ISAYA
1 Lo ngumbono kaIsaya*+ unyana ka-Amotsi ngoYuda neYerusalem ngemihla kaUziya,+ uYotham,+ uAhazi+ kunye noHezekiya,+ ookumkani bakwaYuda:+
3 Inkunzi yenkomo imazi kakuhle umthengi wayo,
Nedonki iyasazi isitali somnikazi wayo.
Abantu bam baziphethe okwabantu abangenalwazi.”
4 Luza kuthi shu olu hlanga lunesono!+
Abantu abasindwa ziziphoso,
Inzala yamadoda angabenzi-bubi, abantwana abonakeleyo!
5 Kazi niza kuphinda nibethwe phi, njengokuba nisiya ningathobeli nje?+
Intloko yonke iyagula,
Nentliziyo yonke inesifo.+
6 Ukususela esithendeni ukuya kutsho entloko, akukho ndawo iphilileyo.
Banamanxeba nemigruzuko nezilonda.
Khange zikhathalelwe,* zibotshwe, okanye zenziwe zithambe ngeoli.+
7 Ilizwe lenu litshabalele.
Izixeko zenu zitshiswe ngomlilo.
Ilizwe lenu ligqitywa ziintlanga nijongile.+
Linjengommandla obhukuqwe ziintlanga.+
8 Intombi yaseZiyon ishiyiwe oku kwekhusi elikwintsimi yeediliya,*
Njengekhusi elikwintsimi yeetyhukhamba,
Njengesixeko esirhangqiweyo.+
10 Yivani ilizwi likaYehova nina bozwilakhe* baseSodom.+
Mamelisisani umthetho* kaThixo wethu nina bantu baseGomora.+
11 “Indinceda ngantoni imibingelelo yenu emininzi?”+ utsho uYehova.
“Ndanele yimibingelelo yenu etshiswa ngomlilo yeenkunzi zeegusha+ namanqatha ezilwanyana ezondlekileyo,+
Alindivuyisi negazi+ lamathole eenkomo aziinkunzi,+ elamatakane eegusha neleebhokhwe.+
13 Ningaphindi nizise iminikelo yokutya engenaxabiso.
Ndiyasenyanya isiqhumiso senu esiqholiweyo.+
Nibhiyozela ukuthwasa kweenyanga,+ iisabatha,+ nibiza neendibano.+
Ndiyazicaphukela iindibano zenu kuba nenza nemilingo.+
14 Ndiye ndazicaphukela iinyanga zenu ezithwasayo, namatheko enu.
Ziye zandisinda.
Ndidiniwe kukuzinyamezela.
Yekani izinto ezimbi enizenzayo phambi kwam.
Yekani ukwenza izinto ezingalunganga.+
17 Fundani ukwenza izinto ezilungileyo, funani ubulungisa,+
Mlungiseni umcinezeli,
Mkhuseleni umntwana ongenatata,*
Mthetheleleni umhlolokazi.”+
18 “Khanize silungise izinto phakathi kwethu,” utsho uYehova.+
“Nangona izono zenu zibomvu njengegazi,
Ziza kwenziwa mhlophe njengekhephu;+
Nangona zibomvu njengelaphu elibomvu krwe,
Ziza kuba mhlophe njengoboya.
21 Isixeko esithembekileyo+ siye saba ngumfazi othengisa ngomzimba!+
23 Iinkosana zakho zineenkani yaye zisebenzisana namasela.+
Zonke zithanda isinyobo ibe zileqana nezipho.+
24 Ngoko ke iNkosi, uYehova wemikhosi,
Lowo Unamandla kaSirayeli, uthi:
“Yivan’ apha! Ndiza kuzitshabalalisa iintshaba zam,
Ndiza kuziphindezelela kwiintshaba zam.+
Emva koko uza kubizwa ngokuba usisiXeko Sobulungisa, iDolophu Ethembekileyo.+
28 Abantu abangathobeliyo naboni baza kwaphulwa ngaxeshanye,+
Yaye abo bashiya uYehova baza kutshatyalaliswa.+
31 Indoda enamandla iza kufana nengca eyomileyo,
Nomsebenzi wayo ube yintlantsi.
Zombini ziza kutsha ngaxeshanye,
Kungabikho mntu uzicimayo.”
2 Nantsi into awayibonayo uIsaya unyana ka-Amotsi ngoYuda nangeYerusalem:+
Intaba yendlu kaYehova
Iza kuzinza izivelele iincopho zeentaba,+
Iphakanyiswe ngaphezu kweenduli,
Zize zonke iintlanga zibe ngumsinga ukuya kuyo.+
3 Izizwana ezininzi ziza kuhamba zize zithi:
“Yizani, sinyuke siye entabeni kaYehova,
Nasendlini kaThixo kaYakobi.+
Uza kusifundisa ngeendlela zakhe,
Siza kuhamba ezindleleni zakhe.”+
4 Uza kuzigweba iintlanga,
Alungelelanise imicimbi phakathi kwezizwana ezininzi.
Ziza kuwakhanda amakrele azo abe ngamakhuba
Nemikhonto yazo ibe zizinto zokuthena imithi.+
Uhlanga aluzukuphakamisela uhlanga ikrele,
Zingaphindi zifunde ukulwa imfazwe.+
6 Ubalahlile abantu bakho, indlu kaYakobi,+
Kuba baye bathi phithi zizinto zaseMpuma.
Behleli nje benza imilingo+ njengamaFilisti,
Ibe kugcwele inzala yeentlanga phakathi kwabo.
7 Ilizwe labo ligcwele isilivere negolide,
Nobutyebi babo buninzi.
Ilizwe labo ligcwele amahashe,
Neenqwelo zabo zininzi kakhulu.+
8 Ilizwe labo ligcwele oothixo abangenaxabiso.+
Baqubuda kumsebenzi wezandla zabo,
Kwizinto abazenze ngeminwe yabo.
9 Ngoko ke umntu uthotyiwe, wehlisiwe,
Ibe awunakukwazi ukumxolela.
10 Ngena eliweni uze uzifihle emhlabeni
Ngenxa yokoyikeka kobukho bukaYehova,
Nangenxa yobukhulu bakhe.+
11 Amehlo anekratshi aza kwehliswa,
Ukukhukhumala kwabantu kuza kuthotywa.
NguYehova yedwa oza kuphakanyiswa ngaloo mini.
12 Kuba le yimini kaYehova wemikhosi.+
Iza kufikela wonke umntu okhukhumeleyo nozicingela bhetele,
Wonke umntu, nokuba uphakanyisiwe okanye uphantsi,+
13 Kuyo yonke imithi ephakamileyo yemisedare yaseLebhanon
Nakuyo yonke imithi yom-oki yaseBhashan,
14 Kuzo zonke iintaba eziphakamileyo
Nakuzo zonke iinduli eziphezulu,
15 Kuzo zonke iinqaba eziphakamileyo nakuzo zonke iindonga ezomeleleyo,
16 Kuzo zonke iinqanawa zaseTarshishe+
Nakuzo zonke izikhephe ezithandekayo.
17 Ikratshi lomntu liza kwehliswa,
Ukukhukhumala komntu kuza kuthotywa.
NguYehova yedwa oza kuphakanyiswa ngaloo mini.
18 Oothixo abangenaxabiso baza kunyamalala ngokupheleleyo.+
19 Abantu baza kungena emiqolombeni naphakathi kwamawa,
Emingxunyeni esemhlabeni,+
Ngenxa yokoyikeka kobukho bukaYehova
Nangenxa yobukhulu bakhe,+
Xa ephakama ukuze enze umhlaba ungcangcazele ngenxa yokoyika.
20 Ngaloo mini abantu baza kubathatha oothixo babo abangenaxabiso nabenziwe ngesilivere negolide
Abazenzele bona ukuze baqubude kubo.
Baza kubaphosela koocwethe* nakumalulwane,+
21 Ukuze bangene emingxunyeni esemaweni
Nasezimfanteni zawo,
Ngenxa yokoyikeka kobukho bukaYehova
Nangenxa yobukhulu bakhe,
Xa ephakama ukuze enze umhlaba ungcangcazele ngenxa yokoyika.
Yintoni enenza nimthembe?
3 Jongani! Eyona Nkosi, uYehova wemikhosi,
Iphelisa lonke uncedo eYerusalem nakwaYuda,
Sonke isixhaso sesonka namanzi,+
2 Indoda enamandla negorha,
Umgwebi nomprofeti,+ umvumisi nomdala,
3 Umphathi wamajoni ayi-50+ nomcebisi,
Ingcali yomlingo nencutshe ekusebenziseni amakhubalo.+
Inkwenkwana iza kubetha indoda endala,
Nalo ujongelwe phantsi uza kugezela umntu ohloniphekileyo.+
6 Ngamnye uza kulanda umntakwabo endlini katata wakhe, athi kuye:
“Unomwunduzo wokwaleka, ngoko ufanele ube yinkokheli yethu.
Lawula esi sixeko singamabhodlo.”
7 Kodwa ngaloo mini akazuvuma, uza kuthi:
“Andizukuba ngumbophi* wamanxeba enu mna;
Nakweyam indlu akukho kutya nampahla.
Sanukundenza inkokheli yabantu.”
8 Kuba iYerusalem ikhubekile,
NoYuda uwile.
Kuba bamchasile uYehova ngezinto abazithethayo nabazenzayo,
9 Babonakala kwalapha ebusweni ukuba bonile,
Bathetha phandle ngesono sabo oku kweSodom;+
Abazami nokusifihla.
Baza kuthi shu, kuba bazibizela intlekele!
11 Uza kuthi shu umenzi-bubi!
Uza kufikelwa yintlekele,
Kuba into ayenze ngezandla zakhe, iza kwenziwa nakuye!
12 Abaphathi babaphatha kakubi abantu bam,
Yaye balawulwa ngabafazi.
Bantu bam, abalawuli benu bayaniphehluzelisa,
Yaye bayaziphixanisa iindlela zenu.+
13 UYehova uma endaweni yakhe ukuze achophele ityala.
Uyaphakama ukuze agwebe abantu.
14 UYehova uza kubagweba abadala neenkosana zabantu bakhe.
“Nitshise intsimi yeediliya.
Izinto enizibe kumahlwempu zisezindlini zenu.+
15 Xa ningoobani nina, senide nityumze abantu bam,
Nide niwacinezele kangaka amahlwempu?”+ itsho iNkosi enguMongami, uYehova wemikhosi.
16 UYehova uthi: “Ngenxa yokuba iintombi zaseZiyon zinekratshi,
Zithe qhiwu iintamo,*
Ziloba ngamehlo, zizibhija-bhija,
Zikhalisa iibhengile ezisemaqatheni,
17 UYehova uza kuzibetha ngesikhakha entloko iintombi zaseZiyon,
UYehova uza kuzenza zibe nempandla.+
18 Ngaloo mini uYehova uza kubususa ubuhle beebhengile zazo,
Izinto zokuhombisa intloko nezihombo ezimile okwenyanga,+
19 Amacici,* izacholo nezigqubuthelo,
20 Iiqhiya, izacholo zamaqatha, imitya ehonjisiweyo exakathwayo,
Iziphatho zephefyum, nezacholo ezikhenkcezayo,
21 Iiringi namacici empumlo,
22 Imiwunduzo yokuhomba, izambatho zangaphezulu, Iingubo zokwaleka nezingxobo,
23 Izipili eziphathwayo,+ iimpahla zelinen,*
Iiqhiya zamadoda nezigqubuthelo.
24 Endaweni yokunuka ioli yebhalsam,+ ziza kunuka ukubola.
Endaweni yokubhinqa ibhanti, ziza kubhinqa intambo.
Endaweni yeenwele ezenziwe kakuhle, ziza kuba nenkqayi.+
Endaweni yokunxiba impahla ephucukileyo, ziza kunxiba amalaphu okwenza ingxowa.+
Ibe luphawu lomtshiso endaweni yobuhle.
26 Ziza kuzila iigeyithi zayo, zisentlungwini,+
Ibe iza kuhlala phantsi bhaxa emhlabeni, iyinkangala.”+
4 Ngaloo mini abafazi abasixhenxe baza kubambelela endodeni enye,+ besithi:
“Siza kutya isonka sethu
Size sinxibe iimpahla zethu;
Kuphela nje masibizwe ngegama lakho
2 Ngaloo mini, oko uYehova akuchumisayo kuza kuba kuhle kuzuke, yaye iziqhamo zelizwe ziza kuba liqhayiya nobuhle kwabo basindileyo kwaSirayeli.+ 3 Nabani na oseseZiyon noshiyekileyo eYerusalem, kuza kuthiwa ungcwele, nabo bonke abaseYerusalem ababhalwe phantsi ukuze baphile ubomi.+
4 Xa uYehova ehlamba ubunyhukunyhuku beentombi* zaseZiyon,+ ecoca negazi elichithwe eYerusalem ngamandla okugweba namandla okutshisa,*+ 5 uYehova uza kudala phezu kweNtaba YeZiyon naphezu kwendawo yendibano, ilifu kunye nomsi emini, nomlilo odangazelayo ebusuku;+ kuba phezu kwalo lonke uzuko kuza kubakho ikhusi. 6 Kwaye kuza kubakho ikhusi lomthunzi emini ukwenzela ubushushu,+ nendawo yokubalekela nokusithela kwisaqhwithi nasemvuleni.+
Isithandwa sam sasinentsimi yeediliya endulini echumayo.
2 Saphethula umhlaba, sakhupha amatye.
Emva koko sahlala ethembeni lokuba iza kuvelisa iidiliya ezintle,
Suka yona yavelisa kuphela iidiliya zasendle.+
Kutheni le nto ndithi xa ndilindele iidiliya ezintle,
Suke kuvele iidiliya zasendle?
5 Makhe ndinityebisele
Into endiza kuyenza kwintsimi yam:
Ndiza kuzincothula izihlahla endiyibiyele ngazo,
Ize yona itshiswe.+
Ndiza kuzidiliza iindonga zayo zamatye,
Ize ibe sisisulu sokunyathelwa.
7 Intsimi yeediliya kaYehova wemikhosi yindlu kaSirayeli;+
Isityalo awayesithanda, ngamadoda akwaYuda.
Wayethembe ukuba kuza kwenziwa okusemthethweni,+
Kodwa jonga! kwasuka kwagcwala ulwaphulo-mthetho;
Enethemba lobulungisa, kodwa jonga! kwasuka kwasisikhalo sentlungu!”+
8 Baza kuthi shu abo bathi benemizi babe besongeza eminye,+
Nabo badibanisa intsimi nenye+
Kude kungabikho mhlaba ushiyekayo
Nize nihlale nodwa kweli lizwe!
9 UYehova wemikhosi ufunge ezindlebeni zam
Wathi, zifane nje zantle, zaza zankulu ezo zindlu,
Ziza kuba yinto eyothusayo,
Zingahlalwa mntu.+
11 Baza kuthi shu abo bavukela etywaleni kwakusasa,+
Basele kude kube sebusuku, de batshiswe yiwayini!
12 Emathekweni abo banohadi, umrhubhe,
Igubu, ifleyiti, newayini;
Kodwa abawuhoyanga umsebenzi kaYehova,
Abawuboni nomsebenzi wezandla zakhe.
13 Ngoko ke abantu bam baza kuthinjwa
Ngenxa yokungabi nalwazi.+
Izikhulu zabo ziza kubhuqwa yindlala,+
Bonke abantu babo baza koma nko lunxano.
14 Ngoko ingcwaba* lizandisile,
Liwuvule wabanzi ngokungenamda umlomo walo.+
Yaye ubuhle beso sixeko, abantu baso abaninzi abangxolayo, nabangxola ezipatini,
Nakanjani na, baza kuya kutshona kulo.
16 UYehova wemikhosi uza kuphakanyiswa ngenxa yesigwebo sakhe.*
UThixo wokwenene, Lowo Ungcwele,+ uza kuzingcwalisa ngobulungisa.+
17 Namatakane eegusha aza kudla ngokungathi adla edlelweni lawo,
Neentlanga zitye kwiindawo ezingenanto zezilwanyana ezondlekileyo.
18 Baza kuthi shu abo barhuqa ityala labo ngeentambo zobumenemene
Nesono sabo ngeentambo zenqwelo.
19 Abo bathi: “Makawukhawulezise umsebenzi wakhe;
Mawukhawuleze ufike ukuze siwubone;
20 Baza kuthi shu abo bathi okulungileyo kubi nokubi kulungile,+
Abo babeka ubumnyama endaweni yokukhanya nokukhanya endaweni yobumnyama,
Abo babeka ubukrakra endaweni yobumnandi nobumnandi endaweni yobukrakra!
22 Baza kuthi shu abo bayisela kakhulu iwayini,
Namadoda aziincutshe ekuxubeni utywala,+
23 Abo bakhulula umenzi-bubi ngokunyotywa,+
Nabangafuniyo ukumgweba ngokusemthethweni olilungisa!+
24 Ngoko ke, kanye njengokuba ulwimi lomlilo luzidla luzigqibe iindiza
Nengca eyomileyo igqitywa lidangatye,
Iingcambu zabo ziza kubola,
Neentyatyambo zabo zisasazeke njengomgubo,
Kuba bawulahlile umthetho* kaYehova wemikhosi,
Balidelela ilizwi laLowo Ungcwele kaSirayeli.+
Iintaba ziza kunyikima,
Nezidumbu zabo zibe njengenkunkuma ezitratweni.+
Ngenxa yale nto, umsindo wakhe awuzukujika,
Uza kuqhubeka esolulele ukubabetha isandla sakhe.
26 Uphakamisele uhlanga olukhulu nolukude isilumkiso.*+
Ubabethele umlozi abo baseziphelweni zomhlaba,+
Yaye jonga! beza bekhawulezile.+
27 Akukho namnye kubo udiniweyo okanye ukhubekayo.
Akukho namnye wozelayo okanye ulalayo.
Amabhanti asezinqeni zabo akakhululwanga,
Kanti nemitya yeembadada zabo ayiqhawukanga.
Iimpuphu zamahashe abo ziqine okwelitye lenyengane,
Namavili eenqwelo zabo angathi ngumoya wesaqhwithi.+
Baza kubhavuma baze banqakule ixhoba
Bemke nalo lingenamsindisi.
Nabani na oqwalasele umhlaba uza kubona ubumnyama obuxhalabisayo.
Nkqu nokukhanya kuye kwaba mnyama ngenxa yamafu.+
6 Ngonyaka wokufa kukaKumkani u-Uziya,+ ndabona uYehova ehleli kwitrone ephakamileyo nephezulu,+ imibhinqo yakhe izalise itempile. 2 Iiserafi zazisentla kwakhe. Nganye yayinamaphiko amathandathu. Nganye igqume ubuso bayo ngamaphiko amabini, ngamabini igqume iinyawo zayo, ngamabini iphaphazela.
3 Enye yathi kwenye:
“Ungcwele, ungcwele, ungcwele uYehova wemikhosi.+
Umhlaba wonke ugcwele uzuko lwakhe.”
4 Zashukuma iihenjisi zemigubasi ngenxa yokukhwaza kwazo,* nendlu yagcwala umsi.+
5 Mna ke ndathi: “Ndisengxakini!
Ndifana nje nofileyo,*
Kuba ndiyindoda enemilebe engacocekanga,
Yaye ndihlala phakathi kwesizwana esinemilebe engacocekanga;+
Kuba amehlo am abone uKumkani, uYehova wemikhosi ngokwakhe!”
6 Ngelo xesha, enye yeeserafi yaphaphazela yeza kum, iphethe ilahle elibomvu,+ eyayilithathe esibingelelweni ngento yokubamba.+ 7 Yachukumisa umlomo wam, yathi:
“Jonga! Njengokuba ichukunyisiwe imilebe yakho,
Ityala lakho licinyiwe,
Yaye isono sakho sihlawulelwe.”
8 Emva koko ndeva ilizwi likaYehova lisithi: “Ndothuma bani na, ngubani na owosiyela?”+ Ndathi: “Ndikhona! Thuma mna!”+
9 UThixo wathi, “Hamba, uyokuthi kwesi sizwana:
‘Niza kuva ngokuphindaphindiweyo,
Kodwa akukho nto niza kuyiqonda;
Niza kubona ngokuphindaphindiweyo,
Kodwa akukho lwazi niza kulufumana.’+
10 Yenze ibe lukhuni intliziyo yesi sizwana,+
Neendlebe zaso zivingce,+
Wavale mba amehlo aso,
Ukuze singaboni ngamehlo,
Singeva nangeendlebe,
Ukuze ingacacelwa intliziyo yaso,
Singaguquki size siphiliswe.”
11 Ndathi ke mna: “Kude kube nini na, Yehova?” Yena wathi:
“Zide izixeko zibe ngamanxuwa angenabemi,
Nezindlu zingabi nabantu,
Nelizwe libe ngamabhodlo angahlali mntu,+
12 De uYehova abafudusele kude abantu,+
Lingabi nabantu kwaphela ilizwe.
13 “Kodwa kuza kubakho isishumi sabantu esishiyekayo, ibe nabo baza kutshiswa, njengomthi omkhulu nanjengomthi wom-oki, othi emva kokuba ugawulwe ushiye isikhondo. Imbewu* engcwele iza kuba sisiphunzi.”
7 Ngemihla kakumkani wakwaYuda uAhazi,+ unyana kaYotham, unyana kaUziya, uKumkani uRetsin waseSiriya nokumkani wakwaSirayeli uPeka+ unyana kaRemaliya, beza kulwa neYerusalem, kodwa abazange bakwazi ukuyithimba.*+ 2 Kwasiwa ingxelo endlini kaDavide, kusithiwa: “Umkhosi waseSiriya umanyene nowakwaEfrayim.”
Intliziyo ka-Ahazi nentliziyo yabantu bakhe zaqalisa ukungcangcazela ngokungathi yimithi yehlathi eshukunyiswa ngumoya.
3 Wathi uYehova kuIsaya: “Ndicela wena nonyana wakho uShehare-yashubhi+ niye kudibana noAhazi ekupheleni komsele wechibi eliphezulu,+ ngakuhola wendlela ongakwindawo yomntu ohlamba iimpahla. 4 Yithini kuye, ‘Phola. Sukoyika, nentliziyo yakho mayingaphakuzeliswa zezi ncam zimbini zezikhuni eziqhumayo, ngenxa yomsindo kaRetsin neSiriya nonyana kaRemaliya.+ 5 Kuba iSiriya, uEfrayim nonyana kaRemaliya bacinga ukukwenzela iyelenqe, besithi: 6 “Masiyokuhlasela elakwaYuda size silahlulahlule, siloyise,* size sibeke unyana kaTabheheli abe ngukumkani.”+
7 “‘Ithi iNkosi enguMongami uYehova:
“Alizukuphumelela,
Lingazukwenzeka.
8 Kuba intloko yeSiriya yiDamasko,
Nentloko yeDamasko nguRetsin.
Kwisithuba nje seminyaka eyi-65
UEfrayim uza kutshatyalaliswa kuthi nya, aphele tu njengesizwana.+
Ukuba aninalukholo lomeleleyo,
Anizukukhuseleka.”’”
10 UYehova waqhubeka ethetha noAhazi esithi: 11 “Cela into aza kukubonisa ngayo uYehova uThixo wakho;+ inganzulu okwengcwaba* okanye iphakame okwesibhakabhaka.” 12 Kodwa uAhazi wathi: “Andizukuyicela, yaye andizukumvavanya uYehova.”
13 Wathi uIsaya: “Ndicela nimamele apha ndlu kaDavide. Ananelanga na kukukruqula abantu? Ngoku nifuna ukukruqula noThixo?+ 14 Ngoko ke, nantsi into aza kunibonisa ngayo uYehova: Jongani! Intombi iza kukhulelwa, izale umntwana oyinkwenkwe,+ imthiye igama elinguImanuweli.*+ 15 Uza kuthi xa ekwazi ukukhetha into elungileyo kwembi, abe sele eqalile ukutya ibhotolo nobusi. 16 Kothi ngaphambi kokuba loo nkwenkwe ikwazi ukukhetha into elungileyo kwembi, ube umhlaba waba kumkani babini uboyikayo ungasenabantu.+ 17 UYehova uza kuzisela wena, abantu bakho nendlu katata wakho imini engazange ibonwe ukususela ngemini uEfrayim awaqhekeka ngayo kuYuda,+ kuba uThixo uza kuzisa ukumkani waseAsiriya.+
18 “Ngaloo mini uYehova uza kuzibiza ngekhwelo iimpukane ezikwimifula ekude yomNayile waseYiputa neenyosi ezikwilizwe laseAsiriya. 19 Ziza kuza zonke zichophe kumathambeka asezintlanjeni, kwiimfanta, kuwo onke amatyholo anameva, nakuzo zonke iindawo ezinamanzi.
20 “Ngaloo mini uYehova uza kusebenzisa ibleyidi engukumkani waseAsiriya,+ eqeshwe kummandla woMlambo,* ukuze ibachebe iintloko noboya obusemilenzeni, ibachebe neendevu.
21 “Ngaloo mini umntu uza kusindisa ithokazi lenkomo neegusha ezimbini. 22 Kwaye ngenxa yobisi oluninzi, uza kutya ibhotolo, kuba wonke umntu oshiyekileyo kweli lizwe uza kutya ibhotolo nobusi.
23 “Ngaloo mini yonke indawo eyayikade inemithi yeediliya eyi-1 000, exabisa amaqhosha esilivere ayi-1 000, iza kuba ngamatyholo nje anameva nokhula. 24 Abantu baza kuya apho benotolo nesaphetha, kuba lonke ilizwe liza kuba ngamatyholo anameva nokhula. 25 Yaye zonke iintaba ezazikade zicocwa ngegaba, uza koyika ukusondela kuzo ngenxa yamatyholo anameva nokhula. Ziza kuba ngamadlelo eenkomo neegusha.”
8 UYehova wathi kum: “Thatha icwecwe elikhulu,+ ubhale le nto ngosiba,* ‘Mahere-shalali-hashe-bhazi.’* 2 Ubungqina mabubhalwe phantsi ngala mangqina* athembekileyo, u-Uriya+ umbingeleli noZekariya unyana kaYerebhekiya.”
3 Ndalala nomprofetikazi,* wakhulelwa, waza wazala umntwana oyinkwenkwe.+ Emva koko uYehova wathi kum: “Mthiye igama elinguMahere-shalali-hashe-bhazi, 4 kuba ngaphambi kokuba loo nkwenkwe ikwazi ukuthi, ‘Tata!’ nokuthi ‘Mama!’ ubutyebi baseDamasko namaxhoba aseSamariya aza kusiwa kukumkani waseAsiriya.”+
5 UYehova waphinda wathi kum:
6 “Ngenxa yokuba esi sizwana singawafuni amanzi aqukuqelayo aseShilowa,*+
Yaye siyayivuyela into eyenziwa nguRetsin unyana kaRemaliya,+
7 Ngoko ke jonga! UYehova uza kuthumela kuso
Amanzi oMlambo* anamandla namaninzi,
Ukumkani waseAsiriya+ nalo lonke uzuko lwakhe.
Abangele ziphuphume iindonga
8 Uza kukhukula noYuda.
Uza kumkhukula, ade afikelele entanyeni.+
Amaphiko akhe athe naa, aza kugcwalisa ububanzi belizwe lakho,
9 Yenzakalisani nina zizwana, kodwa niza kwaphulwa nibe ziingceba.
Mamelani nonke nina nisuka kwiindawo ezikude zomhlaba!
Lungelani idabi,* kodwa niza kwaphulwa nibe ziingceba!+
Lungelani idabi, kodwa niza kwaphulwa nibe ziingceba!
10 Cingani iqhinga, kodwa alizukuphumelela!
11 Endibambe ngesandla sakhe esomeleleyo, endilumkisa ukuba ndicezele kude kwindlela esenza ngayo esi sizwana, uYehova uye wathi kum:
12 “Uze ungathi liyelenqe into esithi esi sizwana liyelenqe!
Sukuyoyika into esiyoyikayo;
Mayingakungcangcazelisi.
13 NguYehova wemikhosi ofanele abe ngcwele kuni,+
Nguye enifanele nimoyike,
Yaye nguye ofanele anenze ningcangcazele.”+
14 Uza kuba yindawo engcwele,
Kodwa abe lilo nelitye lokubetheka
Nembokodo yokukhubeka+
Kuzo zombini izindlu zakwaSirayeli,
Abe sisirhintyelo nomgibe
Kubemi baseYerusalem.
15 Abaninzi kubo baza kukhubeka bawe baze baphuke;
Baza kurhintyelwa baze babanjiswe.
17 Ndiza kuhlala ndilindele kuYehova,+ obufihlayo ubuso bakhe endlini kaYakobi,+ ibe ndiza kuthembela kuye.
18 Jongani! Mna nabantwana endibanikwe nguYehova+ sibubungqina+ nemimangaliso kwaSirayeli evela kuYehova wemikhosi, ohlala eNtabeni YeZiyon.
19 Ukuba kunokwenzeka bathi kuni: “Celani emagqirheni okanye kubavumisi abatswitswizayo nabahumzelayo,” abafanelanga abantu babuze kuThixo na? Ngaba kufanele kubuzelwe abaphilayo kwabafileyo?+ 20 Endaweni yaloo nto, bafanele babuze ngomthetho nangobungqina obubhaliweyo!
Xa bengathethi ngokweli lizwi, akukho ukukhanya kubo.*+ 21 Ngamnye uza kudlula elizweni esentlungwini yaye elambile.+ Ngenxa yokulamba nokucaphuka, uza kuqalekisa ukumkani wakhe, ejonge phezulu athuke noThixo wakhe. 22 Emva koko uza kujonga emhlabeni aze abone intlungu yodwa nobumnyama, ukusithakala, amaxesha obunzima nesithokothoko, kungekho kukhanya.
9 Kodwa ke, ubumnyama abuzukuba njengaxa ilizwe lalisentlungwini, njengakwixesha elidlulileyo xa ilizwe lakwaZebhulon nelakwaNafetali laphathwa ngendelelo.+ Kodwa kwixesha elizayo uThixo uza kulenza lizukiswe, ukuya kutsho kwindlela yaselwandle, kummandla weYordan, kwiGalili yeentlanga.
2 Abantu ababehamba ebumnyameni
Babone ukukhanya okuqaqambe kakhulu.
Ke bona abo bahlala elizweni lethunzi elimnyama,
Baye bakhanyiselwa.+
3 Ulwandisile uhlanga;
Ulonwabise gqitha.
Luye lwanemihlali phambi kwakho
Njengaxa abantu besiba nemihlali ngexesha lokuvuna,
Njengabo bavuyayo xa besahlulelana ngamaxhoba.
4 Kuba uyaphule yaziingceba idyokhwe yomthwalo wabo,
Intonga esemagxeni abo, nomsimelelo walowo ubasebenzisa nzima,
Njengemini yakwaMidiyan.+
5 Zonke izihlangu ezinyikimisa umhlaba xa zimatsha
Nayo yonke impahla ehlaliswe egazini
Iza kuphemba umlilo.
Igama lakhe iza kuba nguMcebisi Omangalisayo,+ uThixo Onamandla,+ uTata Ongunaphakade, iNkosana Yoxolo.
Noxolo aluzukuphela+
Etroneni kaDavide+ nasebukumkanini bakhe,
Ukuze kungabikho nto ibugungqisayo+ nokuze buxhaswe
Ngokusesikweni* nangobulungisa,+
Ngoku nangonaphakade.
UYehova wemikhosi uzimisele, ibe uza kuyenza le nto.
9 Yaye bonke abantu baza kulazi,
UEfrayim nabemi baseSamariya,
Abaye baphathwa likratshi nakukusa ezintliziyweni zabo, baza bathi:
Imithi yesikamore igawulwe,
Kodwa thina siza kusebenzisa eyemisedare.”
11 UYehova uza kuphakamisa iintshaba zikaRetsin ukuze zilwe naye,
Avuselele iintshaba zakhe ukuba zimchase ngokupheleleyo,
12 ISiriya ngasempuma namaFilisti ngasentshona,*+
Ziza kumginya uSirayeli ngemilomo evulekileyo.+
Ngenxa yale nto, umsindo wakhe awuzukujika,
Uza kuqhubeka esolulele ukubabetha isandla sakhe.+
16 Abo bakhokela esi sizwana bayasibhadulisa,
Nabo bakhokelwayo babhidekile.
17 Yiloo nto uYehova engazukuvuyiswa ngabafana babo,
Ibe akazukuba nanceba kubantwana abangenatata* nabahlolokazi,
Kwaye yonke imilomo ithetha izinto ezingekhoyo.
Kuba bonke bangabawexuki nabenzi-bubi.+
Ngenxa yale nto, umsindo wakhe awuzukujika,
Uza kuqhubeka esolulele ukubabetha isandla sakhe.+
18 Kuba ukwenziwa kwezinto ezimbi kuvutha njengomlilo,
Oqwenga amatyholo anameva nokhula.
Kuza kutshisa iintshinyela zehlathi,
Yaye ziza kunyuka zingumsi.
Akukho mntu uza kusizela nomntakwabo lo wembala.
Bobabini baza kulwa noYuda.+
Ngenxa yale nto, umsindo wakhe awuzukujika,
Uza kuqhubeka esolulele ukubabetha isandla sakhe.+
10 Baza kuthi shu abantu ababeka imithetho eyenzakalisayo,+
Abahlala bebhala imithetho ecinezelayo,
2 Abangasihoyanga isimangalo sehlwempu,
Abangabenzeli bulungisa abantu bam abangenanto,+
Abenza abahlolokazi amaxhoba abo,
4 Akusekho nto ishiyekileyo ngaphandle kokuba nichophe phakathi kwamabanjwa
Okanye niwe phakathi kwabantu ababuleweyo?
Ngenxa yale nto, umsindo wakhe awuzukujika,
Uza kuqhubeka esolulele ukubabetha isandla sakhe.+
Intonga yokubonakalisa umsindo wam,+
Induku esesandleni sabo endohlwaya ngayo!
6 Ndiza kumthumela kuhlanga oluwexukileyo,+
Kubantu abandicaphukisayo.
Ndiza kumyalela ukuba oxuthe izinto ezininzi,
Abaxovule oku kodaka olusezitratweni.+
7 Kodwa yena uza kube engacingi ngaloo ndlela,
Nentliziyo yakhe ingenazo ezo njongo.
Kaloku eyona nto isentliziyweni yakhe kukutshabalalisa,
Kukunqumla iintlanga ezininzi, hayi nje ezimbalwa.
9 IKaleno+ ayifani na neKarkemishe?+
IHamati+ ayifani na neArpadi?+
ISamariya+ ayifani na neDamasko?+
10 Isandla sam siye sabamba izizwe ezinoothixo abangancedi nganto,
Abanemifanekiso eqingqiweyo emininzi kuneyaseYerusalem naseSamariya!+
11 Ekubeni ndiye ndenza ngale ndlela eSamariya nakoothixo bayo abangancedi nganto
Andizukwenza njalo na nakwiYerusalem nakoothixo bayo abangancedi nganto?’+
12 “Uza kuthi uYehova akugqiba ukwenza wonke umsebenzi wakhe eNtabeni YeZiyon naseYerusalem, ohlwaye* ukumkani waseAsiriya ngenxa yentliziyo yakhe enetshiki nangendlela ajama ngayo ngendelelo.+ 13 Kuba uthi umAsiriya,
‘Yonke le nto ndiza kuyenza ngamandla esandla sam,
Nangobulumko bam, kuba ndilumkile.
Ndiza kuyisusa imida yezizwana,+
Ndirhwaphilize nobutyebi bazo,+
Yaye ndiza kuboyisa abemi njengegorha.+
14 Njengomntu esolulela isandla sakhe kwindlwane yentaka;
Isandla sam siza kuthatha ubutyebi bezizwana;
Njengomntu oqokelela amaqanda ashiyiweyo,
Ndiza kuwuqokelela wonke umhlaba,
Akukho mntu uza kuphaphazelisa amaphiko akhe okanye avule umlomo okanye atswitswize.’”
15 Ngaba izembe lingaziphakamisa ngaphezu komntu ogawula ngalo?
Ngaba isarha ingaziphakamisa ngaphezu komntu osarha ngayo?
Umsimelelo+ ungakwazi na ukujiwuzisa umntu owuphetheyo?
Okanye ingakwazi na intonga ukuphakamisa lowo ungenziwanga ngomthi?
16 Ngoko ke iNkosi yokwenene, uYehova wemikhosi,
Iza kubenza babhitye abo batyebileyo,+
Yaye phantsi kozuko lwakhe uza kubasa umlilo odangazelayo.+
17 UkuKhanya kukaSirayeli+ kuza kuba ngumlilo,+
NaLowo Ungcwele wakhe abe lidangatye;
Liza kuvutha lize litshise ukhula namatyholo anameva ngamini-nye.
18 Uza kuluncothula neengcambu uzuko lwehlathi lakhe nolwemithi yakhe yeziqhamo;
Luza kuba ngathi kukuphela komntu ogulayo.+
19 Imithi eshiyekileyo kwihlathi lakhe
Iza kuba mbalwa kangangokuba ingabalwa nayinkwenkwana.
20 Ngaloo mini abashiyekileyo bakwaSirayeli
Nabasindileyo bendlu kaYakobi
Abazi kuphinda bazixhase ngomntu obabethayo;+
Kodwa ngokuthembeka, baza kuzixhasa ngoYehova,
Lowo Ungcwele kaSirayeli.
23 Nakanjani, iNkosi enguMongami uYehova wemikhosi,
Iza kuphumeza isigqibo sokutshabalalisa lonke eli lizwe.+
24 Ngoko ke iNkosi enguMongami uYehova wemikhosi ithi: “Sanukumoyika bantu bam abahlala eZiyon, umAsiriya, owayekade enibetha ngentonga+ nowayeniphakamisela induku ngendlela eyenza ngayo iYiputa.+ 25 Kungekudala, isiqalekiso siza kuphela; umsindo wam ndiza kuwukhuphela kuye ndize ndimtshabalalise.+ 26 UYehova wemikhosi uza kumkhuphela isabhokhwe,+ njengaxa kwakusoyiswa uMidiyan ngakwiliwa laseOrebhi.+ Umsimelelo wakhe uza kuba phezu kolwandle, yaye uza kuwuphakamisa ngendlela awenza ngayo kwiYiputa.+
27 Ngaloo mini umthwalo wakhe uza kusuka egxalabeni lakho,+
Nedyokhwe yakhe isuke entanyeni yakho,+
Yaphulwe+ ngenxa yeoli.”
30 Khala kakhulu ntombi yaseGalim.
Mamela Layisha!
Wena Anatoti+ elusizana!
31 IMademena ibalekile.
Abemi baseGebhim bakhangele ikhusi.
32 Ngale mini uza kuma eNobhi.+
Uyilingisa ngenqindi intaba yesixeko saseZiyon,
Induli yaseYerusalem.
33 Jonga! INkosi yokwenene, uYehova wemikhosi,
Igawula amasebe ngesithonga esoyikisayo;+
Eyona mithi mide iyagawulwa,
Nephakamileyo iyathotywa.
11 Isetyana+ liza kuhluma esikhondweni sikaYese,+
Yaye ihlumelo+ elintshula kwiingcambu zakhe liza kuba nesiqhamo.
2 Kwaye umoya kaYehova uza kuhlala phezu kwakhe,+
Umoya wobulumko+ nowokuqonda,
Umoya wokucebisa nowamandla,+
Umoya wokwazi nowokoyika uYehova.
3 Uza kuvuyiswa kukoyika uYehova.+
Akazukugweba ngenxa nje yento ayibonayo,
Engazukohlwaya ngenxa nje yento ayive ngeendlebe.+
6 Ingcuka iza kukhe ihlale netakane legusha,+
Ihlosi libuthe netakane lebhokhwe,
Kubuthe ndawonye ithole lenkomo nengonyama,* nesilwanyana esondlekileyo, zonke zihlale kunye;*+
Zikhokelwe yinkwenkwana.
7 Imazi yenkomo nebhere ziza kutya kunye,
Amathole azo alale kunye.
Ingonyama iza kudla iindiza njengenkunzi yenkomo.+
8 Usana luza kudlala emngxunyeni wephimpi,
Nomntwana olunyulweyo abeke isandla sakhe emngxunyeni wenyoka enobuhlungu.
Zingazukonakalisa kuyo yonke intaba yam engcwele,+
Kuba umhlaba ngokuqinisekileyo uza kugcwaliswa kukwazi uYehova
Njengokuba nolwandle lugcwele ngamanzi.+
10 Ngaloo mini, ingcambu kaYese+ iza kuphakama njengento* yokubonisa izizwana.+
11 Ngaloo mini, uYehova uza kuphinda anikele isandla sakhe okwesibini, ukuze aqokelele abantu bakhe abashiyekileyo eAsiriya,+ eYiputa,+ ePatrosi,+ eKushe,+ e-Elam,+ eShinare,* eHamati nakwiziqithi zolwandle.+ 12 Uza kuziphakamisela into* eziza kubona ngayo iintlanga, aqokelele abasasazekileyo bakwaSirayeli+ aze aqokelele nabachithachithekileyo bakwaYuda mbombo zone zomhlaba.+
UEfrayim akazummonela uYuda,
NoYuda akazukuba lutshaba lukaEfrayim.+
Ngomoya wakhe otshisayo, uza kubetha imisinga yawo esixhenxe,
Yaye uza kubenza abantu banqumle kuwo benxibe iimbadada.
16 Kuza kubakho uhola wendlela+ ophuma eAsiriya abaza kuhamba kuwo abantu bakhe abashiyekileyo,+
Njengoko kwaba njalo kumaSirayeli ngemini awaphuma ngayo ezweni laseYiputa.
12 Ngaloo mini uza kuthi:
2 Jonga! UThixo uyandisindisa.+
Ndiza kuthembela kuye, ndingoyiki;+
Kuba uYa,* uYehova ungamandla am nokomelela kwam,
Kwaye uye wandisindisa.”+
4 Ngaloo mini niza kuthi:
“Bulelani kuYehova, bizani egameni lakhe,
Xelelani izizwana ngezinto azenzileyo!+
Chazani ukuba igama lakhe liphakanyisiwe.+
5 Culelani uYehova iingoma,+ kuba wenze izinto ezimangalisayo.+
Le nto mayixelelwe umhlaba wonke.
13 Nanku umbono kaIsaya+ unyana ka-Amotsi, wendlela eza kugwetywa ngayo iBhabhiloni:+
2 “Phakamisani into* aza kubona ngayo+ amajoni phezu kwentaba ebharhileyo.
Wakhwazeni, niwakhwebe,
Ukuze angene ezigeyithini zezikhulu.
3 Ndibakhuphele umyalelo abo ndibamiseleyo.*+
Ndiyalele amagorha am ukuba abonakalise umsindo wam,
Suka wona avuya enamabhongo.
4 Mamelani! Nalo igquba labantu ezintabeni,
Livakala ngathi ngabantu abaninzi!
Mamelani! Ingxolo yezizwe
Ingxolo yeentlanga zidityaniswe ndawonye!+
UYehova wemikhosi uqokelela umkhosi wemfazwe.+
5 Uza uvela kwilizwe elikude,+
Kwezona ndawo zikude phantsi kwezulu,
UYehova ekunye nawo
Eze konakalisa wonke umhlaba.+
6 Khalani kakhulu, kuba imini kaYehova isondele!
Iza kuba yintshabalalo evela kuSomandla.+
Bayaxhuzula, beqaqanjelwa,
Njengomfazi olunywayo.
Bajongana besoyika.
Nobuso babo bubhalwe intlungu.
9 Jongani! Imini kaYehova iyeza,
Ikhohlakele, inobushushu nomsindo,
Izokwenza ilizwe into eyoyikekayo,+
Nokuze itshabalalise aboni balo.
10 Kuba iinkwenkwezi namaqela azo*+
Azizukukhanyisa;
Ilanga liza kuphuma limnyama,
Nenyanga ayizukukhanyisa.
11 Wonke umhlaba omiweyo ndiza kuwuphendulisa ngezinto ezimbi ozenzileyo,+
Nabenzi-bubi ngesono sabo.
Ndiza kuliphelisa nya ikratshi labazigqatsayo,
Ndiza kulithoba nekratshi loozwilakhe.+
12 Umntu ndiza kumenza anqabe ngaphezu kwegolide esulungekisiweyo,+
Ndibenze banqabe abantu ngaphezu kwegolide yaseOfire.+
13 Yiloo nto ndiza kwenza izulu lingcangcazele,
Nomhlaba unyikime uze usuke endaweni yawo+
Ngenxa yokucaphuka kukaYehova wemikhosi ngemini yomsindo wakhe.
14 Njengebhadi elizingelwayo, nanjengomhlambi ongenamqokeleli,
Ngamnye uza kubuyela ebantwini bakowabo;
Ngamnye abalekele kwilizwe lakowabo.+
16 Abantwana babo baza kuntlekezwa phambi kwamehlo abo,+
Kuthathwe izinto ezindlini zabo,
Nabafazi babo badlwengulwe.
18 Izaphetha zawo ziza kubacumza abafana.+
Awazukuba nanceba kwisiqhamo sesibeleko,
Engazukubasizela nabantwana.
19 Kwaye iBhabhiloni, obona bukumkani buzukileyo,*+
Ubuhle neqhayiya lamaKhaledi,+
Iza kufana neSodom neGomora, xa uThixo wazibhukuqayo.+
Akukho mArabhu uza kumisa intente yakhe apho,
Kungekho balusi baza kuyeka imihlambi yabo ilale apho.
22 Izilwanyana ziza kwenza umkhulungwane kwiinqaba zayo,
Noodyakalashe kwizindlu zookumkani bayo.
Ixesha layo lisondele, nemihla yayo ayizukucotha.”+
14 UYehova uza kumenzela inceba uYakobi,+ yaye uza kuphinda awakhethe amaSirayeli.+ Uza kuwahlalisa* emhlabeni wawo,+ yaye abantu basemzini baza kuhamba nawo, bathi nca kwindlu kaYakobi.+ 2 Izizwana ziza kuwagodusa amaSirayeli, ibe ezi zizwana ziza kwenziwa izicaka nezicakakazi yindlu kaSirayeli+ kwilizwe likaYehova; yaye aza kuthimba izizwe ezawathimbayo, abe ziinkosi kwabo babewanyanzela ukuba asebenze.*
3 Kuza kuthi ngaloo mini, xa uYehova ekunika isiqabu kwintlungu yakho nakwiingxaki zakho nakubukhoboka otyhubele kubo,+ 4 uthethe le nto ngokumkani* waseBhabhiloni:
“Ndlela le aphelelwe ngayo lowo ebeqweqwedisa abanye!
Iphele tu ingcinezelo!+
5 UYehova uyaphule intonga yezikhohlakali,
Umsimelelo wabalawuli,+
6 Lowo uzibethela emsindweni izizwana, engaphezi,+
Lowo uthimba iintlanga ngenkohlakalo, ezingcungcuthekisa ngokungapheziyo.+
7 Ngoku wonke umhlaba uphumle, awuphazanyiswa.
Abantu bakhwaza ngentswahla yovuyo.+
8 Kwanemithi yejunipha inemihlali ngawe,
Nemithi yemisedare yaseLebhanon,
Ithi, ‘Ekubeni uye wawa,
Akukho mgawuli weenkuni uza kusigawula.’
Ngenxa yakho livusa abo bangenamandla ekufeni,
Zonke iinkokheli zomhlaba ezicinezelayo.*
Libangela bonke ookumkani bezizwe baphakame ezitroneni zabo.
10 Bonke bathi kuwe ngazwi-nye,
‘Nawe na uphelelwe ngamandla njengathi?
Ufana nathi na ngoku?
Iimpethu ziyibhedi yakho,
Nemibungu yingubo yakho.’
12 Ndlela le owe ngayo emazulwini,
Wena uqaqambileyo, nyana wesifingo!
Ndlela le ogawulwe ngayo wawela emhlabeni,
Wena owawusoyisa iintlanga!+
13 Entliziyweni yakho uthe, ‘Ndiza kunyukela emazulwini.+
Itrone yam ndiza kuyiphakamisa ibe ngaphaya kweenkwenkwezi zikaThixo,+
Ndihlale entabeni yokuhlangana,
Kwezona ndawo zithe qelele emntla.+
14 Niza kunyukela ngaphaya kwamafu;
Ndiza kuzifanisa nOyena Uphakamileyo.’
16 Abo bakubonayo baza kukujamela;
Baza kukuhlolisisa baze bathi,
‘Ngaba yile ndoda eyayigungqisa umhlaba le,
Eyayinyikimisa izizwe,+
17 Eyenza ilizwe ekuhlalwa kulo lanjengendawo eyomileyo
Eyabhukuqa izixeko zayo,+
Ingavumi ukukhulula amabanjwa agoduke?’+
19 Kodwa wena ulahlwe pha, awunangcwaba,
Unjengehlumelo elenyanyekayo,
Wambathiswe ngezidumbu ezixhaxhwe ngekrele,
Eziya emngxunyeni onamatye,
Njengesidumbu esinyathelweyo.
Inzala yabenzi-bubi ayisoze iphinde ibe nagama.
21 Lungiselelani isiqobo abaza kuxhaxhelwa kuso oonyana bakhe
Ngenxa yetyala lookhokho babo,
Ukuze bangathi vumbu baze balawule umhlaba
Baze bagcwalise ilizwe ngezixeko zabo.”
22 “Ndiza kusuka ndilwe nayo,”+ utsho uYehova wemikhosi.
“Ndiza kutshabalalisa igama, abantu abashiyekileyo, inzala nobutyebi baseBhabhiloni,”+ utsho uYehova.
23 “Ndiza kuyenza imigxobhozo nelifa leencanda, yaye ndiza kuyitshayela ngomtshayelo wembubhiso,”+ utsho uYehova wemikhosi.
24 UYehova wemikhosi ufungile, esithi:
“Kuza kuba njengokuba ndicebile,
Iza kwenzeka into endigqibe ukuba ndiza kuyenza.
Idyokhwe yakhe iza kususwa kubo,
Nomthwalo uza kususwa emagxeni abo.”+
Soluliwe isandla sakhe,
Ngoko ngubani onokusithintela?+
28 Ngonyaka awafa ngawo uKumkani uAhazi,+ kwakhutshwa esi sibhengezo:
29 “Ungakhe ulinge uvuye Filisti,
Ngenxa yokuba induku yalowo ebekubetha yaphukile.
Kuba engcanjini yenamba+ kuza kuphuma inyoka enobuhlungu,+
Ibe intshontsho layo liza kuba yinyoka ebhabhayo ebumlilorha.*
30 Ngoxa amazibulo abo bangenanto esitya,
Namahlwempu elala ekhuselekile,
Ndiza kuyibulala ingcambu yakho ngendlala,
Nento eshiyekileyo kuwe iza kubulawa.+
31 Khala kakhulu geyithi! Khwaza sixeko!
Nonke nina maFilisti niza kutyhafa intliziyo!
Kuba umsi ovela ngasemntla uyeza,
Yaye akukho namnye uphumayo kumkrozo.”
32 Bafanele babaphendule njani abathunywa bohlanga?
UYehova ubeke isiseko seZiyon,+
Yaye abaxhwalekileyo ebantwini bakhe baza kubalekela kuyo.
15 Esi sisigwebo esiya kuMowabhi:+
Ekubeni etshatyalaliswe ngobusuku,
IAri+ yakwaMowabhi ivalwe umlomo.
Ekubeni itshatyalaliswe ngobusuku,
IKire+ yakwaMowabhi ivalwe umlomo.
Zonke iintloko zichetywe inkqayi,+ neendevu zitsheviwe.+
3 Abantu bahamba ezitratweni bebhinqe amalaphu okwenza ingxowa.
Batsho ngesikhalo esikhulu beseluphahleni nakwiindawo zikawonke-wonke;
Behla bekhala.+
Kungeso sizathu le nto amadoda axhobileyo akwaMowabhi ekhwaza.
Ayangcangcazela.
5 Intliziyo yam ikhalela uMowabhi.
Iimbacu zibaleke zayokufika eTsoware+ nase-Egelati-shelishiya,+
Zinyuka zilila eqhineni laseLuhite.
Endleleni eya eHoronayim ziyakhala ngenxa yale ntlekele.+
6 Amanzi aseNimrim ome nko.
Ingca eluhlaza yomile,
Iphelile ingca, akukho kwanto iluhlaza ishiyekileyo.
7 Yiloo nto zihamba nento eshiyekileyo ebikoovimba, nobutyebi bazo.
Ziwela intlambo yemithi yemingcunube.
8 Kuba isikhalo sivakala kuwo wonke ummandla wakwaMowabhi.+
Isijwili sivakala e-Eglayim;
Isijwili sivakala eBhere-elim.
9 Kuba amanzi aseDimon agcwele igazi,
Andikagqibi ke ngeDimon:
Abo basindileyo bakwaMowabhi, ndibabekele ingonyama,
Nabo bashiyekileyo elizweni.+
16 Thumelani inkunzi yegusha kumlawuli welizwe,
Isuke eSela idlule entlango,
Iyokufika entabeni yentombi yaseZiyon.
3 “Cebisa, yenza isigqibo.
Emini emaqanda, khusela ngesithunzi sakho esimnyama okobusuku.
Fihla abasasazekileyo uze ungabangcatshi abo babalekileyo.
4 Akwaba abasasazekileyo bangahlala kuwe Mowabhi.
Yiba yindawo yabo yokuzifihla kumtshabalalisi.+
Umcinezeli uza kufikelwa sisiphelo,
Nabo baxhaphaza abanye baza kutshabalala.
5 Emva koko, itrone iza kumiselwa ngothando olungagungqiyo.
Kuza kuhlala kuyo umlawuli onenyaniso wentente kaDavide;+
Uza kugweba ngaphandle kwekhethe, yaye uza kubuzisa ngokukhawuleza ubulungisa.”+
6 Sivile ngekratshi likaMowabhi, unekratshi eligqithiseleyo,+
Sivile ngokuziphakamisa kwakhe, ikratshi lakhe nomsindo anawo;+
Kodwa intetho yakhe engavakaliyo iza kuphelela emoyeni.
Abo babethiweyo baza kuncwinela izonka zeerasintyisi zaseKire-hareseti.+
8 Kuba amasimi aseHeshbon+ abunile,
Namasimi eediliya aseSibhema.+
Abalawuli beentlanga bawaxovule amasebe ayokozela ziidiliya ezibomvu.
Bafikelele naseYazere,+
Banwenwela nasentlango.
Amahlumelo awo anwenwe ade ayokufika naselwandle.
9 Yiloo nto ndiza kuyililela intsimi yeediliya yaseSibhema ngendlela endayililela ngayo eyaseYazere.
Ndiza kukumanzisa ngeenyembezi zam, wena Heshbhon nawe Eleyale,+
Kuba kuphelile ukukhalela kwakho isivuno seziqhamo zehlobo.*
10 Uvuyo nolonwabo zisusiwe emyezweni,
Iingoma zokonwaba azisaculwa, ibe akusakhwazwa nokukhwazwa kumasimi eediliya.+
Umxovuli akasakwazi nokuxovula iwayini,
Kuba ndikuyekisile ukukhwaza.+
11 Yiloo nto ndingcangcazela ngaphakathi, ngenxa kaMowabhi,+
Njengokungcangcazela komrhubhe,
Ndiyangcangcazela ngaphakathi, ngenxa yeKire-hareseti.+
12 Naxa uMowabhi ezidinisa kwindawo ephakamileyo, esiya kuthandaza kwiindawo zakhe ezingcwele, akukho kwanto aza kuyifeza.+
13 Nantso ke into uYehova awayeyithethile ngoMowabhi. 14 Uthi ngoku uYehova: “Kwiminyaka nje emithathu, iminyaka efana neyomqeshwa,* ihlazo likaMowabhi liza kubonakala ngokuba kubekho umbhodamo, nabo bashiyekileyo baza kuba mbalwa kakhulu, ibe abazukuba namandla.”+
17 Nantsi indlela eza kugwetywa ngayo iDamasko:+
“Jonga! IDamasko iza kuyeka ukuba sisixeko,
Ize ibe yimfumba nje yamabhodlo.+
2 Izixeko zaseArohere+ ziza kushiywa apho.
Ziza kuba ziindawo zokulala imihlambi,
Kungabikho mntu uyoyikisayo.
3 Izixeko ezikhuselekileyo ziza kunyamalala kwaEfrayim,+
Nobukhosi bumke eDamasko;+
Nabashiyekileyo eSiriya
Baza kuba njengozuko lwamaSirayeli,”* utsho uYehova wemikhosi.
5 Kuza kuba njengaxa umntu evuna,
Nengalo yakhe iqokelela izikhwebu,
6 Kuza kushiyeka amagaqana nje ambalwa,
Njengaxa umthi womnquma uvuthululwe:
Kumasebe aphezulu kuza kushiyeka nje amagaqa avuthiweyo amabini okanye amathathu,
Abe mane okanye abe mahlanu kumasebe athwala isiqhamo,”+ utsho uYehova uThixo kaSirayeli.
7 Ngaloo mini umntu uza kujonga phezulu kuMenzi wakhe, namehlo akhe ajonge kuLowo Ungcwele kaSirayeli. 8 Akazukujonga kwizibingelelo,+ zinto ezo zenziwe zizandla zakhe;+ engazukujonga kwizinto ezenziwe yiminwe yakhe, nokuba zizibonda ezingcwele* okanye ziindawo zokubeka isiqhumiso esiqholiweyo.
9 Ngaloo mini izixeko zakhe ezikhuselekileyo ziza kuba njengamabhodlo asehlathini,+
Zibe njengesebe elishiywe phambi kwamaSirayeli;
Zingahlali bantu.
Yiloo nto ulima iigadi ezintle,
Utyala nesithole somntu wasemzini.*
11 Emini uyibiyela kakuhle igadi yakho,
Kusasa uhlumisa imbewu yakho,
Kodwa isivuno siza kunyamalala xa ugula kakhulu, unentlungu enganyangekiyo.+
12 Khawuve! Nantso ingxolo yezizwana ezininzi,
Zigquma okweelwandle!
Kukho ingxolo yeentlanga,
Ezingxola okwamanzi anamandla!
13 Iintlanga ziza kwenza ingxolo njengamanzi agqumayo.
Uza kuzikhalimela, yaye ziza kubalekela kude,
Zivuthululwe oku komququ osezintabeni uvuthululwa ngumoya,
Njengekhaka-khaka* kwisaqhwithi somoya.
14 Ngokuhlwa kuza kwehla intlekele.
Kuthi kusisa zibe zingasekho.
Nantso ke into eza kwehlela abo basoxuthela izinto,
Neqashiso labo basirhwaphilizayo.
2 Lithumela oonozakuzaku ngolwandle,
Bawele imilambo ngezikhephe zompapiri, lisithi kubo:
“Hambani nina bathunywa banamendu
Niye kuhlanga olude olunolusu olumpuluswa,*
Isizwana esoyikwa kuyo yonke indawo,+
Uhlanga olunamandla noloyisayo,
Nolunomhlaba okhukuliswe yimilambo.”
3 Nonke nina bemi belizwe nani bahlala emhlabeni,
Niza kubona into engathi luphawu* oluphakanyiswe ezintabeni,
Yaye niza kuva isandi esingathi kukuvuthelwa kophondo.
4 Kuba nantsi into ethethwe nguYehova kum:
“Ndiza kuhlala ndingaphazamisekanga ndize ndijonge kwindawo yam emisiweyo,
Njengolophu nokugqatsa kwelanga,
Njengombethe ngexesha elifudumeleyo lokuvuna.
5 Kuba ngaphambi kwesivuno,
Xa imithi idubule yagqiba, neediliya zivuthiwe,
Amasetyana aza kusikwa ngezitshetshe zokuthena imithi
Namasebe afileyo aza kugecwa aze alahlwe.
6 Izidumbu zalo ziza kushiyelwa iintaka zasezintabeni ezidla inyama
Namarhamncwa omhlaba.
Iintaka ezidla inyama ziza kulichithela kuzo ihlobo,
Nawo onke amarhamncwa omhlaba aza kulichithela apho ixesha lokuvuna.
7 Ngelo xesha kuza kuziswa isipho kuYehova wemikhosi,
Sisuka kuhlanga olude olunolusu olumpuluswa,*
Kwisizwana esoyikwa kuyo yonke indawo,
Kuhlanga olunamandla noloyisayo,
Nolunomhlaba okhukuliswe yimilambo,
Sisiya kwindawo ethwele igama likaYehova wemikhosi, iNtaba YeZiyon.”+
Jonga! UYehova ukhwele kwilifu elikhawulezayo ibe uza eYiputa.
Oothixo baseYiputa abangento yanto baza kungcangcazela phambi kwakhe,+
Nentliziyo yeYiputa iza kunyibilika ngaphakathi kuyo.
2 “Ndiza kuthelekisa amaYiputa kunye namanye amaYiputa,
Ibe aza kulwa odwa,
Umntu nomntakwabo, umntu nommelwane wakhe,
Isixeko silwe nesixeko, ubukhosi bulwe nobukhosi.
Aza kubhenela koothixo abangento yanto,
Kumakhubalo, emagqirheni nakubavumisi.+
4 IYiputa ndiza kuyiyeka iphathwe yinkosi engqwabalala,
Ilawulwe ngukumkani okhohlakeleyo,”+ itsho iNkosi yokwenene, uYehova wemikhosi.
6 Imilambo iza kunuka.
Imisinga yomNayile waseYiputa iza kuwutha, ize yome.
Iingcongolo nemizi ziza kubola.+
7 Izityalo ezisecaleni koMlambo umNayile, ngasekupheleni kwawo,
Umhlaba uza kuphetshethwa ngumoya, umke.
8 Nabalobi baza kuzila,
Nabo baphosa iihaki zokuloba kuMlambo umNayile baza kukhala usizi lwento.
Kwanabo baneka iminatha yabo yokuloba emanzini baza kuncipha.
10 Nabo benza amalaphu baza kutyumka intliziyo.
Bonke abaqeshwa baza kuba sentlungwini.
11 Iinkosana zaseTsowan+ zizidenge.
Ezona zilumko kubacebisi bakaFaro zinamacebiso angabhadlanga.+
Utsho njani kuFaro ukuba:
“Ndiyinzala yezilumko,
Inzala yookumkani bakudala”?
12 Ziphi ke ngoku ezo zilumko zakho?+
Mazitsho kaloku ukuba uYehova wemikhosi ugqibe entwenini ngeYiputa.
13 Iinkosana zaseTsowan zenze ngobudenge;
Iinkosana zaseNofu*+ ziqhathiwe,
Izibonda zeentlanga zayo ziyilahlekisile iYiputa.
Ibe bayayilahlekisa iYiputa kuyo yonke into eyenzayo,
Njengenxila lityibilika kumhlanzo walo.
15 Kwaye iYiputa ayizukuba nawo nonjani na umsebenzi,
Nokuba ngowentloko okanye ngowomsila, ihlumelo okanye umzi.*
16 Ngaloo mini iYiputa iza kufana nabafazi, yoyike ize ingcangcazele ngenxa yokulingiswa sisandla sikaYehova wemikhosi.+ 17 Kwaye umhlaba wakwaYuda uza kuyenza yoyike iYiputa. Iza koyikiswa kwakukuva igama likaYuda, ngenxa yesigqibo sikaYehova wemikhosi.+
18 Ngaloo mini kuza kubakho izixeko ezihlanu ezithetha ulwimi lakwaKanan eYiputa,+ ezikwicala likaYehova wemikhosi. Esinye isixeko siza kubizwa ngokuba sisiXeko Sokuchitha.
19 Ngaloo mini kuza kubakho isibingelelo sikaYehova kumbindi welizwe laseYiputa nentsika kaYehova emdeni walo. 20 Siza kuba luphawu nobungqina kuYehova wemikhosi kwilizwe laseYiputa; kuba baza kukhalela kuYehova ngenxa yabacinezeli, aze yena abathumelele umsindisi ozukileyo oza kubasindisa. 21 UYehova uza kwaziwa ngamaYiputa, ibe aza kumazi kakuhle uYehova ngaloo mini. Aza kubingelela aze akhuphe izipho, afunge kuYehova aze azenze izinto azifungileyo. 22 UYehova uza kuyibetha iYiputa,+ ayibethe aphinde ayiphilise; ibe iza kubuyela kuYehova. Uza kuziphendula izicelo zayo, ayiphilise.
23 Ngaloo mini kuza kubakho uhola wendlela+ ophuma eYiputa usiya eAsiriya. IAsiriya iza kuza eYiputa, neYiputa iye eAsiriya, yaye iYiputa neAsiriya ziza kumkhonza kunye uThixo. 24 Ngaloo mini uSirayeli uza kuba kunye neYiputa neAsiriya,+ abe yintsikelelo emhlabeni, 25 kuba uYehova wemikhosi uza kube eyisikelele, ngelithi: “Mabasikeleleke abantu bam iYiputa, nomsebenzi wezandla zam iAsiriya nelifa lam uSirayeli.”+
20 Ngonyaka uKumkani uSargon waseAsiriya awathumela ngawo umphathi-mkhosi* eAshdode,+ umphathi-mkhosi walwa neAshdode, wayithimba.+ 2 Ngelo xesha, uYehova wathetha ngoIsaya+ unyana ka-Amotsi esithi: “Khulula ilaphu lokwenza ingxowa elisesinqeni sakho, ukhulule neembadada.” Wenjenjalo, waza wahamba-hamba eze,* enganxibanga nto nasezinyaweni.
3 Emva koko uYehova wathi: “Kanye njengokuba umkhonzi wam uIsaya eye wahamba-hamba eze, kwaye enganxibanga nto ezinyaweni iminyaka emithathu, nto leyo eluphawu+ nesilumkiso sento eza kwehlela iYiputa+ neTiyopiya,+ 4 ukumkani waseAsiriya uza kukhokela amabanjwa aseYiputa+ nabathinjwa baseTiyopiya, amakhwenkwe namadoda amadala, behamba ze, benganxibanga nto ezinyaweni, behamba ngeempundu, ubuze beYiputa.* 5 Baza kutyhwatyhwa baze babe neentloni ngeTiyopiya ebebethembele kuyo, nangeYiputa ibhongo labo. 6 Abahlali beli lizwe ligudle unxweme baza kuthi ngaloo mini, ‘Jongani ithemba lethu, esabalekela kulo ukuze sisindiswe kukumkani waseAsiriya! Siza kusinda njani ke ngoku thina?’”
21 Nantsi indlela eza kugwetywa ngayo intlango egudle ulwandle:*+
Kuza intlekele njengesaqhwithi somoya esitshayela ukusuka ezantsi,
Sivela entlango, kwilizwe eloyikekayo.+
2 Ndixelelwe umbono owoyikekayo, ongulo:
Ongathembekanga wenza ngokungathembeki,
Nomtshabalalisi uyatshabalalisa.
Nyuka Elam! Hlasela wena Medi!+
Ndiza kukuphelisa konke ukuncwina awakubangelayo.+
3 Yiloo nto ndisifa ziintlungu.*+
Iintlungu ziyandigqushalazisa,
Njengezomfazi ozalayo.
Ndikhathazeke gqitha, andikwazi nokuva;
Ndiphazamiseke kakhulu, andikwazi nokubona.
4 Iyangcangcazela intliziyo yam; ndiyahlasimla kukoyika.
Urhatya ebendilulangazelela luyandingcangcazelisa.
5 Lungisani itafile nimise kakuhle izitulo!
Yityani nisele!+
Phakamani nina zinkosana, thambisani ikhaka ngeoli!
6 Nantsi into uYehova ayithethileyo kum:
“Hamba, umise unogada ukuze achaze oko akubonayo.”
Wabe eqwalasele kakuhle.
8 Waza wagquma njengengonyama wathi:
“Owu Yehova, imini le yonke ndimi kwinqaba yoonogada,
Yaye ndimi endaweni yam yokugada busuku ngabunye.+
9 Jonga ukuba kuza ntoni:
Amadoda ahamba ngenqwelo yokulwa nesipani samahashe!”+
Waza wathetha wathi:
“Iwile! IBhabhiloni iwile!+
Yonke imifanekiso eqingqiweyo yoothixo bayo uyiphahlaze emhlabeni!”+
10 Owu bantu bam ababhuliweyo,
Bonyana bebala lam lokubhula,+
Ndinichazele oko ndikuvileyo kuYehova wemikhosi, uThixo kaSirayeli.
11 Nasi isigwebo ngakuDuma:
Kukho ondikhwaza ekwaSehire,+ esithi:
“Yhe nogada, kuza kusa nini?
Yhe nogada, kuza kusa nini?”
12 Unogada wathi:
“Intsasa iyeza, kwanobusuku buza kufika.
Ukuba niza kubuza, buzani.
Yizani kwakhona!”
13 Nasi isigwebo ngentlango:
Niza kuchitha ubusuku ehlathini, entlango,
Bantu bakwaDedan+ abaseluhambeni.
14 Mkhawuleleni ngamanzi onxaniweyo,
Nina bemi belizwe lakwaTema,+
Yaye mphatheleni isonka lowo ubalekayo.
15 Kuba babaleke amakrele, amakrele athiwe rhuthu,
Babaleke isaphetha esilungele ukudubula, babaleke inkohlakalo yemfazwe.
16 Kuba uYehova uthe kum: “Kwakulo nyaka, njengeminyaka yomqeshwa,* lonke uzuko lwakwaKedare+ luza kuphela. 17 Abo bashiyekileyo kwinani labantu abadubula ngesaphetha, kumagorha akwaKedare, baza kuba mbalwa, kuba uYehova, uThixo kaSirayeli, utshilo.”
22 Nantsi indlela eza kugwetywa ngayo iNtlambo Yombono:*+
Yintoni ingxaki yenu, le nto nonke ninyuke naya emaphahleni?
2 Ubukade unesiphithiphithi,
Usisixeko esidlamkileyo, idolophu eyonwabileyo.
Ababuleweyo bakho bengabulewanga ngekrele,
Bengafelanga nasedabini.+
3 Bonke oozwilakhe bakho babalekile.+
Benziwa amabanjwa bengakhonjwanga ngesaphetha.
Bonke abafunyanwayo benziwa amabanjwa,+
Nakuba babalekela kude.
5 Kuba yimini yesiphithiphithi, yokoyiswa neyombhodamo,+
Yimini evela kwiNkosi enguMongami, uYehova wemikhosi,
KwiNtlambo Yombono.
Kuchithwa udonga,+
Ibe kuyalilwa entabeni.
7 Ezona ntlambo zakho zibukekayo*
Ziza kugcwala qhu ziinqwelo zokulwa,
Namahashe ami ngeendawo zawo* egeyithini,
8 Yaye udonga olukhuselayo lwakwaYuda luza kususwa.
“Ngaloo mini niza kujonga kwindawo yokugcina izixhobo zeNdlu Yehlathi,+ 9 yaye niza kubona iintanda kwisiXeko SikaDavide.+ Ibe niza kuqokelela amanzi kwichibi elisezantsi.+ 10 Niza kuzibala izindlu zaseYerusalem, nize nizidilize ukuze niqinise udonga. 11 Niza kwenza ichibi phakathi kwezo ndonga zimbini ukuze nigcine amanzi echibi elidala, kodwa anizukujonga kuMenzi walo Ozukileyo, ibe anizukumbona Lowo walidala kwakudala.
12 Ngaloo mini iNkosi enguMongami uYehova wemikhosi,
Iza kuthi makulilwe kuze kuzilwe,+
Kuchetywe iinkqayi, kubhinqwe namalaphu okwenza ingxowa.
13 Kodwa endaweni yaloo nto, kuyabhiyozwa, konwatyiwe,
Kuxhelwa iinkomo neegusha,
Kutyiwa inyama, kuselwa newayini.+
Kuthiwa, ‘Masityeni, sisele, kuba ngomso siza kufa.’”+
14 UYehova wemikhosi wandichazela le nto: “‘Esi sono asizukuhlawulelwa de nife,’+ itsho iNkosi enguMongami uYehova wemikhosi.”
15 Ithi iNkosi enguMongami uYehova wemikhosi: “Hamba uye kweli gosa, uShebhena,+ ophethe indlu kakumkani,* uze uthi, 16 ‘Ufuna ntoni apha, ingubani omfunayo apha, le nto ude uzimbele ingcwaba?’ Uzimbela indawo yokungcwaba kwindawo ephakamileyo; uzisikela indawo yokuphumla* eliweni. 17 ‘Jonga! uYehova uza kukujula phantsi ngobundlobongela ndodandini, akubambe engakucengi. 18 Ngokuqinisekileyo uza kukusonga akuqinise, akujule njengebhola kwilizwe elikhulu. Uza kufela apho, neenqwelo zozuko lwakho zibe lihlazo lendlu yenkosi yakho. 19 Ndiza kukususa esikhundleni sakho, ndikususe nakwisigxina sakho.
20 “‘Ngaloo mini ndiza kubiza umkhonzi wam uEliyakim+ unyana kaHilekiya, 21 Ndiza kumnxibisa umwunduzo wakho, ndimbophe ntshi ngombhinqo wakho,+ negunya lakho* ndilinikele esandleni sakhe. Uza kuba ngutata wabemi baseYerusalem nabendlu kaYuda. 22 Nesitshixo sendlu kaDavide+ ndiza kusibeka egxalabeni lakhe. Uza kuvula, kuze kungabikho uvalayo; avale kungabikho uvulayo. 23 Ndiza kumbethelela njengesikhonkwane kwindawo ehlala ikho, abe njengetrone yozuko endlini katata wakhe. 24 Kwaye baza kuluxhoma kuye lonke uzuko lwendlu katata wakhe, inzala nezizukulwana, zonke izitya ezincinci, izitya ezimgobongqo nayo yonke imiphanda emikhulu.
25 “‘Ngaloo mini,’ utsho uYehova wemikhosi, ‘isikhonkwane esibethelelwe kwindawo ehlala ikho siza kususwa,+ siza kunqunyulwa size siwe, nomthwalo okuso uza kuwa wonakale, kuba uYehova uthethile.’”
23 Nantsi indlela eza kugwetywa ngayo iTire:+
Lilani nina zinqanawa zaseTarshishe!+
Kuba izibuko litshatyalalisiwe; akungeneki kulo.
Bakuve oku bekwilizwe laseKitim.+
2 Thulani nithi tu, nina bemi belizwe eligudle unxweme.
Oosomashishini baseSidon+ abawela ulwandle bakwenze wahlutha.
3 Iinkozo* zaseShihore*+ zihambe phezu kwamanzi amaninzi,
Isivuno somNayile, ingeniso yeTire,
Zizisa ingeniso esuka kwiintlanga.+
4 Yiba neentloni Sidon, nqaba yolwandle,
Kuba ulwandle luthe:
5 Njengokuba abantu baba buhlungu xa beva into eyenzeka eYiputa,+
Baza kuba buhlungu xa besiva into eyenzeke eTire.+
6 Welelani eTarshishe!
Khalani kakhulu, nina bantu belizwe eligudle unxweme!
7 Siso na esi isixeko esasivuya kwakudala, ukususela kumaxesha akudala?
Iinyawo zaso zazikade zisithatha ziye kusihlalisa kwimimandla ekude.
8 Ngubani owenze esi sigqibo ngeTire,
Yona ingumthwesi wezithsaba,
Enoosomashishini ababeziinkosana,
Nababehlonitshwa emhlabeni wonke?+
9 Nantsi into uYehova wemikhosi agqibe ukuyenza,
Uza kubungcolisa bonke ubuhle bakhe, aliphelise nekratshi lakhe,
Abahlaze bonke abo babehlonitshwa emhlabeni wonke.+
10 Gcwalisa ilizwe lakho liphuphume oku koMlambo umNayile, ntombi yaseTarshishe.
Akusekho nendawo le yeenqanawa.*+
11 Isandla sakhe usolulele phezu kolwandle.
Uzishukumisile izizwe.
UYehova ukhuphe umyalelo wokuba kutshatyalaliswe iinqaba zaseFenike.+
12 Yaye uthi: “Awusoze uphinde uvuye kwakhona,+
Wena ucinezelweyo, ntombi yaseSidon engazange yalala nandoda.
Phakama, welela eKitim.+
Nalapho awuzukuphumla.”
13 Jonga! Ilizwe lamaKhaledi.+
Naba ke abona bantu, hayi ama-Asiriya.+
Bayenze indawo yokubhadulela izilwanyana zasentlango.
Bamise iinqaba zabo zokurhangqa;
Bazishiye zize iinqaba ezikhuselekileyo,+
Bayishiya ingamabhodlo awohlokayo.
15 Ngaloo mini, iTire iza kulityalwa iminyaka eyi-70,+ kanye njengeminyaka* yobomi bokumkani omnye. Ekupheleni kweminyaka eyi-70 kuza kwenzeka kwiTire ngokwengoma yomfazi othengisa ngomzimba, ethi:
16 “Thatha uhadi ujikeleze isixeko wena mfazi othengisa ngomzimba nolityelweyo.
Dlala uhadi lwakho ngobuchule;
Cula iingoma ezininzi,
Ukuze bakukhumbule.”
17 Ekupheleni kweminyaka eyi-70, uYehova uza kuyikhumbula iTire. Iza kuphinda ibe ngumfazi othengisa ngomzimba kuzo zonke izizwe eziphezu kobuso bomhlaba. 18 Inzuzo nomvuzo wayo ziza kuba yinto engcwele kuYehova. Azizukugcinwa, okanye zibekwe, kuba umvuzo weTire uza kuba ngowabo bahlala phambi koYehova, ukuze batye baneliseke, nokuze banxibe iimpahla ezintle.+
24 Jongani! uYehova ukhupha wonke umntu kweli lizwe,* ulenza lingabi nabantu.+
Uliqubudile+ waza wabachitha-chitha abantu balo.+
2 Kuza kufana kumntu wonke:
Abantu baza kufana nombingeleli,
Isicaka sifane nenkosi yaso,
Isicakakazi sifane nenkosikazi esiphetheyo,
Umthengi afane nomthengisi,
Umbolekisi afane nobolekayo,
Othatha inzala afane nobhatala inzala.+
Ilizwe elinemveliso liyabuna, liyaphela,
Izikhulu zelizwe ziphelelwa ngamandla.*
Yiloo nto abemi belizwe bephela,
Yaye kushiyeke nje abantu abambalwa.+
7 Iwayini entsha izilile,* umthi weediliya uyabuna,+
Nabo bonke abonwabileyo ezintliziyweni bayagcuma.+
8 Umculo omnandi wamagubu uphelile,
Ingxolo yabantu abaselonwabeni iphelile,
Umculo omyoli wohadi uphelile.+
9 Basela iwayini kungekho ngoma,
Utywala bukrakra nakubantu ababuselayo.
11 Ezitratweni bakhalela iwayini.
Kuphele nolo lonwabo;
Kuphele nolo vuyo belukho elizweni.+
13 Kuba kuza kuba nje kweli lizwe nakwizizwana:
Njengaxa kuvuthululwa umthi womnquma,+
Njengaxa kuchola-cholwa ekupheleni kwexesha lokuvuna iidiliya.+
14 Baza kungxola,
Bakhwaze bevuya.
Ukususela elwandle,* baza kuthetha ngobukhulu bukaYehova.+
15 Yiloo nto beza kuzukisa uYehova kummandla wokukhanya;*+
Kwiziqithi beza kuzukisa igama likaYehova, uThixo kaSirayeli.+
16 Siva ezi ngoma zivela kwezona ndawo zikude emhlabeni:
Kodwa mna ndithi: “Ndiyaphela, ndiyaphela!
Ndisengxakini! Abantu abanamaqhinga benza amaqhinga.
Benza amaqhinga abantu abanamaqhinga.”+
17 Ulindelwe kukoyika, yimingxuma nezabatha wena mmi welizwe.+
18 Nabani na obalekayo xa esiva isandi esoyikekayo uza kuwela emngxunyeni,
Nabani na ophumayo emngxunyeni uza kubanjiswa ngumgibe.+
Kuba iigeyithi zezikhukula zasezulwini ziza kuvulwa,
Neziseko zomhlaba ziza kunyikima.
20 Ilizwe ligxadazela okomntu onxilileyo,
Lihexa-hexa okwekhusi livuthelwa ngumoya.
Lisindwa zizono zalo,+
Liza kuwa, lingaze liphinde lime.
21 Ngaloo mini uYehova uza kuwugweba umkhosi waphezulu,
Agwebe nookumkani bomhlaba.
22 Baza kudityaniswa
Njengamabanjwa edityaniswe emngxunyeni.
Baza kuvalelwa ejele,
Baze emva kwemihla emininzi baphenduliswe.
23 Inyanga iza kudana,
Nelanga eliqaqambileyo libe neentloni,+
Kuba uYehova wemikhosi ube nguKumkani+ eNtabeni YeZiyon+ naseYerusalem,
25 Wena Yehova unguThixo wam.
Ndiyakudumisa, ndiyaliphakamisa igama lakho,
Kuba ziyamangalisa izinto ozenzileyo,+
Izinto owacinga ukuzenza* kwakudala,+
Ngokuthembeka+ nangokunyaniseka.
2 Kuba usenze sayimfumba yamatye isixeko,
Nedolophu ekhuselekileyo yayingqushu yamabhodlo.
Inqaba yomntu wasemzini ayisesiso isixeko,
Soze iphinde yakhiwe.
4 Kuba uye wayinqaba kumntu osweleyo,
Inqaba kwihlwempu xa lisebunzimeni,+
Ikhusi esiphangweni,
Umthunzi ebushushwini.+
Xa oozwilakhe begqabhuka njengemvula enamandla ibetha eludongeni.
5 Njengobushushu kwilizwe elomileyo,
Uyayiphelisa ingxolo yabasemzini.
Njengomthunzi welifu ophelisa ubushushu,
Uyithulisa kuthi tu ingoma yoozwilakhe.
6 UYehova wemikhosi uza kudekela izizwana kule ntaba,+
Izidlo ezinamafutha,+
Iwayini eninzi emnandi,*
Izidlo ezinamafutha nomongo,
Iwayini emnandi nehluziweyo.
7 Kule ntaba uza kususa* isigqubuthelo esogqume zonke izizwana,
Nelaphu elithe wambu zonke iintlanga.
8 Uza kukuginya ukufa ngonaphakade,+
Yaye iNkosi enguMongami uYehova iza kuzosula iinyembezi ebusweni babo bonke abantu.+
Ukuphathwa kakubi kwabantu uza kukuphelisa emhlabeni wonke,
Kuba utsho uYehova.
9 Ngaloo mini kuza kuthiwa:
“Jongani! Lo nguThixo wethu.+
Lo nguYehova!
Sithembele kuye.
Masonwabe sivuye, kuba uyasisindisa.”+
10 Kuba isandla sikaYehova siza kuba phezu kwale ntaba,+
Yaye uMowabhi uza kunyathelwa kule ndawo+
Njengemfumba yeendiza enyathelwa ibe ngumgquba.
11 Uza kumbetha ngesandla uMowabhi
Oku kwendadi ibetha amanzi xa iqubha,
Yaye uza kumthoba njengokuba ephakamile nje+
Ngokuzolula ngobuchule izandla zakhe.
12 Uza kusidiliza isixeko esikhuselekileyo neendonga zakho eziphakamileyo,
Uza kusikhahlela phantsi emhlabeni, eluthulini.
26 Ngaloo mini kuza kuculwa le ngoma+ kwilizwe lakwaYuda:+
“Sinesixeko esomeleleyo.+
Iindonga nongqameko lwaso uzenza indawo yokusindisa.+
2 Vulani iigeyithi+ ukuze lungene uhlanga oluthobela uThixo.
3 Uza kubakhusela abo bayame ngawe ngokupheleleyo;*
Uza kubenza bahlale benoxolo,+
Kuba bathembele kuwe.+
5 Kuba ubathobile abo bahlala kwindawo ephezulu, isixeko esiphakamileyo.
Uyasithoba,
Usithobela emhlabeni;
Usijula phantsi eluthulini.
6 Unyawo luza kusinyathela,
Iinyawo zomntu osentlungwini, izingqi zehlwempu.”
7 Indlela yelungisa ilungile.
Kuba wena ulungile,
Uza kuyigudisa indlela yelungisa.
8 Njengokuba silandela indlela yakho yobulungisa, Yehova Thixo wethu,
Ulithemba lethu.
Sihlala sifuna ukukhumbula igama lakho nento eliyimelayo.*
9 Ebusuku ndikufuna ngentliziyo yam yonke,
Umoya wam ukufuna ngeyona ndlela;+
Kuba xa uwugweba umhlaba,
Abemi bawo batsho bafunde ngobulungisa bakho.+
11 Yehova Thixo wam, usiphakamisile isandla sakho, kodwa iintshaba azisiboni.+
Ziza kuyibona indlela obathanda nobakhusela ngayo abantu bakho, zize zihlazeke.
Ngokuqinisekileyo uza kuziqwenga ngomlilo.
13 Yehova Thixo wethu, besikhe saphathwa zezinye iinkosi,+
Kodwa lelakho kuphela igama esilidumisayo.+
14 Zifile ibe azizukuphila.
Ekubeni zingenamandla ekufeni, azizukuvuka.+
Kuba uzigwebile
Ukuze uzitshabalalise, ulitshayele kuthi nya igama lazo.
Uyandise kakhulu yonke imida yelizwe.+
17 Kanye njengomfazi okhulelweyo osele eza kubeleka
Olunywayo notsho isikhalo ngenxa yeentlungu,
Siye sanjalo nathi Yehova Thixo wethu.
18 Siye sakhulelwa, salunywa,
Kodwa kube ngathi sizele umoya.
Asilisindisanga eli lizwe,
Ibe akukho mntu uzele usana oluza kuhlala kweli lizwe.
19 “Abantu benu abafileyo baza kuphila.
Izidumbu zakuthi ziza kuvuka.+
Vukani nize nikhwaze nivuya,
Nina bahlala eluthulini!+
21 Kuba jongani! uYehova uyeza evela endaweni yakhe.
Uze kuphendulisa abemi beli lizwe ngesono sabo,
Kuba eli lizwe liza kulibhenca igazi elachithwayo
Lingaphindi libogqumelele abantu balo ababuleweyo.”
27 Ngaloo mini uYehova, ngekrele lakhe elibukhali, elikhulu nelomeleleyo,+
Uza kuhlasela iLeviyatan,* inyoka enyebelezayo,
Uza kuhlasela iLeviyatan, inyoka ezibhijelayo,
Ibe uza kusibulala esi silwanyana sikhulu saselwandle.
2 Ngaloo mini, yiculeleni ingoma ethi:*
“Intsimi yeediliya zewayini ebilayo!+
Mzuzu ngamnye ndiyayinkcenkceshela.+
Imini nobusuku ndiyayikhusela,
Ukuze kungabikho mntu uyonakalisayo.+
4 Andinamsindo.+ Ukuba umntu ubeka amatyholo anameva nokhula phambi kwam
Ndiza kuwaxusha ndize ndiwaphose emlilweni,
Ndiza kulwa naye loo mntu.
5 Ngoko makabalekele kwikhusi lam.
Makacele uxolo kum;
Makazokucela uxolo apha kum.”
6 Kwimihla ezayo uYakobi uza kuntshula,
USirayeli uza kutyatyamba ahlume,+
Yaye uza kwenza umhlaba ugcwale imveliso.+
7 Ngaba kufuneka ade abethwe ngendlela abethwe ngayo ngulowo umbethayo?
Okanye ngaba kufuneka ade abulawe ngendlela ababulewe ngayo abantu bakhe?
8 Ngesikhalo esoyikisayo uza kumgxotha usilwa naye.
Uza kumgxotha unomsindo, njengemini yomoya wasempuma.+
9 Nantso ke indlela esiza kuhlawulelwa ngayo isono sikaYakobi,+
Yaye ezi iza kuba ziziqhamo zokususwa kwesono sakhe:
Uza kwenza amatye okwenza isibingelelo
Abe njengamatye ekalika acoliweyo,
Akuzukubakho zibonda zingcwele* okanye zindawo zakubeka isiqhumiso esiqholiweyo ziza kusala.+
Ithole lenkomo liza kudla apho, lilale khona;
Liza kudla amasebe eso sixeko.+
Kuba esi sizwana asifuni kucinga.+
Yiloo nto uMenzi waso engazukuba nanceba kuso,
NoMyili waso engazukusisizela.+
12 Ngaloo mini uYehova uza kuzivuthulula iziqhamo ukususela eMlanjeni ukuya kwiNtlambo YaseYiputa,+ yaye nina bantu bakwaSirayeli niza kuchola-cholwa.+ 13 Ngaloo mini kuza kuvuthelwa uphondo,+ yaye abo batshabalalayo elizweni laseAsiriya+ nabo bathe saa kwilizwe laseYiputa+ baza kubuya baze baqubude kuYehova, entabeni engcwele eseYerusalem.+
28 Siza kufikelwa yintlekele isithsaba* esikhazimlayo* samanxila akwaEfrayim,+
Bufiphale nobukhazikhazi baso,
Kuloo nkcochoyi yentlambo echumayo yabo boyiswe yiwayini!
2 Jongani! UYehova unomntu owomeleleyo nonamandla.
Unjengesichotho esihamba neendudumo, isivuthuvuthu esitshabalalisayo,
Unjengesikhukula esineendudumo namandla,
Uza kusikhahlela phantsi emhlabeni eso sithsaba.
4 Intyatyambo ebunayo yomhombiso wakhe
Esenkcochoyini yentlambo echumileyo,
Iza kuba njengefiya* langaphambi kokuba kube sehlotyeni.
Xa umntu elibona, uza kukhawuleza aliginye lakuba sesandleni sakhe.
5 Ngaloo mini, uYehova wemikhosi uza kuba sisithsaba nesidanga esihle kwabo bashiyekileyo ebantwini bakhe.+ 6 Uza kumkhuthaza ukuba enze ubulungisa lowo* ugwebayo, abe ngumthombo wamandla nakwabo banqanda idabi lisesegeyithini.+
7 Futhi naba bayabhadula ngenxa yewayini;
Utywala babo buyabagxadazelisa.
Umbingeleli nomprofeti bayabhadula ngenxa yotywala;
Iwayini ibenza babhideke,
Utywala babo buyabagxadazelisa;
Imibono yabo ibenza babhadule,
Bayabhuda xa begweba.+
8 Iitafile zabo zibubutyadidi nje ngumgabho,
Akukho ndawo ingenawo.
9 Kuza kufundiswa bani na,
Yaye ngubani oza kucaciselwa lo myalezo?
Ngabo balunyulweyo?
Ngabo basanda kuyeka ukuncanca?
10 Kuba “ngumyalelo emva komyalelo, umyalelo emva komyalelo,
Intambo yokumeta phezu kwentambo yokumeta, intambo yokumeta phezu kwentambo yokumeta,+
Okuncinci apha, okuncinci phaya.”
11 Uza kuthetha naba bantu esebenzisa abantu abathintithayo, nabathetha ulwimi lwasemzini.+ 12 UThixo wakha wathi kubo: “Le yindawo yokuphumla. Makaphumle odiniweyo; le yindawo yokuzihlaziya,” kodwa abazange bafune ukummamela.+ 13 Ngoko uthi uYehova kubo:
“Ngumyalelo emva komyalelo, umyalelo emva komyalelo,
Intambo yokumeta phezu kwentambo yokumeta,+
Okuncinci apha, okuncinci phaya.”
Into eza kwenzeka kukuba, xa behamba,
Baza kukhubeka bayokuwa ngenqentsu
Bophuke, barhintyelwe baze babanjiswe.+
14 Ngoko liveni ilizwi likaYehova, madodandini aqhayisayo,
Nina balawuli baba bantu baseYerusalem,
15 Kuba nina madodandini nithi:
Xa sifika isikhukula,
Asizukuza kuthi,
Kuba senze ubuxoki baba likhusi lethu
Ibe sizimele ngobumenemene.”+
16 Ngoko iNkosi enguMongami uYehova ithi:
“Ndibeka ilitye elomeleleyo libe sisiseko seZiyon,+
Akukho mntu oqhubeka enokholo kulo oza kuphakuzela.+
Isichotho siza kuyitshayela indawo yokubalekela yobuxoki,
Namanzi aza kulikhukulisa ikhusi.
Xa sidlula isikhukula,
Siza kunikhukulisa.
Kukoyika kuphela okuza kubenza bayiqonde into eviweyo.”*
20 Kuba ibhedi imfutshane gqitha ukuba uzolule kuyo,
Neshiti elilukiweyo lincinci gqitha ukuba ungazisonga ngalo.
21 Kuba uYehova uza kuphakama eNtabeni YePeratsim;
Uza kuziphakamisa njengasentlanjeni ekufuphi* neGibheyon,+
Ukuze enze umsebenzi wakhe, umsebenzi wakhe omangalisayo,
Nokuze asebenze umsebenzi wakhe ongaqhelekanga.+
Ukuze amatsheyini enu angaqiniswa ngaphezu koku,
Kuba ndivile ngeNkosi enguMongami, uYehova wemikhosi,
23 Vulani iindlebe nize nimamele ilizwi lam;
Mamelisisani nize nive into endiyithethayo.
24 Ngaba umlimi ulungisa umhlaba imini yonke, kodwa angade atyale mbewu?
Ngaba uqhubeka e-erha angayeki?+
25 Akathi na xa egqibile ukugudisa umhlaba,
Asasaze ikumin emnyama aze atyale ikumin,
Ngaba akayityali endaweni yayo na ingqolowa, amazimba nerhasi,
Nehabile+ ayijikelezise umda?
26 Kuba uThixo umlungisa* aze amyalele+ ngendlela emfaneleyo umntu.
27 Kuba ikumin emnyama ayibhulwa ngesileyi sokubhula,+
Ingabhulwa nangokuhambisa ivili lenqwelo phezu kwayo.
Ibhulwa ngentonga,
Nangomsimelelo.
28 Ngaba umntu uyazityumza iinkozo xa ezibhula?
Akunjalo, akazibhuli into engapheliyo;+
Naxa eyihambisa phezu kwazo inqwelo yakhe erhuqwa ngamahashe,
Akazityumzi.+
29 “Isengxakini iAriyeli,* iAriyeli isixeko awamisa kuso inkampu uDavide!+
Qhubekani nisenza amatheko+
Unyaka nonyaka.
2 Ndiza kuyizisela intlungu iAriyeli,+
Iza kuzila, yenze isijwili,+
Kum iza kuba njengeziko lesibingelelo sikaThixo.+
3 Ndiza kukurhangqa ngeenkampu macala onke,
Yaye ndiza kukubiyela ngezibonda ezitsolo zokuhlasela
Ndize ndikwakhele nezixhobo zokukuhlasela.+
Ilizwi lakho liza kuphuma emhlabeni+
Njengelizwi lomntu oligqirha,
Amazwi akho aza kutswitswiza eluthulini.
5 Zonke iintshaba zakho* ziza kuba njengomgubo ocoliweyo,+
Oozwilakhe babe njengokuphephetheka komququ.+
Yonke loo nto iza kwenzeka ngequbuliso nangephanyazo.+
6 UYehova wemikhosi uza kukusindisa
Ngendudumo, ngenyikima nangengxolo enkulu,
Ngesaqhwithi nesivuthuvuthu somoya, nangamadangatye omlilo aqwengayo.”+
7 Emva koko izizwe ezininzi ezilwa neAriyeli,+
Zonke izizwe ezilwa nayo,
Eziyakhela iinqaba zokuyihlasela,
Ezo ziyingcungcuthekisayo,
Ziza kuba njengephupha, umbono wasebusuku.
8 Ngokuqinisekileyo kuza kufana naxa kanye umntu olambileyo ephupha esitya,
Kodwa avuke elambile,
Naxa umntu onxaniweyo ephupha esela,
Kodwa avuke ediniwe futhi enxaniwe.
Kuza kuba njalo kwiintlanga ezininzi
Eziqala imfazwe neNtaba YeZiyon.+
Banxilile, kodwa abanxiliswanga yiwayini;
Bayagxadazela kodwa bengagxadazeliswa butywala.
10 Kuba uYehova unenze nalala engqondweni okomntu olele ubuthongo;+
Amehlo enu angabaprofeti, uwavalile,+
Neentloko zenu eziziimboni, uzogqumile.+
11 Yonke imibono yenu iza kuba njengencwadi evalwe mba.+ Xa beyinika umntu okwazi ukufunda besithi: “Khawufunde apha sive,” uza kuthi: “Andikwazi, kuba ivalwe mba.” 12 Xa beyinika umntu ongakwazi kwaukufunda besithi: “Khawufunde apha torho,” uza kuthi yena: “Andifundanga nje.”
13 UYehova uthi: “Aba bantu beza kum nje ngomlomo
Bandihlonipha nje ngomlomo,+
Iintliziyo zabo zikude lee kum,
Bandoyika ngenxa yemithetho yabantu, abayifundisiweyo.+
14 Ngoko ke, ndim oza kuphinda enze izinto ezimangalisayo ngaba bantu,+
Ummangaliso emva kommangaliso;
Ubulumko bamadoda abo azizilumko buza kuthi shwaka,
Nokuqonda kwabantu babo abaziingqondi kuza kufihleka.”+
15 Ndiyabasizela abo bazama konke okusemandleni ukufihlela uYehova amacebo abo.+
Imisebenzi yabo bayenzela ebumnyameni,
Ngoxa besithi: “Sibonwa ngubani?
Ingubani owaziyo ukuba siphezu kwantoni?”+
16 Niyazijija izinto, ke loo nto!
Angafaniswa njani umbumbi nodongwe?+
Kungenzeka na ukuba into ebunjiweyo ithi ngomenzi wayo:
“Andenziwanga nguye mna”?+
Ibe ikhe ithi na ngomenzi wayo into eyenziweyo:
“Akukho nto ayaziyo ke lowo”?+
18 Ngaloo mini abantu abangevayo baza kuva amazwi ale ncwadi,
Nabantu abangaboniyo baza kubona kwisithokothoko sobumnyama.+
19 Abalulamileyo baza kumvuyela uYehova,
Namahlwempu ebantwini aza kumvuyela Lowo Ungcwele kaSirayeli.+
20 Kuba uzwilakhe akazukubakho,
Nomqhayisi uza kufikelwa sisiphelo,
Nabo bonke abahlala belungele ukwenzakalisa baza kutshatyalaliswa,+
21 Abo bafaka abanye ematyaleni ngamazwi obuxoki,
Abathiyisela umthetheleli ezigeyithini zesixeko,+
Nabo bavimba abamsulwa ubulungisa ngeengxoxo ezingenasihlahla.+
22 UYehova, lowo wasindisa uAbraham,+ uthi kwindlu kaYakobi:
23 Kuba xa ebona abantwana bakhe,
Abangumsebenzi wezandla zam,+
Baza kulingcwalisa igama lam,
Ngokuqinisekileyo baza kumngcwalisa Lowo uNgcwele kaYakobi,
Ibe baza kumangaliswa nguThixo kaSirayeli.+
24 Abo baneendlela ezingafanelekanga baza kuqonda,
Kwanabo bakhalazayo baza kufundiswa.”
30 “Baza kuyibek’ apha oonyana abaneenkani,”+ utsho uYehova,
“Abenza izinto endingabayalelanga zona,+
Abenza izivumelwano,* bengazenzi ngomoya wam,
Nto leyo eyongeza isono phezu kwesinye.
2 Baya eYiputa,+ Ukuze bazifihle kwikhusi likaFaro,*
Phofu bengakhange bagqithe kum,+
Bebalekela kumthunzi weYiputa!
3 Niza kuphoxeka kukufuna kwenu ukukhuselwa nguFaro,
Niza kuhlazeka ngenxa yokubalekela kwenu emthunzini weYiputa.+
5 Bonke baza kuhlaziswa
Sisizwana esingenakubanceda nganto,
Phofu, esingabancedi nganto,
Kodwa esibaphathela nje iintloni nehlazo.”+
6 Nasi isigwebo esiya kumarhamncwa asemzantsi:
Kwilizwe elithwaxwa yintlungu nobunzima,
Kwilizwe lengonyama, ingonyama egqumayo,
Kwilizwe lenyoka ebhabhayo ebumlilorha,
Ubutyebi bawo abuthwalisa iidonki,
Nemithwalo yawo ayibeka kumalunda eenkamela.
Kodwa ezi zinto azizukubanceda nganto abantu.
Ngoko lo ndimthiye igama elithi: “Rahabhi,+ wena uhleli nje wasonga izandla.”
8 “Ngoku ke wabhale elucwecweni la mazwi, bekhona nabantu
Uwabhale encwadini,+
Ukuze ngenye imini,
Abe bubungqina ngonaphakade.+
10 Bathi kwiimboni, ‘Sanukubona,’
Bathi kwabo banemibono, ‘Sanukusixelela imibono eyinyani.+
Thina sifuna nisiqhathe; bonani imibono ebubuxoki.+
11 Shiyani indlela; phumani endleleni.
Yekani ukusixelela ngaLowo Ungcwele kaSirayeli.’”+
12 Ngoko Lowo Ungcwele kaSirayeli uthi:
“Ekubeni nilikhabele pha kude eli lizwi+
Naza nathembela kubuqhetseba nakubumenemene
Futhi nayama ngezi zinto,+
13 Eso siphoso siza kuba njengodonga oluqhekekileyo,
Olude nolunokuwa nanini na.
Luza kudilika ngephanyazo, kungalindelekanga.
14 Luza kuphahlazeka phantsi oku kwengqayi enkulu yombumbi,
Licoleke kangangokuba kungabikho zingceba zisalayo
Onokuzisebenzisa xa uthatha umlilo
Okanye ukhe ngazo amanzi emngxunyeni.”*
15 Kuba ithi iNkosi enguMongami uYehova, Lowo Ungcwele kaSirayeli:
“Xa nibuyela kum nize niphumle, niza kusindiswa;
Niza komelela ukuba nihlala nizolile yaye nindithemba.”+
Kodwa niye anafuna ukuyenza loo nto.+
16 Nithe: “Hayi, siza kuqhwesha ngamahashe!”
Nyhani ke niza kubaleka.
“Siza kukhwela amahashe abaleka nyhani!”+
Ngoko ke abo banileqayo baza kwenza amatshe xa benileqa.+
17 Iwaka liza koyikiswa ngumntu nje omnye;+
Niza kubalekiswa nje ngabantu abahlanu
De abashiyekileyo kuni babe njengepali eme yodwa enkcochoyini yentaba,
Njengepali eluphawu esendulini.+
Kuba uYehova nguThixo owenza ubulungisa.+
Bayonwaba abantu abaqhubeka belindele kuye.*+
19 Xa abantu behlala eZiyon, eYerusalem,+ soze kukhale mntu.+ Nakanjani, uThixo uza kumnceda xa emva ekhalela uncedo; uza kuthi akukhala amphendule ngoko nangoko.+ 20 Nangona uYehova eza kuninika intlungu njengesonka nengcinezelo njengamanzi,+ umYaleli Ozukileyo wakho akazukuphinda azifihle, uza kumbona umYaleli Ozukileyo wakho.+ 21 Ukuba niyabhadula okanye niyaphuma endleleni, niye ekunene okanye ekhohlo,+ niza kuva ilizwi emva kwenu lisithi, “Nantsi indlela.+ Hambani ngayo.”
22 Kwaye nimele niwungcolise umphandle wesilivere egqunywe ngawo imifanekiso yenu eqingqiweyo nomphandle wegolide wemifanekiso yenu yesinyithi.+ Niza kuyilahla kude oku kwelaphu ebelisetyenziswa libhinqa elisexesheni, nize nithi kule mifanekiso, “Mkani apha!”*+ 23 Yaye imbewu oyityalileyo emhlabeni uza kuyinika imvula,+ nokutya okuveliswa ngumhlaba kuza kuba kuninzi yaye kutyebe.*+ Ngaloo mini imfuyo yakho iza kutya kumadlelo athe tyaba.+ 24 Kwaye iinkomo needonki ezilima umhlaba ziza kutya ukutya kwezilwanyana okunongwe ngomuncwane, okweliwe ngomhlakulo nefolokhwe. 25 Phezu kweentaba ezithe ncothu naphezu kwazo zonke iinduli eziphakamileyo, kuza kubakho imisinga nemijelo yamanzi,+ ngemini abulala ngayo inkitha yabantu ngokumasikizi, naxa kusiwa iinqaba ezinkulu. 26 Nokukhanya kwenyanga epheleleyo kuza kuba njengokukhanya kwelanga; yaye ukukhanya kwelanga kuza kuba namandla ngokuphindaphindwe kasixhenxe,+ njengokukhanya kweentsuku ezisixhenxe ngemini uYehova awabopha ngayo amanxeba anzulu abantu bakhe+ ababethwe nguye.+
27 Jongani! Igama likaYehova liyeza livela kude,
Linomsindo, linjengamafu angqingqwa.
Ubebezelisa imilebe ngumsindo,
Nolwimi lwakhe lunjengomlilo oqwengayo.+
28 Umoya wakhe unjengomsinga* okhukula ude uthi gabhu entanyeni,
Ukuze azisefe ngesefu yentshabalalo* iintlanga;
Neentlanga ziza kuba nomkhala emihlathini yazo+ ozibangela zibhadule.
29 Kodwa ingoma yenu iza kuba njengengoma eculwa ebusuku
Neentliziyo zenu ziza kuvuya
Njengomntu ohamba ekhalisa ifleyiti
Esiya entabeni kaYehova, iLiwa likaSirayeli.+
30 UYehova uza kubangela ilizwi lakhe elimangalisayo+ liviwe,
32 Mvumbo ngamnye wentonga uYehova aza kohlwaya ngawo iAsiriya,
Uza kukhatshwa ligubu nohadi+
Njengoko eyiphakamisele ingalo edabini.+
Uyenze yanzulu yaza yabanzi,
Wayigcwalisa ngomlilo neenkuni ezininzi.
Impefumlo kaYehova, enjengomsinga wesalfure,
Iza kuyitshisa.
31 Baza kuthi shu abo bayokukhalela uncedo eYiputa,+
Abathembela ngamahashe,+
Abo bathembela ngeenqwelo zokulwa ngenxa yobuninzi bazo,
Nangamahashe emfazwe,* ngenxa yamandla awo,
Kodwa bengakhangelanga kuLowo Ungcwele kaSirayeli,
Bengabalekelanga kuYehova.
2 Kodwa yena usisilumko, yaye uza kubazisela intlekele,
Akazukulitshintsha ilizwi lakhe.
Uza kulwa nendlu yabenzi-bubi
Kunye nabo babancedisayo.+
Xa uYehova esolula isandla sakhe
Nabani na owancedayo uza kuwa;
Bonke baza kuwa ngaxeshanye.
4 Kuba uYehova uthe kum:
“Kanye njengokuba ingonyama ibhavumela ixhoba, ingonyama enamandla,*
Xa iqela labalusi lidibene ukuze lilwe nayo,
Yaye ingawoyiki amazwi abo
Ingothuswa nayingxolo yabo,
Ngendlela efanayo, uYehova wemikhosi uza kuhla, alwe imfazwe
Ngenxa yeNtaba YeZiyon nangenxa yenduli yayo.
5 Njengentaka eyehla ngesantya, uYehova wemikhosi uza kuyikhusela iYerusalem.+
Uza kuyikhusela, aze ayisindise.
Uza kuyinceda, aze ayisindise.”
6 “Nina maSirayeli, buyelani kuLowo niye anamthobela, namdelela.+ 7 Kuba ngaloo mini, ngamnye uza kulahla oothixo bakhe besilivere abangento yanto, noothixo bakhe begolide abangenaxabiso, enandona ngokuzenzela bona ngezandla zenu.
8 Kwaye iza kuwa iAsiriya likrele, ikrele elingelolamntu;
Ikrele elingelolamntu, liza kuyitshabalalisa.+
Kwaye iza kubalekiswa likrele,
Nabafana bayo baza kukhotyokiswa.
9 Iliwa layo liza kubaleka ngenxa yokothuka,
Neenkosana zayo ziza koyika ngenxa yepali eluphawu,” utsho uYehova,
Okukhanya kwakhe kuseZiyon* noziko lakhe liseYerusalem.
2 Ngamnye uza kuba njengekhusi emoyeni,
Indawo yokuzifihla kwisiphango,
Njengemisinga yamanzi kwilizwe elomileyo,+
Njengomthunzi weliwakazi kwilizwe elomileyo.
3 Namehlo abantu ababonayo awasazukuvalwa,
Neendlebe zabantu abevayo ziza kumamelisisa.
4 Intliziyo yabantu abalambele ulwazi iza kuluphanda,
Nolwimi lwabathintithayo luthethe kakuhle nangokucacileyo.+
5 Akusayi kuthiwa isiyatha ngumntu onesidima,
Kungasayi kuthiwa indoda elimenemene ihloniphekile;
6 Kuba umntu ongenangqiqo uza kuthetha ukusa,
Intliziyo yakhe iza kucinga ububi,+
Ukuze akhuthaze uwexuko, ethetha izinto ezitenxileyo ngoYehova,
Emhambisa engatyanga olambileyo,
Emvimba into yokusela onxaniweyo.
7 Imenemene linamacebo amabi;+
Likhuthaza izinto ezibangela iintloni,
Ukuze lilenzakalise ngobuxoki ihlwempu,+
Enoba lingathetha into elungileyo.
8 Kodwa umntu onesidima wenza izinto ezinesidima,
Usoloko esenza imisebenzi enesidima.
9 “Bafazindini bazithembileyo, vukani, nimamele ilizwi lam!
Zintombindini zingakhathaliyo,+ yivuleleni indlebe into endiyithethayo!
10 Kancinci nje emva konyaka, nina ningakhathaliyo niza koyika,
Kuba liza kuphela ixesha lokuvuna iidiliya ningaqokelelanga kwasiqhamo.+
11 Ngcangcazelani bafazindini bazithembileyo!
Yoyikani nina bangakhathaliyo!
Khululani nibe ze,
Nibhinqe amalaphu okwenza iingxowa.+
12 Zibetheni izifuba, nenze isijwili
Ngenxa yento eyenzeke kumasimi aqhamileyo neentsimi zeediliya.
13 Kuba umhlaba wabantu bam uza kugcwala ameva namakhakakhaka;
Zonke izindlu ekwakuvuywa kuzo ziza kuhluma ameva,
Ngokuqinisekileyo aza kuhluma kwisixeko sokonwaba.+
IOfeli+ nenqaba yoonogada ziye zayintlango ngokupheleleyo,
Indawo ethandwa ziidonki zasendle,
Idlelo lemihlambi,+
15 De uThixo athulule umoya wakhe phezu kwethu,+
Nentlango ibe njengentsimi yeziqhamo,
Nentsimi yeziqhamo ibonwe njengehlathi.+
16 Ngelo xesha, okusesikweni kuza* kuba ngumhlali wasentlango,
Nobulungisa buza kuba ngummi kwintsimi yeziqhamo.+
17 Ubulungisa bokwenene buza kubonakala ngokubakho koxolo,+
Nesiqhamo sobulungisa bokwenene sibe kukuzola nokukhuseleka.+
18 Abantu bam baza kuhlala kwindawo enoxolo,
Kwiindawo ezikhuselekileyo neendawo zokuphumla ezizolileyo.+
19 Kodwa isichotho siza kulithi waca ihlathi,
Nesixeko sivuthuluke kuthi tu.
20 Niyavuya nina nityala imbewu kufutshane nazo zonke iindawo ezinamanzi,
33 Uza kuthi shu wena utshabalalisayo, ube wena ungatshatyalaliswa,+
Nawe wena wenza ngobumenemene, ube wena ungenzelwa bumenemene!
Wakugqiba ukutshabalalisa, nawe uza kutshatyalaliswa.+
Wakugqiba ukwenza ubumenemene, nawe uza kwenzelwa ubumenemene.
2 Yehova, sicela usenzele inceba.+
Sithembele kuwe.
3 Kuthi kwakuvakala ingxolo, ziphele emehlweni izizwana.
Xa usithi thwasu, zithi saa iintlanga.+
4 Amaxhoba enu aza kudityaniswa oku kokuqokelelana kweenkumbi ezitshabalalisayo;
Abantu baza kugxalathelana ukuya kuwo oku kweenkumbi ezininzi.
5 UYehova uza kuphakanyiswa,
Kuba uhlala kwiindawo eziphezulu.
Uza kugcwalisa iZiyon ngokusesikweni* nobulungisa.
6 Uyintsika yexesha lakho;
Umthombo wosindiso,+ ubulumko, ulwazi, nokumoyika uYehova,+
Zonke zibubutyebi bakhe.
8 Oohola beendlela bashiywe apho;
Akusahanjwa kwiindledlana.
9 Ilizwe liyazila* yaye liyabuna.
ILebhanon ihlazekile;+ ibolile.
ISharon ibe njengentlango;
Ibe iBhashan neKarmele zivuthulula amagqabi azo.+
11 Niye namitha ingca eyomileyo naza nazala iindiza.
Izinto enizicingayo ziza kunidla oku komlilo.+
12 Yaye izizwana ziza kuba njengokutshiswa kwekalika.
Ziza kutshiswa oku kwameva ageciweyo.+
13 Nina bakude, mamelani ukuba ndiza kwenza ntoni!
Nina bakufutshane, vumani amandla am!
‘Ngubani kuthi onokuhlala kwindawo enomlilo oqwengayo?+
Ingubani kuthi onokuhlala namalangatye angacimekiyo?’
15 Lowo uqhubeka ehamba ngobulungisa,+
Othetha okulungileyo,+
Okukhabela pha kude ukuqhatha, nenzuzo efunyenwe ngondlela-mnyama,
Ozandla zakhe zalayo ukuthatha isinyobo, endaweni yokusitsibela,+
Ozivalayo iindlebe zakhe kwintetho engokuchitha igazi,
Nowavalayo amehlo akhe ukuze angaboni bubi.
16 Uza kuhlala kwiindawo eziphezulu;
Indawo yakhe ekhuselekileyo abalekela kuyo iza* kuba semaweni,
Uza kusinikwa isonka sakhe;
Nesibonelelo sakhe samanzi asizukuphela.”+
17 Amehlo akho aza kubona ukumkani ekuzuko lwakhe;
Aza kubona ilizwe elikude.
18 Entliziyweni yakho kuza kuthi qatha* izinto ezazikoyikisa:
“Uphi unobhala?
Uphi umntu owayebeka izinto esikalini?+
Uphi umntu owayebala iinqaba?”
19 Soze uphinde ubabone abantu abasileyo,
Abathetha izinto ezinzulu ekunzima ukuziqonda,
Ongenakuzilandela ngenxa yokuthintitha kwabo.+
20 Jongani iZiyon, isixeko samatheko!+
Amehlo akho aza kubona iYerusalem iyindawo ekwenza uphole engqondweni,
Iyintente engasoze ifuduswe.+
Izikhonkwane zayo soze zincothulwe,
Neentambo zayo soze ziqhawuke.
21 Phaya eYerusalem, Lowo Umkhulu, uYehova,
Uza kuba yindawo yemilambo kuthi, imijelo ebanzi.
Akuzukuhamba mkhosi wazikhephe apho,
Kungazukudlula nazinqanawa zinkulu.
22 Kuba uYehova nguMgwebi wethu,+
UYehova nguMniki-mthetho wethu,+
UYehova nguKumkani wethu;+
Nguye oza kusisindisa.+
23 Iintambo zeentshaba zakho ziza kuba yekeyeke;
Zingakwazi ukuyibamba ime imasti; neseyile zingakwazi ukuyolula.
Ngelo xesha izinto ezininzi ezifunyenwe emfazweni ziza kwahlulwa;
Nkqu neziqhwala ezi ziza kuzithaphulela kwezo zinto.+
24 Akakho umhlali wakhona oza kuthi: “Ndiyagula.”+
Abantu baloo ndawo baza kuzixolelwa iziphoso zabo.+
34 Sondelani, nize kuva nina zintlanga,
Mamelani nina zizwana.
Mawumamele wonke umhlaba nazo zonke izinto ezikuwo,
Ilizwe, nayo yonke imveliso yalo.
Uza kuzitshabalalisa;
Uza kuzibulala.+
4 Wonke umkhosi wamazulu uza kubola.
Namazulu aza kusongwa, njengomsongo.
Wonke umkhosi wawo uza kubuna,
Kanye njengokubuna kwegqabi lomthi weediliya
Nanjengokuntshwenca kwefiya* kumthi walo.
5 “Kuba ikrele lam liza kumanziswa emazulwini.+
Liza kwehlela phezu koEdom xa ndimgweba,+
Nakubantu endabanikela kwintshabalalo.
6 UYehova unekrele ibe liza kuxhapha igazi.
Liza kuba namanqatha,+
Liza kuba negazi lamatakane eegusha aziinkunzi, eleenkunzi zeebhokhwe,
Namanqatha ezintso zeenkunzi zeegusha.
Kuba uYehova uza kubingelela eBhotsera,
Kuza kuxhelwa, hayi nje kancinci kwilizwe lakwaEdom!+
7 Kuza kwehla neenkunzi zeenkomo zasendle,
Amathole eenkomo aziinkunzi ehle nezinamandla.
Kuza kuba bubutyadidi nje ligazi kwilizwe labo,
Nomhlaba wabo uza kuchininika ngamafutha.”
9 Imilambo yakwaEdom* iza kujikwa ibe yitela,
Nothuli lube yisalfure,
Ilizwe liza kuba njengetela evuthayo.
10 Imini nobusuku alizukucinywa;
Umsi walo uza kunyuka ngonaphakade.
Liza kuhlala litshabalele izizukulwana ngezizukulwana;
Akuzukudlula mntu kwaphela apho de kube ngunaphakade kanaphakade.+
11 Liza kuba likhaya lengcwangube nencanda,
Kuhlale amafubesi namahlungulu.
UThixo uza kolula phezu kwalo intambo yokumeta into engekhoyo
Intambo yokumeta* into etshabaleleyo.
12 Akukho namnye kwizikhulu zalo oza kuba ngukumkani,
Lingazukuba nazo kwaneenkosana ezo.
13 Kuza kuhluma ameva kwiinqaba zalo,
Irhangarhanga nokhula olunameva kwizakhiwo ezikhuselekileyo.
Liza kuba sisigqubu soodyakalashe,+
Ihoko yeenciniba.
14 Kuza kudibana apho izilwanyana zasentlango nezilwanyana ezenza umkhulungwane,
Nebhokhwe yasendle* ibize ugxa wayo.
Udebeza uza kuhlala apho, ibe yindawo yakhe yokuphumla.
15 Inyoka ejubayo iza kuzenzela indlwane apho, izale amaqanda,
Iwaqandusele ize iwaqokelele ndawonye phantsi komthunzi wayo.
Baza kudibana apho oontloyiya, ngamnye nenkunzi yakhe.
16 Phanda encwadini kaYehova uze ufunde ngokuvakalayo:
Akukho nasinye kwezi zilwanyana siza kungabikho;
Kungekho nasinye siza kudinga iqabane,
Kuba lo myalelo uphuma emlonyeni kaYehova,
Ibe ngumoya wakhe oziqokelele ndawonye.
Uza kuhlala ulikhaya lazo;
Ziza kuhlala kuwo, izizukulwana ngezizukulwana.
Abantu baza kubona uzuko lukaYehova, nendlela amkhulu ngayo uThixo wethu.
4 Yithini kwabaneentliziyo ezinexhala:
“Sanukoyika. Yomelelani.
Jongani! UThixo wenu uza kuniphindezela,
UThixo uza kubahlawulisa.+
Uza kuza aze anisindise.”+
6 Ngelo xesha umntu oqhwalelayo uza kutsiba njengempunzi,+
Nolwimi lomntu ongakwaziyo ukuthetha luza kukhwaza ngovuyo.+
Kuba nentlango iza kumpompoza amanzi,
Kubekho imisinga yamanzi entlango.
7 Umhlaba owomiswe bubushushu uza kuba njengechibi elineengcongolo.
Nomhlaba ongenamanzi ube njengemithombo yamanzi.+
Apho kwakudla ngokulala oodyakalashe,+
Kuza kubakho ingca eluhlaza yaka, iingcongolo nompapiri.
Akuzukuhamba moni kuwo.+
Ugcinelwe abo bafanele ukuhamba kuwo,
Akukho kwasidenge siza kubhadulela kuwo.
9 Soze ubone nengonyama apho,
Kungazi nasilwanyana sikhohlakeleyo apho.
10 Abo bakhululwe nguYehova baza kubuyela+ eZiyon, bekhala ezovuyo.+
Baza kuthweswa uvuyo kwiintloko zabo+
Ndlela le baza kuvuya baze bonwabe ngayo!
Iza kubashiya intlungu nokuncwina.+
36 Ngonyaka we-14 kaKumkani uHezekiya, uSenaribhe ukumkani waseAsiriya+ wazihlasela zonke izixeko ezikhuselekileyo zakwaYuda waza wazithimba.+ 2 Emva koko, ukumkani waseAsiriya wathumela iRabheshake*+ kuKumkani uHezekiya eYerusalem, ivela eLakishe+ nomkhosi omkhulu wamajoni. Yafika yema ngakumsele wechibi eliphezulu,+ ngakuhola wendlela ongakwindawo yomntu ohlamba iimpahla.+ 3 Kweza kuyo uEliyakim+ unyana kaHilekiya owayephethe indlu kakumkani, uShebhena+ unobhala noYowa unyana ka-Asafu owayegcina ingxelo.
4 Yathi kubo iRabheshake: “Yithini kuHezekiya, ‘Uthi ukumkani omkhulu, ukumkani waseAsiriya: “Uthembele ngantoni?+ 5 Wena uthi, ‘Ndinecebo namandla okulwa emfazweni,’ kodwa akukho kwanto injalo. Uthembele ngabani, le nto ude ube nesibindi sokungandithobeli?+ 6 Tyhini! Uthembele ngale ngcongolo ityumkileyo iYiputa, le ethi ukuba umntu uxhathisa ngayo, imhlabe esandleni. Unjalo kaloku uFaro ukumkani waseYiputa kubo bonke abo bathembele kuye.+ 7 Ukuba uthi kum, ‘Sithembele ngoYehova uThixo wethu,’ ayizozakhe na ezi ndawo ziphakamileyo nezibingelelo azidilizileyo uHezekiya,+ ngoxa esithi kuYuda neYerusalem, ‘Nifanele niqubude phambi kwesi isibingelelo’?”’+ 8 Ngoko ke, khawubheje nenkosi yam, ukumkani waseAsiriya:+ Ndiza kukunika amahashe ayi-2 000, ndifuna khe sibone ukuba ungawafumanela na abakhweli. 9 Ungakwazi njani ke ukoyisa noyena mlawuli ungenamandla kwizicaka zenkosi yam, usathembele ngeenqwelo nabakhweli-mahashe baseYiputa? 10 AyingoYehova na ondinike igunya lokuba nditshabalalise eli lizwe? NguYehova ngokwakhe othe kum, ‘Nyuka ulihlasele eli lizwe, uze ulitshabalalise.’”
11 Ngoko uEliyakim, uShebhena+ noYowa bathi kwiRabheshake:+ “Sicela uthethe nezicaka zakho ngolwimi lwesiAramiki*+ kuba siyalwazi; sukuthetha nathi ngolwimi lwamaYuda bekuva aba bantu baseludongeni.”+ 12 Kodwa iRabheshake yathi: “Ngaba inkosi yam indithume ukuba ndiwathethe kuni nakwinkosi yenu qha na la mazwi? Ayindithumanga na nakwaba bantu bahleli eludongeni, abaza kutya ilindle labo baze basele nomchamo wabo kunye nani?”
13 Ngoko iRabheshake yema yaza yakhwaza ngolwimi lwamaYuda,+ isithi: “Yivani ilizwi lokumkani omkhulu, ukumkani waseAsiriya.+ 14 Ukumkani uthi, ‘Ningamvumeli uHezekiya aniqhathe, kuba soze akwazi ukunisindisa.+ 15 Sanukumvumela uHezekiya anenze nithembele ngoYehova,+ ngokuthi: “Nakanjani na uYehova uza kusisindisa. Esi sixeko asizukunikelwa kukumkani waseAsiriya.” 16 Sanukummamela uHezekiya, kuba uthi ukumkani waseAsiriya: “Nikezelani, sibe seluxolweni, ibe ngamnye wenu uza kutya iziqhamo zemithi yakhe yeediliya neyamafiya,* aze asele amanzi kwelakhe iqula, 17 de ndifike ndize ndinise kwilizwe elifana nelenu,+ ilizwe elinokutya okuziinkozo newayini entsha, ilizwe elinesonka namasimi eediliya. 18 Ningamvumeli uHezekiya aniqhathe athi, ‘UYehova uza kusisindisa.’ Ukhona na koothixo beentlanga okwazileyo ukusindisa ilizwe lakhe kukumkani waseAsiriya?+ 19 Baphi oothixo baseHamati naseArpadi?+ Baphi oothixo baseSefarvayim?+ Bayisindisile na iSamariya esandleni sam?+ 20 Ukhona na koothixo bala mazwe oye walisindisa ilizwe lakhe esandleni sam, le nto nicinga ukuba uYehova angayisindisa iYerusalem esandleni sam?”’”+
21 Kodwa bona bathula bathi cwaka abaphendula, kuba ukumkani wayebayalele wathi, “Ze ningaphenduli.”+ 22 Ngoko, uEliyakim unyana kaHilekiya, owayephethe indlu,* uShebhena+ unobhala noYowa unyana ka-Asafu owayegcina ingxelo, bazikrazula iimpahla zabo, beza kuHezekiya, baza bamxelela izinto ezithethwe yiRabheshake.
37 Emva kokuba uKumkani uHezekiya eyivile le nto, wakhawuleza wazikrazula iimpahla zakhe, wanxiba amalaphu okwenza ingxowa, waza waya endlini kaYehova.+ 2 Emva koko, wathumela uEliyakim owayephethe indlu,* uShebhena unobhala nababingeleli abangabadala, benxibe amalaphu okwenza ingxowa, kumprofeti uIsaya,+ unyana ka-Amotsi. 3 Bathi kuye: “Uthi uHezekiya, ‘Le mini yimini yentlungu, yokukhalinyelwa* nokuhlazeka; kuba abantwana balungele ukuzalwa,* kodwa akukho mandla akuzala.+ 4 Mhlawumbi uYehova uThixo wakho uza kuweva amazwi eRabheshake, ethunywe ngukumkani waseAsiriya inkosi yayo ukuba igezele uThixo ophilayo,+ aze uYehova uThixo wakho amphendulise ngamazwi awavileyo. Ngoko thandazela+ abambalwa abasindileyo.’”+
5 Izicaka zikaKumkani uHezekiya zaya kuIsaya,+ 6 yena wathi kuzo: “Yithini kwinkosi yenu, ‘Uthi uYehova: “Mawanganoyikisi+ amazwi eniwavileyo, athethwe zizicaka zikakumkani waseAsiriya,+ zindidelela. 7 Ndiza kufaka iingcinga engqondweni yakhe,* yaye uza kuva ingxelo aze abuyele elizweni lakhe;+ ibe ndiza kumenza awe ngekrele kanye kwilizwe lakhe.”’”+
8 Emva kokuba iRabheshake ivile ukuba ukumkani waseAsiriya umkile eLakishe, yabuyela kuye, yafika esilwa neLibhena.+ 9 Ukumkani weva kusithiwa ngoKumkani uTiraka waseTiyopiya: “Uzokulwa nawe.” Xa wayivayo loo nto, wathumela abathunywa kuHezekiya,+ wathi kubo: 10 “Nize nithi kuKumkani uHezekiya wakwaYuda, ‘Ungamvumeli uThixo wakho othembele ngaye akuqhathe athi, “IYerusalem ayizukunikelwa kukumkani waseAsiriya.”+ 11 Jonga! Uvile ukuba ookumkani baseAsiriya bawatshabalalise onke amazwe.+ Ucinga ukuba wena uza kusindiswa? 12 Ngaba oothixo beentlanga ezatshatyalaliswa ngookhokho bam bakwazi ukuzisindisa?+ Iphi iGozan, iHaran,+ iRetsefe nabantu base-Eden ababeseTele-asare? 13 Uphi ukumkani waseHamati, ukumkani waseArpadi nokumkani wezixeko zaseSefarvayim+ nowaseHena naseIva?’”
14 UHezekiya wazithatha iileta ezandleni zabathunywa, wazifunda. Emva koko uHezekiya wenyuka waya endlini kaYehova waza wazitwabulula* phambi koYehova.+ 15 UHezekiya wathandaza kuYehova+ esithi: 16 “Owu Yehova wemikhosi,+ Thixo kaSirayeli, ohleli etroneni entla* kweekherubhi, nguwe wedwa uThixo wokwenene kuzo zonke izizwe zomhlaba. Wenze amazulu nomhlaba. 17 Vula indlebe yakho Yehova, uze uve!+ Vula amehlo Yehova, uze ubone!+ Wave onke la mazwi athunyelwe nguSenaribhe ethuka uThixo ophilayo.+ 18 Yinyaniso Yehova ukuba ookumkani baseAsiriya bawatshabalalise onke amazwe,+ nkqu nelizwe labo. 19 Noothixo bawo babaphose emlilweni,+ ngenxa yokuba bebengengabo oothixo, kodwa bebengumsebenzi wezandla zomntu,+ benziwe ngomthi nelitye. Yiloo nto beye bakwazi ukubatshabalalisa. 20 Ngoku ke Yehova Thixo wethu, sisindise esandleni sakhe, ukuze zonke izizwe zomhlaba zazi ukuba nguwe wedwa uThixo, yhini Yehova.”+
21 UIsaya unyana ka-Amotsi wathumela lo myalezo kuHezekiya: “Uthi uYehova uThixo kaSirayeli, ‘Kuba uthandazile, wathetha nam ngoKumkani uSenaribhe waseAsiriya,+ 22 uthi uYehova ngaye:
“Intombi yaseZiyon engazange yalala nandoda ikudelile, ihlekisa ngawe.
Intombi yaseYerusalem ikunikinela intloko.
23 Ngubani lo umthukayo+ nomdelelayo?
Ngubani lo umkhwazayo xa uthetha?+
Ingubani lo umjonge ngamehlo anekratshi?
NguLowo Ungcwele kaSirayeli!+
24 Uthuke uYehova+ ngezicaka zakho wathi,
‘Ngeenqwelo zam zokulwa ezininzi
Ndiza kunyukela kwimimandla ephakamileyo yeentaba,+
Kweyona mimandla ithe qelele yaseLebhanon.
Ndiza kuyigawula imithi yayo yemisedare ephakamileyo, nemithi yayo emihle yejunipha.
Ndiza kungena kwiindawo zayo eziphakamileyo, kwawona mahlathi ayo ashinyeneyo.
26 Awuvanga na? Oku ndakugqiba* kwakudala.
Ngoku ndiza kukwenza.+
Izixeko ezikhuselekileyo uza kuzenza iimfumba zamabhodlo.+
27 Abemi bazo baza kuba ziintsizana;
Baza koyika baze bahlaziswe.
Baza kuba njengezityalo zasendle nengca eluhlaza,
Njengengca ephezu kwendlu etshiswe ngumoya wasempuma.
28 Kodwa ndikwazi kakuhle ukuhlala, ukuphuma, nokungena kwakho,+
Kwanaxa undiqumbele,+
29 Kuba ukundiqumbela kwakho+ nokugquma kwakho kunyuke kwaza kufika ezindlebeni zam.+
Ndiza kufaka ihaki yam empumlweni yakho nomkhala+ wam phakathi kwemilebe yakho,
Ndikubuyise ngendlela obuze ngayo.”
30 “‘Nantsi into oza kubona ngayo:* Kulo nyaka uza kutya ummilela;* ngonyaka wesibini utye iinkozo zawo; kodwa ngonyaka wesithathu uza kutyala imbewu, uvune, utyale iidiliya uze utye isiqhamo sazo.+ 31 Abo basindileyo bendlu kaYuda, abo bashiyekileyo,+ baza kumila iingcambu, bavelise isiqhamo. 32 Kuba kuza kuphuma abashiyekileyo eYerusalem nabasindileyo kwiNtaba YeZiyon.+ UYehova wemikhosi uzimisele, ibe uza kuyenza le nto.+
33 “‘Ngoko uthi uYehova ngokumkani waseAsiriya:+
“Akazukungena kwesi sixeko+
Akazukutola notolo olu
Akazukulwa naso enekhaka
Akazukusakhela nethambeka lokuhlasela.”’+
34 ‘Uza kujika ngalaa ndlela ebeze ngayo;
Akazukungena kwesi sixeko,’ utsho uYehova.
35 ‘Ndiza kusikhusela esi sixeko+ ndize ndisisindise ngenxa yegama lam+
Nangenxa yomkhonzi wam uDavide.’”+
36 Ingelosi kaYehova yaxabela amadoda ayi-185 000 enkampini yama-Asiriya. Xa bevuka abantu ekuseni, babona kuthe saa izidumbu.+ 37 Ngoko uKumkani uSenaribhe waseAsiriya wemka wabuyela eNineve,+ wahlala apho.+ 38 Wathi esaqubudile endlini* kathixo wakhe uNiseroki, oonyana bakhe uAdrameleki noSharezere bamxabela ngekrele,+ baza babalekela kwilizwe laseArarati.+ Unyana wakhe uEsar-hadon+ waba ngukumkani endaweni yakhe.
38 Ngaloo mihla uHezekiya wagulela ukufa.+ Umprofeti uIsaya+ unyana ka-Amotsi weza kuye waza wathi: “Uthi uYehova, ‘Yolela kwindlu yakho, kuba awuzukuphila, uza kufa.’”+ 2 Akuva loo nto, uHezekiya waguquka wajonga ngaseludongeni waza wathandaza kuYehova wathi: 3 “Owu yhini Yehova ndiyakucenga, ndicela ukhumbule+ indlela endiye ndathembeka ngayo kuwe, ndikukhonza ngentliziyo yam yonke.+ Ndiye ndenza izinto ezilungileyo emehlweni akho.” Emva koko, uHezekiya watsho ngesikhalo esikrakra.
4 Kwafika ilizwi likaYehova kuIsaya lisithi: 5 “Buyela kuHezekiya+ uze uthi kuye, ‘Uthi uYehova uThixo kaDavide ukhokho wakho: “Ndiwuvile umthandazo wakho.+ Ndizibonile iinyembezi zakho.+ Ndiza kongeza iminyaka eyi-15 kubomi bakho,*+ 6 ndikusindise esandleni sikakumkani waseAsiriya, ibe ndiza kusilwela esi sixeko.+ 7 Nantsi into evela kuYehova eza kukuqinisekisa ukuba uYehova uza kuyenza into ayithethileyo:+ 8 Ndiza kwenza ithunzi lelanga elehla kwizitepsi* zika-Ahazi libuye umva izitepsi ezilishumi.”’”+ Ngoko ke ilanga labuya umva izitepsi ezilishumi elalisele lizehlile.
9 Lo ngumbhalo owabhalwa nguKumkani uHezekiya wakwaYuda emva kokugula nokuphila kwakhe kwisifo awayenaso.
Ndiza kohluthwa iminyaka yam esaseleyo.”
11 Ndathi: “Andizukumbona uYa,* uYa, kwilizwe labaphilayo.+
Andisazukubabona abantu
Xa ndikunye nabemi belizwe apho yonke into ithi shwaka.
Ubomi bam ndibusonge njengelaphu lomluki;
Ndisikwa oku kwelaphu lisikwa kwisixhobo sokuluka.
Ukususela emini ukuya kutsho ebusuku, ndisiwa esiphelweni.+
13 Ndiye ndazithuthuzela kwade kwasa.
Amathambo am onke amana esaphulwa, ngathi aphulwa yingonyama;
Ukususela emini ukuya kutsho ebusuku, ndisiwa esiphelweni.+
Amehlo am ajonge phezulu eluzizi:+
15 Ndingathetha ndithini na kodwa?
Kaloku akathethanga nje, kodwa wenzile.
Ndiza kuhlala ndihamba ndithobekile* ubomi bam bonke
Ngenxa yobukrakra bentlungu yam.
Uza kundiphilisa uze undigcine ndiphila.+
17 Jonga! Endaweni yoxolo, bekukrakra gqitha kum;
Kodwa ngenxa yokuba undithanda,
Uye wandisindisa emngxunyeni wentshabalalo.+
Zonke izono zam uziphose emva kwakho.*+
Abo behlela emngxunyeni abanakuthembela kuwe.+
19 Abaphilayo, abaphilayo ngabo abakwaziyo ukukudumisa,
Kanye njengokuba nam ndikwazi ukukudumisa namhlanje.
Utata unokubafundisa oonyana bakhe ngokunyaniseka kwakho.+
20 Yehova Thixo wam, ndisindise,
Ibe siza kuzidlala ngomrhubhe iingoma zam+
Endlini kaYehova+ ubomi bethu bonke.’”
21 UIsaya wathi: “Yizani nesonka samafiya* omisiweyo nize nisiqabe kwithumba lakhe ukuze aphile.”+ 22 Kaloku wayebuzile uHezekiya wathi: “Ndiza kubona ngantoni ukuba ndiza kunyuka ndiye endlini kaYehova?”+
39 Ngelo xesha ukumkani waseBhabhiloni uMerodaki-bhaladan unyana kaBhaladan, wathumela iileta nesipho kuHezekiya,+ kuba wayevile ukuba ebekhe wagula, kodwa ngoku uphilile.+ 2 UHezekiya wawamkela ngezandla ezishushu* la madoda waza wawabonisa indlu yobutyebi,+ isilivere, igolide, ioli yebhalsam, enye ioli exabisekileyo, zonke izixhobo zakhe, nabo bonke ubutyebi bakhe. Akukho nto angazange awabonise yona endlini yakhe nakubo bonke ubukhosi bakhe.
3 Emva koko umprofeti uIsaya weza kuKumkani uHezekiya, wathi kuye: “Aye athini la madoda? Khona, ebevela phi?” UHezekiya wathi: “Avela kwilizwe elikude, eBhabhiloni.”+ 4 Emva koko wambuza: “Abone ntoni endlini yakho?” UHezekiya wathi: “Akukho nto angayibonanga. Ndiwabonise bonke ubutyebi bam.”
5 Wathi uIsaya kuHezekiya: “Uthi uYehova wemikhosi, 6 ‘Jonga ke! Kuza imihla apho yonke into esendlini yakho nayo yonke into eyaqokelelwa ngookhokho bakho kude kube ngoku, iza kuthwalelwa eBhabhiloni. Akuzukushiyeka kwanto,’+ utsho uYehova.+ 7 ‘Ibe abanye boonyana bakho oza kubazala, baza kuthathwa baze babe ngamagosa kwindlu kakumkani waseBhabhiloni.’”+
8 UHezekiya wathi kuIsaya: “Lilungile ilizwi likaYehova olithethileyo.” Emva koko wathi: “Kuba kaloku kuza kube kukho uxolo nenzolo* ngeyam imihla.”+
40 “Bathuthuzeleni, thuthuzelani abantu bam,” utsho uThixo wenu.+
2 “Thethani ngobubele neYerusalem,*
Yixeleleni ukuba kuphelisiwe ukusetyenziswa kwayo ngetshova,
Nokuba ityala layo lihlawulelwe.+
UYehova ugqibile ukuyohlwayela izono zayo zonke.”+
3 Nalo ilizwi livakala entlango lisithi:
“Vulelani uYehova indlela!+
Yenzelani* uThixo wethu uhola wendlela+ othe tye, onqumla entlango.+
4 Mazinyuswe zonke iintlambo,
Kuthotywe zonke iintaba neenduli.
Umhlaba onamatye mawugudiswe,
Nomhlaba ongamaxethuka ube lithafa elisentlanjeni.+
6 Mamela! Kukho umntu othi: “Khwaza!”
Omnye uyaphendula: “Ndikhwaze ndithini?”
“Bonke abantu banjengengca* eluhlaza.
Lonke uthando lwabo olungagungqiyo lunjengentyatyambo yengca.+
Ngokuqinisekileyo abantu bayingca nje eluhlaza.
8 Ingca eluhlaza iyoma,
Intyatyambo iyabuna,
Kodwa lona ilizwi likaThixo wethu lihlala lihleli, ngonaphakade.”+
Khwaza ngamandla,
Wena mfazi uphathela iYerusalem iindaba ezilungileyo.
Liphakamise ilizwi lakho, ungoyiki.
Yenza esi saziso kwizixeko zakwaYuda: “Nguye lo uThixo wenu.”+
Jongani! Iphethe umvuzo,
Nentlawulo eyihlawulayo iphambi kwayo.+
11 Iza kuwukhathalela* umhlambi wayo njengomalusi.+
Ngengalo yayo, iza kuwaqokelela amatakane,
Iza kuhamba nawo iwabeke esifubeni.
Iza kuzikhokela ngobubele iigusha ezinamatakane.+
12 Ngubani owakhe walinganisa amanzi eelwandle ngomphakathi wesandla sakhe,+
Khona, ingubani owakhe walinganisa amazulu ngokolula nje iminwe?*
Ingubani owakha waluqokelela waza walubeka ezikalini uthuli lomhlaba,+
Okanye owakha wakala ubunzima beentaba,
Nobunzima beenduli?
14 Khona, uthethe nabani ukuze aqonde,
Ingubani omfundisa indlela yobulungisa,
Onokumphokozela ulwazi,
Nonokumazisa indlela yokuqonda kokwenene?+
Jongani! Uphakamisa iziqithi ngokungathi luthuli nje olucolekileyo.
16 NeLebhanon le yembala ayinako ukugcina umlilo uvutha,
Nkqu nezilwanyana zayo zasendle azanelanga ukuba zingangumnikelo otshiswayo.
18 Ningamlinganisa nabani uThixo,+
Ningabeka ntoni ecaleni kwakhe enokufana naye?+
Ukhangela ingcibi enobuchule,
Ukuze imenzele umfanekiso oqingqiweyo owomeleleyo.+
21 Anazi na?
Anivanga na?
Anizange nixelelwe kwasekuqaleni na?
Anizange niqonde na kwasekudalweni komhlaba?+
Waneka amazulu njengelaphu elihle eliyasuyasu,
Ibe uwatwabulula njengentente yokuhlala.+
24 Bathi nje besatyalwa,
Bathi nje besahlwayelwa,
Nesikhondo sabo singekamili kwangcambu ezo,
Babe sele bevuthelwa ngumoya, bome nko.
Baphephethekiswa ngumoya oku komququ.+
25 “Ngubani eningandifanisa naye, ongantanga-nye nam?” utsho Lowo Ungcwele.
26 “Khanijonge ezulwini nize nibone.
Ngubani umdali wezi zinto?+
NguLowo ukhokela umkhosi weenkwenkwezi, owazi nkqu nenani lazo;
Uzibiza ngamagama xa zizonke.+
Ngenxa yobukhulu bamandla akhe, namandla akhe amangalisayo,+
Zonke ziphelele.
27 Wenziwa yintoni wena Yakobi, nditsho wena Sirayeli ukuba uthi,
‘UYehova akayiboni indlela yam,
Futhi andifumani kwabulungisa kuThixo’?+
28 Kanti awazi? Khona, awuvanga?
UYehova, uMdali wayo yonke into esemhlabeni, unguThixo ngonaphakade.+
Akaze adinwe; engaze atyhafe.+
Kaloku ukuqonda kwakhe akunakuze kwaziwe.+
30 Amakhwenkwana aza kudinwa aze atyhafe,
Nabafana baza kukhubeka baze bawe,
31 Kodwa abo bathembela kuYehova baza kuphinda bahlaziyeke.
Baza kundanda ngamaphiko oku kweenkozi.+
Baza kubaleka, bangatyhafi;
Baza kuhamba, bangadinwa.”+
Mazisondele zize zithethe.+
Masidibaneni sonke ukuze sive isigwebo.
2 Ngubani onyule umntu empumalanga,*+
Ngobulungisa wammisa ngeenyawo,
Ukuze azinikele kuye iintlanga
Yaye ambangele oyise ookumkani?+
Ngubani obabhuqa babe luthuli ngekrele lakhe,
Baphephetheke phambi kwesaphetha sakhe oku komququ uphetshethwa ngumoya?
3 Ubaleqa lula nje, kungekho ziphazamiso
Kwiindlela iinyawo zakhe ezingazange zanyathela kuzo.
4 Ngubani owenze ezi zinto,
Ebiza isizukulwana emva kwesinye ukususela ekuqaleni?
5 Iziqithi ziye zakubona oku zaza zoyika.
Ezona ndawo zikude emhlabeni zangcangcazela.
Ziyaqokelelana ibe ziyeza.
6 Ngamnye womeleza umhlobo wakhe,
Uthi kumntakwabo: “Qina.”
7 Ngoko umkhandi olichule womeleza umnyibilikisi;+
Lowo ugudisa ngehamile yokunkqonkqa,
Womeleza obethelela kwisikhandelo.
Uthi ngelothe: “Ilungile.”
Emva koko sibethelelwa ngezikhonkwane ukuze singawi.
8 “Kodwa wena Sirayeli, ungumkhonzi wam,+
Wena Yakobi endimnyulileyo,+
Nzala* ka-Abraham umhlobo wam,+
9 Wena ndakulanda eziphelweni zomhlaba,+
Ndakubiza ukwezona ndawo zithe qelele.
Sukuba nexhala kuba ndinguThixo wakho.+
Ndiza kukuqinisa, nakanjani ndiza kukunceda,+
Ngaphandle kwamathandabuzo, ndiza kukubamba ngesandla sam sasekunene sobulungisa.’
11 Jonga! Bonke abantu abakuleqa benomsindo baza kuhlaziswa baze babe neentloni.+
Abo balwa nawe baza kuba njengento engento baze batshabalale.+
12 Uza kuzikhangela iintshaba zakho, kodwa awuzukuzifumana;
Kuza kuba ngathi awekho amadoda alwa nawe, aza kuphela tu.+
13 Kuba mna, Yehova uThixo wakho, ndibamba isandla sakho sasekunene,
Ndithi kuwe, ‘Sukoyika. Mna lo ndiza kukunceda.’+
14 Sukoyika, wena mbungu* onguYakobi,+
Nani madoda akwaSirayeli, ndiza kuninceda,” utsho uYehova uMhlawuleli wakho,+ Lowo Ungcwele kaSirayeli.
Uza kubhula iintaba uze uzityumze
Neenduli uza kuzenza zibe ngathi ngumququ.
17 “Abasweleyo namahlwempu bafuna amanzi, kodwa awekho.
Ulwimi lwabo lome nko lunxano.+
Mna, Yehova, ndiza kubaphendula.+
Mna, Thixo kaSirayeli, andizukubashiya.+
Ndiza kuyenza intlango ibe lichibi lamanzi elineengcongolo
Nelizwe elingenamanzi libe yimithombo yamanzi.+
Ndiza kutyala umthi wejunipha entlango,
Kunye nomthi womqwehle nomsipres,+
20 Ukuze bonke abantu babone, futhi bazi,
Bamamele baze baqonde,
Ukuba le nto yenziwe sisandla sikaYehova,
Yenziwe nguLowo Ungcwele kaSirayeli.”+
21 “Zithetheleleni,” utsho uYehova.
“Lithini elenu icala?” utsho uKumkani kaYakobi.
22 “Yizani nobenu ubungqina nize nisixelele izinto eziza kwenzeka.
Okanye chazani izinto ezisezayo.+
Yenzani into elungileyo, noba yembi ke,
Ukuze siyibone size simangaliswe.+
Nabani na okhetha nina uyenyanyeka.+
26 Ngubani owazichaza kwasekuqaleni ezi zinto, yitshoni ukuze sazi,
Okanye owazithetha kwakudala, ukuze sithi, ‘Unyanisile’?+
Akukho mntu uye wenza saziso!
Azizange zithethwe mntu!
Akukho mntu weva nto ivela kuni!”+
27 Ndim owatsho kuqala kwiZiyon ukuba: “Jongani! Naba!”+
EYerusalem ndiza kuthumela umntu othwele iindaba ezilungileyo.+
28 Kodwa ndaqhubeka ndikhangela, andabona mntu;
Kwakungekho nasinye sicebisayo kuzo.
Ndaqhubeka ndicela ukuba ziphendule.
29 Jongani! Zonke ziyimfitshimfitshi.*
Umsebenzi wazo awuncedi nganto.
Imifanekiso yeentlanga yesinyithi* ingumoya nento engekhoyo.+
42 Jonga! Umkhonzi wam,+ endimxhasayo!
Lowo ndimkhethileyo,+ nondivuyisayo!+
Ngokuthembeka, uza kuzisa ubulungisa.+
4 Akazukuphelelwa ngamandla okanye atyunyuzwe, de amisele ubulungisa emhlabeni;+
Kwaye iziqithi ziza kuhlala zilindele umthetho* wakhe.
5 Uthi uThixo wokwenene uYehova,
UMdali wamazulu oZukileyo, nalowo uwanekayo,+
Lowo wolula umhlaba nemveliso yawo,+
Lowo unika abantu abakuwo impefumlo,+
Nobanika umoya abo bahamba kuwo:+
6 “Mna, Yehova, ngokuthembeka ndiye ndakubiza;
Ndikubambe ngesandla.
Ndiza kukukhusela, ibe uza kuba sisivumelwano phakathi kwam neentlanga+
Nesikhanyiso seentlanga,+
7 Ukuze uvule amehlo eemfama,+
Ukhuphe ibanjwa ejele
Ukhuphe nabo bahleli ebumnyameni ejele.+
8 NdinguYehova. Ligama lam elo;
Ubukhulu bam andibuniki namnye,
Nozuko lwam andiluniki imifanekiso eqingqiweyo.+
9 Jongani, izinto zokuqala ziye zafika zagqitha;
Ngoku ndixela izinto ezintsha.
Ndinazisa zona ngaphambi kokuba zivele.”+
10 Culelani uYehova ingoma entsha,+
Mdumiseni emhlabeni wonke,+
Nina nihamba elwandle, nani zinto zikulo,
Nina ziqithi nabo bahlala kuzo.+
11 Intlango nezixeko zayo maziphakamise amazwi azo,+
Neendawo ekuhlala kuzo amaKedare+ maziphakamise amazwi azo.
Mabakhwaze bevuya abo bahlala eliweni;
Mabakhwaze bephezu kweentaba.
13 UYehova uza kuphuma njengendoda enamandla.+
Uza kutshiseka njengegorha.+
Uza kukhwaza, nangoku, uza kuhlaba umkhosi;
Uza kuzibonakalisa ukuba unamandla ukogqitha iintshaba zakhe.+
14 “Ndiye ndathula ixesha elide.
Ndee cwaka, ndazibamba.
Njengomfazi obelekayo,
Ndiza kugcuma, ndikhefuzele, ndibefuzele ngaxeshanye.
15 Ndiza kutshabalalisa iintaba neenduli,
Ndomise zonke izityalo.
16 Abantu abangaboniyo ndiza kubahambisa endleleni abangayaziyo+
Ndibanyathelise endleleni abangayiqhelenga.+
Ndiza kubenzela ezo zinto, ibe andizukubashiya.”
17 Baza kujikiswa baze bahlaziswe ngokupheleleyo
Bonke abo bathembele ngemifanekiso eqingqiweyo,
Bonke abo bathi kwimifanekiso yesinyithi: “Ningoothixo bethu.”+
19 Ngubani ongaboniyo, ngaphandle komkhonzi wam,
Ongevayo njengomthunywa endimthumayo?
Ngubani ongaboniyo njengovuziweyo,
Ongaboniyo njengomkhonzi kaYehova?+
20 Ubona izinto ezininzi, kodwa akukho nto ithi thiki kuwe.
Uvule iindlebe, kodwa awuva kwanto.+
22 Kodwa aba bantu bathinjiwe ibe baphuciwe;+
Bonke bavaleleke emingxunyeni, ibe bavalelwe kwiijele.+
Baye bathinjwa bengenamntu wakubasindisa,+
Baphucwe bengenamntu othi: “Buyisa abo bantu!”
23 Ngubani kuni oza kuyiva le nto?
Ingubani oza kuyibekela indlebe ukwenzela ixesha elizayo?
24 Ngubani ophise ngoYakobi ukuba athinjwe
NoSirayeli ukuba aphucwe?
AsingoYehova na, lo simonileyo?
25 Ngoko uThixo waqhubeka eyigalela kuSirayeli ingqumbo yakhe,
Umsindo wakhe nobundlobongela bemfazwe.+
Waqwenga kwanto ephambi kwakhe, kodwa uSirayeli akazange ayihoye loo nto.+
Wavutha, kodwa uSirayeli akazange ayikhathalele loo nto.+
“Sukoyika kuba ndikuhlawulele.+
Ndiye ndakubiza ngegama.
Wena ungowam.
Xa uhamba emlilweni, awuzukutsha,
Nedagantye alizukukurhawula.
3 Kuba ndinguYehova uThixo wakho,
Lowo Ungcwele kaSirayeli, uMsindisi wakho.
Ndinikele ngeYiputa ukuze kuhlawulelwe wena,
ITiyopiya neSebha esikhundleni sakho.
Ngoko ke, ndiza kunikela abantu esikhundleni sakho,
Neentlanga ukuze ndisindise ubomi bakho.
6 Ndiza kuthi kumntla, ‘Babuyise!’+
Nakumzantsi ndithi, ‘Bakhulule.
Buyisa oonyana bam abakude, neentombi zam ezikwezona ndawo zikude emhlabeni,+
7 Wonke umntu obizwa ngegama lam+
Nendimdalele uzuko lwam,
Endimbumbileyo, nowenziwe ndim.’+
Ukho na kuzo onokusichazela ezi zinto?
Ngaba ukhona yena onokusichazela izinto eziza kuqala zenzeke?+
Mabeze ngaphambili namangqina abo,
Ukuze bazithethelele, Okanye abevayo mabathi, ‘Zithetha inyani!’”+
10 “Ningamangqina am,”+ utsho uYehova,
“Ningumkhonzi wam endimkhethileyo,+
Ukuze nindazi futhi nindithembe,
Kuba ndisengulowaa.+
Ngaphambi kwam akuzange kwenziwe Thixo,
Kwaye akubangakho namnye nasemva kwam.+
11 Mna, mna kanye, ndinguYehova,+ ibe akukho kwamsindisi ngaphandle kwam.”+
12 “Kaloku ndim owathethayo, wasindisa waza wenza kwaziwa,
Engekabikho uthixo weentlanga phakathi kwenu.+
Ngoko ke nina aba, ningamangqina am,” utsho uYehova, “ibe mna ndinguThixo.+
Ngaba ukhona onokundinqanda xa ndisenza into?”+
14 Uthi uYehova, uMhlawuleli wenu,+ Lowo Ungcwele kaSirayeli:+
“Kukho endiza kumthumela eBhabhiloni ayokuwisa iingcango zayo zentsimbi,+
Ibe amaKhaledi aza kutsho esimantshiyane kwezo nqanawa zawo.+
15 NdinguYehova, uThixo wenu Ongcwele,+ uMdali kaSirayeli,+ uKumkani wenu.”+
16 Uthi uYehova,
Lowo wenza indlela enqumla ulwandle
Nendlela enqumla kumanzi anomsinga,+
17 Lowo ufunza inqwelo yokulwa nehashe,+
Umkhosi ukunye namagorha:
“Baza kuthi waca, bangavuki.
Baza kucinywa kuthi nya.+ Njengokucinywa komsonto.”
18 “Sanukuzikhumbula izinto ezadlulayo,
Sanukuzihlupha ngezinto zezolo.
Aniyiboni?
20 Irhamncwa lasendle liza kundizukisa,
Oodyakalashe neenciniba baza kundizukisa,
Kuba ndiza kukhupha amanzi entlango,
Imilambo kumhlaba owomileyo,+
Ukuze ndiseze abantu bam, abanyuliweyo bam,+
21 Abantu endizibumbele bona,
Ukuze bandidumise.+
23 Awundiziselanga iigusha zomnikelo wakho otshiswayo,
Ungandizukisanga nangemibingelelo yakho.
Andikunyanzelanga ukuba undiphathele sipho,
Ndingakhange ndikutheze amandla ngokukufuna intlaka yokuqhumisa.+
24 Awundithengelanga ngcongolo inevumba elimnandi ngemali yakho;
Awundanelisanga nangamanqatha emibingelelo yakho.+
Ukusuka apho, undithwalise umthwalo wezono zakho
Unditheza amandla ngeziphoso zakho.+
26 Ndikhumbuze; masimangalelane kaloku;
Chaza icala lakho ukuze kucace ukuba awunatyala.
28 Ngoko ndiza kuzingcolisa iinkosana zendawo engcwele,
Ibe ndiza kumyeka atshatyalaliswe uYakobi,
Yena uSirayeli athukwe.+
Ndiza kuthulula umoya wam kwimbewu yakho,+
Nentsikelelo yam kwinzala yakho.
5 Umntu uza kuthi: “NdingokaYehova.”+
Abe omnye ezibiza ngegama likaYakobi,
Ngoxa omnye yena eza kubhala esandleni sakhe: “OkaYehova.”
Aze azithiye ngegama likaSirayeli.’
‘Ndingowokuqala, nowokugqibela.+
Akukho Thixo ngaphandle kwam.+
Makakhwaze atsho, aze nobungqina kum!+
Njengokuba ndenzayo ukususela ekumiseleni kwam abantu bakudala,
Mabachaze izinto ezizayo
Nezinto eziseza kwenzeka.
Ngaba andixelelanga ngamnye kuni kwangaphambili ndaza ndanazisa?
Ningamangqina am.+
Ngaba ukho omnye uThixo ngaphandle kwam?
Hayi, akekho omnye uLiwa;+ akekho endimaziyo.’”
9 Bonke ababumba imifanekiso eqingqiweyo bachitha ixesha labo,
Nezo zinto zabo bazithandayo azizukubanceda nganto.+
11 Jongani! Bonke abahlobo bakhe baza kuhlaziswa!+
Nabo bakhandi bangamachule, ngabantu njee.
Mabaqokelelane baze beme ngeendawo zabo.
Baza koyika baze bahlaziswe xa bebonke.
12 Umkhandi weentsimbi ukhanda intsimbi esebenzisa isixhobo sakhe* phezu kwamalahle.
Ngezo zigalo zakhe, uyayikhanda,
Eyibumba ngehamile.+
Emva koko uyalamba ibe uphelelwa ngamandla;
Akaseli manzi ibe uyadinwa.
13 Umchweli wolula intambo yokumeta,
aze azobe umfanekiso ngetshokhwe ebomvu.
Uyawutsheza loo mfanekiso ngesixhobo sokuchwela.
Uwenza ufane nomntu,+ inzwana,
14 Kukho onomsebenzi wokugawula imisedare.
Ukhetha uhlobo oluthile lomthi, umthi wom-oki,
Awuyeke ukhule womelele phakathi kweminye imithi yehlathi.+
Utyala umthi womlowureli, uze ukhuliswe yimvula.
15 Emva koko uba ziinkuni umntu abasa ngazo umlilo.
Ucanda kwawona ukuze azifudumeze.
Ubasa ngawo aze abhake isonka.
Kodwa kwangawo wenza uthixo aze amkhonze.
Wenza umfanekiso oqingqiweyo aze aqubude kuwo.+
16 Ngesiqingatha sawo uyabasa;
Kwangeso siqingatha, woja inyama aze ayitye anele.
Akugqiba uyotha aze athi:
“Heke! Waza watsho kamnandi ke lo mlilo.”
17 Kodwa umthi oshiyekileyo uwenza isithixo, umfanekiso wakhe oqingqiweyo.
Uqubuda kuwo aze awukhonze.
Uthandaza kuwo athi:
“Ndisindise, kuba unguthixo wam.”+
18 Abazi kwanto, ibe akukho nto bayiqondayo,+
Kuba amehlo abo avalwe mba ibe ababoni nto,
Nentliziyo yabo ayikwazi kuqiqa.
19 Akukho kwamntu uzikisa ukucinga
Okanye waziyo okanye oqondayo, aze athi:
“Ndiyibasile ihafu yawo,
Ndaza ndabhaka isonka emalahleni awo, ndazojela nenyama.
Ngaba ke ngoko ndimele ndenze into eyenyanyekayo kwangawo?+
Ndimele ndiqubude kwisigodo* somthi na?”
20 Uzondla ngothuthu.
Intliziyo yakhe ekhohlisiweyo imlahlekisile.
Akakwazi kuzisindisa, engakwazi nokuthi:
“Ayibobuxoki na obu busesandleni sam sasekunene?”
21 “Khawukhumbule ezi zinto, Yakobi, nawe, Sirayeli,
Kuba ungumkhonzi wam.
Ndikwakhile, ibe ungumkhonzi wam.+
Andizukukulibala wena Sirayeli.+
22 Ndiza kuzogquma ngokungathi kungelifu iziphoso zakho,+
Nezono zakho ngokungathi kungengqimba yelifu.
Buyela kum, kuba ndiza kukuhlawulela.+
23 Khwazani nivuya, nina mazulu,
Kuba uYehova ungenelele!
Khwazani njengaboyisileyo, nina mathumbu omhlaba!
Yiyizelani nina zintaba,+
Nani mahlathi nemithi yawo!
Kuba uYehova umhlawulele uYakobi,
Wabonakalisa ubukhulu bakhe ngoSirayeli.”+
“NdinguYehova, lowo wadala yonke into.
Ndim owatwabulula amazulu,+
Ikwandim nowaneka umhlaba.+
Khawutsho, ndandincediswa ngubani?
25 Ndizenza zingaphumeleli izinto ezithethwe ngabaprofeti bobuxoki,*
NdinguLowo wenza abavumisi babe zizibhanxa;+
Ndibenza babe zizidenge abazizilumko
Nolwazi lwabo ndilwenza lube bubudenge;+
26 NdinguLowo ubangela into ethethwa ngumkhonzi wakhe yenzeke
Aze enze kungaweli phantsi nasinye isiprofeto somthunywa wakhe;+
Lowo uthi ngeYerusalem, ‘Iza kuba nabemi,’+
Nothi ngezixeko zakwaYuda, ‘Ziza kuphinda zakhiwe,+
Ndiza kuwavusa namabhodlo eYerusalem’;+
27 NaLowo uthi emanzini anzulu, ‘Yibani ngumphunga,
Ndiza kuyomisa yonke imilambo yakho’;+
28 Lowo uthi ngoKoreshi,+ ‘Ngumalusi wam,
Ibe uza kwenza ukuthanda kwam ngokupheleleyo’;+
Lowo uthi ngeYerusalem, ‘Iza kuphinda yakhiwe,’
Nothi ngetempile, ‘Siza kwakhiwa isiseko sakho.’”+
45 Uthi uYehova kuKoreshi,+ umthanjiswa wakhe,
Lowo ndiye ndambamba ngesandla sasekunene+
Ukuze ndoyise iintlanga phambi kwakhe,+
Ukuze ndiboxuthe izixhobo ookumkani;*
Ukuze ndivule phambi kwakhe iingcango ezivulwa ngambini,
Ukuze iigeyithi zingavalwa:
Iingcango zekopolo ndiza kuziqhekeza zibe ziingceba,
Nemivalo yentsimbi ndiza kuyisika.+
3 Ndiza kukunika ubutyebi ebumnyameni
Nobutyebi obufihlwe kwiindawo ezifihlakeleyo,+
Ukuze wazi ukuba ndinguYehova,
UThixo kaSirayeli, Lowo ukubize ngegama.+
4 Ukuze kulungelwe umkhonzi wam uYakobi noSirayeli, lowo ndimnyulileyo,
Ndikubiza ngegama.
Ndikunika igama lembeko, nangona ubungandazi.
5 NdinguYehova, ibe akakho omnye uThixo.
Ndim ndedwa uThixo.+
Ndiza kukomeleza,* nangona ubungandazi,
6 Ukuze abantu bazi
Ukususela empuma ukuya kutsho entshona*
Ukuba akakho omnye ngaphandle kwam.+
NdinguYehova, akakho omnye uThixo.+
7 Ndidala ukukhanya+ ndize ndidale nobumnyama,+
Ndidala uxolo+ ndize ndenze nentlekele;+
Zenziwa ndim, mna Yehova, zonke ezi zinto.
Umhlaba mawuvuleke, uze uchume lusindiso,
Mawenze nobulungisa buntshule kwangaxeshanye.+
Mna Yehova, ndiyidalile loo nto.”
9 Uza kuthi shu lowo uxabana* naLowo Umenzileyo,*
Kuba uyingceba nje yengqayi yodongwe
Phakathi kwezinye iingceba ezisasazeke phantsi!
Lungatsho na udongwe kuMbumbi* walo ukuba: “Wenza ntoni?”+
Okanye umsebenzi wezandla zakho uthi: “Akanazandla ke lowo”?*
10 Uza kuthi shu lowo uthi kutata wakhe: “Ungutata wantoni?”
Nothi kumama wakhe: “Yintoni le uyizalayo?”*
11 Uthi uYehova, Lowo Ungcwele kaSirayeli,+ Lowo wambumbayo:
“Undibuza njani ngezinto ezisezayo,
Khona, undiyalela ngabuni ukuba mandenze ntoni ngoonyana bam,+ umsebenzi wezandla zam.
12 Ndenza umhlaba,+ ndaza ndadala nomntu okuwo.+
13 “Kuba ndililungisa, ndiye ndaphakamisa indoda ethile,+
Ibe ndiza kuzenza zithi tyaba zonke iindlela zayo.
Siza kwakhiwa yiyo isixeko sam,+
Ikhulule nabantu bam abathinjiweyo+ ingakhange ikhuphe ntlawulo nasinyobo,”+ utsho uYehova wemikhosi.
14 Uthi uYehova:
“Inzuzo yaseYiputa* nezinto ezithengiswa ngamaTiyopiya namaShebha* ziza kuba zezakho. La madoda athe ncothu ngesithomo, amaTiyopiya namaShebha,
Aza kuza kuwe, abe ngawakho.
Aza kuhamba emva kwakho ebotshelelwe ngamatsheyini.
Aza kuza, aqubude kuwe.+
Aza kuza kuwe aze athandaze athi, ‘Ngokuqinisekileyo, uThixo unawe,+
Kwaye akakho omnye; akakho omnye uThixo.’”
16 Baza kuhlaziswa baze bathotywe xa bebonke;
Bonke abantu abenza izithixo baza kuhamba bethe nyoxo lihlazo.+
17 Ke yena uSirayeli uza kusindiswa nguYehova ngonaphakade.+
Anizukuhlaziswa, ningazukuphoxeka ngonaphakade.+
18 Kuba uthi uYehova,
UMdali wezulu,+ uThixo wokwenene,
Lowo wadala umhlaba, noMenzi wawo, owawenza wazinza,+
Ongawudalelanga ukuba uhlale nje,* kodwa owudalele ukuba kuhlalwe kuwo:+
“NdinguYehova, akakho omnye uThixo.
19 Andithethanga ndisendaweni efihlakeleyo,+ endaweni yesithokothoko sobumnyama;
Andikhange ndithi kwinzala* kaYakobi,
‘Ndifuneni, kodwa imizamo yenu iza kuba yinkcitha-xesha.’
NdinguYehova, ibe ndithetha izinto ezibubulungisa, ndithetha izinto ezilungileyo.+
20 Qokelelanani, nize.
Sondelani nonke nina basinde ezintlangeni.+
Abazi nowathwethwa abo bahlala bephethe imifanekiso eqingqiweyo
Baze bathandaze kuthixo ongakwazi nokubasindisa.+
21 Masive ingxelo yenu, zithetheleleni sive.
Ewe, mabathethe bemanyene.
Ngubani na owayithetha kwakudala le nto?
Ngubani na owakuxelelayo ukususela kanye kwelo xesha?
Ayindim na, mna Yehova,
ekungekho Thixo ungomnye ngaphandle kwam;
uThixo olilungisa noMsindisi,+ ekubeni engekho omnye ngaphandle kwam?+
Onke amadolo aza kuguqa kum,
Zonke iilwimi ziza kufunga ukuba ziza kundilandela,+
24 Zithi, ‘Ngokuqinisekileyo uYehova nguThixo wobona bulungisa namandla.
Bonke abo balwa naye baza kuza kuye behlazekile.
25 Yonke inzala* kaSirayeli iza kubona ukuba yenze kakuhle ngokuthembela ngoYehova+
Ibe iza kuqhayisa ngezinto ayenzele zona.’”
46 UBhele ugobile,+ uNebho uthokombile.
Ezi zithixo zikhweliswe kwizilwanyana, izilwanyana ezithwala imithwalo+
Zinjengomthwalo osinda izilwanyana ezidiniweyo.
2 Zombini ziyagoba ibe zithokombile;
Azikwazi nokuncedisa kule mithwalo,*
Ibe zona, zona kanye ziyathinjwa.
3 “Khanindimamele, owu yhini ndlu kaYakobi, nani nishiyekileyo bendlu kaSirayeli,+
Nina ndanixhasayo, ndanithwala ukususela esibelekweni.+
Njengoko bendihlala ndisenza, ndiza kunithwala, ndinifunqule ndize ndinisindise.+
6 Kukho abo bakhupha igolide eninzi ezipajini zabo;
Abo bakala isilivere.
Baqesha ichule elisebenza ngeentsimbi lize libenzele uthixo.+
Kwabona baqubuda kuye baze bamkhonze.+
Akasuki kuloo ndawo ebebekwe kuyo.+
Bayamkhwaza, kodwa akaphenduli;
Akakwazi kusindisa namnye kwintlungu yakhe.+
8 Khumbulani ezi zinto, nize nibe nesibindi.
Zigcineni ezintliziyweni nina boni.
9 Khumbulani izinto zokuqala, zakudala,
Ukuba ndinguThixo ibe akekho ofana nam
NdinguThixo ibe akekho onjengam.+
Ndiyithethile loo nto ibe ndiza kuyenza.
Ndigqibe ngolo hlobo ibe ndiza kuyenza.+
Ndiza kuyisindisa iZiyon, ndimenze abe mhle uSirayeli.”+
Hlala phantsi emhlabeni apho kungekho trone,+
Wena ntombi yamaKhaledi,
Kuba soze kuphinde kubekho bantu baza kumane bekubiza othambileyo nophila tofo-tofo.
2 Thatha ilitye lokuguba uze usile umgubo wokuxova.
Susa isigqubuthelo sakho.
Khulula umbhinqo wakho. Tyhila imilenze.
Wela imilambo.
3 Ubuze bakho buza kubonwa.
Ukuhlazeka kwakho kuza kuba semehlweni.
Ndiza kuziphindezela,+ ibe akukho mntu uza kuxaba endleleni yam.*
5 Hlala phaa uthe cwaka, uye ebumnyameni,
Wena ntombi yamaKhaledi;+
Soze abantu baphinde bakubize ngokuba unguKumkanikazi* Wezizwe.+
Kodwa wena awuzange ubenzele nceba.+
Wade wathwalisa nexhego idyokhwe enzima.+
7 Wathi: “Ndiza kuhlala ndinguKumkanikazi* ngonaphakade.”+
Awuzange uzihoye ezi zinto;
Awuzange ucinge ukuba siza kuba njani isiphelo.
8 Ngoku khawumamele mfazindini othanda ubumnandi,+
Wena uhleli ukhuselekile, nothi entliziyweni yakhe:
“Ndim lo, akukho bani ungomnye.+
Soze mna ndibe ngumhlolokazi,
Soze ndazi ukuba kunjani ukungabi nabantwana.”+
9 Kodwa ezi zinto zimbini ziza kukufikela ngequbuliso, ngamini-nye:+
Ukuzibona sowungenabantwana yaye ungumhlolokazi.
Ezi zinto ziza kukufikela ngokupheleleyo+
Ngenxa yokuba* uthakatha kakhulu nangenxa yamandla oomabophe bakho.+
10 Uye wathembela kububi bakho.
Uthe: “Akukho mntu undibonayo.”
Bubulumko nolwazi lwakho olukukhuphe endleleni,
Umana usithi entliziyweni yakho: “Ndim oyena yena, akakho omnye.”
Uza kwehlelwa zizinto ezibuhlungu, ibe awuzukukwazi ukuzijika.
Uza kutshatyalaliswa ngequbuliso, ngendlela ongazange uyicinge.+
Mhlawumbi ungazuza nto;
Mhlawumbi ungabashiya abantu bemangalisiwe.
13 Udiniwe bubuninzi babacebisi bakho.
Mabaphakame kaloku baze bakusindise,
Abo bakhonza amazulu,* abo bajonga ezinkwenkwezini,+
Abo bathi xa kuthwasa iinyanga ezintsha baqalise ukuthetha
Ngezinto eziza kukwehlela.
14 Jongani! Banjengeendiza.
Umlilo uza kubatshisa.
Abakwazi kuzisindisa edangatyeni.
La ayingomalahle okuzifudumeza,
Ibe lo ayingomlilo wokothiwa.
15 Ngoko abantu bakho abasebenzisa amakhubalo baza kuba njalo,
Abo ubusebenza nzima nabo ukususela ebutsheni bakho.
Baza kubhadula, ngamnye ahambe ngayibonayo.*
Akuzukubakho mntu ukusindisayo.+
48 Yiva apha, wena ndlu kaYakobi,
Wena uzibiza ngegama likaSirayeli+
Nawe usuka kumanzi akwaYuda,*
Wena ufunga ngegama likaYehova,+
Uthandaza kuThixo kaSirayeli,
Nangona ezi zinto ungazenzi ngokunyaniseka nangobulungisa.+
2 Kuba bathi basuka kwisixeko esingcwele,+
Kwaye bafuna ukuxhaswa nguThixo kaSirayeli,+
Ogama linguYehova wemikhosi.
3 “Izinto ezenzeka kudala* ndakuxelela zingekenzeki.
Zaphuma kowam umlomo,
Ibe ndazithetha ebantwini.+
Ndazenza ngesiquphe, zaza zenzeka.+
4 Kuba ndandiyazi indlela onenkani ngayo;
Intamo yakho yimisipha yentsimbi, nebunzi lakho yikopolo,+
5 Ndakuxelela kwakudala.
Waziva ngam ngaphambi kokuba zenzeke,
Ukuze ungathi, ‘Ezi zinto zenziwe sisithixo sam;
Ngumfanekiso wam oqingqiweyo nomfanekiso wam wesinyithi oyalele ukuba zenzeke.’
6 Uzivile waza wazibonela zonke ezi zinto.
Awuzukuzixela ke?+
Ukususela ngoku, ndikuxelela izinto ezintsha,+
Iimfihlelo ezibalulekileyo ubukade ungazazi.
7 Azizange zidalwe kudala, kungona zidalwa ngoku,
Zizinto oza kuqala ukuziva namhlanje,
Ukuze ungakwazi ukuthi, ‘Jonga! Sendizazi nje.’
9 Kodwa ndiza kuwubamba umsindo wam ngenxa nje yegama lam;+
Ibe ndiza kuzinqanda, ngenxa yozuko lwam,
Andizukukucima igama.+
10 Jonga! Ndikusulungekisile, kodwa kungekhona ngohlobo lwesilivere.+
Ndikuvavanye* ezikweni lokunyibilikisa nelentlungu.+
11 Izinto endizenzayo ndizenza ngenxa yam, ngenxa yam kanye,+
Kuba ndingalivumela njani igama lam lingcoliswe?+
Akukho namnye endimnika uzuko lwam.
12 Khawundimamele Yakobi, nawe Sirayeli endimbizileyo.
NdisenguLowa.+ Ndingowokuqala; ndikwanguye nowokugqibela.+
Zonke xa ndizibiza, zisabela kunye.
14 Qokelelanani nonke, nize nimamele.
Ngubani kubo okhe wazixela ezi zinto?
UYehova umthandile.+
15 Mna, mna kanye ndimbizile.+
Uziswe ndim, ibe indlela yakhe iza kuphumelela.+
16 Sondelani kum, nize nimamele apha.
Andizange ndithethe emfihlekweni kwasekuqaleni.+
Ndandikho ukususela kwixesha eyenzeka ngalo.”
Yaye ngoku iNkosi enguMongami uYehova indithumile, kunye nomoya wayo.
17 Uthi uYehova, uMhlawuleli wakho, Lowo Ungcwele kaSirayeli:+
“Mna, Yehova, ndinguThixo wakho,
Lowo ukufundisa izinto ezikuncedayo,*+
Lowo ukukhokelela endleleni ofanele uhambe ngayo.+
18 Ukuba nje ubungayimamela imiyalelo yam!+
Igama lazo belingazukucinywa okanye litshatyalaliswe phambi kwam.”
Balekani nimke kumaKhaledi.
Yithetheni loo nto, khwazani nivuya! Yikhwazeni!+
Yaziseni nakwezona ndawo zikude emhlabeni.+
Yithini: “UYehova umhlawulele umkhonzi wakhe uYakobi.+
21 Abazange banxanwe xa wayebanqumlisa kwiindawo ezomileyo.+
Wabakhuphela amanzi eliweni;
Waqhekeza iliwa ukuze kumpompoze amanzi.”+
22 “Akukho luxolo kubenzi-bubi,” utsho uYehova.+
UYehova undibize ndingekazalwa.*+
Ndisesesibelekweni sikamama, uye wandibiza ngegama.
Wandenza ndalutolo olubengezelayo.
Wandifihla kwisingxobo sakhe seentolo.
4 Kodwa mna ndathi: “Ndibulalekele nje into engekhoyo.
Amandla am ndiwagqibe onke ndisebenzela into engekhoyo.
5 UYehova, Lowo wandibumbela ukuba ngumkhonzi wakhe ndisesesibelekweni,
Uthe ndiza kubuyisela uYakobi kuye,
Ukuze uSirayeli abizelwe kuye.+
Ndiza kuzukiswa phambi kukaYehova,
UThixo wam uza kuba ngamandla am.
6 Kwaye wathi: “Akuphelelanga kule yokuba ube ngumkhonzi wam,
Ophakamisa izizwe zakwaYakobi,
Nobuyisa amaSirayeli awayekhuselwe.
Ndikwenze nokuba ube kukukhanya kweentlanga,+
Ukuze ukusindisa kwam kufikelele nakwezona ndawo zikude emhlabeni.”+
7 Uthi uYehova, uMhlawuleli kaSirayeli, Lowo Ungcwele,+ kulowo wenyanyekayo,+ nakulowo wenyanywa luhlanga, nakwisicaka sabalawuli:
“Ookumkani baza kubona baze baphakame,
Neenkosana ziza kuqubuda,
Ngenxa kaYehova othembekileyo,+
Lowo Ungcwele kaSirayeli, okukhethileyo.”+
8 Uthi uYehova:
“Ngexesha lenceba, ndakuphendula,+
Ndakunceda nangemini yosindiso;+
Ndaqhubeka ndikukhusela ukuze ube sisivumelwano phakathi kwam naba bantu,+
Ukuze kuhlaziywe ilizwe,
Balifumane kwakhona ilifa labo elitshabaleleyo,+
Nakwabo basebumnyameni+ kuthiwe, ‘Zivezeni!’
Baza kutya emadlelweni angasezindleleni,
Amadlelo abo aza kuba ngasezindleleni ezihanjwe kakhulu.
12 Jonga! Aba bantu bavela kude,+
Ibe jonga! Aba bantu bavela emntla nasentshona,
Yaye aba bavela kwilizwe laseSinim.”+
13 Khwazani nivuya nina mazulu, nawe mhlaba yitsho ngentswahla.+
Iintaba mazivuye ziyiyizele.+
14 Kodwa iZiyon yaqhubeka isithi:
“UYehova undilahlile,+ futhi uYehova undilibele.”+
15 Ngaba umfazi angalulibala usana lwakhe,
Okanye angamveli unyana wesibeleko sakhe?
Nokuba bona abo bafazi bangalibala, mna soze ndikulibale.+
16 Jonga! Ndikubhale ezandleni zam.
Iindonga zakho zisoloko ziphambi kwam.
17 Oonyana bakho bakhawuleza babuye.
Abo bakudilizileyo nabakutshabalalisileyo baza kumka kuwe.
18 Phakamisa amehlo akho uze ujonge macala onke.
Bonke bayaqokelelana.+
Beza kuwe.
“Ndiphila nje,” utsho uYehova,
“Uza kubanxiba bonke ngokungathi basisihombo,
Yaye uza kubaqhinela kuwe njengokuba umtshakazi esenza.
19 Nangona iindawo zakho zazitshatyalalisiwe yaye zomile, nelizwe lakho lingamabhodlo,+
Ngoku, ziza kugcwala ngabantu de zixinane,+
20 Oonyana owabazala emva kokuba ufelwe, baza kuthi kuwe usiva,
‘Le ndawo ixinene kakhulu ukuba singahlala kuyo.
Sivulele indawo yokuhlala.’+
21 Entliziyweni yakho uza kuthi,
‘Ngubani utata waba bantwana bam,
Ekubeni ndingumfazi owafelwa ngabantwana, umfazi ongafumani bantwana,
Owasiwa ekuthinjweni waza wavalelwa ejele?
Ngubani ondikhulisele aba bantwana?+
22 Ithi iNkosi enguMongami uYehova:
Baza kuqubuda kuwe, ubuso babo bujonge emhlabeni,+
Baze bakhothe uthuli olusezinyaweni zakho,+
Yaye kuza kufuneka wazi ukuba ndinguYehova;
Abo bathembela kum abazukuhlazeka.”+
24 Ngaba abantu abasele bethinjiwe bangathathwa kwindoda enamandla?
Bona abathinjwe nguzwilakhe bangasindiswa?
25 Kodwa uthi uYehova:
Ndiza kubachasa abo bakuchasayo,+
Yaye ndiza kubasindisa oonyana bakho.
26 Ndiza kubenza batye inyama yabo abo bakuphatha kakubi;
Baza kunxila ligazi labo ngokungathi basele iwayini emnandi.
Kuza kufuneka bonke abantu bazi ukuba ndinguYehova,+
UMsindisi+ noMhlawuleli wakho,+
Lowo Unamandla kaYakobi.”+
50 Uthi uYehova:
“Siphi isiqinisekiso sokuqhawula umtshato+ sikamama wenu endamgxothayo?
Khona, ndanithengisa kuwuphi umbolekisi?
2 Kutheni ke ndifike kungekho mntu?
Kutheni ndingazange ndiphendulwe xa ndithetha?+
Ngaba sifutshane isandla sam ukuba singasindisa?
Okanye andinawo na amandla okusindisa?+
Iintlanzi zayo ziyabola ngenxa yokungabikho kwamanzi,
Ibe ziyafa ngenxa yonxano.
4 INkosi enguMongami uYehova indinike ulwimi lwezifundiswa,*+
Ukuze ndazi indlela yokuphendula* odiniweyo ngelizwi elifanelekileyo.*+
Iyandivusa ntsasa nganye;
Iyayivusa indlebe yam ukuze imamele njengezifundiswa.+
Ndandingenzi ntando yam.+
Andibufihlanga ubuso bam ehlazweni nasekutshicelweni.+
7 Kodwa iNkosi enguMongami uYehova iza kundinceda.+
Yiloo nto ndingazukuziva ndihlazekile.
Yiloo nto ndiqinise ubuso bam njengelitye lenyengane,+
Ibe ndiyazi ukuba andizukuhlaziswa.
8 Lowo undivakalisa ndililungisa ukufutshane nam.
Makeze sidibane.
Ngubani onokundibeka ityala?
Makeze kumangala.*
9 Jonga! INkosi enguMongami uYehova iza kundinceda.
Ngubani onokundigweba ngelithi ndinetyala?
Jonga! Bonke baza kuguga okwempahla.
Baza kutyiwa linundu.*
Ngubani ohambe esithokothokweni sobumnyama ekude ekukhanyeni?
Makathembele ngegama likaYehova aze azixhase* ngoThixo wakhe.
11 “Jongani! Nonke nina baphemba umlilo,
Batakisa iintlantsi,
Hambani ekukhanyeni komlilo wenu,
Naphakathi kweentlantsi enizivuthisayo.
Nantsi into eniza kuba nayo esuka esandleni sam:
Niza kulala phantsi nisifa ziintlungu.
51 “Ndimameleni nina baleqa ubulungisa,
Nina nifuna uYehova.
Jongani kwiliwa enembiwe kulo,
Kwikwari enembiwe kuyo.
3 Kuba uYehova uza kuyithuthuzela iZiyon.+
Uza kuzithuthuzela zonke iindawo zayo ezitshabaleleyo,+
Intlango yayo ayenze ibe njenge-Eden,+
Ibe njengomyezo kaYehova.+
Kuza kubakho kuyo uvuyo nolonwabo,
Umbulelo nengoma emnandi.+
5 Buyasondela ubulungisa bam.+
6 Phakamiselani amehlo enu emazulwini,
Nijonge naphantsi emhlabeni.
Kuba amazulu aza kuphel’ emehlweni njengomsi,
Nomhlaba uguge oku kwempahla,
Nabemi bawo bafe oku kweembuzane.
Sanukoyika xa abantu abafayo behlekisa ngani,
Mazinganoyikisi kangaka izithuko zabo.
8 Kuba inundu* liza kubatya ngokungathi yimpahla;
Inundu elitya impahla liza kubatya ngathi litya uboya.+
Kodwa bona ubulungisa bam, buza kuhlala bukho ngonaphakade,
Ndihlale ndingumsindisi kuzo zonke izizukulwana.”+
Vuka njengakwimihla yakudala, njengokuba wenzayo kwizizukulwana ezadlulayo.
10 Ayinguwe na owomisa ulwandle, amanzi anzulu ngendlela emangalisayo?+
Lowo wenza iinzulu zolwandle zaba yindlela yokunqumla abo bahlawulelweyo?+
11 Abo bahlawulelweyo bakaYehova baza kubuya.+
Bathiwe jize ngolonwabo,
Ibe intlungu nokuncwina ziza kubabaleka.+
12 “Ndim kanye onithuthuzelayo.+
Yintoni enokunenza noyike umntu ofayo,+
Nonyana womntu oza kubuna oku kwengca?
Benihlala ningcungcuthekiswa ngumsindo womcinezeli,*
Ngokungathi ebeza kukwazi ukunitshabalalisa.
Uphi ke ngoku loo msindo womcinezeli?
14 Sele eza kukhululwa lowo ubotshwe ngamatsheyini;*+
Akazukufa, engazi kufakwa emngxunyeni,
Kanti akazukudinga nesonka.
15 Kodwa mna ndinguYehova, uThixo wakho,
Lowo uzamazamisa ulwandle, aze alwatyuzise namaza alo,+
Igama lakhe nguYehova wemikhosi.+
16 Ndiza kufaka emlonyeni wakho amazwi am,
Ndize ndikusithe ngethunzi lesandla sam,+
Ukuze ndityale amazulu ndize ndibeke isiseko somhlaba,+
Ukuze ndithi kwiZiyon, ‘Ningabantu bam.’+
Usele indebe engenamqheba;
Uyisele wayifinca indebe egxadazelisayo.+
18 Akukho namnye koonyana abazelwe yiYerusalem abayibonisa indlela,
Kungekho namnye koonyana ebakhulisileyo oye wayibamba ngesandla.
19 Wehlelwe zezi zinto zimbini.
Uza kusizelwa ngubani?
Utshatyalalisiwe, wafikelwa yindlala nekrele!+
Uza kuthuthuzelwa ngubani?+
20 Oonyana bakho bafe isiqaqa.+
Bathe tywaa kuzo zonke iikona zezitrato*
Ngathi ziigusha zasendle zibanjiswe emnatheni,
Bawuve ngokupheleleyo umsindo kaYehova, nokukhalinyelwa nguThixo kuphezu kwabo.”
21 Khawumamele apha,
Wena mfazi usentlungwini nonxilileyo, kodwa enganxiliswanga yiwayini.
22 Ithi iNkosi yakho uYehova, uThixo olwela abantu bakhe:
“Jonga! Ndiza kuyithatha esandleni sakho indebe ekwenza ugxadazele,+
Indebe engenamqheba, indebe yomsindo wam;
Soze uphinde usele kuyo.+
23 Ndiza kuyibeka esandleni sabo bakungcungcuthekisayo,+
Abo bathi kuwe, ‘Khawuqubude ukuze sihambe phezu kwakho!’
Waza umqolo wakho wawenza umhlaba,
Isitrato sokuba bahambe kuso.”
52 Vuka unxibe amandla akho,+ wena Ziyon, vuka!+
Nxiba iimpahla zakho ezintle,+ Yerusalem, sixeko esingcwele!
Kuba kuwe, soze kuphinde kufike mntu ungolukanga nongacocekanga.+
2 Vuthulula uthuli, phakama uze uhlale endaweni ebekekileyo wena Yerusalem.
Nyenyisa izibopho ezisentanyeni yakho, ntombi yaseZiyon engumthinjwa.+
3 Kuba uthi uYehova:
4 Kuba ithi iNkosi enguMongami uYehova:
“Ekuqaleni abantu bam behla baya eYiputa ukuze bahlale khona njengabantu basemzini;+
Emva koko, iAsiriya yabacinezela ngaphandle kwesizathu.”
5 “Ndenze ntoni ke ngoku xa kunje?” utsho uYehova.
“Kuba abantu bam bathathwa ngaphandle kwentlawulo.
Bona abo babalawulayo baqhubeka bekhwaza kuba boyisile,”+ utsho uYehova,
“Ibe imini le yonke igama lam liphathwa ngendelelo.+
6 Yiloo nto eza kubangela abantu bam balazi igama lam;+
Ngaloo mini, baza kwazi ukuba Ndim lo uthethayo.
Ndim kanye.”
7 Zintle nyhani ezintabeni iinyawo zalowo uzisa iindaba ezilungileyo,+
Lowo uthi kukho uxolo,+
Lowo uzisa iindaba ezilungileyo zento elunge ngakumbi,
Lowo uthi sisindisiwe,
Lowo uthi kwiZiyon: “UThixo wakho uye waba nguKumkani!”+
8 Mamela! Oonogada bakho baphakamisa amazwi abo.
Bonke baqhubeka bekhwaza bevuya,
Kuba baza kubona kakuhle xa uYehova eqokelela iZiyon.
9 Vuyani, khwazani nivuya nonke nina zindawo zitshabaleleyo zaseYerusalem,+
Kuba uYehova ubathuthuzele abantu bakhe;+ uyihlawulele iYerusalem.+
10 UYehova uyityhilile ingalo yakhe engcwele emehlweni azo zonke iintlanga;+
Ibe bonke abantu abasemhlabeni baza kuyibona indlela asindisa* ngayo uThixo wethu.+
11 Mkani, mkani, phumani apho,+ ningachukumisi kwanto ingacocekanga!+
12 Kuba anizukuphakuzela xa niphuma,
Ningazukuphuma nibaleka,
Kuba uYehova uza kuhamba phambi kwenu,+
UThixo kaSirayeli uza kuba ngumkhuseli wenu ngasemva.+
13 Jonga! Umkhonzi wam+ uza kwenza ngobulumko.
Uza kuphakanyiselwa phezulu,
Uza kunyuswa aze aphakanyiswe kakhulu.+
14 Kanye njengokuba babemangalisekile abaninzi ababemthe ntsho,
Kuba wayenzakele ngaphezu kwakhe nawuphi na omnye umntu
Ubuhle bakhe bonakele ngaphezu kwakhe nawuphi na omnye umntu,
Ookumkani baza kuyivala imilomo yabo* phambi kwakhe,+
Kuba baza kubona into abangazange bayixelelwe
Baze bacingisise ngento abangazange bayiva.+
53 Ngubani oye wazikholelwa izinto esizithethayo?*+
Ingubani oye wawabona amandla* kaYehova?+
2 Uza kuntshula njengesetyana+ phambi kwakhe,* njengengcambu kumhlaba ongenamanzi.
3 Wayesenyanywa futhi ephetshwa ngabantu,+
Umntu owayemele eve* iintlungu, umntu owayeqhelene nokugula.
Kwaba ngathi ubuso bakhe busithelisiwe kuthi.*
Wenyanywa yaye thina samphatha njengongabalulekanga.+
Kodwa thina sasimjonga njengoqalekisiweyo, njengobethwa nguThixo nosentlungwini.
6 Sonke siye sabhadula njengeegusha,+
Ngamnye wahamba ngeyakhe indlela,
Ibe uYehova uye wamthwalisa sonke isono sethu.+
Waziswa njengegusha esiwa ekuxhelweni,+
Njengemazi yegusha ethe cwaka phambi kwabachebi bayo,
Wayengawuvuli umlomo wakhe.+
8 Akazange agwetywe ngobulungisa,* waza wabulawa;
Ngoko ke, ngubani oza kuzixhalabisa ngeenkcukacha zesizukulwana sakhe?*
10 Kodwa yayiyinjongo kaYehova ukumtyumza,* ibe wamyeka wagula.
Ukuba wena Thixo unikela ubomi bakhe njengomnikelo wetyala,+
Uza kuyibona inzala* yakhe, uza kuyenza mide imihla yakhe,+
Yaye kuza kwenzeka ngaye ukuthanda kukaYehova.+
11 Ngenxa yentlungu yakhe engathethekiyo, uza kubona aze aneliseke.
Ngenxa yolwazi lwakhe lowo ulilungisa ongumkhonzi wam,+
Uza kunceda abantu abaninzi babe ngamalungisa,+
Athwale izono zabo.+
12 Ngenxa yeso sizathu ndiza kumabela isahlulo phakathi kwabaninzi,
Ahlulelane ngezinto ezoxuthiweyo kunye nabo banamandla,
Ngenxa yokuba wabuqongqotha ubomi bakhe de wafa,+
Wabalwa phakathi kwaboni.+
Wathwala isono sabantu abaninzi,+
Waza wabathethelela aboni.+
54 “Khwaza uvuya wena mfazindini ungafumani bantwana nongazange wazala!+
2 “Yenze ibe banzi ngakumbi indawo yentente yakho.+
Yolula amalaphu entente engcwele yakho ezukileyo.
Qhuba nje wena, yandisa iintambo zentente yakho,
Uze uzibethelele ziqine izikhonkwane zentente yakho.+
3 Kuba uza kunwenwela ngasekunene nangasekhohlo.
Inzala yakho iza kuzithathela kuyo iintlanga,
Ize ihlale kwizixeko ebezikade zitshabalele.+
Kuba uza kulilibala ihlazo lobutsha bakho,
Uza kulilibala nehlazo lokuba ngumhlolokazi kwakho.”
5 “Kuba uMenzi wakho Ozukileyo+ ufana nomyeni wakho,*+
Igama lakhe nguYehova wemikhosi,
Ibe Lowo Ungcwele kaSirayeli nguMhlawuleli wakho.+
Uza kubizwa ngokuba nguThixo womhlaba wonke.+
6 Kuba uYehova wakubiza ngokungathi ubungumfazi oshiyiweyo nosentlungwini,+
Njengomfazi owatshatwa esemtsha waza walahlwa,” utsho uThixo wakho.
8 Ngomkhukula wokucaphuka ndabufihla ubuso bam kuwe okomzuzwana,+
Kodwa, ukuhlala kwam ndikuthanda ngokungagungqiyo kundenza ndibe nenceba kuwe ngonaphakade,”+ utsho uMhlawuleli wakho,+ uYehova.
9 “Le nto ifana nemihla kaNowa kum.+
Kanye njengokuba ndaye ndafunga ukuba amanzi kaNowa awazukuphinda ogqume umhlaba,+
Ndiyafunga ukuba soze ndiphinde ndicaphuke okanye ndikukhalimele.+
10 Kuba iintaba zingasuswa
Neenduli zingashukunyiswa,
Kodwa soze ndiyeke ukunithanda ngokungagungqiyo,+
Singasoze sigungqiswe nesivumelwano sam soxolo,”+ utsho uYehova, Lowo ukwenzela inceba.+
11 “Yhini mfazi osentlungwini,+ wena uphoswa ngapha nangapha sisivuthuvuthu, mfazi ongathuthuzelwanga,+
Amatye akho ndiwabeka ngodaka oluqinileyo
Nesiseko sakho ngamatye eesafire.+
12 Kwaye iinqaba zakho ndiza kuzenza ngamatye eerubhi,
Iigeyithi zakho ndizenze ngamatye abengezelayo,*
Nemida yakho yonke ndiyenze ngamatye axabisekileyo.
14 Uza kumiselwa ngokuqinileyo ngobulungisa.+
Ingcinezelo iza kubekelwa kude lee kunawe,+
Akukho nto iza kukoyikisa, awuzukuba nasizathu sakunkwantya,
Kuba akukho nto yoyikekayo iza kuza kuwe.+
15 Ukuba nabani na angakuhlasela,
Akazukuba eyalelwe ndim.
Nabani na okuhlaselayo uza koyiswa.”+
16 “Jonga! Ndim, ndim kanye odale umkhandi olichule,
Mkhandi lowo uvuthela amalahle omlilo,
Aze enze isixhobo sokulwa.
Ndim, ndim kanye nodale indoda eyonakalisayo netshabalalisayo.+
17 Ngoko ke, akukho nasinye isixhobo esenzelwe ukulwa nawe esiza kuphumelela,+
Nabani na okutyholayo uza kumenza acace ukuba uyaxoka.
Eli lilifa labakhonzi bakaYehova,
Nobulungisa babufumana kum,” utsho uYehova.+
55 Nonke nina ninxaniweyo+ yizani, yizani emanzini!+
Nina ningenamali, yizani nithenge nize nitye!
Nangoku, yizani nithenge iwayini nobisi+ ngaphandle kwemali, simahla.+
2 Kutheni niqhubeka nikhupha imali ngento engesosonka,
Kwaye kutheni nichitha imali yenu eniyisebenzele nzima kwimfitshimfitshi?
Ndimameleni ukuze nihlale niphila,
Kwaye ndiza kukulungela ukwenza isivumelwano nani esiza kuhlala sikho+
Ndinithande ngothando olungagugqiyo endaluthembisa uDavide.+
5 Jonga! Uza kubiza uhlanga ongalwaziyo,
Nabantu bohlanga ababengakwazi baza kubalekela kuwe,
Ngenxa kaYehova uThixo wakho,+ Lowo Ungcwele kaSirayeli,
Kuba uza kukuzukisa.+
6 Funani uYehova ngoxa esafumaneka.+
Mbizeni ngoxa esekufutshane.+
7 Umntu ongalunganga makashiye indlela yakhe,+
Nomenzi-bubi makazishiye iingcinga zakhe;
Makabuyele kuYehova, oza kumenzela inceba,+
9 “Njengokuba amazulu ephakamile kunomhlaba,
Neendlela zam ziphakamile kuneendlela zenu,
Neengcinga zam ziphakamile kuneengcinga zenu.+
10 Njengokuba kusihla imvula nekhephu emazulwini,
Zingabuyeli kuwo zingawumanzisanga umhlaba, ziwenze uvelise kwaye uhlume,
Umnike imbewu umntu otyalayo, umnike nesonka otyayo,
Soze libuyele kum lingayenzanga into endiyithethileyo,+
Kodwa nakanjani, liza kukwenza ukuthanda kwam,*+
Ibe liza kuphumelela kuloo nto ndilithuma ukuba liyenze.
Iintaba neenduli ziza kuvuya phambi kwenu, zikhwaze ngovuyo,+
Nemithi yonke yasendle iza kuqhwaba izandla.+
13 Endaweni yamatyholo anameva kuza kuhluma umthi wejunipha.+
Endaweni yerhawu* kuza kuhluma umthi wommirtile.
56 Uthi uYehova:
“Gcinani okusesikweni,*+ nenze ubulungisa.
Kuba ndiza kusindisa kungekudala,
Nobulungisa bam buza kutyhilwa.+
2 Wonwabile ke umntu oyenzayo le nto
Nonyana womntu obambelela nkqi kuyo,
Ogcina iSabatha aze angayideleli,+
Nosinqandayo isandla sakhe angenzi nabuphi na ububi.
3 Umntu wasemzini ohamba noYehova+ makangathi,
‘Ngokuqinisekileyo uYehova uza kundisusa ebantwini bakhe.’
Nethenwa malingathi, ‘Jonga! Ndingumthi owomileyo.’”
4 Uthi uYehova: “Amathenwa agcina iisabatha zam nakhetha ukwenza izinto endizithandayo, nagcina isivumelwano sam,
5 Ndiza kuwanika igama endlini yam, nesikhumbuzo kwiindonga zam,
Into elunge ukodlula oonyana neentombi.
Ndiza kuwanika igama eliza kuba lelawo ngonaphakade,
Elingazukutshabalala.
6 Ke bona abantu basemzini abahamba noYehova nabakhetha ukuba zizicaka zakhe,
Ukuze bathande igama likaYehova+
Baze babe ngabakhonzi bakhe,
Bonke abo bagcina iSabatha baze bangayideleli
Nabagcina isivumelwano sam,
7 Nabo, ndiza kubazisa entabeni yam engcwele+
Ndibenze bavuye endlini yam yomthandazo.
Wonke umnikelo wabo otshiswayo nemibingelelo yabo, iza kwamkeleka esibingelelweni sam.
Kuba indlu yam iza kubizwa ngokuba yindlu yomthandazo yabantu bonke.”+
8 Ithi iNkosi enguMongami uYehova, Lowo uqokelela abo basasazekileyo bakwaSirayeli:+
“Ndiza kubaqokelela ndawonye nabanye ngaphandle kwabo sele beqokelelene kakade.”+
10 Oonogada bakhe baziimfama,+ akukho namnye kubo uqaphelayo.+
Bonke bazizinja nje ezizizimumu, ezingakwazi kukhonkotha.+
Bayakhefuzela, bathe tywaa, behleli nje bayozela.
11 Bazizinja ezinyolukileyo;
Abaze banele.
Bangabalusi abangenakuqonda.+
Bonke bahamba ngabayibonayo;
Nowokugqibela kubo ufuna inzuzo yokunyotywa, esithi:
Nangomso kuza kuba njenganamhlanje, kude kuthi kratya!”
57 Umntu olilungisa unyamalele,
Kodwa akukho mntu uyikhathaleleyo loo nto.
2 Ungena eluxolweni.
Onke amalungisa aphumle ezibhedini zawo.*
3 “Sondelani apha ke nina,
Nina bonyana bomthakathi,
Bantwana bomfazi olala nendoda engeyoyakhe, umfazi othengisa ngomzimba:
4 Nihlekisa ngabani?
Nikhamisela bani, ngubani lo nimnyonyozelayo?
Aningobantwana besono na,
Abantwana bobumenemene,+
5 Abantwana abatshiseka yinkanuko phakathi kwemithi emikhulu,+
Phantsi kwayo yonke imithi echumileyo,+
Nigwinta abantwana ezintlanjeni+
Naphantsi kweemfanta zeliwa?
6 Ukhethe amatye agudileyo asentlanjeni.+
Wona asisahlulo sakho.
Ugalela kwalapha kuwo umnikelo oselwayo uze uwanike nezipho.+
Uthi ke mna mandaneliswe* zezi zinto?
8 Umisa isikhumbuzo sakho emva kocango nomgubasi.
Undishiyile waza wazibhenca;
Uye wenyuka waza wafika wandisa ibhedi yakho.
Kwaye wena uye wenza isivumelwano kunye nezithixo zakho.
Wathumela nabathunywa bakho kwiindawo ezikude,
Nto leyo ekwenza wehlele engcwabeni.*
10 Uye wazithwalisa ubunzima ulandela ezi ndlela zakho zininzi,
Kodwa awutsho ukuba, ‘Akukho themba!’
Kunoko, usuke waphinda wanamandla.
Yiloo nto unganikezeli nje.*
Kaloku wena uye wandilibala.+
Ubungandihoyanga.+
Andithi mna ndiye ndathi cwaka, ndakuvula?*+
Ngoko uye wandibonisa ukuba awundoyiki.
12 Ndiza kuqinisekisa ukuba kuyaziwa oku kuzenza ilungisa kwakho+ nale misetyenzana yakho,+
Kunjalo nje, ezi zinto azizukukunceda nganto.+
Ziza kuphephetheka zimke nomoya.
Ziza kuphephethekiswa kukuvuthelwa nje,
Kodwa umntu obalekela kum uza kufumana ilizwe njengelifa
Nentaba yam engcwele ibe lilifa lakhe.+
14 Kuza kuthiwa, ‘Yakhani, yakhani indlela! Lungisani indlela!+
Susani zonke izikhubekiso endleleni yabantu bam.’”
15 Kuba nantsi into ethethwa ngoPhezulu, Lowo Uphakamileyo,
“Ndihlala kwindawo ephakamileyo nengcwele,+
Kodwa ndikwakunye nabo batyumkileyo nabanomoya othobekileyo,
Ukuze ndivuselele umoya wabo bathobekileyo
Ukuze ndivuselele intliziyo yabo batyumkileyo.+
16 Kuba andizukuxabana nabo ngonaphakade
Ndingazukuhlala ndicaphukile;+
Kuba ukuba ndingayenza loo nto, umntu ebeza kuphelelwa ngamandla ngenxa yam,+
Ngokunjalo nezidalwa eziphefumlayo ezidalwe ndim.
17 Kwakundicaphukisa ukuleqana kwakhe nesono sokufuna ukufumana inzuzo ngokunyoluka,+
Ngoko ndambetha, ndibufihla ubuso bam, ndicaphukile.
Kodwa waqhubeka ehamba njengomntu ongathobeliyo,+ elandela indlela yentliziyo yakhe.
18 Ndizibonile iindlela zakhe,
Kodwa ndiza kubaphilisa+ ndize ndibakhokele+
Ndize ndiphinde ndithuthuzele*+ yena nabantu bakhe abazilileyo.”+
19 “Ndidala isiqhamo semilebe.
Lowo ukude nalowo ukufuphi, uza kuhlala enoxolo,”+ utsho uYehova,
“Ibe ndiza kumphilisa.”
20 “Kodwa abantu abangalunganga banjengolwandle olulwayo olungakwazi kuzola,
Olunamanzi amane evumbulula ukhula lwaselwandle nodaka.”
21 UThixo wam uthi: “Abantu abangalunganga abanaluxolo.”+
58 “Vula umqala, ukhwaze kakhulu; ungayeki!
Khwaza kakhulu kube ngathi kuvakala ixilongo.
Chazela abantu bam indlela abangathobelanga ngayo,+
Uchazele indlu kaYakobi izono zayo.
2 Mihla le bafuna ndibakhokele,
Babonisa ukuba bayavuyiswa ziindlela zam,
Ngokungathi bebeluhlanga olwenza ubulungisa
Lucela ndilugwebe ngobulungisa,
Ngokungathi luyakuvuyela ukusondela kuThixo:+
3 ‘Kutheni ungaboni xa sizile ukutya?+
Kutheni ungaqapheli xa sityiwa zizono zethu?’+
Kuba ngemini enizila ngayo, nenza unothanda,
Ibe niyabacinezela abasebenzi benu.+
4 Niphela senixabana, nisilwa koku kuzila kwenu,
Niphosa inqindi ngenkohlakalo.
Aninakuzila ukutya ngale ndlela nenza ngayo namhlanje, nakugqiba nilindele ukuba ilizwi lenu liviwe ezulwini.
5 Ngaba le ndlela nizila ngayo yile ifunwa ndim,
Imini umntu azibonakalisa ngayo esentlungwini,
Athokombise intloko njengomzi,
Azenzele umandlalo ngelaphu lokwenza ingxowa nothuthu?
Yile nto na le niyibiza ukuzila nomhla owamkelekileyo kuYehova?
6 Naku ukuzila endikufunayo mna:
Ukususa amatsheyini obubi,
Ukukhulula izibopho zedyokhwe,+
Ukukhulula umntu ocinezelekileyo,+
Nokwaphula nayiphi na idyokhwe;
7 Ukuqhekezela umntu olambileyo kwisonka sakho,+
Ukumemela emzini wakho umntu ongathathi ntweni nongenakhaya.
Kukuthi xa ubona umntu ehamba ze umnike into yokunxiba,+
Nokungamfulatheli umntu ozalana naye.
Imisebenzi yakho yobulungisa iza kukukhokela,
Yaye uzuko lukaYehova luza kukukhusela ngasemva.+
9 Uza kubiza, uYehova aphendule;
Uza kukhalela uncedo, uThixo athi, ‘Ndim lo!’
Ukuba uyahlukana nedyokhwe yengcinezelo,
Uyeke ukukhomba ngeminwe nokuthetha amazwi ahlabayo,+
10 Ukuba umntu olambileyo umpha into nawe oyithandayo+
Yaye wanelisa abantu abasentlungwini,
Ngoko ke ukukhanya kwakho kuza kukhanya nasebumnyameni,
Nesithokothoko sakho sobumnyama siza kuba njengasemini emaqanda.+
11 UYehova uza kuhlala ekukhokela
Aze akwanelise nokuba ukwilizwe elomileyo;+
UThixo uza kuwomeleza amathambo akho,
Yaye uza kuba njengegadi enkcenkceshelwa ngokwaneleyo,+
Njengomthombo wamanzi ongatshiyo.
12 Ngokwesicelo sakho, baza kuzakha iindawo ebezingahlali bantu ixesha elide;+
Yaye uza kuphinda uzakhe iziseko zezizukulwana ezadlulayo.+
13 Ukuba ngenxa yeSabatha, imini engcwele, uyayeka ukwenza* ukuthanda kwakho,*+
Yaye iSabatha uyibiza usuku olumnandi gqitha, imini kaYehova engcwele, imini yokuzukiswa,+
Ibe uyayizukisa endaweni yokuba uleqeke emva kwezakho izinto, yaye uyayeka ukuthetha amazwi angakhiyo,
14 Uza kutsho wonwatyiswe nguYehova,
Ibe ndiza kukwenza ulawule neendawo eziphakamileyo zomhlaba.+
2 Kodwa ziziphoso zenu ezinahlukanise noThixo wenu.+
Zizono zenu ezimenze wabufihla ubuso bakhe kuni,
Ibe akafuni kunimamela.+
Imilebe yenu ithetha ubuxoki+ futhi nolwimi lwenu luhumzela ububi.
Bathembele ngento engekhoyo*+ yaye bathetha izinto ezingancedi nganto.
Bakhawula inkathazo, baze bazale into eyenzakalisayo.+
Nabani na otya amaqanda ale nyoka angafa,
Kwaneqanda elikrotyoziweyo liqandusela irhamba.
Imisebenzi yabo iyenzakalisa,
Nobundlobongela bugcwele ezandleni zabo.+
Iingcinga zabo ziingcinga ezenzakalisayo;
Apho bahamba khona bashiya umonakalo nosizi.+
Benza iindlela zabo zibe goso;
Akukho namnye umntu ohamba kuzo oya kulwazi uxolo.+
Sihlala sinethemba lokukhanya, kodwa jonga! kukho ubumnyama;
Sinethemba lokuqaqamba, kodwa siqhubeka sihamba kwisithokothoko sobumnyama.+
Sikhubeka emini ngokungathi kusebusuku.
Phakathi kwabomeleleyo sinjengabafileyo.
11 Sonke sihlala sivungama oku kwamabhere.
Sikhala kabuhlungu oku kwamahobe.
Sifuna ubulungisa, kodwa abukho.
Sifuna usindiso, kodwa lukude lee kuthi.
Kuba siyayazi indlela esingakuthobelanga ngayo;
Sonke sizazi kakuhle iziphoso zethu.+
13 Siye samona saza samphika uYehova;
Siye samnikela umva uThixo wethu.
Siye saceba ukucinezela abazalwana bethu, samjikela uThixo;+
Sicinge ubuxoki ezintliziyweni zethu, sathetha amazwi angeyonyaniso.+
14 Okusesikweni kubuyiselwe* umva,+
Nobulungisa bumela kude kuthi;+
Kuba ayikho inyani kwindawo kawonke-wonke,
Nento elungileyo ayikwazi kungena.
UYehova wayibona le nto, ibe yayimbi,
Kuba babungenziwa ubulungisa.+
16 Wabona ukuba akukho mntu;
Wothuswa kukubona ukuba akukho mntu ungenelelayo.
Ngoko wamsindisa ngengalo yakhe,*
Wamxhasa ngokumenzela ubulungisa.
17 Emva koko wanxiba ubulungisa ngokungathi sisambatho sentsimbi
Nomnqwazi wokukhusela intloko olusindiso.+
18 Nantsi indlela aza kubavuza ngayo ngokwezenzo zabo:+
Uza kukhuphela umsindo wakhe kwabo bachasene naye aze aziphindezele kwiintshaba zakhe,+
Iziqithi azibuyekeze ngempatho ezifaneleyo.
19 Baza kuloyika igama likaYehova ukususela entshonalanga,
Nozuko lwakhe lususele empumalanga,
Kuba uza kufika njengomlambo oqukuqelayo,
Oqhutywa ngumoya kaYehova.
20 “UMhlawuleli+ uza kuza eZiyon,+
Eze nakwabo bakwaYakobi abaguqukayo kwizono zabo,”+ utsho uYehova.
21 “Mna ke ndithi, nasi isivumelwano sam nabo,”+ utsho uYehova. “Umoya wam ophezu kwakho namazwi am endiwabeke emlonyeni wakho, akazukususwa emlonyeni wakho, nasemlonyeni wabantwana bakho,* okanye emlonyeni wabazukulwana bakho,* ngoku nangonaphakade,” utsho uYehova.
60 “Phakama mfazi,+ khanyisa, kuba kufikile ukukhanya kwakho.
Ubuqaqawuli bukaYehova bukhanya kuwe.+
2 Kuba jonga! kuza kuba mnyama emhlabeni wonke,
Kube mnyama kuzo zonke iintlanga.
Kodwa uYehova uza kukhanya phezu kwakho,
Nobuqaqawuli bakhe bubonakale kuwe.
4 Phakamisa amehlo akho uze ujonge macala onke!
Badityaniswe ndawonye; beza kuwe.
5 Ngelo xesha uza kubona uze uqaqambe,+
Nentliziyo yakho iza kubetha ngamandla, iphuphume,
Kuba ubutyebi bolwandle buza kuthunyelwa kuwe;
Ubutyebi beentlanga buza kuza kuwe.+
Kuza kuza abantu, bonke bevela eShebha;
Bethwele igolide nentlaka yokuqhumisa.
Baza kubhengeza iindumiso zikaYehova.+
7 Iza kuqokelelelwa kuwe yonke imihlambi yakwaKedare.+
Uza kwenza into oyithandayo ngeenkunzi zeegusha zakwaNebhayoti.+
9 Kuba iziqithi ziza kuthembela kum;+
Iinqanawa zaseTarshishe ziza kukhokela,*
Zisizisa oonyana bevela kude,+
Zikwathwele isilivere negolide yabo,
Ziyisa kuYehova uThixo wakho nakuLowo Ungcwele kaSirayeli,
10 Iindonga zakho ziza kwakhiwa ngabantu basemzini,
Nookumkani babo bakusebenzele,+
Nakuba ndakubetha xa ndandicaphukile,
11 Iigeyithi zakho ziza kuhlala zivuliwe;+
Azizukuvalwa emini zingazukuvalwa nasebusuku,
Ukuze kuziswe kuwe ubutyebi beentlanga,
Zikhokelwa ngookumkani bazo.+
12 Kuba naluphi na uhlanga, nabuphi na ubukumkani obungafuniyo ukukusebenzela buza kutshabalala,
Neentlanga ziza kutshabalala ngokupheleleyo.+
13 Uzuko lweLebhanon luza kuza kuwe,+
Umthi wejunipha, umthi womqwehle nowomsipres, yonke ize kuwe,+
Ukuze kuhonjiswe indawo yam engcwele;
Ndiza kuyizukisa indawo yeenyawo zam.+
14 Oonyana babantu ababekukhobokisa baza kuza baqubude kuwe;
Nabo bebekujongela phantsi baqubude ezinyaweni zakho,
Yaye kuza kufuneka bakubize ngokuba usisixeko sikaYehova,
IZiyon yaLowo Ungcwele kaSirayeli.+
15 Endaweni yokuba ngolahliweyo nothiyiweyo, kungekho mntu unqumla kuwe,+
Ndiza kukwenza umthombo webhongo neqhayiya likanaphakade,
Isizathu sokuvuya kuzo zonke izizukulwana.+
16 Iintlanga nookumkani baza kukunika yonke into oyidingayo,+
Kanye njengokuba umama enika usana lwakhe ubisi lwamabele akhe;+
Ngokuqinisekileyo uza kukwazi ukuba mna Yehova, ndinguMsindisi wakho,
Lowo Unamandla kaYakobi nguMhlawuleli wakho.+
17 Endaweni yekopolo ndiza kuzisa igolide;
Endaweni yentsimbi ndizise isilivere,
Endaweni yomthi ikopolo;
Endaweni yamatye intsimbi.
Ndiza kumisela uxolo lube ngumlawuli wakho
Nobulungisa bube ngumphathi wakho.+
18 Soze kuphinde kuviwe ngobundlobongela elizweni lakho,
Kungasoze kuphinde kuviwe ngokonakaliswa nokutshatyalaliswa.+
Kwaye iindonga zakho uza kuzibiza ngokuthi luSindiso+ neegeyithi zakho uthi yiNdumiso.
19 Ilanga alizukukukhanyisela emini
Nokuqaqamba kwenyanga akuzukuba sakukhanyisela,
Kuba uYehova uza kuba lukhanyiso lwakho ngonaphakade,+
NoThixo wakho abe bubuhle bakho.+
20 Ilanga lakho alizukuphinda litshone,
Nenyanga yakho ingazukuphinda ifiphale,
Kuba uYehova uza kuba kukukhanya kwakho ngonaphakade,+
Nemihla yakho yokuzila iza kube iphelile.+
21 Bonke abantu bakho baza kuba ngamalungisa;
Ilizwe liza kuba lelabo ngonaphakade.
22 Omncinci uza kuba liwaka,
Nophantsi abe luhlanga olunamandla.
Mna Yehova, mna kanye, ndiza kuyenza ikhawuleze loo nto ngexesha layo.”
61 INkosi enguMongami uYehova indinike umoya wayo,+
Kuba uYehova undikhethile* ukuba ndishumayele iindaba ezilungileyo kubantu abalulamileyo.+
Undithume ukuba ndibophe abantu abaneentliziyo ezaphukileyo,
Ndishumayele ukuba abathinjwa baza kukhululwa,
Nokuba aza kuvulwa amehlo amabanjwa,+
2 Undithumele ukuvakalisa unyaka wokwaneliseka kukaYehova
Nomhla wempindezelo kaThixo wethu,+
Ukuthuthuzela bonke abazilileyo,+
3 Ukuhoya abo bazilele iZiyon,
Ndibanike isigqubuthelo sentloko endaweni yothuthu,
Neoli ukuze bavuye kunokuba bazile,
Ndibanike ingubo yokwaleka ukuze bandidumise kunokuba bakhathazeke.
4 Baza kuwakha kwakhona amabhodlo ekudala ekho;
Baza kuzivusa iindawo ezawohloka kudala,+
Ibe baza kuzilungisa izixeko ezatshatyalaliswayo,+
Iindawo ebezingamabhodlo kwizizukulwana ngezizukulwana.+
5 “Kuza kufika abantu basemzini+ boluse imihlambi yenu,
Abantu bolunye uhlanga babe ngabalimi kumasimi enu eediliya.+
6 Nina ke, niza kubizwa ngokuba ningababingeleli bakaYehova;+
Kuza kuthiwa nizizicaka zikaThixo wethu.
7 Endaweni yokuhlazeka, niza kufumana isabelo esiphindwe kabini,
Yaye endaweni yokuthotywa, abantu bam baza kukhwaza bevuya ngenxa yesabelo sabo.
Eneneni, baza kufumana ilifa eliphindwe kabini elizweni labo.+
Baza kuvuya ngonaphakade.+
8 Kuba mna Yehova ndiyakuthanda okusesikweni;*+
Ndiyakucaphukela ukuqhathwa kwabantu nokungabikho kobulungisa.+
Ndithembekile nje, ndiza kubanika umvuzo wabo,
Futhi ndiza kwenza isivumelwano sikanaphakade kunye nabo.+
10 Ndiza kuvuyiswa nguYehova.
Ndiza konwaba ngoThixo wam.+
Kuba undinxibise iimpahla zosindiso;+
Undibhijele ngesambatho* sobulungisa,
Njengomyeni othwele iqhiya yamadoda oku kombingeleli,+
Nanjengomtshakazi ozihombisa ngobuyoko-yoko bokuhomba.
11 Kanye njengokuba umhlaba untshulisa imbewu
Negadi ihlumisa into etyalwe kuyo,
NeNkosi enguMongami uYehova
Iza kuhlumisa ubulungisa+ nendumiso+ phambi kwazo zonke iintlanga.
62 Ngenxa yokuba ndiyithanda iZiyon andizukuthula,+
Nangenxa yokuba ndiyithanda iYerusalem andizukuzola
De ubulungisa bayo bube njengokukhanya okuqaqambileyo,+
Nokusindiswa kwayo kuvuthe oku kwesibane.+
Yaye uza kubizwa ngegama elitsha,+
Eliza kuphuma emlonyeni kaYehova.
3 Uza kuba sisithsaba sobuhle esandleni sikaYehova,
Neqhiya yasebukhosini esandleni sikaThixo wakho.
4 Iphelile into yokuba kuthiwe kuwe ungumfazi olahliweyo,+
Kungazukuphinda kuthiwe ilizwe lakho litshabalele.+
Kodwa uza kubizwa kuthiwe, Uvuyo Lwam Lukuye,+
Nelizwe lakho kuthiwe, Mfazi Otshatileyo.
Kuba uYehova uza kuvuyiswa nguwe,
Nelizwe lakho liza kuba ngathi ngumfazi otshatileyo.
5 Kuba kanye njengomfana otshata intombi engazange yalala nandoda,
Oonyana bakho baza kukutshata.
Kanye njengokuba umyeni evuyela umakoti wakhe,
NoThixo wakho uza kuvuya ngenxa yakho.+
6 Ndithumele oonogada phezu kweendonga zakho Yerusalem.
Bafanele bathethe bangayeki, imini nobusuku.
Nina nithetha ngoYehova,
Sanukuphumla,
7 Ningamphumzi uThixo de ayilungise ngokupheleleyo iYerusalem,
De ibe yindumiso yomhlaba.”+
8 Ephakamisa isandla sakhe sasekunene, ingalo yakhe eyomeleleyo, uYehova ufunge wathi:
“Andiphindi ndiyeke iintshaba zakho zizithaphulele ekutyeni kwakho okuziinkozo,
Futhi abasemzini abazukuyisela newayini yakho entsha oyisebenzele nzima.+
9 Kodwa abantu abaye bakuqokelela ukutya okuziinkozo baza kukutya baze badumise uYehova;
Nabantu abaqokelela iwayini baza kuyiselela kwiiyadi zam ezingcwele.”+
10 Nqumlani, nqumlani ezigeyithini.
Vulelani abantu indlela.+
Yakhani, yakhani uhola wendlela.
Susani amatye kuyo.+
Phakamiselani abantu uphawu.*+
11 Jongani! UYehova uvakalise la mazwi kwezona ndawo zikude emhlabeni:
“Yithini kwintombi yaseZiyon,
‘Jonga! Ukusindiswa kwakho kuyeza.+
Jonga! UThixo uwuphethe umvuzo,
Nentlawulo ayihlawulayo iphambi kwakhe.’”+
12 Abantu abahlawulelwe nguYehova baza kubizwa ngokuba ngabantu abangcwele,+
Ibe wena uza kubizwa ngokuba ungOfuniweyo, isiXeko Esingalahlwanga.+
63 Ngubani na lo uthi gqi ngakwaEdom,+
Lo uvela eBhotsera,+ enxibe iimpahla ezimibalabala,*
Lo unxibe iimpahla ezimbejembeje,
Engqisha ngamandlakazi?
“Ndim lo, Lowo uthetha ngobulungisa,
Lowo unamandla okusindisa angathethekiyo.”
3 “Ndiye ndaxovula ndodwa emkhumbini wewayini.
Akukho mntu wezizwana oye wazokundincedisa.
Ndiqhubekile ke ndizixovula ndinomsindo,
Ndaqhubeka ndizinyathela ndicaphuke kakhulu.+
Iimpahla zam zachatshazelwa ligazi lazo,
Ndiye ndazingcolisa zonke iimpahla zam.
5 Ndakhangela, kodwa kwakungekho mntu wakundinceda;
Kwandimangalisa ukungafumani nomnye umntu ofuna ukundincedisa.
6 Ndazinyathela ndinomsindo izizwana,
Ndazinxilisa ngomsindo wam+
Ndaza ndalichithela phantsi igazi lazo.”
7 Ndiza kuthetha ngemisebenzi kaYehova yothando olungagungqiyo,
Imisebenzi kaYehova efanele ukuzukiswa,
Ngenxa yazo zonke izinto uYehova asenzele zona,+
Izinto ezininzi ezintle azenzele indlu kaSirayeli,
Ezenza ngenceba, nothando lwakhe olungathethekiyo, uthando olungagungqiyo.
8 Kuba uThixo wathi: “Bangabantu bam ngokuqinisekileyo, oonyana abaza kuthembeka kum.”*+
Ngoko ke, waba nguMsindisi wabo.+
9 Wayehlala ekhathazekile xa bekhathazekile.+
Yaye isithunywa sakhe sabasindisa.*+
10 Kodwa bona basuka abamthobela,+ bawenza buhlungu umoya wakhe oyingcwele.+
11 Baza abantu bakhe bakhumbula imihla yakudala,
Imihla yomkhonzi wakhe uMoses, besithi:
“Uphi na Lowo wabanyusa waza wabakhupha elwandle+ nabalusi bomhlambi wakhe?+
Uphi na Lowo wafaka umoya wakhe oyingcwele kuMoses,+
12 Lowo wahambisa ingalo Yakhe ezukileyo nesandla sikaMoses sasekunene,+
Lowo wahlukanisa amanzi phambi kwabo+
Ukuze azenzele igama eliza kukhunjulwa ngonaphakade,+
13 Lowo wabanqumlisa emanzini alwayo,*
Ukuze bangakhubeki,
Njengehashe ethafeni elithe tyaba?*
Andizifumenanga mna.
Nokuba asaziwa nguAbraham
Esenokungasazi noSirayeli,
Wena Thixo wethu Yehova unguTata wethu.
Igama lakho unguMhlawuleli wethu wakudala.+
17 Yehova Thixo wethu, kutheni usiyeka sizishiye iindlela* zakho?
Kutheni uvumela* iintliziyo zethu zibe lukhuni size singakoyiki?+
Buya ngenxa yabakhonzi bakho,
Izizwe ezililifa lakho.+
18 Liye laba lelabantu bakho abangcwele okwethutyana.
Iintshaba zethu ziyinyathele indawo yakho engcwele.+
19 Kangangethuba elide siye safana nje nabantu abangazange balawulwe nguwe,
Njengabantu abangazange babizwe ngegama lakho.
64 Akwaba wawuwakrazule amazulu, wehla,
Ukuze iintaba zinyikime ngenxa yakho,
2 Njengokuba umlilo utshisa iintsasa,
Yaye ubilisa amanzi,
Beliya kutsho igama lakho laziwe ziintshaba zakho,
Zitsho iintlanga zingcangcazele phambi kwakho!
3 Xa wenza izinto ezoyikekayo ebesingazicingelanga nokuzicingela,+
Wehla, zaza iintaba zanyikima phambi kwakho.+
4 Kwakudala, akukho kwamntu ovileyo okanye obeke indlebe,
Kungekho nalihlo lakha labona uThixo ngaphandle kwakho,
5 Uhlangabezene nabo benza izinto ezilungileyo bevuya,+
Abo bakukhumbulayo nabalandela iindlela zakho.
Jonga! Uye wabhabhama ngumsindo xa besiqhubeka sisona,+
Sikona ixesha elide.
Ngoko ngaba sifanele sisindiswe?
6 Sonke siye safana nomntu ongacocekanga,
Yaye zonke izenzo zethu zobulungisa zinjengelaphu elisetyenziswa libhinqa elisexesheni.+
Sonke siza kubuna oku kwegqabi,
Neziphoso zethu ziza kusiphaphathekisela kude ngokungathi siphaphathekiswa ngumoya.
7 Akukho nokuba abe mnye obiza egameni lakho,
Akukho mntu uzimisele ukubambelela kuwe,
Kuba ubufihlile ubuso bakho kuthi,+
8 Kodwa ke Yehova, wena unguTata wethu.+
Sicela usijonge, kuba sonke singabantu bakho.
10 Izixeko zakho ezingcwele ziye zaba yindawo eyomileyo.
IZiyon iye yaba yintlango,
NeYerusalem yaba ngamabhodlo.+
11 Indlu* yethu engcwele nezukileyo*
Ababekudumisela kuyo ookhokho bethu,
Itshiswe ngomlilo,+
Yaye zonke iindawo zethu ezazizezebhongo, ngoku zingamabhodlo.
12 Nangona kusenzeka ezi zinto, ngaba Yehova uza kuqhubeka usonge izandla?
Ngaba uza kuthi cwaka uze usiyeke sisentlungwini kangaka?+
65 “Ndizivumele ukuba ndifunwe ngabo bebengabuzi ngam;
Ndizivumele ukuba ndifunyanwe ngabo bebengandikhangeli.+
Ndathi kuhlanga olwalungabizi egameni lam, ‘Ndim lo, ndim lo!’+
2 Imini yonke, izandla zam ndizolulele abantu abaneenkani,+
Phezu kwabantu abahamba ngendlela engalunganga,+
Abalandela iingcinga zabo;+
3 Abantu abadelelayo, beqhubeka bendicaphukisa,+
Bebingelela emiyezweni,+ beqhumisa imibingelelo phezu kwezitena.
Aba bantu bangumsi emathatheni am, umlilo ovutha imini yonke.
6 Jonga! Zibhaliwe ezi zinto phambi kwam;
Andizukusonga nje izandla,
Kodwa ndiza kubohlwaya,+
Ndiza kubohlwaya ngokupheleleyo
7 Ngenxa yeziphoso zabo nangenxa yeziphoso zookhokho babo,”+ utsho uYehova.
“Kuba baye baqhumisa imibingelelo ezintabeni,
Baye bandidelela kwiinduli,+
Into yokuqala endiza kuyenza, kukubahlawulisa umvuzo wabo ngokupheleleyo.”
8 Uthi uYehova:
“Kanye njengokuba iwayini entsha ifunyanwa kwisihlahla seediliya
Kube kukho umntu othi, ‘Sukusonakalisa kuba kukho into entle* kuso,’
Nam ndiza kwenza ngaloo ndlela ngabakhonzi bam;
Andizukubatshabalalisa bonke.+
9 Ndiza kuvelisa inzala* kuYakobi,
NakuYuda, umntu eziza kuba lilifa lakhe iintaba zam;+
Umhlaba oneentaba uza kuba lilifa labantu bam abanyuliweyo,
Nabakhonzi bam baza kuhlala kuwo.+
10 ISharon+ iza kuba lidlelo leegusha
NeNtlambo YaseAkore*+ ibe yindawo yokuphumla iinkomo
Ukwenzela abantu bam abaza kube bendifuna.
11 Kodwa nina niphakathi kwabantu abamshiyayo uYehova+
Abantu abayilibalayo intaba yam engcwele,+
Abo badekela uthixo weThamsanqa itafile
Nabo bagcwalisa indebe ngewayini exutyiweyo, beyenzela uthixo weSihlo.
12 Ngenxa yaloo nto ndiza kuninikela kwikrele,+
Yaye nonke niza kuguqa ukuze nixhelwe,+
Kuba ndakhwaza kodwa nina zange niphendule;
Ndathetha, kodwa nina zange nindimamele;+
Naqhubeka nisenza izinto ezimbi emehlweni am,
Nakhetha izinto endingazithandiyo.”+
13 Ngoko ke ithi iNkosi enguMongami uYehova:
“Jongani! Abakhonzi bam baza kutya, kodwa nina niza kulamba.+
Jongani! Abakhonzi bam baza kusela,+ kodwa nina niza kunxanwa.
Jongani! Abakhonzi bam baza kuvuya,+ kodwa nina niza kuhlazeka.+
14 Jongani! Abakhonzi bam baza kukhwaza bevuya ngenxa yokonwaba entliziyweni,
Kodwa nina niza kukhala ngenxa yentliziyo ebuhlungu
Yaye niza kutsho ngesikhalo ngenxa yokutyumka emoyeni.
15 Into eza kushiyeka ligama lenu eliza kusetyenziswa ngabakhethiweyo bam xa beqalekisa,
Yaye iNkosi enguMongami uYehova iza kunibulala nonke,
Kodwa abakhonzi bakhe uza kubabiza ngelinye igama;+
16 Ukuze nabani na ofuna ukusikelelwa emhlabeni
Asikelelwe nguThixo othembekileyo,*
Nabani na owenza isifungo emhlabeni
17 Kuba jongani! Ndidala amazulu amatsha nomhlaba omtsha;+
Kwaye izinto zangaphambili azizukukhunjulwa,
Zingazukuphinda zithi qatha entliziyweni.+
18 Ngoko ke yonwabani nize niyivuyele ngonaphakade le nto ndiyidalayo.
Kuba jongani! ndidala iYerusalem ukuba ibavuyise
Yaye ibenze bonwabe abantu bayo.+
19 Ndiza kuvuya ngeYerusalem, ndonwabe ngabantu bam;+
Soze kuphinde kuvakale sijwili nasikhalo silusizi apho.”+
20 “Apho, soze kuphide kubekho sana luza kufa luneentsuku nje ezimbalwa luzelwe,
Kungasoze kubekho nandoda ifa ingayiphilanga yonke imihla yayo.
Umntu ofa eneminyaka elikhulu, uza kube esabonwa njengenkwenkwana,
Aze umoni aqalekiswe nangona eneminyaka elikhulu.*
22 Abazukwakha kuhlale abanye,
Bengazukutyala izinto eziza kutyiwa ngabanye.
Kuba imihla yabantu bam iza kuba njengeyomthi,+
Abantu bam abakhethiweyo baxhamle ngokupheleleyo kwimisebenzi abayenze ngezandla zabo.
23 Abazukubulalekela into engekhoyo,*+
Bengazukuzala abantwana abaza kwehlelwa yintlekele,
Kuba bayinzala yabantu abasikelelweyo nguYehova,+
Bona nenzala yabo.+
24 Baza kuthi bengekandibizi, ndibaphendule;
Bathi besathetha, ndibe sendivile.
25 Ingcuka iza kutya netakane legusha,
Ingonyama iza kutya iindiza njengenkunzi yenkomo;+
Ukutya kwenyoka kuza kuba luthuli.
Azizukwenzakalisa zingazukonakalisa kuyo yonke intaba yam engcwele,”+ utsho uYehova.
66 Uthi uYehova: “Amazulu ayitrone yam, umhlaba sisitulo seenyawo zam.+
Yindlu enjani ke le ningandakhela yona nina?+
Yindawo enjani le ndinokuphumla kuyo?”+
“Umntu endiza kujonga kuye
Ngothobekileyo, okhathazekileyo emoyeni nolingcangcazelelayo ilizwi lam.*+
3 Umntu oxhela inkunzi yenkomo, unjengomntu oxabela omnye.+
Obingelela ngegusha, unjengomntu owaphula intamo yenja.+
Umntu onikela ngesipho, unjengegazi lehagu!+
Umntu owenza umnikelo wesikhumbuzo ngentlaka yokuqhumisa,+ unjengobulela ngamazwi omlingo.*+
Bakhethe ukwenza unothanda,
Futhi kuyabonwabisa ukwenza izinto ezilizothe.
Kuba xa ndababizayo, akukho mntu wasabelayo;
Xa ndandithetha, akukho mntu wandimamelayo.+
Baqhubeka besenza izinto ezimbi emehlweni am,
Bakhetha ukwenza izinto endingazithandiyo.”+
5 Yivani ilizwi likaYehova nina balingcangcazelelayo:
“Abantakwenu abanicaphukelayo nabanilahlileyo ngenxa yegama lam bathe, ‘Makazukiswe uYehova!’+
Kodwa uThixo uza kubonakala aze anivuyise,
Ngabo abaza kuhlaziswa.”+
6 Kukho ingxolo ephuma esixekweni, isandi esiphuma etempileni!
Sisandi sikaYehova ebahlawulisa okubafaneleyo abantu abaziintshaba zakhe.
7 Isixeko sazala ngaphambi kokuba silunywe.+
Ngaphambi kokuba sifikelwe yinimba, sabeleka umntwana oyinkwenkwe.
8 Ngubani owakha weva ngento enjalo?
Ingubani owakha wayibona?
Liza kuzalwa ngemini enye na ilizwe?
Okanye uhlanga luzalwe ngaxeshanye?
Kodwa yona iZiyon ithe yakulunywa, yazala oonyana bayo.
9 “Ndingayenza ilunywe na ndakugqiba ndingayivumeli izale?” utsho uYehova.
“Okanye ndingayenza ilungele ukuzala na ndakugqiba ndisivale isibeleko sayo?” utsho uThixo wakho.
10 Vuyisanani neYerusalem nize nonwabe nonke+ nina niyithandayo.+
Vuyisanani kakhulu nayo nonke nina niyizilelayo,
11 Kuba niza kuncanca nanele ebeleni lentuthuzelo
Niza kulincanca, nize nonwatyiswe luzuko oluninzi lweYerusalem.
12 Kuba uthi uYehova kwiYerusalem:
Uza kuncanciswa, ufunqulwe ubekwe esinqeni,
Uza kukhathalelwa kanobom.
13 Njengomama othuthuzela unyana wakhe,
Nam ndiza kuqhubeka ndinithuthuzela;+
Ngenxa yeYerusalem, niza kuthuthuzeleka.+
14 Niza kuyibona le nto, ibe iintliziyo zenu ziza kuvuya,
Namathambo enu aza kuhlaziyeka oku kwengca eluhlaza.
15 “Kuba uYehova uza kuza njengomlilo,+
Neenqwelo zakhe zokulwa zinjengesaqhwithi somoya,+
Ukuze ahlawulise enomsindo,
Akhalimele ngamadangatye omlilo.+
16 UYehova uza kubagweba ngomlilo,
Uza kubagweba ngekrele lakhe bonke abantu;
Baninzi abantu abaza kubulawa nguYehova.
17 “Abo bazingcwalisayo nabazicocayo ukuze bangene emiyezweni,*+ abo batya inyama yehagu+ nezinto ezilizothe neempuku,+ bonke baza kufikelela esiphelweni,” utsho uYehova. 18 “Ekubeni ndizazi izinto abazenzayo neengcinga zabo, ndiyeza ukuze ndiqokelele zonke iintlanga neelwimi, yaye ziza kuza zize zilubone uzuko lwam.”
19 “Ndiza kumisa uphawu phakathi kwazo, ibe ndiza kuthumela abantu abaye baqhweshela ezintlangeni. Ndiza kubathumela eTarshishe,+ ePuli, naseLudi,+ iintlanga ezidubula ngesaphetha; eTubhali, eYavan+ nakwiziqithi ezikude ezingakhange zive ngxelo ngam okanye zilubone uzuko lwam. Baza kuxelela iintlanga ngendlela endizuke ngayo.+ 20 Ziza kubakhupha bonke abantakwenu, bephuma kuzo zonke iintlanga+ njengesipho kuYehova, bekhwele amahashe, iinqwelo zokulwa, iinqwelo ezinezigqubuthelo, iidonki neenkamela ezinamendu. Baza kuya entabeni yam engcwele iYerusalem,” utsho uYehova, “kanye njengaxa abantu bakwaSirayeli besizisa isipho ngesitya esicocekileyo endlini kaYehova.”
21 “Abanye babo ndiza kubenza ababingeleli nabaLevi,” utsho uYehova.
22 “Njengokuba amazulu amatsha endiwadalayo, nomhlaba omtsha+ endiwudalayo, zombini ziza kuhlala zikho phambi kwam, iza kuba njalo inzala* yenu negama lenu, ziza kuhlala zikho,” utsho uYehova.+
23 “Ukususela ekuthwaseni kwenyanga ukuya ekuthwaseni kwenyanga nokususela kwisabatha ukuya kwisabatha,
Bonke abantu baza kungena baze baqubude phambi kwam,”*+ utsho uYehova.
24 “Baza kuphuma baze bajonge kwizidumbu zamadoda aye akandithobela;
Kuba iimpethu ezikuzo azizukufa,
Nomlilo ozitshisayo awuzukucima,+
Yaye ezo zidumbu ziza kuba lizothe ebantwini.”
Othetha ukuthi “UYehova Uyasindisa.”
Okanye “akayazi inkosi yakhe.”
Ngokoqobo, “zicudiswe.”
Okanye “oku kwendawo yokufihla intloko ekwintsimi yeediliya.”
Okanye “balawuli.”
Okanye “umyalelo.”
Okanye “Yithetheleleni inkedama.”
Okanye “ubulungisa.”
Okanye “Ibhiya yakho yengqolowa.”
Okanye “Azimphathi ngobulungisa umntwana ongenatata.”
Okanye “ngobulungisa.”
Kubonakala ukuba iigadi nemithi zazinento yokwenza nokukhonza izithixo.
Okanye “Ngemihla yokugqibela.”
Okanye “imfundiso.”
Izilwanyana ezincinci ezirhalayo.
Okanye “Ompefumlo yakhe isezimpumlweni zakhe.”
Okanye “Ongenazigqibo.”
Okanye “ngumphilisi.”
Ngokoqobo, “phambi kwamehlo akhe.”
Ngokoqobo, “Aza kutya iziqhamo zezenzo zawo.”
Ngokoqobo, “Zineentamo (imiqala) ezitsalekileyo.”
Okanye “Amajikazi.”
Okanye “izambatho zangaphantsi.”
Oko kukuthi, ihlazo lokungatshati nokungabi nabantwana.
Ngokoqobo, “ilindle leentombi.”
Okanye “namandla okuphelisa nya.”
Ngokoqobo, “izipani ezilishumi.” IAkile ngumhlaba onokulinywa sisipani seenkomo ngosuku.
Funda Isihlomelo B14.
Funda Isihlomelo B14.
Funda Isihlomelo B14.
Funda Ingcaciso Yamagama.
Okanye “yobulungisa bakhe.”
Okanye “Masenzeke nesigqibo; nesiluleko saLowo Ungcwele kaSirayeli.”
Okanye “umyalelo.”
Okanye “ipali eluphawu.”
Okanye “zigobile.”
Okanye “njengeengonyama ezintsha ezinezingci.”
Ngokoqobo, “yelizwi laleyo ikhwazayo.”
Ngokoqobo, “Ndisuke ndathuliswa.”
Okanye “Inzala.”
Okanye kusenokwenzeka, “akazange akwazi ukuyithimba.”
Okanye kusenokwenzeka, “silingcungcuthekise.”
Funda Ingcaciso Yamagama.
Othetha ukuthi “UYehova Unathi.”
Oko kukuthi, womEfrate.
Ngokoqobo, “ngosiba lomntu.”
Ekusenokwenzeka uthetha ukuthi “Ukuya Kwixhoba Ukhawulezile, Ukuza Kuphanga Ngokukhawuleza.”
Okanye “Mayingqinelwe ngala mangqina.”
Ngokoqobo, “Ndasondela kumprofetikazi.” Oko kukuthi, umfazi kaIsaya.
IShilowa yayingumsinga wamanzi.
Oko kukuthi, umEfrate.
Funda uIsa 7:14.
Okanye “Bhinqani.”
NgesiHebhere ibinzana elithi “uThixo unathi” lithetha ukuthi Imanuweli. Funda uIsa 7:14; 8:8.
Okanye “Busonge ubungqina obubhaliweyo.”
Okanye “umyalelo.”
Ngokoqobo, “akusi kubo.”
Okanye “ukuba ngurhulumente; ukulawula njengenkosana.”
Okanye “ukuba ngurhulumente kwakhe; ukulawula kwakhe njengenkosana.”
Okanye “Ngobulungisa.”
Ngokoqobo, “ngasemva.”
Okanye kusenokwenzeka, “isihlahla sesundu nengcongolo.”
Okanye “kwiinkedama.”
Okanye “iinkedama.”
Okanye “yokohlwaywa kwenu.”
Okanye “uzuko lwenu.”
Ngokoqobo, “ndohlwaye.”
Okanye “sisohlwayo.”
Okanye “ngezembe.”
Okanye “ngokufanelekileyo.”
Okanye “ingonyama entsha enesingci.”
Okanye kusenokwenzeka, “ithole lenkomo nengonyama ziza kutya kunye.”
Okanye “njengepali.”
Okanye “Iintlanga ziza kumkhangela.”
Oko kukuthi, eBhabhiloni.
Okanye “ipali.”
Ngokoqobo, “kwigxalaba lamaFilisti.”
Okanye “Baza kolula isandla sabo ukuze balwe noEdom noMowabhi.”
Okanye “uza kuyomisa.”
Ngokoqobo, “uza kulunqamla ulwimi lolwandle lwaseYiputa.”
Oko kukuthi, umEfrate.
“UYa” ligama elishunqulelweyo likaYehova.
Ngokoqobo, “mmi ongumfazi.” Oku kubhekisela kubemi baseZiyon xa bebonke.
Okanye “ipali.”
Ngokoqobo, “abo bangcwalisiweyo bam.”
Ngokoqobo, “neeKesile zazo.” Kusenokwenzeka ukuba eli liqela leenkwenkwezi iOrion, neqela elizijikelezileyo.”
Okanye “umhombiso.”
Ngokoqobo,“izihuluhulu.”
Okanye kusenokwenzeka, “Needemon ezimilise okweebhokhwe.”
Okanye “Uza kuwanika ukuphumla.”
Okanye “kwabo babewaqweqwedisa emsebenzini.”
Okanye “uthethe la mazwi ukuze ungcungcuthekise ukumkani.”
Funda Ingcaciso Yamagama.
Ngokoqobo, “iinkunzi zeebhokhwe.”
Funda Ingcaciso Yamagama.
Funda Ingcaciso Yamagama.
Ngokoqobo, “endlini yakhe.”
Okanye “silungele ukuhlasela.”
Okanye “yinyoka eletshezayo enetyhefu.”
Okanye “eNdlini.”
Okanye kusenokwenzeka, “Kuba iziqhamo zakho zasehlotyeni nesivuno sakho zihlatyelw’ umkhosi.”
Okanye “iminyaka ebalwe ngocoselelo, njengokuba esenza umqeshwa”; oko kukuthi, iminyaka emithathu ngqo.
Ngokoqobo, “loonyana bakaSirayeli.”
Ngokoqobo, “Libhitye nenqatha lenyama yakhe.”
Okanye “ekwiThafa LamaRefa.”
Funda Ingcaciso Yamagama.
Okanye “sothixo ongaziwayo.”
Okanye “Njengokhula.”
Ngokoqobo, “kuhlanga oluthe ncothu nolugudileyo.”
Okanye “yipali eluphawu.”
Ngokoqobo, “kuhlanga oluthe ncothu nolugudileyo.”
Okanye “zaseMemfisi.”
Okanye kusenokwenzeka, “isebe lesundu okanye ingcongolo.”
Okanye “iTartan ukuba ilwe.”
Okanye “enxibe nje impahlana.”
Okanye “nto leyo eziintloni kwiYiputa.”
Kubonakala ukuba apha kuthethwa ngommandla weBhabhiloni yakudala.
Ngokoqobo, “isinqe sam sibuhlungu kakhulu.”
Okanye “iminyaka ebalwe ngocoselelo njengokuba esenza umqeshwa”; oko kukuthi, unyaka nje omnye.
Kucaca ukuba kuthethwa ngeYerusalem.
Esi sisimntwiso esingumbongo, mhlawumbi sichaza usizi okanye ukusizelwa.
Okanye “ulungisa.”
Okanye “Awona mathafa akho mahle.”
Okanye “nabakhweli-mahashe bami ngeendawo zabo.”
Okanye “indlu.”
Ngokoqobo, “ikhaya.”
Okanye “nolawulo lwakho.”
Ngokoqobo, “Imbewu.”
Oko kukuthi, umlanjana ophuma kuMlambo UmNayile.
Ngokoqobo, “zintombi zingazange zalala nandoda.”
Okanye kusenokwenzeka, “Akusekho zibuko.”
Ngokoqobo, “njengemihla.”
Okanye “emhlabeni.”
Okanye kusenokwenzeka, “liyoma.”
Okanye “ziyabuna.”
Okanye “sakudala.”
Okanye kusenokwenzeka, “iyoma.”
Okanye “entshona.”
Okanye “empuma.”
Okanye “Ubuhle baLowo.”
Ngokoqobo, “phambi kwabadala bakhe.”
Okanye “Amacebiso owawaceba.”
Okanye “engekahluzwa.”
Ngokoqobo, “kuginya.”
Okanye kusenokwenzeka, “abo banjongo zingatshintshiyo.”
“UYa” ligama elishunqulelweyo likaYehova.
Oko kukuthi, kukhunjulwe uThixo negama lakhe, kuze kuxelelwe abantu ngaye.
Okanye kusenokwenzeka, “unjengombethe wemifuno.”
Okanye “uza kuzala.”
Okanye “De sidlule isiqalekiso.”
Funda Ingcaciso Yamagama
Apha kubonakala ukuba kuthethwa ngoSirayeli ofaniswa nomfazi nentsimi yeediliya.
Funda Ingcaciso Yamagama.
Kubonakakala ukuba kuthethwa ngekomkhulu iSamariya.
Okanye “esiziqhenyayo; esinekratshi.”
Okanye “eziziqhenyayo; ezinekratshi.”
Okanye “njengekhiwane.”
Ngokoqobo, “Uza kuba ngumoya wobulungisa kulowo.”
Okanye kusenokwenzeka, “Sizalisekise umbono.”
Funda Ingcaciso Yamagama.
Okanye “Ubulungisa.”
Funda Ingcaciso Yamagama.
Okanye kusenokwenzeka, “Xa beqonda, baza kungcangcazela kukoyika.”
Okanye “njengasethafeni elikufuphi.”
Okanye “ilizwe lonke.”
Okanye “umqeqesha; umohlwaya.”
Okanye “Wenza.”
Okanye “unamacebiso obulumko aluncedo.”
Kusenokwenzeka ukuba oku kuthetha ukuthi “iziko lesibingelelo sikaThixo,” ekucaca ukuba yiYerusalem.
Ngokoqobo, “yabasemzini.”
Oko kukuthi, ngenxa yeentloni nokudana.”
Ngokoqobo, “Abagalela umnikelo ogalelwayo,” kubonakala ukuba kuthethwa ngokwenziwa kwesivumelwano.
Ngokoqobo, “kwinqaba kaFaro.”
Okanye “nomyalelo.”
Okanye kusenokwenzeka, “equleni.”
Okanye “uhlala elindele ukunenzelelela.”
Okanye “bemlindele ngamehlo abomvu.”
Okanye kusenokwenzeka, “nize nithi ingcolile.”
Okanye kusenokwenzeka, “kube namafutha yaye kuchininike.”
Okanye “impefumlo injengomsinga.”
Okanye “azihluze ngesihluzo sentshabalalo.”
Okanye “xa nizingcwalisa ukuze nilungele itheko.”
Apha “iTofete” imela itipu ekutshiswa kuyo, nto leyo ethetha ukutshatyalaliswa.
Okanye “Kubakhweli bamahashe.”
Okanye “ingonyama entsha enesingci.”
Okanye “Omlilo wakhe useZiyon.”
Okanye “ngobulungisa.”
Okanye “ubulungisa buza.”
Okanye “bayiyeka ihambe.”
Okanye “Yiba ngamandla ethu.”
Okanye “ngobulungisa.”
Kubonakala ukuba apha kuthethwa ngamaqhawe akwaYuda.
Kuthethwa ngotshaba.
Okanye kusenokwenzeka, “liyoma.”
Okanye “Ikhusi lakhe eliphezulu liza.”
Okanye “Uza kucingisisa.”
Okanye “ziza kuphuphuma ligazi.”
Okanye “kwekhiwane.”
Kubonakala ukuba kuthethwa ngeBhotsera, ikomkhulu lakwaEdom.
Ngokoqobo, “amatye okumeta.”
Okanye kusenokwenzeka, “Nedemon efana nebhokhwe.”
Ngokoqobo, “Ibe ubahlulahlulele ngentambo yokumeta.”
Okanye “liqhakraze njengeSafron.”
Okanye “umngcamli oyintloko.”
Okanye “lwaseAsiriya.”
Okanye “neyamakhiwane.”
Okanye “indlu kakumkani.”
Okanye “indlu kakumkani.”
Okanye “yokuthukwa.”
Ngokoqobo, “bafikelele emlonyeni wesibeleko.”
Ngokoqobo, “Ndiza kumfaka umoya.”
Ngokoqobo, “wayitwabulula.”
Okanye kusenokwenzeka, “phakathi.”
Okanye “imisinga yomNayile.”
Ngokoqobo, “ndakwenza.”
Okanye “Ndakwenza.”
Oko kukuthi, Hezekiya.
Okanye “ukutya okukhule ngenxa yeenkozo ezichithekileyo.”
Okanye “etempileni.”
Ngokoqobo, “kwiintsuku zakho.”
Kubonakala ukuba ixesha lalibalwa ngezi zitepsi.
Funda Ingcaciso Yamagama.
UYa ligama elishunqulelweyo likaYehova.
Okanye kusenokwenzeka, “okwendwe.”
Ngokoqobo, “Khawundimele.”
Okanye “ndilusizana.”
Oko kukuthi, ngamazwi nezenzo zikaThixo.
Okanye “Uziphose kwelokulibala izono zam.”
Funda Ingcaciso Yamagama
Okanye “samakhiwane.”
Ngokoqobo, “wawavuyela.”
Okanye “nenyaniso.”
Okanye “Yithuthuzeleni iYerusalem.”
Okanye “Lungiselelani.”
Okanye “yiyo yonke inyama.”
Ngokoqobo, “Yonke inyama injengengca.”
Okanye “ngumoya.”
Okanye “kuwalusa.”
Ukulinganisa ubude ukusuka kubhontsi ukuya kucikicane xa isandla sivuliwe. Funda Isihlomelo B14.
Okanye kusenokwenzeka, “okwazileyo ukuqondisisa.”
Okanye “umfanekiso oqingqiweyo.”
Okanye “abalawuli.”
Okanye “umnika amandla amangalisayo.”
Okanye “Yithini cwaka phambi kwam.”
Okanye “empuma.”
Okanye “Mbewu.”
Oko kukuthi, lowo uphantsi nongakwazi kuzikhusela.
Ngokoqobo, “izinto zakuqala.”
Okanye “sizibethelele entliziyweni.”
Okanye “empuma.”
Okanye “amasekela-baphathi.”
Okanye “ziyinto engekhoyo.”
Okanye “etyhidiweyo.”
Okanye “umyalelo.”
Okanye “lunxweme.”
Okanye “umyalelo.”
Okanye “umyalelo.”
Ngokoqobo, “imbewu.”
Okanye “esempumalanga.”
Okanye “izinto enizenzayo, ningandithobeli.”
Kusenokwenzeka ukuba kuthethwa ngabafundisi boMthetho.
Okanye “ukususela ekuzalweni kwakho.”
Othetha ukuthi “Owenza izinto ezilungileyo,” isibizo awayehlonitshwa ngaso uSirayeli.
Okanye “kumhlaba onxaniweyo.”
Okanye “izembe elincinci.”
Okanye “kwindawo ekukhonzelwa kuyo.”
Okanye “kwisiqobo esomileyo.”
Okanye “ngabo bathetha izinto ezingekhoyo.”
Ngokoqobo, “ndikhulule imibhinqo ezinqeni zookumkani.”
Ngokoqobo, “Ndiza kukubhinqisa ndikuqinise.”
Okanye “ekuphumeni kwelanga ukuya kutsho ekutshoneni kwalo.”
Okanye “uphikisana.”
Okanye “naLowo Umenzileyo.”
Okanye “kuMenzi.”
Okanye kusenokwenzeka, “Okanye udongwe luthi: ‘Into oyenzileyo ayinamiqheba’?”
Okanye “Yintoni le ikwenza ube nenimba?”
Okanye kusenokwenzeka, “Abasebenzi baseYiputa.”
Okanye kusenokwenzeka, “noosomashishini baseTiyopiya naseShebha.”
Okanye kusenokwenzeka, “ungabi nanto.”
Ngokoqobo, “kwimbewu.”
Ngokoqobo, “imbewu.”
Oko kukuthi, izithixo ezithwelwe zizilwanyana.
Okanye “Injongo yam iza; Icebo lam liza.”
Okanye “empumalanga.“
Okanye “injongo yam; icebo lam.”
Ngokoqobo, “ezinamandla.”
Okanye kusenokwenzeka, “ibe andizukuba nabubele xa ndidibana nomntu.”
Okanye “uyiNkosikazi.”
Okanye “ndiyiNkosikazi.”
Okanye kusenokwenzeka, “Nakuba.”
Okanye “Ibe awuzukwazi ukuba ungayinqanda njani ngekhubalo.”
Okanye kusenokwenzeka, “Abo bahlula amazulu; Abo bavumisa ngeenkwenkwezi.”
Ngokoqobo, “ngamnye aye kwingingqi yakhe.”
Okanye kusenokwenzeka, “Nawe uyinzala kaYuda.”
Ngokoqobo, “zokuqala.”
Okanye “Ndikuhlole.” Okanye kusenokwenzeka, “Ndikukhethe.”
Okanye “Lowo ukufundisa ukuze kulungelwe kwawena.”
Ngokoqobo, “Imbewu.”
Ngokoqobo, “ndisesesibelekweni.”
Okanye “uYehova uza kundibuyekeza.”
Okanye “ipali eluphawu.”
Ngokoqobo, “ziza kubabeka esifubeni.”
Okanye “ulwimi oluqeqeshwe kakuhle.”
Okanye kusenokwenzeka, “yokomeleza.”
Ngokoqobo, “ngelizwi.”
Okanye “bazixhwithe iindevu.”
Okanye “onokulwa nam.”
Okanye “sizokuqubisana.”
Oko kukuthi, isinambuzane esitya impahla.
Okanye “athembele.”
Okanye “owanizala esiva inimba.”
Okanye “kumandla am.”
Okanye “abusoze butshatyalaliswe.”
Okanye “banomyalelo.”
Oko kukuthi, isinambuzane esitya impahla.
Ngokoqobo, “Luza kuba kwiintloko zabo.”
Okanye “walowo unirhangqileyo.”
Okanye “lowo ugobe ematsheyinini.”
Ngokoqobo, “kwiintloko zazo zonke izitrato.”
Okanye “oyisa.”
Okanye “abazukuba nanto yakhuthetha.”
Okanye kusenokwenzeka, “izinto esizivileyo?”
Ngokoqobo, “wayibona ingalo.”
Igama elithi “kwakhe” lisenokuthetha nabani na obukeleyo okanye uThixo.
Okanye “akukho nto ikhethekileyo ngaye esenza simfune.”
Okanye “owayeziqonda.”
Okanye kusenokwenzeka, “Wayengumntu abathi abantu xa bembona bajonge kude.”
Okanye “Wacinezelwa.”
Okanye “ngendlela yakhe yokuphila?”
Okanye “Wabethwa ngokufa.”
Okanye “Omnye wamnika ingcwaba lakhe.”
Ngokoqobo, “nendoda esisityebi.”
Okanye “wayengeyondlobongela.”
Okanye “Kodwa uYehova wayevuyiswa kukumtyumza.”
Ngokoqobo, “imbewu.”
Okanye “abantwana.”
Okanye “onenkosi.”
Okanye “nenkosi yakho.”
Okanye “ngamatye anombala obumlilorha.”
Okanye “abantwana.”
Okanye “abantwana.”
Ngokoqobo, “ukutya okunamafutha.”
Okanye “kumxolela nje lula.”
Okanye “kuyenza into endiyifunayo.”
Okanye “karhelejane.”
Okanye “kuza kumenzela igama.”
Okanye “ubulungisa.”
Oko kukuthi, ayafa.
Oko kukuthi, emangcwabeni abo.
Okanye “mandithuthuzelwe.”
Kusenokwenzeka ukuba kuthethwa ngokukhonza izithixo.
Okanye kusenokwenzeka, “kukumkani.”
Funda Ingcaciso Yamagama.
Ngokoqobo, “ungadinwa.”
Okanye “ndazifihla ezi zinto?”
Okanye “uhlala.”
Okanye “ndihlawulele.”
Okanye “ubulungisa.”
Ngokoqobo, “weentanda.”
Ngokoqobo, “uyalubuyisa unyawo lwakho ekwenzeni.”
Okanye “izinto ezithandwa nguwe.”
Okanye “kukwenza ulonwabele.”
Ngokoqobo, “ayinzimanga.”
Okanye “ngento engeyonyani.”
Okanye “ubulungisa bungafikeleli.”
Okanye “ubulungisa bubuyiselwe.”
Okanye “wamenza woyisa.”
Okanye “sisambatho esingenamikhono.”
Ngokoqobo, “wembewu yakho.”
Ngokoqobo, “wembewu yembewu yakho.”
Okanye “konyezi lwakho.”
Ngokoqobo, “kuwe.”
Okanye “indlu yam yobuhle.”
Okanye “emakrobeni awo?”
Okanye “ziza kuba njengasekuqaleni.”
Okanye “uza kukwenza mhle.”
Okanye “xa ndinenceba.”
Okanye “undithambisile.”
Okanye “ahombe.”
Okanye “ngozuko enilufumene.”
Okanye “ndiyabuthanda ubulungisa.”
Ngokoqobo, “Imbewu.”
Ngokoqobo, “bayimbewu.”
Okanye “ngesambatho esingenamikhono.”
Okanye “ipali eluphawu.”
Okanye kusenokwenzeka, “ezibomvu krwe.”
Okanye “uloyiso.”
Okanye “abangazukuba ngamaxoki.”
Okanye “ingelosi eyayivela kuye yabadibanisa.”
Okanye “anzulu.”
Okanye “entlango?”
Okanye “libe lihle.”
Okanye “lihle.”
Okanye “nobuhle.”
Ngokoqobo, “Ukukrukrutheka kwenyama yakho yangaphakathi.”
Okanye “usikhupha ezindleleni.”
Ngokoqobo, “usenza.”
Okanye “balinda ngomonde.”
Ngokoqobo, “sanyibilika.”
Ngokoqobo, “yamandla esiphoso.”
Okanye “senziwe Nguwe.”
Okanye “Itempile.”
Okanye “nentle.”
Okanye kusenokwenzeka, “ezilikhusi.”
Okanye “ezingcolileyo.”
Okanye kusenokwenzeka, “Ukuba ngcwele kwam ndiza kukudlulisela kuwe.”
Ngokoqobo, “intsikelelo.”
Ngokoqobo, “imbewu.”
Okanye “Nethafa LaseAkore.”
Okanye “wenyaniso.” Ngokoqobo, “Amen.”
Okanye “wenyaniso.” Ngokoqobo, “Amen.”
Okanye “iingxaki.”
Okanye kusenokwenzeka, “Ukungayigqibi iminyaka elikhulu kuza kubonwa njengesiqalekiso.”
Okanye “Ukusebenza kwabo nzima akuzukuba lilize.”
Okanye “nozixhalabisa ngelizwi lam.”
Okanye kusenokwenzeka, “unjengokhonza isithixo.”
Okanye “amandla.”
Oko kukuthi, imiyezo ekhethekileyo ekwakukhonzwa kuyo izithixo.
Ngokoqobo, “imbewu.”
Okanye “bandikhonze.”