എസ്ഥേർ

1 ഇന്ത്യ മുതൽ എത്യോപ്യ* വരെയുള്ള 127 സംസ്ഥാനങ്ങൾ+ ഭരിച്ച അഹശ്വേരശിന്റെ* ഭരണകാ​ലത്ത്‌, 2 അദ്ദേഹം ശൂശൻ*+ കോട്ടയിലുള്ള* രാജാ​സ​ന​ത്തിൽ ഇരിക്കു​മ്പോൾ, 3 തന്റെ ഭരണത്തി​ന്റെ മൂന്നാം വർഷം എല്ലാ പ്രഭു​ക്ക​ന്മാർക്കും ഭൃത്യ​ന്മാർക്കും വേണ്ടി ഗംഭീ​ര​മായ ഒരു വിരുന്ന്‌ ഒരുക്കി. പേർഷ്യയിലെയും+ മേദ്യയിലെയും+ സൈനി​ക​രും പ്രധാ​നി​ക​ളും സംസ്ഥാ​നപ്ര​ഭു​ക്ക​ന്മാ​രും രാജാ​വി​ന്റെ സന്നിധി​യി​ലു​ണ്ടാ​യി​രു​ന്നു. 4 രാജാവ്‌ തന്റെ മഹത്ത്വ​മാർന്ന രാജ്യ​ത്തി​ന്റെ സമ്പത്തും മഹിമ​യു​ടെ പ്രതാ​പ​വും പ്രൗഢി​യും 180 ദിവസം അവരുടെ മുന്നിൽ പ്രദർശി​പ്പി​ച്ചു. 5 അതു കഴിഞ്ഞ്‌ രാജാവ്‌ ശൂശൻ കോട്ട​യി​ലു​ണ്ടാ​യി​രുന്ന മഹാന്മാർമു​തൽ താഴേ​ക്കി​ട​യി​ലു​ള്ള​വർവരെ എല്ലാവർക്കും​വേണ്ടി രാജാ​വി​ന്റെ കൊട്ടാരോ​ദ്യാ​ന​ത്തി​ലെ അങ്കണത്തിൽ ഏഴു ദിവസം നീണ്ട ഗംഭീ​ര​മായ ഒരു വിരുന്ന്‌ ഒരുക്കി. 6 അവിടെ ലിനനും നേർത്ത പരുത്തി​ത്തു​ണി​യും നീല നിറത്തി​ലുള്ള തുണി​യും കൊണ്ടുള്ള തിരശ്ശീല, അതു ബന്ധിക്കുന്ന മേത്തരം തുണികൊ​ണ്ടു​ണ്ടാ​ക്കിയ കയർ, വെള്ളി​വ​ള​യ​ത്തിൽ പർപ്പിൾ നിറത്തി​ലുള്ള കമ്പിളി​നൂൽ, മാർബിൾത്തൂ​ണു​കൾ എന്നിവ​യു​ണ്ടാ​യി​രു​ന്നു. കൂടാതെ, മാർബിൾ, മുത്ത്‌, വർണക്കല്ല്‌, കറുത്ത മാർബിൾ എന്നിവ പതിച്ച തളത്തിൽ സ്വർണ​വും വെള്ളി​യും കൊണ്ടുള്ള മഞ്ചങ്ങളും ഉണ്ടായി​രു​ന്നു.

7 വീഞ്ഞു വിളമ്പി​യതു പൊൻപാ​ന​പാത്ര​ങ്ങ​ളി​ലാണ്‌.* ഓരോ പാനപാത്ര​വും വ്യത്യ​സ്‌ത​മാ​യി​രു​ന്നു. രാജാ​വി​ന്റെ നിലയ്‌ക്കു ചേരുന്ന വിധത്തിൽ ഇഷ്ടം​പോ​ലെ രാജകീ​യ​വീ​ഞ്ഞു​മു​ണ്ടാ​യി​രു​ന്നു. 8 കുടിക്കുന്ന കാര്യ​ത്തിൽ പ്രത്യേ​കിച്ച്‌ വ്യവസ്ഥയൊ​ന്നും വെക്കരു​തെന്നു കല്‌പ​ന​യു​ണ്ടാ​യി​രു​ന്നു. ഓരോ​രു​ത്ത​രും അവരവ​രു​ടെ ഇഷ്ടമനു​സ​രിച്ച്‌ ചെയ്യട്ടെ എന്നു രാജാവ്‌ കൊട്ടാരോദ്യോ​ഗ​സ്ഥ​ന്മാരോ​ടു പറഞ്ഞ്‌ ഏർപ്പാ​ടാ​ക്കി.

9 വസ്ഥി രാജ്ഞിയും+ അഹശ്വേ​ര​ശി​ന്റെ രാജഭവനത്തിൽ* സ്‌ത്രീ​കൾക്കുവേണ്ടി ഒരു ഗംഭീ​ര​വി​രു​ന്നു നടത്തി.

10 ഏഴാം ദിവസം അഹശ്വേ​രശ്‌ രാജാവ്‌ വീഞ്ഞു കുടിച്ച്‌ ആനന്ദി​ച്ചി​രി​ക്കുമ്പോൾ രാജസ​ന്നി​ധി​യിൽ ശുശ്രൂഷ ചെയ്‌തി​രുന്ന കൊട്ടാരോദ്യോ​ഗ​സ്ഥ​ന്മാ​രായ മെഹൂ​മാൻ, ബിസ്ഥ, ഹർബോന,+ ബിഗ്‌ധ, അബഗ്‌ത, സേഥർ, കർക്കസ്‌ എന്നീ ഏഴു പേരോ​ട്‌ 11 രാജകീയശിരോവസ്‌ത്രം* ധരിപ്പി​ച്ച്‌ വസ്ഥി രാജ്ഞിയെ തന്റെ മുമ്പാകെ കൊണ്ടു​വ​രാൻ രാജാവ്‌ കല്‌പി​ച്ചു; രാജ്ഞി അതിസു​ന്ദ​രി​യാ​യി​രു​ന്ന​തുകൊണ്ട്‌ ജനങ്ങ​ളെ​യും പ്രഭു​ക്ക​ന്മാരെ​യും രാജ്ഞി​യു​ടെ സൗന്ദര്യം കാണി​ക്കാൻ രാജാവ്‌ ആഗ്രഹി​ച്ചു. 12 പക്ഷേ എത്ര നിർബ​ന്ധി​ച്ചി​ട്ടും കൊട്ടാരോദ്യോ​ഗ​സ്ഥ​ന്മാർ മുഖേന അറിയിച്ച രാജക​ല്‌പ​ന​യ​നു​സ​രിച്ച്‌ അവിടെ ചെല്ലാൻ വസ്ഥി രാജ്ഞി കൂട്ടാ​ക്കി​യില്ല. അപ്പോൾ രാജാ​വി​നു നല്ല ദേഷ്യം വന്നു. രാജാ​വി​ന്റെ ഉള്ളിൽ രോഷം ആളിക്കത്തി.

13 അപ്പോൾ രാജാവ്‌ അവിടത്തെ കീഴ്‌വഴക്കങ്ങളെക്കുറിച്ച്‌* അറിവും ഗ്രാഹ്യ​വും ഉള്ള ജ്ഞാനി​കളോ​ടു സംസാ​രി​ച്ചു. (ഇത്തരത്തിൽ, നിയമ​ത്തി​ലും നീതി​ന്യാ​യ​വ്യ​വ​ഹാ​ര​ത്തി​ലും പാണ്ഡി​ത്യ​മുള്ള എല്ലാവ​രുടെ​യും മുന്നിൽ രാജാ​വി​ന്റെ കാര്യം അവതരി​പ്പി​ക്കുന്ന ഒരു രീതി​യു​ണ്ടാ​യി​രു​ന്നു; 14 രാജ്യത്ത്‌ ഏറ്റവും ഉന്നതമായ സ്ഥാനങ്ങൾ വഹിച്ചി​രു​ന്ന​വ​രും രാജസ​ന്നി​ധി​യിൽ ചെല്ലാൻ അനുവാ​ദ​മു​ണ്ടാ​യി​രു​ന്ന​വ​രും ആയിരു​ന്നു കെർശന, ശേഥാർ, അദ്‌മാഥ, തർശീശ്‌, മേരെസ്‌, മർസെന, മെമൂ​ഖാൻ എന്നിവർ. പേർഷ്യ​യിലെ​യും മേദ്യ​യിലെ​യും ഈ ഏഴു പ്രഭുക്കന്മാരായിരുന്നു+ രാജാ​വിനോട്‌ ഏറ്റവും അടുപ്പ​മു​ള്ളവർ.) 15 രാജാവ്‌ അവരോ​ടു ചോദി​ച്ചു: “കൊട്ടാരോദ്യോ​ഗ​സ്ഥ​ന്മാർ മുഖേന അറിയിച്ച അഹശ്വേ​രശ്‌ രാജാ​വി​ന്റെ കല്‌പന അനുസ​രി​ക്കാത്ത വസ്ഥി രാജ്ഞിയെ നിയമ​മ​നു​സ​രിച്ച്‌ എന്തു ചെയ്യണം?”

16 അപ്പോൾ രാജാ​വിന്റെ​യും പ്രഭു​ക്ക​ന്മാ​രുടെ​യും സന്നിധി​യിൽ മെമൂ​ഖാൻ പറഞ്ഞു: “വസ്ഥി രാജ്ഞി തെറ്റു ചെയ്‌തിരിക്കുന്നത്‌+ രാജാ​വിനോ​ടു മാത്രമല്ല, രാജാ​വി​ന്റെ സംസ്ഥാ​ന​ങ്ങ​ളിലെ​ങ്ങു​മുള്ള എല്ലാ പ്രഭു​ക്ക​ന്മാരോ​ടും ജനങ്ങ​ളോ​ടും ആണ്‌. 17 കാരണം, രാജ്ഞി ചെയ്‌തത്‌ എല്ലാ ഭാര്യ​മാ​രും അറിയും; അപ്പോൾ അവരും അവരുടെ ഭർത്താ​ക്ക​ന്മാ​രെ നിന്ദി​ക്കു​ക​യും ‘അഹശ്വേ​രശ്‌ രാജാവ്‌ വസ്ഥി രാജ്ഞിയെ തന്റെ മുമ്പാകെ കൊണ്ടു​വ​രാൻ കല്‌പി​ച്ചിട്ട്‌ രാജ്ഞി ചെന്നി​ല്ല​ല്ലോ’ എന്നു പറയു​ക​യും ചെയ്യും. 18 രാജ്ഞി ചെയ്‌ത​തിനെ​ക്കു​റിച്ച്‌ അറിയുന്ന പേർഷ്യ​യിലെ​യും മേദ്യ​യിലെ​യും പ്രഭു​പ​ത്‌നി​മാർ ഇന്നുതന്നെ രാജാ​വി​ന്റെ എല്ലാ പ്രഭു​ക്ക​ന്മാരോ​ടും അതു​പോ​ലെ പറയും; അത്‌ ഏറെ നിന്ദയും ധാർമി​കരോ​ഷ​വും ഉളവാ​ക്കും. 19 ഉചിതമെന്നു രാജാ​വി​നു തോന്നുന്നെ​ങ്കിൽ, വസ്ഥി മേലാൽ അഹശ്വേ​രശ്‌ രാജാ​വി​ന്റെ സന്നിധി​യിൽ വരരു​തെന്നു തിരു​മ​നസ്സ്‌ ഒരു കല്‌പന പുറ​പ്പെ​ടു​വിച്ച്‌ പേർഷ്യ​യുടെ​യും മേദ്യ​യുടെ​യും മാറ്റം വരുത്താ​നാ​കാത്ത നിയമ​ങ്ങ​ളിൽ അത്‌ എഴുതി​ക്കട്ടെ;+ രാജാവ്‌ വസ്ഥിയു​ടെ രാജ്ഞീ​പദം വസ്ഥി​യെ​ക്കാൾ ഉത്തമയായ മറ്റൊരു സ്‌ത്രീ​ക്കു കൊടു​ക്കട്ടെ. 20 ഈ രാജക​ല്‌പന അങ്ങയുടെ വിസ്‌തൃ​ത​മായ സാമ്രാ​ജ്യ​ത്തിലെ​ങ്ങും കേൾക്കു​മ്പോൾ എല്ലാ ഭാര്യ​മാ​രും വലിയ​വ​രോ ചെറി​യ​വ​രോ എന്ന വ്യത്യാ​സം കൂടാതെ തങ്ങളുടെ ഭർത്താ​ക്ക​ന്മാ​രെ ബഹുമാ​നി​ക്കും.”

21 ഈ അഭി​പ്രാ​യം രാജാ​വി​നും പ്രഭു​ക്ക​ന്മാർക്കും ഇഷ്ടമായി; മെമൂ​ഖാൻ പറഞ്ഞതുപോ​ലെ രാജാവ്‌ ചെയ്‌തു. 22 അതനുസരിച്ച്‌, രാജാവ്‌ തന്റെ എല്ലാ രാജകീ​യ​സം​സ്ഥാ​ന​ങ്ങ​ളിലേ​ക്കും കത്ത്‌ അയച്ചു.+ ഓരോ സംസ്ഥാ​ന​ത്തി​നും അതതിന്റെ ലിപിയിലും* ഓരോ ജനത്തി​നും അതതിന്റെ ഭാഷയി​ലും ആണ്‌ കത്ത്‌ അയച്ചത്‌. എല്ലാ ഭർത്താ​ക്ക​ന്മാ​രും സ്വന്തം വീട്ടിൽ യജമാ​ന​നാ​യി​രി​ക്കു​ക​യും സ്വന്തം ജനത്തിന്റെ ഭാഷ സംസാ​രി​ക്കു​ക​യും വേണ​മെന്ന്‌ ആ കത്തിൽ എഴുതി​യി​രു​ന്നു.

2 ഈ സംഭവ​ങ്ങൾക്കു ശേഷം അഹശ്വേ​രശ്‌ രാജാവിന്റെ+ ഉഗ്ര​കോ​പം അടങ്ങി​യപ്പോൾ രാജാവ്‌ വസ്ഥി ചെയ്‌തതിനെയും+ വസ്ഥി​ക്കെ​തി​രെ എടുത്ത തീരു​മാ​നത്തെ​യും കുറിച്ച്‌ ഓർത്തു.+ 2 അപ്പോൾ രാജാ​വി​ന്റെ അടുത്ത പരിചാ​രകർ പറഞ്ഞു: “രാജാ​വി​നുവേണ്ടി സുന്ദരി​ക​ളായ യുവക​ന്യ​ക​മാ​രെ അന്വേ​ഷി​ക്കണം. 3 ശൂശൻ* കോട്ടയിലെ* അന്തഃപുരത്തിലേക്കു* സുന്ദരി​ക​ളായ എല്ലാ യുവക​ന്യ​ക​മാരെ​യും കൊണ്ടു​വ​രു​ന്ന​തി​നു രാജാ​വി​ന്റെ സാമ്രാ​ജ്യ​ത്തി​ലുള്ള സംസ്ഥാ​ന​ങ്ങ​ളിലെ​ല്ലാം രാജാവ്‌ ഉദ്യോ​ഗ​സ്ഥരെ നിയമി​ച്ചാ​ലും.+ രാജാ​വി​ന്റെ ഷണ്ഡനും* സ്‌ത്രീ​ക​ളു​ടെ രക്ഷാധി​കാ​രി​യും ആയ ഹേഗായിയുടെ+ ചുമത​ല​യിൽ അവരെ ഏൽപ്പിച്ച്‌ അവർക്കു സൗന്ദര്യ​പ​രി​ച​രണം കൊടു​ക്കണം.* 4 രാജാവിന്‌ ഏറ്റവും ഇഷ്ടമാ​കുന്ന പെൺകു​ട്ടി വസ്ഥിക്കു പകരം രാജ്ഞി​യാ​യി​രി​ക്കട്ടെ.”+ ഈ നിർദേശം രാജാ​വി​നു ബോധി​ച്ചു; രാജാവ്‌ അങ്ങനെ​തന്നെ ചെയ്‌തു.

5 ശൂശൻ+ കോട്ട​യിൽ മൊർദെ​ഖാ​യി എന്നു പേരുള്ള ഒരു ജൂതനു​ണ്ടാ​യി​രു​ന്നു; മൊർദെഖായി+ ബന്യാമീൻഗോത്രക്കാരനായ+ കീശിന്റെ മകനായ ശിമെ​യി​യു​ടെ മകനായ യായീ​രി​ന്റെ മകനാ​യി​രു​ന്നു. 6 ബാബിലോണിലെ നെബൂ​ഖ​ദ്‌നേസർ രാജാവ്‌ യഹൂദാ​രാ​ജാ​വായ യഖൊന്യയുടെകൂടെ*+ യരുശലേ​മിൽനിന്ന്‌ ബന്ദിക​ളാ​യി പിടി​ച്ചുകൊ​ണ്ടുപോയ ജനത്തോടൊ​പ്പം മൊർദെ​ഖാ​യി​യു​മു​ണ്ടാ​യി​രു​ന്നു. 7 അദ്ദേഹം പിതൃ​സഹോ​ദ​രന്റെ മകളായ ഹദസ്സ* എന്ന എസ്ഥേറിന്റെ+ രക്ഷാകർത്താ​വാ​യി​രു​ന്നു. കാരണം എസ്ഥേറി​ന്‌ അപ്പനും അമ്മയും ഉണ്ടായി​രു​ന്നില്ല. അതിസു​ന്ദ​രി​യും ആകാര​ഭം​ഗി​യു​ള്ള​വ​ളും ആയിരു​ന്നു അവൾ; എസ്ഥേറി​ന്റെ അമ്മയപ്പ​ന്മാർ മരിച്ചതോ​ടെ മൊർദെ​ഖാ​യി അവളെ മകളായി സ്വീക​രി​ച്ച​താണ്‌. 8 രാജാവിന്റെ വാക്കും രാജാ​വി​ന്റെ നിയമ​വും പ്രസി​ദ്ധ​മാ​ക്കി ധാരാളം യുവതി​കളെ ശൂശൻ കോട്ട​യിൽ ഹേഗാ​യി​യു​ടെ ചുമത​ല​യിൽ ഏൽപ്പി​ക്കാൻ കൊണ്ടു​വന്നു.+ അക്കൂട്ട​ത്തിൽ എസ്ഥേറിനെ​യും രാജ​കൊ​ട്ടാ​ര​ത്തിലേക്കു കൊണ്ടു​ചെന്ന്‌ സ്‌ത്രീ​ക​ളു​ടെ രക്ഷാധി​കാ​രി​യായ ഹേഗാ​യി​യു​ടെ ചുമത​ല​യിൽ ഏൽപ്പിച്ചു.

9 ഹേഗായിക്ക്‌ ഈ പെൺകു​ട്ടി​യെ ഇഷ്ടമായി. അവൾ ഹേഗാ​യി​യു​ടെ പ്രീതി* നേടു​ക​യും ചെയ്‌തു. അതു​കൊണ്ട്‌ പെട്ടെ​ന്നു​തന്നെ ഹേഗായി അവളുടെ സൗന്ദര്യപരിചരണത്തിനും*+ പ്രത്യേ​ക​ഭ​ക്ഷ​ണ​ത്തി​നും വേണ്ട ഏർപ്പാ​ടു​കൾ ചെയ്‌തു. കൂടാതെ, രാജഗൃ​ഹ​ത്തിൽനിന്ന്‌ പ്രത്യേ​കം തിര​ഞ്ഞെ​ടുത്ത ഏഴു യുവതി​കളെ തോഴി​മാ​രാ​യി നിയമി​ച്ചു. എന്നിട്ട്‌, എസ്ഥേറിനെ​യും ആ യുവപ​രി​ചാ​രി​ക​മാരെ​യും അന്തഃപു​ര​ത്തി​ലെ ഏറ്റവും നല്ല സ്ഥലത്തേക്കു മാറ്റി. 10 എസ്ഥേർ സ്വന്തം ജനത്തെ​ക്കു​റി​ച്ചോ ബന്ധുക്കളെ​ക്കു​റി​ച്ചോ ഒന്നും വെളിപ്പെ​ടു​ത്തി​യില്ല;+ ഇക്കാര്യം ആരോ​ടും പറയരു​തെന്നു മൊർദെഖായി+ നിർദേ​ശി​ച്ചി​രു​ന്നു.+ 11 എസ്ഥേറിന്റെ ക്ഷേമം അറിയാ​നും എസ്ഥേറി​ന്‌ എന്തു സംഭവി​ക്കുന്നെന്നു മനസ്സി​ലാ​ക്കാ​നും വേണ്ടി മൊർദെ​ഖാ​യി ദിവസ​വും അന്തഃപു​ര​ത്തി​ന്റെ അങ്കണത്തി​നു മുന്നി​ലൂ​ടെ നടക്കു​മാ​യി​രു​ന്നു.

12 സ്‌ത്രീകൾക്കുവേണ്ടി നിർദേ​ശി​ച്ചി​രുന്ന 12 മാസത്തെ പരിച​രണം പൂർത്തി​യാ​യ​തി​നു ശേഷമാ​ണ്‌ ഓരോ പെൺകു​ട്ടി​ക്കും അഹശ്വേ​രശ്‌ രാജാ​വി​ന്റെ അടുത്ത്‌ ചെല്ലാൻ ഊഴം വന്നിരു​ന്നത്‌; കാരണം, ആറു മാസം മീറയെണ്ണയും+ ആറു മാസം സുഗന്ധതൈലവും*+ വ്യത്യ​സ്‌ത​തരം സൗന്ദര്യ​പ​രി​ച​ര​ണലേ​പ​നി​ക​ളും ഉപയോഗിച്ച്‌* അവർ സൗന്ദര്യ​പ​രി​ച​രണം നടത്തണ​മാ​യി​രു​ന്നു. 13 അതിനു ശേഷം, ഓരോ​രു​ത്തർക്കും രാജാ​വി​ന്റെ അടുത്ത്‌ ചെല്ലാ​നാ​കു​മാ​യി​രു​ന്നു. അന്തഃപു​ര​ത്തിൽനിന്ന്‌ രാജഗൃ​ഹ​ത്തിലേക്കു പോകുന്ന സമയത്ത്‌ ഓരോ പെൺകു​ട്ടി​യും ചോദി​ക്കു​ന്നതെ​ന്തും അവൾക്കു കൊടു​ക്കു​ക​യും ചെയ്‌തി​രു​ന്നു. 14 വൈകുന്നേരം അവൾ അകത്തേക്കു പോകും; രാവിലെ രാജാ​വി​ന്റെ ഷണ്ഡനും ഉപപത്‌നിമാരുടെ* രക്ഷാധി​കാ​രി​യും ആയ ശയസ്‌ഗസിന്റെ+ ചുമത​ല​യി​ലുള്ള രണ്ടാമത്തെ അന്തഃപു​ര​ത്തിലേക്കു മടങ്ങും. രാജാ​വിന്‌ ഏതെങ്കി​ലും പെൺകു​ട്ടിയോ​ടു പ്രത്യേ​ക​മായ ഒരു ഇഷ്ടം തോന്നി​യിട്ട്‌ അവളെ പേരെ​ടു​ത്തു​പ​റഞ്ഞ്‌ വിളി​പ്പി​ച്ചാ​ല​ല്ലാ​തെ അവൾ വീണ്ടും രാജാ​വി​ന്റെ അടുത്ത്‌ പോകി​ല്ലാ​യി​രു​ന്നു.+

15 മൊർദെഖായിയുടെ വളർത്തു​മ​ക​ളായ എസ്ഥേറി​ന്‌,+ അതായത്‌ അദ്ദേഹ​ത്തി​ന്റെ പിതൃ​സഹോ​ദ​ര​നായ അബീഹ​യി​ലി​ന്റെ മകൾക്ക്‌, രാജാ​വി​ന്റെ അടുത്ത്‌ പോകാൻ ഊഴം വന്നു. രാജാ​വി​ന്റെ ഷണ്ഡനും സ്‌ത്രീ​ക​ളു​ടെ രക്ഷാധി​കാ​രി​യും ആയ ഹേഗായി ശുപാർശ ചെയ്‌ത​ത​ല്ലാ​തെ മറ്റൊ​ന്നും എസ്ഥേർ ആവശ്യപ്പെ​ട്ടില്ല. (തന്നെ കാണു​ന്ന​വ​രുടെയെ​ല്ലാം പ്രീതി എസ്ഥേർ നേടിക്കൊ​ണ്ടി​രു​ന്നു.) 16 അഹശ്വേരശ്‌ രാജാ​വി​ന്റെ വാഴ്‌ച​യു​ടെ ഏഴാം വർഷം+ പത്താം മാസം, അതായത്‌ തേബത്ത്‌* മാസം, എസ്ഥേറി​നെ രാജ​കൊ​ട്ടാ​ര​ത്തിൽ രാജാ​വി​ന്റെ അടുത്ത്‌ കൊണ്ടുപോ​യി. 17 രാജാവിനു മറ്റെല്ലാ സ്‌ത്രീ​കളെ​ക്കാ​ളും എസ്ഥേറിനോ​ടു സ്‌നേഹം തോന്നി. എസ്ഥേർ മറ്റ്‌ ഏതൊരു കന്യകയെ​ക്കാ​ളും രാജാ​വി​ന്റെ പ്രീതി​യും അംഗീകാരവും* നേടി. അതു​കൊണ്ട്‌ രാജാവ്‌ എസ്ഥേറി​നെ രാജകീയശിരോവസ്‌ത്രം* അണിയി​ച്ച്‌ വസ്ഥിക്കു പകരം രാജ്ഞി​യാ​ക്കി.+ 18 എസ്ഥേറിന്റെ ബഹുമാ​നാർഥം രാജാവ്‌ സകല പ്രഭു​ക്ക​ന്മാർക്കും ഭൃത്യ​ന്മാർക്കും വേണ്ടി അതിഗം​ഭീ​ര​മായ ഒരു വിരുന്നു നടത്തി. പിന്നെ, രാജാവ്‌ സംസ്ഥാ​ന​ങ്ങൾക്ക്‌ ഒരു പൊതു​മാപ്പ്‌ പ്രഖ്യാ​പി​ച്ചു. രാജാ​വി​ന്റെ നിലയ്‌ക്കു ചേർന്ന വിധം ഉദാര​മാ​യി സമ്മാന​ങ്ങ​ളും കൊടു​ത്തു.

19 രണ്ടാം തവണ കന്യകമാരെ*+ കൊണ്ടു​വ​ന്നപ്പോൾ മൊർദെ​ഖാ​യി രാജ​കൊ​ട്ടാ​ര​ത്തി​ന്റെ കവാട​ത്തിൽ ഇരിക്കു​ക​യാ​യി​രു​ന്നു. 20 മൊർദെഖായി നിർദേ​ശി​ച്ച​തുപോലെ​തന്നെ എസ്ഥേർ സ്വന്തം ബന്ധുക്കളെ​യോ ജനത്തെ​യോ കുറിച്ച്‌ ഒന്നും വെളിപ്പെ​ടു​ത്തി​യില്ല;+ മൊർദെ​ഖാ​യി​യു​ടെ സംരക്ഷ​ണ​ത്തി​ലാ​യി​രുന്ന കാല​ത്തെ​ന്നപോ​ലെ എസ്ഥേർ തുടർന്നും മൊർദെ​ഖാ​യി പറയു​ന്നതെ​ല്ലാം ചെയ്‌തുപോ​ന്നു.+

21 അക്കാലത്ത്‌ മൊർദെ​ഖാ​യി രാജ​കൊ​ട്ടാ​ര​ത്തി​ന്റെ കവാട​ത്തിൽ ഇരിക്കു​മ്പോൾ കൊട്ടാ​ര​ത്തി​ലെ ഉദ്യോ​ഗ​സ്ഥ​ന്മാ​രും വാതിൽക്കാ​വൽക്കാ​രും ആയ ബിഗ്‌ധാ​നും തേരെ​ശും കുപി​ത​രാ​യി അഹശ്വേ​രശ്‌ രാജാ​വി​നെ വകവരുത്താൻ* ഗൂഢാലോ​ചന നടത്തി. 22 ഇക്കാര്യം അറിഞ്ഞ മൊർദെ​ഖാ​യി പെട്ടെ​ന്നു​തന്നെ വിവരം എസ്ഥേർ രാജ്ഞിയോ​ടു പറഞ്ഞു. എസ്ഥേറാ​കട്ടെ അക്കാര്യം മൊർദെ​ഖാ​യി​യു​ടെ പേരിൽ* രാജാ​വി​നെ അറിയി​ച്ചു. 23 അന്വേഷണം നടത്തി​യപ്പോൾ കാര്യം സത്യമാ​ണെന്നു തെളിഞ്ഞു. അവരെ രണ്ടു പേരെ​യും സ്‌തം​ഭ​ത്തിൽ തൂക്കി; ഇതെല്ലാം രാജസ​ന്നി​ധി​യിൽവെച്ച്‌ അക്കാലത്തെ ചരി​ത്ര​പു​സ്‌ത​ക​ത്തിൽ രേഖ​പ്പെ​ടു​ത്തിവെ​ക്കു​ക​യും ചെയ്‌തു.+

3 ഇതിനു ശേഷം അഹശ്വേ​രശ്‌ രാജാവ്‌ ആഗാഗ്യനായ+ ഹമ്മെദാ​ഥ​യു​ടെ മകൻ ഹാമാനു സ്ഥാനക്ക​യറ്റം കൊടുത്ത്‌+ ഒപ്പമു​ണ്ടാ​യി​രുന്ന പ്രഭുക്കന്മാരെക്കാളെല്ലാം+ ഉയർന്ന പദവി​യി​ലാ​ക്കി ഹാമാനെ മഹത്ത്വപ്പെ​ടു​ത്തി. 2 രാജകൊട്ടാരത്തിന്റെ കവാട​ത്തി​ലുള്ള എല്ലാ ഭൃത്യ​ന്മാ​രും ഹാമാനെ താണു​വ​ണങ്ങി സാഷ്ടാം​ഗം നമസ്‌ക​രി​ച്ചി​രു​ന്നു. കാരണം, അതു രാജക​ല്‌പ​ന​യാ​യി​രു​ന്നു. മൊർദെ​ഖാ​യി പക്ഷേ, വണങ്ങാ​നോ നമസ്‌ക​രി​ക്കാ​നോ തയ്യാറാ​യില്ല. 3 അതുകൊണ്ട്‌ രാജ​കൊ​ട്ടാ​ര​ത്തി​ന്റെ കവാട​ത്തി​ലുള്ള രാജഭൃ​ത്യർ മൊർദെ​ഖാ​യിയോട്‌ “താങ്കൾ എന്താ രാജക​ല്‌പന അനുസ​രി​ക്കാ​ത്തത്‌” എന്നു ചോദി​ച്ചു. 4 അവർ ദിവസ​ങ്ങളോ​ളം ചോദി​ച്ചി​ട്ടും മൊർദെ​ഖാ​യി അവർക്കു ശ്രദ്ധ​കൊ​ടു​ത്തില്ല. അപ്പോൾ അവർ ഹാമാ​നോ​ട്‌, മൊർദെ​ഖാ​യി​യു​ടെ ഈ പെരു​മാ​റ്റം വെച്ചുപൊ​റു​പ്പി​ക്കാ​വു​ന്ന​താ​ണോ എന്ന്‌ ഒന്ന്‌ ഉറപ്പി​ക്ക​ണമെന്നു പറഞ്ഞു.+ കാരണം, താൻ ഒരു ജൂതനാ​ണെന്നു മൊർദെ​ഖാ​യി അവരോ​ടു പറഞ്ഞി​രു​ന്നു.+

5 തന്നെ താണു​വ​ണങ്ങി സാഷ്ടാം​ഗം നമസ്‌ക​രി​ക്കാൻ മൊർദെ​ഖാ​യി കൂട്ടാ​ക്കു​ന്നില്ലെന്നു കണ്ടപ്പോൾ ഹാമാനു കടുത്ത ദേഷ്യം വന്നു.+ 6 പക്ഷേ, മൊർദെ​ഖാ​യി​യെ മാത്രം വകവരുത്തുന്നതു* തനിക്കു കുറച്ചി​ലാ​യി അയാൾക്കു തോന്നി. കാരണം, മൊർദെ​ഖാ​യി​യു​ടെ ജനത്തെ​ക്കു​റിച്ച്‌ അവർ അയാ​ളോ​ടു പറഞ്ഞി​രു​ന്നു. അങ്ങനെ, അഹശ്വേ​രശ്‌ രാജാ​വി​ന്റെ സാമ്രാ​ജ്യ​ത്തിലെ​ങ്ങു​മുള്ള എല്ലാ ജൂതന്മാരെ​യും, അതായത്‌ മൊർദെ​ഖാ​യി​യു​ടെ ജനത്തെ ഒന്നടങ്കം, കൊ​ന്നൊ​ടു​ക്കാൻ ഹാമാൻ ശ്രമം തുടങ്ങി.

7 അതിനുള്ള ദിവസ​വും മാസവും തീരു​മാ​നി​ക്കാൻ അവർ അഹശ്വേ​രശ്‌ രാജാ​വി​ന്റെ വാഴ്‌ച​യു​ടെ 12-ാം വർഷം,+ ഒന്നാം മാസമായ നീസാൻ* മാസം ഹാമാന്റെ മുമ്പാകെ പൂര്‌,+ അതായത്‌ നറുക്ക്‌, ഇട്ടു. 12-ാം മാസമായ ആദാറിനു*+ നറുക്കു വീണു. 8 അപ്പോൾ ഹാമാൻ അഹശ്വേ​രശ്‌ രാജാ​വിനോ​ടു പറഞ്ഞു: “അങ്ങയുടെ സാമ്രാ​ജ്യ​ത്തി​ലെ എല്ലാ സംസ്ഥാനങ്ങളിലുമുള്ള+ ജനങ്ങൾക്കി​ട​യിൽ അങ്ങിങ്ങാ​യി ചിതറി​ക്കി​ട​ക്കുന്ന ഒരു ജനമുണ്ട്‌.+ അവരുടെ നിയമങ്ങൾ മറ്റെല്ലാ​വ​രുടേ​തിൽനി​ന്നും വ്യത്യ​സ്‌ത​മാണ്‌. മാത്രമല്ല, രാജാ​വി​ന്റെ നിയമങ്ങൾ അവർ അനുസ​രി​ക്കു​ന്നു​മില്ല. അവരെ അങ്ങനെ വിടു​ന്നതു രാജാ​വി​നു നല്ലതല്ല. 9 തിരുമനസ്സിനു പ്രസാ​ദമെ​ങ്കിൽ അവരെ നശിപ്പി​ക്കാ​നുള്ള ഒരു കല്‌പന എഴുതി​യു​ണ്ടാ​ക്കി​യാ​ലും. രാജാ​വി​ന്റെ ഖജനാ​വിൽ നിക്ഷേ​പി​ക്കാൻ 10,000 താലന്തു* വെള്ളി ഞാൻ ഉദ്യോ​ഗ​സ്ഥ​ന്മാ​രു​ടെ കൈയിൽ ഏൽപ്പി​ക്കാം.”*

10 അപ്പോൾ രാജാവ്‌ സ്വന്തം മുദ്രമോതിരം+ ഊരി ആഗാഗ്യനായ+ ഹമ്മെദാ​ഥ​യു​ടെ മകനും ജൂതന്മാ​രു​ടെ ശത്രു​വും ആയ ഹാമാനു+ കൊടു​ത്തു. 11 രാജാവ്‌ ഹാമാനോ​ടു പറഞ്ഞു: “വെള്ളി​യും ജനവും, രണ്ടും ഞാൻ നിന്നെ ഏൽപ്പി​ക്കു​ന്നു. ഉചിത​മെന്നു തോന്നു​ന്നതു ചെയ്‌തുകൊ​ള്ളുക.” 12 അങ്ങനെ, ഒന്നാം മാസം 13-ാം ദിവസം രാജാ​വി​ന്റെ സെക്രട്ടറിമാരെ+ വിളി​ച്ചു​കൂ​ട്ടി. ഹാമാന്റെ ആജ്ഞക​ളെ​ല്ലാം അവർ രാജാ​വി​ന്റെ സംസ്ഥാ​നാ​ധി​പ​തി​മാർക്കും സംസ്ഥാ​ന​ങ്ങ​ളു​ടെ മേൽ അധികാ​ര​മുള്ള ഗവർണർമാർക്കും വ്യത്യ​സ്‌ത​ജ​ന​ങ്ങ​ളു​ടെ പ്രഭു​ക്ക​ന്മാർക്കും വേണ്ടി ഓരോ സംസ്ഥാ​ന​ത്തിന്‌ അതതിന്റെ ലിപിയിലും* ഓരോ ജനത്തിന്‌ അവരവ​രു​ടെ ഭാഷയി​ലും എഴുതി​യു​ണ്ടാ​ക്കി.+ ഇത്‌ അഹശ്വേ​രശ്‌ രാജാ​വി​ന്റെ നാമത്തിൽ എഴുതി രാജാ​വി​ന്റെ മുദ്രമോ​തി​രംകൊണ്ട്‌ മുദ്ര​വെച്ചു.+

13 യുവാക്കളെന്നോ പ്രായ​മാ​യ​വരെ​ന്നോ വ്യത്യാ​സ​മി​ല്ലാ​തെ കുട്ടി​ക​ളും സ്‌ത്രീ​ക​ളും ഉൾപ്പെടെ ജൂതന്മാ​രെ മുഴുവൻ 12-ാം മാസമായ ആദാർ+ മാസം 13-ാം തീയതി, ഒരൊറ്റ ദിവസം​കൊ​ണ്ട്‌ കൊന്നു​മു​ടിച്ച്‌ നിശ്ശേഷം നശിപ്പി​ക്കാ​നും അവരുടെ വസ്‌തു​വ​കകൾ കൈവ​ശപ്പെ​ടു​ത്താ​നും ആജ്ഞാപി​ച്ചുകൊണ്ട്‌ രാജാ​വി​ന്റെ എല്ലാ സംസ്ഥാ​ന​ങ്ങ​ളിലേ​ക്കും സന്ദേശ​വാ​ഹകർ മുഖേന കത്തുകൾ അയച്ചു.+ 14 ആ ദിവസ​ത്തി​നുവേണ്ടി ജനമെ​ല്ലാം ഒരുങ്ങാൻ പ്രസ്‌തുത രേഖയു​ടെ ഒരു പകർപ്പ്‌ ഓരോ സംസ്ഥാ​ന​ത്തി​ലും ഒരു നിയമ​മാ​യി കൊടു​ത്ത്‌ എല്ലാ ജനങ്ങളുടെ​യും ഇടയിൽ പ്രസി​ദ്ധ​മാ​ക്ക​ണ​മാ​യി​രു​ന്നു. 15 രാജകല്‌പനപ്രകാരം സന്ദേശ​വാ​ഹകർ തിടു​ക്ക​ത്തിൽ പോയി.+ ശൂശൻ*+ കോട്ടയിലും* ആ നിയമം പുറ​പ്പെ​ടു​വി​ച്ചു. പിന്നെ രാജാ​വും ഹാമാ​നും കുടി​ക്കാൻ ഇരുന്നു; പക്ഷേ ശൂശൻ നഗരം ആകെ പരി​ഭ്രാ​ന്തി​യി​ലാ​യി.

4 നടന്ന​തൊ​ക്കെ അറിഞ്ഞപ്പോൾ+ മൊർദെഖായി+ വസ്‌ത്രം വലിച്ചു​കീ​റി വിലാ​പ​വ​സ്‌ത്രം ധരിച്ച്‌, ദേഹത്തു ചാരം വാരി​യിട്ട്‌, അതിദുഃ​ഖത്തോ​ടെ പൊട്ടി​ക്ക​ര​ഞ്ഞുകൊണ്ട്‌ നഗരമ​ധ്യ​ത്തിലേക്കു ചെന്നു. 2 രാജകൊട്ടാരത്തിന്റെ കവാടം​വരെയേ മൊർദെ​ഖാ​യി ചെന്നുള്ളൂ; കാരണം വിലാ​പ​വ​സ്‌ത്രം ധരിച്ച്‌ ആരും രാജാ​വി​ന്റെ കവാട​ത്തി​നു​ള്ളിൽ പ്രവേ​ശി​ക്കാൻ പാടി​ല്ലാ​യി​രു​ന്നു. 3 രാജകല്‌പനയും തീരു​മാ​ന​വും എത്തി​ച്ചേർന്ന സംസ്ഥാനങ്ങളിലെല്ലാം+ ജൂതന്മാർ വലിയ സങ്കടത്തി​ലാ​യി; അവർ ഉപവസിച്ച്‌+ കരഞ്ഞ്‌ വിലപി​ച്ചു. പലരും വിലാ​പ​വ​സ്‌ത്രം വിരിച്ച്‌ അതിൽ ചാരം വാരി​യിട്ട്‌ കിടന്നു.+ 4 എസ്ഥേറിന്റെ പരിചാ​രി​ക​മാ​രും ഷണ്ഡന്മാരും* വന്ന്‌ ഇക്കാര്യം അറിയി​ച്ചപ്പോൾ രാജ്ഞി ആകെ ദുഃഖ​ത്തി​ലാ​യി. എസ്ഥേർ മൊർദെ​ഖാ​യിക്ക്‌, വിലാ​പ​വ​സ്‌ത്രം മാറ്റി പകരം ധരിക്കാ​നുള്ള വസ്‌ത്രങ്ങൾ കൊടു​ത്തു​വി​ട്ടു. പക്ഷേ മൊർദെ​ഖാ​യി അതു വാങ്ങി​യില്ല. 5 അപ്പോൾ എസ്ഥേർ, രാജാ​വി​ന്റെ ഷണ്ഡന്മാ​രിൽ ഒരാളും തന്റെ ശുശ്രൂ​ഷ​യ്‌ക്കുവേണ്ടി രാജാവ്‌ നിയമി​ച്ച​വ​നും ആയ ഹഥാക്കി​നെ വിളി​പ്പി​ച്ചു. ഇതി​ന്റെയൊ​ക്കെ അർഥ​മെന്തെ​ന്നും എന്താണു സംഭവി​ക്കു​ന്നതെ​ന്നും മൊർദെ​ഖാ​യിയോ​ടു ചോദി​ച്ച​റി​യാൻ എസ്ഥേർ അയാ​ളോ​ടു കല്‌പി​ച്ചു.

6 അങ്ങനെ ഹഥാക്ക്‌ രാജ​കൊ​ട്ടാ​ര​ത്തി​ന്റെ കവാട​ത്തി​നു മുന്നിൽ നഗരത്തി​ലെ പൊതുസ്ഥലത്ത്‌* മൊർദെ​ഖാ​യി​യു​ടെ അടുത്ത്‌ ചെന്നു. 7 തനിക്കു സംഭവിച്ച എല്ലാ കാര്യ​ങ്ങളെ​ക്കു​റി​ച്ചും ജൂതന്മാ​രെ കൊന്നുമുടിക്കുന്നതിനുവേണ്ടി+ രാജാ​വി​ന്റെ ഖജനാ​വിലേക്കു കൊടു​ക്കാമെന്നു ഹാമാൻ വാഗ്‌ദാ​നം ചെയ്‌ത കൃത്യ​മായ തുകയെക്കുറിച്ചും+ മൊർദെ​ഖാ​യി അയാ​ളോ​ടു പറഞ്ഞു. 8 ജൂതന്മാരെ ഇല്ലായ്‌മ ചെയ്യാൻ എഴുതി​യു​ണ്ടാ​ക്കി ശൂശനിൽ* പ്രസി​ദ്ധപ്പെ​ടു​ത്തിയ കല്‌പനയുടെ+ ഒരു പകർപ്പും മൊർദെ​ഖാ​യി അയാൾക്കു കൊടു​ത്തു. അത്‌ എസ്ഥേറി​നെ കാണിച്ച്‌ കാര്യങ്ങൾ വിശദീ​ക​രി​ക്കാൻ മൊർദെ​ഖാ​യി ഹഥാക്കി​നോ​ട്‌ ആവശ്യ​പ്പെട്ടു.+ രാജസ​ന്നി​ധി​യിൽ നേരിട്ട്‌ ചെന്ന്‌ പ്രീതി​ക്കാ​യി യാചി​ക്കാ​നും സ്വന്തം ജനത്തി​നുവേണ്ടി രാജാ​വിനോട്‌ അപേക്ഷി​ക്കാ​നും എസ്ഥേറിനോ​ടു പറയണമെ​ന്നും മൊർദെ​ഖാ​യി നിർദേ​ശി​ച്ചു.

9 ഹഥാക്ക്‌ ചെന്ന്‌ മൊർദെ​ഖാ​യി പറഞ്ഞത്‌ എസ്ഥേറി​നെ അറിയി​ച്ചു. 10 അപ്പോൾ, മൊർദെഖായിയോട്‌+ ഇങ്ങനെ പറയാൻ എസ്ഥേർ ഹഥാക്കിനോ​ടു പറഞ്ഞു: 11 “ക്ഷണിക്കപ്പെ​ടാ​തെ ഒരു പുരു​ഷ​നോ സ്‌ത്രീ​യോ രാജസ​ന്നി​ധി​യി​ലുള്ള അകത്തെ അങ്കണത്തിൽ പ്രവേ​ശി​ച്ചാൽ,+ നിയമം ഒന്നേ ഉള്ളൂ: അയാളെ വധിക്കണം; രാജാവ്‌ പൊൻചെ​ങ്കോൽ അയാളു​ടെ നേരെ നീട്ടി​യാൽ മാത്രമേ അയാൾ ജീവി​ച്ചി​രി​ക്കൂ.+ ഇക്കാര്യ​ങ്ങൾ രാജാ​വി​ന്റെ എല്ലാ ഭൃത്യ​ന്മാർക്കും രാജാ​വി​ന്റെ സംസ്ഥാ​ന​ങ്ങ​ളി​ലുള്ള ജനത്തി​നും അറിയാ​വു​ന്ന​താണ്‌. എന്നെയാണെ​ങ്കിൽ 30 ദിവസ​ത്തേക്കു രാജാ​വി​ന്റെ അടുത്ത്‌ ചെല്ലാൻ വിളി​ച്ചി​ട്ടു​മില്ല.”

12 എസ്ഥേറിന്റെ വാക്കുകൾ മൊർദെ​ഖാ​യി​യെ അറിയി​ച്ചപ്പോൾ 13 ഇങ്ങനെ മറുപടി പറയാൻ മൊർദെ​ഖാ​യി പറഞ്ഞു: “നീ രാജ​കൊ​ട്ടാ​ര​ത്തി​ലാ​യ​തുകൊണ്ട്‌ മറ്റെല്ലാ ജൂതന്മാരെ​ക്കാ​ളും സുരക്ഷി​ത​യാണെന്നു കരു​തേണ്ടാ. 14 നീ ഈ സമയത്ത്‌ മൗനം പാലി​ച്ചാൽ ജൂതന്മാർക്ക്‌ ആശ്വാ​സ​വും മോച​ന​വും മറ്റൊരു ഉറവിൽനി​ന്ന്‌ വരും.+ പക്ഷേ നീയും നിന്റെ പിതൃഭവനവും* നശിക്കും. ആർക്കറി​യാം, ഈ രാജ്ഞീ​പ​ദ​ത്തിലേക്കു നീ വന്നതു​തന്നെ ഇങ്ങനെയൊ​രു സമയത്തി​നുവേ​ണ്ടി​യാണെ​ങ്കി​ലോ?”+

15 അപ്പോൾ മൊർദെ​ഖാ​യിയോട്‌ ഇങ്ങനെ മറുപടി പറയാൻ എസ്ഥേർ പറഞ്ഞു: 16 “പോയി ശൂശനി​ലുള്ള എല്ലാ ജൂതന്മാരെ​യും കൂട്ടി​വ​രു​ത്തി എനിക്കു​വേണ്ടി ഉപവസി​ക്കുക.+ മൂന്നു ദിവസം+ രാവും പകലും തിന്നു​ക​യോ കുടി​ക്കു​ക​യോ അരുത്‌. ഞാനും എന്റെ പരിചാ​രി​ക​മാ​രുടെ​കൂ​ടെ ഉപവസി​ക്കും. നിയമ​വി​രു​ദ്ധ​മാണെ​ങ്കി​ലും ഞാൻ രാജാ​വി​ന്റെ അടുത്ത്‌ ചെല്ലും. ഞാൻ നശിക്കുന്നെ​ങ്കിൽ നശിക്കട്ടെ.” 17 അങ്ങനെ മൊർദെ​ഖാ​യി പോയി എസ്ഥേർ നിർദേ​ശി​ച്ച​തുപോലെയെ​ല്ലാം ചെയ്‌തു.

5 മൂന്നാം ദിവസം+ എസ്ഥേർ രാജകീ​യ​വ​സ്‌ത്രം അണിഞ്ഞ്‌ കൊട്ടാ​ര​ത്തി​ന്റെ അകത്തെ അങ്കണത്തിൽ, രാജഗൃ​ഹ​ത്തി​നു നേരെ​യാ​യി വന്ന്‌ നിന്നു. രാജാവ്‌ അപ്പോൾ അവിടെ തന്റെ സിംഹാ​സ​ന​ത്തിൽ വാതി​ലിന്‌ അഭിമു​ഖ​മാ​യി ഇരിക്കു​ക​യാ​യി​രു​ന്നു. 2 എസ്ഥേർ രാജ്ഞി അങ്കണത്തിൽ നിൽക്കു​ന്നതു കണ്ടപ്പോൾ രാജാ​വി​നു രാജ്ഞിയോ​ടു പ്രീതി തോന്നി കൈയി​ലെ പൊൻചെ​ങ്കോൽ രാജ്ഞി​യു​ടെ നേരെ നീട്ടി.+ അപ്പോൾ എസ്ഥേർ അടുത്ത്‌ ചെന്ന്‌ ചെങ്കോ​ലി​ന്റെ അഗ്രത്തിൽ തൊട്ടു.

3 രാജാവ്‌ ചോദി​ച്ചു: “എസ്ഥേർ രാജ്ഞീ, എന്താണു കാര്യം? എന്താണു നിന്റെ അപേക്ഷ? രാജ്യ​ത്തി​ന്റെ പകുതി​യാ​യാ​ലും അതു നിനക്കു തന്നിരി​ക്കും!” 4 അപ്പോൾ എസ്ഥേർ, “രാജാ​വി​നു പ്രസാ​ദമെ​ങ്കിൽ, അങ്ങയ്‌ക്കാ​യി ഞാൻ ഒരുക്കിയ വിരു​ന്നിന്‌ ഇന്നു രാജാ​വും ഹാമാനും+ വന്നാലും” എന്നു പറഞ്ഞു. 5 അപ്പോൾ രാജാവ്‌ ആളുക​ളോ​ട്‌, “എസ്ഥേറി​ന്റെ അഭ്യർഥ​നപോ​ലെ ഹാമാ​നോ​ട്‌ ഉടൻ വരാൻ പറയൂ” എന്നു കല്‌പി​ച്ചു. അങ്ങനെ എസ്ഥേർ ഒരുക്കിയ വിരു​ന്നി​നു രാജാ​വും ഹാമാ​നും പോയി.

6 വീഞ്ഞുസത്‌കാരവേളയിൽ രാജാവ്‌ എസ്ഥേറിനോ​ടു ചോദി​ച്ചു: “എന്താണു നിന്റെ അപേക്ഷ? അതു നിനക്കു കിട്ടി​യി​രി​ക്കും! എന്താണു നിന്റെ അഭ്യർഥന? രാജ്യ​ത്തി​ന്റെ പകുതി​യാ​യാ​ലും അതു തന്നിരി​ക്കും!”+ 7 അപ്പോൾ എസ്ഥേർ പറഞ്ഞു: “എന്റെ അപേക്ഷ​യും അഭ്യർഥ​ന​യും ഇതാണ്‌: 8 രാജാവിന്‌ എന്നോടു പ്രീതി തോന്നുന്നെ​ങ്കിൽ, എന്റെ അപേക്ഷ​യും അഭ്യർഥ​ന​യും സാധി​ച്ചു​ത​രാൻ തിരു​വു​ള്ളമെ​ങ്കിൽ, നാളെ ഞാൻ രാജാ​വി​നും ഹാമാ​നും വേണ്ടി ഒരുക്കുന്ന വിരു​ന്നി​നു വന്നാലും. അപ്പോൾ എന്റെ ആഗ്രഹം ഞാൻ രാജാ​വിനോ​ടു പറഞ്ഞുകൊ​ള്ളാം.”

9 ഹാമാനു സന്തോ​ഷ​മാ​യി. ഹൃദയാ​ന​ന്ദത്തോ​ടെ അയാൾ അവി​ടെ​നിന്ന്‌ പോയി. പോകുന്ന വഴി അയാൾ രാജ​കൊ​ട്ടാ​ര​ത്തി​ന്റെ കവാട​ത്തിൽ ഇരിക്കുന്ന മൊർദെ​ഖാ​യി​യെ കണ്ടു. പക്ഷേ, മൊർദെ​ഖാ​യി തന്നെ കണ്ടിട്ടും എഴു​ന്നേൽക്കു​ക​യോ പേടി​ച്ചു​വി​റ​യ്‌ക്കു​ക​യോ ചെയ്യാ​ത്ത​തുകൊണ്ട്‌ ഹാമാനു കടുത്ത കോപം തോന്നി.+ 10 എങ്കിലും സ്വയം നിയ​ന്ത്രിച്ച്‌ അയാൾ വീട്ടി​ലേക്കു പോയി. പിന്നെ ഹാമാൻ സ്‌നേ​ഹി​തരെ​യും ഭാര്യ സേരെശിനെയും+ വിളി​പ്പി​ച്ചു. 11 ഹാമാൻ തന്റെ ധനമാ​ഹാ​ത്മ്യത്തെ​യും പുത്രസമ്പത്തിനെയും+ കുറി​ച്ചും രാജാവ്‌ തനിക്കു സ്ഥാനക്ക​യറ്റം തന്ന്‌ രാജാ​വി​ന്റെ പ്രഭു​ക്ക​ന്മാരെ​ക്കാ​ളും ദാസന്മാരെ​ക്കാ​ളും ഉയർത്തിയതിനെക്കുറിച്ചും+ വീമ്പി​ളക്കി.

12 ഹാമാൻ ഇങ്ങനെ​യും പറഞ്ഞു: “അതു മാത്രമല്ല, എസ്ഥേർ രാജ്ഞി ഒരുക്കിയ വിരു​ന്നി​നു രാജാ​വിനോടൊ​പ്പം ചെല്ലാൻ എന്നെയ​ല്ലാ​തെ മറ്റാ​രെ​യും രാജ്ഞി ക്ഷണിച്ചില്ല.+ രാജാ​വിനോ​ടും രാജ്ഞിയോ​ടും ഒപ്പമാ​യി​രി​ക്കാൻ നാളെ​യും എനിക്കു ക്ഷണമുണ്ട്‌.+ 13 പക്ഷേ, ജൂതനായ ആ മൊർദെ​ഖാ​യി രാജ​കൊ​ട്ടാ​ര​ത്തി​ന്റെ കവാട​ത്തിൽ ഇരിക്കു​ന്നതു കാണു​ന്നി​ടത്തോ​ളം ഇതൊ​ന്നും എന്നെ സന്തോ​ഷി​പ്പി​ക്കില്ല.” 14 അതു കേട്ട്‌, ഭാര്യ സേരെ​ശും ഹാമാന്റെ സ്‌നേ​ഹി​ത​രും അയാ​ളോ​ടു പറഞ്ഞു: “50 മുഴം* ഉയരമുള്ള ഒരു സ്‌തംഭം നാട്ടുക. എന്നിട്ട്‌, മൊർദെ​ഖാ​യി​യെ അതിൽ തൂക്കണ​മെന്നു രാവിലെ രാജാ​വിനോ​ടു പറയണം.+ പിന്നെ രാജാ​വിനോടൊ​പ്പം വിരു​ന്നി​നു പോയി സന്തോ​ഷി​ച്ചുകൊ​ള്ളൂ.” ഈ നിർദേശം ഹാമാന്‌ ഇഷ്ടപ്പെട്ടു. അയാൾ സ്‌തംഭം നാട്ടി.

6 അന്നു രാത്രി രാജാ​വിന്‌ ഉറക്കം വന്നില്ല. അതു​കൊണ്ട്‌, അക്കാലത്തെ ചരിത്രപുസ്‌തകം+ കൊണ്ടു​വ​രാൻ രാജാവ്‌ കല്‌പി​ച്ചു; അതു രാജാ​വി​നെ വായി​ച്ചുകേൾപ്പി​ച്ചു. 2 അഹശ്വേരശ്‌ രാജാ​വി​നെ വകവരുത്താൻ* ബിഗ്‌ധാ​നും തേരെ​ശും ഗൂഢാലോ​ചന നടത്തി​യ​തിനെ​ക്കു​റിച്ച്‌ മൊർദെ​ഖാ​യി അറിയിച്ച കാര്യം അതിൽ രേഖ​പ്പെ​ടു​ത്തി​യി​രി​ക്കു​ന്നതു രാജാ​വി​ന്റെ ശ്രദ്ധയിൽപ്പെട്ടു. ഇവർ രണ്ടു പേരും രാജാ​വി​ന്റെ വാതിൽക്കാ​വൽക്കാ​രായ കൊട്ടാരോദ്യോ​ഗ​സ്ഥ​ന്മാ​രാ​യി​രു​ന്നു.+ 3 അപ്പോൾ രാജാവ്‌, “ഇതിനു മൊർദെ​ഖാ​യിക്ക്‌ എന്തു ബഹുമ​തി​യും അംഗീ​കാ​ര​വും ആണ്‌ കൊടു​ത്തത്‌” എന്നു ചോദി​ച്ചു. രാജാ​വി​ന്റെ അടുത്ത പരിചാ​രകർ, “ഒന്നും ചെയ്‌തി​ട്ടില്ല” എന്നു പറഞ്ഞു.

4 പിന്നീടു രാജാവ്‌, “ആരാണ്‌ അങ്കണത്തിൽ” എന്നു ചോദി​ച്ചു. ഹാമാൻ അപ്പോൾ, താൻ ഒരുക്കിയ സ്‌തം​ഭ​ത്തിൽ മൊർദെ​ഖാ​യി​യെ തൂക്കുന്നതിനെക്കുറിച്ച്‌+ രാജാ​വിനോ​ടു സംസാ​രി​ക്കാൻ രാജ​കൊ​ട്ടാ​ര​ത്തി​ന്റെ പുറത്തെ അങ്കണത്തിൽ+ വന്ന്‌ നിൽപ്പു​ണ്ടാ​യി​രു​ന്നു. 5 അപ്പോൾ രാജാ​വി​ന്റെ പരിചാ​രകർ, “ഹാമാനാണ്‌+ അങ്കണത്തിൽ നിൽക്കു​ന്നത്‌” എന്നു പറഞ്ഞു. അപ്പോൾ രാജാവ്‌, “അയാൾ അകത്ത്‌ വരട്ടെ” എന്നു കല്‌പി​ച്ചു.

6 ഹാമാൻ അകത്ത്‌ വന്നപ്പോൾ രാജാവ്‌ ഹാമാ​നോ​ട്‌, “രാജാവ്‌ ബഹുമാ​നി​ക്കാൻ ആഗ്രഹി​ക്കുന്ന വ്യക്തിക്ക്‌ എന്താണു ചെയ്‌തുകൊ​ടുക്കേ​ണ്ടത്‌” എന്നു ചോദി​ച്ചു. അപ്പോൾ ഹാമാൻ മനസ്സിൽ പറഞ്ഞു: “എന്നെയ​ല്ലാ​തെ മറ്റാ​രെ​യാ​ണു രാജാവ്‌ ബഹുമാ​നി​ക്കുക?”+ 7 അതുകൊണ്ട്‌ ഹാമാൻ രാജാ​വിനോ​ടു പറഞ്ഞു: “രാജാവ്‌ ബഹുമാ​നി​ക്കാൻ ആഗ്രഹി​ക്കുന്ന വ്യക്തി​ക്കുവേണ്ടി 8 രാജാവ്‌ ധരിക്കുന്ന രാജകീയവസ്‌ത്രം+ കൊണ്ടു​വ​രട്ടെ. കൂടാതെ, രാജാവ്‌ സവാരി​ക്ക്‌ ഉപയോ​ഗി​ക്കുന്ന, തലയിൽ രാജകീ​യ​ശിരോ​വ​സ്‌ത്രം അണിഞ്ഞ ഒരു കുതി​ര​യും വേണം. 9 പിന്നെ ആ വസ്‌ത്ര​വും കുതി​ര​യും രാജാ​വി​ന്റെ ശ്രേഷ്‌ഠപ്ര​ഭു​ക്ക​ന്മാ​രിൽ ഒരുവന്റെ ചുമത​ല​യിൽ ഏൽപ്പി​ക്കുക. രാജാവ്‌ ബഹുമാ​നി​ക്കാൻ ആഗ്രഹി​ക്കുന്ന വ്യക്തിയെ അവർ ആ വസ്‌ത്രം അണിയി​ക്കു​ക​യും നഗരത്തി​ലെ പൊതുസ്ഥലത്തുകൂടി* കുതി​ര​പ്പു​റത്ത്‌ എഴുന്ന​ള്ളിച്ച്‌ ‘രാജാവ്‌ ബഹുമാ​നി​ക്കാൻ ആഗ്രഹി​ക്കുന്ന വ്യക്തി​യു​ടെ കാര്യ​ത്തിൽ ഇങ്ങനെ ചെയ്യും!’ എന്ന്‌ ആ വ്യക്തി​യു​ടെ മുന്നിൽ വിളി​ച്ചു​പ​റ​യു​ക​യും വേണം.”+ 10 ഉടൻതന്നെ രാജാവ്‌ ഹാമാനോ​ടു പറഞ്ഞു: “വേഗം പോയി വസ്‌ത്ര​വും കുതി​ര​യും കൊണ്ടു​വന്ന്‌ നീ ഇപ്പോൾ പറഞ്ഞതുപോലെയെ​ല്ലാം രാജ​കൊ​ട്ടാ​ര​ത്തി​ന്റെ കവാട​ത്തിൽ ഇരിക്കുന്ന ജൂതനായ മൊർദെ​ഖാ​യി​ക്കു ചെയ്‌തുകൊ​ടു​ക്കുക. നീ പറഞ്ഞതിൽ ഒന്നും വിട്ടു​ക​ള​യ​രുത്‌.”

11 അങ്ങനെ ഹാമാൻ രാജവ​സ്‌ത്ര​വും കുതി​ര​യും ആയി വന്നു. എന്നിട്ട്‌ മൊർദെഖായിയെ+ ആ വസ്‌ത്രം അണിയി​ച്ച്‌, “രാജാവ്‌ ബഹുമാ​നി​ക്കാൻ ആഗ്രഹി​ക്കുന്ന വ്യക്തി​യു​ടെ കാര്യ​ത്തിൽ ഇങ്ങനെ ചെയ്യും!” എന്നു മൊർദെ​ഖാ​യി​ക്കു മുന്നിൽ വിളി​ച്ചു​പ​റ​ഞ്ഞുകൊണ്ട്‌ നഗരത്തി​ലെ പൊതു​സ്ഥ​ല​ത്തു​കൂ​ടി കുതി​ര​പ്പു​റത്ത്‌ എഴുന്ന​ള്ളി​ച്ചു. 12 അതിനു ശേഷം, മൊർദെ​ഖാ​യി രാജ​കൊ​ട്ടാ​ര​ത്തി​ന്റെ കവാട​ത്തിലേക്കു മടങ്ങി. പക്ഷേ ഹാമാൻ തല മൂടി​ക്കൊ​ണ്ട്‌ ദുഃഖത്തോ​ടെ തിടു​ക്ക​ത്തിൽ വീട്ടി​ലേക്കു പോയി. 13 തനിക്കു സംഭവി​ച്ചതെ​ല്ലാം ഹാമാൻ ഭാര്യ സേരെശിനോടും+ എല്ലാ സ്‌നേ​ഹി​തരോ​ടും വിവരി​ച്ചപ്പോൾ അയാളു​ടെ ഉപദേ​ഷ്ടാ​ക്ക​ളും ഭാര്യ സേരെ​ശും അയാ​ളോ​ടു പറഞ്ഞു: “ഇപ്പോൾ മൊർദെ​ഖാ​യി​യു​ടെ മുന്നിൽ നിങ്ങൾ തോൽക്കാൻതു​ട​ങ്ങി​യി​രി​ക്കു​ന്നു. മൊർദെ​ഖാ​യി ഒരു ജൂതനാ​ണോ, എങ്കിൽ അയാളെ വെല്ലാൻ കഴിയില്ല. നിങ്ങൾ അയാളു​ടെ മുന്നിൽ തോറ്റുപോ​കുമെന്ന്‌ ഉറപ്പാണ്‌.”

14 അവർ ഹാമാനോ​ടു സംസാ​രി​ച്ചുകൊ​ണ്ടി​രി​ക്കുമ്പോൾത്തന്നെ രാജാ​വി​ന്റെ കൊട്ടാരോദ്യോ​ഗ​സ്ഥ​ന്മാർ വന്ന്‌ എസ്ഥേർ ഒരുക്കിയ വിരു​ന്നി​നു ഹാമാനെ തിടു​ക്ക​ത്തിൽ കൂട്ടിക്കൊ​ണ്ടുപോ​യി.+

7 അങ്ങനെ, രാജാ​വും ഹാമാനും+ എസ്ഥേർ രാജ്ഞി ഒരുക്കിയ വിരു​ന്നി​നു ചെന്നു. 2 രണ്ടാം ദിവസത്തെ വീഞ്ഞു​സ​ത്‌കാ​രവേ​ള​യിൽ രാജാവ്‌ വീണ്ടും എസ്ഥേറിനോ​ടു ചോദി​ച്ചു: “എസ്ഥേർ രാജ്ഞീ, എന്താണു നിന്റെ അപേക്ഷ? അതു നിനക്കു കിട്ടി​യി​രി​ക്കും! എന്താണു നിന്റെ അഭ്യർഥന? രാജ്യ​ത്തി​ന്റെ പകുതി​യാ​യാ​ലും അതു തന്നിരി​ക്കും!”+ 3 അപ്പോൾ എസ്ഥേർ രാജ്ഞി പറഞ്ഞു: “രാജാ​വിന്‌ എന്നോടു പ്രീതി തോന്നുന്നെ​ങ്കിൽ, അങ്ങയ്‌ക്കു തിരു​വു​ള്ളമെ​ങ്കിൽ, എന്റെ ജീവൻ രക്ഷി​ക്കേ​ണമേ എന്നാണ്‌ എന്റെ അപേക്ഷ. എന്റെ ജനത്തെ+ രക്ഷിക്ക​ണമെ​ന്നാണ്‌ എന്റെ അഭ്യർഥന. 4 കാരണം ഞങ്ങളെ, അതായത്‌ എന്നെയും എന്റെ ജനത്തെ​യും, കൊന്നു​മു​ടിച്ച്‌ നിശ്ശേഷം സംഹരിക്കാൻ+ വിറ്റു​ക​ള​ഞ്ഞി​രി​ക്കു​ന്ന​ല്ലോ.+ ഞങ്ങളെ വെറും അടിമ​ക​ളാ​യി വിറ്റി​രുന്നെ​ങ്കിൽപ്പോ​ലും ഞാൻ മൗനം പാലി​ക്കു​മാ​യി​രു​ന്നു. പക്ഷേ ഈ വിപത്ത്‌ രാജാ​വി​നു ദോഷം ചെയ്യും. അതു​കൊ​ണ്ടു​തന്നെ ഇതു സംഭവി​ച്ചു​കൂ​ടാ.”

5 അപ്പോൾ അഹശ്വേ​രശ്‌ രാജാവ്‌ എസ്ഥേർ രാജ്ഞിയോ​ടു ചോദി​ച്ചു: “ആരാണ്‌ അയാൾ? ഇങ്ങനെയൊ​രു കാര്യം ചെയ്യാൻ ധൈര്യപ്പെ​ട്ടവൻ എവിടെ?” 6 അപ്പോൾ എസ്ഥേർ, “ആ എതിരാ​ളി​യും ശത്രു​വും ദുഷ്ടനായ ഈ ഹാമാ​നാണ്‌” എന്നു പറഞ്ഞു.

രാജാ​വിന്റെ​യും രാജ്ഞി​യുടെ​യും മുന്നിൽ ഹാമാൻ പേടി​ച്ചു​വി​റച്ചു. 7 രാജാവാകട്ടെ ഉഗ്ര​കോ​പത്തോ​ടെ എഴു​ന്നേറ്റ്‌ വീഞ്ഞു​സ​ത്‌കാ​ര​ശാ​ല​യിൽനിന്ന്‌ കൊട്ടാരോ​ദ്യാ​ന​ത്തിലേക്കു പോയി. പക്ഷേ, രാജാവ്‌ ഉറപ്പാ​യും തന്നെ ശിക്ഷി​ക്കുമെന്നു മനസ്സി​ലാ​ക്കിയ ഹാമാൻ ജീവനു​വേണ്ടി എസ്ഥേറിനോ​ടു യാചി​ക്കാൻ അവി​ടെ​നിന്ന്‌ എഴു​ന്നേറ്റു. 8 കൊട്ടാരോദ്യാനത്തിൽനിന്ന്‌ വീഞ്ഞു​സ​ത്‌കാ​ര​ശാ​ല​യിലേക്കു മടങ്ങിവന്ന രാജാവ്‌ കണ്ടതു ഹാമാൻ എസ്ഥേറിനോ​ടു യാചി​ച്ചുകൊണ്ട്‌ എസ്ഥേർ ഇരിക്കുന്ന മഞ്ചത്തി​ലേക്കു വീണു​കി​ട​ക്കു​ന്ന​താണ്‌. അപ്പോൾ രാജാവ്‌, “എന്റെ സ്വന്തം ഭവനത്തിൽവെച്ച്‌ ഇവൻ രാജ്ഞിയെ ബലാത്സം​ഗം ചെയ്യാ​നും നോക്കു​ന്നോ” എന്ന്‌ ആക്രോ​ശി​ച്ചു. രാജാ​വി​ന്റെ വായിൽനി​ന്ന്‌ ഈ വാക്കുകൾ പുറപ്പെട്ട ഉടനെ അവർ ഹാമാന്റെ മുഖം മൂടി. 9 രാജാവിന്റെ കൊട്ടാരോദ്യോ​ഗ​സ്ഥ​ന്മാ​രിൽ ഒരാളായ ഹർബോന+ അപ്പോൾ പറഞ്ഞു: “രാജാ​വി​ന്റെ ജീവൻ രക്ഷിച്ച+ മൊർദെഖായിയെ+ തൂക്കാൻവേണ്ടി ഹാമാൻ ഉണ്ടാക്കിയ 50 മുഴം* ഉയരമുള്ള ഒരു സ്‌തംഭം അയാളു​ടെ വീട്ടിൽ നിൽപ്പു​ണ്ട്‌.” അപ്പോൾ രാജാവ്‌, “അയാളെ അതിൽ തൂക്കൂ” എന്നു പറഞ്ഞു. 10 അങ്ങനെ അവർ ഹാമാനെ, അയാൾ മൊർദെ​ഖാ​യി​ക്കുവേണ്ടി ഒരുക്കിയ സ്‌തം​ഭ​ത്തിൽത്തന്നെ തൂക്കി. അതോടെ രാജാ​വി​ന്റെ ഉഗ്ര​കോ​പം അടങ്ങി.

8 അന്ന്‌ അഹശ്വേ​രശ്‌ രാജാവ്‌ ജൂതന്മാ​രു​ടെ ശത്രു​വായ ഹാമാന്റെ+ വസ്‌തുവകകളെല്ലാം+ എസ്ഥേർ രാജ്ഞിക്കു കൊടു​ത്തു. മൊർദെ​ഖാ​യി​യു​മാ​യി തനിക്കുള്ള ബന്ധം+ എസ്ഥേർ വെളിപ്പെ​ടു​ത്തി​യ​തുകൊണ്ട്‌ മൊർദെ​ഖാ​യി രാജസ​ന്നി​ധി​യിൽ വന്നു. 2 രാജാവ്‌ ഹാമാന്റെ പക്കൽനി​ന്ന്‌ തിരിച്ചെ​ടുത്ത മുദ്രമോതിരം+ ഊരി മൊർദെ​ഖാ​യി​ക്കു കൊടു​ത്തു. എസ്ഥേർ ഹാമാന്റെ വസ്‌തു​വ​ക​ക​ളു​ടെ ചുമതല മൊർദെ​ഖാ​യി​യെ ഏൽപ്പിച്ചു.+

3 എസ്ഥേർ വീണ്ടും രാജാ​വിനോ​ടു സംസാ​രി​ച്ചു. എസ്ഥേർ രാജാ​വി​ന്റെ കാൽക്കൽ വീണ്‌, ആഗാഗ്യ​നായ ഹാമാൻ വരുത്തി​വെച്ച ദ്രോ​ഹ​വും ജൂതന്മാർക്കെ​തിരെ​യുള്ള അയാളു​ടെ ഗൂഢതന്ത്രവും+ നിഷ്‌ഫ​ല​മാ​ക്കാൻ കരഞ്ഞ​പേ​ക്ഷി​ച്ചു. 4 രാജാവ്‌ പൊൻചെ​ങ്കോൽ എസ്ഥേറി​നു നേരെ നീട്ടി.+ എസ്ഥേർ എഴു​ന്നേറ്റ്‌ രാജാ​വി​ന്റെ മുന്നിൽ നിന്നു. 5 എസ്ഥേർ പറഞ്ഞു: “രാജാ​വി​നു തിരു​വു​ള്ളമെ​ങ്കിൽ, അങ്ങയ്‌ക്ക്‌ എന്നോടു പ്രീതി തോന്നുന്നെ​ങ്കിൽ, അങ്ങയ്‌ക്ക്‌ ഉചിത​മെന്നു തോന്നുന്നെ​ങ്കിൽ, തൃക്കണ്ണിൽ ഞാൻ പ്രിയയെ​ങ്കിൽ, രാജാ​വി​ന്റെ സംസ്ഥാ​ന​ങ്ങ​ളിലെ​ല്ലാ​മുള്ള ജൂതന്മാ​രെ കൊന്നു​ക​ള​യാൻ ഗൂഢാലോ​ചന നടത്തിയ ആഗാഗ്യനായ+ ഹമ്മെദാ​ഥ​യു​ടെ മകൻ ഹാമാൻ തയ്യാറാ​ക്കിയ രേഖകൾ+ അസാധു​വാ​ക്കാൻ ഒരു കല്‌പന എഴുതി​യു​ണ്ടാ​ക്കി​യാ​ലും. 6 എന്റെ ജനത്തിനു വരുന്ന ആപത്തു ഞാൻ എങ്ങനെ കണ്ടുനിൽക്കും? എന്റെ ബന്ധുക്ക​ളു​ടെ നാശം ഞാൻ എങ്ങനെ സഹിക്കും?”

7 അപ്പോൾ അഹശ്വേ​രശ്‌ രാജാവ്‌ എസ്ഥേർ രാജ്ഞിയോ​ടും ജൂതനായ മൊർദെ​ഖാ​യിയോ​ടും പറഞ്ഞു: “ഹാമാൻ ജൂതന്മാ​രെ ആക്രമി​ക്കാൻ ഗൂഢാലോ​ചന നടത്തിയതുകൊണ്ട്‌* ഞാൻ അയാളു​ടെ വസ്‌തു​വ​കകൾ എസ്ഥേറി​നു കൊടു​ത്തു.+ ഞാൻ അയാളെ സ്‌തം​ഭ​ത്തിൽ തൂക്കു​ക​യും ചെയ്‌തു.+ 8 ഇപ്പോൾ, ശരി​യെന്നു നിങ്ങൾക്കു തോന്നു​ന്നതെ​ന്തും രാജാ​വി​ന്റെ പേരിൽ ജൂതന്മാർക്കു​വേണ്ടി എഴുതി​യു​ണ്ടാ​ക്കി രാജാ​വി​ന്റെ മുദ്രമോ​തി​രംകൊണ്ട്‌ മുദ്ര​യി​ട്ടുകൊ​ള്ളുക. രാജനാ​മ​ത്തിൽ എഴുതി രാജ​മോ​തി​രംകൊണ്ട്‌ മുദ്ര​യിട്ട കല്‌പന പിൻവ​ലി​ക്കാ​നാ​കി​ല്ല​ല്ലോ.”+

9 അങ്ങനെ അന്ന്‌, അതായത്‌ മൂന്നാം മാസമായ സീവാൻ* മാസം 23-ാം തീയതി, രാജാ​വി​ന്റെ സെക്ര​ട്ട​റി​മാ​രെ വിളി​പ്പി​ച്ചു. അവർ മൊർദെ​ഖാ​യി കല്‌പി​ച്ചതെ​ല്ലാം ജൂതന്മാർക്കും അതു​പോ​ലെ സംസ്ഥാനാധിപതിമാർക്കും+ ഗവർണർമാർക്കും ഇന്ത്യ മുതൽ എത്യോ​പ്യ വരെയുള്ള 127 സംസ്ഥാ​ന​ങ്ങ​ളി​ലെ പ്രഭുക്കന്മാർക്കും+ വേണ്ടി എഴുതി​യു​ണ്ടാ​ക്കി. ഓരോ സംസ്ഥാ​ന​ത്തി​നും അതതിന്റെ ലിപിയിലും* ഓരോ ജനതയ്‌ക്കും അവരവ​രു​ടെ ഭാഷയി​ലും ജൂതന്മാർക്ക്‌ അവരുടെ സ്വന്തം ലിപി​യി​ലും ഭാഷയി​ലും ആണ്‌ എഴുതി​യത്‌.

10 മൊർദെഖായി അത്‌ അഹശ്വേ​രശ്‌ രാജാ​വി​ന്റെ പേരിൽ എഴുതി​യു​ണ്ടാ​ക്കി രാജാ​വി​ന്റെ മുദ്രമോതിരംകൊണ്ട്‌+ മുദ്ര​വെച്ചു; എന്നിട്ട്‌, സന്ദേശ​വാ​ഹ​ക​രു​ടെ കൈവശം ഈ ലിഖി​തങ്ങൾ കൊടു​ത്തു​വി​ട്ടു. രാജാ​വി​ന്റെ ആവശ്യ​ങ്ങൾക്കാ​യി വളർത്തുന്ന അതിവേഗ തപാൽക്കു​തി​ര​ക​ളു​ടെ പുറത്താ​ണ്‌ അവർ പോയത്‌. 11 ഈ ലിഖി​തങ്ങൾ മുഖേന, എല്ലാ നഗരങ്ങ​ളി​ലു​മുള്ള ജൂതന്മാർക്ക്‌ ഒന്നിച്ചു​കൂ​ടി സ്വയര​ക്ഷ​യ്‌ക്കുവേണ്ടി പൊരു​താ​നും അവരെ ആക്രമി​ക്കാൻ ഏതൊരു സംസ്ഥാ​ന​ത്തു​നി​ന്നോ ജനതയിൽനി​ന്നോ സേനകൾ വന്നാലും അവരെ, സ്‌ത്രീ​കളെ​യും കുട്ടി​കളെ​യും ഉൾപ്പെടെ, കൊന്നു​മു​ടിച്ച്‌ നിശ്ശേഷം സംഹരി​ക്കാ​നും അവരുടെ വസ്‌തു​വ​കകൾ കൈവ​ശപ്പെ​ടു​ത്താ​നും രാജാവ്‌ അനുമതി കൊടു​ത്തു.+ 12 ഇത്‌ അഹശ്വേ​രശ്‌ രാജാ​വി​ന്റെ എല്ലാ സംസ്ഥാ​ന​ങ്ങ​ളി​ലും ഒരേ ദിവസം, അതായത്‌ 12-ാം മാസമായ ആദാർ* മാസം 13-ാം തീയതി​തന്നെ, നടക്കേ​ണ്ട​താ​യി​രു​ന്നു.+ 13 ലിഖിതത്തിൽ എഴുതിയിരിക്കുന്നതു* സംസ്ഥാ​ന​ങ്ങ​ളിലെ​ല്ലാം അങ്ങോ​ള​മിങ്ങോ​ളം നിയമ​മാ​യി കൊടു​ക്ക​ണ​മാ​യി​രു​ന്നു. ജൂതന്മാർ അന്നേ ദിവസം തങ്ങളുടെ ശത്രു​ക്കളോ​ടു പ്രതി​കാ​രം ചെയ്യാൻവേണ്ടി ഒരുങ്ങി​യി​രി​ക്കാൻ ഇത്‌ എല്ലാ ജനതകളോ​ടും പ്രസി​ദ്ധ​മാ​ക്ക​ണ​മാ​യി​രു​ന്നു.+ 14 രാജാവിന്റെ ആവശ്യ​ങ്ങൾക്കാ​യുള്ള തപാൽക്കു​തി​ര​ക​ളു​ടെ പുറത്ത്‌ സന്ദേശ​വാ​ഹകർ രാജാ​വി​ന്റെ കല്‌പ​ന​യ​നു​സ​രിച്ച്‌ അടിയ​ന്തി​ര​തയോ​ടെ അതി​വേഗം പോയി. ശൂശൻ*+ കോട്ടയിലും* ഈ നിയമം പുറ​പ്പെ​ടു​വി​ച്ചു.

15 മൊർദെഖായിയോ നീലയും വെള്ളയും നിറമുള്ള രാജകീയവസ്‌ത്രവും+ വിശി​ഷ്ട​മായ പൊൻകി​രീ​ട​വും പർപ്പിൾ നിറത്തി​ലുള്ള മേത്തരം കമ്പിളി​നൂ​ലുകൊ​ണ്ടുള്ള മേലങ്കി​യും അണിഞ്ഞ്‌ രാജസ​ന്നി​ധി​യിൽനിന്ന്‌ പോയി. ശൂശൻ നഗരത്തിലെ​ങ്ങും സന്തോ​ഷാ​രവം മുഴങ്ങി. 16 ജൂതന്മാർക്ക്‌ ആശ്വാസവും* ആഹ്ലാദ​വും ആനന്ദവും ഉണ്ടായി, ബഹുമാ​ന​വും കിട്ടി. 17 രാജാവിന്റെ കല്‌പ​ന​യും നിയമ​വും എത്തിയ എല്ലാ സംസ്ഥാ​ന​ങ്ങ​ളി​ലും നഗരങ്ങ​ളി​ലും ജൂതന്മാർ ആഹ്ലാദി​ക്കു​ക​യും ആനന്ദി​ക്കു​ക​യും ചെയ്‌തു. അവർക്ക്‌ അത്‌ ഗംഭീ​ര​വി​രു​ന്നിന്റെ​യും ആഘോ​ഷ​ത്തിന്റെ​യും അവസര​മാ​യി​രു​ന്നു. ജൂതന്മാരെ​ക്കു​റി​ച്ചുള്ള പേടി കാരണം സാമ്രാ​ജ്യ​ത്തിൽ എല്ലായി​ട​ത്തു​മുള്ള അനേകർ ജൂതന്മാ​രാ​യി​ത്തീർന്നു.+

9 12-ാം മാസമായ ആദാർ* മാസം+ 13-ാം തീയതി​യാ​യി​രു​ന്നു രാജാ​വി​ന്റെ വാക്കും നിയമ​വും നടപ്പി​ലാക്കേ​ണ്ടി​യി​രു​ന്നത്‌.+ അന്നു ജൂതന്മാ​രെ കീഴട​ക്കാൻ അവരുടെ ശത്രുക്കൾ പ്രതീ​ക്ഷയോ​ടെ കാത്തി​രി​ക്കു​ക​യാ​യി​രു​ന്നു. പക്ഷേ, അതിനു നേർവി​പ​രീ​ത​മാണ്‌ അന്നു സംഭവി​ച്ചത്‌. അവരെ വെറു​ത്തി​രു​ന്ന​വരെ ജൂതന്മാർ അന്നു തോൽപ്പി​ച്ചു.+ 2 അഹശ്വേരശ്‌ രാജാവിന്റെ+ എല്ലാ സംസ്ഥാ​ന​ങ്ങ​ളി​ലു​മുള്ള ജൂതന്മാർ, അവരെ ഉപദ്ര​വി​ക്കാൻ വരുന്ന​വരെ ആക്രമി​ക്കാൻ അവരവ​രു​ടെ നഗരങ്ങ​ളിൽ ഒന്നിച്ചു​കൂ​ടി. എല്ലാ ജനതകൾക്കും ജൂതന്മാ​രെ പേടി​യാ​യി​രു​ന്ന​തുകൊണ്ട്‌ അവരെ എതിർക്കാൻ ഒരാൾക്കുപോ​ലും കഴിഞ്ഞില്ല.+ 3 സംസ്ഥാനാധിപതിമാരും+ ഗവർണർമാ​രും രാജാ​വി​ന്റെ കാര്യാ​ദി​കൾ നോക്കി​ന​ട​ത്തു​ന്ന​വ​രും സംസ്ഥാ​ന​ങ്ങ​ളി​ലെ എല്ലാ പ്രഭു​ക്ക​ന്മാ​രും മൊർദെ​ഖാ​യി​യെ ഭയപ്പെ​ട്ടി​രു​ന്ന​തുകൊണ്ട്‌ ജൂതന്മാ​രെ പിന്തു​ണച്ചു. 4 മൊർദെഖായി രാജ​കൊ​ട്ടാ​ര​ത്തിൽ ഏറെ അധികാ​ര​മു​ള്ള​വ​നാ​യി​ത്തീർന്നി​രു​ന്നു.+ മൊർദെ​ഖാ​യി കൂടു​തൽക്കൂ​ടു​തൽ ശക്തനാ​യി​ത്തീർന്ന​തുകൊണ്ട്‌ സംസ്ഥാ​ന​ങ്ങ​ളിലെ​ങ്ങും മൊർദെ​ഖാ​യി​യു​ടെ പ്രശസ്‌തി പരന്നു.

5 ജൂതന്മാർ തങ്ങളുടെ ശത്രു​ക്കളെയെ​ല്ലാം വാളു​കൊ​ണ്ട്‌ കൊന്നു​മു​ടി​ച്ചു. തങ്ങളെ വെറു​ക്കു​ന്ന​വരോട്‌ അവർ തോന്നി​യ​തുപോലെയെ​ല്ലാം ചെയ്‌തു.+ 6 ശൂശൻ*+ കോട്ടയിൽ* ജൂതന്മാർ 500 പേരെ കൊന്നു. 7 കൂടാതെ അവർ, ജൂതന്മാ​രു​ടെ ശത്രു​വും ഹമ്മെദാ​ഥ​യു​ടെ മകനും ആയ ഹാമാന്റെ+ പത്ത്‌ ആൺമക്കളെ​യും കൊന്നു. അവരുടെ പേരുകൾ: പർശൻദാഥ, ദൽഫോൻ, അസ്‌പാഥ, 8 പോറാഥ, അദല്യ, അരിദാഥ, 9 പർമസ്ഥ, അരീസാ​യി, അരീദാ​യി, വയെസാഥ. 10 പക്ഷേ ഇവരെ കൊന്ന​ത​ല്ലാ​തെ അവർ ഒന്നും കൊള്ള​യ​ടി​ച്ചില്ല.+

11 അന്നു ശൂശൻ കോട്ട​യിൽ കൊല്ലപ്പെ​ട്ട​വ​രു​ടെ എണ്ണം രാജാ​വി​നെ അറിയി​ച്ചു.

12 രാജാവ്‌ എസ്ഥേർ രാജ്ഞിയോ​ടു പറഞ്ഞു: “ശൂശൻ കോട്ട​യിൽ ജൂതന്മാർ 500 പേരെ​യും ഹാമാന്റെ പത്ത്‌ ആൺമക്കളെ​യും കൊന്നു. ആ സ്ഥിതിക്ക്‌ രാജാ​വി​ന്റെ മറ്റു സംസ്ഥാ​ന​ങ്ങ​ളിൽ അവർ എന്തു ചെയ്‌തി​രി​ക്കും?+ ഇനി എന്താണു നിന്റെ അപേക്ഷ? അതു നിനക്കു നടത്തി​ത്ത​രും. ഇനി നിന്റെ അഭ്യർഥന എന്താണ്‌? അതു ഞാൻ സാധി​ച്ചു​ത​രും.” 13 അപ്പോൾ എസ്ഥേർ പറഞ്ഞു: “രാജാ​വി​നു തിരു​വു​ള്ളമെ​ങ്കിൽ,+ ശൂശനി​ലുള്ള ജൂതന്മാർക്ക്‌ ഇന്നത്തെ നിയമമനുസരിച്ചുതന്നെ+ നാളെ​യും പ്രവർത്തി​ക്കാൻ അനുവാ​ദം തന്നാലും. ഹാമാന്റെ പത്ത്‌ ആൺമക്കളെ സ്‌തം​ഭ​ത്തിൽ തൂക്കു​ക​യും ചെയ്യേ​ണമേ.”+ 14 അങ്ങനെ ചെയ്യാൻ രാജാവ്‌ കല്‌പന കൊടു​ത്തു. ശൂശനിൽ ഒരു നിയമം പുറ​പ്പെ​ടു​വി​ക്കു​ക​യും ഹാമാന്റെ പത്ത്‌ ആൺമക്കളെ തൂക്കു​ക​യും ചെയ്‌തു.

15 ശൂശനിലുള്ള ജൂതന്മാർ ആദാർ മാസം 14-ാം തീയതി+ വീണ്ടും ഒന്നിച്ചു​കൂ​ടി ശൂശനിൽ 300 പേരെ കൊന്നു. പക്ഷേ അവർ ഒന്നും കൊള്ള​യ​ടി​ച്ചില്ല.

16 രാജാവിന്റെ സംസ്ഥാ​ന​ങ്ങ​ളി​ലെ ബാക്കി ജൂതന്മാ​രും ഒന്നിച്ചു​കൂ​ടി സ്വയര​ക്ഷ​യ്‌ക്കുവേണ്ടി പോരാ​ടി.+ തങ്ങളെ വെറു​ത്തി​രു​ന്ന​വ​രിൽ 75,000 പേരെ കൊന്ന്‌ അവർ തങ്ങളുടെ ശത്രു​ക്കളെ ഇല്ലായ്‌മ ചെയ്‌തു.+ പക്ഷേ അവർ ഒന്നും കൊള്ള​യ​ടി​ച്ചില്ല. 17 ഇതു സംഭവി​ച്ചത്‌ ആദാർ മാസം 13-ാം തീയതി​യാ​യി​രു​ന്നു. 14-ാം തീയതി അവർ വിശ്ര​മി​ച്ചു. അവർക്ക്‌ അതു വിരു​ന്നിന്റെ​യും ആഹ്ലാദ​ത്തിന്റെ​യും ദിവസ​മാ​യി​രു​ന്നു.

18 ശൂശനിലുള്ള ജൂതന്മാർ 13-ാം തീയതിയും+ 14-ാം തീയതിയും+ ഒന്നിച്ചു​കൂ​ടി. 15-ാം തീയതി അവർ വിശ്ര​മി​ച്ചു. അവർക്ക്‌ അതു വിരു​ന്നിന്റെ​യും ആഹ്ലാദ​ത്തിന്റെ​യും ദിവസ​മാ​യി​രു​ന്നു. 19 ദൂരെയുള്ള ജില്ലക​ളിൽ താമസി​ക്കുന്ന ജൂതന്മാർ ആദാർ മാസം 14-ാം തീയതി ആഹ്ലാദ​ത്തിന്റെ​യും വിരു​ന്നിന്റെ​യും ദിവസ​മാ​യി ആഘോഷിച്ചതും+ പരസ്‌പരം ഭക്ഷണത്തി​ന്റെ ഓഹരി കൊടു​ത്ത​യ​യ്‌ക്കാ​നുള്ള അവസര​മാ​യി കണ്ടതും അതു​കൊ​ണ്ടാണ്‌.+

20 മൊർദെഖായി+ ഈ സംഭവങ്ങൾ രേഖ​പ്പെ​ടു​ത്തു​ക​യും അഹശ്വേ​രശ്‌ രാജാ​വി​ന്റെ, അടുത്തും അകലെ​യും ഉള്ള എല്ലാ സംസ്ഥാ​ന​ങ്ങ​ളിലെ​യും ജൂതന്മാർക്കെ​ല്ലാം ഔദ്യോ​ഗി​ക​ക​ത്തു​കൾ അയയ്‌ക്കു​ക​യും ചെയ്‌തു. 21 ആദാർ മാസം 14-ാം തീയതി​യും 15-ാം തീയതി​യും വർഷംതോ​റും ആചരി​ക്കാൻ മൊർദെ​ഖാ​യി അവർക്കു നിർദേശം കൊടു​ത്തു. 22 കാരണം, ആ ദിവസ​ങ്ങ​ളി​ലാ​ണു ജൂതന്മാർ തങ്ങളുടെ ശത്രു​ക്ക​ളിൽനിന്ന്‌ മോചനം നേടി​യത്‌. ആ മാസം അവരുടെ വ്യസനം+ ആഹ്ലാദ​ത്തി​നും അവരുടെ ദുഃഖം ആഘോ​ഷ​ത്തി​നും വഴിമാ​റി. അവർ അതു വിരു​ന്നിന്റെ​യും ആഹ്ലാദ​ത്തിന്റെ​യും ദിവസ​ങ്ങ​ളാ​യി, പരസ്‌പരം ഭക്ഷണം കൊടു​ത്ത​യ​യ്‌ക്കാ​നും ദരി​ദ്രർക്കു സമ്മാനങ്ങൾ കൊടു​ക്കാ​നും ഉള്ള ദിനങ്ങ​ളാ​യി, ആചരി​ക്ക​ണ​മാ​യി​രു​ന്നു.

23 അങ്ങനെ അവർ ആരംഭിച്ച ഈ ആഘോഷം വർഷംതോ​റും നടത്താ​നും മൊർദെ​ഖാ​യി അവർക്ക്‌ എഴുതി​യ​തുപോ​ലെ ചെയ്യാ​നും ജൂതന്മാർ സമ്മതിച്ചു. 24 കാരണം, ആഗാഗ്യനായ+ ഹമ്മെദാ​ഥ​യു​ടെ മകനും ജൂതന്മാ​രുടെയെ​ല്ലാം ശത്രു​വും ആയ ഹാമാൻ+ ജൂതന്മാ​രെ കൊല്ലാൻ പദ്ധതി മനയുകയും+ അവരെ പരി​ഭ്രാ​ന്ത​രാ​ക്കാ​നും ഇല്ലാതാ​ക്കാ​നും പൂര്‌,+ അതായത്‌ നറുക്ക്‌, ഇടുക​യും ചെയ്‌തി​രു​ന്നു. 25 എന്നാൽ എസ്ഥേർ രാജസ​ന്നി​ധി​യിലെ​ത്തി​യപ്പോൾ രാജാവ്‌ ഈ കല്‌പന എഴുതി​ച്ചു:+ “ജൂതന്മാർക്കെ​തിരെ​യുള്ള ഹാമാന്റെ കുടി​ല​പ​ദ്ധതി,+ തിരിച്ച്‌ അയാളു​ടെ തലയിൽത്തന്നെ വരട്ടെ.” അങ്ങനെ അവർ ഹാമാനെ​യും അയാളു​ടെ ആൺമക്കളെ​യും സ്‌തം​ഭ​ത്തിൽ തൂക്കി.+ 26 പൂര്‌*+ എന്ന വാക്കിൽനി​ന്നാണ്‌ ആ ദിവസ​ങ്ങൾക്കു പൂരീം എന്ന പേര്‌ വന്നത്‌. അങ്ങനെ, ഈ കത്തിൽ എഴുതി​യി​രി​ക്കുന്ന എല്ലാ കാര്യ​ങ്ങ​ളും, ഈ വിഷയ​ത്തിൽ അവർ കണ്ടതും അവർക്കു സംഭവി​ച്ച​തും ആയ സംഗതി​ക​ളും പരിഗ​ണിച്ച്‌ 27 ജൂതന്മാർ ഇങ്ങനെയൊ​രു കാര്യം വ്യവസ്ഥ ചെയ്‌തു: തങ്ങളും പിൻത​ല​മു​റ​ക്കാ​രും തങ്ങളോ​ടു ചേരുന്നവരും+ ഈ രണ്ടു ദിവസങ്ങൾ ഓരോ വർഷവും മുടക്കം കൂടാതെ, നിശ്ചയി​ച്ചി​ട്ടുള്ള സമയത്തു​തന്നെ ആചരിച്ച്‌ അവയെ​ക്കു​റിച്ച്‌ എഴുതി​യി​രി​ക്കു​ന്നതു നിവർത്തി​ക്ക​ണമെ​ന്നാ​യി​രു​ന്നു അത്‌. 28 ഈ ദിവസങ്ങൾ ഓരോ കുടും​ബ​വും ഓരോ സംസ്ഥാ​ന​വും ഓരോ നഗരവും തലമു​റ​ത​ല​മു​റയോ​ളം അനുസ്‌മ​രി​ക്കു​ക​യും ആചരി​ക്കു​ക​യും ചെയ്യണ​മാ​യി​രു​ന്നു. ജൂതന്മാർക്കി​ട​യിൽ ഈ പൂരീം ദിനങ്ങ​ളു​ടെ ആചരണം നിലച്ചുപോ​ക​രു​താ​യി​രു​ന്നു. അവരുടെ പിൻത​ല​മു​റ​ക്കാ​രു​ടെ ഇടയിൽ ഇതിന്റെ അനുസ്‌മ​രണം നിന്നുപോ​ക​രു​താ​യി​രു​ന്നു.

29 അബീഹയിലിന്റെ മകളായ എസ്ഥേർ രാജ്ഞി​യും ജൂതനായ മൊർദെ​ഖാ​യി​യും പൂരീ​മി​നെ സംബന്ധിച്ച രണ്ടാമത്തെ കത്ത്‌ സർവാ​ധി​കാ​രത്തോ​ടെ എഴുതി സ്ഥിരീ​ക​രി​ച്ചു. 30 മൊർദെഖായി അഹശ്വേരശിന്റെ+ സാമ്രാ​ജ്യ​ത്തി​ലെ 127 സംസ്ഥാനങ്ങളിലുള്ള+ എല്ലാ ജൂതന്മാർക്കും സമാധാ​ന​വും സത്യവും പ്രതി​ഫ​ലി​ക്കുന്ന വാക്കു​ക​ളിൽ ഔദ്യോ​ഗി​ക​ക​ത്തു​കൾ അയച്ചു. 31 നിശ്ചയിച്ചിട്ടുള്ള സമയങ്ങ​ളിൽ പൂരീം ദിനങ്ങൾ ഉപവാസവും+ പ്രാർഥനയും+ സഹിതം ആചരി​ക്കുന്നെന്ന്‌ ഉറപ്പാ​ക്കാ​നാ​യി​രു​ന്നു അത്‌. ജൂതനായ മൊർദെ​ഖാ​യി​യും എസ്ഥേർ രാജ്ഞി​യും ജൂതന്മാരോ​ടു നിർദേശിച്ചിരുന്നതും+ ജൂതന്മാർ തങ്ങൾക്കും പിൻത​ല​മു​റ​ക്കാർക്കും വേണ്ടി വ്യവസ്ഥ ചെയ്‌തി​രു​ന്ന​തും ഇതുതന്നെ​യാ​യി​രു​ന്നു.+ 32 അങ്ങനെ, പൂരീമിനെ+ സംബന്ധിച്ച ഇക്കാര്യ​ങ്ങൾ എസ്ഥേറി​ന്റെ കല്‌പ​നകൊണ്ട്‌ സ്ഥിരീ​ക​രി​ക്കു​ക​യും അത്‌ ഒരു പുസ്‌ത​ക​ത്തിൽ രേഖ​പ്പെ​ടു​ത്തു​ക​യും ചെയ്‌തു.

10 അഹശ്വേ​രശ്‌ രാജാവ്‌ സാമ്രാ​ജ്യ​ത്തിലെ​ങ്ങും, കരമുതൽ കടലിലെ ദ്വീപു​കൾവരെ, നിർബ​ന്ധി​തജോ​ലി ഏർപ്പെ​ടു​ത്തി.

2 അഹശ്വേരശ്‌ രാജാ​വി​ന്റെ പ്രബല​വും മഹത്തര​വും ആയ എല്ലാ നേട്ടങ്ങ​ളും രാജാവ്‌ മൊർദെഖായിയെ+ ഉയർത്തി മഹത്ത്വപ്പെടുത്തിയതിന്റെ+ വിശദ​വി​വ​ര​ണ​വും മേദ്യ​യിലെ​യും പേർഷ്യയിലെയും+ രാജാ​ക്ക​ന്മാ​രു​ടെ കാലത്തെ ചരിത്രപുസ്‌തകത്തിൽ+ രേഖ​പ്പെ​ടു​ത്തി​യി​ട്ടു​ണ്ട​ല്ലോ. 3 ജൂതനായ മൊർദെ​ഖാ​യി​ക്കാ​യി​രു​ന്നു അഹശ്വേ​രശ്‌ രാജാവ്‌ കഴിഞ്ഞാൽ അടുത്ത സ്ഥാനം. സ്വന്തം ജനത്തിന്റെ നന്മയ്‌ക്കും അവരുടെ പിൻത​ല​മു​റ​ക്കാ​രുടെയെ​ല്ലാം ക്ഷേമത്തി​നും വേണ്ടി പ്രവർത്തിച്ച* മൊർദെ​ഖാ​യി ജൂതന്മാ​രു​ടെ ഇടയിൽ മഹാനും* അനേകം​വ​രുന്ന സഹോ​ദ​ര​ങ്ങ​ളു​ടെ ഇടയിൽ ബഹുമാ​ന്യ​നും ആയിരു​ന്നു.