamaʋãe.+

 2 Oo Yehowa, dzro menye, eye nàdom kpɔ;

Dza nye dzimesusuwo* kple nye dzi ŋu.+

 3 Elabena wò amenuveve le ŋkunyeme ɖaa,

Eye mezɔ le wò nyateƒe la me.+

 4 Nyemenɔa ameblelawo ƒe ha me o,+

Eye nyemedea ha kple ame siwo ɣlaa ame si ƒomevi wonye la* o.

 5 Melé fu ame vlowo ƒe ha,+

Eye metsri ame vɔ̃ɖiwo ƒe hadede.*+

 6 Maklɔ nye asi fɔmaɖitɔe,

Eye maƒo xlã wò vɔsamlekpui la, Oo Yehowa,

 7 Ne mana nye akpedaha naɖi+

Eye maɖe gbeƒã wò nukudɔwo katã.

 8 Yehowa, melɔ̃ wò aƒe, afi si nèle,+

Kple teƒe si wò ŋutikɔkɔe le.+

 9 Mègakplɔm* ƒu gbe kpe ɖe nu vɔ̃ wɔlawo ŋu o+

Eye mègaɖe nye agbe ɖa kpe ɖe ŋutasẽlawo* ŋu o,

10 Wo, ame siwo ŋukpenanuwɔwɔ le asi ŋu na,

Eye zãnuxɔxɔ yɔ nuɖusi me na.

12 Nye afɔ le teƒe sɔsɔe;+

Makafu Yehowa le ameha gãwo dome.*+

 2 Ne ame vlowo dze dzinye be yewoavuvum la,+

Nye ketɔwo kple nye futɔwo ŋutɔwoe akli nu adze anyi.

 3 Ne aʋakɔ ƒu asaɖa anyi ɖe ŋunye hã la,

Dzika matso ƒonye o.+

Ne woho aʋa ɖe ŋunye hã,

Dzi akpɔtɔ anɔ ƒonye.

 4 Nu ɖeka mebia Yehowa

—Eyae mele mɔ kpɔm na,

Be manɔ Yehowa ƒe me le nye agbemeŋkekewo katã me,+

Ne makpɔ Yehowa ƒe atsyɔ̃,*

Eye malé ŋku ɖe eƒe gbedoxɔ la ŋu ahakpɔ ŋudzedze ɖe eŋu.*+

 5 Elabena atsɔm aɣla ɖe eƒe nɔƒe le vɔ̃dzɔgbe;+

Aɣlam ɖe bebeƒe le eƒe agbadɔ me;+

Akɔm aɖo agakpe kɔkɔ dzi.+

 6 Azɔ la, nye ta kɔ dzi gbɔ nye futɔ siwo ƒo xlãm godoo la ta;

Matsɔ aseyetsotso asa vɔwo le eƒe agbadɔ me;

Madzi kafukafuha* na Yehowa.

 7 Oo Yehowa, ne medo ɣli yɔ wò la, see;+

Ve nunye, eye nàtɔ nam.+

Wòe nye nye kpeɖeŋutɔ;+

Oo Mawu, nye xɔnametɔ, mègagblẽm ɖi alo agbe nu le gbɔnye o.

10 Ne fofonye kple danye gblẽm ɖi hã la,+

Yehowa ya axɔm.+

11 Oo Yehowa, fia wò mɔm,+

Eye nàkplɔm to toƒe dzɔdzɔe le nye futɔwo ta.

12 Mègatsɔm de asi na nye ketɔwo o,*+

Elabena aʋatsoɖasefowo tso ɖe ŋunye,+

Eye wotsɔ ŋutasesẽ le ŋɔdzi dom nam.

13 Afi kae manɔ ne ɖe xɔse mele asinye

Be makpɔ Yehowa ƒe nyuiwɔwɔ teƒe le agbagbeawo ƒe anyigba dzi o?*+

14 Kpɔ mɔ na Yehowa;+

Sẽ ŋu eye nàlé dzi ɖe ƒo.+

28 Oo Yehowa, nye Agakpe, wò yɔm mele;+

Mègado tokum o.

Ne èzi kpi kpɔm la,

Manɔ abe aʋlimeyilawo ene.+

 2 Se nye kokoƒogbe ne medo ɣli na wò,

Eye mewu nye asiwo dzi ɖo ɖe wò gbedoxɔa ƒe kɔkɔeƒe la.+

 3 Mègakplɔm kpe ɖe ame vɔ̃ɖiwo kple ame siwo tsɔ nu vɔ̃ɖi wɔwɔ ɖo dɔe la ŋu o,+

Ame siwo ƒoa nu kple wo xɔlɔ̃wo fafɛ, evɔ vɔɖivɔ̃ɖi le dzi me na wo.+

 4 Ðo eteƒe na wo ɖe woƒe nuwɔnawo nu,+

Ðe woƒe nu vɔ̃ɖi wɔwɔwo nu.

Ðo eteƒe na wo ɖe woƒe asinudɔwɔwɔwo nu,

Ðe woƒe nuwɔnawo nu.+

 5 Elabena womeléa ŋku ɖe Yehowa ƒe dɔwɔwɔwo,+

Kple eƒe asinudɔwɔwɔ ŋu o.+

 6 Woakafu Yehowa,

Elabena ese nye kokoƒoƒo be woakpe ɖe ŋunye.

 7 Yehowae nye nye ŋusẽ+ kple nye akpoxɔnu;+

Eya ŋue nye dzi le ŋu ɖom ɖo.+

Exɔ nam, eya ta nye dzi le aseye tsom;

Eya ta madzi ha akafui.

 8 Yehowae nye eƒe dukɔ la ƒe ŋusẽ;

Eyae nye mɔ́ sesẽ si xɔna na eƒe amesiamina la geɖe.+

29 Mi ŋusẽtɔwo,* mitsɔ nu si Yehowa dze na la nɛ,

Mitsɔ nu si Yehowa dze na la nɛ le eƒe ŋutikɔkɔe kple ŋusẽ ta.+

 3 Yehowa ƒe gbe ɖi le tsiwo dzi;

Ŋutikɔkɔe Mawu la ɖe gbe.+

 4 Ŋusẽ le Yehowa ƒe gbe ŋu;+

Ŋutikɔkɔe le Yehowa ƒe gbe ŋu.

 5 Yehowa ƒe gbe ŋea sedertiwo;

Ɛ̃, Yehowa ŋea Lebanon ƒe sedertiwo wluiwluiwlui,+

 6 Enana Lebanon* tia kpo abe nyivi ene,

Eye Sirion+ tia kpo abe gbenyivi ene.

 7 Yehowa ƒe gbe kea dzo mia;+

 8 Yehowa ƒe gbe na gbedzi ʋuʋu;+

Yehowa na Kades+ gbedzi ʋuʋu.

 9 Yehowa ƒe gbe nana zinɔwo léa ku dzia vi

Eye wònana avewo lũa xe.+

10 Yehowa bɔbɔ nɔ eƒe fiazi dzi le tsiɖɔɖɔwo* dzi;+

Yehowa bɔbɔ nɔ anyi abe Fia ene tegbee.+

30 Oo Yehowa, mado wò ɖe dzi, elabena wòe hem do goe;

Eye mèna nye futɔwo tso aseye le tanye o.+

 3 Oo Yehowa, wòe kɔm* doe tso Tsiẽƒe;*+

Èxɔm ɖe agbe; mèna meyi aʋli me o.+

 4 Midzi kafukafuha* na Yehowa, mi eƒe nuteƒewɔlawo,+

Mikafu eƒe ŋkɔ kɔkɔe la;*+

 5 Elabena ne edo dziku ɖe ame ŋu hã, enu mesena yina o,+

Ke eƒe amenuveve* ya nɔa anyi le ame ƒe agbenɔɣi katã.+

 8 Oo Yehowa, wò yɔm mele;+

Yehowa, wòe mele koko ƒom na be nàve nunye.

11 Ètrɔ nye konyifafa zu ɣeɖuɖu;

Èɖe nye akpanya le ŋunye, eye nèta dzidzɔ nam abe avɔ ene,

12 Ale be madzi ha* akafu wò, eye ɖoɖoe mazi le nunye o.

Nànye agakpe sesẽ nam,

Nànye mɔ́ sesẽ, ne nàɖem.+

 3 Elabena wòe nye nye agakpe kple nye mɔ́ sesẽ;+

Ànɔ ŋgɔ nam ahakplɔm+ le wò ŋkɔ+ la ta.

 4 Àɖem le ɖɔ si woɖo nam le adzame la me,+

Elabena wòe nye nye sitsoƒe.+

 6 Melé fu ame siwo ku ɖe legba dzodzro maɖinuwo ŋu,

Ke nye la, Yehowa ŋue meɖoa ŋu ɖo.

 7 Matso aseye le wò lɔlɔ̃ si nu metsina o la ta,

Elabena wò ŋku le nye fukpekpewo ŋu;+

Ènya nye nuxaxawo* nyuie.

 8 Mètsɔm de asi na futɔ la o,

Ke boŋ èna mele afi si le dedie.*

10 Nuxaxa yɔ nye agbe me fũu+

Eye nye ƒewo yɔ kple hũɖeɖe sɔŋ.+

Nye ŋusẽ dzi ɖe kpɔtɔ le nye vodada ta;

Eye nu te nye ƒuwo ŋu.+

11 Mezu alɔmeɖenu na nye ketɔwo katã,+

Vevietɔ na hanyeviwo.

Eye mezu bibi na nye ame nyanyɛwo;

Ne wokpɔm le kpɔdomee ko la, wodea afɔ du me.+

12 Woɖem ɖa le woƒe dzi* me eye woŋlɔm be, abe ɖe meku ene;

Mezu abe ze gbagbã ene.

13 Elabena mese ameŋugblẽnya geɖewo;

Ŋɔdzi ɖe to ɖem.+

Ne woƒo takpli ɖe ŋunye la,

Woɖoa nugbe be yewoaɖe nye agbe* ɖa.+

Na ŋu nakpe ame vɔ̃ɖiwo;+

Ðoɖoe nezi le wo nu le Tsiẽƒe.*+

18 Na alakpanuyiwo nade ga,+

Nuyi siwo tsɔa dada kple amemabumabu gblɔa nya vlowo ɖe ame dzɔdzɔe ŋu la.

Èdzrae ɖo ɖi na ame siwo vɔ̃a wò la,+

Eye nèɖee fia ame siwo si wò tso la, le amegbetɔviwo katã ŋkume.+

20 Àɣla wo ɖe ɣaɣlaƒe si le ŋkuwòme,+

Tso ame siwo le nugbe ɖom ɖe wo ŋu la si me.

Àɣla wo ɖe wò agbadɔ me

Tso amewo ƒe aɖeɖiƒoame gbɔ.*+

21 Woakafu Yehowa,

Elabena eɖe eƒe amenuveve fiam+ le du si woɖe to ɖo la me.+

Yehowa kpɔa nuteƒewɔlawo ta,+

Ke enana dadalawo kpɔa wo tɔ nua gakpɔnɛ ɖe edzi.+

24 Misẽ ŋu, eye milé dzi ɖe ƒo,+

Mi ame siwo katã le Yehowa si nu kpɔm.+

 2 Dzidzɔtɔe nye ame si Yehowa mebua vodada na o,+

Ame si me beble aɖeke mele o.

 5 Meʋu nye nu vɔ̃ me na wò mlɔeba;

Nyemetsyɔ nu nye vodada dzi o.+

 6 Esia ta nuteƒewɔlawo katã ado gbe ɖa na wò,+

Zi ale si woate ŋu akpɔ wò ko.+

 7 Bebeƒe nènye nam;

Àkpɔ tanye tso xaxa me.+

 9 Miganɔ abe sɔ alo tedzisɔ si nunya mele tagbɔ na o,+

Si wòle be woatsɔ ka kple numega amla,

Hafi wòate ɖe ame ŋu la ene o.”

10 Ame vɔ̃ɖi ƒe vevesesewo sɔa gbɔ;

Ke ame si ɖoa ŋu ɖe Yehowa ŋu ya la, eƒe amenuveve ƒoa xlãe.+

11 Mi ame dzɔdzɔewo, mikpɔ dzidzɔ ɖe Yehowa ŋu eye mitso aseye;

Mi dzi dzɔdzɔe tɔwo katã, migli kple dzidzɔ.

 2 Mitsɔ saŋku da akpe na Yehowa;

Miƒo ha* nɛ le kasaŋku kaewotɔwo dzi.

 3 Midzi ha yeye nɛ;+

Mitsɔ aseyetsotso ƒo kasaŋku nɛ aɖaŋutɔe.

 4 Elabena Yehowa ƒe nya le dzɔdzɔe,+

Eye eƒe nuwɔwɔwo katã le eteƒe.

 6 Yehowa ƒe numenya nue wòwɔ dziƒowo,+

Eye eƒe numegbɔgbɔ la nue wòwɔ wo ŋu nuwo* katã.

 7 Enana atsiaƒutsiwo ƒoa ƒu ɖi abe tsita ene;+

Eye wòdzraa tsi dzeagbowo ɖo ɖe nudzraɖoƒewo.

 9 Elabena eƒo nu, eye wòva eme;+

Ede se, eye wòli ɖi goŋgoŋ.+

10 Yehowa gblẽ dukɔwo ƒe adaŋudedewo me;+

Etɔtɔ dukɔwo ƒe ɖoɖowo me.+

11 Ke Yehowa ƒe nyametsotsowo* ya li tegbee;+

Eƒe dzimesusuwo li tso dzidzime yi dzidzime.

12 Dzidzɔtɔwoe nye dukɔ si ƒe Mawu Yehowa nye,+

Dukɔ si wòtia be wòanye ye ŋutɔ ye tɔ.+

13 Yehowa kpɔa nu tso dziƒowo;

Ekpɔa amegbetɔviwo katã.+

14 Ele enɔƒe

Eye eƒe ŋku le anyigbadzinɔlawo katã ŋu.

15 Eyae wɔa amewo katã ƒe dzi;

Eye wòléa ŋku ɖe woƒe dɔwɔwɔwo katã ŋu.+

16 Fia ƒe aʋadziɖuɖu mele aʋakɔ kpaŋkpaŋ me o;+

Eye kalẽtɔ ƒe ŋusẽ triakɔ meɖenɛ o.+

17 Ŋuɖoɖo ɖe sɔwo ŋu hena aʋadziɖuɖu+ nye tofloko;

Eƒe ŋusẽ triakɔ la mexɔna na ame godoo o.

18 Kpɔ ɖa! Yehowa ƒe ŋku le ame siwo vɔ̃nɛ la ŋu,+

Ame siwo kpɔa mɔ na eƒe amenuveve,

19 Be wòaɖe wo* tso ku si me

Eye wòalé woƒe agbe ɖe te le dɔŋɔli.+

21 Eya mee míaƒe dzi kpɔa dzidzɔ le;

Elabena eƒe ŋkɔ kɔkɔe la ŋue míeɖoa dzi ɖo.+

22 Oo Yehowa, wò amenuveve nenɔ kpli mí,+

Esi míele mɔ kpɔm na wò.+

34 Makafu Yehowa ɣeawokatãɣi;

Eƒe kafukafu anɔ nu nam ɖaa.

 2 Matsɔ* Yehowa aƒo adegbe;+

Ame fafawo asee, eye dzi adzɔ wo.

 3 Mido kɔkɔ Yehowa kplim;+

Eye mina míawɔ ɖeka ado eƒe ŋkɔ ɖe dzi.

 5 Dzidzɔ ɖo mo na ame siwo le esinu kpɔm;

Woƒe mo metsi dãa o.

 7 Yehowa ƒe dɔla ƒua asaɖa anyi ɖe ame siwo vɔ̃nɛ la ŋu godoo va kpe,+

Eye wòɖea wo.+

 8 Miɖɔe kpɔ, eye miakpɔe be Yehowa nyo;+

Dzidzɔtɔe nye ame si sinɛ tsona.

 9 Mivɔ̃ Yehowa, mi eƒe ame kɔkɔewo katã,

Elabena hiã metua ame siwo vɔ̃nɛ la o.+

10 Hiã tua dzata* sesẽwo gɔ̃ hã eye dɔ wua wo,

Ke ame siwo dia Yehowa la, nu nyui aɖeke mahiã wo o.+

11 Vinyewo, miva, miɖo tom,

Ne mafia Yehowa vɔvɔ̃ mi.+

12 Mia dometɔ kae lɔ̃a agbe

Eye wòle didim vevie be yeakpɔ ŋkeke nyui geɖewo?+

13 Ekema nekpɔ eƒe aɖe dzi le vɔ̃ ŋu,+

Kple eƒe nuyiwo dzi le amebeble ŋu.+

14 Trɔ ɖa le vɔ̃ ŋu, ne nàwɔ nyui;+

Di ŋutifafa, eye nàti eyome.+

15 Yehowa ƒe ŋkuwo le ame dzɔdzɔewo ŋu,+

Eye eƒe towo le woƒe ɣlidodowo ŋu.+

16 Ke Yehowa tɔa ŋku nu vɔ̃ɖi wɔlawo,

Ne wòatutu nu sia nu si ana woaɖo ŋku wo dzi la ɖa le anyigba la dzi.+

17 Wodo ɣli, Yehowa see;+

Eye wòɖe wo tso woƒe xaxawo katã me.+

18 Yehowa tsɔ ɖe ame siwo ƒe dzi gbã gudugudu la gbɔ;+

Exɔna na ame siwo ƒe gbɔgbɔ ŋu nu te la.*+

19 Ame dzɔdzɔe ƒe fukpekpewo* sɔ gbɔ,+

Ke Yehowa ɖenɛ le wo katã me.+

20 Ekpɔa eƒe ƒuwo katã ta;

Womeŋe wo dometɔ ɖeka pɛ hã o.+

21 Vɔ̃ aɖi kpe ame vɔ̃ɖi wòaku;

Eye woabu fɔ ame siwo léa fu ame dzɔdzɔe la.

22 Yehowa ɖea esubɔlawo ƒe agbe;*

Womabu fɔ ame siwo sinɛ tsona la dometɔ aɖeke o.+

35 Oo Yehowa, ʋli tanye le nye futɔwo si me;+

Wɔ avu kple ame siwo le avu wɔm kplim.+

 2 Tsɔ wò akpoxɔnu sue kple akpoxɔnu gã,+

Ne nàtso ava xɔ nam.+

 5 Wonenɔ abe tsro le ya nu ene;

Eye Yehowa ƒe dɔla nenya wo ɖe nu.+

 6 Woƒe mɔ dzi nedo viviti eye wòanɔ ɖiɖim,

Esi Yehowa ƒe dɔla yɔ wo ɖe nu.

 7 Elabena yakatsyɔ woɖo ɖɔ ɖi nam le adzame;

Eye woɖe ʋe nam,* evɔ nyemewɔ naneke o hafi.

 8 Gbegblẽ neƒo ɖe edzi kpoyi;

Eye eya ŋutɔ ƒe ɖɔ si wòɖo la neɖee;

Nege dze eme ne wòatsrɔ̃.+

 9 Ke nye ya matso* aseye ɖe Yehowa ŋu;

Makpɔ dzidzɔ ɖe eƒe xɔxɔdɔwo ŋu.

Wò ame si ɖea ame beli la tso ame si sesẽ wui la si me,+

Eye nèxɔna na wɔnamanɔŋutɔ kple hiãtɔ la tso ame siwo daa adzo wo la si me?”+

11 Ðasefo siwo ɖo susu vɔ̃ la zɔ va ŋgɔgbe,+

Nu siwo ŋu nyemenya naneke le o la biamee wole.

12 Wotsɔa vɔ̃ ɖoa nyui teƒe nam,+

Ale be wona metsi asi.*

13 Evɔ ne wole dɔ lém la, nye ya metaa akpanya;

Metsia nu dɔna hewɔa fu ɖokuinye,*

Eye ne nye gbedodoɖa va tsi gbɔnye eŋumaɖomaɖoe* la,

14 Menɔa yiyim nɔa nu xam abe xɔ̃nye alo nɔvinyeŋutsu fam mele ene;

Meléa blanui hedea mo to abe ame si le dadaa fam ene.

15 Gake esi mekli nu la, woawo ya wokpɔ dzidzɔ, eye woƒo takpli;

Wokpe ta ɖe ŋunye hede xa ɖi be yewoaƒom aƒu anyi;

Wogblẽ ŋunye keŋ, eye ɖoɖoe mezina le wo nu o.

16 Mawumavɔ̃lawo ɖua fewu le ŋunye vlodoametɔe,*

Wole aɖukli ɖum ɖe ŋunye,+

Ðem* tso woƒe amedzidzedzewo me,+

Ðe nye agbe xɔasi la* tso dzatawo* si me.+

18 Ekema mada akpe na wò le ame geɖewo ƒe ha dome;+

Makafu wò le ameha geɖewo dome.

19 Mègana ame siwo lé fum dzodzro la nakpɔ dzidzɔ le tanye o;

Eye mègana ame siwo tsrim dzodzro+ la nate ŋku ɖem o.+

20 Elabena menye ŋutifafanyae wogblɔna o,

Ke boŋ woɖoa nugbe ɖe ame fafa siwo le anyigbaa dzi la ŋu.+

21 Woke woƒe nu baa le nunye tsom,

Le gbɔgblɔm be: “Ehɛ̃! Ehɛ̃! Míekpɔe kple míaƒe ŋkuwo.”

23 Oo nye Mawu, Yehowa, nyɔ, ne nàtso aʋli tanye,

Eye nàxɔ nya ɖe nunye.

24 Oo Yehowa nye Mawu, drɔ̃ ʋɔnum ɖe wò dzɔdzɔenyenye+ nu;

Eye mègana dzi nadzɔ wo le tanye o.

26 Na ame siwo katã le dzidzɔ kpɔm be gbegblẽ va dzinye la,

Naɖu ŋukpe eye woƒe mo natsi dãa.

27 Ke na ame siwo dzɔa dzi le nye dzɔdzɔenyenye ŋu la nagli kple dzidzɔ;

Eye woanɔ gbɔgblɔm ɖaa be:

28 Ekema nye aɖe aƒo nu* le wò dzɔdzɔenyenye+ ŋu,

Eye wòakafu wò ŋkeke blibo la.+

36 Ame vɔ̃ɖi ƒe dzidada ƒoa nu nɛ le eƒe dzi me ke;

Mawuvɔvɔ̃ aɖeke mele mo nɛ o.+

 2 Elabena eya ŋutɔ kafua eɖokui ale gbegbe be,

Metea ŋu kpɔa eƒe vodada dzea sii, ne wòatsrii o.+

 3 Vɔ̃ɖinyenye kple beble yɔ nu me nɛ fũu;

Nunya si hiã wòatsɔ awɔ nu nyui la mele esi o.

Mɔ vɔ̃ dzi koe wònɔna;

Eye megbea nu le vɔ̃ gbɔ o.

 5 Oo Yehowa, wò amenuveve kɔ yi ɖatɔ dziƒo ke,+

Wò nuteƒewɔwɔ de dzi ɖo alilikpowo me ke.

 6 Wò dzɔdzɔenyenye le abe to gã nyadriwo ene;*+

Wò ʋɔnudɔdrɔ̃wo le abe tɔ goglowo ene.+

 8 Wono wò aƒemenu+ nyuitɔwo* wòɖi kɔ na wo,

Eye nèna wono wò dzidzɔtɔsisiwo.+

 9 Gbɔwòe agbedzɔƒe le;+

Wò kekeli mee míele kekeli kpɔm le.+

10 Na wò lɔlɔ̃ si nu metsina o la nanɔ kple ame siwo nya wò,+

Eye nàɖe wò dzɔdzɔenyenye afia dzi dzɔdzɔe tɔwo.+

11 Mègana dadalawo ƒe afɔ nafanyam loo

Alo ame vɔ̃ɖiwo ƒe asi nanyam de gbe o.

12 Nu vɔ̃ɖi wɔlawoe nye ema ɖo baba le afi ma;

Wotutu wo ƒu anyi, eye fɔfɔ megale wo ŋu o.+

37 Dzi megaku wò le nu vlo wɔlawo ta o,

Eye mègaʋã ŋu nu tovo wɔlawo o.+

 2 Elabena woayrɔ kaba abe gbe ene+

Eye woayrɔ abe aŋgba fẽ ene.

 3 Ðo ŋu ɖe Yehowa ŋu, eye nàwɔ nu nyui;+

Nɔ anyigba la dzi, eye nàwɔ nuteƒe.+

 4 Yehowa ƒe nu nenyo ŋuwò vevie,

Ekema ana nu siwo wò dzi di la wò.

 5 Tsɔ wò mɔwo gblẽ ɖe Yehowa si me;*+

Ðo ŋu ɖe eŋu, ekema eya ŋutɔ awɔe na wò.+

 6 Ana wò dzɔdzɔenyenye naklẽ abe ŋdikekeli ene,

Kple wò nya dzɔdzɔe abe ŋdɔkutsu dzatsɛ ene.

 7 Zi kpi le Yehowa ŋkume kpoo,+

Eye nànɔ esinu kpɔm.*

Dzi megaku wò ɖe ame si

Ƒe mɔ vɔ̃wo dzea edzi nɛ la ŋu o.+

 8 Wò dɔmedzoe nu nefa, eye nàdzudzɔ dzikudodo;+

Dzi megaku wò ne nàtrɔ ɖe vɔ̃wɔwɔ ŋu o.*

 9 Elabena woatsrɔ̃ ame vlowo,+

Ke ame siwo kpɔa mɔ na Yehowa lae anyi anyigba la dome.+

10 Esusɔ vie ko ame vɔ̃ɖiwo maganɔ anyi o;+

Àdi wo le wo nɔƒe,

Ke womaganɔ afi ma o.+

11 Ke ame fafawo anyi anyigba la dome,+

Eye dzi adzɔ wo geɖe ɖe ŋutifafa gbogbo la ŋuti.+

12 Ame vɔ̃ɖi le nugbe ɖom ɖe ame dzɔdzɔe la ŋu;+

Eye wòle aɖukli ɖum ɖe eŋu.

13 Ke Yehowa akoe,

Elabena enyae be eƒe ŋkeke li gbɔna.+

14 Ame vɔ̃ɖiwo ɖe woƒe yi ɖe go, eye wovu woƒe da me*

Be yewoaƒu wɔnamanɔŋutɔ kple ame dahe anyi,

Ne woawu ame siwo ƒe mɔ dzɔ la.

15 Gake woawo ŋutɔwo ƒe yi aƒo ɖe woƒe dzi;+

Eye woƒe datiwo aŋe.

16 Nu ʋɛ si le ame dzɔdzɔe si la nyo wu

Nu gbogbo siwo le ame vɔ̃ɖi geɖewo si.+

17 Elabena ame vɔ̃ɖiwo ƒe alɔ aŋe,

Ke Yehowa alé ame dzɔdzɔewo ya ɖe te.

18 Nu siwo me tom ame maɖifɔwo le la* le nyanya na Yehowa,

Eye woƒe domenyinu anɔ anyi ɖaa tegbee.+

19 Ŋu makpe wo le vɔ̃dzɔgbewo o;

Eye nu abɔ ɖe wo si taŋ le dɔŋɔli.

20 Ke ame vɔ̃ɖiwo ya atsrɔ̃;+

Yehowa ƒe futɔwo nu ayi abe gbeɖuƒe damawo ene,

Woabu vĩ abe dzudzɔ ene.

21 Ame vɔ̃ɖi la doa nugbana, eye mexenɛ o,

Ke ame dzɔdzɔe nyoa dɔme* henaa nu ame.+

22 Ame siwo Mawu yra la, anyi anyigba la dome,

Ke ame siwo wòƒo ƒi de la, woatsrɔ̃ wo.+

23 Yehowa fiaa mɔ ame ƒe afɔɖeɖewo*+

Nenye be amea ƒe mɔwo dze eŋu.+

24 Ne edze anyi hã la, maɖo baba ɖi o,+

Elabena Yehowa léa eƒe asi ɖe te.*+

25 Menɔ ɖevime tsã, azɔ metsi,

Ke nyemekpɔ wogblẽ ame dzɔdzɔe ɖi loo,+

Alo be viawo ɖo abologbe* kpɔ o.+

26 Edoa nu gbana na amewo faa ɣesiaɣi,+

Ale yayra le mɔ dzi na viawo.

27 Te ɖa tso nu vɔ̃ɖi gbɔ eye nàwɔ nu nyui,+

Ekema ànɔ anyi tegbee.

28 Elabena Yehowa lɔ̃a nya dzɔdzɔe,

Eye magblẽ ame siwo wɔa nuteƒe nɛ la ɖi o.+

Akpɔ wo ta tegbee;+

Ke woatsrɔ̃ ame vɔ̃ɖiwo ƒe dzidzimeviwo.+

29 Ame dzɔdzɔewo anyi anyigba la dome,+

Eye woanɔ edzi tegbee.+

30 Nunya dona tso ame dzɔdzɔe nu,*

Eye eƒe aɖe gblɔa nya dzɔdzɔe.+

31 Eƒe Mawu ƒe se la le eƒe dzi me;+

Eƒe afɔ magli o.+

32 Ame vɔ̃ɖi le ame dzɔdzɔe la ɖiam,

Eye wòle didim be yeawui.

33 Ke Yehowa maɖe asi le eŋu nɛ o+

Eye ne wodrɔ̃ ʋɔnui la, maɖi fɔ o.+

34 Kpɔ mɔ na Yehowa, eye nànɔ eƒe mɔ dzi,

Ekema ado wò ɖe dzi, ne nànyi anyigba la dome.

35 Mekpɔ ame vɔ̃ɖi ŋutasẽla,

Evu eɖokui dranyi abe ati dama si dzɔ kple ke ene.+

36 Kaka makpɔ ko enu yi, eye megali o;+

Medii gadii, ke nyemekpɔe o.+

37 Lé ŋku ɖe ame maɖifɔ* la ŋu,

Eye nàkpɔ ame dzɔdzɔe+ la ɖa,

Elabena eƒe etsɔme anye ŋutifafa sɔŋ.+

38 Ke woatsrɔ̃ sedzidalawo katã;

Eye etsɔme aɖeke manɔ anyi na ame vɔ̃ɖiwo o.+

39 Ame dzɔdzɔewo ƒe xɔname tso Yehowa gbɔ;+

Eyae nye woƒe mɔ́ sesẽ le xaxaɣi.+

Axɔ na wo tso ame vɔ̃ɖiwo si me, eye wòaɖe wo,

Elabena wosii tso.+

38 Oo Yehowa, mègaka mo nam le dziku me o,

Eye mègaɖɔm ɖo le dɔmedzoe me o.+

 2 Elabena wò aŋutrɔwo ƒo ɖem yi ememe,

Eye wò asi sẽ ɖe dzinye.+

 4 Elabena nye vodadawo kɔ gbɔ tanye;+

Wole abe agba kpekpe si wu tsɔtsɔ nam ene.

 5 Nye abiwo le ʋeʋẽm hele tsi tsyɔm yoo,

Le nye bometsitsi ta.

 6 Metɔtɔ, eye medo dɔgɔ̃e;

Melé blanui le yiyim ŋkeke blibo la katã.

 7 Elabena nye lãme* ʋu dzo hɛ̃e;

Eye nye ameti bliboa dze dɔ.+

 8 Nye lãme tu, eye megbã gudugudu;

Nye dzi le veve sem hena mele ŋeŋem sesĩe.

 9 Oo Yehowa, nye didiwo katã le ŋkuwòme,

Eye nye hũɖeɖewo mele ɣaɣla ɖe wò o.

10 Nye dzi le tsotsom kpokpokpo, ŋusẽ vɔ le ŋunye,

Eye nye ŋkuwo dzi tsyɔ.*+

11 Xɔ̃nyewo kple nye zɔhɛwo ƒo asa nam le nye fuwɔame la ta,

Eye nye ame nyanyɛwo hã le adzɔge nam.

12 Ame siwo le nye agbe* yome tim la tre mɔ̃ nam;

Ame siwo le vɔ̃ dim nam la le nu ƒom le nye gbegblẽ ŋu;+

Wole alakpanyawo gblɔm ŋkeke blibo la katã.

13 Ke mele abe tokunɔ ene, nyemele naneke sem o;+

Eye mele abe aɖetututɔ ene, nyemake nu o.+

14 Mele abe tokunɔ,

Si ƒe nu me nya aɖeke mele wòatsɔ aɖo nya ŋui o la ene.

15 Elabena Oo Yehowa, asiwònu kpɔm mele,+

Oo Yehowa nye Mawu, ètɔ nam.+

16 Elabena megblɔ be: “Mègana woatso aseye le tanye

Alo ado wo ɖokuiwo ɖe dzi ɖe ŋunye ne nye afɔ ɖiɖi o.”

17 Elabena nye anyidzedze gbɔ megadidi o,

Eye vevesese dzi ko mele.+

18 Meʋu nye vodada me;+

Nye nu vɔ̃wo na metsi dzimaɖi.+

19 Ke nye futɔwo tri akɔ* hesesẽ,*

Eye ame siwo léa fum dzodzro hã sɔ gbɔ ŋutɔ.

20 Wotsɔ vɔ̃ ɖo nyui teƒe nam;

Wotso ɖe ŋunye le esi meti nyui yome ta.

22 Va kaba nàva xɔ nam,

Oo Yehowa, nye xɔnametɔ.+

39 Mebe: “Malé ŋku ɖe nye zɔzɔme ŋu,

Be nyemawɔ nu vɔ̃ kple nye aɖe o.+

Made ga nye nu,+

Zi ale si ame vɔ̃ɖi la le ŋkunyeme.”

 2 Ðoɖoe zi le nunye klenee;+

Mezi ɖoɖoe le nya nyui gɔ̃ hã ŋu,

Ke hã nye vevesesewo nu sẽ ɖe edzi.

 4 “Oo Yehowa, na manya nye nuwuwu,

Kple nye agbemeŋkekewo ƒe didime,+

Ne manya ale si nye agbe le kpuie.*

 5 Ɛ̃, èwɔ nye ŋkekewo wole ʋɛe;*+

Eye nye agbenɔƒewo menye naneke le ŋkuwòme o.+

 9 Mezi ɖoɖoe;

Nyemete ŋu ke nu o,+

Elabena gbɔwòe esia tso.+

11 Ètsɔ tohehe ɖɔ ame ɖo le eƒe vodada ta;+

Eye nègblẽ eƒe nu nyuiwo dome abe agbagblaʋui ye ɖui ene.

12 Oo Yehowa, se nye gbedodoɖa,

Eye nàƒu to anyi ɖe nye ɣlidodo ŋu.+

Elabena amedzro ko menye na wò,+

Eye ɖe metso eme va yina,* abe tɔgbuinyewo katã ko ene.+

13 Ðe ŋku ɖa le ŋunye, ne makpɔ dzidzɔ vie,

Hafi nunye nayi, eye nyemaganɔ anyi o.”

40 Mekpɔ mɔ na Yehowa vevie,*

Eya ta eƒu to anyi ɖe* ŋunye, eye wòse nye ɣlidodo.+

 2 Ehem tso do globo me,

Tso ba finyafinya me.

Eye wòtsɔ nye afɔwo ɖo agakpe dzi;

Ena nye afɔ li ɖi sesĩe.

 3 Ede ha yeye nu nam,+

Kafukafuha wònye na mía Mawu.

Ame geɖewo akpɔe, eye vɔvɔ̃ aɖo wo

Eye woaɖo dzi ɖe Yehowa ŋu.

 4 Dzidzɔtɔe nye ame si ɖoa dzi ɖe Yehowa ŋu,

Eye metrɔna ɖe dadala mabuamewo ŋu loo, alo ɖe ame siwo dze alakpa* yome la ŋu o.

 5 Oo Yehowa nye Mawu,

Nu siwo nèwɔ na mí la sɔ gbɔ loo!

Wò nukudɔwo kple wò susu siwo nèɖe ku ɖe mía ŋu la sɔ gbɔ.+

Ame aɖeke mede nuwò o;+

Ne mebe maƒo nu tso wo ŋu alo agblɔ wo ŋu nya la,

Womele xexlẽ me o!+

 6 Menye vɔsawo kple nunanawoe nèdina* o,+

Ke boŋ èʋu to nam be mase nu.+

 8 Oo nye Mawu, wò lɔlɔ̃nu wɔwɔe nye nye dzidzɔ,*+

Eye wò se la le menye.+

Kpɔ ɖa! Nyememia nu o,+

Oo Yehowa, wò ŋutɔ ènyae nyuie.

Nye vodada gbogboawo kɔ gbɔ tanye ale gbegbe be nyemegate ŋu le nye mɔ kpɔm o;+

Wosɔ gbɔ wu nye taɖa,

Eye dzi ɖe le ƒonye.

14 Na ame siwo le didim be yewoaɖe nye agbe* ɖa la,

Naɖu ŋukpe eye woƒe mo netsi dãa.

Na ame siwo le vɔ̃e dim nam la,

Nagbugbɔ ɖe megbe kple ŋukpe gã.

15 Na ame siwo le gbɔgblɔm be, “Ehɛ̃, Ehɛ̃!” la,

Woƒe nu neku le woƒe ŋukpe ta.

17 Ke nye la, wɔna vɔ le ŋunye eye hiã tum;

Yehowa, ɖo ŋku dzinye.

Wòe nye nye kpeɖeŋutɔ kple nye xɔnametɔ;+

Oo nye Mawu, mègatsi megbe o.+

41 Dzidzɔtɔe nye ame si bua ame tsɛ ŋu;+

Yehowa axɔ nɛ le xaxaɣi.

Woabui dzidzɔtɔe le anyigba dzi;+

Màtsɔe ade asi na eƒe futɔwo ƒe didi* akpɔ o.+

 3 Yehowa alée ɖe te le dɔba dzi;+

Àɖɔli eƒe aba keŋkeŋ le eƒe dɔléɣi.

Eva dia ameŋugblẽnyawo;

Eye ne enya do go ko la, eyina ɖakakanɛ.

 7 Nye futɔwo katã le dalĩ dom na wo nɔewo;

Wole vɔ̃e susum ɖe ŋunye be:

 8 “Dɔ dziŋɔ aɖe dze edzi;

Fifia esi wòtsi anyimlɔƒe la, megale fɔfɔ ge akpɔ o.”+

 9 Ame si le ŋutifafa me kplim, ame si dzi meka ɖo,+

Si ɖua nye abolo la kɔ eƒe afɔkpodzi dzi ɖe ŋunye.*+

10 Ke wò, Oo Yehowa, ve nunye, ne nàna mafɔ,

Ne maɖo eteƒe na wo.

12 Ke nye la, èlém ɖe te le nye fɔmaɖimaɖi ta;+

Àtsɔm aɖo ŋkuwòme tegbee.+

13 Woakafu Yehowa, Israel ƒe Mawu

Tso mavɔ me yi mavɔ me.+

42 Ale si tɔʋu me tsi dzroa zinɔ vevie la,

Nenemae nèle dzroyem* vevie, Oo Mawu.

 3 Nye aɖatsiwo zu nuɖuɖu nam zã kple keli;

Wole alɔme ɖem le ŋunye ŋkeke blibo la be: “Afi ka gɔ̃ wò Mawu la le?”+

 4 Meɖo ŋku nu siawo dzi, eye metrɔ nye luʋɔ* kɔ ɖi,

Elabena nye kple amehawoe yina tsã;

Menɔa wo ŋgɔ míezɔna* yia Mawu ƒe aƒe la me,

Esime aseyetsotso kple akpedada dea dzi kɔtɔɔ,

Le ŋkekenyuiɖulawo ƒe ha la dome.+

Makpɔ Mawu sinu,+

Elabena magakafu eya si nye nye Xɔnametɔ Gã+ la ake.

Esia tae meɖoa ŋku dziwò,+

Le Yordan-nyigba dzi kple Hermon Towo tame,

Le Mizar To la dzi.*

 7 Ne wò tsitsetsewo le kɔkɔm ɖi bababa la,

Tɔ goglo yɔa tɔ goglo.

 8 Yehowa ave nunye le ŋkeke me,

Eƒe ha anɔ nunye le zã me, wòanye gbedodoɖa na Mawu si na agbem.+

10 Nye futɔwo tsɔ fuléle kaɖikaɖi le alɔme ɖem le ŋunye;*

Wole alɔme ɖem le ŋunye ŋkeke blibo la be: “Afi ka gɔ̃ wò Mawu la le?”+

Makpɔ Mawu sinu,+

Elabena magakafu eya si nye nye Xɔnametɔ Gã kple nye Mawu la ake.+

43 Oo Mawu, tso afia nam,+

Eye nàdrɔ̃ nye kple dukɔ mawɔnuteƒe la dome nya nam.+

Na woawo nakplɔm;+

Na woakplɔm ayi wò to kɔkɔe la kple wò avɔgbadɔ gã la gbɔ.+

 4 Ekema mayi Mawu ƒe vɔsamlekpui la gbɔ,+

Mayi Mawu, si nye nye aseyetsotso la gbɔ.

Makpɔ Mawu sinu,+

Elabena magakafu eya si nye nye Xɔnametɔ Gã kple nye Mawu la ake.+

44 Oo Mawu, míesee kple míaƒe to,

Mía tɔgbuiwo gblɔe na mí,+

Wogblɔ nu siwo nèwɔ le wo ŋɔli,

Le blemaŋkekewo me la na mí.

 2 Ètsɔ wò asi nya dukɔwo ɖa+

Eye nètsɔ mía tɔgbuiwo ɖo wo teƒe.+

 3 Menye woawo ŋutɔwo ƒe yie wotsɔ xɔ anyigba la o,+

Eye menye woawo ŋutɔwo ƒe alɔe xɔ na wo o.+

Ke boŋ wò nuɖusi kple wò alɔ+ kpakple wò mo ƒe kekeli ye,

Elabena woƒe nu nyo ŋuwò.+

 4 Oo Mawu, wòe nye nye Fia;+

Ðe gbe ne dziɖuɖu* nava na Yakob.

 5 Wò ŋusẽ mee míanya míaƒe ketɔwo aɖo ɖe megbe le;+

Wò ŋkɔ mee míafanya ame siwo tso ɖe mía ŋu la le.+

 6 Elabena menye nye dati ŋue mele ŋu ɖom ɖo o,

Eye nye yi mate ŋu axɔ nam o.+

 7 Wòe ɖe mí tso míaƒe ketɔwo si me,+

Wòe na ŋukpe lé ame siwo ɖia gbɔ mí la.

 8 Mawue míakafu ŋkeke blibo la,

Eye míakafu wò ŋkɔ tegbee. (Sela)

 9 Ke fifia ya ètsɔ mí ƒu gbe, ède ŋukpe mo na mí,

Eye mèho yi kple míaƒe aʋakɔwo o.

10 Èna míesi le míaƒe futɔwo nu;+

Eye míaƒe ketɔwo ha mí ale si wodi.

11 Ètsɔ mí de asi abe alẽwo ene ne woavuvu;

Eye nèka mí hlẽ ɖe dukɔwo dome.+

12 Ètsɔ wò dukɔ dzra ho kpɔtsɔe;+

Eye mèkpɔ viɖe aɖeke le wo dzadzra me o.

13 Ètsɔ mí wɔ vlodonu na mía haviwo,

Alɔmeɖenu kple nu ɖikokoe na ame siwo ƒo xlã mí.

14 Ètsɔ mí wɔ vlodonu* le dukɔwo dome,+

Eye dukɔwo ʋuʋua ta ne wokpɔ mí.

15 Ŋu kpeam ŋkeke bliboa katã,

Eye nye ŋukpe nyè tsyɔm,

16 Le woƒe alɔmeɖeɖe kple dzugbe siwo sem mele la ta,

Le míaƒe futɔ la ƒe hlɔ̃biabia ta.

17 Nu siawo katãe dzɔ ɖe mía dzi, ke míeŋlɔ wò be o,

Eye míetu wò nubabla la o.+

18 Míaƒe dzi metrɔ le yowòme o;

Eye míaƒe afɔwo metra le wò mɔ dzi o.

19 Ke èto mí nyanyanya le agbotoewo nɔƒe;

Eye nètsɔ blukɔ tsyɔ mía dzi.

20 Ne ɖe míeŋlɔ mía Mawu ƒe ŋkɔ be

Alo míeke míaƒe asiwo me na mawu tutɔ la,

21 Ðe Mawu manya esia oa?

22 Tawòe wole mía wuwu dzi ŋkeke bliboa katã;

Wobu mí abe alẽ siwo woyina wuwu ge ene.+

25 Elabena wobɔbɔ mí* ɖe anyi va se ɖe ke me ke;

Womimi mí te ɖe anyigba.+

 3 Oo ŋusẽtɔ,+ ta wò yi,+

Le wò bubu kple wò atsyɔ̃ɖoɖo me.+

 4 Nɔ wo atsyɔ̃ɖoɖo me nàho ayi aɖaɖu dzi;+

Ho yi le nyateƒe kple ɖokuibɔbɔ kpakple dzɔdzɔenyenye+ ta,

Eye wò nuɖusi awɔ nu dziŋɔwo.*

 5 Wò aŋutrɔwo le ɖaɖam, wona dukɔwo le anyi dzem le ŋgɔwò;+

Woƒo ɖe fia ƒe futɔwo ƒe dzi me floi.+

 6 Mawue nye wò fiazikpui ɖaa tegbee;+

Wò fiaɖuƒe ƒe fiatikplɔ nye nu dzɔdzɔe wɔwɔ ƒe fiatikplɔ.*+

 8 Mire, aloe kple kasia ƒe ʋeʋẽ lilili le wò awuwo katã me;

Kasaŋkuƒoƒo do dzidzɔ na wò le nyiɖufiasã gã la me.

10 Oo vinyɔnu, ɖo to nàsee, eye nàƒu to anyi;

Eye wò ŋku nedzo le wò dukɔ kple fofowò ƒe aƒe la dzi.

11 Wò tugbedzedze alé dzi na fia la,

Elabena eyae nye wò aƒetɔ,

Eya ta bɔbɔ nɛ.

12 Tiro vinyɔnu atsɔ nunana vɛ;

Eye kesinɔtɔ gãwo adi amenuveve tso gbɔwò.*

13 Fia vinyɔnu si le fiasã* la me la, nye atsyɔ̃ɖoɖo sɔŋ.

Sika ye wotsɔ do atsyã na* eƒe awuwo.

15 Woatsɔ dzidzɔ kple aseyetsotso akplɔ wo vɛ;

Woage ɖe fiasã la me.

46 Mawu nye míaƒe sitsoƒe kple míaƒe ŋusẽ,+

Eyae nye xɔnametɔ si li ɖaa le xaxaɣiwo.+

 2 Esia tae míavɔ̃ o, togbɔ be anyigba la ƒe nɔnɔme le tɔtrɔm hã,

Togbɔ be towo mu dze atsiaƒu ƒe gogloƒewo hã,+

 3 Togbɔ be eƒe tsiwo dze agbo, eye wotso futukpɔ hã,+

Togbɔ be towo ʋuʋu le eƒe agbodzedze me hã. (Sela)

 4 Tɔsisi aɖe li si ƒe alɔdzewo doa dzidzɔ na Mawu ƒe du la,+

Dziƒoʋĩtɔ la ƒe avɔgbadɔ gã kɔkɔe la.

 6 Dukɔwo dze agbo, fiaɖuƒewo mu;

Ekɔ gbe dzi, eye anyigba lólo.+

 7 Aʋakɔwo ƒe Yehowa li kpli mí;+

Yakob ƒe Mawu lae nye míaƒe mɔ́ sesẽ. (Sela)

 8 Miva kpɔ Yehowa ƒe nuwɔwɔwo,

Ale si wòna nu wɔmoyaawo dzɔ le anyigba dzii ɖa.

Eŋea dati, eflia akplɔ kakɛkakɛe,

Eye wòtɔa dzo aʋatasiaɖamwo.*

Woadom ɖe dzi le dukɔwo dome;+

Woadom ɖe dzi le anyigba dzi.”+

11 Aʋakɔwo ƒe Yehowa li kpli mí;+

Yakob ƒe Mawu lae nye míaƒe mɔ́ sesẽ.+ (Sela)

 2 Elabena ŋɔdzi le Yehowa Dziƒoʋĩtɔ la ŋu;+

Fia gã wònye ɖe anyigba blibo la katã dzi.+

 3 Ebɔbɔ dukɔwo ɖe mía te;

Etsɔ anyigbadzidukɔwo de míaƒe afɔ te.+

 4 Etia míaƒe domenyinu na mí,+

Si nye Yakob, ame si wòlɔ̃na la, ƒe adegbeƒonu.+ (Sela)

 5 Mawu lia yi dzi kple aseyetsotso;

Yehowa yi dzi kple kpẽwo ƒe ɖiɖi.

 7 Elabena Mawue nye anyigba blibo la ƒe Fia;+

Midzi kafukafuha, eye midze nunya.

 9 Dukɔwo ƒe amegãwo ƒo ƒu

Kple Abraham ƒe Mawu ƒe dukɔ la.

48 Yehowa lolo, eye wòdze kafukafu ŋutɔ

Le mía Mawu ƒe du la me, le eƒe to kɔkɔe la dzi.

 2 To la kɔ henya kpɔ ŋutɔ, eye wònye dzidzɔdonu na anyigba blibo la katã,+

Zion To si le dziehe kekeake lae,

Eyae nye Fia Gã la ƒe du.+

 3 Mawu ɖee fia le dua

Ƒe mɔ́ sesẽwo me be yenye sitsoƒe.+

 4 Elabena kpɔ ɖa, fiawo ƒo ƒu,*

Wowɔ ɖeka ho va.

 6 Wodzo nyanyanya le afi ma,

Wose veve abe nyɔnu si le ku lém ene.

 8 Míekpɔe abe ale si tututu míesee ene,

Míekpɔe le aʋakɔwo ƒe Yehowa ƒe du la me, le mía Mawu ƒe du la me.

 9 Oo Mawu, míedea ŋugble le wò lɔlɔ̃ si nu metsina o ŋu,+

Le wò gbedoxɔ la me.

10 Oo Mawu, wò kafukafu de anyigba ƒe mlɔenuwo+

Abe wò ŋkɔ la ke ene.

11 Zion To+ nekpɔ dzidzɔ,

Yuda duwo* netso aseye le wò ʋɔnudɔdrɔ̃wo ŋuti.+

12 Mizɔ Zion ŋu godoo; miƒo xlãe va kpe;

Mixlẽ eƒe xɔ tsralawo.+

Milé ŋku ɖe eƒe mɔ́ sesẽwo ŋu,

Ne miatsɔe atu xo na dzidzime siwo gbɔna.

Miƒu to anyi, mi xexea* me nɔlawo katã,

 2 Mi ame tsɛwo kple amegãwo,*

Mi kesinɔtɔwo kple ame dahewo siaa.

 3 Nye nu agblɔ nya siwo me nunya le,

Eye nye dzimesusuwo+ aɖe gɔmesese afia.

 4 Maƒu to anyi ɖe lododo ŋu;

Maɖe nye adzowo gɔme ɖe saŋku ƒe ɖiɖi ŋu.

 5 Nu ka ŋuti mavɔ̃ le xaxaɣiwo,+

Esime ame siwo le didim be yewoaƒum anyi la ƒe nu vɔ̃ɖi wɔwɔ* ƒo xlãm?

 6 Ame siwo le dzi ɖom ɖe woƒe nunɔamesiwo ŋu+

Eye wotsɔ woƒe kesinɔnu gbogboawo le adegbe ƒomee la,+

 7 Wo dometɔ aɖeke mate ŋu axɔ na nɔvia akpɔ o

Eye mate ŋu axe etafe na Mawu o,+

 8 (Fexexe* ɖe woƒe agbe ta* xɔ asi ale gbegbe be,

Womate ŋui akpɔ gbeɖe o);

 9 Ne wòanɔ agbe tegbee eye makpɔ yɔdo o.+

10 Ekpɔe be nunyalawo gɔ̃ hã kuna;

Bometsilawo kple abunetɔwo siaa nu yina,+

Eye wogblẽa woƒe kesinɔnuwo ɖi na ame bubuwo.+

11 Woƒe dzimedidie nye be yewoƒe aƒewo nanɔ anyi ɖaa,

Be yewoƒe avɔgbadɔwo nanɔ anyi tso dzidzime yi dzidzime.

12 Gake ne bubu le amegbetɔ ŋu hã la, manɔ anyi ɖaa o;+

Ðeko wòle abe lã siwo nu yina la ene.+

13 Aleae movitɔwo ƒe mɔwo nɔna+

Eye aleae ame siwo nɔa wo yome, siwo ɖoa dzi ɖe woƒe nya gbɔlowo ŋu la hã tɔ nɔna. (Sela)

Kue akplɔ wo;

Ame dzɔdzɔewo aɖu wo dzi+ le ŋdi.

Woanyunyɔ eye wo nu ayi keŋkeŋ;+

Tsiẽƒee*+ anye aƒe si me woamlɔ, ke menye woƒe aƒe gãwo me o.+

15 Ke Mawu aɖem* tso Tsiẽƒe*+ ƒe ŋusẽ si me,

Elabena axɔm. (Sela)

16 Ne ame aɖe zu kesinɔtɔ la, mègavɔ̃ o,

Eye ne atsyɔ̃ si le eƒe aƒe ŋu dzi ɖe edzi hã, mègavɔ̃ o,

17 Elabena ne eku la, mate ŋu atsɔ naneke ɖe asi o;+

Eye eƒe atsyɔ̃ la mayi kplii o.+

20 Ne bubu le ame aɖe ŋu, evɔ wògbe esia gɔmesese la,+

Ðeko wòle abe lã siwo nu yina la ene.

50 Yehowa, Mawu ŋusẽtɔ*+ la, ƒo nu;

Eyɔa anyigbadzinɔlawo

Tso ɣe ƒe dzedze va se ɖe eƒe toɖoɖo.*

Dzo le bibim le eŋgɔ,+

Eye ahom le tutum le eŋu godoo.+

 4 Eyɔ dziƒowo le dzi ʋĩi kple anyigba la,+

Ne wòadrɔ̃ ʋɔnu eƒe dukɔ la:+

 5 “Miƒo nye nuteƒewɔlawo nu ƒu nam,

Ame siwo sa vɔ tsɔ bla nu kplim.”+

 6 Dziƒowo ɖea gbeƒã eƒe dzɔdzɔenyenye,

Elabena Mawu ŋutɔe nye Ʋɔnudrɔ̃la.+ (Sela)

 7 “Oo nye dukɔ, see, mele nu ƒo ge;

Oo Israel, maɖi ɖase ɖe ŋuwò.+

 8 Menye wò vɔsawo tae mele mo kam na wò ɖo o,

Eye menye wò numevɔsa blibo siwo le ŋkunyeme ɖaa hã tae o.+

 9 Nyemele nyitsu si le aƒewò me dim be malé,

Alo le gbɔ̃* siwo le wò lãkpɔ me la dim o.+

10 Elabena tɔnyee avemelãwo katã nye,+

Kple lã siwo le to akpe nanewo dzi.

11 Menya xevi ɖe sia ɖe si le towo dzi;+

Eye lã gbogbo siwo le gbe me hã, tɔnyee wonye.

12 Ne dɔ le wuyem la, nyemagblɔe na wò o ɖe,

Elabena tɔnyee anyigba wɔnu la kple edzi nuwo katã nye.+

13 Ðe maɖu nyitsuwo ƒe lã

Ahano gbɔ̃tsuwo ƒe ʋua?+

14 Tsɔ akpedavɔsawo na Mawu,+

Eye nàxe wò adzɔgbeɖefewo na Dziƒoʋĩtɔ la;+

15 Yɔm le xaxagbe.+

“Mɔ kae nèkpɔ axlẽ nye ɖoɖowo afia+

Alo alé nye nubabla ɖe nu?+

17 Elabena èlé fu amehehe,*

Eye nètrɔa megbe dea nye nyawo.*+

18 Ne èkpɔ fiafi la, eƒe nu nyoa ŋuwò,*+

Eye nèdea ha kple ahasiwɔlawo.

19 Ètsɔa wò nu kakaa nya vɔ̃,

Eye amebeble lé ɖe wò aɖe dzi.+

20 Ènɔa anyi ƒoa nu gbegblẽ le wò ŋutɔ nɔviwò ŋu;+

Eye nèʋua go dawòvi ƒe vodada.*

21 Esi nèwɔ nu siawo la, mezi kpi,

Eya ta èsusu be ɖe mele abe wò ene.

Ke azɔ la, maka mo na wò,

Eye matsɔ nya ɖe ŋuwò.+

22 Mi ame siwo ŋlɔa Mawu be, meɖe kuku, mibu nya siawo ŋu,+

Ne magavuvu mi ʋayaʋaya, eye xɔnametɔ aɖeke manɔe na mi o.

23 Ame si saa akpedavɔ nam la, eyae doam ɖe dzi,+

Eye ame si ƒe zɔzɔme toa mɔ ɖeka la,

Mana wòakpɔ Mawu ƒe xɔname.”+

 2 Le tsi nam keŋkeŋ tso nye vodada me,+

Eye nàklɔ ŋunye tso nye nu vɔ̃ me.+

 3 Elabena nye dzidadawo la, medze si wo keŋ,

Eye nye nu vɔ̃ le ŋkunyeme ɖaa.*+

 4 Ŋuwòe mewɔ nu vɔ̃ ɖo—wò koŋ ŋue mewɔe ɖo,*+

Nu si nye vɔ̃ le ŋkuwòmee mewɔ.+

Le esia ta ne èƒo nu la, tɔwò adzɔ,

Eye ne ètso afia la, enɔa eteƒe.+

 5 Kpɔ ɖa! Vodada mee wodzim ɖo,

Eye nu vɔ̃ mee danye fɔ nye fu ɖo.*+

 6 Kpɔ ɖa! Nyateƒetoto si tso dzi me kee nèdina;+

Fia num ne madze nunya le ememe ke.

 7 Tsɔ isop gbe klɔ ŋunye tso nye nu vɔ̃ me, ne ŋunye nadza;+

Le tsi nam ne mafu tititi wu sno.+

 8 Na mase dzidzɔ kple aseyetsotso ŋkɔ,

Ne nye ƒu siwo nègbã gudugudu la nagli kple dzidzɔ.+

 9 Ðe ŋku ɖa le nye nu vɔ̃wo ŋu,*+

Eye nàtutu nye vodadawo katã ɖa.+

10 Oo Mawu, wɔ dzi dzadzɛ ɖe menye,+

Eye nàde gbɔgbɔ yeye+ si li ke la menye.

11 Mègatsɔm ƒu gbe le ŋkuwòme o;

Eye mègaxɔ wò gbɔgbɔ kɔkɔe la hã le asinye o.

12 Gbugbɔ wò xɔname ƒe dzidzɔ de menye;+

Eye nànyɔ wò lɔlɔ̃nu wɔwɔ ƒe gbɔgbɔ ɖe menye.*

13 Mafia wò mɔwo dzidalawo,+

Ne nu vɔ̃ wɔlawo natrɔ ava gbɔwò.

14 Oo Mawu, Mawu, nye xɔnametɔ,+ ɖem tso ʋufɔɖiɖi+ me,

Ne nye aɖe naɖe gbeƒã wò dzɔdzɔenyenye kple dzidzɔ.+

15 Oo Yehowa, ʋu nu nam,

Ne nye nu naɖe gbeƒã wò kafukafu.+

16 Elabena menye vɔsae dzea ŋuwò o, anye ne masa vɔ na wò;+

Menye numevɔsae dzea ŋuwò o.+

17 Vɔsa siwo dzea Mawu ŋue nye gbɔgbɔ si gbã;

Oo Mawu, màdo vlo dzi si gbã hetugu la o.+

18 Wɔ nyui na Zion le wò ŋudzedzekpɔkpɔ la nu;

Ðo Yerusalem ƒe gliwo.

19 Ekema dzɔdzɔenyenyevɔsawo,

Numevɔsawo kple vɔsa blibowo adze ŋuwò;

Ekema woatsɔ nyitsuwo asa vɔe le wò vɔsamlekpui la dzi.+

 2 Wò aɖe si le ɖaɖam abe talũhɛ ene la,+

Ðoa nu gbegblẽ hewɔa alakpanu.+

 3 Èlɔ̃ vɔ̃ wu nyui,

Eye nèlɔ̃ aʋatsokaka wu nyateƒetoto. (Sela)

 4 Oo wò, alakpaɖe,

Nya siwo gblẽa nu sɔŋ ko nèlɔ̃na!

 5 Esia tae Mawu atsɔ wò aƒu anyi tegbee;+

Ahe wò ado goe tso wò agbadɔ me;+

Aho wò kple ke tso agbagbeawo ƒe anyigba dzi.+ (Sela)

 6 Ame dzɔdzɔewo akpɔe, woƒe nu aku,+

Eye woakoe agblɔ be:+

 7 “Mikpɔ ŋutsu si metsɔ Mawu wɔ eƒe sitsoƒee* o,+

Ke boŋ wòɖoa ŋu ɖe eƒe kesinɔnu gbogboawo ŋu+

Eye wòɖoa dzi ɖe eƒe aɖaŋu vɔ̃wo ŋu* la ɖa.”

 8 Ke nye ya la, manɔ abe amiti dama ene le Mawu ƒe aƒe me;

Maɖo ŋu ɖe Mawu ƒe lɔlɔ̃ si nu metsina o+ la ŋu tegbee.

 9 Makafu wò ɖaa, elabena èwɔe de goe;+

Makpɔ mɔ na wò ŋkɔ,+ elabena enyo

Le ame siwo wɔa nuteƒe na wò la ŋkume.

Wowɔa nu madzɔmadzɔwo, nu tovo siwo nyɔa ŋu;

Ame aɖeke meli si wɔa nu nyui o.+

 2 Ke Mawu léa ŋku ɖe amegbetɔviwo ŋu tso dziƒo+

Be yeakpɔe ɖa be ame aɖe li si sea nu gɔme, eye wòbiaa Yehowa ta sena hã.+

 3 Wo katã wote ɖe aga;

Wo katã wogblẽ keŋ.

Ame aɖeke meli si wɔa nu nyui o,

Ðeka hɔ̃ hã meli o.+

 5 Ke ŋɔdzi gã alé wo,

Ŋɔdzi si tɔgbi melé wo kpɔ o,*

Elabena Mawu aka ame si ho* ɖe ŋuwò la ƒe ƒuwo ahlẽ.

Ne Yehowa gakplɔ eƒe aboyomewo gbɔe la,

Ekema Yakob nekpɔ dzidzɔ, Israel netso aseye.

54 Oo Mawu, xɔ nam le wò ŋkɔ la ta,+

Eye nàtsɔ wò ŋusẽ la aʋli tanye.+

 2 Oo Mawu, se nye gbedodoɖa;+

Lé to ɖe nye numenyawo ŋu.

 3 Elabena ame tutɔwo tso ɖe ŋunye,

Eye ŋutasẽlawo le nye agbe* yome tim.+

 4 Kpɔ ɖa! Mawue nye nye xɔnametɔ;+

Yehowa li kple ame siwo léam ɖe te.*

 5 Atsɔ nye futɔwo+ ŋutɔ ƒe vɔɖivɔ̃ɖi aɖo eteƒe na wo;

Na wo nu nayi* le wò nuteƒewɔwɔ ta.+

 7 Elabena Mawu ɖem tso xaxawo katã me;+

Nye ŋku atsa le nye futɔwo dzi le dziɖuɖu me.+

55 Oo Mawu, se nye gbedodoɖa;+

Eye mègado toku nye kokoƒoƒo be nàkpɔ nublanui nam o.*+

Mede vovo ge do kpoe le nye dzimaɖitsitsiwo ta;+

Ðeko nye ame bliboa metɔtɔ

 3 Le nya siwo gblɔm futɔ la le,

Kple ame vɔ̃ɖi la ƒe amemiamia ta.

Elabena wolɔ fukpekpe kɔ ɖe dzinye,

Eye wodo dziku helém ɖe dɔme.+

 4 Nye dzi le veve sem vevie le menye,+

Eye ku ƒe ŋɔdzi lém.+

 5 Vɔvɔ̃ ɖom, mele dzodzom nyanyanya,

Eye mele ƒoƒom kpakpakpa.

 8 Mawɔ kaba asi ayi bebeƒe,

Masi le ya ʋuduʋudu la nu, le ahom sesẽ la nu.”

 9 Oo Yehowa, na woatɔtɔ, gblẽ woƒe ɖoɖowo me,*+

Elabena mele ŋutasesẽ kple dzrewɔwɔ teƒe kpɔm le dua me.

10 Wozɔa dua ƒe gliwo dzi kpe ɖo zã kple keli;

Ke nu vevi wɔame kple fuɖename le eme.+

11 Gbegblẽ xɔ aƒe ɖe eme;

Eye ameteteɖeanyi kple amebeble megbea eƒe ablɔwo me nɔnɔ o.+

12 Ðe wònye futɔ aɖee le vlo domem la,+

Anye ne mado dzi atsɔe.

Ðe wònye nye ketɔe tso ɖe ŋunye la,

Anye ne masi le egbɔ aɖabe.

13 Gake wò, ame si le abe nye ke ene,*+

Nye ŋutɔ xɔ̃nye si menya nyuie lae.+

14 Tsi metoa nye kplii dome tsã o;

Míenɔa amehawo dome yia Mawu ƒe aƒe la me.

Woneyi Tsiẽ* agbagbee;

Elabena vɔ̃ɖinyenye xɔ aƒe ɖe wo dome, eye wòle dzi me na wo.

16 Ke nye la, Mawue mayɔ;

Eye Yehowae axɔ nam.+

17 Nu tena ɖe dzinye eye meɖea hũ* le fiẽ, ŋdi kple ŋdɔ,+

Eye wòsea nye gbe.+

18 Aɖem eye wòana makpɔ* gbɔdzɔe tso ame siwo le avu wɔm kplim la si me,

Elabena ame geɖewoe tso ɖe ŋunye.+

19 Mawu asee, eye wòatu nu kpli wo,+

Eya ame si bɔbɔ nɔ fiazikpui dzi tso blemablema ke.+ (Sela)

Woawo la, wogbe tɔtrɔ,

Wo, ame siwo mevɔ̃a Mawu o.+

20 Etso* ɖe ame siwo le ŋutifafa me kplii la ŋuti;+

Eye wòtu eƒe nubabla la.+

21 Eƒe numenyawo zrɔ̃ drẽdrẽdrẽ wu notsi kpekẽ,+

Evɔ aʋawɔwɔ le eƒe dzi me.

Eƒe nyawo le bɔlɔbɔlɔ wu ami,

Ke yi siwo woɖe ɖe goe wonye.+

22 Dro wò agba ɖe Yehowa dzi,+

Ekema alé wò ɖe te.+

 2 Nye futɔwo klẽ aɖu ɖe ŋunye ŋkeke bliboa;

Ame siwo tsɔ dada le avu wɔm kplim la sɔ gbɔ.

 4 Mawu—ame si ƒe nya mekafuna—

Mawu ŋue meɖoa dzi ɖo; nyemavɔ̃ o.

 5 Wogblẽa nu me nam ŋkeke bliboa;

Woƒe susu koe nye be yewoagblẽ nu le ŋunye.+

 6 Wode xa ɖi be yewoadze dzinye;

Woƒe ŋku le nye afɔɖeɖewo ŋu,+

Wole didim be yewoaɖe nye agbe* ɖa.+

10 Mawu—ame si ƒe nya mekafuna—

Yehowa—ame si ƒe nya mekafuna—

11 Mawu ŋue meɖoa dzi ɖo; nyemavɔ̃ o.+

12 Oo Mawu, meɖe adzɔgbe na wò, si dzi wòle be mawɔ ɖo;+

Masa akpedavɔwo na wò.+

13 Elabena èɖem* tso ku me+

Eye mèna nye afɔ kli nu o,+

Ne mayi edzi azɔ le Mawu ŋkume le agbagbeawo ƒe kekeli me.+

57 Ve nunye, Oo Mawu, ve nunye,

Elabena wòe mesi tso;*+

Wò aʋala ƒe vɔvɔli tee mebe ɖo, va se ɖe esime xaxawo nu nava yi.+

 2 Meyɔ Mawu Dziƒoʋĩtɔ la,

Meyɔ Mawu vavã la, ame si nana nye xaxawo nu yina.

 4 Dzatawo ɖe to ɖem;*+

Ame siwo di be yewoavuvum la domee meva mlɔ,

Ame siwo ƒe aɖuwo nye akplɔ kple aŋutrɔ

Eye woƒe aɖe nye yi ɖaɖɛ.+

 5 Oo Mawu, do gã ɖokuiwò wòagbɔ dziƒowo ŋu;

Wò ŋutikɔkɔe nexɔ anyigba blibo la dzi.+

 6 Woɖo ɖɔ na nye afɔ;+

Wotem ɖe to.*+

Woɖe ʋe ɖe ŋgɔnye,

Ke woawo ŋutɔwo ge dze eme.+ (Sela)

 7 Oo Mawu, nye dzi le te sesĩe,+

Nye dzi le te sesĩe.

 9 Oo Yehowa, makafu wò le amehawo dome;+

Madzi kafukafuha* na wò le dukɔwo dome.+

10 Elabena wò lɔlɔ̃ si nu metsina o la sɔ gbɔ, eye wòkɔ yi ɖatɔ dziƒowo,+

Eye wò nuteƒewɔwɔ yi ɖatɔ dziŋgɔli.

11 Oo Mawu, do gã ɖokuiwò wòagbɔ dziƒowo ŋu;

Wò ŋutikɔkɔe nexɔ anyigba blibo la dzi.+

 2 Nu madzɔmadzɔ boŋ mieɖona le miaƒe dziwo me,+

Eye miaƒe asiwo wɔa ŋutasẽnuwo le anyigba la dzi!+

 3 Ame vɔ̃ɖiwo tra mɔ* tso wo dziɣi* ke;

Wodze aglã henye alakpatɔwo tso wo dziɣi ke.

 4 Woƒe numenyawo le abe da ƒe aɖi ene;+

Woƒe to ku abe ƒli si xe nu tome ene.

 5 Mesea gbesalawo ƒe gbe o,

Aleke kee gbesalawo ɖabi ɖe gbesasa me o.

 8 Wonenɔ abe abɔbɔ si le nyinyim le yiyim la ene;

Abe vi si ku hafi wodzi si mekpɔ ɣe kpɔ o la ene.

 9 Hafi miaƒe zewo nase ŋùti si wotsɔ do dzoe ɖe wo te ƒe dzoxɔxɔ ŋkɔ la,

Mawu akplɔ ŋùti mumua kple esi le bibim la siaa adzoe abe ahom ye lɔ wo ɖe nu ene.+

10 Ame dzɔdzɔe akpɔ dzidzɔ, elabena ekpɔ hlɔ̃biabia teƒe;+

Aklɔ eƒe afɔwo ɖe ame vɔ̃ɖi ƒe ʋu me.+

59 Oo nye Mawu, ɖem tso nye futɔwo si me;+

Kpɔ tanye tso ame siwo tso ɖe ŋunye la si me.+

 2 Ðem tso nu vɔ̃ɖi wɔlawo si me,

Eye nàxɔ nam tso ŋutasẽlawo* si me.

 3 Kpɔ ɖa, wode xa ɖi nam;*+

Ame sesẽwo dze dzinye,

Oo Yehowa, evɔ nyemedze agɔ alo wɔ nu vɔ̃ aɖeke hã hafi o.+

 6 Wovana fiẽ sia fiẽ;+

Wonɔa wowóm abe avuwo ene+ eye wotsana kpea dua ɖo.+

 7 Kpɔ ɖa! Wodudua nya kɔna ɖi bababa;

Woƒe nuyiwo le abe yi ene,+

Eye wogblɔna be: “Ame kae le esem?”+

 8 Ke wò, Yehowa, àko wo;+

Àɖe alɔme le dukɔwo katã ŋu.+

 9 Oo nye Ŋusẽ, manɔ asiwò nu kpɔm;+

Elabena Mawue nye nye mɔ́ sesẽ.+

10 Mawu si vea nunye geɖe la ŋutɔ akpe ɖe ŋunye;+

Mawu ana matsa ŋku le nye futɔwo dzi le dziɖuɖu me.+

Le wò ŋusẽ me, na woatsa tsaglãla;

Eye nàna woadze anyi, Oo Yehowa, míaƒe akpoxɔnu.+

12 Le esi wotsɔa woƒe nu wɔa nu vɔ̃, le nya si dona le woƒe nu me la ta,

Woƒe dada nezu ɖɔ wòaɖe wo,+

Le ɖiŋudodo kple amebeble si dona le wo nu ta.

13 Na wo nu nayi le wò dziku me;+

Na wo nu nayi, ne woaganɔ anyi o;

Na woadze sii be Mawu le dzi ɖum ɖe Yakob dzi va se ɖe anyigba ƒe mlɔenuwo ke.+ (Sela)

14 Na woatrɔ ava fiẽ sia fiẽ;

Na woanɔ wowóm abe avuwo ene atsa akpe dua ɖo.+

15 Na woanɔ tsaglãla tsam anɔ nu si woaɖu la dim;+

Womegaɖi ƒo o, eye womegakpɔ dzeƒe hã o.

16 Ke nye la, madzi ha le wò ŋusẽ ŋu;+

Le ŋdi la, matsɔ dzidzɔ aɖe gbeƒã wò lɔlɔ̃ si nu metsina o la.

Elabena wòe nye nye mɔ́ sesẽ,+

Kple nye dedienɔƒe le xaxaɣi.+

17 Oo nye Ŋusẽ, wòe madzi kafukafuha* na,+

Elabena Mawue nye nye mɔ́ sesẽ, Mawu si lɔ̃am vevie.+

 4 Na* dzesi ame siwo vɔ̃a wò,

Ne woasi ahade axa na dati la. (Sela)

 5 Ne woaxɔ na wò ame lɔlɔ̃awo,

Tsɔ wò nuɖusi ɖe mí, eye nàtɔ na mí.+

“Matso aseye, matsɔ Sekem ana wòanye domenyinu,+

Eye madzidze Sukot Bali+ la na nye amewo.

 7 Tɔnyee nye Gilead abe ale si Manase+ hã nye tɔnye ene,

Efrayim nye gakuku* na nye ta;

Gbeɖela ƒe atikplɔe Yuda nye nam.+

10 Oo Mawu, ɖe menye wò, ame si gbe mí lae oa,

Ðe menye mía Mawu, ame si megahona kple míaƒe aʋakɔwo o lae oa?+

11 Kpe ɖe mía ŋu le míaƒe xaxa me,

Elabena amegbetɔ ƒe xɔname mele ɖeke me o.+

12 Mawue ana ŋusẽ naɖo mía ŋu,+

Eye eyae afanya míaƒe futɔwo.+

 2 Mado ɣli na wò tso anyigba ƒe mlɔenu ke,

Ne nu te nye dzi ŋu.*+

 3 Elabena wòe nye nye sitsoƒe,

Kple nye mɔ́ sesẽ, si kpɔa tanye tso futɔ la si me.+

 4 Manɔ wò agbadɔ me ɖaa;+

Mabe ɖe wò aʋalawo te anɔ dedie.+ (Sela)

 6 Àdzi fia la ƒe agbemeŋkekewo ɖe edzi nɛ,+

Eye eƒe agbenɔƒewo anɔ anyi tso dzidzime yi dzidzime.

 7 Anɔ zi dzi* le Mawu ŋkume ɖaa;+

Na wò amenuveve kple nuteƒewɔwɔe, ne woakpɔ eta.+

 8 Ekema madzi kafukafuha* na wò ŋkɔ la tegbee,+

Eye maxe nye adzɔgbeɖefewo gbe sia gbe.+

 2 Nyateƒee, eyae nye nye agakpe, nye xɔnametɔ, nye mɔ́ sesẽ,+

Eya ta nyemaʋã akpa o.+

 4 Elabena wode adaŋu ne woamui aƒu anyi tso eƒe ɖoƒe kɔkɔ la;

Alakpadada vivia wo nu.

 5 Nyateƒee, mezi kpi kpoo le Mawu sinu kpɔm,*+

Elabena eya gbɔe nye mɔkpɔkpɔ tsona.+

 6 Nyateƒee, eyae nye nye agakpe, nye xɔnametɔ, nye mɔ́ sesẽ,

Eya ta nyemaʋã gbeɖe o.+

 9 Ƒuƒu koe amegbetɔviwo nye,

Amegbetɔƒomea nye sitsoƒe dzodzrowo.+

10 Migaɖo ŋu ɖe ametafatafa ŋu o

Alo ada miaƒe mɔkpɔkpɔ ɖe adzodada dzi o.

12 Azɔ hã, Oo Yehowa, wò lɔlɔ̃ nu metsina o,+

Elabena èɖoa eteƒe na ame sia ame ɖe eƒe nuwɔnawo nu.+

Ale si mele diwòm na nu te ŋunye* belibeli

Le kuɖiɖinyigba si dzi ƒu kplakplakpla, si dzi tsi aɖeke mele o la dzi.+

 2 Ale mekpɔ wò le kɔkɔeƒe la;

Mekpɔ wò ŋusẽ kple wò ŋutikɔkɔe.+

 3 Esi wò amenuveve nyo wu agbe taa,+

Nye nuyiwo akafu wò.+

 4 Esia ta makafu wò le nye agbenɔɣi katã;

Eye mawu nye asiwo dzi le wò ŋkɔ me.

 5 Nu nyuiwo kple nu damiwo ɖi ƒo nam,*

Eya ta matsɔ aseyetsonuyiwo akafu wò.+

 6 Meɖoa ŋku dziwò le nye aba dzi;

Le zã ƒe ŋudzɔɣiwo la, medea ŋugble le ŋuwò.+

 7 Elabena wòe kpena ɖe ŋunye,+

Eye metsoa aseye le wò aʋala ƒe vɔvɔli te.+

 8 Meku ɖe ŋuwò;*

Ètsɔ wò nuɖusi vàm goŋgoŋ.+

 9 Ke ame siwo di be yewoatsrɔ̃ nye agbe* la,

Anyigba tume kee woava do ɖo.

10 Woatsɔ wo ade asi na yi;

Woazu nuɖuɖu na agbotoewo.*

Ame sia ame si kaa atam le eŋkɔ me la akafui kple dzidzɔ,*

Elabena woamia nu na aʋatsokalawo.

 2 Kpɔ tanye tso ame vɔ̃ɖiwo ƒe nugbeɖoɖo me,+

Tso nu vlo wɔlawo ƒe ha la si me,

 3 Wonyre woƒe aɖewo abe yi ene;

Eye wodzidze woƒe nya tɔamewo ɖe ame dzi abe aŋutrɔ ene,

 4 Ne woanɔ bebeƒe ada ame maɖifɔ la;

Wodanɛ zi ɖeka ʋĩm vɔvɔ̃manɔmee.

 5 Woléa woƒe tame vɔ̃ ɖoɖowo me ɖe asi;*

Woƒoa nu tso ale si woatre mɔ̃ le adzame ŋu.

 6 Wodia nu gbegblẽ wɔwɔ ƒe mɔnu yeyewo;

Wotsɔa ayedzedze ɖoa nugbe le adzame;+

Eye wo dometɔ ɖe sia ɖe ƒe dzimesusuwo goglo ŋutɔ.

 7 Gake Mawu ƒe aŋutrɔ alɔ wo le vo me;+

Woaxɔ abi vevie enumake.

 8 Woawo ŋutɔwo ƒe aɖe aƒu wo anyi;+

Ame siwo katã akpɔ wo la, aʋuʋu ta.

 9 Eye vɔvɔ̃ aɖo amewo katã,

Woaɖe gbeƒã nu si Mawu wɔ,

Eye woase eƒe nuwɔnawo gɔme nyuie.+

10 Ame dzɔdzɔe akpɔ dzidzɔ ɖe Yehowa ŋu, eye wòasii atso;+

Ame siwo katã ƒe dzi le dzɔdzɔe la, akafui kple dzidzɔ.*

65 Oo Mawu, kafukafu le lalawòm le Zion;+

Wòe míaxe míaƒe adzɔgbeɖefe na.+

 3 Nye vodadawo kpe wum,+

Gake ètsyɔ nu míaƒe dzidadawo dzi.+

 4 Dzidzɔtɔe nye ame si nètia eye nèhee vɛ

Be wòanɔ wò xɔxɔnuwo.+

Wò aƒemenu nyuiwo aɖi ƒo na mí,+

Wò gbedoxɔ kɔkɔe+ la me nuwo aɖi ƒo na mí.

 5 Àto wò nukudɔ+ dzɔdzɔewo dzi atɔ na mí,

Oo Mawu, míaƒe xɔnametɔ;

Wòe nye ame siwo le anyigba ƒe mlɔenuwo ke,+

Kple ame siwo le ƒugodo le didiƒe ʋĩi ke la, ƒe Ŋuɖoɖeŋu.

 6 Ètsɔ wò ŋusẽ li ke towo sesĩe;

Èta wò ŋusẽ gã la abe avɔ ene.+