-
Psalm 22:opskrif-31Nuwe Wêreld-vertaling van die Heilige Skrif
-
-
Vir die musiekleier, op die “Takbokooi van die dagbreek”. ’n Melodie van Dawid.
22 My God, my God, waarom het u my verlaat?+
Waarom is u ver daarvan om my te red,+
Ver van die woorde van my gebrul?+
2 O my God, bedags bly ek roep, en u antwoord nie;+
En snags, en daar is geen stilswye van my kant nie.+
4 Op u het ons vaders vertrou;+
Hulle het vertrou, en u het voortdurend aan hulle ontkoming verskaf.+
5 Tot u het hulle geroep,+ en hulle het veilig weggekom;+
Op u het hulle vertrou, en hulle het nie beskaamd gestaan nie.+
7 Wat almal betref wat my sien, hulle bespot my;+
Hulle bly hulle mond wyd oopmaak, hulle bly hulle kop skud:+
8 “Hy het hom aan Jehovah toevertrou.+ Laat Hy aan hom ontkoming verskaf!+
Laat hy hom verlos, aangesien hy behae in hom het!”+
9 Want u was die Een wat my uit die moederskoot uitgetrek het,+
Die Een wat my laat vertrou het terwyl ek aan die borste van my moeder gelê het.+
14 Soos water is ek uitgestort,+
En al my beendere is van mekaar geskei.+
My hart het soos was geword;+
Dit het gesmelt diep in my ingewande.+
15 My krag het verdroog net soos ’n erdeskerf,+
En my tong kleef aan my tandvleis;+
En in die stof van die dood lê u my neer.+
16 Want honde het my omsingel;+
Die vergadering van kwaaddoeners het my omsluit.+
Soos ’n leeu is hulle aan my hande en my voete.+
20 Verlos tog my siel van die swaard,+
My enigste uit die poot van die hond;+
21 Red my uit die bek van die leeu,+
En van die horings van wilde bulle moet u my antwoord en red.+
23 Julle wat Jehovah vrees, loof hom!+
Almal wat die saad van Jakob is, verheerlik hom!+
En vrees hom, julle almal wat die saad van Israel is.+
24 Want hy het die ellende van die geteisterde+
Nie verag+ of verafsku nie;
En hy het sy aangesig nie vir hom verberg nie,+
En wanneer hy tot hom om hulp geroep het, het hy gehoor.+
26 Die sagmoediges sal eet en versadig word;+
Dié wat Jehovah soek, sal hom loof.+
Mag julle hart vir ewig lewe.+
27 Al die eindes van die aarde sal daaraan dink en tot Jehovah terugkeer.+
En al die families van die nasies sal hulle voor u neerbuig.+
-
-
Jesaja 53:1-12Nuwe Wêreld-vertaling van die Heilige Skrif
-
-
53 Wie het geloof gestel in wat ons gehoor het?+ En wat die arm van Jehovah+ betref, aan wie is dit geopenbaar?+ 2 En hy sal soos ’n takkie+ voor iemand opkom, en soos ’n wortel uit ’n waterlose land. Hy het nie ’n statige gestalte of enige prag nie;+ en wanneer ons hom sal sien, is die voorkoms nie sodanig dat ons hom sou begeer nie.+
3 Hy is verag en deur die mense vermy,+ ’n man bestem vir pyn en om met siekte bekend te wees.+ En dit was asof sy gesig vir ons verberg is.+ Hy is verag, en ons het hom van geen belang geag nie.+ 4 Waarlik, ons siektes het hy gedra;+ en wat ons pyn betref, hy het dit op hom geneem.+ Maar ons het hom beskou as een wat met ’n plaag getref is,+ deur God geslaan+ en geteister+ is. 5 Maar hy is vir ons oortreding+ deurboor;+ hy is vir ons ongeregtighede verbrysel.+ Die tugtiging wat vir ons vrede bedoel was, was op hom,+ en weens sy wonde+ was daar vir ons genesing.+ 6 Soos skape het ons almal rondgedwaal;+ ons het elkeen sy eie weg ingeslaan; en Jehovah het ons almal se oortreding op hom laat neerkom.+ 7 Hy was onder groot druk,+ en hy het hom laat teister;+ tog het hy nie sy mond oopgemaak nie. Hy is net soos ’n skaap na die slagplek gelei;+ en soos ’n ooi wat voor haar skeerders stom geword het, het hy ook nie sy mond oopgemaak nie.+
8 Weens bedwang en strafgerig is hy weggeneem;+ en wie sal die besonderhede van sy geslag oordink?+ Want hy is uit die land van die lewendes+ afgesny.+ Weens die oortreding+ van my volk is hy die slag toegedien.+ 9 En hy sal sy graf by die goddeloses maak,+ en by die ryk klas in sy dood,+ ten spyte daarvan dat hy geen geweld gepleeg het+ en daar geen bedrog in sy mond was nie.+
10 Maar dit het Jehovah behaag om hom te verbrysel;+ hy het hom siek gemaak.+ As u sy siel ’n skuldoffer maak,+ sal hy sy nageslag sien,+ sal hy sy dae verleng+ en sal die welbehae+ van Jehovah in sy hand slaag.+ 11 Weens die moeite van sy siel sal hy sien;+ hy sal versadig word.+ Deur middel van sy kennis sal die regverdige, my kneg,+ baie in ’n regverdige posisie bring;+ en hulle oortredings sal hy dra.+ 12 Daarom sal ek hom ’n deel onder die menigte gee,+ en saam met die magtiges sal hy die buit verdeel,+ omdat hy sy siel in die dood uitgestort het+ en saam met die oortreders getel is;+ en hy het die sonde van baie gedra,+ en vir die oortreders het hy tussenbeide getree.+
-