కీర్తనలు

119 ఏ నిందా లేకుండా జీవిస్తూ,*

యెహోవా ధర్మశాస్త్రం ప్రకారం నడుచుకునే వాళ్లు ధన్యులు.*+

2 ఆయన జ్ఞాపికల్ని పాటించేవాళ్లు,+

నిండు హృదయంతో ఆయన్ని వెతికేవాళ్లు ధన్యులు.+

3 వాళ్లు అలవాటుగా ఎలాంటి చెడ్డపనులు చేయరు;

వాళ్లు ఆయన మార్గాల్లో నడుస్తారు.+

4 నీ ఆదేశాల్ని జాగ్రత్తగా పాటించాలని

నువ్వు ఆజ్ఞాపించావు.+

5 నీ నియమాల్ని పాటించేలా

నేను ఎప్పుడూ స్థిరంగా ఉంటే*+ ఎంత బావుంటుంది!

6 అలా ఉంటే, నీ ఆజ్ఞలన్నిటినీ పరిశీలిస్తున్నప్పుడు

నేను సిగ్గుపడను.+

7 నీతిగల నీ తీర్పుల్ని నేర్చుకున్నప్పుడు

నేను నిజాయితీగల హృదయంతో నిన్ను స్తుతిస్తాను.

11 నేను నీకు వ్యతిరేకంగా పాపం చేయకుండా ఉండేలా+

నీ మాటల్ని నా హృదయంలో భద్రం చేసుకున్నాను.+

12 యెహోవా, నువ్వు స్తుతించబడాలి;

నీ నియమాల్ని నాకు బోధించు.

13 నువ్వు ప్రకటించిన తీర్పులన్నిటినీ

నేను నా పెదాలతో చాటిచెప్తాను.

14 విలువైన వాటన్నిటికన్నా+

నీ జ్ఞాపికల్ని బట్టి నేను ఎక్కువగా సంతోషిస్తాను.+

15 నీ ఆదేశాల్ని నేను ధ్యానిస్తాను,*+

నీ మార్గాల మీద నా దృష్టి నిలుపుతాను.+

17 నేను బ్రతికుండి నీ వాక్యాన్ని పాటించేలా+

నీ సేవకుడితో దయగా ప్రవర్తించు.

18 నీ ధర్మశాస్త్రంలోని అద్భుతమైన విషయాల్ని

నేను స్పష్టంగా చూడగలిగేలా నా కళ్లు తెరువు.

20 నీ తీర్పుల పట్ల నాకున్న బలమైన కోరిక

ఎల్లప్పుడూ నన్ను దహించేస్తోంది.

21 అహంకారుల్ని, నీ ఆజ్ఞల నుండి పక్కకుమళ్లే శాపగ్రస్తుల్ని

నువ్వు గద్దిస్తావు.+

22 ఎగతాళిని, అవమానాన్ని నా మీద నుండి తీసేయి,*

ఎందుకంటే నీ జ్ఞాపికల్ని నేను పాటించాను.

23 అధిపతులు ఒక చోట కూర్చొని, నాకు వ్యతిరేకంగా మాట్లాడుకుంటున్నప్పుడు కూడా,

నీ సేవకుడు నీ నియమాల్నే ధ్యానిస్తాడు.*

26 నా మార్గాల గురించి నేను నీకు చెప్పాను, నువ్వు నాకు జవాబిచ్చావు;

నీ నియమాలు నాకు బోధించు.+

27 నీ ఆదేశాల అర్థాన్ని* గ్రహించేలా నాకు సహాయం చేయి.

అప్పుడు నీ అద్భుతమైన పనుల్ని నేను ధ్యానిస్తాను.*+

29 మోసపు మార్గాన్ని నాకు దూరంగా ఉంచు,+

నీ ధర్మశాస్త్రాన్ని బోధించి నా మీద దయ చూపించు.

32 నీ ఆజ్ఞల మార్గంలో నేను ఆత్రుతతో పరుగెత్తుతాను,

ఎందుకంటే నువ్వు నా అవగాహనను పెంచుతున్నావు.*

33 యెహోవా, నీ నియమాల మార్గాన్ని నాకు బోధించు,+

అప్పుడు చివరివరకు నేను దానిలో నడుస్తాను.+

34 నీ ధర్మశాస్త్రాన్ని పాటించేలా,

నా నిండు హృదయంతో దాన్ని అనుసరించేలా

నాకు అవగాహన దయచేయి.

35 నీ ఆజ్ఞల మార్గంలో నన్ను నడిపించు,*+

అందులో నాకు ఎంతో సంతోషం ఉంది.

36 స్వార్థ లాభం వైపు కాకుండా+

నీ జ్ఞాపికల వైపు నా హృదయాన్ని తిప్పు.

37 వ్యర్థమైనవాటిని చూడకుండా నా కళ్లను పక్కకు తిప్పు;+

నీ మార్గంలో నన్ను సజీవంగా ఉంచు.

38 ప్రజలు నీకు భయపడేలా

నీ సేవకుడికి నువ్వు చేసిన* వాగ్దానాన్ని* నెరవేర్చు.

39 నన్ను భయపెడుతున్న అవమానాన్ని తీసేయి,

ఎందుకంటే నీ తీర్పులు మంచివి.+

41 యెహోవా, నీ విశ్వసనీయ ప్రేమను,

నీ వాగ్దానం* ప్రకారం నువ్వు కలగజేసే రక్షణను నన్ను చూడనివ్వు;+

42 అప్పుడు, నన్ను నిందించేవాళ్లకు నేను జవాబిస్తాను,

నీ మాట మీదే నేను నమ్మకం పెట్టుకున్నాను.

43 సత్యమైన మాటల్ని నా నోటి నుండి పూర్తిగా తీసేయకు,

నీ తీర్పు మీదే నేను ఆశపెట్టుకున్నాను.*

44 ఎల్లప్పుడూ, యుగయుగాలూ

నీ ధర్మశాస్త్రాన్ని నేను పాటిస్తాను.+

45 నేను నీ ఆదేశాల కోసం వెతుకుతున్నాను కాబట్టి

సురక్షితమైన* స్థలంలో తిరుగుతాను.+

46 నీ జ్ఞాపికల గురించి రాజుల ముందు మాట్లాడతాను,

నేను సిగ్గుపడను.+

47 నీ ఆజ్ఞలు నాకు ప్రియం,

అవంటే నాకు ఎంతో ఇష్టం.+

48 నేను ప్రేమించే నీ ఆజ్ఞల వైపు నా చేతులు ఎత్తుతాను,+

నీ నియమాలు ధ్యానిస్తాను.*+

49 నీ సేవకునికి నువ్వు ఇచ్చిన మాట* గుర్తుచేసుకో,

దానితోనే నువ్వు నాలో ఆశ నింపుతున్నావు.*

50 కష్టాల్లో అదే నాకు ఓదార్పు,+

నీ మాటే నన్ను సజీవంగా ఉంచింది.

51 అహంకారులు నన్ను చాలా ఎగతాళి చేస్తున్నారు,

కానీ నీ ధర్మశాస్త్రం నుండి నేను పక్కకు మళ్లడం లేదు.+

52 యెహోవా, పూర్వకాలం నుండి ఉన్న నీ తీర్పుల్ని నేను గుర్తుచేసుకుంటున్నాను,+

వాటివల్ల ఓదార్పు పొందుతున్నాను.+

53 నీ ధర్మశాస్త్రాన్ని విడిచిపెట్టే దుష్టుల వల్ల

నా కోపం మండిపోతోంది.+

54 నేను ఎక్కడ నివసించినా,*

నీ నియమాలే నాకు పాటలు.

55 యెహోవా, నేను నీ ధర్మశాస్త్రాన్ని పాటించేలా

రాత్రిపూట నీ పేరును గుర్తుచేసుకుంటున్నాను.+

56 అది నాకు అలవాటు,

ఎందుకంటే నేను నీ ఆదేశాల్ని పాటిస్తూ వచ్చాను.

57 యెహోవాయే నా భాగం;+

నీ మాటల్ని పాటిస్తానని నేను మాటిచ్చాను.+

58 నా నిండు హృదయంతో నేను నిన్ను వేడుకుంటున్నాను;+

నీ వాగ్దానం* ప్రకారం నా మీద దయ చూపించు.+

59 నా పాదాల్ని మళ్లీ నీ జ్ఞాపికల వైపు మళ్లించడానికి

నా మార్గాల్ని నేను పరిశీలించుకున్నాను.+

60 నీ ఆజ్ఞలు పాటించడానికి

నేను త్వరపడుతున్నాను, ఆలస్యం చేయను.+

61 దుష్టుల తాళ్లు నన్ను చుట్టుముడుతున్నాయి,

అయినా నీ ధర్మశాస్త్రాన్ని నేను మర్చిపోవడం లేదు.+

62 నీ నీతియుక్త తీర్పుల్ని బట్టి

నీకు కృతజ్ఞతలు చెప్పాలని మధ్యరాత్రి నిద్రలేస్తున్నాను.+

63 నీకు భయపడే వాళ్లందరికీ,

నీ ఆదేశాలు పాటించేవాళ్లకు నేను స్నేహితుణ్ణి.+

64 యెహోవా, నీ విశ్వసనీయ ప్రేమతో భూమి నిండివుంది;+

నీ నియమాలు నాకు బోధించు.

65 యెహోవా, నీ మాట ప్రకారం

నీ సేవకునికి మేలు చేశావు.

66 నీ ఆజ్ఞల మీదే నేను నమ్మకం పెట్టుకున్నాను,

కాబట్టి మంచి వివేచనను, జ్ఞానాన్ని నాకు బోధించు.+

67 కష్టాలుపడక ముందు నేను దారితప్పేవాణ్ణి,*

కానీ ఇప్పుడు నేను నీ మాటల్ని పాటిస్తున్నాను.+

69 అహంకారులు నా గురించి ఎన్నో అబద్ధాలు చెప్తున్నారు,

కానీ నేను నిండు హృదయంతో నీ ఆదేశాల్ని పాటిస్తున్నాను.

70 వాళ్ల హృదయం మొద్దుబారిపోయింది,*+

కానీ నాకు నీ ధర్మశాస్త్రం అంటే ఎంతో ఇష్టం.+

71 నీ నియమాలు నేర్చుకునేలా

నేను కష్టాలు పడడం మంచిదైంది.+

72 వేలాది వెండిబంగారు రూకల కన్నా,+

నువ్వు ప్రకటించిన ధర్మశాస్త్రం నాకు మంచిది.+

నీ ఆజ్ఞల్ని నేర్చుకునేలా

నాకు అవగాహన ఇవ్వు.+

74 నీకు భయపడేవాళ్లు నన్ను చూసి సంతోషిస్తారు,

నీ మాట మీదే నేను ఆశపెట్టుకున్నాను.*+

75 యెహోవా, నీ తీర్పులు నీతియుక్తమైనవని,+

నీ నమ్మకత్వాన్ని బట్టే నన్ను కష్టాలపాలు చేశావని నాకు తెలుసు.+

76 నీ సేవకునికి నువ్వు చేసిన వాగ్దానం* ప్రకారం

దయచేసి నీ విశ్వసనీయ ప్రేమతో+ నన్ను ఓదార్చు.

77 నేను జీవిస్తూ ఉండేలా నా మీద కరుణ చూపించు,+

నీ ధర్మశాస్త్రం నాకెంతో ప్రియం.+

78 అహంకారులు అవమానాలపాలు అవ్వాలి,

కారణం లేకుండా* వాళ్లు నన్ను బాధపెట్టారు.

79 నీకు భయపడేవాళ్లు,

నీ జ్ఞాపికలు తెలిసినవాళ్లు నా దగ్గరికి తిరిగిరావాలి.

80 నీ నియమాల్ని పాటించే విషయంలో నా హృదయం నిర్దోషంగా* ఉండాలి,+

అప్పుడు నేను సిగ్గుపడే పరిస్థితి రాదు.+

81 నువ్విచ్చే రక్షణ కోసం నేను తపిస్తున్నాను,+

నీ మాట మీదే నేను ఆశపెట్టుకున్నాను.*

82 నా కళ్లు నీ మాట కోసం ఆశగా ఎదురుచూస్తున్నాయి,+

“నన్నెప్పుడు ఓదారుస్తావు?” అని నేను అడుగుతున్నాను.+

83 నేను పొగకు ఆరబెట్టిన తోలుసంచిలా ఉన్నాను,

అయినా నీ నియమాల్ని మర్చిపోవడం లేదు.+

85 నీ ధర్మశాస్త్రాన్ని ఎదిరించే అహంకారులు

నా కోసం గోతులు తవ్వుతున్నారు.

87 వాళ్లు నన్ను దాదాపు భూమ్మీద నుండి తుడిచిపెట్టేశారు,

కానీ నేను నీ ఆదేశాల్ని విడిచిపెట్టలేదు.

88 నువ్వు ఇచ్చిన జ్ఞాపికల్ని నేను పాటించేలా

నీ విశ్వసనీయ ప్రేమను బట్టి నన్ను సజీవంగా ఉంచు.

89 యెహోవా, నీ మాట ఎప్పటికీ

ఆకాశంలో నిలిచివుంటుంది.+

91 నీ తీర్పుల వల్ల అవి* నేటికీ నిలిచివున్నాయి,

ఎందుకంటే అవన్నీ నీ సేవకులు.

92 నీ ధర్మశాస్త్రాన్ని ప్రేమించి ఉండకపోతే

నేను కష్టాల్లో నశించిపోయేవాణ్ణే.+

94 నేను నీ వాణ్ణి; నన్ను రక్షించు,+

ఎందుకంటే నీ ఆదేశాల కోసం నేను వెతికాను.+

95 దుష్టులు నన్ను నాశనం చేయాలని కాచుకొని ఉన్నారు,

కానీ నేను నీ జ్ఞాపికల మీదే శ్రద్ధ పెడుతున్నాను.

96 సకల పరిపూర్ణతకు పరిమితి ఉందని నేను గమనించాను,

కానీ నీ ఆజ్ఞకు పరిమితి లేదు.*

98 నీ ఆజ్ఞ ఎప్పుడూ నాతోనే ఉంది,

అది నా శత్రువుల కన్నా నాకు ఎక్కువ తెలివిని ఇస్తుంది.+

99 నీ జ్ఞాపికల్ని నేను ధ్యానిస్తున్నాను,*

అందుకే నా బోధకులందరి కన్నా నాకు ఎక్కువ అవగాహన* ఉంది,+

100 నీ ఆదేశాల్ని నేను పాటిస్తున్నాను,

కాబట్టి వృద్ధుల కన్నా ఎక్కువ అవగాహనతో ప్రవర్తిస్తున్నాను.

102 నీ తీర్పుల నుండి నేను పక్కకు మళ్లడం లేదు,

ఎందుకంటే నువ్వే నాకు ఉపదేశమిచ్చావు.

103 నీ మాటలు నా నాలుకకు

తేనె కన్నా మధురంగా ఉన్నాయి!+

105 నీ వాక్యం* నా పాదానికి దీపం,

నా త్రోవకు వెలుగు.+

106 నీతిగల నీ తీర్పుల్ని పాటిస్తానని

నేను ఒట్టేసి ప్రమాణం చేశాను, దానికి కట్టుబడి ఉంటాను.

108 యెహోవా, దయచేసి నా నోటి స్వేచ్ఛార్పణల్ని బట్టి సంతోషించు,+

నీ తీర్పుల్ని నాకు బోధించు.+

109 నా జీవితం ఎప్పుడూ ప్రమాదంలో ఉంది,*

అయినా నేను నీ ధర్మశాస్త్రాన్ని మర్చిపోలేదు.

110 దుష్టులు నా కోసం వల పన్నారు,

అయినా నేను నీ ఆదేశాల నుండి పక్కకు మళ్లలేదు.

111 నీ జ్ఞాపికల్ని నేను శాశ్వతమైన ఆస్తిగా* ఎంచుతున్నాను,

అవే నా హృదయానికి సంతోషం.+

112 అన్ని సమయాల్లో, చివరివరకూ

నీ నియమాలకు లోబడాలని నేను నా హృదయంలో తీర్మానించుకున్నాను.

113 అర్ధ* హృదయంగల వాళ్లంటే నాకు అసహ్యం,+

కానీ నీ ధర్మశాస్త్రమంటే చాలా ఇష్టం.+

114 నువ్వే నా ఆశ్రయం, నా డాలు;+

నీ మాట మీదే నేను ఆశపెట్టుకున్నాను.*+

115 నేను నా దేవుని ఆజ్ఞల్ని పాటించగలిగేలా

దుష్టులారా, నాకు దూరంగా ఉండండి.+

116 నేను జీవిస్తూ ఉండేలా

నీ వాగ్దానం* ప్రకారం నన్ను ఆదుకో;+

117 నేను రక్షించబడేలా నాకు సహాయం చేయి;+

అప్పుడు నేను నీ నియమాల మీద ఎల్లప్పుడూ మనసు నిలపగలుగుతాను.+

118 నీ నియమాల నుండి పక్కకుమళ్లే వాళ్లందర్నీ నువ్వు తిరస్కరిస్తావు,+

ఎందుకంటే వాళ్లు అబద్ధాలకోరులు, మోసగాళ్లు.

120 నీ మీదున్న భయం వల్ల నా శరీరం వణుకుతుంది;

నీ తీర్పులకు నేను భయపడుతున్నాను.

122 నీ సేవకునికి సహాయం చేస్తానని హామీ ఇవ్వు;

అహంకారులు నన్ను బాధించనివ్వకు.

123 నీ రక్షణ కోసం, నీతిగల నీ వాగ్దానం* కోసం

ఎదురుచూసీ చూసీ+ నా కళ్లు క్షీణించిపోయాయి.+

124 నీ సేవకుని మీద నీ విశ్వసనీయ ప్రేమ చూపించు,+

నీ నియమాలు నాకు బోధించు.+

125 నేను నీ సేవకుణ్ణి; నీ జ్ఞాపికల్ని తెలుసుకునేలా

నాకు అవగాహన ఇవ్వు.+

126 యెహోవా చర్య తీసుకునే సమయం వచ్చేసింది,+

ఎందుకంటే వాళ్లు నీ ధర్మశాస్త్రాన్ని మీరారు.

127 అందుకే బంగారం కన్నా, మేలిమి* బంగారం కన్నా

నీ ఆజ్ఞలంటే నాకు ఎక్కువ ఇష్టం.+

128 కాబట్టి నీ ప్రతీ ఉపదేశాన్ని* నేను సరైనదని ఎంచుతాను;+

ప్రతీ తప్పుడు మార్గం నాకు అసహ్యం.+

130 నీ మాటలు వెల్లడైనప్పుడు వెలుగు వస్తుంది,+

అవి అనుభవంలేని వాళ్లకు అవగాహన ఇస్తాయి.+

131 నీ ఆజ్ఞల కోసం తపిస్తూ

నేను పెద్దగా నోరు తెరిచి రొప్పుతున్నాను.+

132 నీ పేరును ప్రేమించేవాళ్ల విషయంలో నీ తీర్పును అనుసరిస్తూ+

నువ్వు నా వైపు తిరుగు, నా మీద దయ చూపించు.+

133 నీ మాటతో నా అడుగుల్ని సురక్షితంగా నడిపించు;*

చెడును నా మీద పైచేయి సాధించనివ్వకు.+

134 బాధించేవాళ్ల నుండి నన్ను కాపాడు,*

అప్పుడు నేను నీ ఆదేశాల్ని పాటిస్తాను.

135 నీ సేవకుని మీద నీ ముఖకాంతి ప్రకాశింపజేయి,+

నీ నియమాలు నాకు బోధించు.

136 ప్రజలు నీ ధర్మశాస్త్రాన్ని పాటించనందువల్ల

నా కళ్లలో నుండి కన్నీళ్లు వరదలా పారుతున్నాయి.+

137 యెహోవా, నువ్వు నీతిమంతుడివి,+

నీ తీర్పులు న్యాయమైనవి.+

138 నీ జ్ఞాపికలు నీతిగలవి,

అవి పూర్తిగా నమ్మదగినవి.

139 నా ఆసక్తి నన్ను దహించేస్తోంది,+

ఎందుకంటే నా శత్రువులు నీ మాటల్ని మర్చిపోయారు.

140 నీ మాటలు చాలా స్వచ్ఛమైనవి,+

నీ సేవకుడు వాటిని ప్రేమిస్తున్నాడు.+

141 నేను అల్పుణ్ణి, నన్ను నీచంగా చూస్తున్నారు;+

అయినా నేను నీ ఆదేశాల్ని మర్చిపోలేదు.

142 నీ నీతి ఎప్పటికీ ఉంటుంది,+

నీ ధర్మశాస్త్రం సత్యం.+

143 కష్టాలు, ఇబ్బందులు వచ్చినా

నేను నీ ఆజ్ఞల్ని ప్రేమిస్తూనే ఉంటాను.

147 సహాయం కోసం మొరపెట్టడానికి నేను వేకువ* కన్నా ముందే నిద్రలేచాను,+

నీ మాటల మీదే ఆశపెట్టుకున్నాను.*

148 నీ మాటల్ని ధ్యానించగలిగేలా*

రాత్రి జాముల కన్నా ముందే నా కళ్లు తెరుచుకుంటాయి.+

150 అవమానకరమైన* ప్రవర్తనకు పాల్పడేవాళ్లు దగ్గరికి వస్తున్నారు;

నీ ధర్మశాస్త్రానికి వాళ్లు చాలా దూరంలో ఉన్నారు.

152 ఎల్లకాలం ఉండేలా నువ్వు స్థాపించిన నీ జ్ఞాపికల్ని

చాలాకాలం క్రితమే నేను నేర్చుకున్నాను.+

153 నా కష్టాలు చూసి నన్ను రక్షించు,

నీ ధర్మశాస్త్రాన్ని నేను మర్చిపోలేదు.

154 నా తరఫున వాదించి నన్ను రక్షించు;+

నీ వాగ్దానం* ప్రకారం నన్ను సజీవంగా ఉంచు.

155 దుష్టులకు రక్షణ చాలా దూరంలో ఉంటుంది,

ఎందుకంటే వాళ్లు నీ నియమాల్ని వెతకలేదు.+

157 నన్ను హింసించేవాళ్లు, నా శత్రువులు చాలామంది ఉన్నారు;+

అయితే నేను నీ జ్ఞాపికల నుండి పక్కకు మళ్లలేదు.

158 నమ్మకద్రోహులు అంటే నాకు అసహ్యం,

వాళ్లు నీ మాటల్ని పాటించరు.+

160 నీ వాక్య సారం* సత్యం,+

నీతిగల నీ తీర్పులన్నీ ఎప్పటికీ నిలిచివుంటాయి.

161 ఏ కారణం లేకుండానే అధిపతులు నన్ను హింసిస్తున్నారు,+

అయితే నీ మాటలంటే నాకెంతో గౌరవం.+

162 విస్తారమైన దోపుడుసొమ్ము దొరికినవాడిలా

నేను నీ మాటల్ని బట్టి సంతోషిస్తున్నాను.+

163 అబద్ధం అంటే నాకు ద్వేషం, చాలా అసహ్యం.+

నీ ధర్మశాస్త్రం అంటే నాకు చాలా ఇష్టం.+

164 నీతిగల నీ తీర్పుల్ని బట్టి

రోజుకు ఏడుసార్లు నేను నిన్ను స్తుతిస్తున్నాను.

165 నీ ధర్మశాస్త్రాన్ని ప్రేమించేవాళ్లకు అపారమైన శాంతి ఉంటుంది;+

వాళ్లను ఏదీ తడబడేలా చేయలేదు.

166 యెహోవా, నీ రక్షణ కార్యాల కోసం నేను ఆశగా ఎదురుచూస్తున్నాను,

నీ ఆజ్ఞల్ని అనుసరిస్తున్నాను.

167 నీ జ్ఞాపికల్ని పాటిస్తున్నాను,

వాటిని ఎంతో ప్రేమిస్తున్నాను.+

168 నేను నీ ఆదేశాల్ని, జ్ఞాపికల్ని అనుసరిస్తున్నాను,

నేను చేసేవన్నీ నీకు తెలుసు.+

171 నా పెదాల నుండి స్తుతులు పొంగిపొర్లాలి,+

ఎందుకంటే నువ్వు నీ నియమాల్ని నాకు బోధిస్తున్నావు.

172 నా నాలుక నీ మాటల గురించి పాడాలి,+

నీ ఆజ్ఞలన్నీ నీతిగలవి.

173 నీ చెయ్యి నాకు సహాయం చేయడానికి సిద్ధంగా ఉండాలి,+

ఎందుకంటే నీ ఆదేశాలు పాటించాలని నేను కోరుకున్నాను.+

174 యెహోవా, నీ రక్షణ కోసం నేను తపిస్తున్నాను,

నీ ధర్మశాస్త్రం అంటే నాకు చాలా ఇష్టం.+

175 నేను నిన్ను స్తుతించేలా నన్ను సజీవంగా ఉంచు;+

నీ తీర్పులు నాకు సహాయం చేయాలి.

176 నేను తప్పిపోయిన గొర్రెలా దారితప్పి తిరిగాను.+ నీ సేవకుడి కోసం వెతుకు,

ఎందుకంటే నేను నీ ఆజ్ఞల్ని మర్చిపోలేదు.+