സങ്കീർത്തനം
א (ആലേഫ്‌)
2 ദൈവത്തിന്റെ ഓർമിപ്പിക്കലുകൾ അനുസരിക്കുന്നവർ,+
മുഴുഹൃദയത്തോടെ ദൈവത്തെ തേടുന്നവർ, സന്തുഷ്ടർ.+
6 എങ്കിൽ, അങ്ങയുടെ കല്‌പനകളെക്കുറിച്ചെല്ലാം ചിന്തിക്കുമ്പോൾ
എനിക്കു നാണക്കേടു തോന്നില്ലല്ലോ.+
7 അങ്ങയുടെ നീതിയുള്ള വിധികൾ പഠിക്കുമ്പോൾ
ഞാൻ ശുദ്ധഹൃദയത്തോടെ അങ്ങയെ സ്‌തുതിക്കും.
8 അങ്ങയുടെ ചട്ടങ്ങൾ ഞാൻ അനുസരിക്കും.
ഒരിക്കലും എന്നെ പാടേ ഉപേക്ഷിക്കരുതേ.
ב (ബേത്ത്‌)
9 ഒരു യുവാവിന്‌ എങ്ങനെ തന്റെ വഴികൾ കറ പുരളാതെ സൂക്ഷിക്കാം?
തിരുവചനമനുസരിച്ച്‌ സ്വയം സൂക്ഷിച്ചുകൊണ്ട്‌.+
10 ഞാൻ മുഴുഹൃദയാ അങ്ങയെ തിരയുന്നു.
ഞാൻ അങ്ങയുടെ കല്‌പനകൾ വിട്ടുമാറാൻ സമ്മതിക്കരുതേ.+
12 യഹോവേ, അങ്ങ്‌ വാഴ്‌ത്തപ്പെടട്ടെ;
അങ്ങയുടെ ചട്ടങ്ങൾ എന്നെ പഠിപ്പിക്കേണമേ.
13 അങ്ങ്‌ പ്രസ്‌താവിച്ച വിധികളെല്ലാം
എന്റെ അധരങ്ങളാൽ ഞാൻ വർണിക്കുന്നു.
15 അങ്ങയുടെ ആജ്ഞകളെക്കുറിച്ച്‌ ഞാൻ മനസ്സിരുത്തി ചിന്തിക്കും;*+
അങ്ങയുടെ വഴികളിൽനിന്ന്‌+ ദൃഷ്ടി മാറ്റില്ല.
16 അങ്ങയുടെ നിയമങ്ങൾ എനിക്ക്‌ ഏറെ പ്രിയപ്പെട്ടത്‌.
അങ്ങയുടെ വചനം ഞാൻ മറക്കില്ല.+
ג (ഗീമെൽ)
18 അങ്ങയുടെ നിയമത്തിലെ അത്ഭുതകാര്യങ്ങൾ
വ്യക്തമായി കാണേണ്ടതിന്‌ എന്റെ കണ്ണു തുറക്കേണമേ.
19 ഇവിടെ ഞാൻ വെറുമൊരു അന്യനാട്ടുകാരൻ.+
അങ്ങയുടെ കല്‌പനകൾ എന്നിൽനിന്ന്‌ മറയ്‌ക്കരുതേ.
20 അങ്ങയുടെ വിധികൾക്കായി വാഞ്‌ഛിച്ച്‌
ഞാൻ സദാ തളർന്നിരിക്കുന്നു.
22 നിന്ദയും അവജ്ഞയും എന്നിൽനിന്ന്‌ നീക്കേണമേ;*
ഞാൻ അങ്ങയുടെ ഓർമിപ്പിക്കലുകൾ അനുസരിച്ചിരിക്കുന്നല്ലോ.
23 പ്രഭുക്കന്മാർ വട്ടംകൂടിയിരുന്ന്‌ എനിക്ക്‌ എതിരെ സംസാരിക്കുമ്പോൾപ്പോലും
അങ്ങയുടെ ഈ ദാസൻ അങ്ങയുടെ ചട്ടങ്ങളെക്കുറിച്ച്‌ ധ്യാനിക്കുന്നു.*
ד (ദാലെത്ത്‌)
25 ഞാൻ പൊടിയിൽ കമിഴ്‌ന്നുകിടക്കുന്നു.+
അങ്ങ്‌ വാക്കു തന്നതുപോലെ എന്നെ ജീവനോടെ കാക്കേണമേ.+
26 എന്റെ വഴികളെക്കുറിച്ചെല്ലാം അങ്ങയോടു വിവരിച്ചപ്പോൾ അങ്ങ്‌ എനിക്ക്‌ ഉത്തരമേകി;
അങ്ങയുടെ ചട്ടങ്ങൾ എന്നെ പഠിപ്പിക്കേണമേ.+
28 സങ്കടം ഏറിയിട്ട്‌ എനിക്ക്‌ ഉറക്കമില്ലാതായി.
അങ്ങയുടെ വാക്കുപോലെ എനിക്കു കരുത്തേകേണമേ.
30 വിശ്വസ്‌തതയുടെ മാർഗം ഞാൻ തിരഞ്ഞെടുത്തിരിക്കുന്നു.+
അങ്ങയുടെ വിധികൾ ശരിയാണെന്നു ഞാൻ മനസ്സിലാക്കുന്നു.
31 അങ്ങയുടെ ഓർമിപ്പിക്കലുകളോടു ഞാൻ പറ്റിനിൽക്കുന്നു.+
യഹോവേ, ഞാൻ നിരാശനാകാൻ* സമ്മതിക്കരുതേ.+
32 ഞാൻ ഉത്സാഹത്തോടെ അങ്ങയുടെ കല്‌പനകൾ പിൻപറ്റും.*
അങ്ങ്‌ എന്റെ ഹൃദയത്തിൽ അവയ്‌ക്കായി ഇടമൊരുക്കുന്നല്ലോ.*
ה (ഹേ)
34 എനിക്കു ഗ്രഹണശക്തി തരേണമേ;
അങ്ങനെ, എനിക്ക്‌ അങ്ങയുടെ നിയമം അനുസരിക്കാനാകട്ടെ,
മുഴുഹൃദയാ അതു പാലിക്കാൻ കഴിയട്ടെ.
37 ഒരു ഗുണവുമില്ലാത്ത കാര്യങ്ങൾ കാണാതിരിക്കാൻ
എന്റെ നോട്ടം തിരിച്ചുവിടേണമേ;+
അങ്ങയുടെ വഴിയിൽ എന്നെ ജീവനോടെ കാക്കേണമേ.
40 അങ്ങയുടെ ആജ്ഞകൾക്കായി ഞാൻ എത്ര കൊതിക്കുന്നു!
അങ്ങയുടെ നീതിയാൽ എന്നെ ജീവനോടെ കാക്കേണമേ.
ו (വൗ)
41 യഹോവേ, അങ്ങയുടെ അചഞ്ചലസ്‌നേഹം,+
അങ്ങ്‌ വാക്കു തന്ന രക്ഷ, ഞാൻ അനുഭവിച്ചറിയട്ടെ;+
42 അപ്പോൾ, എന്നെ നിന്ദിക്കുന്നവനു ഞാൻ മറുപടി കൊടുക്കും;
ഞാൻ അങ്ങയുടെ വാക്കിൽ വിശ്വാസമർപ്പിക്കുന്നല്ലോ.
43 എന്റെ വായിൽനിന്ന്‌ സത്യവചനം ഒരിക്കലും നീക്കിക്കളയരുതേ;
അങ്ങയുടെ വിധികളിലാണല്ലോ ഞാൻ പ്രത്യാശ വെച്ചിരിക്കുന്നത്‌.
45 ഞാൻ അങ്ങയുടെ ആജ്ഞകൾ തേടുന്നല്ലോ;
അതിനാൽ ഞാൻ നടക്കുന്നതു സുരക്ഷിതസ്ഥലത്തുകൂടെയായിരിക്കും.*+
46 ഞാൻ രാജാക്കന്മാരുടെ മുന്നിൽ അങ്ങയുടെ ഓർമിപ്പിക്കലുകളെക്കുറിച്ച്‌ സംസാരിക്കും;
എനിക്കു നാണക്കേടു തോന്നില്ല.+
ז (സയിൻ)
51 ധിക്കാരികൾ എന്നെ രൂക്ഷമായി അധിക്ഷേപിക്കുന്നു;
എങ്കിലും ഞാൻ അങ്ങയുടെ നിയമത്തിൽനിന്ന്‌ വ്യതിചലിക്കുന്നില്ല.+
55 അങ്ങയുടെ നിയമം അനുസരിക്കുന്നതിൽ വീഴ്‌ച വരുത്താതിരിക്കാൻ
യഹോവേ, രാത്രിയിൽ ഞാൻ തിരുനാമം ഓർക്കുന്നു.+
56 ഇത്‌ എന്റെ ശീലമാണ്‌;
ഞാൻ ഇതുവരെ അങ്ങയുടെ ആജ്ഞകൾ പാലിച്ചിരിക്കുന്നല്ലോ.
ח (ഹേത്ത്‌)
58 മുഴുഹൃദയാ ഞാൻ അങ്ങയോട്‌ അപേക്ഷിക്കുന്നു;*+
അങ്ങയുടെ വാഗ്‌ദാനത്തിനു ചേർച്ചയിൽ എന്നോടു പ്രീതി കാണിക്കേണമേ.+
59 എന്റെ കാലടികൾ വീണ്ടും അങ്ങയുടെ ഓർമിപ്പിക്കലുകളിലേക്കു തിരിക്കേണ്ടതിന്‌
ഞാൻ എന്റെ വഴികൾ പരിശോധിച്ചിരിക്കുന്നു.+
60 അങ്ങയുടെ കല്‌പനകൾ അനുസരിക്കാൻ എനിക്കു വലിയ ഉത്സാഹമാണ്‌;
ഞാൻ അത്‌ ഒട്ടും വെച്ചുതാമസിപ്പിക്കുന്നില്ല.+
64 യഹോവേ, അങ്ങയുടെ അചഞ്ചലസ്‌നേഹം ഭൂമിയിലെങ്ങും നിറഞ്ഞിരിക്കുന്നു;+
അങ്ങയുടെ ചട്ടങ്ങൾ എന്നെ പഠിപ്പിക്കേണമേ.
ט (തേത്ത്‌)
65 യഹോവേ, അങ്ങയുടെ വാക്കുപോലെ
അങ്ങ്‌ ഈ ദാസനോടു നന്നായി ഇടപെട്ടല്ലോ.
66 അറിവും ബോധവും ഉള്ളവനാകാൻ എന്നെ പഠിപ്പിക്കേണമേ;+
ഞാൻ അങ്ങയുടെ കല്‌പനകളിൽ ആശ്രയിക്കുന്നവനല്ലോ.
67 കഷ്ടത അനുഭവിക്കുംമുമ്പ്‌ ഞാൻ വഴിതെറ്റിപ്പോകാറുണ്ടായിരുന്നു;*
ഇപ്പോഴോ ഞാൻ അങ്ങയുടെ മൊഴികൾ പാലിക്കുന്നു.+
68 അങ്ങ്‌ നല്ലവൻ;+ അങ്ങയുടെ പ്രവൃത്തികളും നല്ലത്‌.
അങ്ങയുടെ ചട്ടങ്ങൾ എന്നെ പഠിപ്പിക്കേണമേ.+
69 ധാർഷ്ട്യമുള്ളവർ എന്നെ നുണകൾകൊണ്ട്‌ പൊതിയുന്നു;
എന്നാൽ, ഞാൻ അങ്ങയുടെ ആജ്ഞകൾ മുഴുഹൃദയാ പാലിക്കുന്നു.
י (യോദ്‌)
73 അങ്ങയുടെ കരങ്ങൾ എന്നെ ഉണ്ടാക്കി, എന്നെ രൂപപ്പെടുത്തി.
അങ്ങയുടെ കല്‌പനകൾ പഠിക്കാൻ+
എനിക്കു ഗ്രഹണശക്തി തരേണമേ.
74 ഞാൻ പ്രത്യാശ വെക്കുന്നതു തിരുവചനത്തിലായതുകൊണ്ട്‌+
അങ്ങയെ ഭയപ്പെടുന്നവർ എന്നെ കാണുമ്പോൾ സന്തോഷിക്കുന്നു.
75 യഹോവേ, അങ്ങയുടെ വിധികൾ ന്യായമെന്നു ഞാൻ അറിയുന്നു;+
അങ്ങയുടെ വിശ്വസ്‌തത നിമിത്തമാണല്ലോ അങ്ങ്‌ എന്നെ ക്ലേശിപ്പിച്ചത്‌.+
77 ഞാൻ ജീവിച്ചിരിക്കേണ്ടതിന്‌+ എന്നോടു കരുണ കാണിക്കേണമേ.
ഞാൻ അങ്ങയുടെ നിയമം പ്രിയപ്പെടുന്നല്ലോ.+
ഞാനോ അങ്ങയുടെ ആജ്ഞകളെക്കുറിച്ച്‌ ധ്യാനിക്കും.*+
79 അങ്ങയെ ഭയപ്പെടുന്നവർ, അങ്ങയുടെ ഓർമിപ്പിക്കലുകൾ അറിയാവുന്നവർ,
എന്നിലേക്കു മടങ്ങിവരട്ടെ.
80 എന്റെ ഹൃദയം കുറ്റമറ്റ വിധം അങ്ങയുടെ ചട്ടങ്ങൾ പിൻപറ്റട്ടെ;+
അങ്ങനെയാകുമ്പോൾ എനിക്കു നാണംകെടേണ്ടിവരില്ലല്ലോ.+
כ (കഫ്‌)
81 ഞാൻ പ്രത്യാശ വെക്കുന്നതു തിരുവചനത്തിലായതുകൊണ്ട്‌
അങ്ങയിൽനിന്നുള്ള രക്ഷയ്‌ക്കായി കാത്തുകാത്തിരിക്കുന്നു; +
82 “അങ്ങ്‌ എന്നെ എപ്പോൾ ആശ്വസിപ്പിക്കും”+ എന്നു പറഞ്ഞ്‌
എന്റെ കണ്ണുകൾ തിരുമൊഴിക്കായി കാത്തിരിക്കുന്നു.+
83 ഞാൻ പുകയേറ്റ്‌ ഉണങ്ങിപ്പോയ തോൽക്കുടംപോലെയല്ലോ;
എങ്കിലും, അങ്ങയുടെ ചട്ടങ്ങൾ ഞാൻ വിസ്‌മരിക്കുന്നില്ല.+
84 അങ്ങയുടെ ഈ ദാസൻ എത്ര നാൾ കാത്തിരിക്കണം?
എന്നെ ഉപദ്രവിക്കുന്നവർക്കെതിരെ അങ്ങ്‌ എപ്പോൾ ന്യായവിധി നടപ്പാക്കും?+
85 അങ്ങയുടെ നിയമം ധിക്കരിക്കുന്ന ധാർഷ്ട്യമുള്ളവർ
എന്നെ വീഴ്‌ത്താൻ ചതിക്കുഴി ഒരുക്കുന്നു.
86 അങ്ങയുടെ കല്‌പനകളെല്ലാം ആശ്രയയോഗ്യം.
കാരണംകൂടാതെ മനുഷ്യർ എന്നെ ഉപദ്രവിക്കുന്നു;
എന്നെ സഹായിക്കേണമേ!+
87 അവർ എന്നെ ഭൂമുഖത്തുനിന്നുതന്നെ തുടച്ചുനീക്കുമെന്നായി;
എങ്കിലും ഞാൻ അങ്ങയുടെ ആജ്ഞകൾ ഉപേക്ഷിച്ചില്ല.
88 അങ്ങയുടെ അചഞ്ചലസ്‌നേഹം നിമിത്തം എന്നെ ജീവനോടെ കാക്കേണമേ;
അങ്ങനെ, അങ്ങയുടെ അധരങ്ങളിൽനിന്നുള്ള ഓർമിപ്പിക്കലുകൾ എനിക്ക്‌ അനുസരിക്കാനാകട്ടെ.
ל (ലാമെദ്‌)
90 അങ്ങയുടെ വിശ്വസ്‌തത തലമുറതലമുറയോളമുള്ളത്‌.+
അങ്ങ്‌ ഭൂമിയെ സുസ്ഥിരമായി സ്ഥാപിച്ചു; അതുകൊണ്ട്‌ അതു നിലനിൽക്കുന്നു.+
95 എന്നെ ഇല്ലാതാക്കാൻ ദുഷ്ടന്മാർ തക്കംപാർത്തിരിക്കുന്നു;
ഞാനോ അങ്ങയുടെ ഓർമിപ്പിക്കലുകൾക്കു സൂക്ഷ്‌മശ്രദ്ധ കൊടുക്കുന്നു.
96 ഏതു പൂർണതയ്‌ക്കും ഒരു പരിധിയുണ്ടെന്നു ഞാൻ കണ്ടു;
അങ്ങയുടെ കല്‌പനയ്‌ക്കോ പരിധികളൊന്നുമില്ല!*
מ (മേം)
97 അങ്ങയുടെ നിയമം ഞാൻ എത്ര പ്രിയപ്പെടുന്നു!+
ദിവസം മുഴുവൻ ഞാൻ അതു ധ്യാനിക്കുന്നു.*+
98 അങ്ങയുടെ കല്‌പന എന്നെ ശത്രുക്കളെക്കാൾ ബുദ്ധിമാനാക്കുന്നു;+
കാരണം, അത്‌ എന്നെന്നും എന്നോടുകൂടെയുണ്ട്‌.
99 എന്റെ എല്ലാ ഗുരുക്കന്മാരെക്കാളും ഞാൻ ഉൾക്കാഴ്‌ചയുള്ളവൻ;+
കാരണം, ഞാൻ അങ്ങയുടെ ഓർമിപ്പിക്കലുകളെക്കുറിച്ച്‌ ധ്യാനിക്കുന്നു.*
100 പ്രായമുള്ളവരെക്കാൾ വിവേകത്തോടെ ഞാൻ പ്രവർത്തിക്കുന്നു;
കാരണം, ഞാൻ അങ്ങയുടെ ആജ്ഞകൾ പാലിക്കുന്നു.
102 അങ്ങ്‌ എന്നെ പഠിപ്പിച്ചതുകൊണ്ട്‌
ഞാൻ അങ്ങയുടെ വിധികൾ വിട്ടുമാറുന്നില്ല.
104 അങ്ങയുടെ ആജ്ഞകളുള്ളതിനാൽ ഞാൻ വിവേകത്തോടെ പ്രവർത്തിക്കുന്നു.+
അതുകൊണ്ടാണ്‌ സകല കപടമാർഗവും ഞാൻ വെറുക്കുന്നത്‌.+
נ (നൂൻ)
106 അങ്ങയുടെ നീതിയുള്ള വിധികൾ അനുസരിക്കുമെന്ന്‌
ഞാൻ ആണയിട്ടിരിക്കുന്നു, ഞാൻ ആ വാക്കു പാലിക്കും.
107 ഞാൻ വലിയ കഷ്ടത്തിലായിരിക്കുന്നു.+
യഹോവേ, അങ്ങയുടെ വാക്കുപോലെ എന്നെ ജീവനോടെ കാക്കേണമേ.+
108 യഹോവേ, ഞാൻ സ്വമനസ്സാലെ അർപ്പിക്കുന്ന സ്‌തുതിയാഗങ്ങളിൽ* അങ്ങ്‌ പ്രസാദിക്കേണമേ;+
അങ്ങയുടെ വിധികൾ എന്നെ പഠിപ്പിക്കേണമേ.+
110 ദുഷ്ടന്മാർ എനിക്കായി കെണി വെച്ചിരിക്കുന്നു;
എന്നാൽ, അങ്ങയുടെ ആജ്ഞകളിൽനിന്ന്‌ ഞാൻ വ്യതിചലിച്ചിട്ടില്ല.+
111 അങ്ങയുടെ ഓർമിപ്പിക്കലുകളെ ഞാൻ നിത്യാവകാശമാക്കിയിരിക്കുന്നു;*
കാരണം അവ എന്റെ ഹൃദയാനന്ദമാണ്‌.+
112 അങ്ങയുടെ ചട്ടങ്ങൾ എപ്പോഴും അനുസരിക്കാൻ,
ജീവിതാവസാനംവരെ പാലിക്കാൻ, ഞാൻ നിശ്ചയിച്ചുറച്ചിരിക്കുന്നു.*
ס (സാമെക്‌)
113 മനസ്സില്ലാമനസ്സോടെ കാര്യങ്ങൾ ചെയ്യുന്നവരെ* ഞാൻ വെറുക്കുന്നു;+
അങ്ങയുടെ നിയമത്തെയോ ഞാൻ സ്‌നേഹിക്കുന്നു.+
117 എനിക്കു രക്ഷ കിട്ടാൻ എന്നെ താങ്ങേണമേ;+
അപ്പോൾ, ഞാൻ അങ്ങയുടെ ചട്ടങ്ങളിൽ എപ്പോഴും മനസ്സു കേന്ദ്രീകരിക്കും.+
118 അങ്ങയുടെ ചട്ടങ്ങൾ വിട്ടുമാറുന്നവരെയെല്ലാം അങ്ങ്‌ തിരസ്‌കരിക്കുന്നു;+
അവർ വഞ്ചകരും ചതിയന്മാരും ആണല്ലോ.
119 അങ്ങ്‌ ഭൂമിയിലെ ദുഷ്ടന്മാരെയെല്ലാം ഒരു ഗുണവുമില്ലാത്ത ലോഹമാലിന്യംപോലെ തള്ളിക്കളയുന്നു;+
അതുകൊണ്ടാണ്‌ ഞാൻ അങ്ങയുടെ ഓർമിപ്പിക്കലുകളെ സ്‌നേഹിക്കുന്നത്‌.
120 അങ്ങയെക്കുറിച്ചുള്ള ഭീതിയാൽ എന്റെ ശരീരം വിറയ്‌ക്കുന്നു;
അങ്ങയുടെ ന്യായവിധികളെ ഞാൻ ഭയപ്പെടുന്നു.
ע (അയിൻ)
121 നീതിക്കും ന്യായത്തിനും നിരക്കുന്നതേ ഞാൻ ചെയ്‌തിട്ടുള്ളൂ.
പീഡകരുടെ കൈയിൽ എന്നെ ഏൽപ്പിച്ചുകൊടുക്കരുതേ!
122 അങ്ങയുടെ ഈ ദാസന്റെ ക്ഷേമം ഉറപ്പു വരുത്തേണമേ;
ധാർഷ്ട്യമുള്ളവർ എന്നെ അടിച്ചമർത്താതിരിക്കട്ടെ.
125 ഞാൻ അങ്ങയുടെ ദാസനല്ലോ;
അങ്ങയുടെ ഓർമിപ്പിക്കലുകൾ മനസ്സിലാക്കാൻ എനിക്കു ഗ്രഹണശക്തി തരേണമേ.+
127 അതുകൊണ്ട്‌ ഞാൻ അങ്ങയുടെ കല്‌പനകളെ സ്‌നേഹിക്കുന്നു;
സ്വർണത്തെക്കാൾ, തനിത്തങ്കത്തെക്കാൾപ്പോലും,* പ്രിയപ്പെടുന്നു.+
128 അതിനാൽ, അങ്ങയിൽനിന്നുള്ള നിർദേശങ്ങളെല്ലാം* ശരിയെന്നു ഞാൻ കണക്കാക്കുന്നു;+
എല്ലാ കപടമാർഗവും ഞാൻ വെറുക്കുന്നു.+
פ (പേ)
129 അങ്ങയുടെ ഓർമിപ്പിക്കലുകൾ അതിവിശിഷ്ടം.
അതുകൊണ്ടാണ്‌ ഞാൻ അവ അനുസരിക്കുന്നത്‌.
130 അങ്ങയുടെ വാക്കുകൾ വെളിപ്പെടുമ്പോൾ പ്രകാശം പരക്കുന്നു;+
അത്‌ അനുഭവജ്ഞാനമില്ലാത്തവനു വിവേകം നൽകുന്നു.+
132 തിരുനാമത്തെ സ്‌നേഹിക്കുന്നവർക്കായുള്ള അങ്ങയുടെ വിധികൾക്കു ചേർച്ചയിൽ+
എന്നിലേക്കു തിരിയേണമേ, എന്നോടു പ്രീതി കാട്ടേണമേ.+
134 പീഡകരിൽനിന്ന്‌ എന്നെ വിടുവിക്കേണമേ;
ഞാൻ അങ്ങയുടെ ആജ്ഞകൾ പാലിക്കും.
135 ഈ ദാസന്റെ മേൽ അങ്ങ്‌ തിരുമുഖം പ്രകാശിപ്പിക്കേണമേ;*+
അങ്ങയുടെ ചട്ടങ്ങൾ എന്നെ പഠിപ്പിക്കേണമേ.
136 ആളുകൾ അങ്ങയുടെ നിയമം അനുസരിക്കാത്തതു കണ്ട്‌
എന്റെ കണ്ണിൽനിന്ന്‌ കണ്ണീർ ധാരധാരയായി ഒഴുകുന്നു.+
צ (സാദെ)
138 അങ്ങ്‌ നൽകുന്ന ഓർമിപ്പിക്കലുകൾ നീതിയുള്ളവ;
അവയിൽ പൂർണമായും ആശ്രയിക്കാം.
139 എന്റെ എതിരാളികൾ അങ്ങയുടെ വാക്കുകൾ മറന്നുകളഞ്ഞതു കാണുമ്പോൾ
എന്റെ ശുഷ്‌കാന്തി എന്നെ തിന്നുകളയുന്നു.+
143 ദുരിതവും കഷ്ടപ്പാടും എന്നെ പിടികൂടുമ്പോഴും
അങ്ങയുടെ കല്‌പനകൾ എനിക്കു പ്രിയം.
144 അങ്ങയുടെ ഓർമിപ്പിക്കലുകൾ എന്നെന്നും നീതിയുള്ളത്‌;
ഞാൻ ജീവിച്ചിരിക്കേണ്ടതിന്‌ എനിക്കു വിവേകം തരേണമേ.+
ק (കോഫ്‌)
145 ഞാൻ മുഴുഹൃദയാ വിളിച്ചപേക്ഷിക്കുന്നു. യഹോവേ, ഉത്തരമേകേണമേ.
ഞാൻ അങ്ങയുടെ ചട്ടങ്ങൾ അനുസരിക്കും.
146 ഞാൻ അങ്ങയെ വിളിച്ചപേക്ഷിക്കുന്നു; എന്നെ രക്ഷിക്കേണമേ!
അങ്ങയുടെ ഓർമിപ്പിക്കലുകൾ ഞാൻ അനുസരിക്കും.
147 സഹായം യാചിക്കാൻ പുലർച്ചയ്‌ക്കു മുമ്പേ ഞാൻ എഴുന്നേറ്റിരിക്കുന്നു;+
അങ്ങയുടെ വാക്കുകളാണല്ലോ എനിക്കു പ്രത്യാശ പകരുന്നത്‌.
149 അങ്ങയുടെ അചഞ്ചലമായ സ്‌നേഹം നിമിത്തം എന്റെ സ്വരം ശ്രദ്ധിക്കേണമേ.+
യഹോവേ, അങ്ങയുടെ നീതിക്കു ചേർച്ചയിൽ എന്നെ ജീവനോടെ കാക്കേണമേ.
150 നാണംകെട്ട* കാര്യങ്ങൾ ചെയ്യുന്നവർ അടുത്തടുത്ത്‌ വരുന്നു;
അവർ അങ്ങയുടെ നിയമത്തിൽനിന്ന്‌ ഏറെ അകലെയാണ്‌.
152 ഞാൻ പണ്ടേ അങ്ങയുടെ ഓർമിപ്പിക്കലുകളെക്കുറിച്ച്‌ പഠിച്ചു;
അവ എന്നും നിലനിൽക്കാൻ സ്ഥാപിച്ചതാണെന്നു ഞാൻ മനസ്സിലാക്കി.+
ר (രേശ്‌)
154 എനിക്കുവേണ്ടി വാദിച്ച്‌* എന്നെ വിടുവിക്കേണമേ;+
അങ്ങ്‌ വാക്കു തന്നതുപോലെ എന്നെ ജീവനോടെ കാക്കേണമേ.
156 യഹോവേ, അങ്ങയുടെ കരുണ എത്ര വലിയത്‌!+
അങ്ങയുടെ നീതിക്കു ചേർച്ചയിൽ എന്നെ ജീവനോടെ കാക്കേണമേ.
157 എന്നെ ഉപദ്രവിക്കുന്നവരും എന്റെ എതിരാളികളും അനവധിയാണ്‌;+
എന്നാൽ, ഞാൻ അങ്ങയുടെ ഓർമിപ്പിക്കലുകളിൽനിന്ന്‌ വ്യതിചലിച്ചിട്ടില്ല.
159 അങ്ങയുടെ ആജ്ഞകളെ ഞാൻ എത്ര സ്‌നേഹിക്കുന്നെന്നു കണ്ടോ!
യഹോവേ, അങ്ങയുടെ അചഞ്ചലമായ സ്‌നേഹം നിമിത്തം എന്നെ ജീവനോടെ കാക്കേണമേ.+
160 സത്യം—അതാണ്‌ അങ്ങയുടെ വചനത്തിന്റെ സാരാംശം;+
അങ്ങയുടെ നീതിയുള്ള വിധികളെല്ലാം എന്നും നിൽക്കുന്നു.
ש (സീൻ) അഥവാ (ശീൻ)
161 കാരണംകൂടാതെ പ്രഭുക്കന്മാർ എന്നെ ഉപദ്രവിക്കുന്നു;+
എങ്കിലും എന്റെ ഹൃദയത്തിൽ അങ്ങയുടെ വാക്കുകളോടു ഭയാദരവുണ്ട്‌.+
163 ഞാൻ കള്ളത്തരം വെറുക്കുന്നു; അത്‌ എനിക്ക്‌ അറപ്പാണ്‌;+
അങ്ങയുടെ നിയമത്തെ ഞാൻ സ്‌നേഹിക്കുന്നു.+
164 അങ്ങയുടെ നീതിയുള്ള വിധികളുടെ പേരിൽ
ദിവസം ഏഴു പ്രാവശ്യം ഞാൻ അങ്ങയെ സ്‌തുതിക്കുന്നു.
165 അങ്ങയുടെ നിയമത്തെ പ്രിയപ്പെടുന്നവർക്കു വലിയ മനസ്സമാധാനമുണ്ട്‌;+
അവരെ വീഴിക്കാൻ ഒന്നിനുമാകില്ല.*
166 യഹോവേ, അങ്ങയുടെ രക്ഷാപ്രവൃത്തികൾക്കായി ഞാൻ പ്രത്യാശയോടെ കാത്തിരിക്കുന്നു;
ഞാൻ അങ്ങയുടെ കല്‌പനകൾ പാലിക്കുന്നു.
168 ഞാൻ ചെയ്യുന്നതെല്ലാം അങ്ങ്‌ അറിയുന്നല്ലോ;
അതുകൊണ്ട്‌, അങ്ങയുടെ ആജ്ഞകളും ഓർമിപ്പിക്കലുകളും ഞാൻ അനുസരിക്കുന്നു.+
ת (തൗ)
169 യഹോവേ, സഹായത്തിനായുള്ള എന്റെ യാചനകൾ തിരുസന്നിധിയിൽ എത്തട്ടെ;+
തിരുമൊഴിയിലൂടെ എനിക്കു കാര്യങ്ങൾ മനസ്സിലാക്കിത്തരേണമേ.+
170 പ്രീതിക്കായുള്ള എന്റെ അപേക്ഷ തിരുസന്നിധിയിൽ എത്തട്ടെ;
അങ്ങ്‌ വാക്കു തന്നതുപോലെ എന്നെ രക്ഷിക്കേണമേ.
171 എന്റെ അധരങ്ങളിൽനിന്ന്‌ സ്‌തുതി കവിഞ്ഞൊഴുകട്ടെ;+
അങ്ങയുടെ ചട്ടങ്ങൾ അങ്ങ്‌ എന്നെ പഠിപ്പിക്കുന്നല്ലോ.
172 എന്റെ നാവ്‌ തിരുമൊഴികളെക്കുറിച്ച്‌ പാടട്ടെ;+
അങ്ങയുടെ കല്‌പനകളെല്ലാം നീതിയുള്ളതല്ലോ.
173 ഞാൻ അങ്ങയുടെ ആജ്ഞകൾ പാലിക്കാൻ തീരുമാനിച്ചിരിക്കയാൽ+
എന്നെ സഹായിക്കാൻ അങ്ങ്‌* എപ്പോഴും ഒരുങ്ങിയിരിക്കേണമേ.+
174 യഹോവേ, അങ്ങ്‌ നൽകും രക്ഷയ്‌ക്കായി ഞാൻ കാത്തുകാത്തിരിക്കുന്നു;
അങ്ങയുടെ നിയമം ഞാൻ പ്രിയപ്പെടുന്നു.+