Yesaya
Niyegere, avuge+.
Nimuze tuje hamwe, nce urubanza.
2 Ni nde yazanye umuntu amukuye i burasirazuba*+,
akamuhamagara mu bugororotsi ngo amukorere*,
ngo amufashe gutsinda amahanga
no kunesha abami+?
Ni nde atuma bamera nk’umukungugu imbere y’inkota yiwe,
bakamera nk’ibishakara biguruwe n’umuyaga imbere y’umuheto wiwe?
3 Arabakurikirana, akarengana ata wumutangira,
agaca mu nzira atigeze ahonyozamwo ibirenge.
5 Amazinga yarabibonye aratinya,
impera z’isi zitangura kujugumira.
Baraza bakegera.
6 Umwe wese afasha mugenziwe,
akabwira mwenewabo ati: «Komera.»
7 Umunyamwuga w’umuhinga aremesha umucuzi+,
uwuringaniza akoresheje inyundo y’umucuzi
akaremesha uwuhondesha inyundo ku cuma co gucurirako.
Ku bijanye n’ingene icuma giteranije, avuga ati: «Giteranije neza.»
Nya gishusho baca bagifatisha imisumari ngo ntigihenuke.
8 «Mugabo wewe ga Isirayeli, uri umusavyi wanje+.
Wewe Yakobo naragutoye+,
wewe ruvyaro* rw’umugenzi wanje Aburahamu+.
9 Wewe nagukuye ku mpera z’isi+,
ndaguhamagara ndagukuye mu mihingo yayo ya kure.
10 Ntutinye kuko ndi kumwe nawe+.
Ntuhagarike umutima kuko ndi Imana yawe+.
Nzogukomeza, emwe nzogufasha+.
Vy’ukuri, nzogufata n’ukuryo kwanje kw’ubugororotsi, ndakugumye.”
11 Raba! Abakugirira uburake bose bazomaramara, bateterwe+.
Abakurwanya bazohinduka ubusa, bayogere+.
14 Ntutinye, wewe musiba* Yakobo+,
mwebwe bantu ba Isirayeli. Nzogufasha», ni ko Yehova avuze, wa Mucunguzi wawe+, wa Mweranda wa Isirayeli.
15 «Raba! Nakugize ibibaho batonoza intete*+,
igikoresho gishasha batonoza intete gifise amenyo akarishe impande zibiri.
Uzohonyangira hasi imisozi, uyijanjagure,
imirambi uyigire nk’umuguruka.
17 «Abagorwa n’aboro bararondera amazi, ariko nta yo baronka.
Ururimi rwabo rwumye kubera inyota+.
Jewe Yehova nzobishura+.
Jewe Imana ya Isirayeli sinzobaheba+.
Ubugaragwa nzobugira ikidengeri c’amazi cuzuyeko amarenga,
igihugu kigadutse na co gisigare kirimwo amasoko y’amazi+.
Mu kiyaya c’ubugaragwa nzohatera igiti c’umuberoshi,
igiti c’umutidari n’akajwari+.
20 Nzobikora kugira ngo abantu bose babone, bamenye,
bitwararike bongere batahure
yuko ukuboko kwa Yehova ari kwo kwabikoze,
kandi ko wa Mweranda wa Isirayeli ari we yabiremye+.»
21 Yehova avuze ati: «Nimushikirize imburano zanyu.»
Umwami wa Yakobo avuze ati: «Nimutange ivyemezo vyanyu.
22 Nimutange ibimenyamenya, mutubwire ibizoba.
Canke na ho mutumenyeshe ibigiye kuba+.
Nimugire ico mukoze, caba ciza canke kibi,
kugira dutangare tukibonye+.
Uwubahitamwo wese ni ikintu gishisha+.
26 Ni nde yabivuze kuva mu ntango kugira tubimenye,
canke kuva mu bihe vya kera, kugira ngo tuvuge duti: “Avuga vyo+”?
Mu vy’ukuri, nta n’umwe yabimenyesheje.
Nta n’umwe yabivuze.
Nta kintu na kimwe twabumvanye+.»
27 Ni je nabaye uwa mbere mu kubwira Siyoni nti: «Raba ng’ibi+!»
Kandi nzorungika i Yeruzalemu uwutwara inkuru nziza+.
28 Mugabo nagumye ndaba, ariko nta n’umwe yari ahari.
Nta n’umwe muri bo yashobora gutanga impanuro.
Naguma ndabasaba ngo bishure.
29 Raba! Bose ni ikintu kitabaho*.
Ibikorwa vyabo ni ubusa.
Ibishusho vyabo bikozwe mu cuma* ni umuyaga kandi ni ibintu ata co bimaze+.